Distributed under the Creative Commons Attribution-NonCommercial 3.0 Unported License.
Fraktur
Dieses Werk wurde gemäß den DTA-Transkriptionsrichtlinien im Double-Keying-Verfahren von Nicht-Muttersprachlern erfasst und in XML/TEI P5 nach DTA-Basisformat kodiert.
VJlen dingen wirdt die
Welt artlich vergli-
chen/ bißweiln einem
prato florido, oder
gruͤnen vnnd luſtigen
Wiſen/ dann wie in derſelben ſich zu
Sommerszeit allerhand ſchoͤne vñ
wolriechende Blumen vnd Kraͤuter
ſehen laſſen/ vnd die Augen der Men-
ſchen erluſtigẽ/ alſo wañ der Schnit-
ter kombt/ vnd mit ſeiner Sichel al-
les abmehet/ alsdann fallen vnd li-
gen alle vnd jede ſchoͤne vnd heßliche/
gute vnd boͤſe Blumen vnd Kraͤuter
durch einander/ verwelcken vnd ver-
dorꝛen. Alſo vnd ebner geſtallt ſeind
die Menſchen in diſer Welt je nicht
anders/ als vnderſchidliche Blu-
men/ die einander in der groͤſſe/ in
der ſchoͤnheit/ in der guͤte/ vnd in der
ehr vnd hochheit ſehr vngleich ſeind
aber wann der grauſamb Todt ſein
Sichel anſetzet/ alsdann machet er
alles gleich: omnia mors æquat
Dann wo ſeind anjetzo die Scepter
der Koͤnige/ die Huͤt der Cardinaͤln/
die dryfache Jnfeln der Baͤpſte/ die
Kronen der Kaiſern/ wo ſeind anjetzo
die Samſones, Gedeones, Hercu-
les vnd Achilles: Wo ſeind die rei-
che Craſſi, Midæ, Cræſi vnd weiſe
vnd geſcheide Salomones.
Bißweiln wirdt die Welt einem
dicken Waldt verglichen/ dann in
demſelben ſehen wir vnderſchidliche
art der Baͤum/ dern etliche wachſen
in alle hoͤhe/ vnd verbergen jre Haͤu-
pter vnd Haar biß in die Wolcken/
etliche ſeind ſehꝛ nutzlich vnd frucht-
bar/ aber benebens heßlich/ etliche
ſeind vnnutzlich vnnd vnfruchtbar/
vnd doch darneben ſchoͤn/ gruͤn/ lu-
ſtig vnd lieblich anzuſehen/ etliche a-
ber ſeind dermaſſen klein vnd kurtz/
daß ſie jhre Zweig biß auff die Erden
hangen laſſen/ Alsbald aber die Art
an ſie geſchlagen wirdt/ vnnd ſie ins
Fewr geworffen vnd zu Aſchen ver-
brennt worden/ alsdann keñet man
die hohe vnd nidrige Baͤum nit von
einander. Die Welt iſt der Waldt/
die Menſchen ſeind die Baͤum/ vnd
wie der Waldt/ alslang er gruͤnet/
mit vnderſchidlichen farben geziert
iſt/ alſo ſeind etliche Menſchen pur
lautere ignoranten, ſtam̃ler vñ vn-
beredt/ andere ſeind geſchwetzig vnd
wolredent: Etliche ſeind Sophiſten
vñ Philoſophi, andere ſchoͤn/ ande-
re heßlich/ etliche werden erkent auß
jren heroiſchen Fruͤchten vñ dapfern
thaten/ andere aber ſeind forchtſam̃
vnd doͤrffen ſich nichts vnderfahen/
aber alsbaldt der Todt ſein Sichel
anſchlaͤgt/ alsdann redigiret vnd
verkehꝛet er alles in Aſchen.
Ferner wirdt die Welt dem Hauſe
eines Hafners verglichen/ Dañ wie
in deſſelbẽ Hauſe allerhand geſchirꝛ/
groſſe vnd kleine/ ſchoͤne vnd heßliche
verhanden/ dern etliche zu ehren ge-
braucht vnd auf den Tiſch geſetzt/ an-
dere aber zu vnehꝛen vnd nur in die
Winckel geſetzt werden/ aber doch al-
leſambt vnuerſehens oder langſamb
zerbrochen vnd zu lauter Scherben
gemacht werden/ alſo findt man in
der Welt Magnates, Fuͤrſten/ Koͤ-
nige/ Monarchen/ Edelleut/ Bur-
ger/ Bawren vnd Armen/ wie aber
die vaſa alia in honorem, alia in
contum eliam: vos nobiles, nos
autem ignobiles; alſo ſeind wir al-
leſampt dem fall vnderwoꝛffen/ vnd
von Natur ſehr ſchwach vnd baw-
fellig/ deſcende ergo, ô homo, in
domum figuli. Ierem. 18.
Der jenig aber triffts meines er-
achtens/ am beſten/ welcher die Welt
einem Laborint oder Jrꝛgarten ver-
glichen/ dann was ſeind die Men-
ſchen in diſer armſeligen Welt an-
derſt/ als die hin vnd wider/ auff vnd
nider wanderen/ lauffen/ ſuchen/
dichten/ trachten/ ſich bemuͤhen/ jm-
merdar vnnd vil jrꝛen/ aber wenig
finden noch treffen? Dann zum tref-
fen iſt nur ein einiger weg verhan-
den/ aber zum faͤhlen vnd jrꝛen ſeind
vnendtlich vil verhanden. Das ha-
ben nun die jenigen mit jhrem ſcha-
den wol erfahren/ welche in der ewi-
gen qual ſich jhꝛes auff Erden voll-
brachten boͤſen Lebens halben be-
klagten vnd ſagten: ambulauimus
vias difficiles.
Diſes haben etliche gelehrte be-
tracht vnnd geſagt/ daß deß Men-
ſchen Leben nur ein inconſtantiæ i-
mago, ein ebenbild der vnbeſtaͤndig-
keit ſeye/ vermuͤg der Wort: in ima-
gine pertranſit omnis homo.
Pſ. 38. Andere habẽs dem vnbeſtaͤn-
digen vngeſtuͤmmen Meer vergli-
chen/ welches ſtuͤndtlich newe Wel-
len/ Vngewitter vnnd Schiffbruͤch
verurſachet: Dañ hominum vita
imitatur mare veſaniens, quoti-
die parens naufragia. Andere ſa-
gen/ daß deß Menſchen Leben ein ver-
gehender Windt: vermuͤg der Wort
Nazianzeni, eſt homo turbo re-
ferens puluerem omnibus infi-
dum, & incertũ hucatq; illuca-
gitãs Iob 37. Aber noch beſſer ſagt
der weiſe Mann/ Vniuerſa vanitas
omnis homo viuens, als wolte er
ſagen: alle vnd jede eytelkeiten/ vnbe-
ſtaͤndigkeiten/ thorheiten/ arm: vnd
vngluͤckſeligkeiten befinden ſich in
dem Menſchen.
Daß nun ſolches alles alſo war
zu ſein erſcheine/ hab ich allen vnnd
jeden Standts Perſonen zur nach-
richtung vnd gutem/ die Hiſtori vom
Leben Johan Guſmans in Truck
verfertigt/ vnd E. Gn. zu einen Pa-
tron deſſelben erwoͤhlen/ vnnd bey-
nebens derſelben zu jhrer erlangten
Pręlatur von Gott dem Allmaͤchti-
gen vil gluͤck vnd heyl wuͤnſchenwoͤl-
len/ damit alſo E. Gn. derſelben vil
Jarlang gluͤcklich vnnd wol vorſte-
hen/ vnd jedermennigklichs zu der-
ſelben geſetzter guten hoffnung/ ein
gnuͤgen thun moͤgen/ Daran dann
deſtoweniger zu zweiflen/ allweil E.
Gn. nunmehr vil Jahrlang der
Probſtey Gloͤcknitz in Oeſterꝛeich
loͤblich vnd wol gehauſt vnd vorge-
ſtanden/ vnd dardurch allbereit ei-
nen guten Namen præparirt vnd
erlangt haben. Datum Muͤnchen
den 1. Ianuarij 1615.
Guſman erzehlt/ wer ſein Herꝛ
Vatter geweſt/ nemblich ein ſeltza-
mer Geſell vnd ſehr erbarer
Mann.
OHne zweiffel wirdt man mirs
fuͤr vbel haben/ daß ich wider
das vierdte Gebott GOTtes
handle/ vnnd in Beſchreibung
meiner ſchaͤndtlichen Geburt/
die Laſter vnd Schand meiner Eltern entde-
cke/ dann jederzeit ſeindt die calumnianten
vnnd Ehrenſchaͤnder veracht vnnd verhaßt
worden/ zumaln die jenigen/ welche jhrer eyg-
nen Eltern nicht verſchonen: Aber doch troͤſte
ich mich mit deme/ daß man von mir ſagen
wirdt: O/ wie gleich iſt Guſman ſeinen El-
tern: Zu dem iſt jhr Leben allermennigklichen
dermaſſen bekannt/ daß es ein Thorheit were/
wann ichs laugnen wolte/ derwegẽ halte ichs
vilmehꝛ fuͤr ein pur lautere hoͤflichkeit/ daß ich
den wahren vnd klaren Text ableſe/ vnd etli-
cher Leuth daruͤber gemachte falſche gloſſas
ablaine: Dann man findt Leuth/ welche/ zu
erzeigung jhꝛer Kunſt vnd Wolredenheit/ auß
einem Zwergl einen Riſen/ vnd auß der præ-
ſumption oder veꝛmutung ein euidentiam
vñ warheit machen/ Jnmaſſen einem fremb-
den Edelman zu Madril widerfahren/ wel-
cher einen ſo groſſen Luſt vnnd wolgefallen
an Spaniſchen Pferden hatte/ daß er ſich ent-
ſchloſſen/ eins abmahlen zulaſſen/ vñ es ſeinen
Freunden heimbzubringen vnd zu zeigen: Zu
ſolchem end verfuͤgte er ſich zu zween beruͤm̃-
ten vnd Kunſtreichen Mahlern/ vnd verhieß
dem jenigen einen beſtimbten Lohn/ der das
Pferdt am aller zierlichſten vnd natuͤꝛlichſten
mahlen vnnd treffen wuͤrde: Der ein Mah-
ler mahlte es dermaſſen vollkom̃lich/ daß jhm
nichts mehr abging/ als nur die Seel: Son-
ſten vnnd nichts anders mahlte er auff das
Tuch: Der ander Mahler mahlte gleichfals
ein Pferd/ aber bey weitẽ nit ſo ſchoͤn vnd vol-
kom̃lich/ wie der erſt/ ſondern darneben mahl-
te er einen ſehr ſchoͤnen Sattel/ deßgleichen
ſchoͤne Baͤum/ alte Gebaͤw/ zerfallene Maw-
ren vnd dergleichen/ luſtige Felder/ Wieſen/
Blumen vnnd Kraͤuter. Als der Edelman
diſe Gemaͤhld ſahe/ verliebte er ſich alsbaldt
ins erſte/ vnnd ſchenckte dem Mahler einen
koͤſtlichen guldinen Ring/ ſampt ſeinem ver-
dienten Lohn: Diſe deß Edelmanns groſſe
Freygeblichkeit verurſachte/ daß der ander
Mahler fuͤr ſein Gemaͤhld einẽ vberſchweng-
lichen werth forderte. Deſſen verwunderte
ſich der Edelman vnnd gab jhm zuuerſtehen/
daß ſein Arbeit der andern bey weitem nicht
gleichte. Der Mahler replicirte vnd bekente/
daß das Pferdt gleich wol nit ſo gar ſchoͤn vñ
wol getroffen/ aber daß jhm die vbrige darne-
ben gemachte Zierlichkeiten vil Muͤh vnnd
Arbeit gekoſt hatten: Aber der Edelmann
antwoꝛtet/ daß er dergleichen gemahlte Landt-
ſchafften/ Gebaͤw/ Baͤum/ Felder/ Bluwen
vnd Kraͤuter nicht begert/ ſonder nur zu ſchoͤ-
nen Pferden groſſen luſt gehabt/ vnd mit ſich
heim̃ zu fuͤhren begert habe/ derwegen (ſprach
er zu jhm) ſo bezahle ich dir nur das Pferdt/
das vbrige Gemaͤhld aber behalte du ſelbſt.
Auff eben diſen Schlag findt man Leuth/
welche/ wann man von jhnen begert/ daß ſie
vns die ſubſtantz vnd warheit deſſen/ was ſie
gehoͤrt oder geſehen/ erzehlen ſollen/ es jres ge-
fallens/ vnd jhren paſſionen nach/ exagge-
riren, coloriren, vermehren/ ferben/ anſtrei-
chen/ verbluͤmlen oder vernichten/ auß einem
Bachanten einen Comitẽ Palatinũ oder
Pfaltzgrauen/ auß einem Narꝛen einen Wei-
ſen/ auß einem heßlichen einen ſchoͤnen/ vnnd
auß einer verzagten Lettfeigen einen dapffern
Held machen: Nit mahlen ſie nur das Pferd/
ſonder cõmentiren, dichten vnd ſetzen darzu
was jhnen wolgefallt. Eben diſes begegnete
auch meinem lieben Vatter/ dann/ ſo vil die
warheit belangt/ ſagt man nunmehr nit/ was
der handel an jhm ſelbſt iſt/ ſonder auß drey
machet man dreyzehen/ vnnd auß dreyzehen
dreyhundert: Ein jeder vnderſtehet ſich etwas
hinzu zuſetzen: Vnnd auß demſelben Zuſatz
wirdt letztlichen ein groſſer hauffen/ welcher
doch keinen grundt noch Bodem hat. Dem
ſey aber wie jhm woͤlle/ ſo kan ich mich doch
meines Vatters nit verlaugnen: Hat er vbel
gehandlet/ ſo wirdt er ſeinen Lohn darumb em-
pfahen: Ein jeglicher kehre fuͤr ſeiner eygnen
Haußthuͤr/ ſo wirdt er villeicht befinden/ daß
ſeine Eltern eben ſo wenig kein nutz vnd vne-
del geweſt ſeyen/ als die meinigen. Mancher
ſtoltzieret vnd pranget mit ſeinem Adelichen
Geſchlecht/ vralten Stammen vnd herkom-
men/ wann mans aber eygentlich beym Liecht
beſchawt/ ſo befindt ſich daß ſein Anherꝛ et-
wan ein Jud oder ein Pfannenflicker/ oder
ein Schalcksnarꝛ/ oder wann es vil iſt/ ein
ſchreiber oder wucheriſcher Kaufman geweſt.
Was aber meinen lieben Vatter belangt/
iſt er vnd ſeine Blutsfreunde Mohꝛen geweſt:
als ſie gen Genua kamen/ wurden ſie fuͤr pa-
tritios oder Edelleut angenom̃en vnd gehal-
ten/ dañ ſie hatten vil Gelts/ vñ handleten mit
dem Wechßl/ derwegen ward er von etlichen
mißguͤnſtigen verfolgt/ vñ ein Wucherer ge-
ſcholten/ aber er hatte ein ſo gute natur/ dz ers
nicht andete/ ſonder diſſimulierte vnnd ſich
ſtellete/ als hette ers nit gehoͤꝛt. Gleichwol wil
ich jne nit loben/ vil weniger wil ichs beſtreitẽ
vnd ſagen/ daß es zugelaſſen ſeye/ Gelt vmb
Gelt oder auff Pfandt/ auff ein beſtimte zeit/
bey verluſt deß Pfands/ woferꝛn es nit zu rech-
ter zeit geloͤſt wird/ außzuleyhen: Noch vil we-
niger wil ich die vſuras palliatas gutheiſſen/
noch auch die jenigen verthaͤdigen/ welche
den trucknen Wechßl fuͤhren/ vnd die Stim̃
Jacobs/ aber die Haͤnd Eſaus haben/ ſonder
ich lobe nur die gute intention, mit dern die
Wechßl vnd Wucher bißweilen beſchehen/
zu dem befinde ich/ daß man in dreyen faͤllen
etwas ex mutuo oder vltra fortem, ohne
Suͤnd/ nem̃en moͤge/ erſtlich ratione dam-
ni emergentis: am andern ratione lucri
ceſſantis, vnd drittens ratione gratitudi-
nis: dann der Menſch iſt gleichwol ſchuldig/
ſeinem Nechſten zu helffen/ aber doch der ge-
ſtallt/ daß er ſelbſt ſchadloß verbleib: Alſo/ daß
man den Wucher wol vnd vbel bꝛauchen kan/
derwegen verwundere ich mich/ daß man jhn
an etlichen Orten verachtet vnd verbietet/ da
doch bißweilen die meiſte vnd fuͤrnembſte Ge-
ſchlechter/ Herꝛen vnnd Edelleuthen in den
groſſen Staͤtten ſich darmit ernehren vnnd
dereicheren. Dannenhero hette mans auch
meinem lieben Vatter nit ſo hoch fuͤr vbel ha-
ben ſollen.
Ferꝛner hielt man meinen lieben Vatter
fuͤr einen Heuchler: Wann nun ich ſihe/
daß ein Prieſter oder religios mitten in der
Nacht an einem verdaͤchtigen Ort durch das
Fenſter ſteigt/ vnd ein Woͤhr an der Seyten
hat/ alsdann kan ich je nit ſagen/ daß derſelb
im willen habe/ jemande mit den heiligen Sa-
cramenten zuuerſehen: Wann aber einer
vil bettet/ offt beichtet/ communiciret, vnd
taͤglich Meß hoͤret/ vnnd wann man jhn deß-
wegen fuͤr einen Heuchler vnd Gleißner hal-
ten wolte/ das were je ein vnbillicher handel
vnd ein groſſe Boßheit: Mein lieber Vatter
pflegte allzeit einen groſſen Roſenkrantz oder
pater noſter bey ſich zutragen/ alle Morgen
hoͤrte er ſeine dꝛey Meſſen mit gebognẽ Knyen
vnd gen Himmel auffgehebten Haͤnden/ dar-
neben gab er auch vtl Almuſen. Das legten
jhm nun ſeine Mißgoͤnner zu einer Gleißne-
rey auß: Die vrſach deſſen war/ allweil er
ſich einsmals ſchier ein gantzes Jahrlang ab-
ſentirte, vnſichtbar machte/ vnnd ſeinem
Mitgeſellen/ der jhm ein groſſe ſumma Gelts
hinweg gefuͤhrt hatte/ nachzohe: Das Schiff/
darauff er fuhr/ ward durch die Tuͤrcken
erobert/ gepluͤndert/ vnnd mein Vatter
ſampt vilen anderen gefaͤngklich gen Argel
gefuͤhrt. Damit nun er widerumb frey
vnnd ledig werden moͤchte/ ſo verlaugnete
er daſelbſt ſeinen Chriſtlichen Namen/ ver-
ehelichte ſich mit einer ſehr reichen Moͤhrin/
vnnd verblib zwey gantze Jahrlang alldort.
Jnmittelſt erholte vnd erquickte ſich meines
Vatters Mitgeſell/ vnd vergliche ſich mit ſei-
nen creditoribus vnnd Glaubigern: Als
mein Vatter ſolches vernommen/ entſchloſ-
ſe er ſich heimblich daruon zu ziehen/ vnnd zu
ſolchem end vberꝛedete er ſein Fraw Moͤh-
rin/ daß er Kauffmanſchafft treiben wolte.
Sie glaubte jhm/ vnd verwilligte daß er jren
Haußrath/ aller beſte vnnd koͤſtlichſte ſachen
verkauffte/ aber mit dem darauß geloͤſtem
Gelt zohe er heimblich hinweg gen Genua,
nam den Chriſtlichen Glauben widerumb
an/ wainte/ buͤßte vnnd bate GOTT
den HErꝛn vmb Verzeyhung/ Gnad vnnd
Barmhertzigkeit. Eben diſes war nun
die einige Vrſach/ warumb man meinem
Vatter hernacher nit glaubte noch trawete/
vnangeſehen er noch ſo ſehr vnnd andaͤch-
tigklich bettete/ vnnd vil guts thate: Man
ſagt gleichwol/ quod, qui ſemel malus
ſemper præſumitur malus: Wer das Ziel
der Erbarkeit einmal vberſchritten/ vnnd ein
Schelmenſtuͤckl begangen/ deꝛ wagts wol oͤff-
ter/ aber kein einige Regel iſt ſo gar gewiß/
daß ſie nicht etwan ein exception litte/ dann
niemandt waiſt/ wie vnnd was geſtallt Gott
bißweilen die Hertzen der Menſchen wunder-
baꝛlich beruͤre/ jnmaſſen auch meinem Vatter
beſchehen/ vñ er allerdings ein newer Menſch
woꝛden/ vnd mit redintegratis morib. auff-
zohe. Dann ob ſchon jm nachgeredt ward/ dz
er zwey oder dreymahl fallirt oder banckerot-
tirt hatte/ ſo iſt doch hergegẽ war/ das andere
gleichfals meineydig an jhm worden/ vnd jne
darzu gebracht vñ verurſacht haben: Einmal
iſt gewiß/ daß die Menſchen nicht von Stahl
gemacht worden/ derwegen auch nicht ſchul-
dig ſeyen/ wie Naͤgel ſteiff zu halten/ dann
ſo gar die Negel ſelbſt verlieren/ letztlichen jh-
re Krafft wacklen/ laſſen nach vnnd werden
loß. Diſes ſeindt die ſtratagemata vnnd
griffel der Kauffleuten/ welche taͤglich practi-
ciert werden/ derwegen ſoll man ſich nicht ſo
ſehr druͤber verwundern/ ſonder es Gott dem
HErꝛn vnnd dem Beichtuatter heimbſetzen:
Vil Kauffleuth kenne ich/ welche dergleichen
ding ſtarck treiben/ aber keinen einigen habe
ich deßwegen hencken ſehen: woferꝛn derwe-
gen das fallieren vnnd Leut anſetzen boͤß oder
ein Diebſtuck were/ ſo wurde mans ohne zwei-
fel mit ernſt ſtraffen/ zumaln weil wir ſehen/
daß offt einer wegen eines einigen geſtohle-
nen Guldens mit Ruthen außgehawen oder
auff die Galeren geſchmidt wuͤrdet.
Ob wol auch mein Vatter dreymal ge-
faͤngklich befaͤngnuſt woꝛdẽ/ ſo machte er ſich
doch allzeit widerumb ledig/ dañ weil er reich
war/ vnnd der Oberꝛichter gleichſamb ſein
Vatter/ vnnd der Gerichtſchreiber ſein Ge-
natteꝛ war/ ſo ward er bald wider außgelaſſen.
Es waren gleichwol inditia gnug verhan-
den/ aber die bloſſe inditia ſeindt nit gnug-
ſamb/ ſo waren auch die Zeugnuſſen falſch/
vnd galten nichts bey Gericht/ noch bey ſol-
chen guͤnſtigen vnnd wolgeneigten gefatteri-
ſchen Richtern vnd Schreibern/ zu dem pur-
gierte mein Vatter ſolche inditia durch die
Tortur/ vnd machte alſo die Zeugen/ welche
ohne einiges Fundament vñ auß lauter præ-
ſumptionibus deponirten, offentlich zu-
ſchanden.
Beſchließlich hielt mans meinem Vatter
hoch fuͤr vbel/ daß er ſehr hoffertig war/ vnnd
ſein Angeſicht anſtriche/ welchs ich nit loben
koͤndte/ woferꝛn deme alſo were/ Aber ich hab
nichts dergleichen an jm koͤnnen vermercken/
allein ſahe ich/ daß er weiß vnd roth duꝛch ein-
ander war/ vnnd ich glaube/ daß er von Natur
alſo war/ vnd groſſe Augen vnnd rothe Car-
funckelſtein im Angeſicht hatte/ dannenhero
vnd woferꝛn ers von Natur alſo gehabt/ ich jn
nit verdencken noch tadlen koͤndte/ daß er der-
gleichen mengel vnd gebrechen durch den an-
ſtrich bedeckt vnnd verboꝛgen haben moͤchte:
Hat ers aber auß Hoffart vnd fuͤrwitz gethan/
ſo were es vnrecht/ dañ es thuns nur die Wei-
ber/ vnd zwar die faile vnd liderliche Metzen/
welche/ ob ſchon ſie von Natur/ ſchoͤn gnug
ſeindt/ nicht deſto weniger deß Morgens im
Beth anfahen/ ſich anzuſtreichen biß zu Mit-
tag/ vnd begeren alſo noch ſchoͤner zu werden:
Je mehꝛ aber dergleichen Weiber jhꝛ Ange-
ſicht zieren vnnd beſchawen/ je mehr gehet jhr
Haußweſen zu grundt: So dann das anſtrei-
chen deß Angeſichts den Weibern ein ſchand
iſt/ vmb wie vil mehr iſts dañ den Maͤnnern?
Was aber meinen lieben Vatter betrifft/ ob
ſchon ers gleichfals gethan hette/ ſo iſt er doch
nit allein der jenig geweſt/ der ſich dißfals ver-
ſuͤndigt/ ſonder es thuns jhm villeicht auch
andere ſtattliche Herꝛen nach.
Guſman erzehlt wie vnd was ge-
ſtallt ſein Vatter anfangs vmb ſeine Fraw
Mutter gebuelt/ vnd auß was fuͤr einem ehr-
lichen Stammen er geboren worden/ J-
tem/ was ſein Fraw Mutter fuͤr ein
erbare Fraw geweſt.
ALs vor verſtandener maſſen/ mein
Vatter widerumb gen Seuilia kom-
men/ ſeine ſchulden theils eingebracht/
theils abgelegt/ vnnd widerumb redlich/ ja vil
redlicher vnnd reicher/ weder zuuor/ worden/
(dann ſeine creditores muſten ſich wider
jhꝛen willen mit jhm einlaſſen vnd etwas we-
nigs annemmen/ dann vom vmbgekehrten
oder vergoſſenen Wein muß man auff faſſen
was man kan) fing er an/ ſich vmb ein Hauß-
weſen anzunem̃en/ vnd kauffte ein Hofmarch
oder Landtgut/ welches nahe bey der Statt
Seuilia gelegen/ vnd Alfarche genent ward/
welches dann kein wunder/ dann zu Seuilia
werden bißweilen auß verdorbenen Wuche-
rern/ anſehenliche Edelleut. Nun begabs
ſich/ daß/ als einsmals mein Vatter ſampt
andern Kauffleuten auffm Marckt ſpatzieren
ging/ daſelbſt ein Kindtstauff fuͤr paſſierte/
vnnd von vilen ſchoͤnen Frawen gen Kirchen
begleitet ward. Der fuͤrwitz ſtach vnd reitzte
meinen Vatter dermaſſen/ daß er jhnen nach-
folgete/ vnnd ſahe/ was geſtallt mein Mutter
vnd noch ein feiner alter Geiſtlicher Ordens-
herꝛ/ das Kindt auß der Tauff hebten. Beſag-
te mein Mutter war huͤpſch/ ſchoͤn/ holdſelig
vñ ſehꝛ verſtaͤndig: Mein Vatter ſchawte ſie
jmmerdar an/ verliebte vnd vernarꝛte ſich als-
baldt in jhre Schoͤnheit: Das merckte mein
Mutter/ vnnd verliebte ſich gleichfals in jhn/
aber doch diſſimulirte ſie es ſehr verſtaͤndig-
klich/ dann es ſey ein Fraw ſo ſtattlich/ wie ſie
immer woͤlle/ ſo frewet ſie ſich doch/ geſehen
vnd gelobt zu werden von Maͤnnern/ vnan-
geſehen dieſelbigen nicht ſehꝛ ſtattlich ſeindt.
Mit redenden Augen/ vnd mit ſchweigendem
Mund redeten mein Vatter vnnd Mutter
mit einander/ vnd entdeckten alſo einander jhꝛ
Hertz. Damals koͤndte mein Vatter meiner
Mutter halben mehr nit erfahren/ als allein/
daß ſie deß vorberuͤrten Ordensherꝛn Fraw
oder Anhang war/ vnd dz er ſie heimblich bey
ſich hatte. Vnangeſehen nun mein Mutter
ſampt jhrem Herꝛn heimb ging/ ſo blib doch
das Hertz meines Vatters jmmerdar bey jhr/
vnnd ſuchte gelegenheit ſie in der Kirchen bey
der Meß widerumb zuſehen/ dann laider die
Kirchen vnd Haͤuſer Gottes muͤſſen bißwei-
len das beſte thun/ vnd Kuppel/ Huren vnnd
Teufels haͤuſer vertretten: Diſes ſehen vnnd
anſchawen wehꝛte ſo lang/ biß letztlichen mein
Vatter ein feine erbare Fraw antraff/ die ſich
fuͤr ein Kuplerin gebrauchen ließ/ vnd meiner
Mutter ein holdſeligs Brieffel/ welches jhr
mein Vatter geſchriben/ vberantwortete/
vnnd benebens gute muͤndtliche officia præ-
ſtirte. Weil dann der Ordens Ritter nun-
mehr alt vnd jmmerdar kranck war/ ſo vber-
kam mein Mutter ein vil beſſers gefallen an
meinem Vatter/ der noch ein junger/ friſcher
vnd ſtarcker Mann war/ derwegen entſchloſſe
ſie ſich gleichwol/ jhren alten Herꝛn zuvertau-
ſchen vñ zuverlaſſen/ aber doch wolte ſie auch
die gute bey jhm habende gelegenheit vnd ſtat-
liche vnderhaltung nit gern verlaſſen/ derwe-
gen ſuchte ſie ein mittel auſſerhalb Hauſes/ zu
meinem Vatter zukommen/ vnnd ſtellte ſich/
als wolte ſie ein Kirchfarth nah bey meines
Vatters Hof Alfarche verꝛichten: Wie
nun ſie ſampt jhrem Herꝛn auffm Weg/ vnd
nicht weit von Alfarche war/ fing ſie vnuer-
ſehens an/ ſich vber jhren Magenwehthumb
zu beklagen/ vnd ſich dermaſſen vbel zugeha-
ben/ daß man ſie fuͤr paſſiert hielt/ vnd daß ſie
deß Todts erloſchen were: ein hertzlichs mit-
leyden mit jhr hatte. Die Leut/ welche der or-
ten fuͤruͤber gingen/ bliben ſtill bey jhr ſtehen/
vnd ein jegklicher wolte jhr einen guten Rath
geben/ was ſie brauchen vnd einnemmen ſol-
te: Weil man aber nit gelegenheit hatte/ ſol-
che jr gerathene ſachen zuwegen zubringen/ ſo
waren alle fuͤrgeſchlagene remedia vnd mit-
tel vergebens: Widerumb in die Statt zu
gehen war ir vnmuͤglich/ weiter fort zu gehen
war beſchwerlich: vnnd mitten auffm weg al-
ſo ſtill zu ligen/ war ſpoͤttlich: Jnmittelſt ward
mein Mutter je lenger je ſchwecher/ (ſcilicet)
jederman ward trawrig/ vnnd man wuſte je
nit/ was man thun oder anfahen ſolte: Letztli-
chen ſprach ein Fraw/ fuͤhret ſie von der ſtraſ-
ſen/ ein ſpott vnd ſchandt iſts/ daß man die gu-
te Fraw alſo ligen vnnd ſterben laͤſt/ traget ſie
dort in deß Edelmans Hof/ biß es gleichwol
beſſer vmb ſie wirdet. Jederman lobte diſen
Fuͤrſchlag/ vnd der Ordensherꝛ ſchickte als-
bald hin/ vnd ließ das Haußgeſindt erſuchen/
daß ſie doch diſe krancke Fraw nur ein ſtund-
lang/ biß es etwas beſſer vmb ſie woꝛden/ ein-
nemmen wolten Ein altes Weib befand ſich
im Hauſe/ die war allbereit vnderwiſen/ was
ſie thun ſolte/ gab derwegen zur antwort/ daß
man die krancke Fraw nur kecklich herbꝛingen
ſolte/ damit jhr geholffen/ vnd aller guter wil-
len erwiſen werden moͤchte. Der Ordensherꝛ
ließ ſie hintragen/ ging ſelbſt mit/ vnd erzeigte
ein groſſes mitleiden mit ſeiner krancken Fra-
wen/ welche jhren ſchmertzen ſtarck klagte/ vñ
doch heimblich lachte: Die alte Fraw oder
Haußpflegerin eroͤffnete alsbald alle Zimmer
vnnd Loſementer/ vberzohe ein Beth mit fri-
ſchen Leylachern/ legte mein Mutter darein/
waͤrmete jhꝛen Bauch mit warmen Tuͤchern/
labte vñ erquickte ſie mit confect vnd andern
kraͤfftigen guten ſachen/ biß ſich der ſchmertzẽ
allgemach verluhr: Mein Mutter ſtellte ſich/
als begerte ſie ein wenig zu ruhen vnnd zu
ſchlafen/ deſſen frewete ſich der alt Herꝛ/ ließ
ſie allein im Beth ligen: ſperꝛte alle Fenſter
vnd Thuͤr fleiſſig zu/ vnd befahl/ daß man ſtill
ſeyn/ vnd niemandt zu jhr hinein gehen laſſen
ſolte: Er ſelbſt ging auch von dannen vnnd
im Garten ſpatzieren: Aber mein Vatter
ſchlieff nicht/ ſonder hoͤrte in einer abſonderli-
chen Kammer alles/ was fuͤruͤber ging/ er er-
oͤffnete in aller ſtill die Kammerthuͤr/ darinn
mein Mutter lag/ verfuͤgte ſich zu jr/ vnd ver-
trib jr jnnerhalb zweyer ſtunden allen ſchmer-
tzen. Letztlichen ging der alt Herꝛ auß dem
Garten/ ſuchte mein Mutter heimb/ vnd als
er ſahe/ daß es etwas beſſer vmb ſie worden/
danckte er Gott/ ſchickte alsbald in die Statt/
ließ allerhand Speiſen vnd Getranck herauß
bringen/ vnd hatte einen guten Muth mit ſei-
ner Frawen. Jnmittelſt aber ging mein Vat-
ter heim̃lich von dannen gen Seuilia/ ließ jm
ein Pferdt ſatteln vnd ritte/ ſeiner gewonheit
nach gen Alfarche/ fandt daſelbſt den alten
Ordens Ritter ſam̃t der Frawen/ erzeigte ſich
gantz freundlich gegen jhnen/ leiſtete jhnen ein
zeitlang geſellſchafft/ vnd begleitete ſie wider-
umb in die Statt.
Bald hernacher ward der alt Herꝛ je laͤn-
ger je kraͤncker vñ ſchwaͤcher/ aber mein Mut-
ter je lenger je gatler vnd begieriger/ biß letztli-
chen ſie jhne ins Grab brachte: Jn ſeinem
letzten End vnnd Zuͤgen aber/ zohe ſie gleich-
fals/ vnnd raumte aller orten dermaſſen auff/
daß ſchier kein einiges gantzes Leylach mehr
verhanden war/ darin man ſeinen todten Leib
wicklen hette moͤgen. Vnd ob ſchon man ein
ſtarcke nachfrag hatte/ wo doch ſein Gelt vnd
Gut hinkommen ſein moͤchte/ ſo wolte doch
mein Mutter nit beſtehen/ daß er ſonderbars
vil gehabt/ ſonder ſagte/ daß er das ſeine ſelbſt
an worden/ vnd ob ſchon er jhr etwas wenigs
geſchenckt/ ſo hette ſie es doch wol vm̃ jne ver-
dient/ vnd jhm fleiſſig vnnd trewlich außge-
wart. Darmit thate ſie nun jhrem Gewiſ-
ſen ein gnuͤgen/ vnnd die Rechtsgelehrten ga-
ben jhr zu verſtehen/ daß ſie es gar wol vnnd
mit gutem Gewiſſen behalten doͤrffte/ dann
ob ſchon ſie es ſchendtlich gewunnen/ ſo hab
ſie es doch nicht ſchaͤndtlich/ ſonder redlich
angenommen.
Bey diſem Todtfall hat ſich wahr zu ſein
befunden/ was ich zuuor hab ſagen hoͤren/ daß
nemblich die Reichen auß Armut/ die Armen
auß vberfluß/ vnnd die Geiſtlichen auß Kaͤlte
ſterben/ dann die Reichen doͤrffen auß lauter
Geitz vñ mißtrawen gegen Gott/ nicht gnug
eſſen/ vnd ſterben mehꝛers auß hunger/ weder
wegen der ſchaͤrpffe der Kranckheit: Mit den
Armen aber hat jederman ein mitleyden/ dañ
etliche ſchicken jhnen etwas/ andere bringen
jhnen einen gantzen hauffen Speiſen/ zumaln
wann ſie in extremis vnnd letzten noͤthen li-
gen. Man findt etliche mente captas oder
vnweiſe Frawen/ welche die krancke Armen/
auß lauter andacht/ in jhren Haͤuſern oder
Spitaͤlen beſuchen/ vnnd jhnen gantze Haͤfen
vnd Koͤrb voller collationen vnnd Speiſen
bringen/ aber an ſtatt deß Almuſens/ welches
ſie jhnen dardurch zu geben vermeinen/ befuͤr-
dern ſie jhren Todt/ dann entweder koͤnnen
die Krancken es alsdann im Todtbeth nim̃er
genieſſen/ oder aber ſie genieſſen es vnordent-
lich/ koͤnnens nicht veꝛdaͤwen/ vnnd erſticken
gleichſam̃ druͤber. Was aber die Geiſtlichen
belangt/ weil ſie in jhren toͤdtlichen Kranck-
heiten bißweilen keine rechte Erben bey ſich
haben/ ſo ſterben ſie gleichſamb vor lauter
Kaͤlte/ wie zu ſehen an diſem Ordensherꝛn/
deme man in ſeinem Leben kein Hemmet ließ/
vnd kaum ein altes zerꝛiſſenes Leylach wider-
fahren hat laſſen/ das iſt nun aber der Con-
cubinariorum rechter Lohn.
Jnmittelſt vnnd noch in wehrendem deß
alten Ordensherꝛn Leben/ ward mein Fraw
Mutter ſchwanger/ vnd gebahr einen Sohn/
der war ich/ vnd hatte ich/ der rechnung vnnd
regel der ſcientiæ fœmininæ nach/ zween
Vaͤtter/ dann mein Mutter wuſte mich der
maſſen zu filioliſiren, daß ich gleichſamb ein
vnmuͤglichs ding erhielt vnd zuwegen brach-
te/ dann ich gefiel zweyen Vaͤttern oder Her-
ren/ vnnd ſie alle beyde erkennten mich fuͤr jh-
ren Sohn/ Wann der Ordensherꝛ allein bey
mir war/ ſagte vnnd beruͤmbte er ſich/ daß ich
jhm vil gleicher vnd aͤhnlicher ſehe/ weder ein
Ey dem andern: Wann ich mit dem andern
meinem Vatter redete/ ſagte vnnd bezeugete
derſelb/ daß ich jhme je gleicheꝛ nit ſehen koͤnd-
te. Diſer geſtallt zaͤrtelten vnd liedten ſie mich
alle beyde: Kein anderer vnderſchidt war
hierunder verhanden/ als allein/ daß der Or-
densherꝛ mich in ſeinem noch wehrenden Le-
ben/ offentlich fuͤꝛ ſeinen Sohn hielte/ aber der
ander hielt mich heimblich darfuͤr/ dann mein
Mutter hat mich deſſen hernacher verſichert
vñ mir deßwegen ein lange Relation gethan/
derwegen ſage vñ proteſtire ich hiemit/ daß
mir das jenig/ deſſen mich die mißguͤnſtige
calumnianten bezeyhen/ daß nemblich ich
mehꝛ/ als zwen Vaͤtter gehabt haben ſolle/ nit
wahꝛ iſt/ dann nit allein meine zwen Vaͤtter
haben mich ſelbſt fuͤr jren Sohn erkennt/ ſon-
der es hats auch mein Mutter beſtaͤttigt: Jſt
alſo vil beſſer/ daß man ſage/ daß ich vbel ge-
boren woꝛden/ weder keines einigen Sohn
vnd niemande zugehoͤrig ſeye: Es liebte mich
auch mein Vatter Guſman dermaſſen/ daß
er gleichſam̃ ein Abgoͤtterey dardurch beging/
dann vnangeſehen mein Mutter von menig-
klichen ein Fraw Commenthurin (wegen
jhres erſten alten Herꝛn deß Commenthurs)
genennt ward/ ſo verthedigte er ſie doch/ ſamb
hette er ein Wohnung oder rechtſame zu der
cõmenda: Ja was mehr iſt/ er fragte nichts
nach ſolchem Namen/ ſondern er ehelichte
ſie auch offentlich/ vnd zwar nit ohne vrſach/
dann er wuſte ein anſehenlichs Gelt bey jhr/
Aber wie das Gelt war gewunnen/ alſo iſt es
entrunnen/ dann bald nach dem mein Vatter
Hochzeit mit meiner Mutter gehalten/ fing er
an/ ſich ſehꝛ ſtattlich zu halten/ zu bancketiren/
zu ſpielen/ vnd dermaſſen zu dommiren/ daß er
jnner halb zwey Jaren nit allein 10000 Du-
caten meines Muͤtterlichen Guts hindurch
jagte/ ſonder auch ſein Landtgut Alfarche ge-
nannt/ verkauffte/ vnnd bald hernacher auß
Hertzleyd ſtarb. Da fing mein Mutter an/
arm/ elendig/ veracht vnd demuͤtig zu werden/
dann vnangeſehen jederman wol wuſte/ daß
ſie an dem alten Herꝛn Commenthur hing/
nicht deſto weniger war ſie dermaſſen vnuer-
ſchambt/ ſtoltz vnnd hoffertig/ daß ſie ſich ge-
dunckte vil beſſer zu ſeyn/ weder andere ehrli-
che matronen, vnnd diſes iſt aller Fetlen ge-
brauch/ derwegen vnd als mein lieber Vatter
auß diſer zeitlichen Wanderſchafft erfordert
worden/ diſem Leben vꝛlaub gegeben/ ſeine letz-
te Taͤg mit vollendung deß Todts beſchloſſen
hatte/ vnnd vom Liecht diſer Welt verſchiden
war/ ward jederman meiner Mutter ſpinnen-
feindt/ vnd man redete jhr ſehꝛ ſpoͤttlich vnnd
ſchimpflich nach: Vnder andern ſagte man
auch/ daß jhr Vatter ein Ehrwuͤrdiger Prie-
ſter/ vnd jhꝛe Fraw Mutter ein Fettel geweſt
war: An ſtatt auch/ daß mein Mutter nur
zwen Maͤnner in jhre Netz verwickelt hatte/
ſagte man/ daß mein Anfraw zwey gantze du-
tzet gehabt/ vnnd dieſelbigen/ wie junge Huͤn-
lein/ auß einerley Geſchirꝛ eſſen/ vnd in einer-
ley Beth ſchlaffen hatte laſſen/ ohne daß ſie
einander biſſen. Mit jhrer diſer Tochter mei-
ner Mutter vberkam ſie vil Vaͤtter/ dern je-
den ſie vberꝛedete/ daß jhre Tochter jhnen zu-
gehoͤrte/ ſeytemal ſie einem jeden ſehr gleich
vnd aͤnlich ſahe/ vnd zwar dem einen mit den
Augen/ dem andern mit dem Mund/ dem dꝛit-
ten mit der Naſen/ dem vierten mit dem Re-
den/ dem fuͤnfften mit den Geberden/ vnd dem
ſechſten ſo gar mit dem außſpeyen.
Guſmans erſter Auffzug.
AVß oberzehlten vrſachen ward ich ein
armes Waißlein/ vnd dermaſſen troſt:
vnnd huͤlffloß/ daß kein einiger Baum
verhanden war/ der mir einen Schatten ge-
macht oder gegeben hette/ Kein anders mittel
ſahe ich/ als mich von dannen anderſt wohin
vnbekanter weiß/ in die frembde zu begeben/
vnd mich nicht nach meinem Vatter/ ſonder
nach meiner Mutter Geſchlecht/ Guſman
von Alfarche zu nennen/ ſeytemal ich allda
zu Alfarche meinen Anfang vberkommen.
Nun begab ich mich hinauß/ in meinung/ die
Welt zu beſehen/ vnd befahl mich Gott vnd
guten Leuten. Jch war gleichwol noch ſehr
jung/ zu Seuilia zartiglich one einige vaͤtter-
liche noch muͤtterliche Zucht/ mit Hoͤnigſup-
pen vnd Roſenzucker erzogen/ derwegen kam
es mir je ſchwer an/ meines Vatters Hauß vñ
Freunde zuverlaſſen/ aber die noth trib mich
hinauß/ alsbaldt nun ich zum Thor hinauß
kam/ floſſen zwen Waſſerbaͤch auß meinen
Augen/ die Nacht kam auch herzu/ ſahe der-
wegen weder Himmel noch Erde/ gelangte
letztlichen gen S. Lazaro, welches vngefaͤhr-
lich ein Meil wegs von Seuilia ligt/ daſelbſt
ſetzte ich mich auff der Straſſen nider/ fing an
mein Leben zu betrachten/ vnd begerte wider
zu ruck zu gehen/ allweil ich mich mit einer
groſſen vnbedachtſambkeit vnd wenig Gelts
auff ein ſolche lange Reiß hatte begeben. Jch
hatte weder zu Mittag noch zu Nacht geſſen/
derwegen ſing mich an zu hungern/ vnnd ich
empfandt den vnderſchidt/ der da iſt zwiſchen
einem ſatten vnd hungerigen Menſchen: Alle
muͤhe vnd arbeit paſſieren/ wann man darne-
ben zu eſſen hat/ wo aber nichts zu freſſen ver-
handen/ da gehets vnwirſch zu. Jch hette gern
zu Nacht geſſen/ fand aber nichts anders/ als
ein friſch Bruñenwaſſer/ ich wuſte je nit/ was
ich thun oder anfahen ſolte: Jch befand mich
in forcht vnd hoffnung/ ergab mich doch letzt-
lichen Gottes Haͤnden/ vnnd verꝛichtete ein
kurtzes Gebett/ ging wider hinauß/ ſetzte mich
bey einem Brunnen nider/ vnd entſchlief auß
lauter Melancoley vnd Trawꝛigkeit/ erwach-
te deß Morgens fruͤh/ vnd ging den nechſten
weg fort/ vnnd gedachte an die vbel formirte
vnd beſtelte reſpublicas, in denen die Fuͤß das
Ambt deß Haupts/ vnd das Haupt das Ampt
der Fuͤſſen verꝛichten. Meine Fuͤß trugen
mich/ vnd ich folgte jnen vber Berg vñ Thal/
vber Wiſen vnnd Aecker/ denſelben gantzen
Tag ging ich nur zwo kleine Meil wegs/ aber
doch gedunckte mich/ daß ich die antipodes
erꝛeicht/ vnd ſampt dem Columbo ein newe
Welt erſunden hatte. Als nun ich in ein kalte
vnd duͤrꝛe Herberg kam/ fragte man mich/ wo
ich hinauß woͤlle? Jch antwortet/ daß ich vor-
habens were/ mich an deß Koͤnigs Hof gen
Madril zu begeben/ aber dz mich faſt hunger-
te/ ſeytemal ich ſchier in zwen Tagen nichts
geſſen/ man ſetzte mir Eyer fuͤr/ die aß ich ge-
ſchwindt vngeſchawt/ aber in wehrendem eſ-
ſen/ empfand ich etwas von zarten Gebeinen
vnd Fleiſch/ ohne zweiffel warens junge Huͤ-
ner/ die allbereit außgebruͤt waren. Jch ver-
merckte gleichwol/ daß ſie nit beſchaffen wa-
ren wie andere Eyer/ die ich in meiner Mut-
ter Hauß hatte geſſen/ aber doch ließ ich ſie
paſſieren/ dann der Hunger trib ſie fort/ daß
ſie durch den Mundt in Halß/ vnd auß dem
Halß hinab in Bauch kamen: Mit dem
Brot hielt ich mich etwas laͤnger auf/ dann es
war dermaſſen hart vnd ſchimlecht/ daß ichs
nur zu kleinen broͤcklsweiß hinab bringen vnd
ſchlicken muſte: Vngefaͤhrlich vber ein vier-
tel ſtund hernacher fingen die Eyer an zu wir-
cken/ vnd ich empfandt/ daß die arme Huͤnlein
anfingen in meinem Bauch zu kratzen/ der-
wegen fing ich/ wie ein ſchwangere Fraw/ an
zu ſpeyen vnnd außzuwerffen/ biß mir nichts
mehr im Bauch verblib. Dem allem aber
vnangeſehen/ begab ich mich deß Morgens
fruͤh widerumb auff den weg/ vnd traff einen
Eſeltreiber an/ der fragte mich was mir man-
gelte? Jch erzehlte jhm/ was ich fuͤr ein herꝛ-
liche Mahlzeit gehabt/ vnd wie es mir mit den
Eyern gangen war. Aber an ſtatt deß troͤſtens
lachte er mich rein auß/ vnnd ſpottete meiner
noch darzu/ vnd fuͤhrte mich zu Mittag in ein
Herberg vnd zum allergroͤſten Dieb/ den man
in derſelben gantzen Gegent hette finden moͤ-
gen/ Diſer Wirth hatte vnder ſeinem Vieh
auch ein Eſelin/ die ließ er bißweilen mit al-
lem fleiß ledig im Stall vmblauffen/ damit
ſie den andern Roſſen der frembden Fuhrleu-
ten vnd Gaͤſten jhre lectiones leſen vnd das
Futer auffeſſen helffen ſolten/ darauß aber er-
folgte/ daß ſie letztlichen ſchwanger von jhnen
ward/ weil aber die Geſetz in Andaluſia ſol-
che vngleiche vermiſchungen bey ſchwerer
ſtraff verbotten/ vnnd aber ſich begab/ daß die
Eſelin vor der rechten zeit einen jungen Eſel
gebar/ ſo verbarg jhne der Wirth/ vnd hielt jn
gantz heim̃lich/ aber als er ſahe/ daß ers in die
laͤng nit verbergen kondte/ ſo ließ er jhne an ei-
nem Freytag niderſchlagen/ das Fleiſch ein-
ſaltzen/ vnd den Kopff/ das Hirn/ die Fuͤß vnd
das Jngeweid an einem Sontag ſieden vnd
zubereiten: Wir zwen kamen auch gerad zur
rechten zeit/ vnd fragten den Wirth/ ob er vns
hette etwas zu eſſen zu geben? Der gab vns zuꝛ
antwort/ daß er geſtrigs Tages ein ſehr gutes
vnd feiſtes Kalb hatte abgeſtochen/ vnnd das
Jngeweidt geſotten/ vnd ſeye vrbietig/ vns et-
was daruon mit zutheilen: Deſſen frewete ich
mich zum hoͤchſten. Der Tiſch ward gedeckt/
vnnd man ſetzte vns vier geſottene Eyer fuͤr/
deßgleichen ein in Butter gebachenes Hirn/
folgends ein geſottenes Jngeweyd/ das alles
aber ſchmeckte vns nit wol/ dañ die Eyer waͤ-
ten inwendig blutig/ vnd das Hirn vnd Jnge-
weyd ſtanck ſehr vbel: Jch vnd mein Mitge-
ſell ſahẽ einander an/ lachten vnd aſſen nichts
darnon/ der Wirth merckte es vnd ſpꝛach: Jhꝛ
Herꝛn/ jhꝛ doͤrffet mir meine Speiſen nit ver-
lachen/ die Eyer ſeind friſch/ vnd das ander iſt
von einem guten faiſten Kalb/ das kan ich be-
weiſen woferꝛn jhrs begert. Mein Mitgeſell
der Eſeltreiber aber antwortet vnnd ſprach:
Was gehet dich vnſer lachen an/ haſtu dann
einen Tax im Hauſe/ warumb vnd wie vil der
Gaſt lachen ſolle? Laß du einen jeden lachen
oder weinen ſo vil vnd offt es jhne geluſtet/ vñ
nimb du dein Gelt darfuͤr ein: Die vrſach
meines lachens iſt/ allweil deine Eyer mich
erjnnert haben an die jenige Eyer/ welche diſer
mein Mitgeſell vorgeſtern an einem andern
ort geſſen/ vnnd dermaſſen friſch waren/ daß
jhme das Blut der jungen darin verhandenen
Huͤnlein auß dem Mundt gerunnen. Der
Wirth gab ſich zufriden/ weil er ſahe/ daß wir
es ferner nit andeten: Weil aber die Eyer bey
mir anfingen zu operiren, vnd die darin ge-
weſte junge Huͤner in meinem Magen vmb-
zukratzen/ ſo ergriffe ich geſchwind die Wein-
kanten/ vnd thate zwen ſtarcke truͤnck/ dann es
heiſt: poſt ouum molle, bonum hauſtum
tibi tolle: poſt ouum durum bis, ſi diu
viuere cupis. Bald hernacher brachte vns
der Wirth widerumb etwas anders/ das kon-
ten wir eben ſo wenig kewen noch eſſen/ ſon-
der ſtunden vom Tiſch auff/ vnnd ſchawten
zu vnſern Eſeln: Jnmittelſt aber ward mir
mein Mantel auß der Kammer verzuckt/ vn-
angeſehen vnſer nur vier Perſonen im Hauſe
waren/ derwegen lieff ich hin vnnd wider im
Hauſe herumb/ vnnd ſuchte meinen Mantel
mit ſchmertzen: Letztlichen kam ich auch in
die Kuchel/ darinn ſtundt ein groſſer Hafen
mit friſchem Blut/ vnnd nah darbey lag ein
Eſelshaut ſampt den abgehawenen Fuͤſſen/
Kopff vnnd langen Eſels Ohren: Nur die
Zung vnd das Hirn maͤngelte/ dann wir hat-
tens allbereit zum theil geſſen: Da lief ich als-
bald hin zu meinem mitgeſellen/ zeigte jme die
vberwerlein vnſers Nachtmals/ vnd ſprach:
Sihe/ das iſt das friſche Kalb/ welches vns
der Wirth ſo ſehr gelobt hat: Als ich nun
alſo mit jhm redete/ ſahe ich mich noch ferner
in der Kuchel vmb/ vnnd ſahe an der Wandt
ein feiſte abgezogene Katz hangen/ vnnd die
Koͤchin ſagte vns/ daß der Wirth vil derglei-
chen Katzen an ſtatt der Haſen vnnd Koͤnigl/
braten vnd anrichten lieſſe. Wir lachten vnd
verwunderten vns vber diſe deß Wirths ſo
groſſe fuͤrſichtigkeit: Folgendts ging ich zu
jhm/ vnd fragte mit ernſt nach meinem Man-
tel/ er aber gab mir boͤſe antwoꝛt/ vnnd trohe-
te mir mit der Ruthen/ da hebte ich Stein
auff/ vnd warff ſie jhm nach dem Grindt: Er
lieff in ſein Zimmer/ holte ſein Woͤhr vnnd
wolte mich erſtechen: Aber mein Mitgeſell
ſtund mir bey/ da ward ein groſſer Lermen/ al-
le Nachbarn lieffen herzu/ der Richter/ Ge-
richtſchreiber vnnd die Schoͤrgen lieſſen ſich
geſchwindt ſehen/ vnnd namen mich beym
Grindt/ vnd wolten mich gefaͤnglich hinweg
fuͤhren: Aber ich bate ſie zum allerhoͤchſten/
daß ſie mich nit alſo vbereylen/ ſonder mich
zuuor zur verantwortung kommẽ laſſen wol-
ten/ jnmaſſen beſchehen/ vnnd ich jhnen alles
erzehlte/ was ſich zwiſchen vns verloffen/ vnd
wz wir fuͤr ein ſchoͤnes Kalbfleiſch geſſen vnd
gefundẽ: Darauff lieſſen ſie alsbald dẽ Wirth
gefaͤngklich annem̃en/ durchſuchten ſein gan-
tzes Hauß/ vnd fanden nit allein meinen Man-
tel/ ſonder auch die abgezogene Eſelshaut
ſampt dem Kopff/ Ohꝛen/ Fuͤſſen vnd Jnge-
weid/ deßgleichen zwo abgezogene faiſte Ka-
tzen. Was nun ſie fuͤr ein Straff gegen jhme
fuͤrgenommen/ iſt mir vnbewuſt/ dann ich vñ
mein Mitgeſell trolten vns von dannen hin-
weg/ vnd danckten Gott/ daß er vns auß diſer
gefahꝛ erꝛett hatte.
Guſman diſcurriret artlich von
der Gluͤckſeligkeit vnnd vngluͤckſeligkeit der
Menſchen/ vnd was geſtalt er vnſchul-
digklich gefangen wor-
den.
REcht vnnd wol ſagt der heilig Job:
militia vita hominis ſuper terrá:
als wolte er ſagen: Das Leben der
Menſchen iſt je nichts anders/ als ein Streit
vnnd Krieg auff Erden/ nichts iſt ſicher/ kein
Standt iſt beſtaͤndig/ kein Luſt iſt vollkom̃en/
kein freud iſt warhafftig/ alles iſt ein falſchheit
vnd eytelkeit: Dann als der Gott Iupiter
alle ding auff Erden erſchaffen/ vnd die Men-
ſchen darumb foꝛmirt hatte/ daß ſie ſie beſitzen
vnd genieſſen ſolte/ befahler/ daß ein ſonder-
bare Goͤttin/ namens die Gluͤckſeligkeit/ in
der Welt reſidiren vnd wohnen ſolte/ im we-
nigſten gedachte vnnd vermeinte er/ daß die
Menſchen ſo gar vndanckbar gegen jhm wer-
den wurden/ jnmaſſen ſie hernacher gethan/
vnnd ſich gegen jhm ſtarck geſetzt haben/
Dann weil ſie diſe Goͤttin Gluͤckſeligkeit bey
ſich hatten/ ſo gedachten ſie an keinen andern
Gott/ ſonder opffertẽ diſer Goͤttin allerhand
Opffer/ vnd ſangen jhꝛ vil Lobgeſaͤng. Dar-
uͤber erzuͤrnete ſich Iupiter, beruffte alle an-
dere Goͤtter zuſammen/ erzehlte jhnen die boͤſe
correſpondentz vnnd vndanckbarkeit der
Menſchen/ in deme ſie nun die Gluͤckſeligkeit
verehꝛten vnnd anbetteten/ da doch er jhnen ſo
vil Gutthaten erwiſen/ vnd ſie auß nichts er-
ſchaffen/ begerte derwegen von jhnen/ daß ſie
jhm jhre meinung vnnd guten rath geben ſol-
ten/ was er mit den Menſchen anfahen moͤch-
te : Etliche der guͤtigſten/ barmhertzigſten
vnd mitleidenlichſten Goͤttern ſagten/ daß die
Menſchen einer ſchwachen Materi waͤren/
vnd daß man derwegen ſie vbertragen vnd jh-
nen etwas nachſehen/ aber doch ſie mit etwan
einer leidenlichen correction vnnd Straff
anſehen ſolte/ in gaͤntzlicher hofnung/ ſie wur-
den ſich dran kehren/ vnd jhnens ins kuͤnfftig
ein gewarnung ſein laſſen. Der Gott Mo-
mus vnderſtund ſich ſein meinung darzu zu-
ſagen vnd frey herauß zu reden/ aber Iupiter
hieß jhne ſtill ſchweigen/ biß die frag an jhn
kaͤme. Gleichwol waren auch andere Goͤtter
verhanden/ welche es mit dem Momo hielten/
vñ vermeinten/ daß das verbrechen der Men-
ſchen wider den allerhoͤchſten Gott Iupiter
vnendlich were/ vnd daß derwegen von rechts
wegen die Straff gleichfals vnendtlich ſeyn
ſolte: Vns gedunckt (ſprachen ſie) daß man
das gantze Menſchliche Geſchlecht zerſtoͤren
vnnd gar vertilgen/ auch niemaln widerumb
auffs new erſchaffen ſolle/ ſeytemal wir jhrer
nicht beduͤrffen. Andere Goͤtter votirten vñ
ſagten/ dz man die allermeiſte/ maͤchtigſte vñ
boßhafftigſte Menſchen außreuten vnd ver-
brennen/ vnd hinwider andere from̃e erſchaf-
fen ſolte.
Letztlichen gab auch Apollo ſein Stimm
vnd ſprach: Allerhoͤchſter Herꝛ/ dein gefuͤhr-
te klag wider die Menſchen iſt dermaſſen bil-
lich vnd gerecht/ daß man dir kein einige wi-
der ſie vorhabende Raach abſchlagen kan/ a-
ber doch iſt darneben auch diſes zubedencken/
daß/ woferꝛn du die Welt zerſtoͤreſt/ alles ver-
gebens vnnd verlohren iſt/ was du erſchaffen
haſt: Man wuͤrde dirs auch fuͤr ein vnuoll-
kommenheit außrechnen/ wann du das jenig
zerſtoͤrteſt/ was du erſchaffen haſt/ gleichſamb
hetteſtu gejrꝛt vnd empfuͤndeſt ein Rew. Vil
weniger wil dir gebuͤhren vnd wol anſtehen/
daß du die Menſchen vertilgeſt/ vnd widerum̃
newe erſchaffeſt/ dann thuſtu es/ ſo muſtu jnen
einen freyen willen/ oder keinen geben/ gibſtu
jhnen einen/ ſo werden ſie eben alſo beſchaffen
werden/ wie die vorigen geweſt: Benimbſtu
jhnen den freyen willen/ ſo werden ſie keine
Menſchen ſein/ vñ wuͤrdeſtu ein ſo groſſe ma-
chinam deß Himmels/ der Erden/ der Ster-
nen/ deß Mohns/ der Sonnen/ vnd die com-
poſition der Elementen/ vergeblich erſchaf-
fen haben. Dannenhero iſt ein notturfft/ daß
kein andere newerung fuͤrgenommen/ ſonder
nur ein heylſames remedium an die Hand
genommen werde: Du/ O allerhoͤchſter
Herꝛ/ haſt jhnen die Goͤttin Gluͤckſeligkeit ge-
geben/ auff dz ſie dieſelbe recht vnd wol brau-
chen/ vñ nit vndanckbar noch widerſetzig ſein
ſolten/ weil aber ſie dieſelbe mißbraucht vnnd
vngehoꝛſamb woꝛden/ ſo iſt billich/ daß ſie ge-
ſtrafft werden/ vnd daß du zu ſolchem end jh-
nen dieſelbe Goͤttin Gluͤckſeligkeit benem̃eſt/
vnd jhnen an ſtatt derſelben die Vngluͤckſelig-
keit zuſchickeſt/ damit ſie alſo hinfuͤran jhre
Armſeligkeit/ vnd hergegen dein Macht vnd
Ernſt ſehen vnnd erkennen. Darneben aber
kanſtu nach allem deinem Goͤttlichen willen
den wolverdienten Perſonen die Gluͤckſelig-
keit vnd Wolfahrt beſcheren vnd mittheilen:
Aber doch ſtehets in deinem Gefallen vnnd
willen/ was du dißfals thun woͤlleſt.
Diſes war nun das votum oder gutach-
ten Apollinis, vñ ob wol Momus ſich ſtarck
befliſſe/ mit ſeiner vergifften Zungen das ver-
brechẽ der Menſchen zu exaggerirẽ, ſo erken-
ten doch die andere Goͤtter ſeinen alten grol-
len/ neyd vnd feindſchafft wider das menſch-
liche Geſchlecht/ vnd lobten die meinung A-
pollinis; derwegen befahl Iupiter dem Mer-
curio die execution, derſelb verfuͤgte ſich
alsbald hinab auff Erden zu den Menſchen/
fand bey jhnen die Goͤttin Gluͤckſeligkeit/
vnd ſahe/ daß ſie nichts anders thaten/ als eſ-
ſen/ trincken/ ſpilen/ tantzen vnnd froͤlich ſein/
ſamb wuͤrde es ewigklich wehren. Aber Mer-
curius ging heimblich zu der Goͤttin Gluͤck-
ſeligkeit/ zeigte jhr den willen vnnd befehl der
andern Goͤtter an/ vnd fuͤhꝛte ſie mit ſich hin-
weg: Das verdroß die Menſchen/ woltens
verhindern/ vnnd widerſetzten ſich dem Mer-
curio mit aller macht. Als Iupiter diſen
vnwillen vnnd rauffhandel ſahe/ ſtig er vom
Himmel herunder/ vñ in deme die Menſchen
ſich an den Kleydern der Goͤttin Gluͤckſelig-
keit ſteiff hielten/ zohe er ſie auß den Kleydern/
ließ die Vngluͤckſeligkeit an jhr ſtatt vnnd in
jhren eygnen Kleydern/ vnd fuͤhrte ſie mit ſich
gen Himmel: Dardurch wurden nun die
Menſchen betrogen/ dañ ſie vermeinten/ daß
ſie jhꝛ intent erhalten/ vñ jre Goͤttin Gluͤck-
ſeligkeit behalten hatten/ aber das widerſpil
befand ſich.
Eben diſer Jrꝛthumb der alten zeiten iſt
auch gelangt auff diſe vnſere jetzige gegenwer-
lige zeiten/ dann es vermeinen die Menſchen/
daß die Gluͤckſeligkeit allhie auff Erden ver-
bliben/ vnd daß ſie dieſelbe bey ſich haben/ aber
ſie jrꝛen ſich/ dann ſie haben nur jhr bloſſes
Kleyd/ vnnd euſſerliche Figur/ dann die Vn-
gluͤckſeligkeit/ muͤhe vnnd arbeit ſteckt mitten
drin. Wann man einen fragt/ wohin er ge-
hen woͤlle? ſo gibt er mir zur antwort/ ich ge-
he in ein Hochzeit/ oder zu einer Gaſterey oder
Frewdenſpiel: Nun wolan/ er gehet hin/ er
jſſet/ trinckt/ ſingt/ ſpringt/ tantzt/ buelet vnnd
hat einen guten muth/ wann aber er widerum̃
heimb gehet/ alsdann ſpricht er: O/ wie bin
ich ſo muͤd/ wie ſchwitze ich? wie thut mir
der Kopff ſo wehe? wie iſt mir der Magen ſo
ſehr verſtellt? O wie hab ich mein Gelt ſo v-
bel an woꝛden? O wie hab ich mein Gelt ſo
ſchaͤndtlich verſpielt? O wie vbel iſts mir
gangen mit diſer vnd jener ſchoͤnen Frawen?
Alsdann/ alsdann bekennt man/ daß man nur
das euſſerliche Kleyd der Gluͤckſeligkeit traͤgt/
vnd daß die maſcara vns habe betrogen: E-
ben: diſes iſt auch mir in meiner zarten Ju-
gendt begegnet/ dann als ich mich entſchloſſe
in frembde Landen zu ziehen/ imaginirte vnd
bildete ich mir ſelbſt allerhand Gluͤckſeligkei-
ten fuͤr: Jch ſahe den April/ die ſchoͤnheit der
Feldern/ vnd die breite vnnd ebne Straſſen/
vnnd vermeinte/ daß ich auff denſelbigen nie-
maln muͤd werden ſolte/ daß auch ich in den
Herbergen vnd Wirtshaͤuſern vmb ſonſt eſ-
ſen vnd trincken wuͤrde: Vnnd im wenigſten
wuſte ich was hinder den Wirthen ſteckte.
Deßgleichen ſaͤhe ich die Vnderſchidlichkeit
vñ hochheit der dingẽ/ die voͤgel/ Thier/ Beꝛg/
Waͤld/ Staͤtt/ Maͤrckt vnnd Doͤrffer/ ſamb
wuͤrde man mich aller orten auff den Haͤnden
vmbtragen/ Nichts anders bildete ich mir
fuͤr/ auß lauter Gluͤckſeligkeit vnd wolfarth/
vnd vermeinte/ daß ich aller orten mein Mut-
ter antreffen wuͤrde/ die mich zaͤrtlen/ vnd ein
Magd/ die mir meine Kleyder abziehen/ vnd
mir dienen/ vnd alle Morgen mein Fruͤhſtuck
bringen wurde. Wer wolte vermeint ha-
ben/ daß die Welt ſo groß were? geſehen hat-
te ich die Mappen/ vnnd es gedunckte mich/
daß die gantze Welt alſo beyſammen were:
Wer wolte vermeint haben/ daß mir die not-
turfft maͤngeln wuͤrde
te ich/ daß der Menſch ſo vilen muͤheſeligkei-
ten vnderworffen were. Jch handelte wie
ein einfaͤltiger junger Bub/ O wie vil ding
nam ich mir fuͤr/ als ich auß der vorbemelten
Herberg gehen/ vnnd meinen Mantel dahin-
den laſſen muſte: O wie gern hette ich auß
den Egyptiſchen Fleiſchhaͤfen geſſen? Aber
leyder/ die gute Taͤg erkennt man erſt/ wann
ſie hin vnd verlohꝛen ſeind. Jch vnnd mein
Mitgeſell gingen trawrig auß der Herberg/
vnd waren trawrig auffm weeg/ Er lachte vñ
ſchertzte nimmer: Die zwen Prieſter/ welche
mit vns gingen/ recitirten jhꝛe horas, vnnd
ich betrachtete mein Vngluͤck/ vnuerſehens a-
ber ſahen wir vier reitende Schoͤrgen zu vns
kom̃en/ in meinung/ einen jungen Buben/ der
ſeinem Herꝛn vil Kleynoder geſtohlen/ nach
zu eylen/ vnd als ſie mich ſahen/ vermeintẽ ſie
daß ſie den rechten Geſellen ertapt hatten/
griffen mich derwegen an/ banden mir meine
Haͤnd/ vnd wolten mich hinweg fuͤhren/ der-
maſſen groß iſt die vnbeſcheidenheit/ gꝛobheit
vnd Tyranney der Schoͤrgen vnd Gerichts-
diener: Letztlichen aber erjnnerten ſie ſich/ daß
der Bub/ welchen ſie ſuchten/ keinen Daumẽ
an der lincken Hand hatte/ vnd weil derwegen
ſie an mir kein ſolches Zeichen/ ſonder ſahen/
daß ich gantze vnbeſchaͤdigte Haͤnd hatte/ ſo
lieſſen ſie mich widerumb frey vnd ledig/ vnd
ich kam wider zu meiner Geſellſchafft dem
Eſeltreiber vnd den zwen Prieſtern.
Guſman wirdt durch einen from̃en
Prieſter heylſamblich vnder-
wiſen.
DER ein Prieſter ſchawte mich ey-
gentlich an/ hatte ein mitleyden mit
meiner zarten Jugendt/ vnd ſpꝛach:
Mein Kind/ ich ſihe vnd erkeñe die gꝛoſſe ge-
fahꝛ vnd vnheyl/ welches dir beuoꝛ ſtehet/ dañ
du biſt je noch ein junges Buͤbel/ Vatter vnd
Herꝛnloß. Damit derwegen du dich aller or-
ten deſto beſſer huͤten vnd fuͤrſehen moͤgeſt/ ſo
merck auff mein Wort/ vnnd folge meinem
Rath. Vor allen dingen ſey Gottsfuͤrchtig/
dann wirſtu dich in der Gottsforcht nit ſtaͤt
vnd feſt halten/ ſo wird dirs vbel gehen/ allhie
zeitlich vnd dort ewigklich. Auß diſer Gotts-
forcht wird dir entſpꝛingen vnnd erfolgen die
ſoꝛgfaͤltigkeit eines guten vñ reinẽ gewiſſens/
Jtem dein eigne erkaͤntnuß/ die demut/ der ge-
hoꝛſam̃ vñ die gedult/ deßgleichẽ die ſobrietet
Nuͤchterkeit vnd maͤſſigkeit/ Jtem die Keuſch-
heit, modeſtia vñ geſchaͤmigkeit Am andern
huͤte dich voꝛ allẽ vñ jeden ſuͤnden/ vñ gedenck/
dz du in deinem ſuͤndigẽ niemaln alleinig ſey-
eſt/ ſonder daß Gott bey dir iſt/ welchen du er-
zuͤꝛneſt/ dz die Engel bey dir ſeind/ die du betruͤ.
beſt/ dz die Teufel bey dir ſeind/ die du eꝛfreweſt
daß die Creaturen bey dir ſeind/ die du inqui-
nireſt, vnd dz das gewiſſen bey dir iſt/ welches
du beleidigeſt vnd verwundeſt. Dreyerley guͤ-
ter hat der Menſch von GOtt empfangen/
nemblich die Guͤter deß Gemuͤts/ die Guͤter
deß Leibs/ vnd die Guͤter deß Gluͤcks/ alle die-
ſelbige verliereſtu durch begehung einer ſuͤnd/
vnd macheſt dich ſelbſt zu einen Sclauen deß
Teuffels.
Drittens huͤte dich vor boͤſer geſellſchafft/
wie voꝛm hoͤlliſchen Fewꝛ/ dañ wer das Bech
beruͤhret/ der wirdt daruon beſudelt/ ſonder
ſchlage dich allzeit zu den Frommen/ vnd hab
gemeinſchafft mit den Freunden Gottes/ dañ
mit den Heiligen wirſtu heilig/ vnnd mit den
vnſchuldigen vnſchuldig ſein/ vnd durch jhre
heylſame Lehꝛ vnd warnungen/ wirſtu abge-
halten werden von deinem boͤſen vorhaben/
vnd durch jhꝛ Exempel/ wirſtu ermahnt zum
guten.
Viertens rathe ich dir/ daß du dich enthal-
teſt der gemeinſchaft der vnkeuſchen Weiber/
dann nur einem einigen iſts mit jhnen wol er-
gangen/ vñ derſelb ward gehenckt. Beſchließ-
lichen/ gedencke offtermals an den Todt/ vnd
daß du/ ob ſchon du noch jung biſt/ doch ent-
weder bald oder ehender/ denn du vermeinſt/
ſterben werdeſt: Betrachte den Spruch Sa-
lomonis: Lætare iuuenis in adoleſcentia
tua, & in bono ſit cor tuum, in diebus iu-
uentutis tuæ: & ambula in viis cordis
tui, & in intuitu oculorum tuorum: &
ſcito quia pro his omnibus adducet te
Deus in iudicium: Als wolte er ſagen: Ob
ſchon du noch jung biſt/ ſo ergib dich doch
nicht den Laſtern/ Eytelkeiten vnd Leibs wol-
luͤſten/ dann GOtt wirdt dich vor Gericht
ſtellen/ ſtrenge Rechenſchafft von dir fordern/
vnnd dich ſtraffen nach deinen Verdienſten:
Vmb wie vil mehr auch du dich in den wol-
luͤſten erhoͤcht vnnd erluſtigt haſt/ vmb ſo vil
deſto mehꝛer vnd groͤſſere Marter vnd Qual
wirdt dir angethan werden.
Diſes waren die Wort deß from̃en Prie-
ſters/ vnnd wolte GOtt/ ich hette ſie zu Her-
tzen gefuͤhꝛt/ vnnd behalten/ aber ich war
noch vil zu jung vnd wild/ ſie
zu faſſen.
Guſman dienet einem Wirth
auffm Gey.
MJt obbemelter meiner Geſellſchafft
raiſte ich zwoͤlff meil wegs/ vnd weil
mein Beutel allbereit laͤr/ vnd mein
Leib vnd Glieder muͤd vnnd math woꝛden/ ſo
ging es mir eben wie einem krancken oder kre-
tzigen Hund/ welcher von allen Hunden ange-
bellt wird/ vnd der jhnen allen die Zaͤhne zeigt/
aber doch niemande beiſſet: Dañ die muͤheſe-
ligkeiten vmbgaben mich/ jederman ſtach auff
mich/ vnnd ſpottete meiner/ ſeytemal ich kein
Gelt hatte/ damals erkeñte ich/ was ein haͤller
ſeye/ vnd was geſtalt der jenig/ der jhne nit ge-
wiñet/ ſeiner nit achtet/ wie auch ſeinen werth
nit weiſt/ ſo lang jhm nichts mangelt: Diſes
war nun das erſte mal/ dz ich der laidigen Ar-
mut vnder Augen ſahe: damals erkente ich jre
Ziffer/ aber hernacher betrachtete ich jre effe-
cten vnnd wirckungen/ was nemblich ſie fuͤr
ſchaͤndliche ding begehe/ wz ſie fuͤr boͤſe einbil-
dungẽ veꝛuꝛſache/ wz ſie fuͤꝛ vnehꝛ vñ boͤſe ſtuck
ſolli-
ſollicitire, vnd was ſie fuͤr vnmuͤgliche ding
ſich vnderfahe. Damals ſahe vnd befand ich/
wz maſſẽ vnſere mutter die natur ſich mit gar
wenigẽ laͤſt benuͤgen/ vñ ob ſie ſchon menigli-
chẽ vil gibt/ doch niemand zu friden iſt/ ſonder
ſein noth vñ armut beklaget. Jch ſahe klaͤrlich
was geſtalt das widerwertige Gluͤck die Men-
ſchen fuͤrſichtig machet: Damals gedunckte
mich/ daß ich ein newes Liecht ſahe/ dann wie
in einem klaren Spiegel repræſentirte ſich
mir das vergangne/ das gegenwertige/ vnd dz
zukuͤnfftige: Biß dato war ich gleichſamb nur
ein junges Fuͤllel/ einer Witfrawen Sohn vñ
ein verwent es vbel/ vnderwiſenes Kindt ge-
weſt/ das Alter/ der verſtand vnd die erfahren-
heit gingen mir ab/ vnd das aller aͤrgiſte war/
daß ich keinen einigen Menſchen hatte/ der
mir etwan einen guten Rath hette gegeben/
derwegen wuſte ich je nit/ was ich thun ſolte/
Nicht gern wolte ich weiter fort reiſen/ dann
ich hatte kein zehrung: Widerumb zu ruck zu
gehen/ ſchaͤmte ich mich/ O wie vil Menſchen
hab ich verderbẽ ſehen wegen deß bloſſen ſche-
mens/ O wie vil feine Jungfrawẽ habẽ vnder-
laſſen Jungfrawen zu ſein/ O wie vil außge-
lihenes Gelt wirt verlorẽ/ keiner andern vꝛſa-
chen halben/ als weil man ſich ſchemet/ es wi-
derumb vom Freund abzufordern. Die vere-
cundia oder geſchaͤmigkeit iſt beſchaffen wie
ein geſtricktes Netz/ welches/ wann ein einiger
Faden bricht/ alsdann alles auffgeloͤſt wirdt:
Wann derwegen einer das ziel der verecun-
diæ oder Geſchaͤmigkeit einmal hat vber-
ſchritten/ alsdann ſchaͤmet er ſich hernacher
nimmer/ diſer vrſachen halben hatte ich mein
Ehr in obacht/ vnnd weil ich meinen Mantel
allbereit verlohren hatte/ ſo wolte ich ohne
denſelben nicht wider zu ruck anheimbs kom-
men/ ſonder weil ich mich einmal entſchloſ-
ſen hinweg zu ziehen/ ſo hielte ich dz wider zu-
ruck ziehen fuͤr ein ſchandt/ ſonder nam mir
fuͤr/ fort biß gen Madril zu gehen/ allda da-
mals alles florirte vnd erfuͤllt war mit groſ-
ſen Herꝛen/ Prælaten vnnd Edelleuten: Der
Koͤnig war auch noch jung/ vñ hatte erſt new-
lich geheurat: Es gedunckte mich/ daß man
ſich vmb mein feine vnnd ſchoͤne Perſon ſehr
reiſſen/ vnd ein jeglicher mich gern haben vnd
annemmen wuͤrde. O wie vil vnnd ſeltzame
ding begegnen den einfaͤltigen jungen Leuten/
O wie weit ſeind die gedancken von den wer-
cken: O wie leichtlich nimbt jhm der Menſch
etwas fuͤr/ aber ſehr ſchwerlich richtet ers zu
Werck: Damals bawete ich Schloͤſſer im
Sandt/ ich machte mir fantaſtiſche chyme-
ras, vil ding nam ich mir fuͤr/ aber es ging al-
les zu ruck/ vnd gewann den Krebsgang: Alle
meine imaginationes, einbildungen vñ fuͤr-
ſatz waꝛen eytel/ vergeblich vnd ein betrug/ dañ
ich bawte auff den Sandt/ vnd nicht auff die
Gottsfoꝛcht/ ich wuſte nit/ was Gottsforcht
war/ vnd meine Eltern hatten mich nit drin
vnderwiſen/ noch darzu erzogen/ derwegen
bettete ich weder deß Morgens noch deß A-
bends/ vnd hoͤrte niemaln Meß: Weil dann
das Fundament aller meiner Anſchlaͤg vnnd
vorhaben boͤß war/ ſo iſt kein wunder/ daß jh-
re effecten vnnd wirckungen laͤr außgingen.
O wie gluͤckſelig ſeind die Kindeꝛ/ denen Gott
jhre Eltern ſo lang leben laͤſt/ von denen ſie
Gottsfoͤꝛchtiglich erzogen werden/ vnnd ſo
weit kommen/ daß ſie jhre Nahrung ſelbſt ge-
winnen koͤnnen/ vnd nit gezwungen werden/
den frem̃den in die haͤnd zu ſehen/ vnd hin vnd
wider elendiglich vmbzuſtoͤꝛtzen. Jnmaſſen
mir widerfahren/ dañ als ich meinen weg foꝛt
reiſẽ wolte/ ſahe ich zwen Fuhrleut voꝛan fah-
ren/ denen eylte ich nach/ biß ich ſie ertapte/ vñ
ſampt jhnen in die Herberg kam: Daſelbſt de-
muͤtigte ich mich/ halff jhnen jre Roß abſpan-
nen/ in den Stall fuͤhren vnd fuͤtern in hoff-
nung/ ſie wuͤrden mir etwann ein ſtuck Brot
geben/ aber ſie waren vil zu geitzig vnnd vn-
barmhertzig/ vnd gaben mir nichts/ vnangeſe-
hen ich mich/ als ſie am Tiſch ſaſſen/ ge-
rad gegen jhnen vber auff einen block nider-
ſetzte vnd jhnen ſuͤndlich zuſchawte: biß letztli-
chen ein Barfuſſer kam/ vnd ſich niderſetzte/
Brot vnd Speck auß ſeinem Sack herfuͤr zo-
he/ vnnd ſein Mahlzeit verrichtete. Vnd weil
ich jhne auß lauter ſcham oder verzagtheit nit
bitten doꝛffte mit Woꝛten/ ſo bate ich jhne
mit den Augen/ deß er mir doch vmb Gottes
willen ein biſſel Brots mittheilen wolte: Der
fromm Muͤnch verſtundt mich geſchwindt/
vnnd theilte mir trewlich mit/ alles was er
hatte: Dardurch ward ich dermaſſen ge-
ſterckt/ daß ich meinen weg foꝛt paſſieren kon-
te/ vnd als ich deß Abends in die Herberg kam/
begerte der Wirth zwen Kreutzer fuͤr die
Nachtherberg/ aber weil ich nichts hatte zu
zahlen/ ſo fragte er mich von wañen ich were/
vnd ob ich nicht luſt hette jhm zu dienen? Jch
gab jhm zur antwoꝛt: Ja/ gar gern: Jch blib
ein zeitlang bey jhm vnnd lehrnete/ wie man
den Habern mit warmem waſſer netzen ſolle/
damit er auffgeſchwuͤlle/ Jtem wie man jhne
faͤlſchlich meſſen/ mit doppelter Kreiden an-
ſchreiben/ den Wein buttern/ vnnd die Gaͤſt
ſchinden vñ vbernemmen ſolte: Deßgleichen
erfuhꝛ ich/ dz die Wein ſchwim̃en koͤñen/ dañ
ſonſten ertruncken ſie/ weil die Wirth ſo vil
Waſſer zu gieſſen. Jhꝛer vil vnd zwar die ver-
ſtaͤndigſten/ bezahlten ohne Widerꝛed alles
wz wirfoꝛderten/ ſamb waͤre es ein Gebott der
Obrigkeit/ dann die wort der Wirthen ſeind
gleichſam̃ ſententiæ diffinitiuæ, darwider
hilfft kein ſuppliciren noch repliciren,
Sonder es heiſt: Thu den Beutel auff/
vnnd zahle. Etliche andere verwaigerten
ſichs/ aber es halff nichts/ dann die Schoͤꝛgen
ſeind geſchwind verhanden/ vnnd machen jh-
nen ein boͤſes ſpiel: O was fuͤr Tyranneyen/
Buͤbereyen/ vnuerſchambtheiten/ Diebereyẽ/
Schindereyen vnnd Boßheiten gehen in den
Wirtshaͤuſern fuͤr/ man foͤꝛchtet weder Gott
noch die iuſtici wegen der ſo groſſen ſchin-
dereyen der Wirthen/ werden entweder biß-
weilen die Straſſen gar vmbgangen/ oder die
Kauffmanſchafft gar eingeſtelt/ dann ſie ſeind
ſchier nichts anders/ als offentliche Dieb vnd
Rauber: Jch ſelbſt habs mit meinen Augen
geſehen/ habs erfahꝛen vnnd darzu geholffen:
Nichts weꝛe ſchier nothwendiger/ als eben ein
gute reformation der Wegen/ Prucken vnd
ſonderlich der Wirtshaͤuſer.
Guſman kombt gen Madril/ vnd
wirdt ein Picaro, oder ein Schwa-
rack.
DAs vnruͤhige vnd gottloſe Leben der
Wirthſchafft gefiel mir je lenger je
weniger/ dann es kamen bißweiln junge Kna-
ben zu vns zur Herberg/ dern etliche hatten
Gelt/ etliche hatten keins/ etliche bettelten vnd
zohen alle foꝛt. Da gedachte ich bey mir ſelbſt:
Guſman/ was macheſtu? warumb biſtu ſo
gar verzagt? warumb verligſtu dich allhie
bey diſem ſchinderiſchen Wirth? warumb
zeuchſtu nit auch weiter? warumb trachteſtu
nit auch nach anderm vnd mehrerm: Letztli-
chen zeigte ich dem Wirth vnnd ſeiner Arbeit
die Feygen/ zohe von jhm/ vnnd als ich mein
bey jhm erobertes Gelt verzehꝛt hatte/ fing ich
an zu betteln/ weil aber eben damals der liebſe-
lig Getraidt vbel gerathen/ vnnd aller Orten
ein groſſe Thewrung verhanden war/ ſo gab
man deſto weniger Almuſen. Weil dann das
bitten vnnd begeren mir wenig halff/ ſo ward
ich gleichſamb gezwungen/ mein Kleyd anzu-
greiffen/ vnd meiſten theils zu verkauffen/ dañ
es heiſt: vt vitam redimas, Schuch/ Bruch
& omnia vendas. Dannenhero als ich gen
Madril kam/ befandt ich mich nur in einem
bloſſen Hemmet/ vnd ſo gar war daſſelb aller-
ding zerꝛiſſen vnd vnflaͤtig/ vnd ob derwegen
ſchon ich gern etwan einẽ Herꝛn gedient het-
te/ ſo wolte mir doch niemand trawen/ dann
man hielt mich fuͤꝛ einẽ Picaro oder Schwa-
racken/ der kein nutz were. Das verurſachte
mich/ daß ich mich in die loͤbliche Picariſch-
zunfft oder geſellſchafft begab/ dañ die ſcham
hatte ich allbereit auffm weg verlohꝛen/ dann
weil ich zu Fuß gehen muſte/ ſo war ſie mir vil
zu ſchwer zu tragen/ derwegen ließ ich ſie fah-
ren/ vñ bekleidete mich mit der vnuerſcham̃t-
heit/ dann vnmuͤglich iſts/ daß der hunger vñ
die ſcham gute fꝛeunde vnd beyſammen ſeyen:
Diſer vꝛſachen halben ſchlug vñ verfuͤgte ich
mich zu etlichen andern jungen Knabatzen
meines gleichen/ halff jnen arbeiten/ folgte jh-
nen in allen dingen/ thate wie ſie/ ging auch
mit jhnen hin vnd wider betteln/ vnd ſamblete
vil Realn. Darneben vnderwiſen ſie mich in
allerhand Karten: vnnd Wuͤrffelſpieln der-
maſſen/ daß ichs ſchier den Eltiſten beuoꝛ tha-
te. Diſes Picariſche oder ſchwarackiſche Le-
ben gefiel mir ſo gar wol/ daß ichs keins wegs
gegen dem vorigen vertauſcht hette: Jmmer-
dar ſpeculirte vñ ſubtiliſirte ich in meinem
verſtand je laͤnger je mehꝛ/ vñ ſahe/ was geſtalt
man mit einem ſchlechten anfang vil guts zu-
ſam̃en bꝛingen/ vnd ohne begeren/ reich werdẽ
konte/ dañ fuͤrwar/ wer erſt andern Leuten in
die Haͤnd ſehen muß/ der jſſet das Brot deß
Schmertzens vnd Bluts/ vnangeſehen jhms
ſo gar ſein leiblicher Vatter gebe.
Diſe herꝛliche freyheit deß Lebens gefiel
mir trefflich wol/ derwegen accommodirte
vnd gewehnte ich meinen Rucken zum Puttẽ
oder Kraͤtzen tragen: ſehr groß iſt die Bruͤder-
ſchafft der Eſeln/ ſeytemal ſie ſo gar die Men-
ſchen in jre geſellſchafft einlaſſen/ vñ der maſſẽ
hoͤflich ſeind/ dz ſie verwilligen/ daß die Men-
ſchen jre vnſauberkeitẽ außtragen/ vnd ſie vi-
ler muͤhe vberheben. Vnnd ob ſchon/ omne
principium graue, der anfang aller guten
dingen ſchwer iſt/ ſo wirds doch alles leichter/
wann man nur beſtendiglich beharꝛet: Jch ge-
wehnte vnd ſchickte mich allgemach dermaſ-
ſen in diſes Picariſche Leben/ daß es mir auß-
buͤndig wol ſchmeckte/ dañ zu meiner vnd’hal-
tung bedoꝛffte ich weder eins fingerhuts/ noch
einer Nadel/ noch einer Zangen/ noch eines
Hammers/ noch einer Axt/ ſonder ich brauch-
te nur ein bloſſe Putte/ Kraͤxen oder Korb/
vnd war aller ſorgen frey.
Offt gedachte ich an das Leben meines
Vatters/ was geſtallt nemblich derſelb ſampt
dem Zolner Matthæo am Zoll oder auff der
Wechßelbanck/ wie ein Cederbaum/ mitten
vnder den Doͤꝛneꝛn/ geſeſſen/ vnd meniglichen
mit ſeinen wucheriſchen haͤndeln vil muͤh vñ
arbeit gemacht/ vnd verurſacht hatte. O wie
vil Kaufleut ſitzen noch heutiges tags ſam̃t dẽ
Matthæo am Zoll in einem Seſſel/ ſaugen
frembdes blut/ werffen jhꝛe Angel auß/ vnd fi-
ſchen dz Gelt auß allen Staͤtten vnd Landen:
O wie vil Rechtsgelehꝛten ſitzẽ in jꝛen Seßln/
durchkucken vnd durchblettern jhre Buͤcher/
ſpitzen jhꝛe Feder/ vnnd erobern mit ſchlechter
muͤh ein jaͤmmerlichs Geltwerck: Warumb
thun ſie es aber? wohin zielen die Kauffleut/
was iſt jhr intent vnnd meinung/ wann ſie
alſo mit dem Judenſpieß rennen/ vnnd ande-
re Leuth betriegen? Was haben etliche an-
dere im Sinn/ welche erſt geſtern auß den ho-
hen Schulen kommen/ heut aber das Land
regieren/ hohe Haͤuſer bawen/ vnnd ſtattliche
Herꝛſchafften kauffẽ? Fuͤrwar/ nichts anders
ſuchen/ ſoꝛgen/ dichten vnd trachten ſie/ als dz
jre Neſter in der hoͤhe ſtehen moͤgen. O wie ſe-
lig aber weren ſie/ wañ ſie ſich mit jrem mitel-
maͤſſigen ſtand/ darin Gott ſie geſetzt/ benuͤgẽ
lieſſen/ vñ mit gutem ruͤhigen Gewiſſen leben
theten: Aber leyder/ weil die begeren Edelleut
zu ſein/ vñ ſehꝛ hoch zu ſteigen/ ſo geraichts jh-
nen bißweilen zu groſſer zeitlichen Soꝛg vnd
ewigen quaal/ malam enim telam & con-
fuſionem domui ſuæ orſi ſunt. O wie
gefaͤhrlich iſt die Ehꝛ zu erlangen/ wie ſchwer-
lich zu erhalten/ wie muͤheſamblich zu tragen/
vnnd wie leichtlich zu verlieren/ vnnd nicht
deſto weniger reiſſet man ſich dermaſſen dar-
umb/ als muͤſte man durch ſie ſelig werden:
Deſſen allen waꝛ ich bey meinem Picariſchen
oder Bernhaͤutiſchen Leben allerdings vber-
hebt/ war ſorgloß/ vnnd beſaß die edle Frey-
heit/ welche von den Gelehrten ſo ſehꝛ ge-
lobt/ von vilen verlangt/ vnnd von den
Poeten beſungen wird/ vnd gegen dern alles
Goldt vnnd Reichthumb der Erden nit zu-
ſchetzen iſt. Diſe edle freyheit hatte ich/ kondte
aber ſie nit behalten/ noch die gute tag laͤnger
tragen/ ſonder begab mich in einen andern/ a-
ber doch nit vil ehꝛlichern ſtandt/ dañ ich waꝛd
ein rotziger vñ ſchmotziger Kuchelratz/ wie im
nachfolgenden Capitel zu vernemmen.
Guſman dienet fuͤr einen Kuchel-
buben/ fahet an/ ſich mit der vnbegerten
Arbeit/ das iſt/ mit ſtehlen/ zu
ernehꝛen.
ALs ich mich ein zeitlang gewehnt hatte/
allerhand Buͤrd vnd laſt auffm rucken
zu tragen/ vñ ich nunmehr/ wegen mei-
ner trew vñ fleiſſes/ wolbekant woꝛden/ ſchick-
te mich einsmals eines Grafen Einkauffer/
mit etlichen eingekaufften Speiſen in ſeines
Herꝛn Hauß/ vnd vberꝛedete mich/ dz ich mei-
nen Picariſchen/ beꝛnheutiſchen odeꝛ ſchwaꝛa-
kiſchen ſtand verließ/ vñ mich in ſeines Herꝛn
Kuchel gebrauchen ließ/ dann er verhieß mir/
daß er mich von dannen in deß Koͤnigs dienſt
befuͤrdern/ vnd zu einem Herꝛn machen wolte.
Der Graf nam mich an/ dañ ich kondte auß-
buͤndig wol ſchwetzen/ diente jhm anfangs
gantz fleiſſig/ verhielte mich auch gegen allem
Haußgeſindt dermaſſen/ daß mich jederman
lieb gewan/ dañ nit allein war ich willig/ ſon-
der auch ſtill vnnd verſchwigen/ wann man
auch mit mir greinte/ ſo ſchwig ich ſtock
ſtill/ derwegen ſchenckte man mir hin vnnd
wider ſo vil Kleyder vnnd Gelts/ daß ich
meinen nackenden Leib gar luſtig widerumb
bedeckte/ vnd am Sontag einem erbarn jun-
gen Menſchen gleich ſahe: Vnd dz beſte war/
daß ich darneben mein Beſoldung vnd Koſt-
gelt erſparte/ aber das aͤrgiſte war/ daß man
mich zuuoꝛ im Picariſchen Leben hatte ſpielen
gelehꝛt/ dannenhero verkauffte ich anjetzo al-
les/ was ich erſparen kondte/ vnnd verſpilte
es fein ſauber bey einem biſſen. Jm Ambt
oder in meinem Kucheldienſt ward ich in kur-
tzer Zeit gleichſamb ein Doctor, aber im
ſpilen war keiner vber mich/ vnnd weil mein
Koſtgelt vnnd Beſoldung mir zum ſpilen
nicht erkleckte/ ſo ſuchte ich etwas anders/
vnnd hieß alles mit mir gehen/ was ich im
Hauſe ſahe/ aber doch mit einer ſolchen Be-
ſcheidenheit vnnd ſubtilheit/ daß mans nit ge-
war ward.
Einsmals begegnete mir ein artlicher poſ-
ſen/ dann mein Herꝛ der Graf brachte auff
ein zeit etliche Bacchus vñ bon tempo, oder
Sauffbruͤder mit ſich heimb/ vnd weil er ein
ſonderbarer guter Kanten muſicus war/ vnd
nit nachließ drin zu ſingẽ vñ zu blaſen/ biß jm
der Flaſchen humor in Kopff ſtieg/ ſo mach-
te ich jhnen geſchwind ein gute Collatzen von
guten Zapfraͤſſen Wuͤrſten vnnd Weinzie-
henden Speiſen/ darauff ſchmeckte jhnen der
Wein dermaſſen wol/ dz ſie nit wuſten wie ſie
letztlichẽ von einander geſchiden. Mein Herꝛ
vñ Fraw legten ſich vnuerſehens ins Beth/ dz
Hauß blib offen/ der Tiſch gedeckt/ vnnd das
Silbergeſchirꝛ blib drauff ſtehen. Jch befand
mich damals in meiner Kuchel/ vnd verꝛich-
tete mein Arbeit/ als ich aber vermerckte wie
es zugangen war/ ſo verfuͤgte ich mich in aller
ſtill in den Saal/ folgends in die Silberkam-
mer/ vnnd ſahe/ daß das Silbergeſchirꝛ theils
noch ordentlich ſtund/ theils aber hin vnd wi-
der zerſtrewtlag. Vnder andern aber lag ein
ſilberne Schuͤſſel auff der Erden/ die
ſahe mich gar ſuͤndtlich an/ vnnd bate mich
gleichſamb/ daß ich mich vber ſie erbarmen/
auffheben vnnd zu mir nemmen wolte: Das
thate ich nun/ hebte ſie auff/ nam ſie zu mir/
vnnd ging in aller ſtill daruon/ ohne daß es
mein Herꝛ vnnd Fraw gewar wurden/ dann
ich ſahe/ daß ſie im Wein begꝛaben lagen: Jch
hette jhnen gern ein Poſſen geriſſen/ vnnd jh-
nen jhre Fuͤß an die Bethſtatt gebunden/ a-
ber es gedunckte mich/ daß die ſilberne Schuͤſ-
ſel beſſer were.
Deß Morgens fruͤ maͤngelte mein gnedi-
ge Fraw alsbald der ſilbernen Schuͤſſel/ kam
zu mir in die Kuchel/ vñ durchſuchte alle win-
ckel: Jch fragte ſie/ was ſie doch ſuchte? ſie
antwortet mit weinenden Augen: Ach Guſ-
maͤndl/ daß Gott erbarm/ ich maͤngle einer
ſilbernen Schuͤſſel/ was wird mein Herꝛ dar-
zu ſagen/ wofern ſie verlohren iſt: Jch hatte
mit jhrem weinen durchauß kein mitleyden/
dann man ſagt/ daß/ wann ein Weib weinet/
man alsdann eben ein ſolches mitleiden mit
jhr tragen ſolle/ wie mit einer Ganß/ welche
mitten im Winter barfuß im Waſſer vmb-
zeucht: Aber doch ſtelte ich mich ſehr mitlei-
dig/ troͤſtete ſie/ vnnd erbotte mich/ daß ich ge-
ſchwind hin zu etwan einem Goldtſchmidt
gehen/ vnnd ein andere dergleichen Schuͤſſel
kauffen/ wie auch etwan einen guten Freund
finden wolte/ der das Gelt darfuͤr herlihe.
Mein gnedige Fraw bedanckte ſich gegen mit
wegen diſes guten Raths/ vnd bate mich/ daß
ich doch geſchwindt hingehen/ vnd es alſo zu
werck ziehen wolte. Jch ging zwar alsbaldt
hin/ nam die geſtohlene Schuͤſſel zu mir/
brachte ſie einem Goldtſchmidt/ vnd bate jh-
ne/ daß er ſie geſchwindt ein wenig renoui-
ren vnnd verneweren thete/ ich gab jhm fuͤr
ſein benuͤgung zwen Real/ brachte meiner
Frawen die gleichſamb newe Schuͤſſel vnnd
ſprach: Gnedige Fraw/ zu allem vnſerm
Gluͤck hab ich ein Schuͤſſel beym Goldt-
ſchmidt angetroffen/ die wigt ſiben vnnd
funfftzig Real/ vnnd er fordert fuͤr ſein Arbeit
weniger nicht/ als acht Real. Wer war froͤher
als die Fraw? Das Gelt zahlte ſie mir als-
bald baar auß/ nam die Schuͤſſel zu ſich/ vnd
erſetzte darmit den verſpuͤrten mangel. Diſer
geſtallt verkauffte ich jhr jhre eygne Schuͤſſel/
ſamb hette ich ſie nit geſtohlen: Sie war froh
vnnd ich war nicht trawrig/ dann ich vber-
kame dardurch vil Gelts: Das blib aber
nicht lang bey mir/ dann wie es war ge-
wunnen/ alſo iſt es Entrunnen/ Dann in
einem einigen Abend verſpielte ich alles mit-
einander/ vnnd es blibe mir kein Haller im
Beutel.
Nicht allein behalff ich mich diſer geſtalt
mit ſtehlen/ Sondern auch der Einkauf-
fer/ der Kuchelmeiſter/ der Kellermeiſter
vnnd alle andere Officier ſtahlen vnnd raub-
ten heimlich alles/ was ſie jmmer zuwegen
bringen kondten/ an Fleiſch/ Wein/ Ge-
fluͤgelwerck/ Gewuͤrtz/ Eſſig/ Traidt/
Mehl/ Kertzen/ Holtz/ dann jhre Beſoldung
warklein/ vnnd kondten derwegen ſich vnnd
jhre Baͤſel nicht darmit ernehren/ Der-
wegen iſts nit allzeit gut/ daß die Herꝛen jh-
ren Dienern ein ſo gar kleine Beſoldung
geben/ dann ſie gewinnen dardurch Vrſach
zum ſtehlen. Mit deme/ was ſolche Officier
jhren Herꝛn ſtehlen vnd abtragen/ koͤndten ſie
ſechs Diener gratificiren: vnnd ob ſchon
die Herꝛn vermeinen/ daß ſie ſehꝛ geſcheid ſey-
en/ vnd auf alle ſachen dermaſſen fleiſſig mer-
cken/ daß nit muͤglich ſeye/ ſie zu betriegen vnd
zu beſtehlen/ ſo ſeind doch die Officier vil ge-
ſcheider/ liſtiger vnnd verſchlagener/ vmb wie
vil mehꝛ auch ſie vermercken/ daß man jhnen
nit trawe/ vmb ſo vil deſto mehr befleiſſen ſie
ſich deß ſtehlens vnd abtragens. O wie offt
vnd vilmals hab ich deß Mundtkochs Hauß-
fraw die allerbeſte Paſteten/ Torten vnd an-
dere gute Biſſel muͤſſen zu Hauß tragen: O
wie offt hab ich auß befehl deß Kelners/ groſſe
Flaſchen deß allerbeſten Weins vnd Malua-
ſier muͤſſen hin vnnd wider zu ſeinen guten
Freunden vnd Baͤſeln/ ꝛc. tragen? Weil ich
dann ſahe/ daß meine Obrigkeiten ſolches
thaten/ vnnd daß jederman ſtahl/ ſo ſtahl ich
auch/ vnnd weil ich mich vnder den Woͤlf-
fen befand/ ſo vermeinte ich/ daß ich ſampt jh-
nen muͤſte heulen. Mein beſte vbung war da-
mals das ſtehlen vnd ſpielen: Einsmals aber
als ich biß in die Mittenacht ſaß vnd ſpielte/
vnd wir mit einander vneins wurden vnd ru-
morten/ hoͤrte es vnſer Herꝛ der Graf/ nam
einen duͤrꝛen Pruͤgel/ vnnd ſchlug vns den
Staub dermaſſen auß den Kleydern/ daß vns
ſtarcke Puͤndtl auffm gantzen Leib auflieffen/
dardurch fing ich von derſelben zeit an/ mei-
nen credit vnd guten Glauben bey jhm zu-
uerlieren/ vnd je laͤnger je weniger bey jhm zu
gelten/ zumaln weil ſich noch ein anderer fall
begab/ daruon im nachfolgenden Capitel mel-
dung beſchehen ſoll.
Was dem Guſman/ als einem Ku-
chelbuben/ fuͤr ein wercklicher Poß
widerfahꝛen.
NJl iſts/ wann einer ſich ernehren kan
mit ſeiner Arbeit/ aber vilmehr iſts
wann einer mit tugendt das jenig kan
behalten/ was er hat gewunnen. Gewinnen
kondte ich mein Brot/ vnnd hatte allbereit ein
gutes Lob vnd vertrawen bey meinem Herꝛn
erlangt/ aber ich verluhꝛs gaꝛ bald durch mein
boͤſes verhalten/ dann was andere Diener im
Hauſe thaten/ das thate ich auch: Etlich Dieb
ſeind dermaſſen gluͤcklich/ daß ſie alt ſterben/
andere aber ſeind ſo gar vngluͤckſelig/ daß ſie
wegen deß erſten Diebſtahls in der zarten ju-
gendt gehenckt werden: Andere meines Herꝛn
Diener ſtahlen in groſſo, vnnd wurden reich
dardurch/ ich aber zwickte vñ zwackte meinem
Herꝛn nur hin vñ wider etwz wenigs ab/ vnd
blib doch arm darbey/ wz derwegẽ bey andern
ein laͤßliche Suͤnd war/ das muſte an mir ein
Todtſuͤnd ſeyn: Jch ſahe nit auff mich ſelbſt/
ſonder nur auf andere/ vnd ich vermeinte/ daß
mir das ſtehlen eben ſo frey waͤre/ als jnen/ im
wenigſten betrachtete ich/ dz ſie allbereit drin
eraltet vñ anſehenlich waren/ ich aber nur ein
ſchlim̃er picaro vñ Bernhaͤuter war. Nit ge-
dachte ich/ dz dißfals nur die reichẽ/ die mech-
tigen/ die auffgeſchwollnen/ vnd hoffertigen/
welche die lachrymas crocodili fellen/ vnd
nit mit dem Mundt beiſſen/ ſonder mit dem
ſchwantz verwunden/ Jtem die Schmeichler
vnd Fuchsſchwaͤntzler/ priuilegirt ſeyen/ vnd
daß jhnen alles/ was ſie thun/ wol anſtuͤnde/
aber daß es mir vnnd meines gleichen armen
Tropffen fuͤr ein ſacrilegium crimen læſæ
Maieſtatis auffgenom̃en werde: Jn ſumma/
ich armer junger Schelm muſte jrer aller ent-
gelten/ vnd die Zech fuͤr ſie zahlen.
Dañ es begab ſich eins mals/ daß mein Herꝛ
einen frembden Fuͤrſten zu gaſt geladen/ vnnd
zu ſolchem end außzohe/ vnd ſelbſt allerley ge-
fluͤgelwerck procurirte vnd zu Hauß ſchickte/
derwegen befahl mir mein gnedige Fraw/ daß
ich ſolches Gefluͤgelwerck fleiſſig vnd ſauber
butzen/ vnd in der Speißkam̃er ordenlich auf-
hencken ſolte/ jnmaſſen auch beſchahe. Nun
war es damals ein ſehꝛ warme zeit/ derwegen
vnnd nach verꝛichteter meiner arbeit/ zohe ich
mir meine kleideꝛ ab/ vñ legte mich nackent ni-
der/ dañ die kleine thierlein od’ wuͤrmlein/ wel-
che man ſonſtẽ Leuß vñ floͤch neñet/ lieſſen mir
kein ruh. Jn wehꝛendẽ meinem beſtẽ ſchlaffen
hoͤꝛte ich ein jaͤm̃erlichs ſcharmuͤtzeln vñ reiſ-
ſen der Katzen/ welche an einem Schaͤfenen
ſchloͤgel bancketirten vñ zechten/ dañ es haben
die Katzen ein boͤſe art vnd eygenſchafft/ vnnd
nit weiſt man wañ ſie content ſeyen/ ſonder/
allermaſſen wie die alte Maͤnner/ koͤnnen ſie
nit ſtillſchweigendt oder fridlich eſſen/ ſonder
murꝛen/ gꝛonen vnd greinen jmmerdar. Diß
Katzen getuͤmmel weckte mich auf/ da gedach-
te vnd beſorgte ich/ daß die Katzen villeicht in
die Speißkammer vber das Wildtpraͤt kom-
men waͤren: derwegen ſprang ich geſchwind
nackendt vnd bloß auß dem Beth/ vnd rum-
pelte in aller eyl die Stiegen hinab/ in mei-
nung/ meinem Wildtpraͤt zu huͤlff zu kom̃en:
Aber mein gnedige Fraw/ welche laͤngſt vor
mir ſchlaffen war gangen/ war vil geſchwin-
der auß dem Beth/ weder ich/ dann ſie hatte
das getuͤmmel/ reiſſen vnd beiſſen der Katzen
alsbaldt vernommen: derwegen ſaumbte ſie
ſich nit lang/ vergaß in ſolcher eyl vnnd noth
jhꝛer Kleyder vnd Hemmets/ lieff Mutterna-
ckendt herfuͤr/ vnd hatte nur ein Wachsliecht
in der Hand. Jhre vnd meine gedancken vnd
voꝛhaben waren einerley/ vnnd zwar in cauſa
propria: Mitten auff dem Fletz kamen oder
ſtieſſen wir beyde zuſammen: Sie erſchrack
als ſie mich in ſolcher geſtalt ſahe/ vnd ich er-
ſchrack/ als ich ſie alſo ſahe: Sie vermeinte
daß ich etwan ein Geſpaͤnſt were/ derwegen
ließ ſie die Koͤrtze fallen/ vnd fieng an vberlaut
zuſchreyẽ: Jch aber erſchrack vber diſer figur/
vnd ſchꝛye noch vil ſtaͤrcker/ dann ich gedachte
daß es der Geiſt deß vnlengſt verſtorbenen
Einkauffers waͤre. Die Fraw ſchrye dermaſ-
ſen/ dz mans in derſelben gantzẽ Gaſſen hoͤrte/
ich aber ſchꝛye daß mans in der gantzen Statt
hoͤrte: Sie zwar lieff eilends jhrem Loſament
zu/ deßgleichen wolte ich auch thun/ die Katzẽ
begabẽ ſich gleichfals auff die Flucht/ vnd jh-
rer zwo erwiſchten mich auff der Stiegen/ die
eine hinden beym Geſaͤß/ vnnd die andere bey
der hindern Ferſen meines Fuſſes/ deſſen er-
ſchrack ich noch mehr/ fiel die Sttegen gar
hinab/ lag ein zeitlang in Ohnmacht/ kam
doch wider zu mir ſelbſt/ vnnd fing auffs new
an zu ſchreyen/ vnd mich zu klagen. Das hoͤr-
te nun mein gnedige Fraw auß jhrem Loſe-
ment/ hatte ein mitleiden mit mir/ ſchrye mir
zu/ vnd hieß mich widerumb hin ſchlaffen ge-
hen/ vnangeſehen ſie gleichwol ſelbſt auff ein
endt vbel erſchrocken vnnd ſehr krafftloß war
worden/ dann in wehrendem jhrem lauffen
entrann jhr die virtus retentiua, ehr vnnd
beuor ſie widerumb in jhre Schlafkammer
kam/ eroͤffneten ſich jhre beyde hinderſte Ge-
ſchoß deß Leibs dermaſſen/ daß ſie gar nichts
mehr im Bauch behielt/ ſonder alles mit ein-
ander theils herauſſen im Fletz/ theils auff den
Stiegen verzettete vnnd fallen ließ/ dardurch
vberkam ich ein ſchoͤne vnnd ſaubere Arbeit/
kehꝛte vnd faßte es alles ſauber auff/ dann der
Reinigkeit befliſſe ich mich jnſonderheit.
Damals ſahe vnnd erkennte ich/ daß die
Vnreinigkeiten/ welche in dergleichen acci-
dentiis vnnd Zuſtaͤnden geſellt vnnd auß-
geworffen werden/ vil vbler ſchmecken/ we-
der andere ordinariæ, die Philoſophi vnnd
Sophiſten aber werden die eygentliche vr-
ſachen deſſen wol wiſſen zu inquiriren vnnd
zu erforſchen.
Mein Fraw erſchrack wegen diſes zuſtands
vber alle maſſen/ aber ich noch vil mehr/ dar-
neben ſchaͤmte ich mich/ als waͤre ich ein
Jungkfraw geweſt: Jch ſchaͤmte mich auch
wegen jreꝛ ſcham/ leyd war mirs von Hertzen/
daß ich ſie alſo geſehen hatte/ ſie aber wolte es
nit glauben/ ſonder vermeinte vnnd glaubte
veſtigklich/ daß ichs auß lauter Boßheit ge-
than/ vnnd ſie mit allem fleiß eygentlich vnd
wol/ hinden vnnd vorn/ geſchawt hatte: Von
derſelben zeit hero/ ward ſie mir von Hertzen
ſeind/ vnnd vnſer Nachbaͤwrin eine (dern
ſie diſen Handel erzehlt hatte) ſagte mir/ daß
mein Fraw zu jhꝛ geſagt vnnd bekennt hatte/
daß jhꝛ nichts leiders waͤre/ als daß ſie ſich da-
mals embloͤſt/ vnd daß ich jhre Nackendtheit
geſehen hatte.
Als mein Herꝛ deß andern tags hernacher
widerumb heimb kam/ fragte er mich/ ob alle
Sachen in der Kuchel fertig waͤren? Jch ant-
wortet: Ja. Folgendts veroꝛdnere vnd gab
er alle andere Sachen vnnd Speiſen herfuͤr/
vnd ich vnnd meine Mitgeſellen vberkamen
damals ein ſehr gewuͤnſchte gelegenheit zu-
ſtehlen/ dañ es ging alles vnordenlich durch-
einander/ man kondte nicht ſo eygendtlich
auff alle ſachen mercken/ derwegen neñen wir
dergleichen Bancket/ iubileos, auff denen
die Officier allerhand indulgentias erlan-
gen/ die beſte Wein/ Paſteten/ Torten/ Ge-
wuͤrtz/ Schmaltz/ vnnd dergleichen erſchnap-
pen vnd heimbtragen koͤnnen. Was nun an-
deꝛe thaten/ dz thate ich gleichfals/ vnd ſchiebte
mein Hemmet vnnd Hoſen voller Eyer vnnd
Fleiſch: Meinen Hut fuͤllte ich mit ſchmaltz/
ſetzte jhne auff meinen Kopff/ vnd wolte dar-
mit heimgehen/ aber mein Vngluͤck war/ daß
mir mein Herꝛ auffm weg begegnete/ ich waͤre
jhm gern gewichen/ vnd draͤhte mich hin vnd
her/ aber es halff alles nichts/ dann je mehꝛ ich
mich ſeiner enteuſſerte/ je mehr nahete er zu
mir/ vnd fragte mich/ wo ich ſo ſtarck/ eylends
vnd wol beladen hinauß wolte? Jch aber er-
ſchrack dermaſſen/ daß ich nit wuſte/ was ich
thun ſolte: blib ſtock ſtill ſtehen/ vnd erſtum̃e-
te: Steteruntque comæ, & vox faucibus
hæſit: Die Sonn ſtach auch damals der-
maſſen heiß/ daß die Butter/ welche oben auff
meinem Kopff im Hut lag/ anfing zu zerge-
hen/ zu verſchmeltzen/ vnd tropffenweiß vber
mein Angeſicht herunder zu rinnen/ deſſen
lachte mein Herꝛ heimlich vnd ſpꝛach zu mir:
Guſmandl/ was iſt das? eytert dir dein Kopf?
laß ſehen was du fuͤr einen grindigen Kopff
habeſt? Folgends hebte er meinẽ Hut herundeꝛ
vnd fand den allbereit halb zerꝛuñenen But-
ter/ deßgleichen alle andere geſtohlene ſachen
bey mir/ vnd ſprach: O Schelm/ biſtu der ge-
ſell/ welchen man mir ſo ſehr gelobt hat/ vnnd
deme ich am meiſten getrawt? Troll dich/ du
Boͤßwicht/ vnnd kom̃ mir nimmer in mein
Hauß: Deſſen allen erſchrack ich zum hoͤch-
ſten/ wuſte auß lauter ſcham nichts zu reden/
ſonder ging ſtillſchweigendt hinweg/ dann vil
beſſer vnd ehrlicher iſts/ daß man vor den zu-
gefuͤgten iniurien fliehe/ weder daß man ſie
durchs verantwoꝛten vberwinde.
Guſinan nimbt ſein voriges Pica-
riſches oder Bernhaͤuteriſches Leben wider-
umb an/ wird durch ein ſonderbares
gehebiges mittel
reich.
JNallen vnnd jeden zuſtaͤnden/ gilt die
ſcienz vilmehꝛ/ denn der reichthumb
oder guͤter/ dañ ob ſchon dz Gluͤck wi-
der den Menſchẽ rebelliret/ ſo verlaͤſt jne doch
die ſcienz niemaln: Das Gut wird verzehꝛt/
aber die ſcienz waͤchſt/ vnd wirdt das wenige
was ein Gelehrter weiſt/ vil hoͤher geacht/ we-
der das vile/ was ein reicher hat: Nun moͤchte
aber einer fragen vnd ſpꝛechen: Warumb wi-
ſchet Guſman diſer geſtalt mit der ſcienz heꝛ-
fuͤr/ oder was hat er fuͤr ein ſcienz? warumb
lobet er die ſcienz ſo ſehr? was hat er dar-
mit im Sinn? Hierauff gib ich zur antwort/
daß mein gantze ſcienz vnd Kunſt in meiner
Putten oder Kraͤxen ſteckte/ dañ nichts andeꝛs
noch beſſers konte vñ wuſte ich/ als allerhand
ding vnd Buͤrd auffm ruͤcken in einer Putten
oder Kraͤxen tragen/ vñ benebens ſpielen/ ſteh-
len vnd allerhand buͤberey treiben: Durch diſe
ſcienz konte ich mein bꝛot reichlich gewiñen/
diſes officiũ war mein beneficium: wie V-
lyſſes ſich ernehꝛte mit ſeinem Liſt/ vnnd De-
moſthenes mit ſeiner eloquentz, alſo be-
halff vnnd ernehrte ich mich mit diſer meiner
ſcientz,
ſcienz, dañ nach dem ich voꝛerzehlter maſſen
auß meines Herꝛn dienſt geſchidẽ/ zeigte jeder-
man mit fingern auf mich/ vñ ſagtẽ: ſihe/ doꝛt
geht der Dieb: diſer vꝛſachen halbẽ wolte mich
niemand annem̃en noch mir trawen/ vñ waꝛd
ich derwegẽ verurſacht/ mein voꝛiges leben vñ
arbeit zutreiben/ vñ die Eſelarbeit mit Kraͤxen
tragẽ widerum̃ zu verꝛichtẽ. Wie were es mir
aber ergangẽ woferꝛn ich diſe picariſche kunſt
nit zuuor gelehrnt/ ergriffen vnd practiciert
hette? Dañ nunmehꝛ war ich dienſtloß/ Kley-
derloß vnd Chꝛloß/ alles was ich mit arbeiten
hatte erobert/ das verluhr ich ſpielent/ ich war
allerdings zerꝛiſſen/ hinden vnd voꝛnen/ vnnd
kente kaum mein ſcham bedecken: Aber doch
war mein ſcientz noch gantz vñ vollkom̃en/
vnd die ſcham verlohren/ dann den Armen iſt
ſie wenig nutz. Jch fing widerumb allerhande
Waaren vñ ſachen auffm Rucken zu tragen/
vnd aß mein notturfft: niemaln ließ ich mei-
nen Bauch meinen Gott ſeyn: Der Menſch
ſoll nit mehꝛ eſſen/ als ſein notturfft/ wer aber
excediret vnnd mehr jſſet/ der iſt ein Viech:
Vermittelſt diſer meiner ſobrietet, nuͤchter-
keit vnnd maͤſſigkeit verblib mein Leib allzeit
friſch vnd geſund/ vñ mein Beutel voll Gelts.
Niemaln tranck ich mich voll/ dann ich ſahe/
wie ſchaͤndlich meinen Geſellen die Voͤllerey
anſtunde. Daß nun die Picari oder Bernhaͤu-
ter ſich voll ſauffen/ das gehet wol hin/ dann
ſie haben ohne das wenig Ehr/ daß es aber
die Gelehrten/ die edle vnnd maͤchtige Herꝛen
vñ Obrigkeiten thun/ iſt ſolches je ein ſchand
vnd ſpott.
Nit allein war ich ſehꝛ maͤſſig/ ſonder auch
fleiſſig/ vnnd dermaſſen embſig in meiner ſci-
entz, officio vnnd Ambt/ daß ichs allen mei-
nen Mitgeſellen beuor thate/ vnnd jederman
mir trawte vnd mich liebte. Einsmals begabs
ſich/ daß etliche Faͤndl Soldaten in Jtalien
ſolten verſchickt werden/ das gedunckte nun
mich ein gewuͤnſchte gelegenheit ſeyn/ mein
Vatterland vnd meine Freunde zu beſuchen/
aber weil ich aller nackendt vnd zerꝛiſſen war/
ſo gedachte ich auff alle mittel vnd weg/ mich
ſtattlich zu kleyden. Das Sprichwort: Si
volete eſſere Papa, ſtampate lo en la te-
ſta: Das iſt: Vegerſtu ein Bapſt zu werden/
ſo preſſe dir jhne in deinen Kopff: ward bey
mir verificirt, dann als ich mit vorbemeltem
meinem intent vnnd verlangen ſchwanger
ging/ vnd ſehr ſollicitus vnd ſorgfaͤltig war/
mich ehꝛlich zu kleidẽ/ ich auch einsmals aufm
Marckt ſaß/ vnd auf etwan ein Gluͤck warte-
te/ hoͤꝛte ich vnuerſehens ein ſtimm/ die ſpꝛach:
Guſmaͤndl gehe her: Jch ſprang geſchwind
auff meine Fuͤß/ vnnd ſahe einen/ der winckte
mir/ legte einen Sack mit 500. Realn/ vnnd
noch einen andern mit 300. Kronen in meine
Putten/ vnd befahl mir/ dz ich jm nachfolgen
ſolte. Jch war willig/ vnnd trug jhms etliche
Gaſſen lang nach/ aber vnuerſehens verdraͤ-
hete ich mich von jhm ab/ verſchwand voꝛ ſei-
nen Augen/ machte mich vnſichtbar/ gewann
das Statt Thor/ lieff noch denſelben Abendt
zwo meil wegs/ vnd verbarg mich in einer di-
cken Stauden vier gantze Taglang/ biß ſich
die Schoͤrgen/ welche mir nacheylten/ wider-
umb verluhren.
Als nun ich vermeinte ſicher zu ſeyn/ mach-
te ich mich auf/ ging nur bey der Nacht durch
abgelegene ort vnd Doͤrffer/ biß ich auff zwo
meil wegs nahe bey Toledo kam/ daſelbſt traf
ich einen jungen Knaben meines gleichen an/
der war ſeinen Eltern entloffen/ vnd hatte ein
ſtarckes Felleiſſel bey ſich/ darinn war ein ſehr
ſchoͤnes Kleyd/ das kauffte ich jhm ab vmb ei-
nen rechten werth/ Er nam das Gelt zu ſich/
vnnd ging ſeinen weg fort/ deßgleichen kam
ich noch denſelben Abendt gen Toledo/ da-
ſelbſt aber erging es mir ſehꝛ artlich.
Was geſtallt Guſman zu Toledo
ſich ſtattlich gekleydet vnnd ſein Gelt
verbuelt.
WAn ſagt/ daß/ ob man ſchon einen Af-
fen in lauter Seiden vnnd Sammet
kleidet/ er doch ein Aff ſeye vnnd ver-
bleibe: Es mag gleichwol einer einen ha bitũ
oder Kleid anlegen/ aber doch wird er darumb
nicht deſto beſſer oder anderſt/ weder er zuuor
war. Eben diſes begegnete auch mir/ dann
gar baldt werde ich werden ein Galan oder
Juncker/ aber baldt hernacher werde ich wi-
derumb ein Ganapan oder Betler. Das al-
ler erſte/ welches ich am morgen fruͤh zu To-
ledo thate/ war/ daß ich das obuermelte er-
kauffte Kleyd etlicher maſſen verkehren vnnd
veraͤndern ließ/ damit mans nicht kennen/
vnnd man mich villeicht an ſtatt deß vori-
gen Knabens anſehen vnd ergreiffen moͤchte.
Jn diſem ſchoͤnen Kleyd ging ich zwen Tag-
lang zu Toledo vmb/ vnnd fragte nach der
Geſellſchafft der Soldaten/ aber keine waren
verhanden/ ward derwegen gezwungen noch
laͤnger daſelbſt zu verbleiben. Einsmals an
einem Sontag kam ich in die Kirch vnd hoͤꝛ-
te Meß: folgendts ging ich hin vnnd wider in
der Kirchen ſpatzieren/ vnd ſahe letztlichen in
einer Capellen etliche ſehr ſchoͤne Frawen/ ſie
vñ jederman ſahen mich an/ vñ verwunderten
ſich vber meine naͤrꝛiſche ſitten vnd geberden/
dann ich ſtoltzierte vnnd prangte mit meinem
Kleyd vnd Federn/ ſamb waͤre ich der Hanen
Koͤnig. Jhrer eine warff jhr Aug auff mich/
oder/ daß ich recht ſage/ auff mein Gelt/ ich a-
ber nam es nit gewar/ ſonder verwendete mei-
ne Augẽ auf ein andere/ welche neben jr ſtund:
vnd als dieſelbe heimb ging/ folgte ich jhꝛ von
weitem nach/ biß zu jhrem Loſement/ vnd im
hinein gehen/ kehꝛte ſie ſich vmb/ zeigte mir ein
ſehꝛ freundlichs Angeſicht/ vnnd gruͤſte mich
gleichſam̃. Da fing ich alsbald an in der Lieb
zu brinnen/ vnnd wolte allgemach widerumb
heimb in mein Loſement gehen/ aber ſahe/ daß
ein Magd mir von weitem nachfolgte/ vnnd
mir mit dem Kopff vnd Fingern winckte: der-
wegen wartete ich/ biß ſie zu mir kam/ vnd mir
ein langes parlament herein machte/ mit
vermelden/ daß ſie einer anſehenlichen Ehe-
frawen zugehoͤrte/ welche ein verlangen hette
zu wiſſen/ wer vñ von wannen ich doch were/
dann ſie etwas ſonderbares mit mir hette zu
tractiren: Das hielt ich nun fuͤr ein groſſe
Ehr/ vnd hette mein Gluͤck nit vertauſcht ge-
gen dem Gluͤck deß Alexandri Magni, dann
es gedunckte mich/ daß alle vnnd jede ſchoͤne
Frawen ſich vmb mich riſſen: Jn wehren-
der vnſer conuerſation vnnd vnderꝛedung
kamen wir zu meiner Herberg/ dieſelbe ward
durch die magd fleiſſig gemerckt/ ich aber nam
vrlaub von jhr/ ging heimb vnnd verꝛichtete
mein Mahlzeit: weil ich aber nit wuſte/ was
diß fuͤr ein Fraw war/ ſo kummerte ich mich
nit ſo ſehr vmb ſie/ als vmb die andere/ dann
derſelben zu gefallen ging ich voꝛ jhrem Hauß
auff vnd nider ſpatzieren/ vber ein kleine Zeit
ließ ſie ſich ſehen/ redete mit mir auß dem fen-
ſter/ vnd bate mich letztlichen/ daß ich mit jhr
zu nacht eſſen wolte: deſſen frewete ich mich/
ſchickte meinen Diener alsbald hin/ vnnd ließ
einen Kaupaun/ zwey Rebhuͤner/ ein Koͤnigel
vnd ein flaſchen mit dem beſten Wein holen.
Als nun wir vns niderſetzten vnnd eſſen wol-
ten/ klopffte einer gar ſtarck an jrer Haußthuͤr/
da ſtellte ſie ſich/ als were ſie zum hoͤchſten er-
ſchrocken/ vnd ſagte/ daß es jhr Bruder were/
der bißweilen voll vnd doll heimb kaͤme/ vnnd
boͤſe haͤndel anrichtete/ derwegen bate ſie mich
daß ich mich eylends in einen gꝛoſſen Waſſer-
krug/ welcher herauſſen im Fletz ſtund/ verber-
gen wolte. Jch folgte jhrem Rath/ vnd ver-
barg mich darin: Als jhr Bruder ins Hauß
vnd in die Kuchel kam/ verwunderte er ſich v-
ber die Kocherey/ ſtellte ſich ſehr zornig/ ſetzte
ſich doch letztlichen ſampt jhr zu Tiſch/ aſſen
ein guts genuͤgen von meinen ſpeiſen/ vñ gin-
gen letztlichen mit einander in ein Kam̃er/ wz
nun ſie daſelbſt beyſamen thaten/ das war mir
vnbewuſt/ aber das weiß ich wol/ daß ich im
Waſſerkrug verblib/ zitterte/ ſchwitzte vnnd
hungerte/ weil auch ich vermerckte/ daß alles
ſtill war/ ſo ſtig ich allgemach auß dem bauch
deß Waſſerkrugs/ allermaſſen wie Jonas auß
dem Bauch deß Wahlfiſches/ ging hin vnnd
wider im finſtern im Hauſe herumb/ vnd ſuch-
te etwan einen Außgang: fandt aber nir-
gendts keinen/ ſonder muſte wider meinen
Willen alldort verbleiben/ groſſe Kaͤlte ein-
nemmen/ vnd deß Tags erwarten. Alsdann
ging ich zornigklich von dannen widerumb
in mein Herberg/ legte mich mit hungerigem
vnd laͤrem Bauch ins Beth/ vnnd ſuchte den
Schlaf zum Troſt meines empfangenen
Leydts.
Bald hernacher klopffte man an meiner
Kam̃erthuͤr/ vnd es war eben die vorbemeldte
Magd/ welche miꝛ deß tags zuuoꝛ nachgefolgt
war/ vnd ſie kam ſampt jrer Frawen. Dieſelbe
ſetzte ſich alsbald in einen Seſſel/ zum Haupt
meines Beths/ die Magd aber ſetzte ſich auff
die Erden nah bey der Thuͤr. Die Fraw fing
an mich zu fragen/ wer ich waͤre/ was ich all-
da zu Toledo zu ſchaffen hette/ vnnd wie lang
ich daſelbſt gedaͤchte zu verbleiben. Weil ich
aber ein lauter Lugner war/ ſo ſagte ich jhr
die Warheit nicht: Jn wehrender vnſer con-
uerſation vnd vnderꝛedung/ zohe ſie mit allẽ
fleiß etliche koͤſtliche Kleinoder herfuͤr/ zeigte
mirs vñ fragte mich/ ob ich mich auff derglei-
chen ding verſtuͤnde? ſo gar gab ſie mir die
Wahl eins daruon zu nemmen/ vnnd von jh-
rentwegen zu behalten: aber ich ſchlug jhꝛs ab/
vnd bedanckte mich deß guten willens. Bald
drauff ſtellte ſie ſich/ als mengelte jhꝛ ein Klei-
not/ vnd zwar das allerliebſte/ welches ſie von
jhrem Haußwirth vberkommen gehabt/ der-
wegen ſtundt ſie geſchwindt auff/ ſamb waͤre
jhr vil dran gelegen/ vnnd daß ſie zu Hauß ge-
hen vnd ſehen wolte/ obs villeicht daſelbſt ver-
bliben waͤre/ damit ſie es bey zeiten ſuchen/ vnd
widerum̃ zu wegen bꝛingen moͤchte. Ob auch
ich ſchon jhr verhieß/ daß ich jhr ein anders
ſchenckẽ wolte/ ſo wolte ſie ſich doch lenger nit
laſſen auffhalten/ ſonder ging hinweg/ mit
vertroͤſtung/ daß ſie mich zu einer andern zeit
heim̃ſuchẽ/ mich auch durch die Magd wiſſen
laſſen wolte/ ob ſie das Kleinod gefunden. Jch
ward trawrig/ daß ſie diſer geſtallt von mir
ging/ dann ſie war vber alle maſſen ſchoͤn vnd
holdſelig.
Vber ein kleine zeit hernacher kam die
Magd wider/ vnnd ſagte mir/ daß jhr Fraw
vermeinte/ daß ſie das Kleinod gewißlich bey
mir verlohren/ wir alleſampt durchſuchten
mein Loſement mit allem fleiß/ fanden aber
nichts dergleichen/ derwegen bate mich die
Magd/ daß ich doch jhrer Frawen ein anders
Kleynod kauffen wolte: Jch ließ mich vberꝛe-
den/ ging mit jhr zu einem Jubilirer/ kauffte
ein ſchoͤnes Kleynod vmb 20. Ducaten/ ſtellte
jhrs zu/ vnnd bate ſie/ daß ſie es jhrer Frawen
fleiſſig vberantworten wolte. Das verhieß ſie
mir gleichwol trewlich/ aber ſeythero ſahe ich
weder ſie noch jhre Fraw.
Diſer betrug hette mich billich ſollen wi-
tzig machen/ aber es halff nichts/ dann als ich
in der Melancoley hinauß ſpatzieren gehen
wolte/ erſahe mich die andere Fraw/ von dern
obẽ meldung beſchehen/ winckte mir auß dem
fenſter/ vñ gab mir zu verſtehen/ dz ich mich in
vnſer L. Frawen Kirch verfuͤgen/ vnd jhꝛer da-
ſelbſt erwarten ſolte: Deſſen frewete ich mich
zum hoͤchſten/ ging vor an/ vnd ſie folgte mir
auff dem Fuß nach: Kehrte aber zuuor in ei-
nes Kauffmans Laden ein/ entſchuldigte ſich
gegen mir wegen deſſen/ daß ſie mir die voꝛige
Nacht kein beſſere Geſellſchafft hatte geleiſt.
Jch glaubte jhren verlognen vnnd falſchen
worten/ dann ſie ſchwur vnd verhieß mir/ daß
ſie es in der zukuͤnfftigen Nacht alles wider
herein bringen wolte. Darneben kauffte ſie et-
liche ſachen/ ſo vngefaͤhꝛlich biß in 30. Duca-
ten anlieffen: Als aber ſie außzahlen ſolte/
fragte ſie den Kauffman/ wie lang er jhr bor-
gen wolte? Der Kauffman antwortet/ daß
er jhr nit koͤndte borgen/ fonder bar Gelt ha-
ben muͤſte. Da ſprach ich zu jhm: Diſe Fraw
ſpottet nur/ dann ſie hat Gelts gnug/ ich hab
jren Bentel/ vnd bin jr Rentmeiſter: folgends
griffe ich in meinen Sack/ zohe ein Hand voll
Ducaten herauß/ bezahlte den Kauffman vnd
loͤſte die Fraw auß der ſchuldt/ ſie ging heimb/
vnd ſagte/ daß ſie meiner vmb acht Vhren zu
Abends gewiß: vnnd vnfehlbarlich wolte er-
warten. Jch kam/ klopffte an jhrer Haußthuͤr/
wartete biß in die zwoͤlffte Stund/ vnnd ſahe/
daß es aber mals ein lauter Betrug vnd falſch-
heit war/ dann der jenig/ welchen ſie fuͤr jhꝛen
Bruder außgab/ war jhr Galan, vnnd ſteckte
jmmerdar bey jhr: Wie derwegen ich wider
hinweg gehen wolte/ ſahe ich turbam mul-
tam vnd vil Schoͤrgen vnd Gerichtsdiener/
welche in diſes Hauß filen/ alle Winckel
durchſuchten/ vnnd letztlichen einen zarten
Schreiber inn einem groſſen Waſſerkrug/
deßgleichen noch einen andern in einer Tru-
hen fanden/ vnd gefaͤngklich hinweg fuͤhrten:
Da danckte ich Gott/ daß ich nit auch in diß
Hauß kommen war/ dañ es mir gewißlich
eben ſo vbel als diſen Schreibern
ergangen waͤre.
Guſman kompt gen Almagro zu
einem Hauptman/ vnd wirdt ein
Soldat.
WEil mir oberzehlter maſſen mein
Bulerey zu Toledo ſo gar vngluͤck-
lich gerathen/ ſo verfuͤgte ich mich
von dannen gen Almagro/ vnd legte mich in
ein anſehenliche Herberg: weil dañ der Wirth
ſahe/ dz ich ſo ſehꝛ wol ſtaffiert war/ ſo fragte er
meine Diener/ wer ich were? die gaben jm zur
antwoꝛt/ dz ich Dõ Iohan de Guzman hief-
ſe/ vñ ein anſehenlicher vom Adl were/ derwe-
gen hielt mich der Wirth in hohen ehꝛen. Vñ
weil ich vernom̃en/ dz daſelbſt ein Haupt man
verhanden/ der ein Regiment Knechte warb/
ſo verfuͤgte ich mich zu jhm/ vnd erbotte mich
jhm zu dienen. Jch war ſchoͤn gekleidt/ vnnd
hatte noch 300. Kronen bey mir/ (dann das
vbrige war allbereit theils mit Kleidern/ vnnd
theils mit den obberuͤrtẽ ſchoͤnen Frawen auf-
gangen) derwegen nam mich der Hauptman
als bald an/ vnnd erzeigte mir allen guten wil-
len/ ſo gar ſetzte er mich an ſeinen Tiſch ſampt
andern vom Adel vnd Befelchshabern. Weil
auch er ein Gelt bey mir ſchmeckte/ ſo ſpielte
er mit mir anfangs nur vmb ein Pfenning/
folgends vmb Groſchen/ vnd letztlichen vmb
Kronen. Dardurch ward mein Beutel je len-
ger je geringer/ vnd letztlichen gar laͤr.
Nun kams zu der Muſterung/ vnd als ich
gleichfals durchgehen wolte/ ſahe der Com-
miſſarius mich eigentlich an/ vnd wolte mich
wegen meiner groſſen Jugendt/ nit paſſieren
laſſen: das empfand ich nun billich vnd ſprach
zu jhm: Herꝛ/ das Alter iſt gering/ aber das
Gemuͤt iſt groß: Mein Arm̃ kan dz ſchwerdt
fuͤhꝛen: Er antwortet vnnd ſprach: ich glaub/
daß wahr ſeye/ was du ſagſt/ aber mein com-
miſſion bringts nit mit/ daß ich dergleichen
ſo gar junge Leuth in der Muſterung paſſiren
laſſen ſolle. Weil ich dann ſahe/ daß es andeꝛſt
nicht ſein kondte/ ſo muſte ich gedult haben.
Mein Hauptmann war gleichfalls mit dem
Commiſſario deßwegen ſehr vbel zu friden/
aber doch troͤſtete er mich mit deme/ daß er
mich in Jtalia zu einem Fenderich machen
wolte/ woferꝛn ichs erwarten/ vnd ſo lang bey
jm bleiben wuͤrde. Jch ließ mich vberꝛeden vñ
blib bey jhm/ ſo lang biß die Galeren kamen/
vnd das Kriegsvolck in Jtalien fuͤhꝛen ſolten:
Jnmittelſt aber thate mein Hauptman nichts
anders/ als dominiren/ freſſen/ ſauffen vnnd
ſpielen/ deßgleichen verthate ich alles mein zu
Toledo geſtohlenes Gelt/ vnd hatte je nichts
mehr zu verzehꝛen/ da gedachte ich an den jeni-
gen/ welcher geſagt hat: diues eram iam du-
dum, fecerunt me tria nudum, Alea, Vi-
na, Venus, tribus his ſum factus egenus.
Derwegen ward ich nit allein wegen meiner
Jugendt veracht/ ſonder auch wegen meiner
Armut verwoꝛffen: Dann pauper & va-
cuus cogitur ire forâs: Der freye Tiſch/
welchen ich bey meinem Hauptmann gehabt/
ward mir hinfuͤran abgeſchafft/ meine beſte
Freund vnd Tautzbruͤder verlieſſen mich/ vñ
ſahen mich vber die Achſſeln an/ niemandt
wolte ſchier mehꝛ mit mir reden noch vmbge-
hen/ ſond’ ich war bey meniglichẽ ſchabab/ kei-
ner andern vꝛſachen halben/ als weil man kein
Gelt mehr bey mir wuſte: Das war nun mein
rechter vnd woluerdienter Lohn. An ſtatt nun/
daß ich zuuor meinem Hauptmann fuͤr einen
Juncker gedient/ mit jhm geſſen/ geſpielt vnnd
burſtert hatte/ vnnd man mich nur Don Io-
han de Guzman genennt/ nennete er mich
hinfuͤran nur Guſmaͤndl/ hielt mich fuͤr ſei-
nen Buben/ vnnd brauchte mich bißweilen
fuͤr einen Kupler/ ja was mehꝛ iſt/ als wir in
Jtalien kamen/ ſprach er zu mir: Du Bub/
nunmehr hab ich dich deinem begeren nach/
in Jtalia gebracht/ ich brauche dich ferner
nit/ derwegen magſtu dir ein andere gelegen-
heit ſuchen: Diſer geſtallt ward ich abdanckt/
vnd erfuhr mit meinem Schaden/ wie wenig
man ſich auff Weiber vnnd Herꝛn habe zu
verlaſſen.
Guſman kompt gen Genua/ fragt
ſeiner Freundtſchafft nach/ wirdt aber
vbel von jhnen tra-
ctirt.
NJchts iſt auff Erden veraͤchtlicher vñ
verhaßter/ als eben die armut/ dann ſie
iſt der Welt Kchꝛkoth: Wie das vn-
nutze/ ſtinckende vnd verfaulte Fleiſch verwor-
fen/ vnnd den Hunden fuͤrgeworffen wirdt/
alſo wirdt ein Armer/ ob er ſchon noch ſo
verſtaͤndig iſt/ verworffen vnnd von men-
nigklichen veracht: fuͤr vil ſchaͤdlicher wirde
die Armut gehalten/ denn der Todt ſelbſt/
dann das Gelt viuificiret vnnd waͤrmet das
Blut/ wer es derwegen nit hat/ der iſt gleich-
ſam ein todter Leib/ der vnder den Lebendigen
vmbgehet. Aber ein reicher iſt allzeit vnd aller
orten willkomb/ lieb vnd angenemb/ vnange-
ſehen er ein vngeſchickter grober Eſel/ vnnd
ein Narꝛ in der Haut iſt: Ein alter gebrauch
vnnd gewonheit iſts/ daß mans nur mit der
proſperitet vnnd Gluͤckſeligkeit helt/ wo
aber bey jemande Armut vnd Vngluͤckſelig-
keit verſpuͤrt wirdt/ da wirdt der Sohn ver-
laſſen vom Vatter/ der Vatter vom Sohn/
der Bruder vom Bruder/ der Freund vom
Freund/ Ja ſo gar iſt ein Armer jhm ſelbſt
feindt/ vnnd hat einen verdruß vnnd abſche
an ſeiner eygnen Perſon. Diſes alles lehrt
mich die zeit/ veꝛmittelſt deꝛ diſciplin, diſcur-
ſen, vnd ſie caſtigirte vnnd ſtraffte mich mit
vnendtlichen muͤheſeligkeiten.
Dañ nach dem mein Hauptman mir den
Sack gegeben/ verfuͤgte ich mich gen Genua/
in hoffnung meine Blutsfreunde allda anzu-
treffen/ vnd groß bey jhnen zu werden/ vnan-
geſehen auch ich aller zerlumpt vnd zerhadert
war/ nit deſto weniger vnderſtundt ich mich/
einer von den alten vnd edlen Gothen zu ſein/
vnd mich zu beruͤhmen/ daß ich den edlen pa-
tritijs vnnd Geſchlechtern daſelbſt befreundt
waͤre/ derwegen fing ich an/ mich fuͤr den jeni-
gen außzugeben/ der ich war: vnd als ich der-
wegen dẽ namen meines lieben Vatters nach-
fragte/ fing jederman an zu lachen/ vnd mich
außzuſpoͤtteln/ vnnd ſagten: Du zerrißner
Schelm/ biſtu ein Genueſer? einem Huren
Sohn ſiheſtu vil gleicher: Vnnd gleichſamb
waͤre mein Vatter vor 200. Jahren geſtor-
ben/ fandt ich keinen einigen Menſchen/ der
jhm verwandt waͤre. Letztlichen begegnete mir
ein gar alter Mañ/ der hatte einen ſchneeweiſ-
ſen langẽ bart/ ein ſehꝛ anſehẽliche geſtalt/ aber
ein ſchlangiſches vergifftes vnd falſches hertz/
der ſprach zu mir: Mein Sohn/ ich hab wol
etwas von deinem Vatter vnd Freunden ge-
hoͤrt/ daß ſie nemblich die aller edleſten in diſer
Statt geweſt/ vñ wofern du allbereit zu nacht
geſſen haſt/ ſo gehe mit mir heimb vnd ſchlafe
in meinem Hauſe/ Moꝛgen woͤllen wir ferner
von der ſachen reden. Weil dann diſer alte
Mann mir ſo gar freundlich zu redete/ vnd dz
anſehen eines heiligen Pauli hatte/ ſo trawte
ich jhm/ folgte jhm nach/ vnnd hatte einen vil
groͤſſern Luſt zu eſſen/ weder zu ſchlafen: dann
es tawrte mich mein Gelt/ vnd hette vil lieber
auffm Salueblaͤtl oder vmbſonſt geſſen/ dann
wir Spanier leben gantz maͤſſigklich/ vnnd eſ-
ſen ſehꝛ wenig/ wanns vnſer eigen Gelt koſtet/
aber wann andere Leuth die Zech fuͤr vns be-
zahlen/ alsdann freſſen wir wie die Geyer/ vnd
ſauffen wie die Buͤrſtenbinder. Als nun wir
in ſein Hauß kamen/ fragte er mich vmb das
Spanniſche weſen/ vnd vmb meiner Mutter
gelegenheit? das erzehlte ich jhm außfuͤhrlich.
Letztlichen rieff er ſeinem Diener/ vnd befahl
jhm/ daß er mich in ein Schlafkam̃er fuͤhren
ſolte/ jnmaſſen beſchehen/ vñ ich ſahe/ daß das
Loſament herꝛlich vnd ſchoͤn/ vnnd das Beth
dermaſſen ſauber vñ koͤſtlich war/ dz ich mich
foͤrchtete drein zu legen/ dann ich vnnd mei-
ne Kleyder vnd Hemmet waren nit ſehr ſau-
ber/ ſonder zerꝛiſſen vñ voller vnzifers/ derwe-
gen muſte ich mich Mutternackendt abziehen
vnd drein legen. Nach Mittnacht in meinem
beſten ſchlaffen/ hoͤꝛte ich ein getuͤm̃el vnd ſahe
vier erſchꝛoͤcklich geſtaltẽ der Teufeln mit lan-
gen Haren/ krum̃en Schnaͤbeln/ vnd langen
ſchwaͤntzen/ die naheten zu meinem Beth/ vnd
zohen die deck herunder: Jch fing gleichwol an
zu betten/ den ſuͤſſen namen Jeſu anzuruffen/
vñ mich voꝛ diſen getaufften Teuffeln zu ſeg-
nen/ aber es war alles vergeblich/ dann ſie leg-
ten mich auff eine Kotzen oder Deck/ vnd ein
jeglicher nam einen Zipffel in die Hand/ vnd
ſchutzten mich laͤnger als ein halbe Stundt
in die hoͤhe/ allermaſſen wie die Metzger in der
Faßnacht den Jaͤckel oder einen Hundt zu-
ſchutzen/ hin vnd wider zu werffen/ zu blencklẽ
vnnd zu peinigen pflegen: Biß ſie letztlichen
muͤd wurden/ vnnd mich fuͤr halb todt ligen
lieſſen: Das machte mich nun dermaſſen ohn-
kraͤfftig/ daß ich nichts bey mir im Leib behal-
ten kondte/ ſonder alles vnden auß/ ins Beth
gehen ließ/ vnd vber alle maſſen vbel ſchmeck-
te. Damals gedachte vnd erjnnerte ich mich
meiner gnedigen Frawen/ von dern oben ge-
melt worden/ dz ſie gleichfals auß lauter angſt
vnd ſchꝛicken jre virtutem retentiuam ver-
lohren hatte: Das war mir nun ſehr leyd/ vnd
ich wiſchte vnd butzte meinen Leib mit dem v-
brigen/ was an den Leylachern ſauber bliben
war: Folgendts deckte ich das Beth fleiſſig
zu/ damit man mein ſchwachheit vnd mißge-
rathene vngelegenheit nicht ſehe vnnd wahr-
nemme. Deß Morgens fruͤ kam der Die-
ner/ vnnd ſagte mir/ daß ſein Herꝛ in der
Kirchen auff mich wartete: Damit nun der
Diener den vnrath im Beth nit fuͤnde/ vñ ſei-
nem Herꝛn das Bottenbrot abgewinne/ ſo ba-
te ich jhne/ daß er mir den weg zeigen wolte. Er
ging mit mir/ brachte mich auf die Gaſſen/
vñ ging wider zu ruck: da fing ich an zu lauf-
fen/ ſamb waͤren mir an den Fuͤſſen Fluͤgel
gewachſen/ vnd ſuchte den weg zum Statthoꝛ
hinauß.
Guſman fahet an zu betteln/ geſel-
let ſich zu andern Bettlern/ lehrnet jhꝛe
Statuta, Geſetz vnd Ord-
nungen.
ALsbaldt ich auß Genua kommen war/
eylte ich dermaſſen/ daß kein Curꝛier
oder Poſtlauffer mich erwiſchen hette
koͤnden/ vnd wofern deß Loths Weib auch al-
ſo gethan hette/ ſo wuͤrde ſie in keine Saltzſeul
verwandelt ſein worden: Niemaln ſchawte
ich zu ruck/ ſonder lieff ſechs gantze meil wegs
in einem Athem/ ohne einiges verſchnauffen/
das verurſachte der zorn vñ die groſſe mir er-
wiſene ſchmach: das aller aͤrgiſt aber war/ dz
ich allerdings zerꝛiſſen/ kranck/ ſchwach vnnd
ohne Gelt war: O Armut vnd noth/ wie ſehr
ſchwaͤcheſt vnd zernichteſtu die Gemuͤter vnd
Leiber der Menſchen/ dann ob ſchon du die
ingenia ſubtiliſireſt, ſo zerſtoͤreſtu doch die
poten-
potentias vnd ringeſt die ſeinen dermaſſen/
daß ſie ſampt der gedult ſich verlieren. Zwey-
erley art der Armut iſt verhanden/ die eine iſt
vnuerſchambt/ vnnd kompt ſelbſt vnberuffen:
die andere aber kompt beruffen vnd gebetten.
Vor der erſten/ welche ſich ſelbſt ladet vnd be-
ruffet/ behuͤte vns Gott/ vnd dieſelbe iſt die je-
nige/ von dern ich tractire/ dann ſie iſt ein ge-
zwungener Gaſt in dem Hauſe/ vnnd bringt
ſehr vil boͤſe effecten mit ſich/ nemblich/ Vn-
trew/ Dieberey vnnd Verachtung: Die an-
dere voluntaria oder freywillige Armut/ die
wir ſelbſt beruffen vnd erwehlen/ iſt ein herꝛli-
che vnnd fuͤrtreffliche Fraw/ freygebig/ reich/
maͤchtig/ redſelig/ freundlich/ lieblich vnd an-
genem̃: Sie iſt ein vnuͤberwindlicher Thurn/
ein wahꝛer Reichthumb/ vnd ein wares Gut/
welches die Gemuͤter der Menſchen erhebet/
die Leiber ſtaͤrcket/ die Ehr erleuchtet vnnd be-
fuͤrdert/ die Hertzen erfrewet/ die werck erhoͤ-
het vnd deß Menſchen guten namen vnſterb-
lich machet: Jhre Fuͤß ſeind von Diaman-
ten/ jhr Leib von Saphier/ jhr Angeſicht von
Carfunckel/ ſie glantzet/ erfrewet/ viuificiret
vnd macht lebendig: Aber die andere jhre
Nachbaͤwrin iſt allerdings ſchaͤndtlich/ vn-
flaͤtig vnnd veraͤchtlich/ vnnd in eben dieſelbe
verliebte ich mich mit aller macht/ vnd begab
mich allerdings zum betteln auffm Landt/ in
den Staͤtten vnnd in Haͤuſern. Darzu gab
mir das edle Jtalien groſſe vrſach vnd anlaͤß/
dann daſelbſt wirdt ein ſo groſſe Lieb deß
Naͤchſten verſpuͤrt/ vnd dermaſſen gern vnnd
vil gibt man den Armen/ daß es ſchier ein v-
berfluß iſt/ vnnd nur vil Bettler dardurch ge-
macht vnd geziegelt werden. Von Genua
auß biß gen Rom verzehrte ich keinen einigen
Haͤller/ vnnd hatte aller Orthen zu eſſen ge-
nug. Jch war gleichwol damals erſt ein
nouitz, vnnd gab offtermals den Hunden
etwas/ welches ich verkauffen vnnd vil Gelts
drauß loͤſen hette koͤnnen. Als ich gen Rom
kam/ hette ich mich gern von newem gekley-
det/ aber doch vnderließ ichs/ damit es mir
nicht widerumb erginge wie zu Toledo/ dann
ob ſchon vnſer einer ein guts Kleidt an hat/ ſo
hat er doch drumb nicht zu freſſen/ vnnd nie-
mandt gibt einem wolgekleidten Bettler gern
ein Allmuſen/ derwegen entſchloſſe ich mich/
daß ich mein erſambletes vnd erſpartes Gelt
fein fleiſſig beyſammen behalten wolte: ſetzte
mich nider/ vñ machte noch ein andern knopf
vor meiner Muͤntz/ vñ ſprach zu jhr: Da bleib/
dann ich weiß nit/ wann ich deiner bedoͤrffen
moͤchte.
Jn meinen zerꝛiſſenen Kleidern vnd Ha-
derlumpen fing ich an/ das Allmuſen zu be-
geren/ beſuchte die Haͤuſer der Cardinaͤlen/
Geſandten/ Fuͤrſten/ Biſchoffe vnd anderer
Potentaten: Ein anderer junger Bub fuͤhr-
te mich/ vnd gab mir alle gute anleitung vnnd
lectiones, vnnd vnderwiſe mich in den prin-
cipijs, wie vnd was/ vnd auff was fuͤr vnder-
ſchidliche form vnd weiſe ich von einem jegli-
chen dz Almuſen begeren/ wie ich mit den Rei-
chen ein mitleiden erzeigen/ vñ die andaͤchtigẽ
verobligiren ſolte: Dermaſſen proficierte ich
in diſer profeſſion, dz ich vberfluͤſſig zu eſſen
vnd Gelts gnug vberkam/ dann ich kente den
Bapſt/ vnd ſo wol die jenigen/ welche Kutten
trugen/ als welche keine trugen: Alle Gaſſen
durchſtraiffte ich/ vnd alle Winckel vnd Haͤu-
ſer durchnaſchte ich/ aber doch viertheilte ich
die Statt/ vnnd theilte die Kirchen nach den
Feſttaͤgẽ auß. Das meiſte Almuſen war brot/
das verkauffte ich denen Leuthen/ welche die
Hennen/ Kapaunen vnnd andere dergleichen
ziglen/ vnd loͤſte vil Gelts drauß: deßgleichen
brachte ich hin vnnd wider vil alte Kleider zu
wegen/ dann weil ich nackendt vnd bloß war/
ſo gab man mir allzeit etwas/ das verkauffte
ich aber alles wider/ vnnd ſamblete ein feines
Schatzgeltl.
Folgends begab ich mich in die geſellſchaft
etlicher alten Betler/ damit ich durch ſie deſto
perfectior vnd vollkom̃ner in diſer facultet
werden moͤchte. Einer vnder jnen nam mich
in ſeine diſciplin vnd zucht/ vnnd vnderwiſe
mich in den aller fuͤrnembſten geheimnuſſen/
grandezen vnnd hochheiten deß bettlens/ ſo
gar gab er mir ein geſchribene Betteloꝛdnung
damit ich mich vor allem ſchaden vnd aͤrger-
nuſſen deſto beſſer moͤchte huͤten. Jn ſumma/
ich ward in kurtzer zeit ein abgefuͤhꝛter Betler/
vnd hette mich trefflich wol darbey befunden/
woferꝛn nicht die zeit vnnd das vngluͤck mich
daruon getriben vnd entſetzt hetten/ dann als
mich einsmals der fuͤrwitz ſtach/ daß ich wiſ-
ſen moͤchte/ ob man zu Gaeta ebẽ ſo barmher-
tzig vnnd mitleidig waͤre/ wie zu Rom/ ſo ver-
fuͤgt ich mich dorthin/ ſetzte mich mit meinem
ſehr grindigen vnd ſchadhafften Kopff (vn-
angeſehen derſelb ſonſten friſch vnnd geſundt
war) vor die Kirchthuͤrn/ vnnd ſamblete das
Allmuſen/ mit ſehr lauter klaͤglicher vnnd be-
weglicher Stim̃. Der Statthalter daſelbſt
ſahe mich eygentlich an/ vnnd gab mir gleich-
fals ein reiches Allmuſen: Aber der Geitz v-
berging mich vnnd brach den Sack/ dann an
einem andern Feſttag brauchte ich ein anders
vñ newe inuention, præparirte meinen ge-
ſunden vnnd friſchen Schenckel dermaſſen/
daß es ein grewel war anzuſehen: darmit ſetz-
te ich mich vor die Kirchen/ fing an vber laut
zu ſchreyen/ vñ meinen verwundten elendigen
(aber doch geſunden) Schenckel zu erheben
vnnd zu zeigen: zu meinem Vngluͤck kam der
vorbemelte Statthalter damals in dieſelbe
Kirch/ vnd als er mich erkennte/ hieß er mich
auffſtehen vnd ſprach: gehe mit mir heimb/ ich
wil dir ein Hemmet geben. Jch glaubte es/
kam in ſein Loſament/ vnnd er ſchawte mich
eygentlich vnder mein Angeſicht/ vnd ſprach:
Wie iſts muͤglich/ daß ein ſolches rothes
friſches vnd faiſtes Angeſicht einen ſo gar boͤ-
ſen Schenckel habe? Es reimen vnd ſchicken
ſich diſe zwey ding gar nicht zuſammen? Jch
antwortet: Herꝛ/ ich weiß es je nit/ vnſer Herꝛ
hat mirs alſo zugeſchickt: Aber der Statthal-
ter ſchickte vmb einen Balbierer/ der beſchaw-
te mich eygentlich/ erkennte letztlichen den be-
trug vnd ſprach: Herꝛ/ diſer Bub hat eben ſo
wenig einen ſchadhafften Schenckel/ als ich
ein ſchadhafftes Aug hab: Folgendts fing er
an/ meine Windel vnd Pflaſter auffzuloͤſen/
vnnd zeigte mennigklichen meinen friſchen
vnd geſunden Schenckel: Deſſen verwunder-
te ſich der Statthalter/ vnd befalch dem Hen-
cker/ daß er mir in ſeiner gegenwertigkeit ein
Wammes vnder das Hemmet gab/ vnnd
mich mit Ruthen auß der Statt hawen ließ/
nam luit in corpus quiſquis non poſſidet
æra. Diſer geſtallt ward mein fuͤrwitz gebuͤſt/
vnd ich nam meinen weg widerum̃ auff Rom
zu/ allda man nicht ſo gar haͤck vnd geſtreng
iſt/ vnnd nicht ſo fleiſſig auffmercket/ wie zu
Gaeta, ſonder man laͤſt einen jeglichen ſein
Nahrung ſuchen/ wie er am beſten kan vnnd
mag.
Was geſtallt Guſman zu Rom
durch einen Cardinal auß mitleyden/ in ſei-
nem eygnen Hauß vnd Beth curirt
worden.
DJe junge Leuth haben in zarten vnd
wichtigen ſachen ein kurtzes geſicht/
nicht zwar auß mangl deß verſtands/
ſonder auß mangel der fuͤrſichtigkeit/ welche
nur durch die experientz zu wegen gebꝛacht:
die experientz aber durch die zeit erlangt
wirdt: dann wie ein gruͤne vnzeitige frucht kei-
nen vollkom̃nen Geſchmack hat/ ſonder bitter
vnd ſawr iſt/ alſo vnd ebner geſtallt ſehen wir/
daß/ weil die junge Leuth noch vnzeitig vnnd
vngeſchmackig ſeind/ jnen die ſpeculationes
vnd die wahꝛe erkaͤndtnuß der dingen mengelt
vnd abgehet/ derwegen iſts je kein wunder/ dz
ſie jrꝛen/ jnmaſſen auch ich gethan/ vnfuͤrſich-
tigklich handlete/ vnd das allerboͤſeſte fuͤr das
beſte erwehlte. Dann einsmals ſtund ich mei-
ner gewonheit nach/ deß Morgens fruͤ auff/
verband meinen geſundten Schenckel/ ſetzte
mich voꝛ dem Hauſe eines Cardinals nider/
vnnd als derſelb außgehen wolte/ erhebte ich
mein klaͤgliche Stimm vnd ſprach: O edler
Chriſt/ O Freund Chriſti Jeſu/ erbarme dich
vber diſen betruͤbten/ elendigen/ verwundten
vnd armſeligen Menſchen/ O hochwuͤrdig-
ſter Vatter/ habt doch ein mitleiden mit diſer
armen Creatur/ vnd jungen Knaben/ ꝛc. Der
Cardinal merckte auff mein ſchreyen/ erbar-
mete ſich vber mich/ vnnd vermeinte/ daß ich
kein Menſch/ ſonder Gott ſelbſt were/ derwe-
gen ließ er mich alsbald durch ſeine Diener in
ſein Hauß tragen/ meine alte zerꝛiſſene Kley-
der außziehen/ vnnd mich in ſein eygnes Beth
legen. Folgendts ſchickte er nach den allerbe-
ſten Stattbalbierern vnd Wundtartzten/ vnd
befalch jhnen/ daß ſie mich fleiſſig curiren
vnd heilen ſolten/ dañ ich hatte meinẽ Schen-
ckel dermaſſen armſeligklich præparirt vnd
zugericht/ als waͤre er vnheylbar vnnd mit
dem Krebs befangen/ aber doch hette ich jhne
jnnerhalb dꝛey Tagen gar wol widerumb hey-
len koͤnnen. Die zwen Balbirer vermeinten
anfangs/ daß es ein ſehr boͤſer Schenckel waͤ-
re/ legten jhre Maͤntel von ſich/ begerten ein
Glutpfanne/ Kuͤhſchmaltz/ Eyer vnd andere
ſachen/ fingen an den Schenckel auffzuloͤſen/
vnnd gaben ſo vil zu verſtehen/ als muͤſte man
jhne gar abſchneiden. Da fing mir erſt an
angſt vnd bang zu werden/ der ſpott/ welcher
mir zu Gaeta erwiſen war worden/ gedunckte
mich ein Kinderſpil gegen diſer gefahr zu
ſein/ dann ich beſoꝛgte mich einer vil groͤſſern
Straff/ derwegen wuſte ich meiner ſachen kei-
nen rath/ dann weder in der gantzen Letaney/
noch im Flore Sanctorum fand ich keinen
einigen Helffer noch Beſchuͤtzer der Schel-
men.
Je laͤnger die Artzten meinen Schenckel
beſchawten/ je mehꝛ fingen ſie an zu zweiffeln/
einander anzuſchawen vnd zu laͤchlen/ letztli-
chen aber eroͤffnete mir der Geitz der Artzten
ein Thuͤr/ auß diſem laborinth zu kommen/
vnd als derwegen ſie von mir hinweg gingen/
vnd ſich ſtelleten/ als wolten ſie hingehen/ vnd
dem Cardinal die beſchaffenheit meines ſchen-
ckels vnnd Kranckheit referiren, ſprang ich
geſchwindt auß dem Beth/ vnnd hoͤrte/ was
ſie herauſſen im Saal mit einander heimlich
vnd vertrewlich redeten: dann der ein ſprach
zum andern: diſer Knab iſt ein arger Schelm/
ſeine Wunden ſeind falſch/ was woͤllen wir a-
ber thun? Verlaſſen wir jhne/ ſo gehet vns
vnſer Lohn vnd nutz auß den Haͤnden/ ich ver-
meine/ wir ſolten vns gegen dem Cardinal
nichts mercken laſſen/ ſonder den Knaben all-
gemach mit langſamer hand curiren, vnd vil
Tag vnnd Zeit mit jhm verzehren/ damit vn-
ſer Artztlohn deſto groͤſſer vnd mehrer werde.
Der ander Artzt aber wolte nicht darein ver-
willigen/ ſonder war der meinung/ daß man
dem Cardinal den Betrug entdecken ſolte:
Als ich das hoͤrte/ ging ich nackendt zu jhnen
hinauß/ fiel vor jhnen nider vnnd ſprach:
Ach jhr meine liebe Herꝛen/ mein Leben vnnd
mein verderben ſtehet in ewren Haͤnden vnnd
Zungen. Jhr ſelbſt wiſſet die groſſe noth der
Armen/ vnnd die haͤrtigkeit der Reichen/ dan-
nenhero vnd zu jhrer beweg: vnd erwaichung
jhꝛer Hertzen/ iſt je ein notturfft/ daß wir vnſer
Fleiſch verwunden/ vnnd alſo das heilige All-
muſen herauß preſſen. Vmb Gottes willen
bitte ich/ jhr woͤllet euch vber mich erbarmen
vnd mich nicht offenbar machen/ ſonder hier-
under auch ewren eignen nutz vnd gewinn be-
trachten: Jnmittelſt vnnd in wehrender vnſer
vnderꝛedung ging der Cardinal herein/ vnnd
der ein Balbierer ſprach zu jhm: Gnediger
Herꝛ/ groß iſt die Kranckheit vnnd der Scha-
den diſes jungen Menſchen/ dann der Krebs
hat ſich allbereit an vnderſchidlichen orten
ſeines Leibs angeſetzt/ vnnd muß durch ein
lange Cuhr vertriben werden: Der ander
Balbirer ſprach: Gnediger Herꝛ/ woferꝛn di-
ſer Knab nicht in ewer gnedige vnd barmher-
tzige Haͤnd gerathen waͤre/ ſo hette er muͤſſen
verfaulen/ ſterben vnnd verderben/ aber wir
verhoffen jhne jnnerhalb 6. Monat zu heilen.
Der fromb Cardinal antwoꝛtet: nit nemmet
nur 6. ſonder 10. Monat darzu/ damit er wol
curiert werde. Wer war froͤher/ als eben ich?
Dann fuͤrwar/ die gefahr/ darinn ich mit den
Balbierern ſteckte/ war je groß. Man tra-
etirte mich mit eſſen vnnd trincken/ wie einen
Fuͤrſten/ vnnd der Cardinal ſelbſt ſuchte mich
taͤglich heimb/ conuerſirte mit mir/ vnd hoͤꝛ-
te mich gar gern reden. Als nun ich letztlichen
gefundt worden/ namen die Balbierer vꝛlaub/
vnd wurden wegen jhꝛer gehabten bemuͤhung
reichlich ergetzt vnd befeidigt. Jch aber ward
gekleidt vnd in die zahl der Edelknaben geſetzt/
muſte auch ſampt jhnen dem Herꝛn Cardinal
dienen/ vnd in ſeiner Kammer auffwarten.
Was geſtallt Guſman dem Car-
dinal fuͤr einen Edelknaben ge-
dienet.
ALle vnd jede ding haben jhre periodes
viciſſitudines vnnd veraͤnderungen.
Vorzeiten war die Poeterey in hohem werth/
deßgleichen kan das alte Rom zeugnuß geben/
wie hoch man die Oratores geſchetzt habe:
Vnſer Hiſpanien waiſt/ wie ſehr bey jhr die
ſtudia Theologiæ vnnd beeder Rechten flo-
rire. Deßgleichen ſihet man/ wie offt vnnd
vilmals ſich die Spanniſche Kleydungen
veraͤndern/ vnnd was man taͤglich fuͤr newe-
rungen erdencke/ die ignorantz, Toꝛheit vnd
vermeſſenheit deß gemeinen Manns iſt der-
maſſen groß worden/ daß ſie in der Hoffart
vnnd ſeltzamkeit der Kleidern/ dem Adel vnnd
Herꝛenſtandt nichts beuor gibt. So gar die
phraſes vnd termini deß redens vnd ſchrei-
bens verkehren ſich in allen Sprachen/ vnnd
muß alles auff den newen form gerichtet ſein/
der alt ſtylus gilt nichts mehr. Die Gebaͤw
vnnd Kriegs Jnſtrumenten verneweren ſich
jmmerdar: Die Sitten der Menſchen ſeind
nunmehr nicht Chriſtlich/ ſonder Heydniſch:
Die Frawen vnd Jungkfrawen ſelbſt muͤſſen
bekennen/ daß ſie ohne zarte Polſterhuͤndlein/
Affen/ Meerkaͤtzel/ Papageyen/ vnnd ſonder-
lich ohne Galanen oder Seruidorn ſich nit
behelffen/ leben noch jhꝛe zeit vertreiben koͤnd-
ten/ da doch ſie vor zeiten jhre beſte vnd mei-
ſte Kurtzweil pflegten mit dem Spinnrocken/
vnd mit der Haußarbeit zu haben. Eben ein
ſolche meinung hats auch mit der Warheit/
dann dieſelbe brauchte man vor alten zeiten
dermaſſen ſehr/ daß ſie vber alle Tugenden
reſpectirt ward/ vnnd daß einer der ein Lu-
gen redete/ offentlich mit Steinen zu todt ge-
worffen ward: wie aber alle gute ding baldt
ab: aber die boͤſe auffkommen/ alſo iſts allge-
mach dahin gelangt/ daß man die Warheit
weder hoͤren noch reden will: Ja ſo gar hat
man jhre ſtatuam oder Bildtnuß zerſtoͤrt/ ſie
banniſirt/ vnd in jhren Stul die Fraw Men-
dacium oder Lugen geſetzt. Die Warheit
muſte dem Jnhalt deß ſententzes nachkom̃en/
vnd allein arm vnnd veraͤchtlich vmbziehen:
Dann der gebrauch iſt/ daß/ wann einer/ der
zu Hof im hohen anſehen iſt/ fellt/ alsdann
jhm jederman feind wirdt/ ja ſeine allerbeſte
Freunde ſehen jhne nur vber die Achßeln an/
vnd kennen jhne nimmer.
Jn wehrendem jhrem exilio vnd Elendt
ſahe ſie einsmals auff einem Buͤhel ein groſſe
mennig Volcks/ mitten vnder jhnen gingen
die Koͤnige/ Fuͤrſten/ Regenten vñ Geiſtlichen
vnd begleiteten einen herꝛlichen vnnd Maye-
ſtaͤtiſchẽ triumphwagẽ/ darauff ſaß ein Fraw/
die war gekroͤnt vnd gekleidt wie ein Koͤnigin/
vnd hatte von ferne ein ſehꝛ ſchoͤnes angeſicht
vnd glantz/ aber je nahender man zu jhꝛ kam/
je haͤßlicher vnd ſchaͤndlicher ſahe ſie auß/ vnd
jhr Leib war erfuͤllt mit gebrechen Die War-
heit blib ſtill ſtehen/ biß die vorbemelte Auff-
warter vnnd Gleidtsleut fuͤruͤber gangen wa-
ren/ vnd als ſie diſe Koͤnigin Fraw Lugen ſa-
he/ verwunderte ſie ſich/ vñ laͤchelte heimlich:
deſſen ward die Koͤnigin gewar/ ſtund ſtill vñ
fragte ſie/ wo ſie hin wolte? die Warheit ſagte
jrs alles: da befahl jr die Lugen/ dz ſie mit jr zie-
hen ſolte/ dann ſie vermeinte/ daß ſolches jhꝛer
grandeza vñ hochheit wol anſtuͤnde/ dz auch
einer vmb ſo vil deſto maͤchtiger waͤre/ vm̃ wie
vil groͤſſere Feinde er vberwindet: weil dann
die Warheit jhr keinen Widerſtandt thun
koͤndte/ ſo gehorſambte ſie/ folgte jhr nach/ a-
ber blib weit hinder der gantzen turbæ, dann
ſie wuſte jhꝛ bekandtes vnd gehoͤꝛiges oꝛt wol/
dann wer die Warheit begert zu ſuchen/ der
wirdt ſie nit finden bey der Lugen vnnd jhren
Miniſtris vnd Dienern/ ſonder hinden nach
vnd zu aller letzt laͤſt ſie ſich ſehen vnnd offen-
baren.
An der erſten Tagreiß kamen ſie zu einer
Statt/ darin regiert ein ſehꝛ maͤchtiger Fuͤrſt/
der hieß Fauor, der ritte jhr hinauß entgegen/
vnnd begerte ſie in ſeinem Pallaſt zu beher-
bergen/ aber die Koͤnigin Lugen nam nur ſei-
nen guten willen an/ vnnd verfuͤgte ſich in das
Hauß deß Ingenij: derſelb hatte ein ſehꝛ koͤſt-
lichs Haußweſen/ vnnd tractirte ſie ſehr ſtatt-
lich mit allerhandt ſpeiſen. Jhr Hofmaiſter
hieß Oſtentatio, hatte einen langen Barth/
ein grauitetiſches Anſehen/ reputatiſche ſit-
ten/ vnnd ein ſehr ſittſame Rede: Der fragte
den Wirth/ was ſein gnedige Fraw die Koͤni-
gin verzehrt vnd ſchuldig waͤre? Der Wirth
machte die Rechnung/ vnnd der Hofmeiſter
ſagte anders nichts daꝛzu/ als daß es recht vnd
gut waͤre. Da ruffte die Koͤnigin Lugen jhrem
Hofmeiſter Oſtentatio vnnd ſprach: Be-
zahle diſen guten Mann von dem Gelt/ wel-
ches du jhm zu verwahꝛen haſt gegeben/ als du
allhie einzoheſt. Der Wirth erſchꝛack/ vñ wu-
ſte von keinẽ ſolchem jm zugeſtellten Gelt: vnd
er hielts anfangs nur fuͤr einen Schertz/ aber
als er ſahe/ daß es jhnen ernſt war/ beklagte er
ſich/ vnnd ſchwur/ daß man jhm niemaln ein
Gelt hatte zu geſtellt: Aber die Koͤnigin Lu-
gen rieff zu Zeugen jhren Schatzmeiſter O-
cium, vnd jren Kuchelmeiſter Adulatio, deß-
gleichen jhre Kammer Jungfraw Fraus. Da-
mit ſie auch jhne deſto mehꝛ conuinciren vñ
vberzeugen moͤchte/ ſo ließ ſie auch herfuͤr tret-
ten deß Wirths Sohn/ namens Intereſſe,
Jtem ſein Weib/ namens Auaritia: Diſe
alle zeugten einhelligklich wider den Wirth
Ingenium. Weil dann derſelb ſich in ſol-
chẽ gedraͤng befandt/ ſo fing er an ſeine Haͤnd
gen Himmel zu erheben/ zu exclamiren, zu-
ſchreyen vnd Gott den HErꝛn zu bitten/ daß
er doch der Warheit einen beyſtandt leiſten
wolte/ ſeytemal diſe Leuth jhm nit allein das
jenig ablaugneten/ was ſie jhm ſchuldig wa-
ren/ ſonder auch etwas begerten/ was er jhnen
nit ſchuldig war. Da ging die Warheit zu
jhm/ vnnd ſprach: Mein lieber Freund In-
genium, du haſt recht/ aber ich kan dir nicht
helffen/ dann die Koͤnigin Lugen iſt die je-
nige/ die dir das deine ablaugnet: du haſt nie-
mande auff deiner Seyten/ als allein mich/
vnnd kan je mehr nit darbey thun/ als daß ich
mich zu erkennen gib/ vnd ſage/ daß dir durch
die Koͤnigin Lugen gewalt vnnd vnrecht be-
ſchicht. Diſe der Warheit kuͤnheit vnnd red-
ligkeit verdroß die Koͤnigin Lugen dermaſſen/
daß ſie alsbald befelch gab/ den Wirth außzu
zahlen.
Nun reiſte diſe Koͤnigin noch weiter/ vnd
kam in ein Statt/ die gehoͤrte einer Frawen
zu/ namens Murmuratio, die war der Koͤni-
gin gꝛoſſe Freundin/ zohe jhꝛ ſambt jren maͤch-
tigen Landtſaͤſſen/ fauoriten vnnd Hoſ-
geſindt entgegen/ die hieſſen Superbia, Tra-
ditio, dolus, gula, ingratitudo, malitia, o-
dium, accidia, pertinatia, vindicta, Inui-
dia, iniuria, ſtultitia, vana gloria, &c.
Darneben erbotte ſie ſich ſie zu beherbergen/
das bewilligte nun die Koͤnigin/ doch mit
dem Beding/ daß ſie ſich ſelbſt verzehren
wolte. Jhr Prouiantmeiſter Sollicitudo
vnnd der Schaffner Inconſtantia trachte-
ten nach den Speiſen/ die wurden von allen
orten her vberfluͤſſig herzugebracht/ vnd auff-
kaufft. Als aber ein jeglicher ſein Gelt beger-
te/ gab jhnen der Schatzmeiſter zur antwort/
daß er jhnen nichts ſchuldig waͤre/ ſeytemal
der Einkauffer allbereit außzahlt hatte: Da
erhebte ſich ein groß Getuͤmmel/ vnnd die
Koͤnigin Lugen ſelbſt ging herfuͤr vnd ſprach:
Jhr gute Freunde/ was begert jhr/ hat
man euch doch alle ewre Sachen bezahlet:
Jch ſelbſt habs geſehen/ vnd man hat euch
das Gelt geben in beyſein vnnd gegenwertig-
keit der Warheit/ dieſelbe moͤget jhr fragen/
ſie kans auch nicht laugnen/ dann es iſt je
wahr/ was ich geredt. Man ging hin zu
der Warheit/ vnnd begerte daß ſie die War-
heit ſagen vnnd bekennen ſolte/ aber ſie ſtell-
te ſich/ als ſchlieffe ſie: Vnnd ob ſchon man
jhr ſtarck in die Ohꝛen ſchrye/ ſo ſtellte ſie ſich
doch/ als waͤre ſie ſtumm/ dann ſie foͤrchtete
ſich vor der Boßheit jhrer Feinde/ dann wer
zu Hof mit der Warheit vmbgehet/ der muß
jhꝛer entgelten/ vnd wer das Maul zu weit auf-
thut/ der muß fort.
Noch artlicher aber vnd beſſer wirdt die
Warheit dem Nagel eines Jnſtruments/
vnd die Lugen einer Saiten verglichen/ dann
wie die Saite einen lieblichen Thon oder
Klang hat/ vnd aber der Nagel/ wann er vmb-
getriben wirdt/ krachet vnnd ſich ſchwerlich
vmbkehꝛet/ aber doch letztlichen je lenger je fe-
ſter hafftet/ hergegen die Saite zerſpꝛinget vnd
bricht/ alſo ſehen wir/ daß die Warheit nicht
anders iſt/ als eben ein ſolcher hoͤltzener nagel
vñ dz die Lugẽ nichts anders iſt/ als ein Saite
vnnd ob ſchon die Lugen bißweilen den Nage
der Warheit dermaſſen trucket/ daß ſie es em-
pfindet vnnd ein Zeichen vberkompt/ ſo muß
doch letztlichen die Saite der Lugen zerſprin
gen/ aber der Nagel der Warheit bleibt je len-
ger je feſter im Jnſtrument deß Hofs: O wir
offt wirdt zu Hof ein warhaffter vnd redlicher
Mann durch die neidige Luͤgner vnd Judas-
geſellen ſtaꝛck getruckt/ gepetnigt vnd verfolgt/
aber doch ſihet man jederzeit/ daß die Warheit
trium-
triumphiret, vnd daß die Lugner letztlichen
zerſpringen/ vnnd jhren verdienten Lohn em-
pfahen.
Wofern ich diſes alles in meiner Jugendt
wol verſtanden/ gewuͤſt vnd betracht hette/ ſo
wuͤrde es mir nicht ſo gar widerwertig vnnd
armſelig ergangen ſein/ dann mein handel vñ
wandel war ein lauterer Betrug/ Lugen/
Falſchheit vnnd Buͤberey/ derwegen hatte es
keinen beſtandt/ ſonder zerſprang vnnd brach
jedesmals: Jmmerdar vnnd je lenger je mehr
gerieth ich von dem einen vnheyl ins ander/
abyſſus enim inuocat abyſſum. Anjetzo
bin ich eines Cardinals Edelknab/ vnd Gott
geb/ daß es nit bald aͤrger mit mir werde/ dañ
vnmuͤglich iſt/ daß die violentirte oder mit
gewalt gezwungene ding vnderlaſſen koͤnnen
widerumb zu jhrem centro zu gelangen. Wie
der vngewurtzelte Baum keine fruͤchte traͤgt/
vñ bald verduͤrꝛet/ alſo konte auch ich in meinẽ
newen Edelknaben dienſt keine wurtzeln ſetzen
noch fruͤchte tragen. Nit war ich geſinnt wie
andere Leuth/ dann man ſagt/ daß/ vmb
wie vil mehr die Ehr waͤchſt/ ſie vmb ſo vil
deſto mehr begert werde/ aber bey mir be-
fandt ſich das widerſpil/ dann ich verachtete
die Ehr eines Edelknabendienſts/ vnnd hatte
einen verdruß dran. Wie es ein vngereimb-
ter Handel waͤre/ wann einer die Fiſch auß
dem Waſſer nemme/ vnnd Pfawen drein
zieglen wolte/ oder wann einer einen Ochſ-
ſen fliegen/ vnnd einer Adler pfluͤgen laſſen
wolte/ oder wann einer ein Roß mit Sandt
fuͤtern/ vnnd den Habich mit Stroh ſpeiſen
wolte/ eben ein ſolche vngereimbtkeit war es
auch mit mir/ in deme man auß einem Pi-
caro/ Bernhaͤuter/ Bettler/ vnnd Lodter-
buben/ einen Edelknaben machen wolte:
Dann nunmehr ward ich der Egyptiſchen
Fleiſchhaͤfen gewohnt/ mein centrum, da-
hin ich zielte/ war die Tafern/ der punct mei-
nes Circuls oder Rings/ waren die Laſter/
die waren das endt vnnd ziel/ darnach ich
ringete/ trachtete vnd mich erfrewte vnnd er-
luſtigte.
Nit ohne iſts/ daß ich mich anfangs fein
anließ/ vnd mich ſampt andern meines Herꝛn
Edelknaben zim̃lich in den Poſſen wuſte zu-
ſchicken/ dann ich befliſſe mich fuͤrnemblich
vnd jnſonderheit deß eylfften Gebotts/ Du
ſolt nit fuchsſchwaͤntzlen: Vnnd durch
diſes mittel gewann vnnd erlangte ich mei-
nes Herꝛn deß Cardmals gnad vnnd gunſt
dermaſſen/ daß er mich jmmerdar bey ſich
haben muſte/ vnnd gleichſamb ohne mich nit
ſein kondte. Darneben aber ſtach ich jhm
heimblich alles auff/ was ich ſo wol in der
Statt Rom/ als auch in ſeinem Hauſe ſa-
he vnd hoͤrte. Das wuſte ich auch bißweilen
dermaſſen zu exaggeriren vnd zuuermehꝛen/
daß es ein luſt war/ aber weil meine ſachen auf
Lugen vnd betrug fundirt waren/ ſo hatte es
keinen beſtandt mit mir/ dann erſtlich kond-
te ich mein angebornes ſtehlen nicht laſſen/
nichts war ſicher vor mir: Meines Herꝛn
Gelt vnd Kleinoder waren mir nicht zu gut/
vnnd der andern Edelknaben meiner Mitge-
ſellen Kleyder vnnd Gewandt verſchmahete
ich nicht/ ſonder ſchiebte es alles ein/ verkauff-
te es/ vnnd loͤſte Gelt drauß: Sie waren
von Natur faul/ hinlaͤſſig vnnd vnauffmerck-
lich/ aber ich machte ſie munter/ vnd verur-
ſachte/ daß ſie jhr Gewandt/ Kraͤß/ Hembder/
Struͤmpff/ Huͤt/ Schuch/ vnnd dergleichen
etwas fleiſſiger aufhebten vnd einſperten/ dañ
wann ſie es nur ein wenig vergaſſen vnd ligen
lieſſen/ ſo ſahens jhꝛe Augen nimmer. Eins-
mals brachte ich meines Herꝛn vergulten
ſchluͤſſel zum Confect Kaſten zu wegen/ den-
ſelben truckte ich ins Wachs ab/ ging darmit
zum Schloſſer/ ließ einen darnach machen/
ſperte den Kaſten bißweilen auff/ vnnd labte
mich mit dem beſten darin verhandenen con-
fect, das trib ich ſo lang/ biß man einmals ein
ſonderbares ſtuck oder Geſtadel mit Zucker-
Roſat mengelte/ vnd merckte/ daß ein falſcher
Schluͤſſel verhanden ſein muͤſte: Dannen-
hero inquirirte man ſehr ſtarck bey allen
Dienern vnd ſonderlich bey vns Edelknaben/
nichts aber befandt ſich damals/ ſonder als
mein Herꝛ auff ein zeit etliche Herꝛn zu Gaſt
hatte/ vnd etwz lenger zu Tiſch ſaß/ vnd con-
uerſirte, ſtund er vnuerſehens auff/ ging in
ſein Schlafkammer vnnd wolte ſein Waſſer
abſchlagen/ da erwiſchte er mich beym Con-
fect Kaſten ſtehen/ vnd weydlich ſchlecken: Er
fragte mich/ was ich da machte? Aber ego
obmutui, ich erſtummete/ da ließ er den Do-
mine Nicolao ſeinen Secretarium holen/
vnd befalch jhm/ daß er mir zwoͤlff ſtreich mit
der Ruthen geben ſolte: Das thate er fleiſſig/
vnd gab mir nit nur 12. ſonder 24. Streich/
dann er war mir feindt.
Aber ich zahlte jhne rein auß/ dann als er
vermeinte/ daß ich ſolche ſtreich allbereit ver-
geſſen hatte/ begab ſichs einsmals/ daß jhne
die Mucken vbel ſtachen/ dann das Hauß vnd
gantz Rom war voller Mucken: da ſprach ich
zu jhm: Herꝛ Domine Nicolao, woͤllet jhr/
ſo wil ich euch ſagen/ was man in Hiſpanien
wider die Mucken brauchet/ vnnd wie mans
vertreibt? Er ſagte: Ja. Da holte ich ein
ſonderbares Kraut/ netzte es in Eſſig/ ſetzte es
zun Haupten ſeines Beths/ vnd vberꝛedete jh-
ne/ daß alle Mucken zu deſſen geruch fliegen/
vnd alsbald niderfallen vnnd ſterben wuͤrden.
Er glaubte es/ vnd als er ins Beth kam/ vber-
fiel jhne ein vnendtliches geſchwader derglei-
chen Mucken/ biſſen jm ſchier die Augen auß/
vnd fraſſen jhm ein ſtuck von der Naſen hin-
weg/ muſte derwegen das Loſament raumen
vnnd ſich anderſtwohin ſaluiren. Deß mor-
gens fruͤ wolte er mich kurtzumb todt haben/
vnd verklagte mich beym Herꝛn Cardinal/ a-
ber ich verantwoꝛtete mich vnd ſprach: Gne-
diger Herꝛ/ E. Gn. wiſſen/ daß ſie diſem Do-
mino Nicolao befohlen haben/ mir zwoͤlff
ſtreich zu geben/ wegen deß geſchleckten Con-
fects/ aber er hat vier vnnd zwantzig drauß ge-
macht/ derwegen hab ich nicht vnderlaſſen
koͤnnen/ jhne diſer geſtallt außzuzahlen. Der
Cardinal lachte/ vnnd ließ es fuͤr ein poſſen
paſſieren.
Guſman wirdt ſeinem Herꝛn dem
Cardinal je lenger je lieber/ ſtudieret vnnd
ſtellet ſich ſehꝛ andaͤchtig/ beſchreibt auch die
fuͤrnembſte Roͤmiſche Kirchen/ ſampt de-
nen darin verhandenen Reli-
quien/ ꝛc.
JE lenger je mehr gewann mich mein
Herꝛ der Cardinal lieb/ vñ ſein lieb vñ
gunſt wurde gewißlich einen beſtandt
gehabt haben/ wofern nur mein woluerhalten
einen beſtandt gehabt hette. Gar gern con-
uerſirte er mit den Leuthen/ vnnd ſonderlich
mit mir/ vnnd weil mir vornen im Munde
ein Zahn mengelte/ vnd ich derwegen Zahn-
lucket war/ ſo fragte er mich/ wie ich vmb
denſelben Zahn kommen waͤre? Jch erzehlte
jhm die vrſach vnd ſprach: Gnediger Herꝛ/
einsmals zu Madril empfand ich einen groſ-
ſen Wehthumb in diſem verlohrnen Zahn/
derwegen war ich vorhabens/ jhne außziehen
zulaſſen. Nun war gleichwol ein Zahnbrecher
verhanden/ der forderte aber zu vil Gelts/
vnd ich hatte keins: derwegen ging ich auffm
Marck hin vnd wider in groſſer Melancoley
ſpatzieren/ blib aber letztlich vor eines Kuͤ-
chelbachers Laden ſtehen/ vñ ſahe/ was geſtalt
er die Kuͤchel bachete/ vnnd verkauffte: Das
ſahe ein Soldatiſcher Speyvogel vnd ſprach
zu mir: Du Edelman ſag mir/ wie vil Kuͤ-
chel traweſtu dir auff einmal zu eſſen? Jch
antwortet: Vil gnug trawe ich mir zu eſſen/
wofern einer verhanden were/ der mirs zahlte:
der Soldat ſprach: woferꝛn du mir verſpre-
chen wirſt/ daß du 500. ſolche Kuͤchel eſſen
woͤlleſt/ ſo wil ich ſie fuͤr dich zahlen/ aber doch
mit dem beding/ daß/ wofern du ſie nit alle jſ-
ſeſt/ du mir etwas dargegen gebeſt: Jch ant-
wortet: Kein Gelt hab ich/ aber wofern ich
ſie nit alle jſſe/ ſo mag ich leyden/ daß man mir
einen Zahn auß dem Mund reiſſe: dem Sol-
daten gefil diſer Fuͤrſchlag/ vnnd zahlte die
Kuͤchel: Jch fing an waidlich zu eſſen (dann
es hungerte mich) vnd als ich hundert Kuͤchel
verſchluckt hatte/ ſagte ich/ daß ich keine mehr
kondte eſſen/ gab mich alſo fuͤr vberwunden/
da begerte der Soldat mir den Zahn außzu-
ziehen/ aber ich wolte es nit geſchehen laſſen/
vnd gab jhm zu verſtehen/ daß ich jhm nit druͤ-
ber trawte. Da fuͤhret er mich geſchwindt
zum Zahnbrecher/ der ohne das ſeinen Laden
am Marckt hatte/ vñ ich bewilligte/ dz mir der
Zahn ward außgebrochen. Der Meiſter Zan-
brecher foꝛderte alsbald ſeinen Lohn von mir/
ich aber ſagte/ daß ich kein Gelt hatte/ vnd wi-
ſe jhne an den Soldaten/ der mich mit allem
fleiß zu jhm gefuͤhꝛt hatte. Der ward letztli-
chen gezwungen den Zahnbrecher zu befridi-
gen/ diſer geſtalt bin ich gleichwol vmb mei-
nen boͤſen Zahn/ aber hergegen zu guten Kuͤ-
cheln kommen. Diſes Poſſens lachte mein
Herꝛ Cardinal von Hertzen.
Jn wehꝛender diſer vnderꝛedung kam mei-
nes Herꝛn Cardinals Medicus darzu/ ſahe
mich vnnd meine kleine geſtallt an/ (dann ich
hatte kurtze Bein vnnd lange Finger) vnnd
ſprach: Guſmaͤndl du biſt artlich vnd poſſir-
lich/ ich glaub/ die Natur hab dich mit allem
fleiß ſo klein gemacht/ damit einer dich in ſack
oder Beutel ſchieben koͤnne/ vnd dich nit ver-
liere? Jch wil dich auch einmal in meinen
Sack ſchieben/ damit ich dich bey mir haben
moͤge: Darauff antwoꝛtete ich jhm geſchwind
vnnd ſprach: O Domino Gerhardo, kaͤme
ich euch einmal in ewren Beutel/ ſo wuͤrdet
jhr mich nicht ſo bald wider herauß bringen.
Diſer Medicus war auch zugleich ein Aſtro-
logus, derwegen diſcurrirte er mit meinem
Qerꝛn gar vil von den Him̃liſchen dingen:
Letztlichen lachte ich: Mein Herꝛ fragte mich
warumb ich lachte? Jch antwortet: Gnedi-
ger Herꝛ: Jch moͤchte gern wiſſen/ wie lang es
waͤre/ daß diſer Doctor vom Himmel herab
kommen/ ſeytemal er von Him̃liſchen dingen
ſo vil reden kan? Das empfandt der Doctor,
laͤchelte/ ſchawte den Cardinal an/ vnd ſprach:
Gnediger Herꝛ/ ich komm hin/ wo ich woͤlle/
ſo findt ich Narꝛen/ wo haben aber E. G. diſes
geſcheide Naͤrꝛl vberkommen? Jch aber ant-
wortet: Ja/ Herꝛ Doctor, Narꝛen muß man
haben/ man neme ſie gleich wo man woͤlle/ a-
ber vnder 100. Narꝛen find man nit einen/ der
geſcheyd iſt. Seyt aber jr geſcheyd? Der Car-
dinal hatte ein wolgefallen an diſer vnſer cõ-
uerſation, vnnd weil er ein ſubtiles ingeniũ
bey mir verſpuͤrte/ ſo entſchloſſe er ſich/ daß er
mich ſtudieren laſſen wolte/ vñ zu ſolchem end
hielt er mir einen eygnen Præceptorem, der
mich im Lateiniſchen ſo weit vnderwiſe/ dz ich
etlicher maſſen ein perfectus Latinus oder
vollkom̃ner Latiniſt ward.
Nit allein ward ich erzogen in den ſtudiis,
ſondern auch gewehnt zu der Andacht vnnd
Gottsforcht/ dann wochentlich muſten wir
Edelknaben die ſiben fuͤrnembſte Kirchen an-
daͤchtigklich beſuchen: die erſte war S. Ioan-
nis Lateranenſis, welche auffm Berg Cæ-
lio ligt/ vñ vom Keyſer Conſtantino dẽ groſ-
ſen gebawt vñ mit reichem einkom̃en verſehẽ/
aber durch die Ketzer zerſtoͤrt/ folgendts durch
die Baͤpſt Nicolaum den IV. Martinum V.
Eugenium IV. vnnd Pium IV. reparirt iſt
worden. Bapſt Sylueſter hat ſie zu der Ehr
deß Erloͤſers/ vnd Joannis deß Taufers con-
ſecrirt Die Bildnuß deß Erloͤſers ſtehet oben
auff dem Choraltar/ vnnd iſt nicht verbrennt
worden/ vnangeſehen die Kirch zwey mahl
verbrunnen. Jn diſer Kirchen werden am H.
Oſtertag nachfolgende reliquien oder Heyl-
thumb gezeigt: nem̃lich das Haupt deß H. Za-
chariæ/ welcher deß H. Tauffers Joannis
Vatter geweſt. Das Haupt deß H. Marty-
rers Pancratij/ auß welchem drey Tag ein
ander Blut gefloſſen/ als die Ketzer diſe Kirch
verbrenten. Jtem die Reliquien der heiligen
Mariæ Magdalenæ. Jtem ein Achſſel deß H.
Laurentiz. Jtem ein Zahn vom H. Apoſtel
Petro,
tro. Jtem der Kelch/ auß welchem der heilig
Euangeliſt Joannes auß Befelch Keyſers
Domitiani das Gifft/ ohne allen ſchaden ge-
truncken. Jtem die Ketten/ mit dern er von
Epheſo gefaͤngklich gen Rom gefuͤhrt wor-
den. Jtem deß heiligen Tauffers Joannis A-
ſchen vnd haͤrines Kleyd. Jtem die Haar vnd
Kleyder der allerheiligſten Jungfrawen Ma-
riæ: Jtem das Hem̃et/ welches ſie dem Herꝛn
Chriſto gemacht: Jtem das Tuch/ mit wel-
chem vnſer Erloͤſer die Fuͤß ſeiner Juͤnger ge-
truͤcknet: Jtem das Rohr/ mit welchem ſein
allerheiligſtes Haupt geſchlagen worden. J-
tem das rothe vnd mit ſeinem koͤſtlichen blut
gefaͤrbte Kleid/ welches jhm Pilatus angelegt:
Jtem vom Holtz deß Creutzes: Jtem die Lein-
wat/ welche jhm auff ſein Angeſicht im Grab
gelegt ward: Jtem ein theil deß Waſſers vnd
Bluts/ welches auß ſeiner Seyten gefloſſen.
Auff deß Bapſts Altar ſeind deß heiligen Pe-
tri vñ Pauli Haͤupter. Jn einer neben Capeln
iſt der Altar/ welchen der heilig Tauffer Jo-
annes in der Wuͤſten gehabt: Jtem die Arch
deß Bundts: Der Stab Aarons vnnd Moy-
ſis: die Tafel/ darauff vnſer Erloͤſer ſein letz-
tes Abendtmahl ſampt ſeinen Juͤngern geſ-
ſen: Alle diſe ding hat Keyſer Titus von Jeru-
ſalem gen Rom gebracht. Jm obern Saal
ſeind drey Thor von Marmelſtein/ welche im
Pallaſt Pilati zu Jeruſalem geweſt/ dardurch
vnſer Erloͤſer zum Pilato gefuͤhrt worden:
Jtem ein Marmelſteines Fenſter/ durch wel-
ches der Engel Gabriel gangen/ vnd die ver-
kuͤndigung der Menſchwerdung Chriſti ver-
richt: Jtem die Stiegen mit 28. Staffeln/
darauff der Erloͤſer nidergefallen vnnd ſein
koͤſtliches Blut vergoſſen: Jtem die Saͤul/
welche im Todt Chriſti mitten von einander
zerſpꝛungen. Jn der Capelln Sancta Sancto-
rum befindt ſich die bildtnuß vnſers Erloͤſers
als er nur zwoͤlff Jar alt war/ welche der heilig
Lucas gemahlt/ vnnd ein Engel gar vollendt
haben ſoll/ ꝛc.
2. Die Kirch deß heiligen Petri in vatica-
no iſt gebawt vnd geſtifft woꝛden vom Keyſer
Conſtantino Magno, darinn ſeind die Lei-
ber deß heiligen Simonis vnd Judæ/ deß H.
Ioan: Chryſoſtomi, Bapſts Gregorij vnd
Petro-
Petronillæ, das Haupt deß heiligen Andreæ/
Jtem deß heiligen Euangeliſten Joannis/ S.
Sebaſtiani, S. Iacobi deß juͤngers/ deß heili-
gen Thomæ Biſchoffs zu Canterberg/ vnnd
deß H. Amandi/ Jtem ein Achſſel vom heili-
gen Chriſtophoro/ vñ deß H. Stephant. Vn-
der dem groſſen Altar iſt der halbe Leib deß H.
Petri vnd Pauli/ Jtem im Tabernacul die H.
Veronica/ das Eiſen deß Spieſſes/ welches
die heilige Seiten deß Erloͤſers durchdrungẽ/
vnd welches der Tuͤrckiſch Keyſer dem Bapſt
Innocentio VIII. zugeſchickt hat. Jtem die
Saͤulẽ/ an welcher der Erloͤſer geleint hat/ als
er predigte/ vnd man die beſeſſene fuͤrbrachte.
3. Die Kirch deß H. Pauli ſtehet ein halbe
meil auſſer der Statt Rom/ vnd iſt gleichfals
vom Keyſer Conſtantino gebawt vnd dotirt
woꝛden an dem oꝛt/ wo das Haupt deß H. Pau-
li wunderbarlicher weiß gefunden worden.
Jn diſer Kirchen ſeind die Leiber deß heiligen
Timothæi, Celſi Iuliani, Baſiliſſæ, vnd vi-
ler vnſchuldigen Kindlein/ Jtem ein Armb
von S. Anna der Mutter Mariæ/ Jtem die
Ketten/ an dern der H. Paulus gefangen ge-
legen/ Jtem das Haupt der Samaritanin/ ein
Finger vom H. Nicolao.
4. Die Kirch S. Mariæ maior, iſt gebawt
worden von dem Joanne einem Roͤmiſchen
Patritio vnnd ſeiner Frawen/ dann weil ſie
keine Kinder hatten/ ſo begerte ſie jhre Guͤter
zu der Ehr der allerheiligſten Jungkfrawen
Mariæ zu verwenden/ derwegen hatten ſie in
der Nacht ein viſion, daß ſie deß Morgens
hinauß gehen/ vnd an dem ort/ ſo mit Schnee
bedeckt waͤre/ ein Kirch bawen ſolten. Eben
ein ſolche viſion hatte auch der Bapſt/ der
ging ſam̃t ſeinem gantzen Hofgeſindt zum ber
ſagten ort/ fand den Schnee/ ſing mit ſeinen
eignen Haͤnden an zu graben/ vñ ward daſelbſt
die Kirch gebawt: Dariñ ſeind verhanden die
Leiber deß H. Apoſtels/ Matthiæ, Romuli,
Redemptæ, Hieronymi, die Krippen/ dar-
inn Chriſtus zu Bethlehem gelegen/ die Win-
del/ darinn die allerheiligſte Jungkfraw jhne
gewickelt/ Jtem ein Arm vom heiligen Apo-
ſtel Matthæo/ Luca vnd deß heiligen Biſchofs
Thomæ.
5. Die Kirch S. Laurentij ſtehet auſſer
Rom ein halb meil/ vnnd iſt ebenmeſſig durch
den Keyſer Conſtantinum gebawt worden/
darin ligt der Leib deß heiligen Laurentij vnnd
Stephani deß erſten Martyꝛers/ ſampt einem
Stein/ mit deme er geſteinigt worden. Jtem
der Stein/ darauff der heilig Laurentius nach
ſeinem todt gelegt worden/ vnd ein Stuck ſei-
nes Roſtes/ darauff er gebraten worden.
6. Die Kirch deß H. Sebaſtiani iſt gebawt
worden durch die H. Lucinam, darin ligt deß
H. Sebaſtiam vnd der H. Lucinæ vnnd deß
H. Bapſts Stephani Leib. Jtem der Stein/
auff welchem Chriſtus die Fußſtapffen ſeiner
Fuͤß gelaſſen/ als er dem von Rom fliehenden
heiligen Petro erſchin.
7. Die Kirch S. Crucis zu Jeruſalem iſt
gebawt worden vom Conſtantino deß Keyſers
Conſtantini Magni Sohn auff beſchehe-
nes begeren der H. Helenæ/ darm iſt der Leib
deß H. Anaſtaſij vnnd Cæſarij, ein Ampel
voller Bluts Chriſti/ der Schwam̃/ mit wel-
chem jhm der Eſſig vnd Gall zu trincken ge-
geben worden/ zwey Doͤrner von der Kronen
die jhm auffgeſetzt ward/ vnnd ein Nagel/ mit
welchem er an dem Creutz gehefftet worden/
Jtem der Tittel/ welchen Pilatus oben dran
ſetzen laſſen: Jtem das Holtz deß H. Creutzes/
welches die H. Helena dorthin verordnet. J-
tem ein Silberling von denen/ mit welchen
der Herꝛ verꝛathen worden: Jtem das halbe
Creutz deß frommen Schaͤchers/ ꝛc. Alle diſe
ding werden am H. Carfreytag gezeigt.
8. Die Kirch S. Mariæ populi, darin die
allerheiligſte Jungkfraw inſonderheit verehrt
wirt/ vnd iſt anfangs vom Roͤmiſchen Volck
gebawt woꝛden zur zeit Bapſts Paſcalis. Da-
rin findt man den Nabel vnſers HErꝛn/ J-
rem etwas von der Milch/ Schlair vnd Kley-
dern der allerheiligſten Jungkfrawen. Die
fundation diſer Kirchen iſt wunderbarlich/
dann eben an dem ort/ da anjetzo der groß Al-
tar ſtehet/ war vor zeiten ein ſo hoher Nuß-
baum/ daß er alle andere benachbarte Baͤum
vbertraff. Vnd in diſem Baum hielten ſich
die Teuffel auff/ vnd verwarten den Leib Key-
ſers Neronis/ der vnden an den Wurtzeln be-
graben lag: Diſe Teuffel vexierten/ peinigten
vnd erwuͤrgten alle die jenigen/ welche der or-
ten fuͤr vber gingen/ derwegen ließ Bapſt Pa-
ſcalis dem gantzen Roͤmiſchen Volck ein
dreytaͤgiges Faſten vnd betten verkuͤnden/ da-
mit doch das Volck von diſer ſo gar boͤſen
Peſt erloͤſt moͤchte werden: Jn der dritten
Nacht erſchin jhm die allerheiligſte Jungk-
fraw vnnd ſprach: Paſcalis, verfuͤge dich zu
der Porten flaminea, da wirſtu einen Nuß-
baum finden/ vnder welchem die Gebein Ne-
ronis begraben ligen/ denſelbẽ ſolleſtu zerhau-
wen/ vnd allerdings außreuten/ auch an dem-
ſelben ort ein Kirch in meinem namen bawen
laſſen: Jnmaſſen beſchehen/ vnnd in wehren-
dem außreuten hoͤrte man ein ſehr erſchroͤck-
lichs getuͤm̃el der Teuffeln: der Leib Neronis
ward daſelbſt gefunden/ vnd in die Tiber ge-
worffen/ vnd die Kirch gebawt. Bapſt Gre-
gorius IX. hat die durch den heiligen Lucam
gemahlte Bildtnuß der allerheiligſten
Jungkfrawen Mari æ ge-
tragen.
Guſman erzehlt ferꝛner/ was geſtalt
er auch wegen ſeines ſpilens vom Cardinal
beurlaubt/ vnnd widerumb in deß Frantzoͤ-
ſiſchen Geſandten dienſt angenommen
worden/ was er auch bey demſelben
fuͤr artliche boſſen ge-
riſſen.
VJl gute gelegenheiten hatte ich Gotts-
fuͤrchtig vnnd andaͤchtig zu ſeyn/ aber
es war vnſere andacht ſehr klein/ vnnd
ich ſahe/ daß das Sprichwort: Je naͤ-
hender Rom/ je aͤrger Chriſt: wahr iſt/
vnnd daß die jenigen/ ſo die beſte Gelegen-
heit zur Gottsforcht haben/ am aller Gott-
loſeſten ſeindt. Dann wann wir Edelkna-
ben Kirchfahrten gingen/ thaten wir nichts
anders/ als newe Maͤrlein auffklauben vñ er-
zehlen/ vnd vnderwegs die Tafernen beſuchen
vnnd ſpilen: Bey der Nacht aber lieffen wir
auff den gaſſen vmb vnd bulten. Diſes Leben
fuͤhrte ich ſo lang/ biß mir der Barth anfing
herfuͤr zu ſtechen/ fuͤꝛnem̃lich vnd inſonderheit
aber ergab ich mich dem ſpilen allerdings/ zu-
maln ala primera. O was fuͤr ſchoͤne ſtuͤckel
falſchheiten vnd betrug lernete ich im ſpilen?
nichts vnderließ ich zu lernen/ was ein Spitz-
bub wiſſen vnnd koͤnnen ſoll: Dardurch aber
verſaumbte ich nicht allein vilmals meinen
dienſt/ ſonder verſpilte auch alles/ was ich hat-
te: Einsmals bliben alle meine Leibskleyder
im ſtich/ derwegen dorffte ich auß meinem Lo-
ſament nicht gehen/ noch zum dienſt kom̃en:
Mein Herꝛ mengelte meiner alsbald/ vnd er-
fuhr alles/ wie es mir ergangen war: Er hat-
te ein mitleyden mit meiner ſo gar boͤſen ey-
genſchafft/ vnuerſchambkeit vnd hartneckig-
keit/ vnd gab befelch/ daß man mich widerumb
kleyden/ vnd fort ziehen laſſen ſoll. Das ver-
droß mich ſo gar ſehꝛ/ daß ich alsbald auß ſei-
nem Hauß ging/ vnnd niemaln wider kam/
vnd ob ſchon man mir ſtarck rieth/ dz ich vmb
gnad anhalten/ vñ vmb verzeyhung bitten ſol-
te/ ſeytemal mein Herꝛ mich gewißlich wider-
umb annemmen wuͤrde/ ſo wolte ich doch nit/
ſonder ſchlug alle mir erwiſene gutthaten in
Windt/ zohe/ als ein vndanckbarer heyloſer
letzer Schelm/ hinweg/ vnnd trachtete mit al-
lem fleiß meinem vngluͤck nach: Dann ob ich
mich ſchon etliche tag bey meinẽ guten freun-
den vñ Bruͤdern auffhielt/ ſo wurden ſie doch
meiner bald muͤd/ vnd zeigten mir das Kuͤhe-
fenſter/ ſeytemal ich kein Gelt hatte. Da fing
das Elendt widerumb bey mir an zu regieren/
keinen einigen Baum kondte ich finden/ der
mir einen Schatten hette geben/ der Hunger
ward ſo gar gꝛoß bey mir/ daß ich ſambt jenem
verloꝛnen Sohn gar gern mit deß Herꝛn Car-
dinals Schweinen auß jhrem Trog geſſen/
vnd mich mit jhren Kleiben erſaͤttiget hette.
Letztlichen nam ich mein Zuflucht zu der
Frantzoͤſiſchen Bottſchafft oder Geſandten/
der meines Herꝛn deß Cardinals ſeligen gar
guter Freund geweſt/ vnnd mich bey jhm wol
gekennt hatte. Diſer Herꝛ nam mich auff/ vnd
hielt mich wol/ aber mit einem vnderſchidli-
chen intent, dann der Cardinal ſahe allzeit
auff meinen nutz/ heyl vnd wolfahrt/ aber der
Geſandte ſahe nur auff ſeinen luſt/ dann er er-
luſtigte ſich mit den boſſen vnd kurtzweiligkei-
ten/ die ich jhm vorſagte/ vnnd mit den Bott-
ſchafften/ die ich jm hin vnd wider bey groſſen
Herꝛn vnd ſchoͤnen Frawen außrichtete. Er
gab vñ benente mir keinen eigentlichen dienſt
noch Beſoldung ſonder ich diente jhm gene-
raliter, vnnd er belohnte mich generaliter,
dann man hielt mich gleichſamo fuͤr ſeinen
Schalcksnarꝛen vnd Kupler: Wann auch er
Gaͤſt hatte/ brauchte er mich fuͤr ein Auff-
warter vnnd kurtzweiligen Tiſchrath: Vnd
weil bißweilen ſich etliche vngeſchickte/ grobe
vngeſchmackige vnd vnannembliche Geſellen
vnnd Knoͤpff ſelbſt zu Gaſt luden/ vnnd vn-
beruffen kamen/ ſo erwiſe ich denſelbigen
allerhandt Poſſen/ dann etliche ließ ich oh-
ne Tranck ſitzen/ vnnd gewehnte ſie wie die
duͤrꝛe Melonen: andern gab ich nur gar
wenig zu trincken auß gar kleinen Glaͤſern:
andern gab ich den gewaͤſſerten Wein/ vnnd
andern einen gar warmen Wein. Wann
ich vermerckte/ daß jhnen ein Speiſe wol
ſchmeckte/ ſo ruckte ich die Schuͤſſel von jnen
hinweg/ vnnd ſetzte jhnen was anders vn-
geſchmackiges fuͤr: Allerhandt mittel erſann
ich/ damit jhnen die Mahlzeit vbel be-
kaͤme/ vnd ſie nit vrſach hetten wider zu kom-
men.
Einsmals erſchinen neun Perſonen/ vnd
als man gleich zu Tiſch ſitzen ſolte/ kam ein
wolbekandter Schmorotzer/ vnnd wolte ſich
gleichfals zum eſſen laden/ vnangeſehen der
Tiſch allbereit wol beſetzt war/ da ging ich zu
jhm vnnd ſprach: Herꝛ/ jhr ſollet wiſſen/ daß
mein Herꝛ der Geſandte niemaln vber neun
Perſonen ſetzet/ derwegen will ich hingehen
vnd die verhandene Perſonen abzehlen. Jch
ging hin/ zehlte ſie/ kam wider zu jhm/ vnnd
ſprach: Herꝛ/ die zahl iſt erfuͤllt/ jhꝛ moͤget wol
wider hinweg gehen: Aber er antwortet vnnd
ſprach: Du haſt gejrꝛt/ gehe hin/ vnnd zehle
ſie noch einmal/ aber an mir muſtu anfahen/
ſo wirſtu befinden/ daß ich kein vbriger bin.
Deſſen muſte ich gleich lachen/ vnd jhne paſ-
ſiren laſſen.
Zu einer andern zeit kam ein Spaniſcher
Soldat zu mittag/ als mein Herꝛ der Geſan-
le eſſen wolte/ ging in den Saal zu jhm vnnd
ſprach: Herꝛ/ ich bin ein Soldat vnd ein fuͤr-
nemmer Cauallero vnnd Cordua, befinde
mich aber anjetzo bloß an Gelt/ vnnd bin ge-
ſchoſſen worden mit dem Pfeil der Armut/
derwegen bitte ich vmb ein Ritterzehrung?
Der Geſandt griffe in ſeinen Beutel/ zohe et-
liche Ducaten herauß/ vnnd gab jhms: Der
Cauallero war aber damit nit vernuͤgt/ ſon-
der erzehlte dem Geſandten wer er waͤre/ vnd
in was fuͤr Feldtſchlachten vnd impreſen er
ſich befunden Als auch der Geſandt zu Tiſch
ging/ ſetzte ſich diſer Cauallero gleichfalls
hinzu. Jch ging damals vmb die Speiſen
hinauß/ vnnd ſahe zwen andere Spanier her-
ein gehen/ vnnd als dieſelbigen diſen Solda-
ten oder Cauallero ſahen am Tiſch ſitzen/
ſprachen ſie zu einander: Jſt dann das nit ein
klaͤglicher handel/ daß vns diſer Schwarack
vnd Bernhaͤuter aller orten den weg ablauf-
fet: Als ich das hoͤrte/ ging ich zu jhnen vnnd
ſprach: Jhr Herꝛn/ kennet jhꝛ diſen Caualle-
ro? Sie antwoꝛteten: Ja/ wir kennen diſen
Hudler gar wol/ ſein Vatter hat vns offter-
mals die Schuch angelegt vnd gepletzt/ ſeinen
Schuſter Laden hat er zu Cordua nahe bey
vnſer behauſung. Zu erbarmen vñ ein ſchand
iſts/ daß/ wann vnſer zwantzig Caualleri in
Jtalien ziehen/ alsdann hundert heyloſe Leut/
wie diſer einer iſt/ mitkommen/ vnd jnen gleich
ſein woͤllen/ dann weil ſie wiſſen/ daß man ſie
nit kennet/ ſo vermeinen ſie/ daß/ wann ſie nur
jhꝛen Knoͤbelbarth ſtreichen/ vnnd vil Federn
auffſetzen/ ſie dardurch den Adel vnd dapffer-
keit allbereit erlangt haben/ vnangeſehen ſie
letze Lettfeigen vnd verzagte Hennen ſeind/ vñ
niemaln kein fliegendes Faͤndel geſehen ha-
ben/ dann nicht die Federn vnd Knoͤbelbaͤrth/
ſonder die Hertzen vñ Maͤñer muͤſſen ſtreiten.
Darmit gingen ſie hinweg. Jch aber ſchoͤpff-
te allerhand nachgedencken drauß/ hielt eben
ſo vil von jhnen/ als dem andern vnuerſcham-
ten Geſellen/ der an meines Herꝛn Tiſch ſaß/
derwegen vberkam ich einen luſt/ jhm einen
poſſen zu reiſen: vnd als er zu trincken beger-
te (dann in Hiſpanien ſetzet man keine Glaͤ-
ſer mit Wein auff den Tiſch/ wie in Teutſch-
landt/ ſonder wer da begert zu trincken/ der
mags fordern vnnd begeren) gab er mir ein
zeichen mit der Handt/ oder mit den Augen:
Jch aber verwendete meine Augen anderſt-
wohin/ oder ſtelte mich/ als ſehe ichs nit/ weil
dann er vermerckte daß man keinen luſt hatte
jhme einzuſchencken/ ſo ſprach er zum Ge-
ſandten: Ob wol es villeicht ein vermeſſen-
heit ſein moͤchte/ daß ich mich an eine
Taſel geſetzt/ ſo bin ich doch deſſen/ we-
gen meines adelichen Geſchlechts vnd dapfe-
ren verhaltens im Kriegsweſen/ wol wuͤr-
dig/ derwegen bitte ich/ jhr woͤllet Beuelch
geben/ daß man mir einſchencke/ dann diſer
Spanier ewer Diener hat mich nit verſtan-
den/ vnangeſchen ichs begert hab. Da be-
falch gleich wol mein Herꝛ vns/ daß wir jhm
zutrincken geben ſolten/ aber ich ſchwur jhm
heimblich einen Eydt/ daß ich jhne außzah-
len wolte: Derwegen ſetzte ich jhm ein gar
kleines Glaß mit wolgewaͤſſertem Wein
fuͤr/ mit welchem er den Durſt nicht loͤſchen
koͤndte. Er vermerckte auch/ daß ſo wol ich
als meine andere Mitgeſellen vnnd auffwar-
ter vnſere Augen vnnd Geſichter von jhm
abwendeten/ vnnd jhne nicht anſchawen
wolten? damit wir nicht Vrſach hetten/
jhme einzuſchencken/ derwegen verluhre er
letztlichen die Gedult/ ſtunde vom Tiſch auff/
vnnd ſprach zu meinem Herꝛen dem Ge-
ſandten: Herꝛ verzeyhet mirs/ ich muß
hingehen vnnd trmcken: Folgendts ging
er zum Schencktiſch/ ſchenckte jhm ſelbſt ein
groß maͤchtiges Glaß mit Wein ein/ loͤſch-
te ſeinen durſt/ nam ſeinen Hut ab/ thate
ſein Reuerentz vnnd ging hinweg ohne ei-
niges reden oder vrlaub nemmen. Deſſen
lachte der Geſandt/ vnnd ſprach zu mir:
Guſmaͤndl/ diſer Soldat iſt dir vnnd dei-
nem Vatterlandt gleich/ allda man alles
mit Hoffart trutzen vnnd bochen hinauß
fuͤhret.
Sonſten war noch ein Engellaͤnder ver-
handen/ der gab ſich fuͤr meines Herꝛn Bluts-
verwandten auß/ vnnd kam ſchter taͤglich zu
jhm zum eſſen. Weil er aber ein vngeſchma-
ckiger/ vngelegener vnnd vnannemblicher
Mann war/ ſo hatte mein Herꝛ einen ver-
druß an jhm/ das merckte ich/ vnd als derwe-
gen man einsmals waidlich zechte/ vnnd
der Wein jhm das Hirn allerdings einge-
nommen hatte/ fing er an mich zu vexiren/ vñ
wegen meiner kleinen Perſon/ zu verſpotten/
vnnd ſagte/ daß der Bapſt im werck vnd vor-
habens were/ die kleine Maͤndl zu lauter Pul-
uerflaſchen zu brauchen/ das empfandt ich/
nam einen Strick/ kroche heimlich vnder den
Tiſch/ band jhm den Fuß an den Seſſel/ vnd
an Tiſch: Folgendts beſtellte ich durch mei-
ner Geſellen einen/ daß er vnuerſehens herein
zu der Tafel lieffe vnnd ſchrye: Jhꝛ Herꝛen/ es
brint/ es brint: deſſen erſchracken die Gaͤſt/
ſprangen vom Tiſch auff/ vnnd wolte ein jeg-
licher der erſt beym Fewr ſeyn: Mein ſchoͤner
Engellaͤnder aber fiel ſampt dem Seſſel vber
vnnd vber/ zohe den Tiſch nach ſich/ vnnd be-
ſchaͤdigte ſich dermaſſen im Geſicht/ daß er
vberall ein lauters Blut war. Nun hatte auch
mein Herꝛ der Geſandt einen groſſen ſtarcken
ſehr ſchwartzen Mohꝛen/ der diente in der Ku-
chel/ denſelben beſtellte ich/ daß er mit einer
Hellebarten vnuerſehens auff jhne zu lieff/
vnd ſich ſtelte/ als wolte er jhne erſtechen: deſ-
ſen erſchrack der Engellender noch mehr/ ver-
meinte/ daß es der Teuffel waͤre/ lieff derwe-
gen vor jhm auff ſeine Knye nider/ vnd ſprach
mit auffgehabenen Haͤnden: O ſancte Dia-
bole, miſerere mei, O heiliger Teuffel/
erbarme dich meiner. Seyther derſelben zeit
kam diſer Engellaͤnder nimmer zum eſſen.
Noch einen andern vngeſchmackigen taͤg-
lichen Gaſt oder Schmarotzer hatte der Ge-
ſandt/ der war ein Aduocat vnd beyder rechten
Doctor/ ſpilte jmmerdar mit meinem Herꝛn/
vnd gewann jhm vil Gelts ab/ der fragte mich
einsmals vber Tiſch/ was doch die vrſach
were/ daß ich ſo glat vmbs Maul were/ vnnd
daß mir der Bart nicht wachſe? Jch aber
fragte jhne hingegen/ was doch die Vrſach
were/ daß er auffm Kopff ſo kahl were? (dann
er war kahlkoͤpffig/ vnnd hatte die Frantzoſen
etliche mal gehabt) Er ward ſchamrot/ vnnd
wuſte nicht was er darzu ſolte ſagen: Jch aber
halff jm vñ ſpꝛach: Domine Doctor, calui-
tium non eſt vitiũ, ſed probitatis indiciũ,
ſi morbus gallicus nõ fuit initium. Weil
ich auch vernommen/ daß ſein Fraw bulte/ ſo
fragte ich jhne noch ferꝛner vnnd ſprach: Herꝛ
Doctor/ weil jhꝛ hochgelehꝛt ſeyt/ ſo ſagt mir/
an was fuͤr einem Ort deß Menſchlichen
Leibs die Haut am aller harteſten ſeye? Der
Doctor lachet vnd ſagte/ daß ers je nit wiſſe/
aber wofern ichs wiſſe/ ſo moͤchte ers gern von
mir vernemmen. Da antwoꝛtet ich vñ ſpꝛach:
Ewre Haut iſt nirgents dicker vnd groͤber/ als
eben voꝛnen an der Stirn/ dann ob ſchon ew-
re Fraw euch allbereit vil Jahr lang die Hoͤr-
ner auffgeſetzt/ ſo haben ſie doch niemaln
wachſen woͤllen/ welches dann ein zeichen iſt/
daß die Haut an demſelben Ort (nemblich an
der Stirn) ſehr hart iſt. Der Doctor lachte/
aber zum eſſen kam er nimmer. Diſer geſtallt
erlaidete vnnd vertrib ich meinem Herꝛn vil
Schmorotzer vnd vnuerſchambte freſſer.
Guſman verlaͤſt den Dienſt der
Frantzoͤſiſchen Bottſchafft/ zeucht
auß Rom/ vnd wirdt be-
raubt.
DAs Leben bey der Frantzoͤſiſchen
Bottſchafft gefil mir nicht/ dann ich
hatte einen ſchlechten nutz vnnd ge-
winn/ aber vil muͤhe vnnd gefahr bey jhm.
Dann nit allein war ich ſein Schalcksnarꝛ
vnd Brillenreiſſer/ ſondern auch ſein Kupler/
vnnd brachte jhm vil ſchoͤne zarte Fraͤwlein
zuwegen/ darbey aber hatte bißweilen auch ich
vnnd andere gute Geſellen vnſern theil/ dann
man machts keinem anderſt/ die groſſe Herꝛn
muͤſſen ſich auch bißweilẽ narꝛen laſſen. Eins-
mals als er an einem Sontag etliche Schrei-
ben auß Franckreich empfangen/ vnnd beym
Bapſt audientz haben ſolte/ ging ich im Ca-
pitolio ſpatzieren/ vnnd ſahe von vngefahr
zween junge Spanier: Wir erkennten als-
bald einander am Angeſicht/ vnnd ſie rede-
ten mich in Spaniſcher Sprach an: Deſ-
ſen frewete ich mich/ ſamb hette ich zween
Engel angetroffen: Wir erzehlten eman-
der vnſere Gelegenheit vnnd Zuſtaͤndt/
ich vermerckte auch/ daß ſie wegen jhrer
Vnruhe jhr Vatterlandt verlaſſen/ im Ni-
derlaͤndiſchen Krieg gedient/ mit gefahr jhres
Lebens entloffen/ vnd voꝛhabens waͤren Rom
zu verlaſſen/ derwegen vergliche ich mich mit
jhnen/ daß wir mit einander fort ziehen wol-
ten: Aber doch bate ich ſie/ daß ſie doch mit
mir vor meines Herꝛn Loſament vber gehen
ſolten/ dann ich woͤlle meinen Wanderbuͤnd-
tel/ darin ein bar Hembder vnnd Kraͤß/ zu mir
nemmen: Ja (ſagten ſie) gar gern/ aber
ſchaw/ daß du ſonſten noch etwas anders vnd
beſſers zu wegen vnd mit bringen moͤgeſt: Jch
folgte jhrem Rath/ verfuͤgte mich in meines
Herꝛn Hofmeiſters Loſament/ vnnd ſahe/ daß
er ſich fertig machte/ mit dem Geſandten gen
Hof zu gehen/ weil auch er mich jederzeit lieb
gehabt/ vñ wol wuſte/ daß mir zu trawen war/
ſo ſprach er zu mir: Du Guſmaͤndl/ ich muß
dem Geſandten auffwarten/ derwegen ver-
bleibe du hie im Loſament/ vnnd ſchaw fleiſſig
auff/ damit niemand frembder herein komme/
oder etwas verlohren werde: Jch antwortet:
gar gern wil ichs thun/ kein frembder ſol euch
etwas beruͤhren.
Alsbaldt er hin war/ fiſchte ich ſeine beſte
Kleider/ Hoſen/ Wambes/ Maͤntel vñ Hemb-
der/ wicklet ſie in ein Leylach/ als waͤre es
ein kotiges gewandt/ kam zu meinem geſellen/
ſuchte das Statt Tohr auff Neapolis zu/ vnd
theileten die Kleider in drey vnderſchidliche
Buͤndtel/ damit wir deſto leichter vnnd ge-
ſchwinder gehen vnnd fort kommen moͤchten.
Wie nun wir drey Meil wegs fort geloffen
waren/ vnnd in ein gehuͤltz kamen/ entſchloſ-
ſen wir vns daſelbſt vber nacht zu verbleiben/
wir aſſen vnd trancken was wir bey vns hat-
ten/ erzehlten einander/ wie es vns jederzeit vñ
aller orten ergangen war/ vnnd machten ver-
trewliche Bruͤderſchafft. Letztlichen legten
wir vns nider zum ſchlaffen. Sie ſtelten ſich
als waͤren ſie ſehr muͤd vnd ſchlaͤfferig/ vnnd
entſchlieffen vor mir: Derwegẽ thate ich auch
dergleichen/ vnd entſchlieff ohn alle ſoꝛgen:
Jn wehrendem meinem beſten ſchlaff aber/
ſtunden ſie fein huͤbſchlich vnnd ſtill auff/ na-
men jhren
meiſter entfrembde Kleider vnd ſachen zu ſich/
vnd lieffen darmit daruon. Deß Moꝛgens
fruͤe erwachte ich/ ſahe mich hin vnnd wider
vmb/ vnnd rieff meinen Mitgeſellen/ aber ich
kondte keinen ſehen noch erſchreyen/ dann ſie
hatten ſich allbereit vnſichtbar gemacht: Jch
ſuchte meinen Buͤndtel hin vnnd wider/ aber
fand nirgents nichts: Jch erſchrack vnnd ge-
dachte/ daß es villeicht ein Traum waͤre: doch
ſahe ich/ daß es wahr war: Es war mir gleich-
wol leyd/ aber doch ſprach ich ſampt dem Job:
Nackent bin ich geboren worden/ vnd nackent
befindt ich mich: Jch gedachte auch an das
Epheu Jonæ/ welches in einer einigen Nacht
gewachſen/ vnd in der andern verdorꝛt. Nun
wolan/ ich ging meinen weg foꝛt/ troͤſtete mich
ſelbſt mit allerhandt gedancken/ allermaſſen
die jenigen thun/ welche alles verſpilt/ oder ei-
nen Schiffbruch auffm Meer erlitten hatten/
ich gedacht auch an diſe meine falſche Bruͤder
vnd Freunde/ vnnd was geſtallt der ein Dieb
den andern beſtohlen. Mein beſter troſt vnd
gluͤck war/ daß ſie mir nit auch das
Leben genommen hat-
ten.
Guſman trifft einen Jtalieniſchen
Grafen an/ erlangt dienſt bey jhm/
vnd erzehlt allerhandt artliche
Schnacken.
JN oberzehlter meiner ſo groſſen Me-
lancoley/ Vngluͤck vnnd Trawrigkeit
erſahe ich einẽ groſſen hauffen volcks/
welches gen Neapolis raiſte/ Darunder war
nun ein Graf von Mirandola, zu dem-
ſelben geſellete ich mich/ vnnd lieff allzeit
neben ſeinem Pferdt/ damit er vrſach hette
mich anzureden/ vnnd mit mir zu diſcur-
riren: Jch hielt jhm den Stegreiff wann er
wolte abſteigen/ vnd gab jhm etliche Blumen
die ich auffm weeg abbrache: Derwegen ver-
ſtundt er mich/ vnnd fragte wo ich hin wolte?
ich antwortet: gen Neapolis: Er begerte zu
wiſſen/ von wannen ich waͤre/ vnd womit ich
mich ernehꝛte? Jch antwoꝛtet jm vermuͤg mei-
nes gewoͤnlichen ſtyli, dann nit allzeit ſol man
die waꝛheit ſagen/ damit nicht mehꝛ ſchadẽ/ als
nutz drauß erfolge/ ein jegklicher iſt ſchuldig
ſein Ehr zuerhalten. Als wir zu der Herberg
kamen/ ſprach er zu mir: Guſman, raſte ein
wenig/ vnd laſſe dir zueſſen geben/ ich wil fuͤr
dich außzahlen: Diſe ſtimm klingte vil liebli-
cher in meinen Ohren/ dann die Harpffe Or-
phæi. Diſe frewd wehrte aber nit lang/ dann
ich ſahe zwen Betler vorm Wirts hauß ligen/
die kennten mich/ vnd redeten mich an/ das ſa-
he der Graf vnnd fragte mich/ was ich fuͤr
kundtſchafft mit Bettlern hette? Jch erſchrack
ſchaͤmte mich von Hertzen vnd ſprach: Herꝛ/
zu Rom ſeind ſie jmmer dar voꝛ meines Herꝛn
deß Cardinals Thuͤr gelegen: Er aber fing
an zuzweiffeln/ vnd fragte mich noch ferner:
weil du beym Cardinal gedient haſt/ wie biſtu
dann ſo arm vnd zerriſſen von jhm kommen?
da war ich geſchwindt mit noch einer andern
Lugen beſchoſſen/ vnd ſprach: Weil mein Herꝛ
der Cardinal mich ſehr lieb hatte/ ſo warẽ mir
alle andere Diener feindt/ derwegen beſoꝛgte
ich mich/ daß ſie mich einsmahls in vngnad
bey jhm bringen moͤchten: Das verurſachte
mich nun/ vrlaub von jhm zunemmen/ vnnd
weil ich zu Rom etliche Wochenlang dienſt-
loß vmbzohe/ ſo hab ich meine Kleider vnd ge-
wandt theils verkauffen/ vnnd theils verpfen-
den muͤſſen. Der Graf glaubte mirs: Die
Tiſch wurden gedeckt vnd die Speiſen ange-
richt: Jch ſtelte mich/ als wolte ich zu Tiſch
dienen vnd auffwarten/ aber mein Herꝛ hieß
mich nider ſitzen/ vnd ſetzte mir ein Schuͤſſel
mit Fleiſch fuͤr: Die aß ich dermaſſen luſtig
vnnd geſchwind auß/ daß mein Herꝛ zu mir
ſagte: haſtu es ſchon gar? einen guten Hun-
ger haſtu mitbracht. Jch antwoꝛtet vñ ſprach:
Herꝛ/ wir Colerici haben diſe eigenſchafft/
das wir alle vnſere ſachen geſchwindt verrich-
ten/ mein Magen iſt der maſſen redlich im ver-
dewen/ daß ers wenig achtet/ was zwiſchen
den Zaͤhnen beſchicht/ derwegen ſchicke ich
jhm die Speiſen bißweilen halb vnd dermaſ-
ſen gekewt zu/ daß ich ſie am dritten tag herna-
cher wider herauß werffen kondte/ allermaſſen
wie der Waalfiſch den Jonam außgeſpyen.
Deſſen lachte mein Herꝛ von Hertzen/ vñ ſetzte
mir noch zwo Schuͤſſeln mit Speiſen fuͤr: die
expedirte ich eben ſo geſchwindt als die er-
ſten/ derwegen vergliche er mich etlichen be-
ruͤmbten Freſſern/ nem̃lich dem Claudio, Al-
bino, vnd dem Mileſiſchen Aſtidama, wel-
che alles allein fraſſen/ was fuͤr die Gaͤſt zube-
reit war: Vom Camble Koͤnig in Lidia ſag-
te er auch/ daß derſelb dermaſſen gefraͤſſig ge-
weſt/ daß er einsmals beym Nachtmal
ſein Weib gefreſſen: Jch ließ gleichwol mei-
nen Herꝛn reden/ vnnd vil andere dergleichen
Exempel der Freſſern allegiren/ aber doch
fraß ich darneben wie ein Wolff/ vnnd erleu-
terte alle Schuͤſſeln dermaſſen/ daß ein vnnot-
turfft war ſie abzuſpuͤlen oder anderſt zu rai-
nigen. Das verdroſſe aber die andere Diener
vnnd ſahen mich ſawr vnnd vnwirſch an:
Da gedachte ich alsbald bey mir ſelbſt: wol-
an Guſman/ mache dich gefaſt/ du muſt durch
die Spieß rennen/ vnnd vil contradictio-
nes vnd widerwertigkeiten außſtehen: Aber
doch ließ ich mich gegen jhnen nicht mercken/
ſonder demuͤtigte mich/ als vil mir muͤglich
war. Nun ward die Rechnung gemacht/ der
Wirth nam ſein Gelt ein/ vnnd mein Herꝛ
machte ſich wider auffn weeg: Jch lieff all-
zeit neben jhm her/ vnd wartete jhm vil fleiſſi-
ger auff/ denn ein Hundt.
Vnder wegs ſprach er: Guſman/ erzehle
vns etwas kurtzweiliges/ damit vns der weg
deſto kuͤrtzer werde/ dann weil du ein Spa-
nier biſt/ ſo haſtu ohne zweiffel die Welt
geſehen vnnd wol etwas erfahren. Jch ent-
ſchuldigte mich gleich wol/ daß ich nit vil wuͤ-
ſte zu ſagen/ ſeytemal ich noch jung vñ vil juͤn-
ger auß Hiſpanien gezogen war/ aber doch er-
botte ich mich/ dz jenig von Hiſpanien zu mel-
den/ was ich wuͤſte. Hiſpanien (ſprach ich) iſt
ein Kron der Welt/ ein Haupt der Waffen/
ein compendium der gelehrtheit/ ein ſubtil-
heit der ingenien, ein monarchia der maͤch-
tigen/ ein Saͤul der Kirchen/ ein Beſchuͤtzung
der religion/ vnd hat keinẽ ſuperiorẽ oder O-
berherꝛn. Der Koͤnig in Hiſpanien iſt der aller
groͤſt Monarch der Welt/ auf deſſen Achſſeln
ſich die Chriſtenheit lainet/ deſſen Kron die
zwo Welten begreiffet/ deſſen Wapen die zwẽ
Poli ſehen/ deſſen Adler vnd gulden Fluͤß alle
grandezẽ vbertreffen. Jn Reichthum̃en iſt er
der groͤſt/ vnnd der allermaͤchtigſt Herꝛ vnder
der Sonnen/ er ſauget die guldine Bruͤſt der
Orientaliſchen vñ Occidentaliſchen Jndien:
Alle Nationes vnnd Voͤlcker verehren den
Spanniſchen namen/ jederman verwundert
ſich vber der Spanier Thaten/ Monarchi-
am vnd triumphen: niemandt darff ſich ge-
gen jhnen competiren vnd ſetzen.
Wann wir die beruͤmbte Spaniſche Hel-
den/ welche ſeyt der zeit der vnuͤberwindlichen
Gotten gelebt/ betrachten/ ſo wirdt man ſehen
wie offt ſie die gewaltige Statt Rom er-
ſchreckt/ vnd alle andere Voͤlcker bezwungen.
Cantabro Pelayo hat mit wenig Volcks
gantz Hiſpanien wider erobert/ Koͤnig Bam-
ba hat den anfang der Chriſtlichen Religion
vnd der Policey in Hiſpanien gemacht: Fer-
dinandus Gonzales war der erſt Herꝛ in
Caſtillia, von deſſen Lini die Koͤnige in Hi-
ſpanien herkommen. Bernardus del Carpio
hat die zwoͤlff pares in Franckreich erſchreckt
vnd die Schlacht zu Ronzes Valles vnſterb-
lich gemacht. Rodrigo de Viuar der Cid ge-
nannt/ hat vil Koͤpff der Mohren in Af-
frica vnd Hiſpania fuͤr ſeine Fuͤß ligen ſehen.
Der vnuͤberwindtliche Don Iayme de A-
ragon iſt wegen ſeiner herꝛlichen Thaten ge-
nennt worden der Vberwinder. Was ſoll ich
auch ſagen von dem gewaltigen vnnd vber-
windtlichen Koͤnig Ferdinand vnd Jſabella
von Aragon/ vnnd von jhrem Hauptmann
Gonzalo Hernandez de Aguilar vnnd
Cordua, vor deſſen namen ſich das Koͤnig-
reich Neapolis vnnd Franckreich pflegte zu-
entſetzen? Hat nicht der allermaͤchtigſt Keyſer
Carl durch das bloſſe gereuſch vnd ſchwingen
ſeiner Fluͤgel/ die Tuͤrckiſche macht voꝛ Wien
vertriben? Hat er nit Niderlandt vnd Franck-
reich entſetzt vnd erzittert? Hat nit ſein Sohn
Philippus die Frantzoͤſiſche macht gedempfft
vnnd jhren Koͤnig gefaͤngklich vberkommen?
Hat nit Don Iohan d’ Auſtria ſein Bruder
deß Tuͤrcken macht auffm Meer erlegt/ vnnd
die Niderlaͤnder vor Namur ſcheutzlich ge-
butzt? Was hat nicht Don Aluaro Bazan
Marggraf zum heiligen Creutz in Portugal
vnd Terzera gethan? deß Ferdinandi Cor-
teſij herꝛliche Thaten ſeind mehꝛ zu verwun-
dern/ denn zu erzehlen: Wie auch deß Don
Fernan-
Fernando de Toledo, von deſſen herꝛlichen
Siegen vnd Triumphen Portugal/ Nider:
vnd Hochteutſchlandt gnug haben zu reden.
Hierauff antwortet der Graf vnd ſpꝛach:
Du Guſman/ lobeſt dein Hiſpanien waid-
lich/ aber es laͤſt ſich anſehen/ als habeſt du nit
geſehen die ding/ dern ſich andere nationes
vñ Voͤlcker beruͤhmen. Sag aber mir/ wo ha-
ſtu diſe ding erfahren? haſtu villeicht etwas
ſtudiert? Jch antwortet/ daß mich meine El-
tern von zarter jugend auff/ hatten zur ſchulen
gehalten/ vnd daß ich etliche Hiſtoꝛibuͤcher ge-
leſen. Folgends fragte er mich/ wz ich von den
Laſtern der Spanier hielte? dann (ſprach er)
gemeinlich ſeind die Spanier ſtoltz/ hoffertig/
vbermuͤtig/ auffgeblaſen/ ignoranten, vnnd
woͤllen alleſampt Caualleri ſein/ ꝛc. Darauff
antwortet ich vnd ſprach: Die Spanier ſeind
nit hoffertig/ ſonder haben gemeinlich ein ho-
hes großmuͤtiges Hertz vnd gemuͤt/ vnd daſſel-
be waͤchſt bey jhnen vmb ſo vil deſto mehꝛ/ vm̃
wie vil mehꝛ ſie mercken/ daß ſie andern nati-
onen voꝛ gezogen werden wegen jrer dapfern
vñ ritterlichen thaten. Ob derwegen ſchon ſie
nit alle Adelichen Geſchlechts ſeind/ jedoch
wann ſie in frembde Landt kommen/ ſo ſuchen
vnd bewerben ſie ſich vmb den Adel durch das
Kriegsweſen/ dann nur der jenig Soldat iſt
edel/ der edle thaten verꝛichtet.
Beſehe man jhre Thaten in Niderland/ ſo
wird man bekennen muͤſſen/ daß ſie deß Adels
wol wuͤrdig. Vñ ob ſchon etliche ſtoltze vnder
jnen gefunden woꝛden/ ſo haben doch alle vnd
jede andere rechtſchaffene vñ beſcheidene ſpa-
niſche Soldaten deſſen nit zu entgelten. Mein
Herꝛ aber fil mir in die red/ vnd ſagte: Du biſt
halt auch ein Spanier/ derwegen lobſtu deine
Landtsleuth/ vnangeſehen ich alzeit ſagen hab
hoͤꝛen/ daß in Hiſpanien nit vil Roß/ aber vn-
endlich vil Eſel verhanden/ dannenhero we-
nig Caualleri, aber vil Aſinini oder Eſel-
leut gefunden werden. Darauff antwoꝛtet ich
vnnd ſprach: Gnediger Herꝛ/ die Eſel ſeind
nit zu verachten/ dann ich bin auch eins mals
ein Eſel geweſt/ vnd hab jren dienſt vnd Ampt
mit tragen allerhand buͤrden/ verꝛichten helf-
ſen. Es hat auch mit den Eſeln vnd der Eſell-
ſchafft eben die meinung/ welche es hat mit dẽ
Signo-
Signori vnd Signorie, dann wie die Signo-
ria oder herꝛlichkeit von menigklichen gelobt/
verlangt vnd verwundert wirdt/ hergegen die
Herꝛn gemeinglich veracht vnd geflogen wer-
den/ (dann niemandt hat gern/ daß jhm ſein
Herꝛ auff der Hauben ſitze) alſo werden die
Eſel veracht/ aber die Eſelſchafft wirdt hoch
geacht/ vnd iſt dem Menſchen gleichfoͤrmig/
vnd nah verwandt. Dann als die Welt an-
fangs erſchaffen war/ vnnd alle Thier dem
Menſchen vnderthaͤnig gemacht wurden/ iſt
gleichwol vom Eſel kein einige meldung be-
ſchehen/ ohne zweiffel darumb/ allweil man
zweiffelte/ ob der Menſch vber den Eſel/ oder
der Eſel vber den Menſchen herꝛſchen wuͤrde/
von wegen ſeines verſtandts vnd ſonderbarer
Tugenden vnd Hochheiten/ dann erſtlich iſt
ein Eſel wuͤrdig woꝛden/ den Engel GOttes
zu ſehen/ vnd die Menſchliche Sprach zu re-
den/ welches aber keinem einigẽ andern Thier
jemals verguͤnſtigt iſt worden/ wie zu ſehen iſt
im alten Teſtament. So gar hat vnſer Erloͤ-
ſer ſelbſt ſeinen triumphierlichen Einritt ni
halten wollen auff einem Cauallo vnd ſchoͤ-
nen Pferdt/ ſonder auff einem Eſel: deßglei-
chen leſen wir von keinem einigen heiligen
Einſidler/ daß er in der Wuͤſte oder Einoͤde
ein Pferdt hette bey ſich gehabt/ ſonder ſie ha-
ben ſich allzeit mit Eſeln bedient.
Am andern beſtehet die Guͤte deß Eſels in
ſeiner demut/ dann weil diſes holdſelige Thier
begert von mennigklichen geliebt zu werden/
ſo erzeigt es ſich gegen jederman demuͤtig/ an-
nemblich vnd dienſtbar. Er fragt auch nichts
nach koͤſtlicher zierd/ oder ſtattlichen waaren/
ſonder er laͤſt ſich beladen mit den allerſchlim-
ſten dingen vnd vnreinigkeiten/ er leydet vnd
geduldet alle ſchmach vnd ſchlaͤg/ die man jm
zufuͤget/ vnd iſt darneben nutzlich zu brauchen
im Krieg/ dañ ob ſchon er von Natur nit krie-
geriſch noch hitzig/ ſonder kalt vnnd fridſamb
iſt/ ſo iſt er doch darneben langſamb/ vnd die-
ſelbe langſambkeit iſt nit allzeit ſchaͤdlich im
Kriegsweſen/ ſonder vilmals ein vrſach deß
erhaltenen Siegs geweſt/ wie zu ſehen iſt am
Fabio Maximo, qui cunctando reſtituit
rem. Vnangeſehen auch die Eſel im Krieg
oder in der Schlacht nit feindtlich ſpringen
vnd lauffen/ ſo erzeigen ſie doch ein ſonder-
bare erſchroͤcklichkeit. Als Darius die Sci-
thier bekriegte/ vnnd ſehr vil Eſel bey ſich hat-
te/ forchteten ſich die Scitiſche Pferdt jhren
Feindt anzugreiffen/ dermaſſen erſchroͤcklich
war das ſchreyen der Eſein Darij: Er
eroberte auch letztlichen durch diſes mittel
die Schlacht. Eben diſes widerfuhr im
Krieg/ welchen die Rieſen wider die Goͤt-
ter fuͤhrten/ dann als man ſehr hefftig wi-
der einander ſtritte/ kam gleichwol Silenus
ſambt vilen Satyribus vnnd Syluanis/ ſaſ-
ſen auff den Roſſen der Eſeln/ vnnd hetten
ſchier den kurtzeſten theil gezogen vnnd auß
dem Himmel weichen muͤſſen/ wofern jhre
Eſel nit geweſt waͤren/ dann als die Eſel
die ſo groſſe erſchroͤckliche Maͤnner vnd Rie-
ſen ſahen/ fingen ſie an dermaſſen zu ſchreyen/
das es alle Lufft durchklang vnnd alle Berg
erziterten. Es brachte auch diſe Stimm
ein ſolche Forcht vnder den Rieſen/ daß ſie
die Flucht namen: Eben diſer vrſachen
halben haben die Goͤtter den Eſel zu einem
Zeichen in Himmel geſetzt. Wir wiſſen/ daß
jener ſtarcke Samſon ſeine Feinde nit vber-
winden hat koͤnnen/ ohne huͤlff deß Kinba-
ckens diſes edlen Thiers/ dann mit demſelben
erſchlug er vil tauſent ſeiner feinde.
Ferꝛner haben nicht allein die alten darfuͤr
gehalten/ daß die Eſel dem Menſchlichen
Leben ſehr nutzlich vnnd dienſtlich ſeyen/
ſonder auch ſo gar zu diſen vnſern zeiten wer-
den ſie dermaſſen in Ehren gehalten/ daß/
wann man etwan einen Menſchen einen E-
ſel nennen will/ man allzeit das Wort Meſ-
ſier aſino, oder Herꝛ Eſel/ brauchet: Wann
auch einer einen groͤtzel gehen laͤſt/
ein grobianiſch ſaͤwiſch Stuͤckel brauchet/
vnnd man jhm ſagt: bon por vous fa
Signor Porco, alsdann gibt jhm derſelb
zur antwort vnnd ſpricht: beſo las manos
Meſſier aſino: diſer geſtallt ehret man ein-
ander. Dermaſſen hoch vnnd ehrwuͤrdig
iſt vor zeiten der nam eines Eſels geweſt/
daß ſo gar die edliſte Roͤmer ſich nach
jhm die Aſinii genennt/ wie zu ſehen iſt
an dem Aſinio Pollione, Aſinio Tro-
illo, Aſinio Celere vnnd andern. Stra-
bo
bo bezeuget/ daß etliche Staͤtt vnd Jnſeln im
Adriatiſchen Meer Aſinæ genennt worden:
Fuͤrwar/ gluͤckſelig vnnd abermal gluͤckſelig
ſeind geweſt diſe Ort/ ſeytemal jhꝛe Jnwoh-
ner Eſel geweſt.
Nit weniger ſeind die Eſel lobwuͤrdig we-
gen jhꝛer weißheit/ welche vil groͤſſer bey jhnen
iſt/ weder bey allen andern Thieren/ vnnd diſe
Weißheit haben ſie ohne zweiffel durch jhre
Melancoliam/ in deme nem̃lich ſie jmmerdar
mit nider hangendem Kopff gehen/ gleichſam̃
theten ſie nichts anders/ als allzeit gedencken/
ſpeculiren/ dichten vnd trachten/ jn maſſen alle
melancolici zu thun pflegen. Alle hohe vnd
ſpitzfindige Maͤnner haben eben diſe Natur
an jhnen gehabt/ vnnd Ariſtoteles erzehlt die
vrſach. Gleichwol machen die Gelehrten ei-
nen vnderſchidt zwiſchen der melancolia,
vnnd ſagen/ daß die eine kalt ſeye/ auch kalte/
faule vnnd grobe Leuth mache: Noch ein an-
dere melancolia iſt dermaſſen hitzig vnnd
heißſiedent/ daß ſie die Menſchen naͤrꝛiſch vñ
vnſinnig machet. Noch ein andere iſt maͤſſig/
vnd theils kalt/ theils warm/ vnd dieſelbe ma-
chet die Leuth weiſe vnd ſpitzfindig/ die ſpitz-
findigkeit der Eſeln aber erſcheint auß deme/
daß ſie gleichſamb Propheten vnd verkuͤnder
deß guten vnd boͤſen Wetteꝛs ſeind/ dañ wann
ſie deß Morgens fruͤ laut ſchreyen/ vnnd mit
den Fuͤſſen ſcharꝛen/ iſt ſolches ein zeichen ei-
nes guten Wetters/ wann aber ſie langſamb
vnnd faul herein gehen/ alsdann wehets oder
regnets gern.
Man vermeint/ daß die Eſel/ woferꝛn ſie
nur gute vnnd rechtſchaffene Meiſter hetten/
in vilen kuͤnſtlichen dingen koͤndten vnderwi-
ſen vnnd abgericht werden/ nemblich in den
ſtudiis vnd auff Lautenſchlagen/ deßgieichen
im muſiciren/ dann damit einer ein guter mu-
ſicant ſey/ werden zwey ding darzu erfordert/
nemblich ein gutes Gehoͤr/ vnd ein gute ſtim̃:
vnd eben diſe zwey requiſita vnd eygenſchaf-
ten hat der Eſel in ſuperlatiuo gradu vnnd
außbuͤndig/ dann kein einiges anders Thier/
ja die Talpæ oder Maulwirff ſelbſt/ vber trift
den Eſel im Gehoͤr/ vnnd derwegen hat er ſo
ſchoͤne lange Ohren. Als Apollo mit dem
Marſia Satiro in die wett muſiciren wolte/
beſtellte er den Koͤnig Midam zu einen arbi-
trum oder Schidtsrichter/ weil aber Midas
ein vngeſchickter grober Koͤnig war/ vnnd
wider den Apollinem erkennte vnnd vrtheil-
te/ ſo ſetzte Apollo jhm lange Eſelsohren an/
zum zeichen vnnd gedaͤchtnuß/ daß er hin-
fuͤran ein deſto beſſere gelegenheit haben ſol-
te/ die muſicaliſche Jnſtrumenten vnnd to-
nos deſto beſſer von einander zu vnderſchei-
den. Gleichwol ſagen andere/ daß durch
deß Koͤnigs Midæ lange Eſelsohren nichts
anders bedeut wirdt/ als daß etliche Koͤni-
ge vnnd Fuͤrſten ſich/ wie die Eſel/ von jh-
ren Schmaichlern vnnd Vnderthauen bey
den Ohren lupffen/ vnd dermaſſen vmbziehen
vñ narꝛen laſſen/ dz dieſelbigen keinen ſchnal-
ler vmb jre Gebott geben. Was aber die ſtim̃
deß Eſels belangt/ iſt dieſelbe dermaſſen hell vñ
klar/ daß ſie vber ein halbe meil wegs gar wol
gehoͤrt werden kan/ vnd derwegen treflich wol
in die Orgel taugt.
Vber oberzehltes alles hat der Eſel die tu-
gendt der arbeitſeligkeit/ vnnd iſt allen Hof-
leuthen ein Spiegel vnd Exempel der gedult
vnnd vnuerdroſſenheit/ dann wie der Eſel
den gantzen Taglang hart vnnd ſtreng ar-
beitet/ vnnd nicht außſetzet noch auch nach-
laͤſt/ biß er nider faͤllt vnnd verrecket/ vnnd
doch darneben nur mit ein wenig Stroh
fuͤr gut nimbt/ Alſo haben die Hofleuth
von jugendt auff/ biß in jhrem hohen Al-
ter/ harte vnnd ſtrenge Dienſt/ vnnd ſonder-
lich die jenigen/ welche die Feder fuͤhren/ vnnd
die geheimnuß der Koͤnige vnder Haͤnden ha-
ben/ derwegen werden ſolche Leuth der Fuͤr-
ſten Eſeltrager genennet/ ſie muͤſſen auch
bißweilen mit einem buͤſchlen Stroh fuͤr gut
nemmen/ wann andere muthwillige Roß vnd
Schwetzer den Habern freſſen/ Wie auch
der Eſel einfeltig/ nicht begirig/ eygenwitzig/
noch auch ein Vollſauffer/ Schwaͤtzer vnd
Verꝛaͤther iſt/ vnd nit deſto weniger bißweiln
vbel tractirt vnnd gepruͤgelt wirdt/ alſo ob
ſchon die Hofleuth ſchlecht/ recht/ fromb/
auffrecht/ redlich/ ſtill vnnd verſchwigen ſein/
ſo vberkommen ſie doch bißweilen letztli-
chen den Eſelslohn: Weil (ſag ich) ſie wie
die Polſterhuͤndlein den Wadel nicht ruͤh-
ren/ fuchsſchwaͤntzlen/ vnnd ſich inſinuiren
vnnd zudaͤppiſch machen koͤnnen/ ſonder wie
der Eſel Eſopi/ mit den groben Fuͤſſen der
Warheit/ auff die Herꝛn ſpringen/ ſo werden
ſie mit Bruͤglen der Vngnad abgedanckt/ vñ
eben diſes iſt auch mir beſchehen/ dann weil
ich meinem vorigen Herꝛn dem Cardinal vnd
der Frantzoͤſiſchen Boitſchafft bißweilen die
Warheit zu verſtehen gab/ ſo wurden ſie mir
feind/ vnd gaben mit den Sack.
Beſchließlichen wie man allerley Eſel ha-
ben muß/ nem̃lich groſſe/ kleine/ mittelmaͤſſige
wilde vnnd zaͤme/ ja gehoͤrnte Eſel ſindt man
in Jndien/ alſo vñ ebner geſtalt werden in den
rebus publicis vnd Landen/ oder an den Hoͤ-
fen der Fuͤrſten allerley dergleichen Perſonen
Eſeliſche Perſonen erfoꝛdert/ welche mit den
oberzehlten guten qualiteten vñ eygenſchaf-
ten geziert vnnd verſehen ſein muͤſſen/ dann
ſonſten wirdts jnen ergehen/ wie jenem vnbe-
ſonnenen ſtoltzen Eſel Eſopi/ welcher mehr
zu ſcheinen vnd zu ſein begerte/ weder er war/
derwegen ſich mit einer Loͤwenhaut bedeckte/
vnd in ſolcher geſtalt vnder den andern Thie-
ren erſchine/ in meinung/ daß man jne durch
diſes mittel fuͤrchten/ vnnd vor jhm entſetzen/
auch letztlichen jhrer aller Herꝛ werden wuͤr-
de: Aber die andere Thier waren nit ſo gar
thierlich vnd beſtialiſch/ daß ſie den betrug di-
ſes verkleidten Eſels nit verſtunden/ derwegen
wiſchten ſie alle vber jhne her/ zohen jhm die
Loͤwenhaut ab/ vnnd tractirten jhne wie einen
Eſel dermaſſen/ daß er keinen luſt mehꝛ hatte/
ſich zu verkleiden. Wer derwegen mit der E-
felshaut vberzogen/ vnd in der Haut ein Eſel
iſt/ der ſchaͤme ſich nit/ einer genennt zu wer-
den/ dann wie ein Eſel/ ein Eſel iſt vnd bleibt/
auch ſchwerlich in einen Caual verkehrt kan
werden/ vnangeſehen man jhm den Zaum/
Sattel/ Zierd vnd Woldrappa eines Pferds
auflegt/ alſo ſehẽ wir/ daß/ ob ſchon ein Bawr/
Handtwercksman oder Kauffman/ oder
Schreiber noch ſo vil Gelts vnnd Guts ero-
bert/ vnd die Zierd vnd das Kleynod deß Adels
erlanget/ er doch ſein vorige grobitet vnnd
vnartigkeit jederzeit behelt: Aber ob ſchon
dem allem alſo/ ſo woͤllen doch vil geboꝛne
Eſel keine ſein/ ſonder legen ein Loͤwen haut
oder Fuchshaut/ oder Schafhaut an/ das iſt/
ſie ziehen mit groſſen dicken Leibern/ mit lan-
gen Baͤrthen vnd grauitetiſchen Sitten auf/
ſtellen ſich/ als waͤren ſie Loͤwen/ dapffere/ herꝛ-
liche vnd fuͤrtreffliche Maͤnner/ woͤllen von
allerhand ſachen diſcurriren, oder die Staͤtt
vnd Laͤnder regieren/ aber vnuerſehens laſſen
ſie jhre Eſelsohren vnd vngeſchicklichkeit her-
fuͤr kucken/ vnd beſtehen mit ſpott vnnd ſchan-
den. Weil dann die Menſchen ein ſo groſſe
conformitet, vergleichnuß vnd correſpon-
denz mit den Eſeln haben/ vnd wir ſchir auff
einerley weiß genaturt ſeind/ ſo haben wir nit
vrſach vns jhrer ſo ſehꝛ zu ſchaͤmen/ noch auch
vns zu erzuͤrnen/ wann man vns Eſelleuth
nennet/ vnd den ſchoͤnen Tittel Meſſier Aſi-
no gibt.
Guſman redet ferꝛner von der
Ignorantz.
AVff diſen meinen diſcurs’ gab der
Herr Graf kein andere antwort/ als
allein/ daß er mich fragte/ was dem Men-
ſchen beſſer anſtuͤnde/ die aſinitet vnnd E-
ſellſchafft/ oder die Jgnorantz? Jch ant-
wortet vnnd ſprach: Gnediger Herꝛ/ ich bin
gleichwol noch jung vnnd vngelehrt/ aber
doch will ich euch gern ſagen/ was ich von
der Jgnorantz halte/ daß nemblich ſie eben ſo
loͤblich vnnd nutzlich iſt/ als die aſinitet: Vil
beſſer iſt ſie/ denn die gelehrtheit/ dann wann
die gelehrtheit nit beglait wird mit der from̃-
keit (jnmaſſen gemeingklich beſchicht) als dañ
iſt ſie vil ſchaͤdlicher/ denn nutzlich: derwegen
ſagt Cicero/ dz die eloquentz in der Hand ei-
nes boͤſen Menſchẽ/ gleich ſeye einem ſchwerdt
in der hand eines vnſiñigen Narꝛen/ vnd eben
diſer vrſachen halben ſeind die Rectores vnd
Oratores vilmals auß Rom vertriben vñ auf
ewig verwiſen worden. Die gelehꝛten Poeten
ſeind gemeinglich eytel/ veꝛlogen vñ ſchmeich-
ler. Ein Poet iſt gleich einem Gartner/
der jmmerdar in ſeinem Mundt die Blu-
men/ Zweig/ klare vnnd friſche Waſſer/
Roſen/ Violen vnd dergleichen ding fuͤhret/
aber in ſeinem eygnen Garten niemaln einige
frucht abbricht/ bißweilen transformiret et
ſich in einen verdorbenen Jubilirer/ der mit
Corallen/ Hiacinten/ Chꝛiſtall/ Topat/ Dia-
manten/ ꝛc. vmbgehet/ aber an ſeinen Fingern
ſihet man niemaln einen: Dannenhero iſt ein
ſolche Kunſt eytel/ ſeytemal kein feucht oder
nutz drauß erfolget/ vnd iſt vil beſſer/ daß einer
kein Poet ſeye/ weder daß er naͤrꝛiſch oder be-
ſeſſen waͤre. Die Logici machen ſich mit jh-
ren Syllogiſmis mauſig vnd vnnuͤtz/ vnd ver-
wirꝛen die Warheit: Die Arithmetici ver-
tieffen ſich in jhrer algebra dermaſſen/ daß
der Compaß jhr es verſtandts allerdings ver-
ruckt wirdt: Es verurſachet vnd machet auch
diſe Kunſt ſpitzfindige Rechner/ Wucherer/
falſche Kramer/ Kauflenth vnd Banckerotti-
rer. Derwegen ſagte Plato, daß diſe Kunſt
durch die boͤſe Geiſter erfunden worden/ vnd
Licurgus hat ſie gar verbotten. Die Geo-
metria diſtrahirt die Menſchen dermaſſen/
daß ſie nicht wiſſen/ ob ſie lebendig oder todt
ſeyen/ vnd gleichſam̃ den vnſinnigen gleich ſe-
hen. Was kan verwirꝛters ſeyn/ als eben die
quadratur deß circuli? Die Aſtrologia iſt
ſchir ein lauters Lugenwerck/ vnnd erfuͤllt mit
allerhand eyteln imaginationen, einbildun-
gen vnd meinungen der Aſtrologorum vnd
contemplanten, welche nichts anders thun/
als Sterngucken/ gen Himmel ſchawen/ vnd
mit jhꝛem blechenem verſtandt die geheimnuß
der zukuͤnfftigen dingen außmeſſen/ wiſſen vñ
weiſſagen/ O wie vil beſſer aber vnnd annem-
licher iſt Gott dem Herꝛn ein gute vñ beſchei-
dene ignorantz, deñ ein ſolche ſchaͤdliche ge-
lehꝛtheit der Aſtrologorum. Derwegen iſt
kein wunder/ daß Keyſer Domitianus alle
Mathematicos vnd die jenigen/ welche man
Philoſophos nennet/ auß Rom vertriben/
dann in deme ſie jmmerdar die Geheimnuß
der Natur vermeſſentlich ſuchen/ von der
zeit/ vom vacuo, infinito vnnd ſummo bo-
no diſputiren, ſo verlieren ſie dardurch jhre
zeit/ vnnd werden laͤr am verſtandt/ vnnd vn-
gluͤckſelig.
Die Legiſten oder Iuriſten ſeind bißwei-
len erfuͤlt mit widerwertigkeit/ meinungen vñ
jrꝛthumben/ ſeind authores vnd patroni der
controuerſien vnnd feindtſchaffter/ ſeind
verderber der Witwen vnnd Waiſen/ ja
die allerbeſten Juriſten ſeindt bißweilen die
aͤrgiſte Chriſten: dermaſſen ſtoltz/ hoffertig/
vnd auff geblaſen werden die Gelehrten zu zei-
ten/ daß ſchier niemandt mit jhnen außkom̃en
kan/ ein ſchlimmer Bachant, Baccalaureus
oder Orator machet ſich ſo gar mauſig/ daß
er vermeinet/ daß jm ein jeglicher weichẽ muͤſ-
ſe: Wann ein Legiſt nur die paragraphos
mit vilen falſchen cautelis allegiren kan/
vermeinet er/ daß er vnnd ſein Fraw in den
Gaſtereyen oben an ſitzen/ vnnd in dem ge-
hen allzeit die præminentz haben muͤſſe. Je-
ner Sophiſt Diogenes war dermaſſen ſtoltz/
dz er ſich nit allein nit bewegte/ als Alexander
der groß jhne gruͤſte/ ſonder auch jhne hinweg
ſchaffte/ damit er nit voꝛ jhm ſtehen vnnd den
ſchatten der Sonnen benemmen ſolte.
Hierauß erſcheint nun/ daß die ſo groſſe ge-
lehꝛheit nichts anders iſt/ als ein tribulati-
on, vnruhe vnnd reiſſung deß Kopffs/ ja ein
verderbung deß Leibs vnnd der Seelen/ aber
die Jgnorantz iſt ein jmmerwehꝛende vnd ſuͤſ-
ſe ruhe des Geiſtes.
Diſes hat Keyſer Licinius wol verſtanden
die gelehrtheit veracht/ vnd die Gelehrten ver-
jagt/ deßgleichen thate auch Keyſer Valenti-
nianus/ nach jhrem Exempel thuns auch biß-
weiln die Potentaten/ Herꝛen vnnd Edel-
leuth/ dann gemeinlich ſeind ſie mit der Edlen
Jgnorantz gezierdt/ vnnd ſie ſelbſt zieren vnd
lieben auch die Jgnoranten vilmehr/ denn dir
Gelehrten vnd Weiſen/ vnd zwar nit vnbil-
lich/ dann was kan jhnen ſpoͤttlicher ſeyn/ als
wann man von einem Koͤnig/ Fuͤrſten oder
groſſen Herꝛen ſagt/ daß er ein gelehrter Magi-
ſter geweſt/ oder Buͤcher cõponirt/ oder ein
diſputirer geweſt? Kein Fuͤrſt ſoll ſo hoch
gelehrt ſeyn/ daß er Ketzereyen ſtifften koͤnne
Das haben ohne zweiffel die Alten wol ver-
ſtanden/ vnd derwegen veroꝛdnet/ daß auf den
hohen Stifften/ ſonderlich im Teutſchland/
keine Thumherꝛn/ ſo Doctores/ ſonder nur
die Edelleuth zu Biſchoffe erwehlt werden.
Beſchließlichen iſt die Jgnorantz vil ſiche-
rer/ weder die Gelehrtheit/ dann wer vil kan/
den gehet vil an/ weil die Gelehrten vil wiſ-
ſen vnnd verſtehen/ ſo muͤſſen ſie vil verant-
woꝛten/ vñ jhꝛ von Gott empfangenes talent
verꝛechnen/ wer vil hat empfangen/ von dem-
ſelben wirdt vil gefordert werden: Weil ſie die
Geſetz/ Gebott vnd willen Gottes gewuͤſt vñ
verſtanden/ vnd aber ſie nit vollzogen haben/
ſo werden ſie vil harter vnd ſchwerer geſtrafft
werden/ denn die ignoranten vnnd einfaͤlti-
gen/ ſo die ſach nit verſtanden.
Was aber das zeitliche belangt/ ſeind die
ignoranten gleichfals ſicherer/ dann lieber/
was kan gefaͤhrlicher vnd armſeliger ſein/ als
eben die jenige gelehrte fauoriten, welcht
entweder ſchlechter vrſachen halben in vn-
gnad vnnd Lebensgefahr bey jhren Koͤnigen
gerathen/ oder von andern verhaſt/ verfolgt
vnd gepeinigt werden/ oder ſonſten mit jhren
dienſten vnnd verꝛichtungen ſo vil zu ſchaffen
haben/ daß ſie durchauß kein ruhe/ troſt noch
ergetzlichkeit haben/ ſonder als Sclauen vmb-
gezogen werden/ hergegen ſihet man bißweilẽ
die Ignoranten, vngeſchickte grobe Ge-
ſellen/ vnnd Teutſche Michel vnnd Toͤlpel
zu Hof vnnd auff den Ambtern dominiren
vnnd triumphiren, &c. O heilige Jgno-
rantz/ O nuͤtzliche/ O ſichere Jgnorantz/ ſelig
iſt der dich beſitzet/ vnnd wolbrauchet: Selig
iſt das Landt/ deſſen Regenten vnnd Officier
Jgnoranten ſeind/ oder welches gar keinen
magiſtrat hat/ vnd ohne Geſetz iſt/ jnmaſſen
in der newen Welt beſchehen/ alida die Jn-
wohner vil ordentlicher vnnd fridlicher leben/
denn wo vil Officier/ Doctores vnd Aduoca-
ten ſeind. Diſes hat wol verſtanden ein fuͤr-
nemmer Roͤmiſcher Rathsherꝛ zu Rom/ wel-
cher ſagte/ daß vor alten zeiten die Roͤmiſche
Rathsherꝛn einen ſehr vbel ſtinckenden A-
them hatten/ aber daß jhre Maͤgen nach By-
ſem vñ Amber deß guten Gewiſſens ſchmeck-
ten: Hergegen daß die jetzige Rathsherꝛn ei-
nen parfumterten lieblichen Athem/ aber ein
ſehr boͤſes Gewiſſen haben: Hierdurch gab er
meines erachtens zu veꝛſtehen/ daß vnſere jetzi-
ge Rathsherꝛen biß weilen den vberfluß der ge-
lehrtheit/ aber groſſen mangel an der diſcre-
tion, fuͤrſichtigkeit vnd weißheit leiden. Die
vnhoͤfligkeit/ die vnwiſſenheit/ die einfalt vnd
die vngelehrtheit wirdt gar gern begleidt mit
der innocentia vnnd vnſchuidt/ aber die cu-
rio-
rioſitet vnd ſubtilitet wird beglait mit der
Boßheit: Die demut/ foꝛcht/ gehoꝛſam vnnd
guͤtigkeit begehren ein laͤhre/ gelehrnige vnnd
demuͤtige Seel/ welche nit vil von jhr ſelbſt
preſumiret. Kein ſchaͤdlicher ding iſt auff
Erden als eben der Fuͤrwitz: Die ſoꝛg vnnd
begird ſich in der Weißheit vnnd ſcientz zu
augmentiren/ iſt geweſt der erſte fall vnnd
verderben deß Menſchlichen Geſchlechts/ ſie
iſt auch der weeg/ auff welchem man ſich ſtuͤr-
tzet in die ewige Verdamnuß. Selig vnnd a-
bermal ſelig ſeind derwegen die Jnnwohner
in Breſilia/ welche nur wegen deß hohen al-
ters ſterben/ vnnd nicht wegen deß geſunden
Luffts/ ſonder wegen der jhrer geſunden/ ruhi-
gen vnnd ohn paſſionirten Seelen ſo lang le-
ben. Dann fuͤrwar/ diſe Leuth verzehren jhr le-
ben in aller einfalt/ in der Jgnorantz/ ohne
Gelehrtheit/ ohne Geſetz/ ohne Koͤ-
nig vnnd ohne Reli-
gion.
Guſman erzehlt/ was jhm ſeines
Herꝛn Hofmeiſter fuͤr einen poſſen
geriſſen.
DEr Herꝛ Graf lachte vber diſes
mein Geſchwaͤtz/ vnd ſagte/ Guſ-
man/ du redeſt von der ſachen wie
ein Lapp/ aber auffm Weg gehets wol hin.
Jn wehrender ſolcher vnſer conuerſation
kamen wir zu der Herberg/ vnnd mein Herꝛ
befalche/ daß man mich ſolte wol tractiren/
das verdroß aber die andere Diener/ wur-
den mir neydig vnnd feindt/ vnnd legten mir
vber Tiſch nur die Bein vnd Nieren fuͤr/ ich
aber erzeigte jederzeit ein groſſe Gedult/ vnnd
gedachte an die Wort: Oſſibus & ner-
uis compegiſti me: Als auch ich mich in
einen winckel deß Hauſes (dann kein beth gab
man mir) ſchlafen gelegt/ namẽ ſie mich beym
Kopff vñ Fuͤſſen/ trugẽ mich in meines Herꝛn
Schlafkammer/ legten mich vnden bey ſeinẽ
beth nider/ vñ banden mir ein wachsliecht an
dem Fuß. Das Wachsliecht hielt ſeinen diſ-
curs, vnd vollbrachte ſeinen Lauff/ vnd als es
zu meinem Schuch vnd Fleiſch kam/ erwach-
te ich/ vnnd fing jaͤmmerlich an zu ſchreyen/
dann es traumte mir/ daß mich der Teuffel
hinweg fuͤhren wolte: Jch gedachte auch/ daß
ich allbereit in der Hoͤllen lege/ ſeytemal mein
Fuß anfing zu brinnen. Mein Herꝛ lag gleich-
fals im erſten Schlaf/ erſchrack ob meinem
geſchrey/ ſpꝛang im Hembd vom Beth/ ſchrye
vñ vermeinte/ daß es ein Geſpenſt waͤre. Vn-
ſer beyder alteration vnd ſchrecken/ vnd ſon-
derlich meines Herꝛn/ war dermaſſen groß/ dz
er gedachte zu ſterben/ man ſchickte alsbaldt
nach dem Balbirer/ der jhm zur Ader ließ vnd
mir meinen verbrenten Fuß verbandt. Er
war ſehr vbel mit den Dienern zu friden/ vnd
ſonderlich mit dem Hofmeiſter/ der deſſen al-
lein ein Anſtiffter geweſt war/ vnnd mir diſen
poſſen auß lauter neyd geriſſen/ derwegen gab
er jm als bald vrlaub/ vnangeſehen ich (gleich-
wol nur zum ſchein) ſtarck fuͤr jhne interce-
dirte vnd bate.
Folgendis ſprach er zu mir: Guſman/ du
gefelſt mir wol/ vnnd will dich fuͤr einen Die-
ner annemmen/ fuͤr einen Hofmeiſter gebrau-
chen/ vnd zu Neapolis mit Kleidern ſtaffiren.
Das empfandẽ die andere Diener noch mehꝛ/
weil ſie ſahen/ daß ein ſolcher vnbekandter
Stoͤrtzer/ vnnd vmblauffender zerꝛiſſener
Menſch jhr Hofmeiſter ward. Jch aber ward
heimlich froh/ hielt mich fuͤr den allergluͤckſe-
ligiſten Menſchen auff Erden/ fing an mei-
nen dienſt zu vertretten/ vnd wuſte mich zim-
lich in die Sach zu ſchicken/ dann ich war von
Natur demuͤtig/ hatte allbereit gelernt zu ge-
horſamen/ vnnd derwegen kondte ich deſto
beſſer ſchaffen: Darzu halff auch vil mein an-
gebornes adeliches Gemuͤth/ das ward aber
verderbt durch boͤſe geſellſchafft/ jnmaſſen voꝛ
zeiten dem Roͤmiſchen Catalina beſchehen/
dann derſelb war ſehr edel/ aber ward dermaſ-
ſer verfuͤhꝛt vnd boßhafftig/ daß er vil andere
ſeines gleichen verfuͤhꝛte/ dañ vnmuͤglich iſts/
daß einer lang tugentſamb ſein/ vnd in ſeinem
ſtandt verbleiben koͤnne/ woferꝛn er vmbgeben
iſt mit boͤſer geſellſchafft. Eſopus erzehlt/ was
geſtallt ein Kohler vnnd ein Waͤſcher ſich mit
einander verglichen/ daß ſie beyſammen woh-
nen vnd arbeiten wolten/ aber der vnbeſonne-
ne Waͤſcher erfuhꝛ im werck die gefahꝛ vnnd
vngelegenheit/ dar in er ſich geſetzt hatte/ dann
alles was er reinigte vnnd weiß machte/ das
machte der Kohler ſchwartz vnd vnrein: we-
der das edle Blut/ noch die fleiſſige erzeigung/
noch die ſorgfaͤltige vnderweiſungen vnnd er-
mahnungen/ noch die vberfluͤſſige vnderhal-
tung ſeind ſufficient vnnd gnugſamb/ das
Hertz eines Menſchen zu arbeiten/ wofern es
vmbgeben iſt mit boͤſer geſellſchafft/ vnd eben
diſes iſt auch mir widerfahren/ dann weil die
junge Leut einer zarten condition ſeind/ vnd
ein duͤnnes ringes vnd liederliches Blut habẽ/
ſo folgen ſie nur deme nach/ was ſie ſehen/ vnd
ſie vnderſcheiden das boͤſe nit von dem boͤſen:
Jhre diſcretion erſtrecket ſich noch nit ſo
weit/ daß ſie erkennen moͤgen/ was jhnen wol
oder vbel anſtehet/ vnd wer ein guter oder boͤ-
ſer Freundt ſeye/ weil auch ſie mehreꝛs lieben/
denn verſtehen/ ſo verlieben ſie ſich leichtlich
in die jenigen/ mit denen ſie vmbgehen. Aller-
dings transformiren vnd verkehren ſie ſich
in jhre Sitten/ eben diſes war mein aller groͤ-
ſter Schad/ vnnd hat verurſacht/ daß ich die
gantze zeit meines Lebens muͤhſelig vnd arm-
ſeligklich vmbgezogen.
Guſman wirdt ſtattlich wie ein
Hofmeiſter gekleidt/ vnd fahet wider-
umb an zu bue-
len.
ALs wir gen Neapolis kamen/ ließ mich
mein Herꝛ ſtattlich kleiden/ wie einem
Hofmeiſter gebuͤhret/ da wuͤnſchete
man mir gluͤck/ vnd die Diener fingen erſt an/
mich zu reſpectiren/ zu verehꝛen vnd meinen
befehlen zu gehorſamen/ gleichſamb hette mir
das Kleidt die ſufficient vnnd laugligkeit
zum Dienſt gegeben. Nit allein ward ich al-
ſo ſtattlich gekleidt/ ſonder wañ mein Herꝛ der
Graf in der Kaꝛotzen wohin außfur/ muſte ich
auff einẽ ſchoͤnen Pferdt neben jhm herreitẽ/
daß war mir nun ein groſſe ehꝛ/ vñ ich gedũck-
te mich nit wenig zu ſeyn. Einmals ſahe ich/
daß ein ſehꝛ ſchoͤne Jungfꝛaw in meines Herꝛn
Hauß mit fleiß auff mich ſahe/ die hieß la Si-
gnora Liuia: war aber meines Herꝛn ſchwe-
ſter/ vnd nit deſto weniger war ich ſo gar naͤr-
riſch vnd vermeſſen/ daß ich mir einbildete/ dz
ich jr in meinem ſchoͤnen Kleid ſo gar wol ge-
fallen/ vnd daß ſie einlieb zu mir geſetzt hatte/
derwegen fing ich gleichfals alsbald an/ mich
in ſie zu veriieben/ vnd alle meine Sinnen vnd
gedancken nur auff ſie zu ſetzen. Nur die Si-
gnora Liuia lag mir im Sinn: Sehet was
ſchoͤne Kleider vnd Gelt verurſachet: im we-
nigſten betrachtete ich meinen voꝛigen Bettel-
ſtaudt/ Bernhaͤuterey vnd Armut/ ſonder v-
berkam newe gedancken vnd hoffnungen: ich
vnderſtund mich/ mein Hertz auff ſolche Fra-
wen zu ſetzen/ die ich zuuoꝛ nit hette mit meinẽ
Augen doͤrffen anſchawen: Nit gebachte ich
an das Exempel deß verlohꝛnen Sohns/ vnd
wie vbel es jhm mit ſeiner Bulerey vnd ſchoͤ-
nen Frawen ergangen war. Als lang einer
reich vnd im guten wolſtande iſt/ laden ſich die
ſchoͤne Fraͤwlein ſelbſt zu jhm zu gaſt/ es præ-
ſentiren vnd erbieten ſich tauſent Kupler vñ
Kuplerin/ vnnd in allen Wirtshaͤuſern iſt er
willkomb/ lieb vnd angenemb/ aber wann er
arm worden/ alsdañ iſt er menigklichs ſchab-
ab. Das Roß/ darauff ich in der Statt hin
vnnd wider ſpatziren ritte/ war ſchoͤn/ ſtoltz/
vnnd hoffertig/ es beſchawte ſich ſelbſt/ vnnd
ſprang auß mutwilligkeit vñ geylheit/ aber ich
war vil ſtoͤltzer vnd hoffertiger: Taͤglich rit-
te ich zweymal ſpatzieren/ vnd hette mich gern
den gantzen Taglang auff der Gaſſen befun-
den/ nur damit man meine ſchoͤne Kleider vnd
den newen jungen Hofmeiſter ſehen ſolte.
Einsmals ſahe ich ein ſehr ſtattliche vnnd
ſchoͤne Fraw voꝛ mir hergehen/ die war begleit
von einer andern alten erbarn Frawen. Nun
fing diſe Fraw an zu ſtraucheln/ vnnd ſo gar
nider zu fallen: Villeicht wars jhr ernſt/ vil-
leicht aber nicht: Jch aber ſprang geſchwindt/
wie der Wind/ vom Pferdt herunder/ halff jr
wider auffſtehen/ vnnd ſprach auff Spaniſch
zu jhr: Weil jhr mir/ ſo bald ich euch geſehen/
mein Hertz habt geſtohlen/ ſo bitte ich/ jhꝛ woͤl-
lets gnedigklich tractiren. Sie verwunderte
ſich/ daß ſie mich hoͤrte Spaniſch reden/ vnd
ſtelte ſich/ als hette ſie ein wolgefallen dran/
darneben gab ſie mir zur antwort/ daß ſie ſich
meines dienſts vnd huͤlff nit wuͤrdig erkennte.
Jch ſetzte mich wider zu Roß/ vnnd ſie ging
heimb in jhrer Mutter Hauß: Da fing ich
an/ Schloͤſſer im Lufft zu bawen/ vnd die re-
uolution der gedancken zu empfinden. Der
jetzt bemelten wort/ die ſie zu mir geredt hatte/
kondte ich je nit vergeſſen/ vnnd ich nam dar-
bey ab/ daß ſie mir nit vnguͤnſtig waͤre.
Als ich nun wider heimb kam/ ſetzte ſich
mein Herꝛ zu Tiſch/ vnd mein Signora Li-
uia ſaß neben jhm/ die gedunckte mich aber
nimmer ſo ſchoͤn zu ſeyn/ wie das erſte mahl/
ohne zweiffel darumb/ allweil die jetztbemel-
te Fraw/ dern ich wider auffgeholffen/ mir
mein Hertz allbereit etlicher maſſen hatte ge-
ſtohlen. Nun fragte mich mein Herꝛ vber tiſch
wie mir Neapolis gefiele? Jch antwoꝛtet jm/
daß meines bedunckens in der gantzen Welt
kein ſchoͤnere/ herꝛlichere noch kurtzweiligere
Statt gefunden weiden koͤnte: Mein ſigno-
ra Liuia ſahe mich allzeit ſtarck an/ wann ich
anderſtwohin ſchawte. Dañ ich ließ mich ge-
duncken/ daß alle vnd jede Frawen ein gefallen
an mir vnd meinem weſen hatten: Aber doch
gedachte ich vilmehꝛ an die andere Fraw/ dern
Handt ich beruͤhꝛt hatte/ als ich jhꝛ wider auff
halff. Derwegen ging ich nach der Mahlzeit
hinauß ſpatzieren/ vnd erſahe ſie von ferne in
Fenſter ſtehen/ geſchwindt aber veꝛwendete ſie
jhr Angeſicht von mir ab/ deſſen betruͤbte ich
mich zum hoͤchſten/ Aber ein Magd eroͤffnete
die Haußthuͤr/ winckte mir mit den Angen/
fuͤhrte mich durch zwo Gaſſen/ vnnd gab mir
zu verſtehen/ was geſtalt jhꝛe Jungfraw gern
geſehen hett/ daß ich den voꝛigen Abendt we-
re zu jhꝛ kommen/ weiles aber nit beſchehen/
ſo ſolte ich doch in der Nacht vmb zwoͤlff vhr
kommen/ vnnd auß dem Fenſter mit jhr
reden: Deſſen frewte ich mich zum hoͤchſten
vnnd ſchenckte jhr alsbald ein bar Ducaten
wegen der guten Bottſchafft. Jch vergaß
der benennten zeit nit/ kein Schlaf fandt ſtatt
in meinen Augen/ ein jeglich ſtundt gedunck-
te mich 100. Jahꝛlang zu ſeyn. Meines Herꝛn
Hauß war gleichwol verſperꝛet/ aber ich
ſtieg zum Fenſter hinauß/ verfuͤgte mich
zum Hauſe vnd Fenſter meiner Jungfrawen/
das ſtundt gleichwol offen/ vnd ſahe ein Liecht
brinnen/ aber darneben hoͤrte ich ein ſtarckes
greinen/ dann die alte Fraw zanckete ſich mit
jrer Tochter/ leydt war mirs/ daß die alte noch
auff war/ vnd ſich noch nicht ſchlaffen gelegt
hatte/ dann ich muſte deſto laͤnger herauſſen
auff der Gaſſen warten/ vnnd gefahr außſte-
hen. Letztlichen kam die Magd zum Fenſter/
vnnd ſprach zu mir: Herꝛ/ es gibt diſe Nacht
nit gelegenheit mit der Jungfrawen zu reden/
dann ſie hat geſtern ein koͤſtlich Kleynod ver-
lohren/ vnd jhre Mutter hats heut bey jhr ge-
mengelt/ vñ iſt ſehꝛ vbel zu friden. Da gedach-
te ich gleichwol/ daß ſolches nur ein Betrug
ſein moͤchte/ jnmaſſen mir dergleichen Poͤß-
lein zu Toledo widerfahren war/ aber doch
weil die Buler blindt ſeindt/ vnnd ich meines
Herꝛn Beutel hatte/ ſo gab ich jhꝛ zur antwoꝛt/
daß ſie ſich deßwegen nicht kummern/ ſon-
dern ſehen ſolte/ daß ich mit der Jungkfrawen
reden moͤchte/ es muſte entweder das Kleynod
wider gefunden/ oder ein anders erkaufft wer-
den. Die Magd hieß mich warten/ vnd baldt
hernacher kam die Jungkfraw Lelia, redete
gantz lieblich mit mir/ vnd ließ doch benebens
etlich hertzliche ſeufftzer gehen/ wegen jres ver-
lohrnen Kleynods: Darneben ließ ſie ſich
auch mercken/ daß ich jhr nit vbel gefiel/ vnnd
daß ſie mich alsbald anfangs als ſie mich erſe-
hen/ lieb gewunnen/ zumaln weil ich ein Spa-
nier/ vnd ohne zweifel eines guten Adelichen
Geſchlechts waͤre. Jn ſumma/ verurtheilt
ward ich/ das Kleynod zu zahlen/ welches ſie
ſagte/ daß ſie es vorgeſtern/ als ich ſie auff der
Gaſſen angetroffen/ verlohren hatte/ vnnd v-
ber 80. Ducaten werth geweſt ſein ſolte/ dann
ſie ſagte/ daß es ein guldiner Papagey/ vnnd
mit etlichen ſchoͤnen Rubinen vnd Diaman-
ten verſetzt geweſt/ derwegen jre Mutter ſtarck
mit jhr gegrinen/ vnnd der gaͤntzlichen mey-
nung waͤre/ daß eben der jenig Mann/ der jhr
auff der Gaſſen wider auffgeholffen/ jhrs ge-
nommen: Dardurch gab nun die Jungkfraw
zu verſtehen/ daß/ ob ſchon ich jhꝛs nit genom-
men/ ich doch der jenig ſein ſolte/ der jhꝛs wi-
der geben vnd ein anders kauffen ſolte. Nun
verglichen wir vns dahin/ daß ich in der an-
dern Nacht vñ zu eben derſelben ſtundt widet
kommen/ 80. Ducaten mit mir bringen/ vnd
daß es an einem Strickel gebunden/ vnd zum
Fenſter hinauff gezogen werden ſolte. Dar-
mit gingen wir damals von einander/ vnnd
ich war eben ſo froh/ als hette ich beyde Jn-
dien erfunden: Die gantze Welt wolte ich
nit darfuͤr genommen haben/ daß ich Nea-
polis nit geſehen hette.
Nunmehr O guͤnſtiger Leſer/ befandt ich
mich in einer groſſen melancolia vnnd vn-
ruhe/ vnd doch benebens in frewden/ dann ich
gedachte auff alle mittel/ damit ich einen griff
in meines Herꝛn mir anuertrautes gelt thun
moͤchte/ damit ers nit merckte oder erfuͤhre.
Letztlichen entſchloſſe ich mich/ es anzu-
greiffen/ vnangeſehen ers erfuͤhre/ dermaſ-
ſen groß ward die Begierd/ mein Jung-
fraw Leliam zu contentiren/ dann fuͤr-
war/ die verliebte Buler gedencken nit auff
das zukuͤnfftige/ ſonder nur das gegenwerti-
ge/ dann weil ich reich war/ vnnd den Beu-
tel voller Gelts hatte/ ſo gedachte ich nur auff
die gegenwertige erluſtigungen/ vnnd im
wenigiſten machte ich mein Rechnung auffs
kuͤnfftig Jahr/ derwegen erging mirs dem
gemeinen Sprichwoꝛt nach: Wer nit ſihet
fuͤr ſich/ der findet ſich hinder ſich: oder wer
nit iſt Fuͤrſichtig/ der wirdt hinderſichtig.
Mit groſſem verlangen erwartete ich die
andere Nacht/ zuuoꝛ aber wickelte ich 80.
Kronen in ein ſtarnitzel/ legte ſie in einen
ſeydenen beutel fuͤr den verlohꝛnen Papagey/
welcher mich gedunckte/ das er zu mir ſagte:
como eſtas loco cautiuo? das iſt: Gefan-
gener Narꝛ/ wie ſtehts/ vnd wie gehts dir?
Nun wolan/ in der beſtim̃ten nacht ſandt
ich mein Nympham im Fenſter ligen vñ auf
mich warten: Jch gab jhꝛ zu verſtehen/ daß ſie
ein Baͤndel oder ſtrickel herunder laſſen ſolte:
Aber ſie war allbereit darmit gefaſt/ vnnd
zohe darmit den Beutel mit Gelt zu ſich
hinauff/ dann nach demſelben hatte ſie zwei-
fels ohne/ ein vil groͤſſers verlangen/ weder
nach meiner Perſon: Sie erzeigte mir auch
groſſe zeichen der Lieb/ vnd ſagte/ daß wofern
es in jhrer macht ſtuͤnde/ ſie mich in derſelben
Nacht zu jhꝛ einlaſſen wolte/ aber doch woͤlle
ſie auff alle muͤgliche mittel vnnd weg geden-
cken/ daß es ehiſtens beſchehe: Jn ſumma/ ſie
erfuͤllte mir beyde Wangen mit Windt/ den
verſtandt mit vnrichtigkeit/ vnnd den willen
mit guten hoffnungen/ jnmaſſen der Weiber
eygenſchafft iſt/ daß ſie die einfaͤltige Buler
aͤffen/ bezaubern/ vnd alslang der Beutel voll
iſt/ darin niſten/ aber wann er laͤr iſt worden/
ſie verlaſſen/ vnnd ſampt den Schwalben ge-
gen der Winterzeit ein anders Loſament oder
Herberg ſuchen: Jn derſelben Nacht vnd nah
beym Tag/ kam ich wider heimb in meines
Herꝛn Hauß/ legte mich nider/ vnd ſchlieff biß
vber acht: das ward nun meinem Herꝛn ge-
ſagt/ derſelb lehrte ſein Schweſter die Jungk-
fraw Liuiam an/ daß ſie mich vber Tiſch
fragte vnnd ſprach: Herꝛ Hofmeiſter/ iſts in
Hiſpanien auch der gebrauch/ daß man deß
Morgens nicht fruͤ auffſtehet? Jch antwortet
vnd ſprach: der gleichen Geſellen/ wie ich bin/
vnd welche jhrem Herꝛn auff den dienſt haben
zu warten/ ſtehet das lange ſchlaffen nit wol/
an/ aber die Herꝛen vnd Frawen haben im ge-
brauch/ daß ſie auß dem Tag ein Nacht/ vnd
auß der Nacht einen Tag machen/ daß auch
ſie der Soñen die Fenſter verſperꝛen/ vnd ſich
mit dem Liecht vnd ſchein deß Mohns behelf-
fen/ aber ich habs nit mit willen/ ſonder auß
noth gethan/ dann ich hab mich in der vergan-
genen Nacht vbel auff befunden. Die Jung-
fraw vnnd jhr Bruder mein Herꝛ winckten
einander/ vnd gaben dardurch zu verſtehen/ dz
ſie von meinen Woꝛten nit vil hielten. Jch a-
ber nam 100. Kronen von meines Herꝛn gelt
zu mir/ in meinung/ ſie meiner Jungkfrawen
zu ſchencken: Als derwegen ich zu jhrer Be-
hauſung kam/ lag ſie im Fenſter/ vnnd ſagte
mir/ daß ſie auf mittel vnd weg gedaͤchte mich
einzulaſſen: Jch glaubte es/ vnd ſagte jhr/ daß
ſie ein Schnur herunder laſſen ſolte: daran
band ich den Beutel mit 100. Kronen. Als-
bald ſie diß Gelt vberkom̃en/ gedachte ſie vil-
leicht/ daß an mir nit vil mehꝛ zu rupffen war/
oder villeicht hatte ſie allbereit etwan einẽ an-
dern Galan bey jhr im Hauſe/ derwegen vnd
in wehrendem vnſerm allerbeſten diſcurrirẽ
vnd vnderꝛedung/ ſprangen vier junge ſtarcke
Kerl herfuͤr mit bloſſen wehꝛen/ vñ ſtelten ſich/
als wolten ſie vber mich herwiſchen: aber ich
nam den fluͤchtigen Fuß alsbald in die Hand/
vnd es verkehrte ſich mein zarte vnd inbꝛuͤnſti-
ge Lieb in ein groſſe foꝛcht/ ſchꝛecken vñ angſt/
dañ mein Beutel war laͤr woꝛden/ vnd ich wu-
ſte je nit/ wie ich gegen meinem Herꝛn mit der
rechnung beſtehen ſolte. Nun hoͤret wie mirs
ferꝛner ergangen.
Guſman wirdt befaͤngnuſt.
SElten kompt ein Vngluͤck alleinig/
ſonder wirdt gemeingklich mit noch
andern beglaidt/ dann als ich wider zu
hauß kam/ fandt ich das Fenſter meines Loſa-
ments offen/ das gefil mir gleichwol nit/ aber
doch ſtig ich hindurch/ vñ ſahe meinen Herꝛn
ſampt vilen Dienern in meinem Zimmer
ſtehen/ dieſelbigen erſchracken an mir/
ſchryen vnnd ſprachen: Jetzt haben wir den
Dieb: ich wolte mich gleichwol entſchuldigẽ/
aber kein entſchuldigung fand ſtatt bey jhnen/
dann ſie vermeinten/ daß ich der jenig Dieb
war/ welcher kurtz daruor in meinem abweſen
durch das Fenſter geſtigen/ vnd nichts im Lo-
ſament gelaſſen hatte: Dannenhero hielt man
mich fuͤr den rechten Thaͤter/ vnd daß ich an
jetzo keiner andern vrſachẽ halben waͤre wider
hin kommen/ als noch mehr auß dem hauſe zu
entragẽ. Mein Herꝛ wolte mich nit anhoͤren/
vnd die Diener verhetzten jne wider mich/ vnd
ſagten/ daß eꝛ mir nit ſo vil trawen hette ſollen/
ſeytemal er mich nicht zuuoꝛ gekennt hatte.
Mein Herꝛ begerte Rechnung von mir/ die
gab ich jm geſchwind/ aber es gingen die 300.
Kronen ab/ die ich verbult vnd vernarꝛt hatte/
derwegen ließ er mich geſchwind auß dẽ Liecht
in die Finſternuß legen/ vnd mit einem ſteini-
gen Haͤubel vberziehen/ da gedachte ich an das
jenig/ was die Aſtrologi vñ ſternſeher meiner
Mutter geweiſſagt hatten/ dz nemblich ich vil
Muͤhe/ arbeit vnnd leibsſtraff wuͤrde außſte-
hen/ dann ob ſchon die Aſtrologia vilmals
fehlt vnnd leugt/ ſeytemal ſie ſich auff die ex-
perientz der vergangnen effecten (welche
vngewiß ſeind wegen der vngewißheit der ele-
mentiſchen diſpoſition) fundiret/ ſo pflegen
doch dergleichen Weiſſagungen bißweilen zu
zutreffen/ zumaln wann der Menſch ſich ſelbſt
zum verdeꝛben geneigt vñ befliſſen iſt/ vñ ſelbſt
ſemem vnheil nachtrachtet. Jch bate meinen
Herꝛn vmb gnad vnd verzeihung/ aber es war
alles vergebens/ ſonder man fuͤhrte mich auß
meines Herꝛn Gefaͤngknuß in die gemeine
Schachteley oder Hofgefaͤngknuß/ deſſen
ſchaͤmete ich mich zum hoͤchſten/ dann auß al-
len Gaſſen vnd Haͤuſern lieffen die Leuth her-
zu/ vnd wolten den jungen vnd ſchoͤnen Spa-
niſchen Hofmeiſter ſehen: Nichts aber ver-
droß mich ſo ſehr/ als eben daß ich vor dem Lo-
ſament der Jungkfrawen/ dern ich die 180.
Kronen angehenckt hatte/ fuͤrgefuͤhrt ward/
dann ich ſahe/ daß ſie neben jhrem Galan im
Fenſter lag/ mit Fingern auff mich zeigte vnd
meiner ſpottete.
Als ich nun in diſe Gefaͤngknuß kam/ da
fing ich an in mich ſelbſt zu gehen/ vnd meinen
elendigen Standt vnnd beuoꝛſtehende gefahr
zu erkennen/ dann nicht allein war ich meiner
freyheit beraubt/ ſonder ich hatte auch nichts
zu eſſen/ zu dem befandt ich im werck/ daß der-
gleichen gefaͤngnuß je nichts anders ſeind/ als
ein ebenbild der Hoͤllen/ dañ wañ einer bey der
Nacht hinein kompt/ ſo ſihet vnnd hoͤret man
nichts anders/ als ein ſchroͤcken der dicken
Finſternuſſen/ deß verwirꝛten ſchreyens vnnd
ruffens/ deß rauſchens der Ketten/ deß vnley-
denlichen geſtancks/ vnd deß klaͤglichen ſeuff-
tzens/ dann nur der Hepffen oder der faum der
Welt kompt daſelbſt zuſammen/ gezwungen
ward ich/ einem jeglichen in der Gefaͤngnuß
zu dienen/ vnd jhnen jhre Speiſen zu zutragen/
dardurch bekam ich bißweilen ein ſtuck Brots
vnnd einen trunck Weins: Weil man mich
auch ſechs wochenlang ligen ließ/ ſo ward mir
gerathen/ daß ich ein Supplication machen/
vnd vmb erledigung anhalten ſolte: Jch folg-
te diſem guten rath/ ſuchte Feder vñ Dinten/
vnnd ſchrib ein ſupplication: Als die ande-
re Gefangenen mein Schrifft vnd Gedicht
ſahen/ verwunderten ſie ſich/ hielten mich fuͤr
einen Gelehrten/ vnnd jederman kam zu mir/
vnnd begerte/ daß ich jhnen ſupplicationes
machen vnd ſchreiben wolte/ durch diſes mit-
tel gewann ich etliche Real/ vnd ſpickte darmit
meinen Beutel: Letzlichen erbarmte ſich
mein Herꝛ vber mich/ vnd ließ mich widerum̃
auff freyen Fuß ſtellen.
Guſman dienet widerumb fuͤr einen
Koch/ vnnd komptgen
Montſerrat.
ALsbald ich widerumb ledig worden/
begegneten mir zwen junge Spanier/
die dienten dem Koͤniglichen Statt-
halter zu Neapolis/ vnnd ſagten mir/ daß jhr
Herꝛ vorhabens waͤre/ widerum̃ in Hiſpanien
zu ziehen/ vñ daß er eines Kochs bedoͤꝛffte/ der
mit jhm reiſte: Jch gab jhnen zur antwort/
daß ich wol kochen koͤndt/ vnd vrbietig waͤre/
jhrem Herꝛn zu dienen: Sie brachten mich
zu jhm/ vnnd er empfing alsbald/ vnd hatte
ein ſo gutes gefallen an meinem reden vnnd
weſen/ daß er mich fuͤr einen Koch annam:
Sehet die vnbeſtaͤndigkeit deß Gluͤcks: zu-
vor war ich eines anſehenlichen Herꝛn Hof-
meiſter/ an jetzo aber bin ich nur ein ſchmotzi-
ger vnd rotziger Koch/ Suppenſchmidt vnnd
Abſpuͤler. Jch kehrte widerumb zu meinem
centro, wie der Fiſch zum waſſer/ vñ ſchickte
mich dermaſſen in die kocherey/ dz mein Herꝛ
der Statthalter ein ſonderbares gefallen an
mir hatte/ mich wie ſein eygnes Kindt liebte/
mir allen meinen willen ließ/ vnnd das Laſter
deß Spielens verſtattete. Meines Herꝛn
Fraw war ein Hochteutſche/ ſie hatte ein
bar Augen/ die glantzten wie zwen Stern
deß Himmels/ vnd kondten im vbrigen vergli-
chen werden dem Mohn am juͤngſtẽ Gericht/
wann er blutroth ſein wirdt: Jhre Wangen
waren wie Scharlach/ vnnd ob ſchon ſie weiß
war/ ſo hatte doch das durch den Noe erfun-
dene Laſter jhr Angeſicht/ vnnd ſonderlich die
Naſe/ mit etlichen Rubinen geziert: Sie war
auch ſehꝛ from̃ vnd guͤtig/ außgenom̃en wann
ſie nichts zu trincken hatte/ dann alslang der
Wein wehrete/ war ſie guter ding/ ſon-
ſten aber thate ſie nichts anders/ als grei-
nen/ toben vnnd wuͤten. Mein Herꝛ der
Statthalter ſchickte ſich gar fein inn jhren
humor, vnnd tranck eben ſo gern/ als ſein
Fraw: Einsmals ließ ſie ſich im Trunck
verlauten/ daß ſie Neapolis nicht gedaͤchte zu-
uerlaſſen/ ſeytemal er jhr verſprochen allda zu
verbleiben/ an jetzo aber ſehe ſie das widerſpil/
daß er nemblich ſie gedaͤchte in Spanien zu-
fuͤhren/ dahin man aber ſie lebendig nit brin-
gen werde. Mein Herꝛ lachte anfangs druͤber/
vnnd hieß ſie ſtillſchweigen/ aber ſie ſchrye je
lenger je hefftiger: derwegen wolte mein Herꝛ
verſuchen/ ob nit andere ding kraͤfftiger waͤ-
ren/ weder ſeine Wort/ derwegen hub er ſein
freundliche Hand auff/ vnd beruͤhrte ſie der-
maſſen an ein ort/ daß jhr nit allein ein Zahn
auß dem Halß gewichen/ ſondern auch zween
Brunnquellen auß jhrem holdſeligen Mund
entſprangen/ der erſt war blutroth/ vnnd war
ein gerechter Menſchlicher Safft vnd roſen-
farbes Blut/ der ander aber war ein allbereit
verderbter blaicher Rebenſafft/ deſſen ſie vber
Tiſch vil zu vil getruncken hatte/ dann der ge-
brauch iſt an vilen orten/ daß die zuͤchtige Fra-
wen eben ſo trewhertziglich trincken vnnd be-
ſchaid thun/ als die Maͤnner: Mein Fraw
aber erzuͤrnete ſich/ ergrimte wie ein Loͤwin/
vnnd wolte meinen Herꝛn mit einem Meſſer
erſtechen/ aber ich vnd meine Mitgeſellen ver-
hindertens/ lieſſen jhre Wunden verbinden
vnnd fuͤhrtens ins Beth. Deß andern Tags
hernacher wuſte ſie ſchier nichts vmb diſen
verloffenen handel/ aber doch kennte man ſie
an den Mahlzeichen/ die ſie im Angeſicht hat-
te/ deſſen ſchaͤmte ſie ſich etlicher maſſen/ nit ſo
ſehꝛ wegen deſſen/ dz ſie voll vnd truncken ge-
weſt/ (dann die Voͤllerey iſt in Teutſchlandt
weder den Maͤnnern noch den Weibern kein
ſchandt) ſonder daß jhr Herꝛ ſie geſchlagen
hatte/ dann daß die gemeine Burgers-vnnd
Handtwercksleut jhꝛe Weiber bißweilen mit
den Haͤnden vmbziehen/ vnd ſie mit den Fin-
gern kaͤmplen/ das iſt nichts newes/ dann man
ſagt/ daß das Fingerkraut/ wañ es ſtarck auffn
Kopff gelegt wirdt/ ſehꝛ gut ſeye fuͤr der Wei-
ber boßheit vnd vnhaͤußlichkeit: Deßgleichen
haben die Maulbeer ein groſſe krafft/ die boͤſe
Launen vnd humorn der Weiber zu vertrei-
ben: Aber mit den ſtattlichen Frawen hats
kein ſolche meinung/ dann wann ſie von jhꝛen
Maͤnnern geſchlagen werden/ ſo klagen ſie es
jhren Befreunden/ dieſelbige nemen ſich als-
dann jhꝛer an/ vñ wirt derwegen bißweilen ein
Blutbad drauß: jnmaſſen auch allhie beſche-
hen waͤre/ woferꝛn mein Herꝛ der Statthalter
nit der weiſeſt vnd geſcheideſt geweſt waͤre/ vñ
fich ſelbſt fein freundlich vñ lieblich mit ſeiner
Frawẽ verglichen vñ vereinbart hette. O wie
ein groſſe gedult muß ein ſolcher Mañ haben/
der ein ſolches vnhaͤußliches veꝛſoffenes Metz-
lein vberkom̃t/ dañ vxor iſt entweder ein tutũ
refugium, oder ein pœnale tormentum.
Der beſtim̃te tag meines Herꝛn verꝛeiſens
in Hiſpanien kam herbey/ weil dann ich auff
der Galern gehoͤrt hatte/ daß ſich vil Leuth zu
vnſer L. Frawen zu Montſerrat verloben/ vñ
ich nit weit von dannen war/ ſo bate ich meinẽ
Herꝛn vmb erlaubnuß dorthin zu gehen/ der
wolte mir aber nit erlauben/ derwegẽ nam ich
mir ſelber erlaubnuß/ in hoffnung/ daß mir in
Hiſpanien kein gelegenheit ermangeln wuͤrdt
mich zu vnderhalten vnd zu ernehrn. Jch ſtig
auff den Berg Montſerrat/ ſahe vil wunder-
werck vnd ein vnendlichs ab vnd zu gehendes
andechtiges volck/ vnd hoͤrte predig.
Guſman wirdt durch einen Ein-
ſiedler zu Montſerrat erinnert/ von ſeinem
liderlichen Leben abzuſtehen/ vnd ſich zu den
ſtudiis zu begeben/ ſo beſchehen/ vnd er
vier junger Herꝛn Pœdagogus
worden.
NAch angehoͤrter Predig/ beſuchte ich
etliche Einſtedler zu Montſerrat/ vñ
kam zu einem/ der war mein Landts-
man ein Spanier/ vnd ein ſehr feiner vnd ge-
lehrter Man/ vnd nach dem ich jm den gautzẽ
verlauff vnd verſtandt meines Lebens entdeckt
vñ erzehlt hatte/ ſprach er zu mir/ mein Sohn/
ich ſihe/ daß du auf dem weg deß todts vñ ver-
derbens biſt/ vnd wenig gedenckeſt an die woꝛt
deß weiſen Manns: Memento Creatoris
tui in diebus iuuentutis tuæ: Jtem/ Læ-
tare adoleſcens in iuuentute tua & ſcito,
quod pro omnibus his adducet te Deus
in iudicium, als wolte er ſagen: Vor al-
len dingen gedencke an den Todt vnnd das
Gericht/ dann GOtt hat vns nit erſchaffen/
daß wir jhme im Alter/ ſonder daß wir jhm in
der gantzen zeit vnſers Lebens/ vnd ſonderlich
in der bluͤhe der Jugendt dienen ſollen/ dann
diſe blum der Jugend gebuͤrt Gott dem Herꝛn
vil billicher/ weder dem Teufel vnd der Welt/
dann omnes morimur & quaſi aquæ di-
labimur, quæ non reuertuntur: Vnſer Le-
ben iſt ein jmmerwehrender Todt/ zu demſel-
ben eylen wir/ alsbaldt wir anfahen zu leben:
Zu gleicher weiß auch wie man ſagt/ daß der
Dieb gehenckt wirdt/ wann er auffm weg iſt/
oder auff der Laiter ſtehet/ vnangeſehen er den
Strick noch nit vmb den Halß hat/ dann die
hinfuͤhrung/ das auffſteigen auff die Laiter vñ
das binden gehoͤrt alles zum hencken/ alſo vnd
ebner geſtallt wird das Leben ein Todt geneñt
allweil es zum Todt verordnet wirdt. Wie
auch der jenig Dieb naͤrꝛiſch waͤre/ welcher/
wann er zum Galgen gefuͤhꝛt wird/ vnd es fuͤr
einen Pomp vnd Pracht hielte/ daß er auff ei-
nem Wagen gefuͤhꝛt wirdt/ zwen Prieſter bey
jhm ſitzen hat/ vnnd ein groſſe ſchaar Volcks
zu Roß vnd zu Fuß hinden vnd voꝛ jhm gehen
hette/ Alſo ſeind die jenigen Chriſten lauter
Narꝛen/ welche nicht gedencken/ daß alles was
vns allhie geſchicht/ Jnſtrumenta deß Todts
ſeind/ dann die Kleyder ſeind gleichſamb ſym-
bola vnd zeichen deß Todts/ banden vnd fuß-
eyſen der Dieben: Die Speiß fuͤhret vns zum
Todt wie ein Wagen: Vnſere Kinder/ das
iſt/ der Leib ſambt deſſen vier Elementen tra-
gen vns ins Grab: Keins wegs kan der Todt
deß Leibs geflohen vnnd entgangen werden/
dann er iſt vnſer Trabant vñ Schoͤrgant/ der
vns jmmerdar mit ſeiner Lantzen ſticht vnnd
verwundet/ aber du ſey fuͤrſichtig vnd entflie-
he dem wahren Todt der Seelen/ welches als-
dann beſchicht/ wann du dein Leben beſſeren/
bekehren/ vnnd durch gute Werck/ vermittelſt
deß leiblichen Todts/ gehen wirſt ins wahre
Leben. Deß Morgens fruͤ gedenck/ daß du
villeicht den Abendt nit wirſt erꝛaichen: Vnd
zu Abends gedenck/ dz du villeicht in der nacht
werdeſt ſterben/ jnmaſſen taͤglich vilen andern
beſchicht: Wann du außgeheſt/ ſo gedenck
daß du villeicht nit wider heimb kommen wer-
deſt/ wann auch du etwas anfahen oder thun
wilſt/ alsdann gedenck/ daß du es vor GOtt
dem Herꝛn wirſt muͤſſen verantworten.
Folgendts rieth mir der Einſidler/ daß ich
mein herꝛliches vnd ſchoͤnes ingenium beſſer
als bißher beſchehen/ vnd zwar zu den ſtudiis
verwenden vnnd anlegen ſolte: Jch folgte ſei-
nem rath/ vnd verfuͤgte mich gen Alcala/ vnd
als ich nah zũ Collegio Vniuerſitatis kam/
ſahe ich ſechs Studenten/ die gingen hinein/
vnd wurden gantz freundlich empfangen: Jch
folgte jnen nach/ vnd veꝛmeinte gleichfals hin-
ein zu gehen/ aber man ſchlug mir die Thuͤr
vor der Naſen zu/ dann ſie ſahen mich fuͤr einẽ
ſchmotzigen Koch vnd Kuchelratzen an: weil
ich dañ ſahe/ daß mein vnflaͤtiges Kleid ſchul-
dig dran war/ ſo fing ich an Lateiniſch mit jh-
nen zu reden: Da fuͤhrten ſie mich in das ge-
meine Loſament/ vnd erbotten ſich aller guten
befuͤrderung. Als nun wir zu Tiſch ſitzen ſol-
ten/ wolte niemandt bey mir ſitzen/ von wegen
meines vnflaͤtigen Gewandts: derwegen ſetz-
te ich mich an ein anders ſchlechters Ort
auff die Banck: Jederman murꝛete vnnd ver-
wunderte ſich/ daß man einen ſolchen vbel ge-
kleidten vnd nach der Kuchel ſtinckenden Ge-
ſellen herein gelaſſen/ vñ zu andern feinen an-
ſehenlichen Studenten ſetzen vñ geſellen wol-
te: Letztlichen kam der Regens darzu/ vnd
fragte mich/ ob ich auch einen Studenten ge-
daͤchte abzugeben? Er fragte mich/ warumb
ich dann kein Studenten Kleid an hatte? Jch
aber antwortet vnnd ſprach: Zu Rom hab
ich die Lateiniſche vnnd Griechiſche gram-
maticam vnd die Rhetoricam gehoͤꝛt/ vñ ob
ich ſchon nit ſo excellens vnd fuͤrtreflich bin/
wie Demades vnd Demoſthenes, vñ jenem
Koch Demoſtheni, (welcher ſich vnder-
ſtundt ſeinen Loͤffel außzuziehen/ als der heilig
Baſilius vnd Keyſer Valens von der Arꝛia-
niſchen Ketzerey mit einander diſputirten/
vnnd derwegen Baſilius zu jhm ſagte:
Vidimus ſine literis Demoſthenem.)
gleich ſihe/ ſo bin ich doch villeicht inwen-
dig etwas beſſers beſchaffen/ als außwen-
dig/ villeicht ſteckt auch vnder diſem mei-
nem boͤſen Mantel ein feines Latein: Die
Liebhaber der ſcientzen ſollen nicht auff die
bloſſe Kleider ſehen/ quia corporis habi-
tum
tum contemnit Philoſophus: Die Tu-
genden ſeind die wahre Kleyder/ ſo den Men-
ſchen ehren vnnd zieren/ derwegen ſpricht E-
phraim: Dum veſtem audis nuptialem,
ne de veſtimentis, quibus induimur, id
exiſtimes, ſed de bonis operibus. Vnnd
Origenes ſpricht: Ornamentum tibi eſt
vnaquæque virtus. Nit ohne iſts/ daß Ro-
diginius ſpricht: Quod ſi prætenuem
nimiſq; vilem affectaueris veſtitum ſpe-
ctaculo & riſui eris inimicis: vel etiam
vt extreme pauper, inops, & paſſim con-
temptibilis fies: Deßgleichen ſagt der hei-
lig Hieronymus in tractatu de vitando
ſuſpecto contubernio, daß die Kleyder ein
anzeig ſeyen deſſen/ was im Hertzen ſteckt/ vnd
ein zeichen der Ehr/ die ein jeglicher hat/ aber
etliche Leut gedencken nit/ daß ſolches kein Ar-
gument/ ſonder nur ein indicium vnd Keñ-
zeichen iſt/ vñ dz es faͤhlen kan/ dann es iſt kein
gewiſſe demonſtratio oder Regel/ derwegen
mag ich wol gedulden/ daß man mich exami-
nire/ vnnd ſecundum rationes veras, aber
nicht ſecundum præſumptiones fallaces
iudicire.
iudicire. Jch bin ein Seuilianer/ zu S. Io-
han de Alfarche geborn/ gen Rom tranſ-
plantirt, in allen Spꝛachen erfahren/ zu Ne-
apolis purificirt/ vnd gleichwol ein Nouitz zu
Alcala/ aber ein alter in den Vniuerſiteten.
Als ſie mich diſer geſtalt Lateiniſch parlirn
hoͤrten/ verwunderten ſie ſich/ halſeten/ vmb-
fingen vnd verſahen mich mit newen ehꝛlichẽ
Kleidungen/ vnd machten mich zu einen Pœ-
dagogum vber vier junge edle Studenten.
Diſes war nun widerumb ein guter anfang
meines Heyls vnd wolſtandts/ aber mein Na-
tur war alſo beſchaffen/ daß ich meinen vnor-
denlichen appetiten folgte/ wie hernacher zu
ſehen.
Guſman wirdt ein Student/ vnd et-
licher jungen Herꝛen Præceptor, vnd bene-
bens in dem modo deß ſtudii Iuri-
dici vnderwiſen.
ALsbaldt ich obbemelter geſtallt in der
Vniuerſitet zu Alcala immatricu-
lirt worden/ vnnd der Rector mein
fuͤrtreflichs ingenium vermerckte/ vnderwi-
ſe er mich in dem modo ſtudendi iura, dann
ich zum ſtudio Iuridico am meiſten geneigt
war/ vñ ſpꝛach: Mein Son Guſman/ deß ver-
ſtaͤndlichen Menſchen natur iſt/ dz er etwz be-
gert zu wiſſen/ vñ aller ſcientzen ziel vñ end/
iſt die warheit/ vnd wer dieſelbe gefunden hat/
der hat gefunden das aller lieblichſte vnd koͤſt-
lichſte ding auff Erden/ dann ſie erſaͤttiget al-
les verlangen/ vnd ſetzet das Gemuͤth zu ruh.
Diſe Warheit aber wirdt nit erlangt oder er-
griffen durch die ſtaͤrcke deß Leibs/ ſonder
durch ratiociniren vnd ſpeculiren: die ſpe-
culirung aber erfordert ein freyheit deß Ge-
muͤths: Frey aber kanſtu nicht ſein/ woferꝛn
deine affecten vñ begierlichkeiten dich beher-
ſchen: Dann wie waͤre es muͤglich/ daß einer/
welcher dem Fraß vnnd vnkeuſchheit ergeben
iſt/ recht vñ wolſpeculire? oder daß ein Spiel-
gurꝛ oder Spitzbub der Beſtaͤndigkeit der
Warheit nachtrachte? Oder daß ein Neidt-
halß rechtſchaffen ratiocinire? oder daß ein
Zornmuͤtiger die Fußſtapffen der Gerech-
tigkeit ſehe? Oder daß ein Geitzhalß oder
Ehꝛgeitziger ſich rechtſchaffen vmb die Phi-
loſophiam (welche alle eytelkeiten verach-
tet) begebe? Dann weil die ding/ ſo einander
geſtracks zu wider ſeind/ nit beyſamen beſtehen
koͤnnen/ vnnd die Warheit keinen groͤſſern
Feindt hat/ als eben die Vnwarheit vnnd
ſchnoͤde Begierden/ ſo folgt/ daß nit muͤglich
iſt/ daß einer der mit boͤſen affecten erfuͤllt iſt/
commode vnd fuͤglich ſpeculiren vnd zu der
ſcientz der warheit gelangen koͤnne/ dann die
Warheit erfordert ein candorem, ſie haſſet
alle Falſchheit vnnd Vnlauterkeit/ ſie iſt/
frey vnd kan nicht dienen/ vnd wil mit fremb-
dem Schatten bedeckt werden: Sie frey det
ſich deß Liechts/ vnnd mag mit keinem dienſt-
barlichen/ faulen vnnd vnreinen Meyſchen
zu ſchaffen haben: Begereſt derwegen du
Guſman/ die Warheit zu erꝛaichen/ vermit-
telſt deß ſpeculirens vnnd ſtudirens/ ſo muſtu
vor allen dingen frey vnd ledig ſein von allen
boͤſen affecten vnnd dîſtractionibus, vnnd
weil ich von dir verſtanden/ daß du deinen ſiñ
auff das ſtudium Iuridicum geſetzt/ ſo mu-
ſtu alle andere ſtudia vnnd vbungen fahren
laſſen/ dañ nit wol muͤglich iſts/ daß einer den
hoͤchſten ſtaffel oder nagel der Gelehrtheit in
vnderſchidlichen facultatibus erꝛeiche vnnd
in vilfeltigen generibus præcellire vnd fuͤr-
trefflich werde: Vnius rei ſtudium totum
hominem poſcit, & vbi quiſq; intende-
rit, eius ingenium valet: Dann wie der
Magen/ welcher mit vilerhandt Speiſen v-
berladen/ vnnd in vnderſchidlichem Getranck
ſchwimmet/ nichts verdewen kan/ alſo wann
das ingenium vnd der verſtandt deß Men-
ſchen in vnderſchidlichen gedancken vnd ſor-
gen diſtrahiret iſt/ als dann verlieret es ſein
beſte Krafft: Sic ergo legibus operam da-
bis, vt nullus extraneus actus tua ſtudia
interrumpat, nulla alterius diſciplinæ li-
bido (niſi recreationis ergo) tuum inge-
nium diſtrahat: Inueniat te nox Iuriſ-
conſultorum monumentis inuigilantẽ,
diurna lux te in eiſdem lucubrãtem de-
prehendat; ita fiet, vt non modo Iaſones
aut
aut Decios æquare, ſed & ipſam Iuris lu-
cernam Bartolum excellere valeas.
Nach dem nun du diſer geſtalt deinen ſinn
vnd gemuͤt zu etwan einem gewiſſen ſtudio o-
der ſcientz ergeben haben wirdeſt/ muſtu erſt-
lich vnd vor allen dingen betrachten/ daß ein
jegliche ſcientz jhꝛe fuͤrgeſchribene ordnung
hat/ vnd daß man von den generalibus vnd
vniuerſalibus anfahen/ folgends ſucceſſiue
ad ſingula ſpecialia gehen oder ſchreiten
muͤſſe. Keins wegs ſoll man die vniuerſalia
nit wiſſen/ ſeytemal man ohne dieſelbige zu der
erkentnuß der particularium nit gelanget:
Dann was iſt das fuͤr ein arithmeticus,
der nit waiſt/ totum qualibet parte maius
eſſe & ſi à pari numero par dematur, æ-
qualem numerum remanere? Was iſts
fuͤr ein Rhetor, welcher nit weiſt/ daß dreyer-
ley genera dicendi verhanden/ nem̃lich de-
liberatiuum, demonſtratiuum vnd iudi-
ciale? Was iſts fuͤr ein Phyſicus, der da nit
weiſt/ ex nihilo nihil fieri, vniuſque gene-
rationem ex alterius corruptione dedu-
ci? Item omnium priuationem habitum
O 3præno-
prænotare? Was iſts fuͤr ein Medicus, der
nit waiſt/ contraria contrariis curaui, ex-
tremiſque morbis extrema remedia ad-
hiberi? Was iſts fuͤr ein Aſtronomus, der
nit verſteht/ ſuperiora corpora inferiorib.
dominari, maxime verò Lunam ob pro-
pinquitatẽ? Was iſts fuͤr ein Theologus,
der von der Erſchaffung der Welt vil waiſt zu
diſcurriren, aber die Krafft deß Glaubens
(welcher das fundament der Theologiæ iſt)
nit verſtehet? deßgleichen hat auch die Juriſte-
rey oder diſciplina legalis jhre rudimenta
de moribus, in quib. omnia: tum cõmu-
tatiue tũ diſtributiue iuſticiæ præcepta
cõcluduntur. Eſt enim ars boni & æqui,
per quã à malo arcemur, & ad bonũ in-
uitamur: Keiner ſoll ſo gar vnuerſchambt
ſein/ dz er ſich fuͤr einen Juriſten außgebe/ wo-
fern er jm nit nachfolgende wenige præcepta
Iuris bekannt ſeind: als nemblich:
Abſurdum intellectum ab omni diſpoſi-
tione reiiciendum.
Ab omni vi atque iniuria penitus abſti-
nendum.
Actum
Der Landtſtoͤrtzer.
Actum dubium in meliorem partem ac-
cipiendum.
Alterius factum alteri non obeſſe;
Arte non concedi quod naturaliter de-
negatur.
Autoritate propria neminem fibi ius di-
cere poſſe.
Cauendum ne reſpectu innocentis in-
nocens patiatur.
Certa pro incertis relinquenda non eſſe.
Contra ius & bonos mores conuentio-
nes hominum non valere.
Contra vim atque iniuriam licitam eſſe
defenſionem.
Cum alterius detrimento nemini con-
ſulendum.
Cum alterius iactura neminem debere
locupletari.
De minimis conſiderationem non ha-
bendam.
Æquitatem rigori præferendam.
Ex cauſa nonnunquam à communibus
regalis recedendum.
Executionẽ non faciendam iuris ordine
prætermiſſo.
O4Faci-
Der Landtſtoͤrtzer.
Facilius tolli ius ſpeciale, quam commu-
ne.
Finalem cauſam diligenter inſpiciendã.
Grauius in committendo, quam omit-
tendo delinquens.
Honorem lucro, imo etiam vitæ præfe-
rendum.
In neceſſitatibus leges non obſeruari.
In obſcuris ſecundum magis veriſimilia
iudicandum.
Leges non ex verbis ſed ex mente intel-
ligendas.
Mediam viam in perplexitatibus eligen-
dum.
Multa in conſequentiam permitti, quæ
principaliter denegantur.
Neminem multiplici onere prægrauan-
dum.
Nemini officium ſuum damno verti de-
bere.
Nemini iniuriam facere qui ſuo iure vti-
tur.
Non factum ſed faciendi cauſam inſpi-
ciendam.
Non
Der Landtſtoͤrtzer.
Non cupiditatibus ſed iuſtis affectionib.
indulgendum.
Non negligentibus ſed impotentibus’
ſuccurrendum.
Nobiliores præſumptiones ſemper in.
dubio eligendas.
Odia reſtringi, fauores ampliari debere.
Omnem actum ab agentis intentione
iudicandum.
Omne incommodum aliquo commo-
do compenſandum.
Paria delicta mutuo compenſari.
Prodeſſe alteri nemo cogitur, ſed tantũ
obeſſe vetatur.
Publica vtilitas priuatorum commodis
præferenda.
Quod nemini nocet & alicui prodeſt fa-
cile conceditur.
Quod quis in ſe approbat, in alio repro-
bare non poteſt.
Quod quiſque iuris in alium ſtatuerit, i-
pſe quoque eodem vti debet.
Rationes naturales pro legibus ample-
ctendæ.
O5Satius
Der Landtſtoͤrtzer.
Satius eſt nocentem abſoluere quam in
ſontem damnare.
Vbicunque æquitas ſuadet ſubuenien-
dum eſt.
Am andern/ muſtu nit allein die genera-
lia oder vniuerſalia Iuris wiſſen/ ſonder
auch weil ein jegkliche diſciplin, Kunſt oder
ſcientz nach erkaͤndrnuß der Warheit zie-
let/ vnnd eben diſes das einige ziel vnnd zweck
aller ſpeculanten oder Studenten ſeyn ſol-
le/ ſolche Warheit aber nicht auff opiniones
oder meinungen/ ſonder auch cauſas vnd vr-
ſachen beſtehet vnnd gegruͤndet iſt/ ſo iſt auch
die ergruͤndung der cauſarum vnnd ratio-
num ſehr notwendig: Tunc enim vnum-
quodque ſcire arbitramur, cum eius cau-
fam & principia cognoſcimus’. Por-
rò (ſprach der Rector ferꝛner) omnis ſcien-
tia duas habet præcognitiones, quid eſt,
& quia eſt: Altera ad cauſati, altera ad
cauſæ intelligentiam ſpectat: verùm
tantò dulcius eſt cauſarum notitia, qua
corum que ab his ſunt (quos effectus ap-
pellamus) quantò veritas certior ac po-
tior
tior eſt opinione. Quare Homerus: Fœ-
lix qui potuit rerum cognoſcere cauſas:
Denen/ welche die Iura profitiren, kan zu er-
langung der vollkom̃en gelertheit nichts nutz-
lichers ſein/ als eben die erforſchung der cau-
ſarum, rationum vnd vꝛſachen/ dañ ſonſten
wer incognita cauſa, oben hin vnd nachlaͤſ-
ſigklich darmit hindurch gehet/ der verlieret
zeit vnd vnkoſten/ dann was hilffts/ daß man
weiſt/ de ſolo adulterio tranſigi non poſ-
ſe, niſi & huius definitionis cauſam in-
tellexeris? Was hilffts/ daß man diſe vñ vil
vnzehlig andere dergleichen der Iurisconſul-
torum definitiones, aber nit vrſachen deren
weiſt? Plané (ſprach der Rector ferꝛner) ſi
ſic ineunda forent legalis diſciplinæ ſtu-
dia, vt circa deciſionũ atq; indiuiduorũ
cumulos dũtaxat verſarem ur, vix ad eo-
rum conſummationem vita hominis vel
longiſſima ſuppeteret: per cauſas verò
& rationes artem ingenioſe colligentib.
breue luſtrum cum Iuſtiniano ſufficere
arbitramur. O diuinam cauſarum ſcien-
tiam, quam irrefragabilem methodum
geris:
geris: Exurgant juuenes ſcientiæ cupidi,
non vltra in nudis deciſionibus torpe-
ſcant: non quid ſit intelligere ſufficit, ſed
cur ſit diligenter inquirendum eſt.
Nit allein muſtu auch die rationes vel
cauſas inueſtigiren vnnd erfoꝛſchen/ ſonder
auch die cauſas dubitationis wiſſen vñ ver-
ſtehen/ vt cauſam intelligas quæ vel con-
ſultorem vel conſultum in ea re perple-
xum reddere poteſt: quæ cauſa tanti æ-
ſtimatur vt ſine illa non modo leges in-
telligi perfecte poſſint, ſed & in multipli-
ci varioq; ſenſu ille præualeat, quem ma-
ioris dubitationis ratio commendarit.
Perquiſita dubitationis cauſa & iam bo-
na legis parte intellecta, tum cauſam de-
finitionis ſeu rationem decidendi facili-
us aſſequeris. Hæc ergo totius legis ra-
dix eſt, hæc omnem controuerſiam ſo-
pit: per hanc veritas eluceſcit, legislator
comprobatur, legentis deſiderium ex-
pletur inuenta cauſa animus acquieſcit:
cauſæ cognitio perfecta ſcientia eſt.
Ferꝛner vnd zum dritten/ weil die leges vñ
reſpon-
reſponſa prudentum, wegen jhrer menge
vnd weitlaͤufftigkeit/ nit allzeit in der gedacht-
nuß behalten werden koͤnnen/ ſo haben vnſere
Vorfahren auß dem gantzen contextu der
geſetzen etliche kurtze regulas zuſammen gezo-
gen/ jnmaſſen in den tit: Regul: juris vnnd
im Tractat/ welcher axioma iuris intitulirt
zu finden iſt. Diſe regulæ iuris ſeind den iu-
riſprudentiæ ſtudioſis ſehr nothwendig/
erſtlich weil ſie wegen jhrer kuͤrtze/ das inge-
nium delectiren, die gedaͤchtnuß im wenig-
ſten beſchwerẽ/ zu der ſcientz deſto geſchwin-
der befuͤrderen/ vnd die Zung inſonderheit e-
rudiren, dann durch die Regel vnnd ſchoͤne
formulas koͤnnen wir die concepta vnſers
gemuͤths geſchwindt vnnd zierlich exprimi-
ren: Wer aber ſolche regulas nit weiſt/ der
muß notwendig per inutiles verborum.
circuitus & inextricabiles periſſologias
vagiren, da doch es ſonſten mit zweyen wor-
ten leichtlich explicirt kan werden. Auß den
regulis werden auch die ſyllogiſmi compo-
nirt, vnd dardurch die falſchheit von der war-
heit vnderſcheiden.
Zum fuͤnfften/ nach dem du die Kunſt die
Leges zu tractiren, jhren wahren verſtandt
per rationes & cauſas zu diſcurriren, vnd
ſo wol auß den worten/ als auß dem mente
die notabiles ſententias, regulas vnd axio-
mata zu colligiren ergriffen haſt/ ſolleſtu al-
len fleiß anwendẽ/ ne alienis laboribus aut
vigiliis omnino incumbas, ſed nouas re-
gularum formulas tuo tibi ingenio ex-
cudes, quantò breuius, clarius, purius &
elegantius id fieri poterit. Eæ verò du-
plicis generis ſunt, nam aut facti ſpeciem
breuius perſtringit, idque ſummarium
vulgo appellatur; aut cauſam tantum ſeu
rationem legis ſubtiliter complectitur;
Primum quidem genus ad verba, alterũ
ad mentem refertur.
Sechſtens iſt den ſtudioſis iuris das vil-
faͤltige diſputiren ſehꝛ notwendig/ dann dar-
durch wirdt der verſtandt/ die gedaͤchtnuß/ die
geſchwindigkeit/ die kuͤnheit geſchaͤrpfft vnnd
vermehrt/ vnd die Warheit deſto beſſer erleu-
tert: Damit ſie aber diſes alles deſto gluͤck-
licher verꝛichten vnnd erlangen moͤgen/ ſo
muͤſſen ſie mit ſolchen geſellen conuerſiren
vnnd vmbgehen/ welche jhnen gleichmaͤſſig
vnd benebens fromb vnd zuͤchtig ſeind/ dann
improborum iuuenum commertio ni-
hil peſtilentius, nihilque ad virtutum
ſtudia bonorum conſuetudine præſtan-
tius inuenitur.
Vber diß vnd zum ſibenden/ muſtu wenig
vnnd taugliche authores erwehlen/ vnd die-
ſelbigen fleiſſig leſen/ nemblich den Barto-
lum, Baldum, Caſtrenſem, Alexandrum
Iaſonem vnd Ioannem ab Immola, dann
diſe ſeind die aller fuͤrtreflichſte Commenta-
riſten, folgends den Anchoranum, Roma-
num, Alexandrum vnd Decium, dann di-
ſe vier ſeind die beſte Conſiliatores.
Nit weniger ſeind dir vñ allen deines gleichẽ
ſtudenten zwey ding ſehꝛ notwendig/ nem̃lich
die loci cõmunes vñ materiarũ ſedes, dañ
durch die locos cõmunes wirdt dz ingeniũ
ſehꝛ geuͤbt/ vñ durch die ſedes materiarũ ſehr
geholfẽ. Die loci cõmunes aber ſeind nichts
anders/ als modi argumentandi, dardurch
mã deſto leichtlicher zu der warheit gelanget.
Beſchließlichen magſtu auch bißweilen die
Philoſophos, Oratores, Hiſtoriogra-
phos, Poetas vnd andere gute authores, re-
creationis gratia, vnd von kurtzweil wegẽ/ le-
ſen/ nemblich den Platonẽ, Iſocratem, Ho-
merum vnd Heſiodum: Deßgleichen den
Ciceronem, C. Cæſarẽ, Liuium, Saluſti-
um, Suetonium, Plutarchum, Plinium,
Virgilium, Horatium: Jtem den Iouium,
Pontanum, Senecam. Vor allen dingen
aber liſe die heilige Schrifft gern/ dann eytel
vnnd vergebens ſeind alle andere ſtudia, wo-
fern die pręcepta dogmatis Chriſtiani hin-
dan geſetzt werden: Vnnd die jenigen ſeind
die aller groͤſte Narꝛen/ welche in der weltli-
chen Weißheit auffgeblaſen/ ſich im Geiſt
niemaln colligiren, die erkentnuß Gottes vñ
jhꝛer ſelbſt verachten/ vnd ſich nur dem fleiſch
zu gefallen befleiſſen/ aber ſelig vnnd weiſe iſt
der jenig/ welcher ſein gantzes ſtudium fuͤr-
nemblich dahin verwendet/ daß er Gott vnnd
ſich ſelbſt recht erkennen/ wol leben/ vnd ſelig-
klich ſterben moͤchte: Has tuus ad metas ſu-
det oportet equus, dann ſonſten wirdt letzt-
lichen nur ein Eſel auß dir werden/ der mit
Buͤchern beladen iſt.
Guſman wirdt noch ferꝛner vnder-
wiſen/ wie er ſich bey ſeinen ſtudiis verhal-
ten/ vnd voꝛ was dingen ver-
huͤten ſolle.
BEgereſtu aber noch mehrers in dei-
nen ſtudiis zu proficiren vnd zu zu-
nemen/ ſo muſtu dich voꝛ etlichen ſehr
ſchaͤdlichen dingen huͤten/ vnnd zwar erſtlich
vorm Muͤſſiggang/ welcher ein Mutter aller
nugarũ vñ eytelkeiten/ wie auch ein ſtiefmut-
ter der Tugendten/ benebens ein fomes oder
Ziegler der Laſtern/ ein Roſt der Gemuͤter/ ein
peſtilentziſche Sucht/ ein toͤdliche Kranckheit
vnd ein Ohrkuͤß deß Sathans iſt.
Am andern huͤte dich voꝛ der Hoffart/ mit
dern die Studenten vnd junge Leuth gemein-
lich behafft ſeindt: Dann auß jhr entſpringen
die vermeſſenheit/ halßſtaͤrꝛigkeit/ ruhmſucht/
vndanckbarkeit/ anderer Leut verachtung/ vn-
gehorſamb/ ehrgeitz/ fuͤrwitz in Kleydern vnd
allen andern dingen.
Auß dem Muͤſſiggang vnnd Hoffart ent-
ſpringet das dritte Laſter/ daruor du vnnd ein
jeglicher Student ſich huͤten ſoll/ nemblich
die Freyheit vnnd erlaubnuß/ welche man hat
oder nimbt/ ſeines eygnen willen oder gefah-
lens zu leben/ dann dardurch werden die naͤr-
riſche vnd blinde Juͤngling bewegt vnnd ver-
urſacht/ jhre ſtudia zu verlaſſen/ jhre Præce-
ptores zu verachten/ die Lehr/ befelch vnd er-
mahnungen jhrer Vorſtehern vnd Eltern in
Windt zuſchlagen/ alles zu verlachen/ ſich
deß Jochs deß gehorſambs zu entſchuͤtten/ vñ
ſelbſt ex leges, exempt vnd gleichſam Frey-
herꝛn zu ſein/ dardurch aber gerathen ſie letzt-
lich in die ſchaͤndliche dienſtbarkeit der La-
ſtern/ deß Fraſſes vnd Voͤllerey/ werden Scla-
uen der ſchaͤndlichen vnd ſchnoͤden Weiber/
vnd gerathen in Hader/ Zanck/ ſchlagen/ rau-
fen/ dalgen vnd Todtſchlaͤg.
Beſchließlichen vnnd vor allen dingen
huͤte dich vor der Bulerey vnnd Loͤffelley/
vnnd vor aller Geſellſchafft/ die dich dar-
zu fuͤhren vnnd raitzen moͤchte/ dann fuͤrwar
einem Juͤngling ſtehet je nichts vbler an/ vnd
nichts iſt jhm ſchaͤdlicher/ als eben die Geyl-
heit vnnd Vnkeuſchheit/ dann wie das Fewr
leichtlich entzuͤndt wirdt in einer duͤrꝛen ma-
teri/ alſo entzuͤnden ſich die Flammen der
Geylheit gar leichtlich in den Leibern der jun-
gen Geſellen/ diſes iſt das erſte Fieber/ welches
vilen jungen Leuthen den Todt der Seelen
verurſachet/ vnd wann das koͤſtliche Kleynod
der Jungkfrawſchafft einmalhin/ verſchertzt
vnnd verloren iſt/ ſo kan man das verheiſſene
Lorberkraͤntzel der Jungfraͤwlichkeit niemaln
wider erlangen.
Wer auch den erſten ſprung der Hurerey
wagt/ vnnd das Ziel der Zucht vnnd Er-
barkeit einmahl vberſchritten/ der wagt her-
nacher liderlich vnd oͤffter/ vnd gerahtet letzt-
lich in den abyſſum vnd abgrund der Vnrei-
nigkeit vnnd Verderbens. Derwegen/ mein
Sohn (ſprach der P. Rector) meide erſtlich
alle occaſiones, allaͤß vnd gelegenheiten der
geylheit vnd vnkeuſchheit/ denn cætera vitia
pugnando vinci ſolent, ſola libido eſt,
P 2quæ
quæ fugiendo potius, quam pugnando
ſuperatur. Sibenerley occaſiones vnnd
anlaͤß aber der geilheit find ich/ erſtlich die ge-
faͤhrliche ort/ geſellſchafft vnd gemeinſchafft
der Vnkeuſchen. Am andern/ die conuerſa-
tion vnnd vnderꝛedung mit Weibsperſonen.
3. das leſen der vnkeuſchen boͤſen Buͤcher. 4.
das geyle vnnd vnkeuſche anſchawen. 5. die
ſchaͤndliche vnnd vnreine reden. 6. die geyle
Comedien: vnd 7. der Muͤſſiggang.
Darneben verehꝛe mit allem fleiß die aller-
heiligſte vnd reineſte Jungfraw Mariam/ als
ein Magiſtram Virginitatis, lucem Virgi-
num, Virginitatis Principem, exemplũ
perfectionis Virginalis vnnd Virginem
Virginum. Ferꝛner frequentire offtermals
die heilige Beicht vnnd Communion/ vnnd
mortificire, diſciplinire deinen Leib/ ſey
ſehr maͤſſig im eſſen vnd trincken/ vnd enthal-
te dich deß Weins/ als eines Giffts vnd fuͤr-
nemſten Waffens deß Sathans/ dann vinũ
& adoleſcentia duplexivoluptatis eſt in-
cendium. Woferꝛn du aber den Wein je nit
kanſt gantz vnd gar entrathen/ ſo trincke jhne
doch gewaͤſſert/ vnd enthalte dich ſeiner beym
Nachteſſen. Wofern nun du diſer meiner vn-
derweiſung vnd rath folgeſt/ ſo wirſtu merck-
lich proficiren, nit allein in deinen ſtudiis,
ſonder auch in guten Sitten.
BJllich hette ich deß Rectoris lehꝛ vnnd
er mahnung in mein Hertz preſſen/ vnd
jnen folgen ſollen/ aber ich hoͤrte gleich
wol die Inſtitutiones Iuris, vnnd war ein
zeitlang fleiſſig/ ſtill/ zuͤchtig vnd eingezogen/
aber durch boͤſe geſellſchafftließ ich mich der-
maſſen verfuͤhren/ daß ich nit allein mein eig-
ne noch meiner diſcipulorũ ſtudia nichts
achtete/ ſonder auch mich der jugendtlichen
freyheiten vñ gewohnten wolluͤſten gebꝛauch-
te/ dann ich/ als Præceptor, war beſchaffen/
wie meine diſcipuli, vnnd die diſcipuli wie
der Præceptor, vnſere Sitten waren aller-
dings gleichfoͤrmig: Niemandt war verhan-
den/ der mich oder ſie hette geſtrafft: Den Tag
verzehrten wir mit eytelkeiten/ vnd die Nacht
mit Torheiten/ jnmaſſen der Studenten ge-
brauch iſt: vnſere lectiones vnnd repetitio-
nes bliben offtermals dahinden.
Mein einer diſcipulus buelte vmb ein ſehꝛ
ſchoͤne Jungkfraw/ die war deß Burger-
meiſters Tochter: Der ander liebte ein Klo-
ſterfraw: Das gefiel mir aber gar nicht/
dann ob ich ſchon ſonſten nit vil werth war/
vnd ein ſchlechtes Gewiſſen hatte/ ſo betroch-
tete ich doch die groſſe Straff/ welche fuͤr-
bereit iſt allen denen/ ſo jhre ſchnoͤde Lieb zu
den Braͤuten CHriſti ſetzen/ derwegen er-
mahnte ich jhne/ daß er doch jhrer muͤſſig
gehen wolte: So gar ließ ich diſe Jungk-
fraw heimlich vor jhm warnen/ vnd zu beſtaͤn-
diger erhaltung jhꝛer Jungfraͤwlichen remig-
keit vnnd gethanen Geluͤbds ermahnen: A-
ber mein diſcipul wolte nit nachlaſſen/ eins-
mals fand ich ſie ſampt noch einer weltlichen
Frawen beyſammen ſtehen/ vnnd mit ein-
ander conuerſiren: Aber ich zerſtoͤrte jh-
re conuerſation, ſchaffte jhne hinweg/ vnd
fragte ſie/ was doch mein diſcipul mit jhr
geredt hatte? Sie bekennten alles/ vnnd
erzehlten mir/ daß jhre vnderꝛedung vnnd di-
ſputation nichts anders geweſt war/ als was
von beyden beſſer waͤre/ entweder die hoff-
nung/ oder die beſitzung eines dings: Vnnd
ob wol der Juͤngling ſtarck ſich befliſſen zu
behaupten/ daß die poſſeſſion vnd beſitzung
vil beſſer vnnd ſicherer waͤre/ weder die hoff-
nung/ ſo hetten jhm doch die Fraw vnnd
die Nonn ſtarcke widerbart gehalten vnnd
gleichſamb vberwunden: Nichtd ſtoweniger
aber (ſprach die Nonn ferꝛner) wolte er nicht
nachlaſſen/ ſonder ſprach: Jungfraw/ Schad
iſts/ daß vnder einer ſo ſchwartzen Kutten ver-
borgen ſein muß ein ſolches weiſſes vnnd zar-
tes Fleiſch? Derwegen verlaſſe die ſchwartze
Kutte vñ Schlair/ vñ ziehe mit mir: Jch aber
antwoꝛtet vñ ſprach: Juͤngling diſes ſchwar-
tze Kleidt machet mich zu einer Braut Chꝛiſti/
denſelben ſoll vnd kan ich nit verlaſſen: Er re-
plicirte vnd ſprach: kein todiſuͤndt/ ſonder nur
ein peccadillo oder laͤßliche ſuͤnd iſts/ wañ ei-
ner auß ſchwachheit vñ vnuermuͤgligkeit deß
Fleiſchs ſuͤndiget: Hierauff replicirte ich
vnd ſprach: Weil es ein Tootſuͤnd iſt/ wann
einer eines andern Ehefraw ſchendet/ ſo iſts
ein vil ſchwerere Suͤnd/ wann einer Chriſti
Braut verfuͤhret. Darauff ward er ſcham-
roth vnd ſprach: Jungfraw/ jhꝛredet recht/ vñ
habt vberwunden mein wuͤtigkeit. Diſer diſ-
curs gefil mir/ vnd ich ermahnte die Nonn zu
beharꝛlicher beſtaͤndigkeit.
Sonſten vnd im vbrigen hielte ichs in al-
len dingen mit meinen diſcipuln, an ſtatt der
Buͤcher/ handihierten vnnd miſchten wir die
Karten/ ſchlugen auff muſicaliſchen Jnſtru-
menten/ Zittern vnd Lauten/ ſangen auch ſehr
luſtig vnd lieblich drein: Bey der Nacht gin-
gen wir gaſſatim, muſicirten/ bulirten/ Kel-
beri/ ten/ dolliſiꝛten/ ſchlugen vnd raufften mit
der Scharwacht/ deßgleichen beſuchten wir
die Fechtſchulen/ vnd hatten einen ſonderbaꝛn
Fechtmeiſter/ der vns abrichtete: So gar
auch einen Tantzmeiſter/ der vns allerhandt
Taͤntzlehrte. Was erfolgte aber letztlichen
drauß? Mein einer diſcipul ward eins mals
auff der Bulſchafft erſtochen/ der ander ver-
ließ ſich auff ſein kuͤnſtlichs ſechten/ vnd ward
toͤdtlich verwundt: Der dritt verluhr ſein ge-
ſundtheit/ vnd kam/ wie ein geſtutzter Hund/
ohne ein Endiſtuck heimb: Jch aber ward zu
einen Frantzoͤſiſchen Ritter geſchlagen/ vnnd
gerieth ins Spital/ wie vnnd was geſtalt nun
es mir darin ergangen/ das gibt nachfolgen-
des Capittel zu vernemmen.
Guſman/ als ein Frantzoͤſiſcher
Ritter/ wirdt im Spital geheilt/ vnd er-
zehlet wie es jhm darinn er-
gangen.
WEil dann ich/ obangedeuter maſſen/
ſampt meinen diſcipulis zu einem
Frantzoͤſiſchen Ritter geſchlagen
worden/ vnd allgemach anfing an allen mei-
nen Gliedern zu erlahmen/ vñ die edle Rubin-
ſtein in meinem Angeſicht außzuſchlagen/ vñ
dannenhero von mennigklichen verhaſt vnnd
verlaſſen ward/ ſo nam ich letztlichen mein
zuflucht zu dem Gottſeligen daſelbſt geſtiffte-
ten Koͤnigklichen Spital vnnd Spitalmei-
ſter: Als derſelb mich erſahe/ empfing er mich
alsbald mit Frantzoſen/ Peſtilentz vnnd dem
Teuffel vnnd ſprach: fuͤhret dann der Teufel
abermals einen mit Frantzoſen behafftẽ ſchel-
men daher: Troll dich hinweg/ die Spitaͤl
ſeind nicht fuͤr ſolche in ficirte/ vnreine/ heilo-
ſe Schelmen/ welche ſich ſelbſt mutwilliglich
verderbt haben/ ſonder fuͤr die arme Pilgramẽ
vnd andere from̃e, krancke/ preſthaffte Perſo-
nen geſtifft woꝛden: Die Spitaͤl ſeind Wirts-
haͤuſer CHriſti/ darinn er zu ſeinen armen
Leuten einkehret/ vnd von denen darzu geſtiff-
teten vnd veroꝛdneten anſehenlichen anlagen
ernehꝛt wirdt: derwegen gehe widerum̃ hin wo
du beine boͤſe Kranckheit erlangt haſt/ vñ laſſe
dich gleichwol anderſtwo heilen. Jch/ als ein
allbereit gehetzter vñ abgefuͤhꝛter Betler/ ließ
mich durch diſe ſo grobe woꝛt nit abſchrecken/
ſonder demuͤtigte mich auffs euſſerſt/ bate vnd
erwaichte auch den Spitelmeiſter dahin/ daß
er ſich letztlich vber mich erbarmte/ vnd mich
einnam.
Jch verhoffe gleichwol/ daß diſes Spital
beſchaffen ſein wuͤrde wie andere Spitaͤl zu
Madril/ Seuilia/ Rom vnd Neapolis/ darin
man allerhand Walfahrter vnd Frembdling
gantz freundtlich an vnd auffnimbt/ die Fuͤß
waſchet/ die Kleyder ſaͤubert/ mit reinen Li-
gerſtaͤtten vnnd guter Speiß verſihet: Dar-
neben auch die krancke vnnd preſthaffte Per-
ſonen curiret vnnd heylet/ vnnd darinn an
ſtatt der wercken der Barmhertzigkeit/ nach-
folgende gute werck verſpuͤrt vnd geuͤbt wer-
den.
Erſtlich ſeind ſie verſehen mit ſonderbarn
Geiſtlichen Seelſoꝛgern vnd Beichtuaͤttern/
von denen die Krancken jren Geiſtlichen troſt
haben: Am andern befleiſſet man ſich der ſau-
berkeit/ reinigkeit vnnd guten ordnung in den
Loſamenten. Drittens werden die Speiſen
dermaſſen fleiſſig vnd ſauber gekocht vnd an-
gericht/ als wanns fuͤr Fuͤrſten vnnd Herꝛen
gehoͤrte. Viertens werden die Krancken von
from̃en vñ fleiſſigẽ dienern oder wartern der-
maſſen bedient/ dz die fleiſſige vñ ſaubere wart
jhnen zu wider erlangung jhrer Geſundtheit
bißweilen vil erſprießlicher iſt/ weder die Artz-
neyen/ Doctores vnd Apotecker/ vnangeſehen
dieſelbigen ſonſten jhr Ampt vnd ſchuldigkeit
fleiſſig verꝛichten. Es haben auch die Kran-
cken jhre Spatziergaͤng/ vnnd ſehꝛ ſauberes
Bethgewandt/ vnnd beſchließlichen ſeind die
Spittelmeiſter fleiſſig/ auffmerckig vnnd ge-
gen den Armen getrew/ mild vnd guͤtig.
Aber in diſem Spital fand ich wenig der-
gleichen/ dann erſtlich war vnſer Prieſter vnd
Seelſorger hoffertig/ zart vnd hinlaͤſſig/ vnnd
hatte ein Abſchew ab den Krancken/ derwe-
gen ſahe ich vil Krancke troſtloß ſterben vnnd
verderben. Am andern verſpuͤrte ich ein ſo
groſſe vnſauberkeit vnd vngeſundten Lufft in
den Loſamentern vnd im gemeinen Zimmer/
daß die geſunden etwas von den Krancken er-
wiſchen hetten koͤndten: Die halb geſunde
wurden von den gar Krancken nit abgeſon-
dert/ ſonder lagen alle in einerley Zimmer bey-
ſammen vnd durch einander/ das verurſachte
nun einen ſo groſſen geſtanck/ dz einer/ der ſein
Naſe in ſolches Zimmer recket/ in ohnmacht
fallen moͤchte: Drittens wurden die Speiſen
nit allein dermaſſen vnſauber vnd ſchaͤndtlich
gekocht vnd angericht/ als wann es fuͤr Hund
vnd Schwein gehoͤrte/ ſonder auch jmmerdar
je laͤnger je mehr geſchmaͤlert vnd abbrochen.
Nit weniger vnd zum vierdten/ ſahe ich in den
Loſamentern vnd an dem Bethgewandt einẽ
ſo groſſen vnluſt/ daß es nicht außzuſpꝛechen/
dann die Bethſtatten waren mit Rotz/ ſpaichel
vnnd allerley wuſt beſprengt/ vnnd die Waͤnd
in den Schlafkammern dermaſſen abſchew-
lich vnnd ſtinckendt/ als kaͤme einer in einen
Saͤwſtall: Die meiſte arme Leuth lagen auff
faulenden ſtinckenden Strohſaͤcken/ waren
bedeckt mit rauchen Kotzen/ die verfaulten vn-
der jhnen/ lagen ſich auf/ vñ verdarben voꝛ der
zeit/ dann niemandt war verhanden/ der ſie in
oder auſſer Zim̃ers ein wenig auf vñ abfuͤhꝛte/
oder im Seſſel vmbtruͤge vnd erfriſchte. Die
Kranckenwarter waren vnachtſamb/ vnfleiſ-
ſig/ verdroſſen/ grob vnnd eygennuͤtzig gegen
den armen Krancken.
Zum fuͤnfften war der Spitelmeiſter ſelbſt
nichts werth/ verwendete das einkommen deß
Spitals zu ſeinem eygnen nutz/ entzohe den
Armen das jhrige/ ſchmaͤlerte jhnen jhre
Spendt/ wucherte mit den Spital Guͤtern/
verſpielte verfraß vnd verſchwendete das ein-
kom̃en mit ſeinem Geſind vñ heiloſen burſch:
vnnd nit deſto weniger war er bey den Herꝛen
deß Raths wol dran/ dann er lud ſie offter-
mals zu Gaſt/ vnnd tractirte ſie ſtattlich/ das
muſten die Armen gedulden/ zu ſehen/ den
rucken ducken/ die Achſſeln in einander ziehen/
ſtillſchweigen vnnd darfuͤr halten/ daß es alſo
ſein muſte. Die Oberpfleger oder obriſte
Spitalherꝛen gaben auch kein gebuͤrende acht
auff den vnder Spitelmeiſter/ hielten keine
fleiſſige Jahr Rechnungen mit jhme/ trugen
ein vil groͤſſere affection, naigung vnnd ey-
fer zu jhm/ weder zu den Armen CHriſti/ der-
wegen muſten dieſelbigen vilmals lab: vnnd
troſtloß ſterben vnnd verderben/ der Spital-
meiſter aber ward jmmerdar je lenger je rei-
cher.
Was mein Perſon belangt/ ging man mit
mir nit beſſer vmb/ als mit andern/ ſonder als
der Domine Doctor meine ſchoͤne Kranck-
heit an mir wahr genommen/ verordnete er
mir anſangs etliche Roßartzneyen/ vnnd ſo
gar vberauß ſtarcke purgiertruͤnck/ dz ich ſchir
alles mein Jngewaid verdiſtilliret/ vnnd die
Seel gar auff geben heite/ folgendts vberant-
wortete er mich den Haͤnden eines ſehꝛ groben
vnbarmhertzigen Balbirers/ der legte mich in
ein ſchoͤnes holdſeliges finſters Badtſtuͤbel/
da lehrte er mich ſchwitzen/ faſten vnd duͤrſten/
da gedachte ich offtermals an die arme See-
len/ welche im Fegfewr ligen/ dann weil dem
patienten ein ſolche zeitliche vnd Menſchli-
liche Cur vnnd purgierung deß Leibs ſo gar
hart ſchmertzlich vnd vnley denlich ankompt/
wie wirdt es dann den armen Seelen im hoͤl-
liſchen Fegfewr ergehen? Weil ſo vil medi-
camina, mittel vnnd ſachen zur wider reinig-
ung deß Leibs gehoͤren/ was wirdt dann erfor-
dert zur reinigung der Seelen?
Nun wolan/ ich vberſtundt/ Gott lob/ di-
ſe Chur/ vñ ward widerumb friſch vnd geſund
nam vrlaub von den Artzten vnd dem Spitel-
meiſter/ der hette gern geſehen/ daß ich jhm
ein Verehrung gegeben hette/ Aber ich war
nicht luſtig darzu/ vnangeſehen ich noch vil
gute Ducaten beyſammen/ vnnd dieſelbigen
meinen diſcipulis heimblich abgezwackt hat-
te.
Guſman kompt gen Bononia
in deß Cardinals daſelbſt
Dienſt.
NAch wider erholter Geſundtheit/ hielt
ich mich nit lang in der Statt auff/
dann meine Schuldner hetten mich
gefaͤngklich einlegen laſſen/ derwegen zahlte
ich ſie mit einem bar Schuch/ machte mich
alsbald vnſichtbar/ lieff gen Barcelona, ſetzte
mich daſelbſt auff ein Schiff/ vnnd fuhr gen
Genua/ von dannen begab ich mich gen Bo-
nonia/ in hoffnung/ daß mein Stern daſelbſt
etwas beſſers leuchten wuͤrde/ weder anderſt-
wo. Zu meiner dorthinkunfft ließ ſich alles
gluͤcklich vnnd wol an/ dann ich kleidete mich
luſtig vnd auff Edelmaͤñiſch/ vnd ward durch
huͤlff eines Spaniſchen Edelknabens/ in ſei-
nes Herꝛn deß Cardinals vnnd Baͤpſtlichen
Statthalters daſelbſt dieriſt befuͤrdert vñ auf-
genommen/ der gewañ mich als bald anfangs
lieb/ dann er ſahe merne gute qualiteten vnd
eygenſchafften/ woferꝛn ich ſie recht vnd wol
brauchen vnd anlegen hette woͤllen.
Nuapflegte er jm̃erdar freye Tafel zu hal-
ten/ vnd in wehren der Malzeit von allerhand
materien vñ ſachen art mit ſeinẽ Tiſchgenoſ-
ſen zu diſcurꝛiren. Einsmals hielt er ein ſtatt-
lichs Bancket/ darauff waren vil anſehenliche
vnd gelehrte Herꝛen vnd Frawen. Nach der
Mahlzeit ließ mein Herꝛ anfahen zu diſcurꝛi-
ren/ vnd der erſt Tiſchgenoß diſcurꝛirte vnd
redete von der Lugen/ was geſtalt nem̃lich alle
Menſchen Luͤgner waͤren/ vnd ſprach.
Diſcurs von der Lugen.
WEder in den weltlichen noch Goͤtt-
lichen Schrifften findt ich keinen
einigen Spruch/ durch welchen der
betrug deß menſchlichen Lebens beſſer erklaͤrt
vnnd verſtanden werden kan/ als eben durch
die Wort deß Koͤnigklichen Propheten Da-
uids/ da er ſpricht: ego dixi in exceſſu meo,
omnis homo mendax, als wolte er ſagen:
Jn meiner verzuckung hab ich geſagt/ daß alle
Menſchen Lugner ſeind. Diſes ſeind gleich-
wol ſtarcke vnnd ehrenruͤhrige Wort/ dann
wañ alle Menſchen Lugner weren vnd nichts
thaͤten/ als liegen/ ſo wurden alle jhre gute
Lehr vnnd vnderweiſungen verdaͤchtig ſein/
deßgleichen muſten die fauoriten vnd freun-
de GOttes vnwarhafftig ſein: Aber die hei-
lige Vaͤtter vnnd Kirchenlehrer erklaͤren diſe
deß heiligen Dauids Wort der geſtallt/ daß
alle Menſchen Lugner ſeyen/ allermaſſen die
jenige Jahr/ welche ſich anfangs gluͤcklich
vnnd wol anlaſſen/ vnnd deren Fruͤling lu-
ſtig/ vnnd dern Aprill ſchoͤn/ aber dern
Auguſtus vnfruchtbar iſt: Wie nun der-
gleichen Jahren vil verheiſſen/ aber wenig
halten oder laiſten/ alſo ſehen wir/ daß ein
Juͤngling im Fruͤling ſeiner Schoͤnheit/ A-
dels/ Reichthumb/ Hoͤflichkeit/ herꝛlichen in-
genii vnd verſtandts/ ein hoffnung gibt/ daß
einsmals ein herꝛlicher/ fuͤrtreflicher vñ nutz-
licher Mann auß jhm wirdt werden/ aber vn-
nerſehens wirt er von etwan einem widerwer-
tigen Windt vnd vngeſundem Lufft darnider
geworffen/ oder durch ein einiges ſchnoͤdes
Weib verfuͤhrt vnd in grundt verderbt. Son-
ſten aber kan mit warheit geſagt werden/ daß
omnis homo mendax, oder mendacium,
das Leben deß Menſchen ein pur lauters Lu-
genwerck ſeye/ dann veritas ſibi eſt concors
die Warheit iſt jhr ſelbſt allzeit gleichfoͤrmig/
vñ wird nackent/ ohne alle maſcara noch diſ-
ſimulation gemahlt/ aber homo in perpe-
tua mutatione voluitur, der Menſch ver-
kehret vnd veraͤndert ſich jmmerdar/ niemaln
iſt vnnd verbleibt er in einerley weſen/ er hat
mehr Gruben/ denn das Meer/ er verkehret
ſich in mehr Farben/ denn der Chameleon,
vnd verendert ſich in mehr figuren/ denn Pro-
theus: vñ eben diſer vrſachen halben hat jener
Philoſophus die Natur beſchuldigt/ daß ſie
kein Fenſter in der Bruſt deß Menſchen ge-
ſetzt hatte/ damit man ſchen hette moͤgen was
inwendig im Hertzen fuͤrginge.
Ein Lugen iſt das Leben deß Menſchen/
dann was iſt die waꝛheit anderſt/ als (wie Am-
broſius ſpricht) ein wahres Leben? Der hei-
lig Joannes hat das Leben neben der warheit
geſetzt/ oder/ daß ich recht ſage/ er hat die war-
heit geſetzt mitten zwiſchen den weg vnd dem
Leben/ ſprechend: Ego ſum via, veritas &
vita: Dann die Warheit iſt das mittel/ durch
welches man zum Leben gehet/ vnd kein ande-
rer weg noch mittel dahin zu gelangen iſt ver-
handen/ aber/ leider/ nos in vitium credula
turba ſumus: vnſere weg ſchmecken vnd zie-
len nach Laſtern: zu demſelbigen eylen wir/
vnd zu demſelbigen ſeind wir geneigt. Die
Warheit iſt ein fundament der Hoffnungen/
deſſen vollziehung gewiß vnnd vnfehlbarlich
iſt/ vermuͤg der Wort: Labium veritatis
firmum erit in perpetuum: Die verheiſ-
ſungen der warheit ſeind ſtarck/ gewiß vnd vn-
fehlbar/ aber der Menſch nec certa res nec
tuta eſt, iſt ein vngewiſſes vnnd vnſicheres
ding: Vngewiß ſeind ſeine verheiſſungen/
derwegen iſt er ein fundament der naͤrꝛiſchen
hoffnungen/ dann ſein anfang iſt ein Lugen/
ſein Muttermilch iſt ein Lugen/ ſein gantze
zucht iſt ein Lugen/ vnnd zur zeit deß eumpli-
rens vnnd haltens entdecken ſich ſeine falſch-
heiten vnd Lugen.
Ein Lugen iſt das menſchliche Leben/ dann
die Warheit iſt (wie Hypocrates ſagt) klar/
glantzent vñ ſchoͤn/ vñ hat an ſtatt der Augen/
zwo brinnende Fackeln/ welche wie die Sonn
glantzen/ aber das Leben deß Menſchen iſt wie
ein armſeliger/ betruͤglicher vnnd vnbeſtaͤndi-
ger Schatten/ vermuͤg der wort: dies noſtri
ſicut vmbra ſuper terram: So gar iſt der
Menſch/ (wie Ariſtoteles bezeugt) incon-
ſtantiæ imago, ein Ebenbildt der vnbeſtaͤn-
digkeit ſelbſt: dermaſſen vnbeſtaͤndig vnnd
wanckelmuͤtig iſt der Menſch/ daß er nichts
enders repræſentiret vnnd erzeiget/ als ein
lautere vnbeſtaͤndigkeit/ vnnd ein vnergruͤnde-
lichen betrug vnd falſchheit.
Vnder andern vnuernuͤnfftigen Thieren/
hat Gott auch die Camaleones auff ſeinen
Tiſch zu ſetzen verbotten/ dann er iſt ſehr vn-
beſtaͤndig vnd wanckelmuͤtig/ vnnd verkehret
ſein Farb/ nach beſchaffenheit deß Windts/
der da wehet. Alciatus ſagt/ daß er die Wind
trincke/ vnnd ſich darmit erhalte/ auch ſeine
Farben nach beſchaffenheit deß Windts/
verkehre. Durch die Chameleones werden
verſtandẽ die ſchmaichler/ derẽ alter gebrauch
iſt/ daß ſie ſich nach den zeiten vnnd Perſonen
mit denen ſie tractiren vnd vmbgehen/ veraͤn-
deren/ den ſtich vnd kein beſtaͤndige Farb hal-
ten/ ſonder dieſelbe gleichſamb augenblicklich
verkehren/ derwegen ſpricht Hieron. adula-
tor eſt amicus in obſequio, hoſtis in ani-
mo. Ein ſchmeichler hat zweyerley Angeſicht/
ein jnnerliches vñ euſſerliches: Mit dem euſ-
ſerlichen lachet er vns an/ mit dem jñerlichen
aber kratzet er: Ein Freund iſt er feines Herꝛn/
deſſen Brot er jſſet/ deſſen Liedlein ſingt er/
accommodiret vnd ſchicket ſich nach allen
deſſen humorn, Sinn/ willen vnnd gefal-
len.
Diſes hat wol verſtanden der jenig/ wel-
cher geſagt hat: Corripiet me iuſtus in
miſericordia & increpauit me, oleum
autem peccatoris non impinguet caput
meum: Das iſt: Der gerechte wirdt mich in
der Barmhertzigkeit vnnd wolmeinendtlich
ſtraffen/ aber das Oel deß ſuͤnders wird mein
Haupt nit beruͤhren: als wolte er noch eygent-
licher ſprechen: Woferꝛn du/ O Herꝛ/ mich
wegen meiner ſchweren ſuͤnden ſtraffen wilſt/
ſo bitte ich/ daß es geſchehe durch die Hand der
gerechten/ dann vil lieber vnnd angenemmer
ſeind mir jhre zu meinem heyl gemeinte ſtraf-
fen/ weder das mir zum verderben reichende
Lob meiner Feinden. Nit ohne vrſach nennet
der Prophet die Schmeichlerey ein Oel/
dann wie das Oel/ wann es ins Fewꝛ gewoꝛf-
fen wirdt/ pflegt das Fewꝛ nit allein nit zu loͤ-
ſchen/ ſonder vilmehꝛ anzuzuͤnden/ alſo entzuͤn-
den die Schmaichler die Suͤndt/ qui enim
(ſpꝛicht Cyprianus) peccantẽ blandimen-
tis adulantib. palpat, peccandi fomitem
ſubminiſtrat, nec cõprimit ille peccatũ
ſed nutrit. Ferꝛner/ wie das Oel die aller
groͤbſte vnnd haͤrteſte ding lindert vnd erwei-
chet/ alſo pflegẽ die ſchmaichler die aller groͤb-
ſte vnd haͤrteſte Hertzen zu erweichen: noſtras
mentes velut olei pinguedo libenter in-
grediẽs vigorẽ veritatis emollit: ob ſchon
die warheit dermaſſẽ ſtarck/ vñ wie ein diamãt
hart iſt/ daß ſie niemaln bricht: (veritas e-
nim laborat quidem, ſed extinguitur
nunquam) nicht deſto weniger iſt das Oel
der Schmaichlerey dermaſſen ſtarck/ daß es
das Hertz/ welches es beſeſſen/ lind/ zart vnnd
weich machet.
Nit einſehlechtes Oel aber iſts/ welches ſo
gar ſtarck iſt/ ſonder es iſt oleum peccato-
ris, ein Oel deß Suͤnders/ vnd es reiret vnnd
bewegt den Menſchen zu allen vnd jeden ſuͤn-
den/ dannenhero hat jener Keyſer Septimius
alle die jenigen/ ſo mit diſem Laſter der
ſchmeichlerey behafft waren/ von ſeinem Hof
vertriben/ ſeytemal nullum animantium
genus aſſentatoribus eſt pernicioſius’,
kein einige vergiffte Schlang ſo ſchaͤdlich
ſein kan/ als eben die Schmaichler. O wie
hoch zu wuͤnſchen waͤre es/ daß die Fuͤrſten di-
ſes betrachteten/ jhꝛe Augen aufftheten vnd ſe-
hen/ in was fuͤr groſſer gefahr ſie ſtecken/ dann
jhꝛe Hofſchmaichler ſetzen jhnen ſtarck zu/ ge-
ben jhnen vergulte Pillulen ein/ vnnd ſalben
jhre Haͤupter mit dem Oel der vergifften
Schlangen: O der ſie vberꝛeden koͤndie/ daß
die ſchmaichleriſche wort vnd Schrifften nur
Sirentſche geſang/ ein lauters Gifft/ betrug
vnd falſchheit ſeye. Zu wuͤnſchen waͤre es/ daß
ſie die Wort deß Eſatæ betrachteten/ der da
ſpricht: Popule meus, qui te beatum di-
cunt, ipſi te decipiunt, & viam greſſuum
tuorum diſſipant. Es pflegen etliche Fuͤr-
ſten dermaſſen in den tugendten fort zuſchrei-
ten/ daß ſie leichtlichen den hoͤchſten Staffel
biß in Himmel koͤndten erꝛeichen/ aber ein li-
ſtiger vnnd verſchlagner Schmaichler vnnd
falſcher Freundt ſchleichet herein/ fahet an/
dem Fuͤrſten zuſchmaichlen/ vnd ſeine Werck
vnd thaten der maſſen zu loben/ daß in deſſel-
ben Hertzen der Wurm der vanæ gloriæ vñ
eyteln ehꝛ waͤchſt/ vnd alle Tugenden in jhm
zernichtet werden. Nit alſo hat der Fuͤrſt vnd
Koͤnig Dauid gethan/ ſonder geſagt hat er:
Oleum peccatoris non impinguet caput
meum: Das Oel der Schmaichlern vnnd
Fuchsſchwaͤntzlern ſoll mein Haupt nit ſal-
ben) ob ſchon ſie noch ſo vil Oels der
Schmaichlereyen auff mich gieſſen/ ob ſchon
ſie noch ſo rethoricê ſchreiben/ ob ſchon ſie
alle vnnd jede alte vnd newe Juriſten zu mei-
nem vortel/ befelch vñ intent alle giren/ ſo ſoll
doch mein Haupt vnd muth im wenigſten nit
dardurch wachſen/ noch mein Hertz von dem
rechten vnnd geraden weg der iuſtici abwen-
dig gemacht werden/ vil weniger ſollen ſich
meine imaginationes weiter erſtrecken/ deñ
mein vermuͤgen vermag.
Nit allein wirdt die Lugen/ falſchheit vnd
ſchmaichlerey vilmals obbemelter geſtallt ge-
liebt/ geziegelt vnd befuͤrdert/ ſonder wann vnd
ſchon das gluͤck die poſſeſſion einer warheit
beſcheret/ ſo corrumpiren wir doch bißwei-
len die eſſentz derſelben. Vnſere ſitten wer-
den fuͤrnemblich corrumpirt durch die ban-
niſirung der warheit/ dann vnſere jetzige war-
heit beſtehet nit in deme/ was ſie iſt/ ſonder in
deme/ wie wir ſie einander perſuadiren vnd
einbilden/ aller maſſen wir nit allein das jenig
fuͤr ein Muͤntz halten/ was falſch vnd Kupffer
iſt/ ſonder was gerecht Silber vnd Goldt iſt.
Das liegen iſt etlichen Nationen gantz ge-
mein/ dann Biſchoff Saluianus Marſilien-
fis
fis ſchreibt/ daß vor zeiten das liegen vnnd
falſch ſchweren bey den Frantzoſen kein La-
ſter/ ſonder nur ein formb vnnd gebrauch alſo
zu reden geweſt: Aber meines erachtens/ iſts
an jetzo ſchier ein tugendt/ aller maſſen den
Teutſchen das vollſauffen. An jetzo formiren
vnnd fatzoniret man die Lugen/ ſamb waͤre ſie
ein exercitium vnd vbung der Ehren/ dann
die diſſimulation iſt zu diſen zeiten die beſte
vnnd notwendigſte qualitet: Offt vnnd vil-
mals hab ich bey mir ſelbſt betracht/ was doch
die vrſach ſein mag/ daß wir vns vber diſen
Laſter der Lugen (welches vns doch ſo gar ge-
mein iſt) vil hefftiger erzuͤrnen/ denn vber kein
anders/ daß auch wirs fuͤr ein hoͤchſte iniuri
vnnd ſchmach halten/ wann man vns liegen
heiſt/ oder der Lugen bezeyheit: Jch befinde a-
ber/ daß es ſchier ein natuͤrlichs weſen iſt/ dann
wir empfinden gleich wol die accuſation vnd
bezeyhung/ aber die ſchuld legen wir nicht von
vns: Den effect der Lugen behalten wir/ vnd
verdammen ſie doch nur in apparentia vnd
zum ſchein.
Kein Laſter iſt ſchaͤndtlicher/ als eben das
liegen/ dann ein Lugner redet wider ſein eignes
Gewiſſen/ vnd ſein liegen iſt ein zeichen/ daß
er Gott den Herꝛn verachte/ vñ die Menſchen
foͤrchte: Was kan aber ſchaͤndlicher ſein/ als
daß man ſich verzagt ſtellt gegen den Men-
ſchen/ aber keck vnd vermeſſen gegen GOtte
Das reden vnd ſchreiben iſt das einige mittel/
dardurch wir einander vnſern willen/ gemuͤt
vnd gedancken communiciren, es iſt auch
ein Dolmetſcher vnſerer Seelen: Woferꝛn
nun es fehlt/ ſo fehlt vnſer gantzes Menſchli-
ches comertium vnd gemeinſchafft/ vnd vn-
ſer Polliceyweſen wirdt dardurch corrum-
piert vnd zerloͤſcht. Etliche Jndianer opffe-
ren jhꝛen Goͤttern nur Menſchliches Blut/
welches ſie auß jhren Zungen vnd Ohren zie-
hen/ zur verſoͤhnung der Suͤnd der Lugen/
die ſie entweder angehoͤrt oder geredt haben/
Aber leyder/ wie die Kinder einander betrie-
gen vnnd narꝛen mit den Ochſen Beinlein/
alſo narꝛen vnnd betriegen wir einander mit
worten.
Es ſagt gleichwol der weiſe Mann: Ne
acci-
accipias faciem aduerſus faciem tuam,
nec aduerſus animam tuam mendaciũ:
Als wolte er ſagen: Du ſolleſt kein anders vn-
natuͤrliches Angeſicht an dich nemen/ noch
auch die Warheit (welche GOtt gleich iſt)
auß deinem Hertzen treiben/ vnnd hergegen
die Lugen (welche dem Teuffel gleich iſt)
darin wurtzlen vnnd regieren laſſen/ dann das
thun nur die doppelte vnd falſche Menſchen/
ſo da euſſerlich etwas erzeigen/ welches aber in
jhrem Hertzen vil anderſt iſt: Dergleichen
doppelte vnd falſche Geſellen aber ſeind Kin-
der deß Teuffels in der nachfolgung/ vermuͤg
der Wort Chriſti: Jhr habt den Teuffel fuͤr
einen Vatter/ vnnd jhr begeret die verlangen
ewers Vatters zu vollziehen: Vil aͤrger ſeind
die Lugner/ denn der Teuffel ſelbſt/ dann als
er die Lugen in die Welt brachte vnnd vnſere
Mutter Euam betrug/ hat er mit einer maſ-
cara oder vermumten Angeſicht gelogen/ vnd
die geſtalt einer Schlangen an ſich genom̃en/
dann er war nit ſo keck/ daß er ſich mit offnem
Angeſicht ſehen hette laſſen/ Aber vil Men-
ſchen liegen dermaſſen vnuerſchambt/ daß ſie/
wie der Teuffel/ jhren nechſten offentlich vnd
ohne einige vermummung vorliegen vnd be-
triegen: Welchen du fuͤr deinen freund heltſt/
der iſt der jenig/ der dich verkauffet: Welchen
du vermeineſt/ daß er die warheit auffrecht vñ
redlich mit dir rede vnnd handle/ der iſt der je-
nig/ der dich verꝛahtet vnnd betrieget: Wel-
chen du vermeineſt/ daß er dir langes Leben
wuͤnſche/ der iſt der jenig/ der dir dẽ Tode pro-
turiret: wer dir die Haͤnd thut kuſſen/ der wol-
te ſie dir vil lieber abhacken: Wer dich thut
freundlich anlaͤchlẽ/ der wolte dir vil lieber die
Augen außkratzen: non enim eſt veritas, &
non eſt miſericordia, & non eſt ſcientia
Dei in terra. O wie vil Lugen vñ falſchheitẽ
ſindt man in den Weltmenſchen: Menkom̃t
bißweilen in ein luſtiges gehuͤltz) deſſen gruͤne
baͤum vñ geſtreuß vnſere Augen erluſtigen/ vñ
vns reitzen vñ locken vnder jrem ſchattẽ zu ru-
hen/ woferꝛn aber ſchlangen/ woͤlff vnd Baͤren
darinn verhanden ſeind/ ſo begert keiner (der
anderſt einen Verſtandt hat) im ſchatten ſol-
cher baͤum zu ſchlaͤffen: Diſe Welt/ die wir ſo
ſehꝛ lieben/ iſt dz gehuͤltz oder wald/ ſie ſcheinet/
dem euſſerlichen weſen nach/ friſch vnd luſtig
zu ſeyn/ aber inwendig iſt ſie erfuͤllt mit vilen
vergifften Thieren/ die vns vmbbringen/ die
Menſchen ſchmatchlen vns vor/ geben vns
zucker: vnnd hoͤnigſuͤſſe wort/ ſie verſprechen
vnd verheiſſen vns vil/ aber es ſeind nichts an-
ders/ als complimenten vnd laͤre Woꝛt/ dann
im fall der Noth/ vnd wann man jhrer bedarf/
befindt ſich das gerade widerſpil.
Die Weiſſagung deß Apoſtels/ daß zu den
letzten zeiten die ohren der Menſchen dermaſ-
ſen kranck vnd zart ſein werden/ daß ſie nichts
heylſames/ ſonder nur lautere liehliche vñ an-
geneme ding hoͤꝛen werden moͤgen: iſt numehr
erfuͤlt: Nirgents aber iſt die warheit verhaſtes
vñ verdꝛießlicher/ als eben an etlichẽ Hoͤfen der
Potentaten: An jrer ſtatt wirdt die Lugen vnd
ſchmaichlerey geliebt. Die jenigen/ ſo die war-
heit predigen/ vñ die Laſter ruͤhꝛen vñ ſtraffen/
werden vertriben/ die warheit wird wie ein V-
belthaͤterin befengnuſt/ vnd ob ſchon jedeꝛman
ſie lobt/ ſo wil doch niemandt ſie hoͤren: weil
die welt der warheit ſo gar feind iſt/ ſo muͤſſen
die Diener Gottes per circũlocutiones re-
den/ vnd ſie verdeckt fuͤrbꝛingen/ damit ſie an-
genom̃en werde/ jnmaſſen der Pꝛophet Natan
dem Koͤnig Dauid gethan. Wann einer vber
die Gaſſen mit vmbgewendtem Mantel ge-
het/ vnd ein anderer jhms ſagt/ als dañ dancket
er jhm drumb/ aber zu erbarmen iſts/ daß/ wañ
ein Prediger vns ſagt/ daß wir ein verkehꝛtes
boͤſes Leben fuͤhren/ wir vns als dañ erzuͤrnen/
kummern vnd es nit hoͤren moͤgen/ dann diſes
laſter der Lugen verfinſtert vnd verſtellt jhren
verſtandt dermaſſen/ daß ſie nur die falſchheit
vnd ſchmaichelwoꝛt gern hoͤren/ vnd der war-
heit feind ſeindt/ die frommen aber verhaſſen
die Lugen/ vnd lieben die warheit/ welche da iſt
Chriſtus Jeſus.
Diſcurs von der vbermaͤſſigen ſorg-
faͤltigkeit wegen der zeitlichen Guͤter/
Kleider vnnd Reichthum-
ben.
DEr ander Tiſchgenoß fing an von
der vbermeſſigen menſchlichen ſorg-
faͤltigkeit zu reden/ vnd ſprach: Von
der materi der vbrigen ſorgfaͤltigkeit redet
der Herꝛ vnd ſpricht: Ne ſolliciti ſitis ani-
mæ veſtræ quid manducetis, neque cor-
pori veſtro, quid induamini: als wolte er
ſagen: Sorget nit ſuͤr ewre Seelen/ was jhr
eſſen werdet/ auch nit fur ewren Leib/ was jhr
anziehen werdet/ das fuͤrnemſte/ darumb wir
Menſchen ſorgen/ iſt die Speiß/ die Kleidung
vnd die Reichthumb. Was die Speiß vnnd
Leibsnarung belangt/ iſt nicht gnugſamb zu
verwundern/ was geſtalt ſie ſich deßwegen be-
muͤhen/ dann etliche pfluͤgen den Acker/ ande-
re pflantzen Baͤum/ andere legen ſich auff den
Viechziegel/ andere treiben ein Handtwerck/
ander begeben ſich auffs ſtudiren/ vnd andere
auffs kriegen/ alles zu dem endt/ damit ſie jhre
zeitliche Nahrung gehaben/ daran aber thun
ſie nit ſo gar vnrecht/ wofern ſie es mit Gott
angreiffen/ jhne darneben allzeit vor Augen
haben/ vnd ſich vom Geitz nit vbergehen laſ-
ſen. Andere findt man/ welche die ehrliche ar-
beit fliehen/ ſich nur auff die Maulnahꝛung
oder Wirthſchafft/ Jtem auff die Kauffman-
ſchafft vnd Wucher legen/ vnd durchauß kein
Gewiſſen haben/ ſonder Tag vnd Nacht nur
dahin dichten/ trachten vnd aꝛbeiten/ dz ſie mit
vñ ohne recht/ vil Gelt vnd Guts zuſammen
ſcharꝛen moͤgen. Andere ſeind verhanden vnd
ſonderlich die Weiber/ welche jhꝛ Haußhaben
vermeinen zu verbeſſern oder reich zu werden/
vermittelſt jhrer Kargheit vnnd geſpaͤrigkeit/
auß allen vñ jeden dingen woͤllen ſie einen ge-
winn ſuchen/ vnd auß jhren Haͤnden kein not-
turfft laſſen: Alles will jhnen zerꝛinnen/ vnnd
nichts will jhnen gnug ſein. Die abgeſtutzte
naͤgel klauben ſie widerum̃ von deꝛ Erden auf/
vnd behaltens/ obs jhnen villeicht einmals zu
nutz werden moͤchte: Auß lauter geitz doͤrffen
ſie jr Gelt nit angreiffen/ verbergen jrẽ Treid/
vnd woͤllen jhne ehender nit verkauffen biß er
gar thewr worden. Von ſolchen Leuthen aber
ſtehet geſchriben. Qui abſcondit frumen-
ta, maledicetur in populis: als wolte der
weiſe Mann ſagen: Ein groſſe vnbarmher-
tzigkeit iſts/ wann einer den Traidt zur zeit der
thewrung verhelt/ verſchlaͤgt/ vnnd auß lauter
Geitz ein gantze Gemaind begeret zupreſſen
vnnd auß zuhungeren/ billich werden ſie
derwegen verflucht/ aller maſſen hingegen
denen alles guts gewuͤnſcht wirdt/ welche der
gemainen noth huͤlflich beyſpringen/ dann
Gott ſegnet ſie in allen dingen/ dann weil ſie
jhre Hoffnung auff GOtt ſetzen vnnd jhme
vertrawen/ ſo erſprieſſen jhnen alle jhre ſa-
chen vnnd anſchleg gantz gluͤcklich/ vnnd er-
langen ſambt der Frucht die vnſterbliche glo-
ry: Weil aber die ſorgfaͤltige Neid- vnd geitz-
haͤlß Gott dem Herꝛn nicht trawen/ das gelt
wie jhren Gott verehren/ vnd jhr Heyl vnnd
Wolfahrt drin ſetzen/ ſo bewilligt GOtt daß
ſie verderben vnd mit jhrem ſchaden erfahren/
daß ſie jre ſoꝛg vnd gantzes Leben in ſamblung
deß Gelts vnnuͤtzlich verzehrt haben. Dañ es
ſieht geſchriben: Qui cõfidit in diuitijs ſuis
corruet, iuſti autem quaſi virens folium
germinabunt.
Nun ſpricht aber einer: die taͤgliche erfah-
rung vnd Exempel geben ein anders zuerken-
nen/ dann wir ſehen/ daß vil Leuth durch jhre
groſſe ſorgfaͤltigkeit bemuͤhung/ vortheilig-
keit vnnd Wucher/ Reich/ vermuͤglich groß
vnd anſehenlich werden/ hergegen daß die je-
nigen/ welche ſich der eigennuͤtzigen vnnd fal-
ſchen ſtuͤckel nit achten noch gebrauchen/ ſon-
der das ſtudium iuſtitiæ oder der Gerech-
tigkeit omnib. vitæ commodis vorziehen/
arm vnd duͤrfftig ſeind vnd bleiben: Hierauff
aber antwortet der weiſe Mann vnnd ſpricht:
multi cibi in noualib. patrum ſibi pau-
perum, dann die erſaͤttigung beſtehet nicht
in den Schewren vnd Kaͤſten/ ſo mit Traidt
erfuͤlt ſeind/ ſonder in einem maͤſſigen vnd tu-
gentſamen Gemuͤth/ dann wie die Tugendt
mit jhr ſelbſt zu friden iſt/ alſo ſetzet ſie der bt-
gierligkeit reich zuwerden ein ſolches maß vñ
ziel daß ſie mehr nit/ als eben die notturfft be-
gehꝛet: Aber die vntugentſame Geitzhaͤlß
koͤnnen durch keine einige Reichthumb erfuͤlt/
noch auch/ obſchon alle Menſchliche Reich-
thumb ſich in jhrem Hauſe verſambleten/ er-
ſettigt werden: ſola namque virtus animũ
locupletat atque ſtabili voluptate per-
fundit, ſicque fit, vt iuſti facilimè ſatiari
poſſint, iniuſti autem ſemper eſuriant.
Habentes victum & amictum his con-
tentiſſimus ſpricht der Apoſtel/ als wolte er
ſagen: Wann wir mit notwendiger Speiß
vnnd Kleidung verſehen ſeindt/ ſollen wir bil-
lich benuͤgt vnd zu friden ſein/ dann Gott iſt
ein Vatter nur deren/ welche ſich mit der not-
wendigen Leibsnahrung vnnd vnderhaltung
beſchlagen laſſen.
Als jener Haußuatter die Arbeiter in ſei-
nem Weingarten auffnam/ vnnd mit jhnen
dingte/ verhieß er jhnen einen taͤglichen Gro-
ſchen/ das iſt/ die Seligkeit/ zu geben/ aber we-
gen der taͤglichen ſpeiß handlete er nichts mit
jhnen/ dañ dieſelbe iſt den Dienern vnd freun-
den Gottes richtig vnd gewiß: Eben auff di-
ſen ſchlag ſollen auch wir nach dem himliſchẽ
Groſchen trachten/ vnd nit zweifeln/ das vns
mangeln werde die Leibsnahrung/ dann ob
ſchon die zeitliche ding bißweilen menglen/ ſo
wird vns doch Gott hingegen dermaſſen ver-
ſehen mit der Frewd vnd Geiſtlichem Troſt/
daß du vil beſſer zu friden ſeyn wirdeſt mit dei-
ner duͤrfftigkeit/ armut vnnd noth/ weder mit
dem vberfluß. Keins wegs ſollen wir die zeit-
liche ding durch vnzimbliche mittel procuri-
ren/ dann die eytele Soꝛgfaͤltigkeit derſelbigen
iſt ein beſchwernuß der Geiſtlichen Fluͤgel.
Sie verhindert den Flug vnſerer Seelen an
der contemplation vnnd betrachtung der e-
wigen Guͤter. Keiner andern vꝛſachen halben
hat Gott den Menſchen erſchaffen/ als daß er
jhne erkennen/ lieben vnd genieſſen ſolte/ aber
von diſer genieſſung verhindert vnnd ſcheidet
vns die vbermaͤſſige ſorgfaͤltigkeit vnnd Ge-
dancken der zeitlichen guͤter.
Zu denen/ welche mehꝛ auff jhꝛe aigne ſa-
chen/ als auff Gott gedachten/ ſpꝛicht der Herꝛ
ſelbſt: Quia domus mea deſerta eſt & vos
feſtinatis vnuſquiſq; in domum ſuam,
propter hoc prohibiti ſuper vosſunt cę-
li, ne darent rorẽ, & terra prohibira eſt,
ne daret germen ſuum. Dann billich iſts/
daß denen alles maͤngle/ welche jhꝛen Erſchaf-
fer verlaſſen wegen deß zeitlichen. Ein ſchand
iſts/ daß wir vnſere ſorg vnd verlangen ſo gar
vbel verwenden vnd anlegen wegen deß zeitli-
chen koths/ da doch wir gar leichtlich verlan-
gen vnd trachten koͤñen nach den blumen deß
Paradeyſes: Ein grauſambkeit iſts/ daß wir
vns ſo ſehr er muͤden im ſuchen der Welt/ da
doch wir trucknes Fuſſes finden koͤndten den
Himmel. Wer da begehꝛt der gefahr diſes Le-
bens zu entgehen/ vnd des verdamnuß befreyet
zuwerden/ der muß fliehen die Erd/ er muß
auch fliegen oder ſchwimmen/ vnd keinswegs
auff der Erden vmbgehen/ dann als Gott die
Voͤgel erſchaffen hatte/ ſegnete er ſie/ den be-
ſtien vnnd Thieren aber/ welche auff der Er-
den gehen/ gab er ſeinen ſegen nit: Wer nun
den ſegen/ welchen Gott den frommen geben
wirdt/ begert zu erlangen/ der muß entweder
fliegen oder ſchwim̃en/ damit er der gefahꝛ/ da-
rin andere gerathen/ befꝛeyt ſeyn moͤge/ dañ de-
nen/ ſo/ wie beſtiæ, auf Erden leben vñ die jrꝛ-
diſche ding vnordenlich lieben/ wirdt GOtt
nicht ſeinẽ ſegen/ ſonder den fluch geben. Der-
wegen/ O Menſch/ lebe/ wie ein Vogel in der
hoͤhe der contẽplation vñ Gebetts/ ſetze alle
deine gedanckẽ vñ ſorgen auf Gott/ ſo wirdt er
hingegẽ auf dich gedencken vnd fuͤr dich ſorgẽ/
jnmaſſen Dauid gethan/ ſprechendt: pauper
ſum & mendicus, Dominus ſollicitus eſt
mei. Weil Gott fuͤr dich ſorget/ ſo darffſtu
dich nichts kummern vmb das zeitliche/
dann das die Heyden vnd Vnglaubigen/ wel-
che einẽ Glauben am gluͤck haben/ ſo gar ſorg-
faͤltig ſeind/ iſt ſolches kein wunder/ aber du/
der du ein Chriſt biſt/ vnnd an der Goͤttlichen
prouidentz vnnd fuͤrſehung glaubeſt/ ſolleſt
ſorgfaͤltig ſein fuͤr die Geiſtliche Guͤter/ ſey-
ſchuldig biſt/ dir die nothwendigkeit nit werde
ermangeln/ dann weil Gott/ der die Voͤgel/
(welche er von deß Menſchen wegen erſchaf-
fen) erhelt/ warumb wolte er nit auch erhal-
ten den Menſchen/ welchen er wegen ſeinen
ſelbſt erſchaffen? Reinige dein Hertz/ lege al-
le eytele ſorgfaͤltigkeitẽ von dir/ ſo kanſtu dich
deſto leichter zu Gott erheben: Ob ſchon die
occupationes, bemuͤhungen vnd ſorgfaͤltig-
keiten der zeitlichen dingẽ nit vnzimlich ſeind/
ſo verblenden ſie doch das Geſicht deß Ver-
ſtandts vnd vertreiben den Glantz deß wah-
ren Liechts.
Ferꝛner ſo vil die Kleyder betrifft/ verbeut
der Herꝛ gleichfals derſelbigen vbermaͤſſige
ſorgfaͤltigkeit/ dann weil Gott vnſern erſten
Eltern (vnangeſehen er wider dieſelbige we-
gen der Suͤnd erzuͤrnet war) mit Kleidungen
verſehen hat/ warumb wolte er dann ſie nicht
auch vns geben? Dreyerley vrſachen halben
bedoͤrffen wir der Kleidungen/ erſtlich/ vns
darmit zu bedecken: Am andern/ vns vor wind
kaͤlte vnd hitz zu beſchuͤtzen: Drittens/ vns vn-
der einander in vnſern Staͤnden vñ Ambtern
zu vnderſcheiden/ vnnd die Geiſtlichen von
Weltlichen/ die Fuͤrſten/ Herꝛen/ Edelleuth/
Burger vnd Bawren von einander zu erken-
nen/ Wofern vnſere erſte Eltern nit geſuͤndigt
hetten/ ſo bedoͤrfften wir keine Kleidungen/
dann die nackenheit deß Leibs wuͤrde als dann
eben ſo wenig ein ſchandt geweſt ſein/ als an
jetzo die nackenheit deß Angeſichts vnnd den
Haͤnden/ Es wuͤrde auch kein vngewitter deß
Luffts geweſt ſeyn/ vnnd die vnderſchidliche
menſchliche Staͤnd wuͤrden durch andere zei-
chen erkeñt ſein wordẽ/ Darauß erſcheint nun
daß die Kleider nichts andeꝛs ſeind/ als zeichen
vnd ſtraff der Suͤnden/ allermaſſen der ſtrick/
welchen der zum Galgen gefuͤhrter Dieb am
Halß traͤgt/ ein zeichen iſt ſeines begangenen
Diebſtals/ vnnd ein Jnſtrument ſeiner
Straff.
Hierauß iſt nun abzunem̃en/ was die jeni-
gen fuͤr groſſe Narꝛen ſeyn/ welche ſich auf die
zierd vnd pracht der Kleidung vil zu ſehr bege-
ben/ dann erſtlich wirdt die edle zeit dardurch
verzehrt/ welche vns von Gott darumb be-
ſchert iſt worden/ daß wir das ewige darmit
gewinnen ſollen. Am andern wirdt dardurch
ein ſo groſſer vergeblicher vnkoſtẽ angewend/
daß vil Leuth jhre gantze Subſtantz nur den
Kramern ſchuldig verbleiben. Drittens
multiplicieren vnd vermehren ſie die Kleider
haͤuffig vnnd vberfluͤſſig: Viertens ſeind
ſie ſehr fuͤrwitzig in erfindung der newen
foꝛmen vnnd muſtern. Vnnd diſes alles thun
nit die rechtſchaffne Maͤnner/ ſonder nur
die Antrogyni oder weibiſche Maͤnner:
Fuͤrnemblich aber die Weibsperſonen/ auß
vilerhandt vrſachen/ dann erſtlich ſeind
ſie nit ſo geſcheidt/ vnnd brauchen keinen
verſtandt/ wie die Maͤnner ſonder ſeind den
nugis, eitelkeiten vñ paſſionibus allerdings
ergebẽ: Sie vermeinen/ (jnmaſſen aller Nar-
ren art iſt) daß ſie weiſer ſeind/ denn alle ande-
re/ vñ ob ſchon alle Vaͤtter/ Apoſteln vñ Pro-
pheten die Hoffart vnd vbermut der Kleidern
verbotten/ vnnd alle Prediger ſie ſtraffen/ ſo
halten doch die Weiber darfuͤr/ dz andere Leut
dißfals jrꝛen/ vnnd nur ſie recht haben. Der-
wegẽ beharꝛen ſie bey jren meinungen/ vñ ver-
wenden in den kleiden nit allein groſſen vner-
ſchwinglichen vnkoſten/ ſonder brauchẽ auch
vil muͤh/ arbeit vñ vngelegenheit mit dem zie-
ren/ ſchmucken vnd auff butzen jres Kopffs vñ
Leibs/ vnangeſehẽ ſie dardurch weder jren eig-
nen noch andern Maͤñern nit allein nit gefal-
len/ ſonder vilmehꝛ verlacht/ veracht vnd ver-
ſpottet werden: So thun auch ſolche koͤſt-
liche gezierle vnd geſchmuckte Docken nichts
anders/ als muͤſſig gehen/ einander viſitiren,
heimſuchen/ beſchawen/ fabuliren/ ſchnadern/
dadern/ ſchwaͤtzen/ von den newen Muſtern
der Kleidern vnd ſonſten reden/ vnd die Leut
außrichten/ GOtt geb/ es gehe anheims in
jhren Haͤuſern vnd mit den Maͤnnern zu/ wie
es woͤlle.
Die andere vrſach/ warumb die Weiber
ein mehrere Hoffart vnd vbermuth mit Klei-
dern treiben/ iſt jhre vnuollkommenheit/ der-
wegen ſuchen ſie alle mittel ſich vollkommen
zu machen/ weil aber ſolches nit beſchehen kan
durch jhre weißheit noch ſtaͤrck/ die ſie nit ha-
ben/ ſo brauchen ſie die Zierd vnd Geſchmuck
deß Leibs/ vnd begehen doch darbey vil defe-
cten vnd maͤngel/ dann/ wie die vngeſchickte
Mahler ſich vergeblich vnderſtehẽ/ ein durch
einen ſehr kunſtreichen Mahler angefangene
Tafel zu vollenden/ alſo ſehen wir/ daß etliche
Weiber das Ebenbildt Gottes in erſchroͤckli-
che monſtra vnd vngehewre geſtalten trans-
formiren vnd verkehꝛen/ vnd doch das jenig/
darnach ſie verlangt/ nit erlangen.
Die dritte vrſach iſt/ weil ſie/ als taugliche
Jnſtrumenten deß Teufels/ durch jhre ſchoͤ-
ne Kleider vnd Geſchmuck die junge Geſellen
deſto ehender zu der Geilheit bewegen koͤnden:
Beſchließlichen iſt jhre angeborne Hoffart
dran ſchuldig/ vnnd ſie wolten gern/ wie jhre
erſte Mutter Eua, Goͤttinnen ſeyn vnd dar-
fuͤr gehalten werden/ vnangeſehen ſie ein gre-
wel vor Gott/ vnd gleich ſeind den außwendig
geweißten/ aber inwendig mit todten Beinen
erfuͤlten Graͤbern. Sie ſtehlen den nackenden
Armen das vberfluͤſſige vñ eptele Gewandt/
welches ſie an jhren Leib hencken. Ein ſchand
iſts/ daß bißweiln die arme Maͤñer deß mor-
gens fruͤh auff ſtehen/ jhꝛen geſchaͤfften hin vñ
wider nachlauffen vnd abwarten/ vnnd wann
ſie vngefaͤhꝛlich vmb Mittag muͤd vnd ſchwi-
tzendt heimb kommen/ ſie als dañ jhre Weiber
entweder noch im Beth ligen/ oder im Seſſel
ſitzendt/ vnnd ſich zierendt vnd ſchmuckendt
finden. Den Koͤniginnen vnd Fuͤrſtinnen ge-
buͤrt ſolches/ doch weiß ich auch nit/ obs jhnen
wol anſtehe. Laͤcherlich vnd vnbillich iſts/ daß
der Muͤſſiggang/ faulheit/ hoffart vñ ſchleck-
erey vnſerer Weiber erhalten werden muß/
durch vnſer Schweiß/ muͤhe vnd arbeit. O
wie vil beſſer aber waͤre es/ wann ſie ſich befliſ-
ſen/ jhꝛe Seelen zu zieren/ vollkommen zu ma-
chen/ vnd in ehrlichen/ zuͤchtigen vnd maͤſſigẽ
Kleidern daher zu gehẽ/ ſo wuͤrde kein eitelkeit/
Thorheit noch Hoffart in jhnen erſcheinen
vnd jhre arme Maͤnner wuͤrden villeicht beſ-
ſer vnd lenger bey haͤußlichen Ehren verblei-
ben/ vnnd nit gezwungen werden gen Straß-
burg zu ziehen.
JCh wil aber weiter gehen/ vnd noch et-
was wenigs von der vberfluͤſſigẽ ſoꝛg-
faͤltigkeit der Reichthumben handlen.
Qui volunt diuites fieri, incidunt in ten-
tationẽ & in laqueũ diaboli, & deſideriæ
multa, inutilia & nociuaſpricht der Apo-
ſtel/ die jenigen welche auf dem weg der Reich-
thumbẽ gehen/ vnd dem Gelt vnd Gut nach-
jagen/ ſtrauchlen dreymal. Erſtlich fallen ſie
in verſuchung: variè ſollicitantur ad diui-
nas & humanas leges tranſgrediẽ das, ſol-
licitirt; geraitzt vnd angetriben werden ſie/ die
Goͤttliche vñ menſchliche geſetz zu vberſchrei-
len: es heiſt bey jhnen: ſic volo ſic iuebo, ſit
pro ratione voluntas. Am andern fallen ſie
in deß Teufels ſtrick/ dann die Reichthumb
ſeind Netz deß ewigen Todts/ darin der Teu-
fel die Seelen der Narꝛen fahet. Zugleicher
weiß wie der Hencker einẽ vbelthaͤter zu hoͤchſt
an Galgen fuͤhren/ vnd jm folgends mit dem
Fuß einen ſtoß gibt/ vnd mit ſchandt vnd ſpott
von der Leiter hinab wirfft/ alſo beſcheret die
Welt jhren Dienern vil Gelts vnnd Guts/
vnnd reitzet ſie mit vilen Laſtern/ damit
ſie hernacher deſto ſchaͤndtlicher fallen. Qui
diuitiis ſeruit, præſentibus compedi-
bus conſtringitur & futurus præparatur.
Wer den Reichthumben dienet/ der wan-
dert mit ſehenden Augen zur Hoͤllen/ vnnd
legt ſeine Fuͤß in den ſtrick deß ewigen Todts.
Drittens fallen ſie in vil vnnuͤtze vnd ſchaͤd-
liche ſorgfaͤltigkeiten vnd verlangen/ deſide-
rium diuitiarum vadit in infinitum:
Dann auaritia deſideratusrebus non ex-
tingitur, ſed augetur: Als Alexander
Magnus vorhabens war/ die Scythier zu-
bekriegen/ lieſſen ſie jm durch Geſandten ent-
bieten vñ ſagen: quid tibi diuitiis opus eſt,
que te eſurire cogunt? als wolten ſie ſagen:
Was bedarffſtu der Reichthum̃en/ welche die
nur einen hunger verurſachen/ dann je mehr
du vberkombſt/ je mehr du haben muſt? Kein
riniger gewinn erſaͤttiget ein ſo groſſe begierd/
vnd kein einiger Schatz erfuͤllet ſeine Truchẽ/
dann der appetit vnnd die begirligkeit deß
Reichen iſt der Hoͤllen gleich/ welche/ ob ſchon
ſie noch ſo vil Seelen verſchlindet/ doch nie-
maln erſaͤttiget wirdt: Wie das Fewr durchs
Holtz vermehrt wirdt/ alſo das verlangen deß
Reichen. Diuites eguerunt & eſurierunt:
Die Reichen leiden noth vnd hunger: diui-
tiæ corporales paupertate plenæ ſunt.
Infernus & perditio (ſpꝛicht der weiſe
Mann) nunquam explentur: ſimiliter
& oculi hominum: Vir qui feſtinat dita-
ri, & aliis inuidet, ignorat quodægeſtas
veniet ei. Hoͤre was Job ſagt: agite nunc
diuites plorate vlulantes in miſeriis ve-
ſtris. Was die Welt fuͤr Schaͤtz vnd Reich-
thumb helt/ das nennet Job ein Armſeligkeit/
vnd ſagt/ daß ſie in denſelbigen bruͤllen: Nit
weinen/ nit heulen/ nit ſeufftzen ſie wie Men-
ſchen/ ſonder ſie bruͤllen vñ wuͤten wie die vn-
vernuͤnfftige Thier. Viel aͤrger iſt ein vner-
ſaͤtlicher Geitzhalß/ denn ein vnuernuͤnfftiges
Thier/ dann (wie Auguſtinus ſpricht) quæ
eſt iſta auiditas concupiſcentiæ, cum &
ipſæ beluæ habeant modum? tunc enim
rapiunt cum eſuriunt, parcunt verò prę-
dæ cum ſenſerint ſacietatem; Inſatiabilis
eſt ſola auaritia diuitum, ſemper rapit &
nunquam ſatiatur.
Beſchließlichen ſeind die Reichthumb nit
allein vnnuͤtzlich/ ſonder auch ſehr ſchaͤdlich:
multos perdidit aurum & argentum:
vil Leut ſeind durch Silber vnd Goldt vmb-
kommen: odi aurum, multis enim per-
ſuaſit perperam ſpricht Plautus, als wolte
er ſagen: Jch bin dem Goldt feindt/ dann es
rathet dem Menſchen vbel/ vnd ſtecket jhne in
einen gefaͤrlichen Laborinth. Zu gleicher weiß
wie dz Miltz im Menſchen/ je mehꝛ es waͤchſt
vnd faiſter wirdt/ je mehꝛ es alle theil deß Leibs
ſchwaͤchet/ alſo vmb wie vil mehr die Reich-
thumb wachſen/ vmb ſo vil deſto mehꝛ nem̃en
alle gute eygenſchafften deß Menſchen ab: Je
mehr die begierd deß Geitzes waͤchſt/ vnd die
Seel aufgeſchwilt/ je kraͤncker vnd ſchwaͤcher
werden jhre tugendten. Ja was mehr vnd das
aller aͤrgſte iſt/ quod mergunt diuitiæ ho-
mines in interitum ex perditionem. Sie
ertrencken vnnd erſticken den Menſchen im
Waſſer deß ewigen Todts.
Ob ſchon der Menſch alle Schaͤtz der
Welt in ſeinem gewallt heite/ ſo wuͤrde er
doch nicht deſto juͤnger/ weiſer/ groͤſſer/ ſtaͤr-
cker vnnd ſchoner ſein/ weder er ſonſt iſt: Die
wolluͤſt/ ſo auß den Reichthumben entſprin-
gen/ ſeind kurtz vnd eytel/ dann die wahre wol-
luͤſt beſtehen in der ruhe deß Geiſtes. Sagſtu
daß die reichthumb dir ein ehr bringen/ ſo ge-
denck hergegen/ daß ſich die Menſchen nicht
ſo ſehr verwundern/ noch dich ehren wegen
deiner Perſon/ ſondern wegen deiner Klei-
der vnd reichthumb/ derwegen gehoͤrt ein ſol-
che ehr nicht dir/ ſondern deinen Kleidern vnd
Gelt zu: Hergegen woferꝛn ſie die armut dei-
ner Seelen ſehen ſolten/ ſo wuͤrden ſie dich
fuͤr arm vnnd vngluͤckſelig halten: Sagſt du
daß die Reichthumb dir vil gute freunde ma-
chen/ ſo ſoltu wiſſen/ daß ſolche freunde keine
wahre/ ſonder falſche freunde ſeyen/ bey denen
mehr zuuerlieren/ dann zu gewinnen iſt/ dann
ſie lieben nit dich/ ſondern dein Gelt/ vnnd ſie
verfuͤhren dich durch jhre ſchmaichlerey: je
naͤhender auch dir dein freundt verwandt iſt/
je mehr verlanget jhne nach deinem todt/ da-
mit er dich moͤge erben.
Diſes hat wol verſtanden der jenig/ wel-
cher geſagt hat: Omnia arbitratus ſum vt
ſtercus: das iſt/ alle zeitliche ding hab ich
fuͤr ein Koth gehalten: Was iſt das Goldt an-
derſt/ als ein hepffe der Erden? was iſt das
Silber vñ Edelgeſtein anderſt/ als ein ſchaunt
der Erden/ ſo darinn wachſen vnd herfuͤr ge-
bracht werden? Was ſeind die Seyden vnd
Sam̃et anderſt/ als einkoth der veraͤchtlicheñ
Wuͤrmen? Was ſeind die zarte Tuͤcher an-
derſt/ als ein Wolle der Thieren? Was
ſeind die koͤſtliche Futer/ Zobl/ Marder vnnd
dergleichen anders/ als Haͤut der todten Thie-
ren? Was ſeind die gemahlte Pallaͤſt/ ver-
gulte Saͤhl/ hohe Thuͤrn/ ſtattliche Gebaͤw
vñ groſſe Staͤtt anderſt/ als Erd? Was ſeind
die digniteten vnd ehr anderſt/ als Windt?
Was iſt die gantze Welt anderſt als Erd? O-
mnis caro fœnum & omnis gloria eius
quaſi flos agri. Weil dann der Menſch ein
ſo herꝛliche Creatur vnnd erſchaffen iſt/ daß er
GOtt lieben vnnd genieſſen ſoll/ ſo iſts je ein
ſchandt/ daß er ſein Lieb von jhm ab/ vnnd zu
veraͤchtlichen dingen verwendet. Dermaſſen
wenig gilt bey GOtt dem Herꝛn das Goldt
vnd edle Geſtein/ daß Salomon mit aller ſei-
ner glory/ herꝛlichen vnnd koͤſtlichen Kleidern
vnd Zierden nit ſo ſchoͤn bekleidt war/ wie ein
Blum deß Feldts. Dann ob ſchon die Koͤni-
gin von Saba ſich vber deß Salomons reich-
thumb vnd koͤſtlich heit/ vñ nit vber ein Blum
verwunderte/ ſo iſt doch ſolches aller naͤrꝛiſchẽ
Weiber vnd vnbeſoñenen Maͤnner gebrauch
vnnd ein gemeiner Jrꝛthumb der Menſchen/
welche nur nach dem euſſerlichen ſchein vr-
theilẽ/ daran aber iſt vnſer begierlichkeit ſchul-
dig: O wie vil angenem̃er waͤre es Gott dem
HErꝛn/ vnd dir nutzlicher/ wann du reine Au-
gen hetteſt/ dann als dann wuͤrde dich vil ſchoͤ-
ner zu ſeyn geduncken die Lilge/ welche Gott
gemahlt hat/ weder das Kleydt/ welches der
Menſch gewebt hat: Sicut lilium inter ſpi-
nas, ſic amica mea inter filias.
Derwegen O Menſch/ diuitiæ ſi afflu-
ant, noli cur apponere, ſchlage alle vber-
maͤſſige ſorgen reich zu werden/ auß deinem
Hertzen/ vnnd mache es nit zu einen Sclauen
deß Koths der Erden/ eytel biſtu woferꝛn du in
der eytelkeit diſer zergaͤngklichen Guͤter ſetzeſt
dein hoͤchſtes Gut: Ein eytelkeit iſts/ wann du
dein Hertz gibſt vnder das Joch der eytelkeit
diſer knechtlichen Welt: verwirff außdeinem
Hertzen die Reichthumb der Erden/ ſo wirde
es erfuͤlt werden mit den wahren Reichthum-
ben deß Himmels.
Diſcurs von der wahren Weißheit
vnnd von der weltlichen Fuͤrſichtigkeit/
deßgleichen von jhꝛer Thor-
heit.
DEr dritte Tiſchgenoß diſcurrirte
von der Weißheit/ wie folgt: Zwey-
erley Weißheit find ich/ ein vnder-
ſchaffene vnd ein erſchaffene: Die vnerſchaf-
fene weißheit iſt nichts anders/ als Chriſtus
Gottes Sohn/ demſelben wirt die weißheit zu
geeygnet/ allermaſſen GOtt dem Vatter die
macht/ vnd Gott dẽ Sohn die guͤtigkeit zuge-
ſchriben wirdt: Die erſchaffene weißheit aber
wird ein Menſchliche odeꝛ Engeliſche geneñt/
vnd hat drey ſignificationes, erſtlich bedeut
ſie alle erkaͤntnuß der Menſchlichen vñ Goͤtt-
lichen ding: Am andern bedeut ſie nur die er-
kaͤntnuß der ewigen ding: Drittens bedeut ſie
die erkaͤntnuß Gottes ſam̃t der pietet. Son-
ſiẽ aber wird die weißheit gemeinglich getheilt
in ein Goͤttliche vnd Menſchliche/ oder in die
weißheit vnd in die fuͤrſichtigkeit.
Was nun die Weißheit belangt/ ſagt man
daß ſie in der erforſchung der Natur vnnd in
der ſpeculation der Goͤttlichen vnnd aller-
hoͤchſten ding beſchehe. Oſorius diſcurrirt
ſehr ſchoͤn daruon vnd ſagt/ daß alle weißheit
in der erkaͤntnuß GOttes beſtehe/ dann er iſt
ein Vatter vnnd erſchaffer aller ding/ ein an-
fang der gantzen Natur/ ordnung/ ſchoͤnheit
vnnd alles guten: Von jhm entſpringt alles/
durch ſein guͤte wird alles erhalten vnnd in jh-
me beſtehet die Summa deß hoͤchſten guts
vnd ſeligen Lebens: Derwegen iſt nur der je-
nig allein weiſe/ welcher GOtt den Herꝛn er-
kennet: Alle andere cognitiones vnd erkaͤnt-
nuſſen aber ſeind nur adminicula vnnd be-
helff/ dardurch das Menſchliche Gemuͤt de-
ſto leichtlicher zu der Goͤttlichen erkaͤntnuß
gelanget/ dann alle andere mathematiſche/
phyſiſche vnnd jrꝛdiſche ſcientzen oder kuͤnſt
zielen nur dahin/ daß wir auß den Wercken
der gantzen Natur/ Gott den Herꝛn/ als einen
Vatter der Natur vnnd einen Herꝛen aller
dingen/ erkennen vnd verehren moͤgen. Weil
dann die erkaͤntnuß Gottes das Zihl der weiß-
heit vnd die perfectio deß ſeligen Lebens iſt/
ſo folgt/ daß der jenig/ welcher Gott den Her-
ren nit erkennet/ ein pur lauterer Narꝛ ſeye/ vn-
angeſehen er in allen andern ſcientijs vnnd
kuͤnſten noch ſo geſchickt vnnd gelehrt were:
hergegen iſt der jenig weiſe/ welcher GOttes
deß Herꝛn ein wiſſenſchafft hat/ vnangeſehen
er ſonſten nit faſt gelehrt iſt.
Was aber die Fuͤrſichtigkeit belanget/
beſtehet dieſelbige in der moderation vnd re-
gierung der Staͤtt/ Landen vñ Leuthen/ in er-
haltung deß Haußweſens vnnd Geſindts/ in
abtreib: vnd verhuͤtung der ſchaͤdlichen/ vnd
in procurirung der nutzlichen ding: Derglei-
chen fuͤrſichtige vnnd weiſe Leuth werden ins
gemein politici genent/ vnd dieſelbigen woͤl-
len bißweilen vermeinen vnnd darfuͤr halten/
daß die erſtbemelte ſapientes oder Weiſen/
welche ſich auff die Erkentnuß GOttes vnd
ſpecuitrung der Goͤttlichen ding begeben ha-
ben/ nit tauglich noch bequem ſeyen/ die Staͤtt
Land vnd Leuth zu regieren/ derwegen ſchlieſ-
ſen ſie dieſelbigen auß dem Rath oder Regi-
ment/ gleichſamb koͤndten die ſapientes oder
weiſen nit auch zugleich prudentes oder fuͤr-
ſichtig ſein. Man jrꝛet ſich aber dißfals/ dann
wer kan fuͤrſichtiger ſein/ als eben ein ſolcher
weiſer Mann? Wer kan den ſchaden vnd ge-
fahr deß Landts ſcharpffſinniger fuͤrſehen vnd
verhuͤten/ als eben ein ſolcher Weiſer? durch
die Goͤttliche diſciplin iſt er dermaſſen in allen
guten dingen vnderwiſen worden/ daß ſich
nichts begeben vnd zu tragen kan/ ſo jhne be-
truͤge: aber vnſere weiſe vnd fuͤrſichtige poli-
tici verhacken ſich bißweilen in jhren Rath-
ſchlaͤgen/ verſchneiden die Kappen/ ſetzen das
fleckel neben das loch/ vnd ſchlagen die Reli-
gion vnd Ehr Gottes an ein Ohꝛ.
Die Welt helt nur den jenigen fuͤr weiſe
vnd fuͤꝛſichtig/ welcher ein guter politicus iſt/
welcher mit den Laſtern diſſimuliren, mit
der Religion lauiren, conuiuiren, laichen/
fuchsſchwaͤntzlen/ vnd nur nach der Ehr vnd
digniteten trachten kan/ hergegen helt ſie die
jenigen fuͤr Narꝛen/ welche dergleichen eytel-
keiten verachten: Die politici vnnd Welt-
menſchen verachten dergleichen Leuth/ ſamb
waͤren ſie jhres verſtandts beraubt/ aber ſie
wiſſen nicht/ daß ſolche Leuth brinnende Am-
peln/ hergegen diſe Welt nur ein Windt vnd
Dunſt iſt. Die frommen vñ einfaͤltigen wer-
den von den Weltmenſchen veracht/ aber von
Gott hoch geehrt: Die Welt lobet vnnd eh-
ret nur was dem euſſerlichen anſehen nach
reich/ maͤchtig/ anſehenlich vnd ſchoͤn iſt/ aber
Gott ſihet was inwendig iſt/ was die Welt
gedunckt arm vnd veraͤchtlich zu ſeyn/ das lo-
bet Gott vnd erhoͤhets vber die Wolcken. Die
weltliche Fuͤrſten hielten die heilige Martyꝛer
fuͤr Narꝛen/ als ſie dieſelbigen ſo gar gern vnd
gutwilligklich ſterben ſahen: Vil weiſe Welt-
Menſchen halten die Euangeliſche Armut
vnd das betilen fuͤr ein thorheit vnnd ſchandt:
Jener Politiſcher naßwitziger Weltweiſer
ſprach zum heiligen Paulo: Inſanis Paule,
multæ te literæ ad inſaniam conuertũt:
Aber Paulus antwortet: non inſanio opti-
me. Feſte, ſed veritatis & ſobrietatis ver-
ba loquor. Weil Feſtus die geheimnuß der
Lehr Pauli nicht verſtundt/ ſo hielt er jhne fuͤr
einen Narꝛen/ allermaſſen die Welt alles das
jenig fuͤr ein torheit helt/ was ſie nit verſtehen
oder erꝛaichen kan: Diſes iſt das Vrthel/ wel-
ches die Welt vber die frommen fellt: Die
Goͤttliche Weißheit/ welche in der wahren
mortification vnnd ſeiner ſelbſt verlaugung
beſtehet/ wirdt von der Welt gehalten fuͤr
ein Thorheit: Aber ſehr weiſe iſt der jenig/
welcher die Welt von Gottes wegen verach-
tet/ vil weiſt der jenig/ welcher ſich weiſt zu
ſaluieren vnnd ſelig zu machen/ vnnd nur
ein ſolcher iſt weiſe/ dann alle andern ſeindt
Narꝛen vnnd ignoranten: Die hochheit der
weißheit Chꝛiſti beſteht in der wahren verach-
tung ſeiner ſelbſt: Ob ſchon einer alle freye
kuͤnſt perfectiſſimè wuͤſte/ ſo hilffts jm doch
nichts/ woferꝛn er von jhm ſelbſt nichts weiſt:
Er diſtrahirt ſich in den euſſerlichen dingen/
vnd ſich ſelbſt kennet er nit/ vnd von jhm ſelbſt
weiſt er nichts zu ſagen: Selig iſt der ſich
befleiſſet weiſe zu ſein vor GOtt/ vnnd der
die weißheit der Welt verachtet/ Ein ei-
niger Tropffen der Goͤttlichen Weißheit
iſt vil beſſer/ denn das hohe vnnd tieffe Meer
der Weltlichen Weißheit. Diſes iſt die
Schul/ in deren der Menſch bey Tag bey
Nacht ſtudieren vnd ſich befleiſſen ſoll war-
hafftigklich mortificiert zu werden. Die
Welt helt den Reichen vnd maͤchtigen fuͤr ſe-
lig/ vermuͤg der Wort: Beatum dixerunt
populum cui hæc ſunt: Aber Chriſtus hat
mit ſeiner hoͤchſten Weißheit die ſeligkeit ge-
ſetzt in der armut/ ſprechendt: Beati paupe-
res ſpiritu.
Wer in der maͤſſigkeit/ Keuſchheit/ de-
mut vnd Andacht lebt/ vnd ſich vor der gefahr-
der verſuchung huͤtet/ der iſt weiſe vnd gefaͤllt
GOtt dem HErꝛn. Nur der jenig hat ein
gutes lob vnd ehrlichen Namen/ welcher ſich
eines guten Gewiſſens befleiſt/ welcher frid-
lich lebt/ vnd ein froͤliches Hertz hat. Die weiß-
heit diſer Welt iſt ein Eytelkeit/ vnd ein thor-
heit vor GOtt: Die Weißheit deß Fleiſches
iſt ein Todt der Seelen/ aber die wahꝛe weiß-
heit beſtehet in deme/ daß man die Welt ver-
achte/ die Wolluͤſt meide/ das Fleiſch kaſteye/
das Gewiſſen reinige/ die Tugenden liebe/ vñ
die ewige Guͤter ſuche: Eytel vnnd naͤrꝛiſch
iſt/ der die ſchaͤdliche ding liebet/ vnd das Heyl
ſeiner Seelen dahinden laͤſt.
Beſchließlichen find ich etliche Zeichen/
darbey ein Weiſer zu erkennen. Das erſte iſt
wann einer ſich vor Suͤnden huͤtet/ vnnd deß
reinen Lebens befleiſſet/ dann in maleuolam
animam non introibit ſapientia. Am an-
dern/ wann einer im guten fuͤrſatz ſteiff beharꝛ-
ret/ dann homo ſenſatus in ſapientia ma-
net ſicut Sol. Drittens/ wann einer demuͤ-
tig iſt/ vnd alle arꝛogantz fliehet/ dann vbi hu-
mili-
militas ibi ſapientia. Viertens/ wann einer
zu rechter zeit weiſt zu ſchweigen/ dañ ſtultus,
ſi tacuerit, ſapiẽs reputabitur. Zum fuͤnff-
ten/ wann einer die zukuͤnfftige ding fuͤrſihet/
vtinam ſaperent & intelligerent, & no-
uiſſima prouiderent. Sechſtens/ wann ei-
ner gedultig iſt in allen dingen/ dann impati-
ens operatur ſtultitiam. Zumſibenden/
wann einer ſein grauitet erhelt wider die ey-
tele frewd der Welt/ dann cor ſtultorum v-
bi lætitia, cor ſapientum vbi triſtitia.
Diſcurs vom Adel.
DEr vierdt Tiſchgenoß diſcurrir-
te von dem Adel/ vnnd ſprach: Der
Adel iſt ein herꝛliche vñ ſchoͤne qua-
litet, wer jhne verachtet/ der gibt zu erkennen/
daß er die heilige Schrifft nicht geleſen/ dann
im Buch Numeri leſen wir: Nobiliſſimi
Principes multitudinis: Jtem/ ille mul-
tò plures & nobiliores, quam antea mi-
ſerat, miſit: Jtem/ mulier Midianitis fi-
lia
lia ſur nobiliſſimi Principis Madianita-
rum. Item: Qui contemnunt me erunt
ignobiles. Item: Nobilis in portis Vir
eius quando ſederit cum ſenatoribus
terræ. Item: Beata terra, cuius Rex eſt
nobilis. Item: Homo quidam nobilis
abiit in regionem longinquam accipere
ſibi regnum & reuerti. Item: Hi autem
erant nobiliores eorum qui ſunt Theſ-
ſalonicæ. Hierauß erſcheint die wuͤrdigkeit
deß Adels. Alle Scribenten loben den Adel/
aber doch weil der Adel nur auß der Tugendt
entſpringt/ ſo wird ohne dieſelbe aller Adel deß
Bluts fuͤr veraͤchtlich gehalten/ vermuͤg der
Wort:
Hoſtienſis ſchreibt außtrucklich/ daß der
Adel deß Bluts nit beſſer ſeye/ als eben der A-
del deß vnflats vnd corruption, welche auß
vnſerẽ Leib geht. Mattheus Afflictus ſpricht.
Als Fabius Quintilianus gefragt wardt/
wer edel were? antwortet er: Nobiliſſimus
eſt is qui optimus eſt: Vil Keyſer vnnd
Koͤnige waren vnedel/ aber durch jhre Tu-
gendten ſeind ſie edel vnnd maͤchtig worden:
Hergegen ſeindt vil edle Fuͤrſten vnedel
vnnd veracht worden wegen jhrer Laſter.
Vilen Leuthen iſt der Adel vil ſchaͤdlicher
denn nutzlicher/ dann dardurch werden ſie
hoffaͤrtig/ ehrgeitzig/ rachgirig vnd vnkeuſch:
Gloria eorum à partu & ab vtero & à
conceptu: Von jhrer Geburt hero waͤchſt
die eytelkeit in jhnen/ die ding/ dardurch die
Edelleuth verobligirt ſeindt/ Tugentſamb
zu ſein/ brauchen ſie fuͤr ein occaſion vnd
vrſach deſto liederlicher zu ſein/ der Adel
deß Bluts noͤtiget vnnd zwinget ſie gleich-
ſamb/ den Tugentſamen Fußſtapffen jhrer
Voreltern nach zufolgen/ der Adel iſt ein
ewiges erbgut der Tugenten jhrer Vorfah-
ren.
Welcher Edelman aber ſeinen tugentſamẽ
voreltern nit nachſchlegt/ der iſt einem mon-
ſtro oder Meerwunder gleich/ welches ſeinẽ
Vater vnaͤnlich iſt. Eytel iſt der jenig/ der ſich
ſeines Adels beruͤhmet/ dann er gibt denen/ die
es hoͤren/ ein ſtarckes teſtimonium vñ zeug-
nuß ſeiner Thorheit. Das Gott der HErꝛ
nach dem Adel deß Bluts wenig frage/ er-
ſcheint daher/ allweil er den Saul/ welcher
deß aller veraͤchtlichſten Geſchlechts der 12.
Staͤmmen Jſraels war/ erwehlt hat fuͤr ei-
nen Koͤnig in Jſrael: Ob wol Jephte ein
Baſtart oder Banckert war/ nicht deſto weni-
ger erwehlte jhne Gott fuͤr ein Erloͤſer vnnd
Beſchuͤtzer ſeines Volcks wider die Ammo-
niter. Nicht hat Chriſtus/ als er in die Welt
kam/ die Edlen/ ſonder die Vnedlen vnnd ar-
me Fiſcher erwehlt. Ob ſchon er ein Koͤnig
vnd Herꝛ war/ ſo hat er doch ſich ſelbſt nur ei-
nen Hirten genennt. Quicunque honori-
ficauerit me, glorificabo eum, qui autem
contemnunt me, erunt ignobiles, ſpꝛicht
der HErꝛ ſelbſt/ als wolte er ſagen: Wer mich
ehꝛet/ meine Geſetz vnd Gebott helt/ vnnd tu-
gentſamb iſt/ den wil ich hinwider ehren/ vnd
fuͤr einen edlen Mann halten/ Wer aber mich
verachtet vnd laſterhafftig iſt/ den wil ich hin-
wider verachten/ vertilgen/ vnd fuͤr einen vn-
edlen vnbekandten halten. Edel iſt der jenig/
welcher den Laſtern nit dienet/ das iſt der wa-
re Adel/ welcher die Menſchen zu Kinder Got-
tes/ vnd Miterben deß Himmels macher: der
jenig erhelt ſeinen Adel vollkom̃uch/ weicher
den Suͤnden nit dienet/ noch ſich von jhnen
laͤſt beherꝛſchen. Der hoͤchſt Adel iſt wann ei-
ner herꝛlich vnd fuͤrtreflich in Tugenden/ vnd
ein Kindt Gottes iſt: das vbrige alles mit ein-
ander iſt nur ein eytelkeit/ traum vnd thoꝛheit/
dann wir ſeindt je nichts anders/ als Erd/
Koth vnd Aſchen. Die Wuͤrm/ welche vnſere
Vorfahren im Grab verzehꝛt haben/ werden
vnſer eben ſo wenig verſchonen: Der Adel/
welchen wir von jhnen geerbt haben/ war
mortalitas & corruptio: Diſes ſeind die
Wappen/ die wir in vnſerm Schildt/ vnd nit
oben an vnſern Hauß Thuͤren/ ſonder in vn-
ſere Hertzen ſetzen/ vnd alle andere weltliche
eytele vnd naͤrꝛiſche verachten ſollen.
Hierauß erſcheint nun wie naͤrꝛiſch die je-
nige Koͤnige vnd Fuͤrſten handlen/ welche jre
Trommeter/ Koͤch vnnd Kelner adlen/ vnnd
welche die dienſt vnd Ambter der Eltern auff
die Kinder perpetuiren, vnangeſehen dieſel-
bigen vntaugliche vnnd nur grobe Bengel
ſeindt. Die Koͤnige in Calicut verehren den
Adel vber alle Menſchheit: Der Eheſtandt iſt
jhnen verbotten/ deß gleichen alle gelehrt-
heit vnnd tugentſamme ſtudia vnnd vbun-
gen/ außgenommen das Kriegsweſen. Con-
cubinen oder Beyſchlaͤfferin moͤgen ſie
halten ſo vil ſie geluſtet: So vil Weiber
ſo vil Kupler/ aber doch doͤrffen ſie nur
mit adelichen jhres gleichen Perſonen fleiſch-
lich zuſchaffen haben/ dann ſonſten wuͤr-
den ſie fuͤr vnrein gehalten/ es wuͤrde auch jhr
Adel dardurch zum hoͤchſten iniuriert vnnd
geſchaͤndt werden. Ja was mehr iſt/ kein
vnedler darff ſie anruͤhren/ dann ſie er ſiechen
die jenigen/ ſo ſich zu ſehr zu jhnen nahen.
So gar muͤſſen die Vnedlen (allermaſſen
die Gondelierer zu Venedig thun) ſich
auff der Gaſſen ſchreyendt melden/ damit
ſie nicht etwann zuſammen ſtoſſen. Nicht
allein inn Calicut, ſondern villeicht auch
anderſtwo koͤndten dergleichen Bockſioltze/
hochtrabende/ dolle/ volle/ vnſinnige nobili-
ſten
ſten gefunden werden/ welche ſich ſo gar der
gelehꝛten/ geſchweigens der ſchlechten Leuthen
gemeinſchafft ſchemen/ vnnd ſchier niemandt
neben jhnen paſſieren noch hinkommen laſſen
woͤllen. Nicht diſer meinung war jener Chriſt-
liche Koͤnig in Franckreich Ludouicus Pius,
dann er ſagte/ daß weder die fauor vnd gunſt
deß Fuͤrſten/ noch die Reichthumb befuͤgt vnd
berechtigt ſeyen/ einen vntugentſamen Die-
ner zu adlen: Als jm einsmals zween compe-
titores zu einem Ampt/ dern der einer ein E-
delman/ der ander aber keiner war/ fuͤr geſchla-
gen wurden/ reſoluierte er ſich vnd befalch/
daß ohne allen reſpect noch anſehen der Per-
ſonen/ der allertauglichſt vnd tugentſambſt er-
woͤhlt/ woferꝛn aber jhrer beyder qualiteten
einander gleich weren/ als dann der Edelman
dem vnedlen vorgezogen ſolte werden.
Diſcurs warumb Gott verwillige/
daß die Gottloſen in diſer Welt
florieren.
DEr fuͤnffte Tiſchgenoß diſcurrirte
vnd redete von der vrſach/ warumb
doch Gott verwillige/ daß die Gott-
loſen in diſer Welt proſperiren, floriren
vnnd triumphiren/ vnnd ſprach: Die gluͤck-
ſeligkeit der Gottloſen in diſer Welt hat vilen
Leuten vrſach geben/ ſich druͤber zu verwunde-
ren vñ ſeltzamb darnon zu reden. So gar Da-
uid verwundert ſich deßwegen vnnd ſpricht:
Ecce ipſi peccatores & abundantes in ſe-
culo obtinuerunt diuitias. Der Prophet
Malachias beklagt ſich/ daß zu ſeinen zeiten
vil Leut wider die Goͤttliche fuͤrſehung mur-
reten/ ſeytemal ſie ſahen/ daß es den Gottloſen
ſo gar wol ging/ vnnd ſpricht: Jhr habt dem
Herꝛn in ewren reden arbeit geſchafft/ vnnd
geſagt: Ein jegklicher/ der arges thut/ iſt vor
den Augen Gottes gut/ vnd hat ein wolgefal-
len an jhm/ oder wo blibe ſonſt der Gott deß
vrtheils? Wer Gott dienet/ der iſt ohne Lohn
vnnd vergeltung/ vnnd was nutzet es vns/ daß
wir ſein Gebott halten/ vnnd vor dem Herꝛn
Zebaoth trawriglich gehandlet haben? Dar-
umb loben wir die ſtoltzen vnd veraͤchter/ vnd
die Gottloſigklich handlen/ dann ſie ſeind er-
bawen/ vnnd nemmen zu/ ſie haben Gott ver-
ſucht/ vnd ſeind doch daruon kommen. Deß-
gleichen beklagt ſich der Prophet ſprechendt:
quare reſpicis contemptores & taces, cõ-
culcante impio iuſtiorem ſe, & facies ho-
mines ſicut piſces maris? Auß diſen wer-
cken GOttes lehrnen die Frommen die tieffe
der Goͤttlichen vrtheil/ zum theil zu erkennen
vnd zu ſprechen: Cognoui Domine, quiæ
æquitas iudicia tua? Zu erleuterung aber
diſes zweifels/ iſt zu wiſſen/ daß dreyerley art
der boͤſen Menſchen in diſer Welt gefunden
werden/ nemblich boͤſe/ ergere vnd ergiſte/ vnd
ſie alleſambt floriren vnnd triumphiren/ aber
jhre triumph ſeind ein zeichen jhres ewigen
verderbens/ woferꝛn ſie ſich nit beſſern vnd be-
kehren.
Was dann erſtlich die boͤſen belangt/ be-
ſcheret GOtt denſelbigen in diſein Leben die
zeitliche Guͤter/ allweil er ſie dardurch bezah-
let/ ergetzet vnd zur erkendtnuß jhrer ſelbſt vnd
zur bekehrung locket: Er erzeiget auch dißfals
ſein weißhet/ macht vnd guͤte/ aber ſolche boͤſe
vnd gottloſe Menſchen woͤllens nit recht er-
kennen/ ſonder ſchreibens alles entweder der
Goͤttlichen fuͤrſehung/ oder jrem ſelbſt eignen
verſtandt/ kunſt/ geſchicklichkeit vñ embſigkeit
zu/ vnd beharꝛen in jrer boßheit/ hoffart/ blind-
heit vnd halßſtarꝛigkeit/ derwegen beklagte er
ſich vñ ſpricht durch den Eſaiam: manda,re-
manda, expecta reexpecta modicum ibi,
modicũ ibi, vt vadant & cadant retrorsũ,
vt conterantur & capiantur. Deßgleichen
beſcheret Gott den boͤſen Menſchen die zeit-
liche guͤter vnd ergetzet ſie wegen jhrer guten
werck/ vnd ſpricht gleichſamb zu jhnen: tolle
quod tuum eſt & vade: nimb hin deinen
Lohn in diſer welt vnd gehe zur hoͤllen. O wie
vil Menſchen fuͤhren ein boͤſes leben mit wu-
chern/ ſchinden vnnd ſchaben/ vnnd beſuchen
doch darneben die Spitaͤl/ geben vil allmuſen/
vnd bekleiden die nackenden/ darfuͤr gibt jhnen
Gott reichthumb vnnd ſchoͤne Kinder/ Aber
doch ſagt er von jhnen: receperunt merce-
dem ſuam.
Was ferꝛner die peiores oder aͤrgere Men-
ſchen belangt/ gibt jhnen Gott gleichfals zeit-
liche guͤter/ erſtlich zum deſpect vnd auß ver-
achtung/ dañ dergleichen guͤter ſeind eytel/ laͤr
vnd vnfruchtbar/ vnd ob ſchon ſolche reichen
vermeinen/ daß ſie den Reichthumben den
hoͤchſten nagel der gluͤckſeligkeit erꝛeicht habẽ/
ſo erfahꝛen ſie doch letztlichen in jrẽ Todtbeth/
dz ſie arm/ bloß vñ betler ſeind/ vnd dz jre reich-
thumb nur ein ſchatten vnd traum geweſt. Zu
gleicher weiß wie ein Haußuatter d’ vber tiſch
ſitzet/ ſeinen Hunden etwañ ein bein zuwirfft/
vñ dieſelbigen daꝛan nagen vñ einen ſo gꝛoſſen
luſt drinn haben/ daß ſie es vmb kein Koͤnig-
reich verwechßelten/ alſo vnnd ebner Geſtallt
gehet Gott mit ſolchen reichen vmb/ Er ſetzet
ſie an ſeinen Tiſch der Geiſtlichen wolluͤſt/
er wirfft jhnen die Weltliche Reichthumb
zu/ vnd dieſelbige ſeindt jhnen der maſſen lieb/
daß ſie vil lieber den Himmel/ denn jhr
Gelt/ Gut vnnd Macht hingeben vnnd ver-
lieren wolten. Weil auch Gott bißweilen
die boͤſen in diſem leben ſtraffen will/ ſo be-
ſchert er etlichen boßhafftigen Menſchen
groſſe Reichthumb vnnd macht/ da mit ſie ein
Ruthe viler anderer boͤſen vnnd Gottloſen
ſeyen/ vermuͤg der Wort: Vindicabo me
de inimicis meis cum inimicis: Nicht bil-
lich iſts/ daß Gott im ſtraffen/ das Ambt eines
Henckers vertrette/ er wil auch nicht/ daß ſeine
Freunde es verꝛichten/ derwegen bereichert er
bißweilen die Gottloſen/ vnnd brauchet ſie zu
einer Geiſſel wider ſolche Gottloſen jhres
gleichen/ derwegen ſpricht er: confortabo
brachia Regis Babylonis, & dabogladiũ
in manu ſua. Vnnd Job ſpricht: regnare
facit hypocritam propter peccata popu-
li. Dann woferꝛn die Gottloſen diſer geſtallt
nit geſtrafft vnd außgereut wuͤrden durch die
Gottloſe hoffertige Menſchen/ ſo wuͤrden ſie
vnendlich wachſen vnnd vberhandt nemmen.
Es erfolget auch bißweilen auß ſolchem ſcha-
den das heyl vnd die bekehꝛung viler Suͤnden/
darnach dann Gott ein ſonderbares verlan-
gen hat.
Beſchließlichen die peſſimos peccato-
res oder die aller aͤrgiſte vnd Gottloſeſte ſuͤn-
der belangendt/ gibt jhnen GOtt die Reich-
thumb zu jhrem ſelbſt eygnen verderben/ ver-
muͤg der Wort: Creaturæ Dei in odium
factæ
factæ ſunt, & in tentationem animæ ho-
minum: Wir ſehen/ daß ein Wucherer ſich
dermaſſen in ſein vbel gewunnenes Gelt ver-
liebet/ daß er niemaln kein ruhe noch leyd em-
pfindet/ noch das vnrecht er oberte Gelt vnnd
Gut widerumb erſtattet: Man findt vnkeu-
ſche Geſellen/ ſo jhre Concubinen dermaſ-
ſen lieben/ daß ſie vil lieber jhre digniteten,
ja jhr Leben verlaſſen/ denn von jnen abſtehen
woͤllen. Deßgleichen findt man ehrgeitzige
Hofleut/ welche vil lieber jhre grandeza vnd
hochheit zu Hof continuiren vnnd druͤber
ſterben vnd verderben/ deñ ſich einsmals dar-
von zu ruhe vnd zum dienſt Gottes begeben/
vnd dem heyl jhrer Seelen abwarten woͤllen/
derwegen heiſts bey jhnen: qui in ſordibus
eſt, ſordeſcat adhuc: Jhre jrꝛdiſche com-
moditeten, gute gelegenheiten/ wolluͤſt vnd
hochheiten ſeind Strick vnnd Netz/ darin diſe
armſelige Leut (welche von der Welt fuͤr ſehr
gluͤckſelig geſchetzt werden) gefangen ligen:
Vnd es redet der heilig Auguſtinus von jh-
nen vnnd ſpricht: nihil eſt infelicius felici-
tate peccantium, qua pœnalis nutritur
iniqui-
iniquitas & mala voluntas interius ro-
boratur. Dergleichen peſſimi vnd aͤrgiſten
Leuth werden auch erhoͤcht zu deſto mehrer
jhrer confuſion, Schandt vnnd Schaden:
Zugleicher weiß wie ein ſtarcker Ringer ſei-
nen Feindt von der Erden hoch auffhebt/
damit er jhne darnider werffen vnnd vber-
winden moͤge/ alſo bewilligt GOtt/ daß die
Gottloſeſte Menſchen erhoͤcht werden/ da-
mit ſie einen deſto tieffern vnnd ſchwerern
fall thun ſollen/ vermuͤg der Wort: Pro-
pter dolos poſuiſti eos, deieciſti eos dum
alleuarentur. Endtlichen iſt die gluͤckſelig-
keit der Gottloſen ein vnfehlbares Kennzei-
chen daß GOtt ſie verlaſſen habe: Wie
die Medici, wann ſie an einem Krancken ver-
zagt haben/ jhme ferꝛner nichts rathen noch
eingeben/ ſondern jhm alles verwilligen was
er begert/ alſo laͤſt GOtt die Gottloſen in
jhrer zeitlichen Gluͤckſeligkeit leben/ vnnd iſt
ſolches ein zeichen daß kein hoffnung jhrer ſe-
ligkeit mehr verhanden/ continuus enim
fucceſſus temporalium æternæ repro-
batio-
bationis certiſſimum eſt iudicium; Vnde
ſicut fulgur tonitrua portat, ita proſpe-
ritas ſupplicia ſempiterna pronunciat.
Wie wirdts aber jhnen letztlichen in jener
Welt vnd in der Hoͤllen ergehen? Geſagt ſoll
zu jnen werden: Recepiſti bona in vita tua,
& Lazarus ſimiliter mala, nunc ille con-
ſolatur, tu autem cruciaris. Wer diſes be-
trachtet/ der wirdt in diſem Leben gar gern
allerhand noth/ ſchmertzen/ armut vnnd wi-
der wertigkeit leyden vnnd außſtehn/ damit er
in jenem ſelig werden moͤge: ſprechen wird er:
Deficiat in dolore vita mea & anni mei
in gemitibus, vt requieſcam in die tribu-
lationis.
Bißweilen werden auch die Gottloſen
von GOtt auß ſonderbaren Vrſachen er-
hoͤrt/ erſtlich zur beſtaͤttigung deß Glaubens/
derwegen werden am Juͤngſten Tag jhrer
etliche ſprechen: Herꝛ/ haben wir nicht inn
deinem Namen geweiſſaget/ die Teuffel ver-
triben/ vnnd vil Wunderwerck begangen?
Aber der HERR wirdt jhnen antworten:
Jch kenne euch nit: Dann nit das Leben/ ſon-
der der Glaub wircket wunderzeichen. Der
wegen koͤnnen die Ketzer keine Wunderwerck
begehen. Die andere vrſach iſt/ wann ſie ſich
bekehren/ jnmaſſen an der Magdalena vnnd
den Niniuitern zu ſehen iſt/ vnnd ob ſchon ſie
allzeit erhoͤrt werden/ ſo vil die remiſſionem
culpæ belangt/ (dann Gott hats jhnen ver-
ſprochen/ da er ſagt: Si reuertimini & qui-
eſcatis ſalui eritis) ſo beſchichts doch nit wz
die verzeyhung vnd nachlaſſung der ſtraff be-
trifft. Drittens vñ beſchließlichen werden ſie
erhoͤrt zu jhrer ſelbſt eygnen ſtraff vñ ſchaden/
jnmaſſen den Jſraelitern beſchehen/ als ſie vm̃
Fleiſch baten/ derwegen ſpricht Auguſtinus:
Si hoc à Deo petitur, vnde exauditus læ-
datur, magis metuendum eſt, nequod
poſſet non dare propitius, det iratus. Vis
exaudiri miſericorditer, vide Dei filius
ſis, delectare in Domino, & dabit ti-
bi petitiones cordis
tui.
Diſcurs von dem Fauor vnd
Gunſt der Welt.
DEr ſechſt Tiſchgenoß redete etwas
wenigs von dem Weltlichen Favor
vnd ſprach: Die alten haben den Fa-
uor gemahlt in der geſtallt eines jungen blin-
den Kindts/ alleinig vnd ohne alle geſellſchaft.
Etliche vermeinten auch/ daß der vrſprung
deß gunſts ſeye die ſchoͤnheit deß Leibs/ oder
der Adel deß Geiſtes/ jnmaſſen ſolches nach-
folgendes geſpraͤch deß Poeten vnnd Appel-
lis zu erkennen gibt: Poet. Was iſt diß fuͤr
ein Fraw/ welche allzeit bey dem Gunſt ſteckt/
vnd ſie niemaln verlaͤſt? Appelles: Sie iſt
die Schmaichlerey. Poet. Was iſt das fuͤr
eine/ die jhr nachfolget? Ap. Es iſt die Fraw
Inuidia oder Neydt. P. Was ſeind das fuͤr
Leut/ die jhm nachfolgen vnnd gehorſamen?
Ap. Es ſeind die Reichthumb vnd Wolluſt.
P. Warumb hat der Fauor oder Gunſt fluͤ-
gel? Ap. Weil er nit gemach gehen kan/ ſon-
der von dem Windt deß guten gluͤcks inn die
hoͤhe getriben wirdt. P. warumb iſt er blindt?
Ap. Weil die fauoriten jhre alte Freunde
nimmer kennen. P. Warumb ſetzet er ſei-
nen einen Fuß auffm Rad? Ap. Weil er
den Paß vnnd Fußſtapffen deß vnbeſtaͤndi-
gen gluͤcks wandert. P. Warumb iſt er ge-
ſchwollen? Ap. Weil die fauoriten inn
der Hoffart auffſchwellen. P. Warumb
iſt er blindt? Ap. Weil der Verſtandt der
fauoriten verfinſtert wirdt. P. Warumb
ſitzt er alleinig? Weil die fauoriten, wann
ſie gefallen vnnd den Gunſt jhrer Fuͤrſten
vnnd Herꝛen verlohren haben/ von allermen-
nigklichen verlaſſen/ veracht vnd verhaſt wer-
den.
Auß diſem Geſpraͤch iſt leichtlich abzu-
nemmen/ was es fuͤr ein gelegenheit habe
mit dem gunſt der Welt. Jch aber ſage/ daß
beſſer iſt verfolgt/ denn fauoriſiert zu-
werden/ dann inn den Verfolgungen wirdt
GOTT gefunden/ aber durch den
Weltgunſt verlohren. Die fauoriten ſol-
len nicht vermeinen/ daß ſie wegen deß gunſts
jhrer Fuͤrſten vnnd Weltlichen Gluͤckſelig-
keit/ beſſer vnnd GOtt dem HERren ange-
nemmer ſeyen/ denn ein anderer. Vmb wie
vil mehr Gunſt vnnd ehr du haſt inn diſem
Leben/ vmb ſo vil deſto gefaͤhrlicher iſts/
dann es iſt ein zeichen/ daß du kein Erb-
genam deß Himmels biſt: Zugleicher weiß
wie Abraham dem Jſmael vnnd ſeinen an-
deren Soͤhnen vil ding geſchenckt/ aber
den Jſaac zu einen Erben aller ſeiner Guͤ-
ter/ vnnd zu einem beſitzer deß Hauſes ſeines
Vatters gemacht hat/ alſo iſts nicht billich
daß die Baſtarden das Gut jhres Vatters
erben/ vnnd ob ſchon GOTT denen/
welche von jhrem wahren Vatter/ nemb-
lich GOtt/ degeneriert vnnd Laſterhafftig
worden/ allhie auff Erden vil ſchencket vnnd
ſie mit ehren vnnd reichthumben verſihet/ ſo
werden ſie doch deß Erbguts der Glory ent-
ſetzt/ hergegen haben die ehrliche Kinder/
nemblich die Frommen/ ein vngezweiffelte
Hoffnung den Himmel zu erben. Die
Weltmenſchen muͤſſen ſich mit den gaben vñ
ſchanckungen deß Menſchlichen gunſts ver-
nuͤgen laſſen/ vnd haben kein anders Erbgut
zu gewarten. Niemandt verwundere ſich/
daß die Gottloſen in diſer Welt floriren, do-
miniren vnd triumphiren/ dañ die Chriſtli-
che Religion verheiſſet vns keine fauores,
ſonder deſpectus vnd verachtungen. Die
Gottloſen haben nichts im Him̃el zu ſuchen/
vnd die frommen nichts auff Erden. Gott
ſchicket ſeinen fauoriten vnnd freunden nur
muͤhſeligkeiten allhie auff Erden zu/ damit ſie
ſich in die jrꝛdiſche ding nit verlieben/ ſonder
gen Himmel eylen ſollen: Zu gleicher weiß
wie Jacob/ als er ſahe/ daß Laban ſein ſchwe-
her jhne verfolgte/ zu ſeinen Weibern Lia vnd
Rachel ſagte: Jch will widerumb in mein
Vatterlandt ziehen/ dann ich ſihe/ daß Laban
mich nimmer mit guten Augen anſchawet/
Alſo ſoll man von Hof vnnd von der Welt
trachten/ vnd zum wahꝛen him̃liſchen Hof ey-
len/ ſeytemal man vmbgeben iſt mit ſo vilen
Neidern vnd Feinden/ die vns mit boͤſen vnd
vnguͤnſtigen Augen anſchawen.
Jener geſcheide Mahler/ mahlte auff den
Gunſt: oder Gluͤckraͤdel vier Menſchen/ der
ein ſtundt oben/ der ander vnden/ vnnd die an-
dern zwen auff den Seiten/ dern der eine auff:
vnd der ander abſtig. Der jenig/ welcher oben
auff ſtundt/ war am Leib/ Haͤnden vnd Fuͤſſen
einem Viech gleich: Der jenig/ welcher auff-
ſtig/ war in der mitte ein lauters Viech/ vnnd
das vbrige war vom Menſchen: Hergtgen
der jenig/ welcher abwertz ſtig/ war in der
mitte ein lauterer Menſch/ vnnd das vbrige
war ein Viech: Allein der jenig/ welcher vn-
den lag/ warein gantzer Menſch/ zur anzeig
vnd bedeutnuß/ was geſtalt der Fauor vnd die
Gluͤcksguͤteꝛ die jenigen/ ſo ſie nit recht wiſſen
zu gebrauchen/ nicht allein nicht vnderwiſen
noch befuͤrdert/ ſondern in vnuernuͤnfftige
Thier/ hoffertige Loͤwen/ grimmige Woͤlff/
vnd neidige Hund veraͤndert werden: homi-
nes enim cum ſe permiſcuêre fortunæ,
etiam naturam dediſcunt. Hamon war
ein hoch anſehenlicher vnd lieber Mann deß
Koͤnigs Aſſueri/ was hat jhm aber ſein groſſer
Hofgunſt geholffen? geſtuͤrtzt vnnd gebracht
hats jhne an Galgen. Nichts beſtaͤndigs iſt
in diſer Welt/ vnnd niemandt/ der ſey ſo groß
vnd anſehentlich bey Hof/ wie er jmmer woͤl-
le/ iſt vorm fall verſichert/ zumaln wañ er ſich
ſeines fauors, gunſts vnd gnaden vbernimbt/
hoffertig vnnd vbermuͤtig wirdt: nil tam fir-
mum eſt, cui periculum non ſit eriam ab
inualido, kein Glori iſt ſo beſtaͤndig/ vnd kein
gunſt iſt ſo groß/ daß kein gefahr darbey ver-
handen waͤre: Wann er vermeinet/ er ſey am
allerſicherſten vnd in beſten gnaden/ ſo nimbt
man jhne beym Grind/ vnd gibt jhm den wol-
uerdienten Lohn ſeiner Thorheit vnnd vber-
muths. Nicht allein andere maͤchtige Herꝛen
vnd fauoriten, ſonder auch die ſchlechten vñ
vnachtſamen koͤnnen bißweilen einen ſolchen
vbermuͤtigen Hofman ſtuͤrtzen. Wer aber ſol-
cher gefahr begert vberhebt vnd befreyt zuſein/
der vbernemme ſich deß Herꝛn gunſts nicht/
ſonder werffe das Ancker ſeiner Hoffnungen
in den Goͤttlichen vnd Himmliſchen gunſt/
dann groſſen Herꝛen vnnd ſchoͤnen Frawen/
ſoll man dienen/ aber vbel trawen: Jhr Gunſt
vnd Lieb hat Sonnen art/ ſcheint ſo bald auff
einen Kuͤhſpeck/ als Roſen zart.
Diſcurs von der Jgnorantz
der Welt.
DER ſibendt Tiſchgenoß diſcurrir-
te von der Jgnorantz vnnd vnwiſ-
ſenheit der Welt/ wie folgt: Die J-
gnorantz vñ vnwiſſenheit iſt ein verderben al-
ler Menſchen: Dann erſtlich iſt die Jgnorantz
vnempfindlich/ er erkeñet ſeine paſſiones nit/
vnd waiſt nit was er durch ſein ſuͤndigen ver-
liere/ derwegen iſt er ſicut dormiens in me-
dio maris, wie einer/ der mitten im Meer
ſchlafet. Am andern iſt ein Jgnorant gleich-
ſam̃ ein gefangener vnd gebundener/ vermuͤg
der wort: populus meus captiuus ductus
eſt, quia non habuit ſcientiam. Drittens
iſt er armſelig/ vnnd aller gutending embloͤſt:
vermuͤg der Wort: vanus eſt omnis popu-
lus, in quo non eſt ſcientia Dei. Vier-
tens iſt er blind/ vnd wie ein Aug andere ding/
aber ſich ſelbſt nicht ſihet/ alſo auch ein Jgno-
rant: ambulant in vanitate ſenſus ſui, te-
V 2nebris
nebris obſcuratum intellectum, alienati
à via Dei per ignorantiam. Zum fuͤnfften
iſt er ein beſtia, vnd zwar aͤrger/ dann er ſelbſt
will ein beſtia ſein/ vermuͤg der Wort Gre-
gorij: nonne tibi videtur beſtialior beſtia
rationem habens & ratione non vtens?
Æſopus erzehlt/ daß einsmals ein Fuchß in
eines Tantzers Hauß kommen/ vnd als er ein
ſchoͤne maſcara oder ſchoͤnbarth ſahe/ ſprach
er: Hoc quale caput eſt, ſed cerebrum
non habet, als wolte er ſagenꝛdiſes iſt gleich-
wol ein ſchoͤner Kopf/ vñ ſchoͤnes Angeſicht/
aber ohne Hirn. Offtermals ſehen wir einen
ſehr ſchoͤnen vnd anſehenlichen Menſchen/ a-
ber die ſchoͤnheit deß verſtandts mengelt jhm/
dann ob er ſchon etwas verſtandts hat/ ſo iſt
doch derſelb dermaſſen baͤuriſch vnnd grob/
als hette er keinen. Ein Jgnorant oder Narꝛ
iſt gleich einer ſchoͤnen Scheid/ welche mit
koͤſtlichen Perlein vnd edlen Geſteinen gezie-
ret iſt/ darin aber jnwendig ein bleyene Kling
oder Schwerdt ſteckt: Ob ſchon ein Jgno-
rant vnd Narꝛ verſehen vnd vberguldt iſt mit
der Schoͤnheit vnd anſehenlichheit deß Leibs/
mit Prælatur, digniteten, Hochheiten vnd
Ambtern/ ſo iſt er doch nichts anders/ als ein
ſtuck Bley. Als lang nun ein bleyenes ſchwerd
in einer ſo gar ſchoͤnen Scheidt ſteckt/ helt
mans fuͤꝛ ein gute gerechte vñ koͤſtliche Woͤhꝛ/
vnnd als lang ein ſolcher grauitetiſcher anſe-
henlicher Jgnorant ſtillſchweigt/ vnd nit vil
zu den ſachen redet/ wird er gleichſamb fuͤr ge-
ſcheidt/ weiſe/ gelehrt vnnd erfahren gehalten/
aber alsbaldt er anfahet den Mundt auffzu-
thun/ zu diſcurꝛiren vnd zu reden/ alsdann ſt-
het man/ dz er ein vngeſchickter Knopff/ Narꝛ/
Eſel vnd Toͤlpel iſt. Einsmals hatte ein alter
Mann einen Sohn/ derſelb war mit eben di-
ſer Sucht der Jgnorantz behafft/ damit jhm
derwegen geholffen/ vñ geheilt werden moͤch-
te/ ſo fuͤhrte er jhne zum Delphiſchen Oracu-
lo Apollinis, vnd fragte das Oraculum, ob
diſe Kranckheit curirt vnd geheilt werden koͤn-
te? Das Oraculum gab zur antwort/ daß
er diſen ſeinen Sohn dem Silentio conſe-
criren ſolte: dañ das ſtillſchweigen iſt das ei-
nige remedium fuͤr dergleichen indiſpoſi-
tiones vnd Kranckheiten: Dañ ob ſchon diſe
Kranckheit vnheylbar iſt/ ſo kan ſie doch duꝛch
das ſilentium vnnd ſtillſchweigen diſſimu-
lirt werden.
Sicut qui mittit lapidem in aceruum
Mercurij, ſic qui tribuit honorem inſi-
pienti, ſpricht der Eccleſiaſticus, als wolte
er ſagen: Wer einem Narꝛen Ehr anlegt/
der iſt als wann einer einen Stein in einen
Hauffen Stein legt: Wie der Stein/ wann
er in die hoͤhe gewoꝛffen wirdt/ mit gewalt ge-
trieben muß werden/ alſo wirdt die Chr oder
das Ambt einem Jgnoranten mit gewalt auf-
erlegt: wie der Stein/ je hoͤher er ſteigt/ je ſtaͤr-
cker er wider umb niderfelt/ vnd groͤſſern ſcha-
den thut/ alſo vmb wie vil hoͤher ein Jgnorant
ſteigt vnnd herfuͤr gezogen wirdt/ vmb ſo vil
ſchaͤdlicher felt er. Ein in die hoͤhe geworffe-
ner Stein gibt dardurch ein zeugnuß ſeiner
natuͤrlichen ſchwere/ vnnd ein zu digniteten
erhebter Jgnorant gibt zuerkeñen ſein ſchlech-
tes talentum vñ geringe qualiteten. Sicut
qui mittit lapidem ad edificandum tem-
plum in honorem Mercurij: Die Jgno-
ranten ehren/ mit digniteten vnd Aembtern
verſehen/ vnd Stein zum Kirchenbaw Mer-
curij hergeben/ iſt einerley ding: dann wann
man einem Jgnoranten vnnd Narꝛen ein an-
ſehenliches Ambt gibt/ was iſt das anders/ als
daß man einem Abgott (der nur/ dem anſehen
nach/ etwz iſt/ aber nichts weiſt/ nichts verſte-
het/ nichts ſihet vnnd nichts hoͤret) ein Kirch
bawet? wir ſehen/ dz etliche Jgnoranten/ Nar-
ren vnd Fantaſten ſich in der præſumption
jrer fantaſeyen ſtellen wie die grim̃ige Loͤwen:
wann ſie auf der Gaſſen gehen/ wenden ſie die
Augen von der einen Seiten zu der andern/
ſtreichen jhre Knoͤbelbaͤrth/ ſetzen das Baret
auf die ſeyten/ die haͤnd in die huͤfft/ ſehen ſawr
auß vnd ſehꝛ wild/ wie deß Teufels bild: aufm
Marckt vñ beym wein ſihet man/ was geſtalt
ſie die Niderlanden bezwingen/ Engellandt er-
obern/ Conſtantinopel vnder den gewalt deß
Keyſers bringen/ das heilige Landt dem Tuͤr-
cken abdringen/ jhr Faͤnlein auf den Mawren
zu Cayro pflantzen/ mehꝛ Mohꝛen denn in Af-
frica ſeind/ toͤdten/ Hauptleut beſtellen/ Coro-
nellen vnnd Generales werben/ dem Feindt
vnder Augen rucken/ ſireiten/ vberwinden vnd
vnendlich vil dapffere Thaten begehen/ deß-
gleichen verachten ſie alle andere gelehrte
Menſchen vnd dapffere Kriegsleut/ deß Koͤ-
nigs Philippi Raͤthneñen ſie narꝛen/ deſſelben
pragmaticas vnd vnoꝛdnung gloſſiren ſie/
vnd ſeind doch darneben Narꝛen in der Haut/
vnd dermaſſen forchtſamb/ feyg vnd verzagt/
daß ein einiges ſich an dem Baum bewegen-
des Blat ſie gedunckt ein maͤchtiges Kriegs-
heer zu ſein. In arrogantia quemadmo-
dum in armis inauratis non ſimilia ſunt
interiora exterioribus: Wie die verguld-
te glantzende Waffen ein ſchoͤnes euſſerliches
anſehen haben/ juwendig aber ſehꝛ ſchaͤndlich
ſeind. Alſo vnd ebner geſtallt findt man etli-
che vermeſſene Narꝛen/ welche dem euſſerli-
chen anſehen nach/ dapffere vnd kecke Loͤwen/
jnwendig im Hertzen aber vil verzagter/ denn
die Haſen ſeindt.
Groß iſt die Thorheit der Weltmenſchen/
die cognitio ſui ipſius eſt caſus ſaltem ſa-
pientibus reſeruatis: Nur die Weiſen er-
kennen ſich ſelbſt/ kein eiuiger Jgnorant noch
Narꝛ kennt ſich/ vnnd iſt vn muͤglich geſcheidt
zumachen/ nirgends im Euangelio ſind man/
daß Chriſtus einen Narꝛen heite curtrt/ dann
geſundt gemacht hat er die Blinden/ die Waſ-
ſerſuͤchtigen/ vnnd vil andere preſthafften/ a-
ber an keinem einigen Narꝛen hat er ſich geri-
ben/ die vrſach deſſen iſt/ allweil der Erloͤſer/
wann er die Leiber geſundt machte/ zugleich
auch die Seelen geſundt gemacht/ vnd ſie im
Glauben erleucht hat/ dann ſie erkennten ſich
ſelbſt/ aber weil die Narꝛen ſich ſelbſt nicht er-
kennen/ ſo ſeind ſie nit wuͤrdig geheilt zu wer-
den: Die Welt iſt voller Jgnorantz vnnd
Narꝛen: Wann einer auff einem hohen
Thurn ſtuͤnde/ vnd die occupationes, werck
vnd bemuͤhungen aller Menſchen ſehen ſolte/
der wuͤꝛde ſich dermaſſen dꝛuͤber verwundern/
daß er ſelbſt zu einem Narꝛen wuͤrde. Alle ge-
dancken der Menſchen betreffen den Leib/ alle
jhre ſorgfaͤltigkeiten beſtehen auffs eſſen/ klei-
den/ Schaͤtz ſamblen/ bawen/ gedaͤchtnuß hin-
derlaſſen/ vnd zum Grab eylen.
Vber alle Jgnoranten vnnd Narꝛen aber
ſeindt die jenigen/ welche jhre Buß biß an jhr
letztes End verſchieben. Die falſche vertroͤ-
ſtung vnnd verheiſſung deß lengern Lebens
verfuͤhret vil Menſchen: Ein vermeſſener
Narꝛ iſt der jenig/ welcher jhm ſelbſt ein
langes Leben verheiſſet/ dann er vnderſtehet
ſich GOtt dem HErꝛen die zukuͤnfftige zeit
zu benemmen/ vnnd er diſponirt mit derſel-
ben/ ſamb gehoͤrte ſie jhm vnnd nicht GOtt
zu/ vnangeſehen er villeicht heut ſterben vnnd
zu einer ſolchen zeit zu GOtt ſchreyen wirdt/
zu dern er nicht erhoͤrt ſoll werden. Etliche
ordiniren die zukuͤnfftige ding/ die nicht in
jhrer macht ſtehen/ hergegen laſſen ſie die
gegenwertige ding verwirꝛt vnd vnordentlich
durch einander ligen. Das Leben/ welches
ſie haben/ verzehren ſie/ vnd ſie machen jhnen
einen Fuͤrſatz das jenige Leben zu beſſeren vnd
zu bekehren/ welches ſie nicht haben. Den
theil deß Lebens/ welchen GOtt jhnen ge-
geben/ woͤllen ſie verzehren jhne erzuͤrnend/
hergegen wollen ſie jhm den jenigen theil jh-
res Lebens geben/ vnd ſein gnad darmit erlan-
gen/ welchen er jhnen nit gegeben. Was kan
aber eytler vnd naͤrꝛiſcher ſeyn? An jetzo vnnd
als baldt ſollen wir vns beſſern/ weil die zeit der
gnaden noch verhanden iſt/ dann diſes Le-
ben iſt vns verliehen worden/ damit wir/ ver-
mittelſt diſer vnſer bemuͤhungen kauffen ſol-
len die Ruh deß Himmels. Jn allen dingen
ſeind die Menſchen ſehr ſorgfaͤltig die gele-
gene zeit zu erwehlen/ aber nach der ſo gar gu-
ten gelegenen zeit ſich zubekehren/ fragt man
wenig. Das beſie vnſers Lebens geben wir
dem Teuffel/ aber das aller aͤrgiſte geben
wir CHriſto: O wie ſchwerlich aber wirdt
der jenig ſich zu GOTT bekehren koͤnnen
im Alter/ welcher ſein Jugendt verzehret
hat inn Suͤnden? Selten/ ja ſelten befindt
ſich ein gute diſpoſition vnnd contrition
zur zeit der aͤngſten deß Todts: Wer GOtt
nit liebet wann er noch frey vnnd wol diſpo-
niret iſt/ der wirdt jhne vil weniger lieben/
wann er den Todt/ den Teuffel vnnd die
Hoͤll vor Augen ſihet/ vnnd wann er vmb ge-
ben iſt mit groſſen ſchmertzen/ angſt vnd traw-
rigkeiten/ ꝛc. Wer Gott den HErꝛn nit ken-
nen hat woͤllen im Leben/ denſelben wirdt
er nicht keñen im Todt/ ſonder ſprechen wirdt
er zu jhnen/ wie zu jenen naͤrꝛiſchen Jung-
frawen: Fuͤrwar/ ich kenne euch nicht: O J-
gnorantz/ O Thorheit/ du biſt die fuͤrnembſte
vrſach/ warumb die Menſchen nur der Welt
ſo gar fleiſſig dienen/ vnd Sclauen jhrer paſ-
ſionen ſeind/ ſie kennen das Gut nit/ welches
ſie verlteren/ ſie erkennen das boͤſe nit/ welches
ſie leiden/ ſonder bemuͤhẽ ſich mit den eytelkei-
ten vnnd Thorheiten der Welt/ vnnd fahren
dardurch zur Hoͤllen/ dann Stultorum infi-
nitus eſt numerus.
Diſcurs vom Gewiſſen.
DEr acht Tiſchgenoß redete von der
materi deß Gewiſſens/ vnnd ſprach:
Das allerbeſte/ welches ich vnder
den Menſchlichen dingen finde/ iſt ein gutes
Gewiſſen/ ſola bona conſcientia libertas
eſt: Wo ein gutes Gewiſſen verhanden/ da
befindt ſich die Freyheit vnd Frewd/ wo es a-
ber mengelt/ da iſt gefaͤngnuß/ muͤhe vnnd ar-
beit/ derwegen ſagte Dauid/ gloria noſtra
hæc eſt teſtimonium conſcientiæ no-
ſtræ.
ſtræ. Die gerechten bemuͤhen ſich/ damit das
jnneriſte jhres Gewiſſens rein vnnd gut ſeye.
Alſo hat Dauid gethau/ ſprechendt: fiat cor
meum immaculatum in iuſtificationi-
bus tuis vt non confundar: Zur zeit deß
Todts wirdt man ſehen/ daß alle die jenige
zeit verlohren ſeye/ welche den Menſchen zu
gefallen verzehrt iſt worden/ hergegen wirdt
die jenige wol angelegt/ welche verwend wird
Chriſto zu gefallen/ vermittelſt eines reinen
Gewiſſens: Wann an jenem geſtrengen
juͤngſten Tag/ die Buͤcher vnſers Gewiſſens
auffgethan/ vnd vor aller Welt abgeleſen ſol-
len werden/ werden wir vil lieber woͤllen/ daß
wir GOtt den HErꝛn von Hertzen geliebt/
weder von hohen vnnd ſubtilen dingen diſpu-
tirt hetten: Vil beſſer wirdt als dann ſein ein
reines Gewiſſen/ weder das man verꝛicht hat
ſehr hohe vnd ſpitzfindige Predigen/ dann nit
wirdt man vns fragen/ was wir geredt vnnd
geſchriben/ ſonder was wir gethan vnnd fuͤr
werck begangen. Die Welt iſt blindt vnd vr-
theilet blindigklich vnd naͤrꝛiſch von allen ſa-
chen: Sie lobet vns per coniecturas exte-
riores,
riores, wegen vnſers euſſerlichen ſchoͤnen
vnnd exemplariſchen Lebens vnd Wandels/
dann ſie ſihet nit/ was jnwendig in vns ſteckt:
Nit ſihet ſie vnſere Natur/ ſonder die Kunſt/
wir ſelbſt aber ſehen vnd wiſſen was in vnnd
hinder vns ſtecke/ vnnd wie wir beſchaffen
ſeyen: Vil Leuth ſihet man vmbgeben vnnd
bekleidt mit Sammet vnnd Seiden/ aber be-
hafft mit Laſtern/ ſie ligen auch in weichen
Bethen/ eſſen zarte Biſſel/ vnnd leben taͤglich
ſcheinbarlich/ aber wann du jhr Hertz ſehen
ſolteſt/ ſo wuͤrdeſt du jhnen nicht neydig ſeyn/
dann ſehen wuͤrdeſt du den Hencker jhres boͤ-
ſen Gewiſſens/ welcher mit der blutigen
Geiſſel jhre Seelen peiniget: finden wuͤrdeſt
du ein ſo groſſe heimliche trawrigkeit in dem
Marck jhrer Gebeinen/ daß ſie jhnen ſelbſt
feindt werden/ vnnd daſſelbe machet jhr Beth
hart/ jhren Tiſch vnnd Speiſen bitter/ jhre
Taͤg melancoliſch/ vnd jhre Naͤcht erſchroͤck-
lich. Derwegen ſihe vnd verlaß dich nit auff
das vrtheil der Welt/ ſonder auff dein eygnes:
tuo tibi iudicio eſt vtendum: Virtutis
& vitiorum graue ipſius conſcientiæ
pon-
pondus eſt, qua ſublata, iacent o-
mnia.
Ein ordenlichs priuat Leben iſt das al-
ler beſte vnnd außbuͤndigſte Leben: Ein
jeglicher mag gleichwol ein ehrliche Perſon
auff der Binen repræſentiren. aber daß
einer jnwendig vnd im Hertzen wol regulire
ſeye/ daran ligts alles mit einander. Wer in
ſeinem Hauſe vnd in ſeinen ordinarijs acti-
onibus, (von derentwegen er niemande rech-
nung zu geben hat) gerecht vnd ohne tadel iſt/
der iſt Lobs wuͤrdig: derwegen ſaͤgte der Welt-
weiſe Bias, daß das jenig das allerbeſte Hauß-
weſen waͤre/ wann der Haußuatter eben alſo
beſchaffen iſt jnwendig/ wie er ſich ſtellet auß-
wendig. Als dem Iulio Druſio ſeine Zim-
merleuth verhieſſen/ daß ſie jhm ein Hauß
bawen wolten/ darin jhm ſeine Nachbarn nit
einſehen ſolten koͤnnen/ doch daß er jhnen her-
gegen 3000. Kronen geben ſolte/ antwortet
er vnd ſprach: Jch wil euch 6000 geben/ wo-
ferꝛn jhr mir ein Hauß bawet/ darin ein jegli-
cher aller orten koͤnne einſchawen/ vnnd mei-
ne Werck ſehen. Wann Ageſilaus reiſete/
nam er ſein Loſament vnnd Herberg in der
Kirchen/ damit jhm nit allein das Volck ſon-
der auch die Goͤtter ſelbſt in ſeinen priuat
wercken einſehen moͤchten. Nur der jenig iſt
gleichſamb ein miraculum mundi, an wel-
chem weder ſein Knecht noch ſein Weib nie-
maln nichts vngebuͤrlichs ſehen oder verſpuͤ-
ren: Vber wenig Menſchen verwunderen
ſich jhre Haußgenoſſen: niemaln iſt einer ein
Prophet geweſt in ſeinem Hauß noch in ſei-
nem Vatterlandt. Ein Kriegs volck anfuͤh-
ren/ ein Schlacht erobern/ ein ſtattliche Bott-
ſchafft verꝛichten/ ein Landt regieren/ das al-
les ſeind offentliche bekante Werck/ aber an-
heimbs mit dem Weib greinen/ lachen/ ver-
kauffen/ bezahlen/ lieben/ haſſen/ mit jhm ſelbſt
vnnd mit ſeinem Geſindt lieblich/ freundlich
vnd recht conuerſiren vnnd vmbgehen/ das
iſt das aller ſchwereſte vnd geheimſte/ vnnd da
ligts. Ein ſchlechter Burger oder Handt-
wercksmann lebt bißweilen vil ordentlicher
vnnd gerechter anheimbs in ſeinem Hauſe/
denn bißweilen ein Præſident deß groſſen
Koͤnigklichen Raths mit aller ſeiner ſuffici-
entz,
entz, ehꝛwuͤrdigen euſſerlichen reputation,
authoritet vnd anſehen. Etliche Leuth ſeind
auff der Gaſſen/ vnnd bey der Geſellſchafft
gleichſamb fromme Schaf vnd vnſchuldige
Laͤmmer/ aber anheimbs vnnd gegen den jhri-
gen ſeind ſie grimmige Loͤwen: Jhr priuat
Leben iſt voller vnordnung vnnd Laſtern/ jhr
Wandel iſt mehrers gerichtet auff die eytele
Glori/ denn auffs Gewiſſen/ nit thun ſie das
jenig fuͤrs Gewiſſen/ was ſie thun wegen der
eytelen Glori/ das Heyl der Seelen beſtehet
nit im hochtraben/ ſonder in der jnnerlichen
Demut vnd Reinigkeit: die grandezen vnd
Hochheiten ſollen nicht exercirt vnnd geuͤbt
werden in den euſſerlichen grandezen, ſon-
der in der mediocrit vnnd mittelmeſſigkeit.
Nichts iſt ſchwerer/ als eben ein boͤſes Gewiſ-
ſen/ wers aber nit glauben will/ der wirdts er-
fahren/ wann es darzu kommen wirdt/ daß jm
die ſchwere Buͤrd nit allein nicht genommen/
ſonder vil mehr gelaſſen wirdt werden: Zu
gleicher weiß wie/ wann zwo oder drey Perſo-
nen einem helffen ein ſchwere Buͤrd tragen/
ers nit ſo ſehr empfindet/ als wann ers allein
truͤge/ alſo pfleget der Teufel/ die Welt vñ das
Fleiſch dir zuhelffen/ die buͤrd deines boͤſen ge-
wiſſens zu tragen/ dir zu fauoriſiren, zu zaͤrt-
len vnd zu liebkoſen/ aber wañ das ſterbſtuͤnd-
lein kompt/ alsdann laſſen dich diſe deine drey
Freunde alleinig in der Hoͤllen ſtecken/ die
Welt dern du gedient haſt/ wird dich in deiner
groͤſten noth vbergeben den Haͤnden deß aller-
maͤchtigſten Richters/ auf daß du jhm rechen-
ſchafft gebeſt wegen deines Lebens/ wo werdẽ
aber als dann ſein deine Beichtuaͤtter/ welche
dir auß deinen Todtſuͤnden nur peccadillos
gemacht? wo werden als dann ſein deine lieb-
ſie freunde/ ſchmarotzer vnd Rechts gelehrten/
welche dir auß einem Elephanten ein Mucke/
auß einer Mucke einen Elephanten/ das ge-
rade krumb/ das krumme gerad gemacht/ vnd
in allen ſachẽ das placebo Domino geſpilt/
vnd alles recht gegeben? O Menſch/ reinige
offtermals dein gewiſſen/ veꝛmittelſt der ſacra-
mentaliſchen Beicht: erſcheine nit vor Gott
mit beſudleten blutigen haͤnden/ ſond’ preſen-
tire jhm ein gutes gewiſſen vnd heilige werck/
ſo wirſtu von jhm erlangen/ was du begehꝛſt.
Diſcurs von der Einigkeit vnd
Vneinigkeit.
DER neundt redete von der Materi
der Einigkeit vnd vneinigkeit vnnd
ſprach: Alle gute ding/ vnd die erhal-
tung vnnd vollkommenheit aller dingen ins
gemein vnnd inſonderheit/ beſtehet in der
vnion vnd einigkeit/ hergegen entſpringt
alles Leidt auß der vneinigkeit/ abſonderung
vnnd zertheilung. Derwegen befilcht vns
der Apoſtel die Einigkeit deß Geiſtes vnnd
ſpricht: ſolliciti ſeruare vnitatem ſpiri-
tus in vinculo pacis. Wo frid vnnd ei-
nigkeit iſt/ da iſt GOtt vnnd ſein Segen/ wo
aber Vneinigkeit/ Zanck vnnd Hader iſt da
regieret der Teuffel vnd alles vnheil. Daß
zur zeit der erſten Kirchen die Knecht GOt-
tes der maſſen maͤchtig waren/ dz ſie die gantze
Welt zum Chꝛiſtlichen glauben gebꝛacht/ war
nichts anders ſchuldig dran/ als dz das glau-
bige Volck einerley hertzens vnd einerley wil-
lens waͤren. Der Frid vnd Einigkeit/ wel-
cher damals vnder dem Chriſtlichen Volck
war/ machte ſie ſehr ſchoͤn in den Augen Got-
tes/ vnd ſtarck in den Augen jhrer Feinde/ der-
wegen lobte der heilig Geiſt die erſte Kirch vñ
ſprach: pulchra es & decora ſicut Ieruſa-
lem: terribilis vt caſtrorum acies ordi-
nata. Jm Chor verſpuͤrt man ein conſo-
nantz der ſtim̃en/ vnd in einer Feldtſchlacht
ein wolgeordnetes Kriegsheer/ vnd diſe beyde
ding entſpringen auß der Lieb vnnd einigkeit
der Chriſten/ welche jhnen ein ſtaͤrck vnnd da-
pferkeit gibt. Zu gleicher weiß wie in einer ar-
mada die obriſte galera einen ſonderbaren
ſchoͤnen Pfawen/ vnd das Wappen deß Koͤ-
nigs oder Kriegsfuͤrſtens/ vnd vil Adels Per-
ſonen fuͤhret/ alſo hat die Chꝛiſtliche Religion
vor zeiten in jhrem Wappen die Lieb vnd ei-
nigkeit gefuͤhrt/ dann wo Frid/ Lieb vnnd ei-
nigkeit iſt/ da wirdt ein liebliche melodey ver-
ſpuͤrt/ wo aber vneinigkeit iſt/ da iſt verderben
vnd vndergang. Nichts hat Chriſtus ſeiner
Kirchen ſo fleiſſig vnnd eyferig befolchen/ als
eben den Friden vnnd Einigkeit/ aber leyder
zu diſen zeiten halten die Chriſten nichts we-
niger als eben die Lieb vnd einigkeit/ dann ſie
thun ſchir nichts anders/ als einander reiſſen/
beiſſen/ verkauffen/ verꝛathen vnnd dardurch
ſelbſt vnder einander verzehren.
Omne regnum in ſe diuiſum deſola-
bitur: ſpricht der HErꝛ/ als wolte er ſagen:
Wann ein Reich vneins oder zertheilt wirdt/
ſo wirdts zerſtoͤrt/ fuͤrnemblich dreyerley vrſa-
chen halden/ erſtlich durch die Hoffart/ dann
die vneinigkeit iſt ein Tochter der Hoffart/
vermuͤg der Wort: inter ſuperbos ſemper
rixæ: Die eygenſchafft eines hoffertigen iſt/
daß er allzeit ein Liebhaber iſt ſeines eygnen
gutbedunckens/ derwegen verheuret er ſich
mit ſeinem Willen/ abundat enim in ſuo
ſenſu, vnd im wenigſten will er eines andern
meinung der ſeinigen vorziehen: weil dann
vnder den hoffertigen widerwertige willen vñ
meinungen ſeind/ vnd ein jeder bey ſeinem ſiñ
halßſtaͤrꝛig verbleibt/ ſo muͤſſen notwendig
die ſtritt vnd vneinigkeiten vnder jhnen regi-
ren: Weil auch GOtt der Hoffart ſehr ſeind
iſt/ ſo will er jhnen zu einer Straff/ keinen fri-
den geben/ vnd derwegen leben vnd ſchweben
ſie jmmerdar in der vneinigkeit.
Die andere vrſach der vneinigkeit iſt der
mangel der Iuſtici: Die fuͤrderliche/ ge-
rechte vnnd vnpartheyiſche adminiſtrirung
der Iuſtici erhelt ein Landt in Friden/ aber
die vnbilliche gewaltthaͤtigkeiten vnnd die
vnſtraffmaͤſſigkeit der Boßheiten verurſa-
chen rebelliones, Auffruhr vnnd weitlaͤuf-
figkeiten. Dionyſius Syracuſanus pflegte
zu ſagen/ daß zweyding ſein Landt im guten
wolſtandt erhielten/ nemblich die guͤte vnd die
Iuſtici, dañ weder die macht/ noch die forcht
noch die ſtarcke Guardi verſicheren den ſtand
eines Koͤnigs nicht ſo ſehr/ als eben die gute
affection vnnd Lieb der Vnderthanen/ wel-
che fuͤrnemblich erlangt wirdt durch die guͤ-
te vnnd Gerechtigkeit: Weil auch vil Koͤni-
ge vnderlaſſen haben die Iuſtici zu admini-
ſtriren, ſo haben ſie verlohren jhꝛ Leben ſampt
dem Reich.
Drittens entſpringt auß der Religion
vnnd Lieb Gottes aller Fried/ Einigkeit vnnd
Wolſtandt eines Koͤnigreichs/ hergegen
auß der Verachtung der Religion erfolgt
Vneinigkeit/ confuſion, vnordnung/ auff-
ruhr/ Krieg vnnd Blutuergieſſen. Es ha-
ben ſich gleichwol die Politici ſtarck bemuͤht/
das Volck in frid vnnd einigkeit zu erhalten/
vermittelſt der Geſetz/ edicten, ordinant-
zen vnnd ſcharpffen pœnen vnnd ſtraffen/
aber weil ſie ohne Fundament gebawt vnd
darneben die Gottsforcht vnnd Religion
nit in obacht genommen/ ſo iſt alle muͤh verge-
bens geweſt. Die Religion iſt das fuͤrnembſte
fundament aller rerumpublicarũ, der exe-
cutionen, der Geſetzen/ deß gehoꝛſambs der
vnderthanen gegen der Obrigkeit/ vñ jrer ge-
gen einander tragender Lieb vñ freundſchafft:
Die Religion vnd der ſtatus ſeind dermaſſen
zuſammen geleimet/ daß auß jhꝛer diuiſion
vnnd zertheilung eben das jenig erfolgt/ was
auß der zertheylung eines Schiffs entſte-
het/ dann theileſtu das Schiff von einander/
ſo iſts verloren/ dann wie der ſtatus vñ die re-
ligion einander im guten vñ boͤſen begleiten/
alſo wann ſie nur ein wenig zertheilt werden/
ſeind ſie beyde verlohren. Wers nicht glau-
ben will/ der frage Griechenlandt/ vnd etliche
vilandere Koͤnigreich/ warumb ſie jhren ſta-
tum, freyheit vnd wolſtandt verlohren/ vnnd
vnder das Joch deß leidigen Tuͤrcken gera-
ten? ſo werden ſie muͤſſen ſagen vnd bekennen/
daß nichts anders dran ſchuldig/ als eben die
vneinigkeit/ die ſie vnder einander gehabt ha-
ben wegen der Religion/ mit dern ſie jhr Af-
fenſpil getriben. Vil Leuth ſeind der meinung/
daß die fuͤrnembſte vrſach der Frantzoͤſiſchen
vnnd Niderlaͤndiſchen Krieg eben diſe ſeye/
daß man nemblich ſo vilerhand frembde Ke-
tzeriſche religiones hat laſſen ein wuꝛtzeln vnd
vberhand nemmen. Die vneinigkeit/ das miß-
uertrawen vnnd die verbitterung etlicher fuͤr-
nembſten Staͤnd/ woher entſpringt ſie an-
derſt/ als eben auß der vnderſchidlichkeit der
Religionen? Die darauß entſprungent feind-
ſchaffien vnd verbitterungen feind dermaſſen
groß/ daß man ſich biß weilen/ zur behauptung
jhrer Secten vnnd intents, ſo gar mit Tuͤr-
cken vnd Heyden verfreundet vnd verbindet:
Nichts wuͤrden vns ſchaden vnſere Erbfein-
de/ woferꝛn ſie ſehen/ daß wir einander liebten
vnd eins waͤren/ aber laider/ vmb ſo vil deſto
ſchwaͤcher/ verſpoͤttlicher vnd vberwundener
werden wir von vnſern Feinden/ vmb wie vil
mehꝛ ſie ſehen/ daß wir vnfridlich vnd vneinig
vnder einander leben.
Diſcurs vom Eyfer vnd den
Eyferern.
DER zehendt Tiſchgenoß handlete
von der Materi deß Eyfers/ auff
nachfolgende weiß: Der Eyfer iſt
ein jnbruͤnſtige Lieb/ welche keins wegs leiden
mag/ daß das geliebte ding von jemande ver-
langt noch auch beſeſſen werde. Weil Gott
vnſere Seelen jnnbruͤnſtiglich liebet/ ſo iſt er
ein ſtarcker Eyferer/ jnmaſſen ers ſelbſt Exo-
di am 20. Capitel bekennet/ ſprechendt: Jch
bin der HErꝛ dein GOtt/ ein ſtarcker Eyfe-
rer. GOtt hat gleichwol keine paſſiones, a-
ber einen Eyferer nennet er ſich wegen der
effecten, vnnd er thut alles was die Eyferer
thun. GOtt iſt gleich einem Vogel/ von
welchem man ſagt/ daß er auff dem Gejaidt
nur das Hertz deß gefangenen Vogels oder
Wildtpraͤts friſt: Eben alſo bewaidet vnnd
ſpeiſet ſich GOTT mit dem Hertzen vn-
ſerer wahren Lieb/ vnnd iſt ein herꝛlicher
Zelotipus oder Eyferer. Wie ein Eyfe-
rer nicht bewilliget/ daß ſein Weib einen an-
dern liebe/ vnnd/ woferꝛn er einen boͤſen arg-
wohn von jhr hat/ er groſſe achtung auff ſie
gibt/ ſich hin vnnd wider vmbſihet/ auff die
ab: vnnd zugehende Perſonen fleiſſig mercket/
dann diſen/ dann jenen fragt/ bißweilen auch
ſich ſtellet als verꝛaiſe er: Wann auch er et-
was vngebuͤrlichs verſpuͤrt hat/ als dann
anfahet zu toben/ zu wuͤten/ vnnd jhꝛ alle
Kleynodien vnnd Wejbliche Zierd benimbt/
vnnd ſie entweder von ſich jagt oder vmb-
bringt/ alſo vnd ebner geſtalt gehet auch Gott
mit vnſern Seelen vmb/ vnnd ſpricht: Bet-
tet keinen frembden GOtt an/ dann ich bin
dein Gott ein ſtarcker Eyferer/ als wolte er
ſagen: Keins wegs will ich/ daß der Menſch
mit frembden Goͤttern buele/ noch die erſchaf-
fene ding vnnd Guͤter vngebuͤrliche begehre/
ſonder mein will vnnd meinung iſt/ daß er
mich in der wahren Lieb allen andern dingen
vorziehe: Wir ſollen gedencken vnnd wiſ-
ſen/ daß GOtt alle vnſere Werck ſehe/ vnnd
eygentlich auffmercke/ wie wir vns in ſeiner
Lieb verhalten: Ipſe ſtat poſt parietem.
proſpiciens per feneſtram, per cancel-
los; CHriſtus ſtehet heimblich vnnd ver-
borgen hinder der Wandt/ ſchawet durch
das Fenſter vnnd Gaͤtterl/ vnnd er ſpehet vn-
ſere Seel auß/ was ſie mache/ gedencke vnnd
verlange: auris zeli audit omnia: finxit
ſe longius ire, er ſtellet ſich/ als verꝛeiſe
vnd gehe er weit von vns/ aber niemaln wei-
chet er auß vnſern Hertzen/ ego ſto ad oſti-
um & pulſo, vnuerſehens laͤſt er ſich ſehen/
ſicut fur in nocte veniet, wie ein Dieb wird
er in der Nacht kommen.
Wann er aber erzuͤrnet wirdt/ ſo verzey-
het er nicht/ furor viri non parcet, nec
acquieſcet cuiuſque precibus, nec acci-
pit pro redemptione dona plurima: der-
maſſen liebet Chꝛiſtus vnſere Seelen/ dz er ſie
zu einer Braut erwehlt hat/ wann derwegen
ſie ſich mit dem Teuffel/ mit dem Fleiſch vnd
mit der Welt vereiniget/ als dann erzuͤrnet er
ſich/ vnd rechet ſich wie ein Eyferer. Diſes
betrachtete Auguſtinus vnnd ſprach: Huͤte
dich/ O Braut Chriſti/ vnnd ſchaw/ daß dein
Braͤutigam ſich nicht von dir abwende/ er iſt
nit weit hinweg gangen/ vnd ob ſchon du jhne
nit ſiheſt/ ſo ſihet er doch dich mit den voͤlligen
Augen hinden vnd vorn. Niemaln vnnd nir-
gends kanſtu dich vor jhm verbergen/ dann er
hat bey dir ſeine Geiſtliche Botten/ fleiſſige
Speconen vnnd Kundtſchaffter/ welche fleiſ-
ſig aufſchawen/ wie du in deines Braͤutigams
abweſenheit dich verheltſt/ damit ſie dich vor
jm verklagen/ woferꝛn ſie ein zeichen der lider-
lichheit vnd geylheit an dir verſpuͤren. Ein
Eyferer iſt diſer dein Braͤutigam/ vnd wofern
du einen andern Liebhaber erwoͤhleſt/ vnd an-
dern begereſt zu gefallen/ ſo weichet er als bald
von dir/ vnd hengt ſich an andere Maͤgdlein:
Sehr zart iſt diſer dein edler vnnd allerſchoͤn-
ſter Braͤutigam/ derwegen liebet er nur edle/
zarte vnnd ſchoͤne Seelen/ woferꝛn er einen
mackel oder Runtzel an dir ſihet/ ſo wendet er
alsbaldt ſeine Augen von dir/ dann er mag
kein vnlauterkeit leyden/ derwegen ſey keuſch/
zuͤchtig/ geſchaͤmig vnnd demuͤtig/ damit du
wuͤrdig werdeſt von deinem Braͤutigam off-
termals heimgeſucht zu werden.
Auß diſem Eyfer der frommen vnd gerech-
ten entſpringt ein ſo groſſer Eyfer der Lieb
Gottes/ daß ſie nit leyden moͤgen/ daß GOtt
von den Suͤndern erzuͤrnet werde/ dannenhe-
ro haben ſie die Waffen wider die Abgoͤtterer/
Ketzer vnnd Gottslaͤſterer gefuͤhrt/ nach dem
Exempel CHriſti/ welcher die Kaͤuffer vnnd
Verkaͤuffer auß dem Tempel vertrib: Deß-
gleichen hat Phinees auß diſem guten vnnd
gerechten Eyfer ſein Schwerdt in jenen He-
breiſchen verachter deß Geſetzes geſtochen: vñ
hierunder ſeines eygnen Bluts vnd Freundt-
ſchafft nicht verſchont. Diſer heilige Eyfer
verurſachet drey ſtarcke vnd groſſe bewegnuſ-
ſen im Menſchen/ die erſte iſt der Zorn/ wel-
cher ſich erꝛegt wann der Menſch ſihet/ daß
Gott belaidigt wirdt/ vnd diſe bewegnuß oder
Zorn iſt GOtt dem HErꝛn der maſſen ange-
nemb/ daß ſein gefaßter zorn vnd Straff dar-
durch gelindert/ ja gar auffgehebt wirdt/ ver-
muͤg der Wort: Phinees filius Eleazari a-
uertit iram meam à filiis Iſrael, quia zelo
meo cõmotus eſt contra illos. Die andere
Bewegnuß iſt der Schmertzen/ welchen man
ob der belaidigung GOttes empfindet/ vnnd
derſelb iſt der maſſen groß/ daß man jhne biß-
weilen euſſerlich erzeiget/ vermittelſt der zer-
reiſſung der Kleider/ vnd dergleichen zeichen/
jnmaſſen Dauid gethan vnd geſagt: & ſuper
inimicos tuos cõtabeſcebã. Die dritte iſt
der haß vnd feindſchafft/ von dern jetztbemel-
ter Dauid ſagt: Perfecto odio oderã illos.
Ein vollkom̃ner haß iſts/ wañ man den Men-
ſchen gleichwol liebet/ aber ſein Laſter haſſet/
vñ diſer zelus oder Eyfer iſt ein beſchuͤtzer vñ
erhalter der Ehꝛ vnd Glori Gottes: Er iſt der
Beſem/ welcher den Tempel deß HErꝛn rein
helt/ jnmaſſen Matathias gethan vnd von jm
geſagt woꝛden: aſcendamus mundare ca-
ſtra: & demoliti ſunt altare, eo quod pro-
phanatum eſt à gentibus, & obtinuerunt
legem de manibus gentiũ. Selig vnd loͤb-
lich ſeind alle die jenigen vorſteher vñ Obrig-
keiten/ welche einen ſolchen Goͤttlichen eyfer
erzeigen/ die Kirchen vnd gemeinden mit dem
Beſem deß jnbruͤnſtigen eyfers kehꝛen/ vñ die
cõcubinarios, Simoniſten/ Ehebrecher vñ
anders dergleichen vnziffer/ ohne allẽ reſpect
drauß treiben/ vnd vertilgen ſollen/ dann wañ
ſie diſen heiligen Eyfer gegen der Goͤttlichen
glori/ iuſtici vnd tugenden nit haben/ ſo folgt
drauß/ dz die ehꝛ vnd der dienſt Gottes vnd der
gemeine nutz vnderlaſſen vñ verhindert wird/
daß die ſuͤnd vnd laſter vngeſtrafft bleiben/ die
gute diſciplin, die iuſtici vnd gute ſitten nit
gebuͤrlich vnderhalten werden.
Ein andere art deß Eyfers iſt verhanden/
welche gleichfals gut iſt/ vnd welchen die E-
heleuth gegen einander tragen/ vnnd ſich bil-
lich beſorgen vnd es empfinden/ daß ein ande-
ter jhrer genieſſe/ ſeytemal ſolche genieſſung
nicht allein nit ohne groſſe vnehꝛ vnd ſchaden
ſolcher Eheleuth beſchthen kan/ ſonder auch
nit ohne groͤſſe verachtung vnd verunehrung
GOttes/ deſſen Geſetz vnd verbuͤndnuß dar-
durch violirt geſchendt vñgeſchwecht wirdt.
Weil auch die Lieb/ welche zwiſchen den Ehe-
leuthen ſein ſoll/ ſie verobligiret vnnd verbin-
det/ jhꝛer beyder Ehꝛ vnnd nutz zu befuͤrderen/
vnd allen Spott vnnd Schaden zu verhuͤten/
ſo eyferen ſie billich vnnd ſeind vbel zu friden
mit denen Perſonen/ ſo jhnen dergleichen
ſchandtfleck koͤnnen anhencken: So gar die
vnuernuͤnfftige Thier empfindens/ wañ man
jhnen zu nahe gehet vnnd einen eintrag thut/
als jener Hirt Crates ſich in ein Gaiß ver-
liebte/ fing der Bock an zu eyfern/ vnd ſtieß jh-
ne ſchlaffend mit den Hoͤrnern zu Todt. Ein
weiſer Mann/ der da begert fridlich vnd ehr-
lich zu hauſen/ ſoll ſein Weib offtermals er-
mahnen/ ſelten ſtraffen vñ noch ſeltener ſchla-
gen/ ſonder in gebuͤrlichem gehorſamb erhal-
ten/ auch jhr im wenigſten kein vrſach zum
eyfern geben/ dann man findt etliche naͤrꝛiſche
Maͤnner/ welche nit vnderlaſſen/ mit andern
vnnd frembden Weibern verdaͤchtigklich zu
conuerſiren. vnnd nit deſto weniger woͤllen
ſie/ daß jhre Weiber es nicht andten/ ſonder
diſſimuliren, vnnd jhnens alles gut heiſſen
ſollen: Jm wenigſten betrachten ſolche Nar-
ren/ daß ſie dardurch jhren Weibern vrſach
geben/ entweder dergleichen zuthun/ oder doch
billich mit jhnen zu eyfern. Es ſeye ein Fraw
ſo fromb vnd guͤtig wie ſie jm̃er woͤlle/ ſo mag
ſie doch nit leiden/ daß ein andere jres Manns
zu theil werde. Werden ſie nit druͤber trawrig
vnnd betruͤbt/ ſo werden ſie doch wuͤtig vnnd
tobendt/ kein gehetzter Eber/ kein hungeriger
Loͤw/ vnnd kein Tigerthier/ deme man ſeine
jungen geſtohlen/ noch kein Otter/ deme man
auffn ſchwantz getretten/ kan ſo gar erſchreck-
lich ſeyn/ als ein erzuͤrnete vnnd beleidigte
Fraw: Nichts machet ſie wuͤtiger vnnd to-
bender/ als eben die Eyferſucht/ wañ ſie nemb-
lich ſihet/ daß jhr Mann ſich an die Schnur
hengt: Jene Ariadna vergrub den Keyſer
Zenonem Iſauricum jhren Mann leben-
dig/ damit ſie ſich vber jhme moͤchte rechen:
Das Weibliche Geſchlecht iſt fuͤr ſich ſelbſt
ſchwach/ argwoͤniſch vnd rachgierig/ derwe-
gen haben die Maͤnner deſto mehrere vrſach/
weißlich vnd fuͤrſichtiglich mit jhꝛen Frawen
vmbzugehen: Naͤrꝛiſch handlen die jenigen
Maͤnner/ welche an frembden Weibern haͤti-
gen/ jhꝛen eygnen Frawen feindt werden/ vnd
ſie benebens ſchlagen oder iniuriren, ſchen-
den vnd ſchmaͤhen: Clytemneſtra ward von
jrem Mann Agamemnon iniurirt, derwe-
gen beging ſie den Ehebruch/ vnnd bewilligte
in ſeinen Todt. Jener Rechtsgelehrter ſagt/
daß die Ehefrawen erleucht vnd geziert ſollen
werden durch die Stralen jhꝛer Maͤnner/ daß
auch der Mann der jenig ſein ſoll/ der andern
Maͤnnern ein Exempel gebe/ wie ſie jre Frau-
wen ehren ſollen. Thut ers/ ſo bewegt er ſie
dardurch/ jhne zu ehꝛen/ thut ers nicht/ vnnd
gibt er jhꝛ vrſach zu eyfern/ ſo gewinnt ſie da-
her ein vrſach jhne zu verhaſſen vnnd gleich-
fals wider ſein Ehꝛ zu handlen/ jnmaſſen ſol-
ches die taͤgliche Exempel bezeugen vnnd zuer-
kennen geben.
Nicht allein ſoll der Mann ſeinem Weib
durch ſein vnzimblichs verhalten nicht vꝛſach
zum eyfern geben/ ſonder er ſelbſt ſoll auch
nicht vnzeitig eyfern/ zumaln wann ſie
fromm/ keuſch vnnd haͤußlich iſt/ dann vil
Weiber werden zu Huren/ jhꝛen Maͤnnern zu
trutz/ ſeytemal ſie ſehen/ daß jhꝛe Maͤnner jh-
nen nicht trawen. Jſt ein Fraw von Natur
fromm/ keuſch vnnd haͤußlich/ ſo ſoll jhꝛ der
Mann kecklich trawen/ vnnd auff ſie bawen:
Jſt ſie aber etlicher maſſen frech/ geſellig
vnnd laͤppiſch/ ſo hat er vrſach jhr auff die
Eyſen zuſehen/ vnd ſie muͤglichs fleiſſes vorm
Fall zu verhuͤten. Begibts ſichs aber/ daß er
jhrenthalben inn ſorgen ſtehen muß/ ſo ſoll er
dannoch ſehꝛ fuͤr ſichtiglich procediren: der-
gleichen paſſiones ſeind incommunicabi-
les: ſo wol die bitterkeiten/ als die ſuͤſſigkeiten
deß Eheſtandts ſollen durch die Eheleuth in
geheimb gehalten werden/ die Narꝛen aber
ſchwaͤtzen auß dem Beth: Mancher entdecket
ſein Laidt/ Noth vnnd Anligen einem guten
Freund/ derſelb aber lachet ſeiner/ vnd gewiñt
dardurch vrſach ſein Heylgleichfals an ſeines
Freundts Weib zu verſuchen/ vnnd jhme die
Hoͤrner ſelbſt auffzuſetzen: dardurch wirdt er
alsdann ein doppelter cornuto oder Hanrey.
Die vnuerſchambtheit der Weiber wirdt biß-
weilen durch den vnzeitigen Eyfer vnd vn-
beſonnenes procediren der Maͤñer vermehꝛt
vnd befuͤrdert. Sehꝛ ingeniosê vnd ſuhtiler
muß man mit dergleichen ſchwachen vnnd
vnnothfeſten Frawen vmbgehen: Jſt ſie von
Natur geyl vnnd vnkeuſch/ ſo hilfft kein eyfe-
ren/ jhre Liſt vnnd verſchlagenheiten ſeind vn-
endtlich vnnd vneiforſchlich: Pone ſeram,
cohibe: ſed quis cuſtodiet ipſos Cuſto-
des? cauta eſt & ab illis incipit vxor.
Vil leichter iſt ein Wanne voller Floͤh zu huͤ-
ten/ denn ein liderliches Eheweib. Die raach
welche bißweilen darwider fuͤr genom̃en wird/
heylet vnſere Kinder nit allein nit/ ſonder ver-
wundet ſie vilmehr/ nichts iſt den Eheleuten
notwendiger/ als eben ein beſcheidene Ge-
dult/ nicht allzeit iſts mit der Raach vnnd ge-
ſtrengheit außgericht/ mancher vermeint er
woͤlle ſich vber ſein meineydiges Weib rechen
vñ ſie zu ſchanden machen/ aber ſich ſelbſt trift
er vilmehꝛ/ denn ſie: ob ſchon einer ein heim-
licher cornuto oder Horntrager iſt/ ſo iſt er
doch darumb nit deſto ſchlimmer/ dañ in ſol-
chen faͤllen wirdt ein ehꝛlicher Mann mehꝛers
beklagt/ als veracht. Woferꝛn alle die jenige
Maͤnner veracht/ vnnd gleichſamb fuͤr vn-
duͤchtig gehalten ſolten werden/ welche Hoͤr-
ner tragen/ oder dern Weiber Huren ſeind/ ſo
wuͤrden bißweilen vil Rathsherꝛen auß dem
Rath muͤſſen. Der Character der Horn-
tragerey iſt vnaußloͤſchlich vnd mißlich/ vnd
ſetzet ſich eben ſo baldt vnnd leichtlich an die
Stirn eines groſſen Herꝛn/ als eines guten
ſchlechten Burgers. Lucullus, Cæſar,
Pompeius, Antonius, Cato, Marcus Au-
relius, vnnd vilandere Keyſer vnnd Herꝛen/
waren Hoꝛntrager/ diſſimulirten aber/ vnd
machten nit vil weſens drauß: Allein Lepi-
dus war der jenig Narꝛ/ der ſich deßwegen zu
todt kummerte. Es hatten die Roͤmer im ge-
brauch/ daß/ wann ſie von einer Reiß wider-
umb heimb kamen/ jemande voran ſchickten/
der jhꝛen Weibern die Zeitung brachte/ damit
dieſelbige nit etwann vnuerſehens bey andern
Maͤnnern erwiſcht ſolten werden. So gar
zu diſen zeiten regiert die eyferſucht nit ſo ſehꝛ/
dann man findt Maͤnner/ die haltens gleich-
ſamb fuͤr ein Ehr/ wann jhre Frawen durch
andere cortiſirt vnnd hofirt werden: Etliche
halten jhren Frawen ſonderbare Galanen,
die jhnen auff warten vnnd dienen muͤſſen: die
Y 3frequen-
frequentia diſer accidentiæ lindert numehꝛ
etlichen Eheleuthen den Schmertzen/ vnnd
es will auß der cornuterey ſchir ein gewonheit
werden.
Ferꝛner veraͤndert vnnd verkehꝛet ſich
der zelus oder der Eyfer bißweilen inn ein
inuidiam vnnd Neydt/ welcher hernacher ei-
nen vnwillen/ vnd ſehꝛ vil boͤſe conſequent-
zen nach ſich zeucht: Ein ſolcher boͤſer eyfer
regieret fuͤrnemblich vnder den Hofleuthen/
ja Fuͤrſten vnnd Herꝛen ſelbſt/ welche mit ein-
ander/ wegen der zu vilen Ehren oder macht
competiren, vnnd jmmerdar mit einander
æmuliren vnnd auff einander ſtechen. Vier
ding verderbẽ einen Menſchẽ/ nem̃lich nichts
haben/ wenig gewinnen/ nichts ſparen vnnd
vil verthun/ aber das fuͤnffte verderbt die welt
vnnd den Standt der Chriſtenheit/ nemblich
die æmulatio Magnatum: Der Menſch-
liche reſpect vnnd il ragion di ſtato iſt
das einige monſtrum vnnd vngehewer
ſchaͤdliche Meerwunder/ welches vns den
meiſten ſchaden zugefuͤget/ dann es ſeyen die
Koͤnige ſo fromb/ guͤtig/ Gottsfoͤrchtig/ an-
daͤchtig/ vnnd freundtlich gegen einander/ wie
ſie jmmer woͤllen/ ſo eyferen ſie doch mit ein-
ander wegen der Ehꝛ vnd macht/ vnd ein jeder
beſoꝛget ſich/ es werde der ander vil zu herꝛlich
vnd maͤchtig/ wo derwegen ſie einander ver-
hindern koͤnnen/ ſo thun ſie es/ wo nit offent-
lich/ doch heimblich/ alles vnder dem ſchein
deß ragion diſtato, welcher es alſo gleich-
ſamb erfordert: Interim aber vnd inmittelſt
bleibt der wahre Eyfer/ die Glori/ Religion
vnnd Ehꝛ GOttes dahinden/ vnd entgeliens
bißweilen die Vnderthanen.
Noch einen andern Eyfer findt ich/ wel-
chen die Frommen brauchen im dienſt Got-
tes/ vnd von welchem geſchriben ſtehet: cum
ſpiritu feruente ſeruite Domino, als wol-
te der Apoſtel ſagen: Weil der HErꝛ euch mit
einem ſo groſſen eyfer vnnd inbruͤnſtigkeit ge-
ſucht vnd fuͤr euch gelitten hat/ ſo iſt billich/ dz
jhꝛ jm mit einem groſſen eyfer vnd inbruͤnſtig-
keit dienet/ dann die Lawen ſpeiſet er auß ſei-
nem Munde. Diſer Eyfer aber muß beglei-
tet werden mit der ſo ſchoͤnen tugend der diſ-
cretion vñ beſcheidenheit/ welche vns vor dẽ
Stricken/ ſo zur rechten vnnd lincken Seyten
ligen/ bewahꝛen/ vnd vns den rechten weg der
vollkommenheit zeigen: Vil Leuth haben ei-
nen guten Eyfer/ vnnd vnderfahen ſich hoher
vnd ſchwerer ding mit einer groſſen Lieb/ aber
es mengelt jhnen an der diſcretion. GOtt
verhaſſet die Narꝛen/ aber iſt ein gꝛoſſer freund
der Weiſen/ ſo jhm weißlich vnnd ordentlich
dienen/ das Lob beſtehet nit im werck/ ſonder
in dem modo, geſtallt vnnd manter/ die man
im wircken helt. Jm Hauſe deß Gerechten
(ſpricht der weiſe Mann) iſt ein edler Schatz
vnd Oel/ aber ein Narꝛ verzehret es: Derwe-
gen muß man den Weg deß HErꝛn fuͤrſich-
tigklich vnnd mit groſſer diſcretion wande-
ren/ den ſinnlichheiten nit ſtatt thun/ vnd dem
Leib nit zu vil aufladen/ damit man nit falle/
ſambt der Buͤrd/ dann GOtt will nicht/ daß
man den Leib verderbe/ ſonder die Laſter zer-
ſtoͤre. Ein Laſter vnd ſchand iſts/ wann man
Gott remiſsè vnd mit einer Kaltſinnigkeit/
wie auch vnbeſcheidenlich dienet/ aber ein diſ-
cretion iſts/ wann der Menſch ſich dermaſ-
ſenin den dienſt GOttes ſchicket/ daß durch
ſeine werck GOtt geehrt/ er ſelbſt dardurch
belohnt/ vnnd der nechſt aufferbawet werde.
Wer in ſeinen Geiſtlichen vbungen begert
zu proficiren vnnd zu beharꝛen/ der muß nit
allein ſehen auff den anfang/ ſonder auch aufs
Endt/ dann vilmals ſeindt die anfaͤng ſtreng
vnnd ſcharpff/ aber die endigen ſich in der re-
laxation vnd kaltſinnigkeit. Wer heut ſo
ſtarck lauffet/ daß er morgen niderligt/ vnnd
auß muͤdigkeit nit fort kan/ der fruchtet nichts
im dienſt GOttes/ ſonder confundiret ſich
ſelbſt/ vnnd verhindert den verdienſt. Heut
nichts haben/ aber morgen den vberfluß beſi-
tzen/ heiſt nit die Armut lieben/ ſonder die be-
gierlichheiten zieglen: Heut die notturfft ver-
waigeren/ morgen aber ſingularia vnnd ſon-
derbare ding vnd Speiſen begeren/ iſt ſolches
kein abſtinentz, ſonder ein reitzung deß fraſ-
ſes: Heut ſo vil leſen vnnd ſchreiben/ daß der
Kopffwehthumb drauß erfolget/ heiſt ſolches
die Seel nit ſpeiſen/ ſonder zu andern wercken
vntauglich vñ vnluſtig machen: Heut nichts
reden/ morgen aber vil vbriges ſchwetzen/ iſt
ſolches kein Eyfer/ ſondern ein aͤrgernuß in
der Religion: Es vermeinen etliche Geiſtli-
che/ daß ſie/ wann ſie jhren Leib mit Faſten/
haͤrinen Kleydern/ wachen vnnd geißlen
vbermeſſigklich kaſteyen/ GOtt dem HErꝛn
dardurch ein angenemmes Werck erweiſen/
aber ſie jrꝛen ſich/ dann ſolches iſt kein feruor
vnd Eyfer deß Geiſtes/ ſonder ein vnbeſchei-
dener furor vnd vnſinnigkeit/ dann dardurch
werden ſie in kurtzer zeit dermaſſen ſchwach/
daß ſie weder jhnen ſelbſt/ noch andern nutz
ſeind. Etliche kaſteyen den Leib vnmeſſiglich/
vnnd geben doch kein achtung auff die Laſter
der Seelen/ das iſt aber ein zeichen der Hof-
fart vnd eygnen willens. Was hilffts aber ei-
nen Menſchen/ daß er das haͤrine Kleydt auff
ſeinem Leib traͤgt/ woferꝛn er in ſeiner Seelen
behelt den eygnen Willen/ vnnd vnordent-
lichen affect? GOTT will gleichwol/ daß
man das Fleiſch ſolle mortificiren vnnd ka-
ſteyen/ aber mit einer beſcheidenheit vnd maß/
dann ob ſchon vnſer Leib vnſer Feindt iſt/ ſo
iſt er doch auch ein Jnſtrument der Seelen/
derwegen ſoll man jhne dermaſſen maceri-
ren, zaͤhmen vnnd erhungeren/ damit er ſich
wider den Geiſt nit aurflaine/ vnnd doch dar-
neben der Seelen diene inn jhꝛen Wercken.
Nicht entſchuldige dich mit deiner hierunder
habender guten intention, dann vil Leuth
haben in der eyferigen mortificirung jh-
res Leibs ein gutes intentt, aber nicht allein
verdienen ſie dardurch die Glori nicht/ ſon-
der fahren auch zur Hoͤllen/ derwegen ſchaw/
daß dein intention gut/ vnnd das Werck fuͤr
ſich ſelbſt nit boͤß ſeye/ dann wann das Werck
den Gebotten Gottes nicht zu wider iſt/ vnd
allein von GOTTES wegen beſchicht/
ſo wirdt er dardurch bedient/ vnd der Menſch
verdienet durch ſolchen ſeinen guten Eyfer
den Himmel.
Beſchließlichen/ wie aller vnbeſcheidener
Eyfer ſchaͤdlich iſt/ alſo iſt auch alle Lawig-
keit vnnd kaltſinnigkeit im Dienſt GOTtes
ſehr ſchaͤdlich/ dann wer jhm in der lawigkeit
vnnd hinlaͤſſigkeit dienet/ der iſt gleich an de-
me/ daß er ſich allerdings von jhm abſondert
durch die ſuͤnd. Keiner ſoll vermeinen/ dz/ weil
er Gott dem HErꝛn vil Jahꝛlang auff etwañ
einem Stifft oder in einer Religion gedient
hat/ er billich andern juͤngern voꝛgezogen ſol-
le werden/ aber er gedencket nit/ daß etliche/ ſo
erſt geſtern angefangen/ jhne in dem jnbruͤn-
ſtigen Eyſer vbertreffen: Vil beſſer iſt ein
einiger Tag deß eyfrigen vnnd jnbruͤnſtigen
dienſts/ weder hundert deß lawen vnd hinlaͤſ-
ſigen. Zu gleicher weiß wie die Kinder Jſra-
els/ ob ſchon ſie 38 Jahrlang in der Wuͤſte
vmbzohen/ vnd veꝛmeinten nah beym verſpꝛo-
chenen Land zu ſeyn/ doch letztlichen ſich noch
ſehꝛ weit daruon befanden/ alſo vermeinen et-
liche/ daß/ weil ſie vor vilen Jahren auß der
Egyptiſchen Finſternuß/ das iſt/ auß der welt
geſchiden/ vnd ſie verlaſſen haben/ ſie darduꝛch
deſto nahen der zu Gott vnd ſeiner Gori/ vnd
dem verheiſſenen Landt deß Paradeyſes ge-
langet ſeyen/ aber ſie ſeindt je noch weit dar-
uon/ ſeytemal ſie diſer Reiß mit keinem gebuͤr-
lichen Eyfer/ ſonder mit einem vnluſt vnnd
hinlaͤſſigkeit (jnmaſſen die Jſraeliter in der
Wuͤſte gethan) verꝛicht: Derwegen ſey ey-
ferig im dienſt deß HErꝛen/ vertreib von dir
alle faulkeit vnnd kaltſinnigkeit/ dann durch
die eyferige jnbruͤnſtigkeit vnnd bemuͤhung
wirdt erlangt die Ehr vnnd Goͤttliche frewd:
GOtt iſt ein belohner aller eyferigen guten
bemuͤhungen/ arbeit vnd ſchmertzen/ vnnd ein
Cron der Heiligen.
Diſcurs von Muͤſſiggehern vnnd
Arbeitern/ wie auch von dem heiligen
Muͤſſiggang.
DER Eylffte Gaſt redete alſo von
vnderſchidlichen Muͤſſiggaͤngern:
Wie der Vogel zum fliegen erſchaf-
fen/ alſo wirdt der Menſch geboren zur ar-
beit: Die gantze vollkommenheit deß menſch-
lichen Lebens/ vnd der Schluͤſſel vnſers nutzes
oder ſchadens beſtehet in deme/ daß wir vnſere
zeit wol/ weißlich vnd Chriſtlich anlegen/ dar-
zu er mahnet vns der Apoſtel/ ſprechendt: re-
dimentes tempus quia dies mali ſunt.
Darwider aber iſt der leidig Muͤſſiggang/
welcher ein ſeminarium aller Laſter vnnd
Boßheiten iſt/ dann er machet den Verſtandt
grob/ verderbt das Gemuͤth/ ſchwaͤchet deß
Menſchen fuͤrtreflichheit/ machet jhne zu ei-
nem Sclauen der geylheit vnd wolluͤſt/ iſt ein
begꝛaͤbnuß deß lebendigen Menſchen/ vnd ein
puluinar Sathanæ, ein Ohꝛkuͤß deß Teufels.
Vnderſchidliche Muͤſſiggaͤnger findt man
auff Erden: Die erſten ſeindt die Faullentzer/
Stationirer vnnd Landtſtoͤrtzer/ welche im
muͤſſiggang vnnd bettel vmbziehen/ vnnd den
wahren Armen das Brot vorm Maul hin-
weg ſchneiden/ vnnd auff ſolche Muͤſſiggaͤn-
ger gehoͤrt ein ernſtlichs einſehen vnnd exem-
plariſche ſtraff.
Die andere art der Muͤſſiggaͤngern ſeindt
die jenigen/ ſo nur der welt dienen/ zugleicher
weiß wie wir die jenige junge Knaben oder
Kinder fuͤr muͤſſige halten/ welche nichts an-
ders thun als ſpielen/ auffm Stecken reiten/
vnnd hin vnnd wider vmblauffen/ alſo helt
GOtt die jenige Menſchen fuͤr muͤſſige/
welche jhꝛe edle zeit in Eytelkeiten verzehren/
nur wolluſtigklich leben/ freſſen/ ſauffen/ ſpie-
len/ auff Lauten ſchlagen/ tantzen/ ſchimpffen/
ſchertzen/ buliren/ von der Lieb reden/ die jhnen
durch den Cupido zugefuͤgte Wunde bekla-
gen/ jnmaſſen gemeingklich vnſere Statt-
junckern vnnd Edelleuth thun/ denen es aber
vil loͤblicher vnnd beſſer anſtuͤnde/ daß ſie die
Reſpublicas mit rath vnnd that huͤlffen be-
ſchuͤtzen vnnd befeſtigen/ vnd alle jhre Guͤter/
muͤhe vnd arbeit zu deß allgemeinen Vatter-
landts heyl vnd wolfart verwendeten. Als
Keyſer Galba erjnnert ward/ daß er doch ſein
zeit nit alſo im Muͤſſiggang vnnd vergeblich
verzehꝛen ſolte/ antwoꝛtet er vnnd ſprach: Ein
jegklicher ſoll rechenſchafft geben wegen ſei-
ner Werck/ aber nicht wegen ſeiner kurtzweil.
Er jrꝛte ſich aber dißfals/ dann die Iuſtici
mercket auch auff die wolluſtige Faulentzer/
welche die Ordnung deß Lebens confundi-
ren, verwirꝛen vnnd alles boͤſes ſtifften vnnd
verurſachen/ letztlichen aber in Armut ge-
rathen: Dann der Muͤſſiggang tanquam
mater nugarum & nouerca virtutum
machet/ daß ein muſſiger ſein Seel zu vnrei-
nen Gedancken neꝛget/ auß vnreinen Gedan-
cken felt er in die erluſtigung/ auß der erluſtig-
ung in die Verwilligung/ auß der Verwillig-
ung in die Wuckung/ auß der Wirckung
in die gewonheit/ auß der gewonheit inn den
habitum: auß dem habitu inn die Armut/
die Armut aber machet verzweiflung: Die
verzweiflung machet ein Kuͤnheit vnnd ver-
meſſenheit/ die vermeſſenheit aber betruͤbet vñ
zerſtoͤret die Gemeinden/ dannenhero vnnd
weil ſo vil boͤſes auß diſem Muͤſſiggang ent-
ſtehet/ ſo koͤnte meines erachtens/ je kein nutz-
lichers Geſetz erdacht werden/ als eben ein ſol-
ches/ dardurch der ſchaͤndtlich Muͤſſiggang
bezwungen vnd vertilgt/ die edle Muͤſſiggaͤn-
ger vnd Faulentzer jhres Adels vnd edlen frey-
heiten priuirt vnd ergetzt/ hergegen die vned-
le fleiſſige vnnd embſige Leuth geadelt/ geehrt
vnd befuͤrdert wuͤrden.
Noch ein andere art der Muͤſſiggaͤnger
iſt verhanden/ welche nemblich die ſtudia vnd
vbungen der Tugenden verachten/ das Heyl
jhrer Seelen in Windt ſchlagen/ allen jhren
ſinn vnd gedancken nur auff die jrꝛdiſche Guͤ-
ter ſetzen/ die wahre vnnd vnſterbliche Reich-
thumb verachten/ in dem Muͤſſiggang vnnd
wolluſten vergraben ligen/ vnuerſehens aber
drin ſterben vnd verderben/ im wenigſten be-
trachtend/ daß die Heiligen die Glori/ die ſie
im Himmel beſitzen/ nit erlangt haben durch
Muͤſſiggang/ ſonder mit groſſer muͤh vnd ar-
beit/ daß auch das gantze Leben Chriſti nichts
anders geweſt iſt/ als arbeit vnd muͤhſeligkeit/
allein von vnſers Heyls vnd Seligkeit wegen:
aber wir armſelige mit ſo vilen Schlangen/
fewrigen Pfeilen vnnd Feinden vmb gebene
Menſchen/ in vtramque aurem dormi-
mus, ſchlafen ſicherlich/ verfaulen im Muͤſ-
ſiggang/ erluſtigen vns in eytelkeiten/ vñ ſeind
dermaſſen faul vnnd hinlaͤſſig in Geiſtlichen
vbungen/ als waͤre es nunmehꝛ alles frid vnd
ſicherheit/ vnd als waͤre das Leben deß Men-
ſchen auff Erden kein militia. Ein Narꝛ
iſt der jenig/ der ein Ruhe ſuchet allhie auf Er-
den/ dann er wirdt ſie nit finden. Der Muͤſ-
ſiggang vnd die ruh iſt ein Kraut oder frucht/
ſo allhie auff Erden waͤchſt/ aber im Him-
mel hat GOtt die Ruh fuͤrbereit/ denen/ wel-
che in ſeinem Weingarten arbeiten/ vnnd der
Haußmeiſter CHriſti wirdt jhnen geben den
Groſchen der Glori: Wie jener wilder vnnd
vnfruchtbarer Feygenbaum abgehawen vnd
ins Fewr geworffen ward/ alſo wirdt den vn-
nutzen Faulentzern das Leben abgeſchnitten
vnnd dem Hoͤlliſchen Fewer zu theil wer-
den. Ob ſchon vnſere bemuͤhungen nicht
wuͤrdig ſeindt das ewige Leben zu verdienen/
ſo koͤnnen wirs doch nicht erlangen/ woferꝛn
wir vns nicht drumb bemuͤhen vnnd bearbei-
ten. Vnangeſehen wir eygentlich wuͤſten/
daß vns GOtt die Glory beſcheren wuͤrde/
ſo muͤſſen wir/ als getrewe Knechte CHriſti/
vns doch drumb bemuͤhen/ vnd alles das jenig
thun/ was wir ſchuldig ſeind/ vnnd was wir
thun koͤnnen/ damit wir ſie nit verlieren/ dann
ſeind wir forchtſamb vnnd muͤſſig/ ſo werden
wir vertriben auß dem Reich CHriſti/ jnmaſ-
ſen jenen forchtſamen vnnd faulen Soldaten
beſchehen/ ſo mit dem Gedeon in Krieg zo-
hen.
Nun moͤchte aber einer ſprechen: Weil
du ſagſt/ daß die bemuͤhungen vnnd wirckli-
che Arbeit vnnd Werck ſo ſehr nothwendig
ſeind zu erlangung der Glori deß Himmels/
wie kombts dann/ daß Chꝛiſtus zu der fleiſſi-
gen/ muͤhſamen vnnd arbeitenden Martha
geſagt hat/ daß Maria/ welche nur ſtill vnnd
muͤſſig ſaß/ den beſten theil erwoͤhlt hatte? hier-
auff aber gibe ich zur antwort/ daß gleichwol
vil Weitliche/ die Religioſen vnnd Einſid-
ler fuͤr muͤſſige Faulentzer vnnd vnnuͤtze Leuth
halten/ junmaſſen Martha die Mariam
darfuͤr hielt/ vnd vermeinte/ daß jhre Vn-
ruhe vnnd bemuͤhung beſſer waͤre/ we-
der die heilig Geiſtliche vbung Mariæ: Aber
die Goͤttliche Gerechtigkeit erkennte diß-
fals fuͤr die Mariam/ vnnd zohe jhren
Muͤſſiggang der Muͤhe vnnd Arbeit Mar-
thæ vor: Ob ſchon die jenigen/ ſo ſich im
Gebett im leſen der heiligen Buͤcher/ vnd im
ſingen deß Ambts in der Kirchen vben/ mit dẽ
Leib ſtill ſitzen/ ſo ſol man doch nit gedencken/
daß ſie muͤſſig ſeyen/ dann wie kan der jenige
muͤſſig ſeyn/ welcher ſich jm̃erdar mit GOtt
bemuͤhet vnd negociret vnd niemalen aufhoͤ-
ret zu meritiren vnd zuuerdienen? vm̃ wie vil
mehꝛ ein Geiſtlicher alleinig iſt/ vmb ſouil de-
ſto mehꝛ iſt er begleit: Vnd wann er am aller
muͤſſigſten iſt/ als dann iſt er am aller beſten
vñ mehꝛerſtẽ geſchaͤfftig/ dañ ob ſchon Maria
muͤſſig war/ ſo war ſie doch beſſer geſchaͤfftig/
weder Martha/ dann ſie verwendete jhꝛen ver-
ſtandt in der contemplation vnnd betrach-
tung der Himmliſchen ding/ vnnd jhr Hertz
war entzuͤndt in der Lieb der ewigen Guͤter.
Gut war die bemuͤhung Marthæ/ aber beſ-
ſer war die bemuͤhung Mariæ. Alle beyde be-
muͤhungen/ nemblich vita actiua & cõtem-
platiua, ſeind gut vnnd notwendig in der H.
Kirchen/ ſie ſeind Schweſtern vnd freundin/
vnd ob ſchon das beſchawliche Leben fuͤrtreff-
licher iſt/ ſo iſt doch keins wider dz ander/ ſon-
der ſie helffen einander wie zwo Schweſtern:
Diſe alle beyde ding kan man zugleich vnd zu
einerley zeit verꝛichten/ die eine verhindert die
andere nit/ woferꝛn die leibliche vbung nit v-
bermaͤſſig iſt. Die contemplatio fauori-
ſiret der ehꝛlichen vbung deß wirckenden Le-
bens/ welches ſehꝛ duͤrꝛ vnnd verdrießlich iſt/
woferꝛn es mit der oratione mentali nicht
vermiſcht wirdt. Keiner kan ein contem-
platiuus geneñt werden/ der ſeinem naͤchſten
nicht hilfft in der angſt vnnd noth: So gar iſt
das wirckliche Leben bißweilen vil verdienſt-
licher/ weder das beſchawliche/ dann weil der
verdienſt geſchetzt vnd gemeſſen wirdt mit der
Lieb/ mit dern ein werck geuͤbt wirdt/ vnd einer
ein wirckliches Werck mit einer vil groͤſſern
Lieb wircken kan/ weder einer/ der ſchlechtlich
bettet vnnd contempliret, ſo folgt/ daß das
wirckende Leben vil verdienſtlicher iſt/ weder
das beſchawliche/ derwegen ſagte Paulus/ dz
er ein groſſes verlangen hatte von der ſuͤſſig-
keit der contemplation abgeſondert zu wer-
den/ wegen deß Heyls ſeiner Bruͤder.
Das beſchawliche vñ wirckende leben ſeind
die zween Fluͤgel/ welche geben wurden jenem
Weib/ von dern der heilig Joannes ſagt/ daß
ſie in die Wuͤſte/ das iſt/ gen Himmel/ geflo-
gen/ vnd jene heilige Thier/ welche Ezechiel
ſahe/ hatten nicht allein Fluͤgel/ mit denen ſie
ſehꝛ hoch flogen/ ſonder es waꝛ auch vnder den
Fluͤgeln ein Hand wie eines Menſchen/ dar-
durch wirdt bedeut/ daß das wirckende vnd dz
beſchawliche Leben einander nit zu gegen/ ſon-
der vereinigte Schweſtern ſeyen/ wie Martha
vnd Maria. Daß aber die Handt vnder den
Fluͤgeln ſtundt/ bedeut/ daß das wirckende Le-
ben dem fliegen deß beſchawlichen helffe: Ni
gnug iſts/ daß man in den Einoͤden nur al-
lein bette vñ contemplire/ ſonder man muß
auch den trawrigen troſtloſen vnd duͤrfftigen
fauoriſiren vnd helffen/ jnmaſſen Chriſtus
gethan/ welcher nit allein gantze Nachtlang
auff den Bergen bettete/ ſonder ſich auch in
heilung der Krancken vnnd Preſthafften vb-
te/ vnd die Ignoranten vnderwile. Derwegẽ
ſollen vns die herlige vbungen deß wirckenden
Lebens nit ſchwer oder verdrießlich ſeyn/ dañ
ſie werden ſich terminiren/ endigen oder ver-
kehꝛt werdẽ in die contẽplation der goͤttlichẽ
eſſentz vnd genieſſung der ewigen ſeligkeit.
Endlichen vnnd beſchließlichen leſen wir
vom heiligen Alberto/ daß er ſambt vnd ne-
ben ſeinem beſchawlichen Leben auch ſich in
nachfolgenden zehen wercken deß wirckenden
Lebens geuͤbt/ erſtlich in einer groſſen Demut/
nach dem Exempel Abrahams/ welcher zum
Herꝛn ſagte: ſoll ich dann mit meinem HErꝛn
reden/ der ich nun ſtaub vnd aſchen bin? Am
aͤndern in groſſer armut/ nach dem Exempel
deß H. Tauffers Ioannis/ welcher von Ju-
gend auf/ ſein vaͤtterliches Erbgut verließ/ vñ
in der Wuͤſte armſeliglich gelebt. Drittens
in groſſer Danckbarkeit vnnd ſtetter erjnne-
rung dern von GOtt empfangenen Gnaden
vnd Gutthaten/ nach dem Exempel deß Pa-
triarchen Jacobs/ welcher zur Danckſagung
einen Altar zu Betel auff gericht/ vñ dardurch
wuͤrdig woꝛden in derſelben Nacht him̃liſche
viſiones zuſehen. Viertens in der meſſigkeit
der affecten, vñ ſonderlich der Lieb/ nach dem
exempel Chꝛiſti/ welcher auf die Goͤttliche im-
preſen ſehendt ſich ſtellte/ als kennte er ſein
Mutter nicht/ vnnd ſprach: quæ eſt ma-
ter mea, & qui ſunt fratres mei? Zum
fuͤnfften in der Reinigkeit deß Gemuͤts vnnd
keuſchheit deß Leibs/ nach dẽ exempel deß Pa-
triarchen Joſephs/ welcher den ſchnoͤdẽ gunſt
ſeiner ehebrecheriſchen Frawen entflohen.
Sechſtens im andaͤchtigen leſen vñ vbung in
H. Schꝛifft/ nach dem Exempel deß H. Petri.
Zum ſibenden in der abſtinentz vnd maͤſſig-
keit/ nach dem Exempel deß H. Daniels/ der
ſich der Koͤniglichen ſpeiſen enthielt/ vñ wuͤr-
dig woꝛdẽ/ Goͤttliche geheimnuſſen zuerklaͤrẽ.
Zum achten/ in rauhen vnd groben Kleidern/
jnmaſſen Elias gethan vnd wuͤrdig worden/
in einem fewrigen Wagen verzuckt zu wer-
den. Neundtens in dem ſilentio vnd ſtill-
ſchweigen nach dem Exempel Jeremiæ/ wel-
cher geſagt: ſedebit ſolitarius & tacebit,
vnd dardurch einen ſehꝛ hohen vnd erleuchten
verſtandt vberkommen. Beſchließlichen in
dem willigen gehoꝛſamb/ nach dem Exempel
Mariæ/ welche geſagt: Ecce ancilla Domi-
ni, vnd dardurch wuͤrdig worden ein Mutter
Gottes zu werden.
Diſcurs durch was Mittel der
Himmel erlangt werde.
DEr zwoͤlfft Gaſt redete von den mit-
teln den Himmel zu erlangen/ vnnd
ſprach: Das aller fuͤrnembſte zweck/
darnach wir zihlen ſollen/ iſt die Himmliſche
Glori vnd Seligkeit/ die mittel aber dahin zu
gelangen/ ſeind die gute Werck/ wer mit Chꝛi-
ſto im Himmel begehꝛt zu regieren/ der muß
allhie Chꝛiſtliche Werck thun/ derwegen wa-
ren jene fuͤnff Jungkfrawen naͤrꝛiſch/ welche
kein Oel der guten werck/ noch kein Fewer der
Lieb hatten/ vñ doch an der Thuͤr deß Him̃els
anklopfften/ vnnd in die Glori gehen wolten:
Wie die fluͤgel den vogel in die hoͤhe erheben/
alſo ſeind die guten Werck Fluͤgel/ mit denen
man gen Himmel fliegen muß/ vnd diſe Fluͤ-
gel muͤſſen wir beraiten/ ehe vnnd beuor man
in die Glori gehet. Vil Leuth contentiren
vñ beſchlagen ſich mit dem bloſſen Glauben/
aber ſie gedencken nit/ daß der bloſſen Glaub/
ohne die Lieb/ todt iſt/ vnd ohne die gute werck
wenig hilfft. Was hilffts/ daß du den Schluͤſ-
ſel im Sack haſt/ wann du mit jhm nit kanſt
auffſperꝛen? Das endt deß Glaubens iſt/ daß
er vnſer Leben regulire, damit wir zu der be-
ſitzung der Glori gelangen moͤgen/ vnnd er
zeigt vns etlicher maſſen den weg darzu/ aber
die gute Werck fuͤhren vns hinein. Ein groß
gefallen hat GOtt am Glauben/ wann er be-
gleit wirdt mit guten Wercken. Nicht allein
iſt der Glaub zur Seligkeit nit gnugſam̃/ ſon-
der er iſt vns auch villeicht ſchaͤdlich/ woferꝛn
er nit mantenirt vnd vnderhalten wirdt mit
guten Wercken. Ob wol Hymenæus vnnd
Alexander den Glauben hatten/ jedoch weil
ſie das gute Gewiſſen von ſich trieben/ ſo ha-
ben ſie jm Glauben den Schiffbruch gelit-
ten. Zu gleicher weiß wie einer/ der in einen
tieffen Bach fellt/ erſauffen muß/ wofern
er ſich mit den Haͤnden vnnd Fuͤſſen nit weh-
ret/ ſchwimmet vnd ſich bemuͤhet/ alſo muß
der jenig im tieffen Meer der Hoͤllen erſauf-
fen/ welcher ſich auff den bloſſen todien
Glauben ohne Lieb verlaͤſt. Die Lieb iſt
das Leben deß Glaubens/ ohne dieſelbe iſt
er todt/ aber die gute Werck ſeind ein zei-
chen/ das die Lieb verhanden iſt/ vnnd daß
inwendig in der Seelen ein leben diger Glaub
ſtecket.
Der H. Koͤnig Dauid fragte ſich ſelbſt
vnnd ſprach: Wer wirdt ſteigen auff den
Berg deß HErꝛn? Antwort: Der vnſchul-
dige Haͤnd hat/ vnd eines reinen Hertzens iſt:
Als wolte er ſagen: Vermittelſt der guten
Werck vnd reinen gewiſſens wirdt erlangt die
Himmliſche Glori: Die Werck muͤſſen ſich
vergleichen mit vnſer gethanen Chriſtlichen
profeſſion. Als Iehu Koͤnig in Jſrael dem
Ionadab einem Soldaten begegnete/ fragte
er jhne vnd ſprach: iſt dein Hertz richtig mit
meinem Hertzen? Ionadab antwortet/ ja:
Da ſprach der Koͤnig: Jſts alſo/ ſo gib mir
dein Handt/ vnd er gab jhm ſein Hand/ vnnd
er ließ jhne zu jhm auff denn Wagen ſitzen:
Eben auff diſen ſchlag fragt auch GOtt
dich/ ob du an jhn glaubeſt/ vnnd dein ver-
trawen auff jhne geſetzt haſt? Vnnd wann
du/ wie ein Chriſt/ antworteſt: ja: Als dann
ſpricht er geſchwindt: Jſts alſo/ ſo gib mir
dein Handt/ vnnd laß ſehen/ ob deine Werck
gleichfoͤrmig ſeyen deiner Chriſtlichen pro-
feſſion: Wie nun der Koͤnig Iehu den Io-
nadab mit der Handt auffm Wagen zohe/ al-
ſo wirdt der Him̃liſch Koͤnig dich mit deinen
begangenen guten wercken auf den triumph
wagen ſeiner Gloꝛi ſetzen/ vnd dieſelbige wer-
den dich erheben vnnd gen Himmel fuͤh-
ren. Obſchon aber die Gloꝛi ertheilt wirdt
durch die prædeſtination/ ſo werden doch
die prædeſtinirten ſie nit erlangen ohne
jhꝛe gute werck. Es wirdt gleichwol der Herꝛ
am juͤngſten Tag zu den Gerechten ſpꝛechen:
Kommet jhꝛ Gebenedeyten/ vnnd beſitzet das
Reich/ welches euch fuͤrbereit iſt von Ewigkeit
hero: Damit aber man wiſſen ſolle/ daß die
Glori nit erlangt werde ohne gute Werck/ ſo
ſetzet er alsbaldt hinzu diſe Wort: Jch bin
hungerig geweſt/ vnnd jhr habt mich geſpei-
ſet/ ꝛc. Zu einem andern ſagte der HErꝛ: wilſt
du eingehen ins ewige Leben/ ſo halte meine
Gebott Gott will dir die Glori nicht geben
ohne dich/ vnnd du kanſt ſie nit erlangen ohne
jhne. Er will/ daß wir vnſers theils das jenig
darbey thun ſollen/ was wir koͤnnen? Er wills
nit alles allein thun/ ſonder du ſolleſt auch et-
was thun/ darmit du den Himmel verdieneſt.
Vnſere Werck ſeind gleichwol nit gnugſam̃
die Glori zu verdienen/ aber ſie verdienen ſie
mit der huͤlff der Goͤttlichen Gnad: Wir
ſeind vnnuͤtze Knechte/ aber durch huͤlff ſei-
ner Gnad werden wir nutzliche Knecht. Wie
das Epheu gleichwol ein veraͤchtlichs Kraut
iſt/ aber wann es an einem ſtarcken Baum an-
leinet/ biß in alle hoͤhe waͤchſt/ alſo ſeind vnſere
Werck von Natur ſchwach vnd veraͤchtlich/
aber wann ſie an dem HErꝛn Chriſto lainen/
vnnd ſich mit ſeinen verdienſten vereinigen/
alsdann ſeind ſie ſehꝛ werth vnd koͤſtlich. Die
Gnad Chriſti iſts/ welche vnſere Werck ver-
dienſtlich machet/ aber diſe Gnad gibt GOtt
nit einem jeglichen/ ſonder nur denen/ ſo ſich
darzu diſponiren, bequemen vnnd ſein em-
pfangene Gnad wol brauchen. Alles wirdt
mehꝛers der Gnad zugeſchriben/ als den wer-
cken/ aber die Gnad gibt den verdienſt nit oh-
ne vnſere Werck: Applicire du deinen wil-
len/ vnnd gebrauche deinen freyen Willen
recht vnd wol/ ſo wirſtu den Himmel verdie-
nen mit deinen guten Wercken. Zu gleicher
weiß wie es in einem Schiff/ welches mit gu-
tem Windt ſegelt/ das anſehen hat/ als thu der
hinden beym Ruder ſitzender Pilot nichts dar-
zu/ aber ob ſchon er ſich wenig bemuͤhet/ ſo
thut er doch vil/ in deme er das Sail deß Se-
gels helt/ dann wann er daſſelbe loß lieſſe ſo
wuͤrde alles zu grundt gehen. Eben ein ſolche
meinung hats mit dem Menſchen/ welcher
vom heiligen Geiſt/ vnd von der Gnad Got-
les regiert wirdt/ dann obs ſchon das anſehen
hat/ als thu er nichts/ ſo thut er doch vil/ in
deme er ſeinen freyen Willen zu der Goͤttli-
chen Gnad hergibt/ vnnd das Segel deß gu-
ten Willens nach dem Windt deß heiligen
Geiſtes ſchwinget: Alſo/ daß der freye Will
ſampt der Gnad wircket: Vnnd wann der-
wegen GOtt hilfft/ vnnd wir ſelbſt vns be-
muͤhen/ ſo gelangen wir zum Port deß Him-
mels mit den verdienſten vnſerer guten werck.
Regnum cœlorum vim patitur, vnd nur
die jenigen eroberen den Himmel/ welche ſich
ſelbſt vberwinden vnnd bemuͤhen: ohne muͤh
gelanget man nicht zu der verlangten Selig-
keit. Ob ſchon aber wir vns etwas bemuͤ-
hen/ ſo werden wir doch finden einen groſ-
ſen Troſt/ dann was iſt alle bemuͤhung diſes
Lebens/ wann ſie gehalten vñ verglichen wird
gegen der Ruh der ewigen Frewd? Wann
ein Herꝛ einen Diener hette/ der jhm ein groſ-
ſe reuerentz vnd vil beſo las manos mach-
te/ vnnd jhne ſehr lobte/ aber ſeinem Befelch
im wenigſten nicht nachkaͤme/ ſo wuͤrde er
jhne/ ohne zweyfel/ auß dem Hauſe jagen:
Aber wir Menſchen woͤllen/ daß GOTT
vns vbertrage/ gedulde/ vnnd nicht auß ſei-
ner Glori jage/ vnangeſehen wir nur einen
todten Glauben haben/ vnnd nur laͤre Wort
im Mundt fuͤhren/ auch nichts thun/ was er
vns befilcht: GOTT erfordert die werck
von dem jenigen/ der jhm dienet: Wann vn-
ſere Haͤnd vnſchuldig vnnd vnſere Werck gut
ſein werden/ alsdann werden ſie vns auff den
hohen Berg deß HERREN fuͤhꝛen/ daſelbſt
werden wir jhne transfigurirt vnnd verklaͤrt
ſehen/ vnnd ſeiner ſambt den Apoſteln genieſ-
ſen ewigklich.
Beſchließlichen gehoͤrt zu erlangung der
Glory die perſeuerantz, dann es ſtehet ge-
ſchriben: Niemandt/ der ſein Handt am
Pflug ſchlegt vnnd zu ruck ſihet/ iſt geſchickt
zum Reich Gottes: Dann die Gerechten be-
gehren jmmerdar zu proficiren, vnnd ſie
bemuͤhen ſich fort zu gehen. Nicht ſagt der
HErꝛ/ daß er dir Roſen vnnd Blumen in
die Handt gibt/ ſondern den Pflug/ dann
das Leben eines Chriſten ſeind nicht frewd/
kurtzweil vnd wolluͤſt/ ſonder muͤhe/ ſchweiß
vnd arbeit/ derwegen ſolleſtu nit zu ruck ſehen/
vñ dich bemuͤhen fort zugehen/ biß du den ver-
langten Port erꝛeicheſt. Zu gleicher weiß wie
jene Kuͤh/ welche die Arch deß Herꝛn zogen/ nit
ſtill ſtunden/ vnnd weder zur lincken noch zur
rechten Hand von der Straß wichen/ ſonder
jmmerdar fort gen Bethſames gingen/ vn-
angeſehen jhꝛe junge Kaͤlber jhnen ſtarck nach-
ſchryen/ alſo weil wir mit dem joch deß Herꝛn
vereinigt ſeind/ vnnd ſeine heilige Geſetz auff
vnſern Achßeln tragen/ auch den rechten weg
der Tugenden wandern/ ſo muͤſſen wir allzeit
fortgehen: Ob ſchon deine ſuͤndliche appeti-
ten, wie deine natuͤrliche Kinder dir nach-
ſchreyen vnd dich bitten/ daß du widerumb in
die Welt kehꝛen ſolleſt/ ſo ſoll doch die Tugent
die natuͤrliche Lieb vber winden/ vnnd du/ wie
ein tauber vnd ſtummer ſchweig ſtill/ beharꝛe
deinen angefangenen weg/ vnnd gib der Welt
vñ dem Fleiſch kein antwort/ biß du gen Beth-
ſames ins Hauß der Sonnen gelangeſt/ all-
da du ſehen wuͤrdeſt das ewige Liecht/ vnd die
vnendliche Klarheit Gott ſelbſt.
Guſman ſelbſt vnnd fuͤr ſich ſelbſt
diſcurriret von dem nutz vnnd noth-
wendigkeit der edlen
Thorheit.
JCH Guſman war der dreyzehendt
Tiſchgenoß/ aber doch nur ein Auff-
warter: Als ſie alleſambt auß diſcur-
riret vnd mit jhꝛer Red hin vnd wider geloffen
waren/ winckte mir mein Herꝛ Cardinal mit
den Augen/ vnd ſprach: Guſman/ ich weiß/
daß du vil hin vnd wider gewandert/ wol ſtu-
diert/ vnd nicht wenig geſehen/ gehoͤrt vnd er-
fahꝛen haſt/ derwegen ſage vns auch etwas:
Jch antwoꝛtet vnd ſprach: Gnedigſter Herꝛ/
ich bin ſeicht gelehꝛt/ vñ kan von hohen wich-
tigen vnd weiſen ſachen/ wie diſe Herꝛn Tiſch-
genoſſen/ gethan/ nit vil reden/ derwegen wil
ich E. G. zu vnderthenigem gehoꝛſamb etwz
diſcurriren vnd von der edlen Thorheit vnd
Narꝛheit reden/ wie ein Thor vnd Narꝛ/ vnd
wie ein Blinder von den Farben: Werde ich
aber etwann jemande treffen/ ſo hab er mirs
nicht fuͤr vbei. Mein Herꝛ vertroͤſtete mich/
dz man mir im wenigſten nichts fuͤr vbel auff-
nemmen wuͤrde/ vnnd ſagte/ daß ich nur
kecklich reden vnnd nichts verſchonen ſol-
te. Deſſen lachte ich/ erwiſchte aber zuuor
ein gutes Glaͤſel mit Wein/ trancks mit
luſt auß/ fing an zu reden vnnd ſprach: Die
Poeten (denen billich geglaubt wirdt/ dann
ſie haben mit der torheit jedes mal vil zuſchaf-
fen gehabt) bezeugen/ daß Pluto ein GOtt
der reichthumben/ ein Vatter vnd die Iuuen-
tus der Jugend/ ein Mutter der Thoꝛheit ge-
weſt/ welche in den Inſulis fortunatis, allda
kein Kranckheit noch Alter regirt/ ſonder man
allzeit friſch vnnd geſundt lebt/ geboren wor-
den/ vnnd baldt nach jhrer Geburt angefan-
gen zu lachen/ vnnd ſich mit der Fraw Venus
vnnd dem Baccho erluſtiget. O gluͤckſelige
vnnd notwendige Geburt: die weiſe vnnd ge-
lehꝛte Maͤnner moͤgen gleichwol von jr ſagen
was ſie woͤllen/ ſo iſt doch gewiß/ daß woferꝛn
anderſt ſie begeren Vaͤtter zuwerden vnd das
Gebott Gottes: creſcite & multiplicami-
ni:
ni: zu voll ziehen/ ſie jhꝛe grauitet, ſtudia vnd
weiß heit hin dan ſetzẽ/ die toꝛheit vmbfahen vñ
mit den weibern ſchertzẽ muͤſſen/ dañ ſie iſt der
brunquel/ auß welchem die weiſe Philoſophi,
die ernſthafftige Juriſten/ die andaͤchtige reli-
gioſen, die ehꝛwuͤrdige Prælaten/ die groß-
maͤchtige Herꝛen/ Fuͤrſtẽ/ Koͤnig/ Keyſer/ vnd
aller heiligſte Baͤpſt entſpringen/ dañ woferꝛn
die torheit vñ der will deß Menſchen nit zuſa-
men ſtim̃eten vñ eins waͤren/ ſo wuͤrden wenig
Menſchẽ erzeugt vñ geboꝛen werdẽ. Die wei-
ber/ welche den groſſen ſchmertzẽ/ muͤhſeligkeit
vnd die gefahr deß gebehꝛens einmal verſucht
haben/ wurden ſich gewißlich nicht widerum̃
zu den Maͤnnern legen/ woferꝛn ſie nicht biß-
weilen naͤrꝛiſch vnd ſchier wuͤtig waͤren.
Die nutzbarkeit der thoꝛheit iſt der maſſen
groß/ daß ohne ſie/ vnſer Lebẽ gewißlich nichts
anders/ als ein pur lautere armſeligkeit ſein
wuͤrde/ dañ dz die junge kindlein ſo ſehꝛ geliebt
vnd gezaͤrtelt/ ja ſo gar von den wilden Thie-
ren verſchont vnd bißweilen ernehrt werden/
daran iſt gewißlich nichts anders ſchuldig/
als eben jhre Vnſchuldt vnnd Einfalt/ dann
die Thoꝛheit nimbt ſie jederzeit inn jhꝛen
Schutz/ vnd beſchert jhnen die gnad/ daß alle
jhꝛe Woꝛt vnd Werck lieblich vnnd annemb-
lich ſeind.
Auff diſe Kindtheit folgt die bluͤhende ju-
gendt der adoleſcentiæ, welche der Fruͤling
vnſers Lebens iſt/ vnnd von der Thoꝛheit ſehꝛ
fauoriſirt wirdt/ dann man helt darfuͤr/ daß
der Menſch einmal in ſeinem Lebẽ muͤſſe naͤr-
riſch ſein/ entweder in der Jugent oder im Al-
ter: Wer es derwegen in der Jugendt nit ver-
richtet/ oder ſich naͤrꝛiſch ſtellt/ dolliſiret vnnd
raſet/ der muß es in ſeinem Alter verꝛichten/
vnd eben diſes iſt ein vrſach/ daß die Hollaͤn-
der jhꝛe Toͤchter keinem jungen Geſellen ge-
ben/ der nit allbereit in ſeiner Jugend außge-
narꝛet/ dolliſirt oder geraſet hat. Dann ſie ver-
meinen/ daß/ woferꝛn einer in der Jugendt nit
außgenarꝛet hat/ er erſt im Alter die Narꝛen-
ſchuch anlegen vnd dolliſiren muͤſſe.
Nit allein die Kindtheit vnd die Jugendt
wirdt von der Thorheit fauoriſirt, ſonder
auch das Alter/ dann ſie machet die Alten wi-
derumb jung/ vnd verkehꝛet ſie gleichſamb in
Kinder/ in deme nemblich ſie jhꝛe Kuͤnſt/ ſci-
entzen, ſchwere vnnd wichtige geſchaͤfft hin-
dan ſetzen/ ſich zu der Lieb vnnd Bulerey bege-
ben/ jhꝛe Haar faͤrben/ voꝛn an der Stirn ho-
he Zoͤpff tragen/ damit ſie nit fuͤr Kaalkoͤpff
gehalten werden/ taͤglich jhꝛe Baͤrth rodi-
ren, jhꝛe Kleydeꝛ parfumiren vnnd mit Bi-
ſem vnd Amber beſtreichen/ Kupler beſtellen/
Buelbrieffel dichten/ ſchꝛeiben vnnd außſchi-
cken/ ſich mit ſehꝛ jungen armen/ aber ſchoͤ-
nen vnd holdſeligen Maͤgdlein verheureten/
mit denſelbigen jhꝛ Gut mit ſpielen vnd ſcher-
tzen verzehꝛen/ jmmerdar von der Lieb vnnd
naͤrꝛiſchen dingen reden/ vnnd ſich dermaſſen
naͤrꝛiſch ſtellen/ als kaͤmen ſie erſt in die Welt/
oder als waͤren ſie niemaln inn der Welt ge-
weſt: Vnnd auß diſer gleichheit der Natur
erfolgt/ daß die Alten die Kinder ſo ſehꝛ lieben/
vnd ſambi jhnen auff Stecken reiten/ oder mit
jhnen ſpilen/ hergegen daß die Kinder ſich ſo
ſehꝛ mit den Alten frewen/ vnd gern bey jhnen
ſeindt.
Ferꝛner erſcheint die nutzbarkeit der Thoꝛ-
heit auß deme/ daß/ woferꝛn die Menſchen die
weißheit allerdings fahren lieſſen/ vnnd ſich
nur der Thorheit befliſſen/ ſie gewißlich kein
einige Kummernuß noch Muͤhſeligkeit em-
pfinden/ ſonder allzeit ruͤhwig vnnd gluͤck-
ſeligklich leben wuͤrden/ dann die taͤgliche
Erfahrung gibt zu erkennen/ daß die weiſe
hochgelehrte/ grauitetiſche/ ernſthafftige
Maͤnner/ welche nichts anders thun/ als ſtu-
diren/ jhꝛen ſcientiis obligen/ vnd Landt vnd
Leuth regiren/ gemeinglich bleich/ mager vnd
kranck ſeind/ vnd gar bald alt werden/ dann ſie
haben weder Tag noch Nacht kein ruhe/ ſon-
der muͤſſen arbeiten mit dem Leib vñ mit dem
Gemuͤth vnd Geiſt/ der wirdt dardurch ge-
ſchwaͤcht vnd das Leben verkuͤrtzt/ im gegen-
ſinn aber ſehen wir/ daß die Jdioten/ vngelehꝛ-
ten vnd vnuerſtaͤndige gꝛobe vnd vngeſchickte
Toͤlpel vñ Knoͤpff/ welche ſich nur auff jhꝛen
Landtguͤtern oder anheimbs finden laſſen/ vñ
ſich vmb nichts annem̃en noch vmb das heyl
deß Vatterlandts kummern/ gemeinlich faiſt/
ſchoͤn/ roth/ ſtarck vnd geſundt ſeyen vnd lang
leben. Diſes haben etliche anſehenliche
Staͤtt inn Jtalia vnnd anderſto wol gewuͤſt
vnd betracht/ vnd derwegen durch ein offent-
liches decret oder mandat, etlich gelehꝛte vñ
weiſe patritios, Geſchlechter oder Edelleut/
keiner andern vrſachen halben hinauß vnnd
weg geſchafft/ als weil dieſelbigen wol ſtu-
dirt hatten/ vnnd jhꝛen verſtandt in vilen din-
gen erzeigten/ jnmaſſen die Saneſer gethan/
vnnd derwegen fuͤr offentliche pur lautere
Narꝛen gehalten werden. Die Bologneſer
werden gleichwol fuͤr weiſe/ gelehꝛte vnnd ge-
ſcheide Herꝛen gehalten/ aber alle jhre be-
ſte vnnd gelehꝛteſte Buͤcher ſchmiden ſie auff
jhrer Bibliothec an eyſenen Ketten/ herge-
gen laſſen ſie die Narꝛen vnnd jhre naͤrꝛiſche
Geſchlechter vnnd Burgerskinder ledig/
vnnd wolluſtig vmbziehen/ vnnd in Rath
ſitzen: O wie vil Narꝛen vnnd Fantaſten
findt man zu Florentz, Modina, Par-
ma vnnd Meylandt/ vnder den Burgers-
kindern/ welche keiner andern vrſachen hal-
ben etwas rechtſinniges ſtudiren/ noch auch
doctoriren/ als weil ſie ſich deß Doctorals/
aber nicht der Thorheit vnnd vnwiſſenheit
ſchaͤmẽ/ vñ nit deſto weniger im Rath andern
gelehꝛten vnnd weiſen Maͤnnern voꝛgezogen
werden woͤllen: Vil andere Staͤtt vnd Voͤl-
cker koͤndte ich benennen/ welche die Thoꝛheit
in jhꝛer protection, ſchutz vnnd ſchirm nem-
men/ vnd ſie gleichſam̃ fuͤr ein grandeza vnd
hochheit halten/ wegen der confluenz, zu-
lauff vnnd menge deß Volcks/ ſo jhꝛ nachfol-
gen.
Weil auch die Goͤttliche fuͤrſehung ſahe/
daß der Menſch erſchaffen war darumb/
daß er die andere Thier beherꝛſchen vnnd den
gantzen vniuerſum regiren ſolte/ vnd daß er
zu ſolchem end ein groſſe weißheit haben vnd
benebens vil ſorg vnd muͤhſeligkeiten außſte-
hen muͤſte/ ſo hat ſie jhne mit einer ewigen vnd
vnzertrennlichen Geſellſchafft verſehen vnd
jhm ein Weibsbildt zu ordnen woͤllen/ auff
daß ſie jme ſeine ſchwere ſorgfaͤltigkeiten lin-
dern/ vnd einen luſt vnnd frewd machen ſolte/
dann das Weib iſt ein ſolche naͤrꝛiſche vnnd
werckliche Creatur/ daß Plato zweifelt/ ob
ſie vnder den verſtaͤndlichen oder vnuerſtaͤnd-
lichen Thieren gezehlt vnd gerechnet werden
ſolle. Eben diſer meinung ſeind auch die Tuͤr-
cken/ welche nicht bewilligen/ daß die Weiber
weder in burgerlichen noch malefitz Haͤndlen
zeugnuß geben. Sie ſagen auch/ dz die Seelen
der Weiber nicht/ wie die Seelen der Maͤñer/
vnſterblich/ ſonder den Seelen dern andern
wilden Thieren vnd beſtien gleich ſeyen: der-
wegen hat die Goͤttliche Thoꝛheit ein groſſes
gefallen an diſem Weiber Geſchlecht. Man
findt etliche vnder jhnen/ welche ſich vnder-
ſtehen/ jhꝛer natuͤrlichen Thorheit zu renun-
ciren vnd abzuſagen/ vnd woͤllen gelehꝛt/ wei-
ſe vnd dermaſſen fuͤrſichtig vnd geſcheid ſein/
daß ſie an ſtatt deß nehens/ ſpinnens/ haß-
pelns/ vnd anderer weiblicher Arbeit/ ſich vm̃
das Regiment der Landen vnnd Leuthen an-
nemmen/ oder ſich mit der Philoſophia oder
Theologia, oder Aſtrologia bekuͤmmeren/
vnnd/ ſamb waͤren ſie newe Ariſtoteles oder
fuͤrtreffliche Philoſophi vnd Theologi, ar-
gumentiren, ja predigen/ lehꝛen vnd vnder-
weiſen. Etliche andere woͤllen Muſiciſtæ
ſeyn/ ſchlagen auff Jnſtrumenten/ Harpffen
vnd Lauten/ vnd ſingen drein. Etliche andere
verlieben ſich dermaſſen ins tantzen/ daß ſie
ſchier nichts and’s thun/ als wie die Geißdoͤck/
hin vnd wider/ auff vñ nider hupffen/ ſpringen
vnd allerhand paſſames vñ Galiart tantzen.
Etliche andere befleiſſe ſich nur ſchoͤn zu ſein/
vnd andern liderlichen Leuten beſſer vnd mehꝛ
zu gefallen/ als Gott vnd jhꝛen Maͤnnern/ vñ
zu ſolchem end brauchẽ ſie tauſenterley kuͤnſt/
geheimnuſſen vnd mittel. Jch wil gleichwol
nichts ſagen von den zauberiſchen/ ſchwartzen
vnd andern aberglaubiſchen teufliſchẽ Kuͤnſtẽ/
mit denen ſie die Maͤñer bißweiln bethoͤꝛẽ/ ra-
ſent vnd vnſinnig machen/ vnd zu zeiten vmb
jhꝛ Leben bringen/ ſondern ich rede nur allein
von jhꝛem habitu, Kleidern vnd Geſchmuck.
Dann wer jhꝛe Fuͤß betrachtet/ der ſihet ſo
hohe Bandtoffel odeꝛ Schuch/ daß ſie alleinig
drauff nit gehen koͤnnen/ ſonder einen haben
muͤſſen/ der ſie an der Handt fuͤhꝛe vnnd auff-
halte/ damit ſie nit fallen: Was ſoll ich auch
ſagen von andern ſchoͤnen/ zarten/ ſchnee-
weiſſen/ oder ſammetenen mit Perlin geſtiek-
ten vnnd koͤſtlich gezierten Schuchen vnnd
Bandtofflen/ mit denen ſie herein prangen
vnd den Zelt gehen?
Wer jhꝛen Kopff betrachtet/ der ſihet den-
ſelben geziert nit mit jhꝛen eygnen keſtenbrau-
nen oder kohlſchwartzẽ/ ſonder mit fremd dem
entlehentem Haar/ mit guldinen vnd geſtrick-
ten Hauben/ mit hohen ſpitzigen Huͤten/ gul-
dinen Schnuͤren/ koͤſtlichen Roſen vnd Me-
dalten: Was ſoll ich ſagen von den hohen vnd
groſſen Bockshoͤrnern/ die ſie oben auff der
Stirn tragen/ zum zeichen der Hoͤrner/ die ſie
bißweilen jhꝛen Maͤnnern auffſetzen? Etliche
tragen koͤſtliche Perlein vnnd Kleinodien an
den Ohrlaͤplein: Etliche binden vnnd hefften
ſie an die Haar/ dieſelbige krollen vnnd krau-
ſen ſie mit gluͤenden Eyſen zieren vnd ſchmu-
cken es mit Queckſilber oder Goldt/ oder mit
ſchoͤnen Kraͤntzen. Das beſtreichen vnd auß-
rupffen der Haaren an der Stirn vñ Augen-
braͤm iſt jhꝛ ordinarium. Jhꝛ Angeſicht vnd
jhꝛe Wangen roth zu machen/ kan ſie kein
Mahler vbertreffen.
Wer jhꝛen Halß vnd Bruſt betrachtet/ der
moͤchte ſchier ohnmaͤchtig werden/ dann ob
ſchon der vbrige theil jhꝛes Leibs braun/ gelb/
blaw oder ſchwartz iſt/ ſo muß doch der Halß
vnd die Bruͤſt ſchneeweiß vnnd mit ſchoͤnen
Halßbaͤndern/ guldenen Ketten/ Kleinodien
vnnd zarten Netzlein geziert vnnd vberzogen
ſein.
Beſchawet man den Leib/ ſo ſihet man den-
ſelben bedeckt mit allerhandt ſo vilen vnder-
ſchidlichen koͤſtlichen Kleidern/ daß es nit auß-
zuſpꝛechen/ vnnd ſolches alles thun ſie nicht
auß andacht/ ſonder auß Geylheit vnd Thoꝛ-
heit/ vnnd zu erluſtigung der Maͤnner: Alſo/
daß wir alle diſe frewd vñ wolluſt/ die wir von
den Weibern haben/ der Thorheit zuſchrei-
ben/ vnnd bekennen muͤſſen/ daß wir ſie durch
ſie empfahen.
Vber diß alles thut auch die Thorheit in
den Pancketen vnd Gaſtereyen das beſte/ dañ
erſtlich ladet vnd beruffet man auch inſonder-
heit die Weiber zu den Gaſtereyen/ damit ſie
den Tiſch mit jrer gegenwertigkeit/ lieblichen
anblick vnd Thoꝛheit zieren/ vnd die Maͤnner
mit jhꝛen hoͤflichen vnd zierlichen reden erlu-
ſtigen.
So herꝛſchet vnd regiret auch die Thoꝛheit
ſehꝛ maͤchtigklich bey den Heureten/ vereheli-
chungen vnd Hochzeiten/ dann voꝛ zeiten be-
willigte man/ daß die Jungkfrawen jhren
zukuͤnfftigen oder vermeinten Braͤutigam
Mutter nackent eygentlich vnd wol beſchaw-
en moͤchten/ hergegen ward den Juͤnglingen
erlaubt/ den obern theil deß nackenden Leibs
jhꝛer Braͤut fleiſſig vnd eygentlich zu beſehen/
damit ſie alſo nit vrſach hetten/ einander ins
kuͤnfftig/ nach der Hochzeit/ die alsdann ver-
ſpuͤrte/ vnnd zuuor nicht gewuͤſte maͤngel zu
verheben vnnd fuͤr zurupffen: Aber an jetzo
will man gar geſcheid/ oder/ daß ich recht ſa-
ge/ vil naͤrꝛiſcher ſein/ dann zu diſen zeiten heu-
ratet man nur nach dem Geſicht/ oder nach
wohn/ oder auß Geitz/ oder auß Lieb. Etliche
Geltnarꝛen nem̃en nit die Perſon der Braut/
ſonder das Gelt: Andere Schoͤnheit narꝛen
nemmen nit zucht/ erbarkeit vnd haͤußlichkeit
ſonder nur die Schoͤnheit vnnd holdſeligkeit
deß Leibs: Andere Fantaſten heuraten vnnd
bleiben nit im Adel/ oder zu jhꝛes gleichen/ ſon-
der zum Gut/ der ein nimbt ein alte geruntzel-
te Wittib/ wegen jhꝛer Reichthumb: Die alte
vnſinnige/ heßliche vnnd vnflaͤtige Wittib
nimbt einen ſchoͤnen ſtarcken jungen Geſellen
zu erſaͤttigung jrer geylheit: Vm̃ wie vil mehr
aber ſie einander aufangs haben geliebt/ vmb
ſo vil deſto mehr werden ſie einander feindt
vnnd verhaſt. Woferꝛn aber die Braͤutgam
weiſe vnnd verſtaͤndig weren/ vnnd dem leben
vnnd ſitten ſeiner Braͤut/ oder die Braͤut der
beſchaffenheit jhres Braͤutgams zuuor fleiſ-
ſig nachfragten/ ſo wurden ſie bißweiln ſo vil
ſchoͤne ſachen von jhnen hoͤren vnnd vernem-
men/ daß jhꝛer wenig heuraten wuͤrden: Deß-
gleichen woferꝛn die Ehleut nach der Hochzeit
ſteiſſig mercken vnd obacht geben wolten auff
die hernach gefundene jrꝛthumb/ defect vnnd
maͤngel/ ſo wuͤrde ein armſeliges weſen/ weit-
laͤuffigkeit vnnd vneinigkeit drauß entſtehen:
gewißlich wuͤrden ſie nimmer lang beyſamen
hauſen/ ſonder ſich ſcheiden laſſen/ vnnd vn-
endtlich vil diuortia vnnd eheſcheidungen
wurden ſich begeben/ woferꝛn die Thorheit
nicht das beſte darbey thete/ Dann an der
Hochzeitnacht iſt die lieb ſolcher jungen Lap-
pen vnnd Eheleut dermaſſen groß/ daß ſie die
maͤngel vnnd gebrechen deß einen oder an-
dern theils entweder nicht warnemmen/ oder
doch diſſimuliren, vnnd mit einer ſo groſſen
lieb vnd freundlichkeit beyſamen leben/ daß es
das anſehen hat/ als ſeye nur ein Seel in zwey-
en Leibern: Es iſt die lieb der Maͤnnern ge-
gen ſolchen jhren Weibern bißweiln dermaſ-
ſen groß/ daß ſie dieſelbigen/ wie Goͤttinnen/
verehren/ jhnen alle jhre Thorheiten/ eytel-
keiten vnd vnheußlichheiten verſtatten/ gut-
heiſſen/ noch ſie im wenigſten erzuͤrnen doͤrf-
fen: Ja was mehr iſt/ dermaſſen blindt vnnd
vertrewlich ſeind ſie/ daß ſie jhren ſchoͤnen
Frawen ſonderbare ſchoͤne vnnd ſtarcke ga-
lanes halten/ ſo jhnen hofiren vnnd auff den
dienſt warten muͤſſen: Daß nun nicht deſto-
weniger vnder ſolchem Eheuolck die ſchnoͤ-
de eyferſucht nicht regiret/ vnnd aller zanck/
hader vnnd vneinigkeit vermitten blei-
bet/ daran iſt die loͤbliche Thorheit ſchul-
dig.
Alſo auch iſt gewiß vnnd wahr/ daß die al-
lerherꝛlichſte vnnd fuͤrtrefflichſte thaten/ auß
eingebung vnnd mithuͤlff der Thorheit her-
flieſſen/ dann durch diſes mittel ſeindt ent-
ſtanden/ die allerhoͤchſte authoritates’ der
Koͤnige/ welche die gantze Welt mit jhꝛem
Kriegsheer erſchroͤckt haben/ dann was kan
naͤrꝛiſcher ſein/ als eben die Feldtſchlachten/
in denen man mehꝛ verliert/ denn gewinnet/
vnd in denen nur menſchliches Blut vergoſ-
ſen/ vnd vil arme Witwen vnnd Waiſen ge-
macht werden? Ob wol Alexander der groß/
vnnd Iulius Cæſar fuͤr die aller fuͤrtreflichſte
Potentaten gehalten woꝛden/ ſo ſeind ſie doch
die aller groͤſte vnd wunderbarlichſte Narꝛen
geweſt/ ſo jemals gelebt/ dann was hette naͤrꝛi-
ſcher ſein koͤnnen/ als daß er Alexander in
Jndien in beſtuͤrmung einer ſtarcken Feſtung
vber die Mawren mitten vnder die Feinde ge-
ſprungen/ vnd nur ſelbſt dritt ſo lang mit jnen
geſtritten/ biß jhm ſeine Leuth zu huͤlff kamen/
vnd aller blutig vnnd ohnmaͤchtig fanden? J-
tem/ daß er ſich vnderſtanden/ einen grim̃igen
Loͤwen anzugreiffen vñ vmbzubringen? Was
koͤndte auch naͤrꝛiſcher ſein/ als daß Iulius
Cæſar nach erhaltener Farſaliſcher ſchlacht/
mit einem einigen Schifflein vber den He-
leſpontum fuhꝛ/ vnnd dem Lucio Caſſio
deß Pompei Hauptman mit zehen groſſen
Kriegsſchiffen begegnete/ vnd nit deſto weni-
ger dermaſſen keck vnnd vermeſſen war/ daß er
jhm ſchaffte/ ſich jhme zuergeben.
Ob ſchon auch die Koͤnige vnnd Fuͤrſten
vilmals durch jre weiſe/ gelehꝛte vnd verſtaͤn-
dig Raͤth erjnnert werden/ von jren naͤrꝛiſchen
vnd vngereimten impreſen, vorhaben vnnd
anſchlaͤgen abzuſtehen/ ſo wollen ſie doch biß-
weilen nit folgen/ ſonder halten vilmehꝛ von
jhren Schmaichlern vnd Fuchßſchwaͤntzern/
dann weil die Rathſchlaͤg vnnd Meynungen
der fauoriten vnnd Gelehꝛten vilmals vn-
gleich/ widerwertig/ verſchraufft vnnd weder
kalt noch warm/ auch dermaſſen beſchaffen
ſeind/ daß man die Warheit nicht drauß ver-
nemmen kan/ ſo werden ſie den Fuͤrſten biß-
weilen ſuſpect vnd verdaͤchtig/ vnd derwegen
glauben ſie jhnen nicht allezeit/ aber weil die
Narꝛen warhafft vnnd ohne einige ſimula-
tion, verſchlagenheit vñ argliſtig ſeind/ ſo hoͤ-
ren vnd vernemmen die Fuͤrſten nit allein die
durch ſie fuͤrbrachte einfaͤltige Warheit gar
gern/ ſonder ſie hoͤren auch gern jhꝛe grobe vn-
flaͤtige poſſen vnnd zotten/ ſo gar ſchencken
vnnd verehren ſie jhnen bißweilen ſtattliche
Kleider/ Ketten vnd Kleynodien/ dann wegen
jhrer Thorheit ſeind ſie deſſen beſſer wuͤrdig/
weder andere wegen jhrer gelehrtheit vnd ge-
ſchicklichkeit. Dann die gelehꝛten treffens mit
aller jhrer gelehrtheit vnnd ſpitzfindigkeit nit
allzeit recht/ zumaln in Kriegsſachen/ dann
weil ſie gemeingklich verzagt vnnd eines klei-
nen Gemuͤths ſeind/ ſo geben ſie verzagte
vnnd kleinmuͤtige Rathſchlaͤg auß. Aber
der ſtoltze vermeſſene vnnd naͤrꝛiſche Rath
der großmuͤtigen vnnd dapfferen Kriegs-
gurgeln/ Obriſten vnnd Hauptleut/ tringt
bißweilen fuͤr vnnd ſetzet ſie in die Noth.
Wer war gelehrter vnnd beredter/ als eben
Demoſthenes vnnd M. Tullius Cicero, a-
ber doch waren ſie alle bey de ſehꝛ forchtſamb/
Als derwegen Demoſthenes ſich in einer
durch jhne ſelbſt gerathener ſchlacht befandt/
vnd den ernſt ſahe/ warff er bey zeiten das Ha-
ſen Banier auff/ vnnd ſagte/ daß der jenig/
der da fliehet/ zum andern mal mit dem feindt
ſchlagen koͤnne/ vnnd daß das fliehen alte
Kriegsleuth mache: Er gab auch hier-
durch zu verſtehen/ daß es beſſer ſeye/ die
Ehr/ denn das Leben zu verlieren. Wer
die Hiſtorten liſet/ der wirdt befinden/ daß
die weiſe/ gelehrte vnd wolbeleſene Maͤn-
ner vil Laͤnder verderbt haben/ wie zu ſehen
iſt an dem vorbemelten Demoſthene vnnd
Tullio, dann weil ſie in jhren Buͤchern vil
von Kriegsſachen vnd Politiſchem weſen ge-
leſen haben/ ſo vermeinen ſie/ daß ſie es alles
gar wol/ ja beſſer wiſſen vnd verſtehen/ denn
andere/ aber wann es darzu kompt/ daß ſie
jhꝛe Kunſt vnnd wiſſenſchafft ſollen ins werck
richten/ alsdann ſihet vnnd erfaͤhret man/
was ſie fuͤr gewaltige Kriegsleuth ſeyen/
vnnd was fuͤr ein vnderſchidt ſeye zwiſchen
der praxi vnnd theoria, zwiſchen dem leſen
vnd vben.
Vnlaugbar iſts/ daß bey allen Staͤnden/
wo die thorheit nit regiert/ muͤh vñ arbeit ver-
handen/ dann die armſelige/ weiſe vnnd ge-
lehꝛte Maͤnner muͤſſen jhre zarte Jugend vnd
den beſten theil jhres Lebens vnder der ſtren-
gen zucht jhrer Schulmeiſter verzehren/ vil
leiden/ vil ſchwitzen vnd vil vbertragen/ wenig
eſſen/ wenig trincken/ wenig ſchlaffen/ vnnd e-
ben diſes beſchicht auch den vnuernuͤnfftigen
Thieren/ welche jmmerdar von den Menſchẽ
gepeinigt werden/ dann was kan armſeliger
ſein/ als eben die vnſchuldige einfaͤltige Och-
ſen/ welche jhꝛ Leben im Ackerpfluͤgen verzeh-
ren/ vil ſchlaͤg vnnd ſtachel einnemmen/ vnnd
letztlichen geſchlachtet vnnd gefreſſen werden
muͤſſen. Was ſoll ich ſagen von den edlen
Roſſen/ welche dem Menſchen in fridens vñ
Kriegszeiten ſo gar vil guts thun/ vnnd jhne
beym Leben erhalten/ vnd nicht deſto weniger
jmmerdar im Stall gefaͤngklich enthalten/ v-
bel tractirt, geſchlagen/ mit Sporen geſto-
chen/ mit Geiſeln gehawen/ an einen Karꝛen
geſpannt/ gar verlaſſen/ vnnd letztlichen von
Hunden vnd Woͤlfen zerꝛiſſen vnnd gefreſſen
werden. Deßgleichen ſehen wir/ daß die ge-
hoꝛſame vnd getrewe Hund jhren Herꝛen ſehꝛ
dienſtlich vnnd nutzlich ſeind auffm Gejaidt
oder in den Haͤuſern vnd Hoͤfen/ aber werden
bißweilen verwundt/ oder ſchebig/ vertriben/
verjagt oder gehenckt oder erſchlagen: Nit vil
beſſer gehets den armẽ voͤglen/ welche in dẽ en-
gen haͤußlen jre Herꝛn mit ſingen vñ ſchertzen
erluſtigen/ vnd letztlichen in ſolcher jhꝛer Ge-
faͤngnuß ſterben vnd verderben muͤſſen: Her-
gegen ſeind die jenige Thier vñ Voͤgel gluͤck-
ſelig/ welche die vndanckbare Menſchen flie-
hen/ vnd ſich auff jhꝛer Waid in aller freyheit
erluſtigen: Eben diſe meynung hats auch
mit den Menſchen/ dann wer hats beſſer/ als
eben die vngelehꝛte vñ naͤrꝛiſche Idioten wel-
che den gelben Suͤplein vñ Hofbißlein vñ der
Hofgnad wenig nachfragen/ ſondern ſich in
aller freyheit/ ohne alle ſoꝛg/ auffm Landt/ mit
jagen/ puͤrſchen/ baitzen/ mit bancketiren/ ſpi-
len/ freſſen vnd ſauffen erluſtigen/ vnd jmmer-
dar einen guten muth haben?
Vnderſchidliche Thorheiten vnnd Nar-
ren aber findt man/ etliche ſeindt von Natur
naͤrꝛiſch vnd einfaͤltig geboren/ vnnd werden
gemeinglich in den Spitaͤln erhalten Andere
ſeind wuͤtig/ beſtialiſch/ ſchaͤdlich vnnd Teu-
feliſch/ jnmaſſen Oreſtes, Aiax, Saul vnnd
Nabuchdonoſor geweſt/ welche naͤrꝛiſch/ vn-
ſinnig vnnd wuͤtig worden/ vnnd vil Blut-
ſchanden/ Tyranneyen vnd erſchroͤcklichkei-
ten begangen. Andere ſeind halb naͤrꝛiſch vnd
halb geſcheid/ jnnmaſſen die Schalcksnarꝛen
zu Hof ſeind/ welche den Fuͤrſten vnd Herꝛen
ein kurtzweil machen: Andere ſeind zweymal
geſcheid/ dreymal vmbgedraͤht/ vnnd daruͤber
naͤrꝛiſch vnd taͤppiſch worden/ vnnd dern iſt je
ein groſſe anzahl verhanden.
Andere Fantaſten vnd Narꝛen findt man/
welche jhnen ſelbſt perſuadiren vnnd ein-
bilden/ daß ſie in den theatris vmbgehen/ vnd
nichts anders ſehen/ als newe Spiel/ Co-
medien/ derwegen lachen/ bewegen vnnd ſtel-
len ſie ſich/ als waͤren ſie ſelbſt gegenwer-
tig.
Andere Fantaſten thun nichts/ als verſi-
ficiren vnd Carmina machen/ vnnd vberꝛe-
den ſich ſelbſt/ daß ſie es dem Virgilio vnd Pe-
trarcha beuor thun/ wann aber einer thut zu-
ſam̃en klauben/ ſechs Poeten mit jhren Tau-
ben: ſechs componiſten mit jhꝛen ſtucken/ vñ
ſechs Organiſten mit jhꝛen Mucken: vñ man
ſie ſetzet auff einen Karꝛen/ ſo hat man eben
anderthalb dutzet Narꝛen.
Andere componiren ſchmaichleriſche
orationes vnd verlogene hiſtorias, vnd ver-
meinen in jhꝛem Sinn/ daß ſie die alt Roͤmi-
ſche eloquentz renouirt habẽ. Andere thun
nichts anders/ als daß ſie in den concepten
vnd ſchrifften die ortographiam obſeruirẽ
vnd corrigiren, jnmaſſen jener gethan/ wel-
cher wegen deß einigen vberſchꝛidenen worts/
beniuolentia, das jhm zugefertigte ſchreiben
nit angenom̃en/ ſonder gewoͤlt hat/ daß bene-
uolentia geſchriben wuͤrde/ gleichſamb waͤ-
ren die accentus tituli. Andere pflegen we-
gen eines einigen inortographiſch geſchri-
benen Worts/ als nemblich/ wann der ſchrei-
ber das Wort Iulius mit einem G. vnd Gui-
lius, oder das wort fleiß per V. geſchriben/ ei-
nen gantzen Brieff zu zerꝛeiſſen/ vnnd ſich wi-
der den Scribenten auffs hefftig iſt zu erzuͤr-
nen vnd zu kollern.
Andere thun nichts/ als Leut peinigen/ ver-
folgen vnnd jhꝛ maͤngel vnd gebrechen inue-
ſtigiren, aber ſich ſelbſt vñ jre eigne gebꝛechen
ſehen ſie nicht: Andere haben ſehr holdſeli-
ge andern wolbekandte gemeine Ehefrau-
wen/ halten dieſelbige fuͤr Samias, vnnd fuͤr
vil ſchoͤner/ deñ die ſchoͤne Venus, vnd fuͤr vil
keuſcher/ denn die Griechiſche Penelopem
oder die Roͤmiſche Lucretiam/ derwegen
prangen vnd gehen ſie mit jhnen auf der Gaſ-
ſen ſpatzieren/ vnd zeigen menniglichen ſolche
jhꝛe ſchoͤne Frawen/ ſamb kennte man ſie nit
vorhin beſſer/ denn ſie ſelbſt. Andere ſeindt
hergegen Eyfernarꝛen/ vnnd thun nichts an-
ders/ als mit jhren ehꝛlichen vnnd keuſchen
Frawen eyfern/ vnd ſie einſperꝛen/ vnangeſe-
hen ſie ſelbſt kein nutz ſeind/ vnnd alle Huren-
winckel durchlauffen.
Andere thun nichts/ als jmmerdar/ deß
Morgendts fruͤh vnnd deß Abendts ſpat mu-
ſiciren vnnd auff der Lauten ſchlagen/ ſamb
beſtunde die Menſchliche Gluͤckſeligkeit in ei-
nem ſolchen narꝛenwerck: Andere thun nichts
als bawen/ abbꝛechen vnnd widerumb bawen/
renouiren vnd letztlichen druͤber erarmen vñ
ſterben. Zu denſelbigen aber ſpꝛechen die En-
gel alſo: Vns Engel wundert alle zugleich/
daß die Menſchen auff Erdtreich: Bawen
Haͤuſer/ Staͤtt vnnd Voͤſt/ ſeind doch allhie
nur elende Gaͤſt: vnnd dahin ſie ſollen ewig
ſchawen/ dorthin woͤllen ſie nimmer bawen.
Andere grimmige vnd wuͤtige Greinka-
tzen thun nichts anders/ als jm̃er dar rechten/
voꝛ Gericht ligen/ den einen gꝛein- oder rechts-
handel nach dem andern anfahen/ die ſtrittig-
keiten vnſterblich machen/ falſch ſchwerẽ/ den
Aduocaten/ Procuratorn vnnd Schreibern
das Gelt anhencken/ vnnd letztlich druͤber zu
Bettler werden.
Andere Archimiſten vnnd Ertznarꝛen ver-
zehꝛen jhꝛe zeit/ geſundtheit vnd Ehꝛ in erfor-
ſchung deß wahꝛen Philoſophiſchen lapidis,
vnd der quinten eſſentz, wann auch ſie ver-
meinen/ daß ſie es in dem Tegel haben/ als dañ
fleugt alles im Rauch auff. Sie verhoffen
allerhandt Metal in lauter Goldt zu verkeh-
ren/ vnnd in kurtzer zeit am Reichthumb den
Creſum vnnd Craſſum zu vbertreffen/ wie
auch Fuͤrſten vnnd Herꝛen reich zu machen/
da doch ſie ſich ſelbſt nit koͤñen reich machen/
ſonder arme Bettler/ Schelmen vnnd Landt-
ſtoͤrtzer ſeind vnd bleiben.
Andere verzehꝛen jhꝛe edle Zeit/ Gelt/ Gut
vnnd Seel mit ſpielen/ in hoffnung vil zu ge-
winnen/ vnangeſehen auch ſie in jhꝛem Hauß-
weſen ſehꝛ karg vnd klug ſeind/ vñ wegen eines
einigen Haͤllers mit jren weibern ein jaͤm̃erli-
ches greinen vnd zancken anfahen/ ſo ſeind ſie
doch auſſer Hauſes vnd beym ſpielen dermaſ-
ſen koſtfrey/ daß ſie 20. 50. 80. ja 100. Tha-
ler in Reſt vnnd in die Schantz ſchlagen vnd
verwagen: Wann auch ſie es verlieren/ als-
dañ fahen ſie an hertzlich zu ſeufftzẽ/ den Kopff
zu kratzen/ vnd der maſſen zu fluchen/ zu ſcheltẽ
vnnd zu wuͤten/ daß einem die Haar gen berg
ſtehen moͤchten. Sie laſſen auch nit nach/ biß
ſie alles verſpielt/ wz ſie gehabt/ dardurch ver-
lieren ſie jhre Ehꝛ vnnd reputation, werden
letztlichen gar vnduͤchtig/ verzweifeln vñ ver-
lieren jhꝛ Leben ſampt der Seel.
Andere Narꝛen find ich/ die nennet man
Aſtrologos’ oder Nigromanticos’ oder
ſchwartzkuͤnſtler/ ſo da vermeinen/ daß ſie mit
jhꝛen circulis, Kraiſſen/ charactern, Buch-
ſtaben/ beſchwoͤrungen vnd pentacolis, den
Him̃el turbiren, die Sonn vnd den Mohn
verfinſtern/ die Erd vnd Elementen zitterendt
machen/ die Todten aufferwecken/ mit dem
Schatten reden/ die Leiber transformi-
ren, vnnd vermittelſt deß Rings Gigis vn-
ſichtbar gehen/ vnd vil geſchwinder/ denn der
Windt fliegen. Jhrer etliche vermeinen/
daß ſie die Geiſter in den Ringen oder im
Chriſtall/ wie ein Papagey im Korb/ be-
halten/ durch ſie alle geheimnuß der zukuͤnff-
tigen dingen erforſchen/ alle vergrabene vnnd
verborgene Schaͤtz finden/ vnnd die Lieb vnd
den gunſt der Herꝛen vnnd ſchoͤnen Frawen
erlangen werden/ gleichſam̃ hetten die Teufel
zu diſen vnſern zeiten nichts anders zuſchaf-
fen/ als mit ſolchem jhrem Narꝛenwerck vmb-
zugehen.
Was ſoll ich ſagen von etlichen naͤrꝛiſchen
alten Weibern/ welche ſich auß lauter geilheit/
hoffart vñ fuͤr witz anſtreichen/ bemahlen/ von
der Lieb reden vnnd ſchertzen/ vnangeſehen ſie
heßlich/ vnflaͤtig vnnd ſchaͤndtlich ſeindt/
keinen Zahn mehꝛ im Maul vnnd einen
ſehr vblen ſtinckenden Athem haben. Was
geduncket euch aber von denen Weibern/
ſo auff die Gabel hinauß fahren vnnd ſpre-
chen: Oben auß vnnd nindert an: Jtem/ wel-
che vermeinen/ daß ſie alsbaldt in Katzen ver-
kehꝛt werden/ den Hexen Taͤntzen vnd Mahl-
zeiten beywohnen/ vnnd alles das jenig thun/
was der Herꝛ Mirandola, vñ P. Delrio von
jhnen ſchreibt. Jtem die jenige Weiber/ wel-
che ſich vnderſtehen zu warſagen/ vnnd/ wie
die Zigeiner/ zultegen/ auch Viech vnd Leuth
anzuſegnen oder anzuſpꝛechen.
Endtlichen vnd beſchließlichen find ich
noch andere etwas kurtzweiligere vnnd paſſir-
lichere Narꝛen vnd Jgnoranten/ welche ſich
in jhren diſcurſis vnnd ſchreiben der Lateini-
ſchen phraſen vnd Wort gebrauchen/ vnnd
dermaſſen mit Latein zuwerffen/ als hetten
ſie ſtattlich ſtudirt/ vnd ob ſchon ſie im grundt
eben nichts wiſſen/ nicht deſto weniger iſt jhre
præſumption dermaſſen groß/ daß ſie ver-
meinen/ daß ſie das Graß wachſen hoͤren/ vnd
daß die Stein vnnd Pflaſter voꝛ jhnen auff-
ſtehen/ jhnen reuerentz erzeigen/ vnd mit der
gnad zuwerffen muͤſſen.
Etliche andere Federhanſen koͤnnen kaum
drey Woꝛt oder Zeil correcte; ſchꝛeiben/ vnd
woͤllens doch alles regieren.
Andere prangen vnder Tags auff den gaſ-
ſen mit jhꝛen Federn/ Wehꝛen/ Hirſch: vnnd
Loͤwenhaͤuten/ wie die Hectores, Achilles
vnnd Hercules, aber wann es bey der Nacht
auff der Gaſſen an einen ernſt gehet/ alsdann
entlauffen ſie wie die Haſen/ vnnd laſſen Hut/
Mantel vnd Woͤhꝛ im ſtich.
Andere thun nichts anders/ als nach zei-
tungen fragen/ vnd von dem Concilio vnnd
Rath deß Bapſts/ Keyſers vnd Tuͤrcken der-
maſſen eygentlich reden/ als waͤren ſie eins-
mals in jhrem geheimen Rath geſeſſen: Sie
diſcurriren vnnd reden/ ob der Fried einen
beſtandt haben/ vnd der zwiſchen den Koͤnigen
in Franckreich vnnd Engellandt oder Spa-
nien getroffener Heuret rathſamb/ nutzlich vñ
beſtaͤndig ſeyn werde/ vnnd was die Vnder-
thanen darzu ſagen/ vnd nicht vil mehꝛ einen
Krieg abgeben werde: Diſer geſtallt ſchwaͤ-
tzen ſie von dergleichen dingen/ vñ wiſſen doch
keinen grundt/ was die Koͤnige vnnd Fuͤrſten
im Schildt fuͤhren/ vnnd fuͤr einen verſtandt
mit einander haben.
Andere Narꝛen ſind ich/ welche die Schaͤtz
verbergen/ vnd doch darneben jhre Armut be-
klagen: Hergegen ſihe ich andere/ welche jh-
ren Reichthumb vnd pꝛacht nur herauſſen auf
den Gaſſen erzeigen/ vñ ſich ſtatlich ſehen laſ-
ſen/ aber anheimbs in jhꝛen Haͤuſern am hun-
gertuch nagen/ vnd nichts wedeꝛ im zipfl noch
ſack haben. Andere ſamblen vil Gelts vñ guts/
vnd kauffen Haͤuſer vnd Schloͤſſer veꝛmittelſt
jres wucherens: hergegẽ ſihe ich etliche Kauf-
leut vñ wechſelherꝛn banckerotirn/ falliren vñ
verderben. Andere armſelige Narꝛen find ich/
welche jnen ſelbſt die weißheit vermeſſentlich
zuſchreiben/ da doch ſie ſich auff die jenige
ding/ dern erkendtnuß ſie ſich beruͤhmen/ im
wenigſten verſtehen/ vnd nit deſto weniger ge-
ſcheide Rathsherꝛẽ ſein woͤllen. Alle diſe Nar-
ren haben einen ſonderbaren Freybrief von
der groſſen Schoͤlnkoͤnigin auß Naragonia
außbracht/ daß ſie jhꝛ lebenlang von der Witz
vnd weißheit befreyt ſein ſollen/ vnd in jhꝛem
Koͤnigreich gewiſſe Ambter/ beſoldung vnnd
vnderhaltung biß an jhr Endt haben werden.
Beſchließlichen iſt ſtultorum numerus
in finitus: Der Narꝛen zahl iſt kein End/ vnd
wer gern in der eyl einen Narꝛen haben wil/
der greiffe in ſeinen eignen Buſen/ ſo wirdt er
villeicht einen herauß ziehen.
Was geſtallt Guſman ein ſehꝛ rei-
che Fraw vberkom̃en vnd betrogen.
NAch dem ich mich vngefaͤhrlich ein
halbs Jahrlang in meines Herꝛn deß
Cardinals dienſten auffgehalten/ auch
jederzeit ſauberer vñ ſtatlicheꝛ kleider befliſſen/
vnd bißweiln ſambt andern meinen mitgeſel-
len auf die bulſchafft gangen/ ward mir ange-
deut/ wz geſtalt ein ſehꝛ ſchoͤne fraw oder Cor-
tiſanin verhandẽ/ welche vber auß reich waͤre/
derwegen gedachte ich auf alle mittel vñ weg/
ſie vnd jhr Gelt zu wegen zu bringen. Jch gab
mich fuͤr einen anſehenlichen ſpaniſchen Rit-
termeſſigen vom Adel auß/ kam durch huͤlf der
Kupplerin in jre kundtſchafft vnd vertrewli-
che freundſchaft/ vñ gab jr letztlichẽ zuuerſtehẽ/
dz ich nit vngeneigt were/ mich ſo gar mit jrer
frawen zuuer ehelichẽ. Damit man aber ſolchẽ
meinẽ woꝛtẽ deſto ehendeꝛ glaubẽ/ vñ mir deſto
beſſer trawen geben ſolte/ ſo verfuͤgte ich mich
zu jhrer befreundten einem/ der war ein anſe-
henlicher Thumbherꝛ vnnd gelehꝛter Mann/
vnd pflegte vilmahls bey meinem Herꝛn dem
Cardinal zu eſſen: Jch entdeckte jhm mein
vorhaben/ was geſtalt nemblich ich entſchloſ-
ſen waͤre/ mich zu verheureten/ vnnd daß
es mir villeicht an guten ſubiectis vnnd mit-
teln nit wurde ermangeln: Jch bate jhne auch
vmb einen guten Rath/ ob nemblich ich ein
reiche/ oder arme/ oder ſchoͤne/ oder heßliche/
oder edle Fraw nemmen ſolte? Er laͤchelte
druͤber; antwortet vnnd ſprach: Mein Don
Guſman, ich lobe dein gutes voꝛhaben/ vnnd
rathe dir erſtlich zu keiner kleinen Frawen/
dann weil du ein kleines Maͤndl biſt/ vñ wañ
du ein lange Fraw vberkaͤmeſt/ ſo muͤſeſtu all-
zeit auffhupffen/ wann du ſie kuſſen wolteſt/
du muͤſteſt auch dich beſoꝛgen/ daß ein ſolche
groſſe Fraw dich/ als ein kleines Maͤndel/
leichtlich meiſteren vnnd abſchmiren wurde
koͤnden. Vil weniger rathe ich dir zu einem
reichen Weib/ dann/ kein ſchwerere Buͤrd
kan dem Mañ angehenckt werden/ weder wañ
er ein reiche Fraw vberkuͤmpt: Wer ruͤhwig
vnd fridlich im Eheſtandt begert zuleben/ der
nemme kein Fraw/ die jhm ein ſtattliches Heu-
retgut/ oder koͤſtliche guldine Zierd mitbringt:
dañ die jenigen/ welche reiche Weiber haben/
ſeind nit Maͤnner/ nit Oberherꝛen/ nit jhres
gleichen/ ſonder jhre Sclauen: folge dißfals
dem rath deſſen/ der da ſpricht: pondus ſuper
ſe tollit qui honeſtiori ſe communicat,
& ditiori te ne ſocius fueris.
Bey diſem fall iſt auch zubedenckẽ/ wie der
reichthumb eines Weibs eygentlich beſchaf-
fen ſeye/ ob nemblich jhꝛ Gelt mit gutem ehr-
lichen Tittel entweder erworben/ oder ererbt
worden/ dann die vbel vnnd vnrecht erlangte
Reichthumb haben in die leng keinen beſtand:
Kanſtu aber eine vberkommen/ welche mit eh-
ren reich iſt/ ſo nimb ſie ehender/ weder ein ar-
me/ dann die arme werden gemeingklich eben
ſo ſtoltz/ boͤß/ ſtuͤtzig vnd zaͤnckiſch/ als die Rei-
chen.
Drittens nimb kein ſehꝛ ſchoͤne Fraw/ dañ
die allerſchoͤnſten Frawen gerathen ins bor-
del, vnnd die aller ſchoͤnſten Knaben an Gal-
gen. Die ſchoͤnheit der Weiber verurſachet
den Maͤnnern vilmals vil boͤſes/ Erwoͤh-
le ein mittelmaͤſſige/ ſchoͤne vnnd holdſelige/
dann die Holdſeligkeit vbertrifft alle ſchoͤn-
heit: Folge dem Rath Ambroſij, welcher
ſpricht: non quærenda eſt vxor pulcher-
rima, quæ communis, neq; deformiſiſ-
ſima, quæ pœna, ſed ſtata, ſiue media
forma, reuera vxoria, quæ vtilitati & cõ-
ſolationi iuſtæ ac ſecuræ ſit futuræ. Je-
ner Lucianus ſpricht auch recht vnnd wol:
morum ſuauitas, humanitas, animi ma-
gnitudo, modeſtia & pudicitia omni-
bus corporis dotibus meritò anteferan-
tur.
Vierdtens nimb kein edlere/ weder du biſt/
dann ſolche vngleiche Heurat ſeindt anders
nichts/ als ein ſehr edler vnd koͤſtlicher Stein
in einem bleyenen Ring. Deßgleichen nimb
kein altes Weib von Gelts wegen/ dann wie
die alte Maͤnner pflegen der jungen Frawen
Narꝛen zu ſeyn: Alſo muͤſſen die junge
Maͤnner der alten Weiber Sclauen ſeyn/
dann ſie woͤllen kurtz vmb Meiſter ſein/ das
Gelt nemmen ſie ein/ vnd gebens auß/ vñ der
Mañ muß ſein narꝛ im Hauß/ vnd gehen vmb
an einer Heñen ſtatt. Es vermeinen auch ſol-
che junge Geltnarꝛen/ daß jre alte weiber bald
ſterben werden/ vnd daß ſie hernach widerum̃
ein junge Fraw nem̃en woͤllen/ aber gemein-
klich werden ſie in ſolcher jrer hoffnung betro-
gen/ dañ es verſtehens die alte Frawen nit all-
zeit recht/ woͤllen jren jungen Maͤnnern zuge-
fallen ſterben/ ſonder vberleben vnd harꝛen ſie
auß/ derwegen nimb eine/ die deines gleichen
iſt am Alter/ Stand/ Gut vnd Glauben/ vnd
vil ehen der nimb eine/ die da weniger iſt/ denn
du/ weder eine die da mehr iſt oder mehr ſein
will/ ſo lebſtu deſto ruͤhwiger. Fuͤrnemblich
aber vnnd vor allen dingen nimb ein from me
Fraw/ dann wer Frombkeit nimbt/ der vber-
kompt Gelt/ Adel vnd ſchoͤnheit beyſamen.
Endlichen rathe ich dir/ daß du nit heura-
teſt/ woferꝛn du dir nit getraweſt ein Weib zu-
ernehren/ ſonder verſihe dich zuuor mit Tu-
gend/ Kunſt/ eignem Gut/ Gewerb vnd Nah-
rung/ dich/ Weib vnd Kindt zu vnderhalten.
Diſes waren deß frommen Thumbherꝛns
Wort: Aber er wuſte nicht/ was ich im Sinn
hatte/ nemblich nit mich zu verehelichen/ ſon-
der ſein reiche Baß zu betriegen/ vnd jhꝛ Gelt
zu wegen zu bringen/ dañ er gewann dardurch
vrſach/ jhr zuuerſtehen zu geben/ daß ich ſie
zur Ehꝛen begerte/ zur Ehe nemmen/ vnnd
widerumb ehrlich machen wolte/ ſeytemal ſie
vil Jarlang im vnzuͤchtigen Leben zugebracht/
vnd vber 80000. Ducaten werth erobert hat-
te. Schier ein viertel Jarlang buelte ich vmb
diſe Fraw/ hatte bey Tag bey Nacht meinen
freyen willen/ zugang vnnd auffenthaltung
bey jhr/ vnd ſie zeigte mir alle jhre geheimnuſ-
ſen vnd Schaͤtz an Gelt vnd Kleynodien/ dañ
ſie zweifelte im wenigſten an meiner jhr zu-
tragender affection vnnd allbereit gegebner
Trew/ vnnd begerte nichts anders/ als baldt
Hochzeit mit mir zu halten: Das ver-
hieß ich jhꝛ kraͤfftiglich/ biß ich letztlichen in
jhrem abweſen jhr Truͤhlein/ darin jhr meiſtes
vnd beſtes Goldt vnnd Kleynoter lagen/ zu-
wegen brachte/ vnd mich darmit eylends der-
maſſen vnſichtbar machte/ daß man mich nir-
gends weder in der Statt noch herauſſen fin-
den/ erfragen noch zu wegen bringen koͤndte/
dann ich verkleidete vnnd verſtelte mich ſehr
artlich in der geſtallt eines armen/ preſthafften
vnd zerꝛiſſenen Betlers/ kam durch diſes mit-
tel allgemach auß dem Landt/ vnnd erꝛeichte
letztlich das edle Sauoyaniſche Piemonter
Landt.
Was geſtallt Guſman ſich in Pie-
mont verhalten/ reichlich verheuretet
vnnd letztlichen verdor-
ben.
ALsbaldt ich gen in Turin in Sauoya
kommen/ warff ich mein betleriſches
Kleidt von mir/ kleidete mich erſtlich
auf ſtudentiſch/ vnd inſinuirte mich dermaſ-
ſen bey deß Hertzogs Obriſten Hofmeiſter/
daß derſelb mich fuͤr einen gentilhomo oder
Edelman auffnam/ vnnd wegen meines wol-
verhaltens faſt liebte/ dañ ich verſaumbte kei-
nen einigen dienſt/ vnnd hielt mich darneben
ſehr praͤchtig in Kleidern/ vnnd gab mich fuͤr
einen Sicilianiſchen Edelman auß. Eins-
mals zohe ich mit meinem Herꝛn dem Fuͤrſt-
lichen Hofmeiſter auf eine Cõmiſſion, wel-
che angeſtalt war zwiſchen zweyen ſtattlichen
vom Adel. Der ein Edelmañ war numehꝛ alt/
vnd hatte ein Tochter/ die war ein einig Er-
bin aller ſeiner ſtattlichen Guͤter: Vnnd weil
ſie ſehr ſchoͤn vnnd holdtſelig war/ ſo verliebte
ich mich in ſie/ gab jhrs auch heimblich vnnd
offentlich zu verſtehen/ vnd verehꝛte jhꝛ gleich
anfangs ein ſchoͤnes Kleynot/ welches vber
600. Ducaten werth war. Die Jungfraw
gewann mich hergegen lieb/ foͤrchtete ſich a-
ber voꝛ jhꝛem Vatter/ als der villeicht in vnſer
beyde Ehe nicht verwilligen wuͤrde: Nun be-
gabs ſich/ daß der Vatter vnuerſehens todts
verꝛuckte/ derwegen verfuͤgte ich mich eylends
zu jhr/ ſchenckte jhr abermals ein Kleynod
per 1000. Ducaten/ (dann ich hatte noch
vber 8000. Dncaten werth heimblich bey
mir) vnnd ſie gab mir hergegen ein Pfandt
jhrer Lieb vnd Trew. Weil ich auch meines
Herꝛn gunſts verſichert war/ ſo entdeckte ich
jhm mein Vorhaben/ vnnd bate jhne vmb
gnedige huͤlff vnnd befuͤrderung: Die ward
mir alsbald verwilligt vnd die ſach dahin ge-
richtet/ daß der heurat ſeinen wircklichen fort-
gang gewann/ da fing ich erſt an/ mich ſtatt-
lich zu halten/ vnnd mit Schanckungen vnnd
verehrungen ſehen zu laſſen/ dardurch gewañ
ich jedermans gunſt vnd einen guten Namen
bey allermennigklichen: Vnſere Hochzeit
ward gehalten vnnd zwar dermaſſen ſtattlich
vnnd praͤchtigklich/ daß es fuͤr einen Grafen
gnug geweſt were. Nit allein verdiſtillirte ich
hierunder mein zu Bononia taliter quali-
ter erobertes Goldt vnnd Kleynodien/ ſonder
machte auch bey den Kramern vnnd ſonſten
hin vnd wider ſtarcke ſchulden.
Nach der Hochzeit hatte ich mit meiner
ſchoͤnen jungen vnnd reichen Frawen einen
guten muth/ vnnd war nit mit deme zu friden/
daß wir ein ſehꝛ ſchoͤnes vñ adeliches Schloß
herauß auffm Landt/ vnnd ein wol außtraͤg-
lichs jaͤhꝛlichs einkommen hatten/ ſonder wir
kaufften auch ein ſonderbares ſchoͤnes Hauß
in der Statt Turin/ zohen alſo mit einan-
der ab vnnd zu/ bancketirten/ ſchlemmeten vnd
demmeten jmmerdar an beyden orten. Mein
Fraw war zart: vnnd hoffertigklich erzogen/
derwegen thate ſie nichts anders/ als mit Klei-
dern popitzen vnd ſich vorm Spiegel mutzen/
putzen/ anſtreichen/ ſchwaͤtzen/ klappern vnnd
naſchen/ gab im wenigſten kein achtung auff
das Haußweſen/ vnd hatte darneben jhre ſer-
uidores oder Galanen, die jhr hofirten/ auff
den dienſt warteten vnnd bißweilen mein ſtell
vertraten. Jch aber war gleichwol ein guter
Geſell/ aber ein boͤſer Haußuatter/ dann ich
ſchlemmete vnnd demmete mit der guten
Burſch/ von dem Moꝛgen biß auff den A-
bendt/ ſpielte ſtarck/ hielt jmmerdar ſechs
Gutſche Roß vnd 6. Reitpferdt/ fuͤhrte einen
Freyherꝛn Standt: Das alles machte vns
baldt fertig vnnd bereitete vns den weg nach
Bettelberg/ dann jnnerhalb zweyer Jahꝛen
wurden wir fein fertig/ vñ gezwungen/ vnſern
Adelichen Sitz vnd Guͤter den Kramern hin-
zugeben/ vnd alle vnſere Kleider vnd Kleyno-
dien den Geltern zu cediren. Das thate vns
nun ſehꝛ wehe/ wehe/ aber man machets keinẽ
anderſt/ vnd diſer geſtallt ergehets gemeinlich
allen denen/ welche jhꝛen Eheſtandt nicht mit
Gott/ ſonder mit dem Teuffel/ anfahen/ vnd
welche nit Gott/ ſonder der Teuffel zuſam̃en
kuppelt/ damit ſie jhrem Geitz vnd ſchnoͤden
geylheit ſtatt thun moͤgen.
Jch erjnnere mich geleſen zu haben/ daß
der Teuffel neun Toͤchter habe/ die erſte
heiſt Superbia oder Hoffart/ vñ dieſelbe ver-
heuret er fuͤrnemblich den Koͤnigen/ Fuͤrſten/
Herꝛen vnnd Regenten/ dann gemeinglich re-
gieret vnd herꝛſchet die Hoffart in jhnen. Die
andere Tochter heiſt Simonia, dieſelbe ver-
heuret ſich fuͤrnemblich mit den Geiſtlichen
vnd Prieſtern/ dann gemeinlich beflecken ſie
ſich mit diſem Laſter. Die dritte heiſt Hy-
pocriſis oder Heucheley/ dieſelbe verheuret
ſich mit gar vilen vnnd allerhandt Standts-
perſonen/ in denen ſie mehr/ weder in an-
dern regniret. Die vierdte heiſt Rapina
oder Rauberey/ die verheuret ſich fuͤrnemblich
mit den Kriegsleuten. Die fuͤnffte heiſt V-
ſura oder Wucher/ vnd geſellet ſich gemeing-
lich zu den Kauff: vnnd Handelsleuthen. Die
ſechſte heiſt Mendacium oder Lugen/ vnnd
verehelichet ſich mit den Handtwercksleuten/
welche kaum ein wahres Woꝛt reden koͤnnen.
Die ſibende heiſt Faulheit/ vnnd verheuret
ſich mit den Edelleuthen/ welche von jenem
Goͤttlichen Gebott: Jm ſchweiß deines An-
geſichts ſolleſtu dein Brot eſſen: nichts wiſ-
ſen/ nichts arbeiten vnd doch jmmerdar wol-
luſtigklich leben woͤllen. Die achte Tochter
deß Teuffels heiſt murmuratio oder mur-
rung/ vnd regirt gemeinglich vnder den Bau-
ren/ welche ſich vilmals wider jhꝛe Herꝛſchaff-
ten aufwerffen vnd ſich murꝛiſch/ vnwillig vñ
vngehorſamb erzeigen. Die neundte heiſt
Fraw Luxuria, vnnd dieſelbige verehelichet
ſich nicht nur einem allein/ ſonder allen mit
einander/ dann ſie miſchet ſich in alle Staͤnd/
vnd beherꝛſchet die groſſe Herꝛn/ Reichen vnd
Armen/ Geiſtlichen vñ weltlichen/ vñ wenig
ſeind dern/ welche ſie nicht vberwindet. Diſe
Fraw Luxuria hat auch mich jederzeit vnnd
ſonderlich in diſem Eheſtandt dermaſſen be-
ſeſſen vnd beherꝛſcht/ daß ich nur den fleiſchli-
chen wolluͤſten abwartete/ vnnd Gott meinen
HErꝛn aller dings verließ/ verachtete/ vnnd
ſambt jenen geladenen Gaͤſten zur antwort
gab: non poſſum venire, vxorem duxi:
Derwegen ward ich hingegen von GOtt
verlaſſen/ vnd hatte nirgendts kein bleibendes
ort noch ſtatt.
Guſman wirdt auß einem Nobi-
liſten vnd verdoꝛbnen Edelmann
ein Schreiber.
JN wehꝛendem vnſerm Reichthumb/
wolſtandt vnnd Gluͤckſeligkeit/ lebte
ich vnd mein liebe Haußfraw freund-
lich/ fridlich vnnd einig/ aber alsbaldt wir an-
fingen arm vnd duͤrfftig zuwerdẽ/ da war alle
Lieb auß/ vnnd es fing alles Leyd an/ kein ge-
duldt war verhanden/ ſonder wir fingen an
einander zuuerhaſſen vnnd die ſchuld vnſers
verderbens eins dem andern fuͤrzurupfen vnd
zuzumeſſen/ darneben aber litten wir groſ-
ſen Mangel an vnſer Nahrung/ vnnd an
ſtatt daß wir zuuor nichts anders geſungen
vnd verſucht hatten/ als vitæ dulcedo vnnd
gaudeamus: ſangen wir an jetzo vitæ ama-
ritudo, ad te ſuſpiramus: Es hieß bey vns:
poſt ſuſſung ſaurung. Derwegen ſuchte ich
alle muͤgliche mittel vnd gelegenheit/ mich vñ
mein Gemahel zu ernehꝛen: Es hieß bey mir
fodere non valeo, mendicare non eru-
beſco: arbeiten kan ich nit/ vnnd deß betlens
ſchaͤme ich mich: Letztlichen entſchloſſe ich
mich ein Schreiber zu werden/ in hoffnung
widerumb ein groſſer Herꝛn zu werden: Kein
ſchand iſts/ dz auß einẽ nobiliſtẽ ein ſcribiſt
oder ſcribent wirdt/ dañ auß ſchreibern wer-
den groſſe Herꝛen/ aber ein ſchand iſts/ wann
auß einem Edelman ein Bettelman/ ein Land-
ſtoͤrtzer oder Maußkopff wirdt/ vnd er alsdañ
der Schreibern gnad leben muß. Mein vo-
riger Herꝛ der Obriſt Hofmeiſter halff dar-
zu/ vnnd befuͤrderte mich zu einer Gericht-
ſchreiberey/ dann ich hatte ein gute Handt
zum ſchreiben/ vnnd von Natur noch ein
beſſere zum ſtehlen. Deßgleichen hatte ich
einen guten Kopff zum componiren, dich-
ten vnnd ſtellen/ aber ein noch vil beſſere
Zung vnnd Venam zum liegen. Kein Ge-
wiſſen hatte ich/ ſonder es war vorlengſt ver-
loren/ derwegen thate ich bey diſer Gericht-
ſchreiberey nichts anders/ als ſchinden/ ſcha-
ben/ liegen vnd triegen: Es hieß bey mir: non
apparebis ante me vacuus’; Wer mir
nichts ſchenckte/ vnd mir oder meiner Hauß-
frawen etwas mitbrachte vnnd verehꝛte/ der
hat kein gute noch ſchleinige expedition,
vnangeſehen ſein Handel noch ſo gerecht vnd
gerecht war.
Bey allen Staͤnden find ich muͤhe/ arbeit
vnnd gefahꝛ. Etliche Geiſtliche Prælaten
verkehren bißweilen die Renten der Armen
in Bancketen vnnd Gaſtereyen/ den ehrli-
chen Namen der Prælatur veraͤnderen ſie
in einem Weltlichen Pracht vnd Ehr/ vnnd
an ſtatt/ daß ſie andere waiden vnd verſorgen
ſolten/ waiden vnnd verſorgen ſie ſich
ſelbſt. Die groſſe Herꝛen ſehen jhre Vnder-
thanen bißweilen nicht an mit dem Eyfer der
Lieb vñ barmhertzigkeit/ ſonder der ſtrengheit
vnd vnbarmhertzigkeit/ verkauffen die Amb-
ter der Iuſtici vnnd gubernaments, ent-
weder vnderm ſchein der Freundtſchafft oder
auß fuͤrbitt/ dardurch wirdt nicht das Ambt
ſonder die Perſon verſehen/ aber die vndertha-
nen/ ſo durch ſie regirt werden muͤſſen/ werden
vbel bedacht. Damit auch der ſtatt ſolcher
Herꝛn geſch wille/ ſo ſeind ſie ſehend blind/ vnd
hoͤꝛend taub/ vnd wiſſen nit/ was an jhꝛen Hoͤ-
fen vnd auffm Landt geſagt/ gethan oder be-
gangen wuͤrdet.
Die Gubernatores vnnd Beambten der
Iuſtici diſſimuliren bißweilen mit den ſuͤn-
den wegen deß reſpects der freundſchafft odeꝛ
eygnen nutzes: Etliche Juriſten/ Aduoca-
ten vnd Procuratores bemuͤhen ſich jhꝛ gan-
tzes Lebenlang mit frembden Haͤndlen/ nicht
zwar auß einem Eyfer der Iuſtici, ſonder deß
Gelts. Daſſelbe erwerben ſie mit ſophiſtiſchẽ
cautelis vnd vnſterblich machung der Pro-
ceſſen/ vnnd verurſachen ſo vil boͤſes/ daß Pe-
trus Koͤnig in Caſtilia vnnd Aragon befol-
chen/ daß alle Aduocaten vnd Procuratores
ein newes Ambt lehrnen muſten/ ſich darmit
zuernehꝛen.
Die Medici verſchulden den Todt biß-
weilen vil beſſer/ denn die Moͤrder/ dann ſie
richten ſehꝛ vil Leut hin/ vnd werden nit allein
nit drumb geſtrafft/ ſonder mit Gelt belohnt
vnnd ergetzt Als baldt der Medicus zum
Krancken kompt/ ſo greiffet er jhm den
Pulß/ vnnd vrtheilet von der Kranckheit/
vnangeſehen auch er ſie nicht kennet/ noch in
ſeinen Verſtandt bringen kan/ ſo appliciret
er die remedia zum Grab: ô languens me-
dicina.
Etliche Soldaten vnd Kriegsleuth halten
bißweiln ſich ſelbſt nicht fuͤr dapffere Helden/
es ſey dann/ daß ſie rein fluchen/ ſchwoͤren/
ſtehlen/ rauben/ Kirchen vnd Kloͤſter ſtuͤrmen/
Jungfrawen ſchenden vnd tyranniſiren koͤn-
nen.
Die Eheleut verheuraten ſich gemeinglich
nur zu erfuͤllung jhꝛer Geylheit vnd begirden/
verſch wenden jhꝛ Gelt vnd Gut/ vnnd geben
jhren Weibern vrſach/ daß ſie entweder ver-
zweifeln oder in Suͤnden fallen/ dann entwe-
der kleiden ſie dieſelbigen vil zu ſtattlich/ vnnd
verſtatten jnen allen jhꝛen willen vnd freyheit/
oder ſie halten ſie wie Sclauen vnd Fußhader.
Die Richter/ Burgermeiſter vñ Beambten
ſeindt bißweilen eygennuͤtzig/ Beutelzauſer/
Blutſauger/ vnnd gleichſamb Walfiſch/
ſperꝛen jhre Maͤuler zu allem Geitz auff/ vnd
woͤllen alles verſch linden/ damit jhre Haͤuſer
mit allerhand ſachen verſehen vnd erfuͤllt/ vnd
jhꝛe Renten vnendtlich vermehꝛt werden auff
den Vnkoſten der armen Witwen vnd Wai-
ſen: Alle Waͤſſer laiten vnnd fuͤhren ſie zu jh-
rer eygnen Muͤhl/ je thewrer alle ding ſeind/ je
lieber ſie es ſehen/ je beſſer ſie es haben/ vnnd je
reicher ſie werden/ aber doch ſehen wir biß-
weilen/ daß ſie/ vermittelſt der Goͤttlichen
Barmhertzigkeit/ jhr Leben vnnd Gewiſſen
reformiren, die Hurer/ Spiler/ Dieb/ Flu-
cher vnnd Schwerer bekehꝛen ſich bißweilen
baldt oder langſamb/ vnnd verlaſſen jhre alte
haut wie die Schlangen: Bey allen vnnd
jeden Menſchen ſind ich ein zeichen jhrer ſe-
ligkeit/ allein an den Schreibern verliehre ich
die Zahl/ vnnd find kein bekehrung/ heut we-
niger denn geſtern: Allzeit ſeindt ſie Ioannes
in eodem, vnnd bleiben wer ſie ſeindt: Sel-
ten ſihe ich einen beichten/ noch jemande/ der
ſie abſoluire/ dann ſie informiren vnd ſchꝛei-
ben vilmals/ was jhnen ſelbſt wolgefaͤllt/ ent-
weder von deß Gelts oder deß Freundts: Sie
(von boͤſen Schreibern rede ich/ dann man
findt auch vil fromme) benemmen den Leu-
ten das Leben/ die Ehꝛ/ Haab vnd Gut/ vnnd
eroͤffnen die Thuͤr allen Suͤnden: Seind be-
gierig vnd Hundtshungerig: Jhre Seelen
ſeindt entzuͤndt mit einem ſolchen hoͤlliſchen
Fewer/ daß ſie die frembde Guͤter ohne ei-
niges kewen verſchlucken: Alsbaldt die vnge-
rechte Schanckungen jhre Haͤnd beruͤhren/
verkehren ſich dieſelbige Augenblicklich inn
Fleiſch vñ Blut dermaſſen/ daß ſie es niemaln
widerumb ruſtituiren oder von ſich werf-
fen koͤndten: Zu dem ſeind ſie (ſonderlich die
ſchlimme Handtſchreiber) gemeinglich ſehr
bockſtoltz vnd praͤchtig/ vnd kleiden ſich auff
Edelmaͤñiſch/ vnd ſeind dermaſſen hoffertig/
daß ſie ſelbſt nit wiſſen/ wie ſie gehen vnd her-
ein tretten woͤllen: Sie vermeinen/ daß ein
jeder jhnen auß dem weg weichen/ vnnd die
Schlappen vor jnen abziehen muͤſſe/ vnange-
ſehen ſie kaum drey Wort ſauber vnnd recht
abſchreiben/ vil weniger etwas concipiren
koͤnnen.
Kein ſtoltzers Thier ſindt man/ als ſchrei-
ber: Ein Hur auff einem Schloß/ ein Schrei-
ber auf einem Roß/ ein Lauß auf einem grind/
ſeind drey ſtoltzer Hofgeſind.
Darneben ſeind ſie gemeinlich ſehꝛ zehꝛlich
vnnd verſchwendtlich wanns auß anderer
Leuth Beutel gehet/ laſſen rundt vnnd wa-
cker aufftragen/ tiſchen/ freſſen/ ſauffen vnnd
praſſen auff den alten Keyſer hinein/ auff
der armen Bawren/ Witwen vnnd Waiß-
lein Vnkoſten. Diſer vrſachen halben hats
das anſehen/ daß/ wann etwann einer ſelig
wirdt/ vnnd in die Glori eingehet/ als-
dann die Engel zu einander ſprechen: Læ-
tamini in Domino, ſcriba in cœlo, fru-
ta nucua, das iſt: Frewet euch im HErꝛn/
ein Schreiber iſt zu vns in Himmel kommen/
es iſt ein newe Frucht vnnd ſeltzames Wildt-
praͤt.
Es ſagen gleichwol die Schreiber vnnd
andere Beambten/ daß es an jetzo ein vil an-
dere geſtallt mit jhnen habe/ weder vor zeiten/
dann ſie haben gemeingklich ſchlechte beſol-
lungen/ dargegen werden alle ding je lenger je
thewrer/ Jtem/ daß man jhnen das Ambt nit
vmbſonſt gegeben/ ſonder vmb vil Gelts
verkaufft habe/ vnnd daß derwegen ſie auß
jhꝛem Gelt den Zinß ſchlagen muͤſſen/ wie
auch nicht vergeblich muͤh vnnd arbeit haben
koͤnnen. Hieran reden ſie gleich wol nit ſo
gar vnrecht/ vnnd es iſt ein ſehr alter ge-
brauch/ daß man die Aembter verkaufft hat/
dann Ariſtoteles ſagt/ daß dem gemeinen
weſen nichts ſchaͤdlicher ſeyn koͤnne/ als e-
ben die verkauffung der Aembter/ vnnd als
jener Lacedemoniſche Alcamenus gefragt
ward/ durch was mittel ein Landt gluͤckſelig
werden koͤndte? Antwortet er: wann der Koͤ-
nig ſeinen eygnen nutz in Windt ſchlaͤgt.
Wie kompts aber/ daß man ſagt Schaffner/
Hauptleut vnnd Jaͤger/ Pfleger/ Kaſtner/
Mautner/ Schreiber vnd Forſter/ haben ge-
meingklich kleinen Lohn/ vnnd werden doch
alle reich daruon?
Schreiben fuͤr ein X ein V. fuͤr ein Kalb ein
Kuh/ alſo gehts zu. Weil dañ mein Gericht-
ſchreiberey mich gleichfals vil gekoſt hatte/ ſo
machte ich mirs waidlich zu nutz/ ich ſchinde-
te vnd ſchabte ohne alles Gewiſſen noch anſe-
hen der Perſonen/ ſchrib ſo gar ein X. fuͤr ein
V. ertraͤnckte mein Seel im Dintefaß/ vnnd
machte es dermaſſen grob vnnd vnleidenlich/
daß letztlichen der Geitz den Sack zerriſſen/
vnd man mich deß dienſts entſetzte/ An diſem
allem war nun ich ſelbſt vnd mein Gottloſig-
keit ſchuldig/ dann ich hatte Gott nit voꝛ Au-
gen/ bettete vnd beichtete ſelten/ vnd wann ich
ſchon bißweilen beichtete/ ſo ſuchte ich doch
einen ſolchen frommen Beichtuatter/ der fein
liderlich mit mir hindurch ging/ dann man
findt Beichtuaͤtter/ welche ſehr groſſe abſo-
lutores, Ablaßſprecher vnnd den Schuſtern
gleich ſeind/ dann wie die Schuſter vns pfle-
gen zu vberꝛeden/ daß die Schuch/ welche ſie
vns gemacht haben/ treflich wol anſtehen/ wir
aber am beſten empfinden/ wann vnnd wo ſie
vns drucken/ alſo pflegen etliche Beichtuaͤt-
ter die Suͤnden ſehꝛ leicht/ vnd auß toͤdtlichen
laͤßliche zu machen/ vnangeſehen vnſer eignes
Gewiſſen vns trucket/ vnnd vns ein anders
ſagt.
Guſman wirdt ein Wirth/ vnd be-
nebens ein Kuppler vnd Wucherer/ vnd
bereichert ſich ſtattlich.
BEy meiner Gerichtſchreiberey hatte
ich gleichwol zimblich vil Gelts er-
ſchunden/ vnnd mich wol gewaͤrmet/
derwegen gedachte ich auff noch ein andere
Maulnahrung/ nemblich die Wirthſchafft/
Dann wer an jetzo nit mag arbeiten/ oder ſich
ſonſten durch andere loͤbliche vnd tugentſame
mittel ernehren/ der wirdt ein Schreiber oder
Wirth/ oder ein Muͤnch/ oder ein Alchimiſt/
oder ein Singer/ oder ein Spilman/ oder ein
Kupler/ oder ein Schalcksnarꝛ/ oder ein Co-
mediant/ vnnd letztlichen ein Galgenſchwen-
gel. Fuͤrnemblich vnd inſonderheit aber ſehen
wir/ daß bißweilen die jenigen/ welche zu ehr-
lichen Handthierungen keinen luſt/ das jh-
rige verſpilt/ verpraſt haben vnnd verdorben
ſeind/ letztlichen Wirth vnd Tafernirer wer-
den: Jſt alſo die Wirthſchafft ein ehrlicher
Mantel jhꝛe Rauberey vnd Betrug zu bede-
cken. Eben diſes thate auch ich/ vnd ward ein
Wirth/ aber kein Gaſtgeb/ dann ein erbarer
vnd redlicher Gaſtgeb helt fuͤr die Reiſenden
ein getrewe Gaſtung/ tractiret ſie vmb einen
billichen Lohn vnd pfenning/ mit nottuͤrfftigẽ
ſaubern ſpeiſen vnd vnuerfaͤlſchten Tranck/
verſihet ſie mit ſauberer Ligerſtatt/ iſt nicht
geitzig oder Gelthungerig/ vnd verſtattet we-
gen deß Gelts vnd Gewinns keine Vollſauf-
fereyen/ vnnd andere vngebuͤhr/ muthwillig-
keiten vnd Gottloſigkeiten in ſeinem Hauſe.
Darneben iſt er barmhertzig vnd beherberget
die Armen vmb jhren Pfenning/ oder auch
vmb GOttes willen: Deßgleichen iſt er ſehr
fuͤrſichtig/ vnd ſchawet fleiſſig auff/ damit kei-
ne Hurer vnd Schlepſaͤck bey jm einſchleichẽ
oder einniſten: Jtem daß ſeine Knechte mit
allen ſachen redlich vmbgehen/ den wein nicht
verfaͤlſchen/ den Pferden das Futter nicht ab-
ſtehlen/ oder mit doppelter Kreiden ſchrei-
ben/ vnnd die Gaͤſt vbernemmen vnnd be-
triegen. Jn ſumma/ er richtet ſeine Hauß-
genoſſen dermaſſen ab/ daß es in der zucht/
Erbarkeit/ Guͤtigkeit/ Barmhertzigkeit/
Gerechtigkeit vnnd Gottsforcht/ einem
Gottshauß gleich ſihet. Dergleichen Wirth
aber findt man wenig vnnd an wenigen/ ſon-
der nur an denen orten/ wo man gute ſteiffe
vnnd Chriſtliche Stattpolicey vnd ordnung
helt/ vnd ſolche Gaſtgeb ſeind lobens werth/
werden auch vilmals in den Stattrath gezo-
gen.
Kein ſolcher Gaſtgeb war ich/ ſonder
ein Wirth/ oder ein Caupo vnnd Inſtitor,
deren Ampt oder gebrauch iſt/ daß ſie die
Speiß vnnd Tranck in jhren Haͤuſern ver-
kauffen/ das vollſauffen vnd alle vnzucht we-
gen deß gewiñs/ geſtatten: dern hauß oder Ta-
fern nur ein Wohnung vnd auffenthaltung
der Freſſern/ Sauffern/ ſpilern vnd Hurer iſt.
Wie redlich vnnd loͤblich nun die vorbemelte
hoſpites oder Gaſtgeb ſeindt/ alſo vn-
redlich vnnd veraͤchtlich ſeindt die obbemelte
Caupones oder Inſtitores, vnnd werden in
Jtalia fuͤr verwoꝛffene Leut gehalten.
Jch war gleichfals eben ein ſolcher erba-
rer vnd Seeloſer Wirth/ vnd brauchte aller-
hand ſchoͤne Wirthiſche ſtuͤckel/ reich zu wer-
den/ Dann erſtlich beherbergte ich alles was
kam/ Huren vnd Buben/ Dieb vnnd Schel-
men/ Reiche vnd Armen/ vnd verſtattete jnen
alle vngebuͤhr. Weil auch mein freundliche
liebe Haußfraw nicht heßlich/ ſonder etwas
huͤpſch vnd ſchoͤn/ vnd benebens holdſelig vnd
freundlich war/ vnd ſich gar wol accommo-
diren vnnd zutaͤppiſch machen kondte/ ſo zo-
hen die Gaͤſt deſto lieber bey mir ein/ zumaln
weil ich darneben allzeit ſchoͤne junge Maͤgd-
lein im Hauſe hatte/ welche den Gaͤſten auff-
warteten/ vnnd bißweilen einen Reuter dienſt
erwiſen: Diſer geſtallt war mein Hauß auch
ein kuppel: oder Hurenhauß/ vnnd ein Hauß
der Vnreinigkeit.
Jch brauchte auch allerhandt Buͤberey/ be-
trug/ verfaͤlſchung/ vermiſchung vnnd ver-
butterung deß Weins/ damit ich denſelben
deſto beſſer hinbringẽ vñ außſchencken moͤch-
te: Zu ſolchem end brauchte ich beym Tag die
rechte/ vnnd bey der Nacht die falſche Maß-
kandel/ vnd fuͤhꝛte meinen gewinn auff man-
cherley weg/ manier vnd verꝛibene boſſen/ ent-
weder durch vngetrewe darꝛeichung der ver-
doꝛbenen oder offt gekochten vnd gewaͤꝛmeten
Speiſen/ oder deß Fleiſches von vmbgefall-
nen Viech oder abgeſtandenen Fiſchen/ oder
durch verzuckung vnd veruntrewung einer o-
der anderer ſachen.
Beſchließlichen trib ich auch den Fuͤr-
kauff mit Traid/ vnd wucherte dermaſſen mit
dem Gelt/ daß ich jnnerhalb wenig Jahren
vber 40000. Ducaten reich ward. Deſſen
lachte ich heimlich/ vnnd verſpottete die Do-
ctores vnd andere ehꝛliche Leuth/ die ſich mit
aller jhꝛer Kunſt/ Geſchicklichkeit/ ſawren
Schweiß vnd Arbeit ſchwerlich ernehꝛen vnd
hinbringen/ geſchweige bereichern/ oder
etwas fuͤr ſich bringen vnd er-
obern koͤnnen.
Was geſtallt Guſman widerumb
durch die Alchimiſterey verdor-
ben.
OB wol ich mich verſtandner maſſen/
durch die Wirthſchafft vnnd Wu-
cher bereicherte/ ſo fuͤhꝛte doch der
Teufel meinen Reichthumb vnuerſehens wi-
derumb hinweg/ vnd es verſchwand alles vn-
der meinen Haͤnden/ dann einsmals begab
ſichs/ dz zwo Perſonen bey mir einkehꝛten/ ſich
ſtattlich mit Kleidern vnnd Zehrung hielten/
vnnd mich anfangs fleiſſig außzahlten/ der-
wegen redete ich einsmals vertrewlich mit
jhnen/ vnnd vermerckte/ daß ſie Alchimi-
ſten oder Goldtmacher waren/ vnnd jm-
merdar mit dem Goldtmachen vmbgingen:
das gefiel mir treflich wol/ vnnd ich bate ſie/
daß ſie mich diſe ſo ſchoͤne Kunſt lehꝛnen wol-
ten. Das thaten ſie gar gern/ vnderwiſen
mich anfangs im diſtilliren der koͤſtlichen vnd
kraͤfftigen Waͤſſer/ folgendts zeigten ſie mir/
wie man auß Bley vnnd Kupffer ein gutes
gerechtes Goldt machen koͤndte. Sie thaten
auch ſolche augenſcheinliche proben in mei-
ner gegenwertigkeit/ daß ich an jhꝛer Kunſt
vnd redlichkeit nit zweifelte/ vnnd ſo gar einen
deſto groͤſſern luſt darzu vberkam/ Aber ſie
betrogen vnnd verfuͤhrten mich/ dann ſie
machten das Goldt nicht auß Bley oder
Kupffer/ ſonder auß Goldt/ vnd brachten mit
groſſer muͤh vnnd vnkoſten vil Goldts in ein
Puluer/ vermiſchten es hernacher vnder ein
anders Metal vnd machten widerumb Gold
drauß. So gar narꝛeten vnnd vberꝛedeten ſie
mich/ daß ſie Goldt auß nichts machen koͤnd-
ten vermittelſt deß Queckſilbers/ als einer
Mutter vnnd Materi/ darauß das Gold von
Natur gemacht wirdt/ vnnd durch die Kunſt
gemacht werden kan/ welches aber eben-
maͤſſig ein lauterer Betrug vnnd Falſchheit
war/ jnnmaſſen ichs ſelbſt erfahren/ dann
ich verliebte mich dermaſſen inn diſe Leuth
vnnd jhre Kunſt/ daß ich etliche tauſendt
Ducaten verdiſtilltrte vnd verſchmeltzte/ vnd
dannoch den rechten grundt vnd Kunſt nicht
ergriffe/ als auch ſie vermerckten/ daß ich zu
diſer Kunſt am allerhitzigſten vnd begierlich-
ſten war/ vnnd daß ich noch ein anſehenlichen
Schatz an Goldt beyſammen hatte/ vnnd als
derwegen ich einsmals nicht bey Hauß war/
ſo vberfilen ſie vnuerſehens mein Haußfraw
vnnd zwangen ſie/ daß ſie jhnen den Kaſten/
darin mein Goldtſchatz lag/ zeigte vnd eroͤff-
nete: Darauß namen vnnd klaubten ſie das
allerbeſte vnnd meiſte Goldt/ ſetzten ſich auff
Poſtroß vnd machten ſich abfuͤndig vnd vn-
ſichtbar. Mein Haußfraw entſetzte ſich druͤ-
ber dermaſſen/ daß ſie erkranckte/ vnnd jhren
Geiſt auffgab: Jch aber fandt zu meiner
heimbkunfft einen laͤren Kaſten/ darauß mein
lang erſchundenes vnnd vbel erobertes Goldt
geflogen/ vnd/ wie gewunnen/ alſo entrunnen
war. Diſer geſtalt erfuhꝛ ich mit meinem ſcha-
den/ daß jener Doctor recht vnnd wol von der
falſchen vñ naͤrꝛiſchen Alchimiſtiſchen Kunſt
geredt hatte/ ſprechendt: Nunquam ſanè
ſtultitiæ & imprudentiæ euadit, qui ex
hac arte lucrum quærit, ſemper enim
ſtultus eſt mercator, qui in illud negoci-
atio-
ationis genus incumbit quo videt nul-
lum, vel de millibus aliquot vnum, lucrũ
feciſſe, omnes vero vel mille contra vnũ
facultates ſuas abſumpſiſſe.
Guſman wirdt ein Kramer/ fol-
gendts ein Hauſirer/ vnd letztlichen ein
Maußkopff/ vnd mit Ruthen
außgehawen.
VNendtlich vil vnd groſſe Narꝛen vnnd
Narꝛetheyen findt man in der Welt/
dern ich etliche vnnd ſchier die meiſte
allbereit verſucht hatte/ aber kein einige Narꝛ-
heit halte ich fuͤr gemeiner vnd ſchaͤndtlicher/
als eben die Torheit deß Geitzes/ mit welchem
ſchier alle vnnd jede Staͤnd der Welt behafft
vnd ſchwanger ſeind. Von dem Adel aber
wiſſen wir/ wie derſelb mit dem Pfeyl der
Geitz Thorheit geſchoſſen vnd getroffen ſeye/
dañ ich hab etliche gekennt/ welche jhꝛe ſchuch
ſelbſt geflickt/ vnnd jhre Hembder gewaſchen/
vil andere aber/ welche ſich in alle vnnd jede
ſchaͤndliche gewinn/ ſo jhnen in Saͤckel getra-
gen/ einlaſſen/ vnd treflich vnd außbuͤndig ab-
gericht ſeind auffs Gelt einnem̃en/ Bauren-
ſchinden/ vnderthanen trucken/ den Arbeitern
vñ armen Witwen vnd Waiſen jren woluer-
dienten Lohn aufhalten/ ſchmaͤhlern oder ab-
brechen/ dannenhero numehꝛ nit edle vñ veſte
Junckern/ ſonder edle vnnd geſtrenge Herꝛn
geneñt werden woͤllen/ ſeytemal ſie in den wer-
cken der Guͤte vnnd Barmhertzigkeit nit veſt/
ſonder in der vngnad vnnd vnbarmhertzigkeit
ſehꝛ geſtreng ſeind.
Vil Raͤth vnnd Beambten ſeind mit der
Kranckheit deß Geitzes dermaſſen beladen/ dz
ſie nur die Gold vnd Silberſalben brauchen
vnnd darmit geſchmirt werden muͤſſen. Vil
Kriegsobriſten verꝛathen auß Geitz die Ve-
ſtungen/ Landt vnd Leut/ wann nur Kauffleut
vnd gelegenheiten verhanden.
Vil Juriſten vnd andere gelehrten fuͤhꝛen
das Narꝛenwappen (nemblich das Gelt) in
jhrem Schildt/ dann ein jeder Narꝛ auff diſer
Welt/ meint/ er hab Gluͤck/ wann er hat Gelt.
Wo iſt ein gemeiner Kauff: oder Han-
delsman/ der ſich mit einem gerechten vñ offt
anſehenlichen gewinn benuͤgen/ vnd nit vom
Geitz vbergehen lieſſe/ wie auch alles Gewerb
allein zu haben begehꝛet/ vnnd ſich vmb die
Narꝛenkappen deß Geitzes reiſſet? Mit di-
ſem Geitzteuffel war auch ich inſonderheit
behafft/ dann weil ich obgehoͤrter maſſen
durch die Alchimiſterey vnnd Alch imiſten
betrogen vnnd verderbt war woꝛden/ ſo be-
gab ich mich geſchwindt auff die Kramerey/
kauffte allerhandt Waaren wolfeyl ein/
ſchlug aber ſtarck drauff/ verkauffte ſie biß-
weilen anheimbs vmb doppelts Gelt/ ging
faͤlſchlich mit der Meſſerey vnnd Gewicht/
vmb/ brauchte darneben Factoreyen/ vnnd
hatte einen groſſen Gewinn bey der Muͤntz:
Es erkleckte aber alles nichts/ ſonder ich ver-
thate es alles mit einander mit heiloſen Leu-
ten/ verſpilte vnnd verhurte es. Letztlichen
ward ich ein Hauſirer/ vnnd hauſirte mit
meiner Kramerey auffm Landt herumb/ vnnd
betrog die ein faͤltige Bawren vnd Prælaten
mit meinen falſchen Waaren. Weil auch
mein Haußfraw vor verſtandener maſſen/
loß gedruckt hatte/ vnnd auß diſer zeitlichen
Wanderſchafft geſchiden war/ ſo bewarb ich
mich vm̃ ein ſchoͤne ſtarcke Metze/ die brauch-
te ich vnder Tags an ſtat einer Eſelin/ dann
ſie halff mir meinen Kram tragen/ vnnd deß
nachts brauchte ich ſie ſonſten fuͤr mein weib/
vñ lihe ſie bißweilen auch einem andern guten
geſellen. Diſer geſtallt behalff ich mich ein
zeitlang/ vnnd brachte mich taliter qualiter
vnd mit ſchlechten ehren hin/ Dann wann ei-
ner gar verdoꝛben/ vnd ein Bettler woꝛden iſt/
ſo ſuchet er letztlichen einen liſt/ wirdt ein Kra-
mer vnd Hauſirer/ vnd hat fuͤnffzehen Kreu-
tzer in der Handt/ ſo will er ziehen mit der waar
ins Landt/ vnangeſehen er ein Schelm vnnd
Dieb darneben iſt/ vnd ſo lang hin vnd wider
vmbzeucht/ biß er letztlichen an einem duͤrꝛen
Holtz behencken bleibt/ jnnmaſſen auch mir
ſchier widerfahren waͤre. Dann nach dem
ich lang hin vnd wider geſtrichen vnnd gelof-
fen/ gerieth ich letztlich in einem Wirthshauß
zu etlichen Geſellen/ die waren meines glei-
chen vnd Maußkoͤpff/ ernehꝛten ſich mit auf-
klauben oder mit der vnbegerten arbeit/ waide-
ten bißweilen den Kauffleuten jhre Bulgen
auß/ damit ſie nicht ſtinckendt wuͤrden/ vnnd
brachten mich leichtlich in jhre geſellſchafft/
vnd ſo weit/ daß wir ſamptlich befengnuſt vñ
vnſer etliche mit Ruthen außgeſtrichen wur-
den.
Guſman begibt ſich in ein Benedi-
etiner Kloſter/ vnnd wirdt vnderwiſen wie
er ſich im Orden verhalten
muͤſſe.
ALs ich vorerzehlter maſſen außgekramt
vnd widerumb Blut arm/ elendig/ vn-
duͤchtig vñ fluͤchtig worden/ begab ich
mich in ein Benedictiner Kloſter im Schwei-
tzerlandt/ vnnd weil ich gut Jtalieniſch vnnd
Lateiniſch/ vnd benebens wol ſchwaͤtzen kond-
te/ ſo bewegte ich den Patrem Priorem, daß
er mich auff prob vnd verſuchung acceptir-
te vnd einnam/ Zuuoꝛ aber erzehlte er mir al-
le vnd jede muͤh/ arbeit vnnd vngelegenheiten/
die man anfangs vnd hernacher in dem Or-
den außſtehen muß/ vnnd ſprach: Mein
Sohn/ weil ich von dir verſtehe/ wie es dir
inder Welt ſo gar vbel ergangen/ ſo gedenck
nicht/ daß du anjetzo im Kloſter gute Taͤg an-
treffen/ gleichſamb ins gelobte Landt oder
Schlaraffenlandt kommen/ vnnd nichts an-
ders thun werdeſt/ als eſſen/ trincken vnd muͤſ-
ſiggehen/ ſonder fuͤrnemblich zwey ding muſt
du thun vnnd in obacht nemmen/ wofern du
anders begerſt ein frommer vnd gerechter re-
ligios zu werden.
Das erſte heiſt F A C E R E, vnd bedeut/
daß ein religios ſich dermaſſen in den handel
ſchicken vnd verhalten muͤſſe/ damit er Gott
dem HErꝛn/ ſeinen Vorſtehern/ ſeiner Reli-
gion/ ſeinem Naͤchſten/ jhm ſelbſt vnd den er-
ſchaffnen Creaturen ein ſatisfaction vnnd
gnuͤgen thue: Als dann aber thut er GOtt
dem HErꝛn ein gnuͤgen/ wann nemblich er
denſelben vber alle ding nebet/ ſeine Gebott
vnd Euangeliſche Raͤth fleiſſig helt/ jhne mit
gantzem Hertzen lobet/ ehꝛet vñ dancket/ ſo wol
zur zen deß Wolſtandts als widerwertigkeit.
Jtem/ wann er tauſentmal lieber ſterben/
weder ſeinen GOtt vnnd Erſchaffer in den
aller geringſten dingen erzuͤrnẽ/ oder ſich von
ſeinem Goͤttlichen willen abſonderen wolte:
Jn ſumma/ wann all ſein thun vnnd laſſen zu
der Glori vnd Ehꝛ Gottes gereichet.
Seinen Vorſtehern thut er ein gnuͤgen/
wann nemblich er jhnen auff das aller wenig-
ſie wincken oder deuten/ gantz williglieh vnnd
mit frewden gehorſamet/ ſamb were es Got-
tes vnd nit eines Menſchen ſtim̃: Jtem/ wañ
er ſie ehret vñ liebet als von Gott verordnete
Vaͤtter vñ verſorger ſeiner ſeelen. Jtem wann
er alle jhre befelch/ verordnungen/ geſchaͤfft
vnnd werck im beſten auffnimbe/ die darwider
murꝛende beſcheidenlich ſtraffet/ vnnd ſeine
Vorſteher verthaͤdiget.
Seiner Religion thut er ein gnuͤgen/ wañ
er ſich gegen derſelben/ wie ein from̃es Kindt
gegen ſeiner lieben Mutter gehorſamb vnnd
willigklich verhelt/ vnd ſeine gethane Geluͤbd
trewlich vollziehet.
Seinem naͤchſten thut er ein gnuͤgen/ erſt-
lich wañ er ſeine Bruͤder vnd mitreligioſen
mit einer reinen Lieb liebet/ jhr Wolfahrt
fuͤr ſein eygne helt/ vnd in jhren widerwertig-
keiten ein mitleiden hat/ jhre gebrechen vber-
traͤgt/ vnnd jhnen zu jhrer Geiſtlichen auffer-
bawung hilfft vnd befuͤrdert. Am andern wañ
er die weltlichen vnnd jhrer Seelen heylliebet
vnd befuͤrdert/ vnnd jhnen im wenigſten kein
boͤſes Exempel vnd aͤrgernuß gibt.
Jhm ſelbſt thut er ein gnuͤgen/ wann er ſei-
ne vnordenliche appetiten bezwinget/ ſein
Fleiſch zaͤhmet/ die Welt veraͤchtet/ alle der-
ſelben eytelkeiten in Windt ſchlaͤgt/ ſich inn
allen dingen von GOttes wegen mortifici-
ret, ſich ſelbſt vberwindet/ ſeinem Leib nur die
bloſſe notturfft gibt/ der Welt vnd ſich ſelbſt
abſtirbt/ vnd allein ſeinem Gott vnd Erſchaf-
fer lebet.
Beſchließlichen thut er den erſchaffenen
dingen ein gnuͤgen/ wann er von denſelbigen
nur die notturfft nimbt/ vnd mehr nicht/ weil
auch er waiſt/ daß ſie nur zu dem Endt von
GOtt erſchaffen ſeind/ damit ſie dem Men-
ſchen helffen ſein verlangtes ziel zuerꝛaichen/
ſo erwoͤhlet er nur das jenig daruon/ was jhne
darzu kan befuͤrdern/ hergegen verwirfft er
was jhne daran kan verhinderen: Durch di-
ſes mittel machet der Menſch jhm ſelbſt von
der Creatur ein Leiter in Himmel zugelangen.
Das ander/ welches ein frommer religios
thun ſoll/ heiſt: Pati, oder leiden: Dann wann
man anfangs ſich in die Religion will bege-
ben/ als dann verheiſſet ein jeglicher/ daß er al-
les thun vnnd leiden woͤlle/ Aber wenig ſeind
deren/ ſo es in obacht nemmen vnnd halten/
derwegen ſeind wenig religioſen vollkom-
men. Durch das Wort: pati, wirdt bedeut/
daß der religios ſich durchs leiden reinige vñ
vollkommen mache/ vnd daß er/ ohne das pa-
ti oder leiden/ kein vollkommner religios ſein
koͤnne. Jn der heiligen Schrifft wirdt die
perfectio oder vollkommenheit ein Berg ge-
nennt/ auff denſelben aber kan niemandt ſtei-
gen/ ohne muͤh vnd arbeit leiden. Ein voll-
komner religios pflegt ſich in ſeinem leiden
nicht zubeklagen/ daß jhm GOtt Kranckhei-
ten/ Truͤbſal vnnd verfolgungen zuſthicket/
ſonder er helts alles fuͤr ein himmliſche Gab/
vnnd nimbts zu danck an vom himmliſchen
Vatter. Durch diſes mittel ſchoͤpffet er gu-
tes auß boͤſem: Wann aber ein religios von
Gottes wegen nicht gern etwas leidet/ iſt ſol-
ches ein zeichen/ daß er jhne wenig/ ſich ſelbſt
aber liebe.
Sonſten muſtu auch die Regel vnſers hei-
ligen Ordens vnnd drey Geluͤbd der Armut/
Keuſchheit vnd gehorſambs fleiſſig vnnd vn-
fehlbarlich halten/ fuͤrnemblich vnd inſonder-
heit aber die Keuſchheit/ welche ein Eng-
liſche Tugend iſt/ vnnd den Menſchen einem
Engel gleich machet/ vnd benebens verurſa-
chet/ daß er wie ein Engel lebet. Woferꝛn die
fundatores oder Stiffter der Religionen
kein keuſches Leben gefuͤhrt hetten/ ſo wurden
ſie niemaln ſolche herꝛliche vnnd ſchwere im-
preſen vnnd thaten begangen/ vnnd die fun-
dationes der Religionen nit zu werck gezo-
gen haben. Woferꝛn auch die Apoſteln an
Weiber vnnd Kinder gebunden geweſt we-
das Evangelium anzunem̃en bewegt haben.
Derwegen ſeind die jenigen/ ſo ein reines vnd
kenſches Gemuͤt haben/ vil tauglicher vnnd
bequem er erleuchtet vnnd von GOtt begna-
det zu werden/ wie auch die Himmliſche ding/
die Goͤttliche attributa, die heilige Geiſter/
die Guͤter der ewigen Seligkeit zu contem-
pliren.
Sehr nothwendig vnnd wichtig iſt den
religioſis die Keuſchheit. Jn einem weiſſen
vnnd reinen ding wiedt ein jeglicher fleck/ der
ſey ſo klein wie er jmmer woͤlle/ leichtlich ver-
ſpuͤrt/ vmb wie vil zarter vnnd weiſſer es auch
iſt/ vmb ſo vil ſcheinlicher vnnd ſchaͤndlicher
iſt der Fleck darinn: Weil dann das Leben der
religioſen ſehr weiß vnnd zart iſt/ ſo wirdt es
durch ein ſehr leichtes vnd ſchlechtes verbre-
chen der Vnkeuſchheit geſchendt vnnd belei-
digt. Die Weltlichen halten vns religioſen
fuͤr Spiegel der Tugenden/ wie aber ein Spie-
gel/ welcher nit rein vnd klar iſt/ vns pflegt zu-
beleidigen vnd vnluſtig zu machen/ alſo wann
der religios mangelhafft vnnd vnlauter iſt
in der Keuſchheit/ alsdann aͤrgeren vnnd be-
leidigen ſie alle Geiſtliche vnnd Weltliche
Perſonen.
Jn den andern Tugendten pflegt ein
ſchlechtes verbrechen dem religioſo nicht ſo
ſchaͤdlich zu ſeyn/ wie der mangel der Keuſch-
heit: Ob ſchon der religios in der Sanfft-
muͤtigkeit/ mangelhafft vnnd etlicher maſſen
koleriſch vnd zornmuͤtig iſt: Ob ſchon er auch
etwas hoffertig vñ ehꝛgeitzig/ oder ſonſten mit
einem Laſter oder mangel behafft iſt/ ſo ver-
leurt er doch dardurch bey andern das con-
cept eines guten religioſen nicht/ Aber ley-
der/ der defect vnnd mangel der vnkeuſchheit
machet/ daß ein religios ſeinen guten namen
vnnd den von jhm geſchoͤpfften guten wohn
vnd hoffnung verlieret/ dann wo vnkeuſchheit
iſt/ da kan kein Heiligkeit noch Andacht ſeyn:
wo das Fleiſch herꝛſchet/ da kan der Geiſt nit
beſtehen.
Jederman helt darfuͤr/ daß die religioſen
das Saltz vnd das Liecht der Welt ſeyen/ der-
wegen iſt ein notturfft/ daß ſie ſich vor allen
denen dingen huͤten/ welche dem Saltz vnnd
dem Liecht jhꝛe eygenſchafft vnnd Krafft be-
nemmen koͤñen: Das Saltz pflegt das fleiſch
vorm verfaulen zuerhalten/ woferꝛn aber das
Saltz vnrein vnd mit Erd vermiſcht iſt/ als-
dañ pflegt es das Fleiſch nit allein nit zu præ-
ſeruiren vnd zuerhalten/ ſonder deſto ehen der
zuuerfaulen: Eben alſo wann der religios
rein vnd keuſch iſt/ alsdann pflegt er durch ſei-
ne Reden vnd Predigen/ vñ durch ſeine Raͤth
vnnd gute ermahnungen andere Leut zu præ-
ſeruiren vnd zuerhalten: Wann aber er mit
dem Laſter der Vnkeuſchheit inficirt iſt/ als-
dann inficiret er alles mit ſeinem boͤſen Ex-
empel. Wie das Liecht andern leuchtet/ vnd
jhnen die im weeg ligende Stein vnnd gefahr
zeiget/ woferꝛn aber das Dacht deß Liechts vn-
rein oder genetzt iſt/ alsdann nur einen rauch
vnnd kein Liecht von ſich gibt/ alſo wann der
religios nicht rein von Hertzen iſt/ kan er an-
dern nit allein nit leuchten/ ſonder er machet
auch jnen den weg dunckel/ vnd gibt nit allein
kein Liecht/ ſonder vilmehr einen boͤſen Ge-
ſtanck von ſich: Schwerlich kan der jenig an-
dere erhalten vñ erleuchten/ welcher ſich ſelbſt
nit erleuchtet/ vnd jhm ſelbſt im Liecht ſtehet.
Das Hertz eines religioſen iſt ein Tem-
pel vnd Wohnung Gottes/ damit derwegen
daſſelbe ſein Hauß in der Reinigkeit erhalten
werde/ vnnd er ſteths darinn wohnen moͤge/
ſo iſt ſolches Hauß der Keuſchheit zu einer
quardi oder bewahꝛung gegeben woꝛden/ wer
derwegen die Keuſchheit auß ſeinem Hertzen
vertreibt/ vnnd der vnkeuſchheit ſtatt thut/ der
vertreibt GOtt den HErꝛn auß ſeiner woh-
nung begehet dardurch ein ſehꝛ groſſe Suͤnd/
beflecket den Tempel GOTtes/ vnnd ſoll
derwegen durch jhne zerſtoͤret vnd außgereut
werden.
Nicht allein ſoll der religios nit vnkeuſch/
ſonder auch vollkommlich keuſch ſein/ vnnd
alle boͤſe vnreine Gedaucken vnnd eingebun-
gen von ſich treiben/ vnd im wenigſten nichts
vnzuͤchtiges reden/ noch auch mit vnzuͤchti-
gen Perſonen gemeinſchafft haben/ ſonder
alle Anlaͤß vnnd gefahr die Keuſchheit zuuer-
lieren/ meiden/ vnd zu jhꝛer præſentirung vñ
Behaltung das Fleiſch mit Faſten/ diſeipli-
nirungen/ haͤrinen Kleydern vnnd wachen
mortificiren.
Wofern nun du diſes alles in fleiſſige ob-
acht nemmen vnnd vollzihen wilſt/ woͤllen
wir dich ins Kloſter annemmen/ vnnd auff
ein Jahr probiren/ darauff erklaͤrte ich mich/
daß ich vermittelſt Goͤttlicher huͤlff/ mich/
wie einem frommen religioſen gebuͤrt/ ver-
halten wolte.
Wie ſich Guſman im Kloſter
verhalten vnd außgeſprun-
gen
JM erſten Probierjahr hielt ich mich
dermaſſen wol/ daß man mich zu der
profeſſion kommen ließ/ in wehren-
dem meinem nouitiat aber begabs ſich/
daß der Pater Schaffner vom Prælaten
Erlaubnuß vberkam/ ein zeitlang außzuzi-
hen/ ſich zu recreiren, vnnd mich mit ſich zu-
nemmen. Das war nun ein gewuͤnſchter han-
del fuͤr mich/ dann als wir mit einander gegen
dem Abendt auß dem Kloſter gingen/ kamen
wir in ein Wirths hauß/ welches dem Kloſter
zugehoͤrte/ die Wirthin war huͤbſch vñ ſchoͤn/
vnnd ſie hatte ein Schweſter bey ſich/ die war
nit heßlich. Jch ſahr daß der Pater Schaff-
ner die Wirthin wol kennte/ vnd gar vertreu-
lich mit jhꝛ conuerſirte, derwegen geſellete
ich mich zu der Schweſter/ vñ verzehꝛten zwo
Nacht daſelbſt im guten muth/ von dannen
gingen wir weiter/ beſuchten die fratres in et-
lichen nahe gelegenen Kloͤſtern/ vnd recreir-
ten vns more ſolito. Jm widerumb heim-
zihen/ kehꝛten wir in dem voꝛbemeltẽ Wirths-
hauß widerumb ein/ waren ſehꝛ liebe Gaͤſt/
wurden wol tractirt vnd gehalten/ vnd verbli-
ben abermals zwo Nachilang daſelbſt.
Als wir nun widerumb in vnſer Kloſter
kamen/ ſahen wir/ daß man vns allbereit beym
Herꝛn Prælaten hatte auffgeſtochen vnd an-
gegeben/ als waͤre der Pater Schaffner bey
der Wirthin/ vnd ich bey jhrer Schweſter ge-
legen/ vnd ob ſchon wir ſtarck darfuͤr laugne-
ten/ vnnd vns jhm vnſere vnſchuld darbotten/
ſo muſten wie doch die ſchuld haben/ turniren
vnd buß thun. Es ward auch der P. Schaff-
ner ſeines Ampts entſetzt/ vnnd widerumb
hinden ins Conuent geſchafft: Das ver-
droſſe jhne dermaſſen/ daß er von derſelben
zeit an/ alle muͤgliche mittel vnnd weg ſuchte/
ſich wider ſeinen Prælaten zu rechnen/ vnnd
zu ſolchem end/ mit huͤlff vnd zuthun der mei-
ſten Conuentualen, deferirte vnd beſchul-
digte er jhne beym Biſchoff zu Coſtantz/ als
Ordinario, viler boͤſer ſtuck halben/ er brach-
te auch ſeine ſachen dermaſſen ſcheinlich fuͤr/
daß jhm der Biſchoff nit allein glaubte/ ſon-
der auch ein groſſe vngnad wider den Præla-
ten faſte/ vnd ſehr ſtarck vber jne inquiriren
ließ. Weil aber der abgeſetzte Pater Schaff-
ner letztlichen vermerckte/ daß ſeine beſchehe-
ne falſche delationes den ſtich in die leng nit
halten wurden/ vnd daß es endtlichen vber jne
ſelbſt außgehen wuͤrde/ ſo wolte er deß auß-
ſchlags nit erwarten/ ſonder vberꝛedete mich/
daß wir beyde mit einander vnuerſehens auß-
ſprangen/ gleichwol aber nit mit laͤrer handt/
dañ der Schafner hatte in wehꝛendem ſeinem
Schafnerambt/ vil ſchoͤne Ducaten vnd har-
te Thaler zuſammen geklaubt. Alsbaldt die
vorbemelte Wirthin vnd jhre Schweſter deſ-
ſen durch vns heimblich auiſirt vnd erjnnert
worden/ zohen ſie vns nach/ vnnd fanden vns
in einem Marcktflecken nahe bey Baſel/ da-
ſelbſt hielten wir vns in einem Wirthshauß
in weltlichen Kleydern auff/ vnnd hatten etli-
che tag einen guten muth mit einander. Das
kondte aber ſo gar geheimb nicht bleiben/ daß
es vnſer Prælat nicht erfuhr/ dann er hatte
vns aller Orthen laſſen nachſtellen/ vnnd
brachte ſo vil zu wegen/ daß wir vnuerſe-
hens vberfallen/ befaͤngnuſt/ vnnd wider-
umb in vnſer Kloſter gefuͤhrt wurden. Was
nun dem Schaffner fuͤr ein ſtraff angethan
ward/ das weiß ich nicht/ dann es ward alles
in groſſer geheimb gehalten/ aber ich hatte
keinen luſt laͤnger daſelbſt zu bleiben/ ſondern
nam hinder der Thuͤr vrlaub/ warff die Kut-
ten von mir/ vnnd ward widerumb der jenig/
der ich von anfangs meiner zarten jugendt
geweſt/ nemblich ein Stoͤrtzer/ Landtlaͤuffer/
vnd nichtiger Schelm.
Daß es aber vns alſo in dem Cloſter er-
gangen/ daran waren gleichwol wir ſelbſt
vnnd vnſere boͤſe Art vnnd Eygenſchaff-
ten ſchuldig/ aber doch verurſachte es auch
fuͤrnemblich die vil zu groſſe Freyheit/ die
man vns mit dem außlauffen veꝛſtattete/ dann
wie der Fiſch ins Waſſer/ alſo gehoͤren die
Muͤnch in die Cloͤſter: Stythero die reli-
gioſi hin vnnd wider vagieren/ auch auß
vnnd einlauffen/ iſt die diſciplina monaſti-
ca vbel geſtanden/ vnnd es vberkommen die
religioſen vil occaſiones, anlaͤß vnnd ge-
legenheit jhr allerbeſtes Kleynot der Keuſch-
heit zuuerſchertzen/ vnnd ſich in weitlaͤuffig-
keit vnnd vnwiderbringliche verderben zu
ſtuͤrtzen.
Was mich belangt/ gedachte ich damals
in ſolchem meinem aber mahligen armſeligen
zuſtandt/ gar offt an jenen verlohrnen Sohn
welcher/ als er das koͤſtliche vnnd vberfluͤſ-
ſige Hauß ſeines Vatters verlaſſen hatte/
groſſen hunger litte/ der Schwein huͤtete/ vnd
ſeinen vorigen gluͤckſeligen ſtandt/ hergegen
ſein jetziges armſeliges weſen betrachtete an-
fing zuweinen vnd ſprach: O wie vil Tagloͤh-
ner ſemdt in meines Vatters Hauß vnd ha-
ben vberfluͤſſig zueſſen/ aber ich muß allhie deß
Hungers ſterben.
Durch diſe Wort gab er zuuerſtehen/ was
er fuͤr Gutthaten hatte verloren/ vnnd in was
fuͤr einem boͤſen Stand er ſich an jetzo befand.
O Menſch/ ô religios, der du diſes liſeſt/
nimb ein Exempel an mir armſeligen/ vnnd
huͤte dich/ daß du das koͤſtliche Hauß deines
Vatters/ die Religion/ nit ſo liderlich verlaſ-
ſeſt/ damit du nicht auß einem Sohn Got es
ein Sclaue vnd Leibeigner deß Teufels wer-
deſt. Die Ehr vnd Wolluͤſt der Welt ſeind
ſchwach wie ein Glaß/ vnnd nur ein Schat-
ten der wahren himmliſchen Reichthumben:
Der Teuffel/ die Welt/ vnd das Fleiſch ſeind
ſehr falſche Kramer/ die dich locken etwas
auß jhrem Kram zukauffen/ vnnd nach der
Prælatur vnnd wolluſtbarkeiten zutrachten:
Aber du fliehe jre vergiffte peſtilentziſche waa-
ren vnnd Kauffmanſchafften: Weil du der
Welt allbereit haſt abgeſagt/ vnd alle jhre ey-
telkeiten verſchworen/ warum̃ lauffeſt du dañ
wider hinein? Weil du den gehorſamb vnnd
demut haſt angelobt/ warumb biſtu dann dei-
nem Vorſteher vngehorſam̃ vnd vntrew/ vnd
ſucheſt jhne zuuerdringen? Weil du dich der
Armut vnnd Keuſchheit allerdings ergeben/
warumb biſtu dann ein proprietarius vnnd
concubinarius? Nicht alſo/ nit alſo/ ô reli-
gioſe, nit bemuͤhe dich mit ſolchen veraͤcht-
lichen vnnd nichtigen dingen: Nicht verliere
wegen einer ſehꝛ kurtzen vnd ſchnoͤden wolluſt
deinen GOtt/ vnd ſampt jhme die Guͤter ſei-
ner Glori/ die Geſellſchafft der Engeln vnnd
Heiligen im Himmel: Du verliereſt dein
Seel/ zerſtoͤreſt dein Gewiſſen/ vnd gewinneſt
die Hoͤll: Du verleurſt GOTT wegen der
Welt/ vnnd den jnnerlichen Troſt deß Her-
ren/ vnd die ewige Glori an ſtatt der Hepffen
vnd geſtancks der ſuͤnden.
Weil diſes zeitliche Leben nur ein einiges
Puͤnctlein iſt/ wañ es gegen dem zukuͤnfftigen
ewigen gehalten wirdt/ ſo biſtu je ein groſſer
Narꝛ/ daß du diſes kurtze vnd zergaͤngliche Le-
ben/ vnd die bald verſchwindende wolluſt nit
verachteſt/ damit du genieſſen vñ beſitzen moͤ-
geſt jenes ewiges vnnd ſeliges Leben: Wie ei-
ner ein Narꝛ waͤre/ welcher in einer groſſen
Statt einen herꝛlichen Pallaſt hette/ vnd doch
herauſſen auffm Landt in einem armſeligen
ſtroͤhenen Haͤuſel wohnte/ alſo iſt der jenig ein
groſſer Narꝛ/ der da begert in diſer armſeligen
Welt zuwohnen/ vnnd derſelben eytelkeiten zu
genieſſen an ſtatt der allerhoͤchſten vnnd herꝛ-
lichſten wohnung deß Himmels. Der betrug
vnd die armſeligkeiten diſer Welt ſeind kundt
vnd wiſſentlich/ derwegen haſtu vrſach ſie zu-
nerachten/ zumaln weil dein guͤtiger Herꝛ vnd
Gott dich darzu ermahnet/ mit ſeiner heiligen
lieb locket vnd dir die Thuͤr deß Himmels er-
oͤffnet. Reute auß dir alle eytele Begierd vnd
Gedancken/ die der Teuffel vnd die Welt in
deiner fantaſey gepflantzt hat: Bezwinge dei-
nen Geiſt/ daß er diſen zergaͤnglichen Guͤtern
vrlaub gebe vnd die ewige/ daꝛumb du erſchaf-
fen worden/ liebe.
Was maſſen Guſman ein Berg-
knap in Tyrol vnd widerumb reich
worden.
NAch dem ich obgehoͤꝛter maſſen auch
den Standt der religioſen ver-
ſucht vnnd geſchaͤndt hatte/ doͤrffte
ich mich ſchir nirgents mehꝛ ſehen noch blickẽ
laſſen/ ſondern entſchloſſe mich/ daß ich mich
vor den Menſchen verbergen vnnd vnder die
Erden verkriechen wolte. Zu ſolchen end be-
gab ich mich in Tyrol/ in meinung ein Berg-
knap zuwerdẽ/ vnd mein narung vnder der Er-
den zuſuchen. Als ich daſelbſt hin kam/ ward
ich ein Herꝛen arbeiter/ hatte Wochentlich
einen florin oder Gulden. Folgents vber ein
viertel Jahꝛ arbeitete ich nach Klafftern/ vnd
hatte von einer jeden anfangs 12. vñ letztlichẽ
20. fl. konte aber nichts darbey erſparen/ dann
ich war vnfleiſſig vnd faul/ vnd mochte zu der
nacht nit arbeiten.
Nach ſolchem ward ich ein frey Gruͤbler/
arbeitete auff zween koſten/ traffe gute Kluͤfft
vnnd gangbare Ertz an/ verdiente vnnd vber-
kame vil Gelts darbey. Letztlichen vnder-
ſtund ich mich einen erfundenen guten gang
vnnd Ertz zuuerſetzen vnnd verzimmeren/
in meinung/ ſie inn kuͤnfftiger zeit zubawen
vnd meinen eygnen nutz vnnd gewinn darbey
zuſuchen/ woferꝛn mans aber erfahren vnd jn-
nen worden hette/ ſo wuͤrde man mich fein
ſauber auffgeknuͤpfft vnnd zwiſchen Himmel
vnd Erden arꝛeſtirt haben/ jnmaſſen derglei-
chen vngetrewen aꝛbeitern zubeſchehen pflegt.
Weil dann ich die groſſe gefahꝛ vermerckte/
ſo verkauffte ich einem andern Knappen oder
Freygruͤbler den erfundenen guten gang vnd
Ertz/ verließ das Bergwerck/ vnd ſuchte mein
heyl vnd gluͤck weiter.
Guſman wirdt auß einem Berg-
knappen ein Comediant/ vnnd erzehlt et-
liche artliche boſſen die er ge-
riſſen.
ALs ich widerumb reich worden/ kleide-
te ich mich ſtattlich/ beſahe die weitbe-
ruͤmbte Statt Jnſpruck/ vnd fand da-
ſelbſt neun Comedianten/ die waren von
allen nationen zuſammen kommen/ vnnd
theils Frantzoſen/ theils Engellaͤnder/ theils
Niderlaͤnder/ theils Jtaliener/ jhꝛe Muſic vnd
Comedien gefielen mir außbuͤndig vnnd der-
maſſen wol/ daß ich (ſimilis ſimili gaudet,
gleich vnnd gleich geſeller ſich gern) mich zu
jhnen verfuͤgte vnnd mit jhnen accordirte,
daß ſie mich in jhre Geſellſchafft auffnamen/
dann ich kondte gut Jtalieniſch/ Spanniſch/
Lateiniſch vnnd halb gebrochenes Teuſch re-
den/ benebens ſchlug ich trefflich wol auff der
Lauten/ vnd vertrate einen luſtigen Spanni-
ſchen Schalcksnarꝛen mit ſeiner Kitarꝛen/
vnd kondte artlich drein ſingen/ tantzen vnnd
ſpringen. Die Comedien ſeind ein repræ-
ſentirung viler alten vnnd newen Geſchich-
ten vnd Hiſtorien/ der Gottſeligen/ frommen/
erbarn/ zuͤchtigen vñ keuſchen Perſonen/ wel-
che im heiligen Chꝛiſtlichen wandel vnd Tu-
gendt der gantzen Welt vorgeſchmen/ vnnd
dern Leben vnnd Thaten man gleichſamb le-
bendig in offendlichen Schawſpil/ allermen-
nigklichen zeiget vnd fuͤrhelt/ darauß dann nit
allein ein erluſtigung deß Gemuͤts erfolget/
ſonder auch die Zuſeher vnnd Zuhoͤrer zum
Chriſtlichen wandel bewegt vnd auffgemun-
tert werden. Es wirdt auch mancher Gottlo-
ſer vnd verfuͤhrter Menſch durch dergleichen
Schawſpil (darinn entweder die belohnung
der frommen/ vnnd die erſchroͤckliche ſtraff der
Gottloſen voꝛ Augen geſtellt wirdt) bewegt
ſich zubekehꝛen vnd ein Gottſeligers Leben an
ſich zunemmen.
Hergegen find man andere Comedianten/
welche ſonſten gute Hiſtorien agiren, vnd be-
nebens laͤcherliche boſſen vñ Gauckelſpil ver-
richten/ boſſirliche ſchnacken reiſſen/ vnd vom
einen oꝛt zum andern vm̃ziehen: Eben derglei-
chen Comedianten waren diſe/ mit denſelbigẽ
zohe ich durch gantz Teutſchlandt vñ Nider-
land/ befand mich tꝛeflich wol bey jnẽ/ vñ waꝛd
wegen meiner artlichen boſſirlichkeit ſehꝛ ge-
liebt/ dañ bißweiln repręſentirte vñ vertrate
ich auch einẽ Diener eines altẽ verliebtẽ Herꝛn
der hieß Pantaleon vnd ich hieß Guſmaͤndl.
Einsmals fragte ich im Comediſpil diſen
meinen Herꝛn/ was doch der allerlieblichſt vñ
nutzlichſt Wolluſt auff Erden were? Mein
verbulter alter Herꝛ Pantaleon antwor-
tet: Wann einer ſeiner hertz allerliebſten bey-
wohnẽ vñ genieſſen koͤnte. Da lachte ich vber-
laut/ verſpottete jn/ vnd bewiſe mit vilen exem-
peln/ daß die Buler gemeingklich nur Bettler
werden vñ Schlier vnd Kolben heimbringen.
Mein Herꝛ rieth noch ferꝛner vnnd ſagte/
daß nichts wolluſtigers were/ als wann einer
bey luſtiger Geſellſchafft zu Tiſch ſitzet/
vnd den vberfluß an guten Bißlen vnnd her-
lichem Wein hat. Darauff lachte ich jh-
ne abermals auß/ vnnd fragte jhne/ ob
er nicht letztlichen von dem vilen freſſen
vnnd ſauffen voll vnnd doll wie auch kranck
werde?
Er rieth noch ferꝛner vnd ſagte daß etliche
Saͤck voll Ducaten das allerlieblichiſte
vnnd nutzlichiſte auff Erden weren? A-
ber ich verſpottete jhne vnnd ſagte/ daß
nur die Narꝛen jhren luſt mit dem Gelt vnnd
wenig nutz daruon haben/ ſich auch bißwei-
len etliche von deß Gelts wegen hencken:
Wann du aber zuwiſſen begereſt/ was der
aller beſt luſt vnnd lieblichkeit auff Erden
ſeye/ ſo will ich dirs ſagen: nemblich wann
einer zur zeit der hochtringenden vnnd ein
zeitlang verhaltener noth die Hoſen auffne-
ſtelt/ das priuat erwiſchet/ vnnd den Bauch
außlaͤret/ dann durch diſes mittel wirſtu nicht
allein der ſorg in die Hoſen zuhofiren befreyt/
ſonder es wirdt auch die Natur am meiſten
erquickt. Woferꝛn aber du es nicht wilſt glau-
ben/ ſo verſuche es/ verhalte den Stulgang
ein zeitlang/ hupffe/ lauffe vnd wehre dich mit
Haͤnd vnd Fuͤſſen/ vnd halte veſt biß zur euſ-
ſerſten noth/ ſo wirſtu letztlichen ein vberauß
groſſe linderung vnnd lieblichheit empfinden.
Pantaleon mein Herꝛ ließ ſich vberꝛeden/
verhielt einsmals den Stulgang ſehꝛ mañlich
vnd ritterlich etliche Stundtlang/ vñ beklag-
te ſich gleich wol/ daß er jhne in die leng nicht
wuͤrde auffhalten koͤnden: Jch aber ſprach
jhm ſtarck zu/ daß er ſich dapffer wehren/ zap-
len vnd herumb lauffen ſolte. Er hebte ſeine
Haͤnd hinden zum Geſaͤß/ vnnd truckte ſtarck
zu/ lieff auff dem theatro oder Binen hin vñ
wider mit groſſer angſthafftigkeit/ zohe den
Athem mit gewalt an ſich/ verwendete die Au-
gen im Kopff/ reckte die Zung einen Finger-
lang herauß. Jch aber wolte noch nit bewil-
ligen/ daß er ſeinen gefangnen herauß ſolte
laſſen/ weil aber jnmittelſt ſein Liebhaberin
darzu kam/ ſo erſchꝛack er dermaſſen/ daß er die
gantze Bruͤh mit groſſem getuͤm̃el in die Ho-
ſen gehen ließ. Das war nun ein leckerlicher
Poß vnd machte ein herꝛliches gelaͤchter fuͤr
die ſpectatores vnnd Zuſeher: Jhme dem
Pantaleon gereichte es zu einer ſo groſſen
lieblichheit vnnd wolluſt/ daß/ als er gefragt
ward/ wie es vmb ſeine Hoſen ſtuͤnde? er zur
antwort gab: Was frag ich nach denen Ho-
ſen/ wegen einer ſolchen lieblichheit ſoll einer
ſeiner Hoſen nit verſchonen/ vnangeſehen ſie
von lauter guldinen vnd ſilbernen ſtucken ge-
macht waͤren.
Einsmals zohen wir beyde in wehꝛender
Comedi in Krieg in vnſern Ruͤſtungen/ vnnd
es entran jhm vnuerſehens ein ſo ſtarcker vnd
vberauß lauter Leibsdampff/ daß ich nider zu
bodem fiel/ vnd vermeinte/ daß ich von einem
groben Geſchuͤtz getroffen war. Als ich nun
alſo gleichſamb todt lag/ kehrte mir mein al-
ter Herꝛ Pantaleon ſein Geſaͤß zu meinen
Ohren/ vnnd ließ abermals einen ſo ſtarcken
ſtreich gehen/ daß er mich mit ſchrecken wider-
umb vom Todt aufferweckte.
Einsmals hatte ich ein gar gute Bott-
ſchafft von meines Herꝛen deß Pantaleonis
Liebhaberin bey jhm zuuerꝛichten/ die ſparte
ich aber biß er in der Comedi vber Tiſch ſaß/
vnd ich wartete biß man jhm ein außbuͤndige
gute Turten fuͤrgeſetzt hatte/ als nun mich be-
dunckte daß es zeit war jhne vom Tiſch zu ja-
gen/ brachte ich jhm die obgedeute gute zei-
tung/ gleichſamb hette ichs allbereit vergeſſen/
vnd ich ſagte jhm daß er geſchwindt vnnd vn-
uerzogentlich zu ſeiner Liebhaberin kom̃en ſol-
te. Da lief er alsbaldt vom Tiſch zu ſeiner
Hertzallerliebſten/ dann dieſelbe war jhm vil
lieber/ dann 100. Turten/ Jch aber erwuͤſch-
te die Turten vnnd verſchluckte ſie in wenig
biſſen.
Diſer mein Herꝛ fing einsmals an ſich
zubeklagen/ daß jhm das eſſen nimmer recht
ſchmecken wolte/ vnnd beſorgte derwegen ſich
vorm vnuerſehenen Todt/ da gab ich jhm den
rath/ daß/ weil der Menſch je nicht weiſt/ wel-
che Mahlzeit ſein letzte ſein werde/ ſo ſolle er
bey jeder Mahlzeit gedencken/ ein jede ſeye die
letzte/ vnd ſolle derwegen bey einer jeden Mal-
zeit ein valete mahl halten/ vnd ſich ſticken vñ
wicken voll freſſen vnnd ſauffen/ damit er ein
gute kraͤfftige labung hette wann der Todt
mit jhm kaͤmpffen wuͤrde.
Jn einer andern Comedi befalch mir mein
Herꝛ Pantaleon/ dz ich ſeiner Liebhaberin ein
herꝛliche vnnd wolgeſchmackige Paſteten ba-
chen laſſen vnd heimbringen ſolte: Weil aber
ſie ſehꝛ vnflaͤtig war/ ſo kauffte ich zwey Haſel-
huͤner/ ging zum Paſteten Koch vnnd beſtelte/
daß er ſie in einem guten bruͤhlein kochen ſol-
te/ darneben aber gab ich jhm ein Geſtup/ wel-
ches den Leib vber alle maſſen pflegt zu reini-
gen vnd weidlich zu operiren, vñ zuwuͤrcken:
Diſe Paſteten brachte ich der Liebin/ die aß
ſie mit luſt gar auf vñ ließ nichts daruon vber.
Vngefaͤhrlich vber ein halbe ſtund hernacher
ſuchte ich ein gelegenheit dz ich ſie herfuͤr auff
die Binen brachte/ auff vnd nider mit jhꝛ ſpa-
cieren ging vnd mit einander conuerſirten.
Jn wehꝛender ſolcher vnſer conuerſation
wuͤrckte das geſtuͤpl der Paſtetẽ dermaſſẽ in vñ
bey jhr/ daß ſie anfing jhren Bauch zuklagen
vnd ſich zuſtellen/ als ob ſie ſich wolte retini-
ren vñ abwegs hinweg gehen wolte: Jch aber
erwiſchte ſie hinderwerts/ hebte jhr den Rock
auff/ vnnd hielte ſie ſo lang/ biß letztlichen ſie
anfing vnden vnnd oben außzuwerffen/ vnnd
den Zuſehern einen ſehꝛ lieblichen Biſem vnd
geruch zumachen. Das gelaͤchter war groß/ a-
ber der danck war klein/ dann mein Herꝛ gab
mir Bruͤgelſuppen zu freſſen.
Guſman erzehlt/ was er fuͤr ſeltza-
me Wirth vnnd Wirthshaͤuſer in
Teutſchlandt angetrof-
fen.
JN deme ich nun ſambt meiner Come-
diantiſchen geſellſchaft alſo hin vñ wi-
der in Teutſchlandt vmbzohen/ traf-
fen wir bißweilen wunderbarliche vnd ſeltza-
me Wirt vnd Wirthshaͤuſer an. Anfangs
verwunderte ich mich zum hoͤchſten/ als ich in
den groſſen vnd kleinen Staͤtten/ Maͤrckten
vnd Doͤrffern ſo vil Wirthshaͤuſer/ vnd ſchier
in allen denſelbigen nichts anders ſahe/ als
freſſen/ ſauffen/ geigen/ ſingen/ tantzen vnnd
ſpringen/ juchtzen vnnd ſchreyen/ dergleichen
ich weder in Hiſpania noch Jtalia nirgendts
geſehen/ da gedachte ich an jenen Tuͤrckiſchen
Abgeſandten/ welcher/ als er in der Faßnacht
in Oeſterꝛeich gen Wien kam/ vnnd ſahe den
guten muth/ welchen man mit mummereyen
vnnd andern eytelkeiten vnnd liderlichheiten
trib/ verwunderte er ſich zum hoͤchſten/ vñ als
er widerumb gen Conſtantinopil kam/ vnnd
ſein Herꝛ der Tuͤrckiſch Keyſer jhne fragte/
was er in Teutſchlandt guts geſehen hette?
antwortet er vnnd ſprach: Nichts anders hab
ich in Teutſchlandt geſehen/ als lauter Nar-
ren. Eben diſes fiel mir auch ein/ vnnd als
derwegen meiner mitgeſellen einer/ der ein
Engellaͤnder war/ mich fragte/ wie mir
Teutſchlandt gefiel? antwortet ich: Es ge-
faͤlt mir diſes Freß: vnnd Schlauraffenlandt
außbuͤndig wol/ dann man thut darin nichts
als freſſen/ ſauffen/ ſingen vnd klingen.
Je lenger vnnd weiter ich durchs Landt
reiſete/ je mehrere vnnd groͤſſere vnordnungen
ſahe ich an vilen orten mit den Wirthen/ vnd
in jhren Haͤuſern. Dann erſtlich ſahe ich/ daß
die Wirth gemeingklich die aller fuͤrnemb-
ſten in den Staͤtten vnd Maͤrckten/ ja die Ob-
rigkeit ſelbſt waren/ vnnd an ſtatt daß ſie jhr
Hauß nicht einem jeglichen Landtſtoͤrtzer of-
fen vnd frey ſtehen/ ſonder nur ehrliche/ zuͤch-
tige Gaͤſt beherbergen/ vnd einlaſſen/ vnd im
wenigſten nicht leyden ſolten/ daß wider zuche
vnd erbarkeit gehandlet werde/ ſo lieſſen ſie al-
lerhand Geſindel ein/ vnnd verwilligten/ ja
halffen darzu/ daß ſich jhre Gaͤſt wie die wil-
de vnnd vngehewre beſtien/ doll vnnd voll an-
ſauffen/ ſpilen/ rauffen/ balgen/ beſchaͤdigen/
roͤdten/ oder die Stiegen einfallen vnnd vmb-
kommen: Weil dann der Burgermeiſter/ der
Cam̃erer/ der Rathsherꝛ ſelbſt/ als ein Wirth/
ſolches thut oder zuſihet vnnd verwilliget/ ſo
iſt leichtlich zuerachten/ wie es ſonſten bey der
Burgerſchafft an ſolchen orten ſo richtig zu-
gehen muͤſſe.
Ferꝛner ſahe vnd erfuhꝛ ich wie erbaͤrm-
lich etliche Wirth jhre Gaͤſt vbernamen/
ſchindeten vnnd ſchabten/ jhrer etliche waren
dermaſſen grob vnnd vnuerſchambt/ daß ſie
denen Gaͤſten/ welche jhre Zech oder Mahl
alsgleich nit zuzahlen hatten/ entweder nach
Notturfft abſchmirten/ oder jhnen jhre Maͤn-
tel oder Wammes abzohen vnnd behiel-
ten.
Deßgleichen vermerckte ich bißweilen ein
ſehꝛ groſſe ſtoltzheit/ hoffart/ grobitet vnd vn-
beſcheidenheit an den Wirthen/ dann nit al-
lein empfingen ſie die Gaͤſt nicht freundtlich/
ſondern ſchawten ſie tuͤckiſch/ trutzig vnd ſtoltz
an/ als wolten ſie es durchfreſſen: Am Tiſch
ſetzten ſie ſich zum Gaſt nider/ vnnd halffen
jhm ſein Speiß vnd Wein verzehꝛen: an ſtatt
daß der Gaſt mit einer halben maß Weins o-
der Bier ſich benuͤgẽ ließ/ muß er ein oder zwo
Maß bringen laſſen/ nur damit der Wirth
ſein Gurgel ſchmiren vnnd ſeinen Wanſt de-
ſto beſſer fuͤllen moͤge: Durch diſes mittel
wirt der Gaſt in einen Wirth/ vnd der Wirth
in einen Gaſt verkehꝛt/ vñ nit der Wirth/ ſon-
der der Gaſt gibt dem Wirth/ bißweilen auch
der Wirthin/ zueſſen.
Ferꝛner ſahe ich/ daß der jenig/ welcher
nicht ordenliche Malzeiten oder ſonſten wa-
cker vnd liderlich zehret/ vnangeſehen es jhne
nit geluſtet oder im Beutel nit vermag/ kein
Ligerſtatt haben kan/ ſonder auff der Banck
oder beym Viech im Stall fuͤr gut nemmen
muß.
Nit weniger merckte ich ein jaͤmmerliche
vnnd erſchroͤckliche verfaͤlſchung deß liebſeli-
gen Getrancks vnnd ſonderlich deß Weins/
vnd einmiſchung der vnnatuͤrlichen dingen/
als Milch/ Brandtwein/ Kalch/ Schwefel/
Alaun vnd dergleichen. Jtem/ einen groſſen
Betrug mit zwey oder dreyfachen Kreiden an
die Wandt ſchreiben/ vnnd was geſtallt alles
auff rauben vnd ſtehlen gericht war.
Daran aber iſt nichts anders ſchuldig/ als
das/ wie ich an etlichen orten wargenommen/
mehꝛ Wirth vnd Tafernirer/ als Gaͤſt ver-
handen/ vnd daß nur heiloſe Leuth/ welche kei-
nen luſt zu ehꝛlichen Handthierungen/ oder
das jhrig allbereit verſchwendt haben/ vnnd
verdorbene loſe junge Buben ſeind/ zu Wirth
vnd Tafernirer werden/ vnnd ſich nur auffs
Menſchen ſchinden vnd Beutelzauſen legen
vnnd begeben: wie auch den Freſſern vnnd
Sauffbruͤdern alles aufftragen vnd fuͤrſetzen
was vnnd wie lang ſie woͤllen/ dann ſie fra-
gen nur dem Seckel vnnd Gelt nach/ ſuchen
vnnd verurſachen nur das allgemeine verder-
ben.
Jch ſahe auch/ daß die Wirth nit allein an
den meiſten orten im Rath vnnd Rohr ſitzen
vnd die Pfeiſſen nach jhrem gefallen ſchnei-
den/ ſondern auch daß ſie bißweilen auff dem
Landt darneben Richter waren/ was aber
durch ſolche Geltdurſtige vnnd ſelbſt reudige
vnnd inficirte Richter vnnd Wirth guts ge-
wirckt vnnd verurſacht werden koͤnne/ das laſ-
ſe ich andere erkennen. Dann an ſtatt daß ſie
die Bawren vnd Vnderthanen auff den rech-
ten Weeg richten/ beſchuͤtzen/ befuͤrdern vnd
vorm verderben verhuͤten ſolten/ ſo tragen ſie
den Bauren/ vnnd ſonderlich den vnuermuͤg-
lichen/ den Wein vnnd Bier nach der pauß
auff/ beyten vnd borgen jhnen/ vnnd ſchreiben
ſo lang mit zwyfacher Kreiden/ biß der Bawr
durch den Wirth vberheut/ jhm ſeine Guͤter
eingetzogen/ vnd ſambt Weib vnnd Kindt an
den Bettelſtab getriben wirdt.
Beſchließlichen ſahe ich/ daß gemeinglich
die Teutſche Wirthshaͤuſer ſchier nichts an-
ders waren/ als ſauff vñ freßhaͤuſer/ ſchind vñ
ſcherhaͤuſer/ darin nit allein die haaꝛ vñ Woll/
ſondern auch haut vnnd fleiſch vbers Gebein
vnd das jñerliche marck/ ſo gar auch die Seel
auß dem Leib geſogen wirdt. Darneben ſeindt
ſie gleich ſam̃ Teufelshaͤuſer/ Raub vñ Mort-
haͤuſer. Dañ wer luſt hat zuſehen/ was geſtallt
man einander raufet/ balget/ ſchlaͤgt/ Glaͤſer/
Kandel/ Schuͤſſel/ Teller vnnd Meſſer zum
Grindt wirfft vnd einander mutwilliglich er-
ſticht vnnd ermoͤrdet: wer zuſehen begert/ wie
man dem Teuffel diene vnnd Gott ſchende
vnd verſchwoͤre/ vnd wie man die Seelen dem
Teuffel ſchencke/ verkauffe vnd verwuͤnſche/
wer ein ort zuſehen begert/ da trew vnd ehr ein
end hat/ vnd alle Laſter/ Vnzucht vnd Gott-
loſigkeit einen anfang haben/ da Leib/ ehꝛ vnd
geſundtheit verlohꝛen wirdt/ da die Meta-
morphoſes oder abenthewriſche verwand-
lungen der Menſchen in vernuͤnfftige beſti-
en beſchehe/ der gehe in ein Teutſches vnor-
denliches Wirthshauß/ daſelbſt ſihet man
auch wie geſchleckig vnd verſchwendtlich biß-
weiln die patricij oder Geſchlechter/ wie auch
die ſchlimme vnnd gemeine Burger ſeyen/ in
dem ſie kein Hochzeit halten/ noch einige jan-
heimiſche Ladſchafft halten/ es ſey dann daß
ſie etliche Richt mit Wildtpraͤt vnnd zarten
Fiſchen ſpeiſen/ vnnd die gute Wein ſchaͤndt-
lich verderben/ auch nicht von einander ſchei-
den/ biß ſie ſtickendt vnnd wickendt voll ſeind/
vnnd auff den Gaſſen hin vnnd wider ſtorck-
len/ oder vnder den Armben heimbgefuͤhrt
werden muͤſſen: Vnnd das aller aͤrgiſt iſt/
daß die jenigen/ ſo es andern verbieten/ vnd
ſie darumb ſtraffen/ vnd jhnen ein gutes Ex-
empel geben ſollen/ ſelbſt die fuͤrnembſten
ſeindt.
Noch eins hette ich ſchier vergeſſen/ nemb-
lich das erſchꝛoͤckliche lange tiſchen oder lange
ſitzen vber Tiſch/ welches ich inn Teutſch-
landt geſehen: Dann an ſtatt/ daß in Jtalia
vnd Hiſpania man an der Fuͤrſten vnd Herꝛn
Taflen auffs laͤngſt nur zwo Stundt lang ti-
ſchet/ ſo ſchoppen vnd moͤſten die Teutſchen
jhꝛe Wampen vnnd Kothbaͤuch 6. 7. oder 8.
ſtundt lang vnder Tags. Jſts aber ein Nacht-
mahl/ ſo wehꝛets biß in 1. 2. oder dritte ſtundt/
vnd biß weiln an liechten tag. Nach dem man
auch letztlichen lang genug geſeſſen/ gefreſſen
vnd geſoffen hat/ vnnd man auffgeſtanden iſt/
alsdann fahet man erſt an ſtaͤndtlichs zuſauf-
fen/ vnd einander dermaſſen zuzudecken/ vnnd
abzufertigen/ daß ſie letztlichen in die Glaͤſer
ſpeyen/ vnd vnden vnd oben/ hinden vnd vor-
nen rinnent werden: Vnd eben diſes iſt der ed-
len Teutſchen beſte hoͤflichkeit vnnd trewher-
tzige tractirung/ vnd ſie vermeinen/ daß ſie nie-
mand zu Gaſt laden/ oder jhrem Freundt ein
ehꝛ anthun koͤnnen/ es ſey dann/ daß ſie durch
dz vollſauffen/ auß dem Menſchen ein Viech/
einen Vnflat/ einen Narꝛen ſimulachra
gentium, vnd Sawgoͤtzen der
Heyden machen.
Guſman erzehlt noch eygentlicher/
was er an vnderſchidlichen orthen
Teutſchlandts geſe-
hen.
TEutſchlandt iſt vberauß groß/ vnd hat
vnderſchidliche anſehenliche Prouin-
zen/ nemblich die Oeſterꝛeichiſche Lan-
den/ folgendts Bayrn/ Schwaben/ Fran-
cken/ Sachſen/ Weſtphalen. Die Oeſter-
reicher grainitzen jenſens mit Vngern/ vnnd
dißſeits mit Boͤhem vnd Bayrn/ der Tuͤrck
iſt jhr vnfreundtlicher Nachbar/ vnnd viſitirt
ſie bißweiln/ derwegen were zu wuͤnſchen/ daß
alle Tuͤrcken halb in Bayrn/ vnd halb in Oe-
ſterꝛeich weren/ das iſt/ daß ein jeder Tuͤrck
mitten von einander geſaͤblet/ vnnd der halb
Leib hieroben in Bayrn/ vnnd der ander inn
Oeſterꝛeich were ſo wurden ſie ob Gott will/
guten friden vor jhm haben/ dann ſie ſeindt
dem Tuͤrcken ſo feindt/ daß ſie jhne nicht an-
ſchawen moͤgen.
Was aber Bayrn belangt/ gedunckte mich
daß es das gelobte heilige Land war/ wegen der
ſo groſſen andacht/ die ich aller orten in den
Kirchen vnd Kloͤſtern verſpuͤrte/ Jtem wegen
der groſſen barmhertzigkeit/ welche gegen den
Armen begangen ward/ mit huͤlff vñ darꝛeich-
ung deß H. Allmuſens. Jtem wegen der ſo gar
guten Iuſtici, welche aldort meniglichen/ dem
armen ſo wol als dem reichen/ ohne allen re-
ſpect adminiſtrirt vnd ertheilt wirdt.
Auß Bayꝛn kamen wir in Schwaben/ vnd
Francken landt/ vñ ich verwunderte mich vber
die groſſe freyheit vñ macht der darin verhan-
denen Reichs ſtaͤtt/ deß Adels/ der Ritter/ Gra-
fen vnd Herꝛen ſtandts/ welche vm̃ keinen Fuͤr-
ſten nichts geben/ vnd mit jhren Keyſerlichen
priuilegijs vnd Freyheiten brauiren.
Sachſen iſt gleichfals ein herꝛliches vnnd
fruchtbares Landt/ im ſelben vnnd ſchier aller
anderer orten in Teutſchlandt gefiel es mir
außbuͤndig wol/ vnnd hette je nicht gemeint/
daß es ſolche anſehenliche Prouintzen weren.
Nur ein ding aber mißfiel mir/ nemlich jhr er-
ſchroͤckliches ſauffen vnnd voͤllerey/ welches
gleich wol kein wunder/ dann weil die Teut-
ſchen/ vnd ſonderlich die Sachſen/ von Na-
tur vil kuͤler vñ feuchter ſeind/ weder wir Spa-
nier oder die Welſchen/ ſo trincken ſie von na-
tur gern veꝛmengte getraͤnck/ nemblich Wein/
Bier vnnd Moͤth/ vnnd diſes Getranck pfle-
gen ſie theils zu trincken/ theils aber zu ſauf-
fen/ vnd einander gleichſamb hinein zunotti-
gen/ vermittelſt deß zubꝛingens/ vndeꝛm ſchein
der Lieb vnnd Freundtſchafft/ dardurch a-
ber werden ſie in ein Viech vnnd vngeheure
beſtien verwandelt/ vnnd kommen daruͤber
vmb Leib/ Ehꝛ vñ Gut/ vnd bißweiln vmb die
Seel. Dann ſchir in allen groſſen Herꝛn Hoͤf
vnd Tafeln/ vnd in allen Hochzeiten/ Gaſte-
reyen vñ zuſam̃enkuͤnfften thut man einander
mit groſſen Geſchirꝛen empfahen vnnd will-
komb heiſſen/ mit groſſen Geſchirꝛen ehꝛet vñ
tractiert man einander/ vnnd mit groſſen
Glaͤſern dancken ſie einander ab. Jn den
ſchlampodien/ ſchlemmereyen/ collationen/
beylagern vnnd ſchlaftruͤncken verbringen ſie
ein jaͤmmerliches fretten/ ſupen/ ſchlemmen
vnd demmen/ koͤchlen vnnd groͤltzen einander
zu ehꝛen vñ zugefallen trincken ſie vber macht/
damit ſie Gott erzuͤrnen/ vnd jhꝛe ſelbſt eygne
Leibsgeſundtheit/ Sinn/ Witz vñ Verſtandt
verlieren. Einem vngehewren Menſchen
erfuͤllen ſie ſeine begeren vnd willen/ vnnd laſ-
ſen das Gebott vnd Willen deß allerhoͤchſten
Gottes im Himmel fahren.
Nicht allein ſauffen ſie auß den großmaͤch-
tigen/ ſeltzamen vnnd vngeheuren Bechern
vnd Glaͤſern/ ſondern auch/ wann die Nar-
ren voll vnnd doll worden/ auß jhren Schu-
hen/ Filtzhuͤten/ Struͤmpffen/ Stifeln/ ja
Bruntz- vnd Seichkacheln/ wie die Saͤw vñ
Schwein/ ſauffen ſich in einem einigen Tag
oder nacht vol vnd widerum̃ nuͤchtern vñ wi-
derumb voll/ hofiren vnd ſpeyen darneben wie
die Gerberhuͤnd.
Nichts iſt mir auch naͤrꝛiſcher fuͤrkom̃en/
als eben daß ſie einander wegen deſſen oder je-
nens geſundtheit/ voll vnd Kranck ſauffen/ vn-
angeſehen es dem andern/ von deſſen wegen
ſolche Ruͤndt Truͤnck beſchehen/ im wenigſten
nichts hilfft. Ohne zweifel haben ſie vom
Teuffel/ ſolche geſundt- oder Sauff kunſt/ ge-
klaubt/ vnd iſt ein Teuffeliſches/ Viehiſches/
vnnatuͤrliches weſen vnd allergroͤſte thoꝛheit.
Daß man auff Hochzeiten oder Cõmiſſio-
nen der Fuͤrſten vnnd Herꝛen (vmb welcher
willen ſolche Commiſſiones oder Tagſatz-
ungen angeſehen ſeind) mit etwan einem klei-
nen Glaͤßl mit Wein im beſten gedencket vñ
einen Rundtrunck thut/ das ging dannocht
hin/ aber von jhrer geſundt wegen ſo vil vnnd
lang ſauffen/ daß man vber Tiſch den angſt-
ſchweiß ſchwitzet/ erſchwartzet vnd zerſchnel-
let/ das hilfft nicht allein den Fuͤrſten nichts/
ſonder ſie verſpottens/ vnd ſehens vnd habens
vngern/ wann ſolche jhre Diener oder Landt-
ſeſſen ſich ſelbſt alſo ſchaͤndt- vnd vnnuͤtzlicher
weiß verderben vnd den Halß abſauffen/ von
jhrentwegen/ dann fuͤrwar/ die affection
vnnd trew gegen den Fuͤrſten vnd Herꝛen be-
ſteht vnd hafftet nicht im ſauffen noch in der
fuͤllerey/ ſonder in der nuͤchtbarkeit/ verſtandt
vnd vernunfft.
Noch eins iſt auch laͤcherlich/ daß ſie/ wañ
ſie dz gantze jaꝛlang vnmaͤſſiglich gnug gelebt/
vñ alles hinein geſoffen vñ gefreſſen habẽ/ ver-
meinen/ daß/ wañ ſie zur Ader laſſen/ aller ſol-
cher vnrath als gleich durch das kleine Loͤch-
lein der troͤffneten Ader alsbald geſchwindt
vnnd im huy/ vnangeſehen ſie lang daran
geſamblet haben/ widerumb hinauß rinnen
werde.
Guſman erzehlt/ was er an den
Teutſchen Weibern vnd Jungk-
frawen geſehen.
DAs Leben der Maͤnner iſt ein Ex-
emplar jhrer Weiber/ iſts derwegen
gut/ ſo ſchlagẽ jnen die Weiber nach:
Jſts aber boͤß/ ſo ſeindt ſie gleichfals boͤß:
Wie derwegen die Teutſche Maͤnner/ ob-
verſtandener maſſen/ gemeingklich durſtige
Seelen haben vnnd derwegen dieſelbigen in
den Wirthshaͤuſern vñ Schlampodien laben
vnd erkuͤlen/ alſo thuns auch an vilen orten jre
Weiber/ ſauffen ſich nebẽ jren Maͤñern in of-
fentlichen Wirtshaͤuſern auff den Hochzeiten
vñ Gaſtereyen ſticken vñ wicken voñ/ vnd ha-
ben nit allein das erſte geſchwetz vnd geſchrey/
ſonder ſeind auch die erſten in allen Schuͤßln/
Kanten vnd Glaͤſern/ doll vñ voll/ ehe vnd be-
uoꝛ die Maͤñer recht anfahẽ zutrincken/ ſingen
grobe noten/ oder machen ein ſaubers waſſer-
baͤchl vndern Tiſch: ſo gar nemen ſie jre Kin-
der/ Soͤhn vñ Toͤchter gemeinglich mit ſich:
damit ſie deß ſchlem̃ens bey zeiten gewonẽ vñ
nit auß der art ſchlagen: darauß aber erfolgt/
dz ſolche Toͤchter vnd Jungfraͤwlin ſich der-
maſſen anfuͤllen/ dz ſie vber ſiben werffen (das
heiſt aber ein Jungfrawtruͤncklein) vnd ſambt
jrer Mutter auff offner Gaſſen vnnd plaͤtzen/
blitzblatz voll herumb ſtoͤrcklen vnnd jhre vol-
lerey meniglichen vnuerſchambter weiß ſehen
laſſen/ ſamb were es jhnen ein ehꝛ.
Weil derwegen die Weiber ohne das
von natur ſchwach vnnd bawfaͤllig ſeindt/ ſo
werden jhre Leiber durch ſolche voͤllerey de-
ſto leichter fail vnnd frey: Die Jungkfrawen
tragen deſto ſchweꝛer an jren Jungfraͤwlichen
kraͤntzlein/ verzetten es bißweiln durch die voͤl-
lerey/ auff den Hochzeiten/ Taͤntzen/ vnnd
anderſtwo. Deßgleichen vergeſſen die Ehewei-
ber in ſolcher voller weiß jhre trew vnnd ehr/
tretten auß dem Geſchirꝛ/ werden Schlep-
ſaͤck/ vnd ſetzen jhren Maͤnnern Bockshoͤrn er
auff/ zumaln wann dieſelbigen jhnen verwil-
ligen vnnd zuſehen/ daß ſie circularia oder
Krantzmahl halten/ jhꝛe vertrawteſte vnd beſte
Geſpilen vnd Tautzſchweſtern darzu laden/
vnd jhnen dardurch jhre ſubſtantz auß dem
Beuttel vernaſchen vnd ſo gar verſpilen moͤ-
gen/ dardurch dann ſolche Weibernarꝛen vnd
F. Liendl deſto ehender auff Straßburg vnd
Bettelberg zuziehen fertig werden.
Eben diſes freſſen vnd ſauffen der Weiber
machet/ daß man nirgendts feiſtere/ dickere/
großwampetere Bauchkloͤtz vnder jhnen fin-
det/ als eben in Teutſchlandt/ dann auß dem
beſtialiſchen jm̃erwehꝛenden Fleiſchfraß vnd
fleiſchzigel erfolgẽ ſolche großmaͤchtige groß-
batzende/ anſehenliche/ aber kleinwitzige vnnd
vnhaͤußliche Weiber/ faule vnnd zu nichtem
nuͤtzige Maͤnner.
Einsmals ſahe ich ein ſolche großmaͤchti-
ge/ dickt/ faiſte vnnd ſchoͤne Fraw/ vnnd ich
fragte mein Wirthin/ was doch dieſelbe Fraw
guts eſſe/ ſeytemal ſie ſo ſchoͤn vnd faiſt were?
Sie antwoꝛtet: Verwundere dich deßwegen
nicht/ dann jhre Klugheit vnnd Maͤſſigkeit
machet ſie ſchoͤn vnd faiſt/ vnd in jhꝛen Kindt-
bethen iſt ſie vil eingezogner/ deñ andere Fra-
wen/ vnd weil jhꝛ geſagt woꝛden/ daß die dew-
ung im Magen zu morgen fruͤh bey ſuͤſſem
ſchlaf geſchehe/ ſo aß ſie worgens fruͤh vmb 3.
Vhꝛ/ oder ein wenig daruor ein Suppen mit
drey Eyer/ vnnd jhren Specereyen darein/
ſchlieffe darauff biß auff fuͤnff vhr/ vnnd weil
ſie zu ſolcher Stundt jhꝛ Kindt ſaͤugen ſolte/
damit jhr nicht etwan ein Ohnmacht oder
ſchwaͤche zuging/ nam ſie ein Eyermuß von
drey Eyern/ ſambt einer guten Hennenſup-
pen zu jhꝛ. Vmb die ſibne/ bracht jhꝛ die pfleg-
amm ein bar friſche Eyer/ vmb neun Vhr ein
gutes Dotterſuͤple/ mit Specereyen vnnd et-
lichen Straͤublen/ mit einem guten Trunck
gerechter Traminner/ der wermet die Mut-
ter wol. Hierauff folget das mittagmahl mit
einem Kopaun/ etliche gebratne Voͤgel/ ein
wild Rephuͤnl/ vnd zum beſchluß ein Silber-
ne Schal mit Wein vnd Brot vberſchuͤtt/ mit
einem Triſet/ das iſt/ mit Zucker vnd allerley
Specerey vnder einander. Hierauff ging ein
Schlaͤfle/ nach welchem wider das Kind ſau-
gete/ vnd ſie vmb ein vhꝛ etliche Brandtkuͤchl/
ſambt einẽ guten trunck Wein zu ſich name.
Vmb 3. vhꝛen folget die Moͤꝛend oder jauſen/
nem̃lich ein gebratenes Kopaͤunl/ neben einem
ſchuͤſſele voll kleiner Fiſchen/ Grundlen/ vnd
Pfrillen vnder einander/ dañ man diſe gar fuͤr
geſund haͤlt/ vnd die Moͤrend ohne das etwas
ſeltzambs vñ luſtigers als die andern Malzeitẽ
ſein ſol. Der Moͤꝛend beſchluß war jhr Wein
vñ Brot mit Triſet. Vm̃ 5. vhꝛ/ als das Kindt
wider ſaugen ſolle/ als ſie der ſchwaͤche fuͤrzu-
kom̃en/ ein gutes Eyerkuͤchle/ vnd ein Trunck
Wein/ hierauf dz Nachtmal mit 5. oder 6. ſpei-
ſen/ geſottens vnd gebꝛatens/ auch mit etlichen
kleinẽ Aeſchlein oder Foͤrchlein/ oder geroͤſten
Dolmen/ weil diſe gar geſunde Fiſchlẽ fuͤr die
Kindbetterin ſein ſollen. Vnd damit ſie deſto
luſtiger zum eſſen wer/ ladet vnnd beruffet ſie
jhren Mann zu jhr/ der jhr Geſellſchafft lei-
ſtete. Vmb ſiben vhr gegen Nacht trancke
ſie nur ein gute Koppenſuppen. Vmb neun
vhr vor dem Schlaf vnnd vor dem Kindt-
ſaugen/ namb ſie widerumb etlich Brandt-
kuͤchlein/ dann ſie ſagte/ daß ſie auff die
Nacht gering vnnd gut zuuerdewen ſein/
vnd beſchloſſe mit einem Wein vnnd Brot/
vnnd Triſet. Wann ſie aber vmb mitter
Nacht erwachte/ lieſſe ſie jhr ein gutes Dot-
terſuͤple mit Specereyen machen/ vnnd diß
war der Beſchluß deß vberauß maͤſſigen
vnnd eingezogenen Lebens diſer Frawen in
der Kindtbeth. O ſchoͤne maͤſſigkeit vnnd
Eingezogenheit. Weil dann im Teutſch-
landt die maͤſſige Weiber in der Kindtbeth
alſo leben/ ſo iſt leichtlich zuerachten/ wie
die vnmaͤſſige zu leben vnnd ſich zuuerhalten
pflegen.
Wuͤnſchen wolte ich/ daß vnſerer Span-
niſcher gebrauch vñ Artzney auch in Teutſch-
landt vblich were/ dañ wir habẽ ein ſonderbaꝛe
Guͤrtel vñ gewiſſe Maß/ mit dern man jaͤhr-
lich alle ledige vñ andere weiber (außgenom̃en
die Schwangern) vmbguͤrtet/ vnnd die jeni-
gen/ welche jhre Wampen vngebuͤhrlich an-
geſchopt haben/ offentlich auff den Pranger
ſtellet/ damit jhre Wampen vnd groſſe Baͤuch
wol geſehen werden.
Woferꝛn die Artzney in Teutſchlandt pra-
ctiſirt wuͤrde/ ſo wurden verhoffentlich alle
fruͤchte der Erden/ deß Luffts vnd deß Waſſers
beſſer erſprieſſen/ alle ding wolfailer werden/
vnnd nit ſouil ſauffſucht vnnd Kranckheiten/
nem̃lich die Waſſerſucht/ der Auſſatz/ die vn-
ſinnigkeit/ die melancoley/ vergicht/ ſchlaf-
ſucht/ der Schlag/ das zittern/ die Laͤme vnnd
kruͤmme der Haͤnden/ die hitzige vnnd gifftige
Fieber/ vnd der gaͤhe Todt regieren.
Guſman erzehlt/ wie es jhm vnnd
ſeiner Geſellſchafft in Weſtphalen ergangen/
vnd was ſie einem Jubilirer zu Luͤt-
tich fuͤr einen boſſen
geriſſen.
ALs wir gantz Oberteutſchlandt/ durch-
ſtrichen hatten/ kamen wir letztlichen in
Weſtphalen/ daſelbſt gings vns vbel/
dann etliche Waloniſche Freybeuter begeg-
neten vns auff der Straß nach Muͤnſter/
vnnd namen vns nicht allein vnſeren Come-
diantiſchen Zeug vnd Kleider/ ſondern zohen
vns auch alle vnſere Leibskleider biß auff das
Hem̃et auß. Vñ weil ſich vnſer obriſter Mei-
ſter Pantaleon wolte zur wehꝛ ſtellẽ/ ſo ward er
in der furi erſchoſſen: Das beſt war/ dz vnſers
Meiſters Fraw/ namens Lucretia/ allbereit
den Tag zuuoꝛ vorangezogen vnd all jhre vnd
jhꝛes Manns Barſchafft vnnd Kleinoder mit
ſich gen Muͤnſter in die Statt gebracht hatte/
ſonſten were es den Freybeutern gleichfals zu
theil woꝛden. Jn diſer armſeligen vnd bloſ-
ſen geſtalt kamen wir gen Muͤnſter (welches
die Hauptſtatt inn Weſtphalen vnnd deß
Biſchoffs Reſidentz iſt) vnnd wurden durch
huͤlff vnſers vmbbrachten Meiſters Fra-
wen widerumb geklaidt. Jn wehrendem
vnſers Meiſters Lebzeiten hatte ich vilmals
ein freundtliches Aug auff ſein Fraw geworf-
fen/ deßgleichen ſie auff mich/ derwegen ge-
dunckte mich an jetzo ein rechte zeit zu ſein/
daß ich meinen Angel außwuͤrffe/ vnd mein
heyl verſuchte/ damit ſie mir zu theil wur-
de: Mein intent vnnd verlangen gerieth
mir/ dann ſie war willig/ vnnd wir ver-
ehelichten vns mit einander anfangs heim-
lich/ folgendts offentlich: Jch vberꝛedete
auch meine Geſellen/ daß wir von dan-
nen durchs Niderlandt vnnd Franckreich/
folgendts in Hiſpanien gen Valentia auff
deß Koͤnigs Philippi deß dritten Hochzeit/
die er mit deß Ertzhertzogs Caroli Tochter
Fraͤwlein Margret halten wurde/ ziehen/ vnd
daſelbſt mit vnſern Comedien vil Gelts loͤſen
wolten.
Weil aber wir Geltloß waren/ vnnd
mein Fraw jhre Kleynodien vngern her-
gab/ ſo gedachte ich auff alle Mittel vnnd
weg/ damit wir Gelt zuwegen bringen:
vnnd mit Ehren weiter kommen moͤch-
ten. Einsmals vnder wegs begegnete vns
ein ſehꝛ ſchoͤner junger anſehenlicher/ a-
ber zerꝛißner vnnd vbelgekleidter Menſch/
der ſahe vns fuͤr Herꝛen an/ vnnd bate vmb
ein Allmuſen: Jch gab jhm eins/ vnnd
gab jhme zuuerſtehen/ daß/ woferꝛn er vn-
ſern Rath folgen/ vnnd alles das jenig thun
wolte/ was wir jhm befehlen wurden/ wir
jhne in Sammet vnnd Seiden kleiden vnnd
einen anſehenlichen Grafen auß jhme ma-
chen wolten. Das hoͤrte er gern vnnd gab
ſeinen willen darein. Da kleideten wir jh-
ne in lauter Sammet vnd Seiden/ henckten
jm ein ſcilicet guldene Ketten an halß/ gaben
jhm gnug zueſſen vnd zutrincken/ vnd als wir
gen Luͤttich in die Statt kamen/ zohen wir in
ein ſtattlichs Wirtshauß ein/ vnd lieſſen vns
herꝛlich tractiren: Jetzt vermelter junger
Kerl war vnſer Herꝛ/ wir hieſſen jhne einen
gnaͤdigen Herꝛn/ biegten vnd buckten vns vor
jm/ vñ erzeigten jm aller orten auf der Gaſſen
vñ im Hauſe alle gebuͤrliche reuerenz. Eins-
mals als wir beyſam̃en zu Tiſch ſaſſen/ weid-
lich zechten vnd vnſern Grafen voll ſoffen/ ich
aber ſambt meiner Geſellen einen baten den
Wirth/ daß er vns doch zu etwan einem Ju-
bilierer fuͤhren wolte/ der allerhandt ſchoͤ-
ne Ring vnd edle Geſtein hette/ ſeytemal vn-
ſer gnaͤdiger Herꝛ voꝛhabens were vmb etlich
tauſent Gulden werth zukauffen: Der Wirth
brachte vns geſchwind einen zu wegen/ der
zeigte vns außbuͤndige koͤſtliche Kleinoder/
ſo biß inn 10000. Gulden werth waren:
Jch nam ſie zu mir/ ging zu vnſerem am
Tiſch ſitzenden Herꝛen Grafen/ vnnd ſtellte
mich/ als wolte ich jhms zeigen vnnd fra-
gen ob ers kauffen wolte: Kam aber wider
zum Jubilirer ſambt den Kleynodien vnnd
gab jhm zuuerſtehen/ daß ſie jhrer Gnaden
dem Herꝛen Grafen nicht vbel gefielen/ a-
ber weil er allbereit einen guten rauſch hette/
ſo koͤnne er gleich jetzo keinen Kauff mit jh-
me treffen/ Jnnmittelſt moͤge er ſeine Kley-
noder wol widerumb mit ſich heimb nemen
vnd vber ein Stundt oder zwo wider kom̃en.
Der Jubilirer war hoͤflich vnd ſagte/ er woͤl-
le gleichwol wider kommen/ aber die Kley-
noter moͤge man wol ſo lang behalten vnnd
nach notturfft beſchawen. Das war nun
eben das rechte/ was wir ſuchten vñ begerten/
dann alsbaldt ich die Kleynoter inn meine
Haͤnd bracht hatte/ gab ichs meinen Mitge-
ſellen heimblich zuuerſtehen/ vnd ſie vnnd ich
ſtahlen vns allgemach einer nach dem andern
auß dẽ Wirtshauß/ vñ auß der Statt/ lieſſen
vnſeren gnaͤdigen Herꝛen den Grafen an dem
Tiſch ſchlaffendt ſitzen/ vnnd eylten auß dem
Luͤtticher Gebiet.
Vber zwo Stundt hernacher kam der Ju-
bilirer/ vnnd begerte audientz beym Herꝛn
Grafen/ weil aber kein einiger ſeiner Diener
verhanden war/ der Graf noch ſtarck ſchlief/
vnnd der Wirth vermeinte/ daß wir Diener
ſonſten in der Statt ſpacieren gangen waren/
ſo ermahnte er den Jubilirer zur Gedult/ je
laͤnger nun der Jubilirer wartete/ je weni-
ger vnnd langſamer kamen wir Diener wide-
rumb heimb/ derwegen verluhr er vnnd der
Wirth die Gedult/ wolten auch laͤnger nicht
warten/ ſondern gingen inns ſchlaffenden
Herꝛen Grafens Zimmer/ weckten jhne auff/
vnd fragten jhne/ ob er die Kleinoͤder gedaͤchte
zu kauffen? Er gab zur antwort/ daß er vmb
keine wiſſe/ aber man moͤchte ſeinen Hofmei-
ſter fragen. Man wartete denſelben gantzen
Abent biß in die Nacht auff den Hofmeiſter/
weil aber weder derſelb noch kein anderer
Diener kam/ ſo beſoꝛgten ſie ſich der ſchalck-
heit/ namen letztlichen den Herꝛen Grafen
beym Kopff/ legten jhne in ein Gefaͤngknuß
vnd beſprachten jhne guͤt-vnnd peinlich: Der
bekennte gleichwol alles was ſich mit jhme
vno ſeinen Leuthen verloffen/ vnd was geſtallt
ſie jhne von ohngefaͤhr/ auff der Straſſen auf-
geklaubt/ zu einem Grafen gemacht/ ſtattlich
gekleidt/ in diſes Wirthshauß gebracht vnnd
vollgeſoffen/ aber daß jhm weder vmb die
Kleinoͤter/ noch vmb ſein Leuth/ vnnd wohin
ſie kommen/ im wenigſten nichts bewuſt we-
re. Dem allem vnangeſehen aber ward deß
Herꝛen Grafen gnad mit Ruthen auß der
Statt gehawen/ vnd muſte der Wirth ſein
Gelt/ vnd der Jubilirer ſeine Klei-
noter verlohꝛen ha-
ben.
Guſman vnnd ſein Comediantiſche
Geſellſchafft kombt gen Amiens in Franck-
reich/ zeucht von dannen in Hiſpanien gen
Valentz ꝛc. wirdt daſelbſt gefangen
vnd zum Galgen ver-
urtheilt.
DEr boſſen mit dem Jubilierer war
vns gerathen/ vnnd ich brachte einen
anſehenlichen Schatz an Kleino-
dien zuwegen/ vnnd kam darmit gen Ami-
ens inn Franckreich/ daſelbſthin verfuͤg-
ten ſich auch meine Geſellen veranlaſter
maſſen: Wir zohen aber nicht inn einer-
ley Herberg/ damit wir nicht von Luͤttich
auß verkundiſchafft wuͤrden. Von dannen
zohen wir auff Paris/ folgendts durch Ga-
ſconien vnnd Nauarra, vnnd erꝛeichten
letztlichen die Hiſpaniſche grainitzen/ daſelbſt
vermeinte ich ſicher zuſein/ verkauffte einen
guten theil vnſer Kleinoͤter/ kleidete mich vnd
meine Geſellen ſehꝛ ſtattlich vñ verſahen vns
nicht allem deme/ was zu agirung aller ſchoͤ-
nen vnnd kurtzweiligen Comedien gehoͤrte.
Mein Fraw Gemahl zohe mit vns/ vnnd wir
hatten aller orten einen herꝛlichen vnnd guten
muth/ lebten ſtattlich/ vnd ſparten weder den
Wein noch Gelt/ dann wir hattens leichtlich
gewunnen.
Mein Fraw war ein Teutſchin vnnd deß
ſauffens gewohnt/ deßgleichen ſpaꝛtens meine
Geſellen auch nicht/ vnnd weil es damals in
Hundtstagen vnd ein vberauß heiſſe zeit war/
ſo war der durſt meiner Frawen deſtogroͤſſer/
denſelben loͤſchte ſie ſo lang/ biß ſich Lung vnd
Leber in jhꝛ entzuͤndete/ erkranckte/ inn wenig
tagen zu Liſabona in Portugal diſem Leben
vrlaub gab vnd jhꝛe Taͤg mit vollendung deß
Todts beſchloſſe.
Diſes war nun das andermal/ daß ich
verwittibt vnd bereichert ward/ dann ich war
nunmehr ſelbſt ein Patron vnd Obriſter Co-
mediant/ hatte vil Gelts vnd Kleinoder/ aber
es wehꝛete nicht lang/ dann ehe vnd beuor ich
vnd mein Geſellſchafft die Statt Valentia
erꝛeichten/ war es meiſten theils verſchlembt/
verſpilt vnd verthan. Daſelbſt zu Valentia
ward deß vorbemelten Koͤnigs Philippi
Hochzeit gehalten/ vnd ich hielt ein Comedi
vnd Tragœdi, vnnd ward dardurch ſehr be-
kandt/ beruͤhmbt/ vnnd von ſchoͤnen Frawen
geliebt/ vnd ſonderlich von einer die hieß Jſa-
bella/ die war auch außbuͤndig vnd dermaſſen
ſchoͤn vnnd holdtſelig/ daß ich mich inn ſie
vernarꝛete vnd ſie zur Ehe nam/ aber mit mei-
nem euſſerſten ſchaden vnnd verderben/ dann
ſie war faul/ zerhafft/ vernaſcht/ gail/ hoffaͤrtig
vnnd vnerſaͤttlich: Alles was ich jhr gab/ war
zu wenig/ nichts wolte bey jhꝛ erſpꝛieſſen/ dann
ſie henckte es alles jhren alt bekandten ſerui-
dorn vnnd Galanen an/ dardurch ward ich
geſchwindt fertig/ Vnnd weil ich jhr nichts
mehr hatte zugeben/ vnnd ſie jmmerdar vil
wolte haben/ ich auch jhr nichts verſagen o-
der abſchlagen doͤrffte/ ſo begab ich mich a-
bermals auffs ſtehlen vnd rauberey. O wie
recht vnnd wol hat der weiſe Mann geſagt/
daß drey ding vnerſaͤttlich ſeind/ nemblich die
Hoͤll/ ein vnkeuſches Weib/ vnnd die Erde/
keinen vnderſchid machet er zwiſchen jhr vnd
der Hoͤllen/ von der Hoͤllen vnerſaͤttlichkeit
redet Zacharias vnd ſpricht: dilatauit infer-
nus animã ſuam, & aperuit os ſuum abſ-
que vllo termine: Als wolte er ſagen/ die
Hoͤll hat jhren ſchlundt dermaſſen weit auff-
gethan/ daß/ ob ſchon noch ſo vil hundert tau-
ſent Seelen hinein kommen/ doch mans nicht
verſpuͤret oder mercket. Zugleich er weiß auch
wie die Hoͤll pfleget die Seelen nicht allein zu
ſich zunemmen/ ſonder auch in jhꝛen Flam̃en
zubrennen/ vnd zupeinigen: Alſo ſehen wir/ dz
ein vnkeuſches Weib niemaln erſaͤttigt wird/
jhre Buler in jhren begirlichkeiten zuuerbrin-
nen zupeinigen vnd zumarteren.
Vilaͤrger iſt das Fewr deß boͤſen Weibs/
weder das Fewer der Hoͤllen/ dann das Hoͤl-
liſche Fewer brauchet dannocht ein diſcre-
tion vnd beſcheidenheit/ vnnd peiniget einen
jeden/ nach ſeinen verdienſten/ aber das Fewer
vnd die ſchnoͤde Begierd vnd Geitz eines boͤ-
ſen Weibs peiniget ſo wol jhren ehelichen als
vnehelichen Mann. Das Hoͤlliſch Fewer
peiniget die Verdambten/ wegen der beleidig-
ungen/ die ſie wider Gott begangen/ aber ein
boͤß Weib peiniget jhren Liebhaber wegen de-
ren jhr erwiſenen guten dienſten/ Jnmaſſen
auch mir beſchehen/ dañ je mehꝛ ich diſer mei-
ner Jſabella guts thate/ je mehr ſie mich pei-
nigte/ außmergelte vnnd verurſachte/ daß ich
ſambt meinen Geſellen den Leuthen bey der
Nacht jhre Maͤntel vom Leib riſſe/ verkauffte
vnnd das darauß geloͤſte Gelt meiner ſchoͤnen
Frawen anhenckte.
Diſes mein Nachtgejaidt/ Kappenrucken
vnnd Maͤntel ſtehlen trib ich ſo lang/ biß
man mich letztlichen erdapte/ befaͤngknuſte
ernſtlich beſprachte vnd zum Galgen verur-
theilte/ welches dann eben das rechte war/ dar-
nach ich jederzeit ſo ſehr gerungen: We-
re mir auch ohne zweifel zu theyl worden/
woferꝛn ich nicht erbetten worden we-
re/ jnmaſſen auß nachfolgendem
Capitel zuuernem-
men.
Guſman wirdt in der Gefaͤngknuß
heimbgeſucht/ getroͤſt/ hinauß zum Galgen
gefuͤhrt/ aber erbetten vnnd auff
die Galeen verur-
theilt.
JN wehrender meiner Gefaͤngknuß
hoffte ich jmmerdar der erledigung/
ſeytemal ich inn der außgeſtandenen
tortur mehrers nicht bekennt hatte/ als den
erſt newlich mit den Maͤnteln begangenen
Diebſtal/ aber einsmals viſitiert mich ein
Beyſitzer deß Hofgerichts/ diſcurierte mit
mir von meinem Handel vnd ließ ſich darne-
ben vernemen/ daß ich gar wol verdient hette/
daß man mir das Prouiant Hauß verſperꝛte.
Das vberhoͤꝛte ich gleichſamb vnnd verant-
wortete es ſonderbars nicht: Derwegen vnnd
damit ich jhne noch beſſer verſtehen ſolte/ ſo
redet er gar vil von den heiloſen Leuthen vnnd
Landtſtoͤrtzern vnnd ſagte/ daß es je ein boͤſer
handel were/ dann was ſolche Geſellen lang
an den Fuͤſſen erſparen/ das muͤſſen ſie letztli-
chen an dem Halß erſparen. Diß wolte ich
noch nicht recht verſtehn noch einnemen/ ſon-
dern nams inn ſchertz auff: Derwegen gab
er mir letztlichen zuuerſtehn/ dz ich mich wol
gehaben ſolte/ ſeytemal man mich baldt auß-
laſſen/ erhoͤhen vnnd in Lufft arreſtiren laſ-
ſen wurde: Jch fragte vnnd bate jhne/ daß
er mir doch eygentlich ſagen wolte/ wie ers
vermeine/ vnd wie es muͤglich were/ daß man
einen in die Lufft verarꝛeſtiren koͤnne? Aber
er laͤchelte/ nam vrlaub von mir/ vnnd ſagte/
daß gar baldander Leuth zu mir kommen vnd
mir ſein mainung erklaͤren wuͤrden. Da
fing ich erſt an zu zweiflen/ vnd gedachte daß
er villeicht durch die obberuͤhꝛte Phraſes das
hencken vermeint haben moͤchte/ derwegen
machte ich mir je laͤnger je mehꝛ boͤſe Gedan-
cken/ gedachte zu ruck/ hinder mich vnnd fuͤr
mich/ das vergangene/ das gegenwertige vnd
zukuͤnfftige: O hette ichs ehe gethan/ ſo wur-
de ich mich an jetzo in keinem ſolchen boͤſen
Standt befunden haben: Aber leyder/ es war
nunmehr zuſpat/ derwegen vnd weil ich Gott
meinen Herꝛen ſo offt vnd vilmals verlaſſen/
vnd gleichſamb mit gewalt von mir geſtoſſen
vnd getriben hette/ ſo gedunckt mich an jetzo/
daß er mich gleichfals verlaſſen/ vnnd ſein
Goͤttliche Hand von mir abgezogen hatte/
dannenhero fing ich an mich ſehr vbel zuge-
haben/ vnnd gleichſamb in verzweiflung zu-
gerathen.
Als ſolches der Kerckermeiſter vermerckte/
holte er zween Barfuͤſſer Muͤnch/ deren ei-
ner fing an von weittem mit mir zu diſcur-
rieren, vnnd mich vmb meine gelegenheit
vnnd anligen zu fragen/ vnd als er vermerck-
te/ daß ich faſt kleinmuͤtig war/ ſprach er:
Mein Freundt/ du ſolleſt wiſſen/ daß der
Teufel vnſer abgeſagter feind vns Menſchen
mit allerhand verſuchungen/ vnnd ſonderlich
mit zweyerley anfichtet: Mit der einen treibt
er vns zu der vermeſſenheit/ vnnd mit der an-
dern zu der verzweiflung.
Was das erſte/ nemblich die vermeſſenheit
belangt/ ſihe vnnd ſpuͤre ich an dir/ daß
der boͤß Feindt dich von deiner zarten Ju-
gendt hero dermaſſen vberredt vnnd einge-
nommen/ daß du inn deinen Suͤnden/ La-
ſtern vnnd boßheit jederzeit halßſtarꝛigklich
beharꝛet/ vnnd dich vor der allen Gottloſen
betrohten Goͤttlichen Straff im wenigſten
gefoͤrcht haſt/ vnnd biſtu derwegen biß dato
eben der jenig geweſt von welchem geſchriben
ſtehet: Peccator cum in profundum vene-
rit: contemnit.
So vil aber das ander/ nemblich die ver-
zweiflung belangt/ wann die Vbelthaͤter letzt-
lichen inn die Haͤnd der iuſtitiæ oder weltli-
chen Obrigkeit gerathen/ alsdann erjnnert
vnnd mahnet der boͤſe Feindt ſie an das ſehr
ſtrenge vrthel GOttes wider die Suͤnden/
Jtem an die ſchwere vnd ſchendlichkeit ſeiner
Suͤnden/ an die vnmuͤglichkeit der Satisfa-
ction vnd genugthuung/ vnnd an die geſchaͤ-
migkeit deß beichtens/ vnnd vermittelſt diſer
Gedancken bringet er jhne inn verzweif-
lung: Eben alſo ergehts auch dir/ vnnd
zu gleicher weiß wie ein Nachtigal/ wann
ſie gefangen worden/ ſich dermaſſen er-
zuͤrnet/ daß ſie ſtirbt/ allſo weil du
dich an jetzo nicht allein inn den Haͤn-
den der Iuſtitiæ ſondern auch deß Teuffels
banden gefangen befindeſt/ ſo erzuͤrneſtu dich
dermaſſen wider dich ſelbſt/ daß du verzwei-
felſt vnd ſam̃t jenem ſpꝛichſt: deſperaui, ne-
quaquam vltra iam viuam: Aber mein lie-
ber Freundt/ nicht lauffe alſo zum ewigen
Todt/ nicht begib dich der verzweiflung zum
raub/ nicht thue ſtatt den boͤſen gedancken/ nit
ſprich ſampt jenen: deſperauimus, poſt
cogitationes noſtras ibimus: ſonder lauf-
fe vnd eyle zum heilſamen remedio vnd port
der Goͤttlichen barmhertzigkeit/ dann ob ſchon
deine Suͤnd die anzahl deß Sandts am Meer
vbertreffen vnnd vil groͤſſer weren/ dann die
Suͤnd Judæ/ Pilati/ Sodomæ/ aller Juden
vnd vbelthaͤter/ ſo iſt doch Gott willig vnd be-
reit dich zubegnaden/ woferꝛn du zu jhm lauf-
feſt/ wahre rew vnd leydweſen haſt/ vnnd jhne
vmb gnad anruffeſt. Vnendtlich vil groͤſſer
iſt ſein Barmhertzigkeit/ weder da ſein kan
dein Boßheit: Seine allerheiligſte Wunden
bezeugen/ daß du mit jhm verſoͤhnt kanſt wer-
den/ woferꝛn du ein wahꝛe rew haſt vber deine
Suͤnd/ vnd jhne von hertzen begereſt zulieben:
Seine allerheiligſte Armẽ ſtreckt er am Creutz
auß/ damit er die Suͤnder auffneme vnd vmb-
fahe/ woferꝛn du in denſelbigen begereſt zu le-
ben vnd zu ſterben.
Guſman wirdt noch durch einen an-
dern Geiſtlichen heimbgeſucht/ vnnd getroͤſt/
zur Beicht vnd Communion bewegt. Vor
Gericht gefuͤhꝛt/ zum Strang verur-
theilt/ aber erbetten vnnd auff
die Galeen ge-
ſchmidt.
ALS ich oberzehlter maſſen durch einen
Franciſcaner Muͤnch heimbgeſucht
vnnd etlicher maſſen geſterckt worden/
kam deß andern Tags hernacher ein Domi-
nicaner gleichfals zu mir vnnd ſprach vnder
andern: Mein lieber Freundt ohne zweifel
haſtu in heiliger Schrifft geleſen/ was Ge-
ſtallt der Prophet Eſaias zum krancken Koͤ-
nig Ezechia kommen vnd geſagt: Diſpone
I idomui
domui tui, quia morieris tu, & nõ viues,
Weil ich dann von dem jenigen religioſo,
der dich geſtern heimbgeſucht/ vernommen/
daß du gleichfals kranck/ vnnd dich deß ſter-
bens beſorgeſt/ ſo hab ich dich ebenmaͤſſig
heimbſuchen vnnd ermahnen woͤllen/ daß
du dein Hauß oder Gewiſſen verſoꝛgen/ dir
ein gute fahrt zum Himmel beraiten/ den
vnreinen Geiſt vnd deſſen boͤſe eingebungen
auß deinem Hertzen vnnd Sinn ſchlagen
vnd vertreiben/ dich mit deinem GOtt/ ver-
mittelſt der wahren contrition, beicht vnnd
genugthuung/ ſo vil jmmer muͤglich/ ver-
ſoͤhnen/ vnd ein Kind deß ewigen Lebens wer-
den muͤgeſt. Vnd ob ſchon dein pœnitentz
vnnd bußfertigkeit nicht genugſamb iſt/ deine
Suͤnd zuuertilgen/ ſo erſetzet es doch die groſ-
ſe vnd vnentliche Barmhertzigkeit GOttes/
dieſelbe vermiſchet ſich mit deiner Buß-
fertigkeit vnnd vberwindet deine Boß-
heit.
Nicht ſprich: ich hab zuuil geſuͤndigt/
vnnd kan nicht ſelig werden/ noch auch den
zornigen GOTT bitten/ es iſt vil zu ſpat/
ſondern ſprich ſambt dem Dauid: Miſe-
rere mei Deus ſecundum multitudi-
nem miſerationum tuarum dele ini-
quitates meas: Dann die groſſe Barm-
hertzigkeit deß HERREN vertilget groſ-
ſe Laſter/ vnnd die meng ſeiner Barmher-
tzigkeit verzeihet die meng der Suͤnden: Zu
allen vnnd jeden Stunden vnnd Zeiten iſt er
willig vnnd berait die bekehꝛte Suͤnder zu
gnaden auff zunemmen/ Dann er ſelbſt
ſpricht: reuertere ad me, & ego ſu-
ſcipiam te: Wer aber an ſolchem ſeinem
guten willen vnnd Barmhertzigkeit zwei-
felt/ der iſt jhrer nicht wuͤrdig vnnd wirdt vn-
der die vnbußfertigen gezehlt: Aber die auff
den Herꝛen hoffen/ werden mit Barmhertzig-
keit vmbgeben.
Jnnmittelſt nun du wahre Rew vnnd
Buß haſt/ hoffeſt vnnd betteſt/ bitten die Hei-
ligen fuͤr dich/ die Engel bringen dem Herꝛn
dein noth vnd verlangen fuͤr/ vnnd CHriſtus
ſelbſt bittet den Vatter fuͤr dich/ dann er iſt
ein Aduocat/ Fuͤrſprecher vnnd Aduocat der
Bußfertigen/ keines wegs aber der vnbußfer-
tigen vnnd verſtockten Suͤnder/ ſondern vil-
mehꝛ iſt er jhꝛ ſtrenger Richter.
Jch ließ mir diſe erjnnerung zu Hertzen
gehen/ beichtete vnd Communicirte/ ward deß
andern Tags hernacher voꝛ Gericht gefuͤhrt
vñ zum Strang verurtheilt/ deſſen beſchwerte
ich mich/ gab mich fuͤr einen gebornen Edel-
mann auß/ beruffte mich auff die priuilegia;
welche die Edelleuth von den Geſaͤtzen/ von
Fuͤrſten vnd von den gebꝛaͤuchen hergebꝛacht/
ſo vnder anderen auch diß vermuͤgen/ daß
nemblich kein Edelman mit Ruthen gezuͤch-
tiget/ noch gefoltert oder an der ſtrengen frag
gewoꝛffen/ ſonder allzeit gnaͤdiglicher geſtꝛaft/
keins wegs aber gehenckt/ aber wol gekoͤpfft
werden ſolle/ derwegen ſpricht Euripides:
Turpes quidem laquei ſublimes &c. vnd
Virgilius ſpricht: Et nodum informis le-
thi trabe nectit ab alta. Hierauff aber ward
mir zur antwort gegeben/ daß man den Edel-
man lauffen/ aber den Dieb hencken laſſen
wurde. Vnd ob wol ich ſtarck darwider pro-
teſtirte, vnnd jhnen zuuerſtehen gab/ daß ich
im wenigſten gedaͤchte mich hencken zulaſſen/
ſie moͤchtẽ gleich darauß machen was ſie woͤl-
ten. Deßgleichen wehꝛete ich mich vnnd ap-
pellirte von dem vngerechten vnnd vnbarm-
hertzigen Vrthel deß maſculini generis,
oder Mannsgeſchlechts an das gerechte vnd
barmhertzige fœminimum genus, oder
Weibsgeſchlecht vnnd ſonderlich an die Koͤ-
nigkliche Braut: Mit bitt/ man woͤlle es jhꝛer
Majeſtaͤt alſo fuͤrbringen vnnd bey derſelben
vmb ein allergnaͤdigſte interceſſion vnd fuͤr-
bitt anhalten: Dem allem aber vnangeſehen/
fuͤhrte man mich hinauß zu der Gerichtſtatt/
vnnd auff die Laiter/ vnnd als man mir den
ſtrick vmb den halß legen wolte/ verwiderte ich
mich deſſen/ vnnd ſagte zum Hencker/ er ſolls
bleiben laſſen/ dann ich koͤnne je nichts enges
vmb den Halß leiden/ vnnd were es nicht ge-
wohnt: Deſſen lachte jederman vberlaut:
Jm wehꝛenden Gelaͤchter ſahe ich einen auff
der Poſt eylendts daher reiten/ der winckte
mit dem Hut/ vnnd ſchrye/ daß man mit der
execution jnnhalten ſolle: Vnnd als er
herbey kam/ vbergab er dem Richter einen
Koͤnigklichen Befelch/ deß jnnhalts/ daß
die Koͤnigin mich außgebetten/ vnnd ich an
ſtatt der woluerdienten Strangsſtraf drey
Jarlang auff die Galeen zurudern condem-
nirt ſein ſolte. Das ward nun mit hoͤch-
ſtem meinem frolocken alſo exe-
quirt vnnd vollzo-
gen.
Ende deß erſten Theils.
NAch außgeſtandener drey Jaͤhꝛi-
ger Galeen Gefaͤngknuß/ kam
ich in einen Waldt/ ſetzte mich
vnder einen Baum/ betrachtete
mein vergangenes Leben vnd den armſeligen
vnd gefaͤhꝛlichen Standt der Welt/ redete mit
mir ſelbſt vnd ſpꝛach: O armſeliger Guſman
was biſtu? was wiltu anfahen? wo wilſt hin-
auß? So vil dein Seel belangt/ iſt dieſelbe
auß nichts erſchaffen/ vnnd gedencket/ bege-
ret vnnd verlanget nichts anders/ als nichts/
Mit ſehꝛ ſchweren Suͤnden iſt ſie behafft/ im
Verſtandt iſt ſie vnwiſſendt/ im affect ver-
derbt/ im willen blindt/ in der Gedaͤchtnuß
vergeßlich/ in der begirlichkeit mutwillig/ in
dem Zorn gaͤch vnnd wuͤtig/ vnnd in allen
jhꝛen potentijs vñ ſtaͤrcken ſchwach/ kranck/
vnd bloͤd: Fuͤrwar groß iſt dein armſeligkeit/
ſeytemal du von dir ſelbſt niemaln keinen eini-
gen guten Gedancken kanſt haben/ vnd nicht
weiſt ob du in der gnad oder vngnad deines
Gottes biſt.
Was aber deinen Leib belangt/ iſt derſelb
auß einer ſehꝛ ſchaͤndtlichen materi erſchaf-
fen/ mit allerhandt vnflaͤtereyen/ vnreinigkei-
ten/ grauſamen Geſtanck/ der ſterblichkeit vñ
verweſenheit beladen: Was ſoll ich aber ſa-
gẽ von der boßheit/ vnbeſtaͤndigkeit vñ toꝛheit
diſer welt? totus mundus in maligno poſi-
tus,
tus, in malo igne, in ignibus malis: O
wie offt hab ich diſen malignum gleichwol
verſucht/ aber nicht vberwunden. O wie
ſchaͤdlich iſt die Welt denen/ die ſie nicht recht
wiſſen zugebrauchen/ dann alle jhꝛe gran-
dezen, Hochheiten vnnd Wolluſt ſeindt je
nichts anders als ein lautere eytelkeit/ betrug
vnd bitterkeit: omnis gloria hominis ſter-
cus & vermis, Homo quafi ſterquiliniũ
in fine perdetur. Vbiq; luctus, vbique
gemitus & plurima mortis imago. Felix
ergo homo, ſi malignus non tangit
eum.
Als ich diſer geſtallt mit mir ſelbſt redete/
vnd mich ſelbſt fragte/ wo ich doch hingehen
vnnd mich wenden wolte? Hoͤrte ich vnuerſe-
hens ein Stimm/ die ſprach: ad pœni-
tentiam eas: das iſt: Gehe hin vnnd verfuͤge
dich zu der buß. Jch erſchrack/ weil ich nie-
mandt ſahe: Letztlichen aber kroche ein alter
Einſidler auß der hoͤle deß Baums (darinn er
ſich bißweilen pfiegte auffzuhalten/ vnd vnder
welchem ich damals ſaß vnnd verſtandener
maſſen mit mir ſelbſt redete) herfuͤr/ lachet
mich freundtlich an vnnd ſprach: Mein
Freundt/ ich ſpuͤre/ daß du ein groſſer Suͤn-
der/ vnnd ſehr trawrig vnnd zweifelhaff-
tig biſt/ vnnd nicht weiſt/ was du anfahen
oder wohin du gehen ſolleſt: Aber ich hab
dir allbereit geantwort/ daß du dich zu
der pœnitentz vnnd Buß verfuͤgen ſol-
leſt.
Jch aber fragte den Einſidler/ was dann
die pœnitentz fuͤr ein ding were? Er ant-
wortet: die pœnitentz vnnd Buß iſt nichts
anders/ als ein Abſoͤnderung von dem Teu-
ſel/ vnnd ein Bekehrung zu GOTT/ ver-
mittelſt der vbung vnnd außſtehung groſſer
Muͤhe vnd Arbeit: Sie iſt ein Aufferſtehung
von Suͤnden/ oder ein pact mit GOTT
eines beſſern Lebens: Dann er ſelbſt begeret
die Bekehrung von vns ſprechendt: Miſeri-
corsſum, & diligens miſericordiam na-
tura, longanimus, diligens viſcera miſe-
ricordiæ, benignus, filiorum amans, pa-
ratus conuerti propter humanas nequi-
tias. Derwegen ſpricht Bernardus: O hu-
mili-
militas pœnitentium, ô beata ſpes con-
fitentium, quantum vales apud omni-
potentem; quam citò vincis inuincibi-
lem, quam cito tremendum iudicẽ con-
uertis in clementiſſimum Patrem. Da-
mit du aber noch eygentlicher wiſſen moͤgeſt/
was die pœnitentz ſeye/ ſo gedencke an die
Wort Exodi am 3. Cap. Allda geſchriben
ſtehet: Ibimus viam trium dierum in ſoli-
tudine: Durch dreyerley Tagreiß gelanget
man in Himmel/ vnd am dritten iſt Chriſtus
wider aufferſtanden zur glori: wie nun Chri-
ſtus von den Todten iſt wider aufferſtanden/
alſo muͤſſen auch wir in einem newen Leben
vnd auff einem newen weg/ der vns zum ewi-
gen Leben fuͤhret/ wandern. Diſe drey Taͤg
aber ſeindt die contritiones oder die wahre
rew vnd laidweſen: Jtem die Beicht vnnd die
genugthuung.
Was die erſte Tagreiß nemblich die con-
tritio belanget/ iſt dieſelbe nur drey kleine
Meil lang. Die erſte Meil beſtehet inn
deme/ daß zugleicher weiß wie die Suͤnd den
Menſchen zum hoͤlliſchen Galgen verurthei-
let/ als die Contritio jhne daruon befreyet:
Dañ zugleicher weiß wie wañ ein auff einem
offnen Diebſtal erwiſchter Dieb/ gefangen/
gebunden vnnd zum Galgen hinauß gefuͤhrt
wurde/ vnd aber jhm ein Koͤnig begegnete vnd
jhne fragte/ wo man jhne hinfuͤhre? Der Dieb
antwortet: Herꝛ/ wegen meiner Dieberey
werde ich zum Galgen gefuͤhrt: Aber der Koͤ-
nig ſpraͤche: Freundt/ du erbarmeſt mich/ wo-
ferꝛn du aber mir glauben vnd thun wilſt was
ich dir ſagen werde/ ſo wil ich dich frey vnd le-
dig machen: Was ich aber von dir begere/
iſt nichts anders/ als daß du wegen deines be-
gangnen Diebſtals ein leydweſen habeſt. Als-
dann wurde der Dieb ohne zweifel ja ſagen/
vñ ein leidweſen haben: Du O ſuͤndiger Guſ-
man/ biſt auffm Diebſtal der ſuͤnden erwiſcht
vñ gebundẽ woꝛdẽ/ damit du hinauß zum hoͤl-
liſchen Galgen gefuͤhrt werdeſt/ vermuͤg der
Wort: Funes peccatorum circumplexi
ſunt me: Item iniquitates ſuæ capiunt
impium & funibus peccatorum ſuorum
vnuſquiſque conſtringitur. Aber GOtt:
der Herꝛ begegnet dir vnnd ſpricht: Wo biſt
du? wo geheſt du hin? leua oculos tuos in
directum & vide vbi nunc proſtratus ſis:
Erhebe deine Augen/ vnd ſchaw wo du an je-
tzo nider gefallen biſt: aber doleas, hab ein rew
vnnd laidweſen daß du zur Hoͤllen geheſt/
allda der Teuffel dich hencken wirdt: So
wirſt du widerumb frey vnnd begnadet wer-
den/ dann ich ſelbſt hab geredt: Si im-
pius egerit pœnitentiam ab omni-
bus peccatis quæ operatus eſt, & cuſto-
diuerit omnia præcepta mea, & fecerit
indicium & iuſtitiam, vita viuet & non
morietur: omnium iniquitatum eius,
quas operatus eſt non recordabor. Et
quare moriemini domus Iſrael? quia
nolo mortem morientis, dicit Domi-
nus.
Die ander meil der erſten Tagreiß der con-
trition beſtehet in deme/ daß der Menſch
dardurch verhindert wirdt der Goͤttlichen
gnad weder allhie zeitlich/ noch dort ewiglich
beraubt zuwerden/ Dann zugleicher weiß wie
wann ein ſehꝛ reicher reittender Edelman vn-
der die Moͤrder fiel/ beraubt vnnd nackendt
außgezogen were/ vnnd einem Koͤnig begeg-
nete vnd gefragt wurde von wannen er kaͤme/
vnnd warumb er alſo vmbzihe? Vnnd der
Ritter jhme zu der antwort gebe/ daß er inn
ſeinem Landt beraubt vnd auß Thorheit vnd
vnbeſonnenheit inn die Haͤnd der Moͤrder
gefallen were: Der Koͤnig aber zu jhm
ſpraͤche: Laß dirs laid ſein/ daß du dei-
ne Guͤter alſo verlohren/ ſo will ich dirs
alles vnd noch mehr darzu wider geben: Als-
dann were kein zweifel/ daß er gar leicht-
lich ein Laidweſen haben wurde wegen des
verlohrnen Guts: Du O Guſman biſt
reich geweſt/ dann du haſt GOTT den
H ERren gehabt/ vnnd wer jhne hat/ der be-
ſitzet alles/ hergegen wer jhne nicht hat/ der iſt
arm/ vnnd hat nichts/ vnangeſehen er noch ſo
reich were.
Nun biſtu auch ein Reutter geweſt/ vnd
auff einem Pferdt geſeſſen/ dann die Seel
verhaͤlt ſich gegen dem Leib wie ein Reut-
ter gegen dem Pferdt/ dann ſie beherꝛſchet
den Leib/ aber vnuerſehens faͤllt ſie vnder die
Moͤrder/ das iſt/ in die Todtſuͤnd/ dieſeldige
berauben ſie aller jhrer Guͤter/ Aber der
Koͤnig begegnet jhr vnnd machet/ daß ſie
an jhre Armut vnnd Ellendigkeit geden-
cket/ vnnd derwegen fleiſſig auff ſich mer-
cket.
Die dritte Meil der erſten Tagreiß der
contrition beſtehet in deme/ daß der Menſch
dardurch abgehalten wirdt/ inn den Zorn
GOttes zufallen. Dann zugleicher weiß/
wie wann ein Prieſter vom Biſchoff die ver-
troͤſtung eines feiſten beneficij oder Pfruͤnde
erlangt haͤtte/ er aber durch ſein boͤſes verhal-
ten vrſach gebe daß jhms der Biſchoff wider
neme/ Der Biſchoff aber zu jhm ſpraͤche:
Freundt/ du haſt gleichwol vnrecht gehand-
let/ aber hab nur ein Laidweſen/ ſo will ich wi-
der geben/ was ich dir entzogen: Eben alſo iſt
der Menſch der jenig/ der GOTT dienet
vnnd dardurch die groſſe Pfruͤndt der ewigen
Glory zuerlangen verhoffet/ aber er erzuͤrnet
jhne durch die Suͤnd vnnd verſchertzet dar-
durch die verhoffte Glory: Der allerhoͤchſt
Biſchoff aber CHriſtus begegnet jhm vnnd
gibt jhm ein/ daß er ein laidweſen empfinde
vmb daß er jhne erzuͤrnt hatte/ vnnd dardurch
wider erlanget er die jhm entzogene gnad.
Der Einſidel vnderweiſet den Guſ-
man was zu der wahren contri-
tion gehoͤre.
VJl aber (ſprach der Einſidler ferꝛner)
gehoͤrt zu der wahꝛen contrition,
erſtlich der ſchmertzen oder ein trawri-
ges Gemuͤth/ dann erſtlich wie/ wann du ein
Hand außgefallen haſt/ ſie nicht widerumb
eingeſetzt vñ mit dem Leib vereiniget kan wer-
den ohne gꝛoſſen ſchmertzen/ alſo muß ein von
Gott durch die Suͤnd abgefallne Seel/ wide-
rumb mit jhm vereiniget werden durch ein
groſſes laidweſen deß Hertzens/ dann weil
die Suͤnd erſtlich im Hertzen begangen iſt
worden/ ſo muß der anfang der genugthuung
im hertzen beſchehen. Am andern iſt die ſuͤnd
gleichſam ein Ruſt/ derwegẽ muß ſie durch vil
attritiones vnnd contritiones werden ver-
triben: das woͤllen aber vil Suͤnder nicht er-
kennen/ derwegen beklagt ſich Ezechiel vnnd
ſpricht: multo ſudore ſudatum eſt, non
exiuit ex ea rubigo.
Das ander/ ſo zur contrition gehoͤrt/ iſt
ein genugſame diſcuſſio oder erforſchung
der Suͤnden vnd gewiſſens/ vermuͤg der woꝛt:
diſſolue cogitationes impietatis, ſolue
faſciculos deprimentes, & omne onus
dirumpe.
Drittens gehoͤrt darzu daß man alle vnnd
jede begangene Suͤnd/ deren man ſich kan er-
jnnern/ beichte vnnd verhaſſe/ wie auch mit
den Zaͤhern deß hertzens beweine. Das Waſ-
ſer der contrition aber muß erſtlich heiß ſein/
vermittelſt der bekehꝛung zu Gott/ welche ein
Fewr iſt/ ſo die Suͤnd verzehꝛet/ dann wie der
Menſch/ welcher ſich von Gott zu den Crea-
turen abwendet/ pflegt die vnſauberkeiten an
ſich zuziehen/ auch kalt vnnd andaͤchtig zu-
werden/ alſo wirdt er hingegen durch diſes
Waſſer der bekehrung vnnd contrition ge-
reiniget. Durch diß Waſſer wirdt die
Schrifft deß Teufels geloͤſcht/ vnd das Few-
er der Hoͤllen vertilgt: Durch diß Waſſer
wirdt der Teufel verjaget/ damit er vns nicht
verſuche: vermuͤg der Wort: Nemoloque-
batur ei verbum, videbant enim dolo-
rem eſſe vehementem. Zu gleicher weiß
wie ſich keine Fliegen oder Mucken auff ei-
nen ſiedenden Hafen ſetzen/ alſo pflegt der
Teufel in niemandte zufahren/ der jhm kein
freundtliches Angeſicht zeiget/ welches aber
in der contrition nicht gefunden wirdt. Am
anderen muß das Waſſer der contrition
rein vnnd ſauber ſein/ Jnnmaſſen die Zaͤher
Petri vnnd Magdalenæ waren/ dann diſes
reine Waſſer machet auß einem Goͤtzenhauß
ein Hauß GOTTES vnnd Wohnung
deß heiligen Geiſtes. Zugleicher weiß wie
die ſtarck flieſſende Waſſerbaͤch pflegen die
Doͤrffer zureinigen vnd auß der Aſchen vnd
Waſſer ein Laug gemacht wirdt/ die vnrei-
nigkeiten deß Kopffs vnd Kleider hinweg zu-
nemmen/ alſo wirdt auß dem Aſchen der bit-
teren contrition vnnd auß dem Waſſer der
Zaͤhern ein purgatio der Seelen. Wer aber
den fuͤrſatz hat widerumb zuſuͤndigen/ oder
von ſeinem concubinat oder Wucher nicht
abzuſtehen/ der hat diſes Waſſer nicht/ vnnd
wirdt nicht allein nicht rein/ ſondern vil koti-
ger vnd vnreiner/ vnd heiſt als dann: Infixus
ſum in limo profundi & non eſt ſubſtan-
tia.
Drittens muß diß Waſſer bitter ſein/ jun-
maſſen das Waſſer Dauids war/ welcher ſag-
te: recogitabo tibi omnes annos meos in
amaritudine animæ meæ. Diſes Waſſer
trincken die jenigen nit/ ſo jm̃erdar wolluſtig-
lich leben/ vnd nit wiſſen daß man durch muͤ-
he vnnd arbeit zur ruhe/ durch den Krieg zum
Friden/ durch den Schmertzen zur Frewd/
vnnd durch die Finſternuß zum Liecht gelan-
get: Wie im bitteren Meer ein ſuͤſſer Fiſch
gezigelt wirdt/ alſo wirdt die ſuͤſſigkeit deß
Gemuͤts gezigelt in der bitterkeit der contri-
tion.
Viertens muß es lebendig ſein/ vnd allzeit
flieſſen/ dergleichen Danid gewuͤnſcht/ ſpre-
chendt: quis dabit capiti meo aquam & o-
culis meis fontem lachrymarum? Dann
weil wir taͤglich vil laͤßliche Suͤnd begehen/ ſo
muͤſſen die Zaͤher jmmerdar flieſſen/ damit die
Suͤnd vertilgt werden.
Zum fuͤnfften muß das Waſſer der con-
trition heylſamb ſein/ vermuͤg der Woꝛt: A-
qua ſapientiæ ſalutaris potabis illum. Et-
liche Waſſer ſeind wolgeſchmackig/ aber nit
heilſamb/ als da iſt das Weltwaſſer vnnd die
Weltliche ſorgfaͤltigkeiten/ welche dem Her-
tzen der weltmenſchen gleichwol annemblich
vnd wolſchmeckendt aber nicht geſundt ſeind/
multi enim propter diuitias perierunt,
vil Menſchen ſeindt durch jhre Reichthumb
verlohren vnd verdambt woꝛden.
Beſchließlichen muß diß Waſſer dermaſ-
ſen kraͤfftig ſein/ daß es den Menſchen reno-
uire vnd vernewere/ dann es machet auß dem
alten einen newen Menſchen/ vnd auß einem
in Suͤnden eralteten alten Mann einen jun-
gen vnd ſtarcken zum gut thun. Derwegen
wirdt diß Waſſer gemeingklich das Jugentli-
che Waſſer genennt. Wie die Stimm einer
Turteltauben ein zeichen der verenderung der
zeit iſt/ alſo iſt das ſeufftzen/ heulen vnd weinen
der contritorũ vñ bußfertigen ein zeichen der
verenderung deß Gemuͤts: vermuͤg der wort:
Vox turturis audita eſt in terra noſtra:
tempus putationis aduenit. Zugleicher
weiß wie der Adler/ wann er ſeinen Schnabl
an einem Stein zerbrochen hat vnnd ſich ins
Waſſer begibt vnd dardurch widerumb jung
wirdt/ alſo wann der Suͤnder die haͤrtigkeit
ſeines Hertzens an dem Stein CHriſto hat
zerbrochen/ alsdann legt er ſein Seel ins
Waſſer der Zaͤhren der contrition, legt ei-
nen newen Menſchen an/ vnd wirdt ein ande-
rer Mann/ ꝛc.
Ferꝛner vnd drittens gehoͤrt zu der contri-
tion ein ſteiffer Fuͤrſatz/ hinfuͤran von ſuͤn-
den abzuſtehen/ ſie zubeichten vnnd darfuͤr ge-
nug zuthun/ dann vil Menſchen erlangen die
verzeyhung jhrer Suͤnden nicht/ allweil ſie
entweder die Suͤnd nicht verlaſſen/ oder a-
ber vorhabens ſeindt jhre Jugendt in Suͤn-
den zuuerzehꝛen vnnd jhr alter GOtt dem
HERREN zu dediciren, vnangeſehen
ſie ſich letztlichen betrogen befinden/ dann
wer in ſeiner Jugent allzeit verzagt vnnd faul
geweſt/ der gibt ſelten im Alter einen dapffe-
ren Soldaten ab.
Nicht zuglauben iſt/ daß ein Baum/ der
niemaln gꝛuͤn noch fruchtbar geweſt/ erſt nach
vil Jahren/ wann er abgehawen vnnd ins
Fewer geworffen werden ſoll/ bluͤhen vnnd
fruͤchte tragen werde.
Viertens gehoͤrt zu der contrition daß ſie
von Gottes vnnd ſeiner Lieb wegen beſchehe/
vnd keines wegs auß etwan einer Weltlichen
forcht/ oder einer Hoͤlliſchen forcht/ vnnd be-
ſorgung der zeitlichen vnnd ewigen Straff/
dann dergleichen contritiones ſeindt Gott
dem Herꝛen zuwider.
Beſchließlichen muß die contritio baldt
beſchehen/ erſtlichen wegen der Gefahr der
gewonheit deß ſuͤndigens: conſuetudo e-
nim eſt altera natura: & difficile eſt aſ-
ſueta relinquere: vnnd es ſtehet geſchribene
Hieronym. 13. Si poteſt Ætiops mutare
pellem
pellem & pardus varietates, & vos po-
teritis benefacere cum didiceritis ma-
lum. Zugleicher weiß wie der Menſch
durch das ſchnelle anlauffende vnd wachſen-
de Waſſer letztlichen hinweg geriſſen vnnd
erfuͤllt wirdt/ alſo wirdt er durch die lange
Gewonheit vnnd vermehrung der Suͤnden
hinab zur Hoͤllen geriſſen/ Jnnmaſſen je-
ner ſolches beklagt ſprechendt: Pelagus a-
peruit caput meum: Item: Inundaue-
runt aquæſuper caput meum, dixi,
perij.
Am andern muß die contritio darumb
baldt beſchehen/ allweil der jenig/ welcher
lang in der Suͤnd ligt/ gar leichtlich von der
einen in die ander fellt/ aber Væ illis qui lon-
gam reſtem trahunt: Derwegen ſpricht der
weiſe Mann: Fili ſi peccaſti, ne adijcias ite-
rum, ſed & de priſtinis depræcare vt tibi
dimittantur.
Drittens muß ſie geſchwindt vollzogen
werden wegen der gefahr deß vngewiſſen vn-
uerſehenen vnnd gaͤhen Todts/ dann wir
wiſſen je nicht/ wann der Herꝛ kommen vnnd
zum naͤrꝛiſchen ſchlafenden Suͤnder ſpre-
chen wirdt: Stulte, hac nocte repetent
à te animam tuam. Beſchließlichen ſoll die
contritio nicht verſchoben werden/ damit ſie
vns deſto leichter ankomme/ dann wie es de-
nen/ welche zu Hof der guten vnnd zarten
Speiſen vnd Bißlein gewohnt ſeindt/ ſchwer
ankombt/ daß ſie/ wann ſie geurlaubt woꝛden/
nur magere Waſſerſuppen/ Ruben vnnd
Kraut eſſen/ oder ſonſten ſich armſeliglich be-
helffen muͤſſen/ alſo ſehen wir/ daß denen in
den Leibswolluͤſten eralteten Menſchen das
faſten vnd andere bußfertige Werck vnd gute
Tugendten zuuͤben allerdings zuwider vnnd
beſchwerlich iſt. Vſitata culpa ita obli-
gat mentem vt nequaquam ſur-
gere poſſit ad rectitu-
dinem.
WJE der Menſch vermittelſt der
vorbemelten erſten Tagreiß nemb-
lich der contrition, auß dem
Landt vnnd Gebiet der Iuſtitiæ gelanget/ al-
ſo gelanget er vermittelſt der andern Tagreiß/
nemblich der Bricht/ zum Pallaſt der Barm-
hertzigkeit/ vermuͤg der wort: Introite por-
tas eius in confeſſione. Diſe Tagreiß hat
verꝛicht der heilig Dauid/ als er ſagte: Me-
dia nocte ſurgebam ad cõfitendum tibi.
Item: Confitebor Domino nimis in ore
meo. Item: Præoccupemus faciem eius
in confeſſione. Vnd eben diſe Tagreiß o-
der Beicht muß erſtlich beſchehen mit einer
guten Vorbereitung vnnd vorhergangener
gnugſamer erforſchung deß Gewiſſens vnnd
aller Todtſuͤnd mit jhꝛen vmbſtaͤnden. Dann
wie Plato ſich bißweiln im Spiegel beſchaw-
te/ nicht zwar auß fuͤrwitz/ ſondern damit
er ſehen moͤchte/ ob ſich ſein Geſtallt durch
das embſige vnnd ſtaͤttige ſtudteren nicht
etwann verendert haͤtte/ Allſo ſollen auch
wir den Standt vnſers Gewiſſens im Spie-
gel der Seelen beſchawen/ nicht zwar auß
fuͤrwitz/ ſondern damit wir ſehen vnnd war-
nemmen moͤgen/ ob vnnd wie vil wir durch
vnſer vnordenliches Leben verlohren haben
an vnſer natuͤrlichen diſpoſition, Jnnmaſ-
ſen Dauid gethan ſprechendt: Cogitaui vi-
as meas & conuerti pedes meos in teſti-
monia tua.
Wie auch ein Aduocat ſich mit ſeinen
allegationibus gefaſt machet/ ehe vnd beuor
er vor Gericht erſcheint/ alſo muͤſſen auch
wir die allegationes vnſerer Suͤnden vor
dem von GOTT nachgeſetzten Rich-
ter/ nemblich dem Prieſter/ wider vnns
ſelbſt zu allegieren gefaſt erſcheinen/ Jn-
maſſen Dauid gethan/ als er ſagte: Medi-
tabar nocte cum corde meo peccata
mea, & exercitabar ca lugendo & in v-
num
num colligendo, & tunc ſcopebam ſpiri-
tum meum vndique feces perquirendo,
& per pallam linguæ in confeſſione eij-
ciendo. Sicut oculi ancillæ in manibus
Dominæſuæ, ita oculi noſtri ad Domi-
num Deum noſtrum. Nichts iſt Gott dem
Herꝛen angenemer/ als eben die betrachtung
vnd bekehꝛung der Suͤnden.
Wie aber etliche Haußmaͤgd dermaſ-
ſen faul ſein/ daß ſie das Kehrkoth etwan in
einem Winckel deß Hauſes ligen laſſen vnd
dardurch einen Geſtanck vnnd faͤulnuß im
Hauſe verurſachen/ alſo pflegen etliche
Menſchen auß lauter Scham/ jhre Suͤnd
nach dem examine, fahren zulaſſen vnd nicht
zubeichten.
Das ander requiſitum der Beicht iſt/
daß ſie particulariter vollkommenlich vnd
vmbſtendtlich beſchehe/ dañ wañ der Menſch
ſich entdeckt/ ſo pflegt Gott jhne zubedecken:
Hergegen wann der Menſch ſich bedecket/ ſo
entdecket jhne Gott mit ſeiner Schandt vnd
Schad/ vnnd es ſtehet geſchriben: Beati
quo-
quorũ remiſſe ſunt iniquitates, & quorũ
peccata tecta ſunt: Jtem: Vide te nudam
& confeſſione plenam, & expandiami-
ctum meum ſuper te, & operui ignomi-
niam tuam.
Das dritte requiſitum der Beicht iſt/ daß
der Menſch ſich ſelbſt klaͤrlich anklage/ vnnd
nichts hinderhalte/ dann GOtt ſuchet ein
nackendes Gewiſſen deß Suͤnders/ damit ers
mit den Kleidern ſeiner Gaben bekleiden moͤ-
ge/ dann er ſelbſt ſpricht: Oſtende mihi faci-
em tuam, ſonet vox tua in auribus meis:
Als wolte er ſagen: Zeige mir dein Gewiſſen/
vnnd laß dein Stimm klingen in den Ohꝛen
meiner Prieſter/ dann wie das Angeſicht deß
Leibs nackent ſein ſoll/ alſo ſoll das Gewiſſen
offen vnd bloß ſein/ vor Gott vnd dem Prte-
ſter: Vnd weil die Fleck im Angeſicht ſchaͤnd-
lich ſeindt/ ſo muß es vilmals gewaſchen aber
nicht verdeckt werden/ dann die Suͤnd/ wel-
che verborgen oder entſchuldigt wirdt/ ſchreyt
allzeit wider den Suͤnder.
Viertens ſoll die Beicht beſchehen auß an-
dacht vnnd mit einer Gottsforcht/ dann etli-
che Menſchen beichten auß weltlicher forcht/
damit ſie nicht fuͤr Ketzer gehalten werden.
Andere beichten nur auß Foꝛcht deß Todts/
wie Antiochus/ Pharao/ vnnd Herodes ge-
than/ aber kein Barmhertzigkeit erlangt. An-
dere beichten wegen der Weltlichen ehr/ da-
mit ſie fuͤr fromb gehalten werden/ Jnmaſſen
jener Fuchs gethan/ welcher ſich ſtellte/ als
were er todt/ damit er die Huͤner deſto beſſer
fahen moͤchte.
Zum fuͤnfften muß die Beicht freywillig-
klich vngezwungen vnd demuͤtigklich beſche-
hen/ dann etliche Leut thuns nur jhren Herꝛen
zugefallen/ damit ſie entweder jhre Hofſup-
pen oder dienſt nicht verlieren/ Andere aber
beichten erſt in todtsnoͤthen/ wann ſie ſehen
daß es je nicht anderſt ſein kan/ dann ſie ſagen
es ſey noch nicht zeit/ vnnd ſie ſeyen nit kranck
genug. Dergleichen gezwungene dienſt aber
ſeind Gott nit angenemb.
Sechſtens ſoll man geſchwindt vnd vn-
uerzogentlich beichten/ erſtlich wegen der ge-
fahr deß Todts/ derwegen ſinget die Kirch in
der Faſten: Emendemus in melius quæ
igno-
ignoranter peccauimus, ne ſubito præ-
occupati die mortis quæramus ſpacium
pœnitentiæ & inuenire non poſſimus.
Dann der Todt iſt vnerbittlich/ vnbeweg-
lich vnnd gibt dem Menſchen keinen eini-
gen Tag noch Stundt jnſtandts- Am an-
dern wegen der ſchwachheit vnnd angſthaff-
tigkeit/ darin ſich der Menſch in ſeiner kranck-
heit befindet/ dann wie ein Fechter oder Rin-
ger vil ſicherer vnnd bewoͤhrter iſt/ wann
er auff ſeinen Fuͤſſen ſtehet/ weder wann er
ligt/ alſo kan der Menſch vil beſſer mit Gott
reden vnnd handlen wann er noch geſund iſt/
weder wann er im Todtbeth ligt/ derwegen
ſpricht der weiſe Mann: viuus & ſanus con-
fiteberis.
Beſchließlichen ſoll die Beicht offter-
mals im Jahr beſchehen/ Jnmaſſen Da-
uid gethan/ ſprechendt: confitebimur tibi
Deus confitebimur: Item: confitebor
Domino nimis. Wer offt beichtet/ der iſt
deſto ſicherer/ dann bißweiln beſchichts/ daß
die erſte Beicht nicht gerecht noch vollkom-
menlich geweſt. Qui autem ſepè humilia-
tur
tur in confeſſione, ei datur gratia con-
feſſionis veræ: Derwegen tregt ſich vilmals
zu/ daß einer ohne genugſame contrition zur
Beicht kombt/ aber doch durch die Krafft der
Beicht wie ein wahꝛer contritus wider hin-
weg gehet.
Zu dem ſoll man beichten zu erlangung der
wahꝛen weißheit/ dann wie es nicht genug iſt/
daß ein Schuler die Schul nur 1. oder 2. mal
jaͤrlich beſuche/ dann er wurde wenig darmit
lehrnen/ alſo kan der jenig fuͤr keinen guten
Studenten deß Glaubens gehalten werden/
der im Jahr die Schul der Beicht nur ein
oder zwey mahl beſuchet/ ſondern er muß
ein ſolcher Schuler ſein wie Dauid einer
geweſt vnnd geſagt hat: Meditabar nocte
cum corde meo: Item: Media nocte
ſurgebam ad confitendum tibi; & exer-
citabar exercitium. O wie ein hohe not-
turfft iſts/ daß man ſich inn diſer ſcientz
deß Beichtens vbe wegen deß ſehr groſſen
darauß erfolgenden Nutzes/ dann alle andere
ſcientzen beſcheren vns nur den zeitlichen
gewinn/ Nahrung vnnd Reichthumb/ aber
die ſcientz der Andacht vnnd beichtens be-
ſcheret vns den gewinn der Gnaden: Wer
im Buch deß Gewiſſens am beſten vnd fleiſ-
ſigiſten ſtudieret/ der wirdt der aller gelehrtiſt
vnd reich iſt: O wie ein groſſes gelaͤchter vnnd
Geſpoͤtt aber wirdt ergehen vber die jenige
Doctores vnd Aduocaten, welche in diſer
ſcientz nichts woͤllen ſtudieren vnd im Jahr
kaum einmal/ vnnd zwar nur curſoriè, oben
hin auff der Poſt/ halb vnd halb beichten. Ob-
mucteſcent tanquam concluſi & ducti
ad metam redargutionis; Qui habitat
in cœlis, irridebit eos. Dergleichen Leut
ſeindt nur fuͤrwitzig vnnd embſig/ frembder
Leuth Leben zuerforſchen/ vnnd bemuͤhen ſich
nur jmmerdar mit frembden ſachen/ aber vn-
fleiſſig ſeindt ſie in Corꝛigirung jhꝛes eygnen
Lebens. Allzeit zihlen/ dichten vnd trachten ſie
nur nach dem zeitlichen gewinn vnnd eygen-
nuͤtzigkeit/ vnd vermeinen daß es mit einer ei-
nigen kalten Jahrsbeicht außgericht ſeye: A-
ber Pecunia in malum Domini ſui. Die
jenigen/ ſo im Jahr nur einmal beichten vnd
bald widerum̃ anfahen zuſuͤndigen/ ſeind dem
Abſolon gleich/ werden jaͤhrlich nur einmal
beſchoren vnd jhꝛe Haar wachſen geſchwindt
wider. Das iſt auch ein Fuchsbeicht/ dann
als der Fuchs ſolte gehenckt werden/ vnnd der
Dachs jhne nach der Beicht an deß Loͤwen
Hof fuͤhrte/ ſahe er am ſelbigen Tag etliche
Hennen bey eines Bawren Hof/ vnd ſprach:
das iſt der weg/ welchen wir gehen muͤſſen/ na-
he bey diſem Hauß muͤſſen wir fuͤruͤber. Der
Dachs antwortet: Du armſeliger Schelm/
haſt mir erſt alle deine Suͤnd gebeicht/ vnnd
bekennt daß du vil Hennen gefreſſen/ vnd haſt
mir verheiſſen/ daß du es nimmer thun woͤl-
leſt. Der Fuchs aber gab jhm zur antwortija
du ſagſt die warheit/ Aber ich habs vergeſſen
gehabt.
Beſchließlichen ſoll man darumb offt
beichten/ allweil dardurch die Goͤttliche ge-
nad vermehrt vnnd die verdiente Straff ge-
ringert wirdt. Weil der jenig fuͤr einen vn-
erbarn vnſauberen Geſellen gehalten wirdt/
der im jahr ſeine Haͤnd vnd Fuͤß nur einmahl
waſchet/ ſo iſt der jenig fuͤr vil vnerbarer/ gott-
loſer vnd vnreiner zuhalten/ welcher im Jahr
nur einmahl beichtet/ dann es laͤſt ſich anſe-
hen/ daß er jhm mehꝛ angelegen ſein laͤſt die
ſauberkeit ſeiner Schuch/ weder die Rei-
nigkeit der Seelen. Naͤrꝛiſch iſt der Strauß/
welcher/ wann er ſeinen Halß im Geſtraͤuß
bedeckt hat/ vermeinet daß ſein gantzer Leib
bedeckt vnnd vnſichtbar ſeye/ Aber vil naͤr-
riſcher iſt ein ſolcher Suͤnder/ der da ver-
meint/ daß ſeine Suͤnd bedeckt vnnd ver-
boꝛgen ſeyen vor GOTT vnnd den Men-
ſchen/ dann alle ſeine Decken ſeindt nur
Geſtraͤuß vnnd Blaͤtter/ ſo da baldt verwel-
cken vnd verduͤrꝛen/ derwegen werden ſolche
Menſchen einsmals vergeblich ſprechen: Jhꝛ
Berg fallet vber vns/ vnd jhr Buͤhel bedecket
vns: Quia non eſt operimentum perdi-
tioni.
DJE dritte Tagreiß der pœnitentz
iſt die Satisfactio oder genugthu-
ung. Wir alleſambt wolten gern
zu der Statt deß Paradeiſes gelangen/ das
kan aber nicht beſchehen ohne paſſierung der
Brucken der pœnitentz, Buß vnnd Ge-
nugthuung/ vnnd weil diſe Statt der maſſen
mit Waſſer vmbgeben iſt/ daß man nur v-
ber die Brucken der pœnitentz hinein mag/
ſo muͤſſen wir groſſe obacht auff diſe Brucken
geben/ dann ſie iſt dermaſſen eng vnd ſchmal/
daß der Reutter von ſeinem Roß/ das iſt/ dem
Fleiſch/ abſteigen vnd es mit dem Zaum hin-
uͤber laiten muß/ das iſt/ er muß die fleiſch-
liche Begierd vnd wolluſtbarkeiten vertilgen/
vnnd das Fleiſch mit dem Zaum der ſobrie-
tet, nuͤchterkeit vnnd maͤſſigkeit halten vnnd
laiten/ vnnd beynebens ein groſſe fuͤrſichtig-
keit/ diſcretion vnnd beſcheidenheit brau-
chen.
Vnd zwar erſtlich muß der pœnitent oder
Buͤſſer drob ſein/ daß ſein Buß vnnd genug-
thuung gleichfoꝛmig ſeye ſeinẽ verbrechẽ/ ver-
muͤg der wort: Pro menſura delicti erit &
plaga-
plagarum modus. Item: Humanum di-
co propter infirmitatem carnis; vt ſicut
exhibuiſtis membra veſtra ſeruire im-
munditiæ & iniquitati ad iniquitatem,
ita nunc exhibete ſeruire iuſtitiæ in ſan-
ctificationem.
Am andern muß die genugthuung recht-
maͤſſig vnd dermaſſen beſchaffen ſein/ daß das
faſten den Fraß/ das Allmuſen den Geitz/
vnd das Gebett die Hoffart toͤdte. Sprechen
muͤſſen die Suͤnder zu GOtt: Zu deiner/ das
iſt/ deß Lebens der Seelen/ widererlangung/
laſſen wir vns mortificiren vnd ſeind allzeit
bereit den Geiſtlichen todt auß zuſtehen. Aber
laider/ wenig ſeind dern/ welche diſen Geiſtli-
chen Todt begeren gedultiglich außzuſtehen/
ſonder flihen jhne ſo vil muͤglich/ aller maſſen
ein boͤſer Zahler thut/ welcher jmmerdar ei-
nen verzug ſuchet vnnd ſambt den Raben von
dem einen Tag zum andern cras cras ſchreyt.
Wie aber etliche Edelleuth jhre Hoͤf vnnd
Gruͤndt verſetzen vnnd je laͤnger ſie die wider
einloͤſung verſchieben/ je mehꝛ vnd tieffer ſich
verobligiren vnd letztlichen gar drumb kom-
men/ Alſo ergehts denen/ ſo die ſatisfaction
vnnd genugthuung verſchieben/ vnnd heiſt:
Qui non eſt hodie cras minus aptus e-
rit.
Ferꝛner wie ein boͤſer Zahler pflegt zumur-
ren vnd boͤſe Wort außzuziehen wann er ge-
mahnt wirdt/ alſo pflegen etlich Suͤnder wi-
der jhre Beichtuaͤtter oder Prælaten/ die ſie
zur Buß vnnd widererſtattung ermahnen/ zu
murꝛen vnd ſie zu ſchelten/ vermuͤg der Wort:
Pro eo quod me diligerent detrahebant
mihi. Beſchließlichen wie ein boͤſer Zahler
ſich jm̃erdar mit der vngelegenheit der boͤſen
zeiten entſchuldiget/ vnd ſeinen Gelter warten
laͤſt/ alſo ſprechen vnnd entſchuldigen ſich et-
liche Suͤnder vnnd ſagen/ daß die zeit vil zu
heiß/ oder zu kalt/ oder zu lang/ oder zu thewr
ſeye/ vnd daß derwegen ſie je nicht faſten noch
etwas abzahlen koͤñen/ vnangeſehen ſie darne-
ben nit vnderlaſſen zuſuͤndigen. Weil derwe-
gen ſie allhie auff Erden kein zeit finden woͤl-
len/ die jhnen tauglich oder annemblich were/
ſo wehret jhre Boßheit jmmerdar biß ſie letzt-
lichen die ewige Hoͤlliſche zeit antreffen.
Die Satisfactio oder genugthuung muß
auch zum dritten freywilligklich beſchehen/
dann weil das Fleiſch den Geiſt durch den
wolluſt gezogen vnnd vndertruckt hat vnnd
ſein Feindt iſt/ ſo iſt billich daß es jhm herge-
gen vnderwoꝛffen vermittelſt der affliction,
vnnd alſo der Feind gerochen werde. Groſ-
ſe nutzbarkeiten entſtehen auß diſer freywilli-
gen genugthuung/ dann die pœnitentz iſt
ein Bret/ darauff der Menſch vom Schiff-
bruch der Hoͤllen befreyt vnnd erloͤſt wirdt:
wie derwegen einer ſich frewet/ der vom
Schiffbruch erloͤſt wirdt/ alſo ſoll ſich ein
Bußfertiger frewen/ wann er durch die ge-
nugthuung erloͤſt wirdt von der Hoͤllen: A-
ber laider/ vil Leuth ſchlagen diſe nutzbar-
keit in Windt/ vnnd woͤllen vil lieber den
hoͤlliſchen Schiffbruch außſtehen/ denn ſich
ſaluieren, vnangeſehen man jhnen noch ſo
vil vorprediget vnnd zu der Satisfaction
vnnd erſtattung ermahnet/ derwegen gehoͤ-
ren auff ſie die Wort: Cecinimus vobis &
non ſaltaſtis, lamentauimus & non plan-
xiſtis, &c.
Ferꝛner ſoll die Satisfactio oder Buß be-
ſcheidenlich beſchehen/ dann man findt etli-
che vnbeſcheidene pœnitenten, welche es
mit der mortificir- vnd diſciplinirung jres
Leibs den heiligen nachthun woͤllen vnd dar-
durch ſich ſelbſt vmbs Leben deß Leibs vnnd
der Seelen bringen: Sic ergo diſcretè affli-
gatur caro, vt non ſuperbiat, ſic nutria-
tur vt non deficiat.
Beſchließlichen gehoͤꝛt zu der Satisfaction
das Gebett/ Faſten vnd Allmuſen.
WAS das erſte Stuck der Satisfa-
ction oder Genugthuung nemb-
lich das faſten belangt/ iſt zuwiſſen/
daß der Menſch ſibenerley Vrſachen halben
faſtet/ erſtlich damit er ſich in den heiligen vnd
andaͤchtigen dingen deſto beſſer vben/ vnd et-
wan ein Geiſtliche Gab zuwegen bringen
moͤge/ jnnmaſſen Daniel vnd ſeine Geſellen
gefaſtet vnd erfuͤllt ſeind worden mit der Lehr
vnd heiligem Geiſt.
Jtem die Heiligen in der erſten Kirchen
wohnten in den Waͤlden vnd ſchlechten Huͤt-
ten/ vnd aſſen nur die wurtzeln der Kraͤutern/
ehrten vnd lobten Gott darneben vnd vergaſ-
ſen alle menſchliche refectiones vnnd colla-
tiones. Dann plenus venter non ſtudet
libenter. Auff faiſte vnnd feuchte Haͤut kan
man ſchwerlich ſchreiben.
Am andern faſtet man auß ſchuldigkeit/ jn-
maſſen die Nazareer zu erlangung der Hei-
ligkeit ſchuldig vnnd ver obligiert waren vil
ding zuhalten.
Drittens auß andacht/ Jnnmaſſen ge-
meinglich inn den vigilijs der Heiligen be-
ſchicht.
Viertens auß noth/ jnnmaſſen die Ni-
niuiter gethan/ als ſie vom Holoferne belegert
waren.
Zum fuͤnfften auß mitleyden/ wie die
Maͤnner Jabes vber den Saul gefaſtet vnd
Dauid wegen ſeines krancken Kindts/ in ſol-
cher Geſtallt faſten wir am Tag paraſce-
ues.
Sechſtens faſtet man zubezwingung deß
kitzels vnnd geilheit deß Fleiſches/ jnnmaſſen
vil heilige Maͤnner vnd Weiber/ deßgleichen
Dauid gethan/ ſprechendt: humiliabam in
ieiunio animam meam.
Beſchließlichen faſtet man wegen der durch
den Beichtuatter aufferlegten pœnitentz
vnd Buß. Fuͤrnemblich aber vnd ins gemein
faſtet man in der faſten/ zu erlangung der gna-
den Gottes/ zu verhuͤtung der beſoꝛgenden ge-
faͤhrlichkeiten vnd Straff Gottes/ Jtem auß
andacht/ nach dem Exempel CHriſti/ zube-
zwingung deß Fleiſches vnnd verꝛichtung der
Buß fuͤr die Suͤnd.
Soll nun vnſer faſten verdienſtlich ſein/ ſo
muß es erſtlich beſchehen mit einer guten in-
tention vnd zu einem guten Endt/ nemblich
zu der chꝛ vnd glory Gottes: Keines wegs ſoll
man auß dem Leib deß faſtens einen Fuchs-
ſchwantz machen/ Jnnmaſſen jene Heuchler
thun/ von denen der Herꝛ geredt vnnd geſagt
hat: Wann jhr faſtet/ ſollet jhr nicht trawrig
werden/ wie die Gleißner/ als wolte er ſagen:
Etliche Heuchler ſtellen ſich in jhrem faſten/
als weren ſie trawrig/ verſtellen jhre Ange-
ſichter vnd Leiber/ damit ſie fuͤr faſtende Leuth
gehalten vnd angeſehen werden.
Ferꝛner muß das faſten andaͤchtiglich be-
ſchehen vnd beglaidt werden mit dem Gebett/
damit alſo das faſten durch den Fluͤgel deß
Gebetts gen Himmel erhebt werde. Diſes
Gebett iſt die Salb/ von dern der HERR
meldung thut/ da er ſpricht: Wann du fa-
ſten wilſt/ ſo ſalbe dein Haupt/ Jnnmaſſen
Magdalena das Haupt CHriſti geſalbt hat/
mit dem Oel der Andacht/ dann duͤrꝛ iſt alles
faſten welches ohne das Oel der andacht be-
ſchicht. Hoc eſt perfectum ieiunium
quando homo noſter exterior ieiunat &
interior orat: facilius enim ieiunium
per orationem penetrat cœlum. Wer
derwegen wuͤrdiglich begert zu faſten/ der ſal-
be ſein Haupt mit dreyerley Oel/ nemblich
deß mitleydens gegen den Armen: Jtem deß
reinen gewiſſens/ welches jene naͤrꝛiſche Jung-
frawen nit hatten: Jtem der Andacht. Damit
die Hoſleuth jhꝛen Herꝛen gefallen moͤgen/ ſo
pflegen ſie dieſelbigen mit glatten/ ſchoͤnen
vnd ſuͤßmuͤndigen Worten zuſchmiren/ aber
nit zuſtechen/ aber das Hofgeſindt GOttes
ſalbet jhne mit dem Oel der Andacht/ dann
nicht genug iſts daß man im faſten maͤſſig-
lich vnnd nuͤchtern lebe/ ſondern es muß auch
beglaidt werden mit der heiligen Andacht/
dann ſonſten wurde in der gantzen Welt kein
groͤſſerer Heiliger ſein/ als eben der Teuffel/
ſeytemal er niemaln nichts jſſet.
Drittens gehoͤrt zum faſten das laua-
torium contritionis: vermuͤg der Wort:
Faciem tuam laua: Nicht ſoll man das
Leibliche Angeſicht waſchen/ zieren vnnd an-
ſtreichen/ wie etlich alte vnnd junge naͤrꝛiſche
Weiber thun/ ſondern das jnnerliche Ange-
ſicht ſoll man waſchen mit der reinẽ Laug/ wel-
che gemacht iſt worden auß dem Aſchen vnnd
Zaͤhern der contrition.
Viertens muß das faſten beglaidt wer-
den mit dem Allmuſen vermuͤg der Wort:
Nolite theſaurizari vobis in terra, &c.
Dann etliche Menſchen faſten zu erhaltung
jhrer Leibsgeſundtheit/ nach rath deß Medici,
daſſelbe aber iſt nit verdienſtlich weil es nicht
von Gottes wegen beſchicht.
Andere faſten/ damit ſie hernacher jhren
Bauch GOtt deſto beſſer dienen vnnd deſto
mehr freſſen vnnd ſauffen moͤgen/ dardurch
wirdt der Leib faiſt/ aber der Geiſt mager.
Andere pflegen an den faſtagen deſto mehꝛ
vnd koͤſtlicher/ vnd auff einmal ſo vil zueſſen/
als ſonſten auff zweymahl. Andere faſten
auß kargheit zu erſparung deß Vnkoſtens/
vnnd wie die Maulwerff/ ſo vnder der Erden
begraben ligen/ nicht genug Erde eſſen doͤrf-
fen/ alſo legen ſich ſolche Leuth mit hunge-
rigem vnnd lehrem Bauch ſchlaffen/ damit
jhnen an jhꝛen Guͤtern nichts ab gehe/ vnan-
geſehen geſchriben ſtehet: Vir cui dedit De-
us diuitias, ſubſtantiam & honorem, &
nihil deeſt animæ ſuæ ex omnibus quæ
deſiderat, nec tribuit ei Deus poteſta-
tem vt comedat ex eo.
Andere aber faſten mit Allmuſen vnnd
Gebett/ vermuͤg der Wort: Bonum eſt ie-
iunium cum elemoſina & oratione quã
theſauros auri condere. Vnnd ſolche
Leuth ſamblen Schaͤtz im Himmel/ vnnd
ſeindt die jenigen/ von denen der HErꝛ ſagt:
the-
theſaurizate vobis theſauros. Dann
durch die Haͤnd der armen werden jhꝛe Reich-
thumb in den Himmel getragen vnd zum ewi-
gen Leben verwahꝛt.
DAs dritte/ ſo zur ſatisfaction ge-
hoͤrt/ iſt das Allmuſen/ darbey a-
ber wirdt erfordert erſtlich ein froͤ-
lichkeit deß Gemuͤts/ vermuͤg der Wort:
In omni dato hilarem fac vultum: Item:
Voluntariè ſacrificabo tibi: Dann weil
weder in der Hoͤllen noch im Fegfewer keine
gutwillige Allmuſen beſchehen/ ſo ſeind ſie vn-
uerdienſtlich.
Am andern muß das Allmuſen beſchehen
von deinem eygnen gut/ dann wer es von dem
ſeinigen nicht gibt/ der waſchet ſich im vnrei-
nen Waſſer vnnd wirdt vil vnreiner: Das
Allmuſen iſt ein reines Waſſer/ aber wann es
von geſtohlenen Guͤtern herꝛuͤhret/ ſo iſts ko-
tig: Derwegen ſpꝛicht der Prophet: Ego
Dominus diligens iudicium & odio ha-
bens
bens rapinam in holocauſtum. Es ver-
meinen etliche Wucherer vnnd Geltnarꝛen/
daß GOtt ein ſolcher Richter ſeye/ der ſich
durch Gelt vnnd ſchanckungen beſtechen laſ-
ſe/ aber ſie jrꝛen ſich/ dann er ſpricht: Exiſti-
maſti inique, quod ero tui ſimilis? argu-
am te & ſtatuam contra faciem tuam.
Drittens gehoͤrt ein Lieb darzu/ dann ob
ſchon einer alle ſeine Guͤter den Armen auß-
theilet/ vnd hat die Lieb nicht darbey/ ſo hilffts
jm eben nichts. Beſchließlichen muß es an ge-
legenen oꝛten vnd nicht offentlich zum ſchein/
wie die Heuchler es von der eyteln ehr wegen
thun/ vñ derwegen nur zeitlich drumb belohnt
werden/ ſondern heimblich/ das iſt/ im verbor-
genen deß Gewiſſens/ welches Gott ſihet vnd
anſchawet/ beſchehen/ dañ wie der außgewoꝛf-
ner Traidſamen mit der Erden bedeckt muß
werden/ damit er von den voͤgeln nit gefreſſen
werde/ vnnd deſto mehrere Fruͤchte bringe/ al-
ſo muß das Allmuſen vor den Augen der
Menſchen bedeckt werden/ damit es von den
Teufeln nit verzehꝛt werde/ vnnd daß es hun-
dertfaͤltige fruͤchte trage.
DAS Gebett iſt das dritte requi-
ſitum der Satisfaction, darzu aber
gehoͤrt erſtlich ein wuͤrdige præpa-
ration vnd fuͤrbereitung/ vermuͤg der Wort:
ante orationem præpara animam tuam:
Dann wie ein Lauteniſt oder Jnſtrumentiſt
zuuor ſein Lauten recht ſtimmet/ alſo muß der
Menſch zuuor ſein Gemuͤt componieren
vnd ſtimmen/ damit nicht zu jhm geſagt wer-
de: Diß Volck ehꝛet mich mit den Lefftzen/ a-
ber jhꝛ Hertz iſt weit von mir.
Am andern muß das Gebett auff etwas
guts angeſehen ſein/ nemblich auff die Goͤtt-
liche Gerechtigkeit vnnd ſein Reich/ dann die
zeitliche Guͤter ſeindt veraͤchtlich vor ſeinen
Augen/ vnd er beſcheret ſie den Tuͤrcken/ Hey-
den/ Ketzern vnd Gottloſen.
Drittens muß es beſchehen im Standt der
gnadẽ/ dañ Gott erhoͤꝛt die ſuͤnder nit vermuͤg
der woꝛt: Si multiplicaueritis orationem,
nõ exaudiam, manus n. veſtræ ſanguine
ple-
plenæ ſunt, Item: Maledicam benedi-
ctionibus veſtris. Item: Scimus quod
peccatores non exaudit Deus, &c. Der-
wegen muͤſſen wir Gottes Freunde ſein/ vnſer
Gewiſſen reinigen/ vnd vnſern Nechſten ver-
zeyhen/ ſoll anderſt vnſer Gebett erhoͤrt wer-
den. Vnnd diſes wirdt bedeut durch den
ſchweiß CHriſti/ welchen er im Garten bet-
tendt fuͤr vns geſchwitzt hat/ Alſo muͤſſen auch
wir die feuchtigkeiten der Suͤnden außſchwi-
tzen vnd von vns treiben.
Viertens muß das Gebett demuͤtigklich
beſchehen/ vnd zwar in den Kirchen vnnd an-
heimbs in einem ſonderbaren abgelegenen ort
oder Kaͤmmerlein/ Jtem mit demuͤtigen Ge-
berden kniendt/ dann etliche Heuchler pran-
gen mit jhrem betten auff offnen Gaſſen/ vnd
nur zum ſchein vor den Leuthen. Andere bet-
ten nur mit dem einen Knye nider knient/ aber
ſie verſpotten Gott vnnd halten jhne nur fuͤr
einen halben Gott.
Nicht weniger ſoll das Gebett beharꝛlich
ſein/ vermuͤg der Wort: Bettet ohne vn-
derlaß. Wann der Leopard das Wildt nit
im erſten ſprung fahet/ ſo fraget er jm ferꝛner
nicht nach/ ſondern laͤſts lauffen: Alſo wann
etliche Menſchen nicht geſchwindt von Gott
erhoͤrt werden/ laſſen ſie nach/ betten nimmer/
vnd woͤllen Gott den Herꝛn weiter nicht mo-
leſtiren noch bemuͤhen.
Zum ſechſten muß es jnnbruͤnſtig ſein vnd
von gantzem Hertzen gehen/ Jnnmaſſen Da-
uid gethan vnd geſagt: Clamaui in toto cor-
de meo exaudi me Domine; Vil Leuth
werden nit erhoͤrt/ weil ſie in wehrendem jh-
rem betten mit den Augen hin vnd wider auff
die ſchoͤne Frawen ſchawen/ vnnd mit jhrem
Hertzen vnd Gedancken anderſtwo ſeind/ alſo
auß dem betten ein fluchen vnd ſchwetzen/ vnd
auß der Kirchen ein bordell oder Huren vnd
Kuppelhauß machen. Beſchließlichen muß
das Gebett beglaidt werden mit den Zaͤhren/
daruon aber ſoll in nachfolgendem Ca-
pittel gehandlet wer-
den.
DAs vierte/ welches den Wercken der
Satisfaction wol anſtehet/ iſt das
wainen: Auß vilen Vrſpruͤngen
fleuſt der Bach der Zaͤhren/ erſtlich auß dem
frembden mitleyden/ Jnmaſſen Chriſtus am
Creutz vnnd zuuoꝛ vber die Statt Jeruſalem
weinte. Am andern wegen deß Paſſions Chꝛi-
ſti/ Jnnmaſſen jene heilige Weiber denſelben
beym gꝛab beweint: Drittens wegen der abwe-
ſenheit deß geliebten/ Jnmaſſen Maria jhren
geliebten beym Grab beweinte/ Jtem Dauid
ſprechent: Fuerũt mihi lachrimæ meæ pa-
nes die ac nocte, heu mihi quia incolatus.
Viertens wegen erjnnerung der empfangnen
gutthaten/ jnmaſſen Auguſtinus geweint als
er die dem Menſchlichen Geſchlecht erwiſene
gutthaten betrachtete. Zum fuͤnfften wegẽ der
entzuͤndung deß Goͤttlichen Worts/ Jnmaſ-
ſen jene Braut gethan/ ſpꝛechent: anima mea
liquefacta eſt Sechſtens wegen der verlaͤn-
gerung deß Reichs der Himmlen/ Jnmaſſen
Maria Cant. 5. geweint/ ſpꝛechent: Nũciate
dilecto: quia amore langueo. Beſchließli-
chen weinet man wegen der Suͤnden/ Jnmaſ-
ſen Petrus vnd Magdalena gethan vnd von
jhꝛ geſagt woꝛden: cœpit rigare pedes eius.
Alle dergleichen weinen dẽ hat der Herꝛ fuͤr
ſelig geſchetzt/ ſprechendt: Beati qui lugent
quoniam conſolabuntur. Derwegen ge-
hoͤren nicht in diſe Zahl die jenige Geltnarꝛen
vnnd Wucherer/ ſo da weinen vnnd trawren
auß lauter Geitz/ wann nemblich das Traidt
wolgerathet. Noch auch die Liebnarꝛen/ ſo da
weinen vnnd ſich ſchier zu todt kummern we-
gen jhrer Bulſchafft/ dann ſolches jhr weinen
iſt eytel/ vnd wirt verkehrt in ein ewiges traw-
ren/ heulen/ weinen vnnd Zaͤhnklappern: erit
tibi fletus & ſtridor dentium.
Das fuͤrnembſte vnnd notwendigſte aber/
welches der Menſch zubeweinen hat/ iſt ſein
ſuͤnd/ dañ weil der Hirſch wuͤtet wañ er vmb-
geben iſt von den wuͤtigen Hunden/ warumb
wolte dann nit weinen die Menſchliche Crea-
tur/ welche vmbgeben iſt mit grimmigen vnd
wuͤtenden Teufeln?
Weil da weinet der Crocodil/ wann er vm̃-
bracht hat einen Menſchen/ warumb wolte
nicht wainen ein Chriſt/ der durch die Suͤnd
vmbbracht hat ſein Seel? Weil die heilige
Catharina von Senis drey gantze Taglang
beweint hat ein einige laͤßliche Suͤnd: Weil
die Roͤmerin Paula jhre laͤßliche Suͤnd eben
ſo bitterlich beweinte/ als werens Todtſuͤndt:
Weil der heilig Dominicus jmmerdar be-
weinte die boßheit der Suͤndern: Warumb
fragen dann wir ſo gar wenig nach dem be-
weinen vnſerer Suͤnden? O wie vil beſſer
vnnd rathſamer were es/ daß wir ſie allhie be-
weinten mit den Zaͤhern deß Waſſers/ denn
dort mit den Zaͤhern deß Fegfewers/ Dann
ob ſchon die leibliche Zaͤher nicht ſimpliciter
notwendig ſeind zur vertilgung der ſchulden/
ſo ſeindt ſie doch ſehꝛ dienſtlich zur verzeihung
der Straff. Hoͤre/ was Eſaias darzu ſagt:
Super hoc accingite vos cilicijs, plangite
& vlulate, Filia populi mei accingere
licio & conſpergere cinere: luctum vni-
geniti fac tibi: fac tibi plãctum amarum,
ꝗa non eſt auerſa ira furoris Domini: Als
wolte er ſagen: O du vndanckbare Creatur/
vil haͤrter biſtu dann Eyſen/ Marmelſtein
vnnd Demandt/ weil du nicht kanſt weinen:
Weil du weineſt vnnd dich beklageſt/ wann
dir groſſe Blatern auffgehen an deinem Leib
warumb beweineſt du nicht deine verbrechen/
welche da ſeindt vergiffte vnd toͤdtliche Bla-
tern der Seelen?
Weil du weineſt vnd trawreſt wann du ge-
fallen biſt in die vngnad eines weltlichen Fuͤr-
ſten/ warumb weineſt vnnd ſeufftzeſt du nicht/
vmb daß du auff dich geladen haſt den Zorn
deß ewigen GOTtes? O Menſch bedecke
dich mit dem haͤrinen Kleidt/ beſtrewe dich
mit Aſchen/ heule bitterlich/ vnnd weine
ſchmertzlich/ Jnnmaſſen ein getrewe Mut-
ter zubeweinen pflegt jhren einigen Sohn/
dann nicht abgewendt iſt von dir der Zorn
GOTtes: O vnbeſonnener Menſch: the-
ſaurizas tibi iram in die iræ, Du ſambleſt
dir auff deinen Kopff den Zorn Gottes/ vnd
wilſt nit weinen/ vnangeſehen du ſo vil vrſa-
chen haſt zu weinen/ Dann ſchaweſtu auff-
wertz/ ſo ſiheſt du/ daß du auß dem Himmel-
reich bandiert vnd vngewiß biſt/ ob du hinein
wirſt kommen: Schaweſt du abwertz/ ſo ſi-
heſtu dein Grab vnd die Erd/ darinn du ver-
kehrt wirſt werden: Wendeſt du dich zur
lincken oder rechten ſeyten/ ſo ſih eſt du die ge-
fahr/ darinnen du lebeſt: Vor dir haſtu den
Todt/ hinder dir haſtu dein vollbrachtes boͤ-
fes Leben vnnd Laſter/ die dich verfolgen: Du
wanderſt mit aller macht vnd eyl zum Todt/
du wirſt getragen von vier ſchnellen Roſſen
deiner widerwertigen humorn, welche den
Wagen deines Leibs ziehen vnd dich zu dem
Goͤttlichen Gericht bringen/ vnnd nichts de-
ſtoweniger lacheſt du vnd biſt froͤlich vnd gu-
ter ding: Verurtheilt biſtu zum Todt/ vñ weiſt
nit/ ob du heut oder morgen expedirt vnd dir
der garauß gemacht ſoll werden/ vnd nit deſto
weniger verzehreſtu dein zeit mit lachen. Nit
alſo O Menſch/ nicht alſo/ ſonder gehe in das
jnnerſte deines Gewiſſens/ vnnd betrachte
dein vergangenes Leben/ weil auch du gelacht
haſt in deiner jugent/ ſo weine im alter/ vñ ge-
denck wie ein lange zeit deines Lebens du der
welt gegeben vnd wie wenig du Gott gedient
haſt. Vnd weil die groſſe Suͤnd ein groſſe re-
compens erford’n/ ſo recõpenſire die frewd
vñ dz lachen der ſuͤnden durch das weinen vnd
ſchmertzen der ſatisfaction, dañ wie alle waſ-
ſer deß Meers nit gnugſam ſeind zuloͤſchẽ ein
einiges fuͤncklein deß Fegfewrs/ alſo ſeindt ſie
zaͤher der wahꝛẽ cõtrition gnug/ zuloͤſchen dz
gantze hoͤlliſche fewꝛiwie der Hirſch vernewert
wirdt durchs Waſſer/ alſo wirdt vnſere Seel
ernewert durch die zaͤher/ wie wir zur zeit der
Fewersbrunſt zum Waſſer fliehen/ alſo wann
vnſere Seelen in der begirlichkeit brinnen/
ſollen wir fliehen zum heiligen Lauacro der
Zaͤhern/ wie mit dem Waſſer vertilgt wirdt
die Schrifft/ alſo wirdt mit den Zaͤhern ro-
dirt vnd vertilgt der Proceß vnd die Schrifft
deß Todts/ welche der Teufel wider vns hat/
dann qui ſeminat cũ lachrimis, in exulta-
tione metet. Laſſet vns anjetzo die zaͤheꝛ ſehẽ/
vñ mit denſelbigen vnſere Suͤnd waſchen/ da-
mit wir durch die zaͤher der pœnitentz vnnd
Buß gelangen moͤgen an das ort/ da nichts
anderſt gehoͤrt wirdt als ein Him̃liſches muſi-
eieren/ lachen/ jubiliren vnd frolocken.
Beſchließlichen ſagt der heilig Gregorius
recht vnd wol/ daß die jenige gute Werck/ wel-
che nicht beſprengt werden mit dem heiſſen
Waſſer der Zaͤhern/ gleich ſeyen einem truck-
nen vnd duͤrꝛen Opfer/ aber wann ſie beglaidt
werden mit etwan einem lachrimoſo pro-
fluuio, alsdañ ſeind ſie ein faiſtes angenemes
Opffer vor Gott. O wie koͤſtlich ſeind die
heilige Zaͤher/ ſie verſchmeltzen die Demanti-
ſche Hertzen/ vnnd bewegen die Gemuͤter
der Fuͤrſten/ vermuͤg der Wort Ouidij, da er
ſpricht:
Interdum lachrimæ pondera vocis habent:
Et lachrimæ proſunt, lachrimis adamanta
mouebis.
Sæpe per has flecti Principis ira ſolet.
Hoͤre was der Eccleſiaſticus ſagt: nonne
lachrimæ viduæ à maxillis aſcendunt
vſque ad cœlum? Et Dominus exaudi-
tor eorum delectabitur in illis: O
wunderbarliche Krafft der Zaͤhern/ welche
von den Wangen der bußfertigen Menſchen
herab biß in den Himmel durchtringen/ ja es
frewet vnd erluſtiget ſich Gott dermaſſen mit
jhnen/ daß er ſie von ſeinem Goͤttlichen An-
geſicht ſetzet/ als werens koͤſtliche Berlein vnd
Kleinoͤter/ vermuͤg der Wort: Poſuiſti la-
chrymas in conſpectu tuo ſemper.
DJe obberuͤhrte Woꝛt vnd vnderwei-
ſung war gleich wol ſchoͤn/ aber doch
weil ich darauß vermerckt/ daß die
gute Werck vnnd ſonderlich das betten vnnd
Allmuſen deſſen/ der mit Todtſuͤnden behafft
iſt/ GOtt dem Herꝛen nicht angenemb ſeyen/
ſo entſetzte ich mich etlicher maſſen daruͤber
vnnd fragte den Einſidler/ wie es dißfals ge-
meint were: Er gab mir nachfolgende erleu-
terung vnd ſprach:
Mein Sohn/ ich lobe dein gutes vorha-
ben/ daß nemblich du geſinnt biſt von Suͤn-
den abzuſtehen/ aber ob ſchon du wegen et-
wan einer Vrſachen vnderlieſſeſt dich zu-
bekehren/ ſo ſolleſt du doch nicht vnderlaſſen
gute Werck zubegehn/ zu betten/ zu faſten/
Allmuſen zu geben/ dann ob ſchon ſolche
vnnd andere dergleichen gute Werck/ wann
du mit Todtſuͤnden behafft biſt/ der ewigen
Belohnung nicht wuͤrdig ſeindt/ ſo verdie-
nen ſie doch durch ein ſonderbare conne-
uolentz, (welche von den Theologis
de congruo genennt wirdt/) ſo vil/ daß
GOTT dergleichen Leuthen etwann ein
Belohnung darfuͤr gibt in diſer Welt. Da-
mit derwegen du nicht hinein lebeſt wie die
verzweifelten thun/ ſo da gar nichts guts thun
woͤllen/ ſamb hetten ſie an jhrer Seligkeit
allerdings verzweifelt/ ſo ſolleſt du wiſſen/ daß
dreyerley Menſchen verhanden ſeindt welche
wegen jhrer guten Werck ergoͤtzt vnd belohnt
werden.
Die erſten ſeindt die frommen vnnd tu-
gentſamme Perſonen/ dieſelbigen empfahen
von GOtt zu einer belohnung jhrer guten
Werck das ewige Leben/ nach beſchaffenheit
deß gradus oder deß Staffels der Lieb/ mit
deren ſie ſolche gute Werck begehen/ vermuͤg
der Wort Salomonis: Seminanti iuſtitiã
merces fidelis: Item: Dauid ſpꝛicht: Et re-
tribuet mihi Dominus ſecundũ iuſtitiã
meam & ſecundum puritatem manuum
mearum retribuet mihi. Item: Joannes
ſpricht: Venio cito & merces mea mecum
eſt; reddere vnicuiq; ſecundũ opera ſua.
Die andern/ welche wegen jrer guten werck
belohnt werden/ ſeindt die eytele liederliche
Perſonen/ die werden mit der ewigen Straff
belohnt/ dann alles was ſie guts wuͤrcken/ fa-
ften/ betten vnd Allmuſen geben/ das beſchicht
zu erlangung deß Menſchlichen Lobs/ oder
gunſts/ der wegen verdienen ſie kein ergoͤtzlich-
keit/ ſonder ein Straff/ vñ wider einen ſolchen
gottloſen affect redet der Herꝛ vnd ſpꝛicht: Si
oculus tu us nequam fuerit, totũ corpus
tenebroſum erit; ſi ergo lumen: quod in
te eſt, tenebræ ſunt, ipſæ tenebræ quante
erunt.
Die dritten ſeindt die jenigen Suͤnder/ ſo
in Todtſuͤnden ſiecken vnd nit deſto weniger
von GOTTes wegen gute Werck vben zu
der Ehꝛ vnd Glory Gottes vnnd vermittelſt
der Gnad CHriſti/ ſeytemal er ſelbſt ſpricht:
Sine me nihil poteſtis.
Diſe Leuth werden mit etwan einer zeit-
lichen gnad belohnt/ vnnd fehig gemacht/ ein
ſolche gnad/ durch welche ſie Gott angenemb
werden/ zuerlangen/ dann die gute werck/ die
wir im Standt der Todtſuͤnden begehen vnd
doch von Gottes wegen/ damit nemblich er
dardurch geehrt vnd gelobt werde/ beſchehen/
erlangen ein ſolche gnad von GOtt/ daß/ ob
ſchon wir nicht propriè den Himmel verdie-
nen/ doch durch die vorbemelte cõneuolenz
welche in den Schulen congruitas genennt
wirdt/ wir zu der Gnad diſponiert, bequem
vnd fehig gemacht werden/ ja ſo gar koͤndten
wir villeicht per accidens (wie die Philoſo-
phi vnd Logici reden) zu der Glory der ſeli-
gen gelangen.
Dann wer etwas guts wuͤrcket/ der hat die
Laiter deß Himmels in der Hand/ vnd Gott
leinet an derſelben Laiter/ vnd iſt willig vnnd
vrbietig den ſuͤnder zuempfahen vnd jm zu der
bekehrung zuhelffen. Jch ſage gleichwol nit/
diſponieren koͤnne/ ſie durch ſich ſelbſt vnnd
ohne Gottes huͤlff zuempfahen/ ſondern inn
dem er ſolche huͤlff annimbt vnd wol wircket/
ſo kombt er dardurch allgemach etwas nahen-
der zu der goͤttlichen gnad hinzu. Gewiß iſts/
daß die Suͤnd vns weit von Gott abſoͤndern/
allermaſſen hingegen die gute Werck ein vr-
ſach ſeindt daß er ſich zu vns nahet/ dann es
ſtehet geſchriben: longè à peccatoribus ſa-
lus: Item: qui ſe elongant à te peribunt:
Aber die gute werck ſeindt die jenige/ ſo vns zu
jhm nahen/ dann Gott hat ein verlangen nach
vnſerm heyl/ vnnd er gehet vns entgegen/ wie
an jenem Hauptmann Cornelio zuſehen/ de-
me der heilig Petrus entgegen geſchickt vnnd
zu jhm geſagt ward: deine Allmuſen vnd dein
Gebett: Aſcenderunt memoriam in con-
ſpectu Domini.
Von noch einer andern Frucht der guten
Werck redet Eſaias vnnd ſpricht: quieſci-
te agere peruerſe, diſcite benefacere;
Durch das lehꝛnen guts thun/ wird nichts an-
derſt verſtanden/ als daß man ſich zu den gu-
ten wercken ſolle begeben/ dañ dieſelbige ſeindt
dermaſſen kraͤfftig/ daß ſie machen/ daß die
Seel deſto leichtlicher von Suͤnden abſtehet/
ſich zu Gott bekehꝛet vñ den weg der tugenten
wandert. Zugleicher weiß wie der Tauff Jo-
annis die ſuͤnd nit vergab noch vertilgte/ ſon-
der die Gemuͤter der Menſchen nur diſpo-
nirte vnd bequem machte den Tauff CHri-
ſti zu empfahen/ alſo vnd eben ein ſolche ge-
ſtallt hats auch mit den guten Wercken der
Suͤndern. Wer ſihet nicht/ daß/ wann der
Suͤnder niemaln nichts guts thut/ er dar-
durch gantz vnwiſſendt vnnd vntauglich wer-
de etwas Chriſtlichs zu begehen? Dann es
ſpricht Jeremias: Stultus populus meus
me non cognouit, filij in ſipientes ſunt
& vecordes: Sapientes ſunt vt faciant
mala bona autem facere neſcierunt. Nit
allein werden ſolche Suͤnder/ welche niemaln
nichts guts thun/ vnwiſſendt vnd blind/ ſon-
dern es wirdt auch jhꝛ Will verſtockt vnd jhr
Hertz wirdt vil haͤrter/ dann Eiſen: vermuͤg
der Wort Jobs: Cor eius in duratum qua-
ſi lapis & reſtringetur quaſi malleatoris
incus? Item Ezech: Indurauerunt cor ſu-
um
um quaſi adam antem, ne audirent le-
gem.
Der Prophet Jeremias ſagt vns/ wie not-
wendig die gute Werck ſeyen/ vnangeſehen
wir mit Todtſuͤnden behafft weren/ ſpre-
chendt: Si mutare poteſt Æthiops pellem
ſuam, & pardus variatos colores ſuos, ſic
& vos poteritis benefacere, cum dedice-
ritis, Wañ der Menſch niemaln nichts guts
thut/ ſo machet er ein ſolchen boͤſen habitum
vnnd gebrauch im ſuͤndigen/ daß er niemaln
widerumb auff den guten weg kan kommen/
ſondern allezeit ſeinen Jrꝛthumben nach-
gehet.
Zugleicherweiß wie ein groſſer vnderſchid
iſt zwiſchen einem geſunden vnd einem Kran-
cken/ Alſo iſt ein groſſer Vnderſchid zwiſchen
einem Gerechten vnd einem Suͤnder/ dañ die
Speiſe deß Geſundten verkehꝛt ſich in ſein
ſubſtantz/ das thut aber die Speiß eines kran-
cken nit/ ſondern ſie ſtaͤrcket jhne nur/ vnd er-
haͤlt jhm das humidũ radicale, damit er nit
gar auß loͤſche: Eben diſes thun auch die gute
Werck/ dann die gute Werck der Gerechten
ſeindt Subſtantialiſch vnnd verdienen den
Himmel/ aber die gute Werck der Suͤndern
ſtaͤrcken jhne nur etlicher maſſen/ damit er in
ſeiner Suͤnd nicht vmbkomme vnd verderbe:
Wie auch einem Krancken notwendiger iſt
daß er durch die Speiß geſterckt werde/ denn
einem Geſundten/ vnangeſehen der Krancke
ein ſchlechtere Krafft dardurch empfindet/ al-
ſo iſt einem Suͤnder vil notwendiger/ daß er
ſich in guten Wercken vbe/ denn einem Ge-
rechten/ vnangeſehen der Suͤnder einen
ſchlechtern nutz daꝛuon hat. Derwegen ſpꝛicht
der Eccleſiaſticus: Non eſt ei bene, qui
aſſiduus eſt in malis, & elemoſinam non
danti.
Ein ſehꝛ groſſer nutz der guten Wer-
cken der Suͤndern erſcheint auch auß der de-
mut deß Gottloſen Koͤnigs Achab/ dann als
derſelb ſich ſehꝛ affigiert vnd kummerte von
Gottes wegen/ hat er dardurch die jm durch
den Propheten Eliam betrohte ſtraff von ſich
abgewendt/ vnd verdient/ daß der Herꝛ nach-
folgende liebliche Wort ſagte: Nonne
vidiſti
vidiſti Achab humiliatum coram me?
quia ergo humiliatus eſt coram me me?
cauſa, non inducam malum in diebus
eius: Vber diſe Woꝛt ſpꝛicht Greg. herꝛlich
vnnd ſchoͤn: Si tantum valuit humilitas
in reprobo, quid tunc faciet in electo?
O wie offt begibt ſich/ daß Gott/ wegen diſer
guten Wercken vnderlaͤſt ein gantzes Landt/
ein gantzes Geſchlecht zu ſtraffen: Er nimbt
bißweiln die Thewrung/ Krieg/ Peſtilentz
hinweg/ verſchiebet die Straff vnnd wartet
lang auff die Buß/ damit wir ſelig werden.
Raab war ein vnkeuſches Weib/ aber weil ſie
die Kundtſchaffter der Hebreern beherbergte/
ſo befalch Gott/ daß ſie in erober: vnd pluͤnde-
rung der Statt/ nicht vmboͤꝛacht/ ſonder beym
Leben erhalten ward.
Noch einen andern nutz der guten wercken
der Suͤndern/ zeigt vns der Prophet Eſaias
an/ ſprechendt: Si volueritis, & audieritis
me, bona terræ comedetis: Keins wegs
laſt Gott die von ſeinet wegen begangene gu-
te Werck vnbelohnt/ dann ergoͤtzet er ſie nicht
mit den ewigen Guͤtern/ ſo beſcheret er doch
zeitliche darfuͤr. Dem jenigen/ der gute werck
thut/ (vnangeſehen er mit Todtſuͤnden behaft
iſt) gibt er langes Leben/ geſundheit/ reich thum̃
frid vñ groſſe gluͤckſeligkeit/ vermuͤg der woꝛt:
Quorum filij ſicut nouellæ plantationes
à iuuentute ſua filiæ eorum compoſitæ
circumornatæ vt ſimilitudo templi prõ-
ptuaria eorum plena, eructantia ex hoc
in illud, oues eorum fætoſæ abundantes
in egreſſibus ſuis, boues eorum craſſe.
Non eſt ruina maceriæ, neque tranſitus,
neque clamor in plateis eorum Beatum
dixerunt populum iſtum, &c.
AVff die oberzehlte deß Einſidlers mir
beſchehene erjnner- vnd vnderweiſung
beichtete vnd Communicirte ich auffs
aller andaͤchtigſt/ weil aber der Beichtuatter
ſahe/ mit was fuͤr ſchwerer Suͤnden vnnd La-
ſtern ich mich von zarter Jugendt auff/ beſu-
delt/ befleckt vnnd behafft hatte/ ſo gab er mit
zuuerſtehen/ daß dreyerley ſpecies oder ge-
ſtalten der pœnitentz vnd Buß verhanden/
Die erſte iſt ein priuata, vnd beſchicht heimb-
lich/ wañ nemblich der Prieſter ſie einem jeg-
lichen aufferlegt/ wegen ſeiner begangenen
heimblichen Suͤnden. Die andere heiſt ſo-
lennis, vnnd wirdt nur durch den Biſchoff
aufferlegt/ wegen etwann eines begangenen
ſchweren Laſters/ dardurch ein gantze Statt o-
der gemaind geaͤrgert woꝛden.
Die dritte iſt publica vnd offen/ vnd wirdt
durch den Prieſter aufferlegt/ wegen begang-
ner offnen Suͤnden/ nemblich ein weite oder
nahe Kirchfahrt mit bloſſem Leib oder ſonſten
zuuerꝛichtẽ. Ebẽ ein ſolche buß ward auch mir
auferlegt/ nemlich gen Jeruſalẽ. Das gab ich
nun dẽ Einſidler zuerkeñen/ darauf antwoꝛtet
er vñ ſprach: Mein ſohn/ wz dir fuͤr ein buß iſt
auferlegt woꝛden/ die verꝛichte fleiſſig vñ trew-
lich/ dann weil du die gantze zeit deines Lebens
alle Laͤnder durchſtrichen/ vnnd ſchier aller
orten ein letze vnnd zeichen deiner Buͤberey
vnnd Boßheit haſt hinderlaſſen/ ſo iſt billich
daß du ein dergleichen Reiß verꝛichteſt vnd et-
was abbuͤſſeſt. Aber doch will ich dir noch ein
andere Wallfahrt vnnd Reiß auffgeben/ vnd
andeuten/ vermittelſt dern du das wahre/ rech-
te vnnd Him̃liſche Jeruſalem erꝛeichen wirſt
koͤnnen. Derwegen mercke auff meine Woꝛt.
Zugleicher weiß wie jener verlohrne Sohn/
ſeinen Gott vnd Vatter verlaſſen/ ſein geſicht
geflohen vñ dardurch ſein Vaͤtterliches Erb-
gut/ ſeinen Gott/ ſein Gnad vnd Tugenten
verlohren hat/ vnnd derwegen ſie widerumb
ſuchen/ vnnd ſprechen muͤſte: Surgam & ibo
ad Patrem meum. Alſo vnd ebner geſtallt
iſts dir ergangen/ derwegen muſt du auch alſo
thun/ dann ob ſchon dir diſe Wallfahrt etwas
ſchwer/ muͤheſamb vnnd gefaͤhꝛlich wirdt an-
kom̃en/ ſo gedenck doch/ daß du in deiner vori-
gen eytlen vnd Gottloſen wanderſchafft vnd
ſtoͤrtzerey vil groͤſſere muͤhe vnd gefahr außge-
ſtanden von deß Teuffels wegen/ derwegen
verwidere dich an jetzo nicht/ etwas wenigs
zuthun vnnd außzuſtehen von Gottes deines
eygnen heyls wegen. Gedenck an jene heilige
Wallfahrter Petrum Paulum vnd Dauid/
welcher geſagt hat: Aduena ego ſum apud
te, & peregrinus ſicut omnes Patres mei:
Als wolte er ſagen: O HERR/ Jch bin
ein Frembdling bey dir/ dann nicht allein iſt
mein Seel von der frembde hero/ vnnd nicht
auß der macht der Materi wie die Seel ei-
nes Hundts: Sondern ich bin auch ein Gaſt/
der ein ſehr kurtze zeit lebet/ wie ein Blum auf-
gehet/ verwelcket vnd zertretten wirdt/ vnd in
keinem ſtetten noch beſtaͤndigen weſen vnnd
Standt verbleibet.
WEil du dann ein Frembdling vnnd
Gaſt biſt/ vnnd ein ſo groſſe vnnd
eytele Wallfahrt vor dir haſt/ ſo ver-
halte dich wie ein Wandersman vnnd Gaſt/
damit du letztlichen widerumb in dein wahꝛes
Vatterlandt gelangen vnnd deine natuͤrliche
Erbguͤter beſitzen vnd genieſſen moͤgeſt. Vil
ding aber gehoͤren darzu/ nemblich die abzah-
lung deiner Schulden/ die auffrichtung ei-
nes Teſtaments: verordnung im Haußwe-
ſen: gute Schuch/ ein Lederſack/ ein Huet/
ein Zehrpfenning/ Haͤndtſchuch/ wiſſenſchaft
deß Wegs: leichte Buͤrdt/ ein kleines Huͤnd-
lein/ gute Geſellſchafft/ fruͤh auffſtehen vnnd
wandern/ langſamb vnd gemach gehen: nicht
ſtillſtehen: die Spoͤtter verachten: deinen
Schatz oder Gelt verbergen: Fuͤrſichtigkeit
in der Herberg/ im Schatten eſſen: mit dem
Leib auffm weg vnnd mit dem Geiſt im Vat-
terlandt ſein: vom Vatterlandt reden/ vnnd
wider ins Vatterlandt kommen.
WAS erſtlich die Schulden/ mit de-
nen der Pilgram behafft iſt be-
trifft/ muß er dieſelbige vor allen
dingen abledigen/ damit er der calumnien
der Menſchen hefreyt ſein/ vnd die gebott deß
Herꝛn deſto beſſer halten vnd volziehen moͤge:
Jnnmaſſen jener gebetten ſpꝛechend: redime
me à calumnijs hominum vt cuſtodiam
mandata tua. Mein Bruder/ zahle deine
Geltſchulden/ dann ſonſten kanſiu nit wider-
kommen in dein ſeliges Vatterlandt/ dañ kein
Schuldner ſoll die Schuldt wider ſeines gel-
ters willen behalten/ ſonder iſt ſchuldig ſie zur
beſtimbter zeit zu zahlen/ dann ſonſten begehet
er ein Todtſuͤnd. Das mercket jhr reichen/ die
jhr den armen Geltern/ Tagwerckern vnnd
Handtwercksleuthen das jhꝛige mit Liſt/ vortl
oder gewalt vorenthaltet oder abbrechet. O
wie ein groſſes vnd herꝛlichs ding iſts/ wañ ei-
ner ſich liberiert frey vñ ledig machet durch
abzahlung der Schulden/ damit er deſto leich-
ter vñ freyer vortraiſen vñ hinauff gen Him̃el
fliegen moͤge/ jn maſſen jener Edelmañ gethan
welcher/ als er in ſeinẽ Todbeth ein ordenliche
diſpoſition vñ veroꝛdnung aller ſeiner guͤter
gemacht/ vñ alle ſchuldẽ zubezalẽbefohlẽ hatte/
wẽdete er ſein angeſicht zũ Crueifix vñ ſprach:
Sihe O Herꝛ/ nun mehꝛ hab ich mich erledigt
auß dẽ haͤnden der Menſchen/ derwegẽ befilch
ich meinen Geiſt in deine Haͤnd. Dann fuͤr-
war/ niemandt kan Gott dem HErꝛen voll-
koͤmmlich dienen noch anhangen/ woferꝛn er
ſich nit zuuoꝛ frey machet von der welt. Diſes
ſolten die jenigen betrachten/ welche entweder
mutwilliger weiß banckrotieren/ fallieren/ vil
gute Leuth jaͤmmerlich anſetzen vnnd ins ver-
derben bringen/ oder nach vil Landt vnnd
Leuth/ vil Herꝛſchafften/ Haͤuſer vnnd Guͤter
trachten vnd nicht deſto weniger mit groſſen
ſchulden beladen ſterben/ vil vnd arme Witt-
wen vnd Waiſen machen/ dern raach/ jam̃er
vnd noth jmmerdar vnnd in alle ewigkeit gen
Him̃m̃el ſchreyet.
NOch ein andere art der Schulden iſt
verhanden/ die werden debita pena-
lia, oder pein vnnd ſtraffſchulden ge-
nennt/ vnnd von vns durch vnſere Suͤnd ge-
macht/ derwegen muͤſſen ſie gegen Gott abge-
tragen bezahlt vñ erſtatt werdẽ/ vermittelſt deß
ſtraffleydens vnd geduldens/ dañ wer ſich wi-
der Gott verſuͤndiget der wirdt deß hoͤlliſchen
Fewers ſchuldig/ vnnd daſſelbe muß er bezah-
len/ woferꝛn jhms GOtt nicht verzeyhet ver-
mittelſt der contrition, faſten/ wachen/ betten
diſciplinirung deß Fleiſches vnnd Allmuſen/
vermuͤg der Wort: Elemoſinis redime
peccata tua, Durch die Glider mit denen
du geſuͤndiget haſt/ muſtu bezahlen vnd gnug-
thun: vermuͤg der Wort: Sicut exhibui-
ſtis membra veſtra ſeruire immunditiæ.
Als wolte der Apoſtel ſagen/ wie du deine
Glider freywillig zum dienſt der vnreinigkeit
dargebotten/ vnd nicht allein dardurch deinen
Leib vereiniget/ ſondern auch dein Seel ver-
derbt haſt/ Alſo diene an jetzo der Gerechtig-
keit/ die dich fuͤhret zur Heiligkeit: Zu ſolchem
end aber vnnd an ſtatt daß du mit den Augen
geſuͤndigt/ ſie zu verbottenen dingen hergeben/
vnd die Weiber auß ſuͤrwitz vnd geylheit an-
ſchawt/ ſo verwende ſie anjetzo zum vergieſſen
der bußfertigen Zaͤher. Erhebe deine Au-
gen ſambt CHRJSTO gen Himmel/ dan-
cke ſeinem Vatter/ vnnd ſchaw die Bilder
deß gecreutzigten vnnd der Heiligen andaͤch-
tigklich an.
An ſtatt daß du deine Ohren hergeben haſt
zum anhoͤren der eytlen Fablen/ Maͤrlein/
ſchaͤndtlichen poſſen/ calumnien, liderlichen
Lieder/ verwende ſie anjetzo zum anhoͤren der
Predigen/ der klagen der Wittwen vnd Wai-
ſen/ deß ſchreyens der armen/ nackenden vnnd
duͤrfftigen/ vñ deß heilſamen raths der weiſen.
An ſtatt daß du deinen Mundt verwendt
haſt zum liegen/ triegen/ ſchmehen/ beruͤhmen/
fluchen/ ſchweren/ freſſen/ ſauffen/ verwende
jhn an jetzo zu den Wercken der gerechtigkeit/
verſperꝛe es/ verachte niemandte/ beruͤhme
dich nicht/ leug nicht/ friß vnd ſauff nit/ ſon-
dern lobe Gott/ corrigire, berede vnd ſtraffe
deinen Nechſten.
An ſtatt daß du deine Haͤnd außgeſtreckt/
vnd dich ſelbſt oder andere vnzuͤchtiglich an-
geruͤhrt vnd betaſt/ oder deinen Nechſten ge-
ſchlagen oder beſtohlen haſt/ ſo ſtrecke ſie an je-
tzo auß zum Allmuſen geben: manus tuas a-
peri inopi. Reiche dein rechte Hand deinem
Nechſten zur Verſoͤhnung/ enthalte ſie von
ſchaͤndlichen dingen/ biete ſie der gerechtigkeit
dar: klopffe mit jnen auf dein Bruſt/ erhebe ſie
gen Himmel/ ſeufftze vnnd ſprich: Deus eſto
propitius mihi peccatori. Diſer geſtallt
gehe mit allen andern deinen Glidern vmb/ ſo
wirſtu durch die ſatisfaction deine ſchulden
zahlen vnnd ein lebendiges Opffer werden/
vermuͤg der Wort: Obſecro vos vt exhi-
beatis corpora veſtra hoſtiam viuentem
Deo.
Nit aber ſprich: Jch kan meinen Leib nit
alſo peinigen/ ſondern will die Schuldt biß
zum Jammerthal deß Fegfewers verſchieben/
dann eben darumb iſt das Fegfewer gemacht
vnnd verordnet worden: Dann du jrꝛeſt
dich/ vnnd ſolleſt wiſſen/ daß drey Jarmaͤrckt
verhanden ſeindt/ auff denen wir ſolche vnſere
Schulden zahlen muͤſſen/ nemblich inn der
Hoͤllen/ welche die Leoner Meß iſt: Jtem
im Fegfewer/ welche die Franckforter Meß
iſt/ Jtem in diſer Welt/ welche die Straß-
burger Meß iſt: Aber wehe dem Menſchen
der ſolche ſeine Schulden biß auff der Leoner
Meß/ das iſt/ in der Hoͤllen/ zubezahlen ſparet
vnnd verzihet: dann daſelbſt muß er ſie zahlen
biß auff den letzten heller vnd wirdt doch nicht
frey noch ledig werden/ dann/ leyder/ in der
Hoͤllen iſt kein erloͤſung: Allzeit zahlt man
dort/ aber niemaln wirdt man ledig gezehlt:
Jm Fegfewer iſt gleichwol ein ſolutio vnnd
abſolutio, zahlung vnd ledigſprechung/ aber
ein ſchwere vnnd harte zahlung/ diſes wuſte
jener wol/ ſprechendt: Domine ne in fu-
rore tuo arguas me, &c. Als wolte er ſa-
gen: Herꝛ vberꝛumple mich nicht in deinem
wuͤten vnd grimmen in der Hoͤllen oder Leo-
ner Meß/ ſondern erꝛette mich auß dem Ra-
chen deß Loͤwen/ der mich ſuchet zuuerſchlin-
den.
Noch ſtraffe mich in deinem Zorn in dem
Fegfewer auff der Franckfurter Meß/ allda
ich einen freyen vnd Francken Paß vnnd ein
gewiſſe Hoffnung hab erledigt zuwerden/ ſon-
der erbarme dich meiner inn diſer Welt auff
der Straßburger Meß/ dern Straſſen/ weg
vnnd zuflucht die pœnitentz vnnd Buß iſt/
dann ich bin je ſchwach vnd zart/ vnnd koͤndte
anderſtwo deinen Zorn weder in der Hoͤllen
noch im Fegfewer außſtehen. Allhie O Herꝛ/
brenne/ ſchneide vnd zwinge mich dich zu za-
len. Ziehe mich mit riemen zum Thꝛon deiner
Barmhertzigkeit/ damit ich nicht gezwungen
werde anderſtwo zuerſcheinen voꝛ dem Thꝛon
der ſtrengen gerechtigkeit.
FErꝛner kanſtu deine Straffſchulden
zahlen vermittelſt deß begerens der
friſten oder nachlaſſung: Dann du
moͤchteſt gleichwol ſprechen: Fodere non
valeo; graben vnnd arbeiten kan ich nit ver-
mittelſt der Satisfaction deß Faſtens/ dann
ich bin vil zu zart/ vnd bin deſſen nicht gewont
vnd wann ich faſte/ ſo ſtrauchle ich geſchwind
oder es ſchwindlet mir der Kopff/ oder werde
ſonſten ohnmaͤchtig. Zum wachen bin ich vil
zu alt: Was ſoll ich derwegen thun/ damit ich
meine 10000. Talenten bezahle? Soll ich
dann verzagen vnnd verzweifflen? Nein/
keins wegs/ dann es iſt noch ein anders mittel
zubezahlen verhanden/ dann weil du je (wie
du ſagſt) nicht kanſt graben vnnd arbeiten/ ſo
ſcheme dich nicht zubetlen. Bitte Gott den
HERREN vnnd begere ein friſt vnnd
verzug/ oder ein gantze nachlaſſung deiner
Schulden von jhm/ erhebe deine Haͤnd zu
jhm ſambt dem Dauid: Eleuatio manuum
mearum ſacrificium veſpertinum. Er-
ſuche jhne vmb zihl vnnd zeit/ daß er dir geben
woͤlle die ſtaͤrck vnnd das Leben dich zubekeh-
ren vnnd fuͤr deine Schulden ein gnuͤgen zu-
thun: Falle nider auff dein Angeſicht vnnd
ſprich mit Mundt vnnd Hertzen: Domine
ne confundas me ab expectatione mea,
ſuſcipe me ſecundum eloquium tuum,
dann geredt/ verſprochen vnnd geſagt haſtu:
nolo mortem peccatoris ſed magis vt
conuertantur & viuat? quoniam ſi volu-
iſſes ſacrificium dediſſem, &c. ſprich ſam̃t
jenem boͤſen Knecht: Herꝛ/ hab geduldt mit
mir/ ich wil dir alles bezahlen/ wo nit wircklich
doch mit dem voto vnd geluͤbd.
Nit allein ſprich alſo/ ſonder thue es auch/
weil du noch zeit haſt buß zuthun: nicht miß-
brauche die edle zeit mit Hoffart/ damit
du nicht aͤrger werdeſt/ vermuͤg der Woꝛt:
dedit
dedit ei Deus locum pœnitentiæ, ille au-
tem abuſus eſt eo in ſuperbiam: Hoͤre
was der Apoſtel zu dir ſagt: exiſtimas quia
tu effugies iudicium Dei, an diuitias bo-
nitatis eius & patientiæ & longanimita-
tis’ contemnis’, ignoras’ quoniam
benignitas Dei ad pœnitentiam te ad-
ducit: Secundum autem duritiam
tuam & impenitens cor theſauriſas tibi
iram in die iræ & reuelationis iuſti iudi-
cij Dei.
Beſchließlichen bezahle deine Straff-
ſchulden vermittelſt fuͤrzeigung der Handt-
ſchrifft oder Quittung: Zeige den gecreu-
tzigten CHRißum vnnd die Haut deß vnbe-
fleckten Lambs/ welches die Suͤnd der Welt
hinnimbt/ welches am Creutz außgeſtreckt
iſt/ welches vberſchriben iſt mit ſchweren
Wunden/ welches beſprengt iſt mit Spei-
chel vnnd ſeinem eygnen roſenfarben Blut/
welches illuminiert iſt mit den fuͤnff groſ-
ſen Buchſtaben der fuͤnff Wunden/ vnnd
welches verſiglet iſt mit ſeinem aignen
Wort: Venit filius hominis tradere
animam
animam ſuam in redemptionem pro
multis; & hic eſt calix qui effundetur:
Hoc eſt chirographum, quod manu no-
ſtra propria ſcripſimus’, manus enim
hominum flagellauerunt eum & cruci-
fixerunt, & propter homines paſſus eſt,
propter ſcelus populi mei percuſſi eum,
ait Dominus’: Diſes iſt die Quittung
Chriſti.
Aber leyder/ noch ein andere Handtſchrifft
iſt verhanden/ welche der Teuffel wider vns
hat fuͤrzuweiſen/ vñ welche wir mit der Handt
vnſerer boͤſen Wercken geſchriben. Wehe
vns/ wehe vns/ dann ſie begreifft ſehr ſchaͤnd-
liche Fleck vnnd notas’ vnſerer Suͤnden/
vnnd von jhr redet der Apoſtel alſo: Delens
quod aduerſus nos erat chirographum
decreti, quod erat contrarium nobis’,
& ipſum tulit de medio affligens’ illud
cruci. Diſe Handtſchrifft vnſerer Suͤnden
wirdt der Teuffel wider vns fuͤrzaigen vor
GOttes Angeſicht/ derwegen iſt ein notturft
daß wir die darwider fuͤr vns auffgerichte vnd
gemachte Quittung auffweiſen/ jhm den ge-
creutzigten CHriſtum vor die Naſen ſtellen/
vnd Gott dem Vatter ſie in abſchlag vnſerer
Schulden fuͤrlegen/ ſo wirdt er darmit zufri-
den vnd ſeiner Gerechtigkeit ein genuͤgen ge-
ſchehen ſein/ dann diſer Paſſion iſt bey jhm
ein redemption vnnd erloͤſung: Wann du
auch Gott dem Vatter diſe Quittung in ab-
ſchlag deiner ſchulden/ vermittelſt einer ſte-
ten vnd andaͤchtigen betrachtung vnnd nach-
folgung deß Paſſions ſeines Sohns/ fuͤrzei-
geſt/ alsdann ſprich: Reſpice in faciem
Chriſti tui, Deus in nomine tuo ſaluum
me fac, & in virtute tua iudica me. Vnd
zweifle nicht an der nachlaſſung deiner ſchul-
den/ dann er hat ſie durch ſeinen Paſſion ge-
nugſamb abzahlt/ vnd diſer abzahlung Chꝛiſti
wirſtu theilhafftig/ woferꝛn du die Quittung
deß geereutzigten Chriſti auffweiſeſt vermit-
telſt der meditation, Betrachtung/
danckſagung/ nachfolgung vnd
Bekehꝛung deines
Lebens.
FErꝛner ſeindt noch Schulden ver-
handen/ die nennet man Suͤndſchul-
den von denen im Gebett deß Vatter-
vnſers: vergib vns vnſere ſchuld als wir verge-
ben vnſern ſchuldigern/ ꝛc. meldung beſchicht.
Nit allein muß ein Wallfahrter ehe vnd beuoꝛ
er ſich auff den Weg begibt/ Gott den Herꝛn
bitten vmb vergebung ſeiner Suͤnden/ ſonder
wir muͤſſen auch beynebens vns mit vnſeren
Geltern vergleichen/ vnnd nicht allein jhnen
das jenig/ was wir jhnen ſchuldig ſeindt/ be-
zahlen/ ſondern auch vnſern Schuldnern jh-
re Schuldt barmhertzigklich nachlaſſen/ da-
mit du nicht ſambt jenem vnbarmhertzigen
Knecht dem Peiniger vberantwort vnnd ge-
zwungen werdeſt dein gantze Schuldt zubeza-
len. Ob aber ſchon in deiner macht nit ſtehet/
deinem Nechſten das jenig/ was er dir ſchul-
dig/ oder wider dich begangen/ zuuerzeihen/
Dann Gott iſt allein der jenig/ der die Suͤnd
verzeyhet/ ſeytemal er fuͤrnemblich dardurch
erzuͤrnt wird/ ſo iſt doch auch ein notrurfft/ dz
du jhm deines theils von Hertzen verzeyheſt
vnd jhne ferꝛner deſſen nichts entgelten laſſeſt/
noch auch einige weder zeitliche noch ewige
raach begereſt/ ſonder vilmehꝛ ſein bekehꝛung/
nutz/ heyl vnnd wolfahrt ſucheſt vnnd befuͤr-
derſt/ jhne guͤtlich vnd ernſtlich ſtraff eſt vnnd
gedultiglich vnd ſanfftmuͤtiglich vbertrageſt/
vermuͤg deß beuelchs deß Herꝛn der da ſpricht:
Diligite inimicos veſtros, benefacite his
qui oderũt vos, & orate pro proſequen-
tibus & calumniantibus vos. Wann nun
wir ſolches thun/ ſo erlangen wir daꝛdurch nit
allein die verzeihung vnſer eygnen/ ſond’ auch
vnſer feinde vñ ſchuldner ſuͤnden. Thun wirs
aber nit/ vnd verzeyhen vnſerm Nechſten nit/
ſo widerꝛufet vñ widerholet Gott die allbereit
zuuor vns vergebne ſchulden/ biß wir ſie auffn
letzten Heller zahlen/ dann er ſelbſt ſagt: Mit
der maß/ mit dern jr andern gemeſſen/ ſol euch
hinwider gemeſſen werden.
ZVgleicher weiß wie einer/ der weit ver-
raiſen will/ zuuor ein gute Ordnung vn-
der ſeinem Haußgeſindt machet/ vnd den
Kindern/ Knechten vnnd Maͤgden befilcht/
was ſie thun vnnd verꝛichten ſollen/ Alſo auch
muſtu/ O Chriſtlicher Wallfahrter/ der du
kein bleibendes ort inn diſer Welt haſt/ dein
Haußweſen diſponieren, vermuͤg der wort:
Diſpone domui te, quia cras morieris &
nõ viues. Nun moͤchteſt du aber ſpꝛechen: ich
bin ledig vnd allein/ vnd hab kein Haußweſen.
Antwort: ein groſſes Haußweſen haſtu/ dann
weil das Reich Gottes in vns iſt/ wie koͤnnen
wir dann Koͤnige ſein/ ohne Haußgeſinde?
Der Verſtandt/ die Gedaͤchtnus/ der Will/
die drey potentiæ animæ rationis, Die
fuͤnff jnnerliche vnnd aͤuſſerliche ſinnen vnnd
alle jhre organa vnd aͤuſſerliche Glider/ nem̃-
lich der Mundt/ die Zung/ die Haͤnd/ die Fuͤß/
alle vnſere gedancken/ begirlichkeitẽ/ affecten
ſeindt vnſer Haußgeſindt/ Vnnd jhrer aller
Koͤnigin iſt die Ratio. Tunc reges alios ſi
rexeris te.
Wie aber das Haußgeſindt vngleich/ biß-
weiln zuͤchtig vnnd gehorſamb/ bißweiln aber
vnzuͤchtig vnnd vngehorſamb iſt/ alſo gehor-
ſamen die potentiæ der Seelen nicht allzeit
jhrer Koͤnigin rationi. Jm Reich der See-
len iſt ein doppelte Policey/ allermaſſen in den
euſſerlichen Weltlichen Regimenten/ vnnd
es widerfehꝛt der Rationi eben das jenig/ was
einem Jrꝛdiſchen Koͤnig begegnet/ der zweyer-
ley Vnderthanen hat/ Etliche ſeindt jhm vn-
derthenig vnd gehoꝛſamb ohne alle widerꝛed/
ſeindt eygne Leuth/ vnnd gehoͤren jhm ſambt
Weib Kindern vnnd Guͤtern zu: vnnd ein
ſolcher principatus heiſt deſpoticus oder
dominatiuus: Andere Vnderthanen aber
ſeindt frey/ haben einen freyenzug/ vnd ſeindt
gehorſamb in ſonderbaren fellen vnd geſetzen/
ſie geben jhm gleichwol den tribut, aber doͤrf-
fen ſich doch bißweiln ſeinen gebotten vnd be-
felchen widerſetzen/ vnd ein ſolcher principa-
tus wirdt genennt politicus oder regalis, E-
ben diſe meinung hats auch mit dem regimẽt
vnſers jnnerlichen Haußgeſindts/ dern einer
theil gehorſamet der Koͤnigin Rationi in al-
len dingen/ vñ dieſelbige ſeind die glideꝛ vnſers
Leibs/ Animũ n. dominatur corpori no-
ſtro, principatus deſpotico. Imperat ani-
mus vt moueatur manus & tanta eſt fa-
cultas vt vix à ceruicio diſcernatur im-
perium. Der ander theil vnſers geſinds aber
gehoꝛſamet nit alzeit/ ſondern bißweiln/ als da
iſt der ſinnliche appetit/ vber welchen die ra-
tio nur principatu politico od’ regali herꝛ-
ſchet/ derwegen kan er ſich jhrem Gebott wi-
derſetzen/ wie zuſehen iſt wann die iraſcibilis
vnd concupiſcibilis ſich der rationi wider-
ſtreben/ deſſen beklagt ſich der Apoſtel/ ſpre-
chendt: Video aliam legem in membris
meis repugnantem legi mentis meæ.
Dem erſten gehoꝛſamen theil deß geſindts
aber mache vñ ſetze du ein Regel vnd ordnung
wie vnd was geſtallt ſie ſtuͤndtlich leben vnnd
ſich verhalten ſollen mit leſen/ beten/ arbeiten/
eſſen/ ſchlaffen: Was aber den andern theil
deß Geſindts/ nemblich die jnnerliche gedan-
cken/ potentias vnd paſſiones belangt/ wer-
den dieſelbigen ſehꝛ ſchwerlich componiert
vnnd in vnum redigiert: O wie ſelig were
der Geiſtliche Centurio oder Hauptmann
vnſer Geiſt/ vnſere ratio, wann ſie/ wie jener
Hauptman/ ſo maͤchtig were inn dem Landt
jhres Leibs/ daß ſie/ wann ſie ſprechen thete:
Komm/ kaͤme: gehe hin/ ginge: Selig/
ſage ich/ were der jenig/ deſſen Geſindt jhm
ſo gar gehorſamb vnnd willferig were/ aber
leyder/ wir erfahren ein anders in vns/ dann
cogitationes noſtræ diſſipatæ ſunt tor-
quentes cor meum. Daran aber ſeindt
wir zum theil ſelbſt ſchuldig/ dann zuglei-
cher weiß wie die vbel gezogene Huͤndel auff
dem Kuͤß/ Bolſter vnnd Tiſch jhrer Herꝛn
ſitzen/ vnnd wann etwann frembde Leuth
verhanden ſeindt/ eben deßgleichen thun/ nit
ohne ſchandt vnd ſpott jhrer Herꝛn/ die ſie alſo
gewehnt haben/ alſo vnnd ebner Geſtallt
ſouieren auch wir vnſere Gedancken vnnd
begirden/ wir laſſen ſie an vnſerer ſeiten deß
conſenſus oder verwilligung ſitzen/ vnd trei-
ben ſie ſelten oder niemaln ab/ darauß aber
folgt/ daß/ wann wir vns zum beten oder me-
ditieren begeben vnd mit dem Himmliſchen
Heer vermiſchen woͤllen/ als dann vnſere boͤſe
Gedancken/ ſich gebreuchiger maſſen/ wie die
vbelgezogne Huͤndlein/ vnberuffen vnnd vn-
geſtuͤmmiglich ein miſchen/ vnd andern dar-
gegen mit fleiß herzu beruffenen Gedancken
keins wegs gehoꝛſamen woͤllen.
Beſchließlichen ſehen wir bißweiln/ daß/
wann ein Haußuatter ſein Geſind compo-
niren vnnd reformiren will/ ſie ſich als-
dann betruͤben/ aber dz der Haußuatter nichts
darnach fragt: Eben alſo ob ſchon du/ O
Chriſtlicher Wallfahrter ſiheſt/ daß das jñer-
liche Geſindt deines Hertzens ſich vber deine
gute Compoſition, verordnungen vnnd be-
zwingung betruͤbet/ ſo ſolleſtu doch dich nicht
daran kehren/ noch dich durch jhꝛ wainen be-
woͤgen laſſen/ ſondern gedencken/ daß es vil
beſſer ſeye/ daß die Kinder wainen/ weder daß
die Eltern wainen/ den Kopff kratzen vnd die
Haͤnd zuſammen ſchlagen/ dann dardurch
wirdt jhre trawrigkeit verkehrt werden in ein
Frewd. Vberwinde dich/ O Pilgram/ v-
berwinde dich ſelbſt/ dann dem Vberwinder
wirdt das verborgne Manna vnnd ein newer
Nam gegeben/ es wirdt auch darauß der
Frid/ ruhe ſicherheit vnnd frewd erfolgen: de-
lectationem non perdes ſed permutabis
delectationes carnales breues ſunt & per-
mitte triſtitijs: non ſic ſpirituales’ quæ
inges.
DAS dritte requiſitum deß Wall-
fahrters iſt ein Taſche oder ein Le-
derſack/ darinn allerhandt notturfft/
nemblich ein Fewerzeug/ Gewuͤrtz/ Brot/ ꝛc.
gelegt werden. Durch diſen Lederſack wirdt
verſtanden der lebendig Glaub/ welcher da
machet/ daß der Menſch das Leben hat/ das iſt/
er gibt jhm den ſenſum vnd bewegnuß deren
dingen/ ſo den Glauben betreffen/ nemblich
den affect vnd die wirckung/ Wie derwegen
der Menſch glaubt/ daß GOtt gerecht vnnd
erſchroͤcklich ſeye/ alſo zittert vnnd foͤrchtet er
ſich vor jhm/ vnnd er thut vnnd vollziehet das
jenig was er glaubt Wie derwegen er glaubt/
daß es gut vnd verdienſtlich ſeye/ GOtt vor
allen dingen lieben/ den Sabbath heiligen/ die
Eltern ehren/ ꝛc. alſo thut ers: Hergegen wie er
glaubt/ daß das huriren/ ehebrechen/ ſtehlen/ ꝛc.
boͤß ſeye/ alſo huͤtet er ſich daruor. Diſes wird
der lebendig Glaub genennt/ quæ potens eſt
elicere debitas operationes’, quæ per
charitatem operatur: Hergegen wirdt ein
todter Glaub genennt/ welcher nicht maͤchtig
noch gnugſamb iſt die ſchuldige wirckung zu-
uerꝛichten: vermuͤg der Wort: ſi fides non
habeat opera, mortua eſt in ſemetipſa,
eſt ſicut corpus ſine ſpiritu.
Recht vnd wol wirdt der Glaub einem Le-
derſack verglichen/ erſtlich wegẽ der einigkeit/
dann die Pilgram pflegen bißweiln einen ge-
meinen groſſen Sack/ vnd dariñ jre ſachen/ die
ſie nit alle Tag brauchen/ zulegen: vnd dem al-
ler ſtaͤrckſten vnder jhnen anzuhencken/ da-
mit ers fuͤr ſie alle mit einander trage vnnd ei-
nem jeglichen die notturfft herauß gebe: A-
ber doch hat ein jeglicher Pilgram ſeinen be-
ſondern Sack oder Taſchen bey ſich. Durch
den groſſen Sack wirdt bedeut der allge-
meine Chriſtliche Glaub/ vnnd derſelb wirdt
getragen durch einen der der ſtaͤrckeſt iſt/ fuͤr
alle ſchwache Chriſten/ dann die ſchlechte vnd
einfaͤltige Chriſten werden im glauben ge-
ſtaͤrckt vnd ſelig im Glauben der Vorſtehern.
Dann die Vnderthanen muͤſſen im Glauben
den maioribus oder Vorſtehern anhangen
vnd folgen/ derwegen iſts gnug/ daß die mi-
nores nur ein kleines Saͤcklein oder Karnirl/
(nemblich jhren Glauben/ welcher gemeing-
klich in der Kirchen gepredigt wirdt/ vnnd ei-
nem jeglichen Chriſten zuwiſſen vonnoͤten iſt)
glauben. Dann gnug iſts/ daß der gemeine
Mann implicite in fide maiorum glaube/
aber die maiores ſein ſchuldig andere incre-
dibilia explicitè zu glauben/ vnd die War-
heit der Schrifft zuuerſtehen.
Das erſte aber/ welches in diſen Sack oder
Taſchen gehoͤrt/ iſt der Fewrzeug/ dañ wie die
Pilgram denſelben brauchen/ wann ſie in der
Nacht auff ſtehen vnnd betten woͤllen/ damit
ſie ſehen/ oder ſich beym Fewer wermen o-
der etwas kochen moͤgen/ Alſo haben wir
im Sack vnſers Chriſtlichen Glaubens die
principia vnd anfaͤng der erleuchtung vnnd
entzuͤndung/ vnnd zwar erſtlich einen Fewer-
ſtein oder Eckſtein/ welcher Chriſtus iſt/ deß-
gleichen vil andere kleine Stein oder heilige
in den Tugenten polierte vnd geuͤbte Maͤñer.
Am andern einen Stahl/ das iſt/ die ſtarcke
vnnd beharꝛliche meditation vnd Betrach-
tung. Drittens einen Schwammen oder
Zunter deß Hertzens. Darauß wirdt nun ge-
ſchlagen das Fewer/ welches vnſere Hertzen
erleuchtet vnd anzuͤndet. Aber laider/ biß-
weiln iſt der Stahl/ oder der Zunter/ oder das
Schwefelhoͤltzle/ oder der Fewerſchlager
nichts werth/ oder das allbereite Liecht wirdt
wider außgeloͤſcht/ vnd fellt dardurch alle an-
dacht/ eyfer vnnd jnnbruͤnſtigkeit in Brun-
nen.
Das ander/ ſo in Sack oder Taſchen
deß Glaubens vnſers Pilgrams gehoͤrt/ iſt
das Gewuͤrtz/ nemblich/ Zimmet/ Mußcat/
Naͤgelein vnnd dergleichen/ mit denen er biß-
weiln die vngeſchmackige Speiſen anmachet
vnnd verbeſſert/ oder ſich auff der Reiß ſtaͤr-
cket: Zum zeichen/ daß wir Chriſtliche Wall-
fahrter inn der Taſchen vnſers Chriſtlichen
Glaubens ein confortatiuum; ein dige-
ſtiuum, ein conditiuum vnnd ſanatiuum,
das iſt/ den gecreutzigten CHRiſtum/ haben.
Dann er iſt diſes alles/ er iſt ein Wunder-
barliche Kugel/ in welchem alle Schaͤtz der
Weißheit vnnd ſcientzen verhanden/ Er iſt
das guldene Trinckwaſſer wider alle Kranck-
heiten. Er iſt die quinta eſſentia aller Guͤ-
ter/ ſo da extrahiert vnnd gezogen iſt worden
durch den allerhoͤchſten Alchimiſten/ der da
maͤchtig iſt/ auß nichte etwas zumachen: er
kan allerhandt vnheilbaren Kranckheiten der
Seelen abhelffen vnnd alle ſchwachen con-
fortiren vnd ſtercken.
Ferꝛner iſt im Sack deß Pilgrams ein gu-
tes kraͤfftiges Brot vnnd ein Flaſche mit
Wein/ darmit er ſich vnderm Baum ſitzent
labet vnnd ſtaͤrcket: Aber vnſer Chriſtlicher
Wandersmann hat inn ſeinem Sack deß
Glaubens das Brot der Engeln/ deß
Lebens vnnd Verſtandts/ nemblich die hei-
lige Euchariſtiam: Vermuͤg der Wort:
Cibauit illum Dominus pane vitæ & in-
tellectus & aqua ſapientiæ ſalutaris’ po-
tauit eum: Diſes iſt der frommen Chriſt-
lichen Pilgramen viaticum vnnd Zehrpſen-
nig: Es iſt das Brot deß Lebens/ wer nun dar-
von iſſet/ der wirdt leben ewiglich: von diſem
Brodt haben geſſen jene zwen Juͤnger/ wel-
che gen Emaus gingen/ vnnd CHRJſtus
der Pilgram brach jhnens/ dardurch wurden
jhre Augen eroͤffnet vnnd dermaſſen erleucht/
daß ſie jhne erkennten.
Nicht weit von diſem Brodt iſt das Ge-
ſchirꝛ oder die Flaſche mit dem Waſſer der
Weißheit/ der rothe Wein deß Roſenfarben
Bluts vnſers HERREN JESV
CHRJSTJ/ welcher ſelbſt vnder den
Geſtallten deß Brodts begriffen iſt/ wie der
Leib/ dann ein ſolcher Leib hat Blut in den
Adern. Mit diſem Wein ſeindt truncken woꝛ-
den/ die Apoſtel/ als ſie froͤlich vor dem
Con-
Concilio erſchinen/ Diſer Wein iſt das
Waſſer der heylſamen weißheit/ welche Chri-
ſtus iſt/ vnnd wer von diſem Brot jſſet
vnnd von diſem Wein trincket/ der wirdt er-
quickt/ ob er ſchon noch ſo muͤd vnd krafftloß
were.
Was ſoll ich aber vilmehr ſagen? Jnn
diſem Sack deß Glaubens haben wir alle
Guͤter/ nemblich GOtt ſelbſt/ welcher alles
guts iſt/ vermuͤg der Wort: Oſtendam tibi
omne bonum: Item: det vobis habitare
Chriſtum per fidem in cordibus veſtris.
Wie derwegen die Pilgram auß jhrem Sack
zechen vnnd leben/ alſo leben alle Chriſten/ ſo
da Chriſtlich leben/ auß dem Sack deß Glau-
bens/ dann Iuſtus in fide ſua viuet: Die
Weltmenſchen/ ſo da nicht wiſſen/ daß
ſie Pilgrammen ſeindt/ leben entweder
vom Fleiſch/ oder von jhren Reichthumben/
oder von jhren Eytelkeiten/ aber ein voll-
kommener Chriſt lebt vom Glauben/ das
iſt/ nach dem Glauben regiert vnnd diſ-
poniert er ſein Leben/ vnnd ſpricht: quo-
niam tu es Domine ſpes mea. Jn allem
meinem thun vnd laſſen/ in allem meinem ley-
den vnd noͤthen tu Domine es ſpes mea,
biſtu O HErꝛ meine Hoffnung: Es moͤgen
ſich gleichwol andere verlaſſen worauff ſie
woͤllen/ nemblich auff jhre Gelehrtheit/ Adel
vnnd Hochheit: Mihi autem adhærere
Deo bonum eſt, propter te omnia de-
trimentum feci, & vt ſtercora arbitror;
ſi mihi præmia promittuntur, per te ob-
tinenda ſperabo, ſi inſurgat aduerſum
me prælium, ſi ſæuiat mundus ſi fremat
malignus ſi ipſa caro aduerſus me con-
cupiſcat, ego in te ſperabo. Diß heiſt
vom Glauben leben/ vnnd diſer geſtallt leben
alle wahre Chriſten vom Sack deß Glau-
bens.
DAs vierdte fuͤrnembſte requiſitum
eines Pilgrams iſt der Stab oder
Steck/ daran er ſich helt/ damit er
nicht falle/ nicht muͤd werde/ vnd ſich voꝛ dem
Wolff/ Hund vnnd Gaͤnſen beſchuͤtze: Diſer
Stab iſt an dreyen orten mit Eyſen vnnd ein
ner ſpitzen verſehen/ wirdt auch dem Pilgram
bißweiln geſtohlen oder verwechßlet. Der
Stab eines Chꝛiſtlichen Pilgrams iſt die
wahre hoffnung/ vnd hat alle jetzterzehlte ey-
genſchafften/ dann erſtlich wie der Pilgram
ſich an Stab haͤlt damit er nicht falle/ alſo
haͤlt ſich der Menſch an der hoffnung/ damit
er nicht falle in die ewige Verdamnuß vnnd
Hoͤlliſchen abgrundt: Hergegen halten ſich
die Weltmenſchen an roͤhrinen Stecken/ ſo
außwendig gruͤn/ jnnwendig aber hol vnd leer
ſeindt/ nemblich an der Ehꝛ/ Wolluſt/ Reich-
thumb vnd Freunden/ derwegen brechen vnd
fallen ſie vnder jhnen/ vnnd wirdt von jhnen
geſagt: Maledicti qui confiſi ſunt in ho-
mine, & poſuerunt carnem brachium
ſuum. Selig aber ſeindt die jhre Hoffnung
nicht geſetzt haben in den ſchaͤtzen deß Gelts/
vnnd die nicht nachgangen ſeind dem Goldt:
O wie vil Seelen/ welche ſich auff die roͤhri-
ne Staͤb verlaſſen haben/ ſchreyen an jetzo im
Fegfewer: Miſeremini mei, miſeremini
mei ſaltem vos amici mei, quia manus’
Domini tetigit me. Aber ſolche jhꝛe Freund
hoͤrens nicht/ vnnd gehen mit dauben Ohren
fuͤruͤber: nolite ergo confidere in princi-
pibus neque in filiis hominum in quibus
non eſt ſalus.
Ferꝛner iſt diſer Stab der hoffnung taug-
lich die Woͤlff/ Huͤnd vñ Gaͤnß abzuwehꝛen/
das iſt/ er beſchuͤtzet vns vor der verſuchung
deß Hoͤlliſchen Wolffs/ deß Hunds oder flei-
ſches vnd der Gaͤnß/ als verſpoͤtter diſer welt
der hoͤlliſch Wolff ſuchet durch ſeine verſu-
chungen die fromme Chriſtliche Wallfahꝛter
zuuerhindern daß ſie nit vortgehen/ ſondern
verzweiflen oder ſtillſtehen/ oder der welt die-
nen vnd verlohren werden ſollen/ diſer Stab
aber erhelt ſie/ vnnd ſie werder auß heiliger
Schꝛifft gelehꝛt quod in ſilentio & in ſpe
erit fortitudo eorum: Derwegen ſchweigẽ
ſie zu deß Sathans vnd boͤſer Menſchen ver-
ſuchungen ſtill/ beharꝛen im guten/ vñ werffen
den Stab der hoffnung niemaln von ſich/ O
Menſch veꝛlaſſe diſen Stab niemaln in diſem
Leben/ ſonder ſprich: etiamſi occiderit mo
in ipſum ſperabo: Vnd du greißgꝛawer ſehꝛ
alter/ laine dich an diſen Stab/ dann du kanſt
ohne jhne nicht gehen: Ob ſchon deine gedan-
cken zu dir ſprechen: Du biſt vil zu alt/ kanſt nit
wallfahrten gehen/ ſonder muſt fallen vnd zu
ſchanden werden/ ſo ſchreye du doch vñ ſpꝛich:
in te Domine ſperaui non confundar in
æternum: ſuſcipe me Domine ſecũdum
cloquium tuum & viuam, & non cõfun-
das me ab exſpectatione mea: ſuſcipe me
ſurſum, cape me per ſpẽ: ſuſcipe Domine
ſpiritum meum, corpus confractum eſt.
Drey Ring hat der Stab eines Pilgrams o-
ben/ in der mitte vnd vnden/ Dañ ob er ſchon
von gutem harten vnd wehꝛhafften Holtz iſt/
vnd nit leichtlich zerbꝛochen oder zerſpalt wer-
den kan/ dann diſes Holtz ligt an einem ſehr
guten ort/ nemlich in der Goͤttlichẽ guͤtigkeit/
dann bonus eſt Dominus ſperantibus in
ſe. Es ligt auch mitten zwiſchen d’ Goͤttlichen
barmhertzigkeit/ dann ſperantẽ in Domino
miſericordia circumdabit, Derwegen kan
er nicht zerſpalten noch verduͤrꝛen/ dann die
Goͤttliche Barmhertzigkeit netzet vnnd be-
feuchtet jhne/ vermuͤg der Wort: Benedi-
ctus vir qui confidit in Domino, & erit
quaſi lignum quod tranſplan tatur ſuper
aquas’. Nicht deſto weniger wirdt durch
den obriſten Ring bedeut die betrachtung der
gutthaten GOttes: Durch den mitteren die
erwoͤgung deß guten vnd boͤſen/ vnnd durch
den vnderſten die betrachtung der ſuffragio-
rum aller Heiligen im Himmel.
Die vnderſte eyſene Spitz/ dardurch der
Stab vnden verwart wirdt/ damit er ſich nit
hinſtoſſe/ vnd mit dern wir die Woͤlff abtrei-
ben vnnd die Schlangen zertretten/ bedeut
das ſuffragium der allerheiligiſten Jusgfra-
wen Mariæ/ welche ein Spitz vnnd Stahel
iſt/ vnnd vom Ring vmbgeben wirdt: von
deren geſchriben ſtehet: terribilis vt caſtro-
rum acies ordinata. Die Him̃liſche Heer-
ſpitzen/ die heilige Engel vnd Menſchen oder
Seelen ſeindt inn einem Zirckel oder Kugel
geordnet/ vnd mitten in derſelben Heerſpitz iſt
die allerheiligſte Jungkfraw Maria ein er-
ſchroͤckliche Heerſpitz/ dann ſie foͤrchten ſich
nicht vor dem groſſen Gewalt der ſichtbaren
Feinde/ ſondern verſchwinden voꝛ jhrem na-
men. Wann derwegen die alte liſtige ſchlang
ſich vnderſtehen wolte herzu zu kriechen/ ſo
zerknirſche jhr den Kopff mit der Krafft der
ſpitze diſes ſtabs/ vertreibe darmit die hoͤlliſche
Teuffel/ das bellen der Hunden vnd das pfei-
ſen der Gaͤnß/ das iſt/ allerhandt Verſu-
chungen.
AN ſtatt deß vorbemelten guten Stabs
der wahren Hoffnung aber/ erwiſchet
der Pilgram bißweilen den Stab der
falſchen Hoffnung: Vnnd derſelb iſt erſtlich
ein roͤhriner oder auß holen roͤhren der laͤren
vnd zergaͤnglichen reichthumb/ ehꝛ vnnd wol-
luſt geſchnitzelt/ wer ſich aber an denſelben lai-
net vnnd auffhaͤlt/ confidit in nihil, derſelb
verlaͤſt ſich vnd hoffet auff nichts.
Am andern iſt deß Teuffels Stab gemalt
vnd mit der Hoffnung deß langen Lebens an-
geſtrichen: Dann wie einer in etwan einem
Zim̃er ſeines Hauſes an die Wand allerhand
ratſigen Zeug/ Kleidern/ Stifeln/ Sporen/
Woͤhr/ Spieß vnnd Stangen mahlet/ vnnd
wann einer zu jhm kombt/ vnd jhne bittet/ daß
er jhme doch etwas dergleichen leyhen woͤlle/
derſelb aber jhne ins Zimmer fuͤhret darinn
nichts anders verhanden als gemahlte ding/
derwegen verlachet vnd verſpottet wirdt/ vnd
mit laͤrer Handt wider hinweg gehen muß/
Alſo pflegen etliche Leuth auß eingebung deß
Teufels/ jhnen ſelbſt ein langes Leben auff vil
Jar im Kopff zuhaben vnd einzubilden/ vnnd
zu ſprechen: Du kanſt gar wol noch zehen o-
der zwantzig Jar leben/ vnd folgendts dich zu
Gott bekehꝛen/ ꝛc. Vilmals aber begibts ſich/
daß/ wann ein ſolcher Geſell nach demſelben
ſtab deß langen Lebens greiffet/ er nichts war-
hafftes drinn findet/ ſonder ehender ſtirbt/ we-
der er vermeint hatte. Als dann lachet jhne der
Teufel auß/ vnnd ſpricht: Stulte hac nocte
repetent animam tuam: als dann antwor-
ten jhm auch ſolche Leuth: poſuimus men-
dacium ſpom noftram.
Der dritte verfluchte Stab deß Teuffels
iſt die Hoffnung auff die Goͤttliche Barm-
hertzigkeit/ dann vil Menſchen ſuͤndigen dar-
auff/ vnd begeren jhr ſuͤndiges Leben biß in jhꝛ
endt zubeharꝛen. Dergleichen Leuth aber ver-
ſuͤndigen ſich im heiligen Geiſt/ vnnd fuͤhren
vnder diſem Stab ein Fettl/ namens Volup-
tas oder Wolluſt/ mit derſelben begeren ſie jr
Leben zuendigen/ Aber es wird zu jnen geſagt:
an diuitias bonitatis & patientiæ & lon-
ganimitatis contemnis, &c.
Der vierdt Stab deß Teufels iſt die fal-
ſche Hoffnung daß ſie ſich in jrem letzten endt
bekehren werden koͤnnen/ Aber dergleichen
Leut jrꝛen ſich/ dann wie der Fiſch nit ins Netz
gehet wann er will/ aber wann er drinn iſt/ nit
wider hinauß kan wann er will: Jtem wie ein
Wolff die Grub leichtlich vmbgehen kan/ a-
ber wann er darein gefallen iſt/ fuͤr ſich ſelbſt
nicht wider herauß kan kommen/ Alſo ertrin-
cken vnnd verſincken vil Menſchen in diſer
intention, hoffnung vnd meinung/ vermuͤg
der woꝛt: repromiſſio nequiſſima multos
perdidi.
Der fuͤnfft Stab deß Teuffels heiſt die
vermeſſene Hoffnung/ wann nemblich der
Pilgram ſich vil zu vil auff ſeine Tugenten
verlaͤſt vñ nit betrachtet das geſchriben ſtehet:
Seruite Domino in timore & exultate ei
in tremore: Ein ſolcher aber erwiſchet den
an ſtatt deß Stabs der wahren Hoffnung/
Dann er iſt der Gefahr ſehr nahe/ dann auß
vns ſelbſt koͤnnen wir nicht leben noch beſte-
hen.
Der ſechſt Stab deß Sathans iſt ſche-
cket oder bundt vnnd geknoͤpfflet/ vnnd den-
ſelben fuͤhren die Politici, welche halb Geiſt-
lich/ halb Weltlich/ oder halb Chriſtlich vnd
halb Teuffeliſch ſeindt/ ſtarcke vnnd zierliche
Achſeltrager vnnd Beydenhaͤndler abgeben/
vnd ſich nach allen Winden richten vnd ſchi-
cken koͤnnen/ von denen aber/ ſo ein ſolcher
vitam mixtam & duplicem in delitiis le-
ben/ die ſeyen gleich Layen oder obſeruan-
zer, geſchriben ſtehet/ vſque quo claudica-
lis in duas partes, ſi Dominus Deus eſt ſe-
quimini eum: Hergegen ſtehet von denen/ ſo
einen reinen vnd glatten Stab deß eyferigen
vnd auffrechten Lebens fuͤhren/ geſchriben:
Beati immaculati in via qui ambulant in
lege Domini.
Den ſibenden Stab deß Teuffels fuͤhren
die jenigen welche jnnwendig im Stab ein
Schwert oder einen Stecher fuͤhꝛen/ das iſt/
welche zu vns kommen inn Schafskleidern/
jnnwendig aber ſeind ſie Ketzer vnnd reiſſende
Woͤlff.
DJE fuͤnffte notwendigkeit eines
Weltlichen Pilgrams iſt der Man-
tel/ der muß oben ein Kappe haben/
in der mitte weit/ vnd nicht lang ſein/ damit er
die Haͤnd nicht bedecke/ Durch diſen Man-
tel wirdt verſtanden die Chriſtliche Lieb/ die
muß nun erſtlich hoch biß zum Haupt reichen
vnnd ein Kappe haben/ das iſt/ ſie muß von
Gott/ der vnſer Haupt iſt/ anfahen/ vnd den-
ſelben muͤſſen wir lieben/ ehren vnnd foͤrchten
vor allen dingen: A Deo fac ſorſum ne
P p 5ſer-
ſerpens det tibi morſum: Wer aber die
Kappe diſer Lieb nicht hat/ der liebet nit Gott
den Herꝛn/ ſonder die Welt/ derwegen iſt kein
Wunder daß ſie von dem Regen jhrer eytel-
keiten genetzt vnd von der hitz der begirlichkei-
ten verbrennt werden.
Ferꝛner wie der Mantel glockenweit vñ zu
beydẽ ſeitẽ weit ſein muß/ damit man ſich deſto
beſſer darunder beruͤhꝛen moͤge/ alſo muß die
Chriſtliche Lieb zu beyden ſeyten weit ſein/ da-
mit ſie ſich nit allein auf die Freunde/ ſondern
auch Feinde erſtrecke/ dañ woferꝛn diſer Man-
tel eng iſt: ſo iſt er nicht tauglich in Himmel zu
kommen: Diſen weiten Mantel der Lieb ha-
ben nit gehabt jene Juden/ welche das Egypti-
ſche Mehl in jhꝛen Maͤnteln verbargen/ der-
wegen das Manna ſo lang nit genieſſen koͤn-
ten/ biß ſie das Mehl verzehꝛt hatten: Eben
auff diſen ſchlag verſperꝛen noch heutigs tags
etliche Judiſche Chriſten die Lieb jhres Nech-
ſten in jhrem Hertzen/ vnd wollen jhnen die jh-
nen beſchehene iniurien nicht verzeyhen vnd
vergeben/ werden aber dardurch beraubt deß
Him̃liſchen Manna oder ewigen Seligkeit.
Noch andere Judiſche Chriſten findt
man/ welche die Chriſtliche Lieb ſo gar ver-
geſſen vnnd hindan ſetzen/ daß ſie den liebſe-
ligen Getraidt in die Maͤntel jhrer Kaͤſten
oder Schewren verſperꝛen vnnd nicht ver-
kauffen noch hergeben/ er werde dann ſehr
thewer vnnd werth. Wie derwegen zu der
Magdalena geſagt iſt worden. Dir ſeindt
vil Suͤnd vergeben/ dann du haſt vil ge-
liebt/ Alſo wirdt zu ſolchen Judas Geſellen/
Wucherern vnnd Schindern geſagt wer-
den: Weil du niemandt geliebt vnd deinem
Nechſten wenig guts gethan/ ſo werden dir
vil Suͤnd vorbehalten.
Drittens wie der Pilgrams Mantel vor-
nen kurtz iſt/ vñ nur den Leib vñ die Haͤnd bede-
cket/ dann ſonſten moͤchte er vom Koth vnnd
Staub beſudelt werden: Alſo ſoll ſich die
Chriſtliche Lieb biß auff den Leib/ das iſt/ auff
vns ſelbſt: Jtem auff die Haͤnd der Tugen-
ten/ keins wegs aber hinab auff den Teuffel/
verdampten/ Suͤnd vnnd Welt erſtrecken/
dann der Teuffel vnnd die verdambten ſeindt
der ſeligkeit/ nicht fehig/ wer aber ſein Lieb auf
die Welt vnd Weltliche ding erſtrecket/ der-
ſelb wir mit ſeinem langen Mantel vom Teu-
fel betrogen/ dann er laͤſt ſein Lieb hencken
vnd nachſchleppen im Kopff der Hoffart/ im
ſtaub deß Geitzes/ im ſumpff der geilheit/ der-
wegen muß man den Mantel einer ſolchen
Lieb auffſchurtzen: vnnd heiſt: Succingas
pallium, ſchuͤrtz dich vnflat: dann wann
der Teuffel einen beſcheiſſen will/ ſo henckt er
jhm einen ſolchen langen Mantel an/ vnnd
mit demſelben vermeinen etliche Weltnarꝛen/
GOtt vnd der Welt zu dienen/ aber es wirdt
zu jhnen geſagt werden/ Amice quomodo
huc intraſti non habens veſtem nuptia-
lem.
SEchſtens iſt dem Pilgram ein Hut
vonnoͤthen/ der da brait ſeye/ Durch
diſen Hut wirdt verſtanden die Ge-
dult/ welche ſehr groß vnd breit ſein muß: ver-
muͤg der Wort: & pacientia vobis neceſ-
ſaria eſt fratres. Man ſagt/ daß einer/ der
gen Jeruſalem raiſen wil/ muͤſſe Gelt vnd ge-
dult haben/ Aber ich vermeine/ er muͤſſe mit
einem dreyfachen G. verſehen ſein/ nemblich
mit Gelt/ Gedult vnnd Geſundtheit/ will er
anderſt ins wahre Himmliſche Jeruſalem ge-
langẽ. Dañ fuͤrwar/ es pfleget ſich offtermals
ein groß vngewitter/ Donner/ Plitz vnd Ha-
gel der widerwertigkeiten vnnd truͤbſeligkei-
ten zuerheben/ das alles aber kan beſſer nicht
vberſtanden werden/ als vermittelſt deß Huts
der Gedult.
Diſer Hut der Gedult muß auch breit
ſein/ damit er allen andern zeug deß Pilgrams
bedecke: vermuͤg der Wort: In omnibus
exhibeamus nos ſicut Dei miniſtros in
multa pacientia: Warumb aber/ O
heiliger Paule/ warumb muß die Gedult
ſo groß vnd vil ſein? Quia multa in tectis
crepitans ſonat horrida grando: Weil
du vmbgeben vñ vnderwoꝛffen biſt ſo groſſen
vnd vilen wider wertigkeiten/ armſeligkeiten/
noͤthen/ Gefaͤngknuſſen/ Schlaͤgen/ Ver-
ſpottungen/ faſten vnd wachen. Diſes vnge-
witter vnd Hagel hat Paulus wol empfunden
als er tribulirt ward mit Armut/ noth/ foꝛcht/
angſt/ verfolgung/ gefaͤngknuſſen/ vnnd als er
mit ſeinen Haͤndẽ arbeitete/ damit er niemand
beſchwerlich were: vnd diſer geſtallt vnnd ver-
mittelſt diſes breiten Huts der groſſen gedult
hat er ſich verhuͤt vorm verderben: Vnd eben
diſen Cuſtodem oder Huͤter/ oder Hut muͤſ-
ſen wir auch haben/ damit wir vnſere zeitliche
Pilgerfahrt deſto ſicherer moͤgen verꝛichten:
Dann in pacientia poſſidebitis animas
veſtras.
Nicht weniger muß diſer Pilgrams Hut
tieff ſein/ damit er nicht leichtlich vom windt
abgewehet werde/ zum zeichen/ daß wir in
diſer vnſer zeitlichen wanderſchafft auff Er-
den allzeit demuͤtig ſein muͤſſen/ dann ohne
die Demut kan kein Geduldt ſein/ vermuͤg
der Woꝛt Caſſiani: pacientia noſtra atque
tranquillitas abſq; profunda cordis hu-
militate nec acquiritur nec tenetur. A-
ber leyder/ vil weltmenſchen tragen nur groß-
maͤchtige hohe Huͤt der vngedult/ ſeindt kritz-
lich vnd kitzlich/ zornmuͤtig vnnd geſchwindt
im Harniſch. Daran aber iſt nichts anders
ſchuldig als eben der defect vnnd mangel der
Demut.
Deßgleichen pflegen die fuͤrſichtige
Wallfahrter an jhren Huͤten zwey Baͤndl o-
der Schnuͤrlein zunehen/ vnd den Hut darmit
zuhefften/ damit er vom Windt nit abgeweht
werde: damit nun dem Geiſtlichen Pilgram
ſein Hut der gedult vnnd demut durch den
wind der widerwertigkeit nit abgeweht werd/
ſo muß er jne hefften mit zweyen Schnuͤrlein/
vnd zwar erſtlich mit der Schnur deß andaͤch-
tigen Gebetts/ dann die Geduldt iſt ein gab
Gottes/ vnd ab ipſo pacientia mea: Item
tu es pac entia mea. Weil ſie dann ein gab
Gottes iſt/ ſo muß ſie nur von Gott herkom-
men vnd erlangt werden vermittelſt deß Ge-
betts/ dann woferꝛn das Gebett nichts huͤlffe/
ſo wurde der Herꝛ vns nit ſo offt darzu ermah-
nen/ ſprechendt: wachet vnnd bettet/ damit jhn
nit in Verſuchung fallet/ ꝛc.
Das ander ſchnuͤtlein iſt die Betrachtung
viler anderer betruͤbter bekuͤmmerter Armen
vnd duͤrfftiger Chriſten/ welche villeicht vil
beſſer vnd froͤmmer ſeindt/ denn wir/ vnnd nit
deſto weniger in elendt vnd armut vmbziehen
muͤſſen: Wann derwegen wir mit truͤbſelig-
keiten heimbgeſucht werden/ ſollen wir ſpre-
chen: Meritò hæc patimur quia in fra-
trem noſtrum peccauimus: O Domine
Deus, vt requieſcam in die tribulationis
futuræ, hîc vre, hic ſeca. Jtem gedenck
an die Gottloſe vnnd eytle Menſchen/ welche
ſo gar vil leyden vnnd außſtehen/ damit ſie die
Hoͤll verdienen/ vermuͤg der Wort: Via pec-
cantium complantata lapidibus, & in
fine illius inferi & tenebræ & pœnæ. I-
tem: laſſi ſumus, &c.
ZVm ſibenden muß ein Wandersmann
Gelt haben/ vnnd einen Theil deſſelben
in einer offnen Taſchen oder Beutl fuͤh-
ren/ theils aber in ſeinen Kleydern vernehen/
wider die Dieb/ Rauber vnnd Maußkoͤpff.
Das Gelt vnſers Chriſtlichen Pilgrams ſoll
erſtlich ſein die tribulatio oder truͤbſeligkeit/
ohn welche man in Himmel nicht gelanget:
das bezeugen jene zwen H. Pilgram Chriſtus
vnnd Paulus/ ſprechendt: Oportuit Chri-
ſtum pati, & ſic intrare in gloriam. Item:
Per multas tribulationes oportet intra-
re in regnum Dei: als wolte er ſagen/ wir
muͤſſen durch vil truͤbſal ins Reich GOttes
gehen.
Warumb aber muͤſſen wir? Quia hæc
Dei exigit iuſtitia: √t ſicut per volunta-
ria Deum relinquimus, per contraria
accedamus: fili, habuiſti bonum. Haſtu
Bonen geſſen/ ſo friß Muß auch: haſtu dich
gutwilligklich verſuͤndigt/ in alle Laſter ver-
tiefft/ vnd alle ſuͤſſe Waſſer verſucht/ ſo leyde
wider deinen willen/ oder daß ich recht ſage/
gutwilligklich das boͤſe/ vnnd trincke den
Saurbrunnen an ſtatt der geſoffenen ſuͤſſen
Wein.
Am andern wie das Gelt von einem
Muͤntzmeiſter geſchmidet/ vnnd ſonſten von
keinem andern gemacht wirdt/ alſo wirdt das
gelt vnſers Chriſtlichen Pilgrams von Gott
vnd keinem andern geſchmidt/ dann bona
& mala, vita & mors, paupertas & hone-
ſtas à Deo ſunt, dann ob ſchon Gott ſelbſt
kem Muͤntzeꝛ iſt/ vñ ſelten ſelbſt muͤntzet/ ſo hat
er doch vil Knechte/ durch die ers verrichten
laͤſt/ nemblich die vnendtliche ſchwartze Teu-
fel/ Jtem die vnendliche ſchwartze Suͤnder
(dann ſtultorum infinitus eſt numerus.)
Jtem die Loͤwen/ Beren/ Woͤlff/ Spinnen-
weppen/ Kroten/ Schlangen/ Mucken/ Hitz/
Kaͤlte/ Waſſer/ Doͤrner/ Schnee/ Hagel/
Eiß vnd Wind: Alle diſe ding ſeind GOttes
Selauen/ durch welche er die Muͤntz der truͤb-
ſaln ſchmidet auff vnſerm Rucken/ Koͤpffen/
Armben/ Augen/ Magen/ ꝛc. Weil dann di-
ſes Gelt von einem ſolchen Muͤntzmeiſter
herkombt/ ſo muß mans mit danck vnd ehrer-
bietung von jhm empfahen vnnd annemmen/
vnnd ſprechen: calicem quem dedit mihi
Pater meus non bibam.
Drittens wie ein Wandersman ſich mit
guter vnd gerechter Muͤntz verſihet/ alſo ver-
ſihet GOtt ſeine fromme Pilgramen mit
der aller beſten nutzlichiſten vnnd ſeligiſten
Muͤntz der Truͤbſaln/ dann er ſelbſt ſpricht:
Beati qui perſecutionem patiuntur pro-
pter iuſtitiam, quoniam ipſorum eſt re-
gnum cœlorum. Item: Beati pauperes
ſpiritu: Item: Regnum cœlorum vim
patitur & violenti rapiunt illud. Wie a-
ber nicht alle Muͤntz gerecht iſt/ ſondern deß
Keyſertz oder Landts Fuͤrſten zeichen vnd bild-
nuß haben muß/ alſo iſt nicht alle Muͤntz der
truͤbſeligkeitẽ gerecht/ wofern ſie die Bildtnuß
deß Him̃liſchen vnd ewigen Keyſers Gottes/
nem̃lich die Lieb nit hat/ dañ mit einer Lieb vñ
danckſagung muß ſie angenom̃en vnd außge-
ſtanden werden/ ſoll ſie anderſt guͤltig ſein vor
Gott. Ob derwegen ſchon ein Fraw ſpꝛeche:
weil du ſagſt/ dz die truͤbſeligkeiten vñ widwer-
tigkeiten die allerbeſte Muͤntz ſeind/ ſo hab ich
dern gnug in meinẽ loſament/ dañ mein Mañ
muͤntzt ſchir wochẽtlich d’gleichẽ muͤntz/ kom̃t
von woꝛten zu den weꝛcken/ vñ ſchlaͤgt mir nur
ſchwartze vñ blawe Muͤntz/ meine blawe Augẽ
gebens gnug zuerkeñen/ deßgleichen peiniget
mich mein arge Schwiger vnd meine Stief-
kinder dermaſſen/ daß kein wunder were wann
ich verzweifelte: Alles iſt wider mich: Alle
Creaturen haben ſich gleichſamb wider mich
verbunden/ ſo gar die Gaͤnß vnd Schlangen
pfeiſen mich an: So ſoll doch ein ſolche be-
kuͤmmerte vnnd betruͤbte Fraw wiſſen/ daß ſie
reich genug ſeye/ woferꝛn ſie beyn ebens verſe-
hen mit der heylſamen vnd koͤſtlichen Muͤntz
der gedult/ der Lieb vnd Forcht Gottes/ vnnd
diſe Muͤntz kan ſie jhr ſelbſt ſchmiden vnnd
muͤntzen ſo vil ſie ſelbſt will/ dann ſie ſitzet im
Goldtberg der gnad Gottes.
Leichtlichen aber iſt diſe gute Muͤntz von
der boͤſen zu vnderſcheidẽ/ nem̃lich am klang/
dann wann die Muͤntz der truͤbſeligkeiten auf
deinen Rucken geſchmidet wirdt/ vnnd dein
Mann dich mit Faͤuſten wacker knuͤllet/ vnd
mit Bruͤglen ſchmiret (jnmaſſen etliche gro-
be vnartige vnbarmhertzige Knoͤpff vnd Ty-
rannen thun vnnd ſagen/ daß wann einer ſein
Weib ſchlaͤgt/ er dardurch hundert Jahr Ab-
laß verdiene) vnd du als dann jhne ſchmaͤheſt/
ſchelteſt vnd verflucheſt/ alsdann iſt der klang
nicht gut vnd die Muͤntz iſt noch vil letzer/ aber
wann du ſtill darzu ſchweigeſt vnnd jhm noch
gute woꝛt darzu gibſt/ alsdañ iſt der klang gut
vnd dein Muͤntz iſt gerecht/ das iſt: wann du
frommer Chꝛiſt in deinem Creutz vnd Leyden
ſprichſt: Benedictus Dominus Deus
meus, ſit nomen Domini benedictum
in ſecula: Jtem ſambt dem Job: Nudus
in hunc mundum intraui, nudus hinc
exibo: Dominus dedit, Dominus ab-
ſtulit, ſit nomen Domini benedi-
ctum.
Beſchließlichen wie ein Pilgram biß-
weiln ein heimblichs Gelt in ſeinen Kleidern
verboꝛgen vnd vernehet hat/ alſo haben etliche
Geiſtliche Pilgram bißweilen ein heimblich
Muͤntz der truͤbſeligkeit jnnwendig im Her-
tzen verborgen/ vnnd das heiſt das heimbliche
leyden.
Einsmals ſaß ein armer Schneiderge-
ſell auff ſeiner Gaiß- oder Schneiderbanck/
vnd weil jhne das vnruͤhwige vnd hungerige
Vnzifer/ welches man Leuß nennet/ vnauff-
hoͤrlich biſſe/ ſo gehub er ſich gar vbel/ vnnd
fing an letztlichen zu weinen/ Vnnd als er ge-
fragt ward/ warumb er weine? antwortet erꝛ
Jch beweine halt das heimbliche Leyden:
Auff eben diſen ſchlag koͤnnen vil bekuͤmmer-
te/ betruͤbte vnd weinende Menſchen vns zur
antwort geben/ daß ſie das heimbliche Ley-
den haben/ welches ſie bißweiln entweder
nicht außſprechen koͤnnen/ oder nicht doͤrffen/
oder nicht woͤllen/ ſonder es allein Gott dem
Herꝛen oder jhrem Beichtuatter entdecken
vnd klagen: Dergleichen Muͤntz aber iſt die
beſte/ dann wie man die in dem Wammes
vernehte alte Ducaten/ Engellotten vnd Ro-
ſennobel fuͤr den beſten Schatz vnd notpfen-
ning heit/ alſo ſoll ein Chriſtlicher Pilgram
ſehꝛ behutſamblich mit entdeckung vnd offen-
barung ſeiner noth vnd heimblichen Leydens
vmbgehen/ Chriſtum fuͤr ſeinen beſtenſchatz
vnnd nothpfenning halten/ vnnd wann nir-
gents kein troſt/ kein huͤlff/ keinrath bey kei-
nem einigen Menſchen mehr verhanden/ vnd
wie Chriſtus am Creutz verlaſſen iſt woꝛden/
alsdann mag er ſambt jhm ſchreyen vnd ſpꝛe-
chen: Deus meus, Deus meus, quare me
dero-
dereliquiſti, Mein Gott/ mein Gott/ war-
umb haſtu mich verlaſſen.
Aber O Pilgram/ verzage nicht/ gedencke
nit dz dich Gott verlaſſe/ wofern du jhne nicht
verlaſſeſt: Dann ob er dich ſchon ein zeitlang
gleichſamb verlaſſet/ ſo beſchicht doch ſolches
quatenus tribulationis torrens pertran-
ſeat animam tuam. Damit das Waſſer
der truͤbſeligkeit dein Seel ohne allen Troſt
durchtringe/ vnnd du dardurch deine Suͤnd
deſto mehꝛ abbuͤſſeſt/ vnnd ſambt dem Herꝛen
ſprecheſt: Torcular calcaui ſolus: Vnnd
ſambt dem Dauid: Torrentem pertranſi-
uit anima noſtra, Dann ſonſten moͤchte
villeicht dein Seel durch ein anders vnleiden-
lichers Fewer paſſieren muͤſſen.
Entlichen moͤchte ein betruͤbte Fraw oder
Mañ fragen:wohin ſoll ich dañ das gelt mei-
ner truͤbſaln not vnd anligens verbergen? ſoll
ichs im Hut der Gedult/ oder im Mantel der
Lieb/ od’ im ſack deß glaubens vernehen/ damit
es wol verwaꝛt werdt/ vñ ſeinẽ klang/ werth vñ
bildnuß deß Keyſers behalte? hab ich doch offt
ſagẽ hoͤꝛen/ dz keiner ſein Creutz vñ Leydẽ ver-
halten/ verbergen/ ſondern den ſenioribus,
den Geiſtlichen/ den gelehrten/ verſtaͤndigen
vnd erfahrnen Maͤnnern entdecken vnd vmb
rath fragen ſolle? Warumb ſagſtu dann/ daß
mans verneht verwahren ſolle? Antwort:
Bißweiln iſts gut daß man die Truͤbſal an-
dern offenbare/ bißweiln iſts nit gut: Dann et-
liche Leuth entdecken ſie nicht auß vngedult/
ſondern zu erlangung einer guten direction
vnderweiſung vnnd Troſts: Vnnd alsdann
iſts gut. Andere aber thuns auß vngedult/
damit ſie es herauß laſſen/ vnnd ſie koͤnnen
jnnwendig im Hertzen nichts leyden/ ſondern
ſtoſſens alsbald hinauß/ damit die widerwer-
tigkeit geringert werde: Dergleichen Leuth
aber hangen nicht gern lang ſambt CHriſto
am Creutz/ als er troſtloß vom Vatter ver-
laſſen ſchrye/ heli, heli, &c. Nicht alſo/ O
frommer Pilgram nicht alſo/ ſonder wann
etwan ein jnnerliches Leydt dein Hertz tru-
cket vnd peiniget/ vnnd keiner verhanden iſt/
der dich troͤſte/ alsdann ſteige nit vom Creutz
herunder/ dann GOTT verwilligts in dir/
damit du fuͤr dich vnnd andere genug thuſt:
Woferꝛn aber Leuth verhanden ſeindt/ die
dich troͤſten koͤñen/ ſo offenbare/ vertrawe dein
noth etwan einem feinen geiſtlichen erfarnen
Mañ/ damit du den Klotz oder ſchweren ſtein
von deinem hertzen ledigen vnd zu ruhe gelan-
gen moͤgeſt/ dann amicus condolens triſti-
tiam mitiget.
DJE Schuch ſeindt das achtete re-
quiſitum deß Pilgrams/ die muͤſ-
ſen aber nicht new/ ſondern alt vnnd
wol verpecht ſein/ dann in newen Schuhen
gehet man hart vnd ſchmertzlich. Durch die
Schuch werden die Tugendten verſtanden/
nemblich ein gute naigung vnd gewonheit vil
zu leyden/ zu faſten/ keuſch zu ſein/ Allmuſen
zu geben/ zu betten/ ſchulden zu zahlen/ ꝛc. di-
ſe Schuch ſeind vns notwendig/ damit wir in
dem Weg vnnd Geſaͤtzen deß Herꝛn deſto,
ſaͤnffter vnd lieblicher wandern moͤgen.
Wie nun erſtlich die Schuch pflegen vn-
ſere Fuͤß vnd dern Finger zu conſtringiren,
vnd zu colligiren, damit ſie nicht ſchaͤndt-
lich von rinander flieſſen oder erkrummen/
Alſo ſehen wir/ daß die Tugenten das Hertz
vnnd die affectiones der Menſchen (wel-
che der Seelen Fuͤß ſeindt) ordinieren
vnnd moderieren. Ferꝛner vnnd zum an-
deren/ wie die Schuch den Menſchen zie-
ren/ dann etliche Mahler pflegen nackende
Bilder auff die Schuch zu mahlen./ Al-
ſo ſeindt die Tugendten dermaſſen ſchoͤne
Zirrden der Seelen: quod eius decorem
Rexgloriæ concupiſcat. Vnnd daß die
Sonn vnnd der Mon ſich vber die ſchoͤnheit
der Seelen verwundern/ ſeytemal jhre ſchoͤn-
heit durch die ſchoͤnheit der Seelen vberwun-
den wirdt: wer derwegen denen/ ſo diſer ſchoͤn-
heit nichts nachfragen/ da doch ſie die ſchoͤn-
heit ſonſten in allen dingen ſuchen. Selig
aber iſt der Mann der nicht gangen iſt inn
den Rath der Gottloſen/ vnnd nicht geſtan-
den iſtauff dem weg der Suͤnden/ mit diſen
Schuhen/ aber die √iri ſanguinum & do-
loſi
loſi non dimidiabunt dies ſuos & in pun-
cto ad inferna deſcendunt. Derwegen O
Pilgram/ frage nichts darnach/ daß man dich
wegen deines gutẽ eifers in den tugentẽ vexirt/
vnd vbel nachredet/ ſonder foͤꝛchte vilmehꝛ den
jenigen/ welcher geſagt hat: beati im̃aculati
in via: qui ambulant in lege Domini: Hoͤ-
re den jenigen/ welcher da betrohet vñ ſchꝛeyet:
qui erubuerit me & meos, ſermones, hũc
& filius hominis erubeſcet cum venerit
in maieſtare ſua &c. Nit verwirf diſe/ ſonder
die Kinderſchuch/ vnnd zwar ſolcher Kinder/
ſo da hundert verfluchte jar alt ſeind/ dañ fuͤr-
war/ die zeit geht dahin/ vnd der ein Tag friſt
den andern biß wir gar auffgehen.
Drittens wie der Pilgram ohne Schuch
vbel gehet/ vnnd ſeine Fuͤß an den ſcharpf-
fen Steinen anſtoſſet: alſo ſehen wir/ daß
die jenigen/ welche abſque virtutibus ac-
quiſitis auff dem Weg der Goͤttlichen Ge-
botten wanderen/ nicht ohne groſſen ſchmer-
tzen raiſen/ das bezeugt nun der HERR
ſelbſt/ da er ſpricht: O quam anguſta eſt
porta & arcta via quæ ducit ad √iam.
woferꝛn jener reiche Juͤngling mit den Schu-
hen biſer Tugendten verſehen geweſt were/ ſo
wurde er nit ſo trawrig hinweg ſein gangen/
aber weil er reich war/ ſo zohe er ſeinen Fuß
zu ruck auß mangel der Schuhen der Tugen-
ten.
Ferꝛner vnd zum vierdten wie man in new-
wen Schuhen nicht wol raifen oder vberland
gehen kan/ Dann gemeingklich trucken vnnd
ſchinden ſie die Fuͤß/ vnnd machen hinckende
Leuth/ Alſo ſehen wir daß man inn newen
Conſiliis, Raͤthen vnd Tugenten auffm weg
der Goͤttlichen Gebott nit fridlich vnd lieb-
lich vort gehe/ Was ſeindt aber das fuͤr
newe Conſilia vnnd Tugendten? Es ſeindt
die newe vnbeſcheidene Raͤth/ determina-
tiones, decreta oder entſcheidungen etli-
cher Theologorum vnnd Iuriſten, ſo da
kein ſcientz noch conſcientz haben/ boͤſes
fuͤr guts ſagen/ die vngerechte contract iu-
ſtificiren, die Suͤnd verthaͤdigen vnnd ent-
ſchuldigen.
Wir ſehen daß bißweiln einer der gern
auffm Weg deß Herꝛen gehen wolte vnd doch
einen Stachel im Gewiſſen empfindet/ Zum
Schuſter/ das iſt/ zum Theologo oder Iu-
riſten kombt/ vnnd ſpricht: Mein Herꝛ/
gebt mir einen rath/ es trucket mich mein Ge-
wiſſen/ ꝛc. Darauff zeucht alsbaldt der Do-
ctor Schuſter auß ſeiner Bibliotec der vn-
derſchidtlichen modernorum newen Do-
ctorum newe Schuch herfuͤr vnnd ſpricht:
das ſagt diſer/ das ſagt jener/ ꝛc. Vnange-
ſehen auch der client es nicht glauben will/
vnnd empfindet daß jhne die Schuch ſeines
Gewiſſens trucken/ nit deſto weniger wirdt er
vberꝛedt/ daß jhm ſolche Schuch gerecht vnd
ſehꝛ gut ſeyen.
Wir ſehen bißweiln daß ein Religios
kombt vnnd ſpricht: Jch bin gleichwol ein
Muͤnch/ vnnd hab die Kenſchheit vnnd Ar-
mut verlobt/ aber doch hab ich in meinem
Schaffner/ Kaſtner oder Kelnerambt etwas
erobert/ welches ich im fall der noth fuͤr mich
vnd meine Freunde behalten wolte/ wils aber
gern wider von mir geben/ wann mein Su-
perior es wirdt begeren? Darauff antwor-
tet der D. Schuſter: Warumb nicht? Es
kan gar wol ſein/ wann der Prælat da-
rumb weiſt/ es thuns wol andere/ ſo da ge-
lehrt ſeindt/ ſie wurdens auch nicht thun wo-
ferꝛn es vnrecht were/ derwegen lege die
Schuch nur an/ vnnd gehe vort darmit/
dann ſie ſeindt dir an beyden Fuͤſſen ge-
recht. Was geſchicht aber? Keinen fri-
den wirdt er haben/ jmmerdar ſticht vnnd
nagt jhm ſein Gewiſſen/ dann er weiſt daß
es wider ſein gethanes Geluͤbdt vnnd Regel
iſt.
Es kombt ein Prieſter zum D. Schuſter
vnnd ſpricht: Mein Herꝛ/ ich hab gleichwol
ſelbſt ein feines Patrimonium vnnd darzu
ein Pfruͤndt: Jch wolte aber gern noch ein
anders beneficium darzu haben/ damit ich
meinen Standt deſto ehrlicher fuͤhren/ vnnd
auffm weg der Goͤttlichen gebotten wandern
moͤge: ſeind mir aber diſe ſchuch gerecht? Der
D. Schuſter antwoꝛtet: Ja freylich/ warumb
nit? Dein Standt vñ gelehꝛtheit erforderts/
du biſt deſſen vnnd eines mehreren wuͤr-
dig. Was geſchicht aber? niemaln hat er
ein ruhe in ſolchen Schuhen/ dann es beiſt
jhne ſein Gewiſſen/ vnnd ſpricht heimblich
in ein Ohr zu jhm: Der heilig Martinus,
Bernardus, Auguſtinus, Hieronymus,
Petrus vnd Paulus ſeind auch gelehrt vnd in
dignitate geweſt/ haben aber ſich nicht vber-
haͤufft mit Beneficiis.
Es kombt ein Lay zum D. Schuſter vnnd
ſpricht: Mein Herꝛ ich begere den weg der
Goͤttlichen gebotten zuwandern/ ich moͤchte
aber gern wiſſen ob meine Schuch gerecht
ſeyen/ dann auff diſe vnnd jene weiß con-
trahire ich vnnd nimb fuͤr hundert/ ſechs/
acht/ zehen vnnd zwantzig Gulden/ aber
doch gib ich reiche Allmuſen vnnd laſſe vil
ſchoͤne Altaͤr bawen ꝛc. Der D. Schuſter
antwortet/ Ja es kan wol ſein/ nach be-
ſchaffenheit der ſachen/ zumaln wañ den Leu-
ten mit ſolchem anlehen wol gedient wirdt/
vnnd ſie das intereſſe gern hergeben/ da-
mit du deß ſchadens enthebt werdeſt. Aber
O ſchoͤnes intereſſe darauß dir das hoͤlliſch
intereſſe erfolget.
Es kombt ein ergerlicher Concubinarius
zum D. Schuſter ſprechendt: Jch hab
gleichwol bey meiner Koͤchin zwey Kinder er-
worben/ aber an jetzo hab ich nimmer mit jhr
zuſchaffen/ ſondern ich lebe mit jhr wie ein
Bruder mit ſeiner Schweſter/ kan ich derwe-
gen alſo verfahren? Der D. Schuſter ant-
wortet: Ja. Aber kein ruhe hat er in ſolchen
Schuhen/ Dann ſein Gewiſſen ſpricht zu
jhm: Sihe/ du biſt nicht ſicher/ du haſt ein
groſſe anlaß zum ſuͤndigen bey dir/ Fewer vnd
Stroh wann es zuſam̃en kombt/ brinnt gern:
Gib ferꝛner kein aͤrgernuß/ laß die Huer fah-
ren.
Es kombt ein Freſſer zum D. Schuſter
ſprechendt: Es iſt gleichwol an jetzo inn der
Faſten zeit/ zu dern man faſten/ betten vnnd
Buß thun ſoll/ aber doch vermeine ich/ daß
ich gar wol koͤnne ſelig werden/ wañ ich ſchon
in dem Nonnen Cloſter ein Taͤntzl thue/ vnnd
mit den Muͤnchen biß vber halbenacht ſauffe/
dañ diſes ſeind nit newe Schuch/ ſonder alte:
dann vor deß H. Gregorij zeiten iſts alſo ge-
weſen? darauff antworten etliche Doctores
calciatores od’ Schuſteꝛ/ daß es wol ſein koͤn-
ne/ ſeytemal der allgemeine Jrꝛthumb ein ius
vnd gerechtſame machet. Aber mein Bruder
Pilgram du wirſt verfuͤhrt/ dann obs ſchon
wahꝛ iſt/ daß es ein alte corruptela iſt/ vñ daß
es alte Schuch ſeyen/ ſo ſeindt ſie doch allzeit
von den alten Heiligen reprobirt, verworf-
fen vnd widerſprochen worden. Diſe con-
ſuetudo vnd gewonheit entſchuldiget vnnd
enthebt dich gleichwol der zeitlichen/ aber nit
der hoͤlliſchen Straff: Gregorius hat gleich-
wol dergleichen Laſter geduldet wegen der da-
mals beſorgten gefahꝛ deß ſchiſmatis vnd er-
gernuß: Derwegen kan man nit ſagen/ daß es
recht ſeye vnd vngeſtrafft hingehe.
Zum fuͤnfften wie der Pilgram auf den al-
ten Schuhen am aller ſanfteſten gehet/ vñ von
den naͤthen nicht getruckt wirdt/ Alſo gehet
man auff dem Weg deß HERREN in
den Schuhen der alten Tugendten vnnd
der alten Raͤthen ſehr ſanfft vnnd lieblich/
dann ſie nemen die Doͤrner vnd Stachl der
vbrigen Suͤnden hinweg. Die alte Schuch
aber ſeind die definitiones, determinatio-
nes vnnd Raͤth der alten erfahrnen Vaͤtter/
welche reden haben koͤnnen ex ſententia vnd
nicht auß der bloſſen ſcientia vnd gelehrthrit/
in diſen alten Schuhen wandert man ſanfft/
lieblich vnnd ſich erlich/ vnnd in demſelbigen
ſollen auch wir wandern/ nemlich in den de-
terminationibus vnnd Exempſariſchen Le-
ben der alten/ dann ſie verbieten die ſcrupu-
los, welche andere/ ſo in den newen Schuhen
gehen/ außſtehen. Der alten gebrauch war/
daß ſie alzeit den gewiſſeſten vnd ebneſten weg
erwoͤhlten/ aber vnſere jetzige nouizen vnnd
junge Lappen ſeind nicht darmit zufriden/ daß
man jhnen denſelben zeiget/ ſonder fragen jm-
merdar/ ob diſer oder jener der ſicherſte ſeye:
Darauß aber erfolgen ſo vil diſtinctiones
vnd diuiſiones, deren ſo erſt die pronuncia-
lia cauſalia lernen. Aber O naͤrꝛiſcher Pil-
gram/ warumb wanderſtu nicht die alte ſiche-
re weg die du kenneſt vnd weiſt? Weiſtu ſie a-
ber nicht/ warumb folgeſt du nit dem befelch
Jeremiæ vnnd fragſt nach den alten wegen/
vnd was der gute vnd beſte weg ſeye? War-
umb wanderſtu nicht denſelben/ damit du dei-
ner Seelen ein ruhe vnnd erquickung finden
moͤgeſt. Villeicht ſprichſtu: Jch empfinde
auff diſem weg keinen ſcrupl/ ſondern hab gu-
ten friden/ vnnd nur ein einiges anligen: Ant-
wort: Jch glaubs/ aber villeicht iſt derſelb
einig ſcrupl dermaſſen groß/ daß du andere
kleine nicht kanſt empfinden/ allermaſſen ei-
ner/ der/ als lang er einen Stein im Schuch
hat/ den Sandt nicht empfindet/ aber wann
der Stein darauß geworffen iſt worden/ als-
dann empfindet ers.
DJE Haͤndtſchuch ſeindt die neun-
te Notwendigkeit deß Pilgrams/
durch welche die Jndulgentiæ der
Kirchen bedeut werden: Diſe Jndulgentzen
aber ſeind nichts anders/ als ein nachlaſſung
der ſchulden der laͤßlichen/ aber nit der Todt-
ſuͤnden/ dann inn der Hoͤllen iſt kein Er-
loͤſung/ vnnd diſe Ablaß werden den
Haͤndtſchuhen verglichen/ Erſtlich wegen
der compoſition, dann wie die Haͤndtſchuch
ſelten gemacht werden auß gantzen ſtucken/ o-
der newen Tuͤchern/ ſondern nur von den v-
ber werlein oder vberblibenen Flecken/ alſo er-
folgen die Ablaß auß den reliquiis der genug-
thuenlichen wercken Chꝛiſti vnd der Heiligen/
deren ſie anjetzo nit beduͤrffen/ vñ die ſie gleich-
ſamb in Spittelkorb gelegt haben/ darauß fuͤr
vns die Haͤndtſchuch der Jndulgentzen ge-
macht wurdẽ. Jn diſem Korb hat der H. Tau-
fer Joannes gelegt ſein Kamelhaut/ ſtrenges
bußfertiges inn der Wuͤſte gefuͤhrtes Leben/
deſſen er gleichwol nicht alles bedoͤrfft hette/
deßgleichen hat der heilig Martinus ſeinen
halben Mantel/ der heilig Franciſcus ſeinen
Rock/ der heilig Dominicus ſeinen Mutzen/
der heilige Bartholomæus ſein geſchundene
Haut/ Laurentius ſein auffm Roſt gebrate-
nes fleiſch oder verbrẽtes gereuchtes Leder/ die
heilige Agnes jre reine wirckungen/ die aller-
heiligſte Jungfraw Maria das gantze ſeidene
Kleid oder die gantze Ball jhrer Jungkfraw-
ſchafft vnd CHRJSTVS Gott vnd
Menſch den roten Sammet ſeines bitteren
leydens in diſen Korb gelegt/ Haͤndſchuch der
Jndulgentzen fuͤr vns arme duͤrfftige darauß
zumachen.
Am andern wie vermittelſt der Haͤndſchu-
hen die Haͤnd der jungen Schulerbuben be-
ſchuͤtzt werden/ wann ſie wegen jhrer verbre-
chen mit der ferula in die Haͤnd geſchlagen
werden/ Alſo weil wir geſtroft werden muͤſſen
entweder allhie oder im Fegfewer/ ſo inter-
poniren wir zwiſchen vns vnd zwiſchen der
Schuldt die paſſiones, leyden vnd verdienſt
Chriſti vnd der Heiligen/ damit wir nicht be-
ſchaͤdigt werden. Wie auch ein Mutter/
wann ſie ſihet/ daß jhꝛ Sohn vom Vatter ge-
ſtrichen wirdt/ pflegt fuͤr jne zu bitten vnd ſich
zwiſchen der Ruten zulegen/ vñ auff ſich ſchla-
gen zulaſſen/ alſo interponirt ſich die heilige
Mutter die Kirch/ vermittelſt der Jndulgen-
tzen/ Vnd ſie legt die genugthuenliche werck
der Heiligen zwiſchen der Hand der Knaben
vnnd deß Præceptoris ferulæ oder Ruthen:
alſo vnd ebner geſtalt intercediert Chriſtus
vnd alle Heiligen fuͤr vns/ vermittelſt jrer ge-
nugthuung/ dann von Chriſto ſtehet geſchri-
ben: Diſciplina paci, noſtræ ſuper eum.
Item: ipſe vulneratus eſt propter delicta
noſtra: Derwegen bitten wir jne taͤglich ſpꝛe-
chendt: pone amaram paſſionem & mor-
tem inter animas noſtras & tremendum
iudicium tuum.
Drittens wie ſehr vil darzu gehoͤrt/ daß
man die Haͤndtſchuch recht anlege/ alſo ge-
hoͤrt vil darzu daß man die Ablaß recht vñ wol
brauche/ Dann wie ein einige Hand ſich
ſelbſt nicht darmit bekleiden kan/ ſondern der
huͤlff der andern Handt bedarff/ alſo kan
niemandt jhm ſelbſt die Jndulgentzen ver-
gleichen/ ſondern muß ſie von den ſuperio-
ribus vnnd gewalthabern nemen/ nemblich
vom Pabſt vnnd Biſchoffen: Dieſelbigen
haben macht ſie außzutheilen ex debitis &
rationabilibus cauſis, zur ehr Gottes vnnd
nutz der Kirchen/ keins wegs aber auß menſch-
lichem gunſt oder vmbs Gelts willen. Ferꝛner
wie du/ wann du Haͤndtſchuch anlegen wilſt/
muſt deine Haͤnd auffthun vñ außſtrecken/ al-
ſo muſtu zu erlangung der Ablaͤß dein Hertz in
der contrition darſtrecken/ deinen Mundt in
der Beicht auffthun/ vnnd dein Hand in der
vollziehung darbieten.
Viertens wie wir die Haͤndtſchuch gleich-
wol nit verachten/ aber doch vns vil auff ſie
verlaſſen/ dañ wañ man einem ein bar Haͤnd-
ſchuch gibt/ ſo ſpricht er: Ja/ ich will ſie anne-
men/ villeicht moͤchte ich ſie brauchen: Wirts
aber nit kalt/ ſo ſchaden ſie mir dañoch nichts.
Eben alſo ſolleſtu/ O Chriſtlicher Pilgram
die Ablaß nit leichtlich in Wind ſchlagen o-
der verachten/ ſondern andaͤchtiglich annem-
men/ im Glauben/ Hoffnung vnd Lieb Chri-
ſti/ der den Menſchen die macht ſolcher geiſt-
lichen Schluͤſſeln gegeben.
Gleichwol ſoll man ſich auff diſe Haͤndt-
ſchuch der Jndulgentzen nit ſo vil verlaſſen/ dz
man dardurch die eygne ſatisfactiones vnnd
genugthuungen hindan ſetze/ ſondern du muſt
auch die bußfertige Ruth von der Handt deß
Beichtuatters mit nackenden haͤnden empfa-
hen/ vñ fuͤr dich ſelbſt ohne deß Beichtuatters
geheiß/ bußfertige Werck vben/ dann ſie nu-
tzen wider das recidiuum peccati, vnnd ka-
ſteyen den Leib/ vnd machen jne deſto vntaug-
licher zum ſuͤndigen.
Beſchließlichen wie ein Pilgram/ ob er
ſchon ſeine Haͤndſchuch verlieret oder nicht
empfahet/ dannocht ſeinen Weg vortgehet:
woferꝛn aber er ſeinen Mantel oder Hut ver-
lohren/ als dann nicht nachlaͤſt/ biß er jhne wi-
der vberkommen oder einen anderen erkaufft
hat/ alſo ob ſchon ein Chriſt nicht alle Jndul-
gentzen zuwegen bringen kan/ ſoll er doch da-
rumb vom weg der gerechtigkeit nit weichen/
ſondern ſo baldt jhm der Mantel der Lieb et-
wann entfallen oder die Tugent der Geduldt
benommen worden iſt/ ſich geſchwindt bemuͤ-
hen ſie wider zuwegen zubringen.
DJE ringfertigkeit iſt auch ſehr not-
wendig einem Wandersmann/ da-
mit er deſto leichter vnd ringfertiger
vortwandern moͤge/ derwegen ſoll er ſich mit
keinen vbrigen Kleidern vnd ſachen beſchwe-
ren/ ſondern wofern er je zuuil haͤtte zu ſich ge-
nommen/ mag ers auff etwan einen Karꝛen
oder Wagen werffen: Eben auff diſen ſchlag
ſoll vnſer Chriſtlicher Pilgram ſich mit dem
Viatico oder Zehrgelt nicht vberladen/ zu-
maln wann er nahe bey der Thuͤr deß Todts/
welche jhne zum Vatterlandt laitet/ iſt/ das
iſt/ wann er nunmehr alt worden. Diſer ge-
ſtallt iſt der Ertzpilgram Chriſtus in der Ar-
mut gewandert vnd vmbgezogen/ deßgleichen
Petrus vnnd andere/ ſprechendt: ſihe/ wir ha-
ben alles verlaſſen/ vnd ſeind dir nachgefolgt.
Habentes alimenta & veſtimenta, his
contenti ſimus’: Wir ſeindt gleichwol
Menſchen/ vnd bedoͤrffen vil zuerhaltung vn-
ſers Lebens/ nemblich der alimentorum, a-
ber nit der delectamentorũ vñ irritamen-
torum gulæ, nicht bedoͤrffen wir auch der
Zierd/ Pomps/ Prachts vnd Koͤſtlichkeit der
Kleidern/ damit man vns vor Augen habe/
ehre vnd herfuͤr ziehe/ ſondern nur einer ehrli-
chen bedeckung vnſers Leibs.
Wirſtu aber ſehr reich/ vnd weiſt nicht/
wie du mit deinen Reichthumben vmbgehen
ſolleſt/ (dann mancher wirdt reich vnd weiſt
ſchier ſelbſt nicht wie: Es fleuſt jhm alles wir
ein Waſſerbach reichlich zu) ſo frage den hei-
ligen Dauid/ was du thun ſolleſt/ der wirdt
dirs ſagen. Diuitiæ (ſpricht er) ſi affluant
noli cor apponere: Als wolte er ſagen/
Fleuſt dir Gelt vnd Gut zu/ ſo lege dein hertz
nicht dran/ ſondern brauche ſie wie ein Bach-
waſſer/ waſche deine Haͤnd drinn vor deiner
Thuͤr/ laß das vbrige fort flieſſen/ ſchieſſe kei-
nen Rigel oder verhinderung fuͤr/ vnnd ver-
ſchwoͤlle es nicht: Huͤte dich auch/ daß du inn
demſelben Bach ſambt dem Pharaone/ vnnd
ſeinem Hofgeſind nicht erſauffeſt.
Noli cor apponere, nicht lege dein
Hertz an deine Guͤter vnnd Reichthumben/
ſondern ziehe es daruon ab/ damit du deine
Haͤnd deſto beſſer brauchen koͤnneſt/ dann qui
cor habent diuitiis adhærens manuum
opponere nequeunt. So brauche derwe-
gen deine Haͤnd: Wann ein Pilgram ſihet/
daß er ſich vberladen hat/ ſo ſchawet er/ daß
er ſeinen maiſten Puͤntel etwann auff einen
ſichern Karꝛen oder Wagen bringe/ damit er
ſambt ſeinen Gefehrten deſto ringfertiger
vortlauffen moͤge. Eben diſes thu auch du
reicher Pilgram/ vnnd wirff erſtlich deine v-
brige Reichthumben auff einen Karꝛen/ das
iſt/ auff die Armen vnnd duͤrfftigen. Die Ar-
men/ die Armen ſeindt die Karꝛen oder Waͤ-
gen/ welche wir allzeit bey vns haben/ in den
Haͤuſern/ vor den Haͤuſern auff den Waͤgen
vnnd Straſſen: O wie vil dergleichen Karꝛen
vnd Wagen ſihet man hin vnnd wider kirꝛen
vnd krachen/ ſeytemal ſie je kein ſchmeꝛ haben/
jhre Aext zu ſchmiren/ Dann es ſeindt die Ar-
men mager vnnd duͤrꝛ/ haben nichts ſich dar-
mit zu ſchmiren/ derwegen kirꝛen vñ ſchreyen
ſie wie die vngeſch mirte Waͤgen/ vnnd bekla-
gen jetzt die groſſe kaͤlte/ bald den hunger/ vnd
ruffen panem propter Deum: dermaſſen
lang vnnd laut laͤſt man auch ſie bißweiln kir-
ren vnd ſchreyen/ daß ſie auß lauter ſchwach-
heit den Athem kaum ziehen koͤnnen/ ja labloß
ſterben vnd verderben.
Diſes ſeindt die Karren vnd Waͤgen/ die
vns Gott auffm weg diſes Lebens zuſchicket/
damit wir den ſchweren Puͤntel vnſerer
Vberfluͤſſigkeiten darauff werffen/ vnnd
vns beynebens huͤten ſollen vor denen nicht
laut kirrenden noch Krachenden/ ſondern
ſtillen wol geſchmirten Waͤgen vnd Karꝛen
ſo da ſeindt vnſere reiche Freunde vnnd die
Fuchsſchwentzler/ Schalcksnarꝛen/ Schmo-
rotzer vnnd Kautzenſtreicher/ welche nicht
kirren/ ſondern ſchnauffen vnnd auß lauter
faiſtigkeit kaum gehen koͤnnen. Diſe ſeind die
ſchwere Laſtwaͤgen voꝛ denen man ſich fleiſſig
zuhuͤten/ Dann weil vnſere gute Freunde vil
ſchmer haben vnd es wider vergelten koͤnnen/
ſo laden wir nur ſie zu gaſt/ dann ſie laden vns
wider/ vnnd heiſt: Wurſt vmb Wurſt: Aber
die Arme duͤrꝛe vnnd magere Karꝛen/ nemb-
lich die Armen vnd duͤrfftigen/ laſſen wir da-
heimb: Die Hailſchleicher/ Fuchsſchwentzler
vnd Dellerſchlecker/ ſo vns gnad Herꝛ/ gnad
Juncker nennen/ den Hut vor vns abziehen
vnd nachtragen/ vnſere Haͤnd kuͤſſen vnd buß-
len/ ſich vor vns biegen/ bucken/ knippen vnd
knappen/ vns inn allen dingen das placebo
Domino ſpilen/ vnd alles recht heiſſen/ pfle-
gen wir zuladen/ verehren vnd zubegaben mit
vnſerm vberfluͤſſigen Gelt vnd Gut: Denſel-
bigen ſchicken wir beſcheid eſſen von vnſer
Tafel/ im wenigſten betrachtendt/ daß ge-
ſchriben ſtehet: cum feceris prandium noli
vocare diuites ſed pauperes, &c.
Ja (ſpꝛechen ſie) ich hab diß jar ſo vil Wein
vnd Traid eingefaͤchſt vnd geaͤrndt/ daß ichs
in meinen Keller vnnd Kaſten nicht alles kan
einbringen/ wo ſoll ich dañ darmit hin? Soll
ichs auff die Gaſſen verwerffen? Antwort:
Es maͤnglen dir keine Kaͤſten/ Keller noch
Traidtſchewren/ dañ ſihe nur ein wenig vmb
dich/ ſo wirſtu einen gantzen hauffen Karꝛen
vnnd Wagen/ nemblich die Armen/ finden/
auff denen du es alles legen/ werffen vnd auff-
behalten kanſt/ dann wann du diſe dir von
GOTT zugeſchickte Waͤgen laͤr abzie-
hen laſſeſt/ wirdt er zu dir ſprechen: Eſu-
riui, &c. Jch bin hungerig geweſt vnd jhr
habt mich nicht geſpeiſt/ ꝛc. Derwegen ite,
gehet jhr Vermaledeyten ins hoͤlliſche ewige
Fewer.
Beſchließlichen entlade dich nicht allein
deiner eygnen vbrigen reichthumben vnd guͤ-
ter/ ſondern auch der frembden mit vnrecht/
liſt oder Gewalt eroberte Guͤter/ fuͤrnemb-
lich vnnd jnnſonderheit aber deren/ mit vn-
gerechtem Titel oder mit Gewalt erlangten
Geiſtlichen Guͤter/ dann weil/ vermuͤg der
Menſchlichen Gerechtigkeit/ der jenig ge-
henckt oder mit dem Strang gerichtet wirdt/
welcher ſeinem nechſten das ſeinige diebiſcher
weiß geſtohlen/ deßgleichen die Rauber vnnd
ſtraſſender/ ſo iſt leichtlich zuerachten wz der
jenig verdiene/ der da Gott dem Herꝛen oder
ſeiner Kirchen das ſeinige mit liſt oder Ge-
walt nimbt vnnd vorenthalten thut: Nicht
allein haben die jenigen/ ſo die Kirchen/ Cloͤ-
ſter vnd Stifft einziehen/ vnd dern Guͤter be-
ſitzen/ keinen nutz/ gewinn noch ſegen darbey/
dann Kirchengut verzehꝛt weltliche haab/ gut
vñ muth/ ſondern woferꝛn ſie dieſelbige behal-
ten/ vnd druͤber ſterben/ ſo muͤſſen ſie ewiglich
auff jhren Seelen verbrennen/ derwegen O
reicher Wucherer/ O Kirchenrauber/ der du
vermeinſt auff dem weg deß Herꝛen zu wan-
dern/ vnnd ſelig zu werden/ entlade/ entrin-
gere vnnd entbloͤſſe dich ſolcher erwucherten
Reichthumben vnnd geraubten Kirchenguͤ-
ter/ werffe ſie auff den kirꝛenden ſeufftzenden
vnnd ſchreyenden Karꝛen jhrer wahꝛen vnnd
eygnen Herꝛen/ reſtituire vnd erſtatte ſie als-
baldt CHriſto vnnd ſeiner Kirchen vor dei-
nem Endt/ Ecce enim veniet Dominus,
& proijciet ſeruum infidelem in ignem
æternum quo vſque ſoluat nouiſſimum
quadrantem.
FErmer vnnd zum eylfften muß ein
Wandersman fleiſſig obacht geben/
auff die Wegweiſung/ dern dann fuͤr-
nemblich drey ſeindt/ erſtlich ein groſſer
Steinhauffen/ oder die Creutzſtoͤck/ oder
Saͤulen/ oder die hoͤltzine Haͤnd/ welche man
gemeinglich an den Straſſen findet: Am an-
dern hat man bißweiln etwann ein Mappam
oder Zettel/ darinn alle Staͤtt vnnd Doͤrffer/
durch welche man reiſen muß/ verzeichnet vnd
geſchriben ſtehen: Drittens findt man ſonder-
bare zeichen/ ſo in den Baͤumen deß Gehoͤl-
tzes gehawen worden: Durch diſe zeichen
kan ſich der Pilgram deß rechten Wegs in-
formieren vnnd berichten/ vnnd deſto frew-
diger vnnd ſicherer vortgehen: Das thut aber
der Eſel nicht/ ſondern wann er einen hauf-
fen ſtein/ ein ſaul/ ein Crucifix od’ Hand ſicht/
alsdann ſpringt er abwegs/ die zeichen aber
verſteht er nicht/ vnnd waiſt nicht was ſie be-
deuten/ vnnd ob jhm ſchon ein Zedel fuͤrgelegt
wurde/ ſo koͤndte er ſie doch nicht leſen/ ſonder
wurde ſie mit Fuͤſſen tretten: Selig aber iſt
der Pilgram/ der diſe zeichen auffm weg ſei-
ner Wanderſchafft fleiſſig betrachtet vnd ſie
Menſchlicher/ aber nicht Eſeliſcher weiß
brauchet.
Durch das erſte directorium oder weg-
weiſung/ nemblich den Steinhauffen/ Creutz
vnd Hand wirdt bedeut das harte/ rechte vnd
gecreutzigte Leben der Heiligen. Jn was fuͤr
einem Standt nun der Menſch diſes zeichen
findet/ der ſoll wiſſen/ daß er auffm rechten
weg zum Vatterlandt ſeye/ dann die harte
Stein der truͤbſaln vnnd widerwertigkeiten/
Jtem die Haͤnd vnd werck der Heiligen/ Jtem
das zeichen deß Creutzes CHriſti ermahnen
vnd erjnnern vns/ daß wir vns mit dem Leben
deß gecreutzigten Chriſti vnd ſeiner Heiligen
conformiren vnnd vergleichen/ ſonderlich
aber ſein Creutz vmbfahen ſollen/ dann ob
ſchon vnſere Werck noch ſo hart/ gerecht vnd
gut ſeindt/ jedoch woferꝛn das Creutz nicht
præeminirt vnd fuͤrſchlegt/ ſo iſts alles ver-
gebens. Diſen Steinhauffen vnd diſes Creutz
haben jene heiligen peregrinanten vñ Wal-
fahrter Stephanus vnnd Paulus gemacht/
als ſie verſteiniget wurden: Die Haͤnd haben
die heilige Doctores vnd Lehrer gelehrt vnd
gemacht/ fuͤrnemblich aber der heilig Am-
broſius vnd andere Heiligen. Die Creutz ha-
ben auffgericht die zwen gecreutzigten Petrus
vnd Andreas/ ſo gar auch Chriſtus ſelbſt/ der
ſich vnd das Creutz/ vnd nit allein ſein Hand/
ſondern/ an ſtatt der Hand/ ſich ſelbs gantz vñ
gar auffgericht/ vnnd erhoͤhet hat/ vnnd noch
jmmerdar ſchreyet/ daß wir durchs Creutz zu
jhm gehen ſollen/ da er ſpricht: qui vult ve-
nire
nire poſt me, tollat crucem ſuam & ſe-
quatur me. Derwegen O Pilgram/ woferꝛn
dir auffm weg der Seligkeit die vorbemelte
Steinhauffen/ Creutz vnnd Haͤnd begegnen/
ſo erſchricke nicht/ ſpring nicht ſambt dem
Eſel/ ab dem Weg/ naige vnd lende dich nicht
zu den gruͤnen Wiſen vnd Feldern der Welt-
lichen Wolluͤſt vnnd Troſts/ thut nicht wie
die ſtuͤtzige Lehen Roß/ welche nicht vort woͤl-
len/ ſondern niderfallen vnd verꝛecken. Nicht
murꝛe wider die harte Stein vnnd Schrofen
der Widerwertigkeiten/ ſo dir auffm weg der
Tugenten begegnen/ ſondern lobe vnnd dan-
cke Gott/ daß du auffm rechten weg biſt/ vnnd
ſprich: propter verba labiorum tuorum
ego cuſtodiui vias duras: ſprich auch: hæc
eſt via, ambulate per eam.
Das ander directorium ſeind die zeichen:
Alle Creaturen ſeind zeichen/ ſo vns zu Gott
zeigen/ weiſen vnd vns ermahnen auff jhne zu-
gedencken/ vnnd vns vber ſein groͤſſe/ macht/
ſchoͤnheit/ weißheit vnnd guͤtigkeit zuuerwun-
deren/ vermuͤg der Wort: Inuiſibilia Dei
à creatura mundi per ea quæ facta ſunt,
in-
intellecta proſpiciuntur. Diſe Creaturen
ſeind natuͤrliche zeichen vnnd gleichſamb na-
tuͤrliche Buͤcher/ dañ alle Creaturen reden mit
vns/ verkuͤnden vns Gottes Lob/ vnd vnder-
weiſen vns. Als derwegen Ariſtoteles ge-
fragt ward/ von weme er ſo vil ding gelernt
hatte? Antwortet er: Von denen dingen/
ſo nicht liegen koͤnnen. Selig iſt der Pil-
gram/ welcher mit ſolchen Augen alle Crea-
turen anſchawet/ als ein zeichen zu der Goͤtt-
lichen erkaͤndtnuß zugelangen. Das thun
aber die Naßwitzige Weltweiſen nicht/ dann
ſie nemen die ſichtbarliche ding diſer Welt
nicht an/ als zeichen/ ſondern quaſi mate-
rialiter, Jnnmaſſen die junge Knabatzen in
den Schulen thun vnd in den ſchoͤnen vergul-
ten Buͤchern nur die ſchoͤnheit der Buchſta-
ben warnemen/ den Jñhalt aber der Schrifft
verachten. An den Liebhabern diſer Welt/
nemblich von Eſeln vnnd Edelleuthen/ iſts
nit/ daß ſie die Creaturen brauchen wie zeichẽ/
ſo vns zu Gott fuͤhren/ ſondern ſie brauchen
Eſels Noten: dann wann jhnen etwann ein
gutes gluͤck zuſtehet/ vnnd ein ſchoͤne Creatur
begegnet/ als dañ wolten ſie es geꝛn geſchwind
anbeiſſen/ anzepffen vnd durchs Maul ziehen/
im wenigſten betrachtendt/ was ſie bedeute/
noch auff jhꝛen Erſchaffer gedenckent.
Billich aber werden ſolche Eſelleut von allẽ
Menſchen verhaſt. Egirtus ein kleines Voͤ-
gelein niſtet gern in Diſteln vnnd Doͤrnern/
vnd iſt dem Eſel von hertzen feindt (Jnmaſ-
ſen jhm auch die Raben feindt ſeindt/) Weil
der Eſel die Diſteln im Feldt abbeiſt vnd friſt/
oder zertritt/ Alsbaldt derwegen diſes Voͤge-
lein den Eſel kommen ſihet/ ſo ſetzet es ſich
auff ſeinen Rucken/ becket vnd beiſſet jne auch
ſo lang vnd ſtarck hinden vnderm Schwantz/
biß er letztlichen auß vngedult daruon lauffet:
Die kleine Voͤgelein ſeindt die Bawren inn
Feldern/ Doͤrffern vnnd Einoͤden/ die niſten
nahe bey den Zaͤunen vnd Hecken/ vnnd ſeind
den Welteſeln/ das iſt/ den gartenden Landts-
knechten/ Landtfahrern/ Stationirern, ſtar-
cken Betiern vnd Landzwingern billich feind/
dann dieſelbigen freſſen jnen alles ab/ zertret-
ten vnd verderben jhnen jhꝛe aͤcker vnd Felder/
ſtehlen jhnen jhre Hennen/ Gaͤnß/ vnnd was
ſie im Hauß haben/ vnnd trucken ſie dermaſ-
ſen/ daß ſie letztlichen Hauß vnd Hof laͤr ſte-
hen laſſen muͤſſen: Aber die Raben/ das iſt/ die
Beampten/ Pfleger/ Schoͤrgen vnnd Ge-
richtsdiener wiſchen bißweiln hinder ſolchen
Landtſtreichern/ vñ andere Bawrenſchinder
her/ nemen ſie gefaͤngklich an vnd tractierens
dermaſſen/ daß ſie nit ſo bald wider kommen.
Das dritte directorium vñ wegweiſung
deß Pilgrams iſt ein Mappa oder verzeich-
nuß/ welche die gelegenheit deß Wegs vnnd
alle Gefahr der abwegen begreifft. Vn-
ſers Chriſtlichen Wallfahrters Mappa
oder Zedel/ oder Libel, begreifft alles was in
dem alten vnd newen Geſaͤtz veroꝛdnet wirdt/
Jtem der Kirchen formas ritus vnd zierden/
Jtem die habitus oder Kleider der Geiſtli-
chen Perſonen vnd jhre Geheimnuſſen: Al-
le diſe ding ſeindt gleichſamb geſetzte zeichen
vnd gemachte Buͤcher/ darinn der Pilgram
leſen kan was zu ſeinem heyl vonnoͤthen/
Wehe aber den aſinis ad lyram oder Eſeln/
ſo ſich hierauff ſo vil verſtehen/ als ein Eſel
auffs Lautenſchlagen/ vnnd welche diſe Zettel
verachten/ vnd mit Fuͤſſen tretten/ jnnmaſſen
die Heyden/ Juden vnd boͤſe Chriſten thun/ ſo
da nach der Schrifft wenig fragen/ dann ſie
ſchawen dieſelbe anderer geftallt nicht an/ als
wie die Eſel/ nemblich außwendig/ aber jnn-
wendig leſen vñ verſtehen ſie dieſelbe nit/ dann
ſie habẽ die gab deß verſtands nit/ ſonder ſeind
grobe vnuerſtaͤndige toͤlpel/ knoͤpff vnd bengl.
Andere laſſen jhnen die Ehr Gottes/ das
Religion weſen/ die Kirchenzierdt vnnd Klei-
der der Prieſter wenig angelegen ſein: Seind
nur Hof- vnnd Maul Chriſten/ tragen das
Creutz/ (wie der Eſel) nur hinben auffm
Rucken/ ohne einige Buͤrd: Keine Vigilias
noch Faſten/ keine ſtationes noch gemeine
Gebett halten ſie niemaln/ ſonder tragen das
Creutz nur auffm hindern theil/ laſſen die po-
ſterioribus alle añiuerſaria reſtitutiones
vñ dergleichen/ welche ſo vil als nichts thun.
Jn der gantzen faſtenzeit faſten ſie kaum einen
einigen tag/ vnd ſeind den Eſeln nur in einem
einigen fall gleichfoͤrmig/ dann wie der Eſel
ſich vor dem kalten Waſſer zutrincken huͤtet/
an keinem kalten ort gern wohnet/ vnnd im
trincken kaum ſeine Lefftzen netzet/ alſo ſehen
wir/ daß ſolche Welt Chꝛiſten das Waſſer der
guten wercken kaum beruͤhꝛen/ dann ſie foͤrch-
ten den Reiff der muͤhe vnd arbeit/ aber vber-
fallen wirdt ſie ein groſſer Schnee der ewigen
Straff.
Andere verachten gleichwol diſe Zettel nit/
ſondern leſens/ aber verſtehens nicht: Vnnd
dieſelbigen ſeind die Layen/ vnnd vermeinen
daß ſie die Schrifft verſtehen/ da ſie doch nit
recht leſen koͤnnen/ ſonder eines Meiſters vnd
Außlegers bedoͤrffen.
Andere leſen vnd verſtehens/ aber auff den
Eſeliſchen foꝛm/ dañ nit leſen ſie in meinung
etwas drauß zulernen/ oder den weg der goͤtt-
lichen Gebotten zuergreiffen/ ſonder von deß
zeitlichen gewiñs wegen: Vnd wie jener Eſel
Eſopi im leſen der geſtalt abgericht ward/ dz/
als man jm ein groſſes Buch fuͤrlegte vñ zwi-
ſchẽ einẽ jeglichẽ hoͤltzinẽ blat dẽ habeꝛn miſchte
er die blaͤter mit dẽ maul vm̃keꝛte vñ dẽ habern
fein ordenlich auffraß: Alſo vnd ebner geſtallt
habẽ auch vnſere Bauch Chriſtẽ die kunſt deß
leſens der H. ſchrifft nur zu jrẽ eygnen nutz er-
greiffen/ ſeind derwegen fuͤr keine Chriſtliche
vnnd fromme peregrinantes, ſondern aſi-
nantes zuhalten: Du aber/ O frommer Pil-
gram thue nicht alſo/ ſonder leſe die zetl diſer
Schrifft/ Gemaͤld vnd Kleidungen dermaſ-
ſen/ darmit du darauß den Weg deß Herꝛen
erkennen vnd wandern moͤgeſt. Nicht begere
zuwerden ein Eſel vnnd Maulthier/ in denen
kein verſtandt iſt/ ſonder wann du die zeichen
der Creaturen ſiheſt/ ſo ſtehe geſchwindt auff/
vnnd gedencke an jhren Erſchaffer: ſiheſtu die
truͤbſeligkeiten deß Creutzes/ ſo erſchricke nit/
ſondern paſſire fort: Siheſt du auf der Straſ-
ſen einen Saͤwhirten/ ſo gedencke an jenen
verlohrnen Sohn: Siheſtu einen Bettler/ ſo
gedencke an den armen Lazarum vnd den rei-
chen Mann: Woferꝛn du ſolches thuſt/ ſo
wirdt dir beſchert werden was Dauid verheiſ-
ſet ſprechendt: Intellectum tibi dabo & in-
ſtruam te in via hac qua gradieris, ſci-
licet ad vitam æter-
nam.
DJE zwoͤlffte notwendigkeit deß
Pilgrams iſt die gute Geſellſchafft/
vnnd die meidung der boͤſen. Ein
kurtzweiliger Gefehrt iſt an ſtatt eines Roll-
wagens: ein ſolcher war Chriſtus jenen zween
Juͤngern/ ſo gen Emaus gingen/ als ſie zu
einander ſagten: Brann nicht vnſer Hertz
auffm weg? Die Welt aber vnnd die Welt-
menſchen begeren Chriſtum nit fuͤr einen ge-
fehrten auff jhꝛen Raiſen/ ſonder haben vil lie-
ber den Teufel/ derſelb gehet anfangs mit jnen
auß/ er iſt bey jhnen mitten auffm weg/ beglai-
tet ſie wider heimb/ fuͤhret ſie letztlichen inn
den Todt. Vnd ſpricht liſtiglich zum Pil-
gram: incuruare vt tranſeamus: Dann
weil er ſihet daß bißweiln die Menſchen mit
auff gerecktem Leib vnnd guter mainung auff
dem weg der Goͤttlichen gebotten wandern
vnd jr Hertz allzeit ſurſum hinauff gen Him-
mel richten/ auff das ewige Vatterlandt ge-
dencken/ vnnd den groben Weg der ſtrengen
Bußfertigkeit beharꝛen/ ſo ſpricht er: incur-
uare frater, buck dich Jaͤckel/ laß ab von
deinem ſtrengen Leben/ naige dich ein wenig
zum leiblichen Troſt/ faſte vnnd arbeite dich
nicht zu todt/ collationire bißweilen/
vnnd trinck ein Krafft Truͤnckel/ du kanſt
dannocht die Gebott deß HERREN
wol halten/ ich begere dich nicht daruon
abzuwenden/ ſondern du wirſt dardurch deſto
ſtaͤrcker.
Zum Religioſo ſpricht er: Mein Bru-
der/ incuruare ſuche ein relaxation, ein
recreation, ein gelegenheit/ damit du auſ-
ſer deß Cloſters etwan ein Pfarꝛ vbeꝛkommeſt/
ein mehrere freyheit vnd ergoͤtzlichkeit erlan-
geſt/ ein feines Gelt erſambleſt/ incuruare
vt tranſeamus cum cæteris’; & nequa-
quam pereamus’. Thu wie andere feine
Prieſter auff dem Landt/ denen alles hinge-
het.
Zum Canonico ſpricht er: Du biſt ein
feiner gelehꝛter Mañ vnd eines mehrern wol
wuͤrdig: Deine Corherꝛen Pfruͤndt erklecke
dir nicht/ trachte nach einem faiſten benefi-
cio oder einer reichen Pfarꝛ/ genieſſe du dar-
uon das beſte einkommen/ vnd gib einem Vi-
cario der die Seelſorg verſehe/ etwas wenigs
auffm Spaͤndl/ der Biſchoff vnnd Vicarius
ſeind dir guͤnſtig/ vnd koͤnnen gar wol mit dir
diſpẽſiren, Aber ô nequam, nequaquam.
Dann die diſpenſationes iniquæ ſeu per-
peram impetratæ non tollunt peccata
mundi, ſed augent, niſi fuerit rationabi-
lis diſpenſandi cauſa, ſine cauſa diſpenſa-
re quid eſt niſi cum licentia ad infernum
intrare.
Zu einem ſtillen eingezognen Menſchen
kompt er vnd ſpricht: incuruare, nit fliehe ſo
ſehr/ alle gute Geſellſchafft/ warumb biſtu ſo
gar ſingularis’? Du wirſt letztlichen gar ein
Fantaſt/ ein Stockfiſch vnnd Narꝛ werden/
mennigklichen wirſtu verhaſt/ vnnd dir ſelbſt
beſchwerlich vnnd verdrießlich/ incuruare,
relaxarigorẽ; gehe her/ zu der Geſellſchafft/
vnnd recreire dich ein wenig. Aber du O
frommer Pilgram/ gib dem Teuffel kein
gehoͤr/ dann er leugt/ nicht glaube was er
ſagt vom incuruare vt tranſeamus, nam
non eſt tranſiturus ſed te oppreſſurus’.
Wirſt du dich ein wenig biegen vermittelſt
der laͤßlichen Suͤnd vnnd Weltlichen troſts/
ſo wird er dich zu boden werffen/ vnd machen
daß du ſchꝛeyen wuͤrdeſt: adhæſit pauimen-
to anima mea: Wirſtu dich vor dem Teu-
fel bucken/ ſo wirdt er auff dir reiten vnd dich
ducken: & ſicut onus graue grauabitur
ſuper te: Reiten wirdt er dich ohne alle
Barmhertzigkeit durch alle Berg vnd Thal/
durch alle Kotlachen/ Hecken/ Doͤrner vnnd
Stauden. Vnd wirdt dich letztlichen loſieren
vnd ſtellen in den Stall der ewigen verdam̃-
nuß: alsdann aber wirſtu ſambt andern ver-
geblich ſchreyen vnd ſprechen: vias difficiles
ambulauimus.
Der ander boͤſe Gefehrt iſt die Welt vnnd
Weltliche conuerſation vnd gemeinſchaft/
welche vns ſehꝛ koͤſtlich vnd ſtattlich mit Klei-
dern vnnd Speiſen zu tractiren rathet/ vnnd
beynebens verurſachet daß wir vnſere edle zeit
der Gnaden/ vnnd deß heyls ſo vbel verwen-
den vnnd verlieren/ aber du/ O Chriſtlicher
Pilgram/ meide dergleichen ſchaͤdliche Ge-
ſellſchafft/ verwende dein zeit in aller Bußfer-
tigkeit/ zu erlangung der Gnad vnnd Glory.
Nicht ſprich wie etliche Speyvoͤgel vnd Lot-
tersbuben: Was woͤllen wir nach der Mahl-
zeit thun? Weil wir nicht nehen vnd Spin-
nen koͤnnen wie die Weiber/ ſo woͤllen wir
entweder ſauffen oder ſpilen: ſondern ſprich:
nach dem eſſen woͤllen wir ein ehrliche Leibs-
vbung fuͤr vns nemen/ oder zu der Nachpꝛedig
zu der Engliſchen Geſellſchafft eylen/ die col-
loquia der andaͤchtigen confraterniteten
vnd Bruderſchafften beſuchen/ etwas heilſa-
mes hoͤren/ folgents zu der Veſper gehen/ vns
mit Gott verſoͤhnen/ GOtt anruffen/ nach
dem verlohrnen Erbtheil ſeufftzen/ nach der
verheiſſenen ſeligkeit trachten/ vnd die began-
gene miſſethaten beweinen/ dann das ſeindt
wahꝛe Chꝛiſtliche/ ja Koͤnigliche werck/ lachri-
mæ mea ſicut panes die & nocte, &c.
Der dritt boͤſe gefehrt iſt Stuttfaul/ nemb-
lich das Fleiſch/ dann ſpiritus quidem eſt
promptus, caro autem infirma: Caro
con-
concupiſcit aduerſus ſpiritum, & ſpiri-
tus aduerſus carnem. Ob nun wol du O
Pilgram/ diſen Gefehrten nicht verwerffen
kanſt/ ſondern mit dir fuͤhren muſt/ ſo wirſtu
doch nicht leyden/ daß er vber dich herꝛſche/
dann ſonſten wirſt du vmbkommen vnnd ins
Vatterlandt nicht gelangen/ dann caro &
ſanguis regnum Dei non poſſidebunt.
Hergegen woferꝛn dir das Fleiſch gehoꝛſamet
vnd du es mortificireſt, aber doch lang-
ſamb/ ſo wirſt du gleichwol zum verlangten
zihl gelangen/ aber ſehr ſpat/ vnnd wirſt muͤſ-
ſen in der Mittags Hitz wanderen. Dann
du ſolt wiſſen/ daß die zeit diſes Lebens ein
fruͤh morgige vnnd zwar ein zeit deß Thaws/
der Barmhertzigkeit vnnd erkuͤhlung iſt: Jm
Fegfewer iſt die Mittags zeit/ zu deren die
Sonn der Straff ſcheinet: Aber in der Hoͤl-
len iſt die Nacht/ in dern man nichts laͤſt wuͤr-
cken. Woferꝛn derwegen du deß morgens
im Thaw nicht wandereſt/ ſo muſtu in der
Mittags Hitz deß Fegfewers wanderen: Der-
wegen O Chriſt/ wandere allweil du das
Liecht haben kanſt/ vnnd ſonderlich deß mor-
gens wann die Hitz der Sonnen noch nicht
vberhandt genommen hat: Zwinge deinen
faulen Gefehrten/ das Fleiſch/ daß er mit dir
in diſer fruͤhen Tagszeit deß Thaws wande-
re/ ſo wirſtu in kurtzer zeit vil verꝛichten.
Diſes ſeindt nun die drey Gefehrten deß
wegs diſer Wanderſchafft vor denen du dich
fleiſſig huͤten/ vnd ſie/ woferꝛn du ſie allbereit
zu dir genommen/ beurlauben vnnd andere
gute fromme vnnd getrewe Geſellen deines
gleichen vnnd vorhabens/ ſo jhr Angeſicht
nach dem Himmliſchen Jeruſalem gewendt/
erwoͤhlen ſolleſt. Bitte auch deinen Schutz-
Engel daß er dich beglaidte/ beſchuͤtze vnnd
erhalte: An ſtatt deß Fleiſches erwoͤhle dein
rationem oder geiſt/ an ſtatt der Welt-
menſchen fromme Leuth/ vnd an
ſtatt deß Teuffels den
Engel/ ꝛc.
DAS Huͤndtlein iſt dem Pilgram
ſehr nothwendig/ jnnmaſſen Tobias
eins auff ſeiner Reiß gehabt: Durch
diß Huͤndtlein wirdt verſtanden der gute be-
ſcheidene vnd Goͤttliche eyfer vnd ernſt: Dañ
erſtlich wie der Hundt ein jnnbruͤnſtiges emb-
ſiges vnd keckes thier iſt/ alſo ſoll der Menſch
alle Menſchliche forcht hindan ſetzen/ vnd die
Warheit kecklich vnd jnnbruͤnſtiglich verthe-
digen. Am andern wie der Hundt ein feindt
der feinde ſeines Herꝛen iſt/ ſie verfolget/ an-
greiffet/ vnnd doch ſie nicht haſſet/ alſo ſehen
wir daß ein eyferiger Menſch alle die jenigen
fuͤr ſeine Feinde haͤlt/ welche GOttes feinde
ſeindt/ vnangeſehen dieſelbigen ſo gar ſeine
leibliche Schweſtern vnd Bruͤder weren: ver-
muͤg der Wort: Inimici facti ſunt mihi: I-
tem: qui non odit, Patrem & matrem,
non eſt me dignus. Gleichwol iſt er jhnen
anderer geſtallt nit feind/ als/ wie gemelt/ der
Hund.
Drittens wie der Hundt fuͤr ſeinen Herꝛen
ſtreitet biß in den todt/ alſo verthaͤdiget ein ey-
feriger Chriſt die Goͤttliche Warheit biß in
den todt/ vnd wann er hoͤꝛet daß man fluchet/
ſchweret vnd Gott laͤſtert/ alsdann erzuͤrnet/
ergrimmet vnd verſchmachtet er gleichſamb/
wie Dauid/ ſprechent/ Super inimicos tuos
tabeſcebam: Item: Nonne quioderunt
te oderam perfecto odio oderam illos.
Viertens wie der Hundt ſeines Herꝛen
Hauß verwahꝛet/ die ſchaͤdliche Leuth in der
Nacht durch ſein bellen verꝛathet/ alſo pflegt
ein eyferiger Chriſt fuͤr ſeine Nechſten vnnd
Bruͤder zuſorgen/ damit der allergroͤſt Dieb
vnd Moͤrder/ der Teufel jhnen nichts ſchade/
Jnmaſſen Paulus gethan vnnd geſagt: Quis
ſcandaliſatur & ego non vror.
Ferꝛner vnd zum fuͤnfften beiſt der Hundt
bißweiln/ vñ der eyfer deß Herꝛn bricht gleich-
fals bißweiln mit ſchelt wortẽ herfuͤr/ vermuͤg
der Wort: O inſenſati Galathæ: Item:
O ſtulti & tardi corde. Gleichwol wirdt
ein ſolcher guter eyfer bißweiln widerumb ge-
biſſen/ vermuͤg der Woꝛt: Extraneus factus
ſum fratribus meis’, peregrinus filiis’
matris meæ, quoniam zelus domus tuæ
comedit me, & opprobria ex probran-
tium tibi ceciderunt ſuper me. Hierauß
erſcheint nun/ daß es nichts newes iſt/ daß der
gute eyſer vbel angeſehen vnd ſcheutzlich ab-
danckt wirdt/ non enim modo peccatores
& criminoſi puniuntur, ſed qui crimino-
ſos corripere nituntur, nicht wer die laſter
thut/ ſondern der ſie beredet/ wirdt geſtrafft.
Vor vilen alten zeiten hat man geſagt: Ob-
ſequium amicos, veritas odium parit:
Aber doch ſolleſtu/ O Pilgram/ diſen Hund
deß jnnbruͤnſtigen eyfers keins wegs dahin-
den laſſen/ ſondern mit dir fuͤhren/ Jnmaſſen
Elias/ Moyſes/ Joannes der Taͤuffer/ Chri-
ſtus der Herꝛ: Bernardus, Benedictus vnnd
Dominicus gethan: Wehe aber denen/ ſo nit
das Fewer diſes eyfers/ ſondern ein Waſſer/
kein Fackel/ ſondern ein Koth im Mundt fuͤh-
ren. O wie vil feine Maͤnnl findt man/ wel-
che das boͤſe gut/ vnnd das gute boͤß ſprechen/
vnnd behaupten daß die vngerechte contract
gerecht/ die pluralitas der beneficien paſ-
ſierlich vnd zulaͤſſig/ die diſpenſationes ge-
nugſamb/ die offentliche Suͤnd nicht ſtraff-
maͤſſig ſeyen/ ꝛc. Etliche haben Mehl im
Mundt/ vnd ein verlangen nach dem Traidt
vnd Wein/ vnnd koͤnnen derwegen wider die
Laſter nicht bellen: dann ſie foͤrchten ſich/ daß
man jhnen das Mehl vnd die vnderhaltung
benemmen werde.
Etliche andere reden gleichwol kein falſch-
heit/ ſondern die Warheit/ aber doch karg
vnd kalt/ damit dir zarte Ohren der Zuhoͤrer
nicht offendirt oder belaidiget werden/ aller-
maſſen bey außſprengung deß Weyhbrun-
nens beſchicht/ dann wann derſelb kaͤrglich
außgeworffen wirdt/ alsdann embloͤſſet ein
jeglicher ſein Haupt vnd Haͤnd/ vnd empfa-
hets andaͤchtigklich/ aber wann er vberfluͤſſig
außgeworffen wirde/ alsdann zeucht ein jeder
ſein Geſicht daruon ab. Eben diſer geſtallt
gehets mit dem gepredigten wort Gottes zu/
dann wañ man die Laſter maͤſſiglich/ huͤbſch-
lich vnd hoͤflich ſtraffet vnd niemandte trifft/
ſo ſtehet deß Predigers ſach wol/ wirfft er a-
ber den Weyhbrunnen der correction et-
was vberfluͤſſig in jemands Angeſicht/ ſo wen-
det man alsbaldt das Geſicht vnd Hertz von
jhm ab.
Villeicht aber ſprichſt du: Jch bin nicht
karg/ ſondern freygebig gnug mit dem auß-
werffen deß Weyhbrunnens der correction,
kan aber doch nichts proficiren noch auß-
richten? Antwort: die vrſach deſſen iſt/ quod
ignem non adminiſtras ſed aquam frigi-
dam: non eſt ignitum eloquium tuum,
quamuis abundans ſit: os habes plenum
verborum frigidorum: Die fewrige Kohl/
welche der Seraphin vom Himmliſchen Al-
tar zu ſich genommen/ vnd der die Lefftzen E-
ſaiæ beruͤhrte/ hat vnſere Lefftzen nit beruͤhrt/
derwegen pflegen wir das Fewer der andacht
in den Hertzen der Menſchen nicht ſo ſehr zu
entzuͤnden/ als zu loͤſchen: Jnn den Lefftzen ſol-
cher kalten vnnd lawen Prediger ſteckt der
Todt/ an ſtatt daß in jhren Lefftzen das wort
GOttes/ der Geiſt vnd das Leben ſein ſolte/
Nicht allein aber ſollen diſe Hundt deß guten
eyfers die Prediger bey ſich habẽ die Lieb/ ſon-
dern auch alle vnd jede fromme Chriſten/ dañ
einem jeglichen Menſchen hat Gott das Ge-
bott der Lieb auffgegeben/ ſprechendt: Diliges
proximum ſicut te ipſum: Wer nun diſe
Liebe hat/ der bewilliget nicht/ daß ſein Nech-
ſter durch die Suͤnd vmbkomme/ ſonder er
erhaͤlt jne ſo vil muͤglich/ vermittelſt der Bruͤ-
derlichen correction, derwegen laſſet auch
vns diſen Hundt deß guten eyfers mit vns
fuͤhren/ eines jnnbruͤnſtigen Hertzens vnd Ge-
muͤts/ vnnd feinde der feinde Gottes ſein/ fuͤr
die ehr deß allerhoͤchſten mannlich ſtreiten/
wider die Teuffel vnnd verfuͤhrer weidlich
ſchreyen/ vnd bißweilen wanns vonnoͤten iſt/
von vns beiſſen/ damit wir getrewe Knechte
vnſers Herꝛn erfunden/ vnnd wuͤrdig werden
moͤgen einsmals anzuhoͤren die liebliche
Wort: Euge ſerue bone & fidelis in-
tra in gaudium Domini
tui.
Huͤten aber ſoll ſich vnſer Pilgram/ daß
er an ſtatt eines kleinen Hundts deß
guten eyfers keinen wuͤtigen groſſen
Ruͤdt deß vnbeſcheidenen eyfers zu ſich ne-
me/ Dann dergleichen Hundt pflegen die
Gaͤnß/ Aendten/ Schaf/ Schwein vnd Hen-
nen zuuerjagen: Auff diſen ſchlag findt man
etliche Prediger/ welche auß einem vnbeſchei-
denen eyfer ohne allen reſpect jmmerdar bel-
len/ beiſſen vnd von ſich ſtechen/ derwegen nit
allein nichts fruͤchten/ ſonder die Gemuͤter
der Zuhoͤrern wider jhne veralieniren, ab-
wenden vnd verbitteren: Jmmerdar ſchrey-
en ſie/ crucifigatur, deponatur, eijciatur,
ſo gar nennen ſie bißweiln die Leuth/ oder
deuten gleichſamb mit Fingern auff ſie/ laſ-
ſen jhr rachgirigs Gewuͤth auff der Cantzel
auß/ vnnd reſeruiren dem Goͤttlichem vril
nichts: Mit ſolchem jhrem vnbeſcheidenen
eyfer verſchoneu ſie weder der alten noch der
jungen/ weder hohes noch nidern ſtandts:
Woher entſpringt aber ſolche wuͤtigkeit deß
Hunds? Antwort: Einen nagenden Wurm
haben ſie vnder der Zungen/ nemblich den
wurm der hoffart vnd eyteln ehr/ derſelb ma-
chet/ daß ſolche Prediger fuͤr Iuſtitiarios vñ
groſſe Liebhaber der Iuſtici vnd Goͤttlichen
ehr gehalten werden woͤllen/ derwegen laſſen
ſie ſich mit dem vnbeſcheidenen corrigiren
vnd ſtraffen der Laſter auff der Cantzel ſo ſteiff
hoͤꝛen. Andere haben einen Wurm deß neidts
vnd haſſes/ vnd derſelb heiſt correctio men-
dax in ira contumelioſi: Es iſt aber kein
correctio, ſonder ein corruptio. Noch an-
dere haben den Wurm der Jgnorantz vnder
der Zungen/ vnd weil ſie auff jhre Predig nit
vil ſtudiert haben/ vnnd nichts anders wiſſen
fuͤrzubringen/ ſo begeben ſie ſich an ſtatt deß
docirens vnd lehrens auffs calumnieren,
ſchelten vnd kalmeuſen.
Eben diſen Wurm der Jgnorantz haben
auch etliche Prælaten/ jnnmaſſen jener ge-
weſt/ welcher baldt nach beſchehener ſeiner
wahl vnnd innſtallirung anfing zu kaͤrglen/
den Bruͤdern jhren Tiſch/ Wein vnd Brodt
zuſchmaͤlern vnd abzubrechen/ vnd ſie ſonſten
mit dem ſtraffen hart zuhalten/ wardt derwe-
gen abgeſetzt/ wie ein nouitius geſtrafft/ vnnd
jhm zu erkennen gegeben/ wie vnnd was ge-
ſtallt er andere regiren vnd halten ſolte. Nach
ſolchem ward er wider in vorigen ſtandt ge-
ſetzt/ vnnd diſer geſtallt benam man jhm den
Wurm der Jgnorantz vnd vnbeſcheidenheit.
Nicht ſicher iſts von den Dorff Ruͤdten re-
girt zu werden/ die Kinder der Edelleuthen
ſeindt in jhren Regierungen vil guͤtiger/ dann
ſie ſeindt von jugent auff bey hoͤflichen Leu-
then erzogen: Das thun aber die Bawren-
bengel vnnd grobe Toͤlpel nicht/ Miſeri
miſeris miſereri nolũt; aſperius enim ni-
hil eſt humili dum ſurgit in altum, Cun-
cta ferit dum cuncta timet, deſeuit in o-
mnes.
Der ander groſſe Hundt/ der zu meiden/ iſt
ein ſtummer Hundt/ der da gar nicht bellet/
noch beiſſet/ vnnd heiſt remiſſio oder ein vn-
achtſambkeit/ dergleichen Leuth fragen nichts
nach dem heyl jhres Nechſten/ jhr zelus oder
eyfer ligt auffm Bauch auff der Erden: nem-
men ſich vmb das heyl jrer Weib/ Kinder vnd
Geſinds nichts an/ vnd ob ſchon ſie bißweiln
bellen/ ſo laſſen ſie doch baldt nach/ laſſen ſich
geſchwindt abtreiben/ ſchweigen/ ruͤhren den
Wadel/ legen ſich voꝛ jhnen nider/ vnnd beiſ-
ſen nit. Daran aber iſt nichts anders ſchul-
dig/ als entweder die zuuil groſſe demut/ durch
welche aber geſchwecht wirt jhre authoritet,
oder die forcht/ dañ ſie foͤrchten ſich entweder
vor der darauß entſtehenden aͤrgernuß oder
der betrohung. Oder aber die Lieb iſt ſchul-
dig dran/ dann etliche woͤllen den Fuchs nit
beiſſen/ noch jemande belaidigen/ damit ſie
nicht priuirt vnd jhnen jhr zeitliche nahrung
entzogen werde/ derwegen ſeind ſie bey menig-
klich wol dran: ſchmaichlen vnnd ſprechen:
Per me equidem ſint omnia protinus al-
ba. Den gantzen Tag fuchsſchwaͤntzlen
ſie/ koͤnnen alles mitigiren, coloriren, lin-
deren/ faͤrben vnnd entſchuldigen: Seindt
Dorff- vnnd Schlafhund/ vnnd ligen nur
auff dem Sack/ aber dem Wolff fragen ſie
nichts nach. Dergleichen Schlafhuͤnd vnd
Sackhuͤnd find man ſehr vil auff den Pfarꝛen
vnd in den Religionen/ Kein ſolcher aber war
Petrus/ er lag nit auffm Sack/ ſonder ſpꝛach:
ſihe/ wir verlaſſen alles/ Goldt vñ Silber hab
ich nit/ ꝛc. Deßgleichen lagen der H. Franciſ-
cus, Dominicus, Bernardus, Benedictus
vnd Auguſtinus auff keinem ſolchen Sack/
ſie waren nit Polſterhuͤndl/ ſondern Schaf-
hund/ vnd huͤteten die Schaf Chriſti.
Der viert Hund iſt mittelmeſſig vnnd ein
zim̃lichs Huͤndlin vnd ſehr wachtſamb/ dar-
durch wirdt bedeut der beſcheidne eyfer/ wann
nemblich der Menſch die zeit/ das ort vnd die
Perſon warnimbt. Keinen koͤſtlichern Hund
koͤndt ich dir O Chriſtlicher Pilgram wuͤn-
ſchen/ als einen der da ſchwartz iſt vermittelſt
deß guten eyfers/ der zwey Augen der ſcientz
vnd beſcheidenheit hat/ vñ der ſtarcke Schen-
ckel der ſtandthafftigkeit hat. Selig iſt der
Pilgram der einen ſolchen Hund zum gefer-
ten hat/ jnnmaſſen Tobias einen gehabt/ vnd
durch jhne mit gluͤck vnnd heyl widerumb
heimb zu ſeinem alten Vatter ge-
fuͤhrt iſt worden.
WJe einer der ſehr weit verꝛaiſen will/
zuuor pflegt ein Teſtament oder ſei-
nen letzten willen auffzurichten/ alſo
muͤſſen auch wir/ die wir allhie auff Erden
kein bleibende ſtatt haben/ thun/ vnd erſtlich v-
ber vnſere zeitliche Guͤter diſponiren, vnnd
ſie dermaſſen veroꝛdnen/ damit ſie jhren rech-
ten Erben zu theil werden/ vnd zwiſchen den-
ſelbigen ins kuͤnfftig kein ſtritt oder weitleuf-
figkeit entſtehe/ vnnd damit dadurch die ehr
vnd glory GOttes befuͤrdert werde/ vermuͤg
der Wort: Omnia in gloriam Dei facito.
Item: non nobis, Domine non nobis, ſed
nomini tuo da gloriam. Fuͤrnemblich a-
ber muſtu ſehꝛ behutſamblich inn diſem fall
handlen/ vnnd ſehen/ daß du deinen Freunden
nicht etwas/ was du ſchuldig biſt zu reſtitui-
ren vnnd zuerſtatten/ vermacheſt/ ſonder ver-
ordneſt/ daß es jhren rechten Herꝛen wider-
umb zugeſtellt oder erſtatt werde.
Am andern verſorge vnnd diſponire die
Begraͤbnuß deines Leibs/ damit derſelb ehꝛlich
vnnd an ein heiliges geweyhtes orth gelegt/
darneben aber aller eytler Pomp vnd Pracht
vermitten werde/ thu nicht wie etliche/ welche
vil lieber mit zurichtung vnnd bereitung eines
koͤſtlichen Grabs vil ſpendiren, dann jhre
Schulden zahlen/ vnnd frembde oder vbelge-
wonnene Guͤter reſtituieren woͤllen. O
groſſe Thorheit: Vil lieber woͤllen ſie/ daß
jhꝛe Seelen in der Hoͤllen werden gemartert/
weder daß jhꝛe Leiber gelegt werden in ſchlech-
te Graͤber. Nicht genug iſts/ daß ſie jhre ju-
gent vnd Mannlichs alter zugebracht haben/
in Thoꝛheiten vnd eytelkeiten/ ſondern ſie laſ-
ſen auch dieſelbe erſcheinen/ ſo gar nach jhꝛem
todt/ mit jren todten ſtinckenden vnd verfaul-
ten Leibern/ ꝛc.
Beſchließlichen verteſtiere vnnd verſorge
dein Seel/ vermittelſt deß vilfaͤltigen geden-
ckens an den Todt/ das viuax mortis me-
moria dat contemptum mundi, dat eui-
tationem peccati, dat ſcientiam & ſecu-
ritatem bene moriendi. Jtem vermittelſt/
der demuͤtigen appellierung von der Gerech-
tigkeit Gottes zu ſeiner Barmhertzigkeit/ J-
tem vermittelſt deß vnauffhoͤrlichen Gebetts/
vnnd vilfaͤltigen Beicht vnnd Communion:
Vnd diſes alles thue bey zeiten/ damit du nit
etwan vom Todt vbereylt werdeſt/ vnd ohne
Teſtament verſcheideſt.
Keins wegs aber laſſe dich an der verord-
nung deß Teſtaments hindern oder abhalten/
die Hoffnung deß laͤngeren Lebens/ Nicht
ſprich: Ob ich ſchon alt bin/ ſo bin ich doch
noch ſtarck/ das eſſen vnnd trincken ſchmeckt
mir/ GOtt lob/ noch wol: Jch empfinde
auch keine zeichen einiger Schwachheit/ alles
was ich in der jugent gethan/ dz kan ich noch
thun. Jch kan noch wol manchen Jungen
vberleben. Du jrꝛeſt dich aber/ mein Bru-
der/ du jrꝛeſt dich/ glaub vnd vermeine nicht/
daß du darumb deſto weiter vom Todt ſeyeſt/
ſonder nimb ein Exempel vnnd Lehr an einer
Kertzen/ dieſelbe brinnt vnd fladert gleichfals
biß zum endt/ wann kaum ein einiges Bißl
Wachs mehr verhanden iſt: Vil heller brinnt
ſie alsdann/ weder erſt anfangs/ als man ſie
anzuͤndete: Eben diſes/ mein Bꝛuder/ kan auch
dir begegnen/ dann ſehꝛ vil Menſchen werden
beruͤhrt vom Schlag/ vil ſterben deß gehen
Todts/ welche alters vnd geſundtheit halben
gar wol noch laͤnger hetten leben/ gute chiera
machen/ den taratantara vnnd boire à la
fontaine ſingen koͤnnen/ ꝛc.
DAs fuͤnffzehende requiſitum vnnd
notwendigkeit deß Pilgrams iſt/ daß
er deß morgens in aller fruͤhe auffſte-
he zum wanderen/ vñ nit warte biß zu der mit-
taͤgigen Hitz/ in ſeiner jugendt ſoll er anfahen
andaͤchtig/ fromb vnnd tugentſamb zu ſein/
vermuͤg der Wort: bonum eſt viro, cum
portauerit iugum ab adoleſcentia ſua
Item: memento Creatoris tui in diebus
iuuentutis tuæ, &c. Gedenck an deinen Er-
ſchaffer in deiner jugendt/ ehe dañ die zeit dei-
nes vngluͤcks komme/ vnd die Jahꝛ herzu tret-
ten/ dauon du ſagen wirſt/ ſie gefallen mir nit.
Ein groſſe vnuerſchambtheit were es/ wañ ei-
ner einen Koͤnig zu gaſt lude auff Fiſchſchup-
pen/ auf zernagte Bein vñ Oepfelſchel: Was
iſt aber ein muͤdes alter anderſt/ als ſchuppen
der jugent/ als ein zernagtes Bein/ vnd als ein
verfaulte Scheel? was kan vnuerſchambters
ſein/ als dz du O ſuͤnder dem Teufel begerſt zu
dienen in der jugent/ damit du heꝛnacher Gott
dienen moͤgeſt im alter? Nit alſo/ O Pilgram
nit alſo/ ſonder ſtehe deß morgens fruͤh auff/
vnd opffere der Goͤttlichen Majeſtaͤt das beſte
deines alters/ vnd diene jhm zeitlich in der ju-
gent/ ehe vnd beuor die Fenſter deiner Augen
im Todt erfinſteren/ wann du eingehen wirſt
muͤſſen ins Hauß der ewigkeit. Gewiß vñ vn-
fehlbar iſts/ daß die jenigen ſo von jugent auff
Gott dienen/ deſto weniger im Fegfewer ge-
ſtrafft/ vñ deſto vberfluͤſſiger im Him̃el ergetzt
werden ſollen. Ehꝛlich vñ ruͤhmlich iſts auch/
daß man Gott von jugent auff diene/ dañ wie
ein edler Juͤngling vil lieber einem Koͤnig vm̃-
ſonſt dienet/ weder einem Bawren vmb einen
groſſen Soldt/ alſo ſoll vnſere edle vnd nach
dem Ebenbildt GOTtes erſchaffene vnnd
thewer erkauffte vnnd erloͤſte Seel vil lieber
dienen dem allerhoͤchſten vnd him̃liſchen Koͤ-
nig der jhne erſchaffen vnd jhm alle notturfft
beſcheret/ vnnd der jhm ſo gar das ewige Le-
ben ertheilet/ weder dem Teuffel/ der Welt/
vnd dem Fleiſch/ dern Soldt der Todt iſt.
Ein ſchand iſts dem Pilgram/ daß er vn-
angeſehen geweckt worden/ dannoch nit fruͤh
auffſtehet/ wann die Sonn ſcheint vnnd ſeine
andere Gefehrten allbereit auffm weg ſeindt/
vnnd waidlich vortwandern. Die Hanen
kraͤhen vnd wecken vns auff/ dann die Sum̃
der Prediger iſt außgangen inn alle Landt:
Alsbaldt der Han kraͤthe/ ging Petrus hin-
auß/ weinte bitterlich/ wanderte in eine Spe-
lunck vnd thaͤte Buß: Aber leyder/ wir ſchla-
fen vnd faulentzen im Lotterbeth. Nicht al-
lein die Hanen/ die Prediger vnd vnſere Ge-
ſellen wecken vns auff/ ſondern auch vnſer
Herꝛ vnnd GOtt ſelbſt beruͤhrt vns mit ſei-
ner Handt: Warumb ſchreyen derwegen
wir nicht: Manus Domini tetigit me, &
contremiſcit venter tuus ad tactum e-
ius? Eben ſo offt ruͤhret er vns an zum
auffwecken/ als offt er vns etwan ein wider-
wertigkeit vnnd Kranckheit zuſchicket/ Aber
wehe denen/ ſo nicht erwachen vnnd munter
werden/ es ſey dann/ daß es donnere/ plitze/
vnnd mit dem Stral deß gehen Todts/ von
mir ins ewige Fewer einſchlaͤgt/ dann als dañ
wirds zu ſpat ſein/ vnd ſie werden alsdann die
Augen auffthun wie der reiche Mann in der
Hoͤllen.
Derwegen O Prilgram/ ſurge qui dor-
mis & exurge, & illuminabit tibi Chri-
ſtus’.
Weil du empfundeſt daß dich die Sonn
der Goͤttlichen gnad vñ barmhertzigkeit noch
beſcheinet/ ſo thu du erſtlich deine Augen auff/
vermittelſt der erkaͤntnuß deiner Suͤnden vnd
gefahr darinn du von jhꝛentwegen ſteckeſt wo-
ferꝛn du darinn ſtuͤrbeſt/ Jnnmaſſen Dauid
gethan/ ſprechendt: Quoniam iniquitatem
meam ego cognoſco amplius laua me ab
iniquitate mea.
Am andern erigete, erhebe dich vermit-
telſt der contrition. Drittens lege das Hem-
met der gnaden an/ vermittelſt deß guten fuͤr-
ſatzes/ vermuͤg der Wort: Induite vos ſicut
electi
electi Dei: Item, Induimini Ieſum, &c.
Viertens begib dich auß dem Beth der boͤſen
geſellſchafft vnd anlaß/ auffs wenigſt ſeye nit
ſo gar vnempfindelich/ daß du die Wantzen o-
der Floͤch/ das iſt/ die armſeligkeiten/ welche
die in ſuͤnden ligende Suͤnder leyden/ nit em-
pfindeſt. Zum fuͤnfften ſpeye auß/ oder reinige
dich/ vermittelſt der Beicht/ vnnd werffe von
dir den Schleim vnd ſchulnuß der ſuͤnden/ da-
mit der Magen deines Gewiſſens geſaͤubert
werde. Nach ſolchem allem lege an die ſchuh
aller tugenten/ vnd verſihe dich mit dem Sack
deß Glaubens vnd allen andern notwendig-
keiten/ vnnd wann du alſo ſtaffirt vnnd fertig
biſt/ ſo begib dich auff den weg deß wirckens
der Goͤttlichen Gebotten vnnd Chriſtlichen
Lebens: Alsdann/ alsdann wirſtu in der kuͤh-
le vnnd wehrendem Thaw der zeit der gna-
den/ ein ſtarcke vnnd gluͤckliche Tagreiß ver-
richten/ vnd zum verlangten Port
gereichen.
ZVm ſechzehenden muß der fuͤrſichtig
Pilgram langſamb wanderen/ dann wer
ſich aufangs vbereylt/ der wirdt baldt
muͤd vnd bleibt dahinden/ aber wer langſamb
gehet/ der kombt allgemach weit: Derwegen
muſtu O Chriſtlicher Pilgram auffm weg
deß Herꝛen beſcheidenlich vortgehen/ faſten/
wachen/ vñ dein Fleiſch kaſteyen: Regiere das
Pferdt deiner vngeſtuͤmmigkeit mit dem
Zaum deß verſtandts/ dann wer ſein Pferdt
deß morgens fruͤ vberhuyet oder vbereylt/ der
verbringt ſchwerlich ein gute Tagreiß. Ge-
denck daß vnſere Werck kein Werck eines ei-
nigen tags ſeyen/ ſonder daß es lange zeit dar-
zu erfordert werde/ dann vnſere Wallfahrt
wehret vnſer gantzes lebenlang. Gedenck/
daß ſolche vngeſtuͤmme Pilgram nit loͤblich
ſonder veraͤchtlich/ ſchaͤdlich/ naͤrꝛiſch vnnd
vermeſſen ſeind.
Erſtlich ſeindt ſie ſchaͤdlich GOtt dem
HErꝛen/ dem Nechſten/ dem Geiſt vnnd dem
Leib: Qui enim indiſcretionis √itio ieiu-
nia & vigilias, ſic agit, vt deficiente
ſpiritu vel corpore languente ſpiritualia
impediantur, aufert corpori ſuo boni o-
peris effectum, ſpiritui affectum, pro-
ximo exemplum, Deo honorem. Das
Chꝛiſtliche Leben iſt das Creutz/ vnd daſſelbe iſt
die Laiter der Suͤnden/ derwegen ſpricht der
Prieſter in der Kirchen ſurſum corda. Aber
wehe den Menſchenkindern/ ſo eines ſchwe-
ren Hertzens ſeindt/ vnnd mit vnbeſcheiden-
heit hinauff ſteigen woͤllen/ dañ wann er auß
ſchwachheit fellt/ ſo kombt er widerumb zum
anfang der Laiter; Nemo repente fit ſum-
mus, aſcendendo non volando appræ-
henditur ſummitas ſcalæ.
Am andern ſeind ſie naͤrꝛiſch/ vnnd wie die
Dorff knaben in der proceſſion das Wachs-
liecht hinder dem Creutz tragen/ alſo pflegen
etliche nouitzen das Creutz der pœnitentz
ohne Liecht deß guten raths zu tragen vnd den
vnſchuldigen/ das iſt/ den newen Menſchen;
an ſtatt deß Moͤrders/ das iſt/ deß alten Men-
ſchen/ creutzigen: Alsdann aber creutzigen ſie
den newen Menſchen/ wann ſie wegen der v-
bermeſſigen affliction nichts guts wircken
koͤnnen: Wie ſich etliche Reutter mit vil zu
ſchweren Waffen beladen vnd dardurch vom
feindt vberwunden werden/ alſo koͤndten etli-
che Menſchen den Teuffel leichtlich vber-
winden durch ein mittelmaͤſſiges faſten vnnd
wachen/ aber weil ſie ſich vil zu vil vnderſtehẽ/
vnd auß einem vnzeitigen eyfer/ den Wercken
der heiligen Einſidler nachfolgen woͤllen/ ſo
werden ſie letztlichen betrogen.
Dann zugleicher weiß wie der Jaͤger einen
Affen betreugt/ in deme er jhme groſſe vnnd
weite ſchuch oder Stifeln zeiget/ Alſo begert
der Teufel die Menſchen zubetriegen/ vnd zei-
get jhnen groſſe vnnd weite Schuch der Tu-
genten der alten Vaͤtter/ das iſt/ die leibliche
vnd geiſtliche vbungen. Darwider aber gibt
der heilig Bernardus einen guten rath vnnd
ſpricht: Bonæ voluntati non ſemper cre-
dendum eſt, ſed regenda & frenanda,
maxime in incipiente, vt maneat in ſuo
tenore
tenore, quia tunc ſuauiter incedit: ſi au-
tem impellitur ad velocem tranſitum,
tunc cadit aut deficit. Einsmals fragt ein
junger Religios einen alten vnnd ſprach: ſag
mir/ wie vnd was geſtallt ich Gott finden koͤn-
ne? Jſt er zu finden im faſten/ wachen/ betten
vnd kaſteyen/ oder in der barmhertzigkeit? Der
alt antwoꝛtet vnd ſprach: Zufinden iſt er in de-
nen dingen/ die du jetzt gemelt haſt/ aber doch
beynebens vermittelſt der diſcretion vnd be-
ſcheidenheit/ dann vil Leut haben jhr Fleiſch
gepeinigt/ aber weil ſie es thaten mit vnbe-
ſcheidenheit/ ſo ſeind ſie laͤr abgezogen/ derwe-
gen gebrauche dich in ſolchem fall deß raths
der weiſen vnnd erfahꝛnen: Findeſt du aber ſo
baldt keinen guten Rathgeber/ ſo demuͤtige
dich/ vnd erhebe dein gemuͤth zum Herꝛn/ ver-
mittelſt deß andaͤchtigen Gebetts/ ſo wirdt er
dich ohne zweifel erleuchten vnnd zuerkennen
geben was du fuͤr einen weg wanderen ſolleſt/
vermuͤg der Wort: Si quis indige-
at ſapientia poſtulet à
Deo, &c.
DJe verachtung der Spoͤtter iſt das
ſibenzehende requiſitum vnſers
Chriſtlichen Pilgrams/ Ob ſchon er
auff ſeiner Pilgerfahrt verlacht wirdt/ ſoll er
ſich doch darumb nit aufhalten oder wider zu
ruck gehen/ ſonder deſto froͤlicher ſein vnd ſpꝛe-
chen: aduena ego ſum & peregrinus, non
habeo hic ciuitatem permanentem ſed
futuram inquiro.
Nichts newes iſts/ alſo verlacht vnnd ver-
ſpott zu werden/ dañ certum eſt quod om-
nes qui volunt piè viuere, in Chriſto Ie-
ſu, perſecutionem patiuntur. Wann ein
religios ſein Regel ſteiff helt/ ſehꝛ keuſch/ ſtill/
eingezogen vnd gehoꝛſamb iſt/ ſo wirdt er biß-
weiln von andern verlacht vnnd ein deuota-
rius genennt/ vnnd ſie ſprechen: venite cir-
cumueniamus illum, quoniam inutilis
eſt nobis & operibus noſtris. Wann ein
Canonicus, Præpoſitus oder Decanus ein
eyfriges/ jnnbruͤnſtiges andaͤchtigs leben fuͤh-
ret/ ein demuͤtige Kron vnnd Prieſterliche
Kleider traͤgt/ die gemeinſchafft der Weibern
vnd Gaſtereyen meidet/ ſein vbriges einkom-
men den Armen gibt/ den Choꝛ- vnd Gotts-
dienſt fleiſſig beſuchet/ die Laſter ſtraffet vnnd
außreutet/ alsdann wirdt er bißweiln von an-
dern verlacht/ vnnd ſie ſprechen: Sehet vn-
ſeren quotidianum, Er ligt im Chor wie
ein Lauß auffm Grindt/ er will alles refor-
mieren, vnnd alle Berg eben machen: Er
iſt ſehr ſingularis vnd eygenſinnig. Jn ſum-
ma/ man wirdt jhm Spinnenfeind/ jederman
wil vber jhne her/ vnd wie die Voͤgel vmb den
Kautzen fliegen/ alſo fliegen ſie vmb jhne her-
umb/ geben jhme ein bick. Aber O heiliger
ſingularitas, vil beſſer biſtu/ dann die politi-
ſche pluralitas, welche fuͤnff gerad ſein/ vnnd
alles hingehen laſſen. Vil ſeindt beruffen/ a-
ber wenig ſeindt außerwoͤhlt/ ſehr weit vnnd
breit iſt der Weg zum verderben/ vnd vil Leut
wandern jhne/ Aber ſehr eng iſt der weg zum
Leben/ vnd wenig Menſchen finden jhne. Be-
ſchließlichen/ wann ein Lay oder Weltlicher
taͤglich Meß hoͤret/ Wochentlich oder Mo-
natlich beichtet/ ſich ſchlechtlich kleidet/ vnnd
vil bettet/ ſo wirdt er verlacht/ dann deride-
tur iuſti ſimplicitas. Aber du/ O Pil-
gram/ laß die Huͤndt bellen vnnd die Gaͤnß
pfeiſen/ ſie werden ſchon auffhoͤren. Nicht
foͤrchte dich vorm Schatten/ das iſt/ vor der
zeitlichen widerwertigkeit/ dann ſie ſeindt kei-
ne wahꝛe widerwertigkeiten/ ſondern nur ein
Schatt der zukuͤnfftigen truͤbſeligkeiten. Ge-
denck an Chriſtum/ welcher/ vnangeſehen der
vilen vnd groſſen verſpottungen/ vom Creutz
nicht hinunder geſtigen/ Jtem an die Mag-
dalenam/ welche nicht nachließ CHriſtum
zuſalben/ vnangeſehen Judas darwider mur-
rete. Biſtu derwegen auffm weg der pœ-
nitentz vnnd Buß/ ſo verfahre vnnd fra-
ge nichts nach eines jeden boͤſen Geiſts ein-
geben vnnd verhinderung/ Dann es werden
die Taͤg kommen dz ſie jren Lohn empfahen/
vnd als dann erfahren werden was ſie gethan
haben/ wann nemblich ſie in der Hoͤl-
len heulen vnd ſprechen wer-
den: hi ſunt
quos, &c.
DAs achzehende requiſitum deß Pil-
grams iſt/ daß er ſich wegen der ſchoͤ-
nen vñ luſtigen gegendt/ Felder/ Wi-
ſen vnd Waͤld nicht auffhalte/ ſonder jmmer-
dar vort paſſire. Eben alſo ob ſchon vnſer
Chriſtlicher Pilgram die Taͤntz/ Bancket/
Hochzeiten vnd Fechtſchulen ſihet/ ſo helt er
ſich doch nit auff/ ſonder gedencket daß er ein
Wandersman vnd weit zu reiſen vorhabens
ſeye. Er betrachtet wo er ſeye/ nemlich in exi-
lio im Elendt/ im Jam̃erthal vnd im Schat-
ten deß Todts. Dann lieber/ was iſt in der
Welt/ das nit zubeweinen were? ſiheſtu auff-
wertz/ ſo ſiheſtu das Him̃liſche Vatterlandt/
darauß du verſtoſſen biſt/ vnnd nicht weiſt ob
du widerumb hinein kom̃en werdeſt. Schaw-
eſt du niderwertz/ ſo ſiheſtu dein Grab vnd die
Erd/ in welche du widerumb verkehrt muſt
werden. Schaweſt du zu der rechten deß wol-
ſtandts vnnd zur lincken deß vblen ſtandts/ ſo
ſiheſtu/ daß tauſent zur lincken/ vnd zehen tau-
ſent zur rechten fallen. Schaweſtu fuͤr dich/ ſo
findeſtu vnderſchidliche vrſachen zu weinen/
vnd zuſprechen: Infixus ſum in limo pro-
fundi vſque ad genua.
Ferner betrachtet er/ daß er im Landt deß
Schattens deß todts ſeye: Wo nun der ſchat-
ten eines Menſchen iſt/ da iſt der Menſch nit
weit dauon/ wo derwegen der ſchatten deß
Todts iſt/ da iſt der Todt auch nit weit: Na-
he bey vns iſt nicht allein der natuͤrlich/ ſonder
auch der Geiſtlich vnd Hoͤlliſch Todt. Der
natuͤrlich Todt iſt nah bey vns/ dann mitten
in vnſerm leben ſeind wir im todt/ vnnd vnſer
leben iſt ein jmmerwehꝛendes ſterben. Der
Geiſtlich todt iſt den from̃en nahe/ dann wir
eſſen Strick/ wir trincken Strick/ wir kleiden
vns mit Stricken/ vnnd alles ſeindt Strick:
Der hoͤlliſch Todt iſt den Gottloſen nahe/
Nur ein Glaͤſerne Maur iſt zwiſchen jhnen
vnd dem ewigen Todt vnd Thor der Hoͤllen/
vermuͤg der Wort: appropinquauerunt
vſque ad portam mortis: Item, tympa-
num & cytharam tenent, & in puncto
deſcendunt ad inferna.
Nicht weniger betrachtet er das ort/ dahin
er in ſeiner Wanderſchafft ziehlet/ nemblich
zum Vatterlandt/ zum ewigen Leben/ zum
him̃liſchen Leben vnd zur ewigen frewd vnnd
Seligkeit. Diſes betrachtete einsmals ein
anſehenlicher vnnd edler Herꝛ/ welcher auffm
weg deß HErꝛen ſtill ſtundt/ vnd nicht vort-
ging/ ſondern ſich auff einem froͤlichen Pan-
cket/ vnnd beym guten muth auffhielte: Letzt-
lichen aber bedachte er ſich/ betrachtete die
kurtze zeit diſes Lebens/ ging geſchwind heim̃/
zohe ſeine koͤſtliche Hochzeitliche Kleider ab/
vnnd ſprach: Wo iſt an jetzo der Pracht/ die
Frewd/ die Geſellſchafft? Alles iſt verſchwun-
den: Baldt darauff begab er ſich in den Bar-
fuͤſſer Orden.
Beſchließlichen betrachtet er das mittel
dardurch er zu der Thuͤr deß Vatterlandts
gelangen muß/ nemblich durch die Thuͤr o-
der Clauſe deß Todts/ allda man jhne embloͤſ-
ſen wirdt/ aller ſeiner Guͤter/ Ehr/ Glory/
Wolluſt/ Frewde/ Goldts vnnd Silbers/
daſelbſt wartet der Geſtreng Richter/ deß-
gleichen die erſchroͤckliche Schoͤrganten/
Puͤtl/ verfluchte Gerichtsdiener/ Dieb/
Rauber vnnd Moͤrder. Weil dann du weiſt/
daß du zu diſem Thor eyleſt/ wie kanſt vnnd
magſtu froͤlich ſein? Wie magſtu dich auff-
halten auff den Taͤntzen/ Wolluſtbarkei-
ten vnd zergaͤngklichen eytelkeiten diſer welt?
Zugleicher weiß wie der jenig/ welcher zum
Galgen gefuͤhrt wurde/ vnnd doch begerte
daß man ſtill halten/ vnd jm verwilligen wol-
te/ einen Tantz zuſchawen/ fuͤr einen groſ-
ſen Narꝛen gehalten wurde werden/ Alſo
biſtu ein vil groͤſſerer Narꝛ/ in deme du auffm
Wagen deß Todts ſitzeſt/ vnnd ohne vnder-
laß zum Todt gefuͤhrt wirſt/ vnd nicht deſto
weniger dich begereſt aufzuhalten beym tantz
vnd Muſic der ſo bald verſchwindenden wol-
luͤſten diſer Welt.
O wie groſſe Vrſach haben wir/ ſambt
Chriſto vnſer armſeligkeit zubeweinen/ dann
als er am Palmtag mit groſſem Triumph
vnnd meniglichs frolocken/ ſeinen Koͤnigkli-
chen Einritt zu Jeruſalem halten wolte/
Nihilominus gaudio ſibi propoſito ſu-
ſtinuit crucem, properauit ad paſſionem
& mortem: fing er an vber die Statt Jeru-
ſalem vnd jhre zerfloͤrung zuweinen. Eben di-
ſes thue auch du Pilgram/ betrachte die zerſtoͤ-
rung deiner Statt/ ſo wirſtu ohne zweifel ſe-
hen/ daß dir eden ein ſo groſſe gefahr beuor
ſtehe. Dann erſtlich veniet in te dies’: es
wirdt vber dich kommen der Tag/ nemblich
im Alter: Dann alslang der Menſch jung iſt/
iſt alles fuͤr jhne/ aber wann er alt wirdt/ iſt
alles wider jhne: Die Augen ſeind wider jhne/
dann er ſihet nit: Die Ohren ſeind wider jh-
ne/ dann er hoͤret nicht. Die Zaͤhn thun jhm
wehe/ der Kopff vnnd die Haͤnd zittern/ vnnd
der Magen iſt nichts werth. Der Tag iſt wi-
der jhne/ dann er kan nicht arbeiten: Deßglei-
chen die Nacht/ dann er kan nicht ſchlafen:
Weil dann dem allem alſo/ warumb hoͤrſtu
nit den Weiſen Mann/ der da ſchreyet: Me-
mento creatoris tui in iuuentute tua,
antequam veniat dies afflictionis & ap-
propinquent anni, de quibus dicas, non
mihi placent.
Am andern circumdabunt te inimi-
ci val-
ci vallo. Mit einem Wall oder Geſchuͤtt/
oder Schantz werden dich deine Feinde vmb-
geben: Die ſchmertzen deß Todts werden den
ſterbenden Menſchen befangen. Weil es ein
groſſer ſchmertzen iſt/ wann dir ein Finger/
Hand oder Schenckel abgeſchnitten wirdt/
was vermeinſtu was es fuͤr ein ſchmertzen
ſein werde/ wann die Seel auß allen deinen
Gebeinen/ Neruen vnd Adern/ wurtz außge-
riſſen wirdet.
Drittens circumdabunt te inimici
tui, vmbringen vnnd vmbgeben werden dich
deine feinde die Teufel/ damit dein armſelige
vnnd ſchmertzhafftige Seel nicht entwiſche.
Wañ ein Rephun in einer Stauden ligt/ als-
dann ſtehen vil Hund herumb/ Deßgleichen
halten ſich die Falcken oben im Lufft auff/
vnd vil Menſchen ſchlagen vnnd ſtechen mit
jhren Stoͤcken oder Pruͤglen in die Stau-
den/ darinn der arm Vogel ligt/ vnd nit blei-
ben kan/ Letztlichen aber muß er hinauß/ vnnd
wirdt geſchwindt gefangen: Vnſer Leib iſt die
Staud/ vnſere Seel iſt das darinn ſte-
hende Rephun: Die Hund ſeindt die Teufel/
ſo herumb ſtehen: Die Falcken ſeindt die boͤ-
ſe Geiſter/ ſo im Lufft ſeindt/ die mit Stecken-
ſtehende Menſchẽ ſeind die ſtehende ſchmeꝛtzẽ/
damit die Seel hinauß gehe/ dann ſie kan
nimmer bleiben: Diſes iſt der Standt der
armen Seelen/ vnd nicht deſto weniger wei-
nen wir nicht/ ſondern lachen jmmerdar/
ſamb were das ſterben ein kurtzweil oder Kin-
derſchertz.
Viertens coanguſtabunt te vndique:
Engſtigen werden dich an allen orthen die
Richter/ die Anklaͤger vnnd Zeugen. Die
Teuffel werden dich verklagen/ dein Seel a-
ber wirdt erſtummen/ Die Engel werden ant-
worten vnd Gott fellt das Vrtheil: O angſt/
O noth.
Zum fuͤnfften ad terram proſternent
te: Niderwerffen werden ſie dich zur Erden
der armſeligkeit vnnd Finſternuß/ allda der
Schatten deß Todts/ vnnd kein ordnung
ſondern ein ewig wehrender Schrecken ver-
handen.
Sechſtens & filios tuos qui in te ſunt,
nit allein du/ ſonder auch die Erben deiner ge-
wucherten vnd geraubten Guͤter werden ſam̃t
dir zerſtoͤrt vnd vertilgt werden.
Beſchließlichen non relinquetur lapis
ſuper lapidem: Alle deine Guͤter/ Reich-
thumb/ Herꝛſchafften/ Pallaͤſt/ Schloͤſſer/
Haͤuſer vnd Gebew ſollen zerſtrewt/ verderbt
vnd vnſichtbar werden. Vidi impium ſuper
exaltatum & eleuatum.
ZVm neunzehenden/ wie einem Wall-
farter vonnoͤten iſt/ daß er ſein Gelt oder
Schatz verborgen halte/ damit er deſſen
nit beraubt werde/ alſo ſolleſt auch du mein
Bruder Pilgram deinen Geiſtlichen Schatz
verbergen. Dein Geiſtlicher Schatz aber iſt
nichts anders/ als die tugenten vnd tugentſa-
me werck/ dieſelbige ſolleſtu verbergen/ Erſt-
lich vor den Menſchen/ das iſt/ du muſt die
tugenten vnd gute werck nicht vben vnnd wir-
cken wegen der ehr/ lobs vnnd glery der Men-
ſchen/ dann es ſtehet geſchriben: attendite ne
X xiuſti-
iuſtitiam veſtram faciatis coram homi-
nibus, vt videamini ab illis, &c. Dann ob
ſchon du bißweiln pꝛedigeſt/ beichteſt/ commu-
nieireſt/ Meß vnnd Predig hoͤreſt/ ſo ſoll
doch ſolches nicht beſchehen vmb geſehen zu
werden/ ſonder wegen deß gehorſambs gegen
Gott vnd der Kirchen/ jtem andern ein guts
exempel dardurch zugeben.
Dann ob wol Chriſtus ſpricht: ſic luceat
lux veſtra coram hominibus, &c. ſo redet
er doch dißfals nit zu dem gemeinen Mann/
zu den ſchlechten/ einfaͤltigen vnnd erſt anfa-
henden Menſchen/ ſonder zu den vollkom̃nen
Maͤnnern/ zu den gelehrten Prælaten vnnd
Vorſtehern/ derſelben Liecht ſoll ſcheinen vnd
glantzen vor den Menſchẽ/ vermittelſt deß gu-
ten exempels. Weil auch bißweiln ſie nit ein
lux, ſonder luxuria, od’ luxus mundi ſeind/
vnnd derwegen vns zur ewigen verdamnuß
leuchten/ ſo iſt ein notturfft/ dz ſolche Liechter
oder Kertzen bißweiln gebutzt werden durch
viſitationes, tribulationes, detractatio-
nes, &c. damit ſie deſto klarer brinnen/ dann
ſonſten moͤchten ſie erfinſteren oder gar erloͤ-
ſchen: Aber ſie gar außloͤſchen iſt gefaͤrlich/
dann ſie moͤchten ſehr vbel ſtincken/ vñ im gu-
ten mißgeberen: Dann wann die Prælaten o-
der andere Geiſtlichen/ ſo da andern zum ex-
empel auffm Leuchter geſetzt ſeind/ fallen vnd
durch die Suͤnd verloͤſchen/ alsdann ſtincken
ſie vber alle maſſen vbel/ vnd werden die Vn-
derthanen wercklich geaͤrgert. Sonſten aber
wer ſein Gerechtigkeit vor den Menſchen
thut/ damit er geſehen werde/ der hat deſſen
keinen lohn im Himmel/ ſonder wirdt deſſen
beraubt/ ja auch bißweiln geſchlagen vnd vm̃-
bracht. Er verleurt dardurch den verdienſt/
vnd begehet bißweiln ein laͤßliche Suͤnd/ vnd
wirdt darumb geſtrafft im Fegfewr/ bißweiln
aber ein Todtſuͤnd/ vnnd wirdt vmbbracht in
der Hoͤllen: Alſo/ daß er dardurch keinen lohn
empfahet im Himmel/ ſonder auff Erden im
Fewr vnd in der Hoͤllen.
Am andeꝛn muſtu dein Schatzgelt der gutẽ
werck verbergen vor dir ſelbſt/ damit du ſelbſt
ſie nit ſeheſt vnnd in gefahꝛ geratheſt beraubt
zuwerden/ jnnmaſſen denen widerfehrt/ die
in jhren guten Wercken glorieren/ wie die
Pfawen/ welche mit der ſchoͤnheit jhres
Schwantzes ſtoltziren vnd prangen/ aber die
ſchaͤndtlichheit jhres Geſaͤſſes vnnd Fuͤſſen
nicht warnemmen. Einsmals merckte ein
Landtsknecht/ daß ein Bettler mit ſeinem
Mantel diſputirte vnd jhne gleichſamb pein-
lich beſprachte/ damit er die warheit auß jhm
braͤchte: Letztlichen antwortete er jhm ſelbſt an
ſtatt deß Mantels vnd bekente/ daß vber ſiben-
zig Thaler drinn verborgen oder vernehet we-
ren. Als der Landtsknecht ſolches gehoͤꝛt/ ging
er dem Bettler gleichſamb von vngefahr ent-
gegen/ ſtellte ſich mitleidig gegen jhm/ vnnd
ſprach: Mein armer Mann/ gib mir deinen
geflickten Mantel ich will dir einen gantz gu-
ten darfuͤr geben. Der Bettler reichte jhm den
Mantel alsbald dar/ vnd vermeinte daß jhms
nur ſchertz were/ ſeytemal die Landtskurcht
nit ſo freygebig zuſein pflegen mit Allmuſen.
Er hette auch gern wider zuruck gezuckt/ a-
ber der Landtsknecht nam jhm ſeinen Man-
tel ſambt dem darin vernehten Gelt. O wie
vil dergleichen Narꝛen findt man/ welche/ ob
ſchon ſie jhre gute Werck nit den Menſchen
zeigen/ ſie doch jhnen ſelbſt zeigen vnnd ſich
derſelbigen wie der Pfaw ſeines Schwantzes
beruͤhmen. O groſſe thorheit/ wir breiten di-
ſen Mantel vor der Sonnen vnſerer erkaͤnt-
nuß auß/ vnd glorieren druͤber. Dein geflick-
ter/ ſchaͤndtlicher/ ſtinckender Bettelmantel
ſeind deine gerechtigkeiten: Was aber fuͤr ge-
rechtigkeiten? iuſtitiæ noſtræ quaſi pan-
nus menſtruatæ. O Menſch/ weil ſolche
Gerechtigkeiten vor GOttes Angeſicht ein
pannus menſtruatæ ſeind/ wie werden dañ
vnſeꝛe vngerechtigkeiten beſchaffen ſein? Das
aller aͤrgiſt aber iſt/ daß du in ſolchem Mantel
wenig Goldtſtuck haſt/ vermuͤg der Wort:
pauca nomina habes in Sardis: vnnd nicht
deſtoweniger beruͤhmeſtu dich deſſen/ vnnd ſi-
heſt nit auff den geſtanck vnnd vnflaͤtereyen
deiner armſeligkeiten. Aber Gott ſtehet hin-
der der Wandt vnnd ſchawet durch die can-
cellos oder Gaͤtterle/ nicht ohne vnſere groſſe
gefahr.
Beſchließlichen wirſtu O Chriſtlicher
Pilgram/ diſes deines Schatzgelts beraudt
durch den Lucifer einen Koͤnig der Hoffart/
Dann er geſellet ſich wie ein liſtiger vnd ver-
ſchlagener Dieb zu dir/ jetzt im anfang/ ſol-
gents in der mitte/ vnnd letztlichen zu end dei-
ner Reiß/ vnd ſuchet jedes mals alle muͤgliche
mittel vnnd weeg dein Seel zu toͤdten/ vermit-
telſt der hoffart/ eyteln ehrſucht/ oder boͤſen
intention oder Leibswolluͤſt/ wann auch
ſchon er in dem einen vberwunden vnnd ab-
gewiſen iſt worden/ ſo bricht er doch anderſt-
wo/ wie die Hydra, herfuͤr/ ꝛc.
ZVm zwaintzigſten iſt ein notturfft/ daß
der Pilgram ſich in den Herbergen weiß-
lich verhalte/ erſtlich mit den Speiſen fol-
gents gegen der Wirthin vnd jhꝛem Geſindt/
vnd drittens gegen dem Wirth.
Was erſtlich die Speiß belangt/ zuglei-
cher weiß wie ein meſſiger Wandersman
nichts darnach fragt/ ob man jhm ſchon
nicht allerhand koͤſtliche Speiſen vnnd vn-
derſchidliche Wein fuͤrſetzet/ ſeytemal er
weiſt/ daß ers ſehr thewr zahlen wirdt muͤſ-
ſen/ Alſo ſoll vnſer Chriſtlicher Pilgram ſich
deſſen nit vberheben/ daß jhm der allerhoͤchſt
Wirth Gott/ groſſe Gaben vnnd Gnaden
deß Leibs vnd der Seelen beſcheret/ ſeytemal
er weiſt daß er ſich eygentlich verꝛechnen/
wirdt muͤſſen/ ob er nemblich ſie zu der ehr
Gottes vnd deß Nechſten heyl verwendt vnd
gebraucht habe/ dann es ſieht geſchriben/ daß
GOTT alles vor Gericht bringen wer-
de.
Was am andern die Wirthin vnnd das
Geſindt belangt/ wie ein Wandersman
nicht vil nach dem Gunſt der Wirthin
fragt/ auch nicht vil drauff legt/ dann er
gedenckt: heut bin ich hie/ morgen anderſtwo/
Eben alſo ſolleſtu Chriſtlicher Pilgram nicht
vil nach dem Gunſt der Welt vnnd lieb der
Menſchen fragen/ dañ der Menſchlich gunſt
iſt gemeinglich falſch/ betrieglich/ vnbeſtaͤn-
dig vnnd vnnuͤtzlich. Die lieb der Welt iſt
ein diſtractio vnnd abziehung deß Hertzens
von Gott: Sie iſt ein pur lautere ſchmaich-
lerey/ ein ſimulatio, ein diſſimulatio, ein
betruͤbung/ ein Strick oder Netz der verſuch-
ungen/ vnnd ein maͤhſeligs verdaͤchtiges we-
ſen. Was ſoll ich aber vil ſagen von etlichen
naͤrꝛiſchen Wandersleuthen/ ſo ſich in die
Wirthin oder jhre Tochter dermaſſen ver-
lieben vnd vernarꝛen/ daß ſie Roß vnnd Har-
niſch bey jhnen verzehren/ das iſt/ daß ſie Leib
vnd Seel/ Ehr vnd Reichthumb in der Her-
berg diſer Welt im ſtich laſſen/ wegen einer ei-
nigen ſchnoͤden wolluſt: Derwegen werden
ſie einsmals ſambt jenen verdampten in der
Hoͤllen ſich deſſen beklagen vnnd ſprechen:
quid nobis profuit ſuperbia, &c.
Drittens ſouil den Wirth betrifft/ ſehen
wir/ daß ein verſtaͤndiger Wandersman nit
gern mit jhm greint vnnd zanckt wegen der
rechnung/ ſonder ſich vil lieber betriegen laſ-
ſen/ weder einen vil groͤſſern ſchaden leyden
will/ derwegen ſpricht er bey jhm ſelbſt: da o-
bulum ne perdas talentum. Eben diſes
ſoll vnſer Chriſtlicher Pilgram auch thun/
vnnd nit vil mit den Wirthen/ das iſt/ mit den
Weltmenſchen/ ſo jhne belaidigen/ ſchelten o-
der ſchmehen/ zancken/ ſonder an die Wort
Chꝛiſti gedencken/ da er ſpꝛicht: ſi quis te per-
cuſſerit te in dexteram maxillam, &c. I-
tem: pacem do vobis, pacẽ relinquo vo-
bis: Dann wer ſo offt geſagt hat: pax vobis:
der will vnd lehret vns/ daß wir frid halten ſol-
len mit den Wirthen diſer Welt/ ꝛc.
VBer oberzehltes alles/ wann ein Wan-
dersman vom vilen gehen letztlichen
muͤd vnnd heiß worden/ pflegt er ſich
vnder etwan einen Baum nider zulegen vnd
zuerquicken/ junmaſſen Helias gethan/ als er
dem Zorn vnnd wuͤtigkeit der Koͤnigin Jſa-
bels entflohen war. Durch die Jſabel wirdt
bedeut die Welt vnd jhre boßheit/ dieſelbe ver-
jaget den Eliam/ das iſt/ einen eyfrigen from-
men Chriſten oder Chriſtlichen Pilgram:
Vnnd er fliehet vor jhrem Angeſicht wie vor
einer Schlangen/ vermuͤg der Woꝛt: quaſi à
X x 5facie
facie colubri fuge peccatum. Alsbaldt
einer ein Schlang ſihet/ ſo wendet er jhr den
Rucken/ vnnd keins wegs ſtehet er ſtill vnnd
ſchawet ſie an: Eben alſo wende auch du
dein Angeſicht von denen laſter hafftigen o-
der verdaͤchtigen Creaturen oder dingen/ ſo
dich verſuchen/ anfechten vnnd verfuͤhren
koͤnnen/ ſonder fliehe vor jhnen/ damit du
nicht inficiert vnd vergifftet werdeſt. Vn-
der andern vergifften Schlangen oder boͤſen
dingen aber iſt keins ſchaͤdlicher/ als eben ein
Jezabel/ derwegen fliehe/ wie Helias/ vor jh-
rem Angeſicht. Villeicht aber ſprichſtu:
Wann ich mein Concubin nimmer hab/ wer
wirdt mir kochen? wer wirdt mir bethen? wer
wirdt mir hauſen? wer wirdt mir waſchen:
ich kan jhrer je nicht entrathen/ ich muß je ein
trewes Menſch haben? Antwoꝛt: Wer wirdt
mit dir zur Hoͤllen fahren? wer wirdt dich an
Leib vnnd Seel verderben? dein Jezabel/ dein
Koͤchin/ dein Koͤchin wirdts thun/ derwegen
fliehe ſambt dem Helia vor dem Angeſicht
diſer deiner Jezabel.
Das ander/ welches Helias gethan/ war/
daß er/ nach dem er ſehr muͤd vnd ohnmaͤch-
tig worden/ ſeiner Seelen halben bate/ daß
er ſterben moͤchte. Eben diſes widerfehrt
bißweiln den Pilgramen diſer Welt/ daß
ſie ſich durchs ſtarcke vnnd lange gehen er-
hitzen/ abarbeiten vnd abfaſten/ daß ſie dar-
durch die andacht vnnd jnnbruͤnſtigkeit deß
eyfers verlieren/ derwegen ſoll man den Leib
dermaſſen mit der Speiß tractiren vnnd er-
quicken/ damit nicht letztlichen der Todt
drauß erfolge: vnnd dermaſſen ſoll man ſich
vben in Geiſtlichen dingen/ daß die Leibs-
kraͤffte nicht gar zu ſehr geſchwecht/ vnnd das
Gemuͤth von GOtt nicht abgewendt wer-
de.
Drittens/ wie Elias durch den Engel
mit geroͤſtetem Brot geſpeiſt/ vnnd mit
Waſſer gelabt ward/ alſo ſolleſt du Pil-
gram/ wann dein Seel muͤd vnnd ohn-
kraͤfftig worden/ dich mit dem allerheilig-
ſten Brot deß Leibs vnnd Bluts CHRJ-
STJ erquicken/ vnnd auß dem Kelch
das heylſame Waſſer der Weißheit deß
Goͤttlichen Worts/ welches in H. Schrifft
zufinden/ trincken/ damit dein verlohrner ey-
fer der andacht in dir wider erſetzt werde.
Viertens/ wie Elias ſich vnderm Wachol-
der nider legte ehe vnnd beuoꝛ er geſpeiſt wor-
dẽ/ alſo lege auch du dich vnder den Wachol-
der/ das iſt/ vnder der pœnitentz, ſo da be-
ſorengt iſt mit dem Waſſer der contrition.
Beicht vnnd Gnugthuung. Dann wie der
Wacholder rauch vnnd ſtechendt iſt/ alſo iſt
die pœnitentz rauch in der contrition, ſie
ſticht vns in der ſatisfaction, das faſten
ſticht den Leib/ vnnd das Allmuſen krencket
das Hertz/ ehe es dem Armen gegeben wirdt/
vnd das Gebett ſticht den muͤſſiggang. Wie
der Wacholder ſicher iſt vnd keine Schlan-
gen leidet/ dannenhero die Wandersleut ſi-
cherlich vnder jhm ſchlafen/ alſo ſchlafen die
Chriſtliche Pilgram ſicherlich vnder dem
Baum der pœnitentz, der alle boͤſe affe-
cten vertreibt/ vnnd alle vnreine Gedancken
verhuͤtet: Derwegen lege auch du Pilgram/
dich kecklich vnder diſen Baum nider/ vnnd
betrachte Chriſtum/ der vnder demſelben ligt
vnnd allerdings mit Doͤrnern vmbgeben iſt/
deſſen Haupt mit einer Doͤrnern Cron/ deſ-
ſen Fuͤß vnnd Haͤnd mit Negeln/ deſſen gan-
tzer Leib mit Blutigen ſtreimen/ deſſen Seyte
mit der Lantzen/ vnnd deſſen gantze Seel mit
ſchmertzen vnd traurigkeit erfuͤllt iſt. Wthe
dir/ woferꝛn du nit vnder den Wacholder der
pœnitentz, ſonder vnder den ſalicibus oder
gruͤnen wilgen deß mutwillens/ gellheit vnnd
erluſtigung niderlegſt/ dann nit wirſtu durch
den Engel/ ſonder durch die Schlang den
Teufel geſpeiſt/ vnnd ohne einige Geiſtliche
ſtaͤrck oder erquickung gelabt werden.
Zum fuͤnfften/ wie Elias entſchlafen iſt/
nit zwar auß muͤdigkeit/ ſonder wegen der gu-
ten gehaltenen collation, alſo iſt der jenig
Pilgram ſelig/ welcher nach der collation
oder refection diſes Brots/ lieblich entſchla-
ſet/ vnd heylſame Traͤum hat.
Zum ſechſten wie Elias aufferweckt wirdt
damit er widerumb eſſe/ ſeytemal jhm geſagt
ward/ daß er noch einen weiten weg zugehen
hette/ Alſo ſollen auch wir arme Pilgram
vns vilmals mit dem allerheiligſten Brot der
Euchariſtiæ ſtercken/ damit wir in der ſtercke
verbleiben. Beſchließlichen/ wie Elias auff-
ſtehet/ biß zum Berg fortgehet/ ſich in einer
Spelunck verbirgt/ vnnd Gott den HErꝛn
ſihet: Alſo/ O mein Seel/ biſtu ſchwach
vnd in der Wuͤſte der einſame/ trawrig vnnd
vrdruͤſſig lenger zu leben/ ſo jſſe vnnd trincke
vorbemelter maſſen/ vnnd wandere vermit-
telſt der Krafft derſelben Speiſen biß auff
den Berg vnnd zum Tiſch der ewigen refe-
ction Orebs, von welchem Chriſtus geredt
hat: ego diſpono vobis, ſicut diſpoſuit
mihi Pater, vt edatis ſuper menſa. Item,
Beatus qui manducabit panem in regno
cœlorum.
WJe es aber ſich begibt/ daß die vnbe-
hutſame Wandersleuth bißweilen
auffm weeg beraubt vnnd entbloͤſt/
vnnd derwegen gezwungen werden zu bet-
teln/ alſo wirdt vnſer Chriſtlicher Pilgram
offt vnnd vilmahls allerdings beraubt/
wann er vermittelſt der Todtſuͤndt in die
Haͤnd deß Teufels faͤllt/ dann alsdann wirdt
jhm genommen der Mantel der Lieb/ der
Huet der Gedult/ der Guͤrte! deß Gebetts
vnnd Betrachtung/ der Sack deß fewrigen
vnnd lebendigen Glaubens/ der Stab der
Hoffnung/ die Schuch der gulen verlan-
gen/ das Huͤndtlein deß guten Eyfers: dann
villeicht hat er ſich im Wirthshauß vnge-
buͤhrlich gegen der Wirthin/ Tochter vnnd
Geſindt verhalten/ mit dem Wirth gri-
nen/ die boͤſe Geſellſchafft nit geflohen/ ſon-
der ſich zu den faulen geſellen/ nemhlich dem
Fleiſch/ der verſchwendtlichen Welt/ vnnd
dem vntrewen verꝛaͤtheriſchen Teuffel ge-
ſchlagen vnnd geſellt/ die verſpottungen nicht
veracht/ ſich zu den Tantzern im gruͤnen
Feldt begeben/ den Sack deß guten Willens
abgelegt/ ſich deß rechten wegs nicht infor-
mirt, vnd iſt derwegen jrꝛ gangen/ vnnd in die
Haͤnd der Moͤrder gerathen/ dann nit ange-
ſchaut hat er die Kraͤntz/ ſonder die Stein/ vnd
hat nit vollzogen/ was allbereit oben vermeldt
woꝛden.
Was ſoll er aber thun damit er dz Vatter-
landt erꝛeiche/ vñ nit auf dem weg ſeiner wan-
derſchaft verderbe? Fuͤrwar kein anders mittel
find ich/ als bettlen/ dz verlohꝛne wider zu vbeꝛ-
kom̃en. Zu ſolchem end aber muß er ſich wie
andere beraubte Wandsleut verhaltẽ/ ſich in
etwan ein Staͤtt verfuͤgen/ die Gaſſen abthei-
len/ vnnd wochentlich von dem einen reichen
Hauß zum anderen gehen bettlen/ vnnd fol-
gents wider vortgehen vnnd ſein Raiß gar
vollenden. Wann du O Pilgram/ aller dei-
ner tugenten beraubt biſt/ thue auch alſo/ gehe
im Liecht deß Glaubens zu jener groſſen
Him̃liſchen Statt Jeruſalem/ allda alle jnn-
wohner reich ſeind/ diſe Statt theile in ſiben
Gaſſen ab/ nimb dir taͤglich eine fuͤr/ bettle
vnd bette andaͤchtiglich. Die erſte Gaſſen
heiſt der Pallaſt der allerheiligſten Dreyfal-
tigkeit/ vnnd der allerheiligſten Jungkfrawen
Mariæ: Die andere heiſt vnſers Herꝛn Gaß/
die dritt die Engelgaß/ die viert der Patriar-
chen vñ Propheten Gaß/ die fuͤnfft der Mar-
tyrern Gaß/ die ſechſt der Beichtigern Gaß/
die ſibende der Jungkfrawen Gaß: Alle diſe
Gaſſen haben wir ſonderbars in den Leta-
neyen. Wofern du aber je nit ſo baldt erhoͤrt
wuͤrdeſt durch deine verdienſt/ ſo ſchlage dich
zum Himmliſchen Pilgram vnnd Bettler
Chriſto/ welcher geſagt hat: ego mendicus
ſum & pauper, recordans paupertatis
meæ abſintij & fellis. An diſen Pilgram
hencke dich/ dann er bettlet fuͤr dich/ folge jh-
me durch alle ſiben ort/ die er allhie gewan-
dert vnd beſucht hat/ nemblich im Garten/ im
Hauſe Annæ/ Caiphæ/ Pilati/ Herodis
vnd widerumb Pilati/ vnnd auff dem Berg
Caluarjæ. Bette aller orten andaͤchtiglich
zu Gott/ vnd begere daß er dein Gebett/ we-
gen deß Gebetts ſeines Sohns Chriſti/ an-
nemen vnd erhoͤren woͤlle/ vnnd ſprich: reſpi-
ce in faciem ſanguinolentam filij tui, &
exaudi me, &c.
FErner vnd zum drey vnnd zwantzig-
ſten muß ein fuͤrſichtiger Wanders-
man mit ſeinem Leib auffm weg/ vnd mit dem
gemuͤth im Vatterlandtſein. Nach dem vn-
ſer Chriſtlicher Pilgram alle ſeine verlohꝛne
Guͤter wider zuwegen gebracht hat/ fahet er
an behutſamer zuwerden/ vnnd verbleibt hin-
fuͤran auffm weg nit mit dem affect, wie zu-
uor/ ſonder mit dem Gemuͤth iſt er in ſeinem
Vatterlandt/ vnangeſehen er mit dem Leib
auffm weg iſt. Es pflegen die Pilgram auffm
weg vnnd in den Herbergen vilmals auff jhr
heimet vnd Vatterlandt zugedencken/ wann
nemblich jhnen allerhandt vngelegenheiten
oder vngemach begegnen/ vnnd zwar erſtlich
wegen der vngeſchmackigen Speiſen/ vnnd
ſonderlich der Krebſen/ durch welche die
zeitliche Widerwertigkeiten deß Menſchen
bedeutet werden/ dañ wie der Krebs ein grau-
ſamer Wurm iſt/ der mit ſeinen ſpitzigen
Spieſſen/ ſo auß ſeinem Kopff herfuͤr gehen/
ſticht/ vnd mit ſeinen Haͤnden oder Schaͤren
hart zutrucket/ vnnd derwegen von vilen ein-
faͤltigen Leuthen ſehr verhaſt/ vnnd ſo gar ge-
ſoͤrcht wirdt/ aber wann er gekocht worden/
alsdann iſt er ſehr ſchoͤn/ roth vnnd nutzlich/
dann ſein Fleiſch vnnd Jnngeweidt iſt ſuͤß
vnnd nutzlich zunieſſen/ alſo ſeind die truͤbſal
grauſamb/ vnannemblich/ vnnd den Narꝛen
vnnd vnnerſtaͤndigen verdrießlich/ aber den
verſtaͤndigen lieblich vnnd annemblich/
vnnd den Seelen erſprießlich/ Derwegen O
Pilgram/ erſchrick nicht vor dem euſſerlichen
Angeſicht der truͤbſeligkeiten/ jnnmaſſen die
Finnſinger ſich dermaſſen vor dem Krebs
foͤrchten/ daß ſie denſelben nur mit eiſenen
Haͤnden angreiffen/ ſey auch nicht vnhoͤflich
vnnd widerſetzig im eſſen ſolcher Speiſen/
dann GOtt laſt vns nit verſuchen vber vn-
ſer vermuͤgen/ vnnd beuilcht dem Wirth/ daß
er vns keine vngekochte Speiſen fuͤrſetzen
ſolle.
Ferner jſſet man die gekochte Krebſen ent-
weder mit Eſſig oder Gewuͤrtz/ derwegen
moͤchte einer ſprechen: ob ſchon die Krebs
ſchoͤn vnnd roth ſeindt/ ſo ſchmecken ſie mir
doch nicht ohne Gewuͤrtz. Diſer vrſachen
halben/ mein Bruder Pilgram/ brauche
zu den Krebſen der Truͤbſeligkeit den Eſſig/
das iſt/ die betrachtung der hoͤlliſchen marter/
vnnd was geſtallt es vñ leichter ſeye/ geſtrafft
vnd heimgeſucht zu werden allhie zeitlich/ wie
ein Sohn/ weder dort ewiglich wie ein feind
vnd Vbelthaͤter. Deßgleichen brauche ein
gutes Gewuͤrtz/ das iſt/ die betrachtung der
Himmliſchen belohnung/ dann conſidera-
tio præmij minuit vim flagelli. Wie der
Krebs gut iſt/ dann er ſchwimme oder gehe
wohin er woͤlle/ ſo bleibt er doch nahe beym
Vfer/ Alſo ſolleſt auch du ſo wol in deinem
guten als boͤſen zuſtandt dich an demem V-
fer finden laſſen. Ob aber ſchon das Fleiſch
der Krebſen hart zuuerdewen iſt/ ſo wirdt es
doch verdewlich vermittelſt deß Erblſafft/
welcher ſo gar die Korallen verſchmeltzet: vn-
angeſehen du derwegen ein vil harters Hertz
hetteſt denn Pharao/ ſo brauche doch den ro-
ten Safft deß allerkraͤfftigſten Bluts Chriſti/
vnd das Blut der Heiligen. Netze das Fleiſch
deß Krebſes der Truͤbſeligkeit in diſe Saltzen
deß Paſſions deß Herꝛn/ ſo wirſtu getroͤſt/
magna enim conſolatio membris ex ca-
pite: ſi compatimur & congregabimus.
Die andere Speiß/ durch welche der Pil-
gram verurſacht wirdt an ſein wares Himm-
liſches Vatterlandt zugedencken/ ſeindt die
groſſe gruͤne Nuͤß der leiblichen Kranckhei-
ten/ dann wie die Nuͤß bitter ſeindt/ alſo ſeindt
die Kranckheiten nicht ſuͤß/ ſonder ſawr: Wie
die Nuͤß durch den Affen verworffen werden
wann er die bittere Schelen koſtet/ alſo ver-
werffen die Narꝛen jhre zugeſtandene truͤbſal
wegen jhrer bitterkeit: Aber ob ſchon ein wei-
ſer anfangs die bitterkeit koſtet vnd das Maul
druͤbrt ruͤmpffet/ ſo bricht er doch ſolche
Nuß der widerwertigkeit/ kombt zum Kern/
koſtet vnnd genieſſet die Frucht mit frewden.
Vnſer Herꝛ CHriſtus im Garten bettendt/
hat diſe jhm von ſeinem Vatter zugeſchickte
Nuß koſtendt gebettet/ den Mundt druͤber ge-
ruͤmpfft/ vnnd ſich dermaſſen druͤber entſetzt
vnnd gezittert/ daß er angefangen Bluts-
tropffen zu ſchwitzen/ vnnd den Vatter zubit-
ten/ daß/ wofern es muͤglich were/ er jhne diſer
Speiß wolte befreyen/ Eben alſo thue auch
du/ vnnd nimb die truͤbſeligkeiten diſes Leibs/
die dir GOtt in der Herberg diſer Welt zu-
ſchicket/ mit gedult an.
Beſchließlichen wirdt der Pilgꝛam an ſein
wares Vatterlandt zugedenckẽ bewegt durch
das vnreine vnd mit Blut/ Leuſen/ Floͤhen vñ
Wantzen erfuͤllte Beth/ derwegen kan er mit
ruhe nicht ſchlafen/ ſonder gedencket jmmer-
dar anheims an ſein gutes ſauberes Bethge-
wandt. Durch das Beth/ darinn vil Leut jhre
ruhe/ frid/ ſicherheit vnnd troſt zuhaben ver-
meinen/ wirdt erſtlich verſtanden das Weih
oder der Eheſtandt/ Aber laider ſambt dem
Weib/ ladet er jhm ſelbſt muͤhe auf ſeinen Leib:
O wie ein muͤheſames weſen iſt der Eheſtand.
Nimbſtu ein reiches Weib/ ſo vberkomſtu vil
vnruͤhiges Vnzifer/ Floͤch vnd Wantzen/ die
dich hart beiſſen vnd peinigen/ dann du muſt
jhr allen jhꝛen willen laſſen/ ſie thut im Hauſe
herꝛſchen/ vnnd du muſt allzeit jhr Bettelman
oder Bettelhundt ſein/ der jhr nichts hat zu-
gebracht. Nimbſtu ein arme/ ſo iſt ſie muͤhe-
ſamb zuernehren/ vnnd wehe jhr/ dann ſie
muß dein Fußhader ſein. Nimbſtu ein from-
me vnnd guͤtige/ ſo iſt ſie hinlaͤſſig/ vnnd ver-
dirbſt/ Dann gemeinlich ſeind nur die boͤſeſte
Weiber heußlich: Nimbſtu ein ſchoͤne/ ſo lau-
fen dir die junge Buben vmbs Beth herumb/
ſpringen bißweiln auch gar hinein: Nimbſtu
ein heßliche/ ſo beiſſen dich die Leuß deß ver-
druſſes vnnd widerwillens/ als offt du ſie an-
ſchaweſt Sie ſeye nun heßlich oder ſchoͤn/ ſo
menglen doch niemaln keine Wantzen Was
das nun fuͤr Wantzen ſeyen/ das wiſſen die E-
heleut ſelbſt am beſten/ Dergleichen Wantzen
machen auch/ daß du dich von deinem Weib
abwendeſt/ vnd zu euſſerſt auffs eck deß Beths
legſt vnd nichts thuſt als ſeufftzen.
Oder aber es wirdt durchs Beth verſtan-
den der Geiſtliche oder Prieſterliche Standt/
an ſtatt nun/ daß du vermeineſt in demſelben
Beth ſicherlichzu ruhen/ ſo findeſtu doch im
ſelben ſehꝛ vil Freunde/ Verwandten vnnd
Baͤſel/ die dich beiſſen vñ außſaugen Stimu-
los carnis habebis, vnnd das ſeind die Leuß.
Wilſtu aber denſelbigen Leuſen entfliehen/
deinen Freunden nichts geben/ vnnd an jh-
re ſtatt ein Concubin oder ein ſchoͤne Koͤchin
halten/ ſo haſtu eben ſo vil Wantzen am Halß
als ein Eheman. Biſtu ein religios, ſo wirſtu
haben die Floͤch/ nemblich das vilfaͤltige Fa-
ſten/ wachen/ diſcipliniren vnd andere Clo-
ſterbuͤrden: Deßgleichen die Leuß deß neidts
vnnd haſſes/ jtem deß jnnerlichen boͤſen Ge-
wiſſens. Diſes iſt die beſchaffenheit deß Beths
aller Staͤndt/ vnd daſſelbe laͤſt dir Gott dar-
umb in diſer Welt alſo zubereiten/ damit du
deines waren Vatterlandts nicht vergeſſeſt/
ſonder offt dran gedenckeſt/ jnnmaſſen Dauid
gethan/ ſprechendt: Memor fui tui ſuper
ſtratum meum. Item Iachrymis ſtratum
meum rigabo.
Diſes iſt lectulus noſter floridus vnſer
bluͤhendes Beth/ dann es bluͤhet vnnd iſt ge-
ziert mit allerhandt Blumen der truͤbſelig-
kelten: Derwegen ſpricht Gregorius: Ele-
ctis ſuis Dominus iter aſperum facit, ne
dum delectantur in via, obliuiſcantur.
eorum quæſunt in patria. Wilſtu nun ei-
nen ſehen der die Krebs/ Nuͤß/ vnnd das Beth
verſucht hat? Job hat widerwertigkeit ge-
habt/ in deme er ſeine Reichthumb vnnd di-
gnitet verloren/ vnnd das waren die Krebs.
Ferner hatte er ſchmertzen am Leib/ vnnd das
waren die Nuͤß: Deßgleichen hatte er wider-
wertigkeiten mit ſeinem eygnen Weib/ in ſei-
nen wolluſten vnd freunden/ vnd das war das
Beth welches erfuͤllt war mit Wuͤrmen. Wz
thut er aber/ wie verhelt er ſich in ſolchem al-
len? Nach gehaltener diſer bittern vnd hunds-
ſauren Malzeit/ vnnd in dem Beth der ruhe
dancket er dem Wirth/ dann er wuſte daß es
auß ſeines Himmliſchen Vatters commiſ-
ſion vnnd beuelch geſchehen war/ derwegen
ſprach er: Dominus dedit, Dominus ab-
ſtulit, ſit nomen Domini benedictum.
Eben diſes thue auch du Pilgram/ dan-
cke Gott vmb ſeine Krebs/ Nuß vnnd Beth/
quia à Domino factũ eſt iſtud, etſi mira-
bile ſit in oculis noſtris. Lerne durch jhre
anſchawung mit dem Hertzen vnnd Gemuͤth
im Vatterlandt zuſein/ vnnd allein mit dem
Leib auffm Weg zuuerbleiben: jnnmaſſen alle
Heiligen gethan/ vnnd die Kirch es beuilcht/
ſprechendt: ſurſum corda. Deßgleichen hat
auch Paulus ſambt ſeinen Geſellen gethan/
vnd geſagt: ſi conſurrexiſtis cum Chriſto
Y y 5quæ
quæſurſum ſunt quærite, vbi Chriſtus
eſt in dextera Dei Patris: quæ ſurſum
ſunt ſapite non quæ ſuper terram. J-
tem/ Dauib hat jhm auch alſo gethan: ſpre-
chent: oculi mei ſemper ad Dominum,
quoniam ipſi euellet de laqueo pedes
meos. O Pilgram/ geriſſen hat der Herꝛ
deine Fuͤß auß dem Strick/ darin du gefallen
wareſt/ huͤte dich/ daß du nicht wider drein
falleſt vnnd abermals aller deiner Guͤter be-
raubt werdeſt/ vnnd zu ſolchem end erhebe
deine beyde Augen deß Verſtandts vnnd der
affecten gen Him̃el/ Aber laider/ wenig ſeind
deren/ ſo mit dem Verſtandt/ noch weniger
ſo mit dem affect, vnnd noch vil weniger ſo
mit dem Verſtandt vnnd affect in jenes
Himmliſche Vatterlandt wanderen/ dann
der Verſtandt fleugt fuͤruͤber/ vnd es ſolgt
ein langſamer oder gar kein
affect, &c.
DJe confabulatio oder vnderꝛedung
vnnd conuerſirung wirdt auch auff
der Raiß notwendig erfordert/ dann
ein redſeliger gefert iſt beſſer/ denn ein Lauten
oder Mayenpfeiff/ facundus comes pro
vehiculo eſt. Alsdann aber fahen die Wan-
dersleuth jnnſonderheit an mit einander zu
ſchwetzen/ wann ſie nah zum Vatterlandt
kommen/ dann alsdann erzehlen ſie einander
jhre erlittene vnnd außgeſtandene armſelig-
keiten oder gluͤckſeligkeiten die ſie im Vat-
terlandt werden haben. Eben diſes thut
auch du/ der du auff dem Weg diſes gegen-
wertigen Lebens biſt: wir frembdling muͤſ-
ſen einander anſprechen/ troͤſten vnnd er-
mahnen/ vermuͤg der Woꝛt: loquentes No-
bismetipſis in pſalmis, hymnis & can-
ticis ſpiritualibus, cantantes & pſallen-
tes in cordibus veſtris, Domino gratias
agen-
agentes ſemper. Item, cantabiles mihi e-
rant iuſtificationes tuæ in loco peregri-
nationis meæ. Diſes muͤſſen auch wir thun
die wir alleſambt nach dem Vatterlandt zie-
len/ vnnd je nicht wiſſen/ wann vnſer ziel ver-
handen ſein werde/ obs am Abendt oder Mor-
gens fruͤ/ oder in der Mittnacht voꝛ dem Ha-
nenſchrey oder ſpat ſein werde. Die alten a-
ber ſollens inſonderheit thun/ ſeytemal ſie
wiſſen/ daß ſie nicht weit vom ziel vnd nah bey
der Porten deß Todts ſeindt: dieſelbigen ſol-
len einander nit (wie anjetzo laider beſchicht)
zum Wein fuͤhren vnnd ſich vollſauffen/ ſon-
der jhre außgeſtandene armſeligkeiten erzeh-
len/ vnd mit der beuorftehenden ewigen glory
troͤſten.
Auß ſolcher jhrer vnderꝛedung aber em-
pfahen ſie einen groſſen nutz/ dañ erſtlich ver-
laſſen ſie dardurch deſto lieber diſe Welt/ Am
andern werden ſie deſto weniger erſchrocken
voꝛ dem beuorſtehenden Todt: Drittens ſte-
hẽ ſie allzeit in der bereitſchafft zur Schlacht/
Dann ein gezierte Braut laͤſt ſich vil lieber
zum Tantz fuͤhren/ weder ein vngezierte/ wel-
che vnuerſeheus auffgezuckt wirdt/ dañ ſie er-
ſchrickt/ weil ſie noch nit geſchmuckt iſt. Vier-
tens werden ſie dardurch bewegt nach den
Himmliſchen dingen zuuerlangen/ vnnd es
brinnt jhr Hertz. Zum fuͤnfften huͤten ſie ſich
dardurch vor allem vnnuͤtzen/ ſchaͤndtlichen
vnd aͤrgerlichen geſchwaͤtz. Sechſtens locken
vnnd ziehen ſie dardurch CHriſtum zu ſich/
wann nemblich ſie von jhm reden/ jnnmaſſen
jenen zwen Pilgramen beſchehen/ ſo gen E-
maus gingen/ von Chriſto vnnd ſeinem Paſ-
ſion/ Leyden vnnd Sterben redeten/ biß Chri-
ſtus ſelbſt ſich vnder ſie miſchte/ vnnd jhnen
auff jhrer Pilgerfart geſellſchafft leiſtete.
Gleichwol kenten ſie jhne damals nicht/
dann ſie hielten jhne gleichfals fuͤr einen Pil-
gram/ Er war auch einer/ vnnd er hatte Pil-
grams ſitten vnd Kleyder/ vnnd zwar erſtlich
den Mantel ſeines Fleiſches/ derſelb Mantel
war erſtlich ſchneeweiß/ dann er war von dem
allerꝛeiniſten Fleiſch Mariæ ohne ſuͤnd. Am
andern war er roth vnnd im Paſſion geferbt.
Drittens ſchwartz/ dann im todt deß Creutz
ward er geſchwertzt.
Nit allein hatte er einen ſolchen Mantel/
ſonder auch vnder demſelben einen Sack vol-
ler Silbers der glori/ gnaden vñ weißheit/ ver-
muͤg der Wort: vidimus gloriam eius ple-
num gratia & veritate & ſapientiæ. Drit-
tens hatte er einen Huet der Doͤrnern Kron/
durch welchen wir beſchuͤtzt ſeind worden vor
der hitz der fleiſchlichen wolluͤſt/ vnd dem Re-
gen der truͤbſeligkeiten vil verſuchungẽ. Vier-
tens hatte er den Stab deß Creutzes in ſeiner
Handt/ an welchen die Pilgram ſich halten/
damit ſie nit ohnmaͤchtig werden/ vñ mit wel-
chem er durch den Waſſerbach diſer Welt
gangen/ zu ſeinem eygnen kommen/ vnnd den
Teufel vberwunden vnd bezwungen. Zum
fuͤnfften ging diſer Pilgram CHriſtus in die
Herberg/ nemblich zu morgens in Bauch der
Jungfrawen/ zu mittag ans Creutz/ ſprechent:
ſitio, vnd den Geiſt auffgebent/ vnd zur nacht
ins Grab. Zum ſechſten hat er auffen weg
groſſe gefahr erlitten von ſeinen geſellen/ vom
Juda ward er verꝛathen/ vnd von ſeinen eyg-
nen Wirthen getoͤdt/ vnd von den diebiſchen
Soldaten ſeiner Kleyder beraubt.
Beſchließlichen kam er wider mit den zei-
chen zu ſeinem Vatter vnd Him̃liſchen Vat-
terlandt/ nemblich mit ſeinen fuͤnff Wunden/
vñ erzeigte ſich als einen/ der ſeinen willen ge-
horſamlich vollzogen/ dardurch bewegte er jh-
ne zur barmhertzigkeit/ vnnd verſicherte vns
daß wir vns nit ſo ſehꝛ foͤrchten ſolten vor den
feinden.
Eben diſer Pilgram geſellete ſich zu jhnen
vnnd redete ſehr freundtlich mit jhnen/ ſie er-
langten auch dardurch die erleuchtung deß
verſtandts/ vnd die hitz deß affects. Laſſet vns
auffm weg vnſerer zeitlichen Wallfart dem
Exempel diſer Pilgramen nachfolgen/ laſſet
vns von Geiſtlichen dingen conuerſiren,
von der armſeligkeit diſes Lebens/ von dem
paſſion Chriſti vnd der Chriſten/ vnnd vom
zukuͤnfftigen Leben reden/ ſo werden wir von
aller lugen/ betrug vnnd falſchheit abſtehen/
vnnd vermittelſt ſolcher guten Wort vortge-
hen/ vnd zum wahren Himmliſchen Vat-
terlandt gelangen.
NAch dem nun der fromme Pilgram
lang alſo allhie auffm weg deß Herꝛn
gewandert/ ſo erlangt er dardurch erſt-
lich die Jndulgentz ſeiner Suͤnden/ dann ob
er ſchon durch die Suͤnd alles/ nemblich den
Mantel der Lieb/ den Sack deß Glaubens/
vnd den Stab der hoffnung verloren/ jedoch
wofern er ſich durch das bettlen deß Gebetts
wol verhelt/ vnnd Gott durch die fuͤrbitt der
Heiligen bittet/ ſo erlanget er alles wider/ dañ
durch die Buß werden jhm die tugenten wi-
der gegeben vnnd die ſchuldt der ſuͤnden nach-
gelaſſen. Am andern erlangt er dardurch ein
ehr von ſeinen freunden die jhm entgegen ge-
hen/ jhne mit frewden empfahen/ vnd in jhꝛen
Haͤuſern ſtattlich tractiren. Dann wann er
zu der Thuͤr deß Todts kombt/ ſo begegnen
jhm die Engel/ ja Chriſtus ſelbſt. Die heilige
Kirch ſchreyet in der depoſition eines jegli-
chen verſtorbenen/ vnnd ſpricht: ſubuenite
ſancti
ſancti Dei, occurrite angeli Domini, ſu-
ſcipientes animam eius, offerentes eam
in conſpectum altiſſimi ſuſcipiat te
Chriſtus, qui vocauit te: & in ſonum A-
brahæ deducat te.
Beſchließlichen erlangt der Pilgram ein
ruhe/ vnnd er legt ſeinen Stab auff den Altar
vnd ſpricht: hæc requies mea in ſeculum
ſeculi, hic habitabo quoniam elegieam.
Dann wann der Pilgram auffgenommen iſt
worden in Himmel in ſeinem Vatterlandt/
alsdann legt er den Stab der hoffnung/ vnd
den Sack deß Glaubens von ſich/ dann fi-
dei ſuccedit viſio, ſpei comprehenſio.
Vnd ſambt der Agnes ſpꝛicht er: ecce quod
concupiui iam video, quod ſperaui iam
teneo, illi ſum iuncta in cœlis, quem to-
ta deuotione dilexi in terris. Daſelbſt
wirdt alle widerwertigkeit ein endt haben/
GOtt wirdt alle Zaͤher abwiſchen auß den
Augen der Heiligen/ an ſtatt deß ſchmertzens/
traurens/ weinens vnnd ſeufftzens wirdt ſein
lauter frewd/ fried/ ruhe vnnd ſicherheit ewig-
klich: Selig iſt der Pilgram/ der da wirdig
wirdt alſo zu empfahen zu werden im Vatter-
landt. Derwegen O Pilgram feyre nit/ ſon-
der bezahle deine ſchulden/ diſponire dein
Haußweſen/ nimb zu dir den Sack deß Glau-
bens/ den Stab der hoffnung/ den Mantel
der lieb/ den Hut der gedult/ das Gelt der truͤb-
ſaln/ die Schuch der tugenten/ die Haͤndt-
ſchuch der indulgenzen: Vberlade dich nit/
betrachte die wegweiſungen/ meide boͤſe ge-
ſellſchafft/ vergiß deß Huͤndlins nicht/ mache
dein Teſtament/ ſtehe fruͤe auff/ gehe lang-
ſamb/ verachte die Spottvoͤgel/ laß dich durch
den wolſtandt nichts jrꝛen/ zeige deinẽ Schatz
nit/ in der Herberg verhalte dich weißlich/ jß
vnderm Wacholder/ ſcheme dich nit deß bett-
lens wann du beraubt biſt worden/ erheb dein
Hertz vnd Gemuͤt allzeit hinauff gen Him̃el/
vnnd ſey nur mit dem Leib auff Erden/ vnnd
conuerſire allzeit von Geiſtlichen dingen/
ſo wirſtu vermittelſt ſolcher 24. ſtuck/ gluͤck-
lich gelangen zum 25. nemblich zu der ehrli-
chen annemung deß Himmliſchen Vatter-
landt/ ꝛc.
Diſes war die erjnnerung/ welche mir der
from̃ Einſidl thate/ wie vnd was geſtallt aber
ich jhr gefolgt vnnd mich ferꝛner verhalten/
das vernimbt der guͤnſtig Leſer auß dem drit-
ten Theil/ wie es nemblich mir auff der Reiß
gen Jeruſalem ergangen/ was ich daſelbſt fuͤr
buß gethan/ folgents vom Tuͤrcken gefangen/
gen Conſtantinopel gefuͤhrt/ aber wider ledig
woꝛden: Nach ſolchem die Jndianiſche Laͤn-
der beſucht/ vnnd was ich aller orten geſe-
hen/ gehoͤꝛt/ erfahꝛen/ gelitten vnd
außgeſtanden.
Ende deß andern Theils.
FINIS.