Soldaten-Spiegel Das ist: Historische Anweisung/ welcher Gestalt ein Guarison/ oder Vestung/ nicht allein mit aller jhrer Notturfft vnnd Zugehörung/ wohl zu versorgen/ hohen vnd nidern Aemptern recht anzuordnen Becke Berthold von der Geyken Alexander Haaf Susanne Jurish Bryan Boenig Matthias Thomas Christian Wiegand Frank CLARIN-D Langfristige Bereitstellung der DTA-Ausgabe Vollständige digitalisierte Ausgabe. 440 95570 15937 669347 dta@bbaw.de Deutsches Textarchiv Berlin-Brandenburg Academy of Sciences and Humanities (BBAW) Berlin-Brandenburgische Akademie der Wissenschaften (BBAW)
Jägerstr. 22/23, 10117 Berlin Germany
Berlin 2019-12-09T17:28:52Z

Distributed under the Creative Commons Attribution-NonCommercial 3.0 Unported License.

 http://www.deutschestextarchiv.de/becke_soldaten_1605 http://www.deutschestextarchiv.de/book/download_xml/becke_soldaten_1605 http://www.deutschestextarchiv.de/book/download_html/becke_soldaten_1605 http://www.deutschestextarchiv.de/book/download_text/becke_soldaten_1605 becke_soldaten_1605 20025 urn:nbn:de:kobv:b4-20025-8 Becke, Berthold von der: Soldaten-Spiegel. Frankfurt (Main), 1605. Soldaten-Spiegel Das ist: Historische Anweisung/ welcher Gestalt ein Guarison/ oder Vestung/ nicht allein mit aller jhrer Notturfft vnnd Zugehörung/ wohl zu versorgen/ hohen vnd nidern Aemptern recht anzuordnen Becke Berthold von der [4] Bl., 266 S., [5] Bl., 149 S., [1] Bl : Ill. (Holzschn.), Tbl. r&s Spieß Frankfurt (Main) 1605 HAB Wolfenbüttel HAB Wolfenbüttel, A: 83.1 Quod. (2); S: Alv.: Ng 181

Fraktur

Dieses Werk wurde gemäß den DTA-Transkriptionsrichtlinien im Double-Keying-Verfahren von Nicht-Muttersprachlern erfasst und in XML/TEI P5 nach DTA-Basisformat kodiert.

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Fachtext Militär Wissenschaft Militär core ready china Soldaten Spiegel/ Das iſt: Hiſtoriſche Anweiſung/ welcher Geſtalt ein Guariſon/ oder Veſtung/ nicht allein mit aller jhrer Notturfft vnnd Zugehoͤrung/ wohl zu verſorgen/ hohen vnd nidern Aemptern recht anzuordnen: Sondern auch wie man ein gantzes Veldtlaͤger artlich/ nach al- ten rechten Kriegsbrauch anſtellen ſol/ damit ſo wol ein Kriegsfuͤrſt ſelbſt/ wie auch ſein Kriegsvolck vnnd Soldaten/ ſonder Abbruch vor jhren Feinden bleiben/ vnnd den gewuͤnſchten Sieg/ auch Ehr/ Ruhm vnnd Lob/ durch Goͤttlichen Beyſtand/ erlangen vnd davon bringen moͤgen: Dabey ein luſtiger Vnterricht fuͤr die Reut- terey/ wie nemblich vornemme Adels vnd andere Rittermaͤſſige Perſonen in Heroiſchen Ritterſpie- len ſich exercirn vnnd vben ſollen: Dem gemeinen Vatterlandt Teutſcher Nation zum beſten/ auch allen ehrlichen Capitaͤnen/ Befehl- habern vnd Kriegsleuten zu Nutz vnd Vnterricht an Tag gebracht durch Bertholden von der Beke/ Koͤn. May. in Dennenmarckt beſtellten Kriegs Rath vnd Obriſten. Gedruckt zu Franckfurt am Mayn/ durch Johann Spieß/ vnd Johann Jacob Porſchen. M. D C V.

Voꝛrede anden Gut- hertzigen Leſer.

ES haben/ guͤnſtiger lie- ber Leſer/ vnſere Voreltern das gantze Menſchliche Leben vnnd deſſen Lauff/ oder Ver- richtung/ in dieſe drey vnter- ſchiedliche Staͤnde/ als nem̃- lich den Lehr/Nehr vñ Wehr Stand nicht vnbe- quem meines erachtens/ ſondern gar ſchoͤn vnd artig veꝛfaſſet vñ abgetheilt. Wie nun die beydẽ eꝛſten Staͤn- de außer allem Zweiffel von GOtt dem Allmaͤchtigen ſelbſt eyngeſetzt vñ angeordnet worden ſeyndt: Alſo leſt ſichs bey vnverſtendigen Leuten anſehen/ ob GOtt an dem letzten vnd dritten Standt kein ſonderlichen Ge- fallen/ viel weniger denſelben nach ſeiner Goͤttlichen Weißheit inſtituirt hette/ alles dem hellen klaren Wort GOTTES/ vnnd ſonderlich dem heiligen Euangeliſten Johanni zuwider/ welcher ſich nicht ge- ſchemet den Landtsknechten (wie mans zu nennen pflegt) oder Kriegsleuten/ weſſen ſie ſich in jhrem (∵) 2Beruff/ Voꝛrede. Beruff/ damit ſie gleich andern Perſonen Gottsfoͤrch- tig leben/ vnd Gott gefallen koͤndten/ verhalten ſolten/ zu predigen.

Dañ man findet heutigs Tags/ nit allein vnter dem gemeinen Mann/ ſondern auch vnter denen/ die gar witzig ſeyn woͤllen/ ſo albere vnd naͤrriſche Leut/ welche vnmoͤglich zu ſeyn vermeynen/ daß man im Krieg icht- was guts/ oder nuͤtzlichs erfahren vnd lernen moͤge/ glauben auch nicht/ daß ein frommes Mutterkind ſich zum Kriegsweſen vnverletzt ſeiner Ehren vnd Froͤmb- keit koͤnne gebrauchen laſſen: Wie dann der vnver- ſchemte Poet auch hat ſchreiben doͤrffen:

Nulla fides pietasq; viris qui caſtra ſequuntur, Venalesq́; manus: ibi fas; vbi maxima merces.

Daß aber ſolche Leut/ gleicher geſtalt wie der Blindt von der Farb zu vrtheilen pflegen/ iſt dahero leichtlich zu ermeſſen/ daß ſie vom Wehr Standt in Menſchlichen Leben/ entweder nichts wiſſen/ oder denſelben gantz vnnd gar vnnoͤtig achten/ weil ſie dafuͤr halten/ man koͤnne den Tuͤrcken/ oder andere Feindt/ mit dem Gebett in die Flucht vnnd Todt- ſchlagen.

Zwar es iſt nicht ohn/ daß das Gebett deß gerech- ten/ wann es ernſtlich iſt/ viel vermag/ wie der Apoſtel Jaco- Voꝛrede. Jacobus bezeuget: doch will es in menſchlichẽ Leben/ vñ ſonderlich im Wehrſtandt/ mit dem Gebett allein nicht gethan ſeyn/ wie wir deſſen ein fein Exempel an Moſe/ vnd den Kindern Jſrael/ im andern Buch Moſis am 17. Cap. vmbſtaͤndiglich zu leſen haben. Moſes vnd Aa- ron die betten: Die Kinder Jſrael aber fechten vnnd kaͤmpffen mit jhren Feinden. Es muß zugleich gefoch- ten vnd gebetten ſeyn. Alsdann iſt Gott ſelbſt mit bey den Kriegsleuten/ verleyhet auch Sieg vnd Vberwin- dung darzu/ wann zumal die Vrſachen deſſelben nicht wider ſeinen Goͤttlichen Willen/ ſein heilſames Wort/ oder die Liebe deß Nechſten lauffen.

Es iſt wol/ wie der Heydniſche Poet Virgilius ſagt/

Nulla ſalus bello: pacem te poſcimus omnes:

Aber man kan nit allzeit im Friedt vnd Roſengar- ten ſitzen. Gott ſchickt vns zu Zeiten einen Feindt vber den Halß/ vnſern Muthwillen darmit zu ſtewren/ vnd die groſſe Vndanckbarkeit/ ſo wir wider ſein liebes ſe- ligmachendes Wort vñ das heilige Euangelium brau- chen/ zu ſtraffen: Wie wir deſſen/ leider/ ein allzu war- hafftiges Exempel an dem Erbfeindt Chriſtliches Na- mens den Tuͤrcken/ vnd andern Feinden GOttes fuͤr Augen haben.

(∵) 3Solchen Voꝛrede.

Solchen Feinden nun zu widerſtreben/ iſt wie der thewre Mann D. Luther ſeliger an einem Ort ſchrei- bet/ recht wol vnd Chriſtlich gethan/ vnnd all die jeni- gen Perſonen ſo jhr Leib vnnd Leben daruͤber zuſetzen/ ſeindt billich als Maͤrtyrer Chriſti zu loben vnnd zu ruͤhmen. Welches/ wann es offtermals jhr viel bedaͤch- ten/ wurden ſie bißweilen von ehrlichen Kriegsleuten/ welche zu Beſchuͤtzung deß lieben Vatterlandtes vnd deß reinen Worts Gottes willen/ Hungern vnd andere weit entlegene Oerter beſuchen/ auch gemeiniglich mit laͤren Haͤnden wider herauß kommen/ ſo hoͤniſch vnnd ſchimpfflich nicht reden: Aber rechtſchaffene Soldaten laſſen ſich ſolcher Bernhaͤuter vnd Muͤſſiggaͤnger Ge- ſchwetz im geringſten nichts hindern noch anfechten.

Dieweil ich dann auch von Jugendt auff bey Key- ſer/ Koͤnig/ Fuͤrſten vnd andern Potentaten im Kriegs- weſen viel Jahr lang an einander mein Heyl verſucht/ nun mehr aber als ein emeritus, Leibs vnvermoͤglich- keit halber im Feldt oder ſonſten nicht mehr viel/ allein was etwan mit Rath vnnd Anweiſung deſſen ſo ich in meinen jungen Jahren mit Nutz geſehen vnnd erfah- ren/ geſchicht/ zu verrichten vermag: Als hab ich vn- langſten einen Hiſtoriſchen Vnterricht der gantzen Kriegskunſt/ inmaſſen dieſelbe von C. lulio Cæſa- re, Voꝛrede. re, T. Liuio vnd andern alten Seribenten auff vnſere liebe Vorfahren gebracht/ nachmals von der alten Mañlichen Teutſchẽ Nation/ bevorab bey denẽ Groß- maͤchtigſten Keyſern vnd Potentaten Maximiliano I. vnd Carolo V. in vblichen Gebrauch gehalten/ auch nach vnnd nach verbeſſert worden/ in drey vnterſchied- liche Buͤcher verfaſſet: Nicht daß jm jemandt die Rech- nung machẽ wolte/ als ob alles was in Kriegslaͤufften nothwendig zu wiſſen/ hierinnen begrieffen wer: Son- dern ich hab allein wie es ordentlicher weiſe in Zuͤgen/ zu Feldt/ oder in Guariſonen anzuſtellen/ vnd ich auß taͤglicher Erfahrũg obſerviert hab/ gleichſam mit Fin- gern weiſen woͤllen. Doch iſt mir nicht vnbewuſt/ daß faſt ein jedliche Nation einen ſondern Brauch mit Be- ſatzung/ Stuͤrmen/ Sturm auffhalten/ Feldtlaͤgern/ Wachten/ Schlacht vnd Zugordnungen/ ſo wol vnter Reuttern als Fußknechten zu halten/ vñ je eine die an- der in dieſem/ oder jenem/ zu vbertreffen pflegt. Dem- nach hab ich jungen angehenden Kriegsleuten/ hiemit gleichſam Anleytung geben woͤllen/ ſich bey Zeit in frembde Laͤnder zu begeben/ vnd viel ein mehrers als in dieſem Buch begrieffen/ ſelbſt zu ſehen vnnd zu lernen/ vnd was etwan hierinnen vbergangen ſeyn moͤcht/ mit jhrem Fleißzu ergentzen/ auch dieſe meine Arbeit/ jhnen Voꝛrede. jhnen als einen kurtzen Wegweiſer/ oder Soldaten- Spiegel belieben/ vnnd gefallen zu laſſen/ ſintemal nicht alles ſecundum leges artis hierinnen begrif- fen/ ſondern nur Hiſtoriſcher vnnd Erzehlungs weiſe angezogen iſt. GOTT der Allmaͤchtig verley- he allen frommen ehrlichen Soldaten/ ein ſtandthaff- tig/ vnerſchrocken Hertz vnnd Gemuͤth wider all jhre Feinde/ auch den gewuͤnſchten Sieg vnd Victoriam, durch den vnvberwindlichen Kriegsfuͤrſten/ vnſern Herrn Jeſum Chriſtum/ Amen.

Bertholdt von der Beke/ Koͤn. May. in Dennenmarckt beſtellter Kriegs- Rath vnd Obriſter.
MILITARIS DISCIPLINAE: Das iſt/ Kriegshandlungen/ Erſter Theil: Von Feſtungen/ vnd deren nohtwendigen Zugehoͤrungen/ ꝛc. vermeldende.
I. Was Krieg vnd Kriegen ſeye?

ERſtlich/ was der Krieg/ das greulich wuͤ- tendt Vbel/ ſeyt dem erſten Grundtſtein deß Kriegs vnd Brudermordts/ ſo Cain an ſeinemGen. 4. Bruder Abel begangen/ vnder Adamskindern bißher/ fuͤr Jammer angericht: Was fuͤr gantze herꝛliche Monarchjen/ gewaltige Reiche vnd Landt dardurch zu Grundt gangen: Wie viel Koͤnige/ groſſe Helden vnd Po- tentaten daruͤber vmbkommen: Wie manche feſte wehrliche Statt derhalben in die Aſchen gelegt: Wie manche Wittwen/ Waͤyſen/ vnd armer betruͤbter Leut gemacht/ ꝛc. ſeynd alle Hi- Aſtorien Militaris Disciplinæ: oder ſtorien voll/ beyd Bibliſcher/ alſo auch in andern Schrifften. So ſeynd auch jetzundt/ leyder/ in mehr dann einem Koͤnigreich/ ſolcher elendiglicher augenſcheinlicher Exempel gnug vorhandẽ: daß nich Fragens oder Schreibens/ was der Krieg ſeye/ von noͤh- ten: ſondern es erklaͤret der Handel ſich an jhm ſelber.

II. Vrſach deß Kriegs.

ZVm andern iſt doch einmal gewiß/ daß Gott ſolch Vbel/ den Krieg/ zur Prob den Seinen/ vnd den Gottloſen Vngehorſamen fuͤr ein Straff zuſendet/ vnd vber ſie kom- men laͤſt. Wie/ damit ich fuͤr viel vnzehliche Orter der Schrifft nur etliche wenige anzeige/ Exod. 26. Deut. 28. Heſek. 33. zuſe- hen. Zuweilen erweckt auch auß Verhaͤngnuß Gottes/ vnnd Gerechten ſeinen Vrſachen/ Krieg vnd Verderbnuß/ der Sa- than/ ein Feindt menſchliches Geſchlechts/ ſo wol bey vnnd vber die Boͤſen/ als Gottſelige Menſchen. Solches bezeuge ich mit a. Paral. 18. vnd Hiob. 1.

III. Ob ein Chriſt kriegen moͤg oder nicht.

OB aber ein Chriſt moͤge mit gutem Gewiſſen Krieg fuͤhrẽ/ oder ſich zum Krieg/ vñ wie ferꝛn/ gebrauchẽ laſſen/ oder in Kriegen die richtige Mittelſtraſſen gehen/ iſt nicht allhie/ wie ich mich dann ſolches außfuͤhrlich gnugſam darzuthun/ zu ſchwach befinde/ mein Vorhaben geweſen/ ſon- dern wer hieruͤber Chriſtliches Berichts begierig/ den weiſe ich zu dem Extract auß dem Buͤchlein/ ſo D. Martinus Lutherus/ ſeliger Gedaͤchtnuß/ vnderm Titul: Ob auch Kriegsleut in ei- nem ſeligen Standt ſeyn koͤnnen/ Anno 27. außgehen laſſen. Jtem/ was vom Standt der Kriegleut D. Andreas Muſculus Anno Kriegshandlungen/ Erſter Theil. Anno 58. weytlaͤufftig dargethan. Solche zwey Buͤcher aber/ wie ſie an ſich ſelbſt/ jetzt vor Augen zu ſtellen/ wuͤrde viel zu lang: Gleichwol am Endt dieſes Buchs/ nach allem jhrem Jñ- halt/ wie auch der Geiſtlich/ ꝛc. Kriegsmann geſeht ſoll werden. Doch wer ſie nicht haben oder bezahlen mag/ der mercke dieſe Chriſtliche kurtze Regel/ in vier Articul verfaſſet.

1.

Daß Gott euſſerliche Mittel zugelaſſen/ vnd man ſie gebrau- chen moͤge/ iſt darauß zu verſtehen: Daß Gott das Schwerdt/Gen. 9. Rom. 13. Heſck. 14. das iſt/ die Oberkeit eyngeſetzt hat. So wirdt auch vnder dem Wort Schwerdt/ allerley/ was zum Krieg gehoͤrig/ begriffen.

2.

Wer auch die Ordnung vnd Mittel Gottes frefentlich vnndDeut. 6. Matth. 4. muht willig verachten wolte/ der wuͤrde Gott verſuchem.

3.

Auff ſolche Mittelaber ſich mehr/ dann auff Gott/ Ja wol/ wie offt geſchicht allerding darauff/ vnd nichts auff Got verlaſ-Jer. 17. ſen/ die vertrawen einem fleiſchlichen Arm/ vñ werden den kuͤnff- tigen Troſt nicht ſehen. Jtem/ ſie ſtoſſen ein Rohrſtab in dieHeſek. 29. Handt/ der zubricht/ vnd ſticht ſie in die Seyten. Wann ſie ſich darauff lehnen/ ſo zerbrichter/ vnd ſticht ſie in die Lenden. Dann Gott macht ſich auff wider die Boͤſen.

4.

Wie man nun die Mittel brauchen ſoll/ ſo man ſie haben kan/ vnnd nicht frefendtlich verachten/ auch nicht darumb iſt zu ſtoltzieren: Alſo ſoll auch kein Chriſt/ wann euſſerliche Mittel nicht da ſeyndt/ verzagen: ſondern ſich mit dem Exempel Goͤtt-Rom. 15. lichs Beyſtandts in der Noht troͤſten. Dann Gott iſt noch/ wie er da war/ gegen die ſeinen geſinnet: vnd bey jhm ſtehet die KrafftHeb. 13. zu helffen/ vnd fallen zu laſſen.

A ijEs iſt Militaris Disciplinæ: oder 2. Par. 25. Deut. 23. Levit. 26. Deut. 21. 2. Par. 24

Es iſt ſich aber vor dem boͤſen/ das iſt/ vor der Suͤnden zu huͤ- ten/ ſo wirdt dann die Goͤttliche Huͤlff vnd Rettung/ vermoͤge ſeiner Verheiſſung nicht auſſen bleiben/ vnd iſt bey jm kein Vn- derſcheidt zu helffen/ vnder vielen/ oder da kein Krafft iſt.

Der Glaub ſihet auch auff dieſe vnd dergleichen Spruͤche/ 1. Reg. 6. 2. Par. 52. 1. Joh. 4.der iſt mehr/ die bey vns ſindt/ dann die bey jhnen ſindt. Bey jnen iſt ein fleiſchlicher Arm/ mit vns aber iſt der Herr vnſer Gott/ daß er vns helffe/ vnd fuͤhre vnſern Streit. Der in euch iſt/ iſt groͤſſer/ denn der in der Welt iſt.

Summa.

Hilfft Gott durch Mittel/ haͤlt er ob ſeiner Ordnung: Ge- ſchichts ohne Mittel/ beweiſt er ſeine vollmaͤchtige Krafft.

IV. Wie mancherley die Krieg ſeyen.

NVn zum vierdten gebuͤret ſich zu wiſſen/ daß alle Violenta & Defenſi- va bella.Bella, das iſt/ Kriege/ ſeyen zweyerley/ nemlich: Violen- ta vnnd Defenſiva. Erſtlich Violenta bella, nennen wir ſolche Kriege/ die ohne einige rechtmaͤſſige Vrſach/ allein auß Haſſz/ Grim̃/ Neydt/ groſſem Reichthumb/ Stoltz/ Pracht/ Rachgierigkeit/ Vbermuht vnd Ehrgeitz/ ſo alle der Vnſinnig- keit verwandt/ vnnd keine maß zu halten gewohnet ſeynd/ von hochmuͤtigen Koͤpffen Vrſprung haben/ vnnd einen andern ohn alle Vrſach beleydigen/ vberwaͤltigen/ beſchaͤdigen/ vnnd vnder ſich zwingen.

Notwehr recht/ vnnd zugelaſſen.

Defenſiva bella aber haben daher dieſen Namen/ daruͤmb/ daß ſie zur billigen zugelaſſenen Noht vnd Gegenwehr/ oder die vn- befuͤgte Vberziehung deß Feindes zuvor kommen/ oder in Hin- dernuß zu bringen/ angefangen werden. Wann dañ ein Chriſtli- ehe Oberkeit/ je darumb fuͤrnemlich/ vnd in ſonderheit von Gott das Kriegshandlungen/ Erſter Theil. das Schwerdt empfangen/ vnnd in das herꝛliche Ampt geſetzt worden/ die wahre Religion/ ſo ferꝛn jhr Beruff vnnd Ampt es erfordert/ handthaben: Darnach jhr arme befohlene Vnder- thanen/ vor vnbillichem frembden Gewalt zuſchuͤtzen/ verthey- digen/ vnd die derſelben vberlaͤſtig ſeyn wolten/ mit gleichem Ge- walt abzutreiben/ vnd zu verfolgen.

So iſt auch in den Keyſerlichen vnd Weltlichen Rechten die Nohtwehr frey/ jederman (warumb nicht zuforderſt denen/ die im Ampt ſeynd) erlaubt/ ja/ mit dieſen Worten: Vim vi repellere licet, das iſt/ Gewaltſame mag man mit Gewalt ſchwaͤchen vnd hindern/ gleich aufferlegt vnd gebotten.

Die jetzt geſetzte beſtaͤttigẽ die ſchoͤnen Sententz vnd Spruͤch-Spruͤch- woͤrter der altẽ Teut- ſchen. woͤrter der loͤblichen alten Teutſchen/ damit ſie zweiffels ohn zu kein laͤſterlichen Thaten anlaß geben: ſondern zur tugendthaff- ten Mannheit/ vnd Mannlichen Tugendt/ die Poſteritet rei-Schlagẽ. tzen vnnd vermahnen woͤllen/ nemlich: Schlagen (darunder wirdt allerley muhtwilliger Frefel/ vnd frefentlicher MuhtwillWehren. verſtanden) iſt verbotten. Sich aber wehren (vernimme guten Fugs vnd Rechts begruͤndet) iſt nicht verbotten. Wahrmans- hauß ſteht am laͤngſten. Ein Schwerdt behaͤlt das ander in der Scheyden. Der erſte Streich iſt eines Guͤlden wehrt. Jtem: Es iſt gut ſeine Pferde an frembde Zaͤune binden.

Vnd wiewol ich hievon Theologiſch zu reden/ meine Vnge- ſchicklichkeit muß bekennen/ doch wil ich aller Welthiſtorien (welche hierin allein zu zehlen vnd nennen vnmuͤglich) geſchwei- gen/ ein jeden Leſer zuruͤck in die H. Bibel vnd Buͤcher deß Al- ten Teſtaments/ da jhm jmmer ein Exempel hievon zu verſte- hen/ vbers ander vorlauffen wirdt/ gewieſen haben. Darumb nur an ſtatt der andern aller/ vier Heylige Maͤnner vnd HeldenAbraham. Gen. 18. Thaten anziehen. Sihe/ Abraham/ dem ſein Glaub von Gott zur Gerechtigkeit gerechnet wardt/ ruͤſtet ſeiner eygnen Knecht drey hundert/ vnd die ſonſt mit jhm im Bundt waren/ jagte den A iijFeinden Militaris Disciplinæ: oder Feinden nach/ die ſeinen Vettern Loth/ ſampt den Sodomitern gefangen weggefuͤhret hatten/ ſchlug ſie/ vnnd errettet gewaltig- lich die Seinen/ vnd die bey jhm waren.

David. 1. Reg. 16.

Were die Nohtwehr vnrecht geweſen/ warumb wolte dann David/ ein Mann nach dem Hertzen Gottes/ ſeine Weiber vnd alle Jñwohner zu Ziklag/ von den Amalakitern/ welche dieſelbi- 1. Reg. 30.ge gefangen weggeſchleyfft hatten/ widerumb entledigt/ vnd die Feindt mit gewapneter Handt erlegt haben.

Jerem. 41.

Gleichfoͤrmig Exempel haben wir an Johanne/ dem Sahn kareth vnd ſeinen Haͤuptleuten/ die bey jhm waren.

Das gantze Buch der Maccabeorum bezeuget/ die Noht- wehr recht vnd vnverbotten ſeyn.

V. Herꝛn vnd Fuͤrſten/ wie ſie ſich zum Krieg ſchicken ſollen. Wen ſich zum Krieg zuruͤſten.

VNd dieweil niemandt laͤnger Fried haben kan o- der mag/ dann ſein Nachbar wil: Vnnd wann kein Krieg iſt/ man ſich zum Krieg ruͤſten ſoll: So iſt doch auch diß zu mercken: Daß allweg Krieg vnd Vnfriedt/ gut vnd baldt iſt anzuheben/ nicht ſo gut vnd leicht aber zu fuͤhren: Vnd wann einer ſchon gern wolte/ nicht alſo baldt wider zum Endt zubrin- gen. Derhalben/ ſo vielmehr Gefaͤhrlichkeit darauff ſtehet/ vnd wieviel der Anhab gewiß/ der Außgang aber ſo viel vnge- wiſſer zu fuͤrchten/ iſt einem Herꝛn/ der Krieg anfahen wil/ Herodo- tus lib. 1. Clio ge- nennet. Pſal. 46. 1. Tim 6.gantz hoch von noͤhten/ daß er ſich ſelbſt/ ſeine Macht vnd Ver- moͤgen (nicht aber wie Crœſus, der Koͤnig/ der zuviel auff ſich vnnd ſeine gewaltige Kriegshauffen vertrauwete) nach allen Vmbſtaͤnden fleiſſig ermeſſe/ vnd wie jm der Mundt der War- heit/ der HERR aller Herꝛn/ vnd allein weiſeſt vnd maͤchtigſt Kriegsfuͤrſt/ vnſer HERR Chriſtus Anleitung gibt/ von dem der ei- Kriegshandlungen/ Erſter Theil. der einen Thurn bauwen: Oder einem andern Koͤnig/ der ſtaͤr- cker dann er/ entgegen ziehen wolte/ damit er nit vor aller WeltLuc. 14. zu Spott vnd Schanden wuͤrde/ den Koſten vberſchlage vnnd außrechne/ damit er nach Beſindung der Sachen/ vnnd ſeinerWagen vmbwen- den. Vnvermoͤglichkeit/ den Wagen/ weil es noch geraͤum iſt/ vmb- wenden koͤnne.

VI. Oberſten vnder Hofleuten vnd Knech- ten zu erwehlen.

TRaͤgt er denn vmb einer guten Sachen willen ein gut Gewiſſen/ welches das beſte iſt/ vnd auch eine gu- te Hoffnung zum gluͤckſeligen Außgang gebieret: Wel- ches boͤſe/ faule/ vnd zum Stoltz gebrochene Krieg nit thun/ noch nimmer thun koͤnnen: weiß auch ſich vorm Gewalt deß Feindts ſtarck gnug auffzuhalten/ vnnd die Silberkammer/ welches in ſolchen Dingen die Nervi vnnd ſtarcken Bandt ſeyndt/ Herꝛn vñ Kriegsvolck bey einander zu behalten/ gnugſam ſtaffirt ſeyn: Als dann iſt zu trachten/ vnd ſeynd in gewiſſe Beſtallung vnnd Eydt auff vnd anzunemmen/ Oberſten vber Hofleut vnd Reu- ter/ vnd Fußvolcks/ deßgleichen Rittmeiſter vnd Landtsknecht Haͤuptleut/ auch ſonſt zu allerley Emptern dienlich.

VII. Was zu bedencken in der Wahl der Oberſten.

HJerzu ſeyndt feine tapffere wolberedte Maͤnner vnd Perſonen/ damit ſie kuͤnfftig beym Kriegsvolck ſo viel mehr Authoritet vnnd Anſehen haben/ wo muͤglich/ zu erwehlen.

Doch Militaris Disciplinæ: oder

Doch iſt gleichwol auch nicht in eines jeden Bruͤllenreiſſen/ vnd viel Schwaͤtzen von groſſen Schnocken/ ſo baldt vollkom̃- ner Glaube zu ſetzen: Dann ſie nicht alle drumb geſchicht/ vnd wolwiſſendt/ daß ſie ſich ſelbſt darfuͤr außgeben vnnd ruͤhmen: Sondern man muß jrer Wort/ ob ſie von Sachen congruè, ar- tig vnd vernuͤnfftig zu reden/ vnd es darzuthun wiſſen/ vnnd bey einerley jmmerdar bleiben/ wol vernemmen. Jtem/ in welchen Jahren/ vnd zu welchen Zeiten ſie hie oder da/ vnnd bey was Herꝛn/ oder in was Emptern ſie am naͤchſten gedienet: Jtem/ wo oder vnder welcher Herꝛſchafft ſie ſeßhafftig/ oder ſich am meinſten zu halten pflegen: Ob ſie auch vorhin einem oder mehr Herꝛn mit Dienſt oder Jahrbeſtallung verpflichtet: oder auch daſſelbe hinfuͤrter zu thun gemeynet. Vnd da je ein ſolche Sach jhnen zu mehrer Erfahrung bequemlich/ hernach etwa vorlauf- fen moͤchte/ doch nicht ohn Vorwiſſen vnd ſtarcke Bewilligung/ ins Werck geſetzt werden ſolte.

VIII. Auffgerichter Beſtallung gemaͤß handeln.

DA man dann jre Trew/ Ernſt/ Erfahrung vnd Geſchicklichkeit gnugſam ſpuͤret/ ſoll man ſie beeyden/ vnnd jhren Reverß von ſich geben laſſen/ darnach mit ſolcher Beſtallung/ vnnd dermaſſen ehrlich verſehen/ auch be- ſtimpte Ziel vnd Zahlzeiten nicht verrucken/ ſie nicht vergebens darnach kommen oder ſchicken laſſen/ ſondern ſie darmit willig machen vnd behalten/ auff daß ſie nicht/ da etwa ein ander/ ſie mit was mehr Geldt auff ſeine Seyten beugen moͤchte/ jhre Be- ſtallung anffzuſagen/ ſich abhaͤndig machen laſſen. Wuͤrdeſolch Geſchrey außbrechen/ vnd andere tugendtliche/ an der vorigen ſtaͤtte/ ſchwerlich zu bekommen ſeyn. Jſt auch bedencklich vnd gantz Kriegshandlungen/ Erſter Theil. gantz nachtheilig/ newe vnd wider newe Diener/ auff ſolche maß zu beſtellen. Da das außbricht/ was den vorigen begegnet/ macht daß ſich nichts/ dann was ſonſt nirgendt vnderkommen kan/ hieher wil begeben.

IX. Woher Oberſten vnd Haͤuptleut fuͤr- nemlich zu beſtellen.

WAs iſt aber einem Fuͤrſten vnd Herꝛn von noͤh- ten/ eytel Frembde vnnd Außlaͤndiſche (daß auch ohne Nutz nicht bleiben mag/ hie ohn noͤhtig zu melden) in ſei- ne Beſtallung/ wie obſteht/ zu bringen/ viel Muͤhe anzuwenden? So dergleichen guter/ feiner fuͤrnemmer Kriegsleut/ derer Er- fahrung vnd Mañheit nit wenigen bewuſt/ in ſeinem Landt vnd Gebieten/ mehr dann einer. Vnd hette ein Fuͤrſt vnd Herꝛ jhm ſolche doppel vnd feſter (wie glaͤublich) verbunden: Erſtlich mit vnd durch die natuͤrliche/ angeborne/ ſchuldige Dienſtwilligkeit/ gegen jhrem Landsfuͤrſten: Alſo nicht wenigers zum andern/ durch den neuwen Eydt vnd Pflicht der auffgerichten Beſtal- lung. Da ſonſt zu befahren/ daß die meinſten der Außlaͤndi- ſchen (ich ſage nicht von allen/ wann auffrichtiger beſtaͤndiger Maͤnner viel zu finden/ die hiemit nicht gemeynet) jhm nit wey- ter vnd laͤnger/ dann ſein Geldt reicht vnd wehret/ mit Trewen meynen/ oder jm nutzes vnd fuͤrderſams beweiſen. Was koſten auff Vnderhaltung ſolcher Eynheymiſchen/ oder anders woher beſtelter Gemuͤhter/ erfahrner vnnd beruͤhmbter Leut lauffen wuͤrde/ ſoll in Fuͤrſt vnd Herꝛ ſich nit dawren laſſen. Dann alle zeit fuͤrtraͤglicher vnd beſſer/ ein Herꝛ hab viel nutzer Leut/ die☜ etwas wiſſen/ in Beſtallung/ die er nicht brauchen doͤrffe: Dann ſo er deren nohttuͤrfftig/ vnd hette ſie nicht: muͤſte er als- dañ ruͤporaps/ was da kaͤme/ auffraffen/ ja/ wol ohne Danck mit BGeldt Militaris Disciplinæ: oder Geldtauffwegen. Were jhm aber/ was ſie im Schildt fuͤhre- ten/ verborgen.

X. Feſtung vnd Beſatzung/ warumb zu bauwen vnd anzuordnen.

FEſtung nennet man die Staͤtte vnd Schloͤſſer/ fuͤr andern darzu abgeſondert/ welche mit Thuͤrnen/ Mauren/ Waͤllen/ Bruſt vnd Streychweren/ Bollwer- cken/ Paſteyen vnd tieffen Graͤben/ nicht zur Luſt/ Pracht/ ſeine Gewalt/ Reichthumb vnd groſſe Weißheit/ dardurch/ wie Ne- Dan. 4.bucadnezar zu oſtentiren/ vnd maͤnniglichs Lob zu erlangen/ er- bauwet: ſondern mit groſſem Koſten auffgericht/ vnd der gan- tzen Landtſchafft zum beſten erhalten worden: Alſo da man ſich Feindtſchafft oder anderer Vber oder Durchzug beſorget/ die Landtleut/ was jnen lieb iſt/ vnd das ſie nit gern verlieren wolten: Oder ſie auch ſich ſelbſt/ als in einen ſichern Ort koͤndten floͤh- nen vnd begeben: Auff daß/ im Fall das Landt verderbt/ die an- dern Staͤtt vnd Doͤrffer verbrennet vnd verheret/ ſie deſto beſſer hetten wider auffzubauwen. Vmb deſſen willen ein ſolcher Ort (den wir jetzt Feſtung heiſſen) die alten Teutſchen vnd Sach- Wicke.ſen eine Wicke nenneten. Darumb/ daß ſie in der Noht dareyn/ als jhr Zuflucht/ weichen/ vnnd vor dem Feindt ſich friſten moͤchten.

XI. Feſtungen leichter zu bauwen/ denn vor dem Feindt zu erhalten/ vnd derer Ge- legenheit.

NVn wirdt mir/ weiß ich fuͤrwar/ ein jeder Ver- ſtaͤndiger beyfallen: Daß alle Feſtungen/ leichter ſeyen auffzu- Kriegshandlungen/ Erſter Theil. auff zubauwen/ dann vorm Feindt zu erhalten vnnd behalten. Vnd ob wol waar/ daß behertzte/ vnerſchrockene gute Leut dieBeſte Fe- ſtung. Feſtung ſeyen: So iſt doch die Gelegenheit/ Ort vnd Platz de- rer Statt vnd Schloß/ die man zur Feſtung machen/ oder ei- ne von newem auff bauwen wil/ nach aller Nohtturfft wol vor- hin zu beſichtigen/ ob ſie zu nahe bey die nechſten Berg/ oder zu weyt von Waſſern vnnd andern Bequemlichkeiten/ in eine Fe- ſtung gehoͤrig/ kommen wuͤrde/ mit Vorbedacht zu vberſchla- gen. Sintemal/ ſo eine Feſtung einem Berg oder Buͤhel zu nahendt gefuͤhret/ iſt ſtarck zu vermuhten/ man bauwe darin- nen auff wie man woͤlle/ der Feindt werde vnd ſeye jhm frey/ drauſſen ſie jmmer mit Katzen vnd Bauwen zu vberhoͤhen: Die- weil er Materien/ vnd allerley darzu gehoͤrige Ding gnugſam vnd vberfluͤſſig drauſſen mag bekommen.

XII. Der beſte Bawmeiſter/ eine Feſtung anzugeben.

JEtzt woͤlle niemandt mit mir zuͤrnen/ daß ich nach meinem einfaͤltigen Beduͤncken kuͤhn bin/ zuſagen: Es vermoͤge kaum jemandt zu einer Feſtung/ eine beſ- ſere vnnd kunſtreiehere Viſierung machen/ oder ſie bequemli- cher/ nuͤtzlicher vnnd beſtaͤndiger wider Gewalt/ vnd zur Ge- genwehr erbauwen: Dann der auch wiſſe vnd erfahren habe/ ſtarcke/ maͤchtige Feſtung zu oppugniren vnnd zu zerbrechen. Daß ich diß beſſer erklaͤre/ verſtehet es alſo: Wann ein wol- geuͤbter Kriegs erfahrner Bauwmeiſter/ alle Vmbſtaͤnde bey ſich erweget/ imaginiret/ die Viſierung ſtellet vnnd vber- leget/ wie er eine ſolche Feſtung oder Wehr/ wie er geſin- net iſt/ auffzubauwen/ da er darvor lege/ wolte angreiffen/ B ijzum Militaris Disciplinæ: oder zum Sturmbeſchieſſen/ vnd am leichteſten gewinnen/ vnd ſei- nen vorgenommenen Bauw vnrahtſam befuͤnde: wuͤrde er nicht ſeine vorgefaſte Anſchlaͤg aͤndern/ verbeſſern/ oder gar fallen laſ- ſen? Jſt man nicht vielmal/ an manchem Endt/ mit groſſem Nachtheil jnnen worden/ daß vnbedachte/ vnerfahrne Bauw- meiſter/ durch jhr vngereymbt Flicken vnd Klicken/ dem Feindt die Eroberung in die Handt geben haben?

XIII. Nutzlicher Vorbedacht/ in Erbauwung einer Feſtung.

SO iſt auch nicht vergeßlich dahinden zulaſſen/ trewe Ermahnung zu thun/ daß in Auffrichtung einer Feſtung/ ſo wol das Vermoͤgen eines Fuͤrſten/ die Fe- ſtung zu beſetzen/ in zukuͤnfftigen Faͤllen/ vnd zu erhalten/ als der Koſten zu bauwen geſchaͤtz: Vnd er nicht mit dem vnnoͤhtigen/ ja vberfluͤſſigen Bauwen/ in Schimpff vnd vnverwindtlichen Schaden gefuͤhrt werde.

Mercke.

Dann groſſe Circumferentz vnnd Begriff einer Feſtung/ er- fordert auch viel Leut/ vnd gnugſame Beſatzung: erfordert auch alsdann viel Proviandt/ Geldt vnd anders mehr.

Thut nichts darzu/ daß etliche/ als dieſer Ding vnberichtet/ vermeyntlich vorgeben/ ſich vnd andere mit jnen vberreden: Die Statt/ Feſte oder Hauß beſetze ſich ſelbſt/ vermeynen durch ſol- che Rede/ ſie ſeyen mit ſolchen hohen wehrlichen Rundeln vnnd Paſteyen/ Graͤben/ ꝛc. verſehen/ daß ſie vnuͤberwindtlich nicht er- ſtiegen moͤgen werdẽ/ ja gar ſchier keiner Leut bedoͤrfften. Jtem/ ſeye ein Mann drinnen nicht allein ſo gut als zween/ ſondern beſ- ſer dann hauſſen vier/ fuͤnff oder wol zehen. Were wol alſo/ da der Feindt nicht etwan von jhrer Gelegenheit gute Kundtſchafft hette vnd wuͤſte/ oder ſonderer Anſchlaͤge darvon muͤſſig bliebe. Es iſt Kriegshandlungen/ Erſter Theil. Es iſt aber diß zu bedencken/ daß den Belaͤgerten taͤglich an☜ Volck/ Proviandt vnnd allen nohttuͤrfftigen Dingen/ die ein Hertz ſindt/ ein Hertz machen/ vnd auffrecht behalten ſollen/ ab- gehet/ die Zahl vnd Hauffen ſich jmmerzu ringert. So iſt es auch offt vnd viel geſchehen (die Hiſtorien vnd Erfahrung be- zeugen richtig/ daß ichs deſto kecker vnnd froͤlicher darff ſagen) daß gewaltige Staͤtte/ die auch jederman derhalben Welt ge- wachſen achtet/ wann die Leut durch ſtaͤtte Arbeit vnd Wachen abgemattet vnd ſchlaͤfferig/ oder durch andere Practicken die fe- ſteſten Ort vnd Plaͤtz vnbewacht vñ vnbeſetzt verlaſſen/ vmb jrer ſichern Nachlaͤſſigkeit willen ſindt erſtiegen/ erobert/ vnnd in Grundt verdorben. Kurtz: Jch wolt mich lieber mit guten Leu- ten in einer ſchlechten Feſtung: denn in einer/ deren Mauren/ wie man ſagt/ in den Himmel reychten/ da kecke Maͤnner vnd anders mangelt/ finden laſſen. Exempel gnug vorhanden/ der nicht ſehr lang geſchehenen Haͤndel: woͤllen aber doch zu mehrerm Verſtandt auch etwas/ ſo ſich bey den Vhralten/ in gleichen Faͤllen zugetragen/ beſehen.

Rom von den Gallis, (etliche meynen/ vnd das auß vielen be-Nach Er- bawñg der Statt 360. Beſihe hie von im er- ſten Theil deß ver- teutſchten Titi Livti. gruͤndten Vermuhtungen/ es ſeyen Teutſche geweſen) gar in Brandt geſteck// vnd zu Aſchen gemacht/ biß auff die Feſte/ ge- nandt Capitolium. Solche Feſtung wardt von etlichen Juͤng- lingen/ der beſten Geſchlechter/ bey einem halben Jahr/ mit groſ- ſer Mañheit von den Feinden vertheydigt. Nach dem aber jren/ von einer ſolchen weyten/ die Feinde ſtaͤttig abzutreiben/ viel zu wenig/ darzu hungerig vnd krafftloß worden: fehlet es nicht an vielem/ die Feindt hetten das Capitolium, an dem Endt es am ſtaͤrckeſten was/ vnd die Roͤmer vnverwachet ſtehen lieſſen/ auch ſonſt deß nimmer auffhoͤrenden Anlauffs wegen/ vermuͤdet/ ſchlieffen/ erſtiegen vnnd gewonnen: da nit die Gaͤnß durch jhr Geſchrey/ die Roͤmer zur Gegenwehr auffgeweckt/ die Feindt herab geſtochen weren worden.

B iijFreundt Militaris Disciplinæ: oder New Car- thago ge- wonnen/ nach Er- ſchaffung der Welt/ 3785. vnd nach Er- bauwung der Statt Rom 536. Jahr.

Freundt vnd Feindt hetten ſich verſehen/ daß Seipio/ hernach Africanus genannt/ vor der wol erbauweten vnd ſtarck beſetzten Statt New Carthago in Hiſpanien/ Jar vnd Tag ſolt verhar- ret/ vnd dieſelb vmbſonſt belaͤgert haben. Wie jhm aber durch Kundtſchafft angezeigt/ daß das beſt befeſtigte Ort der Statt/ darzu mit dem Meer an dem Endt befloſſen vnd beſchloſſen/ im juͤngſtgethanen Sturm/ von wehrhafften Leuten/ als vnnoͤh- tig darfuͤr geachtet/ warledig blieben: verordnet er von newem die Statt auff der andern Seyten/ vom Landt her/ mit ſtuͤr- mender Handt anzugreiffen.

Vnd dieweil daß vermeldete Ort/ nach Anzeigung der Ver- ſpeher/ dasmal auch niemandt hatte/ der es beſchirmet: ſon- dern alle dem Sturm gegenuͤber zugelauffen waren: Stiegen die Roͤmer mit Leytern/ ohn alle Hindernuß hineyn/ fielen in die Buͤrger von hinden zu/ ehe ſie es recht/ daß Feindt waren/ jn- nen worden/ erſtochen was jhnen begegnet. Gewonnen alſo die Statt in einem Huy/ deß erſten Tags/ wie ſie darvor kom- men maren.

Beſihe Io- ſephum lib. 3. de bello Iu- daico, c. 7. Anno Chriſti 74.

IOTAPATHA ein Statt in Galilea/ bey nahe ein eyte- ler Felß (wie jhr Gelegenheit Joſephus/ der zur Zeit deß Juͤ- diſchen Kriegs/ gegen die Roͤmer Oberſter drinnen was/ ge- dencket) auff allẽ Seyten hatt ſie vber die maſſen tieffe Thal/ ſo tieff/ daß einem/ ſo er hinab ſahe/ ſchwindelt. Vnd moͤcht man allein auff der einen Seyten/ gegen Mitternacht/ darzu kom- men: daſelbſt war ſie nach der ſchlimmen Seyten/ da der Berg wendet/ hinneyn gebauwet. Vnd hatt an dem Endt Joſephus noch eine Mauer machen laſſen. Sihe/ dieſe mehr dann von Natur feſte Statt/ iſt von Veſpaſiano auff ſolche Weiß am erſten Julij gewonnen worden: Durch einen fluͤchtigen Juͤden war jhm angezeiget/ wie noch wenig wehrhaffter Mann in der Statt weren/ daß ſie auch langes Wachens/ vnnd deß vielen geuͤbten Außfalls/ vnd Sturm auff haltens halben angenom- men/ Kriegshandlungen/ Erſter Theil. men/ nicht lang mit Gewalt Widerſtandt thun/ auch mit Liſten/ wo man den Ernſt brauchen wolt/ erobert werden moͤchten. Hierumb in einer Nacht/ gegen Tag/ da ſie vermeynten/ von der Arbeyt Ruhe zu haben/ vnd hart ſchlieffen/ ſtiegen die Roͤ- mer erſtlich in groſſer Still vnd eyntzelig/ darnach mit Hauffen vber die Mauren/ erſtochen die muͤden Juͤden/ ſo die Wacht hal- ten ſolten/ namen das Schloſſz behendteyn. Vnd da der Feindt mitten in der Statt/ vnnd es jetzo Tagwas/ wuſten die Juͤden noch nicht/ daß ſie vnd jre Statt gefangen weren. Erwachten erſt recht ob jhrem Schaden/ da ſie jetzt ſterben ſolten.

GAMALA auch ein Statt in Galilea/ nicht weyt von derLib. 4. de bello lu- daico, cap. 1. 2. Anno 74. vorigen gelegen/ doch vielmehr vnd beſſer durch die Natur vnd Fuͤrſichtigkeit der Bauwmeiſter bewahret. Noch verlohren die wenigen Leut/ ſo darinnen waren/ vnnd zu hoch auff die Fe- ſtung bocheten vnnd trutzeten/ die Statt vnnd jhr Leben/ am 22. Octobr.

Carolus V. Roͤmiſcher Keyſer/ ſendet den Hertzogen vonRom ge- wonnen/ Anno 1527. am 6. Man. Bourbon/ Carolum/ mit einem Kriegsvolck nach Neaples/ kame mit den Roͤmern/ im Vorziehen/ der Proviandt halben/ in ein Span/ verachten den Hertzogen vnnd ſeine Kriegsleut ſpoͤttlich/ beſorgten ſich vor jhm nichts ſonderlich/ nur allein jhrer feſten Wehren vnd wolbewahrten Statt/ ſich getroͤſtende. Er aber vberraſcht ſie in jhrem Hochmuht/ kam vber die Mau- ren/ an dem Endt da es niemandt gedacht/ vñ hielt mit den Buͤr- gern/ Cardinaͤlen/ Pfaffen vnd jederman dermaſſen hauß/ daß wol ein eygen Buch darvon zu ſchreiben.

Wen die Eroberung Cales/ Anno 58. im Januario: AlſoCales. Dieten- hofen. die Ergebung Dietenhofen ſelbigen Jahrs im Julio beſchehen/ nicht wil vorſichtiger machen/ mag ſein Aben heuwer beſtehen. Vnd hiervon ſey alſo gnug geſagt.

Jn Militaris Disciplinæ: oder
XIV. Jn Feſtung gehoͤrt gute Ordnung.

ES ſey aber vmb eine Feſtung/ der Groͤſſe/ Staͤr- cke/ ꝛc. nach/ bewandt wie es woͤlle/ vermag ſie doch/ ohne gute Ordnung/ auch im Friedtſtandt nicht in eſſe, oder lang auffrecht bleiben. Dannenher es zu aller gluͤckhafftigen Wolfahrt nicht wenig erſprießlich/ wann Gottsfuͤrchtigen/ Ehrnveſten/ frommen/ treuwen vnd redlichen/ darzu in ſonder- heit beeydeten Leuten/ die Oberſt vnd Vnderverwaltung com- Verwal- ter der Fe- ſtung fuͤr- nembſt Fleiß vnd Sorg.mittiret/ vberlaſſen vnd befohlen wirdt. Denen ſoll fuͤrnemlich angelegen ſeyn/ daß zuvor vnd ob allen Dingen/ jhr Stattregi- ment Gottes Wort gemaͤß/ vnd darnach regulirt ſey: Alsdann kan vnd wirdt auch geſchehen/ daß Gott ſelbſt bey jhnen drinnen/ jhr Beſchirmer vnd Verſorger werde vnd bleibe. Dann wo er/ der HERR/ nicht das Hauß bauwet/ ſo arbeiten vmb ſonſt/ Pſal. 127.die daran bauwen. Wo der HERR nicht die Statt behuͤtet/ ſo wachet der Waͤchtervmbſonſt.

Vnd ſagt jener nicht vnrecht: Civitas non eſt, nec eſſe poteſt, ſtantibus mœnibus, & dilabentibus moribus: das iſt/ die Statt vnd Buͤrger ſeyndt deß Namens nicht wehrt/ daß ſie ein Statt vnd Buͤrger heiſſen/ da nur die Feſtung gebauwet/ der guten Sitten Vndergang aber nicht wirdt wahrgenommen. Das iſt: Jn welcher Statt das Gute vngeachtet vnderdruckt/ vnnd das Boͤſe Laſterhafftige nicht wirdt geſtrafft.

XV. Alle Eynwohner der Feſtung ſollen ge- ſchworne Buͤrger ſeyn.

BEgehret aber ein Fuͤrſt vnd Herꝛ Auffgang vnd beharꝛlichen Wolſtandt/ ſeiner/ mit groſſem Koſten in vollen- Kriegshandlungen/ Erſter Theil. vollendeten Baw/ ſtehender Feſtung: halt ich gaͤntzlich darfuͤr/ es ſolte neben andern guten Ordinantzen jhm hernachgeſetztes nicht abtraͤglich/ ſondern in viel Weg nuͤtzlich vnnd bequem er- ſcheinen.

Erſtlich/ ſo keiner in der Feſtung haußhabig/ vnd wonendt wirdt gelitten/ er ſey dann ein geſchworner Buͤrger: Wuͤrde deß vielen frembden Geſindt/ ſo allenthalben taͤglich herzufleuſſet/ vnd in der Feſtung anhaͤngt vnd kleben bleibt/ mit der Weiß we- niger. Gleichwol doch gnugſam Tagloͤhner vnd Arbeyter er- funden werden. Mag auch Kundtſchafft vnd viellerley Ver- raͤhterey ſich nicht ſo leichtlich/ wie ſonſt/ vnderſchleyffen.

XVI. Buͤrgerſchafft die beſte Gwardi.

AVß dieſen/ verſtehet den geſchwornen Buͤrgern/ (iſt muͤglich/ daß derer ein gut Theil/ wo nichtlang/ doch etwas in Kriegslaͤufften ſich verſucht haben) kan man eine Gewardi/ die nohttuͤrfftigen vnd gewoͤhnlichen Nacht vnnd Tagwachten zu verſehen/ ſo viel deſto ſicherer erwehlen: Wenn ſie hierzu in beſondern Eydt genommen/ vnd Monatlichen be- ſoldet werden. Jſt in Franckreich/ Jtalien vnd andern Natio- nen gebraͤuchlich: An welchen jhr gebuͤrliche Wachten gelanget/ richten dieſelbigen in jhrer Kriegsleut Kleydung vnnd Ruͤſtung auß: Die andern treiben dieweil/ biß jhn die Ordnung bringet/ jhr Haudtwerck vnnd Handthierung/ haben jhr Wehr an der Wandt in guter Ruhe hencken.

Warumb aber der Monatliche vnd jmmerwehrender Ab- wechſel der neuwen/ vnnd jmmer anderer Soldaten in etlichen Garniſounen/ vielen gefalle/ werden ſie auch jhre Vrſachen da- von anzuzeigen wiſſen: mein Vnverſtandt duͤnckt es nicht raht- ſam. Dañ da einer/ oder mehr ein zeitlang in einer Feſtung gele- Cgen/ Militaris Disciplinæ: oder gen/ aller Ort vnnd Gelegenheit/ wie jhn nur geluͤſtet/ warge- nommen/ alsdann/ wenns jhm geliebt/ abzeucht: Moͤcht er her- nach/ wenn er einem andern Herꝛn mit Eydt vnnd Pflicht ver- bunden/ vnd es demſelbigen zum beſten vnnd Vortheil annem- lich/ alles deſſen nach der laͤng/ vnd der geſagten Feſtung/ dariñ er vormals gelegen/ zu groſſem Nachtheil berichten. Were jhm auch nicht zu verdencken: Dann/ welchem Herꝛn er dienet/ dem iſt er ſein beſtes/ wo jhm muͤglich/ zu werben ſchuldig.

XVII. Dreyerley der Buͤrgerſchafft fuͤrnem- lich zuſtaͤndig. 1.

EJner Buͤrgerſchafft in jeder Feſtung/ gebuͤhret zu vorderſt ab/ daß ſie ſich mit guten Ruͤſtungen/ Spieſ- ſen/ langen Rohrn/ ꝛc. darauff jeder nach ſeinem Wol- vermuͤgen ſoll geordnet werden/ ſtaͤttig gefaßt machen. Daß ſie auch ſolche nicht wider vereuſſern/ verkauffen oder verderben laſſen/ behaͤlt ſie furchtſam/ da zum weuigſten Jahrs einmal Muſterung gehalten.

All naͤchtlich Geſchrey/ Jauchtzen/ Geſehnaͤrck vnd Vnwil- 2.len/ darunder mancherley Meuterey/ ja Verraͤhterey koͤndt an- gefangen/ vnd verſchlagen werden/ ſoll gaͤntzlich ſeyn verbotten/ vnd niemandt vngeſtrafft hingehen.

Jederm Faͤhnlein/ in die eine Buͤrgerſchafft iſt abgetheilt/ ſoll 3.ſein eygen Quartier/ dahin in Fewersnoͤhten oder andern Auff- laͤufften/ mit jrer Ruͤſtung vnd Wehr ſich zu verfuͤgen/ vnd wey- ter Beſcheidts zu erwarten/ beſtimpt vnnd angezeiget werden. Von weyter Ordnung der Buͤrgerſchafft folget allenthalben hernach/ da von Beſchickung der Feſtung geſagt wirdt/ darumb hie abgekuͤrtzt.

Mor- Kriegshandlungen/ Erſter Theil.
XVIII. Morgens Auffſchlieſſen vnd Tag- wacht.

MOrgens iſt nicht ehe auffzumachen/ es ſey denn/ wer im Feldt wandelt/ zu erkennen.

Die Tagwacht an jeder Pforten/ ſoll niemands Frembds/ zuvorab Reyſigen/ vngerechtfertigt/ ohn erkuͤndigt jh- res Namens/ in die Feſtung vergoͤnnen: dieſelbigen dem Ober- ſten Befehlhaber/ wie ſtarck/ vnd bey wem ſie zur Herberg eyn- kehren/ vermeldten.

XIX. Abendts zuſchlieſſen.

NAch Erachtung der Taglaͤng/ jeder Zeit im Jar/ ſoll die Feſtung bey rechter Zeit Abendts verſchloſſen wer- den: Doch nicht ehe/ man koͤnne dann einen Menſchen im Feldt nicht mehr erkennen. Vnd diß iſt geſagt von der Zeit/ wenn noch kein Feindt vorhanden.

XX. Schluͤſſel holen vnd wegtragen.

DJe Schluͤſſel ſollen durch den Wachtmeiſter/ Abends vnd Morgens beym Oberſten geholet/ vnd all- weg demſelbigen wider geliffert werden. Das ſicherſte/ vnnd ohn einigen Verdacht/ Verfaͤlſehung oder Abdruͤckung der Schluͤſſel (wie Anno 50. vngefaͤhr an bekandten Orten ge- ſchahe/ daruͤber vier geviertheilt worden/ deren Namen ich mit Fleiß vbergehe) moͤchte alſo vollnfuͤhret werden: Daß der Oberſter die Schluͤſſel in ein Kaͤſtlein beſchloſſen legete/ darzu er ſo viel gemeiner Schluͤſſel hette/ als geſchwohr- ne/ verordnete Schlieſſer der Pforten weren: Jener aber C ijjeder Militaris Disciplinæ: oder jeder beſonder ſeinen Schluͤſſel hette/ in/ ſampt mit auffzuma- chen/ in Gegenwaͤrtigkeit deß Wachtmeiſters/ die Haͤuptſchluͤſ- ſel zun Pforten zu langen. Wann dann die Pforten auff oder zu/ vberſchicken ſie dem Oberſten die Haͤuptſchluͤſſel/ im Kaͤſt- lein verwahret/ wider zu: mage der Oberſter zur Stundt be- ſchauwen/ ob die Schluͤſſel noch vnverletzt vnd alle vorhanden.

XXI. Feſtung zu Nacht oͤffnen/ nicht rahtſam.

FEſtungen aber vor rechter Zeit/ vnd Nachts oͤff- nen/ iſt ſehr voller Gefahr vnnd bedencklich: Soll ohne groſſe Erfoͤrderung der Noht/ vnd vmb leichter Vrſach willen nicht geſchehen. Were beſſer/ jhrer wenige ſchlieffen ein Nacht drauſſen/ dann die gantze Feſtung in Gefahr vnnd Noht gerahten ſolt. Ob es ſchon nicht nur einmal gluͤcklich zugienge/ hat doch die ſtaͤtte Gewohnheit viel vbels vber Vnbehutſamen gefuͤhret.

XXII. Vorraht an Frucht ein jeder Buͤr- ger zu haben.

GVt vnd ſehr nutz were es/ auff ein kuͤnfftige Be- laͤgerung/ derer man ſich jmmer zubefahren/ daß ein je- der Buͤrger fuͤr ſich ſelbſt etliche Frucht/ allzeit zum we- nigſten auff ein Jahr gerechnet/ im Vorraht bey ſich ligendt hette. Sintemal aber die Armen nicht deß Vermoͤgens/ muͤſſen die Reichen deſto mehr auffſchuͤtten/ jhnen in der Noht vmb Geldt vorzuſetzen. Koͤndten ſie allzeit die elteſte Frucht verbrau- chen oder verkauffen/ vnd die Zahl wider mit anderer newen erſe- tzen: Kriegshandlungen/ Erſter Theil. tzen: Daruͤber ſie jederzeit der Anzahl ein Verzeichnuß der O- berkeit/ ſich darnach zu richten/ vberreichen ſollen. Vnd ſo viel jetzt von den Feflungen/ da noch kein Feindt vorhanden/ in ge- mein.

XXIII. Auff Belaͤgerung/ wie ſich zu ruͤſten.

WEre man aber durch offene Abſag oder Feinds- brieffe (darvon wirdt vnden ein eygner Tittel folgen) oder durch gewiſſe Kundtſchafft (deren man nimmer/ vnangeſehen/ was Koſtens darauff lieffe/ mangeln ſoll) eines feindtlichen Vber zugs verwarnet oder vermuhtlich: ſoll Klein- muͤhtigkeit ferꝛn/ ab vnd hin ſeyn/ vnnd wie Hiskia der Koͤnig4. Reg. 19. Jſa. 35. thaͤt in ſeiner noht/ die Sachen erſtlich Gott heymgebracht vnd befohlen/ darnach die beſtelten Oberſten vnd Kriegsleut gemah- net werden/ eylendts gute/ kecke vnd muhtige/ keine vngeuͤbte/ o- der deß Schimpffs vngewohnete Knecht zu werben/ vnd in die Feſtung zu verſchaffen. Wer auch die Feſtung oder Statt deren weyte/ vnd zu gebrauchen von noͤhten/ Hofleute/ daß man auch etliche bey zeiten/ die wol geruͤſt/ zu wegen braͤchte.

Doch iſt hierin guter Fuͤrſichtigkeit noͤhtig/ darmit nicht zu viel/ noch zu wenig Volck in die Feſtung gefuͤhret werde. Wañ/ wie Mangel am Volck/ nicht alle ſtaͤtt vnd Plaͤtz/ vorm Feindt beſchirmen mag. Alſo auch/ da eine Statt oder Feſtung vber- menge?/ wirdt viel Proviandt/ daran man ſonſt bey rechter Zahl lange Zeit gnug hett/ der geſtalt mit dem vbrigen Volck vnnuͤtz- lich verſchwendet vnd vmbbracht: vñ moͤgen ſie die Belaͤgerung/ weil Hunger der Auffgebung geneigt/ in die Harꝛ nicht erley- den oder dulden. Entſtehet auch/ wo viel Leut an einem engen Ort bey einander verſchloſſen/ auß vielem Geſtanck/ deſto ehe vnvermeidliche Kranckheit vnd Sterben.

C iijSolte Militaris Disciplinæ: oder

Solte dann allererſt/ da der Feindt ſchon in der Belaͤgerung beharret/ der Fehl geſpuͤret/ vnd etliche derhalben außgeirieben werden/ wuͤrde der Feindt alſo deß Mangels jnnen/ vnd ſie haͤr- ter zu noͤhten/ auch vnleydlichere Mittel vorzuſchlagen/ geſtaͤr- cket vnd halßſtarrig: Jſt darumb allzeit/ wegen dieſes/ im An- fang zu bedencken vnd vorzukommen.

XXIV. Baͤume vnd alles vor der Statt wegraumen.

ETliche/ da ſie dieſes Backenſtreychs ſich beſor- gen/ hauwen alle Baͤume/ Zaͤune vnd Wilde/ zu nechſt vmb die Statt herumb/ auff dem Boden hinweg/ raͤu- men auch ſonſt alles/ was das Geſicht oder Außſehen hindern mag/ hindan: Ebenen vnd ziehen alle Graͤben (nicht die naͤchſt vmb die Statt/ zur Wehr gehoͤrig/ gehen) ſondern auſſen al- lenthalben/ alſo auch die holen tieffen Weg vnnd Straffen/ eyn. Brennen nicht allein die Vorſtaͤtte/ Baͤuw vnd Scheu- ren/ der Feſtung am nechſten gelegen/ dem Feindt allen Vor- theil vnnd Enthalt zu entwenden: Sondern auch die nechſten Doͤrffer in der Erden ab.

Hiergegen verziehen andere mit dieſem Abhauwen vnnd Brennen/ ꝛc. in Hoffnung/ es ſotle ſo arg nicht werden/ daß ſie es nicht bedoͤrffen/ biß jetzt der Feindt in einem Sprung ſie erreychet: Vertroͤſten ſich jhrer viel mit denen/ ſo ſolch Werck im Huy außrichten moͤgen.

Etliche/ die ohne das den Feindt vnnd ſeiner Macht nicht viel nachfragen/ laſſen Baͤume vnd alles vnverderbet bleiben. Wie ich ſelbſt/ im Jahr nach der gnadenreichen vnd ſeligma- chenden Geburt Chriſti 1550. in einer Statt/ Teutſches Landts/ Kriegshandlungen/ Erſter Theil. Landts/ darbey geweſen/ vnd geſchen/ welche ſagten: Hedden wi an den Boͤmen Foͤſtung genug gehat/ wi hedden den Wall nit gebowet: Komet he rede doͤrr die Boͤme/ de Duͤvel foͤhrt oͤhn druͤmme nit oͤver den Wall.

Dieſe Statt hatt alle Thor ſonſt offen: da hineyn alle Tag fuͤr Tagallerley zu Marckt gefuͤhret vnnd getragen wardt/ wie ſonſt zu andern Zeiten: Allein ein Thor gegen deß Feindts Laͤger war verſchloſſen/ nicht auß Furcht vor jhm: Sondern daß nicht etwan jemandts da auß oder eynlieſſe/ dem es nicht befohlen were.

Auff der andern Seyten deß Waſſers/ daruͤber der Feindt zu lauffen gebruͤckr hatte/ waren von den vnſern durch die Gar- ten/ vnd zwiſchen den Baͤumen Lauffgraben vnnd Vortheil gemacht/ darhinder die jenigen/ ſo im Feldt zu thun/ vor dem Vberfall der Feinde fliehen/ auch Kuͤhe/ Schafe/ vnd Gaͤn- ſe/ ſo taͤglich hienauß an die Weydt getrieben worden/ ſicher ſeyn moͤchten. Jn dieſen Lauffſchantzen war jm̃erdar eine Tag- wacht/ die vnwehrhafftigen zu entſetzen/ verordnet.

XXV. Baw vnd Wehren verbeſſern.

JEtzt iſt es Zeit/ daß an der Feſtung zu rings her- umb mit groſſer Fuͤrſorg vnnd allerſeyts Betrachtung/ kein Fleiß geſparet/ vnnd alle Ding nach Raht der Kriegsverſtaͤndigen/ wol beſichtiget werden: Damit das Mangel vnnd Breſthafftige/ in ſonderheit/ da man ſich deß Feindts am meinſten befahret/ ergaͤntzen/ vnd ſo viel die Eyl zulaſſen wil/ verbeſſert werden mag.

Die Graͤben voll Waſſers zu laſſen/ ſoll man nicht in Ver- geſſz ſtellen. Wo an der Feſtung etwan Luͤcken/ die nur mit einer ſchlech- Militaris Disciplinæ: oder ſchlechten Mauren verwahret weren: Hinderſchuͤtte man die- ſelbe Mauren mit Erden/ wie ein Wall/ oder mach hinder der erſten vnd alten Mauren ein Geriegel von Holtz/ wol in einan- der gefaſt vnd gezaͤpfft/ ſo breyt man gnugſam achtet: Solches werde außgefuͤllet mit Erden vnd Miſt/ mag darauff/ wie auff einem Wall geſchoſſen/ vnd ſich ſonſt zur Wehr geſtelt werden. Nach ſolcher Weiß werden offtkleine Flecken befeſtiget/ vnd lang vorm Feindt erhalten. Alſo moͤchten auch dieſe Luͤcken/ oder die hernach abgeſchoſſen/ zugemacht werden/ mit gefuͤllten Saͤcken/ wie vnden auch darvon ſteht. Jn Mangel dieſer Ding/ moͤchten Betth vnd Pfuͤlben das beſtthun. Oder: Noch eine Mauer/ etwa ein Schritt oder vier hinder der fordern/ moͤgẽ nit zugleich durchbrochen werden: Vnd muͤſte der Feindt/ da jhm vmb diß Ort ernſt iſt/ newe Arbeyt anfahen.

XXVI. Mancherley Gebrechen/ Verbeſſerung/ vnd Erſtattung in eine Feſtung gantz nohtwendig. Holtz im Vorraht.

DEnen es denn Ammptshalben gebuͤret/ ſollen in die Feſtung zum fuͤrderlichſten ein guten Vorraht an al- lerley Gattung Holtz/ jedes nach ſeiner Art dienlich/ be- ſtellen/ vnd hineyn fuͤhren laſſen: Als zu Bauwen/ Poſten/ zu Faſſen/ Wagen/ Felgen/ Speichen vnnd Nabenholtz/ Leytern/ Wagengeſtellen/ Holtz zu brennen/ Bier brauwen vnd backen. Ein merckliche Anzahl Fuder Kolen/ zum Schmidtwerck/ vnd allenthalben zu gebrauchen. Geſchnittene dicke eychene Bolen/ dem Geſchuͤtz mit vnder zu bruͤcken: auch ſonſt andere Dielen vnd Bretter/ bedarff man taͤglich zu bauwen vnnd vnderſchla- gen. Deß gleichen viel Zaͤunruhten/ vnd Stecken zu Schantz- koͤrben. Kriegshandlungen/ Erſter Theil. koͤrben. Holtz zu Laden oder Geſchuͤtz zu faſſen/ muß auch da ſeyn.

Es ſeyen nun in der Statt oder Feſtung/ entweder Moͤlen/Moͤlen. (welche ein Hertz ſeyndt in der Feſtung/ vnd ohne welche die Fe- ſtung keine Feſtung iſt) die dz Waſſer treibt/ Windt/ Roſſz oder Handtmoͤlen/ alle zugleich/ oder deren eine/ muß es ohn Vorraht zu denſelbigen/ ſo ſie im vollen Gang bleiben ſollen/ keines wegs mangeln. Derhalben beſtellt werden muß/ nach Anzahl der Moͤlen Gaͤng/ Steine zu Boden vnd Laͤuffern: Eychen Holtz zu allerley Wellen: Geſchnittene dicke Bolen/ zu Kammen oder Kopffraͤdern/ Armholtz zu denſelbigen: Alſo zu den Waſſerraͤ- dern Kruͤmling/ Anwellen/ Laſthen: vnd dieſes alles Eychen. Zu Knien/ Buͤchen Keylholtz: Schuͤtzbretter/ Eißbaͤum/ Bircken Boßholtz/ Kammenholtz muß Hagdoͤrnen oder Haynbuchen ſeyn/ Redeſtecken. Vnd ſonſt allerley Gattung Thannen Die- len zu Raͤdekaſten/ Loͤſekaſten/ Molterkaſten vnd Koͤrben/ dariñ mann oben die Frucht aufftraͤgt oder ſchuͤtt.

Jn vergeß iſt auch nicht zu ſtellen/ bey den Moͤlen vorraͤht- lich zu haben/ Haͤrintuch zu Redebeuteln/ Leynentuch/ dieſelbi- gen mit zu faſſen/ auch zu Saͤcken: Rederiemen an die Beutel/ Wannen/ Multern/ ꝛc.

Mehr muß die Moͤlen an Vorrhat verſehen ſeyn/ mit Stein- axten/ Picken/ Billn/ groſſen Schlagen/ Eck vnd Zugbanden/ groß vnd klein: Ring zu voͤrderſt an die groſſen Wellbaͤum: J- tem/ Zapffen. Dann wiewol man allweg das alte Eyſenwerck hierzu im Vorraht/ vnd wider zum beſten hat: So muͤſſen doch die Zapffen deſto mehr/ nach Anzahl der Wellen im Vorraht da ſeyn: Dieweil die nicht in der kleinen Schmitten/ ſondern in den groſſen Waldtſchmitten muͤſſen bereytet werden/ allein vornen/ ſo ſie etwas abgelauffen/ wider mit Stal auffs neuw erlegt. J- tem/ von gegoſſenem Ertz oder Glockenſpeiß Molpfannen/ da die Zapffen auſſen vnnd jnnen aufflauffen. Da die mangelten/ Doder Militaris Disciplinæ: oder oder zerbrochen/ vnnd keine andere ſo baldt vorhanden/ braͤchte am Malen groſſe Verſaͤumnuß. Dieſe Moͤlpfannen/ ſollen in eine Form/ vñ gleicher Groͤſſe gegoſſen werden/ ſonſt muͤſte man allemal/ ein andere neuwe Pfannen/ auffs neuwe/ da ſie liegen ſolte/ eynhauwen.

XXVII. Zeughauß/ ꝛc.

JNs Zeughauß gehoͤren neben dem Oberſten Ar- talareymeiſter/ fuͤrnemlich ein erfahrner wolverſuchter Zeugmeiſter/ Zeugwaͤrter/ Zeugfchreiber/ Geſchirꝛmei- ſter/ Gieſſer/ nicht allein geſchickte kunſtreiche/ ſondern kecke Bůchſenmeiſter/ nicht/ die allein Luſtfeuwer koͤnnen machen: es muͤſſen ſeyn/ die vorm Feindt zu hanthieren wiſſen/ nicht Huͤmpler/ Schreyer/ da nichts denn Wort hinder ſeynd/ Hand- reycher/ Schloſſer/ Huffſchmitt/ Zimmerleut/ Wagner/ ꝛc. Welcher/ vnd ein jeglicher ſoll wiſſen/ beſſer dann ich jhm allhie fuͤrſchreiben darff oder kan/ was ſeinem Ampt eygentlich zuſtaͤn- dig. Jnſonderheit aber ziemet einem Artalarey vnd Zeugmei- ſter/ eygentlich vnd Wiſſenſchafft zutragen/ wie manch Stuͤck oder Geſchuͤtz/ groß vnd klein/ vnnd wie viel jedes Gattung in ſonderheit/ nichts außbeſcheiden/ in der Feſtung ſey. Jtem/ wie ſchwehr Eyſen/ Bley oder Pulver/ jeder Schuß auff jedes Stuͤck verbraucht werde. Soll darnach ein Zeugſchreiber/ ſich nicht lan verdrieſſen/ ſolches zu verzeichnen. Mag er darauß/ wie viel Kugeln vnnd Eyſen/ oder Bley wochentlich auff jede Gattung/ vnd in ſonderheit/ alſo auch auff Hackenſchuͤtzen/ vnd in Summa auff alles gehen moͤchte/ Schrifftlich anmercken/ vnd zu Regiſter bringen: Mag man ſich darnach kuͤnfftig mit dem taͤglichen Schieſſen ordentlicher verhalten.

Geſchůtz Kriegshandlungen/ Erſter Theil.
XXV III. Geſchuͤtz vnd anders auff die Weh- ren zu ordnen.

FVrſichtiglich/ vnnd nicht ohn zeitigen wolbe- dachten Raht/ pflegt ein Herꝛ durch ſeinen Oberſten Ar- talarey vnd Zeugmeiſter/ daß Geſchůtz groß vnnd klein in die Feſtung/ nach Erforderung jeders Orts Nohtturfft vnd Gelegenheit/ außzutheilen vnd fuͤhren. Auff die groſſen Ber- ge vnd Rundel oder Paſteyen/ die groſſen Haͤuptſtuͤck/ Quar- taunen vnd Schlangen/ ꝛc. jedes beſonder mit ſeiner Zugehoͤ- rung/ als Kugeln/ Pulver/ Ladtſchauffeln/ Ladt oder Setzkol- ben/ Wiſchern/ ꝛc.

Darnach auff die langen Wehren/ zwiſchen den Bergen/ an- der kleine Stuͤcklein/ oder wo man ſich beduͤncken laͤſt/ dem Feindt mit abzubrechen ſeye. Zu oberſt auff den Bruſtwehren/ je zwiſchen zweyen Duppelhacken oder Serpenteinlein ſeinen Morgenſtern ſtellen/ Vnnd alſo jmmer rings vmb einander: Hat man ſie in Erheiſchung der Noht/ ſo viel deſto bereytſamer bey der Handt. Die Engliſchen Barten (wie hie verzeichnet) deuchten mich auch nicht vndienlich ſeyn. Dann man kan nicht ſtechen/ ſchlagen mit der Spitzen auff der Seytẽ/ durch Sturm- hut vnd anders: Darzu mit der Scharffen oben herumb gebo- genen Seyten vnd Hacken/ zu ſich ziehen/ vnd die Spieß mit abbrechen. Hab ich in einem Sturm ſelbſt geſehen/ daß ſie alſoAnno 48. gebraucht/ vnnd groſſer Schaden mit gethan worden: Dann von vier Faͤhnlein Frantzoſen vnd etlichen Teutſchen/ ſo in der Nacht mit jhnen zum Sturm kommen/ nicht einen gantzen Lan- gen Spieß darvon brachten/ ohne was ſonſten an jhren Leuten/ vnd derer vber viertzig/ allein vom Adel/ erlagen.

D ijVnnoͤh- Militaris Disciplinæ: oder
XXIX. Vnnoͤhtig Schieſſen auß der Feſtung zu meyden.

AVch iſt ſich zu hůten/ daß man nicht erſtlich/ ſo der Feindt die Feſtung belaͤgert/ als wolte man ſich keck vnnd vnerſchrocken erzeigen/ viel grewlichs/ vnnoͤhtigs/ vñ ſonſt vngewiſſes Platzens treibe/ darmit doch nichts fruchtbarliches außgericht wirdt. Wann dem Herꝛn/ welchem deß Kriegs Auß- gang noch verborgen/ iſt auff dieſe Weiß nichts mit gedienet: Sondern die Feſtung wirdt der geſtalt an Kraut vnd Loth ent- bloͤſſet: Vnd eherechter Zeit/ vnd ehe man es ſich verſihet/ iſt der Mangelan allen beyden.

Vor ein feſt Hauß bin ich/ Anno 53. mit gezogen/ vnd es be- ☞laͤgern helffen/ gienge die warhafftige Sag von Landtleuten/ vnd denen/ ſo vor der Belaͤgerung droben geweſen: Daß ſie an Kraut vnd Loth ein ſolchen Vberfluß/ vnd dannenher zwey Jar lang/ taͤglich in drey hundert Schuͤß groß vnd klein thun koͤnd- ten. Solches war deſto mehr glaͤublich/ weil ſie vom Hauß/ als wir erſt darvor kommen/ nicht ſchoſſen/ ſondern donnerten vnnd Fewer ſpeyeten/ ohn vnderlaß. Solcher Trotz vnd Stoltz aber war jhnen/ ehe das halbe Jahr heruͤmb/ ſchon vnd eben vergan- gen. Dann ſie nach mals nicht mehr Pulver/ Tags zu verſchieſ- ſen/ denn ſie Nachts davor gemacht/ hatten. Vnd wie ſie biß in vierdthalben Monat/ vor jhrer Ergebung Kleyen Brodt aſſen/ vnd keinen Wein truncken/ ohn/ wann Gefangene hinauff kom- men (wie mir ein glaubwuͤrdiger fuͤrnemmer Kriegsmañ/ ſo da- mals mit droben gelegen/ geſagt) muſten ſie darzu jr Puluermoͤ- lẽ muͤſſig ſtehen laſſen/ weil ſie von einem Berg/ der ſie vberhoͤhet/ vnd drey doppel Karthaunen/ meinſttheil von Schantzbauwern hinnauff gezogen/ vnnd ſonſten ſchlims vber die Mauren vnd Wehr hinneyn/ darauß geſchoſſen worden.

Die Kriegshandlungen/ Erſter Theil.
XXX. Die Vnbewehrten zu ſtaffirn.

VNbewehrt Volck in die Feſtung zu fůhren/ ſoll/ ſo viel moͤglich/ vermietten werden. Doch/ da daran der Mangel ſich erhielte/ muß daſſelbige auß deß Herꝛn Ruͤſtkammer/ welchem das Hauß oder Feſtung zuſtaͤndig/ er- ſetzt werden. Hierumb ſoll auch nimmermehr eines Fuͤrſten vnd Herꝛn/ ſein Zeug oder Ruͤſthauß ſo ledig bleiben/ daß nicht fein ſauber/ rein vnd fett gehalten/ darinnen ſtaͤts zu finden ſeyen/ wo nicht viel tauſendt/ doch etliche hundert Harniſch oder Ruͤſtung mit Sturmhuͤten/ langen Achſeln vnd Beintaſchen/ Pantzern/ vnd Stuͤrmhuͤte fuͤr die Hackenſchuͤtzen: eine merckliche Anzahl guter gewiſſer/ beſchoſſener langer Handtrohr/ jedes mit einem Feuwer vnd Schwam̃ſchloß/ ſampt zugehoͤrenden Zuͤndt vnd Pulverflaſchen/ Formen/ Kraͤtzern/ ꝛc. Jtem/ bey mehr dann ein tauſendt (zum wenigſten) Lange Spieß/ daran Eyſen mit langen Feddern geſchlagen/ damit nicht die Spieß im Sturm leicht abgehauwen/ oder geſchlagen moͤgen werden: Federſpieß/ Moͤrgenſtern/ Engliſche Beyl/ wie oben gemeldt/ eyſerne Floͤ- gel/ vnd dergleichen kurtzer Wehren nicht wenig.

XXXI. Stattvolcks Wehr vnd Jnſtrument zum Bauwen dienlich/ zu beſehen.

BEy dem Stattvolck iſt ſich auch zu erkuͤndigen/ was ein jeder an dieſen oder jenen Wehren/ mehr dann fuͤr ſeinen Leib zu gebrauchen/ in Haͤuſern hette. Dar- mit man auch je zu zeiten etliche bewehren moͤchte: Schadet auch nicht/ ſo man die Buͤrger/ was jeder vber ſeine Nohtturfft het- te/ an Exten/ Picken/ Hauwen oder Hacken/ Schuͤpffen oder D iijderglei- Militaris Disciplinæ: oder dergleichen Jnſtrumenten/ neben Muͤlten/ Wannen/ lieſſe zu- ſammen in eygen gewiß Hauß tragen. Da ja der andern im Zeughauß zerriñen wuͤrden/ dieſe behendt zu finden weren. Wie nun jeder das ſeine auffſchreiben lieſſe/ moͤchte er es/ wann der Feindt abzoͤge/ wider/ oder fuͤr das ſo da mangelt/ gebuͤhrliche Bezahlung empfahen.

XXXII. Proviandt der Feſtung/ ſo man zuhalten gedenckt/ am meinſten noͤhtig.

ALle Feſtung/ ſtarcker Baw/ vnd ander Ruͤſtung/ wuͤrde wenig vortraͤglich/ da nicht auch wuͤrde Speiß vnd Tranck vorhanden ſeyn. Deßwegen dem Proviandtmei- ſter wil von noͤhten ſeyn/ wie viel Perſonen/ groß vnnd klein/ vberhaupt ſchon in der Feſtung/ zu erforſchen/ auch was noch daruͤber hineyn kommen werde oder moͤcht. Letztlich zu beſchrie- bener gewiſſer Zahl noch etliche hundert vngewiſſe zulegen/ vnd Summa machen: Alsdannn mag er ſehen/ was taͤglich an Fleiſch/ Korn oder Mehl/ Weytzen/ Brodt/ ꝛc. (dann jedem ſein gewiſſe Gewicht vnd Zahl zu reychen iſt) alſo ein Wochen/ Monat oder Jahr auffgehen wolte. Gleicher geſtalt mit Auß- rechnung/ Wein/ Bier/ darnach mit der Brawfrucht/ Maltz/ Hopffen/ ꝛc. gebuͤren. Wolte es mit dem Fruchtmalẽ etwas eyn- gezogener werden/ were der Gerſten zu maͤltzen abzubrechen/ vnnd ins Backhauß zu wenden/ koͤndte man je auch beſſer mit den Gaͤnſen trincken dann eſſen. Wirdt alſo viel Proviandt/ wie viel auff die vngewiſſe zugelegt Zahl Volcks gerechnet/ an den andern/ ſo da ſeynd/ geſparet.

Habern vor die Reyſſigen vnd andere Pferde/ muß nicht auß dem Regiſter bleiben.

Ruͤchen- ſpeiß.

Gruͤtz/ geſchelte Gerſten/ Erbeis/ Bonen/ Linſen/ ſeyndt als Koͤch- Kriegshandlungen/ Erſter Theil. Koͤchſal/ die wenig Brodt bedoͤrffen: Auch wol ohn Brodt/ wie auch Rindtslebern/ geſaltzen vnd gedoͤrret Rindtfleiſch/ wol oh- ne Brodt geſſen moͤgen werden/ ſollen fuͤrnemlich da ſeyn.

Platteyſen/ Stockfiſch/ Hering/ nach Gelegenheit der ZeitFiſchwerck im Jar (doch koͤnnen die Hering in Kellern zur Noht im Som- mer behalten werden) ſampt viel Butter/ Speck/ Kaͤß/ ſindt in ſolchen Noͤhten troͤſtlich.

Saltz/ die edelſte vnnd beſte Wuͤrtz/ iſt in keinen weg zuSaltz. vergeſſen. Mehr Proviandt/ Speiſe/ Wuͤrtz/ mage ein fuͤrſichtiger/ kluger vnnd nachdenckender Proviandtmeiſter ſelbſt verſehen.

XXXIII. Sparſam in Beſatzung leben/ nutzt: Taͤgliche Fůllerey ſchadet viel.

GEſetzt/ es ſeye alles Dings/ nicht ein Noht- turfft/ ſondern Vberfluß (wie es ſich anſehen laͤſt) vor- handen: Jſt doch darauff zu ſchauwen/ daß man nicht anfangs zu viel taͤglich auffgehen laſſe/ vergeblich vergeude/ vnnd von dem Schlemmer ſinge: Sonſt wuͤrde (weil man der Entſetzung vngewiß) zu beſorgen/ die Faßnacht wuͤrde nicht ſo lang/ wie hernach die Faſten/ wehren.

Hefftige Karckheit vnd ſtuͤmfflicher Abbruch/ ſoll darneben auch nicht ſeyn/ ſonſt macht es das Volck bey vnablaͤſſiger Ge- fahr vnnd Arbeyt vnwillig vnnd verdroſſen: Dann Vber- fluß/ Mangel vnnd Hunger/ ſeyndt beyde Vrſach vieles Vn- rahts vnd Kranckheit. Jſt auch zehenmal beſſer/ nach verrich- tem vnnd geendetem Krieg ſey noch vberig/ dann in wehren- der Feindtſchafft Hunger vnnd Kummer leyden: Welche alle bitterer vnnd aͤrger ſeyndt in der Feſtung/ vnd ſie heff- tiger ſtůrmet/ vnnd zur Rachtung dringet/ dann der Feindt Militaris Disciplinæ: oder Feindt drauſſen/ der ſie hat belaͤgert. Solches mag gute Ord- nung allerſeyt verhuͤten.

XXXIV. Proviandt in der Buͤrger Haͤuſer.

DJe vorige auffgezeichnete Proviandt wird auch gemehret/ vnd mehr zu ruͤck ſparen. Was die Eynwoh- ner der Feſtung in Haͤuſern fuͤr ſich/ jr Weib vnd Kindt/ vnd Haußgeſindt beſtellet: ob man es denſelbigen nicht auß jh- rem Gewalt weg nimpt/ iſt es doch gut/ daß man es wiſſe/ vnnd jhnen auch vnnuͤtz verſchwenden zu meiden/ vnd erſagen.

XXXV. Vom Landt in die Statt fuͤhren.

AVß den nechſtgelegenen Flecken vnnd Doͤrffern/ wann der Feindt nunmehr nahe herzuruͤckt/ alles was an Korn/ Habern/ Hauw/ Stroh/ Fleiſch/ Brodt/ Mehl/ Vieh/ eylendts nach der Feſtung zu fuͤhren vnd treiben/ kan man damit auch ſich ein Zeit etwas auffhalten.

XXXVI. Monatliche Bezahlung/ vnnd wie die vorzunemmen.

MOnatliche Bezahlung erhelt bey dem Kriegs- volck guten Willen/ vnd zu aller Gefahr fertig vnd be- reyt. Vnd damit kein Gebrechen Geldt entſtehen moͤch- te/ mache man Geldt von Kupffer oder Meſſing/ darfuͤr alles in der Statt zuwegen zubringen. Hernach/ ſo Gott Gnad gibt/ daß der Feindt abzeucht/ vnd der Krieg ſein Endtſchafft gewon- nen: Kriegshandlungen/ Erſter Theil. nen: wechſelt man jederm beſonder ſolche Kuͤpfferne oder Meſ- ſing Entſcheidung/ mit gutem Geldt/ in dem Wehrt/ vnd ſo thewer/ ſie es vorhin nemmen muͤſſen/ widerumb ab/ vnd hat ſich niemandt vber etwas zu beklagen.

XXXVII. Damit am Waſſer kein Mangel ſey.

WEil es mehr dann gewiß/ daß ein Feindt den nechſten/ ſo er vor ein Hauß oder Feſtung ſein Laͤger ge- ſchlagen/ ſchauwet/ wo den Belaͤgerten die Trencken/ Bruñen/ oder ander Waſſer abzuſtricken vñ abzugraben ſeyen. Kan man/ ſo grab man in der Statt/ da vermuhtlich/ Waſſer zu finden/ newe Nohtbrunnen. Faſſe auch (in ſonderheit/ wo kei- ne Ciſternen ſindt) das herabfallende Regenwaſſer allenthal- ben auff. Jſt es/ ſo die Tage nicht zu gar heiß/ gut vnd nutz zu gebrauchen.

XXXVIII. Meuterey vnd Zwytracht zeitlich in der Feſtung abzuſchaffen vnnd zu ſtraffen.

SO baldt nun der Feindt vor handen/ die Pfor- ten zu/ vnd die Feſtung beſchloſſen/ iſt faſt am meinſten Theil das Statt vnd Haußregiment gefallen/ vnd nicht geringe Veraͤnderung vorhanden. Derhalben gut Regiment vnd Ordnung/ den Buͤrgern vnd Kriegsvolck von noͤhten/ wañ ſie zu gleichem Glůck ſich bey einander begeben/ vnnd es mitein- ander heben vnd legen můſſen/ ſich wol vnd freundtlich zuſam̃en betragen/ ernſtlich anzeigen/ vnd bey endtlicher Peen zu gebieten: Daß nemlich die Buͤrger dem eyngelegten Kriegsvolck/ das Kriegsvolck den Buͤrgern kein Vrſach zu Zanck vnd Widerwil- Elen ge- Militaris Disciplinæ: oder len geben. Sonſt wo man an zweyen Hauffen/ zuvorab an ſol- chen Enden/ wie das Sprůchwort lautet/ reitet/ laͤſt oder thut offt ein Theil dem andern zu trutz vnd verdrieß/ das es thun oder laſſen ſolte. Solche Meutmacher vnnd Schnarcker aber/ da ſie betretten/ auff friſcher Taht/ warhafftig oder gnugſam vberzeu- get/ ſeynd maͤnniglich zum Exempel vñ Abſchew/ Jnhalt deß Ar- ticulsbrieffs vnnachlaͤſſig zuſtraffen.

Nota.

Auſſerhalb der Malefitziſchen Haͤndel/ richt viel auß bey den Belaͤgerten/ ſie zur Gedult vnd Gutwilligkeit zubewegen/ auch dariñ zu erhalten: Da die in Emptern/ zu vorderſt aber der O- berſt Verwalter/ gegen ſie (die Belaͤgerten) holdtſelig geber- den/ ſie freundtlich anſprechen/ ein gut keck Hertz eynreden/ vnd Gottes gnaͤdigen Beyſtandts/ auch der baldtkuͤnfftigen gewiſ- ſen Entſetzung/ vertroͤſten.

XXXIX. Merck.

ERhebt ſich ein Lermen oder Feuwersnoht/ am Tag oder in der Nacht/ ſollen die Buͤrger ſo wol als die Kriegsleut/ vnd das Kriegsvolck ſo wol als die Buͤrger/ ein jeglicher ſich an das beſtimpte Quartier vnd Endt/ zum aller eylendeſten verfůgen: Die zu leſchen beſcheiden/ ſo wol als die andern zum wehren.

Kein Ort iſt ſo wol erbawet/ oder wehrlich/ daß man ohn gnug- ſamen Zuſatz vnd Verwahrung wolt ledig laſſen: So doch auch die ſchwaͤchſten oder vnwehrhafftigſten Orter an der Feſtung am ſtaͤrckeſten zu beſetzen vnd zu bewachen.

Tag vñ Nacht ſoll ein fleiſſige vnd gnug ſtarcke Wacht/ auff die Wehr nicht allein/ ſondern auch an die Pforten gefuͤhret/ dieſelbige/ wie gewoͤhnlich/ mit einer Loſung verſehen/ vnnd auch ſtaͤtts begangen/ vnd beſichtiget werden: mit ernſtem Be- fehl/ Kriegshandlungen/ Erſter Theil. fehl/ Verraͤhterey zu vermeyden/ niemandt ohne Vorwiſſen deß Oberſten in die Feſtung zu nemmen/ viel weniger ein Per- ſon hinauß laſſen. Alle Brieff vnd Schreiben/ ob derer kaͤmen/ dem Oberſten zur Stundt/ zuerbrechen/ vberſenden.

Bey geringer Beſatzung mag man dem Feindt/ als ob ſie ſehr ſtarck/ vnd mehr dann einerley Volck darinnen ſeyen/ ein Naſen machen: So ein Trummenſchlaͤger iſt/ der ein Wacht auff vnd ab fůhren/ oder Scharwacht thun ſoll/ den ſtreich/ jetzt Oberlaͤn- diſch/ dann Niderlaͤndiſch/ Spaniſch/ ꝛc. veraͤndert.

XL. Nicht ein jeder ſoll Sprach halten/ oder vnnůtz Geſpey treiben.

NJemandt/ ohne der Oberſt/ oder wer von jhm darzu abgeſendet/ ſoll mit den Feinden heimlich oder oͤf- fentlich Sprach halten: bey Leibſtraff.

Vnnuͤtz Geſpey/ Blerren vnd Geſchrey oder Verrachtung/ die kein gut thun/ ſollen die Belaͤgerten gegen dem Feindt/ mit nichten treiben/ wie etlich viel vnd Grobewaͤſcher im Brauch ha- ben/ damit ſie woͤllen fuͤr andern geruͤhmt ſeyn/ bey hoher Straff vermeyden. Dann es fall auff welchen Weg es woͤlle/ zur Er- oberung oder Ergebung/ bekoͤmpt es denen in der Beſatzung nicht zum beſten: Ein Oberkeit ſoll es/ da es geſchehen/ mit Ernſt abſchaffen.

XLI. Thurnwaͤchter.

DJe Wacht auff dem hoͤchſten Thurn der Statt oder Feſtung/ wol vnd weyt vmb ſich zu ſchauwen/ iſt zu keiner Zeit vnfruchtbar geweſen. Dann ſie kan da E ijdannen Militaris Disciplinæ: oder dannen beſſer/ eygentlicher vnd gewiſſer Kundtſchafft/ denn al- le andere Wachten/ vom Feindt eynnemmen/ was der vor hat/ oder anfaͤhet. Vnd ſoll deſſelbigen Zukunfft zu Stuͤrmen oder ſonſten/ deß Tags mit einem weiſſen außgeſteckten Fahnen/ ge- gen jm dem Feindt/ Nachts mit einer brennenden Fackeln/ neben dem Hornblaſen vermeldẽ. Das auffgehende Fewer aber neben dem Blaſen/ zeigen/ wo/ oder auff welcher Seyten es ſich erhal- te: Tags mit einem rohten Faͤhnlein/ deß Nachts mit einem außgehenckten Liecht in einer Laternen.

XLII. Vom Feuwer.

DAs Feuwer in Haͤuſern vnd allerwegen iſt gantz ſorgfaͤltig zu bewahren/ vnd wol darmit zu zuſehen. Auff daß nicht/ ſo man Schaden zu verhuͤten/ dem Feuwer/ es zu leſchen zu lieffe/ den Feindt/ der an andern Orten/ deſto ehe vielleicht anfallen/ moͤchte kein oder geringer Wider ſtandt ge- ſchehen.

Vmb Feuwers noht halben/ vnd es bequemlicher zu daͤmpf- fen vnd zu leſchen: Sollen auch alle/ vnd jeder beſonder/ vor vnd in ſeinem Loſament Faͤſſer vnd ander Geſchirꝛ voll Waſſer ſte- hen haben.

Jngeſchoſſen Feuwer oder Feuwerkugeln pfleget man mit naſſen Tuͤcher oder Haͤuten zu tilgen vñ zu leſchen. Wo man ſie aber erreychen kan/ oder Kugeln auff die Gaſſen/ oder auff einen Boden fielen/ ſindt ſie mit darauffgeſchuͤttem Sandt zu daͤmpf- fen/ daß ſie außgehen/ vnd keinen Schaden mehr thun.

XLIII. Kundtſchafft auß der Feſtung zu ſenden.

KVndtſchafft/ wie es vmb deß Feindts Vorhaben drauſſen bewandt/ auch Wiſſenſchafft von verſprochener Entſe- Kriegshandlungen/ Erſter Theil. Entſetzung zu bekommen/ iſt noͤhtig abzufertigen/ vnd ſolche zu verrichten/ beſtaͤndigen/ vñ nicht leichtfertigen/ ſchwaͤtzigen Leu- ten zu vertrauwen. Vnd ſollen dieſelbigen gegen Nacht/ auß der Feſtung gelaſſen werden/ mit dem Anhang: Fuͤrſichtig zu ſeyn: daß ſie nicht in der Feinde Wacht vnd jhre Haͤnde kommen/ vnd alſo allen Beſcheidt/ wie ſie in der Feſtung ſich verhielten/ ge- zwungen muͤſten von ſich geben.

Gluͤckt es nun den Abgeſandten/ jhre befohlene Geſchaͤfft/ wie ſie gewuͤndſcht/ zu vollenden: Jſt auff jhren muͤndlichen Be- richt/ ohne Schrifftliche Vrkunden/ darůmb eben nicht Eyd zu ſchweren/ ſondern nach allen Vmbſtaͤnden weißlich vnd wol zu erwegen/ woher/ vnd von wem ſie die Antwort/ diß vnd jenes an- zuzeigen/ bekommen: Vnd ſolche Leut wider vñ widerumb/ jetzt von dieſem/ dann von jenem erfragen/ vnnd mercken/ ob ſich die letztẽ Reden auch mit den erſtẽ vergleichen: Damit nit alſo mehr dem Feindt/ dem dieſe vielleicht auch gewogen weren/ denn denen in der Beſatzung Vorſchub vnd Foͤrderung geſchehe.

Jn Kundtſchafften hin vnd wider zu ſchicken/ ſoll doch/ ſo vielMercke. muͤglich/ Schrifft vermitten/ ſondern muͤndtlich verrichtet wer- den. Soll es aber/ vnd muß verſchloſſen/ vnd mit Briefen ge- ſchehen/ ſoll man verborgene Schrifften gebrauchen/ die man weiß/ daß daſelbſt/ da ſie hinkommen ſollen/ etliche ſeyn/ die ſie leſen koͤnnen.

XLIV. Waſſer auffſchwellen.

BEgibt es ſich/ daß der Feindt etwas ſich vnder- ſtehet/ gegen die Feſtung/ an dem Endt vorzunemmen/ das eben Feldt/ vnd da das Waſſer/ ſo durch die Statt oder Feſtung/ oder hart dran hinrinnet/ wenn es ſonſt fluͤtig iſt/ vberſchwemmet. Jſt jhm alſo zuthun: daß man ob der Bruͤcken/ E iijſo ſie Militaris Disciplinæ: oder ſo ſie ſtarck gnug/ die Bogen/ biß ohn einen/ zuthaͤm̃e/ damit das Waſſer die Bruͤcken nit vmbſtoſſe. Ober wo es ſonſt am beſten gelegen/ vñ ſich ſchicken oder thun laſſen wil/ der tieffen deß Waſ- ſers gemaͤß/ lange Hoͤltzer/ oder lange Pfaͤl eynſchlage/ vnnd hineyn ſtelle/ das erſte dachhellig mit dem Waſſer/ vnd das an- der ſtrebe gegen diß Holtz/ vnd das Waſſer/ das ſie oben alle beyd wie ein Dach gebunden vnd gefaßtwerden moͤgen. Vnnd alſo wider andere vnnd andere/ kaum Schuchs breyt von einander/ ſo breyt vnd weyt es von noͤhten/ vnnd denn oben her mit langen Stangen feſt zuſammen faſſen vnd hefften. Mag man erſtlich mit Reiſſern vnd Buͤſchen/ darnach mit Miſt einen Tham̃ ma- chen/ vnd das Waſſer ſchuͤtzen/ laͤufft es dann auff/ fleuſt auß/ vnnd verhindert den Feindt an ſeinem Handel/ denn er vor- hat oder vermeynet zu machen. Man mag dieſer Thaͤmm ei- nen oder mehr/ welcher ſich ſchicken wil/ oder alle beyde zu- gleich zurichten.

XLV. Waſſer offen zu behalten/ vnnd zu eyſſen.

FJſchſchmaltz/ Thran/ oder wie es an etlichen Enden genennet Sahlfett/ auff das Waſſer im Graben geſchůttet/ ſoll daſſelbig offen behalten/ daß es nicht ge- friere. Alſo auch Gebrendter Wein ſoll wie das Fett oben ſchwimmen/ vnd das Waſſer fuͤr Vberfrieren behalten. Jch ha- be es nicht geſehen/ daß alſo ſeye/ wer wolt moͤchts verſuchen.

Eyſſen.

Gefreuret aber der Grabe oder ander Waſſer/ vmb die/ oder neben der Feſtung ſo ſtarck/ daß ein Mann mag ertragen: Soll das Eyß der Laͤnge nach/ zum wenigſten in der mitte/ einer Klaff- tern weyt auffgehauwen werden/ ſo offt es von noͤhten.

Wer Kriegshandlungen/ Erſter Theil.

Wer flieſſendes Waſſer zwiſchen den Feſtungen/ kan derWaſſer zer ſchlieſſen. Fluß mit einer Ketten zugeſchloſſen werden/ die an einem Endt angeſchloſſen/ vnd am andern mit einem Haſpel oder Winden/ auff vnd nider gelaſſen wirdt/ wann man wil. Were es aber ein breyter Fluß/ ſtecke man zwiſchen oder an die Ketten Hoͤltzer oder Bretter in der Mitte/ die bleiben ligen/ vnnd faͤllet die Kette an beyden Enden nider/ wanns noht thut.

XLVI. Vndergraben/ vnd wobey zu er- kennen.

TRockene Graͤben/ Jtem Berghaͤuſer/ die ſon- ſten nicht wol mit dem Sturm/ oder wol gar nicht zu er- obern/ werden vielmal vndergraben/ vnnd geſprenget. Derwegen die in dergleichen Feſtungen belegt/ vnnd ſich Vn- dergrabens beſorgen/ ſollen wol acht haben/ ob auch ſonſten auſſerhalb/ oder neben den andern Schantzen die Erden mehr/ dann die auffgeworffenen Schantzen erfordern/ angefuͤhret wer- de. Welches deß Vndergrabens gewiſſe Merckzeichen zu ſeyn pflegen. Jtem/ gegen der auffgeworffenen Erden vber/ jnwen- dig der Feſtung/ ſetze man ein Becke mit Waſſer/ oder ein Glaß/ darinn eine Schellen. Je naͤher ſie dann ſindt zur Feſtung/ je mehr bewegt ſich das Waſſer im Becken/ oder die Schelle im Glaß. Der Becken mit Waſſer vnnd Glaͤſer ſetze man etwan mehr dann eins: Welches dann ſich bewegt/ iſt ein gewiß Zei- ehen/ daß daher vndergraben werde. So man Nachts/ wanns ſtill iſt/ ſich mit einem Ohr auff eine bloſſe Wehr oder Eyſen le- get/ da man vermuhtet/ daß der Feindt grabe/ wirdt das Klopf- fen vnd Hauwen als von ferꝛnen gehoͤret.

Von jnnen her auch/ ſo es die Gelegenheit/ Vortheil vñ dazu gehoͤrige Materyen vnd Arbeyter geben woͤllen/ mag man entge- gen gra- Militaris Disciplinæ: oder gen graben/ mit eyngeſetztem Feuwerwerck oder Geſtanck/ alſo mit der Fauſt die Feindt vnd Arbeiter zu ruͤck treiben.

XLVII. Außfall vnd Scharmuͤtzeln.

HJenauß fallen/ den Feinden ein Lermen machen/ vnd ſcharmuͤtzeln/ acht ich denẽ in der Feſtung/ ohne merck- liche Vrſach/ als daß vnder deß etliche auß der Feſtung hie- nauß/ oder dariñ kommen koͤndten/ in groß bedencken/ vnd nicht leicht vorzunemmen/ denn zu beſorgen/ es moͤchten jhrer weni- ger werden. Were es aber zu thun/ vnd denen am Graben vnnd ſonſten ein Lermen zu machen/ daß auch die Widerkahr zur Fe- ſtung jn nicht verlegt wuͤrde/ an einem beſondern Ort/ vnd durch ein eygnen darzu beſtellten Hauffen/ in der Feindt Schantz zu fallen ſeyn/ die Wacht/ was antroffen wirdt/ darinn nider zu ſtechen/ in das Geſchuͤtz lange ſtaͤhling Naͤgel in die Zuͤndtloͤcher zu ſchlagen: laͤſt ſich der Stahl ſo leicht nit wider außboren: Sie koͤnnen auch das Geſchuͤtz nicht baldt wider brauchen.

Faͤſſer voll Menſchenkoth/ mit vnd in die Schantz gefuͤhret/ die Reyff abgehauwen/ vnd alſo liegen laſſen/ vervnreynigt alles/ ſo der Quat bereychet: haben auch ein zeitlang zu thun/ das Ort wider zuſaͤubern vnd raͤumen. Jn deß mag jhnen ein ander her- her/ daß ſie ſehen/ daß auch Leut in der Feſtung ſeyen/ gemacht werden.

XLVIII. Bauwen in der Feſtung.

WEre in der Feſtung Holtz vnd ander Ding/ dar- mit zu bauwen/ nicht vorhanden/ wirdt ſolches auß vnd von den nechſtgelegenen Haͤuſern/ daſelbſt hinauff vnd hinuͤber Kriegshandlungen/ Erſter Theil. hinuͤber eine Bruͤcken gehen ſoll/ gelanget/ vnd wo/ vnd was man darzu dienlich findet. Da auch auff die Wehren zu kommen in Eyl/ nach Vortheil nicht bequemlich vnd wegſam/ muß man die Haͤuſſer nidereiſſen/ auß dem Weg raͤumen/ vnnd auff die Wehren Platz Zubruͤcken machen: Die Bruͤcken vberlegt man mit Brettern oder Hurden.

XLIX. Luͤcken zuzumachen.

WVrde am Tage die Mauwer/ Wall oder an- ders an der Feſtung/ durch der Feindt Geſchuͤtz niderge- legt/ daß man ſich daſelbſt hereyn Anfalls muß verſe- hen/ ſoll die abgeſchoſſene Lůcken deß Nachts wider vertarreſt/ mit Reiſern/ Brettern/ Holtz/ vnnd was man nur haben mag/ ergaͤntzet werden.

Oder/ habe wol gehoͤrt: Lange Spitze vorn gebrendte Bal- cken/ legt man in die Luͤcken/ Bretter darauff/ vnd alsdañ auff die Bretter/ daß ſie liegen bleiben/ den abgeſchoſſenen Kummer vnd Steine/ iſt nicht leicht vor den Spitzen hinauff zu ſteygen. Jegliches Ort gibt ſeine eygene Vrſach vnd Materien zu bawẽ. Wirdt auch alſo/ wie zu Lichtenfelß/ Anno 1554. vorgenom- men: Jnnerhalb der nidergelegten vnd eroͤffneten Luͤcken/ ma- chen etliche einen tieffen Graben/ keren die Balcken hinneyn/ daß man ſie auſſen nicht vermercket. Gegen der Statt/ Feſtung/ vnd jñwendigen Graben her/ legen ſie die Balcken weyt hinuͤber/ beſchwehren ſie mit mancherley/ Erden vnd Steinen. Laſſen die Luͤcken ledig/ vñ ſo die Feind hernach woͤllen hinauff ſteigẽ/ ſprin- gen ſie ſelbſt/ von den hinderſten fortgetrungen/ in dieſe gegrabe- ne Maͤußfallen vnnd Gruben/ welcher ſie gewahr/ werden mit Helnbarten/ mit den Hacken an den Fedderſpieſſen/ Miſt vnnd andern Hacken hinneyn gezogen/ vnd willkom̃ geheiſſen.

FJn der Militaris Disciplinæ: oder

Jn der Luͤcken deß Sturms wirdt jhnen das Luder auch alſo gelegt: Ein vber ſich ſchlahendt Feuwerwerck vnd Pulver/ wirdt vnder Bretter/ Erden vnd Stein verborgen: vnd da ſie den Ort erſtiegen/ am wenigſten ſich der Schlappen verſehen/ durch ein heymlich lauffendt Feuwer angeſteckt/ vnd die darauff betretten/ gen Himmel geſendet.

L. Stein auff die Wehr tragen: vnd Streych- wehren zu verſehen.

AN keinem Ort allein in der Feſtung/ oder nur et- lichen/ ſondern rings vmbher/ doch am meinſten/ da die Mauer oder Wall zum Sturm geoͤffnet/ ſollen bey zeiten groſſe Hauffen Stein/ vnd auff der Bruſtwehr allenthalben ge- legt werden: ſich der anlauffenden Feinde/ darmit/ wie ein vnge- ſtuͤmmer Hagel/ auffzuhalten.

Da der Stein im Sturm mangeln woͤllen/ muͤſſen Weibs- volck/ Jungen/ vnd jederman Vnwehrhafftigs/ das nechſt Pfla- ſter in der Feſtung darbey auffhacken/ vnnd die Stein an das nohtwendigſt Ort vnſaͤumlich tragen.

Kurtze Feuwerhacken/ Engliſche Beyl/ Hellnbarten/ Fedder- ſpieß vnd andere kurtze Wehren/ ſampt Miſthacken/ deß Feinds angeſchlagene Leytern von ſich zu ruͤck zu ſtoſſen/ mit Leuten vnd allem. Auch kurtze Leytern/ darmit die langen angelehneten deß Feindts Leytern/ die laͤngſt an den Mauren/ hinweg zu dringen/ da allweg drey/ vier/ fuͤnff oder mehr Mann an eine der kurtzen Leytern tretten/ ſoll nicht vnderlaſſen werden. Moͤgen daſelbſt die Hackenſchuͤtzen vñ Sturmbuͤchſen/ mit Hagelſchrot/ Ketten vnd Stuͤck von Eyſenſchienen/ jedes beſondern/ oder miteinan- der in ein Feygenkorb/ Sack/ darnach ins Stuͤck geladen/ vnnd hinauß geworffen/ jhr Wehr auch nach dem ſicherſten vorbrin- gen/ vnd dem Feindt ſein Eynſteigen verhindern.

Ordnung Kriegshandlungen/ Erſter Theil.
LI. Ordnung im angehendem Lermen vnd Stůrmen.

ERhebt ſich nun der Lermen von waſerley/ vnd wann er woͤlle/ ſollen/ wie oben vermeldt/ die Mañsperſo- nen vnd Kriegsleut/ auff verordnet vnd befohlene Quar- tier ohne Saͤumniß ſich begeben. Jſt der Feindt vorhanden/ vnd zu ſtuͤrmen gemeynet/ ſollen ſie mit GOTTES Huͤlff vner- ſchrocken das beſte widerſtehen. Das Weibervolck aber/ Kinder vnd ander vnbewehrte Leut/ ſollen ſtill ohn Geſchrey in Haͤuſern bleiben/ vñ kein Geheul auff den Gaſſen machen: Vielmehr aber bey naͤchtlicher weyl in Haͤuſern Feuwer vñ Liecht wol verwah- ren/ vor jeder Hauß/ oder zum Fenſter herauß/ zum wenigſten ein Liecht in einer Laternẽ hencken: Auff den Ecken der groſſen Haͤu- ſer/ ſollen die darzu beſcheidenen/ die Bechpfannẽ brennendt ma- chen/ oder auff den fuͤrnembſten Plaͤtzen groß Feuwer anzuͤnden: damit man auch auff dem Wall vnnd Wehren Finſternuß hal- ben wiſſe vñ ſehe/ wer Freundt oder Feindt ſey/ ſollen groſſe Feu- wer vñ viel Liechter/ wañ es die Zeit in der Nacht erfordert/ ange- brennet vñ auffgeſteckt/ groſſe brennende helleuchtende Fackeln von der Bruſtwehr hinauß/ auch etliche brennende Gebundt Stroh hinaußgeworffen werden/ ſich allenthalben vmbzuſehen.

Nachtleuchten/ die/ man heb ſie auffrecht oder wie man woͤlle/ dannoch vber ſich ſtehen vnd brennen/ gehoͤren vor den Oberſten vnd andern Befehlhabern zu tragen/ vnd auff die Wehr hin vnd wider zu ſtecken.

LII. Allerley Gegenwehr/ ein Sturm auff- zuhalten.

ALte Faͤſſer/ die leichtlich hinab lauffen vnnd zer- brechen/ werffe man von oben herab auff die Feinde. F ijDie Militaris Disciplinæ: oder Die erſten mit angezuͤndten geſpickten Fewerwerck vnd Schlaͤ- gen/ darunder Toͤpffen/ darinnen Lunden gelegt/ vnd von an- derm Feuwerwerck angeſteckt moͤgen werden: in welche auch Kalck gefuͤllet/ werffe man hinnab. So dann das Feuwerwerck vmb ſich ſchlaͤgt vnd ſpringet/ thun die Toͤpff auch alſo/ vnnd ſtaͤuben grewlich.

Wo der Windt vom Wall hinab/ oder zur Seyten gegen die Feinde wehete/ triebe er den Dampff von dem Kalck/ deſſen auch gantze alte boͤſe Faß voll hinunter geworffen/ wuͤrde jhnen vnder das Geſicht blenden.

Mit Menſchenkath etliche volle Faß/ hebe man alsdann eben auff die Bruſtwehr/ zerpickt die Reyff biß an ein wenig/ brechen ſie im Hinabſtuͤrtzen baldt entzwey/ fallen von einander/ verhin- dern vnd ſalben die hinauffſteygende Feindt ſcheußlich.

Brennendt Stroh/ Bechkraͤntz/ vnd duͤrre Holtzwellen in Bech zuvor eyngetunckt/ jetzt angezuͤndet/ vnnd in die trockene Graͤben geworffen/ machen das Holtz vnd Buͤſche hefftig bren- nen. Jn Waſſergraͤben thun deßgleichen die Feuwerkugeln/ vnd ſchaffen viel Beleydigung denen die im Graben ſindt.

Die kleinen feiſten Bechkraͤntz den hinauff ſteigenden Feinden auff die hohen ſpitzigen Teutſchen Sturmhut/ mit den Schnep- pern/ die vorn auff vnd abgehen/ gefallen/ trieffen daſelbſt her- durch/ vñ thun mercklichen Schaden. Wie ich in einem Sturm/ da ich auch nicht weyt von was/ geſehen.

Siedendt Oel/ heiß Waſſer vnnd Bech/ ſchuͤttet man auff die nechſten/ oben an dem Maurenbruch vnd Luͤcken/ pflegt auff den Wehren vom Weibervolck gehitzt vnd zugetragen werden. Man nimpt alte Lumpen/ bindet ſie an eine lange Stangen/ tuncket ſie in das heiſſe Oel/ vnnd ſprenget ſie auff die Feinde hinauß.

Gewaltig treibt es zuruͤck/ vnd ſchlaͤgt die Feinde zu Boden/ da durch einen Muͤlſtein eine Stangen gemacht/ vnd herunder gelaſſen Kriegshandlungen/ Erſter Theil. gelaſſen wirdt. Auch macht man zuweilen zween Moͤlſtein an eine ſtarcke Stange/ an jeden Ort der Stangen einen Stein. Was die fuͤr Schaden thun/ iſt vnſaͤglich. Seyndt auff ſolche Form/ wie ſie hie vnden ſteht/ zu bereyten.

LIII. Statt vberraſcht.

ZV weilen begibt ſichs/ daß ein Statt oder Feſtung durch Verraͤhterey/ oder ſonſt vmb vnfleiſſig Auffſehens willen vberraſcht vnnd hineyn gedrungen worden: Hierzu ſeynd aber gut die Schußgattern (wie man ſie nennet) ſo in den Thoren herunder fallen/ dann muͤſſen die vbrigen darfuͤr blei- ben: was aber hineyn kommen/ derer kan man maͤchtig ſeyn. Auch ſeynd in den Gaſſen die Ketten/ da ſie eyngehenckt/ vnnd alſo die Gaſſen beſchloſſen/ vielmal Vrſach geweſen/ daß die Feindt nach jhrem Willen/ nicht vor den Ketten fortdringen koͤnnen/ die Buͤrger auffkommen/ ſie zuruͤck getrieben/ erſchlagen/ ſich vnd jhr Statt der geſtalt errettet haben. Jn den engen Gaſſen kan groſſes außgericht/ von oben auß den Haͤuſern mit Steinen herab/ vnd von Daͤchern mit Ziegeln geworffen/ vnd die Feinde wider zuruͤck vnd hinauß geſtochen werden.

LIV. Bey einem Sturm bleibets nicht.

KEinerley weg ſollen ſich die in der Feſtung dar- fuͤr achten/ da ſie ein oder ſchon zween/ ꝛc. Sturm auß- geſtanden/ vnd den Feindt hinder ſich abgetrieben haben: Daß nun der Friede gar in jhren Haͤnden/ vnnd der Feindt mit ſeinem Anlauffen/ nit mehr ſein Heyl an jhnen verſuchen doͤrffe/ ſondern/ ſo oͤffter ſie geſiegt/ ſo offt gebuͤhret jhnen/ jmmer mehr F iijvnd Militaris Disciplinæ: oder vnd mehr ſtaͤrcker/ jhr Sach in guter acht zu haben/ fleiſſiger mit Wacht vnd anderm/ alle Endt vnd Wehren zu beſtellen/ vnnd auß Sicherheit deren keinen ledig laſſen. Dann der Feindt deß Vorhabens/ durch ſolche ſtaͤttig Arbeyt vnd Anlauffen ſie muͤdt vnd krafftloß zu machen/ vnd alſo die in der Beſatzung dermal eins vngewarnet zu vberwinden.

LV. Anlauff der Feinde zum Sturm.

HArt hievor iſt wol geſagt/ wie vnnd wormit ſich auff der Feinde Ankunfft zu ſtůrmen/ am beſten zu ruͤſten: So folgt nun kurtz vom Angriff: Davon aber weytlaͤuff- tiger vnden im andern Theil/ da magſtu es leſen/ ꝛc. Wie es den eroberten Feſtungen pflegt zu widerfahren.

Fuͤgt es ſich alſo/ daß/ wie der Feindt drauſſen im Laͤger wach/ vnd geruͤſt mit Leytern vnd anderm/ der Feſtung/ ſonderlich aber dem Mauwerbruch/ der zum Sturm abgeſchoſſenen Luͤcken/ ſich nahet/ durch die Wacht geſehen oder vermerckt/ vnd Lermen in der Feſtung geſchlagen wirdt: Als dann/ wie ſie vorhin/ vmb die Quartier/ die ſie im Fall der Noht beſetzen vnnd beſchirmen/ ſolten geſpielet habẽ/ evlet jetzundt ein jeder Haͤuptmañ/ Befehls vnd ander Kriegsleut mit jhrer Wehr daſelbſt ernſtlich hin. Ge- gen dem im Graben zunahenden Feindt wirdt allenthalben oben herab/ auch auß allen Streych vñ andern Wehren/ von groſſen vnd kleinen Stuͤcken gedonnert/ vnnd er alſo willkom̃ geheiſſen. Damit aber an dieſem Ort/ da die Gegenwehr am groͤſten von noͤhten thut/ man gnugſam Materien habe/ den Feindt drauſſen zubehalten: Hebt man ohn fahr darvon/ das Pflaſter auff/ laͤſſet die Stein vnd anders (wie kurtz hievor auch ſtehet) das vnwehr- hafftige Volck/ als Knaben/ Weiber/ ꝛc. den nechſten vber die Bruͤcken hierzu gemacht/ auff die Wehr bringen: Welche auch dieſel- Kriegshandlungen/ Erſter Theil. dieſelbigen gluͤendt machen/ ſie mit Pfannen vnnd Schauffeln auff die Feinde zu werffen. Jtem/ wie oben gemeldet/ heyß Oel vnd Waſſer auff der Wehr bereyten. Kuͤbel/ Keſſel vnd Topffen voll Menſchenkath bringen/ hinauß zu werffen vnnd ſtoſſen. Alſo Toͤpffen mit Kalck/ machen viel ſtaͤubens/ vnnd verblenden das Angeſicht.

Auß denen Feſtungen/ die ſtarck beſetzt/ vnd deß Volcks ent- rahten koͤnnen/ mag man zu einer Nohtpforten heimlich hinauß laſſen/ einen Hauffen/ die am Sturm/ hinden anzufallen: Oder im Laͤger Lermen zu machen: ob ſie vom Sturm vielleicht ablieſ- ſen/ vnd denen in der Feſtung/ der geſtalt/ ſich wider von der Muͤ- tigkeit zu erquicken vnd erholen/ Zeit vergoͤnnet wuͤrde.

Schwerlich kan aber diß zugehen/ ſintemal von allen Seyten hinauff geſehen/ vnd ſolchen/ da ſie ſchon hervor wider zu kehren/ ſelten Raum vergoͤnnet wirdt.

Welche ſich aber/ wañ der Feindt zum Stuͤrmẽ daher zeucht/ zu ergeben in willens/ ſtecken einen Hut/ oder ſonſt was/ an ei- ner Stangen vber die Wehr herauß.

LVI. Der Belaͤgerten Erledigung nicht einerley.

DReyerley Weiſe werden die Belaͤgerten erledi- get. Erſtlich: daß ſie die Feſtung durch Auffgebung/ dem Feindt vberlaſſen. Welche Auffgebung geſchicht aber- mal auff dreyerley Weiſe. Erſtlich auff Gnad/ ſo ſie das Statt- volck/ bey allem jhrem vorigen Weſen vnd Freyheiten/ Guͤtern/ Hauß vnd Hof: oder ſonſt die andern mit aller Haab vnd Gut/ frey ſicher abzuziehen gelaſſen werden.

Auff Gnad vnnd Vngnad aber auffgeben/ iſt/ ſich in deß Vberwinders Gewalt/ wie es derſelbig mit jhnen ſchaffen wil/ ergeben: Dieſe muͤſſen gemeinlich nechſt Friſtung deß Lebens/ alles Militaris Disciplinæ: oder alles was ſie haben/ nichts außgenommen/ dem Feindt vberlaſ- ſen/ vnd darvon ziehen. Vnnd begibt ſich offt/ daß ſie Verach- tung halber/ gegẽ dem Feindt außgegoſſen/ allein in Hembdern/ ſo wol die Eynwohner/ als eyngelegte Beſatzung darvon paſ- ſieren muͤſſen.

Vnnd fuͤrs dritt/ werden auch die Belaͤgerten/ auff bedingte Friedsarticul/ Geldt/ an vnd fuͤr den Kriegskoſten/ Geſchůtz/ zu erlegen vnd geben/ oder ander Straff anzunemmen/ vnnd dem Feindt zu ſchweren gedrungen.

Die ander Erledigung derer in der Feſtung/ geſchicht durch Freundt oder Einigungs Verwandten Errettung/ welche den Feindt auß dem Feldt abſchlagen.

Vnd zum dritten/ begibt ſich die Erledigung darumb: daß der Feindt auß Furcht der zunahenden Entſatzung/ deß Klopf- fens nicht abwarten wil: oder an Proviandt vnnd Geldt Man- gel hat: oder weil ſichs mit dieſer Feſtung zu lang verziehen/ er ſich vor ein andere/ daran er etwan beſſern Vortheilgedenckt zu haben/ legen will.

Wie nun der Feindt ſeine erheblichen Vrſachen zum Abzug/ wie geſagt: Alſo haben die Belaͤgerten/ auch jhre Vrſach jhrer Auffgebung mancherley: Daß ſie deß Dings/ das vnder dem Daumen herlaufft/ nicht mehr haben: Wehrhafftige Leut ab- gangen: oder die ſie entſetzen ſolten/ zu lang verziehen/ vnd vber beſtimpte Zeit auſſenbleiben: Oder letztlich das Maulfutter zu klein worden/ ꝛc.

LVII. Wie den abziehenden Feinden nach- zujagen/ ꝛc.

WAnn der Feindt vmb Vrſach willen/ wie obſte- het/ nemlich daß er auß Forcht vñ Mangel Lifferung ꝛc. auff- Krlegshandlungen/ Erſter Theil. auffbricht/ oder dannen wirdt geſchlagen/ die Belaͤgerung ver- laͤſſet: Muß der Außfall/ vnd dem Feindt nachzutreiben/ vnd im Nachzug jhm abzubrechen/ nit baldt oder eylendts ohne bedacht/ folgen: Sondern gute Kundſchafft/ durch/ dieſer Haͤndel/ gnug- ſame verſtaͤndige/ warhafftige Leut zu Roſſz vnnd Fuß/ vorher gehen/ nemlich wo der Feindt den Kopff hinauß wende/ ob er auff mehr dann einen Hauffen oder Straſſen getheilet/ oder ſtracks eylendts fortziehe: Ob etliche bißweilen an verdaͤchtigen En- den/ da Auffſatz darhinder ſtecken moͤchte/ auffſtutzen vnnd ſich wenden.

Jſt als dann der Feindt mit einem groſſen Geſchrey von hin- den zu/ in guter Ordnung/ vnd nit weyt von einander zerſtraͤu- wet/ anzufallen. Doch auch vorzuſehen/ daß ſeine maß habe/ vnd man ſich nicht zu ferꝛn verthu/ vnd der geſtalt der Weg wider zu wenden/ gegen der Feſtung verlegt/ Schandt vnd Schaden dar- mit fuͤr Beut vnd Ehr erlanget wuͤrde.

Vnd am letzten/ da ſich nun deß Feindts dißmals nicht mehr zu beſorgen: Jſt billich/ Gott dem Herrn fuͤr ſeine bewieſe- ne gnaͤdige Huͤlffe von Hertzen danckſagen: Wie auch als dann jederman/ ſo in dieſen Noͤhten der Feſtung beygeſtanden/ vnd ſich gewagt/ deßgleichen abzudancken/ wol zu bezahlen/ vnnd mit gu- tem Willen hinzulaſſen gebuͤren wil. Darvon wirdt vnden an eim andern Ort erfolgen.

LVIII. Etlicher maſſen Beſchreibung/ Vnfalls/ einer mit Gewalt eroberten Statt.

VNerachtet/ daß man zu kochen/ waͤſchen/ Kran- cken warten/ ꝛc. der Weiber eben ſo wenig in Beſatzung/ als zu Feldt entrahten kan: So werden doch vielmal in angehender Beſatzung/ alle (ohne etliche wenige) Weibsperſo- Gnen/ Militaris Disciplinæ: oder nen/ Kinder/ alte vnnd andere zur Wehr vnduͤchtige vnd vnver- muͤgliche krancke Leut/ außgetrieben. Wiewol nun (iſt gut zu ge- dencken) diß ohne Betruͤbnuß/ vnd ſchwere hertzliche Bekuͤm̃er- nuß/ nicht abgehen kan: Da ſich Eheleut/ Eltern vnnd Kinder/ oder ſonſt gute Freunde/ vnwiſſendt wann ſie einander wider ſe- hen werden/ der Stundt von einander geſcheiden ſeyn muͤſſen. Dann die Ehemaͤnner/ Bruͤder vnnd Gefreundte/ ſeyndt voller Angſt vnd Sorge/ wohin jhre geliebte Hauß frauwen/ Kinder/ jr alter Vatter vnd Mutter/ vnd ſonſt angeſipte Blutsverwandte hinkommen/ vnd wo ſie doch in der jrꝛe vmbziehen werden. Die hinaußgetriebene nem̃en nit weniger mit ſich/ Hertzen voll jaͤm- merlichs Weynens vñ Klagens/ weil ſie jre allerliebſte vnd treu- weſte Freunde (Haͤuſer vnd aller Guͤter darinnen nicht gedacht) hinder jnen/ in ſolchen Noͤhten zu verlaſſen/ gezwungen werden. So iſt doch diß abſondern niergendt fuͤr zu ſchaͤtzen/ gegen dem/ wann die auff den Wehren/ den Feinden/ welche mit zu viel groͤſ- ſer Gewalt vnd Macht hineyn dringen/ den Ruͤcken kehren/ vnnd die Statt wirdt eyngenommen vnd erobert. Solchen Jammer vnd Elendt/ der ſich allenthalbẽ zutraͤgt/ zu beſchreiben/ wer wolt einem grugſam Papier darzu liffern vnd reichen? Wo wolt ei- ner die Zungen nemmen/ es alles außzuſprechen vnd zuerzehlen? Sihe/ welche vor die Keckſten vnd Staͤrckeſten waren/ vñ andere zur Beſtaͤndigkeit ermahneten/ ſuchen jetzt ſelbſt durch die Flucht ſich zuerretten/ ſo ſie doch nirgendt entfliehen/ vnd ſicher bleiben moͤgẽ. Hie wirdt nichts anders mehr/ dañ ſchlag todt/ ſtich dariñ/ hauwe/ ſchmeiß/ ſchone keines gehoͤret. Alles iſt voll grewlicher Stim̃/ Ruffens/ Fewer/ Thon vnd Puffen/ deß erſchrecklichen Schieſſens. Alle Gaſſen/ alle Winckel flieſſen mit Blut/ ja gan- tze Haͤuſer ſeynd voller Todten/ vnd mit ſeufftzen klagender Leu- te. Der Ehefrawen wirdt jhr lieber Ehemañ vorn Augen/ ja offt in jren Armen erſtoehen. Die Ehefraw wirdt in Angeſicht jhres Ehemans von den grauſamen Feinden hingeſchleyfft. Ehrbare fromme Frawẽ vnd Jungfrawen vbel tractirt/ vnd zu Vnehren mit Ge- Kriegshandlungen/ Erſter Theil. mit Gewalt gezogen. Was iſt hie anders/ dann all/ wo einer ſich hin wendet vnd kehrt/ achen vnd krachen/ Wafen von friſchem Blut rauchendt ſehẽ: vnzehlbare Eltern/ die jre erſchrockene/ ver- ſcheychte/ verbeyſterte vñ verlorne Kinderlein klagẽ? Kleine arme Waͤyßlein/ die von Weynen vñ Heulen heiſſer worden/ daruͤmb daß ſie jren Vatter vñ Mutter nit finden moͤgẽ. Edle vñ maͤchti- ge Leut/ die jetzt nit ſo gut wie Knecht gehaltẽ werden. Reiche/ vor- hin wolhabende Matronen/ in euſſerſter Armut/ nach verluſt all jrer Gůter/ noch im Zweiffel ſtehendt/ ob ſie das bloß Leben dar- von bringen. Hie iſt nichts mehr zu ſehen/ dann Pluͤnderung der Haͤuſer/ Rauben der Guͤter/ vñ aller koͤſtlichen Kleinoter/ in An- geſicht der jenigẽ/ denen ſie mit recht zuſtehen/ welche noch darzu vbel geſchlagen/ mehr vñ groͤſſer/ wo die verborgẽ liegen/ anzuzei- gẽ/ hart ſeynd gepeinigt. Niemand ſchaͤmet oder ſchewet ſich/ ehr- bare Leut mit Betrawung ſchwerer Marter/ vñ deß Todts/ vber jhr Vermoͤgen zu ranzonen oder ſchaͤtzen. Keines Geſchlechts/ Alters oder Standts/ auch vielmal nit der kleinen Kinderlein in der Wiegẽ wirdt verſchonet. Keiner herꝛlichen Haͤuſer/ zierlichen Gebaͤuwen/ Kuͤnſt/ Gemaͤldt/ ja das noch mehr iſt keiner Tem- pel vnd Kirchen/ wirdt/ daß ſie der Verwuͤſtung frey weren/ vber- ſehen: darinnen vnd darbey mehr dañ zuviel herꝛliche Libereyen/ Buͤcher vñ Antiquiteten/ dadurch noch viel Guts kom̃en koͤndt/ zu Grundt gehen/ durchs Fewer oder Muhtwill zerriſſen werdẽ. Sum̃a/ alles muß reyn ab/ reyn auß ſeyn: Alles muß ſtehen zer- riſſen/ verderbt/ geſchaͤndet/ vnd auch mehr dañs noht vñ loͤblich iſt/ in der Aſchen ligen/ zu nicht vnd zu Pulver werden. Daß der- halben die Todten/ ſo vorher vmbkommen/ gluͤckſelicher/ dañ die an ſolchen Enden noch leben/ geachtet ſindt.

Erzehltes vnd viel tauſendt mal tauſendt mehr/ Chriſtlichen from̃en Ohren/ mit erſchuͤttern jres Hertzens verdrießlich/ ja er- ſchrecklich zu hoͤrẽ/ pflegt ſich an ſolchen Enden/ da allerley vber- muͤtige boßheit/ vñ boßhafftiger vbermut noch gelobt wirdt/ vnd G ijnicht Militaris Disciplinæ: oder nicht zu viel mag/ vberhandt zu nemmen/ daß ſich manchmal hoch zu verwundern/ wie doch GOTT ſolchem vnmaͤßlichen Muhtwillen mag zuſehen/ vnnd die andern mit ſo vnſaͤglichem Jammer vberſchuͤtten: Aber es heiſt: Darumb daß du nicht er- kennet haſt die Zeit/ darinnen du heymgeſucht biſt. Was ſich mehr in ſolchen Faͤllen pfleget zu begeben/ kan einer von denen/ die auch darbey jetzt newlicher weil geweſen/ vnnd viel greßlicher vnd vnchriſtlicher/ dann hie vermeldet/ gehandelt haben/ weyt- laͤufftiger vernemmen.

Nota.

Wie ſtarck aber/ mit was Leuten vnd anderm/ eine Feſtung zu beſetzen/ Solches iſt vnnoͤhtig/ vielmehr vnmuͤglich zu ſchrei- ben: Dann dieſes einem jeden Kriegsverſtaͤndigen die Ge- legenheit der Zeit vnd Orts ſelbſt ermahnen vnd weiſen wirdt.

Folget nun weyter das ander Theil die- ſes Buchs.

mili-
Kriegshandlungen/ Ander Theil.
MILITARIS DISCIPLINAE: Das iſt/ Kriegshandlungen/ Ander Theil: Wie die in vorzeiten in Beſatzung der Fe- ſtungen/ Staͤtt vnd Schloͤſſern/ ꝛc. So auch zu Feldt vnd Belaͤgerung der Feſtungen/ iſt geuͤbt vnd gehalten worden.
I. Vom Feldtherꝛn.

DEn Feldtherꝛn vnd ſeinen Hof zu beſchreiben/ iſt hie vnnoͤhtig/ dann jederman weiß/ wie ein Fuͤrſt vnd Herꝛ/ vnnd was er fuͤr Diener zu haben pfleget. Doch wirdt nachmals von jedem in ſonderheit/ vnnd ſeinen Emptern/ ins Feldt gehoͤrig/ etwas Meldung geſchehen.

II. Von Hofleuten vnd Reutern.

WJe der Hofleut oder Reuter Oberſten/ Oberſt- leutenampt/ Rittmeiſter/ deſſen Leutenampt/ Fenrich/ Furirer/ Schreiber/ Rottmeiſter/ Wachtmeiſter/ Pro- viandtmeiſter/ Profoß/ Brandtmeiſter/ beſtellet vnd angenom- men: Jtem/ von jhrem Wartgeldt/ Antittgeldt/ Monadtlicher G iijBeſol- Militaris Disciplinæ oder Beſoldung auffs Pferdt/ Vortheilgeldt/ Wagen/ Muſterung/ Gewonheit vnd Gebraͤuchen/ hab ich/ der in Feldtzuͤgen allzeit vndern Fußknechten gelegen/ vnd der Reuterey auff ſolche Weiß niemals gepflegt/ vnd darvon kleinen Bericht trage/ lieber aller Ding ſtillſchweigen/ dann meine Vnwiſſenheit maͤnniglich of- fenbarẽ/ oder vngeſchickt darvon reden woͤllen: Ohne was ich/ die verheiſſene Ordnung in dieſem Buch zuhalten/ es nicht Vmb- gang haben moͤgen/ etlicher Ding/ ſonſt nach allen Vmbſtaͤndẽ/ in die Reuterey gehoͤrig/ deren etwas zu gedencken.

III. Regiment Fußvolck oder Landtsknecht/ vnd Empter darzu gehoͤrig.

OBerſter/ Oberſterleutenampt/ Haͤuptmaͤnner/ Leutenampt/ Schultheiß/ Profoß/ Quartiermeiſter/ Wachtmeiſter/ Proviandtmeiſter (Brandtmeiſter ge- hoͤret eygentlich zum Feldtherꝛn) Rumormeiſter/ Wagenmei- ſter/ Hurnwaͤybele/ vnd dieſe bleiben den gantzen Krieg vnver- aͤndert.

Nota.

Rumormeiſter gehoͤrt/ vnd ſihet mit zu auff die Reuter.

IV. Oberſten Zugehoͤrige/ vnd Geſinde.

DJeweil ein jeder Oberſter auch ein beſonder Faͤhnlein/ alſo hat er auch daruͤber ein beſondern Leuten- ampt/ der ſolch Faͤhnlein verſihet/ vnd ſeinen/ deß Leuten- ampts Namẽ/ vmbſchlagen laͤſſet. Sonſt erhelt er gemeinlich an ſeiner Tafeln/ vnd ſo auff jhn ſonderlich beſcheiden ſindt: Ein Feldtprediger/ Schreiber/ Hoffmeiſter/ Kuͤchenmeiſter/ Stall- meiſter/ Trabanten/ Lackeyen/ Koͤche/ Wagenmeiſter/ Fuhr- knechte/ ſeine Schuͤtzen. Auſſerhalb dieſen: Ein eygen Spiel/ nemlich Kriegshandlungen/ Ander Theil. nemlich Pfeiffer vnd Trommenſchlaͤger/ ein geſchickten Feldt- ſcherer/ der vber vnd auff die andern Feldtſcherer vnder dem Re- giment zu ſehen hat. So es auſſerhalb Teutſchlandt iſt/ ein ey- genen Tolmetſch.

V. Oberſten Leutenampt vnnd ſein Geſindt/ wie auch eines jedern Haͤuptmanns.

DJeſem wirdt auch neben ſeiner oberſten Leuten- amptſchafft ein eygen Faͤhnlein vergoͤnnet/ das er durch einẽ andern Leutenampt laͤſt verweſen: Doch wirdt ſein/ deß Oberſten Leutenampts Namen vmbgeſchlagen/ ſeine Zuge- hoͤrigen/ die auch im Regiſter vnd Muſterung/ im vordern Blat angemeldet vnd gezehlet werden: nemlich/ Leutenampt/ Faͤnrich/ Feldtwaͤybel/ Feldtſcherer/ Schreiber/ ſeine Trabanten/ Schuͤ- tzen/ Pfeiffer vnd Trom̃enſchlaͤger/ einer mehr dann der ander/ Dolmetſch/ Eynkaͤuffer/ rheyſige Knecht/ Wagenknecht. Vnd ſolche hat ein Haͤuptmañ alle macht an vnd abzuſetzen/ nach ſei- nem Gefallen/ vnd heiſſen Empter vom Herꝛn. Vom gemeinen Mañ aber/ wie vnden weyter ſoll geſagt/ werden Monatlichen/ der Fuͤhrer/ zwen gemeine Waͤybel vnd Furirer/ erwehlet.

Leutenampt heiſt vnd iſt eygentlich ſo viel/ als eines andernNota. Verweſer/ Statthalter/ vom Lateiniſchen: Locum tenens, wird darauß corruptè, das iſt gebrochen: das Welſch Lieutenant, Darvon es die Teutſchen genom̃en/ vnd ſprechen Leutenampt.

VI. Schultheiß.

VNd ſeine Zugehoͤrige/ Gerichtſchreiber/ zum we- nigſten ſechs Gerichtsmaͤñer/ Gerichtswaͤybel/ ein Tra- bant/ vñ ein Wagenknecht. Den Schultheiſſen/ wie auch die andern hohe Empter/ braucht der Oberſt zu Kriegsraͤhten.

Profoß Militaris Disciplinæ: oder
VII. Profoß vnd deſſen Zugehoͤrige.

DEr Profoß traͤgt/ ſein Ampt vnd Gewalt mit zu bedeuten/ einen hoͤltzern runden Stab/ anderthal- ben Elen lang ohngefehr/ ein Regiment genennet/ iſt roht/ gruͤn oder ſonſt angeſtrichen/ darauff in der Mitten deß Fuͤrſten oder Herꝛn Wapen/ dem ſie dienen/ gemahlet. Beym Koͤnig in Franckreich vor Jahren/ trug der Profoß gemeinlich ein ſchwartzen knoͤpffigẽ runden Stecken/ vñ auff jedem Knoͤpff- lein war ein Lilien/ Delphin/ ꝛc. von Silber. Seine deß Pro- foſen Zugehoͤrigen ſeynd/ erſtlich/ ſein Leutenampt/ deſſen Regi- ment iſt deß Profoſen gleich/ Schreiber/ Dolmetſch/ Traban- ten/ Fuhrknecht/ ꝛc. Ein Claudit/ à claudendo, hat den Namen vom Schlieſſen/ gut Teutſch der Stockmeiſter/ der die Gefan- gene in die Eyſen vnd wider darauß ſchleuſſet.

Fuſtuarii, Steckenknecht oder Bengelhanſen. Scharpff- richter vnd ſein Geſindt.

Die Clauditen vnd Steckenknecht tragen auch ſolche gemal- te Stecken/ doch nicht ſo lang oder ſcheinlich/ wie deß Profoſen. Andere deß Profoſen Diener tragen kein Regiment.

Dem Profoſen gebuͤret ſich auff die Eyſen allerley Gattung zu ſchicken/ die Gefangenen darinn zu ſchlieſſen.

VIII. Quartiermeiſter/

HAt niemandt viel/ dann etwan einen rheyſigen Knecht/ Jungen vnd Kaͤrcher.

IX. Wachtmeiſter/

GLeich dem Quartiermeiſter.

Proviand- Kriegshandlungen/ Ander Theil.
X. Proviandtmeiſter/

HAt einen/ wo nicht mehr/ Schreiber/ Dolmet- ſchen/ auch etliche Knechte/ ſo jhm helffen zuſehen: in der Commiß/ einen Metzger.

XI. Knechtwerbung/ vnd wie es dar- vmb gethan.

EJn Fuͤrſt oder Bezahlherꝛ/ nach dem er mit ſei- nen Raͤhten vnnd Kriegsverſtaͤndigen/ wie viel er zu vor- genommenem Feldtzug/ Leut vnd Kriesvolck bedoͤrfftig/ abgeredt: So viel beſchreibt er eylendts/ ſeiner beſtellten Ober- ſten/ befleiſt ſich auch auffs new/ andere mehr neben den vorigen in ſeinen Eydt zubekommen. Bey dieſen Haͤndeln aber muß Geldts kein Mangel ſeyn/ welches (nechſt Goͤttlicher Huͤlff vnd Beyſtandts) ſolche Haͤndel gluͤcklich anzufahen/ treiben vnnd enden/ das fuͤrnembſt iſt.

Da als dann die Oberſten/ jeder auff benandte Anzahl Faͤhn- lein/ ſein Lauffgeldt empfangen/ theilt er das vnder ſeine Haͤupt- leut. Solche ſchreiben vnd trachten ohn allen Verzug nach gu- ten Leuten/ zu Emptern/ was ſie deren noch ledig haben/ vnnd ſonſt jhr Faͤhnlein mit zudecken/ tuͤchtig. Den Befehls vnd an- dern verſtaͤndigen Leuten/ geben die Haͤuptleut fuͤrder jedem ein Anzahl Guͤlden/ vnd außdruͤcklichen Befehl/ wie viel ſie auff jeg- liche Perſon zu Lauffgeldt zu wendẽ: zeigen jnen auch/ an welchs Endt oder Ort deß Landts (dann alſo werden die Haͤuptleut/ da- mit keiner den andern an ſeinem Lauff hindere/ vorher miteinan- der zu frieden) ſie den Lauff machen/ Geldt geben/ vnd die ange- nommene Knechte beſcheiden ſollen.

HDie Militaris Disciplinæ oder

Die Bewerbung gehet aber entweder mit oͤffentlichem Vmbſchlagen/ vnd Entdeckung deß Herꝛn: oder heymlich hin vnd wider in Staͤtten vnnd Doͤrffern/ daß vielmal der Herꝛ nicht außdruͤcklich angezeigt wirdt. Allein geben ſie den ange- nommenen Knechten/ neben dem Geldt einen Zettel/ da es die Ferꝛne deß Wegs erfordert/ darinnen ein Statt/ Dorff/ ꝛc. am andern/ biß auff den Muſterplatz verzeichnet/ ſich deſto beſſer zur ſtaͤtte zu finden.

Wer ſolch Geldt/ es ſey viel oder wenig/ annimpt/ vnnd ſich laͤſt ſchreiben/ iſt alsdann auch verbunden vnd ſchuldig/ ſeinem Verſprechen/ bey Verluſt ſeines guten Nahmens vnd Ehren/ nachzuſetzen. Vnnd war bey den Alten keines wegs braͤuch- lich/ daß die Bewerbsleut/ von einem oder mehr/ die deß Schimpffs gereuwet/ Geldt oder Geldts werth/ jhres Gefal- lens/ ſolten genommen haben/ denſelbigen ſeiner Zuſage wider ledig zu zielen: Hette auch ſolches ein Schein vnnd Vermuh- tung erweckt/ daß die Capitaͤn vnd Bewerbsleut gern geſehen/ daß jhrer viel wider wendig weren worden. Vnd geſetzt/ da ſchon ſolche Abwechſelung geſchehen ſolte/ gehoͤrt der Rewkauff billi- cher dem Herꝛn/ vnnd nicht den Bewerbsleuten/ auch den Ca- pitaͤnen ſelbſt nicht/ dann je von rechts wegen die Vſura dem ge- buͤret/ welcher das Capitel erlegt. Derhalben ſich vorhin/ ehe man zuſchlaͤgt/ vnnd ſein Ja von ſich gibt/ wol zu bedencken: dann ſolche Betrachtung gehet bey vielen nicht vorher/ ſondern in voller Weiß woͤllen ſie alle den Beeren fahen vnd binden helf- fen: Nuͤchtern aber ſuchen ſie den Rahtſchlag hindern Ohren/ ſeyndt doch mit jhren eygnen Worten gefangen/ fortzuziehen. Die wenigſten auch werden zu Kriegen bewegt/ daß ſie etwas ver- dienen/ auch wie recht vnd ehrlich kriegen. Jtem/ der Warheit beyzuſtehen/ Gerechtigkeit zu handthaben/ Wittwen vnd Waͤy- ſen zu ſchuͤtzen vnd beſchirmen wolten: Sondern lauffen nur die meinſten dahin/ jhren Muhtwillen/ Hurn vnd Bubenſpiel deſto freyer Kriegshandlungen/ Ander Theil. freyer zu treiben/ rauben/ mauſen/ vnd ſtehlen/ vnd alles das ar-Meinſte Vrſach in Krieg zu lauffen. men Leuten zum Verderben gereychen mag/ haͤuffig/ ohn vnder- laß anzufahen. Dieſe weyſe ich abermal zu D. Luthers Bericht vom Krieg en/ darvon troben auch anzeig gethan.

XII. Muſterplatz/ wohin zu legen.

MVſterplatz heiſſet vnd iſt das Ort/ dahin die an- genom̃ene Knecht beſcheiden/ hernach in Eydt gebracht/ vnd gemuſtert werden. Man pflegt aber den Muſterplatz vnd Verſamlung der Knechte gemeinlich dahin zu legen/ da es dem Bezahlherꝛn/ ſeinen Einigungs oder Kriegsverwandten/ oder deren armen Vnderſaſſen/ am wenigſten nachtheilig: Son- dern vielmehr beſtimmen ſie jhn auffzurichten/ bey denen/ die in Argwohn/ dem Gegenpart vorab zugethan oder gewogen ſeyn. Doch ſoll die Vorſorg auch nicht dahinden bleiben/ daß der Weyte halber/ da die zuſammen gelauffene Knechte nicht entſe- tzet koͤndten werden/ ſie vberfallen/ getrennet vnnd geſchlagen wuͤrden: were der Bezahlherꝛ vmb ſolch auffgewendt Geldt/ vmb die Leut/ darzu in ein boͤſen Ruff kommen. Vnd darumb wirdt nicht vnfoͤrmlich die Anordnung gethan/ ſo in dergleichen Sa- chẽ beſcheidene Kriegsleut vorangeſchickt ſeyn/ welche durch deß Feldt oder Bezahlherꝛn mitgegebene Schrifften an die Ober- keit/ deß erneñten Muſterplatzs/ es zuvor/ auch auß wz ohn vmb- gaͤnglichen Vrſachen es geſchehe/ freundtlich anmeldten. Ein ſolcher auch/ wo muͤglich/ Schaden zu verhuͤten/ keinen Fleiß zu ſparen/ daher verordnet ſeye/ ſich verſprechen ſoll.

Die ankommende Knecht ſoll dieſer verſchaffen/ daß ſie vn- derbracht/ auch mit ziemlicher Proviandt/ biß zur Muſterung verſehen ſeyen. Auff daß ſie nicht auß Mangel Eſſens vnnd Trinckens/ zu forderſt/ da ſichs mit der Muſterung etwas zu- H ijlang Militaris Disciplinæ: oder lang verweylet/ Vrſachſchoͤpffen/ vnd ehe ſie in Eydt kommen/ wider zu verlauffen.

Solchen verſamleten Knechten wirdt darneben mit Ernſt hefftig eyngebunden/ vnderſagt vnd befohlen/ auch in frembden Herꝛſchafften (vielmehr gebuͤhrt es ſich/ bey deß Herꝛn Vnder- thanen/ in deß Namen ſie geworben) ſich allerley Muhtwillens/ vnd Zwang/ entweder mit vbrigem Eſſen vnnd Trincken/ vber Vermoͤgen zu beſtellen/ vnnd anderer muhtwilliger Haͤndel zu enthalten: durch keinerley vnnoͤhtige Beſchwehrung/ Beſchaͤdi- gung vnd Entwendung deß jhren/ oder deren Weiber vnd Kin- der in Vnzucht zu zichen/ vnd gewaltſamen Nohtzwang anzu- legen/ vnd alles ander/ dardurch ſolche Leut/ ab jhnen zu klagen/ vnd ſich zu rechen bewegt werden moͤchten/ vermeyden.

Gilt nicht/ daß man ſich/ wann noch kein Regiment auffge- richt/ beſchoͤnen/ vnd geuͤbten vorſetzlichen Frevel verkleiſtern/ vñ klein machẽ wolte: Sintemal ehrenliebende verſtaͤndige Kriegs- leut/ alle Zeit den Articuls brieff im Buſen tragen/ vnd ſich alle ſchon beeydet achten ſollen/ das iſt: ſich wiſſen zu beſcheiden/ vnd thun/ was der Ehrbarkeit anſtaͤndig vnd gemaͤß iſt: Solchs auch bezeugeten/ daß ſie die Famos Geſellen/ welcher Exceß ſchon vor auffgerichtem Regiment begangen/ nicht bey jhnen zu Tiſch leyden wolten/ die Tiſchtuͤcher vor jnen abgeſchnitten/ oder von denſelbigen auffſtunden/ vnangeſchen/ wann oder wo ſie das recht Ziel vberſchritten. Daß ich ſolches ein Exempel ſetzs: Merck/ Anno 47. worden zu Caſſel jhrer drey vor Recht/ vnnd dem gemeinen Mann/ oder lange Spieſſe geſtellet/ welcher einer Kloppenburg genennet/ ledig wardt geſprochen. Die andern zween aber Funck N. vnd Veithken von Staden/ auffm Forſt vor Caſſel durch die Spieß gejagt worden. Jhre Maleſitz exa- gerirt vnd macht groß (weren ſonſt auch darvon kommen) weil angezeigt wardt/ daß ſie beyde in vergangenen Jaren im Olden- landt vnder Bremen gelegen/ bey einem Gardthauffen (da auch wenig Kriegshandlungen/ Ander Theil. wenig gnug Regiment wirdt gehalten) viel laͤſterliche vñ aͤrgerli- che Haͤndel getrieben. Erſtlich der Funck auff ſeine Zaͤuberey ſich verlaſſende/ feſt zu ſeyn/ oder daß jhn niemandt verwunden koͤn- te/ hatte eine Meuterey vber die ander/ muhtwillig vnd vorſetzlich Balgen angericht: vnd alſo etwan manchen Knecht verderbt o- der gelaͤhmet/ vnd vber Frieden geſchlagen. Der Veithken aber ſeinen Vatter/ der auch noch der Zeit zugegen/ daſelbſt in dem Oldenlandt gezwungen/ einen Napff mit Hamburger Bier/ dariñ er/ der Sohn/ gekotzet oder geſpeyet/ außzuſauffen.

So auch: Graf Wilhelm von Fuͤrſtenberg (wie mir etliche Kriegsleut/ ſo damals vnder ſeinem Regiment gelegen/ geſagt) hat zu Maͤylandt zween muhtwillige Lecker/ die den Buͤrger/ in deſſen Hauß ſie jhr Loſament gehabt/ zwingen woͤllen/ er ſolte jhnen ſuͤſſen Eſſig vnd ſawren Zucker zuwegen bringen/ oder ſich nicht im Hauß mehr finden laſſen/ auff dem Marck oͤffentlich befohlen/ zu enthaͤupten. Die Jahrzahl iſt mir außgefallen.

Franckreich hatte den Brauch/ daß auff den Muſterplaͤtzen/Frantzoͤ- ſiſch Mu- ſterplatz. biß nach beſchehener Muſterung/ die Koͤniglich Commiß/ nem- lich: Fleiſch/ Brodt vnd Wein vnder die Knecht ward taͤglich ge- theilet: Etwan zohe mans jhnen hernach in der erſten Zahlung ziemlich wider ab/ etwan wardt es den Knechten/ wie auch wol geſchehen/ eine ziemliche Verehrung Geldts darzu/ frey ge- ſchencket.

Wie nun die Bewerbsleut zuſehen ſollen/ wem ſie das Lauff- geldt geben/ doch auch darmit/ darnach der Mann iſt/ vnder- ſchiedlich gebaren/ alſo muͤſſen ſie auch daruͤber ein klar Ver- zeichnuß/ entweder ſelbſt machen/ oder durch andere ſtellen laſ- ſen: Wann vnnd wie viel Geldt ein jeder von jhm empfangen/ den Hauptmann/ allen Argwohn zu vermeiden/ deſſen eygent- lich zu berichten.

Vor Jahren/ ehe ſo viel newes auffkommen/ war auch dieſerNota. Brauch: Daß ein jeder verſtaͤndiger Haͤuptmann/ deßgleichen H iijſeine Militaris Disciplinæ: oder ſeine Bewerbsleut/ Fleiß ankehreten/ bewehrte vñ geruͤſte Knecht zuwegen zubringen. Koͤndten dieſelbigen vor deren Trutz/ die jre Verſam̃lung nicht leyden oder trennen wolten/ vnd vor Gewalt deſto beſſer ſich auff halten. Jetzt das Widerſpiel.

XIII. Wie die Knecht bewehrt: Der Oberſt vnd hohen Empter angezeigt: vnd ſamptlichen in Eydt genommen werden.

SJntemal es nicht wol muͤglich/ daß die ange- nommene Knechte/ alle gleich wol bewehrt vnd geruͤſtet ſeyen/ ein Kriegsmann aber ohne Wehr nicht viel nu- tzet: Haben demnach/ entweder der Herꝛ ſelbſt/ der Oberſter/ oder die Haͤuptleut allerley Gattung Wehr vnd Ruͤſtung zur ſtaͤtte bringen laſſen. Welche die Knechte/ ein jeder nach ſeiner Gelegenheit vnd Perſon/ annemmen/ vnd kuͤnfftig in der erſten Bezahlung/ an jhrer Beſoldung abgehen laſſen. Werden jh- nen auch wol von Monat zu Monaten/ biß ſie gar entrichtet/ jmmer etwas jnnen behalten. Jſt vor die ſo angenommen je beſſer: Noch viel beſſer aber iſt es/ da einer zum Herꝛen koͤmpt geruͤſtet/ bleibt jhm ſeine Beſoldung gantz vnd gar: Wiewol ich hab glaͤubhafftig gehoͤrt ſagen/ es haben etliche kurtz verlauffe- ner Zuͤgen/ eines theils Haͤuptleut/ die auch vorhin wol mit gu- ten Ruͤſtungen/ vnd ſchonen Rohren bewehrte Knechte (vormals nicht erhoͤret) gezwungen/ wolten ſie anders Dienſt behalten/ ſolche Wehren vnd Ruͤſtungen hinzulegen/ vnd andere an deß Herꝛn Bezahlung zu nemmen.

Oberſter angezeigt.

Jetzt nun/ ſo die Knecht mit Wehren vnd Ruuͤſtung ziemlicher maſſen ſtaffirt/ wirdt jhnen im Ring von deß Kriegsfuͤrſten vnd Herꝛn wegen/ der Oberſter/ mit Erzehlung ſeines Tauffs/ Ge- ſchlechts Kriegshandlungen/ Ander Theil. ſchlechts vnd Ehrennahmens angezeigt/ vnnd nach der Laͤnge nohttuͤrfftiglich commendirt.

Auff ſolches/ der Oberſter mit entdecktem Haͤupt/ wuͤndſchet den Landtsknechten ein guten Tag oder Morgen/ vnd widerholt ſolche von deß Herꝛn wegen gethane Com̃endation/ vermahnet vnd bittet Haͤupt vnd andere Kriegsleut/ in ſampt/ vnnd darmit auch jedern in ſonderheit/ wofuͤr er von hochermeldtem jhrem gnaͤdigen Fuͤrſten vñ Herꝛn/ ꝛc. mit Gnaden gnugſam erkennet vnd angenommen/ in ſattes Bedencken zu faſſen/ ſey bey jm kein zweiffel/ ſie werden alle Zeit/ wie vnd wann er es mit jhnen/ es ſey vor den Feinden/ auff waſerley maß geſchehen koͤndt/ wie recht- ſchaffenen Kriegsleuten wol anſtehet/ ſich gehorſamlich vnnd Mannlich verhalten. Sollen hinwider zu jhm (der nechſt Gott/ nie einigen Landtsknecht verfuͤhret habe) ſie der gewiſ- ſen Zuverſicht ſeyn/ gegen dem Feindt ſie alſo mit Vortheil zu fuͤhren vnd zu ordnen: Auch neben jhnen ſich mit ſeiner ſelbſt Perſon vnd Handt zu erzeigen/ daß keiner ob jhm ein Anlaß vnd Entſchuldigung der Zagheit haben werde: Sondern er mit jh- nen/ vnd ſie mit jhm/ Ehr vnd Gut/ nach allem Wundſch vnd Vberfluß erwerben/ Sammat vnd Seiden/ auch viel koͤſtli- chers mit langen Spieſſen außmeſſen ſollen. Letztlich/ ſollen ſie jhn/ Edel vnd Vnedel/ Groß vnd Klein Hans/ keinen auß- genommen/ worinn jhm nur muͤglich/ einen fuͤrderſamen O- berſten/ der ein Landtsknecht Vatter erſterben wil/ finden/ ha- ben vnd behalten.

Auch ſpricht er furter: Lieben Hauptleut/ jhr andern Kriegsleut vnnd Landtsknecht/ lieben Bruͤder/ habe ich euch fuͤrter nicht vnvermeldten laſſen woͤllen: Nach dem ich dieſem meinem/ von vnſerm N. Herꝛn/ mir zu vertrauwetem Be- fehl/ nicht allweg vnd zu einem mal/ allenthalben in der Per- ſon (wie ein jeder vnder euch ſelbſt ermeſſen mag) ob ſeyn kan: doch darmit ich keinerley einiges wegs verſaͤumet werde: Hab Militaris Disciplinæ: oder Habe ich derhalden dieſen guten redlichen Mann N. zu meinem oͤberſten Leutenampt verordnet: an euch ſaͤmptlich (lieben Bruͤ- der) an die Hohen Empter vnd Haͤuptleut/ ſo wol als andere Kriegsleut: An die ander Kriegsleut/ meines vnterworffenen Regiments/ ſo wol wie an die Haͤuptleut/ von derwegen mein Geſinnen/ gemeldten N. an meiner ſtatt in Ehren zu haben/ jhm in allen Dingen/ ſo ehrliebenden Kriegsleuten wo! anſtehen/ vnd an allen Orten/ da redtliche Kriegsleut zu gebrauchen/ Gehoͤr zu geben/ vnd jhm vnwegerlich zu gehorſamen. Solches woͤl- let euch/ jhr lieben Landtsknecht vnnd lieben Bruͤder/ in allem Ernſt/ weils euch allen ſelbſt zum beſten gereycht/ alſo geſagt ſeyn laſſen: Bin deß gantz vnd gar gewiß/ es werde auch er/ wie er allweg vorher gethan/ ſein Landtsknechts Gemuͤht nicht ver- aͤndern/ ſondern vielmehr verbeſſern.

Alſo auch ſeye euch von mir geſetzt N. zu einem Schultheiſ- ſen: N. zu einem Profoſen: N. fuͤr ein Quartiermeiſter: N. fuͤr ein Wachtmeiſter: vnd N. fuͤr einen Proviandtmeiſter/ darumb daß ſie Kriegsleut/ vnd ſolcher Ehren bey euch werth ſeyn: woͤllet jhr ſie auch fuͤr gut anſehen/ vnd jhnen/ was in ſolchem Ampt/ ſie nach altem loͤblichen Kriegsgebrauch/ mit einem jeden ſchaffen werden/ mit billicher Ehr Gehorſam leyſten. Erfahrne Kriegs- leut doͤrffen zwar ſolches Befehls nicht/ wiſſen vor wol/ was ſie thun ſollen: wirdt allein von wegen der jungen vñ newen Lands- knecht/ alſo in den Hauffen geſagt/ die werden jhm auch nach zu- leben ſich befleiſſigen.

Oberſter Leuten- ampt.

Hierauff entbloͤſt der oͤberſt Leutenampt (der im Ring neben dem Oberſten zu Roſſz/ wie auch die andern Empter vñ Haͤupt- leut/ ſitzet) ſein Haͤupt/ gruͤſſet die Kriegsleut/ wie gewoͤhnlich/ wann einer jhnen etwas anzeigen wil: Faͤhret darnach weyter/ mit Erholung deß Oberſten angebornen Titul vnd Befehl/ v- ber das ehrlich Regiment Landtsknecht/ vnd ſagt: Was derſelbi- ge (meine/ ſpricht er/ Perſon) belangendt/ vermeldet vnd befoh- len/ ſey Kriegshandlungen/ Ander Theil. len/ ſey bey jhm gewiß/ ſie werden es wol verſtanden haben: Bit- te aber fuͤr ſich ſelbſt/ ſie woͤllen mit jhm vnd ſeiner geringen vnd hiezu vnwirdigen Perſon wie es ſcheinet/ zu frieden ſeyn: vnnd das jenige/ was jhm von Amptswegen aufferlegt/ trewlichen vnd mannlichen vollenden helffen: Geſchehe alſo/ wann ſie jhm in allen gebuͤhrlichen Sachen ſchuldigen vnnd willigen Gehor- ſam leyſten. Sollen ſie jhn hinwider wie ein Landtsknecht/ vnnd der es vmb einen jeden/ ſeinem Standt vnnd Gebuͤhr nach be- ſchulden/ vnd jhn gern befoͤrdern helffen wil/ nimmermehr we- gerſam ſpuͤren.

Alſo auch die andern Hohenaͤmpter/ erholen jeder beſondern/Hohe Em- pter. mit hoher Danckſagung gegen dem Herꝛn Oberſten/ deſſen eyn- gefuͤhrte Rede/ auch Erinnerung an den gantzen hellen Hauffen/ ſie darfuͤr/ wie dem Herꝛn Oberſten gefaͤllig iſt/ gut zuerkennen/ vnd Gehorſam zu beweiſen: woͤllen ſie gegẽ einem jedern/ wie der Namen haben mag/ in gutem eyngedenck ſeyn/ vñ es eines jedern Wuͤrden nach gebuͤrlich zu beſchulden/ nicht in vergeß ſtellen.

Deß Profoſen Rede vnd Ermahnung aber/ erſtrecken ſichProfoß. fuͤrnemlich dahin: weil ſie wiſſen/ was ſein Ampt vermag vñ mit- bringe/ ſo vielmehr jhrem Eydt/ den ſie ſchweren werden/ nachzu- ſetzen/ vnd ſich vor ſeinen Banden/ der zwar kein Luſt oder Liebe an jhrem Vngehorſam haben/ vnd jhrer viel lieber verſchonet ſe- hen werde/ behutſam zu ſeyn gedencken: oder wil lieber jhrer al- ler Wolthaten ruͤhmen/ dann eines auch geringſten Vngehor- ſam ſtraffen.

XIV. Summariſcher Jnnhalt deß Arti- culsbrieffs.

NAch jetztgeſagten Dingen wirdt mit der Trom- men ein Stillſchweigen (wie ſonſt allezeit/ wann etwas Jim Ring Militaris Disciplinæ: oder im Ring wirdt verhandelt) gefordert/ vnd maͤnniglich darauff zu mercken/ ernſtlich vnd fleiſſig vermahnet/ vñ damit der Articuls- brieff (Alſo nennet man das jenige/ was den Kriegsleuten vorge- halten wirdt/ vnd ſie zu haltẽ ſchwehren ſollen) verleſen. Welcher nach jedes Potentaten/ Fuͤrſten vnd Herꝛn Gutbeduͤncken geſtel- let iſt. Doch mehrertheils dieſes Jnhalts: Daß ſie dem N. N. vnd N. als jhrem Feldt vnd Bezahlherꝛn/ etliche Zeit/ Monat/ wie klar außdruͤcklich beſtimpt/ ſchweren/ ſeinem Schaden bey Tag vnd Nacht/ wo ſie mit Leib vnd Leben nur vermoͤgen/ vorkom̃en ſollen. Gegem Feind/ es ſey zu Waſſer oder Landt/ im Feldt oder Beſatzungen/ zu Stuͤrmen vnd Schlachten/ ſo Tag vnd Nacht/ ohne Wegerung ſich gebrauchen laſſen. Nach Außgang der erſt- geſchwornen Zeit/ da man jrer laͤnger bedoͤrffte/ es nicht abſchla- gen: Wie viel Tag fuͤr einen Monat ſie zu dienen pflichtig. Alles auch nach Außfuͤhrung vnd Beweiß der/ jnen gereychten/ Beſtallung: Jeglicher/ er ſey Edel oder Vnedel/ Groß oder Klein Hans/ ſoll ſich mit ſeinem eygnen Tauff vnd Zunahmen/ wie er von ſeinem Geſchlecht/ Vaiter/ herbracht/ auß der Statt/ da er/ oder nahendt darbey geborenſey/ ſchreiben laſſen/ ꝛc. Zug vnd Wacht werden mit darinnen begriffen. Dieſem Brieff iſt auch eynverleibt/ wie ferꝛn den Knechten/ nach Eroberung Feld- ſchlachten/ Staͤtt vnd Schloͤſſer/ Feſtung eynnemmung/ jhnen erlaubt ſey oder nicht: Von Kirchenraubern/ Betruͤbern der Kindtbetterin/ armer Wittwen vñ Waͤyſen/ Moͤlen verderben/ Fluchern vnnd Laͤſterern Goͤttliches Namens/ Meutmachern/ Meyneydigen/ Feldtfluͤchtigen/ Entlauffern/ Balgern vñ vbern Frieden ſchlahenden: Jtem/ die ſich gegen Profoſen vnnd ſeine Diener muhtwillig ſtrauſſen/ vnd nicht gehorſam ſeyn/ ꝛc. wirdt vielerley vnd nach laͤnge/ doch vnnoͤhtig geachtet/ daß allhie alles wirdt angeregt. Dieſen Articuln/ wirdt allen/ jederm fuͤr ſich be- ſondern das angehenckt: Bey Leibſtraff/ ſoll geſtrafft werden an Leib vnd Leben/ ohn alle Gnadt.

Wie Kriegshandlungen/ Ander Theil.

Wie auch dem Articul vom Gottslaͤſtern beygeſetzt/ ſo doch keiner/ dann eben dieſer/ weniger Anſchens hat/ vnnd vnver- brochen bleibet: Eben ſo wol (vnd ſchier mehr) bey denen/ ſo es andern verbieten/ vnd mit nicht ſchwehren vnd fluchen andern vorgehen ſolten/ als bey den gemeinen Knechten. Jſt wahr/ ich liege nicht.

Schier das Ende ſolches Brieffs beſchleuſt dieſe Proteſtatio, vnd Vorbehalt: Daß/ ſo etwas/ welchs dem Herꝛn zum beſten gelangen koͤndte/ auch ehrlichen tapffern Kriegsleuten/ zu thun ehrlich vnd gebraͤuchlich/ hieriñ vergeſſen vnd außgelaſſen/ were es doch nicht minder kraͤfftig vnnd buͤndig/ dann ſo es von Wort zu Wort hierin begriffen. Alſo auch alle die/ ſo jetzt nit anfangs bey dieſem Regiment/ doch nach der Handt darunder ſtellen wer- den/ ſeyndt mit gleichem Eydt vnd Pflicht verhafftet.

Vnd zum allerletzten/ wirdt in Krafft deß Herꝛn PrivilegienZuͤchtiger oder Nach richter. der Zuͤchtiger oder Nachrichter/ gegen maͤnniglichs Frefel vnnd Muhtwillen/ befreyet vnd verſichert.

Dieſe Articul werden auch vom Fuͤrſten oder ſeinen Verord- neten/ ſubſignirt vnd verſiegelt. Vnd ſo viel/ darauff die Knecht/ es zuhalten/ ſchwehren muͤſſen. Nun folgt:

XV. Beſtallung vnnd derſelben Jnn- halt.

BEſtallung iſt vnd wirdt von den Kriegsleuten gennennet/ die Obligation vnd Zuſag/ ſo der Kriegsfuͤrſt vnd Herꝛ/ jhnen den Kriegsleuten/ was ſie hinwider von jhm zu fordern vnnd gewarten haben ſollen/ zu ruͤck vberliffert. Wirdt faſt auff dieſen Schlag (doch vngefaͤhrlich) verfaſſet. Wir N. N. vnd N. ꝛc. bekennen hiermit fuͤr vns/ vnſer jetztleben- de oder hernachkommende Fuͤrſten zu N. Erben vnd Erbenen/ J ijauch Militaris Disciplinæ: oder auch die gantze Ritter vnnd Landtſchafft/ oͤffentlich gegen jeder- maͤnniglich/ wes Standts vnd Wuͤrden deß H. Roͤmiſchen Reichs die ſeyen/ daß wir vnſern lieben getreuwen N. N. von N. zu einem Oberſten vber ein Regiment Landtsknecht/ darunder N. Faͤhnlein gehoͤrig/ angenommen haben/ nem̃en jhn auch hier- mit an vnd auff/ ꝛc. wie dann der Articulsbrieff hierinn nach dem Buchſtaben klaͤrlich geſchrieben weiſet/ wie folgt/ ꝛc.

Gereden vnd verſprechen hierentgegen wir/ bey vnſern Fuͤrſt- lichen Ehren vnd Treuwen/ fuͤr vns vnd allen die vnſern/ oben- gedachten vnſern Oberſten vber die N. Fußknecht/ ſeinẽ Haͤupt- leuten/ Befehlhabern vnd Kriegsleuten/ ſolchem Regiment ver- wandt/ den Kleinſten ſo hart vnnd feſt/ als den Groͤſten: Daß wir ſie alle Monatlichen/ je 30. Tag fuͤr einen Monat/ vnd 15. Batzen fuͤr einen Guͤlden gerechnet/ Rheiniſcher Wehrung/ mit guter ganghaffter Muͤntz/ nach gehabter Muſterung/ ſo nach Endung jedes Monats beſondern/ ſo lang ſie in vnſerm Dienſt ſeyn werden/ geſchehen wirdt/ vollkoͤm̃lich bezahlen/ vnd mit kei- nerley vortheil/ Geſuch oder Vberſatz deß gewoͤhnlichen werths der Muͤntzen/ es ſey in Goldt oder Silber/ beſchwehren woͤllen. Nach von Gott verliehenem Sieg deß Feldtſchlachten/ Erobe- rung Staͤtte oder Feſtung (da ſie ſich/ vermoͤge jhres geſchwor- nen Articuls gemaͤß erjnnern) ſoll eben deß Tags jhr Monat/ wie von alten loͤblichen Teutſchen Landtsknechten herbracht/ (vngerechnet/ wie lang oder kurtz ſie in denſelbigen ſonſt auffs neuw erreycht) auß ſeyn/ vnd wider angezehlet/ vnnd ſie mit ge- buͤhrlicher Bezahlung beſoldet werden.

Wuͤrden wir jhrer vor Endung der N. geſchwornen Mona- ten/ nicht laͤnger bedoͤrffen/ ſollen ſie mit dem Vrlaub/ vnd wie lang ſie gedienet/ dargegen mit jhrer Beſoldung/ vnd zum Ab- zug N. zu frieden/ vnd wir jhnen nichts weyters zu thun pflichtig oder ſchuldig ſeyn/ ꝛc. Alles ſonder Gefehrde.

Jn Vrkundt aber/ vnd zu feſter vnverbruͤchlicher Fuͤrſtlicher Haltung/ Kriegshandlungen/ Ander Theil. Haltung/ haben wir zu Endt dieſer Beſtallung/ vns mit eyge- nen Handen/ neben vnſern lieben getreuwen N. vnnd N. in vnd von wegen aller vnſer Vnderthanen vom Adel/ vnd N. vnd N. von wegen der Staͤtte vnd Landtſaſſen vnſers Fuͤrſtenthumbs vnderſchrieben. Darzu vnſer N. Jnſiegel/ vnd deß jetztbenend- ten ſampt vns/ die jhren hieran wiſſentlich hencken laſſen. Ge- ſchehen/ ꝛc.

Vnd dieſe Beſtallung (etliche woͤllen derer Copien/ ſo derWer die Beſtallũg bey ſich habe. Oberſt eygener Handt vnderſchrieben/ neben ſeinem angebor- nen aͤuffgetruckten Pittſchafft) vberlieffert vnd befiehlt all vnd jeden Monat beſondern/ der Oberſter einem der Fuͤhrern/ vnder ſeinem Regiment/ daß die andern vbrigen Fuͤhrer nichts darvon wiſſen/ wer oder welcher ſie habe/ dann auch dieſer/ vermittelſt ſeines Eydts darvon ſtillſchweigen muß. Folgenden Monat vberlieffert ſie dieſer dem Oberſten wider: der gibt ſie dann auff vorige Weiß auffs neuwe von ſich/ nach ſeinem Gefallen/ dar- mit eben ſo wol der gemeine Mann/ als die Oberkeit deß jhren verſichert ſeye.

XVI. Von Stattung deß Eydts/ ſo die Kriegs- leut ſchwehren.

BEy etlichen Alten war es braͤuchlich/ wer auch noch nit vnformlich gehandelt/ ſo dem N. Commiſſario, nach Verleſung deß Articulsbrieffs/ mit Verſchonung deß Oberſten/ die andern/ als Oberſter Leutenampt/ Haͤupt- leut vnd Hohenaͤmpter/ Handtgeluͤbnuß thaͤten. Sprach dar- nach der Oberſter oder ſein oͤberſter Leutenampt zu dem Hauf- fen: Alſo jhr lieben Landtsknecht/ lieben Bruͤder: Was der N. vnd N. vnſer gnaͤdiger Fuͤrſt vnnd Herꝛ vns in dem Articuls- brieff gnaͤdig/ ꝛc. nichts wenigers in der Beſtallung hat anmel- J iijden vnd Militaris Disciplinæ: oder den vnd zuſagen laſſen/ habẽ jr/ lieben Kriegsleut gnugſam/ dar- fuͤr mans achtet/ verſtanden. Vnd iſt fuͤrter nun an dem/ daß jhr Mehr ma chen.alle mit mir die Mehr machen/ vnd ſprech ich darumb: Dem es lieb iſt/ dem ſelbigen alſo von vns nachzuſetzen/ vnd deſſen einen leiblichen Eydt zu ſchwehren willens/ der hebe mit mir eine Handt auff.

Da dieſes/ wie begehret/ auch geſchehen/ ſtattet oder ſpricht jhnen der Commiſſarius den Eydt vor/ vnd wann ſie alle zween Eyd ſchwe ren.Finger jeder auffgereckt/ ſpricht er jhnen verſtaͤndig vnnd lang- ſam vor/ vnd ſie jhm nach: Alles was ich hie hab hoͤren verleſen/ mit Worten vnderricht bin/ auch mit Handtauffhebung gelobt vnnd zugeſagt habe: dem wil ich alſo getrewlich nachkommen/ ohn alles gefehrde: So wahr mir Gott helff/ die H. Dreyfaltig- keit/ vnd ſein heylig ſeligmachendes Wort/ Amen.

Hierauff beut der Commiſſarius dem Oberſten vnd allen Fuͤrnembſten die Handt/ wuͤndſchet jhnen vnd dem gantzen hel- len Hauffen/ vnerſchrockene mannhafftige Hertzen vnd Gemuͤ- ter/ viel Heyl/ Gluͤck/ Geſundtheit/ Sieg vnnd Vberwindung/ gegen jhre Feinde: mit hoher Danckſagung jhr aller.

XVII. Muſterung in Teutſchlandt.

NVn wirdt zur Muſterung gegrieffen/ vnd deß Oberſten Faͤhnlein erſt vorgenommen. Die andern ſpie- len darumb/ wie ſie einander folgen ſollen: Man fuͤhret ſie gemeinlich vnnd gern in einen beſchloſſen Hoff oder Ort/ der ſolche Menge faſſen mag/ lieſe ſie nach einander durch ein einigs Thuͤrlein/ darneben die Muſterherꝛn/ Muſterſchreiber/ Ober- ſter/ vnd die Haͤuptleut bey einem Tiſch/ alſo auch deß Ober- ſten/ vnd jedes Haͤuptmanns Schreiber ſitzen/ wider hinauß/ ſo es Kriegshandlungen/ Ander Theil. ſo es in einer Statt/ Flecken/ ꝛc. iſt. Geſchicht die Muſterung a- ber in freyem offenen Feldt/ werden zwo Helnbartẽ oder Fedder- ſpieß in die Erden geſtickt/ vnnd einer oben vber her/ vnd alſo ein Pforten/ mit den Spieſſen aber ein lange Gaſſen gemacht/ dar- durch ſie/ wo ſie auff jre Nahmen acht geben/ gehen. Es wirdt aber fleiſſig darauff achtung geſchlagen/ daß keiner auff eines andern frembdẽ Nahmen/ oder zweymal durchgehe. Allhie mag ein jeder vor den Commiſſarien vnd Muſterherꝛn/ ſeinen Adel/ oder ander Gelegenheit dargeben/ vnd vmb ſeine Beſoldung re- den. Darnach nun dieſer oder jener geruͤſt/ vnd mit dem Mund- werck geſchickt iſt/ auch etwa Kundtſchafft vnd Gunſt hat/ dar- nach wirdt ſeine Beſoldung eyngeſchrieben/ welche er darff vom Haͤuptmañ fordern. Vnd auff dieſe weiß pflegt es ſich mit der Muſterung bey vns in Teutſchlandt zu verhalten.

Muſterſchreiber iſt der jenige/ ſo von der Bezahlherꝛn wegen/Nota. ſampt dem Commiſſario vnd Muſterherꝛn/ bey der Muſterung iſt/ vñ das Gegenregiſter helt. Die andern aber vber jedes Faͤhn- lein beſondern/ heiſſen deß Haͤuptmanns Schreiber.

XVIII. Muſterung etwan in Franckreich braͤuchlich.

JN Lebzeiten der loͤblichen Koͤnige zu Franck- reich/ Franciſci/ deß Erſten/ vnd Heinrichs deß Andern ſolches Nahmens/ wardt mit der Muſterung/ wie nach ſtehet/ Ordnung gehalten. Alle Faͤhnlein vnder ein Regiment gehoͤrig/ worden/ wann der Monat auß/ vnd der Tag zu mu- ſtern vorhanden/ auff einmal/ oder alle zugleich hinauß in das Feldt gefuͤhret/ doch jedes fuͤr ſich ſelbſt allein/ je fuͤnff vnnd fuͤnff in ein Gliedt: Vnd alle einen Weg hin mit den vorder- ſten gekehret. So dann kamen ſo viel Commiſſarii oder Muſter- Militaris Disciplinæ: oder Muſterherꝛn/ als Faͤhnlein vorhanden/ bracht jeder ein Zettel/ darauff der Haͤuptmann/ dem er zugeordnet/ war verzeichnet. Solcher Commiſſarius, neben deß Haͤuptmanns Schreiber/ fieng oben oder vornen an jedem Faͤhnlein/ zehlet die Glieder/ (den Haͤuptmann vnnd Leutenampt fuͤr ein Gliedt/ alſo auch den Faͤnrich mit ſeinem Spiel/ hab ich anders recht behalten/ fuͤr ein Gliedt) biß gar zum Ende: Deßgleichen die Krancken/ die mit hinauß gangen/ auch die/ ſo etwan Schwachheit halber im Laͤger blieben. Beſchauwet darnach/ welche nicht fuͤr tuͤglich zu achten/ oder vielleicht Welſche/ vnd ſonſt eyngeſtellet weren/ die- ſelbigen außzuthun. Nach ſolchem ſchreibe er zu Endt deß Ge- genregiſters/ ſo deß Haͤuptmanns Schreiber bey ſich behalten wolte/ wie er vnder dieſem Faͤhnlein ſo viel Perſonen befunden/ vnd wie viel derer Schuͤtzen/ Doppelſoͤldner vñ einfache Knecht/ geweſen ſeyen: vnderzeichnet diß in Vrkundt mit ſeinem Na- men/ Jar/ Monat vñ Tag/ in Frantzoͤſiſcher Svraachen. Das Regiſter aber/ ſo der Commiſſarius zu ſich name/ muſte deß Haͤuptmanns Schreiber hinwider ſubſignirn. Worden in Ab- zehlung bey den Threſorirern/ das iſt/ den Pfennigmeiſtern/ wie jhr vnden ferꝛner vernemmen werdet/ eines gegem andern confe- rirt/ vnd darnach die Bezahlung geben.

Wann nun die Commiſſarii jhr Geſchaͤfft verrichtet/ vnd ab- zogen: waren gemeinlich die Haͤuptleut (doch nicht alle zu aller Zeit) gewohnet/ jeder ſeine Knecht beſonder zu fuͤhren/ vnd erſt auff Teutſch durch die Gaſſen/ zu muſtern. Daß ſie alſo/ was die Commiſſarii etwan gut gelaſſen/ außmuſtern/ vnnd der ge- ſtalt ein Mummſchantz erobern moͤchten.

Dieſer Muſterung nach wardt allein in der Abzehlung/ alſo nennen ſie es/ wann ſie vom Pfenningmeiſter die Bezahlung empfingen/ gerechnet/ nemlich/ wie viel Perſonen/ ſo viel 4. Guͤl- den. Die Doppelſoldner bekamen das ander von Hauptleuten: denen wardt jedem ein gewiſſe Summa geben/ hieß die Oberbe- ſoldung/ Kriegshandlungen/ Ander Theil. ſoldung/ oder im Statt/ theilten ſie nach jhrem Gefallen/ oder denen/ die es wuͤrdig waren/ auß.

XIX. Wie einem Faͤnrich das Faͤhnlein befoh- len: vnd er ſampt dem Leutenampt vnd Feld- waͤybel beſtaͤttigt wirdt/ ꝛc.

JM Ring nach dieſer Privat vnnd ſonderlicher Muſterung eines Haͤuptmans ſeines Faͤhnleins: Laͤſſer er mit der Trommen Gehoͤr fordern/ tritt darnach zum Faͤnrich/ nimpt das Faͤhnlein von jhm zu ſich/ vnd ſpricht: Wol- an/ lieber N. N. nach dem bey mir jhr euch præſentiret/ vnd vmb das Faͤhnlein/ euch zu zuſtellen/ angelanget: Hab ich auch in dem/ weil mir euwer vorigs/ in etlichen Zuͤgen/ wolhalten vnnd Mannheit/ nicht allein von vielen beruͤhmbt: Sondern auch mir ſelbſt bekandt/ deſto ehe vnd lieber willfahren ſollen vnd wol- len. Vnd deßhalben ſo nemmet das Faͤhnlein jetzt zumal wider zu euch/ vnnd wie ſonſt mein gut Vertrauwen zu euch ſte- het/ von mir mit Ernſt laſſen befohlen ſeyn: Daß jhr euch ſol- ches Faͤhnleins nunmehr mit Ernſt vnnd Treuwen annemmen wolten/ wie das einem auffrichtigen/ redlichen vnd mannhaff- ten Kriegsman eygnet/ vnd wol nachzuſagen ſtehet. Ja auch nit wenigers/ dann ein redlicher Ehren vnd Bidermann ſeinem Ehegemahl/ vor Gott vnnd maͤnniglich verpflicht iſt/ euch an das Faͤhnlein verbunden zu ſeyn/ achten: Es vber ehrliche vnd redliche Landtsknecht/ vnd vber keine Schelmen (wo auch derer einer mit jcht bewuſt iſt) fliegen laſſen. Euch damit auff Zug vnd Wachten/ in Stuͤrmen vnd Schlachten/ vor den Feinden/ oder zu den Feinden/ alſo vnd dermaſſen mit euwerm ſtaͤts fliehenden Faͤhnlein erzeigen/ daß von euch niemandts vnder den Kriegs- leuten einige Vrſach zur Kleinmuͤtigkeit oder Flucht nemmen: Kſondern Militaris Disciplinæ: oder ſondern maͤnniglich von euch Anreitzung zur Manheit/ vnnd ein mannlich Hertz bekommen moͤge. Vnd da jr vom Feindt die eine Handt verlieren/ ſollet jhr das Faͤhnlein in die ander Handt faſſen. Da euch aber dieſelbige auch (Gott woͤls verhůten) abge- ſchoſſen oder geſchlagen wuͤrde: ſollet jhr mit den Zaͤhnen dreyn fallen/ es ſo lang ewer Leib vnd Leben wehret/ mit Tretten/ Reiſ- ſen/ vnd wie euch menſchlich vñ muͤglich/ vertheydigen. Auch ehe jhr es willig den Feinden vberlieſſet/ euch dareyn winden vnd wi- ckeln/ vnd alſo Lebens oder Todts erwarten.

Spricht der Faͤhnrich: Mit Goͤttlicher Huͤlff wil ich mich all- zeit/ wie von mir erfordert/ auch gegen euch meinem Haͤuptmañ danckbar/ vñ alle Kriegsleut dienſtwillig/ dieſem meinem Befehl nach/ beweiſen/ als einem ehrlichen Kriegsmañ bey dieſer meiner Fahnen gebuͤret/ vnd mir wol nachzuſagen iſt.

Der Haͤuptmann weyter: Wiewol ich nun/ mein lieber N. daß an euch vnd ewer Redlichkeit/ nichts hieriñ erwinden wuͤrdet/ nichts zweiffelhafftigs ſpuͤre: Sollet jhr doch dißmal auch/ in Augeſicht aller dieſer Kriegsleut/ dieſem Faͤhnlein zuſtaͤndig/ bey dem Eydt vnd Pflicht/ ſo jhr N. N. vnd N. vnſerm Herꝛn geleyſtet/ mir hieruͤber Handtgeluͤbnuß zu geben/ euch nicht wegern: Damit beſchere euch Gott zu dieſem ehrlichen Befchl viel Gluͤck vnd Ehren.

Vnd jhr Kriegsleut/ liebe Landtsknecht/ woͤllet vnnd ſollet dieſen gegenwaͤrtigen redtlichen Mann/ fůr ewren Faͤhnrich er- kennen/ mit billichen Ehren vor Augen haben/ auch jhm ſchul- digen Gehorſam leiſten/ wo er deſſen von euch fordert/ oder be- duͤrfftig ſeyn wuͤrde.

Dergleichen liebe Landtsknecht/ lieben Bruͤder/ ſeyndt von Beſteiti- gung deß Leuten- ampls vñ Feldtwaͤy- bels.mir anweſende N. vnd N. nemlich A. B. zu einem Leutenampt/ vnd C. D. zu einem Feldtwaͤybel/ von mir/ vber euch verordnet. Demſelbigen/ was ſie an ſtatt/ vnd in meinem oder jhrem ſelbſt Nahmen bey euch gebieten vnd ſchaffen wuͤrden/ es ſey zu Tag oder Kriegshandlungen/ Ander Theil. oder Nacht/ nichts/ wo Kriegsleut zu gebrauchen/ außgenom- men/ ſollet jhr gehorſamlich folgen/ vnnd euch in nichts widerſe- tzen. Alles bey dem Eydt/ den dem Herꝛn jhr geſchworen habt: hab ich euch/ jhr lieben Landtsknecht/ nicht verſchweigen woͤl- len/ vnd wuͤndſch dieſen beyden Kriegsleuten zu jhrem Ampt/ vnd vns allen Gluͤck vnd Wolfahrt.

Es pflegen die Schuͤtzen/ da jetzundt wider ins Laͤger gezogenNota. Hacken- ſchuͤtzẽ be- geren vons Faͤhnrich Verehrũg. wirdt/ ſich vor deß neuwen Faͤhnrichs Loſament zuſtellen/ woͤllen jhm das Faͤhnlein ins Loſament (doch nicht anders/ dann mit freundlicher Erjnnerung alter Landtsknecht Gewonheit) nicht tragen laſſen/ er habe ſich dañ zuvor von jhnen geloͤſet/ das iſt/ ei- ne Verehrung geben/ oder zu geben verheiſſen. Wiewol daſſelbi- ge kein geſatzte Maß noch Ziel hat: Jedoch je koſtfreyer er ſich dariñ beweiſet/ je mehr vnd hoͤher wirdt er von allen Kriegsleu- ten in Ehren allzeit gehalten. Dann in ſonderheit eines Faͤhn- richs Eygenſchafft/ gegen jedermañ koſtfrey zu ſeyn/ von Alters her bracht iſt. Sich hieriñ lauſen/ wie ich ſelbſt an einem Faͤhn- rich/ vnd weil er hernach ehrlich vorm Feindt geſtorben/ ich ſeines Nahmens gern geſchweige/ erfahren/ vnnd noch vielen zu dieſer Zeit wiſſentlich ſeyn wirdt/ hat viel Vnrahts vndern Kriegsleu- ten zuwegen/ vnd etliche ſchaͤndtlich vmb jhr Leben bracht.

XX. Empter vom gemeinen Mann beſetzen.

ZVor vñ ehe zu ſolcher Erwehlung wirdt geſchrit- tẽ/ thut der Haͤuptmañ oder ſein Leutenampt an die Kriegs- leut im Ring ein ermahnung/ anzeigendt: wie jhnen be- wuſt/ daß man noch der Empter vom gemeinen Mann/ nem- lich eines Fuͤhrers/ vnnd zweyer gemeinen Waͤybel (dann die bißher ſolche Empter verſehen/ haben ſie anders nicht/ dann auff K ijweyter Militaris Disciplinæ: oder weyter Beſcheidt bedienet) in Mangel ſtehe: Die ſollen ſie nun altem loͤblichem Kriegsgebrauch gemaͤß/ jetzundt nach Ehren vnd nicht nach Gunſt beſetzen: Gereyche dem Herꝛn/ demſelbi- gen ordentliche vnd nohtwendige Zuͤg vnd Wacht zu verſehen/ vnd jhnen ſelbſt/ zun Ehren vnd Beſten.

Hierauff fragt der Feldtwaͤybel einen oder zween vnder den Doppelſoͤldnern/ nach ſeinem Gutbeduͤncken/ ſpricht: N. vnd N. ich frage dich bey deinem gethanen vnd geſchwornen Eydt/ daß du einen dargeben woͤlleſt/ welcher dem Herꝛn/ dem Haͤupt- mann/ Leuten ampt/ Faͤnrich/ ꝛc. vnd dem gemeinen Mann/ die- ſen Monat nutz ſeyn moͤge zu einem Fuͤhrer: Alſo fragt er hie den andern/ dort den dritten/ vierdten/ fuͤnfften/ ꝛc. von Hacken- ſchuͤtzen vnd einfachen Knechten. Welche jhm nun angezeiget werden/ laͤſt er den Schreiber auff die Trommen/ oder ſonſten auffmercken. Spricht darnach zu den Kriegsleuten: Alſo lie- ben Landtsknecht/ jhr lieben Bruͤder/ hie ſeyndt jhrer etliche zum Fuͤhrer dargeben/ die wil ich erſtlich nennen/ darnach mehren. Jſt erſtlich A. zum andern B. C. D. ꝛc. Weyter: Alſo jhr lieben Landtsknecht: wems lieb iſt/ daß A. dieſen Monat lang vnſer Fuͤhrer ſey/ der heb mit mir ein Handt auff. Thut auch/ vnnd macht ein Mehr zu dem andern/ dritten/ ꝛc.

Vnd in dem ſie die Haͤndt auffheben/ ruffen ſie gleich mit zu: den woͤllen wir haben. Wirdt alsdann acht genommen/ welcher die meinſten Haͤndt oder Mehr gehabt.

Begibt ſich jmmer einmal/ daß nicht wol zu erkennen iſt/ wel- cher vnder zweyen die meinſten Haͤndt gehabt/ werden ſie geheiſ- ſen/ jeder nach einem vor jhn hergehendt Spiel/ ſeinen Hut auff eine kurtze Wehr zu hencken/ vnd in der Hoͤhe zu tragen/ auch die jhnen vor die Mehr gegeben/ jetzo nachziehen. Moͤgen auff ſolche Weiß ſie zu beyden Seyten leichtlich gezehlet vnd erkannt werden/ welcher das Ampt behalten ſolle.

Solcher tritt dann in Ring mit einer kurtzen Wehr/ vnd ſagt: Gott Kriegshandlungen/ Ander Theil. Gott gebe euch ein guten Morgen (Tag) jhr lieben Landts- knecht. Nach der Danckſagung: Alſo jhr lieben Landtsknecht/ lieben Bruͤder: dieweil jhr mich habt dieſen Monat lang zu eu- werm Fuͤhrer gemacht/ bedanck ich mich gantz hoch der Ehren/ gegen alle die mir die gegoͤnnet haben: wil es widerumb gegen dieſelbigen/ wie ich ſchuldig vnnd vermuͤglich bin/ gantz willig verdienen: Auch darneben euch alleſaͤmptlich gebetten haben/ jhr woͤllet erſtlich dem Haͤuptmann/ dem Leutenampt/ Faͤnrich/ Feldtwaͤybel/ mir vnd meinen Spießgeſellen Gehorſam leyſten/ wil ich (ob Gott wil) es ſey auff Zug vnd Wacht/ in Stuͤrmen oder Schlacht bey euch thun/ wie einem ehrlichen Kriegsmann wol anſtehet/ Lieben Bruͤder.

Dieſer neuwer Fuͤhrer fragt dann vmb nach einem Furierer/ Der Furierer nach einem gemeinen Waͤybel/ derſelbige nach einem andern Waͤybel. Doch geſchicht ſolch Fragen/ nach den Befehlsleuten/ auffſchreiben/ erſtlich nennen/ darnach mehren/ in Ring tretten/ dancken/ von jhnen vnd jederm ſeinem Befehl gemaͤß/ alle auff die Manier vnd Weiſe/ wie zuvor vom Feldt- waͤybel vnd Fuͤhrer verlautet.

Nach Außgang jhres Monats/ werden die Kriegsleut aber-Newer Monat- newe Em- pter. mal vom Haͤuptmañ oder Leutenampt deß Alten vnd Monatli- chen Kriegsgebrauch ermahnet/ vnd damit dem Herꝛn (doch ſoll ein jeder wol acht nemmen/ nach Erforderung deß Herꝛn Hoch- heit/ auch die Ehrentitul zu lencken) ſein Zug vnd Wacht nicht verſaͤumet/ vnd jhnen den Kriegsleuten/ an Ehren vnnd gutem Glimpff/ nichts vernachtheilig werden moͤge/ jhre Empter zu beſetzen. So tritt der geweſene/ dieſes Monats Fuͤhrer in Ring vnd ſagt: Ein guten Tag/ lieben Landtsknecht/ lieben Bruͤder. Weyter: Alſo lieben Kriegsleut (dann alſo helt jhr Gebrauch zu reden/ wers anders macht/ wirdt fůr einen Vnwiſſenden ſchumpffiret) Nach dem ich dieſen vergangen Monatlang ewer Fuͤhrer geweſen/ bedancke ich mich noch gegen allen denen/ die K iijmir Militaris Disciplinæ: oder mir ſolche Ehre gegoͤnnet haben. Stehe aber jetzt hie/ gebe vnd ſage mein Ampt auff/ beſetzt euwer Empter furthin nach Ehren vnnd nicht nach Gunſt/ darzu wil ich/ jhr lieben Landtsknecht/ lieben Bruͤder/ ſo viel mir muͤglich iſt helffen vnd rahten.

Eben mit ſolchen vnd dergleichen Worten/ ſagen auch Fu- rirer/ vnd die zween Waͤybel vom gemeinen Mann/ jhre Emp- ter im Ring auff. Vnd wirdt darnach vom Feldtwaͤybel nach einem Fuͤhrer auff kuͤnfftigen Monat erſtlich vmbgefragt/ der- ſelbige auffgeſchrieben/ genennet/ gemehret/ von jhm vnnd den andern/ den neuwen Befehlhabern gedancket/ vnd nach den v- berigen vmbgefragt/ auff den tenor vnd Form/ wie im Anfang hiervon angezogen.

Hat einer vnder beruͤhrten Befehlsleuten/ den Bruͤdern darnach vnder Augen gan/ pflegen ſie im Vmbfragen gewohnt zu ſeyn/ zu ruffen: Wir woͤllen den alten behalten. Auß denen Vrſachen hat einer/ Wartenbach von Reichenweyer genennet/ auß dem obern Elſaß buͤrtig/ bey drey vnnd zwantzig/ ehe mehr dann weniger Monat/ vnder einem Faͤhnlein das Fuͤhrerampt bedienet/ bey der Krohn Franckreich/ Anno 47. 48.

Ein jeder dieſer vier Empter vom gemeinen Mann/ hat vber ſeine gewoͤhnliche Beſoldung/ noch Monats einen Soldt/ ſein vier Guͤlden vom Ampt.

XXI. Spielleute beſetzen auch jhre Empter.

FReyheit haben die Spielleut (ſeyndt Pfeiffer vnd Trommenſchlaͤger) daß ſie der Profoß nicht vmb ei- ner jeden leichten Vrſach/ es ſeye dann vom Oberſten ſonderlich/ oder eim Haͤuptmann Befehl daruͤber geben/ darff in die Eyſen ſchlagen. Sondern ſie beſetzen Monatlich auch jhre Empter Kriegshandlungen/ Ander Theil. Empter vnder ſich ſelbſt/ welcher Haͤuptmann/ ꝛc. Profoß/ der auch ein Regiment am Guͤrtel traͤgt/ vnnd anders zu jhrer Ge- wohuheit. Jtem/ welcher Windtmuͤller/ das iſt/ Narꝛ ſeyn muͤſ- ſe. Straffen auch den Spielmann/ welcher die Raſt/ wann es an jhm iſt auff dem Zug/ oder wo/ oder wann jhm auffzuwar- ten gebuͤret/ verſaͤumet. Gering iſt nicht dran gelegen/ daß man gute geuͤbte Spielleut/ der Oberſt zuvor an ein Spiel fuͤrbuͤn- dig gut/ vnd zum wenigſten jeder Haͤuptmann zwey/ zu vorderſt Trommenſchlaͤger/ die ſtaͤts etlich Fell im Vorrhat haben. Den Kriegsleuten zur Wacht vnnd andern vmbzuſchlagen/ Lerman ſchlagen/ ꝛc. welches nit wol/ weil mans ſo gewohnet iſt/ ſonſt ge- ſchehen koͤndte/ daß das Kriegsvolck in eyl wach wuͤrde. Dan- nenher auch ein Trommenſchlaͤger jmmer bey der Handt vnnd Faͤhnlein/ auch nit ein Augenblick ohne Vorwiſſen vnd Vrlaub inſonderheit vorm Feindt/ deß Laͤgers ſich vereuſſern ſolle.

Auff den Oberſten wartender Trommenſchlaͤger/ ſoll von noht wegen eine gute helle verſtaͤndige Stim̃ haben/ dann ſein fuͤrnemlich Ampt iſt/ vmbſchlagẽ zum Gehoͤr Goͤttlichs Worts/ Malefitz zu halten/ Muſtern/ auff ſeyn: Ob jemandt was ver- lohren hette/ ꝛc. So zieren auch noch das Feldt gute Spieleute/ ob ſie ſchon das Hertz nicht machen (ſonſt bliebe der Haß auch beym Trommenſchlaͤger) ſo erregen ſie doch den Kriegeriſchen Muht/ der in einem Mannhafftigen Hertzen ſteckt vnd iſt/ ſich mercken zu laſſen.

XXII. Rotten machen.

VJelmal begibt ſichs/ daß zu einem Anſchlag nicht gantze Faͤhnlein/ ſondern auß jederm etliche Zahlknechte/ ſollẽ genom̃en werden: Auch Schaar/ Schilt oder andere Wachtẽ zuverſehẽ. Jtem/ ſo den Knechten etwas anzuzeigen vñ befeh- Militaris Disciplinæ: oder befehlen iſt/ daß man ohne Gemein halten gern verrichten/ vnnd durch den Trommenſchlaͤger nicht oͤffentlich vermelden laſſen wil: Mehr/ die Bezahlung auch ordentlicher zu vollziehen/ oder Proviandt außtheilen: Sollen Monatlich Rotten gemacht/ vñ von Doppelſoͤldnern ſechs/ acht Hackenſchuͤtzen/ vnd zehen ein- fache Knecht/ in eine Rott/ war als in Franckreich braͤuchlich/ vndern Teutſchen/ genommen/ vnd vom Schreiber doch der E- delleut Rott/ die Wachtfrey ſeyn/ vnd andere fuͤrnemme Kriegs- leut/ oder andere Gefreyete/ zu vorderſt auffgeſchrieben werden.

Die Knecht in Rotten gefaſt/ halten ſich in allen Dingen ge- ſundt oder kranck/ eyntrechtlicher vnd bequemlicher zuſammen/ das ſonſter vnderwegen bliebe.

Die Frantzoſen haben in jren Rotten Doppelſoͤldner/ Schuͤ- tzen vnd einfache Knecht zugleich/ vnd alſo vnder einem Faͤhnlein offt kaum vber zwo oder drey Rotten.

XXIII. Vmbs Hackengeldt ſchieſſen.

JN Meynung/ gute vnd hurtige Schuͤtzen/ die jh- res Thuns/ vnnd mit jhren Rohren deſto fertiger ſeyen: Laſſen etliche der Haͤuptleut jre Schuͤtzen vmb dẽ Hacken- gůlden ſchieſſen: So viel naͤher oder weyter einer nun nach dem vorgeſtelten Ziel oder Scheiben troffen/ ſo viel mehr oder min- der wirdt jm vom Hackenguͤlden geben. Die jhn gar bekommen/ ſeynd ſehr wenig/ etlichen wirdt wol gar nichts darvon.

Etliche Oberſten oder Haͤuptleut ordnen jhren Schuͤtzen/ al- lein vmb Vbung willen/ jmmer einmal etwas gewinns/ oder zum beſten/ als Geldt oder Tuch zu einem Kleydt.

Jederm ſein Gutbeduͤncken frey vnd vngeſchumpffirt gelaſ- ſen/ hielt mein Sinn alſo: daß ſichs offt begibt/ daß einer/ ſo deß Schieſſens vor der Scheiben oder ſonſten wol bewehret/ vnd ei- nem/ Kriegshandlungen/ Ander Theil. nem (doͤrfft wol ſagen) einen Pfennig auff einem Finger/ ohne Schaden treffen ſolt/ bekoͤmpt mit dieſer ſeiner Geſchickligkeit den Guͤlden/ Doch aber vorm Feindt ſo verzagt vnd erſchrocken/ daß er nicht weiß fuͤr Zittern ſein Rohr abzuſchieſſen/ oder wi- der fertig zu machen. Ein ander der dieſes zu thun nicht weiß/ doch aber das Pulver riechen mag/ dem Feindt vnder Augen kommen/ vnnd jhm das Rohr auff die Haut ſetzen darff/ traͤgt deß Hacken guͤlden kleinſten Theil/ oder wol gar nichts darvon/ vnd iſt alſo an beyden vnbedacht vnd obel gefahren.

XXIV. Von Monatlicher Bezahlung.

EJn hoch vnd weytberůhmbter Chriſtlicher Herꝛ/ vnd Teutſcher Kriegsfuͤrſt/ pflegte zu ſagen/ wie auß ſei- ner F. G. Mundt ich Anno 46. gehoͤret: Man koͤndte die Kriegkleut nicht beſſer/ dann in dieſen dreyen Dingen betriegen: Dañ ſo jnen erſtlich geben wuͤrde/ was jhnen nach Verheiſſung gebuͤhret. Fuͤrs ander/ ſcharpff Regiment gehalten. Vnd zum dritten/ ſo ſie alle Tag weydlich vmb die Haut vnd vorn Feindt getrieben wuͤrden. Durch das erſte behelt man ſie willig/ durch das ander gehorſam/ vnd durch das dritte Stuͤck geſchickt vnd hurtig/ in denen Dingen/ darzu ſie angenommen/ vnd beſtellet ſeynd. So weißlich diß geredt/ ſo wahr iſt es auch: Dann was jmmer wehrendt Geldt leyhen auff die Rotten/ dardurch den Knechten jhre Beſoldung verzippelt vnd verlappert wirdt/ oder gar nicht/ oder ja langſam zahlen/ fuͤr vnſaͤglichen Vnraht ge- bieret/ lehret vns die taͤgliche Erfahrung: Nemlich/ einen ver- ſchmachteten/ nackenden/ vbelbekleydeten/ außgehungerten/ matten/ krancken/ vnbewehrten/ vnwilligen vnnd verdroſſenen Hauffen. Dann wer wolte dahin/ da kein Geldt oder Bezah- lung gehoͤrt wirdt/ Brodt/ Wein/ Bier/ ꝛc. Tuch/ Schuch/ LHarniſch/ Militaris Disciplinæ: oder Harniſch/ Wehr vnd anders/ in ſolchen Faͤllen hoch nohtwendi- ge Dinge fuͤhren? Was gegem Feindt fuͤr nutz geſchafft/ vnnd wie viel Ehr alsdann mit ſolchen Leuten erlangt wirdt/ mag ein Verſtaͤndiger baldt außrechnen. Vnwillige Hundt dienen nit zum Weydtwerck. Oder: Mit vnwilligen Hunden iſt boͤß ja- gen/ ſagt das Spruͤchwort.

Koͤmpt es letzlich dazu/ daß eine Meuterey nach der andern ent- ſtehet/ die Knecht/ ſo baldt ſie nur mercken/ daß der Trommen- ſchlaͤger den Kuͤbel zu ruͤhren angreifft/ Geldt/ Geldt/ Geldt/ Geldt ſchreyen/ daß in Himmel ſchallet/ wer wil daſelbſt das Re- giment ſtaͤrcken? das iſt/ einen Vngehorſamen/ wie die Vermuh- tung vrſacht/ ſtraffen? Weil ſolches durchs Geldts Mangel ge- ſchwaͤcht iſt/ vnd noch taͤglich wirdt? Wer wil die ſtill zu ſchwei- gen zwingen/ denen taͤglich groͤſſer Vrſach zur Vngedult vnnd Geſchrey geben wirdt? Vnd ſintemal die jenigen/ denen es ver- můge jhrer Obligation zu ſtaͤndig jhr gebuͤrende Anlage Geldts zu erſtattẽ/ allerley Außflucht vnd Auffzug ſuchen? Wer wil ver- hůten/ daß ermelder Haͤndel aller der Feindt nicht jnnen werde/ ſo er deſſen durch mancherley/ der Gefangenen vñ anderer Verſpe- her Anzeigung/ Kundtſchafft taͤglich haben mag? So jnen dañ der Feindt alle Zugaͤng vnd Straſſen/ damit jnen ferꝛner nichts zubracht werde/ verhuͤtet/ iſt jm vnnoͤhtig/ gegen ſie ein Wehr zu entbloͤſſen/ beſondern mag ſie allein durch Koch vnd Kelner/ das iſt/ durch Hunger vnd Kum̃er/ biß entweder gar verlauffen/ oder ſonſt alle werden/ daß jhn nicht ein Mann koſtet/ ſchlagen.

Zwar erzehlte Vrſach ſeynd einem jedern Fuͤrſten oder Herꝛn/ ehe vnd zuvor er zur Wehr greifft/ wol in bedencken zu nemmen. Folgt aber den nechſten nach erſter/ alſo auch jedes verlauffenen Monats Muſterũg/ ſchleunige Bezahlũg/ iſt kein beſſer Speck/ ſolche Maͤuß in die Fallen zu bringen/ vnd zu behalten/ dañ eben dieſer. So groß vnd viel moͤgen nit ſeyn obermelde incommoda vnd Zerruͤttung: Der wolfahrige Zuſtandt/ Nutz vnd Fortgang bey gu- Kriegshandlungen/ Ander Theil. bey guter Bezahlung/ iſt zehenmal mehr vnd groͤſſer. Dañ gute Bezahlung/ ſagt man/ macht vnd behaͤlt gute Freundtſchafft. Moͤcht einer ſagen: wie kan ſichs allweg ſo ſchicken? Mancher gebe gern/ da ers hette. Hierauff antworte ich: Da mag ein Herꝛ/ der kriegen wil/ fuͤr ſorgen.

Beſchehener erſter vnd ander Muſterung/ da ein geſchickterAnwei- ſung einen Schreiber ſein Regi- ſter zu- ſchlieſſen. Schreiber (der einem Haͤuptmañ zu vielen Dingen ſehr noͤhtig/ vnnd in Ehren zu halten iſt) fleiſſig vberlegt/ erſtlich das vorter Blat/ darnach wie viel vnder ſeines Haͤuptmañs Faͤhnlein Per- ſonen in der Muſterung gut gemacht/ hat er ſo viel Soͤldt/ vnnd die mit 4 multiplicirt/ was darauß koͤmpt/ ſo viel Guͤlden weyter darzu gelegt/ eines jeden Doppelſoͤldners Vberbeſoldung/ der Schuͤtzen Hackenguͤlden vnd anders/ hat er/ was dieſe Poſten in Summa Guͤlden Reiniſch ertragen: Wann er daſſelbig in die groben Muͤntzſorten/ vñ deren Werth dasmal ganghafftig/ ver- wechſelt/ nach einander in ein Taͤffelein/ wie viel es an Krohnen/ Ducaten/ Guͤlden in Goldt/ Thalern/ ꝛc. ſtellet: darff er vor oder bey dem Pfennigmeiſter/ da man mit mehr Leuten/ dann mit jm zu thun: vnd jhm die Eyl moͤcht Schaden bringen/ es nicht lang vberlegen vnd außrechnen.

Mag auch zur Bezahlung eben das Regiſter/ darinnen die Rotten verzeichnet ſtehen/ brauchen.

Vergiſſet er hierneben ſeines Lehyregiſters/ iſt der Schade ſein am groͤſten.

Edelleut Rott hat kein Zahl/ man wolte dann ſolcher Rot- ten zwo machen.

Anderer Doppelſoͤldner nur 6. wie obſteht/ acht Schuͤtzen/ vnd zehen einfach Knecht.

Kan alſo ſtehen in Latere.

Thut Perſonen Soldt —— 6. —— 24. flor.

Vberbeſoldung/ ————— N. flor.

Beyde Summen/ —— N. flor.

L ijFeldt Militaris Disciplinæ: oder
XXV. Feldt beſtellen.

FEldt beſtellen wardt gemeinlich in den fuͤrnemb- ſten Puncten/ hab ich anders recht behalten (wers beſ- ſer weiß/ iſt jhm nicht verbotten/ an Tag zugeben) ward/ ſag ich/ angeſtellet alſo: Daß alle Hauffen in ein Laͤger zuſam- men ſtoſſen/ allda vom Feldtherꝛn/ den andern Reutern vnnd Landtsknecht Oberſten/ vnnd deren mitverwandten Emptern/ auch ſonſten mehr angezeigt/ vnd zu gehorſamen/ mit Nahmen außdruͤcklich befohlen wirdt/ dem Feldtmarſchalck/ ſeinem Leu- tenampt/ dem General vnd Oberſten Muſterherꝛn/ Kriegsraͤh- ten/ General Pfenningmeiſter/ Quartiermeiſter/ Profoß/ Zeugmeiſter/ Proviandmeiſter/ ꝛc. Nichts wenigers/ wer o- berſter Wagenmeiſter/ Rumormeiſter/ Brandtmeiſter vnd der- gleichen Empter Verwaltung befohlen ſeyn ſolle.

Darneben dem Feldtherꝛn mit Fleiß/ wol acht vnd in Beden- cken zu faſſen/ ob auch alles nach wichtiger Erforderung der Sachen/ weytere Fuͤrſehung vnd Anordnung bedoͤrffe. Sol- ches mag er am beſten warnemmen/ vnd jhm kundtbar werden/ da der gantze helle Hauffen zu Roſſz vnnd Fuß/ jedes fuͤr ſein Theil/ vnd an ſeinem Ort/ in ein Schlachtordnung gebracht/ das Feldt vnd ander Geſchuͤtz angeſchirret/ vnnd herauß geruͤcke wirdt/ in aller maſſen/ als ob der Feindt in der naͤhe vorhanden/ vnd der Kappen warzunemmen ſey.

Beſte wei- ſe/ wie ſtarck ein Hauff/ ꝛc. zu erfahrẽ.

Der beſte/ gewiſſeſte Weg aber vnd Bericht/ wie ſtarck man zu Roſſz vnd Fuß im Feldt ſey/ iſt dieſer: Da die Fahnen an Pfer- den/ vnnd die Faͤhnlein Knecht in gleicher ſtaͤtter Anzahl wehr- hafftiger Mann allzeit regiſtrirt/ vnnd auch gefunden werden. Sonſt wann beyde der Reuter vnd Fußvolcks Anzahl vnder ei- nem Rittmeiſter oder Haͤuptmann mehr/ vnder anderm weni- ger/ de- Kriegshandlungen/ Ander Theil. ger/ denen viel Einaͤugige vnd Blinde eyngemiſcht ſeyn moͤch- ten/ zu beſorgen/ iſt dem Feldtherꝛn (wie Anno 46. der kurtz hie- vor hochermeldter Fuͤrſt vnd Kriegsheldt/ einem Oberſten auff- ruͤckt) wie er im Feldt ſtaffirt/ fuͤr vnd fuͤr vngewiß/ vnnd auff et- was/ das im vngewiſſen Zweiffel ſtehet/ gar nichts/ oder wenig endtlichs zuſchlieſſen vnd bawen.

Haͤupt oder Hoff Fahn/ iſt die Fahne/ darunder deß FuͤrſtenHaͤupt o- der Hoff- fahnen. Hoff vnd Landtjunckern/ oder Ritterſchafft von jhm Lehen tra- gendt/ gehoͤren: Jſt alle Zeit groͤſſer vnd ſchoͤner/ dann der an- dern Fahnen eine/ auch darinn deß Fuͤrſtens oder Feldtherꝛns Wapen vnd anders mit Goldt vnd Silber auffs ſcheinlichſt ge- mahlet vnd zugericht.

An einem ziemlichen Reñſpieß oder Staͤnglein fuͤhret einReñ fahn. Knab ein Faͤhnlein/ gemeinlich weiſſer Farb/ von Hoͤhe einer Elen/ vnd in dem Flug auch ſo viel/ doch wie jedem alſo auch mit der Laͤng vnd Groͤſſe geliebt/ ſtaͤttig hinder dem Feldtherꝛn her/ darbey denſelbigen ein jeglicher/ der Rahts oder Beſcheidts von jhm bedarff/ baldt vnd ohn lang Saͤumnuß ſuchen oder fra- gen/ erſehen mag/ vnd anſprechen.

Allhie vergleicht man ſich auch eygentlich der Kennbinden/Feldezei- chen. oder Feldtzeichens/ mit Fuͤrſichtigkeit/ daß ja der Farben keine daran ſey/ ſo die Feinde zum Zeichen tragen. Vnnd ob/ wiewol geſchicht/ daß ſchon ſich alſo zutruͤge/ wie ich ſelbſt erfahren/ daß zur ſtundt vmbgeſchlagen/ vnd andere Farben erwehlet werden. Zweyfaͤrbige Feldtzeichen ſeyndt ohn ſondere Vrſachen nicht zu haben: Dann ich darbey geweſen/ daß etliche Feldtzeichen/ von Farben roht vnd weiß fuͤhreten. Dieweil wir aber ſonſt nur gar weiß/ vnd der Feindt durchauß roht/ zum Feldtzeichen hette/ be- gabe ſichs mehr dann eins/ daß die vnſern eben mit der Seyten/ da die Binde roht war/ naheten/ von andern der vnſern fuͤr Feindt gehalten/ vnd geſchoſſen worden. Dieſes muß der helle Hauffen verwarnet werden.

L iijOrdnung Militaris Disciplinæ: oder

Ordnung der Wagen/ wie die auff dem Zug am fuͤglichſten vnd bequemlichſten/ einander folgen ſollen/ wirdt vmb viel Vn- rahts willen/ ſo darauß zu entſtehen pflegt/ auch allhie vermel- det vnd angerichtet.

XXVI. Auffforderung der Staͤtt/ Schloͤſſer/ ꝛc.

DJe Auffforderung kan zweyerley/ Schrifftlich oder Muͤndtlich geſchehen. Muͤndtlich/ ſo der Herꝛ oder Potentat/ ſolcher Hochheit iſt/ durch einen Heroldt oder Ehrenholdt. Schrifftlich aber wirdt ſie vollnzogen von einem Trommeter: Oder auch wol von dieſen bey den zugleich.

Vnd iſt hie zu mercken/ daß die muͤndtliche Auffforderung ge- ſchicht durch den Heroldt in tertia perſona: Als der den Namen/ Herꝛligkeit vnnd Titul ſeines Fuͤrſten erſtlich erzehlet/ darnach weyters faͤhret/ ſpricht: Daß ſein Herꝛ/ wie vorher allzeit/ alſo auch jetzt/ nichts mehr von Hertzen begehre oder wuͤndſche: dann daß eine beſtaͤndige vnd vnvergaͤngliche Eintgkeit/ vñ Nachbar- lichen geneygten Willen (iſt gegen die/ ſo nicht ſeinem Gebiet vn- worffen) dañ gegen andere/ oder ſeine Vnderthanen/ ꝛc. muß die- ſe Oration auch anders geſcherpfft werdẽ) zwiſchen jm vñ euch/ (oder zwiſchen den Fuͤrſtlichen Haͤuſern N. vnd N.) gemacht/ vnd vnauffloͤßlich erhalten wuͤrde. Solches ſey je klar vnd ey- gentlich darauß abzunem̃en/ daß er niemals die gantze zeit ſeines Lebens oder Regierung etwas feindtliches gegen euch (vnnach- barlichs) hat vnderſtanden: Jhr aber habt ohn einige gnugſame Vrſach wider die geſchworne vnnd ſchuͤldige Vnderthaͤnigkeit vnd Gutwilligkeit/ Krafft geſchworner Buͤndtnuß/ je vñ allweg tuͤckiſcher Weiß gehandelt: doch jetzo ſolchen ewern Meyneydt/ vnd jetzt vermaͤntelte Falſchheit auff einmal mit Hauffen herauß geſchuͤttet. (Vnd hie muß er nach der Laͤng/ was ſie mißhandelt/ auffs Kriegshandlungen/ Ander Theil. auffs allerhefftigſt vñ feindtlichſt exaggerirẽ vnd erzehlen) Auch ſolcher maſſen jhn ſchwerlich erzuͤrnet/ daß maͤnniglich vnmuͤg- lich darfuͤr ſchaͤtzet/ daß zu verhoffen ſeye/ euch einige Gnad oder Verzeihung von jhm zu widerfahren.

Dieweil er aber ein Chriſtlicher Fuͤrſt/ auch auß angeborner Fuͤrſtlicher Gelindigkeit zu Fried vnd Einigkeit/ auch Blutver- gieſſung vnd andern mercklichen vnwiderbringlichen Schaden vnd Vnraht zu vermeiden/ geneygt: Zu dem nit vnwiſſendt/ daß viel guthertzige in ewerm Mittel/ denen die geuͤbte Vntrew/ vnd auß Frefel vorgeſetzte Voßheit/ zum hoͤchſten leydt/ laͤſſet er euch noch zum Vberfluß hiermit den Frieden anbieten/ wil jhn auch euch ſtarck angebotten haben: Allein da jhr jhn fuͤr eu- wern Herꝛn erkennen/ vnd Gnad von jhm bitten vnd begehren. Solche auch neben einem demuͤhtigen Fußfall/ mit Auffgeben ewer Statt/ vnd der Schluͤſſel Vberlifferung/ werden bezeugen. Jſt er gnaͤdigen bedenckens/ euch als dañ bey allen alten Statu- ten/ Privilegien vnd Gerechtigkeiten/ auch im geringſten vnver- endert bleiben zu laſſen: Euch mit allen dem ewrigen/ Leibs vnd Guts gnugſam zu verſichern. Letztlich/ all die jenigen/ ſo euch vmb Beſoldung gedienet/ ſollen mit Verſicherung Leibs vnd Le- bens/ jhrer Haab vnd Guͤter abziehen/ vnd ſo ſtarck von noͤhten/ biß jhnen nichts arges mehr zu befahren/ Vergleytung haben: Vnd alsdañ/ was zwiſchen jhm vnd euch zum guten folgendts befuͤrderſam erſcheinet/ nicht vergeſſen werden/ auffzurichten. Darumb iſt es jetzt an dem/ daß jhr ewere Wolfahrt nicht ver- ſchmaͤhen/ euwer vnd der ewrigen ſelbſt ſchonen/ vnd was nach- mals darauß entſprieſſen moͤchte/ ermeſſen.

Werdet jhr dieſe billiche Mittel/ die auß ſeiner Fuͤr ſtlichen Guͤtigkeit herflieſſen/ truͤtziglich abſchlagen vnd verachten: iſt er ſchon gaͤntzlich bey jm entſchloſſen/ euch in ſolchẽ Ernſt daheym zu ſuchen/ zu belaͤgern vnd feindtlich anzugreiffen/ daß hinfurt kein Bitt noch Flehen (ob jhr auch ſchon in hohen Himmel ruffen Militaris Disciplinæ: oder ruffen wuͤrdet) ſtatt finden/ niemandts/ keines Standts/ Al- ters oder Perſon/ verſchonet/ kein Stein auff dem andern gelaſ- ſen/ vnd aller Widerſpenſtigen in der weyten Welt/ ein Exempel werden vnd bleiben ſollet.

Nota.

Da aber dieſe Aufforderung (die zu jedes vngefangenen Wil- len vnnd Gutbeduͤncken ſtehet) in offnen Schrifften durch den Trommeter anbracht werde/ muſte man es in prima perſona verfaſſen/ nemlich: wir N. vñ N. ꝛc. daß wir vorher alle zeit/ alſo auch jetzt nichts mehr von Hertzen begehren oder wuͤndſchen/ ꝛc.

1. Antwort.

Die Antwort geſchicht hierauff mit faſt Repetierung deß be- ſchehenen Anbringens/ ꝛc. ſprechen: Hetten ſich dieſes ſchwehren Handels nicht verſchen/ zeigen an mancherley poteſtationes, warumb ſie diß vnd jenes nicht thun koͤnnen. Was ſonſten auſ- ſerhalb beruͤrten Puncten/ ſoll kein Vnderthaͤnigkeit vñ Dienſt ſo groß ſeyn/ derer ſie ſich nicht vmb ſeinen Willen vnder ziehen werden: Bitten vnnd verhoffen/ noch wie vor/ er werde wie ein Chriſtlicher Fuͤrſt/ ſein vorig Lob der Fuͤrſtlichen Guͤtigkeit/ gegen ſie nicht ſchwinden laſſen/ ſich eines beſſern vnd miltern bedencken/ ſeinen gegen ſie gefaſten Zorn/ durch andere jhnen mißguͤnſtigen faͤlſchlich auffgetrochen/ mit Gnaden vergeſſen/ vnd ſie fuͤrter oder ferꝛner/ dann von alters braͤuchlich vnd her- bracht/ nicht beſchweren oder bedrangen: ſoll er ſie nach allem jh- rem Vermoͤgen ſolche finden vnd behalten/ die in allen Dingen/ zu Lieb vnd Leydt/ Gut vnd Blut bey jhm auffſetzen vnd wagen woͤllen: Das vbrige muͤſſen ſie Gott befehlen.

2. Antwort.

Befinden ſich aber die jenigen/ denen dieſe Werbung fuͤr- bracht/ dieſem Herꝛn gnugſam vnd gewachſen/ iſt jhre Antwort kurtz vnd hart. Vnder andern auch alſo: Daß man Epffel/ Bie- ren/ Nuͤß/ ꝛc. vnd nicht ſolche Statt/ Feſtung/ ꝛc. pflegte ſo leicht- lich hinzu geben: Wiſſen niemandt anders dann Kraut vnd Loth zu willen: Wer ſich Hochmuhts nicht vberigen/ moͤge herkom- men/ woͤllen ſie daſſelbige auß allen Kraͤfften mit jhm theilen: auch vn- Kriegshandlungen/ Ander Theil. auch vnerſchrocken ſeyn/ weil ſie nur ein warmen Blutstropffen haben/ ſich nicht darauß bringen zu laſſen/ ſie werden dann bey den Haaren vber die Mauren gezogen: Sondern allda/ daß jhr Kirchhoff ſeyn ſolle/ woͤllen ſie bey einander leben/ oder in Mañ- heit redlich ſterben.

Welche ſich aber eins andern vnd beſſern bewuſt vnd beſinnen/ bitten Ziel vnd Zeit zu einer fuͤgſamen Antwort.

Angeregtes Auffordern vnd Werbung geſchicht offtermals/ auch wol mehr dann eins/ nicht eben derhalben/ was darinnen be- griffen: Sondern der Feindt Vornemmen vnd Gelegenheit deß Orts zu erfahren vnd abzuſchauwen.

XXVII. Verwarnungsſchrifft/ Abſag oder Feinds Brieffe/ vnd wie die geſandt werden.

WJr N. vnd N. ꝛc. entbieten euch (oder dir) der du dich nenneſt N. N. ꝛc. hiemit zu wiſſen: Nach dem du ein Zeit her (wiewol vber vielfaltigs abmahnen vnnd freundtlichs Begehren) vnſer Perſon vnbillich mit Jnjurien vnd Ehrenruͤhrigen Schrifften Vnfuͤrſtlich angetaſtet: auch die vnſern nun laͤngſt an dem jhren/ Keyſerlichen Rechten vnnd E- dicten zuwider/ perturbiret vnd beleydiget. Darzu dich mit dei- nes gleichen Vnruͤhigen confoederirt vnd verbunden/ vns (wel- ches doch Gott nach ſeinem guten gnaͤdigen Willen verhuͤtet/ vnd vns im beſten/ aber dir zum Schaden/ durch wunderbare Mittel kundt gethan) heymlich vnd meuchlings zu vberfallen. Daß wir darumb zu vnſer Goͤttlichen/ natuͤrlichen/ vnnd nach geſtalt diß falls in allen Rechten zugelaſſenen Defenſion/ durch dich hoͤchlich genohtdrangt vnd vervrſacht worden/ vns auch in Anzug zu begeben/ vns vnd die vnſern durch Goͤttliche gnaͤdige Huͤlff vnd Verleyhung vor deinem vnbilligen Gewalt/ auch vn- Mchriſtlichen Militaris Disciplinæ: oder chriſtlichem vnd Vnfuͤrſtlichem thatlichem Vornem̃en zu ſchuͤ- tzen vnd zu retten. Dañ daß dein Gemuͤht ſey vns vnd die vnſern zu vertilgen/ auch vnſer Libertet vnd Freyheit zu vnderdrucken: Solches iſt auß vielẽ Verlauffenen/ deinen boßhafftigen Hand- lungen/ ſonſt auch ſonderlich auß deinem jetzigen gewaltſamen Vorſatz gnugſam vnd klaͤrlich zu befinden.

Woͤllen vns derwegen offentlich fuͤr vns vnd vnſer Helffer/ vnd Helffers Helffere/ auch von wes wegen wir vns ſonſt wey- ter zu verwahren ſchuldig/ altem loͤblichem Teutſchen herkom- men nach/ in der beſten Form vnd Maß/ zu obgemeldter vnſer Gegenwehr/ hiermit gegen dich/ vnnd wer dir von deinen oder andern/ wer die ſindt/ niemandt außgeſchloſſen/ mit Raht/ That vnd Huͤlff/ heymlich oder offentlich/ wider vns anhaͤngig/ vnd dir verwandt ſeynd/ dich vnd ſie durch Fewer vnd Schwerdt feindtlich heymzuſuchen/ gegen dich vnd ſie/ wie viel gemeldter Goͤttlicher Gegenwehr vnd Schutzes Notturfft erforden wil zu handeln/ verwahret vnd proteſtirt/ vnnd bezeugt haben: Daß wir alles deß Jammers vnd Schadens/ ſo hierauß furter erfol- gen moͤchte/ vnſchuldig ſeyn/ vnd dir zu ermeſſen/ heym gewie- ſen ſeyn ſollen: Dann von wegen vnſer/ vns von Gott befohle- nen armen Landt vnd Leuten Wolfahrt willen/ erkennen wir vns/ alles vnſer Vermoͤgen/ auch Gut vnnd Blut/ nach dem Willen vnd Wolgefallen deß Allmaͤchtigen auffzuſetzen vnd zu wagen ſchuldig. Vnd haben es dir/ dich darnach zu richten/ nicht vnangezeigt laſſen woͤllen. Zur Vrkundt haben wir vnſer Fuͤrſt- lich Secret/ zu Ende dieſes offenen Brieffs auffdrucken laſſen. Geben zu N. den N. Anno/ ꝛc.

Abſagbrief fe ſenden vnnd brin- gen.

Mit groſſer Solennitet Ceremonien/ der alten loͤblichẽ Teut- ſcher Nation/ pflegten ſie die offnen Abſag oder Verwahrungs- brieffe (etwa an einem Rennſpieß) bey einem Edelknaben/ auffs ſchoͤneſt in eytel Sammat gekleydet/ mit vorher Blaſen eines Trommeters/ welches dem Volck ſondern Schrecken bracht/ zu vber- Kriegshandlungen/ Ander Theil. zu vberſenden/ mit ſtarckem Befehl/ die Brieffe dem Herꝛn zu ſelbſt eygnen Handen zu vberliffern.

Solchem Knaben vnd Trommeter ließ der Fuͤrſt vnd Herꝛ/Wie dieſe Brieffe angenom- men. an welchen dieſer Brieff gebracht/ es ehrlich vnnd wol erbieten/ mit Eſſen vnd Trincken jhrer wol pflegen/ darzu mit einer guͤl- den Ketten vnd Geſchencken/ wider von ſich zu jhrem Herꝛn reyten. Wiewol/ vnangeſehen gedachts/ der auffrichtigen vn- ſer alten vordern Teutſchen Gewonheit zu entgegen/ vor Jah- ren etliche/ da ſie mit einem dergleichen Brieffe erſucht/ den nit annemmen woͤllen: Beſondern den Edelknaben vnd Tromme- ter/ an ſtatt der Guͤlden Ketten/ mit einem Strick vnd Hencken bedrauwet/ hinzu ziehen.

XXVIII. Ein einig Haͤupt vnd Feldtherꝛ der nůchtern vnd wacker ſeye/ am beſten.

DJß folgendt Exempel erklaͤret vnd bezeuget es: das vnzehlig him̃liſch Heer (alſo nenne ich hie das Ge- ſtirn am Firmament) empfaͤhet auß Gottes fuͤrſichti- ger Erſchaffung vnd Ordnung ſeine Krafft/ vnd wirdt regieret nur durch eine Sonne/ vnd derſelbigen gewiſſen Lauff vnd Wir- ckung/ vnd wirdt keins vmbs geringſt auß ſeinem Standt ver- ruͤckt: ſondern behaͤlt denſelbigen beſtaͤndiglich. Welches mit nichten bey Regierung zweyer/ wil geſchweygen/ vieler Son- nen geſchehen/ vielmehr alles in vnd durcheinander confundirt vnd verwirret wuͤrde/ vnd heiſſen: Quot capita, tot ſenſus, vel ſententiæ: Viel Koͤpff viel Siñ.

Dann wie viel Nutzes vnd fruchtbarlichs durch vngleiche☜ Rahtſchlaͤge/ zweyerley Oberkeit in gleicher Gewalt/ mehr dann offt in die Harꝛ verzogen/ ja gar verhindert/ vnd in vn- M ijwider- Militaris Disciplinæ: oder widerbrinlichen Schaden verwandelt worden: Nach deſſen Ex- empeln darff man nicht lang in vhralten Scribenten (da derer ſonſt voll auff zufinden) auffſuchen: Sonder die Erfahrung vie- ler bey vnſer Zeit vnd Gedencken/ verhandelten Geſchichten/ vns noch jmmerdar friſch vor Augen ſchwebet/ vnd in vieler vnſer Ohren klinget.

Hierumb in dieſen hohen/ vñ voller ſchrecklicher groſſer Faͤhr- lichkeit/ Sachen/ iſt am fuͤrtraͤglichſten/ allein auff ein einiges Oberhaͤupt vnd Perſon zu ſehen/ durch welches Authoritet alle andere bewegt werden: Eine ſolche Perſon aber/ ſprich ich/ die es/ nechſt Gottes Furcht/ mit Ernſt meyne/ der Trunckenheit/ taͤglichen Praſſen vnd voll ſeyn/ ſampt andern Wolluͤſten nicht ergeben: Sondern maͤſſig/ nuͤchtern/ Wachens/ Vbelligens/ nicht vberdruͤſſig/ Froſt vnnd Hitze zu tragen/ gedultig: Alle Wachten vnd Sachen in Laͤgern/ Schantzen vnd andern faͤhr- lichen Orten/ ſelbſt Abendts vnd Morgendts/ auch wol zu Mit- ternacht ſorgſam beſichtigen. Dann/ wie geſagt/ nuͤchtern ſeyn/ Vermeidung ſtaͤttiger Trunckenheit vnnd Zechens/ iſt einem Feldtherꝛn/ oder einem der deß Oberſten Regiment im Feldt verwaltet/ ja ſo noͤhtig als Geldt/ ꝛc. Dann auß Trunckenheit koͤmpt an ſolchen Orten entweder Vnachtſamkeit/ oder Vnbe- ſunnenheit: auß Vnbeſunnenheit/ Thollkuͤhnheit. Was ſolche bey vnſern Tagen guts angerichtet/ iſt abermal manchem Men- ſchen vnverborgen. Offenbar iſt es/ was auffs geraht wol hin- eyn platzen/ vnd auß Thumbkuͤhnheit gewagt/ fuͤr ein Außgang gewonnen: nemlich handeln ohne Raht/ bringt Rewen nach der That. Mehr dann einer feiner Kriegshelden/ von hohen ſo wol als nidrigen Staͤnden/ haben/ wann ſie mit Wein begoſſen/ den Beern allein ſtechen woͤllen/ vnd es zuheiß gewagt/ jhr Leben oder Geſundtheit verlohren.

Geſetzt/ man habe etlichmal in ſolcher Haßt/ ohne vorgehabte Rahtſchlag/ was nutzliches vnd mannliches begangen: Koͤmpts hernach Kriegshandlungen/ Ander Theil. hernach zu ſolcher Zeit/ vñ an dem Ort das das vorige Gluͤck alle wirdt verſchuͤttet. Man ligt nun gleich vnden oder oben/ weiß doch niemandt/ was fůrderſam geweſen/ oder woran es gefehlet.

XXIX. Gute Raͤht vnd Anſchlaͤg noͤhtig vnd nuͤtzlich.

MJT getreuwen Kriegsraͤhten/ vnnd erfahrnen alten Kriegsleuten/ vnder dem Hauffen/ ſoll die vorge- lauffene Noht/ auß gutem/ ſatten/ reyffen Raht/ zuvor wol herdurch/ vnnd wider herdurch gezogen/ vberſchlagen/ auff die Goldtwag gelegt/ ja auffs Endt fuͤrnemlich geſehen werden. Mit erfahrnen vnnd bewehrten Leuten/ Maͤnnern/ nicht meyn ich/ mit jederm Schreyer/ Großſprecher vnd Brůllenreiſſer/ die ſich jeder Zeit auß Vermeſſenheit vnnd Stoltz/ allenthalben/ darumb daß ſie auch denen/ die nit viel Ruͤhmens treiben/ vorge- zogen werden/ eyndringen. Fiel oder gienge es dann ſchon et- was anders/ dann man verhoffet/ kan man die Maͤngel/ beſſer vnd gruͤndtlicher mercken/ vnd ſie hernach/ mit veraͤnderung der Rahtſchlaͤg verbeſſern vnd erſtatten.

XXX. Kundtſchafft iſt fuͤrnemlich gut in Kriegen.

WEil aber die Rahtſchlaͤge/ die keinen Tag ſol- len vnderlaſſen ſeyn/ mehrermal nutzbar vnd vrſpruͤng- lich/ auß den eyngenommenen Kundtſchafften flieſſen moͤgen/ ja zu flieſſen pflegen: Soll dieſelbigen gut vnd gewiß zu haben/ kein Geldt noch Koſten geſparet werden. Dañ die Kund- ſchafften hoͤher vnd ſtaͤrcker/ dann viel Geldt oder groß Volck M iijofft vnd Militaris Disciplinæ: oder offt vnd dick fort helffen/ oder Schaden verhuͤten. Dannenher von etlichen geſagt worden/ wie ſie Monatlichen/ wo nicht mehr/ doch je ſo viel Geldt auff Kundtſchafften außſoldeten/ dann jhre Kriegshauffen zu beſolden/ verbraucht hetten.

XXXI. Durch wen vnnd wie Kundtſchafft zu bekommen.

WAs man nicht auß den Gefangenen vnd Fluͤch- tigen/ denen doch auch nicht durchauß Glauben zuzu- meſſen/ dann es mit Auffſatz beſchehen moͤchte/ vom Feindt nicht mag erforſchen: Seyndt darzu allerley Leute/ be- vorab betagte vnnd wol wegkuͤndige Reuter/ auff alle Seyten abzufertigen/ vnnd derer nicht wenig/ außzuſpaͤhen wo der Feindt lige/ wie der Ort deß Laͤgers/ vnd alle Ding an Schan- tzen/ Geſchuͤtz/ ꝛc. darumb vnd darneben gethan vnd geſchaffen: Wie ferꝛn von dañen: wie ſtarck ohn gefaͤhrlich: was fuͤr Volck: wie geruͤſt: Jtem/ ob er dieſe Ding ſelbſt geſehẽ/ gehoͤrt/ oder von andern/ wer die geweſen/ woher ſie kom̃en/ vermerckt habe? wirdt es nit fehlen/ es erfehret je einer ein anders dann die andern/ dar- auß etwas fuͤglichs zu vermuhten vñ anzuheben ſey. Stimmen jhr etliche/ wo nit viel/ in einerley vbereyn/ iſt deſto gewiſſer dar- auff zu hafften. Auß denen Vrſachen/ auch ſo viel muͤglich/ ehe die Kundtſchaffter verhoͤret/ jeder ſonderlich zu verhuͤten/ das keiner zuvor mit dem andern ſich erſpraache.

XXXII. Vor deß Feindts Kundtſchafft ſich zu warnen vnd zu hůten.

GVt zu dencken iſt/ es werde der Feindt eben auch das jenig hieriñ vornemmen/ vnnd ⃒eine Außſpaͤher mit Hauffen/ Kriegshandlungen/ Ander Theil. Hauffen/ vnnd dieſelbigen gut/ hie vnd dort hin daran wagen. Vmb deß willen die fuͤrnemmen Herꝛn/ an denen dem Hauffen ein merckliches gelegen/ wie zuvor allen andern der Feldtherꝛ/ niemandts anders/ dann die auff ſie beſcheiden/ baldt Perſoͤn- lich vor ſich kommen/ vielmehr durch andere/ was jhr antra- gens/ zu erkuͤndigen geſtatten.

Gieng einer oder mehr an Orten/ da jhm nicht hin gebuͤhret/ ſtreichen/ mag der als ein Verdaͤchtiger beſpraachet werdẽ. Die- ſe Rechtfertigung/ wiewol ſie der Tagwacht darauff zu ſehen gebuͤret/ gehoͤret ſie doch endtlich in das Ampt deß Profoſen/ vnd deſſen Geſindtleins. Sintemal gar offt auch Verraͤhterey vnnd Auffſatz durch Marckatenter/ Sudler vnd andere jhres gleichen/ iſt gebraucht vnd zuwegen bracht. Vnd achte ichs nicht vntůglich/ ſo der Profoß die jenigen/ welche dem Laͤger vor vnd vor mit jhrer Kraͤmerey vnd Handthierung nachziehen woͤllen/ dem Herꝛn vnd gantzen Hauffen getrew vñ holdt zu ſeyn/ Scha- den/ wo ſie moͤgen/ zu warnen/ vnd auch ſelbſt keinen zufuͤgen/ an Eydts ſtatt zur Handtgeluͤbnuß ziehe/ vnnd derer Nahmen ey- gentlich/ vnd mit was Kauffmanſchafft ſie ankommen/ Erfor- ſchung thue/ vnd ſie Regiſtrire.

Die taͤglichen Zukoͤmmling aber/ jetzo er ſelbſt/ dann durch ſeinen Leutenampt/ Trabanten oder andere examinire vnd be- ſpraache/ nemlich: wie ſie heiſſen/ woher ſie kommen/ was ſonſt jhr taͤgliche Handlung ſeye/ wo/ bey wem oder welchem ſie jhre Wahr geholet/ ꝛc. Beduͤnckt jhn dann eines Sach loͤcherig/ vnd nit ſchnurrichtig/ kan er mit Raht der Oberſten (doch nit erſtlich mit Vnglimpff) den Handel in Bedencken ziehen. Wel- che aber als dann auch in der Prob nicht beſtehen/ alſo zu be- lohnen/ daß andere jhres Handtwercks oder Schlags ſich deſto mehr ſcheuwen/ hieher zu kommen.

Bott- Militaris Disciplinæ: oder
XXXIII. Bottſchafften zu ſenden vnd anzunem- men in gemein.

HAben die Herꝛn willens/ in Ernſt oder angenom- mener Weiſe/ erheblicher Vrſach wegen/ oder vmb einen Vertrag/ Anſtandt/ Stillſtandt oder Abwechſelung/ der Gefangen halber/ wie ſie vorgeben laſſen/ etwas ins Werck zu bringen/ ſchicken ſie ein Trommeter oder Trommenſchlaͤger in deß Feindts Laͤger/ hierumb zu werben vnd erfragen. Dieſelbi- gen Trommeter vnd Trommenſchlaͤger/ ſollen wol mit Speiß vnd Tranck tractiret werden. Da nun der Feindt den kuͤnfftigen Geſandten/ weyter zu verabreden anzukommen/ verguͤnnet/ oder deß Platzes halber jhrer Zuſammenkunfft anderswo beſchlieſſe/ ſtellet er dem Trommeter zu/ ein ſchrifftlich Geleydt/ damit die/ Geſandten ſich nichts zu befahren haben ſollen. Fertigt deßglei- chen einen auß ſeinen Trommetern ab/ mit dieſen zu reyten/ ſei- nen/ die abgeſchickt werden ſollen/ eine Schrifftliche verſiegelte Vergleytung zu fordern. Doch wie es hiemit nach jeder Na- tion oder Landts weiß braͤuchlich.

Ob aber ſolch Bottſchafft ſenden vnd anzunemmen/ boͤß oder gut/ darvon woͤllen wir/ was der weylandt/ Geſtrenge/ Edle Philippus de Com- mines.Ritter Philippus von Commines, im Buͤchlein von den Ge- ſchichten Koͤnig Ludwigen zu Franckreich/ dieſes Nahmens deß Eylfften/ in Frantzoͤſiſcher Spraach beſchrieben/ vnnd auff Teutſch alſo lautet/ vnd ſpricht: Hierumb ſeyndt nun Botten vnd Botten auff vnd nider geſendet/ etliche gemeine/ die andern ſonderlich darzu erwehlet: Welches in der Warheit eine Sach/ die nicht vnſchaͤdlich/ oder ohne Gefahr iſt. Dann vnder dem Schein einer Bottſchafft werden vielmal Dinge/ die zu vnwi- derbringlichem Verderben gereychen/ gehandelt. Wiewol es/ daß Kriegshandlungen/ Ander Theil. daß groſſe Fuͤrſten vnd Herꝛn jhre Legaten nicht hin vnnd wider vielmals verſchicken/ deßgleichen andere nicht widerumb zu jnen kom̃en ſolten/ nicht kan vermitten werdẽ/ ſo iſt doch einer ſonder- lichen Fuͤrſichtigkeit vnd Geſchickligkeit von noͤhten/ frembder Herꝛn Geſandten recht vnder Augen zu gehen/ ꝛc.

Traͤgt ſichs zu/ daß eines Herꝛn/ da wir ſo hin mit ſtehen/ ge- woͤhn liche Botten/ oder andere auff die Weiſe/ ſonderlich darzu außgeſchoſſen/ zu vns kom̃en/ wiewol in ſolchen wichtigen Haͤn- deln es nicht gilt zu ſchertzen/ vielmehr ſorgſam zu ſeyn/ ſoll man ſie doch nach Gelegenheit guͤtlich empfahen/ vnd etliche/ jhrem Standt bequeme/ vnnd nicht vnwiſſende Perſonen/ auff ſie zu warten/ vnd jhnen Geſellſchafft zu leyſten/ beſtellen. Dann ſol- ches ſtehet ehrlich/ iſt auch darzu nuͤtz/ daß man/ was ſie thun/ mit welchen ſie Spraach halten/ oder Kundtſchafft haben/ ge- wahr werde vnd erfahre: nicht allein diß/ ſondern auch/ daß nit allen fuͤrwitzigen vnd vnruͤhigen Menſchen/ bey jhnen ſich eyn- zuſchleyffen/ geſtattetwerde: Vnd ſeyndt der Fuͤrſten Hoͤffe ſo reyn nimmer mehr/ es ſeyndt allweg etliche daran/ die zu Ende- rung vnd Newerung Luſt tragen.

Sintemal es nun nicht gut iſt/ ſeinen Feindt im Hauß haben/Nota. Alſo auch nicht im Feldtlaͤ- ger. wolte ich rahten/ nechſtes Tags ſolche Geſandte widerumb ab- zufertigen/ doch der geſtalt/ daß ſie kein Vrſach haben/ der Vn- freundtligkeit ſich zu beklagen. Dann auch nicht/ ob es ſchon zu einem offenen Krieg kommen/ man die Mittel eines Friedens vnderlaſſen/ oder die Geſandten abweiſen ſoll: Sondern ſie hoͤ- ren/ vnnd hinwider andere zum Feindt ſchicken/ denen befehlen/ was zu jeglicher Zeit gehandelt werde/ vnd wer die ſeyen/ welche mit jhnen reden/ wol auffs fleiſſigſte achtzunemmen.

Offtmals iſt ſolche Legation vnd Bottſchafft zu erneuwern/ auch ſo der Feindt auffs letzt ſich der zu enthalten/ vnderſagt/ vnd kein Gleit oder Nachtlaͤger mehr geben wolt. Dann kein ſo fleiſ- ſiger vnd getreuwer Kundtſchaffter kan ſolche Bequaͤmligkeit/ Nſo vieler- Militaris Disciplinæ: oder ſo vielerley außzuforſchen/ bekom̃en/ als vorgedachte Geſanden: Zu vorderſt/ wann jrer zween ſeyn oder mehr/ bleibts nicht ohn/ daß ſie nicht etwas verwinden oder mercken. Welche Fuͤrſten auch klug vnd fuͤrſichtig ſeyn/ thun wie ſie koͤnnen/ daß ſie bey jh- rem Widerpart etliche auff jhrer Seyten haben.

Vielleicht moͤcht nun jemandt ſagen: Solche ſtaͤttige vnd vie- le Bottſchafften/ machen den Feindt nur je mehr ſtoͤltzer: So mag doch ſolch Stoltzieren eygentlich der Sachen nichts benem- men/ ſondern auff angeregte Weiſe wirdt man jmmer zu etwas von ſeinem Vorhaben vnd Rahtſchlaͤgen jnnen. Mag ſeyn/ daß der Feindt eben darumb/ warumb ich jetzt geſagt/ ſeine Bott- ſchafften auch abfertige/ ſoll man doch derhalben nicht baldt ablaſſen/ ja viel ehe/ da man auch ſonſt nichts zu erholen wuͤſte/ dann heut diß/ morgen jenes außzugruͤbeln/ mit Bottſchaff- ten nicht ſtill halten.

Hiebey iſt auch diß zu mercken/ daß nicht alle die geſchickt wer- den/ gleiche Witz vnnd Verſtandt haben/ oder ſolcher Ding zu- gleich laͤufftig vnd durchgangen ſeynd: Vnd je auffmerckender einer in ſolchen Haͤndeln iſt/ je mehr er nutz ſchaffet/ vnd daruͤber wirdt gepreyſet. Vnd bißher der von Commines.

Vielmal hat ein Fuͤrſt vnd Herꝛ/ die zu jm abgefertigte Bott- ſchafft zu beantworten/ verzogen. Damit er/ weil der zugeſanden Bottſchafft halber ſich ein Feindt nichts ernſtes oder hinderliſti- ges/ ſo lang die ſeinen noch nicht wider ankommen/ beſorgt noch verſihet/ vnder deß ſeine Practicken deſto beſſer kochen/ vnd ſi- cher herfuͤr tragen moͤge.

XXXIV. Staͤtte/ Feſtung/ ꝛc. berennen.

VOr eine Statt/ Hauß oder Feſtung/ oder in freyem Feldt/ naͤher zum Feindt das Laͤger ſchlagen/ wer- den die Kriegshandlungen/ Ander Theil. den die Renn vnd Schuͤtzenfahnen/ auch wol andere mehr Fah- nen darzu: Auch wol ein Faͤhnlein eytel Hackenſchuͤtzen (wie bey vielen Herꝛen/ alſo ein Faͤhnlein Hackenſchuͤtzẽ zu habẽ/ gewoͤhn- lich) verordnet/ darmit der oberſte Quartiermeiſter/ ſampt an- dern Quartiermeiſtern/ vnder die Hoffleut vnd Regiment Fuß- volck gehoͤrig/ vor Auß vnnd Vberfall ſicher/ die Gegendt zum Laͤger fuͤgſam vnnd bequemlich erwehlen vnd abzircken moͤgen. Vnd dieweil jhnen alsdann/ wie frembden ankommenden Gaͤ- ſten/ zu Ehren auß der Feſtung vnd Wehren herꝛlich vnd weyd- lich entgegen geblaſen/ wirdt es nicht vnbillich Berennen genen- net/ dann ſie an einem Ort nicht lang/ vmb groſſen Schaden zu vermeiden/ ſtill halten doͤrffen.

So viel beſſer handeln hetten ſie/ mit den Feinden/ vnnd zu widerſtehen: wann jeder Hoffmann ein Hackenſchuͤtzen hinder jhm fůhrete/ ꝛc.

XXXV. Von Auffbrechen vnd Furterziehen/ vnd was darinn zu bedencken.

ZVvor vnnd ehe auß einem vnd altem Laͤger auff- gebrochen/ vnd in ein anders vnnd neuwes Laͤger verruckt wirdt/ rahtſchlaget ein Feldtherꝛ mit ſeinen beſtellten/ ver- ordneten vnd bewehrten Kriegsraͤhten/ erſtlich: Was Nutzen oder Frommen auß Verlaſſung vnd raͤumen gegenwaͤrtigs Laͤ- gers/ jhm ſelbſt/ oder dem Feindt erſprieſſen moͤchte.

Jtem/ durch welche Statt/ Laͤger/ ꝛc. man dem Feindt ſeinen Vortheil verennen vnd vorkommen: Auch jhm den Durchzug/ Paſſz/ vnd alſo Proviandt/ vnd alle andere Nohtturfft eynzu- bekommen/ wehren vnd abſtricken moͤge.

Ob es auch vmb das neuwe Laͤger alſo bewandt/ daß Waſſer/ N ijHoltz Militaris Disciplinæ: oder Holtz/ Fuͤterung/ ꝛc. ohne deß Feindes Verhinderung zu er- langen.

Oder andere Commoditet/ dem Feindt daſelbſt in Haͤn- den/ hinwider aber andern dardurch verdrießlich vnnd nach- theilig ſeye.

Soll auch in vergeß vnd vnbedacht nicht geſtellet werden/ ob die Ferꝛne der Tagreyſe zulieſſe/ daß/ ſo ſchon der vorder Hauf- fen oder Vorzug zeitlich auff were/ der letzte Hauff oder Nach- zug nicht zu weyt dahinden bleiben/ vnd ehe er zu bequemer guter Tage Zeit das Laͤger erreyche/ vom Vberfall der Feinde nicht vberraſcht/ vnd Nohtley den muͤſſe/ gar getrennet/ oder erleget moͤcht werden.

Nota.

So baldt man dieſes Laͤger raumet/ vnd in der Feinde Landt oder ſonſt Vermuhtung darbey iſt/ daß/ was allhie verlaſſen/ welches dem Feindt fuͤrtraͤglich ſeyn moͤchte/ verderbt wirdt/ zu nicht gemacht/ vnd in dem Rauch gen Himmel geſchickt.

XXXVI. MAPPA oder Landtaffel/ iſt im Krieg noͤhtig.

HJezu iſt auch nicht vndienlich/ ſondern wol nach- denckens werth/ in vnd neben dieſen taͤglichen Rahtſchlaͤ- gen eine Mappam, oder gewiſſe Landtaffel zu gebrauchen. Dann darinnen kan ein jeder die Revier vnd Landtsart/ die Ort vnd Staͤtte/ auch die Waſſer/ ꝛc. wie weyt oder ferꝛn ſie von ein- ander gelegen/ beylaͤufftig abmeſſen/ vnd ſich recht darnach in die Laͤger ſchicken.

Deßgleichen ſoll ein Feldtherꝛ alte/ weyt vnd breyt wol ver- ſuchte/ Landt vnnd Wegkuͤndige rheyſſige Knechte/ wo er nur mag/ zuwegen bringen vnd beſtellen laſſen: dieſelbige hin vnnd wider (wie oben auch geſagt) daß ſonſt durch andere der Landt vnerfahrne Kriegshandlungen/ Ander Theil. vnerfahrne Leut nicht geſchehen mag/ zu verſchicken. Jtem/ weil ſie wiſſen von Staͤtten zu Staͤtten/ vber Berg/ Thal/ Waſ- ſer/ Bruͤcken vnd anders mehr/ wie fuͤglichſt zu kommen/ koͤn- nen ſie die Hauffen/ wann ſie getheilet/ jeder ein Theil den nech- ſten vnd beſten Weg fuͤhren.

XXXVII. Welche Straß man ziehen ſoll/ wol zu bedencken.

FJele es alſo vor/ daß durch zwo Straſſen/ den Feindt zu erfolgen/ vorhanden/ eine die ferꝛnere auff ei- ner freyen Ebene: Die ander aber vnd die naͤhere/ durch dicke Wildtnuͤß/ enge Schluͤpffe vnnd Thaͤle/ oder vber hohe Berge: Soll ſolcher letzter Weg/ ohne merckliche ehehafften nit an die Handt genommen: Sondern/ da er ja nicht mag vermit- ten/ vorhin ſolche ernennte Orter/ Haldtſtaͤtte vnd Paͤſſe gnug- ſam durch Kundtſchaffter erforſchet/ vnd mit ſo viel Volck/ als noͤhtig/ in eyl eyngenommen vnnd beſetzt/ auch durch die Menge der Zimmerleut vnd Schantzbauwern/ nider vnd vmbgehawen/ geraͤumet/ eyngezogen vñ geebnet werden. Die ſonſt vom Feind/ ſo der Gelegenheit vnd Art kuͤndig/ vnnd Natur halben mit we- nigen zu beſchuͤtzen ſeyn wuͤrden.

Zwuͤnge aber die Eyl hiezu nicht/ iſts beſſer vnd minder ge- faͤhrlich/ auff freyem Feldt ein Tagreyß oder zwo vmbſchweyf- fen/ wie das Spruͤchwort der Teutſchen lehret: Ein gut Weg vmb/ mach keine Krůmb. Vnd darbey dieſer Vortheil/ daß derDreyſa- cher Zug. Hauff auff dreyen Straſſen/ als nemlich die Artalarey vñ Wa- gen auff einer: die Reuter auff der andern/ ſo dann auff der dritten Straß das Fußvolck/ doch ſo viel ſchleu- niger fort zu bringen ſeyn.

N iijSchiff- Militaris Disciplinæ: oder
XXXVIII. Schiffbruͤck vnd derer Beſchretbung.

NVn begibt ſichs manchmal/ daß was fruchtbar- lichs zu vollbringen/ da vber die nechſtflieſſenden Waſſer ſtrack hinzu/ der Hauffen bracht werdẽ moͤcht: Die Bruͤ- cken aber viel zu weyt entlegen/ auch wol der Feindt oder ander Verhinderung darzwiſchen kommen/ erſtatten die Schiffbruͤ- cken den Koſten/ ſo darauff gehet/ ſie machen zu laſſen/ vnnd fort zu bringen/ reichlich. Seyndt aber am fertigſten zu fuͤhren/ vber- zubrůcken/ vnd wider abzuthun/ wie ich derer Anno 52. vber die Moſel etlich mal gebraucht/ geſehen/ damit man auch wol v- bern Rhein in Eyl hett bruͤcken moͤgen. Waren/ hab ichs an- derſt recht behalten/ alſo gethan.

Erſtlich hatten ſie ſtarcke/ jnnen vnnd auſſen wolgebichte Schifflein/ zwiſchen Bort bey vngefaͤhr ſieben Schuch weyt/ zwaͤntzig vier Schuch/ ehe mehr dann weniger/ lang/ ziem- lich tieff/ an beyden Enden gleich zugeſpitzt/ vnnd oben mit ei- nem breyten ſtarcken/ mit Eyſſen beſchlagenen Bordt verwah- ret: Derer je eins zumal/ mit oder auff einem Wagen kondte ge- fuͤhret werden. Jeglichs Schifflein hatt oben am Bordt auff einer Seyten/ zween eyſſern Hacken/ auff der andern Seyten zween eyſerne Ring an Ketten. Da man nun das eine Schiff- lein mit Seylen am Geſtadt/ darzu bequem außerwehlet/ feſt angehefftet/ fuͤhreten ſie andere darunter oder darneben/ hen- cketen es mit ſeinen Ringen an dieſe Hacken: Vnnd alſo fortan ſchlims hinuͤber/ nach dem es das Waſſer treibet/ biß zum Ge- ſtaden gegenuͤber: War/ wie auch hie diſſeyt/ mit ſtarcken Sey- len verwahret: Als dann legten ſie die zwerch vber ſolche Schiff- lein/ zu beyden Seyten/ lange/ ziemlich dicke (iſt mir recht) Thaͤnnen/ mit eyſen Bandten hinden/ vornen vnnd mitten bey den Kriegshandlungen/ Ander Theil. den Hacken ſtarck beſchlagene Balcken/ feſtigten abermal an derſelbigen Balcken eyſſerne Hacken/ andere Ringe an den Schiffen/ wo ſie den Balcken auff den Enden vnd Bordt er- reychten. Zum letzten/ worden widerumb auff gemeldte be- ſchlagene Balcken/ halb Schuchs dick eychene Bolen/ hart an- einander gelegt/ nichts deſto weniger auch eygene beſondere Rin- ge an Ketten/ in die Hacken an den Bolen eyngehenckt/ darmit ſie nicht weichen kondten. Die Ketten aber mit den Ringen/ ſo in die Hacken/ welche vornen vor Haupt in die Bolen gemacht/ gehencket ſollen werden/ mit jhren Ringen oder gelaſſen/ ſeyndt vornen an den bey den Spitzen der Schifflein angeſchmidet.

An ſtatt dieſer Ketten moͤchte man auch Strick oder Seyle/ ſo durch die Ringe vornen in den Schifflein/ den auch an die Ha- cken der Bolen moͤchten feſt angezogen werden. Dieweil aber nicht zu jeder Bolen ein beſonder Ring am Schifflein ſeyn kan/ muͤſſen die Bolen vornen vor Haupt/ auch mit ſchlieſſen in ein- ander gehenckt/ vnd befeſtiget werden.

Beſorgte man aber die Breyte deß Waſſers/ oder der Schiff- lein mangel/ moͤchten die Ketten an den Schifflein deſto laͤnger gemacht/ damit alſo die Schifflein vmb ſo viel weyter/ nach ei- nes jeden Gefallen vnd Notthurffts Erforderung von einan- der gefuͤhret moͤchten werden.

Hierumb muſte auch als dann die Fuͤrſehung geſchehen/ daß der Balcken vnd Bolen zu vberlegen/ auch allweg deſto mehr vor Handen ſeyen: Auch die Bruͤcke in der mitte mit einem/ zum wenigſten/ Ancker befeſtiget werde.

Vmb ſcheuwens vnd grauſens willen vor dem Waſſer/ ſo die- ſe vnſere Bruͤcken vber einen breyten vnnd weyten Fluß oder Waſſer gemacht wuͤrde/ moͤchte man jhm alſo nachgehen: Daß man von den vbergelegten Bolen/ je die neundte Bo- len an beyden Enden vorgehen ließ/ vngefaͤhr einen Schuch/ mit einem Loch/ darinn ein kleine Seule oder Staͤnder/ etwa fuͤnff Militaris Disciplinæ: oder fuͤnff oder ſechs Schuch/ mehr dann weniger/ auffrecht geſetzet wuͤrde/ dariñ oben her widerumb lehnen oder Riegel gelegt/ vnd mit Schlieſſen verwahret wuͤrden/ daß ſie nicht leichtfertig auß- geſtoſſen werden moͤgen. Darzwiſchen auch koͤndte/ ſo man wol- te/ leinen Tuch/ oder auch ohne die Lehnen/ an die Seulen zur Seyten her fuͤr das ſcheuwen/ auffſpannen/ doch ſo ſtarck/ daß das auch nicht fladdert/ ſonſt wuͤrde ſich das Scheuwen von den Pferden gleichwol begeben.

Wuͤrde auch nicht vnrahtſam ſeyn/ da ſchnelle Waſſer/ vnd alſo auch die Bruͤcke faſt breyt/ daß ſie in der Mitte/ zum wenig- ſten mit einem/ zweyen oder dreyen Anckern gehefftet wuͤrde: ſte- het zu jedes fuͤrſichtigen Verweſens bedencken. Koͤndte man nicht mehr/ daß man doch ein par ander Schiff/ drob vnd drun- ter halten vnnd fahren lieſſe/ mancherley Handtreychung vnnd Notturfft halber/ mit außzurichten. Doch muß man bey die- ſen Bruͤcken zufuͤhren/ zumachen vnd abzubrechen/ Leute/ die deß Waſſers gewohnet ſindt/ haben/ als: Schiff kuechte oder Schiffleut/ Fiſcher vnd Muͤller: Jtem Zimmerleut/ Schmi- de/ Schloͤſſer/ Seyler/ ꝛc.

Vber waſ- ſer zu bruͤ- cken auff andere Weiſe.

Herodotus der Griechiſche Geſchichtſchreiber meldet in ſei- nem achten Buch Polyhimnia genandt/ von einer Schiffbrů- cken/ ſo der Koͤnig Xerxes in ſeinem maͤchtigen Zug in Griechen- landt/ vber das Helleſpontiſche Meer/ von 674. groſſen Schif- fen hab machen/ vnd die vbergelegtẽ Bretter mit Erden beſchůt- ten laſſen/ zu beyden Seyten aber ſo hoch/ daß kein Roſſz oder anders das Meer ſehen/ oder darfuͤr ſcheuwen moͤchten.

Vber einen See/ oder ſonſt ſtille flieſſende Waſſer gering zu bruͤcken. Vngefehr Anno 49. waren ſie in Picardi einen neuwen Portum, Hafen oder Anfahrt der Schiff am Meer/ oberhalb Bolonia zu bauwen willens/ namen derhalben ledige Faͤſſer/ al- lenthalben zugeſchlagen vnd geſpundet/ bunden ſie mit Seylen faſt zuſammen/ huben darauff mit einem Hebzeug groſſe ge- waltige Kriegshandlungen/ Ander Theil. waltige Felſen vnd Steine/ wann das Meer abgelauffen/ vnnd eben daſelbſt trocken war: So dann das Meer wider mit der Flut anlieffe/ truge es dieſe Faſſe mit den Steinen empor: Sol- che fuͤhreten ſie an den Ort/ da ſie die zu bawen brauchen wolten.

Derhalbẽ vber einẽ See oder ſonſt ſtillflieſſendt Waſſer/ wie geſagt/ eine Bruͤcken/ daruͤber ja zum wenigſten das Kriegs- volck/ zu Roſſz vnd Fuß/ auch leichte Wagen (dann vom Ge- ſchuͤtz wil ich nicht ſagen) zu fuͤhren/ moͤcht man alſo machen: Faſſe/ wie oben gemeldt/ werden ſo viel man meynet/ die Bruͤcke breyt gnug ſeyn/ vnd es bedoͤrffe/ binde vnd verwahre ſie fleiſſig/ mit ſtarcken Seylen/ je etliche vnnd wider etliche zuſammen: Darnach dieſe zuſammenfuͤgung/ fuͤhret man jmmer eine an die ander/ mit Seylen vnd Stricken/ wie die vorige/ biß man hinuͤ- ber bruͤcket/ vberleg dann daſſelbig mit Balcken/ vnd widerumb die zwerch vber mit Brettern/ ꝛc.

Oder wie zu Caſſel Anno 71. vngefaͤhr/ am Bruͤcken Baw/ etlicher maſſen gebraucht: Nemme man allweg drey Faß neben einander/ vnd wider drey/ alle in gleicher Groͤſſe/ faſſe die vnnd ſchlieſſe die in ein Gevierdte von Holtz/ oder binde Stangen/ nach der Breyte dieſer Faſſe/ zu beyden Seyten/ darnach vornen zweyer Faſſz Lang/ mit ſtarcken Seylen/ oder in der Noht mit Wieden zuſammen/ daß ſie nicht von einander weichen moͤgen. Solcher nemme man ſo viel der Laͤnge vnd Breyte nach/ als ei- nen duͤnckt gnug ſeyn/ vberleg ſie mit ſtarcken Hurden/ welche a- ber nicht ſtarck gnug/ duppel/ zeucht das Fußvolck fein hinuͤ- ber: Koͤndten auch zwiſchen die Faſſz langen Miſt legen/ vnnd darauff die Hurden/ darnach wider Miſt auff die Hurden/ wo es dann nicht die leichten Kaͤrch vnnd Waͤgen/ ertruͤge es ja ſo die Pferde an der Handt hinuͤber gefuͤhret wuͤrden. Muſte auch je eine Rotte nach der andern/ von weytem/ vnnd eintzelig hinuͤ- ber ziehen.

Vnd auff daß man das Geſchuͤtz deſto leichter vber die Bruͤck/ Owie die Militaris Disciplinæ: oder wie die/ Anno 52. vber die Moſel gemacht/ fuͤhret/ leget man Miſt/ Stroh/ Hew/ oder zur Noht lang Graß/ auff die Bolen: oder Sandt/ wanns nicht regnet/ ziemlich begoſſen/ bleibt er de- ſto mehr beyeinander: Doch iſt Miſt/ ſo man den gehaben mag/ beſſer.

STRATAGEMA. Ohngefaͤhr vom Feindt vber ein Waſſer zu ſchiffen vnd brůcken.

LEge der Feindt auff jener Seyten deß Waſſers/ die Vberfahrt zu wehren: So erlerne man zuvor eygent- lich/ es ſey vnder oder vberhalb deß Waſſers/ einen gelege- nen Ort/ die Schiffart oder Bruͤcken bequemlich zu brauchen. Stelle man ſich dann in Angeſicht deß Feindts/ jetzt hie dann da eine Bruͤcken zu zurichten/ vermeynet er nit anders/ dann ſo wer- de es geſchehen. Darnach ſoll das Kriegsvolck in zween Hauf- fen getheilet/ vnd der eine mit dem/ was zur Schiffung vñ BrǶ- cken gehoͤrig/ in der Nacht zuruͤck vom Waſſer in ein ander Laͤ- ger/ ferꝛner Beſcheidts daſelbſt zu warten/ geſchickt werden.

Morgens/ ehe es recht Tag/ werden etliche von denen/ ſo am Waſſer ſeyndt liegen blieben/ ſtracks entlang dem Waſſer/ doch von dem Ort/ den man fǶglich ſeyn abgemerckt/ hinweg gefer- tigt/ duͤnckt den Feindt/ es ſeyẽ die andern/ weil der Hauff/ der ſich noch ſehen laͤſt/ kleiner dañ zuvor ſcheinẽ moͤcht/ ſchon die Nacht jmmer zuvor anzogen/ einen Furt anderswo eynzunem̃en. Wañ dann das Laͤger follendt auffbricht/ den Kopff den erſten nach- ſtreckt/ wirt ſich der Feindt jenethalb nicht lang ſaumen/ vnd deß Vorhabens auch ſeyn. Solchen Zug mag man folgends Tags alſo auch ſimuliren vnd vorgeben/ doch gleichwol nicht zu weyt. Daß/ ſo der Feindt den Betrug mercken/ wuͤrde er die am Vber- bruͤcken Kriegshandlungen/ Ander Theil. bruͤcken nicht allein verhindern/ ſondern auch ſchlagen vnd pluͤn- dern. Als dann/ ſo denſelbigen/ die auff ein Ort gezogen ſeyn bey der Nacht/ mit der Ruͤſtung zur Bruͤcken/ wenden ſie wi- der hinder ſich/ biß zum angezeigten Ort/ richten die Bruͤcken zu/ doch geſchwindt/ nach allem Willen/ ziehen hinnuͤber ſie an jenem Endt zu verhuͤten/ befeſtigen ſie jhr Laͤger dieweil mit Schantzen/ biß die auff dieſer Seyten eylendts/ ehe es der Feindt jnnen wirdt/ in der Nacht wider wenden/ zu jhnen ziehen/ vnd wi- derumb ein Hauffen/ vnd dem Feindt ſtarck gnug werden.

LX. Artalarey vnd Wagen auff der er- ſten Straſſen.

KVrtz hievor haben wir gehoͤret/ wie der ZeugAllerley Wagen auff der erſten Straſſen. oder aller Hauffen/ auff dreyfacher Straſſen/ da es eben Landt/ vñ erſtlich die Artalarey/ darnach die andern Wa- gen/ ziehen kondte. Wie aber daſſelbige zu ordnen/ vnd biß wider in das kuͤnfftige Laͤger zu behalten/ wil ich dem Oberſten Artla- rey/ Zeug vnd Geſchirꝛmeiſter/ ſampt dem oberſten Wagenmei- ſter/ vnd ſeine Mitverwandte drumb ſorgen laſſen: Allein denen/ ſo niemals hiebey geweſen/ vnd jhnen vnbekannt iſt/ etwas dar- von vor Augen ſtellen zu leſen.

Je naͤher der Feindt vñ die Gefahr groͤſſer/ je mit mehrer Sorg vnd beſſerer Ordnung/ der Zug wirdt fuͤrgenom̃en: ſehr fruͤhe inHoffleut auffweckẽ. der Nacht/ oder etwa ein Stundt oder drey ohngefaͤhr/ vor dem auff ſeyn/ weckt ein Trom̃eter auff vndern Hoffleuten vnd Reu- tern: Baldt das gehoͤret/ macht ſich jederman hervor/ brechen die Zelten ab/ laden die Wagen/ ſatteln/ vnnd machen fertig jhre Pferde. Wie es vnd nach dem der Feldtmarſchalck befohlen/ blaͤſet man zu Pferde vnd der Fahnen. Gemeinlich ruͤcken die Renn vnnd Schuͤtzen Fahnen/ vnnd wer jhnen zugeordnet/ O ijdeßglei- Militaris Disciplinæ: oder deßgleichen das Faͤhnlein Schuͤtzen Fußknecht hinvor/ der Feindt Vberfall zuvorkommen/ oder allerley dem Feldtherꝛn/ Feldtmarſchall/ oder deſſen Leutenampt/ hinder ſich zu ruͤck/ zu entbieten. Nechſt jhnen etliche hundert Schantzbauwern/ o- der wie ſie etliche nennen/ Schantzgraͤber mit jhren Faͤhnlein vnd Zimmerleut/ wo von noͤhten/ graben/ vnnd hole Straſſen eynzuziehen/ ebenen/ vnd durch Hecken vnd Geſtraͤuch zu raͤu- men/ oder etwa Bruͤcken zu machen. Weyter/ gehen jmmer nach einander die Wagen/ ſo da beladen ſeyndt/ mit dicken ey- chenen Bolen/ dem Geſchuͤtz in tieffen ſumpffigen Orten vnder zu bruͤcken: Wagen mit Multen/ Hauwen/ Schauffeln oder Schuͤpffen/ allerley Gattung zugerichte beſchlagene Wagen- raͤder: Beſchlagene fertig gemachte Achſen/ Wagen mit groſ- ſen vnd kleinen Seylen vnd Stricken/ Außſpannen/ Kommet/ Hebzeug/ ꝛc. Dieſem Wagen folgen die groſſen Stuͤck/ in jh- rer Anzahl in den Gefaͤſſen/ etliche gar groſſe/ aber auff beſon- dern Trollwagen/ vnd nach jederm ſein Gefaͤß.

Nechſt nach dem Geſchuͤtz/ Pulver/ Kugeln/ mit mercklicher Anzahl. Blaßbaͤlg/ Amboß groß vnd klein/ mit aller Zugehoͤr zum Schmidtwerck/ alle Abendt/ ſo man wil vnnd von noͤhten hat/ eine Schmitte anzurichten. Etliche tauſendt Huffeyſen vnd Naͤgel im Vorrhat mit fuͤhren/ ſtehet nicht vbel: Vnnd was de- ren Dinge/ welcher man hier nicht dencken/ vnd doch auch nicht mangeln kan/ vnzehlbar mehr ſeyndt.

Jn dieſe Rey vnd Ordnung gehoͤren zum nechſten deß Feldt- herꝛn Ruͤſt/ Zeldt vnd andere Wagen/ darauff ſein Wapen ge- mahlet. Fuͤrter/ die da warten auff das Meel/ Brodt/ ſeyndt mit weyſſen/ vnd Wagen zum Kuͤchengeraͤth/ mit rohten Faͤhn- lein gemercket.

Der Hoffleuten vnder der Haͤuptfahnen zugehoͤrige Wagen/ gehen der Soldtreuter Wagen/ auff welcher jedem in einem Strohkrantz ein Hanſitzet: vnd vnderm Wagen an einer Ket- ten ein Kriegshandlungen/ Ander Theil. ten ein Hundt iſt angebunden/ vor. Seyndt auff allen vnd je- derm in ſonderheit ein blechen Faͤhnlein/ oder ein Blech auff die Wagendeck gehefftet/ daran deß Herꝛn oder Edelmañs Wapen/ jhn deſto beſſer zu finden vnd kennen/ mit gewoͤhnlichen Far- ben gemahlet iſt.

Deß Fußvolcks Oberſten/ Haͤuptleut oder anderer zubehoͤ- rigen Wagen vnd Kaͤrck/ ꝛc. Jtem Sudler/ Marckatenter/ vnd was deſſen Geſindtleins iſt/ ꝛc. folgen gemeynlich mit dem Troß/ jeder ſeinem gewoͤhnlichen Regiment nach.

XLI. Ander Straß der Hoffleut.

AVff der andern Straß ziehen alle andere Hoff- leut/ auß Anordnung deß Feldtmarſchalcks: Jmmer eine Fahnen/ doch die Haͤuptfahn zu vorderſt/ zierlich in jhrer Ordnung nach der andern daher. Die Trommeter vornen/ vnnd nechſt vor den Reutern der Rittmeiſter/ Leutenampt/ der Faͤhnrich ſampt ſeiner Fahnen/ faſt in der Mitten. Vnd wie ſie in jhrer erſten Zuſammenkunfft/ in die Glieder ruͤcken vnd ma- chen/ dieſelbig Ordnung behalten ſie/ jeder an ſeinem Ort/ weil dieſer Krieg wehret.

XLII. Dritte Straß der Landtsknecht vnd Fußvolcks.

WEr luſt hat von der Landtsknecht Zugordnung etwas zu wiſſen/ dem wil ich darvon nichts/ mit Wil- len/ verhehlen.

Wann mehr als ein Feldtherꝛ zugleich im Feldt/ ziehen jhre Hauffen je ein Tag vmb den andern vornen. Da aber nur allein O iijein Feldt- Militaris Disciplinæ: oder ein Feldtherꝛ/ wirdt doch zu weilen der helle Hauffen/ darumb/ daß er in mercklicher Anzahl/ auch in zwey Theil geſondert/ wel- che mit dẽ Vorzug taͤglich vmbwechſeln. Darnach vnder jedem/ dieſer beyden Hauffen/ zeucht heut ein Regiment vornen/ Mor- gen das ander. So wirdt es auch mit dem Vorziehen der Regi- ment vnder einem Hauffen/ der ſchon vngetheilt bleibt/ gehalten.

Vmbſchla gen vnnd auffbrechẽ.

Etliche Stunden vor dem Auffbrechen/ eben ſo baldt in der Nacht/ als am Tag: wanns regnet/ ſchneyet oder ander Vnge- witter iſt/ wol ehe dann bey guten Wettertagen/ ſchlaͤgt deß O- berſten Trommenſchlaͤger vmb/ ſchreyet oder růffet: Alſo jhr Bruͤder/ alle die Knecht/ ſo da ligen vnder N. Regiment/ ſol- len ſich růſten/ wann man zum andernmal vmbſchlaͤgt/ wil man auffſeyn. Hie gehet es zu/ wie auch bey den Hoffleuten/ kuͤmmerlich mag ſich ein jedlicher mit ſeinen Zelten/ Wagen/ Plunder zuſammen leſen/ vnnd anderm ſich fertig machen/ es wirdt wider vmbgeſchlagen/ daß jederman zum Faͤhnlein zie- hen/ vnd auff ſeyn ſolle.

Auffhaltẽ.

Baldt ſolches geſchehen/ machet ſich alle Tage ein Haupt- mann/ Morgen wider ein ander/ vnd ſo fortan/ mit ſeinem Leu- tenampt/ vnd andern Befehlhabern vor hinauß/ zu verhuͤten/ vnd alle die jenigen von Knechten oder Troſſz/ ſo dieſem Regi- ment zuſtaͤndig/ vorhin hudeln/ oder auſſer der Ordnung lauf- fen woͤllen/ auff zuhalten/ vnd in die Ordnung/ oder deß Troſſz zu warten/ zwingen.

Ordnung machen.

Widerumb iſt es heut an dieſem/ Morgen an jenem Haͤupt- mann/ ſampt ſeinem Leutenampt/ Feldtwaͤybel/ vnnd andern Befehlhabern/ die Zugordnung zu machen/ die Glieder fein gleich// vnd die Knecht in der Ordnung zu behalten.

Ein jedes Regiment fuͤr ſich allein/ zeucht aber auff dem Zug/ je eines auffs ander in der Ordnung/ wie folgt:

Erſtlich reyten die Edelleut.

Am allererſten vnd zu vorderſt/ reyten Gliederweiß die vom Adel/ ſo vndern Faͤhnlein fuͤr Landtsknechtligen; Wann aber der Zug Kriegshandlungen/ Ander Theil. der Zug durch eine groſſe Statt gehet/ oder ſo man ſchier zum Laͤger kommen/ muͤſſen ſie offt abſitzen/ vnd mit jhren Langen- ſpieſſen/ die bißher jhre Jungen tragen/ ſich vornen in die Ord- nung ſtellen. Nach denen vom Adel der Haͤuptleuten rheyſigeLeuten- ampt. Haͤuptleut. Hohe Em- pter. Oberſt. Knecht vnd Leutenampt. Alſo jhnen nach/ was von Haͤupt- leuten nicht eben andere Dinge/ wie kurtz hiervor angeregt/ ver- richten. Die von hohen Emptern. Deß Oberſten rheyſige Knecht/ vnnd hinder dieſen zu nechſt vor dem Regiment der Oberſt ſelber.

Dieſen zu Roſſz folgen etliche Fuͤhrer vnd Befehlhaber/ vn-Fuͤhrer. der denen taͤglich einer (verſtehe von jhnen den Fuͤhrern) einen Bawern/ oder ſonſt einen dieſer Landtsart wegwiſſenden/ ſie nur den nechſten vnd beſten Weg zu fuͤhren/ zuwegen bringen/ vnnd bey ſich haben muß.

Auff ſolchem Zug nun wirdt nichts/ keines beſametenGroſſer Schadt/ wo der Zug/ her- gehet. Feldts/ wolſtehendt oder wolgerahten Flor oder Getraͤydts/ E- cker/ Wieſen/ Garten/ fruchtbarer Baͤum/ Zaͤunen/ Waͤlden/ ꝛc. im geringſten nicht verſchonet: Sondern heiſſet nur/ flugs fort/ nur hindurch/ ſtracks ab/ ſtracks vber/ ſtrack durch: Was hin- dert vnnd im Weg ſeyn wolt/ wirdt von den Zimmerleuten/ ſo vorn in der Ordnung bey den Schuͤtzen ziehen/ nider geriſſen vnd gehauwen.

Nechſt den Fuͤhrern (etliche habẽ auch hie ein Spiel) die Feld- ſcherer/ was derer nit reyten: Nach dieſen kommen Gliederweiß/ der Edelleut (die jetzundt/ wie oben beruͤhrt/ reyten) Jungen mit derer Stuͤrmhuͤten vnd Spieſſen: Fuͤrter der Leutenampt vnnd Haͤuptleut/ Schultheiſſen/ Profoſen/ Quartier/ Proviandt vñ Wachtmeiſters Jungen/ ſampt denẽ/ die deß Oberſten Ruͤſtung vnd Spieß/ auch ſeines Oberſten Leutenampts tragen.

Zween/ drey/ vier/ mehr oder weniger der gemeiner Waͤybel/Schuͤtzen. ziehen vor den Schuͤtzen/ vnd ein Spiel oder etlich. Darnach die beſte/ mit Sturmhuͤten vnd ſchoͤnen Rohren/ geruͤſte Schuͤtzen/ je fuͤnff Militaris Disciplinæ: oder je fuͤnff vnd fuͤnff oder ſieben dick/ iſt der gemeine Brauch eine Zugordnung zu machen.

Duppel- ſoͤldner.

Abermal ein ziemlicher Raum nach den Schuͤtzen/ ziehen die Feldtwaͤybel/ denen folgen widerumb ein/ zwey/ drey oder mehr Spiel/ nach dem der Faͤhnlein viel ſeyndt: Weyter ziehen daher die Duppelſoͤldner/ vnder denen/ die vom Adel vnd beſt angele- get vnd ſtaffirt ſeynd am vorderſten/ in gleicher Ordnung/ ſtre- cken die Glieder fein weyt von einander. Da dieſer Glieder drey voruͤber/ fuͤhret man darzwiſchen eyn/ ein Gliedt mit Schlacht- ſchwerdtern/ oder andern kurtzen Wehren. Jſt das Regiment Kurtze Wehr.ſo ſtarck/ vnnd der kurtzen Wehr viel vberig/ wirdt auffs neuw hiereyn abgezehlet/ vnnd noch einmal nach dem dritten Gliedt Spieſſer oder Duppelſoͤldner/ ein Gliedt mit Schlachtſchwer- dern zwiſchen eyngefuͤhret/ vnnd als dann wider Spieſſer oder lange Glieder.

Blutfaͤhn- lein.

Nach Erwegung vnd Groͤſſe deß Regiments/ wiſſen erfahr- ne Kriegsleut vnd Feldtwaͤybel abzuzehlen/ wie ſie die vorder- ſten oder Blutfaͤhnlein/ wie ſie genennet werden/ eynfuͤhren ſollen.

Faͤhnrich ſpielẽ vmb das Vor- ziehen.

Vnd iſt zu mercken/ daß Monatlichen die Faͤhnrich/ welche biß zu Endung kuͤnfftiges Monats zum Blutfaͤhnlein/ mit- teln oder gewaltigen Faͤhnlein/ oder zum letzten verordnet wer- den ſollen/ es ſey auff dem Zug/ Feldtſchlagen/ ꝛc. ſpielen. Jm Wie viel Faͤhnlein eynzufuͤh- ren.fall es ſeyen vnder einem Regiment fuͤnfftzehen Faͤhnlein/ mag man vornen fůnff/ mitten ſieben/ vnnd zum hinderſten drey eynfuͤhren.

Wann nun die langen Glieder fortgeſtreckt/ vnd da es die Gelegenheit geben wil/ fuͤhret man etliche Glieder Schlacht- ſchwerdt/ Fedderſpieß/ Helmbarten vnd andere kurtze Wehr zu nechſt dran/ als dann die Faͤhnrich mit jhren zugehoͤrigen Spie- len. Widerumb wirdt dann angefangen/ Glieder zu machen/ den vorigen an der Zahl gleich/ mit kurtzen Wehren.

Was Kriegshandlungen/ Ander Theil.

Was weyter von Duppelſoͤldnern vor handen/ folget denen in gleicher Ordnung.

Baldt iſt es daran/ die mittelſten Faͤhnrich/ zwiſchen denMittelſte Faͤhnlein. kurtzen Wehren/ mit jhren Spielen/ jhnen in der Zahl gleich/ eyngefuͤhret zu werden. Alſo auch nach Gelegenheit der Ord-Letzten Faͤhnlein. nung/ werden die letzten Faͤhnlein eyngetheilet/ vnnd fuͤrter mit den vbrigen Duppelſoͤldnern vnd einfachen Knechten (ſeyndt die kein Harniſch oder Ruͤſtungtragen) beſchloſſen.

Die Faͤhnrich/ ſie ziehen vornen/ mitten oder hinden/ laſſenWie lang die Faͤhn- lein fliehẽ. darumb jhre Faͤhnlein/ es begebe ſich dann der Zug/ durch/ vor einer Statt/ oder einem namhafftigen Flecken vber/ oder ſo man nahe dem Laͤger/ oder den Feinden iſt/ nicht fliehen: Sondern einer vnder jhnen nur allein/ es ſey vornen/ mitten oder zuletzt. Da dieſer ein Feldtwegs (nennen ſie ein Raſt) getragen/ entſetzetRaſt tra- gen. dieſen ein ander auß ſeinen Spießgeſellen/ ſolchen wider einan- der/ ꝛc. Deßgleichen wechſeln auch mit jhren Faͤhnrichen jhre Spielleute/ einer vmb den andern ab.

Zuweilen befiehlet der Faͤhnrich einem andern redtlichen ver- trawten Kriegsmañ/ in ſonderheit ſeinem Fuͤhrer ſein Faͤhnlein/ zu verwahren/ nimpt deſſen kurtze Wehr ein Zeitlang/ neben der Ordnung (doch vngefaͤhr darvon/ ob ein Lerman wuͤrde) ſein Geſchaͤfft zu verrichten/ oder auff ſeinen Klaͤpffer/ den jhm ſein Jung neben der Ordnung fuͤhret/ zu ſitzen. Hat auch wol ſonſt einen bekandten Kriegsmann/ der jhm dieweil ſein Ampt mit dem Faͤhnlein vertretten kan. Der wirdt von den andern Kriegs-Q. S. Faͤhnrich. leuten Schimpffsweiſe der Q. S. Faͤhnrich geheiſſen.

XLIII. Troſſz/ vnd was der ſeye.

TRoſſz/ Diß Wort laͤſt ſich anſehen/ als komme es vom Welſchen oder Frantzoͤſiſchẽ Infinitivo Trouſſer, Pdas Militaris Disciplinæ: oder das ſchuͤrtzen oder auff binden heiſt: Wie ſich ein Diener auff- ſchuͤrtzet/ oder geſchickt macht/ ſeinem Herꝛn auffzuwarten/ oder etwas zu tragen. Darumb ſo einer auffgeſchuͤrtzt iſt/ ſpricht man trouſsè. Alhie aber iſt vnd heiſt es/ das ſeltzame/ wuͤſt vnd Gott- loß Geſindtlein/ welches daheym Vatter vnd Mutter/ Herꝛen/ Frauwen/ ꝛc. nicht gehorchen/ vnd niemandt redlichs gut thun wil: aber den Kriegsleuten jhren Plunder nachtraͤgt: Thut den armen Leuten/ wo ſie hinkommen/ etwa manchmal/ ſon- derlich die Niderlaͤndiſchen/ mehr Vberdruß vnnd Schaden/ dann die Knecht ſolber: Jn Summa/ mit einem kurtzen Nah- men/ Hurn vnnd Buben. Solches Nahmens darff ſich keine allhie beſchaͤmen/ wirdt auch keiner ſchier/ als zun Vnehren vorgeſagt. Alſo auch traͤgt darfuͤr niemandt ſcheuwen/ ſich mit dergleichen Volck zu behengen: Doͤrffen auch wol ſolche Wei- ber einen andern mit Pfeiffen vnd Trommen/ vnd oͤffentlichem Schauwſpiel verehren/ vnnd jhn zur Vnzuchtreitzen: Dann mancher/ ob er wol daheym eine ehrbare Ehefrauw/ mit jhren kleinen Kinderlein verlaſſen/ hat hie an ſich eine frembde Me- tze hangen. Jedoch iſt gleichwol auch manche fromme Ehe- frauw/ die der andern wuͤſt/ buͤbiſch/ ſchaͤndilich Leben/ im ge- ringſten nicht loben.

Groſſer Hanſen Weiber.

Der Haͤuptleut/ Faͤhnrich/ vñ ſonſten groſſer Hanſen Wei- ber vnd Concubinen/ werden zaͤrtlich vnd beſſer/ dann andere ge- halten: vnd reyten auff ſchoͤnen Zeltnern/ oder ſonſt Pferden. Es ſeyen nu dieſe oder andere Ehfrawen oder nicht/ habẽ die Knech- te/ wann ſie neben der Ordnung her reyten oder gehen/ mehr dañ eins da zu angehetzt/ vnd bevor/ wann es ſeyndt die ſichs annem- men vñ zuͤrnẽ/ mit vollem Halß vñ gantzen Hauffen zu ſchreyen: Hur/ Hur/ Hur/ Hur: Nennen ſie daruͤber noch mit Nahmen/ alte/ junge: oder wie ſie gekleydet iſt/ gruͤn/ roht/ blawe Hur/ ꝛc. Hierzu ſeyndt allzeit die Hackenſchuͤtzen Meiſter.

Sonſt auch der fuͤrnembſten Kriegsleut Jungen fuͤhren Zel- ten/ vnd Kriegshandlungen/ Ander Theil. ten/ vñ was ſie im Feldt zu haben nottůrfftig/ auff Wagen/ Kaͤr- chen oder Pferdten vberůck.

Die andern/ gemeiner Knecht Weiber oder Diernen/ ſeyndtAnderen Knecht Weiber Hartſelig- keit. mit Watſaͤcken/ Maͤnteln/ Tůchern/ Toͤpffen/ Keſſeln/ Pfan- nen/ Keerbeſen/ Anzug/ groſſen vngeheuren Taſchen/ Hanen vñ Hunden/ ꝛc. Auch allerley Plunder/ einem Hiſpaniſchen Maul- eſel nicht vngleich/ beladen: Gehen hoch auffgeſchůrtzt biß zun Knien/ vber die Schuch im Dreck/ auch vielmal allerding bar- fuß. Werden darzu noch vbel empfangen/ vnd vmb leichter Vr- ſachen willen jaͤmmerlich geſchlagen vnd getretten/ wie jreblaw- mahlige Augen ſtaͤttig bezeugen.

Arme Troͤpfflein/ ſo ſich (offt mehr dann mit einem) Kindt- lein ſchleppen muͤſſen/ haben ein armutſelig jaͤmmerlich Leben.Schwan- ger Wei- ber. Die Schwangern vnd Geberenden aber/ wie vielmal auff dem Zug/ vngefehr von deß Feindts zukunfft ſich begibt/ habens noch viel armſeliger/ dann außzuſprechen/ vnd alle fromme Frauwen wol ermeſſen koͤnnen: Dann ich geſehen/ daß deß zunahenden Feindts halber ein Weib/ ſo ſchon in Kindtsnoͤhten/ vnd an der Geburtgelegen/ von andern viel Weibern/ ab der ſtaͤtte hinweg muſte getragen werden.

Hurenwaͤybel/ der wirdt etwan auß einem alten verleb- ten/ vnd vor den Feinden beſchaͤdigten Kriegsmann erwehlet: Hatte auch vor zeiten von jedem Faͤhnlein deß Regiments/ dar- vnder er gehoͤrig/ einen Monat Soldt. Dieſer zeucht nun/ vnd laͤſt ein eygen Faͤhnlein tragen vor ſolcher edlen Burß her: Ge- ſtattet von denſelben keinem/ ohn gnugſame Vrſach/ hinvor vn- der oder neben die Knechte zu hudeln: biß ſo lang der Hauff kom-Raſten. men iſt auff halben Weg/ zum nechſten neuwen Laͤger/ pfle- gen ſie zu raſten/ vnnd ſich etwas zu erholen: Als dann vergoͤn- nets der Hurenwaͤybel ſolchem ſeinem Geſindtlein vnd Voͤlck- lein/ vnnd ſuchet ein jegliches/ die Ehefrauwen jhre Maͤnner/ P ijdie Dier- Militaris Disciplinæ: oder die Diernen jhre Knechte/ ſo auch die Jungen jhre Herꝛen/ brin- gen denſelbigen/ was jeglichs guts haben mag/ kalt Gebradens/ gahr Fleiſch/ oder wol auch kaum trocken Brodt.

Welche Kriegsleut ſonſt mit einander burſſen/ finden ſich je- tzundt auch/ ein Laabbiſſen vñ Trunck zu thun/ zuſammen. Et- liche gemeine arme Bluͤtlein ruffen: Jſt nicht ein Landtsknecht hie der Brodt hat/ ich hab Fleiſch. Ein anderer fordert das Ge- gentheil/ nemlich/ daß er Fleiſch habe: ſey ein ander der Brodt habe/ koͤnnen ſie mit einander wechſeln vnd theilen.

Nach gehaltener Raſt heben die vorderſten wider an zu zie- hen/ vnd wie ein jeder vor der Raſt gangen/ deſſelbigen Gliedts muß er jetzt wider wahrnemmen: biß ſie alle fůruͤber/ harret der Troſſz abermal dahinden/ vnd folgt als dann hernach.

XLIV. Krancke Knecht nachzubringen/ vnd etwas von der Kranckheit Vrſach.

DJeweil die Kriegsleut mancherley Vnfall/ per ſe & per accidens, das iſt/ zufaͤlliger Weiſe/ oder auch auß jr ſelbſt vervrſachen/ begegnet/ vnderworffen ſeynd/ auch ſich deren viel ſelbſt vnderwerffen: Wil ich etliche wenig auß vielen erzehlen. Sehet/ iſt jhm nicht alſo? Heut ziehen ſie im Froſt vnd Kaͤlte/ Regen vnd vnflaͤtigem Wetter/ muͤſſen in naſſen Kleydern vnd Schuhen auff der harten Erden/ vnd im Dreck/ daß ſie auch offtermal nicht einen ſaubern Stein haben/ vnders Haͤupt zulegẽn/ ſich behelffen. Leyden darneben den bit- tern Hunger/ haben weder zu beiſſen noch zu brechen/ auch viel- mal nit reyn lauter Waſſer/ das ſie trincken moͤchten: Liegen im Vnflat/ Wuſt/ Leuſen vñ Stanck durch einander vñ vbereinan- der. Baldt vertreibt die grewliche Kaͤlte/ ſtaͤttig vnd lang feucht Wetter/ die Verenderung Jahrs/ Monat vnd Gelegenheit der Landts- Kriegshandlungen/ Ander Theil. Landtsart/ Lufft vnd Waſſer: Folget eine vnſaͤgliche ſchwehre Hitz vnd Sonnenſchein/ vnd nach dem ſie nunmehr ein voll Laͤ- ger widerumb bekommen/ ſeyndt ſie ſich jhres vorigen erlitte- nen Kummers zu ergetzen/ begierig/ leben Tag vnd Nacht in vn- ablaͤſſiger Vnmaͤſſigkeit/ grewlichs Freſſens vnnd Sauffens/ Hurenſpiel vnd ander Vnzucht. Vnd gereicht dieſe Abwechſe- lung deß Hungers in die Fuͤlle/ die Fuͤlle in den Hunger/ menſch- lichen Leiben zu Zerſtoͤrung/ vnnd vervrſachen zu mancherley Kranckheit. Zu vorderſt aber begegnet ſolcher Vnraht in Wein- laͤndern/ denen Nimmernuͤchtern/ die beym Bier erzogen/ der hi- tzigen Wein vngewohnet/ doch ſie wie das Bier in ſich ſchuͤtten. Was ſie aber von Fleiſch vnd anderm bereyten/ muß alles weych wie ein Muß vnd Preppe ſeyn geſotten. Was kan dann/ denck einer/ der Wein zu verzehren haben? Jnflammirt vnd entzuͤndet Lung vnd Lebern/ vnnd den gantzen Leib/ in andere mehr vnge- woͤhnliche Kranckheiten zu fallen.

Die Kranckheit entſtehe nun auß geſagten Vrſachen oderKrancken Wagẽ zu beſtellen. nicht/ es ſeyen die Knecht ſonſt/ oder vor dem Feindt geſchaͤdiget/ geſchoſſen oder verwundet: gebuͤrtes dieſelbigen nicht dahinden zu laſſen: ſondern dem Profoſen/ wann man fortzeucht/ allent- halben her/ auß den nechſtgelegenen Doͤrffern/ Wagen vnnd Fuhrleut zu beſtellen/ vñ hineyn zu zwingen/ die krancken Knecht von ſtaͤtten zu bringen.

Weyter erkuͤnden ſich die Fuͤhrer/ jeder vnder ſeinem Faͤhn-Fuͤhrer helffen den Krancken auff die Wagen. lein beſondern/ wie viel Krancken/ die nit fůr ſich ſelbſt mit Fuhr/ Pferden/ ꝛc. verſehen/ vor dieſelbige beym Profoſen Wagen zu bekommen. Alſo ſeyndt auch fromme getrewe Burß vnnd Rott- geſellen ſchuldig/ jhr beſtes/ vnd daß nit jhre Krancken verſaͤumet werden/ muͤglichen Fleiß zu beweiſen.

Burßgeſellen ſeynd die/ welche/ ſie gehoͤren ſonſt vnder welchBurßge- ſellen. Faͤhnlein oder Rotten ſie woͤllen/ ſich zuſammen geſellen/ einer ſo viel Geldt legt als der ander (heiſſen ſie in die Burß geſchoſ- P iijſen) dar- Militaris Disciplinæ: oder ſen) darvon ſie miteinander zehren/ vnd jhnen kochen laſſen/ oder ſelbſt kochen. Jeder vnder jhnen traͤgt eine Wochen oder Tag das Geldt (heiſt der Burßſeckel) vnd kauffteyn was noht thut/ alſo nach dem ein ander.

Wie aber diß Fuhrwerck vnnd Wagen/ das den meynſten. Theil fuͤglicher wer/ Holtz/ Stein/ ꝛc. von ſtatt zu bringen/ ar- mutſeligen Kranckẽ vnd halb todtẽ Menſchen/ offtmal in ſchwe- rer Kaͤlte vnd Regen/ bequemlich ſeyen/ werden am beſten die je- nigen/ ſo auch etwan darbey geweſen/ zu ſagen wiſſen. Dann et- liche verſcheiden denen/ ſo ſie auff die Wagen bringen woͤllen/ vnder den Haͤnden.

Deſſen vnerachtet/ muͤſſen arme krancke Knechte/ da ſie nicht von Feinden oder Bauwren woͤllen erſchlagen/ oder ſonſt in frembden Landen/ der Spraach ſie nicht verſtehen/ allein ver- laſſen werden/ es nach Gelegenheit der Zeit alſo zu groſſem Danck annemmen. Vnnd dieweil keiner gern dahinden blei- ben wil/ fůrdert jeder/ wie er kan/ ſich in Zeiten hinbey/ vnd auff die Wagen/ gedrungen voll: Da doch jmmer einer dem andern/ deß grewlichen krancklichen Anblicks/ Geſtancks/ Laͤu- ſe vnd Vnluſt halber/ der ſich bey dieſer Burß mancherley zu- traͤgt/ abſchewlich/ vberlaͤſtig vnd verdrießlich iſt.

Etlichen gehet/ wann ſie alſo vnder den andern im Gedreng auff dem Wagen ſitzen/ die Seel einsmals auß/ ehe ſein die an- dern gewahr oder jnnen werden: Daß der geſtalt Todte vnd Le- bendige/ die den nechſten ſolches Streichs auch gewarten/ auff einem Wagen daher fahren.

Andere viel reyten/ ja hencken vnd ligen mehr dann ſie rey- ten/ auff Pferden/ Eſeln/ ohne Saͤttel oder andere Bereyt- ſchafft/ wie wol vnd ſanfft/ iſt gut zu ermeſſen. Zwar eine ſcheuß- liche/ ja betruͤbte vnd erbaͤrmliche Reuterey. Offt vnd dick wil ein Krancker von einem ſelbſt krancken/ machtloſen/ duͤrren Gurren getragen werden/ der ſelbſt bedoͤrff e/ daß jhn jemands truͤge. Kriegshandlungen/ Ander Theil. truͤge. Da es am beſten ſeyn ſoll/ fallen ſie beyde/ der Menſch/ daß er das Thier auffzuhalten nicht vermuͤglich: Das Thier a- ber/ weils mit vielem vorhin Hunger/ jetzt noch zu dem Kran- cken/ mit vberlaͤſtigem Plunder beladen/ fuͤr Ohnmacht nider.

Andere/ Mann vnd Weibsperſonen/ denen weder zu fah- ren/ noch zu reyten gedeyen mag/ treibt die Furcht der Gefahr/ auch wol Verlangen zu den jren/ mehr fort/ dann ſie die Kranck- heit hinderhalten kan. Andere aber bey dem Feuwer vnd Rauch beſchwaͤrtzet vnd beruſt/ kriechen mit achen vnd krachen an Ste- cken den Weg mehr dann ſie gehen/ fallen jetzt zweymal nider/ ehe ſie einmal wider auffſtehen. Bleiben an den Zaͤunen/ vom Regen oder Kaͤlte gar erſtarret/ ligen/ vnnd verſcheiden mit Jammer vnd Elendt.

Krancke Haͤuptleut/ Faͤhnrich vnd andere/ deren Seckel es mag ertragen/ vnd es in Freundt Landt iſt/ laſſen ſich in die nechſt gelegen Staͤtt vnd Flecken/ mit Vorwiſſen jhrer Oberkeit fuͤh- ren/ vnnd jhnen mit Artzeney vnd ſonſten/ biß ſie wider vorige Geſundtheit erlangen/ pflegen.

Gedachte Wagen/ werden viemal darumb auch auß ei-Wagen fůr muͤde Knechte. ner gantzen Landtsart beſammlet/ die muͤden ſchweren Knecht/ vnnd andern jhre Ruͤſtung vnd Harꝛniſch/ beſondern da man den Feindt zu vberraſchen vnd vber eylen vorhabens/ fuͤrderlich/ vnd mit Eyl fortzubringen.

Damit aber niemandt/ geſundt oder kranck/ zu einem Regi-Nachzug oder nach- treiben. ment gehoͤrig/ dahinden bleibe: Auch von den Feinden nit leicht- lich/ den letzten in der Ordnung/ dem Troſſz oder Krancken Schaden zugefůgt werde: wirdt allen Morgen/ wann ſchier das Regiment auffſeyn ſoll/ allen Dopelſoͤldnern vnd Hacken- ſchuͤtzen/ vnder einem Faͤhnlein gelegen/ vmbgeſchlagen/ daß ſie biß das gantze Regiment auffgezogen/ ſtehen bleiben/ vnnd nachtreiben ſollen. Folgendts iſt es jmmer an andern/ vnd wi- der andern. Dieſe aber jetzundt tretten ein ziemlichs nach dem Troſſz/ Militaris Disciplinæ: oder Troſſz/ vnnd den Krancken daher/ erſtlich die Doppelſoͤldtner/ vnd von denſelbigen/ welche die groͤſte Beſoldung haben/ zu hin- derſt/ am allerletzten aber die Hackenſchuͤtzen. Vnd iſt alſo der Hauff hinden vnd vornen mit Schůtzen beſchloſſen.

XLV. Blaw Faͤhnlein fuͤhren.

WElche aber ſich heimlich/ von dem rechten Zug zur Seyten außdrehen/ vnnd (vor Zeiten hieß es das blaw Faͤhnlein gefuͤhret) jhrem Mauſen/ auch wolvn- bedacht der gefreyeten Doͤrffer oder Hoͤffen nachhangen/ wer- dẽ von dem Rumormeiſter/ der auff ſolche Maͤußkoͤpff zu greif- fen Befehl/ vnd denen/ ſo er mit ſich hat/ erſchnappet/ in die Ey- ſen geliffert/ oder anch wol Holtz in die Erden zu ziehen/ an die Haͤlß/ biß die Hoͤrner wachſen/ gebunden. Oder reiben jhnen die Bawern die Koͤpff mit Floͤgelskappen/ vor die Fluͤß.

XLVI. Brandtmeiſter.

BRandtmeiſter hat den Nahmen daher/ daß er vom Kriegsfuͤrſten oder Feldtherꝛn beſtellet vnd verord- net iſt/ alle gewonnene Staͤtte/ Schloͤſſer vnd Feſtung/ deßgleichen alle andere Flecken/ Doͤrffer vnd Hoͤfe in der Feindt Landt/ dem Feindt zum Nachtheil vnd Schaden: Deßgleichen die Orter/ ſo ſich mit angebottener Brandtſchatzung/ vnnd die Sauluc guarde.Saulue guarde (man moͤchts ein Freyzeichen nennen) nit loͤſen woͤllen/ in Brandt zu ſtecken.

Solche Brandtſchatzung aber gehoͤret nicht deß Brandtmei- ſters/ oder den ſeinen: ſondern muſie es/ vermoͤge Eydt vnnd Pflicht/ ſeinem Herꝛn/ dem er dienete/ in ſpecie verrechnen vnd liffern: Kriegshandlungen/ Ander Theil. liffern: Darumb er auch ſampt einem geſchwornen Schreiber/ ein Regiſter druͤber gehalten. Jetzundt verſtehe ich (eine ſchoͤne Gewonheit) wie die jenigen/ ſo es andern wehren ſolten/ auch ge- gen maͤnniglich/ vnnd deß Herꝛn Vnderthanen/ dem ſie gelobt vnd geſchwohren/ durch Practicken das jhre abtrutzen/ ꝛc. Ja/ ſchier ein jeglicher/ ohn Vnderſcheidt ſolcher Brandtſchatzung ſich annimpt/ ꝛc.

Saulueguarde iſt deß Feldt oder Bezahlherꝛn Wapen/ wo dieſelbige vmb ein groſſe vnd benandte Summa Geldt gekaufft vnd angeſchlagen/ iſt daſſelbige Ort Brennens oder Vnfalls ſicher/ vor maͤnniglichem dieſes Hauffens gefreyet.

Es laſſen ſich auch wol etliche Geſellen geluͤſten/ denen es nicht befohlen/ geben ſich bey weytgelegenen Flecken oder Doͤrf- fern fuͤr Brandtmeiſter auß/ was ſie dann erſchnappen/ gibt jnen eine gute Widerzehrung: Etliche beiſſen ſich auch/ wanns von jhnen außkompt/ mit den Achſeln durch ein haͤnffen Fenſter.

XLVII. Von Laͤger ſchlagen/ vnd zu haben/ erſt- lich in Staͤtten vnd Doͤrffern.

LAng fragens bedarff es nicht/ wer dem Hauffen nach wil/ wo das Laͤger ſeyn werde: Dann hie die vielen Fußpfaͤdlein/ welche die Landtsknecht/ die vielfaͤltige fri- ſche vnd tieffen Wagenleyſen/ dort das Gedrippel/ da die Rhey- gen hingezogen ſeyndt: Dann allenthalben die außgeſtraͤuwete Gaͤnß vnnd Huͤner feddern/ ſeyndt ſeine ſtaͤttige Wegweiſer. Solches Weydwercks ſeyndt nicht allein die Landtsknecht/ ſon- dern auch diß vnd anders vnzehliches vielmehr/ die Wagen- knecht geflieſſen/ vor denen ſchier nichts bleibt vnbeſucht/ vnzer-Hoͤchſte Landts- verderber. riſſen vnd vnverwuͤſtet. Daß recht mag geſagt werden: Wer ein Landt verderben woͤlle/ ſoll einen Bawren vbern andern fůhren.

QDa Militaris Disciplinæ: oder Quartier außtheilẽ.

Da ſich die andern Quartiermeiſter der Reuter vnd Landts- knecht/ mit dem Oberſten Quartiermeiſter/ oder dem Commiſ- ſario, ſo etwan jeder Regiment allein ziehen ſolt/ der Laͤger ver- gliechen/ theilen ſich die Fahnen der Rheyſigen/ welche gewoh- net ſeyndt in Doͤrffern zu ligen/ Jtem/ die Regiment vnd Faͤhn- lein von einander/ jedes beſondern/ dahin ſein Quartier vnnd Laͤger gefallen: Die Knecht moͤgen jhnen deſto ſo viel ehe folgen/ weil ſie die vnderſchiedlichen Farben der Faͤhnlein kennen. Dañ ob ein Fleck oder Dorff zu einem Regiment gantz daſelbſt vnder zu bringen/ nicht gnugſam/ theilen ſich die Faͤhnlein in die vmb- ligende Doͤrffer. Der Ort aber/ da der Oberſter bleibt/ wirdt Regiment wo.das Regiment genennet. Dieſe Doͤrffer ꝛc. ſeyndt vielmal von den Rheyſigen vorhin alſo durch vnnd außgemauſet/ daß Bruder Veit kaum ein Butterfaͤßlein/ das Feuwer mit zu ma- chen/ finden mag.

Mit dem Quartiermeiſter kommen die Furierer/ ſo viel jrer vnder ein Regiment gehoͤrig/ derer jeglicher ein Rott Schůtzen mit ſich hat lauffen/ in die Statt/ Flecken oder Dorff ꝛc. Der Quartiermeiſter aber freyet zuvor/ wie von alten Teutſchen Welche Haͤuſer zu freyen.loͤblich herbracht/ etliche Haͤuſer/ als derer/ die daſelbſt in der O- berkeit ſindt/ Pfarꝛhaͤuſer/ Edelleuthaͤuſer/ Wittwen/ armer Waͤyſen/ Kindtbetterin. Jn ſolche Haͤuſer werden vnd ſollen/ es ſey dann ſonſt an Haͤuſern mangel/ keine Knecht loſiret werden. Damit auch ein jeder ſolche. Haͤuſer muͤſſig gehe/ werden ſie mit deß Quartiermeiſters/ oder deß Profoſen Zeichen/ nemlich der Juſtitien/ das iſt/ ein Galg daran gemahlet vnd gemercket.

Fuͤrter ſucht der Quartiermeiſter ein gut ſchoͤn Hauß/ ſo viel muͤglich iſt dieſes Orts/ auß/ zu deß Oberſten Loſament/ dem o- berſten Leutenampt/ Schultheiſſen/ Gerichtſchreiber vnnd Ge- richtsleut/ Proviandtmeiſter ꝛc. vnnd was der hohen Empter mehr ſeynd/ zeichnet dieſe Loſamenter alle mit ſeiner Merck/ vnd jedes Namen beſondern/ fůr die es verordnet iſt.

Dem Kriegshandlungen/ Ander Theil.

Dem Profoſen ſein Geſindt/ vnd bey den das Stockhauß/ ſampt dem Zuͤchtiger. Vnnd dieſer Loſament ſindt angemerckt mit einem Galgen: Alſo auch vor die Commiß.

Was vberig iſt/ vberſchlaͤgt er/ vñ ordinirts auff die Faͤhnlein/Furiern in Staͤtten. ſo viel er ſich duͤncken laͤſt/ einem jedern beſondern gebuͤren woͤlle/ vñ laͤſt die Furierer druͤmb ſpielen. Solches geſchicht etwa nicht ohn groſſes vnnd vieles Schnarcken/ Gepoͤch vnd Zancken der Furierer/ wann vielleicht jrer einer ein Hauß oder Loſamentlein mehr bekoͤmpt/ in ſein Quartier/ dann die andern: Druͤmb bleibt auch ein ſolcher gern am laͤngſten bey dem Befehl/ daß er ſich nicht baldt laͤſt vberhuyen.

Als dann durchſihet vnd erforſchet jeder Furierer widerumb fuͤr ſich in ſein gefallen Quartier/ daß er das beſte Loſament vor ſein Haͤuptmañ behalte/ alſo auch eins dem Leutenampt/ Faͤhn- rich/ Edelleutrott/ Feldtwaͤybel/ die andern Befehlhaber/ Feld- ſcherer ꝛc. mit Namen bezeichnet.

Laͤſſet darnach der andern/ nemlich der Doppelſoͤldner/ Ha-Wie die Knecht ⃒ ſict werdẽ. ckenſchuͤtzen/ vnd gemeiner Knechten Rottmeiſter/ jhm jeglicher ein Meſſer in ſein Hut legen/ faſſet er den Hut oben zuſammen/ ſchuͤttelt die Meſſer durcheinander/ nimpt darnach vnbeſehen eines nach dem andern wider herauß/ ſteckets vor die Haͤuſer/ wie viel Rotten darinn loſiret werden koͤnnen/ ſo viel Meſſer/ lauffen die Rottmeiſter hernach/ beſehen/ vnnd wo einer ſein Meſſer vorgeſteckt findet/ daſelbſt zeucht er mit ſeiner Rott hineyn.

Jeglicher Faͤhnrich ſtecket ſein Faͤhnlein an ſeinem LoſamentFaͤhnrichs Gebrauch im Laͤger. zum Fenſter hinauß/ kan maͤnniglich ſein Quartier deſto beſſer finden: Kein Faͤhnrich gehet auch auß ſeinem Loſament/ ſo wol im Feldt als hie/ der nicht zuvor bey das Faͤhnlein jemandt/ als den Fuͤhrer/ oder ſonſt einen Vertrauwten verordnet/ ob ſich etwas Aufflauff oder Meuterey zutruͤge/ doch jemandt das Faͤhnlein/ biß er ſelbſt wider darzu kaͤme/ in Verwaltung hette.

Q ijAlhie Militaris Disciplinæ: oder Wacht.

Allhie iſt es mit Wachten Tag vnd Nacht/ vor deß Oberſten Loſament/ auch anderswo braͤuchlich/ wie vnden vom Feldtlaͤ- ger ſoll beruͤhret werden. Denẽ Rotten aber/ welchen die Nacht- wach gebuͤhren wil/ wirdt zeitlich am Tag vmbgeſchiagen/ die Rottmeiſter genennet/ vnd die Wacht angezeigt.

Proſoſen Diener in ſonderbarẽ Laͤgern.

Daß an Proviandt kein Mangel erſcheine/ die Regiment ligen beyſammen oder zertheilet/ muß der Proviandtmeiſter Fuͤrſehung thun: Vnnd daß niemandt ſeines Gefallens einen Marckt anrichten doͤrffe/ ſchickt der Profoß an ſo viel Ort die Faͤhnlein verlegt werden/ auch ſo viel ſeiner Diener/ ſonſt wuͤrde ſeinem Profit dardurch etwas abgehen.

XLVIII. Laͤger ins Feldt zu ſchlagen.

WJe aber das Feldtlaͤger vorzunemmen/ dar von iſt droben zum theil/ bey dem Titul von Feſtungen/ ꝛc. zu berennen/ etwas angezogen. Vñ in Warheit hieran nicht gering gelegen/ ja groſſer Fůrſichtigkeit wol wirdig/ ſo ein General Quartiermeiſter/ neben ſeinen zugeordneten (doch mit conſens vnd Beſtaͤttigung deß Feldtherꝛn) einen zu allem Vor- theil bequemen Platz/ zum Feldtlaͤger/ abſehen vnnd erwehlen ſoll/ damit ein jegliche Nation/ Rheyſigen/ Fußvolck/ beyeinan- der/ vnd alſo viel ruͤhiger vnd weniger Vnfugs werde vnd bleibe/ jhr Laͤger beſondern haben.

Bey dieſen Haͤndeln wirdt abermal/ wie vor vom Zug an- gemeldet/ wie wol die Felder vnd Getraͤydt ſtehen/ wie ſchoͤn die Wieſen grůnen/ die Baͤume fruchtbar ſeyn vnd bluͤhen/ kein Ge- baͤw ſo herꝛlich/ koͤſtlich vnd luſtig/ keiner ley/ ſage ich/ wirdt ange- ſehen/ daß ſein verſchonet wuͤrde: ſondern was es trifft das trifft es. Was aber fuͤr Nutzen vnnd Wolgefallen ſchaffet/ denen ſol- che Acker/ Wieſen/ Haͤuſer vnnd Garten zu kommen/ iſt leicht außzurechnen.

Erſtlich Kriegshandlungen/ Ander Theil.

Erſtlich wirdt deß Feldtherꝛn Loſament vnnd Zelten an ſol-Feldtherꝛn Loſamẽt. chem Platz vnd Endt geſchlagen/ da es vor feindtlichem Vber- fall zuvor andern verſichert: Da jm auch in zuſtehendem Noht- fall/ von allen Orten der ſeinen zeitige vnnd gnugſame Entſe- tzung vnd Rettung geſchehen moͤge.

Eines fuͤrtrefflichen Gewaltigen/ vnnd derhalben hochbe- ruͤhmbten Kriegsfuͤrſten Loſament/ hab ich geſehen/ wie hiernach geſetzte Abzeichnuß weiſet: Deucht mich auch noch nicht vn- formlich ſeyn. Jn der mittlern vnd groſſen Zelten lage der Fuͤrſt ſelber/ in den beyden zur Seyten/ war in einer die Silberkam̃er/ vnd in der andern der Kammerdiener Loſament/ in der groͤſſern Zelt vnd Pforten vornen/ lagen vnd wacheten Tag vnd Nacht/Trabantẽ. dreyſſig Trabanten/ in dem kleinern Zelt hinden/ oder gegen dieſem vber/ zwantzig Trabanten: Alle von tapffern/ verſuchten/ bekandten vnnd beeydeten Maͤnnern außerleſen. Darfůr nie- mandt/ es were dann ſein Ampt/ oder beruffen/ da hineyn ver- goͤnnet wurde. Die Wandt zu rings heruͤmb von einem Zeldt zum andern gezogen/ ob ſie ſchon leynen Tuch/ iſt ſie doch darzu nuͤtz/ daß nicht ein jeder eben vnvermerckt/ zu deß Fuͤrſten Zeldt kommen mag: So lagen auch bey fuͤnff oder ſechs Rotten wol-Hacken- ſchuͤtzen. geruͤſte/ außerleſen Hackenſchuͤtzen/ hierzu ſonderlich beſtellet/ auſſerhalb deß angezeigten leinen Mantels herumb. Dieſe Trabanten vnnd Hackenſchuͤtzen hatten jhren eygenen Haͤupt- mann vnd Spiel.

Seine deß Fuͤrſten Kuͤchen oder Zeldt/ darinnen man fuͤr jhnFuͤrſten Kuͤchen im Feldt. kochet/ ſoll Tag vnnd Nacht mit einer ſonderlichen Guarden verhůtet werden.

Alſo auch ein feiner geſundter Kochbrunnen/ ſo baldt in er-Kochbrun nen. ſter Ankunfft in das Laͤger/ auſſerwehlet/ wirdt nimmer ohn ei- ne hierzu ſonderliche geſchwohrne Tag vnd Nachtwacht ge- laſſen.

Ein beglaubte vnd bekandte Frauw/ die deß Feldtherꝛn Lein-Nota. Q iijwadt im Militaris Disciplinæ: oder Waͤſche- rin.wadt im Feldt braͤuchlich waſchet/ iſt nicht dahinden zulaſſen: Viellerley Vnrath/ der mit Hembdern/ vnd an ern koͤndt zuwe- gen bracht werden/ zu verhuͤten.

Kriegs- raͤhte.

Ohngefehr vor deß Feldtherꝛn Loſament/ ſollen die Kriegs- raͤhte jhre Zelten auffſchlagen: Seyndt ſie allezeit ſo viel ehe zu fiaden. Jſt auch alſo beſſer/ wer taͤglich bey jhnen auß vnd eyn- gehet/ wahrzunemmen.

Rheyſige Kuechte.

Die Rheyſigen/ alte erfahrne/ wegkuͤndige Knecht pflegt man zu nechſt dieſen zu finden.

Haͤuptfahn Quartier.

Was vnder der Haͤupt oder Hofffahnen reytet/ haben jhr Quartier neben/ hinden oder vornen bey dem Fuͤrſten.

XLIX. Haͤuptfahnen zu ordnen/ vnd wer ſie fůhret.

WJe nun deß Herꝛn Haͤuptfahn (fůhret deß Fuͤrſtlichen Hauſes/ davon der Feldtherꝛ erboren/ Erb- marſchall) zu beyden Seyten mit andern Schuͤtzenfah- nen beſchloſſen wirdt: Auch ſo zweyer Feldtherꝛn Haͤuptfahnen/ ruͤcken ſie zuſammen/ nichts deſto weniger zu jeder Seyten der Haͤuptfahnen/ halten jhnen jhres Herꝛn Schůtzenreuter.

Soldt- deuter.

Die andern Hoffleut oder Soldtreuter/ werden nach Erhei- ſchung deß Orts/ doch da viel Zaͤun ſindt jhnen am fuͤglichſten/ quartieret. Selten iſt einer/ oder jhrer etliche zuſammen/ die nicht jhre Zelten mitfuͤhren. Die Pferde aber muͤſſen vnderm freyen Himmel ſtehen/ freſſen jhr Futter auß angehengten lei- nen Saͤcklein. Etliche fuͤhren ſchmale/ von Thannenholtz ge- machte Baren oder Krippen mit/ werden an Pfaͤle vor den Roſ- ſen her angehenckt.

An den Fahnen/ ſo vor die Zelten der Faͤhnrich geſteckt/ ſeynd die Quartier zu vnderſcheiden.

Nach Kriegshandlungen/ Ander Theil.

Nach der Ordnung/ wie die Artalarey Wagen gehen/ alſoArtlarey Wagen. werden ſie auch einer an den andern gefůhret/ moͤgen ſie der ge- ſtalt folgends/ welcher zum erſten hineyn/ auch der erſt wider her- auß gefuͤhret werden.

Das Geſchuͤtz ſaͤmptlich ſtellet man fein ordentlich auff einerGeſchuͤtz. Rey hinauß/ gegen den Feindt: darbey ein fleiſſige Tag vnnd Nachtwacht/ ſtarck gnug wirdt gehalten.

Denen Wagen aber/ ſo Pulver fůhren/ wirdt ein ſonderlichPulver Wagen. Platz/ vmb vñ vmb mit auffgeworffenen Graben/ etwas hindan von andern Wagen erſehen: vñ auch eine beſondere Wacht dar- zu verordnet: Doch doͤrffen ſie hiebey kein Feuwer haben.

Alle Perſonen zur Artlarey gehoͤrig/ hohes oder nidrigs Be-Artlarey Perſonen. fehls/ Bůchſenmeiſter/ Handtreicher/ Zim̃erleut/ andere Hand- wercker/ Schantzmeiſter vnd Schantzbawern/ haben auch in der Artlarey jhr Laͤger vnd Loſamenter/ gebůrt auch nicht dem aller- geringſten ein Schritt breyt auſſer jrem Quartier/ ohn Erlaub- nuß zu gehen/ viel weniger deß Nachts drauſſen zu bleiben.

Vber die Artalarey iſt ein eygen Profoß beſtaͤttigt/ vnndArtlarey Profoß. Proviandtplatz zu haben gebraͤuchlich. Sein Befehl aber er- ſtreckt ſich/ wie ſonſten anderer Profoſen/ vber jhr Regiment/ nicht auſſer der Artalarey.

Etliche Teutſche Staͤtte haben eine beſondere Ruͤſtung im Feldt ſehr nuͤtzlich zu gebrauchen. Dann darmit ein Feldtlaͤger gleich mit einer Mauren wirdt beſchloſſen vnd verwahret: So kan man auch/ da einer gegen dem Feindt zu ſchlagen gemeynet/ das Feldt ſehr weyt/ an ſtatt vieler geſchwinder Hoffleut/ damit eynnemmen/ wie ich ſelbſt augenſcheinlich geſchen.

Die groſſe Wagenburg aber iſt alſo gethan: Es ſeyndt beyGroſſe Wagen- burg. vngefehr viertzig Schuch lang/ ſtarcke Thaͤnnen Baͤume/ ſchwartz angeſtrichen/ an beyden Enden vor Haͤupt mit eyſſern ſtarcken Ringen beſchlagen/ alſo auch der Laͤnge nach oben vber/ mit dicken eyſſern Schienen/ vmbs Zerhauwens willen/ belegt/ welche Militaris Disciplinæ: oder welche Schienen hinden vnd fornen/ in die Haͤuptring/ deßglei- chen ſonſtmit andern Ringen ſeindt gefaſſet. Jn der mitten iſt dieſer zugerichte Baum/ etliche Zoͤll hoͤher dann ſonſten/ daſſel- be Endt mit eyſſeren Blechen wol eyngefaſſet/ mitten durch ge- het ein eyſſern Zapffen/ vnden mit einer Schlieſſen/ oben eine Gabel habendt. Darzwiſchen ein klein gegoſſen Stuͤcklein oder Moͤrſerlein gefaſſet/ gehenckt/ mag der zugeordnete Buͤchſen- meiſter drehen nach ſeinem Willen vnnd Vortheil. Solcher Baume auff zweyen halben ſtarcken Wagẽ/ wo er hin ſoll/ leicht- lich wirdtfortbracht: Hat der eine vornen vor Haͤupt/ eine ſehr ſtarcke eyſſerne angeſchmiedete lange Ketten/ vnnd der ander Baum/ ſo vor dieſem her gefuͤhret wirdt/ einen woleyngefaſten eyſſern Hacken am hinderſten Ende/ auff daß die Kette deß fol- genden Baums/ hiereyn mag gehenget/ vnd eine lange Weyte/ nach Anzahl der Baͤume mag vmbzogen werden. Vornen oder hinden/ zur Seyten der Baͤumen/ da ſie auff den Reddern li- gen/ ſeyndt die Kaͤſtlein/ Pulver/ Kugeln vnd andere Bereyt- ſchafft mit zubringen.

Kleinere Wagen- burg.

Die kleinere Wagenburg aber/ ſeynd in der Zahl nach eines jeden Wolgefallen oder Vermoͤgen Wagen/ ſchier wie jetzund die/ ſo man Gutſchen nennet/ doch ſtaͤrcker/ weyter vnd hoͤher zur Seyten/ auch hinden vnnd vornen/ von ziemlichen Dielen ge- macht/ vnnd nach Notturfft feſt beſchlagen/ allenthalben mit Eyſſen. Jn der Groͤſſe vnd Weyte/ daß vngefehr ſechs Schuͤ- tzen/ mehr oder weniger/ ſampt einem Buͤchſenmeiſter/ darauff ſitzen/ vnd ſchnell fortgefuͤhrt werden moͤgen. Jn der Mitten die- ſes Kaſtens iſt auch/ wie auff der langen Wagenburg ein Stuͤck- lein: Haben auch der eine hinden ein eyſſern Hacken/ der ander eine Ketten vornen/ daß man ſie/ wann die Schuͤtzen abſprin- gen ſich gegen dem Feindt darhinder auffzuhalten/ vnd zu weh- ren/ an einander hencke. Vnd hier mit von den Wagenburgen zufaͤlliger Weiß gnug geſagt.

Sinte- Kriegshandlungen/ Ander Theil.

Sintemal die Hoffleut vnd andere/ jhre Keller mit Wein inWeinke- ler in Fur- tern. beſchloſſen Futtern auff den Wagen mit ſich fuͤhren/ vnnd ſo bald die Wagen ankommen/ ſich erlabt haben/ woͤllen wir ſie nun die Pferdt ſtellen laſſen/ vnd den frommen Landsknechten auch ins Laͤger/ damit ſie ein Truͤncklein bekommen/ helffen.

Es iſt aber nit ohne Fahr/ ſo die Regiment weyt von einanderLandts- knecht Quartier. geſondert liegen: Vnd ſo eins von Feinden vberraſcht/ als dann von den andern nicht ſo baldt entſetzt moͤgen werden: Weil auch etwa die Feindt den Platz zwiſchen jhnen eyngenommen haben. Es were dann Sach/ daß der Ort/ dahin ein Regiment allein verordnet/ von Natur befeſtiget/ oder zu jhrem Vortheil vmb- ſchantzet wuͤrde.

Wohin nun ein jedes Regiment ſich zu laͤgern/ vom Feldt- marſchall vnnd Kriegsraͤhten verordnet/ beſichtiget der Quar- tiermeiſter/ Wachtmeiſter ꝛc. denſelben Platz vnd Ort/ theilet vnnd miſſet jhn ab mit Helmbarten/ oder einer andern kurtzen Wehr/ in ſo viel Theil als Faͤhnlein vnder ſolch Regiment ge- hoͤrig/ doch daß allweg eine Gaſſen/ ziemlicher Weyte/ je zwi- ſchen zweyen Faͤhulein bleibe/ laͤſſet darnach die Furierer vmb die Quartier ſpielen.

Welch Quartier als dann die Furierer mit ſpielen bekom̃en/ daſelbſt hin/ oben gegem Lermanplatz zu/ wirdt das Faͤhnlein gefuͤhret: alſo die andern Faͤhnlein alle: Schlagen auch die Faͤhnrich jhre Zeltlein/ oder bauwen daſelbſt jhr Loſament auff/ bin den die Faͤhnlein fein nach Ordnung der Quartier an kurtze Wehren/ oder in die Erden geſchlagene lange Pfaͤle/ vnd laſſen ſie fliehen/ damit ſie moͤgen von jederman geſehen werden.

Dem Oberſten wirdt zu ſeinem Loſament vnd Zelten/ einOberſten vnd ſeines Leuten- ampts Lo ſament. Revier/ da es jhm am bequemlichſten iſt/ vorbehalten. Deß- gleichen dem Oberſten Leutenampt/ vnnd denen von den ho- hen Emptern/ nicht weyt vom Oberſten.

Der Proviandtmeiſter wirdt gemeinlich nahe bey dem Pro- Rviandt- Militaris Disciplinæ: oder viandtplatz loſieret. Die Haͤuptleut ligen auch jeder bey ſeinen Knechten.

So baldt der Rheyſigen/ Oberſten/ Haͤuptleut/ ꝛc. Wagen Auff die Fuͤtterung fahren.vnd Kaͤrch/ deßgleichen alle andere Wagen im Laͤger abgeladen: Auch die Knecht jre Wehr vnd Ruͤſtung abgelegt/ tummelt vnd befleiſt ſich maͤnniglich/ etwas ins Laͤger zu holen/ Ja/ es erhe- bet ſich auſſer dem Laͤger/ nach den nechſtgelegenen Wieſen/ E- ckern/ Doͤrffern vnd Hoͤffen/ ein ſolch Fahren/ Rennen/ vñ Lauf- fen/ daß vnſaͤglich: Holtz/ Stroh/ Haͤw/ Habern/ ꝛc. fůr die Pfer- de/ vnd mit auffzubauwen/ vnd zu brennen zu holen.

An denen Enden/ da diß wuͤtendt Geſindt hin geraͤdt/ blei- bet kein Stein auff ſeiner erſten ſtaͤtt ſchier ligen: Kein Hauß/ kein Stall/ Boden/ Winckel/ Keller/ ja kein Maͤußloch ſchier bleibet vndurchkrochen. Nur alles durchſuchet/ durchmauſſet/ zerſchlagen/ verwuͤſtet/ verderbet/ zerbrochen vnnd zerriſſen. Kein Nagel/ da du moͤchteſt einen Hut anhencken/ bleibet ſte- cken. Ob wol denen Raumauffen vnd Fegbaͤncken viel Dings nichts nutzet/ laſſen ſie es/ jhrer Gewohnheit nach/ nicht dahin- den bleiben. Pferde/ Kuͤhe/ Kaͤlber/ Schwein/ ꝛc. treiben ſie/ wo die nur zu finden/ Haͤuffig darvon.

Summa/ wo du jetzundt ſiheſt/ Getraͤydt/ Haͤw/ Stroh oder anders mit Hauffen/ iſt es in einem Augenblick ſo kahl/ reyn ab/ reyn hin vnnd weg/ als in einer Handt: Doͤrffer/ Haͤuſſer/ Zaͤune/ fruchtbare Baͤume ſindt im Huy dahin/ daß niemandt jhre ſtaͤtte finden kan. Hinwider/ da vorhin im Feldt nichts dann Getraͤydt/ Graß/ Baͤume geſtanden: Wirſtu in einen Huy ſo viel Zelten/ Loſamenter vnd Huͤtten/ auch Feuwer- ſtaͤtte finden/ als ob in einem Augenblick eine groſſe Statt da worden were.

Vnd diß Holen/ Treiben/ Tragen/ endet ſich nicht mit dieſem einigen mal vnd Tage: Sondern/ wo etliche Zeit ein ſtaͤttig Laͤ- ger ſtill ligt vnd verharret/ iſt dieſes Holens vnd auff die Fuͤtte- rung Kriegshandlungen/ Ander Theil. rung Fahrens kein Ende. Erſtreckt ſich auch vielmal auff etliche Meilen lang vom Laͤger hinweg: daß ſie mit groſſer Gefahr die Fůtterung zuwegen bringen muͤſſen. Kein Haͤuptmann iſt/ der nicht mit ſeinem Wagen oder Karch/ etliche Hackenſchuͤtzen lauffenlaſſe. Alſo auch die Hoffleut ein Anzahl von jhren Pfer- den/ zu etlichen Zeiten gantze Fahnen.

Nicht allein wirdt ſo gehauſſet wo es Feindt iſt/ ſondern auchFreunden ſoll kein Schadt widerfah- ren. der Freunde wirdt wenig verſchonet. Ob ſchon vnder den Hoff- leuten vmbgeblaſen vñ ſonſt vmbgeſchlagen wirdt/ vber Rauch- futter niemandt zu beſchweren: Gehet es doch viel vnd offt man- chem vor die Augen/ daß ſie mit dem Stroh/ Haͤw/ ꝛc. Schwein/ Schafe/ Kuͤhe vnd Kaͤlber eynbinden. Daruͤber deß Verbotts nichts achtend/ Kuͤſten vnd Kaſten auffſchlagen/ vñ nichts/ dann was ſie finden/ darauß zwacken.

Mehr dann ein verdrießlich/ muͤhſam vnd arbeitſeliger Han-Bey nacht ins Laͤger kommen. del iſt es/ zuvorderſt in der Nacht/ ſo man vorhin naß/ kalt/ muͤdt/ hungerig vnd durſtig iſt/ kompt darzu in eine ſehr kalte/ vbelbe- ſtellte Kuͤchen/ das iſt/ auff ein weyt/ dreckicht/ kahticht/ tieff/ naß Feldt/ Acker oder Wieſen/ da weder Holtz/ Feuwer oder Rauch iſt. Wer kan als dann auffbauwen/ ſo man nichts darzu hat? Ob ſchon die jenigen ſo Zelten/ haben ſie doch manchmal kein Stroh oder Haͤw/ da ſie auff ruhen koͤndten. Mit Kum- mer wirdt ja noch zu letzt ein Feuwerlein angezuͤndet: waͤrmet ſich doch einer vornen/ hinden erfrieret man: Darzu treibt der Windt den Rauch vnd Dampff alſo durcheinander/ daß auff keiner Seyten lang ſtehens iſt.

Jch ſetze/ es ſey welche Zeit/ oder was Wetter es woͤlle/ wer esWie die im Laͤger den nach- folgenden ruffen. verſucht/ vnd wen es betrifft/ mag deß Schimpffens nicht ſehr lachen. Wann die Wagen/ Krancken/ Muͤden vnd Troſſz lang- ſam/ bey der finſtern Nacht/ kaum das Laͤger erreychen/ moͤgen drumb/ vmb der groſſen Meng/ vnd vielen Feuwer halben/ noch nicht wiſſen/ wo ſie die jhren finden ſollen.

R ijHie Militaris Disciplinæ: oder

Hie lauffen jhrer viel vor das Laͤger/ den jhren entgegen: dort hebt ſich ein grewlich Geſchrey vnd Ruffen/ nach den ſeinen: die Knecht nach jhren Rottgeſellen/ faſt mit dieſen Worten: Hen- rick Metewurſt von Quakenbrugge/ Schweinenbraten ſein Knecht/ hieher. Vnd ſolches treiben ſie/ biß der jenige/ ſo die- ſer Stimmen/ welche er kennet/ nachfolget/ ja deſto ehe zu recht kommen kan.

Die armen Weiber trifft diß viel haͤrter/ dann die Jungen: Troſſz ver jrret in der Nacht.Doch/ ſo beyde Weiber vnd Jungen (geraͤdts wol) die jhren er- langen/ werden ſie noch wol mit Schlagen willkom̃ geheiſſen: wie muͤde ſie ſeyn moͤgen/ erſt nach Holtz/ Waſſer/ Wein/ Bier/ oder anderm geſendet. Zwiſchen dieſen vnbekandten vnzehlba- ren Fewren hat es Muͤhe vnnd Arbeyt/ das jenige/ darnach ſie außgeſchickt/ zu finden. Nichts wenigers gehets ſchwerlich zu/ wider zu ruͤck an rechtes Ort/ vnnd den/ von dem ſie geſchickt worden/ zuerfragen.

Manchen muhtwilligen ſchalckhafftigen Landtsknecht/ ver- mag auch ſein eygen Hartſeligkeit/ von gewohnter Buberey nicht abhalten: Sondern wann ſie jemandt von Weibern vnnd Jungen vermercken/ dieſem oder jenem nachforſchen/ růfft die- ſer: hieher muſtu gehen/ Jener dort ſpricht: Nein/ hie komme her/ jmmer ein ander ein anders: Vnd wirdt zu letzt ſolch lang Auſ- ſenbleiben den elenden Weibern vnd Jungen ein Vrſach neu- wer Fluͤch vnd Schlaͤge.

Durch die Menge der Nachtfewer betrogen/ ſo zween Hauf- fen in der Naͤhe bey einander ligen/ gehen etliche vom Troſſz in der Feindt Laͤger/ entragen alſo vnwiſſendt was jrer Herzſchafft iſt/ vnd ſie bey ſich haben. Dieſes geſchahe auch alſo/ Anno 46. kamen bey etlich hundert muͤde Knechte/ Jungen vnd Wei- ber den Feinden in die Haͤndt/ zwiſchen Thona- werdt vnd Nordtlingen.

Lerman- Kriegshandlungen/ Ander Theil.
L. Lermanplatz.

AVff daß jedermann/ ob der Feindt etwas am Tag herzu nahet/ oder Nachts was vorzunemmen/ ſich ſehen/ oder ſonſten was pluͤtzliches vermercken lieſſe/ vnd ein Ler- man entſtuͤnde/ wo er/ es ſeyen Hoffleut oder Fußvolck/ mit ſei- ner Wehr/ die einem Kriegsmann nimmer von der Seiten kom- men ſoll/ weyter Beſcheidts zu gewarten/ ſich ſolt finden laſſen/ wiſſens truͤge/ wirdt ein beſonder Ort/ der Lermanplatz genen- net/ vor oder neben dem Laͤger darzu beſtimmet: Dahin wirdt auch wie gemeldt/ das Geſchuͤtz/ da hereyn man ſich deß Feindt- lichen Anlauffs am meinſten beſorget/ geſtellet.

Lerman iſt die Bewegung vnd vnverſehener Aufflauff zun Wehren/ deß gantzen Hauffens/ auß etwa einer Vrſach/ der hal- ben man ſich Schadens/ Leibs vnd Guts befahret/ entſtanden. Koͤmpt vom Welſchen vocabulo oder Worten a larma, wirt zu- ſammen gezogen/ vnd als ein Wort außgeſprochen Allarma, als ſagt man: zum Waffen/ zur Wehr ꝛc.

Jn Ankunfft deß Feindts ſchlaͤgt der mit den Heerpaucken Lerman/ vnd blaſen die Trommeter: Die Landtsknecht/ Trom- menſchlaͤger deßgleichen: iſt in der Nacht ein erſchrecklicher Handel. Hierumb da der Feldtmarſchall/ das Volck allent- halben verordnet/ ſchicket er etliche Fahnen zu erkuͤnden/ wie al- le Sachen drauſſen gethan vnd geſchaffen/ ſich darnach gefaſt zu machen. Mag auch etliche Geſchwader am andern Ort deß Laͤgers hinauß laſſen/ den Feindt von hinden zu/ oder zur Sei- ten anzugreiffen. Nach Abziehung deß Feindts ſoll der Lerman- platz nicht ſo flugs geraͤumet werden: viel lieber noch ein Zeit er- harret/ da nicht vielleicht der Feindt ſich wider wendet/ ſie der ge- ſtalt bemuͤdet vnd erſchrockener denn zuvor befinde.

Merck: Vor dem Feldtherꝛn vnd andern fuͤrnemmen Leuten/ R iijgehoͤren Militaris Disciplinæ: oder gehoͤren als dañ Feldtleuchten zu tragen/ vnd andere Feuwer im Laͤger anzuzuͤnden/ daß man vmb ſich ſehen moͤge.

LI. Proviandtplatz.

PRoviandt iſt allerley eſſende Speiß vñ Tranck: vñ wirdt billich ein eygner Ort im Laͤger/ dahin ſolches al- les wirdt feyl getragen/ beſtimpt: Damit man zum erſten offentlich ſehen moͤgt/ wer vnd wie ſie ſeyen/ die etwas dem Laͤger zufuͤhren: Dann gar manche Verraͤhterey durch ſolche Leute zuwegen bracht wirdt. Wie droben vnder dem Titul (von deß Feindts Kundtſchafft ſich zu warnen) weytlaͤufftiger vnd mehr. Jſt auch darzu nuͤtz/ daß niemandt ſeines Gefallens die Wahr vberſetzen/ den Kauff erſteygern/ vnnd nichts feyl bieten oder verkauffen darff/ ohne Vorwiſſen deß Profoſen/ deſſen Leu- tenampt/ oder ſeines Schreibers: vnd wie ſie dann geſchetzt/ da- bey muß bleiben.

Hat jemandt Brodt auff einem Wagen oder ſonſt feyl/ muß er Brodt auffſteckẽ/ darauff mit Kreyden der Werth gezeichnet ſtehet. Die Wein vnd Bierfaſſz/ die geſchaͤtzt ſeyndt/ zeichnet er daran den Werth deß Weins oder Bier/ vnd die Iuſtitiam, nem- lich/ ein Galgen.

Jeder Kraͤmerey Gattung ordnet er fein zuſammen/ vnd bey einander an einen beſondern Ort: Alſo auch Sudler/ Wein/ Bier/ ꝛc. nacheinander/ Brodt vnnd was ſonſt fuͤr Victualia ins Laͤger bracht werden.

Von dieſer jedem hat er/ der Profos/ ſeinẽ Profit vñ Schatz- geldt: Darzu vonjedem Ochſen oder Viehe/ klein oder groß das geſchlachtet wirdt/ die Zungen.

Die ins Laͤger fuͤhren/

Vom Oberſten/ auch vom Profoſen/ gebuͤhret ſich denen allen/ ſo dem Laͤger nachziehen vñ zufuͤhren/ eine ſichere Paßport ins Laͤ- Kriegshandlungen/ Ander Theil. ins Laͤger/ vnd auſſer dem Laͤger zu geben. Sonſt wuͤrden ohnemuͤſſen verſichert ſeyn. die Paßporten/ die Straſſen nach dem Laͤger gar baldt oͤde/ vnd darinnen an allerley groſſer Mangel werden.

Mit Ernſt gebuͤhret dem Profoſen darauff zu ſchauwen/ darmit die Wein vnd Bierſchencken rechte Maß haben/ vnnd die Rechte nicht vnterſchlagen vnd verwechſeln. Deßgleichen die Kraͤmer gute/ vnverfaͤlſchte Wuͤrtz vnnd Wahr in jhrem Kram/ darzu rechte Gewicht vnd Wogen (ſo auch die Metzger) haben. Dann hieriñ gar offt Betrůgerey vnd finantziſcher Vor- theil (iſt an mehr dann einem Endt erfahren) die Kraͤmer an die- ſen Enden/ ſo auch mit falſcher Ehlen zu brauchen/ vnd alſo groß Geldt zuſammen ſchlagen pflegen.

Da zu Zeiten Brodt/ Wein/ Bier oder ander Proviandt/Proviandt nach der Rey. nicht voll auff/ vnnd wenig zugefuͤhret/ wirdt dieſelbige Pro- viandt/ wie auch die Commiß/ nach der Rey außgetheilet/ dar- bey deß Profoſen Diener einer ſtehen vnd zuſehen muß: Sonſt werden die Schwaͤchern von den Staͤrckern/ wie ohne das ſonſt arme Weiber auß der Rey gedrungen. Zuweilen geraͤht es vn- der jhnen zun Streychen/ bekompt der Profoß ſein Theil auch.

So etwan die Hauffen oder Regiment lang beyeinanderNota. bleiben/ vnd in ſtaͤttem Laͤger/ erkůndigen ſich die Weinwirth vnd Marckatenter/ eben bey der Haͤuptleut Schreibern/ von der Beſoldung der Knechten/ darnach ſie jhnen zu borgen wiſſen.

Jn der Bezahlung aber ſeyndt ſie nicht ſaͤumig/ ziehen es ins Haͤuptmanns Loſament den Knechten vor der Naſen hin- weg. Hievon gefallen den Haͤuptleuten vnd Schrei- bern jhr Theil auch/ vnd ein gutes Truͤncklein.

Mumm Militaris Disciplinæ: oder
LII. Mumm oder Spielplatz.

SO hoch vnd viel iſt an dieſem Platz nicht gele- gen/ daß eygens Anweiſens/ wo er ſeyn ſolte/ bedůrfftig: dann er ſamet vnnd zielet ſich ſelbſt/ von der Feuchtigkeit Gottslaͤ- ſterer Platz.deß Weinfaß. Moͤcht auch ſonſt der Gottslaͤſterer Platz heiſ- ſen/ darumb/ daß ſolch grauſam vnnoͤhtig laͤſtern vñ fluchẽ/ vmb gerings vnd nichtigen Geldts Verluſts willen/ außgoſſen/ vnnd Gott mit erzůrnet wirdt. Vnd iſt ſich wol zu verwundern/ ja Was ſpie- len ſey.zu erbarmen/ daß einer ſo toll vnd naͤrriſch iſt/ vnnd das jenige/ darumb er ſo viel Hitz vnd Froſt/ Hunger vnnd Durſt erlitten/ Gefaͤhrlichkeit Leibs vnd Lebens beſtanden/ von ſo nichtiger Vr- ſach wegen/ drumb daß einer etwan ein ander Blaͤtlein Papier/ oder die Todtenbein auff ein ander Seiten/ dann er geworffen hat/ fallen/ hinfahren laſſen muß.

Zwar/ der es der geſtalt zu ſich nimpt/ bedůrffte wol beden- ckens/ was Segens ein ſolcher Gewinß pflegt zu geberen/ nem- Nutz deß Spielens.lich: Wie gewonnen ſo auch zerronnen. Jtem/ ein Spieler iſt nur deß andern Seckelmeiſter vnd Geldtraͤger: Wie von denen Knechten/ ſo Anno 27. Rom gewonnen hetten/ geleſen wirdt. Auch noch bey manchem Hauffen/ alſo Anno 53. in Franckreich/ etliche deß Vbermuts/ reicher Beute vnnd Bezahlung halber/ nichts wuſten fůr Stoltz anzuheben/ gewonnen einander ſo lang bey viel hundert Cronen/ Pferdt vnnd Wehr ab/ biß etliche auff der Kuͤhehaut nach dem Teutſchlandt/ bevrlaubet reyten muſten.

Groͤſſer vnd mehr Balgens vnd Zerhackens iſt ſonſt an kei- nem Endt im Laͤger/ dann eben bey dieſen Spielern. Dieſen reuwetſein verlohren Geldt/ vñ bekompt noch wol dazu ſchram- mige Backen/ lahme Faͤuſt vnd krumme Finger. Jener hat wol das Geldt gezogen/ was iſts aber/ gegen die friſche Wunden vnd empfan- Kriegshandlungen/ Ander Theil. empfangene Schlappen/ Feldtſcherer oder Artztlohn/ entweder fůr ſich ſelbſt/ oder dem er ſie geſchlagen/ zurechnen? Stirbt ein ſolcher verwundter Spieler/ iſt es ſeinem Mutwillen nach er- gangen: Oder ſo der jenige/ der von jhm geſchlagen worden/ zun Vaͤttern gezogen/ vnd ſich dieſer mit jhm noch lebendt abfunden vnd vertragen/ iſt ſeine Außgaab/ die er derwegen thun muß/ vielmal groͤſſer dann ſein Eynnam/ vmb der willen dieſer Todt- ſchlag verurſacht worden/ vorhin geweſen iſt. Das boͤſe Gewiſ- ſen bleibt auch nicht allweg auſſen.

Vnd in Summa/ denen dieſer Platz am meinſten nutzt vndWem der Spielplatz am mein- ſten zutraͤ- get. zutraͤgt/ ſeyndt die Profoſen vnd Feldtſcherer. Dann ob ſchon der Beutel ledig/ doch/ ſo ſie woͤllen die lahme Tatzen heyl ha- ben/ muͤſſen ſie dem Feldtſcherer gute Wort geben/ vnnd Gelts gnug verheiſſen/ auch weiß er es beym Haͤuptmann/ in der Be- zahlung zu finden.

Zum erſten/ andern/ vnd dritten mal/ den Balgern/ von denFriedt nemmen. Friedtbre- cher. vmbſtehenden vnd zulauffenden Knechten/ Friedt gebotten/ vnd ſie nicht eynſtecken woͤllen/ kompt der Profoß nicht ſelbſt/ ſeyndt doch ſeine Diener nicht ferꝛn darvon/ fůhren dieſe Friedtbrecher nach den Eyſen. Weygert er ſich dann dem Regiment anzulo- ben/ wirdt ſeine Sach ſo viel ſchlimmer. Wo er dann dem Ma- lefitz entgehet/ muß er doch dem Profoſen/ zum wenigſten ein Guͤlden/ wie der Herꝛ bezahlt/ vnd den Clauditen jhr Schließ- gelt hinder ſich laſſen.

Eins iſt mir allhie eyngefallen/ deſſen wol zu lachen: Anno 54. Als im Feldtlaͤger vor Blaſſenburg am Gebirg/ die Knech-Geſchicht vor Blaſ- ſenburg. te/ deß langen Stillligens/ auch vollen vnnd wolfeylen Laͤgers halben/ muhtig vnd vnbaͤndig wurden/ trieben ſie ein taͤglich vn- auffhoͤrendt Spielen vnnd Balgen/ wiewol es vmbgeſchlagen vnd verbotten/ doch nicht wardt vnterlaſſen: Ließ der Oberſt abermal vmbſchlagen/ daß niemandt Friedt nemmen ſolte/ wie auch nicht geſchahe. Derhalben die Knechte einander eynlieffen/ Sdie Militaris Disciplinæ: oder die Wehren einander vbern Kopff brachten/ zuſammen ſchloſ- ſen/ vnd alſo Arm/ Haͤlß vnd Haͤndt heßlich zerſchnitten vnd ver- derbten. Dardurch der Oberſte bewegt/ dieſen Weg zu endern vnd verbieten/ daß/ ob ſchon jemandt Friedt nemme/ doch keiner ſolte verbunden werden.

Nun war das erſte vnd ander Gebott nicht dermaſſen/ daß die Trunckenen jhren Zorn dadurch gemildert hetten: So war diß dritte zu viel ſtreng/ nach dem die verwundten Knechte vnver- bunden verdorben: Auch die Feldtſcherer die Laͤnge nicht mit zu frieden geweſen weren. Hierumb wardt dieſer Raht er funden/ vnd letztlich bey Leib ſtraff vmbgeſchlagen: Daß niemandt ge- ſtattet ſeyn ſolte zu balgen/ an einigem Ort im Laͤger/ außge- nommen oben bey der Schantz/ da jhnen der Profoß ein Wiſch oder Zeichen ſtecken wuͤrde. Das war aber oben ein erhoͤhet vnd bloß Ort/ neben vnd vor der Schantz hinauß/ gleich gegen dem Hauß Blaſſenburg vber/ da nur ein klein eng Thal darzwi- ſchen iſt/ dannen man von einem Endt zum andern wol ſehen vnd ruffen mag/ daß mans hoͤret. Was ſoll geſchehen? Wie die erſten ſich dahin verfůgten/ vnnd kaum ein Streych oder zween zuſammen thaͤten/ gleich als darzu abgericht vnd beſch ei- den/ thaͤten die Feinde vom Hauſe einen Schuß herůber mit ei- nem ſcharpffen Stuͤcklein/ vnd mit einem groſſen Stuͤck baldt auff dieſes/ vngefehr von den Haderkatzen/ daß der Dreck vmb ſie herfur. Sie ſteckten baldt eyn/ machten ſich darvon/ vnnd giengen hinfurt die andern dieſer Fechtſchul/ ob ſie jhnen ſchon erlaubet war/ muͤſſig.

Spielen ſehr braͤuch lich im Krieg.

Wie ſchaͤdtlich nun das Spielen im Krieg/ vnnd wie man- cherley vnzaͤhliches Vnrahts darauß entſpringet: So viel ge- meiner es bey den Kriegsleuten iſt. Wie gemeiner es aber iſt/ ſo wenig wirdt es auch/ ſeines vielfaͤltigen Nachtheils halber/ ver- mitten/ Ja ſchier ein Ehr vnd Wolſtandt gehalten. Dannen- her/ wann einen oder mehr mit jhm/ ein Luſt ankompt zu ſpielen/ bringt Kriegshandlungen/ Ander Theil. bringt er oder ſie/ mit Pfeiffen vnd Trom̃en/ in ander Loſamen- ter Mummenſchantzen. Dieſelbige/ wiewol ſie keiner zu halten gezwungen/ ſo iſt es jhm doch auffrůpfflich/ daß er einem Landtsknecht nicht kůhn ſey/ ein Mummenſchantz zu halten. Ob einer/ der ſie vmbtraͤgt/ ſchon hoͤher wolt/ muß er doch mit einem Guͤlden/ zum hoͤchſten mit einem Monat Soldt zu frie- den ſeyn/ vnd keinen weyter dringen.

Mit dieſem Mummenſchantz bringen/ wirdt auch nicht den Oberſten verſchonet/ vnd nem̃en dieſelbigen es von den Kriegs-Spieler ſehen kein Perſon an. leuten nicht fuͤr vbel auff. Auß denen Vrſachen auch ein Fůrſt hohes Anſehens/ Anno 46. vor Giengen im Feldtlaͤger/ von et- lichen vnd zwaͤntzigen Pfeiffern vnd ſo viel Trommenſchlaͤgern/ eine Mummenſchantz/ ſo ſeinen Fuͤrſtlichen Gnaden ſie brach- ten/ gnaͤdig anname/ gewanne/ vnnd ſie jhnen wider ſchencket/ vnd ſo viel noch darzu.

Falſche Spieler vnnd Spitzbuben/ nennten vor zeiten dieFalſche Spieler/ Spitzbu- ben. Lanndsknecht Woͤlffe/ darumb/ daß ſie die Einfaͤltigen vñ Vn- wiſſenden/ wie der Wolff ein Schaf/ beruckten: Pflegten vnnd wuſten die Wuͤrffel/ die jhnen ſchon von andern auffgelegt/ zu verſchlagen/ oder mit andern Wůrffeln/ die den vorigen gleich waren/ zu verwechſeln/ vnd wie viel Augen ſie nur wolten/ werf- fen kondten. Solcher geſtalt gehen ſie auch vmb mit den Kar- ten/ ziehen darauß welche Blaͤtter jhnen gefaͤllig/ oder flicken andere/ jhnen zu jhren Stuͤcken dienen/ vber die gewoͤhnliche Zahl hineyn.

Jm Feldtlaͤger auff S. Steffansberg vor Bolonien/ in Pi- cardey/ Anno 48. wardt einer ſolcher boͤſen Stuͤck beſchuldigt/ vor Malefitz geſtellet: Auch ſeine Wuͤrffel/ die er gebraucht ha- ben ſolte/ vor Recht gebracht/ von einander geſchlagen/ falſch/ vnd Queckſilber darinn erfunden. Wie aber vnd was geſtalt er ledig wardt/ iſt mir der langen Jahr halber abgefallen. Auch hab ich ſelbiger Zeit die Ding nicht ſo wahrgenommen.

S ijScheiß- Militaris Disciplinæ: oder
LIII. Scheißplatz.

SO vnnoͤhtig der Spielplatz/ ſo nohtwendig vnd vnvermeidtlich iſt dieſer Ort/ dahin deß Leibs Notturfft außzuleeren/ vnd wie man ſpricht/ da man mit dem Hin- dern vbers Kreyßlein wirfft. Gebuͤretjedes Regiments Profo- ſen Dienern/ vber vnd hinder dem Lermanplatz hinauß/ mit auff- geſteckten Zeichen anzuzeigen. Wer hie diſſeyt der geſteckten Zei- chen/ nider ſaͤſſe vnd ergriffen/ wirdt Preyß gemacht.

Auff dieſen Platz (es ſeye dann Regenwetter) ſitzen an der Sonnen/ die Knechte mit gantzen Rotten/ halten in jhren Kley- dern/ eine ſcharpffe vnbarmhertzige vnd blůtige Muſterung/ vnd was ſie ergreiffen/ hat all den Halß verloren.

Wo das Laͤger etliche Tag an einander an einem Ort verhar- ret/ gebieret es einen vbeln vnd grewlichen Geſtanck/ in ſonder- heit/ da einem der Windt entgegen gehet vnd wehet. Darumb/ da man ſich verſihet/ noch laͤnger da zu bleiben/ muͤſſen die nechſt- geſeſſenen Bawren genandten Platz vmbpfluͤgen. Jm Fall kei- ne Pferdt vorhanden/ iſt es der Huren vnnd Buben zuſtaͤndige Arbeyt/ es daſelbſt reyn zu machen.

LIV. Laͤger vmbſchantzen vnnd ver- graben.

VJel Herren/ wie die vorigen loͤblichen Koͤnige in Franckreich im Brauch hatten/ verwahren jhr Feldt- laͤger/ auch auff eine Nacht/ mit einer Schantzen/ bevor da der Feindt in der Naͤhe/ vnnd an denen Enden/ da es befeſti- gung am meinſten bedoͤrfftig.

Die Laͤger aber/ da man ein zeitlang nicht ferꝛners verruͤcken/ vnd Kriegshandlungen/ Ander Theil. vnd beſſers Gluͤcks abwarten wil/ iſt nit vnrahtſam/ mit Schan- tzen/ vnnd ziemlich tieffen Graͤben/ das Laͤger vmb vnd vmb/ die Pforten vnd Eyngaͤng mit Schlagbaͤumen zu verwahren.

Man moͤcht auch auſſerhalb der groſſen Schantzen/ oder fuͤr ſich ſelbſt ohne andere Schantzen/ ſchmale lange Graben/ in vngefehr gleicher Laͤnge mashen/ vnnd jmmer zwiſchen zweyen/ halb ſo lang als die Graͤblein ſeyn/ die Erden gantz laſſen/ vnnd dann hinder dieſen her/ wider auff die vorige Weiſe/ doch daß ſie die newen/ hinder den vorigen Gruben/ in der mitte abwechſeln/ wie die geſetzte Strichlein weiſen.

Dann die zu Roſſz/ vmb dieſer Graͤben/ wie auch der nach- geſetzten Loͤcher willen/ koͤnnen gegen einem Laͤger/ auch ſo gar nichts treffliches außrichten/ daß ſie vielmehr mercklichen Schaden leyden. Die runde Loͤcher ſollen gemacht werden/ ſo viel Reye einem jedern gefaͤllig.

Jn Eyl koͤnnen die Schantzbawren ein weyt Feldt mit Pfaͤ- len beſchlagen/ vnd beyde den Rheyſigen vnd Fußzeug/ den An- fall verhindern/ daß kein Ordnung gantz zu behalten/ Roſſz vnd Mann mit einander vber vnd vber gehen muͤſſen.

LV. Nacht vnd Tagwacht auff vnd ab- zufůhren.

WAchen/ oder die Wacht/ iſt ein Anzahl VolcksWas die Wacht ſeyt. zu Roſſz oder Fuß/ welcher etliche die Nacht/ etliche a- ber deß Tags/ nach Ordnung/ jm̃er eine Fahne Rhey- ſigen/ ein Regiment/ ein Faͤhnlein/ Rott ꝛc. an beſonderm Ort/ vmbs Laͤger her verordnet: Ob der Feindt gegen ſie etwas anfa- hen/ offentlich oder heimlich vnderſtehen wolte/ fleiſſig auffzu- mercken. Vnd da ſolches vom Feindt vorgenommen/ ein oder ween von der Wacht/ es behendt vnd aller eylendts/ ſo muͤglich/ S iijins Laͤ- Militaris Disciplinæ: oder ins Laͤger anzeigen/ vnnd die andern biß ſie entſetzt/ deß Feindts Eynfall/ wie ſie moͤgen/ auffhalten.

Oder:

DJe beſte vnd ſtaͤrckeſte Mauwer oder Feſtung/ (menſchlicher Weiß darvon zu reden) iſt die Wacht. Jſt ſie nun in einer wolerbauwten Feſtung noͤhtig? wie vielmehr in offenem Felde/ ꝛc. Wie aber die Wacht zu Roſſz vnd Fuß im Felde vmbgeblaſen/ vmbgeſchlagen/ auff vnd abge- fůhret/ beſetzt wirdt/ ꝛc. woͤllen wir etwas vermelden.

Gantzer Hauff wa- chet.

Vnd traͤgt ſich vielmal zu: Daß man mit allen Hauffen vnd Schlachtordnungen/ dem Feindt nach/ oder jhm vnder Augen zeucht/ etliche Tag vnd Nacht alſo ligen bleibt/ vnd ſaͤmptlich in ſtaͤter Wehr bereyt vnd wachendt verharren muß.

Wohin die Wacht zu fůhren.

Wohin aber/ vnd wie ſtarck zu wachen/ jeder Zeit deß Feinds Ab oder Anweſens/ doch derſelbig keiner Vrſach halber zu ver- achten/ vnd Sicherheit ſich zu vberreden iſt/ zu legen/ wirdt zu- vor zeitlich vom Feldtmarſchall/ Kriegsraͤhten/ vnnd General oder Oberſten Wachtmeiſter (der gewoͤhnlich vom Adel/ vnnd hoher Erfahrung verruͤhmbt billich ſeyn ſoll) abgeſehen vñ auß- erkohren/ vnd den andern ſpecial Wachtmeiſtern/ vnderm Hauf- fen angezeigt vnd vermalſtaͤttet.

Hoffleut Nacht- wacht.

Wann den Hoffleuten vmbgeblaſen/ vnd ſie zu Pferdt geſeſ- ſen/ fuͤhret ſie der Reuter Wachtmeiſter/ Fahnen oder Rotten weiß hinauß/ ein guts oder ziemlichs weyter/ dann der Landts- knecht Wacht zu ſeyn pflegt. Die bey der Fahnen oder Reutern bleiben/ muͤſſen eben ſo wol/ als die fůrbaß hinauß die Schildt- wacht haben/ nicht von den Roſſen ſitzen.

Hoffleut Tagwacht

Morgens fruͤh/ ſo die Nachtwach abgefuͤhret/ ziehen andere Reuter zur Tagwacht hinauß/ ſtreyffen im Feldt hin vnnd wi- der/ acht zu haben/ was ſich von Feinden hervor thun/ vnnd et- was anfahen wolte.

Loſung Kriegshandlungen/ Ander Theil.

Loſung iſt ein beſonder Wort/ etwan eines heyligen Engels/Loſung was ſie ſeye. Thiers/ Landts oder ſonſt eines Dings/ ſo jhm der Feldtherꝛ je- dern Abendt erwehlet/ auffſchreibt in ſein heymlich Schreibtaͤf- felein/ damit nicht vielleicht jhm ein anders in Sinn/ vnd darauß viel Vnrahts kaͤme.

Es weiß vnd ſoll auch im gantzen Laͤger/ die Loſung niemandtWem die Loſung zu vertrawẽ. wiſſen/ dann der Feldtherꝛ allein/ vnd wem er dieſelbig heymlich offenbaret: Als dem Feldtmarſchall/ General Wachtmei- ſter/ ꝛc. Von dieſen holen ſie die andern Wachtmeiſter/ oder da ſie ſelbſt nicht kommen ſie zu holen/ mag ſie jhnen der Feldt- herꝛ oder General Wachtmeiſter/ in einem Zettlein zupitſchiert verzeichnet/ vberſenden.

Zeitlich am Tag/ wirdt dem Regiment oder Faͤhnlein/ anLandts- knecht Wach-. welche die kuͤnfftige Nachtwacht gelanget/ vmbgeſchlagen/ ſich zuruͤſten: Alſo auch Abendts/ wanns zeit iſt/ die Wacht auff- zufuͤhren/ pflegt man jhnen vmbzuſchlagen/ zum Faͤhnlein zu- ziehen. So mann dann an das Endt/ da die Scharwacht zu haben Befehl geben/ mit einem oder mehr Faͤhnlein kommen iſt/ lieſet der Schreiber er ſtlich etliche Rotten ab/ vor deß Feldtherꝛn vnd jhres Oberſten Loſament zu wachen: Darnach andere Rot- ten/ an andere Ort/ vnnd auff die Schildtwacht. Die vor deß Herꝛn vnd Oberſten Loſament abgeleſen/ werden von den Be- fehlhabern an beſtimpte Orter gefuͤhret. Vom Wachtmeiſter empfaͤhet der Haͤuptmann vnd Feldtwaͤybel die Loſung: Der Feldtwaͤybel nimpt die abgeleſene Rotten (doch nach etwas Zeit/ biß ein wenig dunckeler worden/ daß nicht vielleicht der Feindt Außſpaͤher alles abſehen moͤge) fuͤhret ſie ſampt dem Spiel/ nicht gar einen Buͤchſenſchuß (doch nach Gelegenheit der ZeitSchildt- wacht/ vnd Orts) vom Faͤhnlein hindan. Nimpt darnach/ an dem Ort/ da dieſe Rotten bleiben ſollen/ den Rottmeiſter/ vnnd einen deſſen Rottgeſellen/ fuͤhret dieſelbigen abermal ei- nen ziemlichen Weg von der Rotten hindan/ ſaget dieſem heymlich Militaris Disciplinæ: oder heymlich in ein Ohr die Loſung/ alſo auch dem Rottmeiſter/ da- mit er/ ſo der erſt etwan eine Stundt geſtanden/ einen andern da- hin mit geſagter Loſung fuͤhre vnd den jenigen abhole/ vnnd alſo jmmer nach einer Stunde einen andern. Von den vbrigen Rot- ten auff die Schildtwacht geleſen/ vnnd an jhre Orter gebracht/ dergleichen wie von der jetzigen geſagt/ einer/ vnd nach einer ver- lauffenẽ Stundt aber ein ander auff die euſſerſte Schildtwacht: Doch alle Rotten/ auch jhre euſſerſte Schildwacht/ nicht weyter der Breyte nach/ vorm Laͤger her/ eine von der andern gefuͤhret/ dann daß ſie ſchier einander vermercken/ oder einer dem andern zuziſchen/ oder mit dem Mundt heymlich pfeiffen kan: darmit nichts zwiſchen jhnen vnvermerckt/ vnd ohn gerechtfertiget ſich hinſchleyffen moͤchte.

Es begibt ſich auch mehrermal/ wann die Sachen ſo hefftig geſchaffen/ vnd gefaͤhrlich/ daß viel euſſerſte Schildtwachten hart vor einander hin geſtellet werden. Als vor Magdeburg/ Anno 50. eins mals in der Nacht/ zwiſchen der Alten vnd Neu- wen Statt/ fuͤnfftzehen Schildtwachten/ biß auff den Statt- graben/ ſtunden.

Wer oder welcher in ſolcher Schildtwacht eine/ er ſey Freundt oder Feindt/ kaͤme/ vnd die Loſung nicht wiſte/ wirdt erſtochen: Oder ja zum wenigſten zu den Befehlsleuten/ vnnd dem Ober- ſten gebracht/ vnd fůrter dem Feldtherꝛn angezeigt.

Ein jeder/ ſo die euſſerſte Schildtwacht ſtehet/ darff/ bey Ver- luſt Leibs/ Ehr vnd Guts/ die ſtaͤtte nicht verlaſſen/ biß ein ande- rer durch den Rottmeiſter abgewechſelt/ oder er mit feindtlicher Handt abgetrieben wirdt. Jhm wirdt auch nicht vergoͤnnet/ ob es ſchon kaldt vnd im Winder were/ ein Feuwer zu haben/ oder etwas zuruͤck nach der Rotten/ vnd wider fuͤr ſich/ zu ſpatzieren: Sondern der laͤngſt vor den Rotten her zu achten/ iſt jm vmb der groſſen Kaͤlte willen ein Tritt oder etliche zu thun erlaubt.

Allhie iſt nicht Zeit ſchlaffens noch ſchlummerns/ ſondern die Oh- Kriegshandlungen/ Ander Theil. die Ohren fleiſſig zuſpitzen vnd horchen/ dann demſelbigen giltSchildt- wacht mit Sorgen zu thun. es ſeinen Batzen zum erſten. Vergeß er auch die Loſung/ vnd da jhn der Befehlhaber drumbfragte/ vnnd nicht recht antwortet/ mag er ſolchen darnider ſchlagen.

Die andern Schar vnd Schildtwachten/ duͤrffen ſich bey ei-Feuwer/ wem auff der Wacht zugelaſſen. Schar- wacht thũ. nem Fewerlein/ der Gelegenheit nach/ etwas erwaͤrmen.

Beylaͤufftig vmb Mitternacht (kan man Schlagvhren hoͤ- ren/ iſts am beſten) laſſen die Befehlshaber die Spiel hoͤren/ vnd thun Scharwacht/ das iſt/ beſehen ein Schildtwacht nach der andern. Beſichtigẽ/ doch ſtillſchweigendt/ die euſſerſten Schildt- wachten/ forſchen heymlich nach der Loſung/ oder was man ver- nommen habe/ oder noch vernemme/ alles fein gruͤndtlich vnnd vmbſtaͤndtlich. Verfuͤgen ſich demnach wider zum Faͤhnlein: biß Morgens der Tag hergehet/ fuͤhren ſie abermal mit dem Spiel/ ſolche geſagte euſſerſte Schildtwachten ab/ vnd bey das Faͤhnlein/ vnd als dann ſaͤmptlich nach dem Laͤger.

Beſichtigung der Wacht/ oder die Wacht begehen/ durch-Beſichti- gung der Wacht. auß/ eine ſo wol als die ander/ ſtehet nicht allein zu den Befehl- habern jedes Faͤhnleins: Sondern der Feldtherꝛ ſelbſt/ Feldt- marſchall/ deſſen Leutenampt/ ꝛc. General Wachtmeiſter/ denen allen gut Auffſehens zu haben gebuͤhret/ vnd nohthafftig iſt/ be- gehen vnd beſichtigen/ mit groſſer vnd ernſtlicher Erforſchung/ wie es vmb alle Wachten bewandt/ ſo wol nach als vor Mit- ternacht.

Es fallen offt ſtarcke Vermuhtungen vnd Vrſachen vor/ dieLoſung verendern. ein Feldtherꝛ zeucht in tieff Bedencken/ vnd derwegen die Loſung durchauß verendert/ oder eine doppelte Loſung machet/ dadurch Verraͤhterey zuvor kommen. Jſt aber beſſer bey einer Loſung (wo es jmmer ſeyn kan) geblieben: Dañ ſonſt moͤcht das gemein Kriegsvolck ſich leichtlich jrren/ vnnd eine Loſung fuͤr die ander nemmen/ vnd vnverwindtlicher Spott vnnd Schaden darauß erwachſen.

TAn Militaris Disciplinæ: oder Wacht verſaͤumẽ am Leib geſtrafft. Tagwacht

An Leib vnnd Leben wirdt der/ ſo ſeine Wacht/ es ſeye dann Kranckheit oder andere redliche Vrſach vorhanden/ verſaͤumet hat/ vnablaͤſſig geſtrafft.

Zuvor vnd ehe aber dieſe Wacht gar abgefuͤhret/ iſt die Tag- wacht ſchon da. Wirdt aber ſo ſtarck vnd auff die Weiſe/ wie die Nachtwach nicht beſetzt: ſondern allein auff etlichen Ecken vnnd Pforten deß Laͤgers/ bey dem Geſchuͤtz vnd Artalarey/ verſehen. Zeucht gegen Nacht nicht ehe ab/ die ander Wacht/ der vorigen Nachtwacht gleich/ ſey dann widerumb daher gefuͤhret.

LVI. Von Predigen vnd Gottes Wort zu hoͤren.

GOttes Wort im Feldt zu predigen/ die Krancken zu troͤſten/ vnd mit dem heyligen Sacrament verſehen: auch newe geborne Kinderlein zu taͤuffen/ vnd was zu die- ſem Ampt gehoͤrig/ zu verrichten/ hat der Feldtherꝛ ſeine eygene Predicanten. Die Oberſten/ Rittmeiſter/ ꝛc. vielmal auch jhre beſondere mit vnnd bey ſich. Der Feldtherꝛ laͤſſet taͤglich/ alſo auch die andern/ etliche nur deß Sontags predigen. Die Zuhoͤ- rer werden durch deß Feldtherꝛn Trom̃enſchlaͤger in ſeine Leib- guardi gehoͤrig/ wann er den Kuͤbel geruͤhret/ auff folgende weiſe gefordert/ ſpricht: Alſo jhr Bruͤder/ alle die jenigen/ welche Got- tes Wort hoͤren woͤllen/ die kommen von ſtunden an/ vor vnſers gnaͤdigen Fuͤrſten vnd Herꝛn Loſament/ da wil man predigen.

Jm Reuterlaͤger wirdt vmbgeblaſen/ vnd die Zuhoͤrer zur Predigt beruffen vnd vermahnet.

Vor der Predigt hebt der Pfarherꝛ an zu ſingen/ die Chriſt- lichen Geſaͤng/ wie in Kirchen ſonſt gebraͤuchlich: Auch alſo her- nach/ wirdt die Predigt mit Chriſtlichen Gebetten vnd Lobge- ſaͤngen beſchloſſen.

Hoch- Kriegshandlungen/ Ander Theil.
LVII. Hochzeit im Laͤger.

BEgibt es ſich/ daß vndern Knechten jemandt/ ei- nes andern nachgelaſſen Weib/ oder ſonſt eine Dierne zu ſich nimpt vnd ehlicht/ gehen ſie/ wie ſonſt auff Hochzei- ten gebraͤuchlich/ zur Kirchen/ oder im Laͤger zum Predicanten/ ſich ehelichen zuſammen beſtatten zu laſſen. Halten auch nach dem Eſſen einen Hochzeitlichen Tantz mit Zuͤchten vnnd Sit- ten/ wie vnder dieſem Volck gewohnet iſt. Wie auch etliche heut mit den Haͤnden zuſam̃en geben werden/ ſo lauffen ſie mor- gen mit den Fuͤſſen wider von einander.

LVIII. Kindtauffen bey den Kriegs- leuten.

WEre ein Fraw im Laͤger eines Kindts geneſen/ bittet der Vatter deß Kindts ſo viel Gevattern jhm ge- liebt. Ligt das Regiment in einer Statt/ Flecken oder ſonſt nahe darbey/ tragen ſie das Kindlein daſelbſt hin in die Kir- chen/ vnd tauffet es der Prediger/ ins Laͤger gehoͤrig. Da aber de- ren keiner vorhanden/ muͤſſen ſie den Stattpaſtor darzu vermoͤ- gen. Jſt aber die Kirch von dem Laͤger etwas ferꝛn/ vnd nicht ſo leicht oder ſicher zu erlangen/ geſchicht es im Laͤger. Es werde nu die Tauff in der Statt/ oder im Laͤger vollnbracht/ traͤgt eines Landtsknechts Fraw/ ſo beſt ſie vermag geſchmuͤckt/ fuͤrnemlich vom Kindtsvatter dazu erbetten/ das Kindt/ bedeckt es/ da nichts anders ſcheinbars vorhanden/ mit einem ſaubern Schleyer.

Andere mehr Gevatterin vnd Weiber/ folgen dem Kindt am nechſten. Darnach die Gevattern/ Manns Perſonen/ vnd er- forderte andere Landtsknecht. Zum wenigſten beleyden ſie ein T ijPfeiffer Militaris Disciplinæ: oder Pfeiffer vnd Trommenſchlaͤger vorher/ zur Tauff vnd wider darvon. Nach der Tauff ſchenckt man der Kindtbetterin/ die Gevattern jeder ein Goldtkron oder Thaler/ ꝛc. Sitzen dar- nach/ wie es die Zeit vnd Ort in einem Feldtlaͤger leyden mag/ zuſammen/ leben mit dem/ was Gott beſcheret/ wol/ vnnd thun ein guts Truͤncklein.

LIX. Ob Feldtſchlachten anzunemmen/ vnd zu thun ſeyen/ oder nicht/ ꝛc. Feldt- ſchlachten vngewiſſer Außgang.

SChlagen mit dem Feindt oder Feldtſchlachten/ ſoll nicht leichtlich/ ohne groſſe Vrſach oder Vortheil ge- ſchehen/ oder vorgenommen: Auff daß nicht das Gluͤck/ vnd Außgang deß Kriegs/ ja Wolſtandt Landts vnd Leute/ auff eine vngewiſſe Schantz geſtellet werden.

Wuͤrde man aber vom Feindt/ Fuß zuhalten/ ſich zu ergeben/ oder Wehren gedrungen: Soll man darumb gleichwol auch nit kleinmuͤhtig verzagen. Dann wie einer bey groſſem Volck nicht vbermuͤhtig/ vermeſſen/ vnd trutzig ſeyn: die Haut nicht ehe dann der Beer gefangen ſeye/ verkauffen: Alſo gebuͤhret jm auch nicht/ bey wenigem oder kleinen Hauffen/ baldt verlohren zu geben/ vnd fluͤchtig zu werden. Sondern in Gottes Nahmen das vnſer thun/ jhm vertrauwen/ wirdt er ohne Zweiffel/ daß ſeine (nem- lich denen/ die auff jhn hoffen/ beyſtaͤndig zu ſeyn) auch nicht vergeſſen. Es iſt jhm eben ſo leicht durch wenige/ als vielen 1. Reg. 14.zu helffen.

Gute Sach/ gute Rahtſchlaͤge/ gute Ordnung/ vnd vn- Das beſt im Feldtverzagte Hertzen/ ſeynd vnd richten mehr auß in ſolchen Sachen/ dann groſſe vnvberſehenliche Menge: darunter zu weilen/ wegen Viele deß hin vnd wider verſamleten/ vngemieten Volcks/ not- tuͤrfftige Kriegshandlungen/ Ander Theil. tuͤrfftige Ordnung/ Gehoͤr vnd Regiment zu halten/ ſchwerlich zugehet/ ja nicht wol muͤglich iſt.

Von dem Platz zun Feldtſchlachten aber/ kan niemandt/ auchPlatz zun Feldt- ſchlachten vngewiß. nicht der aller erfahrneſt vnd tapfferſte Kriegsmann/ præſcribi- ren: Sintemal vnwiſſendt/ wo der Feindt anzulangen/ oder dem andern Theil ſich in die Wehr zu ſtellen von noͤhten. Solches wirdt die Zeit ſelbſt wol geben vnnd lehren. Dann den Ort zur Feldtſchlacht/ vnd gegen dem Feindt ein Standt nemmen/ wer kan den eben dem Vorſatz nach/ geſchicklich finden vnnd erweh- len? Der Platz vnd Ort ſchickt vnd fuͤget ſich nicht nach der ge- machten Ordnung: Sondern das Volck vnd Ordnung zum Schlagen/ vnnd was nutzliches außzurichten/ muß man nach Gelegenheit Platzes vnd Raums/ vnd deſſen Vortheil machen vnd anfuͤhren.

Vnnd der halben/ weil kleine Wunden/ vnnd geringe Feinde nicht zu verachten/ vnd verachten kein gut thut/ iſt in ſolchen Faͤl-☜ len das beſte/ die Sachen geben auch ein Anſehen wie ſie woͤllen/ vnd die Eyl nur zulaſſen wil/ daß ein Feldtherꝛ in eygener Per- ſon/ neben geuͤbten/ fuͤrſichtigen/ handtfeſten/ vnnd bewehrten Kriegsraͤhten/ das Feldt vnd Platz/ ſampt deß Feindts Gele- genheit gantz wol beſichtige vnd erkuͤndige: welcher Vortheil mit Graͤben/ Waſſern/ Hoͤhen oder anderm/ ehe der Feindt/ eynzu- nemmen/ jhm zuvor kommen/ vnd vberraſchen: ob jhm Fuß zu halten/ vnd der Kopff zu bieten: Halt zu ſterben/ ꝛc.

Were zum erſten/ andern/ ꝛc. treffen zu ordnẽ: Oder welche zu- gleich angreiffen ſollen: Wo oder auff welche Seyten/ das Feldt oder ander Geſchůtz zu ſtellen: Wie das Fußvolck mit den Rhey- ſigen zu vmbgeben vnd zu entſetzen ſey: Obs fuͤrtrefflicher ſeye/ daß Reuter auff Reuter/ vnd Landtsknecht oder Fußvolck auff Fußvolck/ oder der Reuter etliche auffs Fußvolck treffen ſollen. Dann Fußvolck auff Reuter/ iſt nicht viel gehoͤret/ auch ſel- ten wol gerahten.

T iijWie Militaris Disciplinæ: oder

Wie die Hoffleut nach einander/ oder neben einander treffen/ vnd eine Fahne die ander entſetzen ſolle/ wirdt der Feldtherꝛ oder Feldtmarſchall/ auß weißlicher Ermeſſung aller Vmbſtaͤnde/ nicht vergeßlich dahinden laſſen.

Schar- muͤtzel/ wozu dien- lich.

Welch Theil erfahren moͤcht/ in welchem Hauffen der Feindt/ die new verſamleten/ ſchlechteſten Bewehrtẽ/ vngemieden Hoff- leut oder Landtsknecht verordnet/ were zu hoffen/ was groſſes außzurichtẽ/ ſo dieſen allweg die wolgeruͤſtetẽ/ dieſes Schimpffs gewohneten Hoffleut vnd Landtsknecht/ begegneten/ vnnd ſie trenneten. Solche Erfahrung aber/ von Ordnung/ vnd allerley Gewohnheit deß Feindts/ kan dieſer Zeit am fuͤglichſten/ durch Scharmuͤtzeln (dadurch ſonſt wenig Ehr/ ſondern vielmehr gu- ter Leut verluſt zu erlangen) geſchehen.

LX. Verlohrn Hauffen vnd Laͤuffer.

DJeſe ſeynd darumb alſo geneñt/ nicht daß ſie ein nichts ſollendt loſes Voͤlcklein weren: Sondern ſie wer- den auß allen (ohne der Edelleut) Rotten/ aller Faͤhn- lein/ durch jedes Regiment/ durch Spielen darzu erwehlet/ oder die ſich ſelbſt gutwillig erbieten. Mit dieſem Hauffen geſchicht/ wie jetzt vermeldet/ viellerley Erkundigung vorm Feindt/ darne- ben es nicht fehlet/ daß mit zum Scharmuͤtzel/ vnd alſo dannen- her zum rechten Haͤupttreffen gelanget.

LXI. Vbung zur Schlachtordnung vnnd blinde Lerman.

FVr gut wirdt es von etlichen angeſehen/ darmit/ ſo es zum Ernſt gereychen ſolte/ die Knecht ſo viel geůbter/ vñ derhalben ſie auch deſto ehe in die Schlachtordnung zu bringen: Kriegshandlungen/ Ander Theil. bringen: daß allweg auffm Zug/ das Regiment/ ſo den Vorzug deß Tags habe/ ehe die Knecht ins Laͤger ziehen/ vnnd die Wehr von ſich legen/ zuvor ein Schlachtordnung gemacht werden ſoll.

Nun/ wie es ſeinen Nutzen/ alſo hat es auch ſeinen Nachtheil/ vnd diß auß ſolcher Vrſach: Da die Knechte/ wie muͤdt ſie auch auff dem Zug/ darzu hungerig vnnd durſtig worden/ noch vmb deß blinden oder vergebenen Lermans vnnd Schlachtordnung willen/ laͤnger auffgehalten/ werden ſie verdroſſen/ drehen ſich ein andermal/ ehe ſie nahendt zum Laͤger kommen/ heymlich ab/ ruhen vnnd bleiben ſo lang dahinden ligen/ biß ſie vermeynen/ den Handel bey dem Laͤger mit der Schlachtordnung/ fuͤr uͤber vnd geſchehen ſeyn.

Solches Ordnung machen geſchahe vor Jahren viel vnnd manchmal/ deſſen die Knecht hart waren verdroſſen. Eins mals thaͤten ſich die Feinde an einem Ort auß jhrer Feſtung/ ziemlich ſtarck/ vmb deß willen wardt im Laͤger Lerman geſchlagen. Was aber von Knechten noch dahinden/ vermahnete einer den andern gemach zu thun/ vnnd nicht ſo ſehr zu eylen/ jhnen were ja das Lermanſchlagen nicht vnbewuſt/ vnnd muͤſten ſich ſonſt noch ein par Stunden im Feldt herumb ſchleppen laſſen. Jn ſol- cher Meynung aber hett ſchier das Wetter ſie vbereylet. Ward jhnen doch bey Zeiten/ daß es nicht ſonderlich ſein Vorhaben außrichtet/ wider ſtanden. Eben ſolchen Nutzen gebieret auch/Viel blin- der Lermã ſchaͤdlich. daß viel blinde Lerman machen/ im Laͤger/ ꝛc. es geſchehe am Tag oder in der Nacht.

LXII. Zwey Regiment in eine Schlacht- ordnung.

ALſo auch in erforderter Noht/ vñ auß Befehl deß Feldtmarſchalls/ werden vielmal zwey ziemliche Regiment Knechte/ Militaris Disciplinæ: oder Knechte/ das iſt/ ſo vielleicht alle beyde/ oder ja eines nicht gar ſtarck/ in eine Schlachtordnung gebracht.

LXIII. Schlachtordnung behendt zu machen.

JM Huy vnnd ſchleunig aber die Knechte in eine Schlach tordnung zu bringen/ gibt ein weiſer fuͤrſichtiger Oberſter zuvor Befehl/ welcher Haͤuptmann (verſtehe allweg mit ſeinem Leutenampt vnnd Feldtwaͤybel) in ſolchen Faͤllen/ das erſt Gliedt/ welcher die andern nachfolgenden Glie- der/ machen/ welcher die kurtzen Wehren/ vorderſten oder Blut- faͤhnlein eynfuͤhren: Welcher die vberig Ordnung/ mitten/ kur- tze Wehren/ mittelſten/ alſo auch die letzten Faͤhnlein eynfuͤhren/ vnd Ordnung biß zum Ende: Wer vnder den Haͤuptleuten auch die kurtzen Glieder/ Faͤhnlein vnnd andere bloſſe Glieder/ mit Doppelſoͤldnern beſchlieſſen: Jtem/ welcher Haͤuptmann/ nemlich der achtbarſt vnd mannlichſt/ in angehendem Treffen/ das recht Ort/ vnd welcher das lincke Ort an der Schlachtord- nung zuſammen halten vnd verwahren ſolle.

LXIV. Schlachtordnung Anfang.

JCh ſetze/ ein Regiment habe fůnfftzehen Faͤhn- lein/ jedes drey hundert/ etliche auch vngefehr darunter/ ſtarck. Wañ von dieſen die Zahl der Laͤuffer/ oder verlohr- nen Hauffens/ der Trabanten vnd Hackenſchuͤtzen/ deß Ober- ſten/ der Haͤuptleut vnnd andere/ ſo dieſer Zeit nicht alle in der Ordnung/ ſondern bey jhrer Herꝛſchafft/ Wagen vnd Kaͤrchen/ ſie zu verwahren/ blieben. Jtem/ die Krancken/ Blinden/ vnd Einaͤu- Kriegshandlungen/ Ander Theil. Einaͤugigen abgezogen werden: Mag auß den vbrigen/ der ge- dachten fuͤnfftzehen Faͤhlein/ eine Schlachtordnung beylaͤuff- tig 51. Mañ in ein Glied (doch jedermans Verbeſſerung heym- geſtellt) gezehlet vnd verordnet werden.

Andere ſtaͤrckere oder geringere Regiment/ haltens auch an- ders mit Abzehlung der Glieder/ vñ Eynfuͤhrung der Faͤhnlein.

Hat man aber vor vñ von noͤhten/ die Schlachtordnung/ wie gemeldt/ zu machen/ laſſen die jenigen/ ſo ſich in Krieffslaͤuff- ten vorhin gebraucht/ die Schuͤtzen in Ordnung all auff ein Ort/ vnd beſeyts abziehen/ deßgleichen die Faͤhnlein vnd kurtze Weh- ren alle. Als dann fordert der Haͤuptmann/ der vber das vor-Vorderſt Gliedt. derſt Gliedt zu machen/ Befehl hat/ die Doppelſoͤldner/ heiſſet ſie jhm mit auffgerichten Spieſſen nachziehen: Sein Leuten- ampt zehlet ſie ab/ biß ein vnd fuͤnfftzig ſeyn/ heiſſet er die andern wider hin der dieſen herziehen/ oben ſtehen bleiben/ vnd jedern ein Mann fuͤrnemmen/ alſo auch das dritte.

Darnach ſtreckt man dieſe drey beſten Glieder an/ vnd darinn gebuͤhret fuͤrnemlich denen vom Adel/ vnd die groſſe Beſoldung haben/ ſich finden zu laſſen. Wo ſich einer darvon muhtwillig abſondert/ muß er deſſen von der Oberkeit/ auch ſonſt jederman/ weil ſonderlich der Hauffen bey einander iſt/ verweiß hoͤrẽ. Hier-Fedder- hanſen. vmb ſchreyet Hans Hun/ im Anfang der Schlachtordnung: Wo ſeyndt jetzt die groſſen Hanſen? Hervor jhr Fedderhanſen/ hervor jhr Junckern/ hervor.

Nechſt den dreyen vorderſten Gliedern/ wirdt eyngefuͤhrt einKurtze Wehr eyn gefuͤhrt/ vñ warumb. Gliedt kurtzer Wehren vnd Schlachtſchwerdt: Auß denen Vr- ſachen/ ob etwan der Feindt die vorderſten Glieder alſo zu ruͤck drůnge/ daß ſie mit den langen Spieſſen nicht raum hetten/ ſich zu Wehren/ dieſe mit den kurtzen Wehren Platz machen/ vnd ſie entſetzen ſollen.

Der eyngefuͤhrten kurtzen Wehr aber ſeyndt nicht mehr dann 45. vnd laſſen an bey den Enden/ deß nechſten Glieds Spieſſer/ Vvor jhnen Militaris Disciplinæ: oder vor jhnen nachzurechnen/ drey Mann ledig. Solche werden mit ſechs Doppelſoͤldnern/ nemlich mit dreyen zur rechten/ alſo mit dreyen zur lincken Handt beſchloſſen: Vnd der geſtalt die ein vnd fuͤnfftzig Mann erſtattet.

Abermal werden geſtellet drey Gliedt Doppelſoͤldne/ der- nen nach zwey Gliedt kurtzer Wehren/ ziemlicher Weyte nach einander/ jegliches auch an jederm Ort drey Doppelſoͤldner habendt.

Zwiſchen dieſe zwey Glieder Schlachtſchwerdt/ vnnd andere Blutfaͤhn- lein.kurtze Wehren/ werden die Blutfaͤhnlein/ welche/ wie ſonſt auch auff dem Zug/ vornen bleiben/ vnnd von den obgeſagten 15. jetzt fuͤnff genommen/ vnd mit jhren zugehoͤrigen Spielen eyn- gefuͤhret. An jeder Seiten aber/ verſtehe die Faͤhnlein/ mit fuͤnff Doppelſoͤldnern/ die kurtzen Wehren nur/ wie oben/ mit dreyen: damit die Glieder am End ein Anſehens behalten/ zugeſchloſſen.

Weyter/ dreyzehen oder fuͤnfftzehen Glieder Spieſſer/ denen Mittel Faͤhnlein.nechſt nach auffs new/ ein Gliedt mit kurtzen Wehren/ vnd wider ein Gliedt/ zwiſchen jhnen eyngefuͤhret/ die mittelſten/ nemlich 7. Faͤhnlein/ die kurtzen Glieder mit drey/ vñ die Faͤhnlein mit fuͤnff Doppelſoͤldnern/ zu jeder Seiten angehenget.

Jſt aber nun bey etlichen braͤuchlich/ daß ſie die Faͤhnlein alle/ ins Mittel der Schlachtordnung ſtellen: iſt nicht zu verachten.

Fuͤrter nach ohngefehr 19. oder 21. Gliedern Spieſſern/ aber- Letzte Faͤhnlein.mal die letzten drey Faͤhnlein von den 15. ſo vor jhnen ein Gliedt kurtzer Wehr/ vnd auch nach jhnen ein Gliedt eyngefůhret/ wer- den mit 5. Doppelſoͤldnern/ inmaſſen die vorderſten vnd mittel- ſten Faͤhnlein/ alſo auch die kurtzen Glieder mit drey Doppel- ſoͤldnern verwahret.

Drey Glieder Spieſſer folgen dieſen in gleicher Zahl der Per- ſonẽ/ darnach ein Gliedt kurtzer Wehr/ an Orten verwahret mit drey Doppelſoͤldnern. Letztlich drey Glieder Spieſſer/ oder wie ſichs ſchicken wil. Vnd wo jmmer můglich/ vnd ſo viel Doppel- ſoͤldner Kriegshandlungen/ Ander Theil. ſoͤldner vberig vorhanden/ ſoll man die einfachen oder bloſſen Knecht/ am Ort nicht bloß laſſen: Sondern wo nicht zu dreyen/ ja zun zweyen/ am wenigſten mit einem Doppelſoͤldner/ inſon- derheit zuletzt in der Ordnung beſchlieſſen.

Ob in dieſen vermelden Dingen alleſampt etwas vnderlaſſen/ oder verſaͤumet ſeye/ gebuͤhret den Faͤhnrichen ſelbſt mit darauff zu ſehen: da ſie vnder deß einem redtlichen vertrawten Mann/ jhr Faͤhnlein/ biß ſie wider an jhr Ort kommen/ geben.

Dieſen Hauffen vnd Schlachtordnung/ werden die Fluͤgel oder Hackenſchuͤtzen/ Glieder weiß/ zu jeder Seiten drey Schuͤ- tzen angehenckt/ macht es die Ordnung 57. Mann dick/ weren a- ber zu einer Halb von Graͤbẽ/ Waſſer oder andern Dingẽ/ Vor- theil/ moͤcht man ſie auff einer Seiten alle anfuͤhren vnnd brau- chen/ koͤñten auch deſto groͤſſern Widerſtandt thun. Der Schul- theiß oder Profoß/ fůhreten in Vorzeiten die Schuͤtzen.

Bey etlichen war der Brauch (auch nicht vnrahtſam) hin-Ein Glied Schuͤtzen nechſt den vorderſtẽ. der dem vorderſten Gliedt/ den Nechſten hereyn/ ein Gliedt Hackenſchuͤtzen eynzufuͤhren.

Ob auch ſchon kurtz davor die Hackenſchuͤtzen Kraut vñ LothKraut vñ Loth rey- chen. bekommen: ſoll man doch deſſen nichts ſparen/ jhnen jetzt eylends vmbſchlagen/ vnd es jhnen/ inſonderheit Kraut/ verreichnen. Vielmal were nicht ſo groſſer Schadt geſchehen/ da die Schuͤ- tzen Pulvers nicht Mangel gehabt.

Fuͤr allen Dingen aber iſt auch dem gantzen Hauffen anzuzei- gen/ erſtlich/ daß ein jeder ſein/ vom Herꝛn befohlen FeldtzeichenFeldtzei- chen. habe/ oder je einer von dem ſeinen einem andern etwas mittheile. Zum andern/ das Feldtgeſchrey/ vnnd zum dritten die Loſung.Feldtge- ſchrey vnd Loſung/ warumb im Krieg braͤuchlich. Durch das Feldtgeſchrey mag je ein Hauff dem andern/ da ſie hart Noht leyden/ ruffen/ vnd ſich im Rauch vnd Staub erken- nen. Bey dem Feldzeichen iſt zu ſehen/ ob jm Feindt oder Freund vorkomme. Vnd ob auch der Feindt einer ſein Feldtzeichen ver- wandelt/ wirdt er durch die Vnwiſſenheit der Loſung vermerckt.

V ijSonn Militaris Disciplinæ: oder
LXV. Sonn vnd Windt haben.

WElcher die Ordnung alſo ſchwencken vnd wen- den kan/ den Feinden nicht allein jhr Geſchuͤtz abzulauf- fen: Sondern auch daß er Sonn vnd Windt auff dem Ruͤcken habe/ achtet ſchon halber gewonnen. Dann in dem/ daß ſie/ die Feinde/ der Sonnenſchein blendet/ der Staub vom Volck vnd Pferden erregt/ vnd jhnen vom Windt vnder Augen getrie- ben/ nichts wenigers der Rauch vnd Dampff vom Pulver vnd Geſchuͤtz/ ſie verhindert/ moͤgen ſie nicht wol vmb ſich ſehen/ was darunder geſchicht/ vnd wer zu jhnen nahet.

LXVI. Noͤhtige Erinnerung an das Kriegs- volck.

MEhr ſeyndt die Knechte zu vnderrichten/ daß ſie erſtlich im Anziehen zum Treffen/ weyt in den Gliedern ſich außbreyten/ auch wol von einander thun/ auch zwi- ſchen den Gliedern ziemliche Weyte laſſen/ vnd ſich nider zu der Erden buͤcken/ vmb daß das Geſchuͤtz deſto weniger jnen Scha- den zufuͤgen moͤge. Jm Lauffen aber etlich mal auffſtutzen/ da- mit ſie nicht auß dem Athem kommen/ biß ſchier gar hinan zu der Feindt Ordnung/ als dann mit einem groſſen feindtlichen Ge- ſchrey ſie anſprengen/ ſich nũ wider Mañ bey Mañ hart zuſam- Spieß ab- ſchlagen. Nach dem Angeſicht ſtoſſen. Wann ab zuſchieſſen.men halten/ daß der Feindt nicht ſo leicht eynbrechen koͤnne. Fleiß ſollen ſie anwenden/ den Feinden jhre Spieß nider/ vnd vornen abzuſchlagen/ auch nach den Angeſichtern zu ſtechen. Die Schuͤ- tzen ſollen nicht ehe ſchieſſen/ biß ſie jhren Mann gewiß fuͤr ſich haben/ vnd nicht fehlen duͤrffen. Wie auch die Hoffleut nicht loß brennen/ Kriegshandlungen/ Ander Theil. brennen/ biß ſie einem ſehen das Weiß in Augen ſchimmern/ vnd das Rohr auff die Haut ſetzen.

LXVII. Troſſz fuͤhren.

DEm Troſſz ſoll ein Ort angezeigt werden/ dahin ſie der Hurenwaͤybel fuͤhre/ bey einander behalte/ vnnd nach dem das Gluͤck oder Vngluͤck ſich erzeige/ deſto ſi- cherer dem Feindt auß den Haͤnden entkomme.

Etliche verordnen beſondere Geſchwader Reuter oder Fuß- volck/ den Troſſz anzuwenden: vermeynen/ der Feinde Hauffen werde jren Troſſz nicht vnentſetzt laſſen/ vnd ſich derhalben tren- nen/ das jhnen deſto ruͤglicher abzubrechen ſeye.

Andere laſſen diß gehen/ wie es wolle/ bekuͤmmern vnd nem̃en ſich deß werhafftigen Hauffens mit Ernſt an/ es darfuͤr haltend/ wer das Feldt/ werde auch den Troſſz erobern/ vnnd beyde was der Feindt zu dem jhren zur Beut bekommen.

LXVIII. Vortheil nicht leichtlich zu begeben.

VNd wiewol niemandt ſeinen Vortheil/ es ſey Waſſergraͤben/ Hoͤhene/ oder weßhalben es woͤlle/ leicht- lich ſoll vbergeben: So begibt ſichs doch vielmal/ daß die ſchwache fluͤchtige Feinde eben dardurch verſichert/ vnd gnug Zeit haben/ auß dem Feldt zu entweichen. Da aber ein Kriegs- erfahrner Feldtherꝛ/ Feldtmarſchall oder Kriegsraht ſolches wuͤrde vermercken/ gegen dem Feindt was nutzbarlichs zu ſchaf- fen/ iſt nicht zu verziehen/ groſſe tieffe Graͤben durch die Schantzbauwern/ nur huy huy eynzuebenen/ Hecken vnd alle Verhinderung abzuhawen vñ raͤumen/ damit der gantze Hauf- fen/ flugs vberkomme/ nacheyle/ vnd die Feindt erſchnappe.

V iijFeldtherꝛ Militaris Disciplinæ: oder
LXIX. Feldtherꝛ beſchauwet vnnd ermahnet den hellen Hauffen/ vor dem Angriff.

DEr Feldtherꝛ aber/ als dem es allein/ vnnd am meinſten ſeinen Riemen gilt/ vnnd ſcharpff zu bedencken ſteht/ reytet vnd beſichtiget/ mit allem vnd dem hoͤchſten Fleiß/ in der Perſon/ wie es vmb jeden vnd alle Hauffen/ vnnd jeglichen beſondern/ es ſeyen Hoffleut oder Fußvolck gethan/ vñ verwahret: Redet jhnen/ jeden ſeinem Standt vnd Gebůr nach/ bevorab Ritterlichen thewren Helden/ vnd andern handt vnnd nohtfeſten Maͤnnern/ mit froͤlichen Worten vnnd Geberden troͤſtlich zu/ vermahnendt/ ſich keck vnd vnverzagt/ wie mann- lichen vnerſchrockenen Herꝛen/ Strengen Rittern/ Hoffleuten vnd Kriegsleuten wol anſtehet/ zu halten vnd wehren. Vor der Feindt groſſen Macht vnd Pracht ſich nicht zu entſetzen.

Allhie moͤchte er deß Feindts grauſames vnrechtes Vorha- Nota.ben/ ꝛc. vnd was er ſonſten gerechte Vrſachẽ zũ Krieg hette/ erzeh- len. Gott iſt/ ſagt er/ vnſer gerechten auffrichtigen guten Sach wegen/ gewiß bey vns/ vnd ſo mancher der Fauſt redtlicher Mañ vnd kecker Bruder/ daß wir jhnen gewachſen ſeyn/ vnnd ſo viel hoͤher vnd mehr Lobs vnd Ehren/ ſo viel ſtaͤrckern Feindt wir ab- matten vnd erlegen/ ſampt allem/ was koͤſtlichs an Geldt vnnd Gut ſie haben/ zur Beut gewarten woͤllen. Groß Gepraͤng/ Sammat vnd Seyden/ Goldt vnd Silber/ pflegen nicht den Mann/ ſondern vnverzagte Hertzen/ vnnd tapffere Faͤuſte zu ſchlagen vnd vberwinden. Daß wir auch ſolcher verſuchten/ die- ſer Taͤntz/ vnd den Sieg darvon zu tragen/ gewohnete Ritter vnd Rittermaͤſſige/ Edel vnd ander gute Leut/ in dieſem vnſerm Hauffen gar manchen haben/ daran iſt bey vns gar kein Zweif- fel. Dann wie auch einige Anzeigung der Kleinmuͤtigkeit/ noch von kei- Kriegshandlungen/ Ander Theil. von keinem/ auch nicht dem geringſten/ geſpůret: Welches vns vnfehlbare Hoffnung macht/ deß herꝛlichen Siegs vnd Vber- windung. Thut darumb die Augen auff/ vnd faͤuſt zu/ jhr lie- ben Herꝛn/ Ritter/ vom Adel/ vnd lieben Bruͤder liebe Landts- knecht: Erzeig ein jeglicher alſo ſeine Staͤrck vnnd Mannheit/ ob er es allein thun/ vnd zum Endt bringen woͤlle. Schieſt vnnd ſtecht mit Frewden dareyn/ daß der Peltz raucht/ vnd der Spieß kracht. Fuͤr mein Perſon wil ich/ mit Gottes Huͤlffe/ mein al- ler beſtes thun. Alles iſt nach dem nohtwendigſten verordnet vnd verſehen/ vnd was mangelt/ ſoll noch/ wo nur jmmer muͤglich/ verbeſſert werden. Vnd jhr/ wo es noht thaͤte/ wirdt kein Gefahr ſo hefftig ſeyn/ jhr ſollet gewißlich Entſetzung/ auch durch mich ſelbſt bekommen: Von euch wil ich nicht weichen/ weil ich ein warmen Blutstropffen hab/ den Athem/ oder ein einig Ader mag geregen. Jn Summa/ auff dieſen Tag/ vnd auff dieſem Platz wil ich bey euch lebendt bleiben/ oder ehrlich ſterben. Ja/ jhr lie- ben Bruͤder/ lieben frommen Kriegsleut.

LXX. Oberſter/ Haͤuptleut/ ꝛc. nemmen jh- ren Platz eyn.

NAch vollendeter Schlachtordnung vñ Ermah- nung deß Fuͤrſten/ ſteigt der Oberſter/ auffs beſt geruͤſt vnd angethan/ die Haͤuptleut auch vnd andere fůrnem- me hohe Empter/ von jhren Pferden/ nemmen von jhren Jun- gen Sturmhuͤt vnnd lange Spieſſe/ laſſen dieſelbigen auff ein Ort neben auß ziehen: Sie aber tretten vornen zu fuß vor die Ordnung/ der Oberſter mitten/ deß Oberſten Leutenampt zu ſeiner Rechten/ zu ſeiner Lincken aber der Schultheiß oder Profoß/ welcher vnder dieſen zweyen die Schuͤtzen nicht fuͤh- ret/ oder ſonſt der anſehnlichſten Haͤuptleut einer. Der Elteſt vnd Achtbareſt vndern Haͤuptleuten ſtehet zur rechten Handt am Endt/ Militaris Disciplinæ: oder am Endt/ die Ordnung daſelbſt zuſammen zu halten. Alſo ein ander nicht geringer dann dieſer geſchaͤtzet/ die lincke Seiten. Die vbrigen Haͤuptleut vnd Leutenampt/ wie jederm der Oberſt nahe bey jhm/ oder nicht zu haben/ fuͤr gut anſihet.

LXXI. Ermahnung eines Oberſten an ſein Kriegsvolck.

SPricht der Oberſte die Knecht auch an/ ehe vnnd zuvor er abſitzet vom Pferde/ mit dieſen vnd der- gleichen Worten: Es ſeye jetzundt an dem/ daß jenige/ darumb ſie von dem N. N. ꝛc. jhrem gnaͤdigen Fuͤrſten vnd Her- ren/ in Eydt vnd Beſtallung angenommen worden/ außzurich- ten. Demnach bey jhm kein Zweiffel/ ſie werden Hochgedachter Fuͤrſten vnd Herꝛn/ ꝛc. ſeiner Fůrſtlichen Gnaden Vertrauwen nach/ was ſie gelobt vnd geſchworen haben/ auch jhrer vorigen Mannheit eyngedenck ſeyn/ vnnd ſich gegen dem Feindt ſolcher maſſen vnerſchrocken vnd hertzhafft beweiſen vnd verhalten: daß heut zu tag der Feindt mit Schaden/ alle Welt aber/ jetzt vnnd hernach deſſen jnnen/ vñ ſie darvon ewiges vnzergaͤngliches Lob/ Preyß/ Ehr vnd Gut erlangen werden. Spricht fuͤrter: Lieben Bruͤder/ lieben Landsknecht: Gott jetzundt zu vnſerm gnaͤdigen Beyſtandt vnd Helffer zu haben/ woͤllen wir jhm die gebuͤhrende Fußfall.Ehr thun/ vnd mit einem demuͤhtigen Fußfall vnd Vatter vn- ſer darumb erſuchen. Steigt damit ab/ wie vorberuͤhrt/ vnd dar- nach/ wenn ſie von der Erden vnd knien wider auffgeſtanden/ ſa- get der Oberſter: Wolan/ ſo her jr lieben Bruͤder/ daß ſein gleich Gott walt. Hierauff ſchlagen die Trommerſchlaͤger Ler- man/ vnd geſchicht der Angriff mit Ernſt vnd Frewden.

Wie Kriegshandlungen/ Ander Theil.
LXXII. Wie mit den Gefangenen gebaret wirdt/ vnd Ranzonen.

BJß daß ein Theil erlegt/ vnd den Růcken zu keh- ren gedrungen/ gehet es Stich vmb Stich: Darnach a- ber/ was nicht den Fuͤſſen zuſprechen mag/ wirdt entwe- der erſtochen oder gefangen: Doch die Haͤuptleut vom Adel vnd andere groſſe Hanſen/ werden allhie/ wie ſonſt in allen andern Dingen/ auch beſſer dann andere gehalten: Ohne daß ſie mit groſſer Summa Geldt/ ſich meinſt Theil loͤſen/ vnd das Mahl bezahlen muͤſſen. Dazu ſich offt einer dem andern abkaufft/ jnen alſo jr Vermoͤgen daheim gar außzupreſſen. Den alten war ge- braͤuchlich/ ſich loͤſen mit ſeiner Beſoldung/ oder derer Werth.

Die gemeinen Knecht aber/ nach dem ſie aller jhrer RuͤſtungGemeine Knecht Verſchwe rung. vnd Wehren beraubt/ werden/ wann ſie etliche Monatgegen die- ſen Herꝛn/ der im Feldt obgelegen/ nicht zu dienen geſchworen/ mit weiſſen Staͤblein darvon gelaſſen.

LXXIII. Troſſz deß geſchlagenen Hauffens.

PLuͤnderung vnd Entbloͤſſung alles deſſen/ was bey dem Troſſz funden/ wirdt keines verſchonet/ ſie ſeyen dann vorhin außgeriſſen. Die leichten Weiber/ die ſon- ſten einen vmb den andern zu geben pflegen/ trawren vmb ſolchen Gluͤcksfall ſo viel weniger. Arme redtliche Ehefrauwen aber/ da die in der Feindt Hauffen nicht eben bekandte Knechte/ oder Weiber antreffen/ bey denen ſie ſich vor Vnehr bewahren moͤ- gen/ muͤſſen/ ſo ſie nicht eines jedern Fußtuch/ vnnd ſeinem Muhtwillen vnderthan ſeyn woͤllen/ jhr Trawren an andere XOrter Militaris Disciplinæ: oder Orter ſparen/ vnd ſich vmb vertheydings willen zur Stundt an einen andern ehelichen Mann geben.

LXXIV. Auff der Wallſtatt ligen/ Verwundte zu verbinden/ vnd Todten zu ver- graben.

ZWar/ die Alten haben wol im Brauch gehabt/ nach eroberter Feldſchlacht/ etlichmal mit groſſen vnd klei- nen Stuͤcken Frewdenſchuͤß zu thun/ vnd auff der Wall- ſtatt etliche Tag ligen zu bleiben. Nicht allein zu erwarten/ ob ſie jemands weyters Hochmuhts nicht erlaſſen wolte: Son- dern auch die Verwundten etwas zu ſich ſelbſt zu kommen/ vnd verbinden/ auch biß die Todten vergraben wurden. Doch alles nach Geſtalt vmbſtaͤndtlicher Haͤndel.

Jetzt werden die Todten von den Bauwern begraben/ mehrer Zeit alſo/ daß hernach die Voͤgel vnd Hundt ſie herauß kratzen/ vnd ſich im Feldt mit ziehen.

LXXV. Summaria einer Schlachtbe- ſchreibung.

DArvon aber/ wie das Treffen zugehe/ weil die- ſelbigen vngleich/ vnnd nicht an einem wie am andern Endt/ nicht zu einer Zeit wie zur andern geſchehen/ kan niemandt eygentlich darvon erzehlen: er wolte dann von einem ſonderlichen Treffen/ welche Ding im ſelbigen perſoͤnlich/ zu ei- nemmal ſich zugetragen/ beſchreiben. Darzu iſt es einem/ ſo in ſolchen Haͤndeln ſeiner ſelbſt Perſon wahrnemmen/ vnnd ſein Hautvertheydigẽ muß/ nicht wol muͤglich von allem Beſcheidt zu geben. Kriegshandlungen/ Ander Theil. zu geben. Dann allhie vnd als dann ein ſolch grauſam Plitzen/ Donnern vnd Dampff vom Schieſſen/ groß vnd kleinen Stů- cken/ daß Himmel vnnd Erden geachtet werden/ als wuͤrden ſie auß jhrem gewoͤhnlichen Standt bewegt vnd zerruͤttet. Dann ſich auch gemeinlich alle Zeit/ vor vnd in wehrender Schlacht/ ob wol die Lufft vorher ſchoͤn vnd helle/ der Himmel woͤlcket/ vnnd gleich vor dem grauſamen Blutvergieſſen/ ſo vieler Menſchen ſich betrůbt. Niemandt kan ſagen/ geſchweige dencken oder glau- ben/ wie der Erdtboden von dem ſchrecklichen Getuͤmmel vn- zehlbarer Menſchen/ Roſſz/ Wagen vnd anders erzittert vnd erſchuͤttert. Das Geſchrey vnnd Ruffen beyder Hauffen ge- geneinander/ duͤnckt einen ſein eine Stimme/ nur eines einigen grauſamen Rachens/ deß Schall vber Berg vnd Thal gehe/ vnd in die Wolcken reyche. Es bricht/ kracht/ ſchmatzt/ platzt/ rumort/ bewegt ſich alles mit einander vnd durch einander.

Hie lauffen ledige Roſſz ohne jhren Reuter/ oder ſtehen da zu Fuß/ die jetzundt wol beritten waren/ vnd nun jhre Pferdt vom Geſchuͤtz vmbkommen. Dort ligen etliche/ beyde Mann vnnd Roſſz/ in der Mitte entzwey geſchoſſen/ vberm Hauffen. Sum- ma/ deß Rauchs/ Nebels/ Staubs vnd Wehens iſt hinden vnnd vornen ohne maſſen/ daß ſchier die Todten ſich davor entſetzen/ wider auffſtehen/ vnnd darvon lauffen ſolten. Wer nicht blut/ vnd mit Blut vbergoſſene Maͤnner ſchauwen mag/ darff ſich bey dieſer Faßnacht nicht finden laſſen. Dann da iſt nichts anders/ dann ſtich dreyn/ hauw dreyn/ ſchlage todt/ wehre hie/ wehre da: Blutige Angeſichter/ halbe Schaͤdel/ zerſtuͤmmelte Arm vnnd Beine/ zerſchrotene vnd zerhackte Haͤndt vnd Finger. Durch- ſchoſſene vnd halb todte/ gute bekandte Bruͤder vnd Rottge- ſellen/ die man jmmer haͤuffig zu den Feldtſche- rern/ ſie zu verbinden/ fuͤhret.

X ijFeldt- Militaris Disciplinæ: oder
LXXVI. Feldtſcherer.

DEn Feldtſcherern/ ſampt jhrem Oberſten/ wil bey ſolchen Noͤhten gebuͤhren/ daß ſie ſich/ was deren ei- nem Regiment zuſtaͤndig/ an einem gewiſſen Ort bey einander finden laſſen: Mit jhrem Bindtzeug/ Salben/ Pla- ſtern/ Kuͤhlungen/ Brandtleſchung/ Werck/ Eyern oder Eyer- klar/ Binden/ Beinſegen/ vnd allen andern nohtwendigen/ zur Wundtartzney gehoͤrigen Dingen vnnd Jnſtrumenten/ gefaſt machen/ in ſtaͤter Bereytſchafft vnd bey der Handt haben.

Die Verwundten ſollen ſie mit ſittſamigkeit annemmen/ guts Muhts zu ſeyn vermahnen/ vnd troͤſten/ daß der Schadt vielleicht nicht ſo boͤß/ wie er ſelbſt beſorget/ ſolle baldt heyl wer- den/ ꝛc. Dann ſie keinen moͤglichen Fleiß an jnen ſparen woͤllen. Solches erquickt vnd hilfft den Geſchaͤdigten mehr/ dann die Salben jmmer thun moͤgen oder koͤnnen. Feldtſcherer ſollen auch fleiſſig beſichtigen/ wie die Glieder/ ſonderlich Arm vnnd Beine verletzt ſeyen/ vnnd im Fall von noͤhten/ den Oberſten Feldtſcherer vnd andere verſtaͤndigere Feldtſcherer darbey erfor- dern/ damit/ was einer nicht/ doch der ander Raht zu geben wiſſe/ vnd ſie nicht freventlich baldt abſtuͤmmeln vnd abſchneiden/ wie vielmal geſchicht/ dardurch mancher alſo erſt verderbt/ vnd vom Feldtſcherer mehr dann von Feinden zum Kruͤppel gemacht wirdt. Dann die abgekuͤrtzte Haͤndt/ Finger oder Fuͤſſe wachſen nicht wider wie den Krebſen.

Sollen auch keinen armen Knecht/ drumb daß von jhm wenig Silbers zu verhoffen/ vnd ſeine Bezahlung gering iſt/ verfau- men. Hieruͤber ſoll jmmerdar der Oberſte Feldtſcherer Beſich- tigung thun/ auch wie die andern mit Jnſtrumenten vnd ſonſt gefaſt ſeyn.

Vnd Kriegshandlungen/ Ander Theil.

Vnd ſollen die Feldtſcherer wiſſen/ daß ſie nicht allein den Knechten mit jhrer Heylung wol bekommen: Sondern dienen hiermit vielmehr dem Herꝛn/ dem ſie ſein beſtes zu fuͤrdern/ ge- lobt vnd geſchworen haben: Dem vngeſunde vnd lahme Knecht nicht nutz ſeyn.

LXXVII. Brunnen abgraben/ Waſſer nemmen/ vnd verderben.

ZWar/ es ſeyndt die jenigen vbel gnug geplaget/ denen Feuwer vnd Waſſer verbannet vnnd verbotten iſt ge- weſen. Vnd erwaͤchſt bey vielen die Frag: Welcherley DingNoht wen digſt vnno braͤuch- lichſt/ ꝛc. zu taͤglichem Gebrauch deß Menſchen/ am nohtwendigſten: vnd welches am wenigſten zu entbeeren ſey: Darvon einer diß/ jener ein anders diſputiret/ vnd auff den Plan bringet.

Wiewol nicht verneinlich/ daß jmmer eines nohtwendiger/ vnd taͤglich nuͤtzer dann das ander: So duͤnckt vns doch allzeit/ daß wir keines vbeler entrahten moͤgen/ dann deſſen wir in Man- gel ſtehen/ vnd es in taͤglichem Brauch fuͤr vnd fuͤr gehabt: Ob ſchon die andern Ding vber flůſſig vorhanden/ iſt einem doch/ als muͤſſe er alles Dings mangeln. Herwiderumb/ wann ſchon da iſt/ das man begehret/ vnd es aber doch nicht brauchen kan/ iſts eben als wann es nicht da were/ kaͤme einen auch der Mangel ſaͤnffter an/ da nicht das/ ſo man gern hett/ ſondern der Brauch mangelt.

Nun ſagt/ was achtet man ringer dann Waſſer? Was iſt aber nohtwendiger vnd braͤuchlicher (daß ich ſo ſage) dann ebenWaſſer kan man nicht ent- rahten. Waſſer? Seyndt auch verdorbener Leute/ dann die keinen Brauch deß Waſſers haben? Wie kan menſchlich Leben/ auch deß Viehes/ Auffenthaltung haben/ ohne Waſſer? Kurtz dar- von zu reden/ backen/ brauwen/ kochen/ waſchen vnnd viel an- X iijders vn- Militaris Disciplinæ: oder ders vnzehlichs mehr/ erligt wo kein Waſſer/ oder das vnnuͤß vnd ſtinckendt iſt.

Mangel an Waſ- ſer/ Vrſach zur Erge bung.

Summa/ in einer Feſtung iſt vnder den fuͤrnembſten Stuͤ- cken/ die nohtwendig ſeyn můſſen/ Waſſer nicht das geringſte zu achten: Alſo auch keine Noht/ Bedrangung/ Geſchuͤtz/ ꝛc. treibet eine Feſtung ſo hart zur Ergebung/ als eben Mangel an Waſſer.

Darumb/ da eine Feſtung oder Hauß dermaſſen geſchaffen/ Brunnen graben.daß die ſchnelle Ergebung nicht zu hoffen/ ſoll man ſchauwen/ durch Berg vnd Thal herumb forſchen/ erſter Belaͤgerung die Brunnen/ ſo zur Statt oder Feſtung geleytet/ wo muͤglich/ jnen abgeſtrickt/ abgraben/ oder ſonſt entwehret werden/ wie ſonſt auch alle Paͤſſz vnd Zugaͤnge an Proviandt.

Weren die Waſſergraben auff ſolche Maß verwahret/ daß Waſſer- grabẽ auß- laſſen.ſie nicht abzuſtechen/ geſchicht wol/ daß hinder der Schar/ zu Nacht tieff gnug eyngeſenckt/ wo es den Außgang haben kan/ ein Loch der laͤng nach gemacht/ vnd mit dicken Brettern außgefuͤt- tert/ Pulver nach Erachtung der Nohtturfft/ drunder vnd dar- zwiſchen geſetzt/ vnd oben wider zugedeckt wirdt: Jſt durch eine eyngelegte Lunden anzuzuͤnden/ wirfft vnnd ſtoͤſſet es die Schar in Graben/ vnd eroͤffnet dem Waſſer einen Außgang/ gibt auch ſonſt Raum/ deſto beſſer in Graben zu kommen.

Da jhnen auch flieſſendt Waſſer/ die etwas groß/ oder Flieſſende Waſſer abzuwen- den.Baͤche abzugraben weren/ ſoll nicht vnder wegen bleiben. Wol- te aber die Weyte oder ſonſt etwas anders nicht zugeben/ ei- nen ſolchen Graben/ dem vorigen Waſſerfluß gemeß/ zu ma- chen: Soll man doch ſchauwen/ daß man allenthalben/ wo ſichs nur an dem rechten Waſſerfluß leyden wil/ vnnd ein we- nig das Waſſer einen Abzug nemmen kan/ kleine Runß oder Graͤben/ vnd der etwan manchen machen/ einen jeden Graben/ wo hinauß ſichs ſchicken wil/ doch ſchlimm herab/ oder mit dem Fluß/ daß das Waſſer alſo von jhm ſelbſt auß dem rechten Fluß dareyn lauffe.

Wuͤrde Kriegshandlungen/ Ander Theil.

Wuͤrde dann ſich etwan ein Hoͤhe erzeigen/ grabe man da- ſelbſt eine runde oder eckichte weyte Tieffe/ gleich einem Teyche/ wann die voll gelauffen/ ſteiget das Waſſer von jhm ſelbſt vber ſich/ vnd kan daſſelbe außlauffende Waſſer abermal durch einen neuwen Graben/ fuͤrter widerumb in einen andern vnd neuwen Graben/ biß vnden in den rechten Fluß/ geleytet werden. Wie mit dieſem erſten/ gleicher Geſtalt iſt mit dem andern/ dritten/ ꝛc. neuwen Graben/ das Waſſer auß dem rechten Fluß zu bringen. Vnd fehlet nicht/ wo das Waſſer nicht gar genommen/ behaͤlt es doch keines wegs ſeine vorige Tieffe.

Wolte das Waſſer nicht ſo ſtarck/ wie man wol gern ſehe/ auß- lauffen/ muͤſte man in den groſſen rechten Fluß/ etwas ein wenig beſſer hinab/ dann der neuwe Graben angefangen/ einen Zaun oder etwas/ daran ſich das Waſſer ſchuͤtzet/ machen/ triebe es de- ſto ſtaͤrcker auß/ vnd iſt den Moͤlen verhinderlich.

Wolte ſich aber das abgraben zu lang verziehen/ oder gar nitMercke. ſchicken: Sehe man ſich vmb nach Gelegenheit deß Orts vnnd Waſſers/ ob es nicht etwan mit einem Tham̃/ wie in einer Enge am bequemlichſten geſchehen mag/ der Statt oder Feſtung/ je naͤher je beſſer auffzuhalten ſey: Da es eng iſt/ zwiſchen Bergen/ koͤnnen Baͤum/ Reiſſig vñ andere Materien eyngeworffen/ dar- auff Erden geſchuͤttet werden/ ſo hoch vnd viel jmmer muͤglich. Dann je hoͤher der Tham̃/ je tieffer das Waſſer wirdt. Alſo/ wann es die Laſt nicht mehr mag ertragen/ reiſt es deſto gewalti- ger auß/ wirfft vnd ſtoͤſt vmb mit groſſem Schaden/ was es be- greifft/ wie ein Wolckenbruch. Auch weil es außbleibt/ gereycht es der Feſtung/ Moͤlen vnnd Graben zum Nachtheil/ wo man ſonſt nichts vnder deß außrichten kan.

Beſorgie man ſich auch/ ehe dieſe Arbeyt angefangen/ zu ſehr hefftigs Schieſſens vñ Schadens: ſollen die Nacht zuvor an demBlendung wie zu ma- chen. Endt/ da die Arbeyt ſoll angefangẽ werdẽ/ von mancherley Din- gẽ/ was man habẽ mag/ als Faſſe/ Hurdẽ/ Tuͤcher/ oder geſteckte Buͤſche/ Militaris Disciplinæ: oder Buͤſche/ Blendungen/ nach der Laͤng/ oder wie ſichs ſchicken wil/ gemacht werden/ iſt darhinder die Arbeyt deſto ſicherer zu vollnbringen. Dañ ob die Feinde in der Feſtung ſchon mercken/ daß ſolches vmbſonſt nicht vorgenommen/ vnd etwas daſelbſt zu thun ſeyn muͤſſe: Doch weil ſie nicht gewiß/ an welchem Ende das Volck ſeye/ bedencken ſie ſich/ die Schuͤſſz dahin vergebens zu richten: Moͤgen auch/ ob ſie ſchon ſchieſſen/ doch nicht eygent- lich/ wohin der Schuß gangen/ wiſſen. Man muß aber dieſe nicht oben bey dem Waſſer fluß/ ſondern weyt darhinden anhe- ben/ vnd gegen dem Waſſer auffgraben/ auch die Erden ge- gen der Feſtung zu herauß werffen/ arbeytet man deſto ſiche- rer darhinder.

Wuͤrde aber diß Waſſer von Feinden/ wie oben im erſten Theil dieſes Buchs ſtehet/ auffgeſchwellet/ daß allhie mehr dann von noͤhten/ triebe vnd vberlieffe/ vnnd andere Ding im Feldt verhinderte: Verthaͤmme man oben am rechten Fluß/ die neuwen Graͤben ein weil wider zu/ vnnd mache ſie allenthalben durchhin tieffer/ zeucht ſich das Waſſer darnach hinweg/ wie vorhin/ oder mache etliche newe andere/ neben dieſen Graͤben.

LXXVIII. Flieſſendt Waſſer ſtinckendt vnd vn- nůtz zu machen.

FLieſſendt Waſſer/ die nicht abzugraben/ ſeyndt dem Feindt/ daß ſie doch nicht/ dañ zu Feuwer leſchen/ ꝛc. vnd zu keinem Kochen oder Viehe aͤhnlich ſeyen/ vnnuͤtz vnd ſtinckendt zu machen/ ſoll alſo geſchehen: So nahe zur Fe- ſtung als jmmer muͤglich/ vnd da es der Feindt muß ſtehen laſ- ſen/ ſchlahet ins Waſſer Pfaͤle/ vnd bindet daran in das Waſſer/ vñ druͤber/ Huͤrdẽ oder Leittern (wie in etlichen Orten die Flachs- roſten gemacht werden) dahinder werffet alle verſtorbene Pferdt vnd an- Kriegshandlungen/ Ander Theil. vnd andere Aaß/ auch was ſonſt auſſem Laͤger fuͤr Wuſt ge- bracht mag werden/ als ſo man den Scheißplatz feget: Auch al- les Eyngewaͤydt auß dem geſchlachten Viehe/ welches im Feldt wenig reyn/ oder zu nutz gemacht wirdt/ gibt ein grewlichen groſ- ſen Geſtanck/ ſonderlich vnd zuvorab in warmen vnnd Som- mertagen.

Dieſes kan vnder der Feſtung/ eben ſo wol als druͤber zu- gericht werden: Doch daß das Aaß auch obhalt der Hurden geworffen ſeye/ vnnd nicht hinweg flieſſen moͤge: Fleuſt das Waſſer deſto ſaͤnffter/ vnd ſteiget der wuͤſte vnd vnflaͤtige Ge- ſtanck vber ſich.

Erinnerung.

DJe Traͤnck vor die Pferde vnd Viehe (da ſonſt kein ander bequemlich Ort oder Waſſer darzu gnugſam were) kann vnd muß obhalb dieſen Pfaͤlen in alle weg geſchehen/ braͤchte ſonſt/ ſonderlich zu hart drunder/ den Roſſen hierauſſen auch nicht groſſen Nutzen.

LXXIX. Beſchieſſung der Staͤtte/ Schloͤſſer/ Feſtung/ ꝛc.

FRriſche Wunden ſeyndt leicht blutendt zu ma- chen/ ſagt mann: Alſo auch ſoll man ein Hauß oder Fe- ſtung/ darvor man geruͤckt/ je ehe je lieber/ weil ſie drin- nen den erſten Schrecken noch nicht vberwunden/ das Geſchuͤtz vorbringen/ vnd ſo ſtarck vnd hefftig jmmer muͤglich/ an ſie ſe- tzen/ mit dem Geſchuͤtz/ vnd darvor ohn allen Vnderlaß vnnd ſtaͤttig anklopffen: Vnd ſonderlich wol acht zu nemmen/ wo jh- nen am meinſten abzubrechen/ vnnd die Wehren nider zu legen ſeyn. Darzu iſt kein haͤrter/ ſchaͤrpffer vnd gewaltiger Schieſ- Yſen/ dann Militaris Disciplinæ: oder ſen/ dann gute Kundtſchafft/ wie die Wehren der Feſtung drin- ☞nen gethan/ vnd gebauwet/ da hineyn ſie ſoll beſchoſſen werden. Nota.Jm Grundt erſchuͤttert/ hohret durch vnd wirfft zu Boden/ die Mawren vnd Wehren/ ſie ſeyen gebauwet von was Materien/ oder was Art ſie woͤllen: ſo zum wenigſten auß zweyen Schan- tzen/ auff vnderſchiedtlichen Seiten/ das Geſchuͤtz dargegen wirdt geſtellet/ nemlich alſo: Die Anzahl Haͤuptſtuͤck oder Mauwerbrecher/ welche in eine Schantze verordnet/ ſo die ge- laden vnd fertig gemacht/ ſoll ein Artalarey oder Zeugmeiſter/ den Buͤchſen meiſtern befehlẽ/ damit ſie auff ein klein Ort (kaum Klafftern breyt) an der Feſtung oder Wehr zu treffen/ die Stuͤck zuzurichten/ ſie auch zuvor alle vnd jedes Stuͤck beſondern/ ſelbſt eygener Perſon abſehen/ wie es gerichtet.

Vnd da er befindet nach ſeinem Willen/ jhnen mit dem Hut oder ſonſten ein Zeichen geben/ daß ein jeder Buͤchſenmeiſter/ bey ſeinem Stuͤck darauff wartendt/ ſie alle zugleich Fewer gebendt: Sihet man wunder wie die Erden oder Staub gen Him̃el faͤhrt. Solche/ an manchem Endt Zerſchellung/ vñ Riſſz der Mawren vnd Wehren/ faſſen ſie darnach Creutzweiß vbereinander/ ja ſo ernſt als vor/ vnd fallen ſie gar in kurtzem darnider.

LXXX. Von mancherley Schantzen zu machen.

WJewol mancherley Schantzen vnnd Graͤben/ als Schantzen vmbs Laͤger/ Lauffſchantzen/ ꝛc. vnnd an- dere gemacht werden: So wirdt doch gemeinglich durch Was ein Schantz ſey.das Wort (Schantz) das Ort vñ der Grab verſtanden/ da man das Geſchuͤtz hin fuͤhret/ vnd die Feſtung auß beſcheuſſet/ vnnd wirdt ſolche Schantz alſo gemacht: So bald der Platz durch den Feldtmarſchall/ Kriegsraͤht vnnd andere/ ſampt dem oberſten Artalarey Kriegshandlungen/ Ander Theil. Artalarey vnd Zeugmeiſter zu der Schantzen/ an gelegenen er- hoͤheten Orten vñ Vortheilen/ da man am ſicherſten darzu kom- men kan/ abgeſehen/ fuͤhret der Schantzmeiſter ſeine Schantz- baͤwerlein/ die Faͤhnleins vnd Rottenweiß mit der Arbeyt vmb einander abwechſeln/ daher/ faͤhet an zu grabẽ/ ſo tieff vñ breyt jm befohlen. Zu zeiten werffen ſie die Erden auß der Schantz gegen die Feinde/ auch etwan gegen den Freunden auff/ darnach es die Gelegenheit vnd Nohtturfft erfordert. Jn freyem Feldt auff ein eygene/ vor belaͤgerten Feſtungen/ wider auff ein eygene Weiſe: Doch wirdt die Erden mehr gegen den Feinden/ dann nach dem Laͤger auffgeworffen.

Auß den Schantzen aber ſo vmbs Laͤger gefuͤhrt werden/ wirfft man rings herumb die Erden gegen dem Laͤger/ damit der Anlauff denen/ ſo etwa ins Laͤger fallen wolten/ deſto ſchwehr- licher hinuber zu kommen were.

Es werden auch in der Schantzen Koͤrb/ von ſtarcken Ste- cken vnd Zaͤunruhten geflochten oder gezaͤunet/ geſetzt/ in vnge-Schantz- koͤrbe. fehr anderthalb Manns hoch/ ſechs oder ſieben Schuch weyt: Dieſelbigen mit der außgegrabenen Erden zufuͤllen/ koſtet etwa manchen Bawren/ welche druͤber von der Feindt Geſchuͤtz gefaͤl- let werden. Solcher Koͤrbe je zween neben einander/ vnnd den dritten auſſen darvor zu ſetzen/ iſt die beſte Manier/ vnnd heiſſet ein Kleeblat geſetzt. Alſo werden ohngefehr dieſen dreyen Koͤr- ben/ andere drey/ in gleicher maſſen den erſten/ geſtellet/ vnnd je zwiſchen zweyen Kleeblettern/ ein Stuͤck Geſchuͤtz/ wie hiene- ben zu ſehen.

LXXXI. Schantz auß Wollnſaͤcken.

AVch hab ich einsmals geſehen/ Anno 49. vor Bo- lonien/ ſo nahet vor der Feindt Befeſtigung/ daß man den Koͤrben nicht allenthalben getrauwet: Sondern worden Y ijNachts Militaris Disciplinæ: oder Nachts ſtarcke lange Baͤume/ je zween gegen einander/ ſo ferꝛn daß ein Wollnſack außgefůllet/ darzwiſchen hencken kondte/ gantz tieff mit dem einen Ort in die Erden geſetzt vnd befeſtiget. An ein Wollnſack mit allerley/ als Woll/ Flachs/ Werck/ Moß/ Haͤw oder Spraͤuwer/ hart eyngefuͤllet/ wardt ein Baum/ die zwerch vber dẽ Sack her/ vnbeweglich angebunden/ alſo/ daß am Sack der vierdte Theil/ vngefehrlich/ vberhalb dem angebunde- nen Baum/ wardt auffgehangen: War das vberig Theil am Sack/ vnder dem Zwerchbaum das ſchwereſt/ vnnd wigt vnder ſich/ daß der geſtalt der Sack/ zwiſchen den auffgerichten Baͤu- men/ fein auffrichtig hienge vnd eynſchloß/ doch wie eine Glo- cken hin vnd wider kondt bewegt werden. Deren wurden nun etliche auff der Rey her auffgericht/ vnd darnach je zwiſchen zwo dieſer Ruͤſtung/ ein Stuͤck geſtellet. Begab ſichs/ daß der Saͤck einen die Feindt durch jr Geſchuͤtz oben/ vber dem Zwerchbaum traffen/ wieche der Sack vor der Kugel ein wenig/ vnd ſchnellet die Kugel weyt vberhin. Gienge aber vnden/ da der Sack am ſchwehrſten war/ eine Kugel darwider/ vberwarff vnd dummelt ſich der Sack herumb/ vnnd hieng wider wie vor. Die Kugel fuhre auch vber ſich vnd hinweg. Derer Form beſihe hiernach bezeichnet.

LXXXII. Lauffſchantzen welche/ vnd heymlich Geſicht darinn machen.

LAuffſchantzen nenne ich/ die von einem ſichern Vortheil an/ biß auff die Haͤuptſchantzen/ oder auff die Schar vnd Stattgraben/ ohne Schaden zukommen/ auffgeworffen werden/ vnd ſeynd mancherley/ werden auch auff mancherley Weiſe gegraben.

Ohne Nachtheil/ vndvorm Geſchůtz ſicher/ wirdt nachge- ſetzter Kriegshandlungen/ Ander Theil. ſetzter Weiſe eine Schantz vnd Blendung/ biß vor die Pforten der Feſtung gemacht/ darauß man furter graͤbt/ vor der Pfor- ten die zwerch vber/ vnnd jhnen den Außfall deß Orts/ der ge- ſtalt weret. Graͤbt furter laͤngſt der Schar hin/ dann oben her- ab mit groſſen Stuͤcken nicht viel Schadens zu beſorgen/ wirfft die Erden gegen Graben/ darinnen die Schuͤtzen vnnd Knecht/ wie vermeldt/ Tag vnd Nachtwach halten. War bey den Fran- tzoſen vor Jahren braͤuchlich.

Jn geſagter Schantz vnd Lauffgraben auff der Schar/ ſol- len die Schuͤtzen oben durch die auffgeworffene Erden ein Ge-Heymlich Geſicht in den Lauff- graͤben. ſicht/ hinden weyt/ vornen aber eng vnnd ſpitz zu/ mit Brettern machen/ vnnd oben mit Erden wider verdecken/ daß mans auff der Feinde Wehr nicht mercke: Kan ſich als dann nicht ein Vo- gel auff der Feindt Wehren regen noch ſehen laſſen/ deſſen ſie nicht jnnen oder gewahr werden/ vnnd mit Rohren darnach pirſſen moͤgen.

Krumme Schantzen vor ſich hinauß nach der Pforten/ wie nechſt vermeldet/ oder wo man ſonſt hin wil/ oder zwiſchẽ zweyen Feſtungen hin zu ſchantzen/ wie ich geſehen hab/ daß ſie/ Año 49. vor Pourtoul am Meer/ ob Cales gebraucht worden. Koͤnnen kaum beſſere Art Schantzen/ dann dieſe hiebey verzeichnete/ er- funden: Doch muß nicht vergeſſen/ ſondern die Erden allweg auff beyden Seiten/ jedoch am meinſten nach den Feinden/ auff- geworffen werden. Dann es gegen die Freunde/ oder der Sei- ten/ daher kein Gefahr zu beſorgen/ die Erden zu ſparen/ vnd ge- gen dem gefaͤhrlichſten Ort zu wenden iſt. Muß einer auch der ſie brauchen ſoll/ ſelbſt/ was noht thut oder nicht/ ermeſſen. Die- ſe Schantzen mag man ſo breyt vñ weyt graben/ daß zween Wa- gen oder Kaͤrch einander drinn weichen koͤnnen. Doch je breyter/ je tieffer ſie auch vmbs Geſichts willen ſeyn muͤſſen.

Y iijBlen- Militaris Disciplinæ: oder
LXXXIII. Blendung vnd Schantz mit Saͤcken.

BEhendt/ oder ehe es jemandt meynet/ wirdt eine Blendung/ vñ zugleich damit eine Schantz gemacht: Da man allenthalben her leinen Saͤck/ darinn zur Moͤlen ge- than wirdt/ verſam̃let/ oder auß leinen Tuch/ wo oder wie das zu vberkommen/ es ſey alt oder new/ die Schneider vnderm Regi- ment/ vnd Landsknecht Weiber nehen laͤſſet. Dieſelbigen Saͤck angefuͤllet/ je mit zeher Erden oder Letten je beſſer/ vnd nicht mit Sandt/ dann der Sandt reiſſet zu baldt auß/ wo nur der Sack ein Loͤchlein gewinnet/ vnd fein ordentlich aneinander vnnd auff einander gelegt/ biß vngefehr anderthalb Mañs hoͤhe/ gibts eine rechtſchaffene Schantz oder Blendung/ ſo dick die Saͤck lang ſeyndt/ vnd weichen nicht baldt vor den Schuͤſſen.

Jm Fall nicht Saͤcke gnug zu bekommen/ reychet einer ſo viel weyter auß mit den Saͤcken/ ſo er Holtzwaͤllen/ Buͤſch oder Reiſſig zwiſchen die Saͤck eynlegt. Dieſer Blendung iſt ſon- derlich zu gebrauchen/ an denen Orten ein harter Grundt/ vnd nicht leichtlich zu graben ſtehet.

LXXXIV. Auff die Wehr ſchieſſen/ vnd Ka- tzen bauwen.

DAmit auch die in den Schantzen deſto ſicherer vn freyer handeln moͤgen/ iſt zu ſchawen/ wo etliche Feld- ſchlangen/ oder ander Stuͤcke/ damit man weyt reychen kan/ die laͤngſt her in die Feſtung/ oder wie jhnen am beſten bey- zukommen/ auff vnd von der Wehr ſchieſſe/ vnd ſie vom herauß werffen/ wo nicht gar abhalte/ doch geſchmeidiger zu ſeyn/ vnnd fuͤrchtſam zu handeln gewehne.

Gebe Kriegshandlungen/ Ander Theil.

Gebe aber der Ort von Natur hierzu nicht Gelegenheit/ daß darvon die Wehr in der Feſtung koͤndt erreycht vnd beſchaͤdiget werden: Pflegt man von Waſen vnd Erden/ mit vnderlegten Reiſſig/ auch in der Noht mit Miſt/ eine Schuͤtt/ welch ein Katzẽ wirdt genennet/ zuſammen laſſen tragen vñ machen/ ſo hoch den Verſtaͤndigen geliebt/ vnd von noͤhten thut/ durch die Schantz- bawren. Jm Fall vnd mangel derſelbigen/ von den Landsknech- ten ein Faͤhnlein vmbs ander/ welche die Oberkeit als dann hier- umb beſondern/ mit Wein oder anderm verehret. Auff dieſer Katzen oder erhoͤhetem Ort kan man Schantzkoͤrbſetzen/ vnd mit vorgeſetzten Stuͤcken bequemlich handeln.

LXXXV. Katzen in ein Sumpff oder Mo- raſt geſchuͤttet.

AVffden Flandriſchen Graͤntzen von Franckreich her/ wardt Anno 52. vor einer Feſtung/ Schatteau Conte genennet/ gantz in ein Pful vnnd Moraſt gebauwet/ eine Katzen folgender Weiß auffgericht: Mehrertheil in der Nacht/ worden viel lange zuſammengebundene Wellen vnd Buͤſche/ in den Grundt all einen Weg hin/ neben vnd auff einander/ vñ dar- auff lange Balcken vnd Hoͤltzer/ hart bey eyngelegt/ alſo daß die Wellen/ die zwerch vndern Balcken herlagen: Vber die Bal- cken folgends Bretter/ darauff widerumb Reiſſig/ Buͤſch vnd Erden/ vnnd alſo jmmer vmb ein ander/ biß ſein begehrte Hoͤhe erreychte. Darvon die in der Feſtung vberhoͤhet/ vnd die laͤngſt hin von jhrer Wehr abgetrieben worden/ zum Sturm beſchoſ- ſen/ auch nach beſchehenem einem groſſen Mawrenbruch/ durch den Sturm gewonnen/ vnd all zu Grundt erſchlagen ſeyndt.

Weytere Militaris Disciplinæ: oder
LXXXVI. Weytere andere Blendung/ vnd den Feindt zu betriegen.

SOlche vnnd dergleichen Baͤw vnd Schantzen/ ohne groſſen Schaden zu vollnbringen/ ſeyndt von noͤh- ten mancherley Blendung zu erdencken/ vnnd bey der Nacht auffzurichten/ als mit Hurden/ außgefuͤllten Faſſen/ auffgeſpanten Tuͤchern/ geſtickten Bůſchen.

Ob ſchon der Feindt dieſen Betrug mercket/ vermag er doch ſolche Blendungen/ weil es linde vnd weyche Materien iſt/ durch Geſchuͤtz nicht leichtlich nider ſchieſſen/ auch nicht eben wiſſen/ wohin die Kugel gefallen/ oder was darmit außgericht ſeye. Da- von kurtz hievor auch geſagt.

Zu Nachtlaͤſſet man auch/ nicht da die Arbeiter ſeyndt/ ſon- dern an einem andern Ort/ ziemlich weyt hindan/ etliche Feuwer anzůnden/ mit brennenden Wiſchen hin vnd her lauffen/ vnd ein Geſchrey/ als ob ſie daſelbſt noͤhtige Geſchaͤfft haben. Am Tag aber mit mehr dann einer Trommen/ jetzt hie/ bald an einem an- dern Ort/ hinder den Blendungen Raſt ſchlagen/ kan der Feind darfůr nicht alles hoͤren noch auffmercken.

LXXXVII. Bey der Nacht ſchieſſen/ die Feindt vom Bauwen abtreiben vnnd ver- hindern.

SO die Buͤchſenmeiſter auff gedachten Katzen/ an der Wehr/ nicht wenigers die in den Haͤuptſchantzen/ an dem Mauwerbruch oder Luͤcken/ ein Ziel bey Tag ab- ſehen/ vnnd Abendts/ ſo ſie ſonſt auffgehoͤret zu ſchieſſen/ die Stuͤck Kriegshandlungen/ Ander Theil. Stuͤck dahin richten: Jn der finſtern Nacht aber/ vnd vmb Zeit der Oberkeit Verordnung/ wann denen in der Feſtung zuvor ein Lerman gemacht/ vnnd ſie der Luͤcken vnd Mauwerbruch/ den Sturm/ dafůr ſich es anſihet/ auffzuhalten/ zu lauffen/ Feuwer geben: Wirdt es drinnen ohn mercklichen Schaden nicht abge- hen/ vnd viel Volcks vnverſehens beſchaͤdigt werden.

Wuͤrde man auch vermercken/ wie ſie die abgeſchoſſene Wehr vnd Mauwrenbruͤch bey der Nacht ſich vnderſtehen wolten wi- der zu vertarſſen/ flicken vnd verbeſſern: Kan jnen gleichmaͤſſige Bancket geſchenckt werden/ vnd macht ſie in jhrem Vorhaben ſchew vnd verdroſſen.

LXXXVIII. Den Feinden einen andern Lerman ma- chen bey der Nacht.

DEnen in der Feſtung aber kan man ein Lerman machen: So bey der Nacht eine ſtarcke Leine oder Seyl/ daran viel brennende Lunten hangen/ eine kurtz/ die ander lang/ dann wider kurtzer vnd laͤnger/ ꝛc. auch bißweilen von ſtar- ckem Papier/ ein Schlag voll Pulver/ von der nechſten Lunden angezuͤndet/ ein Knall thue/ an etwa einen Baum oder Pfal/ da es fuͤr das bequemlichſte geachtet/ mit dem einen Endt wirdt ge- bunden. Das ander Endt aber haͤlt ein Mann in der Handt/ der ſich in einen Vortheil/ beym Tag außgezielt/ ſetzet/ das Seyl jmmer an ſich zeucht vnd fallen laͤſt/ ſtaͤttig eines vmbs an- der: Schlenckern vnd fahren als dann die Lunden hin vnd her/ daß die in der Feſtung/ oder wer es von ferꝛnem ſihet/ meynen/ es ſeyen Schuͤtzen/ die jmmer fůrter vnd naͤher kommen. Diß erweckt nicht geringen Lerman/ vnd verurſacht ſie auff die Weh- ren ſich zu begeben/ deß Streychs zu warten. Wardt vor Bo- lonia alſo angericht/ Anno 49.

ZGleicher Militaris Disciplinæ: oder

Gleicher geſtalt ſeynd ſie auch von denen/ ſo in den Lauffſchan- tzen vnd Graben/ hart auff der Schar/ bey Tag vnd Nacht nach Erheiſchung deß Orts wenig oder viel/ ligen/ mit einem neuwen vnnd friſchen her her/ wann ſie kaum einen voruͤber meynen/ in Harꝛniſch zu bringen.

LXXXIX. Feuwer vnnd Feuwerkugeln eynwerffen/ vndergraben vnd ſprengen.

FEuwer eynwerffen bringt den Belaͤgerten vn- außſprechlichen Schrecken/ bevor/ ſo es jhnen an mehr dann einem Ort zugleich begegnet: Dann da die Brunſt zu hefftig/ oder derer/ die zum Feuwer beſcheiden/ nit genugſam/ es zu daͤmpffen vnd leſchen/ muͤſſen ſie entweder das Feuwer v- berhandt nemmen/ oder die Orter/ ſo jhnen zu bewahren noͤh- tig/ als dann verlaſſen: Daher jhnen nicht geringe Gefaͤhrlig- keiten auff dem Halsligen.

Zuvor aber vnd ehe die Feuwerkugeln eyngeworffen werden/ ſollen die Bůchſenmeiſter wol oben durch die Haͤuſſer vnd Daͤ- cher ſchieſſen/ vnd die Ziegel abdecken: Auch der groſſen Stein- kugeln/ auß den Moͤrſern vnnd andern Steinbůchſen in die Fe- ſtung ſprengen/ vñ dieſelbige richte eygentlich behalten/ auff daß das eyngeworffene Fewer hernach an ſolchen Enden deſto leich- ter anzuͤnde vnd außrichte/ derhalben es geworffen iſt.

Berghaͤuſſer vnd Feſtungen/ welche trockene Graben haben/ ſeyndt/ wann zuvor darunter ein Stollen getrieben vnnd vnder- graben worden/ mit eyngeſetztem Pulver zu zerſprengen.

Nota. ☞

Vnder vnd bey dieſer erzehlten Arbeyt/ vnd graben alleſampt/ es ſeye wo es woͤlle: Soll ein oberſter Zeugmeiſter allweg fleiſ- ſig darbey ſeyn/ die Arbeyter mit guten Worten vermahnen: Auch Fuͤrſehung thun/ daß Brodt/ Wein oder Bier vmb das Geldt Kriegshandlungen/ Ander Theil. Geldt/ nicht weyt darvon zu bekommen ſeye. Dann wo ſie man- gel an Eſſen vnd Trincken/ darzu auch harte Arbeyt vnnd boͤſe Wort leyden muͤſten/ wuͤrden ſie nicht allein muͤdt/ ſondern auch vnwillig vnd verdroſſen. Dann hieran muß kein Feyren oder Nachlaß ſeyn mit Graben/ ſo wol Tags als Nachts/ ent- ſetzt jmmer ein Faͤhnlein Schantzbauwern das ander vmb- ſchichtig.

XC. Von Abwechſelung der Gefan- genen.

WJe die Herꝛn von beyden Theilen einander jhre Bottſchafften/ vmb beweglicher Vrſachen wegen/ zu- ſenden/ wie dieſelbigen ſollen zugelaſſen/ angenommen/ vergleytet/ vñ gehalten werden: Auch werhalben dieſelbige Bott- ſchafften bißweilen ertichter Geſchaͤfft ſich anmaſſen/ ꝛc. Dar- von findeſtu droben ein eygen Capitel vermeldtendt. Vnd ge- ſchicht nicht nur einmal/ daß geſchickte/ aller Sachen wol durch- gangene Perſonen/ fuͤr Trommeter vnd Trommenſchlaͤger/ in der Feinde Laͤger abgefertigt werden/ diß vnd deſſen in acht zuTromme- ter/ war- umb ge- ſendet. nemmen. Es werden aber Trommeter vnd Trommenſchlaͤger auch auß einem Laͤger ins ander geſendet/ von der/ auff Schar- muͤtzeln vnd ſonſt Gefangenen wegen/ ſie gegen einander abzu- wechſeln/ oder jhre Ranzion/ damit ſie ledig werden/ zubringen.

Man betagt auch offt vnd viel die Gefangenen ſelber/ das iſt/ daß ſie alſo baldt/ nach dem ſie gefangen/ doch in jhr Laͤger vergoͤnnet werden/ mit Handtgeluͤbnuß ſich auff Tag vnnd Zeit/ jhnen beſtimmet/ wider in der Feinde Laͤger zu verfuͤgen/ vnnd jhre Ranzion zu vergnuͤgen. Důrffen aber vnder o-Gefange- nen/ wie ſich zu hal- ten. der vor Außgang dieſer Zeit jhrem Herꝛn/ ob ſchon jhre Beſoldung nichts deſto weniger mit dem Monadt fort Z ijgehet/ Militaris Disciplinæ: oder gehet/ keinen Zug noch Wacht thun. Wuͤrde einer oder mehr daruͤber auff einem Scharmuͤtzel oder ſonſt von Feinden be- kommen/ vnd auff ein neuwes gegriffen/ iſt Hencken ſein erſtes vnd gewiſſes.

Die gewoͤhnliche Ranzion war in Vorzeiten eines Monat- Ranzion.liche Beſoldung: jetzundt aber darff wol einer drey oder viermal/ vnd jmmer hoͤher vnd hoͤher verkaufft/ welche letzte Summa/ oder noch wol ein gut Theil darzu/ wil er anders ledig werden/ derſelbige Gefangen muß abſtatten. Durch ſolche Schrappe- rey wirdt mancher/ ſampt den ſeinen/ ins euſſerſte Verderben gedrungen.

XCI. Stuͤrmen ohne Bedacht/ plumbs nicht anzufahen.

OHne vorgehende Berahtſchlagung vnnd Er- kundigung/ nemlich/ daß man ſtarcke Vermuhtung ha- be/ etwas nutz zuſchaffen/ das doch auch etwa betrogen/ wie ich ſelbſt erfahren/ ſey niemandt/ ſage ich/ ſo verwegen (wie auch droben vom Schlagen im Feldt angezogen) einige Fe- ſtung/ wie ſchlim̃ vnd vnwehrhafft ſie auch anzuſehen/ mit ſtuͤr- mender Handt anzufallen: Dann ein ander/ von deſſen Haut es ein Riemen gilt/ denckt auch etwas: Daß harte Nuͤß zu beiſ- ſen/ den Gaͤſten vorgetragen werden. Vnnd warlich/ ſolche Schantzen zu gewinnen/ muß der ander Spieler nicht ſchlimm auffſetzen/ oder beyſchlagen. Auch wol mehr Sturm verlohren/ dann gewonnen ſeyndt. Geſchichts/ daß man vngeſchafft abwei- chen muß/ werden die in der Feſtung fuͤrſichtiger/ ja/ muhtiger vnd trutziger. Bey denen hierauſſen aber gebieret es verdroſ- ſene/ vnwillige vnnd verzagte Leute. Die kuͤnfftig ſich vor der Laugen fuͤrchten/ vnd nicht verlangen tragen/ jhnen alſo zu zwa- gen zu Kriegshandlungen/ Ander Theil. gen zu laſſen. Geſetzt/ daß ſie der Eyffer/ jhre vorige Mañheit/ wider zu holen bewegt/ vnd die Scharten außzuwetzen: Stehet es noch im Zweiffel/ wie der Wuͤrffel fallen werde/ vnnd iſt der Verluſt/ der andern guten Leuten nicht darumb wider ergaͤntzet.

XCII. Graben beſichtigen/ Mawren mit der Handt niderhauwen.

DArumb/ ehe ſolcher Tantz auffgepfieffen/ wer- den zu Zeiten etliche geſchickte/ erfahrne vnd verſtaͤndige Kriegsleute/ mit Schuͤtzen vnd kurtzen Wehren beley- tet/ abgefertigt/ den Feinden Lerman zu machen: Vnder deß a- ber/ der Tieffe deß Waſſers im Graben/ der abgeſtoſſenen Luͤ- cken vnd Mawrenbruchs/ auch wie die Feinde ſich verhalten/ wol acht zu nemmen/ vnd zu beſichtigen/ damit allen nohttuͤrfftigen Dingen nachgeſunnen werden moͤge.

Ein beſonder fuͤrtrefflicher Kriegsfuͤrſt/ hat in eygener Per- ſon (iſt Anno 58. geſchehen) ſampt anderer guter Anzahl/ groſ- ſer Herꝛen vnd anſehnlicher vom Adel/ ſich in ein Graben/ der nicht trocken/ ſondern tieff vnd voll Waſſer ware/ gewagt/ biß ſchier vbern Guͤrtel hindurch gewaten: Vnd nach Befindung/ daß der Feinde Wehren/ an einem Rundel/ da ſie mit dem Ge- ſchuͤtz vor der euſſerſten Schar am Graben/ nicht hetten gefaſt/ vnnd nider geworffen koͤnnen werden/ mit Pickeln/ durch ſein ſelbſt Handt/ vnd der andern Herren/ neben den Schantzbaw- ren weyter abgehauwen: vnd auff ſolche Weiß/ den nachfol- genden zum Sturm/ einen bequemen Weg ge- raͤumet vnd eroͤffnet.

Z iijMit Militaris Disciplinæ: oder
XCIII. Mit Schrauben Mawren eynwerffen/ vnd neuwe Art einer Blendung.

DJeſe Schrauben můſſen in trockenen Graͤben gebraucht/ vnd hinden/ daß ſie nicht in den Grundt ge- hen/ vnderlegt werden: Vornen da ſie durchbrechen ſol- lẽ/ iſt noͤhtig/ daß ſie ſtarck mit Eyſen/ groſſen Krapffen vñ Spi- tzen/ damit ſie deſto ehe greiffen vnd faſſen moͤgen/ beſchlagen vñ befeſtiget ſeyen. Dringet auch gewaltig fort/ ſo etwan ein lan ger Balcken oder eyſſen Stange/ der laͤnge nach an die Mauwer ge- legt/ vnd dieſer Schrauben mehr dann eine zugleich geſetzt/ vnd mit Eyl vmbgetrieben werden.

Mir iſt von einer neuwen Art einer Blendung geſagt/ wie die- ſe Beſichtigung mit kleiner Gefahr (auſſerhalb deß groſſen Ge- ſchuͤtzs) jetzundt geſchehe/ hinder einer Blendung/ die ſie vor ſich hinſchieben. Weil ich aber dergleichen nicht geſehen/ kan ich auch nichts gewiſſes hievon ſchreiben. Wirdt vielleicht der alten Ruͤ- ſtung nach/ die ſie Schnecken genennet haben/ vnd oben verdeckt waren/ gemacht ſeyn worden.

XCIV. Welche Knecht zum Sturm ver- ordnet werden.

DEn Sturm anzutretten/ wirdt eine Nation/ (da mehr als eine im Feldt beyſammen/ einem Herꝛn dienen) der andern vorgezogen. Die Regiment vnnd Faͤhnlein aber ſpielen darumb/ welchem der Sturm gebuͤhren woͤlle Dieſen nun vnd jederm beſonder wirdt als dann befohlen/ eine lange Wellen/ wie er iſt/ gebundẽ/ dieſelbigen in die Vorgraͤ- ben/ da Kriegshandlungen/ Ander Theil. ben/ da derer vorhandẽ/ auch in andere Graͤben/ die außzufůllen/ zuwerffen. Eins Theils woͤllens auch mit Saͤcken voll Erden außrichten. Dieweil ein Faͤhnlein nach dem andern Wellen eyn- wirfft/ ſchieſſen die Schuͤtzen/ die jhre Wellen zu erſt eyngeworf- fen haben/ auff den Mawrenbruch vnd die Wehr. Feldtgeſchrey vnd Loſung/ wie ſonſt/ wirdt jhnen befohlen.

XCV. Oberſten Vermahnung vor dem Sturm.

DEr Oberſt aber/ deſſen Regiment zum Sturm verordnet/ redet zuvor mit ſeinen Knechten im Ring/ vn- gefehr auff dieſe Meynung: Daß dem Herꝛn auff diß- mal/ an dieſer Feſtung/ ſie jnnen zu haben/ fuͤrnemlich vnd groß gelegen/ moͤge auch ſonſten das ander Landt/ ohn ſie/ nemlich die Feſtung/ nit leichtlich behauptẽ: Habe vber das auch/ ſie zuſtraf- fen/ ſatte vnd erhebliche Vrſachen. Derhalben ſtell er ſein ohn- zweiffelig Vertrauwen/ ſie werden/ wie manlichen Helden vnd Kriegsleuten zuſteht/ ſich jetzundt beweiſen/ vnd nicht jre vorige Tapfferkeit ruhẽ laſſen/ biß ſie dẽ Feindẽ obgeſigt habẽ. Welchs ſie/ da ſie nur den Ernſt etwas beharꝛlichen darzu thun/ leichtlich verrichten werden/ vnd die Nachred nit leyden doͤrffen/ wie ſie wi- der jhre Gewonheit gewiechen ſeyen. Dann die Feindt darinnen nicht ſo ſtarck vnnd viel/ wie das Geſchrey von jhnen außbreyte/ ſondern von ſtaͤtter Arbeyt/ Wachen/ Hunger leyden/ ꝛc. ſchwach vnd kranck. Reyten darzu an zweyen Hauffen: Seyen ſchon viel deß Herꝛn Part/ die/ ſo der Schimpff werde angehen/ auff ſeine Seiten werdẽ tretten. Sey auch ein groſſe Beute/ die der Arbeyt wol lohnen ſoll/ darinnen vorhanden/ der groſſen Reichthumb halber/ die jnen alſo preyß ſeyn ſolle: Daß ſie das Geldt mit Huͤ- ten/ Seyden vnd Sammat mit langen Spieſſen theilen werden.

Zu dem Militaris Disciplinæ: oder

Zu dem werde der Herꝛ von jhm (dem Oberſten) auch den Haͤuptleuten/ wie ſich ein jeder inſonderheit gewagt/ vnd ſeiner Handt Redtligkeit erzeiget/ erfragen/ woͤlle auch hie andere Auffmercker hieruͤber verordnen/ oder ſelbſt am andern Ort den Augenſchein halten. Wiewol er deſſen gewiß/ von jhnen allen gnug zu ruͤhmen habe: So werde der Herꝛ jhnen jhre Beſol- dung nicht allein verbeſſern/ ſie mit herꝛlichen vnd ehrlichen Ge- ſchencken begaben: ſondern auch mit Ehrenaͤmptern/ ewigem Nahmen vnnd Titul/ jhrer Ritterlichen Thaten wegen zieren vnd ſcheinbar machen/ deſſen auch jhre Nachkoͤm̃ling/ in lange Jahr hernach Ehre haben vnd genieſſen werden/ ꝛc.

XCVI. Kurtzweil denen/ ſo den Sturm antret- ten/ zubereytet.

NAch dem nahen ſich die verordneten Regiment/ deren Oberſten/ Haͤuptleut/ ꝛc. Faͤhnrich/ mit allzeit flie- henden Faͤhnlein/ zuvorderſt dem Graben/ mit Sturm- leytern vnd andern Dingen geruͤſt/ lehnen dieſelbigen allenthal- ben an/ mit Gewalt vnd groſſem Geſchrey/ fort/ fort/ hinauff in die Feſtung zu dringen/ vnnd die drinnen abzutreiben. Von oben herab ſchneyet es auff ſie/ mit Steinen vnd mancherley Be- ſchaͤdigungen/ wie vom Himmel. Jetzt hie/ dann da/ werden gantze Leytern/ mit allen denen/ ſo darauff ſtehen/ vmb vñ zurůck geſtoſſen. Dann ſie zugleich in der Ruͤſtung ſteigen/ vnnd ſich auch wehren muͤſſen. Etliche Leytern/ von Schwehre der Leu- te/ brechen/ vnd machen ein grewlich Gebraͤſſel/ vnd furcht den andern/ daß jhnen nicht auch ſo begegne. Auß vnd von allen Loͤ- chern/ zu allen Seiten der Wehren/ donnert vnnd hagelt es mit Geſchrot vnd Kugeln. Was das fuͤr Kurtzweil gebe/ iſt leicht zu dencken. Die Bechkraͤntz machen ſie tantzen. Hie gehet einem ein Bein/ Kriegshandlungen/ Ander Theil. ein Bein/ dem dort ein Arm entzwey. Da ligt einer vnd ſchreyet vmb Huͤlffe/ der ander iſt todt/ der dritte wolte gern/ vnnd kan doch nicht er ſterben: Halb Koͤpff/ blutige Naſen/ blaw Augen/ haͤlt man fuͤr nichts/ ſondern ein Schertz vnd Kinderſpiel.

Befuͤrcht man ſich vergebener Arbeyt/ vnd nichts dann Ver- luſt guter theuwerer Leute/ wirdt das Regiment wider abgefor- dert/ vnd gibt als dann erſt im Abzug gute Kappen/ vnnd die meinſten Kegel.

XCVII. Die Feinde am Sturm hinder ſich zu treiben: Vnd Gefahr zu vermeiden.

JCh hab es nicht von hoͤren ſagen: daß den Knech- ten am Sturm/ ein Loſung oder Zeichen in der Schantz/ mit einer Trommeten geben wardt/ wann ſie die Wehr auffs hoͤchſt erſtiegen/ ſonderlich weils abgeſchoſſen Erden war/ vnd die drinnen haͤuffig/ ſie zuruͤck zu ſtechen vnd ſchieſſen/ herzu lieffen/ ſie die hie auſſen/ ſage ich/ ploͤtzlich wider hinder ſich fie- len vnd wiechen: Gieng das grob Geſchuͤtz in gewiſſer Anzahl/ auß der Schantz vber ſie hin in die Luͤcken vnd Feinde: Als dañ wiſchten dieſe hie auſſen im huy wider hinan/ funden wenig in der Luͤcken/ die jhnen wider ſtunden. Wann ſich dann die Feinde wi- der haͤuffig herzu thaͤten/ gieng es wider zu/ mit dem Zeichen vnd Schieſſen auß der Schantz/ wie vorhin. Vnnd wardt die Fe- ſtung der Geſtalt zuletzt erobert.

Zu vermeyden etlicher maſſen der Gefahr/ ſo auch mehr der verborgenen/ vnd vmb ſich ſchlahenden Feuwers halber zu be- fuͤrchten/ thun jhm die Knecht alſo: Wann ſie ſehen einen Platz oder Lůcken/ da hineyn der Sturm fuͤrgenommen/ ledig vnd ohne Beſatzung/ iſt gewiß der Mauß daſelbſt geſtellet. Sollen A aſie nicht Militaris Disciplinæ: oder ſie nicht wenigers vngeſtuͤm̃/ vnd mit einer Haßt herzudringen doch ehe ſie gar dieſen Ort/ wie gemeldt/ erreychen/ vnd auch ſo die Feinde ſtuͤmpfflichen weichen/ das Ort bloß laſſen/ ploͤtzlich zu ruͤck zauffen/ werden die drinnen es darfůr achten/ es ſey nun Zeit anzuzuͤnden/ geben Feuwer/ wiſcht vnd ſchlaͤgt das Feuwer vber ſich. Wann diß geſchehen/ beharren dieſe mit Ernſt in jrem Vorhaben.

XCVIII. Feldt vnd Laͤger bewahren/ weil der Sturm wehret.

JM wehrendem Sturm wird der vbrige Hauffe/ die Hoff leut ſo wol als das Fußvolck/ oder ja jeder eines Theils/ jegliches nach ſeiner Art/ in die Schlachtord- nung geſtellet. Auff die Pforten vnnd Außgaͤng der Feſtung/ auch ſonſten Wacht vnd Acht zu haben. Damit die am Sturm nicht hinderwertig vberfallen/ auch der vberig Hauffen/ ſolches vnd anderer Belaͤſtigung frey ſeye vnd bleibe.

Andern iſt aufferlegt/ das Laͤger in Hut zu haben: Andern in einem verborgen Halt warten/ inſonder heit/ ob ein Außfall von den Feinden/ auß der Feſtung geſchehen wuͤrde/ jhnen die Pforten zu verlauffen/ ja jhr vornemmen zu nicht machen.

XCIX. Jns Laͤger fallen/ vnd welche Zeit am fuͤglichſten.

FAſt eines iſt es einem ins Laͤger fallen/ mit dem nechſten hievor geſagten/ nemlich/ dem Stuͤrmen: Oh- ne daß man hierzu/ wie im Sturm/ keiner Leytiern be- doͤrfftig/ auch nicht tieffe Graͤben durchwahten/ vnd hohe Mawren/ Kriegshandlungen/ Ander Theil. Mawren/ Waͤll/ ꝛc. auffklimmen darff: Sondern hat nur et- liche Schildt vnd andere Wachten/ darzu gute Kundtſchafft/ daß man nicht verfahre/ vnd das vnrecht Ort antreffe/ hoch noͤh- tig/ durchzukommen/ vnd ſo es viel iſt/ vber ein Schantz/ oder wenig auffgeworffen Erden zu ſpringen.

Der fuͤrnembſte Fleiß/ der vorderſten im Anfall/ ſoll ſeyn die Schildtwacht zu vbereylen/ darmit durch Bedrauwung deß Todts/ die Loſung erſchnappet wuͤrde/ hat man fuͤrter deſto beſſer Willen zu ſchaffen. Geſchicht bey dem Tag vnd bey der Nacht/ wiewol am Tag/ wirdt es nicht viel gehoͤret/ dann es muͤſte ja ſchlechte Kundtſchafft vom Feindt vorhanden ſeyn/ ſonſt wuͤrde ſich einer nit ſo leicht vberraſchen laſſen/ weil mann im Feldt ſich weyt vmbſehen/ einen Vortheil eynnem̃en/ vnd die ſeinen einen Stand zu faſſen/ verordnen/ oder daß er nicht fliehe/ ſonſt nur auffs geraͤdeſt darvon ſtreichen kan.

Die bequemlichſte Zeit/ den Feindt im Laͤger zu beſuchen/ iſt vor Mitternacht/ vnnd im erſten Schlaff/ da man jhnen auch/ bevorab wann es Regenwetter/ oder ſehr kalt iſt/ etliche Stundt vorher ein Lerman gemacht/ vnd ſie in Harniſch bracht hat: Sie alsdann ſolche Weil in der Schlachtordnung gehalten vnd ge- ſtanden/ nun aber alſo naß/ vnd kalt ins Neſt vnd Stroh gekro- chen/ vnnd darumb hart eyngeſchlaffen. Wirdt jhnen zur Met- ten geleutet/ ehe die meinſten recht erwachen/ oder deß Schimpf- fes gewahr werden.

Sintemal aber die Hauffen nicht allzeit gleich/ die Laͤger☜ nicht ein Zeit wie die ander ligen/ vnnd nicht einerley Gelegen- heit zu derſelbigen Haͤndel anzufahen/ iſt hiervon nicht eygent- lich/ wie es pflegt zuzugehen/ zu ſchreiben/ ſondern wirdt Raht- gebigen/ anſchlaͤgigen/ vnd dieſer Ding durchgangenen Kriegs- leu en/ dem in der Nohtforderung weyter nachzudencken/ vber- laſſen: Doch wil ichs ein wenig mit Exempeln erklaͤren.

Es war ein Herꝛ vorhabens/ eine Statt zu belaͤgern/ vñ wen- A a ijdet ſei- Militaris Disciplinæ: oder det ſeinen Zug den nechſten nach derſelben. Die auß der Statt aber machten ſich im Stoltz vnd Trutz auff/ jhm zu begegnen/ vnd die Belegerung mit Gewalt zu verhindern. Wie nun der Fůrſt dieſen der Feinde Hauffen/ der an der Menge dem ſeinen nicht zu vergleichen/ erſahe: Ritten herumb etliche auß ſeinen furnembſten Kriegsraͤhten/ genennte Handtvoll Feindt/ im huy vnd nur baldt zu vberfallen/ vnd deß trutzigen Fuͤrwitzes empfin- den laſſen. Wurde alſo das Volck/ beyd Reuter vnd Knecht/ die vorhin einhellig vnd willig/ dadurch muhtiger vnd kuͤhner. Die Staͤttiſchen aber/ was deren ſchon allhier/ jhnen ſelbſt durch die Flucht darvon helffen/ vmb der erſten Maulſchellen willen/ mit jhnen den Haſen in die Statt zu den jhren bringen.

Welche/ ſo in der erſten Hitz vnd Schrecken/ auß Verluſt der jhren entſtanden/ in die Mawren verſchloſſen vnd genoͤhtigt/ wuͤrden ſich baldt eines andern beſinnen. Solte aber dieſen/ die vns da vorn Augen halten/ vnd nichts gegen vns zu ſchetzen/ doch vns fuß zu halten/ wie ſichs anſehen laͤſt/ einen Vortheil/ darin- nen auff weytern Beyſtandt zu warten/ eynnemmen/ Raum vnd Zeit vergoͤnnet werden: Wuͤrde vns nach wenig Tagen das von jhnen/ ſo man jetzundt gegen ſie/ weils zeit iſt/ anheben mag/ gewiß begegnen. Oder wuͤrde es ja ſo zugehen: Daß/ ſo wir nicht zwiſchen dieſen vnd der Statt das Laͤger ſchlagen/ vnd merckli- che Gefahr beſtehen wolten/ die Belaͤgerung mit Spott vnnd Hohn muſten beruhen laſſen/ vnd zuruͤck ziehen. Darumb nichts beſſers/ dann mit beyden Sporen frey drauff gehauwen.

Hiezu ſagt ein anderer: Nichts wer mir lieber/ dann geſagten Dingen zur ſtundt im Werck nachzuſetzen. Jetzundt aber ſo bald dieſe wenige/ mit dem gantzen Hauffen anzugreiffen/ acht ich nit daß rahtſam vñ zu thun ſeye/ allermeiſt vñ nur ebẽ darumb/ weil jrer ſo wenig da iſt. Vnd iſt diß an jnen bedencklich/ weil ſie in jrer geringẽ Anzahl/ vns/ ſo vielen wolgeruͤſten/ kuͤhn ſind ins Geſicht zu kom̃en. Weil ſie alſo das Haͤupt empor heben/ vnd allda das Laͤger Kriegshandlungen/ Ander Theil. Laͤger ſchlagen woͤllen/ geſchicht es nicht ohne liſtigen Auff ſatz/ vnd ſteckt darhinder etwas anders. Sintemal vns nun das ver- borgen/ vnd keine Kundtſchafft darvon eyngenommen/ wie es darumb bewandt/ furcht ich/ ſo ſie ſich in die Flucht gern vnd mit Fleiß begeben/ vnd zerſtraͤuwet hin vnd wider floͤgen: Wir jnen auch ohne Ordnung zerſtraͤuwet/ hin vnd wider nacheylen/ wuͤr- de jhr verſteckter Halt in guter Ordnung herfuͤr brechen/ ſie die Fliehenden ſich auch wider verſam̃len/ vnnd vns zu keiner Ord- nung kommen laſſen/ vnd vns wuͤſt als dann abkehren. Man laſ- ſe ſie aber in jhrem Laͤger ſchlagen fortfahren/ woͤllen wir auch deßgleichen thun: Vnder deß aber/ ſo viel es den Herꝛn fuͤr gut vnd nuͤtz anſihet/ neben etlichen Hoffleuten/ Schuͤtzen vnd kurtze Wehren/ ein etwas Vmbſchweyffendt/ ſich hinvor vnd zu jrem Laͤger thun/ wirdt ſich jr Anſchlag als dann vnfehlbar entdecken vnd offenbaren. Auch koͤnnen wir jnen/ auff den Nohtfall geach- tet/ mit weyter Entſetzung zuſpringen.

Der dritte Raht/ vnnd auch das mehrer/ was der Geſtalt: Mann ſolte nicht wenigers mit vergraben vnd Befeſtigung deß Laͤgers/ wie auch die Feinde/ fortfahren. Wirdt jhnen (den Fein- den/ ſchaͤtze ich ſo) von vnſer Furcht/ oder daß wir hie noch lang nicht zu verruͤcken willens ſeyen/ Gedancken gebaͤren. Nechſten Tags aber/ in deß auch aller Ding gewiſſe Kundtſchafft zu er- langen/ kein Fleiß zu ſparen/ laß man vmb Mitternacht den gantzen Hauffen/ ohn alles Blaſen oder Vmbſchlagen auff- wecken/ vnd etliche zu Fuß vnd Rheyſigen/ das Laͤger zu verhuͤ- ten. Die vberige theile man in zwey Theil/ doch alle mit weiſ- ſen Hembdern/ vber jhre Kleydung vnnd Ruͤſtung angethan. Den groͤſten vnd meinſten Hauffen muß man einen ziemlichen Weg herumb/ daß die in der Feindt Laͤger oder Statt nicht jn- nen werden/ biß zwiſchen der Feindt Laͤger vnd die Statt fuͤh- ren/ allda in einer ſtill zu warten/ biß hie diſſeyt gegen vns/ der kleiner Hauffen/ etliche der Feindt Schildtwacht/ wo muͤglich/ A a iijvberey- Militaris Disciplinæ: oder vbereylet vnd auffhebt/ darnach in jhr Laͤger mit einem erhebten feindtlichen Geſchrey/ fallen/ vnnd allenthalben Feuwer eyn- werffen. Werden die Feindt dieſen Ort zu retten/ vnnd die vn- ſern abzutreiben/ ſich verſam̃len/ nicht denckendt/ daß von der Statt her Sorg auff jhm habe oder bedoͤrffe. So dann ſollen die zwiſchen der Statt vnd Laͤger gewartet/ Fußvolck von da- hereyn mit gleichem grewlichem Geſchrey/ das Laͤger angreif- fen vnd vollnbringen/ wie man in ſolchen Haͤndeln pflegt/ nem- lich brennen vnnd todtſchlagen/ was einem jedern vnderhanden kompt. Zu Verhuͤtung aber/ daß die Stattleut den vnſern nicht im Ruͤcken ligen/ ſollen die daſelbſt hin verordnete Hoff- leut verhuͤten.

C. Ein andere Hiſtoria hier von wol zu mercken.

ALs Scipio, den man Africanum nennet/ in dem Winderlaͤger vor der Statt Vtica, in Africa, fahe/ daß die Zeit mit Hin vnd Widerſchickung der Bottſchaff- ten/ vergeblich hin gienge/ doch nichts/ das den Roͤmern oder jhm ehrlich were/ funden wurde: Richt er ſich auff ein ander Bahn. Er fertigt andere Geſandten an den Koͤnig Siphax, vnnd wagte dran etliche gute erfahrne Kriegsleut/ auff die er ſein Vertrawẽ ☞ſetzen doͤrfft/ welche er der Bottſchafft als Knecht vnnd Diener zuordnet/ mit Befehl/ Gelegenheit der Feinde Laͤger/ vnd wie ſie ſich hielten/ zu erkunden.

Da nun der Koͤnig ſampt den ſeinen/ vnnd die Abgeſandten der Weißheitpflegten/ ſchlichen dieſe im Laͤger vmb her/ ſo viel es ſeyn moͤcht zu beſichtigen: Vnd funden/ daß der Koͤnig Si- phax, deſſen Volck gegen deß Winders Kaͤlte/ jhre Huͤtten vnd Loſament/ mit Stroh/ Rohr/ vnd anderm duͤrren Geniſter be- deckt/ Kriegshandlungen/ Ander Theil. deckt/ darzu nicht wol begraben waren/ mit ſeinem Hauffen be- ſondern/ vnd Haſtrubal auch beſondern ſein Laͤger hatte. Zwi- ſchen dieſen beyden Laͤgern aber ein Platz/ der nicht eyngenom- men/ oder beſchantzt war.

Da die Bottſchafft wider zu Scipioni kam/ vnd die Kundt- ſchaffter jhm ſolches zu erkennen gaben/ vnd der Winder nun in dem Abnemmen was/ ſendet er eine neuwe Bottſchafft an den Koͤnig/ vnd abermal andere kluge vnd anſchlaͤgige Roͤmer/ auff die Bottſchafft wie andere Knechte zu warten/ vnd wie die vori- gen gethan/ allerding wol acht zu nemmen. Die Bottſchafft auch ſolte dem Koͤnig anſagen: Wiewol er (Scipio) fuͤr ſeine☜ Perſon/ zu dem Vertrag geneygt/ ſo wolten doch die Roͤmer der Meynung nicht ſeyn: Darumb/ wo die von Carthago die Mittel/ die jhnen von der Roͤmer wegen/ vorgeſchlagen weren/ nicht annemmen/ ſo wuͤrden ſie fůrbaß Kriegs gewaͤrtig ſeyn. Siphax der Koͤnig gedacht bey jhm es weren Draͤwwort/ vnnd meynet nicht/ daß die Roͤmer ſo leichtlich/ von dem Anſtandt zu handeln/ lieſſen: Doch ſchickt er vnd Haſtrubal eine Bott- ſchafft gen Carthago, zu erfahren/ was jnen zu Siñ ſeyn wolte.

Wie nun der Roͤmer Bottſchafft wider zu Scipioni kom- men/ vnd die andern Kundtſchaffter auch ſagten wie die erſten/ macht Scipio einen Anſchlag: So baldt es ein wenig ein Wet- ter Tag wuͤrde/ die Feinde in jhrem Laͤger zu vberfallen/ vnnd verordnet es alſo:

Er theilet die beſten von ſeinem Volck in zween Hauffen/ den einen gabe er zu Lelio vnnd Maſſiniſſæ, den andern behielt er. Auch ließ er etliche im Laͤger/ darmit das in ſeinem Abwe- ſen dannoch beſetzet were/ vnnd von denen in der Statt Vti- ca nicht vberfallen wuͤrde. Vnnd an einem Abendt/ ehe der Lentz kame/ vnd die Feindt noch nicht darfuͤr hielten/ daß er Wet- ters halben etwas gegen jhnen fuͤrnemmen wuͤrde oder moͤcht. Auch hatt Siphax noch ein Hoffnung zum Vertrag/ derhalben er auch Militaris Disciplinæ: oder er auch vnd andere/ als in dem zuſammenſchicken der Boltſchaff- ten geſchicht/ hinlaͤſſig/ ohne Wacht vnfleiſſig waren.

Da zog Scipio auß ſeinem Laͤger/ die Nacht gegen den Fein- den zu/ die ſieben Welſcher Meyl von jhm lagen/ vnd verordnet etliche Fahnen Hoffleut oder Rheyſigen/ daß ſie ob der Statt Vtica hielten/ vnd einen Buͤhel eynnemmen/ acht zu haben/ ob die von der Statt etwas vnderſtehen wolten/ davor zu ſeyn: Vnd jhnen oder dem Laͤger Noht zuſtehen wuͤrde/ jhm Bott- ſchafft zu thun.

Darnach befahl er Lelio vnnd Maſſiniſſæ, daß ſie ſich mit Feuwer gefaſt machten/ ehe der Tag anbraͤche/ der Feindt Laͤ- ger an dem Ort/ da der Koͤnig lag/ an manchem Ort anzuſtoſ- ſen. Vnd wann das Geſchrey groß wuͤrde/ vnnd er das Feuwer auffgehen ſehe/ nicht ehe wolt er mit ſeinem Hauffen/ an dem Ort/ da Haſtrubal lage/ ins Laͤger fallen. Dieſe Ding wurden alle mit groſſem Fleiß vollbracht.

Vnnd da die Hauffen bey Nacht in der ſtill/ ohn alles Ge- ſchrey zu der Feindt Wagenburg kamen fuͤr Tag/ dieweil ſie noch ſchlieffen/ fiele Lelius vnd Maſſiniſſa mit dem Fußvolck in die Wagenburg/ vnd lieſſen den Rheyſigen Zeug/ ob jemande darauß fallen oder fliehen wuͤrde/ darvor halten. Vnnd wie die Roͤmer die Huͤtten anſtieſſen/ auch etliche darinn noch ſchlaf- fendt zu todt ſchlugen/ vnd verbrandten. Vnd da das Feuwer auffgieng/ gedacht niemandt im Laͤger/ daß die Roͤmer gethan: Sondern von Verwahrloſung deren/ ſo die Feuwer nicht wol verwahret hetten/ geſchehen were. Darumb jederman/ der mehrertheil ohn Harꝛniſch vnd Wehr/ das Feuwer zu leſchen/ zuliefft/ vnd fielen alſo den Roͤmern in die Haͤndt/ vnd wurden erſchlagen.

Wie aber das Geſchrey vnd Feuwer je laͤnger je groͤſſer ward/ vnnd man das feindtlich Geſchrey hoͤret: wuſte doch noch nie- mandt/ woher oder wie: Jn dem wolte Haſtrubal dem Koͤnig zu huͤlff Kriegshandlungen/ Ander Theil. zu huͤlff kommen/ vnd zog von ſeinem Laͤger dem Koͤnig zu: Da erhub ſich ein new Geſchrey an ſeinem Ort/ dann jederman hette acht/ vnd ſein Augen auff das Feuwer.

Alſo daß Scipio auch mit den ſeinen in das Laͤger kame/ ehe es die von Carthago gewar worden/ vñ zuͤndet es deſſelbigen Endts auch an: Da erhub ſich ein Todtſchlagen vnnd jaͤmmerlich Ge- ſchrey/ dañ die in dem Laͤger zu keiner Ordnung kommen moch- ten. Der ſtellet ſich zur Wehr/ dieſer lieff dem Feuwer vnd ſei- ner Huͤtten zu. Darvon die Roͤmer/ die dieſe Ding mit Raht vnd guter Ordnung angriffen hetten/ an allen Orten oblagen/ vnd den Sieg gewonnen.

Solches wehret ſo lang/ biß die Feindt in die Flucht kamen/ die empfieng der Roͤmer Rheyſig zu/ der vor der Wagenburg hielt: Vnd wardt zuletzt das Feuwer vnd die Flam̃ ſo groß/ daß Freundt vnd die Feindt auß der Wagenburg wiech en.

Doch ſo kamen Siphax vnd Haſtrubal darvon/ vnd verſam̃le- ten in der Flucht wider/ bey zwantzig tauſendt zu Fuß/ vnd nicht mehr dann bey etwan fůnff hundert zu Roſſz/ die auch das meh- rertheil jhre Harꝛniſch vnd Wehr dahinden gelaſſen hatten. Die andern waren zerſtraͤuwet/ hin vnd her geflohen/ denen der rhey- ſige Zeug nacheylet/ vnd jhrer viel fieng vnd todtſchlug. Die an- dern Roͤmer namen das Laͤger eyn/ vnd muſten das Feuwer ſelbſt leſchen/ ſo viel ſie mochten.

Vnd wurden dem Koͤnig Siphax, vnd denen von Carthago bey viertzig tauſendt Mann erſchlagen/ viel verbrunnen im Laͤ- ger/ vnd wurden ob ſechs tauſendt gefangen/ darunder viel guter Leut vnd Buͤrger von Carthago, vnd ſonders eylff Rahtsherꝛn waren. Die Roͤmer gewonnen neun vñ ſiebentzig Faͤhnlein/ auch bey zwey tauſendt vnd ſechs hundert Pferdt/ vnd ſehs lebendige Elephanten. Das ander war im Laͤger verbruñen/ daß einer ſol- chen groſſen That vnnd Schlacht nach/ die Beut nicht alſo groß wardt.

B bVon Militaris Disciplinæ: oder
CI. Von einem andern Eynfall der Feinde/ ꝛc.

JM proteſtierenden Krieg bey Jngolſtatt/ Anno 1546. lagen der Churfuͤrſt zu Sachſen/ vnnd der Landt- grafe zu Heſſen/ jeder in einem beſondern Laͤger/ vngefehr vom Keyſer Carolo V. &c. Vnd wiewol ein ziemlicher Raum war zwiſchen der Furſten/ nemlich Sachſen vnd Heſſen/ Laͤger/ wardt doch von einem an das ander eine tieffe Schantz gegra- ben: An welcher Schantz in der Mitten eine Pforte wardt gelaſ- ſen. Zween Eychenbaͤum zu beyden Seiten der Pforten eynge- graben/ vnnd ein andern Baum zwerch vbergelegt/ machten die Geſtalt eines Schlagbaums. Mehr waren zwey Stuͤck/ Fal- ckounen genennt/ dahin geſtellet. Wie nun/ vngefehr vmb das Endt deß Augſtmonadts/ gegen Abendt gar ſpat/ der Landt- graf nach ſeiner Gewonheit das Laͤger vnd die Wacht allent- halben beſichtiget/ hat er dieſen Ort vnd das Geſchuͤtz ledig/ ohn einige Wacht oder jemandts gefunden. Darumb gantz erzuͤr- net fordert er auß deß Churfůrſten Laͤger/ vnnd deß von Hey- decks Regiment/ zwey Faͤhnlein Landsknecht/ daſelbſt von ſtundt an die Nachtwach zu haben. Deren Faͤhnrich einer im Lerman darnach/ wie folgt/ erſchoſſen wardt. Vmb vngefehr Mitter- nacht/ da es ſo finſter war/ daß keiner den andern vor ſich erken- nen kondte/ hube ſich bey geſagtem Schlagbaum ein Lerman/ Schieſſen vnd Eynfall der Feinde/ ꝛc. Nicht iſt zu ſagen/ ob die finſtere/ oder das Geſchrey am grauſamſten geweſen. Dann auch die Feinde nicht/ dann bey den weiſſen Hembdern/ welche ſie vber jhre Kleyder vnnd andere Ruͤſtung angezogen/ nicht mochten erkennet werden.

Sie hetten auch etwas merckliches außrichten moͤgen/ da nicht allenthalben ſonſten fleiſſig Wacht gehalten/ vnnd man nicht Kriegshandlungen/ Ander Theil. nicht geſchwindt auffgeweſen: Auch zwo Fahnen Reuter/ nem- lich Daniel von Hotzfeldt/ vnd Johann Katzenberg/ zu einer an- dern Pforten hinauß gerennet weren/ vnd die Feinde zur Sey- ten kecklich angewendet hetten. Bey etwan einer Stunden/ wehret ſolche Handtlung/ vnnd worden letzlich die Keyſeri- ſchen weychendt.

Die vnſern waren noch in dieſem Krieg vngewohnet/ al- ſo auß dem Schlaff geweckt zu werden/ fiehlen darumb in der finſtern Nacht/ ſonderlich die Rheyſigen/ vber einander/ vnnd die Zeldtſtrick.

Vnd mercket.

EJner von Volckmarßheym buͤrtig/ ein Teut- ſcher/ vnnd nach der Handt Heſſiſcher Diener/ damals vnder den Spaniern ein Befehlhaber/ neben etlichen J- talienern/ beyde Nation eytel Schuͤtzen/ welche dieſen Eynfall thaͤten/ hat mir/ der ich dieſes ſchreibe/ fuͤr gewiß geſagt: Wie ſie/ die Keyſeriſchen/ ja der Keyſer ſelbſt/ geſagten Ort an der Schantz damals ledig bleiben ſolte/ wol gewuſt. Weren derhal- ben verordnet geweſen/ daß zwey tauſendt Hackenſchuͤtzen ſol- ten in deß Churfuͤrſten Laͤger/ vnd zwey tauſendt Schuͤtzen ſol- ten zugleich in deß Landtgrafen Laͤger gefallen ſeyn. Jn der mitte aber auff dem ledigen Platz/ zwiſchen beyden Laͤgern ſol- ten auch zwey tauſent Schuͤtzẽ warten/ welchem Hauffen es von noͤhten gethan/ zu hůlff hetten kommen ſollen. Widerumb zwey tauſent Schuͤtzen zu Pferdt hetten vor der Schantz gehalten/ die Fluͤchtigen zu ergreiffen: So were das ander Kriegsvolck deß Keyſers auch ſchon wach geweſen/ die- ſen zu folgen/ ꝛc.

B b iijGewon- Militaris Disciplinæ: oder
CII. Gewonnen Staͤtte vnd Feſtung.

STaͤtte vnd Feſtung mit ſtůrmender Handt eyn- genommen/ bleiben ſelten frey/ daß ſie nicht preyß ge- macht vnd gepluͤndert werden. Auch wol nach der Pluͤn- derung oder darvor im Rauchgen Himmel geſchickt: daruͤber manchmal/ was darvon noch vorm Feuwer an Haͤuſern/ Weh- ren/ Mawren vñ anderm auffrecht vnd ſtehen blieben/ dem Bo- den gleich geſchleyfft vnd gemacht wirdt/ vermeynendt/ der ge- ſtalt ſey ſich keiner weytern Gefahr darauß zu befůrchten. Dañ ſo der Feindt wider Lufft vnnd Raum bekaͤme/ feſter dann vor hieriñ niſten/ wuͤrde ſie dann erſt mit groͤſſer Muͤhe/ dañ jetzt/ zu wegen bracht vnnd gewonnen můſſen werden. Jm fall darfuͤr vngeſchaffter Dingen abgezogen/ gereychte es dem Herꝛn/ der dieſe Landtſchafft jhm vnderworffen/ ſein hohes Lob/ zuſampt der vmbliegender Landtſchafft wider zu verliehren.

Andere halten es darfuͤr/ daß ſolch Plundern/ am meinſten aber das Brennen vnd Schleyffen/ einen grimmigen Tyrannen zu verſtehen geben: Der keinen Vnderſcheidt wiſſe/ vnder denen/ die ſich noch zur Wehr ſtellen/ oder ſchon vberwunden ſeyndt. Vnd hat hier zu bißweilen ein Herꝛ auch ſeine Vrſach.

Etliche meynen es ſeye gleich groſſes Lobs werth/ etwas ſo new gewonnen/ auch zu behalten: vnnd zeige deſſen Vnvermoͤ- gen an eine Feſtung/ ſo er jnnen hab/ zu erhalten/ ſo er dieſelbi- ge muhtwillig ſelbſt verbrennet/ vnd zu Aſchen richtet.

Dann ſo der Feindt ſie wider bekaͤme/ vnnd befeſtiget/ als dann were ſie ſchwehrlicher vnd haͤrter wider zu erobern/ dann zuvor. Jſt er je deren Sorg geuͤbrigt/ ſo jhm ja ſo hoch daran gelegen/ ſie zu haben/ wann er ſie jhm ſelbſt vnverderbet blei- ben laͤſſet.

Solcher Grim̃ vnd Wuͤten gegen die Eroberten/ bringt ſo baldt Kriegshandlungen/ Ander Theil. baldt zuwegen/ daß andere hindurch vervrſacht/ deſto langſa- mer ſich zu ergeben/ als daß ſie ſich vor gleicher Verwuͤſtung fuͤrchten ſolten.

CIII. Feſtungen vngewonnen hinder ſich laſſen.

FEſtungen/ ſo noch vom Feindt eyngehalten vnd beſetzt/ voruͤber ziehen/ vnd hinder ſich/ ohne gnugſame Belaͤgerung vngewonnen verlaſſen/ ſeyndt dem Hauf- fen gantz nachtheilig vnd ſchaͤdlich. Sintemal vor jrem Außfall/ vnd Auffſatz/ ſicher/ weder ins Laͤger/ noch darauß niemandt zie- hen kan. Vnd ſoll von einem Herꝛn/ ohn groſſe Vrſach/ nicht ge- ſchehen: Von Abzug vor einer Feſtung ſteht auch droben.

CIV. Ein Belaͤgerung durch wenig Volck außzurichten.

DErhalben/ da mehr als eine Feſtung zu belaͤ- gern/ zugleich von noͤhten: Oder der Kriegskoſten ohne das/ der Zeit Verlaͤngerung wegen/ zu hoch ſich erſtre- cken wolte: Oder von einer Statt oder Feſtung mehr dann ein Laͤger zu haben: Damit aber doch den Feinden alle Zugaͤng vnd Paͤſſz/ auch daß ſie ſich nicht/ wann es jhnen etwan in Sinn kommen wuͤrde/ durchſchlagen vnd alſo entrinnen moͤchten. Jſt jhnen mit wenig Volcks doch gewaltig zu wehren/ nemlich auff folgende Weiſe: Es haben die Alten in Vorzeiten beyde die Staͤtte darauß zu zwingen/ oder auß den Staͤtten ſich zu weh- ren/ ſtarcke dicke Baͤume/ in die Vierung in einander vnd vber einander gefůgt/ vnd es deß Holtzs vnd Bloͤcher halber/ darauß ſie gebauwet/ Blochhaͤuſſer genennet.

B b iijHierumb Militaris Disciplinæ: oder

Hierumb auch die viereckichten Schantzen vnd kleine Befe- ſtungen/ wiewol ſie zu vnſern Zeiten auß Erden auffgefuͤhret/ Blochhaͤuſſer genennet/ ſo ſie doch billicher oder rechter Erdt- haͤuſſer heiſſen/ vnd eylendt auffgebauwet werden/ alſo: Man ſihet ſich vmb/ vnd erwehlet ſo viel Plaͤtz/ vnd inſonderheit von Natur darzu bequeme oder erhoͤhete Orter/ ſo viel vmb Fe- ſtung gnugſam ſeyn/ beſchloſſen wirdt/ bauwet dieſelbigen auff Art vnd Manier/ wie hieunden ſechſerley Art/ denen gleich auch groſſe Feſtung zu erbauwen nicht vngleich/ verzeichnet/ oder nach der Kriegsverſtaͤndigen Gutachten ſo groß vnd weyt vmb- fangen/ daß zum wenigſten ein Faͤhnlein Knecht/ vnnd etliche Hoffleut zu ligen/ darinnen Raum haben. Were aber die belaͤ- gerte Feſtung nicht gar groß/ oder darnach beſetzet/ bedoͤrffte man derwegen auch weniger Bloch oder Erdthaͤuſſer/ vnnd da- rinn deſto geringern Zuſatz.

Wie Bloch/ haͤuſſer gebanwet werden.

Jnmaſſen/ wie ſonſt ein Wall pflegt auffgefuͤhret zu werden/ alſo iſt jhm auch hie nachzugehen. Were aber genugſam Holtz in der naͤhe/ koͤndte man auch damithandeln vnd bauwen/ ſtuͤnde zu eines jeglichen Gelegenheit vnd Gefallen.

Damit auch die Erden ſich beſſer zuſammen halte/ legt man Reiſſig oder Buͤſch/ gruͤn oder doͤrr darzwiſchen/ vnnd ſchuͤttet wider Erden drauff/ biß es ſeine gebuͤhrliche Hoͤhe erreycht. O- ben zu oͤberſt aber die Bruſtwehren/ ſetzet man auch mit außge- ſtochenen Erdtraſen. Man verwahret auch vnden im Graben/ welcher der Feſtung nach gemeß/ ziemlich tieff vnd breyt ſeyn ſoll/ die Feſtung mit Bollwercken oder Rundelen/ von Erden oder Holtz auffgericht/ mit gebuͤhrlichen vnd nohtwendigen Schieß- loͤchern vnd Streychweren. Die Pforten ſoll man mit Fall vnd Zugbruͤcken/ wie an andern groſſen Feſtungen/ beſchlieſſen.

Die Bloch vnd Erdthaͤuſſer/ wie ſie jedes mit einem tieffen Graben vmbfangen: Alſo wirdt auch ein gnug tieffe geſchrotene Schantz/ jmmer von einem Blochhauß biß ans ander gefuͤhrt/ vnd Kriegshandlungen/ Ander Theil. vnd die Erden gegen den Freunden hinauß geworffen/ vermoͤ- gen die Feinde/ von der Tieffe vnnd Hoͤhe wegen/ ſo viel deſto kuͤmmerlicher daruͤber kommen. Von derhalben dieſes Werck/ wie auch oben angeregt/ vorgenommen/ vnd ſtrenge Tagwacht darinnen wirdt gehalten. Die Wacht wirdt Abends vnd Mor- gends/ wie Kriegsleut Gebrauch iſt/ auff vnd abgefuͤhret.

Stuͤcklein Feldtgeſchuͤtz/ Serpentinlein/ oder wie man ſagt/ Scharpffentinlein vnd Duppelhacken/ Sturmbuͤchſen vnd zu- gehoͤrige Buͤchſenmeiſter: Alſo auch Bechkrentzen/ Stein vnnd ſonſt Dinge in den Sturm/ vnd zu den Stuͤcklein/ als Kraut vnd Loth nohtwendig.

Aller Proviandt ein ziemliche Nohtturfft/ ſoll man darinn beſtellen. An welchem Endt der Profoß nicht perſoͤnlich ſeyn kan/ dahin ordnet er vmb Zucht willen zu halten/ oder Proviand zu ſchaͤtzen/ einen ſeiner Diener.

Der Proviandtplatz aber ſoll vor dem Blochhauß gehalten/ vnd niemandts/ der nicht hineyn gehoͤret/ oder gute Kundtſchafft drinnen hat/ vñ doch nicht hinder deß Capitaͤns Vorwiſſen/ hin- eyn zugehen vergoͤnnet vnd zugelaſſen ſeyn.

Damit nun dieſe Blochhaͤuſſer vor ſtaͤrckerm Vberfall/ ſo viel mehr verſichert/ vnd da es noht thet entſetzt werden moͤchten/ ligt etwa das gewaltig oder groß Laͤger/ nicht vber weyt darvon: Alſo auch in Doͤrffern/ wo nit zu Feldt/ etliche Fahnen Reuter.

CV. Durchſchlagen/ warumb vnd wie es geſchicht.

JN euſſerſter Noht/ wann kein Proviandt mehr vorhanden/ oder keiner Entſetzung ſich zu vertroͤſten/ auch keiner ehrlicher Mittel in Ergebung/ oder Gnad von den Feinden zu hoffen: Ehe ſie dañ gar außgemattet/ vnd von ſtaͤ- tem Hunger verderben/ vnnd doch letzlich vom Feindt ſterben muſten/ Militaris Disciplinæ: oder muſten/ ſtellen ſie/ die Belaͤgerten/ es auffs gerahtwol/ beden- cken vnd berahtſchlagen es herdurch vnd wider herdurch/ wann/ wo/ vnd wie/ am Tag oder Nacht (doch in der Nacht am be- ſten) ſie es vornemmen woͤllen. Koͤmpt dann die erwehlte Stun- de/ fahen ſie die Gefahr in Gottes Nahmen an/ ziehen erſtlich in guter Ordnung vnd fůrſichtig/ ſtillſchweigendt/ ſo viel jmmer moͤglich/ herauß/ nach jhrem Vortheil. Was ſie/ es ſey in der Wacht antreffen/ daß ſie hieran wil verhindern/ ſchieſſen/ ſte- chen/ hauwen vnd ſchlagen ſie ſonderlich darnider/ oder werden ſie darnider geſchoſſen/ geſtochen/ gehauwen vnnd geſchlagen/ biß ſie alle werden/ oder hindurch brechen. Wem der Kopff bleibt/ der butzt den Bart. Was aber hernach oder zu langſam koͤmpt/ friſſet gemeinglich der Wolff.

CVI. Jns Winderlaͤger ziehen.

ZV weilen werden die Herren vñ Fůrſten/ deß lan- gen zu Feldtligens/ vnd vnfreundlichen naſſen kalten Wet- ters/ verdroſſen/ machen darumb einen Anſtandt auff etliche Monaten/ vnd fuͤhren ein jeder ſeine Hauffen auff ſeinen Bo- den/ ins Winderlaͤger/ vertheilen vnnd verlegen die Regiment vnd Faͤhnlein/ welche ſie auff ein vntreuwen Nachtbarn beyein- ander behalten/ in die Staͤtt vnd Doͤrffer/ in aller maſſen/ wie von Laͤgern oben eynbracht. Alſo nemmen auch die frembden be- ſtelleten vnd Soldtreuter/ jhre benennte Quartier eyn. Dann die Landtreuter verfuͤgen ſich dieweil in jre gewarſam vnd haͤuß- liche Wohnung.

Jn geringern Koſten es den Winder vber zubringen/ wirdt auch wol etlichen Reutern vnd Regimenten Fußvolcks zu dem mal abgedanckt/ kan man andere neuwe auff den Fruͤhling wi- der bewerben.

Wie Kriegshandlungen/ Ander Theil.

Wie auch zu Zeiten/ ſonderlich im Herbſt/ deß vielen Regen- wetters/ tieffen vnnd vnflaͤtigen Laͤgers halber/ man anders wo- hin pflegt in eine friſche Lufft zu verruͤcken: Alſo auch kompts manchmal/ daß die Winderlaͤger vmb Vnluſt vnnd Stancks willen/ ſo auß groſſer Menge an engen Orten entſtehet/ veren- dert werden.

CVII. Winderlaͤger im Feldt zu haben.

WJe der Krieg ſonſt mit andern Dingen ſchier niemandt haͤrter betrifft/ dann den armen Mann auff dem Landt: Alſo wirdt ſeiner auch an denen Enden/ da ein Feldtlaͤger vber Winder beharren ſoll/ ſehr wenig verſcho- net. Dann es werden nicht allein die ſchoͤnen Waͤlde/ die etwan lange Zeit wolgeheget/ jaͤm̃erlich verhauwen/ verderbt vnd ver- wuͤſtet, daß ſie in langer weil nit wider alſo erwachſen. Da wirdt nit viel darnach gefraget/ wer Ober oder Vnderfuͤrſter ſey/ vnd wagets jederman friſch auff ein Pfandt/ wie man ſagt/ das iſt/ diß Geſindt fragt nach niemandts/ es bringe jemandt Schaden oder frommen: Sondern es laſſen die Oberſten/ Haͤuptleut vnd andere fuͤrnem̃e/ gantze Haͤuſſer in Doͤrffern abbrechen/ ins Laͤ- ger fuͤhren/ da wider auffſchlagen vñ zurichten/ daß ſie den Win- der vber drinnen bleiben koͤnnen.

Der ander gemein Hauffe/ Kraͤmer/ Sudler/ Wein oder Bier wirdt/ Schantzbawern ſo wol als das Kriegsvolck/ reiſſet weydtlich auch die Haͤuſſer nider/ in den nechſten Doͤrffern/ ſchlepts dem Laͤger zu/ entweder mit zu bauwen/ oder das Holtz zu verbrennen. Dann wo ſo viel vnzehlbar Feuwer Tag vnnd Nacht brennẽ/ da wil Holtz/ es komme gleich woher es woͤlle/ zu- gehoͤren. Das nechſte iſt allhie das beſte/ Bretter/ Dielen vnd ander Haußraht/ wirdt haͤuffig ins Laͤger getragen/ die Loſa- C cmenter Militaris Disciplinæ: oder menter deſto beſſer wider deß Winders Kaͤlte vnnd den Regen zu bewahren.

Stroh/ Haͤw/ mag da nicht zu viel: findet man deſſen nit mehr in den Scheuwern/ muͤſſen deſto mehr Daͤcher auff den Bau- wernhaͤuſſern herhaltẽ. Wolte aber Stroh/ lang Graß/ Schilff/ ſolche Matery oder Bretter mangeln/ mit zu decken/ graben die Knecht Loͤcher in die Erden/ ſetzen Stangen wie ein Dach druͤ- zuſammen/ beſetzen ſolche mit abgeſtochenen Erdtraſen vnd an- dere Erden darauff: Auch wol mit Miſt/ vnd was mancher zu- wegen bringen mag/ deß Sommers mit Verlangen darunder zu erwarten.

CVIII. Wie verſtorbene Kriegsleut zur Erden beſtattet werden.

VOn Kranckheit der Knechte haben wir auch dro- ben in eim beſonder Capitel/ am 116. Blat etwas geſagt/ vñ iſt einmal gewiß/ daß jhr vnmaͤſſiges Leben/ boͤſe/ vergiffte vnd vnreine Lufft/ auß dem hefftigen Geſtanck/ der Menge hal- ber im Stroh/ ſo hart in einander/ wuͤſt vnd Geniſt ligende/ ver- urſacht vñ zuwegen bringt/ vnder jhnen viel Seucht vñ Kranck- heit: Sonderlich die Breune/ welcher Gebrechen jhr gar viel zu Adams Mutter fordert: Vnd wil ich daran nicht vnrecht ſa- gen: daß jhrer vielmehr verderben vnd ſterben/ auß Mangel der Artzeney/ anderer Wartung vnd Huͤlffe/ dann von der Kranck- heit ſelbſt. Vnd welches noch das alleraͤrgſte/ ſeyndt wenig bey ſolchen Krancken vnd Sterbenden/ die ſie jhrer Suͤnden/ vnd der Gnade durch CHRJSTVM erworben/ erinnerten/ vnd mit Gottes Wort troͤſteten: Greiffet auch ſolche Seucht jmmer weyter/ weil allda keiner den andern meydet/ auch nicht meyden kan.

Wann Kriegshandlungen/ Ander Theil.

Wann die vorigen loͤblichen Koͤnige in Franckreich/ Franciſ-Nota. cus vnnd Henricus II. zu Feldtzogen/ wardt allezeit in jhrem Laͤger/ eine ſchoͤne Apotecken mitgefuͤhret: Kondten darinnen die armen krancken Knechte/ Artzeney vnd ſonſt Labung vmbs Geldt zu wegen bringen.

Faͤhret nun einer dahin/ oder waran er ſonſt/ geſchoſſen oder verwundet/ geſtorben/ nemmen ſeine Rottgeſellen vier lange Spieß/ je zween die Eyſſen von einander gewendet/ einmal oder drey wormit zuſammen gebunden/ alſo/ daß auß zweyen Spieſ- ſen gleich eine Stange wirdt/ faſſen darnach die zwo Stan- gen/ vnden/ oben vnd in der mitten/ mit Stricken ſo nahe an einander/ daß eben der Todt mit ſeiner Waht vnnd Kleydern/ wie er verſcheiden/ darzwiſchen gelegt vnd hinauß getragen wer- den kan. Vorher gehen Pfeiffen vnd Trommen/ hernach ſei- ne deß Verſtorbenen andere Rottgeſellen/ Landtsleut vnd wer da wil. Auſſen vor dem Laͤger auff dem Lermanplatz/ oder wo man zukompt/ iſt ein Grab gemacht/ da hineyn legen ſie die Leich/ ſcharren ſie zu. Wirdte gut/ ſprechen ſie mit entdecktem Haͤupt ein Vatter Vnſer: Etliche machens beſſer/ vnnd ſingen einen Geiſtlichen Pſalmen darzu. Je mehr Anſehens einer bey dem Regiment/ oder ein Ampt gehabt/ je mehr Spiel vor ſeiner Leich her gebraucht werden.

Manchmal aber fallen die Knechte/ ſo mit Hauffen taͤglich dahin/ daß die Oberkeit nicht haben wil/ die Todten mit dem Spiel zum Grab zu tragen: Auff daß nicht die andern Geſun- den ſich entſetzen/ vnd verzagte Gemuͤhter bekommen. Laſſen auch wol die Todten bey der Nacht auſſen dem Weg bringen vnd verſcharren.

Were ein Dorff oder Kirch ſo nahendt bey dem Laͤger/ tragen ſie jhre Verſtorbene/ zuvor ab/ die von den Anſehnlichſten/ da- ſelbſt hin zur Erden zubeſtatten.

C c ijSprach Militaris Disciplinæ: oder
CIX. Sprach halten/ Tagen mit einander. Was Stillſtandt: Anſtandt: Frie- den ſeye.

SPrach haltẽ/ wiewol bißweilen/ geſchichts doch von den Oberſten Haͤuptern/ vnd Feldherꝛn ſelten in der Perſon: Mehrertheils aber durch jhre verordnete Raͤhte vnd Leutenampten.

Welche/ entweder die Herren ſelbſt/ oder jhre Abgeſandte/ auff benandt Halt vnd Malſtaͤtte/ ſo ſtarck vnnd mit ſo viel Leuten/ wie es vorbehalten/ er ſcheinen.

Das Ziel wirdt etwa in Staͤtte/ Doͤrffer oder auff geraͤumen Plaͤtzen vnd Wieſen/ zwiſchen beyden Laͤgern/ da ſich kein Theil vorm andern Hinderliſt zu befahren/ benahmet.

Jſt es/ daß die von einer Feſten oder Beſatzung/ mit denen hieauſſen im Laͤger/ Sprach vnd Vnderredung begehren: Wirt an einem ſolchen Ort/ da die auß der Feſtung/ nicht viel deß Laͤ- gers Gelegenheit vberſehen: Alſo auch die andern/ nicht zu nahe bey die Feſtung kommen moͤgen/ ein Faſſz oder ſonſt was auff- geſteckt/ daruͤber dieſen ſo wenig/ als jenẽ zu ſchreyten/ gebuͤhret/ ſondern allda Beſcheidt geben/ erwarten vnnd wenden muͤſſen. Wiewol ſie bewehrt zuſammen tretten/ wirdt doch allda vber die Wort/ zu nichts handthaͤtigs griffen/ vñ mit Frieden jederm wi- der zu den ſeinen zu kommen/ vergoͤnnet.

STillſtandt wirdt vnder jhnen/ da nicht jedes Theil auff ſei- nem Hochmuht beruhet/ beſchloſſen: welcher ſich nur auff et- liche Tag erſtrecket/ zu halten. Bleiben doch nichts deſto weni- ger/ im Feldt gegeneinander ligen/ beſetzen vnd verſehen jhre ge- woͤhnliche Wachten/ greiffen aber nicht feindtlich/ weder in klei- nem noch groſſem/ auffeinander an. Welcher hierin ſein Trew oder Glau- Kriegshandlungen/ Ander Theil. oder Glauben breche (wie von N. ꝛc. Anno 45. im ohngefehr Octobri geſchahe) dem wirdt es fuͤr ſchmitzlich auffgehaben.

ANſtandt aber beſchlieſſen vnd annemmen/ wirdt in benand- ten Monaten oder Jahren verfaſſet: Darzwiſchen auch et- wa den Hauffen/ zu beyden Seiten Vrlaub geben wirdt: Oder ja auß dem Feldt in weytgelegene andere Landtſchafft vnd Or- ter gezogen.

JM Frieden aber wirdt allem Vnwillen/ vnd Feindtſchafft/ ſampt dem Kriegsvolck Vrlaub geben. Vnnd wirdt dieſe Friedenshandtlung durch die Legaten verwaltet/ was ſich dann vber jhre gemeſſene Jnſtruction vnd Befehl zutraͤgt/ beſchlieſſen ſie darinn weyter nichts/ ohne hinder ſich bringens/ an jhre Her- ren. Jn Gegenwart beyder Potentaten/ Fuͤrſten vnd Herren/ von denen der Krieg herruͤhret/ beſchloſſener Frieden in gewiſſe Puncten/ Articul vnnd Capitulation geformet/ benennet ey- genelich/ von dieſen vnd jenen Bundtsgenoſſen/ Kriegsverwan- den/ ꝛc. wer auch/ vnd wie ferꝛn er hiemit begriffen ſeye: wirdt mit dem Eydtſchwur vnd Verſiegelung beſtaͤttiget.

CX. Wie der Friedt zwiſchen groſſen Her- ren vnd Potentaten beſtaͤttiget werde.

SEyndt die Herren nicht beyde perſoͤnlich zur ſtaͤt- te/ ſondern nur der eine vnd deß andern Legaten/ ſchweh- ret in deſſelbigen Gegenwaͤrtigkeit/ der anweſende Herꝛ/ dem geſtellten Frieden vollkoͤm̃lich vnd vnverbruͤchlich nachzu- ſetzen: So auch der frembd Geſandter/ an ſtatt vnd von ſeines Herꝛn wegen. Als dann fertigt der Herꝛ/ ſo den Eydt jetzt ge- than/ Militaris Disciplinæ: oder than/ einen der ſeinen mit dem frembden Geſandten ab/ der je- nen Herꝛn vnd Fuͤrſten in der Perſon/ ſchwehren ſehe vnd hoͤre: Dieſer auch an ſtatt ſeines Herꝛn den Eydtſchwur leyſte. Hier- von meldet ſonderlich der von Commines.

Solcher Friedt wirdt mit vnſaͤglicher Frewd vnd Frolocken maͤnniglichs/ ſonderlich aber deß gemeinen Volcks/ offentlich außgeruffen/ gebotten vnd angeſchlagen.

CXI. Erinnerung.

GEſchicht aber vielmal mehr vnd ehe/ danns gut iſt/ daß ſie kaum die Haͤndt auß den Haren gelaſſen/ roͤ- pſet jhnen der Krieg widerumb auff/ daß ſie denſelbigen vnverdauwet erneuwern/ vnd ein vertrochen Feuwer mehr vnd feſter dann vor anblaſen. Nemlich/ machen etliche nur allein be- truͤglich Frieden/ vnd laſſen jhr Volck darumb lauffen/ darmit jhr Gegentheil auch ſo thue: Wann das geſchehen/ vnd ſie die Staͤrckſten ohn das/ jr Gegentheil aber ſo bald nicht wider auff die Bein zu ſtehen kommen kan/ verſchlagen ſie jhre Rencken/ bringen heymlich ein Roͤttlein zuſammen/ vnd verſuchen jhn ein Pancket zuzuruͤſten. Wer nicht wil weiſe werden/ vnd gnugſame Geiſſel nemmen/ biß er ſihet/ wo es hinauß wil/ mags laſſen. Es heiſt: Fœlix quem faciunt aliena pericula cautum.

CXIL. Vrlaub geben vnd abdancken/ ꝛc.

EVglicher vnnd bequemer kan das Abdancken/ (doch wie es jeder Zeit der Zahlherꝛ fuͤr gut anſihet) nicht geſchehen/ dann daß erſt der Hauffe werde gemu- ſtert: Kriegshandlungen/ Ander Theil. ſtert: Fuͤhret darnach der Oberſt ſein Regiment (hab wol geſe- hen/ daß jederm Faͤhnlein zu erſt/ durch deſſen Haͤuptmann/ von deß Herꝛn wegen der Sack geben wardt) in ein Ring/ all- da wirdt jhnen durch einen Commiſſarien/ oder Geſandten deß Feldtherꝛn/ oder einen andern darzu verordneten/ oder von dem Oberſten ſelbſt angezeigt/ faſt auff dieſe Weiſe: Wers beſſer weiß/ dem iſts hiermit nicht darumb verbotten.

Nach gethanem Gruß zu den Kriegsleuten/ bittetvnnd be- gehret er von jhnen guͤtlich Gehoͤr/ was er mit jhnen reden wer- de. Faͤhret darnach fuͤrter: Es hat der Durchleuchtige vnnd Hochgeborner Fuͤrſt vnnd Herꝛ/ Herꝛ N. ꝛc. vnſer gnaͤdiger Fuͤrſt vnd Herꝛ/ mir gnaͤdigen/ euch jhr lieben Laͤndtsknecht/ an- zumelden befohlen. Daß/ nach dem ſein Fuͤrſtlich Gnad ncchſt Goͤttlichs Beyſtandts/ es durch euwere mannliche Handt/ vnd handtfeſte kecke Mannheit/ zu gewuͤndſchtem Endt/ vnd nem- lich ſo ferꝛn gebracht/ daß ſeine F. G. Feinde gedaͤmpfft/ vber- wunden/ Landt vnd Leute wider in vorigen jhren Friedtſtandt vnd Ruhe geſetzt/ ſein Fuͤrſtlich Gnad erſtlich Gott dem All- maͤchtigen Lob vnd Danck ſagen woͤllen: Auch zum andern/ euch alleſampt/ jhr lieben Kriegsleut/ lieben Landtsknecht/ auff daß jhr die euwerigen auch einmal beſuchet/ ſie mit einem geſundten Mann vnnd reichen Beutpfenning erfreuwen moͤ- get/ woͤllen ſeine Fuͤrſtliche Gnad euch dißmal daſſelbige mit Gnaden erlauben.

Bedancken ſich derhalben/ mehr dann gnaͤdig/ gegen euch ſaͤmptlich/ vnd einen jedern in ſonderheit/ daß ſein F. G. jhr ſo willig zugezogen/ in ſeiner F. G. Dienſt euch begeben/ in ewerm geſchwornen Eydt voͤlligen Gehorſam/ Trew vnd Fleiß geley- ſtet/ vnd euch nicht anderſt/ dann redtlichen ernſthafften Kriegs- leuten ehrlich vnd ruͤhmlich iſt/ erzeiget vnd bewieſen: Auch ſo manche Gefaͤhrligkeit vnnd Noht/ von ſeiner F. G. wegen vn- erſchrocken vnnd keck außgeſtanden vnnd vberwunden habt.

Solt Militaris Disciplinæ: oder

Solt darumb von ſeiner F. G. jhr ſaͤmptlich vnnd jeder be- ſondern/ er ſey Groß oder Kleinhans/ jeder Zeit hinwider/ nichts gewiſſers/ dann alles gnaͤdigen Willens ſich zu verſehen haben. Es woͤllen auch ſein F. G. euch jetzundt/ jedern nach ſeiner Be- ſoldung vollkoͤmlich vnd wol bezahlen laſſen/ mit gnaͤdiger Zu- verſicht/ gegen euch alle/ daß/ da ſein F. G. auff den Gluͤcksfall gerechnet/ weyter oder mehr Leute ſolcher Geſtalt bedoͤrffen/ es wuͤrde ewer keiner ſeyn/ der ſein F. G. nit zuforderſt ſeine Dien- ſte præſentieren werde. Beſchließlich/ mit Gnaden geſinnende/ jhr woͤllet in dieſem ewerm jetzigen Abzug ſeiner F. G. armen ey- gen Vnderthanen/ alſo auch allen andern/ dahin jedes Weg fal- len wirdt/ verſchonen/ vnd keinen Schaden zufuͤgen. Werdet ſeinen F. G. jhr fuͤrnemlich zu gnaͤdigen Gefallen thun/ vnd ge- reycht euch zum beſten/ Lob vnd Ehren: Jhr werdet auch deſſen bey ſeiner F. G. ſelbſt/ vnd deren Zugewandten allenthalben ge- ruͤhmbt werden/ vnd es genieſſen.

CXIII. Oberſten abdancken.

EShabe nun dieſes/ wie gehoͤret/ ein anderer o- der der Oberſt ſelbſt angereigt/ redet er doch (der Oberſt) fuͤrter: Alſo jhr lieben Landtsknecht/ lieben Bruͤder/ die weil es jetzt an dem/ daß wir heutigs Tags/ wie jhr verſtanden/ von einander/ ein jeder wo hinauß/ oder wohin vns der liebe Gott geleyten wirdt/ ziehen werden: So bedancke ich mich gegen euch alle/ jhr lieben Kriegsleut/ lieben Bruͤder/ gegen euch al- len/ ſage ich/ es ſeyen Haͤuptleut/ oder was Ampt er ſonſt getra- gen/ Edel oder Vnedel/ Groß oder Kleinhans/ daß jhr vor an- dern Oberſten/ mich gut darfuͤr erkennet/ vnder mein Regiment zu ſtellen/ mir ſelbſt vnd allen denen/ ſo in meinem Nahmen deſ- ſen Befehl gehabt/ gutwillig Gehorſam geleyſtet/ vnnd auch in allen Kriegshandlungen/ Ander Theil. allen Dingen/ wie redlichen Kriegsleuten geziemet/ alle Zeit vn- der meiner Oberkeit verhalten/ wie ich euch jetzt/ nicht allein vn- der Augẽ nachſage: ſondern kuͤnfftig in alle Weg nachſagen muß vnd wil. Darneben/ jhr lieben Landtsknecht/ bittlich begeh- rendt/ da einem oder mehr von mir/ oder von einem von meinent wegen/ etwan zuviel oder zuwenig/ ſeinem Beduͤncken nach/ ge- ſchehen were/ es meinem Ampt vnd der Zeit/ vnnd nicht meiner Perſon zumeſſen. Wo ich hinwider/ jhr lieben Bruͤder/ euch alle (ja ich weiß keinen/ den ich dem andern vorziehen woͤlle) guͤnſtigen befoͤrdern mag/ ſoll vnd wirdt mir ein beſonder Freud erwecken/ bins auch gantz bereyt vnd willig. Bin auch der gaͤntz- lichen Zuverſicht/ jhr meine liebe Landtsknecht/ vnnd Bruͤder/ da jhr widerumb (Gott gebe daß baldt geſchehe) das Kalbfell rumpeln/ vnd es mich betreffendt ſey/ hoͤren/ jhr werdet euch wi- der alles guts zu mir verſehen/ wie euch dann von mir auch ge- wißlich widerfahren ſoll. Wolte ich auch alsdann nichts mehr wuͤndſchen vnd begehren/ dann ſolche vnnd keine andere oder ge- ringere Landtsknecht vnd Kriegsleut/ vnder mein Regiment zu bekommen/ vnd ſie andern vorzuziehen/ wie ich dann ein Landts- knecht Vatter bin/ ſeyn vnd bleiben werde/ ob Gott wil. Zweiffelt mir nicht/ wir wuͤrden ſolcher Zeit Ehr vnd Gut gnug erlangen. Seyd getroſt vnnd wolgemuht/ jhr lieben Landtsknecht/ es iſt vnlangſt dahin/ ſo werdet jr ein newes Geſchrey vernemmen/ vnd ein friſchen Herꝛn haben.

CXIV. Abdancken der Hohenaͤmpter.

EBenmaͤſſig thun alle andere von den Hohen- aͤmptern/ dancken fuͤr den jhnen beſchehenen vnd geleyſte- ten Gehorſam: Bitten zum andern/ was jhnen in dieſem oder jenem gebotten oder verbotten/ vnd er darob gehalten/ ſeye D dnicht an- Militaris Disciplinæ: oder nicht anderer Meynung/ dann dem Hochgedachten Herꝛn/ Re- giment/ vnd auß Erforderung jhres tragenden Ampts/ vnd in jhrem/ der Kriegsleut/ beſten angefangen/ ſie verſtehen vnnd deuten wolten.

Der Schultheiß thut auch diß hinzu: Dieweil ſich in Ge- richtshaͤndeln/ vnder jhm vielerley Zwyſpalt vnd Sachen/ dar- an manchem ehrlichen Mann nicht geringes gelegen/ vnnd im Gerichtsbuch darvon verzeichnet/ begeben gehabt: Seye er deß gutwilligen allezeit Erbietens/ da einer oder mehr in kuͤnfftigen ſeine wolbefuͤgte Sachen/ darauß zu bekraͤfftigen/ darauß Kundtſchafft begehren/ vnnd jhn erſuchen wuͤrde: Solle der- ſelbige Gutwilligkeit/ nach ſeinem Vermoͤgen/ von jhm ge- wehret/ jhm darinn nichts verſagt/ oder einiger darumb ver- ſaͤumet werden.

Profoß iſt aber ſelten bey dieſem Abdancken/ viel weniger ſein Geſindtle: Sondern macht ſich den Tag oder die Nacht zu- vor/ auß dem Rauch hinweg. Sintemal jnen/ vnd den Marqua- tanten vnd Kraͤmern/ ein boͤſer Abzug vnd ſchmale Verehrung pflegt gegeben zu werden.

Haͤuptleut/ derer Abdancken/ iſt vnd geſchicht eben auff den vorigen Schlag/ doch gelenckt nach jrem Ampt. Bitten letzlich/ da ſie wider bewerben/ oder bewerben laſſen wuͤrden/ jrer Haͤupt- manſchafft ſich zu vertrauwen/ wollen ſie als dann im beſten auffnemmen/ vnd gegen ſie gedencken.

CXV. Paßporten/ was vnnd warumb zu haben.

PAßport iſt ein offener Brieff/ darinnen deß O- berſten/ oder eines Haͤuptmanns Namen/ darunder auch auffs ſpacium, entweder eygener Handt ſubſcribirt/ oder ſein Si- Kriegshandlungen/ Ander Theil. ſein Signet oder Pittſchafft druͤcket/ oder beydes/ die Subſcri- ption vnd Signet/ als ein vrkuͤndtlich Bekraͤfftigung geſehen werden. Seyndt dieſes gemeinen Jnhalts:

Jſt an alle vnd jedermaͤnniglich/ was Wuͤrden/ Weſens oder Standts die ſeyn/ vnd Nahmen haben moͤgen/ mit Erbietung eines Vnderthaͤnigen/ freundlichen Dienſts vñ guten Vermoͤ- gens/ ꝛc. geſtellet/ welchen zu erkennen geben wirdt/ daß gegen- waͤrtiger Brieffszeiger N. von N. ein Zeit/ oder etliche Monat lang/ vnder ſeinem Regiment od’ Faͤhnlein gelegen/ ſich gegen ſei- ne Oberkeit vnd alle andere Befehlhaber/ Auffzug vnd Wach- ten/ vnd was ſonſten ehrlichen Kriegsleuten zuſtehet/ jeder Zeit fleiſſig/ gehorſamlich/ vnd auffrichtig verhalten.

Dieweil er aber dißmal/ ſeiner vnvermeidlichen ehehafften Geſchaͤfften halber (moͤgen etlicher maſſen beruͤhret werden) oder daß er ſich anderswo auch zu verſuchen geſinnet. Oder: Sintemal dem gantzen Regiment vberhaupt abgedanckt wor- den. Vmb einen guͤnſtigen Vrlaub/ oder dieſen Schein vnd Paßport gebetten. Sey nichts geweſen/ dann es auch ohne das billich/ derhalben jhm dieſes ſein Bitten hette verwegert oder ab- geſchlagen werden koͤnnen.

Von derwegen an alle vnnd jede/ nach Erheiſchung jhres Standts/ ſo mit dieſem Brieffe antroffen werden/ ſey ſein vn- derthaͤnigs/ dienſtliches vnd freundtliches Bitten: ſie wolten ermeldten N. N. es ſey im Feldt/ Staͤtten/ Schloͤſſern/ Beſa- tzungen/ ꝛc. zu Waſſer vnd Landt/ auch wo Kriegsleut zu thun haben/ nicht allein frey/ ſicher/ durch vnd fuͤruͤber paſſieren: ſon- dern auch dieſes jhm mitgetheilten Paßbrieffes/ vnd ſeines ob- vermeldten Wolhaltens genieſſen laſſen/ vnnd jhme derhalben guͤnſtige Befoͤrderung erzeigen.

Das gegen alle ſaͤmptlich/ vnd einem jedern beſondern/ nach Erforderung ſeines Standts/ vnderthaͤnig/ gantz willig zu- verdienen/ vnd freundtlich zu beſchulden/ werde ſich in gleichem D d ijvnd Militaris Disciplinæ: oder vnd mehrerm/ alle Zeit gebuͤhren/ er ſeye es auch ſtaͤttig geflieſ- ſen. Jn Vrkundt/ ꝛc. Geben im Feldtlaͤger vor/ ꝛc. Anno/ ꝛc.

Dieſe Paßporten/ woͤllen jhr eines Theils/ ſollen in wehren- dem Krieg/ keine Haͤuptleut/ ſondern nur alle in der Oberſter/ zu geben macht haben. Wie auch darumb Anno 53. ein Ober- ſter neben andern weytgeſuchten Vrſachen/ einen Haͤuptmann ließ vors Maleſitzrecht ſtellen/ vnnd durch den Profoſen hefftig anklagen. Der Haͤuptmann aber wardt am erſten Rechſtag durch eynhellige Vmbfrag mit Recht ledig erkennet/ vnd daß er dem Profoſen hinfurt auff alle ſeine gefuͤhrte Klagen nicht mehr zu antworten ſchuldig were.

Jn Beurlaubung aber deß gantzen Regiments/ geben die Haͤuptleut denen Knechten/ ſo es begehren/ obberuͤhrte Paßpor- ten. Etliche vnd die meinſten nemmen ſie nicht. Bringt keine ſonderliche Gefahr/ es fordere ſie einer als dann oder nicht: Die- net allein darzu/ daß mancher/ wie er nicht vor rechter Zeit ſtill- ſchweigendt einen Abſcheidt genommen/ zu beweiſen vnd dar- zuthun.

CXVI. Von endtlicher/ doch nicht einerley Be- zahlung vnd Abzug. 1.

ABermal mag ich nicht vnderlaſſen/ der hoͤchſten- gedachten/ vorigen vnd loͤblichen Koͤnigen in Franckreich/ mit groſſen Ehren zu gedencken: Daß/ wann ſie auff jrem Boden den Kriegsleuten abdanckten/ lieſſen ſie jhnen/ ſo viel Tage ſie noch demſelbigen Monat zu dienen ſchuldig/ abzie- hen: Jhnen aber vnd jeden/ nach dem/ was er einen Monat zur Beſoldung hatte/ ſo viel zum Abzug vber die ander Beſol- dung zahlen.

2.

Fůhret man ſie aber auff Teutſchen Boden/ ehe jhnen abge- gedanckt/ Kriegshandlungen/ Ander Theil. gedanckt/ wardt jhnen nur halb Beſoldung zum Abzug. Die ander Beſoldung gieng aber biß daher deſto laͤnger fort/ vñ war ſchier eines mit dem vorigen/ ſo ſie auff Frantzoͤſiſchem Boden verurlaubt worden.

Zu viel malen wirdt ſonſten den Kriegsleuten zu Roſſz vnnd3. Fuß/ mancherley der Bezahlung halber vorgehalten. Etliche Herren zahlen fuͤr benendte Monaten mit bahrem Geldt/ auch etwan mit Tuch vnd anderm ab. Geben fuͤr den Reſt Brieffe vnd Verſicherung.

Wolten die Knecht hieruͤber (dann daß jhrer etliche nicht ſo4. baldt zuplatzen/ wer kan ſie deſſen verargen) bedenckzeit nem̃en/ Gemein halten/ vñ Raͤhte außſchieſſen: Fuͤhren die Herren mit- ler Zeit die Faͤhnlein von einander/ bekommen entweder von et- lichen/ mit liſtigen guten Worten/ das Mehr vnnd Verwilli- gung/ wirdt à maiori ad minus argumentirt/ das iſt/ die wenig- ſten muͤſſen auch fort/ wie dieſe: Practica eſt multiplex, beatus qui intelligit.

Etliche auß denſelbigen Faͤhnlein werden bahr bezahlet/ vnd5. mit dieſen die bezahlt ſeyndt/ ſampt den Landtſaſſen vnnd Bau- wersvolck/ welches dann ohne das hierzu geneygt/ neben zuge- ordentem Feldtgeſchuͤtz/ treiben ſie die andern auß dem Landt: Daß ſie Bezahlung vnd Abzug/ da ſie nicht Auffſchlag haben woͤllen/ biß man zum andernmal vmbſchlaͤgt/ laͤnger muͤſſen be- ruhen laſſen. Kompt auch wol/ daß ſie durch jhr Schnarcken/ darmit ſie den Herꝛn pochen woͤllen/ ſolches ſelbſt verurſachen.

Dieſer obeſagten Ding brauchen etliche Herren keine/ geben6. keinem Vrlaub/ auch nit viel Geldt: Halten aber jr Kriegsvolck doch dermaſſen/ daß ſie nichts mehr dann Vrlaub begehren/ ver- ſterben/ vnd mit der Zeit ſelbſt verlauffen.

Vnd iſt kein Wunder/ daß ſolcher Practicken vnnd Griff- lein (es lobets aber keiner dann die/ welehen der Seckel nichts deſto weniger geſpickt worden iſt) je mehr vnd mehr erdacht wer- D d iijden. Militaris Disciplinæ: oder den. Wann die Kriegsleut/ ſo wol die Rheyſigen/ wie die Lands- knecht/ baldt nur was neuwes auffgetrummet/ ſich wider mit einem Monat Soldt/ das iſts ſchier alle/ ſchmieren/ vnd in der Herren Faßnacht bringen laſſen. Maͤchten ſie ſich theuwer/ wuͤrden ſie auch thewrer gehalten. Jſt darumb/ ſage ich noch/ fuͤr ein Wunder zu achten/ weil taͤglich viel ſo armuhtſelig wi- der heymkommen/ nicht allein andere/ ſondern auch dieſe/ die vor ſo heiß gebadet/ vnnd kaum die Haut darvon bracht/ wider tieff gnug hieneyn wahten.

☞

Jſt auch kein Wunder/ daß der Herren Silberkam̃er ſo bald oͤde vnd ledig/ deßwegen die Bezahlung letztlich ſo eyngezogen wirdt vnd ſchwindet. Dann es gereycht jhnen die groſſe Menge Hoffleut zu ſolchem endtlichen Mangel. Ja die Hoffleut ſelbſt/ empfinden es eines Theils mehr dann jhnen lieb iſt: Dann ſihe/ auff allein 8000. Pferdt/ ohn andere Wart/ Anrittgeldt/ ꝛc. gehen Monatlich (15. Thaler auff das Pferdt gerechnet) 120000. Thaler. Steigt nun die Anzahl Pferde hoͤher/ ſo auch die Monatliche Beſoldung. Were je beſſer/ eine ziemli- che Zahl Fahnen Reuter/ vnd darunder den Kerꝛn außerleſen/ dann vnaußſprechliche viel tauſendt/ von mancherley Haabe geſam̃let: Dann je die Kerꝛle/ die dazu tuͤchtig ſeyndt/ nicht auff den Baͤumen wachſen.

Jch habe je vnd je gehoͤret/ daß neben einem guten ziemlichen Fußzeug/ vermoͤchte einer mit 5000 wolgeruͤſter vnd kerꝛnhar- ten Reutern/ das Roͤmiſch Reich vngehindert durchziehen.

CXVII. Gardthauffen/ woher ſo genennet/ vnd was es ſeye.

GArdthauffen iſt ein zuſammengeſetzter Nahm/ vom Frantzoͤſiſchen Wort Garder/ das verwahren/ wa- chen/ Kriegshandlungen/ Ander Theil. chen/ heiſſet/ vnnd dem Teutſchen Wort/ Hauffen. Eine Gwardi nennet man auch bey vns Teutſchen nunmehr/ die An- zahl Knechte/ ſo etwa in einer Feſtung fuͤr vnnd fuͤr/ ob es gleich Friedt iſt/ ligen. Oder die Zahl Trabanten/ ſo auff einen Fůr- ſten vnd Herꝛn ſelbſt warten/ Leibgwardi.

Es waren auch vor Zeiten ſolche Knechte/ die zu Bewah- rung deß Landts vnderhalten/ hin vnnd wider auff die Bawren gelegt worden: Welche ſie mit Eſſen vnnd Trincken verſehen muſten. Vnd ſo baldt ein Dorff oder Ort außgefreſſen/ wech- ſelten ſie das ab fuͤr ein anders/ da noch Backenfutter zu finden.

Hierauß noch die Gewonheit erwachſen/ daß die Landts- knecht/ welche keinen Herꝛn haben/ den Vatter vmb ein Zeh- rung (bleibets darbey) oder par Hůner (Gaͤnß legen groſſe Eyer) anſprechen. Vnnd hat hiervon den Nahmen: Auff der Gardt geſprungen. Garden/ vnnd die darauff vmbziehen/ Gardtbruͤder. Doch auch/ daß ſeine Maß habe/ dann ſtaͤttig ſolches Erwerbs gewohnen/ hat geringen Vnderſcheidt vnnd Vortheil vom Betteln.

Beſſer vnd ehrlicher dunckt michs ſeyn/ ſo ein Landtsknecht keinen Herꝛn hat/ daß er zu ſeinem Handtwerck oder anderer Handthierung kehre/ ſein Brodt vnd Vnderhalt zu bekommen/ biß er wider was neuwer Zeitung erfuͤhre. Dann in dem er ſo herumb zeucht/ den Bawren die Hundt auffzuwecken/ vnnd ein par Wuͤrſt zu ſamlen/ muß er manch vnnuͤtz Wort mit vnder- freſſen/ auch bißweilen gute Streych fuͤr lieb nemmen.

Ein Hauffen von etlichen Faͤhnlein/ oder ein Regiment Knecht/ welche nur den armen Leuten auff dem Halß ligen/ nem- men/ Freſſen vnd Sauffen was ſie finden/ bezahlen aber nichts. Dann auch die Muͤntz im Halt ſehr gering/ vnd vngangbar iſt bey jnen. Da ſie es dann an einem Ort reyn gemacht/ vberfallen ſie einen andern/ thun daſelbſt deß gleichen.

Seyndt Militaris Disciplinæ: oder

Seyndt auch keines Herꝛn bekandt/ dem ſie zuſtehen/ denſelbi- gen offentlichen anzuzeigen. Dieſen Hauffen nennet man eine Gardt/ nach dem Oberſten den ſie vber ſich haben.

Bey vnſern Tagenſeyndt dieſer Hauffen auch geweſen/ derer ich etliche wil benennen. Anno 44. vngefehrlich/ lag deß Schna- ders Garde/ in der Suſtiſchen Boerde/ hielten alſo hauß/ daß wenig Bawren deß Schimpffs gelachen mochten. Biß vnver- ſehen die Statt Suſt mit jhnen abrechneten/ vnd weil ſie die Zech nicht zu bezahlen hetten/ meinſt Theil da zu Pfandt/ oder in die Leyſtung gelegt worden: Seyndt auch/ glaͤub ich/ noch da.

Jtem Anno 45. verſamlet ſich ein Gardthauff im Landt zu Hadeln/ in die 1500. zu Roſſz vnd 8000. Landtsknecht/ wie Slei- danus wil. Jm ſelbigen Jahr/ vnd ſelbiger Zeit/ in der Herꝛ- ſchafft Teckelnburg 800. Rheyſiger/ vnd biß in 3000. zu fuß: Welche an beyden Orten es ſo machten/ daß die armen Leut ſie gern ſahen/ da ſie wegzogen. Die in der Teckelbuͤrgiſchen Herꝛ- ſchafft zogen zu den andern vber die Weſer. Stunden H. H. von B. zu/ der fuͤhrete ſie an ſolch Endt/ da ſie wenig Geldt zur Beſoldung/ aber viel Auß- peuſſe bekamen.

Das Kriegshandlungen/ Dritter Theil.
Der Dritte vnd letzte Theil dieſes Buchs/ von Gerichtlichem Proteß vnder den Kriegsleuten etwan braͤuchlich: Erſtlich das
Stehendt Recht.

DAs Stehendt Recht/ iſt das aller aͤlteſt vnd ſchaͤrpffeſt/ ohn zweiffel bey den Vhralten ſtreitbaren Teutſchen/ die keine Vnredtlig vnd Trewloſigkeit haben vngeſtrafft hingehen laſſen/ braͤuchlich gewe- ſen. Wie ſie aber nachfolgender Zeit Chriſten/ ſeynd ſie hierinn auch ſchmeydiger vnd ſittſamer worden. Doch wem were auch ohne harte Straff eine einige Stunde fuͤr den muhtwilligen Buben ſicher zu ſeyn/ můglich?

Von denen herreychende habens vnſere Vordern (iſt auch noch zu weilen/ doch ſelten/ im Schwang) da Verbrecher deß Articulsbrieffs/ vnd andere Mißthaͤtige vorhanden/ gelernet.

Jſt nur bey der Oberkeit/ oder bey dem Oberſten eine Ver- ſamlung der Hohenaͤmpter/ Haͤuptleut/ Befehlshaber vnd Ge- richtsleut/ welche vber einen Gefangenen vñ ſeine Malefitzhaͤn- del/ was vnd welcher Straff die werth ſeyen/ berahtſchlagen/ vnd das Vrtheil darauff ſchlieſſen.

Weil es aber nunmehr/ wie kurtz hievor ſtehet/ wenig braͤuch- lich/ ſoll es auch mit geſagtem dißmal hiervon genugſam ſeyn. Jſt aber einmal gewiß/ daß auß dieſer zu ſehr ſtrengen Rechtfer- tigung/ ſie zu lindern/ das Recht vorm gemeinen Mann oder Langenſpieſſen/ darvon bald etwas hernach/ iſt erfloſſen.

E eNachdem Militaris Disciplinæ: oder

Nachdem aber daſſelbig auch dermaſſen beſchaffen/ daß ſich zu beſorgen/ es moͤchten zuweilen vnſchuldige/ oder ja nit durch- auß verſchuldete arme Gefangene/ vmb ſolcher Eyl willen/ jres Rechten verkuͤrtzt/ vnd mit jnen zu geſchwindt gefahren werden: Haben ſie darumb ermeldten Proceß vorn Langenſpieſſen/ wie- wol nit gar oder allerding abgeſchafft/ dahin weyt beſſere Ord- nung/ vnd mit gewiſſen Puncten verfaſſet/ das Malefitzrecht ge- nendt/ vnd demſelbigen das Schuldrecht nachmals zugethan.

II. Boͤſer Brauch etlicher Fuͤrſten vnd Herren.

DAß aber etliche Fuͤrſten vnd Herꝛn/ auch Oberſten/ oder jhre Rumormeiſter/ in Feldzuͤgen den Brauch gehabt/ vnd vielleicht noch haben/ die Kriegsleut/ was ſie deren auſſerhalb der Ordnung vnd ſonſten/ in Haͤuſern/ auch an vnvermeidlichen Orten finden: Deßgleichen alle andere ein wenig nur verdaͤchtige/ jung vnd alte Perſonen/ betretten/ ſon- der Nachforſchung jhrer Verargwohnung/ ohn Vnderſcheidt vnnd Erbar- mung/ ob ſie auch ſchon auffs hoͤchſte/ durch die Armen ſelbſt/ oder andere nicht geringes Standts vnd Anſehens/ Fuͤrbitter/ druͤmb angelangt werden: So taͤglich/ ja ſchier alle Stunde/ wie die Hunde auff hencken laſſen: Daß auch alle Haͤuſer/ Schewren/ Baͤume vñ Hecken ſchier zu wenig ſeyn woͤllen. Vnd ſol- cher gehenckter todter Leute/ jaͤmmerlicher vnd ſchrecklicher Anblick/ den von ferꝛnen anſchawenden abſchewlich erſcheinet/ iſt zwar keines Lobens werth: Sondern eines grewlichen tyranniſchen Gemuͤhts Anzeigung vnd Zeugnuß. Jſt alles in etlichen Zuͤgen in Teutſchlandt manchem viel zu wahr worden.

III. Froͤſche woͤllen Stoͤrcke haben.

STraffe iſt vnnd muß nohtwendig vber vnd bey ſolchem muhtwilligen Hauffen bleiben. Wie weren ſonſt die Widerſpaͤnſti- gen (wie oben auch angeregt) ohne ſolche Schaͤrpffe vnnd Ernſt zu zwingen/ vnd in Furcht zu behalten? Die vbermaß aber ſolcher grauſammen Vnbarmbertzigkeit/ die on zweiffel vm̃ obgeſagter Strengkeit halber/ auch ne- ben den Kriegshandlungen/ Dritter Theil. ben den Boßhafftigen/ eben ſo wol den Vnſchuldigen/ widerfaͤhret/ iſt nicht Chriſtlich.

IV. Langſame Execution miltert den Zorn/ vnd Rache.

LAngſame Execution vnd Vollziehung deß Sententz/ re- trahiert mildert vnd endert offt/ die in Zorn vnnd Eyffer geſorochene Vrtheil/ dieſes probiere ich mit nachgeſetzter Hiſtorten. Auff friſcher That/ geuͤbtes vnnd begangenes/ vnnoͤhtigen/ freuelen Muhtwillens/ ließ An- no 46 N. N auch etwa manchen an den Halß/ weil er noch keine Hoͤrner hat- te/ andern zum Spiegel auffknuͤpffen. Trua ſichs nach der Handt zu/ im Feld- laͤger bey Peimeß im Bayerlandt vngefaͤhr im Auguſto daß die Leut auff dem Landt/ vnd das Bauwersvolck eines ſolchen Fuͤrſtens der vnſer Parthtelte/ Vnderthanen/ ſich hoͤchlich beklagten/ (wiewol im Laͤger bey Leibſtraff vmbge- blaſen ware/ ſich alles Plunderns vnd Nam/ vber vnd auſſerhalb rauhes Fut- ters zu enthalten) inen doch nichts im Hauß vnd Hoff/ an Viehe vnd anderm bleiben mochie. Hierumb N. N. in Zorn bewegt/ ſaß zur ſtundt auff ein Roſſz/ reyt ſelbſt mit vielen andern Herꝛn/ Edellenten vnd Dienern beleytet/ hinauß vors Laͤger/ kompt ihm eben vnder Augen/ ein Wagen mit vier Pferden/ vnd darbey zween Wagenknecht waren: Deren einer ſaß auff einem Pferde/ der ander oben auff den Habergarben/ welche ſie auffgeladen hatten. Man hieß ſie ſtill halten/ vnd den Habern abwerffen/ zu ſehen/ was ſonſten darnnder ge- menget were. Der Bauwer auff dem Wagen ſprach zum Fuͤrſten: Ey/ was darffs der Muͤhe/ es iſt doch nichts dann Haberchen? Dort (zeigt nach der Ar- talarey) muß ichs doch abladen/ vnd weygert ſich hefftig. Da aber kein Auß- redt ſtatt finden wolte/ hub er an herunder zu werffen/ kamen nicht allein Ha- bergarben/ ſondern halbe Schwein/ Ehrinhafen/ Spannketten/ ein Luͤn- diſcher Weiberrock/ ꝛc.

Wie der auff den Pferden mercket/ daß der Katzen das Mauſen vbel bekommen/ vnd ihr die Haaraußgehen wolten/ ſpannete er die Ziehketten deß Pferdes/ darauff er ſaſſe/ allenthalben loß wie ich jhm ſelbſt zeitlich abmerckt/ hieb mit der Geiſſel frey darauff/ vnd rennet darvon.

Ach Herr Gott/ ach Herr Gott/ mit Heulen vnd Klagen kratzet der auff dem Wagen ſein Haͤupt/ vnd raufft ſein Haar. Jch/ der diß ſchreibe/ muſt hin- lauffen/ vnd den Artalarey Profoſen holen: Dem Befahl der Fuͤrſt/ dieſen Bawren in die Eyſen zu ſchlagen/ vnnd den nechſt hencken zu laſſen.

E ijWann Militaris Disciplinæ: oder

Wann ſichs aber ſchicken ſoll/ ſo thuts es/ alſo gieng es auch allhie zu: Dann es kam eben der Scharpffrichter/ auff ſolch Voͤlcklein beſcheiden/ mit einem Knecht daher geritten. Flucks fordert jhn der Fuͤrſt zu ſich/ vnnd ſprach: Siheſtu die- ſen Dieb/ nimme vnd hencke jhn da zum nechſten an ein Baum/ wie dann daſelbſt herumb viel Bierbaͤum in Eckern ſtunden. Antwort der Scharpffrichter: Gnaͤdiger Herꝛ/ E. F. G. bin ich zu gehorſamen ſchuldig/ verhoff aber nicht/ daß E. F. G. hie- wit ernſt ſeye: Auch bitte ich darfuͤr. Du hoͤrſt wol/ was ich dir ſage/ ſprach der Fuͤrſt/ hencke den Dieb auff/ flugs. Sagte der Scharpffrichter widerumb: Jch kan vnd wil diß nit thun/ dann ich hab jhrer dieſen Tag ſchon ſechs gehenckt. Man hat ſie von Weib vnd Kindt hinweggefuͤhret/ vnnd ſolt ſie nun hie auff- hencken/ wie Hunde? E. F. G. bedencken es beſſer: Es ſeyndt ja auch Chriſtenleute/ wie andere. Zorniglich ſagte der Fuͤrſt noch einmal: Hoͤre/ du ſolt jhn/ oder ich wil dich laſſen an ſeine ſtatt hencken. Antwort der Hencker: Jch wils nicht thun/ gab ſei- nem Pferdt die Sporen/ vnd huͤwe darvon. Wie wol der Fuͤrſt jm nachrennet/ vnd mit dem Rumorbengel nach jm warffe/ hatte er (der Hencker) doch den Vorauß/ vnnd mochte jhn nie- mandt ereylen.

Vnder deß hatte der Bawer den Profoſen/ der jhn beym Arm hielte/ vnd hinweg ſchleyffen wolte/ ins Angeſicht geſchlagen/ jhm entruͤckt/ vnd war auch darvon geſtriechen. Dann der Pro- foß allein ohne Diener oder Steckenknecht kommen war. Jm Widerkehren/ als der Fuͤrſt den Bawren nicht mehr/ nur den Profoſen allein/ zwiſchen den vmbſtehenden Adelleuten ſtehen ſahe/ vnd fragte: Wardt er von den Herꝛn/ mit jrer aller groſſem Gelaͤchter/ deſſen berichtet. Der Profoß wardt geheiſſen nach- folgen/ vor deß Fuͤrſten Loſament/ bekam doch nichts/ dann daß der Bart jhm wuͤſt wardt gekemmet. Vnderm Nachteſſen ward der Fuͤrſt dieſer Bawern eyngedenck/ moͤchte deß Schimpffs wol lachen/ Kriegshandlungen/ Dritter Theil. wollachen/ lobt ſie von wegen jhrer Behendigkeit: Alſo auch den Hencker/ daß er nicht wie andere/ ſeines gleichen pflegen/ blutgierig/ ſondern ſo bedaͤchtig geweſen/ befahl jhnen Sicher- heit zu geben/ daß ſie widerkaͤmen/ wie ſie dann alle thaͤten.

V. Galgen mitfuͤhren.

JNdieſem gantzen Krieg hette obgedachter Hen- cker ſeine eygene Wagen/ fuͤhret einen von Thannen Holtz gemachten Galgen mit/ den er allen Abendt gemeinglich auffſchlagen kondte.

Allen Gehenckten/ oder ſonſten zum Todt gebrachten/ wirdtNota. ein Zettel auff die Bruſt oder Kleyder gehefft/ darinn die Vbel- that vnd Vrſach ſeines Todts wirdt vermeldet.

VI. Recht vorm Gemeinen Mann/ oder den Langenſpieſſen.

DA etliche muhtwillige Vbertretter/ als Meut- macher/ Schnauber/ Stampffer/ Friedbrecher/ ꝛc. vorg ſtellet ſeyndt/ vnnd die That alſo klar vnd offen- bar/ das nicht viel Kramantzens oder Theding bedoͤrfftig/ wirdt die Sach vnd Maleſitz dem Oberſten angezeigt/ vnd mit deſſen Conſens vnnd Bewilligung fůr dem gemeinen Mann fuͤrge- nom̃en. Doch laͤſſet der Profoß/ wie viel er Zeugen haben mag/ dem Schultheiſſen zuſtellen/ ſie vmb jhre Wiſſenſchafft/ nach Gewonheit/ wie kurtz hierunden ſtehet/ zu erfragen vnnd ab- zu hoͤren.

Wann dem gantzen Regiment vmbgeſchlagen/ vnnd es mit jhren Wehren zuſammen zeucht/ ſampt den Haͤuptleuten/ Schultheiß mit dem Gerichtſchreiber/ vnd ſeinen Gerichtsleu- E e iijten/ vnd Militaris Disciplinæ: oder ten/ vnd allen andern Befelchshabern. So zuvor der Schul- theiß ein Erinnerung deß geſchwornen Arttculbrieffs/ denſel- bigen laͤſt verleſen/ vnnd das Recht zu ſtaͤrcken/ mit hefftigen Worten gethan. Koͤmpt letztlich der Profoß/ fuͤhret den ar- men Gefangenen in Ring/ wuͤndſchet den Knechten einen gu- ten Morgen/ vnd bittet Vrlaub/ von wegen Regiments/ jhnen etwas anzuzeigen/ vnd daß er guͤtlich gehoͤret werden moͤge: Al- ſo auch bittet er von der Oberkeit/ einen Fuͤrſprechen/ vnnd etli- che Haͤuptleut oder Hohenaͤmpter in ſeinen Raht. Da jhm die- ſelbigen zugelaſſen/ vnnd er widerkompt in den Ring/ ſagt ſein Fuͤrſprech: Jhr Ehren vñ Handtfeſte/ manhaffter Herꝛ Ober- ſter Leutenampt/ Haͤuptleut/ Faͤhnrich/ ꝛc. auch jr ander ehrli- che Kriegeleut/ Edel vnnd Vnedel/ Groß vnd Klein Hans/ in Summa/ der gantze helle Hauffen/ vnder diß loͤblich Regiment gehoͤrig: Jhr woͤllet/ was von wegen Regiments/ euch jhr lieben Landtsknecht/ der Profoß vermelden laſſen wil/ gutwillig hoͤren. Faͤhret darnach weyter fort/ vnd ſpricht:

Alſo Ehren vnd Handtfeſte/ Mannhaffter Herꝛ Oberſter Leutenampt/ Haͤuplleute/ Faͤhnrich/ ꝛc. vnd alle andere redli- che Kriegsleute/ wie ſie von Gott hie vnder diß Regiment ver- ſamlet ſeyndt/ hat der Profoß mir/ dem Herꝛm Oberſten Leu- tenampt/ vnd euch ſaͤmptlichen anzumelden/ befohlen/ nemlich: Daß euch allen wiſſentlich/ was der Durchleuchtig vnd Hoch- geborne Fuͤrſt vnnd Herꝛ/ Herꝛ zu N. N. zu N. ꝛc. vnſer gnaͤ- diger Fuͤrſt vnd Herꝛ/ in ſeiner Fuͤrſtlichen Gnaden Articuls- brieff/ dieſem ehrlichen Regiment zu halten/ vorſchreiben vnd leſen laſſen. Welche Articul ſeiner Fuͤrſtlich Gnad/ inmaſſen ſie geſtellet/ mit Ernſt zu halten befohlen: Darauff wir auch gelobt vnd geſchwohren/ vnd vnſern Beſtallungsbrieff darge- gen empfangen haben. Darinnen nun vnder andern Articuln auch dieſer nicht mit wenigerm Ernſt vnnd Pcen gebotten vnnd verbotten worden: Daß keiner/ er ſey wer er wolte/ darwider handeln Kriegshandlungen/ Dritter Theil. handeln ſolte. Vnd allhie erzehlet er die Vbelthat deß Gefan- genen/ zeiget an/ vnnd machet ſolchen Articul namhafftig. Spricht darnach ferꝛner:

Sintemal ſich aber/ ſolches hohen Fuͤrſtlichen Gebotts vner- achtet/ zu dem das ohn das ehrlichen redtlichen Kriegsleuten/ keines wegs zu thun geziemet/ gegenwaͤrtiger Gefangener N. N. frefentlicher/ muhtwilliger/ mehr dann eins vorſaͤtzlicher Weiſe hat geluͤſten laſſen: Vnd hierdurch die Leibſtraff wirck- lich verdienet/ vnd wol wuͤrdig iſt/ dieſelbige zu entpfahen. So ſtehet der Profoß darumb allhie/ klaget jhn an/ als einen ge- ſchwohrnen Eydts vnd Ehren vergeſſenen/ verwegenen/ Men- ſchen/ vnd einen ſolchen/ der vnder vnd bey gehorſamen Kriegs- leuten laͤnger nicht geduldet vnnd lebendt gelaſſen: Sondern von euch/ vnd euwern ſelbſt eygenen Haͤnden/ der alten loͤbli- chen Teutſchen Gebrauch nach/ ſein Blut heut zu Tag/ ohn allen weytern Auffſchub vergoſſen/ vnnd er vom Leben zum Todt/ ohn alle Barmhertzigkeit/ billich vnd recht/ andern zur Abſchew/ gebracht werden ſolle.

Vnd ob einer oder mehr hiereyn dem Verurtheilten/ auß Nachlaͤſſigkeit oder ſonſt/ Vrſach zur Flucht geben wuͤrden/ daß dieſelbigen an deß Entkommenen ſtatt angenommen/ vnnd wie jhm hette widerfahren ſollen/ ohn alle Barmhertzigkeit al- ſo baldt/ oder ſonder weytern Verzug/ an Leib vnnd Leben ge- ſtrafft werden.

Auff daß jhr alſo dargegen den Ruhm darvon bringet: wie jr ſolche Vngehorſame/ Widerſpaͤnſtige vnd Laſterhafftige/ in ewerm Mittel nicht duldet: Sondern andern frefeln Muht- willern/ zum Exempel vnd Beyſpiel/ ſich vor dergleichen boͤſen Stuͤcken zu huͤten/ auch er ſelbſt es nicht mehr thue/ gewehret vnd vorkommen werde.

Wann ſolches vollendet/ wirdt dardurch mehr hochermeltem vnſerm gnaͤdigen Fuͤrſten vnnd Herꝛn zum ernſten Willen geſchehen/ Militaris Disciplinæ: oder geſchehen/ daß Recht geſtaͤrckt: Auch welches das meinſte iſt/ Gott der Allmaͤchtig vns ſo viel mehr Gluͤcks vnnd Wol- fahrt verleyhen.

Der arm Gefangene bittet auch vmb einen/ der jhm ſein Wort thue/ vnd andere Landtsknecht mehr/ zu denen er ſich guts vertroͤſtet/ in ſeinen Raht: Suchet auff dieſe/ deß Profoſen An- klag Außflucht vnd Beſchoͤnung/ wie vñ wo er kan. Thut auch alſo/ wie der Profoß/ einen Abtritt vmb den andern: Biß letzlich der Profoß die Kundtſchafften vom Gerichtſchreiber zu verle- ſen bittet/ vnnd es alles zu deß Hauffens vnd Regiments Er- kaͤnntnuß ſtellet.

Es doͤrffen die begehrte Raͤhte/ ſo wol deß Profoſen/ als deß Beklagten/ zu nichten ſich begeben/ es habe es dann die Ober- keit/ hierumb von jhnen angelangt/ verguͤnſtiget.

Auch der Gerichtſchreiber lieſet nichts/ ohn deß Schultheiſ- ſen Erlaubnuß vnd Befehl.

1. Raht vnd Auß- ſchuß.

Auff die erſte Anklag deß Profoſen/ vnnd Verantwortung deß armen Gefangenen/ fragt der Schultheiß einen der Ge- richtsleut vmb eine Außweiſung vnd Vrtheil? Dieſer aber be- gehrt/ demnach er/ wie er vorgibt/ ſolchen wichtigen Dingen/ Leib vnd Leben betreffendt/ nicht allein weiß gnug/ etliche ande- re geſchickter Leut in ſeinẽ Raht/ die werden von allerley Kriegs- leuten/ ohn Vnderſcheidt/ durch deß Oberſten Feldtwaͤybel/ da- zu beruffen/ tretten ab auß dem Ring: Vnnd nach dem ſie es vndereinander vberlegt/ zeigen ſie im Ring jhre Meynung den Kriegsleutẽ wider an/ vnder anderm/ daß ſie die Sach/ Klaͤgern vnd Beklagten noch nicht eygentlich gnugſam erklaͤret/ noch ſie dieſelbigen mit allen Vmbſtaͤnden eyngenommen: Wolt ſich derwegen gebuͤhren/ daß der Profoß weyter in ſeiner Widerho- lung vnd Erleuterung ſeiner Klage fortfahre/ vnd die Zeugen- ſage eroͤffnet werden.

2. Raht.

Hierauff wirdt der ander Raht/ in maſſen der Erſte auch dar- zu/ neben Kriegshandlungen/ Dritter Theil. zu/ neben den gemeinen Kriegsleuten/ Hauptleutẽ vnd Befehl- habern außgeſchoſſen: Vnd alſo auff die letzte Klag/ ꝛc. Letz-3. Raht. lich der dritte Raht.

Treffen zween Raͤhte mit jhrem Vrtheil vbereyn/ hat der Handelſchon ſein Endtſchafft: Wie vielmehr/ ſo ſie alle drey gleich ſeyndt. Weren ſie aber alle drey/ jeder fuͤr ſich allein ei- ner ſonderlichen Meynung/ tretten ſie demnach alle drey Raͤhte zuſam̃en/ fordern auch andere mehr zu ſich/ die rechte beſchließ- liche Endtſchafft vnd Außſpruch zu finden. Weſſen ſie in Ver- gleichung erfunden/ wirdt erſtlich dem Oberſten/ wie es jhm gefalle/ angemeldtet.

Selten wirdt es bey dem erſten Raht gelaſſen/ die Vbelthat were dann ſo groß vnd grewlich/ daß nicht Weyterung bedoͤrff- te. Doch geſchihet es/ wie geſagt/ nicht viel.

Jſt es nun an dem/ daß der Beklagte/ auff ſeinen Knien ſi- tzendt/ kein Gnadt erbitten mag/ wirdt von den Spieſſern eine Gaſſen gemacht/ alſo daß der Arme gegen Auffgang der Son-Gaſſen ge macht. nen lauffe/ vnd die mit den Schlachtſchwerdten/ Helmparten/ vnd andern kurtzen Wehren/ fornen: hernach die Doppelſoͤld- ner/ vnd andere gemeine Knecht ſtehen/ wenden die nidergeſenck- te Spieſſe mit den Eyſen gegeneinander. Die Faͤhnrich ſtehen mit jhren Faͤhnlein oben am Endt der gemachten Gaſſen/ vnnd wann der Arme dieſelbigen erlangen moͤchte/ were er darnach frey: Sed quando? Nunq0301;uam.

Es woͤllen etliche/ die Faͤhnrich ſollen jhre Faͤhnlein vmb/ vnd die Eyſen vnder ſich kehren/ ſo baldt im Anfang dieſes Pro- ceß/ vnnd ſie nicht ehe wider vber ſich drehen/ biß dieſer Vbel- thaͤter geſtrafft worden ſeye. Vnder deß/ daß zum Oberſten ge- ſchickt/ vnd die Gaſſen gemacht wird/ empfaͤhet der Arm Troſt/ auß Gottes Wort/ von einem zugeordneten Prædicanten.

Darnach fuͤhret jhn der Profoß vor die Gaſſen/ ſpricht/ er ſolle im Namen deß Vatters/ deß Sohns/ vnd deß H. Geiſtes/ F fhinfahren/ Militaris Disciplinæ: oder hinfahren/ ſtoͤſt jhn hinvor vnder die Wehr/ da er nicht lang auffrecht beſtehen bleibt/ ſondern bald nidergeſchlagen/ vnd ge- ſtochen wirdt/ daß er nicht ferꝛn darnach darff lauffen/ vnd die langen Spieß nit erreichet.

Wann dieſer nun der Geſtalt ſeine Noht außgeſtanden/ wird die Zugordnung wider auffs new gemacht/ ziehen dreymal vmb den Hingerichten herumb/ vnd ſchieſſen ſo vielmal alle Schuͤ- tzen ab/ darnach wirdt der Todt zur Erden beſtattet.

VII. Die Hackenſchuͤtzen erſchieſſen einen in Franckreich.

ANno 48. wie etliche deß Koͤnigs zu Franckreich Hauffen/ ſonderlich die Teutſchen/ vor Bolonien in Pi- cardy zu Feldt lagen/ hab ich geſehen/ daß auff einem ho- hen Vfer deß Meers/ an einem Creutz/ ſo auffrecht ſtundt/ von Schantzbauwern mit Erden ein Standt/ etwan drey Schuch hoch/ gemacht wardt. Vndlangſt hernach brachten ſie auß Monpleſier/ der neuwen Feſtung/ ſo der Koͤnig gegen Bo- lonien vber gebauwet hatte/ ein gefangenen Frantzoſen vnnd Kriegsmann/ ſolte durch deß Oberſten Loſament geſchoſſen ha- ben. Den ſtellet der Profoß auff den Buͤhel mit Erden/ an dem Creutz/ wie vor geſagt/ gemacht/ ließ jhm vnden die Fuͤß ans Creutz/ vmb den Leib mit ſeinem eygenen Guͤrtel binden/ die Au- gen bandt jhm der Profoß ſelbſt zu mit einem leinen Tuch.

Baldt zogen die acht Faͤhnlein Piedmonteſer/ ſo in der Fe- ſtung Monpleſier/ zur Beſatzung lagen/ daher in der Ord- nung mit jhrer Wehr/ die Doppelſoͤldner theilten ſich zu bey- den Seyten/ daß zwiſchen jhnen hin eine lange Gaſſen/ biß zum Armen/ an das Creutz gebunden Menſchen/ war. Als dann tratten Kriegshandlungen/ Dritter Theil. tratten zween Hackenſchuͤtzen durch die Gaſſen hinvor zu dem Armen/ ſchlugen an/ ſchoß jhn der erſt vornen an die Stirn/ der ander in die Bruſt.

Der Serganten/ das iſt/ der Feldtwaͤybel einer/ fuͤhrete darnach die andern Hackenſchuͤtzen daher auch in die Gaſſen/ doch nicht ſo gar nahendt hinzu/ ließ jmmer ein Gliedt nach dem andern/ auff dieſen Menſchen/ nur auß freyer Handt ab- ſchieſſen. Welches Gliedt dann loßgebrandt/ trat beſeyt ab/ vnd ein anders herzu/ biß ſie alle abgeſchoſſen hetten. Der letzte Schuß (ich habs in Warheit geſehen) traff jhn noch/ daß er zucket/ wiewol ſeiner wenig fehleten. Seine Beine/ Arm vnnd den Leib allenthalben gleich hetten zerſplittert. Sein Hirn zot- tort jhm vornen zum Haͤupt herauß/ wie in Blut eyngetauchte Lumpen/ an vielen Enden.

VIII. Einer vorn Spieſſen verdampt/ mit dem Schwerdt gericht.

JM Feldlaͤger vor Schweinfurt/ Anno 53. ward einer vorn gemeinen Mann geſtellet/ zum Schwerdt verdampt/ vnnd das darumb/ weil er ſelbſt ſein Vrtheil ſolte gefellet vnnd begehrt haben/ daß er moͤchte das Schwerdt bekommen. Er hatte Feuwer geholet/ eine Suppen zu kochen/ vnd daſſelbige durch die Loſamenter/ mit Stroh gedeckt/ getra- gen/ ließ eine Kolen fallen/ ſahe es/ vnd hub ſie doch nicht auff/ oder trat ſie auß: darvon das gantze Laͤger faſt ab- brennet/ vnd groſſer Schad ge- ſchahe.

F f ijKurtzer Militaris Disciplinæ: oder
IX. Kurtzer ſummariſcher Proceß/ ins Ampt eines Schultheiſſen gehoͤrig/ vnd in Ma- lefitzſachen braͤuchlich.

NJcht alle Koͤche (ſagt man) die lange Meſſer tragen: Alſo auch ſeyndt druͤmb nicht alle zu denen Sa- chen vnd Emptern/ zu welchen ſie Vermeſſenheit oſten- tiret vnd dargibt/ qualificirt vnd gnugſam. Dann/ wie ein vn- erfahrner Koch/ eine jhm vorhin vnbekandte Speiſe/ ob er ſie wol nach ſeinem beſten Gutbeduͤncken/ mit Gewuͤrtzen vnd an- derm nit dazu dienlichen oder gewoͤhnlichen Specien/ vermeynt zuzurichten/ ſie viel ehe vnnd mehr verderbt vnd vngeſchmackt/ dann anmuͤhtig machet: Gleicher maſſen geſchicht offt denen/ welche ſich ſolcher Haͤndel/ darvon ſie in Vorzeiten keinen vollkommenen Bericht eyngenommen/ vnderfahen/ vnd nichts dann Schimpff dardurch bewegen.

Derhalben ſoll ein jede Oberkeit/ in Erwehlung jhrer Ho- henaͤmptern/ beſondern eines Schultheiſſen wol auffmercken/ daß derſelbige ſey eine feine/ verſtaͤndige/ ernſte Perſon/ nicht al- lein: Sondern darneben/ wie in Kriegslaͤufften/ Raht vnd an- ſchlaͤgig: Alſo in Politiſchen/ Gerichtlichen vnd weltlichen Sa- chen (ich darff nit ſagen/ Goͤttlicher Schrifft) geuͤbt vnd laͤuff- tig. Der weyß/ was weiß vnd ſchwartz/ das iſt/ was recht oder vnrecht: Jtem ſtreittige/ zweiffelhafftige Spaͤñ vnd Jrꝛthumb rechtſchaffen zu vnderſcheiden vnd hinzulegen wiſſe.

Fuͤrnemlich aber/ der ſolchen Laſtern/ welche er an andern ☞Vbertrettern zu ſtraffen vnd zu verbeſſern/ geſetzt werden ſoll/ als Gottslaͤſtern vnnd ſtaͤtter Trunckenheit nicht ſelbſt zuge- than vnnd gewohnet/ welche Stuͤck ſein Ampt in gebuͤhrenden vnd billichen Standt vnd Brauch zu bringen/ vnd erhalten/ jhn inſonder heit mercklich verhindern. Vielmehr aber ſeine nuͤch- terne Kriegshandlungen/ Dritter Theil. terne tapffere Beſcheidenheit/ andere von dergleichen Laſtern abhaͤlt/ vnd ſeinem Exempel zu folgen erjnnert: Schafft auff ſolche Weiß groſſen Nutzen/ jhm ſelbſt vnd andern.

Dann wie die Schlaͤg vnd Verwundung/ die euſſerlichen Glieder laͤhmen/ vnd vngebraͤuchlich pflegen zu machen: So thut nichts wenigers taͤgliche Fuͤllerey vnd Trunckenheit/ debi- litirt vnd ſchwaͤcht die jnnerliche/ wie ſie genennet werden/ Sin- ne/ daß ſie jhr recht Ampt/ je gewißlich am beſten Theil/ nicht außrichten moͤgen.

Auß geſagten Vrſachen iſt auch ſolche Sobrietet vnd Nůch- ternheit/ an einem Schultheiſſen/ inſonderheit nuͤtzlich vñ loͤb- lich/ ſo er kuͤnfftigen Morgen dem Malefitzrechten vor ſeyn/ Kundtſchafften abhoͤren/ oder ſonſten dergleichẽ wichtige Haͤn- del verwalten ſoll. Were auch wol noht vnd fuͤgſam/ da alle die jenige/ welche den kuͤnfftigen Morgen/ dem Rechten Beyſitzer geben ſolten/ den Tag zuvor den Trunck/ ſo viel muͤglich/ ver- mitten. Dann den Abendt gar voll/ iſt den Morgen noch halb toll. Vnd iſt vnmuͤglich/ daß ein ſolchs/ durch den Soff vber- laden Gemuͤht/ ſo vollkommen Verſtandt/ als eines/ das vom Wein frey iſt/ haben ſolte.

Diß iſt auch den geforderten Zeugen geſagt: darmit ſie jhr Gewiſſen/ das dermaleins nicht auſſen bleiben wirdt/ deſto auff- richtiger behalten. Ob ich nun bey den meinſten hiermit nicht ſo groſſen Danck erlauffen werde/ ſchadet nichts/ es iſt gleich- wol wahr/ vnd hab ichs trewlich gut gemeynet.

Experto crede Ruperto.

X. Gerichtſchreiber/ Gerichtswaͤybel/ vnd Gerichtsleute.

DEm beſtellten Schultheiß wil auch nohtwen- dig gebůhren/ daß er ſich mit einem geſchickten verſtaͤn- F f iijdigen Militaris Disciplinæ: oder digen Schreiber/ der auffmerckendt/ vnd der Handtfertig ſey: auch allerley/ was vorlaͤufft/ ordentlich zeichnen vnd verfaſſen koͤnne. Jtem mit einem vnverdroſſenen/ fleiſſigen/ auffwarten- den Gerichtswaͤybel: So auch zum dritten/ mit alten/ tapffern/ Kriegserfahrnen/ ehrbarn vnd anſehnlichen Perſonen/ die man Gerichtsmaͤnner nennet/ vmbſehe vnd gefaſt mache. Solche ſoll er auß den Faͤhnlein/ deſſen Regiment er der Schultheiß vorgeſetzt: Zum allerwenigſten ſechs (doch nach einer jeden O- berkeit/ Herꝛn vnd Oberſten wolgefaͤlligem Befehl) erwehlet vnd verſehen/ daß je zum wenigſten/ wie auch der Gerichtſchrei- ber vnd Gerichtswaͤybel ſie wachtfrey/ vnd auff dem Zug nicht eben in die Ordnung gezwungen werden.

Solchen ſoll er zum hefftigſten vnderſagen/ vnd ſie vermah- nen/ erſtlich den Gerichtſchreiber: daß er in ſeinem Schreiben kein Perſon anſehe/ die Gewaltigen den Armen nicht vorziehe/ oder den Armen vmb deß Reichen willen verhindere: Keinen/ wes Standts oder Weſens er woͤlle/ keiner Parthey/ ſie ſey Feindt oder Freundt/ vmb Miet oder Gab willen/ es ſeye in Kundtſchafften zu verfaſſen/ Klag oder Antwort/ nichts außbe- ſcheiden/ nicht zuviel oder zu wenig/ ſondern was er hoͤre/ vnnd was recht iſt/ ſchreibe/ vnd nichts darvon auſſen laſſe.

Deß Gerichtwaͤybels Ampt iſt/ ſonderlich auff den Schul- theiſſen zu warten/ ohn ſein Vorwiſſen/ auß dem Laͤger ſich nicht zu begeben: Auff daß nicht/ ſo man ſeiner bedoͤrffte/ durch jhn jemandt verſaͤumet wuͤrde: Was jhm befohlen wirdt/ vn- verdroſſen/ vnnd zu guter Tagzeit außrichten/ vnd keiner Par- they/ zu Vortheil oder Nachtheil/ ſolches vber gebuͤhrliche Zeit zu verhalten.

Den Gerichtsleuten/ gleicher Geſtalt ſich im Laͤger zu hal- ten/ Ermhanung thun/ ſie erinnern/ in vorgebrachter Klage vnnd Antwort auffmerckendt/ wol wahrnemmen/ vnnd kei- ner Parthey zuvor der andern/ weyter dann im Recht gebuͤhr- lich/ ge- Kriegshandlungen/ Dritter Theil. lich/ geneygt zu ſeyn: Sondern nach loͤblicher Außweiſung Rechtens etklaͤren.

Daß ſie alle/ der Schreiber/ Waͤybel vnd alle Gerichtsleut/ dieſes alſo ehrlich vnd auffrichtig annemmen/ halten/ vnd wirck- lich vollnbringen woͤllen/ laͤſſet er jhm/ ſie alle vnd jeden beſon- der fuͤr ſich ſelbſt/ Ja/ ſagen/ vnd mit Handtgeluͤbtnuß verſpre- chen: Darnach mit auffgerichten Fingern/ wie oben die Eydt- ſtattung/ als das gantz Regiment in Eydt genommen/ begreif- fet/ ſchwehren.

Es plegt auch ein weiſer/ fuͤr ſichtiger Schultheiß/ ſonderlich ſo ehehaffte Handlungen vorhanden ſeyn/ oder man Recht hal- ten wil/ die Gerichtsleut zu ſich fordern/ ſie gleich wie auff einer Schul/ von dieſem vnd jenen Articul examiniren vnd befragen/ was vnd wie ſich in einem vnd andern zu achten/ vnd zu halten: Da einer von dem andern vnderricht zu werden/ ſich nicht ſoll beſchweren oder beſchaͤmen.

XI. Gerichtsbanck.

AVff einem bequemen Ort (geſchicht gemeinglich auffm Lermanplatz/ doch mit der Oberkeit Vorwiſſen) ge- bůrt dem Gerichtswaͤybel/ die Gerichtsbanck auffzuſchla- gen vnd zuzurichten. Doch alle zeit alſo: Daß dem Schultheiſ- ſen die Sonne auff den Ruͤcken ſcheine/ vnnd der arme Beklagte gegen Auffgang geſtellet werde.

XII. Vmbſchlagen zum Malefitzrechten-

VNd ſo man nechſtkuͤnfftigen Morgen Malefitz- recht halten wil/ ſoll den Tag zuvor/ am Morgen ſehr fruͤhe/ Militaris Disciplinæ: oder fruͤhe/ deß Oberſten Trommenſchlaͤger vmbſchlagen/ ſchreyen oder ruffen/ ohngefehr dieſer Geſtalt.

Alſo jhr Bruͤder: Alle die Haͤuptleut/ alle die Faͤhnrich/ alle die Feldtwaͤybel/ alle die Gerichtsleut/ alle die Fuͤhrer/ vnd alle die zum Maleſitzrechten gehoͤrig vnnd beſcheiden ſeyn/ die kom- men Morgen vmb 7. Vhr vor die Banck/ da wil man Maleſitz- rechthalten. Ob nun einer oder mehr Kriegsmañ were/ der mit dem andern auff ſolche Weiß/ oder deß Orts zu ſchaffen hette/ der laß jhm vorgebieten/ durch den geſchwornen Gerichtswaͤy- bel/ bey rechter Tagzeit vnnd Sonnenſchein/ nach Ordnung deß Rechten.

XIII. Gerichtwaͤybels Vorgebott.

WElche nun/ wie geſagt/ kůnfftigen Morgen an Malefitzrechten/ oder Schuldtrechten/ andere anzu- langen/ vermeynet/ es ſey gleich/ der von Regiments wegen Profoß oder andere/ muͤſſen es auch zeitlich gnug/ dem Schultheiſſen/ dem Gerichtswaͤybel zu befehlen/ anzeigen. Dann ohne oder hinder deß Schultheiſſen Befehl ſoll der Ge- richtswaͤybel/ in ſolchen Dingen auch nicht das allergeringſt vornemmen. Da er aber den Geheiß empfangen/ gehet er hin/ vnd ſagt zu demſelbigen/ ſein Staͤblein in der Handt tragende: Alſo lieber N. der Schultheiß ſchickt mich zu euch/ mit Befehl/ euch anzuzeigen: Daß euch der Profoß (oder wer es ſonſt iſt) laͤſſet vorgebieten/ jhm Morgen an Malefitz (oder Schuldt- rechten) gebuͤhrliche vnd rechtliche Antwort zu geben. Darauff werdet jhr euch zu bedencken/ gehorſamlich zu erſcheinen/ vnd daß ich euch zeitlich gnug ankuͤndiget habe/ mir Zeugnuß zu geben wiſſen. Hie- von auch vnden/ cap. 39.

Wie Kriegshandlungen/ Dritter Theil.
XIV. Wie Morgens wider vmbgeſchlagen/ Vnd wie ſtarck die Gerichtsbanck zu beſetzen.

FOlgendts Morgens ſoll wider durch deß Ober- ſten Trommenſchlaͤger/ auff die Weiſe/ vnd mit Benen- nung derer/ wie den Abend zuvor beſchehen/ vmbgeſchla- gen werden: Auff daß ſich alle/ die zum Malefitzrechten beſchei- den ſeyn/ zur Gerichtsbanck verfůgen.

Nemlich der halbe Theil Haͤuptleut/ ſampt jhren Faͤhnri- chen/ Feldtwaͤybeln vnd Fuͤhrern/ ſo vnder ein Regiment gehoͤ- rig: Oder wie vorgemeldt/ nach Gefallen der Oberkeit. Doch/ daß ohne den Oberſten Leutenampt/ den Schultheiſſen vnnd Gerichtſchreiber/ vnder 24. Perſonen im Rechten nit ſitzen.

So auch einer oder mehr von Haͤuptleuten oder der andern jemandt/ ſo zum Rechten verordnet/ nicht vorhanden/ Kranck- heit oder ſonſt noͤhtigen Geſchaͤfft halber perſoͤnlich nit erſchei- nen koͤndten: Soll ſolches dem Schultheiſſen angezeigt/ vnnd an ſtatt eines Haͤuptmanns/ deſſen Leutenampt/ vnnd fuͤr der andern einer ſonſt ein geſchickter redlicher Mann verordnet vnd zugelaſſen ſeyn.

XV. Mangel derer/ die im Rechten ſitzen ſol- len/ zu erfuͤllen.

WEre ein Regiment nicht ſo ſtarck/ daß ſo viel Haͤuptleut/ Faͤhnrich/ Feldtwaͤybel vnnd Fuͤhrer vor- handen/ daß die vier vnnd zwantzig Perſonen koͤndten erfuͤllet werden/ mag der Schultheiß ſonſt einen anſehnlichen alten Kriegsmañ/ vnder eim Faͤhnlein fordern/ mit im Rechten zu ſitzen. Wuͤrde ſich aber dieſer mit allerley Außreden vnderſte- G ghen/ deſ- Militaris Disciplinæ: oder hen/ deſſen zu entſchlagen/ laͤſt der Schultheiß/ wanns Recht nider geſeſſen/ daruͤber erkennen: Ob er es nicht den Herꝛn vnd Rechten zu gehorſamen ſchultig ſeye? ꝛc.

XVI. Rechtstage/ wie ſie nacheinander folgen.

AVch ſollen allweg (verſtehe vmb einerley/ erſtes Termins/ vorgetragen Sachen) drey Rechtstag/ die nech- ſten nacheinander/ doch daß etliche Tag je darzwiſchen ver- lauffen/ darmit jeder Parthey jre Kundtſchafften verfaſſen/ vnd mit Eylen niemandt verkůrtzt worden ſeyn/ ſich beklagen moͤ- ge/ gehalten werden.

Doch aber mag ein Oberſter ſolche Zeit lang oder kurtz/ gleich- wol auch nicht kuͤrtzer/ dann daß ein Tag zwiſchen den Rechts- tagen allweg ledig bleib/ benennen/ oder ſonſten auch nach Ge- legenheit allerley vorfaͤlligen Sachen.

XVII. Anfang deß Malefitzrechten.

ALle Rechtstage ſoll der Gerichtsſchreiber fleiſſig mit der Jahrzahl vnd Monatstag/ auch in welchem Laͤ- ger/ tituliren vñ verzeichnen: Alſo auch was es fůr Sachen ſeyen. Jtem/ ſo eines Rechtfertigung abgehandelt/ die folgende allweg ſonderlich/ vnd auffs neuw/ vnd wer die Parteyen ſeyen/ auffs Papier bringen.

Wann nun maͤnniglich zur Gerichtsbanck kommen/ ſoll ſich der Schultheiß auff deß Oberſten Leutenampts lincke Seyten/ vnd der Gerichtſchreiber wider dem Schultheiſſen zur lincken Handt ſitzen/ vnnd der Schultheiß den Gerichtsſtab in ſeine Handt nemmen/ vnd ſagen (etliche laſſen diß den Gerichtswaͤy- bel auß- Kriegshandlungen/ Dritter Theil. bel außruffen) Jhr Haͤuptleut/ jhr Faͤhnrich/ jhr Feldtwaͤy- bel/ Gerichtsleut vnd Fuͤhrer/ ſetzt euch zum Rechten: Vernim̃ die jenigen/ ſo diſmal darzu beſcheiden. Vnnd allweg ſoll der Schultheiß dieſe Ordnung halten: Daß er eines jeglichen Haͤuptmanns Standt oder Alter/ deßgleichen auch der andern/ erwege: vnd derhalben der Gebuͤhr nach ſie nider zu ſitzen: Der- geſtalt/ da etliche vom Adel/ oder ſonſt fuͤrtreffliche Leut weren/ auff ſeine/ deß Schultheiſſen rechte Seyten verordnen.

Da jetzundt nach Ordnung die Banck beſetzt/ nemlich am erſten Rechtstag vnderdẽ dreyen nechſt nacheinander folgende/ macht der Schultheiß ſeiner Rede Anfang alſo/ vnd ſaget/ wie folgt: Alſo jhr lieben Haͤuptleut/ Faͤhnrich/ Feldtwaͤybel/ Ge- richtsleut vnd Fuͤhrer/ lieben Kriegsleut/ nicht wenigers jhr an- dern deß Vmbſtandts/ allda werde ich euch deß Durchleuchti- gen vnd Hochgebornen Fuͤrſten vnd Herꝛn/ Herꝛn N. ꝛc. vnſers gnaͤdigen Fuͤrſten vnd Herꝛn Articulbrieff verleſen laſſen/ woͤl- let darumb fleiſſig/ vnnd mit Ernſt auff einen jeden Articul be- ſondern hoch achtung geben/ vnnd dieſelbigen wol eynnemmen/ damit wir als dann/ wie im Recht billich iſt/ fortfahren.

Zu dieſer Vermahnung wirdt auch diß gethan: daß ſo einer oder mehr dieſen oder jenen Articul noch nit oder gnugſam ver- ſtuͤnde/ oder verſtehen moͤcht/ ſoll zum Schultheiſſen in ſein Lo- ſament kom̃en/ wañ er wolt/ vnd deſſen gnugſamen Bericht fin- den. Nachverleſenem Articulsbrieff/ durch den Gerichtſchrei- ber beſchehen/ ſpricht der Schultheiß weyter: Dieweil nun jetzt hochgedachtes vnſers G. F. vñ Herꝛn ꝛc. Articulsbrieff/ jr lieben Haͤuptleut/ Faͤhnrich/ vnd jhr andern Kriegsleut ſaͤmptlich zu dieſem Recht heutiges Tags beruffen/ habt verleſen hoͤren/ zweiffelt mir nicht/ jhr habt eygentlich/ was ſein F. G. mit Ernſt wil von vns gehalten haben/ verſtanden: Auch jhr ohne das/ was Kriegsleuten zu thun eygnet/ vnnd wol anſtehet/ euch zu berich- ten wiſſet: So ſeyd jhr mir/ als verordnetem Schultheiſſen/ G g ijalle Militaris Disciplinæ: oder alle miteinander einen leiblichen Eydt/ mit auffgereckten Fin- gern/ zu Gott dem Allmaͤchtigen/ vñ ſeinem allein ſeligmachen- den Wort/ zu ſchwehren ſchuldig: Daß jhr ſampt mir/ nicht an- geſehen Freundt oder Feindſchafft/ Hochheit noch Gewalt/ Ar- mut oder Reichthumb/ kein Geſchenck/ Miet oder Gaab/ Goldt oder Silber/ noch etwas anders/ wie das durch Menſchen Liſt moͤcht erdacht werden/ oder jmmer auffs argliſtigſt zu erdencken were/ heutigs Tags vber Leib vnd Leben/ Fleiſch vnd Blut/ Ehr vnd Gut/ vnnd vber alles/ ſo fůr meinen Gerichtsſtab kommen wirdt/ Vrtheil ſprechen vnd fellen: Anders nicht/ als wir ſollen vnd wollen/ daß Gott der Allmaͤchtig/ am Juͤngſten Gericht v- ber vnſere arme Seelen richten vnd vrtheilen ſolle. Dann dem- ſelbigen/ der mit vns iſt/ vnd ſitzt gegenwaͤrtig im Gericht/ alle verborgene ding/ wie ſie auch vor der Welt verſchlagen werden/ offenbar heller vnd klaͤrer ſeyndt dann die Sonne.

Die Haͤuptleut/ Faͤhnrich/ Feldtwaͤybel vnd Gerichtsleut/ laͤſt er bey jhrem vorigen/ dem Herꝛn geleyſteten Eydt bleiben/ vnd jhm allein an Eydts ſtatt Handtgeluͤbtnuß thun. Die Fuͤh- rer aber/ vnnd die an ſtatt anderer (ohne deß Oberſten Leuten- ampts) im Rechten ſitzen/ thun dem Schultheiſſen/ gleich den Haͤuptleuten/ Faͤhnrichen/ Feldtwaͤybeln vnd Gerichtsleuten/ zu erſt Handtgeluͤbtnuß: Den Eydt aber ſeyndt ſie/ wie vorge- meldt zu ſprechen ſchuldig. Vnd diß vnder den dreyen am erſten Rechten. Vnd ſo diß vollendet/ vnd man fůrter 3. newe Rechts- tag anhebẽ wil/ muſſen ſich der ander halbe Theil/ oder wie ſichs ſchicken wil/ deß Regiments Haͤuptleut/ Faͤhnrich/ Feldtwaͤybel vnd Fuͤhrer darzu verfuͤgen/ vnd wirdt gleicher Geſtalt mit ver- leſen deß Artickulbrieffs/ Vermahnung vom Schultheiſ- ſen/ geloben vnd Eydtſchwehren/ wie kurtz hievor angezeigt/ auffs newe procedirt.

Schultheiſ- Kriegshandlungen/ Dritter Theil.
XVIII. Schultheiſſen Vmbfrag an die Ge- richtsleut.

NAch Stattung deß Eydts/ ſpricht der Schul-1. theiß zu einem der Gerichtsleut/ alſo: A. ich frage euch bey ewerm Eydt/ ſo viel hochermeldtem vnſerm Gnaͤdi- gen Fuͤrſten vnnd Herꝛn zu N. jhr geſchwohren/ ob es auch noch bey guter Tagzeit/ nicht zu fruͤh oder zu ſpat/ der Tag nicht zu heylig oder zu ſchlecht ſey/ daß ich moͤg auffhebẽ mein Gerichts- ſtab/ vnd vrtheilen ſampt meinen verordneten Mittrichtern/ v- ber Leib vnd Leben/ Fleiſch vnd Blut/ Ehr vnd Gut/ vnd vber al- les/ ſo vor meinen Gerichtsſtab bracht wirdt.

B. Jch frage euch bey ewerm Eydt/ ꝛc. Wann ſichs begebe/2. daß jetzundt ein Lerman vñ Feldgeſchrey ſich erhuͤbe/ ein Brunſt oder Feuwer im Laͤger außkaͤme: Ob nicht billich ich ſampt mei- nen Mittrichtern auffſtuͤnde/ dem Feindt einen Widerſtandt zu thun/ den Lerman zu ſtillen/ das Fewer vñ Brunſt zu leſchen: Vnd da ſolches alles wider zu ruͤck vnd abgeſchafft/ vnnd noch bey guter Tagzeit were: Ob ich nit billich meinen Stab wider in meine Handt moͤcht nem̃en/ zu richtẽ in aller Maſſe wie vorhin.

C. Jch frag euch/ bey ewerm geſchwohrnen Eydt/ ꝛc. So viel-3. leicht die Hohe Oberkeit/ oder der Herꝛ Oberſter/ nach mir ſchi- cken/ vnd mich in die Raͤht erfordern wuͤrde/ ob ich nicht auß vn- derthaͤnigem ſchuldigen Gehorſam/ billich auffſtuͤnde/ vnd dar- mit vnder deß das Recht ſeinen Fortgang haben moͤchte/ Gewalt hette/ einem andern ehrlichen Mañ neben mir/ oder ſonſt einem in der Banck/ meinen Stab zu vberliffern: Daß derſelbig die- weil an ſtatt meiner/ als ob ich ſelbſt da were/ alle nohtwendige Sachen verwaltet. Da aber bey meiner Oberkeit ich mein Ge- ſchaͤfft außgericht/ vñ wider kaͤme/ meinẽ Stab wider zu handen moͤcht nemmen/ vnd richten vber alles/ ſo davor bracht wirdt.

G g iijFuͤrter Militaris Disciplinæ: oder

Fuͤrter D. frag ich euch bey ewerm Eydt/ ſo offt hochermel- tem vnſerm gnaͤdigen Fuͤrſten vnnd Herꝛn/ ꝛc. jhr geſchwohren habt/ ob auch dieſe Gerichtsbanck/ mit ehrlichen/ auffrichtigen/ vngeſchmaͤheten Kriegsleuten/ als nemlich Haͤuptleuten/ Faͤhn- richen/ Feldtwaͤybeln/ Gerichtsleuten vnd Fuͤhrern/ beſetzt vnd beſchloſſen/ vnd ſie dieſer Ehren wirdig ſeyen. Da aber das Ge- gentheil ſich erfuͤnde/ den oder dieſelbigen zur ſtundt klaͤrlich namhafftig machen/ vnd nichts verſchweigen/ damit durchauß/ was ehrlich vnd recht angefangen/ auch alſo vollendet wuͤrde.

Solche vier oberzehlte Articul mag er alle/ einen Gerichts- mañ allein/ oder jeglichen einen beſondern fragen: Pflegen ſie/ ſolche deß Schuliheiſſen Frag/ von Wort zu Wort/ bey jederm Articul widerholen/ vnnd bey jhrem Eydt behalten/ daß es bey guter Tagzeit: deß Feindtsgeſchrey/ Lerman/ Fewer vñ Brunſt zu ſtillen/ ꝛc. auch ſeinen Stab einem andern zu liffern/ vnnd wi- der zu nemmen/ ꝛc. billich/ vnd die Gerichtsbanck mit ehrlichen Haͤuptleuten/ Faͤhnrichen/ Feldtwaͤybeln/ Gerichtsleuten vnd Fuͤhrern beſtellet ſey/ antworten.

Vnd dieſe vier Articul ſeyndt die noͤhtigſten. Etliche aber von den Elteſten/ ſetzen auch hinzu/ vom vmbtragẽ deß Sacraments: Auch auß den newen: ob man Predig anfahen wuͤrde/ ꝛc. Achte ich dieſer Vmbfrag ſey von vnnoͤhten/ ſintemal das Sacra- ment nicht mehr bey vns/ nach Baͤptiſchem Brauch vmbtragen wirdt. So auch eben die Zeit/ wann man predigen wil/ das Recht ſo lang/ biß nach der Predig ſparen kan. Doch jederm ſein Gut- beduͤncken hiemit vnverachtet/ ſondern vielmehr frey geſtellet.

Auff ſolches thut der Schul heiß letzlich/ vber dieſe vier ob- geſetzte Articul ein Vmbfrag abermal an einen Gerichtsmann/ darnach an einen jeglichen in der Gerichtsbanck ſitzende/ ob es nemlich mit dieſen vieren Articuln gnugſam/ was zum Rechten dienlich vnd ruͤhmlich/ verwahret ſey.

Welche ſaͤmptlich/ vnd ein jeder beſondern gefragt/ einhellig Antwort Kriegshandlungen/ Dritter Theil. Antwort geben/ vnd bey jhrem gepflegten Eydt/ recht/ vnd im Rechten begruͤndet zu ſeyn/ erkennen vnd ſagen. Spricht der Schultheiß weyter.

XIX. Verbannen oder Spannen der Ge- richtsbanck.

DJeweil jr dañ/ lieben Haͤuptleut/ Faͤhnrich/ ꝛc. liebe Kriegsleut/ alle ſaͤmptlich/ dieſe gefragte Articul/ ohn allen vorbehalt fuͤr recht vnd kraͤfftig erkendt: So verbanne ich nach altem Gebrauch vnnd wolhergebrachter Ge- wonheit das loͤblich Malefitzrecht/ ſo von loͤblichen Keyſern/ Fuͤrſten vñ Herren/ als Goͤttlichen vnd natuͤrlichen Rechten ge- maͤß/ geordnet/ erſtlich von wegẽ Gottes deß Allmaͤchtigen: dañ von demſelbigen/ als dem Brunnen aller Weißheit/ alle Rechte jren Vrſprung haben. Derſelbig woͤlle vns auch heutigs Tags zeitigen Raht vnd Verſtandt verleyhen/ ſolche Vrtheil vñ Sen- tentz/ auff Klag vnd Antwort zu ſprechen/ vnd richten vber ſchul- dig vnd vnſchuldig: Als wir ſollen vnd woͤllen/ daß er als ein ge- rechter Richter/ in ſeinem letzten Gericht/ vber vnſere arme Seelen richten ſolle.

Zum andern/ verbanne ichs in Nahmen/ vnd von wegen deß Durchleuchtigen vnd Hochgebornen Fuͤrſten vñ Herꝛn/ Herꝛn N. N. zu N. ꝛc. vnſers Gnaͤdigen Fuͤrſten vnd Herꝛn.

Jch verbann es auch zum dritten/ von wegen deß Geſtrengen vnd Edlen/ Herꝛn G. von R. Rittern/ vnſers lieben Herꝛn O- berſten/ vber diß loͤblich Regiment Landtsknecht.

Zum vierden vnd letzten/ verbann ichs auch von wegen mein/ N. vnd N. als eines verordneten Schultheiſſen/ vnnd von we- gen meines/ durch meine Oberkeit/ mir darzu vbergebenen Gerichtſtab.

Alſo Militaris Disciplinæ: oder

Alſo hierumb nun gebiete vnd verbiete ich/ als ein Schul- theiß/ ohn widerruͤfflich/ daß keiner ſonder Verlaͤubnuß in das Recht rede/ trette/ noch ſich nider ſetze/ oder ohne Verlaͤubnuß auffſtehe/ bey vermeydung gewoͤhnlicher Peen eines Goldgultẽ.

Dieſer Frefel wirdt verbuͤſſet mit Cronen/ oder in Goldt/ Thalern/ ꝛc. darnach der Herren Bezahlung jeders Orts gehet.

XX. Ermahnung an den Vmbſtandt.

JCh wil auch den Vmbſtandt fleiſſig verwarnet haben/ daß ſie ſich huͤten/ damit keiner die Gerichtsbanck anruͤhre/ bey Peen eines Goldtguͤlden.

Soll auch maͤnniglich mit Ernſt gewarnet ſeyn/ ſich fůr Schaden wiſſen zu huͤten/ nemlich: So der Profoß oder ſeine Diener/ einen oder mehr Gefangenen vorfuͤhren wolten/ vnnd jhnen dieſelbigen durch etliche andere verhindert/ entkaͤmen/ vnd einer oder mehr daruͤber betretten/ wirdt der oder die jenigen/ an ſtatt deß entkommenen/ Gefangenen oder Vbelthaͤters/ vermoͤ- ge deß Articulbrieffs angenommen vnd geſtrafft werden.

Da man auch Vrtheil oder ſonſt Recht fellen oder ſprechen wolte/ ſoll jhnen der Vmbſtandt weichen: Wuͤrde ſich aber et- wan einer oder mehr dieſem vngehorſamlich widerſetzen/ der o- der dieſelbigen ſollen/ wie obgemeldt/ geſtrafft werden/ nemlich vmb einen Guͤlden Goldt.

Nach ſolchem thut der Schultheiß an alle Beyſitzer eine ge- meine rechtliche Vmbfrage/ ob auch das Recht gnugſam ver- bannet/ vñ alle ding nach Ordnung deß Rechtens verſehẽ ſeyen.

Als dann ſpricht er: Wer nun zu klagen hat/ der trette vor/ nach Ordnung deß Rechten. Wirdt vnd ſoll demnach auff Klag vnd Antwort/ was recht iſt/ geſprochen werden.

Ferꝛner Kriegshandlungen/ Dritter Theil.
XXI. Ferꝛner Proceß mit Klag vnd Ant- wort vorm Rechten.

HJerin wirdt ſolche Ordnung gehalten: Daß die Sachen/ das Regiment betreffend/ der Profoß zum er- ſten anzutragen pflegt. Darnach die andern Partheyen. Vnnd muſſen alle Parten vom Schultheiſſen vmb einen Fuͤr- ſprecher bitten.

Spricht der Schultheiß: Er ſey euch erlaͤubt. Dann moͤ- gen ſie einen benennen vnd fordern/ wer jhnen im Rechten/ o- der im Vmbſtandt geliebt.

Es hette/ Anno 47. 48. der Geſtreng/ Edle vnnd EhrnveſteNota. Herꝛ Ludwig von Deben/ ſeliger Gedaͤchtnuß/ weylandt der Kron Franckreich beſtellter Oberſter/ vber ein Regiment Teut- ſcher Landtsknecht/ in der Belaͤgerung vor Bolonien/ in Picar- dy/ zween alte/ beſcheydene/ feine/ kluge/ ſittſame Maͤnner vnnd Landtsknecht beſtellet/ welcher einer allezeit dem Klaͤger/ der an- der dem Beklagten/ ſein Wort vorm Rechten thaͤte. War zwar eine loͤbliche Gewonheit/ were auch noch nicht zu verachten/ da- mit mancher armer Gefangener durch freche vnverſtaͤndige Schreyer nicht in ein weyter Badt gefůhrt/ vnd verkuͤrtzet wuͤr- de. Hiermit gnug.

Spricht nun der Geforderte: Herꝛ Schultheiß erlaͤubt jhr mir dann auffzuſtehen?

Schultheiß: Es ſey euch erlaͤubt.

Sagt der Fuͤrſprech fuͤrter: Herꝛ Schultheiß/ wolt jhr mir dann dem Profoſen (dem guten Geſellen/ ꝛc.) ſein Wort/ nach meinem Vermuͤgen/ vnd jhm zum beſten/ zu thun vnnd vorzu- tragen/ vergoͤnnen vnd zulaſſen?

Schultheiß: Es ſey euch erlaͤubt/ doch ſo ferꝛn/ vnd darzu jr H hrecht Militaris Disciplinæ: oder recht habt. Oder/ Redet was recht iſt. Jtem/ Jch erlaͤube euch was recht/ vnd verbiet was vnrecht/ vnd nit braͤuchlich iſt.

XXII. Fuͤrſprechen Bedingung ans Recht/ eines Klagers vnd Beklagten.

DJeweil dann jhr/ Herꝛ Schultheiß/ mir dem Profoſen/ ꝛc. ſein Wort zu thun erlaͤubt haben/ wil ich mich an ſtatt der allerbeſten/ gewoͤhnlichen Form vnnd Maſſen/ ſo beſchehen ſoll vnd mag/ an das loͤblich Malefitzrecht bedingt haben: Alſo/ da ich dem N. N. vielleicht zuviel oder zu- wenig reden wůrde/ ſoll er meiner Wort Wandel nemmen/ vom erſten zum andern/ vnd vom andern zum dritten mal/ biß ſo lang ſein eygen Mundt ſelbſt Ja darzu ſagt. Wil jhm auch alles/ ſo jhm in dieſem Keyſerlichen/ nach Ordnung beſetzten vnnd ver- bandten Malefitzrechten/ Nutz vnnd Frommen bringen mag/ vorbehalten haben. Doch mir vnd meinen Ehren/ in alle Weg vnnachtheilig vnd ohn Schaden. Begehre der halben Raht vnd Sprach/ einen vmb den andern/ wie dann recht vñ braͤuchlich iſt.

Gleicher maſſen vnd mit dieſen Worten/ bedingt ſich auch deß Beklagten Fuͤrſprech.

Darauff begeren vnd nemmen/ beyde Klager vnd Beklagter/ einer vmb den andern/ dieſer einen/ dann der ander/ vnd alſo wi- derumb/ durch jhre Fuͤrſprechen jhre Raͤhte/ von denen ſo im Rechten/ oder in dem Vmbſtandt ſeyn. Alſo/ daß jeder zween zum wenigſten/ wie der gemeine Brauch iſt/ hab.

Dañ fordert der Profoß/ oder Klager/ durch ſeinen Fuͤrſpre- chen ſein Raͤht/ ob derer in der Banck ſeſſen/ vom Schultheiſ- ſen/ welche er jhm vergoͤnnet. Doch muͤſſen ſie/ die Raͤht vom Schultheiſſen zuvor vmb Erlaͤubnuß auffzuſtehen bitten/ ſo offt ſie gefordert werden.

Wann ſie dann jetzo/ was jhnen zu klagen oder zu antworten nutz Kriegshandlungen/ Dritter Theil. nutz ſeyn mag/ berahtſchlagt haben/ verfuͤgt ſich ein jeder gebet- tener Raht wider in die Banck an ſeinen Ort/ vnnd ſpricht der Furſprecher: Herꝛ Schultheiß/ wolt jhr mich dann hoͤren/ von wegen deß Profoſen? oder N. N. vnd N?

Schultheiß: Das hoͤre ich vnd die Rechtſprecher/ redet wo- zu jhr recht habt.

XXIII. Klag deß Profoſen/ wider einen ſo die Schildtwacht verlaſſen.

FVrſprech: Wolan Ehrngeachter Herꝛ Schul- theiß/ es hat mir der Profoß alſo zu reden/ vnnd von we- gen Regiments ins Recht zu bringen befohlen/ gegen vnd wider N. hie zugegen/ der geſtalt: Daß/ nachdem er O. nechſt vergangenen 6. Monatstag deß N. Nachts/ von ſeinem Rott- meiſter/ mit gegebener Loſung/ auff die Schildtmacht gefuͤhrt/ hab er Beklagter P. dieſelbige heymlich/ ſtillſchweigendt/ vnd argliſtiger vorſetzlicher Weiß verlaſſen/ ſich auch daruͤber bey jhm ſelbſt/ ſeines boͤſen Vorhabens bewuſt/ auß Furcht der wol- verdienten billichen Straff/ fluͤchtig gemacht: doch wider be- tretten/ vnd gefaͤnglich angenommen worden.

Dieweil aber/ wie allen Kriegsleuten wiſſentlich/ nicht ein ge- ringes/ an ſolcher/ der Schildtwacht/ welche im Feldt gleich wie eine Mauwer der Kriegsleut/ vmb ſie her ſeyn ſoll/ gelegen iſt: Vnd auch was Schaden/ Schanden/ Schmach vnd Nach- theil/ ſo dem Feindt/ der mit dieſem Feldtfluͤchtigen hiruͤber/ wie ſtarck zu vermuhten/ die Loſung zu erfahren/ ein Verſtandt gehabt/ damals ſolches bewuſt geweſen/ vnſerm gnaͤdigen Fuͤr- ſten vnd Herꝛn zu N. jhrer Fůrſtlichen Gnad ſelbſt/ vnnd der- ſelbigen Landt vnnd Leuten/ auch dem gantzen hellen Hauf- fen darauß kommen vnnd entſtanden were: Haben der Herr H h ijSchul- Militaris Disciplinæ: oder Schultheiß/ vnnd ſeine zugeordente Richter/ auch der gantze Vmbſtandt wol/ vnnd in tieff Bedencken zu ſtellen.

Wie dann der Profoß/ von wegen Regiments/ es auch den- ſelben Herꝛn Richtern ſaͤmptlich/ wol zu erwegen/ hiemit heym- geſtellt haben wil.

Sintemal nun dieſer Beklagter R. ſolche ehrliche/ hochnoht- wendige Mauwer vnd Feſtung frefentlich/ mit Hindanſetzung ſeiner Ehren/ vnnd als einer/ ſo ſeinen Eydt in Vergeß geſetzt/ verletzt/ vervnehret/ zerriſſen/ zerbrochen/ fluͤchtig verlaſſen/ vnd dem Feindt/ ſo ers zuwegen hett bringen moͤgen/ an dem Endt einen freyen Zugang/ ſeinen Willen zu ſchaffen (dann je ohne merckliche Vrſachen ſolches von jhm nicht vorgenommen wor- gen) geraͤumet vnd geoͤffnet hat.

Hierumb klagt der Profoß zu ſeinem Leib vnd Leben/ Fleiſch vnd Blut/ Ehr vnnd Gut/ verhofft auch zu den Keyſerlichen Maleſitzrechten/ daß gegenwaͤrtiger S. vmb ſolcher ſeiner ge- uͤbten Mißhandlung willen/ vermoͤge deß Articulbrieffs/ als ein Eydt vnd Ehrnvergeſſener/ ehrloſer/ verzweiffelter Schelm/ Dieb vnd Boͤßwicht/ heutigs Tags an ſeinem Leib vnd Leben/ ſolle/ andern zu einem Abſcheuw/ geſtrafft/ auch jhm kein wey- tern Auffſchub oder Gnad vergoͤnnet oder gegeben werden. Vnnd iſt dieſes deß Profoſen erſte Klag: Wil jhm weyter alle Rechtliche Notturfft vorbehalten haben.

Faſt auff ſolche Form werden alle Klagen deß Profoſen/ mit ſehr hefftigen ſcharpffen Worten eyngebracht: Doch eine nicht verbittert wie die ander: Alles nach Gelegenheit der Vbertret- tung/ wiewol ſie alle wider den Articul ſeynd mißhandelt.

Geſchehen auch wol zu einem mal deß Profoſen Klagen wi- der mehr dann einen/ da dieſer/ es alſo/ jener durch was anders/ wider den Articul gehandelt haben.

Beklag- Kriegshandlungen/ Dritter Theil.
XXIV. Beklagten Antwort durch ſeinen Fuͤrſprechen.

BEfrembdet ſich deß Profoſen grimmigen/ hohen vnd ſchwehrer Klage/ verhofft nicht/ daß ſeine fromme Oberkeit ſo gantz gegen jhn verbittert/ vnd mit Zorn be- wegt ſeyn ſoll. Bittet doch gleichwol/ wie allezeit vnd allenthal- ben bey Kriegsleuten braͤuchlich/ daß deß Rechten jhm ein Auff- ſchub biß auff den andern Rechtstag geben moͤcht werden.

Welches einem jeglichen durch eine eynhellige Vmbfrage wirdt zugelaſſen. Es ſey dann die That vnnd Malefitz zu gar grob vnd klar/ auch die wahre klare Kundtſchafft vorhanden/ ſo geſchicht was recht iſt/ vnd der Articul außweiſet.

XXV. Ander Rechtstag.

AM andern Rechtstag werden alle Klag vñ Ant- wort/ auff Begeren der Partheyen/ deß erſten Rechtstags/ auch vnderdeß die verfaſte Kundtſchafften verleſen/ vnnd als dann in der Sachen fortgeſchritten. Halten ſich durchauß mit Andingung zum Rechten/ wie vorgemeldt/ vom erſten An- fang deß Rechten. Deßgleichen am dritten vnd letzten.

Gemeinglich aber nimpt vnnd begehrt der Beklagte vom an- dern biß auff den dritten Rechtstag Auffſchub. Wirdt jhm er- kandt vnd zugelaſſen. Doch ſo es nicht zu grob ſey mit der That/ derhalben er angeklagt/ wie auch oben angezeigt iſt.

XXVI. Dritter Rechtstag.

AM dritten Rechtstag aber wirdt keinem weyter Raum oder Auffſchub geben/ dann die drey Gaͤng/ iſt drey Klag/ Militaris Disciplinæ: oder Klag/ vnd drey Antwort zu thun. Mag ein jeder nach ſeinem beſten/ allerley Behelff/ Entſchuldigung oder Gnad begehren/ darnach die Sachen geſchaffen/ eynzuwenden ſuchen. So viel Klag vnd Antwort/ iſt auch herbracht von Alters/ vnd nit mehr zugelaſſen/ den erſten vnd andern Rechtstag vorhin. Vnd muͤſ- ſen jetzundt am dritten Rechtstag/ vnd letzten Gang/ beyde Par- theyen jhre Sachen zum Rechten ſchlieſſen vnd ſtellen. Wirdt nach ſolcher Klag vnd Antwort/ auch nach abgehoͤrter vnd auffs Papier gebrachter Kundtſchafft/ was recht iſt/ geſprochen.

Alle Vmbfragen/ ſo von den Partheyen an den Schultheiſ- ſen/ auff allen vnd jeden Rechtstag begehret/ ſoll er von erſten der Gerichtsleut einen/ hernach den Beyſeß zu erkennen/ fra- gen/ dem mehrern wirdt gefolgt.

XXVII. Ein andere Klag deß Profoſen/ vnd dar- auff gewoͤhnlicher Proceß/

SO ſichs zutrůge/ daß der Profoß etliche/ ſo vom Regiment auß mancherley Vrſachen entlauffen/ die ei- nes jeglichen erzehlet werden: Wie ſie als Meyneidige vnd Ehrnvergeſſene Schelmen/ dem Herꝛn ſchaͤndtlichen auß dem Feldt entlauffen/ vnd ſein Geldt Diebiſcher Weiſe entra- gen haben/ durch ſeinen erlaubten Fuͤrſprechen anklagen wuͤr- de/ derhalben jhrer boͤſen Handlung nach/ ſie zu erkennen/ das Recht anlangt. Fragt der Schultheiß einen der Gerichtsleut/ deſſen vmb ein Raht vnd Außweiſung?

Welcher alſo antwort: Herꝛ Schultheiß/ dieweil jhr mich auff deß Profoſen Klag/ betreffendt A. B. C. ꝛc. vmb ein Vr- theil vnd Außweiſung vnſers loͤblichen Rechtens gefragt/ vnnd doch ſich niemandt Beklagter/ als ein Gegenpart/ mit Ver- antwortung vernemmen laͤſſet. Keiner aber/ er ſeye dann zu- gegen/ Kriegshandlungen/ Dritter Theil. gegen/ vnnd ſeine Verantwortung gehoͤret/ billich verurtheilt werden ſoll oder kan: Sprich ich zu recht: Daß Beklagten A. B. C. ꝛc. offentlich geruffen werden ſoll. Vielleicht werden ſie (oder er) oder jemandts an jhrer (oder ſeiner) ſtatt erſcheinen/ jhre (oder ſeine) Vnſchuldt zu vertheydigen/ oder wie es dar- umb geſchaffen/ gebuͤhrlich zu erklaͤren. Da aber alsdann nie- mandt zu beſtimpten Terminen vorhanden/ mag nichts deſto weniger ergehen/ was recht iſt. Solches erkenne vnnd ſprech ich/ vermittelſt meines Eydts fuͤr recht.

Dieſes wirdt mit einhelliger Vmbfrag/ deß andern Beyſeß/ bekraͤfftiget. Alſo auch am andern vnd dritten Rechten.

Hierauff wirdt auff Befehl deß Schultheiſſen/ dem Beklag- ten/ mit einer/ auch zu zeiten mit zweyen Trummen (muß deß Oberſten Trommenſchlaͤger außrichten) auff den vier Landt- ſtraſſen vnd Orten der Gerichtsbanck vmbgeſchlagen/ vnd dar- neben durch den geſchwornen/ Gerichtswaͤybel geruffen/ alſo: A. B. C. hie laͤſt euch (oder dir) der Profoß ruffen zum erſten/ (andern vnd dritten) mal/ jhm am Rechten Antwort zu geben/ durch euch (oder dich) ſelbſt/ oder einen von ewrent (oder dei- nent) wegen/ Seyt jhr (oder biſtu) nun ſelbſt zur ſtaͤtte/ oder ſonſt jemandt in ewerm (oder deinem) Namen/ der trette her- vor/ vnd thu wie ſich gebuͤhret. Wo aber nicht/ wirdt ohne das geſchehen was recht iſt.

Solche Heiſchung geſchicht am erſten/ andern vnnd dritten Rechtstag: Vnd ſo am dritten niemandt erſcheinet/ wirdt das Vrtheil vber ſie/ wie ſie werth ſeyn/ vollnzogen.

Die Form der Malefitzvrtheil folgen hernach.

Merck.

Wann den Beklagten vmbgeſchlagen/ vnd wie kurtz hievor ſteht geruffen/ vnd niemandt erſchienen iſt: Alsdann begehrt deß Profoſen Fuͤrſprecher/ Dieweil keiner vorhanden/ ſie jrer Vbel- that nach zu verdammen.

So wirdt Militaris Disciplinæ: oder

So wirdt jhnen doch/ auff deß Schultheiſſen Vmbfrag/ durch den Beyſeſſz/ vom erſten biß auff den andern/ vnnd vom andern biß auff den dritten Rechtstag/ Auffſchub erkennet/ vnd zugelaſſen.

Dann vielleicht einer mancherley Verhinderung/ als der Feindt/ Kranckheit oder ſonſten halber außbleibt/ dannenher er mag verſprochen/ vnd vnder deß durch zu faͤllige Mittel/ vnnd gnaͤdiges Nachgeben der Oberkeit/ jhrer (oder ſeiner) Sachen mag geholffen werden.

XXVIII. Wie zum Vrtheil in dieſen vnd andern Malefitzhaͤndeln wirdt geſchritten.

NAch gnugſamer Verhoͤrung/ eynbrachter Klag vnd Antwort/ vermoͤg deß dritten Maleſitzrechten/ ſagt der Schultheiß zu einem der Gerichtsleut.

Jch frag euch N. auff beſchehene Klag vñ Antwort/ der Par- theyen/ vmb ein endtliche Außweiſung vnd Vrtheil.

Gefragter: Herꝛ Schultheiß: Nach dem jhr mich gefragt habt/ vnnd mir in Krafft meines gethanen Eydts/ vber dieſer Sachen einen Raht vnd endtlichs außweiſendes Vrtheil/ vn- ſers loͤblichen Rechtens zu geben/ Ampts halber aufferlegt/ er- kenne ich mich demſelbigen zu gehorſamen ſchuldig. Dieweil ich aber ſolchem allein nicht weiß gnug/ vnnd ein nachdencklicher/ wichtiger vnd ſchwehrer Handel iſt: Woͤllet den Vmbſtandt abzutretten verſchaffen/ mag deſto beſſer/ wie ſich hierin zu hal- ten/ durch die andern geſchwohrnen Mittrichter berahtſchlagt/ vnd zu recht geſprochen werden.

Dem Profoſen gebuͤhret den Vmbſtandt abzutreiben/ vnd Raum zu machen.

Proceß Kriegshandlungen/ Dritter Theil.
XXIX. Proceß in Erforſchung deß Endt- vrtheils.

DAnn ſoll der Schultheiß den Beyſeß gethaner Klag vnd Antwort/ ſich wol zu erinnern/ vnd in Beden- cken zu nem̃en/ damit das Recht geſtaͤrckt/ vñ dem vbel/ andern zum furchtſamen Exempel gewehret werde/ fleiſſig er- mahnen/ vnnd einen der Gerichtsleut (wie offt gemeldet/ doch nur in einer Sachen allein) fragen/ dieſe Sachen mit einem bil- lichen Endtvrtheil zu beſchlieſſen.

Was dann derſelbigevrtheilt oder ſpricht/ ſoll vom Gericht- ſchreiber in achtung genommen/ vnnd vmbſtaͤndtlich auffs Pa- pier bracht werden/ deſſelbigen gleichen auch deß andern Ge- richtsmanns Namen/ welchen der Schultheiß fragen wirdt/ je- des beſondern auffſchreiben/ vnnd mit einem Strich hinauß zeichnen/ nemlich alſo:

Mit welchem Gerichtsmañ/ oder ſeinem Außſpruch nun die andern Mittrichter/ der mehrertheil gehelligen/ ſo viel kleine Zwerchſtrichlein/ ſoll der Gerichtſchreiber auff die lange Linien (wie obſteht) notieren/ vnnd letzlich zehlen/ den meinſten vnnd mehrerm wirdt gefolgt.

Vnd hieruͤber ſoll der Schultheiß noch ein Vmbfrag thun.

Merck:

Solchen Proceß/ die Vrtheil nemlich zu fordern/ mag der Schultheiß vornemmen/ wañ der Partheyen etliche in einerley Sachen Rechtens begeh en. Doch diß jhr gebeten Vrtheil nicht ehe verleſen laſſen/ biß am Endt: Vñ die andern Partheyen fuͤr- Jiter anhoͤ- Militaris Disciplinæ: oder ter anhoͤren. Alle verfaßte Vrtheil aber auff einmal/ nach An- hoͤrung der Partheyen/ eroͤffnen laſſen. Oder daß ichs deutli- cher ſage: Laͤſt er der erſten Part Vrtheil/ darnach der andern/ vnd letztlich der dritten Part/ jedes fein vnderſchiedlich ver- melden vnd leſen.

Nach beſchloſſenem Vrtheil werden die Partheyen wider herzu/ vnd vor die Banck gefordert/ vnnd fragt der Schultheiß die Partheyen/ ob ſie das Vrtheil zu hoͤren begeren? Antworten ſie durch jre Fuͤrſprecher/ darnach ſie bey jhnen ſelbſt die Sachen bewogen/ keck oder furchtſam.

XXX. Ein gemeine Form der Vrtheil.

AVff fleiſſiges Anhoͤren vnnd Betrachtung/ der Klag vnd Antwort/ Rede vnnd Widerrede beyder Par- theyen: auch die wahre vnd eygentliche offenbare Kundt- ſchafft bewegt/ ſo habẽ ich N. als verordneter Schultheiß/ ſampt meinen zugeordneten Mitrichtern/ durch ein einhellig (mehrer- theil/ oder beyfaͤllig) mit Recht erkandt diß Vrtheil/ erkennen vnd ſprechen auch hiermit fuͤr recht: Daß der Profoß ſoll nem- men N. vmb ſeines ſchwehren Vngehorſams vñ Vbertrettung willen/ vnd jhn in ſein/ deß Profoſen Loſament fuͤhren/ jhm da- ſelbſt einen Diener Goͤttliches Worts zuordnen/ der jn/ ſo er an- ders wil/ mit Gottes Wort vnderrichte/ darmit er ſeine Sůnde vor Gott bekenne/ vnd ſeiner Seelen Heyl bedencke. Darnach ſoll er jn dem Scharpffrichter vberantworten/ der ſoll jhn auff den Platz/ da am meinſten Volck iſt/ fuͤhren/ vnd jm eine blutige Straß durch ſeinen Halß machen (oder ſeinen Leib in zwey ſtůck ſchlagẽ) alſo/ daß der Kopff das kleinſte/ vñ der Leib dz groͤſte ſey. Oder: Soll jhn an einen duͤrren Aſt/ dieweil er deß gruͤnen nicht wuͤrdig: Oder/ an den lichten Galgen/ daß der Windt vnder vnd vber jhn hinwehe/ hencken.

Oder Kriegshandlungen/ Dritter Theil.

Oder was ſonſten mancherley Vrtheil/ nach Verdienſt vnd Erforderung mancherley Vbel vñ Miſſethat/ moͤchten geſpro- chen werden. Alſo/ daß etlicheſchlecht vom Hauffen/ ohne Be- ſchmitzung jhrer Ehren/ eine genennte Zeit/ wie gemein vnnd braͤuchlich/ ein Jahr vnd ein Tag/ abgewieſen werden. Da ſie dann nach ſolchem abgelauffenen Ziel vnd Zeit/ Kundtſchafften jhres Wolhaltens in beſiegelten Schrifften bringen/ vnd darle- gen/ werden ſie wider fuͤr gut vnd ehrlich geſchaͤtzt vñ gelitten.

XXXI. Außſpruch/ einen ledig zu erkennen.

AVff hefftig Anklagen deß Profoſen/ gegen vnnd wider Avon B. wie die Gerichtsacten/ vnnd die klaren Kundtſchafften außweiſen/ erkennen der Schultheiß vnd ſeine Mittrichter/ fuͤr billich vnnd recht/ daß bemeldter A. von B. dem Profoſen/ noch jemandt von ſeinent wegen/ hinfurt nicht mehr zu antworten ſchultig oder pflichtig ſeye. Sondern ſoll ſeyn vnd iſt ſolcher Klag deß Profoſen/ gantz hiermit entle- digt/ vnd in vorigen Standt vnverletzt ſeiner Ehren geſetzt/ jhm auch auff ſein Begehren (oder deß Schultheiſſen vnnd ſeiner Mittrichter Erkaͤndtnuß) deſſen ein ſchrifftlich Gerichtſchein/ mitgetheilet worden. Actum im Feldtlaͤger/ ꝛc.

XXXII. Beſchluß aller Vrtheil.

VNd wann ſolches vollnbracht vnnd geſchehen/ iſt dem Keyſerlichen vnnd loͤblichen Malefitzrechten gnugſam nachgeſetzet. Actum im Feldtlaͤger vor N. den N. Monatstag/ ꝛc. Anno/ ꝛc.

Ji ijAlle Militaris Disciplinæ: oder Nota.

Alle Gefangene laͤſt der Profoß in den Eyſen durch ſeine Clauditen vorfuͤhren/ werden nicht ehe außgeſchloſſen/ biß der- ſelbige dem Zuͤchtiger vberantwortet/ oder ſonſt loß geſpro- chen worden.

XXXIII. Entlauffenen Schelmen Vrtheil.

DJeweil dieſen nachbenendten (werden alſo bald jeder mit ſeinem Nahmẽ/ wie ſie im Verzeichnuß ſtehẽ/ nacheinander geleſen) auff deß Profoſen/ wider ſie heff- tigſt/ von wegen Regiments/ gethane Klag/ am erſten/ andern vnnd dritten Rechtstag/ mit zweyen Trommen/ auff den vier Landtſtraſſen vmbgeſchlagen/ auch durch den geſchwohrnen Gerichtswaͤybel/ ſie oder jemandt von jhrent wegen/ druͤmb daß ſie dem Herꝛn (oder vnſern Gnaͤdigen Fuͤrſten vnd Herꝛn) als Eydt vnd Ehrvergeſſene Schelmen vnnd Boͤßwicht auß dem Feldt heymlich entlauffen/ vnd ſein (oder ſeiner F. G.) Geldt Diebiſcher Weiß enttragen haben/ dem Profoſen am Rechten Antwort zu geben/ zum erſten/ andern vnd dritten mal/ offent- lich geruffen iſt worden/ vnnd niemandt/ weder ſie ſelbſt noch andere von jhrent wegen erſchienen.

Haben darauff der Schulteiß vnd alle Rechtſprecher/ eyn- hellig mit Recht erkennet/ daß obbeſchriebene (ſollen noch ein- mal alle miteinander genennet werden) hinfuͤrter/ als verzweif- felte Eydt vnd Ehrnvergeſſene/ ehrloſe Schelmen/ Dieb vnnd Boͤßwichter/ jhr lebenlang gehalten/ vnnd bey keinen ehrlichen Kriegsleuten/ Regiments/ Faͤhnleins oder Rottenweiß/ es ſey im Feldt/ Beſatzungen/ Staͤtten/ Schloͤſſern/ Flecken vñ Clau- ſen/ auff Waſſer oder Landt/ Summa/ kein Ort oder Platz auß- genommen/ wo ſich ehrlich Kriegsleut gebrauchen laſſen/ gelit- ten: ſondern wo ſie betretten/ an einen doͤrren Baum/ dann ſie deß gruͤnen nicht wirdig/ gehenckt ſollen werden.

Auch Kriegshandlungen/ Dritter Theil.

Auch ſoll allhie in dieſem Laͤger jhre Namen der Scharpffrich- ter an den Galgenpoſten/ oder ſonſt an eine darzu auffgerichte Seul/ darmit ſich maͤnniglich vor ſolchen Schelmen zu huͤten wiſſe/ oͤffentlich zu ſehen/ anſchlagen.

Mit ſolch mallen geſchicht dem Rechten gnugſam Voll- ſtreckung. Geſprochen im Feldtlaͤger fuͤr N. (oder im Laͤger zu N.) an N. Monatstag/ ꝛc. Anno/ ꝛc.

XXXIV. Stab brechen.

AVff ein ſolchs/ vnnd vorige Malefitziſche Haͤn- del/ Vrtheil/ bricht der Schultheiß/ mit Befehlung Gott die Seel/ vnnd den Raben (oder den Wůrmen) das Fleiſch/ den Stab/ im Nahmen deß Vatters/ vnd deß Sohns/ vnd deß heyligen Geiſtes.

Es wirdt aber manchmal an ſolch Vrtheil zu Endt ein Vor- behalt gehefftet: Daß ſo etliche der vorbenennten/ wie viel be- ſchicht/ von Feinden/ daß es niemandt bewuſt/ gefangen/ auch durch Kranckheit oder andere Verhinderung auſſenblieben we- ren/ vnd deſſen gnugſame ſchrifftliche/ verſiegelte/ oder lebendi- ge Vrkundt vorhanden: Wirdt es vor einem gantzen offenen Hauffen vnd Regiment/ da ſie erſcheinen/ erklaͤret/ vnd ſie durch einhellige Mehr wider in jre vorige Ehr geſetzt vnd gut gemacht: Vnd jhm (oder jhnen) deſſen vom Schultheiſſen vnd vnder ſei- nem Siegel ein ſchrifftlicher Beweiß mitgetheilt. Beſihe oben.

XXXV. Kundtſchafft zu verfaſſen/ vnd Warnung vorm Falſchen oder Meyneidt.

WElche Partey Kundtſchafften zu verhoͤren be- gehret/ ſoll jhre Zeugen dem Schultheiſſen/ mit Nah- Ji iijmen/ Militaris Disciplinæ: oder men/ vnd ſeiner Sachen Vmbſtaͤnt/ auch weſſen er ſonderlich zu geniſſen verhofft/ vnd die Zeugen darumb zu fragen ſeyen/ anzeigen/ vnd jhnen einen Tag zuvor/ durch den geſchwornen Gerichtswaͤybel/ bey guter Tagzeit vorgebieten laſſen. Vnd ſo die Zeugen den andern Tag hernach/ Morgens fruͤhe vmb ſie- ben Vhr erſcheinen (denn welchem Zeugen vorgebotten/ vnnd die benennte Zeit in vergeß ſtellete/ wirdt mit den Eyſen hierumb geſtrafft) ſollen die Gerichtsleut darbey ſeyn/ vnd der Schul- theiß alſo zun Zeugen/ in Anweſen der Parteyen/ oder jemandt von jrentwegen/ ſagen:

Alſo lieben Kriegsleut/ lieben Bruͤder: Es hat mich N. von Ampts vnd Regiments wegen angelangt/ vnnd mir vermeldet/ (hie ſoll er den Handel/ warumb ſie/ Zeugen/ ſollen werden ab- gehoͤret/ nicht verhalten.) Darumb jhr ſollet Wiſſenſchafft tragen. Der Vrſach halber wil ich euch/ jhr lieben Landts- knecht fleiſſig vermahnet vnd gebetten haben/ es woͤlle ſich ewer jeder beſondern/ vnd fuͤr ſich ſelbſt wol bedencken vnd jhm nach- ſinnen/ was euch hierumb bewuſt oder nicht: vnd darinnen nicht anſehen/ Freundtſchafft oder Feindtſchafft/ Geldt/ Gut/ Miet/ Gab oder alle Liebnuß: Sondern woͤllet die rechte lautere vnd Goͤttliche Warheit/ welche Gott ſelber iſt/ ſagen/ vnd ewer Ge- wiſſen mit vorſaͤtzlicher vnrechter Zeugnuß nicht beſchweren.

1.

Dann Gott im achten Gebott falſche Zeugnuß zu geben/ hoͤchlich verbotten/ wirdt auch/ obs hie zeitlich der Welt ver- deckt bleibt/ an jenem Tag/ das Blut der Vnſchuldigen/ vber die jhr vnbilliche Kundtſchafft zeuget vnd bringt/ von euwern Haͤnden zorniglich fordern/ vnd ewiglich ſtraffen.

Vnſer Oberkeit auch/ da jemandt von euch hiermit jrr gienge/ wuͤrde ſeiner/ wie den Meyneydigen/ Keyſerlichen Rech- tens verordenter Peen nach gebuͤhret/ ſeiner im geringſten nicht verſchonen/ ſondern gantz ernſtlich vnnd vngnaͤdig gegen jhm gebaren.

Wie Kriegshandlungen/ Dritter Theil.

Wie jhr euch nun dermaſſen ſelbſt mit dem aller groͤſten Laſt2. beluͤdet/ ſo verfuͤhret jhr doch alſo auch/ vnd macht groͤblich jr- ren/ die Frommen Recht vnd Vrtheilſprecher/ die ewer Auſſag einfaͤltiglich glauben/ vnd darnach jhr Vrtheil ſtellen.

Zu dem ſeyt jhr ein Vrſach aller der Laſt vnd Beſchwerung/3. ſo vber die Vnverdienten wirdt gefuͤhret. Jtem/ jhr werdet ſchuldig/ vnd beſudelt ewere Haͤndt vnd Gewiſſen mit dem vn- ſchuldigen Chriſten Blut/ das nicht gering iſt zu achten/ das vmb euwer Zeugnuß willen wirdt vergoſſen.

Letztlich betriegt jhr auch die Parthey vnnd guten Leute/ ſo4. dieſe ſchwehre Sachen antrifft/ vnd jhre Hoffnung/ das Recht durch euch zu bekraͤfftigen/ fehlen laſſet. Werdet jnen dazu eine Verhinderung/ daß jnen jr rechtliche Gebuͤr wider alle Billig- keit entzogen/ vnd deſſen ſie entwehrt ſtehen muͤſſen.

Derhalben ſeyd nochmals vor ſolchem Meyneidt gewarnet/ vnd ſagt was euch bewuſt iſt. Vnd da jhr dem alſo auffrichtig nachkommen woͤllet/ ſo gebt mir euwer jeder beſonder darauff ſein rechte Handt: Hebt nun jeder fuͤr ſich vñ ſein Perſon zween Finger auff/ vnd ſprecht mir nach:

Alles was ich hie mit Fleiß vor dem Meyneydt verwarnet/ vnd mit Worten trewlich vnderrichtet bin/ auch mit Handtge- ben angelobt/ vnd zugeſagt hab/ dem wil ich alſo feſtiglich nach- kommen/ ohne alle Gefehrde: ſo wahr mir Gott helff/ vnd ſein heyliges Wort/ Amen.

Hienechſt tretten die Parten ab/ vnd ſollen bey dem folgenden Examen nicht ſeyn/ oder bleiben/ in keinen weg.

XXXVI. Wo vnd wie die Zeugen zu verhoͤren.

JN deß Schultheiſſen Loſament ſollẽ die Zeugẽ/ in Beyſeyn der Gerichtsleut/ vnnd ſonſt niemandt abge- hoͤret werden.

Nach Militaris Disciplinæ: oder

Nach ſtattung deß Eydts werden die Zeugen ſaͤmptlich ge- heiſſen abzu tretten. Darnach einer vmb den andern wider allein gefordert/ da er vorgehabter Vermahnung erjnnert/ dieſer/ je- ner/ vnd aller Vermuhtmaſſung wegen/ embſig examiniret/ das iſt/ erforſchet vnd verhoͤret/ vnd ſeine Auſſag vber jedern Arti- cul/ ja vber jedes Wort/ vom Gerichtſchreiber eygentlich an- gemerckt vnd auffgeſchrieben werden ſoll/ als dann es dem Zeu- gen wider verleſen: Auff daß/ da zuviel oder zu wenig dar- under begriffen/ es außgeſtrichen/ oder hinzugeſetzt werden moͤ- ge: Dann vnder dieſem Volck wenig zu finden/ die wiſſen/ was Kundtſchafft fordern oder geben ſeye.

Die Articul/ darauff die Zeugen gefragt werden ſollen/ ge- buͤhret dem Schreiber vorher fein vnd vollkoͤmlich zu vermer- cken/ vnd in die Feder zu bringen/ kan man die Zeugen ſo viel ey- gentlicher examiniren vnd erfragen.

Were auch nicht vnfoͤrmlich gehandelt/ ſo jeder Zeug allein/ wie er gegen die Parten mit Freundt oder Feindtſchafft/ oder in etwa Vneinigkeit geſtanden/ vnd noch ſtehe/ geſinnet were/ ſich klar vnnd verſtaͤndtlich vernemmen laſſen/ Ja oder Nein darzu außſprechen muſte/ angehalten wuͤrde.

Eines jeden Zeugen Tauff vñ Zunahmen/ ſoll der Gericht- ſchreiber deutlich anmercken. Darzu auff welchen Tag/ in was Sachen/ wie mehr angeregt/ vnd in wes Beyſeyn die Zeugen Verhoͤr geſchehen.

Mich deucht auch die Parten hettẽ ſich in nichts zu beklagen/ ſo ſie/ wo muͤglich vñ zu thũ/ wie im Anfang dieſes Articuls auch beruͤhrt/ ſo lang gegenwaͤrtig/ biß die Zeugen beeydet vnd beſtat- tet weren. Doch jederm ſein Gewonheit frey heymgelaſſen.

Mann ſoll auch jederm Zeugen/ was er gefragt vnd außge- ſagt/ niemandt/ biß zu Eroͤffnung jrer Außſag vnd Endtſchafft dieſer Sachen/ zu offenbaren/ bey ſeinem geſchwornen Eydt/ ernſtlich aufflegen vnd befehlen.

Schuldt- Kriegshandlungen/ Dritter Theil.
XXXVII. Schuldtrecht.

DAs Schuldtrecht/ was es/ vnnd warumb alſo genennet ſeye/ deutet ſein eygener Nahme. Wirdt aller maſſen/ wie obſteht/ mit Vorgebieten/ Vmbſchlagen/ Niderſitzen/ Auffſtehen/ Raͤhte vnnd Fuͤrſprecher bitten/ An- dingen zum Rechten/ ꝛc. gehalten/ vnnd darinn procedirt vnnd fortgeſchritten.

Allein daß die Haͤuptleut vnnd Faͤhnrich weggehen: Sonſt die Feldtwaͤybel/ Gerichtsleut vnd Fuͤhrer bleiben ſitzen/ diß Recht zu vollenden/ vnd darinnen zu ſprechen.

Der Profoß hat hiemit ſonderlich nichts zu thun/ ſo werden die Anklag vnd Vrtheil auff glimpfflichere Weiſe/ dann die vo- rigen: Doch faſt wie andere Vrtheil in Staͤtten vnnd andern Gerichten begriffen vnd beſchloſſen.

XXXVIII. Schultheiſſen/ Gerichtſchreibers vnd Ge- richtwaͤybels Taxt vnd Gebuͤr/ auſſerhalb jhrer Monatlichen Beſoldung.

WAs von wegen Regiments gehandelt/ gefal- len weder dem Schultheiſſen/ Gerichtſchreiber/ oder Gerichtswaͤybel einig accidentalia.

Was aber ſonſt wird verſiegelt/ gebuͤhret jhm/ dem Schul- theiſſen/ darvon ein Guͤlden/ wie der Herꝛ bezahlet. Doch von einem/ der nicht zum Regiment geſchwohren/ mag man nem- men/ was man wil/ doch ziemlich.

Jtem/ vom hinderlegten Geldt iſt der dritte Pfenning deß Schultheiſſen.

KkJtem/ Militaris Disciplinæ: oder

Jtem/ von Kundtſchafft zu verhoͤren/ von jederm Zeugen 2. Batzen.

Jtem/ von jeder Vmbfrag im Rechten/ muͤſſen jede Par- theyen 2. Batzen zahlen.

Jtem/ von jeder Klag vnd Antwort/ ſo wol deß Klagers/ als Beklagten/ muß jeder Theil geben 2. Batzen.

Jtem/ von jeder Kundtſchafft zu verleſen im Rechten/ nemlich von jederm Zeugẽ gibt der Klager ſo wol als Beklagter 2. Batz.

Alſo auch von jeder Klag vnnd Antwort zu verleſen/ jede Part 2. Batzen.

Jtem vom Vrtheil jede Parthey ein Goldtguͤlden.

Sonſt ſeynd noch mancherley Haͤndel/ die vnder eines Schul- theiſſen Siegel geſchrieben werden: Als Schlaͤgerey/ Vertraͤg/ Verwundung/ Eheſachen vnd anders halber/ ꝛc. Die gibt vnd lehret die taͤgliche Vbung vnd Erfahrung.

Gerichtſchreibers Accidentalia.

Erſtlich/ was vnder deß Schultheiſſen Siegel beſchloſſen/ gebuͤhret jhm darvon ein halber Guͤlden/ wie der Herꝛ be- zahlet.

Jtem/ von jeder Kundtſchafft zu ſchreiben/ jedes Zeugen 2. Batzen.

Jtem/ von der Klag vnnd Antwort/ ſo wol deß Klagers als Beklagten/ zu ſchreiben/ jede Part 2. Batzen.

Jtem/ von derſelbigen Klagen vnnd Antworten im Rechten zu verleſen/ jede Parthey 2. Batzen.

Jtem/ von jeder Kundſchafft zu leſen im Rechten/ eines jeden Zeugen Auſſag/ gibt der Klager ſo wol als Beklagter jeder 2. Batzen.

Vom Vrtheil/ jede Parthey 2. Batzen.

DEM Gerichtswaͤybel gebuͤrt von jederm Vorgebott/ auch von jederm Zeugenvorzugebieten 2. Batzen.

Vnd Kriegshandlungen/ Dritter Theil.

Vnd er muß deß Schultheiſſen vnd Schreibers Gebuͤr eyn- fordern/ vnd jhnen liffern.

Welche Parthey ſich mit jhrem Geldt auff den Tag/ wannNota. es von Recht gebuͤhret/ das iſt/ wann die Zeugen verhoͤrt ſeynd/ vnd Recht gehalten iſt/ nicht jhr Geldt erlegen/ vnd ſaͤumig dar- mit werden/ iſt es den andern Tag doppel verfallen. Der Schultheiß woͤlle es dann gern/ vnd mit Willen nachlaſſen/ al- ſo auch der Schreiber.

Das Vorgebott richtet der Gerichtswaͤybel auß/ faſt mit dieſen Worten alſo: A. B. vom Schultheiſſen hab ich dieſen Befehl/ euch anzuzeigen/ daß euch der Profoß (oder N. N.) von wegen Regiments laͤſt vorgebieten/ jhm am Malefitzrech- ten (Schuldtrechten) Morgen wie braͤuchlich/ Antwort zu- geben/ vnd Gerichtlichen Außſpruch zu gewarten/ ꝛc. Hievon auch oben/ fol. 234.

Zeugen vorgebieten.

C. D. vom Schultheiſſen hab ich dieſen Befehl/ euch an- zu melden/ vnd von Regiments wegen zu gebieten/ Morgen zu gebuͤrender fruͤher Tagzeit in ſeim Loſament zu erſcheinen/ vnd in ſachen N. vnd N. ewer Wiſſenſchafft darzuthun.

XXXIX. Jn Rechtſprechung nicht flugs zu zupla- tzen/ ſondern wol bedenckens zu nemmen/ ein Erjnnerung.

ZWar dieſe Sachen/ die Leib vnd Leben/ Fleiſch vñ Blut betreffen/ werden vielmal denen vnbedaͤchtigen/ die daruͤber vrtheilen ſollen/ zu einer vnmaͤſſigen/ vnergruͤndt- lichen Tieffen/ Schlundt vnnd Abgrundt: Oder zu einem grauſamen/ groſſen/ vnſaͤglichen/ hohen Berg/ daruͤber ſie Kk ijdurch Militaris Disciplinæ: oder durch jhr Gutduͤncken/ ohne Wegweiſung vnd Handreichung/ ja Handtleytung deß Goͤttlichen vnnd natuͤrlichen Rechtens/ ohne Verletzung jrer Gewiſſen/ zu kommen/ nicht vermuͤglich: Jſt jhnen derhalben diß Goͤttlich vnd natuͤrliche Recht zu tref- fen hoch noͤhtig.

Wann aber nicht allweg das jenig/ ſo deß Goͤttlichen vnnd natuͤrlichen Rechtens Nahmen vnd Schein hat/ vñ darfůr auß- geben wirdt/ drůmb eben ſo baldt auch das Goͤttlich vnd natuͤr- lich Recht: Ja viel ehe das hoͤchſte Recht/ zum hoͤchſtẽ Vnrecht/ wie das Sprichwort meldet/ wirdt gemacht/ Das iſt: So al- lein das Recht/ vnd wie es an jhm ſelbſt ſtreng iſt/ vnnd nicht die Vmbſtaͤnde der Zeit/ Perſon/ ꝛc. Deſſen/ zu dem es recht haben ſoll/ nicht zuvor erwogen/ ſondern ohn Vnderſcheidt geſpro- chen vnd exequiert wirdt.

Vnd iſt derhalben derer Außredt vnd Beſchoͤnung/ vbel o- der zu viel hart/ oder ſcharpff gefellten Vrtheils/ gantz vnfuͤg- ſam/ bloß vnd eytel: Weil andere vor jhnen/ vnd nicht ſie zum erſten ſolchen Sentens vnd Vrtheil eynbracht.

Hierauff folgt alſo zu antworten: Jſt das Vrtheil vorhin recht geſprochen/ haſtu wol neben dem erſten Ruhm/ daß du jm beygeſtanden. Erſcheinet aber das Gegenſpiel/ biſtu ja ſo tieff vor Gott mit verſtrickt/ als der vor dir gevrtheilt: Weil du ſei- nen Jrꝛſal/ du verſteheſt jhn gleich oder nicht/ wiſſentlich oder vnwiſſendt/ als etwas dir angenem/ bekraͤfftiget haſt. Dann merck/ ſo ein Blinder den andern leytet/ oder ſo ein Blinder der dem andern/ ſo jhn leytet/ vorſetzlich folget/ fallen ſie bil- lich in die Gruben/ vnd verderben. Von groſſer beſcheidener Fuͤrſichtigkeit aber in ſolchen Dingen/ hoͤret nachgeſetzte war- hafftige Hiſtorien.

Es begab ſich im Feldtlaͤger vor Schweinfurt/ Anno 53. im Auguſto/ hab ichs anders recht behalten: Daß auff Angeben eines Faͤhnrigs/ H. v. L. der Profoß einen Knecht/ N. von Schluͤch- Kriegshandlungen/ Dritter Theil. Schluͤchtern genennet/ vors Malefitzrecht ſtellet/ vnd zu deſ- ſen Leib vnd Leben hefftig/ vnd mit Ernſt klagte: Daß nemlich der Gefangene kurtz darfuͤr/ ſeinem Faͤhnrich hette heimlicher/ Diebiſcher weiß/ in der Nacht auff der Wacht/ das Faͤhnlein entfrembden/ entragen/ vnnd vielleicht den Feinden zubringen woͤllen/ ꝛc. Hiergegen der Beklagte lauter Nein ſagte/ ſondern were alſo zugangen:

Als das Faͤhnlein/ darunder er gelegen/ die Nachtwacht ge- habt/ vnd er/ der Beklagter/ mit ſeiner Rotten in den Schlag- baum/ auff die Schildtwacht abgeleſen. Vnd in deß geregnet/ hette er (gleichwol nicht die euſſerſte Schildtwacht geſtandẽ) in Hoffnung/ weil er mit dem Faͤhnrich ſonſt wol daran geweſen/ er wuͤrde nicht zuͤrnen/ da er ein wenig Stroh/ neben jm/ ſich im naſſen darauff zu ſetzen/ auffraffte. Were hin zu getretten/ het- te nach Stroh geſucht/ vnd moͤcht er alſo vnwiſſendt im Fin- ſtern mit einer Handt oder Fuß/ an den Faͤhnrich gerůhret/ were er auffgewiſcht/ vnnd jhn mit Vngeſtuͤmb geſtoſſen/ ge- flucht/ ꝛc.

Hieruͤber worden/ beyde auff deß Profoſen/ auch deß Be- klagten Begehren/ etliche Zeugen vorgeſtellet vnd abgehoͤret/ welche ſamptlich ſagten: Die Stimm deß Faͤhnrichs gehoͤret zu haben: Du Schelm/ wiltu mir das Faͤhnlein ſtehlen? We- re jhnen nicht eygentlich bewuſt/ zu wem/ oder warumb er das geſagt/ wer auch das Faͤhnlein hett nemmen woͤllen oder nicht. Vnder ſolchen Zeugen aber war einer vom Adel/ der ſagte: Der Faͤhnrich vnd er/ wie ſie bezecht/ vnd auff die Wacht kom- men/ weren ſie beyde auff ein Stroh neben einander nider gele- gen/ hetten einen lidernen Mantel mit gruͤnem wollen Tuch ge- fuͤttert/ vmb deß Regens willen/ auff vnd vber den Kopff ge- zogen vnd geſchlaffen. Der Faͤhnrich hette das Faͤhnlein vmb- gewunden im Arm gehabt: were aber nach etlicher Zeit auff- Kk iijgefah- Militaris Disciplinæ: oder gefahren/ geflucht vnnd geſagt: Du Schelm wiltu mir das Faͤhnlein ſtelen. Darumb dieſer Beklagter ſolle erſchrocken/ vnd vber eine Trummen gefallen ſeyn. Daß er aber/ Zeuge/ ſa- gen ſolte/ daß es geſchehen were alſo/ vnnd eben dieſer B. gethan hette oder nicht/ were jhm vnwiſſendt.

Nun kurtz zu ſagen: Auff den dritten Rechtstag wardt vom Profoſen zum Rechten geſchloſſen/ vnd von ſchier allen Beyſi- tzern deß Malefitzrechten erkennet: Daß andere ſich fůrſichti- ger zu haben/ zum Schrecken/ dieſer Beklagter mit dem Strang/ an eim doͤrten Aſt erwuͤrgt/ vnd alſo vom Leben zum Todt gebracht ſolt werden.

Wie aber der Schultheiß/ mit der Vmbfrag/ vber dieſen geſprochenen Sententz vnd Vrtheil/ faſt zum letzten kam/ an ei- nen Haͤuptmann/ Peter von Mellerſtatt genennet/ antwortet derſelbige faſt bedaͤchtlich/ vnnd ſagte: Herꝛ Schultheiß/ jhr Haͤuptlent/ Faͤhnrich/ vnd alle andere Beyſitzer dieſer gegen- waͤrtigen Gerichtsbanck/ jhr lieben Kriegsleute/ erſtlich bit- te ich ſonders Fleiß vnd zum hoͤchſten/ euch alle ſaͤmptlich/ ich/ als der ich faſt der juͤngſte vnnd vngeſchickſte vnder euch/ mei- nen lieben Spießgeſellen/ den andern hie anweſenden Haͤupt- leuten/ ob ich einer andern Meynung/ vnd als abgetheilt von euch/ mich vber dieſer Vmbfrag deß Herꝛn Schultheiſſen/ werde erklaͤren/ mir nichts fuͤr vbel/ vnnd in vngutem auffzu- nemmen/ zu verſtehen oder zu deuten/ vnnd ſagt alſo: Daß ich ſeyt der treuwen (darfuͤr ichs ſchaͤtze) vnnd ernſter Erjnne- rung deß Herꝛn Schultheiſſen/ an vns alle im Anfang dieſes Gerichts Proceß gethan/ ich auff nichts anderſt gedacht/ vnnd mehr nichts mir hab angelegen ſeyn laſſen: Dann wie ich die ſchwehre deß Profoſen Anklag/ auch dargegen deß guten ar- men Geſellen Beklagtens/ nohtwendige Antwort: Nichts wenigers/ die daruͤber verfaſte vnd verleſene Zeugenſage/ wol eynnem- Kriegshandlungen/ Dritter Theil. eynnemme/ vnd gegeneinander auff die Wagen lege: Vnnd befinde ſo viel außdieſen Dingen allen/ daß ich dieſem armen guten Geſellen hierumb ſein Leben (ich wolte dann wider mein Gewiſſen handeln/ da Gott vor ſeye) nicht abſprechen ſol- te/ oder kan.

Vnd iſt mein Grundt nicht allein dieſer: Daß der Profoß klagt vnd ſpricht/ er/ der Beklagter habe das Faͤhnlein ſtehlen woͤllen: Er/ der Beklagter aber das beſtaͤndiglich verneynet/ vnnd etliche/ nicht vnglaͤubliche Vrſachen vorwendet: Dann auff dieſen beyden Stuͤcken/ Klagen vnd Verneinen/ kein Vr- theil eygentlich gewiß zu ſchlieſſen: Sondern darauff hafftet meine Meynung/ daß der erforderten Zeugen keiner/ die doch alle/ hart/ bey vnd neben dem Faͤhnrich/ da die That ſoll ge- ſchehen ſeyn/ geweſen/ vnnd ich ſage/ keiner außdruͤcklich be- thewret/ daß eben dieſer hab das Faͤhnlein mit den Haͤnden/ viel weniger freventlicher Weiſe angegriffen hette. Ja/ das noch mehr/ der fuͤrnembſte Zeuge vom Adel/ dem in ſonderheit fůr den andern zu glaͤuben ſeyn ſoll/ der bey dem Faͤhnrich an der Seyten/ vnder einem Mantel gelegen vnd geſchlaffen/ hat nichts vom ſehen/ dieſes oder jenes/ ſondern allein vom hoͤren/ vermeldet. Jch ſetze/ er wolte es geſehen haben: Wie were das/ jhr lieben Kriegsleut/ denckets doch/ nur muͤglich vnnd glaͤublich? Sie ſeyen/ ſpricht er/ bezecht geweſen/ haben vmbs Regens willen/ einen mit wollen Tuch gefuͤderten Mantel v- bern Kopff gezogen vnd geſchlaffen.

Nun/ was kan ein Trunckener/ zuvor wenns finſter iſt/ alſo gewiß ſehen/ daß er einen Eydt daruͤber ſchwehren duͤrffte? ge- ſchwiegen eines Mantels vberm Kopff? Vñ ob er ſchon zehen- mal vermeſſen ſchwuͤhre/ iſt es doch allemal vngewiß vnd im Zweiffel. Was kan ein Trunckener durch einen gefuͤderten li- deren Mantel (ich meynehiemit eben ſo wol den Faͤhurich/ als den Zeugen) eygentlich fuͤr Warheit erkennen vnd nachſagen? Die Militaris Disciplinæ: oder Die Trunckenheit/ die finſtere Nacht/ duppelter Mantel vnd ſchlaffen/ ſetzen bey mir die gantzen deß Profoſen Klag/ auffs vngewiß/ vnd in zweiffel/ ja ſchluͤpfferig vnd diſputierlich.

Dieſer ſo groſſer Hauff/ bedenckwuͤrdiger vnd wichtiger Vrſachen/ welcher eine jede fuͤr ſich ſelbſt gnugſam were/ zie- hen meine Gewiſſen zu ruͤck/ daß ich euwern Außſpruch nicht beyfallen/ noch eine ſolche ſchwehre Laſt darauff legen wil noch kan. Leicht iſt es wol/ Menſchenblut zu vergieſſen/ aber nicht ſo leicht vnd ring/ als wann wir ein Vieh oder Ganß den Kopff abreiſſen/ iſt es vor Gott zu verantworten/ bevor ſo das vn- ſchuldig vergoſſen iſt?

Ob ich nun wol/ jhr lieben Kriegsleut/ euwer geſprochenes Vrtheil/ das ohn zweiffel auß keinem argliſtigem Gemuͤht hergefloſſen/ nicht als nichtig durch meine Perſon auff heben wil: So rede ich doch alſo fuͤr mich/ der darmit nichts wil theilhafftig noch zu ſchaffen haben: Euch trewlich es zu Hertzen zu nemmen/ thue bitten vnnd vermahnen. Deßgleichen mir nichts hierumb (wie vor auch gebetten) in argem oder vnbeſten auff zu nemmen/ noch mich zu verdencken: Sehet mit zu/ jhr lieben Kriegsleut/ jhr habt ja auch ein Seel im Leib/ vnnd gilt auch einem jeden ſein eygens ſelbſt mit zu verantworten.

Auff ſolche deß Haͤuptmann Peters beſchehene Erklaͤrung/ ſaſſen ſie herumb/ vnd ſahen einander ſtillſchweigendt an. Der Schultheiß (deſſen Nahme war Hans Rauffer von Ebern) aber ſprach: Hierumb jhr lieben Kriegsleut/ ſeyndt wir/ mehr als einer/ vnd ſolcher Anzahl in dieſe Gerichtsbanck verordnet/ daß/ ſo vielleicht einer oder zween/ vnd ſo fortan/ etwas nicht vollkoͤm̃lich oder gnugſam verſtuͤnden/ daß man darumb diß/ ſo vnrichtig were/ nicht verbeſſern doͤrffte oder koͤndte/ daruͤber klaͤrern Bericht vnnd Außweiſung zu geben. Was diß vorge- hendt begreifft/ wie eben niemandt darzu gezwungen ſeyn ſoll/ alſo ſoll es niemandts Ehr leichtlich abkuͤrtzen.

Were Kriegshandlungen/ Dritter Theil.

Were es aber/ daß ein Verſtaͤndiger/ auß Gottes Wort/ Key- ſerlichen Rechten/ oder ſonſt rechtmaͤſſigen Gebraͤuchen/ vnd Kriegsleuten/ zu Lob/ Ehren vnd Nutz gereycht/ vnd erwuͤchſe/ etwas zu verbeſſern vnd vermehren/ werwolte das wehren? wer wolte einen deß verdencken? werwolte das zum Vnbeſten auß- legen vnnd verkehren?

So iſt es auch nicht an der viele der Stimm oder Mehr al- lezeit gelegen/ ſondern/ da ein einiger den bequemſten vnd rich- tigſten Weg anzuzeigen weiß/ dem iſt zu folgen. Haͤuptmann Peter hat vns alle mit ſeinem tieffbedachten Außſpruch/ einer nit geringen Buͤrden entladen.

Damit aber deß Rechten gewoͤhnlicher Proceß nicht ge- ſchwaͤchtwuͤrde/ thet er an ſie alle eine rechtliche Vmbfrag/ was ſie hieruͤber auch bedeuchte? war jhr aller Beſcheidt einhellig mit Haͤuptmann Petern/ vnnd mit Veraͤnderung jhrer aller voriger Meynung/ ward beſchloſſen/ den Beklagten der Leibs- ſtraff ledig zu zehlen. Dieweil er aber gleichwol nicht auff be- ſtimpter vnd gebuͤhrlicher Schildtwacht blieben/ vnd darvon weiter/ dann ziemlich/ ſpatzieret/ ſolte er ein Jahr vnnd Tag/ aller Landtsknecht Verſamblung meiden/ vnnd keinem/ vor Außgang ernennter Zeit/ beywohnen/ gleichwol alsdann/ ne- ben Aufflegung gnugſamer ſchrifftlichen Kundtſchafft ſeines Verhaltens/ da die auffrichtig vnd ehrengemaͤß lautet/ fuͤr gut wider angenommen ſeyn vnd bleiben.

Haͤuptmann Peter war dieſem guten Geſellen/ zu dem mal beſſer fuͤr den boͤſen Lufft/ dañ ein pfundt Tyriack. Doch gieng nach der handt die Sage/ er hette daheym (vielleicht auß die- ſem gefaßten Schrecken) nicht vber ein halb Jahr gelebt.

Nota.

Zu bekrefftigung der letzten Vmbfrag eines Vrtheils ma- chet dieſer Schultheiß/ in der Banck ſitzend/ ein Mehr druͤber/ mit auffrichten eines jeden Finger.

L lBeſchluß. Militaris Discipl. oder Kriegshandl. ꝛc.
Beſchluß.

ES ſeye nun/ mein Wolgoͤñender Frommer Leſer/ Ehrn- gedachter Haupt man Peter von Mellerſtatt/ nach dem willen Gottes/ noch in leben oder nicht/ habe ich/ der ich damals mit in der Gerichtsbanck geſeſſen/ ſeiner/ wie er wol wuͤrdig iſt/ zu gedencken nicht dahinden laſſen/ vnd dieß Buch mit beſchlieſſen woͤllen: Jn dem du geſehen vnd geleſen/ wie viel ich darin hab zu ſchreiben/ guthertziger meinung vorgenom̃en. Nicht ruͤhms oder derhalben/ Jemandt weyſern/ mit meiner Vngeſchickligkeit/ geſchickter zu machen/ vermeinendt (wol- te aber Gott/ daß ohne Nutz vnd Frucht nit abgienge) ſondern wie im anfang auch geſagt/ vnſern vorigen Loͤblichen Teut- ſchen zu Ehren Kriegsordnung/ wie die bey jhnen gehalten/ vnd braͤuchlich geweſen/ in Schriefften kuͤrtzlich verfaſſet. Jſt nun was guts an dieſer meiner Arbeit/ wolte ichs gern/ vnd bitte/ ein jeder Chriſtlicher verſtendiger Leſer woͤlle/ wo ich jrꝛ gangen/ mir zu gut halten/ es mir zum beſten deuten/ vnnd meiner Chri- ſtlichen gedencken. Gott trewlich befohlen.

2. Corinth. 3. Wir ſeyndt nicht tuͤchtig etwas zu dencken/ als von vns ſelber: Sondern daß wir etwas tuͤgen/ iſt von Gott/ der vns tuͤchtig gemacht hat.

ENDE.

Regiſter
Regiſter vber dieſe Kriegsbeſchreibung/ kuͤrtz- lich derer Jnnhalt anzeigend/ wie es nemlich mit Kriegen be- ſchaffen/ was eigentlich darzu gehoͤrt ꝛc. auch was ſonſten fuͤr denckwuͤrdiges darin hin vnd wider an- gezeigt wirdt/ vermeldend.
A Abraham ruͤſtet dreyhundert ſeiner eyge- nen Knecht zum Streit 5 Abſchieſſen wan es zeit vnd gut 156. 157. Abwechſelung der Gefangenen 179. Acht tauſent Pferde was die Monatlich zu halten koſten 214 Anfang deß Malofitz Rechts 234. 235. 236 Anlauff der Feinde zum Sturm 46 Anſtandt was es ſey 205 Anweiſſung einem Schreiber ſein Regiſter zu ſchlieſſen 83 Arme gemeine Leut trifft der Krieg vnnd Winderlager am haͤrteſten 201 Artalarey Wagen 127 Artalarey Perſonen ibidem Articulbrieff vnd deſen Sum̃ariſcher Jnn- halt 65. 66 Auff vnd zuſchlieſſen 19 Auffbrechen vnd furter ziehen 99. was dar- innen zu bedencken ibid. Aufforderung der Staͤtt vnnd Schloͤſſer 86. 87. 88. 89 Außfal vnnd Scharmuͤtzel ohne erhebliche vrſachen nicht leicht vorzunehmen 40 Außſpruch einen ledig zu erkennen 251
B Baw vnd Wehren verbeſſern 23 Baͤume vnnd alles vor der Statt wegreu- men 22 Bella defenſiua vnnd violenta was die ſeyen 4 Belagerung einer Statt 187. 188. 189 wie ſich darauff zu ſchicken 21 Belaͤgerten erledigung nit einerley 47. 48 Belaͤgerten womit ſie furnemlich zur ge- dult vñ gutwilligkeit angereitzt werdẽ 34 Beſchieſſung der Staͤdt vñ Schloͤſſer 169 Beſichtigung der Wacht 141 Beſchreibung einer mit gewalt eroberten Statt/ ſampt derer Vnfall vnd jaͤmmerli- chem zuſtandt 49. 50 51. 52 Beſchluß aller vrtheil 251 Beſſerung mancherley Gebrechen in einer Feſtung ſehr noͤhtig 24 Beſtallung vnd derſeben Jnnhalt 67. 68. wer die bey ſich hab 69. derſelbẽ gemeß le- ben 8 Beſtaͤttigung deß Leutenampts vnd Feld- waibels 74 Beſte vñ ſtaͤrckeſte Maur iſt die wacht 142 Bewerbung der Kriegsleut/ vnd wie es da- rumb gethan 57. Brauch der alten hie- rinnen 58 Bezahlung vnd Abzug 212 wie es die Koͤ- nige in Franckreich hier mit gehaltẽ ibid. Blan Faͤhnlein fuͤhren 120 Blendung wie zu machen 167. 168. 174. 176 Blochhaͤuſſer bey den Alten br̃aͤuchlich 198 wie die zu bauwen ibid. Blut Faͤhnlein wo die in der Ordnung hin geſtellet werden 154 Beklag- Regiſter. Beklagten Antwort durch ſeinen Furſpre- chen in dreyen vnterſchiedlichen gerichts- tagen 245. 246 Boͤſer Brauch etlicher Furſten 218 Bottſchafft zu ſenden/ vnd anzunehmen in gemein 96 Brandtmeiſter 120 Bruͤck mit ſchiff vber die Moſel gemacht 102 Brunnen abgraben vnd das Waſſer ver- derben 165 Burgerſchafft die beſte Guardi 17. iſt fuͤr- nemlich dreyerley 18 Burßgeſellen was/ vnd wer die ſeyen 117
C Cales wenn erobert 15 Claudit woher ſo genennet/ vnnd was ſein Ampt ſey 56 Chriſten iſt zu Kriegen erlaubt 2. wirdt mit goͤttlicher Schriefft erwieſen 3. 4. Churfurſt zu Sachſen vnnd Landtgraff zu Heſſen liegen vor Jngolſtadt 194
D Diedenhoffen wirdt gewonnen 15 D. M. Luther leſt hievon (ob ein Kriegsmã in einem ſeligen Standt ſey) ein Buch außgehen 2 D. Andreas Muſculus hat vom Standt der Kriegsleut weitlaͤufftig geſchrieben 2. 3. Drey werden zu Caſſel vor Recht geſtelt/ Zweẽ durch die Spieß geiagt/ einer aber loßgelaſſen 60. Beider mißhandlung der ſtraff wol werth 61 Durch ſchlagen wie es geſchehe vñ volbracht werde 199 Durchzug ſchadet ſehr viel wo er hinlangt 111
E Ein einig Haupt vnnd Feldtherꝛ/ der nuͤchtern vnd wacker/ am beſten 91. Sol ſichaller Voͤllerey/ vnd anderer uͤppigkeit entſchlagen 92. Alle Wachten zu rechter gewoͤhnlicher zeit beſehen ibid. Einer vorn Spieſſen verdampt/ wirdt mit dem Schwerdt gericht 227 Edelleut wie die vor reiten vnd jnen andere folgen 110 Empter vom gemeinen Mañ beſetzẽ 75. 76 Entlauffener Schelmen vrtheil 252 Engliſche Barten ein gute Wehr 27 hiermit groſſer ſchade geſchehen ibid. Ermahnung eines Oberſtẽ an ſein Kriegs- volck 160 Ermahnung an den vmbſtandt in wehrẽ- dem Recht 240
F Faͤhnlein wie es dem Faͤhnrich befohlẽ 73 wie viel derer einzuſuͤhren 112. wie lang die fliehen 113 Faͤhnrich ſpielen vmb das vorziehen 112 Faͤhnrich wirdt erſchoſſen 194 Faͤhnrichs gebrauch im Laͤger 123 Feindt von bauwen abtreiben vnnd verhin- dern 176 Feindt bleibt nicht bey einem Sturm 45 Feinde am Sturm hinderſich treiben/ vnd gefahr Regiſter. gefahr vermeiden 185 Feindten ſo da abziehen wie jhnen nach zu jagen 48. 49 Feindts Kũdtſchafft wahr zunem̃en 94. 95 Feldtherrn Loſament 125 Feldt beſtellen 84 Feldtzeichen von zweyen Farben ſeyndt ohne ſonderliche vrſach im Krieg nicht zu gebrauchen 85 Feldtherꝛ beſchauwet vñ ermahnet den hellẽ hauffen vorm angrieff 158. 159 Feldtſcherer ſollen ein gewiſſe Statt/ da ſie an zutreffen/ allzeit haben 164 Feldtſchlachten ob die zu thun vnnd an zu nemmen 148 derer vngewiſſer auß gang ibid. Das beſte hierin ibid. Feldtgeſchrey vnd Loſung/ warũb im Krieg braͤuchlich 155 Feldt vnnd Laͤger bewahren dieweil der Sturm wehret 186 Feldtgeſchuͤtz wohin gehoͤrig 199 Franciſcus vnnd Henricus 2. Koͤnige in Franckreich/ fuͤhrten allzeit zu Feldt eine Apoteck mit 203 Freunden wirdt auch auff der Fuͤtterung nicht verſchonet 131 Fried wirdt in gewiſſen puncten begrieffen 205. wie er zwiſchen groſſen Herꝛn vnd Potentaten beſtaͤtiget wirdt ibid. wirdt offt betrieglicher vnnd meuchlings weiſe gemacht 206 Froͤſche wollen Stoͤrcke haben 218 Feſtungen vnnd Beſatzungen warumb zu bauwen vnd zu ordnen 10 Die alten Teutſchen nenneten die Fe- ſtung eine Wicke ibid. Feſtung leichter zu bauwen den zu erhalten ibidem welchs die beſte ſey 11 Derer Bauwmeiſter/ wie er ſoll q́ualifi- ciert vnd geſchaffen ſeyn 11 Feſtung zu bauwen ſoll in groß bedencken/ vnd zuvor vmbſtaͤndlich erwogen wer- den 12 Feſtung bey nacht oͤffnen nicht rahtſam 20 Feſtung ſol nicht zuviel oder zu wenig volck haben 16 Feſtungen Verwalter furnembſte ſorg vnd fleiß 21 Feſtungen Einwoͤhner ſollen geſchworne Buͤrger ſeyn 17 Feſtungẽ vndergraben vnd ſprengen 178 Feſtung vngewonnen hinderſich laſſen iſt ſehr nachtheilig 197 Feuwer ſo das außkompt oder ein Lerman ſich erhebt/ muß ein jeder ſich zu ſeinem Quartier finden 34 Feuwer in Haͤuſſern ſchwerlich zu verwah- ren 36 Feuwer Kugeln/ ſo da eingeſchoſſen wordẽ/ wie die zu leſchen ibid. Feuwer ſo wol bey Tag als bey Nacht/ wie es võ Thurnhuͤtern angemeldt wird 36 Feuwer vnd Feuwerkugel werffen 178 Feuwer wem es auff der wacht zugelaſſen 145 Fuͤhrer helffen den Krancken auff die Wa- gen 117 Fuhrieren in Staͤtten 123 Fuͤrſten Hoͤff ſindt nimmer oder ja ſelten rein 97 Futterung holen 130 Furſprechen bedingung anß Reche/ eines Klagers vnd Beklagten 242. 243 L l iijGalgen Regiſter.
G Galgen wirdt im Krieg mitgefuͤhrt 221 Gamala ein Statt in Galilæa wirdt ero- bert 15 Garthauffen woher ſo genennet/ vnnd was es ſey 214. Ein ſolcher verſamlet ſich im Landt zu Hadeln/ vñ der Herꝛſchafft Teckelnburg 216 Gefangene/ wie mit jnen gebaret vnd vmb- gangen wirdt 161. Wie ſie zuhaltẽ 179 Brauch der Alten hierinnen 161 Gegenwehr ein Sturm auffzuhaltẽ 43. 44 Golt von Kupffer vñ Meſſing gemacht 32 Glieder wie die nach einander gehen 153 Gemeine Form der Vrtheil 250. 251 Gemeine Knecht muͤſſen mit weiſſen ſtaͤb- len darvon ziehen 161 Gerichtsbãck 231. wie ſtarck die zu beſetzẽ 233 Gerichtlicher Proceß etwan vnder Kriegs- leuten braͤuchlich 217 Gerichts Waͤibels Vorgebott 232 Gerichtsbanck verbannen 239. 240 Gerichtsſchreibers accidentia 258 Gerichtwaͤibels gebuͤr võ jedem Vorgebott 258. 259 Gerichtleut/ Gerichtweibels/ wie auch deß Gerichtſchreibers Empter 229. 230. 231 Gott dem Herꝛn ein Fußfall thun vor dem Angrieff 160 Graben beſichtigen 181 Groſſer Hanſen Weiber werden zaͤrtlich ge- halten 114 Groͤſer balgẽs iſt nirgẽts als beym ſpiln 136 Geſchicht vnnd Hiſtoria in Picarden vor Bolonien 139 Geſchicht vor Blaſſenburg 137 Geſchuͤtz vñ anders auff die Wehr zu ordnẽ 27. Wirdt ordentlich nach einander geſtelt 127
H Hacken Schuͤtzen begeren vom Faͤhnrich eine Verehrung 75. Erſchleſſen ein in Franckreich 226 Hackẽgelt wie darum̃ geſchoſſen wird 80. 81 Handlen ohne Raht/ bringt reuwen nach der That 92 Hauptman Peter von Mellerſtadt/ errettet einem vor Schweinfort im Feldtlaͤger ſein Leben 261. 262. 263. 264. 265 Haͤuptfahn Quartier 126 Wie die zu or- nen/ auch wer ſie fuhret ibid. Haͤuſer welche zu freyen 122. 123 Haupt oder Hofffahn 85 Hefftige Kargheit vñ ſtuͤmpflicher Abbruch ſol im Krieg nicht ſeyn 31 Heimlich ort wo der hin gelegt werde 140 Herodotus meldet wie Xerxes vber das Helleſpontiſche Meer geſchiffet 104 Hochzeit werden zu Feldt im Lager gehaltẽ 147 Hoffleut auffwecken 107. Jhre Nacht vnd Tagwacht 142 Hoͤchſte Landtverderber 121 Hurenwaͤtbel wo der her erwoͤhlet werde 115
J Iotapatha ein feſte Statt in Galilæa, auff was weiß vñ gelegenheit ſie von Veſpa- ſiano gewonnen worden 14
K Katzenbauwẽ vñauff die Wehr ſchieſen 174 Katzen in ein Sũpff oď Moraſt bauwẽ 175 Ein ander Klag die Profoſen vnd dar- auff gewoͤhnlicher Proceß 246. 247 Kein Regiſter. Kein ort er ſey auch erbauwet wie er woͤll/ ſol ohne verwahrũg gelaſſen werden 34 Kennfahn 85 Kindtauff bey den Kriegsleuten 147 Knecht werden bewehrt 62. Welche zum Sturm verordnet werden 182 Wie die loſiert werden 123 Klag deß Profoſen wider einen der die Schildtwacht verlaſſen 243. 244 Kochbrunnen im Krieg 125 Koͤnig Hiſcia befiehlt ſeine Sachẽ Gott 21 Krancke Knecht nachzubringen/ vnd etwas von derer Kranckheit vrſach 116 Krancken Wagen beſtellen 117 Kraut vñ Loth ſol im Krieg nit mãgeln 155 Krieg vnd was kriegen ſey 1 Deſen Vr- ſach 2 Wie mancherley er ſey 4 Kriegsleut mit dreyen zu betriegen 81. 82 Kriegsleut laſſen nichts vndurchkrochẽ 130 Kriegs Raͤhte 126 Kriegsleut ſo verſtorben/ wie die zur Erden beſtattet werden 202 Sterben ge- meinlich an der Breune ibid. Kuͤchen im Feldt 125 Kuͤchenſpeiß welche fuͤrnemlich im Laͤger erfordert werde 30 Kundtſchafft im Krieg ſol man nicht man- geln 21 Kundtſchafft auß der Feſtung ſenden 36 So die zu vberſchickẽ/ ſol ſchrifft vermit- ten werden 37 Jſt fuͤrnemlich nutz im Krieg 93 Durch wen dieſelbe zubekõ- men 94 Kundtſchafften zuverfaſſen/ vnd warnung vorm falſchen/ oder Meyneidt 254. 255 Kurtzweil denen ſo den Sturm antretten zu bereitet 184 Kurtzer Summariſcher Proceß ins Ampt eines Schultheiſen gehoͤrig/ vnd Male- ſitz Sachen braͤuchlich 228. 229
L Laͤger ſchlagen vnd haben 121. 124 Laͤger vmbſchantzen vnd vergraben 140 Laͤger vberfallẽ welche zeit am fuͤglichſtẽ 186 Landtknechts Weiber hartſeligkeit 115 Landtknecht Wacht 143 Langſame execution miltert den Zorn vñ Rach 219 Wirdt probiret 219. 220 Lauffſchantzen welche/ vnd heimliche geſicht darein zu machen 172 Lelius vnd Maſſiniſſa fallen bey Nacht in der Carthaginenſer Wagenburg 192 Lerman Platz 133 Woher ſo geneñt ibid. Lerman machen bey der Nacht mit brennẽ- den Lunden 177 Leutenampt/ was es ſey vnd heiſſe/ auch wo- her alſo genennet 55 Letz Faͤhnlein 154 Liechtenfels ein fein Stratagema erfun- den 41 Loſung was es ſey 143 Wem die zu ver- trauwen ibid. Loſung verendern 145 Luͤcken zumachen 41
M Mangel an waſſer iſt die vornembſte vrſach der Ergebung 116 Mangel/ derer die im Rechten ſitzen zu er- fuͤllen 233. 234 Mappa oder Landtaffel im Krieg noͤtig vñ gut 100 Mauren Regiſter. Mauwren werden mit der handt niderge- hauwen 181 Mauren mit ſchrauben vmbwerffen 182 Mehr machen 70 Mehrerteil laufft muttwillig in Krieg 58. 59 Meuterey vnd zwytracht in der Feſtung bey zeit abzuſchaffen vnd zu ſtraffen 33 Mittel ſol man brauchen vnd nicht freuent- lich verachten 3 Mittel Faͤhnlein/ wo die in der Ordnung hingeſtellet werden 154 Monatliche bezahlung wie die vor zu nem- men 32. 81 Mum oder Spielplatz 136 Wirdt der Gotslaͤſterer Platzgeneñt ibi. Muſter Platz wohin zulegen 59 Muſterung in Teutſchlandt 70 Muſterung etwa in Franckreich braͤuchlich 71. 72 Muſterſchreiber 71 Muͤhlenſeynd das Hertz in einer Feſtũg 25 Muͤhlſtein an einer Stangen vnder die Feinde gelaſſen thun vnſaͤglichen Scha- den 45
N Nachrichter oder Zuͤchtiger 67 Nachtleuchten wohin gehoͤrig 43 Nachts ins Laͤger kommen/ vber die maſſen verdrieſlich 131 Nacht vnd Tagwacht auff vnd abfuͤhrẽ 141 Was ſie ſey/ ibid. Gantzer hauff wachet 142 Wohin die zu fuͤhren ibid. Nachzug oder Nachtreiben 119 Neuwer Monat neuwe Empter 77 Neuwe art Blendung zu machen 182 Noͤhtige Erinnerung an das Kriegsvolck 156 Nutz deß Spielens 136
O Oberſten/ wie vnder Hoffleuten vñ Knech- ten zuerwehlen 7. Was hierinnen zu bedencken ibid. Woher fuͤrnemlich zu beſtellen 9. Deſen zugehoͤrig Ge- findlein 54. Deſen Leutenampt vnd ſein Geſindt/ wie auch eines jeden Haͤuptmans 55. Oberſten laſſen gantze Doͤrffer abbrechen vnnd ins Laͤger fuͤhren 201 Oberſten vnnd ſeines Leutenampts Loſa- ment 129 Oberſter vnnd andere Haͤuptleut nehmen jhren Plaͤtz ein 159 Oberſten Verpflichtung gegen die Knech- 63. 64 Oberſte vnnd andere hohe Ampter werden angezeigt vnnd ſaͤmptlich in Eydt ge- nommen 62. 63 Oberſten vermahnung ans Kriegsvolck vor dem Sturm 183 Ordnung welche da in ein Feſtung gehoͤ- rig 16 Ordnung im angehendem Lermen vnnd Sturmen 43
P Paßporten/ was vñ warumb zu haben 210 Derer Jnhalt 211 Paßport vnnd ſicher Geleit muͤſſen haben/ die dem Laͤger zufuͤhren 134. 135 Philip- Regiſter. Philippus von Commines ſchreibt wie Bottſchafft zu ſenden 96. 97 Platz zun Feldtſchlachten vngewiß 149 Portus oder Schiff haffen wie in Picardi erbauwet 104 Predigen vnd Gotteswort hoͤren 146 Proceß mit Klag vnnd Antwort vorm Rechten 241 Proceß in Erforſchung deß Endtvrtheils 249. 250 Profoß vnd deſen Mitgeſellen 56. Laſſen ſich beim Abdancken nicht finden 210 Profoß ſol ſich auff allerley Eyſen ſchicken gefangene drein zu ſchlieſſen 56 Profoſen Diener in ſonderbarẽ Laͤgern 124 Proviant der Feſtung am meinſten noͤh- tig 30 Proviant in der Buͤrger Haͤuſſer 32 Proviantmeiſter 57 Proviantplatz 134. Sol vor dem Bloch- hauß gehalten werden 199 Proviãt wird nach der Rey außgetheilt 135 Pulver Wagen 127
Q Quartier außtheilen 122 Quartiermeiſter 56
R Ranzion was 180 Raſt tragen was es ſey 113 Recht vorm gemeinen Mann vnd langen Spieſen 221. 222. 223. 224 Rechtſprechung nicht fluchs zu volnſtre- cken 259. 260 Hiervon ein Hiſtoria/ ſo ſich vor Schweinfort im Feldtlaͤger zugetragen wol zumercken 261. 262. 263. 264. 265 Rechts tag wie ſie nach einander folgen 234 Reiſige Knecht 126 Rom gewonnen 136. Wirdt von den Gallis zu Aſchen gemacht 13 Rotten machen 79 Ruͤſtkammer/ wie vnd auff was weiß die ſol beſtalt ſeyn 29
S Salue Guarde was es ſey 121 Scipio hernacher Africanus genennt/ ero- bert neuw Larthago 14. Liegt vor der Statt Vtica 190. Schickt Bottſchafft an den Koͤnig Siphax ibid. Theilet ſein Volck in zween hauffen 191 Schantzen auff mancherley weiß zu machẽ 170 Schantzkoͤrb vor Bolonien auß Wolnſaͤckẽ gemacht 171. 172 Scharmuͤtzeln warzu dienlich 150 Scharwacht thun 145 Schiffbruch vnd derer Beſchreibung 102 103. 104 Schiltwacht 143 Werden offt viel nach einander geſtelt 144 Schieſſen bey der Nacht/ vnd den Feindt vom bauwen abtreiben 176. 177 Schlachtordnung behent zu machen 152 Schluͤſſell holen vnd wegtragen/ auch wem ſie ſollen gelieffert werden 19 Schwanger Weiber Armutſeligkeit 115 Schultheiſſen vmbfrag an die Gerichts- Perſonen 237. 238. 239 M mSchuld- Regiſter. Schuldrecht was es ſey vnd warumb ſo ge- nennet 257 Schultheiſſen/ Gerichtſchreibers vnd Ge- richtwaibels Tax vnd Gebuͤr auſſerhalb Monatlicher Beſoltung 257. 258 Schultheiß vnd ſeine zugehoͤrige 55 Schußgattern warzu nutz vnd gut 45 Solt Reuter 126 Sonn vnd Windt auff dem ruͤcken haben/ achtet man vor halb gewonnen 156 Sparſam in Beſatzungen leben nutzt/ taͤ- gliche fuͤllerey ſchadet 31 Spielplatz wem er am meiſten from̃et 137 Spielen was es ſey 136 Jm Krieg ſehr braͤuchlich 138 Spieler ſehen kein Perſon an 139 Spielleut beſetzen auch jhre Empter 78 Seyndt nicht das geringſt im Krieg 79 Erregen den Kriegeriſchen muth ibid. Stab brechen 253 Stattvolcks Wehr vnd Inſtrumenta zum bauwen dienlich zu beſehen 29 Statt vberraſcht 45 Stattung deß Eydts ſo die Kriegsleut ſchweren 69 Statt vnd Feſtung berennen 98 Statt Suſt rechnet mit den Gartbruͤdern ab 216 Statt vnnd Feſtung ſo gewonnen worden bleiben ſelten vngepluͤndert 196 Stilſtandt was es ſey 204 Stehendtrecht daß alleraͤlteſte vnnd ſchaͤr- pfeſt 217 Stein auff die Wehr tragen/ vnd Streich werhen verſehen 42 Straß welche zu ziehen ſol in gut bedencken genommen werden 101 Stratagema vom Feindt vber ein waſſer zu Schiffen 106 Straß darauff die Hoffleut ziehen 109 Jtem Landtsknecht vnd Fußvolck ibid. Stuͤrmen on bedacht ſol nicht vorgenom- men werden 180 Summariſche Beſchreibũg einer Schlacht 162. 163 Siphax vnd Haſtrubal ſchicken Botſchafft gehn Carthago 191 kommen beyde mit vielem volck darvon 193
T Tag vnnd Nacht ſol ein fleiſige wacht auff vnd abgefuͤhret werden 34 Thurnwaͤchter jederzeit nutz geweſen 35 Todte vnd lebendige fahren offt auff eim Wagen daher 118 Todten werden von Bauwren begraben 162 Trabanten 125 Troß woher ſo genennet vnnd was er ſey 113. 114 Troß fuͤhren 157 Troß deß geſchlagenen hauffens 161
V Vbung zur Schlachtordnung vnd blinde Lermen 150 Verachtung thut nimmer gut 149 Verlohrner hauffen was vnnd warumb ſo genennet 150 Viel Blinder Lerman ſchedlich 151 Vim virepellere licet 5 Vmbſchlagen vnd auffbrechen 110 Vmbſchlagen zum Malefitz Recht 231 Vnbewer- Regiſter. Vnbewehrte zu ſtaffiren 29 Vndergraben/ vnd wobey zuerkeñen 39 Vngleiche Rahtſchlaͤg/ zweyerley gleiches gewalts Obrigkeit ſchaffen wenig guts 91 Vnnoͤhtig ſchieſſen auß der Feſtung zu meyden 28 Vorraht an Fruͤchten ſol ein jeder Buͤrger auff kuͤnfftige Belaͤgerung haben 20 Vortheil ſol keiner leichtlich vbergeben 157 Vrlaub geben vnd abdancken wie es darum̃ gethan 206. 207. 208. 209 Vrtheil in Malefitzhaͤndeln wie ſie vol- ſtrecket werden 248
W Wacht 124 So einer die verſaͤumet wirdt am Leib geſtrafft 146 Wagenburg vnnd wie es darumb gethan 127. 128 Wagen fuͤr muͤde Knecht 119 Warnungs ſchriff/ Abſag oder Feindbrieff wie die geſandt vnnd angenommen werden 89. 90. 91 Waſſer kann man nicht entrahten 165 Waſſer auffſchwellen 37 Waſſer offen behalten vnd zu eyſſen 38 Waſſer zuſchlieſen 39 Weinkeller im fuͤttern mit fuͤhren 129 Weyß vnnd anleitung einen hauffen wie ſtarck er ſey zuerkennen 84 Wie man ſich gegẽ dem Feind erzeigen ſol daß er meinet/ als ob die in der Feſtung an Volck noch eins ſo ſtarck weren/ auch mehr den einerley volck bey jnen hettẽ 35 Winderlaͤger vertheilet die Regiment vnd Faͤhnlein 200. wirdt verruͤckt 201. Jtem im Feldt haben ibid.
Z Zeichen einer Statt/ welche ſich zu ergeben willens 47 Zeugen die nicht zu beſtimpter zeit erſcheinẽ werden in die Eyſen geſchloſſen 254 Zeugen wo vnd wie die abgehoͤrt werdẽ 256 Zeughauß wer darzu zu beſtellen/ auch was fuͤrnemlich darzu erfordert werde 26 Zeugſchreiber ſol ſich keiner muͤhe verdrie- ſen laſſen ibid. Zug im Krieg dreyfach 101 Zween muthwillige Buben werden ent- haͤupt 61

ENDE.

Beſchreibung Fuͤrſtli- cher Heroiſcher Ritterſpiel. ALs ich vngfehr gen Stutgart kam/ Vnd ſolche Faßnacht Freud vernam/ Darab ich mich dann ſehr verwundert/Vrſach vñ Ge- legenheit dieſer Beſchreibung Der Reymen machet ich viel hundert/ Damit der Leſer hett ein Bericht/ Welcher daher moͤcht kommen nicht/ Vnd alle Ding vor Augen ſehen/ Was ſelben Tags zu Stutgartgſchehen/ Damit er nicht durch falſch Geſchrey/ Welchs offt außgeht gar mancherley/ Betrogen vnd bethoͤret werd/ Wie offt geſchicht auff dieſer Erd. Nun wie die Ritterſpiel gehalten/ Zu Stutgart nach aller Gſtalten/ Wie zierlich/ Fuͤrſtlich/ Koͤniglich/ Wil ich anzeigen maͤniglich/ Der Leſer woͤll mir guͤnſtig ſeyn/Captatio bene- uolentiæ. So wil ich jhm erzehlen fein: Da man hat zehlet vngefahr/ Von Chriſti Geburt ein tauſent Jahr/ AFuͤnff Beſchreibung Fuͤrſtlicher Fuͤnff hundert/ neun vnd neuntzig eben/ Hat ſich ein froͤliche Zeit begeben/ Daß der Durchleuchtig/ Hochgeborn/ Territorium. Die Landt- ſchafft Wuͤr- tenberg beyſam- men geweſen 6. Wochen lang.Friderich in Wuͤrtenberg erkohrn/ Sein gantze Landtſchafft zſammen ſchrieb/ Die ſchier ſechs Wochn zu Stutgart blieb. Die Abbates Prælaten gnandt/ Jm gantzen Wuͤrtenberger Landt/ Sampt andern Staͤtten ſeyndt ankommen/ Haben allr Sachn ein Bericht eyngnommen/ Jede Statt jhren Amptmannſchickt/ Zween Buͤrgermeiſter kamen mit/ Jch hett die Kloͤſter vnd Prælaten/ (Wann man es nicht hett widerrahten) Namhafft gemacht zur Gedaͤchtnuß/ Aber ich fort da eilen muß. Nun Hertzog Friderich mit Nahm/ Jn Wuͤrtenberg ſie ſchrieb zuſam/ Dann Jhr Gnad thaͤt froͤlich Sachen/ Vnd ernſtliche/ auch außrichtig machen/ Vrſach warum̃ die Landſchafft zuſammen kom- men ſey.Mit der Landtſchafft deliberieren/ Wie man das Landt moͤcht wol regieren/ Dardurch befuͤrdern gmeinen Nutz/ Das Landt erhalten in dem Schutz/ Auch guter Friedt erhalten werd/ Vnd maͤniglich auff dieſer Erdt. Als nun die Landtſchafft etlich Tag/ Lang vor der Faßnachtz Stutgart lag/ Wie Hertzog Friderich Faß- nacht hielt/ vnd ſchoͤne Ritter- ſpiel ließ abge- hen. War Jhre Fuͤrſtlich Gnad bedacht/ Schoͤn Ritterſpiel auff die Bahn bracht/ Nebn andern Fuͤrſten/ Grafen/ Herꝛn/ Hielt ſtattlich Faßnacht/ Jhn zu Ehrn/ Daß Heroiſcher Ritterſpiel. Daß Jhn nicht werd die Weil zu lang/ Vertrieb hiermit den Muͤſſiggangt Man hielt ſchoͤn Auffzuͤg zum Thurnier/ Zum Ringrennen mit aller Zier/ Daß man nicht baldt in Wuͤrtenberg/ Geſehen hat ſo koͤſtlich Werck/ Darumb ſo wil ich alle Sachen/ Beſchreiben/ was man hie thaͤt machen.Wie man am Dienſtag den 22. Febr. ein Fußthurnier angeſchlagen/ vnd gehalten habe. Am Dienſtag angeſchlagen war/ Ein Fußthurnier gantz zierlich gar/ Dann alſo lautet das Carthel/ An ſeiner Tafel vnd Gemaͤhl/ Ein ſchoͤner Krantz vmb die Schrifft gieng/ Jm Hof ſie an eim Nagel hieng/ Die lautet alſo/ glaub du mir/Articul deß Carthels: Der Erſte. Daß keiner ſol in Fußthurnier Eyntretttn/ der kein Edler Knecht Nicht hab ein Rittermaͤſſig Gſchlecht/ Auch komm von gutem Stammen her/ Sol nicht zuglaſſen werden der. Zum Andern/ ſol jeder ſein NamenDer ander. Der Ordnung nach/ bringen zuſammen/ Dem Richter vbergeben fein/ Der ſol in Schrifft verfaſſet ſeyn. Zum Dritten/ daß man keinen Spieß/Der dritt. Von Frembde braͤcht/ da ſehen ließ/ Auch kein frembd Schwert in den Thurnier Offentlich/ oder ſonſt eynfuͤhr/ Dann welche die Richter mit maſſen/ Fuͤr Grecht vnd Juſt paſſieren laſſen. Zum Vierdren/ ſol jeder drey Stoß/Der vierdt. Mit ſeinem Spieß aufftrucken bloß/ A ijVnd Beſchreibung Fůrſtlicher Vnd thun fuͤnff Streych mit ſeinem Schwert/ Nicht druͤber werd von jhm begert. Der fuͤnffte.Zum Fuͤnfften/ wann einer ſein Spieß/ Auff dem Schrancken anruͤhren ließ/ Oder ein vnder den Guͤrtel treffen/ Den ſol man mit keim Danck aͤffen. Der ſechſte.Zum Sechſten/ ſol auch keiner nicht Ein andern nach vnhoͤfflichn Sitt/ Sein Spieß außſchlagen/ oder ein Stich/ Nicht etwan weichen hinderſich. Der ſtebendt.Zum Siebenden/ ſo eim das Schwert Empfallen wuͤrde/ auff die Erdt/ Oder wolt ſich bhelffen an den Schrancken/ Dem ſol man auch nicht abdancken/ So ferꝛ er aber in dem Krieg Sein Schwert zu Stůcken baldt zerſchluͤg/ Oder zerbraͤch vnd fiel auff Erden/ Dem ſol ein anders geben werden. Der acht.Fůrs Acht/ wann einer gſtoſſen wirdt/ Oder gſchlagen das nicht gebuͤrt Mit dem Schwert oder der Stangen/ Der ſol da kein Danck erlangen/ Auſſer die folia fuͤrnemb/ Verbotten ſeyn als vnbequemb. Der neundte.Zum Neundten/ ſollen alle Streych/ Sie gehen hart ab oder weych/ So vber die zahl ſeyn abgangen/ Kein Danck haben/ noch erlangen. Der zehendt.Fuͤrs Zehendt/ verbotte auchs Carthel/ Daß man ſol brauchen kein Vorthel/ Jn den Haͤndſchuchen/ auch deßgleich/ Kein Schifftung auff dem Helmlin reich. Zum Heroiſcher Ritterſpiel. Zum Eylfften/ der ſein Spieß abſchluͤgDer eyifft. Jn dieſem Thurnier vnd Schimpffkrieg/ Der ſol kein Danck erlangen nicht/ Weil er nicht braucht hoͤffliche Sitt. Zum Zwoͤlfften/ ſol jeder ſein SchwertDer zwoͤlfft. Ohn Ghuͤlffen ſelbs außziehen werth. Zum Dreytzehenden/ welcher fehlt/Der dreytze- hendt. Dem anderen ins Schwert angehlt/ Oder angriff/ ſol nichts empfangen/ Vnd keinen Danck darvon erlangen. Zum Viertzehenden/ ſo einer die Streych/Der viertzehend vnd letzt Arti- cul. Sie ſeyen gleich hart oder weych/ Dem andern aufffieng/ derſelb mag Kein Danck haben auff dieſen Tag/ Dergleichen Leges waren geben/ Vnd angeſchlagen/ merckt ich eben/ Vnd laß mit fleiß das ſchoͤn Carthel/ Daß ich ſein Jnnhalt hie erzehl/ Darnach die Daͤnck ich alſo mercktWie vnd wann man ſoll die Daͤnck außthel- len. An dieſer Tafel abgefertigt: Erſtlich/ welcher wuͤrde erkohrn Zu einem Obern Mantenidorn/ Dem ſol man geben zierlich gantz/ Den Danck/ vnd ſchoͤnen Ehrenkrantz:Ehrenkrantz. Darnach/ welcher kompt auff die Bahn Am zierlichſten vor jedermann/ Da moͤchten wol die Richter fragen/ Das Frauwen zimmer laſſen ſagen/ Wer deſſelben Dancks wuͤrdig ſey/ Sol ſtehn dem Frauwenzimmer frey. Zum dritten/ welcher in drey ſtoſſen/ Mit dem Spieß wirdt anboſſen/Spießdanck. A iijDie Beſchreibung Fuͤrſtlicher Die naͤchſte vnd am hoͤchſten wirdt/ Zierlich zerbrochen/ wies gebuͤrt/ Der ſol nach der Richter Vorwiſſen/ Vnd Erkanntnuß haben gefliſſen/ Den Spießdanck loͤblich darvon tragen/ Daß man jhm koͤndt das Lob nachſagen. Schwertdanck.Zum vierdten/ welcher geſchlagen wirdt Jm fuͤnfften Streych/ wie ſich gebuͤrt/ Am beſten/ vnd am zierlichſten/ Nach Helden Art viſierlichſten/ Der ſol nach der Erkandtnuß fein/ Der Richter tragen den Danck ſein/ Das Lob im Schwert haben darvon/ Vnd tragen dieſe Ehrencron. Zum fuͤnfften/ welcher ſich wol helt Jn der Folia, dem iſt beſtellt Folien Danck.Der Folia Danck/ vnd dieſe Cron/ Sol deßwegen tragen darvon/ Das war der Jnnhalt diß Carthel/ Da ich es laß/ vnd hie erzehl. Als nun die Fuͤrſten hetten geſſen Das Morgenmahl/ vnd lang geſeſſen/ Schlug es die Eylffte auff der Fahrt/ Maͤniglich lieff zu in dem Thiergart/ Die Richter dieſes Fußthurnier/ Traten daher in aller Zier: Der Wolge- born Graf Wolff von Ho- henlot/ Richter deß Fußthur- niers.Nemlich Graf Wolff gantz Wolgeborn/ Von Hohenloe außerkohrn/ Ein tapffer vnd anſchlicher Herꝛ/ Von Tugent vnd von Leib gar ſchwer/ Dann er ſehr groß von Leib vnd Blut/ Wie ein Heldt daher tretten thut/ Auff Heroiſcher Ritterſpiel. Auff Jhre Gnad folget vnd kamGraf Crafft võ Hohenloe/ G. Wolffen Son. Sein junger Sohn Graf Crafft mit Nam/ Ein tapffer/ wacker/ hůbſcher Sohn/ Der ſich in Sprachen vbet nun/ Vnd allem gutem Ritterſpiel/ Die er jetzt auch beſchauwen wil/ Die beyde Herꝛn warn vmbgeben Mit Trabanten/ die vmb ſich ſchweben/ Mit jhren Dienern variis, Mit Schreibern/ Secretariis, Giengenalſo auff den Altan/ Da ſie eynſahen auff die Bahn/ Auff welcher man zu Fuß thurniert/ Mit Schrancken vnd Kißſannt geziert/ Mit Zelten die auffgſchlagen ſeyn/ Dareyn man iſt abgtretten fein: Der ander Richter daher kam/ Der war der Marſchalck/ vnd mit Nahm/ Hieronymus von Merſpurg geborn/Hieronymns Freyherꝛ von Merſpurg Fuͤrſtlicher Wuͤrtenber- giſcher Mar- ſchalck/ ꝛc. Richter deß Fußthurniers. Der Edel vnd Veſt Hans Ja- cob gut von Sultz/ Fuͤrſtli- cher Wuͤrten- bergiſcher Cam- mer meiſter/ Richter deß Fußthurniers. Ein Freyherꝛ zierlich außerkohrn: Auff Jhn folget Hans Jacob gut/ Von Sultz/ das wacker Edel Blut/ Mein guͤnſtig Juncker wol geziert/ Der zierlich ſeine Reden fuͤhrt/ Hat viel gſtudiert/ iſt weiß vnd klug/ Kan ſeine Sprachen reden gnug/ Jſt gut vom Adel nach ſeim Gſchlecht/ Er zeigt ſich wacker vnd auffrecht/ Darumb er jetzt ins zwaͤntzigſt Jahr/ Jſt Cammermeiſter vngefahr/ Dem Fuͤrſten ein getreuwer Raht/ Das Richterampt auff diß mal hat/ Vnd Beſchreibung Fůrſtlicher Vnd muͤſte helffen Judicieren/ Da man pflegt hie zu Fuß thurniern: Der vierdte Richter kam daher/ Auch vber dmaſſen zierlich ſehr/ Der Edel vnd Veſt Melchior von Reichaw Fuͤrſtlicher Wuͤrtenbergi- ſcheꝛ Haͤuptmañ Erwoͤhlter Richter im Fuß thurnier.Vnd ſtellt ſich mit jhm auff die Schaw/ Haͤuptmann Melchior von Reichaw/ Ein dapffer Kriegßmann dieſer iſt/ Erwoͤhlter Richter dieſer Friſt. Nun dieſe obgemeldte Herꝛn Jn Thiergarten all vier begern/ Vnd ſtellten ſich an ſonders Ort/ Das jhnen war zugrůſtet dort/ Ein Haͤußlin ſchier wie ein Altan/ Daß man in Platz eynſehen kan/ Das Stieglin tratten ſie hinauff/ Vberſahen den gantzen Hauff/ Wuͤrtenbergi- ſches Fuͤrſtlichs Frauwenzim- mer.Darauff das ſchoͤne Frauwenzimmer/ Jn Fuͤrſtlichn Kleydern thaͤten ſchimmern/ Vnd gieng hinauff ins alt Luſthauß/ Sahe Fuͤrſtlich zum Fenſter auß: Proceß deß Fußthurniers.Darnach ich auch geſehen hab/ Jn Thiergarten kommen herab/ Auß dem Fůrſtlichen ſchoͤnen Schloß/ Ein Auffzug der war zierlich groß: Trom̃enſchlaͤ- ger was er fuͤr ein Streych ge- fuͤhret hab.Erſtlich ein Trommenſchlaͤger gieng/ Die Bauck an ſeiner Seiten hieng/ Mit zweyen Schlaͤgeln ſchlug er drauff/ Dem gantzen Wuͤrtenberger Hauff/ Das lautet alſo nach meim Wohn Vngfehrlich gab es ſolchen Thon. Der Heroiſcher Ritterſpiel.
Der Wuͤrtenberger Streych auff der Trommen.

GEnus Martium: eſto feruidum: Sueua a- lacritas & temeritas: durus populus: eſto Sueuicus, cui dat nummos VV ürtenbergicos, Fridericus Dux: Ecce noſtra lux: & Dux Tec- cius: Mompeligardicus: Eques Gallicus & Bri- tannicus: Martis ſocius: hui velocius, ruite ſi- mul in hos, quos dat obuios, Mars & Pallas vi- Bros: Beſchreibung Fuͤrſtlicher ros: Hui luite, ruite, tremite, fremite, premi- te, ſequimini.

Auff Teutſch alſo:

EJſenmaͤſſig Volck: vnders Himmels Wolck: ſeind die Schwaben Leut/ gſeyn vor alter zeit: Darumb ſo ſeyndt friſch auff/ der gantzen Schwaben Hauff: Bruder vber Feldt/ Wůrten- berger Gelt/ das iſt ein gute Můntz/ vnd auch mein Sententz: Schirmen das Vatterlandt/ vnd mit ge- wehrter Handt/ ſeyn froͤlich vnd munter/ ein jeder beſonder/ daß erhalten werd/ guter Fried auff Erd: Alſo Friderich hat erzeiget ſich/ in einer kurtzen Summ/ Pomperle/ Pomp/ Pomp/ Pomp.

DEn Streych der Trommenſchlaͤger fůhrt/ Das Pfeiffle drunder moduliert/ Welches der Pfeiffer artlich griff/ Vnd hell zu ſeiner Paucken pfiff/ Kleydung der Trommenſchlaͤ- ger vñ Pfeiffer.Die beyde waren violblaw/ Anzogen von weiß ſparen graw/ Auff Engellaͤndiſche Manier/ Gar ſchoͤn bereyt zum Fußthurnier. Darnach kamen getretten frey/ Die Patrinen/ dern waren drey/ Welche den Kampff muſten abſchiedn/ Vnd machten allweg wider Friedn/ Wann die Helden ſchlugen zſammen/ Vnd hitzig auff einander kamen. Der Heroiſcher Ritterſpiel. Der erſt Patrin genennet war/Aufftritt J. Sebaſtian Wellings. Sebaſtian Welling an der Schar/ Der Edel vnd Veſt Juncker gut/ Daher gieng mit eim Helden Muht. Die andre ſeyndt mir nicht bekandt/ Drumb werden ſie hie nicht genandt/ Dann ichs ſo baldt nicht kundt erfahrn/ Die ebnmaͤſſig bekleydet warn/ Auff Engellaͤndiſche Manier/ Nach Helden Art vnd ſchoͤner Zier.Eyutritt H. Friderichs in Wuͤrtenberg in Fußthurnier. Darauff der Durchleuchtige Herꝛ/ Hertzog Fridrich/ Heroiſch ſehr/ Angzogen kam im Harniſch ſchoͤn/ Neben Jhr Gnaden giengen zween: Jn gleicher Ruͤſtung angethan/ Statlich Grafen ſahe ich gahn/ Jn violblaw/ Engliſch bekleydt/ Zierlich vnd ſchoͤn waren ſie beyd/ Jeder Spießjung fuͤhrt ein Helmlin/Spießjungeu mit Helmlin. Die Herꝛn aber fuͤhrten Schoͤfflin/ Auff ſeinem Haͤupt gezieret ſchoͤn/ Ein offnen Helm ließ jeder ſehn/ Welchen er fein beſchlieſſen kundt/ Vnd wol bewahren ſeinen Mundt/ Drey Spießjungn trugen ſchoͤne Stuͤck/ Die Zotten hiengen vbern Růck/ Der Rittmeiſter folget darauff/ Vnd der Lackeyen gantzer Hauff/ Von Veyolfarb bekleydt mit Sparꝛn/ Dieſelben weiß von Farben warn/Veyolblaw Sammet Stieffel der Fußthurnierer. Veyolblaw Stieffel ſie antrugn/ Maͤnniglich ſtundt an Schrancken lugn B ijDann Beſchreibung Fuͤrſtlicher Dann man ließ alles Volck hineyn/ Daß man wol ſahe den Augenſchein. Als nun der Hochgeborne Herꝛ/ Hertzog Fridrich ſo zierlich ſehr/ Jm Schrancken gienge vmb zwey mal/ Wie der Brauch iſt in ſolchem Fall/ Daß man ſich Ehrbietig erzeigt/ Frauwenzim̃er.Vnd gegn dem Frauwenzimmer neigt/ Welches ſahe zu dem Luſthauß/ Wie droben gmeldt/ zum Fenſter auß/ Nemlich/ die Durchleuchtig vnd zart/ Die Hertzog Fridrichs Gemahl ward/ Sibylla von Anhalt geborn/ Neben andern Fuͤrſtin erkohrn: Dann Hertzog Ludwigs gliebter Gmahl/ Vnd hinderlaßne Wittib im Saal/ Gantz Fuͤrſtlich/ zierlich ſah herab/ Vnd von ſich auch ein Glantze gab. Auffzug deß Durchlenchet- gen Hochgebor- nen Johann Friderichs/ Her- tzogs in Wuͤr- tenberg/ ꝛc. in Fußthurnier.Hierzwiſchen Johann Friderich/ Der junge Herꝛließ ſehen ſich/ Jn ſolcher Kleydung vnd Geſtalt/ Wie ich anzeig/ vnd dir fuͤrhalt. Erſtlich/ zween Trommenſchlaͤger giengn/ An welchen jhre Paucken hiengn/ Vnd ſchlugen langſam vngedaurt/ Schonten nicht der weiſſen Hundshaut/ Gelb Wammes hett ein jeder an/ Rot Taffet Hoſen/ gelb Struͤmpff dran/ Rot Schuch/ rot Federn auff dem Hut/ Die Muͤmpelgartiſchn Farben gut: Die Trommenſchlaͤger ſchlugen drauff/ Ein ſolchen Streych fuͤhrt dieſer Hauff/
Der Heroiſcher Ritterſpiel.
Der Schweitzer oder Burgunder Streych auff der Trommen.

AGe miles: Moue biles: pede forti: Cede morti: Cape poſtem: fer in hoſtem: leue ſignum: Capelignum: Decet omnes: pede iun-Der Muͤmpel- gartiſche/ oder Schweitzer Screych. cto: dare plagas: inimicis, neque iam parcere cuiquam, ſed in omnes ruere, rapere, trahere, fremere, tremere, rapite, quatite ſimul omnes.

B iijAuff Beſchreibung Fůrſtlicher
Auff Teutſch alſo:

WOlauff du Landsknecht/ vnd ſey munder/ Schlag den Feindt ſchlecht/ du Burgunder/ Nimb die Reyß/ Spieß/ vnd die Pfeiler/ Schlag die Feind ſůß auff die Maͤuler/ Dañ man ſol jetzt niemandt ſchonen/ ſondern allen wider loh- nen/ friſche/ bůcke/ bancke/ hui vbern Schrancke/ ſchlagen/ ſchlappen/ vnd ziehent alle.

ALſo der Trommenſchlaͤger ſchlug/ Hurtig vnd langſam/ ſittig gnug/ Darauff ſo kommen wider frey/ Der Patrinen zierlich jhr drey/ Die Fried machten in dem Thurnier/ Wann hitzig warn die Herren ſchier/ Deren Nahmen dieſe waren/ Die ſich erzeigten bey der Scharn. Erſtlich/ der Schaueliski kam/ Sebaſtianus ſonſt mit Nahm/ Zu Brackenheym Vbervogt iſt/ Ein Patrin war zu dieſer Friſt. Der ander/ bey dem loͤblichn Werck/ Genennet Carle von Daxberg. Der Jaͤgermeiſter war der dritt/ Der Goͤlnitz gnannt von guter Sitt/ Vom Adel/ vnd vom guten Gſchlecht/ Verhielten ſich all drey auffrecht/ Loͤblich verſahen ſie jhr Ampt/ Mit Thurnier Stangn geziert allſampt/ Giengen Heroiſcher Ritterſpiel. Giengen vorher/ auff der Rennbahn/ Hatten auch ſchoͤne Kleyder an. Auff dieſefolgt der junge Herꝛ/ Johan Fridrich gantz zierlich ſehr/Ingreſſus Jo- hann Friderichs deß jungen Her- ren zu Wuͤrten- berg. Schwartz Stieffel hat er an mit zier/ Trat Mannlich in den Fußthurnier/ Ein Harniſch hett er vmb ſein Bruſt/ Zum Thurnier groſſe Freud vnd Luſt/ Dann er in Haͤnden ſehen ließ/ Ein ſchoͤn verguͤldnen Knoͤbelſpieß/ Seinr Fuͤrſtlich Gnaden Schildtjung kam/ Der Waffentraͤger ſonſt mit Nahm/ Achatius von Leyningen/Achatlus von Leyningen/ deß jungen Hertzo- gen Waffen- traͤger. Der trat hineyn in den Dingen/ Fuͤhrt dieſes Fuͤrſten ſchoͤn Helmlin/ Auff ſeim Haͤupt fuͤhret ers dahin/ Mit ſchoͤnem Federbuſch geziert/ Jn Haͤnden ein langen Spieß fuͤhrt: Auff dieſe folgten allweg drey/ Gleich kley det/ angezogen frey/ Mit Harniſch/ Helmelin vnd Spieß/ Mit hohen Stangn ein jeder ließ/Farben der Kleydung auff gut Muͤmpel- gartiſch. Gelb vnd rot Farben ſehen dran/ Hetten gelb Struͤmpff/ vnd rot Schuch an/ Landtsknechts Hoſen auff Teutſch Manier/ Mit rotem Taffet nach der Zier/ Der Glieder waren zehen frey/ Vnd giengen allweg drey vnd drey/ Nun gieng der Hauff zwey mal herumb/ Jm Schrancken nach gemeldter Summ/ Darnach fieng man Thurnieren an/ Wie ſolches ſahen Weib vnd Mann/ Dann Beſchreibung Fuͤrſtlicher Spectatores an den Schran- cken.Dann etlich tauſent Menſchen waren/ Jm Thiergarten damal vngfahren/ Welche ſahen das Mannlich Spiel/ Das ich jetzundt erzehlen wil. Nun vnſer Hertzog Friderich/ Jn Wuͤrtenberg ließ ſehen ſich/ Wie Hertzog Friderich ſich Heroiſch erzeigt im Fußthur- nier.Heroiſch/ wacker/ tapffer/ munder/ Daß er war maͤnniglich ein Wunder/ Da er den Spieß ſo ſehr ernuͤttlet/ Vnd in allwegen vor erſchuͤttlet/ Dann auff den Feindt denſelben ſtach/ Daß er in etlich Stůck zerbrach/ Darnach zog auß der Scheyd das Schwert/ Das ſchlug der kůhne Heldt ſo werth/ Sein Gegentheil wol auff den Naubn/ Daß wider bebt die Beckelhaubn/ Vnd jhm das Schwert zu Stuͤcken ſprang/ Jm erſten Angriff vnd Anfang. Dann er viel Stangen/ Schwert vnd Spieß/ Zerſchmettert/ vnd zerſchlagen ließ/ Dieſelben er hat offt geſchmitzt/ Auff ſeinem Feindt zu Stuͤckern gſpritzt: Da ſie nun das getrieben lang/ Vnd hetten gthan gar manchen Gang/ Der Trommenſchlaͤger macht friſch auff/ Wie man zwtẽ Hauffen macht/ alle Thurnier zuſam̃en ſchlu- gen.Zwo Rotten macht er/ vnd zween Hauff/ Dem jungen Herꝛn Hans Friderich/ Macht er ein Hertz gantz Ritterlich/ Vnd fuͤhrt ein ſolch Burgunder Streych/ Von Můmpelgart ein Warzeich/ Dann alſo laut Pfeiffen vnd Tromm/ Damit dem jungn Herꝛn ein Muht komm/ Dux Heroiſcher Ritterſpiel.

DVx Iohannes Fridericus: Eſtin hoſtes ini- micus: habetergò, videtergo, breueſcu- tum, benètutum, cum cohorte, ſinemorte, Rumpetelum, tegevelum, ſume lignum, cape ſignum: Nam Iohannes Fridericus, eſt in ho-Burgunder Streych. ſtes non amicus: ſed in omnes, cupit ardens currere, furere, ruere, vadere, fremere, preme- re, trahere, quatere, rapere ſimulomnes.

Hierzwiſchen/ weil der Trommenſchlaͤger Die Helden hetzt/ als wie ein Jaͤgr/ Mit Spieſſen ſie ernſtlich ankamn/ Vnd ſtieſſen Wacker allzuſammn/ Daß es war ein groß krachn vnd brechn/ Da ſie alſo zuſammen ſtechn/ Als wann es wer ein rechter Krieg/ Vnd man den Feindt zu Boden ſchluͤg. Darnach/ ſo zogens all von Ledr/ Hawten einander vmb d Stuͤrmfeder/ Vnd ſchlugen alſo troͤſtlich drauff/ Daß klappert vnderm gantzen Hauff: Dann ſie ſchlugen ſich vmb die Koͤpff/ Daß d Bickelhauben gaben Kloͤpff/ Solchs trieben ſie gar maͤchtig lang/ Biß manches Wehr zu Stuͤcken ſprang/ Vnd dieſe Helden ſehr můd warn/ Theten kein Schwert noch Spieß ſparen: Dann ſie hefftig zuſammen ſchlagn/ Daß man thet Arm voll Schwert zutragn/ Welche ſie auff die Harniſch ſchmitzn/ Daß die Stuͤckr auff die Erden ſpruͤtzn. CDer Beſchreibung Fůrſtlicher Wie ſich der jung Hertzog in Wůrtenberg ſo Mannlich vnd Ritterlich ge- braucht habe.Derjung Herꝛ Johann Friderich/ Gar Mannlich hat gewehret ſich/ Mit beyden Haͤnden er dreyn ſchlug/ Sein Feindt viel Kappen darvon trug. Endtlich die Schrancken Abentheur/ Von ſich außſpritzten gar viel Feur: Dann viel Racketlin flohen auß/ Mit eim Geſchaͤll vnd groſſem Sauß/ Da man das Feurwerck angezuͤndt/ Hat es den gantzen Hauffen truͤnnt: Wie Vulcanus der Gott deß Feurs Friedt machte.Alſo Vulcanus machte Friedt/ Daß maͤnniglich von Schrancken ſchiedt/ Sprangen darvon/ wie das thet krachn/ Da fieng an maͤnniglich zu lachn/ Weil ſolches angezuͤndtes Feur/ Die Schlacht zertrennet vngeheur/ Alſo vergieng der Fußthurnier/ Wie ichs vngfehrlich bſchreibe dir. Endtlich jede Proceſſion/ Dreymal in Schrancken thet vmbgohn/ Vnd zogen widr ins Schloß hineyn/ Emp ein jeder den Danck ſein/ Dann als man Fuͤrſtlich tragen auff/ Vnd Speiß vnd Tranck ein gantzen hauff/ Erſten Ehren- danck hat præ- ſentiert/ der Wolgeborne Graf Wolff võ Hohenlohe mit Fraͤwlin Eliſa- beth/ Pfaltzgraͤ- fin bey Rhein/ vnd Hertzogin in Bayern.Vnd nunmehr war lang gnug gſeſſen/ Bey Fuͤrſtlichm Mahl vnd Nachteſſen/ Hat man die Daͤnck getheilet auß/ Jedem ſein Ehrenkrantz vnd Strauß. Erſtlich gab man den Ehrendanck/ Welchen erlangt in dieſem Schranck/ Der Durchleuchtige Hochgeborn/ Fridrich damal/ Mantenidorn/ Dieſen Heroiſcher Ritterſpiel. Dieſen gar ſchoͤn hat præſentiert/ Mit dem Fraͤwlin daher gefuͤhrt/ Von Nuͤrtingen Eliſabeth/ Welche herfuͤhret alſo ſteth/ Graff Wolff von Hohenlohe bkandt/ Droben von vns iſt auch genannt: Den andern præſentieret fein/Andern/ den Zierdanck præ- ſentiert der Wolgeborne Freyherꝛ Hie- ronymus von Merſpurg/ ꝛc. Fuͤrſtlicher Wuͤrtenbergi- ſcher Mar- ſchalck/ ꝛc. Herꝛ Marſchalck Freyherre ich mein/ Von Merſpurg gnannt Hieronymus/ Der zierlich ſich anſchawen luß/ Mit der Jungfraw Schenckin genannt/ Von Nuͤrtingen her wol bekandt/ Den Danck ſie zierlich herbringen/ Graf Philipſen von Oettingen: Den dritten Danck gegeben hat/ Der Cammermeiſter in der That/ Den Wolgebornen Semper Freyhn/ Schenck Georgen von Lympurg verleihn/ Mit der Jungfraw Creitzinen gnannt/ Am Wuͤrtenbergiſchn Hoffbekandt. Den Zierdanck hat erkennt damal/Den Zierdanck hat erkennt vnd zugeſprochẽ das Fuͤrſtlich Frau- wenzim̃er/ dem Friderichẽ/ Her- tzog zu Wuͤr- tenberg/ ꝛc. Das Frauwenzimmer in dem Saal/ Dem Durchleuchtigen Hochgeborn/ Hertzog Fridrichn Mantenidorn/ Welchen hat ebenmaͤſſig gfuͤhrt/ Jhr Fuͤrſtlich Gnaden præſentiert/ Der Wolgeborne Graf vnd Herꝛ/ Von Hohenloe Wolff gar ſchwer/ Mit einem Fraͤwlin von Lympurg/ Auffzogen kam ins Fuͤrſten Burg.Den Spieß- danck hat em- pfangen Herꝛ Chriſtoff Haugwitz. Den Spießdanck aber hat geben/ Der Marſchalck Chriſtoff von Haugwitz ebn/ C ijMit Beſchreibung Fůrſtlicher Mit der anderen Jungfraw zart/ Die von Nuͤrlingen gnennet wardt. Den Schwert Danck præſen- tiert Herꝛ Mel- chior von Rei- chaw/ Frantz Chriſtoffen Buclach.Den Schwertdanck aber præſentiert/ Der Haͤuptmann/ welcher gnennet wirdt/ Herꝛ Melchior von Reichaw vor an/ Ein wacker/ tapffer Edelmann/ Dem Frantz Chriſtoffen von Buclach/ Dem Zornen vbergeben dSach/ Den Cammerjuncker dieſer Friſt/ Welcher den Schwertdanck hie erwiſcht/ Von der Anweylerin Jungfraw/ Den Folien Danck præſen- tiert der Cam- mermeiſter/ dem Durchleuchti- gen vnd Hoch- gebornen Fůr- ſten vnd Herꝛn/ Herꝛn Johann Friderichen/ Hertzogen in Wuͤrtenberg/ ꝛc.Da ſie kam allda auff die Schaw. Erſtlich/ Hans Jacob gut hingieng/ Von jhm den Folien Danck empfieng/ Der Durchleuchtig vnd Hochgeborn/ Hertzog in Wuͤrtenberg erkohrn/ Hans Friderich der junge Herꝛ/ Der Folien Danck frewt jhn ſehr: Dann er denſelben wol verdient/ Vnd Mannlich ob der Schrancken bſtiendt/ Mit beyden Haͤnden ſehr dreyn ſchlug/ Daß ſein Feindt viel Kappn darvon trug/ Alſo vergieng der erſte Tag/ Wie ich allda fůr gwiß dir ſag. Wie man ſich am Mittwoch probiert zum Ringle zu ren- tzen.AM Mittwochs morgen war es ſchoͤn/ Warm Wetter gnug/ die Herren gehn Zum Eſſen/ froͤlich guter Ding/ Darnach ſo rennten ſie zum Ring/ Jm Thiergarten probierten ſich/ Der junge Herꝛ Hans Friderich/ Mit andern Grafen vbt ſich mundr/ Damit er bſtehen moͤcht jetzundr. Wann Heroiſcher Ritterſpiel. Wann man ernſtlich zum Ringle rennt/ Daß er daſſelbig vor behendt/ Probierten ſich auff der Rennbahn/ Gelegenheit wiſte voran/ Biß man wider zur Taffel ſaß/ Das Faßnacht Kůchlin froͤlich aß/ Nach dem Tantz die Fůrſten vnd Grafn/ Sich legten nider alle ſchlaffn.
Der Erſte Koͤnigliche Auffzug zum Ringrennen.

Deß Durchleuchtigen Hochgebornen Fůrſten vnnd Herꝛn/ Herꝛn Friderichen Hertzo- gen zu Wuͤrtenberg vnnd Teck/ Grafen zu Můmpel- gart/ ꝛc. Herꝛ zu Heydenheym/ Ritter beyder Koͤnigli- chen Orden in Franckreich vnnd Engellandt: Jn For- mat/ Geſtalt/ Zier/ vnnd Habit/ wie die Koͤniginn in America ſich erzeigt/ mit nackenden Leuten/ groſſen Kol- ben/ vnd Kleydern/ von Papengaͤy/ mancherley Farben: vor niemals in Schwaben alſo præſentiert vnd geſehen worden.

AM Donnerſtag war groß Verlangn/Am Doñerſtag meynt jeder- mañ der Pfaltz- graf vnd Chur- fuͤrſt von Hey- delberg were kommen. Wie man den Churfuͤrſtn woͤll empfangn/ Vnd wie er kommen werd/ vermerck/ Der Pfaltzgraf/ Herꝛ zu Heydelberg/ Welcher ſich nennet Friderich/ Der ſolt erzeiget haben ſich/ Aber Jhr Churfuͤrſtliche Gnad/ Die Rheyßwidr abgeſchrieben hat/ C iijVnd Beſchreibung Fůrſtlicher Vnd ſchickt ſein Poſt oder Curier/ Sein Legaten/ vnd ein Furier/ Zeigt an/ wie Jhr Curfuͤrſtlich Gnad/ Nicht kommen koͤndt in dieſe Statt. Alſo ſchlug man Carthellen an/ Welche kundt leſen jederman/ Jns Fuͤrſten Schloß ich zuhingieng/ Weil ſie an einem Nagel hieng/ Jñhalt deß Car- thels vnderſten Auffzugs/ Her- tzog Friderichs in Wůrtenberg vnd Teck/ Gra- fen zu Mům- pelgart/ ꝛc.Am Reitſchnecken wie man auff geht/ Daran dieſer Schrifft Jnnhalt ſteht/ Jn einem Krantz geſchrieben rundt/ Allen vnd jeden ſeye kundt/ Jn dieſer Wuͤrtenbergiſchr Grentz/ Vnd Fuͤrſtlicher groß Reſidentz Zu Stutgart wol in der Haͤuptſtatt/ Die jetztmals viel frembd Herren hat/ Fuͤrſten/ Grafen/ vnd vom Adel/ Hoch vnd wolgeborn ohn Tadel/ Denſelben wir America, Groß Koͤnigin in India, Diejuͤngſte vnder vnſerm Gſchlecht/ Vnd Schweſtern/ welche ſich auffrecht/ Erzeiget vnd verhalten hat/ Vnder den Schweſtern auffrecht gaht. Europa, Aſia, vñ Africa, ſeyndt Schweſtern deꝛ neuwen Welt/ oder Jnſulen America, ꝛc.Die erſte iſt Europa gnannt/ Welche begreifft auch das Teutſchlandt/ Die andern zwo ſeyndt Aſia, Vnd weit beruͤhmpte Africa, Welche vier Schweſtern die gantz Welt Abtheilen/ wie ſie ſeyndt vermeldt/ Entbieten vnſern Dienſt vnd Gruß/ Vnd alles guts zur Fůrdernuß/ Der Heroiſcher Ritterſpiel. Der Sachen gebn zu erkennen/ Alln die wir da woͤllen nennen/ Wiewol wir weit vnd breit bekandt/ Vnſer drey Schweſtern vor genanndt/ Jnnerhalb hundert Jahren wordn/ Den Koͤniglichen Ritter Ordn/ Wie wir den guten Bricht empfangn/ Von mehr gedacht Schweſtern erlangn/ Als vnſern Liebn vnd Getreuwen/ Den Vnderthanen/ vnd von neuwen/ Dannoch nicht woͤlln vnderlaſſen/ Durchrheyſen Koͤnigliche Straſſn/ Vnſer drey Schweſtern viſitiern/ Jhr Landtſchafft wenig perluſtriern/ Jn der Perſon freundtlich erſuchn/Vrſach dieſer Ankunfft. Zu der zeit aller Faßnacht Kuchn/ Weil zwiſchen vns zu beyder ſeyt/ Correſpondentz iſt jeder zeit/ Biß daher gut erhalten wordn/ Durch aller Koͤnigs Ritter Ordn/ Damit den Voͤlckern in dem Landt/ Die Glegenheit von vns bekandt/ Vnd wir hingegen moͤchten ſehn/ Was von jhrm Thun/ ruͤhmlich geſchehn/ Welches vnd mehrmal iſt fuͤr kommn/ Vnd wir durch alle Poſt vernommn/ Haben in vnſerm Vatterlandt/ Beruffen laſſen/ abgeſandt/ Chriſtophorum den Columbum,Inuentores der neuwen Welt. Veſpucium Americum, Dern Vmbræ noch in vnſern Landn/ Zu vnſerer Zeit ſeyndt vorhandn/ Weil Beſchreibung Fůrſtlicher Weil ſie die erſten vneracht/ Die Welt vns habn bekandt gemacht/ Daß ſie vns als erfahrne Bottn/ Vnd lieb getreuwe Pelotten/ Zu vnſern Schweſtern thun ein Fahrt/ Vnd begleyten biß gen Stutgart/ Welch dauſſen ligt im Schwabenlandt/ Europa vnſer Schweſter bkandt/ Diß vnſer Bgern ſey gebilligt/ Dareyn all beyd gern gewilligt. Darauff wir vns zu gmeldter Statt/ Mit eim ehrlichen Comitat, Vnd etlich wunderbarlich Sachn/ Auff dißmal auff die Fahrt thun machn/ Auch vnſern Curſum jetzt nemmen/ Jn Europam ziehn nicht bſchemen: Wunderbarli- che Sachen auß America ge- bracht worden.Wir alſo Paar ſeyndt angelandt/ Jn einer Jnſel Ferri gnandt/ Vns zugehoͤrig vnderwegn/ Seyndt vbernacht zur Herberg glegen/ Wunderbarli- cher/ ſeltzamer Baͤum in A- merica, darauff ein Wolck ligt/ vñ Waſſer von ſich gibt/ daß diß Volck darvon leben kan.Auß dieſer Jnſel bringen wir/ Ein wunderbarlich Werck herfůr/ Nemlich/ den Baum von dem allein/ Die Eynwohner/ vnd gantz Gemein Erholen ſich/ vnd jhr gantz Lebn Erhalten/ vnd auff Erden ſchwebn: Dann er das Waſſer temperiert/ Welchs von Natur nicht heylſam wirdt/ Vnd kein Menſch im Landt nieſſen kan/ Sonder muß ſterben jedermann/ Wann der Baum nicht deß Waſſers Art/ Veraͤndern thet auff dieſer Fahrt/ Diß Heroiſcher Ritterſpiel. Diß Edel koͤſtlich Kleino twundr/ Das fůhren wir damit jetzundr/ Vnſer Schweſter eine thu begaben/ Oder ein Fuͤrſten hie in Schwaben/ Ein Koͤnig/ Keyſer vnderwegn/ Bey dem wir dann zur Herberg glegen/ Damit wir ſolcher groſſer Herꝛn/ Mit dieſem Wunderwerck verehrn: Habn alſo in eim groſſen Schweiß/Wie/ vnd wo- her die Koͤnigiñ auß America in Teutſchlandt kommen ſey/ ꝛc. Auff Engellandt erſtlich die Rheyß/ Zu richten bey vns fuͤrgenommn/ Darnach ſeyndt biß in Franckreich kommn/ Von dannen biß gen Muͤmpelgart/ Jn Teutſchlandt thun ein gute Fahrt. Dann wir von Voͤlckern hie in Schwabn/ Groß Dapfferkeit viel ghoͤret habn/ Weil wir ſeyndt durch Gottes Genad/ Vor etlich Monat in die Statt/ Zu Stutgart allhie angelangt/Stutgartiſt die Haͤuptſtatt in Wuͤrtenberg/ ꝛc. Gott vnſerm HErren ſey gedanckt/ Gelobet auch zu dieſer Stundt/ Daß wir ankommen friſch vnd gſundt/ Jn dieſe Fuͤrſtliche Haͤuptſtatt/ Darinn es viel Handthierung hat/ Wie dann dero Eynwohner klug/ Die Cartheſiſch verſtaͤndig gnug. Zuvorderſt auch jhr Koͤniginn/ Vernommen hat mit wenigin/ Vnd mit derſelben lang geſpracht/ Andre Laͤnder/ Staͤtt vnveracht/ Hat ſie mit angeborner Trew/ Freundtligkeit/ vnd Liebe von new/ DEmpfan- Beſchreibung Fůrſtlicher Empfangen die gemeldte Statt/ Vnſer Gfehrten vnd Comitat, Auß angeborner Guͤtigkeit/ Auch Corteſia zubereyt. Als aber iſt erſchollen weit/ Vor einem Monat mittler zeit/ Daß in der Stutgartiſchen Grentz/ Vnd ſchoͤn Fuͤrſtlicher Reſidentz Deß Durchleuchtigen groſſen Herꝛn/ Fridrichs Hertzogs mit groſſen Ehrn/ Zu Wuͤrtenberg/ Teck/ Muͤmpelgart/ Herren zu Heydenheym von Art/ Ritter deß Koͤniglichen Ordn/ Jn Franckreich/ Engellandt/ erſt wordn/ Wie aukommen ſollen der zeit/ Fuͤrtrefflich vnd anſchnlich Leut/ Was man fuͤr Ritterſpiel hal- ten werde zu Stutgart.Zu Stutgarten in der Haͤuptſtatt/ Da der Fuͤrſt ſein Hoflaͤger hat/ Jn gegenwart Fuͤrſten vnd Grafn/ Freyherren/ Edelleut mit Waffn/ Welche thurnieren ſollen/ ſtechn/ Vnd manches Wehr vnd Stangen brechn/ Zum Ringel rennen vnd Feurwerck/ Zuvor nie im Landt Wuͤrtenberg/ Geſehen vnd gehalten wordn/ Von einem ſolchen Ritter Ordn/ Vor hochloͤblichem Frauwenzimmer/ Daß keiner wirdt gnug loben nimmer. Diß Zeitung hat vns mehr erfrewt/ Vnd geben gute Glegenheit/ Ein zeitlang hie das Laͤger habn/ Vnd wohnen hie bey gmeldten Schwabn/ Welcher Heroiſcher Ritterſpiel. Welcher dapffre vnd Mannlich That/ Vor tauſent Jahr man gruͤhmet hat/ Vnd ſie Allemannier gheiſſen all/Allemanni vnd Germani die Teutſchen/ wo- her ſie jhren Nahmen ha- ben. Oder Gaͤrmaͤnner mit eim Schall/ Drumb freuwen wir vns dieſer zeit/ Dieſer erwuͤndſchten Glegenheit: Dieweil wir nun mit vnſern Gſellen/ Die Glegenheit nicht haben woͤlln Verſaͤumen/ oder laſſen fahrn/ Sondern kein Můh vnd Arbeyt ſparn/ Durch Franckreich die fuͤrgnommne Rheyß/ Geſtern vollbracht mit groſſem Schweiß/ Weil jetzt der Paſſz am Rhein verlegt/ Vnd Niderlandt wirdt gar erſchreckt/ Der Vnruh halben/ ſo entſtandn/ Erſt kuͤrtzlich in denſelben Landn/ Seindt alſo froͤlich/ wie vernommn/ Naͤchten ſpat in die Statt herkommn: Dieweil aber dieſe FAZAN, Vnſers Comitats vnd der Landtsmann/ Jn Teutſchlandt vor nie gſehen worden/ Beym ſolchen Ritterlichen Ordn/ Vnd an jhr ſelbs was ſeltzams iſt/ Wie jhr hie ſeht zu dieſer Friſt/ So moͤcht dieſelbig auch gefalln/ Weil ſie vngwoͤhnlich fuͤr andern alln/ Dem hochloͤblichen Frauwenzimmr/ Welchs Fuͤrſtlich gzieret her thut ſchimmrn/Vt eſt natura hominis noui- tatis auida. Man hoͤrt vnd ſicht gern alle Tag etwas neuwes. Vnd gern was news vnd ſeltzams ſicht/ Welchs ſelten in den Landen gſchicht/ Vnd ſonderlich das ein Weib ſol/ Gantz Rittermaͤſſig dapffr vnd wol/ D ijErzei- Beſchreibung Fůrſtlicher Erzeigen koͤnnen/ vnd die Stell Mantenidors/ Martis Geſell/ Vertretten vnd verſehen koͤnnen/ Jhrs gleichen ſolt man nicht baldt findn/ Vnd weil wir nur Bedenckens haben/ Weibliches Standts vnd ſchwache Gabn/ Vnd vns dergleichen Ritterſpiel/ Vngwoͤhnlich/ nicht geuͤbet viel/ Vnd ſolcher Sachen vnderfangn/ Jedoch treibt vns ein groß verlangn/ Zu dieſer Rittermaͤſſign Kunſt/ Vnd hat bey vns ein groſſe Gunſt/ Daß wir alſo auff dieſen Tag/ Wie man vor Augen ſehen mag/ Den drey vnd zwaͤntzigſten Hornung/ Erſcheinen alſo ſchoͤn vnd jung/ Mit vnſerm gantzen Comitat, Der ſeltzam in der Kleydung gaht. Nun woͤlln wir allen vnſern Gſellen/ Sondre Articul allhie ſtelln/ Articul vnd Le- ges deß Ringle Rennens.Damit jeder ADVENTVRIER, Oder Ringle Rennr vnd Curier/ So dann von adelichem Gſchlecht/ Entſprungen iſt/ vnd kommen recht/ Wie es deß Mantenidors Willn/ Gebott verbieten zu erfuͤlln/ Wie wir ſolches in dem Carthel/ Offentlich hie anzeigen ſchnell/ Zu beſſer Nachrichtung der Herꝛn/ Die Frembd allhie ankommen wern/ Daß keiner ſich hett zu beſchwern/ Lauten die Gſaͤtz alſo vngfehrn. Erſtlich/ Heroiſcher Ritterſpiel. Erſtlich/ ſol jeder Edelmann/Der erſt Arti- cul. Aduenturier auff dieſem Plan/ Vermaſcariert ſeyn/ vnd vermummt/ Eh dann er in den Rennplatz kumpt/ Auffziehn vnd dann alſo rennen/ Damit man jhn nicht moͤg erkennen. Zum andern/ ſol keiner Curier/Der ander Ar- ticul. Vom Adel ein Aduenturier/ Auff die Bahn ziehen/ vnd bevor/ Nemlich vor dem Mantenidor. Zum dritten/ ſol man kein Spieß bringn/ Jn Rennplatz damit hie zu ringn/ Dann welche der MantenidorDer dritt Ar- ticul. Zulaß/ vnd approbier zuvor/ Vnd die man bracht hat auff die Bahn/ Den Richtern vor gezeiget an/ Darauff die Richter Achtung gebn/ Daß man dem Gſatz thu ſteiff nachlebn. Zum vierdten/ ſollen die bſtellt ſeyn/Der vierdt Ar- ticul. Maiſters de champ ſehen fein/ Daß niemandt komme auff die Bahn/ Vnd glaſſen werde auff den Plan/ Dann jenige welch nach Carthels/ Vermoͤgen vnd deß Vorthels/ Wie er zu rennen hat begert/ Vnd ſein Carthel zuvor verehrt/ Daſſelbig hat vor præſentiert/ Sonſt ſol keiner werden paſſiert/ Darumb ſol man gut Achtung gebn/ Die Schrancken zu beſchlieſſen ebn. Zum fuͤnfften/ wil jhm bhalten vor/Der fuͤnfft Ar- ticul. Der Koͤniglich Mantenidor/ D iijMit Beſchreibung Fůrſtlicher Mit jeden Adelich Curier/ Vnd Fuͤrſtlichen Aduenturier/ Drey Cariera, oder Gaͤng/ Drey Roſſzlauff/ oder Heldenſpreng/ Durch den Rennplatz allhie vollbringn/ Nach Ritterlich zierlichen Springn/ Doch vmb ein Precium oder Soldt/ Es ſey von Silber/ oder Goldt/ Von zehen biß auff hundert Guͤlde/ Welcher ein Luſt hat Froͤdt oder Hulde/ Zu lauffen wie es ſich gebuͤrt/ Derſelbig redlich ſetzen wirdt. Der ſechſt Ar- ticul.Zum ſechſten/ bhalten jhm auch vor/ Der Koͤniglich Mantenidor/ Daß nach den drey Cariera, Jhm niemandt ſol daſſelbig wehra/ Sondern jhm freyſtehn/ vor odr nach/ Den Aduentier zu rennen gach/ Zu ſeyn wann jhn die Sach gefellt/ Vnd niemandt darinn reden woͤlt. Der ſiebendt Articul.Zum ſiebenden/ welcher den Ring Hinweg fuͤhret im Treffen ſtreng/ Soll jhm paſſiern fůr einen Gwinn/ Sol Bſoldung nemmen par von hinn: Da aber einer den anruͤhrt/ Zweymal/ vnd es nicht hinweg fuͤhrt/ Sol fuͤr ein Gwinnen ghalten werdn/ Vnd paſſieren ohn alle Bſchwerdn. Der acht Ar- ticul.Zum achten/ welcher ſeinen Spieß/ Vngfehr im Rennen fallen ließ/ Oder vber die Achſel nemb/ Welchs auff dem Rennplatz vnbequemb/ Dieſelb Heroiſcher Ritterſpiel. Dieſelb Curiera verlorn iſt/ Vnd ſolt nichts gelten zu der Friſt. Zum neundten/ ſol jeder gedenckn/Der neundt Articul. Sein Spieß vnd Stangen recht ſchrencken/ Ein auffgricht gebuͤrlich Rennen/ Welchs die Richter ſolln erkennen. Fuͤrs zehendt/ ſol werden erkennt/Der zehendt Articul. Welcher ſo gar zu nider rennt/ Den Ring von vnden auff nimpt weg/ Vnd fehlt alſo deß rechten Zweck/ Derſelbig hat den Ritt verlorn/ Jſt jhm auch kein Danck außerkohrn. Zum eylfften/ welchr ein CurierDer eylfft Ar- ticul. Wil ſeyn/ oder Aduenturier/ Wolt ſeine Stegreyff falln laſſen/ Odr ſein Maſca auff der Straſſen/ Vnd alſo ſchaͤndtlich daher trabn/ Der ſol den Ritt verloren habn. Zum letzten/ ſol verbotten ſeyn/ Allerley Vortel/ groß vnd klein/ Sie haben Nahmen wie ſie woͤlln/ Die zugebrauchen wir abſtelln/ Darnach ſol man den erſten Danck/ Welchen man hie in dieſem Schranck/ Verdienen kan/ ſo theilen auß/ Darmit entſpring kein Zanck darauß. Erſtlich/ welchr die ſchoͤnſt Maſcarada,Maſcarada Dauck. Vnd zierlichſt braͤcht daher ohn Schada/ Der ſol den erſten Danck erlangn/ Vnd ſein gebuͤhrlichn Krantz empfangn. Der ander Danck ſol werden gnennt/Zierdanck. Welcher am zierlichſten hie rennt/ Welcher Beſchreibung Fůrſtlicher Welcher den Ring in drey Cariern/ Vielmal hinweg vnd offt wirdt fuͤhrn. Zum vierdten/ welcher guten Luſt/ Dahin rennt/ vnd mit ſtaͤrcker bruſt/ Luſtdanck.Der ſol den Luſtdanck darvon tragn/ Diß alls war alſo angeſchlagn/ Vnd im Carthel worden vermeldt/ Wie ich vngfehrlich hie erzehlt/ Doch wil ich da zum vberfluß/ Die Wort ſetzen gantz ohn verdruß/ Wie ſie lauten in Proſâ gſetzt/ Wer ſie wil wiſſen vnverletzt.
Carthel zum Ringle rennen.

ALlen vnd jeden in dieſer Fůrſtlichen Wůrten- bergiſchen Hof Reſidentz/ vnd Haͤuptſtatt zu Stutgartjetztmals anweſende Fůrſten/ Gra- fen/ Herren/ vnd vom Adel/ entbieten wir AME- RICA, die jůngſte vnter vnſern Schweſtern EV- ROPA, ASIA, vnd AFRICA, ſo die Welt/ vnnd die vier Haͤuptgrentzen abtheilen vnnd erhal- ten/ Vnſern gebůrenden Dienſt/ Gruß/ vnd alles Guts/ vnd geben jhnen hiemit zu erkennen: Ob wir wol jnnerhalb hundert Jahren/ durch vieller Na- tionen zu vnſern angeſtelltẽ Schifffahrten obgeſag- te vnſere Schweſtern/ vnd deren Eynwohner guter maſſen bekandt worden/ wir auch hinwiderumb jhres Weſens vnd Zuſtandts/ guten Bericht von gedach- Heroiſcher Ritterſpiel. gedachten deren Vnderthanen erlangt: So haben wir doch endtlich nicht vnderlaſſen moͤgen/ zu be- meldten vnſern Schweſtern ſelbſten ein Rheyß ein mal anzuſtellen/ vnd ſie zu wahrer Fortſetzung biß daher gehabter guter Correſpondentz zwiſchen vn- ſer allerſeits vnderhabenden Voͤlckern/ in der Per- ſon freundtlich zu beſuchen/ damit nicht allein jnen vnd jren Eynwohnern vnſer Gelegenheit deſto beſ- ſer bekandt werde/ ſondern auch wir hingegen au- genſcheinlich ſehen vnd erfahren/ was von jhrem ruͤhmlichen Thun vñ Weſen mehrmahlen fuͤrkom- men iſt. Derowegen wir vor etlich abgewichenen Monaten/ Chriſtophorum Columbum & Ve- ſpucium Americum (deren Vmbræ noch zu vn- ſern Zeitẽ in vnſerm Theil der Welt vm̃ſchweyffen) beruffen laſſen/ mit dem Begeren/ weil ſie die er- ſten/ ſo vns der Welt bekandt gemacht/ daß ſie vns auch als erfahrne Pelotten zu vnſer Schweſter be- gleyten woͤlten/ welches ſie ohn einig Beſchweren bewilligt: darauff wir auch vns ſampt einem ehrli- chen Comitat, vnd etlichen wunderbarlichen Sa- chen/ ſo die Natur in vnſerm Theil der Welt hie fuͤrbringt/ auff die Fahrt gemacht/ vnd den Cur- ſum nacher Europam, als vnſer naͤchſten Genach- barten gebuͤrt/ angeſtellt/ da wir vnter Wegen in einer vnſer zugehoͤrigen Jnſel/ Ferri genandt/ einer Eauß Beſchreibung Fůrſtlicher auß der Cauarien angelaͤndet/ auß deren wir das verwunderlich Werck der Natur/ nemblich den Baum/ auß welchẽ ſich die Eynwohner deß Waſ- ſers einzig vnd allein erhalten/ mitgenommen ha- ben/ mehr beſagte vnſer Schweſter eine/ oder der vnderhabende Koͤnig oder Fuͤrſten/ damit zu ver- ehren: von dannen wir vnſer Rheyß auff Engel- landt zu richten in Willens/ fuͤrter durch Franck- reich den Weg in das loͤblich Teutſchlandt/ von deſ- ſen Voͤlckern auffrichtig vnnd Tapfferkeit wir ſehr viel gehoͤrt/ zu nemmen: wann wir durch Goͤttli- che Verleyung vnverhindert der harten Winters zeit/ vor zweyen Monat zeit/ zu Landt gluͤcklich an- gelangt/ da wir dann mit hoher Erfahrung nit al- lein ſolche vornemme Handelſtatt/ wie auch dero verſtaͤndige vnd Corteſiſche Jnnwohner/ ſondern zuvorderſt die Koͤnigin/ als ein hocherleuchte Hel- din ſelbſt geſehen/ vnd mit derſelbigen vns beſpra- chet/ die auch auß angeborner Corteſia vns vnnd vnſerm Comitat, alle Ehr vnd Freundtſchafft be- wieſen. Jnmittelſt aber/ vnd vor einem Monat ein Gerůcht erſchollen/ daß bey deß Durchleuchtigen Hochgebornen Fuͤrſten vnd Herꝛn/ Herꝛn Frideri- chen Hertzogen in Wuͤrtenberg vnd Teck/ Grafen zu Muͤmpelgart/ Herꝛn zu Heydenheym/ vnd Rit- ter beyder Koͤniglicher Orden in Franckreich vnnd Engel- Heroiſcher Ritterſpiel. Engelland/ ꝛc. Fuͤrſtlichen Hoflaͤger allhiezu Stut- gart ein anſehnliche Fuͤrſtliche Verſamlung/ etli- cher Fuͤrſten/ Grafen/ Herren/ vnd vom Adel: wie auch ein hochloͤblichs Frauwenzimmer/ gehalten/ vnnd darbey allerhandt Ritterſpiel angericht wer- den: welche dann vns zu erlangen vnſers vorha- benden Jntents vnd erwuͤndtſchter Gelegenheit ge- weſen. Demnach haben wir auff Beliebung vnnd gut Anſehen hochermeldten Koͤnigin ſolche Occa- ſion nicht verſaͤumen woͤllen: ſondern vnſer Rheyß durch Franckreich (weil jetztmals/ der Niderlaͤndi- ſchen Vnruh halbẽ/ der Paſſz auff dem Rhein gantz vnſicher) ſo weit vollbracht/ daß wir geſteriges A- bendts allhie wol ankommen: vnnd weil wir gleich zu vnſer Ankunfft berichtet worden/ daß ein Ritter- lich Ringelreñen bey dieſem Conuentu angeſtel- let/ daß nicht allein die FAZAN vnſers Comi- tats Kleydung in Teutſchlandt/ (allda dergleichen noch nie geſehen worden) an jr ſelbs etwas ſeltzams vnd newes/ ſondern auch dem Hochloͤblichen Fuͤrſt- lichen/ vnnd Adelichen Frauwenzimmer zu beſon- dern anmuͤtigem Gefallen vnnd Ehren gereychen wuͤrde: Dann ein Weibsperſon die Rittermaͤſſige Stell deß Mantenidoris vertretten ſolte/ da wir gleich in Betrachtung vnſers Weiblichen Stands/ vnd dergleichen Ritterſpiel/ bey vns vnnd vnſern E ijvnder- Beſchreibung Fůrſtlicher vnderhabenden Voͤlckern etwas vngewoͤhnlichs nu vnzeitlichen Bedenckens haben koͤnnen/ vns ſolcher Sachen zu vndernemmeu: kommen alſo heut den 23. Februarij Tag vmb zwoͤlff Vhren/ in dem Fuͤrſt- lichen Luſtgarten allhie auff gewoͤhnlichen Renn- plan zu erſcheinen/ vnd nach Jnnhalt dieſer Arti- cul gegen einem jeden Aduenturierer/ ſo von Ade- lichem Ehrlichem Geſchlecht herkommen/ zu reñen/ vnd allein in Mandonieren/ darbey wir jedoch als Mantenidor/ in Anſehung deß Weiblichen Ge- ſchlechts in dieſen frembden Landen etwas Bloͤdts/ vns vorbehalten haben woͤllen/ nach vnſerm guten Gefallen/ vor vnd nach dem Aduenturierer zu ren- nen/ welchs wir durch diß Carthel vblich Herkom- men gemaͤß/ allen vnnd jeden anweſenden Herren zur Nachrichtung oͤffentlich denuncieren/ vnd ver- kuͤndigen woͤllen.

Erſtlich/ ſol ein jeder Adelicher Aduenturierer zu dieſem Ringreñen vermaſcariert oder vermum- met ſeyn/ auffziehen/ vnd alſo rennen.

Zum andern/ ſoll kein Aduenturierer vor dem Mantenidor auff die Bahn ziehen.

Zum dritten/ ſol kein ander Spieß oder Ring zum reñen gebraucht werden/ als die jenigen/ welche der Mantenidor auff die Bahn bringet/ dem Rich- ter præſentiert/ vnd von demſelben bezeichnet wer- den/ Heroiſcher Ritterſpiel. den/ darauff die Richter ſonderlich gute Achtung geben ſollen.

Zum vierdten/ ſollen die Maiſters de Champ niemandt auff die Bahn eynlaſſen/ dann die jeni- gen/ welche vermoͤg Carthels zu rennen begeren/ vnd zu dem Aduenturier gehoͤrig/ darauff ſie dann Achtung geben/ vnd die Schrancken deßhalben zu- halten ſollen.

Zum fuͤnfften/ iſt der Mantenidor bedacht/ mit jedem Adelichen Aduenturierer in dieſem Ring- rennen drey Cariera, vmb ein Precium von 10. biß auff 100. Guͤlden zu thun.

Zum ſechſten/ ſol dem Mantenidor frey vnd be- vor ſtehen/ nach vollbringung der drey erſten Ca- riera, ſolgendts vor oder nach dem Aduenturierer zu rennen.

Zum ſiebenden/ wer den Ring hinweg fůhrt/ ſol fůr ein Treffen/ oder wegfůhren gelten/ da aber ei- ner denſelben neben/ vnd ein oder aber zweymal trifft/ fuͤr ein Treffen gelten vnd paſſieren.

Zum achten/ welcher den Spieß fallen ließ/ o- der verlieret/ oder auff die Achſel wirfft/ ſol dieſel- big Cariera verloren haben.

Zum neundten/ ſoll ein jeder die Spieß recht ſchrencken/ vnd auffgerecht gebuͤhrlich rennen.

Zum zehenden/ welcher in ſeiner Cariera zu ni- E iijder Beſchreibung Fůrſtlicher der rennt/ vnnd das Ringlin von vnden auff weg- nimpt/ ſol die Cariera verloren haben.

Zum eylfften/ welcher Aduenturier ſein Steg- reyffen/ Maſca oder andere Sachen fallen laſſen/ verlieren ſol denſelbigen Ritt.

Zum letzten/ ſollen verbotten ſeyn alle groſſe vnd kleine Vorthel/ wie die ſeyn/ oder man ſich deren zu gebrauchen hette/ hiemit verbotten ſeyn.

Daͤnck.

1. Welcher mit der beſten vnnd zierlichſten Ma- ſcarada auffziehet. 2. Wer zum zierlichſten rennet. 3. Welcher den Ring in den drey Cariera am oͤff- ternmal hinweg fůhret. 4. Der Luſtdanck/ ꝛc.

Beſchreibung deß Tags/ dar- an man zum Ring rennet/ vnd die Auffzůg præſentiert hat. ALs nun der Freytag kommen gantz/ Zierlich vnd ſchoͤn von Sonnen Glantz/ Damit der Auffzug moͤcht geſchehn/ Welcher thet Koͤniglich vergehn: Dann als die Fuͤrſten lang geſeſſn/ Vnd jetzundt hetten z Morgen geſſn/ Vnd eben die eylff Vhr verſchlug/ Auch maͤnniglich hett geſſen gnug/ Wie das Frau- wenzimmer in Thiergarten eynkommen/ vnd auff das Luſthauß gan- gen.Das Fuͤr ſtlich Frauwenzimmer kam/ Wie ich allda gar baldt vernam/ Jn einem Wagen daher gfahrn/ Welche die Fuͤrnembſten dann warn/ Hertzog Fridrichs geliebtes Gmahl/ Die gleiſſet ſchoͤn wie ein Criſtall/ Die Heroiſcher Rirterſpiel. Die Fuͤrſtlich Wittib Hochgeborn/ Hertzog Ludwigs Gemahl erkohrn/ Jhr Nahmen ſeyndt droben bekandt/ Drumb werden ſie hie nicht genandt. Sonſt ſtoſſen vnd fahren daher/ Fuͤnff andre Fuͤrſtin im Wagen ſchwer/ Der Nahmen ſeynot wir vnbekandt/ Drumb bleiben ſie hie nicht genandt. Darauff ſo folgt das Frauwenzimmr/Beſchreibung deß Fůrſtlichen Frauwenzim- mers an Kley- dung/ ꝛc. Drey vnd zwaͤntzig Glieder ſchimmern/ Giengen allwege zwo/ dann drey/ An einem Reygen zierlich frey/ Jhr Kroͤſer waren ſchoͤn geſpitzt/ Vnd haben huͤbſch von Farben glitzt/ Die Ermel waren etwan blaw/ Zum theil ſchneeweiß/ vnd dann liechtgraw/ Zum theil auch gruͤn/ dann etwa rot/ Manche von feyolfarb da gaht/ Jn ſilbern Stuͤcken giengen viel/ Zu ſehen dieſes Ritterſpiel/ Etliche giengen huͤpſch ſchneeweiß/ Als wie die Schwanen auff dem Eyß/ Etlich aber daher ſchoͤn giengn/ Vnd voll Ketten rings vmbhiengen/ Biß ſie kamen auffs alt Luſthauß/ Vnd ſahen zu dem Fenſter auß.Wie die Judi- cierer aufftrettẽ/ vnd in Thier- garten eynkom- men/ ꝛc. Dar auff die Judicierer kamn/ Die Richter/ welcheſeyndt mit Nahmn: Erſtlich/ der Graf gantz Wolgeborn/ Wolff von Hohenloe erkohrn/1. Graf Wolff von Hohenloe. Ein groſſer dapffrer ſchwerer Herꝛ/ Ritt wie ein Heldt ſo zierlich ſehr/ Welcher Beſchreibung Fůrſtlicher Welcher hat auch ein ſchoͤnen Sohn/ Graf Crafft genandt gleich auff jhn gohn/ Ein junger vnd luſtiger Herꝛ/ Der ſich in Spraachen vbet ſehr/ Vnd andern guten Ritterſpiel/ Braucht ſich der junge Herꝛ als viel/ Hohenloiſcher Grafen Stam̃/ ein alt Herkom- men/ ꝛc.Damit er ſeinen Stammen zier/ Vnd fleiſſig freye Kuͤnſte fuͤhr: Gott woͤll erhalten diß Geſchlecht/ Welchs kompt von Flamminiis Recht/ 2. Eberhart Frey- herꝛ von Lym- purg/ Erbſchẽck deß Roͤmiſchen Reichs/ ꝛc. vnd Wuͤrtenbergi- ſcher Landthof- meiſter/ ꝛc. Philip Ludwig ein junger Herꝛ von Lympurg/ Herꝛn Landt- hofmeiſters Sohn/ ꝛc.Den alten Roͤmern wolgeborn/ Von alten Stammen außerkohrn. Neben dem Grafen trat daher/ Schenck Eberhardus welcher ſehr/ Die freye Kuͤnſt vnd glehrte Leut/ Jn Ehren hat/ liebt allezeit/ Hat ſelber auch gar wol ſtudiert/ Daß er drey Spraachen zierlich fuͤhrt/ Hat auch ein feinen jungen Sohn/ Philip Ludwig derſelbe nun/ Wirdt wol abgricht in mancher Spraach/ 3. Hieronymus von Merſpurg Freyherꝛ/ ꝛc. vnd Wuͤrtenbergi- ſcher Mar- ſchalck.Daß er ſeim Vatter ſchlage nach: Gott woͤll den Lympurgiſchen Stamm/ Erhalten allzeit lobeſam. Der dritt Richter trat auch hereyn/ Zierlich dapffer vnd munter fein/ 4. Hans Jacob gut von Sultz zu Durchhau- ſen/ Fůrſtlicher Wůrtenbergi- ſcher Cammer- meiſter/ ꝛc.Hieronymus von Merſpurg gnandt/ Der Marſchalck vnd Freyherꝛ bekandt. Der vierdt war Johann Jacob gut/ Von Sultz her/ der ſich ſchreiben thut/ Allhie mit dieſen Richtern gieng/ Vnd vom Hertzog das Ampt empfieng/ Weil Heroiſcher Ritterſpiel. Weil er verſtaͤndig iſt/ vnd klug/ Kan ſeine Spraachen reden gnug/ Zwaͤntzig Jahr/ vnd noch zu dieſer Friſt/ Deß Fuͤrſten Cammermeiſter iſt/ Mein guͤnſtig Juncker lange zeit/ Jn welchem iſt viel Redligkeit/ Die giengen auff einen Altan/ Das man heruͤber ſehen kan: Jn Rennplatz vber dSchrancken eyn/ Daſelbſten ſah ich warlich fein/ Viel Becher ſtehn groß Phiala,Silbergeſchirꝛ/ Kleinot vnd ge- winn in Renn- platz auffgeſetzt- ꝛc. Klein darneben vnd weite Schala/ Zu gwinnen waren zubereit/ Die ich beſah nach Glegenheit/ Dahin die Richter ſtellten ſich/ Wie jhn gebuͤrt hat ordentlich. Darnach ſah ich zierlich eyngehn/ Fůrnemme Maͤnner allweg zween/Hans Chriſtoff võ Degenfeldt/ Cammerraht in Wuͤrtenberg. Von Degenfeldt den Hans Chriſtoff/ Welcher erſt kam auß Fuͤrſten Hoff/ Vnd dapffer daher tretten iſt/ Der gheyme Raht zu dieſer friſt/ Bey Hertzog Fridrich gar wol dran/ Ein wol erfahrner Edelmann/ Mit gutem Rahtſchlag iſt bekandt/ Hilfft wol regieren Leut vnd Landt/ Neben jhm gieng Doctor Aichmann/Martinus Aich- man I V. D. Fuͤrſtlicher Wuͤrtenber- giſcher Cantz- ler. Martinus gnandt/ der auch wol dran/ Deß Fuͤrſten Cantzler lieb vnd werth/ Hat wol ſtudiert/ iſt hochgelehrt/ Die Pocten vnd dglehrte Leut/ Haben an jhm ein Zuflucht heut/ FDann Beſchreibung Fůrſtlicher Dann er jhrer Mecœnas iſt/ Darzu ein Rechtsglehrter Juriſt/ Schreibt gut Verß/ kan ſchoͤne Sachen/ Wann er wil ein Hiſtori machn/ Dann er iſt ein HISTORICVS, POETA, ET IVRIDICVS: Gott woͤll den Mann vns lang bewahrn/ Friſch vnd geſundt langwirig ſpahrn/ Jhm geben zeitlich/ ewig Segn/ Von allr Poetn vnd Glehrten wegn. Darnach ſah ich hereyn hergehn/ Auff dieſe erſtgemeldte zween/ Matthęus Entz- linus I. V. D. Fůrſtl. Wuͤr- tenbergiſcher geheymer Raht.Doctor Matthæum Entzlin gnandt/ Von Jugent auff mir wol bekandt/ Welcher ein groß Anſehen hat/ Weil er der Fuͤrſten gliebter Raht/ Von wegen ſeiner Gſchickligkeit/ Vnd daß er hat viel Bſcheidenheit/ All Tugent/ Weißheit/ Spraach vnd Kunſt/ Sein Gſchwindigkeit macht jhm viel Gunſt/ Daß er von Jugent auff gſtudiert/ Jn freyen Kuͤnſten Doctoriert/ Auff frembden Schulen viel erfahrn/ Kein Muͤh vnd Fleiß thet nirgendt ſpahrn/ Darumb iſt er geheymer Raht/ Edel iſt der viel Kuͤnſt verſtaht/ Vnd gute Rahtſchlaͤg geben kan/ Der Edel vnd Veſt Hans Wolff von An- weyl/ Hauß- hoffmeiſter in Wuͤrtenberg.Der iſt ein rechter Edelmann. Neben jhm trat auch zierlich eyn/ Welcher auch redt wol das Latein/ Der Hauß Hoffmeiſter dieſer friſt/ Hans Wolff von Anweyl/ welcher iſt Mein Heroiſcher Ritterſpiel. Mein guͤnſtig Juncker/ dieſer kam/ Jn Thiergarten vnd mit jhm nam/ Matthæum Entzlinum genandt/ All beyd dem Fuͤrſten wol bekandt. Darnach giengen Prælaten eyn/Wie Fůrſtliche Raͤht/ das Cõ- ſiſtori/ ſam̃t den Prælaten in Wuͤrtenberg/ in Thiergarten eyngetretten kamen/ ꝛc. Der Landtſchafft Wuͤrtenberg ich meyn/ Die Kirchenraͤht vnd andre mehr/ Die ich nicht kan erzehlen ſehr/ Jn ſolcher Eyl/ dann wann ich hett Viel tauſent Zungn/ vnd wer beredt/ Wie Cicero ſo ſchoͤn vnd klug/ Kuͤndt ich das nicht erzehlen gnug/ Vnd alle Menſchen zeigen an/ Es warn vber ſechs tauſent Mann/ Mit Weib vnd Kinder vngezehlt/ Vmb die weitlaͤuffig Schrancken gſtellt. Als maͤnniglich nun war vorhandn/ Vnd alles in der Ordnung gſtanden/ Baldt kam die Heerbaucken mit hauff/Heertrommen/ ſampt den Trẽ- metern. Ein kleiner Knab ſchlug wacker drauff/ Daß ich mich ſehr ab jhm verwundert/ Daß er ſo wacker daher plundert/ Dann er fieng an/ ſchlug die Heertromm/ Daß es erſchallet/ pomp/ pimp/ pomp. Vor jhm ritten vier Trommeter/ Die machten drunder gar gut Gſchmetter/ Dann alſo die Heertrommen damittn/Acht Tromme- ter geweſen. Vier Trommeter ſeyndt nah gritten/ Die blieſen ſtarck allwegen auff/ Vnd ſchlug die Heertromm alſo drauff/ Daß es gab einen Widerhall/ Der Lautet alſo in dem Thal: F ijVide Beſchreibung Fůrſtlicher Wie die Heer- tromm gelautet habe/ vnd ein Thon geben.

Vide pomp/ pimp/ pom/ wider Pomp/ pim/ pom/ Hertzog Friderich kom̃t/ pom/ pim/ pom/ Her- tzog Friderich/ Friderich/ Friderich kompt/ er kom- met/ er kompt/ America kompt/ ſie kompt/ ſie kom- met/ America kompt/ die Koͤnige/ Koͤnige/ Koͤni- ge kompt/ ſie kompt/ ſie kompt/ das pimperle pom/ das pimperle pom/ pom/ pom/ pom/ Vide pomp/ Vide pom/ das pomperle pom/ pomp/ pimp/ pomp/ ꝛc.

DArauff folgt Hertzog Friderich/ Der durchleuchtig ließ ſehen ſich/ Mit ſeim Auffzug in ſolcher Gſtalt/ Wie auff diß Fuͤrſten Hoffthor gmahlt/ Wie die Koͤ- nigin America auß India eyn- tretten vñ auff- zogen ſey.Von neuwen Koͤniglichen Portall/ Zu Stutgart ſihſt dus vberall/ Oder wie ich da bſchreiben wil/ Merckt auff jhr Wuͤrtenberger/ ſtill. Ornat/ Zier vñ Kleydung der dreyen erſten Patrinen.Erſtlich ſeyndt gritten drey Patrin/ Wacker ſeyndt ſie zogen dahin/ Jn ſchwartzem Sammet die Roſſz weiß/ Die Federn auch/ die Staͤb mit fleiß/ Mit Silberfarben angſtrichen/ Alſo die Sporn waren jhn verglichen/ Sammettin Stieffel trugen gar ſchoͤn/ Die Wammes ſchneeweiß Ermel zween/ Von Atlaß warn verſtochen ſie/ Fuͤhrten Speerlantzen je vnd je/ Die zwo mit Silberfarb angſtrichen/ Die Mittel mit ſchoͤn Goldt verglichen/ Welche Heroiſcher Ritterſpiel. Welche Sebaſtian Welling fuͤhrt/Der Edel vnd Veſt Seba- ſtian Welling/ Fuͤrſtlicher Wuͤrtenbergi- ſcher Raht/ ꝛc. Vnd die Patrinen alſo ziert. Der ander Schauelißkj war/ Welcher auch ziert die gantze Schar/ Dieſer zu Brackenheym jetzt iſt/Der Edel/ Veſt Seba- ſtian Schaue- lißkj/ Obervogt zu Brackeu- heym/ ꝛc. Ein Obervogt vnd wolgeruͤſt/ Ein wacker dapffer Edelmann/ Der ſein Standt ziern vnd fůhren kan/ Gantz weit erfahren wol beredt/ Diß Stell er wolverſehen hett. Der ander neben jhm thet prangn/ Auff rechter Seit mit ſilber Stangn/ Der von Anweyl Fridrich Jacob/Friderich Ja- cob von An- weyl/ ꝛc. Hat darvon ſein gebuͤhrlich Lob. Auff dieſe folgten jhre zween/ Die wunder barlich kleydet gehn/ Ein frembde Landts Art vnd Monier/ Den Jndianern aͤhnlich ſchier/ Trugen gar ſeltzam Kappen auff/ Gelb vnd blaw Taffet vnderm Hauff. Der erſt COLVMBVS ſich nennet/Columbus war Juncker Phi- lips von La- mersheym. Auß AMERICA ſonſt erkennet/ Juncker Philip von Lamersheym/ Fuͤhrt mit ſich vnd in gleichem Schein/ Dann CARLE EGEN war der andr/Carle Egen war Veſpucius A- mericus. AMERICAM welchr thet durchwandrn/ Weil er drey Jahr drinn gweſen iſt/ Vnd alls gſehen was zugerůſt/ Groß Kolben an den Stecken trugn/ Damit ſie jhre Feindt erſchlugen/ Jhr Kleydung Menſchenfarbig ſah/ Fein braunlecht vnd an Knie darnah/ F iijHiengen Beſchreibung Fůrſtlicher Hiengen jhr Silberweiſſe Schildt/ Rings vmb die Schenckel fuͤrgebildt/ Jhr Maͤntel waren mancherley/ Von Farben/ als von Papengaͤy/ Rot Striemen vberzwerch/ vnd blaw/ Darnach auch gelb/ vnd dann Liechtgraw. Warlich es ſahe viſierlich ſchoͤn/ Als vorher giengen dieſe zween/ Jndianiſch Pa- trinen.Neben her die Patrinen kamen/ Auff Jndianiſch/ vnd mit Nahmen/ Von Aichenberg Juncker Johann/ Ein Poſtjung vnd ein Edelmann: Der ander aber war genandt/ Caſpar Lat- toffskhj/ ein Edler Poſt- jung.Caſpar Lattoffskhj wol bekandt. Hierauff ein gar ſchoͤner Bomb/ Mit gruͤnem Laub ein Brunn darumb/ Das Laub hat breyte Blaͤttr vnd Naͤſt/ Graßgruͤn fuͤrwar auffs aller beſt/ Ein Waſſer- baum auß der Jnſel Ferri.Damitten lag ein Ballen weiß/ Gleich wie ein Wolck/ ſah ich mit fleiß/ Derſelbig tropfft in Brunnen neyn/ Macht ſuͤß/ vnd gſchlacht das Waſſer fein/ Damit die Leut ſolchs koͤnnen gnieſſn. Sonſt die Eynwohner ſterben muͤſſn/ Wie man lißt von AMERICA, Der Jnſel/ vnd dem Brunnen da. Nun dieſer Bomb/ mit ſeinem Wolck/ Verwundert hat das gantze Volck/ Darunder war ein Brunnen Kaſt/ Von Moß vnd Waſſer/ der ſich faſt Beweget/ vnd gieng ſelbſt daher/ Daß man ſich hat verwundert ſehr/ Wie Heroiſcher Ritterſpiel. Wie dieſer Brunnen Kaſt gieng fort/ Mit ſeinem Baum vom Orth zu Orth/ Mitten im Kaſten ſtundt ein Mann/ Welcher das Waſſer pompen kan/ Daß ſolches vberſich fein lofft/ Vnd wider von dem Baum abtrofft: Fuͤrwar das war ein Wunderwerck/ Vor nie geſehn in Wůrtenberg. Auff dieſem Baum gefolget ſeyn/ Zween Patrin Jndianiſch fein/ Anzogen glatt von Leder warn/ Gleich auff der Haut die gantze Schaarn/ Daß einer meynt ſie nacket giengn/ Voll weiſſer Schildtlin d Schenckel hiengn/ Der Cammer Secretarj hieß/ Der ſich alſo bekley den ließ/ Jacob Rothgeb iſt er genandt/Jacob Roth- geb/ Fůrſtlicher Wuͤrtenbergi- ſcher Cammer Secretarius. Fridericus Linck ein Hoff- juncker. Muſici vñ Zin- ckenblaͤſer. Bey Wuͤrtenberg gar wol bekandt/ Nebn jhm Fridericus Linck gieng/ Ein Hoffjuncker/ voll Schildtlin hieng. Drauff kamen Muſicanten vier/ Angzogen warn mit aller Zier/ Gieng zween neben einander frey/ Der ein hette ein ſchoͤn Schalmey/ Der ander ein Krumphorn herbließ/ Der dritt den Zincken hoͤren ließ/ Giengen all wunderbar bekleydt/ Wie nacket Leut bey meinem Eydt. Der erſte hieß Melchior Krauß/Nahmen der Muſicanten. Melchior Krauß. Conradt Erb. Pfiff artlich zu der Maſca hrauß. Der ander Conradt Erb genandt/ Das Krumphorn fuͤhrt in ſeiner Handt. Der Beſchreibung Fůrſtlicher Elias Auff vnd Hin.Der dritt Elias Auff vnd Hin/ Jſt ſein Nahm wie ich bz ichtet bin. Daniel Schorndoͤrffer.Der vierdt/ Daniel Schorndoͤrffer hieß/ Der ſich zierlich da hoͤren ließ/ Auff dieſe Muſic daher getretten/ Die auch gar ſchoͤne Kleyder hetten. Von Hoff Trabanten jhre drey/ Die muß ich auch anzeigen frey/ Hans Chriſten/ Fuͤrſtlicher Wůrtenbergi- ſcher Lackey. Ruodolph Rei- chaedt von Wayblingen/ Fuͤrſtl. Wůr- tenbergiſcher Trabanten Haͤuptmann. Enderis Suͤndlinger.Hans Chriſten/ der Fuͤrſtlich Lackey/ Anzug Federn von Papengay/ Der Fuͤrſtlich Trabanten Haͤuptmann/ Ruodolph Reichardt auff dieſer Bahn/ Ließ ſich auch ſehen dapffer hie/ Wie er ſich braucht hat je vnd je/ Jn Kriegen/ vnd in frembde Landt/ Rudolphus Reichart iſt bekandt. Der dritt/ Enderis Suͤndlinger war/ Beſchloſſe der Trabanten Schar. Auff dieſe noch fuͤnff tratten her/ Vber die maſſen zierlich ſehr. Adam Joß- mundt.Der erſte/ Juncker Adam gnandt/ Von Joßmundt/ ein Spießjung bekandt. Sigmundt Reinhardt von Dortleben.Der ander/ Sigmundt Reinhart hieß/ Von Dortleben ſich ſehen ließ/ Gantz wunderbarlich angezogn/ Mit Koͤcher/ Pfeiler vnd Bogen/ Wie dann die Jndianer ſeyn/ Schier nacket gangen in gemein. Martin Krack Einſpaͤnniger.Der dritt/ war Martin Krack genandt/ Der Einſpaͤnniger wol bekandt. Michael Fi- ſcher Lackey.Michael Fiſcher war der vierdt/ Ein Lackey/ der den Hauſſen ziert. Der Heroiſcher Ritterſpiel. Der fuͤnfft ſtundt hie auff dieſer Schaw/ Der Juncker Peter von Lindaw.Juncker Peter von Lindaw/ Spießjung. Darnach gieng einer nur allein/ Wie ein Koͤnig erzeigt ſich fein/ Heinrich von Leſt ein Kammerjung/Heinrich von Leſt Cammer- jung. Jſt gut vom Adel ſein Vhrſprung. Auff dieſe wider fuͤnff herkamn/ Die Heiſſen alſo mit jhrm Nahmn/ Martinus Heygel der Erſt hieß/ Der ſich am Reygen ſehen ließ/ Chriſtoff von Heckel an der Schaar/ Der ander an der Zahle war/ Der dritt kam auch daher nicht wenig/ Als wie ein Jndianer Koͤnig/ Der war Heinrich Rummel genandt/Heinrich Rum- mel Cammer- jung. Ein Cammerjuncker wol bekandt/ Juncker Sigmundt war der vierdt/ Von Tuͤngen der genennet wirdt/ Der fuͤnfft Hans Nallinger Lackey/ Drauff folgt ein lebndiger Papengaͤy/ Welchen Matthæus Binder trug/Matthæus Binder trug ein lebendigen Papengaͤy. Auff Jndianiſch kleydet klug/ Sein Mantel von Farben rot/ Den Papengaͤy auff der Handt hat/ Zog alſo zierlich nur allein/ Vor der Koͤnigin America fein;Traͤger der Koͤnigin wa- ren: Melchior Dietterlin Blaſius Sohn. Hans Ritz. Conradt Sit- tich. Darauff kamen Trabanten her/ Trugen die Koͤnigin ſo ſchwer/ Waren auch auff die Manier Angzogen/ als wenns nacket ſchier/ Daher giengen wie man im Landt America, geht ohn alle Schandt/ GMelchior Beſchreibung Fůrſtlicher Melchior Dietterlin der erſt war/ Blaſius Hon/ der ander gar/ Die letzte zween Hans Ritz genandt/ Der vierdt Conradt Sittich bekandt. Neben daher lieffen fein zween/ Mit windtfiſchen gezieret ſchoͤn/ Von Farbn vnd Federn mancherley/ Waren allſampt von Papengaͤy/ Sie abr von Leder angezogn/ Schier nackent einer ſie betrogn/ Als wann einer iſt an der Sonn/ Braunſchwartz/ gleichſam ſchier verbronnen/ Sein Schenckel/ Waden/ vnd die Fuͤß/ Braunlecht ein jeder ſehen ließ. Kleydung vnd Geſtalt der Koͤ- nigin America, wie man ſie ge- tragen.Die Koͤnigin war alſo bkleydt/ Wie ich vngfehrlich dich beſcheidt/ Auff jhrem Haͤupt hatt ſie ein Cron/ Auß Federn gmacht/ wie ich verſtohn/ Von Papengaͤy/ blaw/ gruͤn vnd rot/ Gleich wie ein ſchoͤner Krantz auffſtoht: Die Schaͤmen oder Maſca war/ Eim ſchoͤnen Weibsbildt aͤhnlich gar/ Darnach der Leib vnd gantze Wath/ Wie eins nackenden Menſchen ſtath/ Leibfarb/ mit ſchoͤnen gůlden Stucken/ Verſchnuͤrt war/ als wer es trucken/ Vnd glatt an Leib hinan geleimt/ Hat huͤpſch von weitem her geſcheint: Bruͤſte der Koͤ- nigin America.Die Brůßt der Koͤnigin ſah man hangn/ Damit ſie zierlich thete prangn/ Jn Haͤnden fuͤhrt ſie einen Stab/ Das Regiment ich gſehen hab/ Von Heroiſcher Ritterſpiel. Von Papengaͤy Federn gemacht/ Nach Koͤniglichem Zier vnd Pracht: Die Fuͤß mit guͤlden Schuch geziert/Guͤldin Schuh/ Jndianiſche Monier. Vmb den Leib blauwe Zotten fuͤhrt/ Saß auff eim Stul alſo formiert/ Von roten Kotzen Sammet ziert/ Der Himmel vbern Stul gebogn/ Ein wenig krumm iſt nicht erlogn/ Als wie ein Lotterbettlin ſicht/Wie der Stul geſehen hab/ vnd formiert war. Kein gantzen Himmel hat doch nicht/ Oben Melohnen vnd Kuͤrbiß hangn/ Vnd alſo ob der Koͤnigin prangn: Beyn Fuͤſſen vornen ſah es goldtgelb/ Von gmeldten Kotzen/ vnd derſelb Bedeckt alſo gar den Schragen/ Drauff man hat die Koͤnigin tragn/ Dahinden ſah der Himmel gruͤn/ Vndr welchein ſaß America kuͤhn. Auff die Koͤnigin folgten frey/Tariſchentraͤ- ger vnd Bogen- ſchůtzen auff Jn- dianiſch bekley- det. Mit ſchoͤnen Tartſchen jhre drey/ Der Wendel Reiſchle der erſt war/ Welcher hergieng an dieſer Schaar/ Hans Eckhardt ein Trommeter gieng/ Mit einem Pfeifflin/ jhm anhieng/ Sein Tartſchen Pflitſchen/ Bogen/ Pfeil/ Michael Klocker ſchoß in eyl/ Ein Boltz als vbern andern auß/ Als kaͤmen ſie auß India hrauß. Auff dieſe folgten jhre vier/ Mit Koͤrble vnd mit ſchoͤner Zier/ Dann ſie Fruͤchte jhres Landts trugen/ Maͤnniglich thet auff dieſe lugen/ G ijDa Beſchreibung Fůrſtlicher Fruͤchte deß Landts Ame- rica oder India.Da ſah man Feygen vnd Cytronen/ Pomerantzen/ Cybeben/ Melonen/ Sie trugen auch Thaler vnd Gelt/ Ein Koͤrblin voll/ auß jhrer Welt: Dann dieſe Koͤnigin iſt reich/ Drumb bracht ſie auch Gelt mit jhr gleich. Nun wie dieſe mit Nahmen hieſſn/ Daſſelb wir auch anzeigen muͤſſn/ Frantz Lang der erſt genennet worden/ Der ander war an dieſem Orden/ Philip Neſtel/ vnd wol bekandt/ Thomas Wick der dritte genandt/ Hans Buchhouer der war der vierdt/ Der den Reygen mit Gelt hat gziert. Auff dieſe folgten jhre zween/ Welche alſo bekleydet gehn/ Wie man einen im Beth trug/ als wann er kranck were ge- weſen.Wie man in America ſonſt geht/ Trugen ein Mann fein ſittig ſteht/ An einer Stangen im Leinlach/ Als wer er kranck fein als gemach/ Der erſte Traͤger Barthlin Schmidt/ Steffan Jaͤrling/ gienge mit/ Der aber in dem Beth getragen/ Einer vom Adel muß ich ſagen/ Hans Matthis Baroffskj genandt/ Am Wůrtenberger Hoff bekandt. Vier haben die Proceſſion be- ſchloſſen/ vnd ſchoͤne Pferde gefuͤhrt/ der Koͤnigin Ame- rica zu Ehren.Die vier letzten welche beſchlieſſen Den Reygen/ wir auch nennen muͤſſen/ Daniel Bletzger der letzte war/ Mit Chriſtoff Sorg an dieſer Schaar/ Juͤrg Mayer alle Breiter Jung/ Welche die Gaͤul thumlen im Sprung/ Hans Heroiſcher Ritterſpiel. Hans Gluͤck mit jhnen/ war der vierdt/ Haben all groſſe Kolben gfuͤhrt/ Giengen wie Rieſen/ gſchlechter Heer/ Doch nacket braun/ wie all vngfehr. Diß war die gantz Proceſſion/ AMERICAE zierlich vnd ſchoͤn/ Zweymal in Schrancken giengen vmb/ Daß man ſie ſahe nach der Sumb/ Darnach ſtellten ſich an ein Ort/ Daß andre Auffzuͤg kundten fort/ Die Traͤgr der groſſen Koͤnigin/ Lieſſen hernider ein wenigin/ Vnd ſtellten ſie baldt auff die Fuͤß/ Die ſich zu Roſſz baldt ſehen ließ/Wie die Koͤ- nigin zu Roſſz geſeſſen. Sie ſprang freudig vnd gar nicht faul/ Auff einem ſchoͤn ſchneeweiſſen Gaul/ Verzog alſo am ſelben Ort/ Biß jede Proceß giengen fort/
Der Ander Auffzug.

Deß Durchleuchtigen/ Hochgebornen Fuͤrſten vnnd Herꝛn/ Herꝛn Johann Friderichen Hertzogen in Wuͤrtenberg vnd Teck/ Grafen zu Muͤmpel- gart/ ꝛc. Deſſen Fůrſtlichen Gnaden die vier Monarchas vnd Koͤnig der Welt/ nemblich/ Ninum der Aſſyrer: Cyrum der Perſier: Alexandrum Magnum der Griechen Koͤnig: Vnd dann letzlich Iulium Cæſarem der Roͤmer erſten Monarcham vnd Keyſer/ præſentiert hat/ in was Geſtalt/ Habit/ Ornat/ vnd Zier ſie in den Rennplatz eyn- gefuͤhrt ſeyndt worden/ ꝛc.

G iijDarnach Beſchreibung Fůrſtlicher DArnach der Ander Auffzug kam/ Jn Rennplatz war gantz lobeſam/ Dann der Durchleuchtig hochgeborn/ Hertzog zu Wuͤrtenberg erkohrn/ Mit Nahmen Johann Friderich/ Hat eyngefuͤhrt gantz Koͤniglich/ Wie ich allda erzehlen wil/ Merckt auff jhr Wuͤrtenberger Still: Der Edel vnd Veſt Ludwig von Anweyl war Virtus.Erſtlich die Virtus auff eim Pferdt/ Das ſchloßweiß war/ viel Thaler werth/ Gantz weiß bekleydet/ ſchoͤn vnd zart/ Eynreiten thet auff dieſer Fahrt/ An lincker Handt ließ gleiſſen mildt/ Mit ſilber ein polierten Schildt/ Darauff im Mittel gſchrieben was/ VIRTVTE DVCE, wie ich laß. Jn rechter Handt ſie gar maͤchtig/ Ein Palmenzweig trug auffrichtig/ Auff eim Zettel ſo drumb gwunden/ Nachfolgend Wort gſchrieben ſtunden/ ASSVRGIT PRESSA FORTIOR, Die Schrifft die Tugent fuͤhrt empor: Wie VIRTVS, die Tugent/ be- kleydt war/ vnd was ſie beden- tet habe.Auff dem Haͤupt trug ſie ein guͤldin Cron/ Darmit wirdt angedeutet ſchon/ Daß/ wie jhr Kleydt mit allem Fleiß/ Ohn Mackel glitzet gantz Schneeweiß/ Alſo ſey auch die VIRTVS fein/ Ohn Mackel/ pur/ lauter vnd rein. Der Vorzug aber iſt jhr gebn/ Dieweil in dem Menſchlichen Lebn/ So wol in Bauwung Regiment/ Als in andern Orten vnd Endt/ Die Heroiſcher Ritterſpiel. Die Tugent oder Tapfferkeit/ Muß ſeyn die vns fuͤhrt vnd geleyt/ Wil man was loͤblichs richten auß/ Es ſey zu Feldt oder zu Hauß/ Drumb auch vmb ſolch Præeminentz/ Die Cron auff jhrem Haͤupte glaͤntz. An der Virtutis lincker Seiten/ Fortuna, das Gluͤck thet eynreiten/Wie Fortuna das Gluͤck da- her kommen. Mit roten Taffet war geziert Das Roſſz/ vnd alles ſchoͤn orniert/ Mit Federn/ hůpſch verguͤldten Stangn/ Darunter thets ſchoͤn eynher prangn/ Zween Fluͤgel es auch ſehen ließ/ Daß man es hielt/ wer Pegaſus, Solch Schrifft an ſeiner Bruſt da ſtundt/ Jn eim gemahlten Kraͤntzlein rundt: Pegaſus alatus, Fortuna alata, merenter Geſto ego Fortunam, Pegaſus ales equus. Nun war auff dieſes Roſſz geſtallt/Wie das Gluͤck Fortuna ange- zogen war/ ꝛc. Ein runde Kugel blaw gemahlt/ Darauff ſah ich Fortunam ſtohn/ Als ein Knaͤblin ſchoͤn angethon/ Mit eim Roͤcklin rot/ huͤpſch geziert/ Jn rechter Handt ein Siegel fuͤhrt/ COMITE FORTVNA, die Wort/ Merckt ich/ geſchrieben an dem Ort/ Jn lincker Handt ein Vnruh hett/ Die ſich allzeit bewegen thet/ Vnd hieng daran ein Zettelein/ Solch Wort laß ich geſchrieben dreyn/ Sic manet in nullo certa tenaxq́; loco. Darnach Beſchreibung Fuͤrſtlicher Darnach an Armen vnd Fuͤſſen/ Vier Flůgel ſich ſehen lieſſen/ Weil ſie offt fehrt ſo ſchnell dahin/ Da man verhofft ein groſſen Gwinn/ Jhr Augen bdeckt ein Schleyer ſchon/ Weil ſie ohn all Diſcretion/ Warumb For- tuna blindt ſey/ vnd die Augen verbunden habe.Offt hilfft zu groſſem gut vnd Ehr/ Dem/ der ein anders wuͤrdig wer/ Diß war die ſeltzame Fatzan/ Damit das Gluͤck kam auff die Bahn/ O bona Fortu- na cur non es o- mnibus vna? Dixit Eortuna, ſi ftarem rota ſub vna; Et nõ mutarer, tunc non For- tuna vocarer.War warlich gar viſierlich gmacht/ Dann eim das Glůck ſelber anlacht/ Der Fortunæ Pferdt hat gefuͤhrt/ Die Glegenheit/ die gnennet wirdt Occaſio in Lateiniſcher Spraach/ Gieng ſittig hreyn vnd allgemach/ An beyden Armen Fluͤgel warn/ Das Hindertheil gantz kaal ohn Haarn/ Davornen ſie Haarlocken trug/ Wie man ſie dann thet mahlen klug/ Ein Scheermeſſer in lincker Handt/ Ein Zettel trug ſie angeſpannt/ Fronte capillata eſt poſt hæc occaſio calua, Geſtalt/ Form/ vñ Art der Ge- legenheit.Das iſt/ vorn hat die Glegenheit/ Ein Locken Haar dir zubereit/ Wann du denſelben nicht erwiſchſt/ Dahinden der Kopff gar kaal iſt. Mit dieſem allem wil man deutn/ Den Spectatoribus vnd Leutn/ Daß/ obwol Tugent vnd Mannheit/ Den Vorzug hab/ vnd mach ſich breit Jedoch Heroiſcher Ritterſpiel. Jedoch Fortuna da ſeyn muß/ In pari paſſu, vnd gleichm Fuß/ Dann wann Fortuna ſetzet auß/Wie das Gluͤck Fortuna, Tu- gent vnd Ge- legenheit muͤſ- ſen einander die Handt bie- ten in allen Sachen der Menſchen. So wirdt ſelten was gutes drauß/ Als dann der Tugent offt der Muht Entfellt/ vnd bloß außſchlagen thut/ Weil ſich das Gluͤck nicht vngfehr findt/ Wiewol ſich faſt erzeiget blindt/ Sondern fordert gut Glegenheit/ Die hinfehret in Gſchwindigkeit/ Wann man jhr nicht auff ſolcher Fahrt/ In puncto auff den Dienſte wart/ Vnd ſie beym foͤrdern Zopff erwiſcht/ Die Glegen heit verſaͤumet iſt: Als iſt die Fraw Occaſio/ Nicht vnbillich geordnet ſo/ Daß ſie ſey ein Beyſpiellerinn Deß Gluͤcks/ vnd gleich jhr Fuͤhrerinn/ Wie ſolches die taͤglich geſchicht/ Vns deſſen gebn gnugſam Bericht/ Auch die Hiſtori die ſich begebn/ Bey vnſer alten Vaͤtter Leben. Drauff iſt gefolget auff der Bahn/ Ein lieblich Muſic lobeſan/Ein ſchoͤne vnd liebliche Muſic dieſes Auff- zugs. Apollo vnd Clio die warn/ Linus vnd Orpheus wol erfahrn/ Mit Gſang vnd Klang zu moduliern/ Goͤtter vnd Menſchen perluſtriern. Dieſe vier zugleich in einem Gliedt/ Giengen daher in dem Habit/ Wie ſie bſchreiben die Poeten/ Auff den Koͤpffn gruͤn Kraͤntzlin hetten/ HVon Beſchreibung Fůrſtlicher Von Hederâ gewunden ſchon/ Der Muſicanten gwoͤhnlich Cron. Zu Stundt ein Thon gehoͤret wardt/ Von vberauß lieblicher Arth/ Als ſie anruͤhrten jhre Seitn/ Damit ſie manch jung Hertz erfrewten/ Orphei liblieher Muſiegeſang.Orpheus die Harpff erſchallen ließ/ Darzu die Lauten ſtimpten ſuͤß/ Welche ſchlug der Apollo wol/ Linus zog dreyn den Baß Viol/ Clio ein Muſa, welche Heroiſche Verß ſingt/ vnd macht von groſ- ſen Potentaten.Aber Clio zog den Diſcant/ Auff einem Geyglein hochgeſpannt/ Zu dieſer ſuͤſſen Melodey/ Das Jnſtrumens der Orpheus frey/ Ließ ſchallen ſein Stimm hell vnd klar/ Vnd ſang ein ſchoͤnes Liedlein dar/ Das er zu Ehrn hat componiert/ Der Compagnie, ſie geziert/ Den Text wir daher ſetzen kuͤnden/ Die Melodey anderßwo findn/ Textus deß Ge- ſangs.Iuſtitiâ atq; fide Regum nova mœnia ſurgunt, His ſine Regnorum corruit omnis honos. Ergo qui ſtabili Rex gaudes pace fruiſci, Sit tibi luſtitiæ: ſit pietatis amor. Vnd zwar hat ſich ſolch Muſic frey/ Gantz wolgereimet zu dem Rey: Dann weil vier groſſe Potentaten/ Den Rennplatz ſtattlich aufftraten/ Hat jhnen billich auch gebuͤhrt/ Vt calcei apti & habiles ſint ad pedem.Ein Muſica ſo wol geziert/ Auff daß nach vnſer alten Lehr/ Der Schuch dem fuß nicht zu eng wer. Vnd Heroiſcher Ritterſpiel. Vnd ſonderlich die Clio zart/ Billich erſchien in dieſer Fahrt/ Weil ſie der groſſen Herren Gſchicht Beſchreiben kan/ vnd ſchweiget nicht. Darauff ſah ich kommen zur Stundt/ Ein Globum vnd groß Kugel rundt/Ein ſchoͤner Globus oder Weltkugel gieng vorher ehe die vier Mo- narchen kamen. Die Welt dieſelb anzeigen thaͤt/ Gantz ſteiff die Kugel fuͤr ſich gaͤht/ Vnd ſchwebt auff einem Wolcken blaw/ Darauß vier Winde blieſen Rauch/ Vnd war ſo zugericht die Sach/ Daß die Weltkugel allgemach Fortgieng/ wardt aber nicht geſehn/ Wer ſie beweget in dem gehn. Zwo Haͤndt ich ferꝛner ſahe ſchwebn/Zwo Haͤnde ſchwebtẽ ob der Kugel mit einer Schrifft. Oben der Kugel merck mich ebn/ Als wann ſie auß zween Woͤlcklein ſtieſſn/ Ein Zettl dieſelben ſehen lieſſn/ Daran ich hab die Wort geſehn/ So man hie ſicht vor Augen ſtehn/ Auß dem Plinio gefloſſen her/ Wa ich recht hab allda vngfehr. Hæc eſt, mortales, ſedes gloriæ noſtræ, hæc materia: punctũ ſcilicet Vniuerſi, cujus tamen ſi exiguam partem occupave- rimus: tantum non ipſis ſuperis bellum indicimus. Das man auff Teutſch kuͤndt alſo gebn/Außlegung die- ſer Schrifft. O ſterblich Menſchen in dem Lebn/ Seht an mit fleiß zu dieſer Friſt/ Was vnſers Rhumbs Materi iſt/ Ein Kuͤgelein groß als ein Bohn/ Wann wir ſie haltn gens Himmels Thron/ H ijWann Beſchreibung Fuͤrſtlicher Wann wir haben ein Portion/ Ein klein Stuͤcklin zur Dition/ Ergreifft vns baldt ſo groſſer Stoltz/ Gleich wie der Wein ein truncken Boltz Wie ſich die Menſchen zan- cken vmb dieſe Welt/ welche ſie doch muͤſſen dahinden laſſen/ vnd nicht lang genieſſen koͤn- nen.Nicht fuͤllen kan: alſo auff Erdn/ Der Menſch nicht kan erfuͤllet werdn/ Sondern wil ſeyn den Goͤttern gleich/ Wanns koſten ſolt ein Koͤnigreich/ Ja wol ſie grahten in Gedanckn/ Mit den Goͤttern ſelbeſt zu zanckn/ Vnd doͤrffen es wol gar wagen/ Sie auß dem Himmel zu verjagn: Vnd iſt warlich/ wie ichs betracht/ Vom Inuentore wol erdacht/ Daß die Welt Kugel præſentiert/ Vnd den Monarchen vorgefuͤhrt/ Seytmal eim jeden iſt bewuͤſt/ Den dieſer Welt Lauff kundig iſt/ Daß groſſe Herren dahin dichten/ Vnd alle Rathſchlaͤg offt richten/ Wie groſſe Po- tentaten ſich vm̃ die gantze Welt zu beſitzen/ vnd vnter jhren Ge- walt zu bringen/ benruͤhet haben.Die gantze Welt gar zu bezwingn/ Vnder jhren Gwalt alles bringn/ Oder doch auffs wenigſt jhr Heyl Verſuchen/ daß ſie ein groſſen Theil/ Darvon reiſſen/ vberkommen/ Alſo die Reich habn zugenommn/ Dahin richten ſie all Reichstaͤg/ Zu herꝛſchen die Welt jhr Anſchlaͤg: Ein Gleichnuß.Gleich wie allein deß Schůtzen Gſicht/ Zum Ziel auffs ſchaͤrpffeſt iſt gericht/ Alſo iſt auch die Welt das Ziel/ Dahin der groſſen Herren viel/ Die Heroiſcher Ritterſpiel. Die Augen jhrer Hertzen wendn/ Als wuͤrds mit jhr gar nimmer endn/ Hat doch mit jhr die Bſchaffenheit/Vanitas vanita- tum & omnia vanitas. Daß ſie iſt lauter Eytelkeit/ Mit aller jhrer Pracht vnd Macht/ Wie droben gſagt/ vnd ſchon fuͤrbracht/ So iſt die Welt ein Půnctlin klein/ Wie ſie am groͤſten auch mag ſeyn. Als dann auch wol haben erfahrn/ Die vier Monarchn in jhren Jahrn/ Die ich jetzundt auch wil eynfuͤhrn/ Wie man ſie thaͤt gar ſchoͤn auffziern. Erſtlich geritten iſt voran/ Nimrodt der ſtarcke Jaͤgersmann/Nimrodt der Menſchenfreſ- ſer vnd Jaͤger/ ein Patrin Ni- ni deß Koͤnigs der Aſſyrier/ ꝛc. Oder vielmehr der erſt an fieng/ Vber die Menſchen Kindt angieng/ Mit Gwalt vnd Zwang dieſe regiert/ Wie in der Schrifft geleſen wirdt/ Auff Heydniſch war angzogen ſchoͤn/ Ein Spieß vnd Fahnen fuͤhrt dahin/ Nino zu Ehren war erſchienen/ Fuͤr ein Patr in jhm zu dienen/ Weil er auch war vor alter zeit/Nimrodt ein Vorfechter/ Stiffter vnd Anfaͤnger deß Aſſyriſchen Reichs. Der Vorfechter Trew zubereyt/ Zu ſtiffen die Aſſyriſch Cron/ Die vnter Nino thet auffgohn/ An dieſem Fahnen war gemahlt/ Auff einer Seitn eins Loͤwen Gſtalt/ Das Aſſyriſch Wappen man wolt/Wappen der Aſſyrier war ein Loͤw. Daſſelb der Loͤw bedeuten ſolt. Die ander Seiten zeigt ein Schwert/ So an dem Himmel hieng ſo werth/ H iijDaß Beſchreibung Fůrſtlicher Das dann ein ſchoͤn Emblema war/ Mit einer Vmbſchrifft nicht vnklar/ Die ich jetzundt anzeigen muß/ Es ſtundt/ impendet cœlitùs: Damit dann kuͤrtzlich iſt gelehrt/ Daß Gott allein/ den Gwalt beſchert. Dann Nimrodt gleich iſt auff dem Fuß Gefolget/ vnd ſich ſehen luß/ Ninus Der erſt Koͤnig der Aſ- ſyrier ritt auff eim Loͤwen.Ninus der Aſſyrier Koͤnig/ Welchem die Welt war vnderthaͤnig/ Vnd er der Erſt Monarcha war/ Wie man findt gſchrieben offenbar/ Sein Anzug war faſt wunderſam/ Wann er dahin geritten kam/ Auff einem Loͤwen vngeheur/ War gwiß ein wunder Abentheur/ Zween Fluͤgel warn auff jeder Seit Deß Loͤwen/ vnd ſchoͤn außgebreyt/ Jn Gſtalt wie gmahlet wirdt das Thier/ Daniel der Pro phet am 7. Ca- pittel.So Daniel vns dort bildt fůr/ Das ſiebendt Capittel du liß/ Darinn findſtu die Bilder gwiß. Kleydung vnd geſtalt deß Koͤ- nigs Nini.Sonſt war deß Nini Zier vnd Kleydt/ Nach Tuͤrckiſcher Arth zubereyt/ Vom blawen Atlaß der Rock war/ Ein Tuͤrcken Bundt fůhrt auff dem haar/ Vnd war ſonſt durchauß ſo gſtaffiert/ Daß an jhm nichts gemanglet wirdt. Den Ninum alſo præſentiert/ Vnd in den Rennplatz hat eyngfuͤhrt/ Ein junger Geſell vom Adel gut/ Balthas von Franckenberg das Blut/ Hat Heroiſcher Ritterſpiel. Hat fein ſtudiert/ ſittſam voran/Der Edel vnd veſt Juncker Balthas von Franckenberg/ war Ninus, der Koͤnig der Aſſy- rier in dieſem Auffzug. Wie dann gebuͤhrt eim Edelmann: Darumb jhn lieblich gern anſchawn/ Die Adeliche ſchoͤn Jungfrawn/ Die jhn holdtſeelig blicken kuͤnden/ Ein ander muß wol ſtehn dahindn. Auff gemeldte Parthey ſich ſehen ließ/ Der Hercules ein ſtarcker Rieß/Wie der Rieß Hercules mit ei- ner Loͤwenhaut angezogen/ ein Patriu war Cy- ri deß Koͤnigs der Perſier. Ein Loͤwenhaut hatt angethan/ Das ſchroͤcklich war zu ſehen an/ Jn ſeiner Handt ein Fahnen fuͤhrt/ Wie eim Patrinen dann gebuͤhrt/ Deß Cyri, ſo jhm gfolget iſt/ Wie ich wil ſagen kurtzer Friſt: Auff einer Seiten ich da fandt/ Ein Bogen ſo ſehr vber gſpannt/ Daß er darvon in Stuͤcken brach/ Zu gleich ich auch geſchrieben ſach/ Die folgend Wort bey der Figur/ Nimiùm tendendo rum pitur. Damit man dann hat warnen woͤlln/ Die ſich beduͤncken ſtarcke Gſellen/Man ſol ſich nicht auff die Kuͤhn vnnd Frechheyt ver- laſſen. Daß ſie nicht auff jhr Staͤrcke trawn/ Vnd auff jhr Kuͤhnheit zu viel bawn: Dann es bringt jhn gewißlich Schadn/ Wann ſie zu viel thun auffladen/ Wie Cyro auch widerfahren/ Da er kriegt hat zu ſein Jahren/ Die Scythier/ vnd ſeiner Macht/ Zu viel vertrauwet/ verlohr die Schlacht/ Schaͤndtlich dem Feindt muſt ſich ergebn/ Daruͤber laſſen gar ſein Lebn/ Mit Beſchreibung Fůrſtlicher Mit allem Volck vnd Krieges Macht/ Tomyris ein Koͤniginn in Scythia, welche Cyrum den Koͤ- nig in Perſia ent- haͤuptet hat.Welche Tomyris ſelbſt vmbbracht Sein Haͤupt ließ werffen in ein Faß/ Das gantz mit Blut gefuͤllet was/ Mit ſolcher Exprobration/ Da haſtu dein verdienten Lohn/ Weil dich nach Blut geduͤrſtet hat/ Da haſtu gnug/ jetzt ſauff nun ſatt. Alſo hat ſich nun ſehen lahn/ Der Hercules auff dieſer Bahn/ Der ſonſt vertretten dieſe Stell/ Der Edel vnd Veſt Juncker Burck hardus Dedell.Genandt ware Burck hardt Dedell/ Von Wolmoden in Sachſenlandt/ Sein Adelich Gſchlecht wol bekandt/ Ligt jetzundt ob den Kuͤnſten frey/ Jn der beruͤhmt Academey/ Zu Tuͤbingn im Collegio, Welchs loͤblich hat geſtifftet do/ Stiffter vnd Fundatores deß neuwen Colle- gij, waren Her- tzog Ludwig/ vnd Friderich in Wuͤrtenberg.Ludwig vnd Hertzog Friderich/ Die beyde Herꝛn ſo gantz Fuͤrſtlich/ Darvon ich viel geſchrieben hab/ Ein eygen Buch in den Truck gab/ Wie ſolches dann an Tag wirdt kommn/ Wil mieh deßhalb nicht lang da ſaumn/ Daß ich woͤlt lenger davon ſchreibn/ Sol kuͤrtze halbn alſo verbleibn. Doch kan ich nicht vnbrichtet lahn/ Welche in der Jnvention/ Sich brauchen zu der Ritterſehafft/ Wie Cyrus der Koͤnig Perſarũ, daher geritten/ vñ bekleyde kam.Muß ſie machen allda namhafft. Nun war der Cyrus allda theur/ Welehen ich ſahe vngeheur/ Auff Heroiſcher Ritterſpiel. Auff einem Beren eynher reitn/ Lang Zhaͤn hats Thier auff beyden Seitn/ Der Reuter gantz ſchoͤn war armiert/ Jn rechter Handt ein Scherkan fuͤhrt/ Johann ERASMVS iſt ſein Nahm/Der wolgeborn Freyherꝛ Eraſm’ von Schwan- berg/ war Cy- rus damal im Auffzug/ ꝛc. Von Schwanberg Freyherꝛ lobeſam/ Mitſchoͤn Tugenten wol geziert/ Wie ſolchs einem Freyherꝛn gebuͤhrt. Darauff Pallas die Heldinn klug Geritten kam/ ein Schildt ſie trug/ AEgis derſelbig iſt genandt/Ægis ein Schile Palladis. Daran ich ſie gar baldt erkandt/ PATRINEN Stell ſie thet vertrettn/ Dann ſie darumb thet fleiſſig betn. ALEXANDER der kůhne Heldt/ Der zwungen hat die gantze Welt/ Durch Pallas Huͤlff vnd guten Raht/Pallas Minerua, ein ſtreitbare Heldinn/ vnnd kunſtreiches Weib geweſen: quæ docuit ma- nus ad præliũ. Die er drumb hoch geliebet hat: Dann er befinden thet im Werck/ Daß nichts fetzundt Gelt macht vnd Staͤrck/ Wann Weißheit nicht dieſelb regiert/ Die durch Pallas bedeutet wirdt. Nun trug dieſelb in rechter Handt/ Ein gruͤne Fahn darinn ich fandt/ Auff einer Seit ein Schwert gemahlt/ Ein Buch darneben wolgeſtalt/ Ein Schrifft darbey ich ſahe gleiſſn/ Die meins Behalts alſo geheiſſn/ HIC REGIT, ILLE TVETVR, Quibus verbis hoc docetur: Ein Regiment iſt wol beſtellt/Außlegung die- ſer Wort. Wo Witz vnd Macht beynander helt/ JWie Beſchreibung Fůrſtlicher Wie dort Iuſtinianus ſpricht/ Jn ſeiner Vorredt gibt ein Bricht: Daß Keyſerliche Wuͤrd allein/ Ferrum tuetur Principem: ſed melius fides, lex & moderatio.Durchs Schwert nicht mag beſchuͤtzet ſeyn/ Sondern muß jhm zu Huͤlffe ſpringn/ Geſetz vnd Maß vor allen dingn/ Darvon wir nichts mehr woͤllen meldn: Sondern anſehn den kůhnen Heldn ALEXANDRVM auß Griechenlandt/ Der Groß/ von maͤnniglich genandt/ Weil nie kein Mann gefunden iſt/ Der ſo viel thaͤt in kurtzer Friſt/ An Landt vnd Leut maͤchtig vnd ſtarck/ Drumb er auch iſt der dritt Monarch. Wie der Groß Alexander da- her geritten/ vnd bekleydt gewe- ſen.Derſelb ritt auff eim ſeltzamm Thier/ Hatt Fluͤgel vnd der Koͤpff auff vier/ Sein Haut war ſonſten auch geſtalt/ Gleich wie man einen Tiger mahlt/ Erzeiget ſich gantz wunderbar/ Daß vielen gieng gen Berg das Haar/ Mit einem Kuͤriß wol verwahrt/ Sein Leib nach Macedonier Art/ Ein Silbern Helm auff dem Haͤupt fůhrt/ Mit Federbuͤſchen ſchoͤn geziert/ Ein Axt hielt er in rechter Handt/ Auff Vngeriſch Schecken genandt. Der aber jhn hat præſentiert/ Mit ſeim Nahmen genennet wirdt Der Edel vnd Veſt Herꝛ A- braham Bellin/ ein Hoffmeiſter deß Durch-ABRAHAM Bellin, iſt vom Adel/ Auffrichtig/ ehrlich/ vnd ohn Tadel/ Hat wol ſtudiert/ iſt wol beleſn/ Hat viel geſehn/ iſt weit geweſn/ Jn Franck- Heroiſcher Ritterſpiel. Jn Franckreich/ Welſchlandt/ deren Spraachleuchtigẽ/ Hoch- gebornen Fuͤr- ſten vnd Herꝛn/ Herꝛn Johann Friderichs in Wuͤrtenberg/ præſentierte den groſſen Alexan- drum. Starb zu Venedig/ allda auch begraben/ Anno 1601. menſe lanua- rio. Erfahren hat/ welcher hernach Zu Berlin am Hoff ein Raht war/ Mit Lob vnd Ruhm wol etlich Jahr. Nun hats Gott vnd das Glůck gefuͤgt/ Daran jhm dann gar wol genuͤgt/ Daß er im Wuͤrtenberger Landt/ Jetzundt iſt worden wol bekandt/ Hans Friderich dem jungen Herꝛn/ Zu Tugent vnd Fuͤrſtlichen Ehrn/ Trewlich zu weiſen vnd zu rahtn/ Zu allen Fuͤrſtmaͤſſigen Thatn/ Als ein Hoffmeiſter/ den Herꝛn ſol Abrichten in den Kůnſten wol/ Damit Sein Gnadt moͤcht ein Frewdt ſeyn/ Der Elter vnd der gantzen Gmein/ Darumb wendt der Herꝛ an ein Fleiß/ Daß er mag werden klug vnd weiß: Dann wann der Meiſter wol ſtudiert/Ein gelehrter/ wol erfahrner Zuchtmeiſter/ zeucht auch wol gezogene vnd wolgelehrte diſcipulos. Qualis Præce- ptor, talis di- ſcipulus. Der Schuͤler auch erfahren wirdt/ Wann aber derſelb iſt ein Thor/ Der Schuͤler hat nicht viel bevor/ Dann gmeinlich wie der Meiſter iſt/ Alſo erzeigt ſich jeder Friſt/ Der Schuͤler vnd Diſcipul ſein/ Wie man redt im Sprichwort gemein. Nun ich jetzt da anzeigen muß/ Wie Mars der Heldt ſich ſehen luß/ Derſelb auß Vngern kam dahin/Wie der Mars auffgezogen ſey/ der Patrin lulij Cæſaris. Zu ſeyn deß Cæſaris PATRIN. Ritt auff eim Hengſt mit ſchoͤnem Trab/ Armiert biß auff den Fuß hinab/ J ijMit Beſchreibung Fůrſtlicher Mit einem Kuͤriß/ ſo mit Fleiß Mit Silber war poliert ſchneeweiß: Dergleichen war gar wol verwahrt/ Sein Roſſz mit einem ſtarcken Bart/ Gleich wie man offt geſehn im Feldt/ Keyſer Carlen den theuren Heldt/ Ein Fahne ſchoͤn fuͤhrt er voran/ Der Adler deß Roͤmiſchen Reichs/ wardt vorher gefůhrt vor dem Iulio Cæſare. Keyſerliche Cron auff eim hohen ſpitzen Felſen/ vnnd Berg ruhendt.Ein Adler ſchwartz war gmahlet dran/ Der Roͤmiſch Keyſer alſo mildt/ Mit Fug den fuͤhrt in ſeinem Schildt. Auffr andern Seiten ſah ich ſtohn/ Der Teutſchen Keyſerliche Cron/ Ruhet auff einem Felſen hoch/ Dem kein Vogel niemal gleich flog. Vnden dran ſtieſſen grauſam Welln/ War doch vmbſonſt den Felß zu felln/ Vnd war darbey/ wie ich ſah fein/ Ein Schrifft/ die hieß ſo in Latein: IN AETERNVM NON COMMOVEBITVR, Vnd wirdt bedeut durch die Wort fur/ Daß Gott das Teutſch Roͤmiſche Reich/ Wirdt ſchůtzen hinfuͤr ewiglich/ So lang die gantze weite Erdt/ Vom letzten Feur bleibt vnverſehrt/ Vnd wie die Fluht zerbricht kein Berg/ Ob ſie dran ſtoſt mit groſſer Staͤrck: Das Roͤmiſch Reich auff die Teutſchen Fuͤr- ſten kommen.Alſo werden jhr Koͤpff zerſchmeiſſn/ Die ſich anmaſſn die Cron zurreiſſen/ Vom Teutſchen Blut darauff ſie iſt/ Von Gott gewidmet langer Friſt. Mars wil den Kampff gar nicht nachgebn/ So jemandt wolt darwider ſtrebn/ Zum Heroiſcher Ritterſpiel. Zum MARTE war aber erkohrn/ Ein junger Graf gantz wolgeborn/ Johann Albinus Schlick mit Nahm/Der wolgeborn Johann Albin/ Graf von Schlick/ war Mars in dieſem Auffzug. Gewiß ein Herꝛ gantz lobeſam/ Mit vielen Tugenten geziert/ Vnd hat darbey ſehr wol ſtudiert/ In IVRE vnd Philoſophey/ Jn allen andern Kůnſten frey/ ITALIAM das ſchoͤne Landt Geſehen hat/ iſt jhm bekandt Die Spraach welch er redt gut vnd rein/ So wol als Boͤhmiſch vnd Latein. Darbey wir jhn nun laſſen bleibn/ Vnd fahrn fůr in vnſerm Bſchreiben/Wie Iulius Cæſar auffge- zogen ſey. Lob vnd Com- mendatio Iulij Cæſaris. IVLIVM CAESAREM ſo werth/ Der nie ſeins gleichen hett auff Erdt/ Jm Krieg dem Feindt mit groſſer Eyl/ Zu ſiegen an/ vnd mit Vortheil/ Jn Stuͤrmen/ Schlachten/ Blaͤgerungn/ Hat er allzeit ſein Feindt bezwungn/ All Tugent hat im hoͤchſten Gradt/ Die je gehabt ein frey Soldat/ Geſchwindt fandt er ein guten Raht/ Erzeigt ſich keck/ wanns kam zur That: Derſelb nun auch erſchien alldar/ Deß Auffzugs Haͤupt vnd Herꝛ er war/ Ritt auff eim wunder ſeltzam Thier/Ein ſeltzam Thier/ darauff Iulius Cæſar geritten. Sah aͤhnlich einem Trachen ſchier/ Auff ſeim Haͤupt hett wol zehen Horn/ Spitzig vnd ſcharpff als wie ein Dorn/ Sperꝛt auff ſein Rachen/ hat ſcharpffe Klawn/ Daß vieln die Haut darfůr thet grawn/ J iijBlaw/ Beſchreibung Fuͤrſtlicher Blaw/ gelb/ ſein Farb war/ wie mich daucht/ Faſt wie man ſieht ein Schlangen Bauch/ So war damals geſtalt das Pferdt/ Darauff eynritt der Roͤmer werth/ Mit Goldt ſein Ruͤſtung war poliert/ Darmit ſein Leib da war armiert/ Kleydung/ Form vnd Ge- ſtalt Iulij Cæ- ſaris.Wie ſie gefuͤhrt vor alter Zeit/ Die ſtreitbar Roͤmiſche Kriegsleut/ Ein Mantel rot ſah ich darnebn/ Vmb ſeine ſtarcke Achſeln ſchwebn/ Den allein bey den Roͤmern fuͤhrtn Die/ ſo den gantzen Krieg regiertn/ Wann ich mit jhn PALVDAMENT, War ſolches Kleydt vor alters gnennt. Mehr fuͤhrt er auch in rechter Haͤndt/ Von ſchwartz Sammet ein Regiment/ Auff ſeinem Haͤupt ein Lohrbeer Krantz/ Als kaͤm er von Triumph ſo gantz. Der Durch- leuchtig/ Hoch- geborn Fuͤrſt vnnd Herꝛ/ Herꝛ Johann Friderich Her- tzog in Wůr- tenberg/ hat Iu- lium Cæſarem gantz Heroiſch vnnd wacker præſentiert.Jn Summa es war ſein Geſtalt/ Als wie der Cæſar wirdt gemahlt. Wer nun die Stelle hab gehaltn/ Wil ich anzeigen dieſer Gſtaltn: Es war der Hertzog ſittiglich/ Den man nennet Hans Friderich/ Entſprungen auß vhraltem Stamm/ Der Fůrſtn vnd Grafen lobeſam/ Welche herꝛſchten mit hohm Verſtandt/ Das Wuͤrtenberger loͤblich Landt/ Vor mehr/ als wol ſechs hundert Jahr/ Wie das mein Cronick zeuget klar/ Sein Leib hat die Natur formiert/ Gantz wol geſtalt vnd ſchoͤn geziert/ Daran Heroiſcher Ritterſpiel. Daran ich nie kein Fehl vermerck/ Jſt fein gewachſen lang vnd ſtarck/ Holdtreiches Gſicht mag ich wol jaͤhen/ Daß ich mein Tag nicht gleichs geſehn. Drumb wer jhn ſicht zur ſelben Stundt/Lob vnd Com- mendationdie- ſes jungen Fůr- ſten/ vom Wuͤr- tẽberger Stam erkohrn vnd ge- born. Jhn lieben muß auß Hertzen Grundt/ Vnd wie der Magnet zeugt das Eiſn/ Alſo thut auch baldt zu ſich reiſſn Der Menſchen Hertz/ freundtlich Geber/ Das ſtets fuͤhrt dieſer loͤblich Herꝛ. Gott hat jhn auch begabt zu handt/ Mit einem ſinnreichen Verſtandt/ Daß er von Sachen judiciert/ Boͤß vnd Gutes recht diſcerniert/ Vnd laͤſt ſein Gnadt noch nicht anſtohn/ Was jhr Gott vnd die Natur gahnſ Sondern bemuͤhet ſich faſt ſehr/ Daß ſie ſolch Gaben ſtets vermehr/ Durch Vbung vnd taͤglichem Fleiß/ Vnd haſſet ſehr der Gſellen Weiß/ Die ſich all Arbeyt laſſen thaurn/ Dardurch jhr ſchoͤne Gaab verſaurn/ Ergeben ſich dem Muͤſſiggang/ Der ſie doch machet matt vnd kranck/ Oder verſpielen die lieb zeit/Dulcia præcipi- ti labũtur tem- pora curſu: Quæ tu quando ſenex no nreuo- cabis iners. Mit Sauffn vnd andrer Vppigkeit/ Halten die Kunſt: moͤcht ſie beſchwern/ Den Ruͤcken nicht darhin der kehrn/ Oder ſeyndt der Vermeſſenheit/ Daß ſie ſich halten fuͤr geſcheit/ Da ſie doch kaum mit einem Brockn/ Ein Hundt moͤchten außm Ofen lockn/ Solch Beſchreibung Fůrſtlicher Solch Weiß/ ſag ich/ iſt ſehr verhaſt/ Vom jungen Herꝛn/ er hat kein Raſt/ ---volat irreuo- cabile tempus. Qui non eſt ho die, cras minus aptus erit. Hertzog Hans Friderich in Wůrtenberg/ ein tapffer Rit- ter/ ꝛc.Taͤglich den Leib zu exerciern/ Das Gmuͤt mit Kunſt zu ercoliern/ Deſſen er auch hat groſſen Gnoß/ Dann gantz polit ſitzt er zu Roſſz/ Thummlets gar meiſterlich vnd ſchon/ Bey deß/ in Volta vnd Reppolon/ Es ſey à terra oder Corbetten/ Das Roſſz muß nach ſeim Willen trettn/ Muß lauffen/ ſpringn/ vnd ſtehen ſtill/ Wann er es von jhm haben wil. Den Spieß legt er auch zierlich eyn/ Wann er rennt zu dem Ringelein/ Fehlt ſelten/ ohn wann das Glůck Außſetzt/ vnd jhm beut den Ruͤck: Wie jhm dann widerfahren da/ Als er rannt mit America. Hertzog Hans Friderich wirdt wol abgericht in ſeiner Jugent/ in allen Fůrſtli- chen Tugenten.Gleich abgericht vnd wol erfahrn/ Jſt dieſer Fuͤrſt von jungen Jahrn/ Jn Fechten/ Ballſpieln/ vnd Springen/ Ballonen ſchlagen/ vnd andern Dingn/ Mit Bogen vnd mit Buͤchſenſchieſſn/ Vnd was man Jhn dann lernen hieſſn/ Ein jungen Herꝛn fuͤr Ritterſpiel/ Darinn hat er erreycht das Ziel/ Darumb dann billich wirdt geehrt/ Doch halt ich weit mehr Lobes werth/ Die Tugenden ſo mannigfalt/ Das Gmuͤt deß Fuͤrſten wolgeſtalt/ Ein Fuͤrſt ſol ein Helden Hertz haben.Zu groſſen Sachen hat er Luſt/ Als thun ſol ein MAGNANIMVS, Redt Heroiſcher Ritterſpiel. Redtgern darvon/ hoͤrtandre gern/ Damit er ſtets moͤg etwas lern. Woher Jhr Gnadt kompt ſchlechtes Lob/ Demſelben Ding ligt er nicht ob/ Verbricht ſein Kopff nicht ob dem Ding/ Welchs ſchlecht iſt/ vnd vor der Welt ring/ Freundtlich vnd gnaͤdig ſich beweiſt Gegn jedermann/ vnd ſich befleiſt/Es ſol ein Fuͤrſt mehr geliebet werden von Vnderthanen/ dann gefuͤrcht. Vielmehr daß ſie geliebet wer/ Dann daß man ſie ſol fuͤrchten ſehr/ Hat doch darbey in guter Acht/ Daß ſie nicht druͤber werd veracht/ Sondern daß man ſie reſpectiert/ Wie ſolchs dann eim Fůrſten gebuͤhrt. Dann da ſich macht der Herꝛ ſo gmein/ Da wer ſein Ehr beym Diener klein/ Er liebt Warheit/ vnd haſſet faſt All Schmeichler/ vnd dergleichen Gaſt/ Die nichts dann andre verliegen/ Herren vnd Knecht faͤlſchlich betriegn: Dieſer Leut Jhr Gnadt ſich entſchlecht/ Hat gern was redlich iſt/ vnd recht/ Den boͤß Affecten laͤſt kein ZaumEs iſt nicht gut wann die Her- ren gern zornig werden. Zu lang werden/ vnd gibt nicht raum Zu viel dem Zorn/ der manchen bringt Jn Schimpff vnd Spott vnd groß Elendt. Vnd zwar iſt kein ſchaͤdtlicher Sach/--Furor iraq́ue mentem: præ- cipitant homi- nis, &c. Dann wann ein Herꝛ zum Zorn iſt gach/ Da findt nicht ſtatt Gerechtigkeit/ Wo voran geht Rachgierigkeit/ Widerſtrebt derſelbn mit hohem Fleiß/ Folgt gern wo hin Vernunfft jhn weiſt/ KVernunfft Beſchreibung Fůrſtlicher Nihil præſtan- tius eſt hominis ratione.Vernunfft das aller theurſt Kleinot/ Das geben hat/ dem Menſchen Gott/ Dieſelbig wie man ſol regiern/ Weißlich vnd recht thut er ſtudiern/ Gantz fleiſſig vnd vber die maß/ Vnd wirdt ſein Gnaden nimmer laſſz/ Der alten Buͤcher zu vollfuͤhrn/ Die freye Kůnſt zu perluſtriern/ Mit ſchoͤnen Reguln/ Argument/ Mit Exempel vnd Fundament/ Die Kinder ſollen ſich von Jugent auff be- fleiſſen/ jhrer Voreltern loͤb- lichen Fußſtapf- fen/ Thaten vnd Tugenten nach- zufolgen.Wie dann Jhr Gnaden gar viel kan/ Stellt auch darnach Jhr Leben an. Summa/ dieſelb kein Fleiß thut ſparn/ Jn dero Eltern vnd Vorfahrn Loͤblich Fußſtapffen eynzugehn/ Dahin als zu jhrm Zweck ſie ſehn/ Daß ſie den Nahmen bring darvon/ Patres patriæ den Ehrnlohn: Welchs ich dann von Gottembſig bitt/ Vnd ſchließ zugleich den Paſſz hiemit/ Hoff ob ſchon dieſelb lang geweſn/ Jhr habets nicht vngern geleſn/ Weil er antrifft ein Fuͤrſtengut/ Den maͤnniglich ſehr lieben thut. Was ich da ſchreib/ habs ſelbs geſehn/ Vnd kans mit der Warheit auch jaͤhn/ Dann dieſer Fůrſt hat mich ergetzt/ FRISCHLINVM an ſein Taffel gſetzt/ Wie ſein Herꝛ Vatter vor der Zeit/ Mein Bruder ſeelig offt gefreyt/ Daß er an ſeiner Taffel ſaß/ Vnd froͤlich mit ſeim Fůrſten aß/ Vnd Heroiſcher Ritterſpiel. Vnd deßhalb ſagt dem Fuͤrſten Danck/ Mit einem ſchoͤnen Taffel Schwanck: Gott woͤll den Fuͤrſten wol bewahrn/Votum pium. Vnd friſch vnd gſundt langwirig ſparn/ Wil von dem Auffzug gar ablahn/ Wann ich kurtz hab gezeiget an/ Was IVLIO gefolget iſt/ Das warn vier Pferdt ſchoͤn zugeruͤſt: Das erſt mit ſchwartzem Zeug war gziert/Wie man Iulio Cæſari ſecundũ Rediuiuo, vier ſchoͤne Pferde nachgefuͤhres habe. Das ander mit gelb Zeug auffgfuͤhrt/ Das dritt ſah ich da eynher gehn/ Mit rotm Sattel vnd Zeug verſehn/ Das vierdt von weiſſen Seiden Stuck/ Trug an gar ein koͤſtlichen Gſchmuck. Auffm Kopff vnd Schweyff hat jedes Pferdt/ Schoͤn Federbůſch viel Geldes werth/ Jn Farben wie das ander Gſchmeydt/ Die Liureen werdn damit bedeut/ Welch die Wuͤrtenberger Herꝛn/ Viel lange Zeit nun fuͤhrn mit Ehrn/ Auff dieſem ſchoͤn gezierten Roſſz/ Rennten die vier Monarchen groß/ Mit was fuͤr Gluͤck ich melden wil An ſeinem Ort/ jetzt halt ich ſtill. Dann weil der Auffzug ſich hie endt/ Laß ich auch fahrn das Argument/ Das warlich iſt ſehr wol erdacht/ Vnd zierlich auff die Bahn gebracht/ Wil nun zum andern Herꝛn ſchreiten/ Doch muͤſt jhr noch ein klein weil beytn/ Biß ich nur zwey Wort zeige an/ Bitt woͤllt mir nichts fuͤr Vbel han. K ijEhe Beſchreibung Fuͤrſtlicher Wie Mercurius vor dieſem Auff- zug davornen her gerennt ſey/ vñ das Schrei- ben den Judi- eierern vberant- wortet habe/ ꝛc.Ehe kommen iſt Proceſſion/ Oder die ſchoͤn Jnvention/ MERCVRIVS kam her gerannt/ Vom Cæſare voran geſandt/ Dem Richter reycht er da in Eyl/ Ein Schreiben das hatt gar viel Zeil/ Das reim ich nicht an dieſem Ort/ Gib dirs zu leſn von Wort zu Wort/

Den Wolgebornen/ Geſtrengen/ Edlen vnd Veſten vnſern lieben beſondern N. N. N. vnd N. Zu dem an jetzo/ in der Fuͤrſtlichen Wuͤrtenbergiſchen Re- ſidentz/ vnd Haͤuptſtatt Stutgarten/ loͤblichen angeſtellten Ringelrennen/ vnd wol verordneten Herren Judicierern/ ſampt vnd ſonders/ ꝛc.

Wie dz Schrei- ben per Copias von Wort zu Wort gelautet habe.

WJr Iulius Cæſar ſecundùm Rediuiuus. Der Vierdten Monarchiæ fundator vnd Grundleger/ Entbieten den Wolgebornen/ Geſtrengen/ Edlen vnd Veſten/ zu dem an jetzo/ in der Fuͤrſtl. Wuͤrtenbergiſchen Reſidentz zu Stut- garten/ loͤblich angeſtellten Ringelrennen/ wolver- ordneten Herren Judicierern/ vnſern gebuͤhrlichen Gruß: Wolgeborne/ Geſtrenge/ Edle vnd Veſte/ Liebe beſondere/ Wir ſetzen in keinen Zweiffel/ es werde auß ewerm Mittel/ noch dem groͤſſern Theil vnentfallen ſeyn/ welcher maſſen wir/ zuſampt dem Hochgelehrten vnd wolbeſchwetzten Cicerone, vor vnge- Heroiſcher Ritterſpiel. vngefehr zwantzig Jahren/ bey Lebzeiten deß Hoch- gebornen Fuͤrſten vnnd Herꝛn/ Herꝛn Ludwigen/ Hertzogen zu Wuͤrtenberg/ vnd Teck/ ꝛc. da der Iu-Nicodemus Friſchlinus P.L. & Comes Palat. Cæſarius: Au- tor Iulij Cæſaris Rediuiui fuit, Anno 1580. &c. lius Rediuiuus erſt ans Liecht kommen/ auß den campis Elyſiis, oder Elyſeiſchen Luſtgarten auff ſonderbare/ durch die kraͤfftige vnnd lebendigma- chende Mercurius Ruthen erlangte Vergoͤnnung vns anderweit herauß begeben/ vnnd vnſern Fuß mit Anſchauwung deß anmuͤtigen Liechts deß lieb- lichen Phœbi, widerumb auff den gruͤnen Erdtbo- den zum andern mal geſetzt/ vnnd zwar einzig auß denen Vrſachen/ daß wir das loͤbliche Teutſchland/ ſo ſich ſeider dem/ wir es vor ſechtzehen hundert jah- ren geſehen/ in viel Weg geaͤndert hatte/ auch per- luſtrieren vnd beſichtigen moͤchten.

Nun ſollen wir euch nit bergen/ als wir damalsWie ſich Iulius Cæſar Rediui- uus ab dẽ Staͤt- ten in Teutſch- landen verwun- dert/ liß mein Translation Comœdiæ Iulij Rediuiui zu Speyr getruckt worden. Anno 3592. die wolerbawte Staͤtte/ hin vnd wider/ an Orten vnd Enden/ da bey vnſern Lebzeiten/ nichts mehr dann Einoͤden vnd groſſe Wildtnuͤſſen gefunden/ angeſchauwet/ vnd welcher Geſtalt ſelbige Staͤtte vnd Feſtungen außwendig mit ſtarcken Waͤhllen/ new erfunden/ vnnd zur Wehr hochnuͤtzlichen Pa- ſteyen/ vnnd auffgeworffenen hohen Caualieri, oder Katzen/ verborgenen Streychen/ tieffen vnd weiten Graͤben/ contra Scharpen vnnd Verda- chungen auß der maſſen wol verwahret vnd befe- K iijſtiget: Beſchreibung Fůrſtlicher ſtiget: dann auch innwendig mit ſtattlicher Mu- nition/ vnd zuvorderſt mit dem erſchroͤcklichen Ge- ſchuͤtz/ deſſen wir damals einen anſehnlichen Vor- raht zu Straßburg geſehen/ vnnd vber deſſen Ge- walt wir vns nicht gnugſam verwundern moͤgen/ allerdings wol verſehen geweſen/ fuͤrnemlich aber/ als wir vns vor Augen geſtellt/ nicht allein die gu- ten vnd vernuͤnfftigen Policeyen/ hin vnd wider in Fuͤrſtenthumben/ Staͤtten vnd Communen/ ſon- dern zuvor auß deß gantzen Heiligen Reichs Teut- ſcher Nation (auff welche daſſelbe võ vnſern Nach- kommen/ den alten Roͤmern/ weil in denſelbigen durch Wolluſt vnd anderer Vppigkeit/ die Tugent/ ſo hergegen bey den Teutſchen herfuͤr gebluͤhet/ er- loſchen/ rechtmaͤſſig transferieret/ vnnd verſetzet worden/) wolgefaſtes Regiment guter maſſen be- trachtet/ vnd daſſelbe der geſtalt temperiert befun- den/ daß es weder von auffruͤhriſchen tribunis ple- bis auffgewicklet/ oder vervnruhiget/ weder von allzuchrgeitzigen Koͤpffen betruͤbet/ noch auch deſ- Wie die Frey- heit/ Libertet/ vnd ein Regi- ment vmbkom- me durch eygen Nutzen.ſelben althergebrachte Libertet vnd Freyheit einzi- ger Weiſe/ von dem Oberhaͤupt vntergetruckt wer- den mag/ daher es dañ in viel Wege der alten Roͤ- mer Regiment/ darinn dieſelbige Maͤngel vnd Ge- brechen alle mit hoͤchſtem Nachtheil fuͤrgangen/ fuͤrzuziehen.

Daß Heroiſcher Ritterſpiel.

Daß wir demnach/ vnnd in zu Gemuͤtfuͤhrung ſolcher ſtattlichen Sachen/ nit allein damals darob eine ſondere hohe Ergetzligkeit/ Freude vnnd con- tente geſchoͤpffet/ ſondern auch eine ſolche Anmuͤ- tigkeit zu dem loͤblichen Teutſchlandt gewonnen/ daß wir ſeider der Zeit deſſelben/ vngeacht wir deß Lætheiſchen Waſſers abermals koſten můſſen/ inWarumb Iu- lius Cæſar zum drittenmal be- gert habe das Teutſchlandt zu beſichtigen vnd perluſtrie- ren. keinen Weg vergeſſen moͤgen/ ſondern hergegen ein jmmerwehrende ſehnliche Begierde bey vns befun- den/ dermalen eins zum drittenmal nacher Teutſch- landt eine Rheyſe zunemmen/ vnd daſſelbe eygent- lich zu beſehen/ vnd durchzuwandern.

Vnd da nun vnlaͤngſt in dem campis ElyſiisVrſach dieſer Ankunfft Iulij Cæſaris. ein Gerůcht erſchollen/ daß an dem Hochloͤblichen Fuͤrſtlichen Wuͤrtenbergiſchen Hoff ein anſehenli- cher treffenlicher Conuentus Churfuͤrſten/ Fuͤr- ſten/ Grafen/ Herren/ vnd vom Adel/ zuſampt vie- len loͤblichen Frauwenzimmer hohes vnnd nidern Standts/ ſolte gehalten/ vnd darbey loͤbliche/ vnd Rittermaͤſſige Vbungen der gantzen Verſamblung zu Ergetzligkeit angeſtellet vnnd gepflogen werden/ vnnd daß benendtlich vnder andern America, die new erfundene/ das vierdte vnnd groͤſte Theil der Welt/ mit jhren vnerſchoͤpfflichen Schaͤtzen vnnd Reichthumben/ daſelbſt auch anlangen/ vnd Rit- terſpiel vben wůrde: So hat ſich oberwehnte Be- gierde Beſchreibung Fůrſtlicher gierde ſo viel mehr in vns angezuͤndet/ vnd endtlich ſo viel bey vns vermocht/ daß wir alſo fort bey vns entſchloſſen/ abermals eine Rheyſe nacher Teutſch- landt zu nemmen/ vñ zu Stutgart bey ſolchem anſe- henlichen tapfferen Conuento auch zu erſcheinen.

Warumb Iu- lius Cæſar mit ſolchem ſtattli- chen Comitatu, vnnd groſſen Potentaten der Welt begleytet/ habe woͤllen ankommen in Teutſchlandt.

Wir haben aber gleichwol nicht vnderlaſſen woͤl- len/ ehe vnnd zuvor wir dieſes vnſer Vorhaben zu Werck richten/ daſſelbe mit vnſern getreuwen Ca- meraden vnnd Spießgenoſſen/ dem Alexandro Magno, dem Cyro, vnd dem Nino, vertrawlich zu communicieren/ vnd in Raht zu ſtellen/ dieſelbe in jhrem eroͤffneten Bedencken/ nicht allein vnſer Vorhaben ſich wolgefallen laſſen/ ſonder ſich auch fort vrbietig gemacht/ in ſolcher Rheyſe vns zu co- mitieren/ vnd Geſellſchafft zu leyſten: Zumal da ſie der Americæ, vnd einer neuwen Welt gedencken Der alte Ehr- geitz zu regieren laͤſt nicht gern nach.hoͤren: dann dardurch gleichſam in jener die alte ambitio regnandi, bevorab in dem Alexandro Magno, (dem auch die Zehern/ widerumb auß den Augen flieſſen woͤllen/ eben als jhme an ſeinen Leb- zeiten widerfahren/ da ein Philoſophus in ſeiner Gegenwart fuͤr gab/ daß mehr als eine Welt were) doch vergebenlich auffs new erwecket worden.

Nun haben wir vns diß Erbieten gar nicht zu- wider ſeyn laſſen/ ſondern viel mehr zu hohem vnnd dancknemmendem Gefallen auff vnnd angenom- men/ Heroiſcher Ritterſpiel. men/ vnd haben vns ferꝛner darauff nie geſaͤumet/Wie die vier Monarchæ von Plutone oder Radamantho Vrlaub genom- men/ vnd erlan- get haben/ noch ein mal diß Teutſchlandt zu beſuchen. zu dem Radamantho, als oberſten Verweſer de- ren Enden verfuͤget/ vnd durch Aſſiſtentz deß Mer- curij denſelben vmb Erlaubnuß angelangt: vnnd ob er wol vns dieſelbe vngern ertheilt/ ſo hat er doch endtlich auff vnſer vier ſo maͤchtiger Potentaten vñ Monarchen inſtaͤndiges Anhalten/ vns dieſelbige nicht verweygern noch abſchlagen moͤgen.

Da wir dann nicht lange ſaͤumen woͤllen/ ſon- dern vns alſo fort auff den Weg zu machen bedacht geweſen: jedoch vns zuvor zeitig erinnert/ daß eine Notturfft ſeyn wolte/ dahin zu trachten/ wie wir bey ſolcher anſehenlichen Zuſammenkunfft der geſtalt erſcheinen moͤchten/ damit wir nicht allein fuͤr die jenigen/ die wir ſeyn/ ſonder auch mit Eynfuͤhrung etwas neuwes/ vns einer ſolchen loͤblichen Congre- gation inſinuieren/ vnd deſto angenemmer machen moͤchten/ darunter wir vns dann endtlich reſoluiert vnd vereinbart/ vns alſo vnd mit denen kenne vnd Merckzeichen zu præſentieren/ wie vns vnd vnſere reiche Natur vñ Beſchaffenheit/ vor mehr als zweyJn was For- mat/ Kleydung vnd Geſtalt ſie haben wollen auffziehen/ vnd ſich præſentie- ren/ nemblich/ wie ſie ɤ Geiſt- reiche Prophet Daniel be- ſchrieben hab. tauſent jahren/ ein Geiſtreicher Prophet mit Nah- men Daniel abgemahlet vnd deliniert/ vnnd dann daneben auch mit etwas anzudeuten/ wie wir auß Erfahrenheit gelernet/ wie es mit der gantzen Welt gethan/ vnd wodurch fuͤrnemlich groſſe Koͤnigreich Lvnd Beſchreibung Fůrſtlicher vnd Monarchien gepflantzet/ erbauwet/ vnd erhal- ten werden/ zu dem Behuff/ wie die Tugent zuvor- derſt/ vnnd neben jhr deren Geſpielen die Fortun Comites vnnd Geferten der 4. Monarchen ſeyndt geweſen Virtus, Fortu- na, Occaſio, &c.oder Gluͤck/ vor der Occaſion oder Gelegenheit ge- leytet/ mit vns in vnſerm Comitat eynzufuͤhrn ent- ſchloſſen: alldieweil alle Koͤnigreiche/ Keyſerthumb vnnd Gewalt/ naͤchſt der Goͤttlichen Prouidentz Eynzug/ durch dieſer dreyer Goͤttinnen/ wie wir ſie nennen moͤchten/ fauorem vnd Beyſtandt/ zu jrer Hoheit vnd Wuͤrden gelanget vnnd kommen ſeyn/ auch kuͤnfftig anderer Geſtalt kein Regimẽt in Ge- deyen vnd Auffnemmen gerahten kan noch mag.

Hieruͤber haben wir auch ferꝛner ein Notturfft Patrinen vnd Schutzherren ſeyndt geweſen/ Nimrodus, Hercules, Pal- las & Mars.erachtet/ vns mit Patrinen vnd Geleytsleuten/ ſo vnſerm Stande gemaͤß ſeyn moͤchten/ zu verſehen/ vnd gefaſt zu machen: da wir dann auch nicht lange deliberiert/ ſonder wir der Ninus, vnſern Vorfech- ter Nimrodt/ vnnd Wegweiſer aller Monarchen: wir der Cyrus aber den ſtarcken vnnd ſieghafften Herculem: wir Alexander Magnus, die ſtreitba- re vnd Weltweiſe Palladem: vnd endtlich/ wir Iu- lius Cæſar den vnuͤberwindtlichen Martem, als dern Goͤtter fauorẽ vñ Beyſtandt wir bey vnſern Lebzeiten/ in Kriegs vnd Frieds Zeiten/ in viel We- ge wircklich entpfunden/ hierzu erkieſen vnd erweh- len woͤllen. Wann aber dieſelbe bey vns in campis Elyſiis Heroiſcher Ritterſpiel. Elyſiis auſſerhalb dem Nimrodt/ nicht zu finden/ demnach dieſelbe drey/ wie maͤnniglich bewuſt/ Dij cœleſtes, vnd hinder deß Iouis Juriſdiction vnnd Gebiet geſeſſen: wir aber von denen in Vngern er-Wie erſt neuwe Soldaten auß Vngern an- kommen. ſchlagenen Soldaten/ deren verſchienen Sommer ein gute Anzahl in vnſer Nachbarſchafft gelanget/ die gewiſſe Nachrichtung empfangen/ daß ſich be- meldte Goͤtter in dem Chriſtlichen Feldtlaͤger vor Ofen/ demſelben wider den Tůrcken Beyſtandt zu leiſten/ befundẽ. Sintemal alle diſe drey an ſolchem Krieg nicht wenig intereſſiert/ in Betrachtung/ dz der Hercules noch heutiges Tages wider die Koͤni- ge in Thracien/ als welche groſſe Tyrannen gewe- ſen/ wie jetzt der Tuͤrck iſt/ ſo daſſelbige Landt inne hat/ wegen deß alten Antæi von jhme erſchlagenen Koͤnigs/ ſo ſeine Gaͤſte den Pferden zu zerreiſſen/ fuͤrgeworffen/ einen rechtmaͤſſigen Zorn vnd billi- chen Eiffer dieſelbe zu vertilgen fuͤhret: die Pallas aber ſich mit gutem Fug/ jhrer Griechen Erledi- gung/ ſo nu ein lange Zeit vnder das viehiſche Ma- homethaniſche Joch gefangen ligen: vnd dann der Mars deß Heiligen Reichs Schutz vnnd Schirm/ welches der blutdurſtige Hundt der Tuͤrck jetzo auch vnder ſich zu bringen vermeynet/ als perpetuus Germaniæ defenſor vnd Patronus, jhm mit euſ- ſerſtem Fleiß angelegẽ ſeyn laͤſt. Als haben wir den L ijMercu- Beſchreibung Fůrſtlicher Mercurium, ſo/ wie bewuſt/ der Goͤtter ordinari Corriero iſt/ in hoͤchſter Eyl/ dahin ſpediert vnnd abgefertiget/ dieſelbe vnſertwegen zu erſuchen/ daß ſie vns hierunder deren hiebevor vns erwieſenen vielfeltigen Gewagenheit nach/ auch vor dißmal nicht laſſen/ ſondern in dieſer vns hochangelegener Sachen/ gutwillig Aſſiſtentz zu leiſtẽ/ vnbeſchwert ſeyn wolten. Vñ daß er Corriero gleiche Werbung bey der Tugent/ der Fortunæ Gelegenheit/ weil wir nicht zweiffelten/ dieſelbe auch allda im Laͤger anzutreffen ſeyn wuͤrden/ vnſerthalben anzubrin- gen: welches dann der Mercurius gutwillig auff ſich genommen/ vnd nicht allein bey hocherwehnten dreyen Goͤttern vor Ofen vnſer Suchen anbrach- te/ ſondern auch von jhnen einen gewuͤrigen Be- ſcheidt dahin erlanget/ daß ſie ſich erbotten/ auff ei- nen beſtimpten Tag zu vns zu ſtoſſen/ wie auch ebe- ner maſſen die Virtus, welche er daſelbſt in voller Muͤhe vnd Arbeyt antroffen/ ſich hierzu gantz wil- lig erklaͤret. Die Fortunam aber zuſampt der Oc- caſion vnd Gelegenheit/ hat er daſelbſt nicht finden moͤgen/ aber doch im Ruͤckweg zu Raab antroffen/ da ſie ſich ebener maſſen auff vnſer Begern willfaͤh- rig/ vnd daß ſie ſich neben andern ſtellen wolte/ an- erbietig gemacht.

Hierauff nun/ vnd nach ſolchem erlangten Be- ſcheidt/ Heroiſcher Ritterſpiel. ſcheidt/ haben wir den Sachen kein laͤngern Auff- ſchub geben woͤllen/ ſondern vns auff die Fahrt ge- macht/ vnd bey Puteoli, auß dem antro Sybillæ, vnſern Fuß erſtlich auff den Erdtboden geſetzt/ vnd dann fuͤrters in vnſer angefangenen Rheyſe ohne verzug continuiert/ biß wir in der weitberuͤhmten Statt Milano wol angelanget/ daſelbſt wir vnge- fehr die fuͤrtrefflichſten Muſicos, den Apollinem, Orpheum, Linum, zuſampt dem gantzen hellen Muſicaliſchen hauffen antroffen/ welche theils auß deß Iouis, theils auß deß Plutonis Bottmaͤſſigkeit ſich deren Enden begeben/ auff daß ſie der Hochloͤb- lichſten neuwen Koͤniglichen Spaniſchen Braut auff den Dienſt warten/ vnd mit jhrer Muſic der- ſelben Ehr beweiſen vnnd ergetzen moͤchten. Da ſie aber wegen der eyngefallenen Trawrzeit/ vber die toͤdtliche Ableiben deß Großmaͤchtigẽ Koͤnigs Phi- lippi zu jhrem Jntent nicht gelangen koͤnnen: vnnd derohalben/ als wir jhnen vnſer Vorhaben entde- cket/ ſich alſo fort reſoluieret/ neben vns dieſe ſtattli- che vnd hochanſehenliche Zuſam̃enkunfft zu Stut- gart zu beſuchen/ doch daß die Muſæ auſſerhalb der Clio, welche mit vns gezogen/ (demnach dieſel- be jederzeit groſſen Potentaten auff den Dienſt ge- wartet/) bey der Koͤniglichen Braut verbleiben/ vnd derſelben troͤſtlich erſcheinen moͤchten: zumal/ L iijweil Beſchreibung Fůrſtlicher weil ſie ohne das auch wegen der kalten Winters- zeit/ vnd eyngefallenen tieffen Schnees/ die Alpes nit wol zu paſſieren ſich getrauwet. Solche ſtattli- che Compagnia haben wir nu abermals mit nich- ten nicht außſchlagen/ ſondern mit groſſem Danck auff vnd annemmen ſollen. Vnd darauff alſo in ge- ſampt vnſere Rheyſe/ ſo weit fortgeſetzet/ daß wir geſterigs Tages zu Cantſtatt wol angelanget/ da dann auch kurtz hernach Mars, Pallas vnd Hercu- les, wie auch nichts minder die Virtus, die Fortu- na, vnnd die Gelegenheit ebener maſſen daſelbſten ankommen/ vnnd ſeyndt nun ferꝛners gleich jetzo im Werck/ vnnd auff der Rheyſe/ vorderſt gen Stut- gart/ auff der Bahn/ da ſchon vnſerm empfange- nem Bericht nach/ die America erſchienen/ fort- zurucken/ vns zu præſentieren. Damit wir aber nit vnverſehens hineyn platzen/ haben wir nicht vnder- laſſen ſollen/ euch den Herren Judicierern/ vnnd Maëſtri del Campo, durch gegenwertigen auiſo bey Zeygern dem Mercurio vnſere vnd vnſers bey- habenden Comitats Ankunfft zu wiſſen zu machen/ euch ſamptlich vnd ſonderlich hiemit in Gebuͤhr er- ſuchendt/ jhr woͤllet nicht allein vns vnnd vnſern Comitat/ ſichern Paſſz vnd Geleyt verſtatten/ ſon- dern auch vns vnnd vnſern Spießgeſellen dem Ni- no, dem Cyro, vnd Alexandro Magno vergoͤn- nen/ Heroiſcher Ritterſpiel. nen/ mit den jetzigen Herren Mantenidoren eine Cariera etliche/ nach Außweiſung der Cartels Ar- ticul zu vollnfuͤhren/ vñ ſonſten in dem vbrigen vns vnſern Comitat/ euch zu Gutem/ vnnd Befuͤrde- rung laſſen empfohlen ſeyn. Daſſelbe woͤllen wir/ nicht allein fuͤr vnſer Perſon vmb euch in Gutem zu erkennen vnvergeſſen ſeyn/ ſonder auch bey der Tu- gent/ bey dem Gluͤck/ vnd der Occaſion dahin ver- bitten/ daß jhr deren Aſſiſtentz in allem euwerem Thun vnd Laſſen/ vielfeltigen Genoß empfinden moͤget. Datum Cantſtatt den 23. jůngſten Februa- rij, Anno 1599.

Iulius Cæſar ſecundùm Rediuiuus.
Der dritte Auffzug/ vnd Heroiſch Ingreſ- ſus deß Edlen vnd Veſten Benjamin Buͤwingks- haͤuſſers von Walmeroden/ Fuͤrſtlichen Wuͤrtenbergiſchen Hoff Rahts/ der ſich nennet Gottlieb Theur- danck/ Ritter auß Caraman- nia, ꝛc. NVn kam die dritt POSSESSION, Jn Rennplatz gar ſchoͤn eynher gohn/ Sein Schreiben war vor præſentiert/ Vnd von den Richtern judiciert/ Von Beſchreibung Fůrſtlicher Von jhnen eylendts abgeleſn/ Welchs Jnnhalt vngfehr dieſer gweſn/ Wie hie die Vberſchrifft erſtlich Thut lautn von Wort/ alſo zierlich.

DEn Wolgebornen/ Edlen/ Geſtrengen/ vnd Veſten/ bey dieſem Fuͤrſtlichen Ritterſpiel wolverordneten Herren Judicierern/ ꝛc. Em- beut ich Gottlieb Theurdanck auß Caramannia, der Geburt ein Roͤmer/ vom Geblůt deß Edlen/ tapffern Helden Scipionis Africani, Manteni- dor der Warheit/ Verfolger vnnd vberwinder der leydigen Inuidiæ, &c. mein gutwillig Dienſt/ al- les Liebs vnd Guts/ vnd fuͤg jhnen darneben zu ver- nem̃en/ ꝛc. Daß/ als newlich verfloſſener Zeit/ Me- hemet Tuͤrckiſcher Keyſer/ mit vber auß erſchroͤckli- cher Kriegsmacht/ alle bißhero in Aſia vñ Orient vberbliebene Chriſten/ vñ dahero mein liebes Vat- terlandt/ ploͤtzlich der geſtalt vberzogen/ daß alle meine Benachbaurte/ ſich vnder ſein Joch vnd Ge- horſam ergebẽ muͤſſen/ ich doch viel lieber das mei- ne/ vnd die meinige gaͤntzlich verlaſſen/ dann die von vielen hundert Jahren hero ererbte Edle Frey- heit verlieren woͤllen. Derowegen mich heymlich darvon gemacht/ vnd als Cauellier Errante, mein Glůck zu ſuchen/ langezeit die Welt hin vnd wider durchzogen/ alſo daß ich/ durch Gottes Huͤlff/ vnd auffrecht Heroiſcher Ritterſpiel. auffrecht redlich verhalten/ zu Friedens vñ Kriegs- zeiten/ in kurtzem/ bey mehrermtheils Potentaten vñ Fuͤrſten Hoͤfen/ in Europa bekandt/ Gnad fun- den/ vnd lieb vnnd werth gehalten worden: Der ge- ſtalt/ daß ich nunmehr ſchier meines Vngluͤcks ver- geſſen hette/ wo nicht der leydige Sathan (als ein Erbfeindt der Warheit) ſeine Tochter INVI- DIAM (weil Mendacium jhr Schweſter gar zu viel bekandt/ vnnd ſich alſo offenbar nicht ſe- hen laſſen duͤrffen) vber mich geſchickt/ welche mit Huͤlff vnd Zuthun jhrer anderer Geſchwiſterigen/ Calumniæ, Adulationis, vnd Ignorantiæ, mich der geſtalt hinderrůcks verunglimpfft/ dz/ wo mein Diener REDLJCHMANN mich nicht ge- warnet/ fuͤr meine getreuwe Dienſte/ vñ auffrichtig tapffer Verhalten/ mir eben ſolcher Lohn worden were/ wie durch jhr Anſtifften/ die Roͤmer/ meinen alten Vranherꝛn Scipionem Africanum zu ſei- ner Zeit auch belohnet. Dahero ich bey mir ent- ſchloſſen/ die Welt/ vnd jhr Ehr gaͤntzlich zu mei- den/ vñ alſo dieſer Helliſchen Furiæ zu empfliehen: mich auch darauff in ein Wůſten vnd Einoͤde/ Gott allein ruͤhig zu dienen/ begeben/ darinn ich ein ge- raͤume Zeit bey den wilden Thieren mein Leben zu- gebracht/ alſo lang/ biß vngefehr dahin angelangt/ der ſtaͤttig vm̃ die Weltlauffende alte Mañ/ Tem- Mpus ge- Beſchreibung Fůrſtlicher pus genandt/ mit ſeiner Tochter Veritas, zu denen ſich alſo baldt/ beyde Gottes liebſte Dienerinn RE- LIGIO vnd IVSTITIA, vmb von jhm zu erkundigen/ wie es an jetzo in der Welt zugehe/ vnd ob ſie noch in einigem Reſpect bey den Menſchen ſeyen/ verfuͤgt: Welche ſamptlich/ als ſie meiner an- ſichtig worden/ mich erkennet/ befraget/ vnnd mit Verwunderung vnd bewegtem Gemuͤht/ die Vr- ſach meines ſolitari Lebens angehoͤrt. Als ſie nun betrachtet/ welcher Geſtalt die Inuidia von ewig- keit hero/ die jenige/ ſo in Weltlichen Regimenten/ vnd bey Fuͤrſten vnd Potentaten Hoͤfen ſich befliſ- ſen/ jhre Herꝛſchafften/ neben deren von Gott jhnen verliehener Macht vnnd Gewalt/ zu jhnen als den Grundtſeulen aller Staͤndt vñ Guͤter Regiment/ trewlich zu rahten/ eben an denſelben Orten zum euſſerſten verfolgte/ vnnd wann jhr nicht dermaln eins begegnet wuͤrde/ was fuͤr Vnheyl darauß ent- ſtehen moͤchte/ da ſich an denen Orten kein auffrech- ter redlicher Mann fůr jr duͤrffte finden laſſen: Ha- ben ſie eynhellig mich ermahnet/ daß ich nicht laͤn- ger allda verligen/ ſondern mich vnnd andere viel/ an jhr vnnd jhrem Anfang rechen ſolte/ auch darzu jhr Huͤlff vnd Beyſtandt mir angebotten/ ꝛc. Durch weche ichs auch endtlich dahin gebracht/ daß ſie ſich mir in mein Gewalt/ vnnd gefangen hat ergeben muͤſſen. Heroiſcher Ritterſpiel. muͤſſen. Obgedachte aber jre Geſchwiſterige/ ſo balt ſie ſolchs erfahren/ haben ſich darvon vnd auß dem Staub gemacht/ ꝛc. Jn dem ich aber im Zweiffel ſtehe/ wie ich mich/ vnd andere nach mir/ fuͤr dieſer gifftigẽ Inuidia (weil ſie vnſterblich) gnugſam ver- ſichere/ langt daſelbſt an/ die geſchwinde Fama, mit gewiſſer Zeitung/ daß an dieſem weitberuͤhmten Fůrſtlichen Hof/ neben einer ſtattlichen Verſamb- lung vieler Fuͤrſtlichen/ Graͤflichen/ vnnd Ritter- maͤſſigen Perſonen/ auch Hochloͤblichen Frauwen- zimmer/ demſelbigen zu ſondern Ehren/ von dem Durchleuchtigen vnd Großmaͤchtigen Fuͤrſten/ ꝛc. Herꝛn Friderichen Hertzogen zu Wuͤrtenberg/ ꝛc. als Liebhaber aller Tugent vnnd Ritterlichen V- bungen/ allerley dergleichen Ritterſpiel/ vnd Ade- liche Kurtzweile/ angeſtellt ſeyen/ welches ſie neben andern/ jhrem Vatter Tempori, vnd/ gleichwol et- was vngleicher Schweſter/ Veritati anzeigen wol- len/ ꝛc. deß ich mich auffs hoͤchſte erfreuwet/ auch alsbaldt mir fuͤrgenommen/ mit meiner gefange- nen Inuidia mich hiehero zu begeben/ dieſelbige zu jhrer Schandt vnd Spott oͤffentlich/ als in einem Triumph/ bey einer ſo herꝛlichen Verſamblung/ an einem Ort/ da ſie ſonderlich jederzeit verhaßt gewe- ſen/ auffzufuͤhren/ auch mich Rahts zu erholen/ welcher geſtalt ſie jhrem Verdienſt nach/ geſtraffet M ijwerden Beſchreibung Fůrſtlicher werden moͤchte. Vnd weil Tempus vnnd Veritas, neben der Fama, bezeugen/ in wie groſſem Reſpect vnd Anſehen/ Religio vnd Iuſtitia, in dieſem loͤbli- chen Fuͤrſtenthumb ſeyen/ haben ſie beyde/ zuvor- derſt hochgedachter jrer Fůr ſtlichen Gnaden/ auch loͤblichen Frawenzim̃er zu Ehren/ neben dem ſtreit- baren vnd maͤchtigen LEWEN/ frommen vnd eynfaͤltigen SCHEFLJN/ vnnd liſtigen wol- weiſen FVCHS/ (welche in der Wůſten mir ſonderlich beygewohnet/ vnnd ohne das jhre drey Naturen/ allen/ ſonderlich hohen Standts Perſo- nen wol anſtehen/ vnd zu verſtehen geben/ daß deß Loͤwen Macht vnnd Staͤrck vnuͤberwindtlich ſeye/ da Frombkeit vnd Gottsfurcht/ vñ dann Verſtandt vnd guter Raht darbey ſeyen) mir das Geleyt hie- hero gebẽ woͤllen. Veritas, nach dem ſie die Famam vor abgefertiget/ hat mit jhrem Vatter Tempore (welcher auß Goͤttlicher Ordnung ſich nirgendt auffhalten durffte) fortziehen můſſen: derohalben nicht hieher/ wie ſie ſonſt gern gewolt/ perſoͤnlich er- ſcheinen moͤgen: Aber an jr Stell den Patriarchen Joſeph/ vnd Propheten Daniel/ als alte Hoffleut vnd Herren Diener/ mir zugeordnet/ welche auch ſonderlich darumb gern erſchienen/ daß die Inui- dia bey jhren Lebzeiten ſie hart angefochten/ vnnd daß ſie das jetzig Hoffleben gegen dem/ ſo man bey jhren Heroiſcher Ritterſpiel. jhren Zeiten gefuͤhrt/ beſehen moͤgen. Weil dann Wolgeborne/ Edle/ Geſtrenge/ vnnd Veſte/ G. Herren vnd Freundt/ ich an jetzo allhie/ fuͤr der ver- ordneten Bahn/ mit ehegenannten Perſonen/ an- gelangt/ vnnd fuͤr mich/ vnnd ſolche meine Mitge- fehrten/ darumb ſonderlich eines Geleyts wol be- darff/ dieweil ich eine gefangene Perſon auff fremb- de Herꝛſchafft vnd Juriſdiction bringe/ die ich ſon- ſten/ vermoͤg der Recht/ verfallen moͤcht/ auch wilde Thier bey mir habe/ ſo von jren Feinden/ auß Meynung/ als wann ſie mit boͤſer Jntention da- hero kaͤmen/ angefallen werden moͤchten: Als iſt mein gantz Dienſt: freundtlich geſuͤnen/ mir ſol- ches beſter Form/ gnaͤdig vñ freundtlich mitzuthei- len: auch zugeſtatten/ daß gedachte Inuidiam ich alſo gefangen aufffuͤhren/ der Notturfft nach vmb obiges mich befragen/ vnnd dann mit dem Herꝛn Mantenidorn/ ich fuͤr mein Perſon allein/ ver- moͤg deß publicierten Cartels/ die gebůhrende zu- gelaſſene Carieren thun moͤge. Dann meine Mit- gefehrten/ weil ſie numehr/ entweder ſolcher Welt- lichen Sachen ſich nicht anmaſſen důrffen/ oder jre Profeſſion nicht iſt/ ſich deſſen enthalten woͤllen. Darzu weiß ich dieſelbige/ als die nebenmir/ Reli- gionem, Iuſtitiam vnd Veritatem lieben/ ohne das geneigt/ vnnd wil nichs gegen denſelben ander- M iijwerts Beſchreibung Fůrſtlicher werts vnerkennet/ noch auch in der Welt vngeruͤh- met laſſen.

Gottlieb Theurdanck auß Caramannia, &c.
NVn wie vnd welcher gſtalt er ſey/ Jn Rennplatz auffgezogen frey/ Auff ein Erlaubnuß vnd Vrthel/ Auch vbergebne ſchoͤn Carthel/ Wollen wir allda ordentlich Anzeigen/ vnd berichten dich. Jm erſten Gliedt zogen dahin/ Wie die zween Patrin vornen her bekleydt wa- ren.Zween tapffer Ritter vnd Patrin/ Weiß vnd rot/ gruͤne Feldtzeichen/ Jhr Regiment warn deßgleichen/ Von Farben angeſtrichen ſchoͤn/ Ritten daher frey zween vnd zween. Jm andern Gliedt ſah reiten ich/ Joſeph vñ Da- mei wie ſie be- kleydt waren.Joſeph vnd Daniel ritterlich/ Jn gruͤnem Atlaß vnd mit Goldt/ Vnd Silber ſchoͤn ich ſagen ſolt/ Gemahlet vnd verſetzt mit Fleiß/ Die Federn waren rot vnd weiß/ Damit der Mann vnd Roſſz geziert/ Guͤlden Scepter ein jeder fuͤhrt/ Joſephs Tar- ſchen.An Joſephs Tartſchen ſah man klaͤrlich/ Wie jhn die Bruͤdr auß Neidt gfehrlich/ Jn Brunnen warffen vnd verkieffn/ Vnd mit ſeim Rock zum Vatter lieffn/ Den alten Mann mit Worten btrogen/ Vnd faͤlſchlich auff den Bruder glogen. Am Heroiſcher Ritterſpiel. Am Schildt der Tartſchen ſah ich dort/ Außtrucklich gſchrieben dieſe Wort: EXTOLLVNT DVM INV IDENT: Sie ſetzen mich Joſeph erſt hoch/ Weil ſie mir das mißgoͤnnen noch. Der Daniel fuͤhrt in ſeinem SchildtDeß Daniels Tartſchen. Oder Tartſchen/ ſchoͤn fuͤrgebildt/ Sein Loͤwengrubn da man jhn ſcharpff/ Auß Neidt vnd Haſſz vorzeiten warff/ Daran ich dieſe Schrifft vermerckt/ Die mir mein Hertz haben geſtaͤrckt: In foueam, quam mihifecêre, Authores ipſi incidêre, Es fallen ſelbſt die boͤſen Bubn/ Die ſie mir machn in dLoͤwengrubn. Jm dritten Gliebt Muſici vier/Muſicanten dieſes Auff- zugs. Mit Kleydern vnd gar ſchoͤner Zier/ An welchen Harpff vnd Geig hiengen/ Mit viel Lauten ſie da giengen/ Lieblich ſie zogen vnd ſchlugen/ Gar ſchoͤn Kleyder ſie auch trugen/ Jn Tuͤrckiſch Hauben giengen ſchoͤn/ Die Farben weiß/ rot vnd auch gruͤn/ Zotten dahinden hiengen rab/ Das jhm ein feine Zierde gab. Die Schuch cothurni waren ſchoͤn/ Wie Nimphæ ſie dahero gehn/ Daß ein Luſt war ſie zu ſchauwen/ Wie Heydniſchſchoͤne Jungfrauwen. Jm vierdten Gliedt kamen her fein/ Ein Loͤw/ ein Fuchß/ vnd ein Schaͤflein/ Der Beſchreibung Fůrſtlicher Wie ein Loͤw/ ein Fuchß vnd Schaͤflin/ da- her geritten ka- men.Der Loͤw damitten ſaß vnd ritt/ Den Fuchß vnd Schaͤffle brachte mit. Das Schaͤflin war viſierlich gmacht/ Welches hat jedermann gelacht/ Da es ſein Schwaͤntzlin hat geregt/ Hinder dem Sattel fein bewegt/ Huͤpſch ſchneeweiß ſahe es herauß/ Sein Schoͤpper ſahe gar ſchoͤn krauß/ Sein Spitzmaͤulin gar artig war/ Wie ein Schaͤflin natuͤrlich gar/ Die Augen wendt es im Angſicht/ Artig vnd ſchoͤn war zugericht/ Deß Schaͤf- lins Buch/ deß Jobs Gedult drinn ſuch/ ꝛc.Auff ſeinem Haͤupt fuͤhrt es ein Buch/ Daß man deß Jobs Gedult drinn ſuch/ Jn ſeiner Tartſchen zwo Tauben weiß/ Hab ich geſehn mit allem Fleiß/ Daran ich laſe dieſe Wort/ Da dieſes Schaͤfflin zoge fort: Simplices eſtote ſicut columbæ, Wir ſolln eynfaͤltig Schafe ſeyn/ Wie Tauben ſeyndt ohn Gallen reyn. Vnden das Schaͤfflin ſehen ließ/ Wercklich gemacht ſeine Schaffuͤß. Der Loͤw neben ſperꝛt ſeinen Rachn/ Daß jedermann ſein thaͤte lachn/ Da er ſo ſcheutzlich heßlich ſah/ Vnd zu vns kommen war gar nah/ Zottig ſah wie ein Schaͤfers Hundt/ Vber den Ruͤck vnd vmb den Schlundt/ An Haͤndt vnd Fuͤſſen ließ er ſchawn/ Gar ſcharpffe Tatzn vnd Loͤwenklawn/ Natuͤrlich Heroiſcher Ritterſpiel. Natuͤrlich ſaß er auff dem Roſſz/Loͤwen Geſtalt auff dem Roſſz. Als wie ein Loͤw anſehnlich groß/ Ein Lantzen fuͤhrt mit aller Zier/ Seim Herren dem Aduenturier/Farben deß Ritters Theur- dancks/ weiß/ rot/ vnd gruͤn. Weiß/ rot/ vnd gruͤn angſtrichen war/ Deß Ritters Theurdancks Farben gar. Auff ſeinem Haͤupt einſchoͤne Cron/ Deß Loͤwen Hertz bringt ſie darvon/ Auff ſeiner Tartſchen ſah ich fein/ Mit vielen Stacheln ein Meerſchwein/ Daran laſe ich gſchrieben Wort/ Da der Loͤw fuͤr mich zoge fort/ Welche verſtaht ein Latinus, Cominus vnd auch eminus, Die ich auff Teutſch alſo verſtahndt/Was comi- nus vnd emi- nus heiſt. Vnd machen wil allhie bekandt/ Nahe vnd weit/ iſt allezeit/ Gegen dem Feindt gut ſeyn im Streit/ Wann er iſt nah vnd nicht faſt ſtarck/ Sey du cominus gehn im arg/ Vnd ſtell dich vnder ſein Angſicht/ Gib jhm bevorkein Heller nicht:Jſt beſſer vnnd ſicherer eminus den Feindt ſchlagen/ dann cominus. Jſt er aber weit vber dich/ Eminus ſchlag jhn/ das raht ich/ Darumb man Buͤchſen hat erdacht/ Vnd eminus den Feindt vmbbracht/ Feurwerffen/ vnd auch andre Sachn/ Welches der Feindt mag gar nichtlachn. Darumb die Scythæ liſtiglich/Argliſtigkeit der Scytharum. Jm fliehen ſchieſſen hinderſich/ Daß ſie ſich wehren eminus, Wann ſie nicht duͤrffen cominus, NNeben Beſchreibung Fůrſtlicher Geſtalt deß Fuchſen auff dem Roſſz.Nebem Loͤwen ritte der Fuchß/ Luſtig daher vnd tuͤckiſch fluchs/ Sein Schwantz dahinden ſehen ließ/ Vnd artig ſeine Fuchſe Fuͤß/ Auff ſeinem Kopff war auffgeneht/ Ein Doctoriſch ſchoͤn rot Bareht/ Doctor Fuchß.Jm Schildt vnd Tartſchen fuͤhrt ein Schlang/ Welche die Ohrn verſtopffen lang/ Vor dem Beſchwerer mit dem Wort/ Die ich auch laſſe an dem Ort: ASTVTI SITIS VT SERPENTES, Et ſitis quoque ſic prudentes, Wir ſollen alſo liſtig ſeyn/ Wie die Schlangen ſpitzfindig fein. Warlich mich ſehr groß Wunder nam/ Da dieſe Proceß zu mir kam/ Wie Menſchen Kinder ſolchs erdichtn/ Vnd artig koͤnnen ſo zurichten/ Vnd wie man koͤndte junge Knabn/ Dareyn verneht ſo wercklich habn/ Welche ſich koͤndten auff den Roſſen/ So wercklich ſehicken in den Boſſen. Was der Loͤw/ Schaͤßin/ vnd der Fuchß be- demet haben/ ꝛc.Der Loͤw bedeut deß Herꝛn Gewalt/ Daß er eins Loͤwen Hertz behalt/ Das Schaͤflin/ das er hab geduldt/ Vnd auch der Vnderthanen Huldt/ Der Fuchß/ deß Herren Liſtigkeit/ Die er ſol brauchen mit Weißheit/ Damit man auch ein groſſen Herꝛn/ Gebuͤhrlich fuͤrcht vnd hab in Ehrn: Diß war alſo angzeigt im Schranck/ Durch den Ritter Gottlieb Theurdanck. Jm Heroiſcher Ritterſpiel. Jm fuͤnfften Gliedt ritte gar ſchon/Religions Ge- ſtalt. Mit weiſſem Creutz Religion/ Hatt Fluͤgel ſonſt von Silber weiß/ Jhr Kleyder waren all mit Fleiß/ Von Silbern Stuͤckn/ ein Kelch gar ſchon/ Trug in der Handt Religion. Darauff folget Iuſtitia,Iuſtitiæ Ge- ſtalt. Welche haſſet die Vitia, Jn Haͤnden fuͤhrt ein bloſſes Schwert/ Die ein Wagſchuͤſſel fůr ſich kehrt/Warumb die ein Wagſchuͤſ- ſel der Iuſtitiæ fuͤr ſich ſchlagen ſol. Ein Außſchlag von jhr geben wil/ Daß der Arm nicht koͤndt klagen viel. Der beyde Roſſz waren ſchoͤn weiß/ Einhoͤrner fuͤhrten ſie mit Fleiß/ Verguͤldt vber die maſſen ſchoͤn/ Den Roſſen ander Blaſſen ſtehn/ Die Roſſz verguͤldte Huffen habn/Was die Roſſe mit jhren Ein- hoͤrner bedeutet haben. Da ſie alſo hereyner trabn. Damit hat man anzeigen woͤlln/ Die Ritterſeyn ſo gut Geſelln/ Nemblich der Glaub vnd Grechtigkeit/ Zuſammen halin in allem Leydt/ Gleich wie das Einhorn alles Gifft Vertreiben kan/ alſo die Schrifft/ Der Glaub vnd Grechtigkeit behendt/ Das Gifft vertreibt im Regiment. Jm ſechſten Gliedt kam in den Schranck/ Aduenturier Ritter Theurdanck/Ritter Theur- danck wie er be- kleydt war/ ꝛc. Bekleydet war mit aller Zier/ Nach Roͤmiſcher Art vnd Manier/ Ein gruͤner Atlaß war ſein Rock/ Der Windtjhn auffblaͤht wie ein Glock/ N ijWann Beſchreibung Fůrſtlicher Wann der Ritter dahin geflogn/ Vnd den Mantel hat naher zogn. Was die ſtoſ- ſende Widder auff deß Rit- ters Bruſt be- deutet haben.Zweenſtoſſendt Widder auff der Bruſt/ Fuͤhrt dieſer Ritter mit Vnluſt/ Damit er widerwertig Gdanckn/ Hat wollen deuten in den Schranckn/ So er im Hertzen hat bewegt/ Die Furcht den Menſchen offt abſchreckt/ Ein brennendt Hertz zur Tu- gent/ vertreibet viel Schmertz/ ꝛc.Darumb fuͤhrt er ein brennendt Hertz Jn ſeiner Handt/ damit den Schmertz/ Vnd Anfechtung hinweg zu treibn/ Die Liebe zur Tugent ſol bleibn. Auff ſeiner Bickelhauben war Phœnix auis Arabica.Phœnix, der Vogel artig gar/ Der ſich ſelber verbrennen thut/ Vnder jhm war ein feurig Glut/ Als wolt er ſelbr verbrennen ſich/ Feurrot die Farb gleiſt meiſterlich/ Alſo der Ritter auffgezogn/ Blauwe vnd weiß Feldtbinden flogn. Vber ſeim Ruͤcken am Armbandt/ CVI FAVOR, dieſe Schrifft ich fandt/ Bracht an der Ketten gfangen her Wie der Neidt Inuidia bekleydt vnd geſtalt war/ ꝛc.Inuidiam, war haarecht ſehr/ Zween Fluͤgel auff dem Ruͤcken hat/ Jn braunen Leinwadt kleydet gaht/ Jhr Mantel war ein guͤlden Stuͤck/ Damit ſie deckt jhr boͤſe Tuͤck/ Jhrn Neidt vnd Haſſz vnder dem Schein/ Welcher ernſtlich herfuͤr brech fein/ Sie ſah gar duͤrꝛ vnd mager auß/ Jhr Angſicht gab vielen ein Grauß/ Jhr Heroiſcher Ritterſpiel. Jhr Haar mit Schlangen gflochten war/ Jn Haͤnden fuͤhrt ſie auch zwo bahr/ Sie draͤwet mit den Haͤnden viel/ Dem Ritter vnd dem gantzen Spiel/ Als wann ſie nicht goͤnnte die Ehr/ Welche die Ritter vbten ſehr. Jhr eygen Hertz hatt in der Handt/Der Neyde friſt ſein eygen Hertz. Das fraß ſie ſelbſt mit groſſer Schandt/ Jch dacht daß dirs S. Veltin gſeg/ Friſt du dein eygen Hertz hinweg/ Vmbs andern willen nur vmbſunſt/ Auß lauter Neydt vnd auch Mißgunſt/ Guͤnſt niemandt ſein Gluͤck vnd Wolfahrt/ Behaͤltſt dein Neydt vnd boͤſe Art/ O Neydtteuffel/ dacht ich bey mir/ Koͤndt ich dich auch ſo feßlen ſchier/Dieſe Gedan- ekenſeyndt ſem- per frey. Wie dich der Ritter vberwundn/ Fuͤhrt dich allda gfangen vnd bundn/ Orecht/ dacht ich/ daß auch einmal/ Vber dich kompt der groß Vnfall/ Pfuj dich/ wie huͤpſch gehſt du daher/ Gedacht ich/ wie ein wilder Beer/ Dein draͤwen nicht viel allda gilt/ Du ſtellſt dich gleich laͤtz oder wildt/ So kanſtu nicht viel richten auß/ Vnd wirdt heut gar nichts werden drauß/ Wann noch einmal ſo ſcheutzlich fehſt/ Vnd noch einmal dich ſo auffblaͤhſt/ Dein Gifft vnd Zorn/ dein Neydt vmbſunſt/ Dich vberwindt Tugent vnd Kunſt/Tugent vnd Kunſt ligt dem Neydt ob/ vnd behalten jhr Lob/ ꝛc. Die muͤſſen ligen allzeit ob/ Darvon tragen gebuͤhrlich Lob/ N iijVnd Beſchreibung Fůrſtlicher Vnd ſolches haben ſie auch gwiß/ Rumpantur vt ilia Momis, Alſo ich gleich bey mir gedacht/ Da der Ritter den Neidt herbracht. Deß Theurdancks Diener vnd Trabant/ Redtlichmann oder Patrin deß edlen Ritters/ wie er war be- kleydt/ ꝛc.War Redtlichmann mit Nahm genandt/ Auff Roͤmiſch wie ſein Herꝛ bekleydt/ Fuͤhrt ſeinen Leibroſſz zubereyt/ An ſeiner Hande fort thet gohn/ Vnd folget der Proceſſion/ Jn ſeiner Tartſch ein Loͤwe ſtaht/ Ein Schwein er vberwunden hat/ Daran ſtunden Lateiniſch Wort/ Vtinam & nos koͤndten fort. Darnach ſo merckt ich auch mit Fleiß/ Deß Ritters Roſſz warn alle weiß/ Alle Roſſz ſchneeweiß/ ꝛc.Jhr Federbuͤſch weiß/ rot vnd gruͤn/ Die Sattel deckn deß Ritters Knien/ Mit guͤlden Knoͤpffen/ Quaſten/ Franſen/ Sie waren all ſchoͤn Feder Hanſen/ Mit gruͤnem Atlaß auch geziert/ Drey Farben habn ſie all gefuͤhrt: Was dieſe Farben bedeu- tet haben.Die weiſſe Frommigkeit bedeut/ Vnd deß Ritters Auffrichtigkeit/ Gerechtigteit/ vnd Ernſt/ die rot Bedeuten thut in aller Noht/ Die gruͤne Farb bedeuten thut/ Hoffnung vnd einen guten Muht. Tartſchen deß Ritters.Die Tartſchen die der Ritter fuͤhrt/ Ein Palmenbaum dieſelben ziert/ Darinn ein Silber weiß ſchoͤn Hertz/ Bedeut deß Ritters Schimpff vnd Schertz/ Vnden Heroiſcher Ritterſpiel. Vnden am Baum ein Hundt vnd Schlang/ Ein Krott darbey lag ziemlich lang/ Welche dem Hertzen bgehren zu/ Demſelben laſſen wenig Ruh/ Aber ein Schriffte ſtundt darbey/ Daß jhr Arbeyt vergebens ſey/ FRVSTRA LABORATIS hieß/ Da ſich die Schrifft anſchauwen ließ. Die Roſſzdecken deß Ritters war/Roſſzdecken deß Ritters. Leibfarb mit guͤlden Sparren gar/ Drey Figurn ſah ich gmahlet dran/ An der Bruſt die ich außlegen kan: Zwey Hertz faßten ein brennendt Hertz/ Bedeut Traw/ Einigkeit ohn Schertz/ An rechter ſeit der Decke warWie man den Neid im Zaum halten ſol. Ein Zaum/ welcher bedeutet klar/ Demut/ Gedult auff dieſer Erdt/ Daß der Neidt vberwunden werd/ An lincker ſeit ich gſehen hab/Ein Spinn iſt dem Neidt gleich. Ein groſſe Spinne hangen rab/ Dardurch ſo viel bedeutet war/ Der Neidt ſey jhr gantz aͤhnlich gar/ Vnd wol Tugent vberwinden/ Vergifften vnd hinweg verſchlinden/ Aber die Tugent ſieget ob/ Vnd traͤgt darvon gebuͤrlichs Lob. Als nun die drey Proceſſion/ Jn Schrancken theten vmbher gohn/ Dreymale vnd ich kundt mit Fug/ Dieſelben fein verzeichnen gnug: Fieng an erſt der Mantenidor/Wie man an- fieng zum Ring zu rennen. Welchen ich hab angzeigt zuvor/ AME- Beſchreibung Fůrſtlicher AMERICA die Koͤniginn/ Thaͤt ſich herfuͤr nicht wenigen/ Vnd in den Rennplatz præſentiert/ Ein verguͤldte ſchoͤn Stangen fuͤhrt/ Fordert auff der CVRRIER Bahn/ Erſtlich Ninum den kuͤhnen Mann/ Der Edel vnd Veſt Herꝛ Bal- thaß Fraucken- berger/ war Ni- nus der Koͤnig der Aſſyrier.Welcher war Franckenberger gnandt/ Herꝛ Balthaſar/ ſonſt wol bekandt/ Das Leggelt ſchlugen ſie baldt auff/ Die Koͤniginn thaͤt jhrn erſten Lauff/ Vnd flog dahin in ſchneller Eyl/ Als wie ein Boltz/ oder ein Pfeil/ Deß Ringlins aber hat gefchlt/ Darauff folgt Ninus erſt gemeldt/ Die ſilbern weiſſe Stang erwiſcht/ Mit jhr darvon geflogen iſt/ So baldt der Trommeter anſtieß/ Das Pferdt der Heldt ſchnell lauffen ließ/ Aber er fehlet auch deß Ring. Darnach ſo kam der Koͤnig ſtreng/ Der Wolge- born Freyherꝛ Eraſmus von Schwahuberg/ war Cyrus Koͤnig der Perſier.Welcher Cyrum ſich hat genennt/ Sonſt war Eraſmus der da rennt/ Von Schwahnberg ein Freyherꝛ erkohrn/ Ein tapffer Herꝛ vnd wolgeborn/ Der Koͤniginn ervor außbott/ Viel Thaler auffgeſchlagen hat. So baldt nun die Trommeter pfiffn/ Vnd ſie allweg die Stang ergriffn/ Wie die Koͤ- nigin AMERI- CA ſo ſtreng geweſen im Ritterſpiel/ ꝛc.AMERICA die Stang vmbwindt/ Vmb jhren Kopff gar fluck vnd gſchwindt/ Darnach im Rennen ſtreckt ſie ſteiff/ Daß ſie damit den Ring ergreiff/ So baldt Heroiſcher Ritterſpiel. So baldte ſie nur darzu kam/ Das Ringle ſie erwiſcht hinnam/ Vnd traff daſſelb im andern Lauff/ Daß frolockte der gantze Hauff/ Vnd wuͤndſchten jhr all heymlich Gluͤck/ Daß ſie daſſelb ſolt treffen dick/ Alſo Cyrus warvberwundn/ Verlor das Gelt zu dieſen Stundn.Der Groß A- lexander war der Edel vnd Veſt Herꝛ A- braham Bellin/ deß Durch- leuchtigẽ Hoch- gebornen Fuͤr- ſten vnd Herꝛu/ Herꝛn Johann Friderichen in Wuͤrtenberg Hoffmeiſter. Jm dritten Lauff kam auff dem Roſſz/ Der Koͤnig Alexander Groß/ Auff Griechiſch war gar ſchoͤn bekleydt/ Wie vorzeiten gieng dieſer Heydt/ Dieſer ſprang auff ſeim ſchoͤnen Roſſz/ Als wie der Alexander Groß/ Sonſt war er Abraham Bellin/ Welcher alſo iſt gflohen hin/ Ein tapffer Edelmann geziert/ Hat wol die freye Kuͤnſt ſtudiert/ Darumb er auch zu dieſer Friſt/ Deß jungen Herꝛn Hoffmeiſter iſt. Als nun die Koͤniginn vorrennt/ Die ſich Americam genennt/ Sie aber fehlt deß Ringlins gar/ Der Koͤnig Alexander war Jetzt auff der Fahrt/ der ſtob hinab/ Daß es im Sannt ein Staube gab/ Das Ringlin auch erwiſchet fein/ Vnd gwann dardurch ein Becherlein/Alexander Ma- gnus gewinnt ein Becherlein. Alſo der dritt Monarcha ſich/ Erzeiget hat gantz ritterlich. Jm vierdten Lauff ſich ſehen luß/ Der Roͤmiſch Cæſar Iulius, OMit Beſchreibung Fůrſtlicher Iulius Cæſar ſe- cundùm Redi- uiuus, war der Durchleuchtig Hochgeborne Fůrſt vnd Herꝛ/ Herꝛ Johann Friderich Her- tzog in Wůr- tenberg/ ꝛc.Mit America der Koͤniginn/ Begert er auch nicht wenigen/ Zu lauffen vnd rennen zum Ring/ Nach ritterlicher Art vnd Ding. Die Koͤniginne herfuͤr kam/ Vom PATRIN guldin Stangen nam/ Der war gantz ſchwartz von Sammet gkleydt/ Weiß Atlaß Ermel ich dich bſcheydt/ Verſtochen ſchoͤn/ auff ſeinem Hut Schneeweiſſe Federn tragen thut/ Ein weiſſen ſchoͤnen langen Bart/ Sah luſtig auß nach ſeiner Art/ Sein Roſſz mit weiſſen Federn ziert/ Die es hinden vnd vornen fuͤhrt. Der Koͤniginn die Stang gab er/ Vnd jhr nachrennt allwege ſehr/ Damit er balt die Stang empfang/ Vnd wider geb die guͤldin Stang. Wie America die Koͤniginn darvon geſto- ben ſey ſo rit- terlich/ ꝛc.Nun fiengen an Trommeter blaſen/ Die Koͤniginn hat lauffen laſſen/ Das ſchnelle Pferdt alſo geſchwindt/ Als wann Pegaſus fleugt im Windt/ Dann warlich die Koͤniginn darvon gſtoben/ Daß man die Sach nicht gnug kan loben/ Das Ringle doch nicht wegfuͤhret/ Aber daſſelb hart anruͤhret/ Deßhalben dannoch etwas gewann/ Dann wanns einer nur ruͤhret an/ So hatt er ein Gewinnen drauff/ Wie auch was gwinnt ein ſchoͤner Lauff. Darauff folgt CAESAR IVLIVS, Gantz rittermaͤſſig ſehen ließ/ Wie Heroiſcher Ritterſpiel. Wie er ſo ſchnell kundt darvon rennen/ Als wie der Boltz pflegt von der Sehnen/ Darumb er auch den Danck erlangt/ Gebůhrlich ſeinen Lohn empfangt/ Als der am zierlichſten auffzogen/Iulius Cæſar war vberwun- den von der Koͤniginn America. Vnd wacker iſt darvon geflogen/ Der letzt Monarcha dieſer Welt/ Vorlor aber da ſein Leggelt/ Welches die Koͤniginn hinnam/ Vnd durch das Ringle vberkam. Nun thaͤt in ALEMANNIA, Der Ritter auß CARAMANNIA. Den fůnfften Lauff auff der Rennbahn/Der fuͤnffte Rennlauff deß Ritters Gott- lieb Theurdãck auß Caraman- nia. Daß mich auch nicht gnug wundern kan/ Wie wacker nur die Koͤniginn/ Dahin ſprang vnd nicht wenigen/ Das weiß Roſſz vor hat thumlet vmb/ Vnd ſprang in einem Zwirbel rumb/ Gleich wie vmb ſpringt ein runder Topff/ Die guͤldin Stang windt vmb den Kopff/ Jm Rennen baldt ſich darnach wendt/ Gantz ritterlich durchs Ringle rennt/ Daß jedermann ſich wundert drab/ Wie ich dann ſelbs geſehen hab/ Der Ritter baldt darauff geſtobn/ Den Ring anruͤhret bey den Klobn/ Vnd bſtunden beyde Renner wol/ Wie ich warhafft anzeigen ſol/ Daß alſo der Ritter Theurdanck/ Sich ritterlich erzeigt im Schranck.
O ijDer Beſchreibung Fůrſtlicher
Der vierdte Heroiſch Ingreſſus, vnd zier- lich Auffzug/ deß Wolgebornen Herꝛn/ Herꝛn Erſami von Starrenberg/ in Tuͤrckiſcher Manier/ auß Conſtanti- nopel/ ꝛc. ES halff auch zu dem ſchoͤnen Werck/ Ein Freyherꝛ gnandt von Starrenberg/ Dieſer gantz Tuͤrckiſch auffgezogn/ Mit Blitſchen/ Pfeil/ Koͤcher/ vnd Bogn/ Als wann ſie kaͤmen mit jhrm Doppel/ Natuͤrlich von Conſtantinopel/ Dann ſie greuliche Knebelbart/ Brachten daher/ Tuͤrckiſcher Art. Wie die Moh- ren auffgezogen waren.Erſtlich zween Mohren ritten weiß Jn Kleydern/ auch die Pferdt mit Fleiß/ Jm roten Zeug/ verguͤldet ſchoͤn/ Blaw vnd weiß Fahnen fůhrten zween/ Drey Muſicanten Himmelblaw/ Giengen die zween/ der dritt darnach/ Jm roten Vngeriſchen Thalar/ Tuͤrckiſcher Trommen- ſchlaͤger.Welcher der Trommenſchlaͤger war/ Ein Schallmey vnd ein Zincken blieſn/ Das Baͤucklin ſie da hoͤren ließn/ Auff Tuͤrckiſch Art/ fein vberlaut/ Als wann er hacket nur ein Kraut. Polack mit ſei- ner Kleydung.Auff dieſe folget ein Polack/ Jm langen Mantel vnd Huſack/ Holtzſchuch der ſelbig hat antragn/ Ein Beihel/ Axtlin muß ich ſagn/ Auff Heroiſcher Ritterſpiel. Auff ſeiner Achſelligen hat/ Vnd Mannlich in den Schrancken gaht/ Einer ſich Alli Baſcha nennt/Alli Baſcha ein Tuͤrckiſcher O- berſter/ wie er auffgezogen ſey. Mit ſeinen drey Agaia rennt/ Als wann er kaͤm zu ſondern Ehrn/ Die weite Rheyß/ Fůrſten vnd Herꝛn/ Auß der Tuͤrckey/ ins Teutſche Landt/ Mit ſeinen Gſellen vnbekandt/ Welche hergiengn nach aller Zier/ Auff Tateriſcher Tracht/ Manier/ Die Stuͤrm an Huͤten/ Doſchet weiß/ Die Spitzhauben/ blaw/ rot/ mit Fleiß/ Als wanns natuͤrlich Tůrcken wern/ Fuͤrnemme Keyſer/ groſſe Herꝛn. Der erſt Ottomanum nennt ſich/Ottomanus, Temerlanus, Leone, ſeynde Tuͤrckiſcher Haͤuptleut Nahmen/ ꝛc. Der ander Temerlan zierlich/ Der dritt Leone gnennet war/ Verſpielten jhr Gelt ledig gar/ Dann die Koͤniginn ſolches gwann/ Gantz ritterlich auff der Rennbahn/ Wie ich ſolches geſehen wol/ Man bracht allbott ein Saͤcklin voll/ Das ein war blaw/ das ander rot/ Das dritt ſchoͤn gelb empfangen hat/ Die Koͤniginn der Saͤcklin viel/ Empfieng in dieſem Ritterſpiel. Der Alli Baſcha da verſpielt/ Fuͤnfftzehen Guͤlden/ da es gilt/Tuͤrcken verlie- ren viel Gelt auff dem Renn- platz. Der Ottomanus aber ſetzt/ Auch zehen Gůlden vnverletzt/ Vnd ſchlaͤgt dieſelb en in die Schantz/ Hats warlich auch verloren gantz/ O iijDer Beſchreibung Fůrſtlicher Der Temerlanus auch deßgleich/ Setzt zehen Guͤlden/ vnd machtreich Die Koͤniginn die auff der Welt/ Vorhin hat gnug ein hauffen Gelt/ Bracht alſo der Tuͤrck nichts darvon/ Die Koͤniginn empfieng jhrn Lohn: LEONE iſt gefolget drauff/ Verſpielt auch ſo viel auff dem Hauff. Tuͤrcken woͤllen ſonſt jmmerdar die Chriſtẽ ran- tzieren/ allda ſie auch das Gelt verlieren.Alſo die Tuͤrcken auff gefuͤhrt/ Einmal ſeyndt worden auch rantziert/ Die jedermann ſonſt thun beraubn/ Wollen außtilgen Chriſti Glaubn/ Allda die Chriſten vberwundn/ Vnd jhnen dSaͤckel leeren kundn/ Alſo die vierdt PROCESSION, Jm Rennplatz ſich erzeiget nun.
Der fuͤnffte Auffzug vnnd Ingreſſus der Bauren/ im Nahmen deß Schwaͤbiſchen Kraͤiß/ mit jhren Geyßlenknellen/ vier rheyſiger Schul- theiſſen/ vnd jhrer Bauren Gretha/ ꝛc. DEr fuͤnfft Auffzug erzeiget ſich/ Jn Bauren Gſtalt gantz laͤcherlich: Dann vier Bauren geritten kamn/ Hatten verborgne ſeltzam Nahmn/ Der ein der nennt ſich Corydon, Der ander Peter/ gnandt Damon, Der dritt Menalcas nennet ſich/ Der vierdt Amyntas meiſterlich. Nun Heroiſcher Ritterſpiel. Nun dieſe Edle kuͤhne Baurn/ Lieſſen ſich keinen Koſten daurn/ Brachten die Bauren Gretha mit/Bauren Gre- cha die hinder jhren Hanſen ritten/ wie ſie geſtalt/ gefor- miert/ vnd be- tleydt waren/ ꝛc. Jede hindr jhrem Hanſen ritt/ Waren huͤpſch feyſt/ mit roten Back/ Klotz Gretha/ dick wie ein Meelſack/ Groß Bruͤſt davornen ſehen lieſſn/ Welche den Buſen weit auffſtieſſn. Darnach in gruͤnen Roͤcken prangten/ Die Gfraͤnß vnd Schappel raber hangten/ Die Buben Loͤcklin lange Haar/ Vber die Backen vngefahr/ Waren natuͤrlich Bauren Greth/ Die tantzten fein gleich nach der Floͤth/ Dach auff/ dach ab/ mit weitem Sprung/ Als wie die Mertzen Kaͤlber jung/ So baldt ſie in den Rennplatz kamen/ Ein Sackpfeiffer ſie mit jhn namen/ Ein Schallmeyen hettn ſie fein auch/ Da ſprang der Baur als wie ein Gauch/ Da ſie im Rennplatz vmbher tantzten/ Die Grethen mit jhrn Schappeln glantzten/ Wann ſie alſo herumher ſprangen/ Das Schaͤfen Appelin darzu ſangen/ Vnd andre Baͤuriſch Liedtlin fein/ Da ſie kamen in Rennplatz nein. Jhr Muſic wir anzeigen woͤlln/ Das war ein ſolches Geyſſelknelln/ Daß einer hat an dieſem Ort/ Nicht hoͤren koͤnnen ſein eygne Wort: Dann vornher giengen Baurenknecht/ Jn Bauren Juppen eben ſchlecht/ Glatt Beſchreibung Fůrſtlicher Glatt ledern Hoſen trugn ſie an/ Vnden rot Struͤmpff/ Baurnſchuch daran/ Es waren ziemlich ſtarcke Knebel/ Sie trugen keine Tuͤrcken Sebel/ Sonder viel Karrenmeſſer habn An jhnen hangen dieſe Knabn/ Mit beynen/ ſchlechten krummen Hefft/ Hiengen all voll mit Neſtelſtefft/ Die ſie durch d Huͤt zogen herumb/ Durch d Hoſen zogen vmb vnd vmb. Sie giengen eben gkleydet Schlecht/ Wie gmeinlich gehn all Baurenknecht/ Maͤnniglich lacht der Baurn Geſelln/ Die nichts kundten dann Geyſſel knelln/ Das trieben ſie im Rennplatz lang/ Das war jhr Baͤuriſch Muſicgſang: Nicht kuͤnſtlich her von Syracuſa, Sondern es war nur ein Ruſtica Muſa, Die nichts kůnſtlichs jhr Tag gelernt/ Wuſten heuwer ſo viel als ferꝛnt. Nun die Bauren welche rittn/ Vnder den Baurn Knechten damittn/ Wie die vor- nem̃ſten Baurn zum Ringel rennten/ ꝛc.Die Schultheiß waren/ vnd fuͤrnem/ Hat angezogen Bauren Schaͤm/ Dieſelben zogen all von Ledr/ Ein jeden ziert ſein Gockelfedr/ Legten das Gelt wol auff den Platz/ Vnd theten auff all jhren Schatz/ Wolten mit jhrm Fůrſten rennen Zum Ringl/ den ſie doch nicht kennen/ Dann er war wunderbarlich vermumpt/ Wie ein Weibsbildt herfůro kompt/ AME- Heroiſcher Ritterſpiel. AMERICA die Koͤniginn/ Muſt ſich jhm vnderthaͤnigen: Nun dieſe Bauren jhn auffbringen/ Daß der Fuͤrſt muſt mit jhn ringen/ Warlich die Bauren brauchten ſich Jm Rennplatz/ auch gantz meiſterlich/ Saſſen auffjhren Ackergurꝛn/ Theten flucks eilendts dahin ſchurꝛn/ Zweymal das Ringlin haben troffn/Die Bauren hielten ſich wol im Ritterſpiel. Damitten durch allwegen gloffen. Sein Roſſz war baͤuriſch ſchlecht geziert/ Ein zwilchen Sack fuͤrn Sattel fuͤhrt/ So war der Roſſzſchwantz bunden friſch/ Geflochten nur mit eim Strohwiſch/ Der Baur ein ſchwartze Juppen trug/ Mit dreyen Faͤltlin/ baͤuriſch gnug/ Aber er acht ſich keines Glantz/ Darvon iſt gſtoben zierlich gantz. Der ander Baur im gruͤnen Hut/ Mit roten Neſteln zieret gut/ Jm roten Bart iſt zogen auff/ Der ſchlug auch etlich Thaler drauff/ Gegen ſeim Fuͤrſten Hochgeborn/ Die endtlich der Baur hat verlorn. Sie ſtachen lang mit jhrm Fuͤrſten/ Vnd thaͤt ſie wol nach dem Gelt duͤrſten/ Aber es gwann die Koͤniginn/ Vnd kundt ſie vnderthaͤnigen Die Baͤurlin demuͤtig da machn/ Daß ſie ſelbſt jhres Schadens lachtn. Als nun die Bauren rennten lang/ Vnd jetzt gethan gar manchen Gang/ PDarzwi- Beſchreibung Fůrſtlicher Darzwiſchen aber andre Baurn/ Lieſſen ſich keiner Arbeittaurn/ Baurentantz war laͤcherlich.Tantzten im Ring ſo baͤuriſch fort/ An einem bſondern Biegel dort/ Lacht jederman deſſelben Tantz/ Dann er war baͤuriſch/ toͤlpiſch gantz/ Die Gretha Hanſen offt erwiſcht Jn jhren Arm/ denſelben kuͤßt/ Als dann Hans Gretha nam beyn Haͤß/ Hebt vberſich dieſelb beym Gſaͤß/ Vnd fleigt ſie in ein Zwirbel rumb/ Stellten die Fuͤß vnd Schenckel krumb/ Daß jedermann deß Tantzen lacht/ Welches der Hans vnd Gretha macht. Der Sackpfeiffer das triebe lang/ Die Schallmey/ auch jhr baͤuriſch Gſang/ Jetzt machten ſie den Schaͤffertantz/ Dann Schaͤfen Appelin toͤlpiſch gantz/ Dann baldt darauff den Hurenwadl/ Tantzten gar nicht wie die vom Adl/ Der Bauren- tantz hat alles laͤcherlich vnd luſtig gewacht.Darumb das Frauwenzimmer lacht/ Wann man ſo grobe Zotten macht. Alſo die Bauren brauchten ſich/ Jm Ritter ſpiel gantz laͤcherlich/ Wann Hans ſo fleugt das Babele/ Das condimentum Fabulæ, Dann wann man ein Comœdi halt/ Hat erſt dieſelb ein fein Geſtalt/ Wann auch was laͤcherlichs vorhandn/ Dann wann all Ding ſo ernſthafft ſtandn/ Alſo ſich brauchen Bauren viel/ Vnd zieren erſt das Ritterſpiel.
Der Heroiſcher Ritterſpiel.
Der ſechſt Auffzug vnd Ingreſſus, deß Ed- len vnd Veſten Chriſtoff Haugwitzen/ auff der Poſt herkom- mend/ ꝛc. HJerzwiſchen eylendts daher kam/ Der Edelmann Haugwitz mit Nahm/ Den Thiergarten herauff geſprungn/ Als auff der Poſt hat jhm gelungn/ Vor jhm ein Poſtbott iſt gerittn/ Der Haugwitz aber fein damittn/ Sein Patrin ſtach dahinden nach/ Jn Rennplatz war den Herren gach: Warlich ich meynt in dieſem Werck/Wie maͤnnlg- lich vermeynt der Churfuͤrſt von Heydelberg komme auff der Poſt daher. Der Churfuͤrſt kaͤm von Heydelberg/ Wie andre mehr an dieſen Schranckn/ Stunden mit mir in den Gedanckn. Dann die Poſtreuter ritten blaw/ Von Silber weiß der Poſtknecht graw/ Ein Felliß fuͤhrt hinder ſeim Ruckn/ Maͤnniglich thaͤt auff die Poſt kuckn/ Meynten es wuͤrd der Churfuͤrſt ſeyn/ Vnd auff der Poſt reiten hereyn: Dann weiß vnd blaw ſein Farbe iſt/Pfaltzgrafen Wappen vnd Farben. Wie man kan ſehen jeder Friſt/ Jm Wappen der Pfaltzgrafen gut/ Weiß vnd auch blaw mans mahlen thut. Nun dieſer Poſtreuter auffgfuͤhrt/ Den Richteren hat præſentiert/ Sein Schreiben da ichs gleſen hab/ Da er daſſelbig vbergab/ P ijZu wiſ- Beſchreibung Fůrſtlicher Zuwiſſen vnd kundt allen ſey/ Den Wolgebornen Herren frey/ Jnnhalt deß vbergebenen Schreibẽs auff der Poſt auß Schottlandt kommend/ ꝛc.Den Edlen Veſten Judicierern/ Auch den geſtreng Aduenturierern/ Daß auß Schottlandt iſt kommen her/ Ein Poſtreuter bringt neuwe Mehr/ Vom Adel ſchreibt ſich vnverzagt/ Rudolphus auff der Poſt gejagt: Weil jhm durch FAMAM iſt fuͤrkommn/ Vnd er auff der Straß hat vernommn/ Wie der Durchleuchtig maͤchtig Herꝛ/ Fridrich ein Hertzog zierlich ſehr/ Jn Wuͤrtenberg/ vnd auch zu Teck/ Zu Muͤmpelgart ein Grafe keck/ Zu Heydenheym ein tapffer Herꝛ/ Beydr Koͤniglicher Ordens Ritter/ Jn Franckreich vnd in Engellandt/ Ein Ritterſpiel hab angeſpannt/ Vnd außgeſchrieben weit vnd breit/ Welchs ich erfahren auff der Heydt/ Auß Schottlandt eilendts her bin kommn/ So baldt ich dieſe Freudt vernommn. So ferꝛ nun obgedachte Herꝛn/ Die Judicierer mir die Ehrn/ Vergoͤnnen vnd zugeben woͤlln/ Daß ich mich duͤrfft in Rennplatz ſtelln/ Als ein Schottlaͤndiſcher vom Adel/ Verhalten moͤcht ohn Straff vnd Thadel/ Mit dem Durchleuchtigen Hochgeborn/ Nemblich mit dem Mantenidorn/ Vmb zwantzig Gůlden důrffte rennen/ Wann jhr mich wolt wuͤrdig erkennen/ Darauff Heroiſcher Ritterſpiel. Darauff man baldt gab guten Bſcheidt/ Sie ſolten rennen alle beyd. Nun war der Poſtreuter geruͤſt/Wie der Poſt- reuter ſich ver- halten hab im Ringrennen. Wie er dann munter gweſen iſt/ Das Ringle eilendts er hinriß/ Dann er daſſelb hat troffen gwiß/ Die zwantzig Gůlden nam hinweg/ Weil er alſo traff gwiß den Zweck/ Sonſt ritt er zierlich wacker fein/ Gewann darzu ein Becherlein/ Das wirdt jhm auch baldt zugeſtellt/ Welchs dieſem Poſtreuter gefellt.
Der ſiebendt Auffzug vnd Ingreſſus der Caputziner Moͤnch/ welche in Rennplatz eynfuͤhr- ten/ die Edlen vnd Veſten/ Wolff Jacob Notthafft/ von vnd zu Hohenberg/ vnd Juncker Hans Georg von Berlichingen/ Obervogt zu Vey- hingen/ ꝛc. DEr ſiebendt Auffzug alſo war/ Von Caputziner Moͤnch ein Schar/ Jhr Kleyder eiſengraw warn fein/Kleydung der Caputziner Moͤnch. Kurtz Muͤtzlin/ oder Maͤntelein/ Vnd lange Kutten lieſſen hangn/ Giengen auff Holtzſchuch daher prangn/ Zween vornen die Poſaunen griffen/ Der dritt hat auff eim Zincken pfiffen/ Drey ſaſſen auff den Roſſen groß/ Vndern Kutten trugen Rothoß/ P iijDie Beſchreibung Fuͤrſtlicher Die Kappen waren bogen krumb/ Lang Zippel waren Stuͤrm darumb/ Sahe die Moͤnch all katzengraw/ Drey vornen/ zween dahinden nah/ Damitten aber ritten drey/ Die wir hernacher nennen frey. Die Fuͤhrer der PROCESSION, Waren vom Adel zierlich nun/ Edel vnd Veſt Juncker Wolff Jacob Nott- hafft/ von vnd zu Hohenberg am Necker wohnhafft/ fuͤh- ret dieſen Auff- zug.Dann ſie aufffuͤhrt der Ritter ſchafft/ Der Edel Juncker gnannt Notthafft/ Wolff Jacob mir gantz wolbekandt/ Von vnd zu Hohenberg genannt/ Mein guͤnſtig Juncker dieſe fuͤhrt/ Welcher hat wol die Spraach ſtudiert/ Lateiniſch/ redt Frantzoͤſiſch auch/ Nach loͤblichn Adelichen Brauch. Den Orden thut auch fůrbringen/ Hans Georg von Berlichin- gen Obervogt zu Veihingen.Der Hans Georg von Berlichingen/ Welcher hat auch gar wol ſtudiert/ Vnd dieſen Orden auffgefuͤhrt. Dann ſie beyd ritten vornen an/ Die beyde wacker Edelmann/ Jhr Schreiben war geſtellt alſo/ Als ich daſſelb hab gleſen da: Es wirdt ohn Zweiffel vnd ohn Sorgn/ Niemande ſeyn allhie verborgn/ Jn was Wůrden vnd groſſer Ehr/ Die Caputziner Moͤnch vngfehr/ Von alters her ſchier hundert Jahr/ Jhr ſtrenges Leben ghalten war/ Darunder ſo fůhren wir ſie auff/ Der Caputziner Moͤnch ein Hauff/ Johann Heroiſcher Ritterſpiel. Johann FRATER der erſt Moͤnch war/Der Caputziner Moͤnch Nah- men. CAPVCIVS der ander gar/ LEANDER aber hieß der dritt/ Denſelben bringen wir auch mit/ Daß ſie bey dieſem Ritterſpiel/ Moͤgen thurniern vnd rennen viel. Darauff wurden ſie admittiert/ Vnd in den Rennplatz eyngefuͤhrt/ Fiengen in Spitzkappen an rennen/ Gleich wie der Boltz fleugt von der Sehnen. Erſtlich Hans Albrecht von Anweil/Hans Albrecht von Anweil. Darvon iſt gflogen wie ein Pfeil/ Darnach Chriſtoff von Leyningen/Chriſtoff von Leiningen. Der Cammerjuncker ließ ſpringen Sein Pferdt/ gantz tapffer lauffen ließ/ Er fehlt aber mit ſeinem Spieß/ Der dritt Leander auff der Schaw/ War Melchior gnandt von Reichaw/Melchior von Reichaw. Bey Hertzog Friderich gar wol dran/ Jſt Wůrtenbergiſcher Haͤuptmann. Sie trieben ſolches ziemlich lang/ Mit der Koͤniginn manchen Gang/ Doch gwunnen ſie nicht ſonders viel/ Bey dieſem loͤblichn Ritterſpiel/ Dann die Koͤniginn war ſehr ſtreng/ Vnd traff ſchier allebott den Ring/ Doch ſeyndt ſie ritterlich dahin geſtobn/Die Caputziner Moͤnch haben nicht viel ge- wonnen. Daß man ſie wol kan deßhalb lobn/ Wann ſie ſchon nicht viel habn gwunnen/ Seyndt ſie doch wacker darvon gerunnen/ Das Gluͤck iſt ſuͤnwel vnd offt ſelt/ Dieſer verſpielt/ jener gwinnt Gelt/ Alſo Beſchreibung Fůrſtlicher Alſo den Caputziner gſchach/ Da ſie verlohren jhre Sach.
Die achte Proceſſion vnd Auffzug/ deß Edlen vnd Veſten N. von Roder- mont auß Pomern. DJe acht Proceß war wunderbar/ Wie ich wil hie anzeigen klar: Erſtlichen ein Trommeter ritt Vorher/ vnd thaͤte bringen mit/ Den Fuggeriſchen Stallmeiſter Frantzen/ Mit einer hohen Spehrlantzen/ Darauff zween Ritter folgten ſchoͤn/ Zierlich anzogen alle zween/ Der ein rot Taffer hatte an/ Vnd waren ſilbern Spraͤckling dran/ Ein ſchoͤner Thalarman- tel.Das der Thalarmantel ſchoͤn war/ Fein rot vnd ſilberweiß huͤpſch klar. Darneben jhm ritt auch viſierlich/ Jn leibfarb ſchoͤnem Taffet zierlich/ Mit guͤlden Sparen huͤpſch verbrembt/ Das Roſſz mit guͤlden Biß eynzaͤumbt/ Fuͤhrt ein Spiegel mit Federn ſchoͤn/ Auffrichtig luſtig glitzt dahin/ Mancherley Farben an Kleydern.Von vielen Farben mancherley/ Von Pfauwen/ vnd von Papengaͤy/ Die nennten ſich Madonna Anna. Auff dieſe folgten Angeſpanna/ Zwey braune Pferdt an einem Pflug/ Das maͤnniglich hat glachet gnug/ Dann Heroiſcher Ritterſpiel. Dann man fuͤhrt jhn als wie ein Karꝛn/ Darauff ſaſſen gar ſeltzam Narꝛn/ Nemblich drey Raͤder oder Scheibn/ Welche die Narren vmbher treibn/ Gleich als ein Gluͤckradt auff vnd ab/Ein Gluͤckradt treibt Narren vmb. Alſo dir ein Exempel gab. Auff jeder Scheiben ſtunden zween/ Welche gleich mit dem Radt vmbgehn/ Der ein Narꝛ vberſich baldt gieng/ Der ander vnderſich dann hieng/ Das ſah viſierlich an den Lappn/ Verſetztn einander gut Ohrkappen/ Wann ſie fuhren ſo auff vnd ab/ Viel Kappen hin vnd wider gab/ Sah laͤcherlich die gantze Fahrt/ Drey Scheiben aneinander hart/Ein laͤcherlich Spectaculum. Dahinden dran war der Pflug ſteht/ Als der mit Narren zackern geht/ So war der Auffzug zugericht/ Jedermann lachet dieſer Gſchicht. Die Narren voller Spiegel hiengn/Kleydung der Narren. Wann ſie alſo im Circkel giengn/ So glitzten ſie viſierlich all/ Voll Zotten/ Schwaͤntzlin vberall Hiengen die Lotthoſen durchauß/ Fuchßſchwaͤntze hattens fůr ein Strauß/ Jn Summa dieſer Auffzug war Zierlich/ vnd auch viſierlich gar. Die Fuhrleutwaren all mit Fleiß/Fuhrlent wie ſie gekleydet waren. Wie Můllerknecht angzogen weiß/ Hetten weiß Huͤt vnd Federn drauff/ Weiß Wammes/ Hoſen/ der gantz Hauff: QDer Beſchreibung Fůrſtlicher Der Baur aber leytet den Pflug/ Wie ein Baur gieng baͤuriſch genug. Einer drauff folget/ welcher ſaͤht Viel Spreuwer/ dieſem fein nachgeht Ein Egen/ welche dieſe Spreuwer/ Vnderſich troch/ damit ſie heur Gerahten moͤchtn/ auffgehen jung/ Stultorum ple- na funt omnia.Die Narren grahten ohne Tung/ Ohn Regen/ Pflantzen/ vnd ohn Sorg/ Wann man ſchon ſaͤht ein gantzen Morg/ So bleiben ſie nicht baldt dahindn/ Man kan allenthalb Narren findn/ Von welchen offt die Leut thun ſagn/ Der Bodn thue ſie nicht anders tragn. Ein vergehliche Sorg.Darumb ſo ſicht mich gar nicht an/ Wie dieſe Narren heur auffgahn/ Zween Trommeter folgten drauff dahindn/ Hetten weiſſe vnd blaw Feldtbindn/ Weiß vnd blaw Fahnen fůhrten ſie/ Zwey leere Pferdt fůhrt man auch hie/ Die waren ſchoͤn geziert vnd gſchmůckt/ Der Proceß artlich nach geruͤckt. Als nun die gmeldt PROCESSION, Jm Schranck laͤcherlich thaͤt vmbgohn/ Daß jedermann ſich lachet gnug/ Der Narren vnd deß Bauren Pflug/ Der Ritter im ſpraͤcklechten Rock/ Jn Schrancken ſprang als wie ein Bock/ Der Gaul ſich auffließ hoch empor/ Thaͤt Bocks ſpruͤng im Rennplatz bevor. Endtlich der Ritter etlich Thaler/ Darauff ſchlug als ein Bahrerzahler/ Die Heroiſcher Ritterſpiel. Die Koͤniginn fordert in Platz/Die Koͤnigin auß America gewinnt viel Gelt. Verlor aber ſein gantzen Schatz/ AMERICA gewann das Gelt/ Der Ritter hat deß Ringlins gfehlt/ Traurig alſo zogen darvon/ Wider zu ſeiner Proceſſion.
Der neundt Auffzug vnnd Ingreſſus, deß Wolgebornen Herꝛn/ Herꝛn Conraden Grafen von Tůbingen/ Herꝛn zu Liechteneck/ vnd Ober- vogt zu Herrenberg/ vnd Fuͤrſtlichen Wuͤrtenbergiſchen Raht/ ꝛc. DEr neundt Ingreſſus vnd Auffzug/ War warlich angeſtellet klug/ Vom Wolgebornen Grafen Herꝛn/ Welcher erfahren weit vnd ferꝛn/ Hat zierlich vnd gar wol ſtudiert/ Lateiniſch Spraachen er ſchoͤn fuͤhrt/ Conradus Graf von Tuͤbingen/ Der zog auff mit ſeltzam Dingen/Graf Conradt von Tuͤbingen iſt leyder geſt- chen wordẽ/ von Chriſtoff Fri- tzen einem Edel- mann den 18. Iunij, vnnd zu Bißweiler ge- ſtorben/ den 24. zu Liechteneck begraben Anno 1600. Jnnhalt deß Schreibens. Gab in ſeim langen Schreiben fuͤr/ Welches ich kurtz erzehle dir/ Wie daß der Schaͤffer Großgott/ PAN. Jn ARCADIA thaͤt verſtahn/ Durch Poſt/ jhm were da fuͤrkommn/ Durch Famam hette gwiß vernommn/ Wie nicht wenig auch DIANEN, Jn auffgebracht daher thaͤt mahnen/ Die ſchoͤnſt der Nympharum Goͤttin/ Durch ein Geſchrey vernommen hetten. Q ijDann Beſchreibung Fůrſtlicher Dann in jhrm Landt erſchollen wer/ Wie daß der Durchleuchtige Herꝛ/ Vnd Großmaͤchtig Fuͤrſt Friderich/ Zu dieſer Faßnacht ruͤſte ſich/ Vnd anſtell alle Freudt vnd Muht/ Bey dieſem warmen Wetter gut/ Der halb ſeyen ſie auff der Fahrt/ Zu rheyſen biß in dStatt Stutgart. Seyen alſo ankommen naͤcht/ Wie PAN ein Korb mit Kaͤſe braͤcht/ Ein Kuͤbel voll Butter vnd Milch/ Die Schaͤffer kamen nur in Zwilch Bekleydet/ vnd in Leder ſchlecht/ Wie dann gebuͤhrt den Schaͤfferknecht/ So ferꝛ man ſie paſſieren ließ/ Wolten ſich ſtellen auff die Fůß/ Auff dieſe Form die Schaͤffer gebn/ Den Richtern jhre Schreiben ebn/ Bekamen RESOLVTION, Daß auffzieh die PROCESSION. Georg von Ehingen der erſt Patrin.Erſtlichen zween PATRINI kamn/ Georg von Ehingen mit Nahmn/ Das wacker Edel vnd Veſt Blut/ Sich wie ein Heldt erzeigen thut. N. von Da- chenrodt/ Graf Wolffen von Hohenloe Hof- meiſter/ der an- der Patrin.Der ander war von Dachenrodt/ Welcher Graf Wolff zum Herren hat/ Von Hohenloe ſein Hoffmeiſter/ Georg Ehingers Gſellſchafftleiſter. Nun fůhrten ſie ein groſſen Berg/ Das war fuͤrwar ein Wunderwerck/ Als wann er auß ARCADIA kaͤm/ Die gantze Schaͤfferey mitnaͤm/ Mit Heroiſcher Ritterſpiel. Mit gruͤnem Thuch/ Stauden vnd Heckn/Wie man ein Berg daher ge- fuͤhrt habe. Wechholder Reiß thaͤt man dreyn ſteckn/ Jnnwendig er auff Raͤdern gaht/ Darzu ein ſchoͤne Muſic hat. Darnach der Berg hat groſſe Klufft/ Ein groſſe Hoͤlin wie ein Krufft/ Darinn drey Nymphæ ſchoͤn geſungn/Brunn im Berg. Ein Brunn iſt luſtig auſſer gſprungn/ Darauff ein nacket Kindtlin ſtundt/ Fuͤrwar gar ſchoͤn mit rotem Mundt/ Gleich wie ein Engel ſah herauß/ Mit goldtgelb Haar/ daſſelb war krauß/ Das ſpritzt das Waſſer meiſterlich/ Jm Brunnen Kaſten vberſich. Vmb welchen vier Paſtores lagn/Paſtores vmb den Brunnen Raſten. Die muſicierten an den Tagn/ Vnd ſangen lieblich auff Schalmeyen/ Sackpfeifften ein Schaͤfferreygen. Auff dieſem Berg folgt ein Weibsbildt/ Jn grůnem Rock/ wanns wiſſen wilt/ Grittlingen ſaß ſie auff dem Roſſz/ Als wie pflegen die Huren groß/ Hatt huͤpſch Seckel/ weiß Stieffel an/ Fuͤrwar das war ein Reuttersman: Dann das Roſſz vber ſich offt ſprang/ Vnd hat daſſelbig trieben lang/ Daß ich allbott beſorget hab/ Die Hur werd einmal fallen drab. Dann warlich das Roſſ alſo blitzget Dahinden/ vnd vorn war erhitziget/ Es thaͤt Bocksſpruͤng ein gantzen hauff/ Schlug hinden vnd dann vornen auff/ Q iijDaß Beſchreibung Fůrſtlicher Daß mich ſehr Wunder hat genommn/ Da dieſe offt iſt zu mir kommn/ Daß ſie nicht rab gefallen iſt/ Vnd reiten kuͤndt alſo geruͤſt. Warlich es wundert jedermann/ Wie ſie auff dem Roſſz bleiben kan. Auff dieſe folgt der Schaͤffer Gott/ Gantz gruͤn bekleydt/ derſelbig hatt Ein gruͤnen Hut/ von Taffet war/ Ein ledern Taſchen der Seiten gar/ Verdeckte vnd ſeltzame Nah- men der Pa- ſtorn.Auß ARCADIA nennt er ſich/ Den Schaͤffer PAN gantz meiſterlich/ Derſelbig hieß MANFESTIO, Der ander doch NICOGINO. Die beyde Grafen alſo ſich/ Von Tuͤbingen gantz meiſterlich/ Verdecket vnd verborgen warn/ Mit jhren Nahmen in der Schaarn/ Graf Eber- hardt vnd G. Conradt von Tuͤbingen/ Her- ren zu Liechten- eck/ beyde Ge- bruͤder.Nemblich der erſt Graf Eberhardt/ Der Obervogt zu Hornberg wardt/ Der ander CONRAD mich vermerck/ Der Obervogt zu Herrenberg/ Mein gnaͤdig vnd gantz guͤnſtig Herꝛ/ Die Herren brauchten ſich da ſehr. Nymphæ.Zwo Nymphæ ſeyndt gefolget drauff/ Die zierten auch den gantzen Hauff/ Heinrich von Lympurg.Herꝛ Heinrich von Lympurg genandt/ Erbſchenck vnd Semper frey bekandt/ Die ander halff auch zu der Sach/ Frantz Ludwig von Bulach.Frantz Ludwig genandt von Bulach/ Vier Satyros artlich herſprangn/ Der Proceſſz ſeyndt luſtig vorgangn. Nun Heroiſcher Ritterſpiel. Nun fuͤhrten Schaaf die andre Knecht/ Mit dem Maul alſo pfiffen ſchlecht/ Wie dann die Schaͤffer pflegen fort Trieben die Schaaf vor jhnen dort. Das ein Schaaf war ein Wunderwerck/Wunderbar- lich Schaaf mit vier Hoͤr- nern. Natuͤrlich vier Horn ich da merck/ Die auß ſeim Kopff gewachſen warn/ Zween Schaͤfferhundt ſeyndt nahergfahrn/ Das war die gantz Proceſſion/ Wie ich vngfehrlich gſehen hon. Darauff fieng an zum Ring ſpringen/ Conradt der Graf von Tuͤbingen/ Warlich er iſt allweg hinſtobn/ Daß man die Sach nicht kan gnug lobn/ Wie dieſer Heldt ſo wacker rennt/ Der ſich der Schaͤffer PANA nennt/ Vnd kam daher mit VENVS Berg/ Welches war ein ſchoͤn Wunderwerck/ Hatt oben auff fein Laub vnd Graß/ Vnden außſprang einmal ein Haß/ Mit eim Tuch vberzogen war/ Vber die maß viſierlich gar/ Dann niemandt wuſt was fuͤr ein Thier/ Auſſer dem Berg krochen herfůr. Ein Hundt dem Haſen nachlieff lang/ Der Haß als vberſich hoch ſprang/ Kundt aber nicht lauffen darvon/ Vnd vor ſein Hoſen nicht weit gohn/ Der Hundt auch angezogen was/ Lieff eben wie ein gſpannter Haß/ Da war ein Glaͤchter vnd ein Jagn/ Die Schaͤffer fiengen an dreyn ſchlagn/ Hatten Beſchreibung Fůrſtlicher Hatten ein groß Gſchrey in Schrancken/ Vnd vmb den Haſen alſo zancktn/ Biß der Haß auß den Kleydern ſchloff/ Vnd alſo in dem Schranck vmbloff/ Vndern Leuten tapffer vmbſprang/ Das Glaͤchter wehret ziemlich lang/ Biß man den Haſen wider fieng/ Das Ringle rennen fuͤr baß gieng/ Das war auch ein kurtzweilig Ding/ Da dieſer Haß vmblieff im Ring. Die Schaͤffer Melibœi ſangn/ Vnd luſtig dantzendt vmbher ſprangn/ Der Schaͤffer Peter nam die Greth/ Vnd tantzt mit jhr gleich nach der Floͤth/ Alsdann Alpheſibœus auch/ Herumher ſprang/ gleich wie ein Gauch/ Dach auff/ dach ab/ in kurtzer Summ/ Stellten die Fuͤß vnd Schenckel krumm/ Daß maͤnniglich der Schaͤffer lacht/ Da man das Schaͤflin Appelin macht. Ein hoͤltzen Storcken allda trug/ Ein SATYRVS man lachet gnug/ Wann er denſelben von ſich ſtreckt/ Vnd ſeinen langen Halß bewegt/ Darnach fluck zſamen wider zog/ Vnd machet baldt wider ein Bog/ Kurtzweilig war der gantze Hauff Der Schaͤffer/ der war zogen auff/ Daß einer nicht kundt ſehen gnug/ Was man fůr Abentheur aufftrug.
Der Heroiſcher Ritterſpiel.
Der zehendt Auffzug vnnd Ingreſſus, deß Durchleuchtigen Hochgebornen Fuͤrſten vnd Her- ren/ Herꝛn Joachim Carlins/ Hertzogen zu Braun- ſchweig vnd Luͤnenburg/ Thumbprobſt zu Straßburg/ ꝛc. DEr zehendt vnd letzt Auffzug war/ Vber die maß auch zierlich gar/ Mit Harpff/ Viol/ Pfeiffen/ Zwo Geig/ Joachim Carlins von Braunſchweig/ Welcher zu Straßburg dieſer Friſt/ Ein loͤblicher Thumbprobſt jetzt iſt. Die Roſſz decken ſchoͤn vnd ſchwartz warn/ Von Seyden Zeug mit guͤlden Sparn/ An Orten allenthalb verbrembt/ Die Roſſz mit guͤlden Biß eynzaͤumbt/ Sein vber gaab war mit allem FleißWie das vber- gebne Schrei- ben Herꝛn Joa- chim Carlins von Braun- ſchweig/ von Wort zu Wort geſtellt vnnd vbergeben war/ ꝛc. Alſo geſtellt vnd Reimen weiß: Nach dem die ſchoͤne fruͤhlings Zeit/ Sich macht herzu/ vnd iſt nicht weit/ Spatzieret ich einmal im Thaw/ Begegnet mir ein ſchoͤn Jungfraw/ AMERICA war ſie genandt/ Wiewol diß Orts mir vnbekandt/ Aber jhr ſchoͤn Holdtſeligkeit/ Jhr Weyß/ Geberd vnd Bſcheidenheit/ Dieſelbig zeigt mir gwißlich recht/ Daß ſie muß ſeyn von hohem Gſchlecht. Jch wagts vnd ſprach ſie der gſtalt an/ Sie woll mir nichts fuͤr Vbel han/ RVnd Beſchreibung Fůrſtlicher Vnd fragt was Abentheur vorhandn/ Sie hett gebracht in dieſe Landn? Gab ſie mir drauff Antwort zu gleich/ Wie ſie manch ſtattlich Koͤnigreich Durchrheyſet/ wer gantz vnbekandt/ Vnd wolt jetzt auch ins Teutſchelandt/ Daſelbſten ein Fuͤrſt Hochgeborn/ Zu aller Tugent außerkohrn/ FRJDRJCH ſo wirdt ſein Nahm genandt/ Hertzog im Wuͤrten berger Landt/ Von dem ſie hett in jungen Tagen/ So viel guts laſſen hoͤren ſagn/ Vnd daß er hett zu Gfalln vnd Ehrn/ Den Anweſenden Fuͤrſtn vnd Herꝛn/ Grafn/ vom Adel/ darzu jmmer Dem ſchoͤn Fuͤrſtlichn Frauwenzimmer/ Ein Ringrennen gantz wol beſtellt/ Selbſt ſie jhr Heyl verſuchen woͤlt/ Baht mich vmb aller Ritter Ehrn/ Jch woͤll ſie jhrer Bitt gewehrn/ Vnd mit jhr reiten ſelbſt dahin/ Auff gut Gluͤck/ Verluſt vnd Gewinn. Solch jhr gantz holdtſelige Bitt/ Kundt ich jhr wol abſchlagen nit/ Weil ich danne ein junger Heldt/ Beger mich thumblen in der Welt/ Der ich in gantzer Lieb entzuͤndt/ Ohn vnderlaß mein Hertz mir brennt/ Wie ſolchs mein Maſcarat zeigt an/ Ein brennendt Hertz in heiſſer Flamm/ Mit Pfeil durchſchoſſen vnd verwundt/ Hoff zu erleben noch die Stundt/ Daß Heroiſcher Ritterſpiel. Daß ſolche meine heyſſe Brunſt/ Nicht ſol noch werde ſeyn vmbſonſt/ Vnd daß die allerliebſte mein/ Mich einmal auß der ſchweren Pein Erloͤſen werd/ wie ich vertraw/ Vnd naͤchſt Gott allein auff ſie baw: Dann ohn jhr Lieb zu dieſer Friſt/ Mir nimmermehr zu helffen iſt. Derwegen komb ich auff die Bahn/ Zeig mich bey Herren Richtern an/ Mein Nahm bekandt iſt vberall/ Heyß Wolgemut von Frewdenthal/ Wie dieſes mein Feldtzeichen gut/ Durch die vier Farben zeigen thut/ Blaw/ gelb/ vnd rot/ darzu auch weiß/ Bedeuten Frewdt mit gantzem Fleiß/ Auch die Bluͤmlein/ vergiß nicht mein/ Geben von jhr den lieben Schein/ Fein ſchlecht vnd grecht wil ich jetzundt/ Auch ſehen was das Gluͤck mir gunnt: Doch weil die Zeit mir kurtz abrennt/ Daß ich mich nicht jetzt an dem Endt/ Zum Ritterſpiel hab außgſtaffiert/ Wie ſolches meinem Standt gebuͤrt/ So werden mich entſchuͤldigt han/ Die Herren Richter lobeſan. Diß war deß Hochgebornen Herꝛn/ Hertzogs in Braunſchweig gantz Begern/ Der Jnnhalt ſeines Carthels Brieff/ Mit welchem man zum Richter lieff/ Ob jhre Gnadt wuͤrden paſſiert/ Welches jhm guͤnſtig erlaubt wirdt. R ijNun Beſchreibung Fůrſtlicher Auffzug vnd In- greſſus Hertzog Joachim Car- lins auß Braun ſchweig/ im Rennplatz.Nun dieſer Hertzog von Braunſchweig/ Mit Pfeiffen/ Harpff/ Viol/ zwo Geig/ Jn Rennplatz eyngetretten kam/ Vornen her ein Affen mitnam/ Darauff Fraw VENVS gritten iſt/ Vnd CVPIDO artlich zugeruͤſt/ Mit brennendt Hertz/ dareyn zween Pfeil/ Saſſen auff ſchoͤn gezierten Gaͤul/ Mit verguͤldten Sparn/ Atlaß gruͤn/ Cupido vnd Fraw Venus kuͤhn/ Darauff drey Reuter ſeyndt gerittn/ Hertzog von Braunſchweig war damittn/ Jn gruͤnem Atlaß guͤlden Sparn/ Darinn viel Hertz vnd Pfeiler warn/ Darnach fuͤhret man ſchoͤner Pferdt Dem Hertzog nach/ viel Thaler werth/ Die waren koͤſtlich ſchoͤn geziert/ Der Proceß artlich nachgefuͤhrt/ Wie ſich Her- tzog Joachim Carlin/ Ritter auß Braun- ſchweig/ im Rennen ge- braucht hab/ ꝛc.Darauff der Hertzog iſt gerennt/ Welcher wirdt Joachim Carlin gnaͤndt. Nun der Braunſchweigiſch Ritter gut/ Hatt warlich eines Helden Muht/ Ein froͤlichs Hertz/ gleich wie ein Pfeil/ Darvon iſt gſtoben in der Eyl/ Das Ringle tapffer hat getroffn/ Damitten durch daſſelbig gloffen/ Ein ſchoͤnen Becher hat gwonnen/ Weil dieſer Fuͤrſt ſo tapffr grunnen/ Welchen man jhm hat præſentiert/ Hoffmaͤnniſch auch entgegen gfuͤhrt/ Die Trommeter vnd die Patrin/ Fůhrten allweg Becher dahin. Als Heroiſcher Ritterſpiel. Als nun jetzt ſchier vorhanden war Der Abendt ſpaht/ vnd dunckel gar/ Der Mondſchein glaͤntzt wenig herfůr/ Die Sternen zwitzern glaub du mir/ Jſt zogen die PROCESSIONWie die Pro- ceſßon vñ Auff- zug endtlich auß dem Thiergar- ten abgetretten/ ꝛc. Jns Schloſſz hineyn gaͤntzlich darvon. Darnach das ſchoͤne Frauwenzimmer/ Daher getretten thaͤte ſchimmern/ Kamen ins Schloſſz zum Nachteſſen/ Dann man baldt iſt zu Tiſch gſeſſen/ Jns Fuͤrſten Stuben Ritter viel/ Seyndt eyngetretten von dem Spiel/ Welche waren ſehr můd vnd matt/ Haben da geſſn vnd truncken ſatt/ Vnd ſich wider erquicket wol/ Den Kragn vnd Magn gefůllet wol/ Biß ſie die Stirnen luſtig machtn/ Fiengen an ſchmollen vnd zu lachn/ Einander ſprachen freundtlich zu/ Keiner dem andern lieſſe Ruh/ Biß der Hoffprediger da was/ Vnd ſprach wider das gratias, Sagt Gott dem Herren Lob vnd Danck/ Fuͤr alle Wolthat/ Speiß vnd Tranck. Darnach von Tafflen ſtunden auff/ Der Grafn vnd Herꝛn ein gantzer Hauff/ Der Edelleut ein groſſe Zahl/ Von gutem Stammen vberall/ Damit ein jeder bey dem TantzWie man die Daͤnck auß hat getheilet. Empfieng ſein Danck vnd Ehrenkrantz/ Gieng maͤnniglich in ſchoͤnen Saal/ Die Fuͤrſten/ Herꝛn/ ſampt jhren Gmahl. R iijNun Beſchreibung Fůrſtlicher Nun wie man hab die Daͤnck außgebn/ Muͤſſen wir auch erzehlen ebn. Der Zierdanck damals geben war/ Dem Fuͤrſtlichen Mantenidor, Nemblich der groſſen Koͤniginn/ America nicht wenigen: Dann ſie denſelben hatt verdient/ Vnd zierlich in den Schrancken bſtiendt/ Darumb Graf Wolff von Hohenloe/ Der Koͤniginn entgegen zohe/ Mit dem Fraͤwlein von Nuͤrtingen/ Zierdanck.Den Zierdanck thaͤten da bringen/ Dem Fridrich Hertzog mich vermerck/ Zu Teck vnd auch zu Wuͤrtenberg. Der ander Danck.Der ander Danck gegeben wardt/ Vom Wolgeborn Schenck Eberhardt/ Herꝛn Landthoffmeiſtern dieſer Friſt/ Welcher mein gnaͤdigr Herꝛ auch iſt/ Redt ſeine Spraachen zierlich drey/ Der obgedacht Herꝛ Semper frey/ Dem Hertzog Joachim Carlin gebn/ Der ſich von Braunſchweig nennet ebn/ Mit dem Durchleuchtigen erkohrn/ Dem ſchoͤnen Fraͤwlin Hochgeborn/ Eua Sibylla wirdt genandt/ Ein Hertzoginn in dieſem Landt/ Zu Wuͤrtenberg vnd Muͤmpelgart/ Gantz Hochgeborn nach jhrer Art. Luſtdanck.Den Luſtdanck aber geben hat/ Herꝛ Marſchalck/ ſein Nahm oben ſtaht/ Dem Hertzog Johan Friderich/ Welcher zu Teck laͤſt ſehen ſich/ Jn Heroiſcher Ritterſpiel. Jn Wuͤrtenberg vnd Muͤmpelgart/ Der junge Herꝛ nach ſeiner Art/ Nun hat den Luſtdanck in dem Werck/ Das Jungfraͤwlin von Wůrtenberg/ Mit dem Marſchalck hie præſentiert/ Vnd jhren Bruder ſchoͤn geziert. Den vierdten Danck außtheilet hat/Der vierdte Danck. Hans Jacob gut/ dem Graf Conradt/ Von Tuͤbingen gantz wolgeborn/ Dem alten Stammen außerkohrn/ Mit dem Fraͤwlin von Lympurg kam/ Hans Jacob gut von Sultz mit Nahm/ Welcher den vierdten Danck außgebn/ Graf Conraden wie anzeigt ebn. Darauff fieng man zu tantzen an/Fuͤrſtlicher A- bendtantz. Daß ich nicht gnug erzehlen kan/ Wie ſittig/ zůchtig vnd viſierlich/ Der Tantz abgangen war ſo zierlich/ Biß endtlich die Fuͤrſten vnd Grafn/ Sich niderlegten all zu ſchlaffn/ Vnd Morgens an Matthiæ Tag/ Wider auffſtuͤndn Gott Lob ohn Klag/ Daran man predigt Gottes Wort/ Jn Kirchen giengen fleiſſig dort/ Rufften Chriſtum vmb Frieden an/ Welchen allein er ſenden kan. Darnach gieng maͤnniglich zum Eſſn/ Dar bey man ziemlich lang geſeſſn/ Vnd nach demſelben alle Trachn/Wie man die Trachen im Thiergarten herfuͤrſtellt. Zum Feurwerck thaͤt man fein auffmachn/ Wie nun das letzlich ſey abgangn/ Wil ich erzehlen von Anfangn/ Darnach Beſchreibung Fůrſtlicher Darnach das Buͤchlein mit beſchlieſſn/ Das Feurwerck wir erzehlen muͤſſn. AM Sontag Inuocauit gnandt/ Hat man das Feurwerck auffgeſpannt/ Jm Thiergarten auff der Rennbahn/ War es geſtellt vor jedermann. Erſtlich ein vierecket ſchoͤn Schloſſz/ Aſchenfarb angeſtrichen groß/ Deß Plutonis feſter Pallaſt/ Rhadamanthus ein Sohn Iouis von der Europa geborn/ ein ſtrẽ- ger vnd eyfferi- ger Richter. In Lyciafingitur à Poetis apud inferos nocen- tium explorare eulpas, &c.Darauff dann Rhadamanthus faſt/ Auff einem Radt herumber lieff/ Vom Feur getrieben alſo ſchieff/ Doch vnverſehret dieſer blieb/ Da jhn das Feur alſo vmbtrieb: Dann ob ſchon das Schloſſz gar verbrann/ Jſt blieben doch der Helliſch Mann. Nun wie es da ergangen iſt/ Daſſelb man dort gar klaͤrlich liſt/ Dieſe Jnuen- tion deß Feur- wercks iſt auß dem Virgilio lib. 6. Æneid. genommen.Jn dem Virgilio du ſuch/ Die Hiſtori im ſechſten Buch/ Wie da der Helliſch greulich Ttrach/ Abſchrecklich ſeine Sachen mach/ Vnd Cerberus der Helliſch Hundt/ Auffſperre ſeinen groſſen Schlundt/ Mit andern Plutonis Geſelln/ Die kein paſſieren laſſen woͤlln/ Feur außſpeyen/ Racketlein ſpritzn/ Vnd vor Plutonis Pforten ſitzn/ Daß keiner kommen moͤchte bloß/ Jn campos gnandt Elyſios, Nun Heroiſcher Ritterſpiel. Nun war allhie in Wůrtenberg/ Angſtellt auch ein ſolch Feuwerwerck/ Wie dort Virgilius beſchreibt/ Daſſelb man hie zur Kurtzweil treibt. Dann als die Fuͤrſten lang geſeſſn/ Vnd nun mehr alle zu Nacht geſſn/ Vnd kam daher die Finſternuß/ Das Feurwerck man anzuͤnden luß/ Neun Vhr es jetzt geſchlagen hatt/ Da man vom Eſſn in Garten gaht/ Jch gieng vom Hoff durch die Schnellbruckn/ Damit ich moͤchte auch zuguckn/ Viel Hoffgſindt gieng mit mir hinab/ Vber die Bruͤcken/ vnd Schloſſzgrab/ Nun ſtunden viel in Zwilch bekleydt/ Mit Kappen/ Muͤtzlein/ jhr Getreydt/Spectatores die- ſes Feurwercks waren etlich hundert. Lotthoſen wie die Caputziner/ Jn Zwilch anzogn dieſe Diener/ Vulcano die Racketlein fuͤhrn/Vulcani Die- ner/ welche das Feurwerck re- gierten vnnd fůhrten. Mit Kolben ſie dieſelben ziern. Erſtlich gieng das Feur alſo an/ Zween groſſe Boller muſten dran/ Die fuhrn vberſich vngeheur/ Mit groſſem Knall/ Kugel vnd Feur/ Daß maͤnniglich erſchrack darab/ Da es zween ſolche Donner gab. Darnach zůndt man das gmeldte HaußWie das Feur- werck angieng. Mit Feur an/ daß ſchlug vberauß/ Daß die Racketlein fuhrn hinauff/ Biß jhn die Lufft ein gantzer Hauff/ Die Feurkuglein außflogen auch/ Vnd gaben ein groß Feur vnd Rauch/ SFielen Beſchreibung Fůrſtlicher Wie Racketlin vnd Feurkuglen außgeflogen ſeyndt.Fielen hernider dann allwegn/ Nicht anders dann ein feuriger Regn/ Wann ſie zuvor in Luͤfftn praßlen/ Mit eim Knalln vnd groſſem Knaſtlen/ Davornen ſahen ſie von ferꝛn/ Als wann von Himmel fielen Stern/ Dann flogen etlich tauſent auß/ Mit eim Geſchaͤll vnd groſſem Sauß/ Daß einer nicht wuſt was wolt werdn/ Ob eyn wolt falln Himmel vnd Erdn/ Viel tauſent Funcken/ Stern/ vnd Flockn/ Fielen herab wie die Haarlockn/ Daß maͤnniglich erſchrack darab/ Wanns ſo viel Funckn vnd Streimen gab. Endtlich gab es ein ſolchen Rauch/ Ein Nebel vnd ein Wolcken auch/ Daß der hell Himmel wardt bedeckt/ Der Mondſchein auch darvon bewegt/ Verfinſtert vnd verdunckelt gar/ Daß einr ſchier nicht wuſt wo er war. Dann wann alſo das Feurwerck knaͤllt/ Darnach wie Flocken herab faͤllt/ Vnd wie die Sternen vorher glitzn/ Die lauter Funcken von jhn ſpritzn/ Daß alles ſicht wie lauter Feur/ Vnd fliegen daher Abentheur/ Daß du nicht weiſt wo auß noch an/ Vnd einer nicht gnug fliehen kan/ Weiß nicht wo er moͤcht ſicher ſeyn/ Vor ſolchen Funcken/ Racketlein. Die groſſe Boͤ- ler vnd Waſ- ſerkuglen/ ꝛc.Dann groſſe Boͤler fuhren auß/ Auch Waſſerkuglen mit eim Sauß/ Welche Heroiſcher Ritterſpiel. Welche viel Feur außſpruͤtzen thaͤtn/ Dann es flogn offt hundert Racketln/ Ja tauſent auff eim Trib zumal/ Wie Hagelgſchoß vnd lauter Strahl/ Creutzweiß/ vberzwerch/ dann auch hoch/ Herauß geſtoben auß dem Loch/ Dann lieffen etlich auff dem Bodn/ Spratzlen als werens Lumpn vnd Lodn/ Vnd lauter Feurwerck angezůndt/ Haben grewlich gfuͤnckelt vnd brennt/ Vnd allwegen groſſe Klaͤpff gegeben/Comparano- nes vnd Gleich- nuß dieſes Fen- werwercks. Daß einer meynt es were ebn/ Groß Donnerklaͤpff/ oder ein Strahl/ Dern giengen ab gar viel zumal/ Daß es ein ſolches Klappern war/ Wie ſonſt ein Hagelſtrahl vngfahr. Hier zwiſchen růhrt man die Heertrommn/ Die Trommeten mit ſolchen Brommn/ Daß jaͤmmerlich gieng durcheinandr/ Ein wunderbarlich Blundr vnd Blandr/ Darzu ein Lerman vnd Gethoͤn/ Biß dieſes Feurwerck thaͤt zergehn. Darauff kam ein ſehr groſſer Trach/ Welchen ich dir alſo kundt mach: Erſtlich davornen hat ein Schlundt/Beſchreibung deß Trachen Cerberi in fer- nalis. Der weit auffſperꝛt ſein groſſen Mundt/ Mit Bleyweiß waren ſeine Zaͤhn Angſtrichen allweg zween vnd zween/ Auff ſeinem Ruͤſſel ein Horn krumb/ Am Spitz war Zittergoldt herumb/ Dahinden noch zwey Hoͤrner hett/ Wenig verguͤldt an ſeiner ſtaͤtt/ S ijZwey Beſchreibung Fůrſtlicher Zwey Naßloͤchr richt er vberſich/ Warlich er ſahe gar grewlich/ Comparatio oder Verglei- chung Hypo- typoſis, &c.Wie man die ſcheutzlich Hellen mahlt/ Alſo war gaͤntzlich ſein geſtalt/ Sein Zungen feurrot ſtreckt herauß/ Kein Menſch ſah jhn/ ohn ſondern Grauß. Mitten im Schlundt Racketlein warn/ Die auß deß Trachen Maul ſeyndt gfahrn/ Als wie ein Ofenloch genennt/ Mit Stroh vnd Reiſig angebrennt/ Gantz Hauffenweiß herauſſer falln/ Die Flammen/ Funcken mit eim Knalln/ Alſo der Trach ſpeyt Abentheur/ Von ſich die Funcken/ Rauch vnd Feur. Halßbandt die- ſes Trachen.Der Halß an dieſem Trachen war/ Mit einem Halßbandt gzieret gar/ Von Moeß war es ein ſchoͤner Ring/ Der jhm vmb ſeinen Halß vmbgieng/ Zwey lange Saͤcklin/ wie Kolben prangn/ Jhm bey dem Kinn heraber hangn/ Von Schuppen/ aſchenfarb vnd blaw/ Spitzigen Graͤten/ katzengraw/ Sah dieſer Trach im gantzen Sturm/ Wie ein natuͤrlicher Lindtwurm/ Vber den Ruͤcken hatt er Graͤt Verguͤldt ein wenig/ ſich auffblaͤht/ Als wann jhm ſchwellen thaͤt der Bauch/ Sein Ruͤck ſich baͤumbt/ vnd ſahe rauch/ Wie ſonſt ein Schlang oder ein Trach/ Von Gifft ſich auffricht allgemach/ Als wolt verſpringen alſo ſchier Vor Gifft vnd Feur ſperꝛt ſich das Thier. Dahin- Heroiſcher Ritterſpiel. Dahinden hatt ein Schwantz ſehrlang/ Den kruͤmmet es in ſeinem Gang/ Gleich wie ein Lindtwurm ſah dahindn/ Den Schweyff ſeltzam da thaͤt vmbwindn/ Gleich wie ein Ancker ſah am Endt/ Racketlein waren angebrennt. Nun fieng der Trach an brennen gleich/ Dann er von Pulver war ſehr reich/ Von Racketlein vnd Hagelgſchoß/ Die hinden er vnd vorn außgoß/Wie Rhada- manthus der Helliſche Pei- niger vnd exe- cutor Iuſtitiæ ſich ſo tapffer gewehrt habe/ ſeinen Pallaſt zu erhalten vnd zu defendieren. Lieff alſo vmbs Plutonis Hauß/ Da Rhadamanthus ſahe auß/ Vnd oben auff dem Radtvmblieff/ Von Leib vnd Leben jhm Feur ſchieff/ Als wann er ſich gegm Trachen wehrt/ Mitten im Feur hat er ein Schwert/ Vnd groſſen Kolben in der Handt/ Dannoch war er nicht angebrannt. Das ſah vber dmaß abentheurig/ Dann vmb jhn war alles feurig/ Vnd lieff der Rhadamanthus vmb/ Mitten im Feur/ in kurtzer Summ/ Es war ein wunder ſchoͤn Spectacul/ Vnd maͤnniglich ein groß Miracul/ Dann einer meynt der Mann lebig wer/ Der ſich im Feur ſo brauchet ſehr/ Herumber lieff vnd ſo dreyn ſchlug/ War alles angerichtet klug/ Daß maͤnniglich ſich deß verwundrt/ Dann der Zuſehr warn etlich hundrt. Da nun alſo der groſſe Trach/ Das Feur anzuͤndet vngemach/ S iijDa war Beſchreibung Fůrſtlicher Da war ein ſolchs Praßlen vnd Knalln/ Als ob wolt das gantz Hauß eynfalln/ Dann warlich Kuglen fuhren auß/ Mit eim Geſchaͤll vnd ſolchem Sauß/ Als wann ſie kaͤmen auß der Hell/ Vnd eben von Plutonis Schwell/ Darinn Proſerpina wohnt auch/ Vnd von ſich gibt ein groſſen Rauch. Wie Cerberus der Helliſche Hundt herumb lieff/ vnd ſo viel Feur von ſich gab.Nun lieff der Trach ſtaͤttigs herumb/ Stuͤrmet das Schloſſz faſt vmb vnd vmb/ Mit Feur/ Racketlein/ Knalln vnd Pratzln/ Mit Sauſſen/ Brauſen/ Pfeiffen/ Schmatzln/ Daß Funcken gab als hin vnd her/ Vber die maſſen ſcheutzlich ſehr/ Daß nichts dann lauter Feur allwegn/ Heraber fiel als wie ein Regn/ Daß die Erdt zittert/ vnd der Bodn Zerfallen wolte ſchier zu Lodn. Die Trommenſchlaͤger jaͤmmerlich/ Darunder lieſſen hoͤren ſich/ Daß wunderbarlich durcheinandr/ Der Lerman gieng Blunder vnd Blandr. Hierzwiſchen lieffen ſtrengs herumb/ Jm Rennplatz Hauffenweiß ein Summ/ Wie deß Vul- cani Diener im Feur vmblief- fen/ vnd Ra- cketlein ſchoſ- ſen/ ꝛc.Vulcani Diener/ die das Feur Regieren kundten Abentheur: Dann warlich ſie im Feur vmblieffn/ Als wann ſie nur im Waſſer ſchieffn/ Das ſah in der Nacht abendtheurig/ Wann man ſie ſah alſo feurig/ Daß ich mich vber alle maß Verwundert hab ohn vnderlaß/ Daß Heroiſcher Ritterſpiel. Daß Menſchen Kinder ſo das Feur Regieren koͤnnen vngeheur. Jn Haͤnden Kolben trugen ſie/ Die ſpeyten Feur auß je vnd je/ Als wenn einer hett ein Strohwiſch/ Anzuͤndet alſo fluck vnd friſch. Jn Summa ſie Racketlein lieſſn/ Auß jhren Haͤnden auſſer ſprieſſn/ Eins vbers ander/ daß mich wundert/ Dann es offt flogen etlich hundert/ Ja tauſent waren auß geſtobn/ Das Feurwerck kan man nicht gnug lobn/ Dann es vber die maſſen war/ Zierlich vnd wunderbarlich gar/ Vnd glaub nicht daß in Wuͤrtenberg/ Ein mal ſey gweſn ein ſolch Feurwerck. Dann endtlich das Schloſſz anfieng krachn/ Vnd ſtůrmen mit dem groſſen Trachn/ Daß warlich einer meynt es woͤll Himmel vnd Erdt eynfallen ſchnell. Letzlich der Trache darvon zog/ Mit Fluͤgeln vnd Raͤdern hinflog/Abzug dieſes Trachen. War nichts an jhm verbrunnen gar/ Gantz vnverletzt ſein corpus war/ Daß mich gantz Wunnder hat genommn/ Da dieſer Trach zu mir iſt kommn. Dann ich gieng letzlich auch hineyn/ Beſahe jhn innwendig fein/ Wie er hat Raͤder/ graͤulich Fuͤß/ Jnnwendig Loͤcher ſehen ließ/ Darauß das Feurwerck gfahren iſt/ Dannoch war er noch zu geruͤſt. Der Beſchreibung Fůrſtlicher Der Mann deßgleichen auff dem Trachn/ Von Feur außſpeyet greulich Sachn/ Aber gantz vnverletzt blieb er/ Daß ich mich hab verwundert ſehr.
Von dem Feurwagen. NVn war ein Feurwag zugericht/ Der gleich als wie ein Kutſchen ſicht/ Vier Raͤder hatt derſelbig Wag/ Ein Naͤrꝛinn vnd ein Narꝛ drauff lag. Comparatio vnd Verglei- chung.Der Narꝛ ein Kolben fuͤhrt voran/ Sah laͤcherlich der Gaͤuckelmann/ Ein Spiegel wie ein Britſchen fuͤhrt/ War eben wie ein Narꝛ geziert. Die Naͤrꝛinn auch ſich laͤppiſch ſtellt/ Wie jedem Narꝛn ſein Kolb dann gfellt/ Alſo war jedes bildt gſtaffiert/ Als wann man zwey in Kutſchen fuͤhrt. Zwo Geyſſen am Wagen.Vorn am Deichſel zwo Geyſſen warn/ Als wolten ſie von dannen fahrn/ Die ein weiß/ die ander braun war/ Mit Haͤut anzogen/ von Geyßhaar/ Doch gar ohn Leben fuͤrgebildt/ Mit Stroh vnd Haͤw nur außgefuͤllt. Die Hoͤrner mit Racketlein warn/ Seyndt abentheurig außgefahrn. Raͤder dieſes Feurwagens.Die Raͤder hiengen Kolben voll/ Mit dicken Kuglen gſpicket wol/ Von Pulver/ Salpetr/ vnd Racketlein/ Die außgefahrn von jhrn Thaͤttlein/ Da man Heroiſcher Ritterſpiel. Da man das Feurwerck hat angzuͤndt/ Daß der gantz Feurwag hat gebtennt. Dann dieſer Wag mit ſeinem Narꝛ/ Gar ſtrengvmbs Schloſſz gefahren war/ Daß nichts da war denn Funckn vnd Feur/ Das ſpeyt er auß gantz abencheur/ Vnd von ſich thaͤt Racketlein ſpritzn/ Welche wie Flocken daher glitzn. Mich wundert ſehr wie die Fuhrleut/ Den Wagen kundten fuͤhrn der Zeit/Wunderbar- che Fuhrlein dieſes Feur- wagens. Vnd alſo ziehen vmb das Schloſſz/ Mit ſolchem Feur ſo maͤchtig groß/ Welches fuhr auß vber die maß/ Mit einem Sauß ohn vnderlaß/ Daß maͤnniglich groß Wunder nam/ Wann dieſer Wag baldt wider kam/ Alſo fewrig vnd ſo gar glitzig/ Vom Pulver vnd Racketlein hitzig/ Die vber ſich in d Lufft ſeyndt gfahrn/ Wie feurigr Regen darnach warn. Dann warlich die Racketlein flogn Jn dLufft hinauff/ darnach ſich bogn/ Vnd fielen wider rab allwegn/ Nicht anderſt dann feuriger Regn. Endtlich da es hat gwehret lang/ Anderthalb Stundt von ſeim Anfang/ Fuͤhrt man die Geyſſn ſampt jhren Karꝛn/ Das Bildt dar auff Naͤrꝛinn vnd Narꝛn/ Gantz vnverſehrt wider zu Hauß/Abzug dieſes Feurwagens. Vnd wardt ein groß Gelaͤchter drauß. Dann die Racketlein außgeſtobn/ Dahindn vnd vornen/ vndn vnd obn/ TDaß Beſchreibung Fůrſtlicher Daß die Bilder durchſichtig warn/ Da die Racketlein außgefahrn/ Durch die Geyßhoͤrner/ vnd dahindn/ Da ſie gemeinlich die Brůck auffbindn. Dem Narren durch ſein Kolben auch/ Das Feur außſchlug/ Pulver vnd Rauch/ Darnach zum Maul/ Ohren vnd Handt/ Daß alls laͤcherlich außgebrandt. Ein laͤcherlicher Anblick.Die Naͤrꝛin ſaß gantz Athem loß/ Hinden vnd vornen war ſie bloß/ Dann jhr das Feur vnd Hitz vergieng/ Vnd bloß noch auff dem Karren hieng/ Doch war jhr corpus vnver ſehrt/ Allein das Feurwerck außgeleert. Alſo der Wag and auch der Trach/ Giengn auß dem Thiergartn fein gemach/ Hatten ſich ſauber gar verbluͤht/ Vnd von dem Feur vertobt/ verwuͤht/ Damit ſie kaͤmen an jhr Ort/ Hat man ſie gfuͤhrt all gmach ſo fort/ Daß man ſie kuͤndie brauchen widr/ Habn ſie behalten gantze Gliedr. Als nun das Feurwerck ſo vergieng/ Ein anders fluck man da anfieng/ Dann noch eines ſtundt da vorhandn/ Das hinder dieſem iſt geſtandn/ Beſchreibung deß Trachen/ darauff die Ba- byloniſch Huhr ſaß.Daſſelbig war alſo gformiert/ Vnd hat ſiebn Trachenkoͤpff gefůhrt/ Der ſiebendt gieng hoch vberſich/ Ein jeder Kopff ſah Koͤniglich/ Mit einer Cron gar ſchoͤn geziert/ Dieſelbe auff den Haͤuptern fuͤhrt/ Doch Heroiſcher Ritterſpiel. Doch ſahe grewlich jhr Geſtalt/ Wie dorten wirdt deutlich gemahlt/ Vnd du die Figur findeſt gwiß/ Jn Offenbahrung lohannis. Darauff ſaß zierlich ſchoͤn geſtalt/ Die Babyloniſch Jungfraw gmahlt/ Ein guͤldin Becher dieſetrug/ Von Racketlein gemachet klug/ Die ſahen durch den Becher rot/ Die Jungfraw gelbe Ermel hatt/ Mit blawem Taffet fein durchzogn/ Jhr ſchoͤn Geſtalt hat viel betrogn/ Auß jhrem Becher ſauffen viel/ Die jhr anhangen in dem Spiel. Nun ſie ſaß wacker auff dem Trachn/ Thaͤt lieblich einen fein anlachn/ Daß vber dmaſſen war viſierlich/ Wer dieſes hat gmacht ſo zierlich/ Der Trach dahinden hat ein Schwantz/ Wie ſonſt ein Lindtwurm ſcheutzlich gantz/ Darnach gar ſchuppig ſehen ließ/ Sein Fluͤgel vnd gar toͤlpiſch Fůß/ Daß einer drob entſetzet ſich/ Daß er war ſo gantz meiſterlich Von ſeim Werckmeiſter zugericht/ Dann er ſo gar natuͤrlich ſieht/ Wie dort beſchrieben worden war/ Jn Offenbahrung Iohannis klar.Dieſen Trachen haben viel tau- ſent Menſchen/ ehe man das Feurwerck hat angezůndt/ ge- ſehen. Nun ſolcher Trach kam auff die Bahn/ Wie jhn ſahen viel tauſent Mann/ Zu Stutgart im Thiergarten ſtehn/ Eh dieſes Feurwerck anthaͤt gehn/ T ijAls Beſchreibung Fůrſtlicher Als er nun auffgefuͤhret war/ Beſchloß das Feurwerck endtlich gar/ Ließ von ſich gehn Racketlein viel/ Pulver vnd Feur ohn Maß vnd Ziel/ Daß Kuglen von jhm fuhren auß/ Mit eim Geſchell vnd ſolchem Sauß/ Daß maͤnniglich ſich hat verwundrt/ Wann dieſer Trach ſo hefftig donnrt/ So blitzet/ haglet/ braſſelt/ knallt/ Daß der Erdtboden hat erſchallt/ Doch ließ er vnverſehret ſchawn/ Auff jhm ſitzend die falſch Jungfrawn/ Nemblich die Babyloniſch Dirn/ Die manchen ſtoſt an ſeine Stirn/ Die ſaß auff jhrem Trachen ſtett/ Geb wie viel Pulver von jhm geht/ Doch laͤſt die Huhr ſich nichts bewegn/ Traͤgt jhren Becher ſtaͤts entgegn/ Welcher Luſt hat darauß zu ſauffn/ Dem ſchenckt ſie eyn ein gantzen Hauffn/ Was dieſe Jungfraw auß Babel oder Ba- bylonia, fuͤr ein Tranck eyn- ſchencke den Leuten.Gottslaͤſterung/ Zorn/ Neydt vnd Haſſz/ Vnzucht/ viel Sůnd ohn vnderlaß/ Darumb ſie dieſen Becher traͤgt/ Manchen zu ſuͤndigen bewegt/ Auß dieſem Becher Abemheur/ Racketlein flogen vnd viel Feur. Morale vnnd Warnung vor dieſem Trachen.Darumb ſol man fein nuͤchtern ſeyn/ Die Suͤnd meiden/ vnd Gott allein Anhangen/ dieſe Jungfraw haſſn/ Vnd alle Boßheit fahren laſſn/ Daß nicht ein mal das Helliſch Feur/ Heraber falle vngeheur/ Verbrenn Heroiſcher Ritterſpiel. Verbrenn die gantz vndanckbar Welt/ Mit allem jhrem Pracht vnd Gelt/ Darvor vns Gott gnaͤdig bewahr/ Vnd vns erhalte gantz vnd gar/ Bey ſeinem Wort pur lauter rein/ Damit wir ſeine Kinder ſeyn/ Vnd mach vns all ſeelig/ Amen/ So bſchließ ich das in Gotts Nahmen. Alſo iſt allerdings vergangn/ Wie jetzo erzehlt von Anfangn/ Am Montag die gantz Ritterſchafft/ Hinweg war gritten mit Heerskrafft/ Vnd auch die loͤblich Landtſchafft war/ Abgſcheiden von einander gar/ Erſt lang hernach muß ich dir ſagn/ Nach dieſer Faßnacht in viertzehn Tagn/ Gott woͤll bewahrn diß Fuͤrſtenthumb/ Vnd die Landts Fuͤrſten/ Fridrich frumb/ Daß Jhre Fuͤrſtlich Gnad regiern/ Vnd weißlich drinn das Scepter fuͤhrn/ Damit gut Friedt erhalten werd/ Vnd Gotts Wort grůhn auff dieſer Erdt/ Das wuͤndſch ich vns in Gottes Nahmn/ Vnd bſchließ das Bůchlein nachmals/ Amen.

FINIS.

T iijRegi-
Regiſter dieſes Buchs. Fußthurniers Articul Blat 3. 4. 5 Fußthurniers viererley Daͤnck 5. 6 Fußthurniers vier Richter 6. 7. 8 Der Wuͤrtenberger Streych auff der Trommen/ Lateiniſch 9 Teutſch 10 Der Schweitzer Streych auff der Trommen/ Lateiniſch 13 Teutſch 14 Fußthurniers drey Patrinen 14 Burgunder Trommenſtreych 17 Fußthurniers Daͤnck Außtheilung 18 19. 20 America Auffzug zum Ringrennen 21. 22. ꝛc. 44. 45 ꝛc. Ringlinrennens Articul 28. 29. 30. 31 Ringrennens Danck 31. 32 Ringelrennens Carthel vnd Leges 32. 33. 34. 35. 36. 37 Frauwenzimmers Beſchreibung 39 Ringelrennens iudices 40. 41 Heertrommen Streych 44 Der vier Monarchen Auffzug 53. ꝛc. Wie Virtus, die Tugent/ auffgezogen 54 Wie Fortuna, das Gluͤck/ auffgezogen 55 Wie Occaſio, die Gelegenheit/ auffgezogen 56 Globus, oder Weltkugel/ ſampt deren Auffzug 59. 60 Nini, deß Aſſyriſchen Koͤnigs Auffzug 62 Nimrodt 61 Hercules 63 Cyri, deß Perſier Koͤnigs Auffzug 64 Pallas 65 Alexandri deß Groſſen Auffzug 66 Mars 67. 68 Iulij Cæſaris Auffzug 69 70 Iulij Cæſaris Schreiben 76. 77 ꝛc. Gottlieb Theurdancks Carthel 88. 89. ꝛc. Joſeph 94 Daniel 95 Religionis vnd Iuſtitiæ Auffzug 99 Inuidiæ Auffzug 100. 101 Redtlich- Regiſter. Redtlichmann 102 Tuͤrckiſcher Auffzug 108 Schwaͤbiſchen Bauren Auffzug 110 Baurentantz 114 Poſtreuters Auffzug 115 Caputziner Moͤnch Auffzug 117 Gluͤckradt mit Narren 121 Pan vnder der Schaͤffer Auffzug 123. 124. ꝛc. Venusberg 127 Wolgemuht von Frewdenthal Auffzug 129 Venus vnd Cupido 132 Daͤnck Außtheilung 133. 134 Feuwerwerck 136 137 ꝛc. Von dem Feurwagen 144. 145. ꝛc. Feuriger Trach darauff die Babyloniſche Huhr geſeſſen 46. 47

ENDE.