Distributed under the Creative Commons Attribution-NonCommercial 3.0 Unported License.
Fraktur
Dieses Werk wurde gemäß den DTA-Transkriptionsrichtlinien in XML/TEI P5 nach dem DTA-Basisformat codiert. Abbreviaturen wurden kommentarlos aufgelöst, Graphiefehler mittels dem Element <choice> korrigiert und Sonderzeichen, mit Ausnahme der Superskripte, vereinheitlicht. Eine Ausnahme bildet die Abbreviatur "dn", die nicht mit einer allgemeinen Regel erfasst werden und somit letztlich nicht immer zweifelsfrei aufgelöst werden kann.
Die Zeilenumbrüche des Drucks wurden beibehalten. Verspaare sind anhand der Initialen zu erkennen.
]]> N
heuͤr Da man den habern schneiden solt. do ging ich
selber auß vnd wolt. Mich richten noch dem alten
wort. als ich vor zeiten het gehort Wy alweg in der haber ern.
die krebs am aller pesten wern. Dar durch mir viel in mein
getrecht. wy ich der krebs zu wegen precht. Gar vast san
ich her vnd hin. byß das mir viel in meinen sin. Ein wasser
west ich an eim end. da hin so fuͤgt ich mich behend.
zu fischen was gemein. vnd het auch gar ein guten rein. Oder
wie mans nent ein rangen. da vermeint ich krebs zu fangen
Als ich vormals mer het than. mit zuchten fieng ich aber an
Es was das wasser so tieff im grund. das ich es nit erwa
ten kund Jch bleib her aussen auff dem land. vnd suchet pald
biß das ich fand Vil loͤcher in dem selben wag. da manig
krebs verporgen lag Noch den ich mit der hant grapelt. in
dem selben wasser zapelt. Etwas gar vast zu mir her auff
doch het ich kein achtung dar auff Forchtet mich auch vor
im gantz nischt. bey einer hant es mich erwischt Vnd ruck
et mich hin vnder vest. vor grossem schrecken ich nit west
Wie ich hin vnder was gefarn. got det mich fleissiglich be
warn Das do kein wasser in mich kam. vnd auch sunst kein
schaden nam Noch am leben oder am leib. also furt mich ein
wasser weib Vnder dem wasser an ein ort. zu einer weide/
lichen pfort Das was ein schoner grosser stein. den rucket
sy ab vnd furt mich ein In den selben schonen palast. entpfing
sy mich als iren gast Auch zucht vnd ere dy sy mir thet. der
ich da nit gesuchet het. Da in dem selben tiefen hol. das was
so meisterlich vnd wol Nach aller notturft schon gesch/
muckt. plumenwerck in das praun getruckt Damit het man
die wend bezogen. mit merbelstein schwinpogen Warn ir
gewelg geschlossen. pilberck darein vil schoͤoner possen/
Ein yder stund noch seiner art. es was auch meisterlich vnd
zart. Schoͤn verglast mit cristallen. da durch kein wasser
mocht vallen. Gab in doch allen scheins genug. ich sach
drey alte menner klug Studiren gar auß grossen witzen. der
er sprach las dir nit verschmahen Vnßer wesen in disem hol.
der ander sprach gehab dich wol.
klagen. der drit sprach ich muß dich fragen Wan ich verstee
in kurczer frist. das du etwas weit gewandert bist Hast yn
deinen iungen iaren. vil fremder obenteuͤr erfaren. Die nit
ein yder hat verstanden. wy stets itzunt dauß in landen Kanstu
mich des nit berichten. ich sprach ich kans nit auß gedichten
Die klag vnd yemmerliche not. die allenthalben die welt hot
Mit all dem das der mensch sol niessen. wil nimmer voͤllick/
lich ensprissen An allen orten wil zurinnen. vnd alles das arm
leuͤt beginnen Dy sich mit arbeit sollen neren. kuͤnnen sich kaum
des hungers erweren Deyhen vil an dem pettel stab. die gros
sen kaufleut lassen ab An den doch alle narung leit. durch sy
ein lant dem andern geit Das vor nit hat vnd haben muß. das
schafft in alles der kauffman puß Der durch ein land inß an
der vert. ytzund leit es in allen hert Dy hendel wollen nit mer
tragen. hoͤrt man mangen kauffman klagen Wan sie auf meß
vnd iarmarckt kummen. stend sy da als die stummen Leit die war
bey in auff hauffen. all die in ab soͤllen kauffen. Als priester
burger vnd der adel. sein all vmb geben mit dem zadel Jr kein/
er wil kein gelt nit finden. der kauffman stet allein dort hinden Be
dorft des geldes veintlich wol. wan furlon zerung vnd der zol
Get nit dest minder als auff in. er muß mit schaden geben hin
Aufs teuͤerst porgt er ein anders wider. da durch leit im sein
handel nider Die war hat er zu teuͤer genummen. wan im nun
die tagzeit kummen Das er ye sol bezalen. muß er sein handel
lassen fallen Kan mit allem seinem gut nit reichen. von hauß
vnd hoff muß er weichen. Er verderbt mit im ander acht
er sprach merck was das selbig macht. Wil ich dyr her/
nach wol sagen. muß ich dich vor ein anders fragen. Be
richt mich etwas von dem gelt. damit man doch in aller
welt. Feintlich handelt her vnd dar. ich sprich hab vernum
men zwar. Der guten muͤntz wirt abgezogen. dar durch
gar manger wirt
gesellen. die golt vnd silber muͤntz schnellen. Mit der wag
sy das beginnen. was sy groschen vnd gulden finnen
schwer genug sind an dem gewicht. der kumbt keiner mer
zu licht. Werden all verschmeltzt im feuͤer. die selbig ferlich
abenteuͤer. Jst so gemein noch nie gewesen. karnali giessen
durch den pesen. Die das selbig nit kunnen than. die sammen
oder pelian Lassen in darnach probirn. die lant ire gute muntz
verlirn. Mit den selben boͤsen sachen. ein teil kunnen wasser
machen. Nemen der muͤntz den zehen teil. er sprach nun sch/
weig mit dem ein weil Hernach will ich dir pas erklern. ein
anders wolt ich wissen gern Wie stets vmb iunckfrau vnd
frauen. ich sprach mir thut feintlich grauen. Het ich ein toch
ter ich decht mir leyd. vnter in ist wenig vnterscheid. Wie
wol sich etlich iunckfrau nennen. so kan man doch gar kaum
erkennen. Das sy fur ein iunckfrau stand. vnkeusch hat ge
nummen vber hand. Leider hie auf diser erden. ich foͤrcht es
muß gestrafft werden. Als sich die grossen suͤnd anfieng.
sodoma gamor vnter gieng. Durch die groß sodomittrey.
dy suͤndt was kaum so mangerley Die man da zu zeiten thet.
alß mans leider ytzund beget. Vber al in allen landen. nimant
schemt sich mer der schanden. Die meyd pult selber vmb
den knecht. die eefrau meint sie thuß mit recht. Die weil sis
neuͤr verborgen treib. der eeman sucht ein ander weib. Dar
durch der epruch wirt gemein. prister ligen nit gern allein
Richter schultheis muͤnchen vnd pfaffen. die das selbig sol/
len straffen Treibens selber vnuerholen. got dem herren sey
es befolen Jch wil da von nit reden weiter. wy wol die ding
sein fast verheiter. Dan ich itzund hab geredt. moͤcht ymantz
sein dem es zorn thedt Der mir daruͤmb wolt sprechen zu.
der wasserman sprach hab dein ru. Bericht mich hie ein
anders vor. die richter vnd dy procurator. Die das recht
zum vnrecht spalden. wie sich itzund dy selben halden. Get
vber die nit auch ein klag. ich sprach es
Vnd pin ir auch nit wol bericht. auch ob ich west so dorft
ich nicht. Den selben handel gantz erkleren. ich moͤcht von den
ad vns hie nit vil. Vnd ob ich euch ein wenig sag. manch
armer fuͤrt ein grosse klag Der vmb sein gut geteuͤscht wuͤrt.
durch den der im sein handel fuͤrt Darumb das er ist arm vnd
schlecht. vnd ob er schon hat goͤtlich recht Schenckt nuͤr im/
mer dem vnd disem. silber kleinat oder pisem. Kocht in grosse
visch mit mandel. sein widerpart gewint den handel Der
vber geits mit grossem gut. das man dem armen vnrecht thut
Der hat sein gut da durch verloren. es ist auch gantz ein sprich/
wort worden Wo man yetz von handel sagt. ein armer zu einem
reichen klagt Man fragt nit wer das vnrecht hab. von stund/
an legt man dem armen ab. Ein iederman heist yn ein narn.
spricht du hast nit auß zu haren. Mit gelt dringt er in da
van. also erschreckt man manchen man. Das er sein handel
fallen let. den er suͤnst gewunnen het So das recht fur recht
sol gen. im namen gotz las ichs sten Wil da von nit reden
vort. yr habt zu guter maß das gehort. Von mir ein ant/
wort auff dy frag. vnd auch ein teil der welt klag. Wy wol
sie ist mangerley. die wassermender alle drey. Namen wunder
von der sach. der ein hub an zu mir vnd sprach. Zu rechter zeyt
bistu her kummen. dein meinnung hab ich wol vernummen. Dy du
vns ytzund hast geseit. wie wol gewalt nit an vns leit So
woͤll wir doch hie arguirn. ob mir nicht auß moͤchten stu/
dirn Wie du dich darin halten solst. ob du gewaltig werst
vnd wolst Machen ein ander regiment. von anfang mitel vnd dem
ent. Woͤl wir dir ein lernung geben. hoͤr mir zu vnd merck mich
eben. Dein anfang waz von armen leuten. nimant will hacken oder reuten
Zum pauers werck sein wir ser ploͤd. darumb vil ecker ligen oͤd
Die noch wo zu pauen weren. vil pauersknecht ietz hantwe/
rck lern Da durch der hantwerck wirt zu vil. ir keiner mer an ack
er wil Sid doch ein teil gar grob fantasten. haben ir hantwerck nit
am pasten Gelernet vnd gemerkt eben. vnd lassen in doch weiber ge
ben pald sy die leer iar auß leren. Von stundan welens meister
weren Vnd kunes hantwerck noch nit gar Die machen vil loͤrles
war Vnd gebens wolfeil vmb ein dant. do mit sint erfuͤlt die lant
Dy guten werck sind verworffen. auch find mon in den dorffen
pfleger Vnd hest gewalt als landes heren. das selbig mustu
fleissig weren Das auff dem dorf kein handel treiben. auf das
die stet bey wirden pleiben Viel keiner dem andern in sein stant.
so koͤm vns wider gluck ins lant. Des weisen ratz danck ich
im schon. da sprach der ander wasser man Gesel was hastu mer
gefragt. ich sprach wie der kaufman klagt Das im sein handel
ser ab nem. er antwort mir das kumbt von dem Seit die schn/
eider verkaufen thuch. vnd das man truͤckt so manig buch Dar
durch die kunst ist weit gestreuͤt. vnd haben gar vil schechter
leuͤt Ler vnd weis dar auß genumen. die weil das in das lant
sind kumen Schotten die so mit grosser macht. die haben funden
vnd betracht. Zu hausiren mit der war. in dem land dort hin vnd
dar Sind sie gezogen auf vnd ab. vnd haben zert vom petelstab
Auff dem dorff vnd vnter wegen. in steten hand sie herschaft
pflegen. Als dan kaufleut sollen leben. Kunden die war vil ne/
her geben Dan die knecht vnd pfert heten. da mit sie groß ze
rung theten Das hat dem handel schaden gethan. auch ist
ietz schir kein hantwerckman. Sein hantwerck sei groß oder
klein. er will darzu ein kaufman sein Vnd tichtet dar auf nacht vnd
tag. ob erß schon nit am gut vermag Vnd hat ein gulden oder
neuͤn. der porgt vnd macht vil grosser zeuͤn. Alle die im por
gen neuͤr. schwert er veintlich tieff vnd teuͤer. Er woͤllß be/
zaln auf katherein. ich sprich solt ich gewaltig sein. So wolt
ich machen regiment. welcher man ein hantwerck kent Muͤsts
allein noch ordenung treiben. vnd den kauffman lassen bleiben
Jn seinem handel geleich wie vor. mayn auch sicherlich fur
wor. Es stuͤnd an allen enden pas. er sprach zu mir wy ge/
felt dir das. Hat dich der nit gar schon bericht. ich sprach
furbar ich straff sein nicht. Jch pin im auch von hertzen
holt. wie dan vmb silber vnd vmb golt. Darauß man hat ge
macht das gelt. als du am ersten hast gemelt Die gute muntz
die werd verloren. die silbren muͤntz mi irem koren. Helt hy
wenig vnd dortten vil. wo man dan ytzund machen wil.
Ein neuͤe muͤntz wirt gering. wer sich dan verstet dieser ding
hauffen. Gewint
wen mit der ewig got Verlihen het der genaden schein. vnd
solt der ding ein straffer sein. So wolt ich setzen gut ver/
drauen. die muͤsten gar fleissig dar auf schauen. Wie man
sol in tigel rechen. kein muͤntz solt mir niemat zerbrechen
Nicht renouiren oder etzen. ein itlich muͤntz wolt ich setzen
Wie sie der furst het geben aus. so must erß wider in sein
hauß Nemen fur zynß vnd rent. der erst hub wider an behent
Der mir hat gesagt von armen leuͤten. der sprach nun solt ich
dir bedeuͤten Von den mannen vnd den weiben. die offenbar
lich eebruch treiben Vnd doch pleiben vngestrafft. so fur/
cht ich etlich bristerschaft. Vnd ein teil die grossen heren.
der selben ding nit hoͤren geren. Wan etlich tantzen noch der
geigen. daruͤmb wil ich ein teil schweigen. Ee das man mirß
zum argen mist. wo man dan alte puͤcher list Vindt man
doch darynn geschriben. die alten hons auch getriben. Doch
in der stil vnd gantz verholen. nit als ytzund die groben knollen
Die sich des ruͤmen auf vnd ab. maniger sagt wie das er
hab Ein pulen den man soͤlchs nit zey. sagt von stundan wer
er sey Die in verperg vor irem man. vnd leuͤgt die frummen frauen
an Die weis kein wort von seinem klaffen. wen ich solt die sel/
ben straffen. Kent die kunst dy filius treib. so wolt ich wer
eim frumen weib Jr zucht vnd er vergifft mit ligen. dem muͤst
ten stetz die grossen fligen. Wandern auß vnd ein in dem
maul. vnd stincken als ein toder gaul. Auff das er solchs
nymer thet. welcher man ein tochter het. Dy er gern zug
zuͤ eren. muͤst er sie fleissig also leren. Wo er sie schickt hin
vnd wider. muͤst sie dy augen schlagen
kopff schnell fur sich gen. bey keiner manns person nit sten
Neur guten morgen vnd nit mer. die kunt ir iunckfreuliche
er. Vor aller welt behalten vest. wo ich aber der eine west.
Dy do gar lang stentner machen. vnd mit dem vnd disem lach
en Jn heimlich winckel vil spatzirn. byß sy ir iunckfrauschaft
verlirn Mein es werd nit offenbar. gend hernach lang in irem har
Vor den frummen da beschemen. vnd das krentzlen ir ab nemen
Mit gewalt ein schleyr vmb pinden. gedecht die ander auch
dort hinden. Behuͤt mir got die ere mein. das sol mir yetz
ein warnung sein Das ich mich hin fuͤr huͤten wil. geschee der
hendel nit als vil. Junckfrau schwechen kint vertreiben. got
der wil den frummen weiben. Jr zucht vnd ere vor laster fristen.
nun sol ich sagen von iuͤristen Die das recht zu vnrecht ma/
chen. so pin ich mit den selben sachen In der kunst ein we
nig zu schlecht. dy weils die herren duncket recht Die es wol
zu straffen heten. vnd es auch gar pillig theten Got geb in
hie vnd dort den lan. kem auch menger frummmer arm man.
Nicht so gar poͤslich vmb sein gelt. es stuͤnd furwar in al/
ler welt. mit allen dingen dester pas. daruͤmb bit ich dich
Contz has. Wen du kumbst wider auß dem wag. das du
mit fleissicklicher frag. Auß wandern wolst in alle land. nach
erenholt vnd parschefand Wa du dy waist vnd finden magst.
das du in also fleissig sagst. Das sy sich yetz recht erzeigen.
vnd der warheit nit verschweigen Vor den daland vnd leuͤt
an leit. vnd das sie an sehen dy schweren zeit. Den iamer den
dy armen leiden. nit an einander also neiden. Krieg vnd hader
sy legen hin. das geb in got in iren sin. Gedult frid vnd auch
einigkeit. helf vns maria die reyne meit. Die ist ein muter al
ler gnaden. behuͤt vns arm leut vor schaden Dort dy sel vnd
hy den leib. her wyder kom das wasser weib. Das mich hi
vnder het gezuͤckt. dy sprach es hat dir hie geluckt Vil weiß/
heit hastu hy erfarn. kum her so wil ich dich bewarn Vnd
an schaden auß hin weysen. auch vnser lob solt
Wirstu von vns gar wol genisen. darumb so las dich nit
verdryssen. Verkund es weiter in die welt. das man nit durch
das schnoͤde gelt. Das vbel vngestroffet laß. Also hat ge/
dicht Contz haß.
Gedruckt zu Nuͤrenberck Von Ambrosio Huber.