Trost Wegen Gewisheit der frölichen Aufferstehung von den Todten Bey sehr betraurlichem aber seligem Ableiben Der ... Fr. Elisabeth Heilsbergerinn/ Des ... Herrn Melchior Lübecks/ ... gewesenen Hertzlieben Ehgatten

BEtruͤbte Hertzen ſo der Tod Der AllerLiebſten ſetzt in Noht/ Kommt jetzt ohn Seuͤmniß/ kommt mit hauffen Zum Hauſe Gottes zu gelauffen. Hoͤrt ewren Lehrern fleißig zu Vnd lernt von jhnen Troſt vnd Rhu/ Wil euch das Leid daheim verſperren/ So forſcht hie ſelbs das Wort des HErren. Jetzt predigt man die große That Die GOttes Sohn veruͤbet hat/ Der ſich befreyt von Todes Banden/ Vnd ſiegreich wieder auffergeſtanden. Der Der vormals alle Schmach empfieng Vnd trawrig uͤbern Kidron gieng/ Jm Garten anhub ſehr zu beben/ Mit Seelen-Aengſten war vmbgeben. Der GOttes vnd der Hellen Brand Jn ſeinem Hertzen tieff empfand/ Der mit dem Tod auch da gerungen/ Das Blut fuͤr Schweiß jhm ausgedrungẽ/ Vor Caiphas gebunden ſtund/ Vnd doch nicht auffthat ſeinen Mund/ Den man ſo faͤlſchlich hat beklaget Dem Petrus ſelbs hat abgeſaget/ Der alſo ſchrecklich iſt verhoͤnt/ Mit Dornen ſchimpfflich ward gekroͤhnt Vnd von den Geiſſeln tauſent Wunden An ſeinem Leibe hat empfunden. Der an das Creutz iſt auffgehenckt/ Durchſtochen/ in das Grab geſenckt/ Koͤmt )?( ij Koͤmmt aus dem Grab hervor gegangen Vnd fuͤhrt Suͤnd' Hell vnd Tod gefangen. Jetzt ſchwingt Er ſeine Sieges-Fahn/ Hat ſich mit Leben angethan/ Daß numehr ewig Tod vnd Grawen Vnd die Verweſung nicht wird ſchawen. Jhm geben viel her das Geleit Die laͤngſt verblichen vor der Zeit/ Zum uͤberweiß/ daß aus der Erden Auch wir jhm nach erwachen werden. Durch Jhn wird alles new vnd ſchoͤn/ Man ſieht den Friede mit erſtehn/ Vnd ewig' Huͤtten vmb vns bawen/ Das Recht fern aus den Wolcken ſchawen. Der Lentz der liebe Frewden-Mann Koͤmmt auch mit ſeinem Herren an/ Bringt Luſt den Menſchen vnd den Thieren Vnd wil die Baͤum vnd Felder zieren. Nun Nun iſt durch wunder-ſchoͤnen Krieg Der Tod verſchlungen in den Sieg Der Hoͤllen Raub-Schloß liegt zerſtoͤret/ Der Suͤnden-Reich hat auffgehoͤret. Wer gleubt/ mit Chriſto aufferſteht Vnd ſtets im newen Leben geht/ Dem Wird der Tod nichts an gewinnen Vnd faͤhrt er zehnmal gleich von hinnen. Hieruͤber jauchtzt was jauchtzen kan Vnd ſtimmet ſein Triumph-Lied an/ Die Kirchen ſind mit Volck zu ſammen Erſuͤllt/ das Hertz mit Andacht-Flammen. O daß/ Herr Luͤbeck/ ewer Leid Euch ſchleußt aus ſolcher Froͤligkeit/ Wie wuͤrdet jhr den Geiſt erhoͤhen Vnd keinem was zuvor geſtehen/ Wir kennen ewer Chriſtenthum/ Die Andacht giebt euch ſelbſt den Rhum/ Daß Daß jhr am GottesDienſt fuͤr allen Habt ewres Hertzens Wolgefallen. Nehmt aber GOttes Raht-Schluß an/ Seyd hier auch ein beſcheidner Mann/ Lebt nach der Ordnung die wir halten/ Laſſt Sorg' vnd Trawren bey euch walten/ O welch ein Reichthum ſtirbt euch ab! Jhr ſenckt die Fromheit in das Grab/ Jhr ſchickt mit Jhr hin nach der Erden Die Trew im Hertzen vnd Gebaͤrden. Die wehrte Nachbarſchafft vmbher Vermiſſet ſie nicht ohn Beſchwer/ Voraus der Zuſtand vieler Krancken Weis Jhrer Pflege viel zu dancken. Vnd lieſſ' ich dieſes alles ſeyn/ Was zeugt der Kinder Zucht nicht ein? Die ſind in Huld vnd was wir kennen Ja faſſt die Liebe ſelbs zu nennen. So So laſſt nun ewre Thraͤnen aus/ Es weint mit Euch das gantze Hauß/ Der Freunde wil in Liebes-Zeichen Nicht eines ſchier dem andern weichen. Gebt aber auch des HErren Raht Vnd ſeinem weiſen Willen ſtat/ Vnd macht daß jedermann jetzt ſchawe/ Ob ewer Andacht euch auch bawe. Wenn jener Fruͤling an-wird-gehn/ Daß alle Todten aufferſtehn So ſollt jhr dieſes froͤlich ſchneiden Was jhr jetzt ausgeſeet im Leyden. Denn dieß iſt einig/ warumb wir Dieß Feſt begehn in Luſt vnd Zier/ Wovon die Kirchen wiederſchallen/ Zu welchem wir mit Frewden wallen. Wir Wir ſind hie frembd vnd auff der Flucht/ Vnd leben in geſtrenger Zucht/ Sind vnſre Todten nun verlohren/ So waͤr es beſſer nie gebohren.