ANTENOR, ein Liebhaber der H. Schrifft/ hatte eins- mals einen muͤſſigen und ruhigen Tag/ da kam Philander- ſon/ ein Edler/ ſinnreicher/ ſehr gelahrter und beſcheidener Juͤngling zu ihm/ und bracht ihm einen Brieff von ſeinem Vater Philander. Als Antenor das Schreiben laſe/ wurd er hoͤchlich erfreuet/ daß ſein alter groſſer Freund noch lebe/ und einen ſolchen ar- tigen Sohn erzogen habe/ auß deſſen Phyſiognomi, hoͤflichen Reden und Geberden erſchiene/ daß er Philanders Sohn ſey/ und dermal- eius in ſeines Vatern loͤbliche Fußſtapffen treten werde. Er erinnerte ſich was Sirach ſagt cap. 30. Wann einer ſein Kind zeucht/ das ver- dreuſt ſeinen Feind/ und erfreuet ſeinen Freund. Dann wo ſein Vater ſtirbt/ ſo iſts/ als were er nicht geſtorben. Dann er hat ſeines gleichen hinter ſich gelaſſen. Es begehrte aber Philander in ſeinem Brieff/ daß Antenor ſich der alten gepflogenen treuen Freundſchafft erinnern/ und dieſem ſeinem Sohn welcher auff Univerſitaͤten reiſen ſolle/ einen gu- ten Rath geben wolle/ wie er das Studium Philoſophiæ practica, Hiſto- riarum und Eloquentiæ recht angreiffen und tractiren ſolle/ und wolle ihn hernacher ferner an gute Freunde in Ober-Teutſchland recom- mandiren. Antenor empfieng den Philanderſon freundlich/ und bezeug- te ihm mit vielen Worten/ wie lieb es ihm ſey/ daß er ihn ſehe/ und be- A ijtheurte Vorrede. theurte hoͤchlich/ daß ſeines Vatern Freundſchafft ihm hiebevor lieber geweſen ſey/ als Frauen Lieb. Allein ſagt er/ mein Herꝛ Philanderſon/ wie kombt euer Vater auff die Gedancken/ daß er ſolche Ding von mir begehret? Was das ſtudium Eloquentiæ und Hiſtoriarum anlanget/ darin hab ich hiebevor unterweilens ein paar gute Stunden verder- bet. Jch kam als ein Scheler unter die Blinden/ und gieng mir wie ei- nem Sackpfeiffer oder Leyrendreher/ der auf ein Dorfkombt/ da Kirch- weyh gehalten wird/ da mag er leicht ein Liedlein ſpielen/ daß Knecht und Maͤgd darnach tantzen/ wann kein beſſer Muſicant da iſt. Und als ich meine imperfection kennen lernete/ und ſahe wie meine Pedantiſche Præceptores mich in der Jugend per tot ambages ſo uͤbel angefuͤhret hat- ten/ da dacht ich wie ich allerhand ſerperaſtra erfinden/ und die Jugend auff den rechten Weg fuͤhren moͤge. Es faͤhret oftmals ein Schiffer viel Jahr lang durch die See/ und laͤſt ihm ſein Leben blutſaur werden/ al- lein er leidet offtmals Schiffbruch/ und kan es nicht dahin bringen/ wohin es Salomons Knechte brachten/ welche auß Ophir nach Jeru- ſalem kamen/ und brachten auff einmal 420. Centner Goldes. Gleich- wol lernet ein ſolcher ungluͤckſeliger Schiffer auß der Erfahrung viel Dinges/ und kan einem jungen Schiffer ſagen/ wo er Klippen funden habe/ wo und wie der junge ſich hinfuͤhro vorſehen/ huͤten uñ behutſam fahrẽ ſolle. Es kan auch offtmals ein Schwertfeger/ oder Meſſerſchmid einem Cavallier einen guten Degen machen/ damit dem Cavallier ſehr wol gedient iſt/ allein der Schwertfeger iſt doch unterdeſſen kein Fech- ter. Wann ich die verfloſſene Jahr wider bekommen koͤnt/ und ſolt itzo anfangen zu ſtudiren/ ſo wolt ich Zeit und Unkoſten viel beſſer anwen- den. Jch wolte den Weg gehen/ den ich manchem ehrlichen Kerl gezei- get hab/ darauff er ſich auch wol befunden hat/ und wolte mit Gottes Huͤlff in kurtzer Zeit thun/ was ich hiebevor in vielen Jahren/ nach an- gewendeter vieler Arbeit nit gethan hab. Currimus ſæpè, ſed currimus extra viam. Wie ihr euch im ſtudio Eloquentiæ & Hiſtoriarum hinfuͤro mit Nutz uͤben koͤñet/ davon wil ich euch mit nechſter Gelegenheit mei- ne Gedancken ſchrifftlich com̃uniciren. Allein/ daß euer Vater von mir begehret/ daß ich euch einen Weg zeigen ſolle im ſtudio Philoſophiæ pra- cticæ, daruͤber verwundere ich mich hoͤchlich. Weiß er nit/ daß er ein al- ter Hofmañ/ ein alter durchtriebener Politicus, ich haͤtte bald geſagt ein alter Machiavelliſcher Statiſt ſey? Vos hypocritæ, quid tentatis me? Jch erinnere mich/ daß es den alten Statiſten offt gehe/ wie den alten Da- men zu Paris/ welche/ wann ſie lang mit den Cavallier/ converſiret haben/ dencken ſie endlich das Ding thue kein gut/ legen den Amadis zu- ruͤck/ und gehen in ein Cloſter/ und leſen in ihrem Alter den Pſalter. Lie- ber ſchreibt doch eurem Vater/ Jch hab geſagt/ die gantze Philoſophiam practicam koͤnne man nicht beſſer lernen als auß der Bibel. Wie Gott den Koͤnigẽ das Geſetz zu leſen anbefohlen hab/ koͤnnet ihr ſehen Deut. 17. v. 18. Vorrede. 17. v. 18. Der Koͤnig muſte es mit eigener Hand abſchreiben/ muſte alle Tag darin leſen/ uñ es allenthalben bey ſich haben. Nic. Cauſſinus ſagt: In ſola ſacra Scriptura contineri omnem ſapientiam, Hebræi contendebant Nec permittebant curioſorum ingenia extra hunc ſcopum vagari, inde Iſ- mael, Doctor illius gentis celeberrimus, ſororis filio quærenti, an perceptâ lege Moyſis, Græcorum leges poſſet legere? reſpondit: Potes, ſi eam horam impenderis, quæ nec di ei ſit nec noctis. Nam ſcriptum eſt: in lege Dei meditabitur die & nocte. Es iſt hier wol in acht zu nehmen/ daß der Koͤnig/ wann er zum Regiment kommen/ und ſchon ein Exemplar von dem Geſetz/ von ſeinen Eltern und Vorfahren ererbt hat/ ſo hat er es doch von den Prieſtern und Leviten nehmen/ und auff ein Buch muͤſ- ſen ſchreiben/ und hat darin ſollen leſen ſein Lebenlang. Der hochgelahr- te Mann Henricus Ernſtius, Profeſſor in der Ritter-Schul zu Sora/ ruͤhmt deßwegen in ſeinem Tractat de Sabbatho/ Koͤnig Chriſtian den Vierten in Dennemarck/ und nennet ihn den Daͤniſchen Joſaphat/ und ſagt: Certum eſt, eum tanto Verbi divini flagraſſe deſiderio, ut non modo Codice ſacro perpetuo comite uſus fuerit, ſed etiam conſiliorum ſuo- rum moderatore. Ipſe enim quoties Regium conclave ingreſſus ſum, ſem- per in menſa reperi, tam domi quam foris in itinere, Biblia, quorum lectio- ne fortiſſimus ille Heros mirificè delectabatur. Herr Cantzler Reinking hat mir offt erzehlet/ daß die jetzt regierende Koͤnigl. Majeſt. in Denne- marck/ durch Jhre bey der Tafel gefuͤhrte Politiſche Diſcurs auß der Bibel/ ihm Anlaß geben haben ſeine Bibliſche Politic zu ſchreiben. Wilhelm der weiſe Landgraff zu Heſſen hat pflegen zu ſagen: Er habe die Politic auß keinem Buch beſſer lernen koͤnnen als auß der Bibel/ ꝛc. Es iſt Pedanterey/ daß man auff Univerſitaͤten viel diſputirens macht auß dem Ariſtotele, de Virtutibus & Vitiis. Man explicire der Jugend die zehen Gebot recht/ und laſſe ſie fleiſſig in die Kirch gehen. Solte Pe- trus und Paulus nicht beſſer gewuſt haben was Virtutes & Vitia ſeyn als Ariſtoteles? Oder iſt Moſes deßwegen ein Narꝛ/ oder ein hoͤfflicher Bauer geweſen/ weil er deß Ariſtotelis Ethic nicht geleſen hat? Es iſt Pedanterey/ daß man auff Univerſitaͤten groſſe Diſputationes politicas haͤlt/ und diſputirt, an Monarchia ſit præferenda Ariſtocratiæ? An fœ- minæ ſint capaces imperii? und was dergleichen Ding mehr ſind. Wañ die gantze Academia Oxonienſis & Cantabrigienſis wuͤrden nach Lon- den kommen/ und wuͤrden alle ihre Scalas prædicamentales anwerffen und Sturm lauffen/ ſo wuͤrden ſie doch nicht Meiſter in Londen wer- den/ oder deß Protectors reſolution aͤndern/ ſondern er wuͤrde ſagen/ ihr Herren Magiſtri noſtri, noſtrique Magiſtri, Jch hab da funfftzig tauſend Scholarn, welche Mußqueten tragen/ Kugeln im Mund und im Sack/ brennende Lunten und Pulver genug bey ſich haben/ die ſollen euch auff eure Syllogiſmos, welche ihr gemacht habt in A 3Barbara Vorrede. Barbara & Celarent, in Darapti & Felapton genugſam antworten. Glaubet mir Philanderſon die Studenten auff Univerſitaͤten/ wer- den mit ihrer Ariſtoteliſchen Schulwitz die Welt nicht reformiren/ und auß einer Monarchia eine Ariſtocratiam, oder auß einer Ariſto- eratia eine Monarchiam machen/ Gott iſt in translatione Dominiorum ein wunderbarer und verborgener Gott/ und laͤſt offt groſſe Herꝛn ſe- hen/ daß die Koͤnigreich ſtehen in ſeiner Hand/ und er gebe ſie wem er wolle. Es faͤllt mir itzo ein der weltberuͤhmte Politicus, Hugo Grote, der iſt einsmals von einem jungen Herꝛn gebeten worden/ er wolle ihm doch ein Buch recommendiren/ darauß er die Politic lernen koͤnne. Da hat er ihm geantwortet; Jch recommendire euch ein Buch weiß Pa- pier/ das nehmt und gehet durch die Welt/ und gebt Achtung auff alle actiones publicas, und was ihr hoͤret/ das notiret wol. Es iſt Pedanterey daß man auff den Univerſitaͤten groſſe Diſputationes Oeconomicus haͤlt/ und auß dem Ariſtotele diſputiret/ wie eine gluͤckſelige Haußhal- tung anzuſtellen ſey/ und wie man einen groſſen Herꝛen reich machen ſolle. Wie ein jeglicher ſein Ampt in einer ordentlichen wolbeſtalten Haußhaltung thun ſolle/ das kan man beſſer lernen auß der Haußta- fel im Catechiſmo/ als auß dem Ariſtotele oder Platone. Und wie man reich werden ſol/ das kan der alte Fiſcher Petrus am beſten lehren. Denn der war ein Stuͤmper und ein Pluͤmper/ er arbeitete ſich die gantze Nacht muͤde/ und konte doch keine Fiſch bekommen/ biß daß er Chriſti Predigt mit Andacht hoͤrte/ ſeinẽ Worte gehorchte/ in nomine Domini das Netz außwarff/ und Gott den Segen gab. Salom. ſagt Prov. 24. Durch ordentlich Haußhalten werden alle Cammern voll. Wer aber ordentlich Haußhalten wil/ der muß am Himmel anfan- gen/ und folgen der Regul Chriſti die er gibt Matt. 6. und ſagt: Trach- tet am erſten nach dem Reich Gottes/ und nach ſeiner Gerechtigkeit/ ſo wird euch das ander alles zufallen. Cætera adjicientur vobis, es wird euch zugeworffen werden als eine Zugab. Plato iſt hiebevor auff allen Schulen und Univerſitaͤten fuͤr den weiſeſten Mann gehalten wor- den/ und wird noch von vielen Philoſophis vor einen weiſen Politicum gehalten. Allein wann Plato were Roͤmiſcher Kayſer worden/ ſo wuͤrde er eine ſolche ſchoͤne Regierung angeſtellet haben. Erſtlich wuͤrde er das Mein und Dein als die Quell aller Uneinigkeit abgeſchaffet und verboten haben/ daß niemand nichts eigenes haben/ ſondern alles ge- mein ſeyn ſolle an ligenden und fahrenden Guͤtern. Zum andern wuͤr- de er befohlen haben/ daß alle Mann- und Weibsperſonen gegenein- ander gemein ſeyn ſolten. Denn er vermeynt/ darauß wuͤrde erfolgen/ daß die Lieb der Menſchen wuͤrde gegen alle gemein ſeyn/ und es wuͤrde ein uͤberauß lieblich und gut Leben erwachſen. Das iſt die groſſe Weiß- heit/ dadurch der gelahrte Plato und ſein Conſort Socrates die Welt haben Vorrede. haben regieren wollen! Was meynt ihr mein lieber Philanderſon/ ſolten nicht die Thier im Wald/ und die Voͤgel in der Lufft beſſere Re- genten geben als dieſe beyde Philoſophi, und in aller Welt beruͤhmte Schulfuͤchs? Ein Sperling iſt ein kleines Voͤgelein/ es hat ein klein Koͤpfflein/ ein kleines Gehirn/ gleichwol iſt es kluͤger in dieſem Stuͤck als Plato und Socrates geweſen ſind. Dann die Natur lehret ein ſolch Voͤglein daß es ſein eigen Neſt ſucht/ daß es ſich zu ſeiner Gat- tung haͤlt. Wann ich die Politic lernen ſolt/ ſo wolt ich fleiſſig leſen die Spruͤch Salomonis/ die Buͤcher Samuelis/ die Buͤcher der Koͤ- nige und der Chronic. Jch wolte mit allem Fleiß betrachten alle Koͤ- nige in Juda und in Jſrael/ was ſie fuͤr ein Regiment gefuͤhret haben/ und was es fuͤr einen Außgang mit ihnen gewonnen hab. Jch wolte genau Achtung geben/ mit welches Juͤdiſchen oder Jſraelitiſchen Koͤ- nigs Leben uͤberein kaͤme das Leben deß Herrn und Potentaten/ wel- chem ich diente/ und darauß wolte ich ohngefehr Prognoſticiren/ ob meines Herrn Regiment endlich auff ein Lami außgehen werde/ oder nicht? Dann gemeiniglich wo gleiche Suͤnde ſind/ da folgen auch glei- che Straffen. Dem Koͤnig Baeſa ließ Gott der HErr ſagen/ weil er wandele in den Wegen Jerobeams/ der Jſrael habe ſuͤndigen gemacht/ ſo wolle er das Hauß Baeſa machen wie das Hauß Jerobeams. Jch muß bekennen/ daß dieſes offtmals nicht alsbald geſchehe. Habet Deus ſuas horas & moras. Aber es bleibt doch endlich nicht auß. Wann Gott langſam kombt/ ſo kombt er doch gewiß/ & tarditatem ſupplicii gravitate compenſat. Verſichert euch Philanderſon/ die Koͤnige in Jſ- rael ſind lauter Statiſten geweſen. Die Machiavelliſche Ratio Status iſt nichts neues/ ſondern ein alt Werck/ das von Anfang der Welt ge- wehret hat/ wie Herr Cantzler Reinking in ſeiner Bibliſchen Politic erweiſet. Fragt ihr was die Machiavelliſche Ratio Status ſey? Es iſt nichts anders als inverſus Decalogus. Und ich muß lachen daß die Po- litici meynen es gebe nur Statiſten an groſſer Herren Hoͤfen. Jch ſag euch/ daß kein Stand in der Welt ſey/ in welchem es nicht Statiſten gebe. Die Landleut in den vier Landen zwiſchen Hamburg und Luͤbeck/ haben ihre Rationes Status. Jhr Ratio Status bringt mit ſich/ daß ſie wollen Schincken/ Metwuͤrſt und dergleichen ſatt zu freſſen/ und Hamburger Bier ſatt zu ſauffen haben/ und wollen gern ſich/ ihre Weiber und Kinder buͤrgerlich halten/ und nicht gern viel arbeiten/ oder ihrer Obrigkeit viel geben. Wann der Apoſtel Paulus kaͤme/ und wolte ihnen in dieſen oder andern Stuͤcken zuwider ſeyn/ ſo wuͤrden ſie ihn nicht fuͤr ihren Freund halten/ ſondern dencken er handele wider raiſon ihres Eſtats. Jhr werdet ſelten in einer groſſen Armee einen Mußquetirer finden/ der nicht ſeine Rationem Status hat. Johannes der Taͤuffer gab den Soldaten dieſe Lection Luc. 3. und ſagt/ Thut nie- A iiijmand Vorrede. mand Gewalt und Unrecht/ und laſt euch begnuͤgen an eurem Sold. Weil aber ein armer Mußquetirer offt in vielen Monaten keinẽ Sold bekombt/ und er kan ſich nicht mit Heuſchrecken und wildem Honig contentiren/ wie Johannes der Taͤuffer in der Wuͤſten/ ſondern wolte gern wann er von der Wacht kombt/ Taback/ Bier und Brantewein haben/ ſo denckt er ſeine Ratio Status erfordere daß er zugreiffe/ ſtele und nehme/ wo ers bekommen koͤnne. Der Bocksbeutel zu N. iſt nichts anders/ als der Frauen Ratio Status. Dann Gottes Wort erfordert/ daß ſie ſollen der Maͤnner Gehuͤlffin ſeyn/ daß ſie ſollen helffen arbei- ten/ und die Haußhaltung helffen fuͤhren/ und den Maͤnnern un- terthan ſeyn. Allein es iſt ihnen offtmals nicht gelegen/ drumb bringt ihr Bocksbeutel/ ihre Ratio Status etwas anders auff die Bahn. Jch mag euch nicht auffhalten/ ich wolte ſonſt gehen durch alle Staͤnd/ und wolt euch remonſtriren/ daß im geiſtlichen Stand ſelten ein Capellan/ ein Schulmeiſter/ oder ein Kuͤſter ſey; daß im weltlichen Stand ſelten ein Schreiber oder ein Thuͤrhuͤter ſey; daß im Haußſtand ſelten eine Koͤchin oder ein Jung ſey/ die nicht ihre ſonderbare Rationem Sta- tus haben. Ja ich wolte gehen durch alle Handwercke und Zuͤnffte/ und euch zeigen/ wie da die Ratio Status dominire, was da nicht allein der Schuſter und Schneider und anderer Handwercksleute/ ſondern auch der Kaͤſekraͤmer/ der Kohl- und Korntraͤger/ der Scherenſchleiffer und anderer Leute Ratio Status ſey. Wann in mancher groſſen Stadt ein Handwercksmann eine Tochter hat/ die weder zu ſieden oder zu braten taug/ und allen Laſtern ergeben iſt/ und weder ihrer Eltern oder Lehrer und Prediger treue Ermahnung hoͤren wil/ ſo trotzt ſie gleichwol/ und ſagt/ ſie werde noch wol einmal einen Mann bekommen. War- umb? Es koͤnne niemand ins Ampt kommen/ er nehme dann eines Meiſters Tochter. Und das gibt gemeiniglich boͤſe Eheleut/ boͤſe Mei- ſter/ Himpler und Stimpler. Allein Ratio Status, deß Ampts Her- kommen bringt es alſo mit ſich. Und ich werde vielleicht hievon an ei- nem andern Ort reden. Was Jerobeam/ deß Koͤnigs Salomons Sueceſſor und deſſen Nachkommen fuͤr Statiſten geweſen ſeyn/ davon wil ich auch anderswo reden. Jch erinnere mich/ daß einsmals der vornehme Iure Conſultus zu Roſtock/ Thomas Lindemannus, bey ſei- nem Tiſch ſagte/ Er glaube nicht daß ein Schelmſtuͤcklein in der Welt geſchehe/ das nicht in der Bibel ſtehe. Jch war damals noch ein junger Student/ und aͤrgerte mich an dieſen Worten ſehr/ und verwunderte mich/ daß der hochgelahrte Mann alſo redete. Allein als ich ein wenig weiter in die Welt kam/ und die Bibel recht laß/ da fand ich/ daß freylich alle Tugend und Laſter in der Bibel beſchrieben ſtehen/ und viel Dings in der Bibel erzehlt/ aber nicht gelobt werde. Jch halte darfuͤr/ daß in den Buͤchern der Koͤnige ſo viel Politiſche arcana ſtecken Vorrede. ſtecken als im Tacito. Jch ſage nochmals/ daß die Koͤnige in Jſrael lauter Statiſten geweſen ſeyn. Wie Jehu/ welchen Gott erweckte/ daß er ſolte das Geſchlecht Ahab außrotten/ gleichwol einen Stati- ſten agirt habe/ davon wil ich anderswo reden. Wuͤnſchen moͤcht ich/ daß ein ehrlicher/ gewiſſenhaffter/ in der Welt erfahrner/ und nicht im Schulſtaub auffgewachſener Politicus/ dieſe Buͤcher recht erklaͤren moͤchte. Aber und abermals moͤchte ich wuͤnſchen/ daß nicht etwan ein Magiſter Reinhard Koͤnig von Rinteln/ der mit groſſen Herꝛn nie- mals umbgangen/ ſondern ein erfahrner/ in Hiſtorien wol beleſener/ und durch die Welt wol getriebener Mann/ dieſe vor eine Sontags- Arbeit halten/ und alle Sontag nach der Predigt zu Papier bringen moͤchte ſeine Gedancken von einem Koͤnig in Juda oder in Jſrael. Jch erinnere mich anitzo an Magiſter Koͤnig/ deſſen Politic Fuͤrſt Ernſt von Schaumburg geſehen/ und begehrt/ daß er moͤge zu ihm kommen/ wie mich Herꝛ Vice Cantzler Neſen bericht hat. Als nun der gute und gelahrte Magiſter nach Hoff kommen/ und nicht alsbald zur Audientz habe gelangen koͤnnen/ da habe er ſein Wiſchtuͤchlein auß dem Sack ge- zogen/ und ein Stuͤck Schincken und Brodt in die Hand genommen/ und hab ſo wol und begierig davon geſſen/ als wann er bey Fuͤrſt Ern- ſten uͤber Tafel geſeſſen hab. Fuͤrſt Ernſt habe ohngefehr auß dem Fen- ſter geſehen/ und gefragt/ wer der Kerl ſey/ der da gehe/ und auß der Hand freſſe? Da ſey ihm geantwortet worden/ es ſey Magiſter Koͤ- nig/ der weitberuͤhmte Politicus. Fuͤrſt Ernſt hab ſich hefftig erzuͤrnt/ und hab einen Pagen zu ihm geſchickt/ und ihm ſagen laſſen/ er ſolle wider nach Rinteln ziehen/ Jhre Fuͤrſtl. Gnaden wolten ihm Jhre Meynung ſchrifftlich zuſchicken. Als dieſer Page zu Magiſter Koͤnig kommen/ und dieſe Oration bey ihm anbracht habe/ ſey Magiſter Koͤ- nig erſchrocken/ wie deß Kaͤyſers Hadriani animula, blandula, nudu- la, vagula, hoſpes comesque corporis. Jch bin zwar nicht eben heut in die Welt kommen/ ſondern ich habe wol ehe mit einem groſſen Herꝛn ge- redet/ und ihn uͤberꝛedet/ daß er reſolviret hat zu thun/ was er zuvor durchauß nicht thun wolte. Allein das Leben der Koͤnige in Juda und Jſrael recht zu betrachten/ uñ auß Politiſchen und Theologiſchen Fun- damenten alles zu erinneren/ auß andern Hiſtorien und auß eigener Experientz/ alles was offt in einem ſchlechten ohnanſehnlichen Wort verborgen ſteckt zu erklaͤren/ dazu befinde ich mich nicht ſufficient. Jch habe unter andern drey vornehme groſſe Freund/ welche Ver- ſtand und Vermoͤgen gnug haͤtten dieſes Werck zu vollfuͤhren/ welche nicht allein hiebevor auff Univerſitaͤten wol ſtudirt haben/ ſondern auch noch heutiges Tages in dem groſſen Weltbuch lernen/ an groſſer Herꝛen Hoͤfen leben/ und taͤglich ſehen was A vin Vorrede. in Politicis fuͤr ein Unterſcheid ſey inter Theoriam & Praxiń. Der erſte unter ihnen iſt Herꝛ Georg von Bonin/ Churfuͤrſtl. Brandenburgi- ſcher geheimter Rath und Legatus zu den General Staaden in Hol- land. Der ander iſt Herr Chriſtoph Vitzthumb von Eckſtadt/ Chur- fuͤrſtl. Saͤchſiſcher Rath/ ꝛc. Der dritte iſt Herr Sebaſtian Friederich von Koͤtteritz/ Hochgraͤfl. Oldenburgiſcher Rath/ deſſen hohen Quali- taͤten Jhre Hochgr. Gnaden von Oldenburg in unterſchiedenen Le- gationen und expeditionen gar nuͤtzlich gebraucht haben. Wann einer unter dieſen dreyen ſolche Arbeit als ein Sontaͤgliches exer citium auff ſich nehmen wolt/ zweiffelte ich nicht/ er wuͤrde ſo viel/ oder noch viel- mehr hervor bringen/ als der Jtaliaͤniſche Marggraff Malvetzi in ſei- nem verfolgten David. Jch zweiffele aber ob dieſer hochweiſen Caval- lier andere Geſchaͤfften zulaſſen werden dieſes ins Werck zu ſtellen. Drumb Herr Philander/ ſchreibt eurem Vater/ weil er/ als mein alter groſſer Freund/ mich provocirt hab/ euch einen Weg zu zeigen in der Philoſophia practica, ſo laſſe ich ihn freundlich bitten/ er wolle mir den- ſelben Weg ſelbſt zeigen. Wann euer Vater und ich Papiſten weren/ und ich were ſein Beichtvater/ ſo wolt ich ihm zur Poͤnitentz aufflegen/ daß er dieſe materi zu ſeiner Sontags-Arbeit auff ſich nehme/ und ela- borirte. Wann ich ein Politicus were/ wolt ich das Leben aller Koͤnigen in Juda und Jſrael fuͤr mich nehmen/ und daſſelbe betrachten/ wie Plutarchus betrachtet hat das Leben unterſchiedener vornehmer Hel- den. Jch erinnere mich/ daß eins mals ein vornehmer weltberuͤhmter an Kaͤyſerlichen und allen Chur- und Fuͤrſtlichen Hoͤfen im Roͤmiſchen Reich hochgehaltener Mann/ mich in meiner Jugend fragte/ ob ich auch den Plutarchum geleſen habe? Jch antwortete Ja/ und erzehle- te ihm eins und anders auß den Moralibus. Allein er ſagte mir/ daß da er allbereit in ſeinem Ampt geſeſſen/ hab er offtmals einen gantzen Tag zugebracht/ daß er ein folium in den Vitis Plutarchi geleſen/ und hab genugſam zu thun gehabt/ daß er demſelben nachgedacht/ und es recht verſtanden habe. Jch verſichere euch/ es ſteckt eine uͤberauß groſſe Po- litiſche Weißheit/ in den Buͤchern der Koͤnigen. Allein Chriſtus ſaget Joh. 5. Scrutamini, leſet es nicht oben hin/ ſed Scrutamini. Und zu ſol- chen Dingen habe ich itzo nicht Zeit. Mein itzige Profeſſion wil nicht zu- laſſen/ ſolchen Dingen nachzudencken. Jhr aber/ lieber Philanderſon/ ſeyd noch ein junger ſinnreicher Juͤngling/ und koͤnt einmal eine ſolche nuͤtzliche Arbeit auff euch nehmen. Euer Vater koͤnte zwar als ein al- ter Reinicke/ der vor allerhand Fuchshoͤlen geweſen/ und von aller- hand Jaͤgern iſt durch die Welt gejaget worden/ auß vielfaͤltiger Er- fahrung viel gute Erinnerung thun. Allein ich kenne ihn/ ich weiß wol wie er es machet. Er machet es faſt eben wie jener Schaͤfer/ welcher zu Gefattern gebeten wurde. Als er nun bey der Tauffe ſtund/ und gefragt wurde/ Vorrede. wurde/ Hans/ widerſageſt du dem Teuffel/ allen ſeinen Wercken/ We- ſen und Willen? Da antwortet er Nein. Der Prieſter fragte noch- mals/ Hans/ widerſageſtu dem Teuffel/ ꝛc. Der Schaͤfer antwortet: Herr Johann/ ihr hoͤrt wol/ Nein. Der Prieſter ſagt/ warumb? Der Schaͤfer antwortet/ Herr Johann/ ihr wiſſet wol daß ich ein armer Schaͤfer bin/ und muß Tag und Nacht im Felde ſeyn. Nun iſt der Teuffel ein Schelm/ er moͤcht mir leichtlich einmal einen Poſſen thun. Dieſes wil ich zwar thun/ ich wil ihm im Hertzen heimlich feind ſeyn/ aber daß ich es ſo oͤffentlich ſagen ſol/ das werdet ihꝛ mich nicht heiſſen/ Herꝛ Johann. Faſt eben alſo macht es euer Vater. Er ſiehet zwar viel Dings was an ſeines Herrn Hoff vorgehet/ und hat keinen Gefallen dran/ ſondern denckt wie der Schaͤfer/ was ſol ich machen/ der Teuffel iſt ein Schelm/ ſagt man viel/ ſo muß man viel verantwoꝛten. Drumb bitt ich euch Philanderſon/ ihr wollet euch hier ein wenig bey niederſe- tzen. Nolite ſpernere lactucam meam. Eſſet ein Stuͤck Brodt mit mir/ ſo gut ich es habe. Wir wollen euers ehrlichen Vaters ferner geden- cken. Unterdeſſen wil ich meine Bibel holen laſſen/ und euch ein wenig zeigen/ wie ihr hinfuͤhro die Politic auß der Bibel lernen koͤnnet. Wir wollen anſehen das erſte Buch der Koͤnige/ darin deß weiſen Koͤnigs Salomons Regiment beſchrieben wird/ und wollen ein Capitul nach dem andern durchgehen/ nicht zu dem End/ daß ich euch in dieſer kur- tzen Zeit einen Commentarium uͤber ein jeglich Capitul mache/ ſondern daß ich euch obiter gleichſam mit Fingern zeige/ was ihr hinfuͤhrd in ei- nem und andern Capitul betrachten/ und ferner examiniren ſollet. Wir wollen erſtlich anſehen.