Joco-seria

Joco-seria Das ist Schimpff vnd Ernst/ darin nicht allein nützliche vnd denckwürdige/ sondern auch anmühtige vnnd lustige Historien erzehlet vnd beschrieben werden. 1 Melander Otto Geyken Alexander Haaf Susanne Jurish Bryan Boenig Matthias Thomas Christian Wiegand Frank CLARIN-D Langfristige Bereitstellung der DTA-Ausgabe Vollständige digitalisierte Ausgabe. 361 79235 13301 513219 dta@bbaw.de Deutsches Textarchiv Berlin-Brandenburg Academy of Sciences and Humanities (BBAW) Berlin-Brandenburgische Akademie der Wissenschaften (BBAW)

Jägerstr. 22/23, 10117 Berlin Germany

Berlin 2015-06-24T07:35:50Z

Distributed under the Creative Commons Attribution-NonCommercial 3.0 Unported License.

http://www.deutschestextarchiv.de/melander_jocoseria01_1605 http://www.deutschestextarchiv.de/dtaq/book/download_xml/melander_jocoseria01_1605 http://www.deutschestextarchiv.de/dtaq/book/download_html/melander_jocoseria01_1605 http://www.deutschestextarchiv.de/dtaq/book/download_text/melander_jocoseria01_1605 melander_jocoseria01_1605 25003 Melander, Otto: Joco-seria. Bd. 1. Lich in der Graffschafft Solms, 1605. Joco-seria Das ist Schimpff vnd Ernst/ darin nicht allein nützliche vnd denckwürdige/ sondern auch anmühtige vnnd lustige Historien erzehlet vnd beschrieben werden. 1 Melander Otto [4] Bl., 340 S., [6] Bl. : Tbl. r&s. Ketzel Lich in der Graffschafft Solms 1605 SUB Göttingen SUB Göttingen, 8 FAB VI, 63:1

Fraktur

Dieses Werk wurde gemäß den DTA-Transkriptionsrichtlinien im Double-Keying-Verfahren von Nicht-Muttersprachlern erfasst und in XML/TEI P5 nach DTA-Basisformat kodiert.

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:sup; font-size:.7em text-decoration:underline border-bottom:double 3px #000 German Belletristik Prosa Belletristik Prosa china JOCO-SERIA Das iſt Schimpff vnd Ernſt/ darin nicht allein nuͤtzliche vnd denckwuͤrdige/ ſon- dern auch anmuͤhtige vnnd luſtige Hiſtorien erzehlet vnd beſchrieben werden. Erſtlich in Lateiniſcher Sprach außgangen/ durch Herꝛn D. Othonem Melandrum: Jetzo aber vf vieler ehrlicher Leut Begeren ins teutſch vberſetzet. Getruckt zu Lich/ in der Graffſchafft Solms/ durch Wolgang Kezeln. Anno M. DC. V.

Dem Vornehmen Vor- ſichtigen vnd Kunſtreichen Herꝛn Johann Berner/ meinem inſonderß lie- ben Gevattern/ Fried vnnd heil von GOTT dem Allmech- tigen.

ES hatt vorſichtiger Herꝛ/ guter freundt/ der gelehrte Mann/ D. Otho Melander vor etlichen Jahren ein Buch colligiret vnd geſchrieben/ wel- ches er Joco-Seria intituliret hat/ das iſt/ Schimpff vnd Ernſt/ welche er auch mir zu kommen laſſen vnnd per typos meos evulgirt vnd ahn tag kommen. Weil aber ſolches wercks viel exẽplaria ſind diſtrahi- ret vnd ahn alle ort verkaufft worden/ hab ich vrſach vnd anleitung bekommen/ die- ſelbe nicht ohn geringen koſten vnd muͤh zu vertiren vnd in Teutſche ſprach zu bringen A ijlaſſen/ Vorꝛede. laſſen/ daß nicht allein gemeltes Buch den Gelehrten moͤge dienſtlich vnd angenehm ſein/ ſondern auch den gemeinen layen/ daß die auch etwas nutzliches daraus lernen moͤchten/ vnd wo ſie ſehen wurden daß an- dere Leuth etwas loͤbliches gethan vnd ver- richt haben/ ſie lerneten denſelben nach fol- gẽ/ oder wo jrgent gefehlet/ ſie ein abſcheu- wen moͤchten nehmen/ ſolche ding nach zu thun. Dan dieſe Hiſtorien ſind mit groſſer muͤh von dem Gelehrten Man durch taͤg- liche erfahrung zuſam̃en geſchrieben/ vnd auch auß vornehmer beruͤmpter leut Buͤ- cher gezogẽ worden/ hat auch nichts darin geſetzt noch ſetzen laſſen/ daraus man nit et- was nutzliches ſchoͤpffen koͤñe. Dieſes auch derentwegen/ wen andere leut ſitzen Spie- len freſſen vnd ſauffen/ dardurch Gott ge- leſtert vnnd die Seel verdampt wird/ konte hergegen der fromme leſer etwas kurtzwei- liges haben zu leſen/ die zeit darmit hin zu bringen/ vnd wird alſo ſein zeit nit vbel an- gewendet haben/ dan er wurde allzeit etwas haben entweder exempel des guten nach zu folgen/ oder das boͤſe/ wegen vermeidung zeitlicher vnd ewiger ſtraff/ zu flihen. Dar- nach Vorꝛede. nach zum andern wird er auch anleitung haben in zuſamen kunfften/ wen vielleicht etliche in froͤligkeiten verſamlet/ mit exem- peln zu erzehlẽ/ das doch alzeit ehrlicher/ als wen andere ſitzen vnd grobe zotten vnd boſ- ſen reiſſen/ dardurch alle beywohner geaͤr- gert werden/ vnd auch die Engel welche ſie- tigs vmb die menſchen ſein/ vertrieben wer- den.

Endlich wen er dieſe Hiſtorien ſo wird erzehlen/ werden alle leut allein auff jhn ſe- hen/ jhn vor gelehrt/ vnd wol erfahren hal- ten/ wenn er ſolche exempel die doch noch Chriſtlich/ wird erzehlen koͤnnen. Eſ hat doch der vornehme Man Lutherus ſeltſten in ſeinen Diſchreden gar viel vnd wunder- liche Hiſtorien vnd geſchichten erzehlet/ ge- ſchrieben vnnd an tag bracht. Johannes Gaſtivs ein vornehmer Theologus vnnd Kirchen diener zu Baſel hat drey gantzer Tomos ſolcher ſchimpff vnd ſchertzreden vor die Gaͤſt geſchrieben.

Es bezeuget noch vber das auch ein ge- lehrter Man Johannes Poſthius: Er koͤn- ne nit allzeit die Theologen leſen/ ſo koͤnn er auch nicht allzeit den Juriſten/ noch den A iijMedicis Vorꝛede. Medicis obligen vnnd vorhaben/ er muͤſſe noth halben/ dz jm die zeit kuͤrtzete/ vnd das gemuͤth erfriſchet wuͤrde auch ſchimpff vñ ſchertz rede mit ein vnd vndermengen. Joh. Reiffenſtein ſchreibt alſo: Es werden die- ſer zeit Leuth gefunden/ welche nutzlicher vnd hochwichtiger dingen ſich vnderfangẽ ich hielt es beſſer/ dz man darvor etliche zeit zubraͤchte vnd leſe darvor Jocos/ ſonder- lich darauß man etwan nutzenſchaffẽ koͤn- ne/ die legten jre zeit beſſer an. Der Codrus wahre gefragt wordẽ/ warumb er allzeit in ſeinem reden vnd ſchwetzẽ ſchweng mit ein braͤchte? hat er geantwortet/ daß die Natur die menſchen alſo beſchaffen daß ſie ſolten freundlich/ hoͤfflich vnnd kurtzweilig ſein/ der Author dieſes Schimpffs vnd Ernſts hat auch ſolches erklaͤret/ (daß wir ſollen kurtzweilig vnd froͤlich ſein in Ehren) in dieſem Tetraſticho:

Qui qtlandoque ſales non immiſcere facetos Novit, is indignus, qui voret ore ſalem, eſt. Quive recenſentem non vult audire lepores, Eſt lepus, atque animo non habet ille ſalem. Muſica vita Deo Grata eſt, hominumque catervæ, Exeat è mundo, qui joca docta fugit.

Das iſt/

Wenn einer ſo grob wuͤrde ſein/ Der nicht koͤnt bißweilen miſchen ein Vnder Vorꝛede. Vnder ſein red/ Sales, die kurtz/ Vnd doch auch hetten jhren nutz/ Der wer nicht werth daß er ſolt eſſn/ Salem wenn er zu Tiſch geſeſſn. O der nicht wolt hoͤrn lepores/ Die doch wern jucundiores, Der iſt ein lepus gantz vnd gar/ Vnd ſolches iſt gewißlich war. Froͤlich in ehrn beid Gott gefelt/ Vnd den Menſchen in dieſer Welt. Der mag ſich packen der nicht will/ Froͤlich ſein/ dan ſein iſt zu viel.

Weil dan nun/ lieber Gevatter vnd goͤn- ner die ſchimpff vnd ſchertz nit zu verwerffẽ ſondern vielmehr nutzlich ſein vnſerm lebẽ vnd wandel/ (doch daß die nit allzu grob/) ſo hab ich nicht vnderlaſſen koͤnnen dieſel- be zu publiciren vnnd ins Liecht zubringen/ damit auch den gemeinen darmit/ wel- che das Lateiniſche nicht verſtehen/ moͤge gedienet werden. Weil aber allzeit/ wenn mann ein Neuw wrrck laͤſſet außgehen/ pfleget gute fromme vnnd Ehrliche Leuth auß zuſuchen/ denen man ſol- chis dediciret vnnd zuſchreibet/ als hab ich gut gefunden/ euch als meinen gutẽ freund vnd bekanten dieſes Werck zu zuſchreibẽ/ zu welchem ich auch ſonderliche anleitung gehabt hab/ vnnd nit ohn gefehr ſolches ge- A iiijſchihet. Voͤrꝛede. ſchihet. Dann jhr werdet darin finden wen jr ſonſt Melancoliſch vñ verdruͤſſig/ allerhand ſchweng vnd kurtzweil/ dardurch jr widerumb auffgewecket vnd munder ge macht koͤnt werden. Bitt darbey ewer lieb woͤlle ſolches geringe geſchenck von mir in danck auffnehmen/ vnd die gemeinſchafft ſo wir biß daher mit einander gehabt/ dar- durch laſſen zunehmen vnd wachſen/ daß wir vnſere gemeinſchafft in eine Freund- ſchafft ja in eine Brůderſchafft verwan- deln vnd kehren/ vnnd alſo werd ich auch/ wen jhr euch diß werdet laſſen ahngenehm ſein/ mir vrſach vnd anleitung nemen euch fort hin/ (wenn mich Gott geſund ſparen wirt/) andere mehr vnd groͤſſere ſachen zu verehren.

Diß mahl will ich euch ſampt ewerem gantzen geſind Gott befehlen/ vnd nehmet vor gut was auß einem willigen Trewen hertzen geſchihet/ Geben zu Lich den 12. Martii Anno 1605.

E. L. Williger

Guolgangus Kezelius Typographus Lichenſis.

I. Von einem Polen vnnd Fran- tzoſen.

NAch dem Henricus der drit dieſes Namens Koͤnig in Franckreich/ von den Staͤnden in Polen zu einem Koͤ- nig erwehlet ward/ vnnd er jetzt vff der Reiß ward das Reich einzunehmen/ da begibt ſichs/ daß gemelter Koͤnig in Teutſch- land bey einem Geiſtlichen Fuͤrſten einkehret/ Neben anderm nun/ damit der Fuͤrſt dem Koͤ- nig ehr erzeigte/ fuͤhrt er jhn mit ſich in die Predigt/ welche damalß ein Jeſuiter hielte/ vnd trug ſich in derſelben folgende denckwuͤr- dig geſchicht zu. Als der Jeſuit nun faſt ein gutes theil einer ſtund geſchwetzet hatte/ ward deſſen ein Pole nicht allein vberdruͤſſig/ ſondern es verunwilligt jhn auch/ alſo/ daß er ſolches einem Frantzoſen/ ſo bey jhm ſaß/ an- meldete. So vbel nun alß der Pole dieſen pre- diger laͤſtert vnd ſchmaͤhet/ ſo trefflich ruͤhmet jhn dagegen der Frantzoß. Da ſie ſich nun- mehr lang gezancket hatten/ laſſen ſie endlich die word bleiben/ vnd koͤmmen zun ſtreichen/ vnd ſticht der frantzoß dem Polen in das hin- dergeſeß mit einem Dolchẽ. Diß muſt der Po le alſo wider ſeines hertzen willen in ſich beiſ- ſen/ dann er forcht ſich vnder der Predigt ei- nen Tumult anzufahen. Nach gehaltener Pre- Bdigt digt aber lieff der Pole dem Frantzoſen/ ſo die Flucht gab/ geſchwind nach/ ergriff jhn/ vnnd ſprach: Hoͤrſtu Frantzos: Du haſt dieſen Schehnshals zum hefftigſten verthediget/ mich aber boͤslichen verwundet/ welches ich dañ/ Tumult zuvermeyden/ damals inn mich freſſen vñ mit Gedult hab vertragen muͤſſen. Nunmehr aber hab ich Orth vnnd Zeit dieſe hoͤchſte Schmach zurechen/ greifft hiermit zur Wehr/ vnd hawet jhm einen Arm vom Leib/ mit dieſer Fatzrede: So war ich leb/ Welſcher Capaun/ ſo hat weder du noch ich jemals eine Predigt gehoͤrt/ die vns mehr eingedenck ſeyn wird/ als die heutige. Dann des Stichs/ ſo ich in mein Hindergeſeß entpfangen/ werd ich nimmermehr vergeſſen/ ſo wird dir auſſer eintzigem Zweiffel auch dieſer ſtumpffe Arm ſtettigs fuͤr Augen ſchweben. Es gieng dir aber Frantzos ſehr wol an/ wann dein Jeſui- ter/ vmb deſſen willen du dir Feindſchafft vnd Gefahr des Lebens vff den Hals geladen/ dir auch nunmehr den Arm wider anſetzen koͤnte/ wie der Herr Chriſtus Malcho das abgehaw- en Ohr ergentzete. Weil aber ich gewiß weiß/ daß du ſolches nicht wirſt von jhnen zu hof- fen haben/ zweiffelt nur gar nicht/ du werdeſt hinfuͤro von ſolchen Landſtrichern nit ſo viel halten/ als du bißher gethan haſt. Petrus hat zwar mehr gluͤck gehabt/ als du: dann wie du weiſt/ ſo iſt er mitten durch die Feind ohn ver- letzt getrungen/ vnd hat Malcho das Ohr ab- gehawen: Wie armſelig aber iſts dir gerah- ten: Denn ohn lengſt warſtu ein frecher Han/ der mit einem jeden zu kempffen begerte/ aber jetzt haſtu die rechte Hand nicht mehr/ vnnd biſt alſo ein nichtswuͤrdiger Capaun worden. worden. Zu dem hat der Herr Chriſtus Mal- cho ſeinen Steckenknecht/ von dem er nichts als Bande/ Schaden/ ja den Todt ſelbſten zu- gewarten/ widrumb geheilet: Was thut aber dein Jeſuiter? den ſiehet man jetzt/ niergend wo/ iſt auch niergend anzutreffen/ damit er deine Wunden verbinden vnd heilen moͤchte. Warumb haſtu dann nun ein ſolch Vngluͤck vmb eines ſolchẽ Schelmshals willen dir vff deinen Hals geladen? Den Vortheil haſtu hin- fuͤro/ daß dir weniger Koſten ergehen wird: Dann da du zuvor zween Fluͤgel haſt kleiden muͤſſen/ iſt dir jetzt nicht mehr von noͤhten/ als einen zu kleiden. Du haſt nunmehr lieber Han/ dein wolverdiente Straff erlitten/ das nehme dir zur Warnung/ vnnd huͤte dich hinfuͤrter vor den Polen/ daß du ſie nicht zum Zorn be- wegeſt: Denn ſie haben wol Schwerder ſo ſtumpff ſind/ aber ſie ſind ſehr ſcharpff. Wann jhr vns in Polen/ wie vff der Reiß geſchiehet/ pochen werdet/ woͤllen wir ewer weniger nicht als der woͤlffe ſchonen.

II. Von einem Teutſchen vnd Hiſpanier.

ES hat ſich auff einem Reichstag zu Augſpurg begeben/ dz ettliche haben geſprech gehalten von verſchmitzten vnd verſchlagenẽ Koͤpffen vnd die frag getrieben/ ob die Hiſpanier/ Teutſchen/ Jtalia ner/ Polen/ ꝛc. andern in ſcharpfſinnigkeit vor zuzihen ſeyen. Da haben ein Teutſcher vnnd ein Hiſpanier ſich ſonderlich hieruͤber in wet- tũg geleget/ daß nemblich der welcher an kluͤg ſten vnd am liſtigſten ſtehlen koͤnte/ von dem andern 20. Ducaten empfangen ſolte. Der Spanier gibt fuͤr/ er wolte einem Vogel/ ſo B 2bruͤet bruͤet/ die Eyer nemen/ dz ers nit gewahr wer- den noch hinweg flihen ſolte. Der Teutſch be- gert/ es ſolt der Hiſpanier ſein Kunſt ſehen laſſen/ ſo wolt er hinwider ſein geſchicklich- keit an tag geben/ der Hiſpanier vnnd der Teutſche Spatziren mit einander vor die Stat/ deß gleichen auch jhre Richter/ welche ſie hierzu erwehlet hetten. Der Spanier ſuchet hie vnd da ein Neſt auff den Baumen/ da er nũ eins antrifft/ legt er ſo balt ſein ſeydẽ Kley- dung/ guͤlden Ketten/ Schwerd/ Dolch vnnd andere zierathen ab/ vnnd ſteiget auff den Baum. Da er oben auff die Spitzen kompt/ laufft der Teutſche hinzu/ vnnd nimbt des Hi- ſpaniers Kleydung vnnd zierathen/ welcher oben auff dem Baum zuſihet. Nach dem er nun dieſen Diebſtahl kuͤnſtlich verrichtet/ ward das Vrtheil geſprochen/ der Teutſch hette den Spanier in geſchicklichkeit vber- troffen. D. Major in der außlegung vber das Euangelium vom vngerechten Hauß- halter.

III. Von einem Chriſten vnd Juͤden.

AN Kayſer Fridrichs Hoff war vff ein zeit ein Juͤdt/ ſo treflich wol fechten kunt/ alſo/ daß er alle Adliche Perſonen zu hoff vberwande/ vnd jhnen an Kuͤck- grad traff/ welches dann groſſen wehtumb bringet. Nach dem nun ein Rieß dahin kam/ welcher ſo ſtarck wahr/ das er Eyſen Kruͤm- men vnd auch wol zerbrechen konte/ da hielten die zu Hof bey jhm an/ er ſolte ſich einsmals mit dem Juden in Kampff legen: Ob ers nun gleich ſchon vielmals abſchlug/ ſo leſt er ſich doch endlich dazu bereden. Da ſie auff den Kampff- Platz kommen/ ſpricht der Jude/ es ſolte er der Rieß jhm nicht vor vngut auffnehmen/ wann er jhn/ als einen frembden Gaſt/ etwas vbel entpfahen werde. Der Rieß ſagt dagegen/ er ſolte alle kraͤffte des verſtandts vnd des Leibs brauchen/ vnd jhn keines wegs verſchonen. So wolt er in gleichem verſuchen ſeine ſtaͤrck vnd geſchwindigkeit. So balt ſie nuu zu ſa- men gehen/ ergreifft der Rieß den Juden/ zer- bricht jhm das Genick/ daß er ſtirbet. Luthe- rus Tom. V J. Wit. Lat. pag. 456. fac. 2.

IV. Von einem Rieſen.

AVentinus der fleiſſige Hiſtorien Schrei- ber gedencket in ſeinen Bayeriſchen Chroniken im Vierdten Buch eines Rie- ſen/ ſo auß dem Durgoͤe/ einem Ampt/ im Schweitzerland gelegen/ buͤrtig geweſen/ vnd Rayſer Carolo dem Groſſen im Krieg ge- gen die Boͤhmen/ Venediger/ Hunnen vnnd Gotten gedienet/ vnnd meldet/ daß derſelb ſein Pferd vber die Waſſer/ ſo keine Bruͤcken gehabt/ offtmalß gezogen habe/ da gleich das Pferd zu ruͤck gehalten/ daß er auch die Venediger darnider geſchlagen/ als ob ein Meder haw machet/ hab ſie in den Spieß geſtecket/ gleich wie mann Voͤgel in ei- nen Spieß ſtecket/ vnd auff dem Achſel hengen gehabt. Da er widervmb heim kommen/ vnd von ſeinen Landsleuthen gefragt ward/ wie es im Krieg gangen/ vnd was fuͤr Leuth auff der Feindte ſeyten geweſen/ antwortet er mit B iijVnmuth/ Vnmuth: Was ſol ich viel von den Froͤſchen ſagen: Jch habe vnterweilen ſechs oder ſieben in meinen Spieß geſtecket/ vnd hin vnd wider getragen/ ſie aber haben/ weiß nicht was/ ge- wacket: Vnſer Keyſer vnd wir haben vergeb- lichen Vncoſten vff den Krieg gegen ſie ge- wendet. Eben dieſe Hiſtorien beſchreibet auch Conradus de Mure ein Canonicus zu Zuͤrch. Sehe hiervon weiter Lavaterum in lib. Joſ. Homil. 46. pag. 51. fac. 2. edit. poſter.

V. Von Johanne von Schwartzburg.

JCH hab gekennet einen vornehmen vom Adel/ Herrn Hanſen võ Schwartz- burg/ deſſen Soͤhne vnnd Enckel noch bey leben ſind/ derſelb zerbrach ohn ſonderliche Muͤhe ein Huffeyſſen. Pezel. in poſt. Melancht.

VI. Von einem ſtarcken vnnd groſſen Mann.

ALß im Jahr 1582. der Tuͤrckiſch Keyſer Mahometes beſchnitten ward/ da wur- den fuͤr der Keyſer vnd Koͤnigen Lega- ten/ welche dann gen Conſtantinopel kommen waren jhm gluͤck zu wuͤnſchen/ wun- derbare Schawſpiel gehalten/ vnter denſel- ben begab ſich auch das/ daß einer ſeine ſtaͤr- cke zubeweiſen/ einen ſchweren vnnd groſſen Amboß ſo lang vff ſeinem Kopff hielte/ biß zween ſtarcke Schmide mit ſchweren Haͤmern auß einem gluͤenden Eyſen ein Huff-eyſen ſchmideten. Da dis geſchehen/ warff er den Ambos Amboß in die hoͤhe vnd fing jhn mit den Ar- men wider. Eben dieſer mann ſpannete auch einen Bogen von ſtahl ohn ander werckzeug mit den bloſſen haͤnden/ So konnt er auch ein huff-eyſen zerreiſſen. Mann ſagt diß auch von dem tapffern held Juano Vody Potkova auß der Walachey/ welchen Stephanus Ba- thori Koͤnig in Polen auff des Tuͤrckiſchen Keyſers begehren den 16. Junit gemeltes Jars enthaupten laſſen. Brecherus in Chron. Turing. pag. 594.

VII. Von einem Schotten.

JM Jahr 1600. iſt zu Caſſel ein Schott geweſen/ ein Mann Zimblicher groͤß/ aber ſehr ſtarck vnnd gerad. Dieſer lag mit dem Ruͤcken auff bloſſer Erden/ vnnd lies jhm auff dem leib drey ſtarcker Schmidknecht einẽ Stein von acht oder neun Pfunden ſo lang ſchlagen/ bis er zerſtuckelt wardt. Er aber ließ nit das geringſte einiger muͤtigkeit an jhm ſpuͤren.

VIII. Von einem Chriſten vnd einem be- ſchnittenen.

EJn Juͤd kompt mit einem Chriſten in ein Diſputation. Ob nun gleich der Juͤd ſeines Jrthumbs gnugſamb r- berweiſet ward/ ſo wolt er doch den ſel ben weder erkennen noch ablegen. Die vrſach B iiijaber/ aber/ derenthalben er von ſeiner alten Religi- on nicht eines fingers breit abweichen/ ſon- dern biß an den todt beharlichen verbleiben/ vnd ſich nimmermehr zu dem herrn Chriſto begeben wolte/ zeigt er volgender geſtalt an: Wir Juden/ ſprach er/ ſind vber die maſſen ſehr dem Goͤttlichen geſetz gehorſamb. Dann/ daß ich andere Gebott Gottes/ deren wir ge- meeß leben ſollen/ dißmal mit ſtillſchweigen vbergehe/ ſo halten wir das dritte Gebott vom Sabbathtag mit ſolchem fleiß vnnd an- dacht/ daß vnſer keiner auff denſelbigen viel außgehet/ halten vns in vnſer behauſung/ vnd gedencken nur dahin/ wie wir GOtt den All- mechtigen/ der Himmel vnnd Erden erhelt vnnd regirt/ rein vnd volkommen ehren/ leſen nicht allein die H. Schrifft/ behertzigen vnnd erwegen die/ ſondern wir ruffen auch GOTT mit inbruͤnſtigem hertzen an. Auff gemelten tag enthalteu wir vns aller ehelichen werck/ freſſens vnd Saufens/ fechtens/ vnd derglei- chen kurtzweiligen ding/ als des Bretſpiels/ des Balß/ Dantzens/ zielſchieſſens/ vnnd das ichs mit einem wort beſchlies/ allerhand ding damit mann ſich erluſtiret/ wie das mag nah- men haben. Wir meyden auch die Arbeit der- maſſen/ das wir es fuͤr ein groſſe ſuͤnde hielten Gelt ein nehmen ob gleich ſolches ein lange zeit vns hett außgeſtanden. Vnnd da einer Gelt bey vns entlehnen wolte/ ſo zehlen wir jhm als dann das Gelt nit/ ſondern laſſen jr- gent ſonſt einen thun/ der ewers Glaubens ge- noß iſt. Vnd das ichs kuͤrtzlich ſag/ wir halten den Sabbathtag ſo hochfeyerlich/ das wir auch nicht ein Licht am ſelbigen tag butzen. Nun moͤcht einer alhie fragen/ ob ſie auch/ mit ehren ehren zumelden/ ſich ſonſt wo am Sabbaths- tag butzen moͤchten/ dann ſo mann nicht ein Licht abbrechen darff am Sabbath/ ſo wird mann viel weniger jenes thun doͤrffen. D. Pe- zel. quarta part. poſt. Mel. pag. 157. Was thut aber jhr Chriſten? Jhr haltet weder Gottes des Schoͤpffers Himmels vnnd der Erden/ noch auch ewers Chriſti Gebott ett- was/ dann am Sumbſtag gehet jhr ins Bad/ darauff ſaufft jhr euch voll weins: darauff er- folget dann/ daß jhr auff den Sonntag nit zur Kirchen kommet/ oder darin ſchlaffet vnnd ſeyt ſo geſchickt zum gehoͤr Goͤttliches worts/ wie ein Eſel zum Lauten ſchlagen/ koͤmpt alſo nit viel beſſer auß der Kirchen/ als jhr ſeyt hinein gangen/ ich will geſchweigen/ das ewer viel jren Schuldnern auff den Son- tag vnruh machen/ vñ ſie zur bezahlung trei- ben. Daher koͤmts/ das ſolche gleichfals mit keiner rechten andacht die Predigt hoͤren doͤr- fen. Vnnd da ſichs gleich begibt/ daß etliche das wort Gottes hoͤren/ halten ſie ſich doch wenig darnach/ dann ſie bringen hernacher den Mittag biß zu nacht entweder mit Spa- tziren/ oder mit geſchwetz/ mit freſſen vñ ſauf- fen/ mit Tantzen/ mit Spielen oder dergleichẽ toͤrichten vnnd frechen dingen zu/ viel thun auch auff den Sonntag ſchwere Arbeit/ vnnd beſchweren jhr Geſind darmit/ ſo iſt auch mir vnnd dir gnugſamb bewuſt/ daß jhr auff die Sonntag pfleget Frucht zuſchneyden/ Gras zu mehen/ vnnd daſſelb in der Sonn duͤrzu machen/ heimzutragen/ in Summa/ daß jhr pfleget kein arbeit zu vnderlaſſen/ die da mag genennet werden. Heiſt aber nun dieſes GOtt dem allmechtigen Schoͤpffer gehorſam gelei- B vſtet/ ſtet/ welcher gebeut/ du ſolt den Sabbathtag heiligen? Jn der warheit es heiſt GOTT dem hoͤchſten viel mehr geſpottet. Aber ich will nun mehr von ewerm Chriſto reden/ de- ſen geſetz jhr hoͤher achtet/ vnd auch mit groͤſ- ſerm eyfer ſeine Gebott haltet: Derſelbige nun gebeut alſo: Jhr ſolt dem vbel nicht wi- derſtreben/ ſondern dem/ der euch auff den rechten backen ſchlaͤget/ den andern auch dar- halten. Nun ſag mir lieber Chriſt/ wie viel ſind deren/ welche Chriſti gebott nach kommen? Der Chriſt ſpricht dieſer ſind nicht wenig ſondern vnzehlich viel/ darunder ich dann nicht der letzte bin. Der Hebreer ſpricht: Soll ich dann das mit dir verſu- chen/ der Chriſt bejahet es. Hierauff ſchlaͤgt jhm der Jud an den Backen/ ſo ſtarck er mochte. Solches leidt der Chriſt nicht allein gedultig/ ſondern helt jhm den andern ſo balt auch dar. Von ſtund an ſchlaͤgt jhm der Jud mit der Fauſt auff denſelben gleicher geſtalt. Da nun der Jud nach ſeinem ge- fallen den muth gnugſamb gekuͤhlet hat- te/ vnnd meinete/ dieſer frevel wuͤrde jhm alſo vnuergolten hingehen/ fengt er an den Chriſten auffs hoͤchſt zu loben/ daß er nicht im geringſten von ſeines Meiſters Gebott abwiche/ ſondern feſt vnnd ſteif hielte/ vnnd bezeugete GOTT/ das er die Tag ſeines lebens einen ſolchen Chriſten/ ohn angeſehen das er fleiſſig damit vmbgangen/ nicht zu ſehen bekommen habe. Der Chriſt/ welcher ſich nicht ſtellet/ als ob er einen verdruß hieran gehabt/ redt alſo den Ju- den an: Du beſchnittener/ ich vernehm ſo viel an dir/ das du das Newe Teſtament/ welches welches da des HERRN Chriſti lehren/ die du zum hefftigſten haſſeſt/ vnd verhoͤneſt/ in ſich begreiffet/ geleſen habeſt: So ſag mir nun/ was kurtzlich nach des HERRN Chriſti worten/ nicht widerſtrebet dem vbel/ ſondern ſo euch einer auff den rechten Backen ſchlaͤget/ ſo haltet jhm den andern auch dar/ folge: Da nun der Jude hierumb nichts wiſſen wolt/ ſondern fuͤrwendet/ das jhm dasſelb nicht ſey erklert worden/ ſprach der Chriſt hierauff: Jch will dichs lehren: Al- ſo ſpricht vnſer HERR Chriſtus/ mit wel- cher maß du miſſeſt/ ſoll dir wider gemeſſen werden/ ein gutes/ getrucktes/ geſchuͤttel- tes/ vnnd vberfluͤſſiges maaß wirdt mann in ewern Schoß ſchuͤtteln. Mit dieſen wor- den gab er dem Juden ein Maulſchellen oder zwo/ nahm jhn in der mitt/ warff jhn auff die Erden/ tratt jhn mit fuͤſſen/ vnnd Plewet jhn wol mit den feuſten ab/ vnnd wi- der holet allweg Chriſti wort/ Mit welcher maaß du miſſeſt/ ſoll dir wider gemeſſen wer- den rc. Da nun der Jud biß auff den Todt geſchlagen ward/ betewert er bey einem Eydt/ das er mit keinem Chriſten ſein le- benlang hinfuro der Religion halben ſich ein laſſen woͤlte.

Von

IX. Von etlichen zum theil Venediſchen/ zum theil Florentziſchen Le- gaten.

ZV Dertun trug ſich ein ſolches zu. Zween Florentziſchen Legaten/ welche zu Key- ſer Maximiliano geſchickt worden/ be- gegneten vngefehr die Venediſche Ge- ſanden/ vñ gruͤſten dieſelbe. Sie aber antwor- deten nit ein wort/ ſondern gingen ſtill ſchwet- gendt jhr Straſſe. den andern tag begegnen ſie einander abermalß/ vnd da ſie jhnen nicht auß dem weg weichen wolten/ vnnd Hauffen weiß auff ſie trungen/ da ſtieß Maurocenus/ der ein anſehentlicher vnd ſtarcker mann war/ den einen/ daß er im Koth ſich hin vnnd her weltzte/ vnd ſagte: Lern dem groͤſſernweichen. Bemb. lib. 3. Hiſtor. Venet. pag. 125.

X. Von zween Wanders geſellen.

ES war ein luſtiger vnnd kurtzweiliger Geſell/ der zog ſeinen geſchefften nach in frembte Landt/ nach dem jhm nun auff der Reiß einer vngefehr an einem ſolchen engen orth auff entſtieß/ das kaum einer dem andern weichen konte/ ſprach er damit er ja nicht dem andern auß der wege ging/ mit trutzigem geſicht: Du ſchelmshalß/ geh mir auß der weg/ oder ich will dich tracti- ren/ inmaſſen ich den geſtrigen entpfangen vnd tractirt habe. Was geſchicht? Da der gut ge- ſell wahr nahm/ daß diſer ſo doll auß ſahe/ vnd vnd ſolche rawe wort fahren ließ/ erſchrack er dermaſſen das er ſchier Ohnmacht worden/ vnd dieſem aus der weg gangen vnd gewichen hette/ dann er gedacht bey ſich alſo: Warlich/ das iſt geweiß ein Doller Kautz/ vnd hat auch ohn zweyfel geſtern einen erſchlagen/ wie er ſich dann ſelbſten verraͤth. Vnd er hette mich gewißlichen bis auff den todt geſchlagen/ wie den geſtrigen/ wenn ich jhm nit von ſtund an gewichen hette. Derwegen iſt es beſſer gewe- ſen/ das ich dem Hudler auß der weg gangen bin/ als das ich von jhm wer erſchlagen wor- den. Vnder des daß er mit ſeinem gantzen leib zittert/ vnnd dieſe wort bey ſich brummet/ da ſihet er einen andern wandersmann zu jhnen nahen: hieruͤber wird er nicht wenig erfrewet/ faſſet einen muth/ rufft jhm zu ruͤck/ vnd fragt jhn/ wie er doch den geſtrigen tractiret hette. Dann er verhoffte/ er wuͤrde ſagen/ wie er ei- nen erſchlagen hette/ vnd alſo ſein bubenſtuͤck ſelbſt an tag braͤchte. Der ander aber/ war ſchon ein wenig fortgangen/ vnnd lacht in bu- ſem hinein/ daß er den armen Geſellen mit bloſſem anſchawen erſchrecket vnnd aus der weg getrieben hatte. Der gut Geſell rufft mit lauter ſtimm vnd ſpricht: Hoͤrt jhrs/ guter freundt/ ſagt mir doch eins/ wie habt jhr den Geſtriges tags tractiret? Der ander ging ein wenig wider zu ruck/ vnnd da er nahe zu jhm kam/ ſprach er mit lachendem mnndt: der ge- ſtern wolt mir nit weichen/ derwegen ſo wich ich jm/ desgleichen wolt ich euch auch gethan haben/ wo jr euch nit durch meine hatte wort ſo leichtlichen hett erſchrecken laſſen/ das jhr mir vber alle zuverſicht aus der weg gangen weret. Auff dieſe antwort ſchaͤmet er ſich ſei- ner ner forchtſambkeit ſehr/ ſchlug das Angeſicht nider/ vnd ging ſeines Pfadts/ vnd ward vber ſich ſelbſt vnwillig/ das er ohn noth ſo forcht- ſamb geweſen/ dem auff ſein vnfreundliche wort aus der weg gangen/ vnnd ſich alſo zu ſpott gemacht hette.

XI Von einem Soldaten.

MAnn ſagt von einem Krigsmann/ ſo ein ehrlich Weib inbruͤnſtig lieb ge- wonnen/ dieſelbige aber durch kein liebreden dahin bewegen koͤnnen/ dz er den Teufel gebeten/ jhm hierin die Hand zu bieten. Derſelb leſt jhm im Traum fuͤr- kommen/ wie das Weib/ ſo er hefftig lieb hette/ zu jhm kaͤm/ von ſich ſelbſt ins Bett legte/ vnnd jhn vmbfinge. Da er nun ſolch gelegenheit vberkommen/ erſaͤttigt er ſeine boͤſe luͤſte/ des Morgens/ da er erwachte/ hat jhn der Teufel in einen ſchendlichen Koth ge- fuͤhret/ auſſerhalb der Statt/ vnnd hatte da- ſelbſt ein abſchewliches Todtes Aaß gekuͤſ- ſet/ in die Arm genommen/ vnnd andere ding damit getrieben/ diß Spectacul iſt ohn zwei- fel dem Teufel ſehr angenehm geweſen/ vnnd hat einem ſolchen liebhaber nicht beſſer gebuͤren ſollen/ D. Hemmingius de vitand. ſuperſt. ma- gicis.

Vom

XII. Vom Pabſt zu Rom Julio dem dritten.

JVlius. Pabſt zu Rom ging auff ein zeit ohn Rock vnd vnderrock in ſeinem Gemach/ dann er hatte ſolches abge- legt wegen der groſſen Hitz. Jn dem begibt ſichs/ das zween Cardtnaͤl vor das Ge- mach kommen/ vnnd begeren jhn an zuſpre- chen. Da ſie aber ſahen/ das er nicht nach ſeinem Stand bekleidet iſt/ gehen ſie wider zu ruck/ dann ſie ſchewten ſich zu jhm ins ge- mach zu gehen. Er aber hieß ſie hinein gehen/ vnnd ſpricht/ ſie ſolten ſich nichts ſchewen/ Da ſie nun hinein kommen/ noͤthiget er ſie jhre kleidung gleicher geſtalt abzulegen: dann/ ſpricht er/ da ich ſo hitzig worden bin in dem ſchatten/ wie viel mehr werden euch denn ewer Kleydung beſchwerlich ſeyn/ die jr ſo ein weite Reiß gezogen ſeyt mich an zu- ſprechen/ derwegen legt dieſelbe von euch. Ob ſie ſichs nun gleich wegerten/ muſten ſies doch endlich getrungen thun. Da ſie ein zeitlang alſo mit einander ſpatziret hetten ſagt er: Was meint jhr doch/ daß vnſer Roͤmer ſagen wurden/ wann ſie vns alſo wurdẽ in der Stat ſehen vmbher gehen. Sie antworteten. Hey- liger Vatter/ ſie wurden meinen/ wir we- ren ſpitzbuben/ vnnd wurden vns ſchwerlich ohn Schmach laſſen darvon kommen. Darauff ſpricht er. So ſeht jhr nun/ liebe Bruͤder/ wie viel wir vnſern kleydungen zu dancken ha- ben/ welche vns gegen ſolche Schmach be- ſchuͤtzen ſchutzen/ vnd ein ſo groſſes anſehen der heilig keit zuwegen bringen. D. Rodolph. Gualth. Homil. in Sophoniam tertia pag. 282.

XIII. Vom Roͤmiſchen Pabſt.

ES iſt dahin kommen/ das man den Pabſt zu Rom einen Herren vber der Welt Reich genennet hat: Dann mann hielte dafuͤr/ es muſten alle Menſchen dem Roͤmiſchen Pabſt vnderworffen ſeyn/ vnd da einer anders redte/ hielt mann jhn fuͤr einen Ketzer. Es iſt aber hoch zu verwundern/ das jhnen die Paͤbſt einen ſolchen titul geben laſſen/ da jhnen doch bewuſt/ das ſolcher dem Teuffel von Gottes Sohn ſelbſten gegeben wirdt. Thun ſie es nun mit fleis/ ſo iſt jr auff- richtigkeit hierinn zuloben/ das ſie den titul brauchen/ deſſen Statthalter ſie ſindt. Thun ſie es aber aus vnbedacht/ iſt jhr vnverſtandt zubeklagen/ das/ in dem ſie ſich ſonſt heilig ſtellen/ vnd alles mit jhrer Demuth beſchonen vnnd Zudecken woͤllen/ in dieſem theil jhren Ehrgeitz nit beſſer bedecket vnnd artiger aus geſtrichen haben. D. D. Peucerus poſtr. part. Chron. lib. quinto pag. 19.

XIV. Wie der Cardinal zu Lothringen von ei- nem Jungen Geſellen von Lucern gehoͤnet worden.

NAch dem dem Pabſt die zeitung kom- men/ wie hefftig der Cardinal die Roͤmiſche Kirch wider die Luthera- ner vnnd Hugenotten beſchirme/ da fertiget fertiget er den Veredarium zu jhm/ vnnd be- dancket ſich ſchrifftlich/ daß er ſo fleiſſig den Roͤmiſchen Stul befordere/ vnnd bittet dane- ben/ daß er in ſolchem vornehmen beharren woͤlte. Deſſen vberſchickt er jhm zu verehrung ein gewethete Tafel/ darauff gemahlet ſtundt die Jungfraw Maria/ welche auff jhren Ar- men trug jhr Kindlein/ vnnd herte ſolch ge- maͤhlts zugerichtet Michael Angelus/ als der beruͤmbdeſte Maͤhler/ ſo jemals geweſen. Nun begibt ſichs (auff ſonderliche ſchickung Got- tes)/ daß der/ ſo das ſchreiben vom Pabſt ent- pfangen/ auff der Reiß ſchwach wird: Deß- wegen dinget er einen jungen Geſellen/ einen Kauffmann von Lucern/ welcher ſich außgab/ daß er des Cardinals vnderthanen einer we- re/ da er doch ſonſten jhm ſehr geheſſig war/ der abgeſande nun war dieſer gelegenheit halben ſehr fro/ vnd weil er nicht wuſte/ ob jr- gents mit dem Schreiben zu eilen were/ bitt er den Jnngen Geſellen/ das er beydes den Brieff/ vnnd auch die Tafel dem Cardinal v- berlieferte/ So balt der junge Geſell gen Pa- riß koͤmpt/ daucht jhn/ er het gelegenheit dem Cardinal einen hohn an zu thun/ trifft einen Maͤhler an nach ſeinem wuͤntſch/ derſelb richt eine Tafel zu in der andern groͤß/ darinn ſtun- den der Cardinal zu Lothringen/ die Koͤnigin ſeine Tichtern/ des Koͤnigs Mutter/ vnnd des Hertzogen zu Guiſe Gemahl dem leben nach abcontrofeit/ nackent/ vmbfingen einander mit den Armen vmb den Halß/ vnnd hatten die Schenckel durch einander geſchlagen. Sol- che Tafel wickelt er in das ſeyden vnd gewaͤch- ſte gewand/ darin die ander gelegen hatte/ vnd vbergibts einem Secretario/ daß ers vnder Cdes des ins Cardinals Gemach bringen ſolte/ die weil er noch bey dem Koͤnig zu Rath were. Da der Cardinal kam/ vnnd der Roͤmiſchen Heyligkeit Schreiben laſſe/ gedacht er den an- dern tag vder dem Morgen eſſen die Tafel zubeſehen/ dazu er dann den Cardinal von Borbon/ den Cardinal von Turnon vnnd den Cardinal von Guiſen/ die Hertzogen von Montpenſer/ den Hertzogen von Guiſe vnnd etliche andere vornehme HErrn beruffen hat- te/ ehe mann aber die zweite tracht auff ſetzte/ hieß der Cardinal der Heyligkeit Schreiben ableſen/ hierauff ware jederman ſo begirig die gnadenreichen Jungfrawen (ſo nennet mann die Tafel) zuſehen/ das ſie das eſſen blei- ben lieſſen/ vnnd jhr hertz an der Tafel ſaͤtti- gen wolten. Da ſie nun die Tafel auß dem v- berzug wickelten/ vnnd das gemaͤhlts beſa- hen/ erſtarreten ſie vber die maſſen ſehr/ wie leichtlich zuermeſſen/ vnd bracht ſolches dem Cardinal ein ſonderlichen ſchmertzen vnd be- truͤbnis. Euſeb. Philadelph. Coſmopolita Dialog. 1. fol. 8. 9. edit. Edimburgian.

XV. Von einem Burger zu Straßburg/ vnnd wie er von einem Mahler da- ſelbſten angeſtrichen wor- den.

ES hat vngefehr vor ſechtzig Jahren einer den Rath gegeben den Gauckel- ſpielern/ daß ſie jhr Angeſicht nit mit Lernen verſtellen/ ſondern viel mehr mit Schwartzer Farb in der Schneiderzunfft ſolten anſtreichẽ laſſen. Diß war ein kurtzwei- liger Geſell/ ward auch vnderweilen von ſei- nen nen Geſellen hoͤfflich tractiret. Der anſchlag vom Schwartz anſtreichen gefiel jhnen/ lieſſen derwegen von ſtund an einen Mahler zu ſich ruffen. Dem Mahler war auch wol vmb eben- tewrliche boſſen/ derwegen bracht er nicht allein Schwertze/ ſondern auch Waſſer von weiſem Leim/ da er nun anfing zu mahlen/ fing er an alle Schwartz zu machen/ dem aber ſo dieſen Rath gegeben/ lies er das angeſicht weiß/ nur daß ers mit Leimwaſſer vberfuhr den andern gab er merckzeichen/ daß ſie ſolten ſtill ſchweigen: Der gut Geſell meinte/ er wer ein Schwartzer Mohr/ nahm ein newe tracht welche ſehr abſchewlich war/ gleich wie er nun zuvor das lachen auff gehalten/ alſo lacht er hernacher/ daß er ſich ſchuͤtterrte: Da er vnder das Volck kam/ vnd man auff jhn ſahe/ meinte er/ mann ſahe jn der vngeſtalten tracht halben an. Als ſie auff den Marckt kamen/ da auffentſtieß jhm einer ſeiner guten Freunde/ dem zeigt er ſich jtzt vorn dann hinden/ hupfft vnnd ſprang: Sein Freund vermahnet jhn/ er ſolt heimgehen/ mann kennte jhn gar ei- gentlich: Er aber gedacht nicht auff die Farb/ ſondern fing ein groͤſſer gepreng mit ſeinem newen Kleid an. Jn dem er nun alſo ſpringt vnnd huͤpfft holet ſein bekannter einen Spie- gel/ da ſahe er ſein geſicht vnd ſein Farb/ vnnd lieff eilend vom hauffen davon. Hierauff er- hebt ſich ein groß gelechter/ vnd wird endlich der ſo andern ein gelaͤch anrichten wolt/ ſelbſt verſpottet vnnd verhoͤnet. D. Sturm. Antipappi quart. part. tertia pag. 204.

C ijVon

XVI. Von einem Ehrgeitzigen.

ZV Rom war einer/ der ſtrebt durch boͤſe mittel nach ehren vnd Reichtumb/ miß- goͤnt allen vnd jeden/ die jm vorgezogen wurden ſein Gluͤck/ alle brieff oͤfnet er/ auch die/ ſo vor Koͤnigen geſchickt worden/ da mit er hierdurch ſein ſach deſto beſſer moͤcht anſtellen. Sonderlich aber ſo handelt er da- hin/ daß er zween Ertzbiſchoͤff/ welche da- mals in groſſem anſehen waren/ zuſammen hetzte/ dann er wuſte/ daß ſie ohn das nicht lauter gegen einander waren. Der eine Ertz- biſchoͤff aber merckt ſeine liſt: Dann er hielt ſich der zeit zu Rom/ vnnd ward nachmals zu einem Cardinal erwehlet/ raͤchet ſich derwe- gen alſo vors erſt verſoͤhnt er ſich mit dem an- dern Ertzbiſchoff/ darnach zeigt er jhm weiß vnd weg an/ wie ſie ſich rechen moͤchten/ nemb- lich auff dieſe weiß: Es ward an jhn in eines Fuͤrſten Namen geſchrieben/ vnd ein Biſtumb in Jrrlandt angetragen/ dann ſie wuſten wol/ daß es hierumb zu thun were/ vnd das er des- wegen ſo viel Practicken anſtelte. der Ehrgei- tzig mann merckte nicht/ das diß Fuͤrſtlich Schreiben ein angeſtelt werck war/ ſondern bat Julium den Pabſt vmb Confirmation. Solche erlangt er. ſo balt das Gelt erlegt war von ſtund an ward jhm ein Platten geſchorn/ vnd zog ein Leinwaths Kleydt an. Was ſoll man viel ſagen: Er ging hin vnnd wider wie ein rechter Biſchoff/ die jenigen aber/ ſo die- ſes angeſtellet hatten/ nahmen ſichs im ge- ringſten nicht an. Jn der Statt Rom wars jederman bewuſt/ das er ſich fuͤr einen Bi- ſchoff ſchoff außgabe/ daß er auch deswegen an ſeine Freunde ſampt vnnd ſonders geſchrie- ben/ vnnd von jhnen ſchrifftliche gluͤckwuͤn- ſchung vberkommen/ endlich wirdts beſtellet durch einen/ daß er jhm dieſen boſſen ſolt vber der mahlzeit entdecken: Derſelbig fragt jhn/ an was fuͤr einem orth er Biſchoff were/ hierauff nent er den orth. Darnach fragt er/ ob es gewiß were/ daß derſelbe Biſchoffliche Sitz ledig were? Er bejahet es gleich falß. Zum dritten ward er gefragt woher er wuſte/ das der jenige geſtorben/ an deſſen Statt er kommen wolte? Jn dieſem bracht er viel erdichte ding fuͤr. Da ſie auff beyden ſeyten einander anfingen harte wort zu geben/ da oͤffnet der/ ſo da beſtellet war/ etlichen weni- gen diſſen handel. Sagt auch zu letzt wider den ehrgeitzigen/ der Biſchoff/ deſſen orth du dich annimbſt vnnd dir zuſchreibeſt/ lebt noch vnnd iſt bey guter geſundtheit/ vnnd ſo du fleiſſig wirſt darnach fragen/ wirſtus anders nicht befinden: Solcher handel iſt balt durch die gantze Statt erſchollen. Was thut hier- auff nun der vermeinte Biſchoff? Er bleibt fuͤr vnnd fuͤr bey tag zu Haus/ denn er ſchemt ſich das einmahl angelegte Kleydt wider ab- zulegen/ vnnd in der alten tracht herumb zu- gehen/ des nachts aber ging er auß/ vnd Starb innerhalb wenigen tagen fuͤr leyd. D. Eraſm. de lingua.

C iijVon

XVII. Von Hertzog Vlrichen zu Wuͤrtenberg.

HErtzog Vlrich zu Wuͤrtenberg ſaß vff ein zeit im warmen Bad/ gedacht an den Krieg ſo er gefuͤhrt/ vnnd ſprach: Wir wolten Biſchoff werden/ ſo ſind wir Baͤder worden/ wolt hiermit deuten auff das Teutſche Sprichwort/ Biſchoff oder Ba- der.

XVIII. Von etlichen Luͤnenbergiſchen Jungfrawen/ ſo von einem Edel- man hindergangen.

EJn Edelmann Lude etliche ehrliche Weiber vnnd Jungfrawen zu Gaſt. Dieſelbe kamen gezieret mit koͤſtlichen Guͤldenen Ketten vnd Halßbanden. Der Edelmann zohe jhnen vnder eſſens die Ketten vom Halß/ als obs ſchertz were/ vnnd ſtelt ſich/ als ob er ſich vber die Kunſtreiche Arbeit verwunderte. Nachmals macht er ſich heimlich davon/ vnd ließ ſie vber der mahl zeit ſitzen. Alſo wurden die gute Weiber vnnd Jungfrawen durch ſtattliche zuſtellung des Mahls betrogen. Jdem part. tertia poſt. pag. 69.

XIX. Von Marcello Koͤnigs Fran- ciſci Cantzler/ vnd wie er von ſeinem HERRN betrogen wor- den. Nach

NAch dem auff ein zeit Franciſcus Koͤ- nig in Franckreich Gelt beturffte/ fiel jhm der fund ein/ Es wuſte der Koͤnig wol/ daß der Cardinal Mar- cellus/ ſein Cantzler/ ehrgeitzig ware/ der- wegen ſagt er jhm zu einer zeitung/ es were Paulus der Pabſt zu Rom mit Todt abgan- gen/ dann es wuſte der Koͤnig wol/ daß er lengſt gern nach dem Paͤbſtlichen Stuel ge- ſtrebet hette. Der Cantzler ſagt als balt hier- auff/ durchleuchtigſter HErr Koͤnig/ Es wur- de E. Koͤn. Mayſt. vnnd vielen Leuthen vor- traͤglich ſeyn/ das ein ſolcher erwehlet wur- de/ welcher E. Koͤn. May. vnd deren Koͤnig- reich gewogen vnnd guͤnſtig were. Der Koͤnig ſpricht: Das iſt war/ was deucht euch nun/ wann mann euch an deſſen Staͤtt erhuͤbe: Wolt GOTT/ ſpricht der Cardinal/ das ſolches geſchehen moͤchte/ der Koͤnig antwor- tet/ hierzu gehoͤrt Gelt/ das hab ich aber diß mahl nicht/ der Cardinal ſpricht/ er hab vmb zwo Thonnen Golt. Der Koͤnig ſagt/ diß ſey gnug/ er woͤlle von dem ſeinen etwas dazu thun/ ohn lengſt hernach iſt ein Schrei- ben an kommen/ darin wird vermeldet/ wie Pabſt Paulus noch lebe/ Alſo bracht der Koͤ- nig das Gelt davon. Pezel. Poſtil. Mel. part. 3. pag. 170.

XX. Von einem Ehebrecheriſchen Weib ſo jhrem Mann das Haar wunder- lich abſchneidet. C iiijVor

VOr dreiſſig Jahren begab ſich zu Brug im Niderland/ daß ſich ein jun- ges Weib an einen alten Mann nicht aus lieb/ ſondern aus noth verbey- rathet/ dann ſie hatte lieber gemeinſchafft mit einem jungen Geſellen/ der jhres Alters war/ ſonderlich aber war ein vornehmer Ge- ſell in der Statt/ mit dem ſie ſich zu zeiten heimlich beluſtigte: Es konte aber nicht lang verſchwigen bleiben: Dann es begab ſich auff ein zeit/ daß ſich der mann annahm/ wie er et- was lang von Haus abweſend ſeyn wurde/ der mann kompt kaum vor die thur/ ſie fordert den jungen Geſellen zu ſich/ welcher ſich dann ohn Saumnus einſtellet. Der mañ aber kehrt mit fleiß wider vmb/ als ob er was vergeſſen hette/ ſo er noͤthig zu Haus noch verrichten muͤſte da fangen ſie all an zuerſchrecken vnnd zu zittern/ ſonderlich aber der jung Geſell/ welcher im Haus noch nicht viel gelegenheit wuſte/ der ſelb laufft auff den Speicher/ vnnd zaucht die thuͤr hinder ſich zu/ welches der mann in acht nahm/ laufft derhalben ſo balt hin zu/ vnd hengt ein Schloß dafuͤr/ nimbt ſich aber doch nichts ferner an/ als das er hab ſehen den Bock vnder weilen vber die frucht laufen. So balt gehet er hienauff zu des Weibs freunden vnnd verwanden/ vnnd bitt ſolche das ſie mit jhm zu Haus gehen woͤlten/ es tref ein wichtig ſach an/ daran jhnen allen gelegen ſey/ dann er wolt ſie der Mißhand- lung in jhrer aller gegenwart vberzeugen/ damit ſies nicht jrgent hernacher leugnen moͤchte. Mitler zeit aber/ in dem er ſeine Schwaͤgerſchafft zuſammen bringt bekuͤm- mert ſich das Weib hefftig nicht allein jhrent ſondern ſondern auch des jungen Geſellens wegen/ bringt endlich durch huͤlff eines alten Weibs das Schlos auff/ macht jhn loß/ laͤſt jhn ſeines pfadts gehen/ vnnd thut an ſeine Statt einen Bock in dem Speicher. kurtz hiernach kompt der mann mit des Weibs Freunden vnd ver- wanden/ laͤſt das Weib fuͤr ſich kommen/ vnd klagt ſie hefftig als ein Ehebrecherin an. Sie aber klagt dagegen/ wie ſie von jhrem mann lange zeit heimlich/ nun mehr aber offentlich dieſer vbelthat ſey bezuͤchtiget worden/ leug- net nicht allein ſolches/ ſondern beklagt ſich auch der vnbillichen zugefuͤgten Schmach/ der mann ſpricht: Wolan/ wir woͤllen wenig Schritt von dannen gehen/ ſo ſoll diß erwie- ſen werden/ Sie antwortet/ ja/ gehet/ wohin jhr wilt/ ich will deſſen kein ſchew tragen. Da ſie nun zum Speicher kommen/ vnnd die thuͤr auffgeſchloſſen wirdt/ lauft jhnen ein Bock entgegen/ darvber erſchrickt der mann der- maſſen/ das er erſtarret/ vnnd nicht weiß/ wie ihm zu thun ſey. Des Weibs Freundt wiſſen nicht was diß fuͤr ein handel ſey/ fragen/ was er hiemit geſucht habe. Da felt der gute alte Mann fuͤr ſeinem Weib vnnd ihren Freun- den nider/ vnd bitt vmb verzeihung/ verhieß jhr hinfuͤr all ehr lieb vnnd trew zuerwei- ſen. Sie erbott ſich endlich/ ſie wolt ſich wi- derumb mit jhrem Mann verſoͤhnen/ vnnd der vorigen Schmach vergeſſen. Nach dem ſie nun ihren Mann alſo zu Spott geſetzet/ hatte der junge Geſell ein freyern zugang als zuvor. Joach. Camer. in Rhe- tor. ſuis pagina 58. 59. 60.

C vVon

XXI. Von Macco einem Betriger.

ES kompt auff ein zeit Maccus gen Leyden/ vnd wolt daſelbſten ſeiner ge- wonheit nach/ als ein newer Gaſt/ kun- dig werden/ begibt ſich derwegen in eines Schuſters laden/ vñ gruͤſt jn derſelbe be- gert jhm ſein wahr auffzuhengen/ fragt ob er was woͤlle: Maccus kehrt die Augen auff die Stiefeln/ ſoauff der Key daher hingen/ der Schuſter fragt/ ob er ein Paar Stiefeln woͤlle: Maccus wincket jm/ ja/ er woͤll ein Paar. Der Schuſter ſucht ein paar/ welche jn bedauchten an ſeine Fuͤß recht ſeyn/ zog ſie jhm/ wie ſie pflegen/ wacker an. Da nun Maccus die Stie- feln an hatte/ ſprach der Schuſter/ wie ſchoͤn ſtuͤnden jtzt ein paar geduppelter Schu hiebey/ fragt jhn/ ob er ein paar haben wol- te/ er wincket jhm auch/ ja. Der Schuſter ſucht ſie/ vnnd zog ſie jhm an. Maccus lobt die Stiefeln vnnd Schne. Der Schuſter frewt ſich heimlich/ lobt ſie gleichfalß/ gedacht/ er wurde ſie deſto beſſer vnnd hoͤher bezalt be- kommen/ weil ſie dem kaufer ſo wol gefie- len. Maccus aber ſpricht: Ey lieber/ ſagt mir doch/ habt jhr auch jrgent diß gewon- heit mehr gehabt/ daß jhr einen mit Stie- feln vnnd Schuen alſo ruͤſtet/ der euch kein Gelt gibt? Nein/ ſpricht der Schuſter/ ich habs nie in gewonheit gehabt. Wie er jhm aber/ ſpricht Maccus/ wann einer davon ging/ vnnd euch nichts gebe? Der Schuſter antwortet/ wann einer davon ging/ ſo folgt ich ihm nach. Maccus ſagt/ iſts ernſt o- der iſts Schimpff? Ja es iſt gantz mein ernſt/ ſpricht der Schuſter/ des will ich ſpricht Maccus Maccus/ verſuchen: Wolan/ ich lauff mit den Schuen vor an/ folgt jhr mir nach/ vnnd fengt alſo hiemit anzulauffen. Der Schuſter folgt jhm nach/ ſo geſchwind er mag/ vnnd rufft/ halt den Dieb halt den Dieb. Da nun hierauff die Buͤrger von allen orthen herzu liefen/ macht ſie Maccus hiemit ſtillſtehen/ nicht halt mich jemand/ ſpricht er lachendts Mundts/ dann wir lauffen vmb ein Ohm Bier: alſo wolten ſie alleſampt zu ſehen: Dann ſie hielten dafuͤr/ der Schuſter hett hievor betrigiſcher weiß alſo geruffen/ in hoffnung/ jhn hinderſich zu bringen. Der Schuſter kont jhn nit ergreiffen/ muß endlich im Schweiß ſeines angeſichts mit muͤden Beinen vnnd Keichender Bruſt zu Haus kehren. Maccus aber bracht die Beut davon. Eraſm. in Con- uiv. Fabuloſo.

XXII. Von einem dergleichen.

ZV Deventer ſtehet einer/ vnnd ſihet alles fleiſſig an/ was auff den Laden von eſſen Speiß außgeſtellet war/ ein Weib nimt deſſen wahr/ fragt jhn/ wie die Kraͤmer zu thun pflegen/ ob er etwas haben wolte/ vnd weil er fleiſſig die feyen anſahe/ ſprach ſie wolt jhr Feyen haben/ ſie ſind ſehr ſchoͤn? Da ers nun mit wincken bejahet/ ſprach ſie/ wie viel Pfund wolt jhr/ wolt jr ein Pfund oder fuͤnff haben? Er wincket abermals ja. Alſo wig ſie Fuͤnff Pfund/ vnnd ſchuͤtt ihm ſolche in Schoß. Jn dem ſie nun die Wag wider an jhr orth henget/ geht er davon/ nit geſchwind ſon- Fuß vor fuß. Da die Fraw widerumb herfuͤr kompt/ in meinung jhr Gelt einzuneh- men/ ſihet ſie jhren Keufer davon gehen/ folget folget ihm derwegen nach mehr mit ruffen als mit lauffen. Er nimpt ſich nicht an/ als ob ers hoͤre/ gehet ſeine Straß/ endlich lauffen viel leuth vff des Weibs ſchreien zuſammen. Da ſagt vnder dem Volck ein jeder das ſeine/ vnd wird endlich eingroſſes gelechter daraus. Der Kaufer ſagt/ er hab nichts gekaufft/ hab genommen/ was ihm aus guter willkuͤhr ſey gegeben worden/ ſie moͤchts den Richtern fuͤr- bringen/ er woͤll erſcheinen. Jdem/ ibid.

XXIII. Von einem Pfaffen/ ſo von ei- nem Bawern betrogen wor- den.

ZV Antorff nimpt ein Pfaff ein zimblich Summ Gelts an Silbermuͤntz bey ſich/ das nimbt ein Betrigiſcher mann wahr/ gehet zu dem Pfaffen mit der geſpickten Taſchen/ vnnd ſpricht ſeine Nachbarn haben ihn abgefertiget ihrem Prieſter Tuch zu ei- nem Rock zukauffen/ den er moͤchte an thun/ wenn er in der Kirchen ſein ampt verrichtete/ woͤll ihn deswegen gebeten haben/ das er ihm ſo viel zugefallen ſeyn/ vnnd mit ihm gehen woͤlle/ da mann ſolch duch feyl habe/ damit er nicht zu viel oder zu wenig nehmen moͤge/ dann/ ſo viel in deucht/ ſo were jhr Herrchen vnd er vber einen leiſt. Weil nun das kein ſon- derlich muͤh war/ ſagts ihm der Pfaff ſo bald zu. Da ſie bey einen laden kommen/ gibt man ihnen das duch heraus/ der Pfaff miſt es an/ der Kauffman ſpricht/ es ſey ihm ſehr gerecht der betriger beſihet den Pfaffen forn vnd hin- den/ der Rock gefelt ihm wol/ wendt nur/ das fuͤr/ er ſey forn kuͤrtzer dan hinden. Da ſpricht der der kauffmann/ damit der Kauff nicht moͤchte zu ruͤck gehen/ ſolches ſey nicht des Tuchs/ ſondern der dicken Taſchen ſchuldt/ was ge- ſchiehet/ der Pfaff legt die Taſche ab/ da be- ſehen ſies wider von newen. Als nun der Paff den Ruͤck kehrt/ nimpt der Betriger die Taſch vnnd laufft damit davon/ der Pfaff laufft ihm mit dem Tuch nach/ vnd der Kauffmann dem Pfaffen. Der Pfaff rufft/ halt den Dieb/ der Kauffmann rufft/ halt den Dieb. Der Betri- ger ſpricht/ haltet den Vnſinnigen Raſenden Pfaffen: Vnd diß glaubt mann/ weil er alſo außgebutzet auff der Gaſſen lieff/ in dem nun einer dem andern verhinderlich iſt/ kompt der Betriger davon. Jdem ibid.

XXIV. Von einem liſtigen Heſſen.

ZV Prag war ein gefangener/ welcher/ wie man ſagt/ ein liſtiger vnd geſchwin- der Kopff war/ der den Todt gar nicht ſchewet/ in maſſen denn die zu ſeyn ple- gen/ welche da haben conjunctionem ſaturni/ Martis vnnd Mercurit/ beym Koͤnig ward ſein verſchlagen Kopff vnnd muth geruͤmbt/ deshalben ließ er ihn fuͤr ſich bringen. Da er nun fuͤr den Koͤnig kompt/ fragter ihn/ wo- her er were. Er ſprach/ ich bin ein Heß da ſagt Ferdinandus: Das ſind die rechte Geſellen. Es fragt jhn der Koͤnig wetter/ wo er ſich ge- halten hette. Er antwortet in Weſtphalen. Da findet mann ſpricht der Koͤnig/ auch ſolch geſinde. Wo biſtu weiter geweſen/ fragt Fer- dinandus. Jn Behmen/ ſpricht er: das ſind die rechte Laͤnder/ ſagt der Koͤnig/ der Heß ſprach/ HErr Koͤnig/ das iſt wahr/ es woͤllen aber aber E. Koͤn. Mayſt. deren Landsleut da zu- thun/ ſo wird die zahl gantz/ deutet damit auff die Hiſpanier. Alſo ließ jhn der Koͤnig loß/ vnd lebt beydes ſein geſchwinden Kopff vñ auch ſeinvnerſchrockẽ gemuͤth in gefaͤhren.

XXV. Von einem Pfaffen in Franck- reich/ ſo treflich von einem Soldaten auß Heſſenland betrogen wirdt.

ES hat ein Soldat auß Heſſenland ſo lang in Franckreich vmb Sold gedie- net/ das er die Frantzoͤſiſche Sprach nit allem verſtehen/ ſondern auch wol redẽ konte. Derſelbig vernahm/ wie daß ein Pfaff vber die maſſen ſehr Geltgirig wer/ derwegen that er jhm einen ſolchen boſſen. Der Pfaff pflegte fleiſſig jedermann die Beicht zu hoͤ- ren vnd die Suͤnde zuvergeben. Alſo gehet er auch herzu/ vnd klagt mit Tiefen ſeuftzen/ wie daß er wegen etlicher groben vnnd Scheußli- chen mißhandlungẽ in ſeinem gewiſſen weder tag oder nacht ruhe haben koͤnte/ alſo dz er jm offtmals vornehme ſich ſelbſt vmbs leben zu- bringen. Jn dem er nun mit weinen vñ ſeuff- tzen dieſes dem Pfaffen in Buſen geſchoben hatte/ warf er in der lincken hand etliche Cro- nen vber vñ vber/ in der rechtenhand aber hat te er einen vber guͤlden Muſcarennuß ſo jm zu einem newen Jar war gegeben worden/ ver- barg ſie ſchlug gleichfalß vff die Bruſt/ vñ ſagt mit vielen ſeufftzen dieſe wort: Jch forcht/ ich forcht/ ſag ich meine Suͤnde ſeyen groͤſſer/ dan dz ſie mir koͤnnen vergeben werdẽ. Der Peiſter ſahe die Cronen/ verhofft ſolche zu vberkom̃en vnd ſprach: Lieber Sohn/ ſeyt getroſt/ vnnd beichter beichtet ewere Suͤnde wo ich die werd gehoͤrt haben/ will ich euch dieſelbe im namen Gottes ſo balt vergeben. Damit nun der Prieſter den betrug nit ſo leichtlich mercken mochte/ ſprach der Soldat: Da ich in meiner jugent noch in Teutſchlandt war/ da hab ich bey meiner Schweſter (entſetze michs zuſagẽ) geſchlaffen (diß errichte er/ damit er nur dem Pfaffen| wol dz Haar moͤchte abſchneiden) vnd da ich merck te/ daß ſie von mir Schwanger wer/ hab ich ſie (Ach/ Ach) ermordet/ diß hat mich in meinem gewiſſen dermaſſen geaͤngſtiget/ daß ich nit in Teutſchland bleiben koͤnnen/ ſondern mich in diſe ferne Laͤnder begeben muͤſſen. Nun quelen mich mein gewiſſen widerumb dermaſſẽ/ daß ich kaum Athem ſchoͤpffen kan/ vnnd dz leben mir beſchwerlicher felt als der todt. Hierumb bitt ich euch nun vmb Gottes willen/ daß jhr mir ewern troſt mittheilet/ vnd mich/ der ich je zu in verzweiflung fallen will/ meiner ſuͤnden loß ſprechet. Dagegen will ich mich alſo ver- halten/ daß jr ein danckbar gemuͤth bey mir ſpuͤren ſollet. Der Prieſter ſpricht. Warlich/ Sohn/ es iſt dieſes der groͤſten Suͤnden eine. aber weil ich ſehe/ daß jr rechte Buß thut/ vnd dazu euch danckbar gegen mich verhaltẽ woͤl- let/ ſo vergeb ich euch ewre Suͤnde an ſtatt des Almechtigen Gottes. Nun iſt dagegen billich/ daß jhr euch danckbar gegen mich verhaltet. der Soldat ſagt/ Ehrwuͤrdiger HErr/ dz will ich von hertzen gern thun/ gab jhm alſo balt die vberguͤlde Muſcatnuß. Der Prieſter ſahe ſawr hiezu/ vnnd ſprach/ was ſoll das ſein/ lieber Sohn/ daß jhr mir/ der ich euch ein ſo groſſe Suͤndt ſo gutwillig verzihen habe/ ſo ein geringes geſchenck gebet/ was Teufels ſol ſoll der treck? Der Soldat ſpricht: Jhr be- kompt dißmals nichts beſſers. Dann alſo ſpricht der HErr Eſa. 52. v. 3. Jhr ſeyt vmb ſonſt verkaufft/ jhr ſolt auch ohngeloͤſet wer- den. Nach dem er diß geſagt/ macht er ſich ge- ſchwindt davon/ vnnd gibt dem Pfaffen das valet/ welcher ſich in ſeinem hertzen graͤmet/ daß er alſo von dem Soldaten ward betrogen worden. Dieſer geſtalt ſoll mann alle ſolche geltgtrige vnnd hungerige Leuth/ welche die Suͤnd ſie ſeyen ſo gros ſie Jmmer woͤllen/ ohn ſchew vmb Gelt zuverkauffen ſich vnderfan- gen.

XXVI. Von einem Schuſter vnnd einem Pfaffen.

ALs anfenglich D. Martinus Lutherus wider die Roͤmiſche Ablaß begundt zu- ſchreiben/ in dẽ Pabſt Leo einen Moͤnch mit Ablaß Brieffen in Teutſchland hin vnnd her ſchickte/ vnnd allen denen/ ſo ſolche kaufften/ vergebung der Suͤnden vnd ewiges heyl zuſagte/ geſtattete auch vmb Gelt/ das mann fleiſch/ Kees/ Milch/ vnnd Eyer eſſen mochte/ da begab ſich Anno 1517. Zu Hage- naw/ das eines Schuſters Weib ein ſolchen Brief vmb einen Goltguͤlden an ſich brachte/ darinn ward ſie verſichert/ nicht allein jhrer Seligkeit/ ſondern es ſolt auch ihre Seel/ ſo balt ſie vom Leib abgeſcheiden/ in Himmel verſetzet werden. Vnnd diß ward ihr in dem Ablaß Brieff durch vollkommene macht des Statthalters Chriſti verſprochen. Ohn lengſt hierauff wird das Weib Todt ſchwach/ vnnd weil ſie dieſes Lebens kein hoffnung mehr hatte/ hatte/ leſt ſie einen Muͤnch zu ihr kommen/ legt ihm des Pabſt Ablaß Brieff fuͤr/ bekennt vnnd Beicht ihre Suͤnde/ vnnd vberkompt alſo ein vollkommene vergebung aller ihrer Suͤnden auß Paͤbſtlicher gewalt: Da ſie die entpfangen/ ſtirbt ſie. Der Mann bekuͤmmert ſich daruͤber/ daß ſie einen Goltguͤlden vor den Ablaß Brieff gegeben/ laͤſt zwar ſeiner ab- geſtorbenen Frawen Leichnam zur Erden be- ſtatten/ aber/ was er ſonſt zu loͤſung ihrer Seelen der Kirchen zu zehlen ſchuldig war/ das laͤſt er gantz vnnd gar an ſeinem orth be- wenden. Da der dorff Prieſter ſolches innen wirdt/ verdreuſt es ihn vbel/ vnnd verklagt den Schuſter vorm Amptmann/ als einen veraͤchter Chriſtlicher Religion/ vnnd vntre- wen mann gegen ſein abgangen Weib. Der Schuſter wird vor dem Amptmann citirt/ auff welche citation dann er ſich gehorſamb- lich einſtellet/ vnnd nimpt des Pabſtes Ablaß Brieff mit ſich. Der Amptmann ſpricht: Jſt dir dein Weib geſtorben? Er antwortet/ Ja/ ſie iſt mir geſtorben/ was haſtu dann/ fragt der Amptmann/ deinem abgeſtorbenen Weib gethan? Jch hab ihren Leichnam/ antwortet der Schuſter/ begraben/ vnd ihre Seele Gott dem HERrn befohlen. Hierauff fragt der Amptmann. Haſtu ſonſt nichts gethan/ haſtu nicht beſtellet/ daß jhre Seel durch die Meß moͤchte erloͤſung vberkommen. Er antwortet/ Nein/ ich hab ſolches nicht beſtellet/ weill es ohn noth iſt/ daß ſie durch die Meß erloͤſung empfahet/ ſintemal ſie ſo balt in Himmel ver- ſetzet worden. Der Amptmann fragt/ woher ihm das bewuſt ſey/ Er antwortet/ das weiß ich billich/ dann ich hab deſſen ein glaubwuͤr- Ddig dig zeugniß. Haſtu ein glaubwuͤrdig zeugniß ſpricht der Amptmann/ daß dein Frauw im Himmel iſt/ ſo zeig mir dein zeugniß. Von ſtund an zeucht der Schuſter ſeinen Ablaß Brieff herfuͤr/ vnd bitt/ das manns moͤg leſen. Er nimpt den Brieff/ vnd gibt denſelben dem Dorff Prieſter als dem Kleger in dieſer ſachẽ/ zuleſen. Da der Prieſter des Pabſtes Ablaß Brieff ſahe/ erſtarret er/ vnnd wegert ſich den zu leſen. Der Amptmann aber noͤtigt jhn/ daß er den Brieff laß. Da er nun denſelbi- gen geleſen/ Schemten ſie ſich allbeyde/ dann ſie wuſten nichts dagegen zu reden. Nun wolan/ ſpricht der Schuſter/ gebt das Vrtheil ſelbſten/ ob es nicht glaubwuͤrdig zeugniß ſey/ das meines Weibs Seele nit im Fegfewer iſt ſondern iſt in Himmel verſetzet/ ein ſolch zeugniß hat ſie vmb einen Goltguͤldẽ kaufft warumb gibt denn nun vnſer Prieſter vor/ es ſey noch eine erloͤſung meines Weibs noͤthig? So ſein vorgeben recht iſt/ ſo iſt mein Weib vom Pabſt betrogen worden. Jſt ſie a- ber von jhm nit betrogen worden/ ſo vnderſte- het ſich vnſer Prieſter ſie zu betriegen. Hierauff wuſten weder der Amptmann noch auch den Pfaff etwas zuſagen/ lieſſen derwegen den Schuſter widerumb ſeines wegs gehen. Dann ſie doͤrfften des Pabſtes Ablaß Brieff nicht verdammen.

XXVII. Von einem Weihebiſchoff.

ES hat ſich im Zuricher Landt begeben/ daß ein Wethebiſchoff einen Kirchhoff vber all Wethete/ da aber hernacher die armen Bawersleuth fragten/ wo mann die Kinder hin begraben ſolte/ ſo ohn Tauff Tauff von dieſer Welt abſcheiden wurden: So bald ſagt er/ daß ein Ahlen auff dem Kirch hoff nit heilig ſeyn ſolte/ aber diß that er nit vergebens/ denn ſie muſten jhm deßwegen ein Anzahl Gelts erlegen.

XXVIII. Wie Joannes Tecelius von einem Pferdtbereiter betrogen worden.

ES ward auff ein zeit Tecelius von Leone x. Roͤmiſchem Pabſt in Teutſch- landt mit Ablaß Brieffen abgeferti- get: Nun begab es ſich/ daß ein Bigie- rer oder Bereiter im Fuͤrſtenthumb Sachſen zu jhm kam/ vnd forſchet/ ob er auch Suͤnde vergeben koͤnnte/ die noch nit begangen we- ren/ wann er das koͤnte/ wolt er jm zehen Taler verehren. Der Moͤnnich ſchlugs anfenglich ab vñ ſagt diß wer ein hochwichtig Sach/ nichts deſto weniger ließ er ſich die Geltſucht dahin bewegen/ ohn angeſehen daß er ſagt/ dz were ein ſchwere vnd wichtige ſach/ dz er jm daſſel- big verwilligte/ ruͤhmt ſich auch/ es were jhm durch Roͤm. Paͤbſtliche macht zugelaſen doch mit dem geding/ daß er jm zuvor 30. Thaler zehlete. Der Moͤnnich lacht deſſen in buſem hin ein/ vnd frewet ſich der Beut von hertzen. Da nun der Bereiter gelegenheit vberkoͤmpt/ greifft er jhn auff der Straſſen an/ vnd nimpt jm alles Gelt/ das er durch ſein Ablaß Brieff gekramet hatte/ vnd begibt ſich in die Statt. Tecelius citirt jhn hierauff fuͤr die Obrig- keit. Der Bereiter ſpricht/ dieſe Miſſethat ſey jhm ſchon lengſt durch Tecelii Ablaßbrieff verziehen vnd vergebẽ wordẽ/ legt der Obrig- D ijkei keit ſolchen fuͤr/ vnd beweiſt ſeine verantwor- tung. Darauff wird nicht allein erkent/ das Tecelius den Bereiter das ſein ſoll ſchaffen laſſen/ ſondern er wird auch noch zum hoͤch- ſten außgelachet vnd verſpottet. Breccherus in Chron. Turing. pag. 460.

XXIX. Von einem Betrigiſchen Pfaffen.

AVff ein zeit kompt ein Meß Pfaff gen Tuͤbingen/ der hat etlicher Todten Bey- ne/ vnd gibt fuͤr/ wer dieſelbe einmahl kuͤſſen werde/ der ſey ein gantz Jahr ſi- cher fuͤr der Peſtilentz. Hertzog Eberhard/ ein verſtaͤndiger vnnd anſehentlicher Fuͤrſt ſchalt jhn hierum gar vbel/ vnnd ſagt/ mann ſolt in den Predigten nicht ſolche leichfertige ding fuͤrbringen. Der Pfaff antwortete/ er ſag die warheit/ dann es hette das Volck nicht die Bein/ ſondern das Glaß gekuͤſſet. D. Philip. Melauth. in Reſponſ. adv. Colon.

XXX. Von einem Apt.

EJn Apt ward gefragt/ warumb er doch ſo vielmals fuͤr Gericht ſich in zwiſpalt legte/ da jhm doch wol bewuſt were/ daß er Meiſten theils kein rechtmeſſi- ge vnnd befuͤgte Sach hette/ Antwortet er/ er mache es wie die Knaben/ welche/ wann ſie bey einem Nußbaum hingehen/ hienein mit Stein vnnd Stecken werffen/ vnnd ver- ſuchen/ ob jrgent Nuͤß fallen woͤllen. La- vater. in Comment. Proverb. Sa- lom. pagina 33.

Von

XXXI. Von einem Wuͤckerer vnd Prediger.

ES war auff ein zeit ein reicher Wuͤche- rer/ der lebte taͤglich im ſanß vnnd ließ den Prediger fleiſſig zu Gaſt bitten/ derſelbig ſagt jhm nichts von ſeinen Suͤnden/ vnd wahrer Buß vnnd diß thaͤt der Prediger darumb/ damit er nicht in vngunſt fiel/ vnnd jhm etwas hiervber moͤcht abge- hen/ dann er wolte/ wie es die Welt nennet/ friedfertig vnnd vertraͤglich ſeyn. Was ge- ſchihet aber? Da der Reiche in ein groſſe ſchwachheit geraͤth/ vnnd ſihet/ daß er ſterben muß/ fordert er den Prediger zu ſich/ vnd ver- teſtirt ſeine Guͤter den Erben/ ſein Seel aber/ wie auch des Predigers/ vermacht er dem Teufel/ vnnd wendt die Vrſach fuͤr/ er hab jhn nicht fuͤr ſeinen Suͤnden gewarnet/ vnd davon abgehalten.

XXXII. Von | Vaccario Ludovici xi. Koͤnigs in Franckreich vornemb- ſten Rath.

LVdovicus xi. Koͤnig in Franckreich ließ den Rath vnnd ſeine Raͤthe zuſa- men fordern/ vnnd vnderſtund ſie da- hin zu noͤthigen/ daß ſie ein Mandat ſolten approbiren. Da ſie aber ſolches weger- ten/ mit vorwendung/ das es vnbillich were/ troͤwete der Koͤnig jhnen den Todt. Vacca- rius/ der Vornembſte im Rath/ beredt ſeine Mittverwanden dahin/ daß ſie alle ſampt jre Purpurroͤck anlegen/ vnnd dieſer geſtalt dem D iijKoͤnig Koͤnig entgegen gehen. Der Koͤnig erſchrickt/ als er den Rath in ſolchem pracht ſihet daher gehen/ fragt/ wz ſie woͤllen vnd warumb ſie zu ſolcher vngelegener zeit zu im kom̃en? Vacca- rius antwortet im in jhrer aller nahmen wir ſuchen den todt/ ſpricht er/ den E. Koͤn. May. vns getroͤwet hat/ wo wir nit in das Mandat willigen wurden. Nun woͤllen E. Koͤn. Mayſt. wiſſen/ daß wir ehe in tod zu gehen/ als wider vnſern beruffvnd gewiſſen zu handeln geneigt ſeyen.

XXXIII. Von | Schwetzhafftigkeit.

ETliche laſter bringen viel haß vnnd mißgunſt/ als Frevel vnnd vnbillicher gewalt/ etliche bringẽ verachtung/ als freſſen/ ſauffen/ vnkeuſchheit/ traͤgheit vnnd thorheit: Doch macht keines den Men- ſchen veraͤchter vnnd iſt jhm nichts verklei- nerlicher/ als die loſe ſchwetzhafftigkeit.

XXXIV. Von einem Dieb in Engel- landt.

ZV Londen in Engellandt ſteigt ein Dieb durch ein ziegel Tach/ in willens et- was zu ſtehlen/ doch ging jhm ſein Sach nit an/ dann er Verrieth ſich ſelbſt durch ſein gereuſch/ darauff ſich ein ſolcher Tumult erhaben/ daß vil Nachbarn zuſam- men geloffen. Da der Dieb den Tumult ſi- het/ miſcht er ſich mit ein/ als einer/ der den Dieb will helffen ſuchen. Nach dem ſie nun dafuͤr halten/ der Dieb ſey entflohen/ hoͤrten ſie ſie auff zu ſuchen vnnd ſchwetzen allerhandt vom Dieb. Er aber wuͤntſchet dem Dieb viel Vnheils/ denn er hab ſeinet halben einen hut verlohren. Dieweil dann der Dieb in der fluch ſeinen hut hat fallen laſſen/ ſchoͤpffet mañ argwohn gegen jhn/ wirdt hieruͤber ange- taſt/ Er bekennts/ vnnd wird alſo gehan- gen.

XXXV. Von einem Aſtrologo.

ES weiſſagte einer auß des Himmels lauff/ es wurde Henrich der ſibende dieſes Namens Koͤnig in Engellandt noch daſſelbig Jahr Sterben. Solch ſach kompt vorn Koͤnig. Der Koͤnig leſt den Aſtrologum mit groſſer ehr zu ſich beruffen/ nimpt ſich nicht an/ was er erfahren habe. Der Koͤnig fragt jhn vnder andern/ ob er et- was gewiſſes auß dem Geſtirn weiſſagen kuͤnnte? Er bejahet es. Er wird weiter ge- fragt/ ob er der Kunſt erfahren ſey? Er beia- het es gleichfalß/ verhoffendt/ der Koͤnig werde jhn deſto mehr in ehren halten. Dar- auff fragt ihn der Koͤnig/ wo er doch dann werde auff das Chriſtfeſt ſeyn/ ſintemal daſ- ſelb feſt ſehr nah war. Er ſchwig ſtill. Da der Koͤnig anhielt/ ſagt er/ er koͤnnt daſſelb nicht eigentlich ſagen. Der Koͤnig ſprach/ ſo bin ich der Kunſt beſſer erfahren als du/ dann ich weiß daß du im Turn ſitzen wirſt/ vnd ließ jn alſo hinfuͤhren/ da er nun daſelbſt mit ſeiner weiſſager Kunſt gnugſamb außgeſchwitzet hatte/ ward er mit geſpoͤtt wider loß gelaſſen.

D iiijVon

XXXVI. Von einem Vnbedach- ten Rath.

ZV Pariß auff dem Fruchtmarckt iſt ein vnflaͤtiger außgang/ da durch der Statt vnrath außgefuͤhret wird/ daſelbſt hin wolt ſich einer begraben laſſen/ weil jhn ſehr gerewet ein boͤſer Rath/ den er auff ein zeit ſeinem HErrn mitgetheilet hatte/ dann alß er auff ein zeit den Koͤnig trawrig ſahe/ vnnd vernahm/ daß ſolches wegen mangel etliches Gelts were/ gab er jhm den Rath/ daß die Bawers leuth auch von geringen din- gen/ ſo ſie in die Statt Braͤchten/ ein oder zween Pfennig geben ſolten/ vnnd daſſelb nur zwey Jahr lang: Dann es wurde hierauff folgen/ das/ ob ſichs wol fuͤr ein ſchlechtes ein- kommen anſehen ließ/ es doch ein groſſes Gelt tragen werde/ nach Heſiodi Spruch/ Er multis minutis magnum cumulabis acer- vum/ das iſt/ auß vielen kleinen wirſtu einen groſſen hauffen ſamblen. Diß hat ſich lider- lich angefangen/ hat ſich aber ſchwerlich wi- der abſchaffen woͤllen/ ja es ſind noch andere gleichmeſſige beſchwerungẽ eingefuͤhret wor- den. Da nun der/ ſo den Rath gegeben/ ſahe/ daß er nit ſo gluͤckſelig war im widerrathen/ alß im angeben/ da wolt er ſich ſelbſt ſeines boͤſen Raths halben ſtraffen/ vnd andern ein Exempel ſeyn/ daß ſie nicht gleicher weis an dieſen Stein anſtoſſen moͤchten/ deßwegen verſahe er in ſeinem Teſtament/ daß er an den vnflaͤtigen außgang/ darin alle vnreinig- keit der Statt gewieſen wird/ ſolt begraben werden. Jdem ibid.

Von

XXXVII. Von einem ſo ein vngehal- ten Zungen hat.

ES erzehlte ein ſchwetzhafftiger Mann vber des Koͤnigs in Engellands Tafel viel von einem Reichen Apt/ wie vie- lerley eſſen vnnd wie viel auff einer tracht er aufftragen ließ: Der Koͤnig ſtelt ſich/ als ob er ſich hoch vber ſein fraͤſſigkeit ver- wundert: Der Schwetzer macht alles groͤſſer/ als es an ſich ſelbſt war/ da er vernahm/ daß der Koͤnig gefallen hieran zu hoͤren hette/ ließ auch biß weilen einen Schuß mit einlauffen. Da nun den Koͤnig zeit dauchte/ jhm ein- mahl eines einzuſchencken/ fragt er jhn/ ob derſelb Apt jrgent ein Rieß were? Nein/ ſprach er/ er iſt mittelmeſſiger ſtatur: So hat er jrgent/ ſpricht der Koͤnig/ ein ſehr groſſen Bauch? Nein/ antwortet er/ nicht viel groͤſſer/ als ander Leuth auch. Wo thut er dann ein ſolchen groſſen hauffen eſſen hin/ ſpricht der Koͤnig? Jch glaub ſchwerlich/ was du mir er- zeleſt. Da antwortet er/ HErr Koͤnig/ er iſſet es nicht allein/ er hat viel bey jhm vber der Tafel/ vnnd viel geſindes. Pfu/ ſprach der Koͤnig/ was ſagſtu den viel newes von vielem eſſen/ da viel Leuth ſind? Jch hoͤr wol/ was du vom Apt geſagt haſt/ das moͤgeſtu auch von mir ſagen. Alſo ward dieſer Gaſt we- gen ſeinem nerriſchen geſchwetz geſtraffet. Eraſm. de Lin- gua.

D vVon

XXXVIII. Von einem andern Schwaͤtzer.

NJcht wenig ſind deren Leuth/ welche etlicher ſchwatzhafftigkeit durch er- dichte fragẽ herfuͤr locken/ damit nur ein Gelaͤchter erregt werde. Es ſaß bey etlichen Kauff leuthen ein Dominicaner Moͤnnich vber Tiſch/ bey denſelben wurden mit fleiß etliche geſetzt/ welche dieſen vnbe- ſunnen vnd ſchnell vrtheilenden Menſchẽ mit fragen eintreiben ſolten. Endlich legt jhm ei- ner vnder den Tiſchgenoſſen ein frag fuͤr/ ſo zum Kauffhandell gehoͤrte: Ob er recht vnnd wol thete/ das der/ ſo einem zwey Faß Schaff- milch verſprochen/ hernacher haã milch gebe. Er beſann ſich nit lang/ ſondern macht ein ſol- chen endſcheidung. Wann die Haan Milch dẽ/ dem ſie geliefert wird/ nutzlicher als die Schafmilch were/ ſo hette der/ ſo ſie jenem zu- geſtalt/ der ſachen ein benuͤgen gethan. Hier- uber hat ſich ein gros gelechter erhoben.

XXXIV. Von einem Heßlichen Bawern.

MAnn ſchreibet von einem vngeſchaf- fenen heßlichẽ Bawern/ der hab ſehr ſchoͤne Kinder begeret/ hab auch ein Weib genommen/ dz noch viel heßli- cher als er geweſen. Dañ ſeine freunde jn hier- uber hoͤhneten vñ fragten/ wie er doch mit ei- nem ſo vnbeſchaffenẽ heßlichen Weib vermein te ſchoͤne kinder zuzeugen? Antwortet er da- malß nichts/ ſondern zog auff einen Marckt/ kaufft kaufft daſelbſt ſchoͤne Bilder vnd figuren/ ſtelt dieſelbe zu Hauß in ſein Schlaff kammer/ da- mit die Fraw durch ſtettigs anſchawen gantz vnd gar jhr derſelben geſtalt einbilden/ vnnd alſo die Kinder nit nach der Mutter/ ſondern viel mehr nach der bilder geſtalt moͤchten for- mirt werden.

XI. Von einem Magſtro vnnd groben Bawern.

ES begab ſich im Winter/ da es ſehr geſchneet vnd die Bahn bedeckt war/ ein gelerter Mann irr gehet/ nach dem jhm nun ein Bawersmann begegnete/ vnd vmb den rechten weg gefragt war/ ſprach er/ hey/ ſeyt jhr ein Magiſter/ gehet Jrr/ vnnd wiſt den Weg nicht? Meynet alſo der grobe Bawr/ weil er ein Magiſter der freyen Kuͤn- ſten were/ ſo muſt er alle Straſſen wiſſen/ hielt vielleicht dafuͤr/ er muſte auch wol Schu ma- chen koͤnnen.

XLI. Von einem vnbedachten Weib.

EJn Vnbedachtes Weib ward von jrer Nachbarin geſtrafft/ daß ſie mit ei- nem bloſſen vnnd Schebichten Kopff vnder die Leuth ging. Da hebt ſie die kleider auff/ meinte/ ſie hette nur den Kittel/ hat aber das hembt auch mit genom- men/ deckt alſo den Kopff/ vnnd ent- bloͤſet das geſaͤß.

Von

XLII. Von einem ſtattlichen Fetter- hanſen.

ES ſagt ein ſtattlicher Schnautzhaan zu Hertzog Johann Fridrichen Chur- fuͤrſten/ Gnedigſter HErr dieſe ſeindt es/ die E. Chur. Gnaden bey Land vnd Leuth erhalten/ meinte das Krigsvolck/ ſo in der Ruͤſtung ſtundte. Aber der fromme Fuͤrſt wider redt des Prechtigen Krigsmanns wort alſo: O jhr arme Beſchuͤtzer/ wo vns GOTT nicht beſchutzet.

XLIII. Von einem Meßpfaffen.

ALß auff ein zeit D. Luther ſeliger zu Wittenberg ein ſchwere Diſputation hielt von der Meß/ ob die abzuſchaffen vnnd endlich durch viel wichtige Argu- ment vnnd Schlußred dahin gehandelt ward das ſie nicht ferner in der Chriſtlichen Kir- chen ſolt geduldet werden: Da rieff einer/ was ſollen wir arme Meßpfaffen dann wer- den/ wann die Meß abgeſchaffen wird/ da erhub ein ander Student die Stimm vnnd ſprach/ Lemures et Larvae/ das iſt/ Butzen- menner vnnd Teuffels Koͤpff. Hierauff hat ſich ein gros Gelechter durch das gantz Au- ditorium erhaben.

XLIV. Von einem Franciſcaner Moͤnnich. Ein

EJn Franciſcaner Moͤnnich lobt gantz tref- lich auff Rhetoriſche art den Franciſeum/ vnnd verglich denſelben mit andern heiligen/ vnnd ſprach: Wo ſoll ich dich doch/ lieber Franciſce/ hinſtellen/ ſoll ich dich vnder die Merterer ſetzen? Aber du biſt den Merterern weit fuͤr zuzihen. Soll ich dich ſetzen vnder die Confeſſorn? Aber du biſt denſelben euch weit oblegen. Wiltn vnder den Jungfrawen ſitzen? O Jungfraw aller Jungfrawen/ wo wird doch ein orth ſeyn fuͤr dich/ deß du moͤchſteſt werth ſeyn vnnd diß redt er von hertzen/ die alte Weiber zubewegen/ darauff ſprach ein hoͤff- licher vnnd Vexiriſcher Bawer/ HErr/ damit der gut heilige nicht allein ſtehe/ ſo ſtelt jhn an mein orth/ ſtundt damit auff/ vnnd gab alſo dem armſeligen Franciſco raum. Ex pre- fat. Grettorum fratrum pericopis Brentii prefixn.

XLV. Von einem Venediger.

NAch dem ein Venediger in ein Schiff getretten/ willens mit andern Leu- then vber Meer zufahren/ vnd hoͤrte wie der Schiffmañ Maltempo hieſſe/ da ſprang er wider heraus/ vnnd konnt jhn keiner wider in daſſelb Schiff bringen/ D. Joan. Bonifac. in tract. de furtis.

XLVI. Von Bruſchero Koͤnig Henrichs ii. in Franckreich Narꝛen. Der

DEr Cardinal zu Lothringen wolt v- ber Meer nach Rom ziehen/ vnnd bate/ daß mann ihm den Narren Bruſchetum mit geben ſolte/ die zeit jhm zu kurtzen. Aber es hat niemandt dieſen Narren bereden koͤnnen/ das er ins Schif gegangen were. Vnd ob gleich der Car- dinal ſagt/ es hatte kein gefahr/ ſie wolten durch des allerheiligſten Vatters huͤlff Schif- fen: ſprach er: ich hab vielmalß gehoͤrt/ der Pabſt hab zugebieten im Himmel/ auff Erden Vnd im Fegfewer/ aber nimals hab ich ge- hoͤrt/ das er vber das Meer zugebieten habe/ Darumb ſol mich keiner bereden/ das ich mich vmb ſeinet willen einem ſo vnbeſtaͤndigen vnd wuͤtenden Element vertrawen wolte.

XLVII. Von Leopoldi Hertzogen in Oſterreich Narren.

MAnn lieſet in der Schweitzer Chro- niken/ das Leopold 1. Hertzog in Oſterreich rath gehalten hab/ wie ſie in die drey Schweitzer Doͤrffer ei- nen einfall thun moͤchten/ hat endlich ſchertz- weis den Narren gefragt/ was jhn deuchte: Da ſie nun all jhren Rath vnnd gut duͤncken angezeigt/ wie ſie in diß Landſchafft kommen moͤchten/ da ſpricht der Narr/ ich hoͤr wol wie wir ins Land kommen koͤnnen/ nimand hoͤr ich aber rathen/ wie wir wider heraus den weg nehmen ſollen. Jedermann hat hiervber gelacht/ wie weißlich er aber geantwort hab/ hat der außgang geben: dann keiner wi- der herauß kommen.

Von

XLVIII. Von einem Narren in Engellandt.

THomas Volſejus Cardinal ließ zu Eberach in Engellandt ein koͤſtlich Begrebnuß zurichten. Da er nun offtmals hinzu ging/ zu beſehen/ wie das werck ſeinen vortgang nehme/ da ſagt ein Narr zu jhm: Wann er in diß Begraͤbnuß kommen woͤlte/ ſolt er lebendig ſich hinein legen laſſen/ dann Todt wurd er nimmer- mehr hinein kommen. Vnnd diß iſt alſo ge- ſchehen. Dann dem Koͤnig wirdt vorbracht/ wie daß er in etlichen ſachen mißhandelt ha- be/ derwegen laͤſt er ihn am Leben Straf- fen.

XLIX. Von einem Narꝛen in Teutſch- landt.

VJel Leuth laſſen jhre Soͤhne zur vn- zeit ſich auff die H. Schrifft oder das Recht/ oder auff die Artzeney bege- ben/ ehe ſie nemblich die freye Kuͤn- ſte vnnd anders ſo jhnen hirzu dienlich/ Studirt haben. Da ſie aber ein jedes or- dentlicher weiß anfingen/ lieber GOTT/ wie ein ſo feine Arbeit theten ſie. Nach dem ſie aber jhre ſach/ befurdern woͤllen/ hal- ten ſie ſich nur ſelbſt damit auff. Es iſt ein Narr geweſen/ der trug gemeinlich holtz in ſeines HERRN Kuͤchen: Dieſer thoͤ- richt Menſch zog mit groſſer muͤh das holtz vnden auß dem hauffen/ da mann jhn fragt/ was wie vrſach were/ antwortet er/ er woͤlt die die Schwereſte Arbeit am erſten thun/ das hoͤchſte ließ ſich leichtlich bewegen/ wolt alſo nicht mercken/ wie hoch daran gelegen were/ eines nach dem andern/ ordentlich nehmen. Alſo thun auch die/ welche freye Kuͤnſte fahren laſſen/ vnd ſich ſo balt zu den hohen Faculte- ten begeben.

L. Von etlichen Narꝛen.

ES werden die Tyrannen/ reiche vnnd hohe Leuth in dieſer Welt durch kein beſſer mittel dahin bracht/ daß ſie jhre Menſchliche gebrechen vnnd fehl er- kennen/ als wann jhnen Creutz vnnd Truͤbſal zu Hauß geſchickt wirdt durch den lieben GOTT. Mann ſagt von etlichen Narren/ welche am vfer eines Waſſers geſeſſen/ haben die bein vnder einander geſchlagen/ vnnd ſich alſo ins Waſſer gelaſſen. Da mann nun wider auffſtehen ſolte/ wolt keiner wiſſen/ welches ſeine Fuͤß weren/ biß daß einer/ ſo fuͤrvber ge- het/ jhnen mit einem ſtecken auff die Fuͤß ſchleget/ dann die ſtreich fuͤhlten ſie/ vnnd zog allweg der/ ſo getroffen wardt/ ſeinen ſchen- ckel nach ſich. Alſo muͤſſen auch die Tyrannen mit dem ſtecken GOttes geſchlagen werden/ die nicht wiſſen daß ſie Menſchen ſindt/ da- mit ſie alſo des Menſchen elend durch die ſtreich erkoͤnnen moͤgen. Auff dieſe weiß haben Alexander Magnus/ Nebucadnezar/ Herodes vnnd andere jhr menſchliches elend lernen erkennen/ dann GOTT kann jhnen alſo auff die Menſchen Haut ſchlagen/ daß ſie jrer widerumb gewahr werden.

Von

LI. Von einem halben Narꝛen.

ES hat auff ein zeit ein Roͤmiſcher Key- ſer viel zu fleiſſig nach ſeinen Anchen vnnd herkommen geforſchet/ dann es hette jhn ein loſer Waͤſcher beredt/ er wolt jhm dieſelbe zeigen von der Arch Nohe herꝛwelches jhn dermaſſen bewegt daß er alle geſchefft hindann ſetzet/ vnnd allein auff diß bedacht iſt/ leſt ſich auch durch keinen Men- ſchen davon abwenden/ ja auch die Legaten nicht/ welche mit jhm in hochwichtigen ſachen zuhandeln hatten. Da nun niemandt dieſem Vnheil wuſt vorzukommen/ da macht ſich ſein Koch/ ſo ein halber Narr war/ zu jhm/ (denn er hat vielmahls ſein kurtzweil mit demſel- ben) der redt jhn alſo an. Aller Gnedigſter HErr/ E. Key. Mayſt. woͤllen mir in keinen vngnaden auffnehmen/ daß ich derſelben we- gen nachforſchung deren Anchen vnd herkom- men ein rede: deñ ſolches iſt weder vortreglich noch ehrlich/ vnd diß ſag ich auß trewem ge- muͤth/ ſintemal E. Key. May. Jch als einen GOTT ehre/ vnd iſt dem gewißlich anders nicht/ wenn dieſelb jhre Anchen dannen her beweiſen wirdt/ daß wir Gevettern ſindt/ weil wir all mit einander von der Arch Nohe vnſer ankunfft haben. Als der Koch diß ge- ſagt/ wendet er den Keyſer nicht allein von ſei- nem vornehmen ab/ ſondern er ſchemt ſich auch noch/ daß ers jemalß hatt angefangen/ dann er ſahe endlich/ daß ſeiner voreltern her- kommens/ wenn ers zu fleiſſig ſuchen wurde/ ſehr gering werden wolte.

EVon

LII. Von groͤſten Eſeln/ welche heuti- ges tags zun hoͤchſten ehren erhoben werden.

EJn Eſel vnnd Loͤw ſtrebten zum glei- chen nach dem Koͤnigreich/ kommen endlich dieſer geſtalt vber ein/ daß der/ ſo am beſten lauffen koͤnnt/ ſolt alle ge- walt vnnd das hoͤchſte Regiment haben. Das ziel wirdt von der Muͤlln an biß vber den nechſten Berg geſetzt. Der Loͤw lieff geſchwind nach dem ziel/ der Eſel aber mocht nicht fol- gen/ bleibt deß wegen bey der Muͤlln gehen. Nach dem der Loͤw vber den Berg kompt/ ſi- het er im thal einen andern Eſel weyden/ meint/ es ſey der Eſel/ mit dem er gewettet/ bekuͤmmert ſich hoch/ das er verlohren hette/ leſt nicht nach/ begert/ er ſolt noch einmahl wider zu ruͤck nach der Muͤlln lauffen. Der Loͤw laufft ſo geſchwindt er mag/ da er zur Muͤlln kompt/ trifft er den Eſel an/ mit dem er des erſtenmahls den pact getroffen hatte/ weyl nun der Loͤw meinte/ er het abermals verlohren/ vber gab er jhm den hoͤchſten ge- walt/ alſo ſtehet ſolche noch an vielen orthen bey den Eſeln. Steph. Riccius in Miſcel. 9. Daher iſt der Teutſchen ſprichwort erwachſen Suem Rhenone veſtire/ Einer Saw einen Beltz anzihen. Jtem: Corvi luſciniis honora- tiores/ Eſel haben groͤſſer gluͤck/ als gelerte Leuth.

Je groͤſſer Narr/ Je beſſer Pfarr/ Jch nehm fuͤrwar ein Handvol gunſt/ Vnd ließ dir ein Sack voll kunſt. Ein

Ein dorff Prieſter pflegte die Kinder alſo zum fleiß zuermahnen.

Lernſtu wol/ ſo wirſtu gebratner huͤner voll

Lernſtu vbel/ ſo muſtu mit den Schweinen eſſen auß dem Kuͤbel.

er hette aber viel mehr alſo geſagt/

Lernſtu wol/ ſo wirſtu aller plagen voll.

Denn die Meßpfaffen/ ſo nicht viel ſtudiret/ werden gebratner huͤner voll: Da hergegen die gelerten muͤſſen mangel leyden.

LIII. Von einem Narren.

ES kehren auff ein zeit drey Braun- ſchweiger vom Adel bey einẽ Wirt vber Nacht ein: Da ſie nun faſt die gantze Nacht geſoffen hetten/ da gedenckẽ ſie des Herrn Landgraff Philipſen zu Heſſen: Vnd weil eben damals jhr Herr/ Hertzog Hen- rich/ nit wol mit gemeltem Fuͤrſten ſtunde/ troͤ- weten ſie jhm den todt/ vnnd fing der erſt alſo an: Jch moͤcht nichts liebers wuͤntſchen/ dann das ich jtzundt gewalt vber den Heſſen hette/ ich wolt ihn warlich mit dieſen meinen Klaen zerreiſſen. Der ander aber ſprach: Was ſagſtu viel von deinen Negeln? Jch wolt jhm das wehr durch den leib laufen/ vnd hernacher zu ſtuͤcken zerſchneiden. Der drit ſagt. Jch wolt mein Hund wol außhungern/ vnnd jhn dar- nach von denſelben zerreiſſen vnd freſſen laſ- ſen: Da dieſe harte wort des wirts Sohn/ welcher ein halber Narr war/ vnnd hinder dem Ofen ſaß/ hoͤrte/ deucht jhn/ er koͤnnt len- ger nit ſchweigen/ lieff hinder dem Offen her- fuͤr zu denen vom Adel/ ſaß bey ſie vnd ſagt: Jch hab ewer harte vnnd rawe wort vom E ijLand- Landgraffen gehoͤrt/ daß jhr jhn wolt Todt haben/ vnnd ſind zwar ſolches treffliche boͤſe Straffen/ die jr jhm anthun wollet: Aber hoͤrt mich auch/ vnd laſt euchs nicht verdrieſſen: Dann ich hab auch ein Kopff/ vnnd verſteh was: Wann jhr tapfere Helden mir folgen wollet/ ſo woͤllen wir jhm einen grewlichen vnnd bittern Todt an thun/ ich will jhm mit beiden Henden Mundt vnnd Naſen gewaltig hart zuhalten/ jhr aber ſolt jhm mit ewern Zungen das Arsloch dermaſſen verſtopffen/ das nicht ein eintziger Athem heraus kom- men mag. Alſo thun wir jhm einen bittern Todt an/ vnnd wird er euch hernacher nicht mehr ein Dorn in Augen ſeyn. Vber dieſe des Narren hoͤffliche vnnd boſſirliche antwort ſchemten ſich die vom Adel dermaſſen/ daß ſie ſtillſchwigen/ vnnd nicht wuſten/ was ſie ſa- gen ſolten/ dann ſie ſahen/ daß diß der Narr von ſich ſelbſt ohn einiges Menſchen angeben geredt hatte: ſaſſen auff jhr Pferdt/ vñ Ritten ohn vorwiſſen des Wirts davon/ vnnd thet jhnen weh/ daß ſie von einem Narren alſo be- antwortet/ vnnd ſonſt von jedermann außge- lacht worden: Dann es waren etliche Heſſen da/ denen ſie dieſe wort zu verdriß gered hat- ten/ damit ſie ſolche nur zu zorn bewegen moͤchten.

LIV. Von einem krauß Kopff.

ES war ein beſeſſen Menſch zu Regen- ſpurg/ denſelbigen fuͤhret Mann in die Kirchen/ rieff GOTT an/ daß er dem Teuffel wolt außgebieten. Nach dem nun hiebey einer ſtehet mit einem krau- ſen ſen Haar/ der ein groß gepreng damit triebe/ ſprach der Teufel: Jch ſehe wol/ daß ich dieſe mein alte Herberg werd raumen vnd verlaſſen muͤſſẽ damit ichs nũ deſto lieber thue/ bitt ich/ woͤllet mir geſtattẽ daß ich in den Krauß Kopf fahrẽ moͤchte. Alß derſelb diß hoͤrte/ erſchrack er dermaſſen/ daß er verſtummete. Da er aber wider zu ſich ſelbſt kame/ antwortet er jhm al- ſo: Du ſolteſt mir in Ars fahren. So balt er dieſe wort geredt hatte/ gerewets jhn/ macht deßwegen ſo balt ein Creutz vber das Geſaͤß/ vnnd ſprach/ behuͤte mich GOTT/ HErr Behuͤte mich. Den Teufel verdroß das vbel/ ſchlug jhm ins Angeſicht/ vnd ſprach zu jhm/ daß dich das hertzẽleydt ankomm/ du ſchelm/ du laͤdeſt Gaͤſte/ vnnd ſchleuſſeſt darnach die Thuͤr fuͤr jhnen zu/ Muß nun zwiſchen zween Stuͤlen nider ſitzen. Hieran ſiehet mann daß der Teuffel nicht ſpaͤh vnnd eckelicht ſey/ weil er ſich auch nicht geſchewet in des krauſſen Haars hinderſten zufahren/ wo er jhm nicht durch das Creutz oder viehl mehr durch das Gottſelig Gebett ein Rigel fuͤrgeſchoſſen het- te. Die alten Vaͤtter haben vielmalß/ wie wir in jhren Schrifften leſen/ ſich mit dem Creutz bewahret/ vnnd den Teuffel gejagt. Von des Creutzes krafft ſchreibet Lactant. lib. 4. cap. 27. Mann ſoll aber nit dafuͤr halten/ das diß Creutz machen fuͤr ſich ſelbſt den Teufel hin- weg getrieben/ ſondern weil ſie geglaubet haben/ ſie ſeyen von des Teufels gewalt durch des Herrn Chriſti Creutz erloͤſet.

E 3Von

LV. Von einem Muthwilligen Menſchen.

ES begibt ſich gleichfalß/ daß ein ar- mer beſeſſener Menſch in die Kirchen gefuͤhrt/ vnnd Gott fleiſſig angeruffen wird/ daß er dem leydigen Sathan ab- wehren/ vnd dieſen Menſchen von jhm erloͤſen wolle. Da nun Gott dz Gebet erhoͤrer/ vnd dẽ Sathan gebeut außzufahren/ fragt er den Pfarrer/ wo er hinfahren ſoͤlle/ antwortet ein muthwilliger Menſch/ ein roh Kind/ fahr mir in meinen Arß: Nichts deſto weniger aber macht er ein Creutz dafuͤr. Der Teufel fahrt auß/ vñ da er in die beſtelte Herberg einbegint zufahren/ ſpricht er wider den muthwilligen Geſellen/ du laͤdeſt Gaͤſt/ ſchleuſſeſt nichts de- ſto weniger die thuͤr fuͤr jhnen zu/ nimbt jhn/ vnd wirfft jhn von dem Kirchboden oben her- ab daß er den Halß entzwey bricht/ vber wel- cher geſchicht jedermann zum hefftigſten er- ſchrocken. Daher zuſehen/ dz ſolcher boͤſe Geiſt nit leichtlich ſoll zu Gaſt geladen werden.

LVI. Von einem Juͤden.

GRegorius ſchreibet l. 3. Dialogorum Es ſey vf ein zeit ein Jud in ein Ca- pell gangen darinn zuſchlaffen/ deß Nachts ſihet er daſelbſten ſehr viel boͤſer Geiſter: hiruber erſchrickt er hefftig/ macht ein Creutz fuͤr ſich/ als nun der Oberſt Teufel innen wird/ das ein Menſch da iſt/ heiſt er einen Geiſt zu jhm nehen/ vnnd zuerkuͤndi- gen/ wer es ſey/ derſelb bringt fuͤr ſeinen ober- ſten/ ſten/ es ſey zwar ein ledig faß/ aber es ſey ge- zeichnet/ vnd hat dem Juden nichts leidts ge- than. Da der Jud ſolches bey ſich erweget/ be- gibt er ſich zur Chriſtlichen Religion.

LVII. Von einem andern Juden.

MAnn ſagt/ es hab ein Jud mit einem Chriſten diſputiret/ nach gehaltener langer diſputation fragt der Judt endlich den Chriſten/ woher kompts daß ſo viel lahmen/ blindẽ/ vnd Bettler vnder den Chriſten gefunden werden/ als ſonſt vn- der jrgert einem Volck? Der Chriſt antwort er weiß es nit/ der Jud ſpricht: Die Chriſten laͤ- ſtern Gott mehr/ als ſonſt Jrgent ein Volck/ daher werden ſie wegen jhres falſchen ſchwe- rens vñ laͤſterns mehr von Gott geſtrafft. Vnd weyl die Meyneidt heutiges tags ſehr gemein ſind/ ſo folgen hierauff gemeine vnnd ſonder- bare ſtraffen.

LVIII. Von einem andern Juden.

ES ſagten etliche Juden zu dẽ Chriſten/ was ruͤhmt jhr euch viel da jhr doch nichts thut/ darinn mann euch billich folgen koͤnnte/ jhr treibt vnzucht/ jhr ſaufft euch voll Weins/ auch ſpeyet ihr alle weg voll. Vber das halt jhr den Ehebruch fuͤr keine Suͤndt/ die Hurerey iſt euch wie ſonſt ein Spiel/ den nechſten plagt jhr mit wucher. Vber das alles flucht einer dẽ andern/ (das ſchrecklich zuhoͤren) bey dẽ Namen Got- tes/ vñ ewers Chriſti leydẽ/ da jr doch ſprecht/ daß jhr durch ſolch leyden erloͤſet vnd Erben E iiijdes des ewigen Lebens worden ſeyt. Warumb fuͤhrt jhr dann ein ſolch Gottloß Leben? Wer will gleuben daß jhr GOttes volck ſeyt? ge- wißlich thuts keiner/ ſo bey ſinnen iſt. Vnnd zwar/ dieſer Jud hats recht troffen: Dann wir ſind Chriſten nur mit dem Namen/ ſonſten in der that ſint wir aͤrger alß Juͤden oder Tuͤr- cken.

LIX. Von einem alten Weib vnd ſonſt etlichen Jůden.

ZV Moͤnchen in Beyern hat ſichs begebẽ/ das ein altes Weib etlichen Juͤden ein kleines Kindt verkaufft/ welches ſie mit Nadeln zerſtochen/ getoͤdtet/ vnnd ſein Blut in ein Becken gefangen haben. Eben die- ſe Zauberin ſtahl noch ein ander Kindt/ der Vatter aber ereilet vnnd verklagt ſie/ mann legt ſie ſie ins gefengniß/ ſie bekennt die that/ zeigt an/ wo des verſtorbenen Kindleins Leichnam zufinden ſey. Daruber laͤſt mann ſie ſo baldt hinrichten. Alß aber das gemein Volck des ermorden Kindts Leichnam ſahe/ deßgleichen wie es zerſtochen worden/ fing es an zu toben vnd zu wuͤthen/ lauffet zuſammẽ/ erwartet nicht des Richters Spruch/ vnnd nehmet jhm vor die Juden zuerſchlagen. Das Hoffgeſind vnnd Richter des Hertzogen vn- derſtehen ſich die auffruhr zuſtillen/ aber laͤſſet ſich weder durch wort noch ſtreich abwenden/ deßwegen rathen des Hertzogen diener den Juden/ ſie ſolten ſich eilend in jhre Synagog begeben/ welche von ſteinen auffgebawt war/ da nun die Juden hierin flohen/ ward der Tu- mult noch groͤſſer/ das Volck laufft zuſam̃en/ tragen tragen holtz dafuͤr/ vnnd werffen Schweffel/ Bech/ Wachß/ vnnd dergleichen ding darun- der/ ſo gern Brennet/ verbrennen alſo hun- dert vnnd achtzig Juden mit jrer Schul/ hier- ab konnt ſie weder der Hertzog/ weder die Richter/ noch die Hoff Leuth abhalten. Alſo wuͤtet das gemein Volck/ wann es erhitzt wirdt.

LX. Von einem Juden.

EJn Jud begert getaufft vnd ein Chriſt genennet zu werden: fragt/ wo er der Chriſten GOTT finden moͤchte? Er wird gen Rohm zu Chriſti Statt- halter verwieſen: Da er etliche tag daſelbſt ſich hielte/ ſprach er endlich/ daß hie nicht der warhafftige GOtt wohnen ſoll/ iſt kein zwey- fel/ denn all vnſer Propheten geben GOTT zeugnuß/ daß er guͤtig/ gnedig/ barmhertzig/ gedultig vnnd ſanfftmuͤthig ſey. Da nun ein ander GOtt allhie wohnete/ ſo koͤnnte er ge- gen ſo viel laſter/ gegen ſo groſſe Abgoͤtterey/ vngerechtigkeit/ vnzucht/ vnnd dergleichen ding/ ſo taͤglich geſchehen/ ſo lang nicht zu ſe- hen noch ſolche vngeſtrafft laſſen. Ließ ſich derwegen von ſtund an Tauffen.

LXI. Von etlichen Sabbathern.

ZV Magdeburg fiel ein Jud auff jhren Sabbath in ein heimlich Gemach. Die Juden gingen zur Obrigkeit/ vnd baten/ mann ſolt etlichen Chriſten in der Statt gebietẽ/ den Buͤtteln oder ſonſt andern gemei- nen dienern/ daß ſie den Juden heraus zoͤhen. E vDer der Biſchoff verwundert ſich/ daß ſie ſo vnver- ſchembt weren/ vnd fragt/ warumb wolt jr jn von dem vnſern laſſen heraus zihen? Weil wir den Sabbath halten/ ſagten ſie. Der Biſchoff ſprach/ ſo gebiete ich den meinẽ/ daß ſie weder heut noch morgen etwas in dieſer Sach/ dar- umb jhr anhalret/ thun ſollen. Heut ſoll es nit geſchehen/ weyl ewer Sabbath iſt: Morgen ſollen ſies auch nit thun/ weil vnſer Sabbath iſt. Alſo muſten ſie ihn heraus zihen/ damit er nicht verderben moͤchte. Diß iſt geſchehen zu Biſchof Ernſten Fuͤrſten zu Sachſen zeiten.

LXII. Von einem ſchlechten Weiblein.

EJn Moͤnnich mit Namen Gottſchalck ſchreibet/ er hab ein Weib gekennet/ welche groſſen Augen wehthumb ge- lidden/ deßwegen ſie viel auff Artzney gewendet/ will aber alles nit helfen. Endlich klagt ſie diß einem Schuler/ vnnd ſagt dabey/ ſie wolts einem reichlich vergelten/ wañ einer dieſen ſchmertzen wurde abwenden. Wie wol nun der Schuler nichts in der Artzney wuſte/ ſo verreiſt jn doch die fette verehrung/ daß er zuſagte jhr zuhelffen. Nimpt derwegen ein blat Papyr/ macht etliche Charactern/ dar- auff er weder zuvor gedacht noch dergleichen jemals geſehen hatte/ vnder dieſelbe ſchreibet er mit groben Buchſtaben: Der Teufel kratz dir die Augen auß/ vnnd ſcheiß dir die loͤcher voll. Dieſes blat wickelt er zuſammen/ ver- ſchloß es/ vnd lies ſies an Hals hengen. Das Weib folget/ vnnd wird jhrm geholffen. Nach einem Jahr oder zwey will ein ander Weib wiſſen wz in der Charten ſtehe/ ſie leſts leſſen/ wird wird vnwillig/ vñ wirffts hinweg. Das Augen weh kompt wider. Wer kann nun nit abneh- men/ das die wuͤrckung weder in den Caracte- ren noch in den beſchriebenen wortẽ geweſen/ folgt alſo/ daß ſie von niemand anders als voͤ Teuffel herkommen/ welcher luſt vnnd gefal- len an dieſem Betrug gehabt hat.

LXIII. Von einem Meßpfaffen auß dem Franckenlandt.

JM Franckenlandt war ein Meßpfaff/ der hat weder in ſtudiis noch auch in guten Sitten etwas gelernet. Derſelbig entpfing etliche Maͤgdlein/ die er auff Faßnacht beichten hoͤret/ ſehr vnfreundtltch. Dann alß ſie mit Schamhafftigkeit Ablaß jhrer Suͤnden begerten/ fuhr er ſie alſo an/ wann jhr beichten ſolt/ ſo ſtehet jhr/ wis/ wis/ wis/ vnnd kann kein Teuffel hoͤren/ was jhr ſagt: Aber wann ihr mit den Knechten auff dem Feldt ſeyt Frucht ſchneidet/ vnnd Hew machet/ da koͤnnt ihr den Ars weidlich auff- ſperren/ da ſolt die Obrigkeit ein einſehens haben. Lieber ſich doch/ wie gar ein vnver- ſchembder Eſel diß geweſen/ daß er ſo ſchend- liche ding vor keuſchen Maͤgdlein zureden ſich nicht geſchewet hat. So hat er auch ſeine O- brigkeit wenig geehret/ in dem er ſie heiſſet in jhre hindergeſaͤß ſehen. Er zwar wer wert/ dz er gantz vñ gar in einem heimlichen ge- mach ligen/ ſterben vnd verder- ben ſolte.

Von

LXIV. Von einem Weib zu Brůſſel.

MAnn findt Leuth/ die ſich ſo fleiſſig zu vnverſchembden worten gewehnen/ daß jhn ſolche auch vielmalß auß vnbedacht entfahren/ wie dann deſſen ein mercklich Exempel geſchehen iſt zu Bruͤſſel in S. Gudulae Kirchen. Dann alß auff ein zeit ſehr viel Leuth in der Kirchen waren/ da gehet ein ſtattliche Matron/ von ei- nem vornehmen Geſchlecht zur Kirch thuͤr hinein/ weil aber der Schnee geſchmoltzen vnnd der Boden hievon glat worden/ felt ſie/ daruber ſie ſehr erſchrickt/ vnd nach jhrer ge- wonheit der Maͤnner heimlichkeit mit heller ſtim nennet. Hieruber wird ein groß gelechter durch die gantz Kirch/ ſie aber wird ſcham- roth.

LXV. Von Macario dem Einſidler.

MAcarius ein Einſidler find ein Dieb in ſeiner Clauſſen/ ſo jhm Haußrath ſtahle. Er aber wehret ihm nicht ab- ſondern halff jhm das zeug zuſam- men binden/ vnnd damit der Dieb ja ſicher war/ gab er ihm ein zeitlang das geleidt.

LXVI. Von der gleichen Geſindt.

ETliche Einſidler ſpannen dieſe wort/ nicht widerſtrebet dem vbel/ ſo eng/ daß ſie auch nit einem floh oder Lauß widerſtand theten vnd von jhrem Leib abzoͤgen.

Von

LXVII. Von einem einfeltigen Mann.

ZV Loͤwen war ein einfeltiger Mann/ der ging nach verrichtem Gottesdinſt von einem Altar zum andern/ vnnd gruͤſſet einen heiligen hie/ den andern da/ nach dem er gegen ſie affectionirt vnnd geſinnet war/ mit dem Gebet des HErrn. Wann diß geſchehen/ beyget er die Knie ein wenig/ neñt den Heyligen/ dem er zu dinſt gebetet hatte/ vnnd ſprach/ diß iſt dein/ Sanet Barbara/ diß hab fuͤr dich Sanct Roche/ damit ein heiliger dem andern nicht nehme/ was ihm nicht wer gegeben worden/ vnnd alſo kein vneinigkeit entſtuͤnde.

LXVIII. Von einem Pfaffen.

ALs ein dorff Pfaff erſtmahls ein Kindt Tauffen ſolte/ vnnd im Agenden Buch ihm vorkahm/ Salta per tria/ damit er vermahnet ward/ er ſolt drey Blaͤtter vmbwenden/ da ließ er ihm den Gloͤckner ein ſtangen bringen/ darauff mann das Creutz ſtecket/ wann manns vmbher tragen will. Da ers nun bekompt/ nun wolan ſpricht er/ diß hab ich noch nie verſucht/ muß aber jtzt thun/ weils die not alſo erfordert/ ſiewert ſich auff die Stangen/ vnnd ſprang dreymahl vber den Tauffſtein/ nahm ſein Buch wider/ vnnd verricht das vbrige.

Von

LXIX. Von eines Weibs toͤrichtem gelůbt.

JN Beyern iſt ein hoch gebew/ darinn rufft mann S. Leonharden an/ nach dem aber auff ein zeit derſelb Thurn anfing zubrennen/ da thet ein Weib/ welches ein behauſung hoch gegen vber ligen hette/ ein ſolch gelubt. O Sanct Leonhard erhalt vnſer Haus/ wirſtu das thun/ ſo will ich dir ein Kuhe ſchenckẽ. Da diß der Mann hoͤrr widerrieff ers ſo balt vnd ſprach/ was thuſtu toͤrichtes Weib? Siheſtu nit/ daß er ſein eigen Hauß nit erhalten kann/ wie will er dann vn- ſers erhalten? Nein/ ich will nit in dei geluͤbd willigen/ vnd vergeblich ein Kuhe verlieren: kann er etwas/ ſo erhalte er ſich ſelber.

LXX. Von einem Fůrſten.

JN einer Statt Prediget mann fleiſſig Gottes wort/ vnd pflegten viel Leuth daſelbſt hin in die Kirch zu gehen. Die Amptleuth aber/ ſo der Fuͤrſt hieruber hette/ verwachten die ſtraſſen mit groſſem ernſt/ vnd ſo jemand ſagte/ er wolt hinein ge- hen nach dem Hurenhauß/ als dann lobten ſie ſolcher Leuth vornehmen/ vnnd lieſſen ſie paſ- ſiren. Waren ſie aber im geringſten bey jhnen verdechtig/ als daß ſie die Predigt zuhoͤren in die Statt gingen/ zwungen ſie die Leuth mit worten vnnd ſtreichen wider heim zu keh- ren/ bißweilen legten ſie dieſelbe auch ins gefengnuß.

Von

LXXI. Von einem Graffen.

EJn Superintendens hielt bey ſeinem Grafen an/ daß er jhm geſtatten wolt in ſeiner herrſchafft den Bann wider einzufuͤhren/ welches ihm dann der Graff willig zu ließ. Was geſchthet aber. Der Graff lebt bißweilen nach ſeinem eigen gefal- len: derwegen ſchalt jhn der Pfarrer/ vnnd ſprach/ Gnediger Herr/ ſo jhr euch nit werdet beſſern/ ſo wirdts anders nit ſeyn/ ich muß euch in Bann thun. Der Graff erzoͤrnt ſich hefftig vnd ſprach/ den Teufel magſtu excom- municiren vnnd in Bann thun/ mich nit: Jch hab dir geſtattet die Bawren zubannen/ deßgleichen auch die Buͤrger. Aber warlich/ du ſolt mich laſſen nach meiner weiß leben.

LXXII. Von einem Edelmann.

EJn Edelmann ſchewt ſich nit frey offentlich zu ſagen/ es koͤnnt jhme kein verdrißlicher lied geſungen werden/ als der geſang/ Verley vns friden gnediglich. Dann ſo offt ich daſſelb hoͤr ſingen/ ſprach er/ ſo offt wuͤntſch ich in meinem hertzen/ daß der Teuffel Pfaffen vnd Kirchen in grundt vmbreiſſe. Vnnd ſo hefftig ſie GOtt vmb frid/ ruhe/ vnnd auch vmb Muͤſſiggang anruffen/ ſo hefftig bitt ich da- gegen/ das er vns allerhand auffruhr/ vnruh/ Krig vnnd dergleichen zuſchicke. Diß wort hett einem Teufel beſſer alß einem Men- ſchen zu reden angeſtan- den.

Von

LXXIII. Von einem Landtsknecht.

EJn| frommer Edelmann Pflegte all- weg vor vnd nach dem eſſen mit ſeinem Weib vnd Kindern zubeten: der Knecht lachete. Da nun das Weib ſolches zu vnderſchiedlichen mahlen wahrgenommen hatte/ zeigt ſies jhrem Junckern an/ derſelb gab gleichfalß vnder dem Gebett acht auff ſeines Knechts geberden. Vnnd ſah jhn auch lachen: fragt jhn deswegen ernſtlich warumb er gelacht hatte: Der Knecht ſagt/ was ſoll ich nicht lachen? Daß jhr betet/ gleich wie die Buͤrger/ da euch doch ſolches nicht noͤthig iſt/ dann die Bawern muͤſſen euch alles zufuͤhren.

LXXIV. Von einem Burgenmeiſter.

JN einer Vornehmen Statt im Schwei- tzerlandt bawte ein Burgenmeiſter ein Koͤniglich Hauß/ dazu braucht er Werckmeiſter auß andern Landen/ vn- der denen war ein Bildhawer/ von Trident burtig/ der hat groß verlangen nach ſeinem Gottesdinſt/ derwegen er auch angedeutem Burgenmeiſter nicht arbeiten wolte/ mit vor- wendung/ das er zweyerley Gottes dienſt nit abwarten konnte. Der Burgenmeiſter ſagt jhm zu/ es ſolt ihm ſonder gefahr ſeyn/ er ſolt ſein religion frey haben. Da er nun lang zeit gearbeitet/ vnnd ſeinen Arbeits lohn beger- te/ zanckten ſie ſich etlicher maſſen/ wird auff befehl des HErrn ins gefengnus geworfen/ vnnd von ihm angeklagt/ er kaͤme nicht zu der Baͤbſtiſchen gewoͤhnlichem GOttes dienſt/ vnd vnd hette in etlichen ſtuͤcken demſelben zu wi- der gelobet: Daruͤber wirdt er zum Schwerdt verdampt. Als er nun zum Richtplatz gefuͤhrt ward/ gehet er froͤliches muths vnnd mit gehertztem Sinn zum Todt/ vnnd bezeuget gegen jedermann/ er ginge gern vnnd willig vmb ſeines Glaubens willen/ als der recht- meſſig were/ in Tod. Doch werde der Burgen- meiſter/ als der ſeines Todts ein vrſach were/ vnder halb drey tagen hernach folgen/ vnnd fuͤr den Richtſtul Gottes kommen/ vnnd diß iſt alſo geſchehen/ dann der Burgenmeiſter/ ſo noch ein junger Mann/ vnnd von guter ge- ſundtheit war/ fing denſelben tag an itz zu hi- tzen/ dann zu frieren/ vnnd vberkam gar ein newe Schwachheit/ Starb alſo am dritten tag/ vnd folget Johanni von Trident.

LXXV. Von einem ſo in Brunnen gefallen.

WJe vnd auff was weis es geſchehe/ das die Suͤnde vnnd der Todt/ von Adam auff alle Menſchen komme/ iſt ſchwerlich zu wiſſen/ noch auch noͤthig zu vnſer Seligkeit. Daher halt ich Au- guſtini Spruch vortraglich ſeyn/ welcher ſchreibet/ Es ſoll ein jeder vielmehr dahin fleiß ankehren/ wie er von dieſer Seuch loß werden/ vnd die erbſund bezahlen moͤchte/ als fahrlaͤſſig nachfragen/ wie er darinn kommen ſey. Hieneben erzelet er/ wie einer ſey in einen Brunnen gefallen/ hab darinn geheulet vnnd geweinet/ da einer hinzu kommen/ vnnd fleiſ- ſig geforſchet/ wie er doch hinab geſturtzet ſey/ hat er geantwortet: Wie ich hieher kom- Fmen men ſey/ iſt ohn noth fleiſſig zu forſchen/ das aber woͤllet fleiſſig forſchen/ wie ich wider moͤcht hinauß kommen.

LXXVI. Ein Artzney gegen das Feber.

AVff ein zeit Lehret einer in einer hohen Schulen Dialecticam/ erzehlet vnd er- klaͤret die vers/ ſo man vor zeiten in der Schulen gebraucht hat:

Fecana cageti, daphenes, gebare, gedaco. Gebali ſtant, ſed non ſtant phebas, hecas & hedas.

Solche vers/ ſpricht er Schertzweiß/ ſind gut gegen das Feber/ wann man ein jedes wort auff ein Biſſen Brots ſchreibet/ vnd dem Krancken nach einander ein gibt/ alſo/ daß er allen tag ein biſſen Brot mit einem wort/ ſo darauff geſchrieben/ iſſet. Was geſchiher? Es iſt hirbey ein einfeltiger guter geſell/ der mer- cket nit/ das es ſchertz war/ ſondern hielt es vor ernſt/ als nun nach etlichen tagen ſein die- ner/ den er bey ſich hatte/ in ein Feber fiel/ gibt er jhm den erſten tag ein ſtick Brot/ vnnd ſchreibt darauff das wort Fecana/ vnd ſolches thut er biß auff das Sechſte wort Gebali/ da ward der Kranck wider geſundt/ andere ſo dieſe Artzney gut funden/ folgten ihm nach/ vnd brachten viel zur geſundheit. Endlich/ da diß ſchimpflich werck außbrach/ ließ die krafft der Artzney nach. Was kan man hie an- ders ſagen/ als der Teuffel hab der armen menſchen geſpottet.

Von

LXXVII. Von einem Lůgner.

EJn ſchwaͤtzer ſagt in einer Gaͤſterey/ er hab Funffzig beruͤmter Stett beſehen/ vnnd in einer jeden andert halb Jahr verharret. Da er nun gefragt war/ wie alt er jtzt war/ ſagt er/ er hab noch nicht das viertzigſte Jahr erlangt. So balt vberſchlegt manns befindt das dieſer Schwetzer 35. Jahr zuvor gewandert vnd die Stett beſehen/ ehe er geboren worden.

LXXVIII. Von einem Schwaͤtzer.

EJn ander ſchaͤmt ſich nicht zu ſagen/ er ſey in einem Land geweſen/ da hab es ſo groſſe Bien/ wie allhie in dieſen or- then die Schaff ſeyen. Wie hefftig die- ſer gelogen/ hatt auch ein Tauber vernehmen moͤgen/ deßwegen ſprach einer auß den zuhoͤ- rern/ ſo wird es gewißlich groſſe Binſtoͤck in dem Land haben. Der waͤſcher ſprach/ nein/ nit groͤſſer als auch hie zu Landt. Es fragt wiederumb einer/ ſo ſie nit groͤſſer ſind/ als hie zu Land/ wie koͤnnen ſie dann hinein kom- men? Da mercket der Luͤgner/ das ſein luͤgen viel zu greifflich war/ ſchaͤmt ſich/ wuſt nicht was er ſagen ſolte/ ſprach endlich/ da laß ich ſie vor ſorgen.

LXXIX. Von Eraſmo Roterodamo.

GEorg Hertzog zu Sachſen/ den ich ehrn wegen melde/ Rath fraget auff ein zeit Eraſmum Roterodamum in Religions ſachen. Da er aber zwey- F ijfelhaff- felhafftige antwort gab/ daß mann nichts ge- wiſſes darauß ſchlieſſen konnte/ ſtrafft jhn der hoch verſtendige Fuͤrſt alſo: Lieber Eraſmo: Waſcht mir dieſen Beltz/ aber ſehet zu/ vnnd macht mir jhn nicht Naß. Jch lob die Witten- berger/ die behalten das Meel nit im Mund/ ſondern ſagen jhre meynung fein rundt her- auß.

LXXX. Vom gemeltem Eraſmo.

JTzgemelter Eraſmus fragt auff ein zeit einen ſeiner guten Freundt/ wa- rumb er ſo koͤſtlich bawte? Derſelb ant- wortete/ damit ſeine Feinde vnd miß- goͤnſtige ſehen moͤchten/ das jhm kein Gelt mangele. Ja/ ſprach er/ eben hiemit gebt jhr an tag/ das euch Gelt mangele.

LXXXI. Von Jacobo Latomo.

JAcobum Latomum hat Mann zu die- ſen vnſern zeiten vnder die gelerteſten der H. Schrifft gerechnet/ weil er etwz beſſer gegen D. Luthern/ als Clito- pheus/ Eccius oder Roffenſis/ geſchrieben/ zu dem/ ſo ward er von jedermañ fuͤr einen auff- richtigen mann geachtet/ als der von hertzen anders nicht halte/ als er geſchrieben. Als derſelb jtzt ſterben ſolte/ ließ er die gelerten zuſammen fordern/ vnd ſagt mit vielen ſeuff- zen zu jhnen: Derenthalben hab ich euch zu mit fordern laſſen/ daß ich euch bezeugte/ daß die Lehr D. Lutheri/ welche jhr mit toben vnd wuͤten verfolget/ des HErrn Chriſti/ der Apoſteln Apoſteln vnnd der Kirchen warhaffte Lehr ſey/ dieſe aber/ welche jhr verthetiget/ ſey Gottlos vnnd Teuffeliſch/ vnnd das ich wegen etlicher Schrifften/ ſo ich wiſſentlich vnnd mit gutem bedacht wider mein gewiſſen euch zu- gefallen gegen die Lutheraner außgehen laſ- ſen/ verdampt ſey. Hieruͤber erſchrecken vnnd erſtarren ſie/ ſahen einander an/ heiſſen jhn endlich an der Barmhertzigkeit Gottes nicht vorzweiflen/ ob jhn gleich beduͤncke/ das er vbel gethan habe. Er aber erzehlet viel/ wie er vrſach gegeben/ das etliche am Leben ge- ſtrafft/ etliche aber jhres Vatterlandts ver- wieſen worden. Letzlich ſeuffzet er vnnd klagt hoch/ daß ſie jhn vergeblich troͤſteten/ dann er wiſſe vor gewiß/ daß er verdampt ſey/ vnd ge- het jhm hiemit der Athem auß.

LXXXII. Von Caſpare Contareno.

EJn Biſchoff zu Regenſpurg ſagt zu Contareno/ mann muſte noth wegen den Prieſtern die Ehe zu laſſen/ denn ſonſt wurden die Kirchen kein Predi- ger haben/ ſintemal ſchon viel ledig ohn diener ſeyen. Contarenus ſagt/ er wiſſe dieſem ding vor zu kommen/ denn Franckreich ſey voller Muͤnch/ die koͤnnte der Pabſt in die ledige Kirchen ſetzen. Was woͤllen dieſelben thun/ ſpricht der Biſchoff/ ſintemal ſie vnſer ſprach nicht koͤnnen? Contarenus antwortet: Sie ſollen nach gewonheit Meßhalten: Der Bi- ſchoff ſagt: Es were ein noͤthig ding dz Volck vnderrichten in der Lehr vom H. Evangelio/ vnd aller Gottſeligkeit/ vnd ſey gar nit damit außgericht/ daß man dem gemeinen mañ nur die Ceremonien zeige.

F iijVom

LXXXIII. Vom Hieronymo Emſero.

ZV Dreſten hat ſichs begeben/ ehe die Papiſtiſche Grewel abgeſchafft worden das Alexius Croſnerus ſo Hertzog Hen- richs Hoff Prediger drey Jahr lang ge- weſen/ vnd die reine wahre Lehr eingefuͤhrt/ jhm viel vngunſt erregt hat: Dann ſie ſtrafften vnd leſterten ſeine Predigten/ deuteten ſie v- bel/ vnd verklagten jhn. Endlich aber wird er ſeines dinſtes gar entſetzet. Da er nun ſeinen Haußrath auff ein Wagen gelegt hatte vnnd jtzt im vort zihen iſt/ da auffentſtoͤſſet ihm vn- gefehr Hieronymus Emſer/ welcher die Papi- ſtiſche Lehr zum hefftigſten verthetigte. Der- ſelb redt in alſo an: Jch hab dennoch den tag erlebet/ das dir Ketzer die ſtundt be- ſtimpt/ das du noch bey Sonnenſchein auß der Statt mit dem Teuffel deinem geleitsmann zihen muſt/ ich aber bleib darin. Alexius ant- wortet jm. Jch zihe hie von dannen mit Gott vnnd ob ich gleich ehe hie zu Landt alß du ge- weſen bin/ ſo hab ich doch das vertrawen zu Gott/ daß wenn du nimmer hie biſt/ ich doch widerumb allhie die zeit meines Lebens zu bringen werde. Was geſchicht? Denſelben Abendt ledet er etliche Leipſiſche Buͤrger zu Gaſt/ iſt luſtig vnnd helt Faßnacht mit jhnen. da nun die Buͤrger zu Hauß kommen/ ſetzet er ſich auff ſeinen Stul/ vnnd leſtert GOTT grewlich/ fantiſirt auch ſeltzam/ vnnd ſtirbt ſo balt des gehen Todts/ vnd diß begibt ſich alſo eben denſelben Abendt vmb neun vhr/ in beyweſen ſeines Dieners/ vnnd der Koͤchin/ welche alles/ wie es ſich verlauffen/ außge- breitet haben.

Von

LXXXIV. Von Doctor Tůrcken.

D. Tuͤrck ein Rechts gelerter ſahe fur ſeinem Bett in ſeiner Schwach/ heit ſtehen etliche Teuffel. Vnder- ſtehet ſich an die wandt zuhalten: damit ſie jhn nit lebendig hinweg fuͤhren moͤ- gen/ vnnd rufft mit erbaͤrmlichem geſchrey vmb huͤlff. Da er nun geſtorben/ hengt ihm eins Fingers lang auß dem Mundt herauß ſeine Zung ſehr ſchwartz/ damit er im Teut- ſchen Krieg vielmalß dieſe wort geredt hatte/ wo ſind nũ die/ welche bißher geſungẽ haben. Ein Feſte Burg iſt vnſer Gott: Vnd ſtarb die- ſer mann zween tag vor dem Sontag/ darauff erklart wird das Evangelium von dem Rei- chen Mann vnnd armen Lazaro: deßwegen ſagten die Buͤrger zu Leipzig/ es were D. Tuͤrck von dem Reichen Mann in die Hell zu Gaſt geladen worden. Wir woͤllen/ libts Gott in alle ewigkeit ſingen: Ein Feſte Burg iſt vn- ſer Gott/ da vnder des der Tuͤrck ſampt dem Reichen Mann vnd allen Teuffeln groſſe Pein in der Hell leiden wirdt.

LXXXV. Võ Thumpfaffen in Meiſſe.

NAch dem dẽ Thumpfaffen in Meiſſen die zeitung kame/ daß Johanns Fri- derich Churfuͤrſt/ der loͤbliche vnnd Gottſelige Fuͤrſt/ die Schlacht ver- lohren hette/ da verfuͤgen ſie ſich mit groß freud in das Chor/ vnnd fangen an zuſingen. Te Deum Laudamus/ Herr GOtt dich loben wir/ GOtt aber will anzeigen/ daß jhm dieſe Gottloſe vnd verkehrte danckſagung mißfal- le/ laͤſt das Wetter in Thumb ſchlagen/ vnnd F iiijfengt fengt derſelb an zubrennen/ daß auch ein gros theil davon abbrennet.

LXXXVI. Von Thoma Moro.

THomas Morus Cantzler in Engel- land verfolgte die Euangeliſche Lehr mit Schwerd vnd Fewr/ vnd gedacht jhm hierdurch einen groſſen Namen zu machen: er ließ auch auff ein begraͤbniß/ ſo er zum Koͤſtlichſten bawte/ ſeine lobſpruͤch ſetzen/ vnd diß war nicht gnug/ ſondern ſchickt dieſelbe noch gen Baſel zu Exaſmo/ verehrt jhm ein zelter Pferdt/ vnnd begert/ daß er ſol- che wolt trucken laſſen/ war alſo ehrgeitzig/ das er auch bey ſeinen lebzeiten das gut ge- ſchrey/ welches er vermeint nach ſeinem Todt zuerlangen/ von ihm vernehmen wolte. Vnder andern lobwuͤrdigen dingen war diß das vor- nembſte/ daß er die Lutheraner zum hefftig- ſten verfolgt hette. Was geſchthet aber? Er wird verraͤtherey halber angeklagt/ vnd wird ihm hierumb der Kopff abgeſchlagen: Alſo hat er den Galgen zum Begrebnus gehabt. Hieran ſehen wir/ wie GOTt vbermaͤſſigen ſtoltz ſtraffe/ vnnd was es endlich fur ein auß- gang mir den Feinden des Volcks Gottes ge- winne/ anders nit/ alß auch mit dem Sobna.

LXXXVII. Von Petro Bembo.

PEtrus Bembus/ welcher nachmals Cardinal wordẽ/ kompt auff ein zeit zu Sadoleto: Da er nun vernimbt/ daß derſelb ein erklaͤrung in die Epi- ſtel Pauli an die Roͤmer ſchreibet/ ſpricht er/ laſſet laſſet doch ſolch vnnuͤtze ding fahren/ ein tap- fer mann ſoll nicht mit ſolchen toͤrichten din- gen vmbgehen: Jn Jtalia ſind viel alſo geſin- net/ welche ſich nicht ſchewen zu ſagen/ wenn ſie in Kirchen gehen/ jtz begeben ſie ſich zum gemeinen Jrthumb. Andere ſind/ welche wol die Lehr des H. Evangeln fuͤr ein bloß Fabel werck halten/ nichts deſtoweniger aber ſpre- chen ſie/ es gebe vrſach zur zertrenung aller weltlichen Haͤndel. Etliche ſind dermaſſen vff einen verkehrten wahn gerathen/ das ſie ſa- gen/ das Euangelium verderb alle gute Sit- ten vnd mach die Diſciplin nachlaͤſſig. Solch Gottloß vnnd verkerte Vrtheil ſtrafft der Koͤnig David/ welcher des Euangelium ſei- nen Ruhm nennet. Vnnd Paulus ſpricht: Jch ſchaͤme mich des Euangelii nicht/ denn es iſt ein krafft Gottes ſelig zu machen alle die dar- an Glauben.

LXXXVIII. Von Angelo Po- litiano.

POlitianus ein Thumpfaff zu Florentz ward auff ein zeit gefragt/ ob er auch die Bibel pfleg zu leſen/ der antwor- tet: Jch hab deſſelbig Buch ein mahl geleſen/ vnnd nie kein zeit vbeler zubracht. Wir/ ſo Chriſten ſindt/ ſollen nicht wie Poli- tianus gedencken/ ſondern ſollen die Bibel vnnd hiſtorien gern leſen/ vnnd nicht ſolcher geſtalt ſchertzred fah- ren laſſen.

F vVon

LXXXIX. Von Biliccio.

WAs kann erſchrecklichers gehoͤrt werden von Biliecio/ als daß er vff der verſamblung zu Wormbs dieſe grewliche wort geredt: Die Bibel ſey die rechte Materien zanck zugeberen. Mit dieſen worten hat das vnflaͤtige Schwein die H. Schrifft verkleinern woͤllen. D. Wigand. in 12. cap. Dantelis cap. 29. Vnd als vorzeiten ein Diſputation zwiſchen den vnſerigen vnnd den Pabſtiſchen angeſtalt war/ da hat ſich ſol- che ſo balt im anfang vmb keiner andern vr- ſach willen geſtoſſen/ als darumb/ das die vnſere die H. Schrifft zum Richter haben woͤl- len/ ſie aber haben geſagt: die H. Schrifft ſey ſolch Materia/ welche zanck errege. D. Egi- dius Hunnius in dem Regenburgiſchen Col- loquio.

XC. Von einem Amptmann zu Leon.

ALs Ludovicus Marſacus ein Rrigs- mann vnder den gefangenen die H. Schrifft fleiſſig anzoge/ da ſagten die Jnquiſitores/ ob er auch macht hette die H. Schrifft zuleſen? Wo her er dieſe Evan- geliſche ſpruͤch wuſte/ der Amptmann ſagt auch/ es weren nur zween Evangeliſten/ Mat- theus vnnd Johannes: Die andern zween Marcus vnnd Lucas hetten jhr Evangelium wie in gleichem der Apoſtel Paulus ſein Epi- ſteln auß dieſen beyden zuſammen geſtuͤckelt: Vnd da einer Paulo mehr zuſchreiben wolte/ ſo hielt er Pauli Epiſteln hoͤher nicht/ als die Fabuln Eſopi. Sleidan. lib. 25.

Von

XCI. Von Antonio Vrceo Codro.

DJeſer Antonius hincket ſehr in der Chriſtlichen Lehr/ vnnd da es gleich nit in der that geſchahe/ ſo geſchahe es dann och in worten. Als jhn ſeine Freunde fragten/ was er von vnſterblichkeit der Seelen hielte/ antwortet er/ er wuſte nicht wie es mit jhm nach dem Todt ſein werde/ ob ſein Seel werde Leben/ oder ob ſie zugleich mit dem leib wurde vndergehen. Er halte da- fuͤr/ was die Leuth von der Hellen ſagten/ das ſey nur ein blinder lermen/ damit mann die alten Weiber erſchrecke.

Der Herr Chriſtus ſpricht Matth. 22. v. 29.

Jhr jrret/ vnd wiſſet die Schrifft nicht noch die krafft Gottes.

Chryſoſtomus. Hæc eſt, crede mihi cunctorum cauſa malorum, Scripturas Domini non didiciſſe ſacras.

Das iſt.

Ein vrſach alles vngluͤcks iſt/ Wann man die Schrifft nit fleiſſig liſt.

XCII. Von Bertholdo Scheffero Buͤrgern zu Eſchwegen.

ES hat ſich Bertholdus Scheffer Buͤr- ger zu Eſchwegen in gegenwertigkeit etlicher Pfarrer vnnd anderer ehr- lichen Leuthen auff einer Hochzeit nicht geſchewet zu ſagen. Der H. Geiſt hab ein kuͤnes ſtuͤck gewagt/ in dem er ſich in geſtalt einer Tauben von Himmel gelaſ- ſen/ vnd vff den Herrn Chriſtum geſetzet hette/ da da er ſich von Johanne Teuffen laſſen/ zu dem ſo hab er auch muͤſſen ein groſſe gefahr auß- ſtehen/ das ihn jrgent moͤcht ein habicht fan- gen/ vnd jemerlich zerreiſſen. Der Prediger zu Eſchwegen HErr Conrad nahm das ſehr vor vngut/ ſchalt jhn vbel/ vnd ſprach: Warlich Berthold/ wann jhr ſterbet/ ſo will ich euch auff den Schinderteich begraben laſſen/ jhr werdet euch dann ſehr viel beſſern. Berthold gab auff diß troͤwwort nicht viel/ ſondern dancket ihm hoch/ das er jhn an das ort wolt begraben laſſen/ dann alſo ſpricht er/ werdt ich in der allgemeinen Aufferſtehung ein Pferdt haben/ mit welcher ich ſo balt vor dem Richterſtul Chriſtireitten/ vnnd alle Men- ſchen/ ſo auff den Kirchhoͤffen begraben ligen/ hinder mich legen werde/ dann ſie werden muͤſſen zu Fuß gehen/ vnnd allgemachſamb hernach folgen.

XCIII. Von Leone x. Roͤmiſchen Pabſt vnd Petro Bembo.

PEtrus Bembus der trefflich gelerte mann ſo nachmals Cardinal worden/ allegirte in der verſamblung die H. Schrifft/ diß verdroß dẽ Pabſt vbel/ ſchalt jhn vnnd ſprach: Was Teuffels kompt jhr mit dem Fabulwerck? Ein ſolch antwort hat dem Roͤmiſchen Pabſt/ oder Statthalter Chriſti/ wie er ſich nennen leſt/ wol angeſtan- den/ vnnd iſt gnugſamb hierauß abzuneh- men/ wie hoch ſie auff die H. Schrifft geben. Stattliche außfuͤh- rung.

Von

XCIV. Von gemeltem Papſt.

ES ließ Leo x. einen Synodum auß- ſchreiben/ vnd darauff fragen/ ob die Seel des Menſchen vnſterblich were. Da er nun eines Jeden meynung ge- hoͤrt hatte/ ſoll er geſagt haben/ die Sach ſey wichtiger vnnd ſchwerer/ als daß er vrtheilen koͤnne/ welch theil am beſten grundt habe. Was es aber mit der Seel fuͤr ein gelegenheit haben werde/ ſo woͤll er ſein gemuͤth vmb dieſes Lebens bequemlichkeiten/ vmb aller- hand woluſt vnnd lieblichkeiten nicht betrie- gen. Vnnd da ein Leben nach dieſem were/ ſo wolt er ſich frewen darauff/ weil er darinn verhoff nicht aͤrger geſellen zuhaben/ als hie weren.

Sein Grabſchrifft.

Sacra ſub extrema, ſi forte requiritis, hora, Cur Leo non potuit ſumere: vendiderat:

Das iſt.

Fragſtu/ Warumb Babſt Leo ſein endt. Genommen hab ohns Sacrament/ Er hats andern vmbs Gelt verkaufft/ Darumb muſt er ſein des beraubt. Stattliche außfuͤhrung pag. 14.

XCV. Von einem Beichtvatter zu Conſtantinopel.

ZV Conſtantinopel war ein Beicht Vatter/ dem bekannt ein Weib wie ſie ein ſchwere Suͤndt Suͤndt begangen hette. Er befihlt jhr/ ſie ſolt ſich fleiſſig im Tempel halten. Faſten vnnd be- ten. Jn dem ſie ſich nun deſſen annimpt/ lebt ſie vnder des mit dem Caplan in vnzucht. Alß ſolches offenbar wird/ vnd das Predigt- ampt hiernber verkleinert ward/ da ſchafft Nectarius Biſchoff zu Conſtantinopel diß art zu beichten gantz vnd gar ab.

XCVI. Von Wolffenſchieſſern einem Oſterreichiſchen Befehlhaber.

BEym Cloſter Engelburg nit weit vom dorff Wolffenſchieß iſt ein orth/ auff Alzehlen genannt/ da wohnet ein Bawers mann Conradt von Bom- garten/ der hat ein ſchoͤn Weib/ ſolche ſihet vn- gefehr Wolffſchieſſer in jrer Feld arbeit/ nach dem er innen wird/ das jhr mann nit daheim iſt/ kehrt er bey dem Weib ein/ heiſt ſie ein Bad zurichten/ denn er ſey in der hitz vol- les ſchweiß worden: Das Weib thut diß/ doch vngern. Da ſie das Badt fertig gemacht hatte/ will Wolffſchieſſer haben/ ſie ſolt ſich außzihen/ vnnd mit ihm Baden/ welches ſie verwilliget/ ſo fern ſeine diener wurden auff ſeits gehen/ dann er hett deren zween bey ſich. Da er ſie hinweg geſchickt hatte/ ſeumpt ſich die Fraw ein zeit lang/ nimpt ſich an/ ſie hab etwas zuverrichten/ komt durch die hin- derthuͤr hinauß/ vnd macht ſich davon. Jn dẽ als ſie ſo bekummert iſt/ begegnet jhr jhr ehmann/ ſo eben auß dem Wald kompt/ dem zeigt ſie alles an/ er eilet heim/ ſo geſchwindt er mag/ vnnd hawet mit der Achs/ ſo er im Walt Walt gebraucht/ den Wolffſchieſſer/ ſo noch im Bad ſaß/ zu Todt. Alſo bezalet er ſein Bulſchafft gegen recht.

XCVII. Von einem Widertauffer.

JM Jahr 1525. den 8. Nouembris be- gert ein Widertauffer von ſeinen vor- nembſten in einer Diſputation/ ſie ſol- ten ihn vnd Zwinglium zuſammen laſ- ſen/ ſo woͤlt er der Sachen balt ein end machẽ. Ob nun wol ſeine Mitverwanden ihm diß widerriethen/ ſintemal ſie ſein vornehmen wuſten/ ſo wagt ers doch auff ein zeit/ da die andern all auffſtunden/ vnnd ſprach. Zwingli/ ich beſchwere dich bey dem lebendigen Gott/ daß du mir die warheit ſageſt: Zuinglius ant- wortet jhm balt/ vnnd ſprach/ ich wils thun: Sag derwegen/ daß du ein ſolcher boͤſer vnd vffruͤriſcher Bawr ſeyeſt/ dergleichen keinen vnſer Rath jemals haben mag. Vber dieſe vn- verſehene antwort verſtarret der widerſacher/ das Volck aber fing mechtig an zu lachen.

XCVIII. Von etlichen Wider- tauffern.

EBen zu der zeit trug ſichs zu/ daß die widertauffer zu Zurich Diſputirens halben in die Kirch gingen: Jm ein- gang ſtund ein vberauß ſchoͤn Jung- fraw jrer Religion zugethan/ derſelben fielen vaſt alle widertauffer vmb den Halß/ gruͤſten ſie zuvor freundlich/ vnd ſprachen/ Gott gruͤs dich liebe Schweſter. Nechſt bey jhr ſtundt ein ſehr alter Mann/ derſelben Jungfrawen alt- vatter/ vatter den nahmen ſie nit in die Arm/ kuͤſten jn auch nicht/ wie die Jungfraw/ ſondern gin- gen ohn grus vorvber. Deſſen nahm Zuing- lius in acht/ ſtrafft ſie derentwegẽ alſo: Wie ſo freũdlich ſprecht jr dieſer ewer Schweſter zu/ nehmt ſie in die Arm vnnd kuͤſt ſie: Jch moͤcht aber gern wiſſen/ warumb jhr dieſen Alten vnnd dazu ewern Bruder ſo gantz vnnd gar ohn ehr erzeigung/ ohn grus/ ohn hertzens/ ohn kuß vnnd der gleichen ſtehen laſſet. Jhr gebt ewer heucheley gnugſamb an tag/ wie auch den Geiſt/ dadurch jhr regirt werdet: Vnd ſcheinet hierauß/ daß jhr vnkeuſche fre- che Buben ſeyt. Alſo ſtrafft Zuinglius jhre Geilheit trefflichen. Alle die diß hoͤrten/ ver- lachten vnd verſpotteten die Widerteuffer.

XCIX. Von Diderichen einem Wi dertauffer.

JM Jar Chriſti 1535. den 11. Februarii auff dem Saltzmarckt in Johannis Sibertt eines Tuchſcherers Hauß/ welcher damalß nicht zu Hauß war/ kamen ſieben Maͤnner vnnd fuͤnff Weiber/ ſo der Widertaufferiſchen Rellgion zugethan waren/ zuſamẽ. Vnder dieſen war ein Schnei- der/ Dietherich genannt/ der ſtelt ſich alß ſey er entzuͤckt/ felt fuͤr ſeinen Bruͤdern vnnd Schweſtern auff die Erden/ endlich erwacht er widerumb/ thut ſein gebet mit groſſer an- dacht/ gibt fuͤr er hab Gott in ſeiner herrlich- keit vnnd Majeſtat geſehen/ deßgleichen hab er im Himmel vnnd in der Hell etliche ding geſehen/ vnnd ſey vor der Thuͤr der Juͤngſte tag/ tag/ ꝛc. Nach dieſem thut er ſeine kleydung all von ſich/ daß er auch nicht ein Hembt an behelt/ damit er ſich bedecken moͤchte/ befih- let ſeinen Bruͤdern vnnd Schweſtern/ daß ſie deßgleichen thun ſolten: Dann es gebuͤre den Kindern Gottes/ daß ſie alles das/ ſo auß der Erden kommet/ außzihen vnnd ablegen muͤ- ſten. Vber das ſey die warheit bloß/ vnnd ley- de nichts vmb ſich/ ſo gebure jhnen/ als war- hafftigen Leuthen/ daß ſie auch bloß ſeyen. Solchem kamen ſie all nach/ zihen ſich nackent auß/ ſchaͤmen ſich auch nichts. Dietherich be- fihlt jhnen/ ſie ſoltens machen wie er. Gehet auß dem Hauß nackent auff die Gaſſen/ vnnd ruffen erſchrecklich/ weh/ weh/ weh/ Goͤttliche Raach/ Goͤttliche Raach. Jhm folgen die an- dern Maͤnner vnnd Weiber nach/ lieffen als ob ſie vnſinnig weren/ vnd rieffen ſchrecklich/ dergleichen kaum mag gehoͤrt werden. Hier- uͤber lauffen die Buͤrger mit gewehrter Hand zuſamen/ wiſſen nit/ ob die Statt von Feinden eingenommen/ oder was dieſer Tumult be- deute. Endlich wurden dieſe bloſſe vnver- ſchembte Leuth gefenglich angenommen/ vnd nach dem ſie gefragt worden/ werden ſie nach etlichen tagen hingerichtet. Der erſte Rieff: den Herren lobet fuͤr vnd fuͤr. Der ander: Herr reche deiner glaubigen Blut. Der dritte: Thut die Augen auff. Der vierde/ weh/ weh/ rc. Nach dieſem hat mann auch die Weiber hingerich- tet. Da ſie in hafften genommen worden/ vnd man jnen kleidũg gebẽ/ werffẽ ſie dieſelbe hir- weg/ ſagten/ die warheit muſte Bloß ſeyn. Jſt auch jemalß ein ſolch vnverſchempt weſen ge- ſehen oder gehoͤrt worden? Mann ſagt von den Adamiten/ welche ſich vor zeiten ſelbſt Gembloͤſten: embloͤſten: Aber diſe vnſchamhafftigkeit vber trifft alles. Als Adam nichts anders zu hen- den hatte/ bedecket er ſich mit Feigenblettern. Dieweil aber dieſe ohn muͤh kleidung haben konnten/ warumb bedecketen ſie ſich dann nicht? Dahin kompts aber/ wann man Got- tes wort bleiben/ vnd ſeinẽ oder auch wol des Teuffels einbildungen gehorchet/ vnnd ſo vn- keuſche ding vnderſtehet dem H. Geiſt zu zu- ſchreiben. Befihlet nit Paulus 1. Cor. 11. Daß die Weiber in der Kirchen ſollen mit bedeck- tem Haupt ſein? Was ſolt er dan gethan oder geſagt haben/ wenn er ein ſolch vnverſchempt weſen geſehen hatte.

C. Von Thoma vnd Leonhard Schic- kern/ den Widerteuffern.

Jm Jahr 1526. waren zween leibliche Bruͤder/ Thomas vñ Leonhard Schic- ker genant/ die kamen deß Nachts vff den 7. Febr. in jhres Vatters Haus zuſammen. Da ſie nun faſt die gantze Nacht mit Widerteufferiſchen Geſprechen/ wunder- barlichen geberden vnd geſichtern mit enttzu- ckungen zubracht/ da begibt ſichs gegen mor- gen den 8. Februarii/ das Thomas ſeinen Bruder Leonharden ergreiffet/ heiſſet jhn in die mit vor ſeinen Eltern vnd anderen Leu- then nider knien. Die andern vermahnten jhn er ſolt ſich nichts vnderfangen/ das ſich nit zu thun gebuͤrte: Er antwortet/ man ſolt ſich nichts beforchten/ denn es koͤnnt hie nichts ohn verwilligung des Vatters geſchehen. Vn- der des zeucht er das Schwerd auß/ vnd hawt ſeinem ſeinem Bruder/ welcher vor jhm kniet/ den Kopff ab. Als die andern nun hieruber ſehr erſchracken/ heuleten vnnd weinten/ da laufft Thomas/ ſo den Mordt gethan/ von ſtundt an in die Statt/ braucht ſeltzam geberden/ wie gemeinlich die/ ſo entzuckt geweſen/ zu thun pflegen. Dann er hett nur ein Hembt vnd Hoſen an/ vnnd lieff Barfus. Damals war Burgenmeiſter zu S. Gallen D. Joachi- mus Vadianus/ ein Gottſeliger vnd gelerter mann/ gegen dem rieff er mit grewlichen ge- berden/ Es kompt der tag des HERRN/ der tag des HErrn kompt. Weiter ſprach er/ Es haben ſich dieſen Morgen ſeltzam ding zu getragen/ (doch verſchwig er ſeine begange- ne Mordt that) vnnd iſt des Vatters willen erfuͤllet/ ſo hat mann auch eſſig vnnd Gallen getruncken. Der Burgenmeiſter ſchalt jhn vbel/ wegen ſeines vnmaͤſſigen vnnd wuͤten- den geſchreis/ heiſt jhn ſeine Kleider an- zihen/ heim gehen/ vnnd ruͤhig ſeyn. So balt aber ſein erſchreckliche Mordthat außbricht ward er gefenglich angenommen/ vnnd nach dem ſich alles findet/ wird er darauff juſtifi- ciret. Wie weit hat doch hierinn der Wider- taufferiſche Geiſt vergeſſen der wort des Apoſtels Joannis/ da er ſagt: Daran wirds offenbar/ welche die Kinder GOTTES vnnd die Kinder des Teuffels ſindt/ wer nit recht thut/ der iſt nicht von GOtt/ vnnd wer nicht ſeinen Bruder lieb hat. Dann das iſt die Bottſchafft/ die jr gehoͤrt habt von anfang/ dz wir vns vnder einander lieben ſollen/ nit wie Cain/ der von dẽ argen war/ vñ erwuͤrget ſeinẽ Bruder. Aber es hat der liebe Gott nach ſeinẽ gerechtẽ vrtheil geſtattet vñ zugelaſſen/ dz ein G ijWider Widertauffer ſolche boͤſe that verrichten moͤ- gen. Dann er will nach ſeiner groſſen guͤte vnd trew vns durch dieſe vnerhoͤrte Mordthat der Widertauffer lehr vnnd Leben/ vnnd ſonder- lich die Enthuſiaſtiſche Bruͤder zu erkennen geben/ vnd vns vor denſelbẽ warnen. Welcher trewe GOtt allen denen/ ſo mit dieſem ſchwe- ren jrthumb behafftet/ Augen geben zuſehen/ vnnd ein hertz ſolchen Grewel zum euſſerſten zuflihen.

CI. Von Johanne Eccio.

ES vacirte auff ein zeit zu Augſpurg ein Pri- ſterthumb/ daſſelb hett Eccius gern an ſich bracht. Weil aber daſ- ſelb zu belehnen bey Campegio ſtũde/ macht er ſich auff dem Reichs tag zu Augſpurg zu jm/ vnnd redt jhn alſo an: HErr Legat/ ich bitt/ ihr woͤlt mir das Prie- ſterthumb zukommen laſſen/ dann ich hab viel muͤhe vnnd vnkoſten wegen der Roͤmiſchen Kirchen/ iſt deßwegen nicht vnbillich/ daß mann vmb meinet willen auch etwas thet. Campegius ſpricht/ es ſoll vmb ewert willen auch etwas geſchehen/ jhr ſolt das Prieſter- thumb haben. Eccius gehet hin/ iſt froͤlich vnd guts muths/ iſſet vnnd trincket/ meinet/ es ſey alles gewiß. Mitler weil kompt ſonſt einer einer vom Adel/ der bringt dem Cardinal 400. Golt- guͤlden/ vnd ſpricht/ Herr Cardinal/ ich bitt vmb das Prieſterthumb/ verehrt ihm dabey die 400. Golt- guͤlden. Der Cardinal antwortet/ ich hab es Eccio verſprochen Das hat kein noth/ ſpricht der vom Adel/ ich hab ein Jnterceſſion ſchrifft von dem Hertzogen von Beyern/ alſo kann ewer hoch wuͤrden ſagen/ dieſelbe koͤnnens jrer Fuͤrſten Gnaden nicht verſagen. Da nun der Cardinal hierauff verwilli- get/ laͤſt der vom Adel ſo balt den Brieff daruber ſchreiben/ vn derſchreiben vnnd ſiglen Nach etlichen tagen kompt Eccius zum Cantzeler Luca Patavino welches ein verſtendiger vnd redſprechenter mann war/ vnnd bitt das Schreiben von jhm vber das Prieſter thumb. Der Cantzeler ſagt/ kurtz hievor iſt es einem andern zugeſtellt worden Eccius verwun- dert ſich vnd ſprach/ hab ich dann nicht diß Præ- bende/ Nein ſprach der Cantzler. Eccius fragt/ wie das zugehe? Jch weiß nicht/ antwortet der Cantze- ler/ moͤcht zum HErren gehen/ ich hab befehl gehabt/ dem muß ich nachkommen. Eccius gehet zum Car- dinal Vnd bitt vmb das Schreiben Der Cardinal ſpricht/ ſeyt zu frie den/ jhr ſolt auff einander mahl be- dacht werden/ dieſer hat ein vorſchrifft gehabt vom Hertzogen zu Bayern/ dem ichs nicht hab koͤnnen abſchlagen/ diſſe ſtuͤcklein treiben vnderweilen auch die Geiſtlichen/ vnd ſuchen auß den Kirchen guͤtern jhren Gewinn/ wie in der Epiſtel Petri ſtehet.

CII. Von gemeltem Eccio.

ECcius war ein ſo verfreſſener mann/ daß manns kaum ſagen kann/ er war zu keiner ſach tuͤchtig vnd außrichtig/ er hett dann zu- vor ein wenig getruncken. So ſagen jhm auch die jenigen nach/ welche gemeinſchafft mit G iijjhm jhm gehabt/ er den Brauch gehalt/ das er alle Morgen an ſtatt einer Morgen ſuppen ein gantz Maaß Maluaſier auß geſchluckt habe. Daher ſchreibt Philippus Melanchthon jhm billich fol- gend Grabſchrifft:

Multa vorans, & multa bibens, mala plurima dicens Eccius, hac poſuit putre cadaver humo. Vnd ſonſt einer. Qui vini & dapibus ventrem, linguamque ve- neno Pavit, conditus hic Eccius ecce jacet. Quas habeat ledes animus, ne quære viator, Huic Deus atque animus, venter & cſca fuit.

Vnnd Petrus Martyr.

Non hunc Elyſii campi, nec tartara condunt, Hæc loca ſunt hominum, Cantharus iſte fuit.

CIII. Von einem Meßpfaf- fen.

EJn Meß Pfaff Prediget in einer beruͤmb- den Statt Teutſches Landes von der Seelmeß/ vnnd redt die vnſerigen alſo an: Geſetzt/ das ſie gleich den abgeſtorbenen nichts vortraͤglich ſeyen ſo ſindt ſie doch vns nutz: Meinet die/ ſo noch im Leben ſindt. Aber das ge- mein Volck zog das vns/ auff die Meßpfaffen/ wel- che hiervon groſſen nutzen haben. Derwe- gen hat jedermann hierauff anfahen zu lachen.

Von

CIV. Von Johanne Fabro Biſchoffen zu Wien.

AVff dem Reichs tag zu Speyr/ welcher gehalten wardt 1529. Da thet Jo- hannes Faber Biſchoff zu Wien ein Predigt/ darinn er etliche Jrthumb verthetigte. Solches hoͤrte Simon Gryneus welcher auß Heydelberg daſelbſt hin Spatzi- ret war/ folgt deßwegen gemeltem Biſchoff auff dem Fuß nach/ als er auß dem Muͤnſter gehet/ vnd gruͤſſet jn mit Ehrerbietung. Nach mals ſpricht er/ wie das er nicht auß Freuel/ ſondern guter meinung etwas mit jhm zu re- den habe. Der Biſchoff ſchlegt ihm ſolches nit ab. Hierauff ſpricht Gryneus/ es thue im weh/ das ein ſolcher anſehentlicher gelehrter mann ſchmaͤhliche Gottslaͤſterige jrthumb offẽtlich verthetige/ die man doch mit kuͤndlichen zeug- nuſſen der Vaͤtter widerlegen koͤnnte. Es ſchreibt Jreneus/ ſagt er ferner/ Polycarpus hab ſeine Ohren zu gehalten/ wann man ſol- che greiffliche jrthumb in ſeiner Gegenwart fur bracht habe. Was meint jhr nun/ wurde Polycarpus gedacht haben/ wenn er diß ewer redt gehoͤrt hette? Was ſoll ein Mauß eſſen/ wann ſie an einer geweiheten Ho- ſtien nagen wurde? Wer ſoll der Kirchen finſternus nit von hertzen beweinen? Der Bi- ſchoff red jm ein/ ehe er ſein red außgefuͤhrt/ vnd fragt den Namen. Er verhelt nichts/ ſon- dern bekeñt rund/ er ſey Gryneus. Nun war a- ber diſer Biſchoff/ wie vielẽ bewuſt/ bey geler- tẽ leuten ſo bloͤdt/ dz es ein ſchand war/ oder vielmehr/ wie mann im gemeinen ſprichwort G iiijſagt/ ſagt/ nullus/ magnus/ malus/ piſeis/ das iſt/ forchtſamb/ ſtoltz/ frech/ auffſetzig/ vnnd Kin- diſch. Weyl er nun hierumb Grynet geſchick- lichkeit/ wolredenheit vnd eifer/ ſonderlich a- ber in dieſer ſachen forchtete/ nimpt er ſich an/ der Koͤnig hab jhn fordern laſſen/ koͤnn deß- wegen fuͤr dißmal der Diſputation nicht ab- warten: nimpt ſich dabey an/ wie dz ihm Gry- nei Freundtſchafft ſehr lieb ſey/ hett auch luſt vnnd gefallen lenger mit ihm geſprech zu hal- ten/ ſonderlich/ weil ſolches dem gemeinen Nutzen werde vortraͤglich ſeyn/ bitt deßwe- gen/ das er den Morgen tag widerumb woͤlle zu jhm kommen/ zeigt jhm ſein Herberg vnnd benamt jhm ein ſtundt. Grynaͤus meinte/ der Biſchoff ſag das ernſtes muths/ ſagts jhm derwegen ohn beſchwert zu/ vnnd gehet wi- der zu ſeinen Gefehrden. Er kompt kaum bey den Tiſch (dann es war vmb die zeit das man pfleget zu morgen zueſſen) vnnd fenget an ſeinen Tiſch genoſſen etwas von ſeiner Diſpu- tation zu erzehlen/ da kompt ein alter anſe- hentlicher Mann (wer aber derſelb geweſſen ſey/ hat man niemals erfahren) der leſt Phi- lippum Melanchthonem vom Tiſch fordern/ vnd zeigt ihm an/ es werde der Koͤnig in kur- tzem etliche Stecken Knecht in die Herberg ſchicken/ Gryneum gefenglich anzunehmen/ dann der Biſchoff hab ihn fuͤr dem Koͤnig beklagt: Derwegen ſolt er ohngeſaumbt vnd ohn eintzige verhindernuß auß der Statt ge- hen. Von ſtund an gehet der Alt Mann hin- weg. Philippus kehret wider zu ſeinen Tiſch- genoſſen: vnnd zeigt jhnen an/ was der Alt mann verkuͤndiget habe. Alſo fuͤhren ſie Gry- neum als balt vber die gemeine Straß nach dem dem Rhein zu/ bleiben ſtehen/ biß er an das ander vffer in einem Nachen gefuͤhrt worden. Da ſeine Geſellen nun wider in die Herberg kommen/ erfahren ſie/ wie das etliche Stecken Knecht ſeien nach Gryneo geſandt worden/ da er ein geringe zeit hinweg geweſen. Jn was gefahr Gryneus damals kommen were/ kannn mann leichtlich ſchlieſſen/ wann er wer ereylet worden. Anders iſt dem aber nicht/ als das dieſer tyranniſcher Anſchlag durch den HErrn iſt zu nicht gemacht worden. So kann man auch nicht wiſſen/ wer dieſer Alt Mann geweſen ſey. Einmahl iſt das gewiß/ wenn Gryneus nicht von den Engeln wer be- ſchuͤtzet worden/ ſo hette er nicht entflihen koͤnuen/ ſo ſehr haben die Steck en Knecht ge- eilet. Derwegen ſoll mann GOtt dancken/ das er vns ſeine liebe Engel beſchutzen laͤſſet/ vnnd mann ſoll auch hierumb ſeinem beruff deſto fleiſſiger mit gedult abwarten.

CV. Von des Koͤhlers glaube.

ES auffentſtoͤſt zu Prag ein Doctor vn- gefehr einem Koͤhler/ mit dem hat er mitleyden/ als mit einem Menſchen/ der gantz vnnd gar von GOtt nichts wiſſe: deswegen fragt er ihn/ was er glaube? Der Koͤhler antwortet/ was die Chriſtlich Kirch glaubt/ das glaub ich auch. Der Doctor fragt. Was glaubt dann die Chriſtlich Kirch? Der Koͤhler antwortet: Was ich glaub. Als nachmals dieſer Doctor in todts noͤthen lag/ vnnd vom Teuffel ſeines Glaubens halben angefochten ward/ da hat er kein ruhig hertz haben koͤnnen/ biß er bekeñet/ er glaub wz der Koͤhler glaube.

G vVon

CVI. Von einem Vngelerten Magiſtro.

ES ſoll ein Magiſter die hiſtorien von Melchiſedech/ im erſten Buch Moſis beſchrieben/ erklaͤren: Derſelbig lieſet im Lateiniſchen text. Rex Salem pa- nem ac vinum obtulit/ rc. Das verſtehet er alſo. Der Koͤnig verehret im Saltz/ Brot/ vnd Wein/ konnt nit wiſſen/ daß das wort Salem an dieſem orth nit Saltz heiſſe/ ſondern einer Statt name war: Deßwegen bracht er viel dings herfuͤr von des Saltzes krafft vnd Na- tur. Darumb ſoll man/ bevoraus die/ die nicht zum hoͤchſten ſtudiret/ ſolche vnnd der gleiche ding nit ſo ſchlecht oben hin anſehen/ ſondern fleiſſig erwegen.

CVII. Von einem Toͤrichten Fla- cianer.

EJn Flacianer bracht in der Winari- ſchen Diſputation den text von der Martha vnd Maria fuͤr/ vnnd ſagt et- lichmal/ Martha ſchweig/ ſchweig Martha/ wir bittẽ Martham/ daß ſie ſchwei- ge Dieſe wort brauchten hernach die kurtz- weilige geſellen zu hoff alſo wir bitten Flaci- um/ das er ſchweige. Weil wir aber ſehen/ das diß nit durch bitt kann erhalten werden/ ſo woͤllen wir ein ander mittel an die Hand neh- men/ wie denn ſolches geſchehen/ nach dem dieſer Koͤnig das Widertaufferiſch Reich in Thuͤringen anfinge.

Von

CVIII. Von zween Cardinaln.

DA zween Cardinaln mit einander auff das Concilium nach Coſtentz zihen/ auff welchem Johannes Huß der beſtendige Martyrer Chriſti verbrant worden/ da begegnet jhnen ein Scheffer/ der weinet bitterlich. Sie fragen jhn/ warumb er ſo ſehr weine. Er antwortet/ ich ſehe alhie ein Krothen/ welche ſo ab- ſchewlich iſt als jrgent ein Thier ſeyn mag/ das ich hergegen ein Menſch bin mit ver- nunfft begabet/ ja/ der ich nach GOTtes E- benbild bin geſchaffen worden. Nun be- kuͤmmer ich mich von grundt meines hertzens daruber/ daß ich GOTT meinem HErrn vnnd Schoͤpffer nicht danckbar ſein kann/ der mich eben ſo wol zu einer ſolchen Krothen oder zu einer Eulen hett nach ſeinem willen machen koͤnnen. Die Cardinaͤl entſetzten ſich hieruber/ vnnd bekennen/ ob ſie gleich hoͤhers ſtandts vnnd mit groͤſſern wurthen begabt ſeyen/ ſo hetten ſie doch nie hieran gedacht/ wie ſie GOTT dafur moͤchten danckbar ſeyn/ da ſie doch mehr vrſach vnnd gelegen- heit hierzu gehabt. Mann ſagt/ es hab ſich einer vnder denſelben ſo ſehr bekummert/ daß er vom Pferdt gefallen/ vnd da er wider zu ſich ſelbſt kommen/ hab er alſo geſagt: O du heyliger Auguſtine wie wahr haſtu ge- ſagt: Die Vngelerten werden auffſtehen vnnd in Himmel fahren/ wir aber werden mit vnſer lehr im fleiſch vnnd Blut vns weltzen.

Von

CIX. Vom Teuffel vnd einem Berg- knappen.

ZV Friburg in Meiſſen hat ſich diß war- haffte hiſtorien zugetragen. Es kompt der Teuffel ſichtbarlicher geſtalt zu ei- nem Bergknappen/ ſo ſehr ſchwach iſt/ ſetzt ſich gegen jhn vber/ vnnd begert/ daß er ihm alle Suͤnde/ die er die tag ſeines Lebens begangen/ nach einer rey erzehlen ſolte/ denn er woͤlle dieſelbe auffzeichnen/ ſey vmb keiner andern vrſach willen dahin kommen. Der Bergknap erſchricket erſtlich ſehr/ doch be- kompt er widerumb ein hertz/ troͤſtet ſich des Herrn Chriſti/ vnnd antwortet alſo: Wolan/ weil du von dir ſelber kompſt meine Suͤnde auff zu zeichnen/ ſo will ich auch nicht ein ein- zige dir verſchweigen/ ſondern will ſie herauß fein rund bekennen/ vnnd dir in deinen Schoß ſchitten. Diß einige aber beger ich võ dir/ daß du zu einem eingang ſetzeſt/ wie endlich meine Suͤnden bezalet werden/ nemblich/ des Weibs Samen wird der Schlangen den Kopff zer- tretten. Da der Teuffel diß hoͤrt/ reiſt er auß/ fengt auch nichts an auff zu ſchreiben/ vnnd laͤſt einen ſehr boͤſen geſtanck hinder ſich.

CX. Von einem Knaben.

BEy D. Luthers Lebzeiten wirdt ein Knab gen Wittenberg geſchickt/ daß er daſelbſt Studiren ſolte. Die Eltern geben ihm kein Gelt in die Handt ſondern den Preceptoribus. Der Knab/ damit er nicht gar ohn Gelt were/ rufft den Teuffel an/ an/ derſelb macht ein contract mit ihm/ alſo/ daß der Knab muß ein Handtſchrifft mit ſei- nem Blut ſchreiben/ vnnd jhm zuſtellen. Der Knab hat Gelt/ wird deßwegen vielmalß ge- fragt/ wo ers her bekomme/ vnd weil er kein mahl richtigen beſcheid geben kann/ wirdt er endlich mit ernſt angetaſtet/ darauff bekennt er ſein Gotloß weſen mit weinenden Augen. Mann fuͤhret den Knaben zum Luthero/ der nimpt andere Gottſelige Leuth zu ſich/ ſie vernehmen alles/ was ſich verloffen hatte. Alſo ruffen ſie einmuͤthiglich beneben dem Knaben GOtt an. Der Teuffel muß hierauff die Handſchrifft/ welche der Knab mit ſeinem Blut geſchrieben hatte/ wider bringen. Sol- cher geſtalt iſt der Knab auß des Teuffels ty- ranney widerumb erlediget vnnd in der Got- tes forcht aufferzogen worden.

CXI. Von der Juͤdiſchen Rabiner Fabulwerck.

VNbillich were es/ wann die Seel ent- weder allein ſelig oder aber verdamt were/ ſintemal der Leib jhr geſel- ſchafft geleiſtet/ ſo wol wen ſie gutes/ als auch/ wenn ſie boͤſes gethan hat. Alſo iſt nun billich/ daß ſie vnnd der Leib gleicher frewd vnd Straffen vnderworffen ſeien/ weil die Seel durch den Leib alles verrichtet hat. Damit nun die Rabiner bey den Juden ſol- ches beſcheinen moͤchten/ haben ſie ein Fabul erdacht/ dann ſie ſagen: Es hab ein gewalti- ger vnnd Reicher Mann jhm ein Paradeiß gepflantzet/ vnnd daſſelb mit den Koͤſtlichſten Bawmen bawmen beſetzet/ die tragen die allerbeſten fruͤchte. Damit aber nun ſolche jhm nit moͤch- ten entzogen werden/ hab er waͤchter dabey geleget. Weil mann aber auch wegen der Waͤchter ſorg habẽ muß/ ſo hab er noch zween andere hinzu gethan/ deren einer trefflich gnaw ſahe/ ſey aber ſo lahm/ das er gar nicht gehen koͤnnẽ/ der ander hab wol Fuͤß/ ſey aber blindt. Als nun der Herr des gartens hinweg kommen da haben die boͤſen Waͤchter ange- fangen der frucht halber zu rathſchlagen/ wie ſie die zu eſſen bekommen moͤchten. Der Blind ſagt/ ich moͤcht ſie wol haben/ aber ich ſeh ſie nit. Der Lahm ſagt/ ich ſeh ſie wol/ aber ich kann nit dazu gehen. Endlich werden ſie einig das der Blind ſich ſoll auff die Erden legen/ vnnd den lahmen auff den Ruͤcken nehmen. Derſelb regirt den Blindẽ mir der Hand/ kom- men zum Bawm/ vnnd buͤſſen alſo den luſten mit den ſchoͤnen fruchten. Da der HErre des Paradeiß wider kompt vnnd den ſchaden ver- nimpt/ fengt er an zu zornen mit den Wech- tern. Der Lahm entſchuldiget ſich damit/ daß er nit hab koͤnnen bey den Baum gehen. Der Blind ſagt/ er hab die Frucht nit ſehen koͤñen. Da mercket der Herr jhren liſt vnnd boͤßheit: ſpricht deßwegen: Jhr habt zuſamen gethan/ darumb will ich euch wider zuſammen thun vnd mit einander ſtraffen. Alſo/ ſprechen ſie/ hat es auch ein gelegenheit mit dem Menſchẽ. Die Seel erkennet vnd verſtehet/ aber auſſer- halb kañ ſie nichts verrichten. Der leib aber iſt an ſich ſelbſt verſtockt/ weiß nichts/ ohn wo zu er vom Gemuͤth getrieben wird/ er iſt aber ein tuͤchtig werckgezeug zun euſſerlichen haͤn- deln. So es dann nun anders nicht iſt/ ſo gibt es die es die vernunfft vnnd Gerechtigkeit/ das leib vnd Seel nach dieſem Todt wider zuſammen kommen/ vnnd mit einander lohn vnnd ſtraff entpfangen muͤſſen.

CXI. Ein ander Fabul.

VOr zelten iſt ein Fabul erdichtet wor- den daß nemblich zu Babylon ein Jud auß dem Stamm Dan ſoͤlt geboren werden/ derſelb ſolt ſich am ende der Welt fuͤr den Antichriſt außgeben. Alſo laſſen die Leuth den Roͤmiſchen Pabſt/ als den war- hafften Antichriſt bleiben/ vnnd warten ei- nes andern. Gleich als wenn ein Dieb auff ei- nem marckt/ da viel volcks iſt/ ruffet/ halt den Dieb/ vnd er alſo vnderdes/ das man ſich nach dem Dieb vmbſihet/ entreiſſet.

CXIII. Ein Juͤdiſche Fabul von des Meſſiæ zukunfft.

DJe Juͤd en ſchreiben im Buch San- hedrim/ es werde die Erdt zu deß Meſſie zeiten herfuͤr bringen Brot/ ſo formiret vnnd gebacken ſey/ wie Kuchen ſo in einer Pfann gekochet worden/ auch werden auß der Erden herauß wachſen Seyden kleydung/ nach eines jeden notturfft vñ begehren. (Diß geſchihet aber in Schlaur- affen Landt/ nicht im gelobten Landt.) Vnd weil ſolches nit geſchihet/ ſchreiben ſie wei- ter/ ſo ſey auch der Meſſias noch nit kommen.

Von

CXIV. Von Johannis Tezelii Ablaß Kraͤmerey.

ALs Tezelius in Meiſſen von ſeiner Kraͤ- merey Predigte/ verſprach er hoch nach Mittag etliche Reliquien von Heiligen zuzeigen/ nemblich ein Feder von S. Michaeln/ welche ihm der Teuffel/ vnſer Ertzfeindt außgeropfft hatte in der Schlacht deren meldung geſchihet Apoc. 12. Dieſe au- genſcheinliche greiffliche luͤgen nehmen die Schuldiener der orths in acht/ welche damals mit jhm zu morgen aſſen. Nun hatte Tezeltus ſein Kaͤſtlein/ darinn er gemelte Federn zuver- wahrẽ pflegte/ auß vnvorſichtigkeit vor dem Fenſter ligen laſſen/ das nehmen ſie thun die Federn heimlich herauß/ vnnd fuͤllens jhm voller Kohlen. Da Tezelius ſich zimblich voll geſoffen hatte/ nimpt er ſein Reliquien/ ſtei- get abermals auff die Cantzel/ vnnd lobt die Federn hoch/ letzlich thut er das Kaͤſtlein auff/ will die Reliquien dem armen ſchlech- ten Volck zeigen/ findt aber nicht S. Mi- chaels Federn/ ſondern an ſtatt derſelben et- liche Kohlen. Damit er ſich nun nicht ſchend- lich geben muß/ erdicht er bald ein Luͤgen/ vnnd ſpricht. Geliebte/ ich hab gemeint ich nehme das kaͤſtlein/ darinn S. Michels Fe- dern ſindt/ ſo hab ich das bekommen/ darinn die kohlen ſind/ daruber S. Laurentius ge- roͤſtet worden. Was duͤncket nun den guͤnſti- gen leſer vmb ein ſolch vnverſchaͤmt Luͤgen. Jo. Lang. de beata vita. fol. 176.

Von

CXV. Von etlichen aberglaubiſchen Weibern.

AVff Stephans tag zieret mann an etli- chen orthen die Scharpffrichter/ wel- che S. Stephanum ſteinigten/ eben ſo wol mit Kraͤntzen vnd Halßbanden/ als den Martyrer ſelbſten: Wenn nun die Wei- ber ſie alſo gezieret ſehen/ meinen ſie/ es ſeyen S. Stephans geſellen/ vnd zuͤnden einem je- den ein licht an. Ja das geſchihet auch wol dem Teuffel: der mit S. Michael die ſchlacht helt/ vnnd alſo gehts mit Andern Reliquien: Dann es werden alle ding dermaſſen ver- mengt/ das mann keines Martyrers Bein ha- ben kann/ ſondern man muß gewarten/ daß man jrgent eines Moͤrderß oder Diebs/ ja ei- nes Ochſen oder Eſels Bein anbetet. Der H. Jungfrawen Marien Kamm oder Guͤrtel kann mann nicht fuͤr gewiß anbeten/ ſondern man muß gewertig ſeyn/ das er jrgent ſonſt eines vnzuͤchtigen Weibs moͤge geweſen ſeyn.

CXVI. Von einem Schneider/ ſo ein Pfaffenmoͤrder geweſen.

ZV Hotzfeld iſt ein Dolkuͤhner Hirnſchel- liger Schneider geweſen/ der ermordet einen Pfaffen/ deßwegen er Heſſenlandt reumen muſte. Er begibt ſich aber vn- der deß gen Rohm/ nimt ſich an/ er hab zween ermordet/ bitt vmb Ablaß Brieff/ welche er denn nach erlegtem Gelt vberkompt. Zeugt damit wider heim/ vnd nach dem er ein ſicher Hgeleid geleyd erlangt/ gehet er bey den ſeinen auß vnd ein/ ſondern einig gefahr/ ruhmt ſich/ er hab noch einen vor ſich/ den er moͤge erwuͤr- gen/ wenn er woͤlle/ vnnd derſelb ſoll zu erſt der ſeyn/ der jhn ſcheel anſehen/ oder mit har- ten worten antaſten werde. Hiemit bracht er zu wegen/ daß ſie jhn die Geiſtlichen beyd in dem gantzen Bidencaper/ vnd dann auch im Battemberger gebiet forchteten/ vnd ſich ein jeder vor ſahe/ das er dieſen verworren Kopff nit vervnruͤhigte. Dann ſie ſchewten ſich nicht nur allein vor dieſem boͤßwicht/ ſondern zu vor auß vor ſeinen Ablaß Brieffen. Hierauß ſihet man nun was fuͤr groſſen Nutzen von ſolchen Ablaß Brieffen zu gewarten ſeye. D. Georg Nigrinus in ſeiner Hiſtoriſchen Rela- tion vom vierfeltigen Jubel Jahr/ vnd zwey- erley Ablaß kraͤmen.

CXVII. Von einem Bawers Mann vnd Meßpfaffen.

NJcht weit von Speyr wohnet ein Bawers man dem Starb ſein Weib. Der Pfaff gehet zu jhm/ vnd heiſt jhn er ſolte ſeinem Weib Seelmeß laſſen thun. Der Bawers Mann ſchlugs ab/ ſagt/ es wer vnvonnoͤthen/ denn er wiſſe ge- wiß/ daß ſie nun mehr im Himmel ſey. Den Pfaffen verdroß das/ ging in die Statt zum Amptmann/ vnd verklagt jn. Der Ampt- mann fuhr jhn erſtmals hart an/ daß er wider der obrigkeit gebot gehandelt hette. Der Bawersmann ſprach/ ich hab den Pfaffen nit woͤllen dingen/ weil ich des Pabſt Brieff habe/ habe/ vnd mein Weib in crafft derſelben nun mehr im Himmel iſt. Dann mir nicht gebuͤren will ſolche Brieff falſchheit zubezuͤchtigen. Der Amptmann ſagt/ zihe hin/ vnd handel be- ſcheidener/ vnd ſchreit mit deinen Brieffen nit auß dem ziel/ das dir vorgeſetzt iſt. Alſo ſind die Ablaß Brieff mit vielen luͤgen vermiſcht geweſen/ dann ſie vom Fegfewr vnnd andern betriglichheiten gehandelt haben. Anfenglich wurden linderung oder die Ablaß Brieff ge- nennt Relaxationes legum ſeu penarum ca- nonicarum/ milterung der Geſetzẽ oder Getſt- lichen ſtraffen/ nachmals haben ſie einen ge- winn darauff geſchlagen.

CXVIII. Von einem Jungen Geſel- len vom Adel.

BEy Keyſer Carolen war ein Junger vom Adel zu Hoff/ der liebt ein Jungfraw dermaſſen/ daß er ſie vmb jhr ehr zu bringen gedachte/ welches/ wie es die Rechten weyſen/ am Leben zu ſtraffen/ da nemblich einer in gegen- wertigkeit ſolcher ſtattlichen Adlichen Per- ſonen einer Jungfrawen vntugent wurde zu- muthen. Alſo ward nun dieſer Junger Edel- mann ins Gefengnus gelegt/ vnd wolt jm der Keyſer folgendẽ tag laſſen den Kopff abſchla- gen/ dann es wird zu Hoff vor ein groſſes la- ſter gehalten/ das Frawenzimmer entvnehrn. Des Nachts vber quelet er ſich dermaſſen/ das jn den folgenden tag/ da er vor Gericht kom̃en keiner auß ſeinen bekannten/ damit er zu- vor vmbgangen/ kennet/ auch der Keyſer ſelbſt nit/ ſo ſehr hatt er ſich veraͤndert. Dann H ijes es hette ihm der ſchrecken des Todts in etlich wenig ſtunden alle Farb vnnd zierlichkeit des Leibs genommen. Der Keyſer ſihet jhn an/ meinet/ es hab ſich ein ander an ſein ſtaͤtt ge- ſtellet/ leſt ſehen/ ob ers ſelber ſey/ oder ob einer ihm mit Farben das Haar auffm Haupt vnd am Bart ſo weiß hab anſtreichen laſſen. Nach dem nun deren keines ſich findet/ er- ſchrickt er/ vnnd erzeigt jhm gnad/ helt da- fuͤr/ er hab ſchon ſtraff gnug außgeſtanden.

CXIX. Von Henrico 8. Koͤnig in Franckreich.

HEnrich der achte dieſes Namens er- zeigt auff etlicher Staͤndt vorbitt ei- nem Todtſchlaͤger gnad/ vnd ſchencket jhm das Leben/ da derſelb nun wider zu ſich ſelbſt koͤmpt/ erſchlegt er noch einen. Die Stende thun abermahl ein vorbitt/ der Koͤnig aber wird ſehr vnwillig/ vnnd ſpricht: Er hat nur einen/ nemblich den vorigen er- mordet/ den letzten hab ich vmbbracht/ befih- let dabey/ das mann ihn wegen des erſten ſo balt ſein recht thun ſolte.

CXX. Von Henrico 7. dem Roͤmi- ſchen Keyſer.

ALs Henrich von Luͤtzelburg Roͤmiſcher Keyſer in Jtalien war/ vnnd nicht weit von einem Schloß bey Bononien her- zoge/ da fragt ein Rechtsgelerter/ de- ren der Keyſer zween bey ſich hatte/ den an- dern dern/ ob diß Schloß/ vor dem ſie vberzogen/ des Keyſers were? Derſelb antwortete/ alles were des Keyſers Der ander ſprach nein/ dann es weren die guͤter jhrer eigen Herren/ vnnd nicht des Keyſers. Da ſie nun lang im ſtreit lagẽ/ haben ſie allbeid den Keyſer zum Richter erkohren/ mit dem beding/ wel- cher verlohren hette/ der ſolt dem andern ein Pferdt kauffen. Der Keyſer ſagt/ er hette auff ſeinen nutzen geredt/ das alle ding des Keyſers weren/ alſo hat der/ ſo diß verneinet/ dem andern ein Pferd gekaufft. Dieſer ſchimpff iſt vnder das gemeine Volck kom- men/ daher mann endlich geſagt: Iſte dixit æquum, ſed alter habuit equum, das iſt/ dieſer hat geredt/ was billich war/ aber jener bracht das Pferdt da- von.

CXXI. Von Maximiliano 1.

MAximilianus der erſt dieſes Namens war ein ſehr freygebiger Keyſer der das Gelt nichts achtete. Nun hatte er die ge- wonheit/ daß er allweg/ wenn er zu nacht eſſen vnnd Waſſer nehmen wolte/ einem vnder de- nen/ ſo bey jhm ſtunden/ ſeine Ring zuhalten gabe/ biß er ſich wider getrucknet hatte. Vnder denen war ein Geitzhalß der ſtelt ſich/ da er die Ring zu- halten angenommen/ als ob jhm was ſonderlichs war vorkommen/ geht ab kompt wider/ vnnd tregt die Ring in der Handt/ bißweilen kam er langſamb/ thet/ als ob er wegen ſeiner Geſchefften der Ring vergeſſen hette Endlich meint er nicht/ daß jhm fůr ein Diebſtahl wurde zugemeſſen werden/ behielt jtzt einen/ denn wider einen/ vnnd gab ſie nit all wider. Der Keyſer nahm ſich nicht an/ als ob ers merckte/ alſo behielt der gutt Geſell die Ring je lenger je kůhner. Auff ein zeit begibt ſichs/ da der Keyſer die Haͤnd wider waͤſchen will/ vnd vorgedachter geſell H iijjhm jhm die Ring begehret abzunehmen/ daß er die Handt wider zu ſich zeucht/ vnnd ſpricht/ er woͤlt jhm die Ring nicht geben/ denn hiebevor hab er jhm auch derſelben ge- ben/ vnnd biß auff die Stundt noch keinen wider bekommen. Darumb woͤll ers nicht wider mit jhm verſuchen. Die vmbſtehende diener fingen an zu lachen/ er aber war ſchamroth/ alß der offentlich vberzeugt worden vnnd ſchlug die Augen nider. Der Keyſer ſagt/ ſey gutes Muths/ es wirdt jtzt das Golt vnnd Edelgeſtein/ weil de- ſen ſo viel auß Jndien gebracht wirdt/ ſo wolfeyl werden/ das mann leichtlich wird an- dere machen koͤnnen/ da kanſt du dann deren wider bekommen.

CXXII. Von gemeltem Key- ſer.

JTzt hoͤchſtgemelder Keyſer hatt ei- nen Secretarium/ der war in gna- den wegen ſeiner ſchoͤnen Hand. Der- ſelb mahlet des Keyſers Hand nach/ ſchreib ein mahl oder drey an HErrn Jacob Fucchern in des Keyſers namen/ vnnd begerte etlich Tauſent Goltguͤlden zu leh- nen/ ſolch Handtſchrifft aber vberlieffert er HERRN Jacoben ſelbſten. Da nun der Fuccher ein mahl oder drey nach einan- der Gelt geſchickt hette/ daucht jhn/ es mocht jrgent ein betrug dahinder ſtecken/ gehet zum Keyſer/ vnnd zeigt ihm ſein Handtſchrifft. Da ſie der Keyſer ſihet/ ſpricht er/ diß iſt zwar mein Handt wann ichs ichs aber geſchrieben habe/ kann ich nicht wiſſen/ leſt den Secretarium fuͤr ſich for- dern vnnd fragt ihn/ ob er diß ſein Handt- ſchrifft Jacobo bracht habe? Der Secre- tarius ſpricht/ ja ich habs ihm bracht. Hab ich dirs dann befohlen/ ſagt der Keyſer? Der Secretarius erſchrack/ thet dem Key- ſer einem Fußfall/ vnnd bat vmb gnadt. Der Keyſer ließ ſich erbitten/ vnnd verziegs jhm/ vnd ſagt/ ziehe hin/ vnnd kom nicht wider in mein Reich.

CXXIII. Von obgenanntem Keyſer.

AN obgenanntes Keyſers Hoff war auff ein zeit ein vornehmer Graff/ der ſaß beym Keyſer ſehr trawrig vber der Taffel. Maximilianus fragt jhn/ wa- rumb er ſo trawrig were? Der Graff ant- wortete? Jch hab mich an E. M. ver- griffen/ hab derſelben ein gute Summ Gelts entwandt/ woͤllens E. M. mir verge- ben/ ſo will ich froͤlicher vnnd beſſers Muths ſeyn. Der Keyſer antwortet/ ich will dirs vergeben. Der Graff begert ein Handſchrifft hieruͤber/ Maximilianus ſagt/ ich will dir ei- nen guten trunck darauff bringen bracht ihm alſo einen/ vnnd ließ ihm nach.

H iiijVon

CXXIV. Von gedachtem Keyſer.

KEyſer Friderich Maximiliani Vat- ter nennte ſeinen Sohn ein ſtraw das guͤtlein: Dann er war ein alter kar- ger HErr. Als Maximilianus zu Nuͤrnberg war/ da ſchickt ihm ſein Vatter ein New Jahr/ daß war ein Schuͤſſel voll ſchoͤner Appel vnnd zwantzig Reiniſcher guͤlden. Die Kemmerer/ denen es zugeſtelt worden/ vber- lieferten das Geſchenck/ vnnd ſagten: Der Keyſer ewer HErr Vatter ſchickt euch dieſe verehrung/ wuͤntſchet euch ein gluͤckſeliges newes Jahr/ vnnd begert/ daß jhr GOtt bit- ten woͤllet/ das er euch/ ewern HErrn Vatter/ vnnd das Reich bey allem gluͤckſeligen wol- ſtandt noch lange zeit erhalten woͤlle: Zu dem/ daß jhr fleiſſig ſtudiret. Der Junge HERR nam das Geſchenck/ vnd ſagt/ ich bit den ewi- gen Gott/ daß er meinen lieben Herꝛn Vatter viel Jahr lang bey langwiriger geſundheit erhalten/ vnd an Leib vnd Seel Sterck ver- leyhen wolle: Wuͤntſchet jhm auch in meinem Namen ein gluͤckſeliges newes Jahr. Dis Verehrung nem ich mit gebuͤrlicher Ehrer- bietung an/ vnd will mit Gottes Huͤlff thun/ was er mir befohlen: Jch will GOtt fleiſſig vmb ſeinen Wolſtand bitten/ vnnd meinem ſtudieren mit ernſt obliegen. Dis war ſein Antwort/ denn es war bey Keyſer Maximili- anus ein beredter Herr. Da man jhm nun das Geſchencke darreichte/ ſahe er das Gelt an/ nam es/ vnd warffs vnter ſeine Mitgeſellen/ vnnd ſagt/ das theilet/ aber ruͤhret mir die Apffel nicht an/ denn dieſelbe will ich fuͤr mich behalten. Als die Diener widerumb zu zu ſeinem Herrn Vatter kommen/ fragt er/ was ſein Sohn thue/ was er fuͤr ein Red ge- than/ vnnd wie er ſich geſtellet hette/ wie dan die Vaͤtter all ding pflegen auß zu fragen. Sie antworteten/ der Sohn hette ein feine Red gethan/ zeigten an/ wie er die Goltguͤl- den vnder ſein geſelſchafft geworffen vnnd die Apffel vor ſich behalten hette/ da lachet der Keyſer vnnd ſagt. Jch weis wol/ er wird ein ſtraw guͤtlein werden.

CXXV. Von Joanne Rodolpho La- vatero Buͤrgermeiſter zu Zůrich.

JO Hannes Rudolphus Lavaterus ward Anno 1524. von der Stadt Zuͤ- rich beneben Jacob Werdmuͤllern der Stadt Rentmeiſter zu Clementi 7. dem Pabſt zu Rom geſchicket/ einen Ausſtand gelt abzuholen. Demnach nun gemelte beyde fuͤr den Pabſt kommen/ da felt Werdmuͤller/ als der damals noch im alten Aberglauben erſof- fen war/ vff ſeine Knie/ vnnd kuͤſſet dem Pabſt die Fuͤß: Lavaterus wird vermahnet/ er ſolt deßgleichen thun/ oder ja zum wenigſten naͤ- her hinzu gehen: Er aber wils nicht thun/ ſagt/ es thue jhn hertzlich wehe/ daß er ſo na- he bey jhn gangen ſey/ er entſetze ſich fur des Pabſt vbermeſſigem Pracht. Clemens aber wolt ſich nicht nach ſeinem Namen gnedig ge- gen ſie erzeigen/ ließ ſie nicht allein ledig vnnd vnverrichter Sach wieder heim ziehen/ ſon- dern fuhr ſie noch mit rawen harten Worten an/ warumb ſie den Ketzern Vnderhaltung geben/ vnnd ſich jhrer Voreltern Gewonheit H vent- entgegen/ widerſpenſtig erzeigten/ ſie ſolten ſolche Ketzer entweder zum Landt hinauß jagen/ oder zur gebuͤrlichen ſtraff zihen/ vnnd ſich wider zur Roͤmiſchen Kirchen begeben. Die Legaten haben ihm Gottſelig mit tapf- ferm gemuͤth geantwortet: Was die Religion anbelangen thue/ ſo haben ſie dieſelbe auff das alte vnd newe Teſtament der H. Schrifft alß auff das rechte fundament gebawet/ da ſie aber mit warheit beſſer koͤnnten vnder- richtet werden/ als ſie dißmals glauben/ ſo wolten ſie GOtt vnnd ſeinem H. wort gern vnd willig ſich vnderwerffen. Diß jr antwort iſt außgelacht vnd verſpottet worden.

CXXVI. Von jtzgedacheem La- vatero.

GEmelter Lavaterus hat ſich Anno 1521. Jm Jtalieniſchen Krig fuͤr ei- nen Fenrich gebrauchen laſſen. Als er nun vernahme/ das ein Bawers- mann in der groſſen Hitz trefflichen durſt lei- den muſte/ gab er ihm auß ſeiner Flaſchen ei- nen trunck Wein/ damit er ſich widerumb er- quicken moͤchte. Nach acht Jahren begab es ſich/ das vorgenannter Lavaterus in ein gruben felt/ darinn viel andere verdorben waren/ vnnd kein hoffnung haben konnte wi- der heraus zukommen/ das erſicht der Bawersmann/ der den Trunck Wein hie- bevor von jhm in Jtalia entpfangen hatte/ gedencket der vorigen gutthaten/ erzeiget ſich danckbar/ langt ihm die Hand/ das es die Feinde ſehen/ hilfft ihm mit ſeiner ſelbſt lebens lebens gefahr auß der Gruben/ vnnd zeugt jhn alſo dem Todt auß dem Rachen. Weil ihn Lavaterus nicht mehr kennete/ leſt er fra- gen/ wer der jenige moͤcht geweſen ſeyn/ der jhn mit ſolcher gefahr ſeines Lebens erloͤſet hette/ da wird der Bawersmann zu ihm bracht/ den fragt er fleiſſig/ was die vrſach were/ das er mit ſo groſſer gefahr ſich ſeiner angenommen hette? Die weil/ ſprach er/ jhr vor etlichen Jahren mir habt trincken gebotten/ da ich ſonſt vor durſt hett ver- ſchmachten muͤſſen. Alſo hab ich mich billich danckbar erzeiget. Lavaterus verwundert ſich hieruber/ ſagt ihm danck/ ließ jn kleiben/ vnd ſchickt jhn mit einem guten zehrpfennig wid er heim.

CXXVII. Von Henrich Rentmei- ſtern zu Zurich/ Herꝛn Ludovici La- vateri muͤtterlichem Alt- vatter.

DJeſer pflegte offtmals vber Huſſen vnnd ſeines Geſellen vnbillichen Todt/ ohn anſehen daß er dem Paͤbſtiſchen aberglauben noch an- hieng/ zuklagen/ dann er ſprach/ es weren die ſo der froͤmbſt vnd heiligſt auff dem Conſten- tziſchen Concilio geweſen/ wider all Recht vnd billichkeit verbrennet worden. Er ſagt auch vielmals zu ſeinen bekannten vnnd Haußgeſindt/ er ſetz in keinen zweiffel/ das ſie im Pabſtumb noch in groſſen jr- thumben vnnd Aberglauben ſtecken/ koͤnne aber aber ſolche vor ſein Perſon weder ſehen noch zeigen: Doch hab er die gewiſſe hoffnung/ es werde in kurtzem einer kommen/ der ſolche jrthumb der welt offenbare. Derwegen/ als er Hulderich Zwinglium anno 1519. erſtlich Predigen hoͤrte/ ward er in ſeinem hertzen froh/ ſagt GOtt danck/ vnnd ſprach/ nun were es nach all ſeinem Wuͤntſch vnnd verlangen gefallen: Denn er hoͤre einen ſolchen Man/ der ohn zweiffel nit allein die jrthumb vnd aber- glauben zeigen/ ſondern auch weiß vnnd weg die rechte ware Religion vnd ewige wolfarth zuerlangen weiſen/ vnnd gleich wie Moſes das Volck GOttes auß Egypten fuͤhren/ das iſt/ der ſie mit der huͤlff Gottes von dem Aber- glaubiſchen joch erloͤſen werde. Deßwegen hoͤ- ret er ſeine Predigt mit fleiß vnnd andacht/ vnd regt bey einem hie bey dem andern dort an/ daß er dergleichen thun ſolte.

CXXVIII. Von einem Engel- laͤnder.

JN Engellandt ward ein guter Mann zum Todt verdampt/ der ein Schuldie- ner zu Londen war. Des abendts ging einer ſeiner bekannten zu jhm/ bracht ein gebratens mit/ vnnd aſſen mit einander zu Nacht in dem Gemach/ darinn er gefangen gehalten ward. Jn dem er nun das heiſſe Fleiſch anruͤret/ vnnd ihn daſſelbig brennte/ ſprach er mit lachendem Mundt/ Sich/ ich ſchew mich nur diß gebratens anzuruͤhren/ was werd ich dann thun/ wenn ich morgen ſelbſt gebraten werdt. Doch iſt er den folgen- den den tag mit ſtandthafftigem gemuͤth geſtor- ben. Als der Koͤnig zu jhm ſagte/ da er wolt recantiren vnnd widerruffen/ ſo wolt er ſei- ner ſchonen vnnd das Leben ſchencken. Der junge Geſell fiel auff ſein Knie/ ſagt jm danck/ vnnd ſprach: Er achte nechſt GOtt niemandt hoͤher als den Koͤnig/ er koͤnne aber GOtt nit laͤſtern/ nahm das gebundt/ welches ein zeichẽ des Todts war/ vnnd ſagte: O Jhr lieben Ruthen/ ich will lieber ſterben/ als wider GOtt thun. Alſo iſt er in beſtendiger bekennt- nuß geſtorben.

CXIX. Von einer Kindtbetterin.

NAzianzenus ſagt: Nichts erfrewet den Menſchen mehr/ als ein gut ge- wiſſen vnnd ein gute Hoffnung. Lau- rentius ligt da/ hat ein gut gewiſ- ſen/ vnnd hoffnung des ewigen Lebens/ die jnnerlich Frewdt machet/ das die euſſerliche ſchmertzen nit gefuͤhlet werden/ wie von Ste- phano dieſer verſicul ſagt:

Ibat ovans animis, & ſpe ſua damna leva bat.

Eben alſo hat ſichs auch begeben/ das da ein H. Matron im gefengnuß jhres Leibs Frucht geneſen wolte/ vnnd ſie groſſen ſchmer- tzen hatte/ ſprach der huͤter des gefengnus zu jhr: Sihe/ du biſt jtzt ſo vngedultig wegen der Schmertzen/ was wiltu dann Morgen thun/ wann du zum Todt gefuͤhret wirſt: Sie ant- wortete/ heut leidt ich armes Weib ſchmer- tzen/ der dem Weiblichen geſchlecht wider- faͤhret wegen der Suͤnde/ Morgen leidt ich alß als ein Chriſten/ wegen des Glaubens an Chriſtum. Dieſes tapffers gemuͤth hat ein gut gewiſſen vnnd die hoffnung zuwegen bracht.

CXXX. Von zween Bawern.

ALs die Lutheriſche lehr erſtmals an tag kam/ da kommen vngefehr zween Baw- ersmaͤnner einander entgegen/ einer war nuͤchtern/ der ander aber truncken. Der nuͤchterige ward von dem truncken mann gefragt/ ob er ein Martiniſt were? Der ant- wortet/ er were in Lutheraner. Der volle zog das wehr auß/ vnnd war vnluſtig daruber/ das er nit ein Martiniſt war? Alſo geſchichts fleiſſig/ das vnder etlichen ſtreit ſeyn/ welche ſie mit verſtehen/ laſſen die ſach bleiben/ vnnd greiffen die Perſon an.

CXXXI. Von einem vntuͤchtigen Prieſter.

DOCtor Martinus Luther will auff ein zeit einen/ ſo ein Muͤnch geweſen/ examiniren vnnd verſuchen/ ob er zum Predigampt moͤchte dienlich ſeyn/ ſtellt ihn deßwegen in gegenwart etlichẽ wenigen Perſonen auff/ daß er ſolt ein Pre- digt thun. Der gut Moͤnnich fing an zu leſen/ ich bin ein guter Hirr/ ſchweig ein weil ſtill/ fing wider an/ ich bin ein guter Hirt/ ſchweig abermals/ zum dritten mahl widerholt er die wort/ ich bin ein guter Hirt/ kont aber nicht fort leſen. D. Luther ſagt endlich/ jhr ſeit nit ein guter Hirt/ ſondern ein albber Schaff.

Von

CXXXII. Von einem Einſidler.

EJn Einſidler/ wie die Kirchen hiſto- rien melden/ hat auff ein zeit den Teu- fel mit einem trunck Wein außge- trieben. Dann als der Einſidler in der Einoͤde ein ehrliches vnnd ſchweres Leben fuͤhrte/ ward ein beſeſſen Menſch zu jhm bracht das er ihn ſolt geſundt machen. Da nun der beſeſſene den Einſidler ſahe/ fing er an zu ſchreyen/ was fuͤhret jhr mich zu ei- nem Weinſauffer/ dann der Einſidler hett ein wenig Wein von ſeinem Nachbarn vberkom- men/ ſich damit zu ſtercken. Als der Einſidler diß hoͤrte/ merckt er/ warumb es dem boͤſen Geiſt zu thun were/ daß er nemblich die leuth vermeinete dahin zubereden/ daß ſie den ge- brauch des Weins ſolten vor boͤß vnnd ver- kert halten. Deßwegen nahm er ſo balt einen Becher/ ſchenckt den voll Wein/ vnd ſprach zũ Teuffel/ ich glaub an Jeſum Chriſtum/ den Sohn Gottes/ daß/ ehe ich dieſen Becher auß trincke/ du auß dieſem Menſchen fahren muͤſ- ſeſt. Was geſchicht? Der Einſidler trincket/ der Sathan wuͤtet vnd tobet in dem armen Menſchen/ vnd faͤhret auß.

CXXXIII. Von einem Maͤgdlein.

ZV Franckfort an der Oder war ein Maͤgdlein/ das ſchlieff in der Ernde |vn- der einem Bawm im Graß. Jm ſchlaff hoͤrt es ein Stimm: die ſprach zu jhm/ ſtehe auff/ du ſolt groß Gelt vnnd gut bekommen. Es ſtehet auff/ vnnd ſihet einen feinen mann bey ihm ſtehen/ der redt es alſo alſo an: Liebe Jungfraw/ wenn du mich lieb haben wilt/ ſo ſolt du viel Gelt vnnd guts von mir haben/ dann ich will dir ein groſſen ſchatz zeigen. Sie ſprach. Jch bin willig/ ich will ewer ſeyn/ jhr ſeyt wer jhr woͤllet. Da ſie ſich nun mit dieſen worten ergeben hatte/ da nimpt der mann ſein vorig geſtalt an ſich/ die Augen glentzten wie Fewer/ vnnd hat zwey hoͤrner auff dem Kopff/ gleich als ein Geiß/ hieruber wird die Jungfraw dermaſſen ver- ſturtzt/ daß ſie jhre Sinn vnnd vernunfft ver- leuret/ Mann legt ſie an Ketten/ vnnd leſt ſie verwachen. Was geſchicht? Sie ſpricht/ ſie woͤlle den Helliſchen Schatz heraus geben/ reicht den huͤtern Golt vnnd Silber/ jhr Hand war nimmer ohn Gelt. Wann mañs jr nicht wolt abnehmen/ ſteckt ſie es in Mundt/ vnnd verſchluckts. Daraus ſihet man/ was auff die Geltgirigkeit folget/ wenn man Gottes wort fahren leſt/ vnnd nur auff das zeitliche ge- ſinnet iſt.

CXXXIV. Von einem Geſpenß zu Speyr.

ZV Speyr war ein Fiſcher der Fiſchte des Nachts auff dem Rhein. Dem kompt ein geſpenß fuͤr in geſtalt eines Moͤnichs mit einer ſchwartzen Kutten. Der Schiff- mann gruͤſt vnnd fragt jn/ was er des Nachts ſo ſpat an dem Orth mache? Er antwortet/ ich bin ein Bott von weiten orthen her ge- ſandt/ bitt jhr woͤllet mich mit ewerm Nachen vber den Rhein fuͤhren. Der Schiffmann thut das. Da ſie nun hinuber an das vffer kom̃en/ ſihe/ ſihe da ſtehen Fuͤnff mit Kutten da. Er wuͤntſchet jhnen glůck/ wie zu vor/ vnnd fragt/ wo ſie ſo ſpaͤtt Mitten in der Nacht hin woͤllen? Der ein ſprach: Vmb groſſer gefahr willen werden wir genoͤthiget Nachts zu reiſen/ dann wir ſindt jedermann ver- haſt/ vnnd das gemein Volck will vns Toͤdten. So nun ein lieb in ewerm hertzen iſt/ vnnd euch fromme Leuth an gelegen ſindt/ ſo fůhret vns vber/ damit wir nicht gehindert werden. GOtt wird euch ewi- gen Segen dagegen geben/ daß jhr auch glůck haben werdet/ vnnd fůr vnd fůr viel Fiſch fanget Er wil- liget drein/ fůhrt den Nachen ans Landt/ vnd heiſt ſie drein ſteigen Erſpricht/ wer wird mir aber mei- nen lohn geben? Der ander antwortet/ jhr wiſt/ das wir kein Gelt noch gut haben ſo gibt vns der gemei- ne Mann langſamb etwas fůr vnſer Lehr/ doch ſolt jhrs nicht vergeblich thun. Wann wir werden das gluͤck haben/ daß wir wider an ein beſtendig orth kommen/ ſo ſoll euch ewer muͤhe reichlich belohnet werden. Da nun der Schiffmann vom Landt ſtoͤſſet/ vnnd faſt mitten auff dem Rhein iſt/ da wird alles Finſter/ vnnd erhebt ſich ein groſſer Windt/ mit einem erſchrecklichen vngewitter/ deßwegen ent- ſetzet er ſich ſehr/ vnnd ſpricht/ woher kompt das Vngluͤck? Jch hab doch kurtz hievor kein Regen- wetter vermercket/ es iſt ja der Himmel hell vnnd klar geweſen? Jn dem er alſo redet/ erhebt ſich der Windt mit ſolchem vngeſtuͤmm/ daß er nicht ferner auß reden kann/ hebt die Hendt auff vnd rufft Gott vmb hůlff an. Einer auß den Můnchen ſagt/ was thuſtu? Laß GOtt an ſeinem orth/ nimbt die ſtan- gen/ die der Schiffmann zuvor gebraucht hatte ſchlaͤgt jhn damit biß auff den Todt. Endlich ſihet er/ daß der Tenffel diß außgerichtet hatte/ dann ſie verſchwunden/ vnnd lieſſen einen boͤſen geſtanck hinder ſich. Balt ließ die Finſterniß nach/ vnd ward Jder der Himmel wider hell. Er erſchrickt ſehr v- ber dieſer geſchicht/ begibt ſich ans vfer vnnd ligt in das Graß/ biß der tag daher kompt/ da laͤſt er ſich von einem Jungen heimfuͤhren. Er erzehlet alles ſeinen Freunden/ vnnd ſtirbt noch denſelben tag.

Den andern folgenden Morgen begab ſich ein gleicher fall/ doch mit einem beſſern auß- gang. Als die Sonn auff ging/ begab ſich ein wanders Mann auff die ſtraſſen. Jn dem er nun auß der Speyeriſchen Grentzen kompt/ da ſihet er einen Wagen voller Moͤnich/ an dẽ zogen ſieben Pferdt/ vnd mangelt das ein Rad am wagen. Der Fuhrmann/ ſo die Pferdt re- girte/ hatt ein erſchrecklich Naſen/ nach dem nun der Wagen fuͤr dem Wandersmann vber gehet/ entſetzet er ſich/ dan er mercket wol/ das kein Moͤniche ſondern lauter Geſpenſte waren. Balt hebt ſich derwagen in die lufft/ vnd folgt ihm Fewer vnd dampff nach. Jn der lufft gab es ein gethoͤn/ als ob wehr vnd waſ- fen im Krieg wider einander ſchlagen/ der Wandersman kehrt wider zu ruͤck/ vnd zeigt in der Statt an/ das er geſehen hette.

CXXXV. Von einem Moͤnich.

DAs gluͤck vervrſachet bißweilen ei- nen Menſchen/ das er ſtoltz vnd hof- fertig wirdt. Daß dem alſo ſey/ ſe- hen wir an einem Moͤnich/ welcher da er ins Kloſter kam/ fein zuͤchtig einher ging/ ſchlug das Angeſicht nider/ als ob er ſtettigs bettete. Vmb ſolcher guten Sitten willen erwehlten jhn ſeine Bruͤder zu einem Apt/ hierauff ward er balt ſo ſtoltz vnd hoffer- tig/ daß er ſeine Sitten gahr veraͤndert/ hielt das das Angeſicht vber ſich/ vnnd kamen endlich ſein Boſſen an tag: Dann als er gefragt war/ warumb er ſo gar ſein Sinn verkehrt hette? Soll er folgender geſtalt geantwortet haben/ er hab darumb die Erd ſo fleiſſig angeſehen/ weil er die Schluͤſſel noch zur ſelben zeit ge- ſuchet/ nun mehr aber hab er ſie funden/ deß- wegen ſey es ohn noth daß er ferner vnder- ſich ſehe.

CXXXVI. Von einem Biſchoff zu Magdenburg.

FVr etlichen Jaren war ein Graff von Bichlingen Biſchoff zu Magdenburg derſelb ward mit gewalt vom Stifft zum Biſtumb gezogen: Nun begab es ſich/ daß der Hertzog zu Sachſen einen ſolchen mißverſtandt gegen jhm hette/ daß er jhm ei- nen Krieg wolte zufuͤgen. Da der Biſchoff das erfuhr/ ließ er ſich daſſelbe nit angehen/ ſtellt ſich weder auff wehr noch auff Waffen/ ſon- dern verſahe ſein Kirchen ſachen/ ſchafft die mengel darinn ab/ laß die H. Schrifft vnd be- tet/ wartet ſeiner vorigen geſchefft/ vnnd ſtelt ſich/ als ob nirgents woher Krieg zu forchten were. Des Hertzogen von Sachſen kundſchaf- fer ließ ſich mercken/ wie das ſein HErr den Biſchoff vberzihen wolte/ aber der Biſchoff ließ ſich das nicht hindern/ ſagte/ es iſt gut/ ich will mein Kirchen verſehen/ GOtt aber wird fur mich ſtreitẽ. Dieſe antwort behilt der kundſchaffer/ vnd ſagt ſie ſeinem Herrn. Von ſtund an ließ der fromme Fuͤrſt den Krieg blei- ben/ vnd gab ſeinẽ Volck/ ſo er geworben/ vr- laub: Denn er ſagt alſo: Er ſey viel zu gering Krig zu fuͤhren gegen den/ der Gott zu einem Geſellen hab.

J ijVon

CXXXVII. Von einer Ebrecherin in Boͤhmen.

JN Boͤhmen ward auff ein zeit ein rei- ches Weib/ welches durch anreitzẽ des leidigen Sathans/ der dann allweg vmbher gehet wie ein Bruͤllender Loͤw vnnd ſucht wen er verſchlinge/ ſich ſo fern mit Suͤnden beflecket/ das es in abweſen jhres Manns Ehebruch mit einem andern Mann beging/ darvon ward ſie ſchwanger/ vñ bracht alſo jhrem mann einen Sohn/ der nicht ſein war. So balt nun derſelb ein wenig auff kam/ ward er hochmuͤthig/ fing an vber die andern zu herſchen. Diß ſchmertzet die Mutter treff- lichen ſehr/ alſo/ daß der Ehebruch durch dz Gottloſe weſen jhres Sohns bey jhr auff- wachte/ vnnd das boͤſe gewiſſen ſie tag vnnd Nacht quelete. Als nun jhr Ehemann mit Todt abgangen/ leſt ſie jhr Kinder zuſammen kommen/ vnnd redt ſie mit vielen threnen alſo an: Jr hertz lieben Kinder einer vnder euch iſt vnehrlich geboren. Jm fall jhr ſolches zuwiſ- ſen begert/ will ich mich nicht ſchewen ſolches zu offenbaren/ vnnd denſelben namhafft zu machen. Die Kinder erſchracken vber dieſer ihrer Mutter vnverſehener Rede vber die maſſen/ ſchweigen lang ſtill/ vnnd bedencken ſich/ was ſie der Mutter antworten ſoͤllen: Dann ein jeder trug vorſorg/ er moͤchte zum Huren Kind werden: Endlich ſahen ſie vor gut an die Mutter alſo zu beantworten: Liebe Mutter/ wir haben mit groſſem ſchmertzen vnnd Bekuͤmmernuß vernommen/ daß einer vnder vns vnehrlich ſoll geboren ſeyn. Wer aber aber derſelbe ſey/ begehren wir nit zu wiſſen/ ſoͤndern woͤllens GOTT befehlen/ vnnd vns Bruͤderlich vnder einander lieben/ da mit ei- nem jeden vnder vns ſein guter name vnnd Leumuth bleiben moͤge. Diß wol bedachte antwort hat der truͤbſeligen Mutter ſehr wol gefallen/ vnnd in jhrem bekummerniß gros leichterung bracht. Doch hat ſie jhr vbrig le- ben in trawerniß zu bracht/ vnnd ſich nicht gnugſamb von ihren Kindern koͤnnen troͤſten laſſen.

CXXXVIII. Von dreyen Bruͤdern die vmb jr Vaͤtterlichs Erb ſtreitig wahren.

EJn Mann zeugte in der Ehe mit ſei- nem Weib drey Soͤhne/ welche er ver- meinet nicht ſein leibliche Kinder zu ſeyn. Auff ein zeit begibt ſichs aber daß das Weib mit dem Mann vneins wirdt/ vnnd alſo ſpricht. Du Boͤßwicht/ was zan- ckeſtu ſtettigs mit mir/ ſchlaͤgeſt mich vnder- weilen vbel/ wie viel Kinder meinſtu daß dein ſeyen? Wann ich die warheit bekennen ſoll/ ſo iſt nur eines dein. Der mann helt her- nacher offt mit freundlichen worten bey jhr an/ ſie ſolte doch offenbaren/ welcher ſein ſeye/ kann aber nichts erhalten/ alſo ſtirbt das Weib/ vnnd weis der Mann nicht/ welches ſein rechter Sohn ſeyn moͤge. Der Vatter macht im Teſtament/ daß der erben ſolte/ der von ſeinem Gebluͤt herkomme. Da nun der Vatter mit Todt verfahren/ da fangen die Bruͤder an ſich vmb des Vatters verlaſſen- J iijſchafft ſchafft zu zancken. Ein jeder gibt fuͤr/ er ſey der rechte eheliche Sohn/ vnd daher erbe er auch billich des Vatters gut. Weil nun kei- ner keinen gewiſſen beweißtumb hatte/ be- fihlet der Richter/ mann ſolt den Leichnam jhres Vatters auß graben/ damit ein jeder nach des Vatters hertz ſchieſſen moͤchte: Wer als dan am nechſten daſſelb treffen wurde/ der ſolt fuͤr den rechten Erben gehalten wer- den. Diß vrtheil gefiel jn allen wol/ daß ſie ſolcher geſtalt der an ſich ſelbſt langwirigen ſach ſo balt konnten ab kom̃en. Sie graben des Vatters Leichnam auß/ vnnd machen ein zil/ die zween vnehrliche Soͤhne ſchieſſen zum er- ſten/ Da mann nun den ehelichen Sohn ſchieſ- ſen heiſſet/ ſpricht er: Dafuͤr behuͤte mich GOtt/ das ich nach meines lieben Vatters leichnam ſchieſſen ſolte/ ehe ich das thu/ will ich ehe arm pleiben vnd des Vaͤtterlichen Erb- guts entrathen. Der Richter ſpricht: Diß iſt der rechte Sohn/ darumb ihm auch billich das gut gereichet.

CXXXIX. Wie drey falſche zeugen geſtrafft worden.

DRey Maͤnner ſagen zu Jeruſalem ein falſche zeugſag wider Narciſſũ den Biſchoff daſelbſten. Der erſt ſpricht/ wann ich falſch rede/ ſo Fall das Fewer vom Himmel/ vnnd verbrenne mich. Der ander ſagt/ wenn ich falſch kundt- ſchafft gebe/ ſo komm mich die Fallende ſucht an. Der dritt ſagt ſo ich nit die warheit ſage/ ſo werd ich Blindt. Der Biſchoff wirdt vnſchul- vnſchuldig verdampt. Aber die Meyneidigen fallen in die Straff die ſie ſelbſt begeret hat- ten/ vnnd verzeucht Gott der HErr/ der al- les ſiehet/ die Straff nicht lang: Dann er ließ den erſten mit ſeinem Hauß durchs Fewr verderben. Der ander felt nider/ bekompt ſeine begerte ſchwachheit. Da der dritt ſahe/ das ſeinem geſellen alſo ging/ bekannt er die ſchuldt/ bekummert ſich tag vnd nacht/ vnnd weinet ſo ſehr/ daß er ſein geſicht daruber ver derbte. Sagt dabey es ſolt ſich ein jeder ver- ſehen/ das er nit ſeinen nechſten Schande vn- verſchulder ſachen zumeſſe.

CXL. Von Henrico Glareano.

YVor zeiten war vnder den Profeſſorn zu Baſel ein groſſer ſtreit vnnd be- denckens/ was ſie Henrico Lorito Glareano/ den ſie zu ſich ins Col- loquium genommen hatten/ fuͤr ein orth geben ſolten. Denn weil er ein ſolcher be- ruͤmbter Poet war/ bedeucht ſie/ mann koͤnnt jhn nicht wol vnder die Magiſtros ſe- tzen/ ſondern es ſolt ihm ein hoͤhers von Rechtswegen gebuͤhren. Jedoch/ weil ſie er- fahren/ daß er kein Doctor were/ fiel es ihm bedencklich/ daß ſie jn darunder ſetzen ſolten/ alſo muſt er ſich ein zeitlang bey dẽ Magiſtris leyden. Diß verdros jn ſehr/ doch ließ ers vn- vermerckt hergehenver/ hoffendt/ es wuͤrde ihm noch mit der zeit ein beſſer orth gege- ben werden. Nach dem er aber mercket/ daß ihn ſein hoffnung betrigen woͤllte/ findt er endlichen ein liſt/ dardurch er verhofft einen guten Seß zuwegen zubringen/ vnnd daß J iiijſelb ſelb folgender geſtalt: Es ſollen etliche zu Doctorn Promovirt werden/ das iſt ihm vn- verborgen/ deßwegen entlehnet er einen Eſel/ ſetzet ſich drauff/ vnd ritte in das Audito- rium/ helt alſo ſtill. Jedermann verwundert ſich daruber/ etliche meineten er wer vnſinnig worden/ etliche aber lachten ſich halb kranck/ ſo offt der Eſel ſchrey/ ſich vngebuͤrlich hielt/ oder vmb ſich ſchluge. Etliche meinten/ er woͤlte die/ ſo zun Doctorn ſolten Promovirt werden/ nur hiemit vexiren. Was ſoll mann viel ſagen/ der Rector fragt ihn endlich/ wa- rumb er mit dem thier an das orth geritten were? Darumb/ damit/ ſpricht er/ ich einen be- ſtaͤndigen vnnd gewiſſen ſeß haben moͤchte/ dann ihr ſtehet nun etlich Monat lang im zweiffel/ ob jhr mich vnder die Doctores oder aber vnder die Magiſtros ſetzen ſoͤllet. Da- mit ich euch nun auß dieſem ſchweren nach- ſinnen bringen moͤge/ vnnd mir ſelbſt nicht im lichten ſtehe/ hab ich mich auff dieſen Eſell ge- ſetzet/ die Doctores zu hoͤren vnnd vber jhre diſputation zu vrtheilen. Was geſchihet? Der Rector vnnd gantze Schulrath helt mit fleiß an/ daß er den Eſel bleiben/ vnnd die Stuel einnehmen wolte/ vnnd ſolt ſich bey die Doc- tores oder ſonſt hin ſetzen/ wo es ihm belieben wurde. Da ſie aber diß von ihm nicht er- langen konnten/ muſten ſie den Actum bleiben laſſen vnnd auff ein andern tag verſchieben: Da gemelter Glareanus ehrlich in das | Au- ditorium gefuͤhret vnnd vnder die Doctores geſetzt wor- den.

Von

CXLI. Von den Arcaden vnnd Athenienſern.

ALs die Arcades vnnd Athenienſer auff ein zeit einen Krieg wider die Perſier fuͤhrten/ vnnd ſich darumb zanckten/ welchs vnder dieſen beydẽ Voͤlckern den erſten Angriff thun ſolte/ da ſagten die Athe- nienſer loͤblich/ ſie wolten in jhres Vatter- landts vorſtehender gemeiner gefahr willig von jhrem Rechten weichen/ vnnd den Feindt angreiffen/ an welchen orth ſie geſtellt wur- den/ vnnd ſich wie tapffere Leuth verhalten. Alſo ſagt auch Hertzog von Wuͤrtenburg auff einem Furſten tag/ da ſie vmb die Seſſion di- ſputirten: Jhr moͤget mich hinder den Offen ſetzen/ wenn wir nur das verrichten/ vmb deß willen wir anhero kommen ſindt.

CXLII. Von Henrico Lorito Gloreano.

AVß was vrſachen vorgemelter Henricus Glareanus Anno 1559. durch den Roͤ- miſchen Pabſt in Catalogum Heretico- rum (verzeichnus der Ketzer) geſetzet worden/ kann man nicht wiſſen. Es hat ihm aber vber die maſſen gros ſchmertzen vnnd bekuͤmmernus erregt/ derwegen ſupplicirt er an Pabſt/ daß er jhn woͤll wider herauß thun laſſen/ verpflicht ſich mit einem Eydt/ er hab ſein lebtag nichts wider den H. Stuel ſich vn- derfangen/ viel weniger ſolt daſſelb auffs kuͤnfftig geſchehen. Alſo bekummert ſich nun J vder der armſelige Loritus hieruber/ daruber ſich andere gelerte Leut/ ſo eben in dieſem ho- ſpital kranck lagen/ zum hoͤchſten frewten. Die aber ſolcher geſtalt geſinnet ſeyn/ moͤgen be- dencken was Chriſtus ſagt wer ſich meiner vnnd meines worts ſchaͤmen wird vor der Welt/ deß wird ſich auch ſchaͤmen des Men- ſchen Sohn/ wenn er kommen wird in ſeiner herrligkeit.

CXLIII. Von jtzt genanntem Lorito.

WEr gemelten Loritum kennt hat/ der ſagt/ er ſey nicht ſonderlich ver- ſtendig geweſen/ daher ſich viel Leuth verwundern/ wie er zu ſol- cher groſſen geſchicklichkeit hab kommen koͤn- nen. Rodolphus Gualtherus hat auff ein zeit geſagt: Er hab ſein lebenlang keinen gelertern Narren geſehen. Als diß Henricus Loritus erfahren/ hats jhn vbel verdroſſen: vnnd hat Gualtherum hardt angeredt. Er aber hat ihm alſo vnder andern geantwortet: Die Al- ten haben vorzeiten lang vnnd viel einen wei- ſen mann geſucht/ aber ſie haben kaum einen leydlichen halbweiſen funden: Wenn mann a- ber jtzt ſagt/ einer ſey nicht weiß/ ſo vergreifft er ſich ſo viel mit ſchmaͤhworten an demſel- ben/ daß er das leben ſoll verwircket haben. O jhr arme alte Leuth/ warumb habt jr doch damals einen weiſen geſucht/ da keiner gewe- ſen iſt? So jhr zu dieſer zeit gelebt hettet/ ſo muſſet ihr ſo fleiſſ’g einen Narren ſuchen/ als vor zeiten einen weiſen. Vnnd wann jhr ſagen ſagen wurdet/ das einer ein Narr were/ muſt jhr ewer Leben daruber laſſen.

CXLIV. Von eben dem ſelben.

OFt gemelter Henricus Loritus iſt burtig geweſen auß der berumten Statt Glarona im Schweitzer Land. Daſelbſt zeugt er auff ein zeit hin/ ſei- ne Freunde zu beſuchen kompt/ naher Zurich/ vnnd kehrt zum Schwerdt ein. Weil er aber auch daſelbſt Freundt hatte/ wolt er ſie an ſprechen/ deßwegen batt er den Wirdt/ daß er ihm wolt einen Mantel leihen: dann es hat den gantzen tag geregnet/ daß er ſein kley- dung nicht brauchen konnte. Der Wird ſprach ohn ſein taͤglichen Mantel hab er nicht mehr als einen/ der war gelb/ deßwegen koͤnn er den ſelben der Farb halben nicht tragen. Aber Henricus gab nichts auff die Farb/ hing jhn vmb/ lieff in die Statt vnnd beſuchet ſeine Freunde. Die jungen auff der Gaſſen daucht diß ein ſeltzam new tracht ſeyn/ wurden auch vom Wirdt darzu angehetzt/ das ſie ihm mit groſſem geſchrey nach lieffen/ vnd ſagten: Se- het HErrn Glareanum/ deſſen Grammatic wir lernen/ mit ſolchen hauffen jungẽ ward er hin vnd wider beleitet. Den Mantel/ welchen der Wirdt ihm gelihen hatte/ trug niemands dann er ward nur eins mals in einer Come- dien gebraucht worden von dem ſo Jude Perſon vertret- ten.

Von

CXLV. Von einem Profeſſore.

AVff ein zeit ging ein gelerter Mann/ ſo Profeſſor war/ fuͤr etlichen Buͤrgern hin in ſchlechten Kleydern/ deßwegen thet ihm niemandt ſein gebuͤrende Ehr an. Der Profeſſor gehet heim/ legt das gering Kleyd ab/ zog ſich ſtattlichen an/ vnd ging wi- der auff den Marckt. Da ſtunden ſie all fuͤr im auff/ zogen die Huet ab/ vnd theten ihm gros Ehr an. Der gelerte ging wider heim/ trat den Mantel mit Fuͤſſen/ vnnd ſagt/ biſtu HERR/ oder bin ichs? Alſo ward der gute mann ſehr vnwillig daß man dz hinderſt zu forderſt vr- theilt/ vnnd das mann nicht den Menſchen/ ſondern den Kleidern die ehr beweiſe.

CXLVI. Von Kleydungen.

DJe Kleydung haben jhren vrſprung vberkommen ſo balt nach dem fall vnſerer erſten Eltern. Denn ſo balt dieſelbe geſuͤndiget haben/ ſind jhre Augen eroͤffnet worden/ vnd da ſie gemercket/ das ſie nackent waren/ machtẽ ſie auß Feygen- blettern decken/ Geneſ. c. 3. Daſelbſt lieſet man auch/ GOtt hab Adam vnnd Euen Roͤck von Fellen gemacht/ vnnd jhnen dieſelb ange- zogẽ. Cicero ſchreibet in ſeinem Buch de Ora- tore: Die Kleydung ſey anfenglich erdacht worden/ ſich damit gegen die Kaͤlte zu ſchuͤ- tzen: nachmals aber hab mann ſie zu zierath vnd wurthe des Leibs gebraucht. Aber Plut. meldet queſt. 6. Sympoſiacon. 6. Die Klei- dung ſey weder kalt noch warm/ daher brau- chen chen die Teutſchẽ ſolche gegen die Kaͤlte/ die Mohren aber gegẽ die Hitze. Da nachmals die Kleydung durch geſetz vnd ſitten eingefuͤhret wordẽ/ alſo/ das ein jeder nach ſeinem ſtand vñ wuͤrte ſich tragen ſolte/ damit ein Doctor vor einem Krigsmann/ ein Krigsmann vor einẽ Moͤnich/ ein Moͤnich vor einem Layen erkannt vnd hiemit gleichſamb vnderſcheiden wurde/ vnnd ſo ſichs begabe/ daß einer were ein Doc- tor vnnd Krigsmann/ ſo ſolt er ſich in Do- ctoraliſchen Sachen wie ein Doctor/ vnnd im Krigsweſen/ wie ein Krigsmann tragen/ wie da lehret gloſ. in c. Eccleſiaſtica 23. diſttuct. hierin folget Joh. Andt. in c. ut quisquis. de vita et honeſt. cleric. Et in terminis noſtris Ludovicus Roman. ſingul. 33. Sonſt ſind ſie nicht hieran gebunden/ ſondern moͤgen ſich nach ihrem gefallen tragen/ gloſ. in l. unica. C. de honorator. vehic. lib. 11. et ibid. Barto- lus: Ob gleich denen/ ſo in digniteten vnnd wuͤrthen leben/ geſtattet wird/ daß ſie durch die Statt moͤgen mit Gutſchen fahren/ ſo werden ſie doch nicht hierzu gezwungen/ ſon- dern ſie moͤgen ſolche fuhr nach jhrem gefal- len brauchen/ alſo/ ſpricht Bartoͤlus am ſelbi- gen orth/ verhelt es ſich auch mit den Docto- ribus/ die ſind nicht gezwungen allezeit zu- tragen ſolche zierliche ding/ daran mann ſie ſonſt pfleget zu kennen/ ſondern daß ſie dieſel- be tragen koͤnnen wann ſie woͤllen/ da auch gleich Fuͤrſtliche Perſonen vorhanden weren. Wie weit haben ſich aber die zeit vnd Sitten veraͤndert. Es ſetzen ſich nun mehr auff ſol- chen Gutſchen/ darauff nur vornehme be- ruͤmbte Leuth fahren ſollen/ auch verleumbde Perſonen/ als vnzuͤchtige Weiber/ vnnd der- gleichen gleichen geſindlein. Jn Kleydungen nun wirdt ſo wol vberflus als auch im man- gel geſuͤndiget die ſind nicht we- niger ſtrafens werth/ die zuviel fleiß dar- auff wenden (ſintemal man ſolche fuͤr weiche zarte Leuth halten ſoll als die gar nichts dar- auff geben/ dann ſolche ſind fuͤr grobe vnd vn- fletige Leuth zu halten. Derwegen ſoll mann ſich in Kleidungen auch der maͤſſigkeit befleiſ- ſigen/ wie Cic. lib. 1. offic. lehret. Denen Guͤlden ſtuͤck vnnd ſonſt koͤſtlich gewandt zu tragen erlaubet ſey/ ſihet mann in titul. de veſtibus holoſericis C. lib. 11. Die Advoca- ten ſollen auch fuͤr dem Richter lange Roͤck tragen/ vnd ſolche tracht/ die ihrem Ampt vnd beruff anſtehen/ wie daſſelb zeuget Specul. in titul. de Advocat. §. 2. in princ/ vnnd daſ- ſelb darumb gleich wie mann das anſehen hat: als ob mann die verachte/ fuͤr denen mann ſchlechte vnachtſame Kleydung tragt: Alſo iſt es ein anzeig das mann einen ehret/ wann mann mit zierlichen Kleidungen zu jhm gehet: Dann die tragen weiche Kleider/ welche in der Koͤnige Heuſer ſindt. Luc. ca. 7. Darumb gehen die Fuͤrſten zu einander mit Koͤſtlichen Kleidern. Seneca ſagt zu Neronis Gemahl. Zihe dich zum zaͤrteſten an/ nit vmb deinet/ ſondern vmb des Reichs ehr willen. Spec. in d. §. 2. de Advocat. Diß haben die Advocaten vnd alle die/ ſo jhnen ein anſehen bey dem Volck machen woͤllen/ obſerviret/ dañ gleich wie die/ ſo mit einem vnflaͤtigen Man- tel daher gehen/ fuͤr arme Leuth võ Volck an- geſehen werden/ vñ in gleichem fuͤr vngelert/ alſo helt man dagegen die/ ſo in ſchoͤnen Kley- dern einhergehen/ fuͤr reich/ deß gleichen fuͤr fuͤr gelert/ Sintemal wahr iſt/ was man pflegt zu ſagen:

Vir behe veſtitus pro veſtibus eſſe peritus Creditur à mille, &c.

Daher ſchreibet Gell. lib. cap. 5. noct. attic. Demoſthenes vnnd Hortenſius/ die be- rumbte Redner haben ſich zu viel ſtattlich getragen: Doch kann mann ſagen/ daß ſie es auch derenthalben gethan/ weil ſie fur vnd fur mit Fuͤrſten vnnd der Obrigkeit vmbgin- gen/ in dem ſie in der Leuth Recht ſachen han- delten.

Viel prangen mit Kleidern/ da doch dieſelb nichts anders ſindt/ als ein zeichen der Erb- ſuͤnd. Dañ vor dem fall ſind die Leuth nackent geweſen. So wer auch gar kein gebrauch der Kleider/ wenn nicht des Menſchen natur der Suͤnd vnd dẽ tod vnderworffen were. Darum̃/ ſo offt man einen Rock oder Mantel ſihet/ oder auch ſonſt ein Kleid/ ſo offt ſoll man gedenckẽ/ daß man ein zeichen der Erbſuͤnd ſehe. Strig. lib. 2. Dial. Viel Leuth/ damit ſie nur iu Kleidern ſtoltz moͤgen daher gehen/ Bre- chens jhnen am Mund ab/ wie dann ein Spa- nier zum Brunnen ging/ ſoff Waſſer vnnd aß Salat/ damit er nur in Koͤſtlichen Kleidern deſto beſſer prangen koͤnnte.

Gleich wie die/ ſo in der Koͤnige Heuſer ſind weiche Kleyder tragen/ alſo tragen eben die- ſelbe auch frembde vnnd außlendiſche Klei- der/ dann ſolcher geſtalt woͤllen ſie jnen lieber beim gemeinen Volck ein anſehen machen/ als durch tugent. Diß mißhandlung iſt jtzt allent- halben eingeriſſen/ ſonderlich aber in Franck- reich/ wie ſie denn ſolchen gebrechen ſelbſt hie bevor durch ein gemaͤhlt bekannt haben/ ſo ſo man ſehen mag im Bleſſiſchen Schloß/ da ein Spaniſcher/ Engellendiſcher/ Jtalient- ſcher/ vnnd Teutſcher Schneider/ ein jeder ſei- ne Kleider nach ſeines Landts muſter vnnd art gemacht/ herfuͤr langt/ als deren gewiſſe vnnd ſtettige geſtalt er fuͤr vnnd fuͤr gewuſt habe. Aber der Frantzoſiche Schneider bringt herfuͤr ein Tuch vnnd ein Schern/ damit er jm ein Kleid moͤchte nach ſeinem gefallen zu rich- ten/ ſintemal ſie fuͤr vnd fuͤr abwechßlen/ daß Mann nicht wiſſen kann/ was fur ein gattung der man haben woͤlle. Aber/ lieber GOtt/ es haben heutiges tages die Teutſchen den Fran- tzoſen hierin nicht allein gefolget/ ſondern thuns jhnen weit zuvor.

CXLVII. Von wahrer ehlichen Lieb.

ES ſchreibet Pontanus/ daß zu ſeiner zeit etliche Tunetiſche Meer Rauber einem Bawersmann das Weib ge- nommen/ deßwegen ſey er ins Meer geſprungen/ hab gebeten/ ſie ſolten jhn mit ſeinem Weib hinweg fuͤhren. Die Meer rau- ber verwunderten ſich vber des Manns Hertz vnnd trew/ erzehlten ſolches dem Koͤnig ſo balt ſie gen Tunetum kommen/ der Koͤnig/ ob er wol ein Heid vnnd Feindt des Chriſten- thumbs war/ ſo verwundert er ſich doch hoch hieruber/ gab ſie all beydt loß/ vnnd ließ den Mann auff ſeinen leib warten.

Von

CXLVIII. Von einem Balger.

JN einem zanck bekam einer erſtlich ein Maulſchell. Hernach ward er in der Bruſt vnd Seiten hart verwundt/ deren er in kurtzem geſtorben. Da mann demſelben die Wunden verbrandt/ vnnd Artzney brauchte/ ſo viel mann damals haben kunde: ſagt er/ ſie ſolten jhm erſtlich den Backen heilen/ wolt damit zuverſtehen geben/ die Maulſchell thue ihm weher/ als die Wunden/ daran er ſterben muſte. Er hette aber weißlicher vnnd billicher ruffen ſollen. Heylet mir/ liebe Ertzte/ ſo es euch můglich/ zum erſten die wuͤ- tigkeit/ darnach greifft zun wunden.

CXLIX. Von einem waſchhafften Weib.

EJn mann ſchlug ſein Weib mit einem Pan- toffeln. Das Weib klagt vber des Mans vnbarmhertzigkeit vnnd tyranney. Die Freundt gehen zuſammen vnnd fragen/ warumb er jhr Baſe ſo vbel halte: Dann es war ein ehrlich geſchlecht/ vnnd nahms fuͤr vbel auff Der Mann ſprach/ er nehme es nicht zum vnbeſten auff/ das ſie jhm freundtlicher meinung einredeten/ bit- tet/ daß ſie in der Sach richter ſein wolten. Jch/ ſpricht er/ hab ſie ein wenig mit einem Pantoffeln ge- ſchlagen/ ſie aber hat mich zuvor haͤrter geſchlagen mit dem Waſchplaul/ (Er aber meint mit der Zungen/ dann ſie hatt ihm gefluchet) nun erkennt ſagt er/ welches vnder vns beyden am Harteſten ſey geſchlagen werden Mit einem Waſchplaul ge- ſchlagen werden thut weher/ als ſich mit einem Paͤntoffeln ſchlagen laſſen.

KVon

CL. Von einem Meineydigen.

EJn Prediger ſtrafft in der Predigt ſeinem Ampt nach den Meincydt/ vnnd beweiſte zum theil auß Heiliger Schrifft/ was fuͤr ein grewliche Suͤnde ſolches were/ zum theil fuͤhrt er Hiſtorien ein/ wie hefftig GOTT allweg den Meineydt/ als een gerechter Richter geſtrafft hatte. Jn dieſer Predigt war ei- ner/ der ſich hiebevor mit einem Meyneidt vergriffen hatte: Aber er ließ ſich ſolches nit allein zur Buß vnnd Rew ſeiner Suͤnden be- wegen/ ſondern verachtete noch die Predigt darzu/ vnd ſprach zu denen/ ſo bey jhm ſtun- den: Jch hab mit dieſer meiner rechten Handt auch ein mahl einen falſchen Eydt gethan/ ſe- he darumb nichts/ daß ſie mir kurtzer iſt als die lincke. Was geſchihet aber? GOtt/ der ein gerechter Richter iſt/ nimt ihn ſo balt zur Straff: Dann der Arm fengt jm an zu ſchwel- len vnnd dermaſſen zu hitzen/ daß er weder tag oder nacht einen Augenblick ruhe hat. Endlich leſt er einen Artzt zu ſich fordern vnd den Arm abſchneiden. Alſo ward ihm der Arm kuͤrtzer/ lernt hierauff/ daß er nach be- gangener Suͤndt GOTT vnnd ſeinen die- nern nit dazu ſpotten ſolte. Gregorius Stri- genitius Homel. 15. de conſcient. pag. 112. Jtem Chriſtophorus Jreneus in ſeinem hellen Spie- gel. pag. 119.

Von

CLI. Von etlichen Gottslaͤſterern.

ALs im Jahr Chriſti 1553. Feiderich Koͤnig in Dennenmarck mit Todt ab- gangen/ vnnd Chriſtianus ſein Sohn ihm im Reich ſuccediren ſolte: Da wi- derſatzte ſich demſelben auch vnder andern vnderthanen die Statt Hafnen/ alſo/ daß er ſie mit gewaltiger Handt zum gehorſamb vnnd huͤldigung zwingen muſte. Nach dem er nun die Statt Hafnen belegerte/ da waren vn- der andern drey Gottloſe Buben/ die verbun- den ſich gleichſamb mit einem Eyd einander/ ſie woͤlten ſo lang ſich voll Weins ſauffen biß ſie darnider fielen vñ ſturbẽ: Jn dẽ ſie alſo diß boͤß verlobniß ins werck ſetzen/ vnnd nicht allein vber die maſſen ſehr ſauffen/ ſondern auch GOTT ohn vnderlaß grewlich le- ſtern: Da bewegt daſſelbe etliche ehrliche Soldaten/ daß ſie es der Obrigkeit anzeigen. Ob nun wol ſolche Gottslaͤſterer einer ſchwe- ren ſtraff wehren werth geweſen/ nicht allein wegen der groſſen ſuͤnde/ ſondern auch andern zum abſchewlichen Exempel/ ſo laſſen doch die Hauptleuth ſolche nur etliche ſtund lang in die Eyſen ſchlagen/ vnnd wollen ſie wider loß laſ- ſen. Ehe aber diß geſchihet/ begibt ſichs/ das ein gros Geſchuͤtz an einem ſolchen orth loß gehet/ daher noch keins die gantze Belegerũg vber kommen wahr/ vnd fehrt die Kugeln an dz end da die drey Gottslaͤſterer bey einander ſitzen/ einem nimt ſie den Kopff mit/ dẽ andern einen Arm/ dem dritten ſchlaͤgt ſie mitten von einander/ vnnd nimpt ein theil mit in die lufft: Daruber ſich jedermann zum hoͤch- K ijſten ſten entſetzete. Dann der HErr als ein eiffert- ger GOtt/ gab damit zuverſtehen/ daß die Obrigkeit ſolche grewliche Suͤnde nicht ſo li- derlich oder gar vngeſtrafft hingehen laſſen ſolte/ in maſſen es dann HErr Adrian von Steinberg/ ſo in dieſer Beſatzung Oberſter geweſen/ ſelbſten vielmals erklert vnd auß ge- legt hat.

CLII. Von einem andern Meynei- digen.

AVff ein zeit hat einer einen falſchen Eidt gethan darauff er ſo balt am Schlag ge- ruͤhret worden/ daß er kein wort mehr gered hatt/ vnd iſt in wenigen tagen ge- ſtorben.

CLIII. Von einem/ ſo ſeinem Sohn vnheil wuͤntſchet.

JN Franckreich war ein Mann/ ſo das reine wort Gottes erkannt hatte/ der wuͤntſchet im zorn ſeinem Sohn/ daß jhn der Teuffel holen ſolte. Welches ſo balt geſchihet. Die Kirche thut ein emb- ſig Gebet zu GOTT/ daß der Junge Ge- ſell des boͤſen Geiſtes wider loß wirdt/ Aber er geneſet kaum vnnd kompt zu ſich ſelber/ da greifft ihn der Todt an.

Von

CLIV. Von Trunckenheit.

DJe Trunckenheit iſt ein ſtuͤck von der vnſinnigkeit. Dann wo die truncken- heit iſt/ da herſchet boͤſe luͤſte vnnd thorheit/ wie das Canon ſagt diſtin. 35. Diß laſter hat nicht allein in Teutſchland/ ſondern auch in Franckreich vnnd Jtalien/ ja an allen orthen der Welt vberhandt genom- men/ daß mann die nicht allein in den Wirts Heuſſern/ ſondern auch in Koͤniglichen boͤffen fur ſelig Preiſet/ welche am meiſten ſauffen koͤnnen. Es iſt die Trunckenheit ein ſchendli- ches Peſch vnnd anreitzen zu allen boͤſen din- gen. Danv was der Wein vor an weiſung vnd vrſach gabe zur vnzucht/ bezeugt der Poet/ da er ſagt:

Et Venus in vinis, ignis in igne urit.

Salomon ſagt Proverb. 23. Nicht ſchaw den Wein an/ daß er ſo roth iſt/ vnnd im Glaß ſo ſchoͤn ſtehet| er gehet glat ein/ aber darnach beiſt er wie ein Schlang/ vnnd ſticht wie ein Other. So werden deine Augen nach andern Weibern ſehen/ vnnd dein Hertz wirdt ver- kerte ding reden/ vnd wirſt ſein/ wie einer der mitten im Meer ſchleffet/ vnnd wie einer ſchlefft oben auff dem Maſtbaum. Es iſt ein ſchmehlich ding vmb die trunckenheit/ vnnd wer ſich damit vermiſchet/ der iſt nicht weiß/ ſagt Summus Pontifex in c. 3. diſtinct. 35. Durch trunckenheit iſt die erſte Blutſchandt begangen worden/ wie in can. Sexto die 31. diſt. zu ſehen.

K iijGleicher

Gleicher geſtalt ſchreibet Virgilius:

Nec Veneris nec tu vini tenearis amore, Uno namque modo vina Venusq́; nocent.

Paul. Ghirland. in tractat. de ſacrilegiis c. 13. num. 3. referendo ad hoc gloß. in c. Moyſes 32. queſt. 2. ſagt. Es halten etliche dafuͤr/ die Seel ſtecke im Blut/ darumb pflegen die Normanner/ Engellender vnnd Polen viel zu ſauffen/ damit jhr Seel nicht im Trucken wohnen moͤgen. Aber ſolch weinſichtige Leut werden offtmals wegen jhren Suͤnden vbel geſtrafft/ in dem ſie in Ploͤtzliche Schwachhei- ten fallen/ vnnd geſchwindt ſterben. Dann vn- keuſche vnd vnmaͤſſige Geſellen gerathen balt ins Alter/ ſagt Cic. in lib. de Senectute. vnnd Virgilius ſchreibet:

Et Venus enervat vires ſic copia Bacchi, Et tentat greſſus, debilitatque pedes.

Hiermit werden die Gaͤſtereyen vnd mahl- zelten gar nicht geſtraffet/ dann wie die nicht zu ſchelten ſindt/ welche gefallen tragen zu geſundem Wein/ alſo auch die/ welche denſel- ben meſſig trincken.

Die Fuͤrſten koͤnnen vielmals durch trun- ckenheit erfahren/ welchen Raͤthen zu trawen ſey: Dann wo trunckenheit regirt da kann nichts heimlich bleiben/ wie Salomon ſagt Prov. 31. vnnd diß bezeuget auch Hora- tius in Poet.

Reges dicuntur multis urgere culullis, Et torquere mero, quem proſpexiſſe laborent, An ſit amicitia dignus.

Von

CLV. Von einem Schaͤffer.

EJn Edelmann bekompt auff ein zeit einen Schaͤffer gefangen/ vnnd will denſelben wegen etlicher Buben vnnd Diebſtuͤck hencken laſſen. Da mann jhn nun jtzt auff hencken wolt/ leſt ihn der Edel- mann fragen/ ob er jrgent einẽ andern Schaͤf- fer wuſte/ der From vnnd trew were/ dar- mit er denſelben moͤcht bey das Vihe thun. Der Schaͤffer ſagt/ nein/ er wiſſe keinen/ es ſey einer wie der ander/ ja bißweilen wol aͤrger. Durch dieſe wort wirdt der E- delmann bewegt/ daß er den Schaͤffer wider ledig gibt/ weil er keinen beſſern vnnd froͤm- mern finden ſolte. Luther. Tom. 6. Wittenb. Latin. pag. 440. fac. 2. Daher ſagt mann/ kein Schaͤffer iſt Fromb/ er hab denn Haar auff der Zungen.

CLVI. Von Maximiliano ii. vnnd ei- nem Schaͤffer.

ALs Maximilianus der ander dieſes Na- mens/ Koͤnig in Boͤhemen/ von Keyſer Carolo dem Fuͤnfften/ ſeines Vatters Bruder/ in Hiſpanien beſchrieben ward/ inwillens ime ſeine Tochter zu vermehlen/ vnd er nun zu Schiff angelendet hatte/ nicht allein daß er den Beylager hielte/ ſondern auch/ daß er vnder deß/ daß der Keyſer die vnruhe in Teutſchland ſtillete/ das Reich verwaltete. Jn dem er nun ſich bey Granaten mit jagen erluſtirte/ vnd vngefehr ihm ein Hirſch vor- kompt/ folgt er demſelben mit allem fleiß K iiijnach/ nach/ kompt auß dem Weg/ reittet einen Berg auff/ den andern nider/ weiß weder auß noch ein: Endlich wird ihm ſehr bang/ denn er beſorgt ſich ſehr fuͤr den Wilden thiern/ ſi- het ſich fleiſſig vmb/ da er des Nachts ſicher moͤchte pleiben. Jn dem er alſo trawrig auff vnnd ab zeugt/ erſiht er ein Schaͤffer huͤtten/ gibt dem Pferd die ſporen/ reit ſo geſchwindt er mag/ bitt den Schaͤffer/ daß er jhn des Nachts vber Herbergen woͤlle/ der Scheffer ſagts jhm zu/ heiſt jhn vom Pferdt ſteigen/ vnnd in die Huͤtten gehen. Nun hatte der Scheffer viel geſindts im Hauß: Denn er hat- te einen Sohn von zwantzig Jahren/ vnnd ei- nen Knecht/ in allen Buben ſtucken erſoffen/ deßgleichen ſein Weib/ ein Tochter vnnd Schnur/ welches noch ein Braut war/ vnd die ohn lengſt zu ihm zu Hauß kommen. Da nun der Fromme Fuͤrſt von ſeinem Pferdt geſtigen vnnd daſſelbig des Scheffers Knecht gegeben hatte zu fuͤttern/ geht er in die huͤtten/ vnnd helt ein ſchlecht mahlzet zu Nacht/ denn man ſetzet jhm ein wenig Bruͤe fur/ darim lag ein klein ſtuͤcklein Fleiſch von einem Lamb vnnd ſitzet beym Fewr. Der Scheffer aber vnnd ſein Geſindt wuſten nit wer Maximilianus was. Doch hielten ſie dafur/ weil er wol bekleidet gieng/ trug auch ohn zweiffel Guͤlden Ring an den Fingern/ ſahe Herriſch auß/ daß er nit ein geringer Mann/ ſondern jrgent ein reicher HErr were. Deßwegen machten ſie jnen hoff- nung/ ſie wurden ein ſtattliche feiſte beut bey jhm bekommen/ berathſchlagen ſich alſo mit einander/ wie ſie jhn wolten vmbringen. Da das Abendmahl gehalten wardt/ weiſt mann jhn in ein enges Kaͤmmerlein ſchlaffen/ das hat hat ein zerriſſen vnd ſehr vnverwahrte thuͤr. Jn dem ſie nun hiemit vmbgehen/ verfuͤget ſich die Junge Braut zu Maximiliano/ begert an jhn/ wo er ihr wolt trawen vnnd heimlich halten/ ſo wolt ſie jhm etwas offenbaren/ dar- an ihm viel gelegen were. Er ſagts jhr zu. Als balt zeigt ſie ihm an/ wie ſie ſich mit einander verglichen hetten jhn zu Toͤdten: Ob ſie an- fenglich in ſeinen todt gewilliget/ vnnd ſie deſſen nach der Handt gerewet habe/ oder ob ſie ſonſten auß der andern Geberden/ zuſam- men lauffen/ vnd dergleichen (welches gleub- lich) abgenommen/ daß ſie etwas boͤſes fur haben/ kann mann nicht wiſſen. Ob nun wol der fromme Fuͤrſt ohn muͤhe jhrem boͤſen vor- nehmen hette begegnen koͤnnen/ ſo wolt er ſich doch lieber mit ſeiner Hand verthedigen/ als daß er ſich den Schaͤffern/ deren vntrew vnd Bubenſtuͤck ihm ſchon bekannt waren/ er- geben vnnd vertrawen ſolte. Faſſet deßwegen einen Muth/ vnnd gedencket ehe alles zu wa- gen/ dann ſich auff jhr trew zu verlaſſen. Bald darauff wird er vom Wirdt ſchlaffen gefuͤh- ret/ dem er dann ohn einred folget/ ſchleuſſet nachmals die Thur zu/ ſtelt ein groſſen Kaſten dafuͤr/ ruͤſtet ſeine Buͤchſen zu/ vnd will ſehen wo es hinauß will. Der Schaͤffer/ welcher acht genommen/ daß ſein Gaſt von auff vnnd ab reitten ward muͤth worden/ meinet/ er wurde nun hart ſchlaffen. Gehet deßwegen ohn ge- reuſch fein ſanfft die Stigen hinauff fuͤr die thuͤr/ gedacht nicht/ daß ſie ſo wol ſolte ver- ſchloſſen vnnd verwahrt ſeyn. Da er ſich aber in ſeiner hoffnung betrogen fandt/ bitt er Maximilianum/ daß er ihm woͤlle die thuͤr auffmachen/ denn er muſte ein decktuch auß K vdem dem Kaſten langen. Maximilianus aber mer- cket was hierunder verborgen lag/ den er hat vernom̃en/ was der Scheffer an der thuͤr ver- ſuchet hatte/ hieß den Wirth wider abzihen/ ſchalt jn/ daß er daſſelb nit ehe auß der Kiſten genommen hatte/ dann er were muͤth/ koͤnne jtzt nit auffſtehen/ vnd jm die thuͤr offnen. Den Scheffer wolt diß verdrieſſẽ/ fing an zu ſchreiẽ vñ zu ruffen es geſchehe ihm gewalt in ſeinem Hauß/ koͤnne ſeines eigen Guts nicht mechtig ſeyn/ vnd wiſſe nit/ wz er ſich zu ſeinẽ Gaſt ver- ſehen ſolte. Letzlich/ da er mit ſeinem ruffen vnd ſchreien nichts außrichten konnte/ vnder ſtehet er die Kammer mit gewalt zuoͤffnen/ troͤwet Maximiliano den Todt/ wo er nicht von ſich ſelbſt die thur oͤffene/ betewert ſich hoch/ wolt lieber ſterben/ als des ſeinen entra- then vnd eines andern halben nicht mechtig ſein. Vnder deß kamen die Scheffer dazu/ ein theil vnderſtunde die thuͤr mit gewalt auff zu thun/ ein theil fing an/ wolt den Fenſtern ein- ſteigen: Dann ſie merckten wol/ jhr vorhabens wurde die leng nit heimlich bleiben/ vnnd das dieſer HErr wol vernommen/ was ſie vorhet- ten. Da nun Maximilianus ſahe/ das es an man gehen wolte/ vnnd das es zum euſſerſten kommen were/ richt er ſeine Buchſen auff die thuͤr/ ſcheuſt dadurch den Scheffer zur Erden ruckt von ſtundt an den Kaſten von der thuͤr/ thut ſie auff/ laufft auff die andern zu/ vnnd ſpalt des Scheffers Sohn den Kopff auff/ des Scheffers Knecht aber/ ſo ſtarck war/ jagt er zn die flucht. Doch war er nit noch gantz auſſer gefahr. Dann da des Scheffers Weib alſo an- fing zu heulen vnd zu weinen/ da lieffen noch andere Scheffer/ ſo in der nehe waren/ herzu/ vmb- vmbgaben mit gewehrter Handt das Hauß/ vnd woͤlle jren Herrn mit gewalt todſchlagen. Maximilianus verſah ſich gegen die Bawern ſo lang/ biß jn der erſt zorn verging/ ward gu- tes muths/ biß der tag an brache. Des mor- gens koͤmt ein groſſer hauffe Bawern/ er er- ſchrickt gar nit hieruber/ ſagt/ er ſey ein Stat- halter vber das Koͤnigreich Hiſpanien/ vñ da ſie ſeiner nit ſchonen wurden/ ſolten ſie haab vnd Gut/ leib vnd leben verlieren. Jm fall ſie aber ſeinen worten nit trawtẽ/ ſo ſoltẽ ſie doch dißmal kein Gewalt brauchen/ vnd die Obrig- keit hieruber richten laſſen. Ob nun wol das grobe Volck an geberden vnd ſtandhafftigen tapffern reden des grosmuͤthigſten Fuͤrſten ab nehmen/ dz er der were/ wie er angezeigt hette ſo namen ſie jn doch/ bunden jm die Hend auff den Rucken/ vnnd fuhrten jhn zu dem Haupt- man/ der auff den nechſten Capell auff der be- ſatzung lage. Eben da ſelbſt hin waren kom̃en kurtz zuvor zween ſeiner Trabanden/ welche ſahen/ wie man jren Herrn ſo vnfreundlich ge- bunden daher brachte/ dz hatte ſie bey nahe dahin bewegt/ daß ſie die Scheffer all mit ein- ander erſchlagen hetten. Maximilianus aber wehrt ihn ab/ doch kuͤmmerlich/ erzehlet jnen allen handel/ zeigt jnen auch die vrſecher die- ſer boͤſen that an/ welche hernacher jhrem ver- dienſt nach hingerichtet worden/ des Schefers Knecht ward entheuptet/ des Scheffers Hauß ward vffm grund abgebrañt. Die junge Braut aber ward reichlich begabet/ daß ſie dem Fuͤr- ſten die vorſtehend gefahr zu verſtehen geben ſo beweiſt jr nit allein der Herr/ ſondern auch alles Hoffgeſindt groſſe ehr. D. Cyriac. Span- genberg. in ſeinem jacht Teuffel.

Von

CLVII. Von einem Brudermoͤr- der.

JNs Joachims thal zeugt einer zu ſei- nem Bruder/ jhn zu beſuchen: da er nun wider heim gehet/ gab ihm ſein Bru- der das geleyd durch einen Waltdurch/ ſchoß jn mit einẽ Rohr/ vñ Pluͤndert jn. Nach dem hernacher der Mordt kundbar worden/ vnnd mann den thaͤter zur ſtraff fuͤhrte/ be- kannt er offentlich/ er hab eben damals/ als er auß dem Waldt gangen/ ſeines Bruders Stimm gehoͤret/ die jhn fuͤr gericht citiret. Solch Stimm/ ſagt er/ hab ihm ein ſolche forcht vnnd ſchrecken bracht/ daß er lieber ſterben als lenger leben wolte. Dieſer vnfall iſt deſto mehr zu betrawren/ weil beyder Bruͤ- der Weiber der geburt nahe geweſen.

CLVIII. Von Joanne Diazio einem Hiſpanier.

AVff das Regenſpurgiſche Colloquium zohe auff ein zeit Joannes Diazius mit Bucero. Weil aber itztgemelter Dia- zius viel Buͤcher Lutheri vnnd anderer GOttſeliger Leuth geleſen hatte/ ſing ihm die Paͤbſtiſche Lehr je lenger je mehr an zu ſtincken/ ließ Pariß pleiben/ begab ſich nach Genev/ hoͤret Calvinum/ vnnd beharret da- ſelbſten ein zeit lang: Nach der zeit zog er nach Straßburg. Als aber Bucerus ſein geſchick- lichkeit vnd groſſen fleiß vermerckte/ hielt er beim Rath an/ daß ſie jhm vorgenannten Diazium Diazium ſolten zugeben. So balt er gen Re- genſpurg im Decembri koͤmmet/ geher er zu Petro Malvenda/ mit dem er zu Pariß gute kundſchafft gehalten. Malvenda verwundert ſich ſehr ſeiner ankunfft/ fragt jhn/ was er des orths thue/ ſonderlich aber/ weil er ſich zu den Proteſtirendẽ geſchlagen. Er wiß gewiß- lichen/ das ſie ſich mehr frewen vber einen Hi- ſpanier/ den ſie auff jhre meinung gebracht/ als | ſonſt vber etliche tauſent Teutſchen. Fing deßwegen an jhn zuvermahnen/ er ſolt an ſein ehr gedencken/ vnnd ſeinem Geſchlecht vnnd freundſchafft nicht einen ſolchen ſchandfleckẽ anhengen. Diazius antwortet beſcheidentlich ruͤhmet der Proteſtirenden Leht/ vnd ſcheidet alſo von jhm ab. Da er nach etlichen tagen wider kompt/ wie ſie dann mit einander ab- geredt hatten/ legt Malvenda all liſt an/ wie er ihn moͤchte abſchrecken: ſagt ihm viel von des Pabſtes Gewalt/ vnnd wie ſchwer ſein Bann ſey: Darnach/ weil der Keyſer in kur- tzem werde ankommen/ ſchlug er ihm vor/ er ſolt ihm entgegen zihen/ ſolt des Keyſers Pri- ſter ein Fußfall thun/ vnnd vmb verzeihung bitten: hierinn erbeut er ſich huͤlff vnnd befor- derung zuthun. Diazius antwortet mannlich vnnd weitlaufftig/ ſagt/ der Proteſtirenden Lehr ſeye der Propheten vnnd Apoſtel Lehr gleichformig/ beweinet Hiſpanien ſeines Vatterlandts Elendt/ daß es in ſo groſſem finſternus ſtecket/ ſtraffet Malvendam vnnd ſeine Geſellen/ daß ſie ſich der offentlichen warheit wider ſetzten/ vermahnet jn hefftig/ daß er davon ablaſſen/ der beylſamen Lehr beyfallen/ vnnd keiner gefahr ſich beforchten woͤlle. Als Diazius diß hoͤret/ ſagt er jr kompt ver- vergeblich anhero/ dañ jr werdet nichts alhie außrichten. Da jr aber den gemeinen Nutzen befordern woͤllet/ wie ihr euch ruͤhmet ſo muſt jhr nach Trident gehen. Nach dieſem beſuchet jn Diazius nit mehr. Vnder des ſchrieb Mal- venda an des Keyſers Prloſter/ erzehlet ihn den gantzen handel/ vnnd vermahnet jn ernſt- lich/ dem anfahrenden vnd zunehmenden vbel vor zu kommen. Als diß Schreiben vber- lieffert war/ war damals zugegen ein Hiſpa- nier mit Namen Marquina/ ſo eben von Rom kommen/ der ſing an Diazium zu entſchul- digen/ dann er hatt hiebevor gut Freundt- ſchafft mit jhm gehalten. Nach etlichen weni- gen tagen zeugt er wider nach Hauß/ zeigt Diazii Bruder Alfonſo an/ ein Rechtsgeler- ter war/ was jm des Keyſers Prieſter erzelet hatte. Mitlerzeit zeugt Diazius von Regen- ſpurg nach Neuberg/ welche Statt Pfaltz- graff Ott henrichen zuſtunde/ vnnd 12. Meyl wegs obig Regenſpurg lage. Die vrſach/ vmb derentwillen er dahin zoge/ wer das/ daß er ein Buch/ ſo Bucerus gen Neuburg zu trucken geſchickt hatte/ corrigiren ſolte. Alfõ- ſus wirdt durch Marquine Rede vielleicht auch durch etlicher ſchreibẽ dermaſſen bewegt dz er ſich eilendts erſtlich gen Augſpurg/ dar- nach gen Regenſpurg begibt/ erkundiget da- ſelbſten/ wo Diazius ſeyn moͤge/ reiſet vol- lends zu jhm/ redt ihn vaſt mit eben den wor- ten an/ wie zuvor Malvenda gethan. Da aber ſein vornehmen nichts helfen wolte/ verſprach er jm auß dem Prieſter orthen ein Jehrliche Renth/ wenn er nur mit ihm gen Rom zoͤge. Als jm auch das nit angieng/ ließ er etlich tag. fnr vber lauffen/ ſagt darnach/ er wolt ſich ge- ben/ den/ die Lehr des H. Euangelii gefall jhme/ helt an/ weil in Teutſchlandt ſo viel gelerter leuth waren/ vnd ſeiner huͤlff nicht bedurfften daß er mit jhm ſolt in Jtalien/ da konnt er vielen Leuthen dienen. Dann ſo balt ſie gen Trident kommen wuͤrden/ da wurden ſie viel gelerter Leuth finden/ die ſich jhrer Ge- meinſchafft vnnd Freundtſchafft annehmen vnd freuten. Von dannen wolten ſie nach Rom vnnd Neapolis/ alſo koͤnnt die reine Lehr nit allein in Jtalien ſondern auch in Hiſpanien Vortgepflantzet werden: Bitt derwegen/ daß er jhm folgen wolte/ verheiſt allen vn- koſten vnnd notturfftigkeit von dem ſeinen zuerlegen. Diazius war fro ſein vnnd ſeines Bruders halben/ ſchreib nach Regen- ſpurg an Bucerum vnnd andere Freundt/ vnd hielt jhnen ſeinen Anſchlag fuͤr. Sie ſchrei- ben ihm wider/ er ſolt nicht mit ihm zihen. Da Alfonſus ſihet/ das ihm nichts angehen will/ bitt er ihn/ daß er doch nur mit ihm wolt gen Augſpurg zihen. Jn dem ſich diß be- gibt/ kompt Bucerus gen Neuburg/ in wil- lens heimzuzihen/ vermahnet ihn nochmals/ er ſolt nit einen Fuß heraus ſetzen/ zog auch nicht von dannen/ biß Alfonſus hinweg kame welches geſchahe den 25. Martii dẽ tag zuvor ehe Alfonſus abzoge/ er mahnet er ſeinen Bruder zur beſtendigkeit/ ſagt/ wie gluͤckſe- lig er ſey/ in dẽ/ das er vnderhalb wenigen ta- gen durch ſein Geſprech ſo viel in dem waren erkenntniß Gottes zugenom̃en/ mit bitt/ das er ihm ſchreiben woͤlle/ ſagt ihm allen guten wil- len zu/ tringt ihm wider ſeinen willen vierze- hen Goltguͤlden auff/ weinen all beydt/ ſetzet ſich auff die Gutſchen/ fuͤhret nach Augſpurg/ ſechß ſechs meyl wegs von Newburg gelegen. Den andern tag beredt er mit guten worten den Fuhrmann/ das er jhn eben die vorige Reiß wider zu ruͤck fuͤhren ſolte/ hatt vnderdeß ein Axt bekommen von einem zimmermann/ die nimpt er mit/ vnd kompt den 27. Martii ſehr fruͤhe wider gen Neuburg/ ließ die Pferd fur der Pforten ſtehen/ nimpt einen Augſpur- ger Botten/ denn er mit ſich bracht/ zu ſich/ vnnd gehet nach ſeines Bruders Herberg. Sein diener/ damit er nicht ſo leichtlich er- kennt wurde/ nimpt des Botten Huet vnnd Kleyder/ geht fuͤr ihm her/ klopffet an die thuͤr/ vnnd bitt Diazium/ daß er jhn woͤlle ein laſſen/ den er hab Brieff an jhn. Alfonſus bleibt vnden auff/ der Stiegen ſtehen/ gibt acht/ deß ſie nicht jrgents jemandt hindern moͤchte. Als Diazius erwachet/ vnnd hoͤret/ das ein Bott von ſeinẽ Bruder da iſt/ ſpringt er auß der kammer/ hat nur ein nachthauben auff/ vnnd einen Schlaffmantel vmb ſich ge- ſchlagen/ vnnd gehet alſo auff den gang vor die Kammer. Von ſtundt an reicht er jhm das ſchreiben/ da ſein jnhalt laut alſo: Er ſey jhm ſein vorſtehend gefahr hoch angelegen/ ſolt ſich fuͤr Malvenda vnnd dergleichen feinden Evangeliſcher Lehr fleiſſig fuͤr ſehen. Vnder deß/ das Diazius ſolche ding lieſet/ ſtehet der Moͤrder hinder jhm/ vnnd ſchlegt ihm mit allen kraͤfften die Axt ins rechte theil des Haupts/ biß an die Handhab/ dardurch wird ihm das Hirn dermaſſen entgetzet/ das er nit die geringſte Stimm von ſich gibt. Der Moͤr- der leſt die Axt in der Wunden ſtecken/ laufft eilends die Stigen ab/ vñ macht ſich mit ſeinẽ HErrn dem Bruder moͤrder auß der Statt. Vor vor der Pforten ſteigen ſie auff die Pferd/ vnd ren- netẽ in einem ſtuͤck biß gen Bothmeum/ welches in der mitt zwiſchen Neuburg vnnd Augſpurg liget: Da ſie daſelbſt hin kommen/ nehmen ſie andere fri- ſche Pferdt/ welche ſie da gelaſſen hatten/ vnnd reit- ten vollendts auff Augſpurg. Jn der Kammer/ dar- inn Diazius geſchlaffen/ lag ein Edler Junger Ge- ſell auß Sapholen/ Claudius Senarcleus genannt. der Todtſchlag aber war ſo ſtillent zugangen/ daß er nichts davon vernommen/ ohn daß er den thaͤter auff den dreppen mit den Spohrn rauſchen gehoͤret/ ſtehet auff/ zu ſehen/ was da ſey/ in dem er aber auff den Gang vor die Kammer kommet ſihet er das er- baͤrmlich betruͤbt Spectacul. Diß Mordthat bricht ſo balt auß zu Neuburg/ darauff ſetzen ſich etliche diener zu Hoff/ welche Diazium lieb hatten/ auff jhr Pferd/ vnd folgen ihnen nach Da ſie nun gen Aug- ſpurg kommen vnnd niemandts antreffen/ woͤllen etliche widerumb vnverruhter Sachen heimkehren: Aber einer vnder jhnen/ Michael Herfferus/ eilet geſchwindt furt/ vnnd weil ſie auff der Reiß waren muͤd worden vnnd ſchlieffen/ kompt er fuͤr ſie/ langt ehe zu Jnsbruck an/ als die Moͤrder vnnd erzehlet alles der Obrigkeit. Baldt kommen ſie/ gemelter Michael leſt ſie einzihen/ klagt vber die Mordthat vnnd ſchreibet alles an Pfaltzgraff Ott-henrichen ſeinen HErrn. Der Fuͤrſt ſchickt zween Raͤth von Neuburg gen Jnsbruck/ in dieſer Sach zu handeln. Den erſten tag Aprilis kommen ſie an/ bringen mit ſich Diazii Nachthauben/ vnnd die Axt/ ſo noch voll Blut hing Ehe aber dieſe kamen/ ward Alfonſo ge- ſtattet/ an etliche ſeiner Sachen halben zuſchreiben. Als den 2. Aprilis die Nawburgiſchen Geſandten fuͤr die Obrigkeit gehen/ vnnd alle ding fuͤrbringen/ vnnd endlich bitten/ daß ſie den thaͤtern das Recht ergehen/ oder/ da ſie die that leugnen/ auff die tortur Lvnd vnnd Peinlich fragen erkennen wolten/ wer- den ſie zu andern Richtern abgewieſen. Da ſie daſelbſt hin kommen/ gibt man den beklagten Advocaten zu/ die ſchuͤben die Sach von ei- nem tag zum andern auff. Nachmals ſollẽ die Klaͤger jhre anklag Lateiniſch vnd Hiſpaniſch thun. Endlich ſagen ſie/ der Keyſer/ ſo auff der Reiß ſey/ hab geſchrieben/ mann ſolt mit dieſer Sach ein halten/ denn er vnnd ſein Bruder wolten ſich auff dem Reichstag bere- den/ wie man damit verfahren ſolte. Nach dẽ ſie anders nichts erhalten konnten/ da ſchrei- bet Ott-henrich der Churfuͤrſt an den Rath zu Jnsbruck/ ſie ſolten die beklagten gen Newburg gegen ein revers folgen laſſen/ weil der Mordt daſelbſt begangen worden. Sie a- ber entſchuldigen ſich mit des Keyſers ſchrei- ben.

CLIX. Von Alfonſo dem Bruder- moͤrder.

ES hat zu vnſern zeiten Alfonſus Dia- zius ein Hiſpanier (der zu Newburg in der Pfaltz ſeinen Bruder Joannem Diazium/ einen gelerten Mann in der Heiligen Schrifft/ ſchendlichen ermordet/ vmb der vrſachen willen/ das er die Lehr des H. Euangelii angenommen) ſich nach Gottes billichem Gericht in ſeinem Pferdtsſtall er- hencket.

Von

CLX. Ph. Mel.

ALfonſus Diazius/ welcher Anno 1546. ſeinen Bruder Johannem Diazium er- mordet hatte zu Newburg in Bayern/ nur allein vmb der H. Euangeliſchen Lehr willen/ hat ſich hernacher im Jahr 1551. Auff dẽ Concilio zu Trident ſelbſt vmbbracht dann mann hat jhn funden an ſeines Maul- thiers Halß hengen.

CLXI. Von einem Bawern.

EJn Prediger im Fuͤrſtenthumb Mar- purg hat kundtſchafft mit D. Joanne Drachen/ derwegẽ beſucht er jn fleiſſig ſchicket jhm auch vnderweilen was/ damit er jhn verehrte/ oder ließ ihn zu Gaſt bitten. Auff ein zeit ſchicket er ihm mit ſei- nem Hoffmann einen Wagen mit Holtz/ vnd einen Haaſen. Den Namen aber/ Doctor Drach/ ſagt er ihm ſo offt/ das er meinet/ der Bawr ſolt dẽſelben ſein lebenlang nit vergeſ- ſen. Da er aber gen Marpurg kam/ fing er an dan bey einem hie/ dan bey dem andern dort/ zufragen wo D. Linthwurm wohnte. Mann ſagt ihm es wer kein Doctor in der Statt/ der alſo hieß: Was leugnet ihr viel/ ſprach er/ ich weiß gewiß/ das einer hie in der Statt woh- net/ det Doctor Linthwurm heiſſet: Denn er beſucht vnſern Paſtor fleiſſig/ ſo iſt auch vnſer Paſtor ſtetts bey ihm/ vnnd er ſchickt ihm einen Wagen mit Holtz/ vnnd einen Haaſen. Die Buͤrger ſehen einen Stu- denten daher kommen/ vnnd weiſen den Bawern zu dẽ ſelben. Als jn nun der Bawers- L ijman mann fragt/ wo Doctor Lindtwurm wohnte/ antwortet er/ wie die Buͤrger. Er aber bezer- get hoch/ er wiſſe gantz eigentlich/ das einer in der Statt wohne/ der heiſſe Doctor Lindt- wurm er ſteck wo er woͤll. Der Student ſagt endlich/ habt ihr kein Brieff an den Doctor/ gebt ihn herauß/ daß ich die Oberſchrifft leſe. Der Bawr thuts. Der Student ſagt/ jr ſolt nit nach Doctor Lindwurm/ ſondern nach Doctor Drachen fragen. Da fengt der Bawr an/ ja/ das iſt recht/ Doctor Drach heiſt er/ Doctor Drach heiſt er/ ich wuſte ja wol/ das es der boͤ- ſen thier eins war.

CLXII. Von Nicolao Petro.

MAnn ſagt/ es ſey ein Bawer in Heſ- ſenlandt geweſen/ der hab ſich eins- mahl dermaſſen mit Wein vbernom men/ das er nit auff ſeinen Fuͤffen ſte- hen/ will geſchweigen/ das er vort gehen koͤr- nen/ alſo hat er elendig im Koth ligen vnnd ſich weltzen muͤſſen/ vngefehr kompt einer ſei- ner Nachbawr herzu/ ſahe ihn im Koth ligen/ als ob ein Mauß im Bech hing/ fragt jhn/ was er da mache? Nicolaus antwortet. Er ſuche witz vnd verſtandt im Koth/ die er durch das zu viel trincken verlohren: Diß antwort iſt wol lecherlich/ doch iſt ſie wahr. Dann die Menſchen werden durch trunckenheit ſo vn- verſtendig wie das dumme Viehe/ vnnd brin- gen ſich ſelbſten vmb ire geſundheit/ wann ſie mehr trincken/ als die Natur leyden kann.

Von

CLXIII. Von eben demſelbigen.

ES pflegte auch ernenter Nicolaus Rei- niſchen Wein ins Heſſenlandt zufuͤh- ren/ nun hat ſichs dermal eins bege- ben/ daß er in der Herberg ſein anwe- ſenden bekanten Freundten/ etliche maß Weinß auß ſeinem Faß auffgetragen/ als er des andern tags bey einem Waſſer Brunnen hinfahren muͤſſen/ hat er auß demſelben ſein Faß widerumb außgefuͤllet. Wie er nun e- ben im werck iſt/ kommen andere leuth dar- zu/ fragen ihn/ was er da mache/ hatt er ge- ſprochen: Jch ſtehe hie an Gottes ſtatt/ vnnd mache Waſſer zu Wein.

CLXIV. Von einem vornehmen Rit- ter/ vnnd einem Landſtrei- cher.

ES iſt ein Faull vmbſchweifentes ge- ſindlein/ welches ſich pfleget vor Kriegsknecht außzugeben ſo es doch niemals einigen Krieg weder geſehen noch erfahren. Solches verſchwindet alles was es in der Jugent/ entweder von jhren eltern/ oder auch ſonſten woher ehrlichen be- kommen/ wann es dan erwaͤchſet/ durchſtrau- fen gantz Teutſchlant durch vnnd durch vnnd plagt die armen Bawern auff den Dorffen vbel Solche zwinge es auffs euſſerſte/ daß ſie jhme muſſen geben Brot/ eyer/ Speck/ Keeß/ gereu- chert Fleiſch vnd dergleichen. Vnnd kan nicht L iijgnug- genugſamb geſagt wardt wie Frech es die armen Bauwersleuth/ Weiber vnnd an- dere forchtſame Menſchen/ vnnd ſo gar vnverſchembt anfehret/ ſonderlichen wann ſie mercken daß der Hauß vogt abweſendt/ da fordert es alles gleichſamb mit ge- walt. Solches geſindtleins Kleider tracht iſt faſt ſcheußlich vnnd wildt: Erſtlich ſo traͤget es ſehr lange Hoſen/ ſo herunder biß auff die Kniekhell hengen/ auff dem Kopff ſitzt ein lang vnnd Spitzer Huet/ der rings vmb mit Feddern von Maucherley Farben beſtecket iſt. Es hatt Weyte Ermell/ ſo gantz bequem darinn zu- verbergen den Diebſtahl. Vnder denſelben hengt entweder ein groſſe Daſch/ oder langer Sack herunder werdts. Auff dem Rucken hengt ein Schwerdt in der hoͤhe/ daran kaum ein halbe ſcheiden/ hierumb wirdt es mit ſchrecken angeſehen. Einer ſolchen ſcheußlichen Figur folget hinden- nach eine Huer auch mit vielen Farben be- kleidet/ fuͤhrt etwan ein Huͤndtlein neben ſich/ bißweilen auch ſo tregt ſie hinden auff dem Pack ein kleines Hurn Kindt. Dieſe iſt vnder der Kleydung mit Huͤnern/ Hanen/ oder woll Gaͤnſen rings vmb her beſteckt/ wie es dieſelbe weiß mit ſtri- cken Kuͤnſtlich darauff zugericht zu fan- gen/ vnnd den Gaſtwirthen zu verkauf- fen.

Derhalben begibt ſichs ein mahl/ daß deren Geſellen einer kompt zu einem be- ruͤmbten Ritter/ bittend vmb einen zehr- pfennig. Ob er wol denſelben an nimpt/ je- doch ohnbegnuͤgt/ trifft im abgeher die Huͤner Huͤner an/ greiffet vnnd fengt er auß den- ſelben etlich nach einander mit ſeinem ſtrick/ bedenckt aber nicht/ das er nit auff eines Bawern/ ſondern Edelmanns Hoff ſey/ welcher am Fenſter liget/ vnnd dem Huͤ- ner fanger fleiſſig zu ſihet/ nach kur- tzem rufft er ſeinen Knechten/ das ſie ſolten alſo balt den thetter vor ihn bringen/ wel- chen er dann zwar hart alſo angeredt/ Mir iſt vnverborgen/ das euch Geſellen/ durch offene Freiheit (weiß aber nicht wie krefftig) vergunſtigt ſein ſoll/ ei- nem ein einiges Huen ab zu fangen. So du aber jtzunt nicht mehr Huͤner wirſt/ laut ſolcher freiheit gefangen haben/ ſo biſtu frey vnnd ſonder entgeltnus meines zorns/ wann aber du mehr als eines bey dir haſt/ ſo will ich dich darumb ſtraffen/ dar- auff der Huͤnerfanger ohne verzug beſucht/ das erſte Huen bey ihm gefunden her- auſſer gezogen worden/ auff welches der Ritter geſprochen/ wolan dieſes iſt dein/ aber die andern alle ſtehen mir zu/ ſo du mir diebiſcher weiſe entfrembdet/ vnnd derwegen ich dich gedencke zu ſtraffen/ der- halben heiſt er den Dieb zur erden nieder ſi- tzen/ wird võ ſeinen Knechten gehaltẽ/ vnd leſt ihm ein zang bringen. Als er ihm das Diebt- ſche Maull mit Feuſten wol gebleuhet hatte/ ſtecket er die zang hinein/ reiſt jm ſo viel zaͤne/ (die ſtaͤrckeſten) herauß/ als viel er Huͤner ge- ſtolhn hatte/ vnnd wie offt der Ritter die zang an einen zan ſetzet ſagt/ er/ der ſtickt feſt vnnd geht vngern auß dem loch/ wolte viellieber darinnen bleiben vnnd mehr Huͤner freſſen/ wenn aber ein zan auß gebrochen/ hat er den- L iiijſelben ſelben alweg dem Huͤnerfenger gezeiget fra- gente/ lieber wieviel Huͤner haſtu woll mit dieſem zerreiſſen? Als er ihm nun alſo etliche Zaͤn nach einander herauſer gelanget/ hat er endlichen ſeinen Knechten befohlen/ daß ſie jhnen die ſtiegen abwerts thetten ſturtzen/ vnnd hat jhm der Ritter geſchworen/ wo fern er wurde widerumb an den ort kommen/ ſolt er auff gehenckt werden.

Alſo ſolt man billich dergleichen Praſſern vnnd ſchwelgern auch peinigern der armen Bawern Ehr beweiſen/ ſo wurden jhrer deſto minder ſein. Vnnd ſo durch die Fuͤrſten vnnd alle Obrigkeit/ ſolche muͤſiggaͤnger vom Brot gethan wurden/ ſo wurden die arme Leut we- der von jnen geplagt/ beſtohlẽ/ noch bedrangt wurde auch viel Hureret vnnd Mordts ver- mitten bleiben/ dan es mag nimmermehr ge- ſagt werden/ was vnfugs ſie ſtellen vnnd trei- ben/ was ſie nur gedencken/ das treiben ſie den Bawern vnd ſagen jhnen nicht danck drumb mit einem wort. Andere Hauß arme Menſchẽ muſſen offt ohn Gabe von den thuren wei- chen/ Aber dieſen praſſern vnd ſchwelgern iſt nichts zuverſagen.

CLXV. Von einem andern Landtbe- triger.

JM Jahr 1565. iſt ein ebenmeſſiger Landfehrer durch vnder Heſſenlandt gezogen/ vnnd viel ehrliche Leuth nach ſeiner vnerhorten vnnd freffelen kuͤhn heit vmb ſtewr angelauffen. Sonderlich hat er in den ſtaͤtten vorgeben/ ſein Weib wehre in in dem nechſten dorff Kindts darnider kom- men deßwegen er allweg die vornembſten Leuth einer jedern Statt/ als Raths Herren/ zur gevatterſchafft erbetten/ als jhnen die- ſelbe vertroͤſtet/ das ſie ſich wolten geren mit einſtellen/ ſolches werck auß zurichten/ hat er vnuerſembt vmb ein Gelt gab angehalten/ wendt fuͤr/ Er wehre gantz arm/ vnnd wolte gern ſeinen kuͤnfftigen gevattern eine malzeit zubereitten/ wann er aber das Gelt empfan- gen/ hat er ſich alſo balt ſo viel jhme moͤglich/ davon gemacht/ da als dann/ ſich deß folgen- ten tags die Gevattern beneben andern mehr Freundt ſo ſie zu beleiten erbeten haben/ auff beſtimpten tag an das orth kamen/ funden ſie weder Vatter/ Mutter/ noch viel weniger das Kindt/ daher ſie dann abgenommen/ das ſie ſchendlichen ſeyen betrogen vnnd genarret worden. Als er nun viel andere auff ſolche weiß geaͤffet/ ſonderlichen aber in der Statt Cappell/ einen vornehmen Burger/ welcher vor etlichen Jahrn Kriegß Volck zu Fueß in Franckreich gefuͤhret/ daher wegen ſeiner groſſen vnnd manlichen thaten rittermaͤſſig worden/ dem hat es gantz hart angelegen/ hat dahin gedachtet/ wie ſolch boͤſe that moͤcht an dem Buben gerechnet werden. Derhalben er alſo balt an ſein ſchwehrvatter gehn Caſſel geſchrieben/ ſolchen Vogell nach allen ſeinen Fettern abgemahlet/ vnnd gebetten/ ſo es ſich mochte begeben/ das ein ſolcher vielleicht deren endts wurde ankommen/ er jhn ge- fenglich annehmen vnnd vmb ſolche boͤſe that ſtraffen wolte. Waß tregt ſich zu? Der Vogel kompt nach kurtz verlauffenen tagen gehn Caſſel geflogen/ da er eben auff dieſe weiß a- L vber bermelig etliche gevattern thut bitten/ wel- che ihme viel Gelts hierumb verehret/ daß er moͤchte ihnen kuͤnfftig eine malzeit zu richten/ mit vermeldung/ ſie wolten folgen- den tags erſcheinen/ vnnd das werck auß- richten/ als er nun geſehen/ das die Leuth ſo milt gebig gegen ihnen ſich hetten erzeigt/ ſpricht er noch einen oder zween auch deßwe- gen weiter an/ auff ernanten tag bey ſeinem Kindts Tauff zu erſcheinen. Vnder welchen er endlichen auch deſſen zu Cappell ſchwehr- vattern alſo erbeten/ bey ihme im nechſten Dorff ſampt andern ſeinen gevattern zur Tauff zu kommen. Der Bub wird von dem HERRN gantz herrlich auffgenommen/ vnnd ihme geſagt er wolte es gern außrichten heiſſet ihnen im Haus niderſitzen/ in vertroͤ- ſtunge ihme ſolt eſſen vnnd trincken gegeben werden/ vnnd das er den Bratten nicht thet riechen/ wird ihme ſo balt ein maß Wein auff getragen/ vnnd dem Goltſchmit deß HErrn nechſten Nachbar geruffen/ wolte den gevat- tern froͤlich machen/ er wolte vnder deſſen ein gut eſſen Fiſch auß ſeinem Kaſten herholen. Vnnd das ichs kurtz ſag/ der gevatter richtet den Kopff Friſch auff/ verhoffent ſich ein eſ- ſen vnnd trincken wol zu erleben/ vnder deſſen ſo geth der HERR hin vnnd kompt zu den andern ſeinen miterbetenẽ gevattern/ weiſet ihme ſeines Eidams ſchreiben von Cappell/ er wehre betrogen worden/ vnnd noch allen vmbſtenden vnnd wie der Betriger darin beſchrieben/ vnd ſeye in hafften zuneh- men/ als auch geſchehen. Nach kurtzen tagen wird der betriger vor gefordert/ vnnd folgen- ter maſſen geſtrafft/ ſein beide Haͤndt ſein- auff auff dem rucken zuſammen vnnd an ein ho- hes ſeil/ ſo auff dẽ Marckt auff gehengt/ ange- bunden/ daran drey mahl in die hoͤhe gezogen haben jhn wider zur Erden kommen laſſen. Vnnd als dieſes der Betriger zum neunten mahl außgeſtandten/ iſt er ledig gelaſſen/ in welchem examine ihm die ſchultern for- nen zur Bruſt verwandelt worden/ Nach dieſem hat mann ihm das rechte ohr abge- ſchnitten/ das ihn hart verdroſſen/ vnnd da- gegen/ ſo es anders nicht ſein wolt/ das lin- cke zu geben erbotten. Vrſach das lincke Aug wehr ihm im Krieg außkommen/ ſo konte er ſolche ſchandt zu gleich mit dem Huet be- decken/ aber der meiſter hat ihm das rechte hinweg geſchnitten das er alſo auff der Rech- ten das ohr/ vnnd auff der lincken das aug nicht haben moͤgen. Es iſt vngleublichen/ wie vbel der Meiſter den buben ſcholten/ ſagente/ mir allein iſt die Ehr begegnet/ das ich bey dir bin Petter worden/ vnd ſolches ſo offt/ als offt er ihnen in die hoͤhe gezogen.

CLXVI. Von einem andern Landt- betriger.

DErgleichen Landtſtreicher/ oder Landtbetrieger/ genannt der Steck- holmer/ oder Martini Tholde von Munden/ iſt durch das Gelt/ vnnd verehrunge/ welche ihm ſeine newe gevattern ſo er gebeten/ vnnd ſie ihm nach altem ſitt vnd gewohnheit geſchencket/ dahin verreitzet worden/ dz er ein Kind hat 10. mahl laſẽ rauf- fen/ vmb welches willer er Anno 1 80. Zu Allen- Allendorff in Heſſen mit dem Schwert gerich- ter worden vnd ſein Weib mit ruten geſteupt. Heiſſet das nicht beides Gott im Himmel/ vnnd die Menſchen auff Erden ſchendlichen vnderſtehen zu betrigen? Darumb haben beide Keyſer Honorius vnd Theodoſius recht geſchloſſen/ das die Tauff nicht ſoll reiteriret werden/ wo das geſchehe/ vnnd ein Prieſter daruber ergriffen/ ſoll er neben dem jenigen/ welcher ſolche that begangen (ſo er der ſtraff wegen alters faͤhig) ſambt dem ſo den andern dazu beredt/ zugleich geſtrafft werden:

Lucanus, Nulla fides, pierasque viris, qui caſtra ſequun- tur. Lotichius lib. 1. Eleg. 1. Quam miſerum eſt rigido cum milite ducere vitam, Qui putat armata cuncta licere manu.

CLXVII. Von Michael Furſten- ſtenwald einem Narꝛen.

DJeſer Narr hat einen Vatter gehabt gleiches Namens/ ein erbarer vnnd gehertzter Mann/ ein erfarner Be- cker/ zu Caſſel in Heſſen/ vnnd da- ſelbſt ein Fenreich/ als offt Krigsknecht ge- gen den Feindt auffgemannt wurden. Dieſer Narr hat auff eine zeit junge Huͤnlein/ in ſei- nes Vatters Hauß geſehen vnnd ſeinen Vat- ter anfangen zu fragen/ wo her doch die kleine Voͤglein kommen theten. Darauff der Vatter geantwortet. Mein Sohn dieſe Huͤnlein wer- den gebruͤtet auß den Eyern/ vber welchen die Huͤner Huͤner etliche Wochen muͤſſen ſitzen bleiben/ daher ſie endlich fallen vnnd kommen. Der gute Narr meinet er hette die kunſt jungen auß zubruͤten recht eingenommen vnnd ver- ſtanden/ ſtilt deſto wegen ſeiner Mutter etliche Keeß vnnd Eyer (vermeinent es were eins Eyer vnd Keeß) ſetzet ſich vber dieſelbe drey tag lang/ verhoffent daraus junge Huͤnlein zu bruͤten. Vnder deſſen wirt der arme tropff verlorn/ vnnd in allen Winckeln in der Statt vnnd ſonſten geſuchet/ aber er kann niergents angetroffen werden. Daruber die Eltern in ſchrecken fallen/ dann ſie vermeinen nicht an- ders/ als muſte er etwa in der Volle ertrunckẽ ſeyn/ an welchem Waſſer zu nechſt ſie wohne- ten. Wie nun die Eltern ſich ergeben/ ſie hat- ten jren Sohn zum letzten geſehen/ nach vier tagen/ ſo ſteigen ſie ohn gefehr auff die oberſte Bin/ in willens korn zu der Muͤllen faſſen vnd fuͤhren laſſen/ da finden ſie jhren Narren an dem Fuͤnfften tag/ hinder dem dach vber den Eyern vnnd Keeſen brutent ſitzen. Vber wel- chem ſie ſo fro worden/ dz ſie nit mit jm koͤñen zoͤrnen/ ob ſie ihm woll offt vnnd viel geruffen vnd er oben im Hauß geweſen/ doch nicht hat geantwortet/ gleich als wehre er weder da- heim/ noch im Hauß/ ſondern were alſo gantz ſtill vnderm tach vber ſeinem Neſt geblieben. Aber der Narr entſchuldigt ſich weißlichen folgenter maſſen: Liebe Eltern/ ich habe ge- ſehen/ wie der Weihe vnſer jungen Huͤnlein viel gefreſſẽ/ dz die zahl vollig beyſam̃en blie- be/ habe ich hierin gethan als einem frommen Kindt woll anſteht/ wenn ich were vber den Keeſen vnnd Eyern geblieben/ vnd ſitzent/ andere jungen wolt auß gebruͤtet haben/ wo jhr jhr mich nicht ſo vnzeitlich davon vertrieben hettet. Das ich nun den zugefuͤgten ſchaden deß weihens oder habichß habe wollen er- ſtatten/ bin ich billicher zu loben als zu ſchelten. Wolan machet ihr mir nur ein gu- ten groſſern Habern Brey/ vber welchen das Fett rings vmb her ſchwimbt/ weil nun iſt der Fuͤnffte tag/ vnnd ich weder geſſen noch etwas gekoſtet habe. Jn kurtzem/ die eltern ſint durch deß Narrns ihres Sohns thor- heit verſoͤhnet/ vnnd zu mit leiden beweget/ das ſie jhnen ſeiner bitt gewehren wollen/ weiß aber nicht wie es verblieben. Damit aber gleich wol der thor ſeinen erhun- gerten magen moͤcht wider erſettigen/ greifft er an die Keeß/ auß welchen er jun- ge Huͤnlein brutten wollen friſt einen nach dem andern auff/ vngeachtet er vber denſel- ben vier tage geſeſſen/ vnnd mit bloſſem geſaͤß erwaͤrmet hatte.

CLXVIII. Von eben dem ſel- ben.

DJeſen Narrn haben ſeine Eltern zur ſchull gehalten/ in welcher er ſo viel gelernet/ daß er nicht al- lein koͤnnen leſen vnnd ſchreiben/ ſondern hat auch zum theil wiſſen Later- niſch reden. Als er aber je mehr vnnd mehr narrete/ haben ſie jhn auß der Schull be- halten/ vnnd backen geleret. Vnder deſſen aber beſucht er ſeine Schul Geſellen zum fleiſigſten alle Sontag/ vnnd conferirt mit jhnen/ jhnen/ vber die lectionibus ſo er vormals in der Schul gehoͤrt. Als er nun groſſe lieb hatte zur Muſica/ vnnd einen zimlichen grundt in derſelben/ kunte er nicht thuen dieſelbe vol- lendts zu lernen/ darumb war er ſtetigs vmb andere Schuler. Es tregt ſich aber et- wan ein mahl zu/ das Joannes Norden in an- dern ſtudiis/ vnnd Michael in ſeiner Mu- ſica ſange gleich einem Eſel/ wirdt Nordecus vber das geſchrey zornig/ vnnd ſtrafft den Narrn ſolcher maſſen. Ey du biſt doch Nar- riſcher als Moricho/ vnnd wirſt fuͤr war dieſe Kunſt nimmermehr lernen/ welche auch die ſo nach bey geſunder vernunfft ſeint pflegt ſchweer an zu kommen/ iſt alſo eine groſſe thorheit/ daß du dich vergeblich bemuͤheſt/ auch andern verdrießlich biſt: Dieſe ge- linde ſtraff hat Fuͤrſtenwaldt fuͤr eine ſchmach angezogen/ vnnd verantwortet/ fol- genter maſen/ Ach Norden ich bin gar kein Narr/ ich kann ja beidt leſen vnnd ſchreiben/ vnnd kann wol Backen. Glaub vielmehr/ dein Vatter ſolte wol guter Ducaten hundert geben wann dein Bruder Philippus (dann der ſelbe ſchiffte mit Michaeln auff gleichem Waſſer/ das iſt/ es war ein Narr wie der ander) ſo gelehrt wehr alſo ich vnnd verſtun- de ſo viel als ich. Mitt welcher antwort Michael allen anweſenden ein groß gelech- ter gemacht/ auch dem Nordeck einem ver- ſtendigen Knaben/ das maul geſtopfft/ das er ihnen hinfurt hat laſen als ein Eſel geſchrey halten/ ſo lang er gewolt hat.

Von

CLXIX. Von Balthaſaro ſo wolt ein Muſicus werden.

BAlthaſer als er war vnder die Stall jungen deß Fuͤrſten in Hoff auffge- nommen/ vnnd neben andern zum eſſen gehet | ſihet er das die Knaben ſo ſingen koͤnnen/ beſſer gehalten werden/ dan Reutters geſindtlein. Wird er raths ſich auff die ſing kunſt zubegeben/ derwegen den Schul meiſter gebeten zum aller fleiſigſten/ das er jhnen auch wolte darinnen vnderweiſen vnnd anfuͤhren. Der Schulmeiſter wendet anfangſt viel vnnd mancherley ein das er jhn nicht konnt auff vnnd annehmen. Balthaſar aber war nit abzuwenden das er ihm endlich ſei- ner bitt gewehren muͤſte/ mit der vermah- nung ſo er nicht wurde weidlich lernen/ wurde er trefflich mit ruten gehawen werden/ ver- meinent den Narrn mit ſolchen harten wor- ten abzuſchrecken/ aber der Narr hatt alles angenommen. Was tregt ſich zu: Balthaſar ſchlecht alle vorwendung ab/ fuͤr groſſem luſt den er hatte zur Muſica/ vnd vmb deß eſſens willen zu hoff/ darumb wirdt er endlich ange- nommen. Als er nun einen oder zween tag bey dem Schulmeiſter in der Schul geweſen/ hatt er vernehmen wollen/ was der luſt des Nar- ren hatte außgerichtet/ ſpricht zu ihm alſo: Balthaſar ich will/ das die andern Knaben ſchweigen/ vnd du allein ſingeſt/ das ich ſehen moͤge/ wie viel du dieſe zween tag gelernet. Der Narr nimpt das Buch/ thut es balt auff/ balt wider zu/ kann weder ſingen oder etwas/ darumb der Schulmeiſter jhnen laſſen vber die die Banck zihen vnnd mit rutten wol zerſtrichen/ das der rotte ſafft nach gefloſſen Als der Narr ſol- ches empfangen/ macht er ſich auff die Fuͤß/ leufft in nechſten ſtal/ vnd legt ſich vnder die Krippen/ alſo damit der ſing Kunſt vnnd allem lernen gentzlichen abgedancket ja das noch mehr iſt/ nachgehents hate er ſeinen Schulmeiſter beide zu Hoff/ als auch ſon- ſten/ gleich einen Teuffel geflohen/ vnnd weder mit jhne nach den andern Knaben zu Hoff eſſen wollen.

CLXX. Von einem Bawern.

DEr Churfuͤrſt zu Heidelberg hat im an- fang ſeiner regierunge eine jacht thun laſ- ſen/ vnd in derſelben viel wil der Schwein gefangẽ/ das erſiehet ein Bawersman ſo die groſſen Hundt gefuͤhret/ ſpricht den jaͤgermeiſter auß einfalt alſo an vnnd bitt jhn Lieber ſchenckt mir doch eine Schweinß Haut/ welches begeren den Jaͤger ſehr frembt vnnd wunderlich bedaucht/ dar- umb jnen gefragt/ wz er damit woltt thun. Sprach der Bawr: Jch will mir ein Hirſchin geſaͤß darauß machen laſſen. Als der Jaͤger diß gehoͤrt/ iſt er vor Lachen ſchier vmbgefallen/ vnnd geſagt er muſte ſolche nicht von ihme/ ſondern vom Fuͤrſten ſelbert bitten/ ſolte jhnen deßwegen anſprechen/ dann er kam jtzt eben daher geritten/ ſolte nicht zweiffeln ſeine bitt wurde ſtatt finden/ als ſie noch im geſprech ſeint/ kompt der Fuͤrſt ſtracks zu maſſen/ der Bawer nicht faul/ geht zum Fuͤrſten/ gruͤſſet jhn erſtlich vnd ſpricht: Gnad Juncker/ ſeyt mir GOtt wilkomb/ vnnd ſagt/ ſo balt darauff. Lieber ſchenckt mir dieſe Schweins Haut. Der fromme Fuͤrſt wundert ſich der newen vnnd vnerhoͤrten bitt/ vnnd fragt was er mit einer ſolchen Haut thun woͤlle/ darauff der Bawer abermals geantwortet: Jch will mir ein MHirſchene Hirſchene Hoſen drauß machen laſſen/ wel- ches der Fuͤrſt wol belachet vnnd zum Baw- ern geſprochen/ wolan auff deine bitt will ich meinem ledder macher befehlen/ dir ſo viel zu geben/ daß ein Par Hoſen drauß mag gemacht werden/ welches balt wircklich mit der that erfuͤllet vnnd geleiſtet wor- den.

CLXXI. Von Hermanno à Letta.

DEr begibt ſich auff ein muͤhſelige Muͤllen der alt vnnd krafftloß iſt/ vnnd ſich als dann vnderſtehet ei- nes junges Meidlein zu werben. Solcher wirdt ein Martel Hanß/ entweder an ſeinem leib/ oder geben vrſach den jun- gen Weibern ſich zu andern zu ſchlagen. Dann ſoll der alte jhr gleich im geſchir zihen/ ſo wirdt er an leibs krefften geſchwechet/ die darauff algemach anfangen zu ſchwinden. Wolt er aber nicht/ ſo iſt dan die vorſorg/ das andere werden eingelaſſen. Darumb moͤ- gen die alten den ſpruch Plauti wol betrach- ten da er ſpricht in ſeinem Poenulo Actor. 1. Sce. 2.

Negotii ſibi qui volet vim parare, navem & mu- lierem, Hęc duo ſibi comparato nam nullæ res duę Plus negotii habent eas forte ſi exornare oc- ceperis. Neque unquam hæ duæ res ſatis ornantur, ne- que eis ulla ſatis Ornandi ſatietas eſt.

Das iſt/ wer jm nur gern will zuſchaffẽ ma- chen/ der kauf ein Schiff/ vnd neme ein junges Weib/ Weib/ die zwey ding koſten am meiſten muͤhe. So du dan begereſt die ſelbe recht zu ziehren ſo kan es nimmermehr geſcheheit/ dann nicht genugſame zier oder ſchmuck an dieſelbe ge- leget werden mag. An welchem orth kann ein ſolcher ſchertz angehengt werden/ der ſich zu Caſſel in Heſſen zugetragen. Daſelbſt woh- net ein Kremer/ ein heßlicher mann/ aber reich genug/ von welches wegen er nicht wird ver- ſchmehet. Derſelbe ninit zum Weib ein Meid- lein von ſechtzehen Jahrn/ als er ſie zum erſten beſchlaffen/ hat ſie ſo balt/ entweder auß ein- falt/ ſchalckheit oder geilheit verreitzt/ zu dem alten geſprochen/ jhnen zu erfahren. Lieber Hartman (alſo heiſt der Kremer) kanſtu mich alweg ſo offt ichs begehr/ erfrewen/ als jtzunt geſchehen. Hat dader alte fuͤr einẽ ſtercken vnd ſtrengen Kempfer woͤllen gehalten ſein/ vnnd ſolches der Braut verheiſen. Vnderhalb we- nig Monten wird er mager vnnd mat/ das er kummerlich die bein auffheben/ oder die huͤfft ertragen moͤgen/ daher ſaget recht Levinus Lemnius. Es gebuͤrt allen Maͤnnern/ das ſie einen vnderſcheit halten/ vnnd nicht vermeſ- ſen einer jeden die rechte Handt geben. Wann einer iſt eines ſchwancken vnnd gerahttenen leibs/ auch eines rechten vnnd voͤlligen alters/ bekompt dann eine/ ſo ſtettiges der lieb pfle- get/ vnd erſettiget wirdt/ der hat ihm ſolche marter zugerichtet/ welche teglichen wird er- neuert vnd je mehr vnd mehr geſtercket/ dann ſie ohn vnderlaß dem man gleich einer ſchwal- ben oder ſaugeglein anklebet/ auch nicht kann leiden/ daß der muͤde vnd matte man mag raſt vnd frieden haben/ vnd biß er wider moͤge zu krefften kommen vnnd ſich erholen.

M ijEraſmus Eraſmus ſagt in tractatione Chriſtiani matri- monii,

Das iſt gantz zumahl abenteuerlichen/ das bey etlichen geſchihet/ ſonderlich den Engel- lendern vnnd bey den Welſchen in Jtalia/ da- ſelbſt wirdt ein zartes Maidlein vermehlet einen ſiebenzig jaͤrigen alten Mann. Aber noch vngereimbter iſt/ das ein ſechß vnd ſech- tzig jaͤhriges Weib ſich verehelicht einem jun- gen Geſellen/ ſo kaum zwantzig Jahr alt. Ob wol der mann iſt alt/ ſo mag er doch wol kin- der ziehen von ſeinem Jungen Weib. Aber dz Weib kann nicht Mutter geheiſen werden/ bey jhrem jungen Mann/ iſt derwegen vnder jhnen beiden ein verderblichß weſen. Ein ſol- cher Breutgam ſchlefft nicht bey einem Ehe- weib/ ſondern gleich als bey ſeiner Dochter/ vnnd die Braut hat ſich gleichſamb verehe- licht jhrem Sohn/ vnnd nicht dem Ehemann. Darumb dieſe ehe welche die reichthumb be- ſtettigen vnnd verſoͤhnen/ ſind fuͤr boͤß zuhal- ten/ die aber ſind noch boͤſer vnnd ſchendlicher welche auß boͤſer lieb kommen.

Propertius lib. 2. Una aut altera nox eſt nondum in amore per- acta, Et dicorlecto jam gravis eſſe tuo. Illa meos ſomno caſſos patefecit ocellos, Ore ſuo, & dixit, ſiccine lente jaces. D. Matheſius. Ein harte nuß ein ſtumpffer Zahn/ Ein Altes Weib ein junger Mann/ Zuſamen ſich nicht reimen voll/ Seinß gleichen ein jeder nehmen ſoll.

Von

CLXXII. Von Herrn Eberharden Hertzogen zu Wuͤrtem- berg.

HErr Eberhardt Hertzog zu Wuͤrten- berg der ſtundt dermaſſen Land vnnd Leuthen vor/ das zu ſeiner zeit alles zum beſten vnnd gluͤckſeligſten anzuſe- hen war. Derwegen verwunderten ſich die vnderthanen vber ſeine weißheit alſo/ daß ſie jhn als einen GOTT hielten ſagten: Wann GOtt nicht GOtt were/ wer ſoll billicher GOTT ſein/ dann vnſer HErr von Wuͤrten- berg.

CLXXIII. Von Henrich Landtgra- ven zu Heſſen.

DEr Durchleuchtige Hochgeborne Fuͤrſt vnnd HErr Landtgraff Hen- rich zu Heſſen/ der ließ nicht alles/ wie jtziger zeit/ durch ſtoltz vnd hof- fart/ auffgehen/ ſondern ließ ſich mit einem ſchwartzen wuͤllen Kleydt erſettigen/ an ſei- nem Huet trug er ein Silbern Roͤhrlein/ dar- inn ſtackeu Hanen federn. Vnd diß ſtunde dem HErren wol an. Wann mann aber jtzt eines Bawers Maͤgdlein geſtrickte Hauben an- ſchawet vnd ſchetzet/ ſo koſtet dieſelb mehr als alle die zierde an des Fuͤrſten Haupt. Was ſoll mann viel ſagen/ man findet Bawers Leuth/ welche auff die wercktag ſich koͤſtlicher pflegen zu tragen/ als ſolche hohe Leut auff die Feyer- M iijtag/ tag/ vnd da es gelegenheit gibt jhren Pracht vnd ſtoltz zu zeigen/ ſo veraͤndern ſie jhre Kley- dung zwey/ drey oder viermahl. O des ſtoltzẽ Armuths/ ſo Gott vnd Menſchen mißfelt.

CLXXIV. Von Philips Graven zu Catzentlenbogen.

DEr Wolgeborne Graff vnnd HERr HERR Philips Grave zu Co- tzenelenbogen. Chriſtmilter gedecht- nuß/ hat ſich Chriſtlichen der Spar- ſambkeit befliſſen/ dan in ſeinẽ Schloß Hada- mar hatt er zwar einen ſchlechten doch zierli- chen vnd reinlichen Apparat/ als Schuͤſſeln von Buͤchen holtz/ Holtzen loͤffel/ getrehte trinckgeſchir/ vnd Eichen Leuchter. Der leuch- ter den er ſelbſt braucht/ war hieran kentlich/ das oben drauff zwo Eiſern Roͤhren waren/ darinn man die Lichter ſteckte/ jtziger zeit find man Buͤrger die woͤllen Silbern vnnd guͤlden Geſchir haben/ vnd hierin wils einer dem an- dern fuͤr thun. Aber im gemeinen ſprichwort laut es alſo: Wer nach freud vnd woluſt trach- tet der geraͤth ins Armuth: Vnd wer Wein vñ feiſt lieb hat/ der wird nit reich. Daß dem nun alſo ſey/ ſehen wir daher: Wolgemelter Graff hat alle Speicher voll frucht/ alle Keller voll Wein/ ja alle Kaſten voll Golts vnd Sielber/ darum̃ denn einer vff ein zeit ſich erbetten/ er wolt ein Goltguͤlden gebẽ/ wan er diſes Graf- fen Schatz koͤnt zu ſehen bekommen. Der Graf erbeut ſich dagegen/ er ſolt jn nit allein ſehen/ ſondern auch ſo viel nemen/ als er vff ein griff faſſen koͤnnte/ fuͤhret jhn ſo balt zum Kaſten/ vnd ſagt/ nun nehmt ſo viel jhr koͤnnt. Aber er konnt konnt nit ein eintziges ſtuͤck bekom̃en ſo dicht war es in einander geſchlagen. Aber zu dieſer zeit/ ſeit das der vberfluͤſſige Pracht/ freſſen/ Sauffen/ vnnd dergleichen in Teutſchlandt ein geriſſen/ iſt niergents mehr von vorrath. Dann die Gaſthalter/ Jubilirer außlendiſch Kauffleut vnnd dergleichen fuͤhren es auß dem Landt.

CLXXV. Von Fraw Annen wol er- meltes Grafen Tochter.

DJeſes Graffen Tochter/ Fraw Anna/ des Durchleuchtigen hochgebornen Fuͤrſten vnnd HErrn/ HErrn Hen- richen Landtgraffen zu Heſſen Ge- mahl/ hat niemals Purpur/ Sam̃et oder Sei- den getragen/ ſondern wuͤllen Kleyder/ vñ das den noch etlich Buͤrgern zu Marpurg wiſſent vnd eingedenck iſt/ ſchlechte ſturtz/ gemeine Schleyer/ vñ dergleichen Hauptzierathen/ die ſie nit kauffen doͤrffen. Jtzundt iſt kein armes Bawers Weib/ welches nit ſchleyer traͤgt mit Guͤlden leiſten/ vnd guͤlden Armband. So laſ- ſen ſie auch jhren maͤnnern kein Ruhe ſie ver- kauffen dann Schwein/ Kuͤhe/ vnd fruchte/ vñ kauffen jhren hoffertjgen| Weibern dargegen guͤlden Guͤrtel/ hembder/ vnd Koͤller mit Sey- den außgenehet/ Roͤck mit Belag vnd Leiſten ſo Roſen Vtol oder gruͤnferbig. Alſo muͤſſẽ wir heutiges tags an vnſern Weibern leyden/ wz vor zeiten Keyſer Auguſtus an ſeiner Tochter Julia nit dulden moͤgen den als ſie vff ein zeit in ſtattlicher kleidũg zu jm kam̃en/ die ſie ſonſt nit zu tragen gepfleget/ hat er ſtill geſchwigen vnnd iſt ſehr vnluſtig vber ſie worden. Da M iiijſie ſie aber den folgenden tag mit jhrer gewoͤhn- lichen tracht kommen/ vnnd hat iren Vatter/ ſo vnmuͤthig gegen ſie war/ in die Arm ge- nommen. Da hat er ſein freudt nicht behalten koͤnnen/ da er doch den vorigen tag ſeinen vn- luſt in ſich gebiſſen/ dann er geſagt/ wie ſtehet meiner Tochter dieſe tracht ſo viel zierlicher/ vnd gefelt mir ſo viel beſſer?

CLXXVI. Von Arnold Hertzog in Geldern.

HErtzog Arnoldt zu Geldern Caroli Groß HErr Vatter/ ward ſehr vnwil- lig vber den Hoff pracht/ trug nie kein Seiden Kleidt/ ſondern trug allweg ein Luͤndiſch woͤllen Kleidt. Letzlich ward jm ein Seiden Kleidt von Philips Hertzogen zu Burgund verehrt. Mit dieſem helt er kein ge- praͤng/ zog es des Jahrs ein mahl oder zwey an/ meinet/ ſeine woͤlln Kleydung ſeyen eben ſo gut.

CLXXVII. Von Arnolden dem er- ſten Hertzogen zu Cleuen.

ARnold der erſte Hertzog zu Cleuen haſ- ſet vber die maſſen ſehr die außlendiſche trachten vnd vberfluͤſſigen Pracht: Der- wegen wolt er haben ſein Sohn Joan- nes der erſte dieſes Namens ſolt ein fein meſ- ſig vnnd ſchlechte Hoffhaltung fuͤhren. Nach dem aber derſelb etliche Jahr in Franckreich ſich gehalten/ vergaſſe er ſeiner Vaͤtterlichen Sitten/ Sitten/ vñ fing ein hoffertiges weſen an/ nach außlendiſcher Voͤlcker art. Derwegen verheu- rathet er ſich an das beruͤmbte Geſchlecht von Navarren/ zog mit Frantzoͤſiſchem Apparat vnd Ritterſchafft heim/ da nun ſein Vatter die viel Schellen hoͤrte/ ſagt er im zorn/ da kompt henneken mit den Bellen/ ſchalt jhn alſo we- gen des außlendiſchen nichtigen Prachts. Mit dieſen des Alten worten vexirt vnnd ſchertzt der Sohn offtmals/ vnnd bekannt gleichſamb/ der Vatter hette wahr geredt: Dann es were ſpoͤttlich/ wenn ein Fuͤrſt ſeines Landts Sitten abſtellen/ vnnd frembde auß- lendiſche vnnd koͤſtliche Sitten einfuͤhren wolte.

CLXXVIII. N. N.

DA vor etlichen wenigen Jahren die Obrigkeit an einem orth ſahe/ daß die vnderthanen ſo koͤſtlich in Kleydung/ Speis vnnd tranck leb- ten/ ſprach ſie. Wir woͤllen ein gut mittel fin- den/ dadurch wir ſolchen vberfluͤſſigen pracht vnd hoffarth moͤgen auffheben: Dann wir woͤllen den gemeinen Mann dermaſſen durch ſchoß vnd tribut erſchoͤpffen/ daß jhnen kaum ſo viel bleiben ſoll/ damit ſie ſich bedecken moͤgen.

CLXXIX. Von Carolo 5. Roͤmi- ſchem Keyſer.

ALs zu Worms auff dem Reichstag vaſt auff einen tag Bottſchafft kam/ wie das in Hiſpanien groß auffruhr were|/ daß die Frantzoſen das Koͤnigreich Navar- M vren ren eingenommen hatten/ vnd wie Niderland geſtraufft vnd gepluͤndert wordẽ/ bezeugt der Keyſer offentlich/ er muſte wider ſeinen willen zu wehr vnnd Wafen greiffen vnnd thue ihm ſchmertzlich wehe/ das die Tuͤrcken/ ſo vor we- nig Monten Belgrad eingenomen/ nun durch innerliche Krieg gelegenheit vberkommen in Teutſchland zufallen/ Er bitte aber Gott dz er dz Chriſtenthumb in frid vnd ruhe laſſen/ dem ſelben beyſtand vnd huͤlff leiſten/ ſchutzen vnd rathen woͤlle. diß gebet/ in wenigen worten begriffen/ that er taͤglich: Doch hielt er fuͤr vñ fuͤr ſeine gebett ſtund des tags/ inmaſſen er von jugent auff war gewohnet worden. Da- her ſagten etliche/ welche ſolch ſein ſtettiges betten ſahen/ er redet mehr mit GOtt als mit Menſchen/ weil er ſonſt von natur ſtillſchwei- gend war. D. Chytreus in ſeiner Oration/ ſo er von dieſem verſtendigſten vnd loͤblichſten Fur- ſten gehalten.

CLXXX. Von aller hoͤchſt gemeltem Keyſer.

ALs er bey dem Gebirg vmb Jngolſtatt der Teutſchen Fuͤrſten vnd der Staͤtten Laͤger weit ſahe außgebreitet/ fragt er ob diß lauter Teutſche Fuͤrſten weren/ vnd daſſelb bejahet ward/ ſprach er. Es iſt gut Es wird jnen balt an Rath vñ Gelt mangeln.

CLXXXI. Von eben demſelben.

DA er auff ein zeit hoͤret/ das ein Fuͤrſt wolt Krieg fuͤhren/ ſprach er: Er weiß noch nicht was zum Krieg ge- hoͤret.

Von

CLXXXII. Von eben demſelben.

NAch dem er Anno 1540. durch Franck- reich zohe/ ward er durch einen Ora- torem/ welcher ſeine treffliche tugen- ten mit hoͤchſtem lob beſchriebe/ vnd jhn gleich als in Himmel heben wolte/ emp- fangen. Er antwortet dem Oratori mit dieſen kurtzen worten: Des Koͤnigs ſeines Schwa- gers wolmeinendt Gemuth gegen jhn ſey jm lieb/ aber er halte dafuͤr/ ſolcher lob ſehe nur dahin/ daß mann ihn hirdurch erinnern woͤlle wie er ſolt beſchaffen ſeyn.

CLXXXIII. Von eben demſelben.

ANtonius Leva vnnd andere Fuͤrſten lob- ten Julii Ceſaris vnd Alexandri Exem- pel/ vnd hielten dafuͤr/ Keyſer Carolus der ſehe nicht ſo hoch dahin wie dieſe/ das er nemblich ſein gewalt vnd namen groͤſ- ſer machte/ da er es doch koͤnnte: Hierauff ſagt er: Julius Ceſar vnnd Auguſtus haben auff einen zweck geſehen/ nemblich auff jhr ehr vnd Rhum/ die Chriſtliche Koͤnige aber muͤſ- ſen auff zween zweck ſehen/ auff jhr ehr vnnd jhrer Seel heil vnd wolfarth.

CLXXXIV. Von eben demſelben.

DA Franciſcus Koͤnig in Franckreich etlich mahl/ als er nun nah mit ſei- nem laͤger hinzu geruckt war/ die Schlacht wegerte/ ſagt Keyſer Ca- rolus: Er moͤcht wuͤntſchen/ daß der Frantzoß entweder kuͤhner vnnd gluͤckſeliger/ oder we- niger von worten/ Haß vnd Neidts were.

Von

CLXXXV. Von eben demſelben.

DEr Keyſer zog einsmahl vber den Rhein/ vnd redet einẽ Fuͤrſten/ ſo da- mals bey jhm zu Hoff war alſo am Waum̃ haben vnſere vorfahren die Schloͤſſer vnnd veſtunge auff ſo hohe Berg gebawet? Der Fuͤrſt antwortete: Darum̃/ die weil ſie bedaucht/ ſolche Schloͤſſer weren deſto veſter. Der Keyſer ſagt. Es beduncke jn beſ- ſer ſern/ das man ſie auff das gleich vnd eben land Bawete wegen des auß vnd einfuͤhrens/ vnd wegen bequemlichkeit woͤll zu machen. Aber nun mehr machen etliche jhre Veſtung vnder die Erden/ damit ſie der Hellen deſto naͤher ſeyn.

CLXXXVI. Von eben dem- ſelbigen.

AVff ein zeit begerten die Spaniſche Hoff diener an Keyſer Carolen/ er ſolte die Teutſche Trabanten vnnd andere bevr- lauben vnnd hierumb hielten ſie fleiſſig an. Der Keyſer ließ die Teutſche zuſammen kommen/ ſahe ſawr/ zeigt jhn der Spanier bitt an/ vnnd ſprach/ kompt/ ich bin auch ein Teutſcher/ laſt vns von hoff gehen/ damit wir jnen nit beſchwerlich ſeyen/ vnd ſtalt ſich/ als wolt er hinweg gehen. Aber die Spanier fie- len ihm zu Fuß/ baten vmb verzeihung ihrer toͤhrichten bitt/ vnnd hielten an er ſolt blei- ben Alſo bleib er ſtehen/ vnnd ver- zihe es jhnen.

Von

CLXXXVII. Von eben dem- ſelbigen.

FRanciſeus Koͤnig in Franckreich laß Caroli des Fuͤnfften Symbolum/ Plus Vltra/ in dem Gemach/ darinn er gefangen gehalten ward/ meinte/ mann wolte ſein vngluͤck/ dagegen aber des Keyſers gluͤckſeligkeit damit andeuten/ vnnd ſchreib darunder/ hodie miht/ cras tibi/ (heut mir/ morgen dir) damit wolt er zu- verſtehen geben/ was heut ihm widerfahren/ das koͤnnt auch morgen dem Keyſer begegnẽ. Nach etlichen tagen koͤmpt der Keyſer in eben daſſelb Gemach/ vnnd laß das jenig/ ſo der Koͤnig darunder geſchrieben hatte/ ſchreib vnder daſſelbig: Homo ſum/ humant nihila me alienum puto (ich bin ein Menſch/ vñ halt nicht/ das es mir anders ſey/ als ſonſt mit ei- nem Menſchen.)

CLXXXVIII. Von Selymo dem Tuͤrckiſchen Keyſer.

SElymus der Tuͤrckiſche Keyſer pfleg- te zu ſagen/ er zihe nicht einen langen Bart/ gleich wie ſein Vatter Bajazet gethan hette/ damit die Baſſe jhn nit fuͤhren moͤchten/ wo hin ſie wolten/ in maſ- ſen dann diß Bajazeti wider- fahren.

Von

CLXXXIX. Von Antonino Baſſiaro/ der auch Caracalla genent worden.

ANroninus hatte zweẽ Amptmaͤnner/ Au- dentium vñ Macrinum. Audentius war alt vnd hat nit viel in Rechts Sachen er- fahren/ doch war er ein guter Kriegs- man. Macrinus aber hat viel im Rechten ſtu- diret. Dieſen ſchalt Antoninus offt/ als einen vnerfahrnen in Krigß ſachen/ vnd warff jhm daneben fuͤr/ er were kein tapffer man. Vnnd nach dem vor Antoninũ kommen/ wie dz er koͤſt lich ſich mit Speiß vnd tranck tractiren lieſe/ vnd dz er ſeinẽ hohn hette vber ſchlechte ſpeiß die ſonſt Antoninus gern im Krig zu eſſẽ pfleg- te/ das er auch einen Helin vnd ander kleidung nach hoffart truge/ ſagt er/ es were Macrinus weibiſch/ troͤwet jm auch den tod/ diß verdroß Macrinum ſehr vbel/ vnd gereichte Antonino zum Todt. Dann er war von Natur vorwitzig daher forſchet er nicht allein der Menſchen ſachen/ ſondern auch der Goͤtter vnnd Teuffel heimlichkeiten/ forcht ſich allweg/ es wuͤrde ihm heimlich nachgeſtelt/ deßwegen hielt er ſich fleiſſig zu den weiſſagungen/ ließ allent- halben Zeuberer/ Sternſeher/ weiſſager ſo auß vogelgeſchrey kuͤnfftige ding verkuͤndi- gen woͤllen/ zu ſich kommen/ vnnd bleib alſo keiner zu Hauß/ der etwas mit dieſen dingen vmbginge. Weil er aber ſolche auch verdech- tig hielte/ als daß ſie jhm nicht die warheit ſagten/ ſondern weiſſagten jhm viel mehr zu gefallen/ auß heucheley/ ſchreibt er an einen mit namen Matermanum dem er alles in der Statt vertrawte/ vnd vor ſeinen getreweſten vnnd vnnd beſten Freundt hielte/ denn er ließ ihm nichts verporgen: Vnnd bitt ihn/ daß er die beſten wahr- ſager zuſammen bringen/ vnnd von jhnen er ler- nen ſolte/ wir lang er leben werde/ vnnd ob auch jrgendt jemants nach ſeinem Reich ſtehe. Mate- rinianus thet was ihm ſein HErꝛ befohlen/ vnnd ſchreibt Antonino wider/ Macrinus ſey ihm ge- haͤſſig/ ſtehe ihm nach dem Reich/ ſolt ihn deß wegen Toͤdten laſſen. Ein ſolch ſchreiben ſtelt Maternia- nus einem Botten verſiglet zu/ der nichts vmb diſe Sach wuſte/ die lauffen geſchwindt zu Antonino/ welcher eben damals auff den Wagen ſtiege/ ſeinen weiſſagern nach zu zihen. Alſo gibt er jhm das gantz Packet Brieff/ darunder dann auch des Macrini Schreiben war Antoninus aber war ſo begirig vff das weiſſagen/ das er die Schreiben nit ſelbſt leſen moͤchte: Befihlet deßwegen Macrino/ er ſolt eins nach dem andern beſehen/ vnd da etwas fuͤrhanden/ daran was gelegen/ ſolt ers ihm ſagen/ wo nicht/ ſo ſolt er ſein Ampt hierin verrichten/ vnd den Sachen helffen Er aber zog ſeinen Sachen nach Macrinus nahm die ſchreiben/ beſahe eins nach dem andern/ kompt endlich an das/ daß jhm zu verderben vnder ſtunde Jn dem er nun ſahe vnnd vernahm/ was fuͤr groß gefahr ihm auff dem Nacken lag/ wuſt auch Antoumi grimm/ ſonderlich/ weil er itzt ſo guten fug an ihn hatte/ derwegen nimpt er daſſelb Schreiben heimlich hinweg: Der andern ſchrei- ben Jnhalt zeigt er dem Fuͤrſten an. Aber/ weil er vorſorg trug/ Maternianus moͤchte abermals erzelter maſſen ſchreiben/ ſo wolt er daſſelb lie- ber ins werck richten/ als warten vnnd leyden/ erdacht deßwegen ein ſolchen fund. Antoninus hat- te einen Hauptmann/ der nebeu andern auff ſei- nen Leib wartete mit Namen Martialis/ deſſen Bruder hatte der Fuͤrſt von wenigen tagen als als der felſchlich bey ihm angeben worden/ laſſen vmbpringen/ nennte Martialem dane- ben einen forchtſamen vnd vnartigen menſchẽ vnd Macrini Freundt. Nun wuſte Macrinus wol/ das ſich Martialis nit allein wegen ſei- nes Bruders todſchlag/ ſondern auch wegen der ſchmehwort hart bekummerte/ ließ ihn hierumb zu ſich fordern vnd ſprach: Er wiſſe ſich zuerinnern/ das er lengſt hiebevor ſein gu- ter freund geweſen/ hab viel gutthaten dane- ben von ihm entpfangen/ wolt ihm darumb trewlich rathen/ daß er ſo balt es die gelegen- heit geben wolte/ Antoninũ vmbrechte. Mar- tialis ließ ſich zum theil durch verheiſſunge/ zum theil durch eigen Haß dahin bewegẽ ſon- derlich aber ſeines Bruders Todtſchlag/ das er zu ſagt/ ſo balt es die gelegenheit gebẽ wol- te. Ohn lengſt hiernach begibt ſich/ das Anto- ninus zu Carris in Meſopotamia in Tempel der Goͤttin Lune gehet/ welcher denn in groſ- ſen ehren bey den Einwohnern gehaltẽ ward. Weil aber der Tempel nit weit von der Statt lag/ nam Antoninus ein geringe anzahl Reiſi- gen zu ſich/ ließ das ander Volck zu ruͤck/ wolt opffern/ vnd dann wider in die Statt kehren. Mitten auff der Reiß nam er einen Diener bey ſich/ hieß die andern warten/ vnd wolt ein we- nig beyſeits ſeiner Notturfft nachgehen. Da nun alle vff ſeit wichẽ/ ehren wegen/ gab Mar- tialis auff alles acht/ vnd da jn bedauchte/ er were nun allein ſeyn/ ſtelt er ſich/ als ob jn der Fuͤrſt gewincket hette etwas zu ſehen oder zu hoͤren/ laufft eilends hinzu/ nimpt ſeinẽ Dolch den er heimlich in der Hand verborgen hielte/ vnnd ſticht jhm vnverſehens in die weich/ das er ſtirbt.

Von

CXC. Von Landgraff Ludwigen dem Eyſern genannt.

DJeſer Fuͤrſt hielt ſich demuͤtig: Sein Adel aber war vber die maſſen auff geblaſen/ alſo/ daß ſie weder jn noch auff ſeine Mandaten achteten: Seine vnderthanen plagten ſie nach jhrem gefal- len/ legten jhnen allerhandt beſchwerungen auff/ vnnd ſchmeheten ſie wie ſie wolten. Da nun auff ein zeit der Landtgraff auff die jacht zoge/ vnnd ein Wildt an traffe/ folgt er dem nach/ ſo lang/ biß er des Wegs verfehlet/ vnd ihn die Nacht vber eilet. Er reitet im Waldt auff vnnd ab/ endlich ſihet er von weitem ein Fewr/ daſelbſt reit er hin/ vnd findt ein Eyſen Schmidt/ welcher ſich ſchlecht von Kleydung truge. Der Schmidt fragt ihn wer er were. Der Landgraff antwortet/ Er were des Land- graffen Jaͤger. Der Schmidt ſpricht: Jch wolt das den milden vnd guͤtigen Landgraf- fen die Peſtilentz ruͤhrte/ ſo offt in einer nenn- te/ oder ſo offt er das Maul wiſchen muß. Endlich ſetzet er hinzu. Jch will euch Herber- gen. Jn der Huͤtten werdet ihr Heuw finden/ da gebet ewerm Pferd ſo viel von/ als es eſſen mag. Jhr moͤget ein guter man ſeyn/ aber vmb ewers HErrn des Barmhertzigen Landtgraffen willen wolt ich euch nicht vber die Schwellen gehen laſſen. Da nun der Land- graff des Nachts ſtunde/ vnd zu ſahe/ wie der Schmid das Eyſen mit einem groſſen Hamer Schluge/ ſagt einsmals der Schmidt: Werd Hart/ wolt GOtt das der Landtgraff auch Nalſo alſo hart wuͤrde/ werd hart/ ſag ich o du vn- gluͤck ſeliger vnd armer Landgraff/ vnnd laß dein weiches gemuͤth fahren. Denn was wolleſtu ſonſt deinen armen vnderthanen nu- tzen? Siheſtu nit/ wie hefftig deine Raͤthe die vnderthanen trucken vnd außmatten/ vnnd deiner noch dazu ſpotten? Erzelet hieneben viel exempel/ wie die Raͤthe mit des Landt- graffen vnderthanen vmbgingen/ vnd ſie vmb daß jhr zubringen ſich vnderfangen hetten. Vnd da gleich die vnderthanen vber dieſe vn- billich gewalt klagen woͤllen/ geſtattet mann jnen nit vor jren Herrn zukommen vnd da ſie ſchon ein Mandat auß bringen/ habens doch die Edel Leuth jhren hohn/ heiſſen jhn einen Weiber Henn. Auff diß weiß hieß der ſchmid ſeinen HERrn die gantze lange Nacht hart werden. Er aber verhelet mit fleiß/ wer er were/ bedacht vnd erweget alles wol/ ließ das weiche gemuͤth fahren/ nahm ein ernſtes da- gegen/ vnd bracht die vngehorſamen wider in ordnung. Solches konnten ſie nit wol dulden/ machten deßwegen einen Bund wider jn. Dar- umb hat ſichs nach der zeit begeben/ das ſich einer vom Adel dem Landgraffen dermaſſen widerſetzt das er jhm Krieg zu fuͤget. Da ſol- ches die andern vom Adel ſehen/ kommen ſie dem Edelman zu huͤlff. Der Landgraff aber helt ein Schlacht mit jhnen bey Naumburg auff der Saal/ ſchlegt ſie/ vnnd nimpt die ge- fangene mit ſich/ ſtrafft dieſelbe/ weil ſie jhr pflicht vnd trew vergeſſen/ vnd ſich gegen jhn empoͤret hetten/ vnd red ſie alſo an. Wie wol ich gnugſamb befuͤgt were/ euch wegen be- gangenes vngehorſambs hart zu ſtraffen/ ſo will ichs doch nicht thun/ dann es moͤchten etliche etliche ſagen/ ich braͤcht meine diener ſelbſt vmbs leben. Legt ich euch nun ein Anzahl Gelts auff/ ſo redt man mirs auch vbel nach. Ließ ichs euch gantz vnnd gar nach: So wuͤr- der ihr auff meinen zorn nichts geben. Alſo fuͤhret er ſie auffs Feldt/ ſpannet jhrer viel in einen pflug/ den er vngefehr fande/ zackert mit jhnen ein Forch/ ſeine diener muſten den Pflugſtertz halten/ der Landgraff aber treib ſie/ vnd ſchlug dermaſſen drauff/ das ſie mein- ten ſie muſten nider fallen. Wann er nun ein Forch gezackert hatte/ ſpannte er vier andere ein/ vnnd diß treib er an/ biß der gantz Acker fertig war. Nachmals ließ er den Acker mit groſſen auffgerichten Steinẽ zeichnen zum e- wigen gedechtnuß/ vnnd gab dem ſelbigen die Freyheit/ das der/ ſo etwas verwirckt het- te/ vnd darauff kaͤme/ ſrey ſein ſolte/ vnnd wer ſolcher Freyheit zu wider handeln wurde/ ſolt am leben geſtrafft werden. Auch nennt er den Acker den Edlen Acker/ fuͤhrt die Edel Leuth ſo er gefangen/ mit ſich gen Naumburg/ da- ſelbſt muſten ſie ihm von newem ſchweren. Nach dieſer geſchicht forchtet jedermann den Landtgraffen vber die maſſen ſehr/ alſo das die/ ſo im Pflug gezogen roth worden ſind/ ſo offt ſie ſeinen Namen nennen gehoͤrt. Diß ding ſchillt weit vnnd breit auß/ verdroß deßwe- gen etliche/ ſo im Plug gangen/ ſo ſehr/ das ſie dem Landgraffen heimlich nach ſtelleten. Da ers aber jnnen wird/ vnnd der Sachen rech- ten grund erfuhr/ ſtrafft er ſie hart/ trug auch ſein lebtag ein Eiſern Harniſch/ daher er dann der Eiſern Landgraff genennt worden.

N ijFuͤr-

Fuͤrſten vnd HErren ſollen nit alle ding an die Raͤthe/ Edelleuth vnnd Secretarien laſ- ſen.

Luc. 14.

Das Saltz iſt ein gut ding/ wo aber das Saltz thumb| wirdt/ womit wird man ſaltzen? Es iſt weder auff das Land/ oder auff den Miſt nutz. Sondern mann wirdts weg werf- fen.

CXCI. Von Dionyſio Tyrannen zu Syracus.

DAmocles erzehlet in einer Rede/ wie groſſen Reichthumb/ Herrligkeit/ vberfluß alles dings/ wie groſſe Koͤ- nigliche Heuſſer Dionyſius hette/ das alſo niemandt gluͤckſeliger ſey als er. Wiltu dann nun ſpricht Dtonyſius zu Damo- cle weil dir meine Sachen ſo wol gefallen/ diß gluͤckſeligkeit verſuchen? Ja ſagt er. Diony- ſius ließ ihn ſetzen auff ein Guͤlden Bett/ ließ ein ſtattlich gemahltes Tuch daruber decken/ ließ bey ihn ſtellen Rechen Tiſch mit Golt vnd Silber. Bey die Tiſch ſtelt er ſchoͤne Junge Knaben/ die muſten auff jhn warten/ man ſal- bet ihn/ ſetzet ihm ein Kron auff/ mann thet Rauchwerck/ die Tiſch wurden beſetzet mit koͤſtlichem eſſen. Damocles deucht ſich gantz gluͤckſelig hiervber ſeyn. Vnder des das diß zugericht war/ ließ er oben ans gewoͤlb ein bloß ſchneident Schwerdt an ein Pferdts Haar vber ſein Haupt Hengen. Da diß Da- mocles ſahe/ gab er weder acht auff die auff- waͤrter/ waͤrter/ oder auff Golt vnd Silber/ griff auch nicht auff den Tiſch/ bat den Tyrannen/ daß er ihm erleubte hinweg zu gehen/ er woͤll nit mehr gluͤck ſelig ſein. Hat nicht Dionyſius hie- mit erkleret/ das nicht gluͤckſelig ſey/ welches fuͤr vnnd fuͤr ſchwebe vnnd gefahr auff dem Hals hat?

Salomon Proverb. cap. 23.

Wenn du ſitzeſt vnnd jſſeſt mit einem Herrn ſo mercke wenn du fuͤr dir haſt. Vnnd ſetze ein Meſſer an deine Kehl/ wiltu das leben behal- ten. Wuͤntſche dir nit ſeiner Speiſe/ dann es iſt falſch Brot.

Ludovicus Lavaterus ſchreibet vber die- ſen Spruch alſo:

Wer mit Fuͤrſten vnnd HErrn will vmbge- hen/ der ſoll fuͤrſichtig ſein. Sehe zu was fuͤr dir ſey/ ſehe was du thuſt vnnd was du ſagſt. Dann jhr gemeinſchafft iſt ſchedlich/ ſintemal der/ ſo entweder etwas redt/ oder thut/ ſie da- mit erzoͤrnet/ vnnd muß dann die Rach ſo balt darauff folgen. So iſt auch niemandt ſo vor- ſichtig/ der nicht jrgent vnder dem Trincken etwas vnbedaͤchtlichs herfuͤr brechte. Man- cher ſagt ding/ wenn er truncken iſt/ die mann ſonſt nicht mit Foltern herauß bringen koͤnn- te. Alſo pflegen nun die gewaltigen vnderwei- len durch die geringe Folter des Weins der Leuth gedancken vnnd anſchleg zuerforſchen. Jn Fabulen leſen wir/ daß das jrden gefeß dem Ertzen nit begegnen will/ damit es nicht zerſtoſſen werde.

Uſibus edocto ſi quicquam credis amico, Vive tibi: & longe nomina magna fuge. N iijViel

Viel haben luſt zum Herren hoͤfen aber da iſt kein anmuͤthtger leben/ als das/ ſo mann bey ſeins gleichen fuͤhren kann. Da mann ſich aber noth wegen gen Hoff begeben muß/ muß man vorſichtig handeln/ damit Mann den HErrn nit leichtlich erzoͤrne. Syrach ſagt am 13. cap. Geſelle dich nicht zum gewaltigen/ du legſt ſonſt ein ſchwere laſt auff dich. Was ſoll dir der jrden topff bey dem ehrnen topff/ denn wo ſie an einander ſtoſſen/ ſo zerbricht er/ ꝛc. Biß daher Lavaterus.

CXCII. Von einem Edelmann.

JN Thuͤringen war ein Edelmann von ſtattlichem geſchlecht/ der hatte ein ſehr ſchoͤnes Kammer Maͤgdlein: Daſ- ſelbig liebt er dermaſſen/ daß er tag vnnd nacht dahin tracht/ wie er deſſen moͤcht theilhafftig werden: Verhieß ihm auch offt groß geſchenck/ wan es jm wolt zu willen ſein. Das Megdlein aber beſchutzt ſeine keuſchheit/ ließ ſich weder durch bit oder Gelt dahin bewegen/ daß es jhren Junckern der Bitt gewehret hette. Da es aber endlich ſa- he/ daß er ihm wunderlich nach ſtellete/ klagt es ſhrer Frawen/ vnnd hieſch Vrlaub. Aber die Fraw/ als der des Megdleins trew vnnd keuſchheit bekannt war/ wolt es nicht erlaſſen/ doch ſagt ſie ihm zu/ ſie wolt daran ſein/ das jr Juncker jm hinfuro nicht ſolt be- ſchwerlich ſein: Vnd damit dues/ ſpricht die Fraw/ deſto beſſer glauben moͤgeſt/ ſo woͤl- len wir die Sach liſtiglichen angreiffen/ daſ- ſelb aber woͤllen wir alſo machen. Du ſolt dich nit mehr vnfreundlich gegen dem Jun- ckern ckern ſtellen/ ſondern vertroͤſten/ du wol- teſt ihm zu willen ſein/ nach dem ſolt du mir zeit vnnd orth benennen/ wo du ſeiner warten wilt/ als dann will ich mich zu jhm vnder deiner Perſon naͤhen. Nach etlichen wenigen tagen/ da der Juncker abermals bey dem Megdlein anhalt/ folgt es ſeiner Frawen Rath/ vnnd ſagt/ es wolt im zu gefallen ſein. Wo woͤllen wir aber/ ſpricht es/ zuſammen kommen/ damit wir gelegenheit vnnd fug haben? Der Juncker ſagt/ hierumb ſolt du dich nicht bekuͤmmern/ dann ich will meinen Knecht auff den Abendt an ein orth abfer- tigen/ ſo woͤllen wir ſein Gemach dazu brau- chen/ darumb/ ſo ſehe zu/ daß du dich vmb Sieben vhr daſelbſt finden laſſeſt. Sie ſagts ihm zu/ gehet ſo balt zur Frau- wen/ vnnd erzehlt ihr den gantzen handel. Die Fraw nimpt ſich nichts an/ als ob ſie etwas hierumb wiſſe/ legt ſich auff beſtim- pte zeit in des Knechtes Bett/ welches friſch gedecket war/ vnnd wartet jhres Junckern. Vnder des gehet der Juncker auch hinzu: Vnnd gerewet ihn ſein vorhabens/ ſagt bey ſich ſelbſten/ warumb ſoll ich die trew/ die ich meinẽ ehrlichen Weib zu geſagt hab/ ſo ſchend lich brechen/ vnnd mein eigen dienerin vervn- ehren? Gehet zum Knecht/ dem er die Sach vertrawet hatte/ vnnd ſpricht: Mach du dich zu jhr. Der Knecht nahm diß gewuͤntſch- te gelegenheit gern vnnd willig an/ vnnd gehet in ſein Kammer. Damit er aber nicht moͤcht abgewieſen/ ſondern fuͤr ſei- nen Junckern erkannt werden/ ſchweig er ſtil/ vnnd verricht ſein Sach. Die Fraw aber/ weil ſie anders nicht meinte/ alß daß jhr N iiijJuncker Juncker were/ redt gleichfalß kein wort. Ge- hen alſo beiderſeits ſtill ſchweigendt wider zu ihrem beruf. Da nun die Fraw abends ſchlaf- fen kompt/ redt ſie jhren Junckern alſo an. Was habt jhr nun mehr frewd bey meinem Megdlein gehabt als jhr bey mir habt. Der Juncker verſchwur ſich/ er hab ſein lebenlang nichts mit dem Megdlein zu ſchaffen gehabt. Die Fraw ſagt/ wie moͤgt jhr ſo leichtlich falſch ſchweren/ ir ſeyt ja in des Knechts kam- mer bey ihm geweſen? Der Juncker wendt das werck ſo viel von ſich als er moͤchte. End- lich ſagt ſie/ ihr konts nicht leugnen/ dann ich hab mich an des Megdiein ſtatt geleget/ vnnd in allem ſie vertretten. Der Juncker ſprach/ das hab ich nicht ſondern der Knecht hats gethan. Dann ob ich wol etlich Monat lang das Megdlein inbruͤnſtig geliebet/ vnd heuti- ges tags ein vnziemblich bitt erlangt hab/ ſo hat michs doch in der ſtundt/ da ich ſolches volnbringen woͤllen/ wunderlich gerewet/ al- ſo/ das ich es nicht hab moͤgen laſſen in mein Geſicht kommen/ habs vielmehr meinem Knecht befohlen/ damit es nicht meine/ das ich ſie nur mit worten geaͤffet habe. Nach dem ichs aber nun beim Licht beſehe/ ſo hab ich vns beide elendig betrogen. Doch kann ich mit dir nit zoͤrnen/ in dem du ihn vnwiſſent an meine ſtatt zugelaſſen. Was kann ich den nun meinem Knecht vorwerffen/ der das auff mei- nen geheiß gethan? Vnd nit anders gemeint hat/ dann es ſey das Megdlein? Doch hat diß ſach dem Junckern vnnd der Frawen viel vn- luſt vnnd bekuͤmmernuß bracht. Die Fraw ließ das Maͤgdlein vnderhalb wenig tagen/ als dz gelegenheit zu dieſem vbel geben hatte von von ſich wandern. Gleichfals beurlaubet der Juncker den Knecht. Diß wunderlich geſchicht hat ſich warhafftig alſo gegeben.

CXCIII. Von eines Schaͤffers Weib.

EJn Schaͤffer hat ein Weib/ welche je- derman fuͤr ein Hetzin hielte. Dieſelb hielt in jhrem Hauß ein groſſe Katz/ die nehret ſie koͤſtlich/ ſtreichlet ſie/ ſe- tzet ſie auff den Schoß/ vnnd legt ſie bey ſich ins Bett/ es were gleich der man einheimiſch oder nicht. Als ſie auff ein zeit nit ſo balt ge- ſchefft halben mit dem mann konnt ſchlaffen gehen/ vnd er ſich allein zu Bett legen/ wolte/ find er die Katz darinn ligen/ welche ihm ſo balt vnder das geſicht ſpringt/ greifft ihn mit den Klaen an die Gurgeln/ vnnd thut/ als ob ſie ihm dieſelb wolt zutrucken. Der Schef- fer will ſie dem Fenſter hinauß werffen/ vnnd trifft einen Balcken mit jhr. Sie aber helt ſich daran/ vnnd nimpt den Balcken mit ſich hin- weg. Wer den Balcken ſahe/ der konnt leicht- lich erachten/ das diß nit ein Katz/ ſondern der Teuffel ſelbſt gethan hatte. Deßwegen wird das Weib in hafften gezogen/ vnd Pein- lich gefragt. Da bekennt ſie/ daß ſie den Teufel nicht allein in jhrem Hauß gehalten/ vnd die Zauberkunſt von ihm gelernet/ ſondern auch viel Jar lang geuͤbet hatte. Darauff ſie dann beneben einem Jungen Weib/ welche es von jhr gelernet hatte/ verbrant worden.

N vVon

CXCIV. Von Fridertco 3. Pfaltz graffen bey Rhein ꝛc. Churfuͤr- ſten.

FRiderich 111. Pfaltzgraff vnd Chur- fuͤrſt war nie in ſeinen Geſchefften ſo muͤth/ war auch nie in Gottſeli- gen dingen vergeſſen/ das er nicht des Abends ſeinen Edel Knaben/ Kaͤmme- rern/ dienern/ vnnd Trabanten etliche Capi- tul Heiliger Schrifft fuͤr legte/ vnnd mit jnen GOTT dem Allmechtigen fuͤr die entpfan- gene Gutthaten lob vnnd danck ſagte. Jn der Schrifft hat er ſo viel vnnd fleiſſig geleſen/ das kein Heilig Hiſtorien geweſen/ welche er nicht wuſte zuerzehlen: So war auch kein ſchweres ſtuͤck in H. Schrifft/ das er nicht wuſte zuerkleren. Daher kams/ das er auff den Reichstaͤgen mit andern conferirte/ vnnd die ſo recht von der ſach reden/ lobte/ denen aber ſo von der rechten Religion abwichen/ den rechten weg zeigte. Wann alle Fuͤrſten vnnd HErren ihm hierinn folgen wuͤrden/ ſtunde es heutigs tags im Chriſtenthumb viel beſſer. Aber zu vnſern zeiten ſind deren viel/ welche jhr leben in woluſten/ in freſſen/ Sauffen/ Spielen/ jagten/ kriegen/ vnnd der- gleichen zu bringen/ vnd dagegen Gottes wort vnnd jhre Seligkeit gering achten.

Von

CXCV. Von Carolo dem Groſ- ſen.

CArolus Magnus/ ſo offt er in Stetten war/ ging er hinzu/ halff Pſalmen ſingen/ gab ſeinen Soͤhnen gewiſſe lectionen zu ſingen auff/ vnnd halff ge- meine gebet thun.

CXCVI. Von Alfonſo Koͤnig in Hi- ſpanien vnd Neapolis.

ALfonſus Koͤnig in Hiſpanien vnnd Neapolts/ hat ſich/ wie Panormitanus erzehlet/ geruͤhmet/ er hab die Heilige Bibel nicht ein mahl oder zwey/ ſon- dern vierzehenmahl durch leſen/ deßgleichen Nicolai Lyre Poſtill vnnd Burgenſis Addi- tiones.

CXCVII. Von Philips Pfaltzgraff vnnd Churfuͤrſten.

PHilippus Melanchthon ſchreibet in der Vorred vber ſeine Chroniken/ er hab offtmals Capnionem hoͤ- ren erzehlen/ daß Philips Pfaltz- graff vnnd Churfuͤrſt wann Dalburger Bi- ſchoff zu Wormbs/ Rodolphus Agricola vnd er bey jrer Churf. G. geweſen/ vnnd in Rath ſchlagungen vber den gemeinen Nutzen ent- weder Perſiſche/ oder Grichiſche/ oder Roͤmi- ſche Exempel angezogen/ trefflichen luſten zun zun Hiſtorien bekommen vnd geſagt habe er- vernehme ſo viel/ das die abtheilung der zeit/ Voͤlcker/ vnd Koͤnigreichen ſehr noͤthig ſeyen/ woͤll deswegen begeren/ daß ſie auß allen an- tiqutteten/ ſo viel mann haben konnte/ auß Hebreiſchen/ Grichiſchen vnnd Lateiniſchen Scribenten ordentlich die Monarchiẽ die zeit vnd vornembſte veraͤnderũg beſchreiben wol- ten. Alſo haben ſie in einer ſchoͤnen ordnung auß Hebreiſchen/ Grichiſchen vnnd Lateini- ſchen Schrifften die Monarchien zuſammen gezogen/ vnnd haben an jedes orth nach vn- derſcheid der zeit vnd Voͤlcker die vornembſte denckwuͤrdigſte Hiſtorien geſetzet. Dieſes hat der Churfuͤrſt mit groſſem eiffer geleſen/ vnnd geſagt: Er frewe ſich von hertzen/ daß GOtt die ordnung der zeit vnnd denckwuͤrdigſte Hi- ſtorien erhalten habe. Auch erkenne er/ daß die Monarchien nicht von ſich ſelbſt beſtehen koͤnnten/ ſondern wurden durch GOtt erhal- ten/ damit ſolche Huͤter ſeyen menſchlicher Ge- ſelſchafft/ daß ſie auch viel voͤlcker zuſammen halten/ die Geſetz/ vrtheil/ vnd friden geben/ vnd dann/ daß ſie die Menſchen von GOTT lehren koͤnten. Der wegen widerholet er offt des Propheten Danielis wort: GOtt ſetzet Koͤnig auff vnd ab.

Gleicher weiß ſahe man in den veraͤnde- rungen vnd der tyrannen ſtraffen Gottes ge- richt/ vnnd werde das gantz menſchlich ge- ſchlecht erinnert durch ſolche trefliche Exem- pel/ das ſie Gott erkennen ſollen/ vnd das man ſoll wiſſen/ GOtt woͤlle alle gerechte vnd bil- liche ding/ vnnd zoͤrne dagegen vber alle die/ ſo ſeinen Gebotten zu wider handeln.

Von

CXCVIII. Von Ludwig Paltzgrafen vnd Churfuͤrſten.

ALs auff ein zeit ſchwere klag fuͤr jhn ka- me wegen des Wildts/ wie das es den vnderthanen groſſen ſchaden brechte/ mit dem anhang/ wo er nicht dieſem vn- heil wuͤrde vorkommen/ ſo wuͤrde er der vn- derthauen gebett verliehren. Als balt ant- wortete der fromme Churfuͤrſt: Er wolte lie- ber des Wildtpraͤts gar entrathen/ als der vnderthanen Gebet verliehren. Dann das Wildpraͤt ſey ihm nie ſo angenehm geweſen/ die vnderthanen ſeyen ihm noch viel lieber: So woͤlle er auch mehr auff der vnderthanen nutzen als auff ſeine woluſten/ darunder das Wildbraͤt moͤcht gerechnet werden/ ſehen. Hat ſo bald befohlen ein groß anzahl Wildts auff zu fangen. Timotheus Kirchner in ſeiner Ora- tion/ die er vber dieſes frommen vnd loͤblichen Fuͤrſten toͤdlichen abgang gehalten.

CXCIX. Von Keyſer Ferdinando.

AN dieſem orth wollen wir gedencken Keyſer Ferdinandt treffliche that/ wel- cher alle in gnaden gehoͤret/ vnd als auff ein zeit einer ein altes Weib nit wolt fuͤr den Keyſer kommen laſſen/ vnd er daſſelb vn- gefehr erſehen/ ſagt er: Nicht treib die armen von vns vnd wehr jhnen den zugang. Dann ſo wir ſolche Leuth nicht werden Hoͤren/ ſo wird GOtt vns auch nicht zu ihm laſſen noch vns hoͤren. Da er diß geſagt/ rieff er dem armen alten Weib zu ſich.

Von

CC. Von Chriſtiano Koͤnig in Dennen- marck.

DEr hoͤchſtloͤblichſte Fuͤrſt Chriſtia- nus 3. Koͤnig in Dennenmarck vnnd Norwegen ſagt in ſeiner Schwach- heit: Mann nennt vns vnvberwind- liche Koͤnige. Wie vnvberwindlich wir ſeyen/ das zeigen die ſchwachheiten an/ die vns offt vberwinden.

CCI. Von einem Todtſchlaͤger/ ſo ſich ſelbſt angeklagt vnnd ver- dampt hat.

EJn alter Mann hatte ein einige Tochter/ von guten Sitten vnndt zimblicher nahrung/ vmb dieſelb warb der Hauß Knecht/ weil er aber frempt Arm vnd ein Knecht war/ ward ſein anhaltens verge- belich: Doch hielt er ſich ſo trewlich/ daß der Hauß Herr ihm das Hauß vertrawte/ vnd mit ſeinem Weib vnnd Tochter in das warme Badt zeugt. Es be- gibt ſich aber/ daß der zeit/ da der alt nit ein- heimiſch war/ ein Kauffman in derſelben Her- berg einkehret/ den bringt der Haußknecht ſo balt balt die erſte nacht vmbs leben/ begrabt ſeinen Leichnam in einen Pferdts ſtall/ vnnd verkaufft ſein Pferdt vnnd Kleydung des an- dern tags. Vmb dieſe Mordthat wuſte kein Menſch/ ohn allein der thaͤter. Da nun der alt wider heim kam/ vnnd vernahm/ das in der Haußhaltung alles richtig war beſtellet worden/ ward er dem Knecht ge- neigter. Ohn lengſt hernach erfandt der vn- gluͤckſelige Moͤrder dieſen fundt. Er ſchreibt einen Brieff/ als das ſein freundt ihm anzeigten/ wie ſein Vatter geſtor- bin were/ vnnd ſeiner begerten. Sol- chen Brieff bringt er/ als er vom Marckt kompt/ deßgleichen ein zimblich Summ Gelts/ vngefehr vmb achtzig Kronen/ vnnd ſtelt ſolche dem Hauß HERRN zu/ gibt fuͤr/ er woͤlle weder ein Pferdt Kauffen/ wie die freundt vorſchlugen/ noch auch das Geit wider mit ſich heimfuͤhren/ hab luſten in der Statt zu bleiben/ darinn er ſich nun etlich Jahr lang gehalten habe. Was ſoll mann viel ſagen er lieffert dem HERRN das meiſte Gelt/ gibt fuͤr/ er woͤll wi- der kommen/ vnnd zeugt alſo fort. Der HERR ließ ihn damals vngern von ſich/ doch geſtattet ers ihm. Baldt kompt er wider/ vnnd hinderlegt das vbrig Gelt auch bey dem Hauß HErrn/ zeigt ihm da- bey an/ was des Vatters verlaſſenſchafft geweſen/ bringt ſo viel zu wegen/ daß er die Tochter vberkomme wie auch alles gut nach ſeinem Todt. Weil er auch fein ehr- liche Sitten an ſich hatte/ iſt er zu Rath gezo- gen worden/ vñ hat lange zeit ehrlichen dar- inn gelebet. Endlich haben jhn die boͤſen ge- wiſſen wiſſen dermaſſen geaͤngſtiget/ daß er endtlich lieber ſein eigen Schand offenbaren/ als mit ſolchen boͤſen gewiſſen beladen ſeyn woͤllen. Es begibt ſich aber auff ein zeit/ das ein Pein- lich Halßgerichts tag gehalten wird vber ei- nẽ Moͤrder/ dazu ward er gleichfals erfordert das Gericht zubeſitzen/ auff gemeltem tag gehet er/ wir gebreuchlich zur Meß/ leſt ihm ein gut eſſen zubereiten/ damit er das ver- drießlich Gericht deſto beſſer beſitzen moͤch- te/ beklagt ſich auch ſonſten/ das ihm nit wol ſeye. Nach dem er auß der Kirchen wider heim kompt/ vernimpt er/ wie das ihm eines Kalbs Kopff zu bereiten werden ſolte/ davon er ſonſt gern zu eſſen pflegte. Er begert den zu ſehen/ oͤffnet den Haffen/ vnd ſpricht es ſey ein Menſchen Kopff darin/ das Weib mahnt jhn Freundtlich hievon ab/ er ließ ſich weiſen/ ge- het auff das Rath Haus/ vnnd ſetzet ſich bey die Richter an ſeinen gewoͤhnlichen orth. Da es nun die ordnung gab/ das er vrtheil ſpre- chen ſolte/ vnnd nach dem Goͤttlichen Geſetz das vrtheil fellet/ dem Mordtthaͤter ſolt man entheupten/ ſtehet er auff/ vnnd ſpricht/ er wolt eben das vrtheil vber ſich ſprechen/ zeigt alle vmbſtende an/ wie er hiebevor einen Mordt begangen/ bitt demuͤthig/ das mann ein ſchwerer vrtheil vber jn fallen wolte. Et- liche meinten/ der man war nicht wol bey ſin- nen/ er fantiſirte als/ geben an/ man ſolt jhn heimfuͤhren/ vnd ſeiner acht nehmen. Er aber ſprach/ ich weiß/ daß ewer keiner mich im verdacht hat/ ſo bin ich mir auch keines ſol- chen grewlichen laſters ferner bewuſt. Doch bitt ich euch zum fleiſſigſten/ daß ihr mich am Leben ſtraffen woͤllet/ auff das ich alſo von dem dem geaͤngſtigten gewiſſen/ damit ich nun lange zeit behafftet geweſen bin/ moͤchte entlediget werden/ dz ich alſo auch meinen verdienten Lohn entpfahe vnd der gerechtigkeit Gottes ein genůgen geſchehe Hier- auff ließ mann an dem orth/ den er genannt/ des Kauffmanns Gebein ſuchen/ alſo wird dieſer bene- ben dem andern angeklagten Todtſchleger außge- fuͤhret vnd enthauptet.

CCII. Von einem Edelmann.

EJn Edelmann in Schleſien laͤſſet etliche Leuth zur Mahlzeit beruffen. Da aber die kundt kam/ das alles fertig war/ vnnd ſich keiner einſtelte/ ſondern ſich entſchuldigen lieſſen/ lāſt er dieſe wort fahren: Will dann kein Menſch zu mir kommen/ ſo kom̃en aber alle Teufel. Nach dieſem geht er in die Predigt/ hoͤrt daſelbſt ein weil zu/ daß ihm der zorn ein wenig moͤchte verge- hen. Jn dem er nun in der Kirchen bleibt/ da kom- men in des Edelsmanns Hoff groſſe Schwartze Reuter/ befehlen des Junckern Knecht/ er ſolte hin- gehen/ vnnd ſeinem HErrn ruffen/ vnnd anzeigen/ ſeine Gaͤſt ſeyen da. Der Knecht erſchrickt/ gehet in die Kirch/ vnnd ſagt ſolche wort ſeinem HErꝛn/ derſelb wuſt nicht/ was er ſolt anfahen/ zeiget dieſes dem Pfarher an. Der Pfarher kurtzet die Predigt vnd gibt den Rath er ſolt alles Geſindt laſſen auß dem Hauß gehen. Da ſolches Knecht vnd Maͤgd thun/ vergeſſen ſie eines Jungen Kindts/ ſo in der wigen ligt vnnd ſchlaͤffet. Die Teufel fangen an zu zechen vnnd zu ruffen/ ſchawen den Finſtern hin- auß wie Beern/ Woͤlff/ Katzen vnnd Menſchen/ zeigen die Trinckgeſchirꝛ mit Wein/ Gebratens vnnd Fiſch. Solche ding ſehen der Juncker/ der Pfarher/ Nachbarn vnd etliche Leuth. Der Edel- Omann man fengt endlich an/ ach wo iſt mein Kindt? Er hat diß kaum geſagt/ da tregt ein Teuffel daſſelb auff ſeinen Armen/ vnd helts dem Fin- ſter hinauß/ als ob er es ſeinen Eltern zeigen wolte. Der Edelman erſchrickt ſehr/ weiß nit was er anfahen ſolt: Spricht zu einem ſeiner Knechten ſo ihm trew war. Lieber/ was ſoll ich doch anfahen? Der Knecht antwortet/ ich will mein leben Gott vnſerm Herren befehlen vnd in deſſen namen hinein gehen/ vnd ſehen/ ob ich durch huͤlff GOttes das Kindt holen koͤnne. Das wer gut/ ſagt der Edelmann/ GOTT ſey mit dir/ der ſtehe dir bey/ vnnd ſtercke dich. Der Pfarrher ſegnet/ wie auch all andere Leuth den Knecht. Da er nun vor das Gemach kompt/ darin die Teufel wa- ren/ felt er auff die Knie/ befihlt ſich GOTT/ vnnd thut die thuͤr auff. Die Teuffel ſitzen/ ſtehen/ gehen vnd krichen im Gemach mit er- ſchrecklicher geſtalt/ lauffen all mit einan- der auff jhn zu/ vnnd ruffen/ Hut/ Hut/ Was haſtu allhte zu thun? Der Schweiß bricht jhm hieruͤber auß/ doch ſtercket jhn Gott/ das er den Teuffel/ ſo das Kind trug/ an red vnd ſpricht: Gib mir das Kind her. Mit nichten/ antwortet der Teuffel/ das Kindt iſt jtzund mein/ ſag deinem Herrn/ daß er komme vnd das Kind hole. Der Knecht ſpricht: Jch thue dißmal mein Ampt/ vnd verrichte meinẽ Beruff/ darin mich Gott geſetzet hat/ verhof- fend/ was ich dißmal thue/ das ſey Gott ange- nehm. Alſo fordere ich in dieſem meinem be- ruff in crafft vnd namen Chriſti das Kind von dir/ damit ichs ſeinem Vatter moͤge zuſtellen. Nimpt alſo das Kind vnnd faſſet es in ſeine Arm. Die Teuffel ſagten nichts anders/ als dz ſie ſie rieffen/ Hui Schelm/ Hui Schelm/ las das Kindt hie/ das Kindt laß hie/ wir zerreiſſen dich ſonſt. Er aber gab nichts auff die Teuffe- liſche troͤw wort/ ging vnbeſchaͤdiget davon/ vnd gab ſeinem Junckern das Kindt ohnver- letzt. Nach etlichen tagen verſchwunden die Teufel widerumb/ vnnd gingen der Juncker/ mit ſeinem gantzẽ Haußgeſind wider darein.

CCIII. Von etlichen vom Adel.

ES haben an einem orth etliche vom A- del geſeſſen/ vnnd etliche tag lang mit einander geſoffen. Nun begibt ſichs/ daß einer vnder jhnen Ploͤtzli- chen ſtirbet. Diß trawrig Spectacul gibt den andern wenig zuſchaffen/ ſondern laſſen dem abgeſtorbenen Gleſer voll Wein ein- ſchencken/ als einem der ſchleffet/ ſo offt es an jhm kam/ das er trincken ſolte.

CCIV. Von einem newen Edelmann.

EJn reicher Mann kaufft den Adel vmb Gelt/ ſtellt ſich hernacher ſehr hart gegen die vnderthanen/ weil ſie vnge- ſatzte dienſte hatten/ muſten thun/ was er ſie hieß/ er zog ſie nicht allein auß/ ſondern handelt auch noch gar tyrañiſch gegen ſie. Vm̃ dieſer vrſach willen ſtrafft jhn nicht allein der Pfarherr auff der Cantzel/ ſondern auch ſein Advocat/ der jhm in Rechts Sachen dienet/ vnd ſagt: Ob gleich die dienſte vngeſatzt we- ren/ vnd die vnderthanen nichts deſto went- ger geſchworen hatten/ ſo were doch daſſelb des Richters gutduncken heim zu ſtellen. Er O ijaber aber gab weder auff des Pfarhers noch auff des Advocaten einrede/ ſondern redt trotzig- lich wie Nicaner: Der Sabbath gehe jn nichts an. Er ſey ein HErr ſeiner vnderthanen/ er moͤge auch auff den Sabbath ſeinẽ vndertha- nen fron dinſt aufflegẽ. Vber welchem Tyran- niſchen vnd loſen wort er endlich eins jaͤmer- lichen Todts geſtorben.

CCV. Von zween vornehmen vom A- del/ welche in jhres Vattersgegen- wart ertruncken.

EJn Edelmann zeugt mit ſeinem Weib vnnd zween Soͤhnen auff ein Schloß/ ſo an einem See lag/ vnnd hette ſonſt dieſer Edelman kein Kinder/ ohn die- ſe beide Soͤhn/ an gut aber war er ſehr reich. Vmb die Erndt zeit begibt ſichs/ da Knecht vnnd Maͤgdt zu Feld waren/ vnnd niemands daheim bleib/ ohn Vatter vnnd Mutter vnnd beide Soͤhne/ daß dieſe beide ſich im ſchoͤnen klaren Waſſer kuͤhlen wolten/ vnd ſahe jhnen der Vatter vom Hauß herab zu. Jn dem ſich nun der eine zu weit in daß tieff gabe/ kam er in ein Sumpff/ darin ward er herum̃ gefuͤhrt/ vnd ertrencket: Vnnd weil das Waſſer lauter vnnd hell war/ konnt der Vatter ſehen/ wie er ſich gegen den Todt wehrete. Gleich wie nun kein vngluͤck allein iſt/ alſo auch hie. Der an- der Bruder will dieſem zu huͤlff kommen/ vnd da er zu nahe herzu ſchwimmet/ ſihet der Vat- ter denſelben gleichfalß jaͤmerlich ertrincken/ vnnd war kein Menſch fuͤrhanden/ der dieſen beiden jungen Edelmaͤnnern hett huͤlff leiſten moͤgen Der Vatter heulet vnd weinet zwo ſtund lang/ waſchet ſich/ vnd verbarg die bekuͤmmernuß ſo viel er mocht/ gehet zu ſeinem Weib vnnd ſpricht: Sag mir liebes Weib/ wo mit wolſtu troͤſten/ ſo du ſaͤheſt/ daß einer wolt der koͤſtli- chen ding eines vergeblich beweinen/ da man doch daſſelb weder durch Reichthumb/ noch Rath/ noch aller verwanden vnnd freunden huͤlff moͤchte wider bekommen? Die heldin antwortete: Jch wolt ihm rathen/ daß er ſei- nen willen dem Goͤttlichen mit ehrerbietung ſolt vnderwerffen/ vnnd alſo mit gedult vnnd maͤſſigkeit daſſelb dulden vnd tragen/ weil es doch nicht moͤge geaͤndert werden. Da fengt er abermals hefftig an zu weinen/ vnd ſagt. Der HErr Jeſus geb dir dieſelbe gnad/ deren ich jtzt hoch bedurfftig bin/ dann vnſere beide Soͤhne ſind vor meinem angeſicht ertruncken. Die heldin fuͤhlet jhre menſchlich gebrechen/ dann ſie fiel ehe in ohn macht/ als ſie ſich troͤ- ſten konnte.

CCVI. Von etlichen Bawern in Sachſen.

NAch dem an einem orth in Sachſen- landt das Fluchen verbotten ward/ beklagten ſich die Bawern/ ſie koͤnn- ten ohn daſſelbig ihr Geſindt nicht regiren/ baten den Schultheiſſen/ daß ſie nur moͤchten ein Fluch zu Hauß haben. Mann fragt ſie/ was ſie dann fuͤr einen Fluch haben wolten? Sie ſprachen/ die Peſtilentz/ dann dar- mit laͤſtert mann GOtt nicht. Der Schultheis ſagt/ weil es dann je ſo noͤthig iſt/ wolan/ ſo O iijhabt habt ſie/ vnnd da jhr an der Peſtilentz nicht gnug habt/ ſo habt euch die Frantzoſen dazu. Mit dieſer zweifelhafftigen antwort wurden ſie außgelacht/ vnd ward jhnen auch zu gleich ihr bitt geleiſtet.

CCVII. Von einem Suͤnder/ ſo nicht wolt buß thun.

ES bracht einer die tag ſeines lebens mit Suͤnden zu: Da der aber jtzt in todtsnoͤthen lag/ fing er an zu geden- cken buß zu thun/ vnnd ſagt/ Deus in adjutorium meum intende. Der Teuffel aber/ dem er allweg gedienet hatte/ nimpt jhn mit ſich in die lufft/ vnd ſpricht: Was/ die kranck- heit/ iſt das fur ein vnſinnigkeit/ wiltu nun aller erſt Veſperſingen/ da mann die Complet haben ſoll.

CCVIII. Von Hugone Latimero.

LAtimerus vor der zeit Biſchoff zu Vi- gornien in Engellandt/ ein trefflicher Martyrer Chriſti/ wolt die Biſchoffe zu jhrem Ampt vermahnen/ vnnd ſagt vnder andern/ es were in Engellandt kein fleiſſiger Biſchoff/ als der Teuffel/ dann der- ſelb lehre/ vermahne vnnd vnderrichte allweg ſeine Kirche/ vermahnt ſie/ da ſie Gott nit hoͤ- ren noch folgen wolten/ ſo ſolten ſie nur dem Teuffel folgen. Aber er red ſtumen Leuthen. Dann der meiſte theil Biſchoff waren alſo be- ſchaffen/ das ſie weder dem Teuffel noch GOTT zu folgen gemeint waren.

Von

CCIX. Von Johann Keiſersberg.

DKaiſersberg ein Prediger zu Straßburg/ der pflegte zu ſagen/ er bedencke allweg das wort Bi- ſchoff nach teutſcher Sprach/ daß es ſo viel bedeute/ als/ bey den Schaffen. Aber die Biſchoffen lieſſens ſich jtzt diß wort we- der nach Grichiſchem oder auch nach teut- ſcher art/ ſondern Meiſtentheils das wider- ſpiel das Biſchoff ſo viel heiſſet/ als beiß die Schaff/ dann daſſelb kompt zu dieſer zeit am meiſten mit den Biſchoffen vber ein/ dann ſie Heutiges tags nit viel auff die Kirchen ſehen vnd jhren Schaffen vorſtehen.

CCX. Von Davide Biſchoffen zu Vtrecht.

DAvid Biſchoff zu Vtrecht/ Hertzog Philips des fromen Sohn/ ein ſehr gelerter mann in H. Schrifft/ der vernahm/ das vnder ſo vielen/ wel- che den Gottes dienſt verwalteten/ ſehr wenig ſeyen/ welche ſtudiret hatten. Er wolt die ſach eigentlich erfahren/ ließ ihm ein Cathe- der machen/ darauff ſetzt er ſich/ vnnd leſt einem jeden fragen fuͤr/ nach dem er hohe dinſt begerte. Was geſchihet? Er ſetzt ſie all ab/ biß auff drey. Die jenige/ ſo dieſen Sa- chen pflegten vorzuſtehen/ meinten/ es wurde der gantzen Kirchen ſchimpfflich ſeyn/ das man drey Perſonen hielte/ da ſonſt drey hun- O iiijdert dert geweſen. Der Biſchoff/ ſo ein verſchlag- ner man war/ antwortete: Es were der Kirchẽ ſchimpfflicher/ wenn mann an ſtatt der Men- ſchen Eſel ſetzte/ ſa ſolche die vngeſchickter als Eſel weren. Die jenige/ ſo nutzen hiervon hat- ten/ hielten an/ er ſolte ſeine meinung aͤndern/ vnnd bedencken/ daß es dieſer zeit nit Paulus oder Hieronymus gebe/ deßwegen muſt mann ſolche nehmen/ wie es die zeit gebe. Der Bi- ſchoff bleibt bey ſeiner meynung/ ſagte/ er be- gehre nicht eben Paulus oder Hieronymus/ ſondern Eſel wolt er nicht an ſtatt der Men- ſchen zulaſſen. Da nun ſonſt nichts heiffen wolt/ muſten ſie das euſſerſt verſuchen/ was dann? Sie ſagen zum Biſchoff. Wann jhr auff der meinung alſo beharren wolt/ ſo iſt von noͤthen/ daß ihr vns die Beſoldung erſtei- gert/ dann ohn dieſe Eſel koͤnnen wir vns ſonſt nicht vnderhalten. Alſo muſt der Biſchof jhres Liedts Pfeiffen. Eraſm. de ratione con- cionandi lib. 1. pag. 118. Sleidan. lib. 12. Das laſter/ welches von Simone Mago den namen hat/ behalt dermaſſen den Platz in der Kir- chen/ das viel Leuth ſich keines dings ſchaͤ- men/ ꝛc.

M. Ludovicus Milichius.

Es iſt nichts angenehmers/ als nehmen/ ſagt Seneca. Hergegen ſpricht Auguſtinus in Pſ. 49. Viel kawen in dieſem leben/ daß ſie in der Hell verdawen.

CCXI. Von einem Legaten.

MAnn ſagt/ daß etliche Reichs Staͤtt auff ein zeit Bindtnuß mit einan- der machen woͤllen/ vnnd das ſie be- ſchloſſen haben/ mann ſolte alte tapffere tapffere maͤnner abfertigen das Bundtnuß zu machen/ vnnd das keiner ſolt zugelaſſen werden/ der vnder ſechtzig Jahren war. Es begibt ſich aber entweder mit fuͤrſatz/ oder vngefehr/ das ein Legat geſchickt wirdt/ ſo noch ein Junger mann iſt/ den wolten ſie nicht ſitzen laſſen/ fragen ihn/ wie alt er ſey/ dann es werde ihm auſſer zweiffel vnverborgen ſein/ daß einhellig verabſchiedet vnnd be- ſchloſſen/ keinen zuzulaſſen/ er hette dann zum wenigſten das ſechtzigſte Jahr ſeines Alters erreichet. Der Legat antwortet/ er hab lengſt das hunderſte Jahr erreichet. Etliche meyn- ten/ er ſpottet jrer mit dieſer antwort/ etliche aber hielten dafuͤr/ er wer nicht bey ſinnen/ fragen derwegen/ wie das moͤglich wer? Er antwortet/ er ſey bey wenig Jahren ebener maſſen zu berathſchlagung dieſer Bundnuß gezogen worden/ vnnd ſey damals daſſelb be- ſtettigt worden auff funffzig Jahr/ nach dem aber in wenig Jahren hernacher auffruhr entſtanden/ da ſey es wider zertrant worden. Ferner gedenck ihm das ein Bundtnuß ſey gemacht worden auff dreiſſig Jahr/ deſſen end hab er auch erlebet. Solche Jahr machen zuſammen achzig Jahr/ vber das/ ſo koͤnn er beweiſen/ daß er dreiſſig Jahr alt geweſen/ als er zu dieſem erſten tag geſchickt worden. Da ſie dieſe antwort gehoͤret hat einer vnder den Alten geſagt. Er werde billich zugelaſſen/ dann er hab ſein alter rechtmeſſig erwieſen. Jhnen aber ſey es ſchimpff vnd ſpoͤttlich/ daß ſie die Bundniß leichtlich anfingen zu machen vnd hernacher vmb ſo geringer vrſachen wil- len wider zerbrechen theten. Dann viel Leuth ſpieleten mit Bundnuſſen vnd Eid ſchwuren/ O vgleich gleich wie die Kinder mit den Schieß ker- nen.

CCXXII. Von etlichen Legaten.

DEr Hertzog zu Wuͤrtenberg ferti- get drey Legaten ab an einem Fuͤr- ſten/ bey dem ſie etlich Sachen ex- pediren vnd verrichten ſolten/ einer war ein Ritter/ der ander ein Doctor/ der dritt ein alter vom Adel/ doch war er kein Ritter. Auff der Reiß fingen ſie an von jhres HERRN Mandat zu Diſpuriren/ weil ſolche ding vor gefallen/ deren ſie muth- maſſen konnten/ es muſte das Mandat et- licher maſſen geaͤndert werden. Der Ritter ſagt ſein meinung zum erſten/ vnnd wie er ein beredter vnnd verſtendiger Mann war/ Diſputirte/ daß das Mandat/ ſo ſie entpfahen/ mit wolte mit den vmbſtaͤnden vber ein kommen/ derwegen muſt mans aͤn- dern. Der Doctor wolt ſich mercken laſſen/ daß er auch etwas wiſſe/ wolt nicht weniger reden als der Kriegsmann/ diſputirete hin vnnd her/ mann ſolt nicht gantz vnnd gar von des HErrn meinung abweichen/ doch moͤcht mann daſſelbig Moderiren vnnd lindern. Endtlich kams an den Alten vom Adel/ der- ſelb ſagt: Jch hab ewer Diſputationes gehoͤ- ret/ vnnd ſehe/ daß ihr alles recht bedencket vnd erweget: Aber hoͤret/ was mich bedun- cket/ dz in der Sachen zu thun ſey. Vnſer Fuͤrſt hat dreyerley Raͤth. Jn dem erſten Grad ſind die vornembſten/ vnnd werden genannt der hohe Rath/ die ſehen nach jrer weisheit/ wo etwas zu aͤndern iſt/ haben auch die macht/ ſolches ſolches zu aͤndern/ vnd koͤnnens beim Fuͤrſten verthedigen vnnd in Gnaden bleiben/ wie dann ſind der Cantzler vnnd der Marſchalck. Jn dem ander Grad ſind die/ welche auch von Sachen judiciren vnnd nach jhrer weißheit Moderiren koͤnnen/ Sie haben aber die macht nicht/ daß ſie etwas aͤndern moͤgen/ doͤrffen alſo nicht von jhres Fuͤrſten Mandat abſchreitten/ alß da ſindt die Rentmeiſter vnnd Landſchreiber. Jn dem dritten Gradt ſind die/ welche weder fuͤr mechtig noch fuͤr weiſe zu halten: Daſſelbig ſind die/ wel- che erſtlich zu Raͤthen angenommen werden vnnnd noch in keinem anſehen haben: Der- wegen iſts recht/ daß ſolche thun/ was der Fuͤrſt befihlet/ vnnd dem Mandat weder ab noch zu ſetzen/ es wiſſe dann der Fuͤrſt dar- umb. Auß dieſem Grad ſind auch wir. Al- ſo woͤllen wir nun des Fuͤrſten befehl ver- richten/ vnnd nichts aͤndern. Die andern zween haben dieſe meinung fůr gut ange- ſehen/ vnnd ſind derſelben nach kommen. Dieſe vnnd dergleichen exempel ſind wol zu obſerviren vnnd in acht zu nehmen/ ſon- derlich aber von denen/ welche zum ge- meinen Nutzen gezogen werden/ daß ſie ſehen auff den vnderſcheidt der Legaten/ vnnd das jenige trewlich verrichten/ was jhre HErren befohlen haben. Sonderlich a- ber die/ welche ſich zum Predigtampt begebẽ/ daß ſie nicht anderer ſondern Chriſti befehl fuͤrtragen ſollen.

So einer im Krieg ſich was vnderfinge/ das vom Feldoberſten war verbotten worden/ der ward am Leben geſtraffet ob gleich die Sach wol außgericht geweſen. Manlius Tor- quatus quatus ließ ſeinen Sohn am Leben ſtraffen/ nach dem er wider ſein Gebott den Feindt angetaſtet vnnd erleget hatte. Daucht ihn beſſer ſein/ daß er/ als ein Vatter entrathe ſeines tapffern Sohn/ als daß das Vatter- land kein Kriegs ordnung haben ſolte. Valer. Max. lib. 2. cap. 2. vnd Titus Livius 1. Decad. lib. 8. Aeneas hat ſeinen Kriegs Knechten be- fohlen/ das ſie in abweſen vnd ohn vorwiſſen ſeiner nichts gegen den Feindt vornehmen ſolten. Virg. lib. 6. Aen.

Namque ita diſcedens præceperat oprimus ar- mis Æneas, ſi qua interea fortuna fuiſſet, Nec ſtruere auderent aciem, nec credere campo Caſtra modo & tutos ſervarent aggere muros.

Doch halten etliche dafuͤr/ man ſolle billich dem Hauptmann ſchonen/ wenn er gleich ſei- nes Fuͤrſten befehl wegen einer newen vnd da- malß noch vnbewuſten vrſachẽ nit nach kaͤme/ per text. valde ſingularem & mente tenendum in l. ſi hominem 30. D. Mandat. Ubi generalis procura- tor poteſt ex juſta cauſa, quam Dominus ignora- bat, fines mandati excedere, & mutare ea quæ ſibi à Domino ſpecialiter erant commiſſa. Ita tenet Franciſ. Cremenſ. d. ſingul. 151. Anton. Trigon. ſing. 32. num. 2. Anton. Corſet. in ſingul. ſuis in verbo, ju- ramentum. Alexand. ad Rubric. & ad lib. 1. D. de offic. ei. cui mandat. eſt juriſdict. Iaſo. in l. non ſolum § Morte, num. 17. D. de nov. oper. nun ciat. Eben dieſes ſollen auch der HErren Commiſ- ſarii obſerviren/ das/ wo jrgent ein newe ſach eingefallen/ darumb der HErr nicht gewuſt/ ſie als dann etwas von dem Mandat abwei- chen moͤgen/ ſonderlich/ wann diß General Clauſul Clauſul der inſtruction einverleibt iſt. Cre- menſ. de ſing. 151. Doch iſts ſicherer/ da es die zeit vnnd gelegenheit ertragen mag/ daß mann den HErrn wegen der newen vorgeſtel- lenen ſach rathfrage/ damit/ wo jrgent die Sach einen andern außſchlag erreichen wur- de/ als mann gemeinet hette als dann der Commiſſarius daruber nit in gefahr komme/ text. in l. diligenter. D. Mand. et in l. ſed et pu- pillus. §. Conditio/ D. de inſtit. act. cum ſim. So iſt auch dieſer verß bekannt.

Quis neſcit longas regibus eſſe manus.

Ein legat kann auff dreyerley weiß miß- handlen/ wann er entweder die ding nit ver- richt/ ſo ihm in dem Mandat aufferlegt wor- den/ oder ſo er etwas thut/ daß ihm nicht iſt befohlen worden/ oder/ ſo er ſich ſonſt in ſeinen geberden verhelt/ welches dem HErren/ der ihn außgeſandt/ zur Schmach gereichet.

CCXIII. Von einem andern Le- gaten.

HErtzog Georg ſchicket D. Breiden- bach mit vorgeſchriebener Jnſtru- ction auß etwas zuverrichten. Nun war Breidenbach ein gelerter vnnd verſtendiger Mann/ welchem Hochgemelter Fuͤrſt mit groſſen gnaden gewogẽ ware: Nach dem ſichs nun begibt/ das gemelter Doctor bequeme ding erfindet ſeine Sachen zuver- richten/ welche ſeiner Jnſtruction nicht ein- verleibt weren/ nimpt er ſolche fuͤr die Handt/ vnd gehet von ſeines Fuͤrſten Mandat. Da er aber aber wider an heim kompt/ vnnd ſeinem HERREN erzehlet/ wie alle Sachen gluͤcklich abgeloffen/ vnnd was er hierzu dienlich erdacht hette. Der Fuͤrſt ſitzet ein zeitlang ſtill ſchweigendt: Endlich ſpricht er: Doctor Breidenbach/ jhr habts wol auß gericht/ ich bin dißmal zu friden: Jr ſeit aber meinem befehl nicht nach kommen/ thut mirs nicht mehr. Dann es war ein ernſter Fuͤrſt: So war dem Doctor vnderdes/ da diß gered war/ auch nicht wol dabey.

CCXIV. Von Solymanno dim Tůrckiſchen Key- ſer.

DEr Tuͤrckiſche Kayſer hat auff ein zeit Caroli 5. des Roͤmiſchen Key- ſers geſanden gefragt/ wer doch Lutherus ſey. Darauff der Ge- ſandt geantwortet/ er fuͤhre viel abgoͤttiſche ding ein/ ſonderlich aber ſtraff er der Baͤp- ſtiſchen Goͤtzen werck/ vnnd anruffung der abgeſtorbenen heiligen/ daran dann die Tuͤrcken gantz vnnd gar ein grewel ha- ben: ſintemal ſie an einen GOTT glauben/ vnnd halten dafuͤr/ daß mann denſelben nur allein anbeten ſolle. Darauff hat der Tuͤrck- iſche Keyſer geantwortet: O wie iſt der gut Mann zu einem ſo groſſen Licht kommen/ aber doch nit zu dem Licht/ dar- inn wir Tuͤrcken Le- ben.

Von

CCXV. Von D. Philippo Melanch- thone.

GEorg Fuͤrſt zu Anhalt vnnd Bi- ſchoff zu Merßburg ſchreib an Herrn Philippum Melanchthonem/ daß er ihm ein new Erklaͤrung vber ein Sonntaͤglich Euangelium ſchreiben wolte. Philippus antwortet/ Gnediger Fuͤrſt vnnd HERR/ das will ich hertzlich gern thun/ doch were es beſſer/ das ihr mit der vorigen explication mehr als mit vnſer zu frieden weret. Dann ich weiß mich zu erinnern/ daß ich von HERRN Schurfio gehoͤrt/ das faſt allein daher falſche Lehren entſtehen/ weil man nit beim text bleibt/ ſondern alle Jahr etwas newes ſuchet.

CCXVI. Von einem Laͤ- ſterer.

ES war ein Menſch/ welcher die ge- wonheit hatte/ daß/ ſo offt er an et- was ſtieſſe/ er ſich dieſe vnchriſtliche wort hoͤren ließ/ ins Teuffels nah- men. Was geſchihet aber? Da er auff ein zeit vber ein Bruͤcken gehet/ vnnd er vngefehr anſtoͤſſet/ ſagt er nach ſeiner gewonheit/ felt alſo ins Waſſer vnd er- ſeufft.

Von

CCXVII. Von eines Kauffmans Weib.

JN einer Kauff Statt war ein Eh Weib das hatte gemeinſchafft mir jhrem Knecht. Die rathſchlagen mit einan- der/ wie ſie jhren HErrn moͤchten auß dẽ Weg raumen/ erſtrempfen jn an ein Hands queln/ legen ihn vnder einen hauffen Holtz/ woͤllen alſo ander Leuth bereden/ der Hauff holtz ſey auff ihn gefallẽ vnd hab jn ertruckt. Vnd zwar/ es haben viel Leuth anders nicht gemeinet/ dann dem ſey alſo| bevor auß/ weil das Weib jhren Mann ehrlichen ließ zur Er- den beſtatten/ vnnd trefflichen beim Begraͤb- niß heulet vnd weinete. Nicht lang hernacher nimpt der Knecht das Weib/ das macht vie- len Leuthen ſeltzame gedancken/ doch wolt daſſelb niemand ſagen. Was geſchihet aber? Da der Knecht durch dieſe Heurath reich wird/ friſt vnd ſeufft er/ vnd lebt alle tag herr- lich. Auff ein zeit ſeufft er ſich voll/ fengt einen Tumult an/ vnnd wird ins gefengniß geleget. Als nun das Weib jn nit auß eigner ſchuld ſon dern auff der Obrigkeit befehl ſparſamb hiel- te/ wird er zoͤrnig vñ ſpricht wider ſie mit lei- ſer ſtim/ als ſie jm eſſẽ bringt/ Fraw/ ich glaub jhr wolt mich halten vnnd tractiren wie den vorigen mann. Solche wort hoͤren die Statt Knecht/ zeigen ſolche der Obrigkeit an/ er wird Peinlich gefragt/ vnnd bekennt alſo den Mordt/ da werden ſie beyde als balt nach jrem verdienten Lohn hin- gerichtet.

Von

CCXVIII. Von eines Muͤllers Weib.

ES hat ſich bey wenigen Jahren zu N zuge- tragen/ daß einer ſich an eines Můllers Tochter beſtattet: Sie blieben aber nicht lang einig/ denn das Weib bekompt lieb ei- nen Schaͤffer Knecht/ hengt den an ſich/ vnd treiben vnzimbliche ding mit einander/ doch iſt ſolches jrem Mann verborgen. Nach dem die beyde Eheleuth ſich nicht mit einander vertragen woͤllen/ werden ſie durch den Kirchen rath/ durch die Hoff Raͤth/ vnnd letzlich durch den Landt Herꝛn dahin ver- moͤgt/ daß ſie muͤſſen friden halten. Aber es beſtehet in die leng auß nicht: Dann ſie entſchlaͤget ſich ſei- ner gar/ leget ſich beſonder/ damit ſie deſto beſſer den Schaͤffer Knecht moͤchte zu ſich bringen. End- lich berathſchlagen dieſe beyde mit einan der/ ſie woͤl- ten jn erſtraͤmpfen/ vũ hernacher außhengẽ/ ſo wur- de jederman dafuͤr halten/ er hab ſich ſelbſt auß vnge- dult erhenget. Diß geſchihet alſo. Dann da er des Morgens nicht auffſtehet: befihlt die Mutter jhrer Tochter/ ſie ſolte ihren Mann wecken/ welches ſie mit trewen worten thut/ ehe ſie die Kammer oͤffnet. Da ſie aber hinein kompt/ fengt ſie elend an zu ſchreyen/ jr Mann hab ſich gehencket. Der Schwi- ger Vatter laufft herzu/ vnd ſchneidt ihn im ſchre- cken ab: Zeucht nach dẽ Schultheiſen in die Statt/ vnnd zeiget demſelben diß vnglůck an. Der Schul- theiß reit ſo balt gen Hoff/ vnnd referirt es ſeinem Landt Herꝛn. Der arme Mann wird mit einem Pferdt hinauß geſchleifft vnnd verbrennet. Nach viertzehen tagen kompt des verbrenneten Manns Bruder zum Schultheiſſen/ zeigt jhm an/ er hab we- der Nacht oder tag ruhe/ dann es bedůncke jhn nit Pallein/ allein/ ſondern dem ſey anders nicht als daß der Schaͤffer Knecht vnnd das Weib ſeinen Bruder erſtrempt vnnd hernacher gehengt hatten. Woͤll deßwegen gebetten haben ſie in hafften zunehmen. Ob nun wol der Schul- theis dieſſem zu willfahren gemeint iſt/ ſo wirdts jhm doch durch einen ehrlichen mann widerrathen. Der man helt vber acht tag wider an/ widerholet ſein vorige klag/ vnnd bitt abermals jhn ein zu zihen/ wirdt aber wider vmb abgeſchlagen. Vber acht tag fur- ters bitt er nochmals/ alſo nimpt der Schul- thets den Schaͤffer Knecht vnd das Weib ge- fangen/ fuͤhrt ſie gen Hoff. Der HERR deſ- ſen orths erſchrickt/ redt den Schultheiſſen hart an er werd jhm ſelbſt ein ſchwere Burd auffgeladen haben denn diß ſey nur ein bloſ- ſer Argwon: Vnnd im geringſten kein Be- weißthumb vorhanden. Was geſchicht a- ber? Dem Schaͤfferknecht wird im gefengnis vorgehalten/ das Weib hab die Mordthat bekannt/ er ſolts gleichfals thun/ ſo wurde er der Peinlichen frag vberhaben werden/ vnnd einen Gnedigen HERRN bekom- men. Er geſtehts. Das Weib aber will nicht ſo balt reden/ biß man jhr alle vmbſtaͤnde er- zehlet/ die der Schaͤffer angezeigt hette: Da geſtehet ſies auch vnnd bitt vmb gnad. Mann fragt ferner/ ob ſie jrgent auch mit mehr Leu- then/ neben jhrem Mann/ als mit dem Schef- ferknecht zu thun gehabt/ ſie bekannt/ Ja/ mit jhres Manns Bruder dem Ankleger/ vnd ſonſt mit zween Buͤrgern in der Statt/ man nimpt den Claͤger gefangen/ der bekennt die Blutſchandt/ ſo er mit ſeines Bruders Weib getrieben/ von ſtundt an/ wirdt alſo dahin das das vrtheil gegeben/ daß ſie auff einen ſtock mit den Rucken zuſammen geſetzt vnnd ver- brant werden. Die andern zween werden auch in hafften gezogen/ deren einer auff zwey an- der Weiber bekannt/ damit er Ehebruch be- gangen/ der ander aber ſagt/ wie das er hab etliche Roſchteuſcher helffen berauben/ vnnd jhme hab der Schultheis einen Gaul dazu gelehnet. Welche Perſonen dann all mit dem Schwerdt gericht wordẽ/ ohn der Schultheis den gute Leuth gewarnet/ das er Landfluͤch- tig worden. Auß dieſem Exempel kann man ſehen/ wie wunderbarlich der liebe Gott vn- derweilen die Suͤnd offenbare vnd zur ſtraff zihe.

CCXVII. Von einem Prediger.

JN der Proteſtirenden Krieg war vnder den Teutſchen ein Prediger der ruͤh- met ſich/ er wolte deß Feindts Kugeln mit ſeinen Ermeln auff halten/ Balt gehet ein Buͤchß loß/ von deren Schall er- ſchrickt er dermaſſen/ das er vom wagen fellet darauff er ſtehet vnd Prediget.

CCXVIII. Von einem Edlen Weib.

EJn Edles Weib wird von einem Baw- ersmann/ ſo jhr vnderthan war/ zu Gevattern gebetten/ daſſelbig zu thun/ erbott ſie ſich vnnd erzeiget ſich in allem willig. Bald darauff gehet ſie zum Pfarherr/ zeigt ihm an/ wie das einer jhrer vnderthanen die Ehr erwieſen/ vñ ſie zu Gevattern gebeten habe/ deßwegen wolt ſie gebeten haben/ daß er ſie bey der P ijTauff Tauff zu laſſen woͤlle. Der Pfarherr wuͤntſcher jhr gluͤck hierzu mit vertroͤſtung/ daß er ſie in ſolchem Chriſtlichen werck nicht hindern/ ſondern vielmehr befuͤrdern woͤlle/ allein das werde von noͤthen ſeyn/ das ſie den Catechiſ- mum in der Kirchen offentlich außwendig erzehle/ ehe ſie das Kindt auß der Tauff he- be: Dann daſſelb muſten alle ſeine Pfarrkinder thun. Sie antwortet/ diß wolt ſie ſo balt thun/ ließ des Pfarherrs Weib/ Kinder vnnd geſindt zu hoͤren: Sie woll aber fleiſſig gebe- ten haben/ er woͤlt ſie diß nicht bey der gan- tzen Gemeind thun laſſen. Der Pfarherr ant- wortet: Nein/ diß muß in der Kirchen geſche- hen/ damit ſie zum theil andern gut Exempel gebe/ zum theil auch darumb/ daß ſeine Mißgoͤnner nicht mit Hoͤratio ſagen moͤch- ten.

Dat veniam corvis, vexat cenſura colum bas.

Da ſie nun ſihet/ das nichts beim Pfarherr konnt erhalten werden/ gehet ſie trawrig vnd voll zorns heim/ vnd macht ſich auff den Ca- techiſmum gefaſt. Die ſtund der Tauff kompt/ mann geht in die Kirchen der Pfarherr heiſt ſie die Hauptſtuͤck Chriſtlicher Religion her- ſagen/ welche ſie dann vnerſchrocken mit kla- rer vnnd heller ſtimm thut/ das es jeder man hoͤren kont/ vnd ſie ſtieß ſich einmahl im Re- den. Der Pfarherr lobt ſie ſehr/ vnd vermane: die andern/ ſie ſolten dieſem Exempel nach- folgen. Sie aber gab nichts viel auff ſein Lo- bens/ ſondern ward ſehr vnwillig vnd trach- tet tag vnnd Nacht dahin/ wie ſie ihm wider- umb eins moͤcht einſchencken. Derwegen/ als vngeſehr vngefehr acht tag hernach der Pfarherr ins Feld Spatziren ging/ vnnd ſie deſſen durch jhrer Jungen einen innen wirdt/ bitt ſie jhren Juuckern/ das er mit jhr hinauß auff die Wieſen vnnd Garten gehen wolte: Was ſie aber im Schildt fuͤhrete/ das ſagt ſie nicht. Der Juncker gehet mit jhr. Da ſie nun hin- auß ins Feld kommen/ gehet ihnen der Pfar- herr entgegen/ hat ein Buͤchlein in der Hand vnd lieſet. Der Juncker ſpricht ihm freundt- lich zu/ Aber die Fraw ſchlegt ihm mit einem Klopff Schluͤſſel/ den ſie in der Handt hat/ ins geſicht/ daß er zur Erden ſincket/ vnnd iſt im Angeſicht hin vnnd wider verwundet/ redet jhn damit alſo an. Jch hab dir loſen Pfaffen die fuͤnff Hauptſtuͤck Chriſtlicher Religion offentlich in der Kirchen vor den Bawern er- zehlen vnd beten muͤſſen/ darumb hab ich ſie dir auch zum ewigen gedechtniß an die ſtirn geſchrieben. Die/ ſo diß geſchicht geſehen/ ſa- gen/ die Fraw hab ſich nichts anders gegen den guten Prieſter geſtellet/ als ob ſie jhn gar wolte Todtſchlagen/ wo jhr Juncker nicht ab- gewehret hette. Die Edelfraw hat nachmals auff des Fuͤrſten befehl ſich mit dem Pfarherr verſoͤhnen/ vnd zur ſtraff hũdert Goltguͤldẽ er- legen muͤſſẽ. Der Pfarherr aber hat ohn zwei- fel ab den mahlzeichen an ſeiner Stirn ſchliſ- ſen koͤnnen/ das der Poet recht redet/ da er ſpricht:

Aſpide quid pejus? Tigris, quid Tigride? Dæmon: Dæmone quid? mulier: quid muliere? ni- hil. P iijDas Das iſt/ Was iſt aͤrger dann ein Schlang? ein Tiger- thier/ Was iſt aͤrger dann ein Tigerthier? Der Teuffel. Was iſt aͤrger dann der Teufel? Ein Weib. Was iſt aͤrger dann ein Weib? Nichts.

CCXIX. Von einem Edelmann vnd Prieſter.

EJn Edelmann wird an einem andern orth von einem Bawersmann zu Gevattern gebeten/ daß er ihm ſolt ein Kindt auß der Tauff heben. Da ſich nun der Edelmann bey dem Pfarherr anzeigt/ iſt er wol zu frieden/ wuͤnrſchet ihm gluͤck/ vnnd begert daneben zu wiſſen/ was confeſſion er ſey? Fragt ihn deßwegen alſo: Lieber Juncker was ſeyt jhr? Als wolt er ſa- gen/ Seit ihr ein Chriſt/ oder was Confeſſion ſeyt ihr? Der Edelmann nimpt ſich an/ als ob er nicht verſtehe/ was der Prieſter ge- fragt habe/ hielt den Kopff jtzt auff die rechte/ dann auff die lincke Seyten/ jtzt ſihet er vber ſich/ dann vnder ſich/ als einer/ der et- was nach dencket/ endlich antwortet er ihm alſo: Jch bin ein Narr. Dem Pfarherr kompt diß antwort wunderlich fuͤr/ redt thn deßwe- gen alſo an: Jr ſeyt zwar kein Narr/ wie man das wol ſihet/ zu dem ſo frag ich nicht ob ihr weiß oder toͤricht ſeyt/ ſondern das ichs ver- ſtendlicher fuͤr bring/ was Religion jhr ſeyt/ vnd was ihr aleubet. Der Edelmann ſtund ein zeitlang ſtilſchweigendt/ bedacht ſich vnnd ſprach/ ſprach/ ich glaub/ daß ihr ein Narr ſeyt/ wie ich bin. Mit dieſen worten ſtopffet er dem gu- ten Prieſter das Maul dermaſſen/ dz er nichts mehr fragt/ ſondern ſtracks das Kind tauffet. Dann er vernahm wol/ daß der Edelman ſei- ner ſportet/ vnd das er ein verſchlagen Kopff ſein muſt/ trug vorſorg/ wo er ferner fragen wurde/ ſo muſt er jrgent ding hoͤren/ die ihm weder angenehm noch gefellig weren.

CCXX. Von einem Kriegsmann vnd Pfarherꝛ.

JM Laͤger vor Jngolſtatt kam ein Kriegsmann zum Prieſter/ vnd bat jn daß er ihm ein junges Kindt Tauf- fen wolte. Der Prieſter ſprach/ er wolts thun/ ſo fern er die vornembſte Haupt. ſtuͤck Chriſtlicher Religion wiſſen wurde/ fragt ihn deßwegen/ welches im Geſetz Got- tes das erſte Gebott ſey: Der Kriegsmann ſagt ohn weit nachdenckens/ das erſte Gebott lautet alſo. Du ſolt nicht freſſen. Der Prieſter ſagt: Jr habt weit geirret/ vñ ſolt euch billich ſchaͤmen/ dz jr alſo ſpoͤttlich von einem ſolchen hohen werck redẽ moͤget. Der Krigsman ſagt: Ehrwuͤrdiger Herr/ ich jrr mich gar nicht/ ſo ſpot ich auch nimants: Dañ es iſt euch ja ſelbſt bewuſt/ das GOtt vns im erſten Gebott das freſſen verbiete/ dann das hab ich auß der H. Schrifft vnd von meinẽ Pfarherr gelernet. Was ſoll mann viel ſagen. Der Prediger wird zornig/ vñ ſpricht: Ewer Pfarherr gehet mich nichts an/ ich moͤcht aber gern wiſſen/ wie jhr diß auß H. Schrifft er weiſẽ woͤllet: Nit zornet P iiijant- antwortet der Lands Knecht/ ſondern beden- cket vielmehr wz Gott zum erſten mal vnſern eltern gebotten habe: daß ſie/ nemblich/ nicht von den verbottenen fruͤchten eſſen ſolten. So iſt euch auch bewuſt/ daß die zehen Gebott lang hernacher ſind gegeben worden. Dar- auff leſt der Prieſter den zorn nicht allein fah- ren/ ſondern bekennet rund/ der Kriegsmann hab recht geredt.

CCXXI. Von einem Bawers mann.

ES hat ſich bey wenigen Jahren an ei- nem orth zugetragen/ daß ein armer Bawersmann einen reichen Bawern am ſelben orth zu Gevattern bittet/ vnd ſonderlich begeret/ daß er auß Chriſtli- cher lieb ein werck der Barmhertzigkeit an im erweiſen/ vnd ſeinem Jungen Soͤhnlein bey der H. Tauff den namen geben woͤlle. Aber der Reiche ſpricht auß vnmuth/ vnd vorſorg we- gen vnkoſtens/ Er hab jtzt nicht der weil/ war- umb er nicht ſeinen G. Fuͤrſten vnd HERrn anſpreche/ der hab nicht allein guts gnug/ ſondern koͤnn ſolchen dingen wol abwarten/ dann der hab der Weil gnug. Diß vnchriſt- lich antwort erſchrecket den guten armen man dermaſſen/ daß er trawriges muths heim gehet/ vnnd niemandt getrawet ferner zuerſuchẽ. Was geſchihet? Der handel kompt ſo weit vnder das Volck hin vnnd wider/ daß auch der Fuͤrſt erfaͤhret/ welcher ſo balt einen diener an den armen man abfertiget/ vnd ihm ſagen laſſen/ Er ſolt ſich nichts bekuͤmmern/ ſon- ſondern ſich dultigen/ er wolle erſtkuͤnfftigen Donnerſtag kommen/ vnnd auß Chriſtlicher lieb das werck bey der Tauff verrichten/ dann er hab wol der weil: Ferner ſo ſolt er auch nit vor vnkoſten ſorgen/ dann er woͤll in der Her- berg einzihen/ vnnd ihn im geringſten nichts beſchweren. Auff den Dienſtag ſchickter Koͤch/ vnnd andere in die Herberg/ die muͤſſen zuſtel- len/ den Donnerſtag aber kompt er ſelbſt mit ſechtzig Pferden/ hebt erſt das Kind auß der Tauff/ iſt darnach mit den HErrn vnd Adel/ ſo er bey ſich hat/ biß in dritten tag luſtig. Da er aber jtzt auff ſein woͤllen/ leſt er den reichen Bawern zu ſich fordern/ vnnd ſpricht/ hoͤrſtu Bawr/ dieweil du hiebevor nicht ſo viel der weil gehabt/ daß du diß Kindlein auß der Tauff gehoben hetteſt/ vnnd ich an deine ſtatt getretten/ vnd daſſelb verrichtet habe: So dunckt mich billich ſeyn/ weil ich jtzt nicht der weil habe den wirth zu zahlẽ/ daß du an mei- ne ſtatt wider tretteſt vnd denſelben befridi- geſt. Alſo wurde dem reichen Bawern ſein vn- chriſtliche lieb redlich vergolten.

CCXXII. Von einer Cytterſchlaͤge- rin zu Bononien.

ZV Bononien iſt ein Cytterſchlaͤgerin geweſen ein Jungfraw/ die hat treffli- chen ſpielen koͤnnen deßwegen ſie jeder- man werth gehabt. Nach dem ſolche ge- ſtorben/ hat ein ſchwartz kuͤnſtler durch ſein Kunſt es dahin bracht/ daß der Teuffel jhre Glieder eingenommen/ vnnd ſie regiret/ als ob ſie noch lebe/ ſie kame bey die Leuth vnnd P vzun zun Gaſtereyen wie zuvor/ vnnd wer kein vnderſcheid zwiſchen jhr vnnd ſonſt einem lebendigen Menſchen/ ohn daß ſie viel zu bleich war. Auff ein zeit kompt ein ander Schwartz Kuͤnſtler dahin/ der merckt deß Teuffels betrug/ vnnd thut dem vorigen die Kunſt auff. So balt der Teuffel abweichet/ Felt der Menſch nider/ vnnd iſt weder Leben noch Athem mehr da. Alſo kann der Teuffel viel mals die Leuth verblenden. Doch kann er nicht lebendigen Athem/ vnnd die Seel/ ſo abgewichen/ wider in den Menſchen bringen.

CCXXIII. Vom Teuffel ein er- ſchrecklich Hiſto- ria.

VOr zwey Hundert Jahren vngefehr hat ſichs begeben zu Hammeln/ ei- ner Statt in Sachſen/ daß der Teuf- fel ſich erbotten/ alle Meuß auß der Statt zu fuͤhren. Endlich gehet er auff Ma- rien Magdalenen tag wider auß der Statt/ reitzet die Kinder Hauffenweiß/ Knaben vnd Maͤgdlein mit einer Pfeiffen hinauß/ vnnd iſt mit jhnen allen verſchwunden das kein Menſch je erfahren moͤgen/ wo eins oder das ander hinkom- men.

Von

CCXXIV. Von einem Maͤgdlein ſo in ein Pferdt verkehrt wor- den.

MAnn lieſet das eins Maͤgdleins ge- ſtalt durch einen Gottloſen Juͤden/ weil es ſeinem liebhaber nicht zu willen ſeyn woͤllen/ in geſtalt eines Pferds ſey verkehrt worden/ alſo/ das jeder- man daſſelb fuͤr ein Pferd angeſehen. Da ſolch zeitung fuͤr Macarium einen Einſidler kom̃t/ leſt er das Maͤgdlein zu ſich fuͤhren/ dann er mercket wol das es ein verblendung des Teuffels were. Eben alſo iſt es ſonder zweifel bewandt mit den Beer Woͤlffen/ de- ren bey den Scythen geweſen/ wie Hero- dotus ſchreibet: Sie meinen/ ſie muſten alle Jahr zu Woͤlffen werden. Von einem Beer Wolff ſchreibt Sabinus der Poet ein ſolch Hiſtorien. Ohn lengſt iſt dẽ Hertzogen in Preuſſen einer gefangen bracht wordẽvon Ba wern/ welcher jnen/ wie ſie hielten/ die Pferd zerriſſen hette. Solches war ein vngeſtalter Menſch/ den wilden thiern nit vngleich/ hatt im angeſicht viel wunden/ welche jm die Hund gebiſſen/ da er Wolffs geſtalt an ſich gehabt. Da jn des Fuͤrſten Rethe fragten/ wie offt er ſich des Jahrs verendere: Sagt er/ zweymahl vmb Weihenachten vnd vmb Johannis tag: vmb die ſelb zeit zwing jhn die Natur dazu das er ſich in Welden vnder den Woͤlffen hal- ten muſſe/ doch komm jhn groß ſchrecken vnd Mattigkeit an/ ehe die Haer herauß Kri- chen/ vnnd die geſtalt verendert werde. Mann Mann hat diß geglaubt/ vnd jhn/ damit man die warheit erfahren moͤchte/ lang im Schloß gefangen gehalten. Aber er iſt fuͤr vnnd fuͤr bey einer geſtalt blieben.

CCXXV. Von einem Meyer/ ſo we- gen eines außgezackerten Krugs vbel von einem Geſpenß geplagt worden.

THeodorus Gaza hett einen Meyer o- der Hoffman in Apulia/ der verwaltet einen Hoff/ ſo den Geiſtlichen zu ge- ſtanden/ vnd Gaze von Nicolao 5. Roͤ- miſchem Pabſt war verehret worden. Jn dem nun gemelter Hoffmann zackert/ da hebt er mit dem pflug von vngefehr einen krug her- auſſer/ den leſt er auffm Feld ligen. Als er heim kompt/ erſcheint im des Nachts ein Geſpenß/ befihlet ihm/ er ſolte den krug wider begra- ben/ vnd da er diß nicht thete/ ſolt man ihm einen Sohn begraben. Der Meyer achtet deſ- ſen nicht/ daruber verleuret er den folgenden tag einen Sohn. Jm traum wird er abermals vermahnet/ er ſolte das Grab/ ſo er mit ſei- nem Pflug verletzet hette/ wider zuſcharren/ oder ſolt des andern Sohns gleichfals be- raubt werden. Da nun derſelb in ein ploͤtzlich ſchwachheit fiel/ zeigt er ſolches Theodoro Gaze an. Der gehet mit ihm auff den Acker/ finden den krug/ vnnd verbergen ihn. Des Hoffmanns Sohn wird wider geſundt/ vnnd er wird ferner nicht vom Geſpenß geplagt. Diß Geſchicht erzehlet Theodorus gelerten Leuthen Leuthen zu Rom/ vnnd ſchleuſſet ſeine Rede mit Propertu verß:

Sunt aliquid manes, letum non omnia finit.

CCXXVI. Von einem Geſpenß/ da- durch etliche Grichiſche Philoſo- gewarnet worden.

AAgathius erzelet ein Hiſtorien von et- lichen Philoſophen/ die auß Grichen- land in Perſien gezogen/ in willens Koͤ- nig Choſroem zubeflichen. Als ſie aber des Perſiſchen Prachts balt vberdruͤſſig wurden/ vnd wider nach Grichenland zogen/ finden ſie bey der ſtraſſen einen Todten leich- nam/ ſo kurtzlich geſtorben/ vnbegraben li- gen. Sie haben mittawrens hiemit/ vnnd begrabens ſo balt. Nachts kompt ihnen ein Geſpenß fuͤr/ das befihlet/ ſie ſolten den Todten Leichnam/ den ſie vnbegraben ligen funden/ wider auß der Erden ſcharren/ dann die Erden als aller ding Mutter/ die laß nit einen ſolchen qey ſich/ der ſeine eigne Mutter beſchlaffen habe. Den folgenden tag gehen ſie zum Grab/ vnd werden gewahr/ daß die Er- den den Todten Leichnam wider heraus ge- worffen vnd entbloͤſet habe.

CCXXVII. Von einem Graffen zu Gleichen.

MAnn ſchreibet von einem Graffen zu Gleichen/ daß er vom Tuͤrcken ge- fangen vñ zur Feldarbeit gebraucht worden. Nach dem nun auff ein zeit des des Tuͤrckiſchen Sultans Tochter Spatziren gehet/ vnnd dieſen Graffen erſihet/ verwun- dert ſie ſich vber des Graffen ſchoͤne geſtalt/ wer er ſey/ vnd wie er dahin kommen. Er ant- wortet: Jch bin ein Graff/ hab Weib vnnd Kinder/ Sie verſpricht jhm/ ſo er ſie wolt ehe- lichen/ ſo wolt ſie ihm davon helffen/ vnd hin- dert nichts/ ob er gleich Weib vnd Kinder da- heim habe: Dann das ſey mann in Tuͤrckey gewohnet/ das einer/ zwey oder wol mehr Weiber habe. Hierauff ſagt jr das der Graff zu. Sie kompt gantz ſicher mit dem Graffen in Teutſchland/ da ſie dann ehrlich von der Greffin entpfangen worden: Vnd haben dieſe beide Greffin gantz vertreglich vnd Freundt- lich bey einander gelebet: Doch hat die Tuͤrck- iſche kein Erben vberkommen/ dieweil aber die Teutſche Greffin ſehr Fruchtbar ward/ dienet jr die Tuͤrckiſche/ gleich als ein Magd.

CCXXVIII. Von D. Martino Luthero.

JM Jahr Chriſti 1542. ſahe D. Lu- therus zween ſchoͤne Junge Geſellen im trawm/ welche ſeine Tochter im traum hinweg zur Hochzeit fuͤhreten. Da er diß des Morgens erzelet/ ſagt D. Phi- lippus hierauff/ die H. Engel wurden ſeine Tochter Magdalenam zum ewigen Hoch- zeit mahl fuͤhren/ welches dann denſelben tag geſche- hen.

Von

CCXXIX. Von eines Landts- knechts Traum.

POntanus ſchreibet/ es hab einem Landsknecht von Gentt getraumet/ wie ihn ein Schlangen freſſe. Denſel- bigen tag wolt er nit in die Schlacht mit den andern zihen/ ſondern bleib zu Gentt im Hauß. Da aber ein auffruhr entſtunde/ kam er durch ein Geſchuͤtz vmb/ welches man pflegte die Schlangen zu nennen.

CCXXX. Von Keyſer Veſpa- ſiano.

JEſpaſianus vnnd Titus lagen fuͤr Jeruſalem. Die Roͤhmer ſchickten nach Veſpaſiano/ vnd erwehlten jhn zum Keyſer. Da kam einer zum Tito gen Jeruſalem/ vnd gewan das Botten Brot/ das ſein Vatter Keyſer wer/ da hett er ein ſolche hertzliche Frewde/ dz er kranck warde/ man ſchicket nach dem Artzt/ der Artzt erfand nichts das jm fehlet/ dann nur/ dz wo er ein mahl von hertzen zornig wurde/ ſo wird er ge- neſen/ vnd fraget ob keiner vnder ſeinẽ Volck wer dem er Feind were/ man ſagt im von ei- nem Ritter/ der hieß auch Titus/ dan wolt er weder ſehen noch hoͤren. Der artzt leget mit jnen an man ſolt denſelbigẽ Ritter fuͤr in fuh- ren/ vñ wz Titus hieß/ das ſolt man nit thun. Da man nun den Ritter Titũ bracht/ da ward er ſo zornig/ das er ein Schwerdt in jhn hieß ſtoſſen/ ſtoſſen/ aber niemandt wolt es thun/ vnnd theten/ als hoͤreten ſie es nicht/ hinden nach wiſchet er ſelber von groſſem zorn auß dem Beth/ vnnd wolt an den Ritter ſein/ ſie aber hielten jhn/ vnd wieſen den Ritter zu dem Ge- zehlt hinauß. Da nun der zorn vergangen war/ ward er geſundt. Darnach ſagt der Artzt zu jhm/ wie jhn der Ritter geſundt hette ge- macht/ da gewan er den Ritter ſo lieb/ das er nicht ohn jhn kunde ſein.

CCXXXI. Von Alexandro Magno.

ALexander lag in einer Statt/ die hieß Lampaſcus/ inwillens ſie einzunehmen vnd ihm vnderthenig zu machen. Nun war ein gelerter mann in der Statt der Anaxarchus hieß/ der war ſein Zuchtmeiſter geweſen. Ging in das Laͤger/ ihn zu bitten/ das er der Statt nichts wolt thun. Da Alex- ander ſeinen alten Zuchtmeiſter ſahe/ ſchwur er vnnd ſprach bey den Goͤttern/ vnd bey mei- ner Kroͤn/ ich will jtzundt nicht thun/ daß du mich bitteſt/ da ſprach ſein alter Zuchtmei- ſter/ Alexander ich bitte dich/ du woͤlleſt die Statt Lampaſcum zerſtoͤren/ damit er hielt er die Statt.

CCXXXII. Von eben demſelben.

ALexander hatt ein Krieg wider Darium den Koͤnig in Perſien/ Darius ſchickte ein Sack voll magſamen Alexandro/ vnd entbot im er ſolt wiſſen/ daß er ſo manchen manchẽ Reutter vũ Soͤltner hett/ als manch Koͤrn- lein in dem Sack wer. Alexander nam ein Handt voll auß dem Sack/ vnd thet in in den Mundt/ kewets/ darnach ſpeiet er es wider auß/ vnnd ſchi- cket ihm ein kleines Saͤcklein von Pfefferkoͤrnl ein widerumb/ vnnd ſchreib im darbey/ meine Ritter. ſchafft iſt wenig/ aber ſie ſein ſo ſcharpff gegen dei- nen Rittern vnd ſawer/ als die Pfefferkoͤrnlein ge- gen dem Magſamen/ in welchem keine bitterkeit noch ſcherpffe iſt.

CCXXXIII. Von Keyſer Ottone.

OTto der Keyſer hat auff den Oſtertag ſei- nen Fuͤrſten vnd Raͤhten ein mahl laſſen zu richteu/ ehe mann ſich aber zu Tiſch ſetzte/ vnd noch das Eſſen auff ſetzet/ da war eines Fuͤrſten Kindt/ ein huͤbſches Knaͤblein/ das der Fuͤrſt mit ihm dar genommen hat/ das grieff in die Blatten/ wie denn die Kinder thun/ auß einfel- tigkeit/ vnd aß darauß: Das verdroß den Eſſen- traͤger/ vnd ſchlug das Kindt mit der Fauſt/ an den Hals das es zu der Erden fiel. Das verdroß ſei- nen Pedagogum/ oder Zuchtmeiſter/ dem das Kind befohleu war/ vnd erſtach denſelbigen Eſſentraͤger als balt. Der Keyſer gebott mann ſolt jhn fahen/ vnnd den Kopff abſchlagen/ ja/ der Keyſer greiff in ſelber an: da nam derſelb Pedogog den Keyſer/ warff in auff den Boden/ vnd wolt in erwuͤrgt ha- ben vnd man kam dem Keyſer kaum zu huͤlff.

Sie wolten denſelben Padagogen fahen/ vnd jn koͤpffen. Da ſprach der Keyſer Rein nit alſo/ jr ſolt ihm nichts thun/ Gott hat ſolches vber mich ver- henget ich ſolte billich des heutigen Oſtertags ge- ſchonet haben/ vnd ließ in ledig hinweg gehen. Alſo gieng ein ſchneller geher zorn auff den andern biß ſich der Keyſer bedacht.

QVon

CCXXXIV. Von eben dem- ſelben.

DEr Teutſche Keyſer/ Otto genannt hett ein Gemahlin/ die war ein groſſe Allmuſtteren/ vnnd ein hei- lige Fraw. Der Keyſer ſtraffet ſie einmahl/ ſie geb den armen Leuthen zu viel/ ſie wolt ihn verderben/ ſolts maſſen/ vnnd mindern. Es begab ſich einmahl/ das ein groß Hochzeitlich Feſt war/ vnnd er wiſte woll das ſie die beſten Kleyder anthet/ die ſie hett. Da wolt ſie der Key- ſer verſuchen/ leget Bettler Kleyder an vnd ſetzt ſich fuͤr die Kirchen vnder andere Bettler/ da nun die Keyſerin kam/ trat er zu jhr/ vnnd begert ein Gab von jhr vmb GOTTES willen: Sie wolt ihm etwas geben/ da ſprach er. Jch will ſonſt nichts haben/ denn den geſtickten Er- mel an Ewerem Rock/ der war von Per- len geſticket. Die Keyſerin ließ den Er- mel auß dem Rock trennen/ vnnd gab in dem Bettler/ vnnd thet den Mantel wider vber den Rock an/ vnnd gieng in die Kir- chen. Der Keyſer gieng heim vnnd legt ſich anders an/ vnnd gieng auch zu der Kir- chen. Da man nun vber Tiſch ſaß/ vnnd aſſe/ da hette die Keyſerin einen andern Rock angelegt/ da ſprach der Keyſer zu ihr: Fraw wo iſt der rock denn ihr Heut habt augelegt. Warumb habt ihr in abgezogen. Die Keyſerin erſchrack vbel/ der Keyſer wolt ihn ſehen. Die Fraw ſchicket darnach mir groſſem groſſem leid/ vnnd da man den rock bracht/ da hette er zween Ermel. Vnd der ein Ermel war wie der/ den ſie hett laſſen auß trennen/ der Keyſer erſchrack auch vnd zog ſeinen Er- mel vnter dem kuͤſſen herfuͤr/ da war einer wie der ander/ da ſaͤhe er woll das ſie ein hei- lige Fraw war/ vnnd gab jhr gewalt zuthun/ vnd zugeben was ſie wolte.

CCXXXV. Von Keyſer Do- mitiano.

MAnn lieſet von Keyſer Domitiano/ das er die gewonheit gehabt/ das er alle tag etliche ſtunden in ſei- nem gemach allein war/ auff das man ſolt gedencken/ das er etwas hette zu betrachten dem gemeinen nutz/ der Statt Rom vnd dem reich zum beſten/ vnd die zeit ließ er niemandt zu im. Seine diener hetten gerne gewiſt/ was er doch thet/ So er allein wer/ vnd borten ein loch oben durch die Boͤ- nen/ da ſahen ſie das er ein ſpitzig hoͤltzlein gemacht het/ vnnd ſuchet die filegen an den wenden/ vnd wo er ſie fand/ da ſtach er ſie mit dem Hoͤltzlein zu tode/ das war ein Keyſerlich werck/ mucken ſtechen da her ſpricht man/ der muck enſtecher hat die ander durchachtung/ vollbracht an den Chriſtgleubigen. Nero der erſte des/ kam auff ein zeit einer der fragt/ wo der Keyſer were/ man antwortet er wer in der Kammern. Da fragt er/ ob er allein were/ man ſprach. Es were nicht ein mucken bey im damit ſchmehet er den Keyſer/ das er die mu- cken alle erſtach/ darumb ſo war niemandt bey im.

Q ijVon

CCXXXVI. Von Pontio ein Koͤnig de Samniter.

FRanciſcus Petrarcha ſchreibet/ wie Pontius ein Koͤnig oder Keyſer der Samniter/ hett zween Roͤmiſche Hauptmenner mit allem ihrem Volck vmbgeben/ vnd belegert/ bey einer Statt die hieß Candia/ das ſie ſeine gefangene muſten ſein/ dieſer Pontius ſchreibe ſeinem Vatter Herenno der war nicht weit von jhm/ wie er ſich mit den Roͤmern halten ſolt/ ſie weren in ſeinem gewalt: Der entbot ihm/ er ſolte ſie ledig laſſen ohn alle entgeltniß/ Freundtlich friedtlich/ vnnd jhnen gute wort geben/ ſchen- cken vnnd gaben mit jhnen theilen. Pontius/ vnnd andere Hauptleuth die im Lager waren da ſie den Raht hoͤrten/ ſprachen ſie/ das iſt ein thoͤrlicher Rath/ hetten ſie vns alſo/ wie wir ſie haben/ ſo wuͤrden ſie anders mit vns vmbgehen/ ſie wuͤrden vns alle zu Todt ſchla- gen/ vnnd gefangen nemen. Wer wolte ſeine grimmeſten Feinde alſo laſſen geht. Vnd ent- boten Herenno widerumb/ ob er kein andern rabt hett denn der gefiell jhnen nicht: Heren- no entbot jhnen/ ſie ſolten ſie alle zu Todt ſchlagen/ das keiner davon kem das wer ſein Raht. Da ſie den Raht hoͤreten/ ſprachen ſie/ der alt iſt nicht witzig er gehet in der abwitz er iſt wanwitzig worden/ weil er alſo von ei- ner ſachen zween widerwertige Rath gibt/ vnd kein mittel treffen kan/ ſchicken zu dem drittenmahl zu ihm/ woͤllen ihn nicht verachten den er hette den beruff der weiß- heit heit in viel landen. Der gut Herenno ließ ein Wagen oder Roßbar zurichten/ vnd kom ſel- ber zu jhnen/ da ſie in nun ſahen kommen/ wa- ren ſie fro/ machtẽ ein Circkel/ ſchreien allſam- men/ vnd ſprachen: Sihe da kompt ein newer Rahtter antworter jhnen vnd ſagt. Jch bring kein newen Raht/ aber ich will euch ein vr- ſach anzeigen des vorigen rahts. Jch hab euch zum erſten gerahten/ jhr ſolt die Roͤmer fein ledig hinweg laſſen ziehen/ wenn jhr das thut/ ſo thut jhr euch/ vnnd denen/ die noch von euch gebohren werden/ guts vnd macher ewer Feindt/ die Roͤmer/ welche die beſte Kriegßleuth ſeind/ zu freunden/ denn wie moͤchten ſie euch Feind ſein/ ſo jhr ihnen jhr leben ſchenck/ vnd ihnen Gaben darzu gebt: Zum andern hab ich euch gerathen/ woͤllet ihr ſie nicht frey vnd ledig laſſen ſo ſolt jhr ſie al- le erſtechen/ ſo thun dieſelbigen euch kein ſchaden mehr/ ihr muſt aber Rach von jhren Kindern/ vnd von denen die noch zu Rom ſind/ warten/ thut ihr jhnen aber ſolches an/ vnnd handelt ſchendlich mit jhnen/ ſo macht ihr erſt recht Feind/ denn ihre Kindskinder wer- den wider euch ſein/ nun thut welches jhr wolt. Alſo fuhr er wider Heim auf ſein Schloß aber der rath der Jungen ging fuͤr ſich. Sie ſchmaͤchten die Roͤmer/ namen jnen jr gewehr/ Harniſch/ gute Kleyder/ vnd alles das ſie het- ten vnd muſten alle wehr/ loß vnd halber na- ckend davon ziehen/ aber der Rath des He- renno ward war/ denn darnach vberzogen ſie die Roͤmer vnd gewunnen Land vnnd Leuth/ ſchlugen ſie zu Todt vnd legten jnen ein groß Joch auff jhrem Kucken.

Q iijVon

CCXXXVII. Von Philippo Fuͤr- ſten in Burgundt.

MAnn ſagt/ Philippus Fuͤrſt zu Bur- gundt hab auff ein zeit ſeine kley- dung verendert/ vnnd hin vnnd wi- der gezogen/ zuerfahren/ was man von ihm red vnnd halte. Da er nun aller- hand hoͤret/ ſagt er auff ein zeit vber der mal- zeit zu einem/ ſo mit ihm zechet. Er ſoll der Fuͤrſten gar nit gedencken. Dann lobt er ſie/ ſo muͤſten Luͤgen mit ein lauffen/ red er jhnen aber vbels nach/ ſo muſt er gefahr auß- ſtehen.

CCXXXVIII. Von einem Span- niſchen Biſchoff.

EJn Biſchoff in Hiſpanien war Feldo- berſter vber Kriegsvolck. Da er nun hoͤrte/ das ein Landsknecht lang- ſamb vnnd bloͤdt ſchwur/ ſagt er/ er leſterte nicht mit mannlichem Gemuͤth.

CCXXXIX. Von Friderich vnnd Johannes Hertzogen zu Sach- ſen.

DJe beyde Hertzogen zu Sach- ſen/ Friderich vnd Johannes/ ſchif- fen von Torga nach Wittenberg auff der Elb/ weil aber damalß der ſroſt nach gelaſſen/ gab es gros ſtuͤck Eiß/ welche mit hauffen auff dem Waſſer floſſen/ vnnd das Schiff dermaſſen zerſtieſſen zu beyden Seitten/ daß/ da die Furſten ans vffer bey das Schloß kammen/ ſich das Schiff von einander ſpaltete vnnd zu zweyen ſeiten fiel. Die Fuͤrſten ſtunden am vffer vnnd ſahen diß mit groſſer verwunderung/ be- trachteten/ in was groſſer gefahr ſie geweſſen/ vnnd muſten gentzlich ſchlieſſen/ GOTT hab wunderlich das Schiff erhalten/ biß ſie ans Land kommen. Nach langem ſtill- ſchweigen ſagt endlich Hertzog Friderich zu ſeinem Bruder: Wir muſſen bekennen/ das vns GOtt ſonderlich erhalten habe in dieſer gefahr/ deßwegen woͤllẽ wir im darumb dar- cken. Daß aber das Schiff zerriſſen/ nach dem wir darauß geſtigen/ trag ich vorſorg/ es werde nach vns vnſer Schiff/ dz iſt das Sach- ſiſch Hauß von einander reiſſen.

CCXL. Von einem Graffen vnd ſei- nen vnderthanen.

EJn Graff in Teutſchland befahl ſei- nen vnderthanen/ ſie ſolten ſich des Tantzens auff die Sontag gantz vnnd gar enthalten/ mit betroͤwung/ wer dieſem befehl zu wider handeln wurde/ daß derſelb hart ſolt geſtrafft werden. Wie beſchwerlich diß des Frommen vnd Gott- ſeligen Graffens Gebott dem muthwil- ligen Jungen Volck gefallen ſey/ kann man nit gnugſamb auß ſprechen: Dan es regt zum theil bey den Eltern/ zum theil bey den Her- Q iiijren ren an/ daß ſie an den Graffen Suppliciren ſolten das er das Gebott ab thun/ vnd ihnen des Sontags zu dantzen widerume gnadig geſtatten wolte. Hierauff halten ſie in nahinen ihrer Soͤhne vnd Toͤchter/ Maͤgd vnd Knech- tes nicht allein beim Graffen/ ſondern auch bey den Raͤthen an/ das ihnen hierin moͤchte wilfahret werden. Aber ſie erhalten nichts: Dann der Graff weiſet ſie mit dieſen worten ab: Denn Sonntag hat ihm GOTT allein geheiliget vnnd geweihet/ derwegen hab ich nichts darauff zu ordnen/ kann auch nichts ewert wegen hierin ab oder zu thun. Da aber je daß Jung Volck ſo hefftigen luſten zum dantzen hat/ ſo will ichs nicht hindern/ es ſoll nicht allein einen tag nach dem Sonntag in der wochen/ ſondern die gantze woch vber an einen ſtuck zu dantzen macht haben/ daß ſie alſo deſſen wol moͤgen ſaat werden. Die Bawern aber wenden fuͤr/ auff dieſe weiß wurde das Volck von der arbeit abgehal- ten. Vnd muſten alſo die Guͤter wuͤſt ligen pleiben. Der Graff gab nichts hierauff/ ſon- dern repetiret vnnd widerholet ſein vorigen befehl/ mit betroͤwung harter Straff/ wer dergegen handeln wurde. Alſo hat die- ſer Graff des Sontags tantzen bey den Bawers Volck gantz vnnd gar auff- gehoben vnnd abge- ſchaffet.

Von

CCXLI. Von Carolo Koͤnig in Franckreich.

KOenig Carolus von Franckreich het- te ein gewonheit an ihm/ daß er all wegen nach dem Eſſen bleib vber Tiſch ſitzen/ aß einen Apffel/ vnd ſchelet ſolchen ſelber. Ein mahl ſtunden ſeine drey Soͤhne vor ihm/ da wolt er ſie probiren/ wie gehorſam ſie weren/ vnnd rufft dem Elte- ſten/ der hieß Gobandus/ vnd ſprach: Komm zu mir/ vnd thu den Mund auff vnd empfahe ein Apffelſchnitz von mir. Gobandus ſprach: HErr Vatter es wer ein ſchandt/ ſoll ich ein Apffelſchnitz von euch empfahen/ ich kan woll ſelber ein Apffel eſſen. Der Koͤnig rufft dem andern Sohn/ der hieß Hononier/ vnd ſprach: Komm her/ empfahe den Apffelſchnitz von mir in dein Mund. Hononier ſprach jhr ſeyd mein Vatter ihr moͤgt mit mir thun was ihr woͤlt/ ich ſoll euch gehorſam ſeiu/ vnnd gieng zu im/ vnd Kniet nider/ vnd empfing den Apf- felſchnitz in ſein Mund/ da ſprach der Koͤnig/ ich mach dich zu einem Koͤnig in Franckreich. Vnd rufft dem dritten Sohn/ der hieß Lotha- rius vnd ſprach: Komm vnnd empfahe den Apffelſchnitz: Lotharius thet es. Der Koͤnig ſaget/ ich ſetz dich zu einem Hertzogen in Loth- ringen/ da Gobandus das ſahe/ gieng er zu dem Vatter vnd ſprach. Vatter ich thue meinẽ Mundt auch auff/ gebt mir auch ein Apffell: Der Koͤnig ſprach. Du biſt zu ſpat kommen/ ich geb dir weder Apffellſchnitz/ noch Landt noch Leuth. Darnach iſt ein ſprichwort wor- den in Franckreich/ Gobande/ du haſt zu ſpat auffgeginet.

O vGott

CCXLII. GOTt iſt der beſte helfer.

ES ſtunden zween Blinden vnder ei- nem Thor/ da ſas ein Koͤnig oben in ſeinein Saal/ vnnd aß/ vnnd mocht zu demſelbigen Thor ſehen/ vnnd ſa- he/ wer da auß vnnd ein gieng. Da ſchrete der ein Blinde O wie iſt dem ſo wol geholf- fen/ dem der Koͤnig vnd Keyſer will helffen/ der ander Blind/ fing auch an zu ſchreyen/ vnd ſprach:

O wie iſt dem ſo woll geholffen/ dem GOTT will helffen. Vnnd alſo eins vmb das ander ſchreyen die zween Blinden die- weill derſelbige Koͤnig aß. Der Koͤnig wolt verſuchen/ was ſie doch fuͤr gluͤck hetten/ vnnd ließ zween Kuchen backen/ vnnd in den einen thet er viel Gulden/ das er ſchwer war/ in den andern thet er viell Todtenbein/ das er leicht war/ vnnd hieß dem Blinden den ſchweren Kuchen geben/ der alſo zu dem Koͤnig ſchrey. Da nun ein jeglicher Blinder ſein Kuchen hett empfangen/ da giengen ſie zu ſammen/ vnnd frageten einander/ was im worden wer. Der eine ſprach man hat mir gar einen Leichten Kuchen geben. Da ſprach der ander/ ſo iſt meiner als ſchwer/ dz ich mei- ne es ſey habern Brot/ lieber laß vns mit ein- ander tauſchen/ ich hab allwegen gehoͤrt/ man ſoll Brot bey der Leichte/ vnnd kaͤß bey der ſchwere kauffen. Sie tauſcheten mit einan- der. Der kam aber morgens vnd ſchrie/ O wie iſt dem geholffen/ dem der Koͤnig will helffen/ der ander Blind kam nicht mehr/ er het gung. Der Der Koͤnig kam vnd fraget den Blinden/ wo er den Kuchen hett hin gethan. Der Blinde ſaget/ er hett mit dem andern Blinden ge- tauſchet/ weil er wer leichter geweſen den der ſein. Da ſprach der Koͤnig/ der ander Blindt hat noch recht geſchrien/ das dem ſo wol ge- holffen/ dem Gott helffen will/ du ſolt nichts haben/ darumb ſo bleib du im Elendt.

CCXLIII. Von Vngern vnd Bohemen.

DJe Vngern hetten einen Krieg wi- der die Bohemen/ vnnd der Vngern Hauptmann hieß Lißka. Die Boͤhe- men kamen auff die Vngern mit ei- nem reifigen zeug. Lißka nam ſich an als wolt er fliehen/ vnnd Gebot den Huren vnnd Weibern/ die mit ſeinem zeug zogen/ (denn wo Tauſeut reiſigen oder Krieger ſind/ ſo ſind allweg zwey tauſent oder mehr Huren dabey) das ſie ſolten jhre Schleier oder Furthucher in den weg breiten nun war die gelegenheit des Landes alſo/ da die Boͤhemen abſtiegen/ vnd zu Fuß giengen.

Da kamen die Lumpen an die Sporen/ das ſie darvor nicht gehen kunden. Hierauff kehret ſich Lißka mit ſeinem Volck widerumb vnnd ſchlaͤgt die Boͤhemen alle/ denn ſie kunden vor den Lumpen nicht gehen.

Von

CCXLIV. Triphonis geſchwin- digkeit.

TTriphon/ vnd der Koͤnig Antiochus/ kriegten wider einander. Antiochus der kam ſo nahend zu Triphon von vngewahrneter ſach/ das im not war zu fliehen vnd kund doch nicht fliehen/ da ließ er viel Gelt in den weg ſaͤen vnd werffen/ da nun Antiochus mit ſeinem Volck kam/ vnd die weil ſie alle aufflaſſen/ dieweil flohe Triphon mit ſeinem Volck widerumb hinderſich in ſei- nen Vortheil.

CCXLV. Von Spartanern.

DJe Spartaner Kriegten wider jhre Feinde/ die hetten Elephanten/ auff denen ſie ſirietten/ das Volck damit angrieffen/ vnd die Feindt niderſtoſ- ſen. Sie hatten die Elephanten an die ſpitzen geſtellet vnd Thuͤrn auff ſie gebarpet/ wie den jhre gewonheit war/ das die Spartaner auff ein tag groſſen ſchaden namen. Sie fragten/ wie man den Elephanten widerſtandt thun moͤchte: Vnd funden einen Rath/ ſie die Maͤuß vbel foͤrchten/ vnd das Saͤw greinen/ da lieſ- ſen ſie an allen orten Maͤuß fahen/ deren ſie gantze Seck voll hatten. Da ſie nun eine Schlacht thun wolten/ theten ſie die Seck auff/ lieſſen die Maͤuß herauß lauffen vnnd machten die Saͤw greinen. Als das die Ele- phanten ſahen/ vnnd hoͤreten/ lieffen ſie wider hinder ſich in jhr Laͤger/ vnd zertratten jhrer viel. Die Spartaner folgten in nach/ erſchlu- gen gen der Feind viel/ vnnd gewinnen die Schlacht.

CCXLVI. Hannibale der Carthagi nenſes Hauptmann.

ES war ein weiſer Hauptmann der lu- get wie er moͤcht ein argwohn vnd vn- einigkeit machen zwiſchen dem Haupt mann vnd ſeinen vnderthanen/ vnnd wenn er daſſelb machen koͤnte ſo hett er den Krieg halb gewonnen/ alſo thet auch Haunt- bal der Carthaginenſer Hauptmann den Roͤmern. Die Roͤmer hetten einen Hauptman der war gantz gluͤckhafftig/ Hanmbal kimdt im kein Schlacht abgewinnen/ vnnd erdachte ein ſin/ das er jhn von ſeinem Ampt braͤcht. Hannibal zog den Roͤmern in jhr Landt/ vnd verbrandt was er fand/ außgenommen arme Leuth/ Schloͤſſer/ Doͤrffer/ Luſthaͤuſer/ vnnd was demſelben Hauptmann zu gehoͤret/ dem thet er nichts/ das bewegt die Roͤmer/ daß ſie in die Fantaſey kamen/ als hett er mit Hannt- bal ein verſtandt gemacht/ das er im ſeines guts ſchonet/ vnd ſatzen in ab/ machten einen andern Hauptman/ da verlohr Hannibal kein Schlacht mehr.

CCXLVII. Wie ein Hauptman mer- cket/ wohin der Feind ſich verborgen hette.

DJe Roͤmer hetten ein Hauptmann/ der lag auff eim weyden Feld mit ſeinem zeug/ da ſahe er daß auß ei- nem nem Walt auff wuſchten alle Voͤgell/ ſo darinnen waren. Er ſprach/ da ligt ein zeug verborgen/ das erkenne ich an den Voͤ- geln/ das ſie eins mahl auff wuͤſchen/ vnnd ſchicket Leuth dahin daſſelb zu erfahren. Die erfuhren das es alſo war/ vnnd die Feindt hetten ſich in dem Waldt verſchla- gen/ die Roͤmer zu vberfallen von vngewarn- ter ſach. Vnnd durch die Voͤgel lehrnet der Hauptmann/ das er jhm vnnd ſeinem Volck vor ſchaden war. Julius Ceſar im 6. Buch.

CCXLVIII. Junge Maͤnner verja- genden Alten Rath.

AVff ein zeit in einer Statt/ betten die Jungen Raͤth die alten Rahtsher- ren vertrieben/ in das elendt/ das ſie das Regiment alleen hetten/ vnd einet zog hieher/ der ander dorthin/ einer vnter den jungen Raͤthen hett ſein Vatter daheim ver- borgen behalten/ Vnnd einer von den vertrie- benen war in einer andern ſtatt.

Da hoͤret er ſagen: Wie mann die Statt/ auß deren er war/ ein wolt nemmen/ vnnd mit verraͤtherey gewunnen. Etliche ſagen/ er ſey gefangen geweſen vnd hett es gern ſei- nem Sohn geoffenbart/ vnnd kundt es nicht zu wegen bringen. Er brachte doch ſo viel zu wegen/ das zeug vnnd materi ward/ das er ein Brieff ſchreib/ vnnd ſie warnet/ das ſie darvor ſolten ſein/ daß der groß Mordt kein fuͤrgang hett/ vnnd leimet denſelbigen Brieff auff ein Bret/ vnnd vberzoge den mit Wachs/ vnnd erwart mit dem Turnhuͤter/ das das er die Taffel ſeinem Sohn ſolt ſchicken. Da der Turnhuͤter ſahe/ das nichts an dem Wachs geſchrieben ſtundt/ ließ ers nach/ vnnd da ſeinem Sohn die Tafel ward/ wuſt er nicht was das bedeutet/ vnd trugs in den Rath/ da waren Junge Geſellen ſie gedachtẽ doch/ was hat er im an der Tafel geſchickt. Vnd der/ der ſeinen Vaterr daheim verbor- gen hett/ ſagt es ſeinem Vatter/ der Vatter ſprach. Sohn du ſolt mit glauben das ein ſol- cher weiſer man/ als der Vatter iſt/ das hab vmb ſonſt gethan. Darumb wenn du morgen in den Rath kommeſt ſo rath/ das man an ei- neni ort vnden das Wachs auff hebe/ vnd lug ob etwas vnd er dem Wachs geſchrieben ſey.

Da man das Wachs alſo ein wenig auff thet/ da ſahe man ein Buchſtaben oder zwen/ ſie theten das Wachs gar hinweg/ vnnd fun- den wie ſie ſich halten ſollen/ vnnd ſprachen zu dieſem: Er hette die weißheit von im ſelbſt nit. Er ſagt jnen/ wie er ſeinen alten Vatter daheim hett/ der hett in das gelehret. Da er- kanden ſie die weißheit der alten/ vnnd ſtelle- ten wider nach jhnen.

CCXLIX. Von Roͤmiſchen Paͤbſten etliche Hiſtorien.

AVff ein zeit ward ein Apt verklagt/ wie er vngeleret were/ deßwegen wolt mann jhn abſetzen/ vnnd einen an- dern machen. Der Pabſt ſchickt nach im/ wolt ihn ſelber examiniren/ fingen an mit der Gram̃atica/ vnd gedacht/ weñ er in gerin- gen dingen nichts wuſte/ ſo wurde er ſonſt wenig wenig geleſen haben/ fragt alſo anfenglich/ Papa que pars? Der Apt ſagt: Es participi- um/ der Babſt ſprach: Quare? Der Apt ant- wortet. Quia partem capit a elero/ partem a ſeculari/ cum totius orbis doloris ſignifica- tione/ ſine modis et temporibus. Das iſt zu Teutſch ſo viel geredt: Pabſt iſt ein fraͤffiges oder raubiſches woͤrtlein/ welches einen theil nimpt/ oder raubt von den Geiſtlichen/ einen von den Weltlichen/ mit der gantzen Welt ſchmertzen/ ohn alle maaß vnd zu allen zeiten. Jm Buch deſſen titul iſt: Stattliche außfuͤh- rung der vrſachen/ darumb die Chur vnnd Fuͤrſten/ auch andere Staͤnde der Augſpurgi- ſchen Confeſſion/ ꝛc. pag. 124. Papa kompt her võ Papillis/ dẽ ſchoͤnſten vñ zarteſten theil des leibs/ wie Ludovieus Gomeſius ſchrei- bet. Stattliche außfuͤhrung. pag. 319. Wel- ches dann ein Poet in dieſem Carmine bezeu- get/ da er ſpricht:

Jtem/

CCL. Ein Schreiben/ darinn der Loͤw/ Adler vnd Delphin/ die maͤchtigſte Koͤni- ge vnder den Thiern/ dem Pabſt zu Rom den vndergang wuͤntſchen vnd ver-

COnradus Geßnerus hat allerhandt ge- ſchlechte/ namen vnnd Natur der thier in ſei- ten Buͤchern (welche er zu lob des hoͤchſten werck meſters vnd Schoͤpffers geſchrieben) mit groſſem fleiß vns nach kommen zum beſten ver- zeichnet vnnd auffs Papyr bracht: Daher wir jhme den deſſen billich nicht geringen danck wiſſen Wel- che Buͤcher du/ Roͤmiſcher Pabſt/ auß frechheit ohn eintzige vrſach/ wie auch ſonſt anderer gelerter Leut Schrifften verdammet haſt/ in maſſen vns dann ſolches die Pſittich (die das zu Rom zum erſten mahl gehoͤret) erferiret haben/ alß haben wir ſo balt/ zu rettung vnſers guten Leumuths/ ſonderlich aber zu Rach gegen dein verkehrtes gemuͤth/ daß du zu vorauß wider Geſnerum (als vnſern vnder- thanen/ der all vnſer Hiſtorien vnnd Geſchichten von vielen Jahren hero trewlich vnnd fleiſſig be- ſchrieben) wie auch wider ſonſt viel beruͤmbter Scribenten gefaſſet haſt/ alle vnſerer Reichs thier/ die Voͤgel in der lufft die thier auff der Erden/ vnd die Fiſch im waſſer/ zuſammen beruffen laſſen; Vnd Riſt iſt auff dieſem Reichs tag ohn eintzige wi- der redt (ohn der Nacht eulen/ Nachtweib/ fledermauß/ Hyene (ein thier in Aphrica/ das des Menſchen red lernet nachreden/ jn damit zu betriegẽ) Woͤlff/ Maulwoͤrff/ Blindſchleich Spinn/ Meuß/ vnd ſonſt etliche wenige nacht- thier/ dahin berathſchlagt/ beſchloſſen vñ ver- abſchiedet worden/ was du jtzt anhoͤren vnd in kurtzer zeit erfahren wirſt.

Demnach aller Gottſeliger vnd from̃en leut ja Gottes des Allmechtigen ſelb/ vnnd vnſer ſamptlicher Feind ihm dz Regiment vber die gantze Welt falſchlichen zumaſſet/ vnnd ſeine Grentzmahl nit nur auff erden/ ſondern auch im Him̃el vnd in der Hellen außbreitet/ als woͤlden wir vnſer Kriegsvolck/ ſo dem Babſt widerſtand thun ſollen/ hin vnd her auff die Beſatzung legen. An die Helliſchen (damit er auffs baldeſt moͤge Plutonem den Helliſchen Gott erſuchen vñ bitten) woͤllen mir abferti- gen den Cerberum (Helliſchen Hund) welcher wie der Pabſt 3. Kronen hat/ Daſelbſten darff man weiters kein Soldatẽ/ ſintemal daſelbſtẽ Teufel gnug/ welche dẽ Cerbero auff den noth- fall huͤlff leiſten koͤnnen. Auff Erden ſollen die Hunde/ Woͤlff Tigerthier/ Panther/ Beern/ wilde Schwein/ vnnd dergleichen in der Ruͤ- ſtung ſtehen/ den Feind zum theil offentlich an zugreiffen/ zũ theil im hinderhalt zu warten. Jm Meer ſollen die Stoͤr/ die Meer Hunde: die Meerkelber/ die Phyſeten (welche wall Fiſch groſſe koͤcher oben auff dem Kopff haben/ da- mit ſie Waſſer in die Schiff gieſſen/ die Leuth darin zuerſauffen) mit zehen hundert tauſen- ten weiß vmbher ſchwimmen/ vnd ſoll ieder hauff ſein Trom̃eter haben. Jn der lufft ſollen dreiſſig dreiſſig tauſent hauffen kraͤen ſeyn/ vnd acht hundert tauſent Geyer/ vnd noch ſo viel Sper- ber. Alſo ſoll nũ der gemeine Feind in der lufft zu Waſſer vnd zu Land angegriffen vnd belei- digt werden. Der Loͤw ſoll Feldoberſter ſeyn/ vnd ſoll ſein Volck nach notturfft vnd gutdun- cken zu mehren macht haben. Den es wird der Pabſt einen groſſen anhang haben. Zu Wech- teru wird er nehmen/ Genß/ Grannich/ vnnd wilde thier. Alſo woͤllen wir alle theil der welt gegen ihn befeſtigen. Jn den Himmel ſoll er nimmermehr kommen/ nit mehr als auch Lu- cifer. Er ſoll auch entweder im leben oder im tod vnſer ſtraff an leib vnd Seel nit entgehen/ (wiewol man ſagt/ daß er auch ſchon ein hal- ber Todter Menſch vnd Leichnam ſey) diß haben wir dir durch ein ſolch Kriegsſchrei- ben zur nachrichtung vns verhalten nicht moͤ- gẽ. Gehab dich vbel vnd gehe zu grũd Amen. Wer diß Epiſtel geſchrieben/ iſt niemandts wiſſent/ iſt Anno 1559. getruckt worden/ weil vns aber beduncket/ das ſie nicht mehr zubekommen/ haben wir ſie dem leſer mit- theilen woͤllen.

CCLI. Jugent ſoll man zur Kirchen halten.

ES iſt kurtzlich geſchehen im Schwei- tzer Land/ auff den hohen Alpen/ da hett ein Schweitzer ein Sohn der was von jugendt auff in keine Kirch kom- men/ ſondern ſtets des Viehs gehuͤtet/ vnnd vnderweilen hin vnnd wider in den Doͤrffern mit ſeinen Geſellen geſchlembt vnd gezecht/ R ijvnd vnnd wuſte nichts weiders. Einmahl begabe es ſich/ daß er auff ein groß feſt Heim kam zu ſeiner Mutter/ vnnd wolt ſehen/ was ſie machte/ da nam jn die Mutter/ vnd fuͤhret jn die Kirchen/ auff das er auch etwas von Gott hoͤren ſolt/ wie nun die Mutter mit jm in die Kirchen kam/ da ſang ein Pfaff nach dem an- dern ſein Ampt/ wie denn in der karwochen der brauch iſt/ vnnd wenn denn ein Pfaff auß- geſungen hat/ ſo thaͤt man ein Leicht auß vnd hube den ein anderer an/ vnd ſang/ vnd wen der auch auß geſingen hat/ ſo gienge denn a- ber ein Liecht auß/ das trieben ſie ſo lang/ biß ſchiet alle Liecht auß gethan wurden.

Nun was der einfaͤltige Schweitzer vor offt hin vnd wider geweſen/ bey Zechen/ in Wirtzhaͤuſern vnd auch etwan bey Schlaͤge- reyen. Vnd hat zum theil geſehen/ auch offt- mals gehoͤret/ wen man die Liechter außthaͤt dz man gewoͤhnlich darnach einander ſchlug/ er ſtund alſo/ vnd ſahe zu/ wie ein Licht nach dem andern außgieng/ er hub an/ vnd ſagt zu ſeiner Mutter. Es wird laͤrmen geben denn ich habs vor mehr gehoͤret vnd geſehen wenn man die Lichter auß thut/ daß man einander ſchlaͤgt vnnd griff an ſein Schwerdt/ vnd wolt von Leder zihen. Die Mutter ſagt mein Sohn was wiltu machen: Es iſt ſo ein brauch/ es ge- ſchicht alles zu der Ehr Gottes. Je mehr er zuſahe/ je mehr Liechter außgiengen/ er hub wider an: Mutter/ es wird bey Gottes kuͤre einen Lermen geben/ in dem hette der leſt Pfaff ſein Ampt vollbracht/ vnd man thaͤt das letzt Liecht auß/ da hub jedermann an zu po- chen vnnd klopffen/ wie den in den Bochſel naͤchten im Bapſthumb der brauch geweſt iſt.

CCLII. Ein Menſch des andern Teuffel.

WJr leſen in Sanct Anthoni des groſſen Apts Legendt/ wie er ein- mahl ſaget zum boͤſen Geiſt. War- umb fichteſtu den Menſchen alſo an/ vnnd bringeſt ihn in leyden vnd trawrig- keit. Ey ſprach er/ Jch thu es zu zeiten/ ich muß aber etwan auch viel thun/ das ich nicht gern thue/ es iſt ein Menſch des andern Teuf- fel/ vnnd betruͤbt ihn/ Er moͤcht was geſagt haben/ es hat mancher ſein Teuffel neben ihm am Beth liegen/ Ein boͤß Weib iſt des Manns Teuffel ſelbſt/ denn vor dem Teuffel mag man ſich ſegnen/ aber nicht von eim boͤ- ſen/ mit ihr muſt du eſſen vnd trincken/ ſchlaf- fen vnnd Wachen. GOTT behuͤt mich vor dem guten leben.

Von