Ein Christliche Leichpredigt

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Gebrauchsliteratur Leichenpredigt Gebrauchsliteratur Leichenpredigt ready aedit Ein Chriſtliche Leichpredigt/ aus dem 27. Cap: des vierdten Buchs Moſe/ Vber die Wort: Vnd Moſes redet mit dem Herren vnd ſprach: Der HErr/ der Gott vber al- les lebendiges Fleiſch/ etc. Gehalten Vber der Leiche des Ehrwuͤrdigen vnd Wolgelahrten Herrn Ambroſii Wagners/ Weiland Pfarr- herrs zu Hirtzkirchen/ Geſchehen daſelbſt den 29. Nouem: Anno 1585. Durch Michaelem Eychlerum. Dieſer Leichpredigt/ iſt anſtat der Vorrede komen/ ein Vermanung vnd Vnterricht an die Seelſorger/ Eltern vnd Kinder/ wie ſie beyder- ſeyts jr Ampt mit Vleis vnd Gehorſam/ zu Gottes Eh re/ der Chriſtlichen Kirchen Heyl vnd Wolfart/ des gemeinen Nutzen ausrichten ſollen/ Allen Kindern Gottes ſehr nuͤtz- lich zu leſen. Daniel: 12. Viel ſo vnter der Erden ſchlaffen ligen/ werden auff- erwachen/ etliche zum ewigen Leben/ etliche zur ewigẽ Schmach vnd Schande. Die Lerer aber werden leuch- ten wie des Himels Glantz Vnd die/ ſo viel zur Gerech- tigkeit weiſen/ wie die Sterne jmer vnd ewiglich.

Des Ehrwuͤrdigen vnd ſeligen Herrn/ Ambroſij Wag- ners/ nachgelaſſene Kindern/ Johanni/ Annæ/ vnd Barbaræ/ als Kinder der erſten Ehe/ Vnd deñ Her mannij/ Johannij/ Henrichen/ Thomæ vnd Eliſa- bethen/ Als Kindern der letzten Ehe/ wuͤnſche ich von Hertzen.

Gottes Gnad/ Krafft/ Heyl vnd Segen/ in dens Verſtand des vnverfelſchten/ lautern/ reinen vnd geſunden Wort Gottes zuzunemẽ/ Auch ſolch hey lig vnd ſeigmachende Warheit/ mit einem Gott- ſeligen Wandel/ wie den Kindern der Heiligen zu ſtehet/ zu Eheren/ vnd dabey bis ans Ende zuver- harren/ Verleyhe euch vñ allẽ lieben Chriſten Kin dern/ der allmechtig/ barmhertzig/ ewig/ guͤtig Gott/ derda iſt ein Vater vber alles/ das du Va- ter heiſt im Himel vnd auff Erden/ Durch Jeſum Chriſtum ſeinen lieben Son/ Vnd vnſerm enigen Heyland/ vnd ewigen Mitler im H. Geiſt/ Amen.

HERtzliebe Kindlein/ Jch ſehe vnd verſtehe aus Gottes Wort/ das dem lieben/ fromen/ vnd getrewen Gott von Kirchen Leren/ Zucht- meiſtern vñ Hausvetern/ kein groͤſ- ſer Dienſt geleiſtet/ vnd nichts liebers geſchehen kan/ denn das ſie die liebe vnd zarte Jugend (die A 2wie Vermanung an die Seelſorger/ womit Pfar- herr, Zucht- meister vnnd Hausvetter Gott den höch- sten Dienst leisten.wie ein Zunder bald fehet/ vnd leichtlich zuuerfuͤ- ren/ vnd auch bald zu recht zubringen iſt) zu allem guten anweiſen/ vnterrichten vñ vermanen. Deñ weil nach dem 148. Pſalmen: Juͤnglingen vnd Jungfrawen/ die Alten mit den Jungen den Na- men des Herrn loben ſollen: So iſt keinem Men- ſchen von Natur ſein Schnabel zu ſolchem Lob gewachſen/ ſondera mus von Jugend auff durch Gottes Wort darzu gewenet vñ vnterrichtet wer- den. Vnd daher gibt Gott Seelſorgern/ Eltern vnd Lehrmeiſtern ſo viel heylſamer/ nuͤtzlicher vnd ernſtlicher Gebot/ das ſie ja die liebe Jugend vleiſ ſig vnd trewlich vnterweiſen/ vnd ſich hieran kein Muͤhe verdrieſſen/ vnd keinen Vndanck (damit zu zeiten trewer Vleis bezahlet wird) daruon ab- ſchrecken laſſen.

Gottes befehl, das Pfarhern, Lehrmeister vnd Hausvet- ter die Iugend vleißig vnter weiſen ſol.Daher ſpricht Gott/ Deut: 6. Die Wort die ich dir heut gebiete/ ſoltu zu Hertzen nemen/ vnd ſolt ſie deinen Kindern ſcherpffen/ vnd dauon re- den/ wenn du in deinem Hauſe ſitzeſt/ Oder auff dem Wege geheſt/ wenn du dich nider legeſt/ vnd auff ſteheſt/ Du ſolt ſie binden zum Zeichen auff dein Hand/ vnd ſollen dir ein Denckmal ſein vor deinen Augen/ vnd ſolt ſie vber dein Hauſes Pfo- ſten ſchreiben/ vnd an die Thuͤr. Vnd Joel am 1. Sagt ewern Kindern daruon/ vnd das ewer Kin der jren Kindern ſagen/ vnd dieſelbigen Kinder jren Eltern vnd Kinder. jren Nachkomen. Vnd da der gewaltig Senger- meiſter Aſaph/ die gantz Hiſtorien vnd Geſchicht des Volcks Jſrael erzehlet/ von Anfang bis auffViel vnd manman- cherley wol- thatẽ, ſo Gott dem Volcü er zeigt. Dauid/ vnd aller Wunderwerck gedenckt/ wie ge- waltig ſie Gott aus Egypten gefuͤret/ Wie grew- lich er jre Feinde geſtrafft/ Wie wunderlich er ſie geleitet vnd gefuͤhret/ Wie Veterlich er ſie vber- natuͤrlicher weiſe geſpeiſet/ getrenckt/ generet vnd verſorget/ Wie herrlich er ſie wider jre Feinde ge- ſchuͤtzet/ Wie ernſtlich er jre Suͤnde vnd Bosheit geſtraffet hat/ Vnd wie gnedig er jnen habe ge- holffen/ wenn ſie darnider lagen/ vnd vnterdruckt waren/ etc. Das dis vnd anders nun der Sen-warumb Gott an den Eltern wolthat er- zeiget, vnnd Straffe vbet. germeiſter erzehlet/ ſpricht er: Das Gott dis al- les die Juͤden darumb hab erfahren laſſen/ das ſie es jren Kindern verkuͤndigten/ vnd die nachkom- mende Kinder/ denen die noch geboren werden ſol ten/ Vnd dieſelbige/ wenn ſie auffkommen/ jren Kindern/ das ſie ſetzten auff Gott jre Hoffnung/ vnd nicht vergeſſen der Thaten Gottes/ vnd ſein Gebot hielten/ Wie hieuon vielgedachter Sen- germeiſter nach der lenge im 78. Pſalmẽ ſchreibt/ Da es ein jeder ſelber auffſuchen/ leſen vnd be- trachten woͤlle. Vnd hieher gehoͤrt vnd dienet/ das der Ertzhirt vnſer Seelen/ vnd oberſter Hoherprie ſter/ Jeſus Chriſtus Petro nicht allein die Scha- fe zu weiden befihlet/ Sondern auch/ ja zu erſt A 3die Vermanung an die Seelſorger/ vnd forderſt die Lemmer/ Joan. 21.

Nutz der Kin- derzucht.Denn ſollen die Lemmer gute Schafe/ vnd die Jugent gute Chriſten geben/ ſo muͤſſen ſie von Ju gend auff darzu gewenet werden/ So gibt es deñ feine Gottſelige vnd frome Chriſten/ Vnd gehet wie im 93. Pſalmen ſtehet/ Die gepflantzet ſein im Hauſe des HErren/ die werden gruͤnen in den Vorhoͤffen vnſers Gottes/ Vnd wie im 128. Pſal. ſtehet/ Das die Kinder den Tiſch ſchmuͤcken/ wie die Oelzweiglin/ mit guter Frucht/ ſchoͤner Ge- ſtalt/ vnd koͤſtlichem Geruch/ das Gott/ Engel vñ Menſchen jren Luſt daran ſehen. Dieſer Vrſa- chen halben/ das Gott ſo ernſtlichen Befelch der Jugend halber gibt/ Das es jrenthalben not thut/ Vnd das ſo viel vnd groſſer Nutz dahinden iſt/ haben alle liebe Ertzveter/ Propheten vnd A- poſtel/ ſich hertzlich vnd trewlich vmb die Jugend angenomen/ Wie die Schrifft allenthalben nach Solomon wird ein Catechiſ- mus Predigerder leng zeuget. Vnd ſonderlich ſehen wir/ wie ſich der grosmechtige vnd weiſe Koͤnig Salomon ſel- ber zum Catechiſmus Prediger machet/ vnd ſich vmb die liebe Jugend hertzlich annimpt/ vnd in ſeinen Spruͤchen groſſen Vleis vorwendet/ das er ſie zu warer Gottes furcht bewege/ von allem boͤſen abſchrecke/ vnd zu allem guten vervrſache/ Wie das in ſeinen Prouerbijs vnd Spruͤchen al- lenthalben zu ſehen.

Alſo Eltern vnd Kinder.

Alſo wendet auch der heilig Euangeliſt vnd A-Iohannes Vleiß bey der lugend. poſtel Joannes groſſen Vleis bey der Jugend an/ gibt jr Zucker vnd ſuͤſſe Wort/ das er ſie zu reinem Glauben brenge/ vnd zu Chriſtlichem Wandel bewege/ Spricht 1 Joan. 2 Meine Kindlein/ ſol- ches ſchreib ich euch/ auff das jr nicht ſuͤndiget/ Jtem/ lieben Kindlein/ ich ſchreibe euch/ das euch die Suͤnde vergeben werden/ durch ſeinen Namẽ/ Jch ſchreib euch Vettern/ denn jr kennet den/ der von Anfang iſt/ Jch ſchreib euch Juͤnglingen/ Denn jr habt den Boͤſswicht vberwunden. Jch ſchreib euch Kindern/ denn jr kennet den Vater.Die lugend ſol die welt nicht lieb haben. Jtem/ hab nicht lieb die Welt/ noch was in der Welt iſt. Jtem/ wer die Welt lieb hat/ in dem iſt nicht die Liebe des Vaters.

ES iſt aber nicht allein Gottes Ernſter vnd vnwandelbarer Wille an die Prediger/ Zuchtmei- ſter vnd Eltern/ das ſie mit leren vnd vnterrich- ten Vleis ankeren ſollen/ auff das die Kinder in der Zucht vnd Vermanung an den Herren auffer- zogen werden/ Epheſ. 6. Sondern iſt auch ſeinKinder ſollen gehorchen. Goͤttlicher vnd ernſter Befelch an die Kinder/ das ſie gehorchen vnd folgen ſollen/ ſonſt iſt alles leren vnd predigen vnnuͤtze vnd vergeblich: Darzu hatAlle Menſchen ſind dem vierd ten Gebot vn- ter worffen. er das vierdte Gebot gegeben vnd eyngeſetzt/ wel- ches nicht allein die Kinder den Eltern/ Sondern alle Menſchen/ Keyſer/ Koͤnige Fuͤrſten/ Greuẽ- Edel- Vermanung an die Eltern/ Edelleut/ Buͤrger/ Bawer/ Reiche/ arme/ Geler te vñ Vngelerte/ dem Predigampt zu Fuſſe geſetzt/ das ſie jre trewe Seelſorger als Geiſtliche Veter/ wie die Kinder jre Eltern hoͤren/ vnd jnen folgen ſollẽ. Daher ſpricht S. Paulus/ Gehorcht ewern Lerern/ vnd folget jnen/ denn ſie wachen vber ew- re Seelen/ als die darfuͤr Rechenſchafft geben ſol len/ Auff das ſie das mit Freuden thun/ vñ nicht mit ſeufftzen/ Denn das iſt auch nicht gute/ Ebr: 13. Vnd was Gott den vnartigen/ boͤſen/ eygen- willigen drewet/ wenn ſie jren Eltern nicht ge- horchen vnd folgen/ Das betriefft auch alle Men ſchen/ die ſich jren reinen/ Chriſtlichen Seelſor- gern widerſetzen/ oder widerſpenſtig ſein/ vnd Gott hat den Vngehoriam gegẽ dem Pre digampt all- weg geſtrafft.jnen nicht gehorchen vnd folgen. Vnd wie Gott allweg die Straffe wider den Vngehorſam der Kinder hat gehen laſſen/ Alſo hat er auch zu kei- ner Zeit verſchonet der jenigen/ ſo ſich trewen Pre digern mit vngehorſam widerſetzt/ vnd ſich nicht haben demuͤtigen woͤllen/ Wie am Koͤnig Sede- kia erſcheinet/ 2. Cron: 36. Vnd ſonſten allenthal- ben die Exempel/ neben der teglichen Erfahrung bezeugen/ Doch dauon an ſeinem Ort weiter/ Dieſe Vnterweiſung gehoret allein einfeltig vor die Kinder.

Gott widerho let vieelfaltig das vird GebotWAs nun Gott im vierdten Gebot den Kin- dern gebeut/ das widerholet er hin vnd wider viel- faltig Eltern vnd Kinder. faltig in der Schrifft/ Als Prou: 6. Mein Kind/ beware die Gebot deines Vaters/ vnd las nicht fahren das Geſetz deiner Mutter/ Binde ſie zuſa men auff dein Hertz allweg/ vñ henge ſie an deinen Hals/ wenn du geheſt/ das ſie dich geleiten/ Weñ du dich legeſt/ das ſie dich bewaren/ Vnd wenn du auffwacheſt/ das ſie dein Geſprech ſein. Vnd im 1. Cap. der Spruͤche Salomonis: Mein Kind/ ge- horche der Zucht deines Vaters/ vnd verlas nicht das Geſetz deiner Mutter/ Denn ſolches iſt der beſte Schmuck deinem Heupt/ vnd ein Ring dei- nem Halſe. Vnd hernacher am 3. Cap: Mein Kind vergis meines Geſetzes nicht/ vñ dein Hertz behuͤte mein Gebot/ Denn ſie werden dir langes Leben/ gute Jar vnd Friede bringen/ gute vnd tre- we werden dich nicht laſſen/ Henge ſie an deinen Hals/ vnd ſchreibe ſie in die Taffel deines Hertzẽ/ ſo wirſtu gunſt vnd klugheit finden/ die Gott vnd den Menſchen gefellet/ Syrach. 4. Ein vernuͤnff- tiges Menſch lernet Gottes Wort gern/ vnd wer die Weisheit lieb hat/ der hoͤret gerne zu. Jtẽ/ wer Gottes Wort ehret/ der thut den rechten Gottes dienſt/ vnd wer es lieb hat/ den hat der Herre auch lieb. Vnd am 33. Cap: Wer Gottes Wort lieb hat/ der wirds reichlich vberkomen. Vnd am 15. Wol dem der ſtets mit Gottes Wort vmbgehet/ vnd daſſelbig auslegt vnd leret/ der es von Hertzen be- Btracht/ Vermanung an die Seelſorger/ tracht/ vnd gruͤndlich verſtehen lernet/ vnd der Weisheit weiter nachforſchet/ vnd ſchleichet jr nach/ wo ſie hin gehet/ vnd guckt zu jrem Fenſter hinein/ vnd horchet an der Thuͤr/ vnd ſucht Her- berge nahe bey jrem Hauſe/ vnd richtet an jhrer Wand ſeine Huͤtten auff/ vnd iſt jm ein gute Her- berge/ Er bringt ſeine Kindlein auch vnter jhre Dechlin/ vnd bleibt vnter jrer Lauben/ Darunter wird er vor der Hitze beſchirmet/ vñ iſt jm ein her- liche Wonung. Vnd am 3. Lieben Kinder gehor- chet nur ewern Vetern/ vnd lebet alſo/ das es euch wol gehe/ Wer ſein Vater ehret/ des Suͤnde wird Gott nicht ſtraffen/ Vñ wer ſeiner Mutter gehorcht/ der ſamlet jm einen guten Schatz. Wer ſein Vater ehret (das iſt/ gehorchet vnd folget) der wird auch Freude an ſeinen Kindern haben/ vnd wenn er betet/ wird er erhoͤret. Jtem/ Ehre Vater vnd Mutter mit der That/ Worten vñ Ge- dult/ auff das jr Segen vber dich kome.

DJeſe vielfeltige Widerholung des vierdten Gebots bezeuget/ wie viel Gott dem HErrn am gehorſam deſſelbigen gelegen ſey/ vnd damit Er denſelbigen von den Kindern zuwegen bringe/ So braucht er nicht allein gute/ Ja auch freund- liche Zuckerwort/ Sondern thut darzu herrliche vnd ſchoͤne/ ja groſſe vnd viele Verheiſſung zu zeit lichem vñ ewigen Nutzen gericht/ verſpricht auch leiblich Eltern vnd Kinder. leibliche vnd Geiſtliche Gaben mit zutheilen/ Ir- diſche vñ Himliſche Guͤter zu ſchencken/ denen/ die gehorchen vnd folgen/ wie volget.

ZVm Erſten/ Wil Gott fromer Kinder vmb1. Fromme Kin der werdẽ ni- cht verflucht. VrſpprũgVrſprung der Cananiter. Chriſti willen verſchonen/ das ſie nicht verflucht ſein ſollen/ wie der Gottloſe Cain/ Gen. 9. Von deme die Cananiter herkomen/ Gen: 10. ein gantz Abgoͤttijch/ boͤs/ vnd vnkeuſch Volck/ in dem ſich des Vaters verfluchte Natur/ mit allerley grew- lichen Suͤnden/ Vnd ſonderlich mit vieler Abgot terey vnd groſſer Vnzucht/ vnd Blutſchanden er- reget/ Derhalben hat ſie auch der Erdboden nicht lenger tragen koͤnnen/ ſondern ſie ausſpeyen mu- ſte/ Wie im 3. Buch Moſi am 18. vnd 20. Cap: erſcheinet/ Vnd die ſchon vberblieben/ hielt Gott nicht werth/ das ein redlich Menſch mit jnen vmbgehen/ vñ Gemeinſchafft haben ſolte/ Deut. 7. Fuͤr ſolchem Vbel/ Schmach/ Schand/ vnd Straffen/ wil Gott frome Kinder behuͤten/ vnd ſie lange Zeit bey Ehren/ vnd groſſem Gluͤck er- halten/ in dem Land/ das er jnen gegeben hat/ Ex: 20. Prouerb: 2.

ZVm Andern/ Wil ſie Gott bewaren/ das2. Frome Kinder ſollen nit zu vnzeit ſter- ben. ſie nicht vber jrer Hoffnung zu Vnzeit ſterben/ wie die boͤſen Buben des Prieſters Eli Soͤne im Kriege vmbkomen/ 1 Sam. 4 vmb jrer Vnzucht vnd Buͤberey willen/ die ſie daheim getrieben hat- B 2ten/ Vermanung an die Seelſorger/ ten/ 1. Sam. 2. Sondern Gott wil der frommen Kinder Jar/ viel laſſen werden/ Laut ſeiner Goͤtt- lichen Zuſage/ Hoͤre mein Kind/ vnd nim an mei- ne Rede/ ſo werden deiner guten Jar viel werden/ Prouerb. 4.

3. Fromme Kin- der ſollen kei nes ſchendli- chen Todes ſterben.ZVm Dritten/ Wil Gott die Hand vber fro- men vnd gehorſamen Kindern halten/ das ſie ni- cht eines grewlichen vnd ſchendlichen Tods ſter- ben ſollen/ wie Abſolon/ der zwiſchen Himel vnd Eeden behangen bleibt/ vnd mit dreyen Spieſſen durchſtochen wird/ 2. Sam. 18. Wie noch heut zu Tage viel boͤſe Kinder dem Hencker zu theil wer- den/ vnd Galgenſchwengel geben/ jrem gantzen Geſchlecht zu ewigen Schmach/ Wie Gott den boͤſen Kindern trewet vnd ſpricht. Ein Auge das den Vater verſpotet/ vnd verachtet der Mutter zu gehorchen/ das muͤſſen die Raben am Bach aus- hecken/ vnd die jungen Adler freſſen/ Pro. 30. Da- fuͤr wil Gott frome Kinder behuͤten/ vnd ſollen zu Ehren komen/ wie der frome vnd keuſche Joſeph/ Gen 41.

4. Fromme Kin- der wil Gott reich machen.ZVm Vierdten/ Wil Gott reich machen/ wo nicht allerding Zeitlich/ doch gewis Geiſtlich/ mit einem ſtarcken Glauben/ mit reichem Erkentnis Gottes/ mit ſeligem Troſt des heiligen Geiſtes/ welchẽ Schatz weder die Schaben verderben/ noch die Dieb ſtelen koͤnnen/ Matt. 6. Vnd ſol ſich am letzten Eltern vnd Kinder. letzten End finden/ das jnen dieſer Schatz vnd Geiſtlicher Reichthumb nuͤtzer iſt/ denn die gantze Welt/ Denn dieſer Schatz dienet jnen zu verge- bung der Suͤnden/ zu troſt des Gewiſſen/ zu ſuͤſ- ſem vnd ſeligem Abſcheid aus dieſem Leben/ vnd zu froͤlichem Eyngang des ewigẽ Lebens. So viel vnd groſſes vermag die Welt/ ſampt allen Crea- turen nicht ausrichten/ Einen ſolchen groſſen Schatz bekomen frome Kinder/ Wie Syr: ſagt 3. Wer ſeiner Mutter gehorchet/ der ſamlet jme ei- nen guten Schatz. Vnd ſollen gleichwol frome Kinder hie auch jr teglich Brod/ vñ nottuͤrfftiges Auskomens haben/ Wie im 37. Pſalmen. ſtehet/ Jch bin Jung geweſt/ vnd Alt worden/ vnd hab noch nie geſehen den Gerechten verlaſſen/ oder ſei- nen Samen nach Brod gehen. Vnd im 112. Pſal: ſtehet/ Wol dem der den Herren fuͤrchtet/ der groſ- ſen luſt hat zu ſeinen Gebotẽ/ des Same wird ge- waltig ſein auff Erden/ das jr Geſchlecht der Fro- men wird geſegnet ſein/ Reichtchumb vñ die Voͤl le wird in ſeinem Hauſe ſein/ vnd jr Gerechtigkeit bleibet ewiglich.

ZVm Fuͤnfften/ Sollen ſie die rechte vnd wa-5. Fromme Kin- der ſollen die recht vndwa- re Klugheit erlangen. re Klugheit vberkomen/ Dardurch ſie nicht allein in dieſer Welt ſollen fuͤrſichtiglich wandeln koͤn- nen/ als die Weyſen/ Epheſ. 5. Sondern ſich auch verwahren gegen den liſtigen Schlangenkoͤpffen B 3des Vermanung an die Seelſorger/ des Teuffels/ allerley Rottengeiſter vñ Schwer- mern/ ſie mit einfeltiger Klugheit zu vberwindẽ/ nach den Worten CHriſti/ Seyd klug wie die Schlangen/ vnd on falſch wie die Tauben/ Mat: 10. Ja nicht allein des/ Sondern ſollen dem Teuf- fel ſelber zu klug ſein/ vnd jm in Noͤten vnd An- fechtungen/ Vnd ſonderlich am Todtbet/ mit al- len ſeinen liſten vnd Tuͤcken vberwinden. Von die ſer Klugheit redet die Weisheit Gottes/ vnd ſpri- cht: Schreib mein Gebot in die Taffel deines Her tzen/ vnd hange ſie an deinen Halſ/ ſo wirſtu klug heit finden/ die Gott vnd dem Menſchen wol ge- fellet/ Prouerb. 3.

6. Gott wil fro- me Kinder vor falſchem Gottes Dienſt behüten.ZVm ſechſten/ Wil ſie Gott vor falſchem Got tesdienſt behuͤten/ Das ſie nicht mit den Gott- loſen fragen duͤrffen/ Wo mit ſol ich den HErren verſoͤnen? Mit Boͤcken vor dem hohẽ Gott? Sol ich mit Brandopffer oder jerliche Kelber jn ver- ſoͤhnen/ Mich. 6. Sondern wiſſen/ als die von Gott gelert ſind/ Eſal. 54. Joan. 6. Das GOtt weder an Brand oder andern Opffer ein Wolge- fallen hat/ wie die Phariſeer vermeynten/ noch an Kirchenbawẽ/ Mes leſen/ Heiligen anruffen/ Wallfahrt leiſten/ etc. wie die Papiſtẽ gedencken/ Gehorſam ist Gottes ange- nest OpferSondern am Gehorſam der Seine des HErrn/ Wie Samuel zu Saul ſagt/ Siehe/ Gehorſam iſt beſſer denn Opffer/ vñ Auffmercken beſſer denn das Eltern vnd Kinder. das Fett von Wiedern/ Denn vngehorſam iſt ein Zauberey/ Suͤnde/ vnd Widerſtreben iſt Ab- goͤtterey/ vnd Goͤtzendienſt/ 1. Sam. 15. Dauon ſagt Chriſtus/ Selig ſind die Gottes Wort hoͤrẽ vnd bewaren/ Luc. 11. Vnd Paulus/ Chriſtus iſt des Geſetzes End/ Wer an jn gleubet/ der iſt ge- recht/ Ro. 10. Vñ Petrus/ Von dieſem zeugen alle Propheten/ Das alle/ die an ſeinen Namen gleu- ben/ vergebung der Suͤnden haben ſollen/ Act: 10. Dauon Mich. 6. alſo ſtehet/ Es iſt dir geſagt Menſch/ was gut iſt/ vnd was der HERR dein Gott von dir fordert/ Nemlich/ GOttes Wort halten (das iſt/ gleuben/ Dauon Joan. 8. ſteht/ da Chriſtus ſpricht/ Wer mein Wort wird haltẽ/ der wird den Todt nicht ſchmecken ewiglich) Lieb vben (das iſt/ den Glauben mit guten Wercken bewei- ſen/ wie Chriſtus Mat. 5. redet. Alſo laſſet ewer Liechter leuchten vor den Heyden/ das ſie ewer gute Werck ſehen/ vnd ewern Vater im Himmel preyſen.) Vnd demuͤtig ſein vor deinem GOtt/ (das iſt/ leiden vnd Creutz tragen/ Dauon S. Pe trus ſpricht/ So demuͤtiget euch nu vnter die ge- waltige Hand Gottes/ 1. Pet. 5.

ZVm Stebenden/ Sollen ſie Gunſt bey den7. Gott wil Fro- men Kindern Gunſt machẽ. Leuten bekomen/ das ſie es mit jnen gut meynen/ jnen liebs vnd guts beweiſen/ vnd allen guten wil len erzeigen/ wie die Weisheit Gottes vertroͤſtet vnd Vermanung an die Seelſorger/ vnd ſpricht. Schreib ſie (die Gebot) in die Taffel deines Hertzens/ ſo wirſtu Gunſt vñ klugkeit fin- den/ die Gott vnd den Menſchen gefellet/ Pro. 3.

8. Kromme Kin- der ſollẽ Got- teswort reich lich bekomen.Zum Achten/ Sollen ſie Gottes Wort reich- lich bekomen/ das ſie keinen mangel haben an jer- gend einer Gaben/ Wie S. Paulus von den Cho rinthern rhuͤmet/ 1. Cor. 1. vermoͤg der Goͤttlichen Verheiſſung/ Syr. 33. Wer Gottes Wort lieb hat/ der bekompt es reichlich.

9. Gott will fromen Kin- dernn ſchöne wohnung be- ſcheren.Zum Neundten/ Wil jnen Gott ſchoͤne Wo- nung beſcheren/ Dauon Dauid im 84. Pſal rhuͤ- met/ vñ ſpricht/ Wie lieblich ſind deine Wonung HERR Zebaoth/ Mein Seel verlanget vnd ſeh- net ſich nach den Vorhoͤfen des Herrn/ mein Leib vnd Seel frewet ſich in dem lebendigen Gott.

Dauid hat ein ſchoͤnes Haus/ von lauter Ze- dernholtz auff dem Berg Sion/ 2. Sam. 7. noch achtet ers nicht gegen dieſer Wonung/ Rhuͤmet auch nicht alſo dauon/ ſondern rhuͤmet nur Got- tes Haus/ die heilige Chriſtliche Kirche/ vñ ſpri- cht. Wol denen/ die in deinem Hauſe wonen/ die loben dich jmerdar/ Pſal. 84. Jtem/ Jch hab lieb die ſtat deines Hauſes/ vnd den Ort/ da dein nam Die ſchöneste wonung auff Erden ist die Christliche Kirche.wonet/ Pſal 26. Denn an dieſem Ort iſt Gott ſel ber voͤrhanden/ Ex. 20. Die lieben heiligen Engel ſind gegenwertig/ 1 Cor. 11. Da wird GOTtes Wort lauter verkuͤndiget/ die heilige Sacrament nach Eltern vnd Kinder. nach der Ordnung vnd Eynſetzung Gottes aus- getheilet/ Da werden allerley arme Suͤnder zu wonen Chriſto geboren/ Pſal. 87. Da werden die Geiſtliche Blinden ſehend/ Die geiſtliche La- men gehend/ Die geiſtliche Ausſetzige rein/ Die geiſtlich Tauben hoͤrend/ Die Geiſtliche Todten ſtehen auff/ vnd den armen/ verzagten Hertzen/ vñ elenden Gewiſſen/ wird das Euangelium gepre- diget/ Vnd iſt an dieſem Ort zumal gut ſein/ wie bey Chriſto auff dem Berg Thabor/ Dauon Pe- trus ſagt/ HErr hie iſt gut ſein/ Matth. 17. Vnd darumb betet Dauid ſo hertzlich/ Pſal. 27. Eines bitt ich vom Herrn/ das hab ich gerne/ das ich im Hauſe des HErrn bleiben moͤge/ mein Lebenlang zuſchawen die ſchoͤne Gottesdienſt des Herrn/ vñ ſeinen heiligen Tempel zu beſuchen.

Die Gottloſen vnd vnbekante Weltkinder/ haworzu die weltkinder lust haben. ben wol jren luſt an ſchoͤnen Schloͤſſern/ vnd har- ten Veſtungen/ Wenn ſie aber daraus ſcheiden/ ſo faren ſie zum Teufel in Abgrund der Hellen/ Wie der reiche Man/ Luc 16.

Wer aber aus dieſer Wonung der Chriſtlichen Kirchen/ in warem Glaubẽ abſcheidet/ der koͤmpt aus der ſtreitenden Kirchẽ/ in die Triumphirende Kirchen/ Gleich aus dem Heilige/ in das Aller- heiligſte/ da er GOtt von Angeſicht zu Angeſicht ſihet/ 1. Cor: 13. Da iſt es denn ſo herlich vñ ſchoͤn/ Cdas Vermanung an die Seelſorger/ das es niemals kein Auge geſehen/ kein Ohr ge- hoͤret hat/ vnd in keines Menſchen Hertz geſtiegen iſt/ 1. Cor. 2. Wie denn dieſe Himliſche Wonung gantz ſtattlich vnd herrlich entworffen vnd vorge- bildet iſt/ Apoca: 21. Dauon ſagt Chriſtus Joan. 14. Jn meines Vaters Hauſe ſind viel Wonunge/ Vnd wo ſchon daſſelbige nicht wer/ gehe ich doch hin euch die Stete zubereiten/ auff das jr ſeyd wo ich bin. Vnd Paulus/ Wir wiſſen aber/ wenn vnſer jrdiſch Haus dieſer Huͤtten zerbrechen wird/ das wir einen Baw haben/ von GOtt erbawet/ Ein Haus das nicht mit Henden gemacht iſt/ das Ewig iſt im Himel. Vnd vber demſelbigen ſoh- nen wir vns auch/ nach vnſer Behauſung/ die im Himel iſt/ 2. Corinth 5.

10. Gott will fromen Kin- dern langes Leben ver- leyhen.Sehet/ ſolche Wonung ſind allen fromen vleiſ- ſigen Kindern/ ja allen fromen Pfarrkindern/ al- len zuͤchtigẽ Schulkindern/ vñ gehorſamen Haus kindern bereitet/ Vnd wil Gott jnen auch hie zeit- lich helffen vnd beſchecen/ das ſie ſollen jr bleibend Wonung vnd Auskomens haben/ Wie denn nie- mals jemand verlaſſen wordẽ iſt/ der in der furcht des Herren iſt blieben/ Syr: 2.

ZVm Zehenden/ Wil Gott auch fromen vnd gehorſamen Kindern langes Leben verleyhen/ das ſie Kindskinder ſehen ſollen/ Pſal. 128. Wie jnen Gottes Wort verheiſſet/ Exo. 20. Epheſ. 6 Vñ ob Gottes Eltern vnd Kinder. Gottes vnbegreifflichem vnd verborgenem Rhat nach/ ſchon etwas nach dieſem zeitlichen Leben abgieng/ ſo ſol es aber ewig reichlich vmb Chriſti willen erſtattet werden/ Wie Gott im 91. Pſalm. verheiſſet/ vnd ſpricht/ Jch wil jn ſettigen mit lan gem Leben/ vnd wil jm zeygen mein Heyl/ Dar- uon wird auch ſehr troͤſtlich geredt im Buch der Weisheit/ am 4.

Zum Eylfften/ Wil Gott jnen auch Frieden be-11. Gott wil fro men Kindern Friede geben. 1. Dreyerley Friede. ſcheren auff Erden/ mit Gott/ vnd im Gewiſſen auff Erden/ das ein jeglicher vnter ſeinem Feygen baum vnd Weinſtock (wie Micheas am 4. redet) ſicher wonen vnd froͤlich ſein ſol. Mit Gott/ das er jnen vmb Chriſti willen jre Suͤnde vergeben/ vnd jrer Miſſethat nicht mehr gedencken wil/ Jer: 31. Dieſer Friede Gottes iſt hoͤher denn kein Ver- nunfft/ Phil: 4. Denn Vernunfft gedenckt Frie- de mit Wercken bey Gott zu machen/ Wie wir anwerckheiligẽ wöllen mit wercken Frie de erwerben. Papiſten/ vnd allen Werckheiligen ſehen/ die ver- ſtehen die Gnad in Chriſto nicht/ Wie ſich zwar die Apoſtel erſtlich ſelber ſchwerlich haben darein richten koͤnnen/ das Gott ſo groſſen vnd groben Suͤndern/ die nur viel boͤſes/ vnd kein gutes ge- than hatten (wie alle Heyden vor jrer Bekerung) ſolte gnedig ſein/ jnen die Suͤnde vergeben/ vnd ſie ſelig machen ſolt/ Daher Petrus keines wegs zum Hauptman Cornelio kommen were/ wo jm C 2Gott Vermanung an die Seelſorger/ Gott nicht das vierzipfflicht Tuch mit den vnrei- nen Thieren gezeyget/ vnd jn damit geleret hette/ Das er das nicht vnrein achten ſol/ was Gott im Gewiſſen durch den Glauben mit dem Blut Ch- riſti heiliget vnd reiniget/ Aet 10. Von dieſem Frie den ſtehet auch troͤſtlich/ Rom. 5. Epheſ. 2.

2.Jm Gewiſſen wil Gott Frieden ſchaffen/ weñ er ſein freundlich vnd holdſelig Angeſicht hat im Augenblick des Zorns verborgen gehabt/ Eſa 54. Das vns (mit Hiskia/ dem Koͤnig Juda) nach Troſt ſehr bang geweſen iſt/ Eſa. 38. Vnd ſo ſch- mechtig darnach zu GOtt geſchrien haben/ wie der Hirſch ſchreyet nach friſchem Waſſer/ Pſa 42. Vnd wie ein Kind/ das von ſeiner Mutter ent- wehnet iſt/ nach den Dutten vnd Memmen ſch- reyet/ Pſal. 131. Da wil ſich das verlorne Jeſulin im Gewiſſen wider mit Troſt finden laſſen/ wil vns mit groſſer Barmhertzigkeit wider ſamlen/ Eſa. 54. Wil vns wider ſehen/ vnd vnſere Hertzen ſollen ſich frewen/ vnd ſolche Freude ſol niemand 3.von vns nemen/ Johann. 16. Endlich wil er vns auch gegen vnſern Feinden fried ſchaffen/ Pſalm 147. So fern vnſere Wege jm gefallen/ wie Sa- lomon ſpricht/ Wenn jemands Wege dem HEr- ren gefallen/ ſo macht er auch ſeine Feinde mit jm zu frieden/ Prouerb. 14 Vnd das weiſet das Ex- empel aus mit Jacob/ deme war Laban moͤrdlich feind/ Eltern vnd Kinder. feind/ vnd jaget jme derhalben mit Blutgirigem Hertzen nach/ Aber Gott gab jme beſcheid/ Sihe zu/ das du mit Jacob nicht anderſt redeſt/ denn freundlich/ Gen: 30.

Zum Zwoͤlfften/ wil Gott frome Kinder auch12. Gott wil fro- me Kinder Fried an iren Kindern er- leben laſſen. wider an jren Kindern Freude erleben laſſen/ wie denn Jacob an dem Joſeph/ Dauon er ſelber mit dieſen Worten frolocket/ vnd ſpricht: Sihe/ Jch hab dein Angeſicht geſehẽ/ das Jch nicht gedacht hette/ Vnd ſihe/ Gott hat mich auch deinen Sa- men ſehen laſſen/ Gen. 48. Vnd dieſe Wolthat ver heiſſet GOtt fromen Kindern/ vnd ſpricht: Wer ſeinen Vater ehret/ der wird auch freude an ſeinen Kindern haben/ Prou: 3.

ZVm dreyzehenden/ Wil Gott jr Gebet erhoͤ-13. Gott wil fro- mer Kinder Gebet erhörẽ. ren/ ſeine gnedige Ohren zu jnen neygen/ vñ thun was ſie als Gottsfuͤrchtige Kinder begeren/ Pſa. 145. wie er jnen zuſagt/ vnd ſpricht/ Wer ſeinen Vater ehret/ der wird auch Freude an ſeinen Kin- dern haben/ Vnd wenn er betet/ wird er erhoͤret/ Prouerb. 3.

ZVm vierzehenden/ wil Gott des Vaters Se-14. Gott will des Vaters Segen auff fromme Kinder kom- menlaſſen. gen vber frome Kinder komen laſſen/ was es dar- umb fuͤr ein krefftig ding ſey/ gleubt kein Menſch/ Eſau aber verſthunt es wol/ darumb thet er auch ſo vbel/ das jme Jacob den Segen angewonnen hatte/ Gen. 27.

C 3Wir Vermanung an die Seelſorger/

wiſſent in die Sünde der TrunchenheitWIr erfahren es Gott lob auch/ Denn Gen. 9. ſtehet/ das Noa vbereylter Sachen truncken worden war/ vnd in ſeiner Huͤtten entbloͤſt lage/ da ſey Japhet ſein mitler Son/ ſampt Sem dem Eltern ruͤcklings herzu gangen/ vnd habe des Va- ters entbloͤſte Scham mit einem Kleid bedecket/ vnd alſo den trunckenen Vater nach dem vierdten Gebot geehret/ vnd jnen nicht mit dem Heuchler vnd Spoͤtter Cam/ verlachen helffen.

Da nun Noa von ſeinem Schlaff auffwachet/ verflucht er Cam/ vnd ſegnet/ Sem/ vnd ſaget ſonderlich von Japhet/ Gott breite Japhet aus/ vnd las jn wonen in der Huͤtten Sem.

ſey inder Hütten Sems wohnen.Vnd iſt das die Meynung/ Gott wolt Japhet des reinen Worts Gottes/ vnd rechten Gottes- dienſts (ſo bey Sem vnd ſeinen Nachkoͤmlingen blieb) auch vmb Chriſti willen theilhafftig werden laſſen. Nun iſt von der zeit an vber die vierdhalb Moa ſegẽ vber laphet hilffet vns Deutſehen noch heute zu Tage.tauſend Jar verfloſſen/ Gleichwol wircket Noa Segen heut zu Tage vnter vns krefftig.

Denn Japhet iſt vnſer Vater/ vnd hat ſich mit ſeinen Nachkoͤmlingen in dieſe Mitternachtiſche Lender nider gelaſſen/ von jme komen wir arme Heyden her/ vnd kommen jetzund am Abend der Welt zu Sems Huͤtten/ vnd werden des reinen Worts Gottes/ vnd rechten Gottesdienſts theil hafftig. Jch mein ja das heiſſe/ Jch thue Barm- hertzig- Eltern vnd Kinder. hertzigkeit an vielen Tauſenden/ die mich lieben/ vnd mein Gebot halten/ Exod: 20.

Alſo ſol es heut zu Tage mit fromen gehorſa- men Kindern auch gehen/ wenn ſie Vater vnd Mutter/ Prediger vnd Zuchtmeiſter ehren/ vnd willig folgen/ das jnen des Vaters Segen Heuſer bauwen/ Das iſt/ leibliche vnd geiſtliche/ zeitliche vnd ewige Wolfart zuwegen bringen ſol/ wie Sy rach am 3. geſchrieben ſtehet.

ZVm fuͤnffzehenden/ Wil Gott auch gehorſa-15. Gott wil ſro- men Kindern ſchöne kleiden beſcheren. me Kinder koͤſtlich kleiden/ ſchoͤn ſchmuͤcken/ vnd herrlich heraus butzen/ Alſo/ das er ſampt den lie- ben heyligen Engeln/ vnd die gantze Himliſche Ritterſchafft luſt an jnen ſehen ſollen/ Deñ Gott reiniget ſie ja durch das Waſſerbad im Wort/ Epheſ. 5. Vnd macht jre Kleider hell/ im Blut des Lambs/ auff das ſie dem Lamb nachfolgen/ Apo: 7. Vñ mit Chriſto zunemen/ nicht allein nach dem Alter/ Sondern auch an Weisheit vnd Gnad/ bey Gott vnd den Menſchen/ Luc. 2.

Dieſen Schmuck rhuͤmet der 45. Pſalm gantz herrlich/ vnd ſpricht/ Des Koͤnigs Dochter iſt gantz herrlich/ Jnwendig/ ſie iſt mit Guͤldenen ſtuͤcken gekleidet/ die Braut ſtehet zu deiner Rech- ten/ in eytel koͤſtlichem Golde/ Man fuͤhret ſie in eytel geſtuͤckten Kleidern zum Koͤnig/ Vñ zuuorẽ: Dein Kleider ſind eytel Mirrhẽ/ Aloes vñ Kezie.

Alſo Vermanung an die Seelſorger/

Geistlicher Schmuck der waren Kinder Gottes.Alſo wird der Auſſerwehlten Schmuck gantz hoch gerhuͤmet/ wie koͤſtlich er ſey/ wie ſchoͤn er ſte- he/ vnd wie wol er rieche/ welchs alles eytel Geiſt iſt/ von Chriſti Euangelium Geiſt/ Kirch/ Gabe vnd ewigem Leben/ vom Sieg wider die Suͤnde/ Todt/ Geſetz/ Teuffel/ Fleiſch/ Welt/ vnd alles Vbel/ Wie Lutherus in der Summarien dieſes Pſalmen ſagt.

ware Christẽ ſind heilig vor Got in ChriſtoDarumb iſt wol auff das Woͤrtlin Jnwendig/ acht zu geben/ Denn wie GOtt in Chriſto ſeine liebe Kinder anſihet/ ſo ſind ſie das auſſerwehlte Geſchlecht des Koͤnigliche Prieſterthums/ durch das Blut Chriſti gereiniget von allen Suͤnden/ 1. Joan. 1. Das ſie nicht haben einen Flecken oder Runtzel/ oder des etwas/ Epheſ. 5. Vnd ſind jm ein guter Geruch/ 2. Cor. 2. Aber die Welt wird ſolches an jnen nicht gewahr/ jre Augen ſind viel zu tunckel darzu/ ja ware Chriſten fuͤhlen vnd em- pfinden es nach dem Fleiſch viel anders/ Dar- umb iſts vnd bleibts Jnwendig/ Aber der Glaub ſichts vnd begreiffts/ vnd die Werck bezeugens. welt liebt Fleiſchliche Schmuck.Die Welt aber fraget nach dieſem Schmuck ni- chts/ Sondern hat zu dem luſt/ das vor den Au- gen ſcheinet vnd glimmet/ Darumb ſchmuͤckt vnd ſchmenckt ſie ſich wie Jeſabel/ 4. Reg 9. kleidet vnd butzet ſich mit dem reichen Man/ vnd ſteht denn damit in Abgrund der Hellen auff wie er/ Luc 16.

Daraus Eltern vnd Kinder.

Daraus erſcheinet/ das kein Keyſerlich/ Koͤ- niglich oder Fuͤrſtlich Kleid vor der Welt ſo herr- lich iſt/ eines fromen gehorſamen Kinds Gottes geiſtlicher Schmuck iſt vor Gott vnd den heiligen Engeln tauſentmal koͤſtlicher/ ſchoͤner vnd herr- licher/ Ja es iſt das ware Hochzeitlich kleid/ dar- uon Chriſtus im Euangelio redet/ Das/ wer es nicht an hat/ den werden ſein guͤldene Stuͤck/ Per le Bordten/ Sammet vnd Seyden kleider/ die er (etwan mit dem Bapſt/ vnd ſeinem Gottloſen hauffen) hie getragẽ/ nicht helffen/ Sondern wird ausgemuſtert werden/ Matth. 22. Darumb ler- net erkennen/ liebe Kinder/ was es fuͤr ein gros Gnad/ vnd ausſprechliche Wolthat vmb dieſe kleider ſey/ Vnd ſehet zu/ das jr euch derſelben mit Vnglauben vnd Vngehorſam nicht ſelber berau- bet/ ſo wird es der ander Kleydung halber nicht not haben/ weil ewer Himliſcher Vater wol weis/ das jr derſelben beduͤrffet/ Matth. 6.

ZVm ſechtzehenden/ Wil GOtt frome gehor-16. Gott wil fro- me Kinder leyten vnnd fähren. meſame Kinder allenthalben leyten vnd bewaren/ wie im 32. Pſal: ſtehet/ Jch wil dich mit meinen Au- gen leyten. Vnd Exod. 23. Sihe/ Jch ſende einen Engel vor dir her/ der dich behuͤt auff dem Weg/ vnd bringe dich an den Ort/ den ich dir bereyt ha- be. Vnd hieher gehoͤrt Dauids Exempel/ dauon Gott alſo ſpricht. Jch hab dich genomen von der DWeyd Vermanung an die Seelſorger/ Weyd hinder den Schaffen/ das du ſolteſt ſein ein Fuͤrſt vber mein Volck Jſrael/ vnd bin mit dir geweſen/ wo du hin gegangen biſt/ vnd habe dei- ne Feinde ausgerottet vor dir/ vnd habe dir einen Namen gemacht/ wie die Groſſen auff Erden Na men haben/ 1. Cron: 18.

Was koͤnt doch koͤſtlichers vnd troͤſtlichers ge- ſagt werden/ denn das Gott auff ſeine Kinder ſo genauhe achtung gebe/ vnd ſie/ wie die Jugend/ fuͤren vnd bewaren wil/ Pſal 48. Kan doch hie ein jeglichs fromes Kind ſprechen/ iſt Gott vor vns/ wer wil wider vns ſein/ Rom. 8.

17. Gott wil fro- me Kinder Nachts behü- ten.ZVm ſiebenzehenden/ Wil GOtt ſonderlich auch des Nachts vber frome Kinder die Augen auffheben/ das jnen nichts boͤſes widerfaren ſol/ Pſal 12. ſtehet. Der dich behuͤtet/ ſchleffet nicht/ Vnd damit niemand hieran zweyffel/ widerholet er die vorgehende Wort noch einmal/ vnd ſpricht: Siehe/ der Huͤter Jſrael ſchleffet noch ſchlum- mert nicht/ Welches zumal ein herrlicher/ kreffti- ger vnd ſehr groſſer Troſt iſt/ ja ein vnausſprech- liche Gnad vnd Wolthat. Denn es iſt ein gemein Sprichwort/ das die Leut mit ſchaden/ vnd aus der Erfahrung gelernet vnd gemacht haben/ das man ſpricht: Die Nacht iſt niemands Freund. Das alſo die Nacht jedermenniglich gantz gefehr lich vnd beſchwerlich iſt/ Aber da wil Gott ſelber gegen- Elternvnd Kinder. gegenwertig ſein/ vnd ſeinen Fus vor ſeine Kin- der ſetzen/ ſie bewachen vnd behuͤten/ mit ſeinen Fittichen decken vnd beſchuͤtzen/ das ſie nicht er- ſchrecken ſollen fuͤr dem grawen des Nachts/ Wie er ſich im 91. Pſal: troͤſtlich erbeut/ Sondern ſol- len fein ſuͤs eynſchlaffen/ wie Pro. 3. ſtehet. Aber dauon hab ich weitleufftiger geſchrieben vber den 91. Pſalm.

ZVm Achtzehenden/ Wil er ſie auch die ware18. was die forcht des HERREN ſey. Furcht GOttes leren/ wie im 34. Pſalm. ſtehet/ Kompt her jr Kinder/ hoͤret mir zu/ Jch wil euch die Furcht des Herren leren. Die Furcht des Her- ren aber iſt nicht das man ſich vor Gott entſetze/ wie ſich ein Vbeltheter vorm Scharpfftichter ent ſetzet/ Sondern das man Gott vor Augen habe/ das man jn nicht beleidige vnd erzuͤrne/ Vnd iſt ein furcht/ wie ſie ein fromes Kind gegen ſeinen Vater hat/ das frewet ſich/ das der Vater gegen- wertig iſt/ Leſſet jm aber gleichwol des Vaters ge genwertigkeit ein Vrſache ſein/ ſich zu entſetzen/ vñ fuͤr jm zu fuͤrchten/ damit es nicht etwas thue/ das jn beleydige.

Alſo iſts auch mit einem fromen Kind Gottes/Den waren Kindern Got- tes ist, als ſe- hen ſie GOTT vor Augen. das frewet ſich Gottes Gegenwertigkeit/ Denn ob gleich Gott ein Geiſtlichs vnſichtbarlichs We ſen iſt/ gleichwol weis es/ das er Himel vnd Er- den erfuͤllet/ Jere: 23. Darumb thut ein jedes kind D 2Gottes Vermanung an die Seelſorger/ Gottes wie Moyſes/ vnd helt ſich an Gott/ den es nicht ſihet/ als ſehe es jn/ Ebre. 11. vnd ſpricht mit Dauid: Jch hab den HERren alle zeit vor Augen/ vnd er iſt mir zur Rechten/ darumb werd ich wol bleiben/ Pſal. 16: Darumb folget denn/ das man vor allem Boͤſen vnd Vnrechten ein ab- ſchewen hat/ damit man Gott nicht jrgend mit etwas beleydige oder erzuͤrne/ wie Gott auch Be- felch gibt/ Exod. 23. Denn wer den Herren fuͤrch- tet/ der thut was jm wolgefelt/ Syr. 2. vnd durch die Furcht des Herren meydet man das boͤſe/ Pro. 16. Wie Joſephs Exempel ausweiſet/ Der fuͤrch- tet Gott/ Darumb meydet er das boͤſe/ vnd lies ſich ſeines Herrn Weib nicht vberreden/ Vnzucht mit jr zu treiben/ Welches doch einem Vngotts- fuͤrchtigen ein gefunden Spiel geweſen were/ Vñ das hat auch Joſeph ſeiner Gottsfurcht wol ge- noſſen/ Denn er iſt dardurch ein Herr vber gantz Egyptenland wordẽ/ Gen. 4. Jſt des Koͤniglichen Propheten Wort hie nicht reichlich war worden? da er ſpricht/ Du bekoͤmeſt wol die deinen Namen fuͤrchten/ Pſal: 61. Vnd Summa/ die Gottes- furcht iſt ein ſicher Feſtung/ Prou. 14. Sie mehert die Tage/ Pro. 10. Sie machet das Hertz froͤlich/ vnd gibt Freud vnd Wonne ewiglich/ Eyr: 1. Wer den Herren fuͤrcht/ der gleubt ſeinem Wort/ Syr. 2. Vñ das iſt auch der rechte Gottesdienſt/ Syr 2. Einem Eltern vnd Kinder. Einem ſolchen gehts wol in ſeinen letzten Noͤten/ Syr: 1. Vber den iſt niemand/ Syr. 25. Sein Sam wird gewaltig ſein auff Erden/ Pſa. 112. Vñ iſt die Furcht des Herren der Weisheit Anfang/ Vnd iſt ein feine Klugheit/ wer darnach thut/ des lob bleibet ewiglich/ Pſal. 111.

ZVm Neunzehenden/ Wil Gott auch wunder19. Gott wil wun der thũ durch fromme Kin- der. durch ſie thun/ das ſie dardurch weit vnd breit ſol len berhuͤmbt werden/ vnd ein ewigen Namen be- komen/ Wie er mit Salomon thet/ der war noch ein junger Knabe/ wie er 3. Reg. 3. ſelber bekennet/ Aber Gott erfuͤllet jn dermaſſen mit Kunſt/ Weis heit/ Tugend vnd Geſchickligkeit/ das man allein von jme in aller Welt zu ſagen hatte/ dardurch er ſo berhuͤmbt ward/ Das auch die Koͤnigin von Seba aus dem Reich Arabiæ ſolchs vernam/ vñ dardurch verurſacht ward/ gleich vom End der Erden auffzubrechen/ vnd dieſen Koͤnig zu be- ſuchen/ vnd mit groſſen Geſchencken zu begaben/ Damit ſie jn ſehen vnd hoͤren moͤchte/ 3. Reg: 10. Vnd iſt dieſe Hiſtoria oder Geſchicht ſo trefflich wichtig vnd hochbedencklich/ das ſie Chriſtus ſel- ber anzeucht/ Matth. 12.

Alſo wil Gott der Herr noch heut zu tage fro- me Kinder mit Geſchicklicheit/ Kunſt vnd groſſen Gaben erfuͤllen/ das ſie dardurch in aller Welt ſol len berhuͤmbt werdẽ/ Oder aber ſollen jrer Eltern D 3Froͤm- Vermanung an die Seelſorger/ Froͤmigkeit vnd Gottſeligkeit genieſſen (wenn ſie auch in jr Fusſtapffen tretten) das ſie von allen auffrichtigen Leuten gelobt/ vnd gros geacht wer- den ſollen/ Wie der jung Thobia ſeiner Eltern ge- nos/ das er in frembden Landen freundlich em- pfangen/ willig auffgenomen/ vnd allen guten willen empfieng/ vñ war zumal troͤſtlich zu hoͤrẽ/ das Raguel zu jm ſagt: O mein lieber Son/ geſeg net ſeyſtu/ deñ du biſt eines reichẽ fromen Mans Son/ Tob: 7. Jtem/ Da Rages von der Stat im Land Meden/ zu Tobia in Raouelis Haus auff die Hochzeit kam/ vnd auch ſagte. Es ſegne dich der Gott Jſrael/ Denn du biſt eines frome/ gerechte/ Gottsfuͤrchtige Maus Son/ der den Armen viel guts gethan hat/ Tob. 9.

wie ſich einer helt, ſo ſaget mans Ihme nach.Denn wie einer handelt vnd thut/ ſo ſagt man in allen Landen daruon/ Leſſet einer dem Fleiſch den Zuͤgel/ ſo brichts an allen orten aus/ vñ man ſagt allenthalben daruon/ Wie das Exempel mit Jocobs Soͤnen ausweiſet/ Die waren faſt alle v- ber einen Leyſt geſchlagen/ vnd meyneten/ ſie ſpie- leten jhr Bubenſtuͤck mit dem lieben Joſeph/ ſo heimlich vnter dem Huͤtlin/ das nimermehr kein Menſch etwas daruon erfahren ſolte/ Aber es fand ſich viel anders/ Vnd gieng/ wie Chriſtus zu ſeinen Juͤngern ſagt/ Es iſt nichts verborgen/ das nicht offenbar werde/ Vñ iſt nichts heimlichs das Eltern vnd Kinder. das man nicht wiſſen werde/ Matth. 10. Denn was GOtt ſihet/ vnd die Engel wiſſen/ wie kan das verborgen bleiben? Alſo da Abrahamen ver-Helmliche bö- ſe Stlick eſſen baret GOTT wunderbar- lich. borgen war/ wie die zu Sodoma haushielten/ vnd jr boͤſe Laſter/ ſo ſie begiengen/ vnd jr boͤſe Ge ſchrey/ das ſie fuͤr GOtt hatten/ kamen drey En- gel zu jme/ vnd ſagtens jme/ Gen. 18. Alſo kunte Jacobs Soͤne Buberey/ an Joſeph geuͤbet/ auch nicht verborgen bleiben/ Die Jſmaelitiſche Kauff leute breytens in alle weitten vnd frembden Lan- den aus/ Der Koͤnig Pharao erfurs/ dem Vater kams vor Ohren/ Ja ſie muſtens endlich mit ſch- recken vnd zittern ſelber bekennen/ Vnd heut zu ta ge ſinget man in aller Welt daruon/ Gen. 37. 39. 40. 41. 42. 45. 50. Dis ſollen alle frome Kinder GOTtes wol mercken/ vnd vor Suͤnden huͤten/ Denn es bleibt endlich doch nichts dahinden/ wie weiters auch die Hiſtoria mit den boͤſen Buben des Prieſters Eli ausweiſet/ die hetten auch jhr Leben darauff gewagt/ ob ein Menſch jr Schalck heit vnd Bubenſtuͤck erfahren ſolte: Aber es ward dem Vater offenbar/ es ward den Leuten bekant/ vnd empfiengen jren Lohn dafuͤr/ Wie man auch noch heut zu Tage daruon ſinget vnd ſaget/ im 1. Sam. 2. 4.

Widerumb thut jemand/ was da ehrlich/ loͤb- lich/ Chriſtlich vñ recht iſt/ ſo bleibt es auch nicht dahin- Vermanung an die Seelſorger/ dahinden/ Wie das Exempel mit dem alten To- bia ausweiſet/ Denn da zu ſeiner Zeit alle Welt vom rechten Gottesdienſt abfiele/ vnd die guͤldene Kelber anbeteten/ Jerobeam des Son Nebath hat machen laſſen/ 3. Reg. 12. Da bleib er im rech- ten waren Glauben beſtendig/ vnd beweiſet ſol- chen Glauben mit reichen Fruͤchten: Er begrub die Todten/ beſuchet die Gefangene/ troͤſtet die Bekuͤmerte/ gibt den Armen/ leyhet dem Duͤrff- tigen/ etc. Dieſes erſchalt in alle Land/ es wird an allen Orten ruchtbar/ Raguel der weit von Tobia daheimen war/ hoͤret daruon/ Gabel weit im Land Meden/ rhuͤmet daruon/ Darumb iſt kein koͤſtlicher ding auff Erdẽ/ als ein guter Nam/ Vnd koͤnnen frome Kindern auch keinen groͤſſern Schatz bekomen/ denn einen guten Namen. Da- hin ſihet auch der geſchickt Catechiſmus prediger Syrach/ da er ſeinen Schuͤlern am 42. dieſe Lere Ein guter Na- me ist ein treffentlicher guter Schatz.gibt vnd ſpricht: Siehe/ das du einen guten Na- men behalteſt/ der bleibet gewiſſer denn tauſend Schetz Golds. Dahin ſihet auch S. Paulus/ da er ſpricht. Liebe Bruͤder/ Was warhafftig iſt/ was Erbar/ was Gerecht/ was keuſch/ was Lieb- lich/ was wol lautet/ iſt etwan ein Tugend/ iſt et- wan ein Lob/ Dem dencket nach/ welches jr auch gelernet vnd empfangen/ vnd gehoͤret/ vnd geſehẽ habt von mir/ das thut/ ſo wird der HERR des Frie- Eltern vnd Kinder. Friedens mit euch ſein/ Phil. 4. Denn alle andere Dinge ſind vergenglich/ Denn man ſey wer man woͤlle/ man hab was man woͤlle/ man koͤnne was man woͤlle/ ſo nimpt es mit dem Todt ein Ende/ Wie der 49. Pſal. ſpricht/ Jr Herrligkeit wird jn nicht nach fahren/ Allein ein guter Name bleibet ewiglich. Wie Syrach an gedachtẽ Ort ſpricht/ Ein Leben/ es ſey wie gut es woͤlle/ ſo wehrets ein kleine zeit/ Aber ein guter Name bleibet ewiglich. Dauon ſagt Joannes Apoc. 14. Jr Werck folgen jnen nach. Vnd Dauid im 112. Pſal. Des Gerech- ten wird nimermehr vergeſſen.

ZVm zwantzigſten/ Wil Gott fromen Kindern20. Gott wil fro- men Kindern Glück vnnd ſieg wlerire Pemdewider ire Feinde geben. Gluͤck vnd Sieg wider jre Feinde verleyhen/ Deñ ein fromes Kind/ das in warem Glauben an Chriſto bleibet/ vñ wandelt wie er gewandelt hat/ 1. Joan. 2. Das iſt ein warhafftig Glied Chriſti/ Fleiſch von ſeinem Fleiſch/ vnd Bein von ſeinen Beinen/ Epheſ. 5. Darumb kan jm nichts wider- fahren/ das Chriſto nicht ſelber begegne/ Derhal ben wer ſein Feind iſt/ der iſt auch Chriſti Feind/ Daher nimpt ſich auch Chriſtus ſein an/ ſetzet ſeinen Fus fuͤr ſie/ vnd ſtreitet fuͤr ſie/ Wie er gne dig vertroͤſtet/ Exod: 23. Wirſtu meiner Stim ge-werwider die Kinder Gottes ist, der ist wi der Christum ſelbst. horchen/ ſo wil ich deiner Feinde Feind/ vnd dei- ner Widerwertige Widerwertiger ſein. Daruon erſcheinet ein Exempel am Koͤnig Pharao/ vnd Eſeinem Vermanung an die Seelſorger/ ſeinem verlohren hellen hauffen/ da ſie ſprechen/ Laſſet vns fliehen von Jſrael/ denn der HERR ſtreytet vor ſie wider die Egypter/ Exod. 14. Vnd S. Paulus muſte es auch erfaren vnd hoͤren/ das ers nicht allein mit den armen Chriſten zu thun hatte/ Sondern mit CHriſto ſelber/ da jme die Stim viel gewaltiger/ denn kein Donnerſchlag in die Ohren ſchallet: Saul/ Saul was verfolg- ſtu mich. Vnd ſolches dermaſſen/ das er daruon zur Erden ſuncke/ Act 9.

Exempel, wie gewaltig Gott die Seinen er- reitet, vnnd wie grewlich er Ire Sünde geſtraffet hat.Alſo haben gehorſame Kinder/ ſampt allen fromen Chriſten einen vberwindlichen Beyſtand auff jrer Seyten/ vñ eben den der Pharao ſampt ſeinem Anhang ins rote Meer ſturtzet/ Exod. 14. Der die Midianiter ſchluge/ Jud. 9 Der den groſ ſen Goliath vmbbrachte/ 1 Sam. 17. Der Syhon den Koͤnig zu Hesbon mit ſeinem groſſen Heer er legt/ Deut. 2. Der den Og/ Koͤnig zu Beſan ſch- lug/ der ein vngehewer Rieſs/ vnd ſo ſchrecklich gros war/ das er ein Bett haben muſt/ Neun E- len lang/ vnd vier Elen weite/ nach eines Man- nes Elenbogen/ Deut. 3. Kunt aber doch mit ſei- nem groſſen Anhang/ vnd mit ſeiner groſſen Ma- cht/ nichts wider Gottes Volck ausrichten/ ſon- dern gieng jm/ wie im 33. Pſalm. ſtehet/ Einen Koͤnig hilfft nicht ſein groſſe Macht/ Ein Ryſe wird nicht errettet durch ſein groſſe Krafft/ Roſſe helffen Eltern vnd Kinder. helffen auch nicht/ vnd jre Stercke erretten nicht/ Chriſtus iſts der die 31. Koͤnig in Canaan ſchlug/Chriſtus hat alle vnſere Feinde vber- wunden. mit jrem vnzehlichem Volck/ vnd vnausſprechli- chem Heere/ Joſ: 12. Pſal 135. Er iſt der ſtarcke/ der den Starcken vberwunde/ Luc 11. Jn ausgezo- gen/ alle ſeiner Macht beraubet/ jn ſchaw getra- gen/ vnd einen Triumph aus jme gemacht hat/ durch ſich ſelbſt/ Col. 2.

Er iſts der dem Todt alle ſeine Macht genomẽ/ vnd das Leben vnd vnuergenglich Weſen an das Liecht gebracht hat/ 2. Tim. 1. Er iſts der die Welt vberwunden hat/ Joan. 16. Er iſts/ der derhalben ein Peſtilentz worden iſt/ ſeine Gleubige daraus erloͤſet/ Oſee: 17. vnd jnen den Sieg geſchencket hat/ 1. Cor. 15. Er iſts/ der alle Gerechtigkeit erfuͤl let/ Matth. 3. vnd ein ewige Erloͤſung erworben hat/ Ebreer. 9.

Dis iſt allein ein ſolcher hoher vnd groſſerSeliger Troſt wideralle leib liche vnd geiſt liche Feinde. Troſt/ das ſeiner nicht vmb tauſend Welt zu ent- beren were/ vnd kan jn ein jeglichs Kind Gottes/ wider Geiſtliche vnd leibliche Feind gebrauchen/ damit trutzen/ Vnd aus dem 118. Pſalm. ſagen: Der HERR iſt mit mir/ mir zu heiffen/ vnd ich wil meinen luſt ſehen an meinen Feinden/ Sie vmbgeben mich allenthalben/ Aber in dem Name des HERren wil ich ſie zuhawen. Sie vmbge- ben mich wie Biene/ Sie tempffen wie Fewer in E 2Dor- Vermanung an die Seelſorger/ Dornen/ Aber im Namen des HERrn wil ich ſie zerhawen/ Die Rechte des Herrn iſt erhoͤhet/ Die Rechte des HERren behelt den Sieg. Vnd aus dem 3. Pſ: Jch fuͤrchte mich nicht vor viel hun dert Dauſenden/ die ſich vmbher wider mich legẽ.

Sehet/ ſind das nicht groſſe Verheiſſunge? ſinds nicht groſſe Guͤter? ſind es nicht vnauſs- ſprechliche Wolthaten/ damit GOTt ſeine liebe Kinder begnaden vnd begaben wil? Wenn ſie ge- horchen vnd folgen/ Vnd erſcheinet Gott ſo Leut- ſelig/ thut ſich ſo freundlich herfuͤr/ leſſet ſich ſo gnedig vernemen/ vnd erbeut ſich ſo viel vnd groſ- ſes/ das nicht wunder were/ das Himel vnd Er- den bewegt wuͤrden/ Laub vnd Gras frolocketen/ Berg vnd Huͤgel huͤpfften/ Wie im Ausgang der Kinder Jſrael aus Egypten geſchehen/ Pſal. 114. Wil geſchweygen/ das die Menſchen nicht dar- durch zum willigen Gehorſam bewegt vnd verur- ſachet werden ſolten/ Vnd was jm hiemit auch nicht rhaten leſt/ dem wird auch nicht zu helffen ſtehen/ Vnd wird GOtt in allen dieſen Stuͤcken verkert wider ſich haben/ Wie im 18. Pſal ſtehet: Bey den Heyligen biſtu heylig/ Bey den Fromen biſtu from/ Bey den Reynen biſtu rein/ vnd bey den Verkehrten biſtu verkehrt. Darumb wer- 1.den ſie zum erſten verflucht ſein muͤſſen wie Cain/ 2.Gen. 9. Zum andern/ wird alle jr Hoffnung ver- lohren Eltern vnd Kinder. lohren ſein/ Denn was die Gottloſen gern woͤl-was vor ſtraf fen vber die vngehorſame Kinder gehen werde. ten/ das iſt verlohren/ Pſal: 112. Zum dritten/ Sollen ſie auch jr Leben nicht zur helffte bringen/ Pſal 55. Sondern vbel vmbkomen/ wie die Soͤ- ne des Prieſters Elij/ 1. Sam. 4. Vnd die boͤſe3. Kinder/ die dem Propheten Eliſee nicht gehorch- ten/ ſondern ſeine ſpotteten/ 4. Reg. 2.

Zum vierdten/ Sollen ſie arm werden/ ver-4. derben/ vnd betlen gehen/ ſampt jren Nachkomẽ/ weil ſie dem Sathan gehoͤr geben/ gehorchen vnd folgen/ Pſal. 109. Zum fuͤnfften/ Sollen ſie in5. verkehrten Sinn gerhaten/ zu Narren werden/ thun das nicht taug/ Rom. 10. Zum ſechſten/ ſol6. jnen das lauter Wort Gottes (das ſonſt die arme verſtrickte Gewiſſe entledigt/ Jſa. 61.) zum Strick werden/ Pſal. 69. Das ſie ſich darin verkoppe- len/ vnd der Luͤgen anhangen/ 1 Theſſal. 2. Wie heut vnſer Papiſten vnd Caluiniſten/ vnd vor Zei ten die Baals Pfaffen/ 3. Reg. 18. vnd Hanis Prieſter/ 3. Reg: 22. Zum ſiebenden/ Sollen7. jnen die Menſchen vnguͤnſtig vnd zu wider wer- den/ das ſie wider jederman ſind/ vnd jederman wi der ſie/ Wie von Jſmael geſchrieben ſtehet/ das Er wider jederman/ vnd jederman wider Jn ge- weſen ſey/ Gene. 16.

Zum achten/ ſol jnen das Geheimnus in Got-8. Die Gottloſen tes Wort/ das allein den Fromen offenbar wird/ E 3Pſal: 25. Vermanung an die Seelſorger/ vnd blei- ben verblend.(Pſal. 25. Das Geheimnus des HErren iſt vnter den Fromen/ Matth. 13. Euch iſt gegeben zu wiſ- ſen das Geheimnus des Reich GOttes) verbor- gen bleiben/ vnd ſollen im hohen Mittag (da Got tes Wort jederman am klerſten vnter Augen ſchei net) tappen im Finſtern/ Wie jetzund vnſere Pa- piſten vnd Caluiniſten/ vñ andern auch geſchicht. 9.Zum Neundten/ Sol jr Wonung wuͤſt werden/ Pſal: 69. Vnd ſollen in die Hellen fahren/ Pſal. 49. wenn ſie ſich nicht beſſern/ vnd bey Zeiten wa- 10.re Buſſe thun. Zum zehenden/ Sollen ſie mit boͤſen/ vnartigen Kindern geſtraffet werden/ die zum Vntergang helffen/ ehe jr rechte Zeit komen/ wie dem Prieſter Elij geſchach/ 1. Sam. 28.

11.Zum eylfften/ Sollen ſie auch/ wie alle Gott- loſe keinen Frieden haben/ Eſai. 48. Weder mit GOTT/ 1 Sam. 28. noch im Gewiſſen/ Eſai. 57. noch vnter den Leuten/ Deut: 28.

12.Zum zwoͤlfften/ ſollen ſie an jren Kindern nur Hertzeleyd vnd Jamer erleben/ Wie Sedeckia der Koͤnig Juda/ ſeine Kinder vor ſeinen Augen mu- ſte erwuͤrgen/ vnd zu Stuͤcken hawen ſehẽ/ Hier: 13.39. Zum dreyzehenden/ Sollen ſie nicht erhoͤrt werden/ wenn ſie gleich viel beten/ Eſat. 59 Wie auch im 18. Pſalm ſtehet: Sie ruffen/ Aber da iſt kein Helffer/ Ja jr Gebet ſol zur Suͤnden werden/ 14.Pſal. 109. Zum vierzehenden/ Sol der Fluch Gottes Eltern vnd Kinder. Gottes vber ſie komen/ ſie ſtehen/ oder ſitzen/ ſie gehen oder ligen/ ſie gehen aus oder bleiben da- heim/ Deut: 28. Zum fuͤnfftzehenden/ Sollen ſie15. allen fromen Hertzen hie ein Grewel ſein/ in jrem Weſen/ Pſal. 14. Vnd da ſie ſich nicht beſſern/ auch in jener Welt/ wie Eſaia am letzten ſtehet.

Zum ſechtzehenden/ Sollen ſie von Gott we-16. der Geleyt noch Schutz haben/ Sondern ſollen dem Teuffel vnd allem Vngluͤck preys gegeben werden/ Wie im 34. Pſalmen ſtehet: Das Ant- litz des HERrrn ſtehet wider die/ ſo boͤſes thun/ das er jr Gedechtnus ausrotte von der Erden.

Zum ſiebenzehenden/ Sollen ſie Nachts kein17. ruhe haben/ ſondern durchs Teuffels Laruen vnd Geſpenſt grewlich erſchrecket werden/ Wie im Buch der Weisheit am 17. vnd 18. Capitel ange- zeyget iſt. Zum achtzehehenden/ Sollen ſie aus18. Gottes gerechtem Gericht dahin gegeben werdẽ/ das ſie nach Liechte fragen/ Wie der 10. Pſalm v- ber ſolche Leute klagt vnd ſagt: Der Gottloſe iſt ſo ſtoltz vnd zornig/ das er nach niemand fraget/ Jn allen ſeinen Tuͤcken helt er Gott vor nichts.

Zum Neunzehenden/ Sollen ſie einen verfluch-19. ten vnd verhaſten Namen hinder ſich laſſen/ Wie Jerobeam der Son Nebath/ der die guͤldene Kel- ber zu Samarien auffrichtet/ 3. Reg: 12. Deſſen offtmals vnd ſehr viel in den Buͤchern der Koͤnige vnd Vermanung an die Seelſorger/ vnd Cronicken gedacht wird/ aber in keinẽ guten/ als eines auffrhuͤrers vnd Verfuͤhrers/ Das heiſ- ſet die Schrifft ein verflucht Gedechtnus hinder ſich laſſen/ Solchen Leuten wer es beſſer/ ſie we- ren nie geboren/ wie Chriſtus vom Verrheter Ju da ſagt/ Matth. 26.

20.Zum zwentzigſten/ Sollen ſie wider jre Feinde nicht Stegen/ Sondern vnten ligen/ Deut: 28. Ein rauſchend Blat ſol ſie erſchrecken/ Leui: 26. Vnd da ſie nicht Buſſe thun/ ſolle Welt/ Suͤnd/ Todt/ Teuffel/ Helle/ vnd alles Vbels vber ſie her- ſchen/ vnd ſollen endlich vnd ewig in der Helle bleiben/ Pſal. 49.

Ob nicht auch etwa böſe Kin der gros Glü- cke haben.Hie moͤcht nun jemand ſagen/ Werden doch viel der boͤſen Kinder funden/ die weder nach Gott fragen/ noch etwas auff die Eltern geben/ vnd ge- het jnen darnach wol/ vnd haben Gluͤck? Hier- Die welt ist blind, vnnd weis nicht was Glücke heist, vnd ist.auff iſt zu wiſſen/ das die Welt blind iſt/ vnd weis nicht was Gluͤck heiſt vnd iſt/ Sie heiſt Gluͤck/ wenn einer hie Geſund iſt/ gute Tage hat/ iſt vor den Leuten gros geachtet/ wie aus dem 49. Pſal. erſcheinet/ Vnd wie ſie im 144. Pſalmen jr Hertz ſelber entdecket/ vnd ſpricht: Wol dem/ dem es alſo gehet. Aber ſolch Gluͤck hatten Nabel/ 1. Sam: 25. Balthaſar/ Koͤnig zu Babel/ Dan. 5. Der Reiche Mann/ Luc 16 vnd giengen auff einem feinen Pflaſter daher/ Aber jr Ende war der Eltern vnd Kinder. der Hellen Abgrund/ Syrach. . Daruon ſte- het im 37. Pſalm: Wenn die Gottloſen gleich ſind/ wie ein koͤſtliche Awe/ ſo werden ſie doch vergehen/ wie Rauch vergehet/ Vnd ſetzet ein Exempel von einem Gottloſen/ der wie ein Lohr- beer Baum gegruͤnet habe/ Aber da man nach jm geſehen vnd gefraget/ da ſey er dahin/ vnd die Stett wuͤſt geweſen. Darumb iſt die euſſerliche Wolfahrt nicht das rechte Gluͤcke/ Wie CHRI- ſtus Luc. am 12. ſpricht: Niemand lebt daruon/ das Er viel Guͤter hat/ Das iſt/ Niemand iſt derhalben ſelig/ Daher helt es auch der 144 Pſal. auch nicht mit den fleiſchlichen/ ſichern Weltleu- ten/ Sondern ſpricht: Wol dem des der HErre Gott iſt/ das iſt/ der Menſch iſt am Gluͤckſeligſtẽ/war eygent- lich, vnna in der warheit Glück heiſſeo vnd ſey. vnd am beſten daran/ der einen gnedigen GOtt/ vnd ein gut Gewiſſen hat/ vnd in Chriſto ſeiner Seligkeit gewis iſt/ Es geſchehe ſonſten in der Welt wie es woͤlle/ Der Welt folget jr Herligkeit nicht nach/ vnd mus alles andern laſſen/ 49. Pſal. Dargegen bleibet der frome Kinder Gottes Her- ligkeit nicht dahinden/ Sondern findet ſich reich- lich/ weil ſie dem Son GOTTes gleich werden/ Philip 3. 1. Joan. 3.

DAmit aber meine liebe Soͤn vnd Doͤchter jre vnd alle Chriſten Kinder/ des rechten/ waren Fvnd Vermanung an die Seelſorger/ vnd ewigen Reichthumbs im Himel/ Auch hie auff Erden/ aller herrliche/ Goͤttliche Woltha- ten theilhafftig/ vnd vor angezeygte grewlichem vnd ſchrecklichem/ Leiblichem vnd Geiſtlichem Vbel behuͤtet werden moͤchtet. Hab ich neben ew- res lieben Vater ſeligen Leichpredigt/ dieſen Vn- terricht Euch zuſchreiben woͤllen/ Damit jhr durch die Leichpredigt/ nicht allein ewers ſeligen Vatters Gottſeligkeit vnd Chriſtlichen Tugen- den jmmerdar eyngedenck/ Sondern auch durch dieſem Vnterricht ermahnet/ angereytzet vnd ver- vrſachet werden moͤchtet/ ſeiner heiligen Gottſe- ligkeit vnd Chriſtlichen Tugenden nachzufolgen/ mit vorgeſtelter reichen Belohnung/ wenn man folget/ ſampt angehengter grewlichen/ ſchweren Straff/ wenn man Vngehorſam iſt.

Hertztreuw- liche Ermah- nung an des Herrn Ambro ſij Kinder.WJl alſo auch/ ſampt allen die gern ſeelig werden wolten/ hiemit nach der lieben Biblia/ heiliger Schrifft/ dieſe ewers lieben Vaters Leich predigt/ ſampt gedachtem Vnterricht/ Desglei- chen auch das Teſtament Tobiæ/ ſo Jch vor des ſeligen Herrn Opitij Hausfrawe ſelige/ Leich- predigt an ſtatt der Vorrede erkleret/ getrewlich befohlen haben. Vnd wiſſet im HERREN JEſu/ da jr mein Vetterlich Wolmeynen werdet erkennen/ es im beſten auffnemen/ vnd deme/ ſo Jch Eltern vnd Kinder. Jch darinnen vorgelegt/ gleuben vnd folgen/ das jr dardurch Gott im Himel getrewlich geehret/ die lieben heiligen Engel hoͤchlich erfrewet/ vnd ewren ſeligen Vater vnter der Erden Kindlich eh- ret/ das es ein Geſtalt gewinnet/ als were er nicht geſtorben/ Vrſach/ Er het ſeines Gleichen hinder ſich gelaſſen/ Syrach: 30.

DEr ewig Son Gottes vnſer einiger vnd volVetterlichen wünſch Eychlerie komener Heyland/ Jeſus Chriſtus/ der auch wa- res Kind geboren/ mit Alter/ an Weisheit vnd Gnad zugenomen/ ſeinen Eltern auff Erden vn- terthan/ Luc 2. vnd dem Vater im Himmel/ bis zum Todt des Creutzes gehorſam worden iſt/ Phil: 2. Der leyte euch vnd alle ware Kinder Got- tes/ die Groſſen mit den Kleinen/ die Alten mit den Jungen/ durch ſeinen guten Geiſt/ auff ebe- ner Bahn/ Pſal. 143. Vnd verleyhe Gnade/ das jr vnd wir aller hie in vnſer Bilgerfahrt zum ewi- gen Vaterland/ nicht allein nach dem Alter Leib- lich/ ſondern auch in allem Guten Geiſtlich zune- men moͤgen/ Alſo das wir von Tag zu Tage im Glauben ſtercker/ in der Liebe bruͤnſtiger/ im Ge- bet hefftiger/ im Creutz geduͤltiger/ vnd in der Hoffnung krefftiger werden. Laſſe vns auch end- lich in krafft ſeines bitter Leidens vnd Sterbens an vnſerm letzten Ende ſelig eynſchlaffen/ vnd am F 2juͤngſten Vermanung an die Seelſorger/ juͤngſten Tage froͤlich auffwachen/ zu hoͤren die holdſelige Stimme: Kompt her jr geſegnete mei- nes Vaters/ ererbet das Reiche/ das euch berey- tet iſt von Anbegin der Welt/ Matth. 25. Auff das wir dich/ ſampt demſelbigen deinem Himli- ſchen Vater/ vnd dem heiligen Geiſte/ einen wa- ren/ ewigen GOtt ehren/ loben vnd preyſen/ in alle Ewigkeit/ Amen/ Amen.

Datum/ in der Wuͤſten/ im Hauſe groſſer Truͤbſal/ am Tage Nicolai des heiligen Biſch- offs/ Anno 1585.

E. W. Michael Eychler/ ein Mitgenos am Truͤbſal/ am Reiche/ vnd an der Gedult Jeſu Chriſti.

Text Num: 27. Cap: Vnd Moſes redet mit dem HERRN/ vnd ſprach: Der HERR der Gott/ vber alles lebendiges Fleiſch/ Wolt einen Man ſetzen vber die Gemeine/ der fuͤr jnen her/ aus vnd eyngehe/ vnd ſie aus vnd eynfuͤhre/ das die Gemeine des HERRN nicht ſey/ wie Schaffe ohne Hirten.

GELiebte im HERRn/ Der gegen-Entſchluldi- gung von we- gen dieſes Texts. wertige Text leſſet ſich anſehen/ als ſchicke er ſich beſſer zur Predigt einer Jn ueſtur/ als zur Predigt einer Sepultur/ Das iſt/ Er leſſet ſich anſehen/ als ſchi- cke er ſich beſſer zur Predigt/ wenn man einen Pfarherr auffuͤhret/ vnd zu ſeinem Ampt beſtetti- get/ denn wenn man jn todt zum Kirchhoff tregt/ vnd in die Erden beſcharret. Wer aber das heilige Pre- digampt recht verſtehet/ der ſihet/ das nicht allein alle Leichpredigten daraus herflieſſen/ Sondern auch aller ſeliger vnd lebendiger Troſt in allen Noͤten/ allen Be- truͤbten Hertzen daraus zu koͤmet. Denn wodas heili-Durch das H. Predigampt gibt GOTT allen betrüb- ten Trost. ge Predigampt recht angerichtet iſt/ vnd im Schwang gehet/ da wird es/ nach dem 68. Pſalmen/ liecht/ wo es dunckel iſt/ Da werden getroͤſtet/ die da Leide tragen/ Matth. 5. Die Elenden eſſen vnd werden ſaat/ Pſal: 22. den Armen wird das Euangelium gepredigt/ Matt: 11. Die zubrochene Hertzen werden geheylet/ vnd jre Sch- mertzen verbunden/ Pſal: 147. Vber das ſo redet auch F 3Moſes Moſes ſelber kein ander Wort/ da jme Gott das Leben auff kuͤndiget/ vnd jn heiſſet ſich zu ſeinem Volck ſamb- len/ Vergiſſet alles/ daran erſonſten gedencken ſolte/ wo es mit dem beyligen Predigampt nicht recht ge het, da müſſen die trostloſen Hertzen ver- ſchmachten.vnd ſorget fuͤr das heilige Predigampt/ als der wol er- kennete/ das/ wo es mit dem nicht richtig gehet vnd ſte- het/ Das auch da kein Troſt noch erquickung zu hoffen iſt. Vnd widerumb/ wo das richtig ſtehet/ das es da auch da an Troſt vnd Erquickung nicht mangelt/ vnd niemand fuͤr Trawrigkeit verzaget vnd verſchmachtet/ wie leider vnter dem Bapſthumb viel geſchehen iſt.

Weil denn das heilige Predigampt der ſelige Bruñ iſt/ da aller lebendiger vnd ſeliger Troſt/ durch die Krafft des heiligen Geiſtes herfleuſt/ So woͤllen wir jme auch auff dismal in CHRJſti Namen/ das Wort thun/ Auff das wir erkennen lernen/ was es fuͤr eine groſſe Gnade/ vnd vnausſprechliche Wolthat Gottes iſt/ wo Gott trewe Prediger beſcheret vnd mittheilet/ Vnd widerumb/ was es fuͤr ein Zorn vnd Vngnade iſt/ wenn er die auffraffet/ vnd hinweg nimmet.

Darumb woͤllen wir zum verleſenen Text ſchreitten/ jn erkleren/ vnd daraus die nachfolgende fuͤnff Puͤnctlein abhandeln vnd erkleren.

ZVm Erſten/ Von weme getrewe Lerer vnd Seel- ſorger herkommen.

ZVm Andern/ Was ein auffrichtiger trewer Lerer vnd Seelſorger fuͤr ein Perſon ſey.

ZVm Dritten/ Was eines rechten Chriſtlichen Le rers hoͤchſte vnd groͤſte Sorge ſey.

ZVm Vierdten/ Worinnen eines trewen vleiſsigen Predigers Ampt ſtehe/ Nemlich/ das er eyn vnd ausge- he/ vnd die Schaffe eyn vnd ausfuͤhre.

ZVm Fuͤnfften/ Wie es ein Geſtalt habe/ vmb eine Gemeine/ die eines trewen Hirten vnd Lerers mangelt.

WAs

WAs nun das erſte Stuͤcke anlanget/ wo getrewe Lerer vnd Prediger herkomen/ da er-1. ſcheinet ſolchs klar aus dem Reden vñ Thun Moſis: Denn da Gott jm das Leben auff kuͤn diget/ vnd jn zu ſeinem Volck hat ſamlen heiſſen/ keret er ſich mit Bitten vnd Flehen zu Gott/ vnd ſpricht:

Der HERR der GOTT/ vber alles Le-Trewe Lerer vnd Prediger kommen von Gott. bendiges Fleiſch/ woͤlle einen Mann ſetzen vber die Gemeine/ der fuͤr jnen her/ auſs vnd eyngehe.

ALſo bezeuget Moſes mit ſeinem Gebet vnd Exem pel/ das trewe Lerer vnd Prediger von Gott kommen/ Vnd der iſts vnd bleibt es auch alleine/ der Jeruſalem Prediger gibt/ Wie Er Eſai: 41. ſelber bezeuget/ vnd ſpricht: Jch bins/ der Jeruſalem Prediger gibt/ Vnd daher weiſet vns Chriſtus auch ſelber im mangel fromer Prediger zu jme/ da er Matth: 9. ſpricht: Die Erndte iſt gros/ aber wenig der Arbeiter/ Darumb bittet den HERRN der Erndte/ das er Arbeiter in ſeine Erndte ſende. Weil aber vnſer erloͤſer/ JEſus Chriſtus/ als der rechte Hoherprieſter/ ſich ſelber am Stam des hei- ligen Creutzes/ Gott zu einem ſuͤſſen Geruch/ auffge- opffert/ Epheſ: 5. Vnd da ſein Hochprieſterlich Ampt mit leiden/ beten vnd flehen/ dermaſſen verrichtet hat/ das der Vorhang im Tempel entzwey geriſſen iſt/ von vnten an/ bis oben aus/ Matth. 27. Zum Zeugnus/ das es mit dem Prieſterthumb Aaronis aus ſey/ vnd ſein ewiges Prieſterthumb jetzt recht angehe/ Denn damals iſt Chriſtus einmal in das allerheiligſte eyngegangen/ vnd hat ein ewige Erloͤſung erworben/ Ebre: 9. Vnd verdienet/ das er all Gemeinen vnd Kirchen (welche in Gnaden zu Heyl vnd Wolfahrt/ vnd nicht im Zorn zum Ver- Verderben vnd Verdamnis beſtellet werden ſollen) mit trewen Lerern beſtellet vnd verſorget. Darumb iſt jm nun alle Gewalt gegeben/ im Himel vnd auff Erden/ Christus hat mit ſeiné Ley den vnd Ster- ben die Colla- tur vber alle Pfarren er- morben.vnd iſt warer Gott vnd Menſch/ bey ſeiner Kirchen ge- gen wertig/ bis an das Ende der Welt/ Wie er Matth. 28. ſelber anzeiget/ Vnd darumb ſpricht Er: Sihe/ Jch ſende euch Propheten/ Weyſen vnd Schrifftgelaͤrten/ etc. Matth. 23. Vnd hieuon redet auch S. Paulus zun Epheſ: am 4. vnd ſpricht: Chriſtus iſt in die Hoͤhe ge- fahren/ vnd hat das Gefengnis gefangen gefuͤhret/ vnd hat Gaben empfangen/ etc. Vñ hat etliche zu Apoſteln geſetzt/ etliche zu Propheten/ etliche zu Euangeliſten/ etliche zu Hirten vnd Lerern.

WAs nun vnſer HERr JEſus CHriſtus fuͤr Lerer ſetzt/ die beſtettiget der heilige Geiſt mit wunderlichen Gaben/ theilet jnen Mund vnd Weisheit mit/ welcher nicht widerſprechen noch widerſtehen moͤgen/ alle jre Widerwertigen/ Luc: 21. Vnd redet das Wort Got- tes durch ſie/ Wie Chriſtus Matth: 10. bezeuget/ da Er ſpricht: Jr ſeyd es nicht/ die da reden/ Sondern der Geiſt ewers Vaters iſt/ der durch euch redet.

Die gantze H. Dreyfaltig- keit hat mit dem Heyligen Predigampt zuthun.AL ſo hat die gantze heilige Dreyfaltigkeit mit tre- wen Predigern zu thun/ Gott der Vater erwehlet vnd beruffet ſie. Gott der Son ſendet ſie/ in Krafft ſeines Leidens vnd Verdienſts aus. Gott der H. Geiſt theilet jnen Krafft vnd Gnade mit/ das ſie den Teuffel nicht fuͤrchten/ die Welt nicht ſchewen/ allen Jrrthumben vñ falſchen Glauben getroſt widerſprechen/ vnd alle Er- gernuſſen/ Suͤnden vnd Gottlos Weſen vnerſchrocken ſtraffen/ vnd nicht darnach fragen/ wie es jnen daruͤber gehe/ ob ſie geehret oder geſchendet/ begabet oder berau- bet/ gelitten oder verleythet werden.

Vnd vber dieſen Predigern helt auch Gott/ vnd war- net net menniglich/ das niemand die Finger an jnen ver- brenne/ ſpricht: Taſtet meine Geſalbeten nicht an/ vnd thut meinen Propheten kein leid/ Pſal: 105. Vnd vber- ſchreitet dieſen Goͤttlichen Befehl/ vnd thut darwider/Gott helt vber getrewen Predigers. So nimpt er ſichs an/ als geſchehe es jm ſelbſt/ ſpricht: Wer euch antaſtet/ der taſtet meinen Augapffel an/ Zach: 2. vnd Matth: 10. Wer euch hoͤret/ der hoͤret mich/ vnd wer euch verachtet/ der verachtet mich. Vñ hieher gehoͤret nu das Exempel mit Samuel/ da jn ſeine halsſtarrige/ hartneckichte Pfarkinder nicht laͤnger v- ber ſich leiden wolten/ Sondern jn verworffen/ vnd einẽ Koͤnig forderten/ ſagt Gott/ Sie haben nicht Dich/ ſondern mich verworffen/ 1. Sam: 8. Darumb iſts nie- mals wol ausgangen/ denen/ die ſich an trewen Predi- gern vergrieffen haben. Daruon leſe die Hiſtorien hin vnd wider.

Wie gieng es Ahab/ 3. Reg. 22. vnd ſeiner Jeſabel/Straffe deret, die ſich trewẽ Lerern wider ſetzt haben. 4. Reg. 9. die wider Eliam waren. Wie iſts den Juͤden gangen/ die Jeremiæ widerſtunten/ Jerem. 39. 2. Cron: 36. Vnd dem Juͤdiſchen Volck/ das Chriſtum/ vnd die Apoſtel getoͤdtet hat Jch wil geſchweigen/ was GOTt von Lutheri Zeiten an vor Rache an den Feinden des Euangelij geuͤbet hat/ Vnd laͤſſet ſich noch heute zu Tage vnter vns mercken/ wider die/ ſo jm ſeine Geſal- beten antaſten/ vnd ſeine Propheten beleidigen/ welchs allen trewen Prredigern ein Hertz machen ſol/ bey Got- te/ vnd dem Worte ſeiner Gnaden/ bis an das Ende zu verharren.

Hieraus ſollen nun alle Gemeynte lernen/ wo vndwo man vmb getrewe Pre- diger anſuchẽ müſſe. bey weme ſie anklopffen ſollen/ wenn es an getrewẽ Pre digern mangelt/ etc. An Lerern vnd Weltklugen iſt nimer kein mangel/ die groſſer Leute Gunſt/ vnd der ar- men Leute Milch vnd Wolle/ Aber nicht Gottes Eh- Gre/ re/ vnd der armen Leute Seeligkeit bey dem heiligen Predigampte zuſuchen/ Alſo hatte Ahab vnd ſeine Je- ſabel in die Neundhalbhundert Propheten vñ Prieſter/ die vmb Gunſt vnd Genieſſes willen/ dem Hain vnd Baal dieneten.

Die Welt mu- ſtert recbt vnd trewe, vnnd nicht falſche Lerer aus.Dargegen waren wenig rechter vnd trewer Prophe- ten vorhanden/ Vñ die vorhanden waren/ denen ward das Handwerck verbotten/ Die Kirchen verſchloſſen/ vnd muſten ſich/ wie Ketzer verkriechen/ vnd in Gefahr Leibs vnd Lebens ſtehen/ 3. Reg: 18.

Zun Zeiten Chriſti waren zwen Hoheprieſter fuͤr ei- nen/ Luc. 3. vnd alle Ecken voll Eſſeer/ Phariſeer vñ Schrifftgelaͤrten/ Dennoch litte das Volck mangel an dem reinen Wort GOttes/ gieng vnd verſchmachtet/ Matth. 9. Vnd waren wie Schaffe/ die keinen Hirten hatten/ welchs Chriſto jamert/ wie Marc. 6. ſtehet.

Zu vnſern zei ten ſinnd viel Welt, aber wenig Gottes Gelebrte.Zu vnſern Zeiten iſt auch kein mangel an Prieſtern vnd Geiſtlichen Perſonen: Jeſuiten/ Papiſten/ Moͤn- chen vñ Pfaffen ſein alle Stete/ Stifft vnd Kloͤſter vol: Caluiniſten vnd Sacramentſchwermer ſind alle Ecken vol/ Der vermeynten Euangeliſchen iſt auch kein man- pel/ Vnd gehet/ wie Gregorius ſagt/ das viel Prieſter ſind/ Aber wenig die in dem Weinberg des HERRN trewlich arbeyten: Denn die heylſame Weyde des Goͤttlichen Worts wird dem armen Volck nicht rein/ Sondern verfolſchet fuͤrgetragen/ Vnd der Heylbrunn Jſraelis/ wird jnen nicht lauter/ wie billich geſchehen ſolte/ Eſai: 12. Sondern truͤbe/ vnd mit Menſchenlere vermiſchet/ mitgetheilet/ Jerem. 2. Vnd das nehret/ ſec tiget/ labet/ ſtercket vñ troͤſtet nun nicht/ darumb muͤſ- ſen die Schaffe verſchmachten.

Lere von der Erbsünde.Vnd dazu hilfft auch wol/ das viel bey den Vnſern keinen Ernſt brauchen/ Andere geben fuͤr/ als habe der Menſch Menſch eine gute Natur nach dem Fall/ fuͤr der Wi- dergeburt/ Jſt das war/ So hat S. Paulus vnrecht ge- leret/ da er ſpricht: Wir ſeyen alle Kinder des Zorns von Natur/ Epheſ. 2. Vnd Dauid im 51. Pſalmen/ da Er klagt/ Er/ Er/ Er/ nicht was anders/ ſey in Suͤn- den empfangen vnd geboren. Vber dieſe Wort ſpricht Lutherus/ Suͤnd iſt alles was von Vater vnd Mutter geboren wird. Vnd im Gloͤslein des 3. Cap: der Epi- ſtel S. Pauli an die Roͤmer/ Das alles Suͤnde ſey/ was nicht durch das Blut CHriſti erloͤſet/ im Glauben ge- recht wird/ Daruon ſagt Chriſtus: Was vom Fleiſch geboren wird/ das iſt Fleiſch/ Joan. 3.

DJe Andern ſind gute Oſtern/ aber boͤſe PfingſtWeiſe der fal ſchẽ Prediges Prediger/ wie Luthetus klagt/ Sagen jmmer: Friede/ Friede/ Da doch groſſe Angſt vnd Not vorhanden iſt/ wie der falſchen Propheten Weiſe allweg geweſen/ Je- rem 6. Ezech: 13.

Viel haben zwiſchen Reinen vnd Vnreinen keinenWeiſe der vn- trewen Hause halter. Vnterſcheid/ Daruͤber Gott klagt/ Ezech: 13. Jnen gilt ein Boͤſer ſo viel als ein Fromer/ Ein Schalck ſo viel als ein Gerechter/ ſprechen einem die Abſolution ſo wol als dem andern/ Reichen einem das hochwuͤrdige Sacra- ment ſo wol als dem andern/ Brauchen den Loͤſeſchluͤſ- ſel offt/ vnd den Bindeſchluͤſſel jmer/ Werffen alſo das Heyligthumb fuͤr die Hunde/ vnd geben die edlen Perlen den Sewen/ wider die trewe vnd thewre Warnung Ch- riſti/ Matth: 7. Thun damit/ was den Menſchen ge- fellig/ vnd Gotte zu wider iſt/ Haben alſo lieber die Eh- re bey den Menſchen/ denn bey Gott/ Joan. 12. Vnd werden zu Menſchen Knechten/ Gal: 1.

Etliche laſſen dem Volck den Zaum/ das ſie jren Luͤ-Weiſe der Ir- diſchen weit Propheten. ſten/ vnd nicht nach Gottes Wort vnd Geboten wan- deln/ in Abgoͤtterey/ Zauberey/ Segnerey/ Jn Aber- G 2glauben/ glauben/ Das ſie fluchen/ ſchweren/ liegen/ triegen/ GOTT es Wort verſeumen/ Die Sacrament nicht ge- brauchen/ das man allerley Vngehorſam beweiſet/ heſ- ſig vnd neydiſch iſt/ murret/ gruntzet/ zuͤrnet vnd dre- wet/ das man Vnzucht treibet/ friſt/ ſeuffet/ ſpielet/ dantzet/ Das man wuchert/ betreuget/ ſtilet/ das man dem Neheſten ſeine Ehr abſchneidet/ felſchlich beleu- get/ etc. Zu dieſem allen ſehen ſie durch die Finger/ oder wenn es gut wird/ ſo ſtraffen ſie es in gemeine/ Vnd ne- men niemand derhalben inſonderheit fuͤr/ damit ſie ni- cht Vngunſt auff ſich laden/ oder es entgelten/ oder Verfolgung leiden muͤſſen. Daher nennet S. Paulus jr Lere Prediger Feinde des Creutzes Chriſti/ ſagt der Bauch ſey jr Gott/ vnd jre Ehre werde zuſchanden wer den/ Philip. 3. Welches auch gewis beſchehen wird/ wo ſie nicht Buſſe thun/ Geſchicht es nicht hie/ ſo wird es dort gewis geſchehen/ Aber (leyder) mit ewigem vnd vnwiderbringlichen Schaden.

Was für Scha- den vnnd Vn- rhat dar aus entſtehe, wen vntrewe Leu- te im Predig- ampt ſind.Bey dieſen vnd dergleichen Lerern/ ſo in GOTTes Haus nicht trewe ſind/ Wie Moſes Ebre: 3. Sondern ſuchen bey dem heilige Predigampt das Jre/ zum Nach theil der Ehre Gottes/ vnd ſchaden der Leutſeligkeit/ Gehen die Leute nun wie Schaffe/ die keinen Hirten haben/ ein jeder thut was jme geluͤſtet/ ob er gleich aus dem Wege leufft/ an verbotene Orter naſchet/ in eine Gruben fellet/ in einer Heckẽ beſtecket/ oder dem Wolff in den Rachen kompt/ ſo gehet jme nie mand inſonder- heit nach/ der jme eynrede/ zurieffe/ auff huͤlffe/ ſuche oder ſchuͤtze/ Daruͤber muͤſſen die Leute zeitlich ſterben/ vnd ewig verderben/ Welches den Hirten ſchwer wird ſein zuuerantworten/ wenn nun der Ertzhirte erſchei- nen/ vnd das Blut von jren Haͤnden fordern wird/ E- zech: 33.

Gleich-

Gleichwol ſind ſolche Leute mitler weile auch Hir- ten/ aber nicht trewe Hirten/ Auch nicht Hirten/ die Gott erwecket vnd geſand hat/ Sondern ſind ſolche Hir ten vnd Prediger/ die jnen die Ehre ſelber genomen ha- ben/ das doch niemand thun ſolte/ Ebre: 5. Die ge- lauffen ſind vngeſand/ daruͤber Gott klaget/ Jerem: 23. Die durch Freundſchafft jm erbeten ſind/ die ſich mit liſten eyn practiciret/ oder mit Geſchencken eyngekaufft haben/ Welches alles GOTT aus gerechtem Gerichte dem Volck zur Straffe verhenget. Darumb erſcheinen wenig Gaben des H. Geiſtes an jnen.

Vnd da ſchon etwas vorhanden/ ſo hat es GOTTEtlich falſche Predigerhabẽ auch groſſe Ga ben, aber nur allein Ires Ampts halbẽ. vmb des Ampts willen/ etlichen armen Gewiſſen/ vnd elenden Hertzen zum beſten verliehen/ Aber ſie ſind dar- umb fuͤr Gott nichts deſto beſſer/ Wie Caiphas/ der auch darumb weiſſagt/ das er des Jars Hoherprieſter war/ Joan. 11. Vnd wie Noe Bawleute/ die halff es ni- chts/ das ſie die Archen hatten bawen vnd machen helf- fen/ weil ſie Noe vnd ſeine Bus predigten nicht anna- men/ vnd Buſſe theten/ Gen. 7. Vnd hieher gehoͤren auch die/ ſo an jenem Tage jr groſſe Gaben/ die ſie ge- habt/ vnd jr groſſe Wunderwerck/ ſo ſie gethan/ anzie- hen vnd fagen werden: HERR/ haben wir nicht in deinem Namen Teuffel ausgetriben. Aber jnen wird ge- antwortet werden: Weichet von mir jr Vbelthaͤter/ ich kenne ewer nicht/ Matth: 7.

Darumb iſts vnd bleibts ein Gabe Gottes/ vmb einen rechten/ trewen vnd fromen Prediger/ wenn derſelbige hin vnd her Koͤnige ſetzt/ ſo wird es helle/ wo es dunckel iſt/ wie der 68. Pſalm redet. Derhalben iſt euch Hirtz-Rhat für die Hirtzkircher. Kirchern/ ſampt den zugehoͤrigen Doͤrffern/ widerumb vmb einen fromen vnd trewen Prediger/ fo ſuchet jn aus ewrem Glauben durch ein hertzlichs Gebet bey Gott.

G 3Wenn

Wenn jr aber erhoͤret vnd gewehret werden ſollet/ So muͤſſen die Boͤſen vnd Vndanckbaren jre Vndanck- barkeit vnd groſſe Suͤnde erkennen/ damit ſie Gott erzuͤr net/ vnd denſelbigen Herrn Ambroſium vielfaltig be- wie viel vnnd mancherley vnbillige Kla gen die Gott- loſen vber H. Ambroſium geführet.leidigt haben. Denn Er iſt menniglich ein Dorn in Au- gen geweſen/ Einem hat Er zu lang gepredigt/ Den an- dern hat Er zu viel vnd hefftig erzuͤrnet/ Dem dritten hat er ein Ding zu viel widerholet/ Dem vierdten hat er das Sacrament vnbilliger weiſe verſagt/ vnd einer dis an jme gemeiſtert/ der ander das an jme gekluͤgelt/ vnd haben ſich offt die Gottloſen wider jn gerottet/ vnd offtmals die Oberkeit vnbillicher weiſe angelauffen/ Vnd viel/ das zu ſeinem Verderben gereichen ſolte/ ge- redt mit falſcher Zungen/ Pſal. 52. Vnd wo Gott nicht Vorſichtig- keit vnſers gnedigen Her ven.wider die Boshafftigen bey jme geſtanden/ Pſalm: 94. Vnd vnſer gndiger Herr nicht ſo fuͤrſichtig gehandelt/ vnd der Sachen ſo vleiſsig nachgedacht vnd geforſcht hette/ ſo were Er vor laͤngſt ſeines Dienſtes/ vnuerſchul der Sachen/ entſetzt worden/ Weil denn der gute frome Man dem groben/ vngezogenem Poͤfel/ der ſein Fadem recht haben/ vnd vngeſtraffet ſein wil/ ſo ein groſſer Dorn vnd Eckel in Augen geweſen iſt/ vñ des murrens/ gruntzens vnd brummens wider jn/ Vnd das lauffens fuͤr die Obrigkeit nicht hat woͤllen weniger werden/ hat ſich Gott auch nicht woͤllen laſſen ſpotten/ Gal: 6. noch ſolchem vnbilligem Neyd lenger zuſehen woͤllen: Hat derhalben auch dieſen Dorn (weil Er euch ja ſo ein groſ- ſer Eckel war) aus den Augen thun/ den fromen Man ſeiner ſchweren Muͤhe erlaſſen/ jn von ewren vnbilligem Has vnd Neid endledigen/ vnd zu ſeinen ewigen Gna- den auffnemen woͤllen/ etc. Denn trewe Seelſorger ſind Gott dem HERREN nicht ſo vnmehr wie der Welt/ die ſich duͤncken laͤſſet/ man ſchuͤtte ſie von den Baͤwmẽ/ oder oder ſpringen ſie aus den Steinen/ Darumb wenn man ſie nicht gerne hoͤren/ ſie willig dulden/ Chriſtlich mir jnen zu frieden ſein/ vnd Gott fuͤr ſolchen trewẽ Schatz dancken wil/ ſo holet er ſie mit jm heim/ vnd nimpt ſie hinweg/ wie es mit vnſerm lieben Herrn Ambroſio auch gegangen iſt.

Darumb ſeyd jr Gottloſen/ jr Gottloſen/ ſage ich/ ſeines Todes ein Vrſach/ Welches denn ein vberaus ſchwere vnd groſſe Suͤnde iſt/ welche warlich vnd ge- wislich erkennet ſein wil/ ſo euch Gott widerumb einen vleiſsigen vnd trewen Seelſorger beſcheren ſol. WoltDie welt ach- tets nicht, wenn GOTT trewe Seelſor ger hinweg raffet. jr aber daruͤber honlachen/ vnd dencken/ Ziehie Heyntz hin/ ſo kome Cuntz wider/ wie der Welt brauch iſt/ So wird auch Gott mit der Rache vñ Straffe gewis nicht ſeumen/ Vnd jr Gottloſen werdet noch ſelber muͤſſen klagen/ das jhr einen frommen/ trewen vnd nuͤtzlichen Mann an jme verlohren habt. Vnd das verurſachet mich Gottes Wort zu gleuben/ das ſpricht im 112. Pſal- men: Des Gerechten wird nimermehr vergeſſen. Vnd Apocal: 14. Jre Werck folgen jnen nach. Das iſt/ wenn die Frommen leben/ ſo achtet man jrer nichts/ ja feinder ſie an/ Wenn ſie aber im HERRN entſchlaffen ſind/ ſo rhuͤmet man ſie denn. Vnd mit ſolchem rhuͤmen machen ſich denn die Gottloſen ſelbſt zu ſchanden/ das mennig- lich nu hoͤren vnd ſehen mus/ was es fuͤr ein vnbeſtendigArt vnd weiſe des gemeinen Pöbels. ding vmb den gemeinen Poͤfel iſt/ wie er Kalt vñ Warm aus einem Mund blaſet/ Jetzund bald lobet/ was Er kurtz zuuorn geſcholten/ Jetzund das Leben dem goͤn- nen/ dem man zuuor den Todt gewuͤnſchet vnd gegoͤn- net hat/ vnd gehet ſolchen Gottloſen Leuten/ wie jnẽ der 64. Pſalm. draͤwet vnd ſpricht: Jr eygene Zun- ge wird ſie fellen/ das jhr ſpotten wird/ wer es ſihet/ Vnd alle die es ſehen/ werden ſprechen: Das hat der der HERRE gethan/ vnd mercken/ das ſein Wercke ſey.

So viel von dem erſten Stuͤck.

II.ZVm Andern/ Haben wir nun zu berichten/ was ein auffrichtiger/ trewer Lerer vnd Seelſor- ger fuͤr ein Perſon ſey. Daruon redet Moſes in die- ſen Worten: Der HERR der Gott/ vber alles le- bendiges Fleiſch/ wolt einen Man ſetzen vber ſei- ne Gemeine.

Die H. Schrifft nennet GOtt einen Mann.ESaiæ am 54. wird Gott ein Man genennet/ da Er das arme/ verſtoſſen vnd verlaſſen Juͤdiſch Volck/ als ein arme/ verlaſſene Braut troͤſtet/ vnd ſpricht: Werde nicht bloͤd/ Denn du ſolt nicht zu ſpot werden/ Sondern du wirſt die Schande deiner Jungfrawſchafft vergeſſen/ vnd der Schmach deiner Witwenſchafft nicht mehr gedencken/ Denn der dich gemacht hat/ iſt dein Mann/ HERR Zebaoth heiſſet ſein Name/ Vnd bein Erloͤſer der Heilige in Jſrael/ der aller Welt Gott Was nicht Menner ſinnd nach der Sch- rifft.genant wird. Darumb meynet Moſes allhie mit dem Wort Mann/ nicht eine Perſon/ die ein Weib/ einen langen Bart hat/ groſſes Anſehens iſt/ vnd gewaltigen dapfferen Leib hat/ Ein ſolcher kan wol falſcher Lere anhaͤngig/ oder mit boͤſem Leben behafft/ oder ein be- Was Menner ſind nach der Schrifft.weglich Rhor/ oder furchtſam vnd verzagtes Hertzens ſein/ Einen ſolchen/ ob gleich die Welt auff jn gaffet/ vnd die Augen auff jn wirffet/ ſo wird Er doch in Got- tes Wort keines Mannes werth geachtet/ Sondern weil ſich Gott ſelbſt einen Man nennet/ Oſe: 2. So eyg- net Gottes Wort keinem Kirchendiener dieſen ehrlichẽ Namen zu/ Er ſey denn aus Gott geboren/ Johan: 1. vnd beharre auch bey jm bis an das Ende/ Matth: 24. Jm Jm reinen Glauben/ im heiligen Wandel/ vnd in wa- rer ſtand hafftigkeit/ mit Prieſterlicher Eygenſchafft/ damit ſich ein trewer Seelſorger Maͤnlich mus beweiſen koͤnnen: Beſchreibet S. Paulus namhafftig in dieſen Worten/ vnd ſpricht: Jn groſſer Gedult/ in Truͤbſa- len/ in Noͤten/ in Engſten/ in Schlaͤgen/ in Gefeng- nuſſen/ in Auffthurẽ/ in Arbeit/ in Eckentnus/ in Lang mut/ in Freundligkeit/ in dem heiligen Geiſt/ in vnge- ferbter Liebe/ in dem Wort der Warheit/ in der Krafft Gottes/ durch Waffen der Gerechtigkeit/ zur Rechten vnd zur Lincken/ durch Ehre vnd Schande/ durch boͤſe Geruͤchte vnd gut Geruͤchte/ Als die Verfuͤhrer/ vnd doch warhafftig/ Als die Vnbekanten/ vñ doch bekant/ Als die Sterbende/ vnd doch lebenden/ Als die gezuͤch- tigten/ vnd doch nicht erroͤdten/ Als die Trawrigen/ aber allezeit froͤlich/ Als die Reichen/ aber doch viel reich machen/ Als die nichts haben/ vnd doch alles ha- ben/ 2 Corinth. 6.

Alle dieſe Eygenſchafften haben gehabt: Elias/ Eſaias/ Jeremias/ Johannes der Taͤuffer/ S. Pau- lus/ wie jre Legenden zeugen/ welche auffs kuͤrtzeſt ey- gentlich daruon zureden/ in nachfolgenden Acht Pun-Achterley nletzlicher Ey- genſchafft ei- nes rechten vnd treuwen Seelſorgers. cten ſtehen.

ZVm erſten/ gehoͤret einem trewen Prediger zu/1. das Er getroſt/ vnuerzagt vnd vnerſchrocken ſeine Stimme/ wie eine Poſaunen erhebe/ vñ Gottes Volck/ dem Haus Jſrael/ jhre Vbertrettung anzeige/ vnd jre Suͤnde verkuͤndige/ on alles Anſehen der Perſonen/ Ho- hen vnd Nidrigen/ Reichen vnd Armen/ Jungen vnd Alten/ guten vnd boͤſen/ gedultigen vnd zornigen/ Wie Gott ſelbſt Eſai 58. geboten/ Vnd Nathan Dauids Hoffprediger/ 2. Sam. 12. Elia/ 3. Reg: 18. Johannes der Taͤuffer/ Matth: 14 Vnd alle trewe Diener Gottes Hzu al- zu allen Zeiten gethan/ vnd nicht mit den Heuchelpre- digern geſagt haben/ Wir woͤllen ſtill ſchweigen/ wir richten doch nichts aus mit vnſerm Straffen.

2.ZVm Andern/ geziemet auch einem trewen Le- rer/ das Er nach dem troͤſtlichen Befehl des heiligen Geiſtes/ auff die Gemeine Gottes/ die Chriſtus mit ſei- nem eygnen Blute erworben/ vnd thewer erkaufft hat/ vleiſsig acht gebe/ Actor: 20. Weil der Teuffel allen Augenblick mit allerley Jrrthummen/ falſcher Lere/ Der Teufel iſt vnmüßig vnd geſchefftigErgernuſſen/ vnd boͤſen Exempeln ſchwanger gehet/ vnd allenthalben Gelegenheit ſuchet/ das er das arme Volck damit beſcheiſſe/ vergiffte/ von Gott abwende/ vnd zu Fall bringe/ das Er nicht erſt die Drometen bla- ſe/ wenn das Fewer vberhand genommen hat/ da alle Muͤhe vnd Arbeit vergeblich angewendet wird/ kein Rhat mehr zu finden iſt/ Vnd man zuſehen mus/ das die Leute an Leib vnd Seel verderben/ Sondern das Er dermaſſen auff vnd zuſehe/ das er des Vnrhats vnd Schadens ſo bald gewahr werde/ ſeine Poſaunen getroſt darwider klingen laſſe/ vnd jme vnerſchrocken widerſpreche/ wie Gottes Befehl erfordert/ vnd jhme Ampts halben gebuͤret/ Ezech: 33. Auff das Er als ein Wechter vnd trewer Biſchoff ob dem Wort halte/ das gewis iſt/ vñ mechtig ſey zu ſtraffen die Widerſprecher/ Tit. 1. Auff das allerley Abgoͤtterey/ Jrrthumb/ Zau- berey/ Segnerey/ Gottsleſterung/ misbrauch des Sab baths/ allerley Vngehorſam/ Zorn/ Has/ Neyd/ Vn- zucht/ Freſſen/ Sauffen/ Spielen/ Dantzen/ Wucher/ Betrug/ Diebſtal/ Verrhaͤterey/ boͤſe Nachrede/ Ver- leumbdung/ etc. nicht eynreiſſe/ vnd berbey dem Volck eyn wurtzele/ vnd bekleibe/ Sondern der alte Sawerteig falſcher Lere/ Matth: 16. vnd boͤſes Lebens/ 1 Cor: 15. ausgefeget/ vnd dem HERRN ein bereit Volck zuge- rich- richtet werde/ Luc: 1. Das vleiſsig ſey zu guten Wer- cken/ 2. Timoth: 2.

Wie nun die Papiſtiſchen Laruen Biſchoff/ vnd viel vermeynte Euangeliſchn Seelſorger in dem Fall jrem Ampt nachkommen/ iſt offenbar/ Darumb ſind ſie auch keiner Prieſterlichen Wirdigkeit wirdig/ ſind Weych- ling vnd Miedling/ vnd nicht Menner.

ZVm Dritten/ Gehoͤret einem trewen Seel-3. hirten/ das er ſeinen Luͤſten maͤnlich obſiege/ ſeinẽ Leib zeme vnd beteube/ 1. Cor: 9. Ja ſein Fleiſch ſampt den boͤſen Luͤſten vnd Begierden creutzige/ Gal: 5. vnd ſei- nen Leib Gott auffopffere/ zum Opffer/ das da leben- dig/ heilig/ vnd Gott wolgefellig ſey. Denn ſolchs iſt der Prieſter vernuͤnfftiger Gottesdienſt im newen Teſta- ment/ durch den ſie ſich von dem gemeinen Leben vnd Weſen der Welt abſondern/ vnd jr ſich nicht gleich ſtel- len/ Rom: 12. Sondern dem HERRN im heiligen Schmucke dienen/ Pſal. 29. den newen Menſchen an- ziehen/ der nach Gott geſchaffen iſt/ in rechtſchaffener Gerechtigkeit vnd Heiligkeit/ Epheſ: 4. Auff das Er nicht andern predige/ vnd ſelbſt verwerfflich werde/ 1. Cor: 9. Sich (weil Er wol leret/ vnd vbel lebet) mit ſei- nem eygnen Maul verdamme/ Wie S. Auguſtinus re- det/ vnd den Zuhoͤrern mit der Lincken Hand nemen/ was er jnen mit der Rechten hat gegeben/ wie Grego- rins Nazian Zenus ſpricht.

ZVm Vierdten/ Gebuͤret einem Chriſtlichen4. Ein trewer Selſorger mus Langmütig ſein, damit er ihme nicht zu wenig oder zu viel thue. Pfarherr auch Langmuͤtig zu ſein/ auff das er die boͤſen tragen koͤnne/ 2. Timo. 2. Als die jenigen ſind/ die boͤſer Lafter vnd Thaten ſchuldig ſind/ das man allenthalbẽ daruon ſinget vnd ſagt/ Sie leugnen es aber/ vnd geſte- hens nicht/ ſo kan man ſie es auch nicht vberweiſen/ Wenn nun dieſe die Abſolution geſprochen/ vnd das H 2hoch- hochwirdige Sacrament mitgetheilet haben woͤllen/ kan mans jn nicht wol abſchlagen/ Denn was nicht oͤf- Wie ein Pſar- herr gegẽ ver dechtigen Per ſonen hande- len ſolle.fentlich vnd beweislich iſt/ daruͤber richtet auch die Kir che nicht/ wie S. Auguſtinus redet. Aber gleichwol thut es einem fromen Pfarherr wehe/ das er das Heylig thumb den Hunden geben/ vnd die Perlen fuͤr die Sew werffen mus/ wider den Befehl Chriſti/ Matth: 7. Hie kan es ein trewer Seelſorger weiter nicht bringen/ denn das Er ſolchem Menſchen anzeige/ was das gemeine Geſchrey ſey/ Vnd da ers deñ (wie gewoͤnlich geſchicht) verneint vnd geleugnet wird/ Er jm denn anzeyge/ was darauff ſtehe/ wenn er Vnwirdig zum Abendmal gehe/ Nemlich/ das Er jme das Gericht eſſe vnd trincke/ vnd ſchuldig werde an dem Leib vnd Blut des HERRN/ 1. Cor: 11. Gehet denn vber das jemand Vnbusfertig hin zu/ wie Judas/ ſo wird er auch deſſelbigen Lohn be komen/ Matth. 27. Allein ein Pfarherr mus ein weil gedult haben/ vnd mittler zeit die Boͤſen tragen koͤn- nen/ bis ſie entweder bekehret/ oder mit Juda geſtrafft werden.

5. Ein Pfarherr mus Im allein ein ſüs Mann vnnd Zucker maul ſein.ZVm Fuͤnfften/ Mus er nicht allein ein ſuͤſſer Oſtern/ Sondern auch ein trewer Pfingſtprediger ſein/ der als ein kluger Hausvatter aus dem guten Schatze ſeines Hertzens/ beyde Altes vnd Newes wiſſe herfuͤr zu bringen/ Matth. 13. der nicht allein das Lied des Lam mes zu ſingen wiſſe/ Sondern auch das Lied Moſi/ Apocalip: 15. Mus nicht allein den Loͤſeſchluͤſſel brau- Ein trewer Prediger mus auch den Bin- deſchlüſſelge- brauchen.chen/ vnd den Bindſchluͤſſel an den Nagel hengen/ wie jtziger Zeit jrer viel thun/ Sondern wo die Suͤnde of- fentlich vnd beweislich iſt/ vñ wil nicht geſtanden/ viel weniger aber nachgelaſſen werden/ da mus man nach gehaltenem Proces/ Mat: 18. mit dem Bann nicht ſcho nen/ vnd ſich damit nicht beſchoͤnen/ man hab kein Con ſiſtorium.

Es were wol gut wo man es haben/ vnd ſeines rhats gebt auchen koͤnte/ Aber wie viel ReichsStette/ Graff- ſchafften/ vnd andere Orter ſind/ da man keines haben kan/ Daſelbſt mus man Seniores vnd Elteſten ordenen/ derer Rhat man gebrauche/ nach dem Exempel S. Pau li/ mit dem Blutſchender/ 1. Cor: 5. Vnd Ambroſij des Biſchoffs zu Meyland/ mit dem Keyſer Theodoſio.

DEnn weil der Bindſchluͤſſel nutzlich iſt/ vnd ſehrDer Teuffel iſt dem Bindſch- lüſſel ſer ſeind viel gutes ausrichtet/ iſt jm der Teuffel ſehr feind/ Dar- umb beweiſet Er auch allenthalben ſein Meiſterſtuͤck daran.

Vnter dem Bapſthumb hat er jn gar in einen Mis- brauch gebracht/ da man jn auch Schulden vnd anderer geringe dinge gebrauchet/ etc. Zu vnſern Zeiten hat ers dahin bracht/ das er an den Nagel gehangen/ vnd gar nicht gebraucht wird. Wie viel Pfarherr ſind/ die jr Lebtag niemand gebrennet haben? Vnd moͤgen wol dieDie Pfarherr mit dem einẽ Schlüſſel. ſe Pfarherr mit dem einen Schluͤſſel heiſſen/ Die wird CHriſtus an jenem Tage nicht kennen/ weil Er keinen Diener mit einem Schluͤſſel beſtelt vñ ausgeſendet hat/ Darumb wird er zu jnen ſagen: Weichet von mir jr Vbel thaͤter/ ich kenne ewer nicht/ Matth: 7.

ZVm Sechſten/ Mus er nach dem Befehl6. Tranckgelt der Welt. Chriſti ſeine Seele auch mit Gedult faſſen/ Luc. 21. Chri ſto das Creutz manlich nachtragen/ Luc. 9. vnd leiden koͤnnen/ das jm die Welt ſeine groſſe Muͤhe/ ſchwere Ar- beit/ viel Sorge/ trewen Vleis/ vnd manchfeltige Ge- fahr/ ſo er vber ſeinem trewen Dienſt ausgeſtanden/ mit Vntrewe/ Vndanck/ Schmach/ Schande vnd Verfol- gung vergelte vnd bezahle/ Matth: 5. Ja er mus nicht alleine ſolchs leiden/ Sondern auch dargegen benedeyẽ/ ſegnen vnd gutes thun/ das Boͤſe mit dem Guten vber- winden/ Rom. 12. vnd viel vnd mancherley Truͤbſal H 3fuͤr fuͤr eine Freude achten/ Jacob: 1. ſich der Truͤbſal rhuͤ- men/ Rom 5. Gott von Hertzen darfuͤr dancken/ Actor: 5. Vnd mit Moſe die Schmach Chriſti groͤſſer vnd hoͤ- her achten koͤnnen/ denn die Schaͤtze Egypti/ Ebre: 11. Wie die lieben Patriarchen/ Propheten vnd Apoſtel/ wie wir ſonderlich bey S Paulo daraus Wort vnd Ex empel 2. Cor: 6. 11. 12. haben.

7. Ein treuwer Selſorger mus mit der Be- kentnus nicht hinder dam Berge halten.ZVm Siebenden/ Mus er auch zur zeit der Verfolgung vnd der Gefahr mit der Bekentnis nicht hinder dem Berg halten/ vnd zuſehen/ zu welchem theil ſich das Gluͤck lehren wil/ wie die Feinde des Creutzes Chriſti/ Heuchler vñ Bauchdiener thun/ Sondern mus Manlich herfuͤr tretten/ die Warheit ohn allen Schew bekennen/ Wie Elias gegen den Baals Pfaffen thaͤte/ 3. Reg: 18. Vnd wie der heilige Taͤuffer Johannes frey vnerſcbrocken bekennet/ vnd nicht leugnet/ Johan. 1. Vnd Chriſtus vns ſelber zu guten vnd zum Exempel ge than hat/ Joan. 18. Wie S. Paulus ſolch ſein Bekent- nus gar herrlich rhuͤmet/ 1. Tim: 6. Darumb er auch wi- derumb ſampt ſeinem Wort bekennet/ ſein wil. Vnd iſt jme ſeiner armen Kirchen halben/ an dieſer Bekent- nis ſo viel gelegen/ das Er dort fuͤr ſeinem Himliſchen Vater niemand kennen noch bekennen wil/ der jn vnd ſein Wort hie nicht bekennet hat/ Wie er denn ſpricht: Wer mich bekennet fuͤr den Menſchen/ den wil ich be- kennen fuͤr meinem Himliſchen Vater/ Wer mich aber verleugnet fuͤr den Menſchen/ den wil ich verleugnen fuͤr meinem Vater im Himel/ Matth: 10.

8. Trewe Predi- ger halten Ir Leben nicht thewer.ZVm Achten vnd letzten/ Jſt das nicht die ge- ringſte Eygenſchafft eines getrewen Seelhirten/ das er ſein Leben nicht trew halte/ Actor: 20. Sondern alle ſtunden bereit ſey/ ſolches in den Todt zu geben/ vñ dem HERRN/ der vnſer Liecht/ Heyl/ vnd vnſers Lebens Krafft Krafft iſt/ Pſal: 27 auffzu opffern/ Wie S. Paulus 2. Timoth: 4. vnd alſo bey GOTT vnd dem Wort ſeiner Gnaden beſtendig zuuerharren/ Matth: 24. vnd nicht zu weichen/ Eſai: 41. auch jme den Mund nicht ſtopf- fen zulaſſen/ Pſal: 40. noch etwas zuthun/ das den Gott loſen geliebet/ Wie der heilige Maͤrterer Eleaſar 2. Mac cab: 6. Der auch Ergernus (das ein groſſe Suͤnde iſt/ Matt: 18.) zuuerhuͤten/ Dem Gottloſen Tyrannen An- tiocho nicht ſo viel zugefallen thun/ das er ſich nur ſtel- len wolte/ als eſſe Er Schweinen Fleiſch/ Denn ſie jme ander Fleiſch darzu reichen/ Aber Er wolte ſeinen gra- wen Haaren nicht ein ſolche Vnehre thun/ das er geſſen hette von dem/ das jnen geliebte/ Pſal: 141. Sondern wolt eher ſterben/ vnd ſein Leben vmb der Gerechtigkeit willen verlieren/ wie auch geſchach.

Alle die nun dieſe Eygenſchafft an ſich haben/ dieWelche Per- ſonen zum H. Predigampt tüchtig. ſind eines Mannes werth/ fuͤhren ſolchen Namen mit Ehren/ vnd ſind zu dem heiligen Predigampt tuͤchtig/ Es ſey gleich die Perſon jung oder alt/ ehelich oder le- dig Dieſer Eygenſchafften halben wird Tobias gerhuͤ- met: Vnd meldet die Schrifft von jm/ das/ ob Er wolDer alte To- bias ist eines Namens werth. der Juͤngſte des Stammes Nephtali geweſen ſey/ habe Er ſich doch nicht Kindiſch gehalten/ Auch ſpricht die Schrifft von jme/ da ſonſten jederman den guͤldenen Kaͤlbern dienete/ welche Jeroboam der Koͤnig Jſrael hatte machen laſſen/ meydet Er doch ſolche Greuwel/ vnd hielt ſich zum Tempel vnd Gottesdienſt zu Jeru- ſalem/ vnd dienet da dem HERREN/ vnd betet an den Gott Jfrael/ Gab auch ſeine Erſtlingen vnd Zehen den gantz trewlich/ Alſo/ das er allezeit das dritte Jar den Frembdlingen/ Witwen vnd Wayſen jren Zehen- den gab/ Solchs hielt Er von Jugend auff/ nach dem Geſetz des HERRN/ Tobiæ: 1.

Dieſe

Dieſe Eygenſchafft nennet das Buch der Weisheit am 4. Klugheit/ vnd ein vnbefleckt Leben/ vñ ſpricht: Klugheit iſt das rechte grawe Haar/ vnd ein vnbefleckt Leben iſt das rechte Alter. Dauon ſagt Chriſtus zu ſei- nen Juͤngern: Seyd klug wie die Schlangen/ vnd ohne falſch wie die Tauben/ Matth: 10.

Welche zum Predigampt vntüchtig ſeyen.DArumb was ohne dieſe Eygenſchafft iſt/ das iſt keines Mannes werth/ auch zum Predigampt nicht tuͤchtig/ Vnd wenn er ſo alt were wie Mathuſala/ Gen: 5. Vnd ſo gelert/ wie des Koͤnigs Jeroboams Hoffpre- diger/ der Hurendeckel (der dem armen vnſprachkuͤndi- gen Amos gegen dem Koͤnige das Wort thet/ das Er aus Elende in Elend getrieben ward/ Amos 7.) So nennet ſie die Schrifft doch Narren/ vnd ſpricht: Mer- cket doch jr Narren vnter dem Volck/ vnd jhr Thoren/ wenn wolt jr Klug werden/ Pſalm. 94.

Vnd hilfft nicht das viel rhuͤmen/ jre hohe Kunſt/ oder das ſie ſo ein lange zeit im Predigampt geweſen ſein. Hetten ſie wider Abgoͤtterey/ Gottsleſterung/ Vn- tugend/ Freſſen vnd Sauffen/ Schinderey/ etc. predigen ſollen/ wie es Gottes Wort vnd jr Ampt erfordert/ jnen were auch vor langſt die Thuͤr gewieſen worden. Dar- umb ſind ſie zum heiligen Predigampt vntuͤchtig/ Deñ ſie koͤnnen mit keinen Ehren Menner genennet werden/ Sondern ſind Knaben vnd Suͤnder/ die verflucht ſind/ vnd vmbkomen ſollen/ Eſai. 65. Wie ſie es/ die es jetz- und nicht gleuben/ am Todbette/ vnd folgends am juͤng ſten Gerichre erfahren werden. Gott woͤlle jnen Buſſe verleyhen/ Amen.

So viel von dem andern Stuͤcke.

III.ZVm Dritten/ Haben wir zuberichten/ was eines Chriſtlichen vnd erewen Pfarherrs hoͤchſte vnd vnd groͤſte Sorge ſey. Vnd das erſcheinet nun hie in Mo ſe/ dem wird das Leben auffgekuͤndiget/ vnd von GottHeiligen fallẽ auch, vnd wen den auch ge- ſtrafft. angezeigt/ das Er ſterben ſolte/ vnd nicht in das koͤſt- liche vnd gute Land komen/ das Gott dem Volck ver- heiſſen hatte/ Darumb/ das Er auſs Vnglauben den HERrn entheiligt hatte/ da er den Fels ſchlagen ſolte/ das Waſſer heraus fluͤſſe/ daſs das Volck ſampt dem Viehe den Durſt leſchete/ Num. 20. Da denckt Moſes nicht/ wie er jrgend ſein Leben friſten/ vnd etliche Jar zur verlengerung von Gott erwerben moͤchte/ Wie His- kia der Koͤnig Juda/ 4. Reg: 20. Nein/ Sondern vn-Moſes wegert ſich nicht zu ſterben. tergibt ſich in Gottes willen/ laͤſſet Gott einen HERrn ſeines Lebens bleiben/ das zu nemen nach ſeinem Wil- len/ wie ers nach ſeinem Wolgefallen gegeben hat/ A- ber das thut Er fuͤr das arme Volck/ ſorgt Er hertzlich/ das es widerumb einen trewen Fuͤrſteher bekomen moͤ- ge/ der ſie durch ſein Ampt bey reinem Glauben/ vnd heiligem Wandel erhalte/ Vnd darumb bittet hertz- lich/ vnd ſpricht:

Der HERR der Gott/ vber alles lebendi- ges Fleiſch/ Wolt einen Man ſetzen vber die Gemeine/ etc.

ALſo thete Johannes der Taͤuffer auch/ da er jetztIohannes der Teuffer ſorgt mehr vmb ſei- ne Iünger, denn für ſein Leben. in Herodis Gefengnus lage/ vnd alle ſtunde des Todes gewertig war/ Da dencket er nicht auff Mittel vnd We ge/ wie er der Gefengnus ledig werden/ vnd bey dem Le- ben bleiben/ Sondern wie er ſeine Juͤnger Chriſto an- hengig machen moͤchte/ damit ſie nach ſeinem Abſcheid in reiner Lere/ vnd warer Gottſeligkeit erhalten wuͤr- den/ Sendet ſie derhalben zu jme zu fragen/ Biſtu der da kommen ſol/ oder ſollen wir eines Andern warten/ Matth: 11.

JDieſer

Dieſe Frage bedurfft Johannes fuͤr ſeine Perſon nicht/ Sintemal er Chriſtum kante in MutterLeib/ da er noch vngeboren war/ Luc. 1. Zum Andern/ hatte er jn ge- taufft/ vnd zu jm geſagt: Jch bedarff wol/ das ich von dir getaufft werde/ vnd du komeſt zu mir/ Vnd Chriſtus hatte jm geantwortet/ Laſſe es jetzund alſo ſein/ Alſo gebuͤret es vns/ alle Gerechtigkeit zu erfuͤllen/ Da lies ers jme zu/ Matth: 3.

ZVm Dritten/ hatte jm Gott ſelbſt ein Warzeichen gegeben/ vnd zu jme geſagt: Vber welchem du wirſt ſe- hen den Geiſt Gottes herab fahren/ vnd auff jm bleibẽ/ der iſt der Meſsias. Nun ſahe Johannes/ da er Chri- ſtum tauffte/ den Geiſt Gottes in Tauben Geſtalt her- ab fahren/ vnd vber jm bleiben. Daraus wuſte er/ das Er der warhafftige Meſsias were/ wie er Joannes am 1. Cap: ſelber bezeuget.

ZVm vierdten vnd letzten/ Hatte auch Johannes den abgeſanden Prieſtern vnd Leuitẽ von Chriſto gezeu get/ das Er mitten vnter jnen getrettẽ war/ den ſie nicht kanten/ Hatte auch den Leuten von jm gepredigt/ vnd mit Fingern auff jn gezeyget/ vnd geſagt: Sihe/ das iſt Gottes Lamb/ das der gantzen Welt Suͤnde tregt/ Johan: 1.

Daraus erſcheinet gnugſam/ das Chriſtus Johanni vberaus reichlich iſt bekant geweſen/ Darumb hat Er ſeinet halben keines fragens bedurfft/ Sondern hat da- mit nur Gelegenheit geſucht/ das er ſeine Juͤnger Chri- ſto zuweiſet/ vnd jm anhengig machte/ weil er adnemen vnd ſterben: Chriſtus aber zunemen vnd wachſen ſolte/ Joan. 3. Alſo iſt Johannis hoͤchſte Sorge auch/ fuͤr die liebe Kirche/ vnd jre duͤrfftige Gliedmaſſen.

Gleicher Geſtalt hat ſich Chriſtus ſelber bervieſen/ da jtzund die zeit ſeines Leydeus vnd Abſchieds vorhan den den/ das er ſchmaͤhelich gefangen/ felſchlich verklagt/ peinlich gegeiſſelt/ ſchmertzlich gekronet/ elendiglichChristus der Ertzhirt ſorgt auch mehr für die ſeinẽ, denn für ſein Lebẽ. verſpottet/ vnd gecreutziget werden ſolte/ Sorget er ni- cht/ wie er des alles moͤchte abkomen/ Sondern wie ſeine liebe Juͤnger fuͤr Ergernus bewaret/ im Glauben geſterckt/ vnd die gantze Chriſtenheit durch ſein Leiden vnd Todt zum ewigen Leben geheiligt/ vnd in rechtem Glauben erhalten werden moͤchte. Vnd derhalben thut er ſo ein herrliche/ ſchoͤne Predigt vber Tiſche/ ſo S. Johannes gantz vleiſsig auffgezeichnet hat/ im 14. 15. vnd 16. Cap. Vnd darumb betet er ſo hertzlich fuͤr ſich/ ſeine Juͤnger/ vnd die gantze Chriſtenheit/ Jo: 17. Vnd zu dem Ende ſetzt er ſein heiliges Abendmal eyn/ das ſeine Juͤnger vnd alle ware Chriſten/ in dieſem truͤb ſeligem Jamerthal/ auff der trawrigen Walfahrt zum ewigen Vaterland mit ſeinem Leib vnd Blut im Glau- ben geſtercket/ im Gewiſſen getroͤſtet/ vnd zum ewigen Leben genehret vnd erhalten wuͤrden/ Matt. 26. bis an den juͤngſten Tag/ 1. Cor: 11.

Alſo beweiſet ſich auch S. Paulus/ da er zu RomPauli Ex- empel. von wegen der reinen Euangeliſchen Warheit/ vnd Ch- riſtlichen Bekentnus willen vmbs Leben gefangen ſas/ da denckt er nicht/ wie er ſich los bitte/ ausrede/ vnd be- arbeite/ das er daruonkome/ Sondern wie er in ſeiner Gefengnus noch viel Leute bekehre/ vnd die ſchon bekert ſind/ im Glauben vnd heiligem Wandel ſtercke/ das ſie vmb ſeiner Gefengnus willen nicht von der Warheit wi der abfallen/ Vnd zu dem Ende hat er ſo viel Epiſteln aus der Gefengnus hin vnd her geſchrieben/ als die/ an die Philipper/ Coloſſer/ Epheſer/ die erſte vnd andere an Timotheum/ Daraus wol erſcheinet/ wie Er nicht fuͤr ſich oder ſeine Perſon/ Sondern fuͤr all Gemeinen ſorge getragen/ wie Er auch den falſchen Bruͤderlin zu trotze J 2ſich ſich deſſen rhuͤmen mus/ 2. Corinth: 11.

Aller trewer Predigerhöch ſte vnd gröste Sorge.Dieſe Eygenſchafft haben noch heut zu Tage alle rechte Euangeliſche Prediger/ Die ſorgẽ nicht fuͤr ſich/ Sondern jr hoͤchſte vnd groͤſſeſte Sorge iſt nicht fuͤr den Bauch/ Sondern fuͤr Chriſti Schaffe/ nicht fuͤr jren ey- genen Nutzen/ Sondern fuͤr jrer Pfarkinder Seligkeit/ wie aus Moſis/ Johannis des Taͤuffers/ Chriſti/ Pauli vnd anderer Exempel klar erſcheinet.

wie die fal- ſchen Lehrer vnd Heuehel- prediger geſin net ſein.Aber alſo iſt kein falſcher Lerer/ Miedling/ Heuchel Prediger/ oder falſcher Euangeliſcher geſinnet/ mit de- nen iſt es gar vmbgekehrt/ die ſuchen bey dem H. Pre- digampt nicht Gottes/ ſondern jr eygene Ehre/ Nicht des Volcks Seligkeit/ ſondern jren eygnen Nutzẽ/ Vnd ſtehet jr Hertz/ wie es der heilige Geiſt im 144. Pſalmen entdecket/ das es jnen zuthun iſt/ vmb huͤbſche Haͤuſer/ vmb ſchoͤne Kinder/ vmb groſſen Vorrhat/ vnd ruhen gegen der Narung. Vnd damit jnen hierin nichts ab- gehe/ ſo machen ſie ſich zu Menſchen Knechten/ vnd richten ſich mit jrem Ampt nach den Menſchen/ damit ſie nicht jemands erzuͤrnen/ vnd in Vngnad kommen/ Fuͤrchten alſo die Menſchen mehr/ denn GOtt/ ſuchen das Zeitliche mehr/ denn das Ewige/ vnd laſſenes jnẽ mehr darumb zu thun ſein/ das ſie Lob bey den Men- ſchen erlangen/ denn das ſie dort bey Gott lob bekom- men moͤgen.

WEil ſie denn Jrrdiſch geſinnet ſein/ Philip: 3. ſo leſſet ſie Gott auch in jres Hertzens dunckel/ das es jnen nach jrem Sinne gehe/ wie ſie es begeren/ Pſal. 18. Das ſie gerhuig ſitzen/ reich werden/ vnd von den Leuten Ehre vnd Gunſt erlangen Es iſt aber nicht ein gutes Zeichen auff jrer ſeitten/ Denn der Welt Freundſchafft iſt Gottes Feindſchafft/ Jaco. 3. Darumb auch S Pau lus jr kuͤnfftig Elend vñ Vngluͤcke mit Weinen beklagt/ nennet nennet ſie Feinde des Creutzes Chriſti/ Sagt/ jr Ende werde ſein das Verdamnus/ der Bauch ſey jr GOtt/Ende derer, die da mehr für den Bauch denn für die Gemeine Chri sti ſorgen. jr Ehre werde zu ſchanden werden/ vnd ſeyen Jrrdiſch geſinnet/ Phil. 3. Vnd ſchreyet Chriſtus Ach vnd We- he vber ſie/ vnd ſpricht: Wehe euch/ wenn euch jeder- man wol redet/ Dergleichen theten jre Vaͤter den fal- ſchen Propheten/ Luc. 6.

WEn nun S. Pauli Weinen/ vnd Chriſti Wehkla-Ermanung an die, ſo bis da- her vnrichtig gewandelt. gen betriefft/ vnd ein jeglicher Pfarherr leſſet ſich nicht erweichen/ das er ſich beſſert/ das er aus einem vntrewẽ Haushalter (der bisher ſeines Herrn Guͤter vbel vmb- bracht/ Luc: 16. Damit/ das er viel armer Seelen ver- ſenmet/ viel Menſchen durch Ergernus verderbt/ vnd Gottes Geheimnus/ Wort vnd Sacrament vntrewlich ausgeſpendet hat) ein trewer Haushalter werde/ 1. Cor: 4. der das Geheimnus des Glaubens in reinem Ge wiſſen habe/ 1. Timoth: 3. vnd in Gottes Haus durch aus trewe ſey/ Wie Moſes Ebr: 3. Den wird an jenem Tag Pauli Weinen/ vnd Chriſti Wehklagẽ in Abgrund der Hellen druͤcken/ Vnd wird ein ſolcher (aber leyder/ viel zu ſpate) wuͤnſchen/ das er ein Sewhirt/ vnd kein Seelhirte geweſen were/ Weil man vber das/ der ver- wahrloſten Seelen Blut/ das Gott von jren Haͤnden fordern wird/ auch nicht wird berechnen koͤnnen/ Eze: 33. Vnd empfinden muͤſſen/ das es ſchroͤcklich ſey in die Haͤnde des lebendigen Gottes fallen/ Ebre: 10.

So viel von dem dritten Stuͤcke.

ZVm Vierdten/ Jſt nun zuſagen/ worinnen eines getrewen Predigers Ampt ſtehet/ Nemlich/ im Eyn vnd Ausgehen/ vnd Eyn vnd Ausfuͤhren/ Denn alſo beſchreibt es Moſes/ in dem Er ſpricht:

J 3Der Der HERR der GOtt/ vber alles leben- diges Fleiſch/ Wolt etnen Man ſetzen vber die Gemeine/ der fuͤr jnen her/ aus vnd eyn- gehe/ vnd ſie aus vnd eynfuͤhre/ etc.

waſ auſ vnd eingehẽ in der Schrifftheiſſe.Aus vnd Eyngehen heiſſet ſo viel/ als ſeinem Ampt gnung thun/ vnd daſſelbige redlich ausrichten. Alſo gebraucht es Achis der Philiſter Koͤnig zu Gath/ gegen Dauid/ da er ſpricht: So war ich lebe/ ich halte dich fuͤr redlich/ Dein Eyngang vnd Ausgang im Heer geſellet mir wol/ vnd habe kein Arges an dir geſpuͤret/ 1. Sam. 29. Alſo gebrauchet es auch Moſes/ Deut: 31. da Er ſpricht: Jch bin heut 120. Jar alt/ vñ kã nicht mehr aus vnd eyngehen/ Das iſt/ ich kan hinfurt mein Ampt nicht mehr ausrichten/ noch demſelbigen gnugſam fuͤrſtehen.

Gleicher Geſtalt brauchet es auch Salomon/ da er ſeine Jugend vnd Vnuermuͤgligkeit beklagt/ vnd das er zu ſolchem hohen vnd groſſem Ampt viel zu wenig ſey/ in dem Er ſpricht: Jch bin noch ein kleiner Knabe/ vnd weis weder meinen Eyngang noch Ausſgang/ 3. Reg: 3.

Woher dieſe weiſe mit dem aus vnd einge- hen zu reden genomen ſey. Die Hirten ver viehten Ihr Ampt durch aus vnd ein- gehen.Es iſt aber dieſe weiſe zu reden genommen von den Schaff hirten/ die verrichten jr Ampt mit dem Eyn vñ Ausgehen.

DEnn durchaus gehen/ gehen ſie fuͤr den Schaffen hin/ fuͤhren ſie an die Weyde/ vnd friſche Bechlin/ vnd pflegen jrer/ der Schwachen warten ſie/ die Krancken heylen ſie/ die Verwundten verbinden ſie/ das Verjrrete holen ſie/ vnd das verlohrne ſuchen ſie/ Das gruͤndicht vnd vnreine ſondern ſie ab/ vnd beſſerns/ vnd das Fette vnd Starcke bewaren ſie/ vnd ſchuͤtzet mit jrem Steckẽ vnd Stab die gantze Herde wider die Woͤlffe.

Durch das Eynfuͤhren bringen ſie die Schaffe ge- warſam warſam wider heim/ da ſie fuͤr Woͤlffen/ Dieben/ Regen vnd Vngewitter ſicher ligen vnd ruhen/ widerkewen jre Speiſe/ vnd werden ſaat/ fett vnd ſtarck.

Vnd daher nimpt die gantze heilige Dreyfaltigkeit von der Scheffer Arbeit/ Sorge vnd trewe/ damit ſie der Schaffe halber beladen ſind/ Ein Gleichnus vnd Beyſpiel/ vnd leret damit die Pfarherr vnd Seelſorger/ was jnen Ampts halben gegen den Schaffen vnd Pfar- kindern gebuͤrt vnd zuſtehet.

Gott der Vater/ Ezeh: am 34 Gott der Son/ Joan nis am 20. Gott der H. Geiſt im 23. Pſalmen.

Vnd ſonderlich gedenckt der Son Gottes an gedach- tem Ort des Eyn vnd Ausgehens/ vnd ſpricht: Jch bin die Thuͤr zu den Schaͤffen/ So jemand durch mich eyn- gehet/ der wird ſelig werden/ Vnd wird eyn vnd ausge- hen/ vnd Weyde finden.

Darumb begreifft Moſes mit dem Eyn vnd Ausge- hen alles/ was einem Seelſorger Ampts halben gegen ſeinen Schaffen gebuͤrt vnd zuſtehet/ Als da iſt: Den armen Leuten die geſunde/ gute Weyde des Goͤttlichen Worts/ aus den Schrifftẽ der Propheten vnd Apoſteln fuͤrtragen/ vnd ſie nicht mit den magern ſtopffeln Baͤpſt licher Decret/ oder Menſchlicher Satzungen/ vnd Cal- uiniſcher Klugkeit zu ſpeyſen/ vnd ſie zu trencken aus Gottes Bruͤnlein/ das Waſſer die Fuͤlle hat/ Pſal: 65. das man der ſchoͤnen ausgehawenen Brunnen Baͤpſt- licher Decret/ Menſchlicher Satzung/ vnd Caluiniſcher Spitzfundigkeit nicht bedarff/ Jer: 2. Wie denn dieware vnd tre we Prediger reden Gottes wort aus Got tes Munde. rechten Propheten nach der falſchen Propheten Weyſe niemals jres Hertzens Geſichte/ Jer: 23. Sondern des HErrn Wort gepredigt haben/ Wie Eſaias am 21. an- zeigt/ vnd ſpricht: Was ich gehoͤrt habe aus des HErrn Mund/ das verkuͤndige ich euch. Vnd Jeremias fehet ſeine ſeine Predigt alſo an/ vnd ſpricht: Hoͤret des HERrn Wort Vnd Chriſtus/ der die Weisheit vnd die Warheit ſelber iſt/ hatte nichts/ denn was jm der Vater hatte be- fohlen/ predigen woͤllen/ wie Er Joan. 12 ſpricht: Der Vater/ der mich geſand hat/ hat mir ein Gebot gegebẽ/ was ich thun vnd reden ſol. Vnd Joan. 14. Das Wort das jr hoͤret/ iſt nicht mein/ ſondern meines Vaters/ der mich geſand hat.

wie genawe ſieh Christus nach ſeines Himliſchẽ va- ters Befehl ge richtet babehabe.Vnd hat ſich Chriſtns nach dem Befehl ſeines Him- liſchen Vaters/ ſo genawe vnd trewlich gerichtet/ das Er weder mehr noch weniger hat ſagen woͤllen/ denn jm iſt befohlen geweſen/ Vnd ſonderlich hette Er von dem Tage vnd der Stunde des juͤngſten Gerichts Bericht thun koͤnnen/ Weil er aber daruon keinen Beſcheid hat- te/ ſpricht er/ Er wiſſe nichts daruon/ Matth. 24.

Alſo haben nachmals auch die Apoſteln nichts an- ders gepredigt/ denn Gottes Wort/ Wie jnen Chriſtus ſelber Zeugnis gibt/ Matth: 10. da er ſpricht: Jr ſeyds nicht die da reden/ Sondern der Geiſt ewers Vatters iſts/ der durch euch redet. Vnd S. Paulus ſpricht: Wir ſind Botſchafften an Gottes ſtat/ denn Gott vermanet durch vns/ 2. Cor. 5.

Darnach richten ſich auch fuͤr vnd fuͤr alle getrewe Lerer vnd Prediger/ vermoͤge der Jnſtruction vnd Be- fehls CHriſti/ Matth. 28. Marc. 16.

Darnach gehoͤret zum eyn vnd ausgehen/ auch ein heiliger vnd Chriſtlicher Wandel/ das ein Pfarher dem HERrn im heiligen Schmucke diene/ Pſal: 96. Vnd nach Aaronis Figur/ Exod. 30. Ein guter Geruch des Lebens zum Lebenſey/ 2. Cor: 2 vnd ſeinen Scheflein mit Chriſtlichem Wandel ſein fuͤrgehe/ wie CHriſtus anzeigt/ vnd ſpricht: Vnd wenn Er ſeine Schaffe hat ausgelaſſen/ gehet Er fuͤr jnen hin/ vnd die Schaffe folgen folgen jm nach/ Johann: am 10.

Endlich gehoͤret auch zu dem eyn vnd ausgehen/ das man die Schwachen im Glauben ſtercke/ die Ver- wundten im Gewiſſen heyle/ die Betruͤbten im Hertzen troͤſte/ den verirreten wider zu recht helffe/ die verloren ſuche/ das vnreine vnd ſchebichte durch den Bann aus hebe vnd abſondere/ Das Starcke vnd Fette behuͤte/ vnd die Schaffe wider alle Feindſchafft vnd Wider- wertigkeit ſchuͤtze/ Auch jn wie Samuel der thewre Man thet/ Dauon er 1. Samuel. 12. alſo ſpricht: Es ſey ferne von mir/ mich alſo an dem HErren zu verſuͤndigẽ/ das ich ſolte ab laſſen fuͤr euch zu beten/ vnd euch zu le- ren den guten Weg.

So viel von dem vierdten Stuͤck:

ZVm Fuͤnfften/ iſt nun zuſagen/ Was es fuͤrV. eine Geſtalt habe vmb ein Gemeine/ die eines tre- wen Hirten vnd Lerers mangelt/ Daruon ſpricht Moſes: Das die Gemeine des HERREN nicht ſey/ wie Schaffe ohne Hirten.

ES iſt je ein arm Ding vmb ein Schaͤff lein/ denn ſeinWas es für ein armes Ding vmb ein Scheff lein ſey. Heyl vnd Wolfart ſtehet gar auff frembder Huͤlffe/ vnd ligt allein an einem getrewen Hirten/ wenn es den hat/ ſo iſts geneſen/ Wenn es den nicht hat/ ſo iſts ver- dorben/ vnd gehet entweder auff verbotener Weyde/ vnd wird gepfendet/ Oder in eine feiſte/ vngeſunde Au- wen/ vnd friſt ſich vol/ Oder fellet in eine Gruben/ vnd ſtirbet/ Oder beſtickt in einer Hecken/ vnd verdirbt/ O- der gerhaͤt in die Jrre/ vnd kommet vmb/ Oder wird von einem Dieb geſtolen/ vnd wird geſchlachtet/ oder koͤmpt dem Wolffe in den Rachen/ vnd wird verſchlun gen. Jtem/ wird es ſchwach/ ſo mus es verſchmachtẽ/ KDenn Denn es iſt niemand der es ſtercket/ wird es grindig/ ſo mus es verderben/ denn es iſt niemand der es aushebt/ vnd jme hilfft/ Wird es verwundet/ ſo mus es mit der Hand bezalen/ denn es iſt niemand der es heylet/ Wird es kranck/ ſo mus es ſterben/ denn es hat niemand der ſein wartet.

Es ist mit Leu ten, die keinẽ Pfarher habẽ, wie mit Schaf ſen, die keinen Hirten haben.Wie es nun mit Schaffen iſt/ die keinen Hirten ha- ben: Alſo iſt es auch mit Pfarrleuten/ die keinen Pfar- herr/ oder ja keinen trewen Pfarherr haben. Darumb hat Moſes/ als ein Alter Schaffhirte/ dieſe weiſe zu reden/ von den Schaffhirten genommen/ da er ſpricht:

Das die Gemeine des HERRen nicht ſey wie Schaffe/ die keinen Hirten haben.

Moſes hat ſein Dialecticam vnd Rhetoricã bey den Schaf- fen ſtudiret.Vnd dieſe weiſe zu reden/ ſo Moſes an der Weyde bey den Schaffen hat ſtudiret/ behelt auch CHriſtus/ vnd ſchaͤmet ſich jrer nicht/ weil ſie nicht zu Jeruſalem auff der Hohen Schul ſtudiret war/ Wie Marc: am 6. ſtehet/ da der Euangeliſt ſpricht: Vnd JEſus gieng heraus/ vnd ſahe das groſſe Volck/ vnd jn jammert das Volck/ Denn ſie waren wie Schaffe/ die keinen Hirten haben/ vnd fieng an eine lange Predigt.

Alſo gebrauchet auch nachmals S. Petrus dieſe weiſe zureden/ vnd ſpricht: Denn jr waret wie die jrren- de Schaffe/ Aber jr ſeyd bekehret zu dem Hirten vnd Biſchoff ewrer Seelen/ 1. Petr: 2.

Darumb iſt kein armſeliger/ elender Thier auff Er- den/ denn wenn Schaffe ohne Hirten/ vnd Pfarrleute ohne trewe Seelſorger ſind.

Vnd das erkante auch fuͤr Zeiten Eliſeus/ darumb ſchreye Er Eliæ/ da er gehn Himel fuhr/ ſo jaͤmmerlich nach/ vnd ſprach: Mein Vater/ Mein Vater/ wagen Jſrael/ vnd ſein Reutter/ 4. Reg: 2. Vnd da nach- mals Eliſeus kranck ward/ beklaget der Koͤnig Joas jn jn eben auch mit dieſen Worten/ 4. Reg: 13.

Es iſt aber dieſe weiſe zu reden genommen aus demwober dieſe weiſezureden genomen ſey, das das Predig ampt einem Wagen ver- glieben wird. 7. Cap. des vierdten Buchs Moſi/ da den Kindern Ger ſon zwen/ vnd den Kindern Merari vier Wagen von Moſe/ zum Dienſt des Heyligthumbs zugeſtelt wurdẽ/ das ſie die Teppich breyter Seulen/ etc. zur Wonung gehoͤrig/ darauff hin vnd wider fuͤhreten/ Denn das war jr Ampt/ das ſie ſolche fortſchaffen muſten/ Wie Num: am 3 vnd 4. Cap. erſcheinet.

Wo nun dieſe Wagen hinkamen/ da kam Gott mitwas GOTtes wagẽ für Gna de vnd Segen bringen. ſeinem Heiligthumb/ Wonung vnd Huͤtten/ Gnad vnd Segen/ hin/ wie Er Ex: 20. ſelber bezeugt/ vñ ſpricht: An welchem Orte Jch meines Namens Gedechtnuſs ſtifften werde/ da wil ich zu dir komen/ vnd dich ſegnen.

Widerumb wo ſie hinweg fuhren/ da zog Gott auch mit ſeiner Wonung/ Gnade vnd Segen hinweg/ Vnd folget gewoͤhnlich bald Gottes Zorn vnd Straffe her- nacher. Darumb iſt bey dieſen Wagen vnd Eynzug das heilige Predigampt fuͤrgebildet vnd bedeutet/ Dadurch Gott mit ſeinem Wort vnd heiligen Sacramenten hie vnd da eynkehret/ Den H. Geiſt ſchencket/ der allerley Gaben vnd Wolthat austheilet/ auff das der geiſtliche Leib Chriſti aufferbawet werde/ Epheſ: 4 vnd wachſe zu einem heiligen Tempel in dem HErrn/ Epheſ: 2.

Vnd dahin ſihet Ezechiel/ da Er ſeinen Triumph Wagen ſo artlich vnd herrlich beſchreibet/ Ezech: 1. vñ am 10. Cap: Vnd der Koͤnigliche Prophet Dauid/ da er vber den Wagen Gottes ſo herrlich frolocket vnd ju- biliret vnd ſinget: Der Wagen Gottes iſt viel tauſent mal tauſent/ Gott wohnet in dem heiligen Sinai/ Pſal: 68. Wo nun dieſe Wagen vnd ſeine Reuter/ das iſt/Das ein groſſe Vngnade vnd grauwſamer das heilige Predigampt/ vnd ſeine Vorſteher/ ſo dieſen Wagen/ das H. Predigampt weislich vnd Chriſtlich K 2haben/ Zorn Gottes darauff erfol- ge, wenn Got- tes wagẽ hin- weg fehret.haben/ wiſſen zu fuͤhren/ vnd leyten/ hinweg fahren/ da bleibet das gantze Heer nicht lange/ vnd bricht GOtt ſelber auff/ mit ſeinen Engeln/ vnd der gantzen Him- liſchen Ritterſchafft/ ſampt allem Segen/ Heyl/ Gna- de/ vnd Wolthat/ wie Exod: 14. vnd Num. 9. bedeutet vnd fuͤrgebildet iſt.

Vnd dis haben Eliſeus vnd der Koͤnig Joas wol verſtanden/ Darumb ſchreyet Eliſeus dem Elia/ vnd Joas dem Eliſeo ſo jaͤmerlich nach: Mein Vater/ mein Vater wagen Jſrael/ vnd ſein Reuter.

Alſo iſt jetzund der Wagen Gottes/ vnd ſein Reuter auch von vns hinweg gefahren/ weil vnſer Herr Ambro ſius/ des Zuname Wagner heiſſet/ von vns hinweg ge- faren/ vnd mit Todt abgangen iſt. Vnd kan niemaud gleuben/ was wir an dieſem Manne fuͤr einen groſſen Sechatz verloren haben/ bis wir es die lenge mit Scha- den beklagen werden.

Ordentliche Beſchreibung der Legenda des Herrn Am broſij wage- ners.Denn laſſet vns dieſen Man vmb Gottes willen be- trachten/ nach ſeinem Namen/ Zunamen/ Vaterland/ Lere/ Leben/ Hausregiment/ nach ſeiner Wolthat an den Armen vnd Krancken/ nach ſeiner groſſen Gedult/ herrlichen Bekentnus/ hertzlichen Sorge fuͤr ſeine Pfar kinder/ vnd ſeligen Abſchied aus dieſem Jammerthal/ ſo wird vns das Elend bald vnter die Augen ſchlagen/ vnd werden mercken/ was wir fuͤr einen thewren Man an jme verlohren haben.

8. Von Herrn Ambroſij Tauffnamen.Sein Name hat Ambroſius geheiſſen/ Das iſt/ Jm- mortalis/ Vnſterblich/ Dieſer Name iſt jm durch ſon- derliche Verſehnng Gottes gegeben worden/ weil er das vnſterblich Reich CHriſti/ vnd ewige Wort Gottes hat verkuͤndigen/ vnd ein rechter Ambroſius ſein ſollen/ wie denn geſchehen iſt.

DEnn gleich wie S. Ambroſius/ Biſchoff zu Mey- land land nicht leichtfertig mit Gottes Wort/ vnd den heili-wer S. Ambro ſius geweſen ſey, vnd wie er ſein ampt ver richtet habe. gen Sacramenten iſt vmbgegangen (wie der Heuchel- prediger weiſe iſt) Sondern gantz Fuͤrſicheig/ vnd mit aller Weisheit/ Alſo/ das er auch dem Keyſer Theodo- ſio ſelber die Abſolution verſagt/ vnd das hochwirdige Sacrament am heiligen Oſtertag zu Meyland in der Kirchen abgeſchlagen hat/ Darumb/ das er zu Theſſa- lonica viel armer Leute vnſchuldig hatte vmbbringen laſſen/ vnd doch mit andern fromen Chriſten der heiligẽ Abſolution/ vnd des hochwirdigen Sacraments gebrau chen wolte/ ohn Erkentnus dieſer ſchweren Suͤnde/ vnd oͤffentliche Buſſe.

Alſo hat vnſer ſeliger Herr Ambroſius vielen leicht-Mit was Chriſt lichem Eyffer H. Ambroſius ſein Ampt ver weſen. fertigen Leuten die Abſolution abgeſchlagen/ vnd ſie vom hochwirdigen Sacrament abgewieſen/ Auch ni- cht nach der Heuchelprediger weiſe alleine den Loͤſe- ſchluͤſſel genuͤtzet/ Sondern auch den Bindſchluͤſſel ge- brauchet/ Daher denn noch etliche Perſonen im Bann ſind/ denen GOtt ware Buſſe verleyhen woͤlle/ das ich jnen denn von Hertzen wuͤnſche.

Wie nun vnſer ſeliger Herr Ambroſius ſeinem vn- ſterblichem Namen nach/ in Chriſti vnſterblichem Rei- che eyfferig vnd trewe/ vnd ein rechter Ambroſius gewe ſen: Alſo iſt er nun durch den Todt ſeinem Namẽ nach/ warhafftig vnſterblich worden/ Chriſtignediger Zuſa- ge nach/ Joan: 11. Jch bin die Aufferſtehung vnd das Leben/ wer an mich gleubet/ der wird leben/ ob er gleich ſtuͤrbe/ Vnd wer da lebt vnd an mich gleubt/ der wird Ewiglich nicht ſterben.

Wie nun vnſer Herr Ambroſius ſeinen eygentlichen2. Von H. Am- brosij Zuna- men. Tauffnamen aus Goͤttlicher Verſehung hat bekomen/ Alſo iſt es auch mit ſeinem Zunamen/ Nach demſelbi- gen hat er Wagener heiſſen muͤſſen. Denn er hat Gottes K. 3.Wagen Wagen/ Daruon jr droben gehoͤret/ in dieſer groſſen vnd weiten Pfarre in die 26. Jar vmbziehen ſollen. Vñ wie wol der Teuffel boͤſe Leute/ vnd falſche Bruͤder/ ſich offtmals jme an den Wagen gehengt/ auff das ſie jm den Hemmen/ vnd jn ausſpannen moͤchten/ So ha- ben ſie doch darmit mehr nicht ausrichten koͤnnen/ deñ allein/ das ſie jm den Zug vnd die Arbeit deſto ſawrer vnd ſchwerer gemacht/ Das Ausſpannen aber haben ſie mit allen jren heimlichen Liſten/ tuͤckiſchen Grief- fen/ vnd oͤffentlichem Verklagen/ Wuͤten vnd Toben nicht zu wegen bringen koͤnnen/ Denn Gott hatte es jme ſelber vorbehalten/ Wie Er es denn auch Geſtern zu Nacht in das Werck gerichtet hat/ Denn Gott hatte jn zur Ehrin Mauren gemacht/ Jerem: 1.

3. H. Ambroſius ist ein Bergmã geweſen, wie der erste vnd letzte Elias.WEnn wir nun auch vnſern ſe ligen Herrn Ambro- ſium nach ſeinem Vaterland betrachten/ ſo findet ſichs/ das Er ein Bergman geweſen iſt/ wie der erſte vnd letz- te Elias. Denn gleich wie ſich Elia zu Sarephta in der Bergſtatt auffenthalten hat/ 3 Reg: 17. Vnd Doctor Luther in der Bergkftat Eisleben geboren iſt/ Alſo iſt vnſer ſeliger Herr Ambroſius in der Weitbe- rhuͤmbten Bergkſtatt auff Marienburgk in Meiſſen geboren/ Von dannen hat jn Gott an dieſen rauhen Vogelsberg geſchickt/ mit dem reinen vngefelſchtem Wort Gottes/ welchem im Fewer der Truͤbſal beweh- ret erfunden iſt/ denn Silber im Erdenen Diegel/ be- wehret ſiebenmal/ Pſal: 12. vnd koͤſtlicher denn Gold/ vnd viel feines Golds/ Pſalm: 19. Dardurch viel Ar- me im Geiſt/ Matt: 5. reich vnd ſelig gemacht worden ſind/ 2 Cor: 6.

4. Herrn Ambro sij Lere.SEiner Lere halben bedarff es nicht viel Wort/ Denn er hat die/ wie ein rechter Geiſtlicher Bergman/ mit dem erſten vnd letzten Elia/ aus der rechten einigẽ Fund- Fundgruben der Prophetiſchen vnd Apoſtoliſchen Sch- rifft/ genomen/ vnd fuͤrgetragen/ Geſetz vnd Euange- lium mit rechtmeſsigem Vnterſcheid gepredigt/ vnd beyde das Lied Moſe vnd des Lammes geſungen/ A- pocalip. 15. Denn Er war nicht ein Sophiſtiſcher Welt gelaͤrter/ der aus dem blinden Heyden Ariſtotele ſeine Lere fuͤſſet vnd fuͤrbracht/ wie der Schrifft Klugen/ Weltweiſen/ vnd aller Ketzer vnd Jrrgeiſter Brauch iſt/ Vnd wir jetzt an Caluiniſten/ Naturpatronen/ vñ allen Sophiſten vnd Weltgelaͤrten ſehen/ Sondern Er war ein Schrifftgelaͤrter/ zum Himelreich geleret/ der aus ſeinem Schatze Altes vnd Newes herfuͤr trug/ Matth: 13. Welches Chriſtus anderswo nennet Buſſe vnd vergebung der Suͤnden/ predigen in ſeinem Na- men/ Luc: 24.

Er war auch mechtig zu ſtraffen die Widerſprecher/Biſchoffliche geſchicklig- keit Herr Am brosij. zu troͤſten die betruͤbten Hertzen/ die Hinlaͤſsigen zuer- manen/ die Vnfuͤrſichtigen zu warnen/ wie es einem rechten Biſchoff nach der Regel Pauli/ Tit: 1. Zimmet/ Vnd wuſte zur Zeit vnd zur Vnzeit anzuhalten/ 2. Timoth: 4.

Vnd wiewol Er derhalben ewiges Lobs werth we-Der frome H. wird von we- gen ſeines trewhertzigẽ anhaltens ge- haſſet vnd ge- neydet. re/ Dennoch iſt Er Geiſtlichen vnd Weltlichen Perſo- nen (wie Jeremias den falſchen Propheten/ vnd Gott- loſen Juͤden/ Jerem: 23.) eine Laſt/ vnd verdrieslich damit geweſen/ das ſie ſeine lange Predigten getadelt/ vnd daruͤber geklagt haben/ Gerade/ als ſey es ſo ein geringes vnd ſchlechtes Ding vmb Gottes Wort/ das man bald eine Predigt mit wenigen vnd kurtzen Wor- ten verrichten koͤnt/ zu wider dem Exempel CHRJſti/ Marc: 6. da alſo geſchrieben ſtehet: Vnd fieng an eine lange Predigt.

Lange Predigten thun iſt nicht jedermans vermoͤge/ Denn Zwer Lange Predigten le- ſtert, der ſchẽ det die Gaben des H. Geiſtes, vndverdampt Christum.Denn es gehoͤren ſonderliche Gaben vnd Kraͤffte dar- zu/ Darumb iſts ein ſonderliche Gabe Gottes/ denen es verliehen iſt/ Darumb wer ſich daruͤber beſchweret/ vnd vnnuͤtzs machet/ der leſtert nicht allein die Gaben Got- tes/ Sondern verdammer auch Chriſtum mit ſeinẽ Ex empel. Etwan hat man der Leute geſpottet/ vñ geſagt:

Breuibus concionibus, & longis farciminibus gaudẽt ruſtici. Zu Deutſch: Wer vmb die Bawren wil verdienen Danck/ Mach kurtze Predigt/ die Bratwuͤrſt lang.

DAs aber in dieſer letzten vnd aller truͤbſeligſten Zeit (da langes Prediges vnd viel ſagens am aller not- wendigſten iſt/ aus dieſer Schimpffreden Ernſt wor- den/ vnd lange Predigten getadelt werden ſollen/ das wird GOtt nicht gut ſein/ jme es viel weniger gefallen laſſen/ Wie Meifler Kluͤgling ohn zweyffel in kurtzem mit Ach vnd Weh erfahren wird. GOTT gebe den Schuͤldigen dieſe ſchwere Suͤnde zuerkennen/ vnd wa- re Buſſe zuthun/ welches ich jnen hiemit von Hertzen wuͤnſche.

5. Herrn Ambro ſij Leben, vnd Christlicher Zwandel.WAs weiters auch ſein Leben anlanget/ kan Jch mit jme vor Gottes Augen nicht prangen (wie die Pa- piſten mit jren Heiligen thun/ derer viel Gedichtet/ die niemals im Leben geweſen ſind/ vnd einstheils in der Hellen brennen/ die der Bapſtvmb Gelts willen zu Hei ligen gemacht hat) Sondern mus jn da einen armen Suͤnder bleiben laſſen/ der mit allen fromen Prieſtern vnd Heiligen Gottes/ taͤglich Gott ſeine Schwacheit hat beichten vñ betẽ muͤſſen: Vergib vns vnſer Schuld/ wie wir vergeben vnſern Schuͤldigern/ Vnd ſich mit dem Articul von vergebung der Suͤnden troͤſten/ nach Niemannd ist ohne Sünde.der weiſe/ wie zun Epheſern am 5. ſtehet: Denn es le- bet niemand/ der nicht ſuͤndige/ Eccleſ: 7. vnd die Hi- mel mel ſind vor Gott nicht rein/ Job: 15. vnd kein Heiliger ohne tadel/ Job. 4. Darumb muͤſſen ſie alle flehlich bir- ten: HErr gehe nicht ins Gericht mit deinem Knecht/ denn fuͤr dir iſt kein Lebendiger gerecht/ Pſal. 143.

Dieſer Vrſachen halber/ hat Er gewoͤhnlich alleH. Ambroſius ist gewönlich alle 14. Tage zum Abend- mal gangen. vierzehen Tage von mir (wie ich von jme) die heilige Abſolution begeret/ vnd das Abendmal des HERRn empfangen.

Was auſſerhalb dieſem das gemeine Weſen vnd Le- ben in dieſer Welt anlangt/ da mus ich bekennen/ dasH. Ambroſius hat ein Christ lich vnnd vn- ſtrefflich Lebẽ geſühret. ich die gantze zeit/ weil ich mit jm vmbgangen bin/ vnd jn gekennet habe/ nichts vnredlichs/ boͤſes vnd vnrech- tes an jm vernomen/ das er ein grobes Laſter/ vnd toͤdt- liche Suͤnde begangen hette: Sondern hat ſich allent- halben/ wie ein trewer Diener Gottes/ bewieſen/ durch Waffen der Gerechtigkeit/ zur Rechten vnd zur Lin- cken/ 2. Cor: 6. hutet ſich fuͤr Suͤnden/ Pſal: 13. creutziget ſein Fleiſch/ ſampt den boͤſen Luͤſten vnd Begierden/ Gal: 5. Auff das Er nicht andern prediget/ vnd ſelber verwerfflich wuͤrde/ 1. Cor: 9. Vnd ſumma/ er war ni- cht alleine aller Erbarkeit/ Froͤmigkeit vñ Gerechtigkeit von hertzen hold/ Sondern war auch von gantzem Her- tzen feind/ die ſolchen Tugenden zu wider lebten/ Vnd eyffert hefftig darwider heimlich (wenn man zur Beich te/ oder ſonſten alleine zu jm kame) vnd oͤffentlich/ wie jr alle mit ein ander wiſſet.

SEinem Hauſe hat er gantz vleiſsig vnd trewlich6. Schön Hausre- giment Herrn Ambrosij. fuͤrgeſtanden/ Nicht das er viel Gelts vnd Guts geſam let/ ſchoͤne Heuſer gezeuget/ vnd einen groſſen Vorrhat zuwegen bracht hette/ Wie die fleiſchlichen Prieſter die Wort Pauli/ 1. Tim: 3. verſtehen (welche ding ein Ga- be Gottes/ vnd einem jeglichen wol zu goͤnnen ſind/ der ſie ohne verſeumnus ſeines Beruffs/ one Heucheley/ vnd Lohne ohne Verletzung ſeines Gewiſſens bekomen kan) Nein/ Sondern er hat ſein Weib/ Kinder/ vnd alle ſeine Haus gen oſſen zu aller Gottſeligkeit vñ Erbarkeit gewehnet/ das ſie in guten Wercken reich wuͤrden/ 1. Tim: 6. Da- mit ſie andern ein Spiegel aller Got: ſeligkeit weren/ wie S. Paulus von einem trewen Biſchoff erfordert/ 1. Ti- moth: 3.

Dieſer Vrſachen halber hat Er auch all ſein Haus- geſinde zum heiligen Catechiſmo gewehnet/ vnd die Haͤuptſpruͤche aus den Sontaͤglichen Euangelien vnd H. Ambrosij Hausgeſinnde betet teglich achtmal.Epiſteln lernen laſſen/ vnd jmer zum Gebet getrieben/ Alſo/ das ſie gewoͤhnlich den Tag achtmal haben beten muͤſſen/ dergleichen ich mein Lebentag an keinem Ort geſehen hab (Wie es denn alle frembde Perſonen/ ſo es vernamen/ mit verwunderung war genomen/ vnd aus- gebreitet haben) das einer ein ſolche ſchwere Arbeit auff ſich genomen/ Auch dem Dienſtgeſinde des Tages acht mal zum Gebet raum gelaſſen/ Ohne die zeit/ ſo Er mit Catechiſmo/ mit den Haͤuptſpruͤchen/ vnd ſchoͤnẽ Pſal- men vnd Geſengen zubracht/ Vnd muſte dieſer Ord- nung nichts abgebrochen werden/ Er were gleich ge- genwertig oder nicht.

Zwieer toglich Gebet, derzeit nach, angeſtel let.DEn Morgen geſchach das Fruͤhopffer/ mit dem Morgenſegen/ Vnd weil er ſeiner ſchweren Pfarr hal- ber/ Dienſtgeſinde/ ein Knecht vnd Magd/ einen Jun- gen vnd Maͤgdlein halten muͤſſen/ denen man eines je- den Tags drey mal zu Eſſen gab/ muſte zu jedermal in ſonderheit Gott den HERREN/ das Alleraugen zum Speisopffer/ vnd das Dancket dem HErrn zum Danck- opffer geſprochen werden/ Vnd denn das Abendopffer mit dem Abendſegen/ alles/ wie es im kleinen Catech- iſmo Lutheri ſtehet/ Vnd ſind Morgens vnd Abends viel andere ſchoͤne Gebetlin vnd Pſalmen mit vnterge- lauffen/ lauffen/ Als des Morgens: O Allmechtiger ewigerGebet aus Ambreſie. Gott/ Jch befehl dir heut vnd allezeit mein Leib vnd Seel/ Geſichte vnd Gehoͤr/ etc. Der 91. Pſal: Wer vnter dem Schirm des Hoͤchſten ſitzet. Denn ein ſchoͤn Ge- bet fuͤr die Schuͤler/ das jnen Gott den heiligen Geiſt verleyhen woͤlle/ das ſie den Tag zu Gottes lob mit ler- nen vnd Gehorſam ſein zubringen.

DEn Abend den 23. Pſalm: Der HEER iſt mein Hirt/ etc. Den Haͤuptſpruch aus dem naͤchſtgehoͤrten Euangelio vnd Epiſtel. Etliche Puncten aus dem Ca- techiſmo/ Vnd endlich den ſchoͤnen langen Geſang: HErr JEſu Chriſt war Menſch vnd Gott/ den D. Pau lus Eberus ſeliger gemacht.

ALſo hat Er/ wie ein trewer Biſchoff/ alle TageH. Ambroſius hat teglich Bi- ſeoffliche wer cke gelibet. Biſchofliche Werck getrieben/ vnd zumal ein ſchoͤne Hauskirchen gehabt/ das die Olpflentzlin/ ſiben leben- diger Kinder/ vmb ſeinen Tiſch her geſtanden ſind/ vnd mit den andern Hausgenoſſen gegruͤnet/ gewachſen/ vñ gantz lieblich vnd ſchoͤn gerochen/ das Gott ſampt ſei- nen Engeln/ vnd allen rechten Chriſten/ ſo darzu kom- men ſind/ jren Luſt vnd Wolgefallen geſehen vnd em- pfangen haben. Sehet/ alſo har dieſer Biſchoff ſeinemAlle Biſchoffe vnd Hausveter ſolten dieſes Biſchoffs Exẽ- pelnachfolgẽ. Hauſe fuͤrgeſtanden/ O wolt Gott/ das alle/ ſo Biſch- offliche Namen fuͤhren/ vnd Seelſorger vnd Pfarherr heiſſen/ jren Biſthumen/ Pfarren/ vnd Haͤuſern auch alſo moͤchten fuͤrſtehen/ ſo wuͤrden ſie zu letzt nicht wuͤn ſchen/ das ſie Sewe/ vnd nicht Seelhirten geweſen we- ren/ wie es mit vielen am Todtbette/ vnd juͤngſten Ge- richt gehen wird.

DEr frome getrewe Gott woͤlle alles gute/ ſo dieſer frome Biſchoff in ſeinem Haus/ vnd der gantzen Pfarre gepflantzet hat/ ſegnen/ mehren vnd erhalten/ das ni- chts daruon vmbkome/ oder verderbt werde/ Sendern L 2zu zu dem Ende gedeye/ darzu es angefangen vnd fuͤrgeno- men iſt/ Nemlich/ zu ſeines Weibs/ Kinder/ Geſinde/ vñ des Volcks Seligkeit/ Amen.

7. Von H. Am- broſij wolthat gegen den Krancken.WAs ſeine Wolthat gegen die Armen/ vnd Krancken anlangt/ weis ich mit wenig Worten nicht gnugſam zu rhuͤmen.

Krancken Leuten iſt Er nicht bald mit leerer Hand komen/ Denn weil Er von Gott ein ſonderliche Gnade/ die Kraͤuter vnd jre Eygenſchafft zuerkennen/ vnd zu Proces H. Am brosij bey den Krancken.wiſſen gehabt/ Hat er Erſtlich den Leuten die Vrſach jrer Kranckheit zu erkennen geben/ Vnd was ſeine Suͤn- de beſeufftzet/ vnd jme die leyd ſein lies/ das weiſet Er auff den Seelen Artzt Chriſtum/ Exod: 15. Matth: 9. der ſich gegen jnen alles liebes vnd gutes erbiete/ ſagen- de: Kommet her zu mir/ etc. Warnet fuͤr weiterm ſuͤndigen/ vnd vermahnet zur Danckbarkeit/ Johan: 5. Darauff theilet Er jnen die Abſolution/ vnd des HErrn Leib vnd Blut mit. Vnd endlich gab Er jnen auch/ was da wider jre Kranckheit dienſtlich war/ wie Eſaias dem Koͤnig Hiskia auch thete/ Eſai: 38. Vnd damit ſucht Er nicht Hellers werth/ denn nur allein der armen Leute Wolfarth/ Wiewol jme die Kraͤuter vnd Artzney nicht vmb ſonſt ankamen/ Sondern muſt alles mit Vn- koſten erlangen vnd bekomen.

was der ſeli- ge H. zur zeit der Pestilentz vor groſſe tre we bey den an men Leutẽ ge than habe.WAs Er ſonderlich fuͤr trewe Rhat/ da das groſſe Sterben/ Anno 1584. in dieſer Pfarre/ Vnd ſonderlich bey vns zu Kinderwigen war/ wiſſet jr/ Denn wir in die hundert vnd ſechtzig Menſchen/ die an der Peſtilentz kranck lagen/ beſuchten/ derer leben noch etliche/ die Er auff jrem Siechbette durch Gottes Segen an Leib vnd Seel erquicket hat/ das ſie auff komen ſind/ Die an dern/ die Gott fuͤr dem kuͤnfftigen Elend wolt wegne- men/ denen zeigt Er mit Johannis Finger/ das Lemb- lein lein Gottes/ das jre vnd der gantzen Welt Suͤnde tregt/ Joan: 1. Gab jnen zu erkennen das Liecht der Gnaden/ das alle Menſchen zu erleuchten in die Welt kommen war/ Joan: 1. Macht jnen bekant den Weg zum ewigen Leben/ die Warheit/ das ſie daran nicht zweyffel truͤ- gẽ/ vnd das Leben/ das den Todt verſchlungen hat/ Jo: 14. Daruͤber ſchlieffen viel willig vnd ſelig eyn.

Er war aber nicht allein behuͤlfflich vnd willig ge-8. was für ein williger Haus vater vnd barmhertzige woltheter H. Ambroſius ge weſen ſey. gen die armen Krancken/ Sondern gegen alle notturff- tige Leute/ Sein Haus ſthunt allen fromen Gelaͤrten offen/ Sein Tiſch war den Elenden bereit/ Vnd ſein Beutel war keinem Duͤrfftigen verknuͤpfft/ wie jr alle wiſſet. Vnd iſt dermaſſen als ein trewer Biſchoff nach S. Pauli Lere/ 1. Tim: 3. Gaſt vnd Koſtfrey geweſen/ das man nicht einen einigen guͤlden Baarſchafft bey jm funden hat/ ſo gar hat Er alles auff Chriſtum vnd ſeineH. Ambroſius ſuchtewas dre ben ist, da Ch- ristus ſitzet, vnd leſſet kein Baarſchafft hinder ſich. duͤrfftige Glieder gewendet/ Da es auch viel beſſer ver- wahret iſt/ denn in Kiſten vnd Kaſten (da es andere hin zu legenpflegen) vnd wird mit groſſem Wucher vnd Gewinn auff ſein Weib vnd Kinder wider komen/ wenn ſie Gott fuͤrchten/ vnd die Suͤnde meyden werden/ Wie der H. Geiſt Prou: 19. anzeigt/ vnd das Exempel 4. Reg: 4. ausweiſet.

Jch kan auch nicht vnterlaſſen zu rhuͤmen/ was der ſelige Herr/ Mir vnd den Meinen fuͤr Wolthaten erzeigt hat/ wie willig Er mich armen Diener CHriſti/ ſampt meinem Weib vnd Kinderlin vnter Dach genomen/ vnd damit viel ſcheler Augen gemacht/ viel Vngunſt auff ſich geladen/ vnd meynet halben nicht ein wenig rauhes ſich hat beiſſen laſſen. Denn der Teuffel hat kein theil im Himel/ darumb laͤſſet Er durch ſeine Glieder/ vnd fleiſchliche Weltmenſchen/ vns auch kein theil auff Er den/ vnd in der Welt (daruͤber er ein Fuͤrſt/ Joan: 8. vñ L 3Gott Gott iſt/ 2. Cor: 4.) Daher mus Chriſtus noch heut zu Tage klagen: Die Fuͤchſe haben jre Gruben/ vnd die Voͤ- gel vnter dem Himmel haben jhre Naͤſter/ Aber des Menſchen Son hat nicht/ da Er ſein Haͤupt hinlege/ Matth: 8.

9. Von H. Am- brosij groſſer Gedult.Es were auch viel von ſeiner groſſen Gedult zu ſa- gen/ da jn viertzehen Tage lang gros Seytten ſtechen gemartert/ vnd groſſe Hitze hat geplagt/ welches alles Er mit groſſer Gedult vberwunden/ Gott dem HErrn recht gegeben/ vnd ſich ſeinem Vaͤterlichen willen vnter worffen/ zu leben vnd zu ſterben.

10. Von H. Am- brosij herlichẽ vnnd letzten Bekentnus.Vnd allhie ſol vnd mus ich auch nicht vergeſſen/ ſeiner herrlichen vnd letzten Bekentnus/ die Er gethan hat. Denn nach dem er den 16. Nouembris groſſe Sch- wacheit befand/ die jn auch vmbwarff/ vnd niderlegt/ hat Er mich den 21. dieſes Monats ſchrifftlich bitten laſſen/ zu jme zu komen/ jme die H. Abſolution zu ſpre- chen/ vnd das hochwirdige Sacrament mit zu theilen. Als ich nun zu jme komen bin/ hat Er ſich auffrichten laſſen/ vnd iſt nider mit zuſamen gelegten Haͤnden auff die Knie gefallen/ hat Gott den HERREn hertzlich vnd ſchmertzlich ſeine Suͤnde gebeichtet/ Darauff hat Er eine gantz herrliche Bekentnus ſeines Glaubens ge- chen/ vnd angezeigt/ das er die Lere/ die Er bis daher gefaͤhret/ vnd ſeinen Pfarkindern habe fuͤrgetragen/ ge- wis Gottes Wort/ vnd in den Schrifften der Prophetẽ vnd Apoſtel gegruͤndet ſey/ Dabey Er auch mit Gottes Huͤlffe vnd Gnade blieben/ vnd darauff ſterben woͤlle. Sagt/ das Er auch allen ſeinen Feinden/ ſo jn jemals beleydigt/ von Hertzen verzechen woͤlle.

Herrn Ambro sij ſchmertzli- che wehklageDarauff ſeufftzet Er hertzlich wider die Caluiniſten/ nennet ſie (wie ſie auch ſind) newe Arrianer/ klagt/ das ſie vns eben nahe an die Wand ruͤcketen/ Warnet vns derhal- derhalben trewlich fuͤr jrem Jrthumb vnd Seelengifft/vber die Cal uinisten. das wir vns darfuͤr huͤten/ vnd deſſen vns ja nimermehr theilhafftig machen wolten/ Das woͤlle er vns nicht al- lein Vaͤterlich vermahnet/ Sondern auch gebeten ha- ben/ jme alle die Haͤnde darauff zugebẽ/ das wirs thun woͤllen/ welches wir jme denn willig vnd gerne geweh- reten.

Nach dieſem empfieng Er die heilige Abſolution/ vnd das hochwirdige Sacrament/ vnd dancket GOtt dem HERRN hertzlich fuͤr ſeine Gnade/ vnd vnaus- ſprechliche Wolthat/ Verzeyhet ſich dieſes Lebens hertzlich vnd willig. Vnd da ich darauff ſagte/ Jch hoffte zu Gott/ wir wollen dismals/ wie auch zuuorn/H. Ambroſius wil ſein Chriſt fest im Himel halten. das Chriſtfeſt mit einander halten. Da antwortet Er: Jch werde meines im Himliſchen Jeruſalem/ mit den Auſſerwehlten GOTtes halten helffen/ das wird mir das liebe Jeſulein/ der groſſe Koͤnig der Ehren/ gnedig verhelffen.

Darauff hat er viel herrlicher/ ſchoͤner vnd troͤſtlicher Spruͤche aus Gottes Wort/ zu ſeligem Troſt erzehlet/ vnd ſich zur ruhe begeben/ vnd wol geſchlaffen.

DEn Morgen den 22. Nouembris/ wuͤnſchet ich jmH. Ambroſius weis den Tag ſeines Todtes, vnd bittet vmb die Leichpre- digt. einen ſeligen Morgen/ vnd erinnert jn/ wie gnedig Gott jn heimſuche/ wie Vaͤterlich er es mit jme meyne/ vnd jn zu hand allerſeiner Bitte gewehren/ vnd jn von allem Vbel erloͤſen/ vnd mit Himliſcher Klarheit/ vnd ewiger Seligkeit begnaden vnd begaben wuͤrde. Darauff ant- wortet Er mir. Heute vber acht Tage habet acht auff mich/ da wird es geſchehen. Vnd wenn jr auff An- dreæ von den Meinen angeſprochen werdet/ vmb eine Leichpredigt/ ſo bitte ich/ jr woͤllet euch gutwillig erzey gen/ Vnd das muſte ich jme zuſagen.

Da gab Er ſich aller dinge halber zufrieden/ vnd be- fahl H. Ambroſius befihlet nur die Kirche.fahl mir ſeine Kirche/ wie Chriſtus am Creutz Johan- ni ſeine Mutter/ Vnd bate/ das ich mit dem heiligen Catechiſmo/ wie bisher zu Kinderwiegen geſchehen/ vleis ankehren/ vnd das Volck trewlich vermanen wolte dabey zubleiben. Vnd wenn er vielleicht in kurtzen vnter die Banck geſteckt/ oder verendert/ oder gar aus der Kirchen ausgemuſtert wuͤrde/ jn vleiſsig in den Haͤu- ſern zu handlen.

Darauff ſagt ich jme zu/ das ſeinem Willen genuͤ- gen geſchehen ſolle/ ſo lange mir Gott die Cantzel vnd Kirche vntergeben wuͤrde.

Prophecey Herrn Ambro ſij, das Eychle rus im auch bald folgen werde.Daran/ ſagt Er/ trage ich keinen zweyffel/ Aber jr werdet mir auch bald nachfolgen/ Solches/ mein lie- ber Bruder in Chriſto/ ſage ich/ bin ich hertzlich willig. Denn jr ſeyd berichtet/ das ich fuͤr zwoͤlff Jaren meinen Leichkaſten vnd Todtenkleid/ vnd fuͤr ſiebẽ Jaren mein Epitaphium zugerichtet/ vnd ſolches in meiner Wal- Eychlerus ist lange fertig geweſen zu ſterben, nach Gottes willẽ.fahrt vmbher mit gefuͤhret/ Zum Zeugnis/ das ich dieſer Welt abgeſtorben/ vnd dieſes Lebens fuͤr einen armen Pilger/ ſat bin/ Wie Jacob/ Gen: 49. Nun aber/ wil ich mir auch auffs forderlichſte meine Leichpredigt zu richten (weil mich doch Gott wider meinen willen zum Leichpredigt Schreiber mache) vnd mich zumſeligen Abſcheid fertig machen.

Nach der Hand haben wir viel guter Geſpraͤch von Gnad vnd Barmhertzigkeit Gottes/ von der Freund- ligkeit vnd Leutſeligkeit JEſu CHriſti/ von der Gnad vnd Wolthat des H. Geiſtes/ vnd von der Ehre vnd Herrligkeit der zukuͤnfftigen Welt/ damit die heilige Dreyfaltigkeit/ frome Prediger/ vnd alle ware Chriſten begnaden wird.

wenn Herr AmbroſiusDEmnach iſt er endlich ſelig vnd friedlich in Chri- ſto entſchlaffen/ den 29. Nouem: den Abend vmb 8. vhr/ Vnd Vnd heute auff Andreæ Tag thu ich jme die Leichpre-verſchieden, vnd begraben ſey. digt/ wie jme das ohne zweiffel Gott zuuorn offenbart/ vnd ich jme habe zuſagen muͤſſen.

SEhet/ wenn wir nun alle Puncten in der Legenda vnſers lieben Herrn Ambroſij ſeliger gehoͤrig/ aus treu- wem Hertzen erwegen/ ſehen vnd ſpuͤren wir (leyder) all zu viel/ was wir an jm fuͤr einen trewen vnd nuͤtzlichen Man verlohren haben/ Nemlich/ ein ſolchen/ wie Mo- ſes in vnſerm Text hie vmb einen bittet/ Als den Gott ſelber dieſe Pfarre hat beſcheret/ vñ zugeſendet gehabt/ Der ein auffrichtiges Mannes Hertze gehabt/ Der auch mehr fuͤr ſeine Pfarrkinder/ denn fuͤr ſein eygen Leben geſorget/ vnd der ſie trewlich Aus vnd Eyn ge- fuͤhret hat.

NV aber iſt die Gemeine des HERREN/ leyder/ wie Schaffe ohne Hirten/ Sollen wir denn nicht dieſen ſeligen Herrn mit aufferhabenen Haͤnden nachſchreyen: Vnſer Vater/ Vnſer Vater/ Wagen Jſrael/ vnd ſein Reutter.

DEr barmbertzige ewige Gott/ der ein Vater der Wayſen/ vnd ein Richter der Witwen iſt/ Pſal: 68. Woͤlle des ſeligen Herrn Ambroſij hinder- laſſene Wittwin vnd Wayſen/ von oben herab/ mit der allmechtigen Krafft des heiligen Geiſtes ſtercken vnd troͤſten/ vnd ſie auch leytten vnd fuͤhren/ das ſie in reinem Glauben/ Chriſtlichem Wandel/ hertzlichem Gebet/ vnd aller Gottſeligkeit/ darzu ſie bisher vnter- wieſen/ vnd angehalten worden ſind/ nicht alleine ver- harren/ Sondern auch darinnen GOTT zu Ehren/ andern zum guten Exempel/ Jhnen ſelber zum guten Lob/ vnd dem Vatter zu ſonderlichem Rhum vnd Preys vnter der Erden/ fortfahren/ vnd zunemen moͤ- gen/ Derſelbige fromme getrewe GOTT woͤlle auch Mvmb vmb CHRISTJ willen/ ſeinen Wagen mit einent andern fromen vnd trewen Diener wider anſpannen/ vnd ſolchen Wagen ja nicht mit hinweg genomen ſein laſſen/ ſonſten wird man gewislich des Teuffels Dreck- karn mit falſcher Lere/ vnd boͤſem Leben leiden/ vnd mit Schaden erfahren muͤſſen/ das Miedling vnd Woͤlff in dieſem ſchoͤnen Weingarten des HERRN wider zu bringen/ vnd verwuͤſten/ was wir mit ſo ſawe- rer Arbeit/ vnter ſchwerem Creutze/ vnd groſſer Ge- fahr gepflantzet vnd gebawet haben/ Welches/ wo es geſchicht/ wird GOTtes Zorn mitgroſſer vnd ſchwerer Straffe/ gewis nicht lange auſſen bleiben/ Dafuͤr Gott gnedig behuͤten woͤl- le/ Amen.

Laſſet vns beten.

O HERR Jeſu Chriſte/ der du mit deinem vnſchuldigen Todt/ den Todt vberwun- den/ jme Spies vnd Stachel genommen/ das Leben vnd vnuergenglich Weſen an das Lie- cht gebracht/ vnd mit deinem heiligen Leibe aller Chriſtgleubigen Greber gewermet/ zum ſeligen Ruhebettlein eyngeweyhet/ vnd zur friedlichen Schlaffkammer geheiliget haſt: Wir bitten dich vmb deines thewren Verdienſtes/ vnſchuldiges Leidens/ vnd bittern Todtes willen/ Du woͤlleſt vns auff dieſem truͤbſeligem Jammerthal/ vnd elenden elenden Pilgramfahrt/ durch deinen heiligen Geiſt alſo regieren vnd fuͤhren/ das wir vnſers letzten Stuͤndleins jmmerdar warnemen/ es im Sinne/ vnd fuͤr Augen haben/ fuͤr Suͤnden vnd allem Vnrechten vns trewlich vnd vleiſsig huͤ- ten/ Auff das wir in reinem Glauben/ mit gutem Gewiſſen endlich eynſchlaffen/ vnd an jenem Ta- ge/ durch dein allmechtige Krafft vnverwelcklich zur ewigen Herrligkeit aufferwecket wer- den moͤgen/ Vmb deines heiligen vnd herlichen Namens wil- len/ Amen.

M 2Grab-

Grabſchrifft/ ſo ich Herrn Am- broſio zu Ehren auff ſeinen Na- men zugerichtet habe. AVff Erden ich ein Pilgram war/ Muſt leben da in Not vnd Fahr/ Bis ich ward muͤd/ vnd lebens ſaat/ Rieff Gott durch Chriſtum an/ vnd bat Offtmals/ das er genediglich/ Sich wolt erbarmen vber mich/ Jch were muͤd/ vnd wolt ſterben gern/ Vff das ich ruhet in dem HERRN Sehr gros Vngluͤck das iſt nicht fern. Weil ich denn Gott von Hertzen bat/ Auff das er in Krafft Chriſti todt/ Gnedig mich wolte nemen hin/ Nun ichs ſelig gewehret bin/ Ewiger Seligkeit bin ich/ Reichlich in Chriſto theilhafftig.

Grabſchrifft

Grabſchrifft/ ſo Herr Ambroſius ſeliger/ meiner Tochter Eliſabeth hat gemacht/ Welche zu Kinderwiegen im groſſen Sterben/ Anno 1584. Den 15. Septemb: ſelig ent- ſchlaffen iſt/ jhres Alters im 13. Jare. ELiſabeth mein Nam ward gnant/ Nun rhu ich recht in Gottes Hand/ Welt/ Suͤnd vnd Todt mich nicht mehr drengt/ Das Himmelreich iſt mir geſchenckt. Der Teuffel vberwunden mir/ Dafuͤr mein Seel/ HERR lobſagt dir/ Denn du mein Huͤlff O trewer GOTT/ Wareſt/ vnd mich erloͤſt aus Not/ Kein Peſtilentz furt ſchadet mir/ Chriſte/ Ewig bleib ich bey dir/ Hilff auch hinnach mein Eltern ſchier.

AMEN.

M 3Ein

Ein andere Grabſchrifft/ ſo Herr Ambroſius ſeliger/ meinem Soͤhnlein Conrad gemacht/ Welcher auch zu Kinderwiegen ſelig entſchlaffen iſt/ Anno 1584. Den 25. Septembris: ſeines Alters im ſechſten Jar. COnrad der Nam iſt mir geben/ Ein kurtz Zeit hab gefuͤhrt mein Leben: Nun iſt der Nam mir worden war/ Den kuͤhn mit Rhat mich Chriſt macht gar/ Das ich kunt dringen durch den Todt/ Ins Leben zu meim lieben GOTT. Drumb ſelig bin geſchlaffen eyn/ Jn JEſu CHriſt dem HERREN mein/ Den lobt mein Seel nun Ewig fein/ Vnd fuͤr der Hell behuͤtet bin.

AMEN.

Gedruckt zu Vrſel/ Durch Ni- colaum Henricum/ Anno 1587.