Syntheo [gr.] sors pie mortuorum beatissima. Oder Von dem seligsten Zustandt der verstorbenen Christen [...].

Σὺν ϑεῶ.

Salutatio Eccleſiæ. Die gnade vnſers Herrn JEſu Chriſti/ vnd die liebe Gottes/2. Cor. 13. 31. vnnd die gemeinſchafft deß H. Geiſtes/ ſey mit vns allen zu jederzeit/ Amen.

JHr geliebten vnd andaͤchtigen im HErren Chriſto JEſu/ wir haben jetzunt auß ſchuldiger lie- be/ Die weilandt Erbahre vnnd tugentſame Fraw Mariam Doͤringin/ deß Ehrnveſten vnnd Weiſen Herrn Eraſmi Kratzen/ Gerichtsvorwandten vnd Apo- thekers alhier/ geliebte Ehegenoſſin/ wel- che Gott der HErr am vorgangenen Frei- tage gegen abend gleich vmb 5. vhr/ ſanfft vnnd ſeuberlich von dieſer welt gefodert/ in jhr Ruhkaͤmmerlein geſetzet/ dabey wir balt anfangs mit Moſe ſeufftzen vnd beten ſollen: HERR lehre vns bedencken/ dasPſal. 90. 13. wir ſterben muͤſſen/ auff das wir klug wer- den/ Vnd mit David: HERR lehre dochPſal. 39. 5. A ijmich mich/ das es ein ende mit mir haben muß vnd mein leben ein ziel hat/ vnnd ich davon muß. Denn was an jhr geſchehen iſt/ das haben ſtuͤndtlich vnd augenblicklich zuge- wardten.

Damit wir aber zu ſolchen heilſamen gedancken deſto fuͤglicher gelangẽ moͤgen/ wollen wir/ ehe denn wir wieder vonein- ander gehen/ aus Gottes worte gelegenheit dazu nehmen/ auch den Vater aller gna- den/ im Nahmen ſeines lieben Sohnes Je- ſu Chriſti/ vmb huͤlff vnd beyſtandt ſeines heiligen Geiſtes anruffen/ vnnd ein andaͤchtiges Vater vnſer mit ein- ander beten:

Vater vnſer/ etc.

Tex-

TEXTVS.

Die worte welche wir auff dißmal in Got- tes furcht nach ſinnen wollen/ ſtehen geſchrie- ben in dem vierden Pſalm des koͤniglichen Pro- pbheten Davids/ vnd lauten alſo:

Jch liege vnd ſchlaffe gantz mit frieden/ denn allein du HERR hilffst mir das ich ſicher wohne.

Eingang zur Predigt.

JHr geliebten vnd andaͤch- tigen Freunde im HEr- ren Chriſto Jeſu/ wann wir zu vnſerer ſeligen ne- ben Chriſten begraͤbnuͤß gehen/ ſo iſts eben als giengen wir in die Schule: Dann gleich wie die ſchuͤ- lerlein in der ſchulen allerley nuͤtzliche vnd nothwendige dinge lernen: Alſo lernen wir bey Leichbegaͤngnuͤſſen viel A iijgut- guttes/ vnd vnterandern ſonder drey- erley.

I. Certitudo noſtræ mor- tis.Das erſte iſt Certitudo noſtræ mor- tis, Das iſt/ Die gewißheit vnſers to- des/ oder dz wir alzumal ſterblich ſein: Pſal. 89. 49.Denn wo iſt doch jemand der da le- bet vnd den todt nicht ſehe? Spricht David in 89. Pſalm. Der todt iſt der gang oder der weg aller Welt/ wie die beyde vortrefliche helden/ Joſua vnnd David/ auff jhren ſiechbetlein reden/ Ioſ. 23. v. 14. 1. Reg. 2. v. 2Joſ. 23. 1. Reg. 2. Es heiſt mit vns allen: ‒‒Veteres migrate coloni, Wir haben hie keine bleibende ſtadt/ ſondern die zukuͤnfftige ſuchen wir/ Ebr. 13. v. 14Ebr. 13. Daher macht auch Syrach ein Neceſſarium draus/ vnd ſaget zu einem Sir. 14. v. 18.jedern vnter vns/ Es iſt der alte bundt du muſt ſterben/ in ſeinem Haußbuͤch lein am 14. Cap.

II.Das ander/ das wir bey begraͤb- nuͤſſen nuͤſſen lernen/ iſt Incertitudo temporis,Incertitudo temporis. das iſt/ Die vngewißheit der zeit/ denn wie wir nichts gewiſſers haben als den todt: Alſo haben wir nichts vngewiſ- ſers als des todes ſtunde. Die jenigen/ ſo des Himmels vnd der Sternen lauff erkundigen/ koͤnnen die Sonn vñ mond finſternuͤſſe ſo genaw außrechnen/ das es jnen auch an einem minut nicht feh- let: Ein Kauffman weiß ſeine Jahr- maͤrckte: Ein Ackerman ſeine ſaatzeit: Ja auch die vnvornuͤnfftigen Vogel wiſſen wann ſie dieſer oͤrther kommen/ vñ wieder wegziehen ſollen/ wie ſie ſich dann itzo der meiſtentheil verlohren haben/ das wir nicht wiſſen wo ſie blie- ben ſein: Ein Storch vnter dem Him- mel/ ein Dorteltaub/ Kranich vnnd Schwalbe mercken jhre zeit wann ſie wieder kommen ſollen/ Jerem. 8.Ierem. 8. 7. Aber der Menſch weiß ſeine zeit nit: Son- Sondern wie die Fiſche gefangen werden/ mit einem ſchaͤdlichen Ha- men/ vnnd wie die Vogel mit einem ſtrick gefangen werden: Alſo werden auch die Menſchen beruͤckt zur boͤſen zeit/ wenn ſie ploͤtzlich vber ſie felt/ Eccl. 9. 12.Eccl. 9. Manchen Menſchen zwar leſt Gott der HErr zuvor abnehmen/ le- bens ſat vnd kranck werden/ wie Abra- Gen. 25. 8. 35. 29. 48. 1.ham/ Jſaac/ Jacob/ Gen. 25. 35. 48. Luc. 16. 20.Lazarum den armen/ Luc. 16. den Rei- Ioh. 11. v. 1.chen zu Bethania/ Johan. 11. aber mit 1. Sam. 4. 18.vielen gehets auch ſehr ſchnell zu/ wie Iob. 1. v. 19.an Eli/ der ſich vom ſtuel zu tode fiel/ Luc. 13. 4.an Jobs zehen Kindern/ die das einfal- lende Hauß erdruͤckte/ an den achzehen Perſonen die der Thurm zu Siloga er- ſchlug/ vnd andern/ zu ſehen iſt/ geſtildt denn auch zu vnſern zeiten offt derglei- chen gar ploͤtzliche todes felle ſich bege- ben.

Das

Das dritte iſt/ Neceſsitudo rectæIII. Neceſsitu- do rectæ præparatio nis. præparationis, Das iſt/ Die Notwen- digkeit rechtſchaffener zubereitung/ Oder/ das es die hoͤchſte nothturft erfo- dert/ das wir vns bey zeitten zum ſter- ben rechtfertig machen/ vnd auff eine ſelige hinfahrt dencken. Dann weil wir freylich nichts gewiſſers haben/ als den Todt/ nichts vngewiſſers als die ſtunde/ vnd vns vnſere neben Chriſten auß jhrem grab vnd ſarge gleichſamb zum Valete zuruffen: Geſtern warsSir. 38. 23. an mir/ heutte iſts an dir/ Syrach. 38 Sich auch kein einiger vnter vns des morgenden tages ruͤhmen kan/ Prov.Prov. 27. 1. 27. Vnd aber der Todt der ſuͤnden ſolt iſt/ Rom. 6. Auffwelchen folgen wirdtRom. 6. 23. das gerichte/ Ebr. 9. Da ein jeglicherEbr. 9. 27. empfangen wird/ wie er gehandelt hat bey leibes leben/ es ſey gut oder boͤſe/ 2.2. Cor. 5. 10. Cor. 5. So wil vns traun gebuͤhren/ Bvnd vnd hochvonnoͤten ſein/ das wir vnſer in zeidten wahr nehmen/ vnd vns von hertzen zu Gott bekehren. Denn wann diß geſchihet/ ſo bringt vns der todt kei- nen verluſt/ er treffe vns wo oder auff Phil. 1. v. 21.welche weiſe er jmmer wolle: Sondern er iſt vnſer gewin/ Phil. 1 Der tag vn- Eccl. 7. v. 2.ſers todes iſt dann beſſer als der tag vn- ſer geburt/ Eccl. 7. Wir kommen zur ruhe/ vñ koͤnnen mit dem Koͤnige Da- vid ſagen/ Jch liege vnd ſchlaffe gantz mit frieden/ aus den abgeleſenen wor- ten/ welche ich ewer Chriſtlichen liebe/ auff dißmal zu erklaͤren fuͤr mich ge- nommen/ auß folgenden zwo vrſachen.

Erſtlich weil ſie ein allgemeines Spruͤchlein ſind aller ſeligen Todten/ vnd in ſonderheit von Gottfuͤrchtigen Frawens Perſonen hoch gehalten wor- den/ die ſich wieder des todes furcht da- mit verwahret haben. Als Gorgo- niæ niæ des frommen Kirchenlehrers Na-Nazianz. in Orat. fun. zianzeni Schweſter in jhren letzten zuͤ- gen die ſprache entgieng/ doch alſo/ daß ſie noch die Lippen regete/ hielt jhr der anweſende Prediger ſein ohr zu jhrem munde/ vnnd vernam deutlich das ſie dieſe worte redet: Jch liege vnd ſchlafe gantz mit frieden etc. Vnd anno 1587.F. U. P. Z. S. hat nicht weit von hier in vnſer Nach- barſchafft eine Gottſelige Matron vor- nemes ſtandes eben mit dieſem ſpruͤch lein die Welt geſegnet.

Zum andern/ Wegen vnſerer Mit- chriſtin. Denn dieſelbige iſt am ver- gangenen freytage ſanfft vnnd ſeuber- lich im ſchlaffe blieben. Vber dis hat ſie auch dieſe Worte bey leibes leben/ mit jhren Kinderlein offt geſprochen vnd wiederholet/ vnd wann ſie jtz undt reden koͤndte/ wuͤrden wir ohn allen zweiffel nichts anders von jhr hoͤren. Wollen derwegen bey jhrem Begraͤb- B ijnuͤß nuͤß von demſelben etwas reden/ vnnd ein einiges Puͤnctlein darauß fuͤrneh- men/ welches ſein ſol:

Sors piè mortuorũ beatiſsima, dz iſt/ Der ſeligſte Zuſtandt in GOtt ver- ſtorbener Chriſten/ vnnd wie ſie ei- gentlich zu denſelben gelangen:

Hiervon wollen wir in aller kuͤrtz vnd einfalt etwas mit einander reden/ vnd mit erzehlung der ankunfft/ wandels/ vnnd abſcheides/ der in Gott ruhen- den beſchlieſſen: GOtt gebe vns hierzu die Krafft ſeines heiligen Geiſtes/ mit gnaden/ Amen.

Erklaͤrung.

ANreichendt nun das vorgenom- mene Puͤnctlein/ ſo hat es zwar das anſehen/ als wann Koͤnig David in dem vorleſſenen Spruͤchlein nicht redete von dem tode: Sondern nur von dem dem gewoͤhnlichen nachtſchlafe/ oder auch von der ruhe ſeines gemuͤttes vnd gewiſſens/ das er ſich gar wol zufrieden geben koͤnne/ vnnd ſeiner nachtruhe nichts abebreche/ ob jhm gleich noch ſo viel wiederwertigkeit zu handen ſtoſſe/ wie denn etliche vnter den gelehrten meinen/ David habe dis Pſalmlein geſchrieben/ in der langwirigen ver- folgung des Sauls/ Darumb das im vierden verßlein ſtehet: Lieben Herren (er meinete damit Sauls Rhaͤte) quo- uſq̀ue? Wie lange ſol meine ehre ge- ſchendet werden? Etliche ſtehen in den gedancken/ es ſey geſchehen da jhn ſein eigener Sohn Abſolon auß dem Reiche verjaget; Vnd habe David gleich wol- len ſoviel ſagen vnd zuvorſtehen geben: Lieber Hott vnd HErr/ du erfreweſt mein hertz ſo hoch vnd ſehr/ dz ich mich weder vor Saul/ noch vor Abſolon/ noch vor andern meinen feinden fuͤrch- B iijte: te: Sondern ich gebe mich zufrieden/ habe einen gutten muth/ Schlaffe ohn alle ſorgen/ vnd verlaſſe mich auff dei- ne beyſtaͤndige gnade vnnd zugeſagte huͤlffe/ Meine wiederwertigen moͤgen Pſal. 27. v. 5.mir drewen was ſie wollen/ HERR du biſt mein liecht vnd mein heil/ fuͤr weh- me ſolt ich mich fuͤrchten? Du biſt mei- nes lebens krafft fuͤr wehme ſolt mir grawen? Wie er im 27. Pſalm redet. Dieweil es aber in dieſer Welt nicht ſein kan/ das ein Gott ergebenes hertz ohn vnterlaß beſtendige ruhe habe/ in vnverruͤcktem friede ſchlaffe/ vnd gantz Auguſt. ſu- per Pſal. 4.ſicher wohne/ Hoc enim jam non tene- tur in hac vita: Sed poſt hanc vitam ipe- randum eſt, Das iſt/ Jn dieſem Leben wirds niemanden ſo gut/ nach demſel- ben aber haben wirs zuhoffen/ wie Au. guſtinus vber dieſe worte ſchreibet: So erklaͤrens viel fromme Lehrer dahin/ das David im Geiſte etwas weitter ſe- he/ he/ vnd daneben anzeige/ daß/ wann er gleich gar ſterben muͤſte/ ſo wolte ers den noch nicht achten. Denn es brech- te jhm ſolches keinen ſchaden/ er wuͤrde gar einen gutten tauſch vnnd wechſel thun/ vnd zu einem gewuͤnſchterm ſeh- ligern zuſtande kommen/ als er in die- ſem thraͤnenthal immermehr haben vnd erwarten koͤntte.

Er ſetzet aber bey ſolchem ſeinem vñIn Sorte piè mortuorũ videatur. aller in Gott verſtorbener Chriſten zu- ſtand abſonderlich zweyerley: ErſtlichI. DESCRI- PTIO, ubi, Deſcriptionem, das iſt/ Dieſes zuſtan- des beſchreibung: Zum andern/ Acqui- ſitionem, das iſt/ Wie Er vnnd andere dazu gelangen.

Betreffent das erſte/ So gedenckt David bey der beſchreibug dreyerley/ Deren das erſte iſt/ Suavitas cubandi,1. Suavitas cubandi. Daß ſie als dann mit ruhe oder ſanffte liegen/ ſie duͤrffen ſich nicht mehr bemuͤ- hen mit den geſchaͤfften jhres beruffs: Son- Sondern befehlen dieſelbigen Denen ſo ſie hinter ſich verlaſſen. Hier in die- ſem leben iſt nichts als muͤhe vnnd arbeit/ wanns auch am koͤſtlichſten Pſal. 90. 11.iſt/ Wie Moſes ſaget im 90. Pſalm/ je lenger wir leben je vnmuͤſsiger wir wer- den/ Vnd kriegen doch von aller vn- ſer arbeit vnd muͤhe/ die wir haben vnter der Sonnen/ nichts dann al- le vnſer lebetage ſchmertzen/ mit graͤ- Eccl. 2. v. 22men vnnd leide/ Eccleſ. 2. Da iſt jm- Iob. 14. v. 1.mer vnruhe/ Job 14. Soꝛge vñ furcht Sir. 40. v. 1.Syr. 40. Vnſer tage ſeind wie eines tageloͤhners vnd eines arbeitſamen Iob. 7. v. 1. 2.Knechtes/ Job. 7. Da haben wir zu arbeiten vnd vns zumuͤhen/ wieder vn- ſer fleiſch vnd blut: Wieder die vntrewe aͤrgerliche Welt/ wieder den helliſchen Geiſt: Ja auch wol bißweilen wieder Gott den HErren ſelber/ wann er ſich ſtellet ſtellet als wolle er vnſer feind werden/ wie wir zuſehen haben an dem Ertzva- ter Jacob/ der ſo hart mit jhm ringenGen. 32. 25. muſte/ das jhm dz gelencke ſeiner huͤff- te druͤber vorrencket ward/ Gen. 32. An dem koͤnige Hißkia/ welcher klaget/ erEſa. 38. 13. habe jhm alle ſeine gebeine zubrochen wie ein Loͤw. Eſa. 38. An dem ſchmer- tzen Manne Job/ Job. 13. An dem Ca-Iob. 13. 15. nanæiſchen Weiblein Matth. 15. Sum- ma, quid in hac vitâ non experimur ad-Ambro. de fide reſurr. verſi? das iſt/ welche wiederwertigkeit mag wol genandt werden/ die frommẽ Chriſten in dieſer welt nit zu handen ſtieſſe? Hierbey werden ſie nu ſo math vnd muͤde/ das ſie entlich vmbfallen vñ darniederliegen/ Mund vnd Augen zu- ſchlieſſen/ vnnd dieſe Welt geſegnen. Wann den kinderlein etwas fuͤrkoͤmpt das ſie an dem ſchlaff hindert vnnd wa- chende helt/ mus ſie die Mutter in der Wiege ſchuͤtteln vnd ruͤtteln/ vñ jhnen Cnoch noch wol ein klaͤplein gebẽ/ dz ſie ſie wie- der in die ruhe bringet: Alſo gehets auch Gott dem HErren mit ſeinen Eſa. 49. v. 15 & 66. v. 13gnaden kindern in dieſem leben/ Er treget ein zartes liebreiches Mutter- hertz gegen ſie/ Eſa. 49. vnd 66. Aber weil ſie von Jrrdiſchen dingen/ die jh- nen lieblich in die augen ſcheinet/ in jh- rem Chriſtenthumb verunruhiget werden/ So ſchuͤttelt vnd ruͤttelt er an jhneun durch mancherley kreutz vnd vn- ruhe/ ſo lange/ biß er ſie entlich darnie- der vnnd zuliegen bringet/ doch jhnen ſelbeſt nicht anders als zum beſten. Dann der geſtalt kommen ſie zurruhe auff welche ſie hier zeitlich vergebens gewarttet hetten/ wanns gleich mit jhrem leben hundert oder tauſentmal hoͤher kommen wehre.

II. Tranquil- litas dormiendi.Das ander/ Bey der beſchreibung des ſeligen zuſtandes Davids vnd aller in GOTt verſtorbener Chriſten/ iſt Tran- Tranquillitas dormiendi, Das ſie im friede ſchlaffen. Jch ſchlaaffe gantz mit frieden ſagt David/ anzu deutten/ Das es doch mit einem Menſchen nicht gar auß ſey/ ob er gleich da lieget/ ſtraff vnd ſtarr iſt/ weder ſiehet/ weder hoͤret/ noch fuͤhlet: Sondern er ſchlaffe vñ zwar er ſchlaffe mit frieden/ ja gantz mit frieden.

Jn dieſem leben gehets oft mit dem lieben ſchlaff bey einem vnnd dem an- dern Gottſeligen Chriſten ziemlich ſchwer zu/ wegen allerhandt anſtoͤſſe. Da wil er ſich entweder bey manchem gar nicht finden/ der lieget vnd graͤmetPſal. 119. 28. ſich das jhm das Hertz verſchmachten moͤchte/ vnd netzet ſein lager mit thraͤ- nen: Oder findet er ſich bey jhm/ ſo ge-Pſal. 6. v. 7. ſchiets doch nit mit frieden/ er ſchlum- mert ſo leiſe/ das jhn auch ein meußlin erwecket: oder ruhet der leib indwenigSir. 31. 1. 40 9. ſo iſt die ſeele im ſchlaaff geſchefftig es C ijheuf- heuffen ſich traurige melancholiſche Iob. 7. 14.treume/ dadurch der Menſch geaͤngſtet vnd erſchrecket wird: offt begeben ſich klaͤgliche felle/ entweder mit jhm ſel- ber/ oder mit den ſeinigen: balt fuͤhlet er im ſchlaaffe das jhm nicht wol ſey/ baldt wird er gewecket vnnd hoͤret mit wehmuth das ſeine liebe Kinderlein/ ſein Ehegatte/ ſeine bluts vnd muths freunde in ploͤtzliche leibes beſchwer ge- fallen ſeind/ bald entſteht gefehrligkeit fewers halben/ bald wegẽ waſſerßnot/ bald wegen ſchedliches gewitters: bald koͤmpt zeittũg wegen feindſeliger leu- te/ wie ohn allen zweiffel vnſere religi- ons verwandten in Boͤhmen/ Oſtreich vnd Maͤhren jtzunt ſchmertzlich erfah- ren/ vnd gewiß an vielen orthen wenig mit frieden ſchlaffen/ der getrewe Gott verleihe jhnen gedult vnd troſt/ vnnd ſchone vnſer ferner auß Vaͤterlichen gnaden. Vber diß/ ſo hat ſich ſonſt auch der der liebe friede faſt abgenuͤtzet an allen orthen/ man iſt jm gram in allen ſtaͤn- den/ vnd kan nach dem alten Sprich- wort niemant lenger in friede bleibẽ/ als der nachbar wil. Dieſem allen entſchlippen nun Chriſtliche Hertzen/ wann ſie dieſer welt durch ein ſeliges ſtuͤndlein gutte nacht geben/ ſie haben ſich folgents der aller geringſten vnru- he nicht mehr zubeſorgen.

Das dritte iſt nu/ Securitas habi-III. Securitas habitandi. tandi, Das iſt/ Daß ſie ſicher wohnen. Jrrdiſch geſinnete leute die jhr theil in dieſer welt ſuchen/ die trotzen vnd tra-Pſal. 17. 14. wen viel auff ſtatliche Heuſer vnd wol- verwahrte wohnungen/ wie NimrothGen. 11. 4. mit ſeiner geſelſchafft auff den Pracht- thurm/ deſſen ſpitze biß an den Him- mel reiche ſolte/ Gen. 11. Wie Nebucad- nezar auff ſeine groſſe burg zu Babel/Dan. 4. 27. Dan. 4. Vnd gedencken ſolten an die C iijwoh- wohnung dariñen ſie ewig bleiben ſol- len/ wie es denn manchem ſehr ſauer vnnd bitter eingehet/ wans zum ſchei- den koͤmpt/ vnd er ſein luſtiges Hauß verlaſſen mus. Nu iſt es wol ein her- lich ding/ wann einer neben andern außkoͤmen/ auch ein Hauß hat/ Ja es Sir. 29. 28.wird als ein beſondern ſegen Gottes ge- Eſa. 65. 21.ruͤhmet/ Syr. 29. Eſa. 65. Aber/ mei- ne liebſten/ wann wirs recht bedencken ſo iſt vnter der Sonnen kein einige ſi- chere wohnunge/ wie ſtarck/ wie feſte/ wie wol verwahret ſie jmmer ſcheinet/ kein hauß iſt ſo ſchoͤne/ kein gebeude ſo herrlich/ kein Schloß ſo wol beſetzet/ dz Creutz vnd vngluͤck/ kranckheit vnnd todt/ oder auch der Helliſche Geiſt mit ſeinen liſtigen Pfeilen/ wann er von Gott dem HErrn zulaß erlanget/ nit hienein kommen koͤnte. David vnd Hißkia wohneten auf jhrer Koͤniglichẽ Burgk zu Jeruſalem/ noch kam jhnen vn- vngluͤck vnd kranckheit gnug zu hofe/ 2. Sam. 12. vnd 23. Eſa. 38. Alſo heiſ-2. Sam. 12. 15 23. 15. Eſa. 38. v. 1. ſets mit dem tode:

‒‒ æquo pulſat pede pauperũ tabernas, Regumquè turres.Horat. lib. 1. od. 4. Der todt trit friſch zu vns herein/ Wer ſolt jhm wol zu edel ſein? Er wiſcht ſo balt ins Koͤnigs Saal/ Als in des aͤrmſten Hirten ſtal.

Job meinete ſeine zehen kinder we- ren in ſeinem Hauſe gar wol verſichert/ ehe man ſich vmbſahe wordẽ ſie ſampt dem gebeude vber einen hauffen gewor- fen/ vnnd alzumahl erdruͤcket Job. 1.Iob. 1. v. 19. Saul ward auch auff ſeinem koͤnigli- chen Pallaſt von dem boͤſen Geiſte ver- unruhiget/ 1. Sam. 16. Anderer Exem-1. Sam. 6. 14. pel zugeſchweigen. Die wohnung aber/ darein wir nach einem ſeligen ſterbſtuͤndlein kommẽ/ iſt recht ſicher. Dann ob zwar die leiber fromer Chri- ſten eine zeitlang in der Erden liegen muͤſ- muͤſſen/ ſo ſeind ſie doch wol bewahret/ Pſal 34. 21. Ezech. 37.der Herr behuͤtet da ſelbſt alle jre gebein- lein/ wie im 34. Pſal. Vnd Ezechielis am 37. cap. Gar fein wird angedeutet. die ſeele aber koͤmpt als balt intaberna- Eſa. 32. 18.culũ fiduciæ, dz iſt/ in die ſichere woh- Pſal. 92. 14.nung/ von welcher Eſaias redet am Ioh. 14. v. 2.32. Cap. Jn die vorhoͤfe vnſers Gottes Pſalm/ 92. Welche Chriſtus nennet/ Luc. 14. 22.ſeines Vaters Hauß/ darinnen viel wo- nungen vnd raums gnug iſt/ Johan. Act. 3. v. 21.14. Luc. 14. Dahin der leib auff den tag der wiederbringung alles ſol nach geholet werden/ wie der Apoſtel Pau- lus gar troͤſtlich davon zeuget/ wenn er alſo ſpricht: Vnſer wandel iſt im Himmel/ von dannẽ wir auch war- ten/ des Heilandes JEſu CHriſti des HErren/ welcher vnſern nichti- Phil. 3. 20. 21.gen leib verklaͤren wird/ das er ehn- lich werde/ ſeinem verklaͤrten leibe/ zun zun Philip. am 3. Er wird wieder kommen/ vnd vns zu ſich nehmen/ auffIoh. 14. v. 3. daß wir ſein wo er iſt/ wie er ſelber re- det/ Joh. 14. Vnd diß iſt alſo/ das er- ſte/ bey dem zuſtande in Gott verſtor- bener Chriſten/ nemlich deſſelben be- ſchreibung.

Zum andern/ Deutet auch koͤnigII. ACQUISI- TIO. David an/ wie er vnd andere dazu ge- langen/ wann er alſo ſagt. Denn al- lein du HERR hilffeſt mir. Was ſonſt im gemeinen ſprichwort geſaget wird: Wer wol wil liegen/ der mus jhm wol betten: Das kan nach ſeiner maſ- ſe fuͤglich hieher gezogen werden. Wer nach dem tode wol liegen/ mit frieden ſchlaffen/ vnd ſicher wohnen wil/ der ſol vor allen dingen zu ſehen/ daß er ſich bey leibes leben recht dazu ſchicke vnnd fertig mache. Was weltleute ſein die brauchen alhier mancherley haupt- pfuͤle. Denn etliche legen ſich auff jh- Dnen ren frechen muth/ mit dem ſtoltzen A- gag der Amalekiter Koͤnige/ welcher trotzig zum ſterben ging vnnd ſagete: Alſo/ nemlich mit thumkuͤnen vorſatz/ mus man des todes bittrigkeit vertrei- 1. Sam. 15. 32ben/ 1. Sam. 15. Oder mit jenem ſtreit bahren Graffen in Engelland/ welcher gehend abnam/ vnnd da er bey ſich be- fand/ das ers in die lenge nicht treiben Theat. Zvvingeri. pag. 2 164.wuͤrde/ Schwerdt vnd Ruͤſtung anle- gete/ als ſolte er mit dem Feinde ein ſcharffes treffen thun/ vnnd ſagete/ ein Mann der ein Hertz im leibe hat/ ſol nit wie ein Vieh/ liegend ſterben: Etliche dencken nur jmmer an jhr geldt vnnd reichthum/ wie jener Thumherr/ der jhm kurtz vor ſeinem ende eine ſchuͤſſel voll ducaten ließ aufs bette bringen/ vnd dieſelben mit den haͤnden vmbruͤh- rete: Etliche wollens treffen mit an- derer jrrdiſchen ergetzligkeit vnnd freu- de/ de/ wie mann von einem gelehrten zu Coͤln am Rhein lieſet/ das er ſpielleute vor ſein todeßbetlein kommen vnd Mu- ſiciren laſſen/ in meinũg er wolte ſanf- te dabey ein ſchlaffen: Die Heiden ha- bens ins felt vnd auf ein vngewiſſes ge- waget/ wie jene Studenten jhren ſter- benden Præceptorem, alſo troͤſteten: qui ſuſcipit animas Philoſophorum, ſu- ſcipiet etiam tuam animam, Das iſt/ der die ſeelen der Philolophẽ auffnim̃t/ der wird deine ſeele auch auffnehmen: Jm Babſthumb vberredet man ein-Vide The- atr Zvvin- geri. pag. 4117. & ſeg feltige hertzen das ſie jnen beten ſollen/ auff walfartten/ ſeel meſſen/ geweihete bilder/ roſen/ wachßliechter/ Pater no- ſter, vnnd der gleichen ſpielwerck/ oder weiſet ſie auf ſonderliche ordenßkleider vñ Muͤnchßkappen/ mit vertroͤſtũg des ewigen lebens/ wenn ſie darinnen ſter- ben vnd begraben werden: Aber derer keines thuts jhm: Daruͤmb wenden D ijſich ſich Gottſelige hertzen mit David zu dem HErren/ welcher niemand anders iſt/ als der Sohn Gottes/ vnſer lieber Ierm. 23. 6.Erloͤſer Chriſtus Jeſus/ der HErr vn- Eſa. 9. v. 6.ſer gerechtigkeit/ Jerm. 23. Der rechte friede Fuͤrſt/ Eſa. 9. der allein helffen kan/ daß ſie in friede von hinnen fah- Gen. 15. 15. Luc. 2. v. 29.ren/ wie Abraham vnd Simeon Gen. 15. Luc. 2. Daher ſagt er auch ſelber/ Ioh 14. v. 27. Matth. 11. 29meinen frieden gebe ich euch/ Johann. 14. bey mir werdet jhr ruhe findẽ Math. 11. vnd Solomon ſpricht: Der Nahme des HErren ſey ein feſtes Schloß/ da- rinnen die gerechten ſicher wohnen vnd Prov. 18. 10.beſchirmet bleiben/ Prov. 18. Wer es mit dieſem HErren helt/ der trifts in noth vnd todt am aller beſten.

USUS.USUS.

DJeſes erklaͤrte puͤnctlein koͤnnen wir nu nuͤtzlich gebrauchen/ erſt- lich lich Ad conſolationem, zu einem hertz-I. Conſolator lichen troſt/ beydes wann wir ſehen auf die vnſerigen/ die wir mit liebethraͤn- lein muͤſſen in die erde legen/ vnd dann auch wann wir ſehen auff vnß ſelber. Was die vnſerigen anlanget/ ſo iſt es zwar nicht ohne/ es leſſet ſich die natuͤr- liche eingepflantzte liebe/ gegen Eltern Kindern/ Ehegatten/ getrewe bluts vñ muths freunde nicht wol bergen/ Ea quæ ardenter diligimus habita, gravi- ter ſuſpiramus ablata, das iſt/ Was wir hertzlich lieben beim leben/ das koͤnnen wir im tode/ ohne ſondere ſchmertzen/ nicht vbergeben: Jedoch ſollen vñ duͤrf- fen wir Chriſten nicht trawren wie die andern/ die keine hoffnuͤng haben/ nemlich der aufferſtehung von den tod- ten/ 1. Theſſal. 4. Sondern vns wiederTheſ. 4. 13. troͤſten/ nach dem vnſere todten in der ruhe liegen/ wie Syrach in ſeinẽ hauß-Sir. 38. 24. buͤchlein erinnert/ im 38. cap. Non e- D iijnim Auguſtin. ſerm. 32. de verbis Apo- ſtoli. tom. 10.nim in æternum relinquunt nos man- ſuros, ſed aliquantum præcedunt ſecu- turos, Das iſt/ Sie ſcheiden nicht alſo von vns als wenn wir ewig von jhnen bleiben ſolten/ ſondern ſie ziehen nur ein wenig vorhin/ an den orth/ an wel- chen wir jhnen kuͤrtzlich nachfolgen werden/ wie Auguſtinus redet. Sie kommen zwar nicht wieder zu vns in dieſes Lazareth vnd thraͤnenthal: aber 2. Sam. 12. 23wir werden zu jnen fahren in den Him- meliſchen freudenſaal/ 2. Sam. 12. Jns Pſal. 116. 9.land der lebendigen/ Pſalm. 116. Da wieder kommen wird machen/ das wir des ſcheidens gar nicht werden achten.

Was aber betrifft vns ſelber/ ſo brin- gets vns troſt wieder die furcht vnnd ſchrecken des todets. Viel leute mei- Ariſtot. lib 3. Ethici. ad Nicom. c. 6.nen mit Ariſtotele, nihil morte eſſe horribilius Das iſt/ es ſey kein ſchreck- licher ding als der todt/ vnnd entſetzen ſich hefftig/ wann ſie ans ſterben ge- denck- dencken. Oder nur davon reden hoͤren/ Mittamus iſthæc, ſagen ſie mit Koͤnig Xerxe, neq̀ue triſtium rerum mentio- nem faciamus, cum jucunda habeamus in manibus, das iſt/ auß mit den traw- rigen dingen/ vnd laſt vns lieber was luſtiges auff die bahn bringen/ dieweil wirs haben koͤnnen: Dieſes entſetzens darffes gar nicht bey Chriſtlichen her- tzen/ denn es heiſt mit jhnen nicht wie der Heide ſaget:

Et redit in nihilũ quod fuit ante nihil,Cornel. Gall.

Das iſt. Nichts wahren wir Nichts werden wir

Oder auch wie jene rohen leute/ im buͤchlein der Weißheit am andern cap. Sprechen: wann ein Menſch dahin iſt/Sap. 2. v. 3. ſo iſts auß mit jhm/ der leib iſt dahin wie eine loderaſche/ vnd der geiſt zerfla- dert wie eine duͤnne lufft: Nein: Kei- nes weges? Solche vnvornuͤnfftige E- picurer wiederleget alhier der heilige Geiſt/ Geiſt/ durch den Koͤnig David/ wann er den todt nicht eine zerſtoͤrung des gantzen menſchen/ Oder einen vnter- gang des leibes vnd der Seelen nennet: Sondern einen ſchlaaff/ vñ zwar einen friedens ſchlaaff in einer ſichern woh- nung. Wie nun ein natuͤrlicher ſchlaaf einem menſchen nicht ſchaͤdlich/ Son- dern froͤmlich iſt/ er erfriſchet jhn an allen kraͤfften/ er ſtercket jhn an gelie- dern vnnd macht jhn gegen dem mor- gen gleichſam newe: Alſo bringt auch vns der zeitliche todt keinen ſchaden/ ſondern frommen/ er benimbt vns al- ler mattigkeit/ vnd wann wir im gra- be werden habẽ außgeſchlaaffen/ ſo ſol- len wir an dem Morgen des Juͤngſten tages wieder auffwachen/ vnnd zu ne- wen menſchen werden. Wer wolt jm denn ein ſolches liegen nit wuͤnſchen? Wer wolt jhm denn einen ſolchen frie- den ſchlaaff nicht begehren? Wer wolt nicht nicht im letzten ſtuͤndlein ſeiner ſeelen zuſprechen mit dem koͤnige David vnd den frommen Maͤrtyrer Babyla auß dem 116. Pſalm. Sey nu wieder zuPſal. 116. 7. 8 Suidas in dictione Ba- bylæ. frieden meine Seele/ denn der HErr thut dir guts/ denn du haſt meine Seele auß dem tode geriſſen/ Meine augen von den thraͤnen/ Meinen fuß vom gleitten. Jch wil wandeln fuͤr dem HERRN im lande der le- bendigen.

Zum andern/ Koͤnnen wir dasII. Informat. erklaͤrte Puͤnctlein auch gebrauchen ad informationem, zu einer nuͤtzlichen Lehr/ was zwiſchen dem tode vnd ſter- ben vnbußfertiger Gottloſer Vnchri- ſten/ vnd denn frommer gleubiger her- tzen/ vor ein mercklicher groſſer vnter-Rom. 2. 15. ſcheid ſey. Bey den boͤſen vnd vngleu- bigen erhebet ſich angſt vnnd zittern/ wanns zun zuͤgen koͤmpt/ weil ſich jhre Egedan- gedancken vntereinander ſelbeſt ver- klagen/ vnd jhr gewiſſen ſie bezeuget/ wie vbel ſie gelebet: Vnd denn/ weil ſie alles verlaſſen ſollen/ daran ſie in die- ſer welt wie pech geklebet haben/ es ge- het mit jhnen nach Syrachs worten/ Sir. 41. v 5.am 14. cap.: O todt wie bitter biſtu/ wann an dich gedenckt ein Menſch/ der gutte tage vnd genug hat/ vnnd ohne ſorge lebet/ vnd dem es wolge- het in allen dingen/ vnd noch wol eſ- ſen mag. Vnd ob zwar bißweilen ſolche leute etwas verbeiſſen/ dz es ſchei- net/ als wehren ſie zum tode getroſt vñ froͤlich/ ſo heiſſets doch mit jhnen auß der noth eine tugent machen. Man- cher menſch thut die augen zu/ wann er eine bittere Artzeney gebrauchen ſol/ vnnd ſchlucket ſie in einem gaͤhlichen trunck hinunter/ dadurch doch die Ar- tzeney nicht lieblicher oder ſuͤſſer wird: Alſo Alſo wollen zwar ſolche leute die bitter keit des todes durch euſſerliche geber- den vberwinden/ aber das hertz inwen- dig wird nichts ruhiger/ ſie wiſſen nit wo ſie ſich fuͤr aͤngſten laſſen ſollen/ ſie nehmen ein boͤſes ende/ Sap. 3. VnndSap. 3. v. 19 weheklagen ſchmertzlich mit jenem Heuchler/ der an eines groſſen Herren hofe nicht viel guttes geſtifftet hatte:

Hæreo dum morior dũ morior pereo,

Das iſt.

Jch ſterb weiß nicht wo auß noch ein Jn dem ich ſterb/ fahr ich in pein/

Weit eine andere gelegenheit hat es mit den frommen/ die ſchlaaffen ein mit frieden/ es gehet jhnen wol in jhrerSir. 1. v. 13. letzten noth/ wie Syrach im erſten cap. redet von denen die den HErren fuͤrch- ten/ ſie gehen dahin in pace, ſine mortu & metu, Das iſt/ Jn friede/ ohn furcht vnd zucken. Vnd ob ſie wol bißwei- len vmb jhrer ſuͤnde willen andern zur E ijbuſſe buſſe vnd zum beyſpiel/ auch ein herbes truͤncklein thun muͤſſen/ das jhn fuͤr angſt der ſchweiß außbricht/ ſo bleiben ſie doch ruhig in jhren gewiſſen vnnd freudig in jhrem Hertzen/ willig zum ſcheiden/ vnnd froͤlich zum ſterben/ ſie ſprechen mit dem ſchmertzensmanne Iob. 13. 15.Job/ Ob mich der HERr gleich toͤd- ten wird/ ſo wil ich dennoch auff jhn hoffen/ Vnd mit S. Paulo/ Chriſtus Phil. 1. v. 21.iſt mein lebẽ/ ſterben iſt mein gewin: Sie ſind gewiß das ſie durch den zeitli- chen todt aller erſt zum rechten leben vnd zur beſtendigen ruhe befoͤrdert wer- den. Da im gegentheil die andern auffs newe in vnruhe gerathen/ darin- nen ſie nichrts anders fuͤhlen als angſt vnnd ſchrecken/ nichts anders hoͤren/ als ach vnd wehklagen/ nichts anders ſehen/ als teuffel vnd verdampte hellen braͤnde/ nichts anders richẽ als dampff vnd ſchweffel/ ſtanck vnd vnflat/ da jhr wurm wurm nicht ſtuͤrbet/ vnd jhr fewer nit verleſchet ewiglich/ Eſa. 66. Da ſieEſa. 66. 24. weder hoffnung noch troſt haben Sap.Sap. 3. v. 18. 3. Da ſie den todt zwar ſuchen aber nit finden/ ſie begehren zu ſterben/ aber der todt fleucht fuͤr jnen/ Apoc. 9. Sum-Apoc. 9. 6. ma/ ſie werden daſelbſt gequelet tag vnd nacht von Ewigkeit zu Ewigkeit/Apoc. 20. verſ. 10. Apoc. 20.

Zum dritten/ Koͤnnen wir das er-III. Exhortat. klaͤrte ſtuͤcklein auch gebrauchen ad ex- hortationem, zu einer ermahnung/ dz wir vns/ wofern wir wol zu liegen be- gehren/ zuvor/ wie albereit gedacht/ in zeitten recht betten/ das iſt/ zu einem ſeligen hintrit auß dieſem elende vns recht bereiten ſollen. Koͤnig David hat die abgeleſene worte nicht allererſt geredet vnd geſchrieben in den letzten todes noͤthen: Nein: Daſelbſt wird ſchreiben oder auch viel reden gemei- niglich verboten: Sondern bey geſun- E iijden den tagen/ vnd hat es jm ſchon damals wol eingebildet/ wie er zu ſeiner zeit friedlich fahren wolle/ vnd jhm ohn vn- terlaß nicht anders zu muthe ſein laſ- Accingoa- mur ad mortem, ut cum vene- rit tantòmi nus accer- ba ſit quan tò magis præcogita- ta. Aen. Sil vius. Epiſt. 88.ſen/ als wann er dem tode alle augen- blick herhalten ſolte. Auff dieſe wei- ſe ſol jhm auch ein jeder vnter vns den todt fein heimlich vnnd gleichſam ge- mein vnd bekandt machen/ damit er/ wann das letzte ſtuͤndlein herbey ruͤckt jhm deſto leichter werde. Es kan a- ber ſolches geſchehen auff zweyerley weiſe: Leiblich vnd Geiſtlich. Leiblich zwar nach dem bekandten verßlein:

Fac ea quæ moriens facta fſſe velis,

Das iſt/ Das ein jeder in zeitten ſein hauß beſtelle/ wie Gott der HErr dem Eſa. 38. v. 1.koͤnige Hißkiæ ſagen ließ/ Eſa. 38. oder das er eins vnd das andere richtig an- ordne wie ers mit dem jenigen: das er verleſt/ nach ſeinem abſchied wolle ge- halten haben/ wie der fromme Tobias ge- gethan/ der zu guter letzt ſeinem Soh- ne nicht allein heilſame lehren gegebẽ/ nach welchen er ſich gegen Gott vnnd ſeinem Nechſten zuverhalten: Son- dern auch befehl gethan/ wie ers mit ſeiner verlaſſenſchafft machen ſolte/ Tob. 4. Denn wenn die zeit zum ſter- ben koͤmpt/ vnd zwar offt vnvorſehens/Tob. 4. 2. & ſeqq. ſo fraget der todt nicht ob einer mit ſei- ner diſpoſition, mit ſeinen Regiſtern/ oder andern jrrdiſchen geſchefften/ fer- tig ſey/ es gilt nichts wann er ſich gleich als denn daruͤber beſchwerete wie der ſiebenzig Jaͤhrige C. Marius Buͤrger-Sabell. 3 Enn. 6. meiſter zu Rom es ſehr vbel empfinden wolte/ das er ehe ſterben muſte/ als er ſeine Anſchlaͤge alle ins werck ge- richtet hette. Geiſtlich aber alſo/ dz wir beſtellen das hauß vnſers hertzens vnd gewiſſens/ vnd es mit dieſem HEr- ren biß an den letzten ſeuffzer halten/ mit welchem es alhier koͤnig David ge hal- halten hat: Solches geſchihet nun durch hertzliche wahre buſſe das wir in zeiten rew vnd leidt tragen vber vn- ſere Suͤnden/ vnd doch darinnen nicht verzagen: Sondern vns mit gleubigem Act. 10. 43.hertzen wieder troͤſten dieſes HErren. Denn in ſeinem Nahmen ſollen ver- gebung der ſuͤnden empfahen alle die Gen. 28. v. 4an jhn gleuben/ wie Petrus redet in den geſchichten der Apoſtel am 10. cap. Jm buch der ſchoͤpffung am acht vnd zwantzigſten faſſet ſich Jacob auff ſei- ner reiſe in Meſopotanien mit einem ſteine/ leget jhm denſelben zum Heu- pte/ vnd entſchlefft darauff gar ſanff- te/ als auf einem weichen kuͤſſen: Alſo entſchlaaffen vnnd ruhen Chriſtliche Hertzen nirgendt lieblicher als wann ſie ſich auff der reiſe dieſes lebens faſſen Eſa. 28. 16. Eph. 2. v. 20.mit dem HErren JEſu/ dem bewer- ten ſteine/ dem koͤſtlichen grund vnnd Eckſtein jhrer ſeligkeit/ vnd mit gleu- biger biger zuverſicht jhnen den ſelben vnter- legen. Auff dieſem ſchlaaffkuͤßlein hat ſich zur ruhe begeben koͤnig DavidPſal. 23. 4. alhier vnd im 23. Pſalm/ da er alſo ſa- get: Ob ich ſchon wandere im fin- ſtern thal/ fuͤrchte ich kein vngluͤck/ denn du biſt bey mir/ dein Stecken vnd Stab troͤſten mich. Auff die- ſem ſchlaaffkuͤßlein hat ſich zur ruhe begeben Aſaph koͤnig Davids Capel- meiſter/ laut ſeiner eigenen worte im 73. Pſalm/ HERR/ wenn ich nurPſal. 73. 25. dich hab ſo frage ich nichts nach Him- mel vnd Erden/ wenn mir gleich Leib vnd Seel verſchmacht/ ſo biſtu doch Gott allzeit meines Hertzens troſt vnd mein theil. Auff dieſem ſchlaff- kuͤßlein hat ſich zur ruhe begeben/ der wolgeplagte Job in ſeiner Hiſtoria am 19. Jch weiß/ hat er geſprochen/Iob. 19. 25. das mein Erloͤſer lebet/ vnd er wird Fer Iob. 19. 25.er wird mich hernach auß der Erden aufferwecken/ etc. Auff dieſem ſchlaaffkuͤßlein hat ſich zur ruhe bege- ben der fromme alte Simeon/ vnd iſt in frieden hingefahren/ weil ſeine au- gen hatten den Heiland des HErren Luc. 2. 29.geſehen/ Luc. 2. Jtem der Apoſtel Paulus/ do er ſich vornehmen laſſen/ er habe luſt abzuſcheiden vnnd bey Chriſto zu ſein: Denn Chriſtus ſey ſein leben/ vnd ſterben ſein gewinn/ Phil. 1. 21. 23.Phil. 1. Andere zugeſchweigen. Wann nu ein jeder vnter vns dergleichen the- te/ ſo wuͤrde er gewiß ohn allen an- ſtoß ſicher bleiben/ vnd weder von der Welt noch von dem helliſchen Geiſte verunruhiget werden.

Zum vierden/ Vnd entlich ſollen IV. Præmonit.wir das erklaͤrte Puͤnctlein auch ge- brauchen/ ad præmonitionem, zu ei- ner warnung/ die vns das woͤrtlein Allein Allein an die handt giebet/ vnd vnß warnet das wir bey leibe die ſichere wohnung bey niemandt anders ſu- chen ſollen als bey Chriſto dem HEr- ren allein; Denn es kan kein an-1. Cor. 3. 11. der grundt geleget werden/ auſſer dem der geleget iſt/ welch iſt Chri- ſtus/ 1. Corinth. 3. Es iſt ſonſt in keinem andern heil/ Actorum. 4 VndAct. 4. 12. werden daher die jenigen groß hertz- leidt haben/ die einem andern nach ei- len/ Pſalm. 16. Wehe jhnen dasPſal. 16. 4. ſie von mir weichen/ ſie muͤſſen zer- ſtoͤret werden/ ſpricht der Herr ſelber/ Hoſeæ. 7. Laſt vns derwegen dieſesHoſ. 7. 13. wol bedencken wenn wir des morgends auffſtehen/ laſt es vns wol bedencken wann wir des abends ſchlaaffen ge- hen/ Ja laſt es vns wol bedencken/ al- le Stundt vnnd augenblick vnd auff vnſerm HERREN Chriſto Alleine F ijberu- beruhen mit vnſerm glauben/ mit vnſern gedancken/ mit vnſern ſorgen/ mit vnſern reden/ ſo werden wir ſein eigen ſein vnnd bleiben/ in Ewigkeit wird vns des todes ſchlaaff von jhm nicht ſcheiden/ er wird vnſere Seelen zu ſich nehmen/ vnnd vnſern Leib am Pſal. 17. v. 15Jungſten Tage nach ſeinem Bil- de zur ewigen ſeeligkeit er- wecken.

Memo-

Memoria defunctæ.

HJervon hat vns nu dißmahl zu re- den vrſach gegeben vnſere in Gott ruhende Mitchriſtin/ welcher wir jtzo bey dieſer Chriſtlichen Sepultur den letzten liebe vnd ehrendienſt erzei- get haben/ vnd iſt dieſelbe/ Anno 1583. den 20. Januarij/ nu mehr vor 37. Ja- ren weniger 12. Wochen/ von Chriſtli- chen ehrlichen Eltern in dieſe Welt ge- zeuget vñ geboren wordẽ. Jhr Vater iſt geweſen/ der weiland Ehrwuͤrdige vnd wolgelahrte Herr Melchior Thuringus Damals der Schulen zn Calow im Marggraffthum̃ Niederlauſitz Rector hernacher Pfarrer zu Granow/ in vn- ſerer nachbarſchafft/ vnd entlich Dia- conus zu Fuͤrſtenwalde/ in der Chur vnnd Marck Brandenburgk/ in wel- chem ampte er auch Anno 1616. den 11. Auguſti/ nu meht vor drey Jahren F iijvnd vnd 11. wochen/ im HERren ſelig iſt entſchlaaffen. Jhre Mutter/ ſo noch am leben vnd jtzo zur ſtelle/ iſt die Er- bahre vnd Tugentſame Fraw Maria Kruͤgerin/ des Weilandt Ehrwuͤrdi- gen vnd wolgelahrten Herrn Johann Kruͤgers eheliche Tochter/ welcher zu Laſow im Calowiſch gelegen/ 46. Jar im Miniſterio geweſen/ vnnd nur vor wenig wochen im hohen Altar zu ſei- nen Vaͤtern iſt verſambiet worden.

Von dieſen jhren lieben Eltern iſt die ſelige Fraw Maria durch derſelben vnd anderer guthertziger Chriſten ge- beth/ dem Sohne Gottes bey der heili- gen Tauffe vorgetragen/ auch folgends von Kindauff zur Gottſeligkeit vnnd Tugendt gewehnet/ vnnd alſo nach Epheſ. 6. 4.Pauli anweiſung in der Zucht vnnd vermahnung zum HErren aufferzo- gen worden/ wie ſie jhnen denn auch vormoͤge das vierdten geboths allen kind- kindlichen gehorſamb/ vnd ſchuͤldige ehrerbiettung bewieſen/ ſo wol ſich das jenigen was einer Gottſeligen zuͤchti- gen Jungfrawen wol anſtehet/ jeder- zeit beflieſſen/ biß ſie das 18. Jahr jh- res alters erreichet/ do ſie Anno 1601. nach Gottes ordnung/ mit raht jhrer Eltern/ in den heiligen Eheſtandt ſich begeben/ vnnd den erſten Sontag des Advents im ſelbigen Jahr zu Granow vertrawet worden/ dem weilandt Ehrnveſten vnnd wolgeachten Herrn Martin Gottwalden/ geweſenem Buͤr- ger vnd Apotheker alhier zu Guben/ mit welchem ſie ſonſt in geruhiger friedlicher Ehe geſeſſen vierdehalb jar/ nur das ſie Gott der HErr darinnen mit leibes frucht nicht hat begnadet.

Nach abſterben dieſes jhres erſten Herrn iſt ſie im Witwen ſtande vor- blieben ein halbes Jahr/ vnnd hat fol- gends geehliget jhren jtzo hinterlaſſe- nen nen betruͤbtẽ Haußwirt/ mit welchem ſie auch in ſtiller vnd friedſamer Ehe zugebracht/ nach der Monats zeit zu rechnen/ gleich 14. Jahr/ denn den 25. Octob. Anno 1505. iſt ſie jhm ehelich copuliret: den 25. Octob. dieſes Jahres iſt ſie jhm nach Gottes raht vnd willen durch den zeitlichen todt wieder entzo- gen worden.

Mit dieſem jhren anderen Herrn hat ſie durch Goͤttlichen ſegen in weh- render Ehe gezeuget acht Kinderlein/ vier Soͤhne vnnd vier Toͤchter/ davon der eine Sohn vnd zwo toͤchter bey dem lieben Gotte/ die andern fuͤnffe/ als 3. Soͤhne vnd zwo Toͤchter noch am leben ſindt.

Jhr Chriſtenthumb vnd wandel iſt ewer liebe bekand/ ſie war eine lieb- haberin Gottes vnnd ſeines worttes/ hoͤrete daſſelbe offentlich/ vnd war jhr lieb wenn ſie zu hauſe davon zureden gele- gelegenheit hatte: Jm Beichtſtul pfleg te ſie Gott dem HErren jhre Suͤnde mit hertzlichen thraͤnen vnd demuͤtti- ger andacht abzubitten: zu hauſe war tete ſie fleiſsig jhrer nahrung/ gab auff alles gnaw achtung/ zog jhre Kinder- lein mit ſtetten vermahnungen zu al- len gutten/ vnd brauchte/ wann es die noth erfoderte/ darneben auch die rut-Prov. 23. 13. Sir. 30. 1. te/ hielt ſich eingezogen/ entſchlug ſich fremder hendel/ vnnd ließ menniglich daß ſeine wardten.

Wie es aber ſonſt mit Chriſten pfle- get herzugehen das ſie ohne Creutz nicht ſein koͤnnen: alſo hat ſie deſſelben auch genoſſen. Denn ob ſie zwar ei- ne zeitlang bey gutter geſundheit in zimlichen wolſtande ſich befunden/ ſo hat ſie doch Gott der HErr auch eben hart vnd offte heimgeſucht/ in dem ſie nicht allein dreyen kinderlein zum gra- be mit thraͤnen nachfolgen: Sondern Gauch auch etlichmal ziemlich groſſe beſchwe- rungen an jhrem eigenem leibe/ vor- nemlich neheſt vorgangenen andert- halb jahr her/ außſtehen vnd ertragen muͤſſen.

Denn von Reminiſcere her ein jahr vergangen/ damit wir zu jhrem ſeli- gen abſchiede kommen/ iſt ſie den mei- ſtentheils baufellig geweſen/ vnd durch eine innerliche hitze almehlich dermaſ- ſen angegriffen worden/ daß ſie entlich ſelbſt bey ſich befuͤhlet/ es moͤchte mit jhrem leben zum ende gehen. Der- wegen ſie neben dem gebrauch ordent- licher mittel ſich zu Gott dem HErrn gewendet/ jhe beſchwerung als ſein Vaͤterliches zuchtruͤtlin willig erdul- tet/ vnd es jhm gantz an heim gegeben/ in gewiſſer zuverſicht/ Er werde jhre leibes ſchwachheit zu ſeinen ehren vnd jhrer ſeeligkeit gelangen laſſen.

Sie hette zwar wegen jhrer kleinen vner- vnerzogene Kinderlein/ vnnd weil ſie noch in jhren beſten jahren/ jhr das zeitliche leben lenger wuͤnſchen moͤgẽ: Aber es iſt kein zweiffel/ wie mans leicht abnehmen koͤnnen auß jhren worten/ vnd weil ſie jhr ſterbgetaͤht in vorrath geſchafft vnd zuſammen gele- get/ daß ſie eine geraume zeit mit ſter- bens gedancken vmbgegangen. Am vergangenen Freytag des morgends gegen 8. vhr iſt ſie ploͤtzlich vnd vnvor- ſehens in toͤdliche leibes ſchwachheit ge- fallen/ bey der jhr auch anfangs die ſprache in etwas entfallen/ doch alſo dz ſie hernach wieder vernemblich reden koͤnnen/ wie ſie denn/ als ſie gefraget ward/ ob ſie des ſinnes den ſie bißher zu Gott dem HErrn gefuͤhret hette/ noch wehre/ ſich jhm mit Leib vnnd Seele ergebe/ mit gleubigem hertzen zu- flucht nehme zu dem verdienſte ſeines Sohnes/ vnd in ſolcher zuverſicht vor- G ijmittels mittels Goͤttlicher verleihung biß an jhr ende gedultig vnd ſtandhafftig ver- bleiben wolte/ auff ein jedes mit deut- lichen Ja geantworttet: vnnd mit be- ſonderer andeutung jhrer jnnerlichen andacht dazu geſagt/ ſie wolte von Gott dem HErren nicht laſſen/ es ke- me wie es wolte. Hat auch baldt drauff ſelbſt angefangen/ das ſchoͤne gebetlein vmb ein ſeeliges ende: O HErre Gott in meiner noth/ etc.

Als ſie auß bedencklichen vrſachen vom ſchlaaffe/ der jhr ſonderlich zuhin- ge/ ward abgemahnet/ bat ſie zwey vn- terſchiedene mahle/ man wolte ſie doch ſchlaaffen laſſen/ es wuͤrde nach dem ſchlaaffe beſſer werden/ welches denn auch geſchehen: Es iſt freilich beſſer worden/ ſie iſt hindurch vnnd hat alle jhre angſt vnd beſchwerung ein ende/ ſie nehme nicht aller welt guͤtter das ſie zu dem elende dieſes thraͤnen thals/ ſon- ſonderlich in jtzigen ſorglichen leufften wieder ſolte erwecket werden/ ſie liegt nu vnd ſchlaͤffet gantz mit frieden/ der HERR hat jhr geholffen das ſie ſicher wohnet.

Mercklich aber iſts/ daß ſie eben an jhrem hochzeit tage jaͤhrig von hinnen geſchieden der HErr JEſus jhr Ehren breutigamb/ der ſich bey der heiligen Tauffe mit jhr verlobet/ hat ſie heim geholet/ zu der Himliſchen Hochzeit der ewigen frewde vnd ſeeligkeit. Jns ſieben vnd dreiſsigſte Jahr hat ſie hier zeitlich gelebet: Vierzehen jahr hat ſie im anderen eheſtande zubracht: Faſt ſieben vierdel jahr iſt ſie baufellig ge- weſen: Dieſes ſind alles wechſel zeh- len/ der HERR hat jhr geholffen/ das ſichs gar wol mit jhr hat abgewechſelt/ der Seelen nach iſt ſie in dem rechten langen leben/ da ſie keine Kranckheit kein todt von jrem Ehrenbreutigamb G iiꝛChri- Chriſto Jeſu wird ſcheiden: Jhr Coͤrper ſchlaͤfft vnd ruhet/ vnd wird gewiß auff die zeit/ der erquickung auffwachen/ mit der Seelen vereiniget/ vnd zu glei- cher herrligkeit verſetzet werden/ dahin auch vns allen auß gnaden verhelffen wolle/ Gott der Vater/ Gott der Sohn vnd Gott der heilige Geiſt/ die vnzer- trenliche Dreyfaltigkeit hochge- lobet von ewigkeit zu ewig- keit/ Amen.

Δὸξαϑεῶ. Quisquis agis vitam vitæ memor eſto futuræ, Quo minimè credis tempore finis erit.