Christliche Leichpredig

Eſaiæ am 3. 1. 2. 3. Siehe der HErꝛ Zebaoth wird von Jeruſalem vnd Juda nehmen/ allerley Vorꝛath/ allen Vorꝛath deß Brods/ vnd allen Vorꝛath deß Waſſers/ Starcke vnd Kriegsleute/ Rich- ter/ Propheten/ Warſager vnd Eldeſten/ Haupleuten vber fuͤnffzig vndEhrliche Leute/ Raͤthe vñ weiſe Werckleute/ vñkluge Redner.

Außlegung.

ALs der Ewige vnd Allmaͤchtige Gott dem Volck Jſraell in der Wuͤſten Sinai auff dem Berge Horeb/ mit ſchrocklichen Zorn Zei- chen ſein Gebott gegeben/ hat er an daſſelbe ein ſcharpfe commination vñ traͤwũg gehefftet vnd geſprochen. Jch der HErꝛ dein Gott binn ein ſtarcker eiffe- riger Gott/ der da heimſuchet der Vetter Miſſethat an den Kindern biß an dz dritte vnd vierte Glied. Exod. 20. 5. Den. 5. 9. Dann Gott iſt kein Gott dem gottloſen Weſſen gefellet/ Pſalm. 5. 5. Wer boͤſe iſt bleibt nicht fur jhm. Sondern er iſt ein Rechter Richter/ vnd ein Gott der taͤglich trawet/ will man ſich nicht bekehren/ ſo hatt er ſein ſchwerth gewetzet vñ ſeines Bogen geſpanet/ vnd zielet/ vnd hatt daruͤff geleget toͤdliche geſchoß/ ſeine Pfeile hatt er zugerichtet zurverder- ben Pſal. 7. 12. Diß aber waar ſein bezeuget jetz abgeleſſener Text/ in welchem Gott der Allmaͤchtige durch ſeinen geiſt eyfferigen Propheten Eſaiam ſetnem Volck Jſraell traͤwet/ daß Er jhnen wegen jhrer vber machten Suͤndt vnd miſſe- that allen Vorrath an Victualien vnd Leutẽ entziehen woͤl- le/ ja le/ ja er woͤlle ſie entlich gar in die Rappuſſe geben/ verſtoͤren vnd wegwerffen. Wann Wir aber Gott erbarms/ verruͤcket ſein ans Ende der Welt/ da allerhand Suͤnde vnd Laſter im vollen ſchwang gehen. dannenhero dan der gerechte Gott hoͤchlichen verurſachet wird/ bald in dem Weltlichen/ bald in dem Geiſtlichen/ bald in Haußſtand zugreiffen/ vnnd ſol- che Perſonen durch den zeitlichen Todt von dieſem muehſee- ligen leben wegzuraffen/ welche da Gott im hohen Himmell vnd den Menſchen auf Erden/ noch eine geraume zeit het- tann dienen konnen/ Wie ſolches nicht allein die vorige Jahr/ ſondern auch dieſe gegenwertige Leich anzeiget/ ſo wollen wir zu vnſer Lehr vnndt Vermahnung abgeleſene Propoſitio oder in- halt fol- gen der Predigt.Wort zu erklaͤren vor die hand nehmen/ vnd weil Gott der Allmaͤchtig alle Menſchen in der gantzen weiten Welt in Drey Orden ab vnd eingetheilet/ vnd deroſelben im verlaͤſ- ſenen Worten gedencket/ ſo wollen wir einen oren nach dem andern laſſen auftretten/ vnd beſehen/ was Wir darbey in acht zunehmen haben. Der Heylige Geyſt woͤlle vns bei- derſetts ſeine Gnad vnd Beyſtand zu lehren vnd zu lernen miltiglich verleyhen durch Jeſum Chriſtum Amen.

Erklaͤrung erſtes Ordens.

ANfenglich ſpricht der prophet: Siehe der HErꝛ HErꝛ Zebaoth wird von Jeruſalem vnd Juda nehmen allerley vorrath/ mit dem woͤrtlein Ec- ce, Siehe/ will der Prophet ſeine halſtarrige Pfarrkinder vnd zuhoͤrer vfmuntern/ vnd auß dem Schlaff der Sicher- heit aufwecken. Dann weil Gott ſich mit dieſem Volck in Gnaden verknuͤpfet vnd verbunden Gen. 17. Os. 2. 19. daſſelbe mit Strackem Arm auß der Egyptiſchen dienſtbar- keit erloͤſſet/ vnd durchs Rote Mehr gefuhret/ Exod. 14. weil er ſich dieſem Volck offenbaret/ Jhm ſein Geſetz vertrawet vnder Jhm ſein Fewer vnd hert hatte Eſai. 31. So meineten die Ju- Juden ſie ſaͤſſen Gott gleichſamb im Schoß/ ſie moͤchten hauſen Wie ſie woͤlten/ daruͤber wuͤrde Gott nicht ein mahl ſauwer ſehen/ vnd nach jhren Suͤnden weder Hun noch Hann Krehen. Dieſen Epieuriſchen gedancken widerſpricht der Prophet außtruͤcklichen/ mit vermeltung der ſtraffen ſo das Judiſche Volck betreffen werde/ dann weil Jhr zunge vnd Thun wider den HErren ſey/ daß ſie den Augen ſeiner Majeſtet wiederſtreben/ Jhr Suͤndlich Weſſen ſie kein heel habe/ vnd ruͤhmen jhre Suͤnde wie die zu Sodam/ dar- umb ſollen ſie dahin fallen vnd in die Rappauͤſſe gegeben werden/ ja es ſoldas Ewige wehe uͤber ſie rauſchen: Wehe jhrer Seelen/ ſpricht der Prophet/ damit bringen ſie ſich ſelb- ſten in alles Vngluͤck. Wie aber vnd durch was mittel er ſie werde Straffen vnd daheimb ſuchen zeigt Er an/ wan Er ſpricht: Der HErꝛ Zebaoth werde von Jeruſalem vnd Juda hinweg nehmen allerley Vorrath/ Jm Hebreiſchen Text ſtehet Scipienem, bacil-innixuseſt hinc per inver- ſionem Nuor, ni- ſus. lum, ſuſtentaculum & fulcimentum. Das iſt ein Stecken vnd Staab daruff man ſich Steuret vnd Lehnet/ darauff mann ſich auch verleſt/ ſtuzet vnd ſteuͤret/ die 70. Dolmet- ſcher habens alſo gegeben ἰσχύοντα καὶ ἰσχυούσαν, das iſt/ alles was den Menſchen troſtet/ ſtercket vnd erquicket/ vnd werden in gemein alle Perſohnen verſtanden/ daran dem gantzen Menſchlichen geſchlecht gelegen iſt/ Als Dapfere Regenten/ Gelerte Juriſten/ verſtendige Medici vnd Artzte/ auff welche man ſich im fall der Noth nechſt Gott zuverlaſſen hatt/ es werden dardurch verſtanden fromme vnd Gottsfurchtige Pfarrer vnnd Seelſorger/ welche da in Kranckheiten vnnd anfechtungen den Leuten mit Troſt bey ſpringen koͤnnen. Es werden dardurch im gemeinen Leben gemeinet/ Alle Gott- ſelige Erbare Buͤrgersleute/ Welche daneben den Wercken jhres Berufs/ ſo wohl den Oberherrn als den Pfarꝛherꝛn A iijvnd vnd Seelſorgern in Jhrem hochbeſchwerlichen Ampt/ mit jhrem zu Gott inbruͤnſtigen Gebeth vnder die Arm greiffen/ dieſen Vorrath traͤwet Gott der HErꝛ von ſeinem Volck zunehmen.

Was nu der Prophet Eſaias in Genere ſagt das zeigt er ferner in ſpecie ahn mit vermeldung daß der Gerechte vnd eyfferige Gott/ dieß Vorraths weder im Geiſtlichen Weltlichennoch Haußſtand verſchonen woͤlle/ ſondern die vornembſten Perſonẽ/ den Kern vnd diebeſte Leute/ die eine Zier vnd Seul in einer Stat ſeind vnd die Stangen ja das gantze Corpus vnd gebein halten/ dahin fallen ſollen. Vnd ordo oe- conomi- cus.gleich wie das Haußregiment iſt der Pflantzgarten daraus Prediger vñ Obrigkeit wachſen vnd gepflantzt werden: alſo ſetzet er daſſelbige vornen ahn vnd drawet/ daß der HErꝛ werde hinweg nehmen allen Vorrath deß Brots vnnd allen Vorrath deß Waſſers. Durch Waſſer vnd Brot ver- ſtehet er allhier allerhand Victualien, Speis vñ Tranck/ ſo der Menſch in dieſem duͤrftigem Leben vonnoͤthen halt/ wo a- ber alle Eſſenſpeis vnd alles Getrenck hinweg iſt/ da muß Hunger vnd Durſt folgen vnd drawet der Prophet nichts anders als Hunger Kummer vnd Mangel an der zeitlichen nahrung. Jn maſſen ſolches auch der HErꝛ ſeinem Volck drawet Levit 26. Wann ſie Jhn entgegen wandeln vnd wie- der Jhn ſuͤndigen wuͤrden. Weill aber die taͤgliche Victualien vnd nahrung nechſt Gotts ſeegen durch fleiſſige Ackerleute/ Kunſtreiche Handwercksleute furſichtige Kaufleut muß acquirirt werden/ ſo draͤwet allhie auch der Prophet daß ſolche ſollen hinweg genomen werden/ vnd ſolche Teurung hatte auch Gott lengſt zuvor ins werck gerichtet. Dan im Buch der Richter Klagt die Debora/ daß es an Bauw/ vnd Ackerleut mangelte Jud. 5. 7. Zur zeit Sauls mangelts in Jſraell am Schloſſer vnd Schmiden/ 1. Sam. 13. 19.

Lehr

Lehr vnd Vermahnung

WJr hetten allhier vnderſchidliche Lehr- Puncten in acht zunehmen/ Aber wo zeit? MerckDe cauſis calmica- tum inge- nere. E. L. diß general Moral vnd Lehrſtuͤck; Woher dei Mangel am Waſſer vnd Brot? Warumb Gott offter mahln eine Stadt/ ja ein Gantzes Land mit vielen ſtraffen vberheuffe/ trucke vnd preſſe. Die Phyſici ſchreiben ſolchen Bauwfelligen handel zu der Natur/ die Aſtrologi dem Ge- ſtirn/ Aber weit weit gefehlet. Allhier berichtet vns der Pro- phet/ wo hero allerhand ſtraffen vnd Plagen herruͤren/ nem- lich von der uͤbermachten Suͤnde/ da wir dem lieben Gott im himmel/ vnd den neben Menſchen vf Erden offendiren vnd beleidigen. Jeruſalem fellet dahin/ ſagt vnſer Prophet vnnd Juda liget da/ weil jhr Zeug vnnd Thun wieder den HErren iſt/ das ſie den Augen ſeiner Majeſtet wiederſtre- ben/ dieweil ſie jhr weſen kein Heel hatt/ vnd ruͤhmen jhre Suͤnde wie zu Sodom. Wehe Jhrer Seelen damit brin- gen ſie ſich ſelbſt inß vngluͤck Eſa. 3. Da hoͤren wir wie daß zweyerley ſeind/ welche alles vngluͤck/ ſtraffen vnd Pflagen pflegen zuverurſachen. Erſtlich wann der Menſchen Zung wieder den HErꝛen iſt/ wann ſie wieder denſelbigen murren/ Jhn ſchmehen vnd Leſtern/ den nahmen Gotts vnnuͤtzlich fuͤhren/ Fluchen vnd Schweren/ wann man Gottes Wort durch die Propheten/ Chriſtum vnd die Apoſtelln/ gepredi- get/ verachtet.

Darnach wann der Menſchen Thun wieder den HEr- ren iſt/ wan ſie den Augen ſeiner Majeſtet widerſtreben/ vnd ſeinen Gebotten zuwider handlen/ Abgoͤtterey treiben/ frembden Goͤttern nach huren in offentlichen Suͤnden vnd Schanden leben/ alſo daß ſie jhr Weſen nicht heel hatt vnd noch ruhmen/ daß ſie dieſes oder jenes Bubenſtuͤcklein auß- gerichtet haben. Summa es ſeind die vielfeltige ſuͤnde ohne rewe rewe vnd ſchewe hegehn/ eine orſach der vielfaldigen ſtraffen vnd Plagen ſo vber vnß kommen wie ſolches die Heilige Schrifft hin vnd wieder klar/ bezeuget. Ein mercklich Exem- pel haben wir an Sodoma vnd Gomorrha/ welcher Jn- wohner von dem Hoffart vnd Huͤrenteuͤffel deromaſſen beſeſſen/ daß ſie mit allerhand Sund vnd uͤppigkeit ohne rew vnd ſchew dahin lebten/ welche ſunden auch ſo ſtarck/ das ſie durch die Himmels Wolcken drungen/ vnd Gott dermaſſen erzuͤrneten/ daß er ſie mit Schwefel vnd Bech vom Him- mel herabverzehrete vnd aufriebe Gen. 19. Als die Kinder Jſrael jhr gegoſſen Kalb vfrichteten/ demſelben opferten an- baten vnd ſprachen: Daß ſeind deine Gotter Jſrael die dich aus Egiptenland gefuhret haben/ Siehe da blieben jhrer 3000, auf dem Platz/ durch die ſchaͤrpfe des ſchwerts gefellet/ vnd wan nicht Moſes den Riß aufgehalten/ weren ſie allzu- mahl durch den grimmigen Zorn des HErꝛen vfgefreſſen worden Exod. 32. vnd was ſoll ich viel ſagen von den ſtraf- fen vnd plagen/ ſo Gott uͤber ſein Volck im alten Teſtament wegen Jhrer ſuͤnde außgeſchuͤtet. Jm newen Teſtament draͤwet Chriſtus der Stadt Jeruſalem die Verwuͤſtung die- weil ſie die Propheten getoͤdet/ vnd ſein Evangelium nicht annehmen woͤllen/ ſondern daſſelb veracht vnd in wind ge- ſchlagen. Jeruſalem Jeruſalem ſpricht er/ die du toͤdteſt die Propheten vnd ſteinigeſt die zu dir geſand ſeind. Wie offt hab ich wollen deine Kinder verſamblen wie eine Henne jhr Kuchlein vnder jhre fluͤgel/ vnd jhr babt nicht gewolt/ ſehet Ewer Hauß ſoll euch wuͤſt gelaſſen werden/ Matth. 23 v. 13. Es wird die Zeit vber dich kommen daß deine Feinde wer- den vmb dich vnd deine Kinder einen Wagenburg ſchlagen/ dich belaͤgern vnd an allen Orten aͤngſtigen/ vnd werden dich ſchleiffen vnd keinen ſtein vff den andern laſſen/ darumb das du nicht erkennet haſt die zeit darin du biſt heimbgeſucht VſusLuc. 19. Wan vns nun auch heutiges Tages der gerechte Gott Gott mit Straffen heimbſucht/ vns dẽ Vorrath am Waſſer vnd Brodeweg nimbt vñ vns muͤſſige Zeene gibt/ das wir in der faſten das Hunger tuch muſſen anſpannen vnd an dem- ſelbigen nehen vnd nagen ſo ſollen wir gedencken/ daß wir alle ſolche ſtraffen darin wir werden beleget/ mit vnſer ſuͤnde vnd miſſethat verſchuldet vnd verdienet haben/ vnnd damit wir nicht auch ewig werden geſtrafft/ ſo ſollen wir in der Zeit dem Gerechten Gott in die Ruten greiffen/ vnd die Zeitliche/ allermeiſt aber die Ewige Straff/ durch wahre buß vnd be- kehrung abbitten vnd ſagen mit dem Propheten David/ Ach HErꝛ ſtraff mich nicht in deinem Zorn vnnd zuͤchtige mich nicht in deinem Grimm: HErꝛ ſey mir gnedig dan ich bin ſchwach/ heyle mich HErꝛ/ dan mein Gebeine ſind erſchro- ken/ ach HErꝛ wielang wiltu mein doch ſo gar vergeſſen Pſ. 6. Wir ſollen recheſchaffen Fruͤcht der Buſſe thun Matth. 3. 8. vnd von allem gottloſen Weſen abſtehen/ Gottes Wordt lieb vnd werth haben/ vnnd nach den Gebotten Gottes rich- tig einher gehen vnd wandlen. Wird das geſchehen/ ſo ſoll es heiſſen: Es ſoll aller Ewr Vbertrettung nicht mehr gedacht werden/ vnd ſollet nicht fallen vmb Euwer Miſſethat willen/ dan ploͤtzlich rede Jch wieder ein Volck vnd Koͤnigreich/ das ichs auſrotten/ zerbrechen vnd verderbẽ woͤlle/ wo ſichs aber bekehret von ſeiner Boßheit/ darwieder ich rede/ ſo ſoll mich auch rewen das vngluͤck/ das ich ihme gedachte zu thun/ ſagt der HErꝛ/ Jerem. 18. Dan ſo wahr ich leb/ ſo hab ich nicht luſt an dem Tod des Sunders vnd ſterbendẽ/ ſondern das er ſich bekehre vnd lebe Ezech. 18. & 33. O beatos quotum cauſa Deus iu- rat: O miſeros, qui Deo iuranti non credunt: ſagt Tertullianus. vñ ſo viel vom erſten. Nun.

Vom Andern.

FVrs ander/ ſo zeugt der Prophet Eſaias auch an/ das Gott der Allmaͤchtige den Vorrath hin, Bweg Ordo Ec- cleſiaſti- cus.weg nehme im Geiſtlichen Stand/ vnd ſolches deutet er an mit dieſen wenigen Woͤrtlein. Der HErꝛ Zebaoth wird wegnemmen Propheten/ Warſager vnd Elteſten durch die Propheten werden nicht allein verſtanden die Perſoh- nen/ ſo von kunftigen diengen weiſſagen/ als da geweſſen ſeind/ Elias/ Eliſæus Eſaias/ Jeremias Ezechtas/ Daniel vnd andere altes Teſtaments/ vnd Agabuß im newen Te- ſtament/ ſondern es werden alle rechtſchaffene Lehrer vnnd Prediger verſtanden/ welche da die Heilige Schrifft recht außlegen. Da hero ſagt Poulus Rom. 12. 6. hatt jemand weiſſagung das iſt Leget jemand die ſchrifft aus/ ſo ſey ſolche auslegung vnnd weiſſagung dem Glauben gemeß. Jſt eben ſo viel als wan Petrus ſagt in ſeiner erſten am 4. 12. 2So jemand redet der rede Gottes wort. 2. Durch die wahr- ſager verſtehen wir nicht die Zauberer Chriſtallen ſeher vnd Seegenſprecher/ welche den HErrn ein grewell ſeind vnnd will ſie ewig verdammen Deut. 18. 11. Apoc. 21. 8. & 22. 15. Sondern wir wollen durch die Wahrſager verſtanden ha- ben die jenigen Prediger/ welche das Woͤrtlein ὀρθοτομει̃ν wohl ſtudiret haben/ vnd das Wortt der Wahrheit nach der vermahnung Pauli recht Theilen. 2. Tim. 1. 15. Welche auch kein blat furs maul nehmen ſondern die Wahrheit re- den nach der vermahnung Davids von hertzen 15. vnnd vor die bittere Wahr heit ſtreiten bis in den Todt Syr. 4. 33.

3Durch die Elteſten verſtehen wir die von Welchen Paulus ſaget 1. Tim. 5. die Elteſten/ die wohlfurſteher die halte man Zwifacher Ehren werth/ ſonderlich die da arbei- ten im Worth vnd in der Lehr. Dieſen Vorrath trewer Lehrer vnd Prediger ſagt der Prophet werde auch der HErꝛ wegen des Volcks ſunde weg nemen.

AblatioLehr vnd Vermahnung

MErck E. L. allhie/ das nicht eine geringe ſon- der dern die allergroͤſte Straffe ſey/ wan vnß vnſere trewe Pre-pierum verbi mi- niſtrorum maxima pœna. diger vnnd Seelſorger Abgeſpannet vnnd genom men wer- den/ welche vnß auf der gruͤnen Awen Goͤttliches Worts weyden/ vnnd zu dem friſchen Brunen Jſraelis fuhren vnd mit lebendigem Waſſer traͤncken/ Pſ. 23. Joh. 4. Dan was da ſeind Schaffe Ohne Hirten das iſt auch eine Chriſtliche Gemeine Ohne Seelſorger wie ſolches zu leſſen Matth. 9.Effectus a blationis. 39. Marc. 6. 34. Actor. 20 28. et 29. Wo wir ſolcher vnſerer Seelenſorger beraubet werden/ ſo folget darauff entweder der Geiſtliche Seelenhunger/ das die arme Schaͤfflein muͤſſen verkomen vnnd verſchmachten. Von ſolchen Ja- mer vnnd Elend/ ſagt der Prophet Amos 8. 11. 12. Stehe es Kompt die Zeit ſpricht der HErꝛ das ich einen Hunger ins Land ſchicken werde/ nicht einen Hunger nach Brot oder Durſt nach Waſſer/ ſondern nach dem Worth deß HErꝛen zuhoͤren. Das ſie hin vnnd here von einen Mehr zum andern von Mitternacht gegen Morgen vmblauffen/ vnd des HErꝛen Worth ſuchen vñ doch nicht finden werden.

Wan wir ſolcher Seelenhuͤrtẽ im mangel ſtehen ſo bre- chen die Reiſſende Woͤlffe in Perch vñ Schaffſtall Chriſti/ vñ wuͤrgen ſeine Schaͤfflein/ welche er mit ſeinẽ tewren Blut von dẽ Helliſchen Wer wolff erloͤſet hatt. Dahero nicht ohne Vrſach Sanct Paulus die elteſten zu Epheſo vermahnet vñ ſpricht: So habt nun acht auf euch ſelbſten vnd auf die gantze Herd/ vnder welche euch der Heilige Geiſt geſetzet hatt zu Bt- ſchoffen zu weyden die Gemeine Gottes/ welche er durch ſein eigen Blut erworben hatt dã das weis ich das nach meinem Abſcheid werden vnd’ euch kom̃en grewliche Woͤlffe/ die der Heerde nicht verſchonen werden/ auch aus euch ſelbſten wer- den aufſtehen Menner die da reden verkehrte Lehre Act. 20. v. 28. Dahero befielt der Ertzhint vñ Biſchoff vnſerer Seelẽ/ das wir den HErꝛn der Ernde bitten ſollen/ daß er viel vnd gute getrewe arbeiter in ſeine ernde ſenden woͤlle. Matth. 9.

B ijJa

Ja ſprechen etliche/ es leuft allenthalben vnd in allen Winckeln voll Pfaffen/ man wird deroſelbigen nicht leicht in mangel ſtehen/ ich will ehe Zehen Pfaffen vberkommen/ als einen Treſcher in meiner ſchewren/ oder einen Wein- gartsman in meinen Weingarten. Wohlan dem ſey alſo/ aber ſiehe wohl zu/ das vnſer HErꝛ Gott/ wegen deiner vber- machten Vndanckbarkeit trewe Prediger vnd Seelſorger nicht von dir nehme/ vnd an deroſelben Stat dir zukommen laſſe boͤſſe vnd betrigliche Arbeiter/ Phil. 3. 2. 2. Cor. 11. 13. Blinde Leiter/ Matth. 13. oder Stumme Hunde die nicht bellen wollen oder koͤnnen/ Eſa. 56. welche da das wort der Wahrheit verfelſchen/ vnd dich in die Ewige verdamnuß Vſus.leiten vnd fuͤhren. Mercket ſolches Jhr Pfaffenfeind/ vnnd Worts veraͤchter/ die jhr meinet/ man koͤnne der Prediger wohl enthraten/ es ſolte in einem Land oder Statt wohl beſſer zugehen/ wen vnſer HErꝛ Gott oder der Teuffel den Pfaf- fen wegholete/ dan er habe nichts anders gelehrnet/ dã das er vff der Cantzel ſtraffe/ die Gottes leſterer die Huren vñ Bubẽ.

Aber ſolchen Gottloſen Leuten ſols dermahl einß auf jhrem Todbett vnd letztem Ende manglen an Predigern/ daß ſie alſo ohne erkandnuͤß jhrer Suͤnden/ ohne Buß vnnd Abſolution dem Teuffel zufahren ſollen. Fromme Hertzen ſollen jhre Propheten/ Prediger vñ Seelſorger/ jhre Wahr- ſager die kein blat furs maul nehmẽ/ hertzlich lieb haben/ nach der vermanung Pauli/ wir vermahnen euch lieben Bruͤder das jhr erkennet die an euch arbeiten vnd euch furſtehen im Herꝛn vnnd euch vermahnen/ habt ſie deſto lieber vmb jhres Wercks willen vñ ſeld friedſamb mit jhnẽ 1. Theſ. 5. Dieſem ſind nachkommen die Galater von welchen Paulus ſagt Gal. 4. Jch bin euwer Zeug/ das wan es muglich geweſſen were/ Jhr hettet ewer Augen auß geriſſen vnd mir gegeben/ O mancher boͤſſer Bub geb ein aug drumb daß ſein Pfarher garblind wehre/ oder deſſelben gar los were. Anderſt ver- hielten hielten ſich die Epheſer welche jhren Apoſt. Paulum/ als er das letzte Valet gab/ Jhm vmb ſeinen Halß ſielen/ jhn kuͤſſe- ten vnd weineten Actor. 20. vnd ſo viel vom andern: nur mit kurtzen.

Vom Dritten.

ZVm Dritten vnd Letzten zeigt auch der Pro- phet an/ daß Gott des Vorraths nicht werde ſchonen im Weltlichen Regiment/ ſondern er werde hinweg nehmen/ Richter/ Weyſſe Raͤthe/ vnd Kluge Redner/ auch verſtendi- ge Medicos/ welche dem gemeinen nutzen in Friedens zeiten helffen vñ rathen koͤnten/ an ſtat aber deroſelbigen woͤlle er jhnen geben Juͤnglinge zu Fuͤrſten/ vnnd Kindiſche Albere Narꝛen/ welche nichts geſehen/ gelernet oder erfahrẽ haben/ die ſollen vber ſie herſchen jhnen auf dem Maul trumpeln/ ſie auſſaugen/ ſchinden vnd ſchaben biß auff den euſſerſten grad. Ja/ da woͤlle er es nicht bey bleiben laſſen/ ſondern mit vfruhr vnd Kriegsleuften woͤlle er die Starcke Kriegsleute Haupt- leute vber 50. hinweg nemẽ/ vñ ſie ſolches vorraths berauben.

Lehr vnd Vermahnung

HJlff lieber Gott wie wenig ſeind deren/ welche da bedencken/ was diß vor ein herlich Genaden geſchenck Gottes ſey/ wan man in einer Statt oder Landt haben kan/ fromme Gottes furchtige Regenten/ gelerte vnnd vfrichtige Juriſten/ Advocaten, Procuratores, welche da alle ſachen Rich- ten vnd ſchlichten/ vnd die liebe Juſtitiam adminiſtriren/ wan man hatt dapfere Kriegshelten/ welche den Feindt nicht her- bey locken vnd jhme die Schluſſel vfftragen/ ſondern vff der Spitzen ſtehen/ vor das liebe Vaterlandt ſtreitten/ vnd bey demſelbigen Ehr/ Guth vnd Blut wagẽ vnd aufſetzen. Wan man hatt gelerte vnd erfahrne Medicos, welche da in Ster- bens leuften/ vnd Kranckheiten/ den Patienten koͤnnen bey- ſpringen/ jhnen rathen vñ helffen/ Ach wie wenig bedencken A iijB iijſolches ſolches/ ſie ſeind wenig bekummert/ wan ſolche ſeulen hin- fallen vnd weggeriſſen werden. Meinen man koͤnne ſolche Leute von Beumen ſchuttelln/ ſprechen/ ſtirbt Heintz/ ſo kompt Cuntz wider/ viele frewen ſich das alte Herren durch den Zeitlichen Todt ab gehen/ damit ſie an jhre ſtattkommen vnd zum Regiment gezogen werden/ Aber es bezeuget die er- fahrung das ſelten was beſſer/ hernach folget. Anſtat from̃er regenteñ vnd Richter tretten auf vnbilliche Schar vnd Mar- terhauſen/ welche nichts anders als pochen/ ſchnarchen vnd den armen Vnderthan ſchinden vñ ſchaben konnẽ/ vber wel- che der Prophet Micha 3. 2. 3. mit weinenden augen klagt vñ ſpricht/ Hoͤret jhr Heupter im Hauſe Jacob/ vñ jhr Fuͤrſten im Hauſe Jſrael/ Jhr ſollet billich ſein die das Recht wuͤſten/ aber jhr haſſet daß gute/ vnd liebet das Arge. Jhr ſchindet jhnen die Haut ab vnnd das Fleich von Jhren Beinen/ vnd freſſet das Fleiſch meines Volcks/ vnd wan jhr jhnen/ die Haut abgezogen habt/ zerbrecht jhꝛ jhnen auch die Beine/ vñ zerlegt ſie in einen Toͤppen vñ wie Fleiſch in einen Keſſel vnd im 7. c. ſeufzet er abermahl vnd ſpricht/ Ach das Gott erbarm/ eß gehet mir wie einem der in dem Weinberg nachlieſſet/ da man keinen trauben findet zu eſſen vnd welt doch gern der be- ſten Frucht haben/ die frommen Leute ſind hinweg in dieſem Lande/ vñ die gerechte ſind nicht mehr vnder den Leuten. Sie Lauren alle auf Blut ein jeglicher ſaget den andern/ deß er Jhn verderbe/ vnd meinen ſie thun wohl darã wan ſie boͤſſes thun/ was der furſt will ſpricht der Richter/ dz er Jhme wider einen Dienſt thun ſoll. Die Gewaltigen rathen nach jhrem Mudthwillen ſchaden zu thun/ vnd drehenß wie ſie woͤllen. der beſte vnder Jhnen iſt wie ein dorn vnd der Retlichſte wie ein Hecke. Ahn ſtatt der vfrichtigen Alten kommen offtermals Nerriſche Jungling/ welche weder hirnſtirn nach gewiſſen haben Narren vnd Lellmenler ſagt der Text/ welche welche das Recht in Wermudth verkehren/ wie Amos ſagt am 6. Aber wehe dennen die Boͤſes Gut vnd Gutes Boͤßheiſ- ſen/ die auß Finſterniß Licht vnd aus Licht Finſternuͤß ma- chen. Die aus Sawer Suͤß vnd aus Suͤß Sauwer machen Eſat. 5. 20. An ſtatt Gottſeliger vnd Weiſſer Raͤthe kommen oftermals ſolche Leute welche allerhand boͤſſe ſachen helffen bementeln vnd vertedigen. An ſtatt der Starcken Krigshel ten kommen oftermals ſolche Gefellen/ welche ſind Helden Wein zu ſauffen vñ Kriger in der fuͤllerey/ vnd nichts anders gelernet haben als freſſen vnd ſauffen. Eſa. 5. 22. oder aber verzagte Haſſen/ welche mã mit einer blaſſen oder mit einem rauſchenden Blat moͤchte verjagen vnd in die Flucht ſchla- gen: anſtatt verſtendiger vnd erfahrner Ertz tretten offter- mals vf Kelber ertzt/ Strorger/ Landfahrer vnd Tyriacks Kraͤmer/ da wird das wahr dan gemeine Sprichwort/ So mancher Artz ſo mancher Kirchof. Manchen richten ſie ein ſolch Purgaz von Colloquinten Antinoninio oder Teuffel Albiß zu/ das ſie ruffen mit Eliſæi Schuler 2. Reg. 4. 40. Der Todt im Toͤpfen der Todt im Toͤpfen/ Aber Aiurisconſultorum excipe, & talium Medicorum recipe, libera nos Domine Fur ſol- chen Leuten wolle vnß Gott behuten.

Wir ſollen viel mehr erkennen/ daß ſolche Leute vns von Gott gegeben werden/ welcher ſie auch vmb vnſer vn- danckbarkeit wider wegnehme wie der Prophet zeuget. Dar- rumb ſollen wir nach der vermanung Pauli vor die Obrikeit bitten/ ſie Ehren mit Worten Wercken vnd Gedult 1. Tim. 2. Auch ſollen wir erkennen was wir an einem Ge- trewen vnd frommen artzt haben/ auch Gott bitten/ das er ſie vns wolle lang zu gutem erhalten vnd ſie auch ge- buͤrlichen reſpectiren vnd Ehren/ nach der Vermahnung, Syrach. 38.

Ehre

Ehre den Artz mit gebuͤhrlicher verehrung/ das du jhn habſt zur noth/ dan der HErꝛ hatt ihn geſchaffen/ vnd die Artzney kompt vom Hoͤchſten/ vnd Koͤnige ehren Jhn. Die Kunſt des Artzes erhoͤhet Jhn/ vnd macht Jhn groß bey Fuͤrſten vnd Herꝛen/ der HErꝛ leſſet die Artzney auß der Er- den wachſen/ vnd ein Vernunftiger verachtet ſie nicht. Vnd ſo viel aufs kurtzeſt nach gelegenheit der zeit vom abgeleſſenen Text.

Perſonalia.

BElangen nun zum beſchluß/ den Ehrnveſten vnd Hochgelarten Herꝛn/ Herꝛn D. Hectorem Schlan- hovium, Weyland beſtelten Medicum, dieſer Vhralten vnnd Loͤblichen Keyßerlichen Freyen Reichſtat Wormbs. So iſt deſſelben Thun vnd Weſſen/ Handel vnd Wandel Euwer Lieb beſſer bewuſt/ als Jchs in geliebter kurtz erzehlen kan. Buͤrtig iſt er geweſſen aus der wohl bekandten Statt Alsfeld im Oberfuͤrſtenthumb Heſſen. Sein Vatter Jſt der Ehr- wuͤrdige vñ Wohlgelahrte/ Herꝛ Georg Schlanhovius jetziger Pfarꝛherꝛ zu Merlaw/ Seine Mutter aber die Erbar vnd Tugentſamme Fraw/ Margaretha/ Weyland deß Ehr- wurdigen vnd Wohlgelartten Herꝛn M. Juſti Vietoris Pfarr- hers zu Alsfeld (Cuius anſma ſit in faſciculo viventium) Eheli- che Tochter/ welche jhn durch Gottes Gnad vnnd Seegen Anno 76. auf dieſe welt geboren. Von ſeinen Lieben Eltern iſt er von Kindsbeinen ahn/ in aller Zucht vnd Erbarkeit vf- er zogen/ vnnd zur Schul gehalten worden/ dan als er ſich aus den Claſſibus patriæ Scholæ gewuͤrcket/ iſt er naher Hirſch- feld geſchickt/ da es dan Illoſtre Gymnaſium vnd vortreffliche Schul dazumahln gehabt/ da die kuͤnſten vnd Sprachen trefflichen floriret, auß welcher Loͤblichen Heſſiſchen Schul/ tãquã ex equo Troiano, viel dapfere vnd vortreffliche Menner Magiſtri, Doctores vnd Profeſſores entſproſſẽ/ welche da ſo wohl Gott Gott vnd ſeiner Kirchen/ alß dem gemeinen nutzen bedienet geweſſen/ vñ nach vf den heutigen Tagk/ mit groſſem nutzen Lob vnd Ruhm bedienet ſeind. Von Hirsfeld iſt er verſchickt auf die Weitberuͤmbte Academiam vnd Hohe Schul Mar- purgk/ in Heſſen/ da er dan nicht allein ſtudium Philoſophicum gluͤcklichẽ continuirt, vnd ſummũ in Philoſophia gradũ aſſumirt, ſonder ſich deſſen Orts auch aufs Studium Medicum begeben/ vnd darinnen ſeine fundamenta geleget. Hernaher aber hatt er Studiorum caula vf etliche Academias Germaniæ zu peregri- niren angefangen/ da er dan zu Dübingen ſonderlich vber ein halbes jahr ſich vfgehalten vnnd in ſeinem Studio Me- dico wohl proficiret. Anno 99. Jm 23. Jahr ſeinen Alters/ iſt er vf reifflichen bedencken vnd Rath ſeiner Vornehmen Ehr- liebenden Freundſchafft in Jtaliã nicht ohne geringe Coſten verſchickt/ daſſelbſten neben ſeiner Theori, praxio zuſehen/ da er dan nicht furwitzigen Leuchtfertigen Sachen iſt nachgan- gen/ wie es dan Gott Erbrms: von vielen geſchicht: Jnmaß Sophronius vnd Lucretia ſolches bekennen/ wan ſie ſprechen. Eunt Romam ut redeant deteriores: Sondern ſeinen Studiis ob- gelegen/ vñ darinnen dermaſſen proficiret/ das er nicht allein Patavi, ſondern auch Piſis von facultate Medica iſt ſehr geliebet worden/ welche jhn auch gern in Jhr Collegium aufnehmen vnd vor jhren Anatomicum ordinarium, wen es ſeine Gelegen- heit geweſſen/ beſtellẽ wollen. Anno 601. hatt er ſich wider vf erforderung ſeiner Lieben Eltern vñ Freuͤnde/ auß Jtalia na- her Deutſchland begeben/ vnd im Septembri vf obbemelter Hohenſchul Marpurg mit groſſem Lob vnd Ruhm ſummum in arte Medica gradum erreichet vñ angenommen. Ferner weil auch frommer Gottſeeliger Eltern wohlgeradene Kinder eind wie die Pfeiler eines Starcken welche der Starcke Gott ahn vnderſchiedliche Orth pflegt hin vnd wider zuſchieſſen/ So hatt Jhn Gott erſtlich durch Ehrlicher Leut vorſchub geſchoſſen/ naher Oppenheim da er dan zum Statt Medico Ciſt vf iſt vf vnd angenommen worden. Daſelbſten er auch mt ſeiner lieben Charitas, nunmehr hochbetruͤbten Wittiben vf vorhergehenden Conſens vnd Rath beider ſeits freund- ſchafft ſich ehelichen vermehlet vnd verlobt/ welche Ehever- loͤbnuß ſie dan auch nach maln 16. Aug. An. 1602. mit dem Kirchgang vnnd Hochzeitlichen Ehrentagk confirmirt vnd beſtettiget. Von Oppenheimb hatt Gott der Allmechtige Jhn geſchoſſen allhier naher Wurmbs Alda er dan Anno 603. den 6. Martit/ vor einen Statt Medicum, von einem Ehrnveſten vnnd hochweiſſen Rath beſtellet vf vnnd ange- nommen worden. Wie fleuſſig wie Freundlich wie getrew- lich vnnd vnver droſſen er ſich in ſeinem Beruff erwieſſen/ weiß nicht alleine dieſe Vhralte Statt Wormbs vnd gemei- ne Ehrliebenbe Burgerſchafft/ ſondern auch viele Graffen vnd Adeliche Perſohnen vf dem Land/ welchen er zu tag vnd nacht bedienet/ vnd welche vielleicht noch ins knuͤftige erfah- ren werden/ was vor einen getrewen/ vnverdroſſen vnnd dapferen Hectorem ſie an Jhm gehabt.

Er hatt Gott vnd ſein Wottt lieb vnd werth gehabt/ Gottes Wortt fleiſſig gehoͤrt vnd die Heilige Sacramenta ge- brauchet/ Freundlich vnd Ehrerbietig iſt er geweſſen gegen jederman/ bevorab gegen daß heilige Predigampt/ vnd deſ- ſelben Diener/ jhnen in jhrer Schwacheit vnd Leibs bloͤdig- keiten ohne einige vergeltnuß gratis vnd vmbſonſt mit hulff Rath vnd That bey geſprungen.

Dannenhero Jhme auch der Rechte Artz vnd Mey- ſter zuhelffen eine ſputige vnd gluͤcklich Chur verliehen/ auch jhn in ſeinem fridliebenden vnd geringen Eheſtandt nit al- lein mit zeitlicher Nahrung/ ſondern auch mit Leibsfrucht geſegnet/ vnd Jhm durch ſeine Traut liebe Charitas Drey Toͤchter (deren albereit die Elteſte nach Jhrer Seelen Jn dem himliſchen Paridiß ſpatziret/ eine froliche vferſtehung jhres fleiches erwartend) ſampt 2. Soͤhnen be- ſcheret ſcheret/ welchen Gott woͤlle zeitlichen vnd Ewigen Segen verleyhen Dieweil es aber nicht allein ein Sprichworth/ ſondern auch ein Wahrworth iſt: Homo proponit, Deus di- ſponit, Alſo hatt Jhm zwar oft ermelter Herr Doctor vor- kurtzen tagen gentzlichen furgeſezt/ wie er mir ſelbſten mit frewden eroͤffnet/ noch einmahle dulces patriæ lares, ſein ge- meltes Vatterland zu beſuchen/ vnd ſeine Liebe freunde vnd Goͤnner vf der Loͤblichen Univerſitet Gieſſen bevorab den Ehrwuͤrdigen vnd Hochgelertten Herꝛn Johannem Winc- kelmannum: SS. Theologiæ D. eximium & Eccleſiarum Superin- tendentem vigilantiſſimum ſampt ſeinem fido Achati, Den Auch Ehrwuͤrdig vnnd Hochgelarten Herꝛn Balthaſarum Mentzerum Theologiæ Doctorem & Profeſſorem celeberrimum Præceptores Fautores & Promotores (quos honoris ergo nomino) amantiſſ. Wie dan auch den Ehrnveſten vnnd Achtparn Herꝛn Danlel Stamm Quæſtorem graviſſimum, Aber vnſſer lieber Gott hatte eine viel andere vnnd jhm bequemere Reis mit jhm vor nemblich auß dieſem muͤheſeeligen Spital Ja- mer vnnd Threnen Thal nach dem Himliſchen Jeruſalem vnd Frewden Saal/ darumb jhn auch Gott zur ſolcher vor- ſtehender Reiß fertig gemacht/ alſo da er verfloſſenen Sontags/ welcher wahr Dominica Invocavit, aus der Pre- digt naher Hauß kommen/ ihn mit einem Schlagfluß be- legt. welcher ihm dermaſſen von Tag zu Tag zugeſezt/ daß er geſtriges Tages/ welcher wahr der 20. Februarii vnter vnſerm Gebeth vnd Seufzen/ ſeinen Geiſt vfgegeben/ vnnd ſeinem himliſchen Vatter zu trewen Handen befohlen/ der- ſelbe woͤlle Jhm vnnd vns allen dermals eines/ ein froͤ- liche vfferſtehung verleyhen vmb vnſers Herꝛn Jeſu Chriſti willen Amen.