Zwo Christliche LeichPredigten

JHr Andechtigen in GOtt/ Die Kirche Gottes ſinget mit betruͤbtem Gemuͤth/ auß der bit- tern Klage Syrach am 10. 40. Vnd Pauli Rom. 5. Ach wie Elend iſt vnſer zeit/ alhie auff dieſer Erden/ ꝛc. Denn freylich iſt gar zu wahr/ das der Todt durch eines Menſchen Suͤnde zu allen Menſchen Eingedrungen/ vnd allen Menſchẽ/ auffgeſetzt einmal zuſterbẽ/ Rom 5. Hebr. 9. Aber das iſt noch am betruͤbſten/ das jm Gott/ die Zeit/ den Ort oder art/ vnd weiſe des Todes vorbehal- ten/ wie Auguſtinus ſagt/ Certa eſt mors, ſed ubi, quomodo, quando veniat, in certum eſt.

Dannenhero ergꝛeiffet es mit vielen ſolche Wege/ wie im Prediger Buch Salomonis am 9. geſchriben ſtehet/ Der Menſch weiß ſeine Zeit nicht/ ſondern wie die Fiſch gefangen werden/ mit einem Hamen/ vnd wie die Voͤgel mit einem Strick gefangen werden/ ſo werden auch die Menſchen beruͤckt zur boͤſen Zeit.

Deſſen hat vns der Heylige/ Gerechte/ allein Weyß vnſterbliche Gott/ inn deſſen Hand vnſer Leben ſtehet/ vns abermal/ ein mercklich/ vnd Augenſcheinlich Bild vorgeſtelt/ an dem weyland Edlen Wolgeboꝛnen jungen Herrn/ Herrn Chriſtoff Cziegan/ Des Edlen Wolge- bornen Herrn/ Herrn Hannſen Cziegan von Schlup- ſkau/ Herrn auff Freyſtadt/ Drobroßlawitz/ vnd Sa- wada/ geliebten Sohnes/ welcher den 11 Octobris/ vmb 9. vhr nach Mittag/ nach GOttes vnwandelbahrem Vaͤterlichem Rath/ vnd Willen/ etwas Ploͤtzlich doch Seliglich in Erkaͤntnuͤs vnd Bekaͤntnuͤs JEſu Chriſti eingeſchlaffen/ deſſen verblichener Coͤrper heute von ſei- A ijnen Die I. LeichPredigt. nen voꝛnehmen Eltern von vns zu ſeinem Erb-Begraͤb- nuͤß abgeholet wird/ vñ von vns in anſehlicher trawriger Leichproceſſion biß anhero beleytet worden.

Solche angeſtelte Abfuͤhrung dieſes verblichenen Jungen Herrn vnd vnſerer beſchehenen beleutung/ wird nicht ſolcher maſſen/ vñ meinung vor die Hand genomen wie Alexandri Magni auff deſſen Leichbegaͤngnuͤß/ ſo groß vnkoſten gewandt/ die ſich faſt in die 30 Tonnen Golt ſollen erſtreckt haben/ Deñ da hat man den Koͤnig- lichen Coͤꝛper in einen Guͤldenen Sarck gelegt/ vnd auff einen Sylbernen Wagen geſetzt/ vnd jhn in die Ander- thalb hundert meylen/ von Babylon auß Chaldea/ gegẽ Alexandriam in Egypten gefůhret.

Diß iſt freylich nur zum bloſſen Gepraͤng/ Spectacel vnd Ruhmraͤtiger nachſagen/ vnd Gedaͤchtnuͤs geordnet worden/ Aber ein Elend gepraͤng/ das mit einem Todten Coͤrper getrieben wird/ zu mal eines ſolchen Menſchen/ der im Vnglauben von hinnen geſchieden/ vnd die Seel richtiges Weges inn Abgrundt der Hellen gefahren iſt/ wie von Alexandro Magno als einem Vnglaͤubigen Heyden/ freylich nicht anders Sententioniren vnnd Vrtheylen kan.

Hie aber hat es gar ein ander gelegenheyt mit dieſer heutigen angeſtalten Leichproceſſion. Denn dieſer ver- blichene Junge Herr/ iſt nicht ein Vnglaͤubiger Heyd/ Sondern ein getauffter Chriſt/ ein wolgerathenes Ehe- pflaͤntzlein/ vnd Glaͤubiges Gliedmaß Chriſti/ ein Tem- pel des H. Geiſtes/ vnd Wohnung Sanctæ Trinitatis, ein fleiſſiger/ gehorſamer/ fromer Schuͤller geweſen/ der von Kindheit/ ſeinen Catechiſmum, gruͤndtlich geler- net/ Die I. Predigt. net Gott ſeinen Himliſchen Vater/ nnd Chꝛiſtum ſeinen Sohn/ vnd erloͤſer/ den H. Geiſt ſeinen Regenten vnd Præſidenten recht erkennet/ vnnd ſeinen Glauben mit ſchoͤnen GOtt/ Engel/ vnnd Menſchen erfrewenden Tugentzeichen/ an tag gegeben/ vnd zu dieſem end von ſeinen Adelichen Wolgebornen Eltern anhero gegen dem Brieg in die beruͤm̃te Fuͤrſtliche ſchul verſchickt/ das er den wahren Glauben/ reine Religion/ heylige Furcht Gottes/ Erbare gute Sitten/ nuͤtzliche Kuͤnſte/ vnd Sprachen erlernen/ vnd dieſelben ſeinem Gott zuehren/ den Eltern zu beſondern Wonn vnnd Frewde/ vnnd im Geiſtlichen vnnd Weltlichen ſtande/ auch andern zu groſſem Nutz/ vnd ſeiner eygen Wolfahrt anwenden moͤchte/ Jſt auch in ſolchem ſeinem heyligen Vitæ & ſtudiorum curriculo als in ſeim ordentlichen Beruff/ von Gott gnedigſt abgefodert/ hat ſich auch ſelbs mit ſei- ner Seel/ mit klaren Worten vnd hertzlichem ſeufftzen dem in die Hand reſignirt, von dem er ſeinen GeiſtEccl. 12. empfangen/ als ſeinen lieben trewen Gott/ vnnd dem trewen Ertzbiſchoff vnſerer Seelen Chriſto. Darumb er auß vnſerer Stadt vnd Gemein/ vnd Haͤuſer/ in das heylige Jeruſalem/ inn die Gemein der ErſtgebornenEbr. 12. Kinder Gottes/ derer Nahmen im Himmel auffgezeich- net ſind/ vnd in das Hauß vnd Huͤtten ſeines Himliſchen Vaters genommen/ vnd erhoben worden iſt/ auß dieſer Jrꝛdiſchen ſchul/ in die Himliſche Hohe-ſchul/ auß der Nidern Claſſe in den hoͤchſten Angelicum Ordinem. von ſeinen Jrꝛdiſchen Tiſch vnd Schulgeſellen/ in die Engliſche Gemeinſchafft/ auß Kindlicher vnwiſſenheit/ in die ewige Weißheit/ auß der Kranckheit in die ewige A iijGeſund- Die I. Predigt. Geſundheit: auß der groſſen Leibs vnd Seelen gefaͤhr- ligkeit in die hoͤchſte Herꝛligkeit: auß dieſem Suͤndlichen verdamlichen angſt Leben/ in das ewige frewden Leben.

Wie ſollen wir in denn Stillſchweygens/ auß vnſer Gemein abholen laſſen/ der ſo wol vnter vns gelebt/ vnd ſo fleiſſig ſtudiret? Wie ſolten wir ſeiner geuͤbten froͤmig- keit/ vnd fleiſſes nicht gebuͤhrlich/ offentlich Zeugnuͤß geben? Wie ſollen wir nicht/ ein ehrliche Leichproces- ſion anſtellen/ bey der Abfuͤhrung ſeines Coͤrpers zu ſeinem Erbbegraͤbnuͤs/ weil die heyligen Engel/ ſonders Luc. 16.zweyffel ſeine/ wie Lazary Seel in die Schoſs Abrahæ ſo maͤchtig/ vnd ſtatlich vergleytet/ vnd getragen haben.

Wie ſolten vnſer Schuͤlerlein/ groß vnd klein/ Edel vnd Vnedel/ nicht offentlich Leyd einnehmen/ vnd tra- gen/ vber ſolchem betruͤbten Ryß/ da der grim̃ige Todt/ vnter ſie grieffen/ vnd ſo einen anſehenlichen vnd hertz- lieben Commilitonem vnd Schul geſellen/ jhnen von der ſeiten geriſſen/ vnd jhnen dergleichen draͤwet.

Wie ſollen vnſere beruͤmbte Schul-fuͤrſten vnd trew- fleiſſige Præceptores publici nicht jhren Schmertzen offentlich an tag geben: Weil jnen ein ſo hoch vnd tewer Commendirtes gehorſames/ fleiſſiges liebes/ vnd fuͤr- nehmes Schuͤlerlein/ wider verdacht/ in ſo groſſer Eyl/ auß jhrer diſciplin genommen/ vnd offenbar wird/ das jhr Kunſt noch Gunſt/ ſo wenig als Reichthumb oder groß Geſchlecht/ wider den todt jemanden Privilegiren oder auffhalten kan.

Wie ſolten Geiſtlich vnd Weltlich ſtands/ ſamb an- dern Einwohnern/ diß Orts ſich nicht mit betruͤbtem Gemuͤt/ Kleydern vnnd geberden ſehen laſſen/ wann ſie auß Die I. Predigt. auß jhrer Gemein/ das Liebe Kind/ ſollen ſeinen anſehn- lichen Eltern todt zuſchicken/ das ſie Lebendig vnnd ge- ſund von jhnen auff vnd angenom̃en haben/ vnd daſſelbe mit jhrem fleiſſigen Auffſehen/ Warth/ Pflag/ vnd wol- beſtalten Apotecken nicht ein Stund un Leben friſten moͤgen.

Wie billich vnd loͤblich/ ja auch fuͤr Gott annehmlich/ wolgefellig/ Ewre Liebe hieran gehandelt/ das weiſet die Denckwuͤrdige Hiſtoꝛien der betruͤbten vnd anſehnlichen Abfuͤhrung/ des verſtorbenen Patriarchen Jacob auß Egypten ins Land Canaan. Darumb wir auch ferner dieſe anſehnliche Chriſtliche Leich proceſſion mit der- ſelben heyligen Hiſtorien verleſung/ vnd betrachtung ſchmuͤcken wollen/ dabey wir den mercklich ſehen werden/ das es Gott/ vnd ſeiner Kirchen nicht zuwider ſey/ Ob man heyliger vnd fuͤrnehmer Leute todte Leichnam vber Land fuͤhret/ vnd weß ſich ein jeder dabey bedacht ſein erjnnern/ auch tugentſam erzeygen/ vñ verhalten ſollen.

Dieſe Hiſtoria iſt geſchriben Gen. am 50. Vnd lautet alſo.

DA nun die Leyd tage auß waren/ redet Joſeph mit Pharao Geſinde/ vñ ſpꝛach/ hab ich gnade fuͤr euch funden/ ſo redet mit Pharao/ vnd ſprecht/ mein Vater hat einen Eid von mir genommen/ vnd geſagt/ Sihe ich ſterbe/ Begrabe mich in meinem Grabe/ das ich mir im Lande Canaan gegrabẽ habe. So Die I. Predigt. So wil ich nun hinauff ziehen/ vnd meinen Vater begraben/ vnd wider komen. Pharao ſprach/ Zeuch hinauff/ vnnd begrabe deinen Vater/ wie du jhm geſchworen haſt.

Alſo zog Joſeph hinauff/ ſeinen Vater zu begraben/ vnd es zogen mit jhm alle Knechte Pharao/ die Elteſten ſeines Hauſes vnd alle Elteſten des Lands Egypten. Dazu das gantze Geſinde Joſephs/ vnnd ſeine Bruͤder/ vnd das Geſinde ſeines Vaters/ Alleine jhre Kinder/ Schafe vnnd Ochſen lieſſen ſie im Lande Goſen. Vnd zogen auch mit jhm hin- auff Wagen vnd Reyſigen/ vnd war ein faſt groſſes Heer.

Da ſie nu an die Tennen Atad kamen/ die jenſeid dem Jordan ligt/ da hielten ſie ein ſehr groſſe vnd bittere Klage/ Vnd er trug vber ſei- nem Vater Leyde ſieben Tage. Vnd da die Leute im Lande/ die Cananiter/ die Klage bey der Tennen Atad ſahen/ ſprachen ſie/ Die Egypter halten da groſſe Klage/ Daher heiſt man den Ort/ der Egypter klage/ welcher ligt jenſeid dem Jordan.

Vnd ſeine Kinder theten/ wie er jhnen befo- len hatte/ vnd fuͤreten jhn ins Land Canaan/ vnd Die I. LeichPredig. vnd begruben jhn in der zwyfachen Hoͤle des Ackers/ die Abraham erkaufft hatte/ mit dem Acker/ zum Erbbegraͤbniß von Ephron dem Hethiter gegen Mamre.

JNn dieſer Hiſtoria ſind ſonderlich vier Stuͤck verzeichnet/ die von vns ſollen wol erwogen vnd zu aller nuͤtzlicher Lehr accommodirt werden.

Als Erſtlich deducti funeris cauſa impulſiva,1. Warumb Jacob weg gefuͤhret ſey worden.

2. Venia petita, Die erbetene Gunſt.2.

3. Copia inſtructa, Die anſehnliche Maͤnge der3. gefehrten vnd geleyts Leute.

4. Forma gemebunda, Die Klaͤgliche geberden/4. Damit ſolche Leichpredrigt vnnd Proceſſion volzogen worden.

WAs es fuͤrs Erſte anbelanget die vrſach/ wie Joſeph darauff kommen/ das er ſeines lieben Vaters todten Coͤrper/ auß einem Land inn das ander/ Nemlich auß Eaypten inn das verheiſchene Land Ca- naan vber 46 Meylweges fuͤhret/ da zeyget hie Moſes klar an/ das es nicht auß Vorwitz/ oder Hochmut ge- ſchehen/ ſondern auß befehlich/ vnd geheis ſeines Vaters.

Denn als Jacob der Ertzvater ſeine zwoͤlff Soͤhne/ vnd Kinder geſegnet/ einem jedern beſonder Gluͤck von Gott gewuͤnſchet/ vnd erbetten hatte/ vnd nun jtzo die Welt geſegnen ſolte/ ſprach er/ Jch werde verſamlet zu meinem Volck/ (verſtehe in die Himliſche gemeinſchafft/ Bſo Die I. LeichPꝛedigt. ſo viel die Seel belanget) begrabet mich bey meine Vaͤter Abraham/ Sara/ Jſaac.

Wo aber da? inn die Hoͤle auff dem Acker Ephꝛon des Hethiters im Lande Canaan/ die Abꝛaham von dem- ſelben vmb 400 Seckel Silbers Kauffte/ Sare/ jhme/ vnd ſeinen Nachfahren zum Erbbegraͤbnis/ zu Hebron gegen Mamre vber.

Das war nun geſchehen 23 Jahr ehe Jacob geboren/ vnnd er hat 147 Jahr gelebt/ 130 im Lande Canaan. 17 Jahr in Egypten/ darinn er in der Sieben Jaͤhꝛigen Thewrung von Joſeph ſeinem Sohn abgefodert/ vnnd inns Land Goſen geſetzet war/ Wie die gantze Hiſtoria zuſehen iſt/ darumb war dieſes Erbbegraͤbnuͤs/ vor 170 Jahren erkaufft von Abraham/ dahin wil Jacob gefuͤh- ret/ vnd alda begraben werden/ neben ſeinem Vater vñ Groß vater/ vnd ſein Sohn Joſeph muß jme mit einem Eid zuſagen.

Hieraus dann wol erſcheinet/ wie Jacob ſeinen todten Leichnamb nicht Sectiſcher/ oder Hircaniſcher weiſe/ voꝛ die vnvernuͤnfftigen Thiere geworffen/ vnd jhn jrre- verenter Tractiret haben wil/ ſondern als ein geweſene heylige Wonung/ der Seelen/ vnd Tempel des heyligen Geiſtes/ fein Ehrlichen/ wie ein Weitzen Koͤrnlein in die Grufft ſeiner Vorfahren einſencken laſſen/ inn ſolcher Hoffnung/ das er da wider Lebendig herfuͤr gruͤnnen vnd bluͤhen werde.

Hie moͤcht aber jemandt dencken vnd ſagen/ warumb doch Jacob lieber im Lande Canaan/ vnd in ſeines Gꝛoß- vaters Grab habe wollen begraben ſein als in Egypten. Jſt denn ſo viel an dem Land/ oder an der Stadt gelegen/ wo Die I. LeichPredigt. wo man hin begraben wird. Jſt denn nicht ein Ort oder Land/ ſo gut als das ander/ der todte Menſch weiß/ vnd fuͤhlet es ja nicht. So hat man an einem Ort/ ſo nahe in Himmel/ als an dem andern/ wenn die Seel nur wol ge- fahren iſt/ Oder iſt Jacob ſo Hochmuͤtig geweſen/ das er wil was beſonders haben? ꝛc.

Hie iſt zuwiſſen/ das es dem lieben Ertzvater nicht vmb den bloſſen Oꝛt/ viel weniger vmb die elende hoffart zuthuen geweſen/ ſo wenig als nachmal dem Joſeph/ der ſeine gebeine hat in einem Kaſten legen/ vnnd wol ver- wahren/ mit ſonderbahren befehlich/ wenn GOtt die Jſraeliten/ laut ſeiner verheiſchung/ da ausfuͤhꝛen wuͤrde ins gelobte Land/ das man dieſelbige mit hinaus nehmen/ vnd auch inn diß Erbbegraͤbnis neben ſeiner Voraͤltern gebein legen wolten/ Sondern es hat Jacob auß Hoch- wichtigen vrſachen es alſo verordnet/ vnnd Joſeph mit einem Eid darzu verpflicht als ein ſolch Werck/ daran ſehr viel gelegen wehre.

Erſtlich Reytzet jhn darzu Confeſſio fidei, das freyI. offentlich Bekaͤnntnuͤs des Glaubens/ von dem andern Leben/ vnd Himliſchen Vaterland/ deſſen Vorbild das Land Canaan war/ denn hiemit hat er nicht das jrdiſche/ ſondern das ewige Vaterland gemeynet/ darinn er nach der Seel getretten/ Darumb er auch den Leib inn deſſen Vorbilde/ als in dem gelobten Lande wiſſen wil. So be- kennet er ſich hiemit Offentlich/ zu dem Zukuͤnfftigen Meſſia, der in demſelben Lande ſolt geboren werden/ vnd das Werck der Erloͤſung verꝛichten/ darumb wil er in des Meſſiæ Land/ der ſeine Seele in ſeiner Hand hat/ auch ſeinen Leib wiſſen/ auff das er ſeines kuͤnfftigen Todes B ijAuff- Die I. LeichPredigt. Aufferſtehung/ vnd Himmelfart/ auch mit ſeinem Leib/ neben andern genieſſen moͤchte/ wie jhme der H. Geiſt ohne zweyfel Suggeriret, das bey Chriſti Todt auß er- oͤffneten Graͤbern viel Heylige Vaͤter gehen wuͤrden/ vnd vielen erſcheinen vnd mit jhme ſonder zweyfel gegen Himmel fahren wuͤrden/ Matth: 27.

II.Darnach hat jn auch dahin vervꝛſacht die verheiſchung Gottes/ das ſeine Kinder diß Land Erblich beſitzen ſollen/ von ſolcher verheiſchung wil Jacob nicht abtretten/ vnd in Gott kein Mißtrawen ſetzen/ Ob er zwar ins frembde Land muͤſſe wandern/ vnnd darinnen ſterben/ dann es wuͤrde gewiß an ſeinen Nachfahrẽ erfuͤllet werden/ wolte derhalben ſeinen Leichnamb/ als zum gewiſſen Vnter- pfandt vnter deſſen darein legen laſſen.

III.Darumb er auch in ſeiner Kinder hertz/ hiemit wollen das gewiſſe vertrawen erwecken/ das ſie gantz vnd gar nicht daran zweyfeln ſollen/ wie vbel es ſich anließ/ vnd ob ſie noch ein lange zeit inn Egyptenland wuͤrden bley- den muͤſſen.

IV.Endlich es Jacob auch wegen der Egypter/ das ſie ſollen bey dieſer ſeines Leibes abfuͤhrung in ſich ſchlagen/ vnd dencken: Leſt der Heylige Mann ſeine Gebeine zu Land ausfuͤhren/ vnd traͤget gleichſam eine abſchew/ bey vnd neben vns in der Erde zuliegen/ ſo muß er gewiß/ vns ſamb vnſer Religion/ fuͤr verdampte Leute/ ſich aber ſamb der Religion der ſeinigen fuͤr Selig achten/ darumb wir zu jhme tretten/ dannenher ohne zweyfel/ viel auff der Reyſe/ vnnd vber dem Geleyt bekehret worden ſein/ wie deñ der 105 Pſalm andeutet/ da klar geſchꝛiben ſtehet/ Das Joſeph die Fuͤrſten Pharaonis habe vnterweiſet nach Die I. LeichPredigt. nach ſeiner weiſe/ vnd die Elteſten weisheit gelehret. Es lehret vns aber der Heylige Ertzvater alhier mit ſeines Leibes/ veroꝛdneter beſchickung ins heylige Land/ ſonder- lich drey wichtige ſtuͤck.

Als Erſtlich/ das es mit dem Menſchen im Tode1. nicht gar auß ſey/ Was wuͤrde man ſich ſonſt vmb den Leib faſt zu bekuͤmmern haben/ wenn Leib vnd Seel auff einmal zugleich auff gieng?

Zum andern/ Das vmb der Hoffnung willen/ eines2. andern beſſern Lebens/ vnnd wegen allgemeiner Auffer- ſtehung/ man der jenigen Leichnamb/ die ſolchen Glau- ben haben/ ehrlich beſchicken/ vnd verhuͤllen ſolle.

Vnd denn zum dritten/ Das es nicht wider Gott/3. Glauben oder Gewiſſen/ oder Chriſtliche Liebe ſey/ da jemandes Coͤrper auß erheblichen vrſachen von einem Ort zum andern gefuͤhret wird/ wann nur ſolches nicht auß Aberglauben/ oder vbriger PraehtPracht/ (die ſonderlich bey den Todten ſol vermieden werden) geſchiehet/ vnnd alſo wird nicht vnbillich/ dieſes Jungen verblichenen Herꝛn Coͤꝛper von ſeinen Eltern abgeholet/ das er in ſein Erbbegraͤbnis geleget/ vnd alda mit ſeinen Vaͤtern/ der allgemeinen Aufferſtehung/ moͤge gewertig ſein/ aber hievon weiter zu reden iſt diſes orts nicht.

Dann wir muͤſſen nun auch des andern ſtuͤcks nichtII. vergeſſen. Als die erbotene Gunſt/ wegen der verordne- ten abfuͤhrung Jacobs.

Es wil Joſeph nicht in ſalutato Rege, hinter des Koͤnigs vorwiſſen/ vnd genediger zulaſſung/ ſeines Va- ters begehren/ zu Werck richten/ Ob es wol an jhm ſelbs Ruͤhmlich/ vnnd Chriſtlich war/ vnnd er es mit einem Eyd zugeſagt hatte.

B iijWil Die I. LeichPredigt.

Wil aber gleichwol auch in ſeinem Trawerkleid vnd betruͤbten Gemuͤt/ vnd Geſichte nicht ſelbs vor den Koͤ- nig tretten/ darumb leſt er es durch andere antragen/ vnd vmb gnediges zulaſſung bitten: Leſt auch dem Koͤ- nige vermelden/ die formalia Verba ſeines Vaters/ vnd den Eid/ welchen er dem Vater geſchworen hat.

Ja damit auch der Koͤnig nicht ein Suſpition er- ſchoͤpffte/ vnd jrgend/ ein Mißtrawen in Joſeph ſtellet/ als wolte er vnter dem Schein des Begraͤbnuͤs ſeines Vaters eine gelegenheit ſuchen/ ſich auß dem Lande/ mit ſeinen Bruͤdern zumachen/ weil ſie nun außgefretzet/ der Hunger/ vnnd Thewer zeit im Lande Canaan auff ge- hoͤret/ vnd beſſere zeit worden.

So leſt er bald im antrage/ das mit anhengen/ das er nach verꝛichter Leichbegaͤngnuͤß wolte wider kommen/ in ſeinen Stand vnd Beruff wider eintretten. Darauff weiſet Joſeph zwo ſchoͤne noͤtige/ vnnd merckhafftige Hoffthugenden/ die eine iſt vorſichtigkeit/ vnd bedacht- ſamkeit/ das er in Luctu vmb betruͤbten angeſicht/ vnd der Trawer Kleydung ſeinen Herꝛn den Koͤnig nicht wil anſchawen vnd allen verdacht/ der abtruͤnnigkeit fein abgemahlet.

2.Die ander iſt tieffe Demut/ das er den Koͤnig vmb Gunſt bittet/ vnnd ohn ſein vorwiſſen/ vnd genedigen Cõſens, weder ſelbs verꝛucken noch den Vater von des Koͤnigs grund/ vnd boden wegfuͤhren wil.

Wie Loͤblich aber Joſeph mit dieſen zweyen/ Tugen- den dem Koͤnig entgegen gehet/ alſo begegnet jm der Koͤ- nig widerumb gantz Loͤblich/ gleich als ſtritten ſie mit einander/ welcher den andern mit Tugendt vberwinden moͤchte.

Den Die I. LeichPredigt.

Denn da leſt der Koͤnig leuchten viel ſchoͤne Tugen- den/ als erſtlich pietatem religioſam, in dem er ſich ſo genedig Reſolvirt/ das er den Eid/ welchen Joſeph ſei- nem Vater/ geſchworen hatte/ religioſe wil gehalten haben.

Darnach auch ſummam humanitatem die hoͤchſte2. Freundligkeit/ in dem er auff beſchehen anbringen/ vnd anmutung Joſephs nicht lang difficultiret, cunctiret oder heimlichen Rath helt/ vnd mit ſeinen Raͤthen es inn argwohn zeucht/ ob man nicht durch diß mittel von Hof/ vnd auß dem Land ſich entbrechen moͤcht/ ja es vor einen deſpect auffnimpt/ zur verkleinerung ſeines Reichs/ vnd Vnterthanen/ als hielte man die nicht werth/ das ſie ſich nicht wolten laſſen vnter jhnen begraben laſſen.

Aber Nein der keines ſpuͤret man nicht hie am Koͤnige er conſentiret bald/ vnd leſt Joſeph ſagen/ zeuch hin/ vnd begrabe deinen Vater/ wie du jhme geſchworen haſt.

So ſihet man auch an dieſem Pharaone, ſanctam Reverentiam prudentiam, & beneficentiam, da- mit ſolche Leichproceſſion/ vnd letzter Ehrendienſt/ deſto anſehnlicher/ vnd ohn weniger gefahr/ moͤchte verꝛichtet werden/ ſo gibt er vngebeten auß eygnem bewegnuͤs der Leiche ein Reyſigen zeug/ den Kern vnnd Ausſchus auß dem gantzen Land Egypten zu/ vngeacht/ was da fuͤr vnkoſten/ wuͤrden auffgehen/ oder was andere wuͤrden darzu ſagen/ das mag ja ein rechter/ fromer Koͤnig ſein.

Nun bey dieſer außgebetenen Gunſt/ haben wir einen feinen Ehrenſpiegel/ nicht allein eines Trewen/ vnnd Ehrenhafften Hoffedieners an Joſeph/ der/ der groſſen Hofgunſt nicht misbrauchen/ noch etwas vorfenglichs hinter Die I. LeichPredigt. hinter ſeines Herrn vorwiſſen vnnd zulaſſen vornehmen wil/ vnd bey groſſer Gewalt/ demuͤtig ſein kan/ welches den Joab/ Achitopel, Haman, Belliſſario, dem Tuͤrckiſchen Baſſa, Athemati, vnd noch manchẽ hohen Mann fehlet/ die ſich ſelbſt durch Hochmut ſtuͤrtzen/ weil ſie vergeſſen/ was weislich geſagt wird/ Fortunã reve- renter habe, ꝛc. Sondern wir pꝛuͤfen auch ein Exempel eines loͤblichen Koͤnigs/ vnnd Regenten/ der vber Eyd/ vnnd Gewiſſen/ nicht allein ſein ſelbſt/ ſondern auch/ der Vnterthanen/ dazu vber ſeinen trewen Dienern/ vnnd den jhrigen/ bevor aber den Gottes dienſt/ vnnd Chriſt- lichen Ceremonien/ auch beſchuͤtzung Chriſtlicher todten feſt vnd ſteiff halten kan/ vnnd ſeinen lieben trewen Die- nern/ vnd den jhrigen/ all Gnad vnnd Ehr erzeyget/ die Religion jhnen vngejrꝛet leſt/ ja wahre Religion vnnd Gottes dienſt ehret/ voꝛehret vnd zieret/ nicht allein im Leben/ ſondern auch im Tode.

Sehr thewer ſind jtzt ſolche Tugenden zu Hofe/ bey- des an Herꝛn/ vnnd jhren Dienern/ aber die ſtehen noch heute ſo wol/ vnd haben jhr Lob/ vnd Segen/ als zu jener zeit/ wo man ſich derer nur befleiſſet.

III.

NVn laſſet vns fuͤrs dritte auch beſichtigen die anſehnliche Proceſſion der geleyts Leute/ derer werden nun etliche Sorten erzehlet.

I.Etliche ſindt die Ehren halben mit ziehen/ als dem lieben Joſeph/ dem Wolverdienten Landvater/ vnnd Wolverordneten Reichsfuͤrſten/ vnd ſeinem inn Gott- ruhenden Vater/ zu ſonderbaren ehren vnd groſſem ge- fallen.

Vnter Die I. LeichPredigt.

Vnter ſolchem Hauffen ſind alhie die Knechte Pha- raonis/ die Elteſten ſeines Hauſes/ vñ die Elteſten ſeines Landes Egyptj: Das iſt der vornemſte Ausſchus des gantzen Landes Egyptj geweſen/ die Zeugen/ das jhnen der Gottſelige Patriach Jacob/ ein lieber/ thewrer/ vnd groſſer Mann geweſen.

Darnach find die es Liebshalben thun/ als ſeine zwoͤlffII. Soͤhne mit jhren Kindern/ vnnd Knechten/ auch das Geſinde Joſephs/ die beweiſen die Natuͤrliche liebe/ dem verſtorbenen Vater/ Grosvater/ vnd Hausherꝛn.

Andere thun es Fron vnnd Nothalben/ doch gantzIII. willig/ als Pharaonis zugeoꝛdnete Waͤgen/ vnd Rey- ſige/ die ziehen auch mit/ das ſie die Leydtragenden be- ſchuͤtzen/ das ſie von niemanden/ ſonderlich weil ſie vber Gebirge/ Heyden der Jſraeliten ziehen muͤſten/ ange- taſtet/ noch bejrꝛet werden.

Hiemit wird offenbar/ die Wunderbahre ſchickung Gottes/ wer Gott trewlich im leben dienet/ den ehret Gott/ vnnd frome Hertzen im Tode/ denn es muß doch wahr bleyben was Gott ſaget/ Glorificantes me glo- rificabo, wer mich ehret/ den wil ich wider ehren.

Es iſt ein groß Wunder/ weil die Egypter ein grewel/ an den Khuͤhirten gehabt/ das ſie dieſen alten Jſraeliten/ die ſich des Viehs genehret/ ſo viel ehr anthun. Aber wehn Gott ehren wil/ dem kan er auch bey Feinden vnd Freunden anſehen/ vnd Gunſt erwecken.

Vnnd alſo ehret GOtt dieſen Jungen Herrn/ mit ſolcher anſehnlicher Leichproceſſion/ weil er Gott/ ſein Wort/ vnd deſſen Diener/ nachmals auch ſeine Loͤbliche Eltern/ vnnd wolverdienete Zuchtmeyſter geehret/ vnd Cbillich Die I. LeichPredigt. billich Reſpectirt, zum Troſt allen Ehren kindern.

II.Hiebey mercken Ewer Liebe/ was Lieb/ Ehr/ Gunſt/ Genad/ vnd gut vornehmen kan/ vnd vermag/ wie man alles damit heben/ vnnd legen kan/ drumb man ſich nur gegen Freunden/ vnd Feinden/ Hohen vnnd Nidrigen/ drauſſen/ vnd daheim wol verhalten ſol/ So kan man vberal auß/ durch vnd fort kommen/ in allem guten Ehr- lichen fuͤrnehmen.

III.Sonderlich ſol man von dieſer anſehnlichen menge der Egypter lernen/ wie man auch an den Todten ehr/ vnnd wolthat beweiſen ſol. Sie ſein Reich oder Arm/ Einheimiſch oder Auslaͤndiſch/ zumal was Gott ſeiner Kirchen/ den Regimenten/ vnd andern Emptern nuͤtz- lich vnd wol gedienet hat.

Vnnd alſo haben E. L. billich hieran gethan/ das ſie dieſem Auslaͤndiſchen Jungen Herꝛn/ in groſſer anzahl/ ſeinen Hochberuͤmbten Eltern zu troſt/ dem verſtorbenen Jungen Herꝛn/ vnd gantzen Fuͤrſtlichen Gymnaſio zu ſondern ehren/ biß anhero/ So guͤnſtig/ vnnd ehrlich be- leytet/ vnd hiemit offentlich ewer Liebreiches vnnd Mit- leydendes hertz/ gegen die betruͤbten/ vnnd auch ewren Glauben gegen Gott/ wegen der allgemeinen Aufferſte- hung/ vnd vnſers Leibes erloͤſung/ auch freydiger wider- zuſamenkunfft/ vnnd verſamlung im Reich Gottes/ die wir hie ein kleine zeit nach Gottes willen/ mit Trawig- keit/ von einander geſchieden werden/ klar genug an tag gegeben.

IIII.

IV.ANreichende die Letzte Clauſel/ Der Leich- begaͤngnuͤs Jacobs/ ſo wird auch hiemit Ruͤhmlich gemeldet/ Die I. LeichPredig. gemeldet/ mit was trawrigen geberden man die anſehn- liche heylige Leiche/ auß Egypten ins Land Canaan be- gleytet habe/ Da ſollen vnſere leichtſinnige Leut ſich ins Angeſicht ſchaͤmen/ da man offt auch vnter der Leich- proceſſion groſſer Leute/ vnd Blutsverwanten jubiliret/ tolliſiret/ vnnd ſchwermet/ vnnd nicht ein aͤuglein naß machet/ oder nur ein Huͤtlein trawren lieſe. Denn dieſe Egypter halten nicht allein vber dem verſtorbenen Ertz- vater zu Hauſe Siebentzig trawriger Tage/ (iſt gantzer 10 Wochen geweſen) Sondern auch vnter weges traw- ren ſie/ ſonderlich da ſie vber die Landgraͤntze ins Land Canaan kommen/ da halten ſie ſtille/ vnd fahen ein ſolch weynen an/ das ſich die Einwohner des Landes verwun- dern/ was jhnen muͤſte geſchehen ſein/ Alſo das dem Ort bey der Tennen/ Doͤrfflein/ oder Staͤdtlein Atad/ der Nahme beklieben/ vnd fuͤrder der Egypter klage genen- net worden iſt.

Sonderlich/ hat Joſeph alda ein ſonderlich Leyd ge- ſtellet/ vnd wie er zur Zugabe/ Sieben tage alda getraw- ret/ vielleich im Sacke vnd in der Aſchen ſitzende: Da/ da wird er den Egyptern die vrſach des Todes/ dem auch heylige Leute muͤſſen vberbuͤrken/ recht außgelegt haben/ als Adæ fall/ die Krafft der Suͤnden/ die Macht des Todes/ vnd nicht allein des zeitlichen/ ſondern auch des Ewigen/ wo man ſich dem HERRN Chriſto nicht er- gibt/ vnd vertrawet/ im leben vnd ſterben/ welcher in dem Lande/ vnd von dieſem Hauſe vnnd Geſchlecht Jacob/ ſolte geboren werden.

Da wird ein ſolche Trawrigkeit geweſen ſein/ die da niemanden gerewet hat/ da hat keiner geſagt/ was iſt deñ ſo viel Die I. LeichPredigt. ſo viel/ an einem alten Greis gelegen. Wem wer er mehꝛ nuͤtze geweſen. Als das er gegruntzet/ den ſtul gedrucket/ vnd den Offen gekuͤſſet. Nein/ Nein/ ſondern ſie habens auß erfahrung gelernet/ das auff ſolcher Leute todt/ groſſe vnd ploͤtzliche veraͤnderung folgen/ Ja das Land zittere/ wenn die Landſeulen weg geriſſen werden/ drumb betruͤben ſie ſich/ vnd ehren jhn vmb deß willen/ der von ſeinem Samen kommen ſol/ vnnd die Todten huͤlle von vns allen wegnehmen wird/ wenn die Sieben lange tage/ vnſers Leydes/ vnd Trawrigkeit auß werden ſein/ vnnd der Achte tag/ der rechte Sabbath/ vnd Ruhe tag/ am Reich Gottes angehen wird/ wie denn Joſeph mit den Sieben tagen/ vnnd die Egypter mit den Siebentzig tagen/ auff den ewigen Ruhetag ſollen geſehen haben. Drumb wir von dieſer Egypter/ vnd Jſraeliten Tꝛawer- tag/ die ſie auch im gelobten Land gehabt haben/ lernen ſollen/ wie wir groſſe Leute/ bevor vnſer liebe Eltern/ Re- genten/ Lehrer/ vnd andere Chriſtliche hertzen beweynen ſollen/ weil gemeiniglich auff jhren Todt/ gefaͤhrliche veraͤnderungen/ vnd grewliche zerꝛuͤttungen folgen.

Vnd alſo ſollen wir dieſen ſonderbahren Ploͤtzlichen/ doch Seligen todes fall/ dieſes Jungen Herꝛn nicht oben hinan ſetzen/ vnd beweynen als einen gemeinen fall/ oder einen ſolchen Ryß/ der forte fortuna geſchehen/ denn denſelben Gott wol daheime/ bey ſeinen Eltern/ da er vor einer Wochen oder etliche Kranck gelegen/ hette abfo- dern koͤnnen/ ſondern er hat jhn vns zum Brieg durch ſeine Eltern/ wider zuſchicken laſſen/ vnd ſein Todes fall alhero beſtelt/ das er ein zeichen ſein ſolle.

Erſtlich Die I. LeichPredigt.

Erſtlich im Stadtzeichen/ das wir vns bey dieſem Signo erjnnern ſollen/ das was geſchriben ſtehet/ wir haben hie kein bleybende ſtelle/ ſondern die Zukuͤnfftige ſuchen wir/ Denn ſonſt bleybe dieſes Adeliche geborne Blut/ auch bey vns/ vnd duͤrffte dieſes abfuͤhrens nicht/ ſo wir alhie eine bleybende ſtatt hetten/ warumb lieben wir denn das ſo ſehr/ was wir alhier haben/ vnd vorſuͤndigẽ vns deſſen- halben/ das wir doch andern laſſen muͤſſen/ wir werden alle ſo wol Raͤumen muͤſſen/ als dieſes Junge Blut. Warumb ſuchen wir nicht futuram Civitatem das Himliſche Jeruſalem/ vnd Reich Gottes/ da kein Todt noch Kranckheit/ leyd oder geſchrey/ Armut/ Not/ noch Jammer ſein wird.

O laſt vns mit dem Ertzvater Jacob/ das Ewige Vaterland ſuchen/ da iſt vnſer Burgerſchafft/ vnd beſter Schatz. Darnach iſt auch ein Schulzeichen/ als dz vnſer Fuͤrſtliches Gymnaſium ſeu ſeminarium nõ Eſa vi- ticum, Baaliticum & Phariſaicum, ſed Prophe- ticum, Heyliges vnd Seliges Pflantzgaͤrtlein Gottes/ da Gottes furcht/ ware reine Religion/ Glaube/ Heylig- keit/ ja Himmels pflantzen/ gezeuget worden/ nach der verheiſchung Gottes/ Eſa. 60. Dein volck ſol ſein als der Zweyg meiner Pflantzung/ Vnd 51. Cap. Sihe ich leg mein wort in deinen Mund/ das ich den Himel pflantze.

Darumb wie man die Jungen Pflaͤntzlein pfleget auszuheben/ vnnd anders wohin zuſetzen/ Alſo handelt Gott der Himliſche Gaͤrtner mit den liebẽ Schulpflaͤntz- lein/ vnd transferiret/ ſie in den Himliſchen Paradiß Garten/ weil ſie Gott wol gefallen/ vnnd jhm lieb ſein/ damit kein boͤſer Wind der Bosheit/ jhren verſtand ver- C iijkehre/ Die I. LeichPredigt. kehre/ noch jrgendt ein ſchaͤdlicher Muͤlthaw jhre Seel betruͤge/ oder auch die groſſe vmbreiſſende Flut der boͤſen Exempel/ ſie verterbe/ oder die brennende Sonne/ vnnd Hitze/ der Reitzenden luſt in jhren vnſchuldigen hertzen/ Glauben vnd Liebe außdoͤrꝛe/ vnd zu nicht mache.

Vnnd gleich wie geſchach/ da die zween fuͤrtreffliche Maͤnner/ Gottes inn Jſrael/ der Prophet Elias vnd Eliſeus des Propheten Schuͤler/ zu Gilgal/ Bethel/ Hiericho/ vnnd anderſtwo mehr anrichteten/ vnnd jhꝛe Propheten Schuͤller/ auch lehreten weiſſagen/ So greifft Gott in jhr Schul/ vnd nam vnverſehens jhren Epiſcopum oder Hochgelaͤrten Rectorem den Eliam auff einem Fewrigen wagen hinweg/ vnnd fuͤhret jhn Lebendig/ vñ Augenſcheinlich in Him̃el/ zur anzeygung/ das dieſelbige Schul/ die Elias auffgericht hette ein rech- te Gottes ſchul were/ vnd wer ſeiner Lehr folgete/ vnd darbey biß ans ende beharrete/ das er wird gewiß/ ſeinem Schulmeiſter/ ſtracks/ richtiges weges nachfahren/ vnd gleiche Seeligkeit zu gewarten haben.

Eben alſo hat der Hochweiſe Gott auß vnſerer Fuͤrſt- lichen Schul/ dieſen anſehnlichen Schuͤller/ außgehabẽ/ vnd in ſeinen Himliſchen Pflantz-garten verſetzt/ das er in den Vorhoͤfen/ des Hauſes Gottes gruͤne/ vnd bluͤhe Ewiglich.

Vnnd zum dritten/ auch darumb/ das er nun auch ferner ein Zoꝛnzeichẽ ſey/ den boͤſen vngerathenen leicht- fertigen Schuͤllern/ die keine oder kleine luſt/ zur Theo- logia vnd Gottſeligkeit/ kleine oder keine Reverentz vnd Ehrerbietung/ gegen jhre Lehrmeyſter/ in Geiſtlicher/ oder Philoſophiſcher lehr/ keinen oder kleinen Gehorſam Tugent/ Die I. LeichPredigt. Tugendt/ vnd Zucht von ſich leuchten/ ſondern viel mehꝛ nur Religion ſpoͤtterey/ vnnd lauter Vntugendt mehr denn zuviel von ſich blicken/ vnd ſcheynen laſſen/ darumb ſie hiemit gewarnet ſein.Das jhnen Gott das Ziel wil verꝛuͤcken/ vnd jhn jhre Bosheit/ auff jhren Kopff beza- len woͤlle/ eben wie bald nach Eliæ ſeliger Heimholung 42. Schulknaben zu Bethel die Eliſæum, Eliæ trewen Collegã jhren lieben Schulmeyſter ſpotteten/ vnd Zu- nahmeten/ von zweyen Baͤren zuriſſen worden/ wo auch nicht jhꝛe Boshafftige ſeelen/ dem Helliſchen Baͤrwolffe dem Teuffel inn ſeinen Fewergluͤenden Rachen anheim gediegen ſind/ denn wenn Gott ſeine Gerichte an ſeinem Hauſe erſtlich angefangen/ vnd geuͤbet hat/ vnd ſeinem Liebſten auß dem Zoꝛnbecher ein wenig geſchencket/ ſo muͤſſen denn die Gottloſen/ die Hefen ausſauffen/ vnd wenn der Fꝛome kaum erhalten wird/ wo wil der Gottloſe bleyben?

Endlich iſt dieſer ſeliger Todesfall auch ein Troſt- zeichen/ das Gott frome Schul Engelein die ſich Gott/ ſein Wort/ vnd Geiſt/ vnd wolverordnete Zuchtmeyſter zu allem guten ziehẽ/ vnd anweiſen laſſen/ die lenge nicht in pulveribus ſcholaſticis ſitzen/ vnnd miſerias ſchmeltzen laſſen wolle/ ſondern zu Himliſchen Docto- ribus machen/ vnnd mit voͤlliger Weisheit/ Verſtand/ vnd vnausſprechlicher klarheit/ vnd herꝛligkeit/ verklaͤren wolle/ nach dem Spruch Dan. 12. Docti fulgebunt, quaſi Stellæ, &ç. Diß erkandte vnd glaͤubete feſtiglich/ jenes Adeliche Junge Tapffere Blut/ das vngefehr vor 9 Jahren/ bey dieſer Fuͤrſtlichen ſchul/ auff verordnung der ſeinen fleiſſig vnd wol ſtudieret/ vnd von dannen nach Jena Die I. LeichPꝛedigt. Jena/ ſeine ſtudia daſelbſt zu Cõtinuiren, verſchicket war/ denn da derſelbe Adeliche Juͤngling auch wider ver- hoffen inn Todes angſt fiel/ vnnd auch deſſelben Laͤgers ſtarb/ vnnd aber von ſeinem Herren Præceptor bey ſei- nem ende gefraget war/ wie er doch ſeinen Todt/ ſeinem lieben Herꝛen Vater ſchreiben ſolt/ was er doch fuͤr- wenden ſolte/ da ſagte er/ ſchreibet meinem Herꝛn Vater diß/ wiſſet jhr nicht/ das ich ſein muß in dem/ das meines Vaters iſt.

Dieſer Adeliche Student hatte ja ſeine Evangelia wol ſtudiret/ war wol zur Kirchen/ vñ Schul gegangen/ vnd kundte mit einem einigen Spruͤchlein/ ſehr artlich/ vnd kraͤfftig beyde ſein ſterben/ vnd auchd er Hochbetruͤb- ten Eltern hertz troͤſten/ weiſete auch den rechten finem ſtudiorum/ warauff/ vnnd wozu man ſtudiren ſolte/ nicht das man inn Keyſer/ Koͤnige/ vnd Fuͤrſten Heuſer dienen/ oder es andern gleich thun koͤnne/ oder allein in Kirch vnd Schulhaͤuſern/ der gemeine Gottes wol fuͤr- ſtehen/ ſondern das man auch inn Gottes Himliſchen Hauſe/ droben fuͤr dem HErrn ewig moͤchte ſtehen/ vnd bleyben/ Regiren vnd Herꝛſchen.

Da da/ wird allererſt heyligen Schuͤlern/ die jhren Conſorten mit Froͤmigkeit/ Heyligkeit/ Fleis vnnd Tu- gent/ wie Joſeph/ Daniel/ Paulus/ es weit bevor gethan/ das rechte Himliſche Ehrenkleid/ vñ die æterna laurea, die vnverwelckliche vnd vnvergaͤnliche Ehren Eron der Gerechtigkeit mitgetheylt vnnd auffgeſetzt worden.

Darumb auch kein zweyfel/ wenn dieſer Junge Herr/ were in ſeinem letzten Todes ſeufftzer/ deshalben befragt worden/ oder jtzt auß dieſem Sarckh vns ſolte anreden/ ſo wuͤrde Die I. LeichPredigt. ſo wuͤrde er ſagen/ jhr liebſte Eltern/ bishero bin ich inn ewren Jrꝛdiſchen Haͤuſern vnd Schulen geboren/ erzo- gen/ gelehrt/ ernehret worden/ aber nun muß ich auch in meines Vaters Hauſe ſein/ da iſt mein Patrimonium, da iſt mein Ewige ſchul/ da wil ich ewer warten biß jhr zu mir kom̃et/ non pereo, ſed præeo vobis. Jhr liebſten Schul vnnd Tiſchgeſellen/ biß her hab ich vnter euch/ Freundlich vnnd Friedlich gewohnet/ hette auch gerne lenger mit vnnd neben euch ſtudiret/ vnnd Gott auff der Welt gedienet/ wann es meines Gottes wille geweſen were/ aber Gott promovirt mich in einen andern Ort der hoͤher iſt/ da ich jhn vnter den Engeln Loben vnnd Preiſen ſol/ da wil ich ewer warten/ biß jhr auch anhero gelanget.

Darumb ſtudiret das H. Evangelium/ vnnd ewren Cathechiſmum/ beyneben gute Kuͤnſte vnd Sprachen/ nur gar wol vnd fleiſſig/ vnd ehret Gott/ ſein Wort vnd Diener vnd alle denen jhꝛ ehꝛ vnd gehoꝛſam ſchuldig ſeid/ Liebet die H. Schrifft/ vnnd verhoͤnet ſie nicht/ ja geht nach dem Glauben vñ Heyligkeit/ liebet nicht die Welt/ meydet die Luͤſte der Jugent/ ſuchet vnd foͤdert Gottes Ehr/ vnd ſtreitet fuͤr dieſelbe/ ſo wird er euch wider ehꝛen/ vnd fuͤr euch ſtreiten/ vñ wir wollen in Collegio Ange- lico, & ſuper menſam Domini Rivales & Com- menſales Himliſche Tiſch vnnd Reichsgenoſſen ſein/ vnd fuͤr vnſerm HErrn Chriſto/ vnd ſeinem Vater/ in vnausſprechlicher frewd/ vnd vnverwelcklicher Klarheit/ vnd Ewigwerender Seligkeit wider zuſamen kommen/ Leben vnd Herꝛſchen ewiglich.

DO Das Die I. LeichPredigt.

O Das verleihe nun jhme vnd vns allen/ O JEſu Chriſte/ du Fuͤrſt vnnd Hertzog des Ewigen lebens/ vnd troͤſte die Hochbetruͤbte Eltern/ vnd Anſehn- liche Freundſchafft/ gelobet mit deinem Vater vnd Heyligem Geiſt inn alle Ewigkeit/ Amen.

Folget die II. LeichPredigt:

Gehalten bey der Volckreichen beſtattung des Obgemelten Jungen Herrens/ Als ſein verſtorbener Coͤrper inn ſein Ruhebettlein inn der Pfarkirchen zur Freyſtadt beygeſatzet/ ꝛc.

Paraſceve Concionis.

GOtt der da Reich iſt von Barmhertzig- keit/ vber alle die jhn anruffen/ ſey heut vñ allezeit mit ſeinem Troſt/ vnd H. Geiſt/ bey den Leydtragenden Eltern/ wie auch bey allen bekuͤmmerten Hertzen/ vnd Matt. 8.vorgewiſſere ſeine Verheiſſung an jhnen: Seelig ſind die da Leyd tragen/ Sie ſollen getroͤſtet werden/ ꝛc.

L. F. Chriſti/ Es hat der Weiſe Mann Salomon inn ſeinem Eccleſiaſte oder inn ſeiner Kirchen Poſtil/ Cap. 9. ꝟ. 12. Dieſen denckwuͤrdigen Spruch hinterſich gelaſſen; Der Menſch weiß ſeine zeit nicht/ ſondern wie die Fiſche gefangen werdẽ mit einem ſchaͤdlichen Ham̃en/ vnd wie die Vogel mit einem Strick gefangen werden; Alſo Die II. LeichPꝛedigt. Alſo werden auch die Menſchen beruͤckt/ zur boͤſen zeit/ wenn ſie Ploͤtzlich vber ſie fellet.

Hierinnen erjnnert er vns Zweyerley.

Der Vngewisheit vnnd Vnbeſtaͤndigkeit vnſers Le-1. bens/ in dem Er ſpricht; Neſcit homo tempus ſuum, Ob zwar allen Menſchen ein gewiß Zielmaß des Lebens vnd Todes von Gott dem HERREN verordnet iſt/ wie weit ſich daſſelbe erſtrecken ſol: So hat er doch ſolch Zielmaß keinem Menſchen geoffenbaret/ ſondern ſeiner Weisheit vnd Allmacht voꝛbehalten.

So zeyget vns auch der Weiſe Mann Salomon an2. die groſſe gefahr/ darinnen wir alle Augenblick ſchweben vnd ſtecken. Denn zu deme/ das wir ſterbliche Menſchen ſind/ vnd wiſſen die ſtund vnnd zeit vnſers letzten endes nicht/ vnnd muͤſſen vmb deß willen alle Augenblick/ ge- warten/ wenn vns der Todt angreiffe. So tragen ſich auch offte mit vns jaͤhlinge vnd vnvoꝛſehene faͤlle zu/ das wir in einer oder ja wenig ſtunden/ Lebend vnd todt ſind/ wie denn dieſem vnſerm nunmehr inn GOtt ruhendenErat 11 octob. h. 9. ante meridiẽ. Jungen Herren/ Herren Chriſtoff Czigan/ Geſtern 3 Wochen zum Brieg auch geſchehen iſt/ welcher den 11 October vmb 9 an der halben Vhr/ vor Mittag nach Gottes willen/ vnterm Gebet/ in Hertzlicher anruffung Gottes/ mit Tode verblichen iſt/ deſſen Seele allreit zum Ewigen leben iſt eingangẽ/ der Coͤrper aber ſol zur ſanff- ten ruhe/ in das/ von ſeinem Herrn Vatern/ new erbaw- tes Schlaffkaͤmmerlein/ eingeſetzt werden/ der Todten Aufferſtehung zuwarten. Bey dieſem Trawrigen Be- gaͤngnuͤß/ damit nun etwas Lehrhafftiges vnd Troſt- D ijreiches Die II. LeichPredigt. reiches auß Gottes Wort fuͤrgetragen/ vnnd angehoͤret werden/ Woͤllen wir Gott bitten vmb ſeine Goͤttliche Gnade vnnd Beyſtand mit einem Andaͤchtigen/ Pater noſter, &ç.

TEXT. Pſalm. 31. HERR auff dich trawe ich/ Laß mich nim̃ermehr zu ſchanden werden/ erꝛette mich durch deine Gerechtigkeit. Neige deine Ohren zu mir/ eylend hilff mir/ Sey mir ein ſtarcker Felß/ vnd eine Burg das du mir helffeſt. Denn du biſt mein Felß vnd meine Burg/ vñ vmb deines Namens willen wolteſtu mich leiten vnd fuͤhren. Du wolteſt mich auß dem Netze ziehen/ das ſie mir geſtellet haben/ Denn du biſt mei- ne ſterck. Jn deine Hende befehle ich meinen Geiſt/ Du haſt mich erloͤſet/ HErr du trewer Gott. Jch haſſe die da halten auff loſe Lehre/ ich hoff aber auff den HErrn. Jch frewe mich vnnd bin froͤlich vber deiner Guͤte/ das du mein elend anſiheſt/ vnd er- kenneſt meine Seele in der noth. Vnd Die II. LeichPredigt. Vnnd vbergibeſt mich nicht in die Hende des Feindes/ du ſtelleſt meine Fuͤſſe auff wei- ten raum. HERR/ ſey mir gnedig/ denn mir iſt angſt/ meine Geſtalt iſt verfallen fuͤr trawren/ darzu meine Seele vnd mein Bauch. Denn mein Leben hat abgenommen fuͤr truͤb- nis/ vnnd meine Krafft iſt verfallen fuͤr meiner Miſſethat/ vnd meine Gebein ſind verſchmacht. Es gehet mir ſo vbel/ das ich bin eine groſſe ſchmach worden meinen Nachbahren/ vnd eine ſchew meinen verwanthen/ die mich ſehẽ auff der Gaſſen/ fliehen fuͤr mir. Mein iſt vergeſſen im hertzen/ wie eines todtẽ/ Jch bin worden wie ein zerbꝛochen Gefeß. Denn viel ſchelten mich vbel/ das jederman ſich fuͤr mir ſchewet/ ſie rathſchlagen mit einander vber mich/ vnd dencken mir das Leben zu nehmen. Jch aber HErr hoff auff dich/ vnd ſpreche/ du biſt mein Gott. Meine zeit ſtehet in deinen Hendẽ/ erꝛette mich von der Hand meiner Feinde/ vnd von de- nen/ die mich verfolgen. D iijLaß Die II. LeichPredigt. Laß leuchten dein Andlitz vber deinen Knecht/ hilff mir durch deine Guͤte. HErꝛ laß mich nicht zu ſchanden werden/ denn ich ruffe dich an/ die Gottloſen muͤſſen zu ſchanden vnd geſchweiget werden/ in der Helle. Verſtummen muͤſſen falſche Maͤuler/ die da reden wider den Gerechten/ ſteiff/ ſtoltz vnd hoͤniſch. WJE groß iſt deine Guͤte/ die du verborgen haſt/ Denen/ die dich fuͤrchten/ vnd erzey- geſts denen/ die fuͤr den Leuten auff dich trawen. Du verbirgeſt ſie heimlich bey dir/ fuͤr jeder- mans trotz/ du verdeckeſt ſie in deiner Huͤt- ten fuͤr den zaͤnckiſchen Zungen. Gelobet ſey der HErr/ das er hat eine wuͤnder- liche Guͤte mir beweiſet inn einer feſten Stadt. Denn ich ſprach in meinem zagen/ ich bin von deinen Augen verſtoſſen/ dennoch hoͤreſtu meines flehens ſtim/ da ich zu dir ſchrey. Lobet den HERRN alle ſeine heyligen/ die Gleubigen behuͤtet der HErr/ vnd vergilt reichlich/ dem der Hohmut vbet: Seyd Die II. LeichPredigt. Seid getroſt vnd vnverzagt/ Alle die jhr des HERRN harꝛet.

OB wol die gantze H. Schrifft/ ein vberaus ſchoͤnes vnd helles Licht iſt/ welches zur Lehre/ Straffe/ vnd Troſt dienet. So iſt doch der Pſalter ein AusbundEnco- mium Pſalterij. aller Himliſchen lehre/ vnnd lebendiges Troſtes/ das er mit allen ehren genennet wird/ das Guͤlden kleynot/ das Edelſte Lehrbuch/ das Heylſamſte Troſtbuch/ lieblichſte Betbuch/ ja das ſchoͤnſte Danckbuch: Er wird auch ver- glichen einer wolbeſtelleten Apotecken/ daraus man ſich wider allerley fehl/ maͤngel/ vnd gebraͤchen/ raths/ troſts/ vnd huͤlffe erholen kan. Ja es iſt der Pſalter wie ein lieb- licher Luſtgarten/ darinnen viel Heylſamer/ koͤſtlicher/ wolriechender Blumen ſtehen/ welche vnſere betruͤbete Seele erquicken/ erfriſchen vnd erlaben: Alſo das alle wolverſuchte vnd geuͤbete Chriſten/ ſagen vnd bekennen muͤſſen/ das der liebe Pſalter ſey eine kleine kurtze Bibel/ darinnen/ kein Verßlein/ keine Zeile/ kein Buchſtaben vergebens geſetzt ſey. Vnnd das noch mehr iſt/ ſo iſt der Pſalter/ ein heller/ klarer/ vnd reiner Spiegel/ darinnenLuther. in ſeiner vorrede vber den Pſalter. die Heylige Chꝛiſtliche Kirche mit allen jhꝛen Lebendigen vnd Natuͤrlichen farben wird abgemahlet/ vnnd außge- ſtrichen/ vnd darauß vormercket das die gantze Chriſten- heit ſey/ ja was? das rechte γνῶθη σεαυτὸν. Darzu Gott ſelbſt vnd alle Creaturen ſein/ etc. Weil denn dem alſo: So ſol vns billich das Pſalterlein/ nebẽ andern Buͤchern der H. Goͤttlichen Schrifft lieb vnd angenehm ſein/ ſon- derlich aber vnd fuͤrnemblich darumb/ dieweil es auch ſo ſeinen herꝛlichen Autorem hat/ nemlichen nicht allein den Die II. LeichPredig. 2. Pet. 1. ꝟ. 21.den Koͤniglichen Propheten David/ ſondern auch den H. Geiſt ſelbſt/ wie Petrus zeuget/ 2. Ep. 1. ꝟ. 21. Es iſt 2 Tim. 3. ꝟ. 16.noch keine Weiſſagung auß Menſchlichem willen her- fuͤr bracht/ ſondern die H. Menſchen Gottes haben ge- redt/ getrieben vom H. Geiſt. Vnnd er ſelber Koͤnig David ſpricht: 2. Sam. 23. ꝟ. 2. Der Geiſt des HErrn hat durch mich geredt/ vnnd ſeine Rede iſt durch meine Zunge geſchehen.

Dieſer vorleſener 31 Pſalm aber iſt etwas lang/ denn David bittet darinnen fuͤr ſich/ vnd fuͤr die gantze Chꝛiſt- liche Kirche/ das Gott der HErr nach ſeiner Allmaͤch- tigen krafft/ vnd groſſen Barmhertzigkeit/ in allen noͤten wolle huͤlffe thun. Vnd ſetzet deſſen zwo vrſachen.

Die Erſte iſt/ das ſolches ſeinem Nahmen/ zu groſſer Ehre vnd Lob gereichen wuͤrde.

Die Ander/ das ſonſten kein Helffer vnd Erꝛetter ſey/ auff den er hoffen/ vnd von dem er huͤlffe gewarten vnd erlangen moͤchte. Vnd das ſind aber die rechten Argu menten/ die man in vnd vnter dem Gebet brauchen ſol/ vnd iſt vnmuͤglich das wo man Gott alſo hoch erjnnert/ er nicht hoͤren vnd helffen ſolte.

Wir wollen aber nach erforderung vnnd gelegenheit der zeit/ alleine das ſchoͤne Spruͤchlein vnd Gebet/ ſo im 6. Verslein des verleſenen Texts geſetzt wird/ fuͤr vns nehmen vnd erklaͤren/ da David ſaget: In manus tuas Pſal. 31. ꝟ. 6.Domine commendo Spiritum meum, redemiſti- me Deus Veritatis. Damit haben nicht allein viel Polycar pus. Luther.Heyliger vnnd Gottſeliger Leute jhr Leben auff Erden beſchloſſen/ Als der Alte Lehrer Polycarpus, der Man Gottes D. Luther/ vnnd andere mehr zu vnſern zeiten/ wie Die II. LeichPredigt. wie denn auch vnſer in Gott ruhender Junger Herr/ mitChrist. Czigã. Chriſtꝰ. ſolchem Spruͤchlein vnd Gebet ſein Leben geendet hat. Sondern auch der HErre Chriſtus ſelbſt am Creutz/ Luc. 23. ꝟ. 46. Vnnd ſein trewer Diener vnnd erſter Maͤrterer/ im Newen Teſtament Stephanus Act. 7.Stephã. ꝟ. 59. Haben jhr Leben damit beſchloſſen. Es muͤſſen gewiß dieſe Wort gar Troſtreich ſein/ wenn ein Glaubi- ger Menſch in ſeinem Sterbſtuͤndlein ſaget: HERRE Gott meinen Geiſt/ mein armes Seelichen/ befehle ich in deine Haͤnde/ Nimb es auff zu dir/ du haſt mich erloͤſt/ du trewer warhafftiger Gott/ mit deinem tewren werthẽ Blut/ auff das ich dein eygen ſey/ O HERR JEſu Chriſte.

Dieweil den Heute in vnſerm Kirchen Kalender mitPropoſi- tio qua- drimem- bris. gefellet/ der Tag aller Seelen/ ſo wollen wir von dem fuͤrnembſten Theyl des Menſchen/ nemblich von dem lieben Seelichen reden vnd handeln: Vnd wollen Erſt-1. lich anhoͤren/ Siebnerley gruͤndliche Beweiß/ das die Seele auch nach dem Abſchied des Menſchen/ nach dem Leibe vnſterblich ſey. 2. Wo ſie als denn hinkomme/2. vnd an welchen Ort die Seelen/ beydes der Glaͤubigen vnd Vnglaͤubigen ſein/ wenn ſie vom Leibe abſcheyden. 3. Wie vnd wenn die abgeſtorbenen Seelen an jhren ort3. kommen. 4. Was beyderſeits biß hin an den zukuͤnff-4. tigen Juͤngſten tag jhr thun vnd weſen ſey. S. S. adſit Graä.

De ἀφθαρσία ſeu Immortalitate animarum.1.

Belangende nun dem klaren Beweiß/ Das die Seele des Menſchẽ/ auch nach dem Abſcheid vom Leibe/ vntoͤdtlich vñ vnſterblich ſey/ ſo moͤchte vielleicht jemand Egedencken/ Die II. LeichPredigt. gedencken/ es ſey ein vnnoͤtig vnd vergeblich Werck/ das man ſich diß zu beweiſen vnterfangen wolle/ das vnleug- bar iſt: Denn es ſey nicht wol moͤglich/ das ein Menſch ſolte gefunden werden/ der daran den geringſten zweyfel haben ſolte. Nun were freylich wol zu wuͤntſchen/ das hiervon kein zweyfel moͤchte entſtanden ſein/ ſondern das die vnſterbligkeit der Seelen/ von allen vnd jeden Men- ſchen moͤchte feſt geglaͤubet werden: Aber da hat der Teuffel zur ſterckung des Epicuriſchen weſens/ allezeit Leute erwecket/ beydes in der Heydenſchafft vñ Chriſten- thumb/ die ſolche vnſterbligkeit der Seelen conſtanter haben verneinet: Vnnd zwar was die armen Blinden Leute in der Heydenſchafft belanget/ ſo iſt ſichs vber die- ſelben nicht ſo groß zu verwundern/ all dieweil ſie disfals/ des rechten Wegweiſers des Lichtes vnd berichts Goͤtt- lichen woꝛts gemangelt haben/ darinn von dieſem Stuͤck Stoici.eygentlich gehandelt wird; daher haben die Stoici fuͤr- gegeben/ das die Seele ſo wol ſterblich ſey als der Leib/ ohne allein das die Seele/ weil ſie fewriger art iſt/ etwas lenger in Luͤfften ſchwebe/ vnd doch auch letzlich wie ein Præcipa arg. ꝗbꝰ animas hominũ im̃orta- les eſſe cõfirmã- tur. Cic. col- ligit in 1 Tuſcul. SaducæiDampff oder Rauch vergehe: Wiewol etliche auß der Heydenſchafft/ die etwas Weyſer vnd verſtaͤndiger ſein: Als Plato, Cicero, Seneca, das widerſpiel gehalten/ vnd haben mit ſtarcken gruͤnden erwieſen/ das die Seele des Menſchen vnſterblich ſey. Mit den Stoicis haben zu des Herren Chriſti zeiten/ die Saducæi gleichſtim̃ige meynung gefuͤhret/ welche den Articul: von der Auffer- ſtehung der Toden fuͤr ein lauter Maͤhrlein vnd fabel ge- balten haben/ vnd haben ohne ſchew fuͤrgeben/ wenn ein Menſch ſtuͤrbe/ ſo gieng zugleich Leib vnnd Seele/ mit einander auff.

Mit Die II. LeichPredigt.

Mit dieſen Leuten hat ſich der HERRE Chriſtus ſelbſt muͤſſen vberwerffen/ vnd jhren Jrꝛthumb widerle- gen/ wie zu leſen iſt Matth: 22. Vnd wolte Gott das mit den Saduceis die Saduceiſche opinion moͤchte verlo- ſchen ſein. Aber der Saduceiſche Teuffel hat ſich vonPapico- læ. Jeruſalem auch gen Rom gemacht/ zu den heyligen Vaͤtern/ vnnd hat den Roͤmiſchen Bapſt/ ſampt ſeinen Cardinaͤlen/ Biſchoffen vnd Prælaten/ der maſſen ein-Anno 1515. genommen/ das man im Concilio Lateranenſi, ein be- ſonders Decret hat machen muͤſſen/ das jederman fuͤr gewiß vnnd warhafftig halten ſolle/ das die Seele der Menſchen vnſterblich ſey. Vnd zu ſolchem Decret ha- ben die heylige Vaͤter/ die ſich fuͤr Pfeyler vnd Saͤulen der Chriſtlichen Kirchen ausgeruffen/ occaſion vnndColloqñ Papę cu- juſdã cũ ſuo con- ſiliario. vrſach gegeben: Jnnmaſſen denn von einem Bapſt ge- meldet wird/ das da er auff ſeinem Todtbette kranck ge- legen/ hat er zu ſeinem vertrawten Rath vnnd Freunde geſaget: Nunc experior quod mors ſit omnium terribilium terribiliſſimum. Nu erfahre ich/ das der Todt das grauſamſte ding ſey. Der Rath antwortet jm: Aller heyligſter Vater/ ich halte das diß noch ſchreck- licher ſey/ wenn nach vnſerm abſterben/ die Teuffel/ die Seele inn die Helle fuͤhren. Der Bapſt das er ſeinen Epicuriſchen Saͤwglauben an Tag gebe/ fragte? Lieber wo fuͤr fuͤrchtet man ſich am meyſten/ wenn man auffm Meer in gefahꝛ iſt? Fuͤr dem waſſer oder fuͤr den Fiſchẽ? das man ertrincket oder von den Fiſchen gefreſſen wird? vnd da er antwoꝛtet: Man fuͤrchtet ſich fuͤr dem Waſſer oder ertrincken am meyſten/ denn wenn man todt iſt/ ſo fraget man nichts nach den Fiſchen oder Waſſer/ man E ijfuͤhlets Die II. LeichPredig. fuͤhlets auch nicht/ wenn ſie einen gleich auff freſſen: Sagte der Bapſt/ Ay du haſt recht geantwortet/ alſo iſt vns zu muthe/ wir fuͤrchten vnnd entſetzen vns fuͤr dem Tode/ als dem letzten vngluͤck am meyſten/ wenn wir todt ſein/ ſo koͤnnen vns die Teuffel nicht mehr ſchaden. Das war aber des Bapſt meynung vñ Saͤwiſcher glau- be/ das er meinete/ der Menſch ſtuͤrbe dahin wie ein viehe/ vnnd wenn er den Todt ausgeſtanden hette/ ſo wehre er allem vngluͤck entlauffen/ vnnd duͤrffte ſich vor keiner Helle vnd Teuffel entſetzen: denn nach dem Tode wer kein Leben noch fuͤhlen/ weder an Leib noch Seele.

Dergleichen ſchreibet man auch vom Bapſt Julio I. der ſolte geſagt haben/ da er habe ſterben ſollen/ Videbo, num verum ſit? ſi verum eſſe expertus fuero. Jch wil wol ſehen/ obs war ſey/ das die Seelen vnſterblich ſein/ vnd die Leibe aufferſtehen ſollen: wenn ich nu dahin komme/ vnd erfahren werde/ das es alſo ſey. Jch meine es muß eine Andacht bey dieſem heyligen Vater im hertzen geweſen ſein/ weil er ſich vmb dieſe gemelte ſtuͤck mit ſo groſſem Ernſt in ſeinem Leben hat angenommen. Aber ich halts gaͤntzlich darfuͤr/ er wirds beym Teuffel lengſt erfaren haben zur Verdamnis/ weil ers Gott/ vnd ſeinem Wort/ nicht hat glaͤuben wollen zur Seligkeit.

Jn Weſtphalen iſt ein groſſer Herr geweſt/ an eines Biſchoffs Hofe/ welcher/ ſo man jhme von der Seelen vnnd derſelben vnſterbligkeit ſagte/ ſprach er: Ey was Seele/ die Seele iſt nichts anders als ein Hand vol win- des/ ein Pfuich/ wenn der auß dem Leibe hinweg faͤhret/ ſo iſt es mit dem Menſchen gethan vnd gar auß. Dieſer als er bey ſeinem Herren am Tiſch froͤlich vñ guter dinge war/ Die II. LeichPꝛedigt. war/ vnd einen ſtarcken Trunck thaͤte/ ſturbe er gahling am Tiſche/ dieſem iſt recht geſchehen.

Darumb/ damit wir vns nit auch den Teuffel in ſolcheἀφθαρ- σία ani marum pbatur. Epicuriſche vnd Saduceiſche gedancken laſſen verleiten/ ſo muͤſſen wir mit gutem grunde gefaſſet ſein/ damit die vnſterbligkeit der Seelen erwieſen wird.

Der Erſte grund wird genom̃en von den Zeugnuͤſſen1. Perſpi- cuis der H. Schrifft/ denen kein Glaͤubiger Chriſt wider- ſprechen kan/ Denn die H. Schrifft iſt norma Fidei, die Richtſchnur vnſers Glaubens: Vnd wer der wider-Sacræ Scriptu- ræ teſti- moniis. ſprechen wolte/ der wuͤrde billich fuͤr einen Heyden ge- halten.

Solcher Zeugnis aber iſt beydes das Alte vnd Newe Teſtament vol/ auß welthem wir vmb geliebter kuͤrtze willen nur die voꝛnembſten wollen erzehlen/ vnd damit die vnſterbligkeit der Seelen beweiſen vnnd darthun. Jm Buch der Weisheit am 3. Cap. ꝟ. 1. wird außdruͤcklichSap. 3. ꝟ. 1. geſaget. Der Gerechten Seelen ſind in Gottes Hand/ vnd keine Qual ruͤhret ſie an: Fuͤr den vnverſtendigen zwar werden ſie angeſehen/ als ſtuͤrben ſie/ vnd jhr Ab- ſcheid wird fuͤr eine Pein gerechnet/ vnd jhr hinfahrt fuͤr ein vorterben. Aber ſie ſind im friede/ ob ſie wol fuͤr den Menſchen viel leydens haben/ ſo ſind ſie doch gewiſſer Hoffnung das ſie nimmermehr ſterben. ψ. 116. ꝟ. 8. & 9.Pſal. 116. ꝟ. 8. & 9. ait David: Revertere anima mea in requiem. Sey nun wider zu friede meine Seele/ denn der HErr thut dir guts/ du haſt meine Seele auß dem todt geriſſen/ vnd meine Augen von den Thraͤnen/ meinen Fuß auß dem Gleyten/ Jch wil wandeln fuͤr dem HErren im Lande der Lebendigẽ. Matth. 10. ꝟ. 28. ſpricht der ewige E iijSohn Die II. LeichPredigt. Sohn Gottes ſelber zu ſeinen Juͤngern. Fuͤrchtet euch nicht fuͤr denen die den Leib Toͤdten/ die Seele aber koͤn- nen ſie nicht Toͤdten/ fuͤrchtet euch aber viel mehr fuͤr deme der Leib vnnd Seele verterben mag/ inn die Helle. Hie hoͤren wir ja das die Seele nicht kan getoͤdtet werdẽ/ wie der Leib: Derhalben ſo iſt ſie vnſterblich.

..Der ander Beweiß wird genommen/ von den klaren vnd außtruͤcklichen exempeln/ die vns in H. Schrifft werden vorgeſtellet. Denn wie gar offt wird von dem H. Ertzvater Abraham/ Jſaac/ Jacob/ vnd dergleichen gemeldet/ das ſie durch den zeitlichen Todt/ zu jhren Vaͤtern verſamlet ſind/ damit anzuzeygen/ das ob ſie zwar dem Leibe nach/ in jhrem Ruhebettlein vnd Grab- ſtaͤttlein ligen vnd ſchlaffen/ ſo ſey doch die Seele nicht in Luͤfften zu flatert/ ſondern zur Gemeinſchafft der Auß- erwelten Gottes/ in die triumphirende Kirche verſamlet. Nemo n. apponitur ad eos, qui non ſunt: Zu de- nen die nicht ſein/ kan niemandt geleget werden/ wie Origenes ſaget.

Vnd der HErr Chriſtus Matth: 22. ꝟ. 32. Fuͤhret faſt dergleichen beweiß/ das Abraham/ Jſaac/ vnnd Jacob fuͤr Gott leben muͤſſen/ Ob ſie gleich dem Leibe nach ins Erdreich geleget/ vnd darinnen verweſet ſind. Luc. 8. Da Chriſtus der HERR das Toͤchterlein Jairi vom Tode aufferwecket/ ſpricht der Text daſelbſt alſo: Vnd jhr Geiſt kam wider/ vnd ſtund als bald auff. Hie hoͤren wir/ das der Geiſt des Toͤchterleins nicht ge- ſtorben/ vnd wider Lebendig gemacht worden iſt/ ſondern das er wider kommen iſt/ vnd hat noch gelebet.

So Die II. LeichPredigt.

So haben wir ein klares exempel/ daraus man die vn- ſterbligkeit der Seelen erkennen kan/ 1. Reg. 17. ꝟ. 17. & 21. in Hiſtoria Eliæ: Denn da der Prophet Elias ſeiner Wirthin der Wittwen verſtorbenen Sohn zu Sarepta wider lebendig machen wil/ da thut er ſein Gebet zu Gott/ vnd ſpricht: HERR mein Gott laß die Seele/ dieſes Kindes wider zu jhm kommen. Vnnd der HERR erhoͤret die ſtimme Eliæ, vnd die Seele des Kindes kam wider zu jhm/ vnd ward Lebendig. Wie hette aber die Seele des Kindes wider inn Coͤrper kom̃en koͤnnen/ wenn ſie/ wie ein Rauch in Luͤfften verſchwun- den/ oder wie ein Dampff zergangen/ vnd alſo gantz vnd gar zu nichts worden were?

So haben wir auch ein klares Exempel/ Matth. 17. Marc. 9. & Luc. 9. in Hiſtoria Clarificationis Chri- ſti, da erſcheinen auff dem Berge Thabor Moyſes vnd Elias æternitatis candidati, wie Tertullianus redet/ lib. de Reſurrect. carnis, pag. 82. Vnnd halten jhr Geſpraͤch mit dem HErren. Vnd von dem Außgang/ den er zu Jeruſalem erfuͤllen ſolte. Nu iſt aber Deut. 34. ꝟ. 5. klaͤrlich zu finden/ das Moyſes geſtorben vnnd von Gott ſelbſt begraben ſey/ nichts deſto weniger præſen- tiret er ſich da neben Elia auff dem Berge/ vnd leſt ſich mit deutlicher ſtimme/ von den Anweſenden im Geſpꝛaͤch hoͤren/ darumb muß ja ſeine Seele vnſterblich geweſen ſein. Vnnd man kan inn gleichen vermercken auß dem Bilde des Reichen Mannes vnd Armen Lazari/ Luc. 16. Ob ſie gleich beyde dem Leibe nach geſtorben vnd begra- ben ſein/ Leben ſie doch beyde/ jener in der Qual/ dieſer in Ewiger ruhe vnd Troſt: Lazarus ins Abrahæ ſchoß/ vnd Die II. LeichPredigt. vnd der Reiche in der Helle/ welcher auch nach dem tode mit Abraham redet. Alſo vertroͤſtet vnſer HERRE Chꝛiſtus den bekerten Schecher/ das er nicht gar ſterben/ ſondern mit jhm leben werde. Denn alſo redet er jhn an. Luc. 23. ꝟ. 43. Vnd ſpricht: Heute ſoltu mit mir im Paradiß ſein. Wenn nun die Seele ſo vom Leibe ab- ſcheidet/ mit dem verſtorbenen Coͤrper zugleich abgienge/ koͤnte ſie nit mit Chriſto im Paradiß ſein vnd ewig leben. Diß beſtaͤttigen auch die H. Apoſtel hin vnd wider/ denn ſo ſaget S. Paulus Phil. 1. Jch begere abzuſcheyden vnd bey Chriſto zu ſein/ Vnd in 2. Cor. 5. ꝟ. 8. Wir ſeind ge- troſt vnd haben viel mehr luſt auſſer dem Leibe zu wallen vnd daheim zu ſein bey dem HErrn. Apoc. 6. ꝟ. 9. &ç. Jch ſahe vnter dem Altar die Seelen/ derer die erwuͤrget waren/ vmb des Worts Gottes willen/ vnnd vmb des Zeugnuͤß willen/ das ſie hatten: Vnnd ſie ſchryen mit groſſer ſtimme vnnd ſprachen: HERR du Heyliger vnd Warhafftiger/ wie lang richteſtu vnd rechneſt nicht vnſer Blut/ an denen die auff Erden wohnen? vnd jhnen wurde gegeben einem jeglichen ein weiß Kleyd/ vnd ward zu jhnen geſagt/ das ſie ruheten noch eine kleine zeit/ biß das vollends herzu kaͤmen jhre Bruͤder/ vnd Mitknechte die auch noch ſollen gericht werden/ wie ſie/ vnd bald her- nach am 7. C. dieſe ſinds die da kom̃en ſind auß groſſem Truͤbſal/ vnd haben jhre Kleyder gewaſchen vnnd rein gemacht im Blut des Lammes/ darumb ſind ſie vor dem Stul Gottes vnd dienen jhm Tag vnd Nacht in ſeinem Tempel. Solche vñ dergleichen Spruͤche vnd Exempel ſind viel mehr/ damit wir vnſern Glauben ſtillen vnd be- feſtigen koͤnnen/ wider den Sathan vnd ſeine Spoͤtter.

Ja Die II. LeichPꝛedigt.

Ja eben daher ſehen wir auch wie die Heyligen Gottes/ wenn ſie dieſe Welt haben ſollen geſegnen/ ſchlechter ding jhre Seelen befohlen in die Hand Gottes: Sintemal ſie der gewiſſen Zuverſicht geweſen ſind/ das ſie nicht mit dem Leibe vntergiengen/ ſondern als vnſterbliche Geiſter Gott ewig beywohneten/ wie auß dem Exempel des hey- ligen Maͤrterers Stephani Act. 7. ꝟ. 59. Vnd anderer mehr zu ſehen iſt. Ja daher ſind die lieben Heyligen Maͤrterer zum Zeitlichen tode ſo frewdig vnd muhtig ge- weſen/ all dieweil ſie gewuſt haben/ das fuͤr ſie viel ein beſſer weſen bereyt ſey im Him̃el/ als in dieſer Jrꝛdiſchen Walfart vnnd Pilgramſchafft/ wie denn Ebr. 11. ꝟ. 37. geſchriben ſtehet: Sie ſind geſteyniget/ zerhackt/ zer- ſtochen/ durchs Schwerdt gericht/ vnnd haben hie keine Erloͤſung erlanget/ darumb das Gott waß beſſers fuͤr ſie vorſehen hat. Wer nun dieſen klaren Spruͤchen vnd Exempeln/ die wir biß daher zu beſtaͤtigung vnſerer mey- nung von der vnſterbligkeit der Seelen habẽ eingefuͤhꝛet/ wolte widerſprechen/ der muͤſte Gottes wort fuͤr ein lau- ter Fabel vnd Maͤhrlein achten.

Der dritte Beweiß aber wird genommen/ auß dem3. ex Artic Creatio- nis. Gẽ. 1 v. 26. & 2 ꝟ. 7. Articul von der Schoͤpffung. Denn Gen. 5. ꝟ. 26. & 2. verſ. 7. wird ausdruͤcklich gemeldet/ das ein Lebendiger Athem dem Coͤrper des Menſchen eingeblaſen ſey. Da- her denn der Menſch vor allen andern Creaturen/ die Ehre vnnd den Ruhm hat/ das er nach dem Ebenbilde Gottes erſchaffen ſey/ vnnd das vor dem fall/ Gottes bilde in jhm geleuchtet habe/ wie der helle Sonnen glantz in einem ſpiegel/ oder inn einem ſtillen Waſſer ſcheynen vnnd leuchten thut. Ob aber nun wol die Seele des FMenſchen Die II. LeichPredig. Horat. lib. 2.Menſchen nicht iſt ein ſtuͤck/ von dem Weſen Gottes/ Sermon. Epiſt. 2.wie die Heyden davon geredt haben/ die ſie genennet ha- ben/ Divinæ particulam Auræ, ein Particul des Goͤttlichen weſens: Sondern das Ebenbild Gottes er- eygnet ſich fuͤrnemblich in qualitatibus am verſtandt vnd willen des Menſchen/ das ſich nem̃lich im verſtande des Menſchen ereygnet hat/ ein volkommenes erkaͤndt- nuͤß Gottes/ beydes nach ſeinem Weſen vnnd Willen/ neben dem erkaͤñtnuͤß aller Creaturen/ denen der Menſch ſelber hat/ nach jhrer art vnd eygenſchafft Nahmen ge- geben/ desgleichen das der Wille des Menſchen hab frey willig vnd vngehindert erwehlen koͤnnen/ was er gewolt hat/ das Hertz iſt geweſen ein Tempel/ vnnd wohnung Gottes/ es hat darinnen geludert vnd gebrennet ein jnn- bruͤnſtige Fewrige liebe gegen Gott vnd dem Naͤheſten/ Jedoch weil der Menſch nach Gottes Ebenbilde erſchaf- fen iſt/ vñ ſolch Ebenbild begreifft auch in ſich die vnſterb- ligkeit/ ſo folget vnwiderſprechlich daraus/ das die Seele keines weges wie ein Rauch vergehe/ ſondern ſo bald ſie vom Leibe wird auffgeloͤſet/ ſo kompt ſie widerumb zum HERREN/ der ſie gegeben hat/ wie denn im Prediger Eccl. 12. ꝟ. 7.Salomonis am 12. Cap. ꝟ. 7. klaͤrlich vermeldet wird: Der Staub muß wider zur Erden kommen/ wie er ge- weſen iſt: Vnd der Geiſt wider zu Gott der jhn gegeben hat. Durch den Staub wird hie angedeutet/ des Men- ſchen Leib/ der auß ſtaub vnnd Erden gemacht vnnd ge- ſchaffen iſt/ vnd muß wider zu ſtaub vnd Erden werden/ nach dem Sententz vnd vrtheil Gottes/ Gen. 3. Durch den Geiſt aber wird die Seele verſtanden/ die ein Geiſt- liches weſen iſt/ die muß auch wider zu dem HErꝛen kom- men/ Die II. LeichPredigt. men/ der ſie gegeben hat/ da ſie anders im Glauben an Chriſtum bis ans ende beſtaͤndig gebliebẽ/ vnd in ſolchem Glauben vom Leibe abgeſchieden iſt. Sonſten kommen die Seelen der vnglaͤubigen vnd verdampten nicht wider zu Gott/ ſondern an den Ort der qual/ wie wir im andern vnd dritten ſtuͤck ferner hoͤren werden.

Der vierdte grundt wird genommen auß dem ArticulIIII. Ex Arti- culo Re- demtio- nis. von der Erloͤſung/ Denn ob gleich der Menſch durch den klaͤglichen Suͤndenfall/ des erſten Adams/ jaͤmmerlich iſt verterbet/ vnnd das Bilde Gottes iſt in eine grewliche Teuffels larffe verwandelt: Alſo das der Menſch inn voller Blindheit vnd Torheit ſtecket/ vnd es recht heiſſet wie Paulus ſpricht/ 1. Cor. 2. ꝟ. 14. Naturalis homo1. Cor. 2. ꝟ. 14. non percipit ea quæ ſunt Spiritus. Ja auch alles dichten vñ trachten des Menſchlichen hertzen iſt nur boͤſeGen. 6. & 8. ꝟ. 5. & 21. von Jugend auff/ Jedoch ſo hat vns Gott der HErr/ auß vnuͤberſchwencklichen Reichthumb ſeiner Barmher- tzigkeit/ einen andern Adam verordnet/ nemblich ſeinen Eingeboꝛnen vnd allerliebſten Sohn Chꝛiſtum JEſum/ der mit ſeinem thewren verdienſt alles widerumb refor- mirt ernewert hat/ was durch den erſten Adam iſt ver- warloſt worden. Daher deñ der Apoſtel Paulus ſpricht2. Tim. 1. ꝟ. 10. gar Troͤſtlich: 2. Tim. 1. v. 10. Chriſtus hat dem Tode die macht genommen/ vnd das Leben vnnd vnvergaͤng- liches weſen an Tag gebracht: Vnd 1. Cor. 15. v. 49.1. Cor. 15. ꝟ. 49. ſpricht er: Gleich wie wir getragen haben/ das Bilde des Jrꝛdiſchen Adams: Alſo werden wir auch tragen/ das Bilde des Himliſchen.

Nu gelanget aber des HErren Chriſti verdienſt nicht allein dem Leibe/ ſondern auch der Seelen zu gute/ dar- F ijauß Die II. LeichPredigt. auß muß denn vnwiderſprechlich folgen/ das nicht allein der Leib/ am Juͤngſten tag widerumb zur vnſterbligkeit ſol aufferſtehẽ/ ſondern das auch die Seele des Menſchẽ vnſterblich ſey. Daher zeuget der Sohn Gottes ſelber Iohan. 5. ꝟ. 24.von den Glaͤubigen/ Ioh. 5. ꝟ. 24. Warlich/ warlich ich ſage euch/ Wer mein Wort hoͤret/ vnnd Glaͤubet deme der mich geſandt hat/ der hat das Ewige leben/ Vnd er kompt nicht in das Gerichte/ ſondern er iſt vom tode zum Leben hindurch gedrungen.

5. Articti- lo San ctifica- tionis.Der fuͤnffte grundt vnd beweiß wird genommen auß dem Articul von der Heyligung: Denn warumb werdẽ wir in der H. Tauffe durch das ſeelige Waſſerbadt vnd durch die ernewerung des H. Geiſtes wider geboren/ weñ vnſer Leib vnd Seele dem Ewigen tode ſolte vnterworf- fen ſein? Wenn vnſer Seele nicht die Hoffnung hette/ das ſie Gott dem HErren dermal eins ſolte bey wonen? Warumb nehmen wir vns auch der ſachen ſo groß an/ das wir moͤchten Gliedmaſſen ſein der waren Chriſtlichẽ Kirchen/ wenn wir nicht deſſen gewiß vnnd verſichert wehren/ das wir dermal eins/ auß dieſer Streitbahren Kirchen/ in die Ewige triumphirende Kirchen/ ſolten ge- ſetzt werden? Was nuͤtzte vns auch der Gebrauch des Hochwuͤrdigen Abendmals/ wenn vnſer Seele ſampt dem Leibe vntergienge/ vnnd hette keine Hoffnung des Ewigen lebens? Ja/ ja/ was duͤrfften wir vns ſo groß bekuͤmmern vmb den glauben/ vnd vmb ein gutes gewiſ- ſen/ wenn es mit dem Menſchen wie mit einem vnver- nuͤnfftigen viehe bewandt were/ da Leib vnd Seele mit einander zugleich auffhoͤrẽ? dieweil wir aber als Chriſten wiſſen/ das mit vns Menſchen nicht auff das zeitliche ge- meynet Die II. LeichPredigt. meinet iſt/ ſondern wir ſind zur vnſterbligkeit vnd ewigen leben erſchaffen. So maſſen wir vns billich der mittel an/ die vns der HErr ſelber zu befoͤrderung der vnſterbligkeit verordnet hat. Wir ſchickẽ vnſer Kinderlein zur Tauffe/ das ſie dadurch dem HErrn Chriſto/ als dem lebendigen Weinſtock einverleibet werden: Beten fuͤr ſie/ das ſie Gott der HErr zu Kindern der Gnaden annehmen/ mit ſeinem H. Geiſt begaben/ auff rechter bahn leyten/ vnd fuͤhren wolle: Ja wenn ſie erwachſen/ ſo nehmen wir ſie mit zur Predigt Goͤttliches Worts/ zum gebrauch der Hochwuͤrdigen Sacrament/ vñ halten ſie an zur vbung der Gottſeligkeit/ damit wir inn der Sterbligkeit einen guten grundt legen zur Vnſterbligkeit/ darzu wir von Gott dem Vater erſchaffen/ durch Chꝛ. J. Gottes vnd Marien Sohn erloͤſet/ vnd durch den H. Geiſt geheyligt ſein.

Der ſechſte grundt wird genommen von Gottes ge-6. A Dei Judicio cõſolan- te pios terrente impios. richte/ damit er in H. Schrifft hin vnd wider/ die Gott- loſen bedrewet/ da gegen aber die Glaubigen vnd fromen troͤſtet: Welches denn ohne alle noth wehre/ wenn der Epicurer vnd Saduceer voꝛgeben beſtuͤnde/ das Leib vñ Seele zugleich mit einander vntergiengen/ deñ ſo ſpricht das Buch der Weisheit am 5. C. v. 16. Der Gerechte wird Ewig leben/ vnnd der HErr iſt jhr Lohn/ vnnd der Hoͤchſte ſoꝛget fuͤr ſie/ darumb werden ſie empfangen ein herꝛliches Reich/ vnnd eine ſchoͤne Crone von der Hand des HErrn. Seine Feinde aber wird er Ewiglich ſtraf- fen. Vnd Judas ſpricht inn ſeiner Epiſtel: Es hat ge- weiſſaget Enoch/ vnd geſprochen: Sihe der HERR kompt mit viel Tauſent heyligen/ Gerichte zuhalten/ F iijvber Die II. LeichPredigt. vber alle/ vnd zuſtraffen alle jhr Gottloſen. Ja der Apo- ſtet Paulus ſpricht/ 2. Cor. 5. ꝟ. 10. Wir muͤſſen alle offenbar werden fuͤr dem Richter ſtul Chr: JEſu/ auff das ein jeglicher empfahe nach dem er gehandelt hat/ bey Leibes leben/ es ſey gut oder boͤſe.

7. A pro- prio cõ- ſcientiæ teſtimo- nio: de quo Nilꝰ Ep. verè dixit; cõ ſcientia tua pro lucerna utere in omnibus actionib. tuis.Der ſiebende vnd letzte grundt/ wird genommen vom Zeugnuͤß vnſers eygenen Hertzens vnnd Gewiſſens: Denn ob zwar die Gottloſen in jhꝛer Sicherheit eine zeit- lang dahin gehen/ das Gewiſſen an einen Nagel hengẽ/ vnd jhre begangene Mishandlung nichts achten/ ſo fin- det ſichs doch endlich/ weñ man dieſe Welt geſegnen ſel/ das manchem Epicurer ein Angſtſchweis heraus tritt/ vnd im hertzen ſo bange wird/ das er nicht weiß wo er bleyben ſol.

Ja wo mag ſolcher wol herꝛuͤhren vnd entſtehen/ ℞. Auß keinem andern Brunnquaͤl/ als das jhn ſein eygen Gewiſſen vberzeuget/ das ſeine Seele vnſterblich ſey/ vñ nu an einen ort muß/ da ſie gleich mit Kaͤtten der Finſter- gebunden/ vnd in groſſer Qual vnd Pein gehalten wird/ biß auff den groſſen Tag des zukuͤnfftigen Gerichts/ da denn die Gottloſen mit Leib vnnd Seele ſollen geſtuͤrtzt werden/ in den Pful der mit Fewer vnd Schwefel ewig- Simile ab homi- ne ſonte cui ſup- plicij ho ra jndi- cata eſt.lich brennet: Apocal. 22. Denn es gehet disfals den Gottloſen/ wie einem armen Suͤnder/ der auff den Hals gefangen ſitzt/ wenn jhm ſein Peinlicher Gerichts tag iſt angekuͤndiget/ Ach ewiger Gott/ wie iſt da bey manchem eine furcht vnd entſetzen/ wie wandelt alle ſtunden vnnd Augenblick das Bild des Scharffrichters gleich vor ſei- nen Augen vmbher/ vnnd hat der arme Menſch weder raſt noch ruhe/ biß er ſein Recht erlidten hab. So gehets auch Die II. LeichPredigt. auch mit den Gottloſen zu/ die empfindẽ ſchon auff jhꝛem Todtbette/ die heßlichẽ Geſichter der verdam̃ten Geiſter/ bey deren ſie ewig werden Hauſtren vnd bleiben muͤſſen. Wer nun dieſe 6. gruͤnde wol ins hertze bildet/ der wird gewislich die Seele nicht fuͤr ſterblich achten: Sondern er wird ſich vielmehr befleiſſigen/ das er ein Gottſelige: Chriſtliches leben vnnd wandel fuͤhre/ vnd auch der mal eins der vnſterbligkeit moͤge faͤhig vnd theylhafftig wer- den. Vnd ſo viel ſey genug geſagt auffs kuͤrtzſte vnd einfaͤltigſte vom 1. Stuͤcke.

II. Ubi locorum animæ sint post mortem?

NAch dem wir nun gehoͤret vnd gelernet haben/ wie es mit des Menſchen Seele bewant ſey/ das nemb- lich dieſelbe nicht mit dem Leibe im Tode vergehe/ vnnd im Grabe verfaule/ ſondern in jhrem Weſen vnd Leben bleybe. So muͤſſen wir auch fuͤrs andere lernen/ wo ſie als denn hinkomme/ wenn ſie vom Leibe iſt abgeſchieden. Wenn wir nun disfals wollen zu rathe ziehen/ entweder Weltweiſe Leute inn der Heydenſchafft/ oder auch die heyligen Vaͤter im Bapſthumb/ die das Haupt inn der Chriſtenheit ſein wollen/ ſo werden auff dieſen Articul wunderbare vnd ſeltzame vrtheil fallen. Denn was dieSenten- tiæ erro- neæ Eth nicorum & Hęre- ticorũ. Weltweiſen antrifft in der Heydenſchafft/ ſo habẽ etliche vnter denſelbẽ voꝛgegeben/ die ſeele des Menſchen bleybe im Leibe/ vnd wie es dem Leibe gehe/ ſo gehe es auch der Seelen/ wie Plinius austruͤcklich ſchreibet/ Lib. 7. na- tural hiſt. cap. 55. Non magis à morte ſenſus ullus, aut corpori aut animæ, quam ante natalem, es fuͤ- let vnd verſtehet weder Leib noch Seele etwas/ ſo wenig nach Die II. LeichPredigt. nach dem Tode als fuͤr der Geburt/ oder fuͤr empfange- nem Leben. Wie auch in Arabia ſolche Schwaͤrmer ge- weſen/ derer Euſebiꝰ lib. 6. Hiſt. Eccl. c. 27. gedencket/ die da fuͤrgegeben haben/ die Seele gienge mit dem Leibe ſchlaffen/ doch waren ſie inn deme beſſer/ das ſie dafuͤr hielten/ die Seele ſolte auch mit dem Leibe aufferſtehen/ als Plinius. Vnd es ſcheinet das auch vnter Juͤden vñ Heyden der meinung geweſen ſein/ als ſolten beydes Leib vnd Seele im Grabe liegen/ vnnd ruhen/ vnd von den Zauberinnen auffgewecket vñ herfuͤr bracht werden koͤn- nen/ wie bey dem Ioſepho lib. 6. Antiq. cap. 15. vnnd beym Virgilio in Bucolicis Ecloga 8. vnnd auch bey andern zuſehen iſt. Aber ſolches iſt vnrecht: denn die Seele ſtuͤrbet nimmermehr/ wie im Erſten ſtuͤck nach der lenge iſt bewieſen vnd dargethan worden. Drumb ſetzet Auguſtinus eine feine beſchreibung der ſeelen/ da er ſagt: Anima eſt ſubſtantia creata, inviſibilis, in corpo- rea, immortalis, Deo ſimilima, imaginem habens Creatoris ſui. Idem Auguſt. de Eccleſiaſt: dogma tibus cap. 16. ſaget: Homo habet animam ſub- ſtantivam. Der Menſch hat eine weſentliche Seele/ ſtuͤrbet nicht im Tode: Sed ſubſtantialiter vivit; ſie lebet weſentlich/ weñ ſie vom Leibe abſcheydet. Darumb wird ſie auch nicht begraben/ Non ſepelimus animas in monumentis ſed corpora ſaget Epiphanius in Ancorato, wir verſcharꝛen nicht die Seelen in die Graͤ- ber/ ſondern die Todten Coͤꝛper/ Die Seelen ſind weder Todt noch Lebendig in Graͤbern: deñ ſie ſind durch den Todt/ vom Leibe abgeſondert. Theophilact. ait in 19. Cap. Ioh. Animæ Iuſtorum in monumentis non verſan- Die II. LeichPredigt. verſantur. Die Seelen der Gerechten gehen nit vmb/ vnd ſein nicht in vnd bey den graͤbern. Plato in Timæo & Phædro hat duͤrffen fuͤrgeben/ weñ die ſeelen võ Leibe abſcheiden/ ſo zoͤgen ſie in einen andern Leib/ vnd weñ der- ſelbe ſtuͤrb/ ſo zoͤgẽ ſie ferner foꝛt wie auch Diogenes Läer- tiꝰ vom jm ſchreibet/ de vitis Philoſophor. lib. 3. in Plat. vñ geſchehe offt weñ die ſeele abſcheide/ ſo fare ſie offt in einen Leib der Thiere nach dem ſie ſich zuvoꝛ gehaltẽ. Habe ein Menſch gelebet in freſſen vñ ſauffen/ in vnzucht vñ wol- luſt/ ſo fahꝛe die ſeele in eine Sawe/ Eſel/ oder dergleichen Thiere. Sey einer ein Tyran oder Rauberiſcher menſch geweſen/ ſo fahꝛe ſeine ſeele in ein Wolff/ oder dergleichen thiere: Sey einer embſig vñ fleiſſig geweſen/ ſo fare ſeine ſeele in ein Ameyſe/ vnd ſolche μετεμψύχωσιν lehꝛete auch bytagoras wie Diogenes Laërtius von jhn ſchꝛeibet: lib. 8. de vitis Philoſ: in Pythag. vñ gab Pythagoras fuͤr er ſey voꝛ zeiten Æthalydes geweſen/ vnd ſeine ſeele ſey hernach in Euphorbũ gezogen/ vnd als er geſtoꝛben/ ſey ſeine ſeele ge- wandert in Hermotinũ, vnd als auch derſelbe geſtoꝛbẽ/ ſey ſeine ſeele gewandert in Pyrrhũ einen Deliſchẽ fiſcher/ biß ſie nu in Pythagorã gezogen: Vnd dieſer meynung ſind abermals etliche vnter den Juͤden vnd Heyden geweſen. Deñ ſo ſchreibet R. Elias Levites in ſeinem Theſtute, das ſie geglaͤubet habẽ/ Adams des erſten Menſchen ſeele/ ſey in den Koͤnig David gefahren/ hernach werde ſie kom̃en auff den Meſſiam. Vnd Matt. 14. v. 16. helts der Koͤnig Herodes gaͤntzlich dafuͤr/ Eliæ des Thesbiten ſeele ſey in den Leib Joh: des Taͤuffers/ vnd dieſes Mannes ſeele ſey in den Leib Chꝛiſti gewichẽ. Vnd der abtruͤnnige Mam-Trip. l. 6 cap. 2. maluck Julianus der 30 Roͤm: Kayſer/ ſo die empfangene GTauffe Die II. LeichPredigt. Tauffe mit der Heydniſchen opffer blut hat laſſen wider abwaſchen/ der hats gaͤntzlich dafuͤr gehalten/ das die ſeele des Macedoniſchẽ Koͤnigs Alexandri in ſeinen Leib ge- fahren ſey/ vnd habe die vorſorge getragen/ das ſie nach ſeinem Abſcheyde/ in einen armen Man gerahten wuͤrde. So iſt bey den Heyden gar ein gemeiner wahn geweſen/ die ſeele Ajacis ſey in einen Loͤwe: Agamemnonis in Adler/ Julij Cæſaris in einen Cometſtern: des Therſitæ in einen Affen gefahꝛen/ vnd was der Heydniſchen Phantaſeyen mehr geweſen ſein/ damit ſie jre thorheit zimlicher maſſen haben an tag geben. Die andern aber die von ſolcher με τεμψυχώσει Pythagorea nicht vil gehalten/ die habẽ ſonſten jhre Pfanthaſeyen vnd liebliche anbildung gehabt/ von Campo Elyſio, vnd habẽ fuͤrgegeben/ es ſey vnter der Erdẽ ein beſonderer ort/ eine ſchoͤne luſtige Awe/ oder eine gruͤ- ne wieſen/ darauff die ſeelen vortrefflicher Leute herumb ſpaciren/ vnd haben alda jhꝛe frewd vnd ergaͤtzligkeit/ wel- ches alles ſchendliche luͤgen ſind/ wie denn wider ſolche ge- ſchriben haben/ die Chriſtlichẽ Lehꝛer Juſtin. Mart. Cõful. qst: Græc. in responſ. de reſurrectione 20 & 21 & in Dial. cum Tryph. Jud. poſt princip. Auguſt. de C. D. lib. 10. c. 30. & alibi. Jtem/ Euſebiꝰ de par. Evang. lib. 13. c. 10. &c. Die Manichæi haltẽ auch einen beſondern ſchwarm hier- von/ deñ ſie gabẽ fuͤr/ dz die ſeelen derer ſonderlich ſo jhꝛer lehꝛe beypflichteten/ auffgenom̃en wuͤrdẽ/ in den Mondẽ/ darumb neme der Monden alſo ab vnd zu/ darnach wuͤr- den ſie Monden verſetzet in ein Schifflein an die Soñe/ vnd von danen in Him̃el/ wie Epiphanius ſolches wider- leget/ Hæres. 66. Manich. Welche Lehre ſie von etlichen Heyden entlehnet/ die auch fuͤr gaben/ das die ſeelen der fromen Die II. LeichPꝛedigt. fromen hinauff ins Geſtirn fuͤhren vnd alda Hauſeten: der boͤſen aber wuͤrden wider in andere Coͤrper geſtoſſen/ das ſie daſelbſt geſtrafft wuͤrden/ wie Auguſtin. von jnen meldet/ Serm. 139. de temp. Die Papiſten habens zu jhꝛem voꝛtheyl etwas kluͤger angegriffen. Deñ vorzeiten haben ſie gedichtet/ weñ ein Menſch geſtoꝛben ſey/ ſo kom̃e ſeine Seele die erſte Nacht dahin/ da S. Michael ſein weſen habe/ der lege ſie auff eine Wage/ vñ waͤge ſie ab/ ob ſie in Him̃el oder in die Helle gehoͤren. Aber dieſe fabel vnd ge- dicht beduͤrffen wir nicht. Gott iſt es der vns abwaͤget mit der Wage ſeiner Gerechtigkeit. Vnd zwar weñ wir in vnſerm thun vnd laſſen vor Gott betrachtet/ vnd auff die Wage ſeiner Gerechtigkeit geleget werdẽ/ da befindet ſichs/ dz wir an Suͤnden freylich nur alzu ſchwer ſein/ die vns auch als eine gꝛoſſe laſt/ biß in die Helle hinunter dꝛu- cken/ aber am guten/ am Glaubẽ/ an der Liebe vñ andern tugenden ſein wir von Natur vber die maſſen leichte/ das wir weniger deñ nichts waͤgen/ ſoviel vnſer iſt. Da wir nu wollen dz gewicht habẽ/ das wir vor dem Gericht Gottes beſtehen moͤgen/ da muß ſich einander zu vns in die wage ſchuͤſſel legen/ der das Gewicht vñ ausſchlag gebe/ der iſt vnſer L. HErr vnd Heyland J. C. mit ſeinem H. Ver- dienſt vñ gehorſam/ der kan der geſtrengen Gerechtigkeit Gottes gleich waͤgen/ als welcher er volkomlich hat gethã vnd fuͤr alle Suͤnde bezalet/ vñ ſchlegt alſo weit weit vber alle Suͤnde/ Todt/ Teuffel/ Hell/ vnd allen Jam̃er vnd Hertzleyd/ des ſollen ſich troͤſten alle/ die ſich in Gehor- ſam der Gebot Gottes vben/ vnd derwegen betruͤbt ſein/ das ſie demnach ſein vnnuͤtze Knechte/ Luc: 17.

quinquè Loca a nimarũ defũcta- rñ à Papiſtis excogitata

Die jtzigen Papiſten erdichten ſonderlich fuͤnfferley oͤrter/ dahin die Seelen/ weñ ſie vom Leibe abgeſcheyden/ kommen/ aber doch ohne grundt.

Die II. LeichPredigt.

1. Damna- torum.Als das erſte ſey der ort der Qual/ oder die Helle/ da- hin die Gottloſen vnd verdampten kom̃en/ wenn ſie ge- ſtorben ſind/ dahin iſt nu der Reiche Man kom̃en/ Luc. 16. von welchem David ſaget/ Pſ. 46. Sie ligen in der Hellen wie Schaf/ der todt naget ſie. Davon es heiſt wie Hiob ſaget Cap. 7. v. 9. Ex inferno nulla redemptio. Wer in die Helle hinunter faͤhret/ der kompt nicht wider herauff.

2. Limbus Patrum.Der ander ort ſey die Vorburg der Hellen/ darin die H. Patriarchen Propheten/ vnd Maͤnner Gottes vor Chriſti geburt kommen ſein/ die habe Chriſtus durch ſeine Helle fahrt zuriſſen vnd zerſtoͤret.

3. Paradei- ſus.Der dritte ort ſey das Paradiß oder Ewige lebẽ/ davõ der ſohn Gottes ſaget zũ Schaͤcher am Creutz Matt. 27. Luc: 23. v. 43. Heute wirſtu mit mir im Paradiß ſein.

4. Limbus Infantũ.Der 4. oꝛt ſey da die vngetaufften Kinder hin kom̃en/ von denen ſie fuͤrgeben/ ob ſie gleich wol nicht empfinden die qual des Fegfewers/ ſo muͤſſen ſie doch der Gemein- ſchafft vnd anſchawung Gottes beraubt ſein/ diß Licht ſagen ſie/ haben ſie nicht/ damit ſie Gott vñ die H. Engel beſchawen moͤchten/ vnd werden doch nicht gepeiniget.

5. Purgato rium.Der fuͤnffte vnd letzte ort ſey das Fegfewer/ darin die Leute jhre vbrige Suͤnden muͤſſen buͤſſen vnd bezahlen/ biß man jnen mit Vigilijs vnd Seelmeſſen (ſo man vmb ein gewiß Gelt beſtellet) widerumb herauß huͤlffe. Aber diß haben die armen blinden Leute auß jhrẽ eygenen kopff erdacht vnd ertichtet/ ſtracks wider Gottes woꝛt: Wenn wir aber auch inn dieſen ſtuͤcken der gruͤndlichen warheit nachforſchen/ wie dieſelbige in Gottes wort gegruͤndet/ ſo Vera ſen tentia Chriſtia-befindet ſichs dz der Baͤpſtler meinung/ ſo wenig den ſtich helt als der blinden Heyden geticht. Deñ die H. Schꝛifft im Alten vnd Newen Teſtament zeyget vnd weiſet vns nicht Die II. LeichPredigt. nicht deñ zweyerley ſtellen/ ort/ ſtaͤnden/ oder Oꝛden/ wienorum qui duo ſaltem a- gnoſcũt accepta- cula ani- marum. mans nennen wil/ dahin nach dem Tode die ſeelen der ab- geſtorbenen gelangen vnd kom̃en. Einen den Außerwel- ten vnd ſeeligen/ da ſie mit Lazaro getroͤſtet werden. Den andern der Gottloſen vnd verdampten/ da ſie mit dem Reichen gepeiniget werden. Vnd weiß die Schrifft von keinem dritten oder mittel ort oder ſtand zwiſchen dieſen beyden/ er heiſſe Vorhelle oder Fegfewer wie er woͤlle/ gedencket ſie doch deren nichts/ ſondern bleybt ſtracks bey der zehlung vñ benahmung voriger beyder oͤrter der ſeeli- gen vñ verdampten. Deñ alſo ſtatuiret vñ ſetzet Chꝛiſtus ſelbſt Marci 16. v. 16. Wer da glaͤubet vnd getaufft wird der wird ſeelig werden/ Wer aber nicht glaͤubet der wird verdampt. Vnd Johan: Baptiſta/ Joh. 3. Wer an den Sohn glaͤubet der hat das Ewige leben/ Wer aber dem Sohne nicht glaͤubet/ der wird das Leben nicht ſehen/ ſon- dern der zoꝛn Gottes bleybet vber jm. Sonderlich aber/ da Chriſtus vnſer HErr vnter dem Bildnuß des Reichẽ Mannes vnd Armen Lazary gar eygendlich den rechten Seelſtand/ zu beyden theylen fuͤr Augen ſtellen wil/ ge- dencket er namentlich nicht mehꝛ deñ zweyer oͤꝛter: Einen Abraham ſchoſſes vnd troſtes/ den andern der Helliſchen qual/ pein vnd flam̃en/ vnd Abrah. ſetzet dz zwiſchen den beyden eine ſolche Klufft befeſtiget ſey/ das die da wollen von einem ort zum andern/ koͤnnen inn Ewigkeit nicht. Luc: 16. v. 26. Davõ ſchreibet Hilarius in ψ. 50. alſo. In brevi exardeſcet ira ejus: excipit. n. nos ſtatim infernus, et decedentes de corpore ſi ita vixerimꝰ, cõfeſtim de viâ rectâ ᵱimus. Teſtes nobis ſunt Evangelij dives & Pauper, quorũ unũ Angeli in ſedib. beator. & in Abrahæ ſinu collocarũt; Alium ſtatim pœnæ regio excepit.

G iijDas Die II. LeichPredig.

Das iſt: Gottes zorn wird bald anbꝛennen: Deñ ſo bald wenn wir hie abſcheyden/ ſo baldt vergehen wir auff dem wege/ vnd ſo wir darnach gelebet haben/ nim̃t vns bald die Helle an/ das bezeuget dz Evangelium võ Reichen Man vñ armen Lazaro an/ derẽ einen die Engel ins Abꝛahams ſchos der ſeeligen anſitz getragen/ der ander an den oꝛt der Ewigen qual vñ ſtraffe kom̃en iſt. Derowegen heiſts ent- weder ſelig oder verdam̃t/ lebẽ oder todt/ ſegen oder fluch/ Deut. 30 ꝟ. 19.Himel oder Helle/ troſt oder pein/ da iſt kein mittel oder drittes zwiſchen. Denn das hie die Baͤpſtler einen mittel- ſtand der ſeelen/ vñ namhafftig das Fegfewer ſetzen vnd haben wollen/ da die Seelen/ weder ſelig noch verdam̃t/ weder geſegnet noch verflucht ſein/ weder leben noch todt habẽ/ vñ doch gleichwol in vnausſpꝛechlicher qual vñ pein ſein/ võ welcher ſie durch Vigilien vnd Seelmeſſen/ All- muſen muͤſten erloͤſt werden. Das iſt jhrer ſelbſt/ der Pa- piſten vñ Geiſtes/ der ſie treibet vñ regiret eygener traum vñ Poetiſch/ Heydniſch vñ Platoniſch ſtuͤcke vñ getichte/ zuwider nicht allein dem H. Opffer/ gnugthuung/ beza- lung/ verdienſt vnd gantzem Gnadenwerck der Erloͤſung Chriſti/ fuͤr vns vnd der gantzen welt Suͤnde geſchehen/ ſondern der gantzen H. ſchrifft/ vnd bevor auß denen hie zuvor eingefuͤhrten klaren Zeugnuͤſſen/ vñ hieher gehoͤꝛet auch der Spꝛuch Auguſtini (welcher ſonſt das Fegfewr weder garverleugnet/ noch warhafftig in ſeinen ſchꝛifften bejahet/ ſondern mehrertheils in zweyfel beruhen vnd in mittel leſt) cõtra Pelag. Hypognoſti lib. 5. Primũ locũ Fides Catholicorũ, divina authoritate, Regnũ credit eſſe cælorũ. Secundum Gehennã ubi omnis Apoſtata, vel à Fide Chriſti altenus æterna experietur ſupplicia. Tertiũ penitus igno ramus, imo nec eße in Scripturis ſanctis inveniemus. Finge Die II. LeichPredigt. Pelagiane, locũ ex officina dogmatis tui. Dextera juſti Iudi- cis ſedentis & ſiniſtra: Regnũ & Gehenna: Vita & Mors: Iuſti & Injuſti. In dextera igitur Iuſti cõſtituti ſunt, in ſi- niſtra operarij iniꝗtatis. Das iſt/ Rechtglaͤubige vermoͤgẽ/ Goͤttliches woꝛts glaͤuben vñ halten dafuͤr dz Himelreich/ ſey ein vnd der erſt ort/ deren im HErren abgeſtorbenen/ da jhre ſeele hin kom̃en nach dem tode. Der ander ort ſey die Helle/ da alle abtriñige oder die frem̃de ſind võ glaubẽ Chriſti ewig ſtraffe erleydẽ werden/ aber võ dritten wiſſen wir nichts/ werdẽ auch in H. ſchꝛifft nim̃er gegruͤndet/ ꝛc. Da iſt die Rechte hand des Gerechten Richters/ oder die Lincke/ Him̃elreich oder Helle/ Leben oder todt/ gerechten oder vngerechten. Die Gerechten zur Hand Chriſti die vngerechten zu ſeiner lincken: Vnnd eben alſo Betet der HErre Chriſtus ſelbſt auß vnſerm voꝛhabenden 31 Pſal. Da er ſeinen Geiſt auffgibt/ vnd ſpricht: Vater in deine Haͤnde befehle ich dir meinen Geiſt/ du haſt mich erloͤſt HErr du getrewer Gott. Vnd im Buch der Weisheit/ C. 3. v. 11. Wird austruͤcklich gemeldet: Der Gerechten ſeelen ſind in Gottes hand/ vnd keine qual ruͤhret ſie an. Sonſten werden dem ort/ dahin die Seelen der GerechtẽNomina recept- culi pia- rum an- marum oder Glaͤubigen gelangen/ mancherley namen gegeben/ vnd zugeeygnet/ beydes im Alten vñ Newen Teſtament. Moyſes nennet jhn congregationem Patrũ, einen ort der verſamlung der Vaͤter/ Gen. 15. v. 15. Da Gott der HerꝛJn Vete- ri Teſta- mento. zum Patriarchẽ Abꝛaham ſpricht: du ſolt faren zu deinen Vaͤtern im friede/ vnd im guten Alter begraben werden. Gen. 25. v. 8. Abraham ſtarb in einem ruhigen Alter/ da er alt vñ lebens ſatt ward/ vnd war zu ſeinem Volck geſam- let: 1. Sam. 25. v. 29. wird dieſer ort genennet Faſciculus viventiũ Die II. LeichPredigt. 1. Sã. 25.viventiũ ein Buͤndlein der Lebendigen: Denn ſo ſpricht Abigail zu David: Wenn ſich ein Menſch erheben wird/ dich zu verfolgen vnd nach deiner Seele ſtehet: So wird die ſeele eingebunden ſein im buͤndlein der Lebendigen/ bey dem HErꝛn deinem Gott. Von dieſem Namen hat man vorzeiten genomen die art auff die Graͤber zu ſchreiben: Sit anima ejus in faſciculo viventiũ. Des verſtorbene ſeele ſey eingebundẽ/ in das buͤndlein der Lebendigen/ damit hat mã ohn allen zweyfel wollen andeuten/ dz Gott die ſeelen der Gerechten nicht hinwerffe/ vmbfahren vnd verterben laſſe/ ſondern das er ſie auff hebe/ bewahre vnd einbinde/ als wie man ein koͤſtliches Kleinot einmacht/ bewahret vñ auffhebet. Pſal. 27. v. 13. Wird dieſer ort genennet/ Terra viventium, ein Land der lebendigẽ/ in dem David ſpricht: Jch glaͤube das ich ſehen werde/ das gut des HErrn im Lande der Lebendigen/ vnd ſolches geſchicht κατ᾽ ἐξοχην`, dieweil doꝛte das rechte leben iſt/ da es ſonſt in der ſterblig- keit recht heiſt/ wie wir ſingen: Mitten wir im leben ſind/ In novo Teſtam.mit dem tode vmbfangen/ ꝛc. Naſcentes morimur. Jm N. Teſtament da eygnet ſelber der Sohn Gottes/ dieſen oꝛt gar ſchoͤne vnd troſtreiche Tittel zu. Denn Luc: 16. v. 22. nennet Er jhn Sinum Abrahæ, die Schoß Abrahæ, vnd ſolches nach art vnd weiſe des Alten Teſtaments/ davon Luth. in Enarrat. c. 25. Gẽ.Herr Lutherus ſpricht vber das 25 C. Gen: Die Schoß Abraham/ darinn er gehalten hat vnd auffgenom̃en/ alle Heyligen/ ſo biß auff den Todt Chriſti geſtorben ſind/ iſt die verheiſchung ſo jm geſchehen iſt/ durch deinen Samen ſollen alle Voͤlcker geſegnet werdẽ. Dieſe Schoß Abrahæ iſt nach der Aufferſtehung Chriſti abgeſchafft/ vnd eine beſſere Schoß an die ſtatt kom̃en/ nemblich Chriſti ſchoß. Gleich Die II. LeichPredigt. Gleich wie nu die Vaͤter geſtorben ſein/ im Glauben an den zukuͤnfftigen Chriſtum/ vñ ſind alſo geſamlet woꝛden in Abrahams ſchos/ h. c. Sie ſind geſtoꝛben im Glaubẽ wie Abraham/ vnd haben mit jhm auff den zukuͤnfftigen Heyland gewartet: Alſo muͤſſen wir ſterben im Glauben auff den Herꝛn Chriſtum vnſern Heyland/ der komen iſt/ vnd werdẽ nach dieſem leben geſamlet in die ſchos Chriſti/ der vns zu gute iſt Menſch worden/ hat gelidten/ iſt ge- ereutziget/ geſtorben/ begraben/ vnd widerumb von den todten aufferſtanden. Es iſt aber in dieſem Tittel oder Namen eine ſchoͤne liebliche Metaphora. Denn zu gleicher weiſe/ wie ein Kindlein nirgendt beſſer ruhet/ als in ſeiner Mutter ſchos/ da hat es gleichſam ſeine beſte frewde vnd ergaͤtzung/ wenn es nur vmb ſeine liebe Mutter ſein ſol. Eben alſo habẽ die Seelen der Glaͤubigen nirgends keine beſſere vnd beſtendigere ruhe/ als in der ſchos jres HErrn vnd Heylandes Chr: JEſu. Der ſeine liebe ſelber abcon- terfeyet/ in einem Bildnuͤs einer liebꝛeichen Mutter Jeſa. 49. v. 15. da er ſpricht: Kan auch eine Leibliche Mutter jhꝛes Kindes vergeſſen/ dz ſie ſich nicht erbarme vber den Sohn jhres Leibes? vnd da ſie gleich deſſelben vergeſſe/ ſo wil ich doch deiner nicht vergeſſen/ ſihe in meine Haͤnde habe ich dich gezeichnet. Jn ſolcher ſchos des HErren werden nun die Seelen der Glaͤubigen getroͤſtet/ vnd des außgeſtandenen leydes reichlich ergaͤtzet/ nach der ver- heiſchung des HErrn Chriſti/ Ioh. 16. v. 20. Da er ſpꝛicht: Jhr habt jtzt Trawrigkeit/ aber ewer Trawrigkeit ſol zur frewde werden/ vnd zwar zu ſolcher freude die kein menſch võ euch nemen wird. Luc. 23. v. 43. Da nennet der HErr das receptaculum animarum, das Paradis/ in dem er zu Hdem Die II. LeichPredigt. dem Busfertigen Suͤnder vnd Schaͤcher ſpricht: Hodie mecũ eris in Paradiſo. Gleich wie nu das jrꝛdiſche Para- diß voller wolluſt vnd frewde geweſen iſt: Alſo iſt wol zu erachten/ das die frewde/ des Himliſchen Paradiſes viel Tauſentmal groͤſſer ſey/ ſintemal der Geiſt Gottes ſelber zeuget/ Ieſa: 64. v. 4. & 1. Cor. 2. v. 9. keine augen haben geſehen/ kein ohr gehoͤret/ es ſey auch in keines Menſchen hertz kom̃en/ was Gott bereytet hat/ denen die jhn lieben. Ioh. 14. v. 2. & 3. nennet der Herꝛ dieſen oꝛt ſeines Vaters Hauſe/ in dem er ſpricht: Jn meines Vaters hauſe ſind viel wonungen/ vnd ich gehe hin euch die ſtaͤtte zu bereytẽ/ vnd ob ich hin gehe euch die ſtaͤtte zu bereyten/ wil ich doch wider kom̃en/ vnd euch zu mir nemen/ auff dz jhr ſeyd wo ich bin/ vnd der Apoſt: Paulus ſpricht: 2. Cor. 5. v. 1. Wir wiſſen/ ſo vnſer Hauß dieſer jrꝛdiſchen Huͤtten zubrochen wird/ das wir eines haben võ Gott erbawet/ ein Hauß nit mit Henden gemacht/ ſondern das Ewig iſt im Himmel. Gleich wie nu aber der Glaͤubigẽ ſeelen zu Chriſto kom̃en in den Him̃el: Alſo ſind der vnglaͤubigen vnd Gottloſen ſeele in der Hellen. Deñ alſo ſtehet geſchriben/ Pſ. 49. v. 20. Sie fahꝛen jhꝛen Vaͤtern nach/ vñ ſehen das Licht nim̃er- mehr/ v. 15. Sie ligen in der Hellen wie die ſchafe/ der todt naget ſie/ jhꝛ trotzen hat ein ende/ in der Hellen muͤſſen ſie bleyben/ Pſal. 55. v. 16. Der todt vbereyle ſie/ vnd muͤſſen lebendig hinunter faren in die Helle. Num. 16. v. 33. ſaget die Schrifft von Chore Dathan, vnd Abyrã: Sie fuhren lebendig hinunter in die Helle/ mit allem dem dz ſie hattẽ/ vnd kamen vmb/ auß der gemeine des HErrn. Deſſen ſte- het vns auch zum ſpiegel vñ exempel/ da der Reiche ſchlem mer vñ pancketiret Luc. 16. Welcher als bald nach ſeinem tode ju der qual gefundẽ wird/ dariñe er ſeine vnausſpꝛech- Die II. LeichPredigt. liche ſchmertzen empfindet. Wie nun der ort der ſeeligen Seelen mit ſehr lieblichen vnd troͤſtlichen namen beſchribẽ wird/ alſo werdẽ da gegen dem ort der verdampten ſeelen/ ſo grewliche vnd abſchewliche namen zu geeygnet/ das ei- nem die haar zu berge ſtehen/ vnd dz hertz im Leibe erkaltet/ wenn man ſie nur hoͤret nennen: Als Iob. 20. v. 21. & 22.Nomin- recepta- culi im piar ant marum. Iob. 20 v. 2. & 22 In vetera tellamẽ- to. wird dieſer ort genennet Regio tenebrarum, das Land der Finſternuͤß vnd des Tunckeln/ da es ſtock finſter iſt/ vnd durchaus keine ordnung iſt. Ieſa. c. 30. neñet es locum cru- ciatuum, ein Land der truͤbſal vñ angſt/ darinnen Ottern vnd fewrige fliegende Trachen wohnen. Zach. c. 9. v. 11. nennets lacum ſine aqua, eine Grube da kein Waſſer iſt/ darinnen man nimmermehr keinen Troſt erlangen kan. David Pſ. 55. v. 24. nennets faucem perditionis, eine tieffe Grube oder Pful des verterbens. Jm New. TeſtamentIn novo Teſtam. nennets der HErr ſelber Matth. 13. ꝟ. 42. Clibanum ar- lentem, einen gluͤenden Fewer ofen/ darin die Gottloſen ſollen geworffen werden. Ioh. in Apoc. 19. v. 20. & 21. nen- nets einen Pful der mit Fewr vnd mit Schwefel ewiglich brennet. Jtem den andern todt/ der einen Menſchẽ ewig nagen vñ plagen wird. Das ſein alles ſchreckliche namen/ welche vns dazu dienen ſollen/ das wir deſto Erbarer vnd vorſichtiger wandeln. Weil nu dem alſo/ dz die ſeelen der Glaͤubigen im Him̃el/ der vnglaͤubigen in der Helle ſind/ ſo iſt es nichts deñ ein pur lauter Aberglaubẽ/ das man im Papatu fuͤrgibt/ der abgeſtorbenen ſeelen gehen vmb auff Erden/ laſſen ſich ſehẽ/ hoͤren/ in Haͤuſern/ auff dem felde/ in Kirchen vñ auff den Kirchhoͤfen. Ja/ ſprichſtu es wird demnach etwas daran ſein. Denn es traͤget ſich viel zu/ ſonderlich mit denen/ ſo etwa in jhren Lebens zeiten haben H ijTyran- Die II. LeichPꝛedigt. Tyranniſirt/ oder ſind in andere wege Gottlos geweſt/ dz ſich jhre ſeelen nach dem Leiblichen abſterbẽ mit vngeſtuͤm hoͤren vnd ſehen laſſen. So liſet man auch 1. Sam. 28. das die geſtalt Samuelis dem Koͤnig Saul/ durch eine Warſagerin ſey fuͤrgebracht wordẽ: Darumb wird nicht ſo gar nichts/ ſondern ohne zweyfel etwas daran ſein? ℞. Freylich iſt etwas daran: Aber es ſind nicht der abgeſtoꝛ- benen ſeelen (als die im Himmel oder in der Hellen ſind) ſondern es ſind polter Geiſter/ es iſt der Teuffel ſelbſt/ mit ſeinem geſpaͤnſt/ der alſo in der geſtalt der abgeſtorbenen ſeelen erſchienen iſt/ die lebendigen zu verfuͤhren/ vnd mit dem getichten Fegfewer zu bethoͤren. Denn das gantze Fegfewr iſt gegruͤndet vñ gebawet auff die Erſcheynung der abgeſtoꝛbenen ſeelen: von welchẽ die Papiſten ſchꝛeibẽ/ wie ſie den lebendigẽ erſchienẽ weren/ wie ſie auffs hoͤchſte beklaget vnd geſagt haben/ in waß groſſer pein/ qual vnd marter des Fegfewers ſie weren. Hetten auch vmb huͤlffe vnd rettung durch Vigilien/ Seelmeſſen vnd nachrecht auffs fleiſſigſte gebeten. Weil aber/ wie auß H. Schrifft erwieſen iſt/ der abgeſtoꝛbenen ſeelen nicht auff Erden her- umb gehen/ oder in der Lufft herumb ſchwebẽ/ ſondern ſie ſein entweder in der hand Gottes/ oder in der Helle: So folget das ſolche erſcheynung nichts anders ſein geweſen/ oder noch ſein/ als des teuffels geſpaͤnſt/ der alſo in geſtalt der abgeſtorbenen ſeelen erſcheynet/ die lebendigen zu be- trigen vnd zu verfuͤhren. Vnd ſo viel auch genug geſagt võ andern ſtuͤck: Da wir gelernet haben/ wo die ſeele hin- kom̃e vnd bleybe/ wenn ſie vom Leibe abſcheydet. Der ge- rechten ſeelen kom̃en zu Gott in den Himel/ der vnglaͤubi- gen fahren in die Helle/ an den ort der qual vnd pein/ ꝛc.

III. Quo Die II. LeichPredigt.

III. Quomodo & quãdo ᵱveniãt animæ in ſua loca.

Folget nu das dꝛitte ſtuͤck dieſer Pꝛedigt von der zeit vñ weiſe/ wie vnd wenn der abgeſtorbenen ſeelen an jhren oꝛt kom̃en. Wie es zu gehe/ koͤnnen wir nicht anders ſagen/ als Chriſtus Luc. 16. Da er vermeldet wie die ſeele Lazari durch die Engel ſey getragen worden in die ſchos Abrahae. Darauß iſts ge- gentheil abzunemen/ das der Gottloſen vñ vnglaͤubigen ſeele durch die Teuffel getragen werden inn die ſchos Luciferi.

Weñ aber dz geſchehe das die ſeelen gen Him̃el gefuͤhret/ oder in die Helle verſtoſſen werden/ das lehret die Schrifft deutlich vnd klaͤrlich/ nemblich von ſtund an/ ſo bald nur die Seele auß dem Leibe faͤhret. Deñ in Papatu gibt man fuͤr/ das vnter den Chriſten auff Erden/ dreyerley Leute gefundẽ werden. Etliche die gantz vnd gar ſo from ſein/ das jhre ſeele1. von mund auff gen Him̃el fahꝛen. Etliche ſein ſo boͤſe/ das ſie2. von mund auff in die Helle fahren. Etliche aber die ſein mit-3. telmaͤſſig/ nicht ſo boͤſe das ſie zur Hellen verdampt weren/ vnd nicht ſo from/ das ſie gleich ſolten gen Himmel fahren. Darumb muͤſſe ſie zuvor eine zeitlang/ etliche Jahr vnd tag/ im Fegfewer ſitzen/ daſelbſt die vbrigen Suͤnden abbuͤſſen. Aber von den mittelmaͤſſigen Seelen weiß die Schrifft gar nichts/ ſondern ſie ſaget nur allein von den Seelen der glaͤu- bigen vnd Busfertigen/ das ſie von mund auff gen Him̃el vnd von den ſeelen der vnglaͤubigen vñ Gottloſen/ das ſie võ mund auff in die Helle fahren/ denn auff die Gottloſen wird gezogẽn der Spruch Hiob. 21. In puncto ad infernum deſcen- derunt. Jn einem Augenblick faren ſie zur Hellen. Wie deñ der Reiche Luc: 16. Als bald nach ſeinem tode in die Helle iſt begrabẽ worden/ vnd zum andern kargen Filtz Luc. 16. v. 20. fiel dieſe ſtim̃e: Du Narꝛ/ heute dieſe Nacht ſol deine Seele von Die II. LeichPredigt. von dir genommen werden/ anzuzeygen/ das ſo bald nur die Auffloͤſung des Leibes vñ der Seelen geſchehen kan/ ſo kom- men die ſeelen als bald an jhren beſtimpten ort/ wie ſolches võ der Glaubigen ſeelen ausdruͤcklich geſchriben ſtehet: deñ von Lazaro bezeuget das Evangelium/ So bald er nur geſtoꝛbẽ/ ſey er von ſtund an getragen woꝛden in die ſchos Abrahæ.

Alſo vertroͤſtet auch Chriſtus den Schaͤcher am Creutz/ deſ- ſen wir albereyt zum oͤfftern gedacht haben. Luc. 23. verſ. 43. Hodie mecũ eris in Paradiſo; Er ſaget nicht/ du muſt vor eine zeitlang ins Fegfewr. Vnd gewislich da jemand hette ſollen im Fegefewer gereiniget werden/ ſo wehre es nach Menſch- lichem gutduͤncken demſelben Schaͤcher am aller noͤtigſten geweſen/ als der in ſeinen Suͤnden iſt ergriffen vnd gerichtet wordẽ. Ioan. 5. v. 24. Spricht Chriſtus abermal: Wer mein Wort hoͤret vnd glaͤubet dem der mich geſandt hat/ der hat dz Ewige leben/ vnd kompt nit in das Gerichte/ ſondern er iſt võ Tode zum Lebẽ hindurch gedrungen. Es ſaget Chriſtus nit: Habebit/ er wirds vberkom̃en/ ſondern er hats jtzt als bald/ albereyt: Er ſaget auch nicht: Tranſibit, er wird einmal hin- durch dringen/ ſondern Tranſivit, er iſt albereyt zum Leben eingangẽ/ er wird nicht erſt lange duͤrffen im Fegfewr ſitzen/ ſondern er iſt als bald võ Tode zum Lebẽ hindurch gedrungẽ. Am aller deutlichſten aber/ bezeuget es Joh. in Apoc. 14. v. 13. Selig ſind die todten die im HErꝛn ſterbẽ/ à modo, võ nu an/ Jn dem nu/ vnd augenblick/ weñ ſich die ſeele geſcheydet/ ehe der Leib zur Erde kom̃t/ ſo iſt die ſeele ſchõ in der hand Gottes in der ſchos Abrahæ, im Buͤndlein der Lebendigen/ bey dem HErren. Weil nu deme alſo das die Seele der Glaubigen/ von mund auff gen Himmel fahren/ ſo ſind es nichtige ver- gebliche gedancken/ die jnen die Leute ſelbſt machẽ wegen des langen verzugs/ ehe man nach diſem toͤdtlichen abſchiede/ der Die II. LeichPredigt. Seligkeit etwas oder nichts genuͤſſe. Denn es hat mancher keine groͤſſere ſchrecken noch abſchew fuͤr dem tode/ denn das jm fuͤr kompt wie ſo lange zeit/ ſo viel tag vnd Jahre (deren darzu keine gewiſſe anzahl iſt) in dem Grabe vñ in der Erdẽ bleiben muß. Weñ es wehren ſolte nur etliche ſtundẽ/ wie des Jairi Toͤchterlein/ oder nur etliche tage wie mit dem Lazaro zu Bethania: oder etliche jare wie mit den aufferweckten am Oſtertage/ ſo wuͤrde man ſich gerne vñ gutwillig darein gebẽ. Nun es aber ſo lange wehret/ ſo koͤndte einer wol nicht luſtig ſein zuſterben. Wider ſolche nichtige vorgebliche gedancken/ troͤſtet hie diß Puͤnetlein/ das man ſich des langen verzugs vñ harꝛens im grabe/ keines weges zu beſchweren habe. Deñ als bald Leib vnd ſeele ſich ſcheydet/ ſo iſt die ſeele als das fuͤrnem̃- ſte vnd beſte theyl am Menſchen in der hand Gottes/ vnd in der ſeligkeit/ empfindet als bald die frewde des Him̃elreichs/ biß an jenen Tag/ da der verſchlaffene Leib auch wider auff- erwecket werde/ vnd alſo mit der Seelen beſitze vnd genieſſe alles was Gott den ſeinigen bereytet hat. Genug auch vom dritten Stuͤck/ ꝛc.

V. Actiones & paſſiones Animarum poſt Mortem

NVn iſt auch ausſtaͤndig das vierdte vnd letzte ſtuͤck vom zuſtande der ſeelen nach dem tode :/: Was jhr thun vñ weſen ſey/ biß hin an den zukuͤnfftigen Juͤngſten tage. Darvõ koͤn- nen wir zwar in dieſem Lebẽ nicht allerding gruͤndlich bericht thun/ all dieweil wir hier von wenig inn der Schrifft finden: Doch wird vns hie von etwas gezeyget/ das wir vns darnach ſaͤhnen ſollen: Aber vnſer wiſſen iſt Stuͤckwerck/ vnd wir ſe- hens als durch einen Spiegel in einem tunckeln ort/ 1. Cor. 13. Es iſt noch nicht offerbar was wir ſein werden/ 1. Ioh. 3. Weil aber vnſere ſeelen nach jhrem abſcheyde bey Chriſto ſein/ vnd in Die II. LeichPredig. Piorum animæ.in klarheit vñ herꝛligkeit ſchwebẽ/ ſo ſehen vñ erkennen ſie. 1. Vident Deum.1. Gott viel heller als in dieſem Leben geſchehen/ ſie haben groͤſſern verſtandt vnd weisheit/ gleichwol aber wiſſen ſie drumb nit alles wie die Jeſuiten/ ſo ein groß geplaͤr machẽ von dem Spiegel der H. Dreyfaltigkeit/ darinnen die Glaͤubigen ſeelen der verſtoꝛbenen alles ſchawen ſollen/ was in der gantzen Welt geſchihet. Aber ſolchen Traum haben ſie auß jhrem Gregorio herfuͤr geholet/ deſſen worte lauten alſo: Quid eſt noni videant, quò videntẽ omnia, vident? Was iſt das ſie nicht ſehen ſolten/ die da ſehen der alles ſihet? Jtem/ Nihil in creatura agitur, quod videre nõ poſſint, qui Creatorem vident; Es wird nichts gethan in der Creatur/ das die jenigen nicht koͤndten ſehen/ die den Schoͤpffer ſehen/ ꝛc. Solches iſt ein falſcher grund/ vnd gehet ſtracks wider die Schrifft/ vñ machen eytel Abgoͤt- ter auß den Außerwelten ſeligen Menſchen/ vnd wollen jnen gerne die ehre der Anruffung beybringen/ derer ſich doch auch die H. Engel wegern vnd aͤuſſern/ weil ſie Gott allein gebuͤhret/ wie Moſes ſaget/ Deut. 6. Vnd Chriſtus widerholet Matth. 4. Du ſolt Gott anbeten/ vnd jm allein Dienen/ Vnd die glaͤubigen Jſraeliten bekennen offent- lich/ Eſa. 64. Das Gott allein jhr Vater vnd Erloͤſer iſt/ von Abraham aber ſprechen ſie/ er weiß nichts von vns/ 2. LætãturJſrael kennt vns nicht. 2. Darnach frewen ſich vnſere Seelen in Gott mit vnausſprechlicher herꝛlicher frewde/ wiewol ſie auch noch nicht allerding volkomlich iſt/ wegen der Hoffnung der Aufferſtehung jhres Fleiſches/ das ſie mit demſelben in groſſer herꝛligkeit/ widerumb ſollen ver- eyniget werden/ darumb ſie auch vmb den Gerichts tag Gottes anhalten/ wie in der Offenbarung Johan. 6. ge- ſchriben ſtehet.

Zum Die II. LeichPꝛedigt.

Zum 3. ſo ruͤhmen/ loben vnd preyſen ſie Gott ohn vnter-3. Sine in- termiſſio ne deum celebrãt laß/ wie S. Joh: Apocal. 7. v. 9. ſaget/ Jch ſahe/ vnd ſihe eine groſſe Schar/ welche niemand zehlen kund auß allen Heyden/ vnd Voͤlckern/ vnd Sprachen/ fuͤr dem Stul ſtehent/ vñ fuͤr dem Lamb angethan mit weiſſen Kleidern/ vnd Palmen in jhren Haͤnden/ ſchryen mit groſſer Stim vnd ſprachẽ: Heyl ſey dem der auff dem ſtul ſitzet vnſerm Gott vnnd Lambe/ Lob vnnd Ehre/ vnnd Weisheit/ vnd Danck/ vnd Preys/ vnd Krafft/ vnd Stercke/ ſey vnſerm Gott von Ewigkeit zu Ewigkeit/ ꝛc. Da vernehmen wir nun in was ſtand vnd weſen/ die Seelen der Außerwelten nach dieſem Leben ſein/ jhr thun iſt nichts denn Lob vnd Preiß ehr vnd ruhm Gottes/ vnd aller ſeiner guthaten ſo er vom anfang dem Menſchlichen geſchlechte erzeigt hat vnd ſonderlich ſeiner Kirchen/ die er ſo wuͤnderbarlich er- kaufft vnd erloͤſet hat/ durch das Blut ſeines lieben Soh- nes/ welches Werck ſo vnaußſprechlich groß iſt/ das alle Engel vnd Menſchẽ in ewigkeit Gott darumb werden zu preyſen haben. Die Schrifft weiß nichts von jhrer Qual vnd Fegfewer/ ſondern von jhrem Lob/ Preiß vnnd Ruhmb Gottes/ damit ſie jhm dienen Tag vnd Nacht in Himliſchen ewigen Weſen vnd Leben. So viel haben wir in Gottes Wort von den Thun vnd Weſen/ der gleubigen Seelen nach dieſem leiblichen Tode. Wie esImpiorũ vero ani- mæ. aber den vngleubigen Seelen gehe/ lehret Chriſtus Luc. 16. am reichen Manne.

1. Seind ſie in der gemeinſchafft der Teuffel/ welche1. Privãtur jucundi- ſimo de cõſpectu ſie Tag vnd Nacht vor jhnen ſehen. Denn dieſelbigen ſein in der Hellen/ 2. Pet. 2. v. 4. Gott hat der Engel die geſuͤndiget haben nicht verſchonet/ ſondern ſie mit Ketten Jder Die II. LeichPredigt. 2. Cruci- antur.der Finſternuͤß zu der Hellen verſtoſſen. 2. Sie leyden Pein vnd Qual/ Luc. 16. v. 24. Jch leide Qual in dieſer Flam̃en. Pſ. 21. v. 10. Du wirſt ſie machen wie ein Fewer- 3. Clamore miſera- bili ſua deteſtan- tur pec- cata.Offen. 3. Sie fuͤhren ein erbaͤrmliches Zetergeſchrey/ be- klagen jhre Suͤnde/ aber zu langſam wie es beſchrieben wird: Sap. 1. Da ſie alſo klagen wir haben gejrret/ des rechten weges gefeilet/ Vns hat das Liecht nicht geſchie- nen/ wir ſind eitel vnrechte ſchaͤdliche wege gegangen/ vnd des Herren weg haben wir nicht gewuſt. Was hilfft vns nu vnſer pracht? Was hilfft vns vnſer Reichtumb ſampt dem hochmuth/ Es iſt alles dahin gefahren wie ein ſchat- ten/ wie ein Schiff auff dem Waſſerwogen/ wie ein Vo- gel in der Lufft/ wie ein Pfeil. Alſo haben wir ein ende ge- nommen/ kein zeichen der Tugend bewieſen/ vnſer Leben in boßheit verzehret/ ꝛc. Doch iſt ſolche jhre Qual nicht gantz voͤllig oder vollkommen/ denn wie der Gleubigen Seelen frewd vor dem Juͤngſten Tag nicht aller ding vollkommen iſt/ inmaſſen ſie hernach angehen wird/ wenn ſie nicht allein mit der Seelen/ ſondern auch mit dem Lei- be/ ſo noch vnter der Erden ſchlaͤfft/ werden ſelig ſein. Alſo iſt der vngleubigen Pein vnd Qual noch nichts/ vnd ſchier noch ein ſchertz vnd Kinderſpiel gegen der marter vnd plage/ die erſt am Juͤngſten Tag angehen wird/ da ſie nicht allein an der Seelen/ wie jetzt/ ſondern auch am Leibe ſollen gemartert vnd geplaget werden. Welches deñ Gottloſe Leute billich bewegen ſolte/ das ſie von jrem boͤſem wege alſo abſtehen/ ſich in der gnaden zeit zu Gott bekehren/ vnd es nicht bis dorthin ſparen/ Denn als denn wird es zu lange geharret ſein/ wie der Engel bezeuget/ Apo. 10. v. 6.Apoc. 10. v. 6. Jch ſchwere bey dem Lebendigen von ewig- keit Die II. LeichPredig. keit zu ewigkeit/ der den Himmel/ die Erden/ das MeerDan. 12. ꝟ. 7. vnd alles was darinnen/ geſchaffen hat/ daß hinfort keine Zeit mehr ſein wird/ verſtehe/ Buſſe zu thun/ gnade er- langen. Darumb vermahnet S. Paulus Gal. 6. v. 10. AlsGal. 6. ꝟ. 10. wir nu Zeit haben/ ſo laſt vns gutes thun. Aug. Serm. 66. ſaget/ hie in dieſem Leben ſol man buſſe thun/ dorte ſol man rechnung thun. Epiphanius lib. 2. Form. fol. 236. Gleich wie das Koͤrnlein/ deſſen Halm vnd Aehr in der Erndten reiff vnd abgeſchnitten wird/ nicht wider gruͤnet vnd wechſt/ Alſo iſt dort auch/ wenn der groſſe Ernden- ſchnit ein mal wird angehen/ keiner buſſe oder vergebung zu gewarten. Chryſoſt. gibt diß Gleichnis: Gleich wie die Fechter keines Kraͤntzleins oder Kleynoths zugewarten haben/ wenn die Fechtſchul auffgehaben iſt. Alſo/ wenn einmal das Leben beſchloſſen/ vnd die ſchantze vorſehen iſt/ ſo hat man ferner mehr keine gnade bey Gott zu hof- fen/ ſondern wie die Epiſt. an die Ebreer ſpricht/ cap. 10. v. 27. ein ſchreckliches warten des Gerichts/ vnd des Fe- wereyfers/ der die widerwertigen verzehren wird. Dero- wegen wir deñ billich fuͤr vnſern Ohren vnd Hertzen ſtets ſollen klingen laſſen/ die trewhertzige vermanung des wei- ſen Mannes Syrachs cap. 5. v. 8. & 9. Verzeuhe nichtSyra. 5. ꝟ. 8. & 9. dich zum HErren zubekehren/ vnd ſchiebe es nicht auff von einem Tag biß zum andern/ Denn ſein Zorn kombt ploͤtzlich vnd wirds rechen/ vnd dich verderben/ vnd cap. 18. v. 22. Spare deine Buſſe nicht biß du kranck wirſt/Id. c. 18 ꝟ. 22. ſondern beſſere dich/ weil du noch ſuͤndigen kanſt/ Ver- zeuhe nicht from zu werden/ vnd harre nicht mit beſſerung deines Lebens/ bis in den Todt? Wiltu Gott dienen/ ſo laß es dir ein ernſt ſein/ auff daß du Gott nicht verſucheſt/ J ijGedencke Die II. LeichPredigt. Gedencke an den Zorn der am ende kommen wird/ vnd an die Rache/ wenn du dauon muſt. Dargegen aber widerumb die- net dieſe Lehre den glaͤubigen Chriſten zu troſt/ wenn Gott jhnen jhre getauffte Kinder/ Mann/ Weib/ Eltern oder Freunde abfordert/ daß ſie wiſſen/ ſie ſein an einen ſolchen orth/ da jhnen wol iſt/ von allem vngluͤck erloͤſet/ haben ſich nichts mehr zu befahren/ haben nu weiſſe Kleider/ h. e. newe Himliſch liecht vnd frewde/ tragen Palmzweige in jhren Haͤnden/ h. e. haben alles vberwunden/ vnd den ſieg erlan- get durch Chriſtum/ ſie haben auch vnſer nicht gar vergeſſen/ vnd wir haben ſie keines weges verlohren/ Sondern wenn da kompt Dies reſtitutionis omnium, da wollen wir einander in frewden wider ſehen/ vnd ſol vns kein Todt in ewigkeit mehr ſcheiden. Mitler weile ſollen wir vnſer Seelen mit ge- dult faſſen/ derſelbigen ſeligen hoffnung troͤſten durch Chri- ſtum Jheſum/ Vnd ſo viel auch vom dritten Stuͤcke.

Daß ſey alſo demnach/ wie wol etwas weitleufftig/ doch nichts vbriges geſaget von den 4. Stuͤcken/ die wir droben proponirt vnd kuͤrtzlich zuerklehren fuͤrgenom̃en haben/ welche ich vmb geliebter kuͤrtze willen nicht weitleufftig widerholen: Sondern euch dieſelben in ewerm Hertzen zu repetiren wil anheim ſtellen. Mit hertzlichem wundſch/ daß der liebe Gott der da reich iſt an Barmhertzigkeit/ vber alle die jn anruffen/ angeregten troſt vnd bericht/ in den leid tragenden Eltern/ auch bey allen bekuͤm̃erten Hertzẽ krefftiglich beſiegeln wolle.

Belangende nu vnſern in Gott ruhenden jungen Her- ren/ ſo iſt ſein vhralter Adeliches loͤbliches Geſchlecht/ men- niglichen bekant/ vnd koͤndte aus bewehrten Hiſtoricis leicht dar gethan werden/ wie ſich jhr Anherr des Geſchlechts vmb den vngeriſchen Koͤnig Matthiam vertute bellica & to- gata, Die II. LeichPredigt. gata, mit loͤblichen Tugenden zu Krieges Friedes zeiten wol verdienet hat/ darumb ſie nicht allein in Vngern vnd Polen/ daraus ſie jhre Ankunfft haben/ ſondern auch in dieſem Land Schleſien/ dariñen ſie ſich mit den vornembſten Adelichſten Geſchlechtern befreundet/ einen ruͤhmlichen Namen erlan- get/ alſo/ daß ſie Fuͤrſten vnd Herren angenehm ſein/ Son- derlich aber iſt zuvermelden/ daß die Herren Czigayner jhren vrſprung haben von dem Geſchlechte die Czigotten/ Deñ als Anno 1481. der Tuͤrckiſche Bluthundt vnd Tyrann wider den vngeriſchen Koͤnig Matthiam kriegete/ vnd jm ſehr harte zu ſetzte/ hat weyland der E. G. vnd wolehrenvheſte Herr Hans Czigotta auff Koͤniglichem befehl/ in groſſer eyl 200. Zigayner/ ſampt anderm Kriegsvolck auffbracht/ dem Tuͤr- cken mit demſelben/ groſſen widerſtand gethan/ vnd jhm eine vorneme Veſtung/ nechſt Gott/ mit den Zigaynern einge- nom̃en/ vnd alſo den vngriſchen Koͤnig ritterlichen entſetzet. Daher er dann bey dem Koͤnige einen ruͤhmlichen Namen bekommen/ daß er jhm aus liebe fuͤr die trewe/ ſo er mit ſeinen Zigaynern bewieſen/ den Namen Czigotta verendert/ vnd nur jmmer Zigann geheiſſen hat/ Vnd von dannen her ha- ben ſich alle nachkoͤmlinge Herr Hanſes Zigots Ziganer ge- ſchꝛieben/ wie denn hie von Koͤnigliche Brieffe vorhanden/ ſonderlich aber des Koͤnigs Matthiæ, derer Datum zu Offen/ die Bartholomæi, Anno 1481. Aus dieſem Adelichem Stam̃e hat vnſer junger Herr/ Herr Chriſtoff Zigan ſeine Ankunfft genommen/ Jnmaſſen/ die gewiſſe deduction des Adelichen Geſchlechtes Regiſters außweiſet.

Sein Herr Vater iſt vnſer gnediger Herr/ Herr Hans1. Czigan von Slupska/ auff Freyſtadt/ Dobroßlawitz vnd Zawada.

J iijSeine Die II. LeichPredigt.

2.Seine Fraw Mutter iſt die wolgeborne Fraw/ Fraw Marianna Cziganin/ geborne Freyin von Raͤdern/ aus dem Hauß groß Friedland/ vnſer auch gnedige Fraw vnd liebe Mutter.

3.Seine Fraw Großmutter/ nach dem Herren Vater iſt geweſen/ die Edle vielehrentugendreiche Fraw Barbara/ eine geborne Czaͤlin/ aus dem Hauſe Czechowitz.

4.Seine Fraw Großmutter nach der Fraw Mutter/ iſt ge- weſen die Wolgeborne/ Edle vnnd vielehrentugendreiche Fraw Dorothea/ geborne Kutſchin/ aus dem Hauſe Kynaſt.

5.Seines Herren Großvatern Fraw Mutter/ nach ſeinem Herren Vatern iſt geweſen/ die edle vielehrentugendreiche Fraw Regina/ geborne Kralitzkyn von Kralitz/ aus dem Hauſe Broßlawitz.

6.Seines Herren Großvatern Fraw Mutter/ iſt geweſen nach ſeiner Fraw Mutter/ die auch wolgeborne vielehrentu- gendreiche Fraw Salome/ geborne Schoͤnaichin/ aus dem Hauſe Liendenroda.

7.Seiner Fraw Großmutter Mutter nach dem Herren Vatern/ iſt geweſen die Wolgeborne Fraw/ Fraw Catha- rina Seednitzkin võ Czoltitz/ aus dem Hauſe Polniſch Oſter.

8.Seiner Fraw Großmutter Mutter nach der Fraw Mut- ter/ iſt geweſen die auch edle vielehrentugẽdreiche Fraw Mar- garitha/ geborne Puͤcklerin/ aus dem Hauſe Cantersdorff.

Aus dieſem gantz Adelichen vnd beruͤmbten Geſchlecht/ hat nu vnſer in Gott ruhender junger Herr ſeine Ankunfft/ Vnd iſt geborn Anno Chriſti 94. den 9. Maij. vnd den 11. Octobris, dieſes lauffenden Jahres/ ſeliglichen im Herren zu Briege verſtorben/ das alſo ſein gantzes Alter nicht hoͤher als 12. Jahr/ 20. Wochen/ 2. Tage.

Nu Die II. LeichPredigt.

Nu wolan/ ſein liebes ſeliges Seelichen iſt allbereit hin- auff in das ewige Himliſche Vaterland/ ins Reich der ſeli- gen Ewigkeit/ vnd ewigen Seligkeit/ da es ruhet in manu Domini, vnd es nu nim̃ermehr keine Qual anruͤhret. Sein zarter Leib aber wird jetzunder/ nach Adelichem Monyer ge- ſencket vñ geſetzet werden/ in die von ſeinem Herren Vatern newe erbawte Beygrufft/ vnd darinnen neben ſeinem aͤltern Brudern/ vnd Herren Vaͤttern/ ſanfft raſten vnd ruhen biß an den Juͤngſten Tag/ an welchen wir jhm vnd alle recht gleubigen wuͤndſchen ein froͤliche Aufferſtehung zum ewigen Leben. Vns hat er in dieſer trawrigen Welt verlaſſen/ dar- innen ein vngluͤck dem anderm die Hand giebet/ da vns Gott ſpeiſet mit Thraͤnenbrod/ vnd trencket vns mit groſſem maß vol Thraͤnen. Aber wir hoffen auch der mal eines der beſſe- rung/ wenn vns Gott vber das groſſe hohe gebirge des zeit- lichen todes/ verhelffen wird. Er hat vberwunden/ wir kaͤmpffen vnd ſtreiten nach/ er hat eine ſchoͤne Ehrenkrohne vnd Danck/ wir hoffen vnd gewarten nach derſelbigen. Er hat den Gang verrichtet/ den wir nach gehen ſollen/ Er hat nu mehr an das ſelige orth gelanget/ dahin wir noch dencken zu kommen. Er hat nu mehr den groſſen herrlichen Schatz funden/ den wir noch ſuchen. Er ſiehet nu mit froͤlichen Augen an/ was wir ſchawen im Glauben/ Er hat in volliger beſitzung/ was wir noch habẽ in froͤlicher hoffnung. Jn ſum̃a alle ſein jammer vnd elende/ iſt kom̃en zu einem ſeligen ende.

Das goͤnnen wir jhm von hertzen/ vnd ſaͤhnen vns nach mit ſchmertzen/ Wir haben jhn nicht gar verlohren/ ſondern nur voran geſchickt/ Er iſt vorgangen/ wir ſollen vnd wer- den hernach folgen. Vnd wenn wir nu auch der mal eines in das newe Himliſche Jeruſalem/ als in der ewigen frieden vnd Die II. LeichPredigt. vnd frewden Stadt Gottes werden eingehen/ da werden wir jhn auch wider finden/ vnd wider ſehen/ vnd vns in Gott mit jhm vnd allen Außerwehlten ewig frewen/ mit ſolcher frewde die kein Auge geſehen/ kein Ohr gehoͤret/ vnnd in keines Menſchen Hertz jemals kommen iſt/ wie S. Paulus, 1. Cor. 2. ex c. 64. Eſaiæ dauon redet. Zu welcher Frewde vnd Seligkeit/ vns allen ſampt in gnaden verhelffen wolle/ Gott Vater/ Sohn vnd heiliger Geiſt/ die heilige Drey- faltigkeit/ hochgelobet in Ewigkeit/ Amen.

Hieronymi in cap. 2. Ionæ ἐπιβάλλον μέρος. Eo tempore, quo deficit anima noſtra, & à cor- poris compage divellitur non debemus, aliò cogita- tionem vergere, niſi ad eum qui & in corpore & ex- tra corpus noſter eſt Dominus.

Æmulis & Zoilis.

QVum animi ſit ingenui fateri per quem profeceris diſertè profiteor, me maximam partem huius concionis mutua- tum eſſe ex ſcriptis Reverẽdi & clarißimi viri Domini Georgij Weinrichij, S. S. Theologiæ Doctoris in æde D. Thomæ Lipſiæ Paſtoris, nec non diœceſeos eiusdem Superindententis, Aca- demiæꝙ́ ibidem Profeſſoris Publici. Quicquid. n. ab hoc ſum- mo Theologo ſcribitur, id omne mediocri diligentia evoluo, & transfero in meas quotidianas conciones, ut potè nôrunt, qui me accuratè audiverunt.

Georgius Heèrman. m. p.