Dieses Werk steht unter der „Creative Commons Namensnennung-Weitergabe unter gleichen Bedingungen 3.0 Deutschland Lizenz“ (CC BY-SA).
Fraktur
Jch gleube aber doch/ daß ich ſehen werde das gutt deß
HERRN im Lande der Lebendigen.
ES ſaget Job im 14. Cap.
ſeines Buchs: Der Menſch vom
Weib geborn/ lebet kurtze zeit/ vnd
iſt voll vnruhe. Jn dieſen Wor-
ten klaget der Mann Gottes vber
das kurtze vnnd fluͤchtige Leben der Menſchen/
Denn ſie gehen auff wie eine Blume/ vnd fallen
ab/ wenn ſie fuͤr vnſern Augen am ſchoͤnſten gruͤ-
nen vnnd bluͤhen: Dannher Gott Eſaiæ ſelber
befihlet zu predigen im 40. Capitel: Alles fleiſch
ſey wie Hew/ vnnd alle ſeine guͤte wie ein Blume
ſtendiges Leben klagen auch die Heiden. Wie vn-
ter andern auß der Hiſtori deß Perſiſchen Koͤ-
nigs Xerxis im Herodoto im 7. Buch zu ſehen:
Ariſtoteles vnnd Cicero vergleichen den Men-
ſchen den Thierlein/ welche bey dem Fluß Hip-
panim gefunden werden/ vnd nicht lenger denn
einen tag leben: Denn weret vnſer Leben gleich
ſiebentzig oder achtzig Jahr/ iſt es doch kaum
eine ſtunde oder augenblick/ gegen der Ewigkeit
zu rechnen. Wie abzunemen/ dannher das Pe-
trus ſaget: Tauſendt Jahr ſind wie ein Tage/
2. Epiſt. 3.
Zum andern/ lehret Job/ daß ſolch kurtz vnd
hinfliehendes Leben voller vnruhe/ vnd ein elend
jaͤmmerlich ding ſey von Mutterleib an: Da iſt
jmmer ſorge/ furcht/ hoffnung/ ſo wol bey dem/
der in hohen Ehren ſitzt/ als bey dem geringſten
auff Erden/ ſo wol bey dem/ der Seiden vnnd
Kron treget/ als bey dem/ der einen groben Kittel
an hat/ Da iſt jmmer Zorn/ Eyfer/ Widerwer-
tigkeit/ Vnfriede/ Todesfahr/ Neid vnd Zanck.
Vnnd wenn einer deß Nachts auff ſeinem Bette
ruhen vnnd ſchlaffen ſol/ fallen jhm mancherley
gedancken fuͤr/ wenn er gleich ein wenig ruhet/ ſo
als ſehe er die Feinde kommen/ vnd wenn er auff-
wachet/ vnnd ſihet/ daß er ſicher iſt/ ſo iſt jhme
als einem/ der auß der Schlacht entrunnen iſt/
vnd iſt wunder fro/ daß die furcht nichts geweſen
iſt/ Syrach 41. Vber ſolche vnruhe vnnd elend
deß menſchlichen lebens klagen mit dem Patriar-
chen Jacob/ Gen. 41. Moſe Pſ. 90. David Pſ.
39. Auch die Heiden: Denn Silenus ſaget fuͤr
dem Koͤnig Mida, wie Cicero erwenet l. 1. Tuſc. q.
Dem Menſchen ſey am beſten gar nicht geboren
werden/ oder je eher je beſſer durch den Todt wi-
der abzuſcheiden. Als Koͤnig Xerxes weynete/
daß von ſeinem groſſen Kriegsheer vber hundert
Jahr man finden wuͤrde weder Haut noch Haar:
redete jhm ſein Freund vnd Kriegsrath Artaba-
nus ein/ vnd ſprach: Wie kurtz vnd fluͤchtig jm-
mer deß Menſchen Leben iſt/ kan ſich doch nie-
mand ruͤhmen/ daß er ſo ſelig ſey/ daß er vmb der
manigfaͤltigen Widerwertigkeit willen/ jhm nit
ein ſonder vielmal lieber todt denn lebendig zu ſeyn
gewuͤndſchet: Herodotus lib. 7. Deſſen haben
wir Exempel auch an den Heiligen Gottes: Jm
erſten Buch der Koͤnige im 19. Ca. verfolget vnd
drewet die abgoͤttiſche Koͤnigin Jeſabel dem Pro-
æ/ daruͤber wird dem Propheten angſt/
ſetzet ſich vnter eine Wacholdern/ vnd betet/ daß
ſeine Seele ſtuͤrbe/ vnd ſpricht: Es iſt genug/ ſo
nimb nun HErr meine Seele/ ich bin nicht beſſer
denn meine Vaͤter. Job ſpricht in ſeinem Elende
im 7. Cap. Meine Seele wuͤndſchet erhangen zu
ſeyn/ vnd meine Gebeine den Todt. Jm 10. Cap.
meine Seele verdreuſt das L
von ſeinen Zuhoͤrern geſchlagen vnnd verfolget
wirdt/ daß er jhnen das kuͤnfftige Vngluͤck nach
Gottes Befehl verkuͤndiget/ ſaget er im 20. cap.
Daß du mich doch nit getoͤdtet haſt in Mutter-
leibe/ daß meine Mutter mein Grab geweſen/
vnd jhr Leib ewig ſchwanger blieben were: War-
umb bin ich doch auß Mutterleibe herfuͤr kom-
men/ daß ichſolch Jammer vnd Hertzenleid ſehen
muß/ vnnd meine Tage mit Schanden zubrin-
gen? Dieſes alles (daß deß Menſchen Leben
kurtz vnnd voll vnruhe ſey) haben auch E. E. H.
ſampt jhrer Hertzgeliebten Haußfrawen jetzo er-
fahren/ bey dem vnverhofften Todtesfall jhres
hertzliebſten Sohns/ welcher in ſeiner zarten Ju-
gendt als ein ſchoͤn Bluͤmlein vnd Graß verwel-
cket vnd abgefallen/ wie der 103. Pſal. vnd Eſaias
redet/ darob ſie auß eingepflantzter Vater- vnnd
truͤbet worden: Weil dieſelben aber auß Gottes
Wort wiſſen/ daß denen/ die Gott lieben/ alle
ding zum beſten dienen/ Rom. 8. Vnd daß das
gerichte an dem Hauſe Gottes anfahe/ 1. Pet. 4.
Zweiffelt mir gar nit/ ſie werden jhnen/ mit dem
im Creutz geuͤbten Manne Gottes Job/ auch
den willen Gottes wolgefallen laſſen/ vnd ſagen:
Der HErr hats gegeben/ der HErr hats ge-
nom̃en/ der Name deß HErrn ſey gelobet. Weil
aber gleichwol Trawrigkeit dem Hectzen wehe
thut in der Anfechtung/ vnd vbertritt/ Syr. 38
das iſt/ gebuͤrende maß vnd weiſe im trawren nit
halten leſſet/ iſt wol vnd nuͤtzlich verordnet/ daß
bey Chriſtlichen Leichbegengniſſen Hiſtorien oder
Spruͤche auß Gottes Wort erklaͤret werden/
die Leide tragenden zu troͤſten/ die andern allerley
nuͤtzlicher Lehren zu erinnern: Zu dem ende hab
ich auch die Hiſtoriam deß lieben Joſephi/ bey
dem Chriſtlichen Leichproceß jhres hertzliebſten
nun in Gott ſeligen Sohns/ gerichtet vnd auff
Pappir bracht/ welche ich hiermit E. E. H. vnnd
deroſelben hertzgeliebten Haußfrawen præſentice
vnd vberreiche/ neben hertzlichem Wundſch vnnd
Gebet/ daß Gott durch dieſe Meditation in
Hertzen/ lebendigen Troſt/ beſtendige gedult vnd
hoffnung wircke/ vnd kuͤnfftig ſampt allen Ver-
wandten/ bey langwerender Leibsgeſundheit/
vnnd allem gluͤckſeligen Wolſtandt erhalte/ fuͤr
mehrem Leid vnd Betruͤbniß hergegen zu langen
zeiten gnediglich behuͤte. Datum Weigwitz den
WAnn kegenwertige Adeliche Luc. 7.
Leiche/ mit dem Juͤnglinge zu Nain/
jtzo wieder zu dem ſterblichen Leben erſte-
hen/ vnd dieſem herrlichen/ doch betruͤbten
Leichbegaͤngniß beywohnen ſolte/ wuͤrde ſie ohn allen
zweiffel/ die hertzgeliebte vnd ſehr betruͤbte Adeliche El-
tern/ Freunde vnd Verwandten anreden/ mit den wor-
ten/ welche vnſer Heyland gebrauchet/ als im zwoͤlfften
Jahre ſeines Alters/ jhn ſeine Eltern verlohren/ vnd
erſt am dritten Tage wieder funden: Jch muß ſein in Luc. 2.
dem was meines Vaters iſt: Seyd doch nicht Trawrig/ Theſ. 4.
wie die andern/ die keine Hoffnung haben: Bedencket
daß der allgemeine Großvater durch ſeinen Vngehor-
ſam die Suͤnde eingefuͤhret in die Welt/ vnd iſt durch
die Suͤnde der Todt zu allen Menſchen durchgedrun- Rom. 5.
gen: Weil es nun der HErr geordnet vber alles Fleiſch/ Syr. 41.
beyde dere die fuͤr vns geweſen ſind/ vnd nach vns kom-
men werden/ daß ſie ſterben vnd zur Erden werden/ wie Geneſ. 3.
ſie aus Erden erſchaffen ſind: Wiſſen auch daneben Eccl. 9.
jhre Zeit nicht: Was wolte ich mich dann wegern in
dem zu ſein was vnſerer aller Großvaͤter iſt/ ich lebete
gleich noch zehen/ hundert/ oder Tauſendt Jahr/ muſte
ich doch endlich an den Reyen: Gedencket an den alten Syr. 14.
Bundt/ wie ich geſtorben bin/ muͤſſet jhr auch ſterben/
Geſtern war es an mir/ heut oder Morgen iſts an euch. Syr. 38.
Jhr wiſſet zum Andern/ daß der rechte Vater vber alles
Epheſ. 3.
ſtum/ in dem Bade der Newen Geburt/ wieder gebo-
ren/ vnd zu einem Kind vnd Erben der Ewigbleibenden
Wohnung angenommen/ jtzt hat Er mich zu ſolcher ver-
ſprochenen Erbſchafft vnd Buͤrgerſchafft abgeholet/
daß ich nun bin in dem/ was meines Himliſchen Vaters
Apocal. 7.
Hauſe Tag vnd Nacht: Hoͤret derhalben auff mit wei-
nen vnd klagen/ weint nicht als wolt jhr verzagen. Dar-
mit aber kegenwertig ſchmertzlich betruͤbte Eltern vnd
Freundſchafft dieſes erkennen/ vnd beſtaͤndiglich gleu-
ben/ daß nemlich jhr hertzliebſter Sohn/ nicht/ wie es
fuͤr vnſern Augen vnd Vernunfft ſcheinet/ verlohren/
Eſa. 35.
Vaters iſt/ da Ewig Freude vnd Wonne vber ſeinem
Haͤupte ſchwebet: Wollen wir Gott anruffen/ daß Er
ſie ſolches ſelber durch ſeinen Heiligen Geiſt lehre/ ſpre-
chen mit Mund vnd Hertzen das Vater vnſer:
Textus.DJeſer Adelichen Leiche jhren
letzten Ehrendienſt nach Chriſtlicher gebuͤhr zu
leiſten/ alle betruͤbte vnd Leidetragende zu troͤ-
ſten/ vns aber auch vnſer ſterbligkeit zu erinnern/ daß
wir klug werden/ vnd in allerley Creutz vnd Truͤbſal mit
dem 119. Pſalm Gott die Ehre geben/ daß Erſampt
ſeinen Gerichten gerecht ſey/ wollen wir kuͤrtzlich wieder-
holen vnd erklaͤren die Hiſtoriam deß fromen Joſephs/
Wie dieſelbe nach allen Vmbſtaͤnden zu leſen iſt im er-
ſten Buch Moſis im 37. 39. 41-45. 46. Capiteln: Die
Summa deſſen/ was vns in kegenwart dienen ſol/ beſte-
het in dreyen Stuͤcken:
Jm Erſten: Werden wir hoͤren/
wie Joſeph mit groſſem Hertzenleid
verlohren worden.
Jm Andern: Wie kuͤmmerlich
vnnd elende es vmb Joſeph inn der
frembde geſtanden.
Jm Dritten: Wie wuͤnderlich jhn
Gott erhoͤhet/ vnd mit vnausſprech-
licher Freude ſeinen Vater wieder hat
anſichtig werden laſſen.
ES vermahnet Paulus zun Roͤmern am Rom. 12.
12. daß wir ſollen gedultig ſein in allerley Truͤb-
ſal/ was vns aber/ neben andern Vrſachen/ zu
ſolcher Gedult reitzen ſol/ lehret der Apoſtel Petrus in
ſeiner erſten Epiſtel im 4. Cap. daß vns nemlich nichts Epiſt. 4.
ſeltzames wiederfehret/ ſondern eben dieſelbigen Leyden
ſind gegangen/ vnd gehen vber vnſer Bruͤder in der
Welt/ Dañher ſpricht der Prediger Salomonis im 1. Eccl. 1.
Cap. Geſchicht auch etwas davon man ſagen koͤñe/ Si-
he/ das iſt new? Dann es iſt vor auch geſchehen in den
vorigen Zeiten/ die vor vns geweſen ſind. Solches
koͤndte durch Exempel erwieſen werden/ aber wir blei-
ben bey kegenwertigem vnverhofftem Todesfall. Die-
ſes nun in Gott ruhenden Adelichen Juͤnglinges/ wel-
chen ſeine hertzgeliebte vnd betruͤbte Eltern/ eben wie
dem Gottſeligen Patriarchen ſolches kuͤmmerlichen vn-
ſalls wenigſtes vorſehen. Derwegen nicht vnbequem
die Hiſtoria Joſephs auff dieſe Leiche gezogen wird/
denn daraus die betruͤbte Eltern vnd Freundſchafft nuͤtz-
liehe Lehr vnd Troſt vornehmen/ daruͤber ſie mit dem
Koͤnige David aus dem 116. Pſalm werden ſagen koͤn-
nen: Sey nun wieder zu frieden meine Seele/ dann der
HErr thut dir guts: Daß aber ſolches geſchehe/ wolle
Gott ſeine Gnade darzu geben.
DAs Erſte Stuͤcke der fuͤrgenommenen Hiſtori
handelt von der ſchmertzlichen verlierung deß
fromen Joſephs/ bey welcher in acht zu nehmen.
Erſtlich das Alter Joſephs/ welches der Heilige
Geiſt mit fleiß auffzeichnen laſſen/ mit dieſen Worten:
Joſeph war ſiebenzehen Jahr alt/ Cap. 37. Dann
hiermit gelehret wird: Erſtlich/ daß aller Menſchen
Pſal. 139.
ſein/ ehe denn ſie noch werden/ vnd derſelben einer da
war. Dañhero ſagt David im 31. Pſalm: HErr/
cher/ einem jeden von Gott beſtimpten zeit/ kein Haar
von ſeinem Haͤupte fallen/ wenn auch die Welt voll
Teuffel wer/ vnd wolten jhn verſchlingen: Derowegen
wir nicht mit ſichern Weltkindern dencken vnd ſagen
der Weiß-
heit im 2.
Cap.
der dahin/ als weren wir nie da geweſt: Denn GOtt
leſſet ſelber die Menſchen ſterben/ vnd ſpricht/ Kompt
Pſal. 90.
Ziel geſetzt/ welches er nicht vbergehen kan: Wie auch Iob: 14.
Paulus hierauff deutet zun Roͤmern am 14. Vnſer
keiner lebet jhm ſelber/ vnd vnſer keiner ſtirbet jhm ſel-
ber: Leben wir/ ſo leben wir dem HErren/ Sterben
wir/ ſo ſterben wir dem HErren. Wann derohalben
Gott vns oder die vnſern abfordert durch den zeitlichen
Todt/ wenn wir vns deſſen nicht vorſehen/ ſollen wir
vns erinnern/ daß ſie jhr vorgeſtecktes Ziel erreichet/
vnd den Lauff vollendet haben. Zum Andern/ wird
mit der Jahres zeit Joſephs gedeutet/ auff deſſelben
Gottes furcht/ Verſtandt vnd andere Tugenden/ da-
rinnen er/ durch fleiſſige vnterweiſung ſeines Großva-
tern vnd Vatern/ vnd durch genaͤdige Jnwohnung deß
Heiligen Griſtes/ alſo/ bald von Kind auff zugenom-
men/ daß Er auch in der frembde Glauben vnd guttes
Gewiſſen behalten/ vnd mit groſſer Beſcheidenheit vnd
mercklichem Nutz/ andern Leuten dienen koͤnnen. Alſo
pfleget ſich noch bey guten Naturen bald zu erzeigen/
was jhnen GOtt vor Gaben mitgetheilet. Simſon Iudic. 13.
treibet der Geiſt Gottes bald in ſeiner Jugend. Als
David noch der Schafe ſeines Vaters huͤtet/ koͤmpt ein
Lewe vnd ein Beer/ vnd tregt ein Schaf weg. David Sam. 17.
leufft jhm nach/ ſchlegt jhn/ vnd errettets aus ſeinem
Maule/ welches ein anzeigung war/ wie Ritterlich vnd
gluͤckhafftig er fuͤr ſein Volck ſtreiten/ vnd daſſelbe wie-
der alle Feinde ſchuͤtzen wuͤrde. Als der Macedoni-
ſche Philippus mit verwunderung ſahe/ wie ſein Sohn
Alexander in ſeiner Jugendt das vnbaͤndige Roß Bu-
cephalum vorſichtiglich vnd Kuͤnſtlich handelte/ wel-
ches zuvor niemand zu zwingen vnd reiten ſich vnterſte-
Gemuͤte ſeines Sohnes/ vnd ſprach: Lieber Sohn/ ſu-
che dir ein ander Koͤnigreich/ Macedonia iſt dir viel zu
enge vnd klein. Vnd von andern dergleichen Kindern/
bey welchen ſich in der Jugend Fuͤncklein vnd Merckzei-
chen der rechten Gottes furcht/ Hertzlicher Liebe kegen
jhre Eltern/ vnd anderer Tugenden erzeigen/ ſagt das
Buch der Weißheit im 4. Cap. daß ſie bald volkommen
worden/ vnd jhre Jahre erfuͤllet/ ob ſie gleich zeitlich
vnter den Suͤndern hingezuͤckt vnd weggerafft wer-
den/ denn das Alter iſt ehrlich/ nicht das lange lebet/
oder viel Jahre hat/ ſondern welches mit Gottſeligkeit
vnd Verſtand gezieret iſt. Dann Klugheit vnter den
Menſchen iſt das rechte grawe Haar/ vnd ein vnbefleck-
tes Leben iſt das rechte Alter: Wann derowegen die
Epheſ 6.
Luc. 2.
Gnade/ ſterben ſie niemals zur Vnzeit/ ſondern weil ſie
Gott wolgefallen/ vnd jhm lieb ſein/ eilet Er mit jhnen
aus dem boͤſen Leben/ ehe dann die Boßheit jhren Ver-
Sap. 4.
Zum Andern/ bey dem erſten Stuͤcke/ wird
Joſephs Leben vnd Wandel beſchrieben im 37. Capitel.
1. Huͤtet er neben ſeinen Bruͤdern das Vieh ſeines Va-
ters. 2. Bringet er fuͤr ſeinen Vater/ wo ein boͤſe Ge-
ſchrey wieder ſeine Bruͤder war. 3. Gehet er auff den
Befehl ſeines Vaters/ vnd ſuchet ſeine Bruͤder/ biß er
ſie findet/ Diß ſind drey ſchoͤne Tugenden an Joſeph.
Syr. 33.
gang/ welcher aller laſter anfang iſt/ dann er von ſeinem
Vater gehoͤret/ daß es alſo GOtt geordnet/ daß der
ſolle. Er uͤber ſich aber in der Nahrung ſeines Vaters
vnd Groß
ten/ wie aus der Hiſtori Abraham/ Jſaac vnd Jacob zu
ſehen/ Deſſen Soͤhne zu dem Koͤnige in Egypten ſa- Geneſ. 47.
gen/ als Er ſie fraget/ was jhre Nahrung ſey: Deine
Knechte ſind ViehHirten/ wir vnd vnſer Vaͤter. Alſo
vermahnet Paulus alle Menſchen in gemein: Daß ſie Tit. 3.
lernen ſollen/ daß ſie ſich im Stande guter Wercke fin-
den laſſen/ wo man jhr bedarff: Jnſonderheit aber ſollen
Eltern wie Jacob/ jhre Kinder zur Arbeit vnd uͤbung in
guten vnd nuͤtzlichen Kuͤnſten halten. Darmit ſie der
Kirchen Gottes vnd gemeinem Leben folgend dienen/
vnd mit Gott vnd Ehren jhr Brodt vnd Notturfft er-
werben koͤnnen/ wie auch der weiſe Heyde Cato ver-
mahnet:
Zum Andern iſt Joſeph Gottfuͤrchtig: Dann weil
er weiß/ daß Gott alles ſehe/ hoͤre/ mercke/ vnd einem
jeglichen zu ſeiner Zeit bahr vergelte/ Huͤtet er ſich/
Gott vnd ſeinen lieben Vater zu betruͤben/ treget darne-
ben ein hertzliches mißfallen daran/ wann er hoͤret oder
ſihet/ wie ſeine Bruͤder wieder Zucht vnd Erbarkeit
handeln. Bringet es fuͤr ſeinen Vater: Dieſe Tugendt
iſt der Weißheit anfang/ Pſal. 111. Jn Spruͤchen Sa- Prov. 16.
lomonis im 1. Syrach 1. Durch dieſe Tugendt meidet
man das boͤſe: Erlanget Gottes Gnade vnd Segen/
Dañ die den HErren fuͤrchten/ haben keinen mangel: Pſal. 34.
maͤnniglich vermahnet/ ſonderlich ſpricht Salomon in
ſeinem Prediger im 12 Cap. Die Hauptſumma aller
Lehre iſt: Fuͤrchte Gott/ vnd halt ſeine Gebot: Vnd in
den Spruͤchen Salomonis im 3. Mein Kind/ laß ſie
nicht von deinen Augen weichen/ ſo wirſtu gluͤckſelig
vnd klug werden/ denn wirſtu ſicher wandeln auff dei-
nem Wege/ daß dein Fuß ſich nicht ſtoſſen wird/ Legeſtu
dich/ ſo wirſtu ſicher ſchlaffen/ daß du dich nicht fuͤrchten
darffſt fuͤr dem Sturm der Gottloſen/ wann er koͤmpt/
dann der HERR iſt dein Trotz/ der behuͤtet deinen
Fuß/ das er nicht gefangen werde. Die Dritie Tu-
gend an Joſeph iſt/ daß er ſeinen Vater ehret vnd hoͤ-
ret/ denn als Jacob ſeinem Sohn ruffet/ vnd jhm an-
deutet/ Er wolle jhn ſenden zu ſeinen Bruͤdern/ zu ſehen
wie es vmb ſie vnd das Vieh ſtehe/ vnd jhm ſolches wie-
der zu verkuͤndigen/ im 37. Cap. v. 13. 14. iſt Joſeph wil-
lig vnd bereit/ ob er wol wuſte/ daß jhm ſeine Bruͤder
feind waren/ alſo daß ſie jhm auch kein freundlich wort
zuſprachen/ v. 4. So war jhme auch der Weg vnbe-
kandt/ wie daraus abzunehmen/ daß jhm ein Man be-
gegnet auff dem Felde/ als er jrre gieng/ im 37. Cap. v.
15. Dieſes alles vberwindet der Kindliche Gehorſam
bey Joſeph/ iſt gewiß/ das der Gott/ der Vater vnd
Mutter zu ehren vnd hoͤren befohlen hat/ werde auch
zu vorrichtung dieſes auffgetragenen Befehls Segen
vnd Gluͤck vorleihen/ ja ſeinen Engel ſenden/ der jhn
ſtoſſe/ Gleicher geſtalt jhren Eltern in Kindlicher De-
mut zu gehorſamen befihlet Gott allen Kindern/ mit
angehengter Vorheiſchung vnd Bedraͤwung: Denn
dirs wolgehe/ vnd lange lebeſt auff Erden: Aber ein Au- Epheſ. 6.
ge das den Vater verſpottet/ vnd verachtet der Mutter
zu gehorchen/ das muͤſſen die Raben am Bach aus ha- Prov. 30.
cken/ vnd die jungen Adler freſſen.
Zum Dritten/ Jſt bey der verlierung Jo-
ſephs zu mercken/ daß jhn Jacob lieber gehabt denn alle
ſeine Kinder/ Geneſ. 37. v. 3. & 4. Dann er hatte ein
Trewfleiſſiges/ fromes vnd Gottfuͤrchtiges/ Ehrerboͤ-
tiges vnd gehorſames Kind an jhm. Es hat wol Gott
allen Eltern von Natur eingepflantzt/ daß ſie jhre Kin-
der/ als jhr Fleiſch vnd Blut nicht haſſen/ ſondern lie- Eph. 5.
ben/ pflegen vnd nehren. Wie auch aus der Heyden vnd
vnvornuͤnfftigen Thiere Exempeln zu ſehen iſt: Aber/
wenn Kinder bald in der Jugend/ jhrer Froͤmigkeit vnd
anderer Tugenden Merckzeichen von ſich geben/ ſo vor-
mehret ſich auch der Eltern Liebe kegen jhnen alſo/ das
dieſelbe nicht zu beſchreiben iſt/ ſondern Chriſtliche El-
tern bey ſich am beſten befinden/ vnd hiervon zeugen
koͤnnen: Syrach deutet hier auff/ da er ſaget im 16. Cap. Syr. 16.
Es iſt beſſer ein from Kind/ denn tauſendt Gottloſe.
Vnd im dreyſſigſten: Wo ſein Vater ſtirbet/ ſo iſts als Syr. 30.
were er nicht geſtorben/ denn er hat ſeines gleichen hin-
ter ſich vorlaſſen/ da er lebete/ ſahe er ſeine luſt/ vnd hatte
Freude an jhm/ da er ſtarb dorffte er nicht ſorgen/ dann
er hat hinter ſich gelaſſen einen Schutz wieder ſeine
Feinde/ vnd der den Freunden wieder dienen kan.
Zum Vierden/ iſt bey dem erſten Stuͤcke in
acht zu nehmen/ wie from vnd Gottfuͤrchtig Joſeph iſt/
koͤmpt er doch in euſſerſte gefahr Leibes vnd Lebens/ deñ
ſie wieder jhn/ im 37. Cap. v. 20. wollen jhn erſtlich er-
wuͤrgen/ weil ſie aber jhr eigen Gewiſſen uͤberzeugete/
daß ſie deſſen kein vrſach hetten/ fuͤrchten ſich neben bey/
es moͤchte jhnen das vnſchuͤldige Blut/ wie dem Bruͤ-
dermoͤrder Cain/ zu ſchwer werden: Werden ſie rahts/
jhn in eine Grube/ in der Wuͤſten zu werffen/ v. 22. 23.
als ſie hernach Jſmaeliter kommen ſehen von Gilead/
die in Egypten reiſeten/ ziehen ſie Joſeph wiederumb
heraus/ vnd verkauffen jhn den Jſmaeliten vmb zwan-
tzig Silberling/ die fuͤhren das wolgezogene liebe Kind
mit ſich in Egyptenland v. 28. Hernach/ mercken die
Bruͤder wol/ daß dieſer jhr Frevel in die lenge nicht koͤn-
te verborgen bleiben/ denn jhr Vater Jacob wuͤrde in
die lenge ohne ſeinen hertzliebſten Sohn nicht bleiben
wollen/ ſondern jhm nachforſchen vnd ſchicken/ erfinden
derohalben ſolche liſt daß ſie einen Ziegenbock ſchlach-
ten/ Joſephs Rock in deſſelben Blut eintuncken/ vnd her-
nach dem Vater ſchicken/ vnd ſagen laſſen: Sihe/ die-
ſen haben wir funden/ ſihe/ obs deines Sohnes Rock ſey
oder nicht. Bey dieſem Punct haben wir ein mercklich
Rom. 11.
lichen Wege Gottes/ dann ob Gott wol Jacob liebete/
Roman. 9. warnet er jhn doch nicht fuͤr dem feindſeli-
gen vnd boßhafftigem vornehmen ſeiner andern Kinder
wieder Joſeph: Wieder wendet auch nicht das vorſte-
hende Hertzenleid/ wie er zuvor gethan. Da Laban
Geneſ. 31. vnd Eſau Geneſ. 33. dem Jacob feindſelig
entgegen zoch. Joſeph mus auch erfahren/ das der ge-
Pſal. 34.
ge fuͤhret/ darein ſich vnſer Vernunfft nicht finden kan/
ſollen wir die Exempel der Alten anſehen/ vnd beden- Syr. 2.
cken/ daß Gottes Gedancken nicht vnſere Gedancken/ vñ
ſeine Wege nicht vnſere Wege ſein/ ſondern ſo viel der
Himmel hoͤher iſt dann die Erde/ ſo ſind auch ſeine We-
ge hoͤher dann vnſere Wege/ vnd ſeine Gedancken Eſa. 55.
dann vnſere Gedancken. Sollen ferner mit David
vns ſeinem allerweiſeſten Raht vnd beſtem Willen vn-
tergeben/ vnd ſagen: Wie ſol ich dem HErren vergel- Pſal. 116.
ten alle ſeine Wolthat die er mir thut/ ich wil den heilſa-
men Kelch nemen/ vnd ſeinen Namen loben. Vnd aus
dem 42. Pſalm: Was betruͤbſtu dich meine Seele/ vnd
biſt ſo vnruhig in mir/ Harre auff Gott dann ich werde
jhm noch dancken/ daß er meines Angeſichtes huͤlffe
vnd mein Gott iſt: Herkegen ſollen wir vns fuͤr Vnge-
dult huͤten/ vnd vmb deß Creutzes hitze willen an der
Gottſeligkeit nicht laß werden/ oder gar davon abſtehen/
denn wir werdens hernach erfahren/ daß die Zuͤchti-
gung/ welche vns jtzo nicht Freude duͤncket/ ſondern Hebr. 12.
Traurigkeit ſein/ vns werde geben eine friedſame Frucht
der Gerechtigkeit: Herkegen werden auch endlich die
Gottloſen gewar werden/ was fuͤr ein vnterſcheid ſey/
zwiſchen dem der GOtt dienet/ vnd dem der jhm nicht Malach. 3.
dienet/ wie der 73. Pſalm lehret. Jn den Hiſtorien der
Altvaͤter lieſet man: Daß eine Jungfraw ein hart vndIn vitis
Patrum.
ſtrenges Leben gefuͤhret/ mit faſten vnd beten/ nimmer
von dem Tempel Gottes kommen ſey/ als ſie aber be-
fraget worden/ Warumb ſie ein ſo eingezogenes vnd
ſtrenges Leben fuͤhrete/ da man doch wuſte/ daß ſie in
auff gab ſie zur Antwort: Jch hatte einen Vater/ der
trewlich ſeines Beruffs wartete/ ſich fuͤr Suͤnd vnd vn
recht huͤtete/ Herkegen aller Tugend vnd Erbarkeit ſich
befleiſſet/ aber bey ſolcher ſeiner Gottesfurcht vnd Froͤ-
migkeit war er ſtets ſiech vnd kranck/ daß er jmmer zu
Bette lag: Endlich ſtarb er nach lang ausgeſtandenem
Schmertzen/ als man jhn nach ſeinem Tode zur Erden
beſtetigen ſolte/ erhub ſich ſolch vngeſtuͤm vom regen/
donnern vnd blitzen/ daß die Begraͤbniß biß auff den
dritten muſte verleget/ vnd kaum kondte verrichtet wer-
den: Jm Kegenſpiel war meine Mutter vber alle maß
fuͤrwitzig/ obermuͤtiſch/ frech/ boͤſe/ haderhafftig/ vnzuͤch-
tig/ vnd voller fleiſchlicher Luſt/ der gieng es nach jhres
Hertzen Wuntſch vnd Willen/ wuſte von keinem Vn-
gluͤcke vnd Fahr deß Todes/ als ſie bey gutten Tagen
war alt worden/ ſtarb ſie ohn alle Qual vnd Todes
ſchmertzen/ ward bey ſchoͤnem wetter begraben: Vber
dieſem vngleichem Zuſtande meiner Eltern hub ich mich
an zu wundern vnd betrachten/ ob ich in meinem Lebens
wandel meinen fromen Vater/ oder dem ſuͤndlichen
vorhaben meiner Mutter nachfolgen ſolte/ weil jener
ſeiner Froͤmigkeit in dieſem Leben wenig genoſſen/ dieſe
aber jhrer Gottſeligkeit halben auch nicht geſtraffet
worden: Weil ich mit den Gedancken mich engſte/ vber-
eilet mich die Nacht/ vnd ſincke in einen ſanfften Schlaf/
als ich ſchlaffe/ koͤmpt mir ein Geſichte fuͤr eines groſſen
ſchrecklichen Mannes/ welcher mich ernſtlich anſihet/
vnd fraget/ vmb die Gedancken meines Hertzen/ als ich
aber fuͤr furcht vnd ſchrecken zitterte vnd verſtumme/
dorffte ich nicht lenger ſchweigen/ vnd erzehlet jhm mein
anliegen: Darauff antwortet er: Kom̃/ ich wil dir den
jtzigen Zuſtandt deines Vatern vnd Mutter zeigen/ aus
welchem du erkennen wirſt/ was zu thun oder zu laſſen/
vnd welches Leben du dir nachzufolgen erwehlen ſolt:
Fuͤhrete mich bey der Hand/ vnd brachte mich auff einen
ſehr ſchoͤnen Plan/ da es nach aller Luſt gruͤnete/ aller-
ley liebliche Fruͤchte vnd wolriechende Blumen waren/
vnd mangelte nichts was zur Freude vnd Ergetzligkeit
dienet/ Als ich mich an dieſem luſtigen Orte hin vnd
her wandte/ vnd mit verwunderung vmbſchawete/ koͤmpt
mein Vater/ vmbfehet mich/ vnd ſpricht mir gar
freundlich zu/ das ich eine hertzliche luſt bekame bey
jhm zu verbleiben: Er aber ſpricht: Liebes Kind/ jtzo
kanſtu noch nicht allhier verbleiben/ ſo du aber meinem
zeitlichen Leben vnd Wandel nachzufolgen dich befleiſ-
ſeſt/ wirſtu in kurtzer zeit auch allhie zu mir kommen: In
dem ich alſo mit meinem Vater mich vnterredte/ vnd
mich bey ſich zu behalten ſehnlich bate/ faſſet mich mein
Gleitsman bey der Hand/ vnd ſpricht: Folge mir weiter
nach/ ich wil dir auch deine Mutter zeigen/ welche Pein
leidet in der Helliſchen Flamme/ fuͤhrete mich in ein
groß finſter vnd dunckel Hauß/ welches fuͤr heulen vnd
Zeenklappen erbebete/ in demſelben zeigete mir er einen
Ofen/ der mit Pech vnd Fewer brennete/ vber welchem
Ofen ſchreckliche Geiſter ſaſſen vnd wacheten: Als ich
ſolchen fewrigen Abgrund ſahe/ werde ich meiner Mut-
ter gewar/ die in dem Pech vnd Fewer/ biß an den
Halß vorſencket ſtehet/ heulet/ zeenklappet/ brennet/
ſo bald dieſelbe meiner warnimpt/ hebet ſie heulende an
zu ſchreyen/ vnd ſpricht: Sihe/ liebes Kind/ dieſe vnaus-
ſprechliche Pein leide ich vmb meiner manchfaltigen
Boßheit vnd Suͤnde willen/ dann ich hielt es fuͤr einen
Spott vnd hoͤniſch Beyſpiel/ was mir in jenem Leben
von nuͤchternem vnd meſſigem Leben geſaget ward: Hu-
rerey vnd Ehbruch hielt ich fuͤr keine Suͤnde/ freſſen/
ſauffen/ vnd andere uͤppigkeit die liebete/ vnd pflegete
ich taͤglich: Ob ich aber wol ſolch mein ſuͤndlich Leben
mit Gluͤck/ ohne alles Creutz vnd Wiederwertigkeit
zugebracht/ vnd mein guttes empfangen habe/ ſo leide
ich doch nun fuͤr ſolche kurtze vnd nichtige Wolluſt ſolche
Pein vnd Qual/ die nicht auszuſprechen iſt: Weil du
aber allhero kommen biſt/ ſo dencke an deine Kindliche
Liebe vnd Pflicht/ vnd hilff mir/ erbarme dich mein lieb-
ſtes Kind/ dann ich brenne in dieſer Flamme/ vnd mag
nicht verbrennen/ ich ſuche den Todt/ vnd er fleucht von
mir/ erbarm dich mein liebe Tochter/ vnd vergiß nicht/
wie ſawer du mir worden biſt/ reiche deine Hand her/
hilff mir vnd fuͤhre mich aus dieſem Ort der Qual: uͤber
ſolchem flehen vnd wehklagen brach mir mein Hertz aus
ſehnlichem mitleiden kegen jhr/ fieng an laut zu weinen
vnd ſchreyen/ darob ich erwachete/ vnd mir forthin dem
vnſtraͤfflichen Wandel meines uͤbel geplagten Vaters
in der Welt/ mit ernſt vnd eyfer nachzufolgen/ erwehle-
te/ vnd hoͤheſtes befleiſſete/ weil Gott die fromen nach
der Verſuchung wieder troͤſtet/ vnd alles Leydes reich-
lich ergetzet/ die Gottloſen auch endlich gewaltig ſtuͤr-
tzet/ vnd endlich ſtraffet. Hiermit haben die Alten leh
Pſal. 4.
einen jeden Sohn den er auffnimpt/ zuͤchtiget/ endlich Heb. 12.
aber genaͤdiglich von allem uͤbel entbindet/ vnd jhr Hertz
erfrewet: Die Gottloſen leſſet er eine zeitlang wach-
ſen vnd gruͤnen/ wie ein Lorberbaum/ hewet ſie aber her-
nach mit Stam̃ vnd Wurtzel in ſeinem Zorne aus/ vnd
wirfft ſie in das vnausleſchliche Fewer/ wie auch die
Hiſtori von Lazaro vnd dem reichen Manne lehret. Luc. 16.
Darumb wir gerne von deß HErren Hand vor willen
nehmen/ vnd ſeinen Zorn tragen ſollen/ wann er vns
gleich auch wie Jacob vnd Joſeph betruͤbet/ vnd ſo vn-
freundlich anblicket/ als hette er vns vorlaſſen/ vnd vn-
ſer vorgeſſen: Dann wir werden mit dieſen vnd anderen
Heiligen Gottes erkennen/ daß ſein Zorn ein Augenblick Pſal. 30
wehret/ vnd vnſer nicht vorgeſſen wil vnd kan/ dann er
vns in ſeine Hand gezeichnet. Eſa. 49.
Der Fuͤnffte Punct bey der vorlierung
Joſephs handelt von dem Leyde vnd Weheklage Ja-
cobs vber dieſem vnverhoffetem Vnfall: Denn als der
heilige Patriarch ſeinen hertzlieben Sohn/ welcher ſei-
nes Hertzen Freude vnd Troſt war/ ſo ploͤtzlich in der
frembde verlohren hatte/ vnd aus dem vberſendeten blu-
tigen Kleide nicht anders ſchlieſſen kondte/ als das er von
einem boͤſen reiſſenden Thiere zuriſſen vnd gefreſſen
ſey/ ſtellet er gros Hertzenleyd vnd Klage: Vnd wil von
ſeinen Kindern keinen Troſt annehmen/ ſondern ſpricht:
Jch werde mit Leyde hinunter fahren zu meinem Soh-
ne. Hier iſt zu mercken: Erſtlich/ daß Jacob ſeinen
Sohn Joſeph fuͤr Todt vnd gefreſſen achtet/ welcher
doch warhafftig/ (ob wol in der frembde) lebete: Alſo
ſey/ wann ſie vns durch den zeitlichen Todt aus vnſeren
Augen vnd Armen hingeraffet werden: Aber es zeu-
Matt. 22.
Sap. 3.
Apoc. 14.
Todten zu beweinen auch den Gleubigen vnd Chriſten
erleubet ſey/ nur daß ſie gebuͤhrende maß vnd weiſe hal-
ten: Dann Gott/ Eltern vnd Kinder mit Natuͤrlicher
Liebe ſo feſte an einander verbunden/ das ſie ohn hertz-
liches vorlangen/ trawren/ ſchmertz vnd weheklagen
nicht von einander ſcheiden koͤnnen/ oder eines deß ande-
ren Vngeluͤck vnd Vnfall hoͤren vnd vortragen mag/
Dannhero das gemeine Sprichwort iſt: Was da lie-
bet/ das betruͤbet. Als der Perſiſche Koͤnig Camby-
ſes den Koͤnig Pſammenitum aus Egyptenland vber-
wunden hatte/ vnd gefangen hielt/ lies er ſeinen Sohn
vnd Tochter in ſeinem Angeſichte binden/ vnd zum To-
de fuͤhren: Solches ſach Pſammenitus mit Gedult/
ohn alle verſtellung ſeiner Geberde/ an: Als aber her-
nach ſein alter vnd trewer Freund vnd Rath herfuͤr ge-
bracht ward/ vnd auch ſolte erwuͤrget werden/ hub Pſam-
Herodot. 3.
lib.menitus an zu weinen: Als ſolches fuͤr Cambyſen kam/
fraget er den Gefangenen/ warumb er jtzo weinete/ da
er doch zuvor ſeine leibliche Kinder ohn alle Threnen
hette ſehen hinrichten. Darauff antwortet Pſammeni-
tus: Haußleid/ welches Vater vnd Mutter an Kindern
erleben/ ſey mit Threnen vnd Worten nicht an Tag zu
geben vnd auszuſprechen. Was aber vor Maß vnd
Mittel im Weinen vnd Trawren ſol gehalten werden/
ſey/ lehret Syrach im 38. Cap. mit folgenden Worten:
Weil der Todte in der Ruhe iſt/ ſo troͤſte dich wieder
vber jhm/ vnd laß die Trawrigkeit nicht in dein Hertz/ Syr. 38.
denn da iſt kein wieder kommen/ es hilfft jhn nicht/ vnd
du thuſt dir ſelber Schaden/ denn vom Trauren koͤmpt
der Todt/ vnd deß Hertzen Traurigkeit ſchwechet die
Kraͤffte. David erklaͤret vns dieſe Regel mit ſeinem
Exempel im 2. Buch Samuelis am 12. Dann weil Sam. 12.
ſein Kind kranck lieget/ faſtet/ betet vnd weinet er: Da
es hernach Todt iſt/ ſtehet er auff/ waͤſchet vnd ſalbet er
ſich/ gehet in das Hauß deß HErren/ vnd betet an: Als
ſich ſeine Knechte hieruͤber verwundern/ vnd jhm zu-
ſprechen: Was iſt das fuͤr ein ding das du thuſt? Da
das Kind lebete/ faſteſtu vnd weineſt/ nu es aber geſtor-
ben iſt/ ſteheſtu auff vnd jſſeſt? David ſprach: Vmb das
Kind faſtete ich vnd weinete da es lebete/ denn ich ge-
dachte/ wer weiß ob mir der HErr genaͤdig wird/ daß
das Kind lebendig bleibe: Nun es aber Todt iſt/ was ſol
ich faſten? Kan ich jhn auch wiedrumb holen? Jch wer-
de wol zu jhm fahren/ es koͤmpt aber nicht wiederumb
zu mir. Vnd koͤnnen/ ja ſollen Chriſtliche Eltern vnd
Verwanten deſto eher vnd leichter ſich zu friede geben/
vnd jhr Hertzenleid meſſigen/ wann jhre Kinder vnd
Freunde ein Chriſtliches Leben gefuͤhret/ vnd in wah-
rem Erkendtniß vnd Bekendtniß jhres HErren vnd
Heylandes Jheſu Chriſti eingeſchlaffen ſein/ denn an
ſolchen Leuten hat der ander Todt kein theil/ ſondern Apocal. 2.
20. 21.
jhre Seelen werden wie Lazari/ von den Engeln ge-
tragen in Abrahams Schoß/ Jhr Leib ruhet in ſeinem Eſa. 26.
beine wiederumb gruͤnen werden als das Graß/ Eſaiæ
66. Als D. Luthern eine Tochter geſtorben war/ vnd
Tiſchredẽ
fol. 496. b
redete den Doctor nach gemeinem Brauch an: Es were
jhnen ſein Betruͤbniß leid/ ſprach er: Es ſol euch lieb ſein/
ich habe einen Heiligen gen Himmel geſchickt/ ja einen
lebendigen Heiligen/ zu betrawren vnd beklagen aber
ſind die jenigen/ welche in Suͤnden vnd Laſtern gele-
bet/ vnd ohne Buß vnd Bekehrung geſtorben ſein/ dann
ſolcher Leute Todt iſt eine Thuͤr vnd Eingang zu dem
Ewigen Tode vnd Helliſchen Verdamniß/ ſie liegen
Pſal. 49.
dem reichen Manne zu ſehen/ Luc. 16. Wir nemen vns
Sam. 12.
ſein Kind ſtirbet/ gibt er ſich uͤber ſolchem Falle zu Frie-
de vnd Ruhe/ denn er wuſte vnd ſagte auch/ daß er daſ-
Sam. 25.
ten bey dem HErren ſeinem Gott/ antreffen/ vnd mit
ewiger Freude vnd Wonne wiederumb kommen wer-
de: Als aber ſein vngehorſamer vnd auff
Sam. 18.
hangen bleib/ vnd von dem Feldhaͤup
dreyen Spieſſen durchſtochen ward: Ward er Trau-
rig/ gehet auff den Saal im Thor/ vnd weinet/ vnd im
gehen ſpricht er: Mein Sohn Abſalom/ mein Sohn/
mein Sohn Abſalom/ wolte Gott ich muͤſte fuͤr dich
ſterben. Vrſach: David betrachtete/ wie Abſalom in
ſeinen Suͤnden geſtorben/ vnd Ewiglich verloren war.
Hierauff deutet Syrach im 22. Cap. Vber einen Tod-
Syr. 22.
nicht mehr/ aber vber einen Narren ſol man Trawren/
daß er keinen Verſtandt hat: Sieben Tage trauret
man vber einen Todten/ aber vber einen Narren vnd
Gottloſen jhr Lebenlang.
DAs Ander Theil von der Hiſtoria Jo-
ſephs wird beſchrieben in dem erſten Buch Mo-
ſis im 39. Cap. vnd helt in ſich die Gefaͤngniß.
Als Joſeph in die frembde koͤmpt/ vnd vom Vater vnd
Mutter verlaſſen iſt/ wird er zur Vnſchuld ins Gefaͤng-
nis geleget. Solche Stuͤcke deuten wir auff das Be-
graͤbnis der in Gott entſchlaffenen/ denn weñ ſich Leib
vnd Seel geſcheidet/ vnd vnſere liebe Eltern/ Kinder/
Vorwandten vnd Freunde von vns abgeſchieden/ ver-
ſcharret man den Coͤrper in das Grab/ als in ein fin-
ſter/ vnd (fuͤr der Vernunfft) abſchewlich Gefaͤngnis/
darinnen er vbel empfangen vnd tractiret wird: Dann Syr. 10.
es freſſen jhn die Schlangen vnd Wuͤrme. Die Hey-
den ſind mit jhren Todten auff mancherley weiſen vmb-
gangen: Aber bey dem Volcke Gottes im Alten vnd
Newen Teſtament hat man die Verſtorbenen allezeit
begraben/ vnd haben darmit geſehen auff das Vrtheil
Gottes/ ſo er nach dem Fall vber den Menſchen ge-
fellet: Du biſt Erden/ vnd ſolt zur Erden werden.
Zum Andern/ haben ſie mit ehrlicher Begraͤbnis den
Verſtorbenen gebuͤhrliche Ehr beweiſet: Dann Wie-
dergeborne vnd getauffte Menſchen ſind nicht geringe
Leute/ ſondern Gottes Kinder/ Joh. 1. Galat. 3. Miter-
ben Chriſti/ Roman. 8. Koͤnige vnd Prieſter/ Apocal.
1. Lebendige Heyligen/ Rom. 8. 1. Cor. 6. Eph. 5. 1. Pet.
2. Tempel deß Heiligen Geiſtes/ 1. Cor. 6. Wohnun-
gen der Heiligen Dreyfaltigkeit/ Johan. 14. Zu dem
Bilde Gottes erſchaffen/ Geneſ. 1. Sapien. 2. Durch
Chriſti Blut thewer erkaufft/ 1. Pet. 1. Durch den hei-
ligen Geiſt ernewert vnd geheiliget/ Johan. 3. ad Ti-
tum 3. Wie man nun vornehme Leute in der Welt/
pfleget in feine zierliche Gemach zu legen/ vnd Ehrlich
zu Bette beleiten/ warumb wolten wir es auch nicht vn-
ſeren verſtorbenen Chriſten thun/ ſonderlich weil vns
Syr. 38.
jemand ſtirbet/ ſo beweine jhn/ als ſey dir gros Leyd
geſchehen/ vorhuͤlle ſeinen Leib gebuͤhrlicher weiſe/ vnd
beſtate jhn ehrlich zum Grabe. Zum Dritten beweiſet
man durch ehrliche Begraͤbniß die Liebe kegen den ver-
ſtorbenen/ wie Joſeph von Arimathia an Chriſto: A-
lexander Magnus hatte einen Trewen Diener vnd lie-
ben Freund Epheſtionem, als derſelbe geſtorben war/
richtet er jhm ſo ein herrlich Begraͤbnis zu/ daß es auff
ſechtzig mal tauſent Kronen gerechnet ward. Zum
Vierden bezeugen wir durch die Begraͤbnis der vnſe-
ren/ die hoffnung von der Aufferſtehung der Todten:
Ioh. 12.
Cor. 15.
den Gottesacker/ der gewiſſen hoffnung/ daß ſie am
Fruͤchten herfuͤr wachſen ſollen/ wie in der erſten Epi-
ſtel an die Corinther im 15. Cap. Paulus lehret. Zum
fuͤnfften/ erinnern wir vns bey ſolcher Begraͤbnis/ daß
wir auch allhier keine bleibende ſtaͤdte haben/ ſondern Heb. 13.
werden eben wie der verſtorbene zu ſeiner zeit vnſer Cor. 6.
Haus dieſer Huͤtten/ ablegen muͤſſen: Welche Erinne-
rung vns dienet/ daß wir vns fuͤr Sicherheit/ Hoffart/
Geitz vnd anderen Suͤnden huͤtten: Denn was erhebet Syr. 10.
ſich die arme Erde vnd Aſche/ iſt er doch ein eiteler/
ſchaͤndlicher Kot weil er noch lebet/ vnd wenn gleich der
Artzt lange an jhm flicket/ ſo gehets doch endlich alſo:
Heute Koͤnig/ Morgen todt/ vnd wann der Menſch
Todt iſt/ ſo freſſen jhn die Schlangen vnd Wuͤrme: Al-
ſo huͤlffe es den Menſchen nicht/ wann er gleich der gan-
tzen Welt Guͤtter hette/ dann kundt iſt es/ wir haben
nichts in die Welt bracht/ werden auch nichts hienaus
bringen:
Kayſer Conſtantinus hatte einen geitzigen Hofe-
man/ als der Kayſer auff eine zeit neben jhm ſtund/ nam
er ſeinen Spieß/ machte einen Kreiß vmb den Geitz-
wanſt in der Erden/ vnd ſprach:
So wird dir doch zuletzt nicht mehr darvon/ dann ſo viel
Erden/ wird es dir oder noch ſo gut. Jn Betrachtung
ſolcher Vrſachen/ warumb wir die vnſeren vnd vns die
vnſeren/ nach dem Tode in das Grab legen/ vnd gleich
ein ſchrecklicher vnd
ehes vnd angenehmes Kaͤ
Acker Gottes ſey/ aus
wie Joſeph aus ſeinem G
Eſa. 66.
vnſere Ruhſtaͤdte geweihet vnd geheiliget iſt von Chri-
ſto vnſerem HErren vnd Heylande/ der nicht allein/
Tim. 1.
Matth. 12.
ſen mitten in der Erden/ wie Jonas drey Tage vnd
Nacht in dem Bauche deß Walfiſches war: Das er als
Mich. 2.
vns her gienge/ daß wir auch durchbrechen aus vnd ein
ziehen moͤchten/ Dannher die Kirche ſinget:
Weil du vom Todt erſtanden biſt/
Werd ich im Grab nicht bleiben.
Wie kraͤfftig dieſer Troſt ſey wieder die Bitterkeit deß
Todes/ vnd vorwehſung vnſeres vnd der vnſeren flei-
Iob. 19.
weis daß mein Erloͤſer lebet/ vnd er wird mich hernach
aus der Erden aufferwecken. David richtet ſich auch
Pſal. 27.
ich ſehen werde das Gutt deß HErren im Lande der Le-
Pſal. 118.
ſondern leben/ vnd die Wercke deß HErren verkuͤn-
digen.
JM Dritten vnd letzten Theil dieſer Hiſto-
ri wird gehandelt/ von der erhoͤhung vnd wieder
erſtatung Joſephs/ wie im 39. 41. 45. vnd 46.
Cap. zu leſen. Als Joſeph in ſeines Vaters Hauß ver-
lohren vnd Todt iſt/ von allen Creaturen in der frembde
verlaſſen/ iſt Gott der HErr mit jhm/ vnd neiget ſeine
Hulde zu jhm/ Cap. 39. Bringet jhn zu ſolchen Ehren/
das der Koͤnig in Egyptenland ſeinen Ring von der
H
Seyden/ vnd henget jhm eine guͤlden Keten an ſeinen
Halß/ leſſet jhn auff ſeinem andern Wagen fahren/ vnd
: Der iſt deß Landes Va-
ter/ vnd ſetzet jhn vber gantz Egyptenland/ Cap. 41.
Diß iſt ein Fuͤrbild
ren ſterben/ erhoͤhet vnd geehret werden/ das Eſaias Eſa. 64.
ſagt: Es hat noch kein Ohre gehoͤret/ noch kein Auge
geſchen/ ohne dich Gott/ was denen geſchiehet die dich
: Dann ob wol die volkommene Vorklerung vnd
erhoͤhung der Gottſeligen: Vnd denn auch die ſchmach
vnd Vordamniß der Gottloſen am juͤngſten Tage an-
gehen wird/ wann Leib vnd Seel wiederumb wird vorei- Cor. 5.
niget bey einander ſein/ wie beyde allhier gutes oder boͤ-
ſes gethan: Doch zeuget die Schrifft/ daß wenn der Eccl. 11.
Baum faͤllet/ er falle gegen Mittag oder Mitternacht/
auff welchen Ort er fellet/ da wird er liegen. Jm Buch
Sap. 3.
Hand ſind/ vnd keine Qual ruͤhre ſie an/ ſie ſeyen im
Luc. 16.
ſey eine groſſe Kinfft befeſtiget zwiſchen den Außerweh-
leten vnd Verdampten/ daß dieſe zu jenen nicht koͤnnen
hinuͤber fahren/ vnd jene zu dieſen auch nicht kommen.
Luc. 23.
Phil. 1.
zuſcheiden/ vnd bey Chriſto zu ſein. Johannes ſiehet
Apoc. 7.
dem Stule ſtehend vnd fuͤr dem Lamb/ angethan mit
weiſſen Kleidern/ vnd Palmen in jhren Haͤnden/ ſchry-
en mit groſſer Stim̃/ vnd ſprachen: Heyl ſey dem der
auff dem Stule ſitzt/ vnſerem Gott vnd dem Lamb. Jm
Apoc. 14.: Schreibe/
Selig ſind die Todten/ die in dem HErren ſterben von
nun an. Ja der Geiſt ſpricht: Daß ſie ruhen von jhrer
Arbeit/ dann jhre Wercke folgen jhnen nach. Dieſer
Troſt lindert auch nicht wenig vnſern Schmertzen vber
der vnſerem Toͤdtlichem Abgange/ weil das beſte Theil
deß Menſchen auch nach dem Tode lebet/ ſolcher Freu-
de vnd Wonne fehig wird/ welche die Schrifft nicht ge-
Matt. 17.: Petrus/ Jacobus
vnd Johannes empfinden einen Vorſchmack dieſes
Him̃liſchen Freudenlebens/ als Chriſtus vorklaͤret
ward auff dem Berge Thabor/ vergeſſen darob der
Welt vnd aller jhrer Herrligkeit/ ſagen zu dem HEr-
ren: Hie iſt gut ſein/ wiltu/ ſo wollen wir drey Huͤtten
machen/ Dir eine/ Moſi eine/ vnd Eliæ eine: Als Pau-
lus in den dritten Himmel oder Paradeiß entzuͤcket
Cor. 12.
auſſer dem Leibe iſt/ vnd hoͤret vnausſprechliche Wort/
welche kein Menſch ſagen kan. Wann es nun GOtt
gefellig die vnſeren oder vns ſelber zu ſolcher Seligkeit
abzufordern/ goͤnnen wir jhnen billich ſolchen wechſel/
maͤſſigen die Traurigkeit/ vnd ſagen mit Paulo: Die
Zeit ſeines Abſcheidens iſt vorhanden/ er hat einen gu- Tim. 4.
ten Kampff gekaͤmpffet/ er hat den Lauff volendet/ er
hat Glauben gehalten/ hinfort iſt jhm beygeleget die
Krone der Gerechtigkeit. Dieſen Troſt wuſte jhm
D. Luther wol nuͤtze zu machen/ denn als ſeine Tochter
geſtorben war/ ſaget er auff eine Zeit: Wann meine
reden fol.
497. a.
Tochter Magdalena wieder ſolte lebendig werden/ vnd
ſolt mir das Tuͤrckiſche Koͤnigreich mit bringen/ ſo wolt
ichs nicht thun/ O ſie iſt wol gefahren/ Dann ſelig ſind
die in dem HErren ſterben. Lieſet man doch von Hey-
den/ daß ſie bey jhrem oder der jhren Tode ſich getroͤ-
ſtet/ mit dem ruhigem vnd herrlichem Zuſtande der fro-
men auff dem Campo Elyſio, vnd in den Inſulis fortu-
natis: Wie ſolten wir Chriſten ſolches nicht viel mehr
thun/ weil wir weit beſſere hoffnung haben. Endlich
wird Joſephs Ehr vnd Erhoͤhung ſeinem Vater Ja-
cob kund gethan/ welcher aber nicht bald ſolcher froͤli-
chen Botſchafft gleuben wil/ ſondern dencket in ſeinem
Hertzen gar viel anders/ als er aber ſiehet die Wagen
die jhm Joſeph geſandt hatte jhn zu fuͤhren/ ward ſein
Geiſt lebendig/ vnd ſprach: Jch habe genung daß mein
Sohn Joſeph noch lebet/ ich wil hin vnd jhn ſehen: Da
er jhn anſichtig wird/ fellet er jhm vmb den Halß/ vnd
weinet. Ebener maſſen leſſet vns auch Gott wol in ſei-
Freunde/ leben: Solchen Troſt aber zu faſſen/ vnd dar-
mit der Traurigkeit zu ſteuren/ koͤmpt vns wol ſo ſchwer
fuͤr/ als dem lieben Jacob zu gleuben/ daß ſein Sohn
Cor. 15.
Theſ. 4.
fuͤrgebildet die vnausſprechliche Freude vnd Wonne/
welche Eltern vnd Kinder haben werden/ wenn ſie am
Tage der Wiedererſtatung/ einander in Himmliſcher
Ehre vnd Herrligkeit wieder anſchawen werden/ da
Ioh. 16.
froͤliche Wiederkunfft vnd Anblick machen/ daß man
deß jtzigen zeitlichen vnd ſchmertzlichen Leydens nicht
wird achten/ wie auch Gott ſaget Eſa. am 65. Man
wird deß vorigen nicht mehr gedencken/ noch zu Hertzen
nehmen. Das ſey geſaget von der Hiſtoria Joſephs/
welche ich beſchlieſſe mit den Worten S. Pauli in der
erſten an die Theſſalonicenſer am 4. So troͤſtet euch
mit dieſen Worten vntereinander. Denn einen
ſolchen Juͤngling/ in welchem auch von Kind auff aller-
ley Zeichen gezeiget/ daß Gottes Gnade vnd ſonderliche
Gaben in jhm geweſen/ welcher ſich auch ſeines Be-
ruffs trewlich vnd fleiſſig angenommen/ darbey GOtt
gefurchtet/ ſeine Eltern gehoͤret vnd geehret/ all aͤrger-
lich Leben vnd boͤſen ſchein gemeidet: Haben wir auch
hier fuͤr vns/ vber welches vnverhofftem Verluſt vnd
Toͤdtlichem abgange/ ſeine Adeliche Eltern vñ Freund-
ſchafft/ nicht weniger als Jacob vber Joſeph/ betruͤbet
ſind: Weil jhnen aber aus Gottes Wort bekandt/ daß
alles was lebet/ ſterblich iſt/ werden ſie in jhrem Trau-
ten wiſſen/ der gewiſſen Zuvorſicht/ daß/ wenn GOtt
ſeiner Glaͤubigen Gefaͤngniß dermal eines gentzlich Pſal. 126.
wenden wird/ ſie alsdenn das jenige/ was ſie jtzo mit
Threnen ſeen/ mit Freuden erndten vnd wieder bekom-
men werden/ dann wird jhr Mund voll lachens/ vnd
jhre Zunge voll ruͤhmens ſein/ ſie werden kommen mit
Freuden/ vnd jhre Garben bringen/ werden jauchtzen
vnd ſagen: Der HErr hat groſſes an vns gethan/ deß
ſind wir froͤlich. Dieſen Troſt wolle der Vater der
Barmhertzigkeit vnd GOtt alles Troſtes/ in den be-
truͤbten Hertzen/ durch ſeinen heiligen Geiſt gruͤnden/
kraͤfftigen vnd erhalten/ vnd ferner genaͤdiglich behuͤ-
ten/ daß jhnen ſampt allen Vorwandten kein Vbels be-
gegne/ vnd keine Plage zu jhrer Huͤtte nahe: Solches
wolle Er thun vmb ſeines Sohnes Jheſu Chriſti wil-
len/ in welchem wir Barmhertzigkeit empfahen/
vnd Genade ſinden/ auff die zeit wennHebr. 5.
vns huͤlffe von noͤten iſt/
AMEN.
Jhr ſeyt es die jhr bey mir verharret ha-
bet in meinen Anfechtungen/ vnd ich
wil euch das Reich beſcheiden/ wie
mir mein Vater beſcheiden hat/ daß
jhr eſſen vnd trincken ſolt vber mei-
nem Tiſche in meinem Reiche.
DEr Gerechte ob er gleich
zu zeitlich ſtirbt/ iſt er
doch in der Ruhe/ dann er ge-
felt Gott wol/ vnd iſt jhm lieb/
vnnd wird weggenommen aus
dem Leben vnter den Suͤn-
dern/ vnd wird hingeruckt daß
die Boßheit ſeinen Verſtandt
nicht verkehre/ noch falſche Leh-
re ſeine Seele betriege.
WJr leſen von dem Hochweiſen vnd Be-
ruͤhmbten Manne Cicerone, daß als
Tullia mit dem Tode verbli-
chen/ daß er gantz ein jaͤmmerliches Klagen
gefuͤhret/ daß der Servius Sulpitius verurſacht/
jhn als einen Trewen Freund zu troͤſten/ vnd
trachten/ daß das wiederwertige Gluͤck alle
Menſchen hinweg rucket/ was jhnen am lieb-
Cicero
ſol betrachten/ daß ſeine Tochter erlebt hette
die hoͤchſte Ehre/ welche er vnter dem Roͤmi-
ſchen Volcke erlangt/ vnd ſie auch ſelbſt einen
trefflichen Roͤmiſchen Herrn vom Adel zur E-
he gehabt/ bey jhm viel gutes in jhrem Leben
te hat er jhn troͤſten wollen/ damit daß Tullia
ſeine Tochter geſtorben were/ gleich zur vn-
gluͤckſeligen zeit/ da gleich das Roͤmiſche Reich
vnd Regiment zuriſſen/ vnd durch Zwitracht
zu Gemuͤt/ daß alle Menſchen die geboren wer-
den/ muͤſſen ſterben vnd zeitlich vergehen.
Diß waren die Argumenta, mit welchen der
Sulpitius ſeinen Trewen Freund aus der Heyd-
niſchen Philoſophia jhme dem Ciceroni ſein
Trauriges Gemuͤt/ troͤſten vnnd auffrichten
wollen. Aber in Angſt vnd Truͤbſeligkeit gelten
gar nichts ſolche Philoſophiſche Argumenta,
vnd vergehen eher denn ſtuppel im Fewer.
Ach was fuͤr Argumenta ſol ich dann neh-
men vmb ſchuldiger pflicht/ die ich ſchuldig
nenden Edle Eltern/ Herren Vater vnd Fraw
Mutter/ dieſes verblichenen Leichleins/ der ich
mich viel zu wenig hierzu erkenne/ Vnd ſol
nicht das Fewer deß Betruͤbnis vnterſchieren/
ſondern leſchen/ weil Gott ſelber alle Prediger
ermahnet zu troͤſten/ mit dieſen worten/ ſpre-
chend bey dem Propheten Eſaia: Troͤſtet/ Troͤ- Eſa. 40.
ſtet mein Volck/ redet mit (dem betruͤbten) Hie-
ruſalem freundlich. Vnd Gott ſelbſt eben in die-
ſem Propheten den Troſt allen betruͤbten zu-
ſpricht/ mit dieſen Worten: Zion ſpricht der Eſa. 49.
HErr hat mein vergeſſen/ Kan auch ein Weib
jhres Kindes vergeſſen/ daß ſie ſich nicht erbar-
me vber den Sohn jhres Leibes? Vnd ob ſie
deſſelben vergeſſe/ So wil ich doch deiner nicht
vergeſſen. Solcher Goͤttlichen Spruͤche hat
die heilige Bibel hin vnd da/ an vnterſchiedli-
chen Orten/ bey den Propheten vnd im Newen
Teſtament: Wie loͤblich troͤſtet der HERR
Chriſtus die betruͤbte Wittib/ da er ſpricht:
Weine nicht. Alſo die Chriſtliche Kirche Luc. 7.
ſchreyet auch mit heller Stimme: Hoͤrt auff zu
weinen vnd klagen/ Weint nicht als wolt jhr
verzagen/ Gott ſollen wir nicht wiederſtreben/
Durch ben Todt gehen wir ins Leben. Alſo
rede ich euch heute an/ O jhr betruͤbten El-
tern/ jhr hochbetruͤbten Freunde vnd Bluts-
verwandten/ werdet nicht Trawig wie die Theſ. 4.
Heyden/ die keine Hoffnung haben/ Laſt
Syr. 38.
tzen ſteigen/ ſondern ſchlaget ſie von euch/ dann
Sap. 4.HERR leſt euch ſagen: Dieſes Leichleins
Seele gefelt Gott/ darumb eilet er mit jhme
aus dieſem boͤſen Leben/ vnd iſt kommen zur
Ruhe: Dann hier iſt er in Angſt geweſen/ dort
aber wird er geneſen/ Jn ewiger Freud vnd
Wonne/ leuchten wie die helle Sonne: Dieſe
aber hertzliche Schmertzen vnnd Wunden/
wird keine Menſchliche Weißheit auſſer Got-
tes Wort nicht temperiren/ meſſigen/ heilen/
vnd ſtillen. So laſt vns dieſen Spruch als das
Wort Gottes fuͤr vns nehmen/ vnd behertzi-
gen/ vnd kuͤrtzlich anhoͤren.
Diſ tribu-tio.Erſtlichen/ wer die Gerechten ſein/
vnd wie es jhnen gehet.
Zum Andern/ warumb Gott mit
jhnen ſolchen Brauch vnnd Proceß
helt/ daß er ſie ſo zeitlich dahin rafft.
Vnd zum Dritten/ wie wir vns
zum Troſt dieſen Goͤttlichen Brauch
appliciren ſollen.
Hilff HErre Jheſu Chriſte/ hilff Helffer
hilff/ daß wir dieſen Goͤttlichen Spruch/ dir zu
Ehren/ vnd vns zum Troſt/ durch die Krafft
trachten vnd gebrauchen moͤgen/ Amen.
NVn hebt der Heilige Geiſt dieſen SpruchI.
Wer die
Gerechten
ſein.
an/ vnd ſaget: Der Gerechte ob er gleich
zeitlich ſtirbt/ kompt er doch zur Ruhe/
Was ſein das fuͤr Leute/ von welchen allhie der
Geiſt Gottes redet: Dann Chriſtus ſagt bey
dem Heiligen Evangeliſten Mattheo: Non veni Matth. 9.
vocare juſtos, ſed peccatores, Jch bin kommen
die Suͤnder zur Buſſe zu ruffen/ vnd nicht die
frommen/ vnd die Geſunden beduͤrffen nicht
deß Artztes/ ſondern die Krancken/ Darumb
muſtert dieſer Spruch aus die Mahometiſche
Gerechtigkeit/ von welcher der Mahomet ruͤh-
met in ſeinem andern Laſterbuch Cap. 4. Vnd
im dritten Buch Cap. 32. Alſo redet auch nicht
von den heuchleriſchen Gerechten/ welche ſich
ſelbeſt vermeſſen/ als wenn ſie from weren/ als
da ſein die Phariſeer/ vnd hentiges Tages die Luc. 18.
Papiſten/ welche durch jhre ertichte Werck
Kloſter leben/ Heuchleriſche Faſten/ vnd an
dere Mittel/ dadurch ſie jhnen vnd andern
Menſchen die Gerechtigkeit fuͤr Gott zu ver-
dienen vermeinen/ vnd in derſelben vber an-
dern Leuten ſich hoch erheben/ da doch GOtt
jhre Wercke ſolcher Gerechtigkeit verwirfft/ Eſa. 29
ſchen Satzungen: Darumb die Werckheligen
ſollen vnd koͤnnen dieſen Spruch keines weges
II.
Worbey
zu erken-
nen?appliciren. So iſt
die Frage: Wo werden dann die Gerechten g
funden/ vnd wie werden ſie erkandt? Gewiß
vnter den Weltweiſen dieſer Welt wird man
Cor. 1.
So haben ſie auch nicht das Zeichen weder
auffgebrandt noch auffgeſchrieben auff der
Stirn oder Naſen/ Sondern GOTT kennet
Tim. 2.
zeugt/ Der feſte grund Gottes beſtehet/ vnd
hat den Siegel/ Der HErr kennt die ſeinigen.
Ioh. 10.
ne Schafe mit Nahmen/ vnd fuͤhrt ſie aus.
Exod. 33.GOTT redet zu Moſe: Du haſt Gnade
funden fuͤr meinen Augen/ vnd ich kenne dich
mit Nahmen. Vnd abermal ſpricht GOTT
Iere. 1.
Mutter Leibe bereitet hatte. Hieraus ſehen
wir/ daß der HERR ſeine Gerechten kennet/
jhre Nahmen weiß/ vnd wird von jhme kei-
ner weg geriſſen noch verloren. Moͤchte aber
jemand ſprechen vnd ſagen: Was hilfft michs/
daß ich gewis weiß/ daß GOTT die ſeinigen
kennet/ wann ich nicht ſol wiſſen/ daß auch
mein liebes Kind vnter der zahl der Gerechten
iſt. Ja freylich/ die jenigen koͤnnen nicht wiſ-
ſen noch gewiß ſein/ daß ſie vnd die jhrigen in
werden/ die ſo Gottes Wort der Verheiſchung
aus den Augen ſetzen/ den Bund der Gnaden-
tauffe verachten/ oder auff etliche vnd præde-
ſtinatos ziehen vnd deuten. Darumb wiltu wiſ-
ſen/ ob dein Kind in der zahl der Gerechten iſt/
erſcheinet daraus.
Erſtlich/ daß Chriſtus aller gleubigen iſtI.
1. Cor. 1.
die Gerechtigkeit/ wie Paulus bezeuget/ Als er
ſagt Gott der Vater hat Chriſtum Jheſum ge-
macht zur Weißheit/ zur Gerechtigkeit/ zur
Heiligung vnnd Erloͤſung. Nun haben wir
auch mehr Zeugniſſe/ daß die Kinder an Chri-
ſtum gleuben/ denn das Himmelreich iſt jhr.
So iſt kundt vnd vnlaugbar/ daß allein der
Gleubigen das Himmelreich iſt. Jſt nun dem
alſo/ als folget daß die Kinder den Glauben
haben/ So bezeuget auch der Mund der War- Matt. 18.
heit/ daß ſie an jhn gleuben/ vnd ſolches auch
der Heilige Apoſtel Paulus beſtetiget/ daß der Cor. 7.
gleubigen Chriſten Kinder ſind heilig/ Sind
ſie dann heilig/ ſo ſind ſie gewiß in der zahl der
Gerechten Darumb O fromer Vater vnnd
Mutter glenbe vnnd zweiffele nicht/ daß dein
Kind auch vnter den Gerechten iſt/ Diß iſt vom
erſten Zeugniß vnd Zeichen der Gerechten.
Ferner der ander grund der Gleubigen iſt/II.
welcher folget aus der Heiligen Tauffe/ dann
die Heilige Tauffe iſt ein Bund eines gutten
Gewiſſens/ wie Petrus der Heilige Apoſtel
Pet. 3.
macht in der Tauffe/ die durch jenes bedeutet
iſt/ nicht das abthun deß Vnflats im Fleiſch/
Sondern der Bund eines gutten Gewiſſens.
Vnnd Paulus der Apoſtel ſpricht an die Gala-
Gal. 3.
ſtum angezogen. Vnd daß niemand zweiffele
an dieſem Zeichen/ damit wir verſiegelt ſein in
der Heiligen Tauffe/ ſpricht er ferner: Allhie
Ibidem.
noch Freyer/ hier iſt kein Mann noch Weib/
denn jhr ſeyt allzumal in Chriſto Jeſu. So ſol
ein gleubiger Chriſt aus dieſem allem inn ſeim
Hertzẽ ſchlieſſen/ vnd feſtiglich gleuben/ daß
ſein Kind in dem Bunde der Gerechten iſt/ vnd
iſt gewiß in der Huld Gottes/ da alle Wieder-
gebornen eingeſchloſſen/ Dann Er hat vns
Tit. 3.
burt vnnd Ernewerung deß Heiligen Geiſtes/
welchen Er außgegoſſen hat vber vns reich-
lich durch Chriſtum Jeſum. Wie Paulus aber-
Eph. 5.
niget/ durch das Waſſer bad im Wort. Da ha-
ben wir ein Gezeugniß vnd warhafftiges Zei-
chen/ daß die Kinder vnter den Gerechten ſein/
denn allhier haſtu Gottes Wort vnnd Verheiſ-
ſung/ vnd trotz denen geboten/ die da die wuͤr-
ckung der Heiligen Tauffe in ſo viel Zeit her-
nach den Kindern zuſchreiben/ oder gar in zwei-
fel ziehen/ oder nur auff etliche Kinder deuten/
bringen moͤchten/ oder noch ein mahl jhnen
Trotz gebotten/ daß ſie die Kinder aus dem
Reich Gottes ſtoſſen/ in welches ſie Chriſtus
auffnimmet. Vnd bezeuget daß das Reich Got-
tes jhr ſey/ wie Marci am 10. zu leſen/ Vnd an-
derswo der Wille deß Vaters im Him̃el nicht Matt. 18.
iſt/ daß jemand von dieſen kleinen verlohren
werde. Wann du nun dieſes Wort Gottes leſ-
ſeſt in deinem Hertzen wahr ſein/ welches feſter
ſtehet dann Himmel vnd Erden/ Als kanſtu
ſagen: Nun bin ich gewiß daß mein Kind war-
hafftig durch Chriſti Blut inn der Tauffe ge-
recht iſt worden. Vnd diß vom andern Zeugniß
vnd Zeichen der Gerechten/ folget das letzte
der kuͤrtze halben.
Nun iſt das dritte Kennzeichen der Gerech-III.
ten/ ſie fliehen vnnd meiden die Weltliche Luſt/
vnd befleiſſigen ſich der Gottſeligkeit/ wie die
Schrifft meldet: Gib dem Weiſen/ ſo wird er Pro. 9.
weiſe werden: Lehre den Gerechten/ ſo wird er
in der Lehre zunehmen. Vnd ferner ſpricht er:
Deß Gerechten Mund iſt ein lebendiger Bruñ.
Vnd der Prophet Eſaias ſpricht: Der Gerech- Eſa. 26.
ten Weg iſt ſchlecht/ den Steg der Gerechten
macheſtu richtig. Vnd der Koͤnigliche Pro- Pſal. 119.
phet ſpricht: Wie ein Juͤngling vnſtraͤfflich ſei-
nen Weg gehet/ wann er ſich helt nach ſeinem
Wort. Darumb Chriſtus ſchleuſt: Laſſet ewer Matt. 5.
Liecht leuchten fuͤr den Leuten/ daß ſie ewre
mel preyſen. Wann nun die Eltern ſehen/ daß
jhre Kinder nach den Zehen Geboten Gottes
jhnen folgen/ von Gott anfangen die Furcht
bey den Eltern/ practiciren den Gehorſam/ vnd
an dem Neheſten volbringen die Liebe/ So ha-
ben ſie ein warhafftiges Zeichen/ daß jhre
Kinder ſein inn der Zahl der Gerechten durch
Chriſtum Jheſum/ der jhren Willen vnd Vol-
Phil. 1.
gen aber ſagt Chriſtus Joh. am 3. Wer arges
thut/ der koͤmpt nicht an das Liecht/ daß ſeine
Werck nicht geſtrafft werden. Wolte GOtt
daß die Alten wie auch die Jngendt ſpecimina
veræ pietatis, nach der auſſage der Heiligen
Schrifft heute erzeigeten/ wie wir deſſen der
Heiligen Schrifft Exempel haben/ Jacob
der fuͤrchte ſich daß er nicht deß Vatern Zorn
erlangete/ vnnd befleiſſiget ſich zugleich der
Gen. 27.
leicht wird mich mein Vater begreiffen/ vnnd
wuͤrde fuͤr jhm geacht/ als wenn ich jhn betrie-
gen wolte/ vnd brecht vber mich einen Fluch.
Alſo der David der Sohn Jſai fuͤrchtet Gott/
gehorſamet dem Vater/ vnd zum Nutz ſeinem
Neheſten gehet er wieder den mechtigen Go-
liath/ ob wol zwar ſeine Bruͤder jhme auffſe-
tzig waren. Einen ſolchen Gehorſam erzeigt
vnſer ChriſtKindlein/ wie wir im nechſten
Sontage gehoͤret haben. Aber ſo viel in der
Wie gehets dann den Gerechten? Diß be-III.
Wie es jh-
nen gehet?
richtet vns der Geiſt der Warheit: Der Ge-
rechte ſtirbet. Du Menſchenfreſſer/ wie haſtu
ſolche Gewalt erlanget/ daß die Gerechten ſo
plotz von dir weg gerafft werden. Wie haſtu
dann ſolche Gewalt vberkommen. Daß auch
die hoͤchſten Potentaten dir nicht wiederſtre-
ben koͤnnen? Warumb nimpſtu nicht die Ty-
rannen/ die ſchreckliche vngehewre Thieren/
vnd verwuͤſter deß Friedens/ vnd deß wahren
Gottesdienſtes? Du Menſchenfreſſer/ warumb
haſtu dich nicht dahin eingelaſſen zu denen/
welche inn jhrer Noth nach dir geſeufftzet?
Warumb haſtu den Gotteslaͤſterer lauffen laſ-
ſen/ oder den/ der ſeinen Vater ſpottete/ wie Gen. 9.
Cham/ oder alles Hertzleid den Eltern ge-
than/ wie Eſau mit ſeinen Weibern/ oder den Gen. 26.
Vater verfolgete wie Abſalon? Oder/ du Men-
ſchenfreſſer/ warumb biſtu nicht eingefallen
vnter einen hauffen Kinder in einer Kaluppen/ Sam. 15.
welche weder zu beiſſen noch zu brechen ha-
ben/ ſampt jhren Eltern? Oder haſtu nicht
koͤnnen dahin raffen etliche verwaiſete Kinder/
welche weder Vater noch Mutter haben? Oder
einen armen Lazar/ welcher viel Jahr kranck
gelegen? Aber meine Geliebten diß alles iſt
geſchehen aus dem willen deß Allerhoͤchſten/
der nimpt den Sohn deß Davids bald nach Sam. 12.
dem Bunde der Beſchneidung: Alſo nimpt
Gen. 4.
Cain leben/ Darumb ſpricht Gott bey dem
Eſa. 26.
Kammer/ vnnd ſchleus die Thuͤr nach dir zu.
Eſa. 56.
vnd niemand iſt/ der es zu Hertzen nehme/ vnd
die Heiligen werden auffgerafft/ vnd niemand
achtet darauff/ darumb daß dein Kind geſtor-
ben iſt/ ſo iſts geſchehen nach dem willen deß
HErren/ nicht aus Zorn/ ſondern aus Gna-
den/ dann er hat wollen dein Vngluͤck (da er
viel dargegen leben leſt) wegnehmen/ wie ge-
ſagt iſt worden. So viel von dem erſten Theil.
chen war-
umb ſie
auffge-
rafft wer-
den.WAs moͤgen denn fuͤr vrſachen ſein/ daß
Gott mit den frommen vnd gleubigen
Kindern aus dieſer Welt eilet? Derſel-
ben erzehlet allhier der Spruch der Weißheit/
I.Er gefelt GOtt.
Woher hat dann Gott einen ſolchen wol-
Tit. 3.
Wercken/ die wir gethan hetten/ ſeind daß wir
Luc. 17.
gleich alles gethan hetten/ alle die Wercke die
wir ſchuldig ſein/ ſo bleiben wir doch vnnuͤtze
Knechte/ wie Chriſtus bezeugt/ Luc. 17. Dann
Gen. 6. &
8.
daß all vnſer Thun/ Tichten vnnd Trachten
in dem erſten Buch Moſe am 6. vnd achten Ca-
pitel. Vnd abermal bezeugt Eſaias/ daß all vn- Eſa. 64.
ſer Gerechtigkeit nichts anders iſt/ als ein
Kleid eines vnreinen Weibes/ So hat er auch
nicht an vns einen gefallen vmb der anſehung
der Perſonen/ Sondern diß wolgefallen hat Act. 10.
GOTT zu vns vmb deß Glaubens willen/ wel-
chen wir haben an ſeinem Eingebornen Soh-
ne Jheſum Chriſtum/ an dem hat GOTT ei-
nen gefallen/ vnd an allen die an jhn gleuben. Matth. 3. 17.
&
Wo nun der Glaube nicht iſt an den Einge-
bornen Son Gottes/ da kan auch keinẽ wolge-
fallen Gott an den Vngleubigen haben/ dann M 16.
es heiſt/ Wer nicht gleubet/ der wird verdampt.
Vnd aber mal Joh. 3. Wer nicht gleubet/ der iſt
ſchon gerichtet/ denn er gleubet nicht an den
eingebornen Sohn Gottes.
Vnd an die Roͤmer am 14. bezeugt Paulus/ Rom. 14.
Was nicht aus dem Glauben gehet/ das iſt
Suͤnde. Vnd abermahls an die Hebr. 11. Ohne Hebr. 11.
Glauben vnmoͤglich iſt Gott zu gefallen. Die-
weil dann dein Kind gleubet/ wie oben bewie-
ſen iſt worden: So folget daß der Ewige GOtt
vnnd Vater an deinem Kinde einen gnaͤdigen
wolgefallen hat/ dieweil auch die Himliſchen Matt. 18.
Fuͤrſten auff dein Kind wartẽ/ vnd ſeind dienſt- Heb. 1.
bare Geiſter derer die da Erben das Himmel-
reich. Jſt nun deme alſo/ als eilet Er mit jhme
aus dieſem Jammerthal/ da nichts dann muͤhe
Gleich wie ein Gaͤrtner/ welcher wann er ſihet/
ein luſtiges Baͤnmlein/ hebet er daſſelbe aus/
vñ verſetzt es an ein andern beſſern vñ luſtigern
Ort: Alſo der Ewige Vater hat auch einen
wolgefallen an deinem Kinde/ hebt daſſelbe
aus/ vnd verſetzt es in den luſtigen Garten deß
Paradiſes/ Warumb wolt jhr euch dann kuͤm-
mern vmb die Ewigen/ weil GOtt vmb dieſel-
ben ſich gekuͤmmert/ weil Er ſie bereitet hat inn
dem Leibe jhrer Mutter: Vnd habt jhr an ew-
ren Kindern ein wolgefallen/ ſo tregt GOTT
noch ein groͤſſers vber jhnen: Wann dein Kind
ſolche Gnade/ vnd ein ſolchen wolgefallen bey
einem Fuͤrſten hette/ daß er daſſelbe an ſtadt ſei-
nes Sohnes auffnehme/ vnd fuͤr das ſeine hiel-
te/ Wuͤrdeſtu auch alſo vnbeſonnen ſein/ dein
Kind aus deß Fuͤrſtẽ Haͤndẽ reiſſen/ zũ Schloß
hinauſſer mit demſelben eilẽ/ vnd in dem Baw-
felliges Huͤttlein mit jhm eilen: Trawen nein/
So wirſtu viel mehr Gott dem Vater dein Kind
laſſen in ſeinem gnaͤdigen wolgefallen. Sol-
chen gefallen hat GOTT gehabt von anbe-
gin: Sihe der Jſmael weinet in der Wuͤſten/
von der Mutter verlaſſen/ Wie ſchickt GOTT
Gen. 21.
des annehmen ſol/ vnd daſſelbige nehren/ Vnd
zu Ninivæ hatte Gott mehr acht auff die Kin-
der/ welche Er bald zehlet/ daß derſelben iſt
Ion. 3.
len Gott hatte an deß Koͤniges Sohne deß Je-
roboam/ daß er denſelben weg nimpt/ daß Reg. 14
nicht ſeinen Leib vnnd Coͤrper die Hunde freſ-
ſen/ oder die Vogel vertriegen. Ein ſolch ge-
fallen trug GOtt an dem Soͤhnlein Davids/ Sam. 12
obs gleich inn ſchrecklicher Suͤnde deß Ehe-
bruchs empfangen ward. Diß von der erſten
Vrſach.
Die andere vrſach iſt/ vnd wird erzehlet all-II.
hier: Er rafft jhn hinweg/ dann er iſt jhm lieb.
O der vnausſprechlichen Liebe GOttes/ wie
hat Er vns doch ſo lieb/ daß jhme auch das
Hertz bricht/ daß er ſich vnſer vnnd der vnſern
erbarmen wil/ Jer. 31. O du guͤtiger GOtt/ was
hat es dich darzu bewogen/ daß du vns armen
Menſchen/ die wir doch deiner Liebe viel weni-
ger wuͤrdig ſein/ denn daß wir ſie mit vnſern
Wercken verſchulden ſolten/ vnd was hat doch
dein Kind hierzu gethan/ daß es Gott ſo hoch
geliebet hat/ Johan. 3. Alſo hat GOTT die
Welt geliebet. Vnd anderswo ſpricht GOTT:
Jch hab dich je vnnd je geliebet/ darumb hab Ier. 31:
ich dich zu mir gezogen/ aus lauter Guͤte. So
mercke liebe Seele/ du betruͤbter Vater/ vnnd
weinende Mutter/ was du doch fuͤr einen
Trewen Liebhaber haſt/ daß Er nicht allein
dich/ ſondern auch dein liebes Kind geliebet
hat/ Dieſer iſt der rechte Vater/ wir Eltern ſeind
nur vnſerer Kinder wie die Stieffvaͤter/ das
Kind beten/ Vater vnſer der du biſt im Him-
mel/ Hiermit gibſtu ein Zeugniß/ daß jhr rech-
ter Vater iſt im Him̃el/ daher Paulus ſchleuſt:
Cor. 6.
vnd jhr ſolt meine Soͤhne vnnd Toͤchter ſein/
ſpricht der Allmechtige GOTT. Vnd an die
Eph. 2.
hertzigkeit/ durch ſeine groſſe Liebe/ damit Er
vns geliebet hat/ Da wir noch Todt waren in
den Suͤnden/ hat Er vns ſampt Chriſto leben-
dig gemacht. Wann du deinen Sohn einem
gutten Freunde auff zwey oder drey Jahr ge-
beſt/ haſtu nicht macht denſelben wieder zu
nehmen/ Vornemlich wann du ſehen moͤchteſt/
daß es nicht mit deines Sohnes Nutze iſt: Ach
weiß denn nicht GOTT was ſeinen Soͤhnen
vnd Toͤchtern vor Gefahr vorſtehet/ wie ſolt
Er ſie nicht wieder zu ſich fordern: Vnd aus
Lieb dieſelben nehmen/ die Er dir vertrawet.
Darumb ob wol dein Kind in Suͤnden em-
pfangen vnd geboren/ ſo iſt es doch in der vn-
ausſprechlichen Liebe Gottes deß Vaters/ vmb
deß Heylandes Jheſu Chriſti/ Daher abermal
Rom. 8.
vnnd Helliſch Geſind/ Wer wil vns ſcheiden
von der Liebe Gottes/ Truͤbſal oder Angſt/
oder Verfolgung/ oder Hunger/ ꝛc. Ja mitten
im Tode bleiben wir von ſeiner Liebe vnge-
Gott die ſeinen weg nimmet.
Die Dritte Vrſache/ daß Er ſie bringet zur
Ruhe/ Dañ es ſpricht dieſer verleſene Spruch:
Jſt er doch in der Ruhe/ Gott gleichet ſich ei-
ner Trewen Mutter/ oder einem Trewen Me-
dico: Wann ſie fuͤr jhnen haben einen Patien-
ten/ wie befleiſſigen ſie ſich/ daß ſie denſelben
zur Ruhe/ vnd in einen Schlaff bringen. Was
thut Gott anders mit ſeinen Gerechten/ die Er
ſelbeſt gerecht macht/ an denen Er einen Wol-
gefallen hat/ vnnd ſie liebet/ Denn wenn ſie
kranck vnnd matt ſein/ das er ſie bringet zur
Ruhe/ vnd was ſol man ſagen/ Ein Patient
wann er kranck iſt/ wo iſt er am liebſten/ dann
in der Ruhe. Alſo bringet Gott dein Kind zu
der Ruhe/ wie jtzo ruhen Baͤume vnd Kraͤuter/
als wenn alles an jhnen Todt were/ Aber wenn
die zeit deß Fruͤlings koͤmpt/ wie gar loͤblich
werden ſie auffwachen. Alſo dein Kind ru-
het auch ein weile/ Es wird aber wenn der froͤ-
liche Fruͤling/ die Zukunfft Chriſti kompt/ ſo
werden dieſe Todten Gerippe gruͤnen vnnd le-
ben. Darumb bedencke in was Kummer vnd
Vnruhe iſt dein Kind geweſt. Es iſt wie ein
Pilgram der ſich ſehnet auff die Herberge zur
Ruhe/ Dann wir ſeind die Pilgram auff dieſer Pſal. 39
Erden/ vnd in voller Vnruhe/ Wie der gedulti- Hiob 14.
ge Job bezeuget/ Daher ſinget die Kirche Got-
tes aus dem 90. Pſalm: Ach wie Elend iſt vnſer
Menſch darnider leidt/ Wir muͤſſen alle ſterben/
Allhie in dieſem Jammerthal/ Jſt Muͤhe vnnd
Arbeit vberall/ Auch wenn dirs wolgelinge.
Diß iſt aber die Dritte Vrſache/ warumb Gott
ſeine Gerechten weg raffen vnd ſterben leſt vor
der Zeit/ daß er ſie zur Ruhe bringe.
ES moͤchte aber jemand ſagen/ Ja wer
gleubets/ daß der Kinder abſterben/ vnd
zu foͤrderſt/ wann frome Kinder weg ge-
rafft werden/ ſolche Schmertzen erregen ſol-
ten: Tu ſi hic eſſes, aliter ſentires, ſagt einer/ Wo
kan das Vaͤterliche vnd Muͤtterliche Hertz von
dem Weinen ablaſſen/ dann die Kinder gehen
von Hertzen/ auch wieder zu Hertzen ſteigen
ſie/ ja gewiß der kan nicht gleuben/ wie die El-
tern ſchmertzlichen leiden/ wer es nicht ver-
ſucht hat. Auch die jenigen haben viel zu
thun/ dieſe hertzliche Schmertzen zu leſchen/
Gen. 37.
wir ſolches ſehen an dem Patriarchen Jacob/
da eilff Soͤhne fuͤr jhm ſtehen/ vnd jhn troͤſten/
noch ſchmertzet mehr der vermeinte verſtorbe-
ne/ vnd von Thieren zuriſſene Joſeph. Dar-
Pelican zureiſt ſeine Bruſt vber ſeinen Jungen/
welche getoͤdtet worden/ Darumb wieder ſol-
che Schmertzen laſt vns in dem verleſenen Text
den rechten Troſt ſuchen vnd anhoͤren.
Vnd diß iſt der rechte Troſt/ das der heili-I.
Transla-
tus est.
ge Geiſt ſpricht: Er wird hinweg genommen
aus dem Leben vnter den Suͤndern.
Was iſt das Leben aller Menſchen/ Jſt
nicht alles Suͤnde/ denn alles Tichten vnnd Gen. 6.
Trachten der Menſchen iſt boͤß von Jugendt
auff. Vnnd gewiß der Gerechten iſt wenig im
Lande/ Ja der Gerechte iſt wie ein Lilien vnter Cant. 22.
den Doͤrnen. Vnd der Prophet Micheas der Mich. 7.
ſagt: Der beſte vnter jhnen iſt wie ein Dorn/
vnd der redlichſte wie eine Hecke/ Ach frome
Seele/ beſihe obs nicht heute ſo zugehet/ wie
Micheas ſagt vnd klagt/ Daß auch der Geiſt
Gottes ſagt eben durch dieſen Propheten: DerIbidem.
fromen Leute iſt wenig im Lande/ vnd der Ge-
rechten ſind nicht mehr vnter den Leuten/ Sie
lauren alle auffs Blut/ ein jeder jagt den an-
dern/ auff das er jhn verderbe: Vnd meinen ſie
thun wol daran/ wenn ſie boͤſes thun. Was der
Fuͤrſt wil/ das wil der Richter/ daß er jhme
ein Dienſt thun ſol/ die Gewaltigen rathen
nach jhrem mutwillen Schaden zu thun/ vnd
drehens wie ſie wollen. Ach ſehet vnd betrach-
tet/ ob nicht vber dieſem Zuſtande faſt in allen
wird/ biß in den Himmel. Wie muß mancher
hoͤrend nicht hoͤren/ wann er ſitzt bey man-
chem Rahtſchlag: Da koͤmpt nun Gott/ wann
er ſihet/ daß manche Ingenia moͤchten zwiſchen
ſolchen Dornen erſticken vnd vergehen/ Rafft
ſie Gott/ vnd bewahret dein Kind fuͤr ſolchem
vngluͤcklichen Verderb/ vnnd nimpt ſie aus der
Gottloſen mittel/ Dann ſihe/ wann dein Kind
in der jrre ſolte gehen/ vnnd vnter die Raͤuber
kommen vnd gerahten/ wenn aber jemand kaͤ-
me der jhn davon abhielte vnd bewahrete/ wuͤr-
deſtu nicht fro daruͤber ſein/ darumb weil dann
dieſe Zeit eine boͤſe Zeit iſt/ vnd aber Gott dein
Kind bewahret/ wie ſol dann dein Hertz nicht
fro vnd zu frieden ſein/ weil dein Kind dir be-
wahret wird fuͤr der verderblichen menge der
Suͤnder. Darumb ſpricht Gott: Gehe mein
Volck in dein Kaͤmmerlein/ verſchleuß die Thuͤr
hinter dir zu/ biß mein Grim̃ vergeht. O wel-
chem Vngluͤck iſt dein Kind entgangen/ vnnd
ſolteſtu ſo lange leben/ du wuͤrdeſt GOtt dan-
cken/ daß Er dir denſelben inn der Arca der
Gnaden/ wie zur Zeit der Suͤndflut erhalten
hat/ Vnd ſo viel von dem erſten Troſt.
Raptus eſt, Er iſt hingeruckt. Es braucht all-
hier der heilige Geiſt einer ſonderlichen art/ der
Rede/ das er ſpricht/ raptus eſt. Vnd zeuget diß
Wort ein Notwendigkeit/ dann wie ein Va-
ſtehet/ wil eine Wand abreiſſen/ oder ein Aſt
von einem Baume abfallen/ reiſt er den Sohn
hinweg aus der gefahr/ Alſo thut der Allmech-
tige Gott dein Kind aus der gefahr hinweg
zu rucken vnd zu reiſſen/ Wie wir ſehen in dem
erſten Buch Moyſis im gleichen Exempel/ Da
Loth verzog zu Sodoma/ haben die Engel Gen. 19.
Gottes denſelben ſampt ſeinem Weib vnd bey-
den Toͤchtern bey der Hand erwuſcht/ dieſel-
ben mit zur Stadt hinaus geeilet. Alſo ſpricht
Chriſtus zu Paulo: Eile/ vnd mache dich auff Act. 22.
behend von Jeruſalem hinaus: Da Paulus in
groſſer gefahr geſtanden/ darumb eilet GOtt
mit den ſeinigen aus dieſer argen Welt/ wie mit
dem Soͤhnlein deß Gottloſen Koͤniges Jero-
boam. Was wiltu weinender Vater oder Mut- Reg. 1.
ter klagen/ haſtu nicht gehoͤrt daß eine Zeit
wird kommen/ daß man die fuͤr Selig preyſen
wird/ welche weder ſchwanger noch geboren Matt. 24.
haben: Dagegen wehe denſelben ſpricht Chri-
ſtus ſelbeſt: O wie mancherley Vngluͤck ſtehen
fuͤr der Thuͤr/ welche GOtt bewegen daß Er
mit den ſeinigen eilet/ vnd viel Jugend hinweg
raffet/ vnnd erzehlet ſonderlich zwo Vrſachen/
warumb Er die Gerechten hinweg rucket/ diß
zu Troſt vnd jhnen zum beſten gereicht.
Die eine Vrſach ſpricht Er/ Daß die Boß-I.
heit ſeinen Verſtandt nicht verkehre/ Wie gar
viel Menſchen verkehren jhre Sinne durch
vnd Laſter/ Diß ſehen wir wie die erſte Welt
verkehret war durch boͤſe Exempel der Caini-
ten/ daruͤber klagt Gott ſelbeſt/ ſprechend: Da
Gen. 6.
der Menſchen/ daß ſie ſchoͤn waren/ vnd namen
ſie zu Weibern/ welche ſie wolten: Jacob der
Gen. 34.
waren beyde Ehrlicher Leute Kinder/ vnd bey-
de Tugendhafft. Was geſchicht aber: Zeugen
eine Tochter Dinam, welche ſie zogen zu aller
Tugendt/ Aber durch boͤſe Exempel vnnd rei-
tzende Luſt fiel ſie in Suͤnd/ Schand vnd Laſter.
Eli war ein Hoherprieſter/ worzu gerathen
aber ſeine Soͤhne? David war ein Man nach
dem Herren/ noch erlebt er an der Thamar ei-
ne Schande: Gewiß dieſe alle wann ſie hetten
wehlen ſollen/ ſie hetten lieber jhre Kinder zum
Grabe ſehen tragen/ dann dieſelben mit geſun-
dem Leibe fuͤr jhnen ſehen ſtehen/ Heute wie
werden doch ehrlicher Leute Kinder verder-
bet durch boͤſe Exempel/ Heute eines ehrlichen
Vatern Kind ein Schleſier ſihet einen Außlaͤn-
der in ſonderer Tracht/ derſelbe felt auff die
Tracht/ wil bald Spaniſch/ Frantzoͤſiſch/ oder
in anderm Muſter herfuͤr eingehen/ vnnd ſihet
nicht auff das Ehrliche Kleid ſeiner Vorfah-
ren/ vnd ſeind rechte Polypi, daß ſie eingehen an
mancherley ort an jhren Fuͤſſen. Vorzeiten
welche Zierde iſt geweſt vnter den Frawen
daß ſie auch einen kuͤhnen Heldt fuͤr ſeinem
Feinde in freyem Felde/ im Walde/ vnnd zu
Nacht ſampt ſeinem Klepper mit jhrer Pracht
verjagen moͤchten. Vnd ſolche boͤſe art der
ſeltzamẽ Kleidung iſt nicht allein gemein vnter
denen vom Adel/ ſondern auch wiſſen ſie auffzu-
fuͤhren der Prieſter vnd Lehrer Kinder/ Buͤr-
gers vnd manches Bauren Kind/ vnd wann
einer nach Tugendt/ ehrbarn Kleidern ſtrebet/
Ach wie wird er ſo veracht/ daß man auch kei-
ne gemeinſchafft mit jhme haben wil. Ja wol/
er muß manches Schimpffwort hoͤren/ vnnd
das meine ich daß es die rechte Boßheit iſt/
welche der heilige Geiſt allhier nennet/ welcher
Gott wiederſtrebet/ vnd zu ſtraffen draͤuwet/
Darumb du weiſſeſt nicht/ ob dein Kind durch
dieſe Boßheit der Hoffart verfuͤhrt moͤchte
worden ſein: Darumb nimpt der HERR die
Jugendt jhnen zum beſten von dannen. Diß
wenn du betrachten wolteſt/ ſo wuͤrdeſtu ſa-
gen/ vnd ſprechen: Hilff Gott/ welche Boßheit
iſt heute zu Tage/ vmb welcher willen muß vnd
wil Gott die Welt ſtraffen/ wie er draͤwet Eſa. Eſa. 14.
14. Wie biſtu vom Himmel gefallen du ſchoͤner
Morgenſtern/ wie biſtu zur Erden gefallen:
Vnnd Maria die werde heiligſte Jungfraw
ſagt vnd ſpricht: Der HERR zerſtrewet die Luc. 1.
Hoffertig ſein in jhres Hertzen Sinn. Vnd
Petrus ſaget/ daß Gott wiederſtrebet den Hof-
fuͤr ſolcher eingefallener Boßheit/ hat GOtt
hinweg auch dein Kind/ oder auch wol die dei-
nigen weggerafft vnd hingeruckt/ was wiltu
denn Trawren ſo ſehr/ weil Gott es fuͤr ſolcher
Boßheit der argen Welt hingeruckt hat. Denn
du kanſt ſagen: Weil die Boßheit ſo groß iſt in
der Welt/ vmb welcher willen die Welt wird zu
Drummern gehen/ So hat nun Gott wol ge-
than/ weil Er mein Kind hinweg gerafft hat
fuͤr ſolchem Vngluͤck. Nun ſetzt er noch eine vr-
ſache/ vnd ſpricht:Falſche Lehre ſeine Seele
nicht betriege.
Vorhin hat der Heilige Geiſt den Ver-
ſtandt vnd Sinn der Menſchen angeſehen/ aber
allhier erzehlt Er den hoͤchſten Schadẽ/ Nem-
lich der Seelen Schaden. Moͤchte jemand
ſagen: Jſt dann ein vnterſcheid zwiſchen dem
Verderb deß Verſtandes vnd der Seelen? Ja
freylich/ in der Suͤndfluth ſeind viel Tauſendt
Menſchen verderbt/ vmb der Boßheit willen/
aber an der Seelen ſeind jhr viel nicht verdor-
ben: Jn der Wuͤſten ſeind von den 600000. am
Leib alle geſtorben/ vnd geſtrafft/ aber an der
Seelen ſeind vnverletzt blieben: Alſo auch all-
hier macht der Heilige Geiſt einẽ Vnterſcheid/
das Verderben draͤwet dem Leibe/ wie denen zu
Gen. 34.
Geiſt der Seelen das Verderben. Vnd ob wol
zwar alle Suͤnde der Vngleubigen Verderben
Wieder gebornen vnnd Gleubigen die Krafft
vnnd Wirckung nicht/ darumb kan auch vmb
vnſer Suͤnde willen all Vngluͤck deß Leibes
kommen/ aber die Seele mus vnangetaſtet blei-
ben/ Daher ſpricht Chriſtus: Fuͤrchtet euch Matt. 10.
nicht fuͤr denen/ die den Leib toͤdten moͤgen/
Fuͤrchtet euch aber fuͤr dem/ der beyde Leib vnd
Seel verderben mag: Daher auch der Mann
Gottes Lutherus recht die Chriſtliche Kirche
hat lernen ſingen: Nehmen ſie vns den Leib/
Gutt/ Ehr/ Kind vnd Weib/ laß fahren dahin/
ſie haben keinen Gewinn/ das Reich Gottes
mus vns doch bleiben: Was mag dann die
Seele verderben/ davor vns der heilige Geiſt
warnet: Derſelbe Moͤrder iſt die falſche Leh-
re/ Darumb die Leute ſo da ſagen/ Man ſol die
falſchen Lehrer nicht mit ſcharffen Worten
angreiffen: Aber ſolche Leute wollen den Teuf-
fel nicht erzuͤrnen/ vnnd jhme zu nahend nicht
graſen laſſen: Alſo auch die jenigen welche vor-
geben/ Man gleubet was man gleubet/ ſo kan
man doch ſelig werden: Wann diß gelten vnnd
wahr ſein ſolte/ So hette der Spruch der Weiß-
heit falſch geredt/ Falſche Lehre ſeine Seele
nicht betriege: So hette auch Chriſtus ver-
geblich ſeine Trewe Warnung gethan: Huͤtet Matth. 8.
euch fuͤr den falſchen Propheten. Vnd anders-
wo: Huͤtet euch fuͤr dem Sawerteig der Matt. 16.
Schrifftgelehrten vnd Phariſeer. Vnd Pau-
Gal. 5.
be geſtrauchelt/ da er ſpricht an die Galater:
Wolte Gott daß ausgerottet wuͤrden/ die euch
verfuͤhren: Darumb die falſche Lehre ſollen
nicht allein die Eltern fliehen/ als den Seelen
Moͤrder/ ſondern auch jhre Oelpflaͤntzlein dar-
fuͤr warnen/ vnd jhnen denſelben Moͤrder von
Jugend auff anzeigen vnd weiſen. O Menſch
bedencke/ was wuͤrdeſtu von dem Vater hal-
ten/ deme ein Ochſe in eine Grube fallen moͤch-
te/ vnd zugleich auch ſein Sohn/ vnd er wolte
dem Ochſen helffen/ vnnd das Kind verderben
laſſen/ Ach leider das ſein die Eltern/ welche
Vntrew werden an jhren Kindern/ wann ſie
dieſelben in der falſchen Lehre aufferziehen vnd
auff wachſen laſſen. Weil aber offt die Eltern
das jhre thun/ vnd aber der Teuffel ſich vnter-
ſtehet durch ſeine Schupen frome Kinder von
dem rechten Wege zu bringen/ ſchreitet GOtt
ins Mittel/ vnd bewahret dieſelben inn ſeinem
wahren Erkentnuͤß/ vnd in der ſeligen Einfalt
deß Carechiſmi: So haſtu O frome Seele aber-
mal einen Troſt/ das gewiß Gott dein Kindt
fuͤr dem Seelen Verderber hat erhalten/ vnnd
dir zu Troſt daſſelbe verberget/ biß an jenen
groſſen Tag der Offenbahrung vnſers Herrn
Jheſu Chriſti/ der ſich zu dem gleubigen Kinde
fuͤr ſeinem Himliſchen Vater bekennen wird.
Da ſol dann dein Hertz ſich frewen mehr denn
Jacobi deß Patriarchen/ als er ſeinen Sohn
dem andern Troſt.
Den Dritten Troſt ſollen die Eltern ſchoͤ-III.
pffen aus dieſen Worten/ als die Weißheit
ſpricht: Er iſt bald volkommen worden/ vnnd
hat viel Jahr erfuͤllet. Erſtlich wenn ein Thier
abnimpt/ ſo wirds vnvolkommen: Vnd vnſer
Leben iſt gantz vnvolkommen/ alhier auff die-
ſer Erden/ Dann es heiſt: Vix vivimus, viventes
quotidiè morimur: Aber dort wird das volkom-
mene Leben ſein/ wann wir bey dem HErren in
Ewigkeit ſein vnd bleiben werden/ 1. Theſ. 4.
Beſihe mit welcher wartung haſtu dein Kind
aufferzogen/ vnd doch viel Kranckheit hat auß-
ſtehen muͤſſen: Nun hat auffgehoͤrt alles we-
he/ jetzt lebt es in volkommenem Leben bey dir
O Chriſts/ darumb leſt mancher ſein Kind ſtu-
dieren/ daß ein volkommener Menſch aus jhm
werden moͤchte/ Fuͤr den Menſchen mags et-
was ſein/ aber fuͤr Gott wie ſeind alle Klugen/
Hochverſtendigen vnd Gelahrten auſſer Chri-
ſto gar nichts/ ja wann Gottes Wort anfaͤngt
zu reden/ ſo ſein ſie Puri A B C darii, da muſtu ge-
wiß ein Diſcipulus ſein/ aber der Heilige Geiſt
in Chriſti Schul iſt der Magiſter, Daher der H.
Mann Gottes Lutherus wol vnd Chriſtlich ge-
ſagt hat: Maneamus Diſcipuli & relinquamus
Magiſterium Spiritui ſancto. Vnd Paulus an
die Corinther/ 1. Cor. 13. ſagt: Vnſer wiſſen iſt
ſtuͤckwerck/ wenn aber kommen wird das vol-
auffhoͤren/ Darumb ſo haſtu abermahl den
Troſt/ daß dein Kind gewiß in die hoͤchſte A-
cademiam iſt kommen/ ſihet vnd hoͤret vnauß-
ſprechliche Worte/ welche auff Erden weder
ein Philoſophus/ weder der hoͤchſte Academicus
niemals gehoͤret/ noch in ſein Sinn kom̃en iſt.
O Chriſten Seele/ Sihe/ wann du von deinem
Sohne etlich Jahr nichts gehoͤrt hetteſt/ vnd
keme an dich ein Schreiben/ dein Sohn were
zu Athen oder ſonſten an einem vornehmen Or-
te der vornembſte diſputator, du wuͤrdeſt inn
deinen Gedancken erfrewet/ vnd gleich leben-
dig. Was wiltu minder von deinem Kinde an-
dere Gedancken machen/ du wirſt jhn etlich
Jahr nicht ſehen/ Aber derweil iſt er volkom-
men worden/ in der hoͤchſten Academia fuͤr dem
Throne Gottes/ wann du als deme gleubeſt/
welcher Troſt kan dir doch mehr ſein/ denn
daß dein Kind zu der Himliſchen Wuͤrden kom-
men ſey.
Er hat viel Jahr erfuͤllt/ was fuͤr Jahre wil der
Heilige Geiſt allhier verſtanden haben: Wann
der Menſch nur etlich Jahr erfuͤlt hat/ vnd in
bluͤhender Jugend dahin ſtirbet/ wie kan der
viel Jahr erfuͤlt haben: Allhier muͤſſen wir ler-
nen deß Heiligen Geiſtes Sprache erkennen/
Dann wie ſolche Studenten die in die hoͤchſte
Schul ziehen/ nicht jrrdiſch ſein/ alſo jhre Jahr
ſtehen/ dann viel ſind alt/ haben viel Jahr zu-
bracht/ aber in Gottes ſachen ſeind ſie Narren/
vnd geringer dann heute in den Schulen/ die
da leſen lernen/ Dann es heiſt vnd iſt wahr:
Si Chriſtum diſcis, nihil eſt ſi cætera neſcis,
Si Chriſtum neſcis, nihil eſt ſi cætera diſcis.
O welch ein hohes Alter haben heute vnſere
Kinder durch Gottes Gnad erlangt/ wann ſie
nur den einfeltigen Catechiſmum Lutheri er-
lernet/ vnd glauben demſelben/ dann ſie ſeind
viel gelehrter als jemals ein Baͤpſtiſcher Do-
ctor, vnd der gelehrteſte Wieder Chriſt inn der
gantzen Welt: So hat er auch gluͤckſelig ſeine
Jahr erfuͤlt/ wann er im Glauben biß ans En-
de beharret/ dann ſolchen iſt die Kron der Ewi-
gen Seligkeit bereitet/ 2. Tim. 4. Wie ſol ſich
dann dein Hertz nicht frewen/ weil dein Kind
auch jhre Jahr in Chriſti Jheſu Erkentniß biß
an ſein Ende zugebracht. Vnd Apoc. 2. ſpricht
der Lebendige: Sey getrew biß ans Ende/ So
wil ich dir die Kron deß Lebens geben/ welche
vns allen Chriſtus auffſetzen wolle/ Dem ſey
Lob vnd Preiß in Ewigkeit/ Amen A. A.
BElangendt nun der in Gott ſeeliglichen
eingeſchlaffenen Adelichen Leichen/ her-
J ijkom-
kommen Standt vnd erreichten Jahre/ in die-
ſer Welt Lebens vnd ſeligen Abſterbens. So
iſt dieſer Adeliche Juͤngling aus vhraltem
Herren vnd wol Adelicher Ankunfft vnd Ge-
ſchlechtẽn im Jahr 1605. den 28. Januar. in
dieſe Welt geboren.
Sein Herr Vater iſt der Edle/ Wolehren-
veſte vnd Hochbenampte Herr Friedrich von
Gellhorn vnd Petterßdorff/ Erb vns Lehns-
herr zu Jacobin vnd Kunnert.
Seines Herren Vatern Vatern Fraw
Mutter iſt geweſen eine gebohrne Senitzen/
aus dem Hauſe Rudelßdorff/ im Streliſchen
Weichbilde gelegen.
Seines Herren Vater/ Vatern Vatern
Fraw Mutter iſt geweſen eine geborne Borſch-
nitzen/ aus dem Hauſe Hangßdorff/ im Grot-
kawiſchen gelegen.
Seines Herren Vatern Vatern Fraw
Mutter Mutter eine geborne Reibnitzen/ aus
dem Gauſe Kittel/ im Nimtzſchiſchen Weich-
bilde gelegen.
Seines Herren Vatern Fraw Mutter iſt
geweſen eine geborne Zedlitzen/ aus dem Hau-
ſe Petergaw/ im Nimtzſchiſchen Weichbilde
gelegen.
Seines Herrẽ Vatern Fraw Mutter Va- 6.
tern Mutter iſt geweſen eine geborne Heidin/
aus dem Hauſe Seifferßdorff im Reichenba-
chiſchen Weichbilde gelegen.
Seines Herren Vatern Fraw Mutter 7.
Mutter iſt geweſen eine geborne Tzeſchen/ aus
dem Hauſe Keippitz/ im Streliſchen Weichbil-
de gelegen.
Seines Herren Vatern Fraw Mutter 8.
Vatern Mutter Mutter iſt geweſen eine ge-
borne Login/ aus dem Hauſe Altendorff/ im
Reichenbachiſchen Weichbilde gelegen.
Seine Fraw Mutter iſt die auch Edle/ viel- 9.
Ehrentugendtreiche Fraw Eva/ geborne von
Sebottendorffin/ aus dem Hauſe Hentzen-
dorff im Muͤnſterbergiſchen Fuͤrſtenthumb
gelegen.
Seiner Fraw Mutter Herren Vatern Fraw 10.
Mutter iſt geweſen eine geborne Panwitzen/
aus dem Hauſe Mechwitz/ im Brigiſchen Fuͤr-
ſtenthumb gelegen.
Seiner Fraw Mutter Herren Vatern 11.
Vater Fraw Mutter iſt geweſen eine gebor-
ne Sitſchin/ aus dem Hauſe Stibendorff/ im
Ottmachaiſchen gelegen.
Seiner Fraw Mutter Herren Vatern 12.
J iijFraw
Fraw Mutter Mutter iſt geweſen eine gebor-
ne Ottweinin/ aus dem Hauſe Ziegenhalß/ im
Neiſſiſchen gelegen.
Seiner Fraw Mutter Fraw Mutter iſt
geweſen eine geborne Biſchoff heimen/ aus dem
Hauſe Eiſenbergk/ im Streliſchen Weichbilde
gelegen.
Seiner Fraw Mutter Fraw Mutter Va-
tern Mutter iſt geweſen/ eine geborne Reide-
burgin/ aus Muͤnſterbergk.
Seiner Fraw Mutter Fraw Mutter Mut-
ter iſt geweſen eine geborne Parchwitzen/ Her-
ren Standes/ aus dem Hauſe Schilleperck/
im Muͤnſterbergiſchen gelegen.
Seiner Fraw Mutter Fraw Mutter Va-
tern Mutter Mutter/ iſt geweſen eine geborne
Schaffkutſchen vom Newenhauſe/ im Schweid-
niſchen Fuͤrſtenthumb angelegen.
Diß ſeind die 16. Ahnen/ vnd hochloͤblichen
Adelichen Herkommen dieſer Adelichen
Leichen: Nun ſehen wir ferner/ wie dieſe Chriſt-
liche vnd gewiß inn Warheit hoffende ſeelige
Leiche ſeines Herkommens aus Herren vnnd
Adel Standes/ iſt mit Blumen vnd Krentzlein
gezieret/ ja auff ſein Haͤupt iſt ein ſchoͤnes
Kraͤntzlein geſetzt worden. Aber dieſe Blumen
mehr/ ſein Gedaͤchtnuͤß aber ſol bleiben/ Vnd iſt
leichter 2. oder 3. Leichpredigten einem Gott-
fuͤrchtigen zu thun/ dann von einem Gottloſen
ein wort auffzubringen. Weil dann der Heilige
Geiſt ſagt: Laſt vns loben die beruͤhmbten im Syr. 45.
Lande/ dann jhr Gedaͤchtnuͤß gruͤnet jmmer da Syr. 26.
ſie liegen/ ſpricht Syrach. Vnd der weiſe Mann
Salomon ſagt: Das Gedaͤchtnuͤß deß Gerech- Pro. 10.
ten bleibet im Segen. Darumb wollen Ewer
Adeliche Liebe ein wenig ſich gedulden/ vnnd
ferner das Gedaͤchtniß dieſes Adelichen Juͤng-
lings anhoͤren. Demnach aber Ewer Ad: lie-
be bekandter mehr dann bewuſt/ ſein dieſer
Chriſtlicher Adelichen Eltern betruͤbten jhren
Zuſtandt/ welchen Gott jhre Hertzen mit die-
ſem Riß vnd abbruch verwundet/ doch muͤſſen
ſie alles in Goͤttlichen willen einſtellen/ haben
dieſelben als Chriſtliche Eltern fuͤr allen din-
gen zu dem Bunde der Genaden Gottes/ vnnd Pet. 3.
zu dem Brunn der Wiedergeburt dieſen jhren
liebſten Sohn geleitet/ vnd durch Chriſtliche
Paten zufuͤhren laſſen/ da er denn ſeinen Nah-
men nach ſeinen beyden GroßEltern Carll-
Chriſtoff erlangt/ hernach aber ſo bald er hat
gehen koͤnnen/ denſelben zum H: Catechiſmo
zur Ehre vnd Furcht Gottes ermahnt/ auffer-
zogen vnd vnter weiſen laſſen/ biß an ſeinen ſeli-
gen Abſchied von dieſer argen vnd verderbeten
Welt: So haben auch dieſes verblichenen
Præcepto-
ribus vnd trewer diſciplin nichts mangeln laſ-
ſen/ dieſelben zum gehorſam den Præceptoribus/
vnd die Præceptores zu fleiſſiger vnterweiſung
ermahnet/ da denn Gott ſeinen reichen Segen
gegeben (vnd wo diß hertzliebſtes Kind hette
leben ſollen) groſſe Kunſt/ geſchickliche Adeli-
che Geberden/ vnd ſonderlich mit herrlichem
Verſtande were von Gott begabt worden/ wie
ſich denn alles in ſeiner zarten Jugend reichli-
chen erzeiget hatte. Nun wollen wir aber in
ſpecie die gaben Gottes anſehen/ vnd kuͤrtzlich
anhoͤren/ das Initium ſapientiæ timor Domini:
Die Furcht deß HErren iſt der Weißheit an-
fang. Hieraus hat er erſtlichen lernen erken-
nen Gott in ſeinem Weſen/ Chriſtum Jeſum ſei-
nen eintzigen wahren Seligmacher aus den
Goͤttlichen Schrifften/ welche da ſein das of-
fenbarte Wort Gottes/ vnd in der reinen vn-
be
giſchen Confeſsion begriffen/ dann der Stieff-
mutter der geenderten Confeſsion war er ſo
feind/ daß er ſich hat verlauten laſſen/ ehe zu
ſterben/ dann dieſelbe anzunehmen/ vnd weil
die gantze Auguſtana Confeſsio der Roͤm: Kay:
May: Carolo V. Anno 1530. vberantwortet/ vnd
von viel 100000. Menſchen angenommen/ bey
derſelben auch viel Tauſendt ſeliglich geſtor-
ben/ iſt eingeſchloſſen worden in das Compen
dium Theologicum deß Hutteri, hat ers ſo lieb
lernet/ daß er auch jedem der es begehret auff
jedere quæſtion antwort hat geben wiſſen/ O
einen gutten vnd ſeligen Theologum: Vnd das
meine ich daß GOtt an jhme den Spruch er-
fuͤlt hat/ Aus dem Munde der jungen Kinder Pſal. 8.
vnd Seuglingen haſtu dir eine macht zuge-
richt: Er hat auch das gepredigte Wort Got-
tes hertzlich lieb gehabt/ daß ich mit guttem
Gewiſſen ſagen kan/ wenig oder gar nichts ſei-
ne Augen weil ich geprediget habe von mir ge-
wandt/ wann er auch ein andern daheim ange-
troffen/ der vorſetzlich die Kirche verſeumet/
demſelben hefftig zugeredet/ vor allen dingen
wann er auffſtund/ vnd angeleget war/ iſt er zu
ſeinen ſtudiis mit luſt gegangen/ verhoffend/
ohn ſondere groſſe muͤhe dieſelben ſeine ſtudia
auff einen gruͤnen vnd erwunſchten Zweig zu
bringen/ da er mit dem Spruch deß Herren
Luth: ſich getroͤſtet: Dimidium ſtudii ſedula vo-
ta dabunt: Fleiſſig gebetet/ iſt halb ſtudieret/
darumb wann er auffgeſtanden/ vnd ſich zu ſei-
nem hertzliebſten Bruder Leonhardo von Gell-
horn/ vnd ſeinem lieben Vettern Chriſtoff von
Gellhorn geſamlet/ mit hertzlichen Seufftzen
fuͤr allen dingen diß ſchoͤne Gebet recitiret. O
guͤttiger gnediger vnd Barmhertziger GOtt/
weil du befohlen haſt allen gleubigen Kindern
dichanzuruffen/ ja auch gewiſſe erhoͤrung zu-
geſaget/ So komme ich auch als im Hertzen
digen Gott vnnd Vater: Vnd bitte von grund
meines Hertzens/ du wolleſt mir auch aus lau-
ter Gnade deinen Segen/ vnd die Krafft deines
Heiligen Geiſtes zu meinen ſtudiis geben/ vnd
verleihe/ daß ich dieſelbigen nicht wieder dich
vnd dein heiliges warhafftiges Wort/ ſon-
dern zu deines Nahmens Lob/ Ehr vnd Preiß/
vnd mir zu meiner Seelen Heil vnd Seligkeit/
nuͤtzlichen vnd dienſtlichen/ vnnd denn auch ſo
lange du guͤtiger vnnd gnaͤdiger Gott wilt/ zu
dieſer zeitlichen Lebens vnterhaltung ſo viel
moͤglichen/ foͤrderlichen moͤge anwenden/ vmb
deines allerliebſten vnd werdeſten Sohnes Je-
ſu Chriſti meines vnnd aller Gleubigen vnnd
außerwehlten Kinder HErren vnd Heylandes
willen/ Amen.
So iſt dieſer Adeliche Juͤngling auch vn-
ter den Gerechten/ weil er allhier ſeinen hertz-
lichen Glauben an Jheſum Chriſtum bekandt:
Auff gethanes Gebet hat er neben den andern
die Bibliſche Lection vorgenommen/ vnd die
Spruͤche daraus obſervirt, vnd jhme bekandt
gemacht/ daß er auch das vierde mahl dieſelbe
Bibel durchgeleſen/ Wann dieſe Lection taͤg-
lich abſolvirt war/ als denn alle drey jhre Locos
occupirt, vnd jhre Lectiones mit luſt vor ſich ge-
nommen/ nach der Zeit vnnd Ordnung ſeine
jhme erkuͤſte Lection aus dem obenbemelten
Compend. Theol: Hutteri/ darnach Grammati-
cam
cam vnnd Syntaxin deß Philippi, Dialect. Loſsi,
Terentium, Epiſt. Ciceronis, vnnd Theſaurum
Calviſii, aus denſelben mit leſen vnd durch an-
leitung ſeiner Præceptoren vorgenommen/ vnd
daraus das vornembſte obſervirt, vnd ad uſum
transferirt, Auch hat er den erſten Pſalm practi-
cirt/ Er hat luſt zum Geſetze deß HErren/ vnnd
redet von ſeinem Geſetze Tag vnd Nacht: Dar-
umb er offt deß Nachts auffgeſtanden/ vnd
Gebetlein die jhme auch im Schlaff vorkom-
men/ in ſein ſonder Buͤchlein auffgeſchrieben/
Fuͤr dem Tode iſt er vnerſchrocken geweſt/ vor
vielen geſaget/ Er wuͤrde nicht lange leben: Er
wolte auch ſeinem Herren Großvater nach zie-
hen/ Diß heiſt auch nach dem 39. Pſalm gelebt/
HErr lehre vns bedencken daß wir ſterben muͤſ-
ſen: O welch ein ſeliges Kind iſt das geweſt.
So viel wie er ſich gegen Gott erzeigt nach der
erſten Taffel der Zehen Gebot.
Mit wenig hoͤrt wie er ſich angelaſſen hat
nach der andern Taffel: Seine hertzliebſte A-
deliche Eltern hat er geehret/ jhnen gehorſa-
met/ vnd fuͤr jhnen allezeit in der Kindlichen
Furcht geſtanden/ wañ er etwas aus ſchwach-
heit nicht recht gethan/ ſeine hertzliebſten El-
tern offt ſchaͤrffere Worte gegen jhme ge-
braucht/ denn das Hertze geweſt/ hat er fleiſ-
ſig zugehoͤret in der ſtille vñ Gedult/ die Straf-
fe angenommen/ vnnd wann er auff die ſeite
kommen/ ſich ſelber geſtrafft/ ſprechend: Wie
ders die Sachen moͤgen außrichten: Er hat
auch kurtz vor ſeinem Tode zu der Jungfraw
die noch in dem Klagehauſe iſt/ geſagt: Gott ſol
mich behuͤten/ daß ich meiner Fraw Mutter ei-
ne vrſach geben ſolte vorſetziglich zum Zorn
dieſelbe zu bewegen.
Sehet diß Edle Kind hat dem Patriar-
chen Jacob nachgefolget/ der da ſagt zu ſeiner
Mutter: Mein Vater wird mich begreiffen/ vnd
wird achten/ als ich jhn betriegen wolt/ vnnd
brecht vber mich einen Fluch/ Denn Syrach
Syr. 3.
Haͤuſer/ aber der Mutter Fluch reiſſet ſie nie-
der: Weil Gott in dem vierden Gebot begreifft
Præceptores vnd Obrigkeit/ hat er auch ſeinen
Præceptoribus gehorſamet/ geehret/ vnd nicht
mit vnwillen/ ſondern freudig ſeine Lectiones
die ſie jhme aufflegeten/ angenommen: Vnd ob
jhn zwar anderthalb Jahr das viertaͤgliche
Fieber geplagt hat/ (doch auch daſſelbe biß-
weilen etliche Zeit auſſen geblieben) hat er alle-
zeit groſſe Gedult gehabt/ vnd wann nur ein
wenig daſſelbe nachgelaſſen/ Jſt er wieder
zu ſeinem Ampt vnnd Lectionibus gegangen/
vnd willig gelernet/ Diß Zeugniß giebet man
jhm/ da auch allhier gegenwertig vnter der
Prieſterſchafft ſein voriger Præceptor eben die-
ſen rhum der Froͤmigkeit bezeuget: Fuͤr das
Dritte gegen den armen auch Vnterthanen/
let/ wenn ein Armer kam/ vnd wolte was vor-
bringen bey ſeinem Herren Vater/ war er nicht
beſch weret den anzuſagen: Hatte aber jemand
etwas geſaͤndiget/ vnd den Herren Vater er-
zuͤrnet/ ſo hat er jhm alſo zugeredet/ vnnd ſein
vornehmen mit glimpff zu er weiſen wiſſen.
Nun kommen wir auch zu ſeinen letzten ſtu-
pffen den 22. Novemb. deß verfallenen Jahres
1618. Als ſeine Fraw Mume ſolte auff Jacobin
kommen/ vnd mit jhrer Ankunfft ſich verzoch/
iſt er endlich zu Bette gegangen/ vnnd eben in
derſelben Nacht/ ſampt ſeinem hertzliebſten
Bruder vnd lieben Vettern zugleich an Moſern
kranck worden: Vnd weil ein ſchwerer Fluß
jhm auff die Bruſt gefallen/ hat er bald ſeinen
Todt vermeldet/ vñ weil ſein hertzliebſter Herr
Vater verreiſet war/ ehe er kranck worden/ hat
er ein hertzliches Sehnen nach demſelben ge-
habt/ vnd mit begierd geſagt: Ja wann doch
der Herr Vater nur nicht lange were/ ſondern
bald anheim kommen moͤchte: Vnd diß freylich
den Herren Vater ſchmuͤrtzet/ daß er nicht ſol-
te bey ſeinem letzten Stuͤndlein ſein geweſt/ dañ
wer iſt nicht gerne bey der ſeinigen letzten Hin-
zuge: Weil er aber geſehen hat das aͤngſten der
Frawen Mutter/ hat er ſie ſelbeſt getroͤſtet/ ſeine
Hand jhr dargereicht vnnd ermahnt/ ſie ſolte
ſich nicht kuͤmmern/ es wuͤrde bald beſſer wer-
den/ Auch zu der Fraw Mutter geſchickt/ jhr
huͤbſch gebeſſert: Nach mir hat er auch ſchi-
cken laſſen/ weil ich aber nicht anheimiſch ge-
weſt/ hat man auff ſein begehren nach dem
Ehrwuͤrdigen/ Wolgelehrten Herren Johan.
Kleern/ Pfarrherrn zu Weigwitz geſchickt/ der
jhm auch den Weg nicht hat tanren laſſen/
aber etwas langſam kommen/ da ſein Seeliger
Abſchiedt vorhanden ſchon geweſt. Der weil
aber hat er ſich mit feinen Spruͤchen ſelbeſt
Pſal. 50.: Ruffe
mich an in der zeit der Noth/ ſo wil ich dich er-
retten/ vnd du ſolſt mich preyſen. Luc. am 18.
Luc. 18.
die zu jhm Tag vnd Nacht ruffen/ vnd ſolt Ge-
dult daruͤber haben: Jch ſage euch/ er wird ſie
Ioh. 3.
Rom. 14.
bet jhm ſelber/ vnd keiner ſtirbet jhm ſelber/ le-
ben wir/ ſo leben wir dem HErren/ ſterben wir/
ſo ſterben wir dem HErren/ darumb wir leben
oder ſterben/ ſo ſeind wir deß HErren. Vnd aus
Iob. 19.
vnd Er wird mich hernach aus der Erden auff-
erwecken/ vnd werde darnach mit dieſer meiner
Hant vmbgeben werden/ vnnd werde in mei-
nem Fleiſche Gott ſehen/ vnnd meine Augen
werden jhn ſchawen/ vnd kein frembder.
Pſal. 73.
nach Himmel vnd Erden. Wann mir gleich
Gott allezeit meines Hertzen Troſt vnnd mein
Heil.
Vnſer Wandel iſt im Him̃el/ von dannen Phil. 3.
wir erwarten deß Heylandes Jeſu Chriſti deß
HErrren/ welcher vnſern nichtigen Leib ver-
kleren wird/ daß er ehnlich ſey ſeinem verklerten
Leibe/ nach der wuͤrckung/ damit Er jhme alle
ding kan vnterthenig machen. Hat auch dieſe
Verßlein gebetet vnd geſprochen:
O Jeſu Chriſt mit deinem Blut/
Gelitten/ geſtorben mir zu gut/
Jch bin nun dein vnd du biſt mein/
Jn dir ſol alle meine Freude ſein.
Vivo tibi moriorq́; tibi dulciſsime Ieſu,
Vivens & moriens ſum maneoq́; tuus.
HErr Jheſu Chriſte/ dir lebe ich/ dir ſterbe
ich/ dein bin ich todt vnd lebendig.
Laß mich im Tode vnd Leben mein/ nim-
mermehr von dir geſchieden ſein.
Das Blut Jheſu Chriſti machet vns rein
1. 1.Ioh.
von allen Suͤnden.
Mein Gott vnd gnediger Vater/ Jn deine
31.Pſal.
Haͤnde befehl ich dir meinen Geiſt/ du haſt
mich erloͤſet du getrewer Gott.
Vnd was der ſchoͤnen Spruͤche mehr gewe-
ſen ſein/ dann jhme die Biblia wie vor ange-
zeigt/ zimlich bekandt geweſen.
Noch eintziges ſeinen Nahmen was anlan-
Carolus Chriſtophorus, Nomina
ſeind gemeiniglich omina.
Dann erſtlich ſo iſt ſein Name Carolus/ das
iſt/ Carus leo, Ein lieber Lewe/ Ein Lewe ob er
zwar ein grimmiges Thier iſt/ ſo hat er doch
dieſe art: Eines das er im Holtze vergittert
helt ſeinen Standt: Alſo dieſer Adeliche Juͤng-
ling gegen dem Reichen vnd Armen hielt ſeinen
Standt freundlich/ vnd vernuͤnfftig gegen je-
dermenniglichen ſich erzeigt/ ſo iſt er auch ein
Lewe/ welcher durch huͤlff deß H. Geiſtes das
harte Eiſen deß Creutzes nichts geachtet vnnd
vberwunden hat/ vnd hoffende ſo hat er ſeinen
Lauff volendet/ Glauben an ſeinen Erloͤſer ge-
halten/ vnd ritterlich gekempffet: Alſo iſt er
auch genendt Chriſtophorus, das Gott jhm ge-
geben hat/ im Creutz vnnd Wiederwertigkeit
ſeinem Sohne ehnlich zu werden/ das Creutz
vnd Noth jhm nachzutragen/ Vnnd alſo Chri-
ſto zu folgen/ wie Chriſtus ſelber ſagt: Wer mit
mir herrſchen wil/ der nehme ſein Creutz auff
ſich/ dieſes Creutz hat er freylich Chriſto viel
Zeit nachgetragen/ darumb hat er auch in euſ-
ſerſter ſeiner Noth zu ſeinem Erloͤſer geſchryen
vnd geſagt: Ach Herr/ du wirſt mir nicht mehr
aufflegen/ denn das ichs ertragen kan/ darum̃
hat er Chriſtum in ſeinem Creutz getragen/ diß
bringt ſein Name Chriſtophorus/ denn Chri-
ſtus leidet in den Gleubigen/ Act. 9. Nun iſt jhm
auch die Kron der Ewigen Seligkeit auff ge-
ben vnd Froͤmigkeit in dieſes Edle Kind einge-
pflantzet hatte/ Wie ſol dann den Edlen Eltern
nicht ſchmertzen vnd wehe thun/ weil ſie jhr
Kind ſo plotz in beſter Bluͤte aus jhrer Hoff-
nung verlohren haben/ Schmertzen doch die
boͤſen Kinder/ wie ſollen dann die fromen Kin-
der nicht ſchmertzen/ Aber der Vater aller
Barmhertzigkeit wolle dieſen hoch Adelichen
betruͤbten Eltern durch den Troſt deß H: Gei-
ſtes beywohnen/ ſie troͤſten/ jhre verwundte
Hertzen heilen/ daß ſie dieſe Heimſuchung fuͤr
eine Vaͤterliche Heimſuchung erkennen vnnd
annehmen/ vnd in Goͤttlichen willen einſtellen.
Wolle auch der Barmhertzige Gott dieſe bey-
ſtehende Adeliche Freundſchafft gnaͤdiglichen
troͤſten/ Amen. A. A.
Zu letzt iſt zu wiſſen/ daß dieſer Edle Juͤng-
ling inn ſeinem andern Climacterico anno ge-
ſtorben den 22. Novemb. vergangenen Jahres
1618. ſeines Alters 18. Jahr 42. Wochen/ 6.
Tage.
Der Ewige Barmhertzige GOTT wolle
jhme vnd vns allen geben vnd verleyhen froͤli-
che Aufferſtehung am Juͤngſten Ta-
ge zu der Ewigen Seligkeit/
Amen/ Amen.