Leichpredig Bey der Christlichen Bestattung Der weyland Edlen vnd Vieltugendsamen Frawen Magdalenen/ Des Edlen Gestrengen vnnd Vesten Sittichen von Berlepschen Hertzlieben Haußfrawen/ geborner von Wersebe

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Gebrauchsliteratur Leichenpredigt Gebrauchsliteratur Leichenpredigt aedit Leichpredig Bey der Chriſtlichen Beſtattung Der weyland Edlen vnd Vieltugendſamen Frawen Magdalenen/ Deß Edlen Geſtrengen vnnd Veſten Sittichen von Berlepſchen Hertzlie- ben Haußfrawen/ geborner von Werſebe/ ſeligen/ welche Sonnabends vor Oſtern/ war der 14. April. im Mittage vmb 11. Vhr/ Anno 1618. zu Schlitz in Gott ſeliglich entſchlaffen. Gehalten Freytags den 20. Aprilis/ in Adelicher/ Volck- reicher verſamlung zu Schlitz/ Durch CHRISTOPHORUM Schellenbergern/ Pfarꝛherꝛn daſelbſten. Getruckt zu Gieſſen/ bey Caſpar Chemlin. Jm Jahr M. DC XIIX.

TEXTUS. Philip. 1. v. 21. Chriſtus iſt mein Leben/ ſterben iſt mein Gewinn.

Postilla.

JHr Geliebte vnd Außerwehlte in dem HEr- ren Chriſto/ Es ſpricht der weiſe Koͤnig Sa- lomon in ſeinem Prediger cap. 1. verſ. 9. Es geſchicht nichts newes vnter der Sonnen.

Jſt demnach auch diß nichts newes/ daß der allein weiſeAnn. 1618 14. Apri. vnd gerechte Gott/ am nechſtverſchienen Sonnabend/ im Mittage vmb eilff Vhr/ den Edlen/ Geſtrengen vnnd Veſten Sittichen von Berlepſchen/ vnſern/ in Vormundtſchafft/ ge- bietenden lieben Junckern/ zu einem leydmuͤtigen vnd betruͤb- ten Witwer allhie gemacht/ in deme er jhm ſeine Hertzliebe Haußfraw/ die weiland Edle vnnd Vieltugendſame Fraw Magdalena von Berlepſch/ geborne von Werſebe/ ſeligen/ als ſeiner Augen vnd ſeines Hertzen Luſt/ durch den zeitlichen Tod hinweg genommen. Deren Seel der liebe Gott genaden/ vnd dem Leib eine ſelige vnd froͤliche Aufferſtehung verleihen wolle.

Daß aber diß nichts newes ſey/ doͤrffen wir mit frembden A ijExem- Chriſtliche Leichpredig. Exempeln nicht beweiſen. Wir haben leyder lebendige Exem- pel vnd Zeugen allhie vor vnſern Augen ſtehen/ an Adelichen Witwern vnd Witwinnen.

Ann. 1609 15. Ian.Dann es ſind vnlangſt/ vmb den nechſtvergangenen hei- ligen drey Koͤnigen Tag/ acht Jahr geweſen/ daß der groſſe vñ ſtarcke Gott den weiland Edlen Geſtrengẽ vnd veſten/ Johan- Euſtachium von Schlitz genandt von Goͤrtz/ vnſern gebieten- den lieben Junckern ſeligen/ durch den zeitlichen Todt von die- ſem Jammerthal abgefordert/ vnnd dardurch die gegenwertige Edle vnd Vieltugendſame Fraw Anna Maria von Schlitz/ genande von Goͤrtz/ geborne von Berlepſch/ zu einer betruͤbten Witwen/ vnd jhre fuͤnff kleine vnd vnerzogene Kinder zu leyd- muͤtigen Waiſen gemacht.

Ann. 1613. 18. Nov.Jtem/ es ſind noch nicht fuͤnff Jahr/ dz der allein weiſe vnd gerechte GOTT die weyland edle vnd vieltugendſame Fraw MARGRETEN von Schlitz genandt von Goͤrtz/ gebor- ne Riedeſelin zu Eyſenbach/ ſelige/ von dieſem Jammerthal abgefordert/ vnd dadurch den gegen wertigen Edlen Geſtrengẽ vnd Veſten/ Wilhelm Balthaſarn von Schlitz/ genandt von Goͤrtz/ Erb Marſchalck deß Stiffts Fulda vnſern gepietenden lieben Junckern/ zu einẽ betruͤbten Witwer/ vnd ſeine zehen klei- ne vner zogene Pflaͤntzlein zu Mutterloſen Kindern gemacht.

Ann. 1613. 24. Nov.Allermaſſen/ wie gleich 7. Tage hernach/ dem Edlen Ge- ſtrengen vnd Veſten/ Eytel von Berlepſchen/ vnſerm gebieten- den lieben Junckern auch geſchehen/ in dem jhm der liebe Gott ſeine Hertzliebe Haußfrawen/ die weiland edle vnd vieltugent- ſame Fraw MARGRETEN von Berlepſch geborne von Doͤringenberg ſelige/ durch den zeitlichẽ Todt von der Seiten hinweg geriſſen/ vnd jhme drey vnerzogene Kinder gelaſſen.

Ann. 1615. 12. April.Ja es ſind jetzo vor wenig Tagen allererſt 3. Jar geweſen/ daß nach deß Allmaͤchtigen Gottes Raht vnd Gutduncken die weiland Chriſtliche Leichpredig. weiland edle vnd vieltugendſame Fraw ANNA von vnd zu Schachten/ geborne Spiegeln zu Pickelsheim/ ſelige/ jhrem Hertzlieben Ehman/ den gegenwertigen Edlen Geſtrengẽ vnd Veſten Dietrichen/ von vnd zu Schachten/ vnſern gebietenden lieben Junckern/ zu ſampt acht vnerzogenen vnd kleinen Kin- dern verlaſſen muͤſſen.

Duͤrffen derowegen/ ſage ich/ mit frembden Exempeln nit erweiſen/ daß der Spruch Salomonis wahr ſey/ wann er ſagt: Es geſchicht nichts newes vnter der Sonnen. Dann die leydmuͤtige lebendige Exempel/ ſtehen vns leyder vor ſichtli- chen Augen.

Gleich wie aber diß nichts newes iſt/ daß ob wol gedachter vnſer gebietender lieber Juncker Sittich von Berlepſch/ zu ei- nem einſamen Witwer worden: Alſo iſt auch dz nichts newes/ dz jhm der toͤdliche Abgang ſeiner Hertzliebẽ Haußfrawen S. tieffe vñ weite wunden in ſein Hertz geſchnittẽ vnd noch ſchnei- det. Dann es haben es die jetzt angezogene adeliche Witwer vnd Witwinnẽ/ ſo wol andere gegenwertige/ mit Schmertzen auch erfahren. Deren Hertzen jetzo mit dieſem/ gleichſam auff ein ne- wes wider um Blutriſſig werden/ wie jhre jetzige Zehren vnnd Thraͤnen außweiſen. Wolan/ weil vnſer lieber HErꝛ vnnd Seligmacher Jeſus Chriſtus ſeinen verſtorbenen Freund La- zarum ſelbſten mit Thraͤnen beweinet/ Joh. 11. v. 34. ſo koͤnnen vnd ſollen wir ſolches an den Chriſten auch nit ſcheltẽ vnd ſtraf- fen/ bevorab/ weil Gott ſolche natuͤrliche Affecten vnnd Zunei- gungen ſelbſt in der Menſchen Hertzen gepflantzet. Dannen- hero auch der weiſe Mann Syrach Vrſach genymẽ/ c. 38. v. 16 eine ſolche Vermahnung anzuſtellen: Mein Kind/ wann je- mand ſtirbt/ ſo beweine jhn/ vnnd beklage jhn/ als ſey dir groß Leyd geſchehen. Du ſolt bitterlich weinen vnd Hertz lich betruͤbt ſeyn/ vnd Leyd tragen.

A iijAllein Chriſtliche Leichpredig.

Allein muß in acht genommen ſeyn/ daß der Sachen nicht zuviel geſchehe/ damit man nicht weine vnd trawre wie die Heyden die keine Hoffnung haben/ 1. Th. 4. v. 13.

Damit nun der gegenwertige hochbetruͤbte Adeliche Witwer/ ſo wol auch alle andere Adeliche Freunde/ denen der toͤdliche Abgang der verſtorbenen Adelichen Matronen ſeli- gen ſchmertzlich zu Hertzen gehet/ Anleytung haben moͤgen/ jhr trawren zu maͤſſigen/ ſo wollen wir auß den jetzt/ Ewerer Liebe vorgeleſenen kurtzen Worten deß Apoſtels Pauli vernehmen/ was es vor ein Wechſel ſey/ wann ein Menſch von dieſer Welt ſeliglich abſcheidet/ nemlich kein boͤſer/ ſondern ein ſehr guter Wechſel/ vnnd alſo kein Verluſt/ ſondern ein herꝛlicher Gewinn.

Weil aber ein rechtſchaffene Vorbereitung vor ſolchem Wechſel hergehen muß/ ſo wollen wir 1. Von ſolcher Vorbe- reitung kurtzlich reden. 2. Den darauff folgenden Wechſel auch einfaͤltiglich betrachten. Darzu der Allmaͤchtige barm- hertzige Gott die Gnad vnd Beyſtand ſeines heiligen vnd gu- ten Geiſtes gnaͤdiglich verleihen vnd geben woͤlle/ Amen.

Erſter Theil.

Belangend nun das erſte Stuͤcklein/ nemlich die Vor- bereitung/ ſo ſtehet dieſelbige in dieſen Worten deß Apoſtels Chriſtꝰ ꝗd ſigniſicet: Vnctũ vi- del. verũ. Non unum ex unctis ProphetisPauli: Chriſtus iſt mein Leben.

Was Chriſtus heiſſe/ ſoll einem jeden Chriſten billich bewuſt ſeyn/ nemlich ein Geſalbter.

Wiewol aber die Koͤnige vnd Prieſter im Alten Teſta- ment auch geſalbet worden/ vnd dahero Chriſti genennet wer- den koͤnnen: ſo meinet doch der Apoſtel S. Paulus allhie der- ſelben Chriſtliche Leichpredig. ſelben Geſalbten keinẽ: Sondern er meinetdẽ Chriſtum vñ& Regibus Veteris Te- ſtamenti. den Geſalbten/ welcher mit dem Frewdenoͤl/ dem heiligen Geiſte geſalbet wordẽn/ mehr dann ſeine Geſellen/ wie David Pſal. 45. v. 8. ſagt/ das iſt/ ohne maß vnd Ziel/ wie es Johannes der Taͤuffer eklaͤret/ Joh. 3. v. 34. Von welchem Chriſto vnd Geſalbten der Engel Luc. 2. v. 10. zu den Hirten ſagt: Jch verkuͤndige euch groſſe Frew- de/ die allem Volck widerfahren wird/ dann euch iſt heut der Heyland gebohren/ welcher iſt Chri- ſtus der HERR/ in der Statt David. Von welchem Chriſto dem Herrn Gott der Himmliſche Vatter Jerem. 23. vnd 33. ſelber ſagt: Daß man jhn nennet Je- hova Zidkenu/ der HErꝛ der vnſere Gerechtig- keit iſt.

Redet alſo der Apoſtel S. Paulus in verleſenen Wor- ten/ von dem Chriſto/ von dem Geſalbeten/ von dem Herrn/Chriſtum Iehovah. welcher kein ſchlechter bloſſer Menſch/ ſondern zu gleich Jeho- vah/ das iſt/ wahrer Gott iſt/ vnd der nach ſeiner heiligen an- genommenen Menſchlichen Natur geſalbet worden mit Geiſt vnd Krafft/ geſund zu machen alle die jeni- gen/ die vom Teuffel vberwaͤltiget waren/ Act. 10. v. 38. Jtem/ Er redet von dem Chriſto/ von welchem S. Petrus Act. 2. v. 36. ſagt: Dieſen Jeſum/ welchen jhr gecreu- tziget habt/ hat GOTT zum HErꝛn vnnd Chriſt gemacht.

Nun/ dieſer Chriſtus/ dieſer Geſalbter/ ſpricht S. Paul.Quia eſt vita. ſey das Leben.

Es iſt Chriſtliche Leichpredig.

1. Eſſentia- liter.Es iſt aber Chriſtus das Leben 1. eſſentialiter, das iſt/ Er iſt nach ſeiner Goͤttlichen Natur/ mit Gott dem Vatter/ vnd GOtt dem H. Geiſt/ das wahre weſentliche Leben ſelber. Wie er Johan. 5 verſ. 26. ſelber ſagt: Wie der Vatter hat das Leben in jhme ſelber: Alſo hat er auch dem Sohn gegeben das Leben zu haben in jhme ſelber.

2 Perſona- liter.Vors Ander/ iſt auch Chriſtus das Leben perſonali- ter. Das iſt/ Er iſt auch nach ſeiner angenommenen Menſch- lichen Natur/ in Krafft der perſoͤnlichen Vereinigung das Le- ben. Dannenhero er ſein Fleiſch nicht allein ein lebendiges/ ſondern auch ein lebendigmachendes Fleiſch nennet/ Johann. 6. verſ. 51.

3. Commu nicatirè. Communi catenim vitam na- turalem.Zum Dritten/ iſt er auch das Leben communicativè. Das iſt/ Er gibt vns das Leben. Vnd zwar erſtlich vitam na- turalem, das natuͤrliche Leben. Welchs nicht allein der ſrom- me Job. cap. 10. v. 12. erkennet vnd ſpricht: Leben vnd Wol- that haſt du an mir gethan. Sondern es erkennets auch der Apoſtel S. Paulus/ wann er Actor. 17. verſ. 28. ſagt: Jn jhm leben wir/ ſchweben vnd ſind wir. Ja es muͤſ- ſen es auch wir alle mit einander erkennen vnd bekennen. Dann es ſtehet ja alles in jhme/ wie Col. 1. v. 17. geſchrieben ſte- het. Vnnd wann es ohne jhn wehre/ ſo koͤndten wir in vnd mit vnſerm Leben nicht einen einigen Augenblick beſtehen.

Impicũ ptis nem.Weil aber nit allein die Gottsfoͤrchtigen/ ſondern auch die Gottloſen von dem Herrn Chriſto das natuͤrliche Leben haben/ ſo redt der Apoſtel Paulus in verleſenen Worten nicht de vita naturali. von dem natuͤrlichen Leben/ ſondern de vita ſpitituali ſeu gratiæ, von dem gnadenreichen geiſtlichen Leben.

Zwar/ Chriſtliche Leichpredig.

Zwar/ wann wir in dem Stande der Vnſchuld das na- tuͤrlich Leben zugebracht hetten/ ſo were ſolch vnſer natuͤrlich Leben zugleich auch ein Gnadenreiches Geiſtliches Leben ge- weſen/ Sintemahl Gott ohne vnterlaß mit ſeinen Gnaden in vns gewohnet/ vnd vns endlich auch das ewige Leben gege- ben hette/ dar zu wir erſchaffen waren. Sap. 2. v. 23.

Nach dem wir aber Gott dem HErꝛn Vngehorſam wor- den/ vnd ſein Gebot freventlicher weiſe uͤberſchritten/ ſeind wir dadurch in Geiſtlichen Todt gerathen/ das iſt/ wir ſind vor Gottes Augen todt/ als von welchem wir vns durch die Suͤn- de abgewandet hatten. Darauf zur ſtraffe auch der ander Todt/ das iſt/ der ewige Todt/ vnd das ewige Verdamnuß uͤber vns erfolgen ſolte.

Solten wir nun deme entgehen/ ſo war kein ander Mit- tel/ als daß vns Chriſtus/ alß der rechte Geſalbte deß HErꝛn/2. Spirituæ lem ſeu Gratiæ. der vns mit dem Vatter vnd dem H. Geiſte/ das Natuͤrliche Leben gegeben hatte/ auch das Gnadenreiche geiſtliche Le- ben/ vnd hiernechſt auch das ewige Leben wider gebe. WelchesAEternam ſeu Gloriæ. jhn zu erwerbem ſehr viel gekoſtet hat/ nemblich/ nicht ver- genglich Golt oder Silber/ ſondern ſein heyliges tewres Blut/ vnnd ſein vnſchuldiges Leyden vnnd Sterben Pet. 1. v. 19. Denn dadurch hat Er die Suͤn-Quam ac- quiſivit nõ auro & ar- gento, ſed precioſo ſuo ſan- guine. de zugeſiegelt/ die Miſſethat verſoͤhnet/ Gerechtig- keit vnnd ewiges Leben erworben vnnd zu wegen bracht/ nach der Weiſſagung deß Prophethen Danielis cap. 9. v. 24. vnd dem Zeugniß S. Pauli 2. Tim. 1. v. 10.

Ehe wir aber zu ſolchem ewigen Leben kommen/ muͤſſenCujus qui volunt ſie- ri partici- pes. wie zuvor auch hie Leben in vita ſpirituali ſeu Gratiæ, das iſt/ in dem Gnadenreichen geiſtlichen Leben. Das iſt/ wir muͤſ- Bſen vn- Chriſtliche Leichpredig. ritualẽ prius vive- re debent. Hoc est: 1. de pecca- tis dolere. 2. In Chri- ſtum cre- dere.ſen vnſere Suͤnde/ darinnen wir geiſtlich geſtorben/ erkennen/ bekennen/ berewen/ vmb Vergebung bitten/ vnd vns mit wah- rem Glauben/ vnd gruͤndlichem Vertrawen an den heyligen Volkommenen Gehorſam/ vnd das tewre Verdienſt Chriſti halten/ vnd vns deſſelbigen troͤſten: Das dann heiſt geiſtlich le- ben/ wie das auſerwehlete Ruͤſtzeug Gottes/ der Apoſtel S. Paulus gethan/ vnd dannenhero getroſt vnnd mit Freuden ſa- gen koͤnnen in verleſenen Worten/ nit allein/ daß Chriſtus das Leben ſey/ ſondern auch Sein Leben/ nit allein das na- tuͤrliche Leben/ ſondern auch das gnadenreiche geiſtliche Leben. Allermaſſen/ wie er Gal. 2. v. 19. ſpricht: Jch bin durch daß Geſetz (verſtehe/ durch das Geſetz deß Glaubens) dem Ge- ſetz (dem Geſetz Moiſis) geſtorben/ auf daß Jch Gott lebe/ ich bin mit Chriſto gecreutziget. Jch lebe/ aber nun nicht ich/ Sondern Chriſtus lebt in mir. Dañ was ich jetzt lebe im Fleiſch/ das lebe ich im Glau- ben deß Sohns Gottes/ der mich geliebt hat/ vnd hat ſich ſelbs fuͤr mich dargegeben.

Auß welchem Spruch deß Apoſtels Pauli auch zugleich erſcheinet/ daß es nit genug ſey/ wann einer ſagen wolte/ Chri- ſtus were ſein Leben/ das iſt/ was er jetzt lebte im Fleiſch das lebte er im Glauben des Sohns Gottes: Sondern es muß auch ſolcher Glaube/ als daß geiſtliche Leben/ mit euſſerlichen guten 3. Piè vi- vere.Wercken bewiſen ſein/ dañ darumb ſpricht S. Paulus darbeye Er ſey mit Chriſto gecreutziget: Als wolt er ſagen: wie er dann Gal. 6. v. 14. außdrucklich ſagt: Durch Chriſtum iſt mir die Welt gecreutziget/ vnd ich der Welt. Der Welt aber gecreutziget ſein/ heiſt nichts anders/ als das Fleiſch creutzigen ſampt den boͤſen Luͤſten vnd Begierden Gal. 5. v. 24. Vnd Chriſtliche Leichpredig. 24. Vnd alſo die Suͤnde nit herſchen laſſen in ſeinem ſterblichen Leibe/ Rom. 6. v. 12. Sondern zuͤchtig/ ge- recht/ vnd gottſelig leben in dieſer Welt/ Tit. 2. v. 13. Bey wehme ſich aber ein ſolch zuͤchtig/ gerecht vnnd gottſelig Leben nicht findet/ der kan ſich mit S. Paulo mit Warheit nicht roͤehmen/ daß er im Glauben deß Sohns Gottes lebe/ vnd das Chriſtus ſein Leben ſey.

Dann gleich wie der/ welcher ſeine Gliedmaſſen nicht reget oder beweget/ auch kein Geiſt oder Athem von ſich gibt/ vor Leiblich Todt gehalten wird: Alſo wird der auch billich vor Geiſtlich Todt gehalten/ bey deme ſich die Fruͤchte deß Glaubens nicht ereugen. Wie S. Jacob cap. 2. v. 26. bezeu- get vnd ſpricht: Gleich wie der Leib ohne Geiſt Todt iſt: Alſo auch der Glaube ohne Werck.

Beruhet alſo/ liebe Chriſten/ die Vorbereitung zu demConſiſtu itaq; pi para ſta in rera ad Deum conrerſio- ne. Que non ex noſtris promanat virib. ſeeligen wechſel/ welchen ein Chriſt durch den zeitlichen Todt trifft/ darin/ daß er hie Buſſe thue/ ſeine Suͤnde erkenne vnnd berewe/ an Chriſtum glaube/ vnnd den Glauben mit guten Wercken bezeuge.

Wannenhero ruͤhrt aber ſolche Buſſe/ Erkentnuß/ vnnd Rew vnd Leid uͤber die Suͤnde/ Jtem Glaube vnd gute Wer- cke? Entſtehen ſie auß eigenen Menſchlichen Kraͤfften: Ant- wort: Nein. Durchaus nicht.

Dann daß in gemein die Buß vnnd bekehrung in menſch- lichen Kraͤfftẽ nicht ſtehe/ das bezeuget der Prophet Jeremias cap. 31. v. 18. & 19. außdruͤcklich vnd ſpricht: HErꝛ/ bekehre du mich/ ſo werde ich bekehret. Dann da du mich bekehreteſt/ thete ich Buſſe.

Alſo/ daß inſonderheit das Erkendtnuß/ vnd Bekendt- B ijnuß Chriſtliche Leichpredig. nuß der Suͤnden/ vnnd hertzlich Rew vnnd Leyd uͤber die Suͤnde in vnſere menſchlichen Kraͤfften nicht ſtehe bezeu- get der Prophet Ezechiel cap. 36. v. 20. mit deme/ das er deß Menſchen Hertz ein Steinern Hertz nennet/ daß ſich von ſich ſelbs weder lencken nach kehren kan. Jtem daß der Glaub in Menſchlichen Kraͤfften nicht ſtehe/ bezeuget nit al- lein S. Paulus 2. Theſ. 3. v. 3 da er ſpricht: Der Glaube iſt nicht Jedermans Ding. Sondern es bezeugets auch der HErꝛ Chriſtus ſelber Joh. 6. v. 29. wann er ſpricht: Das iſt Gottes Werck/ das jhr glaubt an den/ den er geſandt hat.

Alſo/ daß die gute Werck als Fruͤchte deß Glaubens in Menſchlichen Kraͤfften nicht ſtehen/ bezeuget abermahl nicht allein S. Paulus 2. Cor. 3. v. 5. da er ſpricht: Auß vns ſel- ber/ als auß vns ſelber/ ſind wir nicht Tuͤchtig et- was gutes zugedencken (viel weniger etwas Gutes zu thun) Sondern es bezeugets auch der HErꝛe Chriſtus ſelber/ wann Sed Ex Chriſto per verbũ & Sacra- mẽta eum operante.er Johan. 15. v. 5. ſpricht: Ohne mich koͤnnet jhr nichts thun.

Kommet alſo abermahl alles vff den HErꝛen Chriſtum/ der muß alles geben/ vnd gibt alles/ aber nit ohne mittel/ ſon- dern durch mittel/ nemlich/ durch das heylige Predigampt/ durch ſein Wort/ vnd die heylige Hochwuͤrdige Sacramenta.

Durch das Wort deß Geſetzes gibt er Erkantnuß der Suͤnden/ Rom. 3. v. 20. Drewet Zeitliche vnd Ewige Straffe Deut. 27. v. 26.

Durch das Wort deß Evangelii/ vnd durch die heylige Hochwuͤrdige Sacramenta troͤſtet er die geengſte vnd zer- ſchlagene Hertzen wider/ vnd erwecket in jhnen ein Geiſtliches Leben Chriſtliche Leichpredig. Leben/ nemlich den Glauben/ der durch die Liede thaͤtig iſt/ Gal. 5. v. 6. Alſo/ daß ein glaubiger Menſch mit S. Paulo auß verleſenen Worten mit Freuden ſagen kan: Chriſtus iſt mein Leben/ vnd mit Aſſaph. auß Pſ. 73. v. 25 HErꝛ/ wann ich nur dich habe/ ſo frag ich nichts nach Himmel vnd Erden/ vnd wann mir gleich Leib vnd Seel verſchmacht/ ſo biſtu doch Gott meines Hertzens troſt vnd mein theil. Dann Gottes deß Vat- ters Gut/ Chriſti Jeſu Blut/ deß heyligen Geiſtes Muht/ iſt eines ſolchen Glaubigen Chriſten Menſchen Erbgut. Dar- nach ſich ein Jeglicher Chriſt von Hertzen ſehnen/ vnd dar- nach ſtreben ſoll.

Ja moͤcht aber einer ſagen: Es were wol gut Sehnen vnd Streben/ wann der Todt nit alles ein Ende macht. Nun muͤſſen aber alle Menſchen ſterben/ vnnd zu Staub vnd Aſchen werden/ Wie Gen. 3. Syr. 10. & 14. Rom. 5. geſchrieben ſtehet. Daruͤber einem alles ſehnen vnd ſtreben vergehen moͤchte.

Antwort: Daß ein Chriſt deß zeitlichen Todts halben ſolch ſehnen vnd ſtreben nicht vnterlaſſen ſolle/ deſſen wollen wir nun in dem andern Theil dieſer Predigt erhebliche vnnd wichtige Vrſachen zeigen.

Ander Theil:

Belangend dann nun das ander Theil dieſer Predig/ ſo iſt es/ Liebe Chriſten/ nicht ohne/ es iſt ein jaͤmmerlicher Han- del/ wann die Seele vom Leib abſcheiden/ den Leib als jhr lieb- liche wohnũg verlaſſen/ mit ſchmertzen darvon ziehen/ den Leib ſeines Lebens berauben/ vnnd der Leib verweſen vnd der Wuͤr- B iijme Chriſtliche Leichpredig. me vnd Schlangen Speiſe werden muß. Bevorab/ wann ein Menſch in Vnbußfertigkeit vnd Vnglauben alſo dahin ſtir- bet. Welchem der zeitliche Todt ein Eingang vnd Anfang iſt deß ewigen Todts vnd ewigen Verdamnuß.

Dieſes alles aber vngeachtet/ ſpricht doch der Apoſtel S. Paulus in verleſenen Worten: Sterben ſey ſein Gewinn. Woher daß? Daher: Weil Chriſtus ſein Leben geweſen. Das iſt/ weil er nicht in Vnbußfertigkeit vnd Vn- glauben zu ſterben gemeinet geweſen/ ſondern ſich mit wahrer Bußfertigkeit vnd wahren Glauben an Chriſtum zum Ab- Mors lu- crum.ſcheid bereitet/ vnd daruff eines ſolchen Wechſels erwartet/ der jhme keinen Verluſt/ ſondern ein herꝛlichen vnaußſpechlichen Gewin bringen werde/ welches geſchicht auff vnterſchieder Weiſe.

1. Reſpectis Peccati.Dann 1. iſt der Zeitliche Todt oder das zeitliche Ster- ben dem Apoſtel S. Paulo/ vnnd einem jeglichen gleubigen Chriſten/ ein Gewinn/ Reſpectu Peccati, was die Suͤnde anbelangt/ dann wer geſtorben iſt/ der iſt gerechfertigt von Suͤnden.

Gleich wie nun ein Menſch das vor einen groſſen Ge- win achtet/ wann jhme Mittel vorkommen/ dardurch ſein Schuld Regiſter nicht allein nicht groͤſſer gemacht/ Son- dern auch gar getilget vnd auß geleſcht wird: Alſo achtet auch allhie S. Paulus/ vnnd mit jhme ein jeglicher glaubiger Chriſt das vor einen groſſen Gewinn/ daß er durch den zeit- lichen Todt/ oder das ſeelige zeitliche Sterben von ſeinem Schuld vnnd SuͤndenRegiſter gerechtfertiget wird. Vber welchen gewuͤnſchten Wechſel man ſich billich zuerfrew- en hat.

2. Dar- Chriſtliche Leichpredig.

2. Darnach iſt das Sterben oder der Todt dem Apo-2. Reſpectu Calami- tatis. ſtel S. Paulo/ vnnd enim jeglichen gleubigen Chriſten ein Gewinn/ Reſpectu Calamitatis, wegen vieles Jammers/ Truͤbſals/ Elendes/ Kranckheiten vnd anderer Beſchwerun- gen/ damit diß zeitliche Leben wegen der Suͤnde erfuͤllet vnd uͤberſchwemmet iſt/ vnnd dahero billich ein recht Jammerthal genennet wird Pſal. 84. v. 7. vnnd Judith/ Cap. 8. v 17. Welch Jammer vnd Truͤbſal aber alles miteinander durch das ſee- lige Sterben eines Chriſten Menſchen geendet vnd gewendet/ vnnd dahero billich vor einen herꝛlichen Gewinn geachtet wird. Dann der Todt iſt je beſſer/ dann ein ſieges Leben/ vnd ſtete Kranckheit/ ſpricht Syrach Cap. 30. verſ. 17.

3. Zum dritten iſt das zeitliche Sterben dem Apoſtel3. Reſpectis Timoris. S. Paulo/ vnnd einem jeglichen gleubigen Chriſten ein Ge- winn/ Reſpectu Timoris, wegen der Furcht/ darinnen wir diß zeitliche Leben zubringen muͤſſen/ Außwendig Streit/ inwendig Furcht/ 2. Cor. 7. v. 5. Jammer/ Furcht/ Angſt/ Hoffnung/ Syr. 40. v. 2. alſo/ daß wir auch mit Furcht vnd Zittern ſchaffen muͤſſen/ daß wir ſeelig werden/ Philip. 2. v. 12.

Dann auff einer ſeiten haben wir zu ſtreiten mit dem ley- digen Teuffel/ Der da weiß/ daß er wenig Zeit hat Apoc. 12. v. 12. Vnd dahero ohn vnderlaß vmbhero gehet/ wie ein bruͤllender vnnd reiſſender Loͤwe/ vnnd ſuchet/ welchen er verſchlingen moͤge/ wie Petrus ſagt 1. Ep. 5. v. 8.

Auff Chriſtliche Leichpredig.

Auff der andern Seiten haben wir zu kempffen mit der gottloſen Weltt/ welche vns hefftig vnnd hartt zu- ſaget mit jhren ergerlichen vnnd boͤſen exempeln/ da- mit ſie vns verfuͤhret vnd verderbet das gute/ wie Sap. 2. v. 12. geſchrieben ſtehet. Darbey vnſer verderbtes ſuͤnd- hafftes Fleiſch auch nicht ruhet/ ſondern vns zu allerley Suͤn- den reitzet/ alſo daß es abermahl heiſt/ wie Salomon Sap. 2. v. 13. ſagt: Die reitzende Luſt verkehret vnſchuldige Hertzen.

Gleich wie nun das einem Kriegs Mann ein Herꝛlicher gewin iſt/ wann er es durch viel ſtreiten vnd kempffen/ durch viel Muhe vnd Arbeit/ durch viel Sorg vnd forcht ſo weit bracht/ das er den Sieg erhalten/ vnd den Feind erlegt hat: Alſo muß ja auch das einem Chriſten kein verluſt/ Sondern ein ge- wuͤnſchter gewin ſein/ wañ er durch den zeitlichen Todt deß an- laufs aller ſeiner Feinde/ deß leidigen Teuffels/ der Gottloſen Welt/ vnd ſeines eigenen verderbten Fleiſches befreyet wird. Ob welcher Befreyung er ſich billich mit S. Paulo erfrewen vnd ſagen ſoll: Sterben iſt mein gewin. Jtem Jch wer- de ſchon geopffert/ vnd die Zeit meines Abſcheids iſt vorhanden/ ich hab ein guten kampf gekempfet/ ich habe den Lauff vollendet/ ich habe Glauben ge- 4. Reſpectu Chriſti re- sipientis.halten/ hinfort iſt mir beygelegt die Crone der Ge- rechtigkeit/ 2. Timoth. 4. v. 6.

Zum Vierten iſt das Zeitliche Sterben dem Apoſtel Paulo/ vnnd einem jeglichen glaubigen Chriſten ein gewinn Reſpectu Chriſti recipientis, wegen deß HErꝛen Chriſti/ der vns aufnimmet/ vnnd zu deme wir durch den zeitlichen Todt tringen. Chriſtliche Leichpredig. tringen. Wie Chriſtus Joh. 14. v. 3. ſeinen Juͤngern vnd an- dern Gleubigen verheiſſen/ vnd geſprochen: Jch wil euch zu mir nehmen/ auff daß jhr ſeit/ wo ich bin. Vnd Joh. 17. v. 24. Vatter/ ich will/ daß wo ich bin auch die jenige ſein/ die du mir gegeben haſt/ auff daß ſie meine Herꝛlichkeit ſehen.

Was wird aber das vor eine Herꝛligkeit ſein/ zwar eigent- lich koͤnnen wir ſie/ liebe Chriſten/ nicht beſchreiben. Dann es hats kein Auge geſehen/ kein Ohre gehoͤret/ vndin dieſent Leben. iſt in keines Menſchen Hertz jemals kommen/ wie Paulus 1. Cor. 2. v. 9. auß dem Propheten Eſa. 64. v. 4. bezeu- get/ ſondern wir muͤſſen davon lallen/ wie die vnmuͤndige Kin- der. Gleichwol aber wiſſen wir das/ daß dieſes nit die geringſte Herꝛligkeit ſein wird/ daß wir Gott anſchawen werden.

Jn dieſem Leben ſehen wir zwar den lieben Gott auch/ aber gleich als in einem Spiegel/ wie Paulus 1. Cor. 13. v. 12. redet: Aber in dem ewigen Leben werden wir Gott ohne Spiegel anſchawen vnd ſehen/ wie er iſt/ 1. Joh. 3. v. 2. Das iſt/ in dem vnaußſprechlichen groſſen Geheimnuß der Einfaltigkeit im Weſen/ vnnd Dreyfaltigkeit in Perſonen. Jtem/ in dem kuͤndlich groſſen Geheimnuß der Vereini- gung der beyder Naturen in dem HErꝛen Chriſto.

Gleich wie derowegen den heyligen Engeln im Himmel das jetzo ein ewiges Leben vnd ewige Herꝛligkeit iſt/ daß ſie ſtets vor Gott ſtehen/ vnd ohne vnterlaß das Angeſichte Got- tes im Himmel ſehen/ Matth. 18. v. 10. Vnd jhn ohn vnterlaß loben/ ruͤhmen vnd preiſen/ vnd ſingen: Heylig/ Heylig/ Heylig iſt vnſer Gott der HErꝛe CZebaoth/ Chriſtliche Leichpredig. Zebaoth/ Eſa. 6. v. 3. Alſo wird auch vns das anſchawen Gottes im ewigen Leben nicht das geringſte Stuͤck vnſerer Seeligkeit ſein.

Es achts ein Menſch offtmals ſehr hoch/ vnd wil ſich gleichſam vor Seelig preiſen/ wann Er den Roͤmiſchen Key- ſer oder ſonſt einen mechtigen Potentaten in ſeiner Keyſerli- chen oder Koͤniglichen Majeſtat vnd Herꝛlichkeit ſehen mag/ oder geſehen hat. Wie wir dann 1. Reg. 10. v. 1. von der Koͤ- nigin auß Reich Arabia leſen/ daß ſie ſich ſeelig geprieſen/ daß ſie den Koͤnig Salomon geſehen/ vnd deſſen Weißheit gehoͤret. Aber es war doch ein Pur menſchliches/ vnd alſo ein vergengliches ſehen. Drumb koͤn- te ſich viel ſeeliger preiſen der Ertzvatter Jacob/ darum̃/ daß er Gott von Angeſicht zu Angeſicht geſehen hatte/ wie er Gen. 32. v. 30. ſelber ſagt: Jch habe Gott von Angeſicht zu Angeſicht geſehen/ vnnd meine Seele iſt geneſen.

Jtem viel ſeeliger koͤnte ſich S. Paulus ruͤhmen/ daß er ſeine Theologiam im Paradeiß oder dritten Himmel ſtu- diret vnd vnaußſprechliche ding darinn geſehen vnd gehoͤret hatte/ wie 2. Cor. 12. v. 4. geſchrieben ſtehet. Aber gegen dieſem ſehen/ das im ewigen Leben geſchehen wird/ iſt auch das ſehen Jacobs vnd Pauli gleich als nichts zu achten. Dann Jacobs ſehen iſt geſchehen in menſchlicher geſtalt/ vnd iſt alſo ein vnvol kommenes ſehen geweſen. So rufft S. Paulus ſein ſehen ſelbſt vor Stuͤckwerck auß 1. Cor. 13. v. 12.

Wann derowegen das vnvolkommene vnd Stuckwerck wird auffhoͤren/ das vollkommene aber hergegen angehen/ vnd vns das Erkentnuß der heyligen Goͤttlichen Dreyfaltig- keit/ Chriſtliche Leichpredig. keit in vollem Goͤttlichen Liechte vnd ſchein wird ewiglich vor Augen ſtehen/ ſo werden wir vns alsdenn ſolches ſehens vnnd ſchawens halber vor Recht Seelig vnd vberſeelig halten vnd ruͤhmen koͤnnen. Welcher vrſachen halber ſich auch der from- me Job in ſeinem hoͤchſten vnd groͤſten Creutz nach ſolchem ſe- hen ſo hertzlich ſehnete/ vnd ſprach Cap. 19. v. 25. Jch weis/ das mein Erloͤſer lebt/ der wird mich hernach auß der Erden aufferwecken/ vnd werde in dieſem mei- nem Fleiſch Gott ſehen/ denſelben werde ich mir ſe- hen/ vnnd meine Augen weren jhn ſchawen/ vnd kein Frembder.

Das laſſe dir/ lieber Chriſt/ abermahl einen herꝛlichen Wechſel vnd Gewin ſeyn/ darnach ſich ein jeglicher von grund deß Hertzens ſchnen ſoll/ vnd ſagen mit S. Paulo Philip. 1. v. 23. Jch begehre auffgeloͤſet zu werden/ verſtehe/ durch den zeitlichen Todt/ vnd bey Chriſto zu ſeyn/ der mich in ſeine Herꝛlichkeit auffnehmen wird.

Zum fuͤnfften iſt das zeitliche ſterben dem Apoſtel Pau-5. Reſpectis cætus ſeu Chori. lo/ vnd einem jeglichen Gleubigen Chriſten ein Gewin Reſpe- ctu Cætus ſeu Chori, das iſt/ wegen der herꝛlichen Geſel- ſchafft/ zu dero wir durch den zeitlichen Todt kommen werden.

Dann gleich wie wir in dieſem Leben keine groͤſſere Freud haben koͤnnen/ als wann wir die neben vnd vmb vns haben/ die vnſere Verwandte vnd Bekandte/ vnd ſonſt vnſere vertrawte/ liebe vnd gute Freunde ſind/ vnd die vns von Hertzen meynen/ vnangeſehen/ daß wir wiſſen/ daß es bald wider an ein Schei- den gehen muß: Alſo wird auch freylich nach dem zeitlichen Todt/ im ewigen Leben das nit die geringſte/ ſondern die aller groͤſte Freude ſein/ wann wir neben vnd vmb vns haben werden C ijdie Chriſtliche Leichpredig. die heylige Hochgelobte Dreyfaltigkeit/ Gott dem Himmeli- ſchen Vatter/ vnſern nechſten verwandten/ der vns auß Gna- den erſchaffen vnd erhalten/ Gottes vnd Marien Sohn/ den HErꝛn Jeſum Chriſtum/ vnſern vertrawten Bruder/ der vns mit ſeinem Blut vnnd Todt widerumb erloͤſet hat/ Gott den heyligen Geiſt/ vnſern werden Troͤſter/ der vns durchs Wort vnd die heyligen Sacramenta geheyliget vnd wider geboren/ welches eine uͤber ſchwengliche Entpfindung ſein wird/ der vn- außſprechlichen Suͤſſigkeit Gottes deß Vatters/ deß Sohns/ vnd deß heyligen Geiſtes.

Jtem/ wann wir neben vnd vmb vns haben werden den außerwehleten Chor der lieben heyligen Engel/ welche vnſere dienſtbahre Geiſter alhie vff Erden geweſen/ vnd ein hertzlichen Luſt gehabt/ zu ſchawen in das Werck vnſerer Erloͤſung/ Ebr. 1. v. 7. 1. Pet. 1. v. 12. Jtem/ die liebe heylige außerwehlete Men- ſchen/ vnſern Vhralt Vatter den alten Adam/ vnſere Vhralt Mutter die alte Evam. Den außerwehletẽ Chor der lieben hey- ligen Ertz Vaͤtter vnd Ertz Muͤtter/ der gottſeeligen frommen Koͤnige/ der lieben heyligen Propheten/ die hochgechrte vnnd hochgelobte Mutter deß Sohns Gottes/ die heylige Jung- fraw Mariam/ die liebe heylige Apoſteln/ die beſtendigen Be- kenner vnd Maͤrterer/ vnſere liebe ſeelige Eltern/ Vaͤtter vnd Muͤtter/ vnſere liebe Ehegatten/ vnſer liebe ſeelige Schwe- ſter vnd Bruͤdere/ vnſere liebe außerwehlete ſeelige Kinder. Jn Summa/ alle außerwehlete vnd ſeelige Menſchen/ Manns vnd Weibs Perſonen/ Alte vnd Junge/ Juͤngling vnd Jung- frawen/ Groß vnd Klein. O cœtum beatum, ô cætum exo- ptatum! Wird das nit eine ſeelige gewuͤnſchte Geſellſchafft ſein? Wird das nit ein ſeeliger vnd gewuͤnſchter Wechſel vnd Gewinn ſein? Solteda nit ein gut froͤliches Leben bey ſein? Bevorab weil vnder allen außerwehleten Menſchen keiner ſich Chriſtliche Leichpredig. ſich wird beſſer duncken laſſen/ als der ander/ auch keiner jhm ſelbs mehr Seeligkeit wird goͤnnen/ als dem andern/ ſondern es wird ein jeglicher vornemblich an Gott/ vnd dann einer an dem andern ewige Frewd/ vnd ewige vnauffhoͤrende Wohne ſehen vnd haben. Da dann gantz vnd gar nichts hindern wird/ daß wir die liebe heylige Engel/ vnd vndzehlich viel andere außer- wehlete Menſchen/ als vnſere Vorfahren vnd Nachkommen zuvor nie mehr geſehen haben. Sondern/ gleich wie Adam/ als er noch im Stande der vnſchuld war/ ſeine Evam/ die er zuvor/ nie geſehen hatte/ gekant: Alſo werden wir/ nach dem wir in den Stand der Vnſchuld widerumb werden eingeſetzt ſein/ auch eigentlich einander kennen/ vnd ein jeglicher vor ſich ſagen koͤnnen: Das iſt der liebe Adam/ das iſt die liebe Eva/ das iſt der alte Methuſalem/ das iſt Abraham der Vatter aller Gleu- bigen/ das iſt Moiſes/ das iſt Aaron/ das iſt Enoch/ das iſt E- lias/ das iſt Joſeph/ das iſt Maria/ das iſt Johannes der Teuf- fer/ das iſt Petrus/ Paulus/ vnd ſo fortan. Dann gleich wie Gott ſein wird alles in allem: Alſo werden auch wir in Gott haben alles in allem/ vnd alſo auch das Erkentnuß aller Außerwehleten/ keinen einigen außgenommen.

Wird ſich alſo nach dem Zeitlichen abſterbem in demVbi Perfecta notitia. zukuͤnfftigen Leben an den Außerwehleten finden Perfecta no titia/ eine volkommene Erkentnuß. Omnia ibi Clara, om nia Chara. Es wird alles da klar vnd offenbahr ſein/ alles lieb vnd angenehme.

Jtem es wird ſich an Jhnen finden perfecta juſticia/ einePerfecta Iuſticia. volkommene Gerechtigkeit. Da wirds mit einem jeglichen recht heiſſen/ wie David Pſ. 45. v. 10. redt/ die Braut ſtehet zu deiner Rechten in eitel koͤſtlichem Golde. Jtem/ deß Koͤnigs Tochter iſt gantz herlich inwendig/ ſie C iijiſt Chriſtliche Leichpredig. iſt mit guͤlden Stuͤcken gekleidet/ das iſt/ ſie hat weder Flecken noch Runtzel/ ſondern ſie iſt heylig vnd vnſtraͤf- lich/ wie Paulus ſagt Eph. 5. v. 27.

Alſo wird ſich auch an den lieben Außerwehleten finden. Perfecta ſanitas.Perfecta ſanitas/ volkommene Geſundheit. Da wird man nit mehr hoͤren von Blinden/ Lahmen/ Tauben/ Stummen/ Auſ- ſetzigen. Welche Chriſtus wider geſund machen muͤſte: Son- dern ſie werden alle mit groſſem frolocken ſagen vnd ruͤhmen koͤnnen auß 2. Cor. 5. v. 17. Das alte iſt vergangẽ/ ſihe/ es iſt alles New worden. Dann/ was hie geſeet wor- den verweßlich/ das wird dort aufferſtanden ſein vnverweßlich/ was hie geſeet geweſen in Vnehre/ das wird dort aufferſtanden ſein in Herꝛlichkeit: Was hie geſeet geweſen in Schwachheit/ das wird dort aufferſtanden ſein in Krafft/ was hie ge- ſeet geweſen ein natuͤrlicher Leib/ das wird dort aufferſtanden ſein ein geiſtlicher Leib. Das iſt: Er wird geiſtliche Eigenſchafften an ſich haben/ alſo/ daß ſich an Summa Claritas.jhme ereugen wird ſumma claritas, eine uͤberauß herꝛliche Klarheit/ daß er leuchten wird wie die Sonne in Gottes deß himmeliſchen Vatters Reich/ Matth. 13. v. 43. Dann er wird ehnlich ſein dem verklereten Leibe deß HErꝛen Chriſti/ Philip. Summa ſubtilitas.3. v. 21. Jtem es wird ſich an jhme ereugen ſumma ſubtilitas, eine uͤber auß groſſe Geſchwindigkeit vnd Behendigkeit/ daß er in einem Augenblick wird ſein koͤnnen/ wo er jmmer will. Da- rumb auch die Außerwehlete/ vnder andern/ den heyligen En- geln vergliechen werden/ Matth. 22. v. 30.

Vera im- mortali- tas.Jtem es wird ſich auch an den lieben Außerwehleten fin- den Chriſtliche Leichpredig. den vera immortalitas/ wahre Vnſterbligkeit. Dann gleich wie Chriſtus jhr Haupt nit mehr ſtirbt/ wie Paulus Rom. 6. v. 9. ſagt: Alſo wird auch uͤber vns als ſeine Gliedmaſſen der Todt nit mehr herꝛſchen/ ſo wenig auch deß Todtes Verbot- ten/ als allerley Jammer/ Truͤbſal vnd Elende/ Sondern es wird ſein jugis vita, jugis læticia, ein jmmerwehrendes rech-Iugis vita Ingis læti- cia. tes vnnd gutes Leben/ ein jmmerwehrende rechte vnd wahre Freude/ ohn einiges Leyd/ vnd ohn einigen Mangel. Dann Gott wird abwiſchen alle Thraͤnen von vnſern Augen Apoc. 7. v. 16. Alle vnſere Traurigkeit wird in Freude verkehret ſein Jo. 16. v. 20. Jn ſumma/ es wird ſein Freude die Fuͤlle/ vnd lieblich weſen zur Rech- ten Gottes ewiglich/ wie David Pſ. 16. v. 11. ſagt. Vnd ſpricht derowegen das außerwehlete Ruͤſtzeug Gottes der A- poſtel S. Paulus in verleſenen Worten nit vnbillich: Chri- ſtus iſt mein Leben/ Sterben iſt mein Gewinn.

O Hilff vns zu dieſem herꝛlichen vnd ſeeligen Wechſel vnd Gewinn/ du heylige hochgelobte Dreyfaltigkeit/ Vat- ter/ Sohn vnd heyliger Geiſt/ einiger wahrer Gott in alle E- wigkeit/ Amen.

PERSONALIA.

WAs nun/ liebe Chriſten/ anbelangt vnſere in Jeſu Chriſto ſeelig entſchlaffene Adeliche Matrona/ die Weyland Edle vnd Vieltugentſame Frawe Mag- dalenen von Berlepſch/ geborne von Werſebe/ deren Leich- nahm wir nach Adelichem Chriſtlichem Brauch anhero ge- bracht/ denſelbigen in Hoffnung der ſeeligen vnnd froͤlichen Auffer- Chriſtliche Leichpredig. Aufferſtehung in ſein Ruhebetlein zu bringen/ ſo hat der liebe Gott deroſelbigen jhr natuͤrlich Leben gegeben vor 46. Jah- ren. Dann im Jahr Chriſti 1572. den 6. Tag Aprilis/ welcher damals gleich auff den heyligen Oſtertag gefallen/ deß Mor- gens vor 9. Vhren/ iſt ſie auff dieſe Welt geboren.

Generatio.Jhr Vatter iſt geweſen der Weyland Edle Geſtrenge vnd Veſte Anthonius von Werſebe/ Fuͤrſtlicher Heſſiſcher vor- nehmer Rath vnd Amptmañ zu Schmalkalden/ nun ſeeliger.

Jhr Mutter iſt geweſen die Weyland Edle vnd Vieltu- gentſame Fraw Catharina von Werſebe/ geborne Riedeſeln zu Eyſenbach/ nun auch ſeelige.

Weil jhro aber das natuͤrliche Leben/ welches jhro Gott vermittelſt jhrer Eltern gegeben/ zur Seeligkeit nit befoͤrderlich ſein koͤnnen. Dann das ſind Gottes Kinder/ welche nit von dem Gebluͤt/ noch von dem Willen deß Flei- ſches/ noch von dem Willen deß Mannes/ ſondern von Gott geboren ſind/ wie S. Johannes cap. 1. v. 13. ſagt: So hat ſie der liebe Gott zu ſeinem Kind wider gebo- Regenera- tio.ren/ vermitelſt der heyligen Tauffe ad vitam Spiritualem ſeu Gratiæ, zu dem gnadenreichen geiſtlichen Leben/ alſo daß ſie zugleich mit dem Apoſtel S. Paulo ruͤhmen koͤnnen: Chriſtus iſt mein Leben. Dann ſie hat jhren HErꝛn Jeſum Chriſtum in der heyligen Tauff angezogen/ Gal. 3. v. 27. vnd iſt zugleich mit dem Kleide des Heyls/ vnd mit dem Rock der Gerechtigkeit/ das iſt/ mit der Vnſchuld deß HErꝛn Chriſti bekleidet worden/ Eſa. 61. verſ. 10.

Sie hat auch zum Zeugnuß jhres Chriſtenthumbs einen Chriſtlichen Nahmen in der heyligen Tauff bekommen/ Nem- blich den Nahmen Magdalena.

Dem- Chriſtliche Leichpredig.

Demnuch aber die getaufften Kinder/ wegen der tieff in- gewurtzelten Erbſuͤnde/ welche ſich in dieſem Leben nicht gantz außreuten leſſet/ von jhren Eltern aufferzogen werden muͤſſen in der Zucht vnnd Vermahnung zum HErꝛen/ nach der Vermahnung S. Pauli Eph. 6. v. 4. So hatte dieſe vnſere nunmehr im HErꝛn ſeelig entſchlaffene Fraw Magda- lena/ damalß jhrer lieben Mutter noch lang von noͤten gehabt. Weil es aber dem lieben Gott gefallen/ dieſelbige jhr Mutter/ Anno 1577. vnd alſo/ da die Jungfraw Magdalena kaum fuͤnff Jahr alt geweſen/ von dieſem Jammerthal abzufordern/ vnd jhr Vatter/ der jetzt wolgedachte Edle/ Geſtrenge vnd Veſte Anthonius von Werſebe/ Fuͤrſtlicher/ Heſſiſcher/ Schmalcaldiſcher Ambtman/ wegen wieler hohen/ wichtigen vnd ſchweren Herꝛengeſchefften/ vnd beſchwerlichen weiten Reiſen/ der Kinder zucht nicht abwarten koͤnnen/ hat ſich zu ei- ner ſorgfeltigen vnd fleiſſigen Zucht Mutter gebrauchen laſ- ſen/ die weyland Edle vnd vieltugentſame Fraw Sidonia vonEducatio. vnd zu Schachten/ geborne Riedeſelin zu Eyſenbach ſeelige/ deß weyland Edlen/ Geſtrengen vnd Veſten/ Georg von vnd zu Schachtens ſeeligen hertzliebe Haußfraw. Welche/ als der verſtorbenen Mutter Schweſter dieſe Jungfraw Magdale- nen in jhrer Kindheit/ nemblich im 6. Jahr jhres Alters/ neben andern jhrer Geſchwiſter Kindern/ zu ſich anhero nach Schlitz genommen/ dieſelbige in Gottes Furcht/ in beten/ leſen/ ſchrei- ben/ vnd andern adelichen loͤblichen Sitten vnd Tugenden ſehr wol aufferzogen. Darzu ſich dann vnſere damahliche Jungfraw Magdalena gantz bereit/ wilfehrig vnd gehorſam erfinden laſſen/ alſo daß ſie in den funfzehen Jahren/ die ſie bey jhrer Baſen vnd Mutter Schweſter Fraw Sidonien ſeeligen geweſen/ eine ſehr ſchoͤne/ fromme/ gottfuͤrchtige vnd gehorſa- Dme/ tu- Chriſtliche Leichpredig. me/ tugentreiche Jungfraw worden/ wie ſie deſſen an dieſem Orth viel lebendiger warhafftiger Zeugen hat

Dadurch der Edle Geſtrenge vnd Veſte Juncker Sit- tich von Berlepſch/ der jetzige hochbetruͤbte Adeliche Witwer verurſacht worden/ eine hertzliche/ Chriſtliche/ eheliche Lieb auff ſie zu ſchlagen/ vnd ſich ehelich an ſie zu verheyrathen. Welchs mit vorgehabtem Rath/ Wiſſen/ vnd gutem Willen deß mehrwolgedachten Fuͤrſtlichen Heſſiſchen Schmalcal- diſchen Amptmans Anthonii von Werſebe/ als der Jungfra- wen Magdalenen Vatter/ ſo wol anderer beyderſeits Ade- licher Freundſchafft/ im Jahr 1593. geſchehen/ darinnen ſie die vieltugentſame adeliche Jungfraw Magdalena in dem ein Elocatio.vnd zwantzigſten Jahr jhres Alters/ dem Edlen Geſtrengen vnd Veſten Sittichen von Berlepſchen/ durch jhren Vatter nun ſeeliger/ alhie zu Schlitz ehelich verſprochen/ vnd folgends nach Fahrenbach zu Haus gefuͤhret/ vnd Chriſtlichem Adeli- chem Brauch nach bey gelegt worden.

Gleich wie aber nun dieſe beyde adeliche Perſonen in hertzlicher Lieb/ Chriſtlich vnd ehelich zuſammen kommen: Al- ſo haben ſie auch denſelbigen jhren Eheſtand in hertzlicher bren- Vitæ cur- ſus.nender Liebe vnd gewuͤnſchter Einigkeit continuiret vnd vo- lendet/ alſo daß eins an dem andern ſeiner Augen Luſt/ vnd ſei- nes Hertzens Frewd geſehen.

Vnangeſehen aber/ daß dieſe vnſere nunmehr ſeelige Fraw Magdalena bey jhrem Hertzlieben Junckern/ in den hohen Ehren Emptern/ die er bedienet/ in deme er vnterſchiede- ne Jahr ein Fuͤrſtlicher Heſſiſcher Amptmann zu Ruͤſſels- heim/ hernachmals etliche Jahr Fuͤrſtlicher Heſſiſcher Statt- halter zu Marpurg geweſen/ zu groſſen Ehren billich erhaben worden/ hat ſie doch darbey der Gottes furcht vnd anderer Chriſtlichen/ Adelichen uͤbungen nit vergeſſen. Sondern jhr Gottes Chriſtliche Leichpredig. Gottes reines vnd wahres Wort von Hertzen laſſen angelegen ſein/ ſich nach demſelbigen Hertzlich geſehnet/ daſſelbige gern vnd andechtig gehoͤrt/ auch ſelbſten mit groſſem Fleiß gele- ſen/ jhre Gebetbuͤcher Morgens/ Mittags vnd Abends/ vnd zu aller muͤglichen Zeit jhre Geſellen ſein laſſen/ auch deß Nachts auff jhrem Lager zu Gott Hertzlich geſeufftzet/ vnd jhn vmb allen Wolſtand angeruffen: Alſo/ daß man mit Warheit von jhro ſagen koͤnte/ ſie hette ſich gerichtet nach der Vermanung vnd befehl deß weiſen Koͤnigs Salomons Prov. 6. v. 21. Mein Kind bewahre die Gebott deines Vatters/ vnd laß nicht fahren das Geſetz deiner Mutter/ das iſt/ die Gebott vnd Geſetz deß HErn dei- nes Gottes. Binde ſie zuſammen auff dein Hertz all- wege/ vnd henge ſie an deinen Hals. Wann du ge- heſt/ daß ſie dich geleiten/ wann du dich legeſt/ daß ſie dich bewahren/ wann du auffwacheſt/ daß ſie deine Geſpraͤche ſey.

Das heylige hochwuͤrdige Abendmahl deß HErꝛn hat ſie ſolche zeit uͤber ſehr offtmahls in hertzlicher Rew vnd Leyd jhrer Suͤnden gebraucht/ vnd damit jhren Glauben an das Ver- dienſt Chriſti geſtercket.

Sie hat auch wol erwogen den Spruch deß Weiſen Mannes Syrachs cap. 15. v. 35. Sihe zu/ daß deine Got- tes furcht nicht Heucheley ſey/ vnd diene jhm nicht mit falſchem Hertzen. Dann jhr Glaub iſt nicht heuch- leriſch/ falſch vnd todt/ ſondern durch die Liebe thaͤtig gewe- ſen/ nicht allein gegen jhren hertzlieben Ehemann/ den jetzt hoch betruͤbten adelichen Witwer/ deme ſie im ehelichen Stande vnd Hausſorge alles willig geleiſtet/ was nur jhr Hertz ver- D ijmocht/ Chriſtliche Leichpredig. mocht/ auch nit allein gegen jhres Hertz lieben Junckern/ vnd jhren eigenen adelichen Freunden/ denen ſie ſemptlich nit al- lein nach beſtem Vermoͤgen gedienet/ ſondern auch dahin mit hoͤchſtem Fleis gearbeitet/ daß dieſelbige in Lieb/ Einigkeit/ vnd Fried zuſammen gehalten/ vnd gute Vertrauligkeit befoͤr- dert werden moͤchte: Sondern ſie hat auch jhren Glauben be- zeuget mit den Wercken der Liebe gegen den notuͤrfftigen Ar- men/ welchen ſie willig zugeſteuret/ vnd ſonderlich gegen den Armen Krancken/ denen ſie zum beſten nit mit geringẽ Koſten/ wie auch nit mit geringer Muͤhe vnd Arbeit/ gleichſam eine Apoteckẽ gehalten/ darauß nit allein miltiglich/ vmbſonſt/ vnd ohne einiges Entgeltnuß gegeben/ wer nur etwas begehret: Sondern auch wol die Krancken gar ins Haus genommen/ vnd ſie alſo durch Gottes Segen zugleich vnd auff einmahl gehauſet/ geherberget/ geſpeiſet/ getraͤnckt/ curirt vnd geheylet. Damit ſie dann arme krancke Leuth offtmahls hertzlich er- frewet. Aber nun mehr mit jhrem toͤdlichen Abgang Hertzlich erſchrecken vnd betruͤben wird.

Jn ſumma/ ſie hat ſich gegen allen den jenigen/ mit denen ſie vmbgangen/ nit allein jhres gleichen/ ſondern auch andern hoͤhern vnd nidrigern Stands Leuthen alſo erzeigt/ wie einer Chriſtlichen/ gottſeligen/ tugentreichen/ freundlichẽ/ auffrich- tigen/ adelichen Matronen gebuͤhret vnd wol angeſtanden.

Gleich wie aber ein rechter warer Glaube/ nit allein mit Chriſtlichem gottſeeligen Leben/ mit guten Wercken bewieſen/ ſondern auch mit Creutz/ Truͤbſal vnd Widerwertigkeit pro- birt vnd bewehrt ſein muß: Alſo hat der liebe Gott jhrer ade- lichen Tugent mit dem Creutz auch nit vergeſſen/ ſondern ſie vnter der Zucht gehalten/ vnd ſie mit Leibsbeſchwerungen vnd Kranckheiten/ wie vor dieſer Zeit zu vielen mahlen/ alſo auch jetzo hie bey vns daheim geſucht.

Dann Chriſtliche Leichpredig.

Dann als vor ſechs Wochen jhre Adeliche Tugent mit jhrem Hertzlieben Junckern anhero zu vns kommen/ hat ſie ſich faſt uͤbel befunden/ vnd doch nichts deſto weniger von hierauß andere Adeliche krancke Freunde beſucht. Vnd als ſie der liebe Gott daſelbſtẽ etwas hart angegriffen/ hat ſie ſich wi- der an dieſen Orth nach Schlitz geſehnet vnd gewuͤnſchet. Wie ſie dann auch auff den Sontag Oculi wider anhero kommen/ vnd mit Hindanſetzung aller weltlichen Sachen/ dahin gear- beitet/ wie ſie ſich mit dem lieben Gott gentzlich verſoͤhnen/ vnd zum ſeeligen Abſcheid auß dieſem Leben Chriſtlich bereiten vnd ſchicken moͤchte. Wie ſie dann auch gethan.

Dann am Dienſtag den 27. Martii/ vnd alſo nunmehr vor 23. Tagen/ hat ſie jhre Suͤnde Gott hertzlich gebeichtet/ den lieben Gott vmb Vergebung derſelbigen inbruͤnſtig ange- ruffen/ ſich deß volkommenen Gehorſams vnd tewren Ver- dienſtes jhres liebẽ Heylands Jeſu Chriſti inniglich getroͤſtet/ vnd jhro darauff die Abſolution ſprechen/ vnd ſich mit dem tewren Zehrpfenning deß Leibs vnd Bluts deß HErꝛn Chriſti vermittelſt Brots vnd Weins/ das iſt/ mit dem hochheyligen Abendmahl verſehen laſſen. Welches ſie mit gebuͤhrender Chriſtlicher Andacht/ zu ſterckung jhres Glaubens/ zu befrie- digung jhres bekuͤmmertẽ Gewiſſens/ vnd Verſicherung jhrer Seeligkeit gebraucht/ Gott dem HErꝛn vor alle geiſtliche vnd leibliche Wolthaten gedancket/ vnd jhren Willen vnd alle jhr Sachen dem Willen deß lieben Gottes gentzlich heimgewiſen/ vnd ſich rund dahin erkleret/ daß ſie mit irdiſchen/ zeitlichen vnd Weltlichen Sachen nit weiter zu thun haben wolte/ ſie wurde auch gleich zornig/ wann man ſich vnterſtunde/ von ir- diſchen vnd weltlichen dingen mehr mit jhr zu ſprachen vnd zu handeln. Sagte/ ſie hette der Welt abgedancket/ vnd woͤlte ſich vmb nichts mehr bekuͤmmern/ als vmb einen ſeeligen ſanfften D iijAbſcheid Chriſtliche Leichpredig. Abſcheid auß dieſer Welt/ vnd hoffte zu dem lieben Gott/ er wuͤrde jhr denſelbigen/ darumb ſie jhn dann allezeit flehelich ge- beten/ Vaͤtterlich geben/ vnd inmitelſt Chriſtliche Gedult ver- leihen. Sie hielte jetzo mit dem HErꝛen Chriſto die Marter- wochen/ vnd erwartete eines froͤlichen Oſtertags.

Das Gebetlein/ damit ſie den lieben Gott nit allein jetzt/ ſondern auch ſonſt vmb Chriſtliche Gedult angeruffen/ vnd welches ſie mit eigner Hand in jhr Betbuͤchlein geſchrieben/ daß lautet von Wort zu Wort alſo:

Hilff HErꝛ Jeſu Chriſte/ daß ich in alle mei- nem Creutz gedultig ſey/ Fleiſſig bete/ vnd ohn Vnterlaß deß beſten von dir hoffe/ behuͤte mich ja vor Vngedult/ auff daß ich meinen Gott nicht er- zuͤrne/ vnd mir mein Creutz ſchwerer mache/ gib aber/ daß ich mit aller Zuverſicht alle mein Anli- gen auff dich werffe/ vnd teglich von Hertzen ſagen moͤge: Ob mich der HErꝛ gleich toͤdten wird/ ſo will ich doch auff jhn hoffen.

Welch jhr Gebetlein der liebe Gott Vaͤtterlich erhoͤret. Dann jhr Gedult dermaſſen beſchaffen geweſen/ daß jhme ein Chriſt bey ſolchen groſſen Leibsſchmertzen keine groͤſſere Ge- dult wuͤnſchen ſoll.

Sie bekuͤmmerte ſich auch vmb nichts. Allein/ ſagte ſie/ jammerte ſie jhres lieben Junckern/ der nun faſt vnvermuͤglich were/ vnd jmmer vnvermuͤglicher wuͤrde/ vnd nun allererſt guter Wartung vnd Pflege beduͤrffte/ welche ſie jhm zwar/ wann es Gottes Wille were/ hertzlich gern lenger leyſten woͤlte. Aber ſie befuͤnde ſo viel bey ſich/ daß es nit wuͤrde lenger ſein ſol- len. Woͤlte derowegen dem lieben Gott alles befehlen/ vnd hof- fen/ Chriſtliche Leichpredig. fen/ er wuͤrde jhrem lieben Junckern anderweit Wartung vnd Pflege verſchaffen.

Jhre Andacht bey jhrem groſſen Leibsſchmertzen betref- ſend/ war dieſelbige alſo gethan/ daß ſie lobens vnd ruͤhmens werth/ vnd Gott dem HErꝛn hoͤchlich darfuͤr zu dancken iſt.

Deß Betens konte man ſie nit muͤde machen. Sondern je mehr man betete/ je lieber es jhr war/ vnd je begieriger ſie darzu war. Ja ſo begierig/ vnd ſo erfahren in jhrem Betbuͤch- lein/ in Pſalmen vnd ſpruͤchen der ſchrifft/ daß ſie nit allein an- dern/ ſo jhro vergebetet/ ſondern auch mir ſelbſten allezeit mit jhren worten zuvorkommen. Darauß ich anders nit ſchlieſſen kan/ als daß ſie jhr Betbuͤchlein von Wort zu Wort außwen- dig gekoͤnt.

Ja ſie hat nit alleine mit vns andern fleiſſig gebet/ ſon- dern auch vielfeltig vor ſich alleine/ vnd vnter andern/ welchs ſonderlich denckwuͤrdig/ als es eines mahls deß Nachts ſtill vmb ſie worden/ hat ſie ohn jemands anregen von ſich ſelbs mit dem Apoſtel Paulo 2. Tim. 4. v. 7. dieſe wort/ mit ſonderli- cher Andacht außgeſprochẽ: Jch hab einen guten kampff gekempfet/ ich habe den Lauff volendet/ ich habe Glauben gehalten. Hinfort iſt mir beygelegt die Crone der Gerechtigkeit/ welche mir der HErꝛ an jenem Tage/ der gerechte Richter geben wird. Dar- auß klar erſcheinet/ wie ſchoͤn ſie mit dem Apoſtel Paulo uͤber- ein geſtimmet/ vnd mit demſelbigẽ einer meinung geweſen/ daß nemblich Chriſtus jhr Leben ſey/ ſintemahl ſie an denſelbi- gen von Hertzen glaube/ vnd Sterben ſey jhr Gewinn/ Sintemahl ſie dadurch komme in das Ewige ſeelige Leben/ zu der Crone der Ehren vnd Herꝛligkeit/ die der HErꝛe Chri- ſtus Chriſtliche Leichpredig. ſtus allen Gleubigen von aufang der Welt hero bereitet/ ver- ſprochen vnd zugeſagt habe. Welches dann/ liebe Chriſten/ in Warheit heiſt/ eine rechtſchaffene gute Vorbereitũg gemacht zu dem ſeeligen Wechſel/ darzu ſie durch den Zeitlichen Todt mit dem Apoſtel Paulo zu gelangen gemeinet.

Gleich wie ſie nun jhr Vorbereitung/ zu ſolchem ſeeligen Wechſel/ mit dem lieben Gebet angefangen vnd gemittelt: Al- ſo hat ſie dieſelbige auch mit dem lieben Gebet vnd Hertzlichen Seufftzen geendet.

Die Gebetlein/ die ſie theils allein gebet/ theils nachge- ſprochen/ vnnd mit dem Amen bekrefftiget/ koͤnnen wir diß- mahls nit alle erzehlen.

Das iſt die Clauſula vnd der Beſchluß geweſen/ daß ſie kurtz vor jhrem ſeeligen ſanfften Ende ſelber geſagt: Das Blut Jeſu Chriſti Gottes Sohns/ macht mich rein von allen meinen Suͤnden.

Vnd als jhr auß dem Sterbliedlein Eberi/ vnder andern die Wort vorgeſprochen worden: Die boͤſen Geiſter von mir treib: Hat ſie drauff geantwort: Mit deinem Geiſt ſtets bey mir bleib. Jtẽ als jhr vorgebetet worden: Kom̃ O HErꝛ Chriſte mir behend/ hat ſie darauff geant- worteit: Zu huͤlff an meinem letzten End.

Darauff jhr noch endlich diß folgende Gebetlein zuge- ruffen worden.

OJeſu Gottes Laͤmmelein/ Jch leb oder ſterb/ ſo bin ich dein. Jch bitt laß mich mit dir zugleich/ Ein Erbe ſein in deinem Reich. Dann Chriſtliche Leichpredig. Dann was wer ſonſt dein Sterbens noth. So viel Striemen vnd Wunden roth? Wann nit auch ich der Seeligkeit/ Genieſſen ſolt in Ewigkeit? Warumb hetteſtu dein Leib vnd Leben/ Jm Grab verſchloſſen vnd auff gegeben? Wann nit mein Todt durch deinen Todt Verjagt ſolt werden/ du trewer Gott? Darumb O Jeſu ſteh mir bey/ Gewiſſen Troſt vnd Huͤlff verley. Verlaß den nit HErꝛ Jeſu Chriſt/ Der mit deinem Blut gewaſchen iſt. Jm Frieden laß mich ſchlaffen ein/ Vnd in dir haben Ruhe fein. Dein Antlitz laß mich ſehen HErꝛ/ Ein ſeeligs Ende mir beſcher. Das bitt ich durch das Leyden dein/ Laß das mein letztes Wuͤnſchen ſein/ So will ich loben allezeit/ Dich O HErꝛ Gott in Ewigkeit. Amen.

Welch Gebetlein ſie noch mit jhrem Seuffzen vnd mit dem Amen bekrefftiget/ vnd darzu geſagt/ Amen: Welches jhr letztes Wort geweſen.

Vnd hat alſo die Weyland Edle vnd Vieltugentſame Fraw Magdalena/ nach deme ſie in jhrer Jungfrawſchafft/ ein vnd zwantzig Jahr mit jhrem Hertz lichen Junckern/ im Eheſtand/ fuͤnff vnd zwantzig Jahr/ vnd alſo jhr gantzes Al- Eter Chriſtliche Leichpredig. ter ſechs vnnd viertzig Jahr gelebt/ ein ſanfftes vnnd ſeeliges Ende genommen. Vnd alſo von dem lieben Gott erlangt/ darumb ſie jhn ſehnlich angeruffen.

Darbey wir auch das erwehnen muͤſſen/ das jhꝛe Adeliche Tugend ſeelige in dieſer jhrer toͤdtlichen Kranckheit erwehnet: Sie hette den lieben Gott allezeit hertzlich gebeten/ daß/ wann je jhr hertzlieber Juncker/ oder ſie/ vnd alſo eines vor dem an- dern hinſterben ſolte/ daß dann ja ſie jhres Hertzlieben Jun- ckern Todt nicht erleben moͤchte. Vnd in dieſem/ ſagte ſie/ hat mich der liebe Gott auch erhoͤret/ anzuzeigen/ daß ſie gewiß wuͤſte/ daß ſie Gott in dieſem Jammerthal nit lenger laſſen/ ſondern gleich jetzt zu ſich in ſein Reich abfordern wuͤrde. Wie auch geſchehen.

Wiewol aber nun jhr Abſcheid dem hochbetruͤbten Ade- lichen Witwer/ ſo wol auch andern Blutsverwanden ſchmertz- lich wehe thut/ ſollen ſie ſich doch deß troͤſten/ daß es ein ſanffter ſeeliger Abſcheid geweſen/ vnd ein gewuͤnſchter ſeeliger Wech- ſel vnd Gewinn. Dann ſie hat Chriſtlich gelebt/ geduldig gelit- ten/ vnd iſt ſeelig geſtorben. Darzu auch vns allen miteinander der getrewe Barmhertzige Gott ſeine Gnade Vaͤtterlich ver- leihen vnd geben woͤlle.

Solches nun von dem lieben Gott zu erlangen/ wollen wir mit einander im Glauben beten ein andechtiges Vatter vnſer etc.

Seufftzen deß Adelichen Hochbetruͤbten Witwers.

O Allmechtiger Gott/ heyliger Vatter/ der du biſt das Le- ben/ vnd gibſt deinen Creaturn das Leben/ ich dancke dir von Hertzen/ daß du auch mir gegeben das Leben/ vnd zwar nit nur das natuͤrliche vnd leibliche Leben/ ſondern auch das gna- denreicht Chriſtliche Leichpredig. denreiche geiſtliche Leben/ dadurch ich im Glauben dir vnd deinem lieben Son/ meinem HErꝛn vnd Heyland Jeſu Chri- ſto lebe/ auff daß ich auch das ewige Leben erlangen moͤge/ dar- zu du mich erſchaffen haſt.

Vnd weil es auch dein Vaͤtterlicher Will geweſen/ daß ich in dieſer Welt ein eheliches Leben fuͤhren ſollen/ ſo dancke ich dir ferner/ daß du mir darzu eine fromme/ holdſeelige/ trewe eheliche Gehuͤlffin gegeben/ die nit allein mich mit trewen ge- meinet/ ſondern auch dich wahren Gott von Hertzẽ gefuͤrchtet/ geliebt/ geehrt/ dich angeruffen/ dir vertrawet/ dir in deinen Vaͤtterlichen Zuͤchtigungen gedultig ſtill gehalten/ auch end- lich/ durch deine Gnade/ in Chriſtlicher Gedult/ von dieſem Jammerthal ſanfft vnd ſeelig abgeſcheiden. Dadurch zwar jhro ſehr wol/ mir aber/ nach dem Vrtheil meines ſchwachen Fleiſches vnd Blutes/ vnd vor meinen hochbetruͤbten Augen/ ſehr uͤbel geſchehen.

Weil aber du/ heyliger Gott nie boͤſes gethan/ kan vnd wil auch ich dich deſſen hierumb nit beſchuldigen/ ſondern dei- nen heyligen willen/ gern recht haben laſſen. Vnd bitte dich de- muͤtiglich/ du wolleſt meiner angebornen Schwachheit Vaͤt- terlich zu gut halten/ vnd mich in meinem Creutz auffrichten/ ſtercken vnd troͤſten/ vnd/ ſo es je dein Will/ daß ich in dieſem Jammerthal noch lenger wallen ſoll/ mit deinẽ Gnaden Geiſt ſtets bey mir ſein/ auff daß gleich wie weyland mein Hertzliebes Weib/ alſo auch ich in deiner furcht mein uͤbriges Lebẽ zubrin- ge/ vnd all mein thun vnd dencken darnach anſtelle vnd richte: Auch/ wann du mich vmb meiner Suͤnden willen Vaͤtterlich zuͤchtigen/ vnd meinen Glauben damit pruͤffen wilt/ in ſolcher Gedult dir ſtill halte/ wie mein hertzliebes Weib durch deine Gnade gethã: vnd mir endlich/ wañ ich dieſer Welt auch gantz Vrlaub gebe ſoll/ einen ſanfftẽ ſeeligẽ Abſcheid/ wie du jhro ge- E ijgoͤnnet/ Chriſtliche Leichpredig. goͤnnet/ auß Gnaden goͤnnen wolleſt. Darumb bitte ich dich mit demuͤtigem Hertzen/ du Himmeliſcher Vatter/ vmb dei- nes lieben Sohns/ meines HErꝛn vnd Heylands Jeſu Chriſti willen/ welchem ſampt dir vnd dem heyligen Geiſte/ Lob/ Ehr/ Preiß vnd Danck geſagt ſey/ von nun an biß in alle Ewigkeit/ Amen.