Ein Christliche Leichpredigt/ Bey der begrebnis des Erbarn vnd wolgelarten/ Sigismundt Petzelij von Lobschütz

Geneſ. 2.

VNd Gott der HERR nam den Menſchen/ vnd ſatzt jhn in den garten Eden/ das er jn baw- et vnd bewaret. Vnd Gott der HErr gebot dem Menſchen/ vnd ſprach: Du ſolt eſſen von aller- ley bewme im Garten/ aber von dem bawm des Er- kentnis gutes vnd boͤſes ſoltu nicht eſſen. Denn wel- ches tages du dauon iſſeſt/ wirſtu des Todes ſterben.

Auslegung.

GEliebte in Chriſto Jeſu/ es iſt ſehr nuͤtz vnd gut/ das alle Chriſten/ viel vnd offt betrachten/ den herlichen vnd fuͤrnemen. Stand/ zu welchem Gott der Herr anfenglich vnſere erſte Eltern erſchaffen hatte/ vnd dann auch den Jaͤmmerlichen vnd betruͤbten zu- ſtand/ in welchen ſie vnd wir/ durch liſt vnd betrug des leidigen Sathans/ auch fall vnd vngehorſam der- ſelben vnſerer erſten Eltern gerathen ſind. Dann ſolche be- trachtung erweckt in vns rechte erkentnus vnſerer ſuͤnden/ treibet vns/ das wir mit ernſt vnſern Erloͤſer ſuchen/ denſelben mit wah- rem glauben ergreiffen/ vnd durch deſſelben gnad vnſer leben alſo anrichten lernen/ darmit wir noch in dieſer Welt wider/ etlicher maſſen/ in den ehrlichen ſtand/ den wir verlohren haben/ moͤ- gen geſetzt werden. Ob nun wol hieran zugedencken wir ſtaͤtige anleitung haben/ ſo gibt vns doch GOTT der HERR fuͤrnemlich ſolchs zuthun vrſach/ ſo offt er vns ein Leich eines Menſchen fur Augen fuͤrſtellet. Dann dieſelbige vns Leichpredigt vns ja erinnern ſol/ das wegen des Adams fall/ vnd vnſerer ſelbs eignen ſuͤnden/ wir jtzt in dem jammer ſtecken/ das einer nach dem andern ſterben/ vnd alſo mit ſchmertzen aus dieſem jammerthal ſcheiden mus.

Dieweil wir denn auch zu dieſem mahl vber der Leich/ eines Erbarn vnd Wolgelarten Studioſi/ mit namen Sigmund Petzel von Lobſchuͤtz/ in der Schleſien gelegen/ welcher nun in das vierde Jhar/ ein mitglied vnſerer Kirchen vnd Schul alhier geweſen iſt/ verſamlet ſind/ das wir jme den letzten willen der Chriſtlichen lieb/ ſeinen Leib ehrlich zur erden zubeſtatten/ erzei- gen/ ſo koͤnnen wir die zeit beſſer nicht anlegen/ dann das wir nach anleitung des vorleſenen Texts/ von dieſen zweyen ſtuͤcken mit einander handeln.

Erſtlich/ warzu der Menſch anfenglichs von Gott erſchaf- fen ſey/ vnd was eigentlich ſein thun vnd arbeit geweſen were/ wenn er nie in ſuͤnde gefallen were.

Fuͤrs ander/ was jtzo ſein zuſtand in der Welt ſey/ ſo lang bis er durch den zeitlichen Tod aus derſelben genommen/ vnnd entweder/ in die ewige verdamnus geworffen/ oder in das ewi- ge leben verſetzt werde.

Solches mit vnſerm nutz zu handeln/ wolle vns der Barm- hertzige Gott/ ſeinen Heiligen Geiſt vnd Gnad verleihen/ Amen.

Das erſte ſtuͤck.

Erſtlich/ ſol jhme niemand die gedancken machen/ als wenn Gott der Herr den Menſchen anfenglich zu dem ende erſchaffen/ vnd in den Luſtgarten Eden/ oder das Paradis verſetzt hette/ das er allein darinnen muͤſſig gehen vnd ſpacieren ſolte/ ſondern er hatte jm ſeine ſonderbare/ leibliche vñ geiſtliche/ vbungen auff- erleget/ derer drey von dem heiligen Propheten Moſe in den vorleſenen worten erzehlet werden.

Die Leichpredigt.

I. Die erſte Vbung war/ das jhme aufferlegt iſt worden/ das er den Luſtgarten ſolte bawen. Dann wann ſchon die ſuͤnde nicht were in die Welt kommen/ ſo hette dannoch der Menſch nicht ohne arbeit gelebet/ auch ob ſchon die Erde jhr frucht ohne diſtel/ dorn vnd vnkraut getragen/ ſo hette dannoch der Menſch die erden bawen/ darein ſeen vnd pflantzen muͤſſen. Aber ſolche arbeit wer vn alle muͤhe vnd beſchwernus zugangen/ vnd were des Menſchen hoͤchſte woliuſi vnd frewd geweſen/ wenn er allerley nach ſeinem willen vnd gefallen/ jtzt hie dann dort in Garten gepflantzet hette/ nicht anders/ dann wie jtzo bisweilen groſſe Herrn in jhren ſchoͤnen Luſtgärten/ allerley bewm/ kreu- ter vnd gewechs/ pfropffen/ pflantzen vnd ſäen/ alles mit ſon- derer luſt vnd frewd/ die ſchwere gedancken/ welche ſie von an- dern jhren Amtpsſachen bekommen haben/ darmit auszuſchla- gen vnd zuuertreiben.

II. Die ander Vbung/ darzu der Menſch iſt erſchaffen wor- den/ war/ das er ſolte den Luſtgarten bewaren/ nemlich/ vor den wilden Thieren/ damit nicht von denſelben wider verwuͤſtet wuͤrde/ was der Menſch gebawet vnd gepflantzet hette. Dann ob wol dazumal fuͤr dem fahl/ kein ſolche wuͤt vnd grimmigkeit wider den Menſchen in den wilden Thieren geweſen/ als her- nacher durch die ſuͤnde worden iſt/ dannoch dieweil die Thier ohn alle vernunfft waren/ vnd in jhrem vnbeſonnenen hin vnd herlauffen leicht hetten vertretten/ zerſcharren/ auskratzen vnd verwuͤſten koͤnnen/ alles was der Menſch mit hoͤchſten vleis ge- ſäet vnd gepflantzet hette/ ſo wolte GOTT/ das der Menſch die Thier zähmen/ von den pflantzbetten abtreiben/ jhm ſelbs ſeine luſt erhalten/ vnd alſo den Garten bewaren ſolte.

III. Die dritte Vbung war Geiſtlich/ nemlich dieſe/ das er von dem Baum des erkentnus gutes vnd boͤſes nicht eſſen ſolte/ Nicht das dieſer baum an jm ſelbs boͤſe vnd ſchedlich geweſen/ BDenn Leichpredigt. Denn alles was Gott gemacht hat/ das war ſehr gut/ Son- dern es wolte Gott der Herr durch dieſes verbot/ des Menſchen gehorſam probiren. Vnd were dem Menſchen ſehr leicht gewe- ſen/ ſolchem gebot Gottes gehorſam zuleiſten/ Dann er ja an den vbrigen ſchoͤnen/ herlichen vnd nuͤtzlichen gewechſen vnd fruͤchten des Luſtgartens/ ſich alſo hette ſätigen vnd erluͤſtern koͤnnen/ das er dieſes baums vnd ſeiner fruͤcht leicht hette vergeſ- ſen moͤgen/ wo jhn nicht ſein fuͤrwitz vnd eigner vngehorſam dar- zu getrieben hetten.

Were alſo dieſer Baum ein gemeine Kirchen/ vnd gleich- ſam Adams Predigſtul geweſen/ bey welchen er ſeine Kinder zu hauff geſamlet/ vnd jnen gepredigt hette/ von Gott/ von ſeinem willen/ von ſeiner Allmechtigkeit/ mit welcher er Himel vnd Er- den aus nichts erſchaffen hatte/ von ſeiner guͤte vnd gnad/ die er dem menſchlichen geſchlecht fuͤr allen andern Creaturen erzeiget vnd bewieſen hatte/ Welchen er auch zum beſten Himel vnd Er- den/ vnd alles was darinnen/ erſchaffen habe/ vnd alſo fuͤr den Menſchen geſorget/ zuuor vnd ehe dann er gemacht were worden/ Jtem/ von Gottes gerechtigkeit/ vnd wie er die gefallene Engel oder Teuffel in alle ewigkeit ſtraffen werde/ entgegen auch von der ewigen frewd vnd ſeligkeit/ in welche Gott das Menſchliche gehor- ſame geſchlecht/ nach ausgang dieſes zeitlichen lebens entzuͤcken vnd verſetzen wuͤrde. Es hatte auch Adam bey dieſem Baum/ mit allen ſeinen Nachkommen Gott dem Herrn fuͤr ſeine wolthat ge- dancket/ jhn auch gelobet vnd gepreiſet/ vnd ſeine Kinder darne- ben vermanet/ das ſie ſich ja von dieſem Baum enthalten/ vnd damit jren gehorſam vnd danckbarkeit gegen dem Allmechtigen Gott/ als jren hoͤchſten gutthäter/ er zeigen vnd beweiſen wolten/ auff das ſie der ewigen ſeligkeit/ welche die luſt des Paradis weit vbertreffen wuͤrde/ mit allen in der vnſchuld verbliebenen En- geln theilhafftig werden moͤchten.

Dis Leichpredigt.

Dis weren alſo die drey werck geweſen/ in welchen ſich der Menſch die zeit vber/ ſo lang jhn Gott im Paradis gelaſſen/ ge- uͤbet hette. Ob wol aber ſolche ſtuͤck alle/ durch die Suͤnde ſch- recklich vnd jämmerlich verderbet worden ſind/ ſo werden doch dieſelbige noch etlicher maſſen/ durch Gottes gnedigen willen/ in den drey Stenden der Welt erhalten. Als nemlich/ der erſte iſt der Haus oder Bauren ſtand/ in dem man ſich nehren mus. II. Der Weltliche Regiereſtand/ darin man mus fuͤr vnrath vnd ſchaden wehren vnd bewaren. III. Der Geiſtliche Lehr- ſtandt/ in welchem/ man den Leuten von Gott vnd ſeinem willen prediget. Welche drey Ständ/ in nehren/ wehren/ vnd lehren beſtehen/ nach dem alten gemeinen Verſlein:

Sacerdos. Princeps. Paterfamilias. Tu ſupplex ora, tu protege, tuque labora.

Aus welchem dann ein jeder Chriſt zulernen hat/ wie er in dieſer welt/ auch nach dem Fall/ durch die gnad Gottes vnd beyſtand des Heiligen Geiſtes/ ſein leben anſtellen ſoll/ damit er Gott dem Herrn zugefallen thue/ vnd etlicher maſſen ſtrebe nach dem wie ſen vnd thun/ welchs er verrichtet hette/ wann er nicht mit ſampt andern Menſchen durch die ſuͤnde verderbet were worden/ Nem- lich/ Er ſol ſich befleiſſen/ das er nach dieſen Ständen/ das je- nige verrichte/ darzu Gott anfenglich den Menſchen erſchaffen hat.

Als zum erſten/ iſt keiner/ der nicht ſchuͤldig ſey/ nach dem erſten Stand in dieſer welt/ Gottes Garten zubawen/ Nicht das wir alle ſolten hinder den pflug gehen/ graben/ ſäen oder pflan- tzen/ ſondern das ein jeder in ſeinem beruff ſol arbeiten/ Wer dis trewlich vnd vleiſſig thut/ der bawet Gottes Paradis. Alſo bawen den Garten Gottes/ die Schuſter/ Schneider/ Schmid/ vnd andere/ mit jhren Handwercken/ wann ſie ſich darinnen ehr- lich nehren/ vnd dem Nechſten dienen/ desgleichen die Kramer/ B ijKauffleut/ Leichpredigt. Kauffleut vnd andere/ mit jhren handthierungen vñ gewerben/ wann ſie niemand im Kauff verfortheilen oder betriegen/ Alſo wird auch Gottes Garten gebawet in den Schulen mit getrewen lehren vnd vleiſſigen lernen/ mit vnterweiſen vnd ſtudieren die gute kuͤnſt/ damit kuͤnfftiger zeit einer ſich vnd die ſeinen ehrlich nehren koͤnne. Jn Summa/ wer in ſeinem Beruff vleiſſig iſt/ vnd ſein arbeit/ welche zu der ehre Gottes/ vnd dem gemeinen nutz gereichet/ mit trewen verrichtet/ derſelbige bawet den Garten Gottes. Dann der Menſch nicht zum muͤſſiggang/ ſondern zu der arbeit/ wie der Vogel zu fliegen/ erſchaffen vnd geboren iſt.

Hieher gehoͤren alle die Spruͤch heiliger Goͤttlicher ſchrifft/ welche den Menſchen vermahnen/ das er ſich mit vleis zu der ar- beit halten ſol/ vnd da entgegen warnen/ das er ſich fuͤr den vn- artigen muͤſſigang vnd faulheit huͤten ſolle. Jm 128. Pſalm ſagt Dauid/ Du ſolt dich nehren mit deiner händ arbeit/ wol dir du haſts gut Vnd ſein Sohn Salomon ſagt in ſeinen Syru- chen im 12. Cap. Wer ſeinen Acker bawet (das iſt/ wer des ſei- nen wartet/ in ſeinem beruff oder ſtande) der wird brots die fuͤlle haben/ wer aber vnnoͤtigen ſachen nachgehet/ der iſt ein Narr. Vnd der heilig Apoſtel Paulus zun Epheſern 4. Wer ge- ſtolen hat/ der ſtele nicht mehr/ ſondern arbeite/ vnd ſchaff mit den henden etwas guts/ auff das er habe zu geben den duͤrfftigen. Vnd abermals/ 1. Theſſ. 4. Ringet darnach/ das jr ſtill ſeid/ vnd das ewre ſchaffet/ vnd arbeitet mit ewren eignen henden/ wie wir euch geboten haben. Darauff er auch in folgender Epiſtel ſchrei- bet/ 2. Theſſ. 3. Da wir bey euch waren/ geboten wir euch ſol- ches/ das/ ſo jemand nicht wil arbeiten/ der ſol auch nicht eſſen.

Wer nun ſolchen vermanungen/ die vns Gottes wort fuͤr- helt/ mit vleis nachſetzet/ derſelb hat ein gut gewiſſen/ vnd weis das er thut/ was Gott angenem iſt/ vnd das er jtzo in dem verru- ckten Leichpredigt ckten ſtand des menſchlichen geſchlechts etlicher maſſen darnach ringet/ damit er thue vnd volbringe/ darzu der Menſch anfeng- lich erſchaffen war.

Was wollen aber fuͤrbringen/ die faule vnartige Muͤnch/ des Teuffels Mäſtſchwein in den Cloͤſtern/ auch andere nachleſſige Geſellen/ darmit ſie jhren muͤſſiggang ver- teidigen? Welche nicht meynen/ das ſie darumb in der Welt ſein/ auff das ſie etwas ehrlichs fuͤrhaben vnd verrichten/ ſondern al- lein/ das man jhnen diene/ oder ſie jrer wolluſt abwarten. Fuͤr- war/ dieſe werden dermal eins/ Gott eine ſchwere rechenſchafft zugeben haben. Denn weil ſie noch in dem vnderſten vnd gering- ſten ſtand/ die hand nicht anlegen/ dem willen Gottes nachzu- ſetzen/ was wolten ſie in den hoͤhern vnd mehrern thun? Daher ſich auch befindet/ das ſolche muͤſſige beuch/ nur vnruhe in welt- lichen/ vnd jrrungen in Geiſtlichen Regimenten anrichten/ das iſt/ das ſie weder Gott noch der Welt nuͤtz ſein.

Zum andern/ ſo ſollen die/ welche im Regierſtand ſind/ auch vleis fuͤrwenden/ das ſie darinnen jr Ampt thun/ vnd den Garten Gottes bewaren/ das iſt/ das ſie vber den Chriſtli- chen/ der Natur vnd den Rechten gemeſſen Satzungẽ halten/ die jenige aber/ welche gute Ordnung brechen vnd verwuͤſten wol- len/ mit ernſt abtreiben vnd ſtraffen. Dann was im Pa- radis fuͤr dem fall/ die wilde vnvernuͤnfftige Thier geweſen we- ren/ welche verwuͤſtet hetten/ was der Menſch gepflantzet hette/ das ſind jtzo nach dem fall/ die wilde/ rohe/ vngeſtuͤmme inge- nia mutwilliger Leut/ welche aller guten Ordnung zu wider ſind/ vnd was andere nuͤtzlich vnd wol berathſchlaget/ angeordnet/ gebawet/ vnd gepflantzet haben/ darwider legen ſie ſich mit händ vnd fuͤſſen/ vnd gefellet jnen am beſten/ wenn alles wuͤſt vnd vn- fletig durch einander ſtehet.

Wider ſolche rohe/ wilde Leut/ ſollen die Obrigkeiten/ den gemeinen Nutz bewahren/ Vnd ob es ſie ſchon ſawer vnd ſchwer B iijankommet/ Leichpredigt. ankommet/ dennoch in ſolchem vnuerdroſſen ſein/ vnd deſſen ge- wis ſein/ das ſie hierinnen dem willen Gottes nachſetzen/ vnd derowegen jhme ein angenemen dienſt thun.

Jm Babſtumb hat man die Leut beredt/ das man im ſtand der Oberkeit Gott dem Herrn nicht ſo wol dienen koͤnne/ als in andern ſtenden/ daher ſich viel bewegen haben laſſen/ das ſie jh- ren ordentlichen beruff vnd ſtand verlaſſen/ vnd in ein Kloſter ge- gangen ſind/ der hoffnung/ in demſelben Gott ehe vnd beſſer zu- dienen/ mit Beten vnd Metten/ Faſten vnd Caſteyen etc. denn ſonſten mit regieren.

Nichts beſſers machens die Widerteuffer/ welche ſtrack fuͤr- geben/ es koͤnne kein Chriſt mit gutem gewiſſen im ſtand der O- brigkeit ſein/ dieweil ſolcher ſtand nicht aus gnaden/ ſondern aus zorn ſey. Die heilige Schrifft aber vrtheilet viel anders von die- ſem Stand/ Denn ſie alhie lehret/ das das bewaren/ als bald an- fenglich/ ſo wol von Gott ſey verordnet worden/ als das bawen. Vnd ob es wol fuͤr dem fall nur wider die wilden Thier verord- net geweſen iſt/ ſo iſt es doch jetzo nach dem Fall vnd der verderb- ten Menſchlichen natur/ der boshafftigen Menſchen halb wol ſo noͤtig/ als dazumal wegen der Thier. Daher die gantze Heilige Schrifft/ vnd ſonderlich S. Paulus den ſtand der weltlichen O- brigkeit hoch rhuͤmet/ vnd jederman vermanet/ gehorſam vndv n-vnd vn- terthan zuſein der Obrigkeit/ die gewalt vber jhn hat. Denn es ſey kein Obrigkeit/ ohn von GOTT/ Wo aber Obrigkeit iſt/ die ſey vonn GOTT verodnet. Hinwider leſt auch GOTT die Obrigkeit vermanen/ das ſie jhr ampt mit vleis fuͤhre/ 2. Chro. 19. Sehet zu/ was jhr thut/ dann jhr haltet das gericht nicht den Menſchen/ ſondern dem Herrn/ vnd er iſt mit euch im ge- richt. Darumb laſſet die furcht des Herrn bey euch ſein/ vnd huͤtet euch/ vnd thuts etc. Welchs alles Gott in ſeinem wort nicht befoh- Leichpredigt. befohlen hette/ wenn es nicht ſein Wil were/ das man gutte Ord- nung vnd Polieecey/ wider den mutwil vnd bosheit frecher Leute er- halten ſolte.

Vnd weil die Obrigkeit nicht ſelbs an allen enden vnd or- ten ſein kan/ ſo muͤſſen alhier auch alle frome Hausueter gegen jh- ren Kindern vnd geſind/ dieſes Ampt gebrauchen/ das/ wo ſie ſe- hen/ das dieſelben wider gute ſatzung ſuͤndigen/ oder in ein viehiſch vnordentlich leben geraten wolten/ ſollen ſie helffen den Garten Gottes bewahren/ das iſt/ mit vermanung vnd gebuͤrender ſtraff die jhrige dahin halten/ das ſie nicht wie die wilde Thier alles ver- wuͤſten vnd verderben/ ſondern ſich jhrer vernunfft recht gebrau- chen/ vnd guter Ordnung vnterwerffen.

Jha ein jeder Chriſten Menſch/ wo er ſihet/ das ſein Nehe- ſter/ entweder aus vnbedacht oder mutwillen etwas fuͤrnemen wolte/ welchs zu Zerruͤttung guter Ordnung gereichen moͤchte/ iſt er ſchuͤldig zuwarnen/ freundlichen zu ſtraffen/ vnd ſo viel an jme iſt vleis fuͤrzuwenden/ das der garten Gottes in wolbeſteltem Welt- lichem Regiment nicht ſchaden neme.

Junge Leut aber/ vnd auch andere/ ſo vnter der Obrigkeit le- ben/ vnd andern vntergeben ſind/ die ſollen ſich auch ſelbs befleiſ- ſen/ das ſie nicht mehr jhren tollen/ frechen/ vnbeſonnen willen/ dañ den rechtmeſſigen vnd heilſamen Statuten vñ Geſetzen folgen. Dann ſie aus dieſem/ was bishero aus Gottes wort fuͤrgebracht/ ſelbſt verſtehn koͤnnen/ das wo ſie ſich nicht regieren laſſen/ man ſie ſchier fuͤr nichts anders/ deñ fuͤr vnuernunfftige Thier halten muſ- ſe/ wider welche Gott anfenglichs den Wehrſtand verordnet habe/ damit ſein Garten bewaret werde. Vnd leider iſt es jtziger zeit ſchier darzu kommen/ das man die vnuernunfftige Thier faſt lei- chter bendig machen vnd zehmen kan/ denn die vnbendige wilde Jugend. Wider die wilde Thier helffen noch Zeun/ Thuͤren/ Wel- Leichpredigt Wechter/ vñ anders/ aber wider die freche/ tolle Jugend iſt dieſes zu wenig/ vnd helffen auch ſchier keine Mauren/ Heuſer oder an- ders. Was ſol denn wunder ſein/ wenn hernach die Obrigkeit mit ernſt ſtraffẽ mus/ dieweil ſie das Schwert nicht vmbſonſt tregt/ ſondern iſt Gottes dienerin/ ein Recherin zur ſtraff vber den/ der boͤſes thut. Rom. 13. Darumb ſo ſey nu ein jeder/ der ſich ſelbs nicht regieren kan/ aus not vnterthan/ nicht allein vmb der ſtraff willen/ ſondern auch vmbs gewiſſens willen.

Zum dritten aber/ ſollen fuͤr allen dingen/ in dem Geiſtlichen Weſen alle Chriſten deſſen ſich befleiſſen/ das ſie Gottes Wort vleiſſig hoͤren/ vñ demſelbẽ gehorſam leiſten. Wie Adam bey dem verbotenen Baum ſich des willens vnd gebotes Gottes ſeines Schoͤpffers/ auch ſeines gehorſams erinnert haben ſolte. So iſt es nun nicht gnug/ das einer nur in die Kirchen gehe/ vñ Gottes wort hoͤre/ aber hernach nichts mehr darnach frage/ ſondern der ge- horſam wird erfordert/ den man in dem gantzen Leben ſpuͤren ſol laſſen. Denn nicht/ die das Geſetz hoͤren/ ſondern/ die darnach leben/ werden in heiliger Schrifft geruͤmpt/ Auch der Herr Chri- ſtus wil die nicht fuͤr die ſeinẽ erkennen/ die ſich nur ſeines Worts ruͤhmen/ ſondern die den willen thun ſeines Himliſchen Vaters.

Vnd iſt hie nichts/ das einer die Gebot GOTtes fuͤr ein gering ding anſehe/ an denen nicht hochlige/ ob man ſie halte oder vbertrete/ Wie es ein gering ding ſcheinet geweſt zuſein/ das Adam vñ Eua ein Apffel oder zween geeſſen habẽ/ derwegen Gott ſo hoch nicht ſolte gezuͤrnet haben/ Sondern je geringer die Gebot des Herrn ſich anſehen laſſen/ je mehr wir vns befleiſſen ſollen/ das wir ſie halten. Denn wer Gott dem Herrn nicht gehorſam lei- ſten wil/ in geringen leichten ſachen/ wie ſolte der in ſchweren vnd fuͤrnemen dingen/ zur folge gebracht werden koͤnnen? Vnd ſind ja faſt alle Gebot Gottes alſo beſchaffen/ das einem die gute Werck/ Leichpredigt. werck/ ſo darinnen geboten/ eben ſo leicht ankommen/ als die ſuͤnde/ welche verboten ſein. Solt nicht eben ſo leicht ſein/ ei- nem gerechten Gott zuuertrawen/ als vielen Abgoͤttern? Wel- ches ſolte einem ſchwerer ankomen/ das beten/ denn das fluchen? Warumb ſolte nicht ſo leicht ſein in der Kirchen/ Gottes wort hoͤren/ als in dem Krug oder Kretzſchmer/ der vnflätigen garſti- gen vollen Sew geſchrey? Es iſt ja lieblicher fried vnd einigkeit zuhaben/ dann mit zorn/ zanck/ vnd hader ſich zumartern. Es iſt ja ſo leicht/ dem armen nach ſeinem vermoͤgen etwas mitzu- theilen/ als mit ſorgfeltigen vortheilhafftigen betrug/ dem Nech- ſten ſchaden zuzufuͤgen. Woher ſol leichter ſein/ ein luͤgen zuer- dencken/ als die warheit zuſagen? vnd dergleichen mehr. Dar- umb/ ſo wird eben das vns zu einem deſto ſchwererm verdam- nus gerathen/ das die Gebot Gottes des Herrn/ gering/ leicht/ vnd ſchlecht ſind/ wir aber vnſerer verderbten Natur ſo viel nachhengen/ das wir dieſelbige mutwillig vbertreten/ vnd vns mit allerley ſuͤnden vnd laſtern beflecken. Wie dann entgegen auch Gott/ auff ſolche leichte gebot/ wann man ſie halten will/ ein ſolche herrliche/ ewige/ vnausſprechliche belohnung geſetzt hat/ welche billich jedermenniglich darzu bewegen ſolte/ das ſie willig vnd mit luſt ſein wort hoͤreten/ vnd nach demſelben leb- ten.

Vnd dis ſind die drey ſtuͤck/ nach welchen ein jeder Chriſt ſein leben in den drey Ständen/ dem Heuslichen/ Weltlichen/ vnd Geiſtlichen/ anſtellen/ vnd alſo widerumb etlicher maſſen nach dem ſtreben ſol/ von dem wir durch die ſuͤnde abgewichen ſeind/ nemlich/ täglich ſollen wir arbeiten/ damit wir vns vnd die vnſern mit ehren ernehren/ fuͤr ſuͤnden vnd laſtern ſollen wir vns huͤten/ damit nicht die Obrigkeit ſolchs zuwehren/ vnd vns zuſtraffen gedrungen werde/ vnd dann endlich ſollen wir auch Gottes wort gern hoͤren/ vnd demſelben gehorſam leiſten.

CZu Leichpredigt

Zu dieſen dreien ſtuͤcken war der Menſch anfenglich erſchaffen/ vnd wenn er denſelben mit vleis in warer Gottes furcht nachge- ſetzt hette/ ſo were er ewig ſelig worden/ wert on alle ſchmertz vnd todes qual lebendig in den Himel verzuͤckt worden. Nun er aber ſolches gebot Gottes vbertretten/ vnd durch den vngehorſam in die Suͤnde geraten/ ſo iſt er auch dem tod vnd allem vnfall vn- terworffen worden/ Jnmaſſen Gott jm ſolchs zuuor gedrawet hat/ vnd wir jtzo im andern teil weitleufftiger hoͤren wollen.

Vom andern Stuͤck.

DEnn alſo ſagt Gott ferners zum Adam/ Welches tags du dauon iſſeſt/ wirſtu des tods ſterben/ Als wolt Gott der HErr ſprechen/ Jtzo zwar Adam/ biſt du vnd dein Weib Eua/ ſampt allen ewren Nachkomen/ gluͤckſelig/ Du biſt erſchaf- fen nach meinem ebenbild/ in warer gerechtigkeit/ heiligkeit vnd reinigkeit/ Du biſt an deinem leib geſund/ ſtarck/ vnd ohn allen tadel/ Dir mangelt nichts/ an allem das du beduͤrffen moͤchteſt/ vnd das dein Hertz geluͤſten koͤndte/ vnd wenn du alſo in dieſem Stand verharren wirſt/ ſo ſolſtu dieſes zeitliche leben vn alle be- ſchwernis/ ſchmertzen/ muͤhe/ oder bekuͤmmernus volbringen/ vnd nach dem wil ich dich/ mit deinen hoͤchſten frewden vnd luſt/ zu mir in den Himel/ vñ das ewige leben nemen/ da du aller herr- ligkeit mit mir/ one einig auffhoͤren/ genieſſen ſolleſt. Dis ſage ich dir aber zuuor/ Wirſtu mein Gebot vbertretten/ vnd von dem verbotenen Baum eſſen/ ſo ſoltu des todes ſterben. Es ſol erſtlich von dir vnd allen deinen Nachkomen/ genomen werden/ der heilige Geiſt/ du ſolſt verlieren das ebenbild/ nach dem du er- ſchaffen biſt/ mit aller gerechtigkeit vnd heiligkeit/ vnd entgegen ein vnheiliger vngerechter Menſch werden/ deſſen verſtand ver- finſtert/ Wille verkeret ſein ſol/ daher du in deinem Hertzen den frieden Leichpredigt frieden vnd ruhe des Gewiſſens verlieren wirſt. Zu dem/ werden dich vberfallen/ allerley truͤbſal/ widerwertigkeit vnd kranckheit/ welche dich dermaſſen werden abmatten/ vnd deine kreffte verzeh- ren/ das du endlich darunter niderligen vnd ſterben wirſt. Als denn ſol dein Leib vnd Seel/ mit groſſem betruͤbnus vnd ſchmer- tzen von einander geriſſen/ dein Leib in die erden gelegt/ vnd alda von den Wuͤrmen vnd Schlangen gefreſſen vnd verzehret wer- den/ Vnd ob er wol am Juͤngſten tag wider aus der Erdẽ herfuͤr gehen/ vnd mit der Seel abermals vereiniget werden ſol/ ſo werden ſie doch nicht zu mir in die ewige freud genomen werden/ ſondern ſollen in das ewige helliſche Fewer geworffen/ vnd zu dem ewigen tod verurtheilet vnd verdammet werden. Vnd dis al- les ſol dir begegnen von deines vngehorſams wegen/ dieweil du meinem wort vnd geboten nicht folge geleiſtet haſt.

Dis alles begreifft Gott mit den worten/ Du ſolt des tods ſterben. Welchs auch dem Adam nach ſeinem fahl begegnet. Denn ob er wol nicht als bald darnider gefallen/ vnd ſtracks tod gebliebẽ/ ſo iſts jm doch anders nicht gegangen/ als einem Vbel- theter/ welcher fuͤr dem Gericht zum tod verurtheilet/ vnd das Steblin vber jn gebrochen iſt worden. Wenn er ſchon hernach noch etliche tage in das Gefengnis gefuͤret/ vnd darinnen auff- gehalten wird/ ſo iſt doch ſein leben nicht fuͤr ein leben zu rechnen/ ſondern viel mehr fuͤr ein pein/ da er ſich mit den tods gedancken jmmerzu plagen vnd martern mus/ vnd jm alſo viel beſſer were/ das er nur bald hingerichtet wuͤrde. Gleich alſo iſt es auch mit Adam/ Eua/ vnd allen jren nachkomen nach dem fall/ Denn jr leben iſt nichts/ denn ein ſteter gang zum tod/ ja der tod ſelber/ der ſo lang wehret/ bis ſie endlich durch den letzten actum naturæ, vnd das Sterbſtuͤndlein daruon erloͤſet werden.

C 2Aus Leichpredigt.

Aus dieſer drawung Gottes iſt nun offenbar/ woher al- ler vnfahl/ in allen ſtänden/ eigentlich komme/ welches ſonſten den Philoſophis vnd allen Weltweiſen verborgen iſt/ wir koͤn- nen es auch nirgents her/ dann allein aus der Schrifft offenba- rung erlernen.

I. Woher kommen dann alle krankheiten des leibes/ weder allein von den ſuͤnden? Darumb wenn einer ein Fieber hat/ ſo offt jm das haupt wehe thut/ wann einen das zahnwehe plagt/ wann einen der Schwindel vexirt/ wann ſterbens ſeuchen/ vnd Peſtilentzdruͤſe regieren/ oder andere kranckheiten einem zuſetz- en/ ſo hat er allweg prſach an die ſuͤnde zugedencken/ vnd ſich des fahls vnſerer erſten Eltern zuerinnern/ vñ das zu dem ende/ auff das ein jeder ſolchen jamer erkenne/ vnd mit ernſt darnach trachte/ das er wider mit Gott verſuͤnet werde.

Desgleichen in der Kinderzucht/ wo kompt ſolche groſſe muͤhe vnd arbeit her/ die man mit den kindern haben mus/ ſon- derlich die Muͤtter/ weil ſie ſchweres leibes gehen/ vnd wann ſie geberen/ hernachmals Vater vnd Mutter/ bis ſie die kinder ein wenig aus dem kot erziehen/ vnd geſchicht doch offt/ das wann die Eltern allen muͤglichen vleis angewendet haben/ dannoch die Kinder nicht folgen vnd vbel gerathen/ oder wann ſie folgen/ vnuerſehener ſachen durch den vnzeitigen tod hinweg geraffet/ vnd alſo die Eltern/ aller frucht vnd hoffnung jrer zucht beraubet werden. Woher kompt dieſes alles/ dann von der ſuͤnde? Dann ob wol/ wofern Adam nicht in die ſuͤnde gefallen were/ die Kin- der darumb nicht ſtrack gros vnd erzogen geweſen weren/ ſo het- ten ſie dannoch den Eltern keine ſolche ſorg vnd muͤhe gemacht/ weren wie die huͤnlein/ welche aus der ſchalen kriechen/ dahin ge- lauffen/ hetten jhre ſpeis vnd tranck geſucht/ vnd weren ohn ei- nige bekuͤmmernus erzogen worden/ Geneſ: 3. Jtzo aber hat Gott Leichpredigt. Gott auff die ſuͤnde/ ſolch muͤhſam weſen geleget/ deren ſich ein jeder Chriſt erinnern ſol/ ſo offt jm die Kinderzucht ſehwer vnd ſawer ankommet.

Alſo/ was die narung des Menſchen belangen thut/ wil nicht allweg der groſſen muͤh vnd arbeit auch das gluͤck begeg- nen. Wie offt geſchichts/ das wann man ſchon eines grunds wol wartet/ das Erdreich vleiſſig arbeitet/ treibet/ vnd guten ſamen ausſaͤet/ auch wann ſchon froſt/ hagel vnd vngewitter ſchonet/ dañoch gemeiniglich mehr vnkraut/ weder guter fruͤcht wachſen/ dann allein aus dem vngehorſam vnſerer erſten Eltern? Das al- ſo/ ſo offt eines ein vnkraut im garten ausraufft/ ſo offt ſichs an einer Neſſel brennet/ oder an einem dornſtrauch kratzet/ ſo offt hat es ein Prediger bey ſich/ das er der ſuͤnden erinnern/ vnd zu derſelben erkantnus/ vnd waren Bus treiben ſol.

II. Jmgleichen/ wann wir das Weltliche Regiment vnd den Wehrſtand anſehen/ befinden ſich in demſelben vberaus groſſe beſchwernus/ ſonderlich zu dieſen letzten zeiten der Welt/ welche allen frommen vnd trewen Oberherrn jr regierung ſo ſawer vnd ſchwer machen/ das ſie offtermals ſchier weder huͤlff noch rhat finden koͤnnen/ Welchs alles nichts anders ſind/ denn ſtuͤck dieſer ſtraff/ welche Gott der Herr dem Adam/ wann er von dem verbotnen baum eſſen wuͤrde/ gedrawet hat. Gewis were es dem Adam viel leichter worden/ die wilden Thier/ als Lewen/ Beern/ Parterthier/ vnd was dergleichen mehr iſt/ zu zämen vnd bändig zumachen/ dann heutiges tags der Obrig- keit offt wird/ das ſie junge Purſch ein wenig in einer zucht vnd furcht erhalte. Hie mus nu ein Obrigkeit gedencken/ dis ſein die wilden vnbändige thier/ fuͤr welchen ſie den luſtgarten Gottes/ als weltliche Recht/ zucht/ tugent vnd erbarkeit bewaren ſolle. Dann das ſchwert hat ſie nicht vmbſonſt/ ſie iſt Gottes die- nerin/ ein Rächerin zur ſtraff dem/ der vbels thut. Roͤm: 13. C iijDarumb Leichpredigt. Darumb ſie denn jr ampt getrewlich gebrauchen/ vñ nicht muͤde werden ſol/ da ſonſten wenn ſie las vnd trege were/ allein die Suͤnde vnd vngerechtigkeit geheuffet/ vnd Gottes zorn wider die Welt gemehret wuͤrde.

III. In dem Geiſtlichen Regiment vnd in der Kirchen bleibet der vnrath der Suͤnden auch nicht aus. Woher komen Rotten/ Secten/ ergernus im Leben/ Jrthumb in der lehr/ vnd anders vbel mehr/ denn nur von der Suͤnde? Da heiſt es auch/ welchs tags du von dem verbotenen Bawm eſſen wirſt/ ſoltu des tods ſterben/ das iſt/ der Teuffel wird falſche Lerer vñ Rottengei- ſter erwecken/ nach welchen dich die ohren jucken werden/ die wer- den dich in jrrthumb/ vnglauben vnd abgoͤtterey fuͤren/ welchen du auch folgen wirſt/ ſo lang vnd viel/ bis du endlich von mir vnd dem weg des Lebens gantz abweicheſt/ vnd in den ewigen tod vnd verdamnis verfuͤret wirſt.

DJeſe betrachtung dienet erſtlich darzu/ das/ wenn wir der geſtalt ſehen/ das allerley vnrath/ vnordnung/ mangel/ jamer/ noth vnd verderben/ allein aus dem fall vnſerer erſten Eltern/ vnd der Suͤnden herkommen/ wir die ſchuld ſolches vbels nur vns/ vnd nicht Gott zuſchreiben. Wie man den ſonſten wol der Gottloſen Leute ſindet/ welche mit Gott derentwegen murren vnd ſich zancken doͤrffen/ als wenn er das Menſchliche geſchlecht in dieſen jammer allein geſteckt/ vñ nur wolgefallen an jrem verder- bẽ hette. Wider ſolche leret vns dieſer text/ das Gott deſſelbẽ gantz vnd gar kein vrſach ſey/ denn er den Menſchen ja zum trewlich- ſten gewarnet/ vnd jm alles zuuor angezeigt hat/ was jm begeg- nen werde/ wenn er nicht ſeinen geboten gehorſam leiſten woͤlle. Darumb ſo iſt er nicht an dem elend des Menſchlichen geſchlech- tes ſchuͤldig/ ſondern der leidige Sathan/ vnd des Menſchen ſelbs Leichpredigt. ſelbs eigener freyer wille/ wie Moſes ſolchs in dem folgenden dritten capitel fleiſsig beſchreibet.

MJt dieſer Lehr ſtimmet vberein die meinung des Koͤnigli- chen Propheten Dauids/ welcher in dem 5. Pſalm ſingt/ Du biſt nicht ein Gott/ dem Gottlos weſen gefellet. Vnd Gott ſelbs ſpricht bey dem Prophetẽ Hoſea am 13. Perditio tua ex te Iſraël: ex me autem tantum ſalus tua. Jſraël du bringeſt dich in vn- gluͤck: dein heil aber ſtehet allein bey mir.

NEben dem/ dienet vns dieſe betrachtung auch darzu/ das wir ſehen/ ob wol Adam die erſte zwey ſtuͤck nicht vbertrit (Denn das er mit arbeiten oder den Garten zubewahren/ were vnfleiſsig gen eſen/ daruon meldet die ſchrifft nichts/ allein mit dem dritten ſtuͤck hat ers verſehen/ das er von dem verbotenen Bawm geſſen) ſo hilfft es jn doch nicht/ ſondern mus die gedrawete ſtraff ausſte- hen. Das lehret vns/ das es nicht gnug ſey/ wenn einer ſchon in den erſten zweyen ſtenden alles thut/ was jm muͤglich iſt/ vleiſsig arbeitet/ ſich mit ehren nehret/ auffrichtig handelt vnd wandelt/ niemand betreuget oder verfortheilet/ ſeiner Oberkeit ſchuͤldigen gehorſam leiſtet/ vnd gegen iedermenniglich ſich vertreglich hal- tet/ ſondern das dritte ſtuͤck gehoͤre auch darzu/ das man ſich in der Religion gegẽ Gott vnuerweislich halt/ ſein wort liebe/ gern hoͤrt/ vnd das leben darnach anſtelle. Wo dieſes dritte ſtuͤck bey ei- nem Menſchen nicht iſt/ mit dem zuͤrnet gewis Gott/ vnd iſt ein verlorner verdampter Menſch/ vñ hilfft jn gar nichts/ er ſey poli- tice oder weltlicher weiſe/ ſo ſtill/ from vñ vnſtrefflich/ als er jm- mer wolle/ Darumb wir vns denn fuͤr allen dingen befleiſſen ſol- len/ das wir den rechten reinen Gottesdienſt haben/ vñ helffen be- foͤrdern zu der ehre Gottes/ ſo wird als denn der Allmechtige zu dem vbrigen/ deſto mehr gluͤck/ heil vnd Segen geben.

Es Leichpredigt.

Es moͤchten aber hie manchem dieſe gedancken in ſeinem hertzen auffſteigen/ ob es nicht allzu ſcharff were/ das Gott der Herr vmb eines apffels wegen/ den Menſchen mit allen ſeinen Nachkomen ſo hart ſtraffet. Scheinet es doch ein gantz kindiſch ding zuſein. Dann die Kinder/ welche gern naſchen/ die ent- zuͤcken jhren Eltern bisweilen äpffel/ birn/ vnd ander Obſt/ ſolte darumb ein Vater ſein kind von eines apffels wegen gar zu todt ſchlagen? Wuͤrde ſich ſolches auch ſchicken? Nein trawen/ Wie ſol ſich denn dieſes mit der gerechtigkeit Gottes ſchicken? Adam hat ein zeitliche ſuͤnde begangen/ vnd ſolte von derſelben wegen/ mit dem ewigen todt geſtrafft werden? Wo bleibt hie/ welchs man ſonſten leret/ das zwiſchen der ſuͤnde vnd ſtraff ein gleiche mas ſol gehalten werden?

Antwort/ fuͤr vnſerer vernunfft ſcheinet es wol ein kin- diſche vnd ſchlechte that zuſein/ die Gott nicht ſo hoch achten ſol- te/ aber wir muͤſſen vns hie huͤten/ das wir bey leibe nicht von der ſuͤnde/ nach vnſerer vernunfft vrtheilen/ dann ſonſten wer- den wir ſtracks betrogen/ Sondern/ hie ſol man bedencken/ wer der ſey/ welcher dieſes verbot gegeben hat/ vnd wider den man durch vbertrettung deſſelbigen ſuͤndiget/ auch was fuͤr muth vnd Sinn einer hat/ der ſolches verbot nicht achtet/ ſo wird ſichs als dann befinden/ das/ es ſcheine die ſuͤnde fuͤr der vernunfft ſo ge- ring vnd ſchlecht/ als ſie jmmer woͤlle/ ſo ſey doch Gott nicht vngerecht/ welcher die ewige ſtraff darauff gelegt hat.

Dann der hie verboten hat/ von dem einen bawm zueſ- ſen/ das iſt der ewige Gott. Weil man dann/ auch mit der ge- ringſten ſuͤnde/ wider den ewigen Gott ſuͤndiget/ deſſen wort e- wig bleibet/ ſo iſt es auch billich/ das die ſuͤnde mit ewiger ſtraff beleget werde. Zu dem/ welcher wider Gott ſuͤndiget/ der wendet ſich mit ſeiner ſuͤnde/ von dem hoͤchſten vnd ewigen guten/ wel- ches Gott ſelbſt iſt. Wie kan es dann anders geſein/ dann das er Leichpredigt. er ſich hinwiderumb wende/ zu dem hoͤchſten vnd ewigen boͤſen? Vnd je neher einer bey der gnaden Gottes iſt/ je hoͤher verſuͤndigt er ſich/ vnd deſto tieffer gehoͤret er in die verdamnis/ wenn er ſich an ſeinem Gott verſuͤndiget/ vnd ſich ſolcher Gnaden vnwerth machet. Endlich/ wer da ſuͤndigt/ vnd nicht bus thut/ ob er wol nur mit einer that geſuͤndigt hat/ dennoch ſo lang er nicht Buſſe thut/ bleibet bey jm ein ſteter vnd ewiger Wil vñ luſt zu ſuͤndi- gen. Darumb denn jm auch billich ein ewige ſtraff zugeſpro- chen wird.

JSt vnd bleibt alſo Gott der HERR gerecht/ in dem er dem Adam/ wegen der vbertretung ſeines gebots/ den ewigen tod gedrawet hat. Vnd ſol jm hie viel mehr ein jeder ſelbs dieſe ge- dancken machen/ Wenn Gott eine ſolche Suͤnde/ welche fuͤr vn- ſern Augen gering ſcheinet/ ſo ſcharff zu ſtraffen drawet/ Wie- uiel hefftiger wird er denn die jenige Suͤnden ſtraffen/ von wel- chen wir ſelbs bekennen muͤſſen/ das ſie gros vnd ſchrecklich ſeine? Darumb wir vns billich mit vleis darfuͤr huͤten ſollen/ damit wir nicht in die ſtraff des ewigen tods vnd verdamnus fallen.

WJe wir aber aus ſolchem tod vnd verderben wider erret- tet werden/ allein durch den tewren gehorſam vnd bittern tod/ des Sons Gottes/ vnſers lieben HErrn vñ Bruders Jeſu Chriſti/ deſſen verdienſt wir mit warem Glauben ergreiffen/ vnd vns ei- gẽ machen ſollẽ/ daruon wird Ewer Lieb zu andern zeitẽ berich- tet. Jtzo haben wir aus dieſem Text allein gelernet/ worzu Gott anfenglichs den Menſchẽ erſchaffen habe/ vñ wie wir ſolchs noch etlicher maſſen/ wiewol ſehr verderbet/ in den dreien Stenden/ dem Nehr/ Wehr/ vnd Lehrſtand haben/ Jn welchen Gottes willen zuerfuͤllen ein jeder mit ſonderm vleis ſtreben ſol. Auch in was groſſen jammer wir durch die Suͤnde geraten vnd ge- fallen ſeien/ vnd das doch Gott nicht vngerecht mit dem Men- Dſchen Leichpredigt. ſchen handele/ ob er wol von einer zeitlichen Suͤnde wegen/ jm den ewigen tod gedrewet habe.

Was nu jtzo dieſen gegenwertigen/ verſtorbenẽ Studioſum Si- giſmundum Pezelium von Lobſchuͤtz/ welcher vns dieſen Text zuhandeln/ mit ſeinem abſterben/ anleitung gegebẽ hat/ belangen thut/ iſt er nu in die vier Jar ein mitglied vnſerer Kirchen vnd Schul alhier geweſen/ welche zeit vber/ wie die jenige bezeugen/ ſo vmb ſein thun vnd leben gute wiſſenſchafft haben/ er ſich alſo verhalten/ das man daraus hat vermercken koͤnnen/ das er mit vleis die werck/ darzu der Menſch anfenglich erſchaffen worden/ fuͤr Augen gehabt/ vnd ſich derſelben beflieſſen hat.

VNd erſtlich/ Weil er von ſeinen Eltern vnd Præce- ptorn von Jugent auff zur Gottes furcht gehalten worden/ vnd von jnen ſo viel gelernet/ das der Menſch zur arbeit erſchaffen/ ſo iſt er nicht muͤſsig gegangẽ/ hat ſich auch nicht der loſen arbeit/ des zechens/ ſauffens/ ſpielens oder bulens ergeben/ ſondern weil er mit der Heupt arbeit dem ſtudieren vmbgangen/ hat er demſel- ben mit hoͤchſtẽ vleis nachgeſetzt/ die Lectiones beſucht/ dieſelbige zu Haus wider repetirt/ auch ſeine extraordinaria ſtudiorum exercitia, mit einem nuͤchtern/ wachenden leben alſo fortgeſetzt/ das er noch bey ſeiner bluͤenden Jugend mit ſeinem ſtudieren ſo weit komen iſt/ das ſolche gute hoffnung zu jm geweſen/ das wo jm Gott das leben verlengert hette/ er ſeiner gantzen freund- ſchafft ein Ehr vnd zierd ſein/ ſich aber vnd die ſeinen mit ehren ſtadlich ernehren wuͤrd.

DEsgleichen im Wehrſtand/ hat er ſich beflieſſen/ das er nicht were wie das vnuernuͤnfftig Vieh/ wie man denn derſelben vnbeſonnen Jungen Leut viel gnug ſindet/ zwiſchen welchen vnd den Wilden Thieren ein geringer vnderſcheid iſt/ die ſchier nichts anders thun/ denn das ſie tag vnd nacht/ mit jrem vngeſtuͤmen ſchrey- Leichpredigt ſchreyen/ Viehiſchem vmblauffen/ mutwilligen hadern vnd valgen/ den Leuten vnruhe machen/ welcher luſt vnd freud iſt andern ſchaden zu thun/ vnd fuͤr denen man ſchier nichts ſichers behalten vnd bewaren kan/ Mit denen hernach die Obrigkeit ſo viel zu thun hat/ das einer die zeit beweinen moͤchte/ welche man mit ſo vnnuͤtzen hendeln zubringen vnd verlieren mus/ da man ſie wol beſſer anlegen koͤndte. Kein ſolcher iſt dieſer vnſer Si- giſmundus geweſen. Denn er die gantze zeit vber/ welche er ſich ſtudierens halben bey vns alhier auffgehalten/ ein ſolchen ſtillen/ eingezogen/ erbarn vnd ehrlichen wandel gefuͤret hat/ das niemals einige klag ſeinet wegen/ fuͤr die Obrigkeit komen iſt/ alſo/ das wenn alle Studioſi alhier ſich gleicher maſſen ver- bielten/ ein Rector nicht ein ſo muͤhſame Regierung vnd ſo viel- feltige beſchwerliche hendel haben doͤrffte.

VBer das alles/ hat er ſich des Glaubens vnd der Religi- ons ſachen ſo viel angenommen/ das er ſeinen Catechiſmum gelernet/ vnd aus Gottes wort nicht allein die Suͤnde/ vnd alle den jammer/ welcher aus der Suͤnden herkomet/ ſondern auch Gott/ vnd die gnad/ welche vns Gott in ſeinem eingebornen Son/ durchs wort vnd die heiligen Sacrament anbeut/ hat ler- nen erkennen. Darumb er denn auch in ſeiner kranckheit/ ſeine Suͤnde erkennet/ vnd fuͤr Gott bekennet hat/ auch bey dem mini- ſterio vmb Chriſti willen/ in warem Glauben/ vmb Abſolution vnd ledigſprechung derſelben angeſucht/ vnd vber das ſeinen Glauben/ mit dem waren gebrauch des heilſamen Sacraments des Leibs vnd Bluts vnſers HErrn Jeſu Chriſti geſterckt/ vnd ſich alſo jmerzu mit vleis zu ſeinem abſchied aus dieſem jamerthal geruͤſtet hat. Wie er denn auch in ſeiner langwirigen ſchwa- cheit (Denn Phthiſis ein ſolche kranckheit/ da einer lang ſei- nen Feind/ den Tod/ fuͤr Augen ſihet) nicht vngeduͤltig noch kleinmuͤtig worden iſt/ ſondern hat ſich ſtets mit dem Gebet D 2vnd Leichpredigt. vnd betrachtung des worts Gottes/ wider die ſchrecken des todt geſtercket vnd geruͤſtet/ Zu welchem ende er auch etliche ſondere troſtſpruͤche aus dem alten vnd newen Teſtament/ jm hat aus- ſchreiben laſſen/ damit er durch dieſelbige jm ſeinen HErrn Chri- ſtum/ ſeinen Erloͤſer vñ ſeligmacher/ deſto tieffer in das Hertz bil- den/ vnd mit deſſelben krafft durch den tod hindurch in das ewige Leben dringen moͤchte.

Er hat auch ſeinen Glauben zu beweiſen/ ſich der guten werck/ nicht allein die tage ſeines lebens beflieſſen/ Sondern auch noch zum beſchlus/ da ſein ſterbſtuͤndlein herzu geruͤcket/ ſeine mildig- keit gegen dem heiligen Miniſterio vnd armut beweiſet/ vnd jm ſelbs alſo von dem Segen/ welchen jm Gott der HERR gege- ben/ freunde gemacht/ welche ſeines Glaubens zeugen ſein koͤnnen an jenem tage/ vnd jn in die ewige huͤtten auffnemen. Matth. 25. Luc. 16.

DAs vns alſo gantz vnd gar kein zweifel iſt/ ſein des Si- giſmundi Seel/ ſey jtzo bey Gott in der ewigen freud/ vnd ſein Leichnam/ welchen wir jtzo in ſein Ruhebetlein legẽ wollen/ werde am Juͤngſten tage wider aus dem ſtaub der Erden herfuͤr gehen/ vnd als deñ mit der Seel wider vereiniget/ mit ewiger Glori vnd herrligkeit gezieret/ vnd in den Himel zu allen Auserweleten Hei- ligen vnd Engeln Gottes genommen werden.

DJs alles wird nicht allein jm (dem verſtorbenen) rhums vnd ehren halben nachgeſagt/ ſondern auch allen den jenigen/ welche des wirden vnd ſtandes ſind/ darinnen er gelebt hat/ zu ei- nem exempel/ welchem nachzufolgen ſie ſich befleiſſen ſollen/ das ſie nemlich fuͤr allen dingen mit ernſt erwegen/ warumb ſie alhie ſeyen/ nicht muͤſsiggangs/ ſondern ſtudierens halben/ auff das ſie etwas redlichs lernen/ darmit ſie kuͤnfftiger zeit nicht allein ſich ehrlich nehrẽ/ ſondern auch dem gemeinẽ Vaterland nuͤtzlich dienen Leichpredigt. dienen moͤgen. Darumb ſie ſtets eingedenck ſein ſollen der ge- meinen Verslin:

Eſto memor patriis quare huc ſis miſſus ab oris: Doctior vt patrios poſsis adire lares.

DArneben ſollen ſie ſich in jrem Leben meſsig/ nuͤchtern/ ſtill/ eingezogen/ vnd vnſtraffbar verhalten/ auff das ſie nicht allein der Obrigkeit in jrem ampt ſchonẽ/ ſondern auch ſich ſelbs fuͤr ſchaden bewahren/ in welchen offtmals junge Leut geraten vnd fallen/ denſelben auch nimmermehr verwinden koͤnnen/ wenn ſie gute vnd trewhertzige vermanung in den wind ſchlagen. Vor allen dingen aber ſollen ſie ſich der wahren Gottesfurcht befleiſſen/ welche aller Weisheit/ kunſt/ vnd geſchickligkeit ein an- fang iſt/ das wort Gottes lieb haben/ vleiſsig hoͤren/ jr leben darnach anſtellen/ vñ fuͤrnemlich darauff bedacht ſein/ wie ſie aus demſelben kernen ſich wider den tod zu ruͤſten/ auff das derſelb jnen kein gang zu dem verdamnus/ ſondern ein thuͤr zu dem ewigen Le- ben ſey. Deſſen der Allmechtige Barmhertzige Gott dieſen Si- giſmundum/ vnd vns/ ſampt allen Auserwelten vnd gleubigen/ teilhafftig machen wolle/ in Chriſto Jeſu/ Welchem ſey lob/ chr/ preis/ vnd danck geſagt in Ewigkeit/ Amen.