Leichpredigt Vber das TrostSprüchlein Davids aus dem 25. Psalm: Wende dich Herr/ vnd sey mir gnädig/ etc. Bey der Leichbestattung des Weyland/ Ehrnvesten vnd wolgeachten Herrn George

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Gebrauchsliteratur Leichenpredigt Gebrauchsliteratur Leichenpredigt ready aedit Leichpredigt Vber das TroſtSpruͤchlein Davids aus dem 25. Pſalm: Wende dich Herr/ vnd ſey mir gnaͤdig/ etc. Bey der Leichbeſtattung des Weyland/ Ehrnveſten vnd wolgeachten Herrn GEORGE Herren/ Buͤrgers vnd Handels Man- nes in Leipzig. Welcher den 7. Septembris ſanfft vnd ſelig in Chriſto ſeinem Heyland entſchlaffen/ vnd den 9. dieſes Chriſtlicher weiſe zur Erden be- ſtattet worden. Gehalten von JOHANNE HöPNERO SS. Theol. D. Prof. Publ. & ad D. Nicolai Paſtore. Leipzig Gedruckt bey Gregorio Ritzſch.

In Nomine Ieſu.

Pſalmſpruͤchlein aus dem 25. Pſalm. Wende dich Herr/ vnd ſey mir gnaͤdig/ denn ich bin einſam vnd elend/ die Angſt meines Hertzen iſt groß: Fuͤhre mich aus meinen Noͤthen. Siehe an meinen Jam- mer vnd Elend/ vnd vergib mir al- le meine Suͤnde.

Exordium

GEliebte vnd Andaͤchtige in Chriſto dem Herren/ die- ſes Pſalmſpruͤchlein iſt ein wol- bekandtes Spruͤchlein/ vnd iſt genommen aus dem 25. Pſalm/ welches ein rechter Troſt Pſalm iſt fuͤr die kran- cken Patienten vnd fuͤr die Sterbenden/ wie er A ijdenn Chriſtliche Leich Predigt/ denn auch in der Kirchen Agende zum gebrauch bey der Communion der Krancken verordnet iſt/ weil darinnen die kraͤfftigſten TroſtArgu- ment begriffen ſeyn/ damit ſich die angefochte- nen betruͤbten Gewiſſen vnd todtkrancken Pa- tienten troͤſten vnd auffrichten koͤnnen.

Jm Eingange bekennet David ſeine glaͤu- bige Zuverſicht/ die er auff ſeinen lieben GOtt geſtellet hat/ vnd zeuget zum oͤfftern von ſeinem Glauben. Darauff fuͤhret er an etliche grund- feſte/ ſolcher ſeiner Zuverſicht/ als da iſt GOt- tes Gnade vnd Barmhertzigkeit/ die allen buß- fertigen Suͤndern offen ſtehet/ darnach GOt- tes Warheit/ die er allen Gottfuͤrchtigen ver- ſprochen hat/ in ſeinen Verheiſſungen/ die er trewlich halten wird/ Vnd denn Gottes All- macht/ dadurch er aus allen Noͤthen erretten vnd helffen kan. Darauff berufft ſich auch Da- vid inſonderheit in dieſem Spruͤchlein/ welches ein recht ernſtes vnd eyferiges Gebet iſt/ wel- ches vnſer im HErrn Chriſto ſeliglich verſtor- bene Mit Bruder in ſeinem Kampff zum oͤff- tern mit Andacht gebetet/ ſich auch aus dieſem gantzen Pſalm kraͤfftiglich getroͤſtet hat.

Die Summa des abgeleſenen Spruͤch- leins Herrn Georg Herrens. leins ſtehet kuͤrtzlich darinnen/ daß David dem lieben GOtt ſeine Noth beyde Geiſtliche vnd Leibliche fuͤr traͤget/ vnd ſein Hertz fuͤr jhm mit ſehnlichen Worten ausſchuͤttet/ vnd fuͤhret dar- neben etliche Motiven vnd Vrſachen an/ da- durch er Gott den Herren erweichen wil/ daß er ſein Gebet gnaͤdiglich erhoͤren wolle.

Wir wollen erſtlich hoͤren von der geiſtli-Propoſi- tio. chen Noth/ damit David iſt vmbfangen gewe- ſen/ Vnd darnach auch von der leiblichen Noth Bericht thun/ vnd wie wir daſſelbige zu vnſe- rem Troſt vnd Erbawung gebrauchen ſollen/ darneben vermelden.

Zu ſolcher Handlung wolle vns Gott der Herr ſeines heiligen Geiſtes Gnade verleihen/ vmb Chriſti JEſu willen/ A- men.

Explicatio.

IM Eingange des 25. Pſalmens giebtPſal. 25 David ſeines Hertzen Zuverſicht mit dieſen Worten zu erkennen: Nach dir Herr verlanget mich/ mein A iijGott Chriſtliche Leich Predigt/ Gott/ ich hoffe auff dich. Auff dieſen ſei- nen Herren vnd Gott im Himmel/ hat Da- vid ſeine Hoffnung geſtellet/ zu jhm nimpt er Zuflucht/ vnd folget dem Befehlich vnd Ver- Pſal. 50.heiſſung des 50. Pſalm. Ruffe mich an in der Zeit der Noth/ ſo wil ich dich erretten/ ſo ſolt du Pſal. 27.mich preiſen. Wie er denn im 27. Pſalm ſich darauff beruffet: Mein Hertz helt dir fuͤr dein Wort/ jhr ſolt mein Andlitz ſuchen/ darumb ſu- che ich auch Herr dein Andlitz. Denn er war deſſen im Glauben verſichert/ daß GOtt der Herr der betruͤbten Gebet nicht verach- tet/ ſondern erhoͤret ſie/ wenn ſie ruffen/ wie er Pſal. 65.denn ſolche Gnade preiſet im 65. Pſalm: Du erhoͤreſt gebet/ darumb koͤmmet alles Fleiſch zu Dir.

Jn ſolcher Zuverſicht tritt nun auch David fuͤr das Angeſicht GOttes/ vnd traͤgt jhm fuͤr 1. die geiſtliche Noth/ welche iſt die Anfechtung wegen der Suͤnde/ welche bey David auffge- wachet war/ daß er den Zorn Gottes in ſeinen Gewiſſen fuͤhlete/ daß bekennet er mit dieſem Worten: Wende dich Herr/ vnd ſey mir gnaͤ- dig. Auff die Suͤnde gehoͤret der Zorn Got- Rom. 2.tes/ wie S. Paulus ſchreibet/ Rom. 2. Vngna- de vnd Herrn Georg Herrens. de vnd Zorn/ vber alle Seelen der Menſchen/ die da boͤſes thun. Solcher Zorn druckte Da- vid auch/ er befand es/ daß Gott ſein gnaͤdiges Angeſicht von jhm gewendet hatte/ wie denn Gott ſpricht Eſai. 59. Ewre Suͤnde vnd Vntu-Eſa. 59. gend ſcheiden euch vnd ewren Gott von einan- der. Gott draͤwet den Suͤndern den Ruͤcken zu kehren/ beym Propheten Jeremiæ am 18.Jer. 18. Cap. da er ſpricht: Jch wil jhnen den Ruͤcken/ vnd nicht das Andlitz zeigen/ wenn ſie verder- ben. Das erkennet nu David/ daß er ſolche Vngnade auch verdienet habe/ darum̃ bittet er/ Gott wolle ſich wieder zu jhm wenden/ er wolle ſein gnaͤdiges Angeſicht wieder zu jhm kehren. Darneben preiſet David die Gnade Gottes/ als das einige Remedium vnd Artzeney wider die Suͤnde/ wie S. Paulus lehret zum Roͤm. am 5. Cap. Wo die Suͤnde iſt maͤchtig worden/Rom. 5. da iſt die Gnade noch viel maͤchtiger. Solche Gnade ſtehet nicht darinnen/ daß vns GOtt newe Tugenden vnd Qualiteten eingieſſe/ wie die Papiſten fuͤrgeben/ ſondern darinnen ſtehet die Gnade Gottes/ daß er vns vmb Chriſti wil- len die Suͤnde nicht zurechnet/ die er in vns fin- det/ ſondern er bedecket ſie mit ſeinem Gnaden- Mantel/ Chriſtliche Leich Predigt/ Mantel/ vnd wendet ſein Angeſicht davon/ wenn wir Buſſe thun/ an Chriſtum glaͤuben/ vnd jhn vmb Gnade bitten.

Alſo beſchreibet auch David ſolche Gnade Pſal. 51.im 51. Pſalm/ Verbirge dein Andlitz von mei- nen Suͤnden/ vnd tilge alle meine Miſſethat/ Pſal. 32.Jm 32. Pſalm ſpricht er: Wol dem/ oder ſelig iſt der Menſch/ dem die Vbertretung vergeben ſind/ dem die Suͤnde bedecket iſt/ wol dem Men- ſchen/ dem der Herr die Miſſethat nicht zu- rechnet. Freylich iſt das Gnade vber alle Gna- de/ vnd kan jhm ein Chriſt nichts beſſers wuͤnt- Pſal. 63.ſchen/ als ſolche Gnade/ davon auch der 63. Pſalm zeuget: Miſericordia Domini melior eſt vitâ: GOttes Guͤte vnd Barmhertzigkeit iſt beſſer denn leben. Die vertilget allein die Suͤnde/ denn aus Gnaden hat Gott angenom- men fuͤr vnſere Suͤnde/ das Schuld Opffer ſei- nes lieben Sohns JEſu Chriſti/ welcher vmb vnſer Suͤnde willen ſein Leben zum Schuld- Eſa. 53.Opffer dahin gegeben hat/ wie Eſaias am 53. Cap. geweiſaget hat. Vmb des Herren Chriſti willen/ wenn wir ſein Verdienſt mit wa- rem Glauben ergreiffen/ wil vns Gott nicht nur die Erb Suͤnde/ nicht nur etliche wenig Suͤn- den/ Herrn Georg Herrens. den/ ſondern alle/ alle Suͤnden erlaſſen/ da- rumb bittet auch David: Vnd vergib mir alle meine Suͤnden/ ſie ſind erblich oder wircklich/ ſie ſind wiſſentlich oder vnwiſſentlich/ oder wie ſie moͤgen Namen haben.

Was bringet nu David fuͤr Motiven vnd Vrſachen fuͤr/ warumb jhn Gott hierinnen er- hoͤren/ vnd jhn ſeines Gebets gewehren ſolle. Die ſtehen in folgenden Worten: Denn ich bin Einſam vnd Elend. Jtem/ Siehe an meinen Jammer vnd Elend. Jn dieſen Worten bringet David drey Vrſachen fuͤr/ da- durch er Gott den Herren zur Barmher- tzigkeit bewegen wil.

Die erſte Vrſach ſtehet in dem Woͤrtlein/ Einſam/ wenn David klaget: Denn ich bin Einſam/ durch dieſe Einſamkeit verſtehet er nichts anders/ als daß er ſonſt gantz Huͤlffloß/ vnd von menniglich verlaſſen ſey/ wie der Pro- phet Elias in der grawſamen Verfolgung kla- get/ er ſey alleine vberblieben/ 1. Reg. 18. vnd1. Reg. 18. habe keine Huͤlffe bey einigem Menſchen/ wider das grewliche Wuͤten der Gottloſen Koͤnigin Jſebel. Oder daß wir aus der Paſsions Hi- Bſtoria Chriſtliche Leich Predigt/ ſtoria ein Exempel nehmen/ wie der Herr Chriſtus im Garten am Oelberge einſam war/ vnd muſte allein die Zorn Kelter des allmaͤchti- gen Gottes treten/ vnd war niemand vnter den Eſai. 63.Voͤlckern mit jhm/ wie er ſpricht: Eſai. 63. Jch trete die Kelter alleine/ vnd iſt niemand vnter den Voͤlckern mit mir. Solche Einſame ſind wir auch in der Anfechtung der Suͤnde/ wenn wir fuͤr GOttes Gericht ſtehen/ vnd auff das Vrtheil des Geſetzes antworten ſollen/ ſo ſind wir verlaſſen von allen Creaturen/ wir ſelbſt koͤnnen vns nicht helffen mit allen vnſern Wer- cken/ wir ſtecken in Suͤnden vnd Verdamniß biß vber die Ohren/ vnſere eigene Suͤnden ant- worten wider vns/ vnd ſchelten vns ins An- geſicht. Vnſere Bruͤder/ Freunde vnd Nach- barn koͤnnen vns nicht helffen/ ſie ſtecken in glei- cher Schuld/ es kan doch kein Bruder den an- Pſal. 49.dern erloͤſen/ ſpricht der 49. Pſalm/ noch GOtt jemand verſoͤhnen/ denn es koſtet zu viel/ eine Seele zuerloͤſen/ daß ers muß laſſen anſtehen ewiglich. Die Heiligen koͤnnen vns nichts helf- fen/ ſie muͤſſen ſich ſelbſt des Gnaden Oels bey Chriſto erholen/ vnd koͤnnen vns nichts davon mittheilen. Die Engel koͤnnen vns nichts helf- fen/ Herrn Georg Herrens. fen/ ſie beduͤrffen jhre Heiligkeit fuͤr ſich ſelbſt/ Gott hat jhnen keinen Vberfluß mitgetheilet/ daß ſie andern davon etwas koͤndten laſſen zu- kommen.

Weil wir denn ſo gantz verlaſſen vnd ein- ſam ſind/ ſo kan vns nichts anders zu ſtatten kommen/ als die purlautere Gnade vnd Barm- hertzigkeit GOttes/ welche vns denn vnſer ge- trewer Advocat vnd Mitler Chriſtus Jeſus er- worben hat/ wie vns denn auch in ſeinen aller- heiligſten Wunden ſolche Gnade offen ſtehet.

Wo nun ein ſolch Hertz iſt/ daß ſeine Suͤn- den Noht fuͤhlet/ daß ſich auff nichts anders ver- leſt/ als allein auff die grundloſe Gnade GOt- tes/ daſſelbige wil Gott mit Gnaden anſehen/ wie im 51. Pſalm geſchrieben ſtehet: Die Opf-Pſal. 51 fer/ die Gott gefallen/ ſind ein geaͤngſter Geiſt/ ein geaͤngſtes vnd zerſchlagenes Hertz wirſt du/ O Gott/ nicht verachten.

Das ſind Gnadenhungerige Seelen/ die haben die Verheiſſung Matth. am 5. Cap. Se-Matth. 5. lig ſind die da hungert vnd duͤrſtet nach der Ge- rechtigkeit/ denn ſie ſollen ſatt werden.

Hieher gehoͤret auch die Verheiſſung Chri- ſti Matth. am 11. Kommet her zu mir alle/ dieMatth. B ijjhr Chriſtliche Leich Predigt/ jhr muͤhſelig vnd beladen ſeyd/ Jch wil euch er- quicken/ bey mir ſolt jhr Ruhe finden/ fuͤr ewre Seele.

Drumb begreifft dieſe Klage/ Jch bin Ein- ſam/ ein ſolch Gebet in ſich: Herre Gott/ du haſt in deinem Wort verſprochen/ daß du ein ge- aͤngſtiges vnd muͤheſeliges Hertz/ daß ſich allein deiner Gnade troͤſtet/ nicht verachten noch ver- ſchmehen wolleſt/ Siehe mich Einſamen vnd Verlaſſenen auch an/ mit den Augen deiner Barmhertzigkeit/ laß meiner Gnadenhungeri- gen Seelen/ die Broſamlein deiner Gnade auch zu gute kommen. Das iſt die erſte Vr- ſache.

Inſerũi Matth. 5. v. 3.Die 2. Vrſache ſtehet in dem Woͤrtlein Elend: Jch bin einſam vnd Elend: Durch ſolch Elend verſtehet David das Geiſtliche Ar- muth/ davon der Herr Chriſtus ſpricht: Matth. 5.Matth. am 5. Cap. Selig ſind/ die da geiſtlich arm ſind/ denn das Himmelreich iſt Jhr. Das geiſtliche Armuth ſtehet darinnen/ daß ein Menſch ſich auff ſein eigen Verdienſt vnd gute Werck nicht verleſt/ die er auch bey ſich ſelbſt nicht befindet/ ſondern er leget ſich zu den Fuͤſſen der Herrn Georg Herrens. der Gnade GOTtes/ vnd ergreifft/ als ein ar- mer Bettler mit der Hand des Glaubens/ das Verdienſt JEſu Chriſti/ welcher vmb vnſert willen iſt arm worden/ auff daß er vns reich ma- che durch ſein Armuth/ wie S. Paulus ſchrei- bet in der 2. Corinth. am 8. Jhr wiſſet die Gna-2. Cor. 8. de vnſers Herren Jeſu Chriſti/ daß ob er wol reich iſt/ ward er doch arm vmb ewern wil- len/ auff daß jhr durch ſein Armuth reich wuͤr- det.

Die Werckheiligen achten ſich reich in jh- ren Gedancken/ ſie verſchertzen aber den vnaus- forſchlichen Reichthumb Chriſti/ vnd muͤſſen hinder der Seligkeit hingehen/ wie der Herr Chriſtus ſpricht/ Apocal. 3. Du ſprichſt/ ich binApoc. 3. reich/ vnd habe gar ſatt/ vnd darff nichts/ vnd weiſſeſt nicht daß du biſt elend/ vnd jaͤmmerlich/ arm/ blind vnd bloß. Jch rathe dir/ daß du Gold von mir kaͤuffeſt/ das mit Fewer durchlaͤutert iſt/ daß du reich werdeſt/ vnd weiſſe Kleider/ daß du dich anthuſt/ vnd nicht offenbahret werde die Schande deiner Bloͤſſe.

Auſſer Chriſto ſind wir alle arm/ blind vnd bloß/ vnd kan die Schande vnſerer Bloͤſſe mit nichts anders bedecket werden/ als mit den B iijKleidern Chriſtliche Leich Predigt. Kleidern des Heyls/ vnd mit dem Rock der Ge- rechtigkeit JEſu Chriſti. Das bekennet nu David allhier/ er geſtehet ſein Armuth/ ſeine Bloͤſſe/ ſeine Blindheit/ vnd leget ſich zu den Fuͤſſen der Gnade Gottes/ vnd des Verdienſts JEſu Chriſti/ das iſt eine reiche Gnade/ das iſt ein vberfluͤſſiges Verdienſt/ welches allen vn- ſern Mangel erſetzen/ alle Bloͤſſe bedecken kan.

Die 3. Vrſache/ die Gott zur Barmher- tzigkeit bewegen ſoll/ iſt genommen von vnſerm Jammer vnd Elend. Denn ſo betet David: Siehe an meinen Jammer vnd Elend/ vnd ver- gieb mir alle meine Suͤnde. Durch ſolchen Jammer verſtehet er die Nichtigkeit der Men- ſchen/ davon er auch im 8. Pſalm zeuget: Was iſt der Menſch/ daß du ſein gedenckeſt? Vnd deß Menſchen Kind/ daß du dich ſein annimbſt? Im Pſal. 39.39. Pſalm klaget er alſo: Siehe/ meine Tage ſind einer Hand breit bey dir/ vnd mein Leben iſt wie nichts fuͤr dir/ wie gar nichts ſind alle Pſal. 103.Menſchen/ die doch ſo ſicher leben. Jm 103. Pſal. ſpricht er: Ein Menſch iſt in ſeinem Leben wie Graß/ er bluͤet/ wie eine Blume auff dem Fel- de: Wenn der Wind daruͤber gehet/ ſo iſt ſie nimmer da/ vnd jhre Stete kennet ſie nit mehr. Das Herrn Georg Herrens. Das iſt ein elender Jammer/ welchen auch Sy- rach beklagt im 40. Capit. Es iſt ein Elend jaͤm-Syr. 40. merlich Ding/ vmb aller Menſchen Leben.

Durch das Woͤrtlein Elend/ verſtehet er die Muͤheſeligkeit dieſes Lebens/ denn das He- bræiſche Woͤrtlein heiſſet eigentlich labo- rem, moleſtiam, allerley Beſchwerung/ wie die Kinder Jſrael ſolche Muͤhe vnd Beſchwerun- gen in dem Dienſthauſe Ægypti ausſtehen muͤ- ſten: Alſo iſt vnſer Leben auch voller Muͤhe/ Be- ſchwerung vnd Drangſal/ vnd heiſſet recht/ wie im 90. Pſalm geſchrieben ſtehet: Wenn vnſerPſal. 90. Leben am koͤſtlichſten geweſen iſt/ ſo iſts Muͤhe vnd Arbeit geweſen. Denn es faͤhret ſchnell dahin/ als floͤgen wir davon. Da ſtehet auch das Woͤrtlein . Dieſen Jammer/ Muͤheſe- ligkeit vnd ſawre Arbeit fuͤhret David GOtt dem Herren zu Gemuͤthe/ vnd weil er weiß/ daß dieſes Vbel alles von der Suͤnde herruͤh- re/ ſo bittet er/ Gott wolle ſich ſolchen Jammer vnd Elend/ Muͤhe vnd Arbeit zur Barmher- tzigkeit bewegen laſſen/ vnd wolle jm aus Gna- den alle ſeine Suͤnde verzeihen.

Vnd das iſt alſo die erſte Bitte/ die David von Gott bittet.

Die Chriſtliche Leich Predigt/

Die ander Bitte iſt dieſe/ daß David Gott den Herren anruffet/ er ſolle jhn aus ſeinen Noͤhten heraus reiſſen vnd fuͤhren. Fuͤhre mich aus meinen Noͤhten/ ſpricht er: Die Motive vnd Vrſach/ die Gott den Herren zur Erhoͤ- rung bewegen ſoll/ iſt genommen von der Her- tzens Angſt/ daruͤber David ſehnlich klaget/ vnd ſpricht: Die Angſt meines Hertzens iſt groß/ Dieſe Hertzens Angſt wird vervrſacht zum theil von der Anfechtung des Teuffels/ theils von der Anklage des boͤſen Gewiſſens/ theils auch von den leiblichen Kranckheiten/ dadurch der Todt gleichſam ſeinen Stachel an vnſere Hertzen ſetzet.

Was dieſes fuͤr eine Angſt vnd Noth ſey/ das erfehret mancher frommer Chriſt/ der ſol- che Schlaͤge des Sathans fuͤhlet/ vnd von dem Melanckoliſchen Trawer Geiſt angefochten wird: In ſolcher Noth verleuret ſich alle Frew- de der Welt/ da kan niemand helffen/ als der ge- trewe Gott/ in der 2. Corinth. 12. Gleichsfalls iſts auch eine ſchwere Pein/ wenn bey einem Menſchen das boͤſe Gewiſſen auffwacht/ ein ſolcher fuͤhlet/ was Gottes Zorn fuͤr eine heiſſe Flamme ſey/ er weis fuͤr Angſt vnd Bangigkeit ſeines Herrn Georg Herrens. ſeines Hertzens nirgend zu bleiben/ das ſiehet man aus dem jnnerlichen Leiden vnſers Her- ren Jeſu Chriſti/ welches er vmb vnſer Suͤn- de willen ausgeſtanden hat: Er hat fuͤr Her- tzens Angſt vnd fuͤr groſſem Betruͤbniß ſeiner Seelen vber vnnd wider die Natur blutigen Schweiß geſchwitzet.

Man ſihet es an dem Verraͤther Juda/ da ſein Gewiſſen vnruhig ward/ wuſte er nicht zu bleiben/ er eylete zum Strick vnd erhing ſich ſelbſt.

So verhelt ſichs auch mit den leiblichen Kranckheiten/ mit hitzigen boͤſen Fiebern/ vnd mit andern ſchmertzhafftigen Zufaͤllen/ da lie- get vnſer Hertz auch gleich wie in einer Preſſe/ wird gequelet vnd geaͤngſtiget/ daß vns der kal- te Angſt Schweiß heuffig vber das Angeſicht vnd vber den gantzen Leib laͤufft.

Da betet mancher ſchmertzhafftiger Pati- ent dieſe Wort: Die Angſt meines Hertzens iſt groß/ er ſeufftzet vnd ſtoͤhnet nach GOTtes Huͤlffe/ daß er jhn doch aus ſolchen Noͤthen leiblichen vnd geiſtlichen fuͤhren ſoll. Darzu koͤmpt die letzte Angſt im Tode/ da vns alle Menſchliche Huͤlffe zerrinnt.

CSolche Chriſtliche Leich Predigt/

Solche Angſt vnd Noth leſt ſich Gott auch zu letzt erweichen/ daß er vns hilfft/ wie wir ſin- gen im Kirchen Liede: Es jammert ſeine Barm- hertzigkeit/ vnſer Klag vnd groſſes Leid/ Ja was hat den Barmhertzigen GOtt bewogen/ daß er vns ſeinen Sohn geſchencket hat/ als eben vnſer Elend vnd groſſe Noth/ darein wir durch die Suͤnde gerahten waren/ drum̃ nimpt er noch vnſere Noth zu Hertzen/ wie im 103. Pſa. geſchrieben ſtehet: Barmhertzig vnd gnaͤdig iſt der Herr/ geduͤltig vnd von groſſer Guͤ- te.

Er hat Mittleiden mit vns/ vnd wil vns zu rechter Zeit daraus erretten/ entweder durch ſeine wunderliche Huͤlffe/ daß er dem Sathan ſtewret/ vnſere verwundete Gewiſſen heilet/ oder vnſere Kranckheiten vnd Leibesbeſchwe- rung vertreibet: Oder aber er leſſet vns im Friede von hinnen ſcheiden/ vnd ſpannet vns aus durch ein ſeliges Simeons Stuͤndlein/ da- durch kommen wir zur gewuͤntſchten Ruhe/ vnd gelangen zu vnſerer vollkommenen Erloͤ- ſung.

USUS. Herrn Georg Herrens.

USUS.

AVs dieſem Pſalm Spruͤchlein haben wirzu lernen/ was der ſtreitenden Kir- chen hierinnen auff Erden Zuſtand ſey/ daß ſie nemlich nach Davids Ex- empel arbeite vnter der Laſt der Suͤnden/ wel- cher auch dieſe Wolthat zugeſaget iſt/ nemlich die gnaͤdige Vergebung aller Suͤnden/ wie der dritte Artickel lautet: Jch glaͤube eine Verge- bung der Suͤnden.

Auſſer dieſer Kirchen iſt keine Vergebung der Suͤnden zu hoffen/ vnd jrren die Papiſten ſehr/ daß ſie ſolche Vergebung der Suͤnden/ die allein den lebendigen Chriſten in der ſtreiten- den Kirchen zugeſaget iſt/ auch auff die Verſtor- benen extendiren vnd ziehen/ vnd vertroͤſten die Seelen in den erdichteten FegFewer dar- auff/ vnd geben fuͤr/ das MeßOpffer ſey ein vollkoͤmmliches Opffer fuͤr die Suͤnde der Le- bendigen vnd der Todten/ vnd erdichten aller- ley Toden Huͤlffe wider die Suͤnde/ welches lauter Betrug vnd Irrſall iſt.

Die Vergebung der Suͤnden iſt ein Schatz der ſtreitenden Kirchen/ deſſen alle bußfertige C ijSuͤnder Chriſtliche Leich Predigt/ Suͤnder durch den Glauben koͤnnen theilhaff- tig werden/ nach der Verheiſſung GOTtes/ Actor. 10.Actor. 10. Von dieſem Jeſu zeugen alle Pro- pheten/ daß durch ſeinen Nahmen/ alle die an jhn glaͤuben/ Vergebung der Suͤnden empfan- gen ſollen.

Weil denn nu David auch ein glaͤubiges Gliedmaß der Kirchen war/ hat er ſich nicht vn- billich dieſes Troſts gehalten/ vnd das ſollen wir alle thun/ wir beduͤrffen dieſes Troſts zum hoͤchſten/ wegen der Erb Suͤnde vnd wegen der andern wircklichen Suͤnden. Laſt vns hinzu- tretten zu dieſem Heyl Brunnen/ vnd mit dem Eymer des Glaubens Troſt heraus ſchoͤpffen/ fuͤr vnſere Gnaden duͤrſtige Seelen.

2. Sollen wir es mit hoͤchſtem Danck er- kennen/ daß vns ſolcher Heyl Brunnen allen offen ſtehet/ in den Wunden Jeſu Chriſti/ durch welche wir geheilet ſind/ vnd daß wir ſolcher Gnade koͤnnen theilhafftig werden/ hat vns GOtt auch die Mittel darzu verordnet/ das Wort vnd die Sacramenta/ dahin ſollen wir vnſere Zuflucht nehmen/ in Anfechtung der Suͤnde/ In vnſerm Jammer vnd Elend/ vnd in allen vnſern Noͤthen/ ſo werden wir auch Barm- Herrn Georg Herrens. Barm hertzigkeit erlangen/ zun Hebr. am 5. Ca- pitel.

3. Dieweil GOtt ſein Gnaden Oele in nichts anders gieſſen wil/ als in ein zerknirſch- tes Gefaͤß/ lernen wir auch hieraus/ daß es nicht boͤſe gemeynet ſey/ wenn vns GOtt in ſol- che Noth vnd Jammer leſt gerahten/ vnd leſt vns in Anfechtung fallen/ denn das geſchicht zu dem Ende/ auff daß GOtt ſeine Gnade vns de- ſto reichlicher erzeige vnd widerfahren laſſe/ da- rumb ſollen wir geduͤltig ſeyn/ in allerley Creutz vnd Truͤbſal/ die geiſtlichen Wehren vnd Waf- fen zur Hand nehmen/ nemlich den Glauben/ das Wort GOttes vnd das Gebet/ vnd ſollen vngezweiffelt hoffen auff die Huͤlffe des Her- ren/ ſo wird er vns ſeine Gnade widerfahren laſſen/ vnſern Jammer vnd Elend anſehen/ vn- ſere Suͤnde vergeben/ vnd vns aus allen Leibes vnd der Seelen Noͤthen fuͤhren/ vnd vns end- lich aus dem AngſtMeer dieſer Welt an den Port der ewigen Seligkeit bringen.

Solches verleihe vns mit Gnaden der einige GOTT/ Vater/ Sohn vnd heiliger Geiſt/ hochgelobet in Ewigkeit/ AMEN.

C iijBericht. Chriſtliche Leich Predigt.

Bericht.

SOlche Erloͤſung iſt nũ auch durch einen ſeligen Abſchied aus dieſer Welt mit Gnaden widerfahren/ Vnſerm ſelig Verſtorbenen Mitt Bruder/ dem Ehrnveſten vnd Wolgeachten Her- ren George Herren/ von deſſen Ankunfft/ Wandel vnd Ende zuberichten/ daß er zu Wurtzen von Chriſtlichen vnd Gottſeligen Eltern auff dieſe Welt geboren worden/ Im Jahr nach Chriſti Geburt Anno 1587. den 11. Novemb. Sein Vater iſt geweſen der Ehrnveſte/ Wolweiſe vnd Wolgelahr- te Herr Adam Herr/ ſein Groß Vater aber Herr George Herr/ Beyde Buͤrgermeiſter/ vnd wolverdiente Leute daſelbſten. Seine Mutter iſt geweſen die Erbare vnd Tu- gendſame Fraw Chriſtina/ Weyland Her- ren Andres Keißlitzens bemeldtes Orts StadtRichters/ eheliche Tochter.

Dieſe Herrn Georg Herrens.

Dieſe ſeine Eltern haben Jhn/ den ſe- lig Verſtorbenen von Jugend auff zur Gottes Furcht erzogen/ vnd alſobalde im 4. Jahre ſeines Alters in die Schule zu Wurtzen gethan/ allda er biß in das drey- zehende Jahr ſeines Alters frequentiret, vnd die Fundamenta pietatis geleget/ ſo wol die lateiniſche Sprache ziemlicher maſ- ſen begriffen.

Dieweil er aber zur Handlung Luſt vnd Liebe getragen/ hat Jhn ſein lieber Vater Seliger/ dieſelbe zu lernen/ nach Freybergk zu Herren Hanß Roͤſen/ Buͤr- gern vnd Handels Mannen daſelbſt verſchi- cket/ welchem er auch gantzer 5. Jahr trew- lich vnd fleiſſig gedienet/ vnd von dannen ſich anhero nach Leipzig zu Herren Han- ſen Clemmen/ Buͤrgern vnd Handels- Mannen allhier in Dienſten begeben/ Bey welchem er ſich gleichsfalls etzliche Jahr dermaſſen erwieſen/ daß er Jhn ſeiner tre- we vnd Chriſtliche Leich Predigt/ we vnd Fleiſſes wegenſehr geliebet/ vnd dieſe Stunde noch dieſes Zeugniß giebet/ er habe an Ihm einen redlichen/ trewen/ auffrichtigen vnd fleiſſigen Diener gehabt/ Nach ausgeſtandenem ſolchen Dienſte/ hat er ſich anfaͤnglichen mit Herren Han- ſen Baͤren/ Ferner mit Herren Hanß Zip- peln/ beyden Buͤrgern vnd Handels Leu- ten allhier/ in Geſellſchafft eingelaſſen/ vnd nach dem er ſich von beyden mit guten Wil- len vnnd freundlichen vernehmen geſon- dert/ ſeine eigene Handlung angeſtellet/ welcher er auch als ſeinen ordentlichen Be- ruff/ trewlich vnd fleiſſig abgewartet/ ſich keine Muͤhe vnd Arbeit tawren laſſen/ vnd darinnen/ wie auch ſonſten in ſeinem Le- ben/ ſich gegen maͤnniglich auffrichtig er- wieſen/ vnd jederman mit Billigkeit vnd friedfertigem Leben alſo vnter die Augen gangen/ daß er ſich getroͤſtet/ es wuͤrde Jh- me niemand ein anders/ als was Erbar vnd Herrn Georg Herrens. vnd ehrlich vnd einem auffrichtigẽ Chriſt- lichen Bieder Mann zu ſtehet vnd gebuͤh- ret/ wiſſen nach zu ſagen.

Seinen Eheſtand belangende/ hat er ſich Anno 1625. den 23. Auguſti, aus Goͤtt- licher Direction vnd Verſehung mit ſei- ner jetzo hinderlaſſenen betruͤbten Wit- wen/ der Erbarn vnd Tugendſamen da- mals Jungfraw Margarethen/ des Chrn- veſten vnd Wolweiſen Herren Jacob Grie- bens/ Buͤrgers vnd des Raths allhier ehe- leiblichen Tochter verhewrahtet/ welche ſich/ weil ermeldter jhr Vater Sehl. ver- ſtorben/ vnd ſie als eine Weiſe hinderlaſ- ſen/ dazumal bey dem Ehrnveſten vnd Hochweiſen Herren Friederich Meyern/ auff Plauſigk/ des Churf. Saͤchſ. Schoͤp- pen Stuels Aſſeſſorn vnd aͤltiſten/ wolver- dienten Buͤrgermeiſtern allhier auffge- halten/ vnd von Ihme vnd ſeiner geliebten tugendſamen HaußFrawen/ als jhren DAnver- Chriſtliche Leich Predigt/ Anverwandten/ gleichſam an Kindes ſtat/ mit Vnterrichtung/ auch erweiſung Vaͤ- terlicher vnd Muͤtterlicher Trewe aufferzo- gen worden.

Mit dieſer ſeiner geliebten Hauß Fra- wen/ hat er fuͤnff Jahr vnd etwas druͤber/ ſeinen Eheſtand in hertzlicher Liebe/ Frie- de vnd Eintrechtigkeit gefuͤhret/ vnd da- rinnen mit jhr durch den Segen des Aller- hoͤchſten/ zwey Toͤchtererzeiget/ Mit dem dritten Kinde aber ſie hochſchwangers Lei- bes gelaſſen. Der getrewe GOtt wolle die hinterlaſſene betruͤbte Witwe neben jhrer Leibes Frucht/ wie auch den beyden klei- nen vnerzogenen Kindern/ bey dieſem fruͤ- hezeitigen Abgang jhres ſeligen lieben Ehewirths vnd Vaters ſtercken/ troͤſten/ Jhr Geſundheit vnd Chriſtliche Gedult/ ſo wol auch zu rechter Zeit eine gnaͤdige Entbindung verleyhen vnd beſcheren.

Was ſonſten in gemein ſein Leben vnd Wandel Herrn Georg Herrens. Wandel betrifft/ ſo hat er ſich jederzeit be- fliſſen der Gottes Furcht/ vnd ſolche mit fleiſſigem Kirchen gehen vnnd Angehoͤr Goͤttliches Worts/ deßgleichen auch mit andaͤchtiger Beichte/ vnnd oͤfftern Ge- brauch des heiligen Abendmahls/ auch gutthetiger Hand gegen arme duͤrfftige Leute nach Vermoͤgen erwieſen.

Seine Kranckheit betreffende/ ſo hat er den 18. Auguſti juͤngſthin/ als er von ſei- ner Reiſe wieder nach Hauſe gelanget/ etz- liche Tage/ ehe er ſich nider geleget/ ziem- liche Mattigkeit befunden/ darbey ſich alle- wege eine jnnerliche Hitze ſpuͤren laſſen/ welche jhn auch Bettruͤſtig gemacht/ vnd ſich in ein Fieber verwandelt/ vnd ob zwar die Herren Medici bey jhme muͤglichen Fleiß angewendet/ vnd an heilſamen Ar- tzeney Mitteln nichts ermangeln laſſen/ ſo hat doch die Kranckheit taͤglichen vber- hand/ vnnd die Kraͤffte bey Jhme abge- D ijnommen/ Chriſtliche Leich Predigt/ nommen/ Derowegen als ergeſpuͤret/ daß er des Lagers ſchwerlich darvon kommen wuͤrde/ hat er ſich bey zeiten zu einem ſeli- gen Abſchiede geſchicket/ Vorgangenen Sonnabend ſeinen BeichtVater holen/ ſich mit der heiligen Abſolution troͤſten/ vnd mit dem Hochwuͤrdigen Abendmahl des Leibes vnd Blutes Chriſti ſpeiſen vnd verſehen laſſen/ vnd darauff ſeinen Willen in GOttes gnaͤdigen Willen geſtellet/ hat auch nachmals nicht alleine fleiſſig gebe- tet/ ſondern auch die fuͤrgeſprochenen Ge- betlein gantz andaͤchtig nachgeſprochen/ vnd als er ſeine Seele mit hertzlicher An- dacht ſeinem Erloͤſer JEſu Chriſto zu ſei- ner ewigen Gnaden befohlen/ hat er jhme am vorſchienen Dienſtage nach 11. Vhr zu Mittage eine ſehlige Auffloͤſung beſcheret/ do er mit einem ſtillen/ ſanfften Ende in wahrer Anruffung ſeines Heylandes ſe- liglichen Herrn Georg Herrens. liglichen entſchlaffen/ ſeines Alters im 43. Jahre.

Er iſt nun erloͤſet aus allen ſeinen Noͤ- then/ vnd lebet nu der Seelen nach in der ewigen Herrligkeit/ mit Chriſto ſeinem Heyland/ der wird auch dem Leibe am Juͤngſten Tage eine froͤliche Aufferſte- hung zum ewigen Leben beſcheren.

Dieſer vnſer Gott vnd Heyland erzei- ge vns auch ſeine Gnade/ vergebe vns alle Suͤnde/ vnd erloͤſe vns vollkoͤmlich von allem Vbel/ vmb ſeines allerheilig- ſten Verdienſts willen/ AMEN.