Dominus abstulit. Das ist: Wer doch die lieben Kinder durch den Zeitlichen todt von den Eltern abfodere/ Nemlichen/ GOtt der HERRE/ vnd auß waß vrsachen. Bey dem Begräbnüß Des Edlen/ Ehrenvesten vnnd Wolbenambten Herren Caspar Latowsken/ von Kowallen auff Ottendorff Milichius Daniel Geyken Alexander Haaf Susanne Jurish Bryan Boenig Matthias Thomas Christian Wiegand Frank CLARIN-D Langfristige Bereitstellung der DTA-Ausgabe Vollständige digitalisierte Ausgabe. 38 9801 3084 65083 dta@bbaw.de Deutsches Textarchiv Berlin-Brandenburg Academy of Sciences and Humanities (BBAW) Berlin-Brandenburgische Akademie der Wissenschaften (BBAW)
Jägerstr. 22/23, 10117 Berlin Germany
Berlin 2019-12-10T09:35:51Z

Dieses Werk steht unter der „Creative Commons Namensnennung-Weitergabe unter gleichen Bedingungen 3.0 Deutschland Lizenz“ (CC BY-SA).

 http://www.deutschestextarchiv.de/510287 http://www.deutschestextarchiv.de/book/download_xml/510287 http://www.deutschestextarchiv.de/book/download_html/510287 http://www.deutschestextarchiv.de/book/download_text/510287 510287 200151 urn:nbn:de:kobv:b4-200151-5 Milichius, Daniel: Dominus abstulit. Oels, 1617. Dominus abstulit. Das ist: Wer doch die lieben Kinder durch den Zeitlichen todt von den Eltern abfodere/ Nemlichen/ GOtt der HERRE/ vnd auß waß vrsachen. Bey dem Begräbnüß Des Edlen/ Ehrenvesten vnnd Wolbenambten Herren Caspar Latowsken/ von Kowallen auff Ottendorff Milichius Daniel 40 Joh. Bössemesser Oels 1617 Universitätsbibliothek Breslau Universitätsbibliothek Breslau, 4 O 618/1 / 510287

Fraktur

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Gebrauchsliteratur Leichenpredigt Gebrauchsliteratur Leichenpredigt ready aedit Dominus Abstulit. Das iſt: Wer doch die lieben Kinder durch den Zeitlichen todt von den Eltern abfodere/ Nemlichen/ GOtt der HERRE/ vnd auß waß vrſachen. Bey dem Begraͤbnuͤß Des Edlen/ Ehrenveſten vnnd Wolbenambten Herren Caſpar Latowsken/ von Kowallen auff Ottendorff/ ꝛc. Elteſten Soͤhnleins/ mit Nahmen Caſpar/ welches bey den Adelichen Eltern ſtarb/ den 16. Tag Martij, vnd den 19. Aprilis dieſes 1617 Jahꝛes/ zu Warttemberg in der Evangeliſchen Kirchen begraben wardt. Einfaͤltiglichen erklaͤret vnd außgeleget/ Durch Danielem Millichium Wartemb: Sil: Pfarꝛherꝛn der Gemeine Gottes zu Medzibor. 1617. Gedruckt in der Fuͤrſtl: Stadt Olſſe/ Durch Joh: Boͤſſemeſſern.

Dem Edlen/ Ehrenveſten vnd Wolbenamb- ten Herrn/ Caſpar Lotowſken/ von Kowallen auff Ottendoꝛff/ Meinem Großguͤnſtigen Herꝛn vnd guttem freunde. GOttes Gnade vnd Segen/ durch JEſum Chꝛiſtum den ſtarcken Schlangentretter/ NebenGen. 3. Wuͤntſchung Zeitlicher vnd Ewiger Leibes vnd der Seelen wolfarth bevor:

EDler/ Ehꝛnveſter vñ Wolbenambter/ Inſonders freundlicher vnd Großguͤnſtiger Herr: Es ſaget der Ewige Sohn GOttes/Joh. 14. Welcher iſt der Weg/ die Warheit vnd das Leben/ Marci am 10 Capittel alſo: Laſſet die KindleinMarc. 10 zu mir kommen/ vnd wehret jhnen nicht/ denn ſolcher iſtMatt. 19 das Reich Gottes. In welchen worten der groſſe PꝛophetLuc. 18. anzeyget vnnd lehret/ wie Er den lieben Kindern wol be-Deut. 18 wogen vnd geneyget ſey/ alſo: das er ſolche bey ſich wiſſen/ vnd gaͤntzlich habẽ wolle/ das ſolche jhme ſollen zu gebꝛachtAct: 7. vnnd zugefuͤhret werden: Welches dann geſchicht auff Nachfolgende weiſe.

I. Per ardentiſſimam Orationem, Mit einem An- daͤchtigen vnd Glaͤubigem Gebette/ inn deme frome vnd Gottſelige Eltern jhre Kinder/ als rechte Paradißpflaͤntz- lein/ vor/ in/ vnd nach der Geburt/ GOtt dem Allmaͤch- tigen commendiren, vnd befehlen ſollen/ das Er ſolche zu Gnaden auff vnd annehmen/ ja jhr getrewer lieber Vater ſein vñ bleiben wolle/ wie gethan hat/ Pater credentiũ, Der Vater der Glaͤubigen Abraham, welcher Jſmaël,Gen. 17. A ijſo ſo jhm Agar geboren hatte/ Gott dem Allmaͤchtigen alſo commendirte vnd befahl/ ſagende: Ach das Jſmaël lebẽ ſolte fuͤr dir.

Zum Andern/ So kommen fromer Eltern Kinder zu Joh. 3.Chriſto vnd werden jhm zugefuͤhꝛet/ per regenerationẽ, durch die Heylge Tauffe/ darinnen ſie von Suͤnden abge- Tit. 3.waſchen vnd gereiniget werden. Daher die alten Kirchen- lehꝛer die Eltern voꝛmahnen/ das ſie bald jhꝛe Kinder nach der Geburt ſollen Tauffen laſſen: Deñ alſo ſaget Grego- Greg.rius in Orat: 3. Jn ſanctum lavacrum: Quod ſi tibi in- fans eſt, non ſurripiat malitia tempus, ex pueritiâ ſanctificetur, & ex ungvibꝰ ſpiritui cõſecretur: Das iſt. So dir der liebe Gott ein Kind gegeben oder beſcheret hat/ ſo vorſeume die zeit nicht auß Boßheit/ ſondern verſchaffe/ das es alsbald in der Kindheit/ durch die H. Tauffe gehei- liget/ vñ von Mutterleibe Gott dem H. Geiſte zugeeignet Aug.wuͤrde: Vnnd Auguſtinus der vortreffliche Lehrer der Kirchen Gottes/ ſaget in Sermone de Tempore 70 alſo: Rogo vos Fratres, ut quicunq̀; Filium aut vernaculum ſuum baptizari deſiderat, jam nunc Eccleſiæ eum offerre non differat, quia non eſt juſtum, ut res, quæ tàm magna, tàm præclara creditur, negligentiùs aut tardiùs, quàm expedit, requiratur; Das iſt: Ich bitte Euch hertzlieben Bruͤder/ das ein jeglicher/ ſo da begehꝛet/ das ſein Kindt moͤchte getaufft werden/ nicht lange ver- zihe/ daſſelbe in die Kirche oď Gemeine Gottes zubꝛingen/ denn es iſt nicht recht noch billich/ das ein ſolch groſſes vnd ſo ein herꝛliches ding nachlaͤſſiger vnd ſeumiger deñ es ſich geziemet/ begehꝛet/ gefoͤꝛdert vnd vorꝛichtet werde.

Zum dritten/ So kommen fromer Eltern Kinder zu Chriſto/ per educationem, durch fleiſſige vnnd trewe Vnterweiſung vnd Aufferziehung/ wann ſolche von den Eltern Eltern inn dem wahren Erkaͤndtnuͤß vnnd Bekaͤndtnuͤß JEſu Chriſti/ (darinnen das Ewige leben beruhet) auff- erzogen werden/ wie ſie darzu vermahnet S. Paulus zun Epheſ. 6. Ihr Vaͤter/ reitzet Ewre Kinder nicht zu Zoꝛn/Eph. 6. ſondern ziehet ſie auff in der Zucht vnd vermahnung zum HErꝛen. Deut. 6. ſaget GOtt der HErꝛe/ Dieſe Wort/Deu. 6 die Ich dir heute gebiete/ ſoltu zu Hertzen nehmen/ vnd ſolt ſie deinen Kindern ſchaͤrffen vnd davon reden/ wenn du in deinem Hauſe ſitzeſt: Pſal. 78. ſaget David: Er richtet einPſ. 78. Zeugnuͤß auff inn Jacob/ vnd gab ein Geſetz in Jſraël/ das Er vnſern Vaͤteru geboth zu lehꝛen jhre Kinder. Wie dann gethan hat Abraham/ Welchem Gott dieſes ruͤhm- lichen Gen. 18. nachſaget: Wie kan Ich Abraham vor-Gẽ. 18. bergen was ich thue/ deñ ich weiß/ er wird befehlen ſeinen Kindern vnd ſeinem Hauſe nach jhm/ das ſie des HErꝛen Wege halten/ vnd thun was recht vnd gutt iſt.

Zum Vierdten vnd letzten/ So kommen fromer Eltern Kinder zu Chriſto/ Per fœlicem ex hac vitâ emigratio- nem, durch einen ſanfften vñ ſeligen Todt/ welcher jhnen gleichſam die Thuͤre zu der Ewigen Seligkeit auffthut/ wie denn der Todt janua vitæ genennet wirdt.

Bernhardꝰ ſaget de tranſitu Malachiæ alſo: Precioſa mors Sanctorum, precioſa planè, tanquam finis labo- rum, tanquam victoriæ conſervatio, tanquam vitæ janua, & perfectæ Securitatis ingreſſio, Das iſt: Der Todt/ der Heyligen iſt Thewer/ Thewer freylich iſt er/ als ein ende der Arbeit/ als eine erhaltung des Sieges/ als eine Thuͤre zum Leben/ vnnd als ein Eingang zu volkom- mener Sicherheit. Auff ſolche weiſe vnd gelegenheit/ iſt auch/ Edler/ Ehrenveſter vnnd Wolbenahmbter Herꝛ/ Ewer geliebtes/ numehr aber in Gottruhendes Soͤhnlein/ mit Namen Caſpar/ zu JEſu der liebẽ Kinder getreweſten A iijEMMA- Emmanuel vnnd Freunde kommen/ dieweil ſolches von Euch vnd deroſelben vielgeliebten Haußehren vnd Hauß- frawen iſt Chriſto zugefuͤhꝛet worden.

Erſtlichen/ durch ein Andaͤchtiges Gebet vnd Vater vnſer/ in deme jhꝛ beide/ ſolch Ewer Soͤhnlein dem HErꝛn Chriſto/ vor/ in vnd nach der Geburt commendiret vnd befohlen habet/ (ſonderlich aber inn Kranckheit) das er es mit jhm ſchaffen wolle/ was jhm nuͤtzlichen vñ Seliglichen ſein moͤchte/ ja wie es jhm am beſten gefuͤlle/ welche ſuſpi- ria vnd ſeufftzer nicht vorgebens geweſen ſein/ wie ſolches Aug.der Außgang bewieſen/ Denn es heiſt/ wie Auguſt: ſaget: Deus interdum non exaudit ad voluntatem, ut ex- audiat ad ſalutem. Das iſt: GOtt erhoͤret vns biß- weilen nicht nach vnſerm willen/ auff das Er vns erhoͤre nach vnſer Seligkeit.

Zum Andern/ Durch das Sacrament der H. Tauffe/ Tit. 3.in deme jhr ſolches bald nach der Leiblichen geburt/ zu der Geiſtlichen Widergeburth befoͤrdert habet/ damit es ein Kindt der Ewigen Seligkeit bleiben moͤchte/ dieweil es Joh. 3.heiſt/ wie Chriſtus ſaget: Es ſey denn/ das jemandt gebo- ren werde auß dem Waſſer vnd Geiſt/ ſo kan er nicht inn das Reich Gottes kommen.

Zum Dritten/ Jn deme jhr ſolches in der Gottesfurcht/ GOttſeligkeit vnnd andern Chriſtlichen Tugenden auff- erzogen/ Zuvorauß aber inn den Hauptſtuͤcken vnſeres Catechiſmi/ trewlichen vnd fleiſſig vnterwieſen habet.

Zum Vierdten/ Jn deme es GOtt der Allmaͤchtige nach ſeinem Gnaͤdigen/ vns aber vnerforſchlichem Rath/ Rom. 11.Wuſt vñ Willen/ durch einen ſanfften ſeligen Todt/ auß Pſal. 116.dieſem Thraͤnenthal zu ſich inn das Land der Lebendigen Sap. 3.vociret vnd beruffen hat/ da es lebet in frewd vnd wohne/ in fried vnnd frewd/ alſo/ das es nicht nehme die gantze Welt Welt/ das es widerumb in dieſes ſtinckende vnnd vergiffte Neſt der Welt kommen ſolte. Darumb/ ſoll der Herr/ ſambt ſeiner geliebten Haußfrawen/ jhme ſolche Ruhe von Hertzen goͤnnen/ ſeinen willen in Gottes willen ſetzen/ wider Gott nicht murꝛen/ ſondern ſagen: Der HErr hat mir mein Soͤhnlein gegeben/ der HErꝛ hat es auch wider- umb genommen/ wie es meinem lieben Gott gefallen hat/ ſo iſt es geſchehen/ der Name meines HErrn vnd Gottes ſey gelobet. Damit nun ſolches vom HErꝛen vnd den ſei- nigen geſchehen moͤchte/ Als hab ich mir zu Linderung Eweres Haußcreutzes/ das Dominus abſtulit außm JobJob. 1. genommen/ vnd ſolches in deſſelben verſtorbenen Soͤhn- leins Leichpredigt kuͤrtzlichen inn 2. Stücken erklaͤret. Weil aber derſelbe vmb eine Abſchriefft bey mir angehal- ten/ auch damit ſie in den Druck vorfertiget werdẽ moͤchte/ gebeten/ Als thue Jch dieſelbe dem Herꝛen vberſenden/ mit Bitt/ ſolche mit allem Willen vnd Freundſchafft an- zunehmen/ Dieweil Jch darmit nichts anders ſuche/ als Gottes Lob vnd Ehre/ wie David Pſal. 115. ſaget: NichtPſ. 115. vns HErr/ nicht vns/ Sondern deinem Namen gib Ehre. Jtem/ Linderung Ewres Haußcreutzes vnd Betruͤbniß. Hiemit thue ich den Herꝛn ſambt ſeiner liebẽ Haußfrawen vnd Kinderlein in den Schutz des Allerhoͤchſten befehlen. Dat: Meſſebor auff dem Pfarꝛhofe im Jahꝛ Chꝛiſti 1617. den 3. Tag May/ an welchem Anno Dñi 664. ein großBeda. Finſterniß der Sonnen inn Engellandt geweſen iſt/ nach welchem eine groſſe Peſtilentz gefolget/ vnd Finſterniß in der Religion, als Lateiniſche Meſſe gehalten/ AnruffungBalæꝰ der todten/ geſchnitzte Goͤtzen vnd Altar/ vnd dergleichen Vngehewer des Bapſthumbs angenommen worden. Beda de ratione temporum. Balæus Centuriâ 14. cap. 21.

Des H. Gebets williger Daniel Millichius Pfarꝛherꝛ.
Der Starcke vnnd Vnvberwindliche Sieges- Oſeæ 13.Fuͤrſt vnd Hertzog des Lebens JEſus Chriſtus/ der dem Matt. 9.Todt alle Gewalt benommen/ vnd dem betruͤbten Jairo ſein ver- Marc. 5.ſtorbenes Toͤchterlein wiederumb gegeben hat/ Wolle auch am Luc. 8.Juͤngſten Tage/ die lieben Kinderlein/ ſo in der Erden liegen vnd Schlaffen/ aufferwecken: Vnd ſolche den Betruͤbten Eltern in Frewden widerumb geben/ vmb ſeiner froͤlichen vnnd Siegreichen Aufferſtehung willen. Amen.

GEliebten vnd Andaͤchtige im HERRN Chꝛiſto/ Es ſaget der Geiſtreiche Prophet Eſaias, in ſeinem Buche der Weiſſagung am 66 cap. alſo: Ewer gebeine ſollen gruͤnen wie das Gꝛaß. In dieſen kurtzẽ/ jedoch Troſtreichen woꝛten/ zeiget der Pꝛophet an/ was fuͤr ein Proceß/ JEſus Chriſtus am Juͤngſten Tage mit der verſtoꝛbenen gebeine vnd knochen halten werde/ Nemlichen/ das ſie nicht in der Erdẽ verbleiben/ ſondern Lebendig werdẽ/ vnd gleichſam wie das Gꝛaß gruͤnen ſollen. Dann gleich wie das Gꝛaß/ ob es gleich abgehawen vñ abgegraſet wird/ dennoch widerumb auff den Fruͤhling vñ Sommer auß der Erden ſteiget vñ gruͤnet: Alſo ſollen auch aller verſtorbenen gebeine (ob ſie gleich gantz vñ gar verdorꝛet vñ voꝛweſet ſein) in die reſtitutionis omniũ widerumb auß der Erdẽ kom̃en Ezec. 37.vnd Lebendig werden/ wie ſolches Gott Ezechiel. am 37. c. verheiſchet/ ſagende: Jch wil Ewre Graͤber auffthun/ vnd wil Euch mein Volck auß denſelben holen/ vnnd Euch ins Land Jſraël bꝛingen. Dieſes Germinabunt Oſſa veſtra, damit es nu neben dem Dñs Abstulit bekleiben moͤchte in den betrübten Leydtragenden hertzen der Adelichen Eltern/ ſo heute jhr verſtorbenes Soͤhnlein allhie zu Grabe geleytet haben/ Als wollen wir GOtt vmb Huͤlff vnd Beyſtandt des H. Geiſtes anruffen/ vnd ein Demuͤtiges Vater vnſer ſprechen/ ꝛc.

TEXTUS
Textus Seu Thema hujus concionis funebris. Job. I.Text. Der HErr hats gegeben/ Der HErr hatsJob. 1. genommen/ Der Nahme des HErrn ſey gelobet.

GEliebeten vnnd Andaͤchtige im HErrenExordiũ Chꝛiſto: Wir leſen Geneſ. 37. Von dem fromenGen. 37. vnd Gottſeligẽ Patriarchen vñ Ertzvater Jacobo, daß als derſelbe vermeinte/ wie dz ſein lieber Sohn Joſeph, welchen er fuͤr allen andern Kindern am liebſten hatte/ vnter Weges von einem wilden vnd vngehewrem Thier zuriſſen were/ wie jhn dann deſſen ſeine Soͤhne vberꝛedeten/ in deme ſie jhm Joſephs bundtes Roͤcklein/ welches ſie in eines Ziegẽ- bockes blut eingetauchet hatten/ zeygeten: Iſt er daruͤber ſo betruͤbet vnd Trawꝛig woꝛden/ das er ſeine Kleyder zuriſſen vnd einen Sack vmb die Lenden angeleget hat/ ſagende: Ich werde mit Leyde hinunter fahꝛen in die Gꝛuben zu mei- nem Sohn. Auß dieſer Hiſtoꝛien iſt zuſehen/ wie es frome Gottſelige Eltern betruͤbet/ naget vnnd plaget/ ja durch Lung vnd Leber gehet/ wann ſie durch den Zeitlichen todt jhꝛer Kinder beraubet werden/ vnd nicht vnbillich/ denn die lieben Kinder ſindt:

Erſtlichen der Eltern Troſt vnd frewde/ damit ſie ſich in jhꝛem võ Gott zugeſchicktem Haußcreutze vñ elende troͤſten: Wie dañ die frome vñ Gottſelige Anna von jhꝛem Sohne ſagte/ als er lange auſſen blieb: Tob. 10. Ach mein Sohn/Tob. 10. Ach mein Sohn/ warumb haben wir dich laſſen Wandern/ vnſer einige Frewde/ vnſer einiger Troſt in vnſerm Alter/ BVnſer Vnſer Hertz vnd vnſer Erbe/ Wir hetten Schatzes gnung gehabt/ wenn wir dich nicht hetten weg gelaſſen.

Zum Andern/ So ſeind ſie die Rechten Spielvoͤgelein/ mit welchen frome vnnd Gottſelige Eltern manche lange weile vnd melancholej vertreiben koͤnnen/ wie dann Ælia- Ælian. lib. 12.nus lib. 12. de variâ hiſtoriâ võ Koͤnige Ageſilao meldet/ das wann er Amptshalben hat abkommen koͤnnen/ hat er ſich auff ein Rohꝛ oder ſtecken geſetzt/ vnd mit ſeinem Sohn/ ſo noch ein Kindt/ alſo beyde herumb im Gemach geritten. Als nun ſolches ein Anſehlicher geſehen vnd gelacht/ hat der Koͤnig geſagt/ Lieber ſchweig ſtille/ biß du auch ein Kinder Vater wirſt.

Zum dritten/ ſo ſind ſie die rechten vñ beſten Kleinodien/ ſo Eltern/ vnd ein Geſchlecht beſſer denn die Oꝛientaliſchen Manliꝰ Tom. 2. fol. 56.Perlen zieren vnnd ſchmuͤcken. Daher Manlius in ſeinen Collectaneis gedencket des Hertzogen zu Wuͤrttemberg/ mit Nahmen Eberhardi, das wie derſelbe auff eine Zeit gen Florentz kom̃en/ jhme der Wirth/ bey deme er zur Herberge eingezogen/ den erſten Tag ſeine Ruͤſt: vnd Harniſchkam- mer/ den andern aber ſeine Guͤldene vnd Silberne Trinck- geſchirꝛe gezeyget habe/ mit Erbietung/ das er jhme auff den dritten Tag noch einen ſchönern/ Herꝛlichern vnnd vortrefflichern Schatz weiſen vnnd zuſchawen geben wolte. Als aber der Hertzog mit groſſem verlangen darauff ge- wartet/ vnd der dritte Tag herbey kommen/ Er denſelben inn ein Gemach gefuͤhꝛet/ darinnen auff einer ſeiten/ ſeine wolgezogne Soͤhne mit jhꝛem Præceptore Politiano, vnd auff der anďn ſeiten/ ſeine geliebte Haußfraw mit jhꝛen Tu- gendſamen Toͤchtern geſtanden/ vñ jhme dieſelbẽ gewieſen/ Solche hat auch der frome Fuͤrſt mit groſſer verwunderung angeſehẽ/ ſie fuͤr den hoͤchſten Schatz gehalten vñ geſpꝛochẽ/ Ach was koͤndte doch ſchoͤners vnd Lieblichers ſein/ als dieſe.

Zum

Zum Vierdten/ So ſind ſie der Eltern Hoffnung/ wieJoſephꝰ lib. 7. cap. 8. dañ Maria Eleazari Tochter/ auß dem Flecken Batthezor in der Belagerung der Stadt Jeruſalem zu jhꝛem Soͤhn- lein/ ehe ſie es erwuͤrgete/ alſo ſagte: Ich verhoffete/ du wuͤrdeſt mich in meinem alter ernehꝛen. Solche betruͤbte/ vnnd mit dem fromen Jacob Leydtragende Eltern/ haben wir auch heutiges Tages in dieſer Zuſammenkunfft zu ent- gegen/ welche den toͤdtlichen Abgang jhꝛes liebẽ Soͤhnleins hertzlichen betrawren vnd beweinen/ dieweil ſich in demſelbẽ allerley Gottſelige Adeliche tugenden haben ſehen vñ blicken laſſen. Weil es aber heiſt/ wie der Hochbegabte Apoſtel S. Paulus 1. Theſ. 4. ſaget: Das man nicht Trawꝛen ſol1. Theſ. 4 wie die Heyden vnnd Epicurer/ welche keine Hoffnung der Aufferſtehung haben/ derer Troſt dieſer geweſen iſt:

Cum te mortalem nôris, præſentibus expleLiteriꝰ Cicero de fato. Delitiis animum, post mortem nulla voluptas.

Als wollen wir jhnen zum Chꝛiſtlichen Lenitivo vnnd Kuͤhlbandt jhꝛes betruͤbten Hertzens/ vor vns dieſe zwey Woͤrtlein/ Dominus Abstulit nemen/ vnd auß denſelbẽJob. 1. Zwey ſtuͤcklein kuͤrtzlichen erklaͤren.

Erſtlich: Wer doch dieſer ſey/ der die Kinder von denPropoſit. Eltern/ durch den Zeitlichen todt nimmet/ Nemlichen Gott der HErꝛe.

Zum Andern: Warumb GOTT der HERR das Abstulit mit den Kindern ſpiele/ vñ warumb Er dieſelben hinweg nehme.

Vnſer Gott/ von welchem alle gutte vnd volkommeneJacob. 1. Gabe herkommet/ der da den Menſchen gibet Weißheit vñ Staͤrcke/ welcher endert Zeit vnd Stunde/ wolle durch denDan. 12. Himliſchen Thuͤrhuͤtter den H. Geiſt/ der betruͤbten ElternJoh: 10. Hertzen eroͤffnen/ damit ſie Safft vnnd Krafft empfinden moͤgen/ Amen.

B ijEXEG.
EXEGESIS I. PARTIS.

I. ParsGEliebten im HERRN Chriſto/ Es ſind vornemlich drey ſtarcke vnd gifftige Cartaunen/ welche der Menſchẽ feind der Teuffel (welcher ſein Mat. 13.Vnkraut zwiſchẽ den edlen Weitzen Goͤttliches worts auß- ſtrewet) wider betruͤbte Eltern/ ſo den toͤdtlichẽ abgang jhꝛer Haußſchaͤtzlein beweinen vñ beklagen/ zugebꝛauchen pfleget.

Die I. Cartaune iſt impatientia, Vngedult/ daß ſie jhꝛes von Gott zugeſchicktes Haußcreutz mit Job nicht ge- dultig tragẽ/ ſondern wiď Gott ſchnurꝛen vñ murꝛen ſollen/ 1 Reg. 17.wie dann thet jene frome Wittib zu Sarepta, welche/ nach deme jhꝛ Soͤhnlein geſtoꝛben/ vnd den Gang aller Welt gegangen war/ auß Schwachheit vnnd Bloͤdigkeit jhꝛes Fleiſches alſo ſagte zu dem Pꝛopheten Elia: Was hab ich mit dir zuſchaffen/ du Mañ Gottes? Du biſt zu mir herein kommen/ das meiner Miſſethat gedacht/ vnd mein Sohn Ovidius lib. 6.getoͤdtet wuͤrde. Jtem: Niobe Tantali des Koͤniges inn Phrygia Tochter/ Amphionis des Koͤniges zu Thebe Meta. Hõ. lib. ult. Ilia.Gemahl/ von welcher die Poëten tichten/ das ſie ſich vber jhꝛer Kinder tode zu einem Steinfelſen auß vngedult ge- graͤmet habe. Die

II. Cartaune/ damit der Teuffel betruͤbten Eltern zuſetzet/ Jſt blaſphemia, Gotteslaͤſterung/ das ſie Gott inn ſeine Rom. 11.Gerichte/ ſo vnerfoꝛſchlich ſein greiffen/ vnd jhm den dienſt Auffſagen/ oder das Stuͤlchen (wie man im gemeinen Sprichwoꝛte zu reden pfleget) fuͤr die Thuͤr ſetzen ſolle/ wie da thet jener Reiche Mann/ welcher da jhm ſein Sohn mit Tode verblichen war/ mit ſolchen vngedultigen vnnd Gotteslaͤſterlichen Worten außfuhr. Ich habe Gott ge- beten/ vnd bey jhm Sollicitiret, Er wolle meinen Sohn beym beym Lebẽ erhalten/ habe den aͤrtzten auch viel gebẽ muͤſſen/ hat aber alles nicht geholffen/ er iſt gleichwol geſtoꝛben/ darumb wil ich hinfoꝛt nicht Beten/ wil auch nicht zur Kirchen gehen. Die

III. Cartaune iſt diffidentia, Vnglauben/ das ſie nicht Glaͤuben ſollen/ Das GOtt der HERR ſey/ der die lieben Kinderlein/ durch den Zeitlichen todt võ vns neme/ ſondern das ſie ohngefehꝛ ſterben vnd von hinnen ſcheiden/ da doch GOtt alle vnſere Haare gezehlet hat/ wie davon Chꝛiſtus Gottes vnd Marien Sohn ſaget Matth: am 10. KaufftMatt. 10. man nicht zween Sperlinge vmb 1. Pfenning? Noch fellt derſelbigen keiner auff die Erden ohn eweren Vater. Nun aber ſindt auch ewere Haare auff dem Haubt alle gezehlet/ darumb fuͤrchtet euch nicht/ Ihꝛ ſeid beſſer denn viel Sper- linge. Luc. 21. Vnd ein Haar von ewꝛem Haubt ſol nichtLuc. 21. vmbkommen/ faſſet ewere Seelen mit gedult. Damit aber ſolche Teuffeliſche Cartaunen/ Gottſeligen Eltern nicht ſchaden moͤchten/ als haben wir in betrachtung deſſen/ vns vorgenommen/ anzuzeigen vñ zu lehꝛen/ wer doch dieſer ſey/ der die Kinder von den Eltern/ durch den Zeitlichen todt hin- weg nehme? Dieſes Lehꝛet vns Job inn dieſem vnſerm ab-Job. 1. geleſenem Text/ in dem Er ſaget: Der HErꝛ hats genom- men/ welches Woͤꝛtlein HERR/ von keinem Weltlichen Fuͤrſten vnd Potentaten/ ſondern von Gott dem Allmaͤch-1. Tim. 6. tigen ſol verſtanden werden/ welchen S. Paulus 1. Tim. 6. Regem Regum & Dominum Dominantium, Das iſt/ Einen Koͤnig aller Koͤnige/ vnd einen Herꝛen aller Herꝛen nennet/ Als wolte er ſagen: Was ſol ich thun/ anfangen vnd beginnen/ das ich vmb mein Haab vnd Gutt/ ja vmb meine liebe Kinder/ als vmb 7. Soͤhne/ vnd 3. Toͤchter kommen bin/ ſo Elendiglich durch Einfall des Hauſes ge- ſtoꝛben ſein/ dieweil ſie mein lieber Gott vñ HErꝛ widerumb B iijvon von mir genommen hat/ der mir ſie auff eine Zeitlang ge- geben vnd voꝛliehen hat. Vnd das deme gewiß alſo ſey/ das Gott die lieben Kinder von dannen durch den Zeitlichen todt nehme/ wird ſolches dargethan vnd bewieſen.

Erſtlichen: Manifeſtiſsimâ ſcripturæ adſeveratione, Mit den hellen vnnd klaren Spꝛuͤchen der H. Goͤttlichen Schꝛiefft/ welche darthun vnd beweiſen/ das wie Gott der Allmaͤchtige vnſere Kinder inn Mutterleibe formiret, wie Eſai. 43.Eſaiæ am 43. geſchꝛiebẽ ſtehet: Vnd nu ſpꝛicht der HErꝛ/ der dich geſchaffen hat Jacob, vñ ď dich gemacht hat Jſraël. Job. 10.Job am 10. Du haſt mir Haut vnd Fleiſch angezogen/ mit Beinen vnd anderm haſtu mich zuſammen gefuͤget. Pſ. 22. Auff dich bin ich gewoꝛffen auß Mutterleibe/ Du biſt mein Gott/ von meiner Mutterleibe an. Eben alſo nimmet Er ſie auch wider durch den Zeitlichen todt von dannen/ dieweil Er ſie vns auff ein kleines geliehen vnnd vertrawet hat. 1. Sam. 2.Anna Samuelis Mutter ſaget alſo: Der HERR toͤdtet Deu. 32.vnd machet Lebendig/ fuͤhꝛet in die Helle vnd wider herauß. Pſal. 90.Moyſes ſaget in ſeinem Gebet/ welches ſonſt der 90 Pſalm iſt/ alſo: Der du die Menſchen leſſeſt ſterben/ vnd ſpꝛichſt/ Luth.Kompt wieder Menſchen kinder. Lutherus ſeliger Ge- daͤchtniß ſaget auff dem Rande alſo: Es ſterben jmmer die Leute hin/ vnd kommen andere wider durch Gottes Woꝛt/ Dan. 2.darumb iſt vnſer Leben gegen jhm als nichts: Daniel der Geiſtreiche Pꝛophet ſaget in ſeinem Buche der Weiſſagung zum Koͤnig Nebucadnezar alſo: Gelobet ſey der Nahme GOTtes von Ewigkeit zu Ewigkeit/ denn ſein iſt beyde/ Weißheit vnnd Staͤrcke/ Er aͤndert Zeit vnnd Stunde. Luth.Lutherus gloſſiret vber dieſe Worte alſo: Er ſetzt Zeit/ wie lang ein jeglichs Reich ſtehen/ ja wie lang ein jeglicher Menſch leben/ vnd ein jeglich ding weren ſol. Der H. Apoſt: Act: 17.Paulus ſaget in den Geſchichten der Apoſtel am 17 Cap. in in ſeiner Pꝛedigt/ die Er zu Athen gehalten hat/ alſo: Jn Gott leben/ weben vñ ſind wir. Vnd zun Römern am 14.Rom. 14. ſaget er alſo: Denn vnſer keiner lebet jhm ſelber/ vnd keiner ſtuͤrbet jhm ſelber. Leben wir/ ſo leben wir dem HErꝛen/ ſterben wir/ ſo ſterben wir dem HErꝛen: Darumb wir leben oder ſterben/ ſo ſind wir des HErꝛen. Dann der threwePſal. 30. Gott/ welcher luſt zum Leben hat/ Hat den lieben Kindern jhꝛ ziel des Lebens geſetzet/ wie ſolches bezeuget Job/ welcher am 14. Cap. ſaget: Der Menſch vom Weibe gebohꝛen/Job. 14. hat ſeine beſtimpte Zeit/ die Zahl ſeiner Monden ſtehet bey dir/ du haſt jhm ein Ziel geſetzet/ das wird er nicht vbergehẽ. Vnd am 12. ſaget er alſo: In Gottes hand iſt die Seele/ alles daß da lebet/ vñ der Geiſt alles Fleiſches eines jeglichẽ. Mit welchem Zeugnuͤß auch vberein kommet/ der Koͤnig- liche Pꝛophet David Pſal. 31. Jn manibꝰ tuis ſunt ſortesJob. 12. mcæ. Meine Zeit ſtehet in deinen Haͤnden. Jtem: Pſ. 139.Pſal. 31. Deine Augen ſahen mich/ da ich noch vnbereitet war/ vnd waren alle tage auff dein Buch geſchrieben/ die noch werdẽPſal. 139. ſolten/ vnd derſelbẽ keiner da war: Das iſt/ wie Lutherus ſaget auff dem Rande/ (denn alles ſchmecket wol/ was mit Lutheri Putter gemacht wird/ ob es gleich manchem wuͤr- gicht eingehet) wie lange ich leben ſolt/ wuſteſtu/ ehe ich zu leben anfieng. Solches werden auch frome vnd Gottſelige Eltern/ bey dem Begräbnuͤß jhꝛer Kinder erjnnert/ da man vor der Thuͤr/ ehe ſie zum Ruhebettlein getragen werden/ alſo ſinget: HERR Gott dein gewalt/ geht vber JungCantio. vnd Alt/ darfuͤr laß vns nicht grawen/ Beweiſt ſich bald/ macht ſchwach vñ vngeſtalt/ worauff die Menſchẽ trawen/ Auff eine ſtundt/ verbliecht Geſicht vnd Mundt/ du kanſt bald alles ſtillen/ Vnd ob das Leben mit vorgeht/ ſo ge- ſchichts nach deinem willen.

Zum

Zum Andern/ das GOtt der HErꝛ fromer Gottſeliger Eltern Kinder durch den Zeitlichen todt hinweg neme/ wird ſolches dargethan vnd bewieſen/ ab exemplorum con- ſignatione, von den Exempeln vnnd Hiſtoꝛien.

2. Sã. 12.2. Samuelis 12. Wird gemeldet/ wie das der Koͤnig David mit Berſeba auſſer der Ehe/ ein Soͤhnlein gezeuget habe/ vmb deſſen willen Gott der Allmaͤchtige den Pꝛophe- ten Nathan zu jhm ſendete/ welcher jhn durch ein ſchoͤnes herꝛliches Gleichnuͤß ſtraffete: Als aber David ware Rew vnd Buſſe fuͤr ſeine Suͤnde that/ ſagende: Jch habe geſuͤn- diget wider den HErꝛen. So leſt jhm Gott anzeygen/ das Er jhn zu Gnaden auffnehmen wolle/ vnd daß das Soͤhn- lein/ ſo jhm Berſeba geboren/ ſterben werde. Die Woꝛte des Pꝛopheten lauten alſo: So hat auch der HERR deine Suͤnde weggenommen/ du wirſt nicht ſterben. Aber weil du die Feinde des HErꝛn haſt durch dieſe Geſchicht laͤſtern gemacht/ wird der Sohn/ der dir gebohꝛen iſt/ des Todes ſterben/ vnd folget bald darauff/ Vnd der HErꝛ ſchlug das Kind/ das Urias Weib/ dem David geboꝛen hatte/ das es Todtkranck wardt/ da ſtehet es außdꝛuͤcklich/ das Gott es 1. Reg. 14gethan/ vnd das Kindlein durch den Zeitlichen todt hinweg genommen habe. 1. Reg. 14. Wirdt gemeldet/ wie das Jerobeams Soͤhnlein mit Namen Abia Kranck woꝛdẽ ſey/ vmb deſſen willen auch Jerobeam ſein Weib/ gen Silo ſen- dete zu dem Pꝛopheten Ahia, mit Zehen Bꝛodt/ Kuchen vnd einem krug Honig/ das ſie jhn fragen ſolte/ wie es dem Knaben gehen wirdt. Derſelben giebet Ahia dieſe Antwoꝛt: So mache du dich auff/ vnd gehe heim/ vnd weñ dein Fuß zur Stadt eintritt/ wird das Kindt ſterben/ vnd es wird jhn das gantze Jſraël klagen/ vnd werden jhn begraben: Denn dieſer allein von Jerobeam wird zu Grabe kom̃en/ darumb/ das etwas guttes an jhm erfunden iſt fuͤr dem HErꝛen dem GOtt GOtt Jſraël im Hauſe Jerobeam. Hierauß iſt nun auß- druͤcklich zuſehen/ das GOtt die lieben Kinder durch den Zeitlichen todt hinweg nehme/ denn ja gar außdruͤcklichen hierinnen des Gottes Jſraëls gedacht wirdt. In dieſem an- gezogenen Buch am 17 C. wird gedacht/ wie Gott der fro-1. Reg. 17 men Wittib Soͤhnlein zu Zarpath/ auß welcher geſchlecht nach der meinung Epiphanii) das Cananeiſche Weiblein geweſen ſein ſoll/ auch durch den Zeitlichen todt hinweg ge- nommen habe/ welches auß den Woꝛten des Pꝛopheten Eliœ zuſehen iſt/ welcher alſo ſaget: HERR mein Gott/ Haſtu auch der Widwen/ bey der Jch ein Gaſt bin/ ſo vbel gethan/ das du jhꝛen Sohn toͤdteſt.

Zum dritten vnd letzten/ das Gott die lieben Kinder durch den Zeitlichen todt nehme/ von dannen/ wird ſolches dar- gethan vnd bewieſen/ à piorum hominum conſolatione, Mit dem Troſt der Gottſeligen/ ſo ſich nicht allein ſelbſt darmit/ ſondern auch andere getroͤſtet haben/ das Gott der HErꝛ/ die Kinder von dieſer Welt abfordere. Von JobJob. 1. wird gemeldet/ das als er die trawꝛige Bottſchafft bekam/ das ſeine Kinder erbaͤrmiglichen vmbkommen waren/ durch Einfall des Hauſes/ ſo iſt er auffgeſtanden/ auff die Erden gefallen/ vnd geſaget: Ich bin nacket von meiner Mutter- leibe kommen/ Nacket werde ich wieder dahin fahren/ der HErꝛ hats gegeben/ der HERR hats genommen/ der Nahme des HErꝛn ſey gelobet/ Als wolte er ſagen: Vmb- ſonſt vñ vergebens iſt es/ das ich wider meinen Gott ſchnur- ren vnd pochen/ oď mit vngedult mich wider jhn aufflehnen ſolte: Das mir ein ſolch groß Hertzenleidt zu Handen ge- ſtoſſen iſt/ dann der getrewe Gott/ der mir meine Kinder im Eheſtandt gegeben/ derſelbe hat ſie auch mir widerumb von dannen genommen. Hieronymus, ſo ein Chꝛiſtlicher LehꝛerHier. vnd Biſchoff geweſen iſt/ hat auff eine Zeit/ ein ſehꝛ betruͤbte BCMutter Mutter wegẽ jhꝛes verſtoꝛbenen Soͤhnleins alſo angeredet: Raptus eſt filius, durum quidem, ſed tolerabile. Rapuit enim is, qui dederat. Ewer lieber Sohn iſt Euch genommen/ Es iſt wol ein ſchweres/ aber doch ein leidliches/ denn der hat jhn genommen/ der jhn Euch zuvor Colloq: Luth: fol. 484gegeben hat. Als D. Martini Lutheri ſeliger gedaͤcht- niß Toͤchterlein/ mit Nahmen Magdalena Kranck war/ troͤſtete ſich der frome ſelige Mann in jhꝛer Kranckheit mit nachfolgenden Woꝛten: Ich habe ſie ſehꝛ lieb/ aber lieber Gott/ da es dein Wille iſt/ das du ſie dahin nehmen wilt/ ſo wil ich ſie gerne bey dir wiſſen: Vnd da ſie alſo im Bette lag/ ſpꝛach er zu jhr: Magdalenichen mein Toͤchterlein/ du bliebeſt gerne hie bey dem Vater/ vnd zuͤgeſt auch gerne zu jenem Vater: ſpꝛach ſie: Ja Hertzer Vater/ wie Gott wil/ ꝛc. Dieſer Hocherlauchte Mann Gottes/ troͤſtete auch Herꝛen Benedictum Pauli, des Sohn ſich vom Hauſe zu todt gefallen hatte/ mit nachfolgender Troſtſchꝛifft (welche ich hier/ wie ſie in Appendice colloquiorum beſchꝛiebẽ iſt/ herzu ſetzen wil. Wiewol es in der H. Schriefft nirgendt verbotten iſt/ das man nicht Trawꝛen noch Leydtragẽ ſolte/ wann einem ein from Kindt oder Freundt ſtirbet/ denn wir haben Exempel fromer Patriarchen/ Ertzvaͤter vñ Koͤnige/ die jhꝛer Kinder todt hefftig vnd ſchmertzlich beweinet/ vnd ſich daruͤber bekuͤmmert haben/ doch ſol des Trawꝛens vnd Leydes auch ein maß ſein. Darumb thut jhꝛ recht/ lieber Herꝛ Doctoꝛ/ das jhꝛ vber dem tode eweꝛes Sohns trawꝛet/ wenn es nur nicht auch zu viel wird gemacht/ vnd jhꝛ Euch auch troͤſten laſſet. Derhalben ſol das Ewer Troſt ſein: Erſtlich/ Das jhꝛ bedenckt/ das Euch Gott dieſen Sohn gegeben vnd wider genommen hat. Zum andern/ das jhꝛ folget dem Exempel des fromen heyligen Mannes Hiobs/ welcher/ da Er alles verlohꝛen hatte/ Kinder vñ alle Guͤtter vnd vnd Haabe/ ſpꝛach er endlich: Haben wir guts võ HErꝛn empfangen/ warumb wir nicht auch das boͤſe dulden? Der HErꝛ hats gegeben/ der HErꝛ hats wider genommen/ wie es dem HErꝛen gefallen hat/ ſo iſts geſchehen/ Der Nahme des HErꝛen ſey gelobet. Der hats recht bedacht/ das beyde guts vnd boͤſes vom HErꝛen kompt/ Alſo thut jhꝛ auch/ ſo werdet jhr finden vnd ſehen/ das jhꝛ viel mehr vnd groͤſſer Guͤtter vnd Gaben habt/ die Euch Gott gegeben vnd ge- laſſen hat/ denn böſes/ das jhr jtzt fuͤhlet. Nun aber ſehet jhꝛ nur auff das boͤſe/ Nemlich/ das Euch der Sohn ge- ſtoꝛben iſt/ vnd vorgeſſet in deß der groſſen herꝛlichẽ Guͤtter vnd Gaben Gottes/ Nemlich/ das Er euch das recht Er- kaͤndtnuͤß ſeines Woꝛtes gegeben hat/ das Euch Chꝛiſtus guͤnſtig vnd holdt iſt/ vnd das jhꝛ ein gut Gewiſſen habt/ welches auch allein fuͤr ſich ein ſolch Gutt iſt/ das billich alles boͤſes Vngluͤck/ das vns begegnen koͤndte/ vberwegen vnd zudecken ſolte. Aber ſolches glaͤubt niemandt/ denn der es erfahꝛen vnd gefuͤhlet hat/ wie ein arm ding es iſt vmb ein Gewiſſen/ das erſchꝛeckt iſt/ welches eygentlich vnd recht/ der Todt ſelber vnd die Helle iſt. Weil jhꝛ deñ nun ein gutt Gewiſſen habt/ was bekuͤmmert vnd plagt jhꝛ Euch denn ſo ſehꝛ mit dem Tode Ewres Sohns. Aber zuſetzen/ als ſey das Vngluͤck/ das Euch jetzt widerfahꝛen iſt/ ſehꝛ groß vnd ſchwer/ doch iſt es nicht new/ noch Euch allein widerfahꝛen/ weil jhr viel Geſellen habt/ denen ſolch Leydt vnd Vnfall geſchehen iſt/ Denn Abꝛaham hat viel groͤſſer Hertzleydt gehabt vnnd erfahꝛen an ſeinem Sohn/ da derſelbige noch lebete/ denn da er todt war. Denn der HErꝛ befahl jhm/Gen. 22. das er jhn mit ſeinen eygenen Haͤnden Schlachten vnnd Opffern ſolt/ der doch ſein einiger liebſter Sohn war/ inn welches Samen GOtt verheiſchen hatte/ alle Voͤlcker zu Segnen.

C ijWie

Wie meinet jhꝛ/ wird jhm da zu hertzen geweſt ſein/ da er mit einem bloſſen Schwerdt ſeinen Sohn köpffen wolte? Gen. 37.Meinet jhꝛ nicht/ das auch Jacob wird ein groß Hertzleidt gehabt haben/ da jhm angeſagt iſt woꝛden/ ſein lieber Sohn Joſeph were von wilden Thieren zuriſſen? Oder welcher Vater iſt jemals im Hertzen ſo betruͤbt vnd bekuͤmmert ge- 2. Sã. 15.weſen als David/ da er von ſeinem Sohn Abſolon (den er Hertzlich erzogen hatte) ſo Feindlich auß dem Koͤnigreich vertrieben vnd verfolget wardt? Ja da er in ſolchem Auff- 2. Sã. 18.ruhr ſo jaͤmmerlich erſtochen vnnd darzu verdammet war/ da hette jhm ohne zweiffel moͤgen das Hertze zu ſchmeltzen. Darumb wenn jhꝛ dieſe vnd dergleichen Exempel/ ſo hoher vnd groſſer Leute recht anſehet vnd bedencket/ ſo werdet jhꝛ voꝛſtehen/ das diß Ewer hertzleidt/ auch im wenigſten nicht zuvorgleichen iſt gegen jhnen/ ja Ewers iſt viel leichter vnd träglicher. Ihr moͤchtet aber ſagen: Ja mir iſt mein einiger Sohn geſtorben? Was bekuͤmmert vnd fichtet euch das ſo ſehꝛ an? Gleich als koͤndt Euch Gott nicht einen andern geben/ Sinthemal er Allmaͤchtig iſt. Vnnd da er ſchon keinen andern mehꝛ geben wolte/ ſondern wolte Euch noch dazu das Weib vnd Gutt allzumal nehmen/ doch ſollet jhꝛ Euch darumb nicht ſo Hoch bekuͤmmern vnd trawꝛen/ weil jhꝛ Chꝛiſtum noch habt/ der Euch hold vnnd guͤnſtig iſt/ Dazu Gott zum gnaͤdigen Vater/ vnd vber das alles viel Geiſtliche guͤtter/ welche auch nach vnſerm tode vnverꝛuckt vnd Ewig bleiben. Er hat aber gleichwol ein grewlichen/ ſchꝛecklichen todt genommen? Gleich als were nicht ein jeglicher todt grewlich/ es ſterbe einer wie er woͤlle/ weil der Todt der gantzen Menſchlichen Natur ſchꝛecklich vnnd zu- fuͤrchten iſt/ Sonderlich denen/ die keinen GOtt haben. Vns aber/ die wir Kinder Gottes ſindt/ wird das ſchꝛeck- liche Bilde des Todes leidlich/ denn wir haben einen Gott/ der der vns alſo troͤſtet: So wahr ich Lebe/ ſolt jhꝛ auch Leben. Jhr beſoꝛget vnd fuͤrchtet aber/ Gott habe Euch den Sohn auß Zoꝛn genommen? Solche gedancken ſind nicht von Gott. Das iſt aber der rechte grieff/ gewiß iſts Gottes gnaͤdiger gutter wille/ das Ewer Sohn alſo geſtoꝛben iſt: Ob wol Ewer vernunfft darwider ſtrebt vnnd pelfert/ vnd dencket Gott zoͤꝛne/ denn die vernunfft iſt alſo geſinnet/ das jhꝛ wolgefellet/ was ſie gutt duͤnckt/ Gottes werck aber miß- fallen jhꝛ fuͤr vnd fuͤr allezeit/ Darumb were es nicht allweg gutt/ das vnſer Wille geſchehen ſolte/ denn wir wuͤrden alſo in Sicherheit gerathen vñ fallen/ darumb wir vns genuͤgen laſſen/ vnd zu frieden ſein/ das wir einen gnaͤdigen Gott haben/ warumb er aber vns diß oder das widerfahꝛen laſſe/ damit ſollen wir vns nicht bekuͤmmern.

Darumb jhr Adelichen vnnd Hochbetruͤbten Eltern/ ſo jetzo mit Trawrigen vnd betruͤbten Hertzen Ewrem Soͤhn- lein das geleyte zu dem Ruhbettlein gegeben habet/ mercket das Woͤꝛtlein/ HERR/ vnd lindert damit Ewer Traw-Syr. 38. rigkeit. Dann Syꝛach ſaget: So kommet von Trawrig- keit der Todt/ vnd des Hertzens Trawrigkeit ſchwechet die Kraͤffte. Dañ wer hat Ewer Soͤhnlein von Euch genom- men? Der HErꝛ hats gethan/ der es Euch biß auff dato gegeben vnd vorliehen hat/ Hat ers nun von Euch genom- men/ ſo wird er es auch gar wol vnnd herꝛlich verſoꝛgen/ Tauſent mal beſſer als jhr ſelbeſt. Jch erjnnere mich jetzo einer Hiſtoꝛen. Vmb das Jahr Chꝛiſti 470. Hat inn Bꝛitanien oder Engellandt Regieret der Koͤnig Artus, welcher zu allerley Ritterſpielen/ die man nur erdencken koͤn- nen/ luſt gehabt/ vnd viel Vncoſten dꝛauff gewendet/ vnd iſt ein ſolcher tapfferer Held geweſen/ das er in einem StreitArtus. mit den Sachſen vñ Schotten 460 feinde mit ſeiner eigenen Hand erleget. Darumb haben faſt alle Koͤnige vnd Fuͤrſten C iijin inn gantz Occident jhꝛe Kinder an ſeinen Hoff geſchickt/ Zucht/ Ehꝛe/ Ritterſpiel vnnd Maͤnnliche thaten daſelbeſt zuſehen vnd zu lernen/ vnd wer die ſeinen/ an dieſes Koͤnigs Hoff hat bringen koͤnnen/ der hats fuͤr ein beſonder Gluͤck gehalten. Eben alſo liebe Eltern/ haltet es Euch auch vor ein groſſes/ das Gott der Allmaͤchtige/ welcher iſt ein Koͤnig aller Koͤnige/ vnd ein Herꝛ aller Herꝛen/ Ewere Kinder durch den Zeitlichen todt/ in ſeine Engelsburgk vnd Himliſchen Pallaſt nimmet/ da ſie in ſolchen frewden leben/ das ſie nicht nehmen die gantze Welt/ das ſie nur widerumb auff ein Augenblick inn dieſe Welt erſcheinen vnd kommen ſolten. So viel vom Erſten.

EXEGESIS II. PARTIS.

HOret nun auch an das andere Stuͤcke/ Warumb doch Gott der Allmaͤchtige/ die lieben Kinder durch den Zeitlichen todt von dieſer Welt hinweg nehme vnnd fordere. Dieſes thut Gott nicht auß Pſ. 30.Zorn/ ſondern auß liebe/ dieweil Er luſt hat zum Leben. Sap. 4.Darvon Sap. 4. Salomon ſaget: Das der Gerechte (zu welchen auch vnſere Kinder gehoͤren) Gott wolgefalle vnd ſey im lieb. Salomon Henning, gedencket in ſeiner Lieff: vñ Churlaͤndiſchen Chꝛonica/ des Groſsfuͤrſten Baſilidis in der Moſcaw/ das als etliche zur Zeit wider jhn/ ſeiner groſſen Tyranney halben conſpirirten, vñ ſolches an den Tag kam/ ſchicket er/ vnd ließ allen denſelben/ ſo wol den jhrigen das Leben nehmen/ vnd als jhr zween vnter den außgeſandten zweene Bruͤder ein Kindlein in der Wiegen antraffen/ welches ſie lieblich vñ holdſelig anlachte/ vnd es nicht vbers Hertze bringen kundten/ das ſie es toͤdteten/ gaben ſie daſſelbige ſeiner Schweſter auffzuziehen. Weil ſie aber beſorgten/ es moͤchte offenbar werden/ vñ jhr leben koſten/ koſten/ namen ſie jhnen fuͤr/ dem Tyꝛannen es anzuzeigen/ mit vormeldung/ was ſie darzu beweget hatte/ wie ſie dañ auch thaten. Er ſtellete ſich als lieſſe ers jhm gefallen/ ſagete ſie hetten recht gethan/ begehrete das Kindt zuſehen/ vnd da mans im brachte/ nam ers auff ſeine arm hertzete es auch/ gab jhm aber bald vnvorſehens mit einem meſſer drey ſtiche ins Hertze/ vnd warff es zum Fenſter hinab in den Graben/ das es von Baͤhren vnd Hunden vor ſeinem Angeſichte zerriſſen vnnd gefreſſen wardt/ Ließ auch die zweene baldt zu ſtuͤcken hawen. Dieſer Wuͤſtling vnnd Tyrann/ fodert auch das arme Wuͤrmlein vnd Kindlein/ aber nicht ex amore, ſed furore, nicht auß liebe/ ſondernEzec. 33. auß Vorbitterkeit. Wann aber Gott der Allmaͤchtige/ welcher nicht Luſt hat am Tode des Suͤnders/ von den Eltern durch den zeitlichen todt die Kinder hinweg nimbt/ ſo thut er es auß jnbruͤnſtiger Liebe.

Es nimmet auch Gott die Kinder zu ſich/ nicht ex in- dignatione, ſed commiſeratione, auß Feindtſchafft/ ſondern auß Erbarmung. Denn Er an denſelben gar ein Hertzliches wolgefallen hat vnd traͤget.

I. Dieweil Er ſolche zu ſich mit holdtſeligen WortenMarc. 10 invitiret vnd locket/ ſagende: Laſſet die Kindlein zu mirMat. 19. kommen vnd wehret jhnen nicht/ deñ ſolcher iſt das ReichLuc. 18. Gottes.

II. Dieweil Er jhm auß jhꝛem Munde ein Lob zurichtet/Pſal. 8. davon der Koͤnigliche Prophet David Pſal. 8. alſo ſaget:Mat. 2. Auß dem Munde der Jungen Kinder vnnd Seuglingen/ haſtu eine Macht zugericht/ vmb deiner Feinde willen/Mat. 11. das du Vortilgeſt den Feindt vnd den Rachgirigen.

III. Dieweil Er jhnen die H. Engel zu Waͤchtern vndMat. 18. Schutzherꝛen verordnet hat/ wie darvon Chriſtus ſaget: Jhꝛe Engel ſehen allzeit/ das Angeſicht meines Vaters im Himmel.

IV. Die- Marc. 9.

IV. Dieweil ſie vns Chriſtus zum Exempel vorſtellet/ vnd ſaget: Warlich ich ſage Euch: Es ſey denn/ das jhr Euch vmbkehꝛet/ vnd werdet wie die Kinder/ ſo werdet jhr nicht in das Himmelreich kommen: Wer ſich nun ſelbeſt nidꝛiget/ wie diß Kind/ der iſt der groͤſſeſte im Him̃elreich.

V. Dieweil JEſus Chriſtus ſelbeſt ein kleines Kindlein worden iſt/ wie davon der Meiſter der Epiſtel zun Ebreern Ebr. 2.am 2. alſo ſaget: Nach deme nun die Kinder Fleiſch vnd Blut haben/ iſt Ers gleichermaſſen Theilhafftig worden. Sondern es nim̃et Gott der Allmaͤchtige die lieben Kinder durch den Zeitlichen todt von dannen.

Erſtlichen/ ad liberandum. Es iſt des Menſchen leben allerley Elend/ Creutz vnd Vngluͤck vnterworffen/ das es nicht außzuſprechen iſt. Daher die Alten geſaget: Daß/ wann es moͤglich were/ das ein Newgebohrnes Kindlein nach ſeiner geburt auff dem hoͤchſten Berge ſtehen koͤndte/ darauff es ſtehende die gantze Welt durch ſehe/ doch koͤndte es nicht das groſſe Vngluͤck durchſchawen/ welchem es die gantze zeit des Lebens vnterwoꝛffen ſein muͤſte. Von dieſem Job. 7.vnglück redet die Schrifft alſo: Job. 7. Muß der Menſch nicht jmmer im ſtreitt ſein auff Erden/ Vnd ſeine Tage Job. 14.ſindt wie eines Tageloͤhners. Job. 14. Der Menſch vom Weibe gebohren/ lebet eine kurtze zeit/ vnd iſt voll vnruhe. Syr. 40.Syrach 40. Es iſt ein Elend jaͤmmerlich ding vmb aller Menſchen leben/ von Mutterleibe an/ biß ſie in die Erden begraben werden/ die vnſer aller Mutter iſt. Da iſt jmmer Sorge/ Furcht/ Hoffnung/ vnd zu letzt der Todt/ ſo wol bey dem/ der in Hohen Ehren ſitzt/ als bey dem geringſten auff Erden. So wol bey dem/ der Seiden vnd Kron traͤgt/ als bey dem/ der einen groben Kittel an hat/ da iſt jmmer Zorn/ Eifer/ Widerwertigkeit/ Vnfriede vnd Todes fahꝛ/ Neidt vñ Zanck. Vnd in vnſerm Chriſtlichem begraͤbniß Lied Lied ſingen wir alſo: ACh wie Elend iſt vnſer zeit/Cant. Allhie auff dieſer Erden/ Gar bald der Menſch darnider ligt/ Wir muͤſſen alle ſterben/ Alhie in dieſem Jammerthal/ Jſt muͤh vnd arbeit vberall/ Auch wann dirs wolgelinget.

Vnd ſolchem Elende/ ſind auch vnſere liebe Kinder vnter- worffen/ wie ſie daruͤber mit jhrem A E, ſo bald ſie in dieſe Welt kommen/ conqueriren vnd klagen/ denn ſie haben Vngluck zu gewarten.

Erſtlichen/ â Satana inſidias hominibus ſtruente. Von dem abgeſagten feinde dem Teuffel/ welcher ſich be- muͤhet/ wie er jhnen ſchaden moͤchte/ dann es bleibet war/ was 1. Petr. 5. ſaget: Der Teuffel gehet vmb Euch her/1. Pet. 5. wie ein Bruͤllender Lew/ wie auch ſolches auß Hiſtorien zuſehen iſt. Exod. 1. wird gemeldet/ das als die Juden inExod. 1. Egypten zunamen/ vnd ſich mehreten/ bewegete Juncker Satanas Pharaonem darzu/ das er die juͤdiſchen Knaͤblein in das Waſſer werffen ließ. 2. Reg. 11. Erꝛeget der Teuffel/2 Reg. 11. nach dem tode Ahaſiæ, welcher von Jehu bey Gur, grew- lich verwundet war/ Athaliam ſeine Mutter/ das ſie allen Koͤniglichen Samen vmbbringen ließ. Als Cyrus geboh-Herodo: ren war/ erꝛegete der Teuffel Aſtiagem ſeinen Gꝛoßvater/ das er ſolchen nach ď geburt ſeinem Hofemeiſter Harpago vbergeben hat zu toͤdten. Weil aber wieder Gott kein rathProv. 22. iſt/ vnd Gott auß Cyro einem gewaltigen Koͤnig machen wolte/ erꝛettet GOTT Cyrum das Kindt wunderbarlich durch einen Hirten/ dem es Harpagus zu toͤdten vberant-Ph. Mel. in Chrõ. Ca: wortet hatte. Anno 1281. Hat ſichs begeben zu Hammel inn Sachſen an dem Waſſer der Weſer/ das der Teuffel (wie Jobus Fincelius de miraculis meldet) am Tage DMariæ Iob. Fin. lib. 1.Mariæ Magdalenæ, in Menſchlicher geſtalt ſichtiglich auff den Gaſſen vmbgangen iſt/ hat gepfiffen vnd viel Kinder/ Knaͤblein vñ Maͤgdlein an ſich gelocket/ vnd dieſelben zum Stadt Thor hinauß gefuͤhret an einen Berg/ da er dahin kommen/ hat er ſich mit den Kindern/ ſo ſehꝛ viel geweſen/ verlohren/ das niemandt gewuſt/ wo die Kinder hinkom- men ſein/ Solches hat ein Maͤgdlein/ das von fern nach- gefolget/ jhren Eltern angezeiget: Jſt derowegen bald auff Waſſer vnnd Lande/ vnd an allen Orten/ fleiſſige Nach- forſchung vnd nachſtellung geſchehen/ ob die Kinder viel- leicht geſtohlen/ vnnd hinweg gefuͤhret worden wehren: Solches hat die Eltern hoͤchlich betruͤbet/ vnd iſt ein er- ſchrecklich Exempel Goͤttliches zorns/ wider die Suͤnde.

Zum andern/ ſo haben die Kinder vngluͤck zu gewarten/ ab hæretico falſa & erronea docente, Von falſchen Lehrern vnd Ketzern/ welche jhr Datum nur alleine dar- auff ſetzen/ ja zu Tag vnnd Nacht/ darauff ſpeculiren, wie ſie die vnſchuldige Jugend/ mit jhrer Gifft vñ falſcher Lehre einnehmen/ ja von dem Weg vnd Zweg der Selig- keit abfuͤhren moͤchten. Dann wie ein Vogelſteller liſtig- lich den Vogeln nachſtellet/ nach dem Catoniſchẽ verßlein.

Cato.Fistula dulce canit, volucrem dum decipit auceps.

Alſo ſtellen auch die Ketzer vñ Rottengeiſter auff mancher- ley weiſe vñ wege/ den lieben Kindern nach/ vnd bedencken nicht/ was Chriſtus ſaget: Wer dieſer geringſten einen Mat. 18.aͤrgert/ die an mich Glaͤuben/ dem were es beſſer/ das ein Muͤhlſtein an ſeinen Halß gehencket/ vnd erſeufft wuͤrde im Meer/ da es am tieffſten iſt.

Zum dritten/ ſo haben ſie auch Vngluͤcke zu gewarten/ â mundo immundo ad prava alliciente, Von dieſer Gottloſen Welt/ Sonderlichen/ wenn ſie jhrer Eltern/ durch den Zeitlichen todt/ beraubet werden.

Dann

Dann dieſelbe vorſucht auch an jhnen/ jhr Heyl/ wie ſie ſolche/ Zeſen/ Betruͤben/ Beleidigen vnd vmb das jhrige bringen moͤchte. Damit ſie aber nun ſolchem Vngluͤcke entgiengen/ als nim̃et ſie Gott in der jugendt von dannen. Dann/ Diu vivere eſt diu torqueri: ſaget Auguſtinus:Aug: de Temp. Ser. 113. Wann geliebten im HErren/ ein Anſehliger Mann ſein Kindt/ in einem ſolchen Orte hat/ da durch Gottes vor- haͤngnuͤß die Peſtilentz vnd andere Seuchen anfangen zu graſſiren/ ſo nimmet er ſolches ſchleunig vnverſehens vnd eilends von dannen/ da mit es nicht inficiret, vnd von der boͤſen Lufft angeſtecket wuͤrde: Eben alſo iſt dieſe Welt ein vergiffter Ort/ vnd wie Lutherus ſaget: Von etlich viel Teuffeln beſeſſen/ in welcher allerley Seuche/ das iſt/ Sünde/ Schande vñ Laſter entſtehen. Darumb ſo nimbt ſie nun GOtt bey Zeiten von dannen/ da mit ſie dadurch nicht angeſtecket/ ja an Leib vnd Seele inficiret wuͤrden: Darvon Salomon Sap. 4. alſo redet: Der Gerechte wirdSap: 4. weg genommen auß dem Leben/ vnter den Suͤndern/ vnd wird hingeruckt/ das die Boßheit ſeinen Verſtandt nicht vorkehre/ noch falſche Lehꝛe ſeine Seele betruͤbe. Dann die boͤſen Exempel verfuͤhꝛen vnd verterben einem das gut/ vnd die reitz ende Luſt/ verkehret vnſchuldige hertzen.

Zum andern/ ſo nim̃et Gott der Allmaͤchtige/ die lieben Kinder/ durch den Zeitlichen todt von dannen/ ad mo- nendum: Es werden viel Gottloſe/ rohe Welt vnd Venus Kinder gefunden/ welche: 1. Jn allen Suͤnden/ Schandẽ vnd Laſtern leben/ vñ das Sardanapaliſche Sew liedlein ſingen: Ede, bibe, lude, post mortem nulla voluptas.

II. Welche auß allen Vorheiſchungen vnd draͤwungen Gottes das geſpoͤtte treiben/ vñ ſagen: Wo iſt die Zuſage2. Pet. 3. ſeiner Zukunfft deñ nach deme die Vaͤter entſchlaffen ſind/ bleibet es alles/ wie es von anfang ď Creaturen geweſen iſt.

D ijIII. Welche

III. Welche des Gottesdienſtes gantz vnnd gar nichts achten/ eher in das Wein vñ Bierhauß/ als in das Geiſt- liche Emmahus kommen/ welchen ein diſtillirter Brandt- wein/ oder ein glaß Bier lieber iſt/ als eine gutte Evange- liſche Predigt/ welche lieber hoͤren ſingen: Er ſetzt ſein Glaͤßlein an den Mundt/ als Credo in unum Deum.

IV. Welche nimmermehr an das Todes ſtuͤndlein ge- dencken/ als hetten ſie einen Bundt mit dem Tode gemacht/ Luc. 12.oder als ſolten ſie jmmer vnnd Ewiglich hie reſidiren. Wie da thaͤt jener Jeroſolymitaniſch Landtjuncker Luc. 12. Vmb ſolcher roher Leute willen/ nim̃et nu Gott die lieben Kinder/ durch den Zeitlichen todt von dannen/ damit ſie gleichſam jhre Bußprediger wuͤrden/ vnd jhnen mit ſtill- ſchweigendem Munde auß dem Sarche Predigten: Das Ebr: 13.der Menſch keine bleibende ſtelle hie auff Erden habe/ das Jac. 4.vnſer Leben ein Dampff oder Nebel ſey/ das es allen Men- Ebr: 9.ſchen geſetzt ſey/ einmal zu ſterben/ vnd das es Vnleugbar ſey/ was der Geiſt des HErꝛn bey dem Pꝛopheten Eſa. 40, Eſa: 40.ſaget: Alles Fleiſch iſt Hew/ vnd alle ſeine guͤtte iſt/ wie Pet. 1.eine Blum auff dem Felde/ ꝛc. Item/ Was das weiſe Weib von Thekoa ſaget: Wir ſterben alle des Todes/ 2. Sã. 14.gleich wie das Waſſer in die Erde ſchleifft/ das man nicht auffhalten kan. Vnnd Thomas Morus der Oberſte Cantzler in Engelland/ welcher neben Johannes Fiſcher, Sleidan. lib. 9.Biſchoffen zu Roff, Año 1535. im Hewmonat/ auff befeh- lich Koͤniges Heinrici iſt enthaͤuptet worden/ ſaget alſo:

T. Morꝰ.Scilicet ex illa, quâ primùm naſcimur horâ, Prorepunt juncto vitaꝙ́ morsꝙ́ pede.

Jtem/ Es nimmet Gott darumb die lieben Kinder von dannen/ das ſie jhnen von der Buſſe Predigen ſollen/ vnd ſie gleichſam erjnnern/ wie ſie jhꝛe Buſſe nicht auffſchieben/ ſondern bey Zeiten ſich bekehren/ vnd zu Gott dem HErꝛen wenden wenden ſollen: Darumb/ wann ſie mit ſichtigen Augen ſehen vñ darbey ſtehen/ wie man ein Junges kindt zu grabe träget/ ſollen ſie bey ſich tacitè gedencken vnd ſagen: Ge- ſchicht das in dem gruͤnen Zweiglein/ das Gott mit demſel-Luc. 23. ben eilends vnd geſchwinde auß dieſer Welt geeilet hat/ was wird wol mit dir duͤrꝛem Hellenruͤgel geſchehen/ der offt vñ dicke/ Gott mit ſchelten/ Fluchen/ Gottslaͤſterung vnd an- dern Suͤnden erzuͤrnet hat. Darumb wil ich Buſſe thun/ darmit mich Gott bereit finde/ wie mich darzu vermahnetSyr: 5. & 18. Syrach am 5. vnd 18. Vnd Auguſtinus ſaget: Noli dif- ferre, ô homo, remedia ſalutis tuæ, neſcis enim quãdode temp. Ser. 92. anima tua â te repetatur. Scheub es nicht auff/ Lieber Menſch/ die Heylſame Artzney/ deiner Seelen/ denn du weiſt nicht/ wann deine Seele moͤchte von dir genommen werden. Sie ſollen ſagen: Ex Auguſtino: Cur nonAug: in ſolilo. hodiè, cur non hac horâ, cur non hoc momento, finis turpitudinis meæ? Warumb nicht heute/ warumb nicht dieſe ſtunde/ warumb nicht dieſen Augenblick/ wird ein ende meines abſchewlichẽ lebens? Jtem/ mit jenem Alten vater: Hodiè reſipiſcam, cras autem fiat voluntas Domini. Heute wil ich Buſſe thun/ Morgen aber geſchehe der wille GOttes.

Zum dritten/ ſo nimmet Gott die Kinder durch den Zeit- lichen todt von dannen: Ad Resuscitandum, Dann wieMatt. 9. der HErꝛe Chꝛiſtus Jairi verſtoꝛbenes Töchterlein/ ſo jhm ein liebes Tſchiblein war/ vñ der Widwen Sohn zu Naim aufferwecket hat/ Eben alſo nimmet auch GOtt die lieben Kinder võ dieſer Welt/ zu dieſem ende/ das er ſie widerumb am Juͤngſten tage aufferwecken wil/ ob gleich jhr Coͤꝛper zu Staub/ Erd vnd Aſche worden iſt. Darvon die Schrifft alſo redet: Job. 19. Jch weiß das mein Erloͤſer lebet/ vndJob. 19. Er wird mich hernach am Juͤngſten tage/ auß der Erden D iijauff- Eſai: 26.aufferwecken/ ꝛc. Eſaiæ 26. Deine Todten werden Leben/ Eſai: 66.vnd mit dem Leichnam aufferſtehen. Eſaiæ 66. Ewer ge- Ezec. 37.beine ſollen gruͤnen/ wie Gꝛaß. Ezech. 37. ſaget GOtt. JCh wil Ewer Gꝛaͤber auffthun/ vnnd Euch mein Volck auß denſelben holen. Johan. 5. ſaget Chꝛiſtus: Siehe es kommet die ſtunde/ in welcher alle/ die in Gꝛaͤbern ſind/ wer- den hoͤꝛen die ſtimme des Menſchen Sohns/ vnnd werden herfuͤrgehen/ die da guttes gethan haben/ zur Aufferſtehung des Lebens/ die aber boͤſes gethan haben/ zur Aufferſtehung Quæſt.des Gerichts. Hie fellet eine Frage fuͤr/ welche wir nicht wollen vnbeantwoꝛtet voruͤber gehen vnnd ſchlippen laſſen: Nemlichen/ in was vor groͤſſe Gott die lieben Kinder auff- Solutio.erwecken werde? Die H. Vaͤter ſind inn dieſer meinung/ das ſie Aufferſtehen werden/ inn dieſer voͤlligen lenge/ inn welcher Adam vnd Eva anfaͤnglich iſt erſchaffen geweſen. Vors 2. in dieſer groͤſſe/ in welcher der HErꝛe Chꝛiſtus am 33 Jahꝛ ſeines alters geſtorben vnnd aufferſtanden iſt.

Thom. Aqvin.Thomas Aquinas, ſchꝛeibet vber das 4 Cap. vber die Epheſer alſo: Corpus Christi fuit perductũ, ad ple- nam ætatem virilem, ſcilicet 33. annorum, in quâ mor- tuus fuit: Hujusmodi ergò ætatis plenitudini con- formabitur ætas ſanctorum reſurgentium, in quibus nulla erit imperfectio, nec defectꝰ ſenectutis. Das iſt: Chꝛiſti Leib hat erlanget das volkommene Maͤnnliche alter/ Nemlichen das 33 Jahꝛ/ in welchem alter Chꝛiſtus am ſtam̃e des H. Creutzes vorſchieden iſt. Solchem volkommenem alter nu/ wird auch aͤhnlich werden/ das alter der Heyligen/ ſo da aufferſtehen werden/ in welchen keine Vnvolkommen- heit noch defect vnnd mangel ſein wirdt des alters. Vnd Auguſt.S. Auguſtinus ſaget/ vber die Woꝛte des Heyl. Apoſtels Epheſ. 4.Pauli/ Epheſ. 4. Biß wir alle hinan kommen vnd ein vol- kommener Mann werden/ der da ſey inn der maſſe/ des vol- volkommenen alters Chꝛiſti/ lib. de civitate Dei. 22. c. 1. alſo: Reſtat ut quisq̀; ſuam recipiat menſuram, quam vel habuit in juventute, etiamſi ſenex eſt mortuus vel fuerat habiturus, ſi anteà eſt defunctus. Weil es aber kein Artickel des Glaubens iſt/ ſo iſt es genung an dem/ das wir wiſſen/ Es moͤgen die Kinderlein aufferſtehen groß oder klein/ ſo wird doch jhnen nichts mangeln am vorſtandt/ vnd Weißheit/ wird auch alle Schwachheit von jhnen genom- men werden/ wie davon 1. Corinth. 15. geſchꝛieben ſtehet:1. Cor.: 5. Es wird geſeet verweßlich/ vnd wird aufferſtehẽ vnvorweß- lich/ Es wird geſeet in Vnehꝛe/ vnnd wird aufferſtehen inn Herꝛligkeit. Es wird geſeet inn Schwachheit/ vnnd wird aufferſtehẽ in Krafft. Es wird geſehet ein Natuͤrlicher Leib/ vnd wird aufferſtehen ein Geiſtlicher Leib. Vnd weil auch in der Offenbahꝛung Johannis am 20. gedacht wirdt/ dasApoc. 20 Johannes geſehen habe/ groſſe vnd kleine ſtehen fuͤr ſeinem Angeſichte: So laſſen wirs auch darbey bleiben vñ wendẽ/ Legen vns auch in dieſem fall/ mit niemanden in eine diſpu- tation ein/ ſondern ſchiebẽ es auff biß an den Juͤngſten tag/ da wollen wir es (wils Gott) in frewden erfahꝛen.

Endlichen vnd zum Letzten/ ſo nimmet Gott darumb die lieben Kinder von dannen/ ad reſtituendum. Damit Er ſie vns widerumb gebe/ denn Gott handelt mit vns/ wie ein getrewer Freundt/ welcher dieſes/ was Er von andern ent- lehnet vnd geborget hat/ mit danck widerumb gibet/ welches auch darthun vnd beweiſen.

I. Die Exempel der H. Schꝛifft. Dann wie Gott der Allmaͤchtige der fromen Wittib zu Zarpath/ jhren Sohn/1. Reg. 17 durch Eliam, der fromen Wittib jhꝛen Knaben zu Sunem,2 Reg. 4. durch Eliſam, Jairo dem Oberſten der Schulen zu Caper-Matt. 9. naum ſein Toͤchterlein/ vnd der betruͤbten Wittib zu Naim,Luc. 7. jhꝛen eintzigen Sohn/ durch Chꝛiſtum widerumb gegebẽ hat/ alſo alſo wird auch Gott den Eltern jhꝛe Kinder/ am Juͤngſten tage widerumb geben.

II. Bezeugets auch der Heyligen Troſt. Der Koͤnigliche Pꝛophet David troͤſtete ſich darmit/ vber dem Toͤdlichen abgange ſeines Soͤhnleins/ mit nachfolgenden Worten: 2. Sã. 12.Vmb das Kind faſtete ich/ vnd weinete/ da es lebet/ deñ ich gedachte/ wer weiß/ ob mir der HErꝛ gnaͤdig wird/ daß das Kind lebendig bleibe. Nun es aber Todt iſt/ was ſoll ich fa- ſten? Kan ich jhn auch widerumb holen? Ich werde wol zu jhm fahren/ er koͤmmet aber nicht wider zu mir. 2. Macc. 7. 2 Mac. 7Troͤſtete ſich auch darmit/ jene frome Mutter/ derer 7. Soͤhne Antiochus auff einen tag hinrichten ließ/ deñ alſo ſaget ſie zum Juͤngſten. Du mein liebes Kindt/ das ich Neun Monden vnter meinem Hertzen getragen/ vnnd bey drey Jahꝛen geſeuget/ vnd mit groſſer Muͤhe auffer zogen habe/ Erbarme dich doch vber mich? Siehe an Himmel vñ Erden/ vnd alles was drinnen iſt/ diß hat Gott alles auß nichts gemacht/ vnd wir Menſchen ſindt auch ſo gemacht/ darumb fuͤrchte dich nicht vor dem Hencker/ ſondern ſtirb gerne/ wie deine Bruͤder/ damit dich ď gnaͤdige Gott ſampt deinen Bruͤdern wider lebendig mache/ vnd mir wider gebe.

Es wird aber vnſer HErꝛe Gott/ den Eltern jhꝛe Kinder auff eine andere weiſe widerumb geben/ als Er ſie zuvor von jhnen genommen hat. Hie nimmet ſie Gott in einem ſterb- lichen Leibe/ aber dort wird Er ſie widerumb geben/ in einem vnſterblichen. Hie nimmet ſie Gott gebꝛaͤchlich/ duͤrfftig vnd Elendt/ doꝛt aber/ wird Er ſie geben Selig vnd Reich. Hie nimmet ſie Gott klein vnd vnerzogen/ doꝛt aber/ wird Er ſie widerumb geben/ Groß vnd wolgezogen. Hie nim̃et ſie Gott mit Betruͤbniß vnd Hertzenleidt/ doꝛt aber/ wird Er ſie geben in Frewd vnd Herꝛligkeit. Als Xerxes der Herod.Koͤnig in Perſien in Krieg wider die Gꝛiechẽ zog/ vnd einem Vater Vater 5 Soͤhne mit nam/ vnd jhn der Vater Demuͤtiglich bath/ er ſolte jhm nur einen widergeben vnd daheime laſſen/ gab jhm der Koͤnig zur antwoꝛt/ er ſolte einen auß den fuͤnf- fen erwehlen/ vnd abſondern/ vnd als der gutte Mañ thet/ vnd den einen Sohn darſtellete/ Hieß Xerxes denſelben in ſtuͤcke zerhawen/ vñ vbergab jhn alſo dem betruͤbten Vater/ Befahl auch darauff die ſtuͤcke fuͤrm Thoꝛ auffzuhencken/ das war dem Vater eine geringe frewde. Aber doꝛt wird ein andere reſtitution vnd widerſtattung ſein/ vnd alſo/ das an vnſern Kindern das wenigſte nicht mangeln wird. Darvon Prudentius alſo ſaget:

Qui reparat corpus, non reddet debile quicquam,Prud. Nam ſi debilitas redit, inſtauratio nulla est.

So viel auch auff dißmal vom Andern.

WAs nun Geliebten im HERRN Chriſto/ dieſes Gegenwertiges/ Adeliches vnd mit Todt ver- blichenes Soͤhnlein belanget/ ſo iſt ſolches von Chꝛiſtlichen Gottſeligen Eltern/ darneben auch auß einem Vhꝛalten Adelichen Geſchlecht geboꝛen worden. Dañ deſſelben viel- geliebter Herꝛ Vatter/ der mit Thꝛaͤnen hie zuentgegen iſt:

Jſt/ DEr Edle/ Ehrenveſte/ auch Wolbe- nambte Herꝛ Caſpar võ Latowſky/ auß dem Hauſe Kowol- len im Olßniſchen Fuͤrſtenthumb gelegen/ auff Ottendoꝛff.

Seines Herrn Vatern Fraw Mutter/ iſt ge- weſen/ eine geboꝛne Dihꝛin/ auß dem Hauſe Alten waſſer/ im Glogiſchen Fuͤrſtenthumb gelegen.

Seines Herꝛen Vatern Vatern Fr: Mutter/ iſt geweſen eine geboꝛne Schiren/ auß dem Hauſe Czeleſchen im Herꝛenſtaͤdtiſchen Weichbilde gelegen.

ESeines

Seines Herꝛen Vatern Fr: Mutter Mutter/ iſt geweſen/ eine gebohꝛne Niebelſchuͤtzen/ auß dem Hauſe Ritſchuͤtz im Glogiſchen Fuͤrſtenthumb gelegen.

Seine geliebte Fr: Mutter/ ſo mit betruͤbtem Hertzen jhm das Geleyte zu dem Ruhbettlein gegeben/ iſt:

Die Edle vnd Viel Ehrentugendreiche Fraw Barbara/ geboꝛne Abſchatzin/ auß dem Hauſe Oberſchuͤt- law/ im Guriſchen Weichbilde gelegen.

Seiner Fraw Mutter Vatern Fraw Mutter/ iſt geweſen/ eine gebohꝛne Deborſchuͤtzen/ auß dem Hauſe Plawen/ im Marggraffthumb Croſſen gelegen.

Seiner Fraw Mutter Mutter/ iſt geweſen/ eine geborne Langenawin/ auß dem Hauſe Wanderꝛitſch/ im Raudniſchen Weichbilde gelegen.

Seiner Fraw Mutter/ Mutter Mutter/ iſt geweſen eine Abſchatzin/ auß dem Hauſe Boͤſſe/ im Glo- giſchen Fuͤrſtenthumb gelegen.

Von dieſen Adelichen Eltern vnd Geſchlecht/ iſt dieſes Adeliche Soͤhnlein geboꝛen woꝛden/ An. Christi 1609. den 28. Tag Auguſti, welches auch bald nach dem Befehlich Chꝛiſti/ iſt:

I. Durch die Heylige Tauffe JEſu Chꝛiſto einverleibet woꝛden/ dieweil es/ wie alle andere/ in Suͤnden empfangen Pſ. 51.vnd gebohꝛen iſt woꝛden.

II. Jſt es auch von jhnen zu dem lieben Gebet gehalten woꝛdẽ/ wie es dañ die Fuͤnff Haͤuptſtuͤcke vnſers Catechiſmi expeditè, neben andern Gottſeligen gebetlein hat ſpꝛechen koͤnnen/ welches Gebet: vnd Seufftzerlein/ Gott werden ein Lieblicher vnd angenehmer Geruch geweſen ſein/ gleich wie wie das Oſianna/ welches die Kinder im JeroſolymitaniſchẽMat. 21. Tempel dem HErꝛn Chꝛiſto zu Ehꝛen ſungen.

III. So iſt es auch von ſeinen Adelichen Eltern/ nach der Vermahnung S. Pauli/ in der Furcht vnd Vormah-Eph. 6. nung des HErꝛen aufferzogen worden: Hetten es auch ferner gethan/ vnd es keines weges an jhrem fleiß mangeln laſſen/ wann es GOtt der Allmaͤchtige länger bey jhnen hette gelaſſen. Aber weil Gott der Allmaͤchtige/ beſſer fug vnd Recht zu den lieben Kindern hat/ als die Eltern/ die- weil Er jhnen nicht allein das Leben gegeben/ ſondern auch in der Heyligen Tauffe/ zu Erben vñ Kindern der Ewigen Seligkeit auffgenommen/ Als hat auch GOtt dieſes Ade- liche Soͤhnlein eher/ denn die lieben Eltern voꝛmeinet vnd verhoffet/ durch den Zeitlichen todt von dannen genommen/ Mit welches Kranckheit vnd Abſchied es ſich in der warheit alſo verhelt.

Den 23 Februarij/ hat es ſich nach dem willen GOttes Kranck eingeleget/ vnd ob zwar allerley Mittel ſind gebꝛauchet woꝛden/ hat doch die Kranckheit von Tage zu Tage/ ſich gemehꝛet/ Vnd ob es gleich jmmer ſchwaͤcher worden iſt/ hat es doch als ein Junges Kindt/ allezeit ſeinen willen in Gottes willen fein wiſſen zuſtellen. Dann wann es von ſeinen lieben Eltern iſt gefraget woꝛden/ ob es noch gerne Leben wolte/ hat es allzeit geantwoꝛtet/ wie Gott wil. Dann er viel vnd offters in wehrender Kranckheit gebeten: Ach mein HErr JEſu Chriſt/ Machs wunder- lich/ nur Seliglich. So hat es auch/ wann es ſich auffgerichtet/ allezeit geſprochen: Das Walt GOtt Vater/ Sohn vnd H. Geiſt/ der walte meines Leibes vnd der Seelen/ jetzt vnd Ewiglich.

E ijAuch

Auch hat er in beyſein etliches Geſindes/ im abweſen ſeines geliebten Herꝛen Vatern/ ſeine geliebte Fraw Mutter ver- mahnet vnd gebeten/ ſie wolte doch hoͤren vnd ſich vmbſehen nach der Schoͤnen lieblichẽ Muſica, ſo jhm zur ſeiten ſtuͤnde/ vnd weren alle weiß gekleidet/ welches ohne allen zweiffel/ die H. Engel geweſen/ die auff ſein Seelichen gewarttet. Es hat ſich auch dieſes Adeliche Soͤhnlein/ dieſer Spruͤche gebrauchet/ bey geſundem Leibe/ vnd auch in ſeiner Kranck- Joh. 1.heit. JEſus Chriſtus iſt das Laͤmblein Gottes/ das der Welt Suͤnde traͤgt. Jtem/ Das Blut 1 Joh. 1.JEſu Chriſti/ macht vns rein von allen vnſern Suͤnden. Jtem/ Das iſt gewißlich war/ vnd 1. Tim. 1.ein thewres werthes Wort/ das JEſus Chꝛiſtus kommen iſt inn die Welt/ die Suͤnder ſelig zu- machen/ Vnter welchen ich der gröſte bin.

Als nun ſein Ende herzu nahet/ hat es die Nacht darfuͤr/ ehe es vorſchieden/ ſeine geliebte Fraw Mutter gebeten/ ſie wolte jhm Vorbeten/ welches ſie auch ohne das offters vnd vielmal gethan/ hat ſie jhm auch auff dißmal ſeinem begeh- ren nach/ etliche Spruͤche vnnd Gebetlein vorgeſpꝛochen/ Welches er jhꝛ Andaͤchtig vnnd mit Fleiß nachgeſpꝛochen/ vnd zum Beſchluß geſaget: O Lieber HErꝛ JEſu Chꝛiſt/ Nimb mich inn dein Reich/ weil er aber jmmer Schwaͤcher woꝛden/ vnd ſich ſein ſtuͤndlein herbey genahet/ das jhm faſt eine halbe ſtunde fuͤr Schwachheit die Spꝛache entfallen/ iſt jhm von ſeiner lieben Fraw Mutter/ wiewol mit betruͤb- tem Hertzen vnd Thꝛänen jmmer vorgebetet woꝛden/ da er dann die Zunge im Munde/ jhꝛ nach zuſprechen alzeit ge- reget/ biß er ſanfft vnd ſtille/ ohn einiges zucken/ gleich als er ſanfft einſchlaffen wolle/ Selig von dieſer Welt abge- ſchieden/ ſchieden/ Seines Alters 7 Jahr/ vnnd 29 Wochen/ we- niger einen Tag. Dann er iſt auff dieſe Welt gebohꝛen worden/ Anno 1609. den 28 Auguſti: Vnd iſt wider- umb darvon abgeſchieden/ den 16 Tag Martij/ dieſes jetzo lauffenden 1617 Jahres/ Zwiſchen 7 vnd 8 der Halben Vhr.

Nun Geſegne dich GOTT/ du Adeliches Kindt/ welches inn der Heyligen Tauffe/ JEſus Chꝛiſtus mit ſeinem Roſenfarben Blut gewaſchen vñ gereiniget hat.

Hie biſtu deinen Eltern Lieb geweſen/ Aber GOtte imSap. 4. Himmel biſtu viel lieber/ darumb hat Er mit dir auß dieſem Leben geeylet/ vnnd hat dich hinter die rechte Rittertaffel des Ewigen lebens geſetzet/ da dich das Lamb/ das mittenApoc. 7. im Stul iſt/ weydet vnd leytet/ zu dem Lebendigen Waſſer- brunnen/ vnd da GOTT abwiſcht deine Thraͤnen vonApoc. 21. deinen Augen. Du haſt nun deinen Lauff vollendet vnd vberwunden/ Wir aber ſindt noch im Leydt vnd Streitt.2. Tim. 4 Du biſt voran gegangen/ Wir ſollen dir Nachfolgen. Du biſt allem Vngluͤcke entgangen/ Wir aber ſindt noch mit allem Hertzenleidt vmbfangen/ Vnd wenn wir der- mahl eins vber das groſſe Gebuͤrge des Todes kommen/ Vnd in Regis curiam werden verſetzet werden/ ſo wollen Wir ſich mit dir/ cum jubilo & tripudio vmbfangen/ vnnd vnſern GOtt Loben inn Ewigkeit/ Singende ohn auffhoͤꝛen: Heylig/ Heylig/ Heylig iſt der HERREſaiæ 6. vnſer GOTT Zedaoth. Denn wird vnſer Mundt vol Lachens/ vnd vnſer Zunge vol Ruͤhmens ſein/ da wollenPſ. 126. wir ſagen/ Der HERR hat groſſes an vns gethan/ Der HERR hat groſſes an vns gethen/ Deß ſind wir froͤlich.

E ijE iijDas
Das Helff vns Chriſtus vnſer Troſt/ Der vns durch ſein Blut hat erloͤſt/ Vons Teuffels gwalt vnd Ewigr pein/ Jhm ſey Lob/ Preiß vnd Ehr allein. AMEN.