WAs aber dieſe verſtorbene Leiche anreicht/ deß Ehrwir- digen Wolgelahrten vnſers lieben Herren Predigers vnd Superintendentis, der nun ſein penſum vnnd Feyerabend vorbracht hat; So hat derſelbe die zeit ſeiner Pil- gramſchafft/ in der er biß in die 51. Jahr gewandert/ wie ei- nem Chriſten gebuͤhret/ trewlich verrichtet. Anno 1528 am Tage Corporis CHriſti iſt er zu Namßlaw inn Schleſien von Chriſtlichen/ vornehmen vnd Erbaren Eltern gebohren/ vnd als bald auch durch die ſelige Tauffe dem HERREN CHRISTO einverleubet worden/ da er ſeinen Chriſtli- chen Namen IOANNES entpfangen. Jm ſechſten Jar ſeines Alters iſt er von ſeinen Eltern inn die Schule gefuͤhret worden/ da er erſtlichen ſeine prima elementa litterarum geſchoͤpffet; Vnd hernach nach Breßlaw im 15. Jahr ſeines Alters/ da er dann fleiſsig beydes publicè vnd privatim in- ſtituiret ſtituiret worden. Von dannen iſt er durch rath ſeiner Eltern nach Brandenburgk zu ſeinem Herren Vettern vnd Freund Alberto Chriſtiano, der alldar ein vornehmer Theologus geweſen/ vnd ferner durch deſſelben Befoͤrderung nach Witten- bergk auff die loͤbliche Vniverſitet da er eine gute weil verblie- ben/ vnd die thewren Maͤnner D. Martinum Lutherum, Philippum Melanchthonem, auch Iuſtum Ionam, Cru- cigerum, Pomeranum, Bugenhagium, Majorem, Vin- ſemium, Eberum, Stigelium, Pontanum Oratorem, vnd andere/ ſo zur ſelben zeit da geweſen gehoͤret vnnd geſehen. Weil er aber wegen mangel der iumptuum nicht laͤnger all- dar verbleiben konnen, iſt er mit rath ſeiner Landsleute/ ſo all- dar ſtudieret/ wieder nach Hauſe gezogen/ daheime aber nicht lange verharret/ ſondern von ſeinen Eltern/ damit er auch an- dere Academias beſuchete/ nach Cracaw verſchicket worden/ da er die Baͤpſtiſche Abgoͤtterey vnnd Finantzerey angeſehen/ welche er nachmals mit deſto hoherem vnd ſtandhaffterem Gei- ſte widerleget. Als hernachmals alldar die Peſt angefangen zu graſsieren/ iſt er von ſeinen Eltern/ einen Schuldienſt da- heim vacierende zu verwalten/ abgefodert worden/ welchem er trewlich eine zeitlang vorgeſtanden. Wie nun aber ein Er- bar Rath daſelbſt ſeinen fleiß vermercket/ vnd er noch bey jun- gen Jahren/ haben ſie ferner Huͤlffe/ ſeine ſtudia zu conti- nuiren bey jhm gethan/ vnd jhn wieder nach Wittenbergk/ da er auch zuvor geweſen/ verſchicket: Vnd ob zwar Luthe- rus kurtz verſchieden/ hat er doch noch den Herrn Philippum Melanchthonem bey Leben gehabt/ den er ſo fleiſsig gehoͤret/ das wie man auß ſeinen eigenen Scriptis ſihet/ er nicht eine Stunde verſeumen wollen: So hat er auch noch D Ebe- rum, Peucerum, Chytræum, vnnd andere gelehrte Leute funden/ die er gehoͤret vnd obſerviret, da er dañ in gute kund- C ijſchafft ſchafft vornehmer Leute vnnd Profeſſorum gerahten; das auch/ als jhm die ſumptus abgangen/ Herr Philippus ſelbſt vor jhn an Rath zu Namßlaw geſchrieben vnd intercediret, auch ein Ehrliches zu ſeiner ſtudiorum fernerern vorſchub er- langet. Als er nun etzliche Jahr wieder allda mit fleiſsigem zu- horen vnd ſtudieren zubracht/ hat die Peſt ſehr angeſangen zu graſsieren/ die Profeſſores alle weg gezogen/ er auch nicht viel mehr ſumptus gehabt/ iſt er wieder zu Hauſe gezogen/ ſeine liebe Eltern noch friſch vnd geſundt gefunden; Aber auch wieder nicht lange zu Hauſe blieben/ Sondern durch Rath vnd befoͤrderung deß Herrn. Valentini Trotſchendorffij nach Croſſen zum Rectorat vociret worden/ dahin er gezo- gen/ auch nach etzlicher zeit ſeine liebe Haußfraw Dorotheam auß altem vnd Ehrlichem Geſchlecht der Metſchel gefreyet/ mit welcher er biß ohn gefehr in die 25. Jahr friedlich gelebet/ vnd mit jhr durch GOTTES Segen neun Kinder gezeu- get/ derer zwey zu Croſſen/ zwey zu Bernſtadt/ vnnd eines zu Sternberg in GOTT ruhen; Jhrer vier aber noch bey le- ben: Solche ſeine Kinder hat er zur Ehre GOTTES ge- weiſet/ ſie Zucht vnd Erbarkeit gelehret ein Chriſtlich Leben vnd Wandel andern zum Exempel ſelber gefuͤhret. Als er nun etzlich Jahr/ wie gemeldet/ zu Croſſen der Schulen vorge- ſtanden/ iſt er nachmals ordentlicher weiſe zum heiligen Pre- digampt beruffen worden/ in welchem er auch biß in die 20. Jahr gearbeitet/ Erſtlichen zu Wellersdorff bey Croſſen/ nachmals zu Croſſen in der Stadt/ ferner zu Militſch vnnd Bernſtadt. Auff erforderung aber vnd gnaͤdiges anhalten Jh- rer F G Hertzog Carrls zu Moͤnſterbergk &c allhier zu Sternbergk ſich beſtellen laſſen/ als einen Auffſeher der Kir- chen CHriſti dieſer Herrſchafft/ heylſame Anordnung/ ſo in Kirchen Regiment billich nach der Lehr S. Pauli ſeyn ſoll/ helffen helffen angeben/ anordnen vnd anrichten Ergerliche vngelehr- te Kirchendiener abſchaffen/ vnd feine gelehrte Leute ſo in dem Weinberge CHriſti fruchtbarlich arbeiten/ derer Lehr vnd Le- ben vbereinſtimme/ erfodern helffen/ welches alles dann nicht ohne groſſe muͤhe vnd arbeit zugangen/ ſein officium vnd Pre- digſtuel mit fleiß verſorget/ Buß vnd Vergebung der Suͤnden geprediget/ Suͤnde/ Laſter vnd Abgoͤtterey zur zeit vnd vnzeit/ wie Paulus redet/ mit groſſem fleiß vnd eyfer durchs Wort geſtraffet/ nicht viel der Predigten verſeumet/ da er offtmals wol vor GOTT vnd Menſchen entſchuͤldiget geweſen/ das er manche Predigt hette moͤgen bleiben laſſen/ vnnd auff mein anreden mir hette befehlen koͤnnen: Dennoch ſagte er offte zu mir: Non ſum ego delicatus Martyr, nec eſſe poſſum, das iſt: Jch bin kein zaͤrtlicher Martyrer/ kan auch keiner ſein. Die Feinde der heiligen Religion mit groſſem Eyfer gehaſſet vnd geflohen/ in betrachtung/ das Belial vnd CHRiſtus kein gemeinſchafft haben/ nach dem Exempel deß H. Ioannis vnd Polycarpi. Fromme Chriſten vnd vnvergeßliche Zuhoͤrer koͤnnen ſich wol erinnern/ das er jnnerhalb Liechtmeſſe jmmer- dar mit Todes gedancken vmbgangen/ wie auß ſeinen reden/ geſaͤngen/ vnd Predigten zu vernehmen geweſen: Wie mit groſſem Ernſt vnd bruͤnſtigem Geiſt hat er die ſchoͤne Hiſto- riam von dem verſtorbenen Lazaro am Sontag acht Tage vergangen erzehlet vnd erkleret? Morgen werdens acht Tage werden/ da er ſeine ſchoͤne letzte Predigt that/ den Tag vor ſei- nem Ende/ welche zwar/ kurtz darvon zu reden/ ſein ſchoͤn Be- kentnuͤß deß Glaubens war Jn obgemelter Predigt hat er zum valete vns Kirchendienern/ Obrigkeiten vnd allen Staͤnden nuͤtzliche vnd heylſame Lehre vnd Vermanung gelaſſen: Es traff ſich eben dieſe Tage der Tag der heyligen Conſtantiæ vnd Concordiæ, da vermahnet er hertzlich zur Beſtaͤndigkeit: C iijvnd vnd Einigkeit. Vns Kirchendienern hat er zu guter letzte ge- laſſen/ das wir bey außbreitung Goͤttliches Wortes fleiſsig/ daruͤber beſtaͤndig verharren ſollen beyde in der Lehr vnd Leben eintrechtig vnter einander ſeyn; Wie dann er zu ſolchem vns/ als vnſer verordneter Superaendens in allen Synodis trewlich vermahnete/ deſſen ich euch jetzo als liebe Herren Bruͤder in CHriſto erinnere/ mit vermahnung darbey zu ver- harren. Die Obrigkeit dieſer Herrſchafft vnd dieſes Orts er- innerte er durch ſeine obgemelte letzte Predigt jhres Ampts das ſie Gottes Wort vnd alle trewe Kirchendiener ſchuͤtzen/ daruͤ- ber beſtaͤndig hand halten/ vnd in Einigkeit die liebe Chriſtliche Gemeine regieren ſolte Die gantze gemeine dieſes Kirchſpiels/ das ſie vber angenomenem Goͤttlichem worte wollen beſtaͤndig beharren/ in Einigkeit vnter einander leben/ vermahnet/ ſo wuͤrde GOTT zu allen andern Sachen ſein gedeye vnd ſe- gen verleyhen. Auff nechſt vergangene Mitwoch aber zu abend geſund ſchlaffen gangen Ohne gefehr vmb zwey nach der gan- tzen Vhr/ hat jhm ein hefftige Kranckheit/ welche die Medici Iliacam paſsionem nennen/ angeſtoſſen/ da iſt auch bald/ wie ich bericht/ allweg ſein intent vnd datum geweſen/ auff ſter- ben Folgenden Tag nach gehaltener Boͤhmiſchen Predigt/ da ich zu jhm kam/ vnnd er mich nur entpfing/ klagete ſeine Kranckheit/ ſaget er hiezu dieſe Wort S. Pauli: Cupio diſ- ſolvi & eſſe cum CHriſto, das iſt: Jch habe luſt abzuſchei- den/ vnd bey CHriſto zu ſeyn. Repetieret vnnd widerholet auch offtmals dieſe Wort Auguſtini: O HERR ſtraffe hier/ reiß/ ſtich/ hawe/ brenne vnd ſtreich wie du wilt/ Allein verſchon in jenem Leben. Ohne gefehr nach Tiſche ſchicket er nach mir/ beſprach mich mit dieſen Worten: Jch fuͤhle das meine Kranckheit ſich von ſtund zu ſtundt mehret/ das alſo zu beſorgen/ den Abend oder den Morgen zu erraſchen. Weil aber ich mir ich mir ſampt meinem gantzen. Hauſe vorgeſetzet hatte/ auff kuͤnfftigen Sonnabend zur Beichte/ vnd folgenden Sontag zum Abendmal zu gehen/ damit alſo ich die Gnadenzeit nicht verſeume/ bitte ich vmb die heilige Abſolution vnd sacra- ment deß Leibes vnd Blutes Chriſti/ da er dann darauff auch mit gutem verſtande ſeine Beichte gethan/ mit anmeldung/ da er nicht zu ſchwach/ wolte er ſeine Confeſsion ſchrifftlich thun vnd hinder ſich verlaſſen/ wie etliche Theologi pflegen. Nach gethaner Beicht vnd entpfangener Abſolution, hat er gebeten auff kuͤnfftigen Sontag auff der Cantzel anzumelden/ da er etwa jemanden mit Worten oder Wercken erzuͤrnet auſ- ſerhalb ſeines Ampts/ das wolle man jhme verzeihen/ welches er dann auch thue. Do er auch von mir gefraget ward/ ob er auff die Lehre vnd Bekentnuͤß von JEſu CHriſto/ welche er biß in die 20. Jahr oͤffentlich bekandt/ gelehret vnd geprediget hette/ beſtaͤndig ſterben wolte? Antwortet er: Ja in alle wege/ wil auch dieſelbe vor dem Sohne GOttes in jenem Leben mit Frewdigkeit bekennen. Hebt baldt darauff an vnd ſpricht: Jch befehle euch lieber Herr Gevatter das Ampt der lieben Kirchen CHriſti allhier/ wie wir es bißher mit einander Chriſtlich vnd Bruͤderlich verſorget/ wollet daſſelbe euch trewlich laſſen be- fohlen ſeyn/ GOtt wird euch auch ſtercke/ huͤlffe vnd den hei- ligen Geiſt verleihen/ biß vielleicht GOTT vnd die liebe O- brigkeit ſolches anders anordnen moͤge; bittet balde darauff/ ich wolle ſein liebes Weib/ Kindlein vnd Geſinde/ ſo damals we- gen ſeiner Beicht abgetreten/ wiederumb hienein fordern. Als ſie erſchienen thet er nach dem Exempel deß Patriarchen Ja- cob ein ſchoͤn Chriſtlich doch kuͤrtzlich Bekentnuͤß/ hub an ſei- nem Ehegemahlen/ darnach an ſeinen Kindern vnd Geſinde/ vom Elteſten biß zum letzten/ gab jhnen zum Valere, nach dem es ein jeder verdienet/ ſchoͤne troͤſtliche Lehre vnd Vermanung/ wie ſie wie ſie ſich fortan verhalten ſolten/ mit angehengten Worten/ Er befehle ſie forthin einem reichen Vater vnd HErren. Son- derlich aber/ weil ſeine kleineſten zwey Soͤhnelein/ Ioannes vnd Samuel nicht zur ſtellen/ bittet er/ man ſolle ſie doch auch zu jhm bringen/ da ſie vors Bette traten/ leget er die Haͤnde auff jhren Kopff/ dieſe Wort ſprechende: Lieben Kinderlein/ euch ſegne der GOtt Abraham, Iſaac vnd Iacob mit ſeinen Segen/ vnd helffe euch/ das jhr nicht allein am Alter/ ſondern auch in der Furchte GOttes vnd allen Chriſtlichen Tugenden wachſet vnd zunehmet/ Jch befehle euch einen reichen Vater der im Himmel iſt/ der wird euch gnaͤdig/ laut ſeiner zuſage/ beyſtehen vnd verſorgen. Hierauff iſt er mit dem heiligen Sa- crament bewirdet worden/ welches er dann mit hertzlicher an- dacht/ gebeth vnd ſeufftzen entpfangen/ auch darauff geſaget: Dieß wil ich mir auff die ſelige Reiſe zum Zehrpfenning mit nehmen Als ich aber abgefodert/ ein Kindlein zu taͤuffen/ bat er ja nicht lange auſſen zu bleiben/ damit wir vns mit ſeligen ge- ſpraͤch ſcheiden moͤchten/ da er dann nach meiner wiederkunfft hertzlich mit mir gebetet/ entweder in Deutſcher oder aber La- teiniſcher Sprach einen Spruch vmb den andern auß heiliger Schrifft mit mir recitiret. Offtmals wiederholet er dieſe Wort Auguſtini: O IESU CHRISTE ultimum verbum tuum in cruce, ſit mihi ultimum verbũ in hac Iuce Das iſt: O HERR JEſu CHriſte/ dein letztes Wort am Creutze/ laß auch mein letztes Wort ſeyn in dieſem Leben. Auch da er ſchon von mir getroͤſtet ward/ GOtt wuͤrde jhm ob GOtt wil ſein Leben verlaͤngern/ ſagte er allwege darauff: Er hette ſein penſum verbracht/ verhoffte nun Feyerabend zu machen/ von dieſem Leben abzuſcheiden/ vnd bey CHRiſto zu leben. Er zehlet auch alle ſtunden/ wenn der Saͤyger ſchlug/ ſaget beyneben: Ohne gefehr vmb zwey vnnd zwantzig vor A- bends/ bends/ da wird ſichs mit meiner Kranckheit endern/ entweder zu dieſem oder aber zum ewigen Leben. Eben aber da es 22. ſchlug/ hielt ich jhm den Spruch fuͤr Ioannis am 3. Alſo hat GOtt die Welt geliebet/ das er ſeinen einigen Sohn gab/ auff das alle die an jhn glaͤuben/ nicht verlohren werden/ Sondern das Ewige Leben haben. Darauff er ſaget: Diß iſt ein ſchoͤner Hauptſpruch deß gantzen alten vnd newen Teſtaments/ daran wil ich mich an meinem letzten Stuͤndlein auch halten. Hier- auff ich jhn vermanet/ er wolle beyde mit Munde vnd Hertzen im Glauben denſelben ergreiffen/ auch wo jhm huͤlffe noth ſein wuͤrde/ darvon nicht laſſen/ Ja/ ſagte er/ das wil ich thuen; Hebt bald an vnd ſpricht: Lieben Kinder/ Jch ſehe euch nicht/ hoͤre euch wol reden/ kenne euch auch/ aber erſehen kan ich euch nicht/ Darumb ſeyd getroſt/ Wiederkommen macht/ das man ſcheiden nicht acht. O GOTT (ſagte er) nim mich armen Diener zu gnaden an/ du trewer GOTT/ du haſt mich erloͤ- ſet/ dir befehle ich meinen Geiſt: Hebt darauff an zu ſeufftzen/ ſprach mir gar mehlich nach/ denn die Rede verlohre ſich/ dar- auff ich laut ſagte: Wenn ich nun kom in Sterbens not/ vnd ringen werde mit dem Todt/ Wenn mir vergeht all mein Ge- ſicht/ vnd meine Ohren hoͤren nicht/ Vnnd meine Zunge nicht mehr ſpricht/ vnd mir vor angſt mein Hertz zubricht: Wenn mein verſtandt ſich nicht verſint/ vnd mir all Menſchlich huͤlff zerrint/ ſo kom O HErr Chriſt mir behend/ zu huͤlff an mei- nem letzten End/ vnd fuͤhre mich auß dem Jammerthal/ ver- kuͤrtz mir auch deß Todesqual Darauff druͤcket er mir meine Hand mit der ſeinigen. Ferner ſchrye ich jhm in die Ohren/ ob er in dem wahren Erkentnuͤß GOttes auff CHriſtum vnd die Lehre ſo er biß in die 20. Jahr geprediget/ ſterben wolle/ ſoll er ein Zeichen võ ſich geben, darauff hub er mehlich ſein Haͤupt zweymal empor/ vnd ließ es wieder ſincken; Hierauff hebt er Dein ein wenig ſtaͤrcker an zu Athmen dañ ſonſt/ verſchied alſo jnner- halb einer viertel ſtunden/ gar ſanfft ohne verkerung ſeines ge- ſichtes/ ohne ſchlucken/ ſchnarchen/ oder harter bewegung vnd quelung ſeines Leibes/ darzu eben vnſer Herr Schulmeiſter kam/ das er alſo vnter vnſer beyder Haͤnde verſchiede/ vnnd nachmals erkaltet. Hier hier lieben Chriſten habe ich recht die- ſen Spruch verſtehen lernen/ das Chriſtus ſaget Ioannis 8. Wer mein Wort helt/ der wird den Todt nicht ſehen ewiglich. Das iſt/ Hier zeitlich ſol jhm ſein Ende nur ein ſchlaff werden/ ſolle wie ein Liecht verleſchen ohne ſchrecken/ darnach alles ſein Elend zum ſeligen Ende gerathen/ da er in Ewigkeit leben/ in frewd vnd wonne ſeyn werde: Da dargegen etliche auß vnſern Widerſachern mit heulen/ boͤlcken vñ groſſem geſchrey von hin- nen fahren/ wie Latomus Lovanienſis, Hoffmannus vnd etliche mehr auch zu vnſern zeiten/ welche wol vor dem Tode durch eine eyſerne Mawer lauffen doͤrfften/ wenn ſie es ver- moͤchten/ vnd geſchicht jhnen nach dem Verß: