Kräfftiger Trost in Todes Noth. auß dem Propheten Esaia. am 57. cap. v. 2

ABer der Gerechte kommet vmb/ vnd niemand iſt/ der es zu Hertzen neh- me/ vnd heilige Leute werden auffge- rafft/ vnd niemand achtet darauff. Deñ die Gerechten werden weggerafft fuͤr dem Vngluͤck/ vnd die richtig fuͤr ſich gewandelt haben/ kommen zum Friede/ vnd ruhen in jhren Kammern.

JM erſten Buch der Koͤnige leſen wir/ daß1. Reg. 13. v. 1. ein Mann Gottes/ oder Prophet von Juda/ durch das Wort des HErren ſey gen Bethel geſand worden/ daß er den Gottloſen Koͤnig Jerobeam ſeiner Abgoͤtterey halben ſtraffen ſol- te. Als er ſolches verrichtet/ vnd ſich wieder zu ruͤck gemacht/ hat er ſich von einem alten Propheten verfuͤhren/ vnd ſo weit bereden laſſen/ daß er wieder Gottes außdruͤcklichen Befehl mit jhm vmbgekehret/ in ſein Hauß gegangen/ vnd bey jhm geſſen vñ getruncken hatte. Vmb deßwegen ward er hernach vnterwegens von einem Loͤwen angefallen vnd ermordet.

Hierauß ſehen wir vnter andern diß/ daß ein Menſch auff der Reiſe vnd Wanderſchafft in dieſer Welt offt in groß Vngluͤck vnd Gefahr gerathen koͤnne.

Was ſind wir Chriſten anders als Pilgrim vnd Wan-Heb. 13. v. 14. dersleute? Wir haben hie keine bleibende ſtat/ ſondern die Zukuͤnfftige ſuchen wir. Jnſonderheit reiſen wir an vnſerm letzten Stuͤndlein auß dieſem Jammerthal in den A iijFrew- Chriſtliche Frewdenſal/ von der Erden in den Himmel/ in vnſer ewiges Vaterland. Auff welcher letzten Reiſe ſich auch durch des Satans anſtifftung mancherley hindernuͤſſe finden/ dadurch wir jrre gemacht/ vnd ſo wir vns nicht wol fuͤrſehen/ in groſ- ſe Noth vnd Gefahr gerathen koͤnnen. Ja wer Gottes Ge- bot vnd Willen auß den Augen ſetzet/ vnd dem reitzen des al- ten Helliſchen Propheten folget/ der wird wol gar von jhm/ alß dem bruͤllenden Loͤwen/ vberfallen/ zerriſſen/ vnd in das ewige Verdamnuͤß geſtuͤrtzet.

Dieſem ſoll nun ein gleubiger Chriſt feſt im glauben wie- derſtehen/ ſo wird er den Tod nicht ſchmecken/ ſondern in das ewige Leben durchdringen. Er muß nicht allein ſich befleiſſi- gen zufuͤhren ein gerechtes/ ein heiliges vnd ein auffrich- tiges Leben: Nicht allein bedencken/ daß ſein Tod eine auff- vnd wegraffung ſey/ ſondern allermeiſt betrachten den Ort/ dahin er durch den Tod gelanget/ nemblich an einẽ ſicheren/ friedſamen vnd ruhigen Ort/ wie der Prophet von den Gleubigen allhier ſaget: Aber der Gerechte kommet vmb/ vnd niemand iſt/ der es zu Hertzen nehme/ vnd heilige Leute werden auffgerafft/ vnd niemand ach- tet darauff. Denn die Gerechten werden wegge- rafft fuͤr dem Vngluͤck/ vnd die richtig fuͤr ſich ge- wandelt haben/ kommen zum Friede/ vnd ruhen in jhren Kammern.

Auß dieſen Worten/ weil ſie zum gegenwertigen Leich- text ſind begehret worden/ wollen wir hoͤren:

Weſſen ſich fromme Chriſten in jhrem Tode zu- getroͤſten haben. Weil dieſes der betruͤbten Fraw Wit- wen troͤſtlich/ den ſterbenden erfrewlich/ vns ſaͤmptlich er- bawlich Leichpredigt. bawlich iſt/ als wil ichs vmb deßwegen deutlich wiederholen/ damit ein jeder wiſſen/ vñ/ weil er lebet/ dran gedencken moͤge was er bey Jhrer Gnaden/ Herrn von Pudlitz/ Leichbeſtat- tung gehoͤret habe/ nemlich dieſes/ vns alleſampt nuͤtzliche ſtuͤck: Weſſen ſich fromme Chriſten in jhrem Tode zugetroͤſten haben. Das ſoll in aller kurtz vnd einfalt vnſer Gottſeliges fuͤrhaben ſeyn.

Es ſchreibet Herodotus ein Griechiſcher Hiſto- rienſchreiber von zweyen Potentaten vnd groſſen Herren/ derer einer geheiſſen Amaſis, der ander Po- lycrates, daß ſie mit einander in gutem vornehmen vnd vertrawter Freundſchafft geſtanden: Da nun Amaſis geſehen/ daß es dem Polycrati in allen Din- gen wolgegangen/ vnd er allenhalben groſſes Gluͤck gehabt/ hat er es fuͤr ein boͤſes Zeichen gehalten/ vnd jhn deßwegen ermahnet/ er moͤchte jhm doch ſelber ein Creutz zurichten/ damit er Vrſach hette einmal zu trawren. Vnd weil Polycrates nicht wuſte/ wie ers machen ſolte/ gibt jhm Amaſis dieſen Rath/ er ſolle ſeinen Siegelring/ der mit einem koͤſtlichen Smaragd verſetzet geweſen/ ins Meer werffen/ vnd ſich vber dieſem Verluſt erzeigen/ als ſey jhm groß Leid wiederfahren. Dieſem Rath folget er/ vnd wirfft den Ring ins Meer/ da es am tieffſten war/ Aber was geſchicht? Sechs Tage hernach wird ein Fiſch gefangen/ vnd gen Hoffe gebracht. Da man denſelben in der Kuͤchen ſpaltet/ findet man in des Chriſtliche des Fiſches Leibe den Ring/ welcher dem Koͤnige vnverſehret wieder zugeſtellet wird. Da diß Ama- ſis erfehret/ ſchicket er bald hin/ vnd leſt jhm ſeine Freundſchafft auffkuͤndigen/ denn er beſorget ſich/ daß nach dieſem vnwandelbahren Gluͤck ein groſ- ſes Vngluͤck folgen wuͤrde/ welches auch geſchehen. Den Oretes Darij Stadthalter in Perſia fordert jhn auff guten Glauben zu ſich/ Freundſchafft mit jhm zu machẽ/ aber da er kam/ ließ er jhn ans Creutz ſchlagen/ vnd eines ſchmaͤlichen Todes ſterben.

Allhie ſehen wir/ daß auch die vernuͤnfftigen Heyden es dafuͤr gehalten/ daß dem Menſchen nicht zutraͤglich were/ wenn es jhm allezeit gluͤcklich ergienge/ vñ er allezeit in frew- den lebte/ ſondern were jhm nuͤtze/ daß er dem Creutz vnter- worffen were/ vnd zu zeiten trawren muͤſte. So die Heyden ſolches geſehen auß dem Liecht der Natur/ daß das Creutz Matth. 16. v. 24.dem Menſchen nuͤtze ſey/ wie viel mehr ſollen wir Chriſten es auß der Heiligen Schrifft erkennen/ daß vns Chriſten nuͤtze vnd noͤtig ſey Creutz vnd Truͤbſal zu haben/ weil Chriſtus rufft: Wer mein Juͤnger ſeyn wil/ der verlaͤugne ſich ſelbſt/ vnd nehme ſein Creutz auff ſich/ vñ folge mir. Qui non eſt Crucianꝰ, non eſt Chriſtianus, ſaget Lu- therus/ wer nicht auff Erden Creutz hat/ der iſt kein Chriſt fuͤr GOTT.

Dieſes haben auch dafuͤr gehalten vnd erfahren/ Jhr Gnaden/ der Herr von Pudlitz. Denn ob Sie gleich aus ho- hem Stamme geboren/ vnd im vornehmen Ampt geſeſſen/ Tob. 12. v. 13.haben Sie doch manch Creutz erfahren muͤſſen/ welches Sie doch willig auffgenommen/ weil Sie gewuſt/ daß der Engel auch Leichpredigt. auch zu Jhr ſagt: Weil du Gott lieb wareſt/ ſo muſts ſo ſeyn/ ohn Anfechtung muſteſtu nicht bleiben/ auff das du bewaͤrt wuͤrdeſt. Deßwegen Sie auch alles mit Gedult ertragen haben/ vñ mit Micha geſagt: Jch wil desMich.:. v. 9 HErren Zorn tragẽ/ deñ ich habe wieder jhn geſuͤn- diget/ biß er meine Sache außfuͤhre/ vnd mir recht ſchaffe/ Er wird mich ans Liecht bringen/ daß ich meine Luſt an ſeiner Gnade ſehe. Darumb ſind Sie auch vnter die Gerechten gezehlet/ von welchen der Prophet allhie redet vnd ſaget: Der Gerechte kompt vmb/ vnd niemand iſt/ der es zu Hertzen neme/ vnd heilige Leu- te werden auffgerafft/ vnd niemand achtet darauff. Denn die Gerechten werden weggerafft fuͤr dem Vngluͤck/ vnd die richtig fuͤr ſich gewandelt haben/ kommen zum Friede/ vnd ruhen in jhren Kammern. Weil wir deñ hierauß hoͤrẽ wollen/ Weſſen ſich ein Chriſt im Tode troͤſten ſoll/ ſo ermuntert euch alle zum fleiſſigen auffmercken vnd hertzlicher andacht/ ſo werdet jhr hiedurch bewogen werden alles Creutz gedultig zu ertragen/ der ewigen Frewd euch zugetroͤſten/ vnd zu ſagen: Jch halte es dafuͤr/Rom. 8. v. 18. das dieſer Zeit leiden der Herrligkeit nicht werth ſey/ die an vns ſoll offenbahret werden. Damit wir auch hiedurch zum ſeligen Stuͤndlein moͤgen bereit werden/ ſo be- tet mit mir alſo:

O GOtt du vnſer Zuflucht biſt/ Dein Huͤlffe thue vns ſenden/ BDenn Chriſtliche Denn du der deinen nicht vergiſt/ Die ſich zu dir nur wenden/ Mit deinem Geiſte ſteh’ vns bey/ Ein ſeeligs Stuͤndlein vns verley/ Durch JEſum Chriſtum/ Amen.

Daß der Prophet Eſaias die verleſenen Wort nach dem Tod des frommen Koͤnigs Hißkiae ſeinen Zuhoͤrern gepre- diget/ vnd jhm gleichſam damit die Leichpredigt gethan habe/ kan leicht geſchloſſen werden/ wenn wir anſehen die Tugen- den des Koͤnigs Hißkiae/ vnd den Zuſtand derſelben Zeit.

Der Prophet ſaget: Der Gerechte koͤmpt vmb/ vnd redet von einer vornehmen Perſohn inſonderheit/ daher dieſer Text auff Chriſtum iſt gezogen/ vnd am Tage ſeiner Begraͤbnuͤß in der Kirchen geſungen worden/ weil derſelbe iſt Eſa. 53. v. 11.der Gerechte Knecht Gottes. Er ſaget ferner/ Heili- ge Leuͤte werden weggerafft/ das iſt/ gutthaͤtige gnaͤdige Herrn/ wie es in ſeiner Sprache lautet/ welchs vom Koͤnige Hißkia wol kan verſtanden werden/ denn er iſt ein Gerechter vnd Heiliger Koͤnig geweſen/ der da richtig fuͤr jhm gewan- 2. Reg 18. v. 3. v. 5.delt hat/ Er thet was dem HErren wolgefiel/ er ver- trawte dem HErrn/ dem GOTT Jſrael/ das nach jhm ſeines gleichen nicht war vnter allen Koͤnigen Juda/ noch vor jhm geweſen.

Vnd das iſt noch heute aller Potentaten hoͤchſter Ruhm vnd beſter Schmuck/ daß ſie als die Krone des Haupts gezie- ret ſind mit der Perle der wahren Gottesfurcht vnd Gerech- tigkeit/ darauß koͤmpt Weißheit vnd Verſtand wol zu regie- ren/ darauß koͤmpt Gluͤck vnd Segen vber ſie vnd jhre Laͤn- der/ deßwegen ſagt jener weiſe Mann: Felix Reſpublica, in quâ Leichpredigt. in quâ qui imperat Princeps, Deum timet! Gluͤckſelig iſt ein ſolches Land vnd Regiment/ darinn ein ſolcher Poten- tat/ Fuͤrſt vnd Herr regieret/ der GOtt von Hertzen fuͤrch- tet. Ein heiliger Schmuck iſts auch einem Potentaten/ weñ er als die Kron des Haupts gezieret iſt/ mit Gnade vnd Gut- thaͤtigkeit/ daß ſeine liebe Vnterthanen vnter ſeinem Schutz/ im Friede/ alles guts genieſſen koͤnnen. Deßwegen wird ein Fuͤrſt vnd Herr des Landes vergliechen einem Bawm/Dan 4. v. 3. der hoch/ groß vnd dicke iſt/ vnd ſich außbreitet biß ans Ende des gantzen Landes/ deſſen Aeſte viel Fruͤchte tragen/ davon alles zu eſſen hat/ vnd alles Fleiſch ſich von jhm nehret/ welches Cyrus wol bedacht hat/ deßwegen ſagt er: Nil differt bonus Princeps à bono Patrefamilias, ein frommer Fuͤrſt iſt gleich wie ein Vater in ſeinem Hauſe/ der den ſeinigen alles guts goͤnnet vnd giebet. Solche koͤnnen in jhrem Tode dieſes Lob/ in jhren Landen vnd in der gantzen Welt hinter ſich laſſen/ daß ſie geweſen ſind Gerechte/ Heilige/ die richtig fuͤr ſich gewandelt/ deßwegen werden ſie von GOtt weggerafft/ kommen zum Friede/ vnd ruhen in jhren Kammern.

So iſt auch auff Koͤnigs Hißkiae Tod groſſes Vngluͤck erfolget/ weil Manaſſes/ ein verkehrtes Hertz/ an ſeine ſtatt ins Regiment kam/ der falſche Lehr vñ Abgoͤtterey einfuͤhrete/2. Reg. 21. v. 16. der viel vnſchuldig Blut vergoß/ das Jeruſalem davon hie vnd da voll worden iſt/ fuͤr ſolchem vbel iſt Hißkias von GOtt weggeraffet/ vnd zum Fried vnd Ruh gebracht worden/ daß der Prophet von jhm ſagen kan: Die Gerechten werden weggerafft fuͤr dem Vn- gluͤck/ vnd die ſo richtig fuͤr ſich gewandelt haben/ B ijkommen Chriſtliche kommen zum Friede/ vnd ruhen in jhren Kammern. Es redet aber der Prophet nicht allein inſonderheit von Hiß- kia/ ſondern auch ins gemein von allen wahren Chriſten vnd lehret:

Was ſie thun muͤſſen/ ſo ſie GOtt wollgefallen wollen? Sie muͤſſen leben Gerecht/ Heilig/ vnd Auffrichtig.

Was ſie im Tod fuͤr ein Anſehen fuͤr den boͤſen Welt- kindern haben? Sie achten jhren Tod nichts/ ſondern mei- nen/ ſie kommen vmb vnd verderben:

Wie ſie bey GOtt geachtet ſind? Sie werden von jhm in Ehren gehalten/ fuͤr dem Vngluͤck weggeraffet/ zum Fried vnd Ruhe gebracht.

Da vns dann am lieblichſten iſt/ daß der Prophet vns lehret: Weſſen ſich ein frommer Chriſt in ſeinem Fromme Chriſten koͤnnẽ ge- troſt ſein in jhrem Tode/ deñ ſie kom̃enTode zugetroͤſten habe. Deſſen/ das er komme an den Orth der Sicherheit/ an den Orth der Friedſamkeit/ vnd an den Ort der Ruhſamkeit. Daß iſt der gantze Jn- halt dieſer Leichpredigt/ welche ein jeder vnter euch leicht faſ- ſen vnd behalten kan/ ſo er anders mit Andacht auffmer- cken wird.

I. an dẽ Ort der Si- cherheit.

So kommen demnach fromme Chriſten nach jhrem To- de an den Ort der Sicherheit. Die Gerechten wer- den weggerafft fuͤr dem Vngluͤck/ ſagt der Prophet/ vnd gebraucht eine Art zu reden/ von guter Fuͤrſorge in Leib- lichen Geſchaͤfften. Wenn eine Fewrsbrunſt entſtehet/ ſo pflegt ein ſorgfaͤltiger Hauß Vater ſeine Kinder/ ſein Gold vnd Silber/ ſeine Brieff vnnd Siegel/ vnnd woran jhm am meiſten gelegen iſt/ zuſammen zufaſſen/ auffzuraffen/ vnd an einen ſichern Orth zubringen: Alſo thut GOtt der HErr/ wenn das Fewr ſeines Zorns anbrennen/ vnd die Rache vber die Leichpredigt. die Suͤnde der boͤſen Welt ergehen ſoll/ ſo ergreifft GOtt die frommen/ als ſeine liebe Kinder/ die fuͤr ſeinen AugenEſa. 43. v. 4 werth geachtet vnd herrlich ſind/ als ſeinen beſten Schatz/ den er durch das thewre Blut ſeines lieben Sohns erkaufft hat/ raffet ſie zuſammen/ vnd fuͤhret ſie durch den Tod auß dieſer Welt in den Himmel/ da ſie fuͤr allem Vn- gluͤck ſicher ſeyn/ heiſſet ſie ſich verbergen in jhren Kam-Eſ. 26. v. 20 mern/ biß der Zorn vnd das Vngluͤck/ das vber die Gottloſen kommet/ fuͤruͤber gehet/ wie denn GOTT zu allen Zeiten gethan hat.

Als die Suͤndflut die erſte Welt jhrer groſſen Suͤnde halben ſolte vberſchwemmen vnd verderben/ wurden zuvor die Heiligen Vaͤter alle durch den Tod weggerafft vnd zur Ruhe gebracht/ biß auff Noah/ den Prediger der Gerechtig- keit/ vnd weil ſie denſelben nicht hoͤren/ noch ſich warnen laſ- ſen wolten/ verbarg jhn GOtt in dem Kaſten/ ſo lang/ biß das Waſſer der Suͤndfluth alles Fleiſch verderbet hatte. Als Sodom vnd Gomorrha mit Fewr vom Himmel ſolteGen. 7. 13. vertilget werden/ ward Loth zuvor weggerafft/ vnd gen Zoar gebracht/ daß er ſeine Seele errettete. Als GOTT vber Jeruſalem vnd Juda wolte groſſe Straffen ergehen laſſen/Gen. 19. v. 23. raffte er zuvor den frommen Koͤnig Joſiam weg/ vnd ließ jhm durch die Prophetin Hulda ſagen: Jch wil dich zu2. Reg. 22. v. 20. deinen Vaͤtern ſamlen/ das du mit frieden in dein Grab verſamlet werdeſt/ vnd deine Augen nicht ſe- hen alle das Vngluͤck/ daß ich vber dieſe Staͤdte bringen wil. Ehe Jeruſalem verſtoͤret ward/ raffte GOtt alle Apoſtel zuvor hinweg/ ohne Johannem. Das heiſſet: Die Gerechten werden weggerafft fuͤr dem B iijVngluͤck Chriſtliche Vngluͤck/ vnd die richtig fuͤr ſich gewandelt haben/ kommen zum Friede/ vnd ruhen in jhren Kammern. Sap. 4. v. 10Das heiſſet: Der Gerechte gefaͤlt GOtt wol/ vnd vnd iſt jhm lieb/ vnd wird weggenommen auß dem Leben vnter den Suͤndern. Wer wolte nun/ in be- trachtung deſſen/ ſich vber dem Abſchied der lieben Seinigen groß betruͤben? weil er weiß/ daß ſie durch den Tod fuͤr dem boͤſen weggerafft worden/ vnd kommen an den Orth der Si- Ap. 21. v. 4cherheit/ da kein Leid/ kein Geſchrey/ noch Schmer- tzen mehr ſeyn wird. Wer wolte auch ſich ſelbſt zu ſehr fuͤr dem Tode entſetzen? weil er weiß/ daß er fuͤrm Vngluͤck weggerafft wird/ vnd koͤmmet an den Orth der Sicherheit. Wer wolte nicht mit frewden an ſeinem Ende ſingen:

Jch weiß ein beſſer Leben/ Da meine Seel faͤhrt hin/ Deß frew ich mich gar eben/ Sterben iſt mein Gewinn. Item Fahr hin betruͤbtes Leben/ Weit beſſer iſt/ Daß JEſus Chriſt Jm Himmel mir wird geben.

HErr JEſu Chriſte/ der du vns verſprochen haſt/ vnſere Gerechtigkeit vnd Heiligkeit auß Gnaden zubelohnen mit der ewigen Frewd vnd Sicherheit/ gib vns deine Gnade/ daß wir ſolches allezeit bedencken/ vnd vns der wahren Gottſelig- keit Leichpredigt. keit befleiſſigen/ daß wir dir dienen in Heiligkeit vnd Gerech- tigkeit/ die dir gefaͤllig iſt hie zeitlich/ auff daß wir an vnſerm End durch den Tod fuͤr dem Vngluͤck weggerafft/ von dir zur ewigen Sicherheit gebracht werden/ Amen.

Fromme Chriſten kommen nach jhrem Tode an denII. an dẽ Ort der Fried- ſamkeit. Ort der Friedſamkeit. Die ſo richtig gewandelt haben/ kommen zum Friede. Damit ſiehet der Prophet auff die Seele der Gerechten/ was es mit derſelben nach dem Tode fuͤr einen Zuſtand gewinne. Jn dieſer Welt wird ſie gequelet mit allerley Muͤhe/ Sorge/ vnd Beſchwerung/ daß ein Chriſt klagen muß: Jch bin geplaget taͤglich/ vndPſ. 73. v. 14 meine Straff iſt alle Morgen da. Sie wird geque- let mit beſchwerung der Amptsverrichtung/ denn ein jeder muß im Schweiß ſeines Angeſichts ſein Brod eſſen:Gen. 3. v. 19 Sie wird gequelet mit beſchwerung des Streits/ ſo ſie halten muß mit Geiſtlichen vnd Leiblichen/ mit innerlichen vñ euſſerlichen Feinden/ daß ſie klagen muß mit dem Apoſtel: Wir haben allenthalben Truͤbſal/ außwendig2. Cor. 7. v. 5. Streit/ inwendig Furcht: Sie wird gequelet mit be- ſchwerung von Boͤſen Leuten in der Welt/ daruͤber Hugo klaget: In Plateis nova, in foro mendacia, in curis per- juria/ gehet man fuͤr die Thuͤr/ ſo hoͤret man allezeit was newes/ ſelten was guts: Koͤmpt man vnter die Leute/ ſo er- fehret man Luͤgen vnnd triegen: Hat man fuͤr Gericht zu thun/ ſo hoͤret man falſches ſchweren/ vnd grawet einem/ der es anhoͤren ſoll. Jn Summa/ wenn Job das gantze Leben des Menſchen betrachtet/ ſo ſchleuſt er/ es ſey nicht anders als ein Streit/ Muß nicht der Menſch jmmer imJob. 7 v. 1. Streit ſeyn auff Erden/ vnd ſeine Tage ſind wie ei- nes Chriſtliche nes Tagloͤhners/ ſpricht er. Aber ſo bald ein Chriſt durch den Tod weggenommen wird/ ſo hoͤret ſolcher Streit auff/ vnd hat ein Ende/ er entgehet den Feinden auß den Augen vnd Haͤnden/ koͤmpt an den Ort des Friedes/ vnnd erfaͤhret das es wahr ſey/ was GOTT durch den Propheten ſaget: Eſ. 32. v. 18Mein Volck wird wohnen in Haͤuſern des Friedes/ Sap. 3. v. 1.in ſichern Wohnungen/ vnd in ſtoltzer Ruh/ Denn die Seelen der Gerechten ſind ja in GOttes Hand/ vnd keine Qual ruͤhrt ſie an.

Vnd das iſt die Vrſach/ das die Heiligen ſich ſo hertzlich nach dem Tod geſehnet haben/ weil ſie dadurch zum Friede 1. Reg. 19. v. 4.kommen. Elias ſprach: Es iſt genug/ nimm nun Ph. 1. v. 23.meine Seele weg. Vnd der Apoſtel Paulus ſagte: Jch habe luſt abzuſcheiden/ vnd bey Chriſto zu ſeyn/ ich begehre auffgeloͤſet zu werden. Denn/ weil die Chri- ſten hie/ gleich wie mit Ketten gebunden/ gehalten werden/ mit Ketten der Muͤh vnd Arbeit/ mit Ketten des Creutzes vnd Elendes/ mit Ketten des Todes/ ſo werden ſie durch ein ſeliges Stuͤndelein davon befreyet/ daß ſie jhre Seelen koͤn- Pſal. 116. v. 7. 8. 6.nen anreden/ vnd ſagen mit David: Sey nun wieder zu frieden meine Seele: Denn der HErr thut dir guts: denn du haſt meine Seele auß dem Tode ge- riſſen/ mein Auge von den Thraͤnen/ meinen Fuß vom gleiten. Jch wil wandeln fuͤr dem HErren im Lande der Lebendigen. Denn/ die ſelig von hinnen Apocal. 7. v. 10.abgeſchieden ſind/ ſtehen fuͤr dem Stuel des Lambs/ vnd ſind angethan mit weiſſen Kleidern/ vnd ha- ben Palmen (welche ſein ein Zeichen des Friedes) in jh- ren Leichpredigt. ren Haͤnden/ vnd ſchreyen mit lauter Stimm: Heil ſey dem/ der auff dem Stuel ſitzet/ vnſerm GOTT vnd dem Lamb.

Wer wolte nicht in betrachtung deſſen/ den ſeinigen im Tode gerne goͤnnen dieſen Frieden/ vnd wenn GOtt ſie zu ſich nimpt/ mit der jtzt betruͤbten Fraw Witwen ſagen auß dem Mund des betruͤbten Jſraels! Ziehet hin jhr Lieben/Baruch. 4. v. 19. v. 23. ziehet hin. Jch habe euch ziehen laſſen mit trawren vnd weinen/ GOTT aber wird euch mir wiederge- ben mit Wonne vnd Frewde. Es troͤſtet mich mein Muth Daß wir in groſſen Frewden/ Zuſammen kommen thun/ Vnd bleiben vngeſcheiden Jm Himmeliſchen Thron. Wer wolte nicht/ wenn ſein Stuͤndlein koͤmpt/ gerne ſterben/ mit frewden ſingen vnd ſagen?

Jch hab hie wenig guter Tag/ Mein Taͤglich Brod iſt Muͤh’ vnd Klag/ Wenn mein GOtt wil/ ſo wil ich mit hinfahrn im Fried Sterbn iſt mein Gwiñ/ vñ ſchad mir nicht.

HErr JEſu Chriſte/ der du vns auß Gnaden verſpro- chen haſt/ du wolleſt vns durch den Tod auß allem Streit/ Muͤhe vnd Elend befreyen/ Gib vns allen Gedult/ alle Muͤ- he vnd Sorge dieſes Lebens zu ertragen/ vnd beweiß an vns deine Trew/ vnd mache es mit all vnſerm Creutz ein ſolchs Ende/ daß wirs koͤnnen ertragen/ daß ein jeder ruͤhmen kan: COb Chriſtliche Pſ. 23. v. 4. v. 5. v. 6.Ob ich ſchon wandere im finſtern Thal/ Fuͤrchte ich kein Vngluͤck. Denn du biſt bey mir/ dein Stecken vnd Stab troͤſten mich. Du bereiteſt fuͤr mir einen Tiſch gegen meine Feinde/ du ſalbeſt mein Haͤupt mit Oele/ vnd ſchenckeſt mir voll ein. Gutes vnd Barmhertzigkeit werden mir folgen mein Leben- lang/ vnd werde bleiben im Hauſe des HErren jm- merdar/ Amen.

III. an dẽ Ort der Ruh- ſamkeit.

Fromme Chriſten kommen nach jhrem Tode an den Ort der Ruhſamkeit/ Sie ruhen in jhren Kam̃ern ſagt der Prophet. Vnd das gehet dem Leibe an/ weil derſel- be in dieſer Welt ebẽ/ wie die Seele/ muß geplaget/ vñ taͤglich abgemattet werden/ ſo bringt jhn GOtt durch den Tod zur Ruhe/ das er nicht von der Arbeit mehr ermuͤden/ vnd von der Kranckheit nicht mehr darff geplaget werden. Sie ruhen in jhren Kammern/ nemblich in jhren Graͤbern vnter der Erden/ welcher ſchoͤne Name vnſern Graͤbern von GOTT Eſ. 26. v. 20ſelbſt gegeben wird: Gehe hin mein Volck in eine Kammer/ vnd ſchleuß die Thuͤr nach dir zu/ verbirge dich ein klein Augenblick/ biß der Zorn fuͤruͤber gehe. Ob es gleich jaͤmmerlich iſt anzuſehen/ daß ein Menſch/ der in dieſer Welt in Ehren geſeſſen/ Land vnd Leute/ Geld vnd Guͤter vnd alles die Fuͤlle gehabt hat/ in ſeinem Tode/ in die finſtere Erde geſetzet/ mit der Erden bedecket/ darinn vermo- dern/ vnd der Wuͤrmen Speiſe werden muß/ ſo iſt doch die- ſes troͤſtlich/ daß dieſes finſtere Grab/ einen ſo ſchoͤnen Na- men hat/ daß es heiſt vnd iſt/ eine Ruhekammer/ darinnen die Leiber der Heiligen ſchlaffen vnd ruhen/ nicht als in einer gemei- Leichpredigt. gemeinen Kam̃er/ denn da koͤnten wir leichtlich zu Vngluͤck kommen/ vnd in der Ruh verſtoͤret werden/ wie Jsboſeth/2. Samuel. 4. v. 5. Holofernes vnd Zedekias. Nein/ es ſind ſichere Kammern/Judith. 13. v. 9. darinn vnſere Leiber ruhen/ jhr altes Suͤndenkleid ablegen/ vnd ein newes Kleid der Vnſterbligkeit anziehen. Denn1. Reg. 22. v. 25. wenn eines Menſchen Coͤrper in die Erd geſetzet wird/ ſo heiſt es von jhm/ wie der Apoſtel ſaget: Es wird geſaͤet ver-1. Corinth. 15. v. 42. v. 42. weßlich/ vnd wird aufferſtehn vnverweßlich/ es wird geſaͤet in Vnehre/ vnd wird aufferſtehn inv. 44. Herrligkeit/ es wird geſaͤet in Schwachheit/ vnd wird aufferſtehn in Krafft/ es wird geſaͤet ein Na- tuͤrlicher Leib/ vnd wird aufferſtehen ein Geiſtlicher Leib.

Wer wolte deñ vber den toͤdtlichen Abſchied der ſeinigen zu ſehr betruͤbet ſeyn/ weil er weiß/ das ſie zur Ruhe kommen ſind/ vnd ſchlaffen in der Erden/ biß ſie von Chriſto am Juͤng- ſten Tage werden aufferwecket werden? Wer wolte ſich fuͤrm Tode entſetzen/ weil er weiß/ daß er durch denſelben von aller Muͤhe zur Ruhe koͤmpt? wer wolte nicht vielmehr an ſeinem Ende mit frewden ſingen:

So fahr ich hin zu JEſu Chriſt/ Mein Arm thue ich außſtrecken/ So ſchlaff ich ein vnd ruhe fein/ Kein Menſch kan mich auffwecken/ Denn JEſus Chriſtus GOttes Sohn Der wird die Himmelsthuͤr auffthun Vnd fuͤhrn zum ewign Leben! C ijAllein Chriſtliche

Allein wer diß wuͤnſchet/ muß zuſehen/ daß er ein Ge- rechtes/ Heiliges vnd Auffrichtiges Leben fuͤhre/ denn Pſ. 49 v. 15von den Gottloſen wird geſaget: Sie liegen in der Hel- le wie Schaffe/ der Tod naget ſie/ Aber die from- men werden gar bald vber ſie herſchen/ vnd jhr Trotz muß vergehen/ in der Helle muͤſſen ſie bleiben/ Ap. 14. v. 11da der Rauch jhrer Quaal wird auffſteigen von Ewigkeit zu Ewigkeit/ vnd ſie werden keine Ruhe haben Tag vnd Nacht. Von den frommen aber allein wird geſaget/ daß ſie zum Friede kommen/ vnd ruhen in jhren Ap. 14 v. 13Kammern. Selig ſind die Todten/ die in dem HErren ſterben von nun an. Ja/ der Geiſt ſpricht: das ſie ruhen von jhrer Arbeit/ denn jhre Wercke folgen jhnen nach.

Vnd weil dieſes in acht genommen hat Jhr Gnaden/ der Herr von Pudlitz/ ſo viel muͤglich iſt geweſen/ hat ſie GOtt auch durch den Tod gebracht an Ort der Sicherheit/ an den Ort der Friedſamkeit/ an den Ort der Ruhſamkeit/ Geneſ. 32 v. 30.daß Sie der Seelen nach jtzt ruͤhmen kan mit Jacob: Jch ſehe den HErren von Angeſicht zu Angeſicht/ vnd meine Seele iſt geneſen. Dem Leibe nach/ der in ſeinem Sarge ſanfft ruhet/ vnd allhie in ſeine Kam̃er/ biß an Juͤng- ſten Tag/ zu Ruhe beygeſetzet wird/ ruͤhmet ſie fuͤr GOTT/ Pſ. 4 v ult.vnd vns allen/ vnd ſaget mit David: Jch liege vnd ſchlaffe gantz mit frieden/ denn du HErr allein hilffeſt mir das ich ſicher wohne/ welches ja der hochbetruͤbten Fraw Witwen jhr Hertz erquicken/ vñ die Thraͤnen von den Augen abwiſchen ſoll.

Wer Leichpredigt.

Wer jhm ſolches vnter vns wuͤnſchet/ der ſehe zu/ daß er ſey vnd bleibe ein Gerechter/ ein Heiliger vnd Auff- richtiger Chriſt fuͤr GOtt/ vnd ſeufftze allezeit des Mor- gens/ wenn er auffſtehet/ des Abends/ wenn er zu Bette ge- het/ ja alle Stunde vnd Augenblick/ vmb ein ſeliges Ende/ vnd ſpreche von Hertzen mit der Chriſtlichen Kirchen:

Ach HErr laß deine Engelein Am letzten Ende die Seele mein Jn Abrahams Schoß tragen/ Den Leib in ſein Schlaffkaͤmmerlein Gar ſanfft ohn einig Quaal vnd Pein Ruhn biß an Juͤngſten Tage/ Als den vom Tod erwecke mich Daß meine Augen ſehen dich Jn aller Frewd o GOttes Sohn Mein Heyland vnd Genaden Thron. HErrr JEſu Chriſt/ erhoͤre mich Jch wil dich preiſen ewiglich. Amen.

C iijIn Ehrengedaͤchtnuͤß.

In Nomine Jeſu! Ehren-Gedaͤchtnuͤß des Verſtorbenen HErrn von Pudlitzen.

VElangende nun das Herr-liche vnd Hochbeſtamte Herkommen/ den Gottſeli- gen vnd Tugendhafften Wandel/ wie auch die Chriſtliche vnd ſelige Hinfart auß dem Jammerthal dieſer boͤſen Welt/ des Wei- land Hoch-Wolgebohrnen vñ Edlen Herꝛn/ Herrn Philip-Chriſtoph Ganſen/ Edlen Herrn zu Pudlitz/ auff Wittenberg vnd Wollffshagen/ der ChurBrandenburg ErbMarſchallen/ vnd Churfl. Brandenb. Wollbedienten Capitains in dero Preuſiſcher Haupt-Veſte Pillaw/ nuh- mer in GOtt ruhend; So iſts gar gewiß vnd vnfeilbahr/ das derſelbe auß Vhralten/ vornehmen/ Graͤfflichen/ Herr- lichen/ Hoch-Adelichen/ vnd in Heiligem Roͤmiſchen Reiche deutſcher Nation/ in der Hochloͤblichen Chur- vnd Marck Brandenburg/ in dieſem/ wie auch andern benachbarten Laͤn- dern/ hochbenamten Haͤuſern/ derer Edlen Herrn von Pud- litz/ vnd derer von Rohr/ entſproſſen: Geſtalt denn ſolches nicht allein hie vnd anderswo manniglichen; bevorab denen vom Herren-Stande/ Ritterſchafft vnd Adel/ ſehr woll vnd zur gnuͤge bekand vnd wiſſend; ſondern es gibt deſſen auch auß Gnaͤdigſter affection ein Churfuͤrſtliches wollbeglaub- tes Zeugnuͤß Vnſere Allergnaͤdigſte Chur- vnd Lan- des Fuͤrſtliche Herrſchafft/ welche der Allgewaltige GOtt in allem Chur- vnd Fuͤrſtlichem Wollſtande/ auß Ehrengedaͤchtnuͤß. auß Vaͤterlicher Gnade/ zu troſt jhren hochbedruͤck- ten Landen vnd Leuten/ zu langen Zeiten/ friſten vnd erhalten wolle.

Vnd wird demnach gantz vnnoͤthig erachtet/ gemelter beyder Hohen vnd Vornehmen Familien Vrſprung vñ An- fang von vndencklichen Jahren hero/ wie auch dero vielfaͤlti- ge hohe vnd groſſe Ehren-Ampter/ trewe Dienſte/ ruhm- wuͤrdige Ritterliche Thaten/ vnd hochanſehnliche Privile- gia/ mit welchen Sie/ vmb derſelben willen/ ſo wol von den Roͤmiſchen Kaͤiſern/ als auch von Jhrer Chur- vnd Landes- Fuͤrſtlichen Herrſchafft/ vnd andern außwertigen Poten- taten/ denen Sie bedienet geweſen/ begnadet; weitlaͤufftig anzufuͤhren vnd zuerzehlen.

Damit aber gleichwol der gewoͤhnliche Gebrauch nicht gar hindan- vnd bey ſeit geſetzet/ ſondern demſelben/ vmb ge- wiſſer Vrſach willen/ nur mit wenigem nachgelebet werde; Als ſoll E. Chriſtl. Liebe wiſſen/ das Jhre Seel. Gnaden in der Hochloͤblichen Chur- vnd Marck Brandenburg auff dem Hauſe Wollffshagen im 1587ſten Jahre/ nach der Gna- denreichen Geburt vnſers HErrn JEſu/ in das Thraͤnen- thal dieſer Welt gebohren:

Jhr Sel. Herr Vater iſt geweſen/ der Weiland Hoch-Wollgebohrner vñ Edler Herr/ Herr Philip Ganß/ Edler Herr zu Pudlitz/ auff Wittenberg vnd Wollffshagen/ der Chur Brandenburg ErbMarſchall.

Die Fraw Mutter iſt geweſen die Hoch Wollgebohr- ne Fraw/ Fraw Eva/ gebohrne von Rohrin/ vom Hauſe Freyenſtein vnd Newenhauß.

Der Herr GroßVater/ wegẽ des Herrn Vatern/ iſt geweſen der Hochwollgebohrner vnd Edler Herr/ Herr Johann Ehrengedaͤchtnuͤß. Johann Ganß/ Edler Herr zu Pudlitz/ auff Wittenberg vnd Wollffshagen/ der ChurBrandenburg Erb Marſchall/ vnd Churfl. Brandeb. wollverdienter Raht/ wie auch Haupt- man der Prignitz vnd Graffſchafft Ruppin; hat zur Ehe gehabt die Weilandt Hochwollgebohrne Fraw/ Fraw Margaretha/ Gebohrne Graͤfin von Gleichen vnd Doh- na/ welches die Fraw GroßMutter/ von des Herrn Vatern wegen/ geweſen.

Der Herr GroßVater/ von der Fraw Mutter wegen/ iſt geweſen der Hoch- vnd WollEdle/ Geſtrenge vnd Veſte Herr Stephan von Rohr/ auff Freyenſtein vnd Newhauß; hat zur Ehe gehabt die Weiland Hoch- vnd Wol Edelgeborne Fraw Eva/ Gebohrne Quitzowin/ vom Hauſe Stabenow vnd Voigtshagen/ welches die Fraw GroßMutter/ von der Fraw Mutter wegen/ geweſen.

Der Herr EltVater/ wegen des Herrn Vatern/ iſt geweſen/ der Weiland Hochwollgebohrne Edle Herr/ Herr Johann Ganß/ Edler Herr zu Putlitz/ auff Witten- berg vnd Wollffshagen/ der Chur Brandenburg ErbMar- ſchall; hat zur Ehe gehabt die Weiland Hochwolgebohrne Fraw/ Fraw Maria/ Gebohrne von Jagaw/ welches die Fraw EltMutter/ von des Herrn Vatern wegen/ geweſen.

Der Herr EltVater/ von der Fraw Mutter wegẽ/ iſt geweſen der Hoch- vnd WollEdle/ Geſtrenge vnd Veſte Herr Churt von Rohr/ auff Freyenſtein vnd Newen- hauß/ Churfl. Brandeb. Wollbedienter Raht vnd Haupt- man Ehrengedaͤchtnuͤß. man in der Prignitz; hatt zur Ehe gehabt Eine von Bylo- win/ welches die Fraw EltMutter/ von der Fraw Mutter wegen/ geweſen.

Der Herr VhraͤltVater/ von des Herrn Vatern wegen/ iſt geweſen der Weiland Hochwolgebohrne Edle Herr/ Herr Balthaſar Ganß/ Edler Herr zu Pudlitz/ auff Wittenberg vnd Wollffshagen/ der ChurBrandeb. ErbMarſchall; hatt zur Ehe gehabt Eine von Stralen- dorff/ welches die Fraw VhraͤltMutter/ von des Herrn Vatern wegen/ geweſen.

Der Herr VhraͤltVater/ von der Fraw Mutter wegen/ iſt geweſen der Hoch- vnd Woll Edle/ Geſtrenge vnd Veſte Herr Hanß von Rohr/ auff Freyenſtein/ Weyenburg vnd Newenhauß; hat zur Ehe gehabt Eine von Arnim/ welches die Fraw VhraͤltMutter/ von der Fraw Mutter wegen/ geweſen.

Ob man nun wol noch viel weiter gehen/ vnd/ ſo wol von Vaͤterlicher/ als Muͤtterlicher Seiten/ mehr Vorfahren bey- bringen vnd anfuͤhren koͤnte; Jmgleichen ob man auch woll die uͤbrigen Ahnen von beyden Seiten außfuͤhrlich koͤnte mel- den vnd anzeigen; Geſtalt denn/ von des Herrn Vatern we- gen/ die vbrigen Ahnen ſind:

Die Herren von Schaumburg/ Die Herren von Schulenburg/ Die von Alvensleben/ Die von Pleeß/

Von der Fraw Mutter wegen aber die vbrigen Ah- nen ſind:

DDie Ehrengedaͤchtnuͤß. Die Herrn von Maltzan. Die von Oberg auß dem Lande zu Braun- Die von Veltheim. (ſchweig. Die von Alvensleben:

So hat man doch ſolches/ alß eine gantz vnnoͤhtige Ar- beit/ wie zuvor bereit gedacht/ vnd auch die Zeit/ ſo groͤſten theils verfloſſen/ zugewinnen/ wollbedaͤchtig vnterlaſſen/ vnd nicht thun wollen: Dieſes wenige aber hat gleichwoll Jhrer Sel. Gnaden zu ſchuldigen Ehren/ Jhrer hohen Ankunfft halber/ alſokuͤrtzlich erinnert werden muͤſſen.

Es iſt aber nicht allein Jhre Seel. Gnaden auß ſotha- nem hohen Stamm/ vnd Graͤfflichem/ Herr-lichem vnd Hoch Adelichem Gebluͤte herkommen vnd erbohren/ ſondern Sie iſt auch bald darauff auß Waſſer vnd Geiſt/ nach Chri- ſti Einſetzung/ wiedergebohren worden. Denn/ es haben Jhrer Sel. Gnaden vor-hochgemelte liebſte Eltern gar wol erwogen/ daß dieſer Jhr liebſter Sohn auß Suͤndlichem Samen gezeuget/ vnd in Suͤnden gebohren/ vnd deßwegen ein Kind der Vngnaden vnd des Zorns von Natur bey Gott ſey. Darumb haben Sie denſelben bald nach der Fleiſchli- chen Geburt zur H. Tauff befoͤrdert/ vnd durch dieſelbe/ als durch das Goͤttliche Bad der Wiedergeburt/ dem HErrn Chriſto vnd ſeiner rechtglaͤubigen Gemeine einverleiben laſ- ſen/ bey welchem Chriſtlichem Actu Jhme denn der Nahm Philip Chriſtoph iſt zugeleget vnd gegeben/ vnd Er mit demſelben in das Buch des Lebens eingeſchrieben worden.

Folgends iſt Jhre Sel. Gnaden von dero Hochwolge- bohrnen hertzliebſten Eltern von Jugend auff in aller Furcht vnd Vermahnung zum HErrn treuligſt aufferzogen/ zu al- len Chriſtlichen/ vnd jhrem Hochherr-lichen Stam̃ gebuͤhr- lichen Ehrengedaͤchtnuͤß. lichen wollanſtehenden Tugenden eiverigſt angefuͤhret/ vnd deßwegen auch zur Schulen fleiſſig gehalten/ biß in daß ze- hende Jahr Jhres Alters/ welches nach dem Sie erreichet/ haben Dieſelben bey Jhr Fuͤrſtl. Gn. Chriſtian Wilhelm/ Marggraffen zu Brandenburg/ vnd des Stiffts Magdeburg Adminiſtratorn/ Sie fuͤr ein Pagen in dienſten gebracht vñ verthan/ an welchem Fuͤrſtlichen Hofe denn auch jhr Sel. Gnaden etliche Jahr lang vnterthaͤnig auffgewartet/ vnd nachmals von demſelben anderweits an den Fuͤrſtlichen Pommeriſchen Hoff gelanget/ vnd Jhrer Fuͤrſtl. Gnaden/ Herrn Philip Julius/ Hertzogen zu Pommern/ Seligſter Gedechtnuͤß/ als welcher von dem zuvor Hochgemelten Marggraffen zu Brandenburg Sie begehret/ vnterthaͤnige Dienſte vnd Auffwartung gleichfals etzliche Jahr lang gelei- ſtet vnd erwieſen.

Anno Chriſti 1610. Da zu der Zeit/ der Krieg zwi- ſchen beyden loͤblichen Cronen Schweden vnd Dennemarck angieng/ hat Jhre Sel. Gnaden die Hoff-auffwartung qui- tiret, vnd in ſelbigem Krieg vnter des Obriſten Leutenants Wolff Heinrich von Werſabe Compagnie einen Fendrichs Platz angenommen/ ſelbige Charge auch biß zu ende deſſel- ben Krieges/ als einem Ehrliebenden Cavallier vnd Solda- ten gebuͤhret/ woll verſehen/ vnd bey allen Occaſionen ſich dergeſtalt comportiret, das ſo wol Jhre Officirer, als auch ſonſt maͤnniglich/ mit Jhrer Sel. Gnaden ſehr wol zu frieden geweſen/ vnd ein ſonderbahr belieben an Jhr getragen.

Anno 1613/ Weil damahls kein oͤffentlicher Krieg/ welchem Jhr Sel. Gnaden hette nachziehen moͤgen/ gewe- ſen/ iſt Sie nach Niederland gezogen/ umb die Krieges Di- ſciplin ſelbiges Orthes zuſehen/ vnd ſo viel beſſer vnd mehr zu erlernen; vnd nach dem Sie von dannen zuruͤck kommen/ D ijhat Ehrengedaͤchtnuͤß. hat Sie ſich in Seiner Churfl. Durchl. zu Brandenburg/ Churfuͤrſten Johann Sigmund/ Chriſtſeligſten Anden- ckens/ Dienſt eingelaſſẽ/ vnter dem Commando vñ Compa- gnie Jhres Sel. Hn. Brudern/ des Hoch Wolgebohrnẽ Hn. Herrn Stephan Ganß/ Edlen Herrn zu Pudlitz/ auff Wit- tenberg vnd Wolffshagen/ der ChurBrandenburgErb- Marſchallen; vnd ſich in ſolchem Dienſte auch ein Zeitlang mit ruhm auffgehalten.

Anno 1616. Als die Union eine Armee geworben vnd auffgerichtet/ hat Jhr Sel. Gnaden ſich auch dahin begeben/ vnd vnter dem Hn. Oberſten/ Hanß Burchart von Wald- manßhauſen/ eine Compagnie zu Fuß angenom̃en/ welche Sie biß Anno 1623. ſehr wol vnd loͤblich gefuͤhret/ ſich auch tapffer vnd Mannlich/ in allen Faͤllen/ in vnd vor Belaͤgerun- gen/ gehalten vnd erzeiget.

Jn gemelten 1623 ten Jahre hat Jhr Sel. Gnaden ſel- bigen Dienſt reſigniret vnd verlaſſen/ vnd ſich nacher Hauſe zu den liebſten Jhrigen auffgemachet vnd begeben/ vnd nach dem Sn. Churfuͤrſtl. Durchl. zu Brandenburg/ Churfuͤrſt Georg Wilhelm/ hochloͤblichſten Andenckens/ in A. 1626. etzliche Regimenter werben vnd richten laſſen/ als hat Se. Churfl. Durchl. Jhr Seel. Gn. in dero Dienſten gnaͤdigſt erfordert vnd begehret/ vnd Jhr von dero wollbeſtalten Ober- ſten/ H. Hildebrand Krachten/ eine Compagnie zu Fuß tra- diren vnd geben laſſen. Mit dieſer Compagnie iſt Jhr Sel. Gnaden/ nebenſt Sr. Churfl. Durchl. folgendes alſo- bald in Anno 1627. in dieſes Land vnnd Hertzogthum Preuſſen gekommen/ vnd hat dieſelbe biß an Jhr Sehliges Ende ruͤhmlich vnd loͤblich gefuͤhret/ wiewol in vnterſchiedli- chen Ortern vnd guarniſonen. Denn/ bald nach der An- kunfft in Preuſſen/ hat Se. Churfl. Durchl. Jhr Sel. Gn. nach Ehrengedaͤchtnuͤß. nach der Muͤm̃el commandiret, woſelbſt Sie 2. Jahr vñ 9. Monat in Beſatzung gelegen. Nachmals/ da die Veſtung vnd Stadt Muͤmmel den Schwediſchen abgetretten vnd eingeraͤumet/ vnd von dannen alles Churfuͤrſtl. Branden- burgiſche Volck nach Margenburg/ Haͤupt vnd Stuhm geſchicket vnd verleget ward/ hat Jhr Sel. Gnaden auch theils zu Margenburg/ theils auff dem Haͤupt/ mit Jhrer Compagnie logiret, vnd in die Sechſtehalb Jahr in bey- den guarniſonen zugebracht.

Dann weiter/ nach dem der domahls getroffene Still- ſtand zwiſchen den beyden Hochloͤblichen Cronen Pohlen vnd Schweden ſich geendiget/ vñ jtzt gemelte Orter den Schwe- diſchen wiederumb vbergeben wuͤrden/ iſt Jhr Sel. Gnaden mit Jhrer Compagnie abermahls auff Gnaͤdigſte anord- nung Sr. Churfl. Durchl. in Anno 1635. nach der Muͤm- mel zu marchiret/ (geſtalt ſolches auch alle Chur-Brandeb. Voͤlcker thun muͤſſen) doch auff dasmahl nur eine kurtze Zeit/ nemblich 5. Monat/ daſelbſt verharret.

Denn/ nach dem bald darauff Se. Churfuͤrſtl. Durchl. die Haupt Veſte Pillau/ ſo Jhr vmb dieſelbige Zeit von den Schwediſchen wiederum̃ abgetretten vnd eingelieffert ward/ mit Jhren Voͤlckern beſetzen vnd bewahren muͤſte/ als hat Sie vnterandern auch Jhr Sel. Gnaden/ als Dero alten vñ getrewen Dienern/ in ſolchen vornehmen Platz vnd Ort gnaͤdigſt commandiret, welchem gnaͤdigſten Commando denn auch Jhr Sel. Gnaden gehorſamſt gefolget/ auß der Muͤmmeliſchen Guarniſon ſich erhoben/ nach der Pillau zu marchiret/ vnd den 15. Januarij/ des 1636ſten Jahres/ da- ſelbſt eingezogen.

Jn dieſer Pillawſchen Guarniſon/ hat Jhre Sel. Gn. in das 9de Jahr/ biß zu Jhrem Seligen Hintritt/ logiret D iijvnd Ehrengedaͤchtnuͤß. vnd ſich auffgehalten/ vnd hat ſich in derſelben/ wie auch in allen andern vorgedachten Plaͤtzen vnd Ohrten (in welchen ſo wol/ als auch in der Haupt Veſte Pillaw/ Jhre Sel. Gn. gar offt vnd vielmahls/ in Abweſenheit der verordneten vnd beſtalten Herrn Oberſten vnd Gouverneurn, auch das Commando, weißlich vnd wol/ mit maͤnniglichens ſonder- bahrem contentament, gefuͤhret vnd verwaltet) dergeſtalt vnd alſo bewieſen vnd verhalten/ das Jhr Churfl. Durchl. (So woll die in GOtt ruhende/ als die jtziger Zeit/ GOtt gebe lange vnd viel Jahr! regierende) ein gutes gnaͤ- digſtes gefallen nicht allein darob getragen/ ſondern auch auß Churfuͤrſtlicher Gnade vnd Huld/ mit welcher Sie je vnd allewege Jhrer Sel. Gn. vmb Jhrer trewen/ auffrichtigen vnd beſtaͤndigen Dienſte willen zugethan geweſen/ Dieſelbe zum oͤfftern anderweits befoͤrdern/ vnnd mit einer hoͤhern Charge begnadigen wollen: Welches doch Jhre Sel. Gn. auß angebohrner hoher Demuth/ mit vnterthaͤnigſter Danck- barkeit außgeſchlagen/ vnd/ als ein ohn des Hochherr-licher vnd Wollgebohrner Cavallier/ Sich mit der Charge, wel- che Sie eine ſo geraume Zeit bedienet/ hochvernuͤnfftiger maſſen contentiret/ vnd ſehr wol zu frieden geweſen.

Anno 1639. hat Jhr Sel. Gn. durch ſonderbahre ſchickung vnd regierung des Allerhoͤchſten Gottes Jhr Hertz gewendet zu der HochEdlen/ Viel Ehr- vnd Tugendreichen Jungfrawen Dorothea/ gebohrnẽ Groß Pfersfellerin/ als gegenwertiger hertzlich vñ ſehr hochbetruͤbtẽ Fraw Witt- wen/ deß zur ſelbigen Zeit noch im Leben verhandenen/ nu- mehr aber vnlengſt in Gott auch ſeelig entſchlaffenen/ Hoch- Edlen/ Geſtrengen/ Veſten vñ Mañhafften Herrn. Heinrich Groß/ Pfersfeller genand/ auff Potollen vñ Schalven ꝛc Erb- Ehrengedaͤchtnuͤß. Erbſaſſen/ Eheleiblichen vnd Hertzliebſten Tochter/ welche Jhr dann auch von Dero HochAdelichen Eltern/ auff Jhr freundliches vnd gebuͤhrliches anſuchen/ ehelich verſprochen worden. Vnd darauff folgends auch in Anno 1642. den 10. Monats Tag Februarij/ Seine Churfl. Durchl. vnſer Allergnaͤdigſter Chur- vnd LandesFuͤrſt/ auß ſonderbarer ChurFuͤrſtlicher mildreicher Gnade vnd Hulde/ welche Sie zu Jhrer. Sel. Gn. als dero Alten vnd wollmeritierten Diener/ beharrlich getragen/ die Copula- tion vnd Hochzeit/ auff dero Churfuͤrſtlichen Reſidentz allhie/ Herr-licher vnd Hochanſehnlicher maſſen/ in beyſein vñ ge- genwart aller Chur- vnd Fuͤrſtlichen/ wie auch vieler anderer Hoher vnd Vornehmer Herren-vñ Adelichen Standes Per- ſohnen/ allergnaͤdigſt ins Werck richten vnd vollenziehen laſ- ſen. Mit dieſer Jhrer Hertzliebſten Gemahl ob wol Jhr S. Gn. eine faſt ſehr kurtze Zeit/ nemblich nur 2½ Jahr 2. Mo- nat vnd etzliche Tage/ vnd noch dazu ohn Leibes Erben/ gele- bet; So hat Sie doch eine rechtfreundliche/ friedliche/ lieb- liche vnd hocherfrewliche Ehe beſeſſen: Dafuͤr Sie deñ auch der Hohẽ Goͤttlichen Maytt. zum oͤfftern hertzlich gedancket. Gleich wie der S. Herr ſeine Hertzliebſte mit hertzlicher vnd vngefaͤrbter Liebe vnd Trewe gemeinet/ vnd auß hertzlicher Liebe/ wenn es muͤglich geweſen were/ woll Seine Augen außgeriſſen/ vnd Jhr gegeben: Alſo iſt Er auch hinwieder- umb von Deroſelben inbruͤnſtig geliebet. Sie iſt Jhm/ als jh- rem allerwehrteſten Eheherrn/ nach Goͤttlicher Ordnung/ vnterthan geweſen; Jhn/ alß jhren hoͤchſten Schatz auff Er- den/ von grund jhres Hertzens geliebet/ vnd in der Liebe gegen Jhm allezeit verblieben; Sie hat in Seine Weiſe vnd Willen ſich ſehr wol geſchicket/ vernuͤnfftig mit Jhme vmbgegangen/ Seiner Ehrengedaͤchtnuͤß. Seiner treulich gewartet vnd gepfleget/ vnd kein Leides/ ſon- dern alles erfrewliches vñ Liebes/ Jhme gethan ſein Lebẽlang.

Jhres Chriſtenthumbs halben/ hat Jhre Sel. Gnaden auch bey jederman/ ſo Dieſelbe gekant/ vnd inſonderheit bey den Dienern Goͤttliches Worttes/ derer Seelenſorge Sie ſich vertrawet vnd ergeben/ ein gar ruͤhmliches vnd herrliches Zeugnuͤß. Denn/ ob Sie zwar auch geweſen ein Kind vnd Nachkoͤmling Adæ vñ Evæ/ das iſt/ ein Suͤndlicher Menſch/ vnd jhre Menſchliche Gebrechen vnd Faͤhl an ſich gehabt/ geſtalt wir denn alle ohn vnterſcheid Suͤnder ſeyn/ vnd des Ruhmes/ ſo wir an Gott haben ſollen/ mangeln vnd darben: So kan vnd muß doch Jhrer Sel. Gn. mit beſtendigem vnd vngefaͤlſchtem Grund der Warheit dieſes nachgeruͤhmet wer- den/ das Sie ein ſonderbahrer Liebhaber Goͤttliches Wor- tes geweſen/ vnd daſſelbige nicht allein in oͤffentlichen Kirch- verſamlungen/ mit Chriſtlicher Andacht vnd auffmerckung/ begierlich angehoͤret/ ſondern auch daheim fleiſſig vñ vnauff- hoͤrlich geleſen/ alſo auch/ das Sie die Heil. Bibel zu vnter- ſchiedlichen mahlen gantz durchgeleſen. Zum Beichtſtul hat Jhre Sel. Gn. Sich auch der Chriſtlichen Gebuͤhr nach zu vnterſchiedenen mahlen des Jahres gefunden/ vnd das H. Abendmahl JEſu Chriſti/ bußfertig/ andaͤchtig vnd Ehrer- bietig gebrauchet. Das liebe Gebeht hat Jhr Sel. Gn. auch ſehr lieb vnnd werth gehalten/ vnnd iſt ein recht eifferiger vnd embſiger Beter geweſen; Taͤglich Abends vnd Morgens/ ja des Nachts/ wenn Sie ſchlaffloß gelegen/ auff jhrem Bet- te/ hat Sie zu jhrem lieben GOtt/ inbruͤnſtig vnd jnniglich geſeufftzet vnd gebehtet/ auch die oͤffentlichen Betſtunden fleiſſig beſuchet vnd mit gehalten.

Jhrer Churfl. Hohen Herrſchafft/ vnd andern jhren Su- perioribus, ſo Jhr zu commandirẽ gehabt/ hat Sie allezeit ſchuldigen Reſpect vnd Obedientz geleiſtet.

Das Ehrengedaͤchtnuͤß.

Das Miniſterium jedes Ortes/ zu Felde vnd in Quar- tieren/ hat Sie gebuͤhrlich reſpectiret, vñ Demſelben gerne gutes gethan. Kirchen vnd Schulen/ als Haͤuſern Gottes/ hat Sie auch willig vnd milde geholffen/ geſtalt Sie denn auch letztes der Kirchen in der Veſte Pillau einen feinen Silbernen Kelch zum Gebrauch des Heil. Nachtmahls zugewand vnd geſchencket. Fuͤr Ar- men vnd Duͤrfftigen hat Sie Jhr Hertz vnd Hand auch nicht zugeſchloſſen/ ſondern denſelbigen willig mitgetheilet.

Jhr hertzliebſtes Gemahl hat Jhr S. Gn. hertzlich vñ be- ſtendig biß in dẽ Tod geliebet/ vñ Derſelben alle Ehliche Liebe/ Trewe vñ Wolthat auffs allerhoͤchſte/ herrlichſte vnd ruͤhm- lichſte erwieſen. Geliebet hat Sie auch Jhrẽ Herrn Brudern/ (ſo itzo drauſſen in der Chur- vnd Marck Brandenburg) den Hoch Wolgebohrnen Herrn H. Adam Georg Ganſen/ Edlen Herrn zu Pudlitz/ auff Wittenberg vñ Wolffshagen/ der Chur Brand. ErbMarſchallen/ Oberſten/ vñ Churfl. Br. geheimten Raht vñ HoffMarſchallẽ; vñ andere Jhre Bluts- Freunde vñ Anverwandten/ imgleichẽ auch Jhre hochgeehrte Schwieger-Eltern/ vñ Deroſelben An- vñ Zugehoͤrige; vñ gegẽ Dieſelben ingeſampt jederzeit liebreich/ freundlich/ friedſam/ gutthaͤtig/ vñ dienſthafftig Sich erwieſen. So war auch Jhr S. G. ein guter SoldatẽFreund/ ja gleich als ein Vater der- ſelbigẽ/ ſo Sich jhrer treulich angenom̃en/ ſie gefoͤrdert/ fuͤr ſie geſorget/ vñ in Kranckheitẽ vñ Vnfall ein hertzliches Mit- leiden mit jhnen gehabt/ auch jhnen/ ſo viel Sie vermocht/ Handreichung vnd Huͤlffe gethan. Jns gemein gegen Jeder- man hat Jhre Sel. Gnaden ſich alſo vnd dergeſtalt bewieſen vnd verhalten/ daß man Vrſach hat in jhrem Tode Sie hoch zu ruͤhmen/ vnd Jhren toͤdtlichen Hintritt ſchmertzlich zubeklagen.

EJhrer Ehrengedaͤchtnuͤß.

Jhrer Seligen Gnaden Kranckheit/ vnnd Chriſtlichen Abſchied belangend/ ſo iſt Sie im abge- wichenen Jahr/ den 22. Octobr. war der Sonnabend vor Simonis Judæ/ in der Nacht anfangs mit einer harten Lei- bes Schwachheit befallen/ darauff ein groſſes vnd ſchweres brechen gefolget/ welches ſich doch durch GOttes gnaͤdige Huͤlffe bald wieder geſtillet/ vnd hat Jhre Sel. Gnaden auch Selbſtẽ Jhr liebſtes Ehegemahl/ als Welche vber dieſer zugeſtoſſenen groſſen Vnpaͤßligkeit ſehr erſchrocken vnd hochbeaͤngſtiget war/ zu frieden geſprochen/ fuͤrgebend/ es were ein ſtuͤck von Jhrer alten Kranckheit/ nemblich von der Colica/ von welcher Sie ſonſten offters pflegte anſtoß zu leiden/ es wuͤrde woll uͤbergehen: geſtalt es denn auch et- was uͤbergegangen/ vnd Jhre Sel. Gnaden wiederumb ein- geſchlaffen/ vnd zimlich biß morgen zu geruhet. Auff den Tag befand ſich Jhre Sel. Gnaden auch zimlich woll/ aß vnd tranck auch/ war bekleidet/ vnd gieng im Loſament vmb- her/ doch klagte Sie jmmerzu uͤber groſſe Mattigkeit: Folgenden Sontag/ ob wol Jhr Sel. Gnaden auch noch etwas Mattigkeit empfunden/ ſo war es doch mit Jhr weit beſſer beſchaffen/ als am Sonnabend/ hatte auch die Nacht ſehr wol geruhet/ dannenhero Sie auch zur Kirchen gehen/ vnd der Predigt Goͤttliches Wortes beywohnen wolte; wel- ches aber/ weil es Jhrer Sel. Gnaden hertzliebſtem Ehege- mahl nicht rahtſam vnd gut gedaucht/ als hat Dieſelbe durch vieles bitten Sie dahin vermocht/ das Sie daheim geblieben/ vnd Jhr von Derſelben das damahlige Sontags Evangeli- um ſampt der Außlegung/ nebenſt hinzugethanem einem vnd anderm Gebeth/ fuͤrleſen laſſen; auch zum beſchluß ſolcher privat Sontags-Feyr/ die drey Geiſtreichen Lieder: Erbarm Ehrengedaͤchtnuͤß. Erbarm dich mein O HErre GOtt: (Noth: Auff meinen lieben Gott/ traw ich in Angſt vnd Was mein GOtt wil/ das geſchehe allezeit/ Sein Will der iſt der beſte. etc. mit hertzlicher Andacht/ nebenſt Jhrer Hertzliebſten/ darzu geſungen. Hierauff hat Jhr Sel. Gnade/ als der Mit- tag heran kommen/ Sich auch zu Tiſch geſetzet/ vnd eine faſt gute Mahlzeit gethan. Nachmittags kamen Pferde vnd Wagen/ mit welchen Jhr S. Gnaden/ nebenſt Jhrer Hertzliebſten/ auff freundliches begehren Jhrer hochgeehr- ten Fraw SchwiegerMutter/ nach Koͤnigsberg zu Jhr fah- ren/ vnd Sie erſuchen ſolten; da den anfangs zwar Jhr S. Gn. Sich fuͤr Jhre Perſohn ſolcher Reiſe halben/ mit Jhrer Mattigkeit/ entſchuldigte/ vnd von Jhrer Hertzliebſten/ das Dieſelbe allein fahrẽ ſolte/ inſtẽdig begehrte; doch weil Selbe ſolches gantz keines weges thun/ vnd Sie nicht allein laſſen wollen/ als hatt Jhr Sel. Gn. ſich endlich reſolviret mit zu reiſen/ vnd nicht irgend die Fraw Mutter durch jhr außenblei- ben (wie Jhrer Sel. Gn. eigene Wort wahren) zu erzuͤrnen. Dieſe gefaſſte Reſolution aber war vergebens: deñ am fol- genden Montage eraͤugete ſich wiederum̃ eine groſſe Mattig- keit bey Jhr Sel. Gn. welche auch alſo wuchs vnd vberhand nahm/ das Sie nicht/ wie zuvor noch wol geſchehen/ auffſtehẽ koͤnte/ ſondern im Bette ſich halten muͤſte; welches da es Jhre Hertzliebſte vermercket/ hat ſie alſo fort nacher Koͤnigs- berg an den Churfl. Hoff-Medicum, Hn. D. Chriſtoph. Tinctorium/ geſchrieben/ welcher auch/ weil er in Perſon ſelbſt nicht hinab kommen koͤnnen/ vngeſeumet allerhand edle medicamenta vñ kraͤfftige Sterckungen herauß geſchicket/ So auch Jhre S. Gn. nach dem ſie am Dienſtage ankom̃en/ E ijnicht Ehrengedaͤchtnuͤß. nicht verachtet/ ſondern gern gebrauchet/ vnd willig zu ſich ge- nommen. Vnd nach dem ſolche medicamenta bey Jhrer S. Gn. nichts helffen/ noch etwas verſchlagen wollen/ ſon- dern die Mattigkeit vnd Schwachheit je mehr vnd mehr zu genommen; als hat Deroſelben Hertzliebſte noch eins am Mittwoch vorgemelten Hn. Medicum durch Schreiben er- ſuchet/ vnd/ das er in Perſohn hinab kom̃en moͤchte/ gebeten: Jhr. Churfl. Durchl. auch/ vnſere Gnaͤdigſte Chur- fuͤrſtin vnd Fraw/ hat Sie vnterthaͤnigſt durch demuͤtig- ſte Schrifft angeſprochen vnd gebeten/ das Dieſelbe gnaͤ- digſter maſſen dem Hoff-Medico hinab zufahren/ auff einen vnd andern Tag/ verguͤnſtigen wolte. Deñ/ es wolte die- ſes numehr hoch-betruͤbte vnd tieffſt-verwundete Hertz Jhrem allerliebſten Ehe Herrn von grund jh- rer Seelen gern Huͤlff vnd Rath ſchaffen; mit Jh- rem Blutt hette Sie Jhm gerne geholffen/ ja den Tod hette Sie wol ſelbſt an Seiner ſtatt gelitten/ wenn es nur muͤglich/ vnd Goͤttlicher Mayeſtaͤt alſo gefaͤllig geweſen.

Jm̃ittelſt hat Jhr. S. G. gleichwol auch Selbſt gute Hoff- nung jhrer beſſerung noch allwege gehabt/ weñ auch Deroſel- ben Hertzliebſte jhre groſſe Hertzens-angſt vnd Trawrigkeit durch weinen vñ andere euſſerliche Geberde herfuͤr brechen laſ- ſen; hat Jhre Sel. Gn. Sie Selbſt getroͤſtet/ vñ ermahnet/ Sie wolle ſich doch zu frieden geben/ vnd nicht ſo klaͤglich thun/ vñ ſo jaͤm̃erlich ſich gebehrdẽ/ es wuͤr- de mit Jhr nach GOttes Willen wol beſſer werden; Sie wuͤrde noch nicht ſterben/ der Hoͤchſte GOTT wuͤrde Sie noch Jhr zu troſt eine Zeitlang beym Leben Ehrengedaͤchtnuͤß. Leben erhalten; wie denn Jhr S. Gn. ſolche Wort noch am Mitwoch zu vnterſchiedenen mahlen von Sich verneh- men laſſen. So war es auch an demſelbigen Tage mit Jhrer S. Gn. noch ſo gar uͤbel vnd boͤſe nicht/ es wurd keine toͤdliche Schwachheit/ dem euſſerlichen anſehen nach/ an Jhr geſpuͤ- ret/ biß auff die folgende Nacht/ da brach ſie recht herfuͤr/ vnd ließ ſich alles zum ſehligen Abſchied auß dieſer Welt an ſehen; Darumb deñ alsfort Jhre Hoch Edle Geſtrengigkeit/ der H. Oberſter der Veſte Pillau/ Herr. Otto Wilhelm von Pudewelſſen/ zu Jhrer Sel. Gn. erbeten worden/ ſo auch vnverzoͤgert gekommen; Es iſt auch bald darauff nach dem H. Pfarrern ſelbiges Orts geſchicket/ ſo ſich gleichfals eingeſtellet; Vnd iſt demnach Jhr Sel. Gn. fleiſſig vorgebetet vnd vorgeſungen worden: Es iſt auch Dieſelbe Jhres Heilandes Jeſu Chriſti trewlich er- innert/ vñ auff Denſelben frewdig vnd getroſt zu le- ben vnd zu ſterben ermahnet worden: welches denn Jhr Sel. Gn. Jhr auch gar wol gefallen laſſen/ vnd Sich zu einer ſeligen Hinfarth gantz Chriſtlich angeſchicket/ Jn dem Sie dem Vaͤterlichen Willen Gottes Sich gehor- ſamlich vnd gedultig ergeben/ Jhrem Erloͤſer vnd Seligmacher JEſu Chriſto Sich mit Leib vñ Seel trewlich anbefohlen/ vñ Demſelben getroſt zu leben vnd zu ſterben/ gegen die Vmbſtehenden vnd An- weſenden/ (ſo mit beten vnd ſingen bey Jhr S. Gn. fleiſſig anhielten vnd auffwarteten) zu vnterſchiedlichen mah- len verſtaͤndlich vnd vernehmlich Sich erklaͤret: da denn auch der HErr JEſus nicht lange außgeblieben/ ſon- dern Jhr S. G. bald darauff gegen des Donnerſtages Mor- E iijgen Ehrengedaͤchtuuͤß. gen/ zwiſchen 3. vnd 4. Vhr/ des 27. Octobr. gar ſanfft vnd ſaͤuberlich/ hat laſſen einſchlaffen/ nach dem Sie in dieſer Welt alt worden vnd gelebet 57. Jahr.

Nuhn Jhre Seele ruhet in der Hand Gottes/ da ſie keine Qval anruͤhret: Der Leib ſoll itzo bald in die Erden/ die vnſer aller Mutter/ beygeſetzet wer- den/ darinnen Er/ als in ſeiner Schlaffkam̃er ſanfft ruhet/ vñ des ſchier kuͤnfftigen groſſen Gerichts-Ta- ges erwartet/ an welchem Er mit der Seelen wie- derumb vereiniget/ zur ewigen Himmels-Wonne vnd Frewde herrlich herfuͤr gehen wird.

Aber ein ſehr hartes/ ja das allerhaͤrteſte/ hat GOtt der hoͤchſtbetruͤbten Hoch-Adelichen Fraw Wittwen erzeiget: Ein ſehr ſchweres vnd faſt vntraͤgliches Joch hat Er Derſelben mit ſothanem fruͤhen Wittwenſtandt auffgele- get: Derſelben iſt dieſes das allerſchmertzlichſte Scheiden; Derſelben gehet es durch Marck/ Bein vnd Hertz/ ja es iſt gleichſam die eine helffte jhres Hertzens von der andern abge- riſſen/ da numehr Jhr Hertzallerliebſter Ehe Herr/ Jhr getreweſter Freund/ die Krone Jhres Hauptes/ Jhr Edelſter Schatz vnd fuͤrnembſter Theil Zeitlicher Wolfahrt auß den Augen vnd von der Seiten Jhr hinweg genom̃en/ deßwegen hat Sie bereit vnzehlig viel tau- ſend heiſſer Thraͤnen vergoſſen/ vnd weinet annoch bitterlich faſt Tag vnd Nacht.

Ein hartes vnd hochbeſchwerliches hat auch der liebe Gott hiemit erzeiget den ſaͤmptlichen Wollgebohrnen vnd Hoch Adelichen Anverwantẽ/ alß welche an Jhr S. G. jhre Ehrengedaͤchtuuͤß. jhre Hertzens Frewde vnd Wonne gehabt: vnd inſonderheit der hochbetruͤbtẽ Fraw SchwiegerMutter/ alß Welche nicht allein Jhre S. Gnaden zu jederzeit/ alß einen Leiblichen Sohn/ geliebet vnd geehret; gleich wie Sie nebenſt Jhrem Sel. Ehe Junckern von Derſelben allwege/ alß Leibliche Eltern/ ſind hoch veneriret vnd reſpectiret worden; Son- dern auch in jhrem hochbetruͤbten Wittwenſtande/ in welchẽ Sie numehr der Allerhoͤchſte eben ſo wol/ als jhre hertzliebſte Tochter/ vnlengſt geſetzet/ ſich Jhrer S. G. als eines Leib- lichen Sohns wuͤrde ſehr hoch zuerfrewen vnd zugetroͤſten gehabt haben. Aber wer wil mit GOtt hadern/ oder mit Demſelben ſich ins Recht legen? den Finger vnd die Hand muͤſſen wir auff den Mund legen/ vnd mit David ſagen: Er iſt der HERR/ Er machts/ wie es Jhm gefelt. Vnſer Hertz muͤſſen wir in gedult faſſen/ vnd mit Hiob/ dem groſſen Creutztraͤger/ ſprechen: Der HErr hat es gegeben/ der HErr hat es genommen/ wie es dem HErren gefallen/ ſo iſt es geſchehen/ der Nah- me des HErren ſey gelobet. etc. Vnd wie wir taͤglich beten in vnſerm Heil. Vater vnſer: Dein Will geſchehe: alſo muͤſſen wir vns auch thaͤtlich dem Vaͤterlichen Wil- len GOttes vntergeben/ vnd in Kindlicher Vnterthaͤ- nigkeit vnd Gehorſam ſagen: GOTT iſt mein Troſt/ mein Zuverſicht/ mein Hoffnung vnd mein Leben/ Was mein GOtt will/ das mir geſchehe/ Will ich nicht wiederſtreben. etc. etc.

M. G. N.