Terra morientium damnata, et regio viventium beata. Das ist Daß Verbandte/ vnsichere vnd vngewisse SterbeLand/ vnd Sicheres/ Herliches/ Gesegnetes/ Ewiges FriedenLandt/ auß dem 32 Cap. Esaia

Præfatio. Gott ſey mit vns/ vnd troͤſte vns/ mit dem beſten Trõſter/ ſeinem Heiligen Geiſt/ vmb JEſu Chriſti/ ſeines lieben Sohn es/ vnſeres HErꝛn vnd Heylandes willen.

ERlauchte/ Andaͤchtige/ alleſambt Ge- liebte/ vnd zum theil auch von Hertzen betruͤbte Chriſten. Heute acht Tage/ als man inn offentlichen Kirchen Verſamlungen/ von dem Lohn der Arbeiter/ im Weinberg des HERREN ge-Dominica Septuageſ. ex c. 20. Matthæi. prediget/ hat der Allmaͤchtige Gott/ nach ſeinem vn- wandelbaren Rath vnd Willen/ einen Fuͤrnehmen An- ſehlichen Arbeiter/ im Fuͤrſtlichen Regiment alhie/ in der beſten bluͤte ſeines alters/ zu ſich/ in das Ewige le- ben/ abgefordert/ Den Weyland Edlen/ Geſtrengen/ Ehrenveſten/ Wolbenambten vnd Hochgelaͤhr- ten Herꝛen Paulum Friedlandum, Wolverord- neten Fuͤrſtl: Muͤnſterbergiſchen Olßniſchen Rath allhier/ vnd zu Jhme geſaget: Paule, Du haſt ge-Ex illo 1. Cor. 3. & Matth. 25. nung gepflantzet vnd gearbeitet/ vnd biſt ein fromer vnd getrewer Knecht geweſen inn meinem Weinberg/ gehe nun auch ein in deines HERRN frewde. Weil denn ſein ſelig verſtorbener Leichnam/ ſoll heutiges Tages ge- buͤhrlicher weiſe/ zur Erden beſtattet werden/ vnd Jch jhme/ dieſen Letzten Ehrendienſt verꝛichten/ vnd eine Chriſtliche Leichpredigt halten ſoll/ habe Jch mir fuͤr- genommen zu reden/ De Terra morientiũ & Regione viventium, von dem vnſicheren vergaͤnglichen Sterbe- A ijLand/ Chriſtliche Leich Predigt. Land/ vnd von dem Sicheren/ Ewig wehrendem herꝛ- lichen Frieden Land/ welches deñ/ an einem theil den Hochbetruͤbten Leidtragenden zu troſt/ am anderen theil aber/ vns allen zu einer nothwendigen Lehre vnd Ver- mahnung dienen ſoll/ Bereitet darzu Ewere hertzen zu jnnbruͤnſtiger Andacht/ vnd betet mit mir ein glaͤubiges vnd Andaͤchtiges Vater vnſer.

Textus deſumtus eſt ex c. 32. Eſaiæ â ꝟ. 12. uſq̀; ad ꝟ. 18. incluſivè. ꝟ. 12.MAn wird klagen vmb die Ecker/ ja vmb die Lieblichen Ecker/ vmb die Fruchtbahren Weinſtoͤcke. ꝟ. 13.Deñ es werden auff dem Acker meines Volcks Dornen vnd Hecken wachſen/ dazu vber allen Frewden Haͤuſern inn der froͤlichen Stadt. ꝟ. 14.Denn die Pallaſt werden verlaſſen ſein/ vnd die Menge in der Stadt einſam ſein/ das die Thuͤrne vñ Feſtunge/ Ewige hoͤlen wer- den/ vnd dem Wildt zur frewde/ den Herdẽ zur Weide. ꝟ. 15.Biß ſo lange das vber vns außgegoſſen werde/ der Geiſt auß der Hoͤhe. So wird denn die Wuͤſten zum Acker werden/ vnd der Acker fuͤr einen Waldt gerechnet werden. Vnd Chriſtliche Leichpredigt. Vnd das Recht wird in der Wuͤſten wohnen/ꝟ. 16. vnd Gerechtigkeit auff dem Acker hauſen/ vnd der Gerechtigkeit Fruͤcht/ wird Friede ſein. Vnd der Gerechtigkeit Nutz/ wird Ewige ſtilleꝟ. 17. vnd Sicherheit ſein. Das mein Volck in Haͤuſern des Friedes woh-ꝟ. 18. nen wird/ in ſicheren Wohnungen vnd in ſtoltzer Ruhe.

EXORDIUM.

ERLauchte/ Andaͤchtige/ Geliebte Chriſten. Vmb dieſe Zeit des Jahres ſoll Moyſes der trewe Knecht vnd DienerJoſephus in ſine l. 4. & Paulus Eberus in calendario ſacro p. 95. Gottes geſtorbẽ ſein/ wie Joſephus meldet. Nu wiſſen wir auß Goͤttlicher Heiliger Schrifft/ was Moſes fuͤr ein vornehmer Mañ geweſen/ Fons & ocea- nus omnium Prophetarum: Er iſt geweſen/ der jenige groſſe Mann/ welchen S. Johannes Chriſto entgegẽ ſetzet/ wenn Er ſpricht: Das Geſetz iſt durch Moſen gegeben/ Die Gnade aber durch JEſum Chriſtum/Iohannis 1. Denn gleich wie der HERRE Chriſtus/ das Evan- gelium/ auß der Schoß ſeines Himliſchẽ Vaters herfuͤr gebracht/ Alſo iſt das Geſetz/ welches durch den Suͤndẽ fall vnſerer Erſten Eltern/ gleichſam vertunckelt war/ zur Zeit Moyſis auffs New wiederholet worden/ vnd gleich wie Moyſes die Jſraeliten erloͤſet hat/ von der Aegyptiſchen Dienſtbarkeit/ Alſo hat vns der HERRE Chriſtus erloͤſet von dem Ewigen Helliſchen gefaͤngniß/ A iijGleich Chriſtliche Leichpredigt. Gleich wie Chriſtus ein groſſer Wunder Mañ/ welcher groſſe Wunder gethan/ Alſo iſt Moyſes ein groſſer Wunder Prophet: Der wunderlich gebohren/ wunder- lich erzogen/ wunderlich beruffen/ wunderlich regieret/ gelehret/ vnd auch wunderlich geſtorben. Sonderlich aber fuͤhret vns ſeine Hiſtoria zu Gemuͤthe/ dreyerley Denckwuͤrdige Lehren/ welche wir bey beſtattung der vnſrigen/ wol bedencken ſollen:

1. Das Gott genungſam Mittel vnd Wege hat/ den Menſchen bey dem Leben zu erhalten/ vnd weñ Er will einen erquicken/ ſo koͤnne jhn niemandt erſticken/ Danher nicht allein Moſes/ in ſeiner zarten Kindheit/ wunderlicher weiſe/ bey dem Leben erhalten worden/ ſondern es muſte auch das bittere vngeſunde Waſſer zu Zeiten Eliſæ, ſeine boͤſe art endern/ vnd auff den befehl Gottes geſundt vnd heilſam werden/ wie wir 2. Reg. 2. ꝟ. 21. & 22. leſen. Alſo hatten die lieben Apoſtel/ dieſe Verheiſchung/ von dem HErꝛn Chriſto/ Ob ſie gleich/ etwas toͤdtliches trincken wuͤrden/ ſo ſolte es jhnen doch nicht ſchaden/ wie wir leſen Marci am 16. Capitel.

2. Darnach Lehret vns Moſis Hiſtoria, Das weñ Gott wil/ ſo muͤſſen die aller geſundeſten Men- ſchen ſterben/ deñ ob gleich Moſes nicht Kranck geweſen/ dennoch/ da ſein ſtuͤndlein herbey kam/ muſte Er ſterben/ vnd wie ſehr er wuͤnſchete/ vnd bey Gott anhielt/ vmb friſtung ſeines Lebens/ vnd das er noch gerne/ in das ge- lobte Land were kommen/ ſo wahr doch ſein Wunſch vnd bitte/ gantz vergebens/ wie wir leſen Deuteron. 3. ꝟ. 26. 27. & ſeq.

3. Ferner Chriſtliche Leichpredigt.

3. Ferner Lehret vns auch der Todt Moſis, Das kein Menſch/ durch des Geſetzes werck/ kan ſelig werden/ denn ſo Moſes ſelbſt hat muͤſſen ſterben/ per quem lex lata eſt, vnd dieſe ehre hatte/ das jhn dieNum. 20. v. 11. 12. & 13. Schrifft neñet den mitler des Alten Teſtaments/ Gal. 3. ꝟ. 19. vnd hat die Schuldt der Natur bezahlen muͤſſen/ weil er ſich an Gott verſuͤndiget/ Je was wird wol vns begegnen? Geſchiehet das am gruͤnen Holtz/ was wil am duͤrꝛen werden? da iſt keiner vnter vns/ der da koͤndte ſagen/ Jch bin rein in meinem Hertzen/ vnd lauter von meiner Suͤnde. Prov. 20. ꝟ. 9.

4. Endlichen erjnnert vns Moſis Hiſtoria, Das4. Gott mehr als ein gelobtes Land habe/ denn ob gleich Moſes geſtorben/ vnd in das jrꝛdiſche gelobte Land das Volck Jſrael nicht eingefuͤhret Jedoch iſt er/ nichts deſto weniger/ in das gelobte Land des Ewigen Lebens auff vnd angenommen worden/ da nicht allein ſein Angeſicht/ ſondern Leib vnd Seele zu gleich verklaͤret worden/ wie jhn denn Goͤttliche Magiſtet in einer wichtigen Legation gebrauchet Matthæi am 17. auff dem Berge Thabor/ bey der Verklaͤrung ſeines lie- ben Sohnes JEſu Chriſti/ vnd eben dahin gehen auch die verleſenen Worte des Heiligen Geiſtreichen Pro- pheten Eſaiæ, welche ſich gar recht vnd wol ſchicken vnd reumen/ an einem theil auff die jetzige bekuͤmmerte vnd betruͤbte Zeit/ vnd dann auch auff die gegen- wertige Leich/ wir wollen nu bey Erklaͤrung derſelben verbleiben/ vnd mit einander inn Zweyen Stuͤcklein reden:

A iiiji. De Chriſtliche Leichpredigt.

i. De Terrâ Morientium Damnatâ, Von dem vnſicheren vnd vergaͤnglichen Sterbe Landt.

ii. De Regione Viventium Beatâ, Von dem Sicheren Ewig wehrendem herꝛlichen Frieden Landt.

GOtt verleyhe darzu ſeine Gnade/ das ſolches alles/ den Betruͤbten Leidtragenden zu Troſte/ vnd vns allen/ zu einer heilſamen Lehre vnd Vermahnung gelangen moͤge.

TRACTATIO.

GEliebte Chriſten. Es iſt ſehr Klaͤglich/ das offt ein Hauß-Vater/ inn ſeinem Felde/ dreyerley Todten Acker antrifft/ da der außgeſtrewete Same nicht bekleibẽ kan/ ſondern alle ſeine muͤhe/ fleiß vñ arbeit vergebens iſt/ wie dann der HERRE Chriſtus/ eben Dominica ageſ. ex t. 8. Lucæ.in dem heutigen Sontaͤglichen Evangelio/ dergleichen trawrige Klage fuͤhret: Aber jhr habt in den verleſenen worten/ des Heiligen vñ Geiſtreichen Propheten Eſaiæ, viel eine trawrigere Predigt hoͤren verleſen/ in welchen vns erſtlich fuͤrgehalten wirdt:

Terra Morientium Damnata:

Das vnſichere vergaͤngliche verfluchte Sterbe Land. Vnd zwar nach dreyen vmbſtaͤnden: 1. An den Eckern. 2. An den Staͤdten. 3. An den Koͤniglichen/ Fuͤrſtlichen Haͤuſern vnd Palatiis. Hoͤret ordentlich von dieſen Stuͤcken reden: 1. Saget Chriſtliche Leichpredigt.

I. Saget der Prophet/ Man werde Klagen vmb die Acker/ vmb die Lieblichen aͤcker/ vmb die Fruchtbaren Weinſtoͤcke/ denn es werden auff dem Acker meines Volcks Doꝛnen vnd Hecken wachſen.

Jn dieſen Worten/ wird vns beſchrieben/ Das erſte Todte Land/ nemlich die jenigen Ecker/ die Zuvor Lieblich außgeſehen/ Fruchtbarlich gearbeitet vnd nuͤtz- lich gebraucht worden/ die Fruchtbaren Weinſtoͤcke/ die zuvor gegruͤnet vnd gebluͤhet/ vnd davon man eine herꝛliche nutzung erlanget/ die ſollen gleichſam ſterben vnd zu einem harten/ rawen/ vnfruchtbarẽ Lande werden/ denn wenn Gott verhengt/ das der Feind/ in ein Wol erbawtes Land kommet/ vnd da ſeine Pferde/ an die Zaͤune binden kan/ da iſts gewiß ſchon vmb das gantze Land geſchehen/ vnd wird recht/ ein ſolcher Ort/ auß dem Friede vnd Ruh/ in den Krieg vnd Vn- ruhe verſetzet/ auß der Sicherheit/ in die Vnſicher- heit/ auß dem Segen in den Fluch/ da wird erfuͤllet/ was der Heilige Prophet Hieremias cap. 8. klaget:Hierem. 8. v. 16. & 17. Die Roſſe ſchnauben/ wir haben die Gaͤule auff allen Graͤntzen ſchreyende/ ſo alles aufffreſſen/ da darff nie- mandt gehen auff den Acker/ oder vber Feldt/ denn es iſt allenthalben Vnſicher/ Jerem. 6. Vnd weil es heiſſet/ wie der weiſe Heyde Cicero ſelbſt bezeuget: Ager quam- vis fertilis, ſine culturâ fructuoſus eſſe non poteſt, Da waͤchſet dañ/ an den aller beſten aͤckern/ wann ſie nicht bearbeitet werden/ das groͤſte Vnkraut/ Dornen/ Diſteln vnd Hecken/ das man ſchwerlich dadurch gehen Bkan/ Chriſtliche Leichpredigt. kan/ alſo daß das gantze Land/ gantz oͤde vnd wuͤſte wird/ vnd der Himmel vnd die Erde finſter/ die Berge boͤben/ die Huͤgel zittern fuͤr Gottes grimmigem Zorn/ wie ge- ꝟ. 23. 24. 25. & 26.melter Prophet Hieremias klaget Cap. 4. Vnd wie der Prophet Eſaias einen ſolchen Ort beſchreibet/ in ſeiner Prophezeyung am 7. ꝟ. 23. Wo jetzt tauſent Weinſtoͤcke ſtehen 1000 Silberling werth/ ſollen Dornen vnd Di- ſteln ſtehen/ Nu war dieſes dazumal klaͤglich/ das der Prophet/ dieſe ſcharffe LeichPredigt thut/ nicht den Heidniſchen aͤckern/ wo lauter Heyden vnd Barba- riſche Voͤlcker wohneten/ die etwa von GOtt nichts wuſten/ vnd mit jhrer offentlichen Abgoͤtterey/ vnd aller- ley Suͤnde vnd ſchande/ Jhn erzuͤrneten/ ſondern Er Weiſſaget hie/ von dem Gelobten Lande/ welches hatte die aller fetteſten koͤſtlichſten aͤcker inn der gantzen ꝟ. 10. 11. 12.Welt/ wie denn ſolche beſchrieben werden Deut. 11. cap. Ein Landt da Milch vnd Honig jnnen fleuſt/ welches nicht war wie Aegyptenlandt/ da man den Samen ſeen vnd ſelbſt traͤncken muſte/ wie einen Kollgarten/ weil kein Regen dariñen felt/ (ſondern des Jahres nur einmal durch verſchwemmung des Fluſſes Nili getraͤncket wird/) Sondern es hatte Berge vnd Awen/ die der Regen vom Himmel traͤncket/ auff welches Land/ Der HErr der Gott Jſrael ſonderliche acht hatte/ vnd ſeine Augen jmmer darauff ſahen/ von anfang des Jahres biß zum ende. Da wuchſen groſſe Weintrauben/ Num. 13.die man auff ſtecken tragen konte. Sic enim habet verſio quoq̀, vulgata: Abſciderunt palmitem cum Uvâ Chriſtliche Leichpredigt. Uvâ ſuâ, ſed LXX. Jnterpretes integram Vitem in- telligunt καὶ ἔκοψαν ἐκεῖϑεν κλῆμα, jam κλῆμα non tan- tùm virgam Græcis notat palmitem, & pampinum ſed aliquando integram vitem, & ſi duo Viri robuſti unum botrum vix bajularunt, quantis perticis & pa- luda mentis ſuffulta fuit vitis, fuit autem in Palæ- ſtina fertiliſſimum agri Uber ſive ut Græci ſignifican- tiùs dicunt οὖθαρ αρούρης, nõ tam ſoli genio quàm pecu- liari Dei benedictione, quanquàm Gentiles ante Jſraëlitas, eâdem fertilitat gaviſi ſunt, & non tan- tùm arbores & frutices, fructus planè decumanos, ſed frumenta quoq́; ſpicas longiores, & grana majora tulerunt. Da trug das Land/ nicht nur Vier oder Sechsfeltig/ ſondern wie der HERR inn der heutigen Sontaͤglichen Parabola, welche S. Marcus beſchreibet/ bezeuget/ Dreiſſigfeltig/ Sechtzigfeltig/ hundert-C. 4. v. 20. feltig/ wie wir deſſen ein exempel haben/ Gen. 26.

Da wuchſe das Senffsoͤrnlein ſo groß/ das auch die Vogel vnter dem Himmel kahmen/ vnd wohneten vnter ſeinen Zweigen/ Matth: 13. ꝟ. 31. Jn Summa/ Es war ein Landt da alles vollauff war/ von Korn/ Moſt/ Wein vnd Oele/ Reich an allerley ſchoͤnen Blumen/ Sonderlich dem herꝛlichen Wolriechenden Balſam/ Reich an allerley Getraide/ Reich an aller- ley Vieh/ alſo das wir vns nicht gnungſam verwun- dern koͤñen vber das groſſe Einkommen Koͤniges Salo- monis vnd ſeine Reiche Speiſekammer/ vnd Wolbeſtel- lete Königliche taffel/ welche vns beſchriebẽ wird/ 1. Reg cap. 3. da außdruͤcklich ſtehet/ das Salomon habe muͤſſenꝟ. 22. 23. taͤglich zur Speiſung haben/ 30 Chor Semmelmehl/ Sechtzig Chor ander mehl/ das iſt auff vnſere art zu redẽ/ B ijSechtzig Chriſtliche Leichpredigt. Sechtzig Malter Weitzen mehl/ vnd 120 Mal- ter gemein oder Rocken mehl/ Zehn gemaͤſtete Rin- der/ 20 Weide Rinder/ hundert Schaffe/ außgenommen Hirſch/ Rehe vñ Gemſe vnd gemaͤſtet Vieh. Da ward erfuͤllet/ was Gott verheiſchen hatte/ Levit. cap. 26. ꝟ. 5. & 6. & 10.Das die Dreſche zeit reichete biß zur Weinerndte/ vnd die Weinerndte ſoll reichen biß zu der Saat/ da konten ſie von dem Firnen eſſen/ biß das Newe kam/ das die Tennen voll Kornes/ vnd die Kelter vberfluß von Moſt vnd oͤle haben konten. Eben dieſen Fruchtbar- lichen genießlichen aͤckern/ thut vnſer Prophet/ eine trawrige Leichpredigt/ das ſie von wegen/ der Suͤnd- hafftigen Einwohner/ ſolten zu einem Vnfruchtbaren bodem werden/ deñ da muß das Erdreich auch entgelten der Menſchen boßheit/ wie vnſer Prophet ſaget Cap. 13. Alſo das der Fluch vber ein ſolches Land kommet/ das Eſa. c. 13.da zuvor edle Baͤume vnd Kraͤuter geſtanden/ lauter Dornen vnd Hecken wachſen/ das man auch fuͤr den Dornen vnd Hecken zu den Bergen nicht kommen kan/ wie bey vnſerem Propheten Eſaia am 7 Cap. geſchrieben ſtehet/ vnd da zuvor das Land voll Viehe/ das mans nicht zehlen konte/ wie 1. Reg. cap. 8. ſtehet/ hernach ſo wenig/ wie in der Grundſprache ſtehet/ Eſa. cap 7. ꝟ. 21. Das der zuvor auff ſeinem Forwergk eine gantze hauffen Kuͤhe vnd zwo Heerden Schaffe gehabt/ er kaum ein ei- nige Kuhe/ vnd 2 Schaͤfflein oder Ziegen erhalten kan.

II. Darnach beklaget auch ď Prophet die Staͤdte/ vnd ſaget/ Es werde auch das Vngluͤck kommen/ vber alle Frewdenhaͤuſer in der froͤlichen Stadt/ denn da moͤchte jemandt gedencken/ was hats zu bedeuten/ wenn Chriſtliche Leichpredigt. wenn gleich/ die Doͤrffer vnd Felder/ aͤcker vnd Gaͤrte/ verwuͤſtet werden/ man kan ſich doch noch wol inn den Staͤdten auffhalten/ ſonderlich aber/ in groſſen Staͤd- ten/ wie dergleichen ſchoͤne groſſe/ herꝛliche vnd Weit- beruͤhm̃te Stadt war in gantz Orient, die aller ſchoͤneſte vnd herꝛlichſte die Stadt Hieruſalem/ da kondte man luſtig vnd froͤlich ſein/ da hat man allerley Leibliche vnd Geiſtliche luſt vnd frewde/ da wurden nicht allein die anniverſaria Feſta, ſondern auch andere Solennitates vnd Frewdenfeſte celebriret vnd gefeyret/ denn da war aufange/ in dieſer Stadt der ſchoͤne herꝛliche vnd heiligePſ. 122. Tempel/ vnd Gottes hauß/ da Gott ſeines Nahmens Gedaͤchtniß geſtifftet/ Exod. 20. vñ ſeinem Volck allerley Heil vnd Segen verheiſchen hatte/ daß war die Stadt/ da die Stemme auß dem gantzen Lande/ Jaͤhrlich etlich mahl Zuſammen kamen/ zu Loben/ zu dancken dem Na- men des Allerhoͤchſten/ wie der 122 Pſalm bezeuget/ da wahren die ſchoͤnen Lieblichen Geiſtlichen wohnungen/ darnach der liebe Koͤnig David ſich ſo hertzlich ſehnete/ vnd groß verlangen trug/ Pſalm. 84.

Darnach weil daſelbſt Regia ſedes, Die Koͤnige Juda jhre Koͤnigliche Reſidentz hielten/ mangelt es auch an Weltlicher Pracht vnd Hoheit nicht/ da hielt man groſſe ſplendida Convivia, vnd waren die LeuteIn Heb. Eine froͤ- liche hupf- fende Stadt. luſtig vnd froͤlich/ nicht allein in Hohen Feſtagen/ ſon- dern auch anderen Zuſammenkunfften/ Ja ſie verſuͤn- digten ſich auch offt ſchwer vnd hart damit/ wie eine ſchwere Klage daruber vnſer Prophet fuͤhret/ c. 5. ꝟ. 11. & 12. Wehe denen/ die des Morgens fruͤhe auff ſindt/ des Sauffens ſich zu befleißigen/ vnd ſitzen biß inn die Nacht/ das ſie der Wein erhitze/ vnd haben Harffen/ B iijPſalter Chriſtliche Leichpredigt. Pſalter/ Baucken/ Pfeiffen vnd Wein/ in jhrem Wol- leben/ vnd ſehen nicht auff das Werck des HERRN vnd auff das Geſcheffte ſeiner Haͤnde/ Alſo klaget Er C. 3. vber die groſſe Hoffart der Tochter Zion/ oder der Buͤrger in der Stadt Jeruſalem/ das ſie ſtoltz geweſen/ vnd mit jhrer Hoffart GOTT hefftig erzuͤrnet hetten/ Dann/ wie es denn gemeiniglich/ bey gutten Tagen zu geſchehen pfleget/ haben ſie des HERRN vergeſſen/ die Armen betruͤbet/ allerley Suͤnde/ Schande vnd Vppig- keit getriebẽ/ vnd aͤrger gelebet als die Buͤrger zu Sodom Eſa. 3. ꝟ. 15.vnd Gomorrha, Ezech. 16. Da war der Raub der Ar- men in jhren Haͤuſern/ vnd zutratten die elenden vnd doͤrfftigen. Jn Summa/ Ein Bruder vnterdruckte den andern/ vnd ein Freundt verꝛieth den andern/ ein Freund teuſchet den andern/ vnd redete kein wahr wort/ ſie fleißigten ſich darauff/ wie einer den andern betrug/ Hier. 9.vnd wahr jhnen leid/ das ſie es nicht aͤrger machen kon- ten/ Jhre falſche Zungen wahren Moͤrdliche Pfeile. Darumb ſitchte endlich GOtt dieſe Stadt heim vmb jhrer Boßheit willen/ vnd vbergab ſie in die Hand des Koͤniges zu Babel wie davõ zuleſen das 39 Cap. Hiere- ꝟ. 2.miæ, da Jeruſalem eroͤbert ward im 11 Jahr Zedekiæ des Koͤniges Juda/ im Zehenden Monat/ da namen die ꝟ. 8. & 9.Chaldeer die Stadt ein/ ſie verbrandten des Koͤniges Hauß vñ der Buͤrger Haͤuſer/ vnd zubrachen die Maw- ren zu Jeruſalem/ wer davon weitlaͤuffeigen bericht be- Thr. c. 1. v. 1. Lege etiã de hac cla- de 2. Reg. C. 25. v. 9. 2. Chron. C. 36. v. 19.gehret/ der leſe das gantze 39 Cap. gemeltes Propheten/ vnd ſeine Klagelieder/ welche ſich anfahẽ mit dieſer klage: Wie liegt die Stadt ſo wuͤſte/ die voll Volcks war/ ſie iſt wie eine Wittwe/ die eine Fuͤrſtin vnter den Heyden/ vnd eine Koͤnigin in dem Lande wahr/ muß nu dienen. Die Chriſtliche Leich Predigt. Die Straſſen zu Zion liegen wuͤſte/ weil niemandt auff kein Feſt kom̃et/ alle jhre Thore ſtehen oͤde/ jhre Prieſter ſeufftzen/ jhre Jungfrawen ſehen jaͤmmerlich vnd ſie iſt betruͤbet.

Wie es nu der Haͤuptſtadt im gantzen Lande gegangẽ/ alſo giengs auch den andern frembden Staͤdten/ welche theils võ Feinde angeſtecket vñ verbrennet/ theils durch Peſt vnd Hungers noth veroͤdet vnd verwuͤſtet worden/ vnd wie man zu reden pfleget/ ein groſſer Baum ſchlegt viel kleine Baͤume nieder.

Es leſts aber der Prophet dabey nicht bewenden/III. ſondern er thut auch eine trawrige Leichpredigt/ den Schloͤſſern vnd Feſtungen/ vnd ſaget: Das die Pallaſt werden verlaſſen ſein/ das die Thuͤrme vnd Feſtungen Ewige hoͤlen werden/ dem Wild zur frewde/ vnd den Herden zur weide:

Denn da iſt alle muͤh vnd arbeit vergebens/ wenn die Doͤrffer vnd Staͤdte verwuͤſtet vnd eingeaͤſchert/ das ſich die Feſtungen lange halten ſollen/ es werden die aller Feſteſten oͤrter durch Hunger bezwungen/ Da ſteiget deñ der Todt zu den Fenſtern ein/ vnd kommet in die Pallaſt vnd wuͤrget die Juͤnglinge/ Hier. 9. Da hilfft endlich keine Feſtung/ kein Thurm/ er ſey ſo hoch als er wolle/ was Menſchen Haͤnde gebawet haben/ das koͤnnen auchTremellius Turris ma- gna & pro- minent isſi- ma, quam ab uſu vo- cabant ſpe- culatoriã. Menſchen haͤnde wiederumb einnehmen/ Sonderlich aber drewet der Pꝛophet der gewaltigen Feſtung zu Hie- ruſalem/ nahe bey der Koͤniglichen Burg/ derer gedacht wirdt/ 2. Chronic. 27. ꝟ. 3. Vnd Nehem. 3. ꝟ. 26. Da wird gedacht eines gewaltigen Thurms der herauß ſihet/ oder da man ſich tapffer Wehren vnd weit herauß ſehen B iiijkoͤnnen/ Chriſtliche Leichpredigt. koͤnuen/ vnd weil gemeiniglich ſolche groſſe Thuͤrme nicht zu grunde eingeriſſen werden/ ſondern es verbleiben in ſolchen zerſtoͤreten Feſtungen/ etliche Gewoͤlber/ vnter der Erden/ ſtuͤcke Mawren vnd tieffe hoͤlen/ als ſamlen ſich darinnen mit der Zeit allerley gifftige Schlangen vñ wilde Thiere/ das daſelbſt/ wie in Fontibus ſtehet/ die Wald Eſel jhre Wohnung haben/ oder ſonſten andere ſeltzame Vogel niſten/ wie der Prophet in gleichem der Stadt Babel drewet/ C. 13. & 34. Das ſolchen Ort/ die Nacht Eulen/ Raben/ vnd Jgell wuͤrden jnne haben.

Praxis Primæ Partis.

O haltet hie ein wenig ſtille/ betrachtet inn vnſerem lieben Vaterlandt Deutſchlandt/ auch vnſere aͤcker/ Staͤdte vnd Palatia, wie iſt es biß hero inn dem Lang- wuͤrigen Krieg wol zugegangen/ Moͤchte man nicht auch mit dem Poeten ſagen:

Et Gampus ubi Troja fuie. Jtem: Priſca fides orbem, pax aurea deſerit Urbes, Exiliiꝙ́ pios tangit & angit onus.

Jſts nicht alſo/ Gieng nicht Gottes ſtraffe anfangs vber die aͤcker dnd Doͤrffer/ hat nicht GOtt geſtrafft/ mit groſſer ſchrecklicher duͤrꝛer Zeit/ hat nicht Gott ſein Heer vns ſehen laſſen/ Hewſchrecken/ Kaͤfer/ ge- Joelis c. 2. v. 25.ſchmeiß vnd Raupen/ welche offemals nicht allein das Kraut auff dem Felde/ ſondern auch das Laub auff den Baͤumen auffgefreſſen haben. Darauff gieng die ſtraffe Gottes an/ in dem durch die einheimiſche Kriege/ das arme Land faſt gantz außgepluͤndert worden/ Jch meine ja/ wir habens nicht allein gehoͤret/ ſondern auch ſelbſt Chriſtliche Leichpredigt. ſelbſt geſehen/ wie die Krieger/ als die Rieſen/ die Maw- ern auch dieſer Stadt vnd dieſes Fuͤrſtlichen Palatij er- ſtiegen haben/ wie ſie durch die Wapffen durch gebrochẽ/ in der Stadt vmbher geritten/ auff den Mawern vmb- her gelauffen/ in die Haͤuſer eingeſtiegen/ vnd durch die Fenſter hinein kommen/ wie der Prophet Joel klagt c. 2. ꝟ. 8. & 9. Ja es iſt darbey nicht blieben/ ſondern wir habens mit vnſeren Ohren gehoͤret/ wie auch die aller feſteſten Staͤdte/ Thuͤrme/ Palatia, vom Feinde endlich beſtritten vnd bey Tag vnd Nacht eingenom̃en worden/ wie Jeremiæ am 6. ſtehet. O wie viel ſchoͤne Kirchẽ/Jerem. 6. v. 5. Tempel/ Frewdenhaͤuſer/ ſind angezuͤndet/ ver- wuͤſtet vnd eingeaͤſchert worden/ Das macht alles dein Zorn/ O Gott/ das wir ſo vergehen/ Pſal: 90. Vnd gleich wie Gott den ſtatlichen vñ feſten Staͤdten drewet/ bey dem Propheten Amos c. 1. Das Er vmb 3 oder 4. Laſter willen jhrer nicht ſchonen wolte/ Alſo iſt es auch bey vns hergegangen/ vnd wird noch ferner hergehen: Denn es iſt keine Trew/ keine Liebe im Lande/ ſondern Gottes laͤſtern/ Liegen/ Morden/ Stelen vñ Ehbrechen hat vberhand genommen/ vnd kompt eine Blutſchuldt nach der andern/ darumb wird das Land jaͤmmerlichHoſcæ 4. v. 2. & 3. ſtehen/ vnd allen Einwohnern vbel gehen/ denn es wer- den auch die thiere auff dem Felde/ vnd die Vogel vnter dem Him̃el/ vnd die Fiſche im Meer weg gerafft werden. Darumb beſſere dich Jeruſalem/ ehe deñ ſich mein Hertz von dir wende/ vnd Jch dich zum wuͤſten Lande mache/Jerem. 6. v. 8. darinnen niemandt wohnet/ ſpricht der HErꝛe Zebaoth.

2. Bedencket ferner/ Das dieſes alles ſind vor- botten des Juͤngſten tages/ denn da iſt die gantze CWelt Chriſtliche Leichpredigt. Jerem. 6. v. 8.Welt verbannet vnd Verflucht/ oder wie die Schrifft redet/ der Eitelkeit vnterworffen/ wie S. Paulus zun Roͤmern am 8. bezeuget/ nicht allein wegen des erſten Gen. 3.Suͤndenfalles vnſerer Erſten Eltern/ ſondern weil wir alleſam̃t/ mit vnſeren Suͤnden/ den Etdbodem vielfaltig beflecken/ Alſo das S. Johannes ſchreiben darff/ die gantze Welt lieget im argen/ 1. Joh. 5. Vnd gleich wie jetzund bald dieſes vñ jenes Dorff/ dieſe vnd jene Stadt/ mit Fewer verbrennet wirdt/ Alſo wird Gott endlich/ wie S. Petrus bezeuget/ Him̃el vnd Erden anzuͤnden/ Pet. 3. v 12.denn das Weſen dieſer Welt vergehet/ wie S. Paulus 1. Cor. 7.lehret/ 1. Corinth. 7. Darumb laſt vns nicht allhie χῆμα τοῦ κόσμου παράγει.feſte ſitzen/ vnd gutte tage ſuchen/ ſondern trachten nach einem anderen beſſeren Vaterlandt mit den Heiligen des Alten Teſtaments/ welche bekandt das ſie nur allhie Gaͤſte vnd Frembdlinge geweſen/ vnd haben die Ver- heiſchung nicht empfangen/ ſondern dieſelbe von ferne geſehen vñ derer ſich vertroͤſtet/ wie zun Hebr. c. 11. ꝟ. 13. geſchrieben ſtehet. Darumb moͤgen wir nicht allein vom Lande Canaan/ ſondern auch võ vnſerem Lande Schle- ſien vnd inn gemein von allen Landen ſagen: Das Land friſſet ſeine Ein wohner vnd alles Volck. Ex l. 4. Moy ſis c. 13. ꝟ. 33. Denn da muͤſſen wir alle zu ſtaub vnd Aſche werden/ vnd werden gelegt in die ſchoß der Erden die vnſer aller Mutter iſt/ wie Syrach ſaget C. 40. Jch beſchlieſſe dieſes Erſte theil/ mit den klaͤg- lichen Worten Joelis Cap. 1. Heiliget eine Faſte/ rufft der Gemeine zuſammen/ verſamlet die Elteſten vnd alle Einwohner des Landes. O weh des Tages/ denn der Tag des HERRN iſt nahe/ vnd kom̃t/ wie ein Ver- terben vom Allmaͤchtigen/ der Same iſt verfaulet/ die Korn- Chriſtliche Leichpredigt. Korn Haͤuſer ſtehen wuͤſte/ die Scheinen zerfallen/ das Getraide vertirbet/ O wie ſeufftzet das Vieh. HERR dich ruffe Jch an/ denn das Fewer deines Zornes hat die Awe in der Wuͤſten verbraudt/ vnd die Flam̃e die aͤcker angezuͤndet. Jtem/ mit den Worten des 79 Pſalms: HERRE/ wie lange wiltu ſo gar Zuͤrnen/ vnd deinen Eyfer/ wie Fewer brennen laſſen/ ſchuͤtte deinen Grim̃ auff die Heyden/ die dich nicht kennen/ vnd auff die Koͤ- nigreiche die deinen Nahmen nicht anruffen/ denn ſie haben Jacob auffgefreſſen/ vnd ſeine Haͤuſer verwuͤſtet.

Secunda Pars. DE Regione Viventium Beatâ.

NAch dem nun der Prophet/ eine trawrige Predigt gethan/ von dem klaͤglichẽ Vntergang/ nicht allein der ſchoͤnen Stadt Hieruſalem/ ſon- dern auch des gantzen gelobten Landes/ wie wir denn/ im erſten Stuͤck berichtet worden/ da moͤchte nu jemand fragen? Wer will ſich denn deiner erbarmen Jeruſalem? Wer wird denn hingehen/ vnd dir Friede erwerben? Wer wird denn mitleiden mit dir haben? Wie dergleichen Frage bey dem Propheten Jeremia c. 15. zufinden iſt. Auff dieſen vnd dergleichenꝟ. 5. einwurff/ helt vnſer Prophet eine herꝛliche ſchoͤne Troſt- predigt/ darinnen Er nicht allein/ die fromen glaͤubigen Juden im Alten/ ſondern auch vns alleſam̃t im Newen Teſtament troͤſtet: 1. Vnd zwar anfangs/ vertroͤſtet Er/ die Armen betruͤbten Juden/ das jhr Gefaͤngniß C ijnicht Chriſtliche Leichpredigt. nicht Ewiglich wehren/ ſondern eine beſtimte Zeit haben ſolle/ nemlich 70 Jahr/ wie ſolches der Prophet Jeremias auff Gottes befehl benimmet/ C. 25. ꝟ. 11. & 12. Vnſer Prophet aber deutet klaͤrlich den je- nigen Heyland an/ vnd nennet Jhn mit nahmen Cores oder Cyrum, welcher Sie nach verfloſſener Zeit loß laſſen vnd wieder werde anheim ziehen laſſen/ c. 45. ꝟ 1. Als denn wuͤrde das verbandte/ verwuͤſtete Land/ wider zu einem gutten fruchtbaren Acker werden/ Da werde man wieder die Weingarten anrichten/ Doͤrffer vnd Staͤdte bawen/ Handel vnd Wandel fort treiben koͤnnen/ denn ſo leicht es iſt/ dem lieben Gott/ ein Land in ſeinem Zorn/ mit dem Ban zu ſchlagen/ ſo leicht iſt es jhme auch/ wiederumb zu ſegnen/ Ja wenn Er ſtraffen ſoll/ thut ers gar vngerne/ vnd nennets ein Frembdes werck. Eſa. 28. ꝟ. 21.

Ja Er ſihet offte einem Lande/ einer Stadt lange zu/ ehe er ſtraffet/ ob jemandt/ fuͤr den Riß ſtehen wolle/ vnd Jer. c. 18. v. 7. & ſeq.ſeinen Zorn auffhalten/ vnd ob er gleich ploͤtzlich wieder ein Volck redet/ das er es verterben wolle/ Jedoch ge- rewet es jhn bald wieder. Derowegen wenn nur dieſer HErꝛ ſein Gnaden antlitz wieder leuchten vnd ſcheinen leſt/ ſo iſt einem ſolchen Lande wieder geholffen/ da wer- den die bruͤche des Landes wieder geheilet/ Pſalm: 60. Es werden die Wohnungen inn der Wuͤſten fett/ da trieffen die Fußſtapffen Gottes wieder von fette/ Die Anger werden voll Schaffe/ vnd die Awen ſtehen dicke Pſalm. 65. v. 12. & 14.mit Korn. Da muß das Schwerdt vnd Spieß in eine Sichel oder Pflugſchaar verwandelt werden: Jn Eſa. 2. v. 4.Summa/ wenn Er will/ ſo muͤſſen gar auß wilden Thieren Chriſtliche Leichpredigt. Thieren/ zahme Schaͤfflein werden/ Das Kuͤh vñ Beeren/ in einer Weyde gehen/ vnd Lewen Stro eſſen/ wie Ochſen/ Ein Seugling/ ſeine luſt hat am LochEſa. 11. v. 6. 7. 8. der Otter/ vnd ein Entwehneter/ ſeine Hand darff ſtrecken/ in die Hoͤle des Baſilißken. Alſo kan bald/ auß einem Waldt/ ein ſchoͤner Acker werden/ vnd her- gegen der Acker/ fuͤr einen Waldt gerechnet werden/ Welches geſchiehet/ wenn man offt auff einem wilden Acker/ oder Wieſen/ einen ſchoͤnen Fruchtbaren Garten anleget/ da die Fruchtbaren Baͤume ſo dicke/ als im Waldt/ beyſammen ſtehen/ davon die Menſchen jhren nutz/ luſt vnd frewde haben.

2. Darnach troͤſtet der Prophet die gefangenen Ju-2. den/ mit der Herꝛligkeit des Newen Teſtaments/ welche vns der Prophet beſchreibet/ durch ein herꝛliches gelobtes Land/ darinnen ſonderlich Gericht vñ Gerech- tigkeit werde zu finden ſein/ wenn er ſaget: Biß ſo lange vber Vns außgegoſſen werde der Geiſt auß der Hoͤhe. Vnd das Recht wird inn der Wuͤſten wohnen/ vnd Gerechtigkeit auff dem Acker Hauſen/ vnd der Gerechtigkeit frucht wird friede ſein/ vnd der Gerechtigkeit nutz wird Ewige ſtille vnd Sicherheit ſein. Dieſe Worte gehen an die herꝛligkeit des New: Teſtaments vnd han- deln ſonderlich de juſtitiâ Evangelij/ von der Zugerech- neten Gerechtigkeit des Glaubens/ deñ das Reich Got- tes iſt nicht eſſen vnd trincken/ ſondern Gerechtigkeit vñ Friede vnd Frewde inn dem Heiligen Geiſt/ Rom. 14. C iijDa- Chriſtliche Leichpredigt. Davon der Prophet Jeremias cap. 23. redet. Jehova juſtitia noſtra, & cap. 33. Er wird ein Koͤnig ſein/ der wol Regieren wird/ vnd ſoll Recht vnd Gerechtigkeit an- richten auff Erden/ welche Wort S. Paulus erklaͤret/ das vns Chriſtus JEſus gemacht ſey/ zur Weißheit vñ zur Gerechtigkeit/ vnd zur Erloͤſung/ deñ Gott hat den/ der von keiner Suͤnde wuſte/ fuͤr vns/ zur Suͤnde ge- macht/ auff das wir/ durch Jhn hetten die Erlöſung/ durch ſein Blut. Von dieſer Gerechtigkeit Predigten zwar auch die Propheten im Alten Teſtament/ aber nur den Juden meiſten theils in der Stadt Jeruſalem vnd im Juͤdiſchen Lande/ die Armen Heiden wuſten wenig davon/ ſo wurden auch die Juden ſonſten beſchweret mit den vnterſchiedenen Ceremonialiſchen geſetzen/ welches war eine ſchwere Laſt/ welche weder Sie noch jhre Vaͤter tragen konten/ wie deutlich Actor. 15. geſchrieben ſtehet/ denn Gott war allein in Juda bekannt/ in Jſrael war ſein Nahme herꝛlich/ vnd zu Salem war ſein Gezelt. Pſalm: 76. ꝟ. 3. Aber numehr im N. Teſtam. Predigt man/ von dieſer Gerechtigkeit auch in der Wuͤſten/ Da hat Gott ſeinen Weinſtock/ welchen er auß Egypten geholet/ vnd in Judeam verſetzt/ Pſalm. 80. ꝟ. 9. auch numehr vnter den Heyden gepflantzet/ wie er ſelber ſaget Eſa: 17. ꝟ. 2. 3. & ſeq. vnd numehr erfuͤllet/ was der Pro- phet Ezechiel c. 47. von dem Waſſer des Heiligthum̃s geweiſſaget hat/ welches von Jeruſalem außgefloſſen/ vnd wo es hinkom̃en ſolten auff beyden ſeiten des Stro- mes allerley fruchtbare Baͤume wachſen vnd jhre bletter nicht verwelcken/ noch jhre Fruͤchte verfaulen/ wie denn S. Johannes der Heilige Taͤuffer/ als der Vorlaͤuffer des HERRN Meſſiæ den anfang gemacht/ vnd ſeine Cantzel Chriſtliche LeichPredigt. Cantzel auffgeſchlagen nicht in der Stadt Hieruſalem/ ſondern in der Wuͤſten/ wie von jhme vnſer Prophet ge-Eſa. c. 40. v. 3. 4. weiſſaget hatte C. 40. vnd außdruͤcklich Matth. 3. ſtehet/ Darauff ſtellete ſich ein der H. der vnſer Gerechtig- keit iſt/ vnſer lieber Heyland/ der durch ſein Erkendt- niß vns Gerecht macht/ wie Eſa: c. 53. bezeuget/ der Predigte nicht allein zu Hieruſalem/ ſondern auch in dem graͤntzen Tyri vnd Sidon, Matth: 15. Er Predigte auffMatt. 5. 6. Actor. 10. Er iſt vmbher gezogen/ vnd hat wolgethã/ vñ geſund ge- macht alle die vom Teuffel vberwaͤltiget waren. hohen Bergen/ vnd Thalen/ vnd hatt ſeinen H. Geiſt reichlich außgegoſſen/ vber ſeine Apoſtel/ vnd deroſelben Zuhoͤrer vnd trewe Nachfolger/ vnd iſt numehr erfuͤllet worden/ was der Prophet Joel: c. 2. geweiſſaget/ nach dieſem/ wil Jch meinẽ Geiſt außgieſſen vber alles fleiſch/ vnd Ewere Soͤhne vnd Toͤchter ſollen Weiſſagen/ vnd Ewere Elteſten ſollen Treume haben/ vnd Ewere Juͤng- linge ſollen Geſichte ſehen. Da findet man nun nicht allein rechtſchaffene Anbeter zu Jeruſalem/ ſondern auch zu Samaria/ vnd an andern orten/ wo nur Leute ſein/ die im Geiſt/ vnd in der Warheit GOTT anruffen/ Johannis am 4. Da iſt Eccleſia nicht mehr Topica, an einen gewiſſen ort gebunden/ ſondern Catholica, außgebreittet gegen Morgen/ Abendt/ Mittag vnd Mitternacht/ deñ alſo hat der HERR ſeinen Apoſteln befehl gethan/ Marci am 16. Gehet hin/ in alle Welt/ vnd Prediget das Evangelium allen Creaturen/ wer da glaͤubet/ vnd getaufft wird/ der wird ſelig werden/ wer aber nicht glaͤubet/ der wird Verdampt werden.

O wol nu einem Lande/ das da Thuͤr vnd Thor auff- thut dem Evangelio weñ der Koͤnig der Ehren einzeucht Pſal. 24. das da voll iſt des Erkaͤndtniß des HERREN/ da hat gewiß Chriſtus ſein Fewer vnd Herd/ da wil er C iiijeine Chriſtliche Leichpredigt. Matt. 18.eine ſolche Stadt vnd Ort ſegnen/ Exod. 20 Gebet er- Joh. 14.hoͤren/ mit ſeiner Gnade bleiben/ dnd neben ſeinem Vater vnd Heiligen Geiſt wohnung machen/ da hat ſich ein ſolcher Menſch zu troͤſten der frucht der Gercchtig- keit/ des Geiſtlichen Hertzens vnd gewiſſens Frie- dens/ es komme nu Creutz oder elend/ Truͤbſal oder not/ ſo kan jhn nicht ſcheiden von der Liebe Gottes/ die da iſt/ JEſu Chriſto/ vnſerem HERREN/ wie S. Paulus troͤſtlich redet/ in ſeiner Epiſtel an die Roͤmer am 8 Cap. Denn nu wir ſindt Gerecht worden durch den Glauben/ ſo haben wir Friede mit Gott/ durch vnſeren HErꝛen Jeſum Chriſt/ durch welchen wir auch einen Zugang haben/ im Glauben/ zu dieſer Gnade/ dariñen wir ſtehen/ vnd ruͤhmen vns der Hoffuung/ der Zukuͤnfftigen Herꝛlig- keit/ die GOtt geben ſoll/ wie S. Paulus ſchreibet zun Roͤmern am 5. ꝟ. 1. 2. & 3.

O Land/ Land/ hoͤre des HERRN Wort/ Jer. 22. ꝟ. 29.

3.Endlichen vnd zum Dritten/ weiſet der Prophet bey- des die Glaͤubigen Juden vñ Heyden/ den dieſe verſtehet Er durch ſein Volck/ Ad terram viventium Beatam, vnd troͤſtet ſie/ mit dem Ewigen Himliſchẽ Vater- land/ denn wir haben doch ſo lange wir allhie Leben/ kei- ne bleibende ſtaͤtte/ ſondern die Zukuͤnfftige ſuchen wir/ Hebr. 13. Weil der Menſch/ ſein Fleiſch an jhm traͤgt muß er ſchmertzen habẽ/ vnd weil ſeine Seele in jhme iſt/ muß er Leide tragen/ wie Job redet C. 14.

Dann- Chriſtliche Leichpredigt

Dannhero ſollen wir taͤglich gewertig ſein/ wenn wir vnſere Huͤtten ablegen muͤſſen/ wir wiſſen aber auß Got- tes Wort/ mit dem Heiligen Apoſtel/ ſo vnſer Jrꝛdiſch2. Cor. 5. v. 1. 2. c. Hauß dieſer Huͤtten zubrochẽ wird/ das wir einen Baw haben von GOtt erbawet/ ein Hauß nicht mit haͤnden gemacht/ das Ewig iſt im Him̃el/ vñ vber demſelbẽ ſehnen wir vns auch/ nach vnſer Behauſung die vom Him̃el iſt/ vnd vns verlangte/ das wir damit vberkleidet/ vnd nicht bloß erfunden werden/ wir ſind aber getroſt allezeit/ vnd wiſſen das/ dieweil wir im Leibe wohnen/ ſo wallen wir dem HERREN/ denn wir wandeln im Glauben vnd nicht im ſchawen. Was nun dieſes fuͤr ein herꝛliches ge- lobtes Land ſey/ beſchreibet der Prophet mit 3. Denck- wuͤrdigen vmbſtaͤnden/ wenn er ſpricht: Das mein Volck in Haͤuſern des Friedes wohnen wird/ in Sichern wohnungen vnd in ſtoltzer Ruhe. Jn welchen worten/ vns das rechte Friedeland vñ Ewige Himliſche Vaterland beſchriebẽ wird/ das darinnen zu-

1. Haͤuſer des Friedens.

(finden:

2. Sichere Wohnungen. 3. Stoltze Ruhe.

MErcket anfangs/ das der Heilige Geiſt/ redet inn numero Plurali, wie es denn in ſeiner Sprache lautet/ in habitaculo pacis, in tabernaculis cõfiden- tium & in cubilibus opulentis, anzudeuten capacita- tem & ſufficientiam, wie es die Alten Lehrer gloſſiren/ das im Himmel raum vnd Herberge genungſam anzutreffen/ wie ſolches der HERR Chriſtus ſeinen lieben Apoſteln auch erklaͤret Johannis am 14. Jn mei- Dnes Chriſtliche Leichpredigt. nes Vaters Hauſe ſind viel Wohnungen/ da werden wir mit den Diſcipulis des Propheten Eliſæ nicht klagẽ doͤrffen/ 2. Reg 6. ꝟ. 1. Der raum da wir wohnen/ iſt vns zu enge ſondern wir werden da eine Wohnung habẽ bey Gott/ vnd Gott bey vns/ vnd wir werden ſein Volck ſein. Da werden wir haben vnd bewohnen die ſchoͤne herꝛliche Stadt Hieruſalem/ welche wird von Gott auß dem Him̃el herab fahren zu bereitet als eine geſchmuͤckte Braut jhrem Manne/ Apocal. 21.

2. Darnach nennet vnſer Text ſolche Himliſche vnd LXX Inter pretes ha- bent καὶ κα- τοικήσει ὁ λαος αὐ- τ ν πό- λει εἰρή: ης in civitate pacis, quæ verba val- de empha- tica ſunt, & ad con- ſolationem plurimùm faciũt, ad qvam civi- tatem allu- dit quoꝙ́ Apostolus ad Heb. 13. v. 14.Ewige wohnungẽ/ Haͤuſer des Friedens/ zum vnter- ſcheidt vnſerer Haͤuſer/ Jn welchen wenig Friede zu fin- den/ ſondern meiſten theils lauter Haß/ Zanck vnd Streitt/ da plagen offtmals einen Meuſchẽ ſein eigen Weib/ Kinder/ Geſinde/ da verachtet offtmals der Sohn den Vater/ die Tochter ſetzt ſich wieder die Mutter/ die Schnur wieder die Schwiger/ vnd des Menſchen feinde ſindt ſein eigen Haußgeſinde/ Micheæ c. 7. ꝟ. 6. Da hat mancher einen boͤſen Nachbar/ vnd iſt des Zanckens kein ende/ alſo das auch offt nahe Freunde vnd Bluts ver- wandten an einander gerathen/ wie Loth vnd Abraham Geneſ: 13. Die Apoſtel offtmals ſich mit einander ge- zancket Matth: 20. Luc. 22.

3. Vber dieſes beſchreibet der Prophet das Ewige Leben/ durch Sichere Wohnungen/ oder wie es in der grunde Sprache lautet/ per Tabernacula confi- dentium oder fiduciarum, das ſind ſolche Wohnungen/ da man ſich nicht fuͤrchten/ ſondern getroſt vnd vn- verzagt wohnen kan. Allhie haben wir lauter vn- ſichere/ vngewiſſe Wohnungen/ da wir vervnru- higet Chriſtliche Leichpredigt. higet werden/ da ſchleichet vns der boͤſe Feind der TeuffelLuc. 11. jmmer nach/ vnd ſuchet wie er vns verſchlinge/ 1. Petr. 5. Vnſer eigen Fleiſch vnd Blut leſt vns keine RnheRuhe/ das Fleiſch geluͤſtet wieder den Geiſt/ vnd den Geiſt wieder das Fleiſch. Galat. 5. ꝟ. 17. Vnd heiſt endlich: Beſtelle dein Hauß/ denn du muſt ſterben/ vnd nicht Lebendig bleiben/ Eſa: 38. ꝟ. 2. Da ſihet vnd hoͤret man trawrige Caſus & exempla, bald felt ein Hauß ein/ vnd er- ſchlegt darinnen die Einwohner/ wie Hiobs Hauß/ alle ſeine Kinder auff einmal erſchlagen Jobi c. 1. Bald fellet ein Thurm ein/ vnd erſchlegt die Menſchen/ wie wir leſen Lucæ 13. Bald kom̃t ein boͤſes Geſchrey ins Land/ von Krieg/ Peſtilentz/ Hunger/ vnd der gleichen jammer vnd vnrath/ das wir Wandern muͤſſen/ wie Abraham/ Jſaac vnd Jacob/ Geneſ: c. 12. 26. & 46. Da laufft deñ mancher fuͤr groſſer Angſt auß einer Kammer in die ander/ vnd ſuchet troſt vnd huͤlffe/ 1. Reg. 22. vnd muß klagen mit dem Cicerone, Ego rebus omnibus tentatis, nihil invenio, in quo tutò acꝗeſcere poſſim, Zumal wenn das Gewiſſen auffwacht/ da kan denn mancher keinen rechten Schlaff haben/ vnd wird hertz- lich betruͤbet/ wenn er mit dem Gottloſen Wuͤttrich vnd Tyrannen gedencket an das Vbel das er gethan/ wie er geſtolen/ geraubet vnd vnſchuldig Blut vergoſſen/ wie wir leſen/ 1. Maccab. cap. 6. ꝟ. 11. 12.

Ja wenn gleich Fried im Lande/ vnd der Menſch ſich fuͤr keinem Feinde zu fuͤrchten hat/ ſo hat offtmals der Menſch keine ruhe des Nachts in ſeinem Bette/ ſondern es fallen jhme mancherley gedancken fuͤr/ wenn er gleich ein wenig ruhet/ da erſchrickt er in ſeinem Traum/ als ſehe er die Feinde kommen/ vnd wenn er auffwacht/ vnd D ijſihet/ Chriſtliche Leichpredigt. ſiehet/ das er ſicher iſt/ ſo iſt er/ als einer der auß der Schlacht entrunnen iſt/ vñ iſt wunder fro/ das die furcht nichts geweſen iſt/ wie Syrach ſaget/ Dannher ſtehet auch/ von den Fromen Glaͤubigen Vaͤtern/ im Alten Teſtament/ das ſie geſtorben im Glauben/ vnd hetten die Verheiſchung nicht empfangen/ ſondern ſie võ ferne geſehen/ vnd ſich der vertroͤſtet/ vnd wol benuͤgen laſſen/ vnd bekant/ das Sie gaͤſte vnd frembdlinge auff Erden ſindt/ vnd das ſie geſucht hetten/ gar ein ander Vater- land/ nicht dieſes jrꝛdiſche/ vnd welchem Sie außgezogẽ/ ſondern ſie hetten begehꝛet/ eines beſſeren vñ Himliſchen: Hebr. cap. 11. ꝟ. 13. 14. 15.

4. Endlich beſchreibet auch vnſer Prophet Eſaias das Sebast: Munſter. refrigeriis tutiſſimis.Ewige Leben/ durch eine ſtoltze Ruhe/ in der grundt Sprache lautets etwas anders/ Sedebit in cubilibus opulentis, Mein Volck wird ſitzen in den Huͤt- ten vnd Gemachen da alle genuͤge/ oder da alles vollauff iſt. Wir Menſchen ſind alſo geartet/ das wir dieſes/ fuͤr die hoͤchſte Gluͤckſeligkeit achten/ wenn wir in guttem Ruhe vnd Friede koͤnnen leben/ keinen mangel duͤrffen leiden/ ſondern alles vollauff haben/ wenn wir koͤnnen auff Stuͤlen ſitzen/ vnd jedermañ vns dienen vñ auffwahrten muß/ wie denn ſolche jrꝛdiſchen Weltliche Pſalm. 144. v. 11. 12. & 13. Sap. 2. v. 6. & 7.frewde beſchriben wird im Pſalmo 144. vnd Sap. c. 2.

Wolher laſt vns Wolleben/ weils da iſt/ vnd vnſeres Leibes brauchen weil er jung iſt/ wir wollen vns mit dem beſten Wein vnd Salben fuͤllen/ Laſt vns die Mayen- bluͤmlein nicht verſeumen/ Laſt vns Kraͤntze tragen von jungen Roſen/ vnd Luc. 12. wird beſchrieben ein ſolcher Reicher Chriſtliche LeichPredigt. Reicher Korn Jude/ der alles vollauff/ Keller vnd Seller/ vnd einen Vorꝛath nach dem andern kan herauß geben. Sonderlich aber trieben die Judẽ groſſe Pꝛacht bey jhꝛen Gaſtereyen vnd Hochzeiten/ da Sie nach art der Orientaliſchẽ Voͤlcker/ nicht auff Schemeln oď bencken ſaſſen/ wie wir/ ſondern Sie lagen nach der lenge auff ſchoͤnen Pulſtern vnd Decken/ wie denn auch die Roͤmer hatten jhre Triclina, Quadriclinia, da jhrer 3. 4. oder auch bißweilen jhrer mehr beyſammen ſaſſen/ wie denn der HERRE Chriſtus/ als Er kurtz fuͤr ſeinem Leiden vnd ſterben/ mit ſeinen Juͤngern/ das Oſterlamb geſſen/ auch auff dieſe weiſe Mahlzeit gehalten/ derowegen ſte- het auch von S. Johanne dem Heil: Apoſtel/ das er als der Liebſte Juͤnger allezeit bey dem HErꝛn zum nechſten vnd gleichſam an ſeiner bruſt gelegen/ Joh. 13.

Darmit trieben auch die Juden offt groſſe Pracht vñ Hoffart/ wie wir leſen Amos am 6. das Sie geſchlaffen auff Helffen beinernen Lagern/ vnd hetten groſſen Vberfluß getrieben mit jhren Betten/ Sie hetten die gemaͤſteten Kaͤlber darbey geſſen/ Geſpielet auff dem Pſalter/ vnd den beſten Wein getruncken/ vnd ſich nicht bekuͤm̃ert vmb den Schaden Joſeph. Dergleichen tha- ten ſie auch zu Zeiten des Propheten Eſaiæ, da vermei- neten jhr viel/ wenn ſie nur auff der Welt/ gutte tage hetten/ vnd alles vollauff/ koͤnten einen Vorꝛath nach dem andern auß jhren Kellern vñ Soͤllern herauß gebẽ/ ſo were es die hoͤchſte Gluͤckſeligkeit/ da ſprachen Sie: wohl dem Volſte/ deme es alſo gehet/ wie dergleichen reden anfuͤhret der 144 Pſalm/ ꝟ. 15. Damit ſich nun die Armen fromen vñ glaubigen Juden/ vnd noch heute D iijzu Chriſtliche Leichpredigt. zu tage/ das Arme kleine verlaſſene haͤufflein der glaͤu- bigen Chriſten/ ſich nicht daran moͤgen aͤrgern/ als be- richtet vns/ der Heilige Geiſt/ vnd vertroͤſtet vns/ daß wir dermal eines/ in dem andern Ewigen leben/ auch eine viel beſſere vnd groͤſſere Herꝛligkeit zugewarten ha- ben/ da werden wir nicht allein viel weite bequeme herꝛ- liche ſchoͤne Wohnungen/ ſondern auch eine Stoltze ruhe haben/ wir werden haben die rechten fchoͤnen vnd herꝛ- lichen vñ Koͤniglichen Kleider der Gerechtigkeit/ davon Eſaias Prediget/ cap. 61. Wir werden haben das herꝛliche Mahl von reinem Wein/ von Fett vnd Eſa: 25.Marck/ da Gott werde den Todt verſchlingen Ewiglich/ vnd die Thraͤnen abwiſchen von den Augen aller Armen geaͤngſteten vnd nothleidenden. Allhie iſts einem eine Ehre/ wenn er auff einem Schoͤnen Stule ſitzet/ vnd wenn Vrtheil gefellet werden/ das er inn groſſen Zuſammenkunfften/ auch ſein Votum vnd Stimme hat/ dergleichen Ehre verheiſchet der HERR Chriſtus auch ſeinen lieben juͤngern vñ Apoſteln/ weñ er ſaget Matt. 19. Jhr werdet ſitzen auff Stuͤlen/ vnd richten die Zwoͤlff Geſchlechte Jſrael: Allhie iſts einem eine groſſe Ehre/ wenn er/ auß geringem Stam zu Fuͤrſtlichen ja Koͤnig- lichen Digniteten erhaben wirdt. Nu gehoͤren wir alle/ die wir auff Chriſtum JEſum getaufft ſindt/ vnd an jhn glaͤuben/ zu dem Koͤniglichen Prieſterthumb. Da- 1. Pet. 2. v. 9.von S. Petrus redet/ 1. Pet. 2. ꝟ. 9. Allhier Pranget der Bapſt mit einer 3 fachen Krone/ aber dieſe Krone iſt Suͤndhafftig/ gefaͤhrlich vnd vergaͤnglich/ vns aber/ die wir bey Chriſto beſtendiglich bleiben/ kaͤmpffen einen gutten Kampff/ behalten den Glauben/ vnd ein guttes Gewiſſen/ Chriſtliche Leichpredigt. Gewiſſen/ denen iſt eine rechte dreyfache vnverwelckliche vnd vnvergaͤngliche Krone im Him̃el bereitet: Nemlich:

1. Corona juſtitiæ, die Krone der Gerechtig- keit. 2. Tim. 4. 2. Corona vitæ, die Krone des Lebens. Apoc. 2. v. 10. 3. Corona gloriæ, die Krone der Ewigen Herꝛligkeit. 1. Petri c. 5.

Da werden wir dañ in Stoltzer ruhe/ in ſicheren Woh- nungen einen Monat nach dem andern vñ einen Sab- bach nach dem andern/ in Ewiger Froͤligkeit begehen/ Eſa: 66. ꝟ. 24. vnd Liebliches weſen zur rechten GOttes haben/ jmmer vnd Ewiglich. Da hergegen/ die Gott- loſen/ keine ruhe noch friede haben werden/ denn weil ſie jhre Luſt vnd frewde gehabt haben/ am Krieg vñ Streit/ Haß vnd Neidt/ Stelen vnd Rauben/ Ey ſo ſollen ſie wieder beraubet werden/ Eſa. 33. Sie ſollen wieder ge- aͤngſtiget werden/ Sie werden in der Helle liegen wie die Schaffe/ der Todt/ wird ſie nagen Ewiglich/ Pſal. 49. ꝟ. 15. Jhr Wurm wird nicht mehꝛ ſterben/ vnd jhr Fewer nicht verleſchen/ da werden ſie den Lohn haben fuͤr jhre Hoffart vnd ſtinckende Pꝛacht; wie vnſer Pꝛophet ſaget/ Eſa. c. 14. ꝟ. 11. Motten werden dein Bette ſein/ vnd Wuͤrme deine Decke. Allhie kan Jch nicht vmbgehen zu erzehlen eine Denckwuͤrdige Viſion, oder vielmehr Laͤcherlichen Traum/ welcher als eine warhaff-In aureâ Legendâ de ommb. Sanctis p. 157. tige Hiſtoria zum beweiß des Fegefewers/ in Lombar- dicâ hiſtoriâ eingefuͤhret wird/ das nemlich der Kuͤſter oder Gloͤckner zu Rom in der Peters kirchen/ habe dieſes Geſicht geſehen/ nach dem Er ins Fegefewer entzucket D iiijworden/ Chriſtliche Leichpredigt. worden/ nemlich ein Engel habe jhme gezeiget viel vnter- ſchiedliche Verdampte ſitzen/ in Guͤldenen/ Silbernen/ Eyſernen vnd Huͤltzernen betten/ die hetten jhrer Wol- luſt gepfleget/ geſſen/ vnd getruncken/ daneben habe er auch andere geſehen/ Nothleiden/ Hunger vnd Durſt/ groſſe Hitze vnd Mattigkeit/ da habe er den Engel ge- fraget/ was doch die vrſache wehre/ das die Armen Leute nicht koͤnten von jhrer Qual erloͤſet werden/ da hette jhme der Engel geantwortet/ dieſes wehre die vrſache/ das jene/ die Reichen ein groſſes Vermoͤgen verlaſſen/ denen hette man/ nach jhrem Tode/ viel Seelmeſſen ge- halten/ derowegen wehren ſie bald von der Qual des Fegefewers erꝛettet worden/ die anderen aber/ muͤſten fuͤr jhre Suͤnden voͤlliglich buͤſſen vñ bezahlen/ weil ſich niemandt jhrer annehmen wolte. O weg mit dieſer Fabel/ es mag ſich damit im Bapſthum̃ troͤſten wer da wil/ wir wiſſen auß Goͤttlicher Heiliger Schrifft/ das die Seele des Menſchen nach dem tobe/ entweder zu der Ewigen ruh vnd frewde in Abrahams Schoß gelanget/ oder auch zur Ewigen Marter vñ qual/ vnd wehe einem Menſchen/ der einmal gelanget an den ort/ da jetzundt der Reiche Mann ſitzet vnd ſchwitzet. Aber wol einem Menſchen/ welcher mit dem Armen Lazaro ſitzet inn Abrahœ Schoß/ da er Ewiglich getroͤſtet vnd erfrewet wirdt. Lucæ am 16.

Praxis ſecundæ partis, cum applicatione, ad præſentem Perſonam defunctam.

Vnd dahin iſt auch allbereit der Seelen nach gelanget/ vnſer Selig verſtorbener Herꝛ Friedland/ der hat nuch offtmals mit groſſem Schmertzen geſehen vnd erfahren/ wie dz liebe Deutſchland/ welches gewiß in vielen ſtuͤcken bißhero Chriſtliche Leichpredigt. bißhero dem Juͤdiſchen gelobten Landt zu vergleichen war/ da es in ſeinem flore ſtund/ auch worden iſt zu einem verfluchten vñ verbandten Lande/ da zuvor die lieblichen Ecker vnd Fruchtbaren Weinſtoͤcke ſtunden/ da wachſen jetzundt Dornen vnd Hecken/ da zuvor Frewden Staͤdte vnd Frewden Haͤuſer waren/ ſindt jetzundt Rudera ein- geaͤſcherte Stein hauffen/ vnd ein wuͤſter Ort worden/ da zuvor die feſten Thuͤrme vnd Pallaſte wahren/ ſindt Hölen vñ verwuͤſtete ſtellen worden/ Darumb hat Er ſich auch erjnnert/ das er nur ein Pilgram vñ Frembdling were inn dieſer Welt/ vnd hat ſeine Hoffnung geſetzt/ auff das Ewige Himliſche gelobte Land:

Auff die viel Wohnungen/ Auff die Haͤuſer des Friedens/ Auff die Sicheren wohnungen/ Auff die Stoltze Ruhe.

Da hat Er nu ſein rechtes FriedenLand erlanget/ nach dem Leib vnd nach der Seelen. Nach dem Leibe zwar/ da wird er ſeinen Sabbath halten imgrabe/ darein er jetzundt wird geleget werden/ da wird er ruhen in ſeinem Gabe/ als inn ſeinem gewuͤnſchten Schlaff- kaͤmmerlein/ vnd GOtt wird ſelbſten die Thuͤre zu- ſchlieſſen/ Eſa. 26. biß der Zorn fuͤruͤber gehe/ denn da legen wir vns vnd die vnſrigen inn die Erde/ nicht das wir da ſollen Ewiglich liegen bleiben/ ſondern das wir da von vnſerer ſchweren Sorge/ Muͤhe vñ Arbeit/ ſollen außruhen/ biß anff den Tag der groſſen Poſaunen/ weñ1. Cor. 15. v. 52. 1. Theſſ 4. v. 14. & 15. der HErꝛ ſeine Jubel Poſaun wird zur Hand nehmen/ vnd vber laut blaſen vnd ruffen/ ſtehet auff jhr Todten. Da wird erfuͤllet werden/ was vnſer Prophet ſaget/ c. 26. Eꝟ. 19. Chriſtliche Leichpredigt. Ezech. 36. v. 36.ꝟ. 19. Wachet auff vnd ruͤhmet/ alle die jhr lieget vnter der Erden/ denn der HERR der da iſt dicens & faciens, wirds gewiß ins Werck richten/ da deñ das verweßliche wir anziehen das vnverweßliche/ vnd das ſterbliche das vnſterbliche. 1. Corinth. 15.

Die Seele betreffende/ die iſt allbereit gelanget an den Ort der Frewden/ denn da ſtehet außdruͤcklich in der geheimen Offenbahrung Johannis am 14. Selig ſindt die todten/ die in dem HErꝛn ſterben von nu an/ Apoc. 14.Das iſt von dieſem Augenblick/ Ja der Geiſt ſpricht das ſie rnhen võ jhrer arbeit/ dañ ſo bald der Menſch ſtirbt/ ſo iſt ſeine Seele in demſelben Augenblick in dem Reich des Schawens/ vnd ſihet gegenwertig Gott den HERRN von Angeſicht/ zu Angeſicht/ wie S. Paulus 1. Cor. 13. redet: Das alſo der glaͤubigen Chriſten todt/ nichts anders iſt/ als ein ſuͤſſer lieblicher Schlaff/ wie ſich deſſen erjnnert Koͤnig David/ Pſalmo 17. Jch wil ſchawen dein Andlitz/ in Gerechtigkeit/ Jch wil ſatt werden/ wenn Jch erwache/ nach deinem bilde:

Auguſtin. in ſoliloꝗ.O Dies præclara & pulchra, neſciens veſperam, non habens occaſum, in quà audiam vocem laudis, vocem exultationis, in quâ vacabimus & videbi- mus, videbimus & amabimus, amabimus & laudabi- mus Ecce quod erit in fine ſine fine!

Jch beſchlieſſe dieſe gantze Predigt/ mit dieſen bekan- ten Verßlein/ welche gleichfalß dem Heiligen Altvater Auguſtino zugeſchrieben werden:

Ad Chriſtliche Leichpredigt.

AD perennis vitæ fontem, Mens ſitivit arida Clauſtra carnis præsto frangi, Clauſa quærit anima, Glitert, ambit eluctatur, Exulfrui patriâ Nam quis promat ſummæ pacis Qvinta ſit lætitia? Ubi vivis margaritis Sargunt ædificia Auro celſa micant tecta Radiant Triclinia. Solis gemmis precioſis, Hæc ſtructura nectitur, Auro mundo, tanquam Vitro, Urbis via ſternitur, Abest limus, deest fimus, Lues nulla cernitur.

Hyems horrens, æstas torrens,Augustin. vel ꝗeunꝙ́ alius Au- tor lib. Meditat. c. 26. illic nunquâm ſæviunt, Flos perennium roſarum, Ver agit perpetuum, Candent lilia, rubeſcit Crocus, ſudat Balſamum. Virent prata, vernant ſata Rivi mellis influunt; Pigmentorum ſpirat oder, Liquor & aromatum, Pendent poma floridorium, Non lapſura nemorum. Luna non alternat vices, Sol vel curſus ſiderum Agnus est felicis Urbis Lumen inocciduum Tempus & nox deſunt ei Fert diem continuum.

Welche Worte Herꝛ Nicolaus Herꝛman geweſenerSic enim ſtatuit Li- bercantio- nũ germa- nicarum, Norimb. A. C. 1618. excuſus, D. Marti- nus Moller. in ſine Ma- nualis de præpar: ad mortem Johanni cuidam Walthero ad ſiripſit. Cantor zum Joachimsthal alſo verdeutſchet hat:

Hertzlich thut mich erfrewen/ die froͤliche Sommer- zeit weñ Gott wird ſchoͤn vernewern alles zur Ewigkeit/ den Him̃el vnd die Erden/ wird Gott new ſchaffen gar/ All Creatur ſoll werden/ gantz herꝛlich new vnd klar. Die Sonne wird new vnd reine/ der Mond/ die Sternen all/ Ja viel mahl heller ſcheinen/ das man ſich Wundern ſoll.

Kein Zunge kan erꝛeichen/ die Ewige Zierheit groß/ man kans mit nichts vergleichen/ die Wort ſind viel zu bloß/ drumb muͤſſen wir das ſparen/ biß an den Juͤngſten tag/ da wollen wir erfahren/ was Gott iſt vnd vermag. E ijDa Chriſtliche Leichpredigt. Da vns GOtt wird erwecken zur Ewigen herꝛligkeit/ vnd klaͤrlichen entdecken die Ewige Seligkeit.

Pſalm. 27. v. 13.Da werden wir mit Koͤnig David/ Eſaia, vnd allen Heiligen Außerwehleten Kindern Gottes ſehen/ Das gutte des HERRN im Lande der Lebendigen/ darzu vns allen vorhelffen wolle/ der HERRE Chriſtus vnſer Troſt/ der vns mit ſeinem Blut hat erloͤſt/ von des Teuffels gewalt vnd Ewiger Pein/ Jhm ſey Lob/ Preiß vnd Ehr allein.

Encomium Denati Dn. Pauli Fridlandi.

WAs nu anbetrifft Vnſers in GOTT ein- geſchlaffenen Mit Bruders/ Ehrlichen Geburt/ Ankunfft/ Chriſtliches Leben vñ Wandel/ vnd Seeligen Abſchiedt von dieſer Welt/ Jſt vnſer Mit Bruder/ vnd Seelig abgeſtorbene/ Der Weyland Edle/ Geſtrenge/ Ehrenveſte vñ Hochgelaͤhrte/ Herꝛ Paul Friedland/ Fuͤrſtl: Muͤnſterb: Olßniſcher Rath/ Jm Jahr Chriſti 1602. den 2. April/ auff dem Fuͤrſtl: Cammergutt Schmolln/ Von Ehrlichen Fuͤrnehmen Gottſeligen Eltern/ Dem Weyland Ehrwuͤrdigen/ Achtbarn vnd Wolgelarten Herꝛn Paul Friedlanden getrewen Seel- ſorgern vnd Pfarherꝛn/ vnd Seniore zum Schmolln/ ſeinem Vatern: vnd Frawen Annen gebornen Sam- menhammerin/ Weyland Herꝛn Jonæ Sammenham- mers von Chemnitz auß Meiſſen/ geweſenen Raths- vor- Chriſtliches EhrenZeugnuͤß. Vorwandten zur Olſſen/ Ehleiblichen Tochter/ Seiner Mutter/ gezeuget/ vnd auff dieſe Welt geboren/ folgen- des Tages durch die Heilige Tauffe/ dem HERREN Chriſto einvorleibet worden. Vnd wie es eine groſſe Wolthat Gottes iſt/ Sinthemal jhm niemandt Vater vnd Mutter ſelber erwehlen kan/ von ſolchen Chriſt- lichen Eltern geboren werdẽ/ welche auch jhre Ankunfft von Loͤblichen Wolvorhaltenen Vor-Eltern vnd Vor- fahren zu ruͤhmben haben/ Jnmaſſen Vnſers Seeligen Herꝛen Friedlandes Eltern vnd Vorfahren Ankunfft/ ohne vngeziemigen Ruhm zumelden/ auß Ehrlichen vñ anſehnlichen Familien entſproſſen: Alſo iſt diß eine ſondere Gluͤckſeligkeit fromer Kinder/ vnd erfordert es getrewer Eltern Ambt/ wenn Sie in Gottes furcht vnd Tugendt wol aufferzogen/ vñ angeleitet werden/ welches den Eltern die beſtendigſte Frewde/ vnd einem gantzen Geſchlecht/ die groͤſſeſte Ehre/ Schmuck vnd Zierde iſt.

Solchem jhrem Chriſtlichen Ambt ſeind auch vnſers Seeligen Herꝛn Friedlandes hertzliebe Eltern trewlich nach kom̃en/ haben dieſen jhren lieben Sohn von Kind- heit an/ zu aller Pietet, Gottesfurcht/ vnd was zu ſeinem Chriſtenthumb von noͤthen/ trewlich angewieſen/ jhnen bald als Er Sechs Jahr alt worden/ zu jhrem Freunde vnd Mutter Bruder Herꝛn M. David Sammenham- mern/ Vornehmen Juriſten vnd Practico in Breßlaw gethan/ der jhn fleiſſig alldar zur Schulen gehalten/ vnd ob Er wol wegen damalig einreiſſen der Peſt von ſeinem Freunde/ allher nach der Olſſen in die Schulen ſich be- geben/ vnd in die Anderthalb Jahr verblieben/ hat Er ſich doch nachmals wiederum̃ nacher Breßlaw gewendet/ vnd alldar biß auffs Jahr 1622. in welchem Jahr ſein E iijlieber Chriſtliches EhrenZeugnuͤß. lieber H. Vater verſtorben/ Seine Studia continiret; Vnd darauff mit Raht der Herꝛen Præceptorum vnd ſeiner Mutter vñ Freunde/ auff die Univerſitet Franck- fort an der Oder/ verſchicket worden/ dahin Er den 8ten Octobr. Anno 1622. angelanget/ vnd faſt zwey Jahr daſelbſt dem Studio Juris, vnd doch nicht mit wenigerm fleiß der Heiligen Theologiæ vnd den Artibus Huma- nioribus obgelegen.

Nachmals hat Er ſich Anno 1624. vff Leibzig be- geben/ vnd weil jhm ſelbiger Ort der thewren Zehrung halben/ vnbequem̃/ Jſt Er vff die Univerſitet Altdorff/ vortgereiſet/ alldar er biß ins dritte Jahr/ ſein Studium Juris publicè & privatim diſputando trewlich ge- trieben.

Von dannen iſt Er von zwey Vornehmen Adlicher Geſchlechte zu Nuͤrnberg/ zu jhren Soͤhnen/ vor einen Hoffmeiſter vnd Præceptorem beruffen/ vnd verordnet worden/ Mit welchen Er Anno 1627. im Monat Septembri, die Univerſiteten Tuͤbingen vnd Straß- burg beſuchet/ Nachmals nach Genff ſich begeben/ vnd alldar in die Fuͤnff Viertel Jahr verblieben/ vnd zimb- liche progreſſus in der Frantzoͤſtſchen Sprache gethan.

Von dieſer Univerſitet hat Er ſich/ mit ſeinen An- vertraweten nach Diſon die Hauptſtadt im Frantzoͤſiſchẽ Burgundt/ weil alldar die Sprache/ als bey einem Wohlbeſtelleten Regio Parlamento zimblich rein/ vnd eleganz, begeben/ Eine Zeitlang alldar verharꝛet/ vnd darauff foͤrders in Franckreich/ Niederlandt/ vnd ein theil Brabandt/ Seelandt/ Goͤldern/ durch-reiſet/ Sich auch inn der beruͤmbten Univerſitet Paris, eine Zeitlang auffgehalten/ biß Er auch dieſe Reyſe/ vnter dem Chriſtliches EhrenZeugnuͤß. dem Geleite GOttes vnd ſeiner Engel Schutz gluͤcklich abſolviret, vnd ſeine jhm Vntergebene wiederumb mit geſund in jhr Vaterlandt/ jhren lieben Freunden vber- antwortet vnd anheimb gebracht/ vnd jhnen die gantze Zeit dermaſſen fuͤrgeſtanden/ daß es jhme dieſelbigen/ vnd dero geliebte jhrigen groſſen Danck gewuſt.

Vnd wie wol Er mit Raht vornehmber Leute ſeiner Promotorum zu Nuͤrnbergk/ Sich alldar wehſentlich Nieder zulaſſen vnd Zuſetzen/ jhme faſt fuͤrgenommen/ vnd in ſolcher Intention nach Altdorff/ den Gradum in Utroq̀ Jure zu ambiren vnd erlangen/ Sich wiederumb begeben/ dazu die Herꝛen Profeſſores Juridicæ Facul- tatis, wie die jhme ertheileten Ehrlichen Teſtimonia Academiæ & Facultatis außweiſen/ Ultrò ſich offeri- ret, vnd aller befoͤrderung erboten/ So hat es doch dem Hoͤchſten GOtt anders gefallen/ Jnn dem Er wegen toͤdtlichen abgangs ſeiner liebẽ Mutter/ beſſere Richtig- keit zu befoͤrdern/ auß noth zu den ſeinigen nach Hauſe ſich zuruͤcke begeben muͤſſen/ da Er dann/ den 6. Junij, Anno 1630. durch GOttes gnad allhero nacher Olſſen angelanget/ vnd alſo Acht Jahr vff Univerſiteten, vnd in der Frembde zugebracht.

Dieweil Er nu den allgemeinen/ vnd auch ſeinen vnd der ſeinigen Privat Zuſtandt zimblich bekuͤmmert an- getroffen/ hat Er ſeinen Vorſatz vnd Gedancken endern muͤſſen/ vnd iſt auff gepflogenen Raht vornehmer Leute/ vnd ſeiner lieben Freunde ſchlieſſig worden/ im Nahmen Gottes/ in ſeinem Vaterlandt ſich Zuſetzen/ vnd mit ſenem Studio Juris in der Practica Ehrlichen Leuthen zu dienen/ wie Er dann auch hierin/ den Segen Gottes/ vnd das Er fructum ſuorum ſtudiorum auch in iſto la- E iiijbore Chriſtliches EhrenZeugnuͤß. bore wuͤrde ſuchen vnd erlangen koͤnnen/ Reichlich ver- ſpuͤret hat.

Hat ſich darauff mit Gottes vñ ſeiner lieben Freunde Raht/ in den Heiligen Eheſtandt eingelaſſen/ vnd jhm ſonder allen Zweiffel auß GOttes Verſehung zu einem trewen Ehegenoſſen/ außerleſen/ ſeine jetzt hochbetruͤbte Fraw Wittib/ die damals Viel Ehr vnd Tugendtreiche Jungfraw Priſcam gebohrne Nitſchin/ vnſers Herꝛen Cantzlers erzogene Pflege Tochter/ Mit welcher Er den 15 den Junij, Anno 1632, allhier zur Olſſen ſeinen Hoch- zeitlichen Ehrentag gehalten/ vnd mit Einander eine Chriſtliche/ Friedliche vnd Eintraͤchtige Ehe beſeſſen/ Sechs Jahr/ Acht Monat vnd 5. Tage: Jn derſelben erzeuget/ Zwene Soͤhne vnd zwo Toͤchter/ davon ein Sohn/ den Weg aller Welt gegangen/ vnd ein Sohn vnd zwey Toͤchter/ noch am Leben/ vnd hinterlaſſene Weißlein ſein.

Anno 1633. den 30. Maij, haben J. F. Gn. Vnſer Regierender gnaͤdiger Fuͤrſt vñ Herꝛ/ jhn zu dero Fuͤrſt- lichen Raht/ in Gnaden beſtellet/ vnd angenommen/ Jn welchem Fuͤrſtl: Rahtsdienſt/ Er biß an ſeinen todt Sechs Jahr weniger drey Monat/ Trewlich/ Auffrecht/ vnd Ehrlich/ in allen denen Vorꝛichtungen/ die jhm vormoͤge ſeines Rahtsdienſts vñ Beſtallung obgelegen/ vnd J. F. G. jhme in gnaden Committiret vnd anbe- fohlen/ Sich erfinden laſſen.

Hat ſich auch ſonſt gegen jedermaͤnniglich/ in ſeinem Dienſt/ vnd gantzen Leben/ Wilfaͤhrig/ Vnverdroſſen/ vnd gutthaͤtig erzeiget/ Sich der Maͤſſigkeit/ Nichtern- heit vnd anderen Chriſtlichen Tugenden beflieſſen/ vnd jedermann ſich nach gebuͤhr bequemet.

Am Chriſtliche Leichpredigt.

Am nechſt verſchiehenen 17. Februarij, als J. F. Gn. Vnſer gnaͤdiger Fuͤrſt vnd Herꝛ/ zu dero Hertzgeliebten Herꝛen Brudern dem Kayſerlichen Oberambt/ vnſerm auch gnaͤdigen Fuͤrſten vnd Herꝛen/ deroſelben Vor- nehmbe Raͤhte/ vnd vnter jhnen auch gedachten Herꝛn Friedlandt/ in wichtigen vorfallenden Sachen/ abge- ſendet/ hat jhn vnverſehens zur Bernſtadt/ ein Horror Febrilis angefallen/ davon Er ſich alſo bald vbel vnd ſehr Kranck befunden/ vnd als Er darauff wiederumb allher zuruͤck gelanget/ vñ eine groſſe Mattigkeit vñ Schwach- heit vormercket/ dazu ein harter Fluß/ vnd Ergieſſung/ mit groſſem erbrechen zugeſchlagen/ hat ſeine Hertztrewe Ehegenoſſin alſo bald vnſers Herꝛen Hoff Medici Raht vnd Cur gepflogen/ da dañ allerley mittel vñ ſtaͤrckungen adhibiret worden/ vnd an moͤglichſter Warttung/ vnd Menſchlicher Cur vnd Mitteln nichts ermangelt.

Es ſindt aber die Kraͤffte dermaſſen ploͤtzlich hingefal- len/ vnd die Schwachheit/ mit anderen Symptomatis zugenommen/ das man Sonnabendts den 19. hujus zu Abendt faſt an ſeinem Leben gezweifelt/ dieſelbige gantze Nacht durch/ hat der Haupt vnd Bauchfluß/ vnd das erbrechen/ ſtarck angehalten/ vnd durch die Mittel der Artzney vnd adhibirten trewen Warttung/ nicht zu- ſtillen geweſen/ dabey die Vornunfft vnd Verſtandt gantz Richtig geblieben/ die Sprache aber etwas vn- verſtaͤndtlich an jhm verſpuͤret worden.

Als jhn Sontags fruͤhe/ da man zur Fruͤhe Predigt gelaͤutet/ vnſer Herꝛ Cantzler beſuchet/ hat Er die be- ſchwer/ wie Er nemlich dieſelbte an dem Magen/ vnd an der Leber fuͤhlete/ vnd durch den Haupt vnd Bauchfluß ſich gar vbel befindete/ zu verſtehen gegeben/ vnd ob Er Fwol Chriſtliches EhrenZeugnuͤß. wol hoffete/ Sein fromer GOtt wuͤrde jhm wiederumb gnaͤdig auffhelffen/ So hette Er doch allzeit/ vnd an jetzo ſeinen Willen in Gottes willen geſtellet/ vnd ſich allezeit zu ſeinem Sterbſtuͤndlein fertig gehalten/ auch ſeinem lieben GOtt/ ſeine arme Seele/ in ſeine Allmaͤchtige Vaterhandt/ ſein liebes getrewes Weib/ vnd Kinder/ in ſeinen Vater Schutz vñ Vorſorge/ hertzlich befohlen/ vnd gebethen/ Es wolte auch der Herꝛ Cantzler ſeine Vaters trew ſeinem lieben Weib vnd Kindern/ nach ſeinem Tode nicht entziehen.

Vnd als gedachter Herꝛ Cantzltr/ jhme deßhalb troſt zugeſprochen/ vnd darmite jhn auffgerichtet/ das es ob Gott wil/ nicht wuͤrde mit jhm noth haben/ Sondern mit der huͤlffe Gottes zu voriger Geſundtheit kommen/ hat Er/ wie GOtt wil/ es beantwortet.

Darauff als ſeine Hertztrewe Ehgenoſſin/ fuͤr jhm ſtehende/ die Thraͤnen mildiglich vergoſſen/ hat Er Sie bey der Hand gefaſſet/ vnd Sich nicht betruͤbt zumachen vermahnet. GOtt wuͤrde Sie vnd die lieben Kinder wol verſorgen.

Nach dem aber vber alle hoffnung/ vnd vngeachtet/ mit vielen Mitteln allerley ſtaͤrckung des Hertzens/ vnd anderen Labſaln ſtetigs angehalten worden/ inn einer ſtunden ſich alles zum letzten Sterbſtuͤndlein angelaſſen/ Alſo/ daß der kalte Todesſchweiß angetreten/ alle kraͤffte Sich verlohren/ vnd eine ſtettige Ohnmacht gefolget/ haben die vmbſtehenden jhme Troſt auß GOttes Wort zugeſprochen/ Er hat ſich auch ſelber/ biß an ſeinen letzten Athem Chriſtlich getroͤſtet/ hertzlich gebetet/ vnd vnter den Worten/ Vnd wenn Jch nicht mehr reden kan/ So nimb meines Hertzens ſeufftzer an/ durch JEſum Chriſtum Chriſtliches EhrenZeugnuͤß. Chriſtum Amen/ ſeinem Erloͤſer vñ Seligmacher JEſu Chriſto ſeine Seel befohlen/ vnd gleich/ als Jch vnwuͤr- dig/ Mich eylends zu jhm erhoben/ iſt Er Seeliglich ab- geſchieden/ vnd auff das Tewere verdienſt JEſu Chriſti/ eingeſchlaffen/ am nechſten Sontag/ war der 20ſte hujus eine Viertel ſtunde/ fruͤhe nach Sieben der halben vhr/ als Er inn dieſem Leben vnd Pilgramſchafft zugebracht Sieben vñ dreiſſig Jahꝛ/ weniger fuͤnff wochen/ Sechs tage.

Sein gefuͤhretes Chriſtenthumb iſt Gott Lob/ jeder- man bekandt/ Jſt ein trewer fleißiger Zuhoͤrer Goͤtt- liches Worts geweſen/ hat hertzlich gebetet/ Sich zu dem Heil: Hochwuͤrdigen Sacrament des Leibes vnd bluttes JEſu Chriſti/ in offentlicher Chriſtlicher Verſamlung Andaͤchtig vnd offt/ vnd eine kurtze Zeit/ vor ſeinem Seligen Tode/ gehalten/ vnd ſein Leben vnd Wandel/ als ein Chriſt/ jedoch mit erkaͤntnuͤß ſeiner Schwachheit vnd Suͤnden tritt/ derer Er/ als ein ſterblicher Menſch/ So wol als alle Menſchen vnterworffen/ gefuͤhret/ von hertzen jedermaͤnniglich verziehen/ auch jhme Chriſtlich/ zu verzeihen gebethen/ vnd den Vorſatz/ vnd gröſſeſte Sorge ſein laſſen/ Chriſtlich zu Leben/ vnd Seelig zu ſterben/ So jhme dann auch der hochfrombe GOtt/ auß lauter Vaͤterlicher gnade/ vorliehen. Der habe nun ſeine Seele in ſeiner Hand/ da Sie keine Quall ruͤhret/ vnd verleyhe dem Coͤrper in der Schoß der Erden/ eine ſanffte Ruhe/ vnd am bald anbrechenden Juͤngſten tage/ eine froͤliche Aufferſtehung zum Ewigen lebẽ/ vnd helffe/ vns zu ſeiner Zeit hernach/ Nur Seliglich.

F ijDarzu Chriſtliches EhrenZeugnuͤß.

Darzu Jch deñ ſchluͤßlichen/ nach meiner gewonheit/ ſonderlich dem Selig verſtorbenen Herꝛn/ als meinem/ nicht allein im Leben/ ſondern auch nach dem Tode viel- geliebten Herꝛn Gevattern vnd werthem Freunde/ hinzu ſetze/ dieſe Trawrige Elegiam.

TU Patriam repetis, cæli regione locatus, Ante DEi frueris, Paule, qviete, thronum. Nos miſeros belli circumſtant plurima damna, Fatalis mæror tempora nostra premit. Inter tot ſtrepitus, intor tot tela, tubasꝙ́, Impendent patriæ mille pericla meæ. O felix iter atꝙ́ ex omni parte beatum, Fluctibus ê ſævis Te DEus ipſe trabit. In Patriam tendis tranquillâ pace ſuperbam, Pacatam patriam, post tua fata ſubis. Non ibi Te crepero turbat redeunte tumultu Mars, neꝙ́ Te tangit flebile mortis onus. Sed requies illic, illic æterna voluptas, Perpetuus ſplendor, gaudia, riſus, amor. Gloria, laus & honos cõstans, concordia dulcis, veſpera, nec Festos finiet ulla dies. Cælica cœlesti, Terreno terrea curæ, Te Fortunatum cœlica lætus habes. Meta-

Metaphraſis. ACh Weh/ vns Armen Leuth/ jhr thut vns auch verlaſſen Herꝛ Friedland/ gehet hin/ des Todes finſtre Straſſen Jn der betruͤbten Zeit/ da aller Handel liegt/ Vnd vnſer Vaterland/ ſchwer einquartierung kriegt. Da jederman betruͤbt/ mit vielem trawren gehet/ Vnd vnſer armes Land in groſſen furchten ſtehet. Das macht/ es hat verderbt die Erd’ der Vaͤter Suͤnd’/ Vnd weil bey vns nichts guts der groſſe Rich- ter findt. (verwuͤſtet/ Diß iſt die rechte Schuldt/ die Stadt vnd Land Weil niemand fuͤr den Riß mit wahꝛer Buß ſich ruͤſtet. Drumb gehn die Acker ein/ die Weinberg trawrig ſtehn/ Alls’in dem gantzen Land betruͤbt iſt anzuſehn. Schul/ Kirchen ſind zerſtoͤrt/ die Haͤuſer vmb ge- kehret/ (verheeret. Sind worden Aſch vnd Staub/ die Felder gantz Die Baͤume ſtehn nicht mehr/ die Gaͤrten ſind zerſtoͤrt/ (Schwerdt. Die Sichel vnd der Pflug verkehrt in ſcharffe F iijDas Das Vieh vertrieben iſt/ die Scheunen vmb- geriſſen/ Die Wende vnd die Zeun Tyranniſch vmbge- ſchmiſſen/ Man hoͤret foꝛt vñ foꝛt die grauſame Poſaun/ Den Donner vnd den Plitz/ der Fewrigen Carthaun. (Leben/ Wer wolt’ zu ſolcher Zeit/ jhm wuͤnſchen langes Vnd ferner in der Welt in ſolcher furchte ſchwebẽn Wer ſeufftzet nicht viel mehr/ das er moͤcht werden frey/ Von ſolcher Angſt vnd Noth/ vnd der Welt Tyranney/ Das er ins Friedeland/ gen Him̃el moͤge kom̃en/ Jn die Schoß Abrahæ, mit frewdẽ auffgenom̃en/ Wo Krieg iſt eingeſtelt/ wo rechter Friede ſchwebt/(lebt/ Vnd bey der Engel Schaar der fromen Seele Daſelbſt/ O liebe Seel/ empfinde deine Frewde/ Gebrauch der groſſen Ehr/ geneuß die ſchoͤne Weyde/ Bey der Erwehlten Schaar/ da Leb ohn end vnd Ziel/ Wir wollen zu dir kommn wo/ wenn vnd wie Gott will/ Wann Wann auch der Groſſe Herr/ vns wird auff- heiſſen ſteigen/ Da Stoltze Ruh wird ſein/ vnd alle Feinde ſchweigen. Diß ſey nun Ewer troſt/ Fraw Wittib/ diß bedenckt/ Vnd Ewer Mattes hertz nicht mehr mit Wei- nen krenckt.(muͤſſen/ Sondern bedencket wol/ was frome Chriſten Jn jhrer Angſt vnd Noth/ fuͤr Troſt vnd Frewde wiſſen: Jn Friedẽ Ewr Herꝛ mit Engeln ſich beſpꝛicht/ Darumb des Leides nu gedencket weiter nicht.

Hierauff wollen wir vns nu ferner zu Vnſerem lieben GOtt kehren vnd wenden/ vnd mit einander vmb ein ſeliges Ende alſo beten:

Herr Gott du bleibſt in Ewigkeit/ Der Menſch hat ſein beſtimbte Zeit. ꝛc.Ex lib. preca- tionum Dn. Mar- tini Bo- hemi.