Christliche Leich Predigt

IN NOMINE SACRO- SANCTÆ ET INDIVI- DUÆ TRINITATIS.

Eingang.

ER iſt auß der Angſt hinweg genom- men/ wer will ſeines Lebens Laͤnge außreden? Spricht jhr meine Geliebte vnd Außer- wehlte in dem HErren CHri- ſto JEſu/ der Geiſtreiche Prophet Eſaias in ſeiner Weiſſagung am 53. Cap. Redet hiermit von demEſ. 53. v. 8. HErrn JEſu CHriſto/ dem Sohne Gottes/ vnd zeiget damit an/ das ſolchen ſein Himmliſcher Va- ter nicht allein in groſſe Angſt gerahten laſſen/ durch ein bitteres Leyden vnd Sterben/ Matth. 27.Matth. 27. A ijSondern Chriſtliche LeichPredigt. Sondern auch Jhn wiederumb aus der Angſt her- auß geriſſen/ vnd Jhm auffgeloͤſet die Schmertzen Acto: 2. 27.des Todes/ Act. 2. Vnd Jhm kund gethan den Weg zum Leben/ daß Er nun fuͤr Jhm habe Frew- de die fülle/ vnd liebliches Weſen zu ſeiner Rechten Pſal. 16. 11.ewiglich/ Pſ. 16. Was nun ſeinen allerliebſten Sohne dem HErren CHriſto/ GOtt der Himmli- ſche Vater/ wiederfahren laſſen/ daß laͤſſet Er auch ſeinen Gliedmaſſen/ frommen Chriſten/ ſuo modo, begegnen vnd wiederfahren. Daß Er ſie nehm- Pſal: 71. 20.lich erfahren laͤſt viel vnd groſſe Angſt/ Pſ. 71 Vnd Pſal: 68. 20eine faſt ſchwere CreutzesLaſt auff leget/ Pſ. 68. Er laͤſt ſie aber darinne nicht verderben vnd vmbkom- men/ ſondern iſt bey jhnen in der Noth/ reiſt ſie he- rauß/ macht ſie zu Ehren/ ſaͤtiget ſie mit langen Le- Pſal: 91. 16.ben/ vnd zeiget jhnen ſein Heyl/ Pſ. 91. Vnd das haben wir vnter andern vielen Exempeln Heiliger Schrifft/ vnd gemeiner taͤglicher Erfahrung auch zu ſehen/ An vnſerm in GOtt ſelig verſtorbenen Mitbruder/ Dem weyland Edlen/ Ehrenveſten/ GroßAchtbarn/ vnd Hochgelahrten/ Herrn Ge- orge Jacob Reichen/ in Liebenaw/ beyder Rech- ten beruͤhmten Doctore, vnd Churfuͤrſtl. Durchl. zu Sachſen/ alten wohlverdienden Hoff- vnd Ju- ſtuienRahtJu- ſtitienRaht/ Denn ſolcher hat auff der Welt ſeine Angſt auch wohl gehabt im Leben vnd im Sterben. Aber GOtt der Allmaͤchtige/ deme er allezeit hertz- lich Chriſtliche LeichPredigt. lich vertrawet/ hat jhn erloͤſet von allem Vbel/ vnd außgefuͤhret zu ſeinem Himmliſchen Reiche/ 2. Tim. 4. Wenn Er jhn nechſt verſchienen Mit-2. Tim: 4. 18. woch acht Tage/ den 5. Decemb. zu Abend nach 9. Vhren/ ſanfft vnd ſelig von dieſer boͤſen Welt ab- gefodert/ vnd der Seelen nach ins Reich der Ewi- gen Frewde vnd Seligkeit verſetzet hat. Vnd ſeynd wir nun allhier im Nahmen des Allerhoͤchſten ver- ſammlet/ ſeinen abgeleibten Coͤrper in ſein Ruh- Bettlein Chriſtlicher Weiſe zuverſetzen: zuvor her aber aus GOttes Wort/ mit einander etwas zu handeln vnd zubetrachten. Weil wir aber darzu beduͤrfftig ſeyn/ der Huͤlff vnd Beyſtand GOttes des Heiligen Geiſtes/ Als wollen wir vns fuͤr der Hohen Goͤttlichen Majeſtaͤt demuͤhtigen/ vnd miteinander behten/ ein glaͤubiges vnd andaͤchtiges Vater vnſer.

TEXTVS, Geneſ. 32. v. 30. A iijJch Chriſtliche Leichpredigt. JCh habe GOtt von Angeſicht geſehen/ vnd meine Seele iſt geneſen.

Predigt.

DAß iſt der Wille deß der mich geſandt hat/ daß wer den Sohn ſiehet/ vnd glaͤubet an Jhn/ habe das Ewige Leben/ vnd Jch werde ihn am Juͤng- ſteenJuͤng- ſten-Tage wieder aufferwecken. Spricht vnſer HErr vnd HEyland JEſus CHriſtus/ jhr meine Joh: 6, 39.Geliebte vnd Außerwehlte in demſelbigen/ Johan. am 6. Redet hiermit gar herrlich vnd ſchoͤn/ von der Menſchen Heyl/ Wohlfahrt/ vnd Seligkeit: Vnd beſchreibet ſolche gar fein vnd eigentlich/ 1. qvoad gratuitam oblationem. Wegen der Gna- denrei- Chriſtliche LeichPredigt. denreichen Darreichung/ daß ſie aus niemands Verdienſt/ ſondern aus GOttes gnadenreichen Willen vnd Wohlgefallen herruͤhre/ denn ſolcher die Menſchen nicht geſetzet zum Zorn/ ſondern die Seeligkeit zubeſitzen/ durch vnſern HErrn JEſum CHriſtum: 1. Theſſ. 5. Vnd dahero nicht wolle/1. Theſ. 5, 9 daß jemand ſolle verlohren werden/ ſondern daß ſich jederman zur Buſſe bekehre vnd lebe/ 2. Petr. 3.2. Petr: 3, 9. Gerne wolle daß allen Menſchen geholffen werde/ vnd zur Erkentnuͤß der Warheit kommen moͤchten/1. Tim: 2, 4. 1. Tim. 2. Ja mit einem tewren Eydſchwur be- kraͤfftiget/ daß Er nicht wolle den Todt deß Sün- ders/ ſondern daß er ſich bekehre vnd lebe/ Ezech.Eze. 33, 11. 33. 2. Quoad divinam operationem. Wie es GOtt der HErr gewircket vnd zuwege gerichtet/ Nemlichen per Filij unigeniti miſſionem, durch die Sendung ſeines Eingebohrnen Sohnes. Denn CHriſtus der HErr ſpricht: Das iſt der Wille deß der mich geſand hat: Es hat aber GOtt der HErr ſeinen Eingebohrnen Sohn geſandt. 1. In noſtram naturam. Wenn Er Jhn hat laſſen ge- bohren werden von einem Weibe ad Gallat. 4.ad Gall. 4, 4. Daß ὁ λόγoσ das Ewige ſelbſtaͤndige Wort GOt- tes Fleiſch worden/ Joh. 1. Vnd GOtt offen-Joh: 1. 14. bahret worden im Fleiſch/ 1. Tim. 3. 2. Hat Er1. Tim. 3, 18 Jhn geſendet: In noſtram culpam. Wenn Er alle vnſere Suͤnde auff Jhn geworffen/ Eſa. 53. DaßEſa: 53, 6. Er als Chriſtliche LeichPredigt. Er alß das Lamb GOttes der gantzen Welt Suͤn- Joh: 1, 29.de tragen muͤſſen/ Joh. 1. Er hat Jhn 3. geſandt/ in noſtram pœnam. Wenn Er auch alle Straff auff Jhn gelegt/ daß Er vmb vnſer Miſſethat willen verwundet/ vnd vmb vnſer Sünde willen zuſchla- Eſa: 53, 5.gen worden/ Eſa. 53. Vnd alſo fuͤr vns zur Suͤn- de gemacht worden/ daß wir durch Jhn hetten die 2. Cor: 5, 21Gerechtigkeit ſo fuͤr GOtt gilt/ 2. Cor. 5. 3. Qvo- ad veram apprehenſionem. Wie ſie recht vnd wohl koͤnne ergriffen werden? Nemlichen Per ſpiritu- alem viſionem. Durch das geiſtliche Sehen vnd Anſchawen. Denn Er ſpricht/ wer den Sohn ſe- he/ vnd glaͤube an Jhn/ habe das Ewige Leben. Da Er denn durch das ſehen nicht ein Leibliches oder Jrdiſches/ ſondern ein Geiſtliches ſehen ver- ſtehet/ welches geſchicht Per fidem, durch den Glau- ben. Vnd deutet damit gar ſchoͤn auff das Vor- bild des Ehrnen Schlaͤngleins in der Wuͤſten/ welches Moſes auffgerichtet/ daß alle/ die von fewrigen Schlangen gebiſſen worden/ wenn ſie es Num: 21. 10.angeſehen/ geneſen ſeyn/ Num. 21. Alſo auch alle die den HErrn CHriſtum/ welcher am Stamme des Creutzes erhoͤhet worden/ Matth. 27. mit Matth. 27.wahrem Glauben anſehen/ die koͤnnen von dem helliſchen SchlangenStich geneſen/ vnd das Ewige Joh: 3, 17.Leben erlangen. Johan. 3. Vnd ſo haben den HErren geſehen/ Die Heiligen Leute GOttes/ nicht Chriſtliche LeichPredigt. nicht allein im Newen Teſtament/ ſondern auch im Alten. So ſahe den HErrn Nathaneel/ vnd ſprach Du biſt GOttes Sohn/ du biſt der Koͤnig von Jſrael/ Joh. 1. So ſahe Jhn S. Petrus/ vndJoh. 1. 49. thaͤt ein hertzlich Bekaͤntnuͤß von Jhme vnd ſprach: Du biſt CHriſtus der Sohn des lebendigen GOt- tes/ Matth. 16. So ſahe Jhn der alte SimeonMat: 16, 16. vnd ſprach: Dieſer iſt geſetzt zur Aufferſtehung vieler in Jſrael Luc. 2. So ſahe Jhn im AltenLuc: 2, 34. Teſtament der heilige Hiob vnd ſprach: Jch weiß daß mein Erloͤſer lebt/ vnd Er wird mich aus der Erden wieder aufferwecken/ vnd ich werde mit dieſer meiner Haut vmbgeben werden/ in meinem Fleiſche werde ich GOtt ſehen/ denſelben werde ich mir ſehen/ meine Augen werden Jhn ſchawen vnd kein Frembder/ Job. 19. So ſahe Jhn Aſſaph/Job: 19, 25. Pſal. 73. HErr wenn ich nur Dich habe/ ſo fra-Pſal: 73, 25. ge ich nichts nach Himmel vnd Erden/ wenn mir gleich Leib vnd Seel verſchmacht/ ſo biſt Du doch allezeit meines Hertzen Troſt vnd mein Theil. Der heilige Prophet Zacharias Cap. 9. Frewe dichZach: 9, 9. du Tochter Zion/ vnd ſey froͤlich du Tochter Je- ruſalem/ denn ſiehe dein Koͤnig koͤmmt zu dir/ ein Gerechter vnd ein Helffer. So hat Jhn auch ge- ſehen der heilige Ertzvater Jacob/ vnd ſeiner See- len Heyl vnd Wohlfahrt dadurch erlanget/ in den abgeleſenen Worten. Da er ſpricht: Jch habe BGOtt Chriſtliche LeichPreidigt. GOtt geſehen von Angeſicht/ vnd meine Seele iſt geneſen. Eben ſo hat den HErrn auch geſehen der ſelige Herr Hoff- vnd JuſtitienRaht/ vnd ſol- che Wort zu ſeinem Leichen Text erwehlet. Wel- che wir denn auch nun wollen fuͤr vns nehmen/ vnd auß denſelben mit fleiſſe betrachten: Sanctam & ſalutarem Jacobi Patriarchæ viſionem. Das Heilige vnd Heylſame Geſicht/ ſo der heilige Ertz- vater Jacob geſehen hat. Der getrewe barm- hertzige GOtt wolle vns hierzu von oben herab/ die Huͤlffe vnd Beyſtand ſeines Heiligen Geiſtes mildiglich verleyhen/ vmb JEſu CHriſti ſeines lieben Sohnes/ vnſers HErren vnd Heylandes willen Amen.

Erklaͤrung.

GEliebte vnd Andaͤchtige in dem HERRN CHRISTO JE- SV/ Ob wohl die Heiligen ErtzVaͤter/ Koͤnige vnd Propheten im Alten Teſta- ment/ den HErren Meſſiam in carne exhibitum vnd im Fleiſche geſand nicht gehabt haben/ wie Er her- nachmahls zur zeit Newen Teſtaments/ ſich alſo/ 1. Tim. 3. 16.nehmlich in carne vnd im Fleiſch offenbahret hat/ 1. Tim. 3. So haben ſie Jhn doch in Typis vnd ſchoͤ- nen Vor- Chriſtliche LeichPredigt. nen Vorbildern vnd Geſichten geſehen. Dem Moſi/ dem Heiligen Manne GOttes iſt Er erſchie- nen in einem FrwrigenFewrigen Puſche/ Exo d. 3. Dem hei-Exod,. 3, 2. ligen ErtzVater Abraham in dem Bilde der Auffer- ſtehung ſeines Sohnes/ des Jſaacs/ Geneſ. 22.Geneſ. 22. Dem heiligen Propheten Daniel in Geſtalt eines Menſchen Sohnes/ Dan. 7. Vnd ſo iſt auch demDan. 7. 13. heiligen ErtzVater Jacob geſchehen/ daß Er den HErren Meſſiam in einem offenbarlichen Geſicht geſehen/ alß einen Mann/ der mit jhme gerungen/ darauff er auch in dieſe Wort herauß gebrochen: Jch habe den HErren geſehen von Angeſicht zu An- geſicht/ vnd meine Seele iſt geneſen. Wenn wir nun dieſes Geſicht deß Jacobs/ mit fleiß anſehen vnd betrachten wollen/ ſo haben wir in acht zu- nehmen Viererley. 1. Daß Subjectum. Wer es geſehen? 2. Objectum. Was geſehen worden? 3. Modum. Wie es geſehen worden? Vnd 4. Fructum. War zu dieſes ſehen geholffen/ vnd nuͤtz geweſen?

DAß I. belangende/ nehmlich das Subjectum, Wer es geſehen habe? So iſt ſolches Jacob der heilige ErtzVater ge- weſen/ wie auß den vorhergehenden abzunehmen iſt. Das iſt nun ein Nobile Subjectum, Denn es iſt der Mann/ welchen GOtt in MutterLeibe ge- B ijliebet/ Chriſtliche LeichPredigt. Malach. 1. 2.liebet/ Malach. 1 Vnd jhn darzu erwehlet/ daß er ſolle den Segen erlangen/ vnd durch jhn die Kir- che Gottes fort geſetzt/ auch auß ſeinem Sahmen/ der HErr Meſſias herkommen ſolle. Dieſer Mañ hat das Zeugnuͤß/ da er gebohren worden/ daß Geneſ. 25 27.er worden ein frommer Mann/ vnd ſey in der Huͤt- ten blieben/ Geneſ. 25. Er hat von Eſau/ nicht ohne Gottes ſonderbahre ſchickung/ die erſte Gebuhrt erlanget/ Ibid. Er hat von ſeinem Vater/ wieder deſſelben Gedancken/ den herrlichen Segen er- Gen. 27. 3.langet/ Gen. 27. Er hat von GOtt dem HErrn die Verheiſſung wiederholet bekommen/ von der Vermehrung ſeines Sahmens/ vnd von dem ge- benedeyten WeibesSahmen/ Welcher Abraham vnd Jſaac ſeinen Vaͤtern/ von dem HErrn/ geſche- Geneſ. 28e 14.hen war/ Gen. 28. Jſt alſo dieſes ein gar heiliger frommer/ vnd GOtt lieber Mann geweſen.

ZVm 2. belangende/ das Objectum, Wen hat er den geſehen? ℞. Dominum, Den HEr- ren? Denn ſo ſpricht der heilige ErtzVater Ja- cob: Vidi Dominum, Jch habe den HErren geſe- hen. Dieſer HErr iſt nun nicht ein weltlicher vnd jrdiſcher HErr geweſen/ welcher Herrligkeit offter- mahls auch mit Luſt angeſchawet wird/ vnd weil ein jeder nicht allezeit dazu kommen kan/ ſo wird es auch fuͤr eine ſonderliche Gluͤckſeligkeit geachtet/ wer groſſer Herren Herrligkeit anſiehet. Ahaſ- verus Chriſtliche LeichPredigt. verus liß nicht jedermann vor ſich kommen/ wenn er auff ſeinem Koͤniglichen Stuhl/ in ſeiner Koͤni- glichen Herrligkeit ſaß/ ſondern die nur allein/ dieEſt. 4. 11. er ruffen liß/ Eſth. 4. Die Koͤnigin aus Reich Arabia preiſete ſelig die HoffLeute Salomonis/ darumb daß ſie ſtets kunten ſeine Herrligkeit anſehen/ vnd ſeine Weißheit hoͤren/ 1. Reg.1. Reg. 10. 8. 10. Sondern es iſt der HErr im Himmel ge- weſen/ denn in der Hebraiſchen Sprache ſtehet das Woͤrtlein אֱלהִׁים DEUS GOtt Vnd bedeutet den HErrn aller HErren/ vnd Koͤnig aller Koͤni-1. Tim. 6. 16. ge/ 1. Tim. 6. Dieſer HErr welchen Jacob geſe- hen/ iſt der geweſen welcher mit jhm gerungen/ wie auß dem Contextu augenſcheinlich zu erkennen iſt. Von ſolchem halten nun etzliche/ alß die Juͤdiſchen Rabinen/ Es ſey geweſen Satanas in forma Eſari: Der Teuffel in Geſtalt des Eſaus/ der habe mit jh- me gerungen/ vnd habe jhn toͤdten wollen. Ob nun wohl der Teuffel in der Schrifft ein Herr der Welt/ Johan. 16. Auch ein Gott dieſer Welt ge-Joh. 16. 11. nennet wird/ 2. Cor. 4. So kan er doch nicht ſeg-2. Cor. 4. 4. nen/ mag auch keines Seele ſeelig machen/ wie all- hier von dieſem HErrn geſaget wird. Andere halten dafuͤr es ſey geweſen Angelus DEI creatus. Ein geſchaffener Engel GOttes/ welcher eine Menſchliche Geſtalt an ſich genommen/ vnd als ein Mann mit Jacob gerungen/ vnd ſich alſo von B iijjhm Chriſtliche LeichPredigt. jhm ſehen laſſen. Weil aber der Mann mit wel- chen Jacob gerungen ſaget: Jacob habe mit GOtt gekaͤmpffet/ weil auch Jacob ſaget: Seine Seele ſey von dieſem anſchawen geneſen: So kan es nicht ein erſchaffener Engel geweſen ſeyn/ welchen ſolcher Nahme nicht zuſtehet/ auch ſolche Werck nicht thun kan. Jſts derowegen eigentlich davon zureden/ geweſen: Filius DEI humanà formâ indutus. Wie Jrenæus vnd andere mehr dafuͤr halten. Das iſt: Der Sohn GOttes/ die andere Perſon in der Gottheit/ hat ſich in der Geſtalt, wie Er dermahl- eins in der Fuͤlle der derder Zeit/ erſcheinen wolle/ ſe- hen laſſen/ vnd mit dem Jacob gerungen. Denn da Jacob will geſegnet ſeyn/ ſpricht er: Du ſolt J- ſrael heiſſen/ denn du haſt mit GOtt vnd Menſchen gekaͤmpffet: vnd daß ſolcher ein Mann genennet wird iſt nichts vngewoͤhnliches/ denn alſo iſt Er auch zuvorher genandt worden von Even/ da ſie den Cain gebohren vnd geſagt: Acqviſivi virum Dominum. Jch habe den Mann den HErrn/ Gen. 4. 2.Gen. 4. Vnd hernach von dem heiligen Prophe- ten Jeremia der da ſpricht: Der HErr wird ein newes ſchaffen im Lande/ das Weib wird den Mañ Jer. 31. 22.vmbgeben/ Jer. 31. Dẽnn Er iſt auch der begehrte Mann vnd dapffere Held/ dem es wieder alle ſeine Pſ. 45. 1.Feinde gelungen iſt/ Pſ. 45. Mag es derowegen wohl nicht ein ſchlechter/ ſondern gar herrlicher/ ſchoͤner/ vnd anmuthiger Anblick geweſen ſeyn.

Zum 3. Chriſtliche LeichPredigt.

ZVm 3. Belangende Modum, Wie hat er Jhn denn geſehen? Das bezeiget Jacob ſelber vnd ſaget: De ſacie ad faciem, Von Angeſicht zu Angeſicht. Weil dieſer HErr der groſſe GOtt gewe- ſen/ wie vorher angedeutet worden/ iſt es wunder- lich anzuhoͤren/ das Jacob Jhn ſoll de facie ad faci- em geſehen haben. Denn GOtt der HErr ſpricht ja zu Moſe: Mein Angeſicht kanſtu nicht ſehen/ dennExod. 33. 20. es wird kein Menſch leben der mich ſiehet/ Exod. 33. Zu dem ſagt auch der Apoſtel Paulus/ 1. Cor. 13.1. Cor. 13. 12. Wir ſehen ietzt durch einen Spiegel/ in einem dun- ckeln Wort/ Denn aber von Angeſichte zu Angeſi- chte/ daß alſo/ ſolches ſehen/ in das Ewige Leben verſpahret wird. Wir ſollen aber wiſſen/ daß es eine ſonderliche Phraſi-Scripturæ vnd Art zu reden in der Schrifft ſey/ vnd dadurch angedeutet werde: Summus gradus familiaritatis qva DEus ſe ad homi- nem inclinat. Eine ſonderbahre freundliche vnd vertrawliche Converſation Gottes mit einem Men- ſchen. Denn alſo redet GOtt auch zu Aaron vnd Mirjam vnd ſpricht: Jſt einer vnter euch ein Prophet des HErren/ dem will ich mich kunt ma- chen in einem Geſichte/ oder will mit jhm reden in einem Traum/ Aber nicht alſo mein Knecht Moſe/ der in meinem gantzen Hauſe trew iſt/ Ore enim ad os loqvor ei, & palàm & non per ænigmata & figuras Dominum videt. Muͤndlich rede ich mit jhme/ vnd er Chriſtliche LeichPredigt. vnd er ſiehet den HErren in ſeiner Geſtalt/ nicht Num. 12. 6.durch dunckele Worte oder Gleichnuͤſſe/ Num. 12. Alſo auch allhier/ Jacob der hatte den HErrn vielfaͤltig geſehen. 1. In ſomno, im Traume auff der Reiſe in Meſopotamiam, da Er jhn herrliche Gen. 28. 13.Verheiſſung gethan/ Gen. 28. Vnd in Haran, da Gen. 31. 3.Er jhn heiſſen wieder ins Land Canaan ziehen zu ſeinen Eltern/ Cap. 31. 3. In viâ ad Machanaim, Auffn Wege in der Ruͤckreiſe/ da jhm die Engel Gen. 32. 2.GOttes begegneten/ Gen. 32. Aber vnter den al- len/ war dieſe die fürnembſte/ vnd viel herrlicher alß die vorigen/ Denn dieſelben ſahe er nur im Traum/ vnd im Geſichte/ dieſe aber geſchahe Leib- lich vnd offenbahrlich/ wie deñ ſolches bezeuget der Actus, in welchem das ſehen geſchehen iſt; derſelbe iſt geweſen Luctatio Domini cum Jacobo, Daß Ringen des HErrn mit dem Jacob/ in welchem fuͤrgangen. 1. Gravisſima apprehenſio, Daß der HErr jhn hart angegriffen/ alß wolt Er jhn gar darnieder werffen/ vnd zu tode ſchlagen. Wie denn der Kampff ſo harte geweſen/ daß der Staub dicke in die Hoͤhe auffgeſtiegen/ vnd die Kämpffer vmbgeben/ daß auch dem Jacob die Hüffte geruͤret vnd außgelencket worden/ daß er deßwegen her- Geneſ. 32. 28.nach hincken muͤſſen/ Gen. 32. Darnach/ 2. Sua- visſima benedictio: Ein lieblicher Segen/ deñ der HErr giebt dem Jacob gewonnen vnd ſegnet jhn mit ei- Chriſtliche LeichPredigt. mit einem newen Nahmen/ vnd heiſt jhn Jſrael/ Einen GOttes Kaͤmpffer/ der mit GOtt gekaͤmpf- fet vnd obgeſieget habe.

ENdlich/ fuͤrs 4. Belangende Fructum, Was dieſes anſchawen dem Jacob geholffen habe? So zeiget er ſolches ſelber an vnd ſpricht: Salva facta eſt anima mea: Meine Seele iſt geneſen. Etzliche geben dieſes alſo: Evaſit anima mea, Meine Seele iſt entgangen/ vnd mei- nen es ſey Celebratio divinæ gratiæ, Ein Lob der Goͤttlichen Gnade/ daß GOtt/ weil Jacob jhn geſehen/ jhn nicht alß ein verzehrend Fewer verderbet/ wie ſich deſſen Manoa befuͤrchtet/ vnd zu ſeinem Weibe geſagt: Moriemur qvia Dominum vidimus; Wir muͤſſen des Todes ſterben/ daß wir GOtt geſehen haben/ Judic. 13. Aber die beſteJudic. 13. 22. Außlegung dieſer Worte giebt vns der Heilige Geiſt/ der Hoſ. 12. alſo von der Sache redet: InHoſ. 12. 3. utero ſupplantavit fratrem, & in fortitudine directu eſt cum Angelo, & invaluit ad Angelum & conforta- tus eſt: Er kaͤmpffet mit dem Engel vnd ſieget/ wie es Herr Lutherus gegeben hat. Es hatte Jacob/ wie es Jrenæus auch außleget/ den Sohn GOttes geſehen/ in der Geſtalt/ wie Er dermahleins/ alß des gebenedeyte WeibesSahmen in die Welt kom̃en vnd dem Menſchlichem Geſchlecht den Him̃liſchen CSegen Chriſtliche Leichpredigt. Segen erlangen vnd außtheilen wuͤrde. Vnd war alſo Jacob verſichert der verheiſſung/ daß aus ſeinem Geſchlecht der HErr Meſſias herkommen wuͤrde/ deßwegen erfrewet er ſich vnd ergreifft ſol- chen Heyland/ mit waren Glauben/ vnd das bringet ſeiner Seelen Troſt/ vnd iſt vorgewiſſert ſeiner Seelen Seligkeit. Drumb ſpricht er auch an ſeinem Ende: HErr ich warte auff dein Heyl/ Geneſ. 49. 18.Gen. 49. Hier moͤchte nun jemand ſagen: Ja dieſe Gluͤckſeligkeit iſt dem ErtzVater Jacob wieder- fahren vor alters/ was hilffts mich heut zu Tage? Da ſollen wir wiſſen/ das es vns gleichermaſſen wiederfahre/ vnd dieſes anſchawen des Jacobs ein Bild ſey/ auff das anſchawen warer Chriſten im Newen Teſtament. Denn wahre Chriſten ſeynd die rechten Jacobs Kinder/ welche den Eſau dieſer Welt vntertreten vnd den Nahmen Jſrael erlan- Rom. 9.gen/ Rom. 9. Denn ſie ſeynd die geſegneten des HErren mit allerley Geiſtlichen Segen in Himm- Epheſ. 1. 3.liſchen Guͤttern durch CHriſtum/ Epheſ. 1. Sol- che ſehen nun den HErrn JEſum CHriſtum/ denn ſie glaͤuben an Jhn. Vnd das iſt daß rechte Gott- Johan. 6.ſelige ſehen/ Joh. 6. Sie ſehen ſeine Herrligkeit/ Joh. 1. 14.Joh. 1. Welches den Eſauiten vnd WeltKindern weit fehlet. Sie ſehen Jhn von Angeſicht zu An- geſicht/ vnd Er giebt ſich jhnen gar eigentlich zuer- kennen/ vnd converſiret gar freundlich mit jhnen. Wenn Chriſtliche LeichPredigt. Weñ Er auch mit jhnen im Creutz ringet/ vnd doch jhnen den Sieg laͤſt vnd ſie ſegnet. Denn der HErr zuͤchtiget die Er lieb hat/ Apoc. 3. Wer ſein DienerApoc. 3. 19. ſein will/ muß ſich zur Anfechtung ſchicken/ Sir. 2.Sir. 2. 1. Er ſpielet auff den Erdboden/ Prov. 8. Er verbir-Prov. 8, 31. get ſich ein wenig im Zorn/ Eſa. 54. Er trit ferne/Eſa. 54. Pſ. 10. Stellet ſich grawſam/ Job. 30. Aber ErPſ. 10. 1. erbarmet ſich wieder/ Thren. 3. Verſucht nicht v-Job. 30. 20. ber vermoͤgen/ 1. Cor. 10. Sondern reiſt herauß/Thr. 3. 32. Pſ. 91. Vnd iſt gewiß daraus GOtt am beſten1. Cor. 10. 18. zu erkennen. Vnd ſiehet man alſo den HErren auch von Angeſicht. Denn die Klarheit des HEr-Pſ. 91. 15. ren ſpiegelt ſich in vns allen mit auffgedecktem An- geſichte/ vnd wir werden verklaͤret in daſſelbige Bilde/ 2. Cor. 3. Vnd dadurch kan vnſere Seele2. Cor. 3. 18. geneſen. Jſt derowegen nicht ein gering Ding ein warer Chriſt ſeyn/ denn ſie ſehen GOtt/ vnd ob ſie gleich ringen muͤſſen/ ſo ſiegen ſie doch/ vnd erlang- en die Krone der Gerechtigkeit/ 2. Tim. 4.2. Tim. 7. 8.

USUS.

AVß dieſen allen haben wir nun/ Jhr meine Geliebte zulernen/ 1. Wer die jenigen ſein in der Welt/ die C ijGOtt Chriſtliche LeichPredigt. GOtt den HErren ſehen vnd anſchawen koͤnnen? Nehmlich die waren Jſraeliten/ welche den heili- gen Jacob nachfolgen/ im Glauben vnd warer Gottſeligkeit: denn ſolche ſind fuͤr GOtt die waren Rom. 5.Jſraeliten/ Rom. 9. Wie auch CHriſtus der HErr ſelber von dem Nathanael ſagte: Das iſt ein rechter Joh. 1. 47.Jſraeliter in welchem kein falſch iſt/ Joh/ 1. Sol- ches ereignet ſich nun bey allen rechtſchaffenen Chriſten/ derowegen ſind ſie auch die/ welche GOtt den HErren ſehen vnd anſchawen. Das iſt nun eine groſſe Gluͤckſeligkeit/ denn ſo die Koͤnigin von Mittag/ die Diener Salomonis deßwegen Gluͤck- ſelig preiſete/ daß ſie taͤglich vor ſeinem Angeſicht ſtehen/ ſeine Herrligkeit ſehen/ vnd ſeine Weißheit 1. Reg. 10.hoͤren koͤnten/ 1. Reg. 10. So ſeind die vielmehr Gluͤckſelig zupreiſen/ welche GOtt den HErren vnd ſeine Herrligkeit ſehen vnd anſchawen koͤnnen. Jſts derowegen nicht eine geringe Gluͤckſeligkeit ein rechter vnd warer Chriſt zuſeyn/ denn ſolche haben einen groſſen Vorzugk vor den Gottloſen. Soll ſich derowegen jedermann der waren Gott- ſeligkeit befleiſſigen/ vnd von ſolcher ſich nichts abwendig machen laſſen. Denn es iſt ein groſſer 1. Tim. 6. 6.Gewinn Gottſelig ſeyn/ 1. Tim. 6. Vnd die Gott ſeligkeit iſt zu allen Dingen nuͤtz/ vnd hat die 1. Tim. 4. 8.Verheiſchung dieſes vnd des zukuͤnfftigen Lebens/ 1. Tim. 4.

Wir Chriſtliche LeichPredigt.

WJr lernen 2. Wie vnd auff was Weiſe GOtt der HErr in dieſer Welt von den Menſchen koͤnne geſehen vnd angeſchawet werden? Nehmlich/ nicht mit Leiblichen Augen. Denn niemand mag leben der Gottes Angeſicht ſiehet/ Exod. 33. Sondern mit den Geiſtlichen Au-Exod. 33. 20. gen des Glaubens/ wie denn der HErr CHriſtus das glaͤuben außdruͤcklich ein ſehen nennet/ Joh. 6.Johan. 6. v. 40. Vnd ſo haben GOtt geſehen die heiligen Ertzvaͤter/ die heiligen Propheten vnd Koͤnige/ die heiligenJoh. 8. 56. Apoſtel/ vnd auch biß auff den heutigen Tag ſehen Jhn alſo/ alle rechtſchaffene Chriſten. Erſcheinet derowegen daraus was es fuͤr ein herrlich Ding ſey vmb den Glauben/ denn man ſiehet dadurch GOtt den HErren. Was giebt mancher drumb/ wenn er kan Mittel haben groſſe Potentaten/ alß Fuͤrſten/ Koͤnige vnd Keyſer in jhrer Herrlig- keit in der Welt zuſehen. Wie vielmehr iſt das Mittel des Glaubens hoch zuhalten/ dardurch man den HErren aller Herren vnd Koͤnig aller Koͤnige in ſeiner Herrligkeit ſehen vnd anſchawen kan. Soll man derowegen den Glauben nicht gering achten/ ſondern hoch vnd werth halten/ darnach fleiſſig trachten/ daß wir jhn erlangen/ vnd wenn wir jhn erlangt haben/ auch zuſehen/ daß er moͤge bey vns bleiben vnd erhalten wer- den.

C iijWir Chriſtliche LeichPredigt.

WJr haben 3. allhier zulernen/ was das Anſchawen Gottes des HErren/ welches durch den Glauben geſchicht/ fuͤr groſſen Nutzen vnd Fruchten bringet? Nehmlich/ Es bringt der Seele Heyl Wohlfahrt vnd Seligkeit. Denn wer den HErren ſo anſchawet/ des Seele kan geneſen. Sintemahl GOtt erkennen iſt eine Sap. 15. 3.vollkommene Gerechtigkeit/ vnd ſeine Macht wiſ- ſen iſt eine Wurtzel des Ewigen Lebens/ Sap. 15. Vnd Gott der HErr hat deßwegen ſeinẽ Eingebohr- nen Sohn in die Welt geſandt/ auff daß alle die an Jhn glaͤuben nicht ſollen verlohren werden/ ſon- Joh. 3. 16.dern das Ewige Leben haben/ Joh. 3. Denn das iſt der Wille deß der ſeinen Sohn geſendet hat/ daß wer den Sohn ſehe vnd glaͤube an Jhn/ habe Joh. 6.das Ewige Leben/ Joh. 6. Sollen derowegen alle rechtſchaffene Chriſten jhre Oculos fides alle- zeit wohl mitnehmen vnd fleiſſig gebrauchen/ Ioh. 20. 39.denn dadurch koͤnnen ſie das Leben vnd volle Ge- nuͤge haben/ Johan. 10.

ZVm 2. dienet vns ſolche Betrachtung zu groſſen Troſt/ in allen Anfechtungen vnd Truͤbſalen/ denn vnſere liebe Seele koͤmpt offt in viel vnd groſſe Angſt/ Es ereignet ſich zu weilen SündenAngſt/ zu weilen CreutzesAngſt/ zu wei- len auch TodesAngſt. Alle ſolche Angſt kan durch das An- Chriſtliche LeichPredigt. das Anſchawen des HErren vberwunden werden. Das die Seele geneſe. Denn der HErr hat ja alle Suͤnde durch ſein hochthewres Verdienſt gebuͤſſet vnd bezahlet/ Eſa. 53. Vnd iſt worden die Verſoͤh-Eſa. 53. nung fuͤr vnſere/ vnd nicht allein fuͤr vnſere/ ſon- dern auch für der gantzen Welt Suͤnde/ 1. Joh. 2.1. Joh. 2. 2. Daß nun eine von Suͤnden geängſtigte liebe Seele ſich getroſt auffrichten vnd ſagen kan:

Ob bey vns iſt der Suͤnde viel/ Bey GOtt iſt vielmehr Gnade/ Seine Hand zuhelffen hat kein Ziehl/ Wie groß auch ſey der Schade/ Er iſt allein der gute Hirt/ Der Jſrael erloͤſen wird/ Aus ſeinen Sünden allen.

Es hat der HErr ſelber ein ſchweres Creutz getragen/ vnd weiß wohl/ wie bitter das Creutze ſey/ vnd wie wehe es thue: kan derowegen mit ſei- nen Creutztraͤgern ein Mitleyden haben/ Hebr. 7.Heb. 7. Hat auch durch ſein Creutz aller ſeiner Chriſten Creutz geheiliget/ das es jhnen nun nicht ſchaͤdlich/ ſondern heylſam ſey/ vnd zum beſten dienen muß/ Rom 8. Dahero eine in CreutzesAngſt begriffe-Rom. 8 ne liebe Seele/ ſich auch troͤſten vnd ſagen kan: Vnſer Trübſal die zeitlich vnd leicht iſt/ ſchaffet ei- ne Ewige/ vnd uͤberallemaſſen wichtige Herrlig- keit/ 2. Cor. 4. Denn ſo wir mit CHriſto leyden/2. Cor. 4. 17. werden Chriſtliche LeichPredigt. werden wir auch mit Jhme zur Herrligkeit erhaben Rom. 8. 17.werden/ Rom 8. Es hat auch der Sohn Gottes vnſer lieber HErr vnd Heyland den Todt vber- 1. Cor. 15.wunden/ vnd in Sieg verſchlungen/ 1. Cor. 14. Wenn Er durch ſeinen Todt/ die Macht genom̃en/ dem der des Todes Gewalt gehabt/ nehmlich dem Teuffel/ vnd hat erloͤſet die ſo auß Furcht des Todes die gantze Zeit jhres Lebens Knechte ſeyn müſten/ Heb. 2. 15.Hebr. 2. Derowegen kan auch eine liebe Seele die in Todesaͤngſten ſchwebet ſich damit auffrichten/ vnd troͤſten/ vnd ſagen:

Ob mich der Todt nimbt hin/ So iſt doch Sterben mein Gewin/ Vnd CHriſtus iſt mein Leben/ Dem thu ich mich ergeben/ Jch ſterbe gleich heute oder morgen/ Meine Seele wird Er verſorgen. Denn/ Meinen lieben GOtt von Angeſicht/ Werd ich anſchawen/ dran zweiffel ich nicht/ Jn ewiger Frewd/ Vnd Seeligkeit/ Die mir bereit/ Jhm ſey Lob/ Preiß in Ewigkeit. AMEN/ AMEN.

PERSO- Chriſtliche LeichPredigt.

PERSONALIA.

WAs nun an- langen thut/ vnſern in GOtt Selig ruhenden MittBrudern/ Den wey- land Edlen/ Ehrenveſten/ GroßAchtbarn vnd Hochgelahrten/ Herrn George Jacob Reichen/ in Liebenaw/ Beyder Rechten beruͤhmbten Doctoren, vnd Chur- fuͤrſtl. Durchl. zu Sachſen alten wohlverdien- ten Hoff- vnd Juſtitien Rath. So iſt Er von vornehmen ehrlichen vnd Chriſtlichen Eltern an dieſe Welt gezeuget vnd gebohren worden Anno 1574. den 15. Aprilis/ Abends zwiſch- en 4. vnd 5. Vhr. Sein Herr Vater iſt gewe- ſen der weyland Ehrenveſte/ Achtbare/ Wohl- gelahrte Herr Burchard Reiche/ Churfuͤrſt Mauritij vnd Auguſti Chriſtmildeſter Ge- Ddaͤchtnuͤß Chriſtliche LeichPredigt. daͤchtnuͤß geweſener geheimbter Kriegs- auch des Gebuͤrgiſchen Kreiſſes Cantzley Secreta- rius, So wohl der Stadt Dreßden Syndicus, Auch deß Raths ReligionVerwalter daſelbſt/ Ein Mann von 77. Jahren. Seine Fraw Mutter iſt geweſen/ Die weyland Erbare vnd VielTugendreiche Fraw Gertraud/ Des wey- land Ehrenveſten/ Achtbarn/ vnd HochWeiſen Herrn Andreæ Schultzens/ wohlverordneten Buͤrgermeiſters zu Torgaw Eheleiblichen Tochter. Solche ſeine vornehme vnd Chriſt- liche Eltern haben Jhn alſobald dem HErrn CHriſto in heiliger Tauffe vortragen laſſen/ Vnd hernach von Jugend auff zur wahren Got- tesfurcht vnd allen guten Tugenden vnd Kuͤn- ſten ermahnet vnd angehalten/ vnd deßwegen Jhm einen privatum Præceptorem zugeeignet. Vnd ob wohl der liebe GOtt/ bald im erſten Jahre ſeines Alters Jhn mit einem ſcharffen Augen Fluß befellet/ daß Er biß in das 10. Jahr vnter den AugenAertzten ſeyn/ vnd viel Schmertzen außſtehen muͤſſen/ hat Er doch bey ſolcher Zeit/ durch vorleſen vnd anhoͤren/ einen Chriſtliche LeichPredigt. einen guten Anfang in ſeinem Studiren erlan- get/ daß nachdem GOtt/ uͤber aller Aertzte/ ja Maͤnnigliches verhoffen/ den AugenFluß al- lergnaͤdigſt abgewendet/ Er alſobald/ nebens der Privat Inſtitution zu den Exercitijs Publi- cis, in der StatSchulen allhier/ vnd hernach im Eilfften Jahr ſeines Alters/ nehmlich/ den 12. Novembris 1585. in die Churfuͤrſtliche Saͤchß. LandSchul zu Meiſſen/ verſchicket werden können. Jn welcher Er biß ins Fuͤnffte Jahr verblieben/ vnd in ſeinen ſtudijs ſo viel proficiret, daß Er mit einem Honorifico Teſti- monio daſelbſten dimittiret, vnd ſtracks im ſel- bigen Jahre/ auff die Loͤbliche Univerſitet Je- na geſchickt worden/ allda Er 3. Jahr nachein- ander Studiret, vnd inſonderheit dem Studio Juris fleiſſig obgelegen. Von dannen ſich her- nach/ alß Er das Churfuͤrſtl. Saͤchß. Stipen- dium juridicum erlanget/ auff Leipzig begebẽ/ vnd ſolch ſein Studium daſelbſt 2. Jahr lang continuiret, vnd ſich alßdeñ wieder nach Jehna begeben/ vnd daſelbſt nach verlauffenen Jahr/ den 15. Aprilis 1596. vnd alſo gleich zum Ein- D ijtritte Chriſtliche LeichPredigt. tritte ſeines 22. Jahres/ pro Licentia disputi- ret, vñ bald darauff den 12. Junij bemeltes Jah- res/ in Doctorem Utriusq; Juris promoviret. Bald nach dieſem hat Er ſich wiederumb nach Leipzig begeben/ vnd daſelbſt daß Studium practicum angefangen/ vnd vnter andern etz- liche HoffGerichtsSachen angenommen/ vnd ſolche durch Gottes Gnade/ gluͤcklich verrich- ten helffen. Vnd ob Er wohl Luſt gehabt/ ſich auch fuͤrgeſetzt eine Reiſe in Franckreich vnd in Italien zuverrichten/ entweder fuͤr ſich ſelbſt/ oder mit frembden Herren/ ſo iſt Er doch an einem Theil wegen deß Verlags/ vnd anders Theils wegen Mangel der Conditionen, da- ran verhindert worden: Deßwegen Er noch 3. Jahr in Leipzig verblieben/ vnd daſelbſt ſo wohl auffm Lande/ wie auch in Churfuͤrſtl. Saͤchß. Appellation-Gericht ſeine Praxin continuiret. Vnd alßdenn auff Rath vnd Befehl ſeiner lieben Eltern/ ſich 1599. anhero nach Dreß- den begeben/ vnd allda niedergelaſſen/ vnd ſeine Praxin continuiret/ da denn jhme vnter- ſchiedene AdelsPerſonen/ Jnſonderheit die von Schoͤnbergk/ Chriſtliche LeichPreidigt. Schoͤnbergk/ Nitzſchwitz/ Bröſſen Theler/ vnd andere/ auch etliche vornehme Staͤdte/ jhre zu Recht anhaͤngliche Sachen/ als Lehn- vnd Erbſchafften/ vnd dergleichen auffgetragen/ vnd deßwegen ein ehrliches Einkommen ver- ordnet. Vnd alß ſich die ſchwere vnd hoch- wichtige Sache/ zwiſchen dem Wohlgebohrnen Herrn/ Herrn Heinrich Anßhelm/ Herrn Weickharten/ vnd Herrn Seyfrieden/ Gebruͤ- dern/ vnd Freyherrn von Promnitz/ wegen der Succesſion in der Herrſchafft Pleß/ an der Polniſchen Grentz gelegen/ angeſponnen/ hat der Juͤngſte vnter ietztgedachten Herren Bruͤ- dern/ Herr Seyfried/ Jhn in Rathsbeſtallung genommen/ vnd dieſe Pleſſiſche Sache zudiri- giren auffgetragen. Welche Er auch/ durch Gotteshuͤlffe/ alß Er wohl in die 10. Jahr mit allem Fleiß darinnen laboriret, zu ſolchen guten Ende gebracht/ daß ſeinem Herrn Clienten, von Keyſerlicher Majeſtet durch einen Rechtmaͤſſi- gen Außſpruch die Herrſchafft Pleß zuerkant worden. Jn wehrender ſolcher Zehen Jaͤhriger Beſtallung/ iſt Er theils allein/ theils auch mit D iijJhrer Chriſtliche LeichPredigt. Jhrer Gnaden an viel Orte verreiſet/ alß na- cher Breßlaw/ gen Wien/ gen Regenſpurgk/ gen Nuͤrnbergk/ Jngolſtadt/ Maͤyntz/ Coͤln am Rein/ vnd Franckfurt am Meyen/ gen Mar- burgk/ vnd Gieſſen in Heſſen. Deßgleichen/ in Boͤhmen/ Maͤhren/ vnd Oeſterreich/ auff Prag/ Jglaw/ Vlmitz/ Prin/ vnd viel Oerter mehr/ da vnterſchiedliche Commisſiones vnd Vorbeſchiede in ſolcher Sache gehalten wor- den/ vnd dabey was ſtatliches verſucht vnd ge- ſehen. Vnd weil Er auch bey verrichtung ſol- cher Pleſſiſchen Sache/ mit den Herren ge- heimbten Reichs- vnd Appellation Raͤthen/ auch andern fuͤrnehmen Officirern an dem Keyſerlichen Hofe bekand worden/ ſeind Jhm viel fuͤrnehme vnd ſtatliche Conditiones zur Befoͤrderung fuͤrgeſchlagen worden/ hat Er doch ſolche auß wichtigen Motiven nicht accep- tiren wollen: Sondern ſich wieder anhero nach Dreßden begeben/ 1616. im Monat Ja- nuario, da iſt Er alßbald von Jhrer Churfuͤrſtl. Durchlaucht zu Sachſen/ vnſerm gnaͤdigſten Herrn/ in das HochLoͤbliche Collegium, deß Hoff- vnd Chriſtliche LeichPredigt. Hoff- vnd Juſtitien-Raths erfordert worden Welches Er denn auch alß ein Land Kind vnd Churfuͤrſtl. geweſener Stipendiarius, vnterthaͤ- nigſt acceptiren muͤſſen/ vnd hat auch biß an ſein ſeliges Ende in die 22. Jahr trewlich vnd fleiſſig daſelbſt auffgewartet/ vnd manche hoch- wichtige Sachen verrichten vnd vertragen helf- fen. Jm Jahr 1599. den 12. Junij, hat Er ſich nach ſonderbarer ſchickung Gottes/ auff Rath vnd Gutachten ſeiner lieben Eltern/ in den Heiligen Eheſtand begeben/ Mit der weyland Erbarn vnd VielTugendreichen Frawen Ca- tharinen/ Des weyland Ehrenveſten/ Groß- Achtbaren/ vnd Hochgelahrten/ Herrn Doct. Sigismundi Kohlreuters/ Churfuͤrſtl. Durchl. zu Sachſen wohlverdienten LeibMedici, Ehe- leiblichen Tochter/ Des Ehrenveſten/ Acht- barn vnd Wohlgelahrten Herrn George Pfef- fers/ Churfuͤrſtl. Durchl. zu Sachſen wohl- beſtalten Ambtſchoͤſſers zu Leißnig hinterlaſſe- nen Wittiben/ Vnd mit derſelbigen 8. Jahr/ vnd 3. Monat eine friedliche Ehe beſeſſen/ ie- doch ohne Leibes Erben. Vnd als GOtt der HErr Chriſtliche LeichPredigt. HErr ſolch ſein liebes Ehegemahl durch den zeitlichen Todt 1607. den 22. Septembr. von dieſer Welt ſeliglich abgefodert/ Jſt Er Zwey Jahr im Wittber ſtande verblieben/ vnd ſich alßdenn nach Gottes ſchickung anderweit ver- ehliget/ Mit der Erbarn vnd Tugendreichen/ damahls Jungfrawen Barbaren/ Des wey- land Ehrenveſten/ GroßAchtbaren vnd Hoch- gelahrten/ Herrn George Leuſchners/ der Artz- ney Doctoris, vnd Churfuͤrſtl. Durchl. zu Sachſen geweſenen wohlverordneten LeibMe- dici, Mit Frawen Marien/ gebohrnen Harre- rin/ Eheleiblichen erzeigten Tochter/ vnd mit derſelbigen bis an ſein ſeliges Ende im Eheſtan- de gelebet in die 28. Jahr. Vnd in wehrender Ehe durch Gottes Segen erlanget 15. Kin- der/ von welchen Zwey vnzeitig geweſen/ vnd Todt an die Welt kommen/ vnd in der ſtille bey- geſatzt worden. Die andern 13. ſind leben- dig an die Welt kommen/ vnd haben alle die Heilige Tauffe erlanget. Es ſeind aber von ſolchen/ nach Gottes willen allbereit verſtorben Vier Söhne/ vnd Eine Tochter/ vnd ſind noch am Le- Chriſtliche Leichpredigt. am Leben Vier Soͤhne/ vnd Vier Toͤchter. Vnd haben die Elteſten 3. Soͤhne ſich bißhero im Kriegsweſen gebrauchen laſſen/ vnd ſich wohl gehalten/ daß der Elteſte/ welcher anietzo in Preuſſen iſt/ OberLeutnambts/ der Ander aber/ der anietzo allhier iſt/ vnd ſeinem Seligen Herrn Vater das Geleit zu ſeinen Ruhebettlein gegeben/ Cornehts Beſtallung/ mit ſonderba- ren Ruhm bedient haben. Von den Toͤchtern iſt die Eine bey jhrem Herrn Bruder in Preuſ- ſen/ die andern ſind noch bey der Fraw Mutter zu Hauſe. Vnd iſt der ſelig verſtorbene Herr HoffRath nicht wenig beſtuͤrtzt vnd in hohes trawren geſatzt worden/ wenn Anno 1635. am Erſten Sontage des Advents/ ſein lieber Sohn/ Chriſtian Leo/ welcher jhme alle Kind- liche Ehre angethan vnd erwieſen/ ſich auch ſehr wohl angelaſſen/ allbereit Cornet geweſen/ vnd kuͤnfftig der hoffnung nach/ groſſe Frewde den Herrn Vater Sel. erwecken ſollen/ Jn dem Einfall bey Barchim Todes verblieben/ deſſen Coͤrper dem Eltiſten Bruder/ Herrn Carl Frie- derichen/ ietzigen beſtalten ObriſtenLeutenan- Eten der Chriſtliche LeichPredigt. ten der Stadt Dantzigk/ Todt zugebracht/ vnd von demſelben zu Malchin Ehrlich vnd Chriſt- lich zur Erden beſtatet worden. So hat auch der ſelig verſtorbene Herr HoffRath ein groß vñ ho- hes Verlangen getragen/ daß Er ſich mit ſeinem Eltiſten Sohn/ welcher nun ins Neundte Jahr von hinnen geweſen/ bißhero auch in vielen KriegsExpeditionen ſich finden laſſẽ/ vnd anie- tzo bey der Loͤblichen Stadt Dantzigk beſtalter ObriſterLeutenant iſt/ vor ſeinem ſeligen Ende noch einſten erſehen vnd beſprechen mõgemoͤge. Ge- ſtalt Er denn ſich hoch vnd von Hertzen erfrewet/ daß nur Vier Tage vor ſeinem ſeligen Abſchie- de/ der andere Sohn George Burchard/ ge- weſener Cornet auß Preuſſen/ von dem Eltiſten vnd andern Bruder/ ſo wohl der daſelbſt ſich befindlichen Schweſter/ mit Schreiben vnd andern Sachen/ anhero kommen/ vertroͤſtung gebracht/ wie ietzt gedachter ſein Eltiſter Sohn/ mit verleihung Goͤttlicher Huͤlffe/ Jhn den Vater in kurtzen beſuchen wolte. Wenig Tage hat dieſer ſelige Herr HoffRath darauff in Frewden gelebt/ vnd iſt noch dem lieben Gott zudan- Chriſtliche LeichPredigt. zu dancken/ daß dieſer andere Sohn/ deroge- ſtalt den Vater ſel. noch wenig Tage bey Ge- ſundheit gefunden/ Seinem verblichenen Leich- nam nunmehr in Beſtellung des Begraͤbnuͤß/ vnd Chriſtlicher Begleitung/ Kindliche Ehre vnd Schuldigkeit erweiſen koͤnnen. Waß fer- ner anlangt das Chriſtenthumb des Seligen Herrn HoffRaths/ So iſt iedermaͤnniglichen wohl bewuſt/ daß Er ein recht frommer Chriſt- licher vnd Gottſeliger Mann geweſen/ der GOtt vnd ſein Wort hertzlich geliebet/ vnd es fuͤr ſeinem hoͤchſten vnd groͤſten Schatz gehal- ten/ deßwegen Er auch fleiſſig zur Kirchen gangen/ vnd die Predigten Goͤttliches Worts gerne gehoͤret/ des Hochwuͤrdigen Abend- mahls zum oͤfftern mit groſſer Andacht gebrau- chet: Sein Weib/ Kinder vnd Geſinde viel- faͤltig zur Gottesfurcht vermahnet: Seine Bibel fleiſſig geleſen/ vnd in der Theologia faſt wohlerfahren geweſen/ daß Er ſich nicht allein ſchoͤne Gebethlein auff alle Tage in der Wochen/ aus Gottes Wort verfaſſet/ ſchoͤne Meditationes auff alle Sontaͤgliche Evange- E ijlia auff Chriſtliche LeichPredigt. lia auffgeſetzt/ Sondern auch in controverſi- en ziehmlich wohl fundiret geweſen/ vnd ein Buch zuſammen geſchrieben/ wieder allerhand falſche Lehre/ vnd Jrrthume/ der Papiſten/ Calviniſten/ vnd Photinianer/ vnd ſolches Ti- tuliret: Juris prudentiam Chriſtianam, vnd den Nucleum ſolches Buchs/ vor Zwey Jah- ren/ zu Leipzig in offenen Druck publiciren laſſen. Jn ſeiner vielfaͤltigen Truͤbſal vnd Leyden iſt Er getroſt geweſen/ vnd ſein liebes HaußCreutz mit groſſer Gedult ertragen. Gegen jedermaͤnniglich hat Er ſich freundlich vnd dienſtwillig erzeiget/ auch armen Leuten gerne gedienet/ vnd außgeholffen/ ſo wohl mit Rath vnd That/ wenn Sie deſſen begehret wil- liglich beygeſprungen. Seine Kranckheit vnd Seligen Todt betreffende/ So iſt Er offt vnd viel mit beſchwerlichen Fluͤſſen beladen wor- den/ welche Jhn groſſe Mattigkeit vnd Hertz- ensAngſt vervrſacht/ vnd hat groſſe zuneigung zum Schlage gehabt. Wie Er denn auch verſchienen Mittwoch 8. Tage/ den 5. Decem- bris. Alß Er in ſeinem Beruff geweſen/ auff der Chur- Chriſtliche LeichPredigt. der Churfuͤrſtl. Saͤchß. Regirung/ biß auff den Abend nach 4. Vhren/ allda ſeine Sachen zu expediren, ploͤtzlich vom Schlage getroffen worden/ daß Er von ſeinem Seſſel zuruͤck auff die Erden hernieder gefallen/ vnd alß Jhn ſeine Herren Collegen mit groſſen erſchrecken auff- gerichtet/ vnd ſeine groſſe Schwachheit ver- mercket/ ſeind ſie bald des Churfuͤrſtl. LeibMe- dici, Herrn Doct. Pabſts maͤchtig worden/ welcher alßbald alle moͤgliche Mittel fuͤr die Hand genommen/ vnd als man einen Wagen herzugebracht/ mit Jhm heim zufahren/ vnd da ferner verſucht nach beſten vermoͤgen/ Jhn wiederumb zurecht zubringen: weil aber ein Steckfluß mit zugeſchlagen/ hat ſichs zu keiner beſſerung ſchicken wollen/ ſondern iſt bald nach 9. Vhren/ als Er zuvor fleiſſig gebehtet/ vnd ſich mit Leib vnd Seele ſeinem trewen Heyland JESV ECHRISTO fleiſſig befohlen/ ſelig verſchieden/ Seines Alters Vier vnd Sechzig Jahr/ Dreiſſig Wochen/ vnd Vier Tage. Alſo hat nun der Selige Herr Hoff- Rath den Kampff mit ſeinem lieben HErrn E iijCHRI Chriſtliche LeichPredigt. CHRISTO im Creutz auch vollendet/ vnd den Sieg vnd Himmliſchen Segen davon ge- bracht/ daß ſeine Seele nun geneſen/ vnd zum Herrlichen Anſchawen Der Hochgelobten Dreyfaltigkeit im Ewigen Leben/ erhaben worden iſt.

Der Getrewe Barmhertzige GOTT/ wolle auch ſeinem abgeleibtem Coͤrper in der Erden geben vnd verleihen eine ſanffte Ru- he/ vnd am Juͤngſten Tage eine froͤhliche Aufferſtehung/ zum Ewigen Leben. ER wolle auch die hinterlaſſene hochbetruͤbte Fraw Wittibe/ vnd Kinder/ mit ſeinem Heiligen Geiſte ſtaͤrcken vnd troͤſten/ Jhr Betruͤbnuͤß jhnen helffen tragen vnd vberwinden/ Vmb ſeines allerliebſten Sohnes JESV CHRISTI/ vnſers HER- REN vnd Heylandes willen/ Amen/ AMEN.