Christliche Leichpredigt

Votũfa- tũ lugen- tibus fa- ctum. 2. Cor. 1.Der Vater der Barmhertzigkeit vnd GOtt alles Troſts/ der vns troͤſtet inn allen vnſern truͤb- ſaln/ ſey heute mit allen leidtragenden vnd betruͤb- ten hertzen/ vnd erfuͤlle an jhnen ſeines lieben Soh- Mat. 5.nes vorheiſchung/ Selig ſind/ die da leid tra- gen/ denn ſie ſollen getroͤſtet werden/ Amen.

Paraſce- ve conci- onis ha- bet col- lationem ſummi a- moris cõ iunctione matri- moniali. Gen. 2. Syr. 41.GLeich wie in dieſem leben/ keine hoͤhere Freund- ſchafft vnd vorbindnus nicht kan gegeben wer- den/ als vnder Eheleuten zwiſchen Man vnd Weib. Wie denn dieſen hoͤchſten grad der liebe/ vnder den Menſchen Gott ſelber aus ſetzet. Darumb wird ein Man ſeinen Vater vnd ſeine Mutter verlaſſen/ vnd an ſeinem Weibe hangen/ vnd ſie werden ſein ein Fleiſch. Vnnd Syrach ſaget am 41. Capitel/ Ein Freund kompt zum andern in der noth/ aber Man vnd Weib viel mehr. Eben alſo kan kein hoͤ- her ſchmertz nicht geſaget werden/ Als wan Ehe- & ſum- mi me- roris e- iuſdem diſsidio.leute/ welche in liblicher einigkeit bey einander gele- bet haben/ durch den bittern Todt getrennet werdẽ.

Non dolor eſt maior, quam cùm violentia mortis Vnanimi ſoluit corda ligata ſide. Es iſt dieſes der groͤſte ſchmertz/ So der Todt trent ein ehelich hertz. Da

Da heiſts.

Was da hertzet/ das ſchmertzet/ Was da liebet/ das betruͤbet.

Adam verſchliefs/ vnd fuͤhlete es nicht/ da jhmProto- plaſta e ſte ſuæ evulſionẽ in ſtatu innocen- tie non ſenſit. quã nune maritt c cordolio experi- untur. Gott in die Seyten grieff/ vnnd eine Rieben bey dem hertzen weg nam/ denn er war damals noch im ſtande ſeiner vnſchuldt: Aber wir nicht da vn- ſer Natur durch die ſuͤnde verterbet iſt/ empfinden wir Gottes Hand/ wann er einem Ehegnoſſen/ eine Riebe aus der Seyten weg reiſt/ oder ein ſtuͤcke vom hertzen weg nimbt. Doctor Paulus Eberus der ho- hen Schuel zu Wittenberg Profeſſor vnd Pfar- rer allda/ hat in der klage/ da jhm ſeine liebe Hauß- fraw mit tode verfallen/ geſaget. Wann mir mei- ne liebe Kinderlein geſtorben ſein/ ſo habe ich ſchmer- tzen gefuͤhlet/ als wann man mir eine Hand oder Fuß abloͤſete. Aber im abſterben meines Weibes/ da ſchmertzet vnd tobet es/ Als wañ man mir Rie- ben aus dem Leibe/ vnnd das halbe theil aus dem hertzen heraus rieſſe. Ach ſcheiden thut ja wehe bey fromen Eheleuten.

Weil dann der algewaltige Gott/ welcher imAEquum eſt mari- tum piũ ſidelis cõ tugis obi cum lu- gere. Himel vnd Erden das Regiment hat vnd helt/ den Edlen/ Geſtrengen/ Wolehrenveſten/ vnd Wolbe- benambten Herrn Georg von Rohr vnd Stein/ auff deutſch Breyl/ Heidelberg/ vnd Herrſchafft dieſes dieſes orts auch der gleichen jetzt (wie denn zuuor zwir inn kurtzer zeit durch abſterben zweyer Toͤch- terlein auch geſchehen) hertzlich betruͤbet/ nach de- me er ſeinen trewen Ehegnoſſen/ Weiland die Ed- le/ viel Ehrentugendreiche Fraw Barbaram/ ge- borne Panwitzin/ ſeine hertzgliebte Haußfraw/ mit welcher er einen rechten Gottgefelligen/ fridlichen/ vnd fruchtbaren Eheſtand beſeſſen/ durch den zeit- lichen Todt abgefodert hat. Als iſt wol zu erachten wie hertzlich vnnd ſchmertzlich S. G. vber ſolchem abgang betruͤbet worden ſein: Das ſie auch jetzt libro. 4. Confeſ- ſionum.von jhr wol koͤndten ſagen/ was in Auguſtino ſte- het. Et ideo horrori erat mihi Vita, quia nole- bam dimidius viuere. Er begehre nicht lenger At ille luctus mo derã- dus eſt ad benepla- cũ Dei.zu leben als ein halber Menſch. Doch werden S. G. auch das leidt/ vnd die trawrigkeit zu Meſſigen wiſſen/ vnd mit den leidt einnehmenden Kindern vnd Freundſchafft/ auff Gottes gerechten vnd al- ler heilſambſten willen ſchen/ deñ es heiſt nach dem Pſal. 90.90. Pſalm/ du leſſeſt die Menſchen ſterben/ vnnd wie der Apoſtel Paulus Rom: 14. ſchreibet. Vn- ſer keiner lebet jhm ſelber/ vnſer keiner ſtirbet jhm ſelber. Leben wir/ ſo leben wir dem Herren/ ſterben wir/ ſo ſterben wir dem Herren/ darumb wir leben oder wir ſterben/ ſo ſind wir des Herrn.

& letum humana- rum mi-Beyneben/ das man betrachte wie der Todt der Chriſten Chriſten Menſchen nicht ſchedlich ſey/ Sondernſeriarã cata- ſtrophẽ. den aller gewuͤnſchten tauſch vnnd vorwechſelung mit jhnen thue/ Der ſuͤnden zur heiligkeit/ der ſchwachheit zur krafft/ der Kranckheit zur geſund- heit/ des ſtreits zur ruhe/ des leids zur frewde/ des Todes zum leben/ des vorgenglichen zum ewigen: Jn welcher meinung/ S. Paulus Philip: 1. Das ſterben des Gottſeligen Menſchen gewin nennet. Damit nun dieſes bey dieſer Adelichen Leichbe-Philip. gengnus in Gottes furchte erwogen/ vnd ferner was lehrhafftes vnd troͤſtliches gehandelt werden moͤge/ welches zu lob vnnd preis des Goͤttlichen Namens/ zu ſterckung vnſers glaubens/ vund zu bereitung eines ſeligen ſterbſtuͤndlens gereiche/ wol- len wir den ewigen vnd guͤttigen Gott im namen ſeines lieben Sohnes/ vnſers Herren vnnd Hey- landes Jheſu Chriſti vmb regierung vnd beyſtand des heiligen Geiſtes demuͤttig anruffen/ vnd mit einander ein andechtiges Vater vnſer beten.

Textus, Ezechielis 24. ꝟ. 15. 16. 17. 18. Vnd des Herrn Wort geſchach zu mir vnd ſprach/ du Menſchenkind/ ſie- Bhe he/ Jch wil dir deiner Augen luſt neh- men durch eine plage. Aber du ſolt nicht klagen noch weinen/ Noch eine threne laſſen/ heimlich magſtu ſeufftzen/ aber keine todten klage fuͤhren. Son- dern du ſolt deinen Schmuck anlegen/ vnd deine Schuch anziehen/ du ſolt dei- nen Mund nicht vorhuͤllen/ vnnd nicht das traur Brod eſſen/ vnnd da ich des morgens fruͤe zum Volcke redet/ ſtarb mir zu abend mein Weib/ vnd ich thet des andern morgens/ wie mir befohlen war.

Exordi- um cõti- net præ- ſentis thematis occaſio- nem.Es iſt zu gleich eine rechte wunderbare vnnd auch eine rechte trawrige Hiſtoria/ die wir haben hoͤren ableſen/ da GOtt der Herr ſeinem Diener vnnd Legaten dem Propheten anmeldet/ wie er durch eine ſonderliche plage ſein liebes Eheweib/ die er ſein augen luſt nennet/ hinweg nemen wolle.

Vnd wie der Prophet des wegen keine offentli- che klage/ ſondern alleine heimliches ſeufftzen ha- ben ſolle.

Man ſol aber hiebey wiſſen/ das eines Gott hie fuͤr fuͤr nimpt/ Das ander aber wil angedeutet vnnd vorſtanden haben. Sein Volck die Juden wah- ren jhrer vielfaltigen ſuͤnden vnnd erſchroͤcklichen vngehorſams halben reiff vnnd vberſtendig zur ſtraffe worden/ denen wil Gott hiemit fuͤrbilden/ wie man in kuͤnfftig mit jhnen werde vmbgehen/ wie ſie ohne alle erbarmung wuͤrden erwuͤrget vñ getoͤdtet werden/ Denn dieſen gebrauch hat Gott zu jeder zeit gehalten/ wann er ſein Volck jhrer ſuͤnden halben hat heimſuchen wollen/ Haben die Propheten die zukuͤnfftige Straffen/ durch ge- wiſſe zeichen vnd geberde muͤſſen abbilden.

Wie die Jſraeliten ſollen inn der Aßyrier Ge- fengnus gerahten/ Da muſte jhnen der Prophet Eſaias nackend vnd barfuß Predigen/ vnnd jhnenEſai. 10. dadurch jhre entbloͤſung vnnd beraubung andeu- ten. Da ſie in das Babyloniſche Gefengnus kom- men ſolten/ da muſte Ieremias jhnen am Joch/ das er am Halſe getragen/ welches man ſonſten den Ochſen zum ziehen vnnd arbeiten anhenget/ Predigen/ vnnd vorkuͤndigen/ wie ſie ſolten vnter das Joch Nebucadnezars des Koͤniges zu BabelIerem: 21. gebracht werden.

Der Prophet Ezechiel muſte die Haar am Bart vnd Kopff abnehmen/ vnd fuͤr allem Vol- cke dieſelbigen theilen/ vnd mit einer Wagen inn B ijvier vier theil abwegen/ das eine theil mit Fewer vor- brennen/ das andere mit dem Schwerdt zuſtre- wen/ vnd hin vnd wider ſchlagen/ das dritte inn Ezech: 5Wind werffen/ das vierde vnd letzte theil aber ſol- te er im Zippel des Mantels behalten.

Allhier mus er in ſeinem vnuorſehnen Hauß- creutz als ein Wittber ohne klegliche geberde ſeine Bußpredigten vorrichten. Das thet nu GOtt durch die Propheten den Leuten gleich mit theti- ger vnd ſichtiger handlung/ das vngluͤck/ vnnd Creutz zu entwerffen/ vnd fuͤr zu halten.

Weil aber in dieſem fuͤrbild von dem rechten hertzen ſchmertzen eines Ehemannes geredet wird/ welchen er hat in ableibung ſeines trewen Ehege- noſſens/ vnnd wie geduldig hierin er ſich vorhal- ten ſolle/ Wollen wir bey dieſer trawrigen zuſam- Propoſi- tio bimẽ- bris 1. Calami- tas qua Ezechul exerce- tur inopi nata cõ- iugis morte.menkunfft/ es vnſer Begraͤbnus Latein ſein laſ- ſen/ vnd die gantze Handlung richten in zwey ſtuͤcke.

I. Wollen wir hoͤren von dem ſchweren Haus- creutze des Propheten Ezechielis mit vnuorhoff- tem abſterben ſeines lieben Eheweibes.

II. Wie ſich Ezechiel in ſolchem zu geſtan- denem vngluͤck vorhalten habe.

2. Qualẽ ſe in hoc in fortu- nio pre- buerit.Wann wir dieſe beyde ſtuͤcke durch Goͤttliche vorleihung richtig werden gehandelt haben/ woln wir auch von der Adelichen Vhralten Ankunfft/ Chriſt- Chriſtlichem vorhaltnus/ vnnd ſeligem abſchiede/ dieſer Adelichen Leiche warhafftigen bericht thun. Gott gebe im hoͤren/ vnd lehren ſeine gnade/ Amen.

Vom erſte Stuͤcke.

ALs vns der heilige Geiſt Ezechielis ſchweresImproui- ſa Ezech ielis Pro phetæ ca lamitas quinq́; ex ponitur cirtum- ſtantijs. 1. Circũ- ſtãtia ha- bot cauſã Efficien- tẽ Deũ. Haußcreutz mit vnuorſehner toͤdlicher abfor- derung ſeines Eheweibes erzehlen wil/ faſſet er es fuͤrnemblichen inn fuͤnff vmbſtende. Erſtlich vor- meldet er/ Wie dem Propheten das Haußcreutze zu geſchickt habe der Herr. Deñ alſo ſtehet im text.

Vnd des Herrn Wort geſchach zu mir/ vnd ſprach: du Menſchenkind/ Siehe ich wil dir deinen Augenluſt nehmen. Es iſt der Herre Zebaoth der gebittende HErr vber alle Creaturen/ der zu der Menſchen leib vnd le- ben recht vnnd macht hat/ von welchem Moſes Pſal: 90. der du die Menſchen leſt ſterben/ vnndPſal: 90. ſprichſt/ kompt wider Menſchenkinder/ der vber todte vnd lebendige Herr iſt/ der die Schluͤſſel derRom. 14. Hellen vnd des Todes hat. Dieſer Herr ſaget desApo: 1. Propheten Ezechiels Weib das leben ab/ Wie ers auch thet dem Koͤnige Hiskiæ/ als er durch den Propheten Eſaiam jhm liß anſagen. Beſchicke B iijdein 9. Reg: 20.dein Hauß/ denn du wirſt ſterben/ vnnd nicht le- Cuius perpendi deb 1. Iuſticia morie peccaiũ puniens.bendig bleiben/ 2. Reg. 20. Bey dieſes Herren verordnung allhie ſol man bedencken. Erſtlich ſei- ne gerechtigkeit/ wie hefftig er der ſuͤnden feind ſey/ vnd dieſelbigen/ heim zu ſuchen/ neben andern ſtraf- fen/ auch brauche den Todt/ mit welchem er vnter den ſuͤndhafftigen Menſchen jaͤmmerlichen rumo- ren leſſet/ das er jtzt hie wuͤrget/ bald dorte. Laut des vrtels/ welches auff des Menſchen fall von Geneſ 2.Gott ergangen Geneſ: 2. von dem Baum des er- kentnis guttes vnd boͤſes ſoltu nicht eſſen/ denn wel- ches tages du dauon iſſeſt/ wirſtu des todes ſterben. Syr: 25.Syrach 25. vmb der ſuͤnde willen muͤſſen wir alle Rom: 6.ſterben. Rom: 6. der Todt iſt der ſuͤnden ſolt/ Ja es ſolte bey dem zeitlichen tod nicht bleiben/ ſondern es Apo: 20.ſolte der andere todt/ Apocal: 20. der iſt der ewige/ auff die ſuͤnde erfolgẽ/ wie dauon S. Paulus ſchrei- Rom: 5.bet Rom: 5. das vrtel iſt komen aus einer ſuͤnde zur vordamnuͤs.

2. Poten- tia, qua homines vniuerſos morti ſubijcit: Amos 9.Zum andern haben wir hie zu betrachten Gottes Allmechtigkeit/ das jhm kein Menſch auff Erden an Geſchlechte ſo hoch/ im vormoͤgen ſo reich/ am vorſtande ſo geſchickt ſey/ welchen er mit dem Tode nicht erreichen koͤnne Amos 9. vnnd wann ſie ſich gleich in die Helle vergruͤben/ ſol ſie doch meine hand von dannen holen/ vnd wenn ſie gen Himel fuͤhren/ wil wil ich ſie doch herunter ſtoſſen/ vnd wann ſie ſich gleich vorſteckten oben auff dem Berge Charmel/ wil ich ſie doch daſelbſt ſuchen vnd herab holen/ vnd wann ſie ſich fuͤr meinen Augen vorbuͤrgen im grunde des Meers/ ſo wil ich doch den Schlangen befehlen/ die ſie daſelbſt ſtechen ſollen. Vnd wañ ſie fuͤr jhren Feinden hin gefangen giengen/ ſo wil ich doch dem Schwerd befehlen/ das ſie es daſelbſt er- wuͤrgen ſol/ daruon ſingen wir.

Eim reichen hilfft doch nicht ſein gut/ Dem Jungen nicht ſein ſtoltzer mut/ Er muß aus dieſen Meyen/ Wenn einer hett die gantze Welt/ Silber/ vnd Golt/ auch alles Gelt/ Noch muß er an den Reyen. Dem Gelerten hilfft doch nicht ſein Kunſt/ Der Weltliche pracht iſt gar vmb ſonſt/ Wir muͤſſen alle ſterben.

Pharao dauchte er wehre ein mechtiger Koͤnig in Egypten/ leſterte Gottes Maieſtet vnnd ſagte zu Moſe Exod: 5. Wer iſt der Herr/ des ſtim̃e ich hoͤ-Exod: 5. ren muͤſſe/ vnd Jſrael ziehen laſſen/ Jch weis nichts von dem Herrn. Aber er erfuhr/ vñ erkandte Got-3. Bonitas, qua pios procellis ærumnd- rũiacta- tos morte ſalutari cupit reptos tes macht/ da er im rohten Mehr erſauffen muſte.

Zum dritten erkennen wir hiraus die ſondere guͤt- te vñ gnade Gottes/ das er die fromẽ/ welche von dẽ Sturmwinden der zeitlichen truͤbſeligkeit inn der Welt hin vñ wider geſchlagen werden/ durch einen ſeligen ſeligen todt erloͤſet haben/ wil das ſie zum friede Sap: 4.kommen Sap. 4. der gerechte ob er gleich zu zeit- lich ſtirbet/ iſt er doch in der ruhe. Jn der meinung Syr: 41ſchreibet Syrach cap. 41. O Todt wie wol thuſtu dem duͤrfftigen/ der da ſchwach vnd alt iſt/ der in allen ſorgen ſteckt/ vnd nichts beſſers zu hoffen vñ zu gewarten hat. Das iſt nu der erſte vmbſtand/ wer dem Propheten Ezechiel ſein Haußereutze zu geſchicket habe/ nemblich Gott der HErre.

. Circũ- ſtãtia ex primit ip ſã calami tatẽ, obi- tũ inſpe- ratũ ama bilißimæ comugis quæ fuit deſideri- um ocu- lorum. Syrach: 26.Zum andern berichtet der Text/ was Ezechie- lis Creutz geweſen ſey/ GOTT ſpricht zn jhm: Jch wil dir deiner Augenluſt nehmen. Jn Schulen nennet man ein ſolche rede orationẽ periphraſticam/ wenn etwas artlich beſchrieben wird. Vnd wil Gott zum Propheten ſo viel ſagen: Jch wil dir dein Weib ſterben laſſen/ an welcher du deiner Augenluſt vnnd frewde ſieheſt. Wird alſo Ezechielis Weib der Tugentſamen Ehefrawen ei- ne geweſen ſein/ von welchen Syrach am 26. ſchrei- bet: Wol dem der ein Tugendtſam Weib hat/ des lebet er noch eins ſo lange/ Ein heuslich Weib iſt jhrem Manne eine frewde/ vnd macht jhm ein fein ruhig leben. Ein Tugentſam Weib iſt ein edle ga- be/ vnd wird dem gegeben der Gott fuͤrchtet/ Er ſey reich oder arm/ ſo iſts jhm ein troſt/ vnd macht jhn allzeit froͤlich.

Ezechielis

Ezechiels Weib/ wird nit geweſẽ ſein eine ſpoͤt- tiſche Michal/ welche den Dauid jhren Eheman verlachte beim Gottesdienſt/ 2. Sam: 6. Nicht2. Sam: 6. ein ſtoltze Vaſti, welche jhrem Gemahl vnnd Koͤ- nige Ahaſuero zu gehorſamen ſich wegerte/ Eſt. 1.Eſt: 1. nicht ein plagende Dina, welche jhren Eheman den creutztragenden Job noch effete mit ſeiner gedult vnd hoffnung/ Job. 2. nicht ein gebeiſſige Xantip-Iob: 2. pe, von welcher Gellius lib. 1. cap: 17. ſchreibet.Gellius lib. 1. cap: 17. Xantippe Socratis Philoſophi uxor moroſa ad- modum fuiſſe fertur, & iurgioſa, irarumq;, & moleſtiarum muliebrium per diem perq́; mor- tem ſcatebat, Das iſt/ von Xantippe des Philo- ſophi Socratis Eheweib wird geſagt/ das ſie ei- genſinnig vnnd zenckiſch geweſen ſey/ des zornes vnnd anderer Weiblicher beſchwerung tag vnnd nacht vberfluͤſſig: Sondern Ezechielis Weib iſt geweſen eine rechte Euphraſia. Dann wie Plini- us lib. 25. cap: 2. von dem kraut Euphrosyno ſchreibet/ in vinum deiectum animi curas pel- lit & hilaritatem inducit. Das iſt/ ſo mans in Wein leget/ vortreibets die ſorgen des gemuͤts/ vnd bringet froͤligkeit. Alſo hat ſich Ezechielis Weib auch beflieſſen die engſtigliche hertz ſorgen jhrem Ehemanne zu lindern/ vnd herkegen jhmalle luſt vnd frewde zu ſchaffen.

Zum dritten erzehlet der tert das Mittel/ wel-3. Circũ ſtantia cauſam Cches inſtrumẽ talẽ re- cenſet, qua ex- tinctaſit uxor E- zechielis, nimirum plagam.ches GOtt habe gebraucht zu toͤdlichem abgang Ezechielis Weib/ durch eine plage. Hie wol- len etliche verſtehen die erſchroͤckliche ſeuche der Pe- ſtilentze/ welche/ weil ſie von der Gifft mit hitziger entzuͤndung entſtehe/ innerliche ſchmertzen erwecken ſolle/ mit einnehmung des arcis Palladis oder ge- hirnes/ dauon die inficirten, wie die erfahrung giebet/ wol gar in die irre gerahten. Etliche vorſte- hen hie ſonſten eine ſchmertzliche Kranckheit/ Wie Plinius lib. 30. cap: 7. Die grimmige Kranckheit Ileos beſchreibet. Der Ehegnoſſen vnnd Kinder Kranckheit brechen denen/ welche ſie angehen/ das Gen: 31.hertze. Wie Geneſ: 21. ſtehet/ Da der Agar jhr Sohn Iſmael in der Wuͤſten kranck worden/ ha- be ſie jhn vnter einen Baum geworffen/ ſey hin gegangen/ vnnd habe ſich geſetzt kegen vber von ferne eines Bogenſchuſſes weit/ vnd geſagt. Jch kan nicht zuſehn des Knabens ſterben. Manchem trewen Ehegnoſſen moͤchte das hertz im Leibe bre- chen/ wenn es ſehen ſol/ wie das andere/ durch die Kranckheit abgezehret vnd geſchwecht wird.

4 Circũ- ſtãtia re- fert qui- bus geſti- bus Eze- chiel fu- nus ſuum excipere debeat?Zum vierden wird hie Ezechieli geſagt/ was fuͤr geberden er gegen ſeiner Leiche gebrauchen ſol/ dauon ſtehet im text/ wie folget. Aber du ſolt nicht klagen noch weinen/ noch eine threne threne laſſen/ Heimlich magſtu ſeuff-prohibe- tur de- flere de- natam coniugẽ. tzen/ Aber keine todten klage fuͤhren/ ſondern du ſolt deinen ſchmuck anlegen/ vnnd deine Schuch anziehen/ du ſolt deinen Mund nicht vorhuͤllen/ vnnd nicht das trawer Brod eſſen.

Die ſumma dieſer worte iſt/ das Ezechiel keine offentliche klage vber ſeinem vorſtorbenem Weibe fuͤhren ſolle. Es ſcheinet aber die verbott Gottes nicht alleine ſtreiten wider die Natur des Menſchen/ welche zum mitleiden inn des nechſten vngluͤcklichem zuſtand geſchaffen iſt: Sondern es ſtreitet auch wider dieſes/ was Syrach cap. 38. be- fihlet. Mein Kind wenn einer ſtuͤrbet/ ſo beweine jhn/ vnd klage jhn/ als ſey dir gros leidt geſchehen. Ibidem du ſolt bitterlich weinen vnd hertzlich be- truͤbet ſein/ vnd leide tragen.

Hiebey iſt zu wiſſen/ wenn Gott hie dem Pro- pheten verbiete ſein verſtorbenes Eheweib zu kla- gen/ ſo wolle er nicht in gemeine das leidt vber den verſtorbenen einzunemen gemeinet haben/ ſondern es hat hie (wie oben auch vormeldet) eine andeu- tung ſein ſollen/ das man bey dem beuorſtehenden vngluͤck oder Babyloniſchen Gefengnuͤs/ welches die Juden mit jhren ſuͤnden vordienet hatten/ auch C ijkein kein mitleiden mit jhnen haben wuͤrde. Ja es wuͤr- den ſich die ſpoͤttiſchen Babylonier jhres elendes Thren: 2.erfrewen. Wie es Thren: 2. der Prophet Ieremias verkuͤndiget hatte. Alle/ die fuͤruͤber gehen/ klap- pen mit Henden/ Pfeiffen dich an/ vnnd ſchuͤtteln den Kopf vber den Toͤchtern Jeruſalem. Denn ſo handelt Gott/ ex lege & pæna talionis/ nach dem Geſetze gleicher ſchuldt vnnd ſtraffe/ das/ wer ſeine ſuͤnde nicht beweinen vnd berewen wil/ deme ſol auch ſein vngluͤck hinwider nicht beiammert Thren: 1.vnd beklaget werden. Wie Thren: 1. Gott ſeinem Volcke anſagen leſſet. Sie weinet des nachts/ das jhr die threnen vber die Backen lauffen/ Es iſt niemand vnter allen jhren Freunden/ der ſie troͤſtet alle jhre nechſten verachten ſie/ vnd ſind jhre fein- de worden.

. Et ul- tima eir- cumſtan- tia notat tempus obitus. eſperã.Die fuͤnffte vnd letzte vmbſtende allhie iſt die zeit/ zu welcher Ezechielis Eheweib verſtorben iſt/ Vnd da ich des morgens fruͤ zum Vol- cke redete/ ſtarb mir zu abẽd mein Weib.

Der Todt leſt jhm keine gewiſſe zeit fuͤrſchrei- ben/ hie kompt er des abendts/ zu einem andern des morgens/ zu dieſem vmb den Mittag/ zu ie- nem vmb Mitternacht/ vnd iſt den Menſchen die ſtunde ſeines todes verborgen. Wie Iſaac zu ſeinem Gen: 27.Sohne Eſau hieuon redet/ Gen: 27. Siehe/ ich bin alt/ alt/ vñ weis nicht/ wenn ich ſterben ſol. Vnd Eccleſ: 9. der Menſch weis ſeine zeit nicht/ ſondern wie die Fiſche gefangen werden mit einem ſchedlichen Ha- men/ vñ wie die Vogel mit einem Stricke gefangen werden/ ſo werden auch die Menſchen beruͤcket zur boͤſen zeit/ wenn ſie ploͤtzlich vber ſie felt. Sollen de- rowegen alle Menſchen S. Auguſtini vormahnung lib. de ſpiritu & anima cap: 51. ingedenck ſein/ der alſo ſchreibet/ Certum eſt, quia morieris, incertũ, quomodo vel quando, vel ubi, quoniam mors ubiꝙ́ te expectat, & tu ſi ſapiens eris, ubiq́; eam expectabis. Das iſt/ es iſt gewies/ das du ſterben ſolſt/ es iſt aber vngewiß/ wie/ wenn oder wo/ denn der Todt wartet auff dich allenthalben/ vnd du/ ſo du weiſe biſt/ wirſt jhn allenthalben erwarten.

Hieraus lernen wir. Erſtlich/ wie eilendts GOtt durch den Todt vber den Menſchen ge- bitten koͤnne/ Es iſt jhme nur vmb ein wort o- der wincken zn thun/ ſo lieget der Menſch kranck vnnd todt darunter. Ezechielis Weib wird ohne zweiffel die zeit im Hauſe friſch vnnd geſund ge- weſen ſein/ vnd ſich einer ſolchen plotzen todes ſtun- de nicht haben verſehen. Da aber Gott zu jhrem Ehemanne allhie ſaget/ Er wolle ſie weg nemen/ kan ſie lenger nit leben/ der Menſch iſt an ſeinẽ lebẽ/ wie Ionæ Kuͤrbis/ der lieblich daher wuchs/ aber/ da Gott den Wurm darin verſchaffte/ vertarb er/ C iijIonæ Ionæ 4.Ionæ 4. So leichte gehet vnſer leben auch dahin/ vnd wie der Koͤnig Hiskias in ſeinem Gebett vnd danckſagung redet Eſ: 38. Meine zeit iſt dahin/ vñ von mir auffgereumet/ wie eines Hirten Huͤtte/ vnd reiſſe mein leben ab/ wie ein Weber. Auff ſol- chen eilenden todes fall ſiehet der Prophet Iere- Ierem: 9.mias, da er am 9. cap: ſaget. Der Todt iſt zu vn- ſern Fenſtern herein gefallen/ der Todt komme nu fruͤ oder ſpat/ plotz oder langſam/ ſo bringet er Iob 14.mit das geſteckte ziel von Gott/ Iob 14. Er hat ſei- ne beſtimbte zeit/ die zahl ſeiner Monden ſtehet bey dir/ du haſt ein ziel geſetzet/ das wird er nicht vber- gehen.

Derhalben wir vns ſtets zu einem ſeligen en- de bereiten ſollen/ Wie vns darzu der Herr Chri- ſtus vormahnet Luc. 12. Drumb ſeyd jhr auch be- reitet/ denn des Menſchen Sohn wird kommen zu der ſtunde/ da jhr nicht meinet.

2. Vxor marito ſit dele- ctabilis.Zum andern lernen hieraus alle frome vnd tu- gendſame Eheweiber/ das ſie jhren Ehemennern/ wie allhie Ezechielis Weib gethan/ ein augenluſt ſein ſollen.

Der Roͤmer Varro ſaget/ im Latein werde mulier à mollitie von der lindigkeit genennet. Mu- lier, quaſi mollis aër, das ein Weib dem Eheman- ne ſey eine linde vnnd lieblich lufft/ wie die ſanfften Wind- Windlein ſind Fauonij oder Zephyri vmb den Fruͤling/ oder Eteſiæ vmb die warmen Hundts- tage. Ein Eheweib ſol nicht ein Hertzkrenckerin ſein/ Sondern des Mannes troſt/ vnnd frewde/ Syrach 26. Ein ſolch Ehelich leben vnd wolver-Syrach: 26. haltnus der Eheweiber/ gefelt Gott wol/ bringet lob in der Welt/ vermehret die nahrung/ vnd leſ- ſet ein ruhmliches gedechtnus hinder ſich.

Zum dritten lernen wir allhie/ weil Ezechie-3. Morbi arbi et agon dif- ficilis n ſemper iræ diui- ne ſigna ſunt. lis Weib/ durch eine plage jhr leben endet/ das ſchmertzliche Kranckheiten/ vnd eine ſchwere todes angſt bey gleubigen vnnd fromen Menſchen nicht allezeit ein zeichen Goͤttliches zorns ſey/ wie man offte hoͤret vorkehrete vrtel der Menſchen/ vber krancken vnd ſterbenden Leuten/ welche ſprachlos oder ſonſt in groſſer angſt liegen/ als ſolte Gott in vngnaden ſie alſo heimſuchen. Es ſaget einmahl der Sohn Gottes/ vnd beſtetigets mit doppeltemIob: 3. Eyde/ Joan 8. Warlich warlich ſage ich euch/ ſo jemand mein Wort wird halten/ der wird den todt nicht ſehen ewiglich. Dieſe ſeine zuſage machet er war an allen Gottſeligen Menſchen bey jhrem ſter- ben. Vnnd ob wol von auſſen die ſchmertzen des Coͤrpers ſich erzeigen/ iſt doch die Seele durch den heiligen Geiſt getroͤſtet vnd geſtercket/ frewdig/ vnd vnuer zagt. Prouerb: 14. Der gerechte iſt in ſeinẽProuer: 14. todt getroſt/ ſo viel vom erſten ſtuͤcke.

Vom

Vom andern Stuͤcke.

Qualem in hoc in fortunio ſe præ- bet Eze- chiel? Facit, ſe- cut Do- minus præce- perat.WJe hat ſich Ezechiel inn ſeinem zu geſtan- denem vngluͤcke/ da Gott jhme ſein augen- troſt vnnd liebes Eheweib mit einer plage weg nimpt? Der text beſaget von jhm: Vnnd ich thet des andern morgens/ wie mir be- fohlen war.

Ezechiel iſt nicht vngeberdig bey ſeinem Creu- tze/ Er redet vnd murret nicht wider Gott/ ſon- dern leſt jhm Gottes willen gefallen/ Vnnd ohne recordã- dozweiffel hat er durch folgende erinnerung ſein hertz befridiget.

. Volũ- tatis di- uinæ, cui nemo re- luctari debet.Erſtlichen/ das er bedencket/ das kein Menſch dem willen Gottes ſich widerſetzen koͤnne. Er weis gar wol/ wenn jhm Gott ſein liebes Eheweib len- ger hette wollen leben laſſen/ das die plage/ welche ſie getoͤdtet/ hette leichtlichen koͤnnen wider wen- det werdẽ: Aber er hoͤrets/ das es wom Herrn alſo geordnet ſey/ der mache/ wie es jhm gefalle/ Er ge- be/ vnd neme widerumb das ſeinige. Auff ſolchen willen Gottes/ der allzeit der beſte/ iſt zu ſehen/ leh- Hieron.ret D. Hieronymus, der ſo ſchreibet: Raptus eſt filius carus, rapta eſt coniux cara, dolet, credo. Quis autem rapuit, is, qui dedit. Dat autem iure repe- repetundo/ Das iſt/ du klageſt es mir/ ein lieber Sohn genommen worden/ es iſt mir genommen worden ein liebes Weib. Es ſchmertzet/ das gleube ich/ wer hats aber genommen? Der ſie gegeben hat. Er gibt ſie aber mit dem recht/ das er macht ſie abzufodern habe.

Zum andern Ezechiel bedencket/ das ſeines2. Status felicis ad quem re- cepta cſ- ſet con- iux. Weibes abſterben jhr zu keinem ſchaden gereiche. Er weis/ das ſie geſtorben ſey des todes der gerech- ten/ Num: 23. Vnd das jhre Seele ſey eingebun- den in buͤndlein der lebendigen/ 1. Sam: 25. mit demNum: 23. leibe aber das ſie weg gerafft ſey fuͤr dem vngluͤck/1. Sam: 25 ſey kommen zum friede/ vnnd ruhe inn jhren Kam- mern/ Eſa: 56. vnd das nicht mehr als jhr elend ab-Eſa: 56. geſtorben ſey.

Zum dritten hat Ezechiel bey ſeines Weibes3. Cõiun- ctionis in Vita be- ata. todt betrachtet/ das ſie jhme vnuerlohren ſey/ ſon- dern wie Ambroſius lib. de exciſ: fra. ſchreibet. Non amitti ſed præmitti videntur, quos non abſumtura Mors ſed æternitas receptura eſt. Die ſelig verſtorben ſein/ ſind nicht verlohren/ ſon- dern voran geſchickt/ Welche der Todt nicht ver- zehren/ ſondern die wahre ewigkeit auffnemen wird/ vnnd wie ſich Koͤnig Dauid vber ſeinem verſtorbenen Soͤhnlein troͤſtete 2. Sam: 12. Jch2. Sam: 12. werde wol zu jhme fahren/ es kommet aber nicht Dwider wider zu mir. Welches troſts wir vnns auch er- innern/ wenn wir vnſere lieben Eltern/ trewe Ehe- gnoſſen/ gehorſame Kinder/ oder liebe freunde vnd bekandte Gott hie folgen laſſen/ das wir im ewi- gen leben in vnausſprechlicher frewde vnd wonne zuſammen kommen werden/ da an den Kindern Gottes die ehre recht angehen/ vnd der herrliche ſchmuck vnnd klarheit Seelen vnnd des Leibes vns wird erteilet werden.

Doctri- na. Con- inges ca- ſus fata- les pati- enter fe- rant. Mich: 7.Aus dieſem andern ſtuͤcke lernen alle Chriſt- liche Eheleute/ wenn Gott durch den Todt vn- ter jhnen eine trennung machet/ wie ſie geduldig/ nach Ezechielis Exempel/ Gottes willen ſich vn- ter werffen ſollen. Vnd mit dem Propheten Mi- cha cap: 7. ſagen. Jch wil des Herrn zorn tragen/ denn ich habe wider jhn geſuͤndiget/ mit erinnerũg/ das GOtt der den Ehegatten aus ſonderlicher verſchung zu gefuͤget/ auch nach ſeinem gnedi- gen willen/ abzufodern macht gehabt habe/ 2. 2. Sam: 25.Sam: 15. ſaget Dauid/ Er machs mit mir/ wie es jhm wolgefellet/ vnd Job. 1. der Herr hats gege- ben/ der HErr hats genommen/ der nahme des Herrn ſey gelobet.

Alſo wird auch S. G. der Herr Rohr/ als gegenwertiger hochbetruͤbter Wittiber/ mit den ſeinigen inn dieſem Haußkuͤmmernus/ den gne- digen digen willen Gottes/ als den beſten/ erkennen/ vnd weil der ewige Gott ſeinen trewen gehuͤlffen Gen: 3. ſeine Haußehre/ Pſal: 68. ſeine Geſellin vnndMal: 2. das Weib ſeines bundes Mal: 2. An welcher er auch troſt/ luſt/ vnd frewde gehabt/ ſeliglichen abgefodert/ gewiß ſchlieſſen/ das es ſo ergangen/ wie es Gott/ zu der verſtorbenen ſeligkeit erſehen vnd haben wollen/ genug auch vom andern ſtuͤcke.

So viel nu die eingeſarchte Adeliche LeichePerſona- lia, quæ indicant defunctã benè. belanget/ weil nechſt der Seligmachenden erkent- nuͤs Gottes/ an einem Menſchen/ jrrdiſchen ver- zug nach/ geruͤhmet werden dieſe fuͤnff ſtuͤcke.

1. Eine loͤbliche ehrliche Ankunfft.2. naſcẽ- do. 2. Eine Chriſtliche Aufferziehung.1. educã- do. 3. Eine bequeme Heyrat.3. nubẽdo 4. Ein ehrliches Leben4. vivẽdo. 5. Ein ſeliges Ende.5. mori- endo.

So wollen wir nu ferner anhoͤren wie dieſe fuͤnff gluͤckſeligkeiten die verſtorbene Chriſtliche vnd Adeliche Perſon/ durch Gottes mitteilung auch erlanget habe.

Die Edle/ viel ehrentugendreiche Fraw Barbara/ geborne Panwitzin/ Welche jetzo fuͤr augen/ Vnnd der Erden/ die aller vnſer Mutter iſt/ biß zur ſichtbaren zukunfft JHEſu CHriſti vertrawet wird/ Jſt eines alten loͤbli- D ijchen chen Geſchlechts der Panwitzen/ Welches den ruhm hat/ das es ſich im Kaͤyſerlichen/ Koͤnigli- chen/ vnd groſſer Herren Hoͤfen/ ſo wol in Krie- gen/ wol vnd lieblich erwieſen/ aus dieſem Ade- lichem Geſchlechte/ iſt bemelte Gottſelige Fraw geboren.

Jhr Herr Vater iſt geweſen Weyland der Edle/ Geſtrenge/ Ehrenueſte/ vnnd Wolbe- nambte Herr Hans von Panwitz/ von Mech- witz/ auff Pogerell/ Altzenaw/ Newdeck/ vnd des Fuͤrſtlichen Burglehns zu Muͤnſterberg/ Roͤm: Kaͤy: Mitt Rath/ vnnd Landes Hauptman der Graffſchafft Glotz.

Jhre Fraw Mutter Die Edle viel Eh- rentugendreiche Fraw Chryſolda, geborne Poge- rellin/ außm Hauſe Wuͤntzenberg/ vnnd Poge- rell/ welche Anno 1595. Seliglich im Herrn geſtorben/ vnd zu Pogerel begraben worden.

Jhres Herrn Vatern Mutter/ Fraw Barbara geborne Ottweinin vom Zigenhalß.

Jhres Herrn Vatern Vaters Mutter iſt gewe- ſen/ Fraw Salome, geborne Reideboͤrgin aus dem Hauſe Roſenaw in dem Ober Hoffe.

Jhres Herren Vatern Mutter Mutter aber/ Fraw Agnes/ geborne Reidebuͤrgin/ aus dem Hauſe Lorentzberg.

Jhrer

Jhrer Fraw Mutter Mutter iſt geweſen Fraw Margaretha/ geborne Promnitzin/ aus dem Hauſe Laſſendorff.

Jhrer Fraw Mutter Vatern Mutter iſt ge- weſen/ eine geborne Kolnitzſchin.

Jhrer Fraw Mutter Mutter Mutter/ eine geborne Reidebuͤrgin/ aus dem Hauſe Lortzen- dorff im Namsliſchen.

Von dieſen loͤblichen Eltern/ iſt dieſe Adeliche Fraw/ Anno 1578. Nach GOttes willen auff dieſe Welt geboren/ vnd von derſelbigen alsbald dem Herren Chriſto zugetragen/ vnnd durch die heilige Tauſſe demſelbten/ vnnd der Chriſtlichen Kirchen einuorleibet worden/ nachmals von jh- nen Chriſtlich vnd Gottfuͤrchtig in gutten Ade- lichen Sitten/ vnd Tugenden/ die ſich bey jhrem leben dañ erzeiget/ aufferzogen worden.

Als ſie nu der liebe Gott in den heiligen Ehe- ſtand beruffen/ vnnd jhr den Edlen/ Geſtrengen/ Ehrenueſten/ vnd Wolbenambten Herrn Georg von Rohr vnd Steyn/ dieſes Kirchſpiels Herr- ſchafft/ zu jhrem Eheman/ mit rath vnd zu laſ- ſen jhrer geliebten Bruͤdern/ Herren Vetter/ vnd Vormuͤnden beſcheret/ mit dem ſie Anno 97. den 5. May/ auffm Fuͤrſtlichen Hauſe zu Muͤnſter- D iijberg berg Ehelich vertrawet worden/ hat ſie ſolche ga- be Gottes erkennet/ vnd gros geachtet/ vnnd in hertzlicher zucht/ trew/ ehr/ vnd liebe/ mit jhrem Hertzallerliebſten Herren ſo friedlich/ vnnd in ſo lieblicher einigkeit gelebet/ das es vielen Chriſten hertzlich wolgefallen/ Alle zeit hat ſie ſich in ehe- licher furcht vnnd gehorſam/ auff jhn gewendet/ vnd ſeiner wolfart gepfleget/ vnd gewartet. Kon- te ſich gewaltig bekuͤmmern/ wann er geferli- che Reyſen verrichten muſte. Wie ſie denn auch des meiſten theils vrſach/ das der Herr S. G. das muͤheſame Zahlampt inn Vngern auffgege- ben/ Jnn ſumma/ ſie hielte ſich alſo/ wie einem Chriſtlichen Tugendſamen Weibe/ die jhrem Manne eine frewde ſein ſol/ gebuͤhret/ vnnd zu- ſtehet.

Jnn ſolcher wehrender Ehe/ darinnen ſie ge- ſeſſen 9. Jahr 4. Monden 5. Tage/ hat der guͤt- tige GOtt ſie/ vnnd jhren hertzlieben Herren/ auch geſegnet/ vnd jhnen 5. Kinderlein vnd Toͤch- terlein beſcheret. Zwey hat der liebe GOtt wider zu ſich/ in die ewige frewde genommen/ als Bar- baram Anno 1604. den 15. Aprilis, vnnd An- nam Mariam Anno 1605. ætatis 3. Jahr/ 12. Wochen/ die allhier in dieſer Kirchen ruhen/ in jh- rem Ruhebetlin. Die andern drey wolle der rechte weiſen waiſen Vater auch verſorgen/ welche ſie auch zum Gebet vnd aller Gottesfurcht/ vnd andern Ade- lichen tugenden/ ſo jung ſie ſein/ wol gewehnet/ vnd angelaſſen. Gleich wie ſie nu in jhrem Hau- ſe kegen jhrem lieben Eheman ein rechte Haußeh- re geweſen/ wie jhr deſſen der Herr S. G. auch ſelbſten gut zeugnus giebet: Alſo iſt ſie viel mehr in der Kirchen/ vnd kegen dem lieben Gott vnd Hey- land JHeſu Chriſto ein rechte bekennerin geweſen.

Dann ſie hat jhre hoͤchſte frewde vnd hertzen- luſt gehabt an GOttes Wort vnnd Chriſtlichen Predigten/ ſo ſie nur gekoͤnt/ dieſelbten beſucht/ das heilige Abendmal des HErrn offtmals ge- braucht/ daheime in der Schrifft geleſen/ fleiſſig mit den Kindern zu morgendts/ abendts/ fuͤr vnd nach Tiſche/ mit ſonderer andacht gebetet/ vnnd eine feine Chriſtliche Haußzucht gefuͤhret/ das es menniglichen im hertzen wolgefallen.

Welches billich allen ſol ein vermahnung vnd denckwuͤrdig exempel ſein/ auch dergleichen Chriſt- liche Haußzucht bein Kindern vnnd Haußgeſinde anzuſtellen. Vñ deſſen hat man auch ruhm bey Gott vnd Menſchen. Gegen den Dienern des Goͤttlichen Worts iſt ſie gutthetig/ vnd ehrerbittig geweſen.

War nicht hoffertig/ wie ſie denn auch nicht/ inn einem kuͤpffern/ ſondern hoͤltzenen Sarck hat wollen wollen begraben werden. Vnnd iſt das die erſte bitte geweſt/ die ſie fuͤr jhrem ende inn der letzten beſuchung an den Herrn S. G. hat gelangen laſſen.

Sie ſahe gerne jhre Vnterthane bey jhr/ lib- te dieſelbigen/ vnnd reichte den armen die milde Hand/ thet jhnen allerley huͤlffe/ vnd handreich- ung/ ſahe gerne/ Das ſie ſich vnter jhr auff- richtig vnd wol nehreten. War herkegen von den- ſelbten hin widerumb geliebet/ vnnd mit trewen gemeinet/ wie ſie jhr dann das leben gerne wuͤr- den gegoͤnnet haben/ Wie ſie denn fleiſſig fuͤr ſie gebeten/ wenn es Gottes wille geweſen wehre/ das ſie Gott hette erhalten moͤgen. Ja es haben jhre alte Vnterthanen zu Newdeck/ vnd Hayns- dorff/ wie ſie zu Glotz gelegen/ jhr nicht vergeſ- ſen koͤnnen/ ſondern ſie teglich beſucht/ vnnd jhr hertzliches mitleiden jhr zu erkennen geben. Jn der Haußhaltung war ſie vorſichtig/ ſorgfeltig vnd fleiſſig/ beugte vielem vnrath fuͤr/ vnd hielt alſo in der furchte Gottes/ vnnd nach dem es jhr be- ruff erforderte/ viel zuſammen/ was der Allmech- tige Gott jhr vnd jhrem lieben Herren beſcheret.

Jnn ſumina/ ſie war mit vielen ſchoͤnen Tu- genden gezieret/ Gottfuͤrchtig war ſie wie Sara, weiſe vnd verſtendig/ wie Abigail, holtſelig vnd freund- freundlich wie Rachel/ keuſch vnd zuͤchtig/ wie die Suſanna/ milde/ wie die Tabea/ warhafftig vnd verſchwiegen wie Judith/ das ſie alſo wol mag allen Chriſtlichen Matronen zu einem Weiber- ſpiegel vorgeſtellet werden/ jhren Fußſtapffen hie- rin nach zu folgen. Vnnd wird billich/ wie Salo- mon ſelbſt bezeuget/ ein ſolches Weib geruͤhmet/ von den fruͤchten jhrer hende/ vnnd jhrer Werck gelobet in den Thoren/ Prouerb: 31. das iſt in locoPro. 31. publico.

Vnnd wie wol nu Menſchliche ſchwachheiten/ auch bißweilen moͤgen vnter gelauffen ſein/ wie wir deñ alle Menſchen ſuͤnder ſind/ vnd niemands Engelrein iſt. So hat ſie doch ſolche in jhrem Ge- bete vnd Beichte dem lieben Gott offtmals hertz- lich vnnd ſchmertzlich geklaget/ welche jhr auch/ wegen der volkommenen genugthuung CHriſti jhres Erloͤſers ſind vergeben worden.

Wie ſie ſich auch ſonſten bey geſunden tagen der Gottſeligkeit beflieſſen. Alſo hat ſie ſich auch in jhrer Kranckheit/ wie ein Gottſelige Chriſtin erzeiget. Der liebe Gott hat ſie auch mit mancher- ley Creutz/ kummer vnd leibes beſchwerung/ nach ſeinem gnedigen willen Vaͤterlich heimgeſucht.

Alſo/ das ſie die Jahr vber nicht viel geſund ge- weſen/ ſondern jmmer ſich beklaget/ von Speiſen Enicht nicht viel zu ſich nemen koͤnnen/ hat ſehr abgenom- men/ vnnd jhre leibes krefften bey mehlichen ver- lohren.

Welches denn dem Herrn S. G. groſſen kum- mer geben/ weil er ſonderlich vormercket/ das die Plitiſis vnnd Lungenſucht aus vielen indicijs bey jhr zugeſchlagen/ da auch andere symptomata mit darzukommen/ als das Fieber/ damit ſie ſtets beleget worden/ vnnd keiner beſſerung zu hoffen geweſen/ hat ſie auch neben dem Himliſchen Artzt/ den ſie ernſtlich mit Glauben vnd Gebet geſucht/ die ordenlichen mittel/ als neben dem warmen Ba- de/ der Medicorum rath zu Breßlaw/ vnnd an- derswo/ trewlich gebraucht/ doch allzeit demuͤt- tig/ inn gedult jhren willen in Gottes willen er- geben.

Weil jhr auch ein beſchriener Medicus zu Glatz/ der Ehrenveſte/ Achbar vnnd Hochgelarte Herr Doctor Henneman bekand/ welchen ſie zuuor auch conſuliret, hat ſie immer zu demſelbten ſich geſehnet/ vnnd vermeinet/ Er wuͤrde jhr/ nechſt GOtt/ zur geſundheit verhelffen.

Wie ſie denn auch fuͤr etlichen Wochen ſich zu bemeltem Herrn Doctorn vnnd Medico inn die Chur begeben/ vnd fuͤhren laſſen. Aber der ge- trewe trewe GOtt hat jhr auff einen andern modum helffen wollen/ denn die medicamenta nichts aus gerichtet haben.

Wie ſie nu ſelbſt befunden/ das ſie ſchwerlich auffkommen wuͤrde/ hat ſie ſich zur ſeligen heim- fart geruͤſtet/ vnd zwar gewuͤnſchet/ daheime zu Breyle/ bey jhren lieben Kindern/ vnd Vntertha- nen jhr ende vnd leben zubeſchlieſſen.

Aber weil man ſie aus groſſer ſchwachheit heim zu bringen nicht vermocht/ hat man ſie zu Glatz vorbleiben laſſen muͤſſen.

Da nu die leibes ſchwachheit immer zu genom- men/ hat ſie ſich zu Gottes Wort/ welches denn warhafftigen vnd krefftigen troſt giebet gerichtet/ den Achbarn Ehrwuͤrdigen vnd wolgelarten Her- ren Georgium Zeutſchnerum Paſtorem zu Glatz fordern laſſen/ der ſie deñ aus Goͤttlichem wort ge- troͤſtet/ denſelbigen troſt hat ſie auch mit frewden angenommen/ vnnd inn jhr hertz geſchloſſen. Wie jhr vnter anderm vom nutz des Creutzes fuͤr ge- halten worden/ das es den frommen doch zum beſten gereichen vnd dienen muſte/ ob wirs gleich bisweilen dafuͤr nicht hielten/ hat ſie mit auffge- habenen gefaltenen Henden drauff zur antwort ge- ben. O das helffe mir auch die heilige Dreyfaltig- keit/ vnd da man jhr vom verdinſt Jheſu Chriſti E ijmeldung meldung gethan/ vnd ſie drauff gewieſen/ hat ſie beſcheidentlich geantwortet.

Jch glaube feſtiglich/ das mich Jheſus Chriſtus von ſuͤnden/ vnnd ewigem tode erloͤſet habe/ drauff wil ich leben vñ ſterben/ vnd wird mir darzu der ewi- ge Barmhertzige Gott helffen. Wie ſie auch ermel- ter Pfarrer zu Glatz ferner gefraget/ ob ſie ſich auch fuͤrnt ſterben fuͤrchte/ hat ſie geantwortet: Nein mit nichte/ ſondern ich wil mit frewden ſter- ben/ wenn Gott wil. Jch wolte wol gerne meinen Herren noch einmal ſehen/ darnach wolte ich mir nicht begehren zu leben/ doch darff es mein Gott nicht machen/ wie mirs gefelt: ſondern nach ſeinem willen. Drauff denn der Herr Pfarrer geſaget/ ſie hette auch nicht vrſache/ ſich fuͤrm abſchiede die- ſer Welt/ oder Tode zu entſetzen: Denn durch Chriſtum wehre der todt den Gleubigen ein ſanff- ter ſchlaff/ vnd ein Thuͤr/ vnd eingang ins ewige leben/ wie jhr denn auch daruon etliche Spruͤche aus der heiligen Schrifft/ die ſolches bezeugten/ fuͤrgehalten worden/ als Johan: 3. 5. vnnd 11. Jtem aus dem ſterbeliede Simeonis/ vnnd zun Philip: 1. Wie jhr auch von der Aufferſtehung der Todten am Juͤngſten tage/ vnd vom ewigen leben meldung gethan worden/ hat ſie alle wege jhr wort auch darzu geredet. Wie wol wegen leibes ſchwachheit kurtz/ vnnd doch alſo/ das man den den glauben vnnd troſt jhres Hertzens wol ge- nungſam daraus ſpuͤren vnd vermercken hat koͤn- nen. Da auch des ewigen lebens erwehnet wor- den/ das man billich darnach trachten ſolte/ vnd ein Fraw vom Adel/ ſo darbey geweſen/ fuͤrge- wand/ man trachtete nur immer nach dem zeitli- chen gutte/ dort im ewigen leben wuͤrde man denn ſehen vnd erfahren/ das es viel beſſer geweſt weh- re/ ſo man nach dem ewigen getrachtet hette/ dar- auff denn die Fraw Roͤhrin ſelige geſprochen: Ja folche kommen nicht hinein ins ewige leben. Wie ſie nu bey jhr ferner befunden/ das es vieleicht mit jhr kuͤrtzlich zum ſcheiden kommen wuͤrde/ hat ſie ſich zuuor den 18. Septemb: mit jhrem lieben Gott fein berechnet/ vnd vertragen/ jhre ſuͤnde mit hertz- licher rew gebeicht vnd bekennet/ auff das tewre hohe vordinſt Chriſti/ deſſen ſie ſich immer hertzlich vnd teglich getroͤſtet/ vnnd daſſelbe alſo das rechte loͤſe Gelt vnd bezahlung/ fuͤr jhre ſuͤnde dem Him- liſchen Vater vorgeſtellet vnd gebeten/ das er jhr vmb deſſelben willen alle jhre ſuͤnde vergeben wol- le. Darauff hat ſie abermal die troͤſtliche Abſolu- tion empfangen/ vnnd das Hochwuͤrdige Sacra- ment des leibes vnd bluts Chriſti zu troſt vnd ſterck- ung jhres glaubens gebraucht/ vnnd Gott dafuͤr hertzlich gedancket. Wie auch kurtz zuuor/ ehe ſie gen Glatz vorreiſet/ ſolches allhier in der Kirchen mit E iijgroſſer groſſer andacht geſchehen/ vnd hat ſich alſo fein auff jhre heimfart vnd reiſe/ die ſie nu mit Gottes huͤlffe verbracht/ geruͤſtet/ vnd mit dem rechten Viatico verſehen laſſen.

Jn jhrer ſchwachheit/ wie auch zuuor/ iſt ſie im- mer geduͤldig geweſen/ alſo das kein zeichen der vn- gedult an jhr zu ſpuͤren geweſt/ hat ernſtlich vñ fleiſ- ſig gebetet/ jhres Simeonis ſtuͤndleins erwartet/ vnd CHriſtum alſo biß an jhr ende bekennet. Den 22. Sep: welches geweſen der tag Mauricij, da man jhr fuͤrgehalten/ ſie ſolte in jhrer ſchwachheit dennoch trawen auff den ſtarcken Gott/ der wuͤrde mit ſeiner ſtercke jhr in jhrer ſchwachheit zu huͤlffe kommen/ denn er ſey ſtarck/ das er auch aus dem tode heraus reiſſen/ Ja die ſeinigen mitten im tode zum ewigen leben erhalten koͤnne.

Drauff dann die Gottſelige Fraw geantwor- tet/ wiewol ſehr ſchwechlich/ wie es deñ auch jhr letz- tes wort geweſen/ Ja ob Gott wil/ vnd iſt alſo ent- lich an bemeltem tage Mauricij zu morgens zwi- ſchen 8. vnd 9. vhr zu Glatz/ da ſie jhre Seele dem Herren Chriſto zu trewen henden befohlen/ vnter dem Gebet/ das ſie wol verſtanden/ wie man an jhr hat mercken koͤnnen/ ſanffte/ Chriſtlich vnd ſelig ohn einige vngeberde im Herrn entſchlaffen/ als ſie alt worden 29. Jahr/ vnd iſt fuͤrwar vielem vngluͤck vnd elend entgangen/ deſſen wir noch muͤſſen gewer- tig ſein/ dann ſie iſt zum friede kommen/ vnd ruhet in jhrer Schlaffkammer/ vnd wartet allezeit auff die froͤliche Aufferſtehung jhres leibes/ vnd auff die volkommene frewde vnd herrligkeit/ die an jhr vnd allen gleubigen am Juͤngſten tage ſol offenbar wer- den. Dem getrewen Gott dancken wir/ der jhr ein ſeliges ende verliehen/ vnd ſie nach langem ausge- ſtandenem Creutz erloͤſet/ vnd in warem Glauben an den Sohn GOttes vnſern Heyland JHeſum Chriſtum entbunden hat/ der troͤſte jhre Seele in der ſchos Abrahe/ laſſe den Leib biß auff den Juͤng- ſten tag ſanffte ruhen/ vnd denn mit frewden auff- wachen vnd herfuͤr gehen zur ewigen Seligkeit vnd Herrligkeit/ ſpreche auch krefftigen troſt in J. G. vnd derſelbten vorwaiſten betruͤbten Kindern vnnd verwandten hertzen/ vnd verleihe gnediglich/ das ſie ſich inn dieſem groſſen betruͤbnus wiederumb auff- richten/ den ergangenen willen Gottes erkennen/ vñ ſich zu frieden geben/ der troͤſtlichen hoffnung dz die verſtorbene Gottſelige Fraw zur ruhe kommen ſey/ vnd vnuerlohren/ zu jhren lieben Eltern/ Groß- eltern/ vnd Geſchwiſtern verſamlet/ vnd erwarte der Aufferſtehung der Todten zum ewigen leben. Auch wolle der liebe Gott vns allen gnade verlei- hen/ das wir vns zu einem ſeligen ſtuͤndlein ſchicken/ Chriſtlich leben/ ſelig ſterben/ vnd am Juͤngſten tage froͤlich widerumb aufferſtehen/ vnd Gott mit allen Engeln vnd Auſſerwelten in alle ewigkeit lo- ben vnd preiſen moͤgen/ Amen/ Amen.