Delineatio MilitiÆ ChristianÆ. Daß ist: Kurtzer abriß vnd entwerffung Geistlicher Ritterschafft vnd Heerzuges/ Bey der ChristAdelichen Leiche Der weiland Edelen/ Viel Ehrn vnd Tugendreichen Frawen Hedewjgjs Rejchenbachjn geborner Zedlitzin

font-family:sans-serif font-weight:bold color:blue display:block; text-align:center display:block; margin-left:2em; text-indent:0 display:block; margin-left:4em; text-indent:0 display:block; margin-left:6em; text-indent:0 border:1px dotted silver border:1px dotted silver letter-spacing:0.125em font-style:italic font-size:150% font-variant:small-caps font-size:larger color:red display:block; text-align:right text-decoration:line-through font-size:smaller vertical-align:sub; font-size:.7em vertical-align:super; font-size:.7em text-decoration:underline border-bottom:double 3px #000 German Gebrauchsliteratur Leichenpredigt Gebrauchsliteratur Leichenpredigt aedit Delineatio MilitiÆ ChristianÆ. Daß iſt: Kurtzer abriß vnd entwerffung Geiſtlicher Ritterſchafft vnd Heerzuges/ Bey der ChriſtAdelichen Leiche Der weiland Edelen/ Viel Ehrn vnd Tugendreichen Frawen Hedewjgjs Rejchenbachjn geborner Zedlitzin/ aus dem Adelichen Hauſe Siebenaichen/ Fr. auff Ru- delßdorff vnd Siebenaichen/ ꝛc. Des auch Edelen Geſtrengen/ Wol- Ehrenfeſten vnd Hochbenambten Herrn Heinrichs von Reichenbach ErbHerrens auff Rudelßdorff vnd Siebenaichen ꝛc. Ehelichen Hertz- lieben Haußfrawen An ſtat einer LeichSermon in der Kirchen zu Rudelßdorff vorm Altar gehalten Durch Esaiam Saxonem Leorinum Pfarrern der Chriſtlichen Gemeinden Zobteniſchen Kirchſpiels im Lewenbergi- ſchen Kreiß. Menſe Majo 14. die, Anno gratiæ 1621.

Emmanueli Sacrum, Das walt Gott Vater/ Sohn vnd heiliger Geiſt/ die heilige vnd hoch- gelobte Dreyfaltigkeit in alle ewigkeit/ AMEN.

JHr auſſerwehleten/ andechti- gen vnd geliebten in dem HErrn Chriſto Jeſu/ vnd hochbetruͤbete in dem Hertzen/ es ſpricht der wei- ſe Mann Sirach am 38. cap. alſo: Geden-Sir. 38. 23. cke an Jhn/ wie er geſtorben/ alſo wir- ſtu auch Sterben; Geſtern war es an mir; Heute iſt es an dir. Jn welchen worten der weiſe Mann vns eine nuͤtzliche vnd nohtwendige lehre giebet/ was wir vns bey den Begraͤbniſſen der lieben Vnſrigen in Gott ſelig verſchiedenen/ vnd ſonderlich junger leute erjnnern ſollen: Nemblich des A ijalten alten Statuti oder Decrets nicht etwa eines Roͤmiſchen Kaͤyſers/ Koͤniges oder ande- Apocal. 19. 16.ren maͤchtigen Potentaten/ Sondern des HERRN aller Herren/ vnd Koͤniges aller Koͤnige/ GOttes vnſeres Himliſchen Va- ters/ wie ſolches anzeucht der Meiſter der Epiſtel an die Ebreer am 9. c. da er alſo Ebr. 9. 27.ſpricht: Omnibus hominibꝰ ſtatutũ eſt ſemel mori. Daß iſt: Allen Menſchen Hohes vnd Niederes ſtandes/ Arm vnd Reich/ Jung vnd Alt/ Mannes vnd Weibes perſonen/ iſt Geſetzt einmahl zu Sterben. Vnd ſolches zwar nicht vnſerer erſten Schoͤpffung nach da der Menſch gut/ Heilig vnd from zum ewigen Leben erſchaffen; Sondern wegen des trawrigen Suͤndenfahls vnſerer erſten Eltern Adam vnd Evæ/ wie es bezeuget das buch der Weißheit am 2. c. da alſo ſtehet: Sap. 2. 23.GOtt hat den Menſchen Erſchaffen zum Ewigen leben/ vnd hat Jhn ge- macht zum Bilde/ das Er ſein ſol wie Er iſt/ aber durchs Teufels neid iſt der Tod kommen in die Weld/ vnd die ſeines ſeines theiles ſind/ helffen auch darzu. Wie eben auff dieſe weiſe auch/ redet der hocherleuchte Apoſtel S. Paulus in ſeiner Epiſtel an die Roͤmer am 5. cap. DurchRom. 5. 12. einen Menſchen iſt die Suͤnde kom- men in die Weld/ vnd der Tod durch die Suͤnde/ vnd iſt alſo der Tod zu al- len Menſchen hindurch gedrungen/ ſintemahl ſie alle geſuͤndiget haben. Solches bezeuget auch die taͤgliche erfah- rung/ wie die gemeinen Verßlin lauten:

Eſt commune mori, nulli Mors parcit honori Mors ſervat legem tollit cum paupere Regem.

Item.

Tardius aut citius metam properamus ad unam; Una rapit Juvenes mors, rapit una ſenes.

Das iſt?

Es gilt dem Tode alles gleich/ Es ſey der Menſch Arm oder Reich/ A iijEr Er ſey gleich Jung/ oder ſey Alt/ Er ſey ſchoͤn oder vngeſtalt. Er ſey Bauer oder Edelman So mus Er mit dem Tod darvon.

Jn Summa es heiſt: Mors ſceptra li- gonibus æquat. Es wiſchet der bleckzenende Tod ſo bald mit einem darvon der Kron vnd Scepter traͤgt/ als der einen groben Haͤmffenen Kittel anhat. wie Sirach am Sir. 41. 4.41. Cap. ſaget.

Solchem Statuto Divino vnd inelucta- bili fato. Das iſt: Solchem vnwandelba- ren Rahtſchluß vnd willen Gottes hat ſich auch in tieffſter demut vnd kindlichem ge- horſamb vnterworffen/ die Edle Vielehrn- vnd Tugendreiche Fraw Hedwigis Rei- chenbachin/ geborne Zedlitzin aus dem Ade- lichen Hauſe Siebenaichen/ Deß Edelen/ Geſtrengen/ Wolehrnfeſten vñ Hochbenam- bten Herrn Heinrich von Reichenbachs auff Rudelsdorff vnd Siebenaichen etc. Erb- herrns ſeine hertzliebe Eheliche Haußfraw: Welche den 19. abgewichenẽ Monats Mar- tii ditz lauffenden 1621. Jares/ zwiſchen 3. vñ 4. der 4. der halben vhr nach Mittage/ im 19. Jahre jhres Alters/ wie zwar ploͤtzlich vnd vnverſehens/ jedoch gantz ſanfft vnd ſelig- lich/ nach Gott deß Allerhoͤchſten vnwan- delbaren raht vnd willen/ in wahrer erkant- nuͤs vnd bekantnuͤs jhres HERRN JEſu Chriſti Todes verfahren vnd geſtorben iſt. Derer Seele allbereit ruhet in GOTtes hand/ der abgeſiechete Leib alda vor vnſeren Augen Chriſtadelicher weiſe verhuͤllet/ vnd nun bald nach vorrichteter Leichen vnd Eh- renpredigt/ in jhr Ruhebettlein ſol geſencket vnd verſetzet werden/ allda zuerwartten jh- rer froͤlichen Aufferſtehung zum Ewigen vnd allerbeſten Himliſchen Freudenleben.

Weiln wir/ dann zu dieſem mahl allhier verſamlet der nun mehr ſeligen Frauen He- dewigis den letzten Ehrendienſt aus Chriſt- lichem mitleiden zubeweiſen/ vnd ich von dem hochbetruͤbten Adelichen Witwer vmb eine kurtze Leichſermon an dieſem Orte zu thun ſchrifftlichen erſucht vnd gebeten/ habe ich daſſelbte Ambts vnd Chriſtlicher Condo- lentz lentz halben nicht abſchlagen noch verwie- dern koͤnnen.

Zu welcher Sermon mir der hochbetruͤ- bete Adeliche Witwer ſelber ein Spruͤchlein zugeſchrieben vnd an die hand gegeben/ wel- ches die ſelige Fraw mit jhrer eigenen Hand bald zum anfange jhres taͤglichen Betbuͤch- leins auffgezeichnet/ darein ſie jhr bey jhren geſunden Lebezeiten viel ſchoͤner Hertzla- bender Troſt vnd Krafftſpruͤchlein Goͤtt- liches Wortes: Andaͤchtiger Gebet vnd Seufftzer/ wie auch lieblicher vnd Geiſtrei- cher Geſaͤnge zuſammen getragen/ deſſen ſie ſich zu jhrer andacht gebrauchet/ welches Jhr dann auch von jhrem lieben Herrn mit in Sarg vnd in die Haͤnde gegeben.

Es lautet aber daſſelbte Spruͤchlein allſo:

Jch

JCh wil mich in das Blut- faͤhnlein Jeſu Chriſti einwickeln/ darinnen wil Jch Leben vnd Sterben/ vnd wie- derumb froͤlich aufferſtehen.

WElch Spruͤchlein weiln es dem Hochbetruͤbten Adelichen Herrn Wit- wer ſonderlichen beliebet/ vnd von mir an die- ſem Orte zur LeichSermon zu nehmen vnd kuͤrtzlich zuerklaͤren gebeten/ Wollen wir nun vermittels Goͤtlicher huͤlffe daſſelbte fein ſtuͤck- weiſe vnd darbey dieſe Drey Puͤnctlein in aller kuͤrtze zubetrachten vor vns nehmen.

I. Erſtlich was das Blutfaͤhnlein Jeſu Chriſti ſey/ vnd wie wir vns darein wickeln ſollen. BII. II. Zum Andern wie wir darinnen Chriſtlich Leben vnd ſelig ſter- ben ſollen. III. Damit wir vors Dritte auch froͤ- lich darinnen aufferſtehen vnd in die Ewige Seligkeit einge- hen moͤgen.

Der Vater aller gnaden wolle vns hierzu ſeinen Heiligen Geiſt geben/ hiervon wie kuͤrtz- lich alſo nuͤtzlich vnd troͤſtlich zu handeln/ zu lehren vnd zu hoͤren/ das es jhme allermeiſt vnd bevoraus zu ſeinen Goͤttlichen Ehren/ vns al- len zu nuͤtzlichem vnd ſeligem vnterricht/ den Leidtragenden Adelichen Hertzen zu ſonderem Hertzlabendem Troſt gelangen moͤge/ durch Chriſtum Jeſum vnſern HErrn vnd Heiland Amen.

ES iſt Geliebete vnd Außerweh- lete in dem HErrn/ vnd hochbetruͤbete im Hertzen/ alle zeit bey dem Volcke Gottes breuchlich geweſen/ das ſie jhre in Chriſto ſelig verſtorbene/ nicht alleine mit Chriſtlichen Ce- remonien/ klange vnd geſange zur Erden be- ſtattet/ Sondern auch wol nach gelegenheit der zeit vnd Perſonen/ ſchoͤne troͤſtliche Text aus der Heiligen Schrifft zu Leichſermonen vnd Ehrenpredigten genommen/ erklaͤret vnd ausgeleget haben/ vnd ſolches mehrentheiles vmb der Lebendigen vnd Leidtragenden willen.

Nun moͤchte ſich allhier jemandes ver- wundern/ vnd fragen/ warumb es denn nicht zu dieſem mahl vnd an dieſem Orte auch ge- ſchehe/ ſintemahl es doch heiſt/ wie S. Petrus ſaget/ 1. Pet. 4. So Jemand redet/ ſo1. Pet. 4. 10. rede ers als GOttes Wort/ Deme gebe ich kuͤrtzlich zur Antwort/ das ſolches nicht alleine auff freundliche bitte vnd begehr/ deß hochbetruͤbeten Adelichen Herrn Wit- wers (wie zuvor gehoͤret) geſchehen. Son- B ijdern dern auch darumb/ das dieſes Spruͤchlein/ ob es gleich nach ſeinen Verbis formalibus, wie es an ſich ſelber lautet in der Heiligen Bibel nicht zu finden/ doch nichts deſto weniger darinnen gegruͤndet vnd verfaſſet iſt. Denn was iſt Erſtlichen das Bluttfaͤhnlein JEſu Chriſti anders/ als das Zeichen oder Panier darvon Eſ. 11. 10.der Prophet Eſaias am 11. Capitel langeſt zu- vor geweiſſaget hat/ da er ſpricht. Vnd es wird geſchehen zu der zeit/ das die Wurtzel Jſai wird ſtehen zum Zeichen allen Voͤlckern/ vnd nach dem wer- den die Heiden fragen! Jn welchen Pſ. 68. 18.Worten/ wie auch in dem 68. Pſalmen Da- vids vns Chriſtus der HErr/ als ein rechter Krieges vnd Sieges HErr vnd Triumphator vorgebildet wird mit ſeiner Blutrohten Fah- ne/ welcher ſeinen Mantel in Wein gewaſchen vnd ſein Kleid in Weinbeerblutt/ wie der Gen. 49.Patriarch Jacob Geneſ. 49.11. von Jhme in Eſ. 63. 2.ſeinem Teſtament Weiſſaget/ vnd weil er die Kelter allein getreten/ iſt Jhme ſein Gewand ſo ſo Rothfarbe/ vnd ſein Kleid wie eines Kelter- treters worden/ in deme er an ſeinem Menſch- lichen Leibe/ darein ſich der Sohn Gottes ver- kleidet in ſeiner vnſchuldigen Paſſion/ alſo zugerichtet/ das keine ſchoͤne noch geſtalt an jhme blieben/ die vns gefallen hette/ denn erEſ. 53. 3. war der aller verachteſte vnd vnwerdeſte/ vol- ler ſchmertzen vnd Kranckheit/ wie Eſa. 53 ſaget vnd klaget. Das iſt nun die Bluttfah- ne JEſu Chriſti/ ſein vnſchuldiges Leiden/ vnd vielfaltiges Bluttvergiſſen/ ſo er vmb vn-Eſa. 1. ſer Bluttroten Suͤnden willen vergoſſen/ vns von denſelben zu reinigen vnd zu waſchen. Denn das Blutt JEſu Chriſti/ deß vnbefle- ckten Laͤmbleins GOttes reiniget vnd weſchet vns von allen vnſern Suͤnden. Wie Johan-1. Ioh. 1. 8. nes ſaget/ 1. Ioh. 1. Jn Summa ſein gan- tzes verdienſt/ Leiden vnd Sterben/ Auffer- ſtehung vnd Himmelfahrt.

Jn ſolche Bluttfahne JEſu Chriſti ſollen wir vns nun wickeln vnd einſchliſſen/ daſſelbte vns appliciren vnd zueignen/ das wir glaͤuben das vns ſolches alles zu gutte geſchehen.

B iijDenn

Eſa. 53. 5.Deñ er iſt vmb vnſer Miſſethat willen verwundet/ vnd vmb vnſerer Suͤnde willen zuſchlagen/ die Straffe lieget auff jhm auff das wir Friede hetten/ vnd durch ſeine Wunden ſind wir ge- heilet. Saget Eſaias 53. Capitel.

Ja in ſolch Bluttfaͤhnlein Jeſu Chriſti wi- ckeln wir vns bey vnſerer heiligen Tauffe/ da wir CHriſtum anziehen/ wie Paulus ſaget Gal. 3.zum Galat. 3. Wie viel euer getauffet ſind/ die haben JEſum Chriſtum an- gezogen/ da er vns auch bekleidet mit dem kleidern des Heils/ vnd mit dem Rocke der ge- Eſ. 61. 10.rechtigkeit/ Eſai. 61. Das iſt ſeine Lieberey vnd Hofefarbe/ vnd wann wir mit dieſer Lieberey bekleidet/ muͤſſen wir zu dieſes vnſeres Hoh- meiſters des heiligen Creutzordens Fahne hul- digen vnd ſchweren/ da werden alſo bald vnſere Luc. 10. 20.Namen im Him̃el angeſchrieben/ ja in Gottes Eſ. 49. 17.Hand Eſai. 49. Wie nun ein ehrlicher Soldat zu ſeiner Fahne vnd auff ſeinen Artickelsbrieff ſchweret: ſchweret: Alſo ſchweren wir auch zur Blutt- fahne vnſers HErrn JEſu Chriſti/ vnd auff vnſeren Artickelsbrieff/ welcher von zweien blettern iſt/ Lex & Evangelium, Auff der ei- nen ſeiten oder blat ſind die Heiligen Zehen Gebot/ darinnen vns Gott ſeinen vnwandel- baren willen zuerkennen giebet/ was er von vns wil gethan vnd gelaſſen haben/ wie wir jhn ſollen lieben von gantzem Hertzen/ von gantzer Seelen/ von gantzem ge-Luc. 10. 27. muͤtte vnd allen krefften/ vnd vnſern Nechſten als vns ſelbſt/ Auff der anderen ſeiten oder blat vnſers Artickelsbriefes finden wir nun die Artickel vnſers Chriſtlichen glau- bens/ darinnen wir hoͤren wie hoch wir vnſe- rem KriegesObriſten verpflichtet vñ verbun- den. 1. Jure Creationis wegen vnſerer ſchoͤpfung Denn Er hat vns gemacht vnd nicht wir ſelbſt/ zu ſeinem Volcke/ vnd zu Schafen ſeiner weide/ Pſam 100. vnd wiePſ. 100. 2. S. Paulus ſaget zun Epheſ. am 2. capitel: So Eph. 2. 10.So ſind wir ſein werck geſchaffen in Chriſto JEſu/ zu gutten wercken/ zu welchen vns Gott bereitet hat/ das wir darinnen wandeln ſollen.

2. Jure Redemptionis, wegen der Er- loͤſung/ deñ er hat vns gar theuer erarnet vnd erkaufft/ nicht mit vergaͤnglichem Gold vnd Silber/ ſondern mit ſeinem theu- ren vnd Roſinfarben Blutt/ vnd mit ſeinem vnſchuͤldigen Leiden vnd Ster- 1. Pet. 1. 19.ben/ Wie 1. Pet. 1. ſtehet/ vnd die auslegung deß Andern Artickels vnſeres Chriſtlichen Glaubens bezeuget.

3. Jure Sanctificationis, wegen vnſe- rer Heiligung/ Dieweil er vns durch ſeinen Locum tenentem oder Leutenambt den Heili- gen Geiſt in der Chriſtlichen Kirchen mit der Matt. 28. 19.Drommel ſeines Goͤttlichen Wortes in der gantzen weiten vnd breiten Weld/ (denn ſo Pſ. 19. 4weit erſtrecket ſich vnſers Generaliſſimi Kreis vnd vnd Krieges Obriſten ſeine Bodmeſſigkeit) zu ſeiner Bluttfahne vnd Chriſtlichem Heer- zuge beruffen leſt/ wie S. Paulus ſaget/ Vo-2. Tim. 1. 9. catione ſanctâ durch einen Heiligen Ruff/ in welchem Beruff er wil/ das wir wandeln ſol- len wie ſichs gebuͤhret/ in aller Demut/ Sanft- mut vnd Geduld/ Epheſ. 4. Ja in HeiligkeitEph. 4. 1. vnd Gerechtigkeit/ die jhme gefaͤllig iſt/ wie der Alte Zacharias in ſeinem Benedictus ſaget/ Lucæ 1. ꝟ. 75. Wie wir nu weiter im andernLuc. 1. 75. Puͤnctlein hoͤren werden.

II. Wie ſollen vnd koͤnnen wir nun in vnd vnter dieſes vnſers Krieges Obriſten Bluttfaͤhn- lein Chriſtlich Leben/ vnd Se- lig Sterben.

WAnn ein Ehrlicher Kriegesmañ das haͤndlein von ſich gegeben/ zur auf- gerichten Fahne gehuldiget vnd geſchworen hat/ da traͤget er alle Stunden/ ja alle Augen- blick ſein Leben feil; Allſo auch ein Chriſtlicher Ritter/ wann er dem Teuffel bey ſeiner heiligen Tauffe abgeſaget/ vnd der H. Dreyfaltigkeit Cgehul- gehuldiget vnd geſchworen/ ſo hat er balde ſeine abgeſagte Feinde/ den Teuffel/ der vmb 1. Pet. 5. 8.jhn her gehet wie ein bruͤllender Lewe/ vnd Eph. 6. 12.wie S. Paulus ſaget: So haben Wir nicht mit Fleiſch vnd Blutt zu kaͤm- pfen/ ſondern mit Fuͤrſten vnd gewal- tigen/ nehmlich mit den Herren der Weld/ die im Finſternuͤs dieſer Weld herrſchen/ mit den boͤſen Geiſtern vn- ter dem Himmel. Mit ſolchen maͤchti- gen Feinden vnd jhrem ſtarcken anhange/ als da ſind die Suͤnde/ der Tod/ die Weld/ Ja vnſer eigen Fleiſch vnd Blutt/ haben wir eine ſtetswehrende Feindſchafft/ die ſich ſchon im Paradießgarten angefangen/ vnd nun vber die Sechſtehalb Tauſend Jahr gewehret hat/ auch weren wird biß ans ende der Weld. Wie- der ſolche muſſen wir vns Ruͤſten aus der Ruͤſtkammer vnd Zeughauſe des Heiligen Geiſtes/ wie vns daſſelbte vorſtellet der H. Eph. 6. 13.Apoſtel S. Paulus zum Epheſ. 6. Nehm- lich mit dem Helm deß Heiles: mit dem dem Harniſch oder Krebs der Gerech- tigkeit: vmbguͤrten muͤſſen wir vnſere lenden mit Warheit: vnſere Beine ſtiefeln mit dem Evangelio deß Frie- dens: Vor allen dingen aber ſollen wir ergreiffen den Schield deß Glau- bens/ mit welchen wir auffangen vnd ausleſchen koͤnnen alle Fewrige Pfei- le deß Boͤſewichts: zur Hand muͤſſen wir auch nehmen das Schwerdt des Heil. Geiſtes/ welches iſt das Wort Gottes/ ſcherffer vnd durchdrigender/ als kein zweyſchneidiges Schwerd.Ebt. 4. 12.

Mit ſolcher Ruͤſtung vnd Waffen ſollen vnd koͤnnen wir nun Ritterlich wieder alle vnſere Feinde kaͤmpffen/ vnd eine gutte Ritter-1. Tim. 1. 19. ſchafft vben/ den Glauben vnd guttes Gewiſ- ſen behalten/ wo wir darzu Nuͤchtern vnd meßig ſein/ vnd fleißig Beten/ wie vns S. Pe-1. Pet. 5. 8. trus auch darzu ermahnet/ denn es heiſt doch Preces & lacrymæ ſunt Arma Eccleſiæ:

C ijDer Der Chriſten beſt Waffen vnd Wehr/ Sind ernſts Gebet vnd heiſſe zehr.

Vnd ſollen allſo vermoͤge vnſers Artickels- briefes getreue ſein auch biß in den Tod/ nicht zum ſchendlichen Mammelucken werden/ von vnſers HErrn Bluttfahne vns nicht zum Teuffel verlauffen/ Ja wenn wir auch gleich vnſer Leib vnd Leben daruͤber laſſen vnd auff- geben muſten/ ſollen wir vns doch lieber (wie man offte von treuen Soldaten erfehret) in oder vnter ſolchem Bluttfaͤhnlein Jeſu Chri- ſti gar erſtechen vnd vmbbringen laſſen/ als trewloſe werden/ der troͤſtlichen hoffnung/ das ſie vns nicht mehr als den Leib toͤdten koͤnnen/ die Seele aber koͤnnen ſie nicht toͤdten/ wie Matth. 10. 28. Ioan. 12. 28. Luc. 9. 22. Marc. 8. 35vns Chriſtus vnſer Feldoberſter troͤſtet/ Matth. 10. Vnd Joannis am 21. ſpricht er: Wer ſein Leben leſſet/ oder wie im Luca am 9. ſtehet: Wer ſein Leben in dieſer Weld verleuret vmb meinet vnd des Evangelii willen/ der wirds er- halten zum Ewigen Leben/ wie wir nun weiter im dritten vnd letzten Puͤnctlin hoͤren wollen.

III. Wie ſollen vnd moͤgen wir dann auch in dem Blut- faͤhnlein JEſu Chriſti froͤlich Aufferſtehen vnd zum ewigen leben eingehen. wann

WAnn wir derogeſtalt/ wie im andern Puͤnct- lin gemeldet/ vermoͤge vnſers Artickelsbrie- fes/ vnter der BluttFahne JEſu CHriſti Ritterlich kempffen/ ob wir gleich des zeitlichen To- des ſein/ vnd Ehrlichen ja Seliglichen Sterben muͤſſen: So werden vnd koͤnnen wir auch endlich dermahl eines/ an dem lieben herzu nahenden Juͤng- ſten tage/ in ſolcher Blutt Fahne JEſu CHriſti/ ja in ſeiner zugerechneten Gerechtigkeit/ als in den re- chten weiſſen Kleidern/ darvon im Apocalyp. amApoc. 7. 14. 7. ſtehet/ Weil wir vnſere Kleider mit des Lammes Blutt gewaſchen vnd reine gemacht haben/ in der allgemeinen Aufferſtehung der Todten/ vor vnſerem Kriges vnd Sieges Fuͤrſten froͤlich erſcheinen/ wel- cher vns die vnverwelckliche Krone des Ewigen1. Pet. 5. 4. Lebens auffſetzen/ vnd in ſein Ewiges Frewdenreich auff vnd annehmen wird: Da vns nicht mehr Hun-Apoc. 7. 16. gern vnd Duͤrſten/ keine Sonne noch Hitze auff vns fallen/ vnd vns ſtechen wird: Sondern da wird ſeinPſ. 16. 11. Friede vnd Frewde die fuͤlle/ vnd liebliches weſen zu ſeiner rechten Ewiglich: Vnd da werden wir das Himliſche Triumph Liedlein dem Lamme zu Ehren ſingen vnd ſagen: Nun iſt das Heil/ vnd die KrafftApoc. 12. 10. vnd das Reich/ vnd die Macht vnſers Gottes ſeines Chriſtus worden/ weil der verworffen iſt/ der ſie ver- klaget Tag vnd Nacht bey Gott/ vnd ſie haben jhn vberwunden durch des Lammes Blutt/ vnd haben jhr Leben nicht geliebet biß in den Tod/ darumb Frewet euch jhr Himmel/ vnd die darinnen woh- nen.

C iijWeiln

Weiln dann nun vnſere Selige liebe Fraw Hedwigis/ ſich auch in das Bluttfaͤhnlein Jeſu Chriſti eingewickelt/ in der Heiligen Tauffe der Hochgelobten Dreyfaltigkeit gehuldiget vnd ge- ſchworen/ Jſt jhr Namen als einer rechten Hatto- wig, das iſt: Patris refugium (denn alſo lautet die Etymologia jhres Namens in der Alten Deut- ſchen Sprachen) in Gottes jhres Himliſchen Vaters Mal. 3. v. 16.Denckzettel/ Mal. 3. ja in Gottes hand Eſ. 49. einge- Eſ. 49. 17.zeichnet/ zu dem ſie die gantze zeit jhres Chriſtlichen Lebens/ allermeiſt aber jhres ſchweren kreiſtens/ vnd ſeligen Abſchiedes/ einzig vnd alleine jhre zuflucht gehabet: Ja weil ſie auch einen gutten Kampff in vnd vnter dem Bluttfaͤhnlein JEſu Chriſti jhres 2. Tim. 4. 6.Obriſten Creutzherrens gekaͤmpffet/ Jhren Lauff vnd Ambtsberuff ſeliglich vollendet/ gegen Gotte/ Jhrem lieben Ehehertzen vnd Nechſten den Glau- ben vnd guttes Gewiſſen behalten: Ob ſie gleich vn- ter der Heiligen Creutzfahne nach geluͤcklich vber- ſtandenem kreiſten/ vnd erlangetem froͤlichem an- blick jhrer Adelichen Leibesfrucht/ allererſt in der Fuͤnfften Wochen hernach vnverhoffende/ wie zwar ploͤtzlichen jedoch ſeliglich jhr leben laſſen vnd auff- geben muͤſſen: So iſt jhr doch als einer Chriſtlichen 2. Tim. 4. 8.Ringerin vnd vberwinderin/ hinfort beygeleget die Krone der Gerechtigkeit/ welche jhr der HErr an je- nem Tage/ der gerechte Richter/ in der allgemeinen Aufferſtehung der Todten auffſetzen wird/ darinnen ſie viel ſchoͤner vnd heller glaͤntzen vnd leuchten wird/ als jrgends der Großmaͤchtige Monarcha Alexander Alexander Magnus, oder der Koͤnig Herodes/ in jhren Guͤldenen Stuͤcken: Ja ſchoͤner als keine Kaͤy- ſerliche oder Koͤnigliche Braut in jhrer Guͤldenen oder Perlenskronen/ vnd ſolches ohne alles auffhoͤ- ren vnd ende.

Das helffe jhr vnd allen Rechtglaͤubigen Kaͤmpfern/ der Allermaͤchtigſte vnd vnvber- wuͤndlichſte Krieges vnd Sieges Fuͤrſt Jeſus Chriſtus/ durch ſeinen Heiligen Geiſt/ in Gott ſeinem Himliſchen Vater/ die gan- tze Heilige vnd hochgelobte Dreyfal- tigkeit in alle Ewige Ewigkeit/ AMEN.

Emmanueli Summa Laus ſit Perpetuo.