Gleubiger Christen Vierfacher Seelen-schatz: Gutter Wanderstaß/ Köstliches Kleinoth/ Schönes Contrafect/ Alter Majestätßrieff: Aus den Centnerworten Joh. 3. v. 16. JESVS sprach: Also hat Gott die Welt [et]c. Bey Christlicher Sepultur, Deß Weyland Wol Ehrwürdigen/ Achtbarn/ vnd Hochgelarten Herren: Ulrici Cutzschenreuteri

Proæmium. Das walte aller betruͤbten vnnd ge- aͤngſteten Hertzen einiger Troſt vnd Nothhelf- fer (+) Chriſtus Jeſus/ welcher beydes verle-+ Iere 14. v. 8. tzet vnd verbindet/ (*) betruͤbet vnd ſich wider* Iob. 5. v. 18. erbarmet nach ſeiner groſſẽ guͤtte/ (Δ) der wolle ſam̃t ſeinem himliſchen Vater/ auch zu dieſemΔ Thren. 3. v. 32. mahl vns/ vnd allen Leidtragenden vnd mitlei- denden Hertzen/ in dieſem Traur-vnd Gotteß Hauſe gnaͤdiglich beywohnen/ mit dem Troſt ſeinesGoͤttlichen Wortes/ inkrafft deß Hey- ligen Geiſtes! AMEN.

ANdaͤchtige/ Außerwehlete/Exagge- ratto dolo- ris duplicis Vielgeliebte in Chriſto dem HErren/ vnd zweyfels ohne hochbetruͤbte vnd mitley- dende im Hertzen: Wir haben heute a- bermal nach GOttes vnerforſchlichem Wege (a) vnnda) Rom. 11. v. 33. Willen/ bey dieſer Kirchen einen Prieſterlichen Klag- vnd TrauerTag; vnnd man ſihet/ es giebet in dieſer A ijVolckrei- Volckreichen Verſamblung viel jammerige hertzen/ viel betruͤbte gemuͤtter/ viel weinende augen: Dieweil Gott der HErr vns vnd dieſe Stadt/ inſonderheit dieſe Kirche b) Thren 1 v. 12.vnd Gemeinde abermals voll Jammers gemacht hat am tage ſeines grimmigen Zorns/ (b) denn Er hat einmahl vns voll Jammers gemacht/ alß Er vergangenen 3. No- vembris dieſes Jahres/ bey dieſer Kirchen einen groſſen c) 2 Sam. 6. v. 8.Rieß gethan (c) vnd vnſern Seeligen Herren Archi-Di- d) Gotfr. Tileſius.aconum (d) einen Alten vnnd Wolverdienten Prediger vnd Seelen Hirten (e) vnnd wolgeuͤbten Streiter JEſu e) Hebr. 13 v 17.Chriſti (f) durch den Zeitlichen Todt abgefodert hat. (g) Wie jammerig ſahen viel frohme Hertzen damals dieſe f) 2. Tim. 2. v. 3.Cantzel an/ daß auff derſelben ein ſo ſchoͤnes anſehliches Kirchen Licht (h) verloſchen war.

g) A. 1638 d. 3. Nov.Wie jammerig ſahen ſie an das hohe Altar/ neben h) Matt. 5. v. 14.welchem der treue Haußhalter vber Gottes Geheimnuͤſſe (i) niedergeſuncken war.

i) 1. Cor. 4 v 1.Wie jammerig ſahen ſie den Tauffſtein vnd Beicht- ſtuhl an/ dieweil der treue Legat Chriſti (k) hinweg/ vnnd k) 2. Cor. 5. v. 20.nicht mehr verhanden war.

Wer hette aber gemeinet in demſelbigen Trauren/ daß Gott ſo geſchwinde vnd noch denſelbigen Monat die- ſe Stadt vnd Kirche mehr betruͤben/ vnd vns ferner durch ein ſo vngewoͤhnliches Traur Exempel voll Jammers vnnd voll Kummers machen/ einen groͤſſern/ vnnd alſo Zweyfachen Kirchen Rieß thun/ vnd durch den Zeitli- chen Todt auch hinreiſſen vnd hinweg nehmen ſolte/ vn- ſern numehr ſeligen/ den Weyland Ehrwuͤrdigen/ Groß- Achtbaren Achtbaren vnnd Hochgelehrten Herren Ulricum Cutzschenreuterum dieſer Kirchen Wol- verdientenPfarrErn/ deßFuͤrſtlichen Conſiſtorii Prima- rium Aßeßorem, vnd deß Liegnitz-vnnd Wolauiſchen Fuͤrſtenthumbs Vice-Superintendentem, meinen hoch-vnd hertzgeliebten Herren Compatrem vnd Col- legam.

Nu moͤgen wir wol lamentiren vnd klagen: Ita vindemiavit nos DEUS in die iræ furoris ſui: Der HERR hat vns voll Jammers gemacht/ am tage ſeinesl) Thren. 1. v. 12. grimmigen Zorns (l). Es hat der Weinleſer (m) mit ſei- ner Todeßbutten den dreyfachen Weinſtock dieſer Kir-m) Ierem. 6. v. 9 chen vnd Geiſtlichen Weinberges alſo beſchnitten vnd be- leſen/ daß die vornembſten zwo Trauben nun weg vnd da-n) Pfal. 79. v. 8. hin ſein/ vnd wir ſind faſt duͤnne worden (n): Hette Gott nicht nach ſeiner guͤtte abgelaſſen/ vnnd mich dem Tode ohnlaͤngſt aus dem Rachen geriſſen/ ſo hieſſe es anjetzo beyIer. 8. v. 13 dieſer Kirchen wie Gott dreuet/ Jer. 8. Ich wil ſie alſo ableſen/ daß keine Traube am Weinſtocke bleiben ſol. Ach wie ſolten wir denn nicht bey dieſer Kirchen bitterlich weinen! wie ſolten wir nicht lamentiren vnd klagen?

Klaͤglich war es/ als die Zweene Engel Gottes/ die bey dem lieben Loth zu Sodom eingekehret waren/ wieder Abſchied nahmen/ hinweg zogen vnd aus der Stad eyleten/ denn es brachte jhr Außzug groß Vngluͤck mit ſich/ vnd regnete bald darauff Fewr vnnd Schwefel vom Himmel; wie wir leſen Gen. 19. Nun es haben auchGen. 19 v. 24. dieſe vnſere Zweene Prediger vnd Engel Gottes (o) jetzoo) Apoc. 3. v. 1. in kuͤrtzen in kuͤrtzen von vns Abſchied genommen vnnd gutte Nacht gegeben: Ach es iſt zubeſorgen/ wo nicht GOtt ſich der fromen Hertzen erbarmet/ daß auff dieſen ſo vngewoͤhnli- chen hintrit Gottes Zorn vnd Straffen wie Blitz/ Schwe- p) Pſal. 11. v. 6.fel vnd Fewer vber vns regnen vnnd kommen moͤgen/ (p) Wer wil vns denn verdencken daß wir hertzlich betruͤbet ſein?

Klaͤglich war es/ alß Simſon der ſtarcke Heldt die Vornehmbſten Zwey Pfeiler deß Heydniſchen Goͤtzen- hauſes zu Gaſa mit ſeinen Armen faſſete vnd einreiß/ da- von das gantze Hauß vber einen hauffen fiel/ nicht ohne Iudic. 16. v. 29.vieler Tauſend Menſchen ſchaden vnnd deſſelben Landes Wehklagen/ wie zuleſen Judic. 16. Wie ſollen wir deñ q) Galat. 2 v. 9.nicht klagen/ daß der/ der ſtaͤrcker iſt alß Simſon/ die vor- nehmbſten Zwo Seulen vnnd Pfeiler (q) nicht eines Goͤ- tzenhauſes/ ſondern dieſer Kirchen vnd dieſes Chriſtlichen Gotteßhauſes mit der Todeßhand gefaſſet vnnd vmbge- worffen hat? Helffe Gott! daß dieſer Rieß nicht/ wie zu Gaſa/ viel Tauſend Menſchen zu groſſem Hertzenleidt/ vnd nicht dem gantzen Lutheriſchen Kirchenbaw zum Fall vnd Vntergang an dieſem Orthe gereichen moͤge.

Klaͤglich ſtellete ſich gantz Iſrael/ vnnd die Stadt Siloh hub ein groſſes geſchrey an/ alß neben dem Verluſt r) 1. Sam. 2. v, 12.der BundeßLade Zweene Prieſter/ die Soͤhne Eli/ wel- che doch nicht gar koͤſtlich Lob hatten (r) auff einmahl im Kriege vmbkommen vnd geſtorben waren/ wie zuſehen 1. 1. Sam 4. v. 13.Sam. 4. Wie ſolte dieſe Stadt nicht klagen/ die auch auff einmahl auff einmahl in einem Monat Zweene Prieſter/ vnd zwar ſo Lobwuͤrdige Diener Gottes (s) verlohren hat?ſ) 1. Cor. 4 v. 1.

Klaͤglich war es/ da Nebuſar Adan der Heydni- ſche Hauptman die koͤſtlichen Zwo Tempelßſeulen vor der Halle Salomonis zu Jeruſalem abbrach vnd von dan-2. Reg. 25. v. 16. &c. lerem. 52. v. 20. nen wegfuͤhrete/ 2. Reg. 25. welche zuvor Nebucadne- ſar/ der doch Peſtis populi Judaici war/ hatte vnverſchret ſtehen laſſen (t) Meine Seelige beyde Herren Collegen ſind auch geweſen Zwo rechte ſtaꝛcke nuͤtzlicheKirchen Seu-t) Ier. 27. v. 19. len/ (u) Es hat auch die gifftige vnd grimmige Peſtis An-u) Gal. 2. v. 9. no 33. vnd 34/ da mehr als die helffte dieſer Stadt Ein- wohner drauff giengen/ ſie nicht abgebrochen/ auch keinen ſchaden beygefuͤget: Aber Gott ſey es geklaget/ der vn- barmhertzige Nebuſar Adan/ der Tod vnnd Menſchen- wuͤrger hat ſie dißmal bald nacheinander vmbgeworffen vnnd weggenomben!

Wie es Troͤſtlich war/ alß Zweene GotteßMaͤn- ner Moſes vnd Elias auff dem Berge Thabor verhanden waren vnd ſich ſehen lieſſen: Betruͤbt aber war es vnnd Klaͤglich/ alß ſie nicht mehr geſehen worden/ wie gerne auch Petrus vnd die andern Juͤnger mit jhnen laͤnger het- ten converſiren wollen/ wie wir leſen: Matth. 17. AlſoMatt. 17. v. 8. weil auch die Zwo Fackeln dieſer Kirchen/ wie TreucApoc. 11. v. 4. Zeugen GOttes genennet werden/ Apoc. 11. vnverhofft verloſchen ſind: Weil dieſe Zweene KirchenSterne vom Him̃el gefallen (vv) verblichen vnd vergangen ſind:vv) Matt. 24. v. 9. Weil dieſe mit dem Geſetze Gottes durch ſeinen Finger be- ſchriebene x) Exod 32 v. 19.ſchriebene Zwo Taffeln zerbrochen ſind (x) vnd wir alſo dieſe vnſere beyde Seelige GotteßMaͤnner auff dieſem Geiſtlichen Thabor vnd Kirchenberge Leiblich nicht mehr ſehen/ vnd jhres lieblichen Geſpraͤches/ holdſeligen Lehre/ Reden vnnd converſation nicht mehr geniſſen werden: Wer wolte dieſe Chriſtliche Gemeine/ vnnd mich/ der ich alleine vberblieben bin/ verdencken/ wenn wir deßwegen hoͤchlich bekuͤmmert vnd betruͤbet ſind?

Wir leſen/ da der Mann Gottes Moſes mit ſeinem Stabe Zweymahl einen harten Felſen geſchlagen/ da iſt Num. 20. v. 11.aus demſelben Waſſer gefloſſen mildiglich. Num. 20. Es hat auch dieſe Kirche/ nicht Moſes/ ſondern GOtt ſelbſt anjetzo geſchlagen/ Er hat dieſen Geiſtlichen Felſen Zweymahl geſchlagen/ vnnd mit ſeiner Hand geruͤhret/ y) Iob. 19. v. 21.(y) wie Hiob redet. Haͤrter muͤſte dieſe Kirche vnd Ge- meine ſein/ als der Felß in Horeb/ den Moſes geſchlagen z) Ierem. 5. v. 3.hat/ haͤrter muͤſten vnſere Hertzen ſein alß der Demant/ vnd vnſere Angeſichte als ein Felß (z) weñ wir dieſe ſchlaͤ- ge nicht fuͤhlen/ wenn wir nicht heute ſolten Waſſer geben/ das iſt/ wenn vns nicht heute in dieſem luctu die Augen mit thraͤnenwaſſer flieſſen/ oder zum wenigſten das Hertz im Leibe weinen ſolte!

Aber/ nu HErr/ weß ſollen wir vns troͤſten? wir hof- Pſal 39. v. 8.fen auff dich/ ſagen wir billich mit David aus dem 39. Pſ. vnd muͤſſen bedencken: Wie es dem HErren gefallen ſo iſt es geſchehen/ wie die Wort lauten nach der Lateiniſchen Iob. 1. v. 21Verſion beym Hiob cap. 1.

Derohalben weil wir nicht dieſes groſſe Kirchentrau- ren zuver- ren zuvermehren/ ſondern vielmehr durch kraͤfftigen Troſt deß Wortes Gottes es zulindern vnd zumindern/ auch in- ſonderheit zu dieſem mahl deß Seeligen/ aldar fuͤr vnſern Augen eingeſarckten Herren PfarrErs ruͤhmlichen zuge- dencken/ vnd Gottes Wort dabey anzuhoͤren alhier ver- ſamlet ſind/: Vnd demnach mir als dem juͤngſten vnnd geringſten bey dieſer Kirchen vberbleibenden Collegæ/ auff deß Seeligen Herren Superintendentis eigenes verordnen vnd begehren/ durch ſeine hinterbliebene Leidt- tragende Fraw Wittib/ Herren AydamßMaͤnner vnnd Kinder dieſer Leich Sermon angemuttet worden: Alß wollen wir vns demuͤttigen fuͤr der hohen GoͤttlichenMa- jeſtat/ dieſelbte vmb gnade vnd beyſtand deß heyligen Lehr- vnnd TroſtGeiſtes von Hertzen anruffen/ damit es dem HErren vnſerm GOtt zu Lobe/ dem Seeligen Herren Cutſchen Reuter zum gebuͤhrlichen Ehrengedaͤchtnuͤß/ den Anverwandten vñ mit Mutt vnd Blutt Zugethanen Leid- tragenden Hertzen zu Troſt/ vñ denn vns ſaͤmptlichen zur Erbawung vnd Seeliger Nachfolge gereichen moͤge.

Solches zuerlangen wollen wir miteinander von her- tzen beten/ wie vns Chriſtus ſelber gelehret hat:

Vater vnſer ꝛc.

Euer Chriſtliche Liebe/ wolle mit Chriſtlicher Andacht anhoͤren den Schoͤnen Krafft-vnd MachtSpruch deß HErren Chriſti/ weichen vnſer Seeliger Herr Superintendens jhme fuͤr langen Jahren hero zum Leichen Themate erkoh- ren hat/ vnd beſchrieben iſt vom H. Evangeliſten:

BTextus: Gleubiger Chriſten

TEXTUS: Johann. Ʒ. ꝟ. 16. SESVS ſprach zu Ni- codemo: Alſo hat GOTT die Welt geliebet/ daß Er ſeinen Eingebohrnen Sohn gab/ auff daß alle/ die an Ihn gleuben/ nicht verlohren wer- den/ ſondern das Ewige Le- ben haben.

So viel ſind der Worte vnſers Leichen Textes.

Votum!

Beliebte in dem HErren Chriſto/ Gleich wie der Teure vnnd Werthe GotteßMann Herr Lutherus dieſe jetzt verleſeneWorte ſein Cordiale vnd Hertzſterckung hat zunennen pflegen/ da- mit er ſich auch an ſeinem letzten Ende gelabet vnnd getroͤ- ſtet/ Seelen-Schatz. ſtet/ (a) denn er hat dieſen Spruch fuͤr den beſten vnnda) Matthe- ſius in Vita Luth. ſchoͤnſten in der Bibel gehalten/ vnd geſaget/ dieſe Worte ſind eytel Centner Worte/ die das Gewichte halten. (b) Alſo hat vnſer Secliger Herr Ulricus Cutzsch-b) Poſtill. domeſt. Iẽ. conc. 1. ſu- per h. l. reuterus, deme durch erfindung eines gutten Freun- des (c) ſein Nahme in Anagrammate Zeugnuͤß giebet/ daß er geweſen Currus & Succus Lutheri, auch an die-c) Theoph. Feige Mi- niſter Ma- rianus. ſem Spruche fuͤr andern ſeine ſonderbare Luſt gehabt/ vnd jhn nicht allein in LeichenPredigten/ ſondern Jaͤhrlichen in den heyligen PfingſtFeyertagen jederzeit gantz fleißig vnd mit ſonderbahrer begierde vnd Hertzenßfreude gehan- delt/ vnnd wie einßmals ſeine eigene Worte auff dieſer Cantzel gelautet haben/ alle ſeineKraͤfften daran geſtrecket/ hat ſich auch ſo wunderlich gefuͤget/ daß er/ wiewol in groſſer Leibeßſchwachheit/ vnd alß er das letzte mahl auff dieſer Cantzel geweſen/ gleichſamb zu gutter letzte bey ei- ner Adelichen Leichen-Abfuhr (d) dieſen Spruch gantzd) Dn. Heinr. à Schvveintz in Peters- dorff. troͤſtlichen erklaͤret/ vnd jhme alſo ſelber ſeine Valet vnd LeichenPredigt daraus gethan hat.

Zuwuͤndtſchen were/ daß ſolche ſeine Meditationes vielen fromen Hertzen zu Troſt ſolten colligiret vnd zum Drucke befoͤdert werden. Denn er hat dieſen Text/ ſo viel nur ich etliche Jahr dahero von jhme gehoͤret/ auff mancherley anmuttige modos zu variren vnd zuhandeln wiſſen/ daß ichs nicht vbergehen kan/ ich muß es Andaͤch- tigen Zuhoͤrern vnnd KirchKindern zur erjnnerung re- petiren.

Verglichen hat er dieſen Text mit dem Irrdiſchen B ijParadiß/ Gleubiger Chriſten Paradiß/ vnd deſſen vornembſte Stuͤcke mit den Haupt- Gen. 2. v. 8.ſtuͤcken dieſes Spruches/ vnd diß allerſchoͤnſte Evangeli- um mit demſelben ſchoͤneſten Garten compariret.

Verglichen hat er zur andern Zeit aus S. Auguſtino dieſen Spruch mit einer Dreyfachen Guͤldenen Keten/ daran diß Kleinoth hanget: Nicht verlohren werden/ ſon- dern das Ewige Leben haben.

Verglichen hat er jhn zur Zeit der Peſt einem Bie- ſemknopffe/ der da dienet wider Dreyerley SeelenGifft/ alß: deß Zorns Gottes/ der Suͤnde/ vnd deß ewigen To des oder Verdamnuͤſſes.

Verglichen hat er jhn aus dem Prediger Salomo- Ecel. 4. v. 12.nis mit einer Dreyfachen Schnur/ die nicht leichte zureiſ- ſet/ als welche in dieſem Spruche von GOtt dem Vater/ Sohne vnnd Heyligem Geiſte ſelber zuſammen gefloch- ten worden.

Verglichen hat er jhn zur andern Zeit einem anmut- tigen Trifolio vnd Kleeblaͤtlein/ mit Dreyen hertzerqui- ckenden Troſtblaͤttern aus dieſem Text.

Verglichen hat er jhn einem Dreyfachen Guͤldenen Pſal. 16. v. 1.Kleinoth/ aus der Vberſchrifft deß 16. Pſalms/ vnd ge- lehret/ wie man ſolches als ein Geiſtliches Guͤlden Fluͤß an Halß hencken/ vnd damit ſich ſchmuͤcken ſolle.

Ex. 28. v. 15.Verglichen hat er jhn dem Amptſchildlein Aaraonis mit ſeinen Edelgeſteinen.

Verglichen hat er jhn dem Weinſtocke/ ſo Pharao- nis Ertzſchencke im Traum geſehen/ daran Drey Trau- ben hiengen/ vnnd hat dar zu gezogen die Eygenſchaffteu des Wein- Seelen-Schatz. deß Weinſtockes vnd die Worte der Braut Chriſti Cant. 2. Er fuͤhret mich in den Weinkeller/ vnnd die Liebe iſtCant. 2. v. 4. ſein Panir vber mir.

Verglichen hat er jhn diß vergangene Jahr mit den lieblichen Tautroͤpflin vnnd jhrer Eygenſchafften/ da er deß Taues Suͤßigkeit/ Liebligkeit/ Erkuͤhlung vnd Leben- digmachung auff dieſen Spruch gezogen.

Verglichen hat er jhn mit dem lieblichen/ ſanfften/ ſtillen Sauſen/ darinnen Gott ſich Eliæ offenbahrete 1.1. Reg. 19. v 11. 12. Reg. 19. Vnd hielt die Neuen Pfingſten entgegen den Pfingſten Altes Teſtaments/ da Gott fuͤr ſich ließ herge- hen Wind/ Erdbeben vnd Feuer: Nemblich/ entgegen hielt er dem ſtarcken Winde in jenen Pfingſten Eteſias divinæ dilectionis aus dieſem Evangelio: dem Erdbe- ben Favonium divinæ Redemtionis; vnd dem Feuer der Alten Pfingſten Zephyrum æternæ ſalvationis: nicht verlohren werden.

Er hat dieſen Spruch zum vberfluß accommodi- ret auff die proverbiales formulas/ wenn man etwas Loa) Iudic. 14. v. 18. ben wil/ daß man ſaget: Es ſey ſuͤſſer als Honig! (a) hel- ler als die Sonne/ (b) koͤſtlicher als Goldt/ (c) lieber dennb) Sir. 17. v. 30. das Leben/ (d) diß hat er appliciret auff das ſuͤſſe Honig der Liebe Gottes/ auff die helle Sonne Chriſtum/ der derc) Pſal. 19. v. 11. Welt gegeben worden/ auff das koͤſtliche Gold deß Glau- bens/ vnd auff das Ewige Leben: Welche Vier Stuͤcked) Iob. 2. v. 4. ordentlich in dieſem Text zufinden ſind.

Er hat auch einmahlen gruͤndlich aus dieſem Text ge- handelt die Lehre de Juſtificatione vnnd von der Recht- B iijfertigung. Gleubiger Chriſten. fertigung. Derogleichen vnd andere anmuttige erbau- liche Predigten werden in vorigen Jahren noch vielmehr von jhm ſein gehalten worden:

Es koͤnnen aber aus angefuͤhrter kurtzen entwerffung andaͤchtige Zuhoͤrer nicht allein ſehen/ was diß fuͤr ein fuͤr- trefflicher Geiſtreicher Spruch ſey/ vnnd wie lieb er dem * Luciani Adagium.Seeligen Herren Paſtori habe ſein muͤſſen; Sondern beynebẽ koͤnnen auch die Gelehrten Ex Ungve Leonem* vnd aus dieſen diſpoſitionibus unius Textus erkennen/ was fuͤr ein Hochbegabter Fuͤrtrefflicher Mann/ vnnd Schrifftmaͤchtiger fleißiger Prediger vnſer Herr Cut- ſchenReuter geweſen ſey.

Damit nun jhme aber ſein Letzter Wille auch voln- bracht/ vnd dieſer Spruch/ daran er ſich in ſeinem Ampte vnd LebenßWandelofft erquicket/ vnd gleichſamb daran endlich zu Tode geprediget hat/ auch zu dieſem mahl kuͤrtz- lich vnd einfaltig/ vnnd/ ſo viel aus den Worten dieſes Textes/ welcher nicht propriè vnd eigentlich von Predi- gern handelt/ zuerzwingen/ vornemblich alſo moͤge abge- handelt werden/ daß gleichwol das gebuͤhrliche Encomi- um vnd die application auffden Seeligen Herren Su- perintendenten/ ſo viel moͤglich/ koͤnne gemacht vnd ge- zogen werden: So wollen wir aus dieſem Text zube- trachten fuͤr vns nehmen:

Propo- ſitio.Quatuor precioſa:

das iſt:

Einen Seelen-Schatz.

Einen Vierfachen Werthen vnnd Koͤſtlichen SeelenSchatz/ welchen alle fro- me Chriſten vber aller Welt Schaͤtze im Leben vnd Sterben hoch vnd werth halten ſollen:

Vnd wie ſich ſolcher Bericht auff vnſern Seeli- gen Herren PfarrErn wird accommodi- ren laſſen. Votum!

Tractatio.

Andaͤchtige geliebte in dem HErren Chriſto: Das Himmelreich iſt gleich einem verborgenen Schatz im Acker/ welchen ein Menſch fand vnnd verbarg jhn/ vnd gieng hin/ vnd verkauffte alles was er hatte vnd kauffte denſelbigen Acker/ ſaget vnſer HERR ChriſtusMatt. 13. v. 44. Matth. 13. Ein ſolcher Schatz iſt auch verborgen in dem Geiſtlichen Acker deß abgeleſenen TroſtSpruͤchleins/ Nicht aber ein Irrdiſcher Schatz/ welchen die MottenMatt. 6. v. 20. vnd Roſt freſſen/ vnd da die Diebe nachgraben vnd ſtelen: Matth. 6. ſondern ein Schatz/ der nimmer abnimbt imLuc. 12. v. 33. Himmel/ da kein Dieb zukombt/ vnnd den keine Motten freſſen/ Luc. 12.

Dieſen Schatz wollen wir nun zu dieſem mahl auß dieſem Acker auff- vnd außgraben/ fleißig ſuchen vnd beſchauen/ darnach in vnſern hertzen mitte zuhauſe nehmen: Vnd Gleubiger Chriſten

I.Vnd zwar das Erſte Stuͤcke deß werthen Seelen- Schatzes/ das wir in vnſerm Text finden vñ antreffen/ iſt:

I. Ein Geiſtlicher Wanderſtab.

Dieſen zeiget vns der Evangeliſt St. Johannes/ wenn er berichtet: Jeſus ſprach zu Nicodemo. Da werden wir mit dem Woͤrtlein Sprach erjnnert deß E- dlen Schatzes deß Wortes Gottes/ welches nichts an- ders iſt/ als vnſer Wanderſtab inn dieſem Pilgramß- Pſal. 23. v. 4.thal: Denn es iſt der Stecken vnd Stab der vns troͤſtet/ Pſal. 23. Chriſti Hirtenſtab/ Mich. 7. der Stab ſei- Mich. 7. v. 14.nes Mundes/ Eſai. 11. der Stab Weh vnnd Sanffte/ Zach. 11. Darumb wie einem WanderßManne ein Eſa. 11. v. 4.Stab auffder Reyſe ſehr noth vnd nuͤtzlich iſt: Alſo weil wir auch Viatores vnnd Geiſtliche Wanderßleuthe ſein/ Zach. 11 v. 7.koͤnnen wir dieſes Geiſtlichen Stabes nimmer entrathen.

Es kan aber Gottes Wort mit einem Wanderſtabe gar fuͤglich verglichen werden:

1. Ratione præparationis, wegen deß Vrſprungs vnd Zubereitens. Ein Wanderſtab wird von einem gruͤ- nen Baume/ von einem ſtarcken/ geraden/ vnnd feſten Holtze genom̃en: Alſo muß man den Geiſtlichen Wan- derſtab nehmen/ nicht von Engeln oder Menſchen/ oder andern Creaturen/ ſondern von dem gruͤnen Holtze deß a) Luc. 23. v. 31.Lebens Chriſto (a) wie der Text ſaget: JEſus ſprach zu Nicodemo: JEſus muß es geſprochen haben/ GOtt muß es geſaget haben/ wenn es ſol ein gutter vnnd rechter Stab ſein/ daran man ſich ſicherlich kan ſtoͤhnen vnd leh- nen. Men- Wanderſtab. nen. Menſchen Worte vnd Menſchen Satzungen ſind ein krum̃er vnd ſchwacher Stab/ ein Zerbrechlicher Rohr- ſtab/ welcher zubricht/ wenn man ſich drauff lehnet/ vnndEſa. 36. v. 6. &c. drauff fuſſet. Eſa. 36. Aber Gottes vnd Chriſti Wort iſt ein rechter Wanderſtab: Denn es iſt ein Gerader2 Reg. 18. v. 21. Stab/ ein gerades Scepter/ Pſal. 45. es iſt ein Wa- ckerer Stab/ Jerem. 1. es iſt ein Feſter Stab/ dennPſal. 45. v. 7. es iſt ein feſtes Prophetiſches Wort/ 2. Pet. 1. Es iſt einIere. 1. v. 11 Starcker Stab/ denn es helt vnd wird halten vnd nicht2. Pet. 1. v. 19. zubrechen/ ob Himmel vnd Erden gleich vergehen vnd zer- brechen Matth. 24. es iſt ein Reiner Stab/ denn Got-Matt. 24. v. 35. tes Wort iſt Rein vnd Lauter/ vnnd die Rechte deß HEr- ren ſind Warhafftig/ alleſampt Gerecht. Pſal. 19. EsPſal 19 v. 10. iſt auch nicht ein ſchwerer/ ſondern gar ein LeichterStab/ denn ſeine Geboth ſind nicht ſchwer/ 1. Joh. 5. da dar-1. Ioh. 5. v. 3. gegen Menſchen Satzungen ſchwere vntraͤgliche Buͤrden ſind/ Matth 23. Wer wolte nun nach einem ſolchenMatt. 23. v. 4. Schatze nicht fleißig graben?

Es kan Gottes Wort auch einem Stabe verglichen werden:

2. Ratione ſuſtentationis: Wegen deß Anhal- tens. Ein Pilgrim helt ſich feſte an ſeinenWanderſtab/ ſonderlich wenn es Windig/ Kothig/ Saͤndig/ vnd Stei- nicht/ oder ſonſt glatt/ vnd gefaͤhrlich iſt/ bevorauß wenn er ſchwer zutragen hat. Alſo iſt es in der Welt offte ſehr Windig/ wenn der Wind Falſcher Lehre vnd Verfolgung vns ſtarck entgegen gehet/ es iſt ſehr Kothig/ wegen der Cgroſſen Gleubiger Chriſten groſſen Suͤnden/ es iſt Sandig vnnd Steinicht/ wegen der Ergernuͤſſen/ die vns am Wege liegen/ es iſt Dor- b) Luc. 8. v. 7.nicht vnd Stachlicht/ wegen der Zeitlichen Sorgen/ (b) Es iſt glatt/ ſchluͤpffrig vnd gefaͤhrlich/ wegen der boͤſen Welt Argliſtigkeit/ vnnd vnſers Fleiſches Schwachheit: So haben wir darzu ſchwere Laſt zutragen auff vnſerer Pilgramſchafft. Wir tragen alleſampt auff dem Halſe: Pſal. 38. v. 5.die groſſe SuͤndenLaſt: Pſal. 38. Wir fuͤhlen auch Iob. 31. v. 23.GOttes ZornLaſt/ Job. 31. Vns druͤcket ſehr die Pſal. 66. v. 11.Manchfaltige CreutzLaſt: Pſal. 66. vnd Matth. 11. vornemblichen die ſchwere AmbtßLaſt/ Deut. 1. iſt Matt. 11. v. 30.auch nicht leichte/ dazu kombt heute zu Tage die langwie- rige KriegeßLaſt vnd Contributions Laſt/ 1. Macc. Devt. 1. v. 12.13. Dieſe Laſten druͤcken vns ſo ſehr/ daß wir krumb vnd ſehr gebuͤcket gehen muͤſſen/ wie David klaget Pſal. 38. 1. Macc. 13 v 35. & 37.Wer aber fortkommen wil/ muß ſich an den Stab deß Pſ. 38. v. 7.Wortes Gottes halten/ ſo iſt jhm gerathen vnnd geholf- fen Zeitlich vnd Ewiglich.

Es kan Gottes Wort ferner auch einem Stabe ver- glichen werden:

3. Ratione Reſuſcitationis wegen deß Auffhelf- fens: Denn vermittelß eines Stabes kan man ſich wider Rom. 13. v. 11.auffrichten/ wenn man einen Fall gethan hette: Alſo rich/ ten ſich an Gottes Wort die Suͤnder auff: Rom. 13. An Pſal. 145. v. 14.dem Stabe Gottes Wortes richten ſich die Creutztraͤ- ger auff/ vnd die Niedergeſchlagenen Pſal. 145. Es rich- ten ſich daran auch die Todten auff. Denn dieſer Stab iſt kraͤffti- Wanderſtab. iſt kraͤfftiger alß der Stab Eliæ/ von welchem der verſtor- bene Knabe der Sunamitin nicht auffwachen wolte 2.2, Reg. 4. v. 31. Reg. 4. Aber Gottes Wort macht die Todten Leben dig/ (c) denn es iſt das Wort deß Lebens/ (d) vnnd werc) Ezech. 37. v. 5. ſolch Wort wird halten/ der wird den Todt nicht ſehen Ewiglich (e)d) Ioh. 6. v. 63 & Phil. 2. v. 16.

Es kan ingleichen einem Stabe verglichen werden:

4. Ratione defenſionis/ wegen deß Beſchuͤtzens:e) Ioh 8. v. 51. Man kan mit einem gutten Stabe ſich auff der Reyſe zur Wehre ſtellen. Alſo iſt Gottes Wort die beſte Schutz.Eph. 6. v. 17. Wehre eines Chriſt Ritters/ wie Paulus bezeuget Eph 6.

Was fuͤr Helden Thaten Moſes mit ſeinem Stabe verrichtet habe/ bezeuget die heylige Schrifft: GOttes Wort iſt der rechte Wunderthaͤtige Moſis Stab/ damit kan man einen Paß machen durchs Rothe Angſt-f) Zach. 10. v. 11. Meer (f) vnnd dargegen dem hoͤlliſchen Pharaoni den Paß verlegen/ wie gebildet Exod. 14.Ex. 14. v. 16.

Ja dieſer Stab ſchlaͤget die harten Felſen daß ſie Waſſer geben/ wie zuſehen im Vorbilde Num. 20.Num. 20. v. 11.

Es iſt GOttes Wort der rechte Aarons Stab/ der verſchlinget die nichtigen Zauberſtaͤbe aller Ketzerey- en/ wie gebildet Exodi 7.Ex. 7. v. 13

Es iſt der rechte Davids-Stab/ damit man dem hoͤlliſchen Goliath/ dem trotzigen Hellenhunde getroſt mag vnter augen gehen/ nach der Bedeutung: 1. Sam. 17.1. Sam. 17. v. 40. & 43.

Es kan endlich GOttes Wort einem Stabe vergli- chen werden:

5. Ratione Emigrationis/ wegen deß Außwan- C ijderns: Gleubiger Chriſten derns: Da Iſrael aus Ægypten zog/ aus dem Eyſernen g) Devt. 4 v. 20.Ofen/ (g) vnd ſolten ins Gelobte Land Canaan wandern/ hatten ſie Staͤbe in jhren Haͤnden/ Exodi 12. Alſo wenn Ex. 12. v. 11.wir ans dem Aegypten dieſer Welt/ aus dem Ofen deß E- lendes/ (h) gluͤcklich außwandern/ vnnd ins rechte himli- h) Eſa. 48. v. 10.ſche Canaan/ ins rechte Gelobte Land deß Ewigen Lebens kommen wollen/ muͤſſenwir auch dieſen Stab deß Wor- tes Gottes/ zum wenigſten dieſes vnſer Leich Spruͤchlein beyhanden haben.

Jacob hatte nur einen bloſſen Stab/ da er vber den Gen. 32. v. 10.Jordan gieng ins Land Canaan/ Gen. 32. ward aber reichlich geſegnet; Gottes Wort/ vnnd in ſpecie dieſer vnſer Haupt Spruch der heyligen Bibel/ iſt der rechte Jacobs-Stab/ werden Stabergreiffet/ wenn er vber den Jordan des Todes wandern ſol/ der wird wol fort- kommen/ vnnd deß Segens mit den geſegneten Kindern i) Matt. 25 v. 34.Gottes (i) theylhafftig werden in dem himliſchen Canaan.

Derowegen/ liebe Chriſten/ ergreiffet auch dieſen Geiſtlichen Wanderſtab/ fuͤhret jhn allezeit mit euch auff dieſer Pilgrimſchafft/ verlaſſet euch nicht auff krumme/ Wurmſtichige/ vnd ſchwache Staͤbe Falſcher Lehre/ vnd meinungen/ ſondern bleibet bey dieſem geraden/ gutten/ vnd feſten Stabe deß Wortes Gottes. Aber dieſes in Generalibus zu appliciren/ wil anjetzo die Zeit nicht leyden.

Applicatio ad deſun- ctumSuper int.In Specie aber/ vnd alſo hat dieſen Geiſtlichen vnnd herrlichen Wanderſtab wol vnd ruͤhmlich gefuͤhret vnſer Seeliger Herr Cutſchen Reuter/ beydes

a) In Wanderſtab. a) In ſeinem Ampte/ vnd auch b) In ſeinem Chriſtenthumb.

Ja er iſt fuͤr ſeine Perſon auch ſelbſten ein rechter

c) Stecken vnd Stab geweſen: In ſeinem Ambte hat er treulich vnd ruͤhmlich gefuͤhretA.) den Vertraueten HirtenStab.

Hat als ein Treuer Hirte vnnd Lehrer ſeine Vertrauete Schaͤfflein/ vnnd die Heerde ſo jhm befohlen geweſen/ Treulich geweidet mit dem Reinen Wort Gottes/ nach der Vermahnung/ 1. Pet. 5. Er hat mit ſolchem Fleiß1. Pet. 5. v, 2. in Gottes Wort Tag vnd Nacht geleſen/ ſtudiret vnnd meditiret/ daß er in ſeinen Predigten mit Luſt zuhoͤren geweſen/ auch Gottliebende Hertzen ſich auff dieſelben hoͤchlich gefrewet haben/ als der da recht vnnd lieblich zu theylen wiſſen das Wort der Warheit (k)

k) 2. Tim. 2. v. 15. Denn da hat er fuͤglich zubrauchen wiſſen den Geiſt- lichen Harten Moſis-Stab vnd den Stab Wehe/ in deme er die Irrthuͤmber hat koͤnnen gruͤndlich vnd beſchei- dentlich wiederlegen/ vnd die Wiederſprecher ſtraffen (l)l) Tit. 1. v. 9. Er hat wider die einreiſſenden Laſter/ Suͤnden/ vnd Er- gernuͤſſen mit gꝛoſſer/ vonGott jhme verlichenẽ autoritetm) 2. Tim. 4. v. 2. pflegen alſo zueyfern/ ſtraffen/ dreuen/ vnd ermahnen/ (m) mit aller Geduldt vnd Lehre/ daß bey ſeinem Leben gewiß eine gebuͤhrliche Schew jederman hat haben muͤſſen: Sonderlich iſt andaͤchtigen Zuhoͤrern nicht vnwiſſende!Georg. Ru- dolph. Dux Stles Lig. Breg. & was er in denen von Ihrer Fuͤrſtl. Gn. vnſerm Gnaͤdigen LandeßFuͤrſten vnnd Herren verordneten Monathlichen C iijBeth vnd Gleubiger Chriſten. Goldb. Dn in Parch- vvitz.Beth-vnd BußTagen fuͤr fleiß/ muͤhe/ vnd ſchoͤne Ge- dancken aus der Heyligen Schrifft/ die Zuhoͤrer zu wah- rer Buſſe/ vnd meiſten theyles zu heiſſen Thraͤnen zubewe- gen/ herfuͤr geſuchet/ vnd auff ſolche BußTage ſo viel ge- halten/ daß er offte geſaget/ wenn ein neuer Kummer ob- handen war: Wenn ſichs nur verzuͤge/ biß zum BußFeſt/ ſo glaͤubete er gewiß/ nachmals wuͤrde es nicht Noth ha- ben/ welches auch offters augenſcheinlich erfolget. Was nun alßdenn offte inn befuͤrchtendem Vngluͤck oder ob- ſchwebenden Drangſalen fuͤr hertzbrechende Worte vnnd Vermahnungen erfolget ſeindt/ dazu iſt meine Zunge zu ſchwer/ vnd die Zeit zu enge/ daß ichs heute nur ein wenig herauß ſtreichen moͤchte: Fromen Zuhoͤrern wird es ge- wiß noch vnentfallen ſein.

Er hat fuͤglich auch zu brauchen wiſſen inn ſeinem Ambte den Troͤſtlichen Gelinden Davids-Stab/ n) Zach. 11. v. 7.den Stab Sanffte (n) Ach was fuͤr ſchoͤnen Troſt hat der Seelige Mann zu Tauſendmahlen/ in dieſen Betruͤbten Krieges-Peſt-Verfolgungs-vnd Contributions-Noͤ- then zubrauchen/ vnd freundlich mit dieſem bedrengten Je- o) Eſa. 40 v. 1.ruſalem zu reden wiſſen. (o)

Er iſt dieſer Stadt geweſen ein Rechter Noah/ der p) Gen. 5. v 29.Vns getroͤſtet hat in vnſer Muͤhe vnd Arbeit auff Erden/ (p) Gott helffe/ nach dem Er in ſeinen Kaſten nun gegan- q) Gen. 7. v. 13.gen iſt/ daß nicht groß Vngluͤcke drauff erfolge! (q)

Er iſt geweſen ein rechter Aaron/ vnd Daniel/ der mit ſeinem gebet vnd Predigten fuͤr manchen Rieß geſtan- r) Ezech. 22. v. 30.den/ (r) vnd gewiß/ wie Herr Lutherus von Deutſchland/ alß Er Wanderſtab. alſo Er manch Vngluͤck neben andern frohmen Hertzen von dieſer Stadt weggebetet vnd weggeprediget hat. Darneben hat Er auch loͤblich vnd trewlich gefuͤhret: Den vertraweten Superindentz- vnd Biſchoffs-Stab.

Vnd nach deme Ihre Frl: Gnaden vnſer Gnaͤdiger LandesFuͤrſt/ die Adminiſtration der Superintendentz vnd die Auffſicht auff die Kirchen/ dieſes loͤblichen Ligni- tziſchen vnd Wohlawiſchẽ Fuͤrſtenthumbs/ vnd deß Fuͤrſt- lichen Conſiſtorii Verwaltung jhme ordentlich auffge- tragen/ vnd Gnaͤdig anvertrauet/ hat Er abermals kei- nen fleis oder muͤhe ſparen wollen/ ſondern ſo viel an jhme geweſen treulich gewachet/ (ſ) vber die Seelen/ vnd da-ſ] Ebre. 13. v. 17. hin gearbeitet/ wie in dieſem loͤblichen Fuͤrſtenthumb/ laut jhme ertheileter Fuͤrſtlicher inſtruction vnd verord- nung/ die reine vnverfaͤlſchte Lutheriſche lehre fortge- pflantzt vnd erhalten/ Friede vnd Einigkeit vnter der Prie- ſterſchafft geſtifftet/ vnd ſie darneben in den ſchrancken ei- nes Ehrbaren Wandels zur Vorbilbe den gleubigen imt) 1. Tim 4 v. 12. Wort (t) zur Vorbilde dergantzen Heerde (u) moͤgen er- funden werden. Ferner

u) 1. Pet. 5. v. 2. In ſeinem Chriſtenthumb vnd Lebenswandel/ hat Er auch alß ein Geiſtlicher Pilgrim den WanderſtabB.) Goͤttliches Worts jhme lieb ſein laſſen. Er hat dieſen Stab hochgeachtet vnd nicht verachtet/ hat ſeine luſt ge- habt im Hauſe GOttes Die Predigten ſeiner Herren Collegarum/ auch die Fruͤh-vnd Abend-Bettſtunden gar nicht verſeumet/ ſonſten auch ſeine Zeit mit nichts anders Gleubiger Chriſten anders zubracht/ alß mit leſen/ ſtudieren/ vnd Mediti- ren/ vnd hat alſo dieſen Geiſtlichen Stab jmmer in haͤn- den gefuͤhret: An dieſen Stab hat Er vnter der manch- vv) Pſ. 23. v. 4.faltigen vnd ſchweren Ambts-Laſt/ ſich geſtoͤnet vnd gelehnet/ in der Creutz-Laſt damit getroͤſtet (vv) vnter der Straff-vnd Suͤndenlaſt an demſelben in Buß vnd Glauben auffgerichtet/ wie er denn der Beichte vñ Commu- nion ſambt den ſeinigen ſich gar offters gebrauchet/ auch hat Er endlich vnter der Schmertzens-vnnd Todes- Laſt ſich biß an ſein Seeliges Ende an dieſen Wander- ſtab feſte gehalten/ derowegen Er auch numehr hindurch kommen/ vnd ſeine Pilgrimſchafft Seelig geendet hat.

C.Vber diß moͤgen wir auch von vnſerm Seeligen Her- ren Superintendenten wol ſagen/ daß er auch fuͤr ſeine Perſon geweſen/ Vnſer Stecken vnd Stab/ wie man nach Art der Deutſchen Sprache Vornehme Ambts Perſonen/ zu Tituliren pfleget:

Geweſen iſt Er vnſer Kirchenſtab/ der rechte Stab Ex. 4. v. 20. & 17. v. 9.GOttes Exod. 4. vnd 17. damit GOtt bißanhero dieſe gemeine auß vnd eingefuͤhret/ wie ein Hirte ſeine Schafe. Ioh. 10. v. 9.Joh. 10. vnd ſie geweidet Mich. 7.

Dieſer Stab hat vns bißhero geprediget/ wie die Mich. 7. v. 14.Schrifft redet Hoſe. 4. da GOtt ſaget: ſie laſſen jhnen Ihren Stab Predigen:

Hoſe 4. v. 12.

Dieſer Stab hat vns die Schoͤne vnd Edele Wein- traube den HErren Chriſtum offt gezeiget vnd fuͤrgetra- Num. 13. v. 24.gen/ wie gebildet Numer. 13. an dem ſtecken mit der ſchoͤ- nen Weintraube.

Dieſer Wanderſtab.

Dieſer Stab hat die Suͤnder auff dem Tenne GOt-Eſa. 28. v. 27. tes wie Wicken gedroſchen/ vnd geſchlagen wie den Kuͤm- mel/ Eſa. 28.

Dieſer Stecken vnd Stab hat vns auch getroͤſtet/ wiePſal. 23. v. 4. David redet/ Pſal. 23. Vnd vnſer bitteres Creutz-Ma- ra durchſuͤſſet. Ex. 15.Ex. 15. v. 25.

Dieſer Stab hat auff dieſer Cantzel viel ſuͤſſe Man- deln getragen/ wie Aarons Stab/ Num. 17.Num. 17. v. 8.

Von dieſem Stabe hat manche Gnadenhungrige Seele ſuͤſſes Honig gelecket davon jhm die Augen wacker worden/ wie gebildet an Jonathan 1. Sam. 14.1. Sam. 14. v. 27.

Von dieſem Stabe hat manch durſtiges Jacobs- Schaͤfflein Troſtwaſſer getruncken vnd ſich gelabet/ wieGen. 30. v. 37. zuſehen Gen. 30.

Ja dieſer Stab hat manch eiſernes/ vnd im Suͤnden- Jordan verſunckenes WeltKind auß dem tieffen Suͤnden- ſchlamme herauß gezogen vnd errettet/ daß es nicht iſt ver- lohren worden/ wie diß Geheimnuͤß zu leſen 2. Reg. 6.2. Reg. 6. v. 6.

Darumb iſt er freylich geweſen ein Gutter Kirchen- Stab:

Denn geweſen iſt er in warheit ein wackerer Stab:Ier. 1. v. 11. Jerem. 1. der in ſeinem Ambte allezeit wach vnd wacker geweſen/ alß ein trewer Waͤchter/ (x). Er iſt geweſenx) Ezech. 33. v. 7. ein feſter Stab/ hat vber dem feſten Prophetiſchen Wor- te feſt vnd ſteiff gehalten biß ans Ende/ vnnd jhm nieman- den ſeine Crohne nehmen laſſen/ (y). Er iſt geweſen einy) Apoc. 3. v. 11. gerader Stab/ der gerade zugegangen in ſeiner Lehre/ vnd gerade geſtanden in einem vntadelichen Leben vnnd Dauffrichti- Gleubiger Chriſten Mal. 2 v. 6 z) Deut. 1. v. 12.auffrichtigem Wandel/ wie von Prieſtern erfodert wird: z) Deut. 1. v. 12.Malach. 2. Er iſt geweſen ein ſtarcker Stab/ welcher die ſchwere vnd ſtarcke laſt ſeines hohen Ambtes ſtatlich ge- tragen vnd ertragen hat/ (z). Er iſt geweſen ein Rei- ner Stab/ deſſen Lehre vnnd Leben reine geweſen/ daß wol niemand/ weiß ich gewieß/ an jhme ſich wird beſudelt/ oder per ſcandalum datum geergert haben.

Geweſen iſt auch vnſer ſeeliger Herr Cutſchen Reuter der lieben Seinigen Hauß-Stab: davon zu ſagen die Zeit zuenge werden wil. Ingleichen iſt er geweſen deß gantzen Ehrwuͤrdigen Presbyterii dieſes loͤblichen Fuͤr- ſtenthumbs/ ſeiner Herren Collegen/ ſeiner lieben Eh- frawen/ Kinder/ vnd KirchKinder/ vnnd vieler gutten Freunde Noth vnd Troſt-Stab. Wolte GOtt/ daß er noch lange Zeit vieler Stecken vnd Stab hette ſein vnd bleiben ſollen!

Vnd ſo viel vom Erſten.

Das Andere Precioſum das wir in dem Geiſtli- chen Acker deß heutigen Leichen-Spruͤchleins finden/ vnd zu einem rechten SeelenSchatz gehoͤret/ iſt:

II. II. Ein Geiſtlich Guͤldenes Kleinoth.

Davon der HErre Chriſtus im Text ſaget: Alſo hat GOtt die Welt geliebet. Hier redet Er von ei- ner onderbaren Liebe/ alß von einem Geiſtlichen Guͤlde- nen Kleinoth. Darbey/ daß wirs nur kurtz beruͤhren/ ſind 4. Stuͤcke in acht zunehmen: Erſtlichen redet der HErꝛ Chriſtus Guͤldenes Kleinoth. Chriſtus de opere ipſo, Es ſey geliebet worden/ 2. De Subjecto/ wer geliebt habe/ nemblich GOtt. 3. de mo- do/ wie die Liebe beſchaffen geweſen ſey/ daß zeiget er an mit dem Woͤrtlein: Alſo. 4. de objecto/ wer ſey gelie- bet worden/ nemlich: Die Welt. Davon zur andern Zeit weitleufftiger. Dieſe vier Membra vnnd Worte aber lehren vns/ was diß fuͤr eine Liebe/ was es fuͤr ein her- lich Kleinoth ſey:

Das Wort Lieben/ lehret vns in dieſem Text/ daß die Liebe GOttesſey I. Eine rechte Hertzens-Liebe. Denn die Wahre Liebe koͤmbt her auß einem geneigten Guͤnſtigen Hertzen/ darauß tritt ſie in die Augen/ zeiget ſich durch freundliche Geberde/ leſt ſich hoͤren in Holdſe- ligen Worten/ vnd erweiſet ſich durch angenehme Wer- cke: Darumb iſt Wahre Liebe Hertzens-Liebe/ die auß dem Hertzen quillet/ eine ſolche Liebe iſt die Liebe GOT- TES/ dannenhero nennet ſie Zacharias/ Viſcera mi-Luc. 1. v. 78. ſericordiæ/ eine Hertzliche Barmhertzigkeit Luc. 1.

Darnach das Wort GOtt in dieſem Text deutet an/ daß dieſe Liebe ſey/ 2. Eine rechte Vaters-Liebe/ denn GOtt iſt der rechte Vater vber alles was KinderEph. 3. v. 15 heiſt im Himmel vnd Erden/ Eph. 3.

Das Woͤrtlein: Alſo/ deutet an daß dieſe Liebe ſey/ 3. Einerechte WundetLiebe/ denn GOTT hat gelie- bet/ nicht allein hertzlich/ nicht allein Vaͤterlich/ ſondern Alſo/ das iſt/ alſo ſehr/ daß es vnaußſprechlich/ dieweil nie- mand kan vollkommen außdencken/ oder begreiffen/ wie hoch vnd groß/ wie tieff vnd lang/ vnd wie breit dieſe LiebeEph. 3 v. 18 D ijſey/ Gleubiger Chriſten ſey/ Epheſ. 3. Dannenhero nennt Paulus dieſe Liebe ei- 2. Cor. 9. v. 14. 15.ne vberſchwengliche Gnade/ vnnd eine vnaußſprechliche Gabe/ 2. Cor. 9.

Endtlich das Woͤrtlein Welt deutet an/ daß dieſe Liebe ſey/ 4. Eine rechte Gnaden-Liebe/ die auß lau- ter Gnade vnd Barmhertzigkeit/ ohn all vnſer verdienſt o- der Wuͤrdigkeit herruͤhret: denn diß iſt ſeine ewige Gna- Eſa. 54. v. 8.de/ Eſa. 54. ſeine reichliche Gnade/ Jac. 4. ſeine reiche Iac. 4. v. 6.Barmhertzigkeit/ Epheſ. 2. vnd der Reichthumb ſeiner Eph. 2. v. 4.Gnade/ Eph. 1. vnd 2. Cap. Derohalben iſts eine vn- Eph. 1. v. 7. &c. 2. v. 7.verdiente vnd vnverdanchliche Gnade. Zwar daß Gott ſeinen eingebohrnen Sohn liebet (a) daß Er die frommen a) Ioh. 17. v. 24.Kinder liebet/ die jhn lieben/ (b) iſt nicht wunder: daß eine Mutter jhr Fleiſch vnd Blut/ jhr Kind liebet/ iſt natuͤrlich b) Prov. 8. v. 17.vnd billich/ Eſa. 49: Aber daß GOtt die Welt liebet/ die abtruͤnnigen Kinder/ Joſu. 22. die ſchaͤdlichen Kinder Eſa. 49. v. 15.Eſa. 1. die vntuͤchtigen Kinder/ Rom. 3. die von Natur Ioſu. 22. v. 18.ſind Kinder deß Zorns/ Epheſ. 2. die Kinder die GOtt nicht geliebet haben/ 1. Joh. 4. ſondern von den Chriſtus Eſa. 1. v. 8.ſagt vnd klagt: Sie haſſen beyde mich vnd meinen Va- Rom. 3. v. 12.ter/ Joh. 15. daß iſt freylich eine pur lautere GnadenLiebe.

Eph. 2 v. 3.Es were mehr den genung geweſen/ ſagt Herr Lu- 1. Ioh. 4. v. 10.therus/ (c) wenn Gott der Welt hette einen gutten Mor- gen geboten: Aber hier ſaget Chriſtus: Er hat dieWelt Ioh. 15. v. 24.geliebet.

Dieſe groſſe Gnade vnnd Liebe GOttes gegen der c) Poſtil. dom. Ien. Conc. 1. in h. l.Welt vns fuͤrzubilden/ braucht Herr Lutherus in ſeiner Deutſchen Verſion deß Textes ein ſonderlich Kunſtſtuͤ- cke. Denn Guͤldenes Kleinoth. cke. Denn da der Griechiſche vnd Lateiniſche Text daß Wort Welt/ alß das geringſte vnd vnwehrteſte in dieſer propoſition zu letzte ſetzen/ alſo: ἠγάπησεν ὁ Θεὸςτὸν κόσμον, daß iſt: geliebet hat GOtt die Welt: ſo ſetzet Herr Lu- therus die Welt mitten ein/ vnd giebts gar ſchoͤne/ Alſo hat GOtt die Welt geliebet: Fuͤhret alſo die Welt in der mitten alß eine Braut GOttes/ zwiſchen GOtt vnd ſeiner Liebe/ anzudeuten/ daß GOtt die Welt auß gna- den in ſeine Liebe vmbfaſſet vnd eingeſchloſſen habe/ wie die Lade deß Bundes im alten Teſtament/ welche mit demd) Ex. 25. v. 20. 21. Gnaden ſtitel (d) vnd mit den Fluͤgeln der Cherubin bede- cket war: Alſo wolle GOtt die Welt mit ſeiner Gnade auch bedecken/ vnd gleichſam in der mitten fuͤhren.

Wir muſſen aber hier durch das Wort Welt nicht verſtehen Univerſitatem electorum, wie es Beza deutet/ oder electos de mundo/ wie es Polanus vnd andere vn- ſers gegentheils wollen außlegen: Sondern die Welt be- deutet hier alle Menſchen/ alle Suͤnder/ nemlich Adam mit allen ſeinen Nachkommen/ biß an den Juͤngſten Tag: Denn daß S. Johanne, in dieſem Text durch das Wort Welt/ nicht ſich vnd die Glaͤubigen allein/ ſondern alle Menſchen in der Welt wolle verſtanden haben/ erklaͤret ers ſelber in ſeiner erſten Epiſtel cap. 2. vnd ſaget: Chri-1. Ioh. 2. v. 2. ſtus iſt worden die verſoͤhnung fuͤr vnſer Suͤnde/ nicht al- lein aber fuͤr die vnſere/ ſondern auch fuͤr der gantzen Welt.

Vnnd die das Woͤrtlein Welt allhier anders außle- D iijgen wol- Gleubiger Chriſten gen wollen/ die haben noch nie erwieſen/ werdens auch nimmermehr erweiſen koͤnnen/ daß in der gantzen heiligen Schrifft in einem einigen Orthe/ durch das wort Welt/ allein die Gleubigen vnd Außerwehleten ſolten verſtanden werden/ wie im Gegentheil dardurch die Gottloſen offters gemeinet werden: Darumb kan es an dieſem Orthe auch nicht paſſiren vnd gelten.

Es wil zwar einer auff Gegentheiles ſeiten zum be- 1. Tim. 3. v. 16.huff anziehen den ſpruch 1. Tim. 3. da geſchrieben ſtehet: GOtt iſt offenbahret im fleiſch/ gepredigt den Herden/ Geglaͤubet von der Welt: Da meinet Er/ hier muſ- ſe das Wort Welt verſtanden werden von den Außerweh- leten vnd Gleubigen/ wie Paulus ſaget: Chriſtus ſey gegleubet von der Welt: Vnd darumb koͤnne es in die- ſem Text auch alſo verſtanden werden. Nu doͤrffte ſich ein Einfaͤltiges hiermit leichte bethoͤren laſſen: Aber ein eintziges Woͤrtlein im Text macht dieſe objection zu nichte/ denn wenn die gelehrten die Fontes vnd den Gri- chiſchen Text auffſchlagen/ ſo lautets alſo: Ε᾿πις᾿ενθη ὀν κόσμῳ: daß heiſt eigentlich: Es iſt an jhn gegleubet wor- den in der Welt; wird alſo wol vnerwieſen bleiben/ daß die Gleubigen hier muͤſten verſtanden werden/ ſondern 1. Ioh. 5. v. 19.Geldt iſt hier Μικρόκοσμος, nicht das Gebewde Himmels vnnd der Erden/ ſondern die Welt die im argen lieget/ Ioh. 17. v. 25.1. Joh. 5. Die GOtt nicht kennet/ Joh. 17. Die da iſt voll Fleiſches Luſt/ Augenluſt/ vnnd hoffertiges Lebens/ 1. Ioh. 2. v. 16.1. Joh. 2. Nemlich/ die Menſchen/ die allzumahl Suͤn- Rom. 3. v. 23.der ſind/ Rom. 3. Die alle in der jrre gegangẽ wie Schaf- fe/ Eſa. 53. Guͤldenes Kleinoth. fe/ Eſa. 53. Filii flagitioſisſimi, wie NazianzenusEſa. 53. v. 6 redet/ oder wie Herr Lutherus in der Jeniſchen Haußpo- ſtilla ſaget: Die Welt iſt deßTeuffels Brautt/ einStall voll boͤſer ſchaͤndtlicher Leute/ vnnd nach dem Teuffel hat GOtt keinen groͤſſern Feind/ denn die Welt. Dennoch ſtehet hie: GOtt hat die Welt geliebet. Doch muß es nicht verſtanden werden/ alß habe GOtt die Welt gelie- bet/ die voll Boßheit iſt/ vmb ſolcher Boßheit willen; deñ jhme gefellt Gottloſe Weſen nicht/ Pſal. 5. ſondern er hatPſal. 5. v. 5. die Welt geliebet in dilecto (c) das iſt/ vmb ſeines gelieb-e) Eph. 1. v. 6. ten Sohnes vnſers Mittlers willen/ vnd auff daß er die Welt from vnd ſeelig mache:

Nu/ wolan/ geliebte Chriſten/ Vnß/ die wir auch in der Welt/ vnd vnter der Welt begriffen ſein/ gehet dieſe Liebe an/ vnß beut GOtt dieſes Guͤldene Kleinoth ſeiner groſſen Liebe an/ laſt vnß ſolches mit Danck erkennen/ mit frewden annehmen/ vnd deſſen mit glauben troͤſten:

Helt man doch Herrengunſt fuͤr ein groß Bonum in der Welt/ tauſendtmahl mehr ſol vns diß Kleinoth derLie- be GOttes lieb vnd werth ſein.

Wie man nun ein Klemoth/ es ſtecke ſo tieff alß esuſus wolle/ in der euſerſten noth herfuͤr ſuchet/ vnnd ſich darmit rettet Alſo koͤnnen auch alle frome Chriſten ſich mit die- ſem Kleinoth retten:

Retten koͤnnen ſich damitte betruͤbte Hertzen 1. In1. In Ten- tatione. tentatione vnd in Anfechtungen. Denn da ſol jhnen ſolch Kleinoth ſein:

Ein Glaubens-Troſt.

Dieweil Gleubiger Chriſten.

Dieweil keine maͤchtigere Schutzworte ſind alß dieſe: Alſo hat GOtt die Welt &c. Findet ſich tentatio indi- gnitatis, du ſey eſt vnwuͤrdig/ ſo ſage-Was fuͤr wuͤrdigkeit hat die gantze Welt/ noch ſaget Chriſtus: Alſo hat Gott die Welt geliebet/ darumb wird mich GOtt auch lieben ohne meine Wuͤrdigkeit. Denn ſolte GOtt nur die lie- ben die es wuͤrdig ſind/ ſo hette GOtt keinen Menſchen/ viel weniger die gantze Welt geliebet. Findet ſich Ten- tatio particularitatis, daß gleichwol nicht alle Men- ſchen Seelig werden/ ſoſage dargegen/ GOtt hat ſie aber 1. Tim. 2. v. 4.alle geliebet/ vnd wolte gerne daß allen Menſchen geholf- fen werde/ 1. Tim. 2.

Findet ſich Tentatio Iniqvitatis. Du ſeiſt gleich- wol ein groſſer Suͤnder/ ſo troͤſte dich: GOtt hat die Welt vnd die Suͤnder geliebet/ da ſie allzumahl noch ſeine Rom. 5. v. 10.Feinde waren Rom. 5. Zwar nicht Abſoluté vnd deß- wegen/ daß ſie Suͤnder vnd Feinde ſein/ ſondern Relatè daß ſie Buſſe thun/ vnd an Chriſtum gleuben. Gehet deñ nach die Liebe GOttes eben die an/ die da erkennen daß ſie Suͤnder ſein/ denn wo die Suͤnde maͤchtig worden iſt/ da Rom. 5. v. 20.iſt die Gnade viel maͤchtiger worden/ ſagt Paulus aber- mals Rom. 5.

Findet ſich Tentatio Fidei infirmitatis/ der Glau- be aber ſey ſehr ſchwach/ ſo bedencke das ſchwacher Glaube auch ein Glaube iſt/ vnnd gerne wollen ſtarck gleuben/ iſt ſchon ein rechter Glaube/ ob er wol ſchwach iſt. Solchen Rom. 14. v. 1.ſchwachen Glauben ſiehet GOtt gnaͤdig an/ Er nimmet den Schwachen im Glauben auff/ Rom. 14. Wie ſich eine Mutter deß ſchwachen Kindes nicht euſert/ ſondern es je Guͤldenes Kleinoth. es je mehr alß die Starcken hebet vnd gaͤngelt vmb der Lie- be willen: Alſo wil GOTT deß Schwachen warten/Ezech. 34. v. 16, Ezech. 34. Er wil die Laͤmmer/ daß iſt die Schwachen/ in ſeine Arm ſamlen/ vñ in ſeinem Boſen tragen/ Eſa. 40.Eſa. 40. v. 11.

Retten ſollen wir vns auch mit dieſem Kleinoth der Liebe GOttes 2. In Afflictione, im Creutz vnd Wider-2 In Affli- ctione. wertigkeit/ denn da ſollen vns dieſe Worte/ vnd dieſes Klei- noth auch ſein Ein Creutz-Troſt.

Haſſet dich die Welt/ ſo dencke an die Liebe GOttes: Wen nur GOtt liebet/ ſaget Herr Lutherus/ die Welt mag jmmer zuͤrnen vnnd ſauer ſehen. Druͤcket dich das liebe Creutz/ ò dencke nicht/ Gott iſt dir gram/ weiſtu nicht/ wen GOtt lieb hat/ den ſtraffet vnd zuͤchtiget er Apoc 3.Apac. 3. v. 19. Vnd dieweil du GOtt lieb wareſt/ ſo muſts ſo ſein/ ohn an- fechtung muſteſtu nicht bleiben/ ſagt der Engel zum Alten Tobia/ Tob. 12. Drumb bleibets wol wahr/ wie vnſerTob. 12. v. 13. Seeliger Herr Cutſchen Reuter offters zu ſagen pflegte: Im Creutz hat vns GOtt am allerliebſten: So muͤſſen nu denen die GOtt lieben/ alle ding zum beſten dienen/ Rom. 8. Moſis Eheweib war eine Mohrinnen/ (f) esRom. 8. v. 28. hatte aber Moſes ſie gleichwol hertzlich lieb/ ob ſie ſchon ſchwartz war: Alſo ob wir gleich von der Creutz Sonnef) Num. 12 v. 1. verbrandt vnd gleichſam ſchwartz werden/ (g) ſo wil doch GOtt vns lieben. So dencke nu ja niemand/ daß Truͤb-g) Cant. 1. v. 6. ſalen ein Zeichen deß Zornes ſind/ denn wir wiſſen/ das wir zu Truͤbſalen geſetzet ſind 1. Theß. 3. ſagt S. Paulus:1. Theß. 3. v. 3. Vnd wiederumb ſpricht er am 5. Cap. GOTT hat vns nicht geſetzt zum Zorn: Darumb muͤſſen der Chriſten1. Theß. 5. v. 9. ETruͤbſal Gleubiger Chriſten Truͤbſal nicht Zeichen deß Zornes ſein/ ſondern hier heiſt Syr. 30. v. 1es: Je lieber Kind/ je groͤſſer Rutte/ Syr. 30.

Retten ſollen wir vns mit dieſem teurbaren Kleinoth: 3 In perſe- qvutione3. In Perſecutione in Verfolgung/ vnd ſollen dieſe Wor- te ſein/

Ein Exulanten-Troſt.

Denn ob du gleich verfolget wirſt/ ſo ſcheidet doch Rom. 8. v. 35.Verfolgung nicht von der Liebe GOttes/ Rom. 8. Vnd ob du verfolgung leideſt ſo wirſtu doch nicht verlaſſen/ wie 2. Cor. 4. v. 9.Paulus ſaget 2. Cor. 4. ſondern biſt vielmehr ſelig/ Matth. 5.

Matth. 5. v. 11.Retten ſollen wir vns dermaleines mit dieſem Klei- noth: 4. In Agone Im Sterbeſtuͤndlein/ da ſollen vns dieſe Worte alßdann ſein:

Ein Sterbe Troſt:

Darumb/ denckeſtu/ Ich muß aber ſterben vnd verwe- ſen/ were ich GOtt lieb ſo wuͤrde ich den Todt nicht ſchme- cken duͤrffen. Da ſolt du nu Chriſtliches Hertze/ beden- 2. Cor. 5. v. 4.cken/ daß wir wol freylich wolten lieber vberkleidet/ alß entkleidet werden/ 2. Cor. 5. Aber weil es der Alte Syr. 14. v. 18.Bund iſt/ du muſt ſterben/ Syr. 14. ſo ſollen wir vns fuͤrm Cant. 8. v. 6.Tode nicht entſetzen/ denn die Liebe iſt auch ſtarck wie der Todt Cant. 8. Darumb der Todt vns nicht ſcheiden Rom. 8. v. 38.kan von der Liebe GOTTes/ Rom. 8. ſondern die Liebe GOttes begegnet vns mitten im Tode/ wie der fewrige b) 2. Reg 2. v. 11.Elias Wagen/ (h) daß wir leben ob wir gleich ſterben/ Joh 11. vnnd nicht verlohren werden/ ſondern das ewige Ioh. 11. v. 25.Leben haben/ wie Chriſtus lehret.

Dieſes Guͤldenes Kleinoth.

Dieſes ſollen wir nun abermals ſpecialiûs applici-Applicætio ad defun- ctum. ren auff vnſern Seeligen Herren Superintendenten/ denn an demſelbigen haben wir auch gehabt/ weil er gele- bet/ Ein recht Edeles Kirchen Kleinoth. Weh vns! daß wir ſolches numehr verlohren haben! Denn wir ha- ben einen ſolchen Mann verlohren/ an deme GOtt nichts vergeſſen/ daß er wol mit warheit ein κειμήλιον vnnd Klei- noth dieſes Fuͤrſtenthumbs/ der gantzen Prieſterſchafft/Commen- datio 1. Dono- rum. vnd vornemblich dieſer Stadt mag genennet werden.

Denn an jhme hat ſich ereuget 1. Precioſitas dono- rum daß Edle Kleinoth ſeiner vornehmen Ambts-Ga- ben daß er geweſen

Ein Hochbegabter GOttes-Mann.

Denn ſeine edele Gaben belangend/ ſind jhme gewieß die wenigſten Prediger zu vergleichen geweſen/ vnd mag wol ſagen/ daß jhme gewieß nicht leichte einer mit billig- keit wird koͤnnen præferiret vnnd vorgezogen werden. Wenn nun eine Gemeinde einen ſolchen hochbegabten Mann in der Kirchen hat/ ſo iſts freylich bey einer Kirchen ein vornehmes Kleinoth.

An vnſerm Seeligen Herren Cutſchen Reuter hat ſich funden/ 2. Precioſitas Laborum/ das Edle Kleinoth2. Labo- rum ſeiner vornehmen Ambts-Arbeit/ daß er nemlich gewe- ſen/ ein embſiger

Lehr-Straff- vnd Troſt-Mann.

Iſts noth geweſen einzureiſſen/ außzurotten (i) faln- ſche Lehre zu wiederlegen/ den Wolff anzuſchreyen/ ſoi) Ier. 1. v. 10. E ijhats Gleubiger Chriſten. hats dieſer Selige Mann gewieß gethan/ wie er denn alſo ſein ſchweres Ambt bey dieſer Stadt vnd Kirchen/ wie niemanden vnbewuſt/ anfangen muͤſſen; Vnd alſo hat er auch biß anhero noch nie abgelaſſen.

Iſts noth geweſen Suͤnde vnd Laſter zu Straffen. Ach wie getroſt hat er geruffen/ vnd ſeine Stimme wie eine u) Eſa. 58. v. 1.Poſaune erhoben (u) daß euer Chriſtliche Liebe gar wol weiß/ daß er ohne lengſt noch erſt auff dieſer Cantzel geſa- get: Er wolle ſein ſelber nicht ſchonen/ ſondern vber die Himmelſchreyenden Suͤnden ſchreyen/ weil er ſchreyen koͤnte/ ob man jhn Todt von der Cantzel tragen ſolte. Denn wie ſauer es jhme zu letzte vnd faſt diß gantze Jahr wegen ſeiner Fluͤſſe vnd anderer beſchwer halben worden/ das iſt jederman allhier gar wol wiſſendt.

Iſt aber auch noth geweſen zu troͤſten in den groſſen noͤthen die vns in dieſen boͤſen Zeiten offte troffen haben/ ſo hat er auch ſo troͤſten koͤnnen/ das Hertz/ Marck vnnd Gebeine froͤlich vnd getroſt worden ſind. Ein ſolch Mann/ ſag ich nu/ iſt ein Kleinoth.

Erwieſen hat ſich auch an dieſem vnſerm Herren 3. Hono- rum.Pfarr Ern 3. Precioſitas Honorum das Edle Kleinoth ſeiner vornehmen Ambts-Ehre/ vnd daß er geweſen/

Ein Hochverſtaͤndiger Rath-Mann.

Welcher mit heilſamen Conſiliis in Religions Sa- chen/ in Conſiſtorial Sachen vnnd inn andern Kir- chenſachen rathen vnd helffen konte: Dannhero jhm auch die Adminiſtration der Superintendentz vnd hoͤch- ſte Prieſter Ehre iſt conferiret vnd vertrauet worden.

Solche Guͤldenes Kleinoth.

Solche κειμήλια vnd Kleinoth findet man nun nicht auff einem jeglichen Acker: Wolte GOtt! wir ſolten ein ſolch Kleinoth heute auß der Erden außgraben! Aber/ leider/ wir muͤſſen dargegen es in die Erde ſcharren vnnd begraben! Darumb bitten wir den treuen Barmhertzi- gen GOtt/ er wolle nach ſeiner groſſen Liebe/ damit Er vns vnd die Welt geliebet hat/ dieſem Fuͤrſtenthumb vnd Kirchen in die erledigte Stelle zu ſeiner zeit/ wiederumb ein ſolches Kleinoth geben vnd beſcheren/ vmb ſeines hoch- heiligen Nahmens willen!

Diß iſt alſo auch das Andere.

Das Dritte precioſum daß wir im heutigen TextIII. finden/ iſt:

III. Ein Schoͤnes Goͤttliches Contrafect.

Diß Contrafect giebt vns GOTT der Himliſche Vater/ wie der Text ſaget: Daß er ſeinen eingebohr- nen SOhn gab. Vnd iſt demnach diß Contrafect ſein liebſter Sohn Chriſtus JEſus/ welcher iſt das Eben- bilde GOttes/ 2. Cor. 4. Das Ebenbilde deß vnſicht-2. Cor. 4. v. 4. baren GOttes/ Coloß. 1. Das Ebenbilde ſeines We- ſens/ vnd der Glantz ſeiner Herrligkeit/ Ebre. 1. Alſo/Col. 1. v. 15 daß wer jhn ſiehet der ſiehet den Vater/ Joh. 14. DasEbr. 1. v. 3. mag mir ja ein vornehmer Schatz ſein!Ioh. 14. v. 9.

Es hatten vnſere erſte Eltern von GOTT zwar em- E iijpfangen Gleubiger Chriſten pfangen ein ſchoͤnes Contrafect/ nemlich das ſchoͤne Bil- de GOttes/ nach welchem ſie erſchaffen waren/ ein Bilde Gen. 1. v. 26.daß GOtt gleich war Gen. 1. Aber ſie haben diß pre- cioſum vnd dieſe ſchoͤne Gabe durch die Vbertrettung verlohren. Darumb hat GOtt der Himliſche Vater auß hertzlicher Liebe vnd Barmhertzigkeit/ vns eine ande- re Gabe/ vnd anderes Contrafect/ das noch edler iſt alß jenes/ nemlich ſeinen eingebohrnen Sohn gegeben/ wie er ſelber im Text davon ſaget: Alſo hat GOtt die Welt geliebet/ daß er ſeinen eingebohrnen Sohn gab. Wenn groſſe Herren vnnd Potentaten jemanden jhrer Diener vnd Vnterthanen jhr Contrafect vnnd Bildniß vereh- ren/ ſo iſts groſſe Gnad vnd Liebe: Alſo hat GOtt ſei- ne Liebe damit gegen vns an Tag geben wollen! daß Er vns ſein Ebenbild/ ſeinen lieben Sohn gegeben hat/ auff daß auch wir wuͤrden wiederumb erneuret/ vnd wuͤrden ver- 2. Cor. v. 18.kleret in daſſelbige Bilde: 2. Cor. 3. Vnd gleich wuͤrden dem Ebenbilde ſeines Sohnes: Rom. 8. Hier das Rom. 8. v. 29.Bilde deß jrrdiſchen/ dort aber zu tragen das Bilde deß Himliſchen/ 1. Cor. 15.

1. Cor. 15. v. 48.Nun diß ſchoͤne Goͤttliche Contrafect/ geliebte Chri- ſten ſol vns nun alß ein vornehmer Seelen Schatz lieb vnd werth ſein/ denn es kombt von lieber vnd werther Hand/ vnd wie die Liebe vnd das Hertz iſt/ alſo iſt auch die Gabe/ nemlich eine rechte Hertzens-Gabe denn es iſt GOTt von Hertzen gegangen daß er vns ſeinen Sohn gegeben/ zumahl weil es iſt ſein eingebohrner Sohn/ denn eintzige Kinder Schoͤnes Contrafect. Kinder ſind Hertzens Kinder/ der Eltern einige Freude/Tob. 10. v. 5. Troſt/ Hertz/ vnd Erbe. Tob. 10.

Dieſe Gabe iſt eine rechte Vaters-Gabe/ denn GOtt giebt vns ſonſt vnzehlich viel Gaben/ aber das iſt die groͤſte/ daß Er vns ſeinen Sohn giebet/ vnd zwar nicht einen vngerathenen Abſolon/ deſſen ein Vater entperen kan/ vnnd er jhm auch nicht fuͤr ſein Angeſicht kommen darff: 2. Sam. 14. Sondern ſeinen lieben Sohn/ an2 Sam. 14 v 24. welchem Er alle ſein wolgefallen hat/ Matth. 3. vnd 17. Das iſt eine Vaters-Gabe.Matth. 3. v. 17.

Dieſe Gabe iſt auch eine rechte Wunder-Gabe/Cap. 17. v. 5. in dem GOtt ſeinen Sohn giebet fuͤr die Welt/ den Ge- rechten fuͤr die Suͤnder/ das Licht fuͤr die Finſterniß/ den gehorſamen Sohn fuͤr die abtruͤnnigen Kinder/ den Her- ren fuͤr die Knechte den Hirten fuͤr die Schaffe/ daß hoͤch- ſte Gutt fuͤr ſeine Feinde: Vnd zwar nicht zur Herrlig- keit/ ſondern zur Niedrigkeit/ nicht zum Herſchen/ ſondern zum dienen/ nicht zum Leben/ ſondern zur Marter vnd To- de. Daß iſt eine Wundergabe.

Dieſe Gabe/ iſt inſonderheit auch eine lautere vnd vn- vordiente Gnaden-Gabe/ dannenhero braucht Chri- ſtus der HErr im Text das Woͤrtlein geben/ vnd S. Pau- lus ſpricht Rom. 8. So GOtt ſeinen Sohn fuͤr vnsRom. 8. v. 32. alle dahin gegeben/ wie ſolte Er vns mit jhm nicht alles ſchencken. Alexander Magnus ſol von ſich haben zu ſagen pflegen: Se à nemine unqvam benignitate fuiße ſuperatum, daß kan von vnſerm GOtte vielmehr geſaget Gleubiger Chriſten geſaget werden/ nicht allein wegen ſeiner vielfaltigen Ga- ben/ dieweil alles was wir haben/ daß ſind alles GOttes Gaben: Sondern vornemlich/ weil er vns ſeinen Sohn gegeben hat. Diß iſt alſo auch das dritte precioſum vnſers Seelenſchatzes/ nemlich ein ſchoͤnes Contrafect/ daß vns/ alß eine vornehme Gabe GOTT gegeben hat/ Pſal. 73. v. 25.vnnd derowegen lieber ſein ſol alß Himmel vnnd Erden. Pſal. 73.

Applicatio perſonalis.Vnſern ſeelig verſtorbenen Herren Superintenden- ten koͤnnen vnnd moͤgen wir wol auch mit guttem Grunde bey dieſer application nennen ein feines Exemplar vnd Contrafect: alß welcher geweſen iſt ein fein Ty- pus vnnd Fuͤrbilde/ wie die Prediger genennet werden/ Phil. 3. v. 17.Phil. 3. ein Fuͤrbilde der Heerde/ 1. Pet. 5./ ein Fuͤrbilde den Glaͤubigen im Wort/ im Wandel/ in der Liebe/ im 1. Pet. 5. v. 3.Geiſt/ im Glauben/ in der Keuſchheit/ wie es S. Paulus 1. Tim. 4. v. 12.zuſammen faſſet/ 1. Tim. 4.

Denn geweſen iſt er Exemplar Doctrinæ purita- tis, iſt der reinen Evangeliſchen Lehre vnd vngeenderten Augſpurgiſchen/ Anno 30. Carolo V. loͤblicher Gedaͤcht- niß vbergebenen Confesſion mit Mund vnd Hertzen zu- gethan geweſen/ auch ſolche Lehre in theſi vnd Antitheſi rein vnd klar gefuͤhret.

Er iſt geweſen Exemplar Pietatis/ in dem er ſich al- ler Gottſeligkeit vnd Froͤmmigkeit mit hoͤchſter ruhmwuͤr- digkeit befliſſen.

Er iſt geweſen Exemplar Concordiæ & Fraternæ Unitatis, vnd hat neben der Warheit pacem vnd einig- keit/ Schoͤnes Contrafect. keit/ wenns nur nicht wie der GOtt vnd das Gewiſſen ge- lauffen/ hoͤchlich geliebet vnd gefoͤdert! vnd iſt jederman bekandt/ was fuͤr Concordia vnd einigkeit dieſe Zeit vber vnter den Collegis bey dieſer Gemeine geweſen/ daß leib- liche Bruͤder ſich mit einander nicht eintrechtiger begehen koͤnten/ helffe GOtt/ daß es bey dieſer Correſpondentz kuͤnfftig verbleibe!

Er iſt geweſen Exemplar Humilitatis/ es hat ja der Selige Mann/ keinen ſtoltzen Blutstropffen gehabt in ſeinem gantzen Leibe/ iſt aller Hoffart von Hertzen feind geweſen/ hefftig dawieder geeifert/ vnd wegen der Tracht vnd Pracht bey dieſer Kirchen gutte diſciplin erhalten/ ſonſt mit jederman iſt er freundlich vmbgegangen/ vnd ſich ſeiner Ehrenſtelle gar nicht vberhaben.

Er iſt geweſen Exemplar Eruditionis & ſedulita- tis/ wie ſolches ſeine vornehme Experientz bezeuget/ die er gehabt hat in ſtudio Philoſophico: Seine Geſchick- ligkeit die er erlangt hat in ſtudio Poëtico: Seine Zierligkeit/ die er erwieſen in ſtudio philologico/ wie denn den Gelehrten wiſſendt/ wie maͤchtig er geweſen der Lateiniſchen Sprachen/ ornatè vnd zierlich zu reden/ pe- oriren vnd zuſchreiben/ darneben er in Græcis funda- mentaliter, in Hebræis mediocriter verſirt gewe- ſen. Bevorauß hat er excelliret in ſtudio Theologico & Hiſtorico, welche beyde ſtudia er allezeit biß ans ende conjungiret hat: Das werden jhme alle die Miniſtri Eccleſiarum/ ſo ſeinem Examini vnd Ordination ſich vnterworffen/ vnd andere literati Zeugmß geben.

FEr iſt Gleubiger Chriſten

Er iſt entlich geweſen: Exemplar Vitæ integritatis/ vnd kan man jhme mit warheit nachruͤhmen/ daß er von der l) Iacob 1. v. 27.Welt vnbefleckt (l) vnd vnſtraͤfflich (m) gewandelt hat.

m) 1. Tim 3. v. 2.Wolte GOtt! daß diß ſein Prieſterliches Contra- fect vnd Exempel beydes die gantze Prieſterſchafft dieſes Fuͤrſtenthumbs/ vnd denn alle ſeine geweſene Kirch Kinder vnd Zuhoͤrer jhnen alſo fuͤrſtellen vnd einbilden moͤchten/ daß ſie demſelben aͤhnlich zu werden vnd nachzufolgen ſich IV.zum hoͤchſten befleiſſigen theten!

Das Vierde vnd letzte precioſum das in dem Geiſt- lichen Acker vnd ſchoͤnen Texte S. Johannis zu finden vnd auch fuͤr einen koͤſtlichen Seelen Schatz zu halten: Iſt:

IV. Ein gnaͤdiger Majeſtaͤt Brieff vnd Privilegium.

Deſſen inhalt vnd Articul im heutigen Text mit die- ſen Worten verfaſſet: Alle die an jhn gleuben/ ſol- len nicht verlohren werden/ ſondern das ewige Leben haben: Daß iſt nu abermal ein ſolch Seelen Schatz/ deßwegen wir billich alles zeitliche verkaͤuffen vnnd verlaſ- ſen ſollen/ daß wir nur dieſen Majeſtaͤtbrieff behalten.

Denn in zweyen vornehmen Stuͤcken ſind wir darin- ne privilegiret.

I. In Glaubens-Sachen/ nemblich: Es ſollen vnd moͤgen alle an Chriſtum JEſum gleuben/ Gott wil niemanden abſolutè außſchliſſen:

II. In Majeſtaͤtbrieff.

II. Inkuͤnfftigen Gerichts- vnd Reichs-Sa- chen. Nemlich: Die gleubigen Reichßgenoſſen Chri- ſti ſollen am Tage deß Gerichtes nicht verlohren werden/ ſondern das Ewige Leben haben:

Das mag ein koͤſtlich Privilegium ſein/ dergleichen kein Kayſer oder Koͤnig ſeinen Vnterthanen jemalß ge- ben koͤnnen. Klaͤglich iſt es/ verlohren werden: Wie klaͤglich ſtellete ſich Eſau wegen verluſts deß zeitlichen Se- gens/ Gen. 27. Wie klaͤglich thet der verlohrne Sohn/Gen. 27. v. 38. Luc. 15. Wie bekuͤmmert wars/ daß Moſes vnnd Aa- ron nicht ins gelobte Land kommen ſolten/ Num. 20. vndLuc. 15. v. 17. Deut. 34. vnd iſt doch nur ein zeitliches verlieren. A- ber ewig verlohren ſein/ iſt das groͤſte Elend/ denn beſſerNum. 20. v. 12. nie gebohren/ alß ewig ſein verlohren:Deut. 34. v. 4.

Dargegen haben wir nun hier ein guttes Privilegi- um/ daß lautet: Nicht verlohren werden: Es iſt aber diß 1. Privilegium Univerſale/ es gehet alle an/ vnnd ſchleuſt niemanden auß. [Promißiones Evangeli- cas, qvamvis non liceat extendere ad incredulos, ob fidei determinationem expreßè additam, tamen eße illas verè Univerſales in ſuo genere, res ipſa loqvitur & ſignum Univerſale demonſtrat] D. Hunnius de Prædeſtin. pag. 308. edit. Francof. in 8. Et edit. Viteb. in Fol. Tom. 1. operum pag. 844. Alle/ ſaget heute Chriſtus.

Es iſt aber auch dieſes Privilegium nach anleitung deß Texts/ 2. Privilegium Conditionale/ es gilt aber F ijmit dem Gleubiger Chriſten. mit dem bedinge/ Sie muͤſſen an Chriſtum gleuben/ die nicht wollen verlohren werden.

Es iſt auch 3. Privilegium Liberale: GOtt giebts gratis vnd auß Gnaden: Wie S. Paulus ſaget: Auß Gnaden ſeyd jhr ſelig worden durch den Glauben/ Eph. 2. Eph. 2. v. 8.Iſts aber auß Gnaden/ ſo iſts nicht auß verdienſt der Rom. 11. v. 6.Werck/ ſonſt wuͤrde Gnade nicht Gnade ſein/ Rom. 11.

Es iſt auch Privilegium æternum & immortale/ Ein vhraltes Privilegium/ vnnd welches auch niemand weder in dieſem noch jenem Leben endern oder caßiren wird/ denn es redet vom Ewigen Leben: ſondern/ ſagt Chriſtus/ das Ewige Leben haben.

ò Ewiges Leben/ ò du biſt ein rechtes Leben!

O du armes zeitliches Leben/ wie gar nichts biſtu ge- gen dem Ewigen Leben/ ò du arme Duͤrfftigkeit/ ver- kreuch dich fuͤr der Ewigen Gluͤckſeligkeit/ ò du arme Sterbligkeit/ ſcheme dich fuͤr der Ewigkeit!

Nun wolan/ jhr Andaͤchtigen vnd Geliebten/ laſt vns diß Privilegium vnnd dieſen Majeſtaͤtbrieff wol bewah- ren/ vnd darauff fuſſen: Denn er iſt vnß

I. Ein gutter Lehrbrieff.

Er lehret vns 1. de vera juſtitia was die wahre Ge- rechtigkeit ſey/ vnnd worinnen ſie beſtehe/ auch wodurch man ſie erlange/ daß ein armer Suͤnder fuͤr GOtt ge- recht werde: Nemlich man erlanget ſie nicht Libero ar- bitrio, nicht Spe oder Dilectione, vnnd alſo nicht mit Wercken/ ſondern mit dem Glauben.

Er lehret vns 2. de Fidei Efficacia/ denn diß iſt deß Glaubens Majeſtaͤtbrieff. Glaubens Krafft vnd Ende: Nicht verlohren werden/ ſondern das Ewige Leben haben. Diß Privilegium iſt vns ferner

II. Ein gutter Paßzetel vnd Geleitß-Brieff.

Damit man auff dem ſchmalen Paß vnnd Stege der zum Leben fuͤhret (n) gar wol vnnd gluͤcklich fort kommenn) Matth. 7. v. 14. kan: Wie alle gleubige Kinder Gottes mit dieſem Paß haben durch die enge Pforte eingehen muͤſſen: Darumb gleuben wir auch durch die Gnade JEſu Chriſti ſeelig zu werden/ gleicher weiſe wie auch ſie/ mit S. Petro:Act. 15. v. 11. Actor. 15.

Diß Privilegium iſt auch ferner gleubigen Chriſten

III. Eine gutte Salva Guardy vnd Schutz- Brieff.

Denn der Menſch bleibet doch auff ſeiner Pilgrim- ſchafft im Leben vnnd ſterben nicht vnangeſprengt vom Teuffel vnd andern Feinden/ drumb iſts noth dieſen Ma- jeſtaͤtbrieff zum Schutz bey handen haben. Wil derohal- ben dir der Teuffel fuͤrwerffen: Ey du gehoͤreſt vnter den verlohrnen Hauffen/ hoffeſtu gleich ſelig zu werden/ deine Hoffnung iſt verlohren/ (o) deine Hoffnung iſt nur eineo) Iob. 14. v. 19. Spinnewebe (p) deine Hoffnung iſt wie ein Rauch oder Staub vom Winde zerſtreuet/ (q) So weiſe jhm darge-p) Iob. 8. v. 14. gen dieſen Brieff vnd ſage: Hier ſtehet: Nicht ver- lohren werden: Wie auch David ſaget/ Pſal. 9. Dieq) Sap. 5. v. 15. Hoffnung der Elenden wird nicht verlohren ſein ewiglich.Pſal. 9. v. 19. Saget er weiter: Du haſt dich aber durch viel Suͤnden F iijſelber Gleubiger Chriſten ſelber verlohren: So ſage: Ich habe aber einen gut- Luc. 19. v. 10.ten Hirten/ der iſt in die Welt kommen zu ſuchen vnd Se- lig zu machen das verlohren iſt. Luc. am 19.

Alſo haben ſich viel tauſendt frohme Chriſten mit die- ſem Spruche in Geiſtlichen Anfechtungen geſchuͤtzet: Vnd wer noch dieſen Brieff kan fuͤrweiſen/ bey dem duͤrf- fen die boͤſen Geiſter gar nicht einquartiren/ oder Beute machen.

Es iſt aber diß Privilegium auch nichts deſto we- niger:

IV. Ein Valet vnd Scheide Brieff.

Denn ſollen wir das Ewige Leben haben/ ſo muͤſſen wir ſterben/ dieweil hier kein Ewig Leben iſt. Nun fuͤrchten aber jhr viel ſich mit Hiskia fuͤrm Tode vnd den- r) Ezech. 37. v. 11.cken/ wenn wir ſterben/ ſo iſts verlohren/ vnſer Hoff- nung iſt verlohren/ vnd iſt auß mit vns: (r) Zumahl die s) 1. Cor. 15 v. 36.Vernunfft ſtoͤſt ſich an der Verweſung/ (s) Aber deßwe- gen nicht verlohren/ ſaget heute Chriſtus/ obs gleich muß geſcheiden vnd geſtorben ſein/ wie zur andern Zeit davon außfuͤhrlicher berichtet wird.

Dieſes Privilegium iſt endlichen auch nichts anders Alß:

V. Ein Himliſcher Hochzeit-Brieff.

t) Apoc. 19. v. 7.Denn mit dieſen Worten locket vnnd ladet vns der u) Eſa. 55. v. 2.HERRE Chriſtus ein zu der Hochzeit deß Lambes (t) zu der ewigen Wolluſt/ (u) zu ſeinem Tiſche in ſeinem Reich/ u) Luc. 22. v. 30.(u) zu eſſen vom verborgenen Manna/ (x) denn er verhei- x) Apoc. 2. v. 17.ſchet vns in dieſen Worten das Ewige Leben/ die ewige Gluͤckſeligkeit/ Majeſtaͤtbrieff. Gluͤckſeligkeit/ vnd gluͤckſelige Ewigkeit/ vnd wil nie- manden hinauß ſtoſſen der zu jhme koͤmmet (y) ſondern alley) Ioh. 6. v. 37. die an jhn gleuben/ ſollen nicht verlohren werden/ ſondern das Ewige Leben haben/ vnd bey dem HErren ſein alle-z) 1. Theß. 4. v. 17. zeit (z).

O Evolemus, Evolemus, Auff/ auff/ liebe Seele/ mit der lieben Monica/ du biſt invitiret vnd eingeladen/ ſo haſtu auch einen gutten Paßzettel/ eine ſichere Guardy/ Auff/ auff mit den Klugen Jungfrawen/ Matth. 25./ mitMatth. 25. v. 6. dem lieben Simeon Luc. 2. Du ſolſt nicht verlohren werden/ ſondern das Ewige Leben haben. Luc. 2. v. 29.

Vnd diß herrliche Privilegium vnd dieſen gnaͤdigen Majeſtaͤtbrieff/ damit ichs nur kurtz applicire/ weil dieApplicatio Zeit verlauffen iſt/ hat vnſer ſeeliger Herr Cutſchen Reuter auch allbereit ergriffen/ vnd wie er in ſeinem Ampte/ Le- bens-Wandel vnnd letzten Niederlage ſich allezeit damit gefaſt gehalten, vnd ſeine Lehre auff dieſen Majeſtaͤtbrieff gegruͤndet:

Alſo hat jhn auch dieſer Paß auff ſeiner letzten Reiſe beleitet/ wieder die liſtigen anleuffe deß Teuffels geſchuͤ- tzet/ den Todt vnd Abſchiedt jhme vberzuckert/ vnnd der Seelen nach allbereit ins ewige Frewdenleben befoͤdert: Allda er die im Worte GOttes vnd in dieſem Machtſpru- che verheiſchene Privilegia erlanget/ nemlich/ beydes wah- re Gerechtigkeit/ vnd auch das Ende deß Glaubens der Seelen Seeligkeit/ vñ heiſt/ ſeine Seele iſt nicht verlohren/ ſondern ſie hat nun das Ewige Leben.

Die Majeſtaͤtbrieff.

Die Steublein vnd Gebeinlein ſeines Leibes der ein Tempel geweſen GOttes vnd deß Heiligen Geiſtes ſollen auch anjetzo in der Mutter Schoß der Erden auffgehaben vnd verwahret werden/ da ſol auch derer keines verlohren werden/ ſondern ſollen am Juͤngſten Tage wieder auffwa- chen/ da wird diß Privilegium von vnſerm ſeeligen Her- ren/ Pfarr Ern recht appliciret vnd practiciret werden: Dieweil in dieſem Leben es keine Zunge außſprechen kan/ was GOTT bereitet hat denen die jhn lieben/ vnd was es fuͤr Frewdenworte ſein: Nicht verlohren werden/ ſon- dern das Ewige Leben haben.

Zu dieſem ſchoͤnen/ ſicheren herrlichen Ewigen Le- ben/ verhelffe auch vns vnd einem jeglichen der an Chri- ſtum gleubet/ die Heilige Hochgelobte Dreyfal- tigkeit/ GOTT Vater/ Sohn/ vnd Heiliger Geiſt: Amen.