Ordnung in Eesachen Schnepff Erhard Geyken Alexander Haaf Susanne Jurish Bryan Boenig Matthias Thomas Christian Wiegand Frank Thomas Gloning Bereitstellung der Transkription. 2013-05-22T17:30:00Z Stefanie Seim Konvertierung nach XML gemäß DTA-Basisformat. 2013-05-22T17:30:00Z Edition Wolfgang Metzner Bereitstellung der Bilddigitalisate („Die erste württembergische Eheordnung in Faksimile. 1987“, ISBN-10: 3801956334; ISBN-13: 978-3801956332). 2013-05-22T17:30:00Z CLARIN-D Langfristige Bereitstellung der DTA-Ausgabe Vollständige digitalisierte Ausgabe. 10 1364 634 10224 dta@bbaw.de Deutsches Textarchiv Berlin-Brandenburg Academy of Sciences and Humanities Berlin-Brandenburgische Akademie der Wissenschaften (BBAW)
Jägerstr. 22/23, 10117 Berlin Germany
Berlin 2014-12-01T12:36:51Z

Distributed under the Creative Commons Attribution-NonCommercial 3.0 Unported (German) License.

 http://www.deutschestextarchiv.de/schnepf_eesachen_1536 http://www.deutschestextarchiv.de/book/download_xml/schnepf_eesachen_1536 http://www.deutschestextarchiv.de/book/download_html/schnepf_eesachen_1536 http://www.deutschestextarchiv.de/book/download_text/schnepf_eesachen_1536 schnepf_eesachen_1536 30413 urn:nbn:de:kobv:b4-30413-6 Schnepff, Erhard: Ordnung in Eesachen. [Tübingen], um 1536. Ordnung in Eesachen Schnepff Erhard Morhart d. Ä. Tübingen 1536

Schwabacher

Anmerkungen zur Transkription:

  • Langes s (ſ) wird als rundes s (s) wiedergegeben.
  • Rundes r (ꝛ) wird stets als r wiedergegeben.
]]>

German ready dtae Ordnung in Ee- sachen.

DWeil nit allein auß Goͤttli- cher ordnung/ sonder auch in krafft Keiserlicher geschribner recht/ natürli- cher erber/ auch billicheit/ vnnd darzuͦ schuldiger danckbarkeit nach/ die Kin- der jren eltern/ vnd die waisen jren Pflegern/ vnd nechst uerwandten/ erbern/ vnd getrewesten Freünden/ gehorgehor- sam sein/ vnd fürnemlich auch/ mit jrem rath/ vorwis- sen/ vnd willen vereelicht werden sollen/ ꝛc. So ist in be- denckung ietzund angeregter/ vñ anderer mer Christen- licher/ vñ Fürstlicher/ vns darzuͦ bewegender vrsachen/ vnser meynung/ ordnung/ vnnd Ernstlicher beuelhe/ das fürohin niemands/ so noch vnder vaͤtterlichem ge- walt/ oder sonst verpflegt ist/ sich one rath/ vorwissen/ vnnd willen seiner eltern/ pflegern/ vnd nechstgesipter/ erberer getrewer verwandten/ Eelich verpflichten soll.

Jm fal aber/ das es beschech/ alsdañ soll solliche ver- lobung nichts gelten/ sonder gantz onbindig/ onkreff- tig/ vnd von onwürden sein/ vnd darzuͦ so woͤllen Wir dieselbigen beid ongehorsamen Mans vnd FrawenperFrawenper- sonen ein zeitlang in gefaͤncknus/ oder sonst nach gestalt der sachen/ mit ongnaden an leib vnnd guͦt/ samptlich oder sonderlich Ernstlich straffen lassen.

Vnd darzuͦ auch alle diejhenigen/ so zuͦ sollicher on- gehorsamen Eeuerlobung geraten/ oder in einicherlei weiß geholffen habend/ nach gelegenheit jrer verhand- lung/ auch ernstlich straffen lassen.

A

Wa aber ein solliche person/ so noch vnder vaͤtterli- chem gewalt/ oder sonst verpflegt were/ vermeynen woͤlt/ rechtmessig vrsachen/ vnd fuͦg zuͦhabend/ sich one seiner eltern/ pfleger oder nechstuerwandten erberer Freünd/ rath/ wissen/ vnd willen/ zuͦuereelichend/ so soll das bey vermeidung vnser vngnad/ vnd obangeregter ernstlicher straffen/ dannocht keins wegs/ aigens für- nemens beschehen/ sonder sollichs/ bey vnsern geordne- ten Eerichter vnd raͤten angebracht/ vnd hierinn jrem rechtlichen bescheid gehorsamlich gelept werden.

Zum andern/ als offtermals ander personen/ so nit mer in vaͤtterlichem gewalt/ oder auch nit mer ver- pflegt seiend/ hinderm liecht darein schlahend/ vnd one beisein anderer personen allein/ vnnd heimlich einan- der die Eeuerlobend/ auß wellichem aber (wie wir in glaubwirdiger erfarung vilueltig befunden) grewli- che schwere meinaid/ erschrockenliche lesterung/ des al- lerheiligsten namen Gottes/ onauffleßliche verwir- rung/ vnd onwiderbringliche beschwerung/ des gewis- sens/ auch beschraiung vnd verhinderung der angespro chen person/ vnd sonst mercklicher treffenlicher grosser nachteil/ schaden/ vnnd onrat/ in vil weg erwachsen. Solchs souil moͤglich zuͦfürkommen/ so ist vnser ernst- liche meinung vnd beuelhe/ Das hinfürter/ wann sol- lich personen (die gleichwol wie gehoͤrt/ nit mer vnder vaͤtterlicher oberkeit/ oder verpflegt seiend) sich mitein- ander Eelich verheyraten woͤllend/ das alsdann diesel- bigen/ zuͦ sollicher Eeuerlobung zum wenigsten drey/ erber redlich/ gar onparteisch personen nemen sollen/ durch woͤlliche sollich Eeuerpflichtung/ im val der not turfft gnuͦgsam vnd rechtmessiglich moͤge bewisen wer den/ Sunst sollen gemelte heimliche Eeuerpflichtung gar nit gelten/ sonder onbindig/ vnd von allen onwir- den sein.

Welche aber diser vnser ordnung nit geleben/ sonder hierinn ongehorsam sein wurden/ die selbigen woͤllen Wir/ von wegen sollicher heimlicher winckel Ee/ ein zeitlang in gefencknus/ oder sonst nach gelegenheit der sach/ an leib vnd guͦt/ sampt oder sonderlich/ ernstlich straffen lassen.

Zum dritten/ Nachdem es sich ein zeitlang her/ vnd lenger ye mer/ in vnserm Fürstenthumb zuͦgetragen/ das etlich vihisch/ frech/ vnd onuerschempt personen so im andern vnnd dritten grad/ der sipschafft/ oder magschafft/ einander verwandt seien/ sich wider na- türliche erberkeit/ miteinander Eelich verpflicht ha- bend/ darauß dann bei etlichen/ vil ergernus/ vnd sonst aller hand vnrats eruolgt. So ist in betrachtung vi- lerlei vnns darzuͦ bewegenden vrsachen/ vnser ernstli- cher will/ meynung vnnd beuelhe/ das fürohin alle die personen/ so im dritten grad/ der sipp/ oder magschafft einander verwandt seiend/ bey vermeidung vnser vn- gnad/ auch ernstlicher straff/ sich keins wegs mit ein- ander eelich verpflichten/ oder noch weniger byeinan- der schlaffen sollend.

A iij

Wa aber yemands vnserer vnderthonen/ sich hieriñ ongehorsamlich halten wurde/ alsdann sollend diesel- bigen partheien zuͦbeweisung vnd erklerung/ wie sie ein ander in der bluͦt freündschafft/ oder schwagerschafft verwandt seien/ für vnser Eerichter vnnd Raͤte gewi- sen/ vnnd dann darauff/ laut jetzgemelts artickels/ die vermeint Eeuersprechung/ nichtig erkent/ vnnd sie da- nebend andern zuͦ einem exempel ernstlich gestrafft wer den.

Ferrer vnnd zum vierdten/ wa fürterhin ein Eege- mecht/ vom andern/ von wegen des begangnen/ vnd zuͦ recht gnuͦg bewisnen Eebruchs/ durch vnsere geordne- te Eerichter vnd Raͤte rechtlich gescheiden würdt (wie dann das/ nach dem heiligen Gottes wort/ auch in krafft gemeiner geschribner recht wol beschehen mag. So ist auß allerhand/ Christenlichen vnd sonst andern vns darzuͦ bewegenden vrsachen/ Vnser will vnd beuel- he/ das dem onschuldigen/ vnd nit brüchigen/ gescheid- nen Eegemecht/ so es sich anderwerts zuͦuerheyraten begern wurde/ vnd sich ongeuerlich jar vnd tag/ Ehr- lich wesenlich/ fromklich vnd wol gehalten/ auch sich in der zeit/ mit dem brüchigen nit Christenlich versoͤnet het/ alsdann sollichs gegündt vnd zuͦgelassen seind/ vnd also von vnsern Eerichter vnd Raͤten/ daran nit ver- hindert werden soll.

Vnnd so bald sich sollich onschuldig person/ also wi- derumb eelich verheyrat hat/ alsdann soll das Eebrü- chig jme zuͦ nachteil vnd schaden/ auch andern zuͦ einem abscheühen vnd exempel/ vermoͤg vnser hieuor außge- gangen Landsordnung/ vnsers Fürstenthumbs ver- wisen/ vnnd seiner hab auch guͤtter halber/ das gemein geschriben recht gehalten werden/ vnnd sonst in ander weg sollich vnser Landsordnung in krefften bleiben.

Dann vnd zum Fünfften/ als sich bißanher offter- mals zuͦgetragen/ das ein Eegemecht von dem andern hinweg gezogen/ vnnd etlich zeit hernach/ die bleibend person/ sich anderwerts widerumb vereelichet/ vnd et- wan das beischlaffen/ auch zuͦ zeiten die schwengerung hernach geuolgt/ Ob gleich das beliben Eegemecht nit gruntlich gewißt/ oder glaubwirdig beweisen koͤnden/ das sein hingezogner abwesender Eegemahel mit tod abgangen gewesen oder nit/ auch zuͦzeitten sollicher hin gezogner Eegemahel hernach wiederumb anheimsch komen/ darauß dann allerlei vnrat/ vnruw/ vnd weite- rung erwachssen. Sollichem freuel/ vnd leichtuertigem ergerlichem leben zuͦbegegnen. So ist vnser will/ mei- nung/ vnnd beuelch/ das in künfftig zeit/ kein Manns/ oder Frawen person/ in abwesen seins Eegemahels auß eignem gwalt/ sich anderwerts verheyraten oder noch weniger beischlaffen soll/ bei vermeidung vnnser vngnad/ vnd schweren straff/ so wir gegen beiden Ee- uerlobenden personen/ Ernstlich fürnemen lassen wer- den.

Wa aber ein solliche Mans/ oder Frawen person/ von wegen seins hingezognen abwesenden eegemahels/ vermeint fuͦg vnd recht zuͦhabend/ vnd auch begert sich widerumb mit einem andern zuͦuereelichen/ alsdañ soll das obgehoͤrter massen/ keins wegs/ eigens willens für- genomen/ sonder zuͦuorderst/ bei vnsern Eerichter vnd Raͤten angebracht/ vnd jrem darauff gegeben bescheid gelept/ vnd nachkomen werden.

Wa aber jemands/ wider diß vnser ordnung hand- len wurde/ alsdann sollend vnsere Predicanten/ die sel- bigen personen Christenlichem loblichem brauch nach/ an der Cantzel mit nichten verkündigen/ oder auch im angesicht der kirchen/ die Ee nit offentlich bestetigen/ sonder er Predicant/ dergleichen vnsere Amptleüt sie/ für vnsere geordnete Eerichter vnd Raͤt weisen/ vnnd jres bescheids hierinn erwarten.

Zum Sechsten/ so werden wir glauplich bericht/ das bißanher/ etlich vil personen/ nach beschehner Eeuer- lobung/ vnd doch zuͦuor/ Ee/ vnd dieselbig/ an der Can- tzel verkündigt/ vnd vor der Christenlichen gemein (wie gebreüchlich) bestetiget worden/ die Eelichen werck mit einander gepflegen/ Darauß vil jrrungen/ vnd onrats eruolgt/ darab wir dann nit ein gerings ongnedigs mißfallen empfangen/ darumb solch leichtuertig/ er- gerlich/ vñ vnerber leben zuͦuerhuͤten/ So ist vnser will/ meynung vnnd beuelhe/ das vnsere vnderthonen/ sich sollichs onzeitlichen/ onordenlichen vnd ongebürlichen beischlaffens/ vor dem Kirchgang bei vermeidung vn- ser straff/ enthaltend/ Wo aber die verlobte Eegemecht hierinn vngehorsam erfunden würden/ alsdann sol- lend vnsere Amptleüt (denen wir ein fleissigs auffmer- cken hierinn zuͦhaben/ hiemit beuelhen) sollichs vnsern Eerichter vnd Raͤten anbringen/ vnnd der straff hal- ben jrs bescheids gewarten/ auch demselbigen nachkom men.

Zum Sibenden/ Dweil in vil geringern/ wann solli- chen Eehandlungen/ nach innhalt gemeiner geschrib- ner recht/ ein jede partey/ so freuenlicher vnnd vnbilli- cher weiß/ den andern in Costen vnnd schaden einfuͤrt/ denselbigen zuͦwiderlegen schuldig/ ꝛc. Jm val dann das in sollichen strittigen Eesachen/ yemands wider einich- en puncten/ obberuͤrter vnser ordnungen handlen/ vnd sonderlich auch ein partey/ die ander vmb die Ee bekla- gen/ auch sein klag zuͦ recht genuͦgsam nit beweisen/ oder sonst in ander wege/ sein gegenteil/ in onbillichen Costen vnd schaden einfuͤrn wurde. So ist (sollichem muͦt- willen vnd freuel zuͦbegegnen) vnser will/ meinung vnd ernstlicher beuelhe/ das vnser geordnete Eerichter vnd Raͤte/ gemeinlich in allen Eesachen/ die verlustige par- tei/ der obsigenden/ stracks jn costen vnd schaden/ fellig erkennen. Es were dann/ das sie vnsere Eerichter vnnd Raͤt/ zuͦuergleichung sollicher costen vnd scheden/ son- der treffenlich bewegend vrsachen hettend/ welliches sie alsdann/ vnd sonst nit/ zuͦthuͦn/ fuͦg/ recht/ oder gewalt haben sollend.

Doch woͤllen wir vns hiemit/ diß vnser Eeordnung/ in einem oder mer/ oder allen artickeln/ nach gestalt vnd gelegenheit der sachen/ wie vns jeder zeit/ für guͦt vnnd notwendig ansehen würdet/ zuͦ leütern/ zuͦ mindern/ mern/ oder gar abzuthuͦn/ vorbehalten haben.