Distributed under the Creative Commons Attribution-NonCommercial 3.0 Unported License.
Fraktur
Anmerkungen zur Transkription:
¶ Na der boꝛt vnſes here̅ iheſu criſti. M. cccc
lvj. yaer hefft deſſe Dꝛacole wyda vele ſchꝛeke
like wunderlike dink ghedan vnde bedꝛeuen in
walechyen vnde ok in vngaren
ITem de olde gubernatoꝛ hefft den ol
den dꝛacol doden laten Unde de dꝛacole vnde ſin
bꝛoder hebben aff ghetreden van ereme loue̅. vn̅
hebben ghelauet vnde gheſwoꝛen den criſten lo
uen to beſschermende
¶ Item des ſuluen yares wart he gheſettet tho
eyneme heren in de walachye Tohanth leth he
doden den Laſla wyda. de dar ſulueſt heere ys
gheweſt
¶ Item tohant dar na hefft he in ʒouenboꝛgen
vn̅ ok in woꝛtelande mit namen beckendoꝛp la=
ten voꝛbernen. Ock vꝛouwe̅ vn̅ ma̅ iunk vn̅ olt
Etlike hefft he mit ſyk gheuoꝛet in de walachie
an yſerẽ kede̅. vn̅ darſulues alle late̅ doeꝛſpeten.
¶ Item he hefft alle iunge̅ de in ſin lant gheſant
weren vmme to lerende de ſpꝛake. de het hee al
le in eynen ſtauen beſluten vn̅ leth ſe voꝛberne̅
der ſynt gheweſt veerhundert
¶ Item he heft eynen vꝛede ghemaket in ſinem
voerlude vth woꝛtelande laten ſpeten
¶ Item he hefft ok eyn groet ſlechte vthe rute̅
laten vn̅ ſpeten van deme minſten beth to deme
meyſten yunk vnde olt
¶ Item he hefft etlike van ſyneme volke naket
laten ın de erde grauen beth to deme nauele. vn̅
hefft ʒe laten doet ſcheten Etlike heft he ok late̅
bꝛaden vnde ſchinden
¶ Item he heft den iungen dan ghefanghen vnde
hefft em eyn graff laten make̅ vn̅ leth ene beſyn
gen na criſteliker oꝛdeninge vnde wyſe vn̅ hefft
em ſyn houet aff hauwe̅ late̅ bi deme ſulue̅ graue
¶ Item boden ſynt to em gheſchikket woꝛde̅ va̅
deme koninkrike to vngeren vn̅ van ſaſſen vnde
ʒouenboꝛgen in de walachye. der weren. lv. in
deme tale. de leth de dꝛacole vyf weken beyden
vn̅ leth ſpete voꝛ ere herberge ſteken. Alſo ſynt
de boden in groten ſoꝛghe̅ gheweſen. vn̅ dat heft
he darūme ghedaen. wente he befruchtede voꝛ=
rederye. de wyle toch he in woꝛtelant vnde voꝛ
darff dar den rogge̅. vnde alle de vꝛuchte leth he
voꝛbernen. vnde dat volk leth he ghefange̅ voꝛe̅
buten der kronſtat alʒo ghenomet. do hefft de
dꝛacole gherouwet by ſunte iacobs capelle. vn̅
heft de voꝛſtat laten voꝛbernen Ock do de dach
des moꝛgens vꝛo anqua̅. do leth he vꝛouwen vn̅
manne iunk vn̅ olt bi der ſuluen cappellen vnder
den berch doerſpete̅. vn̅ heft ſyck myddene mank
vꝛouden gheten
¶ Item he hefft ock ſunte bartholome kerke
laten voꝛbernen. vn̅ alle de oꝛnate clenode vnde
kelke mit walt van dar ghenamen
¶ Item he heft ſyner hoeftma̅s eyn in eyn grot
doꝛp gheſchikket. mit name̅ ʒendinck. dat to voꝛ
bernen. Men de ſulue hoftma̅ konde dath doꝛp
nicht voꝛbeernen va̅ wedderſlaent der doꝛplude
vnde qua̅ wedder to huſʒ to deme dꝛacole. vn=
de ſpꝛak Ik hebbe nicht konen vullenbꝛinge̅ dat
du my gheheten hefſt. altohant leth hee den ho=
uetman doerſpeten
¶ Item koplude vn̅ ander volk mit erer kope̅=
ſchop queme̅ van woꝛtelande ouer de donouwe
to pꝛegel. ym talle. vj. hūdert. de hefft de dꝛacol
alle late̅ doerſpeete̅. vn̅ ere guth laten nemen
¶ Item he heft laten maken eynen groten kop
peren ketel. vn̅ dar ouer eyne bꝛede decke myt
holen. vnde heft de lude mith den houeden dar
doer laten ſteke̅ vn̅ alʒo ſluten. vn̅ hefft de̅ ketel
mith watere laten vullen. vnde heft groet vuer
vnder deme ketele laten make̅. vn̅ dat volck al=
ſo yamerlyken laten ropen vnde ſchꝛyen. went
dat ʒe gans voꝛſoden ſynt
¶ Item voꝛſchꝛeckelike vurchtſame vnuthſpꝛe
kelike pyne heft he bedacht. Alʒo dat he heft la
ten moeder vn̅ kynder an de̅ bꝛuſte̅ ʒughe̅de to
ſame̅ ſpete̅. dat de kyndere den moderen an den
ghelike̅ heft he den moderen de bruſte vp gheſne
den. vn̅ de kindere mit den houeden dar doeꝛ ge
ſteken. vn̅ beyde alʒo vp eynander gheſpetet
¶ Item etlike mynſchen heft hee ſydlingk laten
doerſpete̅ allerleye volk. criſten. yoden vnde hey
den. dat ſe ſyk lange hebben moghe̅ roghe̅ vnde
ſpoꝛtelen vn̅ geſlengert doer eynander alſe de pog
gen Dar na heft he en hende vn̅ vote ok late̅ an
ſpeten. vnde hefft vaken ın ſyner ſpꝛake gheſecht
Ey wath groter abelheyt dꝛyuen ſe nu. Aldus
hefft he ſyne vꝛoude ghehat
¶ Item he hefft eynen thatter ghefange̅ de had=
de gheſtalen. do queme̅ de anderen thatters vn̅
beden den dꝛacol he ſcholde ene loſʒ gheuen. do
antwarde he vn̅ sprak. He moet hange̅. vnde gy
ſcholen ene ſulue̅ henghen. Se ſpꝛeken id were
nicht ere wonheyt. Do leth de dꝛacol den that
ther in eyne̅ ketel ſeden vnde de andere̅ thatters
moſten ene ethen mit vleeſche vn̅ mit knake̅
¶ Item to em wart ok gheſant eyn erweꝛdych
man. vnde de qua̅ to em by den luden de hee al
ſo yamerliken hadde laten ſpeten. Do ginck de
dꝛacole manck ʒe vmme vn̅ beſchouwede ʒe. de
weren gheſchapen alſe eyn groet doꝛre wolt. do
ſpꝛak de ſulue man to deme dꝛacol. woꝛūme hee
alʒo dar mank deme ſtanke vmmeginge. de dꝛa=
col ſpꝛak. ifft id em anſtunke. de man ſpꝛack ya.
Do leth hee ene tohant hoch bauen de anderen
biij
ſtynken
¶ Item vppe eyne tyd hadde eyn pꝛeſter in ſyne
me lande ghepꝛediket. wo dat de ſunde nicht voꝛ
gheuen woꝛde. ſunder men gheue dat vnrechte
guth denne wedder. do bath de dꝛacol de̅ pꝛeſter
tohant to gaſte vn̅ ſette ene an ſine tafele. de dꝛa
col ſneet an wyt bꝛoet. dat he ſuluen ethen wol
de. de pꝛeeſter na̅ vndertiden der betken eyn vn̅
ath ene. do ſpꝛak de dꝛacol to em.wo hefſtu hu=
den ghepꝛeddiket dat de ſunde nicht voꝛgheuen
wert men gheue denne dat vnrechte guth wed=
der. de pꝛeſter ſpꝛak ya. do ſpꝛak to em de dꝛacol
woꝛūme etheſtu danne va̅ myneme bꝛode. dat ik
my ſulue̅ hebbe an gheſneden Tohant doeꝛſpete
he den ſuluen pꝛeſter.
¶ Item to eyner tyt qua̅ de dꝛacol in ʒoue̅boꝛ=
gen to kalmotʒ. dar ſulues heft he vele mynſche̅
laten hakken als dat kruet. Unde etlike hefft he
mit ſyk in ſin lanth gheuoꝛet. vnde hefft ſe laten
doerſpeten
¶ Item he heft alle ſyne lantvogede vnde edde
le lude in ſyneme lande tho gaſte gheladen. do de
maltijt vullenbꝛocht was do hoef de dꝛacol an
van deme oldeſte̅ vn̅ vꝛaghede. wo vele hee dech
te der wyda. de in deme lande here̅ ſynt ghewe
ſen. Unde aldus vꝛaghede he eynen na deme an
dere̅ Se ſeden alle ſo vele alſe eyniewelick wuſ
te. de eyne ſede voftich. de ander. xxx. alſo was
tomale ſpeeten. Unde der weren in deme talle
wol vyffhundert
¶ Ite̅ he heft vele minſche̅ vppe ſlypſtene̅ to do
de late̅ ſlipen. vn̅ vele ander vnminſchliker boſʒ
heyt hefft he ghedan. de men van em ſecht in et=
lyken landen
¶ Item he heft eyne boelſchop ghehat. de make
de em vꝛoet ʒe were ſwanger va̅ eme. do leth de
dꝛacol de vꝛouwe beſeen mit den bademomen .
do ſpꝛeke̅ ſe to em ʒe were nicht ſwa̅ger. do ſneet
he deſulue ſyne boelſchop va̅ nedde̅ vp beth tho
den bruſten. vn̅ ſpꝛak hee wolde beſee̅ woer ſyne
vꝛucht were. efte woꝛ he er gheleghe̅ vnde weſt
hadde
¶ Ite̅ boden ſynt to em gheſchıkket woꝛde̅ vth
der hermanſtat in de walachye. de hebben nage
ſecht ʒodanen yamer. do ʒe wedderu̅me to huſʒ
ſynt kamen. dat ſe doder vn̅ gheſpeteder mynſche̅
alʒe eyn groet wolt gheſeen hadden
¶ Item Anno dñi. M. cccc. lxij iaer is de dꝛa
cel kome̅ in de grote̅ ſchyldow. dar heft he laten
doden mer we̅ vif duſent minſche̅ allerleye volk
criſte̅ yode̅ vn̅ heyde̅. Ma̅k de̅ ſynt de alderſcho̅
ſten vꝛouwe̅ vn̅ iu̅cfrouwn̅ gheweſt. de doꝛch ſyn
hofgeſinde ſynt beholde̅ vn̅ bewaret woꝛde. vn̅
bede̅ den dꝛacol dat he ʒe en to elıke̅ wyue̅ geue
do leth de dꝛacol alle de ma̅ne mit den vꝛouwen
vn̅ iu̅cfrouwe̅ to hakken mit koꝛde̅ vn̅ ſwerden
dat lant is deme thurke̅ thyns ſchuldich geweſt
vnde de thurke heft den thins vake̅ van ſee gheeſ
ket Alʒo ſede he den boden he wolde ene em ſulue̅
bꝛyngen. Unde he toch in dat lanth. do reth me̅
em entegen. In ſulker menynghe dat ʒe em den
tyns des keyſers aldar bꝛınghen wolden Aldus
quam de eyne partye na der andere̅. do nu de dꝛa
col ſach dath yd ſyne tyt was. do ſloch he de al
tomale doet de em entegen weren ghereden. we̅
te ʒe ſyk des nicht voꝛhapet hadden. Unde de dꝛa
col voꝛbernede de gantʒe wulgerye. vnde alle de
mynſchen de he fanghen konde de leth de dꝛacol
altomale ſpeten. vnde der were̅ im talle. xxv. du
ſent. ane de de in deme vure voꝛdoꝛue̅
¶ Item de dracol ſach eynen man arbeyde̅ yn
eyneme koꝛten hemede. do vꝛagede he deme ma̅
ne. yfft he ok eyn wyff hadde. He antwerde vn
de ſpꝛack ya. de dꝛacole hete ʒe voꝛ ſyck bꝛinghe̅
vnde vꝛaghede er wath ʒe arbeyde. Se ſpꝛack.
Ick waſche backe vnde ſpynne Tohanth leth
he ʒe ſpeten. darvmme dath ſe ereme manne nee̅
langk hemde gemaket hadde. vnde ghaff em ein
ander wyff vnde ſpꝛack to er ʒe ſcholde em ein
langk hemede maken Efte he wolde ſe ock doeꝛ
ſpeten
¶ Item vppe eyne tijt queme̅ in ſyn lant by dꝛe
hundert thatteren. do nam he de beſten dꝛe vth
en vn̅ leth ʒe bꝛaden. de moſten de anderen eten
deren eten. efte theet an de thurken. des weren
de thattere̅ alle vꝛo. ieghe̅ de thurke̅ to ſtride̅de
Alʒo leth de dꝛacol de perde vn̅ ma̅ne in kuhu=
de kleyden. Do nu de thatteren an de thurken
queme̅. do ſchuchterde̅ der thurke̅ perde voꝛ de
me ruſchende der kohude. vn̅ gheuen de vlucht
an eyn water. do voꝛdꝛunken der thurke̅ gans
vele. alʒo toghen de thatteren wedder aff.
¶ Ite̅ eyn mo̅nik baruoter oꝛdens is em vnder
weghe̅ beyege̅t ride̅de vp eyneme eʒele. do leth
de dꝛacol de̅ eʒel vn̅ de̅ mo̅nik vp eyna̅der ſpete̅
¶ Ite̅ tho em woꝛden vpp ene tyt gheſchıkket
etlike walen. Do ʒe to em queme̅. do nygede̅ ſee
em vn̅ nemen ere hoede aff. vn̅ de birret dar vn
der behelden ſe vp eren houeden. do vꝛagede he
ſe woꝛu̅me ſe de bırret ock nicht aff nemen. Se
antwerde̅ vn̅ spꝛeke̅. id were ere woenheyt. vn̅
ſe neme̅ ſe ıege̅ deme keyſer nicht aff. De dꝛacol
ſpꝛak. Ik wyl iuw dat beſtedighe̅ Tohant leth
he en de birret an eere houede vaſt neghele̅ vpp
dat ſe en nicht affallen ſcholden vn̅ eꝛe wonheıt
bleue. Aldus beſtedighede he dat
¶ Ite̅ vp eine tijt ſynt twe mo̅nıke kame̅ in ſyn
lant. de leth he voꝛbade̅ ʒe ſcholde̅ to em kome̅.
vnde dat deden ʒe. do ʒee to em quemen do na̅
he de̅ eyne̅ mo̅nik beſu̅dere̅ vn̅ vꝛagede em wat
men ghudes van em ſeede ym lande. dyſſe mon
nik vꝛuchtede ſyk gans ſere voꝛ em vnde ſpꝛack.
gans dogentſam vꝛam here. dat ſulue ſegge ik ok
van yw. do hete he deſſen monnik voꝛware̅. vn
de men bꝛochte em den anderen monnik ok voꝛ
vnde de wart van em ghefraget alʒe de erſte. do
dachte deſſe andere monnik. ik moet doch ſterue̅
ick wil em anders nicht men de waerheit ſegge̅
vnde ſpꝛak Sy ſynt de ſnodeſte vn̅ de groteſte thi
ran. den men vinden mach in alle der werlnde. vn̅
ik hebbe nene̅ minſche̅ ny gheſeen noch ghehoꝛt
de iuw ye wat gudes na ſecht heft. vn̅ dat hebbe
gy ok an velen minſche̅ wol bewyſet. Do ſpꝛak
de dꝛacol. du hefſt my de waerheyt gheſecht. dar
vmme wil ick dy laten dyn leue̅t. vnde leth ene
wedder loſʒ vnde vꝛyg. vn̅ ſande wedder na deme
erſten vn̅ meynde he woꝛde em ok noch de waer
heyt ſegghen. do ſede he na alʒe voer. do ſpꝛak de
dꝛacol to ſynen plaghers. Nemet ene wech vn̅
dodet ene. vn̅ leth ene ſpete̅ van der warheyt we
ghen. de he voꝛhelede vn̅ nicht bekenne̅ wolde
¶ Item deſſe dꝛacol de leth bꝛaden iunge kindere
de moſte̅ ere eghene modere ethen. vn̅ leth velen
vꝛouwen de boꝛſte aff ſnyden. de ere eghen mans
moſten ethen. dar na ʒo leth hee ʒe altomale ſpe
ten.
¶ Item he leth allen truggeleren in ſyneme lan
de eyne gude maltijt bereyde̅ Na der maltit leth
he ʒe vaſte beſluten in deme ſuluen ʒale daꝛ inne
ʒe gheten vnde dꝛunke̅ hadden. vnde hete de̅ ʒael
dede he darumme. wente he meynde ſe ethen den
luden ere bꝛoet voꝛgheues aff. vnde konden dat
nicht voꝛdenen
¶ Item tohant dar na do vingk ene de koninck
van vngeren. vnde helt ene lange tijd gans ſtre̅=
gelik ghefangen Dar na leth he ſyk dopen to of=
fen. vnde dede gans grote bote Dar na makede
de konınk van vngere̅ deſſen dꝛacol wyda wed
der to eynem groten heren alſe voer. vnde men
ſecht dat he dar na noch gans veele guder wer
ke dede. do he eyn criſten was woꝛden