Dieses Werk ist gemeinfrei.
Schwabacher
herꝛ Pfarrer. bona dies/ ſeind wilkum
ins wirtzhauß/ wo her ziecht ir/ was ſagt yr newer
mehr/ was yetz voꝛhandẽ iſt. Sagt mir etwas da
bit ich euch vmb.
lieber Schultheyß ich kum
erſt von Hagnau vnd hab vil ſeltzamer mehr gehoꝛt/ beſond̕
ſagt man vil vom Turcken/ auch võ hertzog von Geller wie
im der kunig võ Frãckreich woll woͤll/ auch vil võ welſchlãd
zwiſchẽ Bapſt vnd mantaw/ vñ der gleich vil.
was hoͤꝛt yr dann vom Luther/ ſo yerz zů Woꝛmbs geweſen
iſt.
was geht mich der Muͤnch an. Er iſt ayn ketzer/
er redt vnnd ſchꝛeibt widernn glauben/ warlich er wirtt ſeinn
lon finden/ den er verdient hat/ vnnd alle die im an hangent.
warumb herꝛ Pfarrer. nun hat er doch gut vnd
Chꝛiſtẽlich ding gelert vñ geſchꝛiben/ das dem glauben nicht
abnympt/ er macht in wol gut/ vñ vergrũdt all ſein geſchꝛifft
in rechtem glauben/ vñ auß dẽ heiligẽ Euãgelien/ vñ auß ſant
Paulus leer/ vñ fů
lang her gelegtt haben/ vmb gelts vñ guts willen/ darzu hat
er vns erſt ein gůten rechten verſtãd in dẽ heiligen gebett des
vatter vnßers gelert/ das er in eym bůchlin/ ſo ſchoͤnn erklert
hat/ des ſich ein yetlich Chꝛiſten mẽſch freũwen ſoͤl/ wer es liſt
als mir es dan mein ſchůler ſo gar huͤbſch geleſen hat/ darzu
hat er vns auch leeren recht vñ gruͤntlich beichtẽ/ mit eim kur
tzen ſchoͤnen begriff/ vñ vns auß vil yrſal entlediget/ vnd das
gebot gots vil ringer anzaygt/ das yr Pfaffen all vns voꝛhin
ſo gar ſchwer gemacht habt ꝛc.
wie kan dz ſein/ was
von dẽ Bapſt vnnd võ den ſeinen voꝛfaren gemachtt iſt/ iſt
guͤt vñ gerecht/ was aber der Luther ſchꝛeibt iſt wid̕ dy Chꝛi-
ſtenliche kirch/ vñ wider die gaiſtlichẽ recht.
wer
iſt die Chꝛiſtẽlich kirch.
habt yr es nit offt von mir ann
der pꝛedig gehoͤrt der Bapſt vnnd ſein Cardinel all biſchoff
vñ pꝛelaten.
ſolt dan der Bapſt vñ diſer anhãg
die Chꝛiſtlich kirch ſein/ das glaub ich nit. So ſagt man
ſelbs das geiſtlich recht/ das mag er machenn wie er will/ ich
daheym von meinẽ ſchuͤler der mir die pawren mit kreydẽ an
der wend auff ſchꝛeibt/ dan wan die Chꝛiſtenlich kirch alleyn
an im vñ ſeinem anhãg ſtund/ So het wir armẽ Chꝛiſten ein
verloꝛn ſpil/ kan der Babſt vñ die ſelbigẽ nit auch irꝛen vnnd
ſunden ſo mã on des nit vilt guts võ in ſagt/ was ſoll ich dã
guts von in gedencken/ hoͤꝛt ir nit was Doctoꝛ Martinus Lu
ther võ in allẽ ſchꝛeibt/ was groſſer boͤſer ſtuck ſy handlen vñ
thunt zu Rom/ mit pfriendẽ kauffen vñ verkauffen/ tauſchẽ/
verwechßlen/ daruon nemẽ/ vñ nit beſitzen/ noch verdienẽ/ vñ
des dings vil/ wie ſie auch durch die faſten vñ alle tzeyt fleyß
eſſen/ vñ vns alle ding verbierẽt/ vnd wye ſie mit ſchentlichen
dingen vberladen ſeind. ꝛc. Darzu iſt all yꝛ ding auff das gelt
von vns mit hauffen zufoꝛdern gericht. Zu diſem allen ſo ſich
ich hie im teutſchland võ dẽ bei vns wonẽt auch nit vil guts/
dã das ſie mit groſſer herſchafft vñ fylle der pfriendẽ/ vil vn-
nutz bꝛachts halten/ mit groſſem gebꝛeng der klayder/ võ al-
lerl
gold/ vñ anderen gezierdt/ wie die weltlichẽ furſten vñ graffẽ
thuͤnt/ das ſollent vnſer pꝛelaten ſeeltrager vnd furbitter ſein
ſie bekuͤmert nit wie Paulus zu denn Roͤmern am xij ſpꝛicht/
fuerẽt gut wandel voꝛ gott vñ voꝛ dem mẽſchen ꝛc. Vnd das
ichs baß beſtett/ ſo bin ich yetz am Oſtertag zu Straßburgk
geweſen/ da ſach ich ein gebꝛeng/ vñ hoffart vnder dẽ pfaffẽ
in der kirchen/ vnd auff der ſtraß/ vnd wenig andacht darbey
das mich erbarmet das ſie ſo vil rendt vñ zeinß ſo vbel verze-
rent. Sie haben vil knecht/ ſchꝛeiber vnd buben das yn dient
vñ nachgat/ on das ſie in yren hoͤffen noͤrent von liederlichen
weyber/ kuppler vnd ſchalckßnarrn/ des gleichen vil vberiger
roß/ vil der hund/ feder ſpill/ das iſt yr liberey/ vñ buͤcher/ dar-
in ſtudiern ſie/ furwar ſpoͤtlich iſt es zuſagen/ vñ zu dem allem
fleiſſent ſie ſich ſo groß teglichs gen Rom/ vmb pꝛelaturen/
pfarren/ vñ der gleich/ als woltens ewigklich leben/ auch be-
gabt man yetz kinder in der wiegen/ vñ rotzig buben mit groſ
nunft da iſt/ entzuckt ſie got dem herꝛn/ vñ ſchenckt ſie dẽ teuf
fel. Warumb geſchichts aber/ yr eltern bꝛuͤder vñ freind noͤrẽt
ſie mit in/ haben ein auff vñ zureitten/ vñ gehn zu in/ alſo wer-
dent die gotzgaben verzert/ vñ wan ichs redẽ doͤꝛfft/ ſo thũd
ſie all mit in den bettel freſſen. Da ſelbſt ſol der einer ſo vil ver
dienen/ von vile der pfruͤendẽ groſſen gotzgaben/ dar hinder
weder kunſt/ verſtand/ vñ kain geſchicklichayt noch andacht
iſt/ da mit dan die ab geſtoꝛbnen ſtiffter getroſt/ vñ gegẽ gott
erbe
lein betrachtũg zu wolluſt in allem vbel. ꝛc. Merckẽt darnach
auff die mindern pfaffenn als Vicarter/ Caploͤn/ helffer/ oder
pfarrer/ auff den Styfften/ oder ſunſt/ was erberkeit vnd an-
dacht bey etlichen vnd der merer teyll ſich haltẽ thu/ in kirchẽ
oder auff den ſtraſſen. Des gleich yr kunſt vñ geſchicklichayt.
Dan was ſie in den kirchen thunt/ es ſey auff
oder in kloͤſtern Das geſchicht allein durch betrachtung des
gaytz/ man findt yetz wol etlichẽ pfaffen in einer kirchen/ wan
er ein altar zu einer meß thut beraytten/ ſo berayt er mer dann
ein ſtund daran/ vñ macht ein gepꝛengk voꝛr/ als wol er gau-
cklen Beſonder auch ſo beklaidt vñ zierdt er die huͤoͤtzin vnnd
gemalte goͤtzen auff dem altar vmb geitz willen/ damit dy ſel
bigẽ von einfeltigem volck angebeten vñ geerdt werden/ das
dan got hoch verbeut durch den pꝛopheten Baruch am. vj.
Capit. Da ſoꝛicht gott die ſollẽt geſchandt werdenn/ Die ſo-
lich huͤltzin gemoͤlte/ oder ſilberin bildnuß anbettẽ. Auch ver-
beut got ſolichs dem volck nit zu offenbaren/ fur/ oder neben
got an zu betten/ oder kain liechten oder laternen fur zu hẽckẽ.
Aber yetz die pfaffen vñ Muͤnch die laſſens als durch hingã/
vñ raytzen das volck dartzu/ allein von des ſchentlichen geytz
willen ſech einer auff/ in Cloͤſtern wie ſie mit aimhauffen zedel
zuuerkundẽ auff dy kantzel ſtond. Vnnd wiſſen das es wider
got iſt. Beſonder wo es den boͤſen geytz antrifft/ wo aber ſol-
liches antreff die werck der barmhertzigkeytt/ die menſchẽ fur
gut werck/ Dan wã ein ſollich pꝛediger fleiſſig betrachtẽ the-
then/ vñ hielten die heylig weyßſagũg Malachie am anderen
Capittel. Da ſpꝛicht der herr O yr pꝛieſter ob ir nit wolt gebẽ
gloꝛi meinẽ namen. Jch wird euch verfluchen ewr geſehnũg.
Wan die leftzen des pꝛieſters behuͤettẽt dy waißheit/ dan ayn
ſollicher iſt ein engel des herrn. Aber yr ſein gewichẽ von dem
weg/ vñ haben manchẽ geergert in der Ee/ yr habt eyttel ge-
macht das geluͤbt Leui. ꝛc. Sollichs iſt kain betrachtung bey
euch Dan wan ein ſollicher dẽ halß furſtreckt/ es ſey kirweich
oder ſonſt/ ſo ſicht er ſich vmb wie ein vogler/ dem die vogell
einſitzen
wol er zum dantzladẽ/ ob im yndert zuopffern werd/ oder hat
etwan zwayen oder dꝛeyen ein meß verſpꝛochen/ nympt von
yedem gelt/ als ſey die meß allein ſein/ vernimpt er dan ein pꝛe
ſentz in der kirch/ ſo lauff er in chor hinzu/ ſtelt ſich in ein ſtull/
vñ kruͤmpt ſich wie ein ſack pfeyffer/ treibt nicht dann vnnutz
geſchwetz/ nypmt die pꝛeſentz ein. Vnd ſpꝛech der ſeel nitt eyn
vatter vnſer nach. Wuͤrfft ſich vmb vñ laufft zur kirchthuͤrr
hin auß/ den nechſten ſeim hauß zu/ ſo kumbt im ſeyn koͤchin
entgegen/ dy beſich im den pꝛiinen im ſeckel/ ſo hat er darnach
der kirchen gnuͤg. Den ſo ſtelt er ſich voꝛ die kramledẽ/ da ſtu-
diert er alle menſchẽ auß/ wer auff vñ nider gat/ oder ſetzt ſich
einer inß weinhauß wo er ſeins fugs findt/ da lernt er rechnen
vñ muntz kennen auf der karten oder wuͤrffel/ leut man dann
zu vigilg tregt es nit vil/ ſo bleybt er ſitzẽ/ tregt es aber etwas
guts/ ſu laufft er flucks in die kirchen wie ein wolff in ſchaff
ſtal/ So bald er die pꝛeſentz erfreifft/ ſo zapfft er ſich bald ey
der daruon/ den nechſten wider zu ſeinẽ bekãten/ den bꝛingt er
einn neues geltlin/ da bettet er dy vigilg ſelb viert. Sitzt dar-
nach fult er ſich biß mitternacht/ das mã in heim fuͤeren muß
am moꝛgen ſicht er wie ein abgeſtochner kalbßkopff/ iſt dann
ſunſt ein ander ſo erber/ der ſollichs nit thut/ vnnd bleybt da
heim/ ſo hat er ſunſt ſeinn kirchtag mit ſeiner getraudten/ dy
fraw richterin ſey/ wer ſie nit kent der hats fur erber/ ſo ſie ſchõ
daruoꝛ vil ſtell durch loffenn hat/ die iſt geſchickt zu geiſtli-
cheit/ der pfrund gut vnd gult zuuerzeren/ ſollichs iſt dã ewer
aller arbeit/ ſchaw dan einer wie ir ſo erber eins teyls geklaydt
da her geht/ mitt außgeſchniteen ſchuen/ vñ lappetten baret-
ter wie die lantz knecht/ meer will ich euch ſagen/ als kurtzlich
von geſchefft wegen zu Woꝛms geweſen bin/ da hab ich vil
ſeltzamer wunder geſehen/ mit groſſen gebꝛenng der gayſtli-
chen/ des gleich von vnzimlichẽ freſſen/ vñ zu trincken an yrẽ
hoͤfen/ das mich warlich zu grob gedaucht/ ſo hab ich gehoͤꝛt
das die Roͤmer ſo da gelegen ſeind/ die gantz faſtẽ flayſch geſ
ſen habent/ vñ gebieten doch vns zu faſtẽ/ vñ oͤl/ vnd anders
eſſen/ warũb iſt es vns verbotten/ das wirs es eins teyls mit
gelt von in kauffen mueſſend/ alſo macht man vns zu narren
ſollichs vnd dergeleichẽ treybend yetz die geiſtlichen. Soll dz
dy Chꝛiſtẽliche kirch ſein/ ſo habẽ wir ein ſeltzam kirch vber kũ
men/ dis als ſtrafft der Luther/ warlich meins bedunckenns
recht vñ wol.
Ach lieber
vil/ yr ſolt nit alſo reden/ yr verſtond es nit/ man hat euch et-
wan auß neyd alſo von yn geſagt/ ſo glaubt yr im leichtlich.
Wie maynt yr ob ich zu bald gelaub/ ſo fragẽd
den frũmen paſchquillũ vonn Rom/ wie es da ſelbſt zu gehe/
vnd herꝛ Vlrich von Huͤtten/ den ſelbigẽ glaub ich wol/ auch
weiß der Symon heß wol dar von zuſagen/ wan er es doͤꝛffte
thuͤn/ vnnd er nit des bapſts diener wer. So hab ich ſollichs
yetzo tzu Woꝛms ſelbs geſehenn/ ſo weyß ich woll wie es tzu
Straßbug/ vnd Speyr auff beyden Styfften tzu gat/ So hoͤꝛ
ich es ſey auff andern ſtifften vberal auch alſo/ das nit wund
wer das ſie vns mit irem boͤſen leben aberglaubig machten.
Vnd wan im gleich alſo wer ſo habt yr/ oder kaynn
vmb ſolichs tzu ſtraffen. Dã got ſpꝛicht Mathei am xxiij. ca.
Jr ſolt nit nach yren wercken/ beſonder nach iren woꝛtẽ thun
Sol ſie nyemãt ſtraffen/ mein ſchuͤler ſagt mirꝛ
irret dein bꝛuder/ ſo ſtraff yn nympt ers nit ann/ ſo nym noch
zwẽ zu dir/ hilffts nit verklag in voꝛ deꝛ gemein/
ſant Paulus Petrũ ad gallatas am andern Ca. Als ein irrigẽ
Dan wã ewer leer kayn nuͤtz iſt vñ dz ir ander ding ſagend dã
dye recht gots leeriſt/ vñ vns vil an dy gots leer wolt henckẽ/
wem ſol man dan volgen/ dan als ich von meim ſchuler be-
richt binn. So ſtat Mathei am fuͤnfftenn nitt ein ſpitzli eins
buchſtaben ſol zu dem gebot gots/ zu oder abgehn/ oder ge-
than werden/ meer in Appocalipſi ſtat am letſten Cap. Der iſt
ſelig der da behuͤet die woꝛt der weyſagũg dyß buchs.
ey lieber Shultheyß der ſchuler verſtats nit/ laſt in nach par-
tecken gehn. Wiſſent ir nit das diſe vnſern oͤberſtẽ vnd gay-
ſtlichen nit zu ſtraffen ſeind/ Vnd haben den gewalt võ got/
Fragend euwern ſchuler ob er nit wiß was Paulus zu dẽ Roͤ
mern am xiij. ſagt wer dem gwalt wider ſtatt/ der widerſtatt
got. ꝛc
Lieber ſagts vollẽ hinauß. Stat nit her-
nach Der gewalt tregt das waffen nit vmb ſunſt. Da meint
er das ſchwert des weltlichenn gewalts/ auch meer ſtat her-
nach den ſelbigẽ gebt auch den zins/ oder den zol/ oder die eer
oder wen meint yr/ den got oder ſant Pauls anders gemeint
hab.
den Bapſt/ Cardinel all Biſchoff Pꝛelaten/ vnd
Pfarrer. Vꝛſach das ir vns ſchuldig ſeind zu opffern zehendẽ
zu geben/ beicht gelt/ tauff gelt/ Sacrament gelt. Vñ des myr
on not iſt hie zu ſagen.
Warumb hat dan gott
der herꝛ geſpꝛochenn/ da ſein Junger fragten welcher vnderr
in der oͤberſter ſeyn ſolt. Da gab er yn antwoꝛt/ Welcher der
oͤberſt wol ſein der ſol der andern aller diener ſein/ Er wolt in
keinen in ſunderheut ernennẽn. Er hieß ſie alle gleich pꝛedigen/
auffloͤſen/ vnd binden. ꝛcꝛ. Jch waiß woll das ir vil begerẽd/
auch nement/ vnd haben wolt/ das wider recht noch zimlich
iſt. Wo her iſt mann euch ſoͤllichs alles ſchuldig/ das mann
euch ſol ſo vil bꝛot vñ wein/ ſchmaltz mel/ vñ eyer vnnd geltt
opffern. Das ir mit euwern bolſter moͤmen verzerendt. Wyſt
ſchen auß andacht/ on bezwungen das her bringent/ ſo hoͤꝛtt
es armen leuten. Vnd nit euch/ wie dan bey der erſten kirchen
der bꝛauch geweſen iſt. So habt yrs zu euch gezogen/ ſo kũpt
yr mit dem zehenden. Da wolt ir vns gar mit ſchinden/ es ſey
von koꝛn Allerley getrayd/ kelber/ bynen/ ſchaff/ oder lemmer/
obſt vñ alles/ nichts kan voꝛ euch auffkũmen. Warũb foꝛde-
rent ir nit auch von newgeboꝛne kinder. So moͤchten wir tzu
kũmen/ ſo huͤlfft ir vns auch di ſelbigen erzyehen. Dan was
die ſelbigen ſollend eſſen. Muͤſſen wir alles euch geben/ zaygt
mir an/ wo hats got euch alſo zu geben oder beuohlen. Vnd
dar zu ſo doch ir ſunſt in allen dingen frey woltt ſein/ kaynem
weltlichen gewalt nichts zugeben/ euch genuͤegt nit ſo ir ſchõ
in etlichenn reychſtetten ſteur frey/ wach vnnd vmb gelt frey
vnd wol verwardt ſitzt/ yr woltend gern grund vnd boden
thurn vnd thoͤꝛr darzu haben. Wolt doch got der herꝛ auch
dem welichen gewaltt auff erdtrich vnderthenig ſeinn. Do
er zu Petro ſagt/ ganng annß moͤꝛ/ den erſten fiſch den du fa-
heſt/ da ſinſt du ein pfennig bey/ den gib voꝛ mich vñ dich/ er
hat nitt gehayſſen denn pꝛiſternn oder gleyßnern gebenn. Er
meynt denn keyſer/ vnnd weltlich gewalt. Meer hoͤꝛ ich von
meym ſchuler/ dan aß ich red kumpt als auß meym ſchuler/
Jch kann wyder ſchꝛeybenn noch leſenn. Der ſelb ſpꝛichtt/ es
ſtannd Mathei am x. Capittel. Gott ſpricht tzu denn Appo-
ſtellen/ vnd tzu euch pfaffen allen/ pꝛedigent des hymelreichs
zu nahung/ heylen die kranckenn/ erweckent die todtenn/ ray-
nigendt die auſſetzigen/ vergebenn habt irs entpfangen/ ver-
geben ſolt yrs außgebenn/ nitt wolt beſitzen gold oder ſilber/
meer muͤß ich euch weitter vonn gewalt fragen nach euwerm
gedunckenn/ welche meynent yr die den rechtenn gewalt tra-
gent/ die geiſtlichenn oder weltlichen.
die geyſtlichen
tragent yn/ Dan wann man vns nit gibt das vns tzugehoͤꝛt/
Daruon yr vns nit reden werden/ So haben wiꝛr den rechten
gewalt des bans.
Soll das euwer ſchwert oder
ren ſchwert/ ſo nem er nitt ſo vil Chriſtenlicher land ein/ Jch
frag euch wr iſt die recht uͤberkeyt der bapſt oder keyſer.
Der bapſt/ dan er ſol den keyſer kroͤnen/ vnd der keyſer den
bapſt nitt.
Solt darumb der bapſt ob dẽ keyſer
ſeinn/ Da ſag ich neynn zu/ ſo wer offt einn pfarrer geweltig
vber ſein lehen herꝛen der pfarr. Dann die kron gehoͤꝛt got zu
als einn yetlich kyrchenn heyltum oder kleynat. Vnnd iſt der
bapſt gottes vnnd der kirchendiener vnnd knecht. Alſo ſeind
all pfaffen vnſer diener/ ſo wir etwas von der kirchen begern
vmb gottes oꝛdnung/ vnd notturfft willen. Vnnd ſollent yr
das vns vmb ſunſt geben/ wie yr fur gehoͤꝛt habt. Dann ſolt
ein pfarrer ob vnns im doꝛff ſein/ ſo muͤeſtenn wir ym rechen-
ſchafft vmb alle ding thuͤn/ Vnnd nichts on yn handlen da
wirt noch lang nichts auß. Jch wird auch bericht võ meim
ſchuͤler das da geſchꝛiben ſtand/ Petri die erſt Epiſtel das an-
der Capittel/ yr ſeind alle einn kunigliche pꝛieſterſchafft/ ſeind
vnderthenig aller menſchlichen geſchefnũg/ vmb gots willẽ/
Es ſey dem kuͤnig/ als dem voꝛgeer/ es ſey den hertzogen als
denn geſanndten von ym/ Dann es iſt der will gottes/ war-
umb hat er nit nach ewer meynung geſpꝛochenn/ dem bapſt
als dem viꝛgeer. Vnnd den Legatten/ vnnd Biſchoffen/ als
den geſandten/ er hatt euwer nye gedacht. Jr komment offt/
ſo nyemanndt nach euch ſchickt/ da hoͤꝛt mann woll das der
keyſer meer iſt/ dan der bapſt. Meinn ſchuͤler ſagt es ſtanndt
Pauls tzu denn Roͤmer die erſt Epiſtel. das xij. Capittell. Jr
ſolt gut wandel fuͤeren/ vnnd voꝛbildt/ nitt alleynn voꝛ gott
beſonder auch voꝛ den menſchen/ Euch nitt gleichenn dyſer
welt. ꝛc. Wo wirdt ſollichs gehalten/ yr vermeyndt des key-
ſers vnnd aller w
ſich nicht anderſt dann das ir ſchonn darnach greifft/ vnnd
woll halbs bey euch habt/ yr richtennt all krieg/ vnd bluͤt ver-
gieſſen/ vnd all hader auff/ bey keyſer/ kunig/ furſten vñ herrn/
yr muͤeſt in allem ſpill ſein/ was meynnt ir das ewer gewaltt/
dinel/ Biſchoff/ Pꝛelaten/ vnd Pfarrer/ vnd alle geiſtlich vmb
ewere pfruendenn zu verdienen/ Das euch als einn almuͤſenn
geſtifft vnnd veroꝛdnet iſt. Nichts annders dann ernnſtlich
vnnd andechtigklich betten/ vnnd pꝛedigen/ vnnd euch allein
mit gott vnnd der geſchꝛifft gots nach arbeitten. Meinnt yr
man geb euchs von euwers huͤbſchen hars willenn.
Nunn was geht euch dan in der kirchen ab. Wir haben teg-
lich meß/ ſo helt man in allen ſtyfften die ſiben tagzeit oꝛden-
lich/ ſo werdt yr alle tzeit verſehenn mitt den Sacꝛamentenn/
mit pꝛedigen/ mitt tauff/ Vnnd was yr vonn geſancknuß be-
dorfft.
Wie werden wir verſehen. Jr habennt
voͤꝛ gehoͤꝛt das yrs vmb ſunnſt thun ſolt. So habt ir vberall
groß zynnß/ vnnd guͤldt darauff geſetzt. Vnnd kan euch nye-
mandt erfullenn. Dann ſo yemandt etwann einnes ſeiner ver-
wandten/ oder ſunnſt zu beſingen laſſenn will/ es ſey mitt vi-
gilg/ beſinncknuß/ ſiebennt/ dꝛeyßgoſt/ oder iartag/ was des
iſt. ſo habt yr eynn ſollich wochenmarckt darauß gemacht
mit dem auffſchlag/ es ſey auff diſe voꝛgemelten ſtuͤck/ oderꝛ
auff wachß. glocken gelt. Vnnd was des iſt mit ſampt dem
opffer das mancher armer kaum zubezalenn ſouil hat/ vnnd
ſein haußradt oder kuͤ im ſtall darumb verkauffen/ vnd ver-
ſetzen muͤß. ꝛc. Solt yr dan eym kranckenn das heylig Sacra-
ment oder die heiligenn oͤlung zu hauß tragenn/ ſo habtt yrꝛ
ſo vil auff ſchleg darauff gemacht/ eer dann yr eynn pfenn-
ning eym armenn nach lyeſt/ yr truͤgt ym ee eyn pfanndt auß
dem hauß. Das heyſt dan die ſcheflin treuͤlich verſehen. Wie
bhalt yr ſo ſchoͤn des beuelch Chꝛiſti. Petri. die erſt Epiſtel.
das letſt Capittel. Fuͤerenndt die herdt gottes/ die da iſt vn-
der euch/ fuͤr ſehenndt ſye/ nitt bezwungelich/ aber willgklich
noch gott. Nit vmb willen eyns ſchnoͤden gewyns. ꝛc. Auch
ſo metckt yr dar bey das yꝛ vnns inn der beycht nitt beſchwe-
ret/ vnnd vber vnſer gewiſſen nit ergrabenn ſolt/ vonn euch
ſelber/ dann das vaſt euwer bꝛauch iſt.
Lieber
ſolt keyner vmb ſein arbeyt nichts habenn. Wo woltenn wir
vonn lebenn.
Vom Coꝛpus der pfruͤenndenn.
Wie kann yeglicher vom Coꝛpus gnung habenn.
Man findt der meerteyl pfruͤend die groſſen abtzynß muͤſſen
gebenn dem rechtenn Pfarrer zu Rom/ Straßburg/ oder an-
ders wo. Wo ſie dan yr wonunng habenn/ wan die rechtenn
pfarrer ſein nitt all tzu pꝛieſter geweycht/ ſie habennt nur einn
ſcheynn. Paulus zu Thimotheo. ij/ Epiſtel. iij. Capittel. ꝛc.
Auch ſo habenn ein teyll weyb vnnd kynnd/ ſo ſeynd ein teyll
ſo ungelert das ſie nitt ein Dominus vobiſcum kunden ver-
ſtan. So ſeynd ein teyl der Cardinell vnd biſchoff kamer die-
ner.
Wer leicht dan ſollichen goͤtzen die pfruen-
denn.
Der Bapſt vnnd die Cardinell/ vnnd annder
Biſchoff vnnd pꝛelaten/ vnd warumb nit.
Ja
nun merck ich erſt wannen her die oͤberig ſchatzunng hie vor
gemelt enntſpꝛinngt. Dann wie ym ſey das es nurꝛ vber dye
armen tzu ſchynden/ erdacht ſey. Jſt das war das mann die
pfruenden ſollichen ſtocknarrenn leicht die ſie nit verdienent
oder verdienen kundenn. Vil beſſer werß es wuͤrd einner eynn
ſchafhyrt/ dan ein ſeel verſorger. Dann Chꝛiſtus hat nit vmb
ſunſt tzu Petro geſpꝛochen dꝛeymal/ Petre haſt du mich lyeb/
ſo waydne meinne ſchefleinn/ wan er die lieb nit hat/ Die Pe-
trus hat gehabt zu dem herren/ vnd nit gelert iſt/ ſo iſt es ver
loꝛnn/ ſo weyß ich eynn gutte ertzney dartzu. Welcher nichts
kan/ vnd nit geſchickt tzu pꝛieſter iſt/ den nym mã die pfruen
den/ vnnd iag yn auß dem lannd/ oder zwing yn zu arbeyten/
Vnnd ſunſt wellicher meer dan ein pfruend hat/ dem nem ſie
einn Lanndtfurſt oder herꝛ/ vnnd teyll ſye vnnder arm gelert
pfaffenn. Vnnd laß fuͤrbaß keynn auff ein pfruend tzu Rom
verharren/ vnnd verleyhents die Fuͤrſten furt meer ſelbſt hin/
ſo werdenn die armenn leutt freyer/ vnnd vnbeſchetzt. Dann
es ſtat manicher oͤlgoͤtz auff die kantzel/ vnnd wil den Luther
mit ſein
tzu fallenn/ der dem frummen Luther nit kundt ein ſchuͤchrie-
menn auffloſen/ ann ſeiner leer/ vnd wollent dennoch etlich
Letzelltiat heyſſenn/ das iſt eynn bꝛott wider ſaurꝛ noch ſueß/
vmb den kindlinßtag iſt es werd. Vnnd etlich gut Magiſter
im weyn glaß/ zwar ſie gewinnendt nit vill ann ſollichem pꝛe-
digen/ dan wan man darnach auff den pletzenn/ oder in denn
badenn tzuſamen kumpt/ vnnd ſollichs vonn in tzu red wirt
So ſpricht mann / ey wie hatt ſich dyſer pfarrer/ oder yenerr
Munch ſo weydelich vmb die narrenn kappen geriſſen/ alßo
kumpt yr groſſe kunſt ann tag/ da gewyndt er dann groſſen
gunſt vnd lob/ dann er maint ſo ym nyemannt in der kirchen
wider ſpꝛicht/ ſo ſtand ſein ſach wol/ wann er aber ym weyn-
hauß auff dem ryng oder ym bad darbey werꝛ/ ſo hoꝛt er gut
ſchꝛollenn.
Ach lieber Schultheyß. Jrꝛ treybenndt
ſeltzame woꝛt/ warumb wolt mann vns vnſern lanng her ge
brachtenn bꝛauch ſchwechen/ Das woͤll gott nitt. Der ketze-
riſch Muͤnnch der Luther/ oder yemanndts ſolß dartzu nytt
bꝛ
Wie heyſſett yr ynn eynn ketzer. Da
laſt warlich vonn/ oder bey dem har in dem hoff vmbzogen
Das ſag ich euch tzu/ Er iſt frum vnnd gerecht/ thutt nichts
vmb gelt. Hatt ym doch der Bapſt eynn biſtum wollen ge-
ben/ das er nit mer woder in ſchꝛeib/ das hat er nit wollen thuͤn
Will eer arm ſeinn/ ee das er die warheit gots woll verlaſſen
Jch bin ein geweicht mann/ vergecht euch nit.
Was gat mich euwer weyhũg an/ yr pfaffen bochend
alweg auff euwer weyhe/ vnd haben vns bißger offt groß ge
plagt/ ſo einer eyn pfaffenn eyn wenig geſchlagen hat/ ſo hat
er mit groſſer muͤe/ vnnd ſchwerem koſtung/ kaum muͤegenn
von euch kommen/ yr habt vns geplagt/ vnd genoͤt/ mit dem
bann/ ſchawt aber gebt vnns uꝛſach mit mutwillen/ als voꝛr
offt geſchehen iſt/ ob yr vnns meer muͤegt mit dem bann er-
ſchꝛecken/ wir wiſſent yetz auch was der bann iſt. Dan wann
etwan ein boͤſer pfaff eynem ſo groß uꝛſach gebenn hat/ dar-
ten/ vnnd vonn eins todten boͤſen pfaffen wegen vill gutter
ſeliger meſſen vndter laſſen gehn/ vnnd habt vns bißher mit
euwern karacktoꝛes/ alſo erſchꝛeckt/ als ob yrr beſer Chꝛiſtenn
ſollend ſeinn als wir/ vnnd die heiligkeyt der Chꝛiſtenlichenn
kirchenn alleynn an euch legt/ un warumb achtet yr nitt auch
hoch/ wann ſunſt eynn Ch
woꝛden iſt/ dartzu werꝛ hellt vber die pfaffen Jntterdickt/ die
im krieg erſchlagen vnnd erſchoſſen werdent/ yr gebt offtt ſo
groſſe vꝛſach darzu/ mt boͤſen woꝛtten vnnd wercken/ auch
mitt muͤtwill tzu nacht auff der ſtraſſen oder gaſſen/ mit vn-
tzucht mit geplerꝛ/ mit verkertenn kleydunng/ oder wehr/ das
es offt billich geſcheen ſollt/ vnnd ſo ir dan auff euwer heilig
keyt ſo vill ſchetzt/ ſo ſolt yr nit ſouil muͤtwil/ mit boͤſen woꝛt
ten vnd wercken treyben/ vnd vns nit vꝛſach zu freuntſchaft
an euch geben/ meynt yr nitt ob wir auch als gutt Chꝛiſtenn
ſeyendt als yr/ habt yr voꝛ gehoͤꝛt/ das got ſpircht das ander
Capittel. Petre/ yr ſeinnd all eynn kuͤnigklichen pꝛieſterſchafft
er ſuͤndert keyn Chꝛiſten menſchen auß. Auch ſagt mir meynn
ſchuler das da ſtannd. Paulus tzu den Epheſiern am vierdẽ.
Capittel. Seind ſoꝛgſam zubehuͤeten die eynigkeit des geyſts
in dẽ band des frids/ eyn leib/ einn geyſt/ ein herꝛ/ einn glaub
ein tauff/ eyn gott/ wann vnſer yetlichem iſt die genad nach
der maß vnnd gab Chꝛiſti gebenn ꝛc. Da merckt auff Pfarrer
er ſuͤndert keyn von dem andern. Vnnd machtt auch keynenn
heyliger dan den andern/ er vbe es dann mitt dẽ rechten glau
benn/ vnnd guttenn werckenn/ auch ſagtt yr der Luther ſey
eyn ketzer. So ſag ich yr ſeinnd den mereꝛteyl ſelbſt ketzer/ das
das war ſey/ ſo pꝛedigend yr vnns nichts rechts dann mennſ-
chen tedinng. Auß Ariſtoteles/ vnnd der gleichen heydniſche
buͤecher. Wann yrꝛ ſchonn das Euangelium eynwenig vber
lauffendt/ ſo iſt die vberig pꝛeding darnach von kirchtagen
verkuͤnden/ von ban bꝛieffen/ vnnd zehenden zuſamlen/ vnnd
an die kirchen bew zugeben. die voꝛ ſo vol ſeinndt/ Vnnd wie
aber die ſelbigen gabenn/ die got meynt/ der glaub/ hoffnũg/
vnnd liebe/ darauß wolt ir gelt vnnd opffer machenn. Auch
weitter ſo kumpt dann etwan einn bettel Muͤnch/ der macht
vnns eyn plamer voꝛr vonn ſeltzam heyltum/ vnnd groſſem
applas/ Da helfft ir dann zu/ dann euch wirt euwer teyl auch
daruon/ da ſchindt man vnns vmb gelt/ keß/ vnnd flachs/
alſo mueſſen wir arm ſeinn. Volgent aber mir die pauren eyn
mal/ ſo wollen wir ſie zum doꝛff auß iagen/ das in die ſeck em
pfalhenn/ das vnns keinner meer dareinn komptt. Dann ſie
liegendt was ſie vns voꝛ ſagendt/ ſie ſagendt offt/ wan es im
Zenntono felld ſtuend/ ſo wer es ſpoͤtlich gnung Dar tzu wer
weyß was ſie in vnſern heuſern ſuchent wen wir baurẽ nit da
heym ſeind. Darumb ich aber ſpꝛich/ das meer ketzeriſch ſeind/
dann Chriſtenlicher werck voll. ſo ſag ich auch/ das yr vnns
offtt vnnd der meerteyll vonn dingenn her ſagtt/ vnnd das
ſelb an das Euangelium vnnd gots wort anhenckt/ das gar
nit darzu gehoͤꝛt/ vnnd widerwertig iſt. Vnnd hoͤꝛ auch von
meim ſchuler ſagenn/ das da ſtannd Mathei. am funfftenn
Capittell. wie voꝛ gemelt iſt/ nitt eynn ſpitzlin von eim buͤch-
ſtaben ſol von dem geſetz gots nit ab oder zu gehn Des glei
chenn ſagt er das in Detronomi. am xxviij. Capittel. ſtanndt
Jt ſolt euch nit von dem geſetz gottes wenden/ weder zu der
gerechtenn oder zu der linckenn/ meer das auch ſtanndt Pau-
lus ad gallatas im erſtenn Capittell/ ob ein eingel von hymell
kem der annders leret dann die leer Chꝛiſti/ das ſoll verflucht
ſein/ meer weytter. Ezechielis am. xviij. Capittel. welcher be-
huet mein gebot/ vnd bereuͤwet ſein ſund/ vnd helt dy werck
der barmhertzigkeyt/ der wird nit ſterben des ewigen todts ꝛc.
Des dings iſt vill/ das ſollichs als vonn meym ſchuler hoͤꝛre
angezeygt wirdt/ vnnd auch ſo hoͤꝛ ich ſagenn/ das da ſtand
Eſaie. am xxjx. Capittel. Das gott der herꝛ des menſchen ge-
ſetz neben ſeinem geſetz nitt haben wil/ des geleichen auch Je-
remie. am. xviij. Da vermaledeyt gott alle die vonn ſeiner leerr
hertzen/ lieber Pfarrer/ vnnd bꝛauchen nur das Euangelium
vnnd die gutten leer/ dye daran hangent/ vnnd nitt weytter/
vnnd laſt den frũmen Doctoꝛ Martinus Luther der dan ſoͤl
lich mißbꝛauch/ ſchinderey/ vnnd menſchenn geſetz/ das yr all
pꝛedigent/ furt hin vngeſcholten/ wolt yr anderſt gut pauren
habenn.
lieber Schultheyß. So der Luther alleynn
den Bapſt mit den geiſtlichen fur ſich genommen hat. War
umb nympt er auch nitt fur ſich Euch weltlichenn/ yr ſechtt
das alle boßheyt vnder euch auff geſtanden iſt. Von erſt võ
der rauberey auff der ſtraß/ da iſt nyemannts ſicher/ fur das
ander/ ſo iſt alle vnoꝛnung in allen empter der herſchafftenn
vnd alle hertigkeyt vber arm leutt vonn euch allenn/ Pflegerꝛ
Voͤgtenn/ Amptleuttenn/ Schultheyß/ oder weyblenn/ winn
eynn paur ein freuell verfelt
auff yede ſtunnd reycht/ ſo ſchindenn yr in mitt dem rechtenn/
oder ploͤchten vnnd ſetzt in ein/ ſo dann einn paur abſtirbt/ er
ſey wie arm er woll/ er hab verlaſſenn vill ider wennig kynn-
der. So ſeind yr oder alle geweltig Amptleut hie/ vnd nemẽt
denn fal mit gewalt. Vnnd beſonder der herſchafft das beſt
roß/ vnnd euch Amptleutten den beſten rock/ vnnd wan nitt
meer da wer/ ſo laſſent ir nichts dahinden/ vnnd ſolt ſchonn
weyb vñ kind zum bettell kommen. Vnd keyn acker von inen
gebauwen werden. Wo ſtett das ſelbich geſchꝛiben.
Lieber
auff der herſchafft grundt vnnd boden/ Vnnd muͤß man ſy
beſchuͤtzen vnd beſchirmen/ vnd mit tryb vnd trab/ vñ holtz
verſehen/ vnnd wann wetter oder pꝛunſt in etwan ſchadenn
thuͤt/ ſo thut ym die herſchafft eyn ablaſſung das zeinß. Das
thund yr nit/ ir lißt nit eynn heller nach keynem armenn ob er
ſchon auff der gaſſen muͤeſt ligen.
ich muͤß euch auch
meer ſagen/ deßgleichen ſecht in ſtetten was mißbꝛauch iſt yn
lein eins groſſen buchs. So vil groß falſche
der ſteygt auff geitzigkeyt/ kein treu vñ glaub iſt vnd in/ auch
iſt betruͤg mit eſſen/ trncken von den mans kauffen muß/ die
wirtt felſchendt den weyn mit allerley gemecht/ mitt waſſer/
vnd andern boͤſen ſtucken/ das bꝛot iſt kleyn/ das zermieß ver
miſt/ das gewuͤrtz oder ſpꝛzerey iſt geferbt/ vñ vermengt/ kei-
ner bleybt von dem andern vnbetrogen/ Auch meer ſo ſeinnd
die bauren follerꝛ boͤſer liſt/ mit was ſie zu marck fuerennt/ es
ſey koꝛn/ gerſten/ habern darin vil vnflat ſtaub treffts wickẽ
ratten/ faſt vnlautter/ des gleichen holtz auſſen ſchoͤn geladẽ/
innen faul krum vnd kurtz/ auch meer wie das heu vnnd ſtro
ſo ſpoͤtlich vnnd betriglich geladen iſt/ es ſchluͤff ein kuͤ hin-
durch/ auſſen hats ein ſchein/ innẽ iſt moͤſig vñ rentig/ bꝛingt
einer dan eyer/ ſo ſeinds halber faulſtinckent/ des gleichen võ
oͤbſt/ pirn/ oͤpffel/ klein ſteinig/ faul/ hagelſchlechtig. Wie ſol-
licht geſchicht von diſem allem
recht vnd gut mit der zal hln. Jſt nit auch ſund/ iſts nit auch
geytz. Spꝛicht nit Paul. zu Thymotheo am vj. Capitel. Es
ſol nyemandt neid/ kryeg gotzleſterũg in im haben. Vndd ſol
nyemant reichtumb/ geytzigkeit ſuchen/ Wer das thut felt in
den ſtrick des teuffels.
Jr habt vil gemeldt da
mit die welt beſchwert iſt. Yedoch ſo iſt die geitzickeit võ erſt
bey euch auff geſtanden/ vnd beſonder da Chꝛiſtus der herꝛ
die gelerten auß dem tempel mit der geyſel treyb/ als ſy dy tau
ben verkaufften die man in wider opffern muͤſt/ vnd wie die
wegſler gelt außleihent den armen/ damit ſie on gab nitt auß
dem temppel ſolten gehn. Da ſelbſt iſt ewer opffer vnnd ewer
geytzigkeyt her kommẽ Die yr noch in der kirchen vermeynnt
zu haben/ das als wider got iſt/ vnd wil alſo ſetzen wir ſeind
alle ein leyb geyſtlich vnd weltlich. Chꝛiſtus iſt vnſer haubt
im hymel/ ſo iſt der Bapſt vñ all ir der geyſtlicheit nach/ mit
pꝛedigen/ beten/ ſacrament reychen des haupts knecht vñ die-
ner. So dan der gantz leib kranck iſt/ vnnd des hapts dienner
erſten helffen/ vñ ſie ertzneyen/ ſo werden die glyder auch dar-
nach geſund/ darũb hat Doctoꝛ Martinus Luther ann euch
angefangen/ dan ir ſolten die lerer ſeinn/ vnnd wir die volger
als Mathei am. xxiij. Capittel. ſtat. So legt ir vnns wie da
ſelb ſtat/ die buͤrde mit hauffen auff den rucken/ vnd ruͤerennt
irs mit ewer handt nit an darzu ſo hauffet/ vnnd meret ſich
ewer geytzigkeit/ ein tag vnd alltag/ wan ſchon einn menſch
in der wochen ſtirbt/ ſo beſingt yr in nit biß an feyrtag ſo vil
leut zum opffer koͤmpt in allẽ doͤꝛffern. Auch wã zwey in eym
doꝛff mit todt ab gehn/ ſo beſinget irs nit mit einander/ ſond
nach einander als von des opffers wegenn. Auch iſt ein ſol-
licher auff ſchlag in den doͤꝛffern/ mit dẽ opffer mit mel/ wein
ayer/ ſchmaltz. Das gehoꝛt dẽ demßner/ das gehort meim herꝛ
Pfarrer/ da her kuͤmpts/ das die pfaffen nit kunnẽ erfuͤlt wer-
denn/ das macht des Pfaffers putan die muß vill meel vnnd
ſchmaltz diß iar haben Daruon der arm paurs man meynnt
es mueß alſo geopffert werden. So dann ir vnſer ſeel ſoꝛger
ſolten ſein/ vnd nit geſchicht. Als nach bericht meinns ſchul-
lers geſchꝛiebenn ſtat. Petri die ij. Epiſtel. das. ij. Capitel. Es
werden kommenn falſch pꝛophetenn/ luegenhafftig meiſter/
vnd einfueren falſcher leer der verdamnuß/ vñ habẽt geirꝛt. ꝛc.
So wollen wir glider mit fleyß dem haubt helffen von erſtẽ
vnnd ewer ſeel ſoꝛg tragen/ wo mit aber. Wir wollen dy Fur
ſten/ vnd herſchafften bitten/ vnnd in darzu treulich helffenn
das man euch die oberigen pfruenden wider nem. Jch mueß
herfur tretten vmb gottes eer/ vnnd namen willen/ auff mich
ladenn feyntſchafft aller menſchen/ wie Chꝛiſttus ſpꝛach tzu
ſeinnen iungern. Es werdẽ euch feind ſein vmb meins namẽs
willen/ alle menſchen. Hie mueſſen wir vatter vñ mutter/ vnd
beſten freund ertzoͤꝛnen, Hie mueſſen wir wie ich voꝛ auch ge-
melt hab/ einem nit mer laſſen/ oder geben dã das er ein rechte
zymliche narung hab. So doꝛfft yr keiner beſchwernuß war-
ten/ von oͤberiger boͤſer weyber die euch abziehent/ vnnd euch
ders/ ſoꝛg vnd angſt/ fur weyb vnd kind zu erneren/ auch furꝛ
vberig ſtarck ſpeyß vñ tranck. Damit yr mit keyner kranckheit/
ptogram oder anderm vberfallen werdent. So dã ſollichs
geſchech ſo moͤcht ir der kirchen ruͤwig auß warten/ mit bettẽ/
pꝛedigen/ ſtudieren/ mettin/ pꝛeym/ tertz/ ſer/ non/ veſper/ rõplet
vnd alles ruͤig volbꝛingẽ Alſo wurdt ir an leyb/ vnd ſeel ruͤig
vnd geſundt. Vnd ſo gutte ertzeney an euch frucht bꝛecht/ ſo
wuꝛd vns darnach ewer leer baß zu hertzẽ gehn/ ſo woltẽ wir
vns treulich nach euch beſſerẽ. Jn ſolichem wurd ir in alweg
enntſchuldiget. ꝛc. Wie gfil euch ſolich ſeelſoꝛg.
Jch
ſag euch alſo/ ir ſeind nit geweicht darzu/ vñ hoͤꝛt euch nitt zu
vns zuſtraffen/ der bapſt vnd die biſchoff/ vnd manicher ge-
lerter pꝛelat/ vnd Pfarrer habent ſo vil geſtudiert/ in allẽ gut-
tenbuͤchern vnd geſchꝛifften das ſie vnd wir all wol wiſſent
was wir thuͤn ſollẽ/ ſieder aber ewer neyd alſo in die geiſtlichẽ
gewachſen iſt. Vnd der ſchentlich Munch mit ſeim ketzeriſ-
chen ſchꝛeiben euch zu lieb darzu kumpt/ ſo meynt ir/ yr woltt
vns alle freſſen.
Jch ſag euch pfarrer/ hoͤꝛent auff
von diſer ketzerey zuſagẽ/ oder warlich ir werdt vbel gerauft/
ich ſag euch nit meer/ yr ſagt von groſſen ſtreichen/ vnd kuͤn-
ſten ſo der bapſt/ vñ ir all kunt vñ gelerent habt/ warũb habt
yr dan nit Doctoꝛ Martinus Luther mit diſputieren yetz tzu
Woꝛms vberwunden/ da er ſollichs voꝛ mengklichem begert
hat/ vnd ſeiner buͤcher beſtendig geweſt/ vnd wo ſollichs ge-
ſchehen wer/ Hat er ſich ſelbs wollen in die ſtraff begeben/ vñ
all ſein ding widerrueffen. Es hat aber nyemãt an in gewoͤlt
habt in alſo wider heim laſſen ziehen/ wie ſeindt ir ſo gelert/
wie ir euch beruempt/ darumb bedurfft ir nit ſagenn das wir
vergeben neyd zu euch tragent/ dan allein vmb ewer ſpoͤtlich
vnweſen/ groſſen geytz/ vns zu ſchinden. Vnd vnergrundte
leer vns voꝛzuſagen/ auch boͤß exempel So ir vns verfuerent
darũb freylich wol war iſt/ das Capiettel Paulus zu Thimo-
theo im. ij. vñ iij. Capit. Sye haben ein ſchein eins geiſtlichen
ſagt ir darzu herꝛ Pfarrer. Jch ſag nichts darzu/ wan es al-
ſo iſt/ als ir ſagt/ Das der Luther tzu Woꝛms erſchinen iſt/ Vñ
ſein ding alſo verantwoꝛt/ vnd bey ſeiner geſchꝛifft alſo bley
ben will/ vnd die alſo zu probieren ſich erbeut/ vnd im es nye-
mãt widerfechten kan/ ſo will ich auch fur nyemãt meer fech-
ten/ wie es eim andern gee/ ſo gehe es mir auch. Jch wil auch
durch ſellichs furt hin deſter meer von im haltẽ Jch wil euch
auch bitten lieber Schultheyß Vnd all ir nachpaurẽ hab ich
zu vil geredt/ vñ wider fochtẽ ir wolt mirs verzeyhẽ dan ich
kan mit diſem wol mercken das der Luther vil gelerter iſt dã
der Bapſt/ Cardinel/ Biſchoff/ Pꝛelatẽ/ Doctoꝛes/ Pfarrer/ vñ
pfaffen. So ſunſt voꝛhandẽ ſeind/ dan was ich da than hab
mitt widerpart haltenn/ darzu hat mich doctor Murnar tzu
Straßburg gebꝛacht/ der hat ſich offt vil beruempt/ vñ ge-
ſchriebenn wider den hochgelertenn Doctor M. Muther/ ſo er
aber nit gen Woꝛms iſt kõmen/ darzu auch D. Eck. von Jn-
golſtat/ der ſich auch mit ſeiner bull vil beruͤempt hat. Vñ be
ſonnder ſo hab ich auch gehoͤꝛt das diſer Eck mit D. M. L.
zu Leyptzigk gediſputiert hab/ vñ ein groſſe ſaw daruõ getꝛa
gen. Yedoch was er
Neuburg ob Jngolſtat/ mitt ſchoͤner hofzucht wider gebeſ-
ſerdt/ da er die groſſen kuͤnnſt fand/ das er die heuͤſer da ſelbſt
mit den klafftern abmeſſen wolt/ vñ vnderſtundtſich zu lernẽ
auff dem kopff zu gehn. Darzu hat der Karſtãs den Mur-
ner auch ſpaͤtlich gnung außgericht/ vnd hat im auch rechtt
gethan/ da diſer Roͤlling ſich auch vnderſtãden hat/ den Lu-
ther zuſtraffen/ on kunſt vnd vernunfft/ den ich glaub er wer
beſſer zu eim bengel pꝛediger/ dan die heilig geſchꝛifft zuwi
fechtenn/ dann er hatt es vor woll bewerd beſunder da er fur
ſich nam/ vñ auß ſeiner hohen/ ſcharpfen ſiñigẽ ſpeculatz der
welt zu ſchoͤner andacht/ vñ vnderweiſung/ her furgebꝛacht
hat/ dy hoch er grundtẽ leer/ mit namẽ die Narꝛẽ beſchweꝛũg
dy ſchelmẽ zunft/ der Gretmuͤllerin iartag/ Auch dẽ Vlenſpie-
der bibel alligert/ ſo hat er auch nit vil/ wider kriechiſch noch
kaldeyſcher ſpꝛach darzu gebꝛaucht Jch rechten wol/ er hab
ſolche hohe ſpytzige kunnſt zu Freyburg im faulenn hoͤltz er-
ſchnapt/ yedoch ſingt er nach ſeins ſchnabels at. So dann
der Bapſt ſein kirch/ vnd heiligkeit zubeſchirmẽ an die tapf-
fern leut henckt. Darumb ſo wil ich dem frũmen Luther auch
zu fallen/ vnnd will auff diſe blodier all nichts meer halten.
Wil mich auch furbaß auff ſein leer gantz legen/ vñ euch voꝛ-
gehn als ein trewer hyrt. Dan ich hoͤꝛ es ſeind ſunſt vil geler-
ter leut auff ſeiner ſeytten/ beſonder Doctoꝛ Eraſmus Roter-
dam der ſchꝛifft ein ſtarcker eckſſtein/ deßgleich Doctoꝛ Andꝛe
as Karol ſtat ein kron der heiligen geſchꝛifft/ auch Oecolam
padius/ vnd der noch vil meer. ꝛc. Dan ich vernym diſe hoche
gelerten menner habenn den rechtẽ kern der gutten buͤcher/ in
uͤbung kriechiſch/ hebꝛeiſich
auß den allenn die dann bey kurtzen iarn herfur kũmen ſeind.
Ligt als ich hoͤꝛ der recht ſchatz der heiligen geſchꝛifft ꝛc. Dar
umb laſt mich furbaß ewer Pfarrer ſein/ ſo wil ich euch thun
was euch lieb iſt. Dan ich hab mir lang gedacht als wir pfaf
fen vns haltẽ thuͤnd/ got der wurd es etwã endern/ das es an
tag kem/ vñ wir geſtrafft wurdenn.
Lieber herr
Pfarrer ir habt gleych war/ ich hab dar fur die zeit ſey ſchonn
vorhandẽ Warlich hat ſolich vbel weſen/ vñ boͤſe oꝛdnung
vñ regiment/ bey den groſſen heuptern/ die ſich geiſtlich nen-
nendt/ wol vierhundertiar gewerdt/ dar wir all vñ vnſer alt
voꝛfarẽ/ die lanz zeit her/ hinder euch allẽ/ des geyſtlichẽ hauf
fens betrieglich gefangẽ geweſen ſeind. Vnd als ich auch dã
bericht bin von meinẽ ſchuler/ das da ſtand Actiñ am vij. ca.
Spꝛicht got der herꝛ zu Abraham/ dein ſun wirt ein woner in
eim frembder land. Vñ ſie werdẽt ſie vnderwerffen dẽ dienſt/
vnd ſie vbelhalten vierhundert iar/ vñ de leuten ſie dyenent
die vꝛteylich/ ſpꝛicht der herꝛ. ꝛc. Wen meynt ir dẽ got gemeint
hab. Da merckt asff. Alſo ſein wir vnuerſtẽdigẽ/ warlich ewr
und was wir/ vnnd all vnſer voꝛfarn/ mit vnſerm bluͤtigenn
ſchweyß lang her hertigklich erkratzt gabẽd/ iſt ſchier als mit
ewern liſten von vns zu euch kũmen/ yr habt ſchon dꝛey zypf-
fei am petr. Vnd wan got der herr/ vnd der frum Luther len-
ger geſchlaffen vnd zugeſehen hetten/ ſo het ir den vierdtenn
zypffel auch gar bald vberkũmenn/ ir habt ye ſtarck darnach
gegriffen/ vñ noch reyſt yr euch. Vnd iſt vns not das wir in
feſt halten das er vns nit entwiſch. Dan ir habt den golter ſo
hart von vns vbergezogen/ Das wir ſchier erfroꝛẽ ſeind/ es iſt
tzeyt das wir auch wider erwarmen/ das vꝛteyl gots iſt euch/
vnd vns allen woll zufurchten/ darũb lieber herꝛ pfarrer. So
habt ir ſchon ein gutte Chꝛiſtenliche meynũg voꝛ euch. Wol-
lendt die andern nit/ dem rechten weg nach/ ſo ſchawẽt was
ynen darnach kumpt. ꝛc. Auff ſollichs ſo trinckent lieber herr
Pfarrer. da mit vns allen/ vnd ſey alles ab vnd verzygen. Vñ
geb vns got gluͤck. ꝛc. Vnd zu eim guten muͤt/ wollen wir am
Sontag all mit euch zu moꝛgen eſſen.
Das gelt woll
lieben nachpauren. ꝛc.