Wie nun aber nicht folget/ daß deßwegen die gottloſen nicht koͤnnen auf den liechten weg der gerechten kommen? Alſo iſts nichts frembdes/ daß der gerechte von ſeinem liechten weg/ ſich auff die finſtern und krummen wege der gottlo- ſen verfuͤhren laſſe. (3.) Beruffet er ſich/ daß die exempel in der Schrifft nicht befind- ARTIC. I. DISTINCT. I. SECT. VII. befindlich ſeyn/ von ſolchen die zum andern und dritten mahl abgefallen ſeyn; Es hat aber Herr Stenger wohl in acht zunehmen/ daß in der Schrifft der perſo- nen nicht ſo viel befindlich ſind/ deren gantzes leben darinn ſtunde; und folget al- ſo nicht: von dieſer perſon leſen wir nicht/ daß ſie jemahl/ oder von einer andern allein einmahl/ daß ſie von GOtt abgewichen ſeyn/ deßwegen iſts auch ſonſt nie geſchehen: (Weswegen es gar gefaͤhrlich iſt/ mit ihm zu ſagen von gewiſſen per- ſonen/ von denen in der Schrifft keine ſchwere ſuͤnde auffgezeichnet ſeind/ daß ſol- che niemahl keine begangen) Solche autoritas negata machet die ſache nicht aus. Und wenn denn auch keine exempel gezeiget werden moͤgten/ iſt damit zum gegentheil noch nichts gewonnen. So ſind die jenige/ deren leben außfuhrlicher in der Schrifft beſchrieben wird/ gemeiniglich exempel ſonderbahrer hocherleuch- ter leute/ da es wohl ſeyn mag/ daß ein- und andere derſelben etwa nicht mehr als einmahl von ihrem GOtt abgetreten. Aber darauß folget nicht/ daß derwegen der jenigen mehr ſeyen/ von denen ſolches auch moͤgte geſagt werden: Wo es a- ber anders geſchehe/ ſey es ein gantz auſſerodentliches. Geſetzt alſo: (weil wir in ſolcher frage/ unſer urthel vor dißmahl nicht interponiren wollen) David ſeye nicht mehr/ als in dem handel Uriæ von GOtt abgefallen/ folget noch nicht/ daß dieſes das gemeine aller kinder GOttes ſeye. Wir wollen aber Herr Stengern vor dißmahl alleine vorhalten das exempel der Galater; Die waren von Paulo durch das Evangelium aus dem Heidenthum (ſeynd einige unter denſelben auch Juͤden geweſen/ wie faſt erſcheinet/ und ſolche nachmahl ſich wiederum der in der beſchneidung beſchehenen wiedergeburt verluſtig gemacht/ wie Nicodemus Joh. 3. daß dahero die bekehrung Pauli die zweyte wiedergeburt geweſen/ ſo gehet von ſeiten derſelben das exempel/ ſo viel ſtaͤrcker gegen Herr Stengers meynung) bekehret worden/ und ſolches alſo/ daß Paulus vieles von ihnen ruͤhmet/ daß ſie den heiligen Geiſt empfangen 3/ 3. vieles ſchon deßwegen gelitten. verſ. 4. GOtt habe ihnen den Geiſt gereicht/ und unter ihnen thaten gethan/ v. 5. Sie ſeyn da- mahls ſeelig geweſen. 4. 15. Jſt alſo nicht zuzweifelen/ daß damahls die rechte erleuchtete buſſe in ihrer bekehrung geſchehen ſeye: Gleichwol war nicht nur einer oder ander von ihnen/ ſondern die meiſten wo nicht alle/ wiederum von der war- heit abgetreten/ und hatten ſich verfuͤhren laſſen: Daß Paulus ſagen darff; Sie ſeyen bezaubert (Chriſtus ſeye unter ihnen gecreutziget/ ſie haben Chriſtum ver- laſſen/ ſie ſeyen von der gnade abgefallen. Sind lauter anzeigungen/ daß nun- mehr ſie im verdamlichen ſtand geſtanden/ und alſo todtſuͤnden begangen. Gleich- wohl gebiehret ſie Paulus wiederum mit ſchmertzen. c. 4. v. 19. und glaubt/ daß Chriſtus wiederum eine geſtalt in ihnen gewinnen werde: und ſolches haͤlt er vor nichts auſſerordentliches/ weil ers an der gantzen oder vielmehr vielen gemeinen verſucht/ und darzu hoffnung hat. Aber es bedarff nicht/ daß wir in den exem- peln uns lange auffhalten. 4. Wird angezogen der ſpruch/ Hiob. 33. 29. Siehe das G 2alles Das ſechſte Capitel. alles thut GOTT/ zwey oder dreymal mit einem jeglichen. Hierbey zie- het Herr Stenger/ Dr. Dannhaueri Regulam an: Gratia revocans offertur nonnullis hominibus ſemel atque iterum, aliquando ſemel tantum. Das iſt/ die wiederruffende und von ſchweren todt-ſuͤnden auffrichtende gnade/ wie- derfaͤhret manchen menſchen zwey dreymal/ etlichen aber nur einmahl. Wir mer- cken hier 1. Daß die teutſche Dolmetſchung nicht uͤbereinkomme/ dann ſemel at- que iterum iſt zweymal/ nicht dreymal. 2. Wo er geſtehet/ daß die von ſchweren todt-ſuͤnden auffrichtende gnade GOttes manchen wiederfahre zwey drey- mal/ ſo ſtoͤſſet er hiermit ſeine Theſin ſelbſt uͤm/ nach welcher es zu der groſſen buſſe (das iſt die jenige/ dadurch der menſch von ſchweren ſuͤnden auffgerichtet wird) zum andernmahl nicht koͤmmt/ geſchweige zum dritten: Hie geſtehet er zwey/ dreymal: Und zwar kan er ſolches nicht vor ein auſſerordentliches halten/ dann es wiederfaͤhret manchem/ iſt alſo nichts ſeltſames. Vielmehr ſind in dem gegen- ſatz deren wenig/ denen es nur einmahl geſchiehet, 3. Woher Herr Stenger die regul Dannhaueri genommen/ wiſſen wir nicht. Solte es aus der Hodoſo- phia ſeyn/ da p. 640. der ſelige mann bey citirung dieſes ſpruchs ſagt: Deo lex non eſt poſita, gratiam aliquando offert bis, terve, hoc eſt, pluries, aliquando ſemel tantum. So wuͤnſchen wir/ daß die worte ungeaͤndert waͤren geſetzt worden. Wollen gleichwol ihn hieraus keines falſi allegati beſchuldigen/ weil vielleicht an andern ſtellen/ Dr. Dannhauer auch die formul, die an ſich nichts uͤbels in ſich hat/ moͤgte anders gefuͤhret haben. Weil wir ſehen/ daß er auch in ſeiner Catechiſmus Milch P. 6. p. 293. aus dieſem ſpruch Jobi alſo redet: zwey oder dreymal ſihet GOtt etwa zu/ daß er eine ſeele herum hohle aus dem verderben. 4. Was Herr Dr. Dannhauers meynung geweſen ſeye/ gibt er klar zuverſtehen/ daß er bis tervè erklaͤret/ mit pluries oͤffter. Wie auch des ſel. Lutheri Rand-Gloͤßlein lauten/ zwey oder dreymal/ das iſt offtmahls/ hat alſo Herr Dr. Dannhauer nicht ſo præciſe die zahl determiniret. Den ſpruch ſelbſt be- treffend/ iſt gleichwol nicht erwieſen/ daß Elihu meynung ſeye/ in demſelben zu zei- gen/ wie offt GOtt einem boͤſen menſchen zur buſſe kommen laſſe; Sondern wie der wohlverdiente Straßburgiſche Theologus, D. Sebaſtian Schmidt noch neu- lichſt in ſeinem Commentario gezeiget/ iſt die meynung allein/ daß ſich GOtt des creutzes/ welches auch eine art iſt/ damit GOtt zur beſſerung berufft/ offt bey einer perſon zu unterſchiedlichen mahlen gebraucht/ ſo wohl boͤſe leute zur buſſe zuziehen/ als auch gottſelige von ſuͤnden abzuhalten. Er erklaͤret aber auch das duabus vel tribus vicibus, daß es ſey numerus certus & finitus pro incerto & infinito, vor aliquoties, ſæpius. 6. Aus allen erhellet/ daß gantz nichts aus dieſem ſpruch zu behauptung der Theſeos mag gezogen werden: Ja wo er auch in Herr Stengers verſtand angenommen wuͤrde/ daß nemlich da ſte- he/ ARTIC. I. DISTINCTIO I. SECTIO VII. he/ wie offt GOtt den gefallenen ſuͤnder zur buſſe annehme/ ſtieſſe er ſie vielmehr uͤm: Denn da wuͤrde die andere und dritte groſſe buſſe bekraͤfftiget. 5. Wird angezogen aus der epiſtel Judaͤ v. 5. Zum andernmahl brachte er um/ die da nicht glaͤubten. Wie aus dieſen worten mit einigem ſchein/ eine folge koͤn- ne gezogen werden/ ſehen wir nicht. Der zweck des heiligen Apoſtels iſt/ wie D. Lubinus gar wohl bemercket: Quo quis Deum magis cognovit & majora a Deo beneficia accepit, hoc horribilius punietur, cum Deum rurſus abnegat, & DEO ejusque verbo relicto latiſſimam mundi viam cum filiis hujus ſeculi graſſatur. Neque vero ſatis eſt, quenquam ſemel veritatem Dei agnoviſſe à peccatis liberatum, & in libertatem Chriſti ad- miſſum eſſe, ſi in illa non perpetuo perſeveret, & vitam Chriſtiani verbis pariter & factis exprimat. Mehr wird ſich aus dieſem orth nicht ſchlieſſen laſſen. Es ſtehet hier nicht daß allen/ denen er einmal die ſuͤnde vergeben gehabt/ das zwey- temal keine gnade mehr erwieſen worden; weil er in den erſten worten keiner geiſt- lichen/ ſondern der leiblichen gutthat der ausfuͤhrung aus Egypten gedacht. So zeiget ja die hiſtori der Schrifft klar/ daß GOTT dem volck nicht nur einmal/ ſon- dern offt ihre grobe ſuͤnde/ ſo ſie mit murren und ungehorſam wider ihn begangen/ verziehen habe/ ehe er ſie nach einander ſterben lieſſe. Denckwuͤrdig iſt wie GOTT 4. Moſ. 14/ 22. das urtheil faͤllet: Alle maͤnner die meine herrlig- keit/ und meine zeichen geſehen haben/ die ich gethan habe in Egypten und in der Wuͤſten/ und mich zehenmal verſucht/ und meiner ſtimme nicht ge- horchet haben/ der ſoll keiner das land ſehen/ der mich verlaͤſtert hat. Hier ſinds einerley maͤnner/ welche dem HERRN ſo offt/ zehenmal/ ver- ſucht hatten: meiſtens mit gantz boßhafftigen verſuchungen/ daß ſie wider GOtt gemurret/ ſeine wunder in den wind geſchlagen/ und ſeinem befehl ungehorſam wa- ren worden/ welches auffs wenigſte bey dem groͤſten theil derſelben ſchwere todt- ſuͤnde geweſen. Nun wird hingegen auch hin und wieder meldung gethan/ wie ſich das volck bekehret/ und bußfertig mit GOTT verſoͤhnet habe/ wo wir ja nicht zweiffeln wollen/ daß auffs wenigſte jedesmahl bey einer ziemlichen anzahl derſelben ſolche buſſe werde ernſtlich geweſen ſeyn. 2. Moſis 19. v. 20. iſt ja nicht glaublich/ als GOTT durch Moſen dem volck von der promulgation des geſe- tzes anſagen/ und die vorbereitung anbefehlen ließ/ ſo denn mit ſolcher majeſtaͤt/ donner und blitzen die Gebot gab/ daß nicht ſolten viele von grund der ſeelen zur buſſe bewegt/ und denſelben die worte von hertzen gangen ſeyn: Daß ſie gerne gehorchen wolten/ wo GOTT durch Moſen ihnen wuͤrde etwas befehlen laſſen. Es waͤhrete aber nicht lange/ ſo fielen ſie durch abgoͤtterey mit dem guͤldenen kal- be von GOTT boshafftig ab/ daß GOTT das gantze volck vertilgen wolte. A- ber c. 33. 4. (conf. Pſ. 106. 23. und vorhin v. 12.) laſſen ſie ihnen ſolches leid ſeyn. Wo wir je nicht von allen vermuthen doͤrfften/ daß es eine nur euſſerliche Achabs G 3buſſe Das ſechſte Capitel. buſſe ſolte geweſen ſeyn. Nach dieſem 4. Moſ. 11. verſuͤndiget ſich das volck wie- derum etlichmahl boßhafftig/ und zog ſchwere ſtraffe auff ſich/ daß viel daruͤber umkommen ſind. Solten aber auch nicht aus anſehung der ſtraffen immer un- terſchiedliche ſich haben thaͤtlich bekehret? Aſaph ſaget Pſalm. 78/ 36. 37. Wenn er ſie erwuͤrget/ ſuchten ſie ihn/ und bekehrten ſich fruͤhe zu GOTT/ und ge- dachten/ daß GOTT ihr Hort iſt/ und GOTT der hoͤchſte ihr Erloͤſer iſt. Es folget zwar darauff: Und heuchleten ihm mit ihrem munde/ und logen ihm mit ihren zungen/ aber ihr hertz war nicht feſt an ihm/ und hielten nicht treulich an ſeinem bunde. Wir haben aber ſolche worte (wie von dem wohlver- dienten Theologo D. Hoͤpfnern mit mehreren gezeiget worden) vielmehr anzuſe- hen/ daß damit angedeutet werde/ wie ihre buſſe nicht ſey beſtaͤndig geweſen/ als daß ſie gar vor keine wahre buſſe erkant wuͤrde/ und ob waͤre es ihnen nicht ernſt ge- weſen/ da gleichwohl es eine ſolche buſſe geweſen/ darauff folgen koͤnte: Er aber war barmhertzig/ und vergab die miſſethat. Welches ja einer heuchel buſſe nicht mag zugeſchrieben werden: Jn deſſen heiſſet es doch/ daß ſie mit dem mun- de geheuchelt/ und mit der zungen gelogen haben/ alldieweil ſie ihren verſpruch/ ob wohl ſolcher erſtlich von hertzen gegangen/ nachmahl beſtaͤndig ins werck zuſe- tzen ihnen nicht haben laſſen angelegen ſeyn/ u. alſo ihr heꝛtz nicht feſt an Gott geblie- ben iſt. Daraus wir ſehen/ daß GOTT die kinder Jfrael nicht gleich das an- dere mahl/ als ſie ihn boßhafftig erzuͤrnet/ zur ſtraffe hingeriſſen/ ſondern zum oͤff- tern mahl ihnen vergebung habe wiederfahren laſſen. Ja wir moͤgen eben hierinnen wiederum exempel ſehen ſolcheꝛ leute/ die nichtnur einmahl die groſſe buſſe wiedeꝛho- let haben/ heiſt daher τὸ δέμτερον bey dem Apoſtel Juda/ nicht eigentlich zum andern- mahl/ in dem gegenſatz/ daß das erſte mahl der HERR ſeinem volck verziehen/ das anderemahl aber ſeinen zorn gehen laſſen/ ſondern wie die Phiologi bemercken/ iſt ſo viel als deinde, rurſus, wie auch die lateiniſche dolmetſchung Eraſmi, Bezæ, Ca- ſtalionis hierbey bleiben abermahl oder nach mahl. Daß alſo die meynung dieſe ſey: Der HERR habe die kinder Jſrael aus Egypten gefuͤhret/ und in ſol- chem ausgang viel ſo leiblich als geiſtliche wohlthaten ihnen erwieſen/ (unter wel- che billich zu zehlen die oͤfftere vergebung ihrer ſuͤnden) aber darnach/ wie nehmlich ſie ſo offt ſeine guͤte misbrauchet/ brachte er um die nicht glaubten. Wir gehen a- ber weiter. 6. Werden angezogen die worte Chriſti Luc. 11. Wenn der vom boͤ- ſen geiſt erloͤſete menſch denſelben wieder einlaſſe/ ſo werde es da wohl ſieben mahl aͤrger denn zuvor. Aber wir ſehen nicht/ wie nur mit einem ſchein ſich etwas ſchlieſſen laſſe/ was Herr Stenger will: Daß es immer gefaͤhrlicher mit einem men- ſchen werde/ je mehrmahl er von ſeinen Gott ab getretten/ und ſeine guͤtigkeit ver- achtet hat/ folget wohl daraus/ aber davon iſt die frage nicht: Hingegen ſehen wir hie/ daß es nicht ſo unmuͤglich ſey/ daß der teuffel/ wo er ſchon einmahl gewal- tig ausgetrieben/ wiederum einniſten koͤnne. Chriſtus ſaget nicht darbey/ daß es gar ARTIC. I. DISTINCTIO I. SECTIO VII. gar ein auſſer ordentlich und ſeltener fall ſey/ ſondern redet vielmehr davon/ als einer ſache/ die nicht ſeltſam ſey. So ſagt er auch nicht darbey/ daß ein ſolcher mit 7. aͤrgeren begleiteter teuffel nicht wiederum ausgetrieben werde/ ſondern nur allein/ daß es mit den menſchen aͤrger ſey/ als zu erſt/ welches aber den ſtatum controverſiæ nicht beruͤhret. 7. Werden auch angezogen die ſpruͤche/ darinnen die glaubigen vermahnet werden/ beſtaͤndig zubleiben/ zu wachſen/ und immer voͤl- liger zu werden/ und daß die glaubigen ſolchem befehl nachkommen. Welches wir gerne geſtehen/ was derſelben conatum und fleiß anlanget/ ſie bemuͤhen ſich beſtaͤndig zu bleiben und zuwachſen. Wie ſie aber noch das fleiſch an ſich haben/ das ſtets allerhand menſchliche fehler verurſachet/ alſo iſt auch muͤglich/ daß aus menſchlichen fehlern endlich boßhaffte ſuͤnden werden/ wie droben gezeiget. Wann dann ſolches geſchiehet/ ſo hoͤren ſie auff um ſolche zeit glaubig zu ſeyn/ und haben die wieder geburt verlohren. Wie Herr Stenger ſelbſten geſtehet/ ob er ſchon meint daß ſolches gar ſelten und außerordentlich geſchehe. Welches aber die krafft der ſpruͤche/ ſo allein die ſchuldigkeit und fleiß der glaͤubigen/ ſo lange ſie ſolche ſind vor- ſtellen/ nicht mit ſich bringet. Die vergleichung zwiſchen Chriſto und den glau- bigen Rom. 6. geben wir gerne zu/ daß wir ſollen in einem neuen leben wandeln/ wie CHRJSTUS auch nach ſeiner aufferſtehung ein neues und ewiges leben angetreten: Alſo wie CHRJSTUS nicht wiederum geſtorben/ erfordert/ daß auch wir nichtwiederum in ſuͤnden ſterben ſollen: Alſo welche wiederum in ſuͤnden geſtorben/ haben darwider gethan/ worzu ſie verbun- den geweſen/ das iſt unlaugbar. Unterdeſſen kans doch geſchehen/ wel- ches auch Herr Stenger nicht leugnen darff: und wie es geſchehen kan/ ſo geſchie- het es leider nur gar zu offt: deſſen gegentheil aus Paulo hie nicht erweißlich. Daß Luc. 15. der verlohrne ſohn nicht wiederum von dem vater gelauffen/ erwei- ſet nichts/ in dem der zweck der parabel allein iſt zu zeigen/ daß doch GOTT die buſſe annehme/ wie ſchwer das verbrechen ſey: auſſer dieſem und was dahin ab- zwecket/ laͤſt ſich nichts erweiſen. Daß der HERR zu dem geſund gewordenen Joh. 5. ſaget: Siehe zu/ ſuͤndige fort nicht mehr/ auff daß dir nicht et- was aͤrgers widerfahre. Zeiget abermahl mehr nicht/ als daß freylich der Re- cidivat allezeit ſchwehrer ſey/ in dem er den menſchen mit mehrern ſuͤnden beladet/ und die undanckbarkeit allezeit ſo viel groͤſſer/ dahero auch goͤttlicher zorn gemeh- ret worden. Damit iſt aber die ſache an ſich nicht erwieſen/ daß ſolches nicht offt geſchehe. Gleiche bewandnuͤß hat es auch mit dem ſpruch Hohenlied 5/3. und der angezogenen gleichnuͤß/ der zu der andern erbauung des tempels mehr erforderten zeit/ als zu der erſten. Wir gehen aber nicht jegliches abſonderlich durch/ wie wir auch nicht noth achten/ auff die von der oͤffentlichen kirchenbuſſe handlen- de orte der vaͤter zu antworten. Einige gruͤnde ſtehen noch folgendes pag. 40. die einen ſchein haben/ und alſo noch zu examiniren ſind. Wo wir zum foͤrderſten noch- Das ſechſte Capitel. nochmals wiederholen/ daß wir freylich dergleichen Chriſtenthum nicht vor juſt hal- ten/ wie oben bereits erinnert/ wo ſo offt nach einander wiederholende faͤlle und im- mer folgende buß alterniren. Denn da iſt unmuͤglich/ daß es dem kan ernſt mit der buſſe geweſen ſeyn/ der kaum von derſelben komt/ und alſo balden wieder muth- willig ſuͤndiget/ gleich wieder buß zu thun ſich ſtellet/ und ſolches immerfort conti- nuiret: Die betrachtung der hertzlichen reu und deß inbruͤnſtigen vorſatzes/ ſo bey wahren buͤſſenden ſich findet/ laͤſſet nicht zu dergleichen zugedencken: Aber da- mit iſt Herr Stengers meinung noch nicht gebilliget: Es wiederholet ſich die groſ- ſe buſſe nicht ſo offt und gleichſam woͤchentlich. E. nur einmahl. Dahero was itzo die Argumenta ſelbſt anlanget/ ſo folget es nicht: Die Chriſten koͤnten ſonſt nicht ſagen mit David: Jch wehre meinem fuſſe alle boͤſe wege/ daß ich dein wort halte. Jch will dein geſetz halten alle wege/ immer und ewiglich Pſalm. 119. Dann wir fragen: Ob David ſolches habe ſagen koͤnnen/ oder nicht? Dieſes letztere wird Herr Stenger nicht erwehlen; Weil ja ſolches die ge- meine arth aller wahren kinder GOttes iſt und ſeyn muß/ daß ſie ſolchen eyfrigen vorſatz haben/ und demſelben nachſetzen. Hat ers aber ſagen koͤnnen/ ſo ſiehet man ja/ daß dann die jenige auch nachſprechen moͤgen/ welche ſich vor allem muth- willigen fall zuhuͤten eyfrig entſchloſſen/ ob es ſchon geſchehen mag/ daß ſie wiederum von dem teuffel verfuͤhret werden/ wie es David ergangen. Da aber der ſchluß gemacht wird (So doͤrfften auch die bußfertigen bey ihrer buſſe nicht angelo- ben/ daß ſie wolten CHRJSTJ gebot hinfuͤro beſtaͤndig halten/ und nie- mals muthwillig ſuͤndigen. Dann ſo doch die Chriſten hernach ſolch ihr geluͤbde niemals redlich bezahlen/ ſo moͤgten ſie lieber des angelobens ſich gar enthalten.) Jſt wiederum keine guͤltige folge. Herr Stenger geſtehet/ daß eben ſolches geluͤbde in der tauffe auch geſchiehet/ ob ſchon durch den mund der tauff- pathen/ aber gleichwohl von dem kinde/ und der heilige Geiſt/ der den wahren glau- ben bey ſolchem kinde in der tauffe wuͤrcket/ wuͤrcket auch ſolchen vorſatz/ und alſo geluͤbde bey derſelben. Er geſtehet weiter/ daß ſolcher getaufften ſehr viele wieder abtreten/ und auffs neue muͤſſen bekehret werden: So ſiehet er ja ſelbſten/ daß aus dem geluͤbde bey der buſſe ſich das jenige eben ſo wohl nicht ſchließen laſſe. 3. Nicht beſſer ſchlieſſet das jenige argument/ daß er haben will: daß mit der gegenlehr auffgehaben werde die gewißheit eines wiedergebohrnen/ und die gewiſſe hoffnung der beſtaͤndigkeit/ ja die hoffnung des ewigen lebens. Jſt das argument/ deſſen ſich auch die Reformirte gegen uns bedienen/ um die bloſſe unmuͤgligkeit des abfalls der rechtglaͤubigen zu erweiſen/ darinnen Herr Stenger ihme ſelbſt widerſpricht. Auch wuͤrde es der Reformirten als Herrn Stengers meinung mehr bekraͤfftigen/ wo es buͤndig waͤre. Dann macht die muͤglichkeit des wiederabfalls die gewißheit der ſeligkeit zu nicht/ wie dieſes argument wil/ ſo muß eins unter beyden ſeyn: Entweder wir muͤſſen der gewißheit unſerer ſeligkeit uns gar nicht ruͤhmen koͤnnen/ und ARTIC. I. DISTINCTIO I. SECTIO VII. und darinnen den Papiſten gewonnen geben/ oder es muß blos unmuͤglich ſeyn/ daß warhafftig glaubige abfallen/ damit die Reformirte gewonnen haben. Da wird Herr Stenger mit ſeinem tertio nichts ausrichten/ daß es zwar nicht gantz unmuͤg- lich ſey/ aber doch gewoͤhnlich nicht geſchehe: dann damit faͤllt doch die gewißheit hin/ welche ſein ſchluß urgiret. Wir aber koͤnnen den Reformirten gruͤndlich ant- worten/ daß wir unſerer ſeligkeit gewiß ſeyn/ nicht certitudine abſoluta, mit ei- ner unbedingten gewißheit/ wie der Reformirten irrthum iſt/ ſondern condi- tionata mit einer bedingten/ und in eine gewiſſe ordnung eingeſchloſſenen gewiß- heit/ nach der recht glaͤubigen lehrer einmuͤthigen ſatz. Wir muͤſſen freylich un- ſerer ends beharrligkeit gewiß ſeyn/ aber doch darbey mit furcht und zittern ſchaf- fen/ daß wir ſelig werden. Phil. 2. Ja daß kein andere/ als ſolche conditionata certitudo ſey/ gibt uns Herr Stenger ſelbſt zu/ pag. 306. GOtt wende ſeine gnade nicht ehe von einem wiedergebohrnen/ er laſſe dann fahren ſeinen gu- ten vorſatz/ und faſſe einen boͤſen vorſatz. Wie nun dieſer dritte ſchluß itzt be- ſchehener maſſen/ unbuͤndig: alſo 4. iſts eben ſo uͤbel gefolgert/ daß ſo fern boͤſe und fromme Chriſten ſo gut waͤren/ einer als der andere. Es bleibet noch groſſer unterſcheid. Was boͤſe Chriſten thun/ die nicht in GOttes gnade ſtehen/ ſind lauter tod-ſuͤnden/ wie Herr Stenger ſelbſt geſtehet. Jſt dann nicht groſſer un- terſcheid zwiſchen dem/ der augenblicklich nichts anders als lauter tod-ſuͤnden thut/ und dem jenigen/ der etwa noch einige mahl von dem teuffel verleitet wird? Ob ſchon er eben damit auch ſeinen gnadenſtand verleuret/ und in ſolchem ſtand/ ehe er zur buſſe komt/ kein frommer Chriſt mehr iſt. Alles bisher angefuͤhrte zeiget/ daß demnach die vollkommenheit/ welche Herr Stenger den wahren Chriſten zuſchrei- bet/ daß nicht leicht einer von GOTT abweichen koͤnne/ aus der Schrifft nicht er- weißlich ſeye; vielmehr aber ſtreite mit der in der Schrifft nachdruͤcklich beſchriebe- nen unvollkommenheit und verderbnuͤß der menſchlichen natur/ auch noch bey wie- dergebohrnen Chriſten uͤbrigen fleiſches. 2. Streitet auch ſolche meynung wider die in der Schrifft billich aller orten hochgeprieſene unendliche barmhertzigkeit Got- tes. Wo es heiſſet/ der zum drittenmahl in muthwillige ſuͤnden ruͤckfaͤllige menſch wird wohl zur rechten buſſe nicht erneuert werden/ geſchehe es ja/ ſo muͤſte es was auſſer ordentliches heiſſen. Und/ der zum drittemnahl ruͤck- faͤllige menſch wird gewoͤhnlich nicht wieder zur buſſe erneuret und auffge- richtet. Wir ſagen hier nicht/ daß man einen ſo vielmahl ruͤckfaͤlligen menſchen/ da er in ſolcher ſeiner boßheit ſtehet/ verſichern koͤnne/ daß er auch wieder werde zur buſſe bekehret werden. Dann vielleicht kan ihn in ſolchem augenblick GOtt weg- reiſſen/ und alſo in ſeinen ſuͤnden ſterben laſſen/ oder aber das gericht der verſto- ckung uͤber ihn verhaͤngen. Vielweniger moͤgen wir einen darauff weiſen/ er ſolte nur immerhin frevel ſuͤndigen/ GOTT muͤſte ihn doch wohl wiederum bekehren. ſolcher troſt wuͤrde allzu vermeſſen ſeyn; Aber hingegen iſt eben ſo vermeſſen/ goͤtt- Hlicher Das ſechſte Capitel. licher barmhertzigkeit ziel und maß zu ſetzen/ wie offt ſie ordentlicher weiſe einen muthwilligen ſuͤnder annehme/ nemlich nur einmahl/ uͤber ſolches ſeye es ein auſſer- ordentliches und alſo ſelten geſchehendes. Ja ſpricht einer/ es werde hiemit goͤtt- liche barmhertzigkeit nicht eingeſpannet/ denn mann geſtehe gerne/ daß ſo offt der ſuͤnder buſſe thue/ GOTT ſolches ſuͤnders ſich erbarme; Aber es koͤnne ein ſolcher ſuͤnder nicht buſſe thun. Antwort. Das iſts eben/ was wir ſagen/ das goͤttliche barmhertzigkeit eingeſpannet werde. Dann goͤttliche barmhertzigkeit gehoͤret zu/ nicht nur unſere buſſe anzunehmen; ſondern weil wirs nicht koͤnnen/ dieſelbe bey uns zuwuͤrcken. Daher wann ein ſolcher das drittemahl ruͤckfaͤllige menſch nicht mehr zur buſſe erfordert wird/ waͤre die urſach nicht bloß ſeine ſuͤnde ſelbs/ dann da geſtehet Herr Stenger/ daß keine ſuͤnde ſeye/ welche goͤttliche barmhertzig- keit nicht vergeben koͤnne/ und wolte/ wann ſolches auffs erſtemahl geſchie- het/ es iſt auch nicht/ weil GOTT ihn nicht wieder bekehren koͤnte/ auch nicht daß er vor ſich zur buſſe gantz untuͤchtig worden (dann daß es auſſerordentlich geſchehen koͤnte/ wird bekant) ſondern muͤſte dieſe urſach ſeyn: Daß GOTT beſchloſſen habe/ ordentlich allein einmahl ſich des ruͤckfaͤlligen zu erbarmen/ und alſo eine barmhertzigkeit auff einmahl einzuſpannen: Daher ſie einen ſolchen menſchen die mittel der buſſe nicht mehr wiederfahren laſſe/ oder doch darinnen nicht kraͤfftig zu ſeyn begehre. Nun dieſe einſpannung goͤttlicher barmhertzigkeit iſt goͤttlicher Schrifft gantz unbekant. Es heiſſet ins gemein/ daß GOtt nicht wolle den todt des ſuͤnders Ezech. 18/23. daß er wolle/ daß niemand verlohren werde; ſondern ſich jedermann zur buſſe bekehre. 2. Petr. 3. welches auch gehet/ ſo gar auff die jenige/ von welchen er cap. 2. geſagt/ daß nach dem ſie wiederum in die ſuͤnde ein- gepflochten/ das letzte mit ihnen aͤrger worden ſeye/ dann das erſte. GOtt ruffet der verſtockten Juda wieder/ ob ſie wohl mit vielen buhlern gehuret/ und ſich von ihm geſchieden hatte. Jerem. 3/ 1. ohne außnahm/ wie offt ſie es ſchon mißbraucht haben moͤgte. Und von ſolchem ſpruch geſtehet Herr Stenger pag. 164. Daß er rede von den ſuͤndern/ die ſchon einmahl wieder zu gnadeu angenommen/ a- ber es hernach wieder verderbet/ abermahls den HErrn verlaſſen/ und wi- der ihn geſuͤndiget. Wiederum: die abtruͤnnige ſeele/ die GOTT ſo viel- mahl verlaſſen/ ſoll doch wieder erlaubnuͤß haben wieder zukommen.